Wylie

e-texts based on the ACIP/ALL Input

རབ་ཀྱིས་དད་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །!། །གཤིན་རྗེ་གཤེད་ནག་པོའི་རྒྱུད་ཀྱི་བཤད་པ་མངོན་པར་མཐོང་བ་ལམ་གྱི་སྒྲོན་མ་ནག་པོ་པས་མཛད་བ་བཞུགས་སོ།། །།རྒྱ་གར་སྐད་དུ། ཀྲིཥྞ་ཡ་མཱ་རི་ཏནྟ་རཱ་ཛ་བྲ ་ཀ་ན་བྲ་རཱི་པ་ནཱ་མ་ཊཱི་ཀཱ། བོད་སྐད་དུ། གཤིན་རྗེ་གཤེད་ནག་པོའི་རྒྱུད་ཀྱི་རྒྱལ་པོ་མངོན་པར་མཐོང་བ་ལམ་གྱི་སྒྲོན་མ་ཞེས་བྱ་བའི་རྒྱ་ཆེར་བཤད་པའོ། །བཅོམ་ལྡན་འདས་སྨྲ་བའི་སྐྱེས་མཆོག་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །བདེ ་གཤེགས་ཡོན་ཏན་མཛའ་རྒྱས་སྙིང་པོའི་སྙིང་པོ་ཉིད། །དབྱིངས་དག་རྣམ་པའི་མཛའ་བྲལ་ཞི་བ་ཆོས་ཀྱི་རྗེ། །ཕྱིར་མི་ལོག་དབང་སེམས་དཔའ་རྒྱལ་བ་མཆོག་གི་སྲས། །ཀླུ་སྒྲུབ་སྙིང་པོ་ལ་སོགས་འཕགས་མཆོག་དེ་རྣམས་དང། །བདེ་བ་ཆེན་པོས་ངེས ་པར་གང་བ་ནག་པོའི་མཆོག་།མཚན་དང་དཔེ་བྱད་རབ་ཏུ་རྒྱས་བ་ལོངས་སྤྱོད་རྫོགས། །དགྲ་རྣམས་བདག་པོར་མཐར་བྱེད་དེ་སྤྲུལ་པའི་འཁོར་ལོ་དང། རྗེ་བཙུན་འཇམ་པ་འཛིན་པའི་རང་བཞིན་དེ་ལ་ཕྱག་འཚལ་ཏེ། །མཆོད་པ་ཆེན་པོ་ཞེ་སྡང་དགའ་བྱེད་དགྲ ་ཡི་རྒྱུད། །མ་ལུས་ཡིད་འདུས་ཡིད་ལ་དགའ་བར་བྱེད་པའི་གཙོ་བོ་སྟེ། ཐབས་དང་ཤེས་རབ་དབྱེར་མེད་བླ་ན་མེད་པའི་ཉག་གཅིག་པུ། །བྱང་ཆུབ་སེམས་དགའ་སྦྱིན་པ་རྣམ་དག་ཤེས་རབ་ཕ་རོལ་ཕྱིན་པ་དང། །བརྩོན་འགྲུས་བརྟུལ་ཞུགས་ལ་སོགས་གཞན ་ཡང་དེ་ཡི་ཚོགས། །རྒྱུད་རྒྱལ་གསལ་བྱེད་ལམ་དུ་གྱུར་པ་ནག་པོ་ཞབས་ཀྱིས་བཤད། །ངེས་དོན་འདི་ནི་རིག་འདོད་ན། །སྒྲ་ཡི་རྣམ་པ་མཆོག་གྱུར་ཅེས། །སངས་རྒྱས་རྣམས་དང་དེ་སྲས་ཀྱིས། །སྤྱི་ཡི་རྣམ་པ་འདིར་འདོད་ཡིན། །བདུན་པ་ཡི་ནི་དང་པོ་ལ། ། ་བདུན་པའི་དྲུག་པའི་གཉིས་པ་བྱིན། །བརྒྱད་པའི་གཉིས་པའི་དང་པོས་བརྒྱན། །བདུན་པའི་བདུན་པའི་གསུམ་པ་ལ། །བདུན་པའི་བཞི་པའི་མཐས་བརྒྱན་པ། །བདུན་པའི་དྲུག་པའི་དང་པོ་དང། །བདུན་པའི་ལྔ་པའི་ཐ་མ་དང། །བདུན་པའི་དྲུག་པའི་གཉིས་པ་ལ ་བརྒྱད་པའི་གཉིས་པའི་གཉིས་པས་བརྒྱན། །བདུན་པའི་གསུམ་པའི་དང་པོ་ལ། །བདུན་པའི་གསུམ་པའི་ཐ་མ་བྱིན། །བདུན་པའི་བཞི་པའི་དང་པོ་ལ། །བདུན་པའི་དྲུག་པའི་གཉིས་པས་བརྒྱན། །བདུན་པའི་དྲུག་པའི་གཉིས་པ་དང། །བདུན་པའི་གཉིས་པའི ་དང་པོ་ནི། །སྒྲ་བཞི་པོ་ནི་བསྡུས་པའི་དོན། །ཛི་ནི་ལ་ཡི་སྒྲ་དག་ལས། །མཚན་གྱི་མཆོག་ནི་མངོན་པར་རྙེད། །དེ་ཡང་ངེས་པར་བཞག་པ་ལས། །འདི་ཡི་དེ་ཉིད་དེ་རིག་བྱ། །ཁུངས་བཙུན་ཡིད་ཆེས་བླ་མ་དྲན། །བཀྲ་ཤིས་རང་བཟོར་མི་འཇུག་དང། །འཇུག ་དོན་རྟོག་ལས་བསྟན་པའི་འོད། །སྒྲ་ཡི་ཡན་ལག་རྣམ་པ་བརྒྱད། །བསྟན་བཅོས་དེ་ཡི་ལུས་ཤེས་པས། །མཁས་པས་བཤད་བྱ་འདིར་འོས་ཡིན། །དྲང་པོའི་དོན་དང་ངེས་པའི་དོན། །དགོངས་པས་བཤད་མ་དགོངས་མིན་དང། །ཇི་བཞིན་སྒྲར་བཤད ་སྒྲར་མིན་དོན། །ཚོགས་དང་སློབ་མའི་མཛའ་དྲུག་ནི། །བཤད་པའི་རྒྱུད་ཀྱི་རྗེས་འབྲངས་ནས། །རྒྱུད་ཀྱི་མཆོག་ལ་ངེས་སྦྱར་བྱ། །འདིར་རྒྱུད་ཀྱི་རྒྱལ་པོ་ཉིད་ཀྱིས་བརྗོད་པར་བྱ་བ་ནི་བརྗོད་པར་བྱ་བ་དང་རྗོད་པར་བྱེད་པའོ། །དེ་ཡང་བཅོམ་ལྡན་འདས་གཤིན ་རྗེ་གཤེད་ནག་པོ་དང་དེའི་ཡེ་ཤེས་ཀྱི་ཆའོ། །རྒྱུད་ཀྱི་རྒྱལ་པོ་འདི་ཉིད་དང་དགེ་པའི་བཤེས་གཉེན་གྱི་གསུང་གི་དམ་པ་སྒྲ་དོན་ལས་མཚམས་བཅད་པ་སྒྲ་རང་གི་མཚན་ཉིད་སློབ་དཔོན་གྱི་རྒྱུད་གྱིས་བསྡུས་པའམ། སྒྲ་སྤྱིའི ་རྣམ་པ་དེ་ལས་གཞན་པའི་རྒྱུད་ཀྱིས་བསྡུས་པ་དག་གོ་།དེ་ཡང་སངས་རྒྱས་རྣམས་ཀྱི་ཡེ་ཤེས་ནི། །དེ་ཁོ་ན་ཡི་རང་བཞིན་ཉིད། །ལམ་དང་གཞུང་གི་སྒྲར་བཤད་རེ། །གཉིས་སུ་མེད་པ་བརྗོད་བྱའི་དོན་ཞེས་འབྱུང་བ་དང། །སངས་རྒྱས་རྣམས་ལས་གང ་ཐོས་ཤིང། །དེ་སྟོན་པ་ནི་གང་ཡིན་དང། །བསྲེགས་བཅས་བརྡར་བའི་གསེར་བཞིན་དུ། །ཡོངས་སུ་བརྟགས་ནས་བླང་བར་བྱ་ཞེས་འབྱུང་བའི་རྒྱལ། །འདིར་དགོངས་པ་ནི་བདག་ཉིད་དུ་བྱ་བ་ཡིན་ལ་དེ་ཡང་དད་པ་དང་ཡིད་ཆས་པའོ། །ཐམས་ཅད་ཀྱང་དེའི་རང ་བཞིན་དུ་ཤེས་པ་དང། ཐམས་ཅད་ཀྱང་དེའི་ངོ་བོར་རྟོགས་པས་ནན་ཏན་དུ་བྱས་པའོ། །དེ་ཡང་སྟོན་པའི་བཀའ་ལ་ཅི་ཡོད་དང། །གང་སུས་བསྟན་པ་བཟང་པོའི་མཆོག་གཞན་བསྟན་པའི་མཐུ་ཉིད་ཀྱིས། །ཐེ་ཚོམ་དང་ནི་བྲལ་བྱས་པའོ། །འདིར་དགོས་བདག ་གདོན་ཕུན་སུམ་ཚོགས་པ་ནི་ཐ་མི་དད་པའི་ཡེ་ཤེས་ཆོས་ཐམས་ཅད་ཀྱི་རང་བཞིན་བདེ་བ་ཆེན་པོའོ། །ཡང་དགོས་པ་ནི་གཞན་གྱི་དོན་ཕུན་སུམ་ཚོགས་པའི་འབྲས་བུ་སྟེ་མཚན་དང་དཔེ་བྱད་ཀྱི་ངོ་བོ་དང། གཞན་སྣ་ཚོགས་པའི་གདུལ་བྱ་དང། མངོན ་པར་སྣང་བ་སྤྲུལ་པ་ཉིད་དོ། །དེ་ཡང་གཞན་དོན་ཕུན་ཚོགས་སངས་རྒྱས་ཀྱི། །འབྲས་བུ་གཙོ་བོར་བཤད་པ་སྟེ། །སེམས་ཅན་རྣམས་ཀྱི་དོན་སྤངས་ནས། །ཆེན་པོའི་འབྲས་བུ་གཞན་མ་ཡིན་ཞེས་འབྱུང་བའི་ཕྱིར་རོ། །འདིར་འབྲེལ་པ་ནི་མེད་ན་མི་འབྱུང་བའི ་དོན་དོ?། དངོས་ཀྱི་འབྲེལ་པ་ལས་ཕྱོགས་གཞན་པའི་བློའི་འབྲེལ་པ་དེ་ལས་བྱུང་བ་ནི་དོན་དང་ཚིག་གི་རང་བཞིན་དེ་དང་དེས་གཞན་དང་གཞན་ལ་གོམས་པར་བྱེད་ཉིད་དོ། །དེ་ཡང་གཞུང་གི་གཞི་དག་ལས། །དམ་པའི་ངག་ནི་སྣང་པོ་ཆེ། །རྒྱུད་ཀུན་གྱི་ནི ་གསང་བའི་དོན། །གང་དང་གང་ལ་དེར་བརྗོད་ཡོད། །ཅེས་འབྱུང་བའི་ཕྱིར་རོ། །དེ་ཡང་རྒྱུད་ནི་ཤིན་ཏུ་གསང་བའི་དོན་ཏེ་བླ་ན་མེད་པ་ཉིད་དུ་འོང་བ་ཡིན་ནོ། །གསང་སྔགས་ཀྱི་མངོན་པར་རྟོག་པ་ཉིད་ནི་ཤིན་ཏུ་དགོས་པའི་དོན་དམ་པ་ལ་རག་ལས་བ་སྟེ་བླ་ན་མེད ་པའི་སྙིང་པོ་བསྡུས་པའི་དོན་ཏོ། །དེ་ནོ་མངོན་སུམ་དང་རྗེས་སུ་དཔག་པའི་ཡུལ་མ་ཡིན་ཏེ། འདི་དག་ནི་རང་གི་ལྷ་ལས་འོངས་པ་དང་མཆོག་ཏུ་གྱུར་པའི་རྒྱུད་པའི་རིམ་པ་ལས་མངོན་པར་རྟོགས་པའོ། །དེ་ཡང་ཕྱི་རོལ་སྒྲ་དང་ཚད་མ་དང། །མངོན་སུམ་རྗེས་སུ ་དཔག་རིགས་པའི་མདུང། །བློ་རབ་མངོན་ཤེས་ཕྲ་མོས་ཀྱང། །རྟོགས་པར་མི་ནུས་མན་ངག་ཡིན་ཞེས་འབྱུང་བའི་ཕྱིར་རོ། །རྒྱུད་འདི་རྒྱུན་ཏེ་བཅོམ་ལྡན་འདས་རྡོ་རྗེ་འཆང་ཆེན་པོ་ཉིད་དོ། །དེ་ཡང་སངས་རྒྱས་པའི་ཡེ་ཤེས་ཏེ་སེམས་ཅན་ཐམས་ཅད་དང་རྒྱུད་གཅིག ་པའི་བློ་གྲོས་ཆེན་པོ་འདི་ནི་བསམ་གྱིས་མི་ཁྱབ་པའི་ངོ་བོའོ། །དེ་དག་ཉིད་ནི་རྒྱུའི་རྒྱུད་དང། ཐབས་ཀྱི་རྒྱུད་དང། འབྲས་བུའི་རྒྱུད་བསྡུས་པའི་ངོ་བོ་སྟེ། དེ་ཡང་ཙན་དན་ལྟ་བུ་དང། ཨུཏཔལ་ལྟ་བུ་དང། པདྨ་དཀར་པོ་ལྟ་བུ་དང། པདྨ་ལྟ་བུ་དང། རིན་པོ་ཆེ་ལྟ ་བུའི་གང་ཟག་སྟེ། ཞེ་སྡང་གི་རིགས་ནི་མཆོག་ཏུ་གྱུར་པ་སྟེ་དེ་ཡང་གཞི་དང། རང་བཞིན་དང། དབྲོག་ཏུ་མེད་པ་ཉིད་དོ། །དེ་ཉིད་རིང་བ་དང་ཉེ་བའི་ཆ་ཤས་ཀྱིས་རྒྱུའི་རྒྱུད་མངོན་པར་རྟོགས་པར་བྱ་བ་ཉིད་དོ། །སྒྲུབ་པར་བྱེད་པའི་ཐབས་ན་བྱ་བའི་རྒྱུད་དང། སྦྱོར ་བའི་རྒྱུད་དང། རྣལ་འབྱོར་གྱི་རྒྱུད་དང་རྣལ་འབྱོར་བླ་ན་མེད་པའི་རྒྱུད་དང། དེ་ཡང་ཐབས་ཀྱི་རྒྱུད་དང་ཤེས་རབ་ཀྱི་རྒྱུད་ནི་ཡོངས་སུ་རྫོགས་པ་དང་ངོ་བོ་ཉིད་ཀྱིས་ཡོངས་སུ་རྫོགས་པར་བྱེད་པའོ། །འབྲས་བུའི་རྒྱུད་ན་གཤིན་རྗེ་གཤེད་ནག་པོ་ཐོབ་པ་སྟེ། དེའི་གཟུགས ་ཅན་ནི་སྔར་བཤད་པ་ལྟ་བུའོ། །དེ་དག་ཉེ་བར་གདགས་སུ་རུང་བ་ནི་འབྲེལ་པ་དང་ཚོགས་པ་སྟེ། དེའི་ཕྱིར་རྒྱུད་ཉིད་དུ་ཤེས་པར་བྱའོ། །མཚན་ཉིད་ནི་རྒྱུ་དང་འབྲས་བུ་སྟེ། དེའི་ཕྱིར་རྒྱུད་ཉིད་དུ་ཤེས་པར་བྱའོ། །མཚན་ཉིད་ནི་རྒྱུ་དང་འབྲས་བུ་སྟེ་ཐབས་ཀྱི་བདག ་ཉིད་དུ་བྱས་པའོ། །དེ་ཕྱིར་བསྐྱེད་པ་ཡི་ནི་རིམ་པ་དང། །རྫོགས་པ་ཡི་ནི་རིམ་པ་གཉིས། །རིམ་པ་གཉིས་ལ་བརྟེན་ནས་ནི། །རྡོ་རྗེ་འཆང་གི་ཆོས་སྟོན་ཏོ། །ཞེས་འབྱུང་བའི་ཕྱིར་རོ། །དེ་དག་རབ་ཏུ་འབྱེད་པ་ནི་ཚིག་གི་རྒྱུད་དང ་རང་བཞིན་གྱི་རྒྱུད་དོ། །དེ་དག་ཡི་གེ་དང་སྒྲ་ཉིད་ཀྱིས་གཟུགས་བརྙན་ཡི་ཚོགས་དང་དོན་སྤྱིའི་རྣམ་པ་ཉིད་འཛིན་པ་ཡིན་ལ། དོན་ཅན་གྱི་དཔེ་དང་བསམ་གྱིས་མི་ཁྱབ་པའི་རྒྱུད་ཀྱིས་མྱོང་བ་དེ་ཁོ་ན་ཉིད་དུ་བྱེད་པའོ། །གཉིས་པ་གཉིས་ནི་གཞན ་སེལ་བ་སྟེ། ཐ་དད་པ་ཉིད་དུ་འབྱེད་པ་ནི་བློའོ། །གཉིས་མེད་ལ་གཉིས་མི་གནས་ཤིང་དེ་ཉིད་ཀྱི་འདུ་ཤེས་དང་བྲལ་ནི་སངས་རྒྱས་ཀྱི་སའི་དེ་ཁོ་ན་ཉིད་དོ། །ཐབས་དང་ཤེས་རབ་ཀྱི་རྒྱུད་གཤིན་རྗེ་གཤེད་ནག་པོའི་རང་བཞིན་ནི་རྣལ་འབྱོར་གཙོ་བོར ་གྱུར་བ་སྟེ། དང་པོའི་རྣལ་འབྱོར་དང། རྗེས་སུ་རྣལ་འབྱོར་དང། ཤིན་ཏུ་རྣལ་འབྱོར་དང། རྣལ་འབྱོར་ཆེན་པོའོ། །དེ་བས་ན་ཆོས་ཀྱི་སྐུ་དང། ལོངས་སྤྱོད་རྫོགས་པའི་སྐུ་དང། སྤྲུལ་པའི་སྐུ་བསྒོམ་པ་ལས་ཡོངས་སུ་གྱུར་བ་སྟེ། དེ་ཕྱིར་ཡང་དག་ཡང ་དག་མིན། །གང་གང་ཤིག་ཏུ་བསྒོམ་པ་ལས། །བསྒོམས་པའི་སྟོབས་ནི་རྫོགས་པ་ན། །བདེ་གསལ་མི་གཏོག་བློ་འབྲས་ཅན་ཞེས་འབྱུང་བའི་ཕྱིར་རོ། །གཞན་ཡང་ཤེས་རབ་ཕ་རོལ་ཕྱིན་གཉིས་མེད། །སྙིང་པོ་དོན་ཅན་བླ་ན་མེད་པ། །འདི་ནི་ཡོངས་སུ ་བསྒོམས་པ་ལས། །སངས་རྒྱས་ཀུན་གྱི་འབྲས་བུ་འབྱུང། །ཞེས་འབྱུང་བ་ཉིད་ཀྱི་ཕྱིར་རོ། །གལ་ཏེ་བསྒོམས་པས་མ་ཡིན་ཏེ། བྱས་དང་བསགས་པས་འགྲུབ་པོ་ཞེ་ན། མ་ཡིན་ཏེ་ཇི་ལྟར་ན། ཐུན་མོང་མ་ཡིན་པར་ནི་བཤད། །གཞན་རྣམས ་རྣམ་པ་ཐམས་ཅད་དུ། །བདག་ཉིད་བདེ་དོན་རབ་ཏུ་འཇུག། བླང་དོར་ཡོངས་སུ་མི་ཤེས་པས། །ཕྱི་རོལ་ལྷ་དང་མི་རྣམས་ཀྱི། །བདེ་བའི་དོན་དུ་འདི་ལྟར་སྤྱོད། །ཆུ་དང་མེ་སོགས་བདག་ཉིད་ནི། །ཞུགས་ནས་འབྲས་དང་འབྲས་འབྱུང་སོགས། །ཟླ་བ་གཅིག ་ལ་སོགས་པར་ནི། །ལུས་ཀྱི་དཀའ་ཐུབ་བྱེད་པའོ། །དེ་ལྟར་མ་ཡིན་ཏེ། འབྲས་བུ་དཀའ་ཐུབ་སྤྱད་ནས་འབྱུང་བའོ་ཞེ་ན་མ་ཡིན་ཏེ། སྡུག་བསྔལ་དང་བཅས་དཀའ་ཐུབ་ཀྱིས། །བདེ་བའི་འབྲས་བུ་མ་ཡིན་ནོ། །ཞེས་བྱ་བས་གསལ་ཏོ། །དེ་ཅིའི་ཕྱིར་ཞེ་ན། སྡུག ་བསྔལ་གྱི་ན་གཡེངས་པའི་སེམས། །རྣམ་པར་གཡེངས་པས་དངོས་གྲུབ་གཞན། །དངོས་གྲུབ་དངོས་མེད་འཁོར་བ་སྟེ། །འཁོར་བས་དམྱལ་བར་འགྲོ་བར་འགྱུར་ཞེས་གསུངས་པས་གསལ་ཏོ། །དེའི་ཕྱིར་འཇིག་རྟེན་པའི་བསམ་གཏན་དག་ལ་དོན་མེད་པར ་འགྱུར་རོ་ཞེ་ན། འཇིག་རྟེན་པ་ཡི་ཡང་དག་ལྟ། །ཆེན་པོ་གང་ལ་ཡོད་གྱུར་ན། །དེ་ནི་བསྐལ་པ་སྟོང་དུ་ཡང། །ངན་འགྲོར་འགྲོ་བར་མི་འགྱུར་རོ། །ཞེས་གསུངས་པས་འཁོར་བ་སྤངས་པ་ནི་མ་ཡིན་ཏེ། དེའི་མཐུས་དུས་རྟག་ཏུ་སྡུག་བསྔལ་བར་ནི་མ་བྱས་པའོ ་ལམ་ལ་ཞུགས་པ་ལ་ཁྱད་པར་ཇི་ལྟ་བུ་ཡོད་ཅེ་ན། དངོས་པོ་མ་ལུས་རྫས་ཤེས་ཤིང། །ཕུང་པོ་དངོས་མེད་མཆོག་མཐོང་བས། །ཉན་ཐོས་རྣམས་ཀྱི་བྱང་ཆུབ་ནི། །རང་གི་མྱ་ངན་འདས་མཆོག་འགྱུར། །ཕ་རོལ་ཏུ་ཕྱིན་པ་ཆེན་པོའི་ཐེག་པས་ཡོན་ཏན ་གྱི་ཁྱད་པར་ཅི་ཞིག་རྙེད་ཅེ་ན། ཕ་རོལ་ཕྱིན་པའི་ཐེག་པ་མཆོག། སྦྱིན་པ་ལ་སོགས་རབ་སྤྱོད་གང། །རྟག་ཏུ་སྟོང་པའི་རོར་གཅིག་ཀྱང། །ལོངས་སྤྱོད་རྫོགས་དང་སྦྲུལ་པའི་སྐུ། །སྐུ་གཉིས་དག་གིས་དངོས་པོ་མེད་ཅེས་གསུངས་པ་ནི་བསམ་གྱིས་མི་ཁྱབ ་པའི་སྙིང་རྗེ་ཆེན་པོ་དང་བྲལ་བ་སྟེ། དམན་པའི་སྙིང་རྗེ་རང་གི་མྱ་ངན་ལས་འདས་པ་གཙོ་བོར་བྱས་པ་ཉིད་དོ། །གལ་ཏེ་ཁྱོད་ས་བཅུ་ཡོངས་སུ་རྫོགས་པའི་ཕྱིར་མི་ལྡོག་པའི་རབ་ཏུ་འཕེལ་བ་ཐོབ་པ་ཡང་འགེགས་པར་བྱེད་པ་ཉིད་དམ་ཞེ་ན། ཁོ་བོ་ནི་ཕྱིར་མི་ལྡོག་པའི ་ས་བཅུ་པ་ཐོབ་པ་ལ་ཡང་སངས་རྒྱས་པ་ཉིད་དུ་མི་བྱེད་དེ། དེ་ལྟར་ཉིད་དུ་དེས་ན་ས་བཅུ་པའི་བྱང་ཆུབ་སེམས་དཔའ་ཉིད་སངས་རྒྱས་ཡིན་པར་ཐལ་བར་འགྱུར་རོ། །དེ་བས་ན་ཆོས་དང་ལོངས་སྤྱོད་རྫོགས་པ་དང་སྤྲུལ་པ་ནི་སངས་རྒྱས་ཀྱི་ས་ལ་གནས་པ་སྟེ། འདས་པའི ་ཁྱད་པར་ཅན་གྱིས་དེ་ལྟར་ཟབ་མོ་གང་མངོན་དུ་བྱེད་པ་ཡིན་ན་དེ་ལྟར་ན་ཡང་སེམས་ཅན་གྱི་དོན་གྱི་དངོས་པོ་མེད་དོ། །དེ་བས་འགྲོ་བ་མ་ལུས་པ་ཉེ་བར་འཚེ་བ་མེད་པ་དང། ཐམས་ཅད་མཁྱེན་པ་ལ་ཤུགས་ཀྱི་གནོན་པ་འཐུང ་བར་འགྱུར་རོ། །བདག་མེད་པ་རབ་ཏུ་འཕེལ་བ་ནི་རྟགས་པའི་མི་མཐུན་པའི་ཕྱོགས་སོ། །དེའི་ཕྱིར་གསུངས་པ། དངོས་མེད་གཅིག་པོ་བསྒྲུབ་པ་ཡང། །ཐབས་ནི་སྤང་བྱར་བྱ་བ་མིན། །བདག་གཞན་ནུས་པ་མེད་པ་ནི། །དངོས་མེད་རི་བོང་རྭ་བཞིན་ནོ། །གལ་ཏེ ་སྦྱིན་པ་ལ་སོགས་པའི་ཐབས་ནི་སྨོན་ལམ་གྱི་ཐབས་ཀྱིས་འགྱུར་བ་སྟེ། དེའི་ཕྱིར་སྨོན་ལམ་ནི་མཆོག་ཏུ་གྱུར་པའོ་ཞེས་ན། གང་གི་ཕྱིར་མ་བསྒོམས་པར་ལོངས་སྤྱོད་རྫོགས་པ་དང་སྤྲུལ་པའི་བདག་ཉིད་འཐོབ་ཅེས་པ་ནི་ཐེ་ཚོམ་ཟ་སྟེ། ཇི་ལྟར་ངེས་པར་འགྱུར ་བ་ནི་དེ་བཞིན་གཤེགས་པ་ཐམས་ཅད་ཀྱིས་ཡང་དག་པའི་དབུགས་ཕྱུང་བ་མེད་དོ། །དེ་ལྟར་ན་ནི་ཆོས་ཀྱི་སྐུ་ཡང་སྨོན་ལམ་གྱི་སྟོབས་ཀྱིས་ཅིའི་ཕྱིར་མི་འགྱུར་ཏེ་འགྱུར་བར་རིགས་སོ། །དེ་བས་ན་ཁྱོད་བསྒོམས་པའི་རབ་ཏུ་ཉོན་མོངས་པ་ཅི་ཞིག་བྱ་སྟེ་དོན་མེད་པ་ཉིད ་དུ་ཟད་དོ། །གལ་ཏེ་ཆོས་ཀྱི་སྐུ་ནི་བསྒོམས་པ་དང། དེ་བསྒོམས་པ་ལས་ཐོབ་པར་འགྱུར་རོ། །ཞེ་ན་མི་རིགས་ཏེ་གསུམ་པོ་ཉིད་ཀྱང་བདག་དང་གཞན་གྱི་དོན་ཕུན་སུམ་ཚོགས་པ་སྟེ། འབྲས་བུ་གཅིག་པ་ཉིད་ལ་གང་གི་ཕྱིར་ལོངས་སྤྱོད་རྫོགས་པ་དང་སྤྲུལ་པའི་སྐུ ་གཉིས་ཉེས་པ་ཅི་ཞིག་བྱས་ནས་གང་མི་བསྒོམ་པར་འགྱུར། དེ་བས་ན་ཕ་རོལ་ཏུ་ཕྱིན་པའི་ཐེག་པ་རྣམས་ཀྱིས་སྐུ་གསུམ་གྱི་བདག་ཉིད་ཅན་གྱི་སངས་རྒྱས་ཁས་བླངས་པ་ཙམ་དུ་ཟད་ཀྱི་དེ་གསལ་བར་བསྒོམས་པ་དང་བྲལ་པའི་ཕྱིར་ཐོབ་པར་མི་འགྱུར་བའི་ཕྱིར ་རོ། དེ་ཕྱིར་སངས་རྒྱས་ཉིད་དུ་བསྒྲུབ་པའི་རྒྱུ། །སངས་རྒྱས་སྦྱོར་བ་རྣམ་ཀུན་ཏུ། །རྒྱུ་དང་འདྲ་བའི་འབྲས་བུ་ནི། །རྣམ་པ་ཀུན་ཏུ་བལྟ་བར་བྱ་ཞེས་འབྱུང་བ་དང། ཐམས་ཅད་གསུང་བ་ལས་གསུངས་པ། །ཏིང་འཛིན་ཡེ་ཤེས་ལས་བྱུང་བ། །འདི་ལྟར་མདོར་བསྡུས ་སངས་རྒྱས་ཉིད། །སངས་རྒྱས་སྦྱོར་བ་མ་ཡིན་ན། །བསྒྲུབས་པས་སངས་རྒྱས་ཐོབ་མི་འགྱུར་ཞེས་འབྱུང་བའི་ཕྱིར་རོ། །དེ་ཉིད་གསལ་བར་བྱེད་པའི་གཞུང་གཞན་ཡང་བཤད་པར་བྱ་སྟེ། དེར་ནི་སངས་རྒྱས་སྦྱོར་བ་ཀུན། །སེམས་ཅན་མ་ལུས་འདུལ་བ་ལ། །ཁྲོ་བོ་ཉིད་ནི ་ཞི་བ་ཡི། །བདག་ཉིད་གཤིན་རྗེ་གཤེད་ནག་པོ། །བྱ་བ་སྤྱོད་པའི་ཐེག་པ་ཡང། །བསྒྲུབ་བྱའི་དུས་ནི་རྗེས་འཇུག་མིན། །དེ་ཡི་རྟོགས་པ་རབ་ཏུ་འགྱུར། །དེར་ནི་བྲིས་སྐུ་ལ་སོགས་པ། །སྟོབས་ཀྱི་དངོས་གྲུབ་བསྒྲུབ་ཕྱིར་རོ། །རྣལ་འབྱོར་བླ་ན་མེད་པའི་གཙོ། །འཐོབ་པའི་རྒྱུད ་ནི་བཤད་པར་བྱ། ཞེས་བྱ་བ་རབ་ཏུ་གསལ་བ་ཉིད་དུ་ཤེས་པར་བྱའོ། །འདིར་ནི་ཐབས་དང་ཤེས་རབ་གཉིས་སུ་མེད་པའི་སྦྱོར་བས་ཆོས་དང་ལོངས་སྤྱོད་རྫོགས་པ་དང། སྤྲུལ་བའི་བདག་ཉིད་འགྲོ་བ་མ་ལུས་པ་ལ་ཕན་པར་བྱེད་པ་ནི་གཙོ་བོ་སྟེ། མཆོག་ཏུ ་ཟག་པ་མེད་པ་བདེ་བའི་རང་བཞིན་བསྟན་པའི་ཕྱིར་དེས་ན་ཐུན་མོང་མ་ཡིན་པའི་འབྲས་བུ་ཐོབ་པའི་རྒྱུ་དེ་ནི་བླ་ན་མེད་པའོ། །ཚ་བ་འཇོམས་པའི་ཀླུ་ཏཀྵ་ཀའི་གཙུག་ཕུད་ཀྱི་རིན་པོ་ཆེ་བཞིན་དུ་བསྒྲུབ་པར་མི་ནུས་པ་མ་ཡིན་ནོ། །ཇི་ལྟར་བསྒྲུབ་ཅེ་ན། འདོད་པའི་ཡོན ་ཏན་གྱི་ཡུལ་ཐུན་མོང་མ་ཡིན་པའི་ཉེ་བར་བསྙེན་པས་བསྒྲུབས་པ་གསལ་བར་འགྱུར་རོ། །དེ་དག་གིས་འཁོར་བར་འགྱུར་རོ་ཞེ་ན། སྔགས་ལ་སོགས་པ་དུས་བྱས་པ་ཉེ་བར་སྤྱོད་པའི་དུག་བཞིན་དུ་ཁྱད་པར་ཅན་གྱི་འབྲས་བུ་འབྱུང་བར་འགྱུར་རོ། །དེ་ཕྱིར་ཇི་ལྟར ་དུག་གི་དེ་ཉིད་ཤེས། །དུག་གིས་དུག་ཉིད་སེལ་བར་བྱེད། །དེ་བཞིན་འདོད་པ་ཡིན་ཕྱིར་རོ། །ཀུན་ཏུ་རྟོགས་པའི་རོལ་བ་རྩེ་ཞེས་འབྱུང་བ་དང། དཔལ་གསང་བ་འདུས་པ་ལས་དཀའ་ཐུབ་བརྟུལ་ཞུགས་སྡུག་བསྔལ་གྱིས། །བསྟེན་པ་དག་ནི་མི་འགྲུབ་བོ། །འདོད ་པའི་ཡོན་ཏན་ཉེ་བར་སྤྱད། །བསྟེན་པས་མྱུར་དུ་འགྲུབ་པའོ། །དེའི་ཕྱིར་འདི་དག་ནི་ཐུན་མོང་མ་ཡིན་པར་ཤེས་པར་བྱའོ། །དེས་སྒོས་འབྲེལ་དང། མདོར་སྡུད་དང་བརྩོན་པ་ཡོངས་སུ་སྤང་བར་བྱ་བ་བཤད་ཟིན་ཏོ།། །།ད་ནི་རྒྱུད་ཀྱི་རྒྱལ ་པོ་ཉིད་མངོན་པར་དགྲོལ་བར་བྱ་སྟེ། འདི་སྐད་བདག་གིས་ཐོས་པ་དུས་གཅིག་ན་ཞེས་བྱ་བ་ནི་བསྟན་པའི་ཆོས་དང། སྡུད་པ་པོ་དང། ཕུན་སུམ་ཚོགས་པ་ལྔ་དང། ཁྱད་པར་དུ་གྱུར་པ་གསུམ་སྟོན་པ་ཉིད་དུ་བྱེད་པའོ ་འདི་སྐད་ཅེས་བྱ་བ་ནི་སྡུད་པར་བྱེད་པ་ཕྱག་ན་རྡོ་རྗེས་རྒྱུད་ཐམས་ཅད་ཀྱི་དོན་དང་ཚིག་ཐུགས་ལ་ཡང་དག་པར་བཞག་སྟེ། རང་གི་ཤེས་པའི་རྗེས་སུ་ཡེ་ཤེས་ཀྱི་རྒྱུན་གྱི་ངོ་བོར་རྒྱུད་མ་ལུས་པའི་དོན་བཤད་པའི་གཙོ་བོར་ཕྱིན་ཅི་མ་ལོག་པའི་དེ་ཁོ་ན་ཉིད ་གསུངས་པའོ། །དེ་ཡང་འདི་སྐད་ཉིད་དུ་ཐོས་ཀྱི་དེ་ལ་ཕྲི་བ་དང་བསྣན་པ་ནི་ཅུང་ཟད་ཀྱང་མ་བྱས་པ་ཉིད་དུ་བསྟན་ཏོ། །བདག་གིས་ཞེས་བྱ་བ་ནི་བདག་ཉིད་ཀྱིས་མ་བྱས་པ་དང། གཞན་དང་གཞན་ལས་ཐོས་བ་དང། །བརྒྱུད་བ་ནི་མ་ཡིན་ཏེ། བཅོམ་ལྡན ་འདས་ལ་བདག་ཉིད་ཀྱིས་མངོན་སུམ་དུ་ཐོས་པའོ། །ཐོས་པ་ཞེས་བྱ་བ་ནི་གང་དུ་གང་ལས་གང་གི་ཚེ་ཐོས་བྱ་བ་སྟེ། རང་གི་ལྷག་པར་མོས་པས་སོ། །དེ་ཡང་གཞན་ཐམས་ཅད་ནས་ཐམས་ཅད་དུ་བཀག་པ་ནི་མ་ཡིན་ཏེ། མ་ཏི་ཙའི་ཏྲས་སྨྲས་པ། གསུང ་གཅིག་དག་ནི་གསུངས་པ་ནི། །གྲངས་མེད་པ་ཡི་མཚོན་པའོ། །འདི་ལྟར་བདག་ལ་གསུངས་པ་ཞེས། །འགྲོ་བ་ཀུན་གྱི་རྗེས་སུ་ཤེས་ཞེས་པ་ཉིད་ཀྱིས་སོ། །དེ་ཡང་ཐོས་པའི་དུས་ན་བྱང་ཆུབ་སེམས་དཔའ་སྟེ། སྡུད་པའི་དུས་ན་སངས་རྒྱས་སོ། །ཅིའི་ཕྱིར་ཞེ་ན། ་ལེའུ་བཅོ་བརྒྱད་པ་ལས་གསུངས་པ། དེའི་ཚེ་བཅོམ་ལྡན་འདས་ལ་ཇི་བཞིན་དུ་གསུངས་པ། །ཐོས་ཏེ་སྐད་ཅིག་ལ་བཟུང་ཞིང་དོན་བཟུང་བས་བསྡུས་ནས་ལེགས་པར་རབ་ཏུ་ཡིད་ལ་བྱས་སོ། །ཞེས་གསུངས་པ་ཤིན་ཏུ་ཚད་མའོ། །དེ་བས་ན་སློབ ་དཔོན་མེད་པར་རང་བཟོ་ནི་མ་བྱས་བ་སྟེ་ཡང་དག་པར་ཤེས་ནས་བྱས་པའོ། །དུས་གཅིག་ན་ཞེས་བྱ་བ་ནི་འདིར་རྙེད་པར་དཀའ་བ་དང། བདག་ཉིད་ཐོས་པ་དང་ལྡན་པ་དང། ཕུན་སུམ་ཚོགས་པའི་ཤེས་རབ་ཆེན་པོའོ། །བྱིན་གྱིས་བརླབས་ཀྱིས་ལྡན་པ་ཉིད ་དུ་སྟོན་ཏོ། །གཞན་ནི་ཕྱིན་ཅི་ལོག་པའི་ཟབ་མོའི་ཆོས་གཞན་དུ་སྟོན་པར་མི་འགྱུར་བའི་ཕྱིར་འདིས་ནི་མ་འོངས་པའི་འགྲོ་བ་གུས་པ་དང་དེ་བརྟན་པོ་ཉིད་དུ་བྱེད་པའོ། །དུས་གཅིག་ལ་བདག་གིས་འདི་ཐོས་ལ་གཞན་དུ་ཡང་གཞན་གྱི་རྒྱུད་ཐོས་པའི་ཕྱིར་རབ ་ཏུ་ཐོས་པ་ཆེ་བར་གསུངས་སོ། །གལ་ཏེ་ཡི་གེ་ཐ་དད་པ་དང་བཤད་པ་དང་ཚིག་དཀའ་བ་སོ་སོ་དག་ཇི་ལྟར་དུས་གཅིག་ན་ཞེས་ཤེ་ན། སྡེ་ཚན་ཅིག་ནི་རྒྱུན་མ་ཆད་ལ་བར་ཆད་མེད་པར་ཐོས་པའོ། །རྒྱུད་རེ་རེ་ཞིང་དེ་སྙེད་ཉིད་དུའོ། །དེ་དག་འཛིན་པར་མི་ནུས་སོ། ་སངས་རྒྱས་ཀྱི་མཐུས་བདག་གི་བསམ་དུ་མེད་པའི་རྣམ་པར་ཐར་པའི་སྒྲོ་ཐོབ་པའོ། །གཤིན་རྗེ་གཤེད་ནག་པོའི་རྒྱུད་ཤིན་ཏུ་གསང་བའི་དོན་ནི་ཨེ་བཾ་མ་ཡ་སྟེ་བཤད་པའི་རྒྱུད་གཞན་ལས་ཤེས་པར་བྱའོ། །དེ་དག་ནི་རེ་ཞིག་བསྡུས་པའི་དོན་ཏོ། །དེ་ཡང ་གང་ལས་ཐོས་ཤེ་ན་བཅོམ་ལྡན་འདས་ལ་སྟེ་ལྷའི་བུའི་བདུད་དང། ཉོན་མོངས་པའི་བདུད་དང། འཆི་བདག་གི་བདུད་དང། ཕུང་པོའི་བདུད་དེ། རྡོ་རྗེ་ལྟ་བུའི་ཏིང་ངེ་འཛིན་དང། སྟོང་པ་ཉིད་ཀྱི་ཏིང་ངེ་འཛིན་དང། བྱམས་པ་ཆེན་པོའི་ཏིང་ངེ་འཛིན་དང། རྣམ་བར་མི་རྟོག་པའི་ཏིང་ངེ ་འཛིན་གྱིས་ས་བོན་དང་བཅས་པའི་ཉོན་མོངས་པ་མ་ལུས་པ་བླ་ན་མེད་པ་ཤེས་རབ་ཀྱི་ཆའི་རིགས་ཉིད་དོ་བཅོམ་པའོ། །དེ་བས་ན་ཤེས་རབ་ཆེན་པོས་བཅོམ་པར་གསུངས་སོ། །ཅིའི་ཕྱིར་ཞེ་ན། ཏིང་ངེ་འཛིན་གྱི་བདུད་བཅོམ་པས་ན་ཤེས་རབ་ཀྱི ་མི་མཐུན་པའི་ཕྱོགས་དེ་ཉིད་དུ་བྱས་པའོ། །གཞན་ཡང་དབང་ཕྱུག་དང་ནི་གཟུགས་བཟང་དང། །དཔལ་དང་གྲགས་དང་ཡེ་ཤེས་དང། །བརྩོན་འགྲུས་ཕུན་སུམ་ཚོགས་པ་སྟེ། །དྲུག་པོ་དེ་ལ་བསྐལ་པར་བརྗོད། །ཅེས་འབྱུང་བ་ནི་ཤུགས་ཀྱིས ་རྫོགས་པའོ། །དེ་ཉིད་ནི་ཕྱིན་ཅི་མ་ལོག་པའོ། །དེའི་ཕྱིར་བཅོམ་ལྡན་འདས་ཏེ་དེ་ལས་ཐོས་པའོ། །ཡང་དག་པ་ཉིད་དུ་ནི་ཕུན་སུམ་སོགས་པ་ཐམས་ཅད་ཀྱི་རྩ་བ་ལྷན་ཅིག་སྐྱེས་པ་སྟེ། གཉིས་སུ་མེད་པའི་ཡེ་ཤེས་སོ། །དེ་ཕྱིར། ད་ཉིད་སྟོང་པ་ད་ཉིད ་གནས། །ད་ནི་འཁོར་ལྡན་དེ་ཡི་ཆོས། །ད་ནི་དུས་གསུམ་ངེས་འབྱུང་བ། །དཔལ་མཆོག་དང་པོའི་སྐྱེས་བུ་ཡིན། །ཞེས་འབྱུང་བ་ཡིན་ནོ། །དེ་ལ་གང་དུ་གནས་ནས་ཐོས་ཤེ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང ་གསུང་དང་ཐུགས་རྡོ་རྗེ་བཙུན་མོ་ཐམས་ཅད་ཀྱི་བྷ་ག་རྣམས་ལ་བཞུགས་ཏེ་ཞེས་བྱ་བ་སྟོན་ཏོ། །དེ་བཞིན་གཤེགས་པ་ནི་གཉིས་སུ་མེད་པའི་ཡེ་ཤེས་ཀྱི་ངོ་བོའོ། །རང་གི་རང་བཞིན་ནི་ཆོས་ཀྱི་སྐུ་ཉིད་ཡིན་ཏེ། ཀུན་རྫོབ་ཏུ་ལོངས་སྤྱོད་རྫོགས་པ་དང་སྤྲུལ་པའི ་ངོ་བོས་རང་རང་གི་ལྷག་པའི་མོས་པའི་དབང་གིས་གང་དང་གང་གི་རབ་ཏུ་འབྱེད་པར་གྱུར་པའི་སྐུ་འཇིག་རྟེན་པ་རབ་ཏུ་དགའ་བ་དེ་དང་དེའི་གཟུགས་སུ་འགྲོ་བར་བྱེད་པ་ནི་དོན་དམ་པའི་ཡེ་ཤེས་བློ་གྲོས་ཡུལ་དུ་མ་བྱས་པ་ཇི་བཞིན་པ་དེ་བཞིན་ཉིད་ལས་གཟུགས ་སྐུ་སེམས་ཅན་གྱི་དོན་ལ་རབ་ཏུ་གཤེགས་སོ། །ཞེས་བྱ་བའི་དོན་ཏོ། །གལ་ཏེ་རང་རིག་དངོས་འཛིན་ཅིང། །སྣ་ཚོགས་པས་འཁྲུལ་ཏོ་ཞེ་ན། རང་རིག་དངོས་འདོད་ཆོས་སྐུ་ལས། །རྗེས་ཐོབ་སྒྱུ་མའི་གཟུགས་སུ་ནི། །མཉམ་པར་བཞག་ལས་འབྱུང་སྨྲ་བ།། ་སྐྱེས་བུ་ཐ་ཤལ་བརླག་པར་འགྱུར། །ཞེས་པ་ཉིད་ཀྱིས་རིགས་པ་མ་ཡིན་ནོ་ཞེ་ན། མ་ཡིན་ཏེ། ཆོས་ཀྱི་སྐུ་ཉིད་སྙིང་རྗེ་ཆེན་པོའི་དབང་གི་ལོངས་སྤྱོད་རྫོགས་པ་དང། སྤྲུལ་པའི་སྐུ་དང་སྣ་ཚོགས་པར་ཡང་སྣང་སྟེ། དོན་དམ་པར་མ་ལུས་པའི་རྟོགས ་པའི་དངོས་པོ་མེད་ལས་གང་དུ་ཡང་མ་སོང་ངོ། །ཐམས་ཅད་ཀྱང་ཡིན་ལ་དེ་བཞིན་གཤེགས་པ་ཡང་ཡིན་པས་དེ་བཞིན་གཤེགས་པ་ཐམས་ཅད་དོ། །དེ་ཡང་གཏི་མུག་གཤིན་རྗེ་གཤེད་ལ་སོགས་པའོ། །སྐུ་དང་གསུང་དང་ཐུགས་རྡོ་རྗེ་ཞེས་བྱ་བ་ནི ་རྣམ་པ་དང་མཚན་ཉིད་དོ། །སྤྱོད་ལམ་རྣམ་པ་བཞིས་བཞུགས་པའི་སྐུའི་ཕྲིན་ལས་གང་ཇི་སྙེད་པའོ། །ཆོས་བཤད་པས་བཞུགས་པ་ནི་གསུང་གི་ཕྲིན་ལས་གང་ཇི་སྙེད་པར་བཞུགས་པའོ། །མཉམ་པར་བཞག་པས་བཞུགས་པ་ནི་ཐུགས་ཀྱི་འཕྲིན ་ལས་གང་ཇི་སྙེད་པའོ། །དེ་རྣམས་དབྱེར་མེད་པའི་དོན་ནི་རྡོ་རྗེ་སྟེ། བྱང་ཆུབ་སེམས་ཀྱི་ངོ་བོ་བླ་ན་མེད་པའི་ངོ་བོ་ཉིད་ཀྱིས་ཚིམ་པའི་རྒྱུ་ཉིད་དོ། །དེ་ཉིད་མཚོན་པར་བྱེད་པ་ནི་སྐུ་དང་གསུང་དང་ཐུགས་རྡོ་རྗེ་སྟེ། བདེ་བ་དང་སྟོང་པ་དང་གསལ་བའོ། །རོ་གཅིག་པ་ཉིད ་ཀྱིས་རྡོ་རྗེ་སྟེ་དེའི་རང་བཞིན་ནི་བྷ་ག་སྟེ་གྲུ་གསུམ་ཆོས་ཀྱི་འབྱུང་གནས་ཀྱི་ཕྱག་རྒྱའོ། །དེ་ཡང་བརྡའ་ཉིད་དུ་ཤེས་པར་བྱ་སྟེ། འདོད་པ་དང་གཟུགས་དང་གཟུགས་མེད་པའི་ཁམས་གསུམ་རྣམ་བར་དག་པའི་རང་བཞིན་ནོ། །ཡེ་ཤེས་སྐྱོན་མེད་པ་ཉིད་མངོན་སུམ་དུ ་བྱེད་པས་དགའ་བའོ། །ས་དང་པོ་རབ་ཏུ་དགའ་བ་ནས་སངས་རྒྱས་ཀྱི་སའི་བར་དུ་རྟོགས་པ་ངེས་པ་འཕེལ་བར་བྱེད་པས་ན་གྱེན་དུ་འཕགས་པའོ། །གཤིན་རྗེ་གཤེད་ནག་པོ་ཤིན་ཏུ་གསང་བའི་དོན་གྱིས་ནི་ཁང་བུ་བརྩེགས་པའོ། །ཆོས་ཐམས་ཅད་ཉེ་བར་འཛིན ་པས་ན་ཆོས་ཀྱི་འབྱུང་གནས་སོ། །ཆོས་ཐམས་ཅད་ལ་རོ་གཅིག་པའི་རྒྱས་འདེབས་པས་ན་ཕྱག་རྒྱའོ། །ཁྱབ་ཅིང་མ་འདྲེས་པའི་དོན་སྟོན་པས་ན་བྷ་ག་སྟེ། ཇི་སྲིད་འདོད་ཆགས་ལ་སོགས་པ་མ་ལུས་བསེལ་པའི་ས་ནི་རྗེས་སུ་འཛིན་པའི་དོན་དུ་གཤིན་རྗེ་གཤེད་པོའི་གཟུག ་དང་ལྷན་ཅིག་ཏུ་བཅོམ་ལྡན་འདས་ཀྱིས་ཆོས་ཀྱིས་འབྱུང་གནས་ཀྱི་དུས་སུ་གཞལ་ཡས་ཁང་བརྩེགས་པར་བཞུགས་ཏེ་དེར་འདི་ལྟར་ཐོས་སོ། །དེ་གང་ལ་ཡོད་ཅེ་ན། བཙུན་མོ་ཞེས་བྱ་བ་ནི་ཤེས་རབ་ལ་བྱའོ། །ཐམས་ཅད་ཀྱི་སྒྲས་ནི་སྤྱན་མ་དང། མཱ་མ་ཀཱི་དང། ་གོས་དཀར་མོ་དང། སྒྲོལ་མ་ལ་སོགས་པའོ། །རྣམ་ཤེས་བྱ་བ་ལ་ཡང། དེ་ཉིད་དུ་བསྡུ་བར་བྱའོ། །སྟེ་ཞེས་བྱ་བ་ནི་རྒྱུད་ཡོངས་སུ་རྫོགས་པར་བྱེད་པ་ཉིད་དོ། །དེ་ལྟ་བུས་ནི་གནས་ཕུན་སུམ་ཚོགས་པ་གསུངས་སོ། །དེ་ལྟར་ཁྱད་པར་ཅན་གྱི་གནས་སུ་འདོད་ཆགས་ཆེན་པོས ་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པའི་སེམས་ཀྱིས་ཇི་ལྟར་ཡང་འགྱུར་བའི་རྟོག་པ་ནུབ་པར་གྱུར་ཏོ། །དེ་ནི་སེམས་ཅན་རྣམས་ཀྱི་སྟེ། འདི་ནི་རྗེས་སུ་བཟུང་བ་ཆེན་པོའོ། །གང་ཤེས་རབ་ཀྱི་ཕ་རོལ་ཏུ་ཕྱིན་པ་དེའི་སེམས་བདེ་བ་ཆེན་པོའི་ཏིང་ངེ་འཛིན ་ལ་སྙོམས་པར་ཞུགས་པའི་སེམས་ཀྱིས་ཇི་ལྟར་གྱུར་པའི་རབ་ཏུ་ཤེས་པར་བྱ་བ་རྒྱས་པ་ཞེས་བྱ་བ་གསུངས་སོ། འཇིག་རྟེན་གསུམ་པོ་མ་ལུས་པོའི་རྡུལ་ཕྲ་རབ་སོ་སོའི་ནང་ན་བཞུགས་པའི་ཆོས་ཀྱི་འབྱུང་གནས་ཀྱི་ནང་ན་གཞལ་ཡས་ཁང་བརྩེགས་པར ་དཀྱིལ་འཁོར་མ་ལུས་པ་དང་ལྷན་ཅིག་ཏུ་བཅོམ་ལྡན་འདས་རང་གི་རིག་མ་དང་གཉིས་སུ་མེད་པའི་བདག་ཉིད་རབ་ཏུ་དགའ་བར་བཞུགས་སོ། །དེ་ནི་རྫུ་འཕྲུལ་སྣ་ཚོགས་ཀྱི་ཆོ་གས་འཕྲོ་བ་འདུ་བའི་ཡིད་འཕྲོག་པ་ཞེས་བྱ་བའི་དོན་ཏོ། །གང་དང་ལྷན་ཅིག་ཏུ་ཐོས་ཤེ་ན། ་བཅོམ་ལྡན་འདས་ཐབས་ཆེན་པོས་དབང་པོ་དང་བཅས་པར་དུས་ཤེས་པའི་དོན་དུ་ཐུན་མོང་མ་ཡིན་པའི་འཁོར་འདུས་པ་གསུངས་པ་ནི། གཏི་མུག་རྡོ་རྗེ་གཤིན་རྗེ་གཤེད་དང། ཕྲ་མ་རྡོ་རྗེ་གཤིན་རྗེ་གཤེད་དང། འདོད་ཆགས་རྡོ་རྗེ་གཤིན་རྗེ་གཤེད་དང། ཕྲག ་དོག་རྡོ་རྗེ་གཤིན་རྗེ་གཤེད་དང། ཞེ་སྡང་རྡོ་རྗེ་གཤིན་རྗེ་གཤེད་དང། ཐོ་བ་གཤིན་རྗེ་གཤེད་དང། དབྱུག་པ་གཤིན་རྗེ་གཤེད་དང། པདྨ་གཤིན་རྗེ་གཤེད་དང། རལ་གྲི་གཤིན་རྗེ་གཤེད་དང། རྡོ་རྗེ་ཙར་ཏསྩི་ཀ་དང། རྡོ་རྗེ་ཕག་མོ་དང། རྡོ་རྗེ་དབྱངས ་ཅན་མ་དང། རྡོ་རྗེ་གཽ་རི་མ་སྟེ་མཚམས་སུ་ཞེས་བྱ་བ་སྨོས་ཏེ་ཆོས་ཐམས་ཅད་ནི་གཅིག་དང་དུ་མ་དང་བྲལ་བ་ཉིད་ཀྱིས་མི་ཤེས་པ་སྟེ་ཤེས་པ་མེད་པ་ཉིད་ནི་གཏི་མུག་ཆེན་པོའོ། །ཆོས་ཐམས་ཅད་གཟུགས་བརྙན་དང་འདྲ་བའི་རང་གི་ངོ་བོ་མི་ཕྱེད་པ་དེ་ལས ་གཞན་འབྱེད་པ་ནི་རྡོ་རྗེ་སྟེ། སྡོས་སུ་བྱས་པའི་སྔགས་ཆེན་པོ་བཅན་གྱི་སྔགས་དོན་དམ་བར་སྨྲ་བ་རྒྱུ་འབྲས་ཀྱི་མྱ་ངན་ལ་འདས་པ་ནི་བདུད་དེ་གཤིན་རྗེའོ། །དེའི་གཤེད་ནི་གཏི་མུག་རྡོ་རྗེ་གཤིན་རྗེ་གཤེད་དོ། །དེས་དེར་ཐོས་ཤེས་བྱའོ། །གཞན་འབྱེད ་པའི་ཚིག་ནི་ཕྲ་མ་སྟེ། གཞན་ཕྱི་རོལ་གྱི་རིགས་པའི་གྲུབ་མཛའ་དག་ཅན་རིགས་པ་དན་ལུང་གིས་བྱེ་བྲག་ཏུ་སུན་འབྱིན་པར་བྱེད་པ་རང་གི་མཉམ་པ་ཉིད་རང་རྒྱུད་ལ་སྦྱོར་ཞིང་དེ་ཉིད་དུ་བྱེད་པ་ནི་པྲ་མ་ཆེན་པོའོ། །མཉམ་པ་ཉིད་ཀྱི་ངོ་བོ་དབྱེར་མེད་པ་དེ ་དག་ལས་གཞན་འབྱེད་པ་ནི་རྡོ་རྗེ་སྟེ། མི་མཉམ་པ་དང་མྱ་ངན་ལ་འདས་པ་ནི་གཤིན་རྗེའོ། །དེའི་གཤེད་ནི་ཕྲ་མ་རྡོ་རྗེ་གཤིན་རྗེ་གཤེད་དོ། །ཡུལ་ཡིད་དུ་འོང་བ་ལ་ཞེན་པ་ནི་འདོད་ཆགས་ཏེ་སེམས་ཅན་གྱི་དོན་ལ་སོ་སོར་རྟོག་ཅིང་དམིགས་པ་མེད་པའི ་སྙིང་རྗེས་ཉེ་བར་ཁྱབ་པར་ནུས་པ་ནི་འདོད་ཆགས་ཆེན་པོའོ། །དེའི་ངོ་བོ་མི་ཕྱེད་པ་ལས་གཞན་འབྱེད་པ་ནི་རྡོ་རྗེ་སྟེ། དགའ་བ་ཆེན་པོའི་ངོ་བོ་མངོན་སུམ་དུ་བྱས་ཏེ་ཆགས་པ་དང་བྲལ་བར་སྐྱེད་པ་མྱ་ངན་ལས་འདས་པ་ནི་བདུད་དེ་གཤིན་རྗེའོ། །དེའི་གཤེད་ནི་འདོད ་ཆགས་རྡོ་རྗེ་གཤིན་རྗེ་གཤེད། །ཕ་རོལ་གྱི་ཡོན་ཏན་ལ་ཡིད་འཁྲུག་པ་ནི་ཕྲག་དོག་སྟེ། བདག་གིས་རང་གི་དོན་ཕུན་སུམ་ཚོགས་པ་འགྲུབ་ནས་སེམས་ཅན་གཞན་གྱི་དོན་ཕུན་སུམ་ཚོགས་པར་བྱེད་པ་ལ་བདག་དེ་ཁོ་ན་ཉིད་ཀྱིས་བྱའོ་ཞེས་པ་གཞན་རྣམ་པར ་བཅད་པ་ནི་ཕྲག་དོག་ཆེན་པོའོ། །བྱ་བ་ནན་ཏན་ནི་མི་བྱེད་པ་གཞན་འབྱེད་པས་རྡོ་རྗེ་སྟེ། བཏང་སྙོམས་ཆེན་པོ་མངོན་དུ་བྱེད་པ་དང་རང་གི་དོན་ཙམ་དུ་མྱ་ངན་ལས་འདས་པ་ནི་བདུད་དེ་གཤིན་རྗེའོ། །དེའི་གཤེད་ནི་ཕྲག་དོག་རྡོ་རྗེ་གཤིན་རྗེ་གཤེད་དོ། །གཞན ་ཡང་གཞན་ལ་བརྩེ་བ་མ་ཡིན་པའི་སེམས་དང་གནོད་པ་བྱ་བའི་མནར་སེམས་པ་ནི་ཞེ་སྡང་ངོ། །ཤེས་པ་དང་ཞེས་བྱ་བ་ལ་སོགས་པའི་ཆོས་ཐམས་ཅད་ཀྱི་ངོ་བོ་རང་རང་གི་གནས་པ་ལ་བདག་མེད་པའི་ངོ་བོ་འཇོམས་པར་བྱེད་པ་ནི་ཞེ་སྡང་ཆེན་པོའོ། །ཆོས་ཀྱི་དབྱིངས ་ཀྱི་ཡེ་ཤེས་དབྱེར་མི་ཕྱེད་པ་ཉིད་ལས་གཞན་འབྱེད་པ་ནི་རྡོ་རྗེ་སྟེ། སྙིང་རྗེ་ཙམ་མངོན་དུ་བྱས་པ་འམ། སྟོང་པར་ལྟ་བ་དག་ནི་སྙིང་རྗེ་ཆེན་པོ་མངོན་དུ་བྱས་ནས་ངོ་བོ་ཉིད་ཀྱིས་སེམས་ཅན་གྱི་དོན་བྱེད་པ་དང་བྲལ་བའི་མྱ་ངན་ལས་འདས་པའི་འགྲོ་བ་ནི ་གཤིན་རྗེ་སྟེ། དེའི་གཤེད་ནི་ཞེ་སྡང་རྡོ་རྗེ་གཤིན་རྗེ་གཤེད་དོ། །དད་པའི་སྟོབས་རྣམ་པར་དག་པ་ནི་ཐོ་བ་སྟེ། འཇིགས་ཚོགས་ལ་ལྟ་བ་དང། ཤེས་བྱའི་སྒྲིབ་པ་དང། ཕུང་པོའི་བདུད་ལ་སོགས་པ་མི་མཐུན་པའི་ཕྱོགས་ནི་གཤིན་རྗེ་སྟེ། དེའི་གཤེད་ནི ་ཐོ་བ་གཤིན་རྗེ་གཤེད་དོ། །བརྩོན་འགྲུས་ཀྱི་སྟོབས་རྣམ་པར་དག་པ་ནི་མཐར་འཛིན་པའི་ལྟ་བ་དང། འདོད་པའི་སྒྲིབ་པ་དང། ཉོན་མོངས་པའི་བདུད་ལ་སོགས་པ་མི་མཐུན་པའི་ཕྱོགས་གཤིན་རྗེའོ། །དེའི་གཤེད་ནི་དབྱུག་པ ་གཤིན་རྗེ་གཤེད་དོ། །དྲན་པའི་སྟོབས་རྣམ་པར་དག་པ་ནི་པདྨ་སྟེ་ལོག་བར་ལྟ་བ་དང་ལས་ཀྱི་སྒྲིབ་པ་དང་འཆི་བདག་གི་བདུད་ལ་སོགས་པ་མི་མཐུན་པའི་ཕྱོགས་ནི་གཤིན་རྗེའོ། །དེའི་གཤེད་ནི་པདྨ་གཤིན་རྗེ་གཤེད་དོ། །ཏིང་ངེ་འཛིན་གྱི་སྟོབས་རྣམ་པར་དག་པ ་ནི་རལ་གྲི་སྟེ་ལྟ་བ་མཆོག་ཏུ་འཛིན་པ་དང། སྐྱེ་བའི་སྒྲིབ་པ་དང། ལྷའི་བུ་རྣམ་པར་གཡེང་བྱེད་ཀྱི་བདུད་ལ་སོགས་པ་མི་མཐུན་པའི་ཕྱོགས་གཤིན་རྗེ་སྟེ། དེའི་གཤེད་ནི་གཏི་མུག་རྡོ་རྗེ་གཤིན་རྗེ་གཤེད་དེ་དེ་མངོན་དུ་ཐོབ་པ་ཉིད་དོ། །ཆུའི་ཁམས་དང་སྟོབས ་ཀྱི་ཕ་རོལ་ཏུ་ཕྱིན་པ་དང། སྙིང་རྗེ་ཆེན་པོའི་ངོ་བོ་ཉིད་ཀྱིས་མངོན་པར་རྫོགས་པར་བྱང་ཆུབ་པ་ཡང་རང་གི་དབང་པོ་དང་གཉིས་སུ་མེད་པར་གྱུར་པ་སྟེ་དབྱེར་མི་ཕྱེད་པས་རྡོ་རྗེའོ། །རྣམ་པར་དག་པའི་ཡེ་ཤེས་སྐྱེ་ཞིང་རྟོག་པ་མཛའ་དག་དང། བྲལ་བས་སེམས ་ཅན་གྱི་རྒྱུད་དེ་ཉིད་དུ་འགོག་པ་ནི་ཕག་མོའོ། །དེ་ཉིད་ཞེ་སྡང་སྤངས་ནས་ཞེ་སྡང་གཤིན་རྗེ་གཤེད་ཆེན་པོའི་བདག་ཉིད་དོ། །འདི་ལྟར་བཅོམ་ལྡན་འདས་རྡོ་རྗེ་འཛིན་པ་དེ་མངོན་དུ་ཐོབ་པའོ། །མེའི་ཁམས་དང་སྨོན་ལམ་གྱི་ཕ་རོལ་ཏུ་ཕྱིན་པ་དང། དགའ་བ་ཆེན་པོའི ་ངོ་བོ་ཉིད་ནི་དེ་ཡང་དབྱེར་མི་ཕྱེད་པས་རྡོ་རྗེ་སྟེ། གཞན་དུ་དུལ་བའི་ཚེགས་ཀྱི་གནས་ཅན་ནི་པདམོ་དེའི་རང་བཞིན་ནི་དབྱངས་ཏེ་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཅན་ནི་འདོད་ཆགས་གཤིན་རྗེ་གཤེད་ཀྱི་བདག་ཉིད་དེ། དེ་དང་ལྷན་ཅིག་སྐྱེས་པ་མཆོག་མངོན་དུ ་བྱེད་པ་ནི་གཉིས་སུ་མེད་ཅིང་རབ་ཏུ་དགའ་བར་གྱུར་པ་སྟེ་དེ་ཉིད་དུ་གྱུར་པའི་དོན་ཏོ། །རླུང་གི་ཁམས་དང་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་བཏང་སྙོམས་ཆེན་པོའི་ངོ་བོ་ཉིད་རང་གི་འཛིན་པ་སྟེ། གོ་རིམ་མིག་ལ་སོགས་པའི་དབང་པོ་ལྔའི་གཞིར་གྱུར་པའོ། །དེས ་སེམས་ཅན་གྱི་དོན་ངོ་བོར་འགྲོ་བ་འཛིན་པ་ཉེ་བར་མཚོན་པས་ན་རིའོ། །དེ་བས་ན་བླ་ན་མེད་པ་ལྷན་ཅིག་སྐྱེས་པ་གཉིས་སུ་མེད་པའི་ངོ་བོ་ཉིད་གཽ་རིའོ། །རང་གི་བྱ་བས་གཞན་གྱི་དོན་བྱེད་པ་ནི་རྡོ་རྗེ་སྟེ་ཕྲག་དོག་གཤིན་རྗེ་གཤེད་ཀྱི་བདག་ཉིད་དོ། དེས་དེའི་བདག ་ཉིད་མངོན་དུ་ཐོབ་པོ་ཞེས་བྱ་བའི་དོན་ཏོ། །མཚམས་སུའོ་ཞེས་བྱ་བ་ནི་དཀྱིལ་འཁོར་གྱི་མཚམས་བཞི་སྟེ་གཟུགས་ལ་སོགས་པ་ཡུལ་དྲུག་རྣམ་པར་དག་པའི་དོན་དུ་ཐོ་བ་གཤིན་རྗེའི་རྒྱལ་པོ་བཞི་གནས་སོ། །དེ་ལས་གཞན་པའི་འདུས་པ་མེད་དམ་ཞེ་ན། ཐུན ་མོང་གི་འཁོར་འདུས་པ་ཡང་བཤད་པར་བྱ་སྟེ། དེ་དག་ལ་སོགས་པ་གཤིན་རྗེ་གཤེད་ཀྱི་ཚོགས་ཆེན་པོ་དང་ཐབས་གཅིག་ཏུ་བཞུགས་ཞེས་བྱ་བ་སྨོས་སོ། །དེ་དག་ནི་གཙོ་བོ་སྟེ་ལ་སོགས་པ་ནི་གཤིན་རྗེ་གཤེད་ཆེན་པོ་ལ་རྩ་བའི་ལྷར་གྱུར་པ་རྣམས་སོ། ་ཚོགས་ཞེས་བྱ་བ་ནི་སྐྱེ་མཆེད་དང་སྐུ་གསུང་ཐུགས་རྣམ་པར་དག་པ་སྟེ། ནང་གི་བདག་ཉིད་ཅན་གྱི་མིག་རྡོ་རྗེ་དང། རྣ་བ་རྡོ་རྗེ་དང། སྣ་རྡོ་རྗེ་དང། ལྕེ་རྡོ་རྗེ་དང། ལུས་རྡོ་རྗེ་དང། ཡིད་རྡོ་རྗེ་དང། གཞན་ཡང་སྐུ་རྡོ་རྗེ་དང། གསུང་རྡོ་རྗེ་དང། ཐུགས་རྡོ་རྗེ་སྟེ། རིགས་ཀྱི ་རིགས་ཉིད་ཀྱིས་རྒྱས་བཏབ་པ་སྤང་བའི་ཕྱིར་སའི་སྙིང་པོ་དང། ཕྱག་ན་རྡོ་རྗེ་དང། ནམ་མཁའ་ཨི་སྙིང་པོ་དང། འཇིག་རྟེན་དབང་ཕྱུག་དང། སྒྲིབ་པ་རྣམ་སེལ་དང་ཀུན་ཏུ་བཟང་པོ་དང། གཞན་ཡང་སྐུའི་རིགས་དང། གསུང་གི་རིགས་དང། ཐུགས་ཀྱི་རིགས་ཏེ་འདི་དག་གིས ་ནི་བྱིན་གྱིས?་བརླབས་ཉིད་འགྲུབ་པའོ། །ལ་ལ་ནི་བཅོམ་ལྡན་འདས་གཤིན་རྗེ་གཤེད་ཁོ་ནའི་སྐྱེ་མཆེད་དང་སྐུ་གསུང་ཐུགས་བྱིན་གྱིས་བརླབས་པས་ཐམས་ཅད་ནས་ཐམས་ཅད་དུ་ཐམས་ཅད་མཁྱེན་པ་འགྲུབ་པོ་ཞེ་ན་མ་ཡིན་ཏེ། བཅོམ་ལྡན་འདས་ཀྱི་སྐུ་ནི་ཇི་ལྟ ་བཞིན། །འཁོར་རྣམས་ཇི་སྙེད་མ་ལུས་གང་དེ་ལ། །བྱིན་གྱིས་བརླབས་པ་དེ་ནི་མཆོག་ཡིན་ཏེ། །དེ་ལ་ཁྱད་པར་གཙོ་ལས་གཞན་མ་མཆིས། ཞེས་པས་གསོལ་ལོ། །གལ་ཏེ་མངོན་པར་རྟོག་པའི་ཆོ་གར་བཅོམ་ལྡན་འདས་མ་ཡིན་པ་གཞན་གྱི་བྱིན་གྱིས ་བརླབས་པར་མ་གསུངས་པ་ཅིའི་ཕྱིར་ཞེ་ན། འདི་དག་ཉིད་ཀྱིས་བླ་མ་རྗེ་བཙུན་པ་གཙོ་བོར་བྱེད་པ་སྟེ། ཐུན་མོང་དང་མཆོག་གི་དངོས་གྲུབ་ནི་བླ་མ་ལ་རག་ལས་པ་སྟེ་བླ་མའི་ཞལ་གཙོ་བོར་བྱས་པའི་ཐ་ཚིག་གོ་།ཐབས་ཅིག་ཏུ་བཞུགས ་སོ་ཞེས་བྱ་བ་ནི་གོང་གི་ཐུན་མོང་མ་ཡིན་པའི་འཁོར་དང་ཐབས་ཅིག་སྟེ་རྟ་མཆོག་ལ་སོགས་པ་བྱིན་གྱིས་བརླབས་པ་ཉིད་དུ་བཞུགས་སོ། །འདིར་ནི་དཀྲུགས་པར་འབྲེལ་བ་དྲན་པར་བྱ་སྟེ་ཅིའི་ཕྱིར་འབྲེལ་ཞེ་ན། དཀྲུགས་ཤེ་ན་ཐེ་ཚོམ་མི་ཟ་བར་བྱ་བའི་དོན་ཏོ། ། ་ཇི་ལྟར་ཐེ་ཚོམ་མི་ཟ་ཞེ་ན་དཀྲུགས་པའི་འབྲེལ་པ་ནི་བླ་མ་ལ་རག་ལུས་པ་སྟེ། བླ་མ་ལས་འབྲས་བུ་སྦྱིན་པར་བྱས་དོན་ནོ། །ཇི་ལྟར་འབྲེལ་ཞེ་ན། ལེའུ་བཅོ་བརྒྱད་པ་ལས། བཅོམ་ལྡན་འདས་བྱང་ཆུབ་སེམས་དཔའ་ཨི་དུས་སུ་བཅོམ་ལྡན་འདས་ཐུབ་པ་ཆེན ་པོ་ལ་བྱང་ཆུབ་ཀྱི་དུས་སུ་བར་དུ་གཅོད་པའི་ཕྱིར་ཤིན་ཏུ་འཇིགས་སུ་རུང་བའི་འཇིགས་པ་ཆེན་པོ་སྟོན་ཅིང། བདུད་ཀྱི་སྟོབས་ཀྱི་དཔུང་ཆེན་པོ་ལྷགས་ཏེ། དེའི་མདུན་ན་བདུད་ཆེན་པོ་ལས་མཆོག་ཏུ་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ་བཅོམ་ལྡན་འདས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་གཤིན་རྗེ་གཤེད་ཀྱི་ཁྲོ་བོ་ཕྱུང་སྟེ། ངེས་པར་ཕྱུད་ནས་ཀྱང་ཕྱག་ན་རྡོ་རྗེ་བཅོམ་ལྡན་འདས་ཐུབ་པ་ཆེན་པོའི་བཀའ་བཞིན་བྱེད་པ་ལ་ཕྱག་ན་རྡོ་རྗེ་ཁྱོད་ནི་འདི་ལྟ་བུའི་གཤིན་རྗེ་གཤེད ་ཀྱི་ཁྲོ་བོའི་གཟུགས་སུ་བསྒྱུར་ཏེ། བདུད་དང་ཀླུ་དང་གནོད་སྦྱིན་དང་ལྷ་མ་ཡིན་དང་ལྷ་རྣམས་ཀྱང་ཆོངས་ཤིག་རྟོགས་ཤིག་ཅེས་གསུངས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་གསོལ་བ ་བཏབ་པ་དང། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དང་བདུད་ཐམས་ཅད་འཇོམས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ངེས་པར་བསྟན་ཏོ་ཞེས་བྱ་བས་ངེས་པར་འབྲེལ་པའོ། ། ་མ་དཀྲུགས་པའི་འབྲེལ་པ་ཉིད་དུ་རིགས་སོ། །མ་དཀྲུགས་པར་འབྲེལ་པ་ནི་ཐེ་ཚོམ་དུ་གྱུར་པ་སྟེ། སྒྲའི་དོན་དྲངས་པར་འགྱུར་རོ་ཞེ་ན། སེན་ཏ་བ་འོན་ཅིག་ཅེས་བརྗོད་པའི་དུས་སུ་ཆུ་དང་ལན་ཚྭ་དང་རྟ་དང་རལ་གྲི་ལ་སོགས་པ་ལ་འགྲོ་བ་བཞིན་ནོ་ཞེས་བྱ་བས་ནམ་མཁའ་ ་པ་མངོན་པའི་ང་རྒྱལ་ཅན་དེ་དག་རང་བཟོར་འཇུག་པར་མ་བྱེད་ཅིག་པའོ། །དེ་ནས་ཤེས་བྱ་བ་ནི་ངེས་པར་འབྱེད་པ་དང་ཚིག་གི་རྒྱན་ནོ། །ཕྱག་ན་རྡོ་རྗེ་ནི་རྡོ་རྗེ་འཛིན་པ་སྟེ་དབྱེར་མི་ཕྱེད་པའི་ཡེ་ཤེས་ནི་ཆོས་ཀྱི་སྐུའོ། །ཡེ་ཤེས་དེ་དེ་ལ་ཡོད་པས་ནའོ། །རྡོ་རྗེ་སེམས ་དཔའ་ནི་ཟག་པ་མེད་པ་དང་བདེ་བ་རོ་གཅིག་པ་ཉིད་དང། སྲིད་པ་གསུམ་དེའི་ངོ་བོར་བསྡུས་པ་དེའི་ཕྱིར། མི་ཕྱེད་རྡོ་རྗེ་ཞེས་བཤད་དེ། སེམས་དང་སྲིད་གསུམ་གཅིག་པ་ཉིད། །ཤེས་རབ་འདི་ཡིས་སྦྱོར་བས་ན། །རྡོ་རྗེ་སེམས་དཔར་བཤད་པ་ཡིན། ཞེས་འབྱུང ་བས་ནའོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཞེས་བྱ་བ་ནི་གཏི་མུག་གཤིན་རྗེ་གཤེད་ལ་སོགས་པའོ། །བདག་པོ་ནི་གཙོ་བོར་གྱུར་པ་སྟེ་རྣམ་པར་ཤེས་པའི་ཕུང་པོའི་རང་བཞིན་རྣམ་པར་ཐར་པའི་སྒོ་སྟོང་པ་ཉིད་དང། མཚན་མ་མེད ་པ་དང། སྨོན་པ་མེད་པའི་ངོ་བོ་ཉིད་ཀྱིས་ཁྱབ་པ་ནི་ཆོས་ཀྱི་དབྱིངས་ཀྱི་ཡེ་ཤེས་ཏེ་ཞེ་སྡང་རྡོ་རྗེ་གཤིན་རྗེ་གཤེད་དོ། །ལ་ནི་བཞིའོ། །གསོལ་བ་བཏབ་པ་དང་ཞེས་བྱ་བ་ནི་བྱང་ཆུབ་སེམས་དཔའ་ཕྱག་ན་རྡོ་རྗེས་དེ་བཞིན་གཤེགས་པའི་གཟུགས་ཇི་ལྟར་བསྒོམ ་ཞིང་བཟུང་སྙམ་པའི་ཕྱིར་གདམས་ངག་ཞུས་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་པོས་བདུད་ཐམས་ཅད་འཇོམས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ངེས་པར ་སྟོན་ཏེ། །འདི་དག་གིས་ནི་མངོན་པར་བྱང་ཆུབ་པ་ལྔ་དང། རྡོ་རྗེ་འཛིན་པ་གཤིན་རྗེ་གཤེད་བསྒོམ་པ་སྟོན་པ་སྟེ། བདུད་ཐམས་ཅད་ནི་ཕུང་པོ་ལ་སོགས་པ་སྟེ། འཇོམས་པ་ནི་ཏིང་ངེ་འཛིན་གྱི་མཐུས་སོ། །ཏིང་ངེ་འཛིན་གྱིས་འཇོམས་པར་མི་ནུས་པ་དག་ནི་ཆོས་ཀྱི་དབྱིངས ་རྣམ་པར་དག་པའི་ཡེ་ཤེས་རྡོ་རྗེས་སོ། །ཏིང་ངེ་འཛིན་ནི་རྩེ་གཅིག་པའི་སེམས་ཏེ་གཞན་དུ་མ་གྱུར་པའི་དོན་ཏོ། །འདི་ཞེས་བྱ་བ་ནི་ཉིད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་དོ། །དེ་ལས་ཇི་འབྱུང་ཞེ་ན། ངེས་པར་སྟོན་ཏོ ་ཞེས་བྱ་བ་ནི་རྣམ་པར་སྤྲོས་པའི་ཏིང་ངེ་འཛིན་གྱི་དོན་ཏོ། །དོན་དེ་དག་ཀྱང་ཅི་ཞེ་ན། མངོན་པར་རྟོགས་པ་ལས་ནམ་མཁའ་རྡོ་རྗེའི་དབུས་སུ་ནི། །སྣ་ཚོགས་རྡོ་རྗེ་འཇིགས་པ་བསམ། །རྟག་པའི་རྒྱལ་པོ་ལས་བྱུང་བ། །གཞལ་ཡས་ཁང་མཆོག་མཛེས་པ་སྟེ། ཞེས ་བྱ་བ་དེ་མ་ཐག་ཏུའོ། །ཟླ་བ་རྡོ་རྗེའི་སྦྱོར་བ་ཡིས། །གཤིན་རྗེ་མཐར་བྱེད་བསྒོམ་པར་བྱ་ཞེས་བྱ་བ་སྨོས་ཏེ། ཟླ་བ་ནི་དཀར་པོ་དང་དམར་པོའོ། །དེ་ཡང་ཨ་ཐུང་ངུ་ལས་ཟླ་བའི་དཀྱིལ་འཁོར་གྱི་སྟེང་དུ། ཨ་ཨཱ་ཨི་ཨའི་ཨུ་ཨའུ་རི་རཱི་ལི་ལཱི་ཨེ་ཨི་ཨོ་ཨཽ་ཨཾ་ཨ(རྒྱུད་འགྲེལ་བའི་དབྱངས་ཀྱི་ཡི་གེ་བཅུ་དྲུག་པོ་ཉིས་ལྔ་པ་དུ་བཀོད་པ་ནི་ཤེས་རབ་ཀྱི་བདག་ཉིད་དོ། །རཾ་ལས་ཉི་མའི་དཀྱིལ་འཁོར་གྱི་སྟེང་དུ། ཀ་ཁ་ག་གྷ་ང། ཙ་ཚ་ཛ་ཛཧ་ཉ། ཊ་ཋ་ཌ་ཌཧ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། ཌ་ཌཧ་ད་ཡལ། ཉིས ་ལྡབ་དུ་བཀོད་པ་ཐབས་ཀྱི་བདག་ཉིད་དེ། བྱང་ཆུབ་མཆོག་ཏུ་སེམས་བསྐྱེད་པའི་བྱང་ཆུབ་སྟེ། མེ་ལོང་ལྟ་བུའི་ཡེ་ཤེས་ཀྱི་རང་བཞིན་གཏི་མུག་གཤིན་རྗེ་གཤེད་ཀྱིས་ཉེ་བར་བརྒྱན་པའོ། །དེ་གཉིས་རོ་མཉམ་པར་གྱུར་པ་ནི་ཤེས་རབ་དང་སྙིང་རྗེ་དབྱེར་མེད ་པ་ལས་བྱང་ཆུབ་པ་དེ་མཉམ་པ་ཉིད་ཀྱི་ཡེ་ཤེས་ཀྱི་རང་བཞིན་ང་རྒྱལ་གཤིན་རྗེ་གཤེད་ཀྱིས་ཉེ་བར་བརྒྱན་པའོ། །དེ་ལ་ཧཱུཾ་དཀར་པོ་རྩ་དམར་དུ་གྱུར་པའི་གསུང་མངོན་པར་རྟོགས་པ་ལས་བྱང་ཆུབ་པ་སྟེ། སོ་སོར་རྟོགས་པའི་ཡེ་ཤེས་ཀྱི་རང་བཞིན་འདོད་ཆགས ་གཤིན་རྗེ་གཤེད་ཀྱིས་ཉེ་བར་བརྒྱན་པའོ། །དེ་ལས་སྐྱེས་པ་རྡོ་རྗེའི་ནོར་བུའི་མདངས་སུ་གྱུར་པ་ནི་ཐུགས་ཀྱི་མངོན་པར་རྟོག་པ་ལས་བྱང་ཆུབ་པ་སྟེ་བྱ་བ་ནན་ཏན་གྱི་ཡེ་ཤེས་ཀྱི་རང་བཞིན་ཕྲག་དོག་གཤིན་རྗེ་གཤེད་ཀྱིས་ཉེ་བར་བརྒྱན་པའོ། །སྦྱོར་བ་ཡིས་ཞེས ་བྱ་བ་ནི་རྡོ་རྗེ་ལས་རྡོ་རྗེ་འཛིན་པའི་སྐུར་གྱུར་པ་སྟེ། སྐུ་ཡོངས་སུ་རྫོགས་པ་ལས་བྱང་ཆུབ་པ་ཆོས་ཀྱི་དབྱིངས་ཀྱི་ཡེ་ཤེས་ཀྱིས་རང་བཞིན་ཞེ་སྡང་གཤིན་རྗེ་གཤེད་ཀྱིས་ཉེ་བར་བརྒྱན་པའོ། །དེ་ཡང་རྡོ་རྗེ་འཛིན་པ་རྩ་བའི་ཞལ་དཀར་དམར་གཡས་སྔོ་གཡོན་དམར་བ ་འགྱིང་ཞིང་སྒེག་པའི་ཆ་བྱད་ཉེ་བར་འཛིན་པ། ཁྲོ་བོའི་སྟངས་ལ་རང་གི་འོད་ཤེས་རབ་དང་ཡན་ལག་འཁྱུད་པ། གཡས་བསྐུམ་ནས་གཡོན་བརྐྱང་བའི་ཞབས། ཕྱག་གཡས་ན་རྡོ་རྗེ་དང་རལ་གྲི་འཛིན་པ། ཕྱག་གཡོན་ན་འཁོར་ལོ་དང་པདྨ་འཛིན་པ། རྩ་བའི ་ཕྱག་གྲི་གུག་དང་ཐོད་པས་རང་འདྲ་བའི་ཤེས་རབ་མངོན་པར་འཛིན་པའོ། །གལ་ཏེ་འདི་དག་ནི་ཞི་བ་འཛིན་པ་སྟེ། ཁྲོ་བོར་མི་རིགས་སོ་ཞེ་ན། མ་ཡིན་ཏེ་ནག་པོ་ནི་ཞེ་སྡང་སྤྱོད་པ་ཙམ་ཉེ་བར་འཛིན་པའི་དོན་ཏོ། །དཀར་པོ་ཉིད་ཁྲོ་བོ་མ་ཡིན་ན་བཅོམ་ལྡན་འདས་ཀྱིས་གསུངས ་པའི་ཐབས་དང་ཤེས་རབ་ཀྱི་རྒྱུད་དག་དང་འགལ་ལོ། །དེ་ནས་ཡང་དགྱེས་པའི་རྡོ་རྗེ་ལས་ཟླ་བའི་འོད་ཟེར་ནོར་བུའི་མདངས་ཞེས་གསུངས་པའི་ཕྱིར་དང། དཔལ་གསང་བ་འདུས་པའི་དགོངས་པ་ཡེ་ཤེས་ཞབས་ཀྱིས་བཤད་པ་ལས་གཡས་དང་གཡོན་གྱི་ཞལ་ནི་སྔོ་དང ་དཀར། །གང་བའི་ཟླ་བ་དཀར་བའི་མདངས་དང་ལྡན། ཞེས་འབྱུང་བ་ཉིད་ཀྱི་ཕྱིར་རོ། །དེ་ལྟར་ང་ཟླ་བ་དང་རྡོ་རྗེ་རབ་ཏུ་སྦྱོར་བ་བྱས་ནས་ཐབས་དང་ཤེས་རབ་སྙོམས་པར་འཇུག་པ་ལ་ཡོངས་སུ་གྱུར་པ་ནི་ཁུ་བའི་ཐིག་ལེའོ། དེ་ལས་ལྷ་མོ་བཞི་འཕྲོས་ཤིང་བསྐུལ ་ནས་ཉི་མ་ས་བོན་དང་བཅས་པ་ལས་སྐུ་ཡོངས་སུ་གྱུར་པའི་གཤིན་རྗེ་མཐར་བྱེད་བསྒོམ་པར་བྱའོ། །འདིར་ཕྱག་དང་ཞབས་དང་བཞུགས་སྟངས་ནི་ལེའུ་བཞི་པ་ལས་ཤེས་པར་བྱའོ། །ཅིའི་ཕྱིར་བསྟན་ཞེ་ན། བདུད་བཞིའི་དོན་ལ་སོགས་པ་སྟེ། ཤིན་ཏུ་གསོལ་ ་ད་ནི་དེ་དག་གི་སྔོན་དུ་འགྲོ་བ་བཤད་པར་བྱ་སྟེ། བདུད་རྣམས་ཞི་བར་བྱ་ཕྱིར་དང། །ཞེ་སྡང་ཐམས་ཅད་གསལ་བའི་ཕྱིར། །འོད་ཟེར་ལྔ་ཡིས་འཁྲིགས་པ་ཡི། །རྡོ་རྗེ་བསྲུང་བའི་དོན་དུ་བསྒོམ། །ཕྱི་མཚམས་རྡོ་རྗེ་ས་གཞི་དང། །ར་བ་དྲ་བ་དེ་བཞིན་ནོ་ཞེས་བྱ་བ་སྨོས ་ཏེ། བདུད་རྣམས་ནི་ཞེས་བྱ་བ་ནི་བཞི་ལ་སོགས་པའོ། །ཞི་བར་བྱ་ཕྱིར་དང་ཤེས་བྱ་བ་མི་དེ་མཐུན་པ་དེ་ནུབ་པ་དང་མི་ལྡན་པར་བྱ་བའི་དོན་ཏོ། །ཞེ་སྡང་ནི་གཞན་གྱིས་མངོན་པར་འཁྲུག་པའི་བསམ་པའོ། །ཐམས་ཅད་ཅེས་བྱ ་བ་ནི་གཏི་མུག་སོགས་པ་སྟེ་འདོད་པའི་ལྷ་སྡིག་ཅན་དང། ཆུང་མ་པདྨའི་ཕྲེང་བ་ཅན་གཉིས་ཀྱི་སྤྱི་གཙུག་ན་མེ་ཏོག་གི་མངའ་ལྔ་ཡོད་པའོ། །གསལ་བའི་ཕྱིར་ཞེས་པའོ། །མི་གནས་པར་བྱ་བའི་དོན་དེ་དགོས་པའོ། །འོད་ཟེར་ལྔ་ཡིས་ཞེས་བྱ་བ་ནི ་སྟོང་པ་ཉིད་བསྒོམས་མ་ཐག་ཏུ་རྣལ་འབྱོར་པས་བསྲུང་བར་བྱ་བ་སྟེ། དེ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་ལས་སྣ་ཚོགས་རྡོ་རྗེ་རྒྱ་གྲམ་གྱི་ལྟེ་བ་ལ་ཉི་མ་ལ་གནས་པའི་ཧཱུཾ་གི་འོད་ཟེར་ལྔ་འཕྲོས་པ་ཡིས་འཁྲིགས་པའི་རྡོ་རྗེ་བསྲུང་བ་ནི་རང་གི་དོན་ཕུན ་སུམ་ཚོགས་པར་བྱ་བའི་དོན་དུ་དང། གཞན་གྱི་དོན་དུ་ཡང་བསྒོམ་པར་བྱའོ། །ཇི་ལྟར་བསྒོམ་ཞེ་ན། ཕྱི་མཚམས་ཞེས་བྱ་སྟེ་འཁོར་ཡུག་གོ་།དེའི་བར་དུ་རྡོ་རྗེའི་ས་གཞི་དང། ཕྱི་རིམ་རྡོ་རྗེ་ར་བ་དང། ནང་རྡོ་རྗེའི་དྲ་བ་དང། དེ་བཞིན་དུ་གུར་ཡང་ཤེས ་པར་བྱའོ། །དེ་ནི་གཞན་གྱི་དོན་ཕུན་སུམ་ཚོགས་པར་བྱ་བའི་དོན་དུ་དཀྱིལ་འཁོར་སྤྲུལ་པ་ནི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྐྱེད་པའི་བདུད་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །གཏི་མུག་རྡོ་རྗེ་གཤིན ་རྗེ་གཤེད་ལ་སོགས་པའི་ས་བོན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ངེས་པར་ཕྱུང་བ། དབུས་སུ་ཡ་ཀྵེ་མ་མེ། ད་ཡ་ཛ་ནི་རཱ་ཛ་ཡ། དོ་རུ་ཎ་ཡེ་ནི་རའོ། །ཞེས་བྱ་བ་སྨོས་པ་སྟེ། དེ་ནས་ཞེས་བྱ་བ་སྨོས་པ་ནི་རྣལ་འབྱོར་གཉིས་ཡོངས་སུ་རྫོགས ་པའི་དེ་མ་ཐག་ཏུའོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་རྩ་བའི་དཀྱིལ་འཁོར་དུ་གྱུར་པའི་ལྷའི་ཚོགས་སོ། །བསྐྱེད་པ་ནི་བྱེད་པ་པོ་སྟེ་དཔལ་གཤིན་རྗེ་གཤེད་ནག་པོའོ། །དེ་ནི་འཇིག་རྟེན་ན་ཕ་མ་ལྟ་བུའོ། །བདུད་འདུལ ་བའི་རྡོ་རྗེ་ནི་དབྱེར་མེད་པའི་གཤིན་རྗེ་གཤེད་ཀྱི་ངོ་བོ་ཉིད་དོ། །ཞེས་བྱ་བ་ནི་མིང་སྟེ། ཏིང་ངེ་འཛིན་ལ་སྙོམས་པར་ཞུགས་ནས་ཞེས་བྱ་བ་ནི་དེ་ཡང་དག་པར་ཐོབ་ནས་སེམས་རྩེ་གཅིག་ཏུ་བྱེད་པའི་རྣལ་འབྱོར་རོ། །གཏི་མུག་རྡོ་རྗེ་གཤིན་རྗེ་གཤེད་ལ ་སོགས་པ་ཐམས་ཅད་ཅེས་བྱ་བ་ནི་ཉེ་བར་གདགས་སུ་རུང་བའི་བཅུ་བདུན་ནོ། །ས་བོན་ཞེས་བྱ་བ་ནི་ལྷ་རྣམས་རྫོགས་པར་འགྱུར་བའི་རྒྱུའོ། །འདི་ཞེ་བྱ་བ་ནི་དཀྱིལ་འཁོར་གྱི་བདག་པོའོ། །དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལ་ངེས་པར་འབྱུང ་བ་ཞེས་བྱ་བ་ནི་འདི་ལྟར་བཤད་པར་བྱ་བ་སྟེ། རང་གི་སྙིང་ག་ནས་ཡེ་ཤེས་ཀྱི་འོད་ཟེར་ཚངས་པའི་བུ་ག་ནས་ལྕགས་ཀྱུ་ལྟ་བུས་དེ་བཞིན་གཤེགས་པ་ཐམས་ཅད་བཀུག་ནས་ཚངས་པའི་བུ་གར་ཞུགས་ཏེ་སྙིང་གར་རབ་ཏུ་ཞུ་བར་བྱའོ། །དེ་ནས་གསང་བ ་བྱིན་གྱིས་བརླབ་པར་བྱ་སྟེ། ཧཱུཾ་དང་ཨོཾ་ལས་རྡོ་རྗེ་དང་པདྨ་བསྐྱེད་ལ། ཧོ་དམར་པོ་རྣམ་པར་དཀྲུག་པའི་ཆོས་ཀྱི་འབྱུང་གནས་སུ་འབྱུང་བའི་རྣམ་པ་ཅན་གྱི་གཞལ་ཡས་ཁང་མངོན་པར་བརྩེགས་པ་མངོན་པར་སྤྲུལ་ལོ། །དེར་ཇི་སྐད་བཤད་པའི་གནས་སུ་པདྨ ་དང་ཉི་མ་དང་ཟླ་བ་རྡོ་རྗེའི་ལམ་ནས་བྱུང་བའི་བྱང་ཆུབ་ཀྱི་སེམས་ཀྱི་ཁུ་བ་དགོད་དོ། །དེ་ནས་ས་བོན་བཅུ་བདུན་དུ་གྱུར་པར་བལྟའོ། །ལ་ལ་དག་ནི་འདིར་བཅོམ་ལྡན་འདས་སྙོམས་པར་ཞུགས་པ་མ་ཡིན་ནོ་ཞེས་ཟེར་ཏེ། དེ་ལྟར་ནི་རྒྱུད་འདི་ཉིད་དང་འགལ་ལོ། །དེ་ཡང་ལེའུ་བཅུ ་བ་ལས། བྷ་གའི་ལིང་བ་བསྒོམ་པ་ཉིད། །དཀྱིལ་འཁོར་བདག་པོ་རྣམ་པར་བསྒོམ། ཞེས་གསུངས་པ་ཉིད་ཀྱིས་སོ། །གཞན་ཡང་ཇི་ལྟར་རང་གི་ཆུ་སྐྱེས་ལ། དཀྱིལ་འཁོར་རྫོགས་པ་འདི་ལྟར་འབྱུང་བར་བྱ་སྟེ་ཞེས་བྱ་བ་ནི་སྙོམས་པར་འཇུག་པར་བྱེད་ན་དེའི་སྒྲ ་ཇི་ལྟར་རྫོགས་པ་ཉིད་དུ་འགྱུར། དེ?་ནི?་འདི་སྒྲ་དེར་མི་འཇུག་གོ་ཞེ་ན། དེའི་ཚེ་སྤྲོ་བའི་སྔགས་ལ་དགོས་པ་མེད་དོ། །དེའི་ཚེ་སྔགས་ཀྱིས་ནི་རང་གི་སྙིང་ག་ནས་ཕྱུང་བའོ་ཞེ་ན། དེའི་ཚེ་ཆུ་སྐྱེས་ཀྱི་གནས་སུ་ས་བོན་དེ་ཉིད་ཉེ་བར་བཀོད་པ་ཅིའི་ཕྱིར་དེ་མི་རིགས་སོ། །དེ་བས་ན་འདི་ ་ལྟར་སྔགས་ཀྱི་ས་བོན་རྫོགས་པར་ཕྱུང་སྟེ། འདི་ལྟར་གནས་ནས་གནས་སུ་གནས་པར་བྱའོ་ཞེ་ན། གང་དམ་ཚིག་གི་དཀྱིལ་འཁོར་དུ་ཕྱུང་བའི་སྔགས་ཀྱིས་གང་དུ་ཁྱེར་བར་བྱེད། དེ་བས་ན་ངེས་པར་གསང་བའི་དཀྱིལ ་འཁོར་དུ་ས་བོན་དང་མཚན་མའི་རིམ་པ་སྐུར་བསྐྱེད་པ་ལྷག་མ་མ་ལུས་པ་སྤྲུལ་པའི་དཀྱིལ་འཁོར་ཕྱུང་སྟེ། དམ་ཚིག་གི་འཁོར་ལོ་ལ་གནས་པར་བྱ་བའི་གཞན་སྨྲ་བ་ནི་བླུན་པོ་ཉིད་དུ་ཟད་དོ། །ད་ནི་གང་ལས་གང་བསྐྱེད་པར་གསལ་བར་བྱ་སྟེ། ཡོ་སོགས ་ཡི་གེ་དང་པོ་ལས། །གཤིན་རྗེ་གཤེད་དུ་གྱུར་པ་ཡིན། །ཡི་གེ་ཀྵེ་ནི་གཏི་མུག་བརྗོད། །ཡི་གེ་མ་ནི་ཕྲ་མར་གསུངས། །ཡི་གེ་མ་ནི་འདོད་ཆགས་ཉིད། །ཡི་གེ་ད་ནི་ཕྲག་དོག་འགྱུར། །གཤིན་རྗེ་གཤེད་སོགས་ལྔ་རུ་གྲགས། །ཡི་གེ་ཡ་ལས་ཐོ་བར ་གྱུར། ཡི་གེ་ཛ་ལས་དབྱུག་པའི་གཙེ། །ལག་ན་པདྨ་ནི་ཡིག་ལས། །ལག་ན་རལ་གྲིར་ལས་ཡིན། །ཛ་ལས་ཙར་ཙི་ཀ་ཞེས་བརྗོད། །ཡི་གེ་ས་ལས་ཕག་གདོད་མའོ། །ཡི་གེ་དོ་ལས་དབྱངས་ཅན་བསྒྲགས། །ཡི་གེ་རུ་ལས་གཽ་རི་དྲན། །ཎ་ཡོ་ནི་རཱ ་མཚམས་ཀྱི་བཞི། །ཐོད་པ་བཞི་རུ་འདོད་པ་ཡིན། །ཞེས་བྱ་བ་སྨོས་ཏེ། ཡ་སོགས་ཡི་གེ་དང་པོ་ནི། །ཡ་སྟེ་དེ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པ་ཨིནྡྲ་ནཱི་ལའི་ཁ་དོག་ཅན་དེ་ལས་ཞེ་སྡང་གཤིན་རྗེ་གཤེད་དུ་གྱུར་པ་ཡིན་ནོ། །ཡི་གེ་ཀྵེ་ཡོངས་སུ་གྱུར་པ ་ལས་ཆོས་ཀྱི་འཁོར་ལོ་རྩིབས་བརྒྱད་པ་ཁ་དོག་དུང་ལྟ་བུ་སྟེ་དེ་ལས་གཏི་མུག་གཤིན་རྗེ་གཤེད་དུ་བརྗོད་དོ། །ཡི་གེ་མ་ཡོངས་སུ་གྱུར་པ་ལས་རིན་པོ་ཆེ་ཟུར་བརྒྱད་པ་ཁ་དོག་གསེར་གཙོ་མ་ལྟར་རབ་ཏུ་དད་པ་སྟེ་དེ་ལས་ཕྲ་མ་གཤིན་རྗེ་གཤེད་དུ ་གསུངས་སོ། །ཡི་གེ་མེ་ཡོངས་སུ་གྱུར་པ་ལས་པདྨ་འདབ་མ་བཅུ་དྲུག་པ་ཁ་དོག་ནི་པདྨ་རཱ་ག་ལྟ་བུ་སྟེ་དེ་ལས་འདོད་ཆགས་གཤིན་རྗེ་གཤེད་ཉིད་དོ། །དེ་ཡི་གེ་ད་ཡོངས་སུ་གྱུར་པ་ལས་རལ་གྲི་རབ་ཏུ་རྣོ་ཞིང་འབར་བ་ཁ་དོག་མར་ག་ཏ་ལྟ་བུ་སྟེ་ཕྲག་དོག་གཤིན་རྗེ ་གཤེད་དུ་གྱུར་པ་ཡིན་ནོ། །གཤིན་རྗེ་གཤེད་ཀྱི་ཚོགས་ནི་ལྔ་སྟེ་གོང་དུ་རྡོ་རྗེ་སྒྲ་འཇུག་པའི་རྒྱུ་མཚན་གྱིས་ཁྱད་པར་དུ་བྱས་པའི་ཕྱིར་གྲགས་པའོ། །ཡི་གེ་ཡ་ཡོངས་སུ་གྱུར་པ་ལས་རྡོ་རྗེ་ཐོ་བའི་རྩིབས་ཉི་ཤུ་སྤྲོས་ལ་ཁ་དོག་བཻ་ཌཱུརྱ་སྔོན་པོ་ལྟ་བུ་སྟེ་དེ་ལས་ཐོ་བ་གཤིན་རྗེ ་གཤེད་དུ་གྱུར་པ་ཡིན་ནོ། །ཡི་གེ་ཛ་ཡོངས་སུ་གྱུར་པ་ལས་རྡོ་རྗེ་དབྱུག་པ་ཁ་དོག་དཀར་པོ་སྟེ། མཚན་པ་དང་ལྡན་པའི་ཕྱིར་གཙོ་བོའོ། །དེ་ལས་དབྱུག་པ་གཤིན་རྗེ་གཤེད་དུ་གྱུར་པ་ཡིན་ནོ། །ཡི་གེ་ནི་ཡོངས་སུ་གྱུར་པ་ལས་པདྨ་འདབ་མ་བརྒྱད་པ་ཁ་དོག་དམར ་པོ་སྟེ་དེ་དག་ལས་ལག་ན་པདྨ་འཛིན་པའི་པདྨ་གཤིན་རྗེ་གཤེད་དུ་འགྱུར་རོ། །ཡི་གེར་ཡོངས་སུ་གྱུར་པ་ལས་རལ་གྲི་ཁ་དོག་ལྗང་གུ་སྟེ། དེ་ལས་ལག་ན་རལ་གྲི་འཛིན་པའི་རལ་གྲི་གཤིན་རྗེ་གཤེད་དུ་གྱུར་པ་ཡིན་ནོ། །ཡི་གེ་ཛ་ལས་འཁོར་ལོ་དཀར་པོ་སྟེ། དེ ་ལས་ལྷ་མོ་ཙར་ཙི་ཀ་ཞེས་བརྗོད་དོ། །ཡི་གེ་ས་ཡོངས་སུ་གྱུར་པ་ལས་རྡོ་རྗེ་སྔོན་པོ་སྟེ། དེ་ལས་ལྷ་མོ་ཕག་གདོང་མར་གྱུར་ཏོ། །ཡི་གེ་ངོ་ཡོངས་སུ་གྱུར་པ་ལས་པདྨ་དམར་པོ་སྟེ། ལྷ་མོ་དབྱངས་ཅན་མ་ཉིད་དུ་བསྒྲགས་སོ། །ཡི་གེ་རུ་ཡོངས་སུ་གྱུར་པ་ལས་རལ་གྲི་ལྗང ་གུ་སྟེ། དེ་ལས་ལྷ་མོ་གཽ་རཱི་མ་དྲན་པར་བྱའོ། །ཎ་རོ་ནི་རཱ་གོང་བཞིན་དུ་མཚམས་བཞིར་བྱང་ཆུབ་སེམས་ཀྱི་གང་བའི་ཐོད་པ་བཞི་འདོད་པ་ཡིན་ནོ། །དེའི་གནས་གང་དུ་བསྒོམ་ཞེ་ན། སྣ་ཚོགས་རྡོ་རྗེ་འཇིགས་སུ་རུང་བ་ཞེས་བྱ་བ་སྨོས་ཏེ། སྣ་ཚོགས་ནི་པཾ་དམར་སེར ་ལས་པདྨ་སྣ་ཚོགས། དེའི་སྟེང་དེ་དུ་ཧཱུཾ་ལས་སྣ་ཚོགས་འཇིགས་སུ་རུང་བ་དེ་ཟླ་བའི་དཀྱིལ་འཁོར་གྱིས་ཡོགས་པར་བྱས་ལ་དེའི་སྟེང་ན་གཞལ་ཡས་ཁང་བརྩེགས་པའི་ངོ་བོ་གང་ན་དང་བཅས་པ་བསམ་པར་བྱའོ། །དེའི་ཕྱོགས་དང་ཁ་དོག་གི་བྱེ་བྲག་དང་གཟུགས ་སྣ་ཚོགས་པ་རྣམས་ནི་ལེའུ་བཅུ་བཞི་པ་ལས་གསུངས་སོ། །དཀྱིལ་འཁོར་དེ་དག་ཀྱང་གང་ལ་བརྟེན་ཞེ་ན། ནམ་མཁའ་རྡོ་རྗེའི་དཀྱིལ་དུ་བསམ། ཞེས་བྱ་བ་སྨོས་ཏེ། ནམ་མཁའ་ནི་བྷ་ག་སྟེ། ཆོས་ཐམས་ཅད་ཀྱི་རང་བཞིན་ཡིན་པས་ན་ཆོས་ཀྱི་འབྱུང་གནས ་ཏེ་ཕྱག་རྒྱའོ། །དེ་ཉིད་རྟོག་པ་མ་ལུས་པ་ཟད་པའི་ཕྱིར་དབྱེར་མི་ཕྱེད་པའི་དོན་དེ་རྡོ་རྗེའོ། །དེའི་དཀྱིལ་དུ་གོང་གི་གཞལ་ཡས་ཁང་བསམ་མོ། །དེ་ལྟ་བུའི་གཞལ་ཡས་ཁང་དེར་ལྷ་རྣམས་ཀྱི་ཕྱོགས་དང་གོ་རིམས་ཇི་ལྟར་བཞུགས ་ཤེ་ན། དེ་དཀྱིལ་བཞུགས་པའི་གཤིན་རྗེ་གཤེད། །གནག་ཅིང་འབར་བ་བསྒོམ་པར་བྱ། །ཤར་དུ་གཏི་མུག་རྡོ་རྗེ་སྟེ། །ལྷོ་རུ་དེ་བཞིན་ཕྲོ་མ་སྟེ། །ནུབ་ཏུ་འདོད་ཆགས་རྡོ་རྗེ་སྟེ། །དེ་བཞིན་བྱང་དུ་ཕྲག་དོག་གོ་།རྡོ་རྗེ་རྩ་ཡི་མཚམས་བཞི་ལ། །ཙར་ཙི་ཀ ་སོགས་རྣམ་པར་བསྒོམ། །སྒོ་ཡི་རྡོ་རྗེ་རྩེ་བཞི་ལ། །ཐོ་བ་ལ་སོགས་རྣམ་པར་བསྒོམ། །སྣ་ཚོགས་རྡོ་རྗེའི་མཚམས་བཞི་རུ། །མི་ཡི་མགོ་བོ་བཞི་དག་གོ་།ཞེས་བྱ་བ་སྨོས་ཏེ། འདི་དག་གིས་ནི་རང་གི་ཆུ་སྐྱེས་ལ་གཞལ་ཡས་ཁང་བརྩེགས་པ་གསལ ་པར་བཤད་དོ། །དེའི་དཀྱིལ་ནི་གཞལ་ཡས་ཁང་གི་རྡོ་རྗེ་ལྟེ་བའོ། །དེ་ལ་བཞུགས་པའི་གཤིན་རྗེ་གཤེད་ནི་ཁ་དོག་ནག་ཅིང་འབར་བ་སྟེ། ཞེ་སྡང་ཆེན་པོའི་རིགས་སུ་གྱུར་བ་དང། ཆོས་ཀྱི་དབྱིངས་རྣམ་པར་རྟོགས་པའི་ཆ་གང་གིས་ཀྱང་བསྒྱུར་བར་མི་ནུས་པའི ་དོན་དང། འགྲོ་བ་ཐམས་ཅད་ཀྱི་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པའི་དྲི་མ་བསྡུས་པས་གཤིན་རྗེ་མཐར་བྱས་པའི་དོན་དང། ལོངས་སྤྱོད་རྫོགས་པའི་མཚན་དང་དཔེ་བྱད་འབར་བ་བསྒོམ་པར་བྱའོ། །ཤར་དུ་ཞེས་བྱ་བ་ནི་ཤར་གྱི་ཕྱོགས ་ཏེ་བྱང་ཆུབ་ཀྱི་སེམས་བསྐྱེད་པའི་རང་བཞིན་ནོ། །དེར་རྡོ་རྗེ་རྩིབས་ཀྱི་རྩ་བ་ལ་གཏི་མུག་རྡོ་རྗེའོ། །སྟེ་ཞེས་བྱ་བ་ནི་མ་འོངས་པ་ཉེ་བར་སྡུད་པའི་ཚིག་གོ་།ལྷོ་ནི་ལྷོའི་ཕྱོགས་ཏེ་དབང་ཡོངས་སུ་རྫོགས་པའི་རང་བཞིན་ནོ། །དེར་རྡོ་རྗེ་རྩིབས་ཀྱི་རྩ་བ་ལས་གོང་གི་དེ་བཞིན ་དུ་ཕ?་མ་རྡོ་རྗེའི་ཡིན་ཞེས་བྱ་བ་ནི་ཐམས་ཅད་ནས་ཐམས་ཅད་དུ་འཁྲུག་བ་མེད་བའི་དོན་ཏོ། །ནུབ་ནི་ནུབ་ཀྱི་ཕྱོགས་ཏེ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་རང་བཞིན་ནོ། །དེར་རྡོ་རྗེ་རྩིབས་ཀྱི་རྩ་བ་ལ་འདོད་ཆགས་རྡོ་རྗེའོ། །སྟེ་ཞེས་བྱ་བ་ནི་བྱང་ཉེ་བར་བསྡུས་པའི ་ཚིག་གོ་།དེ་བཞིན་བྱང་དུ་ཞེས་བྱ་བ་ནི་བྱང་གི་ཕྱོགས་ཏེ། ཐམས་ཅད་མ་ལུས་པར་རྒྱས་བཏབ་པའི་རང་བཞིན་ནོ། །དེར་རྡོ་རྗེ་རྩིབས་ཀྱི་རྩ་བ་ལ་རྡོ་རྗེ་ཕྲག་དོག་གོ་།རྡོ་རྗེ་ནི་སྣ་ཚོགས་རྡོ་རྗེ་སྟེ། མཚམས་བཞི་ནི་ཕྱོགས་གཉིས་ཀྱི་མཚམས་སོ། །རྩ་བ་བཞི་ལ་ཞེས་བྱ་བ ་ནི་ཤར་ལྷོ་ལ་སོགས་པའོ། །ཙར་ཙི་ན་སྭཱ་ར་སྭསྟི་སྟེ་ལ་སོགས་པ་ནི་ཕག་མོ་དང་དབྱངས་ཅན་མ་དང་གཽ་རཱིའོ། །རྣམ་པར་བསྒོམ་པ་ནི་རང་རང་གི་གཙོ་བོ་ལ་ཅུང་ཟད་ཕྱོགས་པའོ། །སྒོ་ནི་ཁྱུད་དང་ལོགས་དང་ངོས་དང་འགྲམ་དང་ཡ་ཕུབས་དང་ལྡན་པ་ལ་བྱའོ། །རྡོ་རྗེའི ་རྩེ་ནི་སྣ་ཚོགས་རྡོ་རྗེའི་རྩེ་མོ་བཞི་སྟེ། ཕྱོགས་བཞི་དབུས་ན་གནས་པའི་ཕྱིར་སྒོ་བཞི་ལ་ཉེ་བ་དང་འདྲ་བ་ཉིད་དུ་གནས་པའོ། །ཐོ་བ་ནི་ཐོ་བ་གཤིན་རྗེ་གཤེད་དེ། སོགས་པ་ནི་དབྱུག་པ་དང་པདྨ་དང་རལ་གྲིའོ། །རྣམ་པར་བསྒོམ་ཞེས་བྱ་བ་ནི་སྒོའི་དཀྱིལ་དུའོ། །སྣ ་ཚོགས་རྡོ་རྗེ་མཚམས་བཞིར་ནི་ཕྱི་མཚམས་ཏེ། དེ་ལ་མཆོད་པ་ཡོངས་སུ་རྫོགས་པར་བྱ་བའི་ཕྱིར་མི་ནི་གྲགས་པར་ཟད་དོ། །མགོ་ནི་དབང་པོ་ལྔའི་བཞིའོ། །བཞི་ནི་གྲལ་དེ་དག་གོ་།ཁུངས་ནས་སྤྲོ་བར་བྱ་བ་གསུངས་པ་ཉིད་ཀྱིས་སོ།། །། ་བམ་པོ་གཉིས་པ། ད་ནི་གསང་བའི་དཀྱིལ་འཁོར་དེ་དག་གཞལ་ཡས་ཁང་རྫོགས་པར་དབྱུང་བ་ནི་སྔགས་དང་ལྡན་པའི་ཏིང་ངེ་འཛིན་གྱིས་སོ། །དེ་ཡང་ཇི་ལྟར་འབྱུང་ཞེ་ན། ལེའུ་བཅུ་པ་ལས། སོ་སོའི་རིགས་ཀྱི་སྤྲིན་རྣམས་ནི་།བ་སྤུའི་ཁུར?་ནས་སྤྲོ་བར ་བྱ། ཞེས་གསུངས་པ་ཉིད་ཀྱིས་སོ། །དེ་ལ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་གཤིན་རྗེ་གཤེད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞེས་བྱ་བ་སྨོས་ཏེ། རྡོ་རྗེ་ནི་མི་ཕྱེད་པ་སྟེ། དེའི་ཏིང་ངེ་འཛིན་ལ་སྙོམས ་པར་ཞུགས་ནས་གདུལ་བྱ་ལ་སྣ་ཚོགས་པར་བྱེད་པ་ཉིད་སྟོན་ཏོ། །ཇི་ལྟར་སྟོན་ཞེ་ན། སྐུ་གསུང་ཐུགས་ཡོངས་སུ་རྫོགས་པར་དེ་ཉིད་དུ་གསལ་བར་བྱེད་པའོ། །དེ་ཡང་སྔགས་ཀྱི་མཐུ་ཁྱད་པར་ཅན་དུ་བྱ་བ་ནི་ཞེ་སྡང་ཆེན་པོ་རིགས་ཀྱི་སྔགས་གསུངས་པ། ཨོཾ་ཧྲཱི་ཥྚརཱི(རྒྱུད་འགྲེལ་ན་ན་ཧཱུཾ་ཧཱུཾ་ཕཊ་ཕཊ་སྭཱཧཱ། ཞེས་བྱ་བ་སྨོས་ཏེ། རིགས་གཅིག་པའི་ངོ་བོ་གཤིན་རྗེ་གཤེད་འདི་ལྟར་དབྱུང་བར་བྱའོ། །དེ་དག་གིས་འགྲོ་བ་ཐམས་ཅད་མངོན་པར་སྦྱངས་ནས་སྐལ་བ་དང་ལྡན་པར་བྱས་ཏེ་བདག་ཉིད་ལ་བྱིན་གྱིས་བརླབས་པར ་བྱའོ། སྔགས་ནི་ཡོན་ཏན་མ་ལུས་པའི་དོན་དེ་བསམ་པར་མི་ནུས་སོ། ཕྱོགས་གཅིག་པའི་མངོན་པར་རྟོགས་པ་བཤད་པ་ནི་ཡེ་ཤེས་ལྔ་དག་པར་འཛིན་པ་ཨོཾ་སྟེ། ཨོཾ་ཨཱ(རྒྱུད་འགྲེལ་པ་སོ་སོར་རྟོགས་པའི་ཡེ་ཤེས་དང། བྱ་བ་མི་སླུ་བ་བྱ་བ་བསྒྲུབ་པའི་ཡེ་ཤེས་དང། ཐམས་ཅད་ཆུའི་ནང་གི་ཟླ་བ་ལྟ་བུར་རྟོགས་པ་མེ་ལོང་ལྟ་བུའི་ཡེ་ཤེས་དང། ཐིག་ལེ་དབྱེར་མི་ཕྱེད་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། འདིས་ནི་བྱིན་གྱིས་རློབ་པའོ། །ཧྲཱི(རྒྱུད་འགྲེལ་སྙིང་པོ་སྟེ་སངས་རྒྱས་ཐམས་ཅད་ཀྱི་ཐུགས་སྡུད་པའོ། །ཥྚརཱི(རྒྱུད་འགྲེལ་དམྱལ་བ་སྟེ་འཁོར་བ་ཉིད་བདེ་བ་ཆེན་པོའོ། །ན་ནི་སྤྲོས་པ་སྟེ་གཞན་གྱི་ནུས་པ་སེལ་བར་བྱེད་པའོ། །ཧ་ཨུ་ཨ་ནི་ཧཱུཾ་སྟེ་རྒྱུ་མེད་པ་དང། ཚོགས་དང་བྲལ་བ་དང། །མཐར་མི་འཛིན་པ་སྟེ། དེ་རྟོགས་པ་སངས་རྒྱས་ཀྱི་ཡོན་ཏན་སྡུད་པའོ། །ཧཱུཾ་གཉིས་པ་ནི་ཆེད་དུ ་ཉུང་བ་ཉིད་དུ་སྡུད་པའོ། །ཞེ་སྡང་ཟད་པར་བྱེད་པས་ན་ཕཊ་དོ། །ཞེ་སྡང་ཆེན་པོ་ཉམས་དང་ལྡན་པས་ན་ཕཊ་གཉིས་པའོ། །མཐུ་རྒྱུན་མ་ཆད་པའི་དོན་གྱིས་ན་སྭཱཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་གཏི་མུག་རྡོ་རྗེ ་ཆེན་པོའི་སྔགས་གསུངས་པ། །ོཾ་ཛི་ན་ཛི་ཀ་ཅེས་བྱ་བ་སྨོས་ཏེ་ཛི་ནི་བྱང་ཆུབ་སེམས་དཔའ་སྟེ། ན་ནི་གཏི་མུག་མི་གནས་པར་བྱ་བའི་དོན་ཏོ། །ཛི་ག་ནི་འཛིན་པ་སྟེ། གཏི་མུག་ཆེན་པོས་འགྲོ་བ་ཐམས་ཅད་སངས་རྒྱས་སུ་འཛིན་པའོ། །དེ་ནས་བཅོམ་ལྡན་འདས་དེ ་བཞིན་གཤེགས་པ་ཐམས་ཅད་ཀྱི་བདག་པོས་ཕྲ་མ་རྡོ་རྗེའི་སྔགས་གསུངས་པ། ཨོཾ་རཏན་དྷྲི་ག་ཅེས་བྱ་བ་སྨོས་ཏེ། རཏན་ནི་རིན་པོ་ཆེ་སྟེ། སངས་རྒྱས་པའི་བར་དུ་ཆེ་བའི་ཡོན་ཏན་ཟད་མི་ཤེས་པའི་དོན་ཏོ། །དྷྲི་ག་ནི་བརྟུལ་ཞུགས་ཏེ་ཕྲ་མ་ཆེན་པོའི་བརྟུལ ་ཞུགས་ཀྱིས་དྲི་མ་མ་ལུས་པ་འབྱེད་པར་བྱེད་པའི་དོན་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་འདོད་ཆགས་རྡོ་རྗེའི་སྔགས་གསུངས་པ། ཨོཾ་ཨ་རོ་ལི་ག་ཅེས་བྱ་བ་སྨོས་ཏེ། ཨ་ནི་མ་སྐྱེས་པའོ། །རོ་ནི་ཉམས་སུ་མྱོང་བའོ ་ལི་ག་ནི་མངོན་པར་ཞེན་པའོ། །འདོད་ཆགས་ཆེན་པོས་སེམས་ཅན་འདུལ་བར་བྱེད་པའི་དོན་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ཕྲག་དོག་རྡོ་རྗེའི་སྔགས་གསུངས་པ། ཨོཾ་པྲཛྙཱ་དྷྲི་ག་ཅེས་བྱ་བ་སྨོས་ཏེ། པྲ་ཛྙཱ་ནི ་ཤེས་རབ་སྟེ། ཆོས་ཐམས་ཅད་གཅིག་དང་དུ་མ་དང་བྲལ་བས་རང་བཞིན་མེད་པ་ཉིད་དུ་བྱས་པའོ། །དྷྲི་ག་ནི་རང་ལ་གནས་པ་སྟེ། ཡོན་ཏན་དང་ལྡན་པའི་འབྲས་བུ་གཞན་ལ་ཕྲག་དོག་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས ་ཅད་ཀྱི་བདག་པོས་རྡོ་རྗེ་ཐོ་བའི་སྔགས་གསུངས་པ། ཨོཾ་མུཏཀ་ར་དྷྲི་ག་ཅེས་བྱ་བ་སྨོས་ཏེ། མུཏཀ་ར་ནི་ཐོ་བ་སྟེ། དད་པ་རྣམ་པར་དག་པའི་སྟོབས་དང་ལྡན་པའི། དྷྲི་ག་ནི་བརྟུལ་ཞུགས་ཏེ་ཕུང་པོའི་བདུད་ཟད་པར་བྱེད་པའོ། །དེ་ནས་བཅོམ་ལྡན་འདས་དེ་བཞིན ་གཤེགས་པ་ཐམས་ཅད་ཀྱིས་བདག་པོས་རྡོ་རྗེ་དབྱུག་པའི་སྔགས་གསུངས་པ། ཨོཾ་དཎདྲ་དྷྲི་ག་ཅེས་བྱ་བ་སྨོས་ཏེ། དཎདྲ་ནི་དབྱུག་པའོ། །དེས་འཇོམས་པར་བྱེད་པ་སྟེ། བརྩོན་འགྲུས་རྣམ་པར་དག་པའི་སྟོབས་དང་ལྡན་པའོ། །དྷྲིག་ནི་བརྟུལ་ཞུགས་ཏེ། ཉོན ་མོངས་པའི་བདུད་ཟད?་པར་བྱས་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་པདྨའི་སྔགས་གསུངས་པ། ཨོཾ་པདམོ་དྷྲི་ག་ཅེས་བྱ་བ་སྨོས་ཏེ། པདྨ་ནི་ཆགས་པའི་དོན་ཏོ། །དྲན་པ་རྣམ་པར་དག་པ་ཉིད་ཡོད་པས་སོ། །བྷྲི་ག་ནི ་བརྟུལ་ཞུགས་ཏེ། འཆི་བདག་གི་བདུད་ཟད་པར་བྱས་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་རལ་གྲིའི་སྔགས་གསུངས་པ། ཨོཾ་ཁཌག་དྷྲི་ག་ཅེས་བྱ་བ་སྨོས་ཏེ། ཁཌག་ནི་རལ ་གྲིའོ། དེ་ནི་ཟག་པ་མེད་པའི་དོན་ཤེས་རབ་ཀྱི་རང་བཞིན་ཏེ། ཏིང་ངེ་འཛིན་གྱི་སྟོབས་རྣམ་པར་དག་པའོ། །དྷྲི་ག་ནི་བརྟུལ་ཞུགས་ཏེ། ལྷའི་བུ་རྣམ་པར་གཡེང་བྱེད་ཀྱི་བདུད་ཕམ་པར་བྱས་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ ་ཐམས་ཅད་ཀྱི་བདག་པོས་རྡོ་རྗེ་ཙར་ཙི་ཀའི་སྔགས་གསུངས་པ། ཨོཾ་མོ་ཧ་ར་ཏི་ཞེས་བྱ་བ་སྨོས་ཏེ། མོ་ཧ་ར་ཏི་ནི་རྣམ་པར་དག་པ་སྟེ་བདེ་བ་ཆེན་པོས་ཡོངས་སུ་གང་བའི་ཡིད་དེ་གཏི་མུག་གཤིན་རྗེ་གཤེད་ལ་གཉིས་སུ་མེད་པ་རྫོགས་པས་ཏིའོ། །དེ ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་ཕག་མོའི་སྔགས་གསུངས་པ། ཨོཾ་དྷེ་ཤྭ་ར་ཏི་ཞེས་བྱ་བ་སྨོས་ཏེ། དྷེ་ཞེས་བྱ་བ་ནི་ལྟ་སྟེ། བདེ་བའི་རོལ་པས་མངོན་པར་རྩེ་བའོ། །ཞེ་སྡང་ཆེན་པོའི་ཐུགས་ལ་རབ་ཏུ ་དབང་བའི་ཕྱིར་ཤྭར་ཏེ་དབང་ཕྱུག་གོ་།བཅོམ་ལྡན་འདས་ཀྱི་སྐུ་ལ་མངོན་པར་རྫོགས་པས་ན་ཏིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་དབྱངས་ཅན་མའི་སྔགས་གསུངས་པ། ཨོཾ་རཱ་ག་ར་ཏི་ཞེས་བྱ་བ་སྨོས ་པས་རཱ་ག་ནི་མཚོན་ཏེ་སྣ་ཚོགས་པའི་མདངས་དང་ལྡན་པའོ། །ར་ནི་ཁྲག་སྟེ་མཉེས་པར་བྱེད་པའོ། །འདོད་ཆགས་རྡོ་རྗེའི་སྐུ་ལས་ཡོངས་སུ་རྫོགས་པས་ཏིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་གོ་རི་མའི ་སྔགས་གསུངས་པ། ཨོཾ་བཛྲ་ར་ཏིའི་ཞེས་བྱ་བ་སྨོས་ཏེ། བཛྲ་ནི་རྡོ་རྗེ་སྟེ། དབྱེར་མི་ཕྱེད་པའི་དོན་ཏོ། །ར་ནི་ཁྲག་སྟེ་སྙིང་རྗེས་ཉེ་བར་འཛིན་པའོ། །ཕྲག་དོག་རྡོ་རྗེའི་སྐུ་ལ་རྫོགས་པ་ཉིད་ཀྱི་ཏིའོ། །དེ་ཡང་ཐམས་ཅད་གསང་བ་ལས། བཅོམ་ལྡན ་འདས་ཀྱིས་བྱིན་གྱིས་བརླབས་པའི། ནོར་བུ་ལྟ་བུའི་སྔགས་རྣམས་ནི། །གསང་ཆེན་རབ་ཏུ་སྦྱོར་བ་ཡིས། །འདི་ནི་བསམ་དཔག་དཀའ་བ་སྟེ། །འདི་ཡི་སྒྲོལ་བ་འདིར་རིགས་མིན། །མཁས་པ་རྣམས་ཀྱི་ཕྱོགས་ཙམ་བརྗོད། ཅེས་འབྱུང་བས་ཤེས་པར ་བྱའོ། དེ་ནས་བཅོམ་ལྡན་འདས་རྫོགས་པས་དཀྱིལ་འཁོར་གྱི་སྐུ་གསུང་ཐུགས་བྱིན་གྱིས་བརླབ་པ་ནི་ལུས་ངག་ཡིད་གསུམ་འབར་བར་བྱས་པའི་དོན་ཏོ། །དེ་ཡང་ཅི་ཞེ་ན། དེ་ནས་བཅོམ་ལྡན་འདས་ཀྱིས་སྐུ་གསུང་ཐུགས་བྱིན་གྱིས་བརླབས་པའི་སྔགས ་གསུངས་པ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོཉཧཾ། ཨོཾ་སརྦ་ཏ་ཐཱ་ག་ཏ་ཏིཏྟ་བཛྲ་སྭ་བྷཱ་བ་ཨཱཏྨ་ཀོཉཧཾ། ཞེས་བྱ་བ་སྨོས་ཏེ། སྐུའི་གནས་ནི་དབྲལ་བའོ། །གསུང་གི་གནས་ལྐོག་མའོ། །ཐུགས ་ཀྱི་གནས་ནི་སྙིང་གའོ། །ཡིག་འབྲུ་ནི་ཨོཾ་ཨཱ(རྒྱུད་འགྲེལ་ས་བོན་གྱི་འོད་ཟེར་གྱིས་ཡེ་ཤེས་ཀྱི་སྐུ་གསུང་ཐུགས་རྡོ་རྗེ་སྤྱན་དྲངས་ཏེ་གཉིས་སུ་མེད་པར་རོ་གཅིག་པར་བྱེད་པ་ནི་སྔགས་སོ། །བྱིན་གྱིས་བརླབ་པའི་སྔགས་ཀྱི་དོན་ནི། སརྦ་ནི་ཐམས་ཅད་དོ། །ཏ་ཐཱ་ག་ཏ་ནི་དེ་བཞིན་གཤེགས་པའོ། །ཀཱ་ཡ་ནི་སྐུའོ། །སྭ་བྷཱ་བ་ནི་རང ་བཞིན་ནོ། །ཱཏྨ་ནི་བདག་གོ་།ཀོ་ཧཾ་ནི་ཡིན་པའོ། །བཱ་ཀ་བཛྲ་ནི་གསུང་རྡོ་རྗེའོ། །ཙིཏྟ་བཛྲ་ནི་ཐུགས་རྡོ་རྗེའོ། །དེ་དག་ནི་མཐུས་བྱིན་གྱིས་བརླབ་པ་ཉིད་དུ་འགྱུར་རོ། །ད་ནི་ཡོངས་སུ་རྫོགས་པར་འགྱུར་བའི་མདོག་དང་ཞལ་དང་མཚན་མ་བསྟན་པར་བྱ་སྟེ། དེ་ནས ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ཞེ་སྡང་གི་སྐུ་ངེས་པར་བསྟན་པ། ཞལ་གསུམ་ཕྱག་དྲུག་ཁྲོས་པ་ལ། །ིནྡྲ་ནཱི་ལ་འདྲ་བའིའོ། །ཕྱག་ན་རྡོ་རྗེ་བསྣམས་པ་ཉིད། །གཤིན་རྗེ་གཤེད་ནི་བསྒོམ་པར་བྱ། །ཞལ་གསུམ་ཕྱག ་དྲུག་ཞི་བ་ལ། །གསལ་བའི་གཟུགས་དང་མཚུངས་པའི་འོད། །ཕྱག་ན་འཁོར་ལོ་བསྣམས་པ་ཉིད། །གཏི་མུག་རྡོ་རྗེ་རྣམ་བསྒོམ་བྱ། །ཞལ་གསུམ་ཕྱག་དྲུག་རྒྱས་འགྱུར་བ། །གསེར་གྱི་རྣམ་པའི་འོད་དང་ལྡན། །ཕྱག་དང་རིན ་ཆེན་བསྣམས་པ་ཉིད། །ཕྲ་མ་རྡོ་རྗེ་རྣམ་བསྒོམ་བྱ། །ཞལ་གསུམ་ཕྱག་དྲུག་དབང་བྱེད་པ། །པདྨ་རཱ་ག་མཚུངས་པའི་འོད། །ཕྱག་ན་པདྨ་བསྣམས་པ་ཉིད། །འདོད་ཆགས་རྡོ་རྗེ་རྣམ་བསྒོམ་བྱ། །ཞལ་གསུམ་ཕྱག་དྲུག་ཐམས་ཅད་ལ། །རིན་ཆེན ་མརྒད་འོད་དང་ལྡན། །ཕྱག་ན་ཤུགས་ཅན་བསྣམས་པ་ཉིད། །ཕྲག་དོག་རྡོ་རྗེ་རྣམ་བསྒོམ་བྱ། །ཞེས་བྱ་བ་སྨོས་ཏེ། ཞལ་གསུམ་ནི་གཡས་དང་གཡོན་དང་དབུས་སོ། །ཕྱག་དྲུག་ནི་གཡས་ཀྱི་དང་པོ་དང། བར་པ་དང། ཐ་མ་དང། གཡོན་གྱི་དང་པོ་དང ་བར་བ་དང། ཐ་མའོ། ཁྲོས་པ་ལ་ཞེས་བྱ་བའི་སྤྱན་དགུ་མདངས་དམར་ཞིང་རབ་ཏུ་བཟློག་པ་དང། ཞལ་གསུམ་ལ་མཆེ་བ་བཅུ་གཉིས་ཀྱིས་རབ་ཏུ་གཙིགས་ཤིང་ལྗགས་འགྲིལ་བའི་འོད་ཟེར་གྱིས་འཁྲུག་པ་དང། ཁྲོ་བོའི་རྟགས་མ་ལུས་པས ་བརྒྱན་པའོ། །ིནྡྲ་ནཱི་ལ་ནི་རིན་པོ་ཆེ་སྟེ། དཔེ་དང་འདྲ་བ་འོད་དོ། །ཕྱག་ན་ཞེས་བྱ་བ་ནི་གཉིས་ཀྱི་དང་པོ་སྟེ། རྡོ་རྗེ་རྩེ་ལྔ་པ་འབར་བ་བསྣམས་པ་ཉིད་དོ། །གཤིན་རྗེ་གཤེད་དུ་བསྒོམ་པ་ནི་རྣལ་འབྱོར་བདག་ཉིད་དོ། །ཞལ་གསུམ་ཕྱག་དྲུག་པ་ནི་སྔར་བཞིན་ནོ ་ཞི་བ་ལ་ཞེས་བྱ་བ་ནི། ཁྲོ་ཞིང་ཞི་ལ་ཞི་བའི་ལས། །གདོན་མི་ཟ་བར་མཛད་པའོ། །དེ་དང་མཚུངས་པའི་སྐུ་མདོག་ནི། །གསལ་དེའི་གཟུགས་དང་མཚུངས་པའི་འོད་ཅེས་བྱ་བ་སྟེ། སྟོན་ཀའི་དུས་ཀྱི་ཟླ་བ་དང་གཟུགས་དང་མཚུངས་པའི་འོད་དོ། །ཕྱག་ནི ་གཉིས་ཀྱི་དང་པོ་སྟེ། ཆོས་ཀྱི་འཁོར་ལོ་རྩིབས་བརྒྱད་པ་རྣམ་པ་ཉིད་དོ། །གཏི་མུག་རྡོ་རྗེ་ལ་སོགས་པ་ནི་ཤེས་པའི་རྣམ་པ་ལྟར་བསྒོམ་པར་བྱའོ། །རྒྱས་འགྱུར་བ་ཞེས་བྱ་བ་ནི་བསོད་ནམས་མ་ལུས་པ་རྒྱས་པ་ལས་གདོན་མི་ཟ་བར་མཛད་པས་སོ། །དེ་དག་གི ་མདོག་ནི་གསེར་ལྟ་བུ་སྟེ། རྣམ་པའི་འོད་དང་ལྡན་ཞེས་པ་ནི་བཙོ་མའི་འོད་ལྟར་འཁྲུག་པའོ། །ཕྱག་གཉིས་པའི་དང་པོའི་རིན་པོ་ཆེ་ནི་ཟུར་བརྒྱད་པ་འབར་བ་བསྣམས་པ་ཉིད་དོ། །དེ་ཉིད་ཕྲ་མ་རྡོ་རྗེའི་རྣམ་པར་བསྒོམ་པར་བྱའོ། །ཞལ་གསུམ་ཕྱག་དྲུག་ནི ་སྔར་བཞིན་ནོ། །དབང་བྱེད་པ་ཞེས་བྱ་བ་ནི་ས་སྟེངས་དང་ས་འོག་དང་ས་བླ་སྟེ། ཐམས་ཅད་དབང་དུ་གྱུར་པའི་ལས་གདོན་མི་ཟ་བར་མཛད་པས་སོ། །པདྨ་རཱ་ག་ནི་རིན་པོ་ཆེའི་བྱེ་བྲག་གོ་།དེ་དག་ནི་ལས་དང་མཚུངས་པའི་འོད་དོ། །ཕྱག་ནི་གཉིས་པའི་དང་པོའོ། ་པདྨ་ནི་འདབ་མ་བཅུ་དྲུག་པ་སྟེ། འཕྱར་བ་ལ་བསྣམས་པ་ཉིད་ཅེས་བྱའོ། །ཞལ་གསུམ་ཕྱག་དྲུག་སྔར་བཞིན་ནོ། །ཐམས་ཅད་པ་ནི་འཕྲིན་ལས་ཏེ་དགུག་པ་དང་བསྐྲད་པ་དང་སོགས་པའི་ལས་ཀྱང་གདོན་མི་ཟ་བར་མཛད་པའོ། །མརྐཏ་ནི་མདོག་ལྗང་གུར་གནས ་པའི་ནོར་བུ་སྟེ། འཕྲིན་ལས་ལ་རབ་ཏུ་ཤིས་པའི་ཕྱིར། རིན་པོ་ཆེ་མརྒད་ཀྱི་འོད་དང་ལྡན་པའོ། །ཕྱག་ནི་གཉིས་ཀྱི་དང་པོའོ། །ཤུགས་ཅན་ནི་རལ་གྲིའི་ཤུགས་དང་ལྡན་པ་སྟེ། རལ་གྲི་ནི་ཕྱག་ན་བསྣམས་པ་ཉིད་དོ། །དེ་ཉིད་ཕྲག་དོག་རྡོ་རྗེའི་རྣམ་པར ་བསྒོམ་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ཅེས་བྱ་བ་ནི་བཤད་ཟིན་ཏོ། །མངོན་པ་ནི་བསྒྲུབ་བྱ་སྟེ། འབྲས་བུའོ། །རྟོགས་པར་ནི་སྒྲུབ་པའི་ཐབས་སོ། །རིམ་པར་ཕྱེ་བ་ནི་རྣལ་འབྱོར་རྣམ་པ ་བཞི་སྟེ། དང་པོ་ཞེས་བྱ་བ་ནི་བཅོ་བརྒྱད་ཀྱི་ཐ་མར་སྨོས་པའོ། །ནག་པོ་ཞབས་ཀྱི་བཤད་པའི་ལེའུ་དང་པོ་སྟེ་རྒྱ་ཆེར་བཤད་པའོ།། །།དེ་ལྟར་མངོན་པར་རྟོགས་པས་བདག་ཉིད་ཀྱི་དངོས་གྲུབ་ཀྱི་རོ་ཐོབ་པ་འམ། ཡིད་ཆེས ་པ་ཆེན་པོ་གྲུབ་ནས། ང་ནི་སེམས་ཅན་རྣམས་དབང་བསྐུར་བ་ལ་སོགས་པས་བསྐལ་པ་བསྐྱེད་དེ་གསང་བ་བཤད་པར་བྱའོ། །དེ་ཡང་སྔོན་དུ་དཀྱིལ་འཁོར་མཉེས་པ་ལས་དངོས་གྲུབ་འབྱུང་བའི་ཕྱིར་བྱིན་གྱིས་བརླབས་ཤིང་མཆོད་པའི་དཀྱིལ་འཁོར ་བསྟོད་པར་བྱ་སྟེ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་རྡོ་རྗེ་སེམས་དཔའ་ཆེན་པོ་ལ་བསྟོད་པ་ཞེས་བྱ་བ་སྨོས་ཏེ། ཆེན་པོ་ནི་ཡོད་པ་དང་མེད་པའི་ཡུལ་དང། གཉིས་དང་གཉིས ་མེད་ཀྱི་རྣམ་བར་རྟོག་པ་ཐམས་ཅད་ལས་འདས་པའི་ཡེ་ཤེས་ཏེ་སངས་རྒྱས་ཀྱི་སའི་དེ་ཁོ་ན་ཉིད་དོ། །དེའི་ཕྱིར་འཕགས་པ་ཀླུ་སྒྲུབ་ཀྱི་ཞལ་ནས། ངོ་བོ་ཉིད་ཀྱི་རྣལ་འབྱོར་སྒྲོ་འདོགས་བྲལ། །གང་གིས་བལྟས་ཀྱང་དེ་ཉིད་མཐོང་བ་མིན། །དེ་ཡི་ཡོན་ཏན ་གཞལ་བར་མི་ནུས་ཀྱང། །རྣམ་དག་བསྟོད་པ་བློ་ཡིས་ངེས་པར་བརྗོད། །ཅེས་གསུངས་པའི་ཕྱིར་རོ། །ཕྱོགས་ཙམ་ཞིག་གིས་བསྟོད་པ་བརྗོད་བར་བྱ་སྟེ། གཤིན་རྗེ་གཤེད་པོ་རབ་འཇིགས་པ། གཏི་མུག་རྡོ་རྗེའི་ངོ་བོ་ཁྱོད། །སྟོན་པ་སངས་རྒྱས་ཀུན་རང ་བཞིན། །རྡོ་རྗེ་སྐུ་ལ་ཕྱག་འཚལ་བསྟོད། ཅེས་བྱ་བ་སྨོས་ཏེ། གཤིན་རྗེ་གཤེད་པོ་ནི་གཏི་མུག་རྡོ་རྗེ་སྟེ། དངོས་པོར་འཛིན་པ་དང་ཉོན་མོངས་པའི་གཏི་མུག་རབ་ཏུ་འཇིགས་པར་བྱེད་པའོ། །གཏི་མུག་རྡོ་རྗེ་དེ་དག་ཀྱང་དབྱེར་མི་ཕྱེད་པའི་ངོ་བོ་སྟེ། ཙར་ཙི་ཀ ་སྟེ་ཁྱོད་ཅེས་པའོ། །སྟོན་པ་ནི་བཅོམ་ལྡན་འདས་དེ་སྤངས་པ་དང་ཡེ་ཤེས་ཕུན་སུམ་ཚོགས་པ་སྟེ། སངས་རྒྱས་སོ། །དེ་ཀུན་གྱི་རང་བཞིན་ནི་ཐོ་བ་རྡོ་རྗེ་སྟེ། དབྱེར་མི་ཕྱེད་པའི་རྡོ་རྗེ་ལས་སྐུའི་རིགས་སུ་མངོན་པར་སྣང་བ་རྣམས་ལ་ཕྱག་འཚལ་བ་ནི་ལུས་ངག་ཡིད ་གསུམ་གྱི་སྟོབས་མ་ལུས་པ་སྟེ། དབྱངས་འཛིན་པའི་དོན་གྱིས་ན་བསྟོད་པའོ། །གཤིན་རྗེ་གཤེད་པོ་རབ་འཇིགས་པ། །ཕྲ་མ་རྡོ་རྗེའི་རང་བཞིན་ཁྱོད། །རྡོ་རྗེ་ཐུགས་དང་རབ་མཚུངས་པ། །རིན་ཆེན་རྡོ་རྗེ་ཕྱག་འཚལ་བསྟོད། ཅེས་བྱ་བ་སྨོས་ཏེ། གཤིན་རྗེ ་གཤེད་པོ་ནི་ཕྲ་མ་རྡོ་རྗེ་སྟེ། དེས་ཉོན་མོངས་པའི་ཕྲ་མ་རབ་ཏུ་འཇོམས་པར་བྱེད་པའོ། །ཕྲ་མ་ཆེན་པོ་ནི་དབྱེར་མི་ཕྱེད་པའི་དོན་གྱིས་ན་ཕྲ་མའོ། །དེའི་ངོ་བོ་ནི་ཕག་མོ་སྟེ་ཁྱོད་ཅེས་བྱའོ། །རྡོ་རྗེ་ཐུགས་ནི་ཞེ་སྡང་རྡོ་རྗེ་སྟེ། དེ་དང་རབ་ཏུ་མཚུངས་པ་ནི་རྡོ་རྗེ་དབྱུག ་པའོ། །དབྱེར་མེད་པའི་རྡོ་རྗེ་ལས་རིན་པོ་ཆེའི་རིགས་སུ་གྱུར་པ་ལ་ཕྱག་འཚལ་བ་དང་བསྟོད་པ་བྱའོ། །འདོད་ཆགས་རྡོ་རྗེའི་ངོ་བོ་ཁྱོད། །གཤིན་རྗེ་གཤེད་པོ་རབ་འཇིགས་པ། །རྡོ་རྗེ་གསུང་དང་རབ་མཚུངས་པ། །རྡོ་རྗེ་གསུང་ལ་ཕྱག་འཚལ་བསྟོད། །ཅེས ་བྱ་བ་སྨོས་ཏེ། གཤིན་རྗེ་གཤེད་པོ་ནི་འདོད་ཆགས་རྡོ་རྗེ་སྟེ། ཉོན་མོངས་པའི་འདོད་ཆགས་རབ་ཏུ་འཇིགས་པར་བྱེད་པའོ། །འདོད་ཆགས་ཆེན་པོ་ནི་དབྱེར་མི་ཕྱེད་པའི་དོན་གྱིས་ན་རྡོ་རྗེའོ། །དེའི་ངོ་བོ་ནི་རྡོ་རྗེ་དབྱངས་ཅན་མ་སྟེ་ཁྱོད་ཅེས་བྱའོ། །རྡོ་རྗེ ་གསུངས་ནི་དབྱངས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་མཆོག་ཉིད་དོ། །གཙོ་བོ་དེ་དང་རབ་ཏུ་མཚུངས་པ་ནི་པདྨ་རྡོ་རྗེའོ། །དབྱེར་མེད་པའི་རྡོ་རྗེ་ལས་གསུང་གི་རིགས་སུ་མངོན་པར་འབྱུང་བ་རྣམས་ལ་ཕྱག་འཚལ་བ་དང་བསྟོད་པ་བྱའོ། །ཕྲག་དོག ་རྡོ་རྗེའི་ངོ་བོ་ཁྱོད། །གཤིན་རྗེ་གཤེད་པོ་ལས་ཀུན་པ། །རྡོ་རྗེ་སྐུ་དང་རབ་ཏུ་མཚུངས། །ཕྱག་ན་རལ་གྲི་ཕྱག་འཚལ་བསྟོད། །ཅེས་སྨོས་ཏེ། གཤིན་རྗེ་གཤེད་པོ་ནི་ཕྲག་དོག་རྡོ་རྗེ་སྟེ། ཉོན་མོངས་པའི་ཕྲག་དོག་ཟད་པར་བྱེད་པས་ལས་ཞེས་བྱའོ ་རིགས་གཞན་ཡང་འགྲུབ་པར་བྱེད་པས་ཀུན་ཅེས་བྱའོ། །དབྱེར་མི་ཕྱེད་པའི་ཡེ་ཤེས་ནི་རྡོ་རྗེ་སྟེ། སྐུ་དང་ཞེས་བྱ་བ་ནི་སྐུའི་རིགས་སུ་མངོན་པར་བསྡུས་པའོ། །རབ་ཏུ་མཚུངས་པས་ན་རྡོ་རྗེ་པདྨའོ། །ཕྲག་དོག་ཆེན་པོ་ནི་ཕྲག་དོག་རྡོ་རྗེ་སྟེ། དེའི་ངོ་བོ་ནི ་རྡོ་རྗེ་གོ་རིམ་ཡིན་པའི་ཕྱིར། ཁྱོད་ཅེས་བྱའོ། །ཕྱག་ན་རལ་གྲི་ནི་འཕྲིན་ལས་མཐར་ཕྱིན་པའི་དོན་ཏེ། དེ་ལ་ཕྱག་འཚལ་བ་དང་བསྟོད་པ་བྱའོ། །སངས་རྒྱས་ཀུན་གྱི་དངོས་པོ་ཁྱོད། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན ་མཆོག་གཙོ་བོའི་གཙོ། །དཀྱིལ་འཁོར་གཙོ་ལ་ཕྱག་འཚལ་བསྟོད་ཅེས་བྱ་བ་སྨོས་ཏེ། སངས་རྒྱས་ནི་འདས་པ་དང་མ་འོངས་པ་དང་ད་ལྟར་གྱིའོ། །དེ་ཀུན་གྱི་ངོ་བོ་ནི་བཅོམ་ལྡན་འདས་མ་རྡོ་རྗེ་ཕག་མོ་སྟེ་ཡེ་ཤེས་ཀྱི་ཆ་ལ་ཁྱོད་ཅེས་བྱའོ། སངས ་རྒྱས་ཐམས་ཅད་ནི་གཏི་མུག་རྡོ་རྗེ་ལ་སོགས་པའོ། །ཡབ་ཡུམ་གཉིས་སུ་མེད་པར་སྙོམས་པར་ཞུགས་ཏེ་བདེ་བའི་རོ་ལྷན་ཅིག་བསྐྱེད་པ་གཅིག་གི་རང་བཞིན་དུ་བསྡུས་པའོ། །སངས་རྒྱས་ཀུན་གྱི་ལོངས་སྤྱོད ་རྫོགས་པ་དང། སྤྲུལ་པ་སྟེ་མཆོག་གི་སྙིང་པོའོ། །ཡེ་ཤེས་སེམས་དཔའ་སྟེ། དེ་ནི་བཅོམ་ལྡན་འདས་ཀྱི་གཙོ་བོར་གྱུར་པ་སྟེ། ཞེ་སྡང་རྡོ་རྗེ་པས་གཙོ་བོའི་གཙོ་བོ་ཞེས་བྱའོ། །དཀྱིལ་ནི་ཐུན་མོང་མ་ཡིན་པ་སྟེ་འཁོར་ནི་ཐུན་མོང་ངོ། །གཙོ་བོ་ནི་མཆོག ་ཏུ་གྱུར་པའི་ཞེ་སྡང་རྡོ་རྗེ་གཤིན་རྗེ་གཤེད་དོ། །དེ་ལ་ཕྱག་འཚལ་བ་དང་བསྟོད་པ་བྱའོ། །ཡོན་ཏན་གྱིས་མངོན་པར་བསྟོད་པ་དེ་དག་ཀྱང་ཡུལ་འོས་སུ་རུང་བ་བྱིན་གྱིས་བརླབས་པའི་དཀྱིལ་འཁོར་ལ་བསྟོད་དགོས་པའི་ཕྱིར་བཅོམ་ལྡན་འདས་རྣམས་ ་ཀྱི་སྐྱེ་མཆེད་བྱིན་གྱིས་བརླབ་པར་བྱ་སྟེ། རྡོ་རྗེ་མིག་དང། རྡོ་རྗེ་རྣ་བ་དང། རྡོ་རྗེ་སྣ་དང། རྡོ་རྗེ་ལྕེ་དང། རྡོ་རྗེ་ལུས་དང། རྡོ་རྗེ་ཐུགས་ཞེས་བཅོམ་ལྡན་འདས་ཀྱི་གསུངས་པ་ནི་མིག་ལ་སོགས་པ་བྱིན་གྱིས་བརླབས་པའི་ཆོ་གའོ་ཞེས་བྱ་བ་སྨོས་ཏེ། མིག ་རང་བཞིན་མེད་པར་མོས་པ་བྱས་པ་ལས་རི་བོང་ཅན་གྱི་སྟེང་དུ་ཡི་གེ་ཁམ་བཀོད་དེ། དེ་ལས་སྐྱེད་པའི་འཁོར་ལོ་ལས་ཡོངས་སུ་གྱུར་པ་གཏི་མུག་རྡོ་རྗེ་དང་འདྲ་བའི་སའི་སྙིང་པོ་བསྐྱེད་པ་ནི་རྡོ་རྗེ་མིག་གོ་།རྣ་བར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ ་ཛྲིཾ་ལས་སྐྱེས་པའི་རྡོ་རྗེ་ཡོངས་སུ་གྱུར་པ་ལས་ཞེ་སྡང་རྡོ་རྗེ་དང་འདྲ་བའི་ཕྱག་ན་རྡོ་རྗེ་བསྐྱེད་པ་ནི་རྡོ་རྗེ་རྣ་བའོ། །སྣར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཁཾ་ལས་བསྐྱེད་པའི་རིན་པོ་ཆེ་ཡོངས་སུ་གྱུར་པ་ལས་ཕྲ་མ་རྡོ་རྗེ་དང་འདྲ་བའི་ནམ་མཁའ་ཨི་སྙིང་པོ་ནི། ་རྡོ་རྗེ་སྣའོ། །ལྕེ་ལ་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གྷཾ་ལས་བསྐྱེད་པའི་པདྨ་ཡོངས་སུ་གྱུར་པ་ལས་འདོད་ཆགས་རྡོ་རྗེ་དང་འདྲ་བའི་འཇིག་རྟེན་དབང་ཕྱུག་བསྐྱེད་པའི་རྡོ་རྗེ་ལྕེའོ། །དཔྲལ་བར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཀཾ་ལས་བསྐྱེད ་པའི་རལ་གྲི་ཡོངས་སུ་གྱུར་པ་ལས་ཕྲག་དོག་རྡོ་རྗེ་དང་མཚུངས་པའི་སྒྲིབ་པ་ཐམས་ཅད་རྣམ་པར་སེལ་བ་བསྐྱེད་པ་ནི་ལུས་རྡོ་རྗེའོ། །ལྷེའུ་སྣར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་སཾ་ལས་བསྐྱེད་པའི་རྡོ་རྗེ་ཡོངས་སུ་གྱུར་པ་ལས་རྡོ་རྗེ་འཛིན་པ་དང་འདྲ་བའི་ ་ཀུན་ཏུ་བཟང་པོ་བསྐྱེད་པ་ནི་ཡིད་རྡོ་རྗེའོ། །བཅོམ་ལྡན་འདས་ཀྱིས་གསུངས་པ་དེ་ནི་ཚད་མ་ཉིད་དེ་མི་སླུ་བར་བྱ་བའི་དོན་ཏོ། །མིག་ལ་སོགས་པ་བྱིན་གྱིས་བརླབ་པ་ནི་བསྐྱེད་པས་ཕྱོགས་པ་མ་ཡིན་གྱི་སྙིང་གའི་ས་བོན་གྱི་འོད་ཟེར་གྱིས་སྐྱེ་མཆེད་ཀྱིས ་བཅོམ་ལྡན་འདས་སྤྱན་དྲངས་ཏེ། མཆོད་པས་ཅུང་ཟད་མཉེས་པར་བྱས་ལ་གཉིས་སུ་མེད་པར་བྱ་བ་ནི་སྔར་བཞིན་ནོ། །ཆོ་ག་ཞེས་བྱ་བར་རེངས་ཤིང། གསལ་བར་བྱའི་དོན་ཏོ། །དཀྱིལ་འཁོར་ཡོངས་སུ་རྫོགས་པར་མ་བྱས་ན་གཞན་སྨིན་པར་མི་ནུས་པའི ་ཕྱིར་དཀྱིལ་འཁོར་བརྩམ་པར་བྱ་སྟེ། དེ་ཡང་ལས་དང་པོ་པའི་ཤེས་པ་འཇུག་པ་ནི་དེ་ཡང་བྱ་བ་ལ་རག་ལས་པའི་ཕྱིར་ཆེད་དུ་བརྗོད་པ་དང་ཐིག་དང་ཆེན་གྱི་ཆོ་ག་བརྗོད་པར་བྱའོ། །དེ་ནས་ཡང་དག་བཤད་བྱ་བ། །འདོད་པའི་དོན་དུ་སྒྲུབ་བྱེད་པ། ། ་གཤིན་རྗེ་གཤེད་པོ་ཉིད་མཚུངས་པ། །གཤིན་རྗེ་འཇིགས་པའི་དཀྱིལ་འཁོར་རོ། །ཞེས་བྱ་བ་སྨོས་ཏེ། དེ་ནས་ཞེས་བྱ་བ་ནི་ཚིག་ངེས་པར་འབྱེད་པ་དང་རྒྱན་ནོ། །ཐམས་ཅད་མཁྱེན་པའི་སྐུའི་གཙོ་བོར་གྱུར་པས་ན་ཡང་དག་གོ་གསལ་བར་བྱ་བའི ་དོན་གྱིས་ནི་བཤད་པར་བྱ་ཞེས་སོ། །འདི་ལ་དགོངས་པའི་ཁྱད་པར་ཅི་ཡོད་ཅི་སྤྱོད་ཅེ་ན། མ་སྨིན་པ་སྨིན་པར་ནུས་ཤིང་ཞི་བ་ལ་སོགས་པ་འདོད་པའི་དོན་དང། ཐུན་མོང་མཆོག་གི་དངོས་གྲུབ་ཀུན་སྒྲུབ་པར་བྱེད་པའོ། །གལ་ཏེ་དེ་བཞིན་གཤེགས་པས ་བྱིན་གྱིས་བརླབས་པ་ཉིད་མཐུ་དང་ལྡན་པར་རིགས་ལ། གང་ཟག་གིས་བྱས་པ་ལ་གོང་གི་ཡོན་ཏན་འབྱུང་བར་མི་རིགས་སོ་ཞེ་ན། གཤིན་རྗེ་གཤེད་པོ་ཉིད་མཚུངས་པ་ཞེས་པ་སྨོས་ཏེ། ཡེ་ཤེས་ལྔ་དང་དབྱེར་མེད་པའི་རང་བཞིན་ཉིད་དོ། །དེ་ཉིད་ཀྱི་མཐུས ་མངོན་པར་རྟོགས་པས་བྱིན་གྱིས་བརླབས་པའི་དཀྱིལ་འཁོར་དག་ལ་འཇུག་སྟེ། དེ་མཚུངས་ཞེས་བྱའོ། །དེའི་ཕྱིར་ཐམས་ཅད་གསང་བ་ལས། རྟེན་ཅིང་འབྲེལ་པར་འབྱུང་བ་ཡི། །རྫས་ཀྱི་ཁྱབ་པར་གང་དེ་ལ། །སྐུ་གསུང་ཐུགས ་ཀྱི་རླབ་པ་ནི། །སྔགས་པ་དཔའ་བོ་ནུས་པ་ཡིས། །ཇི་ལྟ་བ་བཞིན་འབྱུང་བ་སྟེ། །དཔེར་ན་མཆོད་སྡོང་གྲུབ་པ་ཡིས། །མཐུ་ཡི་བྱེ་བྲག་དེ་བཞིན་ནོ། །ཞེས་འབྱུང་བ་ཉིད་ཀྱི་ཕྱིར་རོ། །དཀྱིལ་འཁོར་དེ་དག་གི་མཚན་མ་ཡང་ཅི་ཞེ་ན། གཤིན་རྗེ་ཞེས་བྱ་བ ་ནི་ལྔའོ། །འཇིགས་པ་ནི་ཟད་པར་བྱེད་པའི་དོན་དེ་གཤད་དོ། །དཀྱིལ་འཁོར་ནི་བཤད་ཟིན་ཏོ། །ཆེད་དུ་བརྗོད་པ་དང་ལྡན་པའི་དཀྱིལ་འཁོར་དེ་དག་ཀྱང་སྟ་གོན་ནི་ཆོ་ག་སྔོན་དུ་སོང་བས་ནང་པར་ཉི་མ་འཆར་ཀར་ཐིག་གདབ་པར་བྱའོ། །སྐུད་པ་སེར་པ? ་ལེགས་བསྒྲིམས་པ་ལེགས་པའི་ཚད་ལ་མཛེས་པ་ཡིས། །སྐུད་པ་ཤེས་པས་ཐིག་གདབ་པ། །གཤིན་རྗེ་ཚོགས་ཀྱི་དཀྱིལ་འཁོར་རོ། །ཞེས་བྱ་བ་སྨོས་སོ། །སྐུད་པ་ནི་སྲད་བུའོ། །སར་པ་ནི་སྨས་པ་དང་ཉམས་པར་མ་གྱུར་པའོ། །ལེགས་པ་ནི་ལྔ་བསྒྲིབ ་ཞིང་འཇུར་བ་ལ་སོགས་པ་མེད་པའོ། །བསྒྲིམས་པ་ནི་བུ་མོ་གཞོན་ནུས་ལེགས་པར་བཀལ་བའོ། །ལེགས་པའི་ཚད་ལ་ཞེས་བྱ་བ་ནི་དཀྱིལ་འཁོར་གྱི་ཉིས་འགྱུར་ལ་སྒོའི་ཉི་ཤུ་ཚད་དོ། །མཛེས་པ་ནི་འཇམ་པ་ལ་སྣུམ་པར་བསྒྲིལ་ཞིང་དྲི་ཁྱད ་པར་ཅན་གྱིས་བསྒོས་པའི་སྐུད་པ་ཤེས་པས་ཞེས་བྱ་བ་ནི་ཤེས་རབ་ཅན་ཏེ་མཁས་པའོ། །དེ་ཡང་ཡེ་ཤེས་ཀྱི་ཐིག་དང་ལས་ཀྱི་ཐིག་སྟེ། ཡེ་ཤེས་ཀྱི་ཐིག་ནི་ལྔ་ལྔར་བསྒྲིལ་བའི་དོག་པ་ཁ་དོག་ལྔར་བྱས་པ་དག་སྣོད་བཟང་བའི་ནང་དུ་གོ་རིམས ་ཀྱིས་བཞག་སྟེ། ཡིག་འབྲུ་ལྔར་བྱིན་གྱིས་བརླབས་ལ་སྐུད་པ་ནམ་མཁའ་ལ་གདབ་པ་ནི་ལེའུ་བཅུ་བཞི་པ་ལས་གསལ་ལོ། །ལས་ཀྱི་ཐིག་གིས་དཀྱིལ་འཁོར་ཆ་ཤས་དགོད་པ་ཡང་ལེའུ་བཅུ་བཞི་པ་ལས་སྒོ་ནི་དཀྱིལ་འཁོར་བརྒྱད་ཆར་བཤད་དོ།། ་དེ་ལྟར་ཐིག་གདབ་པ་ནི་གཤིན་རྗེ་གཤེད་ལྷ་བཅུ་བདུན་པའི་ཚོགས་ཀྱི་དཀྱིལ་འཁོར་རོ། །དེ་ལྟར་ཐིག་བཏབ་པའི་དཀྱིལ་འཁོར་ལ་ཚོན་བྲི་བར་བྱ་སྟེ། མཚན་རྣམས་ཐམས་ཅད་རབ་རྫོགས་ཤིང། །བར་ཆད་ཐམས་ཅད་རབ་ཉམས་པའི། ཞི་བ ་ལ་སོགས་རབ་འཇུག་པའི། །དཀྱིལ་འཁོར་འཁོར་ལོའི་ཆ་བྱད་ལ། །རྩེ་མོ་ལྔ་དང་མཉམ་ལྡན་པའི། །ལས་ཀྱི་རྡོ་རྗེ་དེ་ལ་བྲི། ཞེས་བྱ་བ་སྨོས་ཏེ། མཚན་ནི་སུམ་ཅུ་རྩ་གཉིས་རྣམས་ཞེས་པའོ། །མཚན་ནི་དཔེ་བྱད་བརྒྱད་ཅུ་སྟེ། །དེ་རབ་ཏུ་རྫོགས ་པའི་རྒྱུར་གྱུར་པའོ། །ཤིང་ཞེས་བྱ་བ་ནི་ངེས་པར་འབྱིན་པའི་རྒྱུའོ། །བར་ཆད་ནི་ཕྱི་དང་ནང་དང་ཤིན་ཏུ་གསང་བའི་བར་ཆད་དོ། །ཐམས་ཅད་རབ་ཏུ་མཉམ་པར་བྱེད་པ་ནི་དཀྱིལ་འཁོར་འདིའི་བྱིན་གྱིས་བརླབས་སོ། །ཞི་བ་ལ་སོགས་པ་ནི་རྒྱས་པ ་ལ་སོགས་པ་གཞན་ཡང་ངོ། །དཀྱིལ་འཁོར་འདི་ལ་རབ་ཏུ་འཇུག་པས་རྒྱུད་ཐམས་ཅད་ཀྱི་ཐོག་མ་མེད་པར་རབ་ཏུ་འཇུག་པར་འགྱུར་རོ། །དཀྱིལ་འཁོར་ནི་བཅོམ་ལྡན་འདས་རྣམས་སོ། །འཁོར་ལོ་ལ་ནི་གཞལ་ཡས་ཁང་ངོ། །ཆ་བྱད་ནི་ཁ་དོག་དང་དབྱིབས ་སོ། རྩེ་མོ་ལྔ་ནི་ཕྱོགས་རེ་རེ་སྟེ། འཇིག་ཚོགས་ཀྱི་རི་བ་ཉི་ཤུ་འཇོམས་པར་བྱ་བའི་དོན་ཏོ། །མཉམ་ལྡན་པའི་ཞེས་བྱ་བ་ནི་མི་མཉམ་པ་མེད་པ་སྟེ་ནོར་བུ་རིན་པོ་ཆེ་མུ་ས་ར་གལ་བའི་རི་མོ་བཞིན་ནི། །ལས་ནི་སྣ་ཚོགས་རྡོ་རྗེ་སྟེ་དབྱིབས་སོ། །དེ་ལ་བྲི ་ཞེས་བྱ་བ་ནི་སྟ་གོན་བྱས་པའི་ས་གཞི་ཐིག་བཏབ་པ་དེ་ལ་ཚད་དང་མཐུན་པར་བྲིའོ། །དེ་དག་གི་ཁ་དོག་དང་བྱེ་བྲག་ཀྱང་ལེའུ་བཅུ་བཞི་པ་ལས། ཤར་དུ་དཀར་པོ་ཆེན་པོ་སྟེ། ཞེས་བྱ་བ་ལ་སོགས་པ་སྨོས་སོ། །ཡང་དེ་ཉིད་ལས་དེ་ལ་ཕྱག་རྒྱ་དགོད་པར ་བྱ་ཞེས་བྱ་བ་ནི་འདི་ཉིད་དེ། རྡོ་རྗེ་འབར་བ་དཀྲིགས་པ་ཡི། །རྡོ་རྗེ་དེ་ཡི་དབུས་སུ་བྲི། །འཁོར་ལོ་འོད་ཀྱིས་དཀྲིགས་བསྐོར་བའི། །འཁོར་ལོར་ཤར་གྱི་ཕྱོགས་སུ་བྲི། །འོད་ཀྱི་ཕྲེང་བ་མཉམ་འཕྲོ་བའི། །རིན་པོ་ཆེ་ནི་ལྷོ་རུ་བྲི། །པདྨ་རཱ་གའི་མདངས་འདྲའི་འོད། ། ་པདྨ་ནུབ་ཀྱི་ཕྱོགས་སུ་བྲི། །འོད་ཟེར་ལྔ་དང་མཉམ་ལྡན་པའི། །རལ་གྲི་བྱང་གི་ཕྱོགས་སུ་བྲི། །ཤར་ལྷོའི་མཚམས་སུ་འཁོར་ལོ་བྲི། །ལྷོ་ནུབ་རྡོ་རྗེ་བྲི་བར་བྱ། །གྲུབ་བྱང་པདྨའི་མེ་ཏོག་ནི། །ཡུ་བ་དང་བཅས་ཁ་དོག་གསལ། །འོད་ཀྱི་ཕྲེང ་བ་མཉམ་འཕྲོ་བ། །ུཏཔལ་རལ་གྲི་བྱང་དུ་བྲི། །ཤར་གྱི་སྒོར་ནི་ཐོ་བ་བྲི། །དབྱུག་པ་དེ་བཞིན་ལྷོ་ཡི་སྒོར། །འདམ་ལས་སྐྱེས་པ་ནུབ་ཀྱི་སྒོར། །བྱང་དུ་རྡོ་རྗེ་རལ་གྲིའོ། ཞེས་བྱ་བ་སྨོས་ཏེ། རྡོ་རྗེ་འབར་བ་ནི་འོད་འཕྲོ་བའོ། །དཀྲིགས་པ་ནི་འོད་ཀྱི་ཕྲེང་བའོ། །རྡོ་རྗེ་ནི ་དེ་བཞིན་གཤེགས་པའི་རྡོ་རྗེ་སྟེ། སྣ་ཚོགས་རྡོ་རྗེ་དབུས་སུ་ཤར་དུ་ཕྱོགས་པར་དྲིའོ། །འཁོར་ལོ་འོད་ཀྱི་ཞེས་བྱ་བ་ནི་འོད་ཟེར་འཕྲོ་བ་སྟེ། དཀྲིགས་པ་ནི་འོད་ཀྱི་ཕྲེང་བས་བསྐོར་བའོ། །འཁོར་ལོ་ནི་ཆོས་ཀྱི་འཁོར་ལོ་སྟེ་ཤར་གྱི་རྭའི་དཀྱིལ་དུ་གཙོ་བོའི་མདུན་ལ ་ཕྱོགས་པར་བྲིའོ། །འོད་ཀྱི་འཕྲེང་བ་ནི་སྣ་ཚོགས་པའི་འོད་ཟེར་རོ། །མཉམ་འཕྲོ་བའི་ཞེས་པ་ནི་ཕྱོགས་མེད་པར་འཕྲོ་བའོ། །རིན་པོ་ཆེ་ནི་ཟུར་བརྒྱད་པ་སྟེ་ལྷོའི་ཕྱོགས་ཀྱི་རྭའི་དཀྱིལ་དུ་གཙོ་བོའི་གཡས་ལ་ཕྱོགས་པར་བྲིའོ། །པདྨ་རཱ་ག་ནི་ཤིན་ཏུ་དམར་བའི ་མདངས་སོ། །དེ་དང་འདྲ་བའི་འོད་འཕྲོ་བ་ནི་པདྨ་རབ་ཏུ་རྒྱས་པ་སྟེ། ནུབ་ཕྱོགས་ཀྱི་རྡོ་རྗེའི་རྭའི་དཀྱིལ་དུ་གཙོ་བོའི་རྒྱབ་ལ་ཕྱོགས་པར་བྲིའོ། །འོད་ཟེར་ནི་དཀར་སེར་དམར་ལྗང་མཐིང་ཁ་སྟེ་ལྔའོ། །དེ་དང་མཉམ་པའི་ལྡན་པའི་འོད་འཕྲོ་རལ་གྲི་འབར་བའོ། །དེ ་བྱང་ཕྱོགས་སུ་རྡོ་རྗེ་རྭའི་དཀྱིལ་དུ་གཙོ་བོའི་གཡོན་ལ་ཕྱོགས་པར་བྲིའོ། །དེ་ལྟར་བཞི་ནི་སོར་དྲུག་པའི་ཚད་དོ། །ཤར་གྱི་འཁོར་ལོ་དང་མཚུངས་པར་བྲེའོ། །ལྷོ་ནུབ་མཚམས་ཀྱི་རྡོ་རྗེ་དང་དབུས་ཀྱི་རྡོ་རྗེ་དང་མཚུངས་པར་བྲི་བར་བྱའོ། །ནུབ་བྱང་གྲི་མཚམས ་ཀྱི་པདྨའི་མེ་ཏོག་ནི་ཡུ་བ་སྟེ་རྩ་བ་དང་བཅས་པའོ། །དེ་ཡང་ཁ་བྱེ་བའི་རང་ནས་སྐྱེས་པ་རབ་ཏུ་རྒྱས་པ་ན་གསལ་བའོ། །དེ་དག་ཐམས་ཅད་ཀྱང་འོད་ཀྱི་ཕྲེང་བ་གཙོ་བོ་རྣམས་དང་མཉམ་པར་འཕྲོ་བ་བྲི་བར་བྱའོ། །ུཏཔ་ལ་ནི་རྩ་བ་སྟེ་དེ་ལ་སྐྱེད་པའི་རལ་གྲི་བྱང ་ཤར་མཚམས་སུ་བྲིའོ། །དེ་དག་ཐམས་ཅད་ཀྱང་གཙོ་བོ་ལ་མངོན་པར་ཕྱོགས་ཤིང་སོར་བཞི་པའི་ཚང་ངོ། །ཤར་གྱི་སྒོར་ཐོ་བ་ནི་རྩིབས་ཉི་ཤུའོ། །དབྱུག་པ་རྡོ་རྗེས་མཚན་པ་དེ་བཞིན་ལྷོའི་སྒོར་བྲིའོ། །མཚོའི་འདམ་ལས་སྐྱེས་པ་ནི་པདྨ་སྟེ་ནུབ་ཀྱི་སྒོར་བྲིའོ། །བྱང ་དུ་རྡོ་རྗེ་ཡུ་བ་ཅན་གྱི་རལ་གྲི་སོར་ལྔ་པའི་ཚང་ཙམ་ལ་སྔར་བཞིན་འོད་རབ་ཏུ་འཁྲུགས་པས་དངོས་གྲུབ་འདོད་པ་དང་བར་ཆད་སེལ་བའི་བྱེ་བྲག་གིས་ནང་དང་ཕྱིར་མངོན་པར་ཕྱོགས་པ་དག་བྲི་བར་བྱའོ། །དེ་དག་ཐམས་ཅད་ཀྱང་རེག་པ་ལ་རེག་པ་ནི་རབ་ཏུ་ངོ ་མཚར་པའོ། །དེ་དག་ཐམས་ཅད་ཀྱི་མདོག་ནི་ལེའུ་བཅུ་བཞི་པ་ལས་ཕྱག་མཚན་ཀུན་ཏུ་ཞལ་དང་མཚུངས་པའི་ཕྱིར་རོ། །དེ་དག་བྲི་བའི་ཐབས་ཀྱང། ལས་ཀྱི་ཆོ་ག་མཐོང་ནས་ནི་ཞེས་འདི་ཉིད་ལས་འབྱུང་བ་ཉིད་དོ། །དེ་ལྟར་རྫོགས་པའི་དཀྱིལ་འཁོར་བྱིན་གྱིས་བརླབ ་པར་བྱ་བ་ནི། ཤེས་པས་དཀྱིལ་འཁོར་རྫོགས་པ་ལ། ཞེས་བྱ་བ་སྨོས་ཏེ། ཤེས་པས་ཞེས་བྱ་བ་ནི་ཤེས་རབ་ཅན་བསྙེན་ཅིང་སྒྲུབ་པ་ལ་རབ་ཏུ་རྫོགས་པའོ། །དཀྱིལ་འཁོར་རྫོགས་པ་ལ་ཞེས་བྱ་བ་ནི་རྣལ་འབྱོར་རྣམ་པ་བཞིས་ཡོངས་སུ་སྨིན་པར་བྱས་པའོ། །དེ ་ལྟར་ཡོངས་སུ་རྫོགས་པའི་དཀྱིལ་འཁོར་ལ་མཆོད་པ་མཉེས་པར་བྱ་བ་ནི། མཆོད་པ་ཁྱད་པར་འཕགས་པ་ནི། འདོད་པའི་ཡོན་ཏན་ལྔ་དག་གིས། །འཇིགས་པ་མེད་པར་མངོན་པར་མཆོད། །ཅེས་བྱ་བ་སྨོས་ཏེ། མཆོད་པ་ནི་དགྱེས་པ་སྐྱེད་པར་བྱེད་པའི ་ཐབས་སོ། །དེ་ཡང་ཕྱི་དང་ནང་དང་གསང་བ་དང་བླ་ན་མེད་པའོ། །ཁྱད་པར་འཕགས་པ་ནི་ཏིང་ངེ་འཛིན་གྱི་མཐུ་མ་ལུས་པའི་ཆོ་འཕྲུལ་ལོ། །འདོད་པའི་ཡོན་ཏན་ལྔ་དག་གིས་ཞེས་བྱ་བ་ནི་དེ་དག་ཐམས་ཅད་ཀྱི་གཞི་ཡང་གཟུགས་དང་སྒྲ་དང་དྲི་དང་རོ་དང་རེག་དག ་ཏུ་མཐུན་ནོ། །མཆོད་པའི་དུས་སུ་འཇིགས་པ་མེད་པར་བྱ་བ་ནི་དོགས་པ་དང་ངེས་པའི་ཤེས་པ་དང་བྲལ་བ་དང། དངོས་པོར་ལྟ་བ་དང་རེ་བ་དང་བཅས་པ་མེད་པས་མངོན་པར་མཆོད་པ་ཁོ་ནའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས ་གཤིན་རྗེ་གཤེད་ནག་པོའི་རྒྱུད་བཤད་ཟིན་ཏོ། །དཀྱིལ་ནི་སྙིང་པོ་སྟེ་འཁོར་ནི་ལེན་པའོ། །ཆེན་པོ་ནི་རྒྱུའི་གཙོ་བོའོ། །རིམ་པར་ཕྱེ་བ་ནི་དཀྱིལ་འཁོར་གསལ་བར་བྱས་པའི་དོན་ཏོ། །གཉིས་པ་ནི་དང་པོ་ལ་བལྟོས་ནས ་བཞག་པའོ། །ནག་པོ་ཞབས་ཀྱི་བཤད་པའི་ལེའུ་གཉིས་པ་གསལ་བར་བྱས་པའོ།། །།དཀྱིལ་འཁོར་དེ་དག་ཀྱང་གསོལ་བ་མ་བཏབ་པར་བྲི་བར་མི་བྱ་སྟེ། དེ་ཅིའི་ཕྱིར་ཞེ་ན། དངོས་གྲུབ་ནི་དམ་པ་ལ་རག་ལས་ཤིང་དེ ་ཡང་གསོལ་བ་བཏབ་པ་ལས་མངོན་པར་རྙེད་པར་བྱ་བའི་ཕྱིར་དང་མ་འོངས་པའི་འགྲོ་བ་རྣམས་སྐལ་པ་བཟང་པོ་ལ་བསླབ་པའི་ཕྱིར་དང། དེ་བཞིན་གཤེགས་པ་ལ་གསོལ་བ་གདབ་པར་བྱ་སྟེ། དེ་ཡང་བསྟོད་པ་སྔོན་དུ་འགྲོ་བ་དག་གིས་སོ། །དེའི་ཕྱིར་དེ་ནས ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བསྟོད་པའི་རྒྱལ་པོ་འདིས་བསྟོད་ནས་ཞེས་སྨོས་སོ། །གསོལ་བ་བཏབ་པ་ཞེས་བྱ་བ་ནི་མཆོག་ཏུ་གྱུར་པའི་གཙོ་བོ་དེ་དག་ལ་ཇི་ལྟར་གསོལ་བ་གདབ་ཅེ་ན། གཤིན་རྗེ་གཤེད་འཇིགས་དཀྱིལ་འཁོར ་ནི། །དཀྱིལ་འཁོར་ཀུན་གྱི་གཙོར་གྱུར་པ། །སྡིག་པ་ཐམས་ཅད་འཇོམས་པ་ཡི། །མགོན་པོས་དཀྱིལ་འཁོར་བྲི་བར་མཛོད། །ཅེས་བྱ་བ་སྨོས་ཏེ། གཤིན་རྗེ་གཤེད་སྨོས་པར་ཟད་དེ་འཇིགས་པ་ནི་དགྲ་རྣམས་སོ། །ལེན་པར་གྱུར་པ་རབ་ཏུ་ཐོབ་པ་ན་དཀྱིལ ་འཁོར་རོ། །དཀྱིལ་འཁོར་ཀུན་གྱི་གཙོར་གྱུར་པ་ནི་འདིར་དབང་བསྐུར་བའི་སྒྲུབ་པ་པོས་དཀྱིལ་འཁོར་ཐམས་ཅད་ཀྱི་ཡེ་ཤེས་ཐོབ་པར་གྱུར་པས་ནའོ། །སྲོག་གཅོད་པ་ལ་སོགས་པའི་སྡིག་པ་ཐམས་ཅད་ཟད་པར་བྱེད་པས་ན་འཇོམས་པའོ། །མགོན་པོས་ནི ་དཀྱིལ་འཁོར་གྱི་བདག་པོ་དང་ཐ་མི་དད་པའི་རྡོ་རྗེ་སློབ་དཔོན་ནོ། །དཀྱིལ་འཁོར་ནི་སྔར་བཤད་པ་བཞིན་བྲི་བར་མཛོད་ཅེས་བྱ་བའི་ཐ་ཚིག་གོ་།དེ་ནས་རྣལ་འབྱོར་ཆེན་པོ་རྒྱས་པར་གསུངས་པ་ནི་བདུད་རྩི་མྱང་བ་དང་དགུག་གཞུག་བྱ་བ་སྟེ། དེ་ནས་བཅོམ ་ལྡན་འདས་རྡོ་རྗེ་འཛིན་པ་ཆེན་པོས་ཉིད་ཀྱིས་སྐུ་གསུང་ཐུགས་ལས་བདུད་རྩི་མྱང་བའི་ཆོ་ག་ངེས་པར་ཕྱུང་བ། ཨོཾ་ཨཱ(རྒྱུད་འགྲེལ་ཉིད། །དགུག་པ་དང་ནི་གཞུག་པ་དང། །བཅིང་དང་དེ་བཞིན་དབང་བྱ་ཉིད། །ཐོ་བ་ལ་སོགས་སྔགས་བཞི་ཡིས། །མཉམ་པར་བཞག་པས་རྣམ་པར་བསྒོམ། ཞེས་བྱ་བ་སྨོས་ཏེ། དེ་ནས་བཅོམ་ལྡན་འདས་རྡོ་རྗེ་ནི་ཡེ་ཤེས་ལྔའི་ངོ་བོ་ཉིད་དེ་བཞིན ་གཤེགས་པ་ལྔའོ། །དེ་རྣམས་ཀྱིས་དེའི་བདག་ཉིད་འཛིན་པའོ། །ཆེན་པོ་ནི་བྱང་ཆུབ་ཀྱི་སེམས་རྡོ་རྗེའོ། །ཉིད་ཀྱི་སྐུ་གསུང་ཐུགས་རྡོ་རྗེ་རྣམས་ལས་བདུད་རྩི་ཞེས་བྱ་བ་ནི་ཆོས་ཐམས་ཅད་རོ་གཅིག་པའི་བྱང་ཆུབ་ཀྱི་སེམས་སོ། །མྱང་བ་ནི་བདག་ཉིད་ཀྱིས་ཏེ་དངོས ་སུ་སྟེ། འདའ་བར་མི་ནུས་པས་ནི་དམ་ཚིག་གི་ཆོ་གའོ། །ངེས་པ་འཕྱུང་བ་ཞེས་བྱ་བ་ནི་དེའི་བདག་ཉིད་བདག་གིས་མངོན་པར་སྤྲོས་པའོ། །དེའི་བྱིན་གྱིས་བརླབས་པའི་ཆོ་ག་ནི། ཨོཾ་ཨཱ(རྒྱུད་འགྲེལ་པ་ཨོའོ། །སྐྱེས་པ་ཐམས་ཅད་ཀྱི་རང་བཞིན་ཆུ་ཟླ་ལྟ་བུར་རྟོགས་པ་ནི་མའོ། །འདི་དག་འདུས་པ་ལ་ཨོཾ་ཞེས་བྱའོ། །ཆོས་ཐམས་ཅད་གདོད་མ་ནས་མ་སྐྱེས་པ་ནི་ཨཱ(རྒྱུད་འགྲེལ་ཏུ་ཕྱུང་སྟེ། ཟད་པ་མེད་པའི་ཆོས་ཐམས་ཅད་ངོ་བོ་ཉིད་རྒྱུ་མེད་པ་སྟེ་ཧའོ། །རྣམ་པར་སྤྱད་པས་དཔྱད་པ་ཉིད་མངོན་པར་སྤངས་པ་ནི་ཆོས་ཐམས་ཅད་ཀྱི་ངོ་བོ་ཉིད་དེ་ཨུའོ། །དེའི་ཕྱིར་འདི་ལྟར་སྨོན་པའི་དངོས་པོ་མེད་པས་སྒྱུ་མ་ལྟ་བུའོ། །འདི་རྣམས ་འདུས་ནི་ཧཱུཾ་ངོ། །བདུད་རྩི་རྣམ་པ་ལྔ་ཉེ་བར་སྤྱོད་པ་ནི་དེའི་དོན་གྱི་དམ་ཚིག་ལས་འདའ་བར་མི་ནུས་པའོ། །དེ་བྱིན་གྱིས་བརླབས་པའི་སྔགས་ཀྱི་ངོ་བོ་ངེས་པར་ཕྱུང་བའོ། །དེའི་ཕྱིར་ཨོཾ་ཨཱ(རྒྱུད་འགྲེལ་སྦྱོར་བས་ཡི་གེ་ཧཱུཾ་ལས་སྐྱེས་པའི་རྡོ་རྗེ་དཀར་པོ་རྩེ་ལྔ་པ་ཁོང་སེང་ཅན་བསྐྱེད་པར་བྱའོ། །དེ་ནི་རྡོ་རྗེ་ལྕེ་ཞེས་བྱ་བ་སྟེ་འོད་ཟེར་སྦུ་གུའི་དབྱིབས་ཀྱི་སྦྱོར་བ་ཡིས་རྡོ་རྗེ་ཅན་ཀུན་མཉེས་པར་བྱའོ། །རྡོ་རྗེ་ནི་མེ་ལོང་ལྟ་བུ་དང ་མཉམ་པ་ཉིད་དང་སོ་སོར་རྟོགས་པ་དང་བྱ་བ་ནན་ཏན་ནོ། །ཆོས་ཀྱི་དབྱིངས་རྣམ་པར་དག་པའི་ཡེ་ཤེས་སོ། །དེའི་ཕྱིར་དཔལ་གསང་བ་འདུས་པ་ལས་ཀྱང་རྒྱུད་ལྔ་རྡོ་རྗེ་ཞེས་གསུངས་སོ། །དེ་ལ་ཡོད་པས་རྡོ་རྗེ་ཅན་ནོ། །ཡེ་ཤེས་ཀྱི་བདག་ཉིད་ཅན་ནི ་དེ་བཞིན་གཤེགས་པ་ལྔ་སྟེ་དེ་རྣམས་ཐམས་ཅད་རྡོ་རྗེ་ཅན་ནོ། །ཐམས་ཅད་ཀྱི་སྒྲས་ནི་རིགས་ཐམས་ཅད་ཀྱང་ཡོངས་སུ་བཟུང་ངོ། །དེ་ཡང་བདག་གི་བླ་མའི་ཞལ་ནས་ནི་མ་ལུས་པའི་འཇིག་རྟེན་གསུམ་ན་བཞུགས་པའི་སངས་རྒྱས་འཁོར་དང་བཅས ་པ་ཐམས་ཅད་རང་གི་ལུས་ལ་བཅུག་སྟེ་བདུད་རྩི་མྱང་བ་བྱའོ་ཞེས་གསུང་ངོ། །བདུད་རྩི་སྒྲུབ་པ་གསུངས་པ་ནི་རྫོགས་པའི་སངས་རྒྱས་བཞུགས་ཞེས་བྱ་བ་སྟེ། དེ་ཡང་རླུང་དང་མེ་དང་ཐོད་པ་ལ་གནས་པའི་པདྨའི་སྣོད་དུ་དབུས་དང་ཕྱོགས་ཀྱི་བྱེ་བྲག་གིས། ་པི་མུ་ཤུ་ར་མ་དང། དྷ་ཧ་ན་གྷོ་ཀུ་ཁ་རྡོ་རྗེས་བརྒྱན་པ་བྱས་པ་འོད་ཟེར་གྱིས་བསྐྱོད་ཅིང་སྦར་བས་རབ་ཏུ་གཟུགས། །ོཾ་གྱི་འོད་ཟེར་གྱིས་བཀུག་པའི་རིགས་ལྔའི་རྡོ་རྗེ་དང་བཅས་པ་གཅིག་ཏུ་ཞུགས་པར་བྱས་ཏེ། བྱིན་གྱིས་བརླབ་པའི་དོན་ཏོ། ། ་དམ་ཚིག་གི་དཀྱིལ་འཁོར་རྫོགས་པ་ལ་ཡེ་ཤེ་ཀྱི་དཀྱིལ་འཁོར་ཡོངས་སུ་གཞུག་པ་ནི། ཡེ་ཤེས་འབྱུང་གནས་ཞེས་བྱ་བ་སྨོས་ཏེ། ཡེ་ཤེས་རྣམ་པ་ལྔའི་དོན་ཏོ། །ཡེ་ཤེས་ཀྱི་དཀྱིལ་འཁོར་ལ་ངོ་བོ་ཉིད་ཅེས་བྱའོ། །དམ་ཚིག་གི་འཁོར་ལོ་དང ་མཐུན་པས་ཀྱང་ངོ་བོ་ཉིད་དོ། །ཐུགས་ཀའི་ས་བོན་གྱི་འོད་ཟེར་གྱིས་སྤྱན་དྲངས་པ་ལ་བགེགས་བསྐྲད་པར་བྱ་བ་སྟེ། དགུག་པར་བྱ་བ་ནི་དཀྱིལ་འཁོར་དང་ཉེ་བ་ཉིད་དུ་སྤྱན་དྲང་པའོ། །གཞུག་བ་ནི་དཀྱིལ་འཁོར་ཉིད་དུའོ། །བཅིང་བ་ནི་དམ་ཚིག་དང་གཉིས་སུ ་མེད་པའི་མི་གཡོ་བའི་ངོ་བོ་དབང་ཞེས་བྱ་བ་ནི་དགྱེས་པ་བསྐྱེད་པ་ཉིད་དོ། །ཐོ་བ་ལ་སོགས་བྱ་བ་ནི་ལེའུ་བཅུ་པ་ལས་ཤེས་པར་བྱའོ། །སྔགས་ནི་གང་དུ་བཤད་པ་ལ་ཛ(རྒྱུད་འགྲེལ་པདྨ་དང་རལ་གྲིའོ། །མཉམ་པར་བཞག་པ་ནི་དཀྱིལ་འཁོར་གྱི་བདག་པོའི་ང་རྒྱལ་ཏེ་རྣམ་པར་བསྒོམ་པ་ནི་ཐོ་བ་ལ་སོགས་པའི་ང་རྒྱལ་འཛིན་པ་ཉིད་ཀྱིས་སོ། །དེ་ལྟ་བུའི་དཀྱིལ་འཁོར་གྱི་ཚོགས་དེ་དག་ཀྱང་གང་ལ་གནས་དེ་གང་ལ་བསྒོམ་པར་བྱ་ཞེ ་ན། མ་ཧེ་རྡོ་རྗེ་གདན་ཉིད་ལ། །དཀྱིལ་འཁོར་གཙོ་བོ་རྣམ་བསྒོམ་བྱ། །ཟླ་བའི་དཀྱིལ་འཁོར་དབུས་གནས་པ། །གཏི་མུག་རྡོ་རྗེ་རྣམ་བསྒོམ་བྱ། །རྟ་བདུན་ལྡན་པའི་དབུས་གནས་པར། །ཕྲ་མ་ཞེས་བྱ་རྣམ་བསྒོམ་བྱ། །དཀྱིལ་འཁོར་དམར་པོ ་དབུས་གནས་པ། །འདོད་ཆགས་རྡོ་རྗེ་རྣམ་བསྒོམ་བྱ། །ལས་ཀྱི་དཀྱིལ་འཁོར་དབུས་བཞུགས་པ། །རྡོ་རྗེ་ལས་ནི་བསྒོམ་པར་བྱ། །ཞེས་བྱ་བ་སྨོས་ཏེ། དཀྱིལ་འཁོར་གྱི་གཙོ་བོ་ནི་མ་ཧེ་སེར་སྐྱ་འམ། སྔོན་པོ་སྟེ་ཁ་ལྷོ་ཕྱོགས་སུ་བལྟས་པ་དག་ནི་རྡོ་རྗེ ་གཤིན་རྗེ་གཤེད་ཀྱི་གདན་ནོ། །ཟླ་བའི་དཀྱིལ་འཁོར་གྱི་དབུས་སུ་གཏི་མུག་རྡོ་རྗེའོ། །རྟ་བདུན་དང་ལྡན་པ་ནི་བདུན་གྱི་བདུན་དང་ལྡན་པ་སྟེ་ཉི་མའོ། །དེའི་དབུས་སུ་ཕྲ་མ་རྡོ་རྗེའོ། །དཀྱིལ་འཁོར་དམར་པོ་ཉི་མ་སྟེ་དེའི་དབུས་སུ་འདོད་ཆགས་རྡོ་རྗེའོ། །རྡོ་རྗེ་ལས་ནི ་དཀྱིལ་འཁོར་ལས་ཀྱི་རིགས་ཏེ་དེ་ནས་ཡང་ཉི་མའི་དཀྱིལ་འཁོར་རོ། །དེའི་དབུས་སུ་རྡོ་རྗེ་ལས་སོ། །ཞི་བ་གཏི་མུག་རྡོ་རྗེ་སྟེ། །རྒྱས་པ་དེ་བཞིན་ཕྲ་མ་ཡིས། །འདོད་ཆགས་རྡོ་རྗེ་དབང་དུ་བྱས། །རྡོ་རྗེ་ལས་ཀྱི་ཐམས་ཅད་དུ། ཞེས་བྱ་བ་ནི་ལེའུ་དང་པོ་ལས་གསལ་བར ་བཤད་དོ། །གལ་ཏེ་འདིར་སྨོས་པ་ལ་དགོས་པ་མེད་དོ་ཞེ་ན། བསྒོམ་པའི་ཞར་ལས་བྱུང་བའི་ཕྱིར་དང། ལས་སྦྱོར་གྱི་སྔོན་དུ་རིགས་ཀྱི་བསྙེན་པ་འགྲོ་བའི་ཕྱིར་རོ། །ད་ནི་རྣལ་འབྱོར་པ་མཚན་མ་ཐོབ་པ་ཕྱག་རྒྱ་ཆེན་པོའི་དངོས་གྲུབ་མི་ནུས་པ་ལ་མིག་སྨན ་ལ་སོགས་པའི་དངོས་གྲུབ་གསུངས་པ་ནི། རྡོ་རྗེ་ལས་ཀྱི་སྦྱོར་བ་ཡིས། །མི་ཡི་ཚིལ་བུ་ཐོད་པར་བཞག་།དེ་བཞིན་སྐྲ་ཡིས་སྡོང་བུ་བྱ། །དུར་ཁྲོད་དག་ཏུ་དུ་བ་བསྒྲུབ། །མིག་སྨན་དག་ནི་དེ་བཞིན་དུ། །མིག་སྨན ་ལས་ཀྱི་བསྒོམ་པ་ལ། །ལས་ཀྱི་བཟླས་པའི་སྦྱོར་བ་ཡིས། །མིག་སྨན་འདི་ནི་འགྲུབ་པར་འགྱུར། ཞེས་བྱ་བ་སྨོས་ཏེ། རྡོ་རྗེ་ལས་ཀྱི་སྦྱོར་བ་ཞེས་བྱ་བ་ནི་ཚོགས་བསགས་པ་མངོན་དུ་འགྲོ་བས་བསྲུང་བའི་འཁོར་ལོ་དང་ལྡན་པའི་ནང་དུ་རཾ་ལས་བསྐྱེད ་པའི་ཉི་མའི་དཀྱིལ་འཁོར་གྱི་སྟེང་དུ་ཡི་གེ་དྷས་རབ་ཏུ་བརྒྱན་པར་བྱའོ། །དེ་ལ་རལ་གྲི་འབར་བས་རབ་ཏུ་བརྒྱན་པས་རྡོ་རྗེ་ལས་རིག་པ་དང་བཅས་པ་བསྐྱེད་པར་བྱའོ། །དེ་ནས་ཨ་པྲཛྙཱ་དྷྲཱི་ག་ཧཱུཾ་ཧཱུཾ་ཕཊ་ཕཊ་བསྙེན་པ་ཁྲི་བྱའོ། །མིའི་ཚིལ་བུ་ནི་ལྕགས་ཀྱི ་སྣོད་དུ་ལེགས་པར་བཞུ་བ་དག་གོ་།རྩེ་མོ་ཅན་གྱིས་ཕུག་པ་དང། སྟེང་དུ་བཏགས་པ་དང། མཚོན་གྱིས་ཕོག་པའི་མིའི་ཐོད་པར་མིའི་ཚིལ་བུ་བླུགས་ལ་བཞག་པར་བྱའོ། །དེ་བཞིན་དུ་མི་དེའི་སྐྲ་དང། ཨརྒའི་རས་བལ་དང་ལྷན་ཅིག་ཏུ ་བཞག་སྟེ་མེ་སྤར་ལ་སྡོང་བུ་བྱའོ། །དུར་ཁྲོད་ཀྱི་གནས་དག་ཏུ་མིའི་ཐོད་པ་དང་མཚུངས་པ་སྟེ། བཀབ་སྟེ་མེ་སྤར་ལ་དུད་པས་བསྡུས་ལ་ཐོད་པ་དེར་བཞག་གོ་།ཡང་ལས་ཀྱི་རྡོ་རྗེ་བསྒོམས་ཏེ། ཟླ་བ་ནག་པོའི་གནམ་སྟོང་གི་ནུབ་མོ་ལ་ལག་པ ་གཡོན་པས་བཀབ་སྟེ་ཇི་སྲིད་དུ་འབར་བ་དེ་སྲིད་དུ་བཟླས་ཏེ། མིག་ལ་བསྐུས་པ་ཙམ་གྱིས་གང་གིས་ཀྱང་མི་མཐོང་བར་འཇིག་རྟེན་གསུམ་དུ་སྤྱོད་པར་འགྱུར་རོ། །དུ་བ་ཡི་ནི་ས་ལ་སྤྱོད་པར་འགྱུར་རོ། །དྲོ་བ་ཡི་ནི་ས་བླའི་འཇིག་རྟེན་ཐམས་ཅད་ལ ་ཉེ་བར་སྤྱོད་པའི་ཐབས་སོ། །ད་ནི་རྐང་བྱུག་བསྒྲུབ་པར་བྱ་སྟེ། ཁྲག་དང་གུར་གུམ་གཟུང་བྱས་ནས། །རྐང་པ་བྱུགས་པ་བསྒྲུབ་པར་བྱ། །རྡོ་རྗེ་ལས་ཀྱི་སྦྱོར་བ་ཡིས། །རྐང་པ་བྱུག་པ་འགྲུབ་པར་འགྱུར། ཞེས་བྱ་བ་སྨོས་ཏེ། ཁྲག་ནི་རལ་གྲི་སྟེ་སྲིན ་ལག་གོ་།གུར་གུམ་ནི་བྷ་ག་ལས་སྐྱེས་པའི་ཁྲག་གོ་།དེ་ཡང་སྔོན་གྱི་གནས་སུ་བཟུང་བར་བྱས་ནས་རྐང་པའི་བྱུག་པ་སྒྲུབ་པར་བྱ་སྟེ། རྡོ་རྗེ་ལས་ཀྱི་རྣལ་འབྱོར་གྱིས་གནམ་སྟོང་གི་དུས་སུ་གོང་གི་རྫས་སྔོན་དུ་སོང་བའི་སྣོད་དུ་བཅུག་སྟེ་ཁ་བཀབ་ལ ་བསྙེན་པའི་ཁྲིའི་སྦྱོར་བ་ཡིས་རྐང་པ་ལ་བྱུགས་པ་ཙམ་གྱིས་ཡང་བར་ནུས་ཤིང་ཉི་མ་གཅིག་ལ་དཔག་ཚད་བརྒྱད་ཅུ་རྩ་གཉིས་ཕྱིན་པར་འགྲུབ་པར་འགྱུར་རོ། །ད་ནི་རི་ལུ་བསྒྲུབ་པར་བྱ་སྟེ། བདུད་རྩི་ལྔ་ནི་མཉམ་པ་ལ། །ཤ་ལྔ་དང་ནི་ལྡན་པ་ཡིས ་ལྕགས་གསུམ་དུ་ནི་བཅུག་བྱས་ནས། །ལས་ཀྱི་སྦྱོར་བས་འགྲུབ་པར་འགྱུར། །ཞེས་བྱ་བ་སྨོས་ཏེ། བདུད་རྩི་ལྔ་ནི་བཻ་རོ་ཙ་ན་དང། བི་ཤྭ་དང། ཤུ་ཀྲ་དང། རཀྟ་དང། ཨ་ཀྲོ་ཏེ་ཀ་དང་རྣམས་སོ། །ཤ་ལྔ་ནི་མི་ཤ་དང། གླང་པོ་ཆེའི་ཤ་དང། ་བ་ལང་གི་ཤ་དང། རྟའི་ཤ་དང། ཁྱིའི་ཤ་རྣམས་སོ། །དེ་དག་གི་ཚད་མཉམ་པ་ན་ཙ་ན་ཀའི་རུས་པའི་ཚད་ཙམ་མོ། །ལྕགས་གསུམ་ནི་གསེར་དང་དངུལ་དང་ཟངས་རྣམས་སོ། །དེ་གསུམ་ཡང་ཆ་མཉམ་པ་སྟེ་སྲང་བཞིའོ། །དེ་ཡང་མན་ཅའི་རི་ལུ་བཅིངས ་པས་ཐུབ་པར་དྲིལ་ཏེ། ཟླ་བ་གཟས་བཟུང་བའི་དུས་སུ་རྡོ་རྗེ་ལས་ཀྱི་རྣལ་འབྱོར་གྱིས་ལག་པ་གཡོན་པའི་སྟེང་དུ་བཞག་སྟེ་གཡས་བཀབ་ལ། བཟླས་པའི་སྦྱོར་བས་ཇི་སྲིད་དུ་འབར་བ་དེ་སྲིད་དུ་བསྒྲུབས་ན་འགྲུབ་པར་འགྱུར་ཏེ། དེ་ནས་ཁར་བཅུག་པ ་ཙམ་གྱི་ཇི་སྲིད་དུ་འགྲོ་བ་དེར་བསམས་པ་ཙམ་གྱིས་འགྲོ་སྟེ་ནུས་པ་ཐོགས་པ་མེད་དོ། །ད་ནི་རལ་གྲི་བསྒྲུབ་པར་བྱ་སྟེ། ཀན་དའི་ལྕགས་ཀྱི་རལ་གྲི་ནི། །ལས་ཀྱི་སྦྱོར་བས་བསྒྲུབ་པར་བྱ། །ལས་ཀྱི་རྡོ་རྗེ་སྦྱོར་བ་ཡིས། །ལས་ཀྱི་རལ་གྲི་འགྲུབ་པར་འགྱུར། ་ཞེས་བྱ་བ་སྨོས་ཏེ། ཀན་ཏ་ནི་གཞོན་ནུ་གདོང་དྲུག་གི་ས་བོན་རྫོགས་པའི་ལྕགས་བཟང་པོའི་ངོ་བོ་ལས་རལ་གྲི་བརྡུངས་ཏེ་ཚོགས་བསགས་པ་སྔོན་དུ་སོང་བའི་བསྲུང་བའི་ཁོང་པར་པདྨའི་སྟེང་དུ་ཨ་ལས་སྐྱེས་པའི་ཟླ་བའི་དཀྱིལ་འཁོར་ལ་ཡི་གེ་དྷི་སེར ་པོ་བཀོད་དོ། །དེ་ལས་གསེར་ལས་བྱས་པའི་མདའ་གཞུར་གྱུར་ནས་དེ་ལས་སྐྱེས་པའི་གཞོན་ནུ་གདོང་དྲུག་སྐུ་མདོག་གསེར་བཙོ་མའི་ཁ་དོག་ལྟ་བུ་དང། དཀར་པོ་གཉིས་དང། རབ་ཏུ་དམར་བ་གཉིས་དང། མཐིང་ནག་གི་ནམ ་མཁའ་ལ་ལྟ་བའི་ཞལ་ཏེ། ཤེས་རབ་རལ་གྲི་མདའ་གཞུ་འཛིན་པའི་ཕྱག་རྒྱ་དང་ལྡན་པ་བསྒོམས་ལ་ལས་ཀྱི་རལ་གྲི་སོར་བརྒྱད་པ་ལག་ཏུ་ཐོགས་ཏེ། ཨོ་ཀ་ལ་རཱུ་པ་ཧཱུཾ་ཞེས་བྱ་བའི་སྦྱོར་བས་བསྒྲུབ་པར་བྱའོ། །དེ་ནས་ལག་ཏུ་ཐོགས་ཏེ་གར་འདོད་པ་དེར ་བསྟན་པ་ཙམ་གྱིས་མངོན་སྤྱོད་དུ་ནུས་སོ། །འཇིག་རྟེན་གསུམ་ནི་གནས་པ་དག་ལ་ཁྲོས་ཀྱང་མི་རྒོལ་ལོ། །དེ་ཡང་ལས་ཀྱི་རྡོ་རྗེ་ང་རྒྱལ་གྱི་སྦྱོར་བ་ཡིས་ལས་ཀྱི་རལ་གྲི་ཡང་འགྲུབ་པ་འགྱུར་རོ། །གཞན་ཡང་ཞེ་སྡང་རྡོ་རྗེའི་སྦྱོར་བས་གཏེར་གྱི་བདག ་ཉིད་ལས་རྡོ་རྗེའི་རིག་པ་འཛིན་པ་སྒྲུབ་པོ། །གཏི་མུག་རྡོ་རྗེའི་སྦྱོར་བས་དངུལ་གྱི་འཁོར་ལོ་ལ་འཁོར་ལོའི་རིག་པ་འཛིན་པ་སྒྲུབ་པའོ། །ཕྲ་མ་རྡོ་རྗེའི་སྦྱོར་བས་རིན་པོ་ཆེ་མརྒད་ཆ་དགུག་པ་ལས་རིན་པོ་ཆེའི་རིག་པ་འཛིན་པ་སྒྲུབ་བོ། །འདོད་ཆགས་རྡོ་རྗེའི་སྦྱོར་བས ་ཟངས་དང་པདྨ་ལ་པདྨའི་རིག་པ་འཛིན་པ་སྒྲུབ་བོ། །རལ་གྲིའི་རྡོ་རྗེ་སྦྱོར་བས་རྒྱུད་གཞན་ལས་འབྱུང་བའི་དངོས་གྲུབ་བསྒྲུབ་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོ་ལས་ཞེས་བྱ་བ་ནི་བཤད་ཟིན་ཏོ། ་ཐབས་སྣ་ཚོགས་པ་ནི་ལས་ཏེ་བྱ་བ་ནི་ལྷའི་ངོ་བོ་ཉིད་ཀྱི་སྦྱོར་བ་མཆོག་གོ་།བསྒྲུབ་བྱ་ཐ་དད་པས་ནི་རིམ་པས་ཕྱེད་པའོ། །གཉིས་བ་ལས་ལྟོས་ནས་གསུམ་པ་སྟེ། ལེའུ་གསུམ་པའི་བཤད་པ་ནག་པོ་ཞབས་ཀྱིས་རྒྱ་ཆེར་གསལ་བར་བྱས་པའོ། །དེ་ལྟར་དངོས ་གྲུབ་ཀྱི་ལས་ཀྱི་སྦྱོར་བ་བཤད་ནས། ད་ནི་གཞན་ཐམས་ཅད་དྲག་པོ་ལ་བཞུགས་པའི་སྦྱོར་བས་བདག་ཉིད་ལ་བཞུགས་པར་བྱ་བའི་ཕྱིར་འཁོར་ལོའི་ལེའུ་བཤད་པར་བྱ་སྟེ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་རྡོ་རྗེ ་འཛིན་པ་ཆེན་པོ་ལ་བསྟོད་པའི་རྒྱལ་པོ་འདིས་བསྟོད་ནས་གསོལ་བ་བཏབ་པ། ལས་ཀྱི་དབྱེ་བའི་རབ་དབྱེ་ལ། །སེམས་ཅན་འཇུག་པ་ཇི་ལྟར་འགྱུར། །རྡོ་རྗེ་ཆེན་པོས་བཤད་དུ་གསོལ། །ཉོན་ཅིག་ཡེ་ཤེས་ཆེན་པོ་རྣམས། །ཞེས་བྱ་བ་སྨོས་ཏེ། བསྟོད་པའི་རྒྱལ་པོ ་ནི་སྔར་བཞིན་ནོ། །དེ་དང་འབྲེལ་པའི་ཚིག་ནི་འོག་ནས་འབྱུང་བའི་ཚིག་གིས་གསོལ་བ་བཏབ་པའོ། །ལས་ཀྱི་དབྱེ་བ་ནི་དམ་ཚིག་སྟེ་ཞི་བ་དང་རྒྱས་པ་དང་དབང་དང་དྲག་པོ་དང་དགུག་པ་དང་བཅིངས་པ་དང་གསད་པའོ། །རབ་ཏུ་དབྱེ་བ་ནི་ཐམས་ཅད་ཀྱི་བྱེ་བྲག་གིས་རེ་རེ ་ཞིང་སྣ་ཚོགས་པའོ། །སེམས་ཅན་ནི་མ་རུངས་པ་དང། བཏང་སྙོམས་པ་དང་མཉམ་པ་ལ་འཇུག་པ་ཇི་ལྟར་འགྱུར། དབྱེར་མི་ཕྱེད་པའི་རྡོ་རྗེ་ཆེན་པོ་ཐུགས་སུ་ཆུད་པའི་ཐམས་ཅད་མཁྱེན་པ་ཁྱེད་ཀྱིས་ཇི་ལྟར་ནུས་པ་དང་ལྡན་པ་བཤད་དུ་གསོལ། ཐུན་མོང་མ་ཡིན ་པའི་འཁོར་སོ་སོ་དག་དང་བྱེ་བྲག་ཏུ་ཉོན་ཅིག་ཅེས་སྨྲས་ཏེ། སངས་རྒྱས་ཀྱི་ཡེ་ཤེས་ཡོན་ཏན་རྒྱ་མཚོ་དང་ལྡན་པ་རྣམས་ཡིད་ལ་བྱོས་ཤིག་ཅེས་བྱ་བའི་དོན་ཏོ། །དེ་ནས་རྡོ་རྗེ་འཛིན་དཀྱིལ་འཁོར་ཐམས་ཅད་ཀྱི་བདག་པོར་གྱུར་པས་རྒྱལ་པོ་སྟེ། ལས་ནི་ཞི་བ་ལ ་སོགས་པ་ཐམས་ཅད་རབ་ཏུ་འགྲུབ་པ་གདུལ་བྱ་ཉེས་ཁ་ཀུན་གསོ་བའི་བདག་ཉིད་ཀྱིས་འོག་ནས་འབྱུང་བ་འདི་སྐད་ཀྱི་ཚིག་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཐུགས་རྡོ་རྗེ་ཉིད་ཀྱི་ཐུགས་ཕྱག་འཚལ་ཞིང་མཆོད་པ་བྱས ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཡང་དང་ཡང་དུ་ཕྱག་འཚལ་ནས་བཅོམ་ལྡན་འདས་ཉིད་ཀྱི་གསུང་ཉན་ཏོ། ཞེས་བྱ་བ་ནི་སྒྲ་ཇི་བཞིན་པ་ལས་ལྷག་པར་གྱུར་པའི་དོན་མེད་དོ། །དེ་ནས་རྡོ་རྗེ་འཆང་རྒྱལ་པོས་གསོལ་བ་བཏབ་པའི་དོན ་གསུངས་པ་ནི། དབང་དུ་བྱ་བའི་འཁྲུལ་འཁོར་བསྟན། །གཤིན་རྗེ་འཁོར་ལོ་འཁོར་ལོའི་མཆོག་།མ་བྱུང་འབྱུང་བར་མི་འགྱུར་རོ་།ཞེས་བྱ་བ་སྨོས་ཏེ། དབང་དུ་བྱ་བ་ནི་བུད་མེད་ལ་སོགས་པའོ། །འཁྲུལ་པ་ནི་སྔགས་ཏེ་ཡབ་རྒྱལ་པོ་ཉིད་དོ། །བཟླས་པའི་ནུས་པ ་ནི་འཁོར་བར་འབྱུང་བས་མཐུ་ཐུན་མོང་མ་ཡིན་པར་བསྟན་ཏོ། །གཤིན་རྗེ་འཁོར་ལོ་ནི་ལྟོ་བའོ། །འཁོར་ལོ་གཉིས་པ་ནི་ལེགས་པར་བཀོད་ཅིང་བྲིས་པ་ནི་མཆོག་ནི་དམིགས་པ་ཁྱད་པར་དུ་གྱུར་པས་བྱིན་གྱིས་བརླབས ་པའོ། མ་བྱུང་བ་ནི་སངས་རྒྱས་རབས་བདུན་ནོ། །ཞིང་དག་པའི་བསྟན་པ་ལ་སངས་རྒྱས་པར་འདོད་པ་དག་གིས་བྱམས་པའི་བསྟན་པ་ལ་ཡང་འབྱུང་བར་མི་འགྱུར་རོ། །དེ་ཅིའི་ཕྱིར་ཞེ་ན། གསང་སྔགས་ནི་ཉོན་མོངས་པ་ལམ་དུ་ཁྱེར་བའི་ཕྱིར་རོ། །བུད་མེད་དབང ་དུ་བྱ་བ་དང། བསྲུང་བའི་དོན་དུ་དེ་བཞིན་དུ། ཞི་བའི་རོ་ཙ་ནས་བཟུང་སྟེ། །གྲོ་ག་དེ་བཞིན་ཤིང་ཤུན་ལ། །འཁོར་ལོ་གཉིས་ནི་མཉམ་བྲིས་ལ། ན་མ་ན་མས་མཛའ་བརྟེན་ལ། །གནག་དང་སྤུ་ཅན་མ་ཡིན་པའོ། །ཁམ་ཕོར་གཉིས་ནི་ཁ་སྦྱར་ཏེ། །མར ་དང་སྦྲང་རྩིས་བཀང་བ་གཞུག་།སྐུད་པ་དཀར་པོས་ཁམ་ཕོར་བཅིང། །ཤར་དུ་མངོན་པར་ཕྱོགས་པ་ཡིས། །མེ་ཏོག་དཀར་པོས་དུས་གསུམ་གཏོར། །གཤིན་རྗེ་མཐར་བྱེད་ཆུ་ཤེལ་འདྲ། །བདག་ཉིད་བསྒོམས་ནས་མདུན་དུ་དགོད། །ཟླ་བའི་དཀྱིལ ་འཁོར་ལ་གནས་པའི། །བསྒྲུབ་བྱ་བལྟས་ནས་དབང་བསྐུར་བྱ། །བདུད་རྩི་ལྔ་ཡིས་གང་བ་ཡིས། །བུམ་པ་དཀར་པོ་ཟླ་བ་འདྲ། །སངས་རྒྱས་དུ་མས་དབང་བསྐུར་བ། །བལྟས་དང་སྔགས་ཀྱི་བཟླས་པ་བརྩམ། །ོཾ་ཆེ་གེ་མོ་ན་མ་ཧྲི(རྒྱུད་འགྲེལ་། །ཕཊ་དེ་བ་དཏྟ་ཡ་ཤན་ཏིང་ཀུ་རུ་སྭཱཧཱ། ཞེས་བྱ་བ་སྨོས་ཏེ། འདིར་བུད་མེད་དབང་དུ་གྱུར་པ་ནི་སེམས་ཞི་བར་གྱུར་པ་ལ་བྱའོ། །སྐྱེས་པ་དབང་དུ་བྱ་བ་ལ་ནི་ཁྱད་པར་གྱི་རྫས་བྷ་ག་ལས་བྱུང་བའི་གུར་གུམ་གྱིས་བྱའོ། །གཞན་གྱི་གདུག ་པའི་སྦྱོར་བ་ཡིས། །ཞི་བའི་འཁོར་ལོར་ཞི་བར་ནུས་པས་ནི་བསྲུང་བའི་དོན་དུ་ཡང་འགྱུར་རོ། །དེ་བཞིན་དུ་ཞི་བའི་འཁོར་ལོ་བྲི་བ་ལ་ནི་ཁྱད་པར་གྱི་རྫས་རོ་ཙ་ན་སྟེ། རྡུལ་དང་ཀླད་པ་གང་ཡང་རུང་བས་བྱའོ། །འཁོར་ལོ་དེ་དག་ཀྱང་གྲོ་ག་འམ་སྨྱུག་མའི ་ཤུན་པ་སོར་བཅུ་དྲུག་པའི་འཁོར་ལོ་གཉིས་ཁ་སྦྱར་ཏེ། སྟེང་འོག་གི་ཡི་གེ་དང་ལྕགས་ཁང་དང་ཁོར་ཡུག་མཉམ་པ་བྲིས་ཏེ་ན་མ་དང་མིང་སྤེལ་བས་ནས་མཛའ་རྟེན་ལ་བྱའོ། །གནག་པ་དང་ཡུ་བ་དང་རྩ་བ་ཅན་ནི་ལྷག་པར་གྱུར་པ་སྟེ་ཞི་བའི་ལས་མི་འགྲུབ ་པའོ། །དེ་མ་ཡིན་པའི་ཁམ་ཕོར་ཟླུམ་ཤིང་བྱིལ་བ་ལྷུང་བཟེད་ཁ་བྲེགས་པ་ལྟ་བུ་སོ་མ་བཏང་བ་གཉིས་ཁ་སྦྱར་ཏེ་མར་དང་སྦྲང་རྩིས་བཀང་ལ་དེར་འཁོར་ལོ་གཞུག་པར་བྱའོ། །སྐུད་པ་མ་སྤྱད་པ་དང་མ་སྨས་པ་དཀར་པོས་རྒྱ་གྲམ་དུ་ཁམ་ཕོར་བཅིངས་ཏེ ་མདུད་པ་མེད་པར་བྱས་ལ། འགན་སྟན་དཀར་པོ་གསོ་རས་ཀྱིས་བཀང་བའི་སྟེང་དུ་གཞག་སྟེ་རྐང་པ་རྩཝ་ཀུ་ཤ་ལ་མཉམ་པར་གནས་ནས་ཞི་བའི་སེམས་ཀྱིས་ཤར་དུ་མངོན་པར་ཕྱོགས་པ་ཡིས་མེ་ཏོག་སྤང་རྒྱན་དཀར་པོ་ལ་ག་པུར་གྱིས་བསྐོར་ཏེ། ཉིན ་ལན་གསུམ་མཚན་ལན་གསུམ་དུ་དུས་དྲུག་ཏུ་གཏོར་རོ། །ཚོགས་བསགས་པ་སྔོན་དུ་སོང་བས་བསྲུང་བ་མཚམས་ཀྱི་འཁོར་ལོའི་ནང་དུ་བདག་ཉིད་གཤིན་རྗེ་མཐར་བྱེད་ཨ་ལས་སྐྱེས་པའི་ཟླ་བའི་དཀྱིལ་འཁོར་སྟེང་དུ་ཨོཾ་དཀར་པོ་ཡོངས་སུ་གྱུར་པ་ལས་རྡོ ་རྗེ་རྩེ་ལྔ་པ་དཀར་པོ་དེ་ལས་སྐྱེས་པ་ཆུ་ཤེལ་དང་ཟླ་བའི་དཀྱིལ་འཁོར་དང་འདྲ་བའི་བདག་ཉིད་བསྒོམས་ནས། མདུན་དུ་མཎྜལ་དཀར་པོ་ག་པུར་བྱུགས་པའི་སྟེང་དུ་འཁོར་ལོ་བཀོད་ལ། འཁོར་ལོ་ཨ་ལས་སྐྱེད་པའི་ཟླ་བའི་དཀྱིལ་འཁོར་ལ་ཁ་སྦྱོར ་དུ་བསམས་ལ་དེ་ལ་གནས་པའི་བསྒྲུབ་བྱ་ཡིད་ཀྱིས་བལྟས་ནས་དབང་བསྐུར་བར་བྱ་སྟེ། བདུད་རྩི་རྣམ་པ་ལྔ་དང་འོ་མ་བསྲེས་པའི་ཁུ་བ་ལ་ཙན་དན་དཀར་པོའི་བདར་པུ་བདར་ནས་གང་བར་བྱས་པའི་བུམ་པ་དཀར་པོ་བྱིན་གྱིས་བརླབས་ཏེ་བུམ་པའི་ཆུ ་ཡིས་བཀྲུ་ཞིང་དབང་བསྐུར་བར་བྱའོ། །གཞན་ཡང་བུམ་པ་དཀར་པོ་ཟླ་བ་འདྲ་བའི་རྫོགས་པའི་སངས་རྒྱས་དུ་མས་ཐོགས་ཏེ་དབང་བསྐུར་ཞིང་ཁྲུས་བྱེད་པར་ཡིད་ཀྱིས་བལྟས་ནས་སྔགས་ཀྱི་ཟླས་པ་ཁྲིའི་བར་དུ་བྱའོ། །འདི་དག་གིས་ནི་ཞི་བའི་དམ་ཚིག་གི་ཆོ ་ག་གསུངས་སོ། །ད་ནི་རྒྱས་པའི་དམ་ཚིག་བཤད་པར་བྱ་སྟེ། སྐྱེས་པ་ཞི་བའི་གུར་གུམ་གྱིས། །བྲི་བྱ་དེ་བཞིན་རྒྱས་པ་ཡང། །འཁོར་ལོ་གཉིས་ནི་ཁ་ཕྱེ་ཡིས། །སྭཱཧཱས་མིང་ནི་བརྒྱན་པ་ཡིས། །བསྒྲུབ་བྱའི་མིང་ནི་བྲིས་བྱས་ལ། །དམར ་དང་སྦྲང་རྩིས་བཀང་བ་ཡི། །ཁམ་ཕོར་ཁ་སྦྱར་ནང་དུ་གཞུག་།སྐུད་པ་སེར་པོས་བཅིངས་ནས་ནི། །མེ་ཏོག་སེར་པོས་དུས་གསུམ་གཏོར། །བྱང་དུ་ཁ་ལྟས་མདོག་སེར་བའི། །གཤིན་རྗེ་གཤེད་དུ་བདག་ཉིད་དམིགས། །བསྒྲུབ་བྱ་ཟླ་བ་སེར་ནག་ལ། ་བུམ་པ་སེར་པོས་བཀྲུས་བྱས་ལ། །དབང་བསྐུར་བར་ནི་བསྒོམས་བྱས་ལ། །སྤྲོས་ལ་རྒྱལ་བའི་བཟླས་པ་བྱ། །ོཾ་ཧྲཱི(རྒྱུད་འགྲེལ་ཤཾ་ཀུ་རུ་བོ་ཤ་ཏ་ན་མ:། འདི་ནི་བཅོམ་ལྡན་འདས་ཀྱིས་རྒྱས་པའི་ཆོ་ག་གསུངས་སོ་ཞེས་བྱ་བ་སྨོས་ཏེ། སྡིག་པ་མ་ཞི་ན་བསོད་ནམས་མི་རྒྱས་པའི་ཕྱིར་ཞི་ནས་རྒྱས་པའི་ལས་བཙམ་པའི་ཕྱིར། རྒྱལ་པོའི་སྟོང་གཡོགས་ཀྱི་རས་ལ་སོར་དྲུག ་པའི་ཚད་འཁོར་ལོ་གཉིས་མཉམ་པར་བྱས་ཏེ། སྭཱཧཱས་མིང་རྒྱན་པར་བྱས་པའི་མིང་འཁོར་ལོ་ལ་བྲིས་ལ་ཁམ་ཕོར་གྲུ་བཞི་པ་ཁྱིམ་བདག་གི་གདན་ལྟ་བུའི་གཉིས་ཁ་སྦྱར་ལ་དེའི་ནང་མར་དང་སྦྲང་རྩིས་བཀང་སྟེ་དཀྱིལ་དུ་འཁོར་ལོ་གཞུག་བར ་བྱའོ། སྨད་པ་མ་སྨས་ཤིང་མ་ཉམས་པ་སེར་པོ་གུར་གུམ་གྱི་དིས་དགོས་པས་བཅིངས་ལ་མདུད་པ་མེད་པར་བྱས་ནས་རྩེ་མོ་ནས་གུང་མོ་དང་མཐེ་བོང་གིས་བཟུང་སྟེ། ཙམ་པ་ཀ་གུར་གུམ་གྱིས་བྱུགས་པའི་མེ་ཏོག་སེར་པོར་ཉིན་ལན་གསུམ ་མཚན་?་?་སྟེ་དུས་དྲུག་གམ་གསུམ་དུ་གཏོར་རོ། །ལྷོའི་ཕྱོགས་དག་ན་སྟན་ཨ་ཤྭ་དེ་?་མ་སེར་པོས་བཀང་བའི་སྟེང་དུ་འདུག་སྟེ། ཚོགས་བསགས་པ་སྔོན་དུ་འགྲོ་བའི་བསྲུང་བའི་འཁོར་ལོའི་ནང་དུ་རཾ་ལས་ཉི་མའི་དཀྱིལ་འཁོར་གྱི་སྟེང་དུ ་སྭ་ལས་རིན་པོ་ཆེ་དེ་ལས་མདོག་སེར་པོ་གཤིན་རྗེ་གཤེད་དུ་བདག་ཉིད་དམིགས་ལ། བསྒྲུབ་བྱ་ཡང་རཾ་ལས་ཟླ་བའི་དཀྱིལ་འཁོར་ཁ་སྦྱར་གྱི་ནང་ན་གནས་པ་ཡིད་ཀྱིས་བལྟས་ལ། བདུད་རྩི་རྣམ་པ་ལྔ་དང་སྦྲང་རྩི་གུར་གུམ་གྱིས་གང་བར་བྱས་པའི ་བུམ་པ་སེར་པོ་བྱིན་གྱིས་བརླབས་ལ་དབང་བསྐུར་ཏེ། བཀྲུ་བར་བྱ་ཞིང་རྫོགས་པའི་སངས་རྒྱས་དུ་མས་ཀྱང་བུམ་པ་སེར་པོ་ཐོགས་ཏེ། དབང་བསྐུར་ཞིང་བསོད་ནམས་བསྒྲུབ་པར་བྱས་ལ་རང་གི་རིགས་ཀྱི་བདག་པོ་སྤྲོས་ལ་བསྒྲུབ་བྱའི་ལུས་ལ་བཅུག་སྟེ ་ཡང་དག་པར་མཆོད་པས་བསོད་ནམས་དང་གཟི་མདངས་མ་ལུས་པར་རྒྱས་པར་བསམ་མོ། །དེ་ནས་རྒྱས་པའི་ཟླས་པ་ཁྲི་བྱའོ། །འདི་དག་གིས་ནི་འཁོར་ལོས་བསྒྱུར་བའི་རྒྱལ་པོ་དང་བསོད་ནམས་མཉམ་པར་གྱུར་ཏོ། །འདི་ནི་བཅོམ་ལྡན་འདས་ཀྱིས་རྒྱས་པའི་ཆོ ་གའི་དམ་ཚིག་གསུངས་སོ། །ད་ནི་དབང་གི་དམ་ཚིག་བཤད་པར་བྱ་སྟེ། གྲོ་ག་འམ་རས་ལ་རྒྱ་སྐྱེགས་ཀྱི། ཁུ་བ་འམ་ཙན་དན་དམར་པོ་འམ། སྲིན་ལག་གི་ནི་ཁྲག་ཀྱང་རུང། །ཡི་གེ་ཧོ་ཡིས་བརྟེན་པ་ཡི། །འཁོར་ལོ་གཉིས་ནི་མཉམ་པར་བྲི། །འཁོར་ལོ ་ནག་སོགས་བྲལ་བ་ཡི། །ཁམ་ཕོར་གཉིས་ནི་ཁ་སྦྱར་དུ། །མར་དང་སྦྲང་རྩིས་བཀང་བར་བཞག་།སྐུད་པ་དམར་པོས་བཅིངས་བྱས་ལ། །ནུབ་ཕྱོགས་སུ་ནི་ཁ་བལྟས་ནས། །མེ་ཏོག་དམར་པོས་མཆོད་པར་བྱ། །བདག་ཉིད་གཤིན་རྗེ་མཐར་བྱེད་པ། ། ་ཁ་དོག་དམར་པོ་ཆེར་འབར་བ། །ཟླ་བ་དམར་པོ་ལ་གནས་པའི། །བསྒྲུབ་བྱ་ཡང་ནི་རྣམ་བསམ་བྱ། །རང་གི་ལུས་ལས་བྱུང་བ་ཡི། །འོད་ཟེར་དམར་པོ་ལྕགས་ཀྱུ་ཡིས། །བསྒྲུབ་བྱ་བཀུག་པར་བསམ་པར་བྱ། །སྔགས་ནི་སྤྲོ་ཞིང་ཁྲི་བཟླས་པས། །དེས་ནི ་བསྒྲུབ་བྱ་ཉམས་གྱུར་ནས། །རྐང་པ་གཉིས་སུ་ལྷགས་ནས་ནི། །གོས་བྲལ་སྐྲ་ནི་བཤིག་འགྱུར་བ། །རྣམ་པར་བསམས་པ་བཟླས་པ་ཙམ། །གལ་ཏེ་དབང་དུ་མ་གྱུར་ན། །མར་ལ་སོགས་པ་བྲལ་བཅས་པའི། །དུ་བ་མེད་པའི་སེང་ལྡེང་མེས། །འཁོར་ལོ ་དེ་ནི་སྒྲུབ་པོས་བསྲོ། །ོཾ་ཧྲཱི(རྒྱུད་འགྲེལ་ཏེ། །བམ་པོ་གསུམ་པ། དེ་ལྟར་བསོད་ནམས་མ་རྒྱས་ན། །གཞན་དབང་དུ་བྱ་བར་མི་ནུས་པས་བསོད་ནམས་རྒྱས་པས་དབང་དུ་བྱ་བ་ནི་འཁོར་ལོའི་རྒྱུ་གྲོ་ག་འམ། སྨད་འཚོད་མའི་ཤམ་ཐབས་ཀྱི་རས་ལ་རྒྱ་སྐྱེགས ་སར་པའི་ཁུ་བའམ། ཡང་ན་ཙན་དན་དམར་པོ་སྔར་ཁུ་བ་ལ་བདར་བ་ངག་གམ་སྲིན་ལག་གཡོན་པའི་ཁྲག་ཉི་ཤུ་གསུམ་ལ་བྱུང་བ་དག་ཀྱང་རུང་སྟེ་ཡི་གེ་ཧོ་དང་བརྟེན་ཞེས་བྱ་བ་ནི་བསྒྲུབ་བྱའི་མིང་དང་སྤེལ་བའོ། །འཁོར་ལོ་གཉིས་ནི་གཞི ་གཅིག་ལ་ཡི་གེ་དང་འཁོར་ཡུག་དང་བཅས་པ་མཉམ་པའོ། །བྲི་བ་ནི་དགོངས་མོའི་དུས་སོ། །འཁོར་ལོ་ལ་དཀར་ནག་ལ་སོགས་པ་དང་རང་གི་དྲི་མ་དང་བྲལ་བར་བྱའོ། །ཁམ་ཕོར་ཟླ་གམ་གྱི་དབྱིབས་སུ་བྱས་པ་གཉིས་སོ་བཏང་སྟེ་མ་ཏང་ཀའི ་རྩི་བཏང་ལ་ཁ་སྦྱར་བའི་ནང་དུ་མར་དང་སྦྲང་རྩིས་བཀང་སྟེ་དེའི་བར་དུ་འཁོར་ལོ་བཅུག་ལ་བཞག་གོ་།སྐུད་པ་དམར་པོས་སྐུད་པ་ལུ་གུ་རྒྱུད་དུ་སྦྲེལ་བས་རྒྱ་གྲམ་དུ་བཅིང་བ་བྱས་ལ། ཤར་གྱི་ཕྱོགས་སུ་གན་སྟན་དམར་པོའི་ནང་དུ་ཚེར་མ ་ལྕགས་ཀྱུ་ཡོད་པའི་འདབ་མ་བརྫངས་ལ། ནུབ་ཀྱི་ཕྱོགས་སུ་ཁ་བལྟས་པའི་དེའི་ཕྱོགས་སུ་འདུག་པར་བྱའོ། །སྐྱེར་པའི་འབྲུམ་བུ་འམ་མེ་ཏོག་དམར་པོས་ཉིན་ལན་གསུམ་མཚན་ལན་གསུམ་སྟེ་དུས་དྲུག་གམ་གསུམ་དུ་དབང་དུ་བྱ་བའི་ཡིད་ཀྱིས ་མཆོད་པར་བྱའོ། །བདག་ཉིད་ཚོགས་བསགས་པ་སྔོན་དུ་སོང་བས་བསྲུང་བའི་འཁོར་ལོའི་ནང་དུ་རྭ་ལས་ཉི་མ་སྭ་ལས་པདྨ་དེ་ལ་སྐྱེས་པའི་གཤིན་རྗེ་མཐར་བྱེད་ཁ་དོག་དམར་པོ་རབ་ཏུ་འཚར་བར་བསྒོམ་མོ། །མདུན་དུ་རྭ་ལས་སྐྱེས་པའི་ཟླ་བ་དམར་པོ ་གཉིས་ཀྱི་མདུན་དུ་གནས་པའི་བསྒྲུབ་བྱ་བློའི་རྣམ་པར་བསམ་པར་བྱའོ། །རང་གི་ལུས་ཀྱི་བ་སྤུའི་བུ་ག་ལས་བྱུང་བའི་འོད་ཟེར་དམར་པོ་ལྕགས་ཀྱུའི་དབྱིབས་ལྟ་བུ་འདོད་ཆགས་རྡོ་རྗེ་ལ་སོགས་པའི་ཁྲོ་བོའི་ཆོ་གས་ལག་ན་ལྕགས་ཀྱུ་དང་ཞགས་པ་ཐོགས་པས་བསྒྲུབ ་པར་བྱ་བའི་སྙིང་ཕུག་སྟེ། ཡིད་ཀྱི་དངོས་སུ་བཀུག་ལ་འཁོར་ལོ་ལ་ཐིམ་པར་བསམ་པར་བྱའོ། །དེ་ནས་སྔགས་བཟླས་པའི་ངག་ལས་འོད་ཀྱི་ཆོ་གས་འཕྲོས་བས་ཇི་སྲིད་ཁྲིའི་བཟླས་པ་བྱེད་ཀྱི་བར་དུ་འོད་ཟེར་དེས་བསྒྲུབ་བྱའི་སྤྱི་གཙུག་ནས་རྐང་པའི་མཐིལ་དུ་འཕྲོས ་པས་མདངས་ཉམས་པར་གྱུར་ནས་མདངས་ཐམས་ཅད་རྐང་པའི་མཐིལ་གཉིས་སུ་ལྷག་པར་བསམ་མོ། །དེ་ནས་བསྒྲུབ་བྱ་དེ་དག་ཀྱང་གོས་དང་བྲལ་ཞིང་སྐྲ་རབ་ཏུ་བཤིགས་པ་མདོག་ཐལ་སྐྱར་གྱུར་པ་དག་རྣམ་པར་བསམས་ལ་བཟླས་པ་གཉིས་ལ་བརྩམ་པར ་བྱའོ། གལ་ཏེ་དབང་དུ་མ་གྱུར་ན་མར་དང་སྦྲང་རྩི་དང་ཁམ་ཕོར་ལ་སོགས་པ་དང་བྲལ་བར་བྱས་ཏེ། དུ་བ་མེད་པའི་སེང་ལྡེང་གི་སོལ་བའི་མེས་འཁོར་ལོ་དེ་དག་གི་སྒྲུབ་པ་པོས་སྔགས་གཉིས་དང་ལྡན་པས་ནི་ནང་ནུབ་ཏུ་བསྲོ་བར་བྱའོ། །འདི་དག་གིས་ནི་སྲིད ་པའི་རྩེ་མོ་མན་ཆད་དབང་དུ་འགྱུར་རོ། །འདི་ནི་བཅོམ་ལྡན་འདས་ཀྱིས་དབང་དུ་བྱ་བ་ཆེན་པོའི་དམ་ཚིག་གསུངས་སོ། །ད་ནི་དགུག་པའི་སྦྱོར་བ་བཤད་པར་བྱ་སྟེ། དུར་ཁྲོད་རས་སམ་ཡང་ན་ནི། །རང་འབྱུང་གིས་བསྐུས་རས་ལ་ནི། །ཁྲག་དང་བྱ་སྐྱེགས་བསྲེས་པ ་ཡིས། འཁོར་ལོ་གཉིས་ནི་མཉམ་བྲིས་ལ། །ཡི་གེ་ཛ་དང་ཡི་གེ་ཧྲཱི(རྒྱུད་འགྲེལ་གཤིན་རྗེ་མཐར་བྱེད་པ། །ནུབ་ཁའི་ཉི་མ་འདྲ་བ་བསམ། །ལྕགས་ཀྱུ་དམར་པོས་བཀུག་པ་ཡིས། །བསྒྲུབ་བྱ་དག་ནི་རྣམ་བསྒོམ་བྱ། །སྙིང་ལ་ལྕགས་ཀྱུས་རྒྱབ་ནས་ནི། །སྐ་ནས་ཞགས་པས་བཅིངས་བྱ་སྟེ། །གཅེར་བུ་སྔ་ནི་མ་བཅིངས་པས། །རླུང་གི་དཀྱིལ ་འཁོར་སྦྱོར་བ་ཡིས། །ཡི་གེ་དམར་པོའི་སྟེང་འདུག་ལ། །རྫས་ལྔ་ཡིས་ནི་བཀྲུས་བྱས་ཏེ། །འོངས་པ་རུ་ནི་བསམ་པར་བྱ། །གལ་ཏེ་བསྒྲུབ་བྱ་མི་འོང་ན། །སེང་ལྡེང་གི་ནི་མེ་བཏང་ལ། །དེར་ནི་བཟླས་བ་བརྩམ་པར་བྱ། །བརྟུལ་ཞུགས ་ཅན་གྱིས་འཁོར་ལོ་བསྲོ། །དེ་ལ་གཟུགས་དེ་བསམ་པར་བྱ། །ོཾ་ཧྲཱི(རྒྱུད་འགྲེལ་ནུས་པའི་ཕྱིར་ཏེ་དབང་དུ་བྱས་ནས་དགུག་པར་བསམ་པར་བྱ་སྟེ། དུར་ཁྲོད་ཀྱི་གོས་ནི་རོའི་རས་སོ། །དེ་མ་རྙེད་ན་རང་འབྱུང་གི་ཁྲག་གིས་སྨད་འཚོང་མའི་ཤམ་ཐབས་ཀྱི་རས་ལ་བསྐུས་ལ། རང་འབྱུང་གི་ཁྲག་དང་རྒྱ་སྐྱེགས་ཀྱི་ཁུ་བ་ཕྱེད་ཕྱེད་དུ་བསྲེས་པ ་ཡིས། འཁོར་ལོ་གཉིས་ཀྱི་ལྟེ་བ་དང་རྩིབས་དང་ཁོར་ཡུག་ཏུ་མཉམ་པར་སྲོད་ལ་བྲིས་ལ། ཡི་གེ་ཛ་དང་ཡི་གེ་ཧྲིས་མིང་དབུས་ན་གནས་པའི་ཐ་མ་རྣམ་པར་བརྟེན་པར་བྱས་ལ། བཙུན་མོ་ནི་བུད་མེད་དེ་པདྨའི་སྣོད་ནི་ཐོད་པའོ། །དེ་ཁ་སྦྱར་བའི་ནང་དུ་འཁོར་ལོ ་བཅུག་ལ་སྐུད་པ་དམར་པོ་གཉིས་སྒྲིལ་བ་ཡིས་རྒྱ་གྲམ་དུ་བཅིངས་པ་བྱས། ཀླུ་ག་ལ་སོགས་པའི་མེ་ཏོག་དམར་པོས་ཉིན་ལན་གསུམ་མཚན་ལན་གསུམ་དུས་དྲུག་གམ་དུས་གསུམ་དུ་མཆོད་པར་བྱའོ། །ཚོགས་བསགས་པ་སྔོན་དུ་སོང་བའི་བསྲུང་བའི ་འཁོར་ལོའི་ནང་དུ་ཡི་གེ་རཱཾ་ལས་ཉི་མའི་དཀྱིལ་འཁོར། དེའི་སྟེང་དུ་ཛཾ་ལས་པདྨ་ཡོངས་སུ་གྱུར་པ་ལས་བདག་ཉིད་གཤིན་རྗེ་མཐར་བྱེད་པ་མདོག་ནུབ་ཀའི་ཉི་མ་དང་འདྲ་བ་དམར་སེར་དུ་སྒོམ་སྟེ། སྙིང་གའི་ས་བོན་གྱི་འོད་ཟེར་དམར་པོ་ལྕགས་ཀྱུ་འདྲ་བས ་བཀུག་པའི་བསྒྲུབ་བྱ་དག་ནི་རྣམ་པར་བསྒོམ་པར་བྱའོ། །དེ་ནས་ཁྲོ་བོ་ལག་ན་ལྕགས་ཀྱུ་དང་ཞགས་པ་ཐོགས་པ་སྤྲོས་ཏེ། བསྒྲུབ་བྱའི་སྙིང་ག་ནས་ལྕགས་ཀྱུ་བརྒྱབ་སྟེ་སྐེ་ནས་ཞགས་པ་དམར་པོས་བཅིང་བ་བྱས་ཏེ། བསྒྲུབ་བྱ་དེ་ཡང་སྐྲ་མ་བཅིངས ་པར་གྲོལ་བ་ཡཾ་ལས་བསྐྱེད་པའི་རླུང་གི་དཀྱིལ་འཁོར་བ་དན་གྱིས་གཡོབ་ཅིང་ཕྱར་བའི་སྦྱོར་བ་བྱས་པའི་སྟེང་དུ་ཨ་ལས་བསྐྱེད་པའི་ཡི་གེ་དམར་པོ་ལ་ཞོན་པའམ་སྟེང་དུ་འདུག་པར་བསམས་ལ་དམ་ཚིག་གི་རྫས་རྣམ་པ་ལྔ་ཡིས་བདག་ཉིད་དཀྲུག་པར་བྱ་སྟེ། ་སྔགས་བཟླས་པས་རླུང་གི་དཀྱིལ་འཁོར་གྱིས་བཏེག་ནས་མྱུར་བ་ཉིད་དུ་ནི་འོང་བར་བསམ་པར་བྱའོ། །སྔགས་ཁྲི་བཟླས་ཀྱང་གལ་ཏེ་བསྒྲུབ་བྱ་མི་འོང་ན། སེང་ལྡེང་གི་མེ་མདག་ལ་སྒྲུབ་པ་པོ་བརྩོན་འགྲུས་ཀྱི་བརྟུལ་ཞུགས་ཅན་གྱིས་འཁོར་ལོ་དུས་ཐམས ་ཅད་ནས་ཐམས་ཅད་དུ་བསྲོ་ཞིང་དེར་བཟླས་པ་གཉིས་པ་བརྩམ་པར་བྱའོ། །འཁོར་ལོ་དེ་ལ་སྒྲུབ་བྱ་དེ་ཉིད་དངོས་སུ་བསམས་ནས། ཨུ་མ་དེའི་ཉིད་ཀྱང་འགུགས་པར་འགྱུར་རོ། །འདི་ནི་བཅོམ་ལྡན་འདས་ཀྱིས་དགུག་པའི་ཆོ་ག་གསུངས་པའོ། །ད་ནི་རེངས་པར ་བྱ་བའི་དམ་ཚིག་བཤད་པར་བྱ་སྟེ། དུར་ཁྲོད་གོས་ལ་མཁས་པས་ནི། །ཡུང་བ་ཡི་ནི་ཁུ་བ་ཡིས། །འཁོར་ལོ་གཉིས་ནི་མཉམ་པར་བྲི། །ཡི་གེ་ལཾ་གིས་བརྟེན་པ་ཡིས། །བསྒྲུབ་བྱའི་མིང་ནི་བྲི་བར་བྱ། །ཁམ་ཕོར་ཁ་སྦྱར་ནང་དུ་སྟེ། །ཁམ་ཕོར་སེར་པོའི་སྟེང ་དུ་བཞག། དེ་ལ་མཁས་པས་ར་ཁཱ་བྲི། །རེ་ཁཱ་བདུན་ནམ་ཡང་ན་ནི། །མཉམ་བར་བཞག་པས་བྲི་བར་བྱ། །རི་རབ་ལྕོག་བརྒྱད་ཅེས་གྲགས་པ། །དེའི་སྟེང་དུ་མཉམ་པར་བྲི། །ཡི་གེ་ཧཱུཾ་དང་ཡི་གེ་བཾ། །རི་རབ་དེ་ནི་བརྟེན་པར་བྱ། །དེའི་སྟེང་དུ་ལཾ་ཡིག་ལས། །དབང་ཆེན ་དཀྱིལ་འཁོར་དགོད་པར་བྱ། །སྣ་ཚོགས་རྡོ་རྗེས་མནན་པ་ལས། །སྐུད་པ་སེར་པོས་བཅིངས་ནས་ནི། །གཤིན་རྗེ་གཤེད་པོ་མདོག་སེར་བོ། །བདག་ཉིད་རྣམ་པར་བསམ་པར་བྱ། །རྣལ་འབྱོར་ལྷོ་ཕྱོགས་ཁ་བལྟས་ཏེ། །དབང་ཆེན་དཀྱིལ་འཁོར་ལ་གནས་བ། །བསྒྲུབ་བྱ་སེར་པོ ་རྣམས་སེམས་ལ། །རི་རབ་ཀྱིས་ནི་མནན་བྱས་ནས། །དབང་ཆེན་དཀྱིལ་འཁོར་གྱི་འོག་ཏུ། །མན་དྷ་ར་སོགས་རི་བོ་དང། །སྣ་ཚོགས་རི་པོ་རྣམས་ཀྱིས་ཀྱང། །བསྒྲུབ་བྱ་མནན་པར་བསྒོམ་པར་བྱ། །དེ་ནས་གནས་ནས་བཟླས་པ་བརྩམ། །ོཾ་ཧྲཱི(རྒྱུད་འགྲེལ་ཧཱུཾ་ཕཊ་ཕཊ་ལཾ་དེ་བ་དཏྟ་སྟཾ་བྷ་ཡ་ལཾ། །དེ་ལྟར་དགུག་བར་མནུས་ན་རེངས་བ་མི་འགྲུབ་པའི་ཕྱིར་བཀུག་ནས་རེངས་པ་བརྩམ་པར་བྱ་སྟེ་དུར་ཁྲོད་གོས་ལ་མཁས་པས་བསྙེན་པ་སྔོན་དུ་སོང་ཞིང་ལས་ཀྱི་སྦྱོར་བ་མན་ངག་འབྲེལ ་པ་ཤེས་པ་སྟེ། ཡུང་བ་ཆད་དུ་པངས་པའི་ཁུ་པ་ཡིས། །འཁོར་ལོ་གཉིས་ནི་མ་འགྲུབ་པར། །མཉམ་པར་བྱས་ཏེ་སྔ་དྲོའི་དུས་སུ་བྲིའོ། །ཡི་གེ་ལཾ་གྱིས་བསྟེན་པ་ཞེས་པ་ནི་བསྒྲུབ་བྱའི་མིང་བླ་དགས་དང་བཅས་པ་བྲི་བར་བྱ། །ཁམ་ཕོར་སྐྱེར་པའི་མེལ་སོ ་བཏང་བའི་གྲུ་བཞི་པ་ཁ་སྦྱར་བའི་ནང་དུ་འཁོར་ལོ་བཅུག་སྟེ། གཅིག་སའི་ཁ་དོག་ཏུ་བཞག་ལ་ཁེམ་པོར་གཅིག་ས་སེར་པོས་བྱུགས་ཏེ་སྟེང་དུ་བཞག་གོ། །དེ་ལ་ཤེས་རབ་དང་ལྡན་པའི་མཁས་པས་སྐྲ་ཤད་ཀྱི་སྤིར་གྱིས་ཡུང་བའི་ཁུ་བ་བླངས་ཏེ། རེ་ཁཱ་བྲི་བ ་ནི་བར་ན་སོར་རེ་ཡོད་པའི་མདུན་ནས་ཡང་ན་བཞིའི་ལྷ་རྣལ་འབྱོར་ལ་མཉམ་པར་བཞག་པར་བྲི་བར་བྱའོ། །རི་རབ་ཀྱི་རྩེ་མོའི་འཇིག་རྟེན་ན་ལྕོག་བརྒྱད་ཅེས་གྲགས་པ་དེའི་སྟེང་དུ་ཆེ་ཆུང་མེད་པ་བྲི་བར་བྱའོ། །ཡི་གེ་ཧཱུཾ་དང་ཡི་གེ་ལཾ་གཉིས་ནི་རྩེ་མོ་བརྒྱད་ལ་རབ ་ཏུ་སྤེལ་བར་བྱ་སྟེ་དེའི་ཕྱིར་རི་རབ་དེ་ནི་བརྟེན་པར་བྱ་ཞེས་གསུངས་སོ། །དེའི་སྟེང་དུ་ཡི་གེ་ལཾ་སེར་པོ་ལས་དབང་ཆེན་གྱི་དཀྱིལ་འཁོར་གྲུ་བཞི་པ་ཐམ་རྡོ་རྗེ་རྩེ་གསུམ་པས་མཚན་པ་དགོད་པར་བྱའོ། །དེའི་སྟེང་དུ་ཧཱུཾ་ལས་སྣ་ཚོགས་རྡོ་རྗེས་མནན་པ་ལ། ་གཤིན་རྗེ་མཐར་བྱེད་པ། སེར་པོས་རབ་ཏུ་མི་གཡོ་བར་བསམ་མོ། །སྐུད་པ་སེར་པོ་ལ་རྡོ་རྗེ་མདུད་པ་ཉི་ཤུ་རྩ་གཅིག་བྱས་ཏེ་རྒྱ་གྲམ་དུ་བཅིངས་ནས་སྲིན་ལག་གི་གཟུང་བར་བྱའོ། །ཚོགས་བསགས་པའི་བསྲུང་བའི་འཁོར་ལོའི་ནང་ན་སྔར་ཡང་བསྐྱེད་པའི ་གཤིན་རྗེ་གཤེད་མདོག་སེར་པོས་བདག་ཉིད་རྣམ་པར་བསམས་པར་བྱའོ། །བྱང་གི་ཕྱོགས་སུ་འོག་ན་སྟན་སེར་པོའི་ནང་ན་ཤྭ་ཏྭ་ལོ་མས་རྫངས་ལ་རྣལ་འབྱོར་པས་དེའི་སྟེང་དུ་ཁ་ལྷོ་ཕྱོགས་སུ་བལྟས་ཏེ་སྐྱིལ་མོ་ཀྲུང་བཅའ་ཨོ། །མདུན་དུ་ལཾ་ལས་དབང་ཆེན་གྱི་དཀྱིལ ་འཁོར་ཁ་སྦྱར་བའི་དབུས་སུ་བསྒྲུབ་བྱ་སེར་པོ་སྐྲ་སྒྲོལ་བའི་རྣམ་པ་ཡིད་ཀྱིས་བསམས་ལ། དེའི་སྟེང་དུ་ལཾ་ལས་བསྐྱེད་པའི་རི་རབ་ཀྱིས་མནན་པ་བྱས་ནས། ཧཱུཾ་ལས་བསྐྱེད་པའི་སྣ་ཚོགས་རྡོ་རྗེ་ཡང་བསམ་མོ། །དེའི་སྟེང་དུ་ལཾ་ལས་བསྐྱེད་དབང་ཆེན་གྱི་དཀྱིལ ་འཁོར་གྱིས་ཀྱང་མནན་པ་དེའི་འོག་ཏུ་འཇིགས་པའི་རླུང་ལྟར་སྣང་བའི་རི་ནི་མན་དྷ་ར་ལ་སོགས་པའི་རི་བོ་དང་ཞེས་བྱ་བ་སྟེ། གཞན་ཡང་གསེར་གྱི་རི་བདུན་ལ་སོགས་པ་སྣ་ཚོགས་པའི་རི་བོ་རྣམས་ཀྱིས་བསྒྲུབ་བྱ་མནན་པར་བསམ་པར་བྱའོ། །ཏིང་ངེ་འཛིན་དེ་ལ། མི་གཡེངས་པར་གནས ་ནས་བཟླས་པ་བརྩམས་པར་བྱའོ། །དེ་དག་གིས་ནི་གསང་པའི་བདག་པོ་ཡང་ནོན་ཅིང་རེངས་པར་འགྱུར་ན་གཞན་ལྟ་སྨོས་ཀྱང་ཅི་དགོས། འདི་ནི་བཅོམ་ལྡན་འདས་ཀྱིས་ཤིན་ཏུ་རེངས་པར་བྱེད་པའི་རྡོ་རྗེའི་གོ་ཆའི་དམ་ཚིག་གོ་།ད་ནི་ངག་བཅིང་བར་བྱ་སྟེ། ངག་ནི་རེངས་པར་འདོད་པ་ལས། དེ ་བཞིན་འཁོར་ལོ་གཉིས་བྲིས་ལ། །བསྒྲུབ་བྱའི་མིང་ཡང་བྲི་བར་བྱ། །དེར་ནི་སྔགས་ཀྱང་སྤྲོས་ནས་བཟླས། ཨོཾ་ཧྲཱི(རྒྱུད་འགྲེལ་གཉིས་བྲིས་ལ་བྱིས་པའི་ཐོད་པ་ཁ་སྦྱར་གྱི་ནང་དུ་བཅུག་སྟེ་བསྒྲུབ་བྱའི་མིང་དང། ཐ་ནེ་དང། ཏཾ་བྷ་དང། ལཾ་དུ་སྤེལ་ལ་སྔར་བུད་མེད་ཀྱི་ནུ་ཞོས་བྲི་བར་བྱའོ། །བདག་ཉིད་གཤིན་རྗེ་མཐར་བྱེད་སེར་པོ་སྔར་བཞིན་དུ་བཀྱེད་ལ། བསྒྲུབ་བྱ་མུན་ཁུང་ན་གནས་པའི་ལྕེ་ལ་ཡི་གེ་ལཾ་ལས་སྐྱེས་པའི་དབང ་ཆེན་གྱི་དཀྱིལ་འཁོར་གྱི་སྟེང་དུ་ཧཱུཾ་ལས་གྱུར་པའི་སྣ་ཚོགས་རྡོ་རྗེ་གཤིན་རྗེ་གཤེད་སེར་པོས་མནན་པར་བསྒོམ་མོ། །དེ་ནས་ནིམ་པའི་ལོ་མའི་ཁུ་བ་ལ་སྔགས་བཟླས་ཤིང་བྱུགས་པས་སྤྲུལ་པའི་སྨྲ་བ་ཡང་ལུགས་བཞིན་དུ་འགྱུར་རོ། །བཅོམ་ལྡན་འདས་ཀྱི་དག་རེངས་པར་བྱེད་པའི་ཆོ་གའི་དམ་ཚིག ་འདི་སྐད་ཅེས་གསུངས་སོ། །ད་ནི་བསོད་པའི་དམ་ཚིག་བསྟན་པར་བྱ་སྟེ། ཤིན་ཏུ་ལེགས་པར་སྦས་བ་ཡིས། །ཇི་ལྟར་གསུངས་པ་བཞིན་དུ་བྱ། །གཤིན་རྗེ་གཤེད་ནག་སྦྱོར་བ་ཡིས། །ཉི་མ་གཅིག་གིས་འགྲུབ་པར་འགྱུར། །དེའི་དོན་ནི་འདི་ཡིས་ཏེ། །ཤིན་ཏུ་བླ་ན་མེད་པའོ། །ལེགས་པ་ནི་གསང་བའི་དོན ་ཏོ། སྤས་པ་ནི་རྒྱུད་གཞན་དུ་བལྟའོ། །ཇི་ལྟར་གསུངས་པ་ནི་སྔགས་དང་འོག་ནས་གསུངས་པའི་སྦྱོར་བའོ། །མི་མཉམ་པར་བྱ་བའི་དོན་གྱིས་ནི་བཞིན་དུ་བྱ་ཞེས་སོ། །གཤིན་རྗེ་གཤེད་ནག་པོའི་སྦྱོར་བ་ནི་གཉིས་ཏེ་སྔོན་དུ་བྱ་བ་ནི་རྣལ ་འབྱོར་བཞིའི་དོན་ཏོ་དེ་ཟླ་བ་དྲུག་ཏུ་སོང་བའི་སྦྱོར་བ་ཡིས། །བསྒྲུབ་པའི་སྦྱོར་བ་འདི་ལ་གནས་ན་ཉི་མ་གཅིག་གིས་གདོན་མི་ཟ་བར་འགྲུབ་པར་འགྱུར་རོ། །འཁོར་ལོའི་རྒྱུ་གསུངས་པ། སྔར་བཞིན་དུར་ཁྲོད་ཀྱི་རས་ལ། བརྟུལ་ཞུགས་ཅན་གྱི་འཁོར་ལོ་བྲི་ཞེས་པ་སྟེ། ་དུར་ཁྲོད་ཀྱི་རས་ནི་རོའི་རས་སོ། །དེ་ཁྱད་པར་དུ་མཚོན་གྱིས་བསྣུན་པའོ། །གདུག་པའི་རྫས་ཀྱིས་བཏུལ་ལ་ལུས་ངག་ཡིད་གསུམ་གྱི་བརྟུལ་ཞུགས་ཅན་གྱིས་ཚོགས་ཀྱི་འཁོར་ལོ་བསྐོར་ཏེ་འཁོར་ལོ་བྲི་བར་བྱའོ། །བརྩམ་པར་བྱའོ། །རས་གདུལ་བའི་རྫས ་ནི། སྐྱེ་ཚེ་ནི་ནི་ཚྭ་དང་ནི། །དུག་དང་གཞན་ཡང?་ནིམ་པ་དང། །ཚ་བ་གསུམ་དང་ཚ་བའི་མར། །ད་དུ་ལོ་མའི་ཁུ་བ་དང། །ཙན་དན་འབྲས་བུ་མཛུབ་མོའི་ཁྲག་།ཙིཏྲ་ཀ་ཡི་ཁུ་བ་དང། །ཚ་རྒོ་ཅན་གྱི་ས་བླངས་ཏེ། །གདོལ་བའི་རྫ་མའི་དྲེག་པ་དང། །ཞེས་བྱ་བ་ལ ་སྐེ་ཚོན་རིགས་ངན་གྱི་ལྡུམ་ར་ནས་སྐྱེས་པའི་འབྲས་བུའོ། །ཚ་ནི་བོང་བུས་གཅིན་བཏང་བའི་སའོ། །དུག་ནི་མཆེ་བ་གཙིགས་བའོ། །ནིམ་པ་ནི་ནིམ་པའི་ལོ་མ་སྐྱུར་དུ་སྦྱངས་པའོ། །ཚ་བ་གསུམ་ནི་པི་པི་ལིང་དང་ན་ལེ་ཤམ་དང་སརྫ?་རརྫའོ?། །ཚ་བའི་མར་ནི་ཡུངས ་དཀར་ནག་པོའི་མར་ཁུའོ། །ད་དུ་རའི་ལོ་མའི་ཁུ་བ་ནི་ཏིལ་མཁན་གྱི་ཏིལ་རྡོ་ལས་བྱུང་བའོ། །ཙན་དན་གྱི་འབྲས་བུ་ནི་གཏུམ་པོའི་ས་བོན་ནོ། །མཛུབ་མོ་ནི་གཡུང་མོའི་མཛུབ་མོ་སྟེ་དེའི་ཁྲག་གོ་།ཙི་ཏྲའི་ས་ཁུ་བ་ནི་བྱ་རོག་གི་སྒོ་ང་དང་བསྲེས་ཏེ། ཚ་སྒོ་ཅན ་གྱིས་ནི་ཆུ་ཟད་པར་བྱས་པའོ། །གདོལ་པ་ནི་རོའི་མཁར་ལན་པ་སྟེ། རྫ་མ་ནི་འབྲས་ཆན་འཚེད་པའི་སྣོད་དོ། །དྲག་པ་ནི་དུ་བ་ཆགས་པའོ། །དེ་དག་གི་ནི་བྲི་བ་ཡང་བྱའོ། །དེའི་སྦྱོར་བ་གསུངས་པ་ནི། །རབ་ཏུ་ལྟོགས་པའི་སྨྱུ་གུ་ཡིས། །བཅུ་བཞི་པ་ནི་བརྟུལ ་ཞུགས་ཅན། །ཁྲོས་པའི་སེམས་ཀྱི་ཉི་ཕྱེད་ན། །གདུག་པ་ཅན་རྣམས་གསང་པའི་ཕྱིར། །སེམས་ཅན་གནོད་པ་བྱེད་པའི་མི། །ཡི་གེ་ཧཱུཾ་གིས་བརྟེན་བྱས་ལ། ཞེས་གསུངས་པ་ལ། རབ་ཏུ་ལྟོགས་པ་ནི་རྒྱུན་ཏུ་ལྟོགས་པ་སྟེ་བྱ་རོག་གོ་།དེའི་གཤོག ་པ་གཡས་ཀྱི་སྒྲོའི་སྨྱུ་གུ་ཡིས་ཚེས་བཅུ་བཞིའི་ཉི་མ་ཕྱེད་ཀྱི་དུས་སུ་མན་ངག་གི་ལུགས་ཀྱིས་བྲི་བར་བྱའོ། །དེ་ཡང་བརྟུལ་ཞུགས་ཅན་ཤིན་ཏུ་ཁྲོས་པའི་སེམས་ཀྱིས་གདུག་པ་ཅན་རྣམས་བསད་པར་བྱ་བའི་ཕྱིར་ཐེ་ཚོམ་མེད་པ་ལ་ལྟ་བའི་ང་རྒྱལ་དང་ནི ་འབྲས་པའི་ཏིང་ངེ་འཛིན་གྱིས་སེམས་ཅན་གང་གནོད་པར་བྱེད་པའི་མིང་དང་ཧཱུཾ་སྤེལ་བ་ཉིད་ཀྱིས་བརྟན་བྱས་ལ་ཞེས་བྱ་བ། བསྒོམ་པར་བྱ་བ་གསུངས་པ་ནི། །བདག་ཉིད་གཤིན་རྗེ་མཐར་བྱེད་པའི། །སྦྱོར་བས་ལྷོ་ཕྱོགས་ཁ་བལྟས་ཏེ། །ཁྲོ་ཆེན་རབ་ཏུ ་དྲག་པོའི་གཟུགས། །རུས་པས་མགོ་བོ་བསམ་བརྒྱན་པ། །ཞེས་གསུངས་ཏེ། བདག་ཉིད་ནི་རྣལ་འབྱོར་པ་བདག་ཉིད་དོ། །གཤིན་རྗེ་མཐར་བྱེད་པའི་སྦྱོར་བ་ནི་ཏིང་ངེ་འཛིན་ཏོ། །ལྷོའི་ཕྱོགས་སུ་ཁ་བལྟས་བ་ནི་རབ་ཏུ་བསད་བ་ལ་ཤེས་པའི་ཕྱོགས་སུ་ཁྲོ་བོ་ཆེན་པོ་ནི་ཐམས ་ཅད་ཀྱི་གཙོ་བོར་གྱུར་པའོ། །རབ་ཏུ་རགས་པའི་གཟུགས་ནི་རྣོ་ཞིང་འབར་བའི་ཆ་བྱད་ཐུན་མོང་མ་ཡིན་པའོ། །རུས་པ་ནི་རང་བཞིན་གྱིས་བརྒྱན་པའོ། །མགོ་བོ་ནི་བྱིན་གྱིས་བརླབས་པའི་གནས་སོ། །བསམ་པ་ནི་མེད་ན་བསྒོམ་པར་བྱ་བའི་དོན་ཏོ། །བརྒྱན་པ་ནི ་དངོས་སུ་འགོ་བར་བྱའོ། །དེ་ཡང་འདི་ལྟར་གསལ་བར་བྱ་བ་སྟེ། མ་ཧེལ་བཞུགས་ལྕེ་ཆུད་འགྲིམ། །གསུས་པ་ཆེ་ལ་རབ་འཇིགས་པ། །སྲེག་བྱེད་སྐྲ་འབར་གྱེན་དུ་འགྲེང། །སྨ་ར་སྨིན་མ་དེ་བཞིན་སེར། །གཡས་ན་རྡོ་རྗེ་ཆེན་པོ་དང། །གཉིས་པ་ན་ནི་རལ་གྲི་དང། ་གསུམ་པའི་ཕྱག་ན་གྲི་གུག་གོ། ད་ནི་གཡོན་པའི་བྲི་བར་བྱ། །འཁོར་ལོ་དང་ནི་པདྨ་ཆེ། །ཐོད་པ་ཉིད་ནི་གཡོན་ནའོ། །རྩ་བའི་ཞལ་ནི་ཤིན་ཏུ་གནག། གཡས་པ་ཟླ་འོད་བཟང་པོ་འདྲ། །གཡོན་པ་དམར་པོ་ཡིན་པར་བསྟན། །རྡོ་རྗེ་རྒྱན་གྱི་རབ་ཏུ་བརྒྱན། །? ་ཁུང་ནས་འཇིགས་ཆེན་པོ། །རང་རིག་བདག་པོ་རབ་འཕྲོ་བ། །ཉི་མའི་དཀྱིལ་འཁོར་སྟེང་ན་ནི། །ཞབས་ནི་གཡོན་པ་བརྐྱང་བས་གནས། །མཆེ་བ་གཙིགས་ཤིང་བསྒྱིངས་པ་ཡིས། །བསྐལ་པ་འབར་བའི་མེ་དང་མཚུངས། ཞེས་བྱ ་བ་སྨོས་ཏེ། མ་ཧེ་ནི་དེའི་འཁོར་བའི་སེམས་ཅན་ཏེ་དེ་ལ་བཞུགས་པ་ནི་འགྲོ་བ་ཐམས་ཅད་ཀྱི་དྲི་མ་སྡུད་པར་མཛད་པའོ། །ལྕེ་ཕྱུང་ཞིང་འདྲིལ་བ་ནི་གདུག་པ་ཅན་མྱུར་བ་ཉིད་དུ་གསོད་པར་མཛད་པའོ། །གསུས་བ་ཆེ་ནི་སྲིད་པ་གསུམ་ལྟོ་བ་ན་གནས་པའོ། །རབ་ཏུ ་འཇིགས་པ་ཞེ་སྡང་གི་བདག་ཉིད་གཙོར་གྱུར་པའོ། །བ་སཱུ་བུ་གའི་འོད་ཟེར་གྱིས་འབྱུང་པོ་སྲེག་བར་བྱེད་དོ། །སྐྲ་འབར་བ་ནི་མེ་ལྟ་བུ་སྟེ་སྲིད་པ་གསུམ་ཟིལ་གྱིས་གནོན་པའི་བརྡར་དབུ་སྐྲ་གྱེན་དུ་འགྲེང་བའོ། །སྨ་ར་སྨིན་མ་སེར་པོ་ནི་སྲིན་པོ་རྟགས་ཉེ་བར་འཛིན ་པ་སྟེ་གསོད་པ་ཉིད་དུ་མྱུར་དུ་འགྲུབ་པའོ། །རྡོ་རྗེ་ཆེན་པོ་ནི་དེ་བཞིན་གཤེགས་པའི་རྡོ་རྗེ་སྟེ། ཡེ་ཤེས་ལྔ་དང་ལྡན་པའོ། །རལ་གྲི་ནི་ཞེ་སྡང་ཆེན་པོ་ཉིད་ཀྱིས་ཁམས་གསུམ་གཅོད་པའོ། །གྲི་གུག་ནི་བླ་ན་མེད་པའི་ཤེས་རབ་དང་ལྡན་པའོ། །འཁོར་ལོ་ནི་ཆོས་ཐམས ་ཅད་དབྱེར་མི་ཕྱེད་པའི་འཁོར་ལོར་མཁྱེན་པའོ། །པདྨ་ནི་འཁོར་བའི་སྐྱོན་གང་གིས་ཀྱང་མ་གོས་པའོ། །ཆེ་བ་ནི་སྟོང་པ་ཉིད་བཅུ་དྲུག་གི་འདབ་མ་དང་ལྡན་པའོ། །ཐོད་པ་ནི་བྱང་ཆུབ་ཀྱི་སེམས་ཀྱིས་ཐུགས་རྒྱུད་རབ་ཏུ་ཚིམ་པའོ། །གཡས་གཡོན་ནི་ཟུང་དུ་འཇུག ་པའོ། གཞན་དུ་ཕྱག་དྲུག་ཕ་རོལ་ཏུ་ཕྱིན་པ་དྲུག་ལ་ཕྱག་མཚན་དྲུག་ནི་སེར་སྣ་ལ་སོགས་བའི་སྐྱོན་དྲུག་སེལ་བའོ་ཞེས་ཟེར་རོ། །རྩ་བའི་ཞལ་ནག་པ་ནི་མི་འགྱུར་བའི་ཕྱིར་སྨོན་པ་མེད་པའོ། །གཡས་པ་ཟླ་བའི་འོད་ནི་དངོས་པོའི་དྲི་མ་མེད་པའི་ཕྱིར་སྟོང་པའོ།། ་གཡོན་དམར་བ་ནི་སྙིང་རྗེས་ཞེན་པའི་མཚན་མ་མེད་པའོ། །རྡོ་རྗེ་ནི་དབྱེར་མི་ཕྱེད་པ་སྟེ་གཤིན་རྗེ་གཤད་དོ། །རྒྱན་གྱིས་བརྒྱན་པ་ནི་སྦྲུལ་བརྒྱད་ལ་སོགས་པའོ། །རབ་ཏུ་བརྒྱན་པ་ནི་མགོ་བོ་ལྔ་བཅུའི་འབྲང་པའོ། །པ་སྦུའི་ཁུང་ནི་བུ་ག་ཆེན་པོའོ། །འཇིག ་པ་ཚན་པོ་ནི་འཕྲོ་བའོ། །རང་རིག་བདག་པོ་ནི་གཏི་མུག་ལ་སོགས་པའོ། །རབ་ཏུ་འཕྲོ་བ་ནི་སྤྲོས་ནས་བསྒྲུབ་བྱའི་ལུས་ལ་བཅུག་སྟེ་བྱིན་གྱིས་བརླབ་པའི་ལྷ་ཡང་དག་པར་མཆོད་ལ་དེས་ཇི་ལྟར་བྱ་བ་མཆོད་དེ། བཅོམ་ལྡན་འདས་འདི་ལྟར་ངེས་པའི་ངོ་བོ་བྱེད་པས ་འདིར་དམྱལ་བར་འགྲོ་བར་འགྱུར་རོ། །དེ་བས་ནི་འདི་ཡོངས་སུ་མཐོང་ཞིང་ཅེས་བརྗོད་ལ། །ཡེ་ཤེས་ཀྱི་འཁོར་ལོ་རང་གི་ས་བོན་ལ་བསྡུའོ། །ཉི་མའི་དཀྱིལ་འཁོར་ནི་བྱང་ཆུབ་ཀྱི་སེམས་ཉེ་བར་འཕེལ་བར་བྱེད་པ་ཉིད་དོ། །ཞབས་གཡོན་བརྒྱད་བ་ནི་སངས་རྒྱས་ཀྱི་ལ ་གནས་པའོ། །མཆེ་བ་བཅུ་གཉིས་གཙིགས་པ་ནི་རྟེན་འབྲེལ་ཟད་པར་བྱ་བའི་དོན་སྟོན་ཏོ། །སྒྱིངས་པ་ནི་ཚོགས་གཉིས་ཡོངས་སུ་རྫོགས་པས་རང་དང་འདྲ་བའི་ཡུམ་དང་གཉིས་སུ་མེད་པའོ། །བསྐལ་པ་འབར་བའི་མེ་ནི་དུས་མཛའ་ཨི་མེའོ། །དེ་དང་མཚུངས་པ་ནི་མཐུ ་ཐོགས་པ་མི་མངའ་བའི་དོན་ཏོ། །འདི་ལྟ་བུའི་བདག་ཉིད་ཀྱིས་བསྒྲུབ་པ་བརྩམ་པར་བྱ་སྟེ་བསྒྲུབ་པར་བྱ་བ་མདུན་དུ་དགོད་དོ། །གདུག་པའི་མཚོན་གྱིས་བརྒྱབ་པ་ཡིས། །དྲི་མ་ཅན་ལ་ནད་ཀྱིས་གཟིར། །གོས་མེད་འདར་ཞིང་ཉམ་ཆུང་བ། །དོན་འདོད་པའི་ཚིག་སྨྲ་ཤིང ་མཚོན་གྱིས་གཟིར་བར་བྱས་པ་ཡིས། །རྣག་གི་ཐུན་པོས་ལུས་གང་བ། །གྲང་བའི་རླུང་གིས་གཙེས་གྱུར་ཅིང། །མེ་ཡི་ནང་དུ་ཞུགས་པ་ལ། །མ་ཧེ་དང་ནི་སྟག་དག་དང། །ཁྱི་དང་མཆུ་རིངས་ཅན་དག་དང། །སངས་རྒྱས་དེ་ནི་མངོན་འཇིགས་པའི། །སྡིག་པོ་ཆེ་དག་ཟད ་པར་བྱེད། །ཅེས་བྱ་བ་སྨོས་ཏེ། བསྒྲུབ་བྱ་ནི་དམིགས་པར་བྱ་བའི་ཡུལ་ལོ། །མདུན་དུ་དགོད་ཅེས་པ་ནི་ལྷོ་ཕྱོགས་སུའོ། །དེ་ཉིད་ལ་སྒྲུབ་པ་བས་མཐུན་པར་བརྟགས་པའི་སྔགས་ཀྱི་བཟླས་པ་བྱས་པས་རིགས་ཀྱི་རྒྱལ་པོ་སྤྲོས་ཏེ། སྔར་གྱི་བྱིན་གྱིས་བརླབས་དང་བྲལ་བར ་བྱས་པ་དེ་དག་ལ་ལྕགས་ཀྱུ་དང་ཞགས་པའི་སྦྱོར་བས་བཀུག་སྟེ་རབ་ཏུ་ཐིམ་པར་བྱའོ། །དེ་ནས་འཁོར་ལོ་དང། །འབར་བའི་རལ་གྲི་དང། དགྲ་སྟ་དང། མདུང་ཐུང་དང། བེ་ཅོན་དང། དབྱུག་བ་འདང། མདའ་དང། ཁ་ཊཝཱཾ་ག་དང། མདུང་རིངས་ལ་སོགས་བའི ་གདུག་པའི་མཚོན་གྱིས་རབ་ཏུ་བརྒྱབ་པ་ཡིས་བྱང་ཆུབ་སེམས་ཀྱི་མངའ་ཇི་སྙེད་བ་བསྡུས་ཤིང་གདུག་པའི་དུ་བ་སྔོ་ལྗང་དུ་འདུག་པས་ལུས་ཁྱབ་པའི་དྲི་མ་ཅན་དུ་བྱས་པ་ལ་ནད་སྣ་ཚོགས་ཀྱིས་མི་བཟོད་པར་?་ཞིང ་གོས་མེད་པ་རབ་ཏུ་འདར་ཞིང་ཉམ་ཆུང་བ་དེ་དག། ཨེ་མའོ་བདག་ཀན་ཞི་བར་གྱུར་པར་ཅི་མ་རུང་ཞེས་དོན་འདོད་པའི་ཚིག་སྨྲ་བར་བསམ་ཞིང། མཚོན་ཆ་གདུག་པ་ཅན་གྱིས་གཟིར་བར་བྱས་པའི་སྣག་གི་ཐུན་པོས་གང་བར་གྱུར་པ་ལ། ནུབ་བྱང་གི་མཚམས ་ནས་གང་བའི་རླུང་མདོག་དུང་ཀར་གནས་པ་འཇིགས་པའི་སྒྲ་འཕྱིན་པ་དག་གིས་བརྩགས་པར་གྱུར་ཅིང་བསྐྱོད་པར་གྱུར་པས་མེ་རབ་ཏུ་འབར་བའི་ནང་དུ་བཞུགས་པ་ལ་དུར་ཁྲོད་ཀྱི་གནས་ནས་མ་ཧེ་དང། སྟག་དང་ཁྱི་རྒོད་དང་སྦྲང་བུ་མཆུ་རིངས་ཅན་ལ་སོགས ་པ་རྣམས་ཀྱིས་སངས་རྒྱས་ཀྱི་བསྟན་པ་དང། གསང་སྔགས་ཀྱི་སྡེ་མངོན་པར་འཇིག་པའི་སྡིག་པ་སྟོབས་ཆེ་བ་དང་ལྡན་པ་དེ་དག་རྔམ་པར་ཟད་པར་བྱེད་པར་བསམ་མོ། །གཞན་ཡང་དྲག་པོའི་སྦྱོར་བ་ཆེན་པོ་ནི། མཐར་བྱེད་པ་ཡི་ལྟོར་གནས་པ། །ཚེར་མས ་ལུས་ནི་གང་བ་དང། །རྐང་པ་ཤིང་ལྕགས་སྒྲོག་གིས་བསྡམས། །དེ་བཞིན་དུམ་བུ་དུམ་བུར་བྱས། །པགས་པ་དག་ནི་བཤུས་བྱས་ནས། །དེ་ལ་ཚ་དང་སྐེ་ཚེས་བསྐུ། །ཧུ་ཞེས་ཟེར་བ་བསྒོམ་པར་བྱ། ཞེས་བྱ་བ་སྨོས་ཏེ། མཐར་བྱེད་པ་ནི་གཤིན་རྗེ ་གཤེད་དོ། །ལྟོ་བ་ནི་འཁོར་ལོ་སྟེ་དེ་ལ་གནས་པ་ནི་བསྒྲུབ་བྱའོ། །གདུག་པའི་ཏིང་ངེ་འཛིན་ནི་སྤྲུལ་པའི་ཁྲོ་བོའི་ཚོགས་རྣམས་ཀྱིས་གདུག་པ་ཅན་གྱི་ཚེར་མ་ཕུར་བུའི་དབྱིབས་སུ་འདུག་པ་ལག་པ་གཡོན་དུ་ཐོགས་ནས་གཡས་པའི་ཐོ་བས་གདུང་ཞིང ་ཨོཾ་གྷ་གྷ་ཞེས་ལུས་བཀས་པ་དང་རྐང་པ་ཤིང་གིས་གདོས་དང་ལྕགས་སྒྲོག་གིས་བསྡམས་ནས་སྔར་བཞིན་དུ་སྤྲོས་པས་གདུག་པའི་མཚོན་ཆ་དག་གིས་ལུས་དུམ་བུ་དུམ་བུར་བྱས་པ་དང། ལ་ལ་ནི་པགས་པ་དག་བཤུས་པར་བྱས་ནས་གདུག་པའི ་རྫས་ཚྭ་དང་སྐེ་ཚེ་ལ་སོགས་བས་སྐུ་བ་བྱེད་ཅིང་ཧུ་ཞེས་ཟེར་བ་མདངས་རབ་ཏུ་འཕྲོ་བར་བསམ་པར་བྱའོ། །ཤིན་ཏུ་དྲག་པོའི་སྦྱོར་བ་ནི་དེའི་ལུས་བསྲུང་ལ་སོགས། །བཅད་པ་དག་གི་མདུན་དུ་དགོད། །དེའི་གོ་ཆ་ཡང་མེད་བྱས་ནས། །སྟོང་པའི་ལུས་ནི་མདུན ་བསམ། །རང་གི་ལུས་བྱུང་ཁྲོ་བོ་ནི། །གཤིན་རྗེ་གཤེད་ཚོགས་བདག་ཉིད་འདྲས། །དེ་ཡིས་ལུས་ལ་བརྒྱབ་ནས་ནི། །ཚིལ་བུ་རྐང་དག་འཐུང་བར་བྱེད། །དེ་ཡི་མདུན་དུ་གཤིན་རྗེ་བསྒོམ། །ལག་ན་དབྱུག་པ་སྟོབས་པོ་ཆེ། །གདུག་པ་ཅན་དེ་རྡེག་པར་བྱེད་དོ། །དེ་ཡི་རྒྱུ ་མའི་འཕྲེང་བ་སོགས། །བྱ་རྒོད་ཀྱིས་ཁྱེར་མཁའ་ལ་འགྲོ། །ས་ཡི་འོག་ནས་ཀླུ་དང་ནི། །ལྷ་མ་ཡིན་ལ་སོགས་པས་བརྡེག། འདི་ལྟར་བསྒྲུབ་བྱ་ཉམས་བྱ་བ། །སྙིང་རྗེ་ལ་གནས་སེམས་ཀྱིས་ནི། །སངས་རྒྱས་ཞིང་དུ་འགྲོ་བར་བྱེད། །ཅེས་བྱ་བ་སྨོས་ཏེ། །དེའི་ལུས ་བསྲུང་ཞེས་བྱ་བ་ནི་བླ་མ་འམ་རིག་སྔགས་པ་གཞན་དག་གིས་བྱིན་གྱིས་བརླབས་པའི་འཁོར་ལོ་ལ་སོགས་པ་ནི་ཕུར་བུ་དང་མདུད་པ་དང་ཡུངས་ཀར་དང་རྫས་གཞན་དག་ལ་སོགས་པ་བཅད་པ་དག་གིས་བྲལ་བར་བྱ་བའོ། །མདུན་དུ་དགོད་པ་ནི་ནམ་མཁའ་ལའོ། ། ་དེའི་གོ་ཆ་ནི་རྡོ་རྗེའི་གོ་ཆ་སྟེ། མེད་པར་བྱས་ནས་བྱ་བ་ནི་བཤུས་པའོ། །སྟོང་པ་ནི་རང་རྒྱུད་པ་སྟེ་ལུས་ནི་གཅེར་བུ་པའོ། །དེ་ལྟ་བུའི་བསྒྲུབ་བྱ་མདུན་དུ་བསམ་མོ། །རང་གི་ལུས་ཀྱི་སྙིང་ག་ནས་བྱུང་བའི་གཤིན་རྗེ་གཤེད་ཀྱི་ཚོགས་བདག་ཉིད་ཁོ་ན་འདྲ་བས ་འཇིག་རྟེན་པའི་བསྲུང་བ་ལ་སོགས་པ་བཟུང་ནས་རང་གི་འོད་ཀྱིས་ཆུ་སྐྱེས་ལ་བཅུག་སྟེ། ཕུར་བུ་གཤིན་རྗེ་གཤེད་ཡང་དག་པར་བཏབ་ནས་རྡོ་རྗེས་མནན་ནོ། །དེའི་ལུས་ལ་གདུག་པའི་མཚོན་ཆས་བརྒྱབ་ནས་ཚིལ་གྱི་ཁུ་བ་དང་རྐང་མར་དག་འཐུང་བར་བྱེད་དོ། །དེའི ་མདུན་དུ་སྟོབས་ཅན་གྱི་གཤིན་རྗེ་བསྒོམ་སྟེ། ལག་ན་དབྱུག་པ་སྟོབས་རབ་ཏུ་ཆེ་བ་རྡོ་རྗེས་བརྒྱན་པས་གདུག་པ་ཅན་དེ་ནན་ཏན་གྱིས་བརྡག་པར་བྱའོ། །དེའི་རྒྱུ་མ་ལ་སོགས་པའི་ནང་གྲོལ་དག་ཀྱང་བྱ་རྒོད་ཀྱི་ནམ་མཁའ་ལ་ཁྱེར་ནས་དུམ་བུར་ཟ་ཞིང་འགྲོ་བ་དང་སའི་འོག་ན ་ཀླུ་དང་ལྷ་མ་ཡིན་ལ་སོགས་པས་དུམ་བུར་བརྡེག་ཅིང་ལྷག་མ་མ་ལུས་པར་བྱེད་པར་བསམ་པར་བྱའོ། །གལ་ཏེ་ཐེག་པ་ཆེན་པོ་ནི་སེམས་ཅན་ཐམས་ཅད་ལ་བརྩེ་བ་ཆེན་པོ་དང་ལྡན་པ་ཉིད་དོ། །འདི་དག་གིས་འབྲས་བུ་འཇིག ་པར་བྱེད་དོ་ཞེ་ན། གསུངས་པ། འདི་ལྟར་བསྒྲུབ་བྱ་ཉམས་བྱ་བ། །སྙིང་རྗེ་ལ་གནས་སོ་ཞེས་བྱ་བ་གསང་བ་བླ་ན་མེད་པ་ཉམས་པར་བྱས་ནས་རྡོ་རྗེ་དམྱལ་བ་ལས་ཐར་བའི་ཕྱིར་གདུག་པ་དེ་དག་བདེ་བ་ཐོབ་པར་བྱ་བའི་སེམས་ཀྱིས་ཡིད་འཁོར་ལོ་ལ་བཅུག ་སྟེ། དབང་གིས་ཡོངས་སུ་སྨིན་པར་བྱས་ནས་ཡེ་ཤེས་ཀྱི་འཁོར་ལོ་དང་ཐ་མི་དད་པས་གཤེགས་སུ་གསོལ་བས་སྡུག་བསྔལ་བྱེད་པའི་རྒྱུ་འཁོར་བའི་གནས་ནས་གཏོན་ནས་སངས་རྒྱས་ཞིང་དུ་འགྲོ་བར་བྱེད་དོ། །ད་ནི་གསང་བ་བསད་པའི་སྦྱོར་བ་བཤད ་པར་བྱ་སྟེ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཁྱད་པར་ཅན་གྱི་ཐུགས་ཀྱིས་འདི་ལྟ་བུའི་གསུང་ཕྱུང་བ་མཛད་དོ། །ེ་མའོ་བསད་པ་ཡང་དག་བསད། །བསད་པ་མ་ཡིན་སྡིག་ལས་གྲོལ། །ཇི་སྲིད་བསད་ཀྱང་མ་བསད་དེ།། ་སྡིག་པ་སྟོང་ཕྲག་བྱས་པ་ཡིས། །མནར་མེད་ལ་སོགས་མི་སྐྱེ་བར། །ེ་མ་སངས་རྒྱས་སྐྱེ་བའི་བདག། ཨེ་མའོ་སངས་རྒྱས་ཆེ་བའི་བདག། བསད་པས་བྱང་ཆུབ་ཐོབ་པར་བྱེད། །ཅེས་བྱ་བ་སྨོས་ཏེ། ཨེ་མ་ཞེས་བྱ་བ་ནི་འགལ་བ་འདུས་པ་ངོ་མཚར ་བའི་དོན་ཏོ། །བསད་པ་ནི་རྣམ་པར་རྟོག་པའི་རྩ་བ་བཅད་པས་ཡང་དག་པར་བསད་པའོ། །འདུས་བྱས་པ་ཞིག་པ་ནི་བསད་པ་མ་ཡིན་ཏེ། དེ་ཅིའི་ཕྱིར་ཞེ་ན། སྡིག་པ་ལས་གྲོལ་བ་ཉིད་ཀྱི་ཕྱིར་རོ། །དེ་བས་ནི་འཁོར་བ་ཇི་སྲིད་པ་བསད་ཀྱང་རྣམ་པར ་སྨིན་པ་དང་བྲལ་བའི་ཕྱིར་མ་བསད་པ་སྟེ། དེ་དག་ནི་སངས་རྒྱས་ཀྱི་སྟོབས་ཆེ་བའི་ངོ་མཚར་རོ། །དེའི་ཕྱིར་སྡིག་པ་སྟོང་ཕྲག་བྱས་པ་ཡིས་ཞེས་བྱ་བ་ལ་སོགས་པ་བསྟན་ཏེ་དོན་ལྷག་པར་བརྗོད་པ་ནི་མེད་དོ། །ད་ནི་ཐུན་མོང་མ་ཡིན་པས་བསད་པ་བསྟན ་པར་བྱ་སྟེ། སེམས་ཅན་བསོད་པ་བསད་པ་ཉིད། །སྙིང་རྗེ་ཆེན་པོ་ཉིད་ཀྱི་བྱས། །ེ་མའོ་སྙིང་རྗེ་སྟོབས་ཀྱི་མཆོག་།སྙིང་རྗེ་དམན་པས་འགྲུབ་མི་འགྱུར། ཞེས་བྱ་བ་སྨོས་ཏེ། གཤིན་རྗེ་མཐར་བྱེད་པའི་སྟོབས་ཀྱིས་སེམས་ཅན་གསོད་པ་ནི་ཡང་དག་པ? ་ཉིད་དུ་གསོད་པ་ཉིད་དུ་བྱེད་པ་ནི་རྒྱུ་སྙིང་རྗེ་ཆེན་པོ་ཉིད་ཀྱིས་བྱས་པའོ། །ེ་མའོ་དམིགས་སུ་མེད་པའི་སྙིང་རྗེ་དང་བསམ་གྱིས་མི་ཁྱབ་པའི་སྙིང་རྗེའི་སྟོབས་ཀྱིས་འགྲུབ་པ་ཉིད་ནི་མཆོག་གོ་།སེམས་ཅན་ལ་དམིགས་པ་དང་ཆོས་ཙམ་ལ་དམིགས་པའི་སྙིང་རྗེ་ནི ་དམན་པ་སྟེ། བསད་པ་དང་བསད་པ་ཆེན་པོའི་སྦྱོར་བ་ཡང་འགྲུབ་པར་མི་འགྱུར་རོ། །དེ་དག་གི་སྔགས་གསུངས་པ་ནི། ཨོཾ་ཧྲཱི(རྒྱུད་འགྲེལ་མཱ་ར་ཡཾ་ཧཱུཾ་ཕཊ། མཚན་མོ་ལའོ། །འདི་ནི་བཅོམ་ལྡན་འདས་ཀྱིས་རྣམ་པར་རྟོག་པ་བསད་པ་ནི་ལུས་ལ་བརྟེན་པ་ཉིད་ཀྱིས་སོ། །རྡོ་རྗེ་ནི་དབྱེར་མི་ཕྱེད་བར་བྱས་པ་ཉིད་དོ། །འཁྲུལ་འཁོར་ནི་བཤད་ཟིན་ཏོ། །སྔགས་ནི་ཧྲཱི(རྒྱུད་འགྲེལ་ཀྱིས་སོ། །སྨན་ནི་རྫས་ཀྱི་ཁྱད་པར་རོ། །བསད་པའི་ལེའུ་འདི་ནི་གཙོ་བོར་གྱུར་པའོ། །ལ་སོགས་པ་ནི་འཕྲིན་ལས་བཞི་ཡང་བསྡུས་པའོ། །ཆོ་ག་ནི་ཚུལ་ལམ་ཐབས་ཇི་ལྟ་བ་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས ་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །ལས་ནི་ཞི་བ་ལ་སོགས་པའོ། །རིམ་པར་ཕྱེ་བ་ནི་རེ་རེ་འཁོར་ལོ་དང་སྔགས་དང་ཏིང་ངེ་འཛིན་དང་རྫས་ལ་སོགས་པས་བྱེད་པའོ། །གསུམ་པའི་དོན་གྱིས་ན་བཞི་པའོ། །ནག་པོའི་ཞབས་ཀྱིས་བཤད་པའི ་ལེའུ་བཞི་པ་རྒྱ་ཆེར་གསལ་བར་བྱས་པའོ།། །།དེ་ལྟར་ལས་ཀྱི་སྦྱོར་བ་ཐམས་ཅད་ཀྱང་འཁོར་ལོ་ལ་རག་ལས་པའི་ཕྱིར་འཁོར་ལོའི་སྔོན་དུ་འགྲོ་བ་ལེའུ་བཞི་པ་ལས་མ་གསུངས་པའི་ཆ་གཅིག་པའི་དབྱེ་བ་དང་བསྐྲད་པའི ་ལས་གཉིས་ཤེས་ནས་འཁོར་ལོ་བྲི་བ་གསུངས་པ། དེ་ནས་འཁོར་ལོ་གཉིས་བྲིས་ལ། །ཡི་གེ་ཕཊ་ཀྱིས་བརྟེན་པ་ཡིས། །བསྒྲུབ་བྱའི་མིང་ནི་བྲིས་བྱས་ལ། །ཐོད་བ་ཁ་སྦྱར་ནང་དུ་གཞུག། ཅེས་བྱ་བའི་དོན་ནི་འཁོར ་ལོ་ནི་རྣོ་ཞིང་གཅོད་པའི་དོན་གྱིས་ནའོ། །གཉིས་ནི་སྟེང་འོག་།བྲི་བ་ནི་མན་ངག་དང་མཐུན་པའོ། །ཡི་གེ་ཕཊ་ཀྱི་བརྟེན་ཞེས་པ་ནི་མིང་དང་སྤེལ་བའོ། །བསྒྲུབ་པའི་མིང་ནི་བླ་དགས་དང་བཅས་པ་བྲི་བར་བྱས་ལ། ཐོད་པ་ནི་ཕོ་མོ་གཉིས་ཀའི་བྱི་ཐང ་ཀ་དང་ཙི་ཏྲ་ཀ་བྱུག་པ་ཁ་སྦྱར་བའི་ནང་དུ་དུར་ཁྲོད་ཀྱི་ཐལ་བས་བཀང་སྟེ་དེའི་དཀྱིལ་དུ་བྲིས་པའི་འཁོར་ལོ་གཞུག་པར་བྱའོ། །དེ་ཡང་ཐུན་མོང་མ་ཡིན་པའི་སྦྱོར་བ་འདི་ཉིད་ཀྱིས་འགྲུབ་སྟེ། སྐུད་པ་སྔོན་པོས་བཅིངས་བྱས་ཏེ། ཉི་མ་ཕྱེད་ཀྱི་དུས་སུ་ནི། ། ་དུར་ཁྲོད་སའི་ནང་དུ་སྦ་ཞེས་བྱ་བ་སྨོས་ཏེ། སྐུད་པ་སྔོན་མོ་ནི་ད་དུ་རའི་ལོ་མ་དང། ར་མི་ཏ་ནག་པོའི་ལོ་མ་བསྲེས་ཏེ་དེ་ཉིད་སྦྱར་བ་བཅོས་པའོ། །དེ་ཡང་ཐོད་པའི་མཐིལ་གཉིས་སུ་ཁ་ཕྱེ་བ་ལྟ་བུར་བཅིངས་ཏེ། ཚེས་དྲུག་གི་ཉི་མ་ཕྱེད་ཀྱི་དུས་སུ་དུར་ཁྲོད ་ཀྱི་སའི་གཏིང་གྲུ་གསུམ་དུ་བྲུས། །ཏ་དུར་ཁྲོད་ཀྱི་གཡམ་པ་ལ་རྡོ་རྗེ་རྒྱ་གྲམ་བྲིས་ཏེ་ཁ་བཅད་པའི་ནང་དུ་འཁོར་ལོ་སྦའོ། །དེ་ཡང་བསྒྲུབ་པ་འདི་བསྒོམས་པས་འགྲུབ་སྟེ། གཤིན་རྗེ་གཤེད་ཀྱི་སྦྱོར་བ་ཡིས། །རྟ་དང་མ་ཧེ་ཞོན་པ་ཡིས། །ལག་ན་མཚོན ་ཐོགས་བསྒྲུབ་བྱ་གཉིས། །མདུན་དུ་བསྒྲུབ་བྱ་དགོད་པར་བྱ། ཞེས་བྱ་བ་སྨོས་ཏེ། གཤིན་རྗེ་གཤེད་ཀྱི་སྦྱོར་བ་ནི། །བདག་ཉིད་གཤིན་རྗེ་གཤེད་ཀྱི་ང་རྒྱལ་ལོ། །རྟ་དང་མ་ཧེ་ལ་ཞོན་པ་ནི་བསྒྲུབ་བྱ་སྟེ། གྷོ་དང་དྷ་ལས་བསྐྱེད་པའོ། །བསྒྲུབ་བྱ་གཉིས ་ནི་ལག་ན་མཚོན་ཐོགས་ཤིང་བྲལ་བའི་བསམ་པ་དང་བཅས་པའོ། །མདུན་དུ་བསྒྲུབ་བྱ་གཉིས་པ་གསལ་བར་བྱ་བ་ཁོ་ནའོ། །དེ་ནས་ཡང་ཁྲོས་པའི་ལུས་ལས་སྤྲུལ་པའི་ཚོགས། །གཉིས་ཀའི་ཕྱོགས་སུ་བསམ་པར་བྱ། །གཉིས་ཀས་འཐབ་མོ་མང ་པོ་བྱེད། །ཁྲོས་ཤིང་གདུག་པའི་སེམས་ལྡན་པའི། །སྟོབས་ལྡན་ཁྲོས་པ་བསྒོམ་པར་བྱ། །བསྒོམས་ནས་བཟླས་པ་བརྩམ་པར་བྱ། ཞེས་བྱ་བ་སྨོས་ཏེ། བདག་གི་སྙིང་གའི་ས་བོན་ལས་སྤྲུལ་པའི་ཚོགས་བསྒྲུབ་བྱ་གཉིས་ཀའི་ཕྱོགས་སུ་དཔུང་བྱེད་པར་བསམ ་པར་བྱའོ། །ཡང་སྙིང་གའི་ས་བོན་ལས་རླུང་ལྟ་བུའི་འོད་ཟེར་རབ་ཏུ་འཁྲུགས་པ་འབྱུང་སྟེ། བསྐུལ་བས་གཉིས་ཀ་འཐབ་མོ་མང་ཁྲོས་པ་བསྒོམ་པར་བྱའོ། །བསྒོམ་བྱ་དེ་དག་དང་མི་འབྲལ་སེམས་དང་ལྡན་པས་ཕན་ཚུན་ཡང་སྟོབས་དང་ལྡན་པས་རབ་ཏུ་ཁྲོས་པ ་བསྒོམ་པར་བྱའོ། །བསྒོམ་བྱ་དེ་དག་དང་མི་འབྲལ་བའི་བཟླས་པ་བརྩམ་པར་བྱ་སྟེ། ཨོཾ་ཧྲཱི(རྒྱུད་འགྲེལ་དབྱེ་བའི་ཆོ་གའི་དམ་ཚིག་ཆེན་པོ་གསུངས་པའོ། །ད་ནི་བསྐྲད་པའི་ཆོ་ག་བཤད་པར་བྱ་སྟེ། ཆོ་ག་དག་ནི་སྔ་མ་བཞིན། འཁོར་ལོ་གཉིས་ནི་བྲིས་བྱས་ལ། །ཐོད་པ་ཁ་སྦྱར་ནང་དུ་གཞུག་།སྐུད་པ་ནག་པོས་བཅིངས་བྱས་ལ། །ཤ་ཟའི་ཚལ་དུ་སྦ་བར་བྱའོ ་ཞེས་བྱ་བ་སྨོས་ཏེ། ཆོ་ག་ནི་དབྱེ་བ་དག་དང་ཕལ་ཆེར་མཐུན་པས་སྔ་མ་བཞིན་ཞེས་བྱའོ། །འཁོར་ལོ་གཉིས་ནི་ཨ་རནྟའི་མར་མེའི་དུད་པ་དང། ལྟོགས་པ་དང་མིག་སེར་དག་གི་ཁྲག་དང་སྦྱར་ཏེ་བྲི་བར་བྱས་ལ། ཡི་གེ་ཧཱུཾ་ཕཊ་གཉིས་ཀྱི་བར་དུ་མིང་བླ་དགས ་དང་བཅས་པ་གཞུག་པ་ནི་རྟེན་ཞེས་བྱའོ། །ཐོད་པ་ནི་སློངས་མོ་པའི་སྟེ། དཀར་ནག་ཏུ་བྱུགས་པ་ཁ་སྦྱར་བའི་ནང་དུ་བྱ་རོག་དང་མིག་སེར་གྱི་རྟུག་པས་བཀང་ལ་བྲིས་པ་ནང་དུ་གཞུག་པར་བྱའོ། །གཡུང་མོའི་སྐྲའི་སྐུད་པ་ནག་པོས་དུམ་བུ་དུམ་བུར་བཅིང་བ ་བྱས་ལ་ཤ་ཟའི་ཚལ་ནི་གནས་ཏེ་དུར་ཁྲོད་ཀྱི་གནས་སུ་སྦ་བར་བྱའོ། །དེ་དག་ཀྱང་ཏིང་ངེ་འཛིན་གྱི་མཐུ་འདིས་འགྲུབ་པར་འགྱུར་རོ། །གཤིན་རྗེའི་སྦྱོར་བ་ལ་གནས་པས། །མདུན་དུ་བསྒྲུབ་བྱ་བསྒོམ་པར་བྱ། །ཡམ་བྱུང་གཞུ་ཡི་དབྱིབས་འདྲ་བའི། །རླུང་གི་དཀྱིལ ་འཁོར་ནག་པོ་ལ། །དེ་སྟེང་མདོག་སྔོན་རྔ་མོ་བསྒོམ། །དེ་ལ་གདུག་པ་ཅན་བསྐྱོན་ལ། །ལྷོ་ཕྱོགས་སུ་ཁ་བསྟན་ཏེ། ཁྲོ་བོའི་ཚོགས་ཀྱིས་དེ་རྡོག་ལ། །སངས་རྒྱས་ཡིན་ཡང་བཟློགས་པ་དཀའ་། །ཞེས་བྱ་བ་སྨོས་ཏེ། ཆེ་དང?་ལྷག ་པར་བརྗོད་པ་ནི་མེད་དོ། །དེ་ཡང་དུས་ཆེན་པོ་བཅུ་གཉིས་ལ་བདག་ཉིད་གཤིན་རྗེ་མཐར་བྱེད་པའི་སྦྱོར་བ་ལ་གནས་ནས་མདུན་དུ་བསྒྲུབ་པར་བྱ་བའི་སྔགས་ཀྱིས་རྨོངས་པ་ལྟ་བུ་དང་ཡན་ལག་ཐམས་ཅད་བྲ་ཤིང་གི་རྩ་བ་དང་འདྲ་བར་བསྒོམ་པར་བྱའོ། །དེ ་ནས་མདུན་དུ་ཨེ་ནག་པོ་ཆོས་ཀྱི་འབྱུང་གནས་མུན་པ་ལྟ་བུའི་ནང་དུ་ཡམ་ལས་བྱུང་བའི་གཞུའི་དབྱིབས་ལྟ་བུའི་རླུང་གི་དཀྱིལ་འཁོར་ནག་པོ་ལ། རླུང་ལྷ་ཤ་བ་ལ་ཞོན་པ་མདོག་དུག་ཁ་བདུན་གྱིས་བསྐོར་བའི་དབུས་སུ་ཤཾ་ལས་བྱུང་བའི་རྔ་མོ་སྣ ་ལ་གདུག་པའི་འོད་ཟེར་ཆེན་པོ་འཕྲོ་བའི་སྟེང་དུ་གདུག་པ་ཅན་བསྐྱོན་ལ་ལྷོའི་ཕྱོགས་སུ་ཁ་བལྟས་ཏེ་ཕྱིན་ཕར་ཁྲོ་བོའི་མཚོན་ཆ་སྣ་ཚོགས་ཐོགས་པས་རྡེག་ཅིང་དེང་པར་བསམ་མོ། །དཔེར་ན་སངས་རྒྱས་ཡིན་ཡང་བཟློག་པར་དཀའ་སྟེ་ངེས་པར་བཀྲད་པ ་བྱས་པར་འགྱུར་རོ། །དེ་ནས་རྡོ་རྗེ་དྲིལ་བུ་ལ་སྔགས་འདིས་བརྒྱ་རྩ་བརྒྱད་དུ་བཟླས་ཏེ་འཁོར་ལོ་ལ་བྱུགས་ན་བསྒྲུབ་བྱ་འགྲུབ་བར་འགྱུར་རོ། །ོཾ་ཧྲཱི(རྒྱུད་འགྲེལ་བསྐྲད་པའི་ཆོ་གའི་དམ་ཚིག་གསུངས་པའོ། །ད་ནི་འཁྲུལ་འཁོར་བྲི་བ་རྟེན་པར་བྱ་སྟེ། ཁྲོས་པས་རྣལ་འབྱོར་ལྷོར?་བལྟས་ལ། །རང་ཁྲག་རོ་བསྲེག་ཐལ་བ་དང། །དུག་དང་ཚྭ་དང་སྐེ་ཚེ་ཨོདང། །མར་ཁུ་སྨྱོན་པའི་ཁུ་བ་ཡིས། ཞེས་བྱ་བ་སྨོས་ཏེ། ་ཁྲོས་པ་ནི་ཁྲོ་བོའོ། །རྣལ་འབྱོར་ནི་དེའི་ང་རྒྱལ་ལོ། །ལྷོར་གནས་པ་ནི་ལས་ལ་ཤིས་པའི་ཕྱོགས་སོ། །རང་ཁྲག་ནི་ཁྲོ་མཛུབ་ཀྱིའོ། །རོ་བསྲེགས་པའི་ཐལ་བ་ནི་རུས་པ་ནག་པོའོ། །མར་ཁུ་ནི་མིའི་ཚིལ་ལོ། །སྨྱོན་པ་ནི་སྨྱོན་གྱི་ལོ་མའོ། །ཁུ་བ་ནི་ད ་དུ་རའི་ལོ་མའི་ཁུ་བའོ། །རིམ་པ་གསུམ་པ། དུར་ཁྲོད་རས་ལ་འཁོར་ལོ་གཉིས། །རིམ་པ་འདི་བཞིན་བྲི་བར་བྱ། །ཞེས་བྱ་བ་ནི་དུར་ཁྲོད་ཀྱི་རས་ནི་རོ་རས་སོ། །དྲག་པོ་ནི་དེ་ཁོ་ནའོ། །འཁོར་ལོ་གཉིས་ནི་ཐམས་ཅད་ལའོ། །རིམ་པ་འང་བཞིན་ནི་གཞི་དང? ་འཁོར་ལོའོ། །དེ་གསུངས་པ། བསད་པ་གཤིན་རྗེའི་ལུས་ལ་གནས། །དབྱེ་བ་རྟ་དང་མ་ཧེ་ཡིས། །བསྐྲད་པ་རྔ་མོའི་ལུས་ལ་བསྐྱོན། །ཞི་བ་ཟླ་བའི་དཀྱིལ་འཁོར་གྱི། །རྒྱས་པ་ཟླ་བ་སེར་པོ་ལ། །བཙུན་མོའི་སྙིང་གར་དབང་དུ་བྱ། །རང་ལ་བསྐྱོན་ན ་དགུག་པར་བྱེད། །ལྐུག་པ་ལུག་གི་ཁོག་པར་གཞུག་།རེངས་པ་ལ་ནི་རི་བོང་དབུས། །དགུག་པ་སེངྒེ་ཤར་བ། ཞེས་བྱ་བ་སྨོས་ཏེ། བསད་པ་ནི་གཤིན་རྗེའི་ཁོང་པར་ཆུད་པར་རོ། །དབྱེ་བ་ནི་མ་ཧེ་དང་རྟའི་རྒྱབ་ཏུ་ཆུད་པར་རོ། །བསྐྲད་པ་ནི་རྔ ་མོའི་རྒྱབ་ཏུ་ཆུད་པར་རོ། །ཞི་བ་ནི་ཟླ་བའི་དཀྱིལ་འཁོར་ལ་ཆུད་པའོ། །རྒྱས་པ་ནི་ཉི་མའི་དཀྱིལ་འཁོར་ལ་ཆུད་པའོ། །དབང་གི་བུད་མེད་ཀྱི་སྙིང་ག་སྟེ། པདྨའི་གནས་སུ་ཆུད་པར་རོ། །ལྐུགས་པ་ལུག་གི་ལྟོ་བར་ཆུད་པར་བྱའོ། །རེངས་པ་ནི་རི་བོང་གི ་དབུས་སུ་ཆུད་པར་བྱའོ། །ཤ་ར་བྷ་ནི་སེང་གེ་རྐང་པ་བརྒྱད་པའོ། །དགུག་པ་ནི་དེའི་འཕོངས་སུའོ། །འདི་ལྟར་སྨྱོ་བ་དང་ནད་ཀྱི་སྨྱོ་བར་བྱ་བ་ནི་སྤྲེའུ་དང་ཆང་གིས་སྨྱོས་པར་བྱ་བའི་ལྟོ་བར་རོ། །ཁྱད་པར་གྱི་རྒྱུ་གསུངས་པ་ནི། རོ་ཙ་ན་དང་རྒྱ་སྐྱེགས་དང། ཁ ་ཆེར་སྐྱེས་པའི་ཁྱད་པར་གྱིས། །དབང་དུ་བྱ་བ་བྲོ་བར་བྲི། །ཞེས་པ་ནི་རོ་ཙ་ན་ནི་ཀླད་པའོ། །རྒྱ་སྐྱེགས་ནི་སར་པའི་ཁུ་བའོ། །ཁ་ཆེར་སྐྱེས་པ་ནི་གུར་གུམ་མོ། །གོ་བ་ནི་དམར་པོར་རོ། །དེ་ཐམས་ཅད་ལ་ཡང་དགེ་བའི་སེམས་ཀྱིས་གཟུང་བྱ ་ན། །འགྲུབ་འགྱུར་འདི་ལ་ཐེ་ཚོམ་མེད། ཅེས་བྱ་བ་སྨོས་ཏེ། དགེ་བའི་སེམས་ཀྱིས་ནི་ལས་ཐ་དད་བའི་བསམ་པའོ། །གཟུང་བ་ནི་མི་འབྲལ་བའོ། །བཅོམ་ལྡན་འདས་ཀྱིས་གསུངས་པ་ཉིད་ཀྱི་ཕྱིར་མི་སླུ་བའི་དོན་གྱིས་ན་འགྲུབ་པར་འགྱུར་ ་ཏེ་ཐེ་ཚོམ་མེད་ཅེས་བྱའོ། །མངོན་སྤྱོད་ཀྱི་ལྷག་མ་གསུངས་པ། ཁམ་ཕོར་ལ་སོགས་པ་སྨོས་ཏེ་གོང་དུ་བཤད་པ་ཁོ་ནར་ཟད་དོ། །སྔོན་དུ་བསྙེན་པ་གསུངས་པ། །མཛའ་ཡི་ཡ་བོར་ཞི་བ་ལ། །ཡི་གེ་ནི་དེ་གཉིས ་ཀ་དང། ཕྱི་ནས་དཀྱིལ་གྱི་ཡ་སྤངས་ཏེ། ཡི་གེ་ལྷག་མ་ཅི་བདེ་བར། །སྔོན་དུ་བསྙེན་པ་ཁྲི་ཚོ་ཙམ། །འདི་ནི་ལས་རྣམས་རབ་སྒྲུབ་པ། །ཡེ་ཤེས་ནི་གཤིན་རྗེ་མཐར་བྱེད་པའི་ཡེ་ཤེས་སོ། །རྡོ་རྗེ་ནི་གཟུང་བ་དང་འཛིན་པའི་རྟོག་པས་མི་ཕྱེད ་པའོ། བྲིས་པའི་སྐྱོན་གསུངས་པ་ནི་འཐབ་མོ་འབྱུང་བ་སྟེ། དེ་བས་ན་ཡ་དང་ནི་དབྱི་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ལས་ཞེས་བྱ་བ་ནི་བཤད་ཟིན་ཏོ། །སྔགས་འཁྲུལ་ཤིང ་འཁོར་བའི་ཞི་བ་ལ་སོགས་པའི་གོ་རིམས་བྲིས་པ་འཁོར་ལོ་སྟེ་རིམ་པར་ཕྱེ་བ་སྔ་མ་བཞིན་ནོ། །ནག་པོ་ཞབས་ཀྱིས་བཤད་པ་ལེའུ་ལྔ་པ་རྒྱ་ཆེར་གསལ་བར་བྱའོ།། །།ད་ནི་སྔོན་དུ་གསུངས་པའི་ཕྱག་རྒྱ་དང་གཏོར་མ་འཁོར་དམིགས་པའི་ལེའུ་གསུངས ་པ་ནི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། དེ་བཞིན་གཤེགས་པ་ཐམས་ཅད་ཀྱི་བདག་པོ་བཅོམ་ལྡན་འདས་རྡོ་རྗེ་འཆང་ཆེན་པོ་ལ་བསྟོད་པའི་རྒྱལ་པོ་འདིས་གསོལ་བ་བཏབ་པ། གང་གི་རྡོ་རྗེ་ཅན་མཉེས ་པ། ཞེ་སྡང་ཕྱག་རྒྱའི་རྣལ་འབྱོར་གྱིས། །རྡོ་རྗེའི་ཕྱག་རྒྱས་རྒྱས་གདབ་པ། །དངོས་གྲུབ་རྒྱ་ཆེན་ཇི་ལྟར་ཐོབ། །ཅེས་བྱ་བ་སྨོས་ཏེ། གང་གིས་ནི་རྒྱུའི་རྒྱུད་དོ། །རྡོ་རྗེ་ཅན་ནི་འབྲས་བུའི་རྒྱུད་དེ། མཉེས་པ་ནི་ཚོགས་རྫོགས་པར་གྱུར་པའི་ཐམས་ཅད་ཀྱི་རྒྱུད་དེ། ་དེ་དག་གཞན་ཡང་ཞེ་སྡང་ཕྱག་རྒྱའི་རྣལ་འབྱོར་ནི་བསྐྱེད་པའི་རིམ་པའོ། །རྡོ་རྗེ་ནི་དབྱེར་མི་ཕྱེད་པ་སྟེ་དེའི་ཕྱག་རྒྱས་རང་རྒྱུད་གཞན་རྒྱུད་ལ་ཇི་ལྟར་གདབ་སྙམ་པ་དང་མཆོག་དང་ཐུན་མོང་གི་དངོས་གྲུབ་རྒྱ་ཆེན་པོ་ཇི་ལྟར་ཐོབ་པར་བྱེད་པ་ལགས་ཞེས་ཞུས་སོ།། ་དེ་ནས་རྟོག་པ་གསུམ་པ་གསལ་བའི་ཕྱིར། བཅོམ་ལྡན་འདས་རྡོ་རྗེ་འཆང་ཆེན་པོས་ཚིག་འདི་གསུངས་སོ། །དཀྱིལ་འཁོར་གྱི་ནི་ལྷ་ཀུན་གྱི། །དབུ་ལ་གཤིན་རྗེ་གཤེད་པོ་བསྒོམ། །རྟག་ཏུ་དཀྱིལ་འཁོར་བྲི་བར་བྱ། །རྟག་ཏུ་སྦྱིན་སྲེག་གིས་ཀྱང་དགང། །རྟག་ཏུ ་དམ་ཚིག་དག་ཀྱང་བསྒྲུབ། །སྡོམ་པ་དག་ཀྱང་ཡང་དག་བཟུང། ཞེས་བྱ་བ་སྨོས་ཏེ། དཀྱིལ་འཁོར་གྱི་ལྷ་ནི་བཅུ་གསུམ་མོ། །ད་ནི་རིགས་བཞི་སྟེ་དེ་རྣམས་ཀྱི་བདག་པོར་གྱུར་པ་ནི་ཞེ་སྡང་རྡོ་རྗེ་སྟེ། དེ་ཐམས་ཅད་ཀྱི་དབུ་ལ་རྒྱས་བཏབ་པས་གཤིན་རྗེ་གཤེད་པ ་བསྒོམ་ཞེས་བྱའོ། །མཉེས་པར་བྱ་བའི་ཐབས་ནི་བསྙེན་བསྒྲུབ་ཡོངས་སུ་རྫོགས་པའི་དཀྱིལ་འཁོར་བྲི་བར་བྱ་བ་དང། བྱིན་གྱིས་བརླབས་པའི་ཞིང་ལ་ཡིད་ཀྱིས་བྲི་བ་སྟེ། དེ་ཡང་ཕྱི་མ་ནི་རྟག་ཏུའོ། །སྦྱིན་སྲེག་ནི་ནང་གི་བདག་ཉིད་ཅན་ཏེ་ཁ་ཟས་སྦྱད་པའི་ཏིང་ངེ ་འཛིན་གྱི་མཆོད་པས་ནི་རྟག་ཏུ་དགང་ཞེས་སོ། །དམ་ཚིག་ནི་ཤེས་པར་བྱ་བ་དང་སྤྱད་པར་བྱ་བ་སྟེ། ཤེས་རབ་བྱ་བ་ནི་རྩ་བ་ལྔའི་བྱེ་བྲག་མངོན་དུ་བྱེད་པའོ། །སྤྱད་པ་ནི་གྷོ་ཀུ་དྷ་ཧཱ་ན་ལ་སོགས་པའོ། །རྒྱུན་ཏུ་བསྟེན་པའི་ཕྱིར་རྟག་ཏུ་བསྒྲུབ་ཅེས་བྱའོ། །སྡོམ་པ་ནི ་བླ་ན་མེད་པ་སྟེ། འཇིག་རྟེན་པ་ལས་རིང་དུ་གྱུར་པའོ། །མཆོག་ནི་སློབ་དཔོན་གྱིའོ། །ཀྱང་ནི་གཞན་རྣམས་ནི་ཉེ་བར་བསྡུའོ། །ཡང་དག་པར་བཟུང་བ་ནི་བརྟན་པར་གྱུར་པའོ། །དངོས་གྲུབ་རྒྱ་ཆེན་པོ་ཐོབ་པར་བྱ་བ་ནི། དང་པོ་ལ་ནི་བུམ་པའི་དབང། །གཉིས་པ་རལ་གྲི ་སྦྱིན་པ་སྟེ། གསུམ་པ་རྡོ་རྗེ་དྲིལ་བུ་དང། །བཞི་པ་ཟླ་བ་བཟའ་བ་ཡིན། །བཞི་པོ་འདི་ནི་དབང་ཆེན་པོ། །ཞེས་བྱ་བ་སྨོས་ཏེ། དང་པོ་ནི་འགྲོ་བའི་ཡིད་བརྟེན་པའི་ཕྱིར་བུམ་པའི་དབང་ངོ། །བུམ་པ་ནི་ཆུ་འཛིན་པའི་བྱ་བ་བྱེད་པ་ཡིན་ལ། དབང་བསྐུར་བར་བྱེད་པ་ནི་སྤྱན ་མ་ལ་སོགས་པ་ཡིན་པའི་ཕྱིར་རིག་པའི་དབང་ཞེས་བྱའོ། །དེ་ཡང་རྣམ་པར་རྒྱལ་བ་འཁོར་ལོ་སྒྱུར་བ་དང་བཅས་པའི་བུམ་པ་ལྔ་གཙོ་བོར་གྱུར་པ་སྟེ་རེ་རེ་ཞིང་བཅོམ་ལྡན་འདས་ཉིད་དུ་གྱུར་པས་ན་ཅོད་པན་གྱི་དབང་ངོ། །དེ་ལྟར་སློབ་མའི་དབང་སྔོན་དུ་སོང་བའི་སློབ ་དཔོན་གྱི་དབང་ནི་གཞན་གྱི་དོན་ཁྱད་པར་དུ་སྤྱོད་ཅིང་ལོག་པར་རྟོགས་པའི་རྣམ་གྲངས་དུ་མ་གཅོད་པ་ཉིད་ཀྱི་ཕྱིར་གཉིས་པ་རལ་གྲི་སྦྱིན་པར་བྱ་ཞེས་གསུངས་སོ། །གསང་བའི་དབར་ནི་གཉིས་སུ་མེད་པར་སྙོམས་པར་འཇུག་པའི་བྱང་ཆུབ ་ཀྱི་སེམས་ཀྱི་ཁུ་བ་དག་སློབ་མས་ཡོངས་སུ་སྤྱོད་པ་སྟེ། བོ་ལ་དང་ཀ་ཀྐོ་ལའི་སྒྲའི་བདག་གི་རྟོགས་སུ་རྡོ་རྗེ་དང་དྲིལ་བུ་སྟེ་དེ་ལས་བྱུང་བ་ཞེས་བྱ་བའི་དོན་ཏེ། །ཟླ་བ་ནི་བྱང་ཆུབ་ཀྱི་སེམས་ཤེས་རབ་ཡེ་ཤེས་ཀྱི་རང་བཞིན་ཏེ། ཆོས་ཐམས་ཅད་གཟུགས་བརྙན་ལྟ ་བུའི་ཉམས་སུ་མྱོང་བའི་ལྷན་ཅིག་སྐྱེས་པ་ཉིད་བཟུང་ངོ། །བཟའ་བ་ནི་ཡིད་ཀྱི་སེམས་ཉམས་སུ་མྱོང་བར་བྱའོ། །དེ་ཡང་ཐམས་ཅད་གསང་བ་ལས། དབང་བཞི་པ་ནི་བདེ་ཆེན་བསྐྱེད། །ཡན་ལག་ལྡན་པའི་རིག་བྱེད་ཅན། ཞེས་པ་དང། ཧེ་བཛྲ་ལས། ་དང་པོ་ལ་ནི་བུམ་པའི་དབང། །གཉིས་པ་གསང་བའི་དབང་ཡིན་ཏེ། །ཤེས་རབ་ཡེ་ཤེས་གསུམ་པར་བཤད། །དེ་ལྟར་དེ་བཞིན་བཞི་པ་ཡང། །ཞེས་གསུངས་ཏེ། མཐོང་བའི་དོན་བླ་མའི་ངག་གིས་བརྒྱན་པར་བྱས་པས་ལྷག་མི་དགོས་པའི ་དོན་ཏོ། །བཞི་པོ་འདི་ནི་དབང་ཆེན་པོའོ་ཞེས་བྱ་བ་ནི་མཛའ་དྲུག་དང་ལྡན་པ་ཉིད་དུ་སྟེ། ཟླ་བ་རླུང་གི་དོར་བྱས་པ་ཚོགས་ལ་བཤད་པའོ། །སྔར་བཀོད་པ་ནི་སློབ་མ་ལ་བཤད་པའོ། །དང་པོ་ནི་སྒྲ་ཇི་བཞིན་དུ་བཤད་པའོ། །གཉིས་པ་ནི་ཇི་བཞིན་དུ ་མ་ཡིན་པར་བཤད་པའོ། །གསུམ་པ་ནི་དགོངས་ཏེ་བཤད་པའོ། །བཞི་པོ་འདི་ནི་དགོངས་པ་མ་ཡིན་པར་བཤད་པ་སྟེ་འདི་དག་གིས་བྱ་བ་བྱས་ཤིང་ལྷག་པ་མི་རྙེད་པའི་དོན་དང་ཡེ་ཤེས་ལ་དབང་བར་བྱས་པའོ། །དངོས་གྲུབ་ཇི་ལྟར་ཐོབ་ཅེ་ན། ་དབང་འདི་དག་གི་བྱེ་བྲག་གིས། །རྒྱལ་བའི་སྲས་ཀྱི་བྱང་ཆུབ་ཐོབ་ཅེས་བྱ་སྟེ། འདི་ནི་བླ་ན་མེད་པར་གྱུར་པའི་ཕྱིར་ནག་པོའི་ཞལ་ནས་བྱུང་བའོ། །དབང་འདི་དག་གི་བྱེ་བྲག་གི་རིམ་གྱིས་གོམས་པར་བྱས་པའི་དོན་ཏོ། །རྒྱལ་བ་ནི་དགྲ་ལས་སོ། །སྲས་ནི ་དབང་དང་ལྡན་པས་སོ། །བྱང་ཆུབ་ནི་ཆེན་པོའོ། །ཐོབ་པ་ནི་ཚེ་གཅིག་གིས་སོ། །ད་ནི་གཏོར་མ་བཤད་པར་བྱ་སྟེ། འབྱུང་པོ་ཀུན་གྱི་གཏོར་མ་ཡིས། །སྔགས་ནི་ད་ནས་བཤད་པར་བྱ། །སྔགས་ཆེན་བཟླས་པ་ཙམ་གྱིས་ནི། །འབྱུང་པོ་ཐམས་ཅད ་འདར་གྱུར་པ། །ཞེས་བྱ་བ་སྨོས་ཏེ། འབྱུང་པོ་ནི་དབང་པོ་ལ་སོགས་པའོ། །གཏོར་མ་ནི་ཆེན་པོ་སྟེ་ལུགས་ནི་བྱིན་གྱིས་བརླབས་པའོ། །སྔགས་ནི་འབྲུ་རེ་བ་འམ། བཅུད་ལེན་གྱི་ཚུལ་ལས་ལེགས་པར་བསྐྱེད་པ་སྟེ་ལས་འགྲུབ་པའི་ཕྱིར་བཤད་ཅེས་བྱ ་བའི་དོན་ཏོ། །སྔགས་ཆེན་པོ་ནི། ཧྲཱི(རྒྱུད་འགྲེལ་པས་རྣལ་འབྱོར་པའི་འདོད་པ་བཞིན་བྱེད་པའོ། །སྔགས་གསུངས་པ། ཨོཾ་ཨིནྡྲ་ཡ་ཧྲཱི(རྒྱུད་འགྲེལ་ར་ཡེ་ཕཊ་བྷཡོ་མ་ཏྲི་ནི་སྭཱ། སརྦ་བུད་དྷེ་བྷཡོ། ཧི་ཧི་ཧེ་ཧེ་ཕེཾ་ཕེཾ་སྭཱཧཱ། ཞེས་བྱ་བ་སྨོས་སོ། །ོཾ་ནི་རྡོ་རྗེའི་ས་བོན་ནོ། །ིནྡྲ་ནི་དབང་པོའོ། །ཧྲཱི(རྒྱུད་འགྲེལ་ཝི་གང་བའི་ས་བོན་ནོ། །ཀུ་བེ?་ར་ནི་གནོད་སྦྱིན་ནོ། །ཏྲི་ནི་རྩེ་གསུམ་གྱི་ས་བོན་ནོ། །འི་ཤ་ཡ་ནི་དབང་ལྡན་ནོ། །ཏ་ནི་འགུན་དེའི་ས་བོན་ནོ། །གན་ཡེ་ནི་མེ་ལྷའོ། ། ནི་གྲི་གུག་གི་ས་བོན་ནོ། །ནི་སི་ཏི་ཙ་ཡེ་ནི་སྲིན་པོའོ། །ན་ནི་བ་དན་གྱི་ས་བོན་ནོ། །བ་ཡ་བེ ་ནི་རླུང་ལྷའོ། །ཎ་ནི་ཀུ་མུ་ཏའི་ས་བོན་ནོ། །ཙནྡྲ་ཡ་ནི་ཟླ་བའོ། །ཧཱུཾ་ནི་པདྨའི་ས་བོན་ནོ། །རྒ་ཡ་ནི་ཉི་མའོ། །ཧཱུཾ་ནི་བགྲང་ཕྲེང་གི་ས་བོན་ནོ། །པྲཧམ་ན་ཡེ་ནི་ཚངས་པའོ། །ཕཊ་ནི་པདྨའི་ས་བོན་ནོ། །བ་སུ་དྷ་ར་ཡེ་ནི་སའི་ལྷ་མོའོ། །ཕཊ་ནི་རལ་གྲིའི་ས་བོན་ནོ། །བྷཡོ་མ ་ཙི་ཏྲ་ན་ནི་ཐགས་བཟངས་རིས་སོ། །སྭ་ནི་དབྱུག་ཏོའི་ས་བོན་ནོ། །སརྦ་བུད་དྷེ་བྷཡོ་ནི་ཁྱབ་འཇུག་གོ་།ཧ་ནི་དགྲ་སྟའི་ས་བོན་ནོ། །ཧི་ཧི་ཧེ་ཧེ་ནི་སྣ་ཅན་གྱིའོ། །ཕེཾ་ཕེཾ་ནི་མཁའ་འགྲོ་མའོ། །སྭཱ་ཧཱ་ནི་ཐམས་ཅད་མཉེས་པ་གྱུར ་ཅིག་པའོ། །བསྐྱེད་ཅིང་བྱིན་གྱིས་བརླབས་པའི་ཚུལ་ནི་དཀྱིལ་འཁོར་གྱི་མངོན་པར་རྟོགས་པ་ལས་ཤེས་པར་བྱའོ། །ང་ནི་ཕྱི་རོལ་གྱི་ལྷ་ཡང་དག་པར་ཚིམ་པའི་གནས་བཤད་པ་ནི། བཤད་དང་གཅི་བ་ཆུ་བསྲེས་པས། །དཀྱིལ་འཁོར་གྲུ་གསུམ ་བྱས་ནས་ནི། །ལྷ་རྣམས་ཚིམ་བྱས་རྣལ་འབྱོར་པས། །ཧ་ཧ་ཞེས་ཀྱང་དྲན་པར་བྱ། །དཀྱིལ་འཁོར་རིམ་གསུམ་བྱ་བ་ནི། །བརྒྱད་དང་བཅུ་གཉིས་བཅུ་དྲུག་པའི། །དཀྱིལ་འཁོར་མཁས་པས་བྲི་བར་བྱ། །ཤེས་རབ་ཅན་གྱི་སྔགས་ཀུན་དགོང། །བརྟུལ་ ་ཞུགས་ཅན་གྱིས་བཅུ་གཉིས་པར། །གྲུབ་པའི་སྔགས་རྣམས་དགོད་པར་བྱ། །རྒྱུ་དང་མི་རྒྱུའི་འཇིག་རྟེན་ནི་གསུམ། །མ་ལུས་ལུས་པ་མེད་པར་འགྲུབ། །དཀྱིལ་འཁོར་ནི་ཡི་གེའི་དབྱིབས་ལ་གདགས་སོ། །གྲུ་གསུམ་ནི་ཁྲུ་བཞི་པའི་ཚད་དོ། །བྱས་པ་ནི་སྐྱད ་ནུལ་དང་ལྡན་པའོ། །རྒྱུ་ནི་བཤད་པ་དང་གཅི་བ་ཆེན་པོ་དང་བསྲེས་པ་ནི་བྱང་ཆུབ་ཀྱི་སེམས་དང་ཁྲག་དང་རྣམ་པར་སྣང་མཛད་དོ། །ལྷ་རྣམས་ནི་ཕྱི་རོལ་གྱི་འཁོར་ལོའོ། །དེ་རྣམས་ཚིམ་པར་བྱེད་པའི་བྱེད་པོ་ནི་རྣལ་འབྱོར་པའོ། །ཧ་ཧ་ནི་མཉེས་པའི་རྗེས་སུ ་གད་མོ་རྣམ་པ་བརྒྱད་ཀྱི་བཞད་པ་དྲན་པར་བྱའོ། །ད་ནི་འཁོར་ལོ་བྲི་བ་བཤད་པར་བྱ་སྟེ། དཀྱིལ་འཁོར་ནི་སྔགས་སོ། །རིམ་པ་གསུམ་ནི་རེ་ཁཱའོ། །བརྒྱད་ནི་ནང་དུའོ། །བཅུ་གཉིས་ནི་རབ་ཏུའོ། །བཅུ་དྲུག་ནི་ཕྱིའོ། །དེ་བྲི་བ་ནི་མན་ངག་དང་ལྡན ་པའི་མཁས་པ་དག་གིས་སོ། །ཤེས་རབ་ཅན་ནི་འཁྲུལ་པ་མི་འབྱུང་བའོ། །སྔགས་ནི་བྱིན་གྱིས་བརླབས་པའོ། །ཀུན་ནི་མ་ལུས་པའོ། །དགོང་པ་ནི་རྩིབས་ལའོ། །བརྟུལ་ཞུགས་ཅན་ནི་བསྙེན་པ་སྔོན་དུ་སང་པའོ། །བཅུ་གཉིས་པ་ནི་རེའུ་མིག་གོ་།གྲུབ ་པའི་སྔགས་ནི་ཡ་མ་རཱ་ཛ་ལ་སོགས་པའོ། །དགོང་པ་ནི་མ་ནོར་བའོ། །རྒྱུ་བ་ནི་འགྲོ་བའོ། །མི་རྒྱུ་བ་ནི་གནོད་དོ། །འཇིག་རྟེན་གསུམ་ནི་འདོད་པ་དང་གཟུགས་དང་གཟུགས་མེད་པའོ། །མ་ལུས་པ་ནི་ཐམས་ཅད་དོ། །ལུས་པ་མེད་པ་ནི་ལྷག་མ་མེད་པའོ། ། ་སྔགས་གསུངས་པ། ཡ་མ་རཱ་ཛཱ། སཏྭ་མེ་ཡ། ཡ་མེ་དོ་རུ། ཎ་ཡོ་ད་ཡ། ཡ་ཏ་ཡོ་ནི། ར་ཡ་ཀྵེ་ཡ། ཡཀྵེ་ཡཙྪ། ནི་རཱ་མ་ཡ། འདི་དག་ནི་ནུས་པ་མི་འཇིགས་པའི་དོན་དུ་བཤད་པར་མི་བྱའོ། །དང་པོའི་ཐིག་བཞིའི་རེའུ་མིག་བྱས་པ་ལ་བསྐོར ་བར་བྱའོ། །གཉིས་པ་མཚམས་མེད་དེ། བསྐོར་བས་བཅུ་གཉིས་སུ་འགྱུར་རོ། །གསུམ་པ་མཚམས་ན་གསུམ་དུ་བཅད་པ་ལ་བསྐོར་བས་བཅུ་དྲུག་ཏུ་འགྱུར་རོ། །དེ་ལ་བྱེ་བྲག་གི་དགོད་པ་གསུངས་པ་ནི། དཀྱིལ་འཁོར་དུ་ཡ་བྱས་ཤར་དུཀྵེ། །ལྷོ་རུ ་འཇམ་པའི་རྡོ་རྗེ་མ། །ཡི་གེ་མེ་ནི་ནུབ་ཏུ་བྲི། །བྱང་དུ་ང་ནང?་པ་ནི། །བསྒྲུབ་བྱའི་མིང་ནི་སྦྱིན་བྱ་བ། །མཚམས་ཀྱི་སྟོང་པ་དག་ཏུའོ། །ཧཱུཾ་གཉིས་ཀྱིས་ནི་རྟེན་བྱས་ནས། །དགོས་པ་ཐམས་ཅད་སྒྲུབ་པར་བྱེད་ཅེས་བྱ་བའི་དོན་འདི་ཡིན་ཏེ། འཁོར་ལོ་ནི་དཀྱིལ ་གྱི་ཡ་ནི་ལྷོ་ཕྱོགས་པའོ། །ཀྵེ་ནི་ཤར་རོ། །མ་ནི་ངག་གི་ངེས་པ་དང་བྲལ་བས་འཇམ་པའི་རྡོ་རྗེའི་དཀྱིལ་འཁོར་གྱི་ས་བོན་ཏེ་ལྷོའོ། །དྷ་དྷ་ནི་སོ་དང་ལྕེ་རྩེ་ལས་བྱུང་བ་སྟེ་ཌཧའོ། །བ་ནི་ནི་ཐ་མའོ། །བསྒྲུབ་བྱའི་མིང་སྦྱིན་པར་བྱ་བ་ནི་འཁོར་ལོ་ལའོ། །མཚམས་ཀྱི་སྟོང ་པ་ནི་རེའུ་མིག་བཞིའོ། །ཧཱུཾ་གཉིས་ཀྱིས་མིང་གི་གཡས་གཡོན་དུ་བསྟེན་པར་བྱའོ། །དགོས་པ་ཐམས་ཅད་ནི་ལས་ཀྱི་ཚིག་མ་ལུས་པའོ། །སྒྲུབ་པར་བྱེད་པ་ནི་འཁོར་ལོའི་སྟོབས་ཀྱིས་ཏེ་དཀྱིལ་ལོ། །བར་མ་གསུངས་པ་ནི་ཡ་ཛ་ནི་རཱ། ཡ་མེ་དོ་རུ། ན་ཡོ་ནི ་ར་ལ་སོགས། ཕྱི་རོལ་རིམ་པར་གཡོན་བརྩམས་བྲི། །དོན་ཀུན་རབ་ཏུ་བསྒྲུབ་པའི་ཕྱིར། །རིམ་པ་གསུམ་པ་དེ་ལས་ནི། །ཀུན་ཏུ་ཆ་རེ་པོར་བ་ལ། །ཤར་ནས་བརྩམས་ནས་བྲི་བར་བྱ། །ཞེས་བྱ་བ་སྨོས་ཏེ། ཡ་ཛ་ནི་ལ་སོགས་པ་ནི་ཕྱི་རོལ་ཏེ་བརྩིབས་ ་བརྒྱད་ཕྱི་རོལ་རིམ་པ་ནི་བར་མའོ། །གཡོན་བརྩམས་ནི་ཕྱིན་ཅི་ལོག་གོ་།བྲི་བ་ནི་གོ་རིམས་བཞིན་བྱའོ། །དོན་ཀུན་ནི་ཞི་བ་ལ་སོགས་པའོ། །རབ་ཏུ་བསྒྲུབ་པ་ནི་བདགས་ཡིག་གིས་སོ། །དགོང་པ་ནི་དེའི་ཕྱི་རིམ་རིམ ་པ་གསུམ་པ་དེའི་དག་ལ་དགོང་པ་གསུངས་པའོ། །ཀུན་ཏུ་ཆ་རེ་བོར་བ་ནི་ཤར་ལ་སོགས་པ་བརྩམས་པའི་ཕྱིར་ཕྱོགས་བཞི་དང་མཚམས་བཞི་ལ་དགོད་པས་བརྒྱད་སྟོང་པར་འགྱུར་རོ། །ོཾ་ཧྲཱི(རྒྱུད་འགྲེལ་རོ། ན་ན་ནི་ལྷོ་ནུབ་ཏུའོ། །ཧཱུཾ་ཧཱུཾ་ནུབ་ཏུའོ། །ཕཊ་ནི་ནུབ་བྱང་དུའོ། །ཡང་ཕཊ་ནི་བྱང་དུའོ། །སྭཱཧཱ་ནི་བྱང་ཤར་དུའོ། །ལ་སོགས་པའི་སྔགས་ནི་བརྒྱད་ཤུགས་ཀྱིས་ཤེས་པར་བྱའོ། །ཆ་བརྒྱད་པོར་བ་ལ་ནི། མུ་ཀཾ་པ་ཀུ་རུ། ཨུད་ཙི་ཏ ་ཡ། དྷ་ཤམི་ཀུ་རུ། ཙི་དྷེ་པ་ཡ། ཤནྟིཾ་ཀུ་རུ། པུཥྚིཾ་ཀུ་རུ། འདི་ལྟར་དགོད་པའི་ཡི་གེ་རྣམས། །གཡོན་གྱི་ཕྱོགས་ནས་བརྩམས་པ་སྟེ། ཞི་བ་ལ་སོགས་པའི་ལས་དང་རྗེས་སུ་མཐུན་པར་བྲིའོ། །ོཾ་དང་པོ་སྟེ་མིང་ནི་བར། །ཐ་མར་བྷ་ཤད་ཐ ་བཽ་ཥཊ། །ཧོ་ཧཱུཾ་ཕཊ་ལྡན་ས་བོན་གྱིས། །ཞི་རྒྱས་དབང་དྲག་ཐ་མར་བྱ། །ཞེས་བྱ་བ་སྨོས་ཏེ། ཨོཾ་ནི་དང་པོ་སྟེ་ཕྱག་འཚལ་བའི་དོན་ཏོ་མིང་ནི་བར་དུ་གཞུག་གོ་།ཐ་མར་བཤད་དང་བཽ་ཥཊ་ཐ་དེ་ནི་ཐམས་ཅད་ལ་ཡང་ཤེས་ཏེ་ཁྱད་པར་དུ་རྒྱས་པ ་ལའོ། ཧོ་ཧཱུཾ་ཕཊ་ལ་སོགས་པ་སྔོན་དུ་རང་གི་ས་བོན་དང་ལྡན་པ་ནི་ཞི་བ་འམ་རྒྱས་པ་འམ་དབང་དང་མངོན་སྤྱོད་ཀྱི་ཐ་མར་ཡང་བྱའོ། །དེའི་གདགས་ཡི་གེ་རེ་རེ་ཞིག་གིས་རེའུ་མིག་བརྒྱད་དག་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ ་གསུང་ཐུགས་གཤིན་རྗེ་ནག་པོའི་རྒྱུད་ནི་བཤད་ཟིན་ཏོ། །འཁོར་ལོ་ནི་རེའུ་མིག་སུམ་ཅུ་རྩ་གསུམ་པའོ། །རྣམ་པར་བྲི་བ་ནི་སྙོམས་པ་ཆ་སྙམས་པ་གཞི་གཅིག་པ་ལས་ལོག་པར་མ་གྱུར་པའོ། །རིམ་པར་ཕྱེ་བ་ནི་མ་ནོར་བའོ། །དྲུག་པ་ནི་ལྔ ་པས་བཞག་པའོ། །ནག་པོ་ཞབས་ཀྱིས་བཤད་པའི་ལེའུ་དྲུག་པ་རྒྱ་ཆེར་གསལ་བར་བྱས་པའོ།། །།བམ་པོ་བཞི་པའོ། །ད་ནི་མཚན་མ་ཐོབ་པའི་རྣལ་འབྱོར་པས་སེམས་ཅན་གཞུག་པ་དང་མ་རུངས་པ་འདུལ་བར་གསུངས་པ། ་ཁྲག་དགུག་པའི་སྦྱོར་བ་ནི། །ཞལ་གསུམ་ཕྱག་དྲུག་སྐེམ་པ་ཡི། །ཕྱག་ན་འཁོར་ལོ་ཟླ་འོད་འདྲའི། །མཁས་པས་ཙར་ཏསྩི་ཀ་བསྒོམ་བྱ། ཞེས་བྱ་བ་སྨོས་ཏེ། ཁྲག་ནི་ཁྲག་ཆེན་པོ་སྟེ་ཁམས་གསུམ་པའི་ཁྲག་དགུག་པའོ། །སྦྱོར་བ་ནི་རང་གི་སྙིང་གར ་པདྨ་དང་ཟླ་བའི་སྟེང་དུ་ཡི་གེ་ཛཱ་བཀོད་ལ། དེ་ལས་འཕྲོས་པའི་འོད་ཟེར་གྱི་རྗེ་བཙུན་རྣམས་བསམས་ཏེ། བདུན་པོས་སྦྱངས་ལ་ཚད་མེད་བཞི་སྔོན་དུ་འགྲོ་བའི་སྟོང་པ་ཉིད་དུ་བྱིན་གྱིས་བརླབས་པ་ལས། ཨོཾ་ལས་ཉི་མའི་སྟེང་དུ་ཧཱུཾ་ལས་རྡོ་རྗེའི་བསྲུང ་བའི་འཁོར་ལོ་བྱའོ། །དེའི་ནང་དུ་པདྨ་དང་ཟླ་བའི་སྟེང་དུ་ཛ་དང་འཁོར་ལོ་ལས་ཡོངས་སུ་རྫོགས་པ་མདོག་དཀར་མོ་གཡས་གཡོན་མཐིང་ཀ་དང་དམར་པོའི་ཞལ་གསུམ་ཕྱག་དྲུག་པའི་གཡས་ན་འཁོར་ལོ་དང་རལ་གྲི་དང། གཡོན་ན་པདྨ་དང་ནོར་བུ་འཛིན་པ ་རྩ་བའི་ཕྱག་གྲི་གུག་དང་ཐོད་པ་འཛིན་པ་ཐུགས་ཀར་བསྣོལ་བ། གཡོན་བརྐྱང་བའི་ཞབས་ལུས་སྐེམ་པ། རལ་པ་ཁམ་ནག་གྱེན་དུ་འབར་བ། ཁྲག་འཛག་པའི་མགོ་འཕྲེང་དཔྱངས་པ། །རུས་པའི་འཕྲེང་བས་བརྒྱན་པ། །འོད་ཟེར་གྱི་ཕྲེང་བ་འཕྲོ་བ། ་མཁས་པས་དེ་ལྟ་བུའི་ལྷ་མོ་ཙར་ཏསྩི་ཀ་བསྒོམ་པར་བྱའོ། །དེའི་ཏིང་ངེ་འཛིན་ནི་རང་གི་ལྕེ་ལ་ཡི་གེ་ཛི་དམར་པོ་བཀོད་དེ་འོད་ཟེར་ཁབ་ལྔ་བུས་སྙིང་ནས་རྒྱབ་ཏུ་ཕུག་ཅིང་སྦྲང་བུ་མཆུ་རིངས་ལྟ་བུའི་འོད་ཟེར་གྱིས་ཁྲག་ཐམས་ཅད་བཀུག་སྟེ་རང་གི་ཁ་ཡོངས ་སུ་གང་བར་བསམ་པར་བྱའོ། །དེ་ཉིད་ཀྱི་ཕྱིར་དེ་ནས་བཅོམ་ལྡན་འདས་གཤིན་རྗེ་གཤེད་པོ་བསད་པ་དང་ཁྲག་དགུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་ཙར་ཏསྩི་ཀའི་སྔགས་འདི་གསུངས་སོ། །ོཾ་ཙར་ཏསྩི་ཀ་སིད་དྷ་དྷ་ན་ལ་ཧ་རི་ནི་ ་རཏན་ཏྲ་ཡ། ཨ་པ་ཀ་རི། ནོ་རུ་དི་ར། ཨཱ་ཀརཥ་ཛ། སྔགས་འདི་དག་ནི་དྲན་བྱས་ནས། ཁ་གདངས་པ་དག་བྱས་པས་ན། །འཇིག་རྟེན་གསུམ་གྱི་ཁྲག་ཆེན་པོ། །འགུགས་པར་འདི་ལ་ཐེ་ཚོམ་མེད། །ཅེས ་གསུངས་སོ། །ད་ནི་ཆང་དགུག་པའི་སྦྱོར་བ་ནི། །ཞལ་གསུམ་ཕྱག་དྲུག་ཕག་གདོང་ལ། རབ་སྔོ་ཕྱག་ན་རྡོ་རྗེ་བསྣམས། །མཁས་པས་ཕག་མོ་བསྒོམ་པར་བྱ། །ཞེས་བྱ་བ་སྨོས་ཏེ། ཚོགས་བསགས་པ་དང་བསྲུང་བའི་འཁོར་ལོ་སྔར་བཞིན་བྱས ་པའི་ནང་དུ་པདྨ་དང་ཟླ་བ་ལས་དང་རྡོ་རྗེ་རྫོགས་པའི་སྐུ་སྔོན་མོ་གཡས་དང་གཡོན་དཀར་བ་དང་དམར་བའི་ཞལ། ཕྱག་གཡས་ན་རྡོ་རྗེ་དང་རལ་གྲི། གཡོན་ན་འཁོར་ལོ་དང་པདྨ། རྩ་བའི་ཕྱག་ན་གྲི་གུག་དང་ཐོད་པ་འཛིན་པ་སྟེ་དེའི་ཕྱིར་ཞལ་གསུམ ་ཕྱག་དྲུག་གོ། རྩ་བའི་ཞལ་ཕག་གདོད་ལ་རབ་ཏུ་སྔོ་བའོ། །རྡོ་རྗེ་སྣམས་པ་ནི་བྱེ་བྲག་གོ་།མཁས་པས་དེ་ལྟ་བུའི་ཕག་མོ་བསྒོམ་པར་བྱའོ། །ཆང་དགུག་པའི་སྦྱོར་བ་ནི་རྫ་མཁན་ལག་ཕྱིས་པའི་ས་བུམ་པའི་ས་བུམ་པའི་ཁ་རྡོ་རྗེ་མཛེས་པས་བྱས་པའི་ཕྲེ ་བརྒྱད་པའི་ཚད་བྱའོ། །དེ་ནས་རྐུན་མའི་སྐྲའི་རྩེ་མོས་བཅིངས་པ་དག་རྩ་བ་དང་རྟེན་པ་དང་ཁར་དུམ་བུ་དུམ་བུར་བཞག་པར་བྱའོ། །དེ་ནས་སྔགས་རྗེས་སུ་དྲན་པར་བྱས་སྔགས་འདིའི་ཆེ་བའི་བདག་ཉིད་ཀྱིས་ནི་པ་ཏ་ན་ཞེས་བྱ་སྟེ་མཆོད་རྟེན་གྱི ་བྲོང་ཁྱེར་ཆེན་པོ་ཨོཾ་དྷ་དེས་ཡ་ཞེས་བྱ་བ་རྒྱ་མཚོའི་འགྲམ་ན་གནས་པ་དེར། འཇིགས་བྱེད་ཆེན་པོ་དང། འཇིགས་བྱེད་དབང་ཕྱུག་མའི་ཚོགས་ཀྱི་དཀྱིལ་འཁོར་གྱི་ཆད་དེ་འགུགས་ནུས་སོ། །དམིགས་པ་ནི་དལ་གྱི་དལ་གྱིས་འབབ་པར་བསམ་མོ ་རྡོ་རྗེ་ཕག་མོས་འཇིགས་རྟེན་གསུམ་མ་ལུས་པའི་ཆར་འགུགས་ནུས་སོ། །རྡོ་རྗེ་ཕག་མོའི་དབུས་ཀྱི་ཁང་པར་སྐད་ཅིག་ཀྱང་ཆད་ཟད་པ་མེད་དོ། །དད་པ་དང་ལྡན་པ་ནི་དད་པ་ཉེ་བར་འཕེལ་བའི་ཕྱིར་ཆེན་པོར་བཤད་དོ། །བསམ་གཏན་པ་ནི ་དམིགས་པ་ཉེ་བར་བསྟན་པར་བྱེད་པའོ། །དེའི་ཕྱིར་འདིར་ནི་འགྲུབ་བར་བྱེད་དོ། །དེ་བས་ན་འདི་ཉིད་ཀྱི་ཕྱིར་དེ་བས་བཅོམ་ལྡན་འདས་གཤིན་རྗེ་གཤེད་ཆེན་པོ་ཆང་དགུག་པ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་ཏེ། རྡོ་རྗེ་ཕག་མོ་ཆང ་འགུགས་པའོ་སྔགས་འདི་གསུངས་སོ། །ོཾ་བཛྲ་གྷོ་ནེ་པུ་གོ་ནེ་བཛྲ་མ་མ་ཀྟི་བྷ་ར་བྷ་ས་སཾ་བྷ་ར་སཾ་བྷ་ར། ཏྲེ་ཏཱ་ཧུ་ཀ་མ་དྷཡ་ཀརཥ་ཡ་ཛ། རྫ་མཁན་ལག་པ་ཕྱིས་པའི་སས། །བུམ་པ་ཁ་མཛེས་ཉེར་བྱས་ལ། །རྐུན་མའི་སྐྲ་ཡི་རྟན་བཞག་སྟེ། །སྔགས ་ནི་རྗེས་སུ་དྲན་པར་བྱ། །སྔགས་ནི་ཆེ་བའི་བདག་ཉིད་ནི། །པ་ཏ་མཆོད་རྟེན་དག་ཏུ་བསྟན། །དལ་གྱི་དམགས་ནས་འབད་པར་བྱ། །ཆང་ནི་འགུགས་པར་རབ་ཏུ་གྲགས་།ཞེས་གསུངས་སོ། །ད་ནི་ཤེས་རབ་བསྐྱེད་པར་བྱ་སྟེ། ཤེས་རབ་བསྐྱེད ་པར་བྱ་བའི་ཕྱིར། །ཞལ་གསུམ་ཕྱག་དྲུག་དམར་བ་ལ། །ཞི་བ་ཕྱག་ན་པདྨ་བསྣམས། །དབྱངས་ཅན་བརྟུལ་ཞུགས་ཅན་གྱིས་བསྒོམ། །ཞེས་བྱ་བ་སྨོས་ཏེ། ཚོགས་སོགས་པ་སྔོན་དུ་འགྲོ་བའི་བསྲུང་བའི་འཁོར་ལོའི་ནང་དུ་པདྨ་དང་ཟླ་བ་དང། ་དྷ་དང་ཆུ་སྐྱེས་ལས་རྫོགས་པའི་སྐུ་མདོག་དམར་པོ་གཡས་དང་གཡོན་སྔོ་བ་དང་དཀར་བའི་ཞལ། ཕྱག་གཡས་པ་ན་པདྨ་དང་རལ་གྲི་།གཡོན་ན་འཁོར་ལོ་དང་ཆུ་སྐྱེས་རྩ་བའི་ཕྱག་གཉིས་ཀྱིས་གྲི་གུག་དང་ཐོད་པ་འཛིན་པ་བསྣོལ་བ་རབ་ཏུ་ཞི་བའི ་ཆ་བྱད་ཅན་པདྨ་བསྣམས་པ་ནི་ཁྱད་པར་རོ། །དེ་ལྟ་བུའི་ལྷ་མོ་དབྱངས་ཅན་མ་ཤེས་རབ་ཀྱི་བརྟུལ་ཞུགས་ཅན་གྱིས་རབ་ཏུ་བསྒོམ་པར་བྱའོ། །ཤེས་རབ་ནི་ཆོས་ཐམས་ཅད་ཀྱི་ཡེ་ཤེས་ཏེ། །འཁོར་བ་དང་མྱ་ངན་ལས་འདས་པ་ནི་རྟོགས་པའི་རྒྱ ་མཚོ་སྟེ། དེ་དང་བྲེལ་བ་ནི་མི་གནས་པའི་མྱ་ངན་ལས་འདས་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །བསྐྱེད་པ་ནི་བདག་དང་གཞན་གྱི་ཕུན་སུམ་ཚོགས་པའི་ངོ་བོ་རྡོ་རྗེ་དབྱངས་ཅན་མའི་ངོ་བོ་ཉིད་དོ། །སྦྱོར་བ་ནི་ཆོས་གཅིག་གི་དང་པོ་ནས་གཟུང་སྟེ་ཉའི ་མཛའ་ཨི་བར་དུའོ། །ཐབས་དང་ཤེས་རབ་གཉིས་སུ་མེད་པའི་སྦྱོར་བའི་རྣལ་འབྱོར་བ་ལྷན་ཅིག་སྐྱེས་པའི་ཉམས་དང་ལྡན་པ་དག་གིས་ཧ་ཛ་ཞེས་སྨྲ་བར་བསམ་མོ། །བཟླས་པའི་ཚད་ཀྱང་ཇི་སྲིད་དུ་ཟླ་བ་ཤར་ནས་ནུས?་པའི་ཚད ་ཀྱི་རྗེས་སུ་འཇུག་པས། ཡོན་ཏན་གྱི་ཕུང་པོ་ནི་དཔག་ཏུ་མེད་པའི་ཆགས་བཅད་བརྒྱ་ནི་མཚོན་པ་ཙམ་དུ་ཟད་དེ་བྱ་བ་དང་ལྡན་པའི་རྣལ་འབྱོར་པ་ནི་ཁྲི་དང་འབུམ་དུ་ཡང་ཟིན་པར་འགྱུར་ཏེ། ངག་ནི་གསུང་གི་བདག་ཉིད་དོ། །དེའི་དབང་ཕྱུག་ནི་མ ་ལུས་པ་ཕུན་སུམ་ཚོགས་བའོ། །དེ་ལྟ་བུའི་ཕྱག་རྒྱ་ཆེན་པོ་འགྲུབ་བོ། །ཁམས་གསུམ་པའི་ལས་ཐམས་ཅད་ཀྱང་འགྲུབ་བོ། །མ་ལུས་པ་ནི་ཉན་ཐོས་དང་རང་སངས་རྒྱས་དང་འཕྲོག་མ་དང་ཚངས་པ་ལ་སོགས་པའི་ལས་འགྲུབ་པ་ཉིད་དོ། །མ་ལུས ་པའི་གཞན་ནི་ཞི་བ་ལ་སོགས་པའི་ལས་སོ། །འགྲུབ་པ་ནི་ཇི་ལྟར་འགྱུར་བའི་ལས་སོ། །དེ་བས་ན་དེ་ཉིད་ཀྱི་ཕྱིར་དེ་ནས་བཅོམ་ལྡན་འདས་དམ་ཚིག་ཆེན་པོ་བཅོམ་ལྡན་འདས་གཤིན་རྗེ་གཤེད་རྡོ་རྗེ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་ཏིང་ངེ་འཛིན ་ལ་སྙོམས་པར་ཞུགས་ནས་རྡོ་རྗེ་དབྱངས་ཅན་མའི་སྔགས་གསུངས་པ། ཨོཾ་པི་ཙུ་པ་ཙུ་པྲཛྙཱ་བརྡྷ་ནི། ཛཝ་ལ་ཛཝ་ལ་མེ་དྷ་བརྡྷ་ནི། དྷི་རི་དྷི་རི། བུདྡྷི་བརྡྷ་ནི་སྭཱཧཱ། ཚེས་ཀྱི་དང་པོ་ནས་བཟུང་སྟེ། ཀུན་ཏུ་ཟླ་བ་ཉ་བའི་བར། །སྦྱར་བའི་?་ནི་སྨྲ ་བར་བསམ། །ཇི་སྲིད་ཟླ་བ་རྗེས་འཇུག་པས། །རྟག་ཏུ་ཚིགས་བཅད་བརྒྱ་ཟིན་ནི། །ངག་གི་དབང་ཕྱུག་འགུགས་པར་འགྱུར། །ཁམས་གསུམ་མ་ལུས་པ་དག་ནི། །མ་ལུས་ལུས་པ་མེད་པར་འགྲུབ། །ཅེས་བྱ་བ་ཉིད་ཀྱི་ཕྱིར་རོ། །དེ་ནི་བུ་བ ་དགུག་པ་བཤད་པར་བྱ་སྟེ། ཁུ་བ་འཇུགས་པའི་སྦྱོར་བ་ནི། །ཞལ་གསུམ་ཕྱག་དྲུག་རལ་གྲི་བསྣམས། །ནོར་བུ་མརྒད་འདྲ་པ་ནི། །གཽ་རི་མཁས་པས་བསྒོམ་པར་བྱ། །ཞེས་བྱ་བ་སྨོས་ཏེ། ཚོགས་བསགས་པ་སྔོན་དུ་འགྲོ་བའི་འཁོར་ལོའི་ནང་དུ ་པདྨ་དང་ཟླ་པ་ལ། རུ་དང་རལ་གྲི་ལ་ཡོངས་སུ་རྫོགས་པའི་སྐུ་མདོག་ལྗང་ཁུ་གཡས་གཡོན་སྡོང་དང་དཀར་བའི་ཞལ་གསུམ་པ། ཕྱག་གཡས་ན་རལ་གྲི་དང་ནོ་བུར་བུ། །གཡོན་ན་འཁོར་ལོ་དང་ཆུ་སྐྱེས། རྩ་བའི་ཕྱག་གྲི་གུག་དང་ཐོད་པ་བསྣོལ་བའི ་ཕྱག་དྲུག་པ་རལ་གྲི་བསྣམས་པ་ནི་ཁྱད་པར་རོ། །ནོར་བུ་མརྒད་དང་འདྲི་བའི་འོད་འཕྲོ་བའི་གཽ་རི་ནི་མཁས་པ་བསྒོམ་པར་བྱའོ། །ཁུ་བ་དགུག་པའི་སྦྱོར་བ་ནི་ཁུ་བ་ནི་ཤུ་ཀྲ་སྟེ། བྱང་ཆུབ་ཀྱི་སེམས་སོ། །དགུག་པ་ནི་ནམ་མཁའ་གནས་ནས་སོ། །པདྨའི ་ཁ་ནི་རྡོ་རྗེ་དང་པདྨ་མོའི་ལྟེ་བའོ། །རྡོ་རྗེའི་ལམ་ནི་སྐྱེས་པའི་རྡོ་རྗེའི་སྦུ་གུའོ། །དྲིལ་བུ་ནི་གསུང་གི་རང་བཞིན་ཏེ་བདག་གི་ལྕེ་ལ་ཡི་གེ་ཛཱ་དམར་པོ་བསམས་ནས། སྨིན་མཚམས་ཀྱི་ལམ་ནས་ཚངས་པའི་བུ་གར་ཞུགས་ཏེ་།ལྕགས་ཀྱུ་ལྟ་བུའི་དབྱིངས་ཀྱི་འོད ་ཟེར་གྱིས་སྐྱེས་པ་ལ་ནི་ཚངས་པའི་བུ་གར་ཞུགས་ཏེ་དྲང་བ་འམ། ཕྱག་རྒྱ་མ་ལ་ནི་སྔར་གྱི་ལམ་དུ་འོག་སྒོའི་རླུང་སྦྱོར་གྱིས་སོ། །བདག་ཉིད་འདོད་ཆགས་རྡོ་རྗེར་གྱུར་ཏེ་གཽ་རི་གཞན་དུ་འཕྲུལ་པ་ནི་གཞན་གྱི་གནོད་པའོ། །དེ་ཉིད་བྱང་དུ་འཕོ་བ་ནི་མན ་ངག་གོ། བཟླས་བ་ནི་སྟག་བརྗོད་པའོ། །བསྒོམ་པ་ནི་བསམ་གཏན་དང་ལྡན་པའོ། །སྦྱོར་བ་ནི་སེམས་བརྟན་པའོ། །ཤུ་ཀྲ་ནི་བྱང་ཆུབ་སེམས་སོ། །ཚོགས་ནི་འཁོར་ལོ་བཞིའི་ཐིག་ལེའོ། །དེ་ལ་བཞུག་པའི་རླུང་ཁར་བཏུང་བ་ནི་དགུག་པའོ། །དེ་བས་ན་དེའི་ཕྱིར་དེ་ནས་བཅོམ ་ལྡན་འདས་གཤིན་རྗེ་གཤེད་རྡོ་རྗེས་ཁུ་བ་འགུགས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁུ་བ་འགུགས་པར་བྱེད་པའི་ལྷ་གཽ་རིའི་སྔགས་འདི་གསུངས་སོ། །ོཾ་ཀ་དྷ་ནི། ཨཱ་ཀརཥ་ནི། གཽ་རི་ཛ་ཧྲི། དུཥྚ་དུཥྚ་ཡ། ཤུ་ཀྲ་ཡ ་ཨཱརཥ་ཡ། ཛ་ཛ་ཛ་ཧཱུཾ་ཕཊ་སྭཱཧཱ། པདྨའི་ཁ་དང་རྡོ་རྗེ་དང། དྲིལ་བུ་ལྕགས་ཀྱུའུ་རླུང་སྦྱོར་གྱིས། །བཟླས་དང་བསྒོམ་པའི་སྦྱོར་བས་ནི། །ཁུ་བའི་ཚོགས་ནི་འགུགས་པར་བྱེད། །ཤིས་པའི་གནས་དང་བསྒྲུབ་པའི་དུས་བསྟན་པ་ནི། །ནགས་ཀྱི་ནང་དམ ་དབེན་པ་རུ། །ལས་འདི་དག་ནི་བསྒྲུབ་བྱས་ནས། །ནུབ་བདུན་ཙམ་དུ་སྦྱོར་བ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །ཅེས་བྱ་བ་གསུངས་པ་ཉིད་ཡིན་ནོ། །གསང་སྔགས་ཀྱི་ལས་ཀྱི་དངོས་གྲུབ ་ཐམས་ཅད་ནི་སྒྲུབ་པ་ལ་རག་ལས་ཤིང་དེ་དག་གི་ནུས་པ་ནི་དབང་ལ་ཡང་འབྱུང་ཞིང། དབང་གི་བྱིན་བརླབས་ནི་རྗེས་སུ་གནང་བས་འཇུག་པའི་ཕྱིར། ཨུ་དུམ་བར་མན་དྷ་ར། པ་རི་ཙི་ཏྲ་བ་ལེ་ཀ་།གར་ནི་ཀ་ཡི་ཕྲེང་བ་ནི། །བུ་ཁྱོད ་ལོང་ལ་བྱིན་གྱིས་རློབས། ཞེས་བྱ་བ་ནི་བུམ་པའི་རྗེས་སུ་གནང་བའོ། །རལ་གྲི་ཆེན་པོས་ཁམ་གསུམ་པའི། །སངས་རྒྱས་ཀུན་གྱིས་ཕྱག་བྱས་པ། །འབྱུང་པ་ཐམས་ཅད་འགུགས་པར་བྱེད། །ལས་ཀྱི་རལ་གྲི་དམ་པ་འདི། །གཟུང་ན ་བདུད་ལས་རྒྱལ་བར་འགྱུར། །དེ་དག་གིས་ནི་རྡོ་རྗེ་སློབ་དཔོན་གྱི་རྗེས་སུ་གནང་བའོ། །ཤེས་རབ་ཐབས་ཀྱི་ངོ་བོ་ཉིད། །རྡོ་རྗེ་དྲིལ་བུ་བསྒྲུབ་པ་འདི། །ལོང་ལ་སློབ་མ་ཡང་དག་བཟུང། །རྡོ་རྗེ་ཁྱོད་ཀྱིས་སློབ་མ་བཟུང་ཞེས་བྱ་བ་ནི་བསད་བའི་དབང ་གི་རྗེས་སུ་གནང་བའོ། །བཏུང་བ་རིན་པོ་ཆེ་འདི་ནི། །རྡོ་རྗེའི་ལུས་ནི་རབ་ཏུ་བསྒྲུབ། །ཀུན་ཏུ་ཡེ་ཤེས་བུ་ཁྱོད་ཀྱིས། །འཐུང་ཞིག་ཡེ་ཤེས་ལས་བྱུང་འདི། །སློབ་མའི་ཁར་ཡང་བླུགས་བྱ་བ། །གཤིན་རྗེ་གཤེད་ཀྱིས་བསྒྲགས་པ་འདི། །ཤེས་རབ ་ཡི་གེ་ཀྱི་རྗེས་སུ་གནང་བའོ། །རྡོ་རྗེ་སློབ་མ་བདག་ཉིས་ཅེས། །ཤིན་ཏུ་དག་བའི་སེམས་སུ་བྱ། །ཞེས་བྱ་བ་ནི་ཤེས་རབ་ཡེ་ཤེས་ཀྱི་རྗེས་སུ་གནང་བའོ། །དེ་དག་གི་དོན་ནི་རྡོ་རྗེའི་དཀྱིལ་འཁོར་དུ་འཇུག་པའི་དུས་སུ་དཀྱིལ་འཁོར་དུ་འཕངས་པའི ་མེ་ཏོག་ལ་ཟླ་བ་གཉི་སུ་ཆད་པའི་ཚུལ་གྱིས་ཉི་ཤུ་རྩ་ལྔ་དང་ལྡན་པའི་མེ་ཏོག་གི་འཕྲེང་བ་ལ་བྱིན་གྱིས་བརླབས་ཤིང་སཏྭ་མཧཱ་བ་ལ་ཞེས་བྱ་བ་དང། གོང་གི་ཚིགས་སུ་བཅད་པས་སློབ་མའི་མགོ་ལ་བཅིངས་བར་བྱའོ། །གལ་ཏེ་མེ་ཏོག་གི། ་ཕྲེང་བས་རིགས་ལྔར་ཡོངས་སུ་བསྡུ་བར་མི་རིགས་སོ་ཞེ་ན། རིགས་ལ་རིགས་ཉིད་རྟོགས་པ་ཡི། །རིག་པ་ལྔ་པོ་བསྟན་པ་ནི། །མེ་ཏོག་མིང་གིས་སློབ་མ་ལ། །བདེ་བ་དམ་པ་རྟོགས་པར་བྱེད། །ཅེས་བྱ་བའི་དོན་གྱིས་ཕྲེང་བ་རེ་རེ་ཡང་མྱུ་གུ་དང། ཁ་བྱེ་བ་དང ་ཤིན་ཏུ་རྒྱས་པའི་བྱེ་བྲག་གི་ཕྲེང་བ་སྟེ་རྒྱན་གྱི་ངོ་བོ་ཉིད་ཡིན་པའི་ཕྱིར་དང་དབང་ལྔ་པོ་དག་གིས་ཀྱང་རང་གི་ལྷ་གསལ་བར་བྱེད་པའི་ཕྱིར་རོ། །སློབ་དཔོན་གྱི་དབང་ནི་གཞན་གྱི་དོན་གཙོ་བོར་བྱེད་པ་སྟེ། རལ་གྲི་ནི་སློབ་དཔོན་ལས་ཐོབ་པ་ཤེས་རབ་ཆེན་པོའོ། །དེ་ལས ་ཀྱི་གོ་རིམས་དང་སེམས་དཔའ་ཆེན་པོའི་སྟོབས་ཀྱིས་རལ་གྲི་དེ་ཉིད་རྡོ་རྗེ་སྟེ་དབྱེར་མི་ཕྱེད་པའི་ཡེ་ཤེས་ལྔའོ། །དེ་དག་ལ་ཁམས་གསུམ་གྱི་སངས་རྒྱས་ཐམས་ཅད་ཀྱིས་ཕྱག་བྱས་པ་སྟེ་འོས་སུ་གྱུར་པ་ཉིད་དོ། །ཁམས་གསུམ་གྱི་སེམས་ཅན་ཐམས་ཅད་འབྱུང་བ་སྟེ། སློབ་དཔོན་གྱི་ལས་ཀྱི་མཐུས་དེ་ཉིད་དུ་འགུགས་པར་བྱེད་དོ། །ལས་ཀྱི་རལ་གྲི་ནི་ལས་ཐམས་ཅད་པ་སྟེ། ཕྲག་དོག་གཤིན་རྗེ་གཤེད་པོ་ཉིད་དམ་པའོ། །དེ་ཉིད་ནི་རྡོ་རྗེ་བརྟུལ་ཞུགས་ཏེ་དོན་དང་རྟགས་འབྲེལ་བར་བཟུང་ན་བདུད་བཞི་ལ་རྒྱལ་བར ་འགྱུར་རོ། །འདི་དག་གིས་ནི་དམ་ཚིག་གསུམ་པ་དང། གནོད་དུ་བྱ་བ་དང། རྗེས་སུ་སྣང་བ་དང། ལུང་བསྟན་པ་དང། དབུགས་དབྱུང་ཞིང་གཟེངས་བསྟོད་པ་དག་ཀྱང་གཟུང་ངོ། །གསང་བ་ནི་གསང་བ་ལས་བྱུང་བ་སྟེ། ཤེས་རབ་དང་ཐབས་ཀྱི་གསང ་པ་ལས་དེ་ཉིད་ཀྱི་ངོ་བོ་ཉིད་བྱང་ཆུབ་ཀྱི་སེམས་དང་ཤེ་རབ་དགའ་བ་བཞིའི་ཡེ་ཤེས་སུ་འགྲུབ་པར་བྱ་བ་འདི་དག་ནི་དག་གི་རྩེ་མོ་ལོང་ཞེས་བརྗོད་ལ། བདག་བྱིན་གྱིས་བརླབས་པས་སློབ་མ་ཡོངས་སུ་གཟུང་ཞིག་པའོ། །ཤེས་རབ་ནི་ཚད་དང་ལྡན་པའི ་ཕྱག་རྒྱ་སྟེ་ཡེ་ཤེས་ནི་དེ་ལས་སྐྱེས་པའོ། །དེ་ཉིད་ནི་བཏུང་བ་སྟེ་ཡིད་ལྷན་ཅིག་སྐྱེས་པའི་རོས་ཚིམ་པར་བྱེད་པའོ། །ཆོས་ཐམས་ཅད་དེ་ཕྱིར་ཉིད་ཀྱི་ངོ་བོར་བྱེད་པས་ན་རིན་པོ་ཆེ་སྟེ། དེས་བཅོམ་པ་མེད་པའི་དོན་མཐོང་བས་ན་རྡོ་རྗེ་ལུས་རབ་ཏུ་སྒྲུབ་པར་བྱེད་པའོ ་དེ་ཉིད་མེ་ལོང་ལྟ་བུ་ལ་སོགས་པའི་ཀུན་ཏུ་ཁྱབ་པའི་ཡེ་ཤེས་ལྔ་སྟེ། རྡོ་རྗེ་སློབ་མ་ལ་བུ་ཞེས་བོས་ལ་ཁྱོད་ཀྱི་གོམས་པར་བྱ་བའི་དོན་དུ་ལྷན་ཅིག་སྐྱེས་པ་འཐུང་ཞིང་།ཡེ་ཤེས་ལས་འབྱུང་བའི་ཆོས་འདི་དག་ཐམས་ཅད ་ན་སློབ་མ་སྐལ་བ་དང་ལྡན་པ་ཡིད་ཆེས་པའི་ཁར་རིན་པོ་ཆེ་དབང་གིས་བླུགས་པར་བྱ་བ་ནི་བཅོམ་ལྡན་འདས་གཤིན་རྗེ་གཤེད་ཀྱིས་བསྒྲགས་པ་ཡིན་ནོ། །རྡོ་རྗེ་སློབ་མ་བདག་ཉིད་ལ་ཡོད་པ་རིག་ཅིང་མྱོང་བ་ཡིད་ཆེས་ཆེ་བ་དག་གི་ཤིན ་ཏུ་སྟེ་རང་རིག་པ་དང་བླ་མའི་བཀའ་ཨོ། །དགེ་བ་ནི་དགེ་བ་ཆེན་པོ་སྟེ་ཐུན་མོང་མ་ཡིན་པའི་དོན་མཐོང་བའོ། །རྟག་ཏུ་དེའི་སེམས་སུ་བྱ་བ་ནི་བཞི་པའི་དབང་ངོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ནི་བཤད ་ཟིན་ཏོ། །དགུག་པ་ནི་ཁྲག་དང་ཆང་དང་ཤེས་རབ་དང་ཁུ་བ་དགུག་པའོ། །ལ་སོགས་པ་ནི་དབང་གི་ཚིགས་སུ་བཅད་པའོ། །རིམ་པ་ནི་གོ་རིམས་སོ། །ཕྱེ་བ་ནི་མནོར་པའོ། །དྲུག་པས་གཞག་པ་ནི་བདུན་པའོ། །ནག་པོ་ཞབས་ཀྱིས་བཤད་པ་ལེའུ་བདུན ་པ་རྒྱ་ཆེར་བྱས་པའོ།། །།ད་ནི་དབང་བསྐུར་བ་ཆོ་ག་ཡོངས་སུ་རྒྱས་པར་འགྱུར་བར་བཤད་པར་བྱ་སྟེ། དེ་ནས་རྡོ་རྗེ་འཛིན་རྒྱལ་པོས། །བསྲུང་བའི་འཁོར་ལོ་སྦྱོར་བར་བྱེད། །བགེགས་དང་ལོག་པར་འདྲེན་པ་དང། །གདུགས ་ཅན་དག་བསལ་བའི་ཕྱིར་གསུངས་ཞེས་བྱ་བ་སྨོས་ཏེ། དེ་ནས་ཞེས་བྱ་བ་ནི་སྟ་གོན་གྱི་དུས་སུ་སློབ་དཔོན་གཤིན་རྗེ་མཐར་བྱེད་ཀྱི་ང་རྒྱལ་དང་ལྡན་པས་རྡོ་རྗེ་དང་དྲིལ་བུ་འབྲེལ་བའི་ཕྱ་བ་དང། ཧཱུཾ་ཞེས་བརྗོད་པ་ལ་སློབ་མ་འཁོར་ལོ་གྲུ་བཞིའི་ང་རྒྱལ་དང ་ལྡན་པ་བཞིས་གསོལ་བ་བཏབ་པའི་རྗེས་ཐོགས་ལའོ། །རྡོ་རྗེ་ནི་ཡེ་ཤེས་བཞི་སྟེ་དེ་གང་དང་ལྡན་པ་ནི་འཛིན་པའོ། །རྒྱལ་པོ་ནི་གཙོ་བོའོ། །བསྲུང་བ་ནི་བགེགས་མ་ལུས་པ་འདའ་བར་མི་ནུས་པའོ། །འཁོར་ལོ་ནི་ཏིང་ངེ་འཛིན་དང་སྔགས་ཡོངས་སུ་སྦྱོར ་བར་བྱེད་པའོ། །བགེགས་ནི་ལུས་ལས་ཀུན་ཏུ་འབྱུང་བའོ། །ལོག་པར་འདྲེན་པ་ནི་དག་ལས་ཀུན་ཏུ་འབྱུང་བའོ། །གདུག་པ་ཅན་ནི་སེམས་ལས་ཀུན་ཏུ་འབྱུང་བའོ། །བསལ་བ་ནི་ཕྱོགས་དེ་དག་རྣམ་པར་བཅད་པའོ། །ཕྱིར་ནི་བར་ཆད་པ་སྲུང་བའི་དགོས་པ་སྟེ་དེའི་དོན་དུ་གསུངས་པའོ། །དེ་ཡང་ཚིགས་སུ་བཅད་པ་འདི་དག་བསྒྲུབ་པར་བྱ་སྟེ། དཔལ་ལྡན་རལ་གྲི་འཆང་བདག་།བསྲུང་བའི་འཁོར་ལོ་སྦྱོར་བར་བྱེད། །རལ་གྲི་འབར་བའི་བདག་ཉིད་ཀྱིས། །རིགས་གསུམ་སྐྱེས་ཀྱང་བཅོད་པར་བྱེད། ་ཅེས་བྱ་བ་སྨོས་ཏེ། དཔལ་ལྡན་ནི་བདག་དང་གཞན་གྱི་དོན་ཕུན་སུམ་ཚོགས་པར་བྱེད་པའོ། །གྲལ་གྲི་ནི་ལས་ལ་ཤིས་པའི་ཕྱིར་མཚོན་པ་ཙམ་དུ་ཟད་ཀྱི་དེ་དག་གནས་སུ་རྡོ་རྗེ་དང་འཁོར་ལོ་དང་རིན་པོ་ཆེ་དང་པདྨ་བཅུག་པས་ཚིགས་སུ་བཅད་པ་བརྗོད ་པར་བྱའོ། །འཆང་བ་ནི་བཅོམ་ལྡན་འདས་དེ་ཉིད་རྡོ་རྗེ་ལ་སོག་པ་འཆང་བས་སོ། །བདག་ནི་དེ་བཞིན་གཤེགས་པ་ཐམས་ཅད་ཀྱིས་སྐུར་བ་ཅིག་པའོ། །བསྲུང་བའི་འཁོར་ལོ་སྦྱོར་བར་བྱེད་པ་ནི་བཤད་ཟིན་ཏོ། །རལ་གྲི་འབར་པའི་བྱ་བ་ནན ་ཏན་གྱི་ཡེ་ཤེས་ཀྱི་མཐུ་དང་ལྡན་པའོ། །དེ་ཉིད་ཀྱིས་རྡོ་རྗེ་འབར་བ་ལ་སོགས་པ་ཡང་བསྡུའོ། །དེའི་བདག་ཉིད་ཀྱིས་རིགས་གསུམ་ནི་སྐུ་དང་གསུང་དང་ཐུགས་རྡོ་རྗེ་ལས་སྐྱེས་པའོ། །ཀྱང་ཞེས་བྱ་བ་ནི་དེ་དག་ཀྱང་གཅོད་ཅིང་འཇོམས་པར་བྱེད་ན ་གཞན་གྱི་འཇིགས་པ་ལྟ་སྨོས་ཀྱང་ཅི་དགོས། ཞེས་བྱ་བའི་དོན་ཏོ། །དེ་དག་གི་རྗེས་ལ་སའི་ལྷ་མོ་ལྷག་པར་གནས་པའི་ཕྱིར་གསུངས་པ། སེམས་ཅན་ཐམས་ཅད་སྐྱོབ་པ་ཡི། །ལྷ་མོ་ཁྱོད་ནི་དབང་དུ་གྱུར། །གཤིན་རྗེ་གཤེད་ཀྱི་དཀྱིལ་འཁོར ་ནི། །སློབ་དཔོན་བདག་གོས་དཀྱིལ་འཁོར་བྲི། །ཞེས་བྱ་བ་སྨོས་ཏེ། ས་གཞི་ལེགས་པར་བསྟན་པའི་དཀྱིལ་འཁོར་གྱི་ནུབ་ཕྱོགས་སུ་ཁྲུ་གང་བའི་མཎྜལ་བྱས་ཏེ་མེ་ཏོག་ག་དམར་པོའི་ཚོམ་བུ་ལྔ་པ་བཀོད་ལ། སློབ་དཔོན་བདག་ཉིད་མཐར་བྱེད་པའི་དུ་ ་རྒྱལ་གྱིས་ལག་པ་གཡས་པས་རྡོ་རྗེ་འཛིན་པས་རྡོ་རྗེ་རྩེ་གསུམ་པའི་ཕྱག་རྒྱ་ས་ལ་བཞག་སྟེ། རྡོ་རྗེ་སེམས་དཔའ་ཨི་ཡི་གེ་བརྒྱ་པ་ལན་གསུམ་དུ་བརྗོད་པར་བྱའོ། །དེ་ནས་པའི་ལྷ་མོ་ལག་བཟང་མོ་མདོག་གསེར ་བཙོ་མའི་ཁ་དོག་ལྟ་བུ་ཞལ་ཅིག་ཕྱག་གཉིས་པ་གཡས་པ་དབང་པོའི་ལག་པ་ལྟ་བུ། གཡོན་པ་གསར་གྱི་བུམ་པ་ལོ་མ་དང་བཅས་པ་འཛིན་པ། ལུས་ཕྱེད་ཕྱུང་བ་སྒྲུབ་པ་པོ་ལ་མངོན་པར་ཕྱོགས་པ་དམིགས་ཏེ་མེ་ཏོག་ལ་སོགས་པས ་མཆོད་ལ། །གླུ་དང་ལྡན་པའི་རྡོ་རྗེ་དྲིལ་བུས་ལན་གསུམ་དུ་བསྐོར་བར་བྱའོ། །སེམས་ཅན་ཐམས་ཅད་ནི་སངས་རྒྱས་ཀྱི་སྲས་སུ་གྱུར་པ་སྟེ། སེམས་ཅན་ཐམས་ཅད་སྙིང་རྗེ་དང་ཤེས་རབ་ཀྱིས་སྐྱོབ་པའི་ཐབས་ཐར་བའི་གྲོང་མཆོག་ཏུ ་འཇུག་པ་ལ་ལྷ་མོ་ཁྱོད་ནི་དབང་པོར་གྱུར་པ་སྟེ། སྔོན་མར་མི་མཛད་ལ་སོགས་པས་ཇི་ལྟར་དབང་དུ་བཞག་པ་བཞིན་དུ་གཤིན་རྗེ་གཤེད་ཀྱི་དཀྱིལ་འཁོར་ནི་རྩ་བའི་དཀྱིལ་འཁོར་ཐམས་ཅད་ལ་འཇུག་པ་སྟེ། གང་ལ་ཡང་ལྟོས་པ ་མེད་པར་རྡོ་རྗེ་སེམས་དཔའ་བདག་ཉིད་ཀྱིས་སྙིང་པོ་ལེན་པའི་དཀྱིལ་འཁོར་བྲི་བའི་དབང་མཛོད་ཅིག་པའོ། །དགོས་པ་ཅི་ཡོད་ཅེ་ན། ཚུལ་ལམ་ཐབས་ཇི་ལྟ་བ་བཞིན་དུ་མཉམ་པར་སྤྱོད་ཅེས་བྱ་བའི་ཐ་ཚིག་གོ་།ད་ནི་དཀྱིལ་འཁོར་དུ ་གཞུག་པ་བཤད་པར་བྱ་སྟེ། གོས་ཀྱི་གདོང་ནི་བཅིང་བྱས་ལ། །དཀྱིལ་འཁོར་གྱི་ནི་མདུན་སྒོར་བཞག་།ཁྱོད་སུ་ཞེས་ཀྱང་འདི་སྐད་འདྲི། །བསྐལ་བཟངས་བདག་ཅེས་ཚིག་ཏུ་བརྗོད། །གསོལ་བ་བཏབ་པའི་བློ་བཟང་ལ། །ཡོལ་བའི་ནང་དུ་སྦྱིན ་པར་བྱ། །ཞེས་བྱ་བ་སྨོས་ཏེ། གོས་ཀྱིས་བྱ་བ་ནི་རས་དམར་ཞེས་བྱ་སྟེ། ལས་ཐམས་ཅད་པས་གསང་བ་བྱས་ནས་ཧཱུཾ་ཞེས་ཉི་ཤུ་རྩ་གཅིག་བཟླས་ནས། འཇུག་པའི་ཆོ་ག་མ་རྫོགས་པར་དཀྱིལ་འཁོར་མཐོང་ན་ཁྱད་པར་གྱི་སྤྲོ་བ་མི་འཇུག་པའི ་ཕྱིར་ཁྲུ་གང་པ་དེ་དག་གིས་མིག་བཅིངས་ལ་དཀྱིལ་འཁོར་གྱི་ཤར་ཕྱོགས་ཀྱི་སྒོར་བཞག་པའོ། །དེ་ནས་སློབ་མ་རྣམ་པར་སྣང་མཛད་ཀྱི་ང་རྒྱལ་དུ་གནས་པས་གསོལ་བ་བཏབ་ནས་རྡོ་རྗེ་རྩེ་གཅིག་པའི་ཕྱག་རྒྱས་མེ་ཏོག་གི་ཕྲེང་བ་བཟུང་སྟེ། གསང་བའི ་དཀྱིལ་འཁོར་མཚན་མ་དང་བཅས་པ་སྙིང་གར་བཀོད་ལ། ཨོཾ་སརྦ་ཏ་ཐཱ་ག་ཏ་ཡོ་ག་ཙིཏྟོཏཔཱ་ད་ཡ་མི་ཞེས་རྣལ་འབྱོར་གྱི་སེམས་བསྐྱེད་པར་བྱའོ། །དེ་ནས་བྱང་ཆུབ་ཀྱི་མཛའ་ཨི་བར་དུ་དམ་བཅའ་བར་བྱའོ། །ོཾ་སརྦ་ཏ་ཐཱ་ག་ཏ་སུ་ར་ཏེ་ས་མ་ཡ་སྟཝཱཾ་ཧོ་སུ་ཁཾ་ཞེས ་བརྗོད་པས། དེ་ནས་བླ་མ་ཡོན་གྱིས་མཉས་པར་བྱས་ཏེ་བླ་མས་ཀྱང་ཁྱོད་སུ་ཡིན་གང་ལ་དགའ་ཞེས་དྲི་བར་བྱའོ། །སློབ་མས་ཀྱང་བདག་ནི་བསྐལ་པ་བཟང་པོ་སྟེ་དཀྱིལ་འཁོར་མཐོང་བར་སྤྲོ་བའི་ཡིད་ཅན་ནོ། །གཞན་ཡང་བདག་ནི་བདེ་བ་ཆེན་པོ ་ལ་དགའ་ཞེས་ཚིག་ཏུ་བརྗོད་དོ། །དེ་ནས་ཨོཾ་ཨཱ་ཁཾ་བཱི་ར་ཧཱུཾ་ཞེས་བརྗོད་དུ་བཅུག་ལ་ཤིན་ཏུ་སྤྲོ་བའི་ཡིད་ཀྱིས་རྡོ་རྗེ་རྩེ་ལྔ་པ་ལག་པ་གཡས་པར་བཏང་སྟེ་སྦོམ་པོ་དང་དབང་པོའི་རྩེས་འཛིན་དུ་བཅུག་ལ། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི ་རིགས་སུ་ཞུགས་ཀྱིས་ཡེ་ཤེས་གང་གིས་དེ་ཉིད་ཀྱི་དངོས་གྲུབ་ཐོབ་པར་འགྱུར་ན་དངོས་གྲུབ་གཞན་ལྟ་སྨོས་ཀྱང་ཅི་དགོས། དེ་བས་ན་ཁྱོད་ཀྱི་དཀྱིལ་འཁོར་མ་མཐོང་བ་རྣམས་ཀྱི་དྲུང་དུ་བརྗོད་པར་མི་བྱ་སྟེ། དམ་ཚིག་ཉམས་པར་གྱུར་ཏ་རེ་ཞེས ་བརྗོད་ལ། ཡོལ་བའི་ནང་དུ་དགུག་པར་བྱའོ། །དེ་ནས་ཡི་གེ་ཧཱུཾ་ལས་བསྐྱེད་པའི་ད་བཞིན་གཤེགས་པའི་རྡོ་རྗེ་ལ་རིགས་རྣམ་པ་དྲུག་གིས་བྱིན་གྱིས་བརླབས་ལ་སྤྱི་གཙུག་ཏུ་བཞག་སྟེ། འདི་ནི་དམ་ཚིག་གི་རྡོ་རྗེ་སྟེ་ཁྱེད་ཀྱིས་དམ་ཚིག་དང་མི་ལྡན ་པ་འགའ་ལ་བརྗོད་པར་མི་བྱ་སྟེ། གལ་ཏེ་གསང་སྔགས་ཀྱི་ཚུལ་འདི་དག་དམ་ཚིག་དང་མི་ལྡན་པ་ལ་བརྗོད་ན་མགོ་འགས་པར་འགྱུར་རོ། །རྡོ་རྗེ་སེམས་དཔའ་རང་ཉིད་ནི། །དེ་རིང་ཁྱོད་ཀྱི་སྙིང་ལ་གནས། །གལ་ཏེ་ཚུལ་འདི་སྨྲས་ན་ནི། །དེ་ཡི་མོད་ལ ་བཀས་ནས་གཤེགས། ཞེས་བརྗོད་ལ། དེ་ནས་ལས་ཐམས་ཅད་པའི་ཆུ་ཁྱོར་བ་གསུམ་དུ་བླུད་དེ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་པར་བྱེད། །དམ་ཚིག་གསུངས་ན་འགྲུབ་པར་བྱེད། ། ་དངོས་གྲུབ་བདུད་རྩི་ཆུ་འཐུང་ཞིག་།ཅེས་བརྗོད་པར་བྱའོ། །དེ་ནས་སློབ་མའི་སྙིམ་པ་མེ་ཏོག་གིས་གང་བར་བྱས་ལ། གུས་པའི་ཡིད་ཀྱིས་ལྟར་བཅུག་སྟེ་དེ་རིང་ཕན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱིས་ངེས་སྤྲས?་པ། ཁྱོད་ཀྱིས་མཉན་པར་བྱའོ། །ད་ལ ་བརྙས་པ་ཡང་མ་བྱེད་ཅིག་།ཉམ་ང་བ་མ་སྤངས་པར་འཆི་བྱའོ། །ད་ལ་བརྙས་པ་ཡང་མ་བྱེད་ཅིག་།ཉམ་ང་བ་མ་བར་བྱའོ། །དེ་ནས་ཡན་ལག་ལྔ་ས་ལ་གཏུགས་པའི་ཕྱག་ལན་གསུམ་དུ་བཙལ་ཏེ་རྡོ་རྗེ་ཐལ་མོ་སྦྱར་ཏེ། དེ་བཞིན་གཤེགས ་པ་ཐམས་ཅད་བྱིན་གྱིས་བརླབས་ནས་རྡོ་རྗེ་སེམས་དཔའ་བདག་ལ་དབང་ཏུ་གསོལ་ཅེས་བརྗོད་པ་དེའི་སྤྱི་བོར་བ་ལས་ཆུའི་དཀྱིལ་འཁོར་མདོག་དཀར་པོ་ལ་དབྱིབས་ཟླུམ་པོ་སྟེ། བུམ་པས་མཚན་པ་ལ་ཡི་གེ་ཧའོ། སྙིང་གར་ཡི་གེ་ལཾ་ལས་གསེར་གྱིས ་གཞི་ཁ་དོག་སེར་ལ་དབྱི་བས་གྲུ་བཞི་སྟེ། རྡོ་རྗེ་རྩེ་གསུམ་གྱིས་མཚན་པ་ལ་ཡི་གེ་ཧཱུཾ་ངོ། །ལྟེ་བར་རཾ་ལས་མེའི་དཀྱིལ་འཁོར་ཁ་དོག་དམར་ལ་དབྱིབས་གྲུ་གསུམ་རྣོ་བ་ལ་ཡི་གེ་ཨའོ། །རྐང་མཐིལ་དུ་ཡི་གེ་ཡཾ་ལས་རླུང་གི་དཀྱིལ་འཁོར་ཁ་དོག་སྔོ ་ལ་དབྱིབས་ཟླ་གམ་སྟེ། རབ་ཏུ་གཡོ་བའི་བ་དན་བྱེ་བས་མཚན་པ་དེ་ལ་ཡི་གེ་ཛཧེཾ་དྲག་ཅིང་བཟོད་པར་དཀའ་བ་འབར་བའི་ཕུང་པོ་དེ་རླུང་གིས་བུས་པར་བསམས་ལ། ཆུའི་དཀྱིལ་འཁོར་གྱི་བར་དུ་འབར་བར་གྱུར་པས་དེ་ནས་དག་ཅིང་གཙང་བའི ་རྒྱུན་བབས་པས་ལུས་བྱང་ཆུབ་ཀྱི་སེམས་ཀུན་ནས་གང་བར་གྱུར་ཅིང་སེམས་ལྷན་ཅིག་སྐྱེས་པས་ཚིམ་པར་གྱུར་ནས་རླུང་གི་བཏེག་པར་བསམ་མོ། །དེ་ནས་སློབ་མ་རང་ཉིད་ཀྱིས་བག་དང་བཅས་པའི་གཤིན་རྗེ་མཐར་བྱེད་དུ་བསམ་མོ། །ལག ་པ་གཡས་པས་རྡོ་རྗེ་གསོར་ལ། གཡོན་པས་དྲིལ་བུ་དགྲོལ་ཏེ་འབེབས་པའི་སྔགས་ཀྱིས་ཕངས་ལ་སྤོས་དབུལ་བར་བྱའོ། །དེའི་སྔགས་ནི་འདི་ཡིན་ཏེ། ཨོཾ་ཧྲཱི(རྒྱུད་འགྲེལ་ཨ་ཨ་ཨ་ཨ་ཨ་ཨ་སྟཝཾ་བྷ་ལ་ཡ་ར་ར་ར་ར་ཙ་ལ་ཡ་ཧཱུཾ་ཧཱ་ཛཧེ་ཕཊ་ཅེས་བྱ་བར་མྱུར་དུ་འབེབས་པར་འགྱུར། །དེ་ནས་སློབ་དཔོན་འདོད་ཆགས་རྡོ་རྗེའི་ལུས་སུ་དམིགས་ཏེ་ལྕེ་ལ་ཨ་དམར་པོ་བཀོད་ནས་ཏིཥྛ་བཛྲ་ཞེས་རྡོ་རྗེ་བཞག་སྟེ། རྡོ་རྗེ་ཆོས་ནི་མགོན་པོ ་ཆེ། འོད་དཔག་མེད་ནི་བདེ་བ་ཆེ། །སྨོས་ཤིག་འདོད་ཆགས་ཆོས་ཆེན་པོ། །ཞེས་བརྗོད་ལ་དགེ་བ་དང་མི་དགེ་བ་དྲི་བར་བྱའོ། །དེ་ནས་ལུས་ངག་ཡིད་གསུམ་གྱིས་བལྟས་ཞེས་པར་བྱས་ལ། རིང་དུ་འགྲོ་ན་དབང་ཆེན་དང་རྡོ་རྗེ་མནན་ནོ། །དེ་ནས ་ཨོཾ་བཛྲ་པྲ་ཏཱིཙྪ་བཛྲ་ཧོ་ཞེས་མེ་ཏོག་དེར་ལ་སྔར་བཞིན་དུ་ཕྲེང་བ་དོར་བ་བླང་བར་བྱའོ། །དེ་ནས་ཨོཾ་རྡོ་རྗེ་སེམས་དཔའ་དེང་ཁྱོད་ཀྱིས། །མིག་འབྱེད་པ་ནི་རྩོན་པར་བྱེད། །རྡོ་རྗེ་མིག་ནི་བླ་མེད་པ། །དེ་རིང་བདག་གི་དབྱེ་བར་བྱ། །ཧེ་བཛྲ་པཱ་ཤ་ཞེས་བྱ ་བས་གདོང་གཡོགས་བཀྲེལ་ལ་བྱང་ནས་བརྩམས་ཏེ་ལྷ་བསྟན་པར་བྱའོ། །དེ་ནས་སློབ་མས་གསོལ་བ་བཏབ་པ་གསུངས་པ་ནི། དབང་བསྐུར་དོན་དུ་གུས་ཆེན་པོ། །དེ་ནས་ལན་གསུམ་རྗེས་སུ་བརྗོད། །ཇི་ལྟར་སངས་རྒྱས་ཆོས་ཆེན་པོ། །རྡོ་རྗེ་སེམས ་དཔའ་དབང་བསྐུར་ལྟར། །བདག་ཀྱང་མགོན་པོས་དབང་བསྐུར་ཞིང། །མཆོག་ཀྱང་བདག་ལ་སྩལ་དུ་གསོལ། ཅེས་བྱ་བ་སྨོས་ཏེ། ཇི་ལྟར་ནི་སྔོན་དུ་བྱུང་བའོ། །སངས་རྒྱས་ནི་ཆོས་ཀྱི་སྐུ་དང་གཉིས་སུ་མེད་པའི་ངོ་བོ་ཉིད་དོ། །ཆོས་ཆེན་པོ་ཞེས་བྱ ་བ་ནི་ལོངས་སྤྱོད་རྫོགས་པའི་སྐུའོ། །རྡོ་རྗེ་ནི་བླ་ན་མེད་པའི་ཆོས་ཐམས་ཅད་དང་དབྱེར་མེད་པའི་ཡེ་ཤེས་ཏེ་དེ་ལ་སེམས་དཔའ་ཨོ། །དབང་ནི་བུམ་པ་ལ་སོགས་པའོ། །བསྐུར་བ་ནི་བྱིན་པའོ། །ལྟར་ནི་མ་འོངས་པ་འཛིན་པའོ། །བདག་ནི་སྐལ་བ་དང་ལྡན་པའི ་སློབ་མའོ། །ཀྱང་ནི་གཞན་ཉེ་བར་བསྡུ་བའོ། །མགོན་པོ་ཞེས་བྱ་བ་ནི་བླ་མ་མཁས་པའོ། །དབང་བསྐུར་ཞིང་ཞེས་བྱ་བ་ནི་ཉིན་པར་གསོལ་བ་གདབ་པའོ། །མཆོག་ནི་དངོས་གྲུབ་བོ། །ཀྱང་ནི་ཐབས་སོ། །བདག་ལ་སྩལ ་དུ་གསོལ། ཅེས་བྱ་བ་ནི་དེ་དག་བླ་མ་ལ་རག་ལས་པའི་ཕྱིར་གསོལ་བ་གདབ་པའོ། །དེ་བཞིན་གླུ་དང་རོལ་མོས་མཆོད། །དེ་བཞིན་ཁྲུས་ཆབ་བྱུག་པས་ཀྱང། །སློབ་མ་དད་པས་བླུགས་པར་བྱ། །དེ་ནས་བསྟོད་པ་དག་ཀྱང་བྱ། ཞེས་བྱ་བ་ནི་སློབ་མའི ་བྱ་བ་མདོར་བསྟན་པ་གསུངས་པའོ། །ད་ནི་ཟབ་མོ་སྔགས་བཤད་པར་བྱ་སྟེ། དེ་ནས་རྡོ་རྗེ་འཆང་རྒྱལ་པོས། །སྟོང་པ་ཉིད་ཀྱི་སྔགས་གསུངས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཉཧཾ། ཨོཾ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོཉཧཾ། ཨོཾ་དྷརྨཱ་དྷཱ་དུ་བྷཱ་བ་ཨཱཏྨ་ཀོཉཧཾ་དེ་ཡང ་བཤད་པའི་རྒྱུད་ལས། །སྐྱེ་མེད་རྟོག་བྲལ་སྒྱུ་མ་ཨོཾ། །རང་བཞིན་མེད་པ་ཤཱུ་ནྱ་ཏཱ། །རྟོགས་པའི་ཡེ་ཤེས་ཛྙཱ་ན་སྟེ། །མི་བྱེད་གཞན་བྱེད་བཛྲའོ། །བདག་གི་ངོ་བོ་སྭ་བྷཱ་བ། །གང་ལ་ཡོད་པ་ཨཱཏྨ་ཀོཉཧཾ། བསྡུ་བའི་མཆོག་ནི་ཧཱུཾ་དུ་བཤད། །འདི་ནས ་བསོད་ནམས་ཀྱི་ཚོགས་བསགས་པའི་རྗེས་ཐོགས་སུ་དེ་བཞིན་གཤེགས་པའི་ཆོས་ཀྱི་ངོ་བོ་ཉིད་ཟང་ཟིང་མེད་པའི་ཕྱིར་བཛྲའོ། །བྱང་ཆུབ་ཀྱི་སེམས་ཀྱི་འཕྲུལ་པ་ནི་པཱུ་ཛའོ། །གཞན་ནི་སྔར་བཞིན་ཏེ་དེའི་བདག་ཉིད་གང་ལ་ཡོད་པ་དེ་ནི་བདག་སྟེ། ་ཀོ་ཧཾ་ངོ། །དེ་དག་ནི་ཡེ་ཤེས་ཀྱིས་འཁོར་ལོ་བཅུག་པའི་རྗེས་ཐོགས་སུའོ། །དྷཱརྨཱ་ནི་ཆོས་སོ། །དྷཱ་ཏུ་ནི་དབྱིངས་སོ། །གང་ལ་རང་བཞིན་ཡོད་པ་ནི་སྭཱ་བྷཱ་བའོ། །ཕྱག་དང་ཞལ་གྱི་དབྱིབས་ཀྱི་བདག་ཉིད་ཅན་ནི། ཨཱཏྨ་ཀོ་ཧཾ་ངོ། །འདི་དག་ནི་ཁུ ་བ་ཡོངས་སུ་གྱུར་པ་ལས་བཞེངས་ནས་སྲིད་པ་ཞི་བ་གཉིས་སུ་མེད་པའི་ང་རྒྱལ་དུ་གསུངས་པའོ། །ད་ནི་ལས་རབ་འབྱམས་བཤད་པར་བྱ་སྟེ། ཞི་བ་ལ་སོགས་དབྱེ་བ་ཡི། །སྦྱིན་སྲེག་དེ་ནས་བཤད་པར་བྱ། །སྦྱིན་བསྲེག་གང་ཞིག་འབྲུམ་པ་ཡིས། །ལས་རྣམས ་ཐམས་ཅད་རབ་བསྒྲུབ་པས་ཞེས་བྱ་བ་ནི་སྨོས་ཏེ་ཞི་བ་ནི་ཞི་བ་སྟེ། སོགས་པ་ནི་རྒྱས་པ་དང་དབང་དང། དགུག་པ་དང། རེངས་པ་དང། དབྱེ་བ་དང། བསྐྲད་པ་དང། མངོན་སྤྱོད་ཀྱི་བྱེ་བྲག་གིས་སོ། །སྦྱིན་པ་ནི་མཆོག་པའོ། །བསྲེག་པ་ནི་མི་མཐུན ་པའི་ཕྱོགས་སོ། །དེ་ནས་ནི་ལས་གཞན་རྫོགས་པའི་མཐུའོ། །བཤད་པར་བྱ་བ་ནི་དངོས་གྲུབ་མི་ཉམས་པར་བྱ་བའི་དགོས་པའོ། །ཞི་བ་ལ་སོགས་པ་རེ་རེ་ཞིང་སྦྱིན་སྲེག་གསུངས་པའོ། །གང་ཞིག་ནི་གང་དག་སྟེ་གྲུབ་པ་ནི་རྫོགས་པར་གྱུར་ནའོ། །ཡེ ་ཤེས་བྱ་བ་ནི་ནུས་པ་དང་ལྡན་པའོ། །དེ་ཉིད་ཀྱི་ཕྱིར་གཅིག་གྲུབ་པས་ལས་ཐམས་ཅད་རབ་ཏུ་འགྲུབ་པར་ནུས་སོ། །དེ་ཡང་ཇི་ལྟར་བསྒྲུབ་ཅེ་ན། སེམས་ནི་ཇི་ལྟར་བཞག་པ་གསུངས་པ། ཞི་བ་ཞི་བའི་སེམས་ཀྱིས་ཏེ། །རྒྱས་པ་རྒྱས་པའི་སེམས་ཀྱིས་སོ། ་དབང་ཡང་དེར་གཏད་སེམས་ཀྱི་སྟེ། །བསྐྲད་དང་བསད་པ་ལ་ཡང་ངོ། །ཞེས་བྱ་བའི་དོན་ནི་འབྲས་ཆན་དང་འོ་མ་བཟའ་ཞིང་དགེ་བའི་སེམས་རྣམ་པར་མི་གཡེང་བ་ནི་ཞི་བའི་སེམས་སོ། །བུ་རམ་དང་འོ་མ་བཟའ་ཞིང་རྟག་ཏུ་བསོད་ནམས་དང་ལྡན་པར་བྱ་བའི ་སེམས་ནི་རྒྱས་པའི་ལས་སོ། །ཆད་དང་འོ་མ་བཏུང་ཞིང་བསྒྲུབ་བྱ་ལ་ཆགས་པའི་སེམས་ནི་ར་གཏད་པའི་སེམས་སོ། །སྐྱུར་བ་དང་ཉ་ཤ་བཅའ་ཞིང་ཁྲོས་པ་དང་བཅས་པའི་སེམས་ནི་བསྐྲད་པ་བསད་པའི་སེམས་སོ། །སེམས་དེ་དང་ལྡན་པའི་ཐབ་ཁུང་སྟེ་གསུངས ་པ་ནི། ཞི་བའི་དཀྱིལ་འཁོར་རྣམ་པ་སྟེ། །རྒྱས་པ་ཡི་ནི་རྫིང་བུ་འདྲ། །དབང་དུ་བྱ་བ་ཟླ་གམ་ལྟར། །ནམ་མཁའ་ཨི་ཁམས་འདྲ་བས་ནི་བསད། །ཅེས་བྱ་བའི་དོན་ཏོ། །དཀྱིལ་འཁོར་གྱི་རྣམ་པ་ནི་ཟླུམ་པོའོ། །རྫིང་བུ་ནི་སོ་ཕག་གི་རྫིང་བུ་སྟེ་གྲུ་བཞི་པའོ། ་ཟླ་གམ་ནི་གཞུ་ལྟ་བུའོ། །ནམ་མཁའ་ཨི་ཁམས་འདྲ་བ་ནི་གྲུ་གསུམ་པའོ། །དེ་ཡང་འོ་མ་དང་གུར་གུམ་གྱི་ཆུ་དང། སྐྱེར་འབྲུམ་བཙིར་བའི་ཆུ་དང་ད་དུ་རའི་ཁུ་བ་རྣམས་ཀྱིས་བྱུག་པར་བྱའོ། །དེ་དག་གི་ཚད་གསུངས་པའོ། །ཞི་བ་ཁྲུ་གང་ཚད་དུ་སྟེ།། ་དེ་བཞིན་རྒྱས་པ་ཁྲུ་ངོ་པ། །ཇི་ལྟར་རྒྱས་པ་དེ་ལྟར་དབང། །བསད་པ་ལ་ནི་སོར་ཉི་ཤུ། །ཞེས་བྱ་བའི་དོན་ནི་ཁྲུ་གང་ནི་སོར་བཅུ་གཉིས་བསྐོར་བའོ། །སོར་བཞི་པ་བཀྱེད་པ་དང་ཁ་ཁྱེར་ནི་ལྷག་པའོ། །ཁྲུ་བཞི་ལོག? ་རེ་རེའི་ཞང་ངོ་གསོར་བརྒྱད་ཕྱིར་བཀྱེད་པ་དང་ཁ་ཁྱེར་ནི་ལྷག་པའོ། །དབང་ཡང་རྒྱས་པའི་ཚད་དུ་བྱ་བ་ནི་ཆུར་ཁྲུ་ངོ་པ་སྟེ་རྒྱར་ཁྲུ་གང་ངོ། །ཁ་ཁྱེར་ནི་གོང་དང་མཚུངས་པའོ། །སོར་ནི་ཉི་ཤུ་ལོགས་རེ་རེ་ཞིང་ངོ། །བཀྱེད་པ་དང་ཁ་ཁྱེར་ནི་སོར ་གསུམ་ལྷག་པའོ། །ཟབས་ཀྱི་ཚད་གསུངས་པ། ཞི་བའི་སྟེང་དུ་ཁྲུ་ཕྱེད་ཚད། །རྒྱས་པ་ལ་ནི་ཁྲུ་ཙམ་སྟེ། །སོར་ལྔ་གཉིས་ནི་བསད་པ་ལ། །དབང་ལ་ཇི་ལྟར་དེ་བཞིན་དགུག་།ཅེས་བྱ་བའི་དོན་ནི་སྟེང་གི་ཁ་ནས་ཞབས་སུ་སྟེ། ཁྲུ་ཕྱེད་ཀྱི་ཚད ་སོར་བཅུ་གཉིས་སོ། ཁྲུ་ནི་སོར་ཉི་ཤུ་རྩ་བཞི་སྟེ། ཙམ་ནི་ལྷག་པ་བཀག་པའོ། །སོར་ནི་མཐེབ་སོར་སྟེ་ལྔ་གཉིས་ནི་བཅུ་ཐམ་པའོ། །རྒྱས་པ་ནི་དབང་དང་མཐུན་ལ་དེ་བཞིན་དུ་དགུག་པར་ཡང་སྦྱར་རོ། །ཞི་བའི་ཁ་ཁྱེར་ནི་པདྨ་རྒྱས་པའི ་དཀྱིལ་དུ་ནི་སོར་བཅུ་དྲུག་པ་རྡོ་རྗེའོ། །ཡ་མ་ཤིང་གི་དྲི་བཟངས་ལ་སོགས་པ་རྩེ་མོ་འཆི་ལས་བྱུང་བ་མཛུབ་གང་གི་ཚད་དོ། །རྒྱས་པའི་ཁ་ཁྱེར་ནི་འཁོར་ལོས་མཚན་པའོ། །དཀྱིལ་དུ་རིན་པོ་ཆེ་སྟ?་མ་ལྟ་བུའོ། །ཡམ་ཤིང་ནྱ་གྲོ་ཏ་རློ་ན་པ་སོར ་ཉི་ཤུ་རྩ་བཞི་དང་ལྡན་པའོ། །དབང་གི་ཁ་ཁྱེད་ནི་ལྕགས་ཀྱུ་དང་ཞགས་པའོ། །དཀྱིལ་དུ་པདྨ་འདབ་མ་བཅུ་དྲུག་པ་ཚད་སྔར་བཞིན་ནོ། །ཡམ་ཤིང་ཚེར་མ་ལྕགས་ཀྱུ་བྱས་པ་སྔར་བཞིན་ནོ། །མངོན་སྤྱོད་ཀྱི་ཁ་ཁྱེར་ནི་མཚོན་ཆ་སྣ་ཚོགས ་པའོ། དཀྱིལ་དུ་རྡོ་རྗེ་གདངས་པ་སོར་བརྒྱད་པའོ། །ཡམ་ཤིང་སེར་ལྔར?་ལས་བྱས་པ་སོར་བཅུ་པའོ། །ཞི་བའི་སྦྱིན་སྲེག་གི་རྫས་ནི་ཞོ་དང། སྦྲང་རྩི་དང། ཤ་ཀར་དང། འབྲས་ཆན་མ་གོད་པའོ། །སྲན་གྲེའུ་ཁྱད་པར ་དུའོ། རྒྱས་པ་ནི་གོང་གི་རྫས་རྣམས་ཀྱི་སྟེང་དུ་གུར་གུམ་གྱིས་ཁ་དོག་བསྒྱུར་བ་དང་ཁྱད་པར་དུ་བུ་རམ་མོ། །དབང་ལ་གོང་གི་རྫས་རྣམས་ཙན་དན་གྱིས་ཁ་དོག་བསྒྱུར་བའི་སྟེང་དུ་འོལ་མ་སེ་ཁྱད་པར་དུའོ། །མངོན་སྤྱོད་ལ་ནི་ནི་མ་ལ་དང། ད་དུ་ར་དང། ཚ ་བའི་མར་དང། སྐེ་ཚེ་དང། ཚྭ་རྣམས་སོ། །བསྐྲད་པ་ལ་ཁྭ་དང། མིག་སེར་གྱི་སྒྲོའོ། །ཏིལ་དང་མར་གྱི་བྱེ་བྲག་ནི་ཐམས་ཅད་པའོ། །སྦྱིན་སྲེག་བྱ་བའི་དུས་གསུངས་པ། ཚེས་གཅིག་ལ་ནི་ཞི་བའི་བྱ། །ཟླ་བ་ཉལ་རྒྱས་པ་སྟེ། བཅུ་བཞི་ལ་ནི་མངོན ་སྤྱོད་དོ། །དབང་གི་ལས་ནི་ཚེས་བརྒྱད་པའོ། །ཞེས་བྱ་བ་ནི་བཅུ་བཞི་ནི་ནག་པོའི་བཅུ་སྟེ་ཉི་ཤུ་དགུ་ལའོ། །གཞན་ལ་ནི་དེ་ལས་ལྷག་པའི་བརྗོད་པ་མེད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ནི་བཤད ་ཟིན་ཏོ། །སྦྱིན་སྲེག་ནི་ལེའུ་འདིའི་གཙོ་བོར་གྱུར་པའོ། །ཆོ་ག་ནི་ཚུལ་དང་ཐབས་སོ། །རིམ་པ་ནི་གོ་རིམས་སོ། །ཕྱེ་བ་ནི་མ་ནོར་བའོ། །བརྒྱད་པ་ནི་བདུན་ལས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བརྒྱད་པ་རྒྱ་ཆེར་གསལ་བར་བྱས་པའོ། །དེ ་ལྟར་སྦྱིན་སྲེག་གི་ལས་ཡོངས་སུ་མཐར་བྱས་ནས་ད་ནི་ལས་ཕྲན་ཚེགས་ཀྱིས་གདུག་པ་ཅན་སེམས་ངེས་པར་ལེགས་པར་ལེགས་པ་ལ་འཇུག་པའི་ཕྱིར་བརྩམ་པར་བྱ་སྟེ། རྒྱ་མཚོའི་ས་ནི་བླངས་བྱས་ལ། །ཀླུ་ཡི་གཟུགས་ནི་བརྩམས་བྱས་ཏེ། ཡི་གེ་ཧཱུཾ་ཕུ(རྒྱུད་འགྲེལ་དགོད། ཧྲཱི(རྒྱུད་འགྲེལ་གིས་ཁམ་ཕོར་སོ་མ་བཏང་བའི་ནང་དུ་རམ་གྱི་ཁུ་བ་ལ་གྲོ་གའི་པིར་གྱིས་འཁོར་ལོ་བརྩིབས་བརྒྱད་པའི་ལྟེ་བར་པདྨ་འདབ་མ་བརྒྱད་པ་བྲིས་ཏེ། དེ་ནས་ལྷ་མོ་ཀུ་རུ་ཀུལླེའི་སྟགས་ཕུ་དང་སྭཱཧཱའི་བར་དུ་བསྒྲུབ་བྱ་ཀླུའི་མིང་བཅུག་པ་སྤེལ་བར་བྲི་བར་ ་བྱའོ། བསྒྲུབ་བྱ་དེ་དག་ཀྱང་དུས་འདི་དག་གིས་གནས་ཏེ་དཔྱར་ཟླ་ཐ་ཆུངས་ལ་ཀར་ཀོ་ཊས། སྟོན་ཟླ་ར་བ་ལ་ཤར་ཀ་ལས་སོ། །སྟོན་ཟླ་འབྲིང་པོ་ལ་ཏཀ་ཀྵ་ཀས་སོ། །སྟོན་ཟླ་ཐ་ཆུངས་ལ་བ་སུ་ཀིས་སོ། །ཡང་དེ་ཉིད་ལ ་བལྟས་པས་དགུན་ཟླ་ར་བ་ལ་སོགས་པ་བཞི་སྦྱར་བས་ཆར་འབེབས་སོ། །དེ་ལས་གཞན་པའི་ཁམ་ཕོར་སོ་མ་བཏང་བ་ཁ་སྦྱར་དུ་བྱས་ལ། ལེའུ་བཅོ་ལྔ་པ་ལས་འཆད་པར་འགྱུར་བའི་ཀུ་རུ་ཀུ་ལླེའི་གཟུགས་བསྐྱེད་ལ་བཀུག་སྟེ་ཡང་དག་པར་མཆོད་པ ་བའི་རྣམ་པ་ལྔས་བྱུགས་ཏེ། ཀླུ་གནས་པའི་མཚོ་ལ་སོགས་པར་གཞུག་པར་བྱའོ། །ཡང་ན་ས་བོན་ནི་ནམ་ཧྲི(རྒྱུད་འགྲེལ་ལ་སྔར་བཞིན་དུ་སྟེ། བཅོམ་ལྡན་འདས་མ་བདག་གི་ལས་འདི་ཞེས་བྱ་བའི་དགོས་པ་དོན་དུ་མཛོད་ཅིག་པའོ། །ཞེས་བཀའ་སྒོ་ནས་ཀླུའི་གནས་སུ་གཞུག་པར་བྱའོ། །དེ་ནས་དབེན་པའི་ས་ཕྱོགས་སུ་གདུགས་དང་རྒྱལ་མཚན་དང་བླ་རེ་དང་ཡོལ་བ་དང་བ་དན ་ལ་སོགས་པ་ཐམས་ཅད་སྔོན་པོར་བྱས་ལ། སྒྲ་ཁྱད་པར་ཅན་ལག་ཏུ་ཐོགས་ཏེ་རྒྱན་སྔོན་པོ་དང་ལྡན་པའི་རྣལ་འབྱོར་པས་ཡཾ་སྔོན་པོ་ལས་བྱུང་བའི་རླུང་གི་དཀྱིལ་འཁོར་གཞུ་ལྟ་བུ་བ་དན་གྱིས་མཚན་པ། དེའི་དབུས་སུ་རཾ་ལས་མེའི་དཀྱིལ་འཁོར་གྲུ་གསུམ ་པ་འང་འབར་བ་ཞིག་བསམ་ལ་ཡི་གེ་རེ་པས་མཚན་པ། དེའི་དབུས་སུ་ཆུའི་དཀྱིལ་འཁོར་དཀར་ཞིང་ཟླུམ་པ་བུམ་པས་མཚན་པ། དེའི་སྟེང་དུ་པཾ་ལས་པདྨ་འདབ་མ་བརྒྱད་པ་དཀར་པོ། དེའི་སྟེང་དུ་ནམ་ཆུ་བདག་དཀར་པོ་སྦྲུལ་བརྒྱད་ཀྱི་གདེངས་ཀ ་ཅན་སྐྱེས་བུའི་ཆ་བྱད་ལག་པ་གཡས་ན་རལ་གྲི། གཡོན་པ་ན་ཀླུའི་ཞགས་པ་ཐོགས་པའོ། །ཤར་གྱི་འདབ་མ་ལ་དགོད་དོ། །ུཏཔ་ལའི་འདབ་མ་ལྟར་རབ་ཏུ་ལྗང་བ། ལྷོའི་འདབ་མ་ལ་ནོར་རྒྱས་ཀྱི་བུ་དཀར་པོ། ནུབ་ཀྱི་འདབ་མ་ལ་ཏཀྵ་ཀ་དམར་པོ ་བྱང་གི་འདབ་མ་ལ་ཀར་ཀོ་ཊ་ནག་པོ། །མེའི་མཚམས་སུ་པདྨ་དཀར་པོ། བདེན་བྲལ་གྱི་མཚམས་སུ་པདྨ་ཆེན་པོ་དཀར་པོ། རླུང་དུ་དུང་སྐྱོང་སེར་པོ། དབང་ལྡན་དུ་རིགས་ལྡན་སྣ་ཚོགས་བསྐྱེད་དོ། །དེ་དག་ཐམས་ཅད་ནི་ཡི་གེ་ནམ་གྱི་ས་བོན་ལས་བྱུང ་བའོ། དེ་ནས་བུ་རཾ་དང་འོ་མ་དང་མར་དང་བག་ཟན་བཙེགས་པའི་བཤོས་ཡི་གེ་ཕུས་བསྔགས་ལ། དབུལ་བར་བྱའོ། །དུས་ཀྱི་རྗེས་སུ་འབྲང་བ་དང། ཀུན་ཏུ་རུང་དང། ཆུ་སྲིན་ཆེན་མོ་དང། ཡུངས་ཀར་སེར་པོ་དང། ན་ག་པུས་པ་དང། ན་གེ་གེ་སར་གྱི ་ཐང་ཆུ་དང། ཤ་ཀར་སྦྱར་བའི་སྤོས་དང། ཞུན་མར་གྱི་མར་མེ་མངོན་པར་སྔགས་པ་ཡང་དབུལ་བར་བྱའོ། །དེ་ནས་ཛཱི་གཉིས་ཀྱིས་བར་དུ་ས་བོན་གྱི་ཡི་གེ་བཅུག་སྟེ། ཨོཾ་དང་སྭཱཧཱ་བཞག་པའི་སྔགས་བཟླས་ལ། འོད་ཟེར་ལྕགས་ཀྱུའི་དབྱིབས་ཀྱིས ་བླུན་མས་བཀུག་སྟེ་རང་གི་གནས་སུ་གཞག་ཅིང་ཡོན་ཆབ་བྱིན་ནས་ཡང་དག་པར་མཆོད་སྟེ་གཞན་ཡང། མེ་ཏོག་སྔོན་པོ་དེ་བཞིན་དྲི། །གོས་དང་འཕན་ཡང་སྔོན་པོ་དང། །སྔོན་པོ་ཆུང་དེ་ལྡན་པ་ཡི། །བུམ་པ་དག་ཀྱང་དབུལ་བར་བྱ། །ཞེས་པ་དང་ལྡན་པ ་དག་གིས་གསོལ་བ་གདབ་པར་བྱ་སྟེ། ཀླུའི་རྒྱལ་པོ་ཆེན་པོ་ཁྱེད་ཀྱིས་བཅོམ་ལྡན་འདས་ཀྱིས་བཀའ་དང། བདག་ལ་ཉེ་བར་བརྩེ་བར་དགོངས་ལ་ཆར་ཆེན་པོ་དུས་འདིར་དབབ་པར་མཛོད་ཅིག་ཅེས་བརྗོད་ལ། དེ་ནས་གླུའི་རྒྱལ་པོས་ཐམས་ཅད་བཀུག ་ནས་ཆར་འབེབས་པ་ལ་ཆེད་ཆེར་བྱེད་པར་བསམས་ལ། །ོཾ་ཧྲཱི(རྒྱུད་འགྲེལ་ཟླུམ་པོ་ལ་དཀྱིལ་འཁོར་ཟླུམ?་པོ་བསྐོར་ཏེ། དེར་ཀླུའི་རྒྱལ་པོ་རྣམས་བསྐྱེད་ཅིང་བཀུག་ལ་ལྕེ་ལ་ཡི་གེ་རྣམ་བསྒོམས་ནས་ཡོན་ཆབ་ལ་སོགས་པ་མཆོད་པས་མཉེས་པར་བྱས་ཏེ། བུར་མ་དང་ཞུན་མར་དང་འོ་མས་བཀང་བའི་བསྲེག་བླུགས། ། ་གསུམ་གསུམ་གཡས་སུ་བཞག་ནས་བསྲེག་པར་བྱའོ། །དེ་ལྟར་ཚིམ་པར་གྱུར་ནས་ཆར་འབེབས་སོ། །དེ་ལྟར་ན་ཡང་གལ་ཏེ་ཆར་མི་འབེབས་ན་ཀླུ་ལ་ཆད་པར་བཅད་པར་བྱ་སྟེ། སྔ་མ་ལྟར་ཀླུའི་དཀྱིལ་འཁོར ་བྱས་ཏེ་འོན་ཀྱང་ཁྱད་པར་ནི་དང་པོ་རླུང་གི་དཀྱིལ་འཁོར་བྲི་བར་བྱའོ། །བདག་ཉིད་ཀྱང་བློའི་པདྨའི་དབུས་སུ་བསྐལ་པའི་མེ་ལྟར་འབར་འབར་བའི་རྣམ་པ་ཅན་ཀླུ་ཐམས་ཅད་འཇིགས་པར་བྱེད་པའི་གཤིན་རྗེ་གཤེད་ཀྱི་རྣལ་འབྱོར་དུ་བྱས་ནས་ཀླུ ་ཐམས་ཅད་ཀྱི་གཞུག་མ་ཐམས་ཅད་དུ་གཅིག་ཏུ་གཡོན་བརྐྱང་པའི་ཞབས་ཀྱིས་མནན་པར་བསམས་ཏེ། རང་གི་སྔགས་ཀྱི་ཡི་གེ་འབྲུ་རེ་རེ་དང་ཀླུའི་སྙིང་པོ་འབྲུ་རེ་རེ་སྤེལ་ལ་ང་རྒྱལ་དང་བཅས་བས་བཟླས་པར་བྱའོ། །དེ་ནས་རླུང་གིས་བསྐུལ་བའི ་མེའི་འོད་ཀྱིས་པདྨ་རྙིང་པར་བལྟས་ཏེ། དེ་ལྟར་མེས་གདུངས་ཤིང་སྟེང་ནས་ཁྲོ་བོའི་མེས་གདུངས་ནས་ཤིན་ཏུ་སེམས་དད་པར་གྱུར་པས་ཆུ་སྐྱུག་པར་བྱེད་པའི་ཀླུའི་འཁོར་ལོ་བསམས་ན་ངེས་པར་ཆར་འབེབས་སོ་དེ་ལྟར་ན་ཡང་ཆར་མི་འབེབས ་ན་ཚིག་གི་དོན་དུ་བཤད་པར་བྱ་སྟེ། རྒྱ་མཚོས་ནི་ཆུ་ཀླུང་གི་ས་དང། ཀླུ་གནས་བའི་ས་དང། གྲོག་མཁར་གྱི་ས་དང། ཤིང་གཅིག་གི་རྩ་བའི་ས་ལས་ཀླུའི་གཟུགས་སྤྲུལ་མགོ་བདུན་པ་བྱས་ལ། དེ་ཁམ་ཕོར་སོ་མ་བཏང་བར་བླང་བ་བྱས་ལ ་དུར་ཁྲོད་ཀྱིས་རས་སམ་མཚོན་གྱིས་བསད་པའི་གོས་དང་དུག་དང་ཚྭ་དང་སྐེ་ཚེ་དང་ཚ་པའི་མར་གྱིས་རྩིབས་བརྒྱད་པའི་རལ་གྲི་འཁོར་ལོ་བྲིས་ལ། དེའི་ལྟེ་བར་པདྨ་འདབ་མ་བརྒྱད་པ་སྟེ། འདབ་མ་ལ་ཀླུའི་སྙིང་པོ་དཀྱིལ་དུ་ཡི་གེ་བཾ་དང་ཧཱུཾ་གིས་བརྟེན ་པ་བྲི་བར་བྱ་སྟེ། འཁོར་ལོ་དེ་སྙིང་གར་གཞུག་གོ་།དེའི་ཕྱིར་ཀླུའི་གཟུགས་གཅིག་བསམ་པར་བྱ་སྟེ། ཡི་གེ་ཧཱུཾ་ཕུ་སྙིང་གར་དགོང་བྱའོ། །བདག་ཉིད་གཤིན་རྗེ་གཤེད་ཀྱི་གཟུགས་སུ་གྱུར་པར་ཞབས་ཀྱིས་དེའི་གཟུགས་མནན་ནས་སྔ་མ ་བཞིན་དུ་སྔགས་ནི་ཧྲཱི(རྒྱུད་འགྲེལ་བྱས་འབབ་པར་འགྱུར། ཞེས་པའི་ཕྱིར་རོ། །གལ་ཏེ་ཆེས་ན་བཅད་པར་བྱ་བ་ནི་བཅོམ་ལྡན་འདས་གཏི་མུག་རྡོ་རྗེ་གཙོ་བོ་བྱས་བས་ཀླུ་བརྒྱད་ཞི་བའི་ཐབ་ཁུང་དུ་ལེགས་པར་བསམས་ལ། ཞི་བའི་ཆོ་གས་མར་དང་འོ་མ་ལ་སོགས་པའི་སྦྱིན་སྲེག་ཁྲི་བྱའོ། །དེ་ལྟར ་ན་ཡང་ཀླུ་གདུག་པ་ཅན་གལ་ཏེ་ཆར་མི་གཅོད་ན་མངོན་སྤྱོད་ཀྱི་ཐབ་ཁུང་དུ་མངོན་སྤྱོད་ཀྱི་ཆོགས་དཔལ་རྡོ་རྗེ་སེམས་དཔའ་ཨི་སྙིང་པོ་དང། རས་བལ་གྱི་འབྲས་བུ་བཅས་པས་སྦྱིན་སྲེག་ཁྲི་བྱས་ན་ཆར་ངེས་པར་སྤྱོད་དོ། །རྒྱ་མཚོར་ཞོན་པ་དང་འགྲོ་བ་དང་ཁྲུས་བྱེད་པའི་ཚེ་མཚོའི་རླབས་རངས ་པར་བྱེད་པའི་ཆོ་ག་གསུངས་པ། སྦུལ་ནག་གི་ཤ་དང་དེའི་སྦྱར་ཟླ་ནི་ནིམ་པའི་ལོ་མ་དང་བསྲེས་ལ་ཉའི་ཤུན་པར་རིལ་བུ་བྱས་ཏེ། བཅོམ་ལྡན་འདས་གཤིན་རྗེ་གཤེད་ཀྱི་བརྟུལ་ཞུགས་དང་ལྡན་པས་རྒྱ་མཚོར་བསྐྱུར་བར་བྱ་བའི་རིལ་བུ་ནི་སྔགས་ཀྱི་བཟླས་པ ་ཁྲི་བྱས་ནས་འོད་དང་ལྡན་པའི་རིལ་བུས་མཚོ་རླབས་རེངས་པར་བྱེད་པའི་མཆོག་ཡིན་ནོ། །རྣལ་འབྱོར་པ་དག་གིས་ཤེས་པའི་ངོ་བོ་ཚར་ལ་གཟེངས་བསྟོད་པར་བྱ་བའི་ཕྱིར་དང། དངོས་གྲུབ་ཉེ་བར་བླང་བའི་དོན་དུ་དབང་གི་ཐབ་ཁུང་ལེགས་པར་བྱ་སྟེ། ཙན་དྷའི ་འབྲས་བུ་ནི་བཏུན་པོའི་ས་བོན་ནོ། །དེའི་འབྲས་བུ་བརྒྱ་བླངས་ལ་འབྲས་དང་སྲན་མ་ཤ་རྣམས་བསྲེས་པ་ཞིབ་པར་བཏགས་ཏེ་གུར་གུམ་གྱི་ཆུས་རིལ་བུ་ཙ་ན་ཀའི་འབྲས་བུ་ཙམ་བྱའོ། །བདག་ཉིད་གཤིན་རྗེ་གཤེད་གྱི་རྣལ་འབྱོར་བས་འབུམ་ཕྲག་བརྒྱ་ནི་ས ་ཡང་སྟེ། དེའི་ཆེད་ཀྱི་སྔགས་བཟླས་ལ་བཅོམ་ལྡན་འདས་གཤིན་རྗེ་གཤེད་པདྨ་རཱ་གའི་མདངས་དང་ལྡན་པ་ལ་དབང་གི་སྦྱིན་སྲེག་ཁྲི་བྱས་པས་ལྷ་གཤིན་རྗེ་གཤེད་ཀྱི་ཞལ་མཐོང་བར་འགྱུར་རོ། །ད་ནི་མཚོན་པ་ཙམ་དུ་ཟད་ཀྱི་ཚངས་པ་ལ་སོགས་པ་ཡང་ངོ།། ་མཐོང་ནས་དགའ་བའི་ཡིད་ཀྱིས་མཉེས་པར་བྱས་ནས་མངོན་པར་འདོད་པ་སྟེར་བར་འགྱུར་རོ། །གདུག་པ་ཅན་ཆིར་བཅད་པར་བྱ་བའི་ཕྱིར་མངོན་སྤྱོད་ཀྱི་ཆ་དྲག་པོ་གསུངས་པ་ནི་དུར་ཁྲོད་རོ་གནས་པའི་? ་བྱའོ། རོ་བསྲེག་གི་མེ་བསྐུལ་བའི་ཡོག་པའི་ཤིང་ལ་རྣལ་འབྱོར་པ་གཤིན་རྗེ་གཤེད་ཀྱི་གཟུགས་སུ་གནས་པས་བསྒྲུབ་བྱའི་གཟུགས་སོར་བཅུ་གཉིས་པའི་ཚད་དུ་བྱས་ལ་སྨྱོན་པའི་ཁུ་བ་ནི་ད་རུ་རཱ་སྟེ་དེའི་ལོ་མའི་ཁུ་བས་དུས་གསུམ ་དུ་གཟུགས་ལ་བསྐུ་བ་བྱས་པས་བསྒྲུབ་བྱ་བཀུག་ཅིང་བསྟིམ་སྟེ་སྔགས་ཁྲི་བཟླས་པས་མཛེས་ཐེབས་པར་འགྱུར་རོ། །རྣལ་འབྱོར་བ་དག་གིས་ནགས་ཚལ་གྱི་གསེབ་ཏུ་སྦྲུལ་གྱིས་གཟུང་བའི་དུག་བསལ་བའི་ཕྱིར་སྔགས་གསུངས་པ་ནི་གྲུབ་པའི ་ཡུངས་ཀར་ནི་སྔགས་བཏབ་སྟེ་མདོག་སེར་པོ་དེ་དག་བླང་པར་བྱས་ལ། བདག་ཉིད་གཤིན་རྗེ་གཤེད་མདོག་དཀར་པོ་ཞི་བའི་ཡིད་ཀྱིས་དཀར་པོའི་ཚེས་གཅིག་ནས་ཉེ་བར་བཟུང་སྟེ། སྔགས་འབུམ་ཕྲག་བཞིའི་བར་དུ་བཟླས་པ་བྱས་ནས ་རྣལ་འབྱོར་པས་བསྡུ་བ་བྱས་ནས་ཤིང་ལོའི་སྡོང་གི་ནང་དུ་བཅུག་སྟེ་ལུས་ལ་བཅང་བར་བྱས། །དེ་ནས་སྦྲུལ་གྱི་བཟུང་བ་འམ་འགྱེལ་བ་ལ་གཏེང་ན་འཚོ་བྱ་གང་ཡིན་པ་དེ་དག་འཚོ་བར་ཐེ་ཚོམ་མེད། །གལ་ཏེ་དེ་དག་ཞི་བར་མ་གྱུར་ན་བདག ་ཉིད་གཤིན་རྗེ་གཤེད་ཞི་བའི་ང་རྒྱལ་དང་ལྡན་པས་བསྒྲུབ་བྱའི་ཅོད་པན་ནས་ཉེ་བར་བཟུང་སྟེ་སྲིན་ལག་ཟླ་བའི་སྟེང་དུ་ཡི་གེ་ཧཱུཾ་དཀར་པོ་བལྟས་ལ། དེའི་འོད་ཀྱིས་རྩའི་སྲིད་བ་དེ་སྲིད་དུ་འཕོ་བར་བསམ་ཞིང། དེའི་འོད་ཀྱིས་ཁྲག་གི་མདངས ་དུ?་?་ནག་པོར་གྱུར་པ་ཐམས་ཅད་མདངས་ཀྱིས་དཀར་པོར་གྱུར་པར་བསམ་ལ་བཤད་བའི་ལམ་དུ་གདོན་པར་བྱའོ། །དེ་ནས་ག་པུར་ལ་བཟླས་པ་ཁྲི་བྱས་པས་ཟིན་པའི་སར་བྱུག་པ་བྱས་ལ། མངོན་པར་ཞི་བའི་འོད་ཟེར་གྱིས་ཉེ་བར་གཟིར ་བར་བྱའོ། །འདི་དག་རི་ངེས་པར་གཏང་བར་འགྱུར་རོ། །གལ་ཏེ་དུག་ཞི་བར་མ་གྱུར་ན་དུག་བསང་བར་བྱ་བའི་དོན་དུ་བསྒྲུབ་བྱའི་སྙིང་གར་ཧཱུ་ངམ་ཧྲཱི(རྒྱུད་འགྲེལ་པའི་དུག་རབ་ཏུ་འབར་བར་གྱུར་པར་བསམ་མོ། །ལག་པ་གཡོན་ནས་གཡས་པའི་མཐིལ་དུ་པཾ་ཡོངས་སུ་གྱུར་པ་ལས་པདྨ་ཧཱུཾ་དཀར་པོས་མཛེས་པར་བྱས་པ་ལས་བདུད་རྩི་འཛག་པ་བལྟ་བར་བྱའོ། །དེ་ནས་ཨོཾ་ཧྲི་ཧ་ཧཱུཾ་ཛ་ཧ། ཞེས་བྱ་བའི་སྔགས་བརྗོད ་ཅིང་ལག་པས་སྤྱི་གཙུག་ནས་རྐང་པའི་བར་དུ་བྱབ་པར་བྱའོ། །དེའི་ས་བོན་གྱིས་དུག་བསྡུས་ཤིང་ལུས་བདུད་རྩི་དཀར་པོས་གང་བར་བསམ་པར་བྱའོ། །གཞན་ཡང་ཁྲོ་བོའི་མཚེ་བ་འོད་དང་ལྡན་པ་ལ་རབ་ཏུ་འབར་བ་མེ་ཆེན་པོ་ས་བོན་དང་བཅས་བ ་བསམས་ཏེ། ཕྱག་འཚལ་དང་པོ་གཤེགས་གསོལ་མཐར། །བརྡེག་པ་ཆོ་ག་བཞིན་དུ་སྦྱར། །དུག་ནི་བཅིང་བར་བྱ་བ་ཡི། །རྣལ་འབྱོར་པས་ནི་གསལ་འདོད་གྱང། ཞེས་བྱ་བའི་མན་ངག་ལས་ཤེས་པར་བྱའོ། །ད་ནི་ས་བླངས་ཀྱིས་མགོན་བ ་དག་ཞི་བར་བྱ་བའི་ཕྱིར་གསུངས་པ་ནི། རི་གཤོང་ཆུ་ཡི་ས་དག་ལ། སྔགས་ཀྱི་བཟླས་པ་འབུམ་བྱས་ན། །མགོ་ལ་བསྐུས་པ་ཙམ་གྱིས་ནི། །མགོ་ཡི་ནང་ནི་ཉམས་པར་བྱེད། །ཅེས་པ་ལ། རི་གཤོང་ནི་སྤང་ལྗོངས་རབ་ཏུ་གཅིང་བར་བྱའོ ་ཆུའི་ས་ནི་ཆུ་ཀླུང་གི་བྱེ་མའི་སའོ། །བླངས་པ་ནི་ཤིང་ལོ་གཙང་མའི་འདབ་མས་སོ། །ལ་ནི་རྫས་ཡོངས་སུ་རྫོགས་པའོ། །སྔགས་ནི་ཨོཾ་ཧྲཱི(རྒྱུད་འགྲེལ་སརྦ་བིགྷན་ནནྣུ་ཤ་ཡ་ཧཱུཾ་ཕཊ་སྭཱཧཱ། ཞེས་པའོ། །བཟླས་པ་ནི་རྡོ་རྗེ་བཟླས་པ་ཞི་བའི་མན་ངག་ཅན་ནོ། །འབུམ་དུ་བྱས་ནས་ནི་ཚད་ཉེ་བར་རྫོགས་པ་སྟེ་དེ་དག་ནི་བསྙེན་པའོ། །ཚིག་ཕྱེད་པོ་རྗེས་སུ་སྒྲུབ་པ་ནི་ཡི་གེ་གཅིག་པ་སྟེ ་སྔགས་འདི་སྒྲུབ་པའི་དུས་སུ་ལན་བདུན་མངོན་པར་བཟླས་ཤིང་མར་སར་དང་བསྲེས་ཏེ་ལག་པ་མགོ་བོ་ཁོར་ཡུག་ཏུ་མཉེས་ན་ནི་མགོའི་ཟུག་གཟེར་འབྱུང་བར་མི་འགྱུར་ཏེ། ལས་ཀྱི་སྦྱོར་བ་ནི་དེ་ལྟར་འབྲུ ་པར་ཐེ་ཚོམ་མེད་དོ། །གདུག་པ་ཅན་ཚར་བཅད་པའི་ཕྱིར་འཇིགས་བྱེད་གཤིན་རྗེ་གཤེད་ཀྱི་རྣལ་འབྱོར་གསུངས་པ། བྲམ་ཟེའི་ཤ་དག་དང། དུར་ཁྲོད་ས་དང་ཐལ་བ་ལས་གཤིན་རྗེ་གཤེད་ཀྱི་གཟུགས་བྱས་ཏེ། ཞེས་པ་ལ། བྲམ་ཟེའི་ཤ ་ཤ་ནི་རོ་མཉམས་པ་དག་གོ་།དེ་ལ་གཟུགས་ཀྱི་ཁོག་ལེགས་པར་བརྒྱངས་ལ། དེ་དང་མཚུངས་པའི་བྱུག་པ་ནི་དུར་ཁྲོད་ཀྱི་མེའི་ཐལ་བའོ། །དེའི་ས་ནི་དུར་ཁྲོད་ཀྱི་སའོ། །དེའི་ཕྱིར་ཐལ་བ་ལས་གཤིན་རྗེ་གཤེད་ཀྱི་གཟུགས་སུ་བྱས་ཏེ་ཞེས་པ ་དང་འབྲེལ་ལོ། །ཕྱག་གཉིས་པ་ནི་གཡས་དང་གཡོན་ནོ། །ཞལ་ནི་ཁྲོ་བ་སྟེ་གཅིག་པ་ནི་གཡས་དང་གཡོན་ཡངས་པའོ། །ལ་ཞེས་པ་དེ་དང་མཚུངས་པའི་མཚན་པའོ། །རྡོ་རྗེ་ཆེན་པོ་ནི་གནམ་ལྕགས་ཤིན་ཏུ་སྦྱངས་པ་ལས་བྱས་པའི་དེ་བཞིན ་གཤེགས་པའི་རྡོ་རྗེའི་ཚང་ངོ། །གཡས་པ་ཞེས་པ་ཤིན་ཏུ་འཇིགས་པ་འཕྱར་བའོ། །དེ་བཞིན་ནི་གཡས་དང་མཚུངས་པའོ། །མི་མགོ་ནི་སྐྱེས་པའི་སྟེ་གཡོན་པ་ན་འཛིན་ཅིང་ཁྲག་གིས་བཀང་བའོ། །མདོག་ནི་དཀར་པོ་ཞེས་བྱ་བ་ནི་ཕ་རོལ་དེ ་ལྟར་བྲི་ཞིང་བསྒོམ་པར་བྱ་བ་ཡང་དེ་ཉིད་དོ། །དེ་ཡི་ས་དེའི་མཐུ་ཐོགས་པ་མེད་པས་སོ། །གདུག་པ་ནི་ལུས་དང་ངག་དང་སེམས་ལ་གནོད་པར་བྱེད་པའོ། །འཇོམས་པར་བྱེད་པ་ནི་མ་ལུས་པའི་མཐུ་མེད་པར་བྱེད་པའོ། །ལས་ལ་སྦྱར་བའི ་ཕྱིར་དེ་དག་ལ་དམ་ཚིག་གིས་མཉེས་པར་བྱ་བ་ནི། བདུད་རྩི་དང་ནི་ཤུ་ལྔ་ཡིས། །ཉིན་རེ་བཞིན་དུ་གཏོར་མ་སྦྱིན། །ཞེས་བྱ་བ་ལ་བདུད་རྩི་ནི་བསྒྲད་པ་དང་བསྒྲོད་པ་མ་ཡིན་པར་རྟོག་པའོ། །དེ་སེལ་བར་བྱེད་པའི་རྩིན་ནི་བཻ་རཱོ་ཙ་ན་དང་བྱི་ཤྭ་དང་ཤུ ་ཀྲ་རག་ཏ་དང། ཨ་ཀྲོ་ཏེ་ཀའོ། །དེ་དང་འོ་མ་ཤིན་ཏུ་སྦྱར་ཏེ་ཤ་ལྔ་ནི་མི་དང་གླང་པོ་ཆེ་དང། བ་ལང་དང་རྟ་དང། ཁྱིའོ། །དེ་ཡིས་ཉིན་རེ་བཞིན་དུ་ཞེས་པ་ནི་མར་ངོའི་གཅིག་ནས་བཅུ་བཞིའི་བར་དེ་ཉིད་དུ་ཉིན་དང་མཚན་མོ་དུས་དྲུག་ཏུའོ། །གཏོར་མ་ནི་འབྲས ་ཆན་ལ་སོགས་གཞན་ཡང་ངོ། །སྦྱིན་པ་ནི་སྔགས་དང་ལྡན་བ་དག་གིས་ཉེ་བར་མཆོད་པའོ། །བདག་གི་དགྲ་ནི་གནོད་པ་མེད་བྱེད་པའི་མི་ཉིད་དང་འབྲེལ་པའོ། །ཆོམ་ཞིག་ཅེས་བྱ་བ་ནི་བསྐུལ་བའི་ཚིག་མཱ་ར་ཡ་ལ་སོགས་པ་དང་ལྡན་པར་རོ། །རྣལ ་འབྱོར་པས་ཞེས་བྱ་བ་ནི་བཅོམ་ལྡན་འདས་གཤིན་རྗེ་གཤེད་ནག་པོ་དང་དེའི་ཡེ་ཤེས་ཀྱི་ཆ་རྟོགས་པའོ། །རྟག་ཅེས་བྱ་བ་ནི་དུས་ཇི་སྲིད་པ་དེ་སྲིད་དོ། །གསོལ་བ་གདབ་པ་ནི་གཏོར་མའི་རྗེས་སུ་སྟེ། ཀྱེ་གཤིན་རྗེ་བདག་ལ་གདུག་པ་བྱས་པའི་ཆོ་གེ་མོ་འདི ་ཉེ་བར་གསོལ་ཅིག་།ཤ་དང་ཁྲག་དང་རྐང་དང་རུས་པ་དང་ཚིལ་བུ་དང། ནང་གྲོལ་ལ་སོགས་པ་དུམ་བུ་དུམ་བུར་གསོལ་ཅིག་ཅེས་ནུབ་རེ་རེ་ཞིང་ཁྱད་པར་དུ་བཅུ་བཞིའི་ནུབ་མོ་འདི་སྐད་ཅེས་བརྗོད་པས་ཉལ་ལོ། །བསྒྲུབ་བྱའི་མི་དེ་དག་ནི་ཐོ་རངས་འཆི་བར ་འགྱུར་རོ། །འཆི་བའི་ནད་ཀྱི་མཚན་མ་ནི་ཆུ་འགག་པ་ལ་སོགས་པ་ནི་སྐྱུག་པ་དང་སླབ་དང་ཡི་དགས་མ་རུངས་པའི་སྐད་འདོན་པས་གཟིར་ཅིང་དད་བ་འབྱུང་ངོ། །ཡང་ན་ནད་ཀྱིས་འདེབས་པར་འགྱུར་ཞེས་བྱ་བ་ནི་མ་ཤིན་ཡང་ངོ། །གཞན་ཡང་སྨྱོ་བར ་བྱ་བའི་སྦྱོར་བ་གསུངས་བ། དགྲ་ཡི་བེ་རོ་ཙ་ན་བླང། །མི་ཡི་རྐང་སྡུབས་ཡོངས་བཀང་སྟེ། ཞེས་པ་ལ་དགྲ་ཡི་བཻ་རོ་ཙ་ན་ནི་དྲི་ཆེན་ནོ། །བླང་བ་ནི་མ་ཧེའི་རྭ་དག་གིས་སོ། །མི་ནི་སྐྱེས་བུ་སྨྱོ་བའོ། །རྐང་སྦུབས་ནི་རྐང་རུས་ཀྱི་བུ་གའོ། །ཡོངས་བཀང ་སྟེ་ཞེས་པ་ནི་དུར་ཁྲོད་ཀྱི་སོལ་བ་དང་བསྲེས་བས་ནན་ཏན་དུ་དགང་བའོ། །རབ་ཏུ་བཀང་ནས་བྱ་བ་གང་ཡིན་པ་ནི་སྔགས། ཧྲཱི(རྒྱུད་འགྲེལ་བཏགས་ཏེ་བསྐམས་བ་དང་སྨྱོ་ནས་རྒྱུ་བའི་ཡི་དགས་དེ་ཉེ་བར་མཚུངས་སོ། །དེ་དག་གིས་རྣལ་འབྱོར་བའི་ཡོན་ཏན་ཉེ་བར་སྒྲུབ་པར་བྱེད་དོ། ལྷ་རྫས་ཀྱི་དངོས་གྲུབ་བུ་མོ་སྡུག་གུ་ཀུན་སྦྱིན་པར་བྱེད་ཅིང་དེ་ལས་གཞན་པའི ་དགོས་པ་སྣ་ཚོགས་སྒྲུབ་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །ཤིན་ཏུ་འཇིགས་སུ་རུང་བས་ན་འཇིགས་བྱེད་དོ། །གཤིན་རྗེ་ནི་གདུག་པ་ཅན་ནོ། །དེ་ཉིད་ཚར ་གཅོད་པར་བྱེད་པས་གཤེད་དོ། །ཞེས་བྱ་བ་ནི་བཤད་པར་ཟད་དོ། །རིམ་པར་ཕྱེ་བ་ནི་ལས་བརྒྱད་ཀྱི་གོ་རིམས་སོ། །དགུ་པ་ནི་བརྒྱད་པས་བཞག་པའོ། །ནག་པོ་ཞབས་ཀྱིས་བཤད་པའི་ལེའུ་དགུ་པ་རྒྱ་ཆེར་གསལ་བར་བྱས་པའོ།། །། ་ད་ནི་རྣལ་འབྱོར་པའི་དགོས་པ་ངོ་མཚར་དུ་གྲུབ་པར་བྱ་བའི་ཕྱིར་རོ་ལངས་ཀྱི་སྒྲུབ་ཐབས་མདོར་བསྡུས་ཏེ་གསུངས་པ། རོ་ལངས་ཆེན་པོའི་སྒྲུབ་ཐབས་ནི། དེ་ནས་ཡང་དག་བཤད་བྱ་བ། །ཞེས་པ་ལ་རོ་ནི་ཤེས་པ་དང་བྲལ་བྱའོ། །ལངས་ནི་གཞན་གྱིས ་བརླབས་པ་སྟེ་ཤེས་པ་དང་ལྡན་པ་ལྟ་བུའོ། །ཆེན་པོ་ནི་རབ་ཏུ་དཀྲུག་ཅིང་འཇིགས་པར་འགྱུར་བའོ། །སྒྲུབ་པའི་ཐབ་ནི་འོག་ནས་འབྱུང་བ་དག་གོ། དེ་ནས་ནི་ལེའུ་དགུ་པའི་དེ་མ་ཐག་ཏུའོ། །ཡང་དག་ནི་མི་སླུ་བའི་དོན་ཏོ། །གསལ་བར་བྱ་བ་ལ ་བཤད་པར་བྱ་ཞེས་སོ། །སྒྲུབ་པ་ནི་ཐམས་ཅད་མཁྱེན་པའི་ཡེ་ཤེས་སོ། །དེའི་གྲོགས་སུ་གྱུར་པས་ན་བཟང་པོའོ། །ཤེས་པའི་མཐུན་རྐྱེན་ཀུན་བྱེད་པ་སྟེ་ཡིད་དང་མཐུན་པའི་དགོས་པ་སྣ་ཚོགས་སྒྲུབ་པའོ། །དེ་ཡང་ཇི་ལྟ་བུ་ལ་བརྟེན་ཏེ་སྒྲུབ་ཅེ་ན། ་བཟང་པོ་མ་རྒོད་རྨ་མེད་པ། །ཤིང་ལ་དབྱངས་པ་དཀྲོལ་བྱས་ལ། །ཕག་ལ་ལེགས་པར་བཀྲུ་བྱས་ཏེ། །དེར་འདུག་སྔགས་བཟླས་བརྟུལ་ཞུགས་ཅན། །ཞེས་པ་ལ། བཟང་པོ་ནི་བྲམ་ཟེ་སྟེ་སྐྱེས་བའི་རོའོ། །མ་གོང་བ་ནི་བྱ་དང་ཅེས་སྦྱང་གིས་ཉམས ་བར་མ་བྱས་པའོ། །རྨ་མེད་པ་ནི་ཤཀ་ཏི་ལ་སོགས་པའི་མཚོན་གྱིས་མ་བསྣུན། འབྲས་དང་ཕོལ་མིག་ལ་སོགས་པས་རྔགས་ཤིང་རུལ་བར་མ་གྱུར་པའོ། །ཤིང་ལ་སྦྱངས་པ་ནི་སྐྲ་བ་རུ་བའི་ཤིང་ལ་བཅིངས་པའོ། །དེ་དཀྲོལ་བར་བྱས་ཤིང་ཡང ་ཤིང་གི་སྟེགས་སུ་ཕབ་ལ་དྲི་ཞིམ་པའི་ཆུས་ལེགས་པར་བཀྲུ་བར་བྱའོ། །དེར་འདུག་ཅེས་པ་ནི་རོ་བཀན་ཏེ་མགོ་ལྷོ་ཕྱོགས་སུ་བསྟན་པའི་སྙིང་གར་རོ། །སྔགས་བཟླས་པ་ནི་ཤིན་ཏུ་དྲག་ཅིང་ཁྲོ་བ་དང་བཅས་པའོ། །བརྟུལ་ཞུགས་ཅན་ནི་གཤིན་རྗེ ་གཤེད་ཀྱི་རྣལ་འབྱོར་ཏེ། དེས་ནག་པོ་འཇིགས་སུ་རུང་བའི་གྲི་གུག་དང་ཐོད་པ་ལག་ན་ཐོགས་པ་བཀུག་ཅིང་བཅུག་སྟེ། དེ་ལ་སྤོས་དང་མེ་ཏོག་ལ་སོགས་པས་མཆོད་ཅིང་སོ་རྩི་ལ་སོགས་པ་ཡང་བྱིན་ནས་སོ། །དེའི་སྟེང་ན་གནས་པའི་ཁྲོ་བོ་སྔགས་ཀྱི་ཆེ་བའི ་བདག་ཉིད་གསུངས་པ། ཨེ་མའོ་ངོ་མཚར་སྔགས་ཀྱི་མཐུ། །བསམ་པ་མེད་པའི་འོ་དོད་འབོད་ཅེས་པ་ལ་ཨེ་མའོ་ངོ་མཚར་བ་ཉིད་དོ། །ཅིའི་ཕྱིར་ཞེ་ན། སྔགས་དང་ཏིང་ངེ་འཛིན་གྱི་མཐུ་ཉིད་ཀྱིས་བསམ་པ་མེད་པ་ནི་ཤི་བའོ། །རྟགས་ནི་འདོད་རབ་ཏུ ་དྲག་ཅིང་མི་བཟད་བ་འབོད་བ་འབྱུང་ངོ། །དེ་ཉིད་བར་ཆོད་དུ་གྱུར་པ་ཉེ་བར་ཞི་བར་བྱ་བ་གསུངས་པ་ནི། གཤིན་རྗེའི་རྣལ་འབྱོར་ལྡན་པ་ཡི། །ཡིད་ཀྱིས་ཅུང་ཟད་འཇིགས་མི་བྱ། །ཞེས་པ་ལ། གཤིན་རྗེའི་རྣལ་འབྱོར་ནི་ཞེ་སྡང་རྡོ་རྗེའོ། །དེ་དང་ལྡན་པ ་པ་ནི་གཏི་མུག་ལ་སོགས་པའོ། །ཡིད་ཀྱི་རྣལ་འབྱོར་རྣམ་པ་བཞི་སྟེ། དེའི་ཁྱད་པར་གྱིས་བྱ་བ་དང་བྱེད་པ་དང་དངང་ཞིང་འཇིགས་སུ་རུང་བ་ཅི་དང་ཅི་བྱུང་ཡང་ཅུང་ཟད་ཅིག་འཇིགས་པར་མི་བྱའོ། །གལ་ཏེ་འཇིགས་པ་སྐྱེས་ན་བཤད་པའི་རྒྱུད་ལས། འཇིགས་དང ་དོགས་པའི་ཡིད་ནི་འབྱུང་གྱུར་ན། བླ་མ་ཉེས་དྲན་དམ་ཚིག་རྗེས་དྲང་ཞིང། རང་གི་རྣལ་འབྱོར་ཉིད་ནི་དྲན་བྱས་ལ། །ཤེས་ཤིང་རིག་པ་མི་འཇིགས་སེང་གེ་ལྟའི། །དཔའ་བོའོ་ཡིད་ཀྱི་རྣལ་འབྱོར་བསྒོམ་པར་བྱ། །འཇིགས་པའི་ཡིད་ཀྱིས་ནི་བར་ཆོད་བྱེད ་ཅེས་འབྱུང་བའི་ཕྱིར་རོ། །དེའི་འབྲས་བུ་ཇི་ལྟར་འགྱུར་ཞེ་ན། རྣལ་འབྱོར་ལམ་ནི་གང་འདོད་པ། །དེ་ཀུན་ཐམས་ཅད་སྟེར་བར་བྱེད། །ཅེས་པ་ལ། རྣལ་འབྱོར་ནི་ཐབས་དང་ཤེས་རབ་སྙོམས་འཇུག་པ་སྟེ། དེའི་? ་སེམས་ཀྱི་ནུས་པའོ། །གང་འདོད་པ་ནི་འཁོར་བར་གྱུར་ཏེ་མཁའ་སྤྱོད་དང་ས་འོག་དང། བུམ་པ་བཟང་པོ་དང། རལ་གྲི་དང། མིག་སྨན་དང། རྐང་བྱུག་དང། ལྕགས་ཀྱུ་དང། ཞགས་པ་དང། རྡོ་རྗེ་དང། གྷི་ཧཾ་དང། དངུལ་ཆུ་དང། བཅུད་ཀྱིས ་ལེན་གང་ཅི་ཡང་རུང་བ་རྣལ་འབྱོར་པས་གསོལ་བ་བཏབ་པས་དེ་ཀུན་ཐམས་ཅད་སྟེར་བར་བྱེད་དེ་ཇི་སྙེད་པ་བླང་བར་བྱའོ། །དེ་ནི་མཚན་མ་ཐོབ་པའི་རྣལ་འབྱོར་པས། རིགས་པ་བརྟུལ་ཞུགས་ཀྱི་ཕྱིར་བུ་མོ་དགུག་པའི་སྦྱོར་བ་གསུངས་པ། མ་ཧེ་དང་ནི་ཀུ ་བེ་ར། །སྟག་དང་དེ་ལས་གཞན་པ་དང། །དོམ་དང་སྤྲེའུ་དག་དང་ནི། །ཁྱི་དག་ནི་ཁྱད་བར་དང། །དུག་དང་སྐེ་ཚེ་ཚྭ་དང་ནི། །དེ་བཞིན་ཚྭ་གསུམ་སོ་བན་ཛ། །འདི་དག་ལེགས་སྦྱར་གཟུགས་སུ་བྱ། །ཞེས་པ་ལ། མ་ཧེ་ནི་གླང་རྒོད་དོ། །བུ་བེ་རིན ་ཅེས་སྤྱང་ངོ། །སྟག་ནི་རི་མོས་ཁྱད་པར་དུ་བྱས་པའོ། །དེ་ལས་གཞན་པ་གླང་བོ་ཆེ་དང་དྲོད་མོའོ། །དོམ་ནི་ཁྲིས་པས་ཁྱད་པར་དུ་བྱས་པའོ། །སྤྲེའུ་ནི་ནགས་ཀྱི་རོལ་མོའོ། །ཁྱི་ནི་ཁྱིམ་བདག་ཉིད་ཉེ་བར་བསྲུང་བའོ། །ཁྱད་པར་ནི་དེ་དག་ཐམས་ཅད་ཀྱི་སྒྲོན ་མའི་དུག་ནི་མཆེ་བ་བརྩེགས་པའོ། །སྐེ་ཚེ་ནི་ལྡུམ་རའི་འོ། །ཚྭ་ནི་ཟས་ཀྱི་རོ་བསྐྱེད་པའོ། །ཚ་བ་གསུམ་ནི་འགའ་ཏྲའི་ཤིང་དང། པི་པི་ལིང་དང། ར་ཀ་ཏའི་འབྲས་བུའོ། །སོ་བན་ཛ་ནི་ཕྱེ་མ་གསུམ་མོ། །ལེགས་པར་སྦྱང་པ་ནི་རྫས་འདི་རྣམས་གཅིག་ཏུ་སྦྱར ་བའོ། གཟུགས་ནི་གཤིན་རྗེ་གཤེད་པོའོ། །བྱ་བ་ནི་ཚུལ་དང་མཐུན་པའོ། །དེ་དག་ཇི་ལྟར་བརྩམ་ཞེ་ན། གཤིན་རྗེ་གཤེད་པོ་འཇིགས་པའི་གཟུགས། །དེ་ལ་རྣལ་འབྱོར་པས་གསོལ་བ་གདབ། ཅེས་བྱ་བ་ལ་གཤིན་རྗེ་ནི་ལུས་གྲུབ་པར་བྱེད་པའོ།། ་གཤེད་པོ་ནི་ལས་ལ་ཐོགས་པ་མེད་བར་འཇུག་པའི་བྱེད་པའོ། །འཇིགས་པའི་གཟུགས་ནི་གོང་དང་མཚུངས་སོ། །དེ་ལ་རྣལ་འབྱོར་པས་ཤ་ལྔ་བདུད་རྩི་ལྔས་འབྲས་ཅན་གྱིས་ཉེ་བར་བྲན་པའི་གཏོར་མ་སྣོད་ཆེན་པོ་བདུན་དུ་བཞག་སྟེ་བྱིན་གྱིས་བརླབས་ཤིང་མཉེས ་པར་དབུལ་བའོ། །གསོལ་བ་གདབ་པ་ནི་ལྷ་ལ་སོགས་པ་རབ་ཏུ་ཞི་བའི་པདྨའི་མདངས་དང་ལྡན་པའི་བུ་མོ་ནི། གངྒཱ་ཆུ་བོའི་རྒྱུན་ལྟར་རྒྱུད་ཞི་བ། །མདངས་ན་པདྨ་ལྟ་བུ་རབ་ཏུ་མཛེས། །ཁོར་བ་ཉེར་མཐུན་མཛེས་པའི་རོལ་རྩེད་བཅས། །སྣ་ཚོགས་ཡོ་བྱད ་ཀུན་གྱིས་ཉེར་བསྟེན་པ། །གསང་ཆེན་ལྷན་ཅིག་སྐྱེས་པ་སྦྱོར་བར་བྱེད། །ལྷ་མོ་ཀླུ་མོ་གནོད་སྦྱིན་དྲི་ཟ་མོ། །མི་ཡི་བུ་མོ་རབ་མཛེས་བཞིན་མདངས་ཅན། །བདག་གི་དོན་དུ་ཁྱོད་ཀྱིས་དགུག་སྦྱོར་མཛད། །ཅེས་པ་དག་གིས་སོ། །དེ་དག་གང་གིས་འགྲུབ ་ཅིང་ཇི་ལྟར་འགྱུར་བ་གསུངས་པ་ནི། ཧྲཱི(རྒྱུད་འགྲེལ་ཕཊ་ཕཊ་སྭཱཧཱ། ཞེས་བྱ་བ་འབུམ་ཚོ་གཅིག་སྔོན་དུ་སོང་བས་ནག་པོའི་ཚེས་གཅིག་ནས་ཉེ་བར་བཟུང་སྟེ། བཅུ་བཞི་བའི་དུས་ལ་ཁྲིའི་ཚད་ཀྱིས་ཆེ་གེ་མོ་བདག་ལ་གསོལ་བར་འགྱུར་རོ། །དེ་ཅིའི་ཕྱིར་ཞེ་ན། དེའི་ཕ་ནི་གཤིན་རྗེ་གཤེད་དེ། དེའི་ལྟེ ་བར་ནི་སྲིད་པ་གསུམ་གནས་སོ། །དེའི་རྗེས་སུ་འགྲོ་བ་དང་ཉེ་བར་ལྡོག་པ་རྣམས་ནི་དེ་བདག་ཉིད་བྱེད་པའི་ཕྱིར་སྟེར་བར་བྱེད་པའོ། །གལ་ཏེ་མི་སྟེར་བ་སྲིད་ན་དེ་ཚར་བཅད་པར་བྱ་བའི་ཕྱིར་གསུངས་པ། གལ་ཏེ་རྣལ་འབྱོར་མ་བྱིན་ན། རྨི་ལམ་གཤིན་རྗེ་གཤེད་རྡེག ་ཅིང། །ལྷོ་ཡི་ཕྱོགས་སུ་ཁྱེར་བར་བྱེད། །སད་ནས་དེ་ཡིས་ཕ་ཡིས་ཏེ། ཞེས་པ་ལ། གལ་ཏེ་མི་འགྲུབ་པ་འམ་རབ་ཏུ་དཀའ་བའོ། །རྣལ་འབྱོར་པ་ནི་བདག་ཉིད་དོ། །མ་བྱིན་པ་ནི་བསྒྲུབ་བྱའི་ལྷ་མོའོ། །དེའི་ཕྱིར་དེས་ཀྱང་དེ་ལ་ཆད་པ་བྱེད་པར་འགྱུར་ཏེ་རྨི ་ལམ་དུ་མཆོག་གི་གཤིན་རྗེ་གཤེད་ཀྱིས་རྡེག་ཅིང་རབ་ཏུ་འཇོམས་པར་བྱེད་དོ། །རླུང་གི་དཀྱིལ་འཁོར་གྱི་སྟེང་དུ་རབ་ཏུ་བསྒྱིངས་པའི་རྔ་མོ་ལ་སྐྱོན་ཏེ་ལྷོའི་ཕྱོགས་སུ་ཁྱེར་བར་བྱེད་དོ། །དེ་ནས་གཉིས་སད་ནས་དེའི་དམ་ཚིག ་པའི་བརྟུལ་ཞུགས་ལ་བརྟེན་པའི་འོས་དང་ལྡན་པའི་རྫས་སྟེར་བར་བྱེད་དོ། །ད་ནི་རྗེས་སུ་དྲན་པའི་བསྒོམ་པའི་རིམ་པ་གསུངས་པ་ནི། ཞལ་གསུམ་ཕྱག་དྲུག་འཇིགས་པ་ལ། ཨིནྡྲ་ནཱི་ལ་འདྲ་བའི་འོད། །ཐོ་བ་འཛིན་པའི་བརྟུལ་ཞུགས་ཅན། །ཕྱག་ཏུ ་ཐོ་བ་དགོད་པར་བྱ། ཞེས་པ་ལ། ཞལ་གསུམ་ནི་གཡས་དང་གཡོན་དང་དབུས་སོ། །ཕྱག་དྲུག་ནི་གཡས་དང་གཡོན་གྱི་བྱེ་བྲག་གསུམ་གསུམ་མོ། །ིནྡྲ་ནཱི་ལ་ནི་སྔོན་པོ་སྟེ་དེ་ལྟ་བུའི་འོད་དང་མཚུངས་པ་ནི་རྩ་བའི་ཞལ་ལོ། །འཛིན་པ་ནི་རྡོ་རྗེ་ཐོ ་བ་སྟེ་སྣ་ཚོགས་རྡོ་རྗེ་རྩེ་མོ་ཉི་ཤུ་པའོ། །བརྟུལ་ཞུགས་ཅན་ནི་སེམས་ཀྱི་འདུ་བྱེད་ཀྱི་ཏིང་ངེ་འཛིན་ཏོ། །ཕྱག་ན་གཡས་ཀྱི་བར་མ་སྟེ་དེ་ལྟ་བུའི་ཐོ་བ་རྡོ་རྗེ་ནི། ཤར་ཕྱོགས་ཀྱི་སྒོ་སྐྱོང་དུ་ཏིང་ངེ་འཛིན་གྱིས་དགོད་དོ། །ཞལ་གསུམ་ཕྱག་དྲུག་ཁྲོས་པ་ལ། ། ་མདོག་དཀར་པོ་སྟེ་ཁྲོས་པའི་འཇིགས། །འཇིགས་པ་ཡང་ནི་འཇིགས་པར་མཛད། །མཁས་པས་ཕྱག་ཏུ་དབྱིག་པ་དགོད། །ཅེས་པ་ལ་ཞལ་གསུམ་ཕྱག་དྲུག་ནི་སྔར་བཤད་པར་ཟད་དོ། །ཁྲོས་པ་ལ་ཞེས་པ་ནི་སྤྱན་ལ་སོགས་པ་རབ་ཏུ་གདངས་ཤིང ་སྨིན་མ་བསྡུས་པའོ། །མདོག་དཀར་པོ་ནི་ཤེལ་ལྟ་བུ་རབ་ཏུ་འཚེར་བའོ། །ཁྲོས་པས་འཇིགས་པ་ནི་ཕྱག་དྲུག་གི་མཚོན་ཆ་རྣོ་ཞིང་རབ་ཏུ་འབར་བས་ལྷོ་ཕྱོགས་ཀྱི་བདུད་མ་རུངས་པ་ཟད་པར་བྱེད་པའོ། །འཇིགས་པ་ནི་ད་བདག་དང་གནོད། ་སྦྱིན་རབ་ཏུ་མི་བགྲུང་པ་དག་གོ། དེ་ཡང་འཇིགས་པར་བྱེད་པ་ནི་བཅོམ་ལྡན་འདས་དབྱུག་པ་རྡོ་རྗེའོ། །མཁས་པ་ནི་རྣལ་འབྱོར་པ་བློ་དང་ལྡན་པ་སྟེ་ཕྱག་ཏུ་དབྱུག་པ་དང་ལྡན་པའི་ཏིང་ངེ་འཛིན་གྱིས་ལྷོ་ཕྱོགས་ཀྱི་སྒོ་སྐྱོང་དུ་དགོད་དོ། ། ་ཞལ་གསུམ་ཕྱག་དྲུག་དམར་བ་ལ། །འཇིགས་པ་ཆེན་པོ་སྡིགས་པ་ཡི། །ཕྱག་ན་པདྨ་དམར་པོ་བསྣམས། །པདྨ་ཞེས་བྱ་མཁས་པས་བསྒོམ། ཞེས་བྱ་བ་ལ་དམར་བ་ནི་པདྨ་རཱ་གའི་མདོག་ཅན་ཏེ། འཇིགས་པ་ཆེན་པོ་ནི་ལོག་པར་རྟོག་པ་སྟེ། ་སྡིགས་པ་ནི་ཚར་གཅོད་ཅིང་དེ་ཁོ་ན་ཉིད་ལ་དགོད་པའོ། །ཕྱག་ན་པདྨ་ནི་འདབ་མ་བརྒྱད་པ་སྟེ་རྣམ་ཐར་དང་ཉེ་བར་མཚུངས་པའོ། །དམར་པོ་བསྣམས་པ་ནི་ཆགས་པའི་རང་བཞིན་ཏེ། སྙིང་རྗེས་སེམས་ཡོངས་སུ་འཛིན་པར་བྱེད་པའོ། །པདྨ་རྡོ་རྗེ་གཤིན་རྗེ ་གཤེད་ཅེས་བྱ་བ་བློ་གྲོས་དང་ལྡན་པའི་རྣལ་འབྱོར་པ་མཁས་པས་ནུབ་ཕྱོགས་ཀྱི་སྒོ་སྐྱོང་དུ་ཏིང་ངེ་འཛིན་གྱིས་དགོད་དོ། །ཞལ་གསུམ་ཕྱག་དྲུག་ལྗང་གུ་སྟེ། ཕྱག་ན་རལ་གྲི་བསྣམས་པ་ཡི། །ལས་ཀུན་བྱེད་པར་གྱུར་པའོ། །དེ་ལ་གྲི་ཞེས་བྱ་རྣམ་སྒོ་བྱ། ཞེས ་པ་ལ་ལྗང་གུ་སྟེ་མརྒད་སྟེ་སྔོ་ཞིང་རབ་ཏུ་འཁྲུག་པའོ། །རལ་གྲི་རབ་ཏུ་རྣོ་ཞིང་འབར་ལ་རྒྱས་པའོ། །ལས་ནི་སངས་རྒྱས་ཐམས་ཅད་ཀྱི་འཕྲིན་ལས་ཏེ་ཞི་བ་དང་རྒྱས་པ་ལ་སོགས་པ་ཀུན་བྱེད་པ་པོར་གྱུར་པ་ནི་རལ་གྲི་རྡོ་རྗེ་གཤིན་རྗེ་གཤེད་ཅེས་བྱ་སྟེ། བྱང ་ཕྱོགས་ཀྱི་སྒོ་སྐྱོང་དུ་ཏིང་ངེ་འཛིན་གྱིས་དགོད་དོ། །མངོན་པར་རྟོགས་པའི་རིམ་པར་ཕྱེ་བའི་ཞེ་སྡང་གཤིན་རྗེ་གཤེད་ལ་སོགས་པའི་ཕྱག་དང་ཞལ་དང་མདོག་ནི་བསྟན་ཟིན་པ་དང་སྦྱར་བར་བྱའོ། །རིམ་པར་ཕྱེ་བ་དང་པོར་གསུངས་པའི་དཀྱིལ་འཁོར་གྱི་བདག་པོ ་བསྒོམ་པར་བྱ་བ་དེ་དེ་ལྟ་བུ་ཉིད་དུ་བསྒྲུབ་པའི་ཕྱིར་མཁའ་ཨི་དཀྱིལ་འཁོར་བརྩམ་པ་གསུངས་པ་ནི། བྷ་གའི་ལིང་ག་རྣམ་བསྒོམ་བྱ། །དཀྱིལ་འཁོར་བདག་པོ་རྣམ་པར་བསྒོམ། ཞེས་པ་ལ། བྷ་ག་ནི་རྡོ་རྗེ་ཕག་མོའི་བྷ་ག་སྟེ་དེ་ཁོ་ན་ཉིད་ཆོས་ཐམས་ཅད་ཀྱི་འབྱུང་གནས་སུ ་བཤད་ཟིན་ཏོ། །དེ་ཡང་རང་ཉིད་དང་མཚུངས་པའོ། །ལིང་ག་ནི་རང་གི་གསང་བའི་རྡོ་རྗེའོ། །རྣམ་པ་ནི་ལྷའི་འཁོར་ལོ་སྟེ་དེ་དག་ཞུ་བའི་ཐིག་ལེ་བྱང་ཆུབ་ཀྱི་སེམས་རྡོ་རྗེའི་ལམ་ནས་བྷ་ག་ལ་འཕྲོ་བ་བསྒོམ་པར་བྱའོ། །དཀྱིལ་འཁོར་གྱི་བདག་པོ་ནི་གཙོ་བོ་སྟེ་ཞེ ་སྡང་རྡོ་རྗེ་རྣམ་པར་བསྒོམས་པའི་དོན་ནི་འདི་ཡིན་ཏེ། རང་དང་རབ་ཏུ་མཚུངས་པ་དང། །ཡན་ལག་འཁྱུད་ཅིང་བདེ་པའི་གར། །རྡོ་རྗེ་པདྨ་མཉམ་སྦྱར་བས། །བཅོམ་ལྡན་བྷ་གའི་གནས་ན་བཞུགས། ཞེས་བྱ་བའི ་དོན་ཏོ། །འདི་ནི་ཤིན་ཏུ་རྣལ་འབྱོར་གྱིས་སྐབས་སུ་དྲོད་གཤེར་ལས་སྐྱེ་བ་དང། སྒོ་ང་ལས་སྐྱེ་བ་དང། བརྫུས་ཏེ་སྐྱེ་བ་ཡིན་གྱི། བཅོམ་ལྡན་འདས་སྙོམས་པར་ཞུགས་པ་མ་ཡིན་ནོ། །གང་ལ་ལ་དག་གི་འདོད་པ་གསལ་བ་ཡིན་ནོ། །ང་ནི་ཡུམ་གྱི ་པདྨའི་དཀྱིལ་འཁོར་དུ་གསང་བའི་དཀྱིལ་འཁོར་གོ་རིམས་ཀྱིས་རྗེས་སུ་དྲན་པར་བྱ་བ་གསུངས་པ་ཞེ་སྡང་རྗེས་སུ་དྲན་རྣལ་འབྱོར་གྱིས། །གཏི་མུག་རྗེས་དྲན་བསྒོམ་པར་བྱ། །གཏི་མུག་རྗེས་དྲན་ལ་དམིགས་ནས། །ཕྲ་མ་རྗེས་དྲན་བསྒོམ་བར་བྱ། །ཕྲ་མ་རྗེས ་དྲན་རྣལ་འབྱོར་གྱིས། །འདོད་ཆགས་རྗེས་དྲན་བསྒོམ་པ་བྱ། །འདོད་ཆགས་རྗེས་དྲན་རྣལ་འབྱོར་གྱིས། །ཕྲག་དོག་དྲན་བྱ་བ་རྟུལ་ཞུགས་ཅན། །ཞེས་བྱ་བའི་དོན་ནི་གཙོ་བོ་ནས་གོ་རིམ་གྱིས་དྲན་པར་བྱ་སྟེ། འདིར་ཡང། ཇི་ལྟར་སྐྱེས་དང་ལམ ་རིམ་དང། །འཇིག་པའི་ཕྱོགས་དང་ཏིང་ངེ་འཛིན་གྱིས་ཤེས་པ་དང་སྦྱར་བར་བྱ་སྟེ། དང་པོ་ཇི་ལྟར་སྐྱེས་པ་ནི་སུམ་ཅུ་རྩ་གཉིས་པའི་ཡང་མཆོག་ཏུ་གྱུར་པའི་ཕྱིར་དང། རྗེས་སུ་མཐུན་པའི་འཁོར་ལོ་ལ་ཀE་ཡཀྵེ་མེ་དྷ་གོ་རིམས་སུ་བསྐྱེད་པའི་ཕྱིར་རོ། །གཞན ་དག་ནི་དེ་དང་མཚུངས་པར་སྦྱར་རོ། །གཞན་ཡང་གཙོ་བོ་ནི་ཆོས་ཀྱི་དབྱིངས་ཀྱི་བདག་ཉིད་ཚེ་ཆོས་ཀྱི་སྐུའོ། །དེ་ལ་ལོངས་སྤྱོད་རྫོགས་པ་དང་སྤྲུལ་པའི་སྐུ་འབྱུང་བས་ན་གཏི་མུག་ལ་སོགས་པའི་གོ་རིམས་འདི་ཉིད་རིགས་སོ། །ལམ་གྱི་རིམ་པ་དང་སྦྱར་བ ་ནི་སྙིང་པོའི་རྒྱུད་འདི་ཉིད་ཞེ་སྡང་ལམ་དུ་བྱེད་པའི་ཕྱིར་ཞེ་སྡང་སྔོན་དུ་འགྲོ་བར་རིགས་སོ། །དེའི་རྟགས་བཅོམ་ལྡན་འདས་ཀྱི་སྐུ་མདོག་མི་འགྱུར་བ་ནི་ཆོས་ཀྱི་དབྱིངས་ཀྱི་ཡེ་ཤེས་ཏེ་གཏི་མུག་ལ་སོགས་པ་བཞི་ནི་ཉོན་མོངས་པ་རགས་པའི་རིམ་པས ་གཞག་པ་ཡིན་ལ་དེ་ཉིད་རྣམ་པར་དག་པ་ནི་གཏི་མུག་རྡོ་རྗེ་གཤིན་རྗེ་གཤེད་ལ་སོགས་པ་བཞི་སྟེ། དང་པོ་སྣ་ཚོགས་ལྷའི་འཁོར་ལོ་གསལ་བར་བསྒོམ་པ་དང། དེ་དག་ཐམས་ཅད་རང་བཞིན་གྱི་ཆོས་གཅིག་མཉམ་པ་དང། དེ་བཞིན་གཤེགས ་པའི་རིགས་ལྔར་འབྱུང་བ་དང་སྣ་ཚོགས་པའི་ཕྲིན་ལས་ཀྱིས་སེམས་ཅན་གྱི་དོན་དུ་འཇུག་པའི་ཕྱིར་གོ་རིམས་འདི་ཉིད་རིགས་སོ། །འཇུག་པ་ནི་གང་དག་གཙོ་བོ་ལ་དམིགས་པ་སྟེ་དེ་ཡང་ཤར་ནས་བརྩམས་ནས་ཉེ་བར་འཇུག་པའི་ཕྱིར་རོ། །གོང་དུ་བསྟན་པ་ནི་ལས་ཀྱི ་འཁོར་ལོའི་དུས་སུ་འཇུག་པ་དང་དབང་བསྐུར་བ་དེ་ལྟར་བྱ་བའི་ཐེ་ཚིག་གོ་།ཏིང་ངེ་འཛིན་ནི་བཤད་པའི་རྒྱུད་རྡོ་རྗེ་ཕྲེང་བ་ལས། རྒྱལ་པོས་ཁྲི་བཟུང་འཁོར་གྱིས་འཚོ་བ་རྙེད། །རྣམ་པར་ཤེས་པ་ཕུང་པོ་ལྔ་ཡི་གཙོ། །སྦྱོར་བ་དང་པོས་གཙོ་བོ་གསལ་བྱས་ཏེ། །མི ་སྐྱོད་པ་ཡི་རྣལ་འབྱོར་དག་པ་ཡི། །རྡོ་རྗེ་སེམས་དཔའ་ལ་སོགས་གོ་རིམས་བསྒོམས། །ཞེས་བྱ་བ་དང་འབྲེལ་ཏོ། །གཞན་ཡང་ཕྱོགས་དེ་ཉིད་གསལ་བར་བྱ་བའི་ཕྱིར་མངོན་པར་རྟོགས་པར་ཕྱེ་བ་ལས། ཟླ་བ་རྡོ་རྗེ་སྦྱོར་བ་ཡིས། །གཤིན་རྗེ་འཇོམས་བར་བསྒོམ ་པར་བྱ། ཞེས་བྱ་བའི་ཕྱིར་ཞེ་སྡང་རྡོ་རྗེ་སྔོན་དུ་དྲན་པར་རིགས་སོ། །གལ་ཏེ་བྱང་ནས་ཉེ་བར་བརྩམས་པར་བྱ་བ་ནི་མཆོག་སྟེ། བདེ་མཆོག་འཁོར་ལོ་ལས་རྙེད་པའི་ཆོ་ག་བཞིན་ནོ་ཞེ་ན། བདེན་ཏེ་དེ་ན་ནི་ཤེས་རབ་ཀྱི་རྒྱུད་དེ་ཉིད་སྒྲུབ་པར་བྱེད་པའི་ཆོ་ག ་སྟེ། དགྱེས་པ་རྡོ་རྗེའི་རྒྱུད་ལས། ལ་ལ་ཐབས་ཀྱི་རང་བཞིན་ཏེ། །ར་ས་ཤེས་རབ་རྣམ་པར་སྨིན། ། བ་དྷཱུ་ཏཱི་རྟོག་མེད་མྱོང། །ཞེས་བྱ་བའི་ཕྱིར་ཤེས་རབ་ཀྱི་རྒྱུད་ནི་གཡོན་ནས་བརྩམ་པར་རིགས་སོ། །འདི་དག་ནི་དཔལ་གསང་བ་འདུས་པ་དང་རྗེས་སུ ་མཚུངས་པ་སྟེ་ཐབས་དང་མཚུངས་པ་ཉིད་ཀྱི་ཕྱིར་ཤར་ནས་གཡས་ཕྱོགས་སུ་གོ་རིམས་ཉིད་ཀྱིས་དྲན་པར་བྱའོ། །ཚིག་གི་དོན་ནི་ལེའུ་དང་པོ་ལས་ཤེས་པར་བྱའོ། །བརྟུལ་ཞུགས་ཅན་ཞེས་བྱ་བ་ནི་ཏིང་ངེ་འཛིན་རྣམ་པར་གནོད་པའི་ཚུལ་དུ་ཆོ་ག་མ? ་ཉམས་པ་ཉིད་ལེགས་པར་སྦྱངས་པའོ། །ད་ནི་གསང་བའི་དཀྱིལ་འཁོར་སྤྲོ་བར་བྱ་བ་གསུངས་པ། སོ་སོ་རིགས་ཀྱི་སྤྲིན་རྣམས་ནི། །བ་སྤུ་ཁུང་ན་སྤྲོ་བར་བྱ། ཞེས་པ་ལ། སོ་སོ་རིགས་ནི་ཞེ་སྡང་ལ་སོགས་པ་རྣམ ་པར་དག་པས་རྡོ་རྗེ་རིགས་ལ་སོགས་པ་ལྔ་དང་སྐུ་ལ་སོགས་པ་གསུམ་མོ། །ཀྱི་ནི་རྗེས་སུ་མཐུན་པའོ། །སྤྲིན་ནི་སྤྲིན་དང་མཚུངས་པ་སྟེ། །ཕལ་ཕྱེ་བའོ། །རྣམས་ནི་རིགས་ཀྱི་སྤྲུལ་པའོ་རང་ལས་བྱུང་བའི་གཟུགས་དེ་ཉིད་ཀྱི་བ་སྤུའི་བུ་གའི་ཁུང་ལས ་སྤྲོས་པའི་གཟུགས་ཀྱིས་རང་དང་མཚུངས་པའི་དོན་བྱས་ཤིང་སོ་སོའི་ཁྱད་པར་གྱིས་རྟེན་ལ་དགོད་དོ། གཏི་མུག་རྡོ་རྗེ་མངོན་དུ་གསལ་བར་བྱས་པའི་དཀྱིལ་འཁོར་བའི་གདན་གསུངས་པ། ཉི་མའི་དཀྱིལ་འཁོར་དབུས་སུ་ནི། །གཏུམ་པོའི་ཁྲོ་བོ་བསྒོམ ་པར་བྱ། །ཟླ་བའི་དཀྱིལ་འཁོར་དབུས་སུ་ནི། །ལྷ་མོ་བཞི་པོ་རབ་བསྒོམ་བྱ། ཞེས་པ་ལ་ཉི་མ་ནི་བྱང་ཆུབ་སེམས་རྒྱས་པ་ཉིད་ཀྱིས་སོ། །དེ་ལས་གཞན་པའི་མེ་ལོང་ལྟ་བུའི་ཡེ་ཤེས་ཀྱི་རང་བཞིན་དང། ཞི་བའི་འཕྲིན་ལས་དང་རྗེས་སུ་མཐུན་པ ་ཉིད་དང། དབང་བསྐུར་བ་ལ་སོགས་པའི་སྔོན་དུ་སེམས་བསྐྱེད་པ་ཉིད་འགྲོ་བས་སོ། །ཟླ་བའི་དཀྱིལ་འཁོར་བཞི་ནི་བྱམས་པ་ལ་སོགས་བ་ཞེ་སྡང་དང་ཕྲག་དོག་དང་སེར་སྣ་དང་མངོན་དུ་རྒྱུ་ངན་པ་ཐ་དད་པ་བག་ཆགས་ཀྱི་དྲི་མ་ཚངས་པའི་ཕྱིར་དང ་རིག་པ་ལ་བརྟེན་ཏེ་བྱང་ཆུབ་སེམས་ཀྱི་མྱུ་གུ་ཉེ་བར་འཕེལ་བར་བྱེད་པ་ཉིད་ཀྱི་ཕྱིར་དང་ཤེས་རབ་ཉེ་བར་འཛིན་པའི་ཕྱིར་དང། ཀུན་རྫོབ་བྱང་ཆུབ་ཀྱི་སེམས་ཀྱི་མཆོད་བའི་རྣམ་པར་འཕྲུལ་པའི་ཕྱིར་འདི་ཉིད་རིགས་སོ། །དེ་བཞིན་གཤེགས་པ ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་པོ་དང་པོའི་རྒྱུད་བཤད་ཟིན་ཏོ། །རྗེས་སུ་དྲན་པ་ནི་གོ་རིམས་ཀྱིས་གསལ་བར་བྱས་པའོ། །བསྒོམ་པའི་མཚན་ཉིད་ནི་མཚན་གྱིས་རྣམ་པར་ཕྱེ་བ་སྟེ་སྐྱོན་དང་བྲལ་བའོ། །བཅུ?་པ་ནི་དགུ ་པས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བཅུ་པ་གསལ་བར་བྱས་པའོ།། །།དེ་ལྟར་བསྒོམས་པའི་རིམ་པས་བསྐྱེད་པའི་རིམ་པ་བསྟན་པ་དང། མཐར་ཕྱིན་པར་བྱས་ནས་མཚན་མ་འབྱུང་བར་འགྱུར་ཏེ། དེ་དག ་ཀྱང་གང་ཞེ་ན། ལྷའི་ཞལ་མཐོང་བ་དང། ཆོས་དང་ལུང་སྟོན་པ་དང། རང་གི་སེམས་དག་པ་དང། བུམ་པ་ནམ་མཁའ་ལ་འཇོག་ནུས་པ་དང། དཀྱིལ་འཁོར་སློངས་པ་དང། ཡེ་ཤེས་ཕེབས་པ་དང། རྐྱེན་དུ་མ་ཞི་བ་ལ་སོགས་པའི་མཚན་ཉིད་ཐོབ ་པས་རྣལ་འབྱོར་ཆེན་པོ་བསྒྲུབ་པའི་ཕྱིར་རིག་པ་བརྟུལ་ཞུགས་ཀྱི་སྤྱོད་པ་བརྩམ་པར་བྱ་སྟེ། དེ་ཡང་ཐེག་པ་ཆེན་པོའི་དགེ་བའི་རྩ་བ་ཐམས་ཅད་ནི་སེམས་ཅན་རྗེས་སུ་བརྩེ་བའི་ཕྱིར་བྱེད་པ་སྟེ། དེའི་ཕྱིར། སྙིང་རྗེ་ཆེན་པོས་དམིགས་པ་བྱས་ནས། སེམས ་ཅན་དོན་དུ་རྗེས་སུ་བརྩེ། །བསོད་ནམས་ཡོངས་སུ་རྫོགས་པར་བྱ། །དམ་པའི་ཡོན་ཏན་འདི་རྙེད་འགྱུར། ཞེས་པའི་ཕྱིར་འདི་ཡང་དམིགས་པ་མེད་པའི་སྙིང་རྗེ་ཆེན་པོ་དག་གིས་སྤྱོད་པའི་རིམ་པར་ཕྱེ་བར་གསུངས་པ། ཞེ་སྡང་གིས་མནན་འགྲོ་མཐོང ་ནས། ཞེ་སྡང་གཤིན་རྗེ་གཤེད་གཟུགས་སུ། །བཅོམ་ལྡན་གཤིན་རྗེའི་དབང་གིས་མཛད། །ཅེས་པ་ལ་ཞེ་སྡང་ནི་སེམས་ཅན་ཕན་ཚུན་མི་དགའ་བའོ། །དེ་དག་གིས་དགྲར་གྱུར་ཅིང་མནར་སེམས་རྣམ་པ་དགུ་སྐྱེད་པར་བྱེད་དོ། །དེས་མནན་པ་ན ་སེམས་ལ་ཤིན་ཏུ་ཁྱབ་པའོ། །འགྲོ་བ་ནི་སྣ་ཚོགས་པ་སྟེ་ཕལ་ཆེར་རིགས་དྲུག་གོ་།དེ་ལྟ་བུ་ཤིན་དུ་སྡུག་བསྔལ་གྱིས་གདུངས་པ་མཐོང་ནས་བདེ་བ་དང་སྟོང་པ་གཉིས་སུ་མེད་པའི་ཡེ་ཤེས་ལ་སེམས་ཅན་དེ་དག་གཞུག་པར་བྱ་བའི་དོན་དུ་ཞེ་སྡང ་གཤིན་རྗེ་གཤེད་ཀྱི་གཟུགས་སུ་མཛད་དོ། །དེའི་ཁྱད་པར་ཅི་ལྟ་བུ་ཞེ་ན་བཅོམ་ལྡན་འདས་ཀྱི་སེམས་ཅན་ཐམས་ཅད་ཞེ་སྡང་རྒྱུན་ཆགས་པར་གཟིགས་ཏེ་དེ་དག་ཐམས་ཅད་ཚར་བཅད་ནས་ཐུགས་རྗེའི་དབང་གིས་ཞེ་སྡང་ཐམས་ཅད་ཟད་པར་བྱེད ་པའོ། །གལ་ཏེ་གཉིས་སུ་མེད་པ་ལས་ཞེ་སྡང་རྡོ་རྗེ་ལ་སོགས་པ་འབྱུང་བར་མི་རིགས་ཏེ། སྤྲོས་བྲལ་དང་སྤྲོས་བཅས་ཤུགས་ཀྱིས་འགའ་?་ཞེ་ན་མ་ཡིན་ཏེ། བཅོམ་ལྡན་འདས་འགྲོ་བའི་སྣང་བ་ལས་འབྱུང་བ་ནི ་སྙིང་རྗེ་ཆེན་པོ་དང་རེ་བ་མེད་པའི་སྨོན་ལམ་གྱིས་དབང་གིས་མཛད་པའོ། །གཏི་མུག་གིས་མནན་འགྲོ་མཐོང་ནས། གཏི་མུག་གཤིན་རྗེ་གཤེད་གཟུགས་སུ། །བཅོམ་ལྡན་སྙིང་རྗེ་ཅན་མཛད་ནས། གཏི་མུག་ཐམས་ཅད་ཟད་པར་མཛད། ཅེས་པ ་ལ། གཏི་མུག་ནི་མ་རིག་པ་སྟེ། ཐ་དད་ཀྱི་བག་ཆགས་སྐྱེད་པའི་རླུང་འབྱུང་བའི་གནས་སོ། །དེ་དག་གི་སེམས་ཅན་ཐམས་ཅད་ཀྱི་སེམས་ཁྱད་པར་མནན་པའི་འགྲོ་བ་རྣམས་མཐོང་ནས་གཏི་མུག་གཤིན་རྗེ་གཤེད་ཀྱི་གཟུགས་སུ་མངོན་བར ་མཛད་དེ། དེ་དག་གི་མཐུས་གཏི་མུག་རྣམ་པར་དག་པས་གཏི་མུག་ཐམས་ཅད་དབྱེར་མི་ཕྱེད་པའི་ཡེ་ཤེས་གཏི་མུག་ཆེན་པོ་ཉིད་ཀྱིས་ཟད་པར་མཛད་དོ། །དེ་ཡང་བཅོམ་ལྡན་འདས་ཉིད་ཀྱིས་སྙིང་རྗེ་ཅན་ནི་སྨོན་ལམ་སྟེ། །དེ་དག་གིས ་མཛད་ནས་སོ། །འགྲོ་བ་ཕྲ་མས་མནན་མཐོང་ནས། །ཕྲ་མ་གཤིན་རྗེ་གཤེད་གཟུགས་སུ། །བཅོམ་ལྡན་སྙིང་རྗེ་ཅན་གྱིས་མཛད། །ཕྲ་མ་ཐམས་ཅད་ཟད་པར་མཛོད། །ཅེས་པ་ལ། འགྲོ་བ་ནི་སེམས་ཅན་ཐམས་ཅད་དོ། །ཕྲ་མ་ནི་འདུམ ་པ་མེད་པའོ། །དེ་དག་གིས་སེམས་ཅན་ཐམས་ཅད་ཀྱི་སེམས་ཁྱབ་པར་མནན་པར་མཐོང་ནས་ཕྲ་མ་གཤིན་རྗེ་གཤེད་ཀྱི་གཟུགས་ཀྱིས་ཕྲ་མ་ཐམས་ཅད་ཟད་པར་མཛད་དོ། །བཅོམ་ལྡན་འདས་དེ་དག་ཀྱང་སྙིང་རྗེ་དང་ནི་སྨོན་ལམ་སྟེ། དེ་ཉིད་ཀྱི ་རྒྱུན་གྱིས་སེམས་ཅན་གྱི་དོན་མཛད་དོ། །འདོད་ཆགས་ཀྱིས་མནན་འགྲོ་མཐོང་ནས། །འདོད་ཆགས་གཤིན་རྗེ་གཤེད་གཟུགས་སུ། །བཅོམ་ལྡན་སྙིང་རྗེ་ཅན་མཛད་ནས། །འདོད་ཆགས་ཐམས་ཅད་ཟད་པར་མཛད། །ཅེས་པ་ལ། འདོད་ཆགས ་ནི་ཡུལ་ལ་རབ་ཏུ་ཞེན་པའོ། །མངོན་དུ་རྒྱུ་བག་ཆགས་དང་བཅས་པའོ། །དེ་དག་གིས་སེམས་ཁྱབ་པར་གནས་པའི་འགྲོ་བ་རྣམས་མཐོང་ནས་འདོད་ཆགས་གཤིན་རྗེ་གཤེད་ཀྱི་གཟུགས་སུ་སྤྲུལ་ཏེ་སྤྱོད་པ་མཛད་པས་དེ་དག་གི་མཐུས་སེམས་ཅན་ཐམས ་ཅད་ཀྱི་འདོད་ཆགས་ཟད་པར་མཛད་དོ། །བཅོམ་ལྡན་འདས་ཀྱི་གཟུགས་དེ་དག་ཀྱང་སྙིང་རྗེ་དང་སྨོན་ལམ་སྟེ། དེ་དག་གི་དབང་གི་མཛད་ནས་སོ། །ཕྲག་དོག་གིས་མནན་འགྲོ་མཐོང་ནས། །ཕྲག་དོག་གཤིན་རྗེ་གཤེད་གཟུགས་སུ། །བཅོམ་ལྡན ་སྙིང་རྗེ་ཅན་མཛད་ནས། །ཕྲག་དོག་ཐམས་ཅད་ཟད་པར་མཛད། །ཅེས་པ་ལ་ཕྲག་དོག་ནི་གཞན་གྱི་ཡོན་ཏན་པ་འདི་འཁྲུག་པའོ། །དེ་དག་གིས་སེམས་ཅན་གྱི་ཡིད་ཁྱབ་པར་མནན་པའི་འགྲོ་བ་རྣམས་མཐོང་ནས། རྣལ་འབྱོར་པས་ཕྲག་དོག ་གཤིན་རྗེ་གཤེད་ཀྱི་གཟུགས་སུ་སྤྲུལ་ཏེ་དེའི་མཐུས་སེམས་ཅན་གྱི་ཕྲག་དོག་ཐམས་ཅད་ཟད་པར་བྱས་སོ། །བཅོམ་ལྡན་འདས་དེ་ཉིད་ཀྱང་སྙིང་རྗེ་ཆེན་པོ་ཅན་གྱི་རེ་བ་མེད་པའི་སྨོན་ལམ་སྟེ་དེ་དག་གི་དབང་གིས་མཛད་ནས་སོ། །གལ་ཏེ་ལམ་དང་འབྲས ་བུའི་དུས་བརྟག་པར་བྱ་སྟེ་སྤྱོད་པ་ལ་དགོས་པ་མེད་པ་འམ་ལམ་གྱིས་དུས་སུ་སྤྲུལ་མི་ནུས་སོ། །ཞེ་ན་བདེན་ཏེ། སྙིང་རྗེ་དང་སྨོན་ལམ་གྱི་དབང་གིས་འབྱུང་བ་ནི་འབྲས་བུའི་དུས་ཡིན་ལ། མཉམ་བཞགས་རྗེས་ཐོག་ཏུ་སྤྲུལ་པ་ནི་ལམ་གྱི་དུས་སུའོ ་གལ་ཏེ་ལམ་གྱི་དུས་སུ་རིགས་པ་མ་ཡིན་པ་ནི་བློན་པོས་རྒྱལ་པོ་བྱས་པ་བཞིན་ནོ་ཞེ་ན། མ་ཡིན་དེ། ཕ་རོལ་ཏུ་ཕྱིན་པ་དག་གི་འབྲས་བུའི་གནས་ཐབས་གསང་སྔགས་ཀྱི་ལམ་དུ་བྱེད་པ་སྟེ། དེའི་ཕྱིར་དེ་ཉིད་དུ་རིགས་སོ། །དེ་ཡང་བཤད་ ་པའི་རྒྱུད་ལས། དེ་ཡི་རང་བཞིན་དེ་ཡིན་ཕྱིར། །དེ་ཡི་ནུས་པ་དེ་ལ་གནས། །དེ་ཕྱིར་དེ་ཡི་ང་རྒྱལ་ནི། །ལམ་ཉིད་ལས་ནི་བསྒོམ་པར་བྱ། ཞེས་གསུངས་པའི་ཕྱིར་དང། ཡང་དེ་ཉིད་ལས། ཐབས་ཆེན་རྣམས་དང་ལྡན་པ་ལས། ། ་ཉོན་མོངས་བྱང་ཆུབ་ཡན་ལག་འགྱུར། །སྔགས་ཀྱིས་བསད་པའི་དུག་བཞིན་དུ། །འཁོར་བཞི་བའི་བདག་ཉིད་དོ། །ཞེས་བྱ་བའི་ཕྱིར་རོ། །གལ་ཏེ་རྣལ་འབྱོར་པ་གང་ལ་བབ་པའི་ལྷ་ཉིད་ཀྱི་སྦྱོར་བ་ནི་བགྱིས?་ཚེ ་གཞན་དང་གཞན་གྱི་ང་རྒྱལ་ནི་མི་རིགས་སོ་ཞེ་ན། །འདི་དག་ནི་སེམས་ཀྱི་ཁྱད་པར་ལ་རག་ལས་པ་སྟེ་གསང་བའི་སྤྱོད་པའི་དུས་སུ་རིགས་ཀྱི་ང་རྒྱལ་གྱི་སྤྱོད་པ་བྱ་ཞིང་རིག་པ་བརྟུལ་ཞུགས་ཀྱི་ངོ་བོ་སྤྱོད་པའི་དུས་སུ་གདུལ་བྱ་ནི་ཡུལ་ལ་ཤིམ?་པའི་སྦྱོར ་པ་བྱའོ། །དེ་ཅིའི་ཕྱིར་ཞེ་ན། གསང་སྤྱོད་ནི་བདག་ཉིད་བྱིན་གྱིས་རློབ་པའི་ཚད་དུ་བྱེད་པ་ཡིན་ཞིང། །རིག་པ་བརྟུལ་ཞུགས་ཀྱི་སྤྱོད་པ་ནི་གཞན་གྱི་དོན་དུ་སྤྱོད་པ་སྣ་ཚོགས་པ་ཡི་ཤེས་ཀྱི་ངོ་བོར་ལོངས་སྤྱོད་པ་སྟེ་དུ་མ་དུ་མའི་ཁྱད་པར་ཡེ་ཤེས་ཀྱི་ངོ ་བོར་རྟོགས་པའོ། །གཞན་ཡང་རྣལ་འབྱོར་པ་རྣམས་ཀྱིས་རྣམ་པར་དག་པའི་ངོ་བོར་གསུངས་པ་ནི། བྱམས་པ་ཙར་ཏསྩི་ཀ་གསུངས་ཏེ། །སྙིང་རྗེ་དེ་བཞིན་ཕག་མོའོ། །དབྱངས་ཅན་མ་ནི་དགའ་བ་སྟེ། བཏང་སྙོམས་གོ་རི་ཡི་གཟུགས་སོ། །ཞེས་པ ་ལ་སེམས་ཅན་ཐམས་ཅད་ལ་བྱམས་པ་དང། བདེ་བ་སྒྲུབ་པ་ནི་བྱམས་པ་སྟེ་ཙར་ཏསྩི་ཀ་ནི་རྡོ་རྗེ་སེམས་མའོ། །གདུལ་བྱ་ཞེ་སྡང་གིས་མནན་པ་དག་ལ་གཙོ་བོ་དང་མཐུན་བར་རྗེས་སུ་སྦྱོར་རོ། །སྙིང་རྗེ་ནི་སེམས་ཅན་ཐམས་ཅད་ཀྱི་སྡུག་བསྔལ་དང་སྡུག ་བསྔལ་གྱི་རྒྱུ་དང་འབྲལ་བར་འདོད་པའོ། །དེའི་རང་བཞིན་ནི་རྡོ་རྗེ་ཕག་མོ་སྟེ་ཞེ་སྡང་རྡོ་རྗེ་དང་མཚུངས་པར་སྦྱར་རོ། །དགའ་བའི་སེམས་ཅན་རྣམས་ཀྱིས་སེམས་ངོ་བོ་མེད་པར་རྟོགས་ནས་སྐད་ཅིག་མ་དེ་ཉིད་ལ་ནུས་པ་མ་ལུས་པར་རྟོགས་པ་ལ་དགའ་ ་བའི་སེམས་སོ། །དེའི་རང་བཞིན་ནི་རྡོ་རྗེ་དབྱངས་ཅན་མའོ། །འདོད་ཆགས་རྡོ་རྗེ་དང་མཚུངས་པར་སྦྱར་རོ། །བཏང་སྙོམས་ནི་བདེ་བ་དང་སྔག་བསལ་དང། སྙེད་པ་དང་མ་རྙེད་པ་དང། གྲགས་པ་དང་མ་གྲགས་པ་དང། སྨད་པ་དང་བསྟོད་པའི་འཇིག ་རྟེན་གྱི་ཆོས་བརྒྱད་ལ་སེམས་མཉམ་པ་ཉིད་དོ། །དེའི་རང་བཞིན་ནི་རྡོ་རྗེ་གཽ་རཱིའི་གཟུགས་ཏེ་ཕྲག་དོག་རྡོ་རྗེ་དང་གཉིས་སུ་མེད་པར་མཚུངས་པར་སྦྱར་རོ། །མངོན་པར་རྟོགས་པའི་སྐབས་སུ་ཤིན་ཏུ་རྣལ་འབྱོར་གྱི་ལྷ་ཚོགས་བསྐྱེད་པར་བྱེད་པའི་རྒྱུ་ནི་གང་ཞེ་ན། ་གསུངས་པ། །བདག་ཉིད་དངོས་པོ་ཐམས་ཅད་ཀྱི། །རྫོགས་པར་བྱས་ནས་དཀྱིལ་འཁོར་ནི། །རྣལ་འབྱོར་སྙིང་གའི་ས་བོན་སྤྲོ། །འགྲུབ་པར་འདི་ལ་ཐེ་ཚོམ་མེད། ཅེས་པ་ལ། བདག་ཉིད་ནི་དཀྱིལ་འཁོར་གྱི་བདག་པོ་སྟེ། །དངོས་པོ་ནི་ཆོ་གའི་ཡན་ལག་གོ ་ཐམས་ཅད་ཀྱིས་ཤེས་བྱ་བ་ནི་དང་པོའི་རྣལ་འབྱོར་དང་རྗེས་ཀྱི་རྣལ་འབྱོར་རོ། །དེ་ཉིད་ཀྱིས་བདག་ཉིད་རྫོགས་པར་བྱས་ནས་དཀྱིལ་འཁོར་ནི་བསྐྱེད་པར་བྱ་བ་ལའོ། །རྣལ་འབྱོར་སྙིང་གའི་ས་བོན་ནི་ཡི་གེ་ཡ་སྟེ། དེ་ལས་འཕྲོས་པའི་འོད་ལས་སྣ་ཚོགས་པའོ ་དེའི་འོད་ཀྱིས་དེ་བཞིན་གཤེགས་པ་ཐམས་ཅད་བཀུག་ནས་ཁར་ཞུགས་པས་སྙིང་གའི་ས་བོན་ལས་ཞུ་བར་གྱུར་ཏེ། །དེའི་བྱང་ཆུབ་ཀྱི་སེམས་ཀྱི་རྒྱུ་རྡོ་རྗེ་ལམ་ནས་པདྨའི་ལྟེ་བ་ལ་སྤྲོས་པ་ལས་བསྐྱེད་པར་བྱའོ། །གོང་གི་མཚན་མ་ཐོབ་པའི་སྤྱོད་པ་དེ་དག ་ནི་ཆོས་ཐམས་ཅད་རང་དབང་དུ་གྱུར་པ་བྱས་པ་ཡིས་ཡེ་ཤེས་ཅུང་ཞིག་ལ་དབང་ཐོབ་པའི་རྣལ་འབྱོར་པ་སྟེ། །ཡང་དག་པའི་ཡེ་ཤེས་ཀྱི་ཕྱག་རྒྱ་ཆེན་པོའི་དངོས་གྲུབ་བསྒྲུབ་པའི་ཕྱིར་རིག་པ་བརྟུལ་ཞུགས་ཆེན་པོའི་སྤྱོད་པ་བརྩམ་པར་བྱ་སྟེ། དེ་ནས་ད་ན ་བཤད་བྱ་བ། །སྤྱོད་པ་ཡིན་མཚན་ཉིད་མཆོག་།གཤིན་རྗེ་གཤེད་པོ་འཇིགས་གཟུགས་ཀྱིས། །སྐུ་དང་གསུང་དང་ཐུགས་སུ་འགྲུབ། ཅེས་བྱ་བ་ལ། སྤྱོད་པ་ནི་ཆེད་དུ་བྱ་བའི་ངོ་བོ་ཉིད་དོ། །མཚན་ཉིད་ནི་ཅི་ཞེ་ན། མཆོག་སྟེ་བདག་དང་གཞན་གྱི་དོན ་ངེས་པར་བསྒྲུབ་པའི་ཕྱིར་རོ། །དེ་ཡང་གང་གིས་བྱ་བ་ཡིན་ཞེ་ན། གཤིན་རྗེ་གཤེད་ནག་འཇིགས་པ་ལ། །གཟུགས་ཀྱི་བྱ་སྟེ་ཉོན་མོངས་པ་ཐམས་ཅད་འཇིགས་པར་མཛད་པས་ན་འཇིགས་གཟུགས་ཀྱིས་སོ། །དགོས་པ་གང་གི་དོན་དུ་སྤྱོད་པ་བྱེད་ཅེ ་ན་དངོས་གྲུབ་བསྒྲུབ་པའི་དོན་དུ་སྟེ། དྲག་པོ་དང་ཞི་བ་ལ་སོགས་པའི་རྣམ་པའི་སྐུའི་སྦྱོར་བ་ཉིད་ནི་སྤྲུལ་པའི་སྐུའི་གཟུགས་སོ། །གདུལ་བྱ་ཇི་ལྟར་འདོད་པ་བཞིན་དུ་ཁ་སྦྱོར་ལ་སོགས་པ་ལོངས་སྤྱོད་རྫོགས་པའི་སྐུས་ཆོས ་སྟོན་པ་ནི་གསུངས་སོ། །སྤྲོས་པ་དང་བྲལ་བ་ནི་ངོ་བོ་ཉིད་བདེ་སྟོང་དབྱེར་མི་ཕྱེད་པར་རྟོག་པ་མ་ལུས་པ་ནུས་པར་གྱུར་པ་རང་བཞིན་མེད་པའི་ངོ་བོ་ཉིད་ཀྱི་སེམས་ནི་ཆོས་ཀྱི་སྐུའོ། །དེ་དག་ནི་ཐུགས་ཏེ་བསྒྲུབ་པ་སྟེ་སྐྱེ་བ་འདི་ཉིད་ཀྱིས་ཐོབ་བར་གྱུར་པའོ ་དེ་དག་ཀྱང་གནས་ཇི་ལྟ་བུར་བསྒྲུབ་ཅེ་ན། དགོན་པ་ཆེན་པོའི་ས་ཕྱོགས་སུའོ། །ཞེས་བྱ་བ་ལ་དགོན་པ་ཆེན་པོ་སྟོང་པ་མིས་ཁྱད་པར་དུ་དབེན་པའམ་དུར་ཁྲོད་དོ། །ས་ཕྱོགས་ནི། སྦད་ལྗོངས་དང་ནི་ན་ཀླུང་དང། །ནགས་ཚལ་གསང་བའི་ས་ཕྱོགས་དང ་རི་བོ་སུ་ལ་དང་དགའ་བའི་ཞིང། །ཞེས་པ་ལ་སོགས་པའོ། །སྤྱོད་པ་ཇི་ལྟར་བྱ་ཞེ་ན། མ་ཧེ་མཆོག་ནི་བཀུག་ལ་ཞོན། །སྦྲུལ་དག་གིས་ནི་རྣམ་པར་བརྒྱན། །ལྕགས་ཀྱི་རྡོ་རྗེ་བཟུང་བར་བྱ། །སྐྲ་ཡང་སེར་པོ་དག་ཏུ་བྱ། །གྱེན་བརྫེས་པ་ཡི་ཁྱད ་པར་གྱིས། །མགོ་ལ་ཐོད་པ་ཡང་དག་བསྐོར། །སྨ་ར་ཀོས་སྤུ་སེར་པོར་བྱ། །ཧྲཱི(རྒྱུད་འགྲེལ་ནི་ཏིང་ངེ་འཛིན་གྱི་བསྡུ་བས་བཀུག་ལ། ཞོན་པ་ནི་འཁོར་བ་ལ་ཉེ་བར་འཛིན་པའི་བརྡའོ། །སྦྲུལ་ནི་ཀླུའི་རྒྱལ་པོ་མཛའ་ཡས་མདོག་སྔོན་པོ་ལ་སོགས་པ་བརྒྱད་ཀྱིས་མགོ་ལ་སོགས་པའི་གནས་རྣམ་པར་བརྒྱན་པའོ། །ལྕགས་ཀྱི་རྡོ་རྗེ་རྩེ་ལྔ་པ་དག ་ཞེ་སྡང་ལམ་དུ་བྱ་བའི་ཕྱིར་དང། དབྱེར་མི་ཕྱེད་པའི་ཡེ་ཤེས་ཀྱི་བརྡར་བཟུང་བར་བྱའོ། །སྐྲ་སེར་པོ་རབ་ཏུ་བྱ་བ་ནི་སྲིན་པོའི་རྟགས་ཏེ་ཞེ་སྡང་ལ་སོགས་པ་གསོད་པ་ཉིད་ཀྱི་བརྡའོ། །གྱེན་ལ་བརྫེས་པའི་ཁྱད་པར་ནི་འཁོར་བའི་སྐྱོན་གྱི་གོས་པ་མེད ་ཅིང་འཁོར་བའི་མཚན་ཉིད་ཤེས་པས་འཁོར་བ་ནས་ངེས་པར་འབྱུང་བའོ། །མགོ་ལ་ཐོད་པས་ཡང་དག་པར་བསྐོར་བ་ནི་དྲུག་སྟེ་རིགས་རྣམ་པ་ལྔ་དང་རྡོ་རྗེ་སེམས་དཔའ་ཨི་རིགས་ཀྱིས་རྒྱས་གདབ་སྟེ། ཡེ་ཤེས་ལྔ་དང་བདེ་པ་ཆེན་པོས་ཤེས་པ ་བྱའོ། སྨ་ར་དང་ཀོས་སྤུ་སེར་པོར་བྱ་བ་ནི་གདུག་པ་ཅན་མ་ལུས་པ་ཚར་བཅད་ཅིང་འདུལ་བར་བྱེད་པ་སྟེ། ཞེ་སྡང་ལམ་དུ་བྱེད་པ་ཉིད་ཀྱི་ཁྲོ་བོའི་རྟགས་སོ། །ཧྲཱི(རྒྱུད་འགྲེལ་པ་བསྐྱེད་བར་བྱ་བའི་དོན་ཏོ། །ལྕགས་ཀྱི་རྡོ་རྗེ་ནམ་མཁའ་ལ་གསོར་བ་ནི་སེམས་ཀྱི་རྡོ་རྗེ་བསྡོད་པར་བྱ་བའི་ཕྱིར་དང། བར་དུ་གཅོད་པ་གང་དེ་ཉིད་དེ་མ་ཐག་ཏུ་བཟློག་པར་བྱ་བའི་ཕྱིར་དང་ཕྱི་རོལ་པ་མངོན་པར་གདུལ་བར་བྱ་བའི་ཕྱིར་དང། ཡེ་ཤེས་ཆེན ་པོས་གཟེངས་བསྟོད་པར་བྱ་བའི་ཕྱིར་རོ། །སྤྱོད་པ་དེ་དང་ལྡན་པ་ལ་ཁྱད་པར་གྱི་མིང་གདགས་པར་བྱ་སྟེ། རྡོ་རྗེ་གཤིན་རྗེ་གཤེད་སྦྱོར་བས། །སེང་གེ་སྒྲ་ཡང་དེ་ལ་བྱ། །ཞེས་པ་ནི་རྡོ་རྗེ་ནི་གང་དུ་ཡང་མི་རྟོག་ཅིང་ཐུབ་པ་མེད་པའི་ཕྱིར་རོ། །གཤིན་རྗེ་ནི ་ཐ་དད་པའི་རྣམ་རྟོག་བག་ཆགས་དུ་མ་དང་བཅས་པ་རྣམས་སོ། །གཤེད་ནི་རང་གི་ཡེ་ཤེས་དེ་ཉིད་དུ་བྱེད་པའོ། །སྦྱོར་བས་ནི་ཆོས་ཐམས་ཅད་རྣལ་འབྱོར་པས་ཐབས་དང་ཤེས་རབ་ཟུང་དུ་འཇུག་པའི་ངོ་བོར་རོ། །སེང་གེ་ནི་ཉོན་མོངས་པའི་རིགས་ཐམས་ ་ཅད་སྲེག་པར་བྱེད་པའི་ཕྱིར་སྒྲ་ཞེས་དེ་ལ་བྱའོ། །སྤྱོད་པ་བྱ་བའི་དུས་ཅི་ཞེ་ན། ནུས་པ་ཅུང་ཞིག་སྐྱེས་པ་ན། རོལ་ཞིང་གྲོང་དུ་འཇུག་པར་བྱ། ཞེས་བྱ་བ་ལ་ནུས་པ་ནི་ལུས་དང་ངག་དང་སེམས་ཀྱིའོ། །དེ་ཡང་ཀུན་ཏུ་བཟང་པོའི་སྤྱོད་པས་དག་གི ་ནུས་པ་ཐོབ་པར་བྱས་པའོ། །མཚན་མ་ཐོབ་ནས་གསང་བའི་སྤྱོད་པས་ལུས་ཀྱི་ནུས་པ་ཐོབ་པར་བྱས་པའོ། །རིགས་པའི་བརྟུལ་ཞུགས་ཆེན་པོའི་སྤྱོད་པས་སེམས་ཀྱི་ནུས་པ་ཅུང་ཟད་སྐྱེད་ན་སེམས་ལ་མངོན་པར་འདོད་པའི་བསམ་པས་ཚོགས་ཀྱི་སྤྱོད་པ། ་སྟེ་འདོད་པའི་ཡོན་ཏན་ལ་རོལ་ཞིང་གྲོང་དུ་འཇུག་པར་རོ། །དེ་དག་ཏུ་ཇི་ལྟར་སྤྱད་ཅེ་ན། གར་དང་བདེ་བའི་ཆ་ཀུན་གྱིས། །དྲུག་ལས་སྐྱེས་སོགས་གླུ་བླང་བྱ། །ཞེས་བྱ་བ་ལ་གར་ནི་ཧེ་རུ་ཀའི་གར་ཏེ་འཇིགས་སུ་རུང་བ ་ལ་སོགས་པ་རྣམ་པ་བརྒྱད་དོ། །ཉམས་དགུ་འམ་བཅུ་གསུམ་གྱིས་རྗེས་སུ་བརྗོད་པ་དག་བྱའོ། །ཡང་ན་བཤད་པའི་རྒྱུད་ལས། སངས་རྒྱས་སེམས་པར་སྦྱོར་བ་ཡིས། །སྣ་ཚོགས་གར་གྱི་རོལ་བ་རྩ། །ཞེས་པའི་ཕྱིར་ཡེ་ཤེས་ཆེན་པོ་མཉམ ་པ་ཉིད་ཀྱི་དོན་དང་མ་བྲལ་བ་དག་གིས་སོ། །བདེ་བའི་ནི་འཇིག་རྟེན་པ་དང་ཁྱད་པར་ཅན་མཐོང་བ་དང་ལྷན་ཅིག་སྐྱེས་པའི་ཆ་སྟེ། དེ་དག་ཀུན་གྱི་མྱོང་བ་ཉིད་ཀྱིས་དྲུག་ལ་སོགས་པ་ནི་རྡོ་རྗེ་ཚིག་དང་ལྡན་པའི་གླུའི་ཁྱད་པར་ཏེ་བླང་བར་བྱའོ། །དེ་ཡང་བླ་མ ་རྗེ་བཙུན་པ་དམ་པ་རྣམས་དང། དེའི་རྗེས་སུ་འཇུག་པའི་དོན་ཁྱད་པར་གྱི་བྱིན་གྱིས་བརླབས་ཉེ་བ་ཉིད་དང། རང་གིས་རང་གི་དེ་ཉིད་མཐོང་ནས་ཆོས་ཐམས་ཅད་ཀྱང་དེ་ལྟ་བུར་ཉེ་བར་རྫོགས་པ་ཉིད་དང། གསུམ་དང་གསུམ་ཉིད་དབྱེར་མི་ཕྱེད་པའི ་ཉམས་སུ་མྱོང་བ་ཉིད་དང། ཆེད་དུ་བྱས་པ་དང་མ་བྱས་པའི་སྦྱོད་པ་ཁྱད་པར་དུ་ངོ་མཚར་དུ་མ་བརྩིས་པ་ཉིད་དང། རྣལ་འབྱོར་པ་རྣམས་ཀྱིས་ཁྱད་པར་དུ་འབྱེད་ཅིང་གཞན་ལ་སྦས་པ་མཚོན་ཆ་ལྟ་བུ་ཀོ་ཊ་ཁྱ་ལ་སོགས་པ་ཉིད་འཇིག་རྟེན་པ་དང་རྗེས་སུ ་དགའ་བར་ནུས་པ་བརྩེ་བ་དང་ལྡན་པའི་སེམས་ཀྱིས་མཐུན་ཞིང་དགའ་བར་བྱེད་པ་ཉིད་ཀྱིས་གླུ་བླང་བར་བྱའོ། །ཡང་ན་དྲུག་པའི་སྒྲ་བཞི་གཅིག་གིས་བསྡུས་པ་ནི་དྲུག་ལས་སྐྱེས་པ་སྟེ། སོགས་ནི་ཏེ་ཏེ་ཏེ་ན་ལ་སོགས་པ་ཀླུའི་ཁྱད་པར་དང་མཉམ་པར་མ ་བཞག་པའི་སྦྱོར་བ་བསྟན་ཏོ། །ད་ནི་བསྟན་པའི་རིམ་པ་དང་སྙོམས་པར་འཇུག་པ་གསལ་པོར་བསྟེན་ཅིང་རྗེས་སུ་མཐུན་པ་ཡང་བསྒྲུབ་པའི་ཕྱིར་གསུངས་པ། དེ་ནས་རྒྱལ་མཚན་ཁྱམས་མཐོང་ནས། །དེར་ནི་འོ་མ་རབ་བསྒྲུབ་བྱ། །ཞེས་པ་ལ། རྒྱལ ་ནི་རྣམ་པར་རྒྱལ་བྱེད་དེ། སྐྱེས་བུའོ། །མཚན་ནི་མཚན་མའོ། །དེ་ཉིད་དང་རྗེས་སུ་འབྲེལ་བ་ནི་བཅོམ་ལྡན་འདས་ཀྱི་རྡོ་རྗེའོ། །ཁྱམས་ནི་ཤེས་རབ་ཀྱི་མཚོ་སྐྱེས་སོ། །དེ་ཡང་དཔའ་བོ་དང་དཔའ་མོས་བྱིན་གྱིས་བརླབས་པའི་གནས་སུ་མཐོང ་བ་སྟེ། ཧཱུཾ་ལས་རྡོ་རྗེ་བསྐྱེད་པའི་སྟེང་དུ་ཨོཾ་ཡོངས་སུ་གྱུར་པ་ནོར་བུས་མཚན་པའི་ནང་དུ་ཕཊ་ལས་ཁོང་སད་བསྐྱེད་དེ། ཨོཾ་ལས་བསྐྱེད་པའི་པདྨའི་ཁ་ཁྱེར་ལ་ཨ་ཡོངས་སུ་གྱུར་པ་ལས་གེ་སར་གྱི་སྟེང་དུ་ཕཊ་ལས་ཁོང་སེང་དུའོ། །དེར་ཞེས་བྱ ་བ་ནི་མཚན་དང་ལྡན་པའི་པདྨའི་གནས་ད་ཉིད་དུའོ། །འོ་མ་ནི་ལྷན་ཅིག་སྐྱེས་པའི་ཡེ་ཤེས་ཏེ་སྒྲུབ་པ་ནི་དགའ་བ་བཞིའི་བྱེ་བྲག་བཞི་པའི་རྗེས་སུ་འགྲོ་བ་ཉིད་ཀྱིས་བདེན་པ་གཉིས་དབྱེར་མི་ཕྱེད་པའི་ཡེ་ཤེས་མཉམ་དུ་ཚོགས་པའི་སྐད་ཅིག་ལ ་གསུམ་གྱིས་དབེན་པར་བྱ་སྟེ། གནས་པ་ནི་རྣལ་འབྱོར་པས་སོ། །དེ་དག་ལམ་དུ་གོམས་པར་བྱ་བ་གཉིས་གསུངས་པ། འོ་མ་ལ་སེམས་ཅིག་གོམས་པས། ཕྱག་རྒྱ་ཆེན་པོར་བ་བསྒྲུབ་བྱ། །འོ་མ་ནི་རང་གི་རིག་པའི་ལྷན་ཅིག་སྐྱེས་པ་ལ ་སེམས་དེ་གཅིག་པོ་ཉིད་དུ་གོམས་པར་བྱ་བ་སྟེ། དེ་ཡང་དགྱེས་པ་རྡོ་རྗེའི་རྒྱུད་ལས། དཀྱིལ་འཁོར་འཁོར་ལོ་སོགས་ཐབས་དང། །བདག་བྱིན་བརླབས་པའི་སྦྱོར་བ་ཡིས། །ཤེས་གསུངས་པ་དང་རྗེས་སུ་འཐུན་པ་སྟེ། དཀྱིལ་འཁོར་གྱི ་འཁོར་ལོ་ནི་རང་འོད་ཀྱི་རིག་མ་ལས་བརྟེན་ཏེ་བསྒྲུབ་པའོ། །སོགས་པའི་སྒྲས། ལས་ཀྱི་ཕྱག་རྒྱ་སྟེ་སྣ་ཚོགས་པའི་དངོས་པོ་ཡང་དེ་ཉིད་དུ་བསྡུ་པར་བྱའོ། །འདི་དག་ནི་གཞན་གྱི་ལུས་ལ་ཉེ་བར་བསྟེན་པ་སྟེ་རྒྱུའི་དོན་གྱི་གསུམ་པའི་དམིགས་བ ་གཅིག་པར་འཇུག་པའི་མན་ངག་གོ་།དེའི་ཁྱུད་པར་ཇི་ལྟ་བུ་ཞེ་ན། ཕྱག་རྒྱ་ཆེན་པོ་སྟེ་དོན་ཏོ། །དེ་དག་ནི་མཉམ་པ་ཉིད་ཀྱི་ཡེ་ཤེས་རྣམ་པར་རྟོག་པ་ཐམས་ཅད་ནུབ་པར་གྱུར་བ་འགྲོ་བ་མེད་པའི་ཡེ་ཤེས་རྫོགས་པ་དང་བྲལ་བ་ཉིད་དོ། །དེ་འདི ་ལས་བྱུང་བས་ན་ནན་ཏན་ཅེས་སྤྲས་ཉིད་དུ་གོམས་པར་བྱ་བ་སྟེ། རྙེད་པའི་བུ་མོ་ལ་སྙོམས་པར་ཞུགས་ནས་བདེ་བ་བསྐྱེད་པར་བྱའོ། །དེ་ནས་སྐུལ་བ་དང་ལྡན་པའི་སྒོ་ནས་བསྒོམས་པ་ནི་རྩེ་གཅིག་ཏུའོ། །རྒྱས ་བཏབ་པས་ཐམས་ཅད་འགྲོ་བ་མེད་པར་བྱེད་ཅིང་ལམ་དུ་བྱས་པས་ཕྱག་རྒྱ་ཆེན་པོ་གོམས་པས་ཐོབ་པར་འགྱུར་རོ། །དེ་ཡང་དབང་ཡོངས་སུ་བརྟེན་པ་ནི་དམ་ཚིག་མཆོག་ཏུ་གྱུར་པ་སྟེ། འདི་ཡང་རྩ་བ་བཞི་པ་ཉིད་ཉེ་བར་བཟུང་བས་མི ་སྤང་པ་ཉིད་དོ། །དེ་ཡང་བཤད་པའི་རྒྱུད་རྡོ་རྗེ་ཕྲེང་བ་ལས། སོར་མོས་ཅུང་ཞིག་བསྐྱོད་བྱས་ནས། །ཕྱི་ནས་ལྕེ་ནི་བསྐམས་པས་ཀྱང། །ན་ཏི་གང་དེ་རྒྱས་བ་ལས། །བྱང་ཆུབ་སེམས་ནི་འབབ་པར་འགྱུར། །སྔགས་པས་རྡོ་རྗེ་ཅུང་ཞིག་ཙམ། ་བར་བར་དུ་ནི་བསྐུལ་བར་བྱ། །ནོར་བུ་ལ་གནས་ཕཊ་ཀྱིས་ནི། །སེམས་ལ་འབྱུང་བ་བསྟན་པར་བྱ། །བྱང་ཆུབ་སེམས་ནི་མ་ཤོར་ན། །དམ་པའི་བདེ་བ་བརྒྱས་མྱོང་འགྱུར། །འགྲོ་བ་དེ་ཡི་རང་བཞིན་དུ། །སྤྲོས་ལ་རྒྱུན་མི་འཆད་སྣང ་བྱ། བརྟན་པ་ཁྱབ་པ་བདེ་བ་ཞིང། །གོ་འཕང་མཆོག་འདི་ཐོབ་པར་འགྱུར། །བྱང་ཆུབ་སེམས་ནི་ཤོར་གྱུར་ན། །ཐོབ་པ་ཉམས་འགྱུར་སེམས་རྒྱལ་ཕྱིར། །ཞེས་འབྱུང་བའི་ཕྱིར་རོ། །ད་ནི་རིག་པ་དང་རྗེས་སྦྱར་བ་གསལ་བར་བྱ་སྟེ ་ཕག་མོ་ཡི་ནི་གཟུགས་བཟུང་བའི། །བཙུན་མོ་ཀུན་ལས་ཁྱུད་པ་ཡིས། །དཔའ་བོ་སེང་གེ་བཞིན་དུ་པྱད།?་།འདོད་པའི་དོན་ཀུན་རབ་ཏུ་བསྒྲུབ། །ཅེས་པ་ལ་ཕག་མོ་ནི་རྡོ་རྗེ་ཕག་མོ་སྟེ་དེའི་གཟུགས་སུ་གཟུང་བ་ནི་ཁ་དོག་དང ་དབྱིབས་སོ། །དེ་ནི་སྔོ་བསངས་སུ་འདུག་པ་དང། ཕག་མོའི་རྒྱན་གྱིས་རབ་ཏུ་སྤྲས་པ་དང། རྣམ་པར་རྟོག་བ་ཆུང་བ་དག་བཟུང་བར་བྱའོ། །བཙུན་མོ་ཀུན་ནི་རིགས་རྣམ་པ་ལྔ་ལས་བྱུང་བའི་བུ་མོའོ། །འཁྱུད་པའི་ཞེས་བྱ་བ་ནི་གོང་གི་བུ ་མོ་དེ་དག་ཐོས་པ་དང། དད་པ་དང། སྐྱབས་སུ་འགྲོ་བ་དང། སེམས་བསྐྱེད་པ་དང། ལེགས་པར་སྦྱངས་པ་དང། དབང་བསྐུར་བ་དང། ཡོན་ཏན་བཟུང་བ་དང། ངེས་པར་འབྱིན་པའི་དོན་དང། མན་ངག་གི་ཡོན་ཏན་གྱི་འདུན་བྱས་པ་ཉིད་དང ་མཚུངས་པར་ཆགས་པ་བསྐྱེད་པའི་སྦྱོར་བ་སྣ་ཚོགས་བྱས་ཏེ། ཕྱག་རྒྱ་ཆེན་པོའི་དངོས་གྲུབ་བསྒྲུབ་པའི་ཕྱིར་དམིགས་པ་གཅིག་པའི་འཇུག་པར་བྱའོ། །དེ་ལྟར་གནས་པའི་རྣལ་འབྱོར་པའི་འཇིགས་པ་མེད་པར་བྱ་བ་ཉིད་དུ་གསུངས་པ། དཔའ་ ་བོས་སེང་གེ་བཞིན་དུ་སྤྱད་ཅེས་བྱ་བ་ནི་སངས་རྒྱས་ཀྱི་ཡེ་ཤེས་བཞིན་དུ་རྟོགས་པས་དཔའ་བོ་སྟེ། ཉོན་མོངས་པའི་རི་དགས་ཐམས་ཅད་འཇིགས་པར་བྱེད་པ་ཉིད་ཀྱི་སེང་གེའོ། །དེ་ཡང་རེ་བ་དང་དོགས་པས་སྟོང་ཞིང་འཚོ་བ་ཡིད་ལ་བྱེད་པ ་དང་མ་བྲལ་བ་བཞིན་དུ་རྣལ་འབྱོར་པས་སྤྱད་པར་བྱའོ། །འདོད་པ་ནི་འདོད་པའི་ཡོན་ཏན་ལྔ་སྟེ་ལྔའོ། །དོན་ཀུན་ནི་མ་ལུས་པའོ། །ངེས་དོན་ཡང་དག་པར་རྫོགས་པའི་བྱང་ཆུབ་ཀྱི་མཚན་ཉིད་ཅན་བསྒྲུབ་པར་བྱ་བའི་ཕྱིར་དང། དེ་ཉིད་དུ་བསྡུས ་ཤིང་དབྱེར་མི་ཕྱེད་པའི་ཕྱིར་རབ་ཏུ་འགྲུབ་ཅེ་ན། ད་ནི་སྙིང་རྗེ་དང་གདུལ་བྱའི་བསམ་པའི་དབང་གིས་བསྒྲུབ་པའི་ཐབས་བྱེ་བྲག་གསུངས་པ། དེ་ནས་ད་ནི་བཤད་བྱ་བ། །ཕྱག་བརྒྱ་པ་ནི་རབ་བསྒྲུབ་ཐབས། །གསང་སྔགས་ཆེན་པོའི་ཡི་གེ ་གཅིག་།དེའི་སྒྲུབ་ཐབས་མངོན་བཤད་བྱ། །ཞེས་པ་ལ། ཕྱག་ནི་གཡས་དང་གཡོན་ཏེ་བརྒྱ་ཕྱེད་ཀྱི་དོན་གྱིས་ཕྱག་བརྒྱ་པ། སྒྲུབ་པ་ནི་ཐོབ་པར་བྱ་བའི་བསློབས་བུ་མངོན་པར་རྙེད་པའི་མཆོག་ཉིད་དོ། །ཐབས་ནི་མངོན་པར་རྟོགས་པའོ། ། ་གསང་སྔགས་ནི་གསང་བ་ལས་ཡོན་ཏན་མཆོག་ཏུ་སྔགས་ཤིང་ངོ་མཚར་རབ་ཏུ་འབྱུང་བས་སོ། །ཆེན་པོ་ནི་ཐུགས་ཀྱི་ཡི་གེ་སྟེ་གཅིག་ནི་ཥྚཱིའོ། །ཕྱག་བརྒྱ་པ་དེའི་བཟླས་པ་ཡང་དེ་ཉིད་དུ་མངོན་པར་བཤད་པར་བྱའོ། །ཡི་གེ་ཤྲཱི་ནི་སྐུ་བསྐྱེད ་པའི་རྒྱུད་ཉིད་ཀྱི་ཕྱིར་ཤྲཱི་ལས་འབྱུང་བའི་ཞེས་བྱའོ། །མ་ཧེ་ཡང་དག་བསྒོམ་ཞེས་པ་ནི་མ་ཧེ་ལྟ་བུའི་ཞལ་ཡོད་པས་སོ། །རྡོ་རྗེ་ནི་སྣ་ཚོགས་རྡོ་རྗེ་སྟོ་གུར་དང་ར་བའི་ནང་དུ་ཆུད་པས་དཀྱིལ་འཁོར་རོ། །དེ་ལ་གནས་བ ་ནི་ཉི་མ་དང་མ་ཧེ་སྟེ། སྟེང་ནི་རྒྱབ་ཏུ་ཤེས་པར་བྱས་ལ་གང་ཡང་ཅུང་ཟད་གཅོད་པའི་མཚོན་ཆ་སྟེ། འབིགས་པ་དང་དེ་ཉིད་དོ། །མཚོན་ཆ་སྣ་ཚོགས་ནི་གཟུགས་ཏེ་དེ་དང་ལྡན་པའི་གཟུགས་དེ་ནི་བློ་དང་ལྡན་པ་ཞེས་བྱ་སྟེ་གཉིས་སུ་མེད་པའི་བདེ ་བ་ཆེན་པོ་ཐམས་ཅད་རོ་གཅིག་པ་ཉིད་དུ་བརྙེས་པ་སྟེ་རྣལ་འབྱོར་པའོ། །བརྡའ་ཁྱད་པར་ཅན་དང་ལྡན་པའི་ཕྱག་ན་བསྣམས་པ་འདིས་ནི་བསྐྱེད་པ་དང་རྫོགས་པར་སྦྱར་བར་བྱའོ། །འདིའི་དོན་ནི་འདི་ཡིན་ཏེ། སྐད་ཅིག་དྲན་པས་སྔོན་དུ་འགྲོ་བའི་འཁོར་ལོ་ལ་ཕྱག ་བཙལ་བ་ལ་སོགས་པའི་རྗེས་ལ་སྟོང་པ་ཉིད་དུ་གྱུར་པ་དང་ར་བ་ཡང་བྱའོ། །དེའི་སྟེང་དུ་བཾ་ལས་སྐྱེས་པའི་པདྨའི་དཀྱིལ་འཁོར་དུ་རེ་ཕ་ལས་སྐྱེས་པའི་ཉི་མའི་སྟེང་ན་ཤཱི་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པ་ས་བོན་དེ་ཉིད་བཅས་པ་ལས་སྐྱེས་པའི ་སྐུ་མ་ཧེའི་ཞལ་ཅན་གཡས་པ་དང་གཡོན་པ་ཁྲོ་བོའི་ཞལ་དཀར་བ་དང་དམར་བ་དང་ཕྱག་གི་གཙོ་བོ་གཉིས་ན་གྲི་གུག་དང་ཐོད་པ་བསྣམས་པ། དེ་ལས་གཞན་པའི་གཡས་ཀྱི་ཕྱག་ན་རྡོ་རྗེ་དང་རལ་གྲི་དང། མདུང་ཐུང་དང། དགྲ་སྟ་དང། ཏྲི ་ཤུ་ལ་དང། ཐག་མདུང་དང། ཐོ་བ་དང། ཁ་ཊཝཱཾ་དང། དབྱུག་པ་དང། ཆན་པ་དང། གཏུན་ཤིང་དང། བསྐོར་བུ་དང། འཁོར་ལོ་དང། པདྨ་དང། མདའ་དང། སོག་ལེ་དང། ཏྲ་ཤད་དང། མེའི་ཕུང་པོ་དང། སྦྲུལ་གྱི་ཞགས་པ་དང། ་སྣ་ཚོགས་རྡོ་རྗེ་དང། འབིགས་བྱེད་ཆེན་པོ་དང། ཀ་ཀ་རུ་དང། ཤཀ་ཏི་དང། གསོར་བུ་དང། སྟེགས་ཆེན་དང། མདེ་ཐུང་དང། རྒྱུན་མདངས་དང། དྲགས་ཅན་དང། རྡེབས་ཆེན་དང། གནོད་སྦྱིན་མདུང་དང། མཆེ་བ་རྣོན་པོ་དང། སྤུ་གྲི་དང། ་རྡོ་རྗེ་མདུང་དང། ལྡིང་འཕེན་དང། རྟུན་ཁུང་དང། ཁ་སྦྱོར་འཇོམས་པ་དང། ལྕགས་ཀྱུ་དང། གཅོད་བྱེད་ཆེན་པོ་དང། རྟོག་དང། ཡན་ལག་རྡེབས་པ་དང། འཁྲུལ་འཁོར་དང། རྩེ་མོ་བརྒྱད་པ་དང། གླང་ཆེན་དང། བྲག་དང། སོ? ་ཕྲེང་བ་དང། གླང་པོ་ཆེའི་མཆེ་བ་དང། ཆུ་གླང་དང། སེང་ལྡེང་གི་མཚོན་དང། རླུང་དང། ཤིང་གི་འཁྲུལ་འཁོར་ཙ་ར་རྣམས་སོ། །གཡོན་གྱི་ཕྱག་ན་རིམ་བཞིན་དུ། ཆུ་སྐྱེས་དང། ཉི་མ་དང། ཟླ་བ་དང། ལྷུང་བཟེད་དང། ཁྲི་སྙ་དང། ནགས ་ཀྱི་ལྷུགས་མ་དང། བརྒྱ་བྱིན་དང། ཚངས་པ་དང། གཤིན་རྗེ་དང། ཆུ་བདག་དང། གནོད་སྦྱིན་དང། འབྱུང་པོ་དང། མེ་ལྷ་དང། བདེན་བྲལ་དང། རླུང་ལྷ་དང། སའི་ལྷ་མོ་དང། ཐག་བཟངས་རིས་དང། ཁྱབ་འཇུག་དང། སྣ་ཆེན་དང། ་ཤིང་རྟ་དང། མཆོད་རྟེན་དང། ཕུབ་དང། གླེགས་བམ་དང། ལྕགས་སྒྲོག་དང། ཞགས་པ་དང། མིག་དང། ཅོད་པན་དང། དྲིལ་བུ་དང། གཙུག་གཏོར་དང། གོས་དང། བགྲང་འཕྲེང་དང། མི་རོ་དང། སྤྱི་བླུགས་དང། རི་དགས་དང། ་ཉ་དང། རུལ་སྦལ་དང། གྱད?་ཀྱི་མཁར་བ་དང། རས་ཆིངས་དང། ཀེང་རུས་དང། སྤྲིན་དང། དུང་དང། གཽ་རྒྱུད་མངས་དང། གཞུ་དང། གླིང་བུ་དང། ཅང་ཏིའུ་དང། མ་ཧེ་དང། ཌཱ་མ་རུ་དང། དགེ་སློང་དང། ཕྱུགས་བདག་ལྷའོ། །དེ་དག་གི ་མིག་དང་སྐུ་ལ་སོགས་པ་བྱིན་གྱིས་བརླབ་ཅིང་དབང་དང་བྱིན་བརླབས་དང། མཆོད་པ་དང་བསྟོད་པ་དང་བདུད་རྩི་མྱང་བ་དང། སྤྲོ་བསྡུ་བྱས་ལ། ཨོཾ་ཤྲཱི་ཕཊ་སྭཱ་ཧཱ་དང་ཞེས་བྱ་བས་ཡོངས་སུ་མཉེས་པ་བྱས་ལ། ཨོཾ་ཨཱ(རྒྱུད་འགྲེལ་དགྲོལ་བའོ། །ད་ནི་དེ་དང་མཚུངས་པའི་མངོན་པར་རྟོགས་པ་བཤད་པར་བྱས་ཏེ། དེ་ནས་ཡང་དག་བཤད་བྱ་བ། །དབྱུག་པ་གཤིན་རྗེ་གཤེད་སྒྲུབ་ཐབས། །ཡི་གེ་ཧྲི(རྒྱུད་འགྲེལ་རྫོགས་པའི་ཕྱག་།སྐུ་ནི་མི་ཡི་ཐལ་བས་བསྐུ། །རི་རབ་དང་ནི་མཉམ་པའི་ལུས། །གསེར་གྱི་ས་གཞི་ཐུག་པའི་མནན། །ཞེས་པ་ལ་དབྱུག་པ་ནི་གཤིན་རྗེ་སྟོབས་རབ་ཏུ་འཇོམས་པར་བྱེད་པའོ། །གཤིན་རྗེ་ནི ་བདུད་དང་ལྟ་བ་སྒྲིབ་བ་མངོན་པར་མཐོང་བའོ། །དེ་འཇོམས་པ་ནི་དབྱུག་པ་གཤིན་རྗེ་གཤེད་དོ། །བསྒྲུབ་པར་བྱ་བ་འབྲས་བུའི་ཡུལ་ལོ། །དེའི་མངོན་པར་རྟོགས་པ་ནི་ཐབས་སོ། །ཡི་གེ་ནི་ཡི་གེ་ཆེན་པོ་སྟེ་ཧྲཱི(རྒྱུད་འགྲེལ་པའི་ལས་ཐམས་ཅད་ཐོགས་པ་མེད་པའི་དོན་ཏོ། །གསང་སྔགས་ནི་ས་བོན་དང་བཟླས་པའི་སྔགས་གོང་དང་མཚུངས་པ་སྟེ་དངོས་གྲུབ་འབྱུང་བས་ཆེ་བའོ། །མ་ཧེ་ཆེན་པོ་གླང་རྒོད་དེ་ཁྱུའི་མཆོག་གོ་།བཅིབས་པ་ནི་བསྐུམ་པ་དང་བརྐྱང་པས་མནན་པའོ། ་གཡས་དང་གཡོན་གྱི་བྱེ་བྲག་གིས་ཕྱག་ནི་འབུམ་ཕྲག་གཉིས་སོ། །རྫོགས་པ་ནི་མཚན་མ་སྟེ། གྲི་གུག་དང། དབྱུག་པ་དང། རལ་གྲི་དང། རྡོ་རྗེ་དང། ཞགས་པ་ནི་གཡས་སོ། །ཐོད་བ་དང་འཁོར་ལོ་དང། ནོར་བུ་དང། ཆུ་སྐྱེས་དང། ་ལྕགས་ཀྱུ་ནི་གཡོན་ཏེ། ཁྲི་ཕྲག་གཉིས་གཉིས་ཀྱི་ཕྱག་རྒྱས་གང་བར་བྱས་པའི་ཕྱག་རྒྱའོ། །སྐུ་ནི་རྡོ་རྗེ་འཇིགས་པ་བྱེད་པའི་ལུས་སོ། །མིའི་ཐལ་བས་བསྐུས་པ་ནི་ཤེས་རབ་ཀྱི་ཕྱག་རྒྱ་སྟེ། ཆ་ཤས་ཕྲ་རབ་འཇུག་པ་ཉིད་ཀྱིས་ས ་བཅུ་གསུམ་དུ་སྦྱར་བར་བྱའོ། །དེ་ཡང་བཤད་པའི་རྒྱུད་ལས། སྣ་ཚོགས་ཕྲིན་ལས་རྗེས་འགྲོ་ཞིང། །བསྐྱོད་པ་མེད་པར་འཁོར་ལོའི་གཞི། །ཐོད་པ་དྲུག་ནི་རྒྱས་གདབ་མཆོག་།སྙིང་པོ་ཉིད་ཕྱིར་མགུལ་བའི་རྒྱན། །སྤྲོས་པ་དུ་མ་ཡན ་ལག་སྤྲས། །ཉོན་མོངས་རྣམ་དག་གདུག་པ་སྤྲུལ། །བརྟུལ་ཞུགས་མཐར་ཕྱིན་བརྒྱ་ཕྱེད་ཕྲེང། །དཔའ་བོའི་གོ་ཆ་རི་མོས་མཛེས། །རྟོགས་པའི་མཐུས་ལྡན་གླང་ཆེན་གོས། །ཐ་དད་སྲེག་པའི་མེ་ཆེན་པོ། །དམིགས་པ་བྲལ་བའི ་ཡི་དགས་གང་ན། །འགྲོ་བ་འཛིན་བྱེད་མ་ཧེ་མཆོག་།སྦྲུལ་པ་མཛའ་ཡས་རྫོགས་ཕྱག་འཚལ། །འདིས་འགྲོ་ལྷ་ཡི་ཁྱད་པར་ཉིད། །ཅེས་འབྱུང་བའི་ཕྱིར། རི་རབ་དང་མཉམ་པ་ནི་དཔག་ཚད་འབུམ་དྲུག་ཁྲི་གནས་པའི་ལུས་སོ། །གསེར་གྱི་ས་གཞི ་ལ་ཐུག་པར་མནན་པ་ནི་དཔག་ཚད་བརྒྱད་ཁྲི་རྗེས་སུ་འགྲོ་བའི་རི་རབ་བོ། །བཅོམ་ལྡན་འདས་ཀྱིས་ནི་གསོར་གྱི་ས་གཞི་མནན་པ་མ་ཡིན་ཏེ། རྡོ་རྗེ་གུར་དང་ར་བའི་གནས་ན་བཞུགས་པའོ། །དེའི་དོན་ནི་སྔ་མ་དང་རྗེས་སུ་མཐུན་པ་སྟེ་ཁྱད་པར ་དུ་ཧྲཱི(རྒྱུད་འགྲེལ་ཏཱ་ན་གསང་སྔགས་ཆེ། ཞེས་པ་ལ། བྱེ་བའི་ཕྱག་ནི་གཡས་གཡོན་གྱི་བྱེ་བྲག་གིས་འབུམ་ཕྲག་ལྔ་ལྔའོ། །ཅན་མཚན་མ་སྟེ། གྲི་གུག་དང། རལ་གྲི་དང། རྡོ་རྗེ་དང། དབྱུག་པ་དང། གཏུན་ཤིང་ནི་གཡས་ཀྱི་ཕྱག་གོ་།ཐོད་པ་དང། ་འཁོར་ལོ་དང། ནོར་བུ་དང། པདྨ་དང། རོ་དང། མདུང་ཐུང་དེ། གཡོན་གྱི་ཕྱག་གོ་།དེ་རེ་རེ་ཞིག་གིས་འབུམ་ཕྲག་གཉིས་ཀྱི་ཕྱག་གདབ་པར་བྱས་པའོ། །བསྒྲུབ་པ་ནི་གཤིན་རྗེ་གཤེད་དོ། །ཡི་གེ་ཧཱུཾ་ལས་བྱུང་བའི་རྡོ་རྗེ་ལས་སྐྱེས་པའི ་གཙོ་བོ་བཅོམ་ལྡན་འདས་ཏེ་ལྷག་མ་ནི་སྔར་བཞིན་ནོ། །བཟླས་པའི་སྔགས་ནི་བི་ཀྲི་ཏཱ་ན་ཆེན་པོའི་གསང་སྔགས་ཏེ། ཨོཾ་ཧཱུཾ་གིས་རབ་ཏུ་མཚན་པའོ། །ད་ནི་རྣལ་འབྱོར་པའི་བཟའ་བ་དང་མི་བཟའ་བའི་རྣམ་པར་རྟོག་པ་སྤངས་པ་དང། སྔགས་ཀྱི ་སྐྱོ་བ་དང་དུབ་པ་གསང་བའི་ཕྱིར་དམ་ཚིག་བསྒྲུབ་པའི་ཐབས་གསུངས་པ། དགོས་པ་ཐམས་ཅད་སྒྲུབ་པ་ཡི། །དམ་ཚིག་སྒྲུབ་ཐབས་བཤད་པར་བྱ། །སྔགས་ཀྱི་དུབ་པས་ཁ་ཟས་བཟའ་། །ངན་པ་དང་བྲལ་རྙེད་དཀའ་མིན། །ཞེས་པ་ལ་དགོས་པ་ནི་དམ ་ཚིག་གི་རྣམ་པར་མི་རྟོག་པ་དང། མཉམ་པར་བྱེད་ཅིང་རྣམ་པར་མི་རྟོག་པ་ཉིད་ཀྱིས་དགོས་པ་ཐམས་ཅད་བསྒྲུབ་ཕྱིར་དགོས་པ་ཐམས་ཅད་ཀྱི་བདག་ཉིད་ཡིན་པའི་ཕྱིར་རོ། །དམ་ཚིག་ནི་མི་རྟོག་པ་ཐོབ་པར ་བྱེད་པ་འམ་རྣལ་འབྱོར་པས་མི་རྟོག་པ་ལས་འདའ་བར་བྱ་བ་མ་ཡིན་པས་སོ། །དེ་མངོན་དུ་བྱ་བ་ལ་བསྒྲུབ་ཐབས་བཤད་པར་བྱ་ཞེས་བྱའོ། །སྤྱད་པའི་དུས་ནི་ལུས་ལྷའི་རྣལ་འབྱོར་དང། དག་བཟླས་པའི་རྣལ་འབྱོར་གྱིས་དུབ་པའི་དུས་ཉིད ་དམ་སེམས་ང་ལ་སོ་ཞིང་གཟེང་བསྟོད་པའི་དུས་ཉིད་དུ་ཁ་ཟས་འདི་བཟའ་ཨོ། །འདི་དག་ནི་མི་གཙང་བའི་ཟས་སོ། །ཞེ་ན། བརྟགས་ནས་མི་གཙང་བ་ནི་ཐམས་ཅད་ཡིན་ན་ཡང་འདི་ནི་དངོས་གྲུབ་ཀྱི་ཟས་ཏེ། ཡོན་ཏན་ཐམས་ཅད་ཀྱི་བདག ་ཉིད་དུ་ཤེས་པར་བྱའོ། །དེ་ཡང་ངན་པ་དང་བྲལ་ཞེས་བྱ་བ་ཡིན་ཏེ། དཔྱས་པ་དང་བྲལ་བ་དང་སྲོག་ཆགས་དག་གནོད་པ་དང་བྲལ་བས་སོ། །རྙེད་པར་དཀའ་བ་མིན་པས་ནི་ཐམས་ཅད་ཀྱིས་བར་བས་སོ། །དེ་དག་ཀྱང་ཅི་ཞེ་ན། ཤ་ཆེན ་དང་ནི་རྟ་དང་ནི། །གླང་པོ་ཆེ་ཡི་ཁྱད་པར་དང། །བ་ལང་གི་དང་ཁྱི་དང་ནི། །བོང་བུ་རྔ་མོ་ཅེ་སྦྱང་ངོ། །ཞེས་བྱ་བའི་ཁྱད་པར་ནི་བདུད་རྩི་རྣམ་བ་ལྔ་སྟེ། ཤ་ལྔ་དང་མཚུངས་པར་སྦྱར་བ་སྔོན་པོ་ནི་ལོ་མའི་ཚོགས་གང་ཡང་རུང་བ་དང ་བསྲེས་བ་ལ་ལོངས་སྤྱོད་པར་བྱའོ། །མདུད་ལ་བསྐྱོན་པ་དང། མཚོན་གྱིས་ཕོག་པ་དང། བཏགས་པ་ལ་མེས་གདུངས་པ་དག་གིས་སྣུམ་འབྱུང་བར་འགྱུར་ཏེ་སྣུམ་ཆེན་གྱིས་ལུས་ལ་བྱུག་བར་བྱའོ། །དེའི་དགོས་པ་ཇི་ལྟར་འགྱུར་ཞེ་ན། ལུས ་ལ་བྱུག་པ་ཙམ་གྱིས་ནི། །འགྲོ་བ་ཐམས་ཅད་དབང་དུ་འགྱུར། ཞེས་པ་ལ། བདུད་རྩི་རྣམ་པ་ལྔ་དང། སྣུམ་བསྲེས་པས་ལུས་ལ་བྱུགས་པ་ཙམ་གྱིས་མངོན་པར་མཐོ་བ་སྲིད་པའི་རྩེ་མོ་མན་ཆད་ནས་ཐམས་ཅད་ལ་ཁྱབ་པའི་བདག་ཉིད་དུ་བསྐལ་བ ་ཆེན་པོ་རྣམས་ཀྱང་དབང་དུ་འགྱུར་རོ། །སྦྱོར་བ་གཞན་ཡང་གསུངས་བ། སྣང་མཛད་སིན་དུ་བ་ར་དང། །ཞེས་བྱ་བ་ལ་སོགས་པ་ལ་སྣང་མཛད་ནི་བཻ་རོ་ཙ་ན་ཏེ་དྲི་ཆེན་ནོ། །སིན་དུ་བར་ནི་ལེགས་ཤིང་ལོ་མ་སྟེ་སྣབས་སོ། །བིལ་བ་ནི་ལེ་མ་ནི ་དཔལ་འབྲས་ཏེ་བྱང་ཆུབ་ཀྱི་སེམས་དཀར་པོའོ། །སོ་ཕག་ཕྱེ་མ་ནི་དེ་དག་ཐམས་ཅད་མཉམ་དུ་བསྲེས་པའོ། །གསེར་ཤིང་ལོ་མའི་ཁུ་བ་ནི་ད་དུ་རའི་ལོ་མའི་ཁུ་བ་སྟེ་དྲི་ཆུའོ། །འདི་ལ་ལོངས་སྤྱོད་པའི་མཐུ་ཉེ་བར་རྙེད་བ་དང། དེས་ལུས་ལ ་བྲིས་ཤིང་ཕྱིས་བྱས་ན་ནི་འདོད་པ་དང་གཟུགས་དང་གཟུགས་མེད་པའི་ཁམས་གསུམ་པ་སྟེ་དབང་དུ་འགྱུར་རོ། །དུག་དང་ཆུ་བུར་དང་མཐོ་རྣམས་ཀྱང་དྲིལ་ཅིང་ཕྱིས་བྱས་བས་ཉམས་བར་བྱེད་དོ། །སྦྱོར་བ་གཞན་ཡང་གསུངས་པ། གཅི་བ ་ཆེན་པོ་ནི་ཨ་ཀྲོ་ཏ་ཀ་སྟེ་བཏུང་བར་བྱའོ། །རྡོ་རྗེ་བདུད་རྩི་ནི་བྱང་ཆུབ་ཀྱི་སེམས་སོ། །དེ་ལེགས་པར་སྦྱར་བའི་ཁུ་བ་དག་སྣའི་ནང་ནས་རྡུབས་ཤིང་ལེགས་པར་འཐུངས་ན་བདུད་རྩི་རེ་རེས་ཀྱང་རྒས་པ་དང་འཆི་བ་སྤོང་ངོ། །རྐྱེན་གྱིས་འཆི་བའི་དུས་སུ ་བདུད་རྩི་སྣར་བླུགས་ནས་ཕུས་བཏབ་ན་འཚོ་བར་འགྱུར་རོ། །འོག་ནས་འབྱུང་བ་འདི་དག་གི་ཕན་ཡོན་ཡང་འདི་ལྟ་བུ་སྟེ། འདི་ནི་རྣལ་འབྱོར་མཆོག་གཙོ་བོས། །རང་འབྱུང་མེ་ཏོག་བཏུད་པ་བཞིན། །ཞེས་པ་ལ། འདི་ནི་རྣལ་འབྱོར་ཞེས་བྱ ་བ་ནི་ཐབས་དང་ཤེས་རབ་སྙོམས་པར་འཇུག་པའོ། །མི་རྟོག་པ་ཐོབ་པར་ནུས་པ་དེའི་ཕྱིར་མཆོག་གཙོ་བོ་ཞེས་བྱའོ། །རང་འབྱུང་ནི་བུད་མེད་ཀྱི་དང་པོའི་དུས་ཀྱི་མེ་ཏོག་གོ་།དེ་ཡང་གནག་པ་དང་སྔོ་བསངས་དང། སྨེ་ཤ་ཅན་གྱིས་མར་ངོ ་བླངས་ཏེ་བཏུང་ངོ། །དཀར་དང་དཀར་ཤམ་དང་དམར་སེར་དང་སྨུག་པའི་ཡར་ངོ་ལ་བླངས་ཏེ་བཏུང་ངོ། །བཞིན་ཞེས་བྱ་བ་ནི་བསྟེན་པའི་ཚོགས་འཐུངས་ན་འཆི་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས ་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །སྤྱོད་པའི་རྣམ་པ་བཞི་སྟེ་སྟོན་པ་ནི་ལེའུ་འདི་ཉིད་དོ། །རིམ་པར་ཕྱེ་བ་ནི་གོ་རིམས་སུ་བབ་བའི་སྤྱོད་པའོ། །བཅུ་གཅིག་པ་ནི་བཅུ་པས་བཞག་པའོ། ། ་ནག་པོ་ཞབས་ཀྱིས་བཤད་པའི་ལེའུ་བཅུ་གཅིག་པ་རྒྱ་ཆེར་གསལ་བར་བྱས་པའོ།། །།ད་ནི་མངོན་པར་རྟོག་པའི་ཆ་གར་བྱིན་གྱིས་བརླབས་ནས་དབང་བསྐུར་ཏེ། བཀུག་ཅིང་བསྟིམས་པའི་དཀྱིལ་འཁོར་དེ ་མཉེས་པར་བྱ་བ་ལ་བསྒྲུབ་པའི་མཆོད་པ་གླུས་ཡོངས་སུ་རྫོགས་པར་བྱ་བའི་ཕྱིར། དེ་ནས་བཅོམ་ལྡན་འདས་སྐྱེས་བུ་ཆེན་པོའི་དམ་ཚིག་རྡོ་རྗེ་སེམས་དཔའ་ཙིར་ཏསྩི་ཀའི་རྣམ་པའི་ཏིང་ངེ་འཛིན་ལ་སྙོམས་པར་ཞུགས་ཤིང་ཕག་མོའི་རྣམ ་པའི་ཏིང་ངེ་འཛིན་ལ་ཡང་སྙོམས་པར་ཞུགས་སོ། །གཽ་རིའི་རྣམ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཆོད་པའི་གླུ་འདི་དག་བརྗོད་པར་མཛད་དོ་ཞེས་པ་ལ། དེ་ནས་ནི་ལེའུ་བཅུ་གཅིག་པའི་དེ་མ་ཐག་ཏུའོ། །བཅོམ་ལྡན་འདས་ནི་། ་བཤད་ཟིན་ཏོ། །སྐྱེས་བུའི་བཤད་པའི་རྒྱུད་ལས། སངས་རྒྱས་ཀུན་གྱི་ཕོ་བྲང་ནི། །སངས་རྒྱས་ཀུན་གྱི་ཞིང་ཡིན་ཏེ། །སྙིང་རྗེ་ཆེན་པོའི་དམ་ཚིག་གིས། །ཕོ་བྲང་འགེངས་པར་བྱེད་པས་ན། །དེ་ཕྱིར་སྐྱེས་བུ་ཞེས་བརྗོད་དོ། །རྒྱུན་མི་འཆད ་པ་ཆེན་པོ་ཉིད། །ཅེས་བྱ་བའི་དོན་གྱིས་སོ། །དམ་ཚིག་ནི་རྒྱུའི་དུས་ན་སེམས་བསྐྱེད་པ་དང་སྨོན་པ་འཇུག་པའི་ཁྱད་པར་གྱིས་སེམས་ཅན་གྱི་དོན་བྱེད་པ་དུས་ལས་མི་འདའ་བས་སོ། །རྡོ་རྗེ་ནི་དབྱེར་མི་ཕྱེད་པའི་ཡེ་ཤེས་ཏེ། སེམས་དཔའ་ནི་འདོད ་པ་དང། གཟུགས་དང་གཟུགས་མེད་པའི་རྣམ་པ་གཅིག་ཏུ་ངེས་པར་བྱས་པའི་དོན་ཏོ། །དེ་ཡང་དགྱེས་པའི་རྡོ་རྗེ་ལས། མི་ཕྱེད་རྡོ་རྗེ་ཞེས་བཤད་དེ། །སེམས་དཔའ་སྲིད་གསུམ་གཅིག་པ་ཉིད། །ཤེས་རབ་འདི་ཡི་སྦྱོར་བས་ན། །རྡོ་རྗེ ་སེམས་དཔར་བཤད་པ་ཡིན། ཞེས་འབྱུང་བའི་ཕྱིར་རོ། །དེ་ཉིད་ཀྱི་ངོ་བོ་ལས་ཀུན་རྫོབ་བྱང་ཆུབ་ཀྱི་རྣམ་སྤྲུལ་ལ། །དེ་བཞིན་གཤེགས་པའི་འཁོར་ལོ་གཉིས་སུ་མེད་པར་གྱུར་པའི་ཁུ་བ་ཉིད་ལས་དཔག་ཏུ་མེད་པའི་ལྷ་མོ་རབ་ཏུ་ཞི་ཞིང་དབྱངས་ཅན་འདི་ ་རྣམས་སུ་གྱུར་ཏེ་ཙོར་ཏསྩི་ནི་རྡོ་རྗེ་སེམས་མའོ། །རྣམ་པ་དེ་ཉིད་ཀྱི་བྱེ་བྲག་སྟེ་དཔག་ཏུ་མེད་པའོ། །ཏིང་ངེ་འཛིན་ནི་སེམས་རྩེ་གཅིག་པར་བྱས་པའི་དོན་ཏོ། །ལ་ཞེས་པ་ནི་གཞི་སྟེ་དཀྱིལ་འཁོར་གྱི་བདག་པོ་ཉིད་ཀྱིས་སོ། །སྙོམས་པར་ཞུགས་མིན་ཐ་མི་དད་པར ་ཞུགས་པ་སྟེ། ལྷ་མོ་ཐམས་ཅད་ཀྱི་བདག་ཉིད་དུའོ། །ཤིང་ཞེས་བྱ་བ་ནི་རིགས་གཅིག་གི་ལྷ་མོར་མ་ཟད་ཀྱི་རིགས་གཞན་གྱི་ལྷ་མོ་ཡང་ཡོངས་སུ་བསྡུ་བའོ། །ཕག་མོ་ནི་དོན་དང་རྟགས་རྗེས་སུ་མཐུན་པའོ། །ཡང་ནི་འདས་པའི་ཕྱོགས་སུ་མ་འོངས་པ་ཡང ་ཡོངས་སུ་བསྡུ་བའོ། །དབྱངས་ནི་གསུང་དེའི་རྣམ་པར་དག་པ་དང་ལྡན་པ་ལ་ཅན་ཞེས་བྱའོ། །གཽ་རཱི་ནི་པྲ་ཧི་དྷ་ཀརྨ་སྟེ་ཕྲིན་ལས་ཐམས་ཅད་མཉམ་པ་ཉིད་ཀྱི་ངོ་བོར་སྤྱོད་པའོ། །ཏེ་ཞེས་བྱ་བ་ནི་ལྷན་ཅིག་མཚུངས་པའི་ལྷ་མོ་རྣམས་ཉེ་བར་མཚུངས་པའི ་མཆོད་པའི་གླུ་མགྲིན་དུ་མཆོད་བ་ནི་དམ་པ་མཉེས་པར་བྱེད་པ་སྟེ། གླུ་ནི་ལྷན་ཅིག་སྐྱེས་པའི་དེ་ཁོ་ན་ཉིད་གསལ་བར་བྱེད་པའོ། །འདི་དག་ནི་འོག་ནས་འབྱུང་བ་འདི་དག་གོ་།བརྗོད་པ་ནི་ཚིག་དང་ལྡན་པའོ། །མཛད་དོ་ཞེས་བྱ་བ་ནི་ལུས་གྱི་གར་དང་རྗེས་སུ ་མཐུན་པའོ། །རྗེས་སུ་མཐུན་བའི་ཚིག་དེ་གང་ཞེ་ན། གསུངས་པ། ཨ་ཀྱེ་ཀྱེ་གཤིན་རྗེ་གཤེད་ནག་བླ། །སྲིན་པོའི་གཟུགས་ཆེན་རང་བཞིན་ཁྱོད། །བདག་གིས་ཁྱོད་མཐོང་ཤིན་ཏུ་འཇིགས། །བྲོས་པའི་རང་བཞིན་འདི་མཐོང་མཛོད་ཅེས་བྱ་བ་ནི་རྡོ་རྗེ ་སེམས་མའི་གླུ་སྟེ། ཨ་ནི་མ་སྐྱེས་པ་སྟེ་སྐྱེ་བ་མེད་པའི་ཆོས་ཀྱི་སྐུའོ། །ཀྱེ་ཀྱེ་ནི་གདུལ་བྱ་ལ་ངེས་པར་བོད་བ་སྟེ་ལོངས་སྤྱོད་རྫོགས་པ་དང་སྤྲུལ་པ་ཉིད་དེ་ལས་སྣང་བས་སོ། །གཤིན་རྗེ་གཤེད་ནག་པོ་ནི་བླ་མ་སྟེ་ཡང་དག་པར་རྫོགས་པའི་སངས་རྒྱས་བསྒྲུབ ་པར་བྱ་བའི་མཚན་ཉིད་དོ། །སྲིན་པོའི་གཟུགས་ཅན་ནི་བཤད་པའི་རྒྱུད་ལ། །ཞལ་གསུམ་སྲིད་གསུམ་འཇིགས་བྱེད་པ། །འགྲོ་བ་བསོད་བྱེད་ཕྱག་དྲུག་པ། །འགྲོ་བ་མཐར་བྱེད་མདོག་གནག་ཅིང། །སྲིན་པའི ་གཟུགས་ནི་ཧེ་རུ་ཀ་།ཞེས་གསུངས་པ་ཉིད་དོ། །ཆེན་པོ་ནི་བཟོད་པར་དཀའ་བའི་གཟུགས་ཏེ། དེ་ཡང་འགྲོ་བ་ལ་བྱམས་པས་སྤྲུལ་པའི་རང་བཞིན་ཁྱོད་ཅེས་བྱའོ། །བདག་གིས་ཞེས་བྱ་བ་ནི་བྱམས་པའི་བདག་ཉིད་ཙ་ར་ཏསྩི་ཀ་དག་གིས་སོ ་ཁྱོད་ནི་བཅོམ་ལྡན་འདས་ཏེ་མཐོང་པ་ནི་ཡུལ་དུ་གྱུར་པའི་སྐུ་ཤིན་ཏུ་འཇིགས་པའོ། །ཁྲོས་བའི་རང་བཞིན་ནི་ཁྲོས་པའི་རྒྱུ་སྟེ། འདི་ཐོད་མཛོད་ཅེས་བྱ་བ་ནི་བྱམས་པ་ལས་ཕྱོགས་གཞན་དུ་གྱུར་པའི་ཐ་ཚིག་གིས་སོ། །འདི་ནི་བྱམས་པ་ཉིད ་ཀྱིས་ཞེ་སྡང་གི་རྟགས་མངོན་པར་མཐོང་བའི་སྐུ་ལ་ཆེད་དུ་བརྗོད་པའི་མཆོད་བའོ། །གཞན་ཡང་གསུངས་པ། མཐོ་རིས་ས་སྟེང་ས་འོག་བཅས། །ཁྱོད་ཀྱི་གར་གྱི་གཡོས་པར་མཛོད། ། ཛ་ནག་པོ་བཅག་འདྲ་ཡི། །ཁྲོ་ཁྱོད་རོ་ལངས་བཞིན ་གར་མཛོད། །ཅེས་བྱ་བ་ནི་རྡོ་རྗེ་ཕག་མོའི་གླུ་སྟེ། མཐོ་རིས་ནི་ལྷ་དང་ལྷ་མ་ཡིན་གྱི་གནས་སོ། །ས་སྟེངས་ནི་མི་དང་བྱོལ་སོང་གི་གནས་སོ། །ས་འོག་ནི་ཡི་དགས་དང་དམྱལ་བའི་གནས་སོ། །བཅས་པ་ནི་འགྲོ་བ་མ་ལུས་པའི་དོན་ཏོ། ། ་གར་གྱིས་ཞེས་བྱ་བ་ནི་བཤད་པའི་རྒྱུད་ལས། སངས་རྒྱས་ཧེ་རུ་ཀ་ཡི་གར། །བླ་ན་མེད་པའི་མཆོག་འདི་དག། མགོན་པོས་འགྲོ་བླ་ཕྲག་དོག་པའི། །སྟངས་ཀྱི་ཐམས་ཅད་གཡོས་པར་མཛད། ཅེས་འབྱུང་བའི་ཕྱིར་རོ། །གཡོས ་པར་མཚུངས་པ་ནི་རབ་ཏུ་གཟིར་ཞིང་སྡུག་བསྔལ་བར་མཛད་པའོ། །དེའི་སྐུ་མདོག་ཀྱང་ཨ་ཛ་ན་ཏེ་མིག་སྨན་གྱི་ཐང་ཆུའོ། །བཅག་པ་དང་འདྲ་བ་ནི་གང་ཅིང་འཚེར་བ་སྟེ་འཇིགས་སུ་རུང་བའོ། །ཁྲོས་པ་ནི་ཐ་དད་ཀྱི་རྟོག་པ་ལས་ཁྲོས ་ཤིང་ཕྲག་དོག་པའི་ཡིད་ཅན་ནོ། །རོ་ལངས་ནི་གཞན་གྱི་བྱིན་གྱིས་བརླབས་པ་ལངས་བ་སྟེ་རང་གིས་གཞན་ལ་སྡང་བའི་འདུན་བ་དང་བྲལ་བའོ། །དེ་བཞིན་དུ་བྱིན་གྱིས་བརླབས་ལས་བྱུང་བའི་སྐུས་ཁྲོ་བོའི་གཟུགས་དེ་དག་ཐོང་མཛད་ལ། སངས་རྒྱས ་ཀྱི་གཟུགས་ཀྱིས་འགྲོ་བ་རྣམས་སྡུག་བསྔལ་ལས་ངེས་པར་སྒོལ་བར་མཛོད་ཅིག་པའོ། །ཞེས་བྱ་བ་ནི་སྙིང་རྗེའི་གླུ་སྟེ་ཐུགས་རྗེ་ཆེན་པོ་ཡིད་ཀྱིས་ཚར་གཅོད་པའི་ཕྲིན་ལས་མཛད་པ་ལ་ཆེད་དུ་བརྗོད་པའི་གླུའོ། །གཞན་ཡང་གསུངས་པ། རྣམ་བ ་སྣ་ཚོགས་གཟུགས་སྤྲུལ་ཅིང། །མདོག་ནག་ཚང་ནི་ཐུང་བ་ལ། །བདེ་ཆེན་ངོ་བོ་ཁྱོད་གར་མཛོད། །རྡོ་རྗེ་དབྱངས་ཅན་གསོལ་འདེབས། །ཞེས་བྱ་བ་ནི་དབྱངས་ཅན་མའི་གླུ་སྟེ་རྣམ་པ་ནི་ལོངས་སྤྱོད་རྫོགས་པ་དང་སྤྲུལ་པའོ། །དེ་ཡང་སེམས་ཅན་གྱི་དོན ་གཟིགས་པས་དགའ་བར་གྱུར་ནས་གཟུགས་རྣམ་པ་སྣ་ཚོགས་བ་སྤྲུལ་ཞིང་སེམས་ཅན་གྱི་དོན་མཛོད་ཅིག་ཅེས་བྱ་བའི་དོན་ཏོ། །དེ་ཡང་ཇི་ལྟ་བུའི་གཟུགས་ཀྱིས་ཤེ་ན། མདོག་ནག་ཚད་ནི་ཐུང་བ་ལ་ཞེས་བྱའོ། །བདེ་ཆེན་ནི་བདེ་བ་ཆེན་པོའི ་ཡེ་ཤེས་ཀྱི་ངོ་བོ་ཉིད་དོ། །དེ་ཡང་བཤད་པའི་རྒྱུད་ལས། སྤངས་དང་ཡེ་ཤེས་ཕུན་སུམ་ཚོགས་པའོ། །བདེ་བ་ཆེན་པོ་ཞེས་བྱ་སྟེ། སེམས་ཅན་རྣམས་ཀྱི་སྣང་བ་ལ་དགའ་བར་མཛད་ཁྱོད་གར་མཛོད་ཅིག་ཅེས་བྱ་བ་ཉིད་དོ། །རྡོ་རྗེ་དབྱངས་ཅན་མ ་ནི་དགའ་བའི་བདག་ཉིད་དེ་སངས་རྒྱས་ལ་ཡང་སེམས་ཅན་རྗེས་སུ་དགའ་བའི་དོན་དུ་གསོལ་བ་འདེབས་པ་ནི་དགའ་བའི་གླུའོ། །བཅོམ་ལྡན་འདས་བསྐྱོད་པ་མེད་པའི་ཡེ་ཤེས་ཀྱིས་འགྲོ་བ་རྣམས་དགའ་བར་མཛད་པའི་ཕྱིར་ཆེད་དུ་བརྗོད་པའི་མཆོད་པའོ། ་གཞན་ཡང་གསུངས་བ། ཧྲཱི(རྒྱུད་འགྲེལ་པའི་ཐུགས་ཀྱི་སྔགས་རྣམས་སོ། །གར་ནི་སྔགས་ཀྱི་ང་རོ་དྲག་པོ་བསྒྲགས་པ་དང་འགྲེལ་བའི་གར་གྱིས་སོ། །སྲིད་པ་གསུམ་གྱི་འཁྲུལ་པ་ནི་འཇིག་རྟེན་གྱི་ཆོས་བརྒྱད་དེ། གཟུང་བ་དང་འཛིན་པའི་ངོ་བོ ་དེ་སྤོང་བར་བྱེད་པ་ནི་སྔགས་ཀྱི་དེ་ཉིད་དང་གར་གྱི་དེ་ཉིད་དེ་དེའི་རང་བཞིན་བཏང་སྙོམས་ཆེན་པོས་མཆོད་ཅེས་བྱའོ། །སྙིང་རྗེས་ཁྲོས་པ་ནི་སྙིང་རྗེའི་དབང་གིས་སྤྲུལ་པ་སྟེ་དད་པ་ཅན་སྒྲོལ་བར་བྱེད་པའི་ཕྱིར་?་གར་རོ། །འགྲོ་བའི་ནི? ་སེམས་ཅན་ཏེ་དེས་ཁྱོད་གྱི་གཟུགས་མཐོང་ན་ལྟ་བས་ཆོག་ཤེས་པར་མི་འགྱུར་བའི་ཕྱིར་ངོ་མཚར་དུ་གྱུར་ཅེས་བྱ་བ་ནི་བཏང་སྙོམས་ཀྱི་གླུའོ། །འདི་དག་གིས་ནི་དེ་བཞིན་གཤེགས་པའི་ཐུགས་བསམ་གྱིས་མི་ཁྱབ་པའི་ཆེད་དུ་བརྗོད་པའི ་མཆོད་པའོ། །ད་ནི་བཟླས་པའི་རབ་ཏུ་བྱེད་པ་གསུངས་པ། དེ་ཡང་ཡང་དག་བཤད་བྱ་བ། །བཟླས་བ་ཡི་ནི་མཚན་ཉིད་མཆོག་།བཟླས་བ་གང་ཞིག་རབ་བཟླས་ན། །དངོས་གྲུབ་ཡངས་པ་ཐོབ་བ་མི། །མྱུར་བར་མ་ཡིན་ངལ་བར་མིན། ། ་རིང་དུ་མ་ཡིན་ཐུང་ངུ་མིན། །སྔགས་ནི་ཅུང་ཟད་ཐོས་པར་བཟླས། ཞེས་པ་ལ། བཟླས་པ་ནི་གང་གི་རྗེས་སུ་འགྲོ་བའོ། །མཚན་ཉིད་ནི་འབྱུང་འཇུག་རྗེས་སུ་དྲན་པའོ། །མཆོག་ནི་དེ་བཞིན་གཤེགས་པའི་ཐུགས་ཀྱི་སྙིང་པོའོ། །བཟླས་པ་གང་ཞིག ་ནི་སྐུ་དང་གསུང་དང་ཐུགས་ཀྱི་སྔགས་སོ། །བཟླས་བ་ནི་སྐྱེས་པ་དང་བུད་མེད་དང་མ་ནིང་གིའོ། །སྐྱེས་པ་ནི་དག་གཙོ་བོར་རོ། །བུད་མེད་ནི་སེམས་གཙོ་བོར་རོ། །མ་ནིང་ནི་ནང་དུ་གཞག་སྟེ། ལུས་ངག་ཡིད་གསུམ་གྱི་འབྲེལ་པ་རྗེས་སུ་དྲན་པ་ན ་ར་བ་བཟླས་ཞེས་བྱའོ། །དེའི་ཁྱད་པར་ཅི་ཞེ་ན། དངོས་གྲུབ་ཡངས་པ་སྟེ་ཕྱག་རྒྱ་ཆེན་པོ་དེ་ཉིད་ཐོབ་པའོ། །དེ་དག་བཟླས་པའི་ཐབས་ཀྱི་བདག་ཉིད་ཇི་ལྟ་བུ་ཞེ་ན་མྱུར་བར་མ་ཡིན་ཏེ་མཐུག་པོ་མི་རྫོགས་ཤིང་རིང་པོ་ཐུང་ངུར་འགྱུར་བའི་ཕྱིར་རོ། ། ་ངལ་བར་མ་ཡིན་ཏེ་སྟུག་བོ་ལྷག་པར་འབྲེལ་བར་འགྱུར་ཞིང་ཐུང་ངུ་རིང་བར་འགྱུར་པའི་ཕྱིར་རོ། །རིང་པོ་མ་ཡིན་ཏེ་ལྷག་པར་འཇུག་པའི་ཕྱིར་རོ། །ཐུང་ངུ་མ་ཡིན་ཏེ་ཁོང་ནས་འབྱུང་བ་མེད་པར་འགྱུར་བའི་ཕྱིར་རོ། །སྔགས་ན་ཅུང་ཟད ་ཅེས་བྱ་བ་ནི་སྒྲ་ཆེ་བར་མ་ཡིན་པའོ། །ཐོས་བར་བཟླས་པ་ནི་རང་གི་ངག་རང་གི་ལུས་ལ་འབྲེལ་ཞིང་གཞན་གྱི་མི་ཐོས་པར་རོ། །བཟླས་པ་དེ་དག་དང་ལྡན་པའི་ཕྲེང་བ་གསུངས་པ། གཤིན་རྗེ་སློབ་དཔོན་མི་མཆོག་གིས། །མ་ཧེ་མི་དང་མོ་གཉིས་དང་ ་བ་གླང་དག་ནི་རྟ་དག་དང། །བོང་བུ་རྔ་མོ་རུས་པ་ལས། །བཟླས་པའི་ཕྲེང་བ་རབ་བསྒྲུབ་བྱ། ཞེས་པ་ལས། གཤིན་རྗེ་སློབ་དཔོན་ནི་གཤིན་རྗེ་གཤེད་རྡོ་རྗེ་སློབ་དཔོན་གྱི་དབང་ཐོབ་པའོ། །མི་མཆོག་གིས་ཞེས་བྱ་བ་ནི་དམ་ཚིག་དང་ལྡན་པའོ། ་མ་ཧེ་ནི་གླང་རྒོད་དེ་བསད་པ་ལའོ། །མེ་ནི་དངོས་གྲུབ་སྒྲུབ་པ་ལའོ། །སོ་གཉིས་ནི་གླང་བོ་ཆེ་སྟེ་ཞི་བ་ལའོ། །བ་ལང་ནི་རྒྱས་པ་ལའོ། །རྟ་ནི་དབང་དུ་བྱ་བ་ལའོ། །བོང་བུ་ནི་ཁུར་སྐྱེད་དེ་དགུག་པ་ལའོ། །སྔ་མོ་ནི་བསྐྲད་པ་ལའོ། །དེ་དག་གིས་རུས ་བ་ལས་བྱས་པའི་བཟླས་པའི་ཕྲེང་བའི་གྲངས་ནི་ཉི་ཤུ་རྩ་གཅིག་དང་བརྒྱད་དང་ལྷའི་གྲངས་དང་ཉེ་བར་མཐུན་བ་དང་བརྒྱ་རྩ་བརྒྱད་དང། ལྔ་བཅུ་དང། ཉི་ཤུ་རྩ་ལྔ་དང། བཞི་བཅུ་རྩ་བརྒྱད་དེ། །དེ་དག་ལ་དྲ་བཞིན་གཤེགས་པའི་འཁོར་ལོ་རབ ་ཏུ་གནས་པ་བྱ་སྟེ། གསད་པའི་གནས་སུ་རབ་ཏུ་བསྙེན་བཀུར་བ་སྦ་བར་བྱའོ། །དེ་དམིགས་པ་རྗེས་སུ་དྲན་པར་བྱ་བ་གསུངས་པ། མཁས་པས་ཡང་ནི་མ་མགོ་སྟེ། །ཁྲག་གིས་སྦགས་པའི་མགོ་བསྒོམ་བྱ། ཞེས་པ་ལ། མཁས་པ་ནི་ཤེས ་རབ་དང་ལྡན་པའི་རྣལ་འབྱོར་པ་སྟེ་ནི། མགོ་བོ་ནི་ཐོད་པ་སྐམ་པོའོ། །ཁྲག་གིས་སྦགས་པའི་མགོ་བོ་ནི་རློན་པ་སྟེ་དབང་པོ་ལྔ་དང་ལྡན་པ་བསྒོམ་པར་བྱའོ། །བཟླས་པ་དེ་ཉིད་ཡང་དག་པར་སྦྱོར་བའི་ཆོ་གས་གསུངས་པ། ཟླ་བ་གཅིག་གི་བཅུ་བཞི་ལ་ ་བདུད་རྩི་ལྔ་དང་ལྡན་པ་ཡི། །ཤ་ལྔ་ཡི་ནི་བསྐུས་བྱས་ནས། །བཟླས་ན་དངོས་གྲུབ་བསྒྲུབ་པའི་མཆོག་།རི་ལུ་དག་ནི་སོ་སོ་ལ། །རྣལ་འབྱོར་པ་ཡི་གཤིན་རྗེ་བསྒོམ། ཞེས་བྱ་བ་ལ། ཟླ་བ་གཅིག་གིས་ཞེས་བྱ་བ ་ནི་ལོ་གཅིག་ཆའི་རྣམ་གྲངས་བཅུ་གཉིས་པའོ། །བཅུ་བཞི་པ་ནི་དཀར་པོའི་ངོ་དང་ནག་པོའི་བཅུ་བཞི་པའོ། །བདུད་རྩི་རྣམ་པ་ལྔ་དང་ལྡན་པའི་ཤ་ནི་བདུད་རྩིའོ། །དེ་ཡིས་བསྐུལ་བར་བྱ་བའི་རྫས་ནི་བཟའ་བ་དང་བཅའ་བ་དང། མྱང་བ་དང། བལྡོག? ་པ་དང། །བཏུང་བའི་བྱེ་བྲག་འབྲས་ཆན་དང་ཉ་ཤ་ལ་སོགས་པའོ། །བཟླས་ན་ཞེས་བྱ་བ་ནི་གཅིག་ནས་ཁྲིའི་བར་ཏེ་མཚན་མེའི་ཕྱེད་ཀྱི་དུས་སུའོ། །གོང་གི་མན་ངག་གིས་བཟླས་ན་དངོས་གྲུབ་བསྒྲུབ་པའི་མཆོག་ཏུ་འགྱུར་རོ། །དངོས་གྲུབ་བསྒྲུབ ་པའི་ཕྲེང་བའི་དམིགས་པ་ཁྱད་པར་དུ་གསུངས་པ། རིལ་བུ་དག་ནི་ཕྲེང་བའོ། །སོ་སོ་ལ་ནི་འབྲུ་རེ་རེ་ལའོ། །རྣལ་འབྱོར་པ་ཞེས་བྱ་བ་ནི་ཏིང་ངེ་འཛིན་གྱིས་ཉམས་སུ་མྱོང་བ་ནི་ཡིད་དང་མི་འབྲལ་བའོ། །གཤིན་རྗེ་གཤེད་བསྒོམ་ཞེས་པ་ནི་མཚན ་དང་དཔེ་བྱད་ཡོངས་སུ་རྫོགས་པའི་སྐུའོ། །བཟླས་པའི་གྲངས་ཀྱི་སྦྱོར་བ་གསུངས་པ། ཁྲི་ཙམ་གྱིས་ནི་འབྱུང་པོ་རྣམས། །མཁའ་འགྲོ་མ་ནི་སྟོང་ཕྲག་དང། །བདུད་དང་ཡི་དགས་ཚོགས་ཀྱང་འཆི། །གཤིན་རྗེ་རྡོ་རྗེ་སྦྱོར་བ་ཡིས། །རྣལ་འབྱོར ་བདག་ཉིད་འབུམ་བཟླས་ན། །དེས་ནི་ལས་ཀུན་བྱེད་པར་འགྱུར། །བྱེ་བ་བཟླས་ན་དངོས་གྲུབ་སྟེ། །བྱ་བ་ལྔ་བཟླས་སྨོས་ཅི་དགོས། ཤེས་པ་ལ། ཁྲི་ནི་སྟོང་ཕྲག་བཅུའོ། །ཙམ་གྱིས་ནི་ཞེས་བྱ་བ་ནི་ལྷག་མི་དགོས་པའོ། །འབྱུང་པོ་རྣམས་དང ་མཁའ་འགྲོ་མ་ཞེས་བྱ་བ་ནི་གཉིས་ཀྱི་དོན་གྱི་དྲུག་སྟེ་འཆིང་བ་འམ་ཚར་གཅོད་པར་ནུས་སོ། །སྟོང་ཕྲག་གཅིག་གིས་བདུད་དང་ཡི་དྭགས་ཀྱི་ཚོགས་འཆིང་པར་ནུས་ཏེ་དཔའ་བོ་སེམས་ཅན་གྱི་སེམས་ཀྱི་བྱེ་བྲག་གྱིས་སོ། །གཤིན་རྗེ་གཤེད་རྡོ ་རྗེ་ནི་དེ་བཞིན་གཤེགས་པ་སྟེ། སྦྱོར་བ་ཡིས་ཞེས་བྱ་བ་ནི་རྣལ་འབྱོར་པ་བདག་ཉིད་དེ་ཉིད་དུའོ། །རྣལ་འབྱོར་ནི་དཔའ་བོའི་རྣལ་འབྱོར་དང། རྗེས་ཀྱི་རྣལ་འབྱོར་དང། ཤིན་ཏུ་རྣལ་འབྱོར་དང། རྣལ་འབྱོར་ཆེན་པོའི་བདག་ཉིད་ཀྱིས་སོ། །འབུམ་བཟླས་ནས ་ཞེས་བྱ་བ་ནི་ཁྲི་ཕྲག་བཅུའོ། །དེས་ནི་ལས་ཀུན་བྱེད་པ་ནི་ཞི་བ་དང་རྒྱས་པ་དང་དབང་དང་དྲག་པོ་དང། དགུག་པ་དང་བསྐྲད་པ་ལ་སོགས་པ་བྱེད་པ་ཡིན་ནོ། །བྱེ་བ་ནི་འབུམ་ཕྲག་བཅུ་སྟེ། བཟླས་ནས་ཐུན་མོང་གི་དངོས་གྲུབ་བསྒྲུབ་བོ། །བྱེ་བ་ལྔ་བཟླས ་པས་རང་གི་སེམས་དག་པར་གྱུར་ཏེ་དངོས་གྲུབ་གཞན་ལྟ་སྨོས་ཀྱང་རྩ་དགོས་སོ། །དེ་ཡང་བཤད་པའི་རྒྱུད་ལས། ཧེ་རུ་ཀ་ཡི་རྣལ་འབྱོར་གྱིས། །ཆོས་འབྱུང་བྱང་ཆུབ་སེམས་ཀྱི་བྱུག་།སྒྲོན་མ་བཅུ་བཅས་གཏོར་མ་སྦྱིན། །གསང་སྔགས་བཟླས་པའི ་བསྙེན་བྱས་ནས། །འབྱུང་པོ་མཐུ་ཡིས་བཟུང་བྱས་ལ། །འབྲུ་རེ་བ་དང་སྡེ་ཚན་གྱིས། །ཡི་གེ་ཆོ་གའི་སྦྱོར་བ་བརྩམ། ཞེས་འབྱུང་བ་ལྟར་ཤེས་པར་བྱའོ། །དེ་ཡང་ཅི་ཞེ་ན། ཏིང་ངེ་འཛིན་གྱི་འོད་ཟེར་ལྕགས་ཀྱུ་ལྟ་བུས་བཀུག་ནས་བསྒྲུབ་པའི་ལུས་ལ་བཅུག ་ཅིང་སྙིང་གར་ཉི་མའི་སྟེང་དུ་ཡི་གེ་ཧཱུཾ་འབར་བར་འཁྲོས་པའི་ལྕགས་སྒྲོག་གིས་བཅིངས་ལ། བདག་ཉིད་ཀྱི་ཡི་གེའི་འོད་ཟེར་རབ་ཏུ་རྣོ་བ་དག་གིས་སྤྱི་གཙུག་ནས་རྐང་པའི་བར་དུ་འབིགས་ཤིང་ཨེ་ལས་ཆོས་ཀྱི་འབྱུང་གནས་རབ་ཏུ་དཀར་བའི་ནང་དུ་རེ་ཕ་ལས ་མེའི་དཀྱིལ་འཁོར་རབ་ཏུ་འབར་བར་བསམས་ཏེ། དེའི་འོད་ཀྱིས་རབ་ཏུ་གཡེངས་པའི་བསྒྲུབ་བྱ་ལ་ཐལ་ཆེན་དང་ཡུངས་དཀར་བརྡེག་ཅིང། སད?་བིགྷྣནྣཱ་ཤ་ལ་བྷི་དྷ་ཤ་ཡ་ཀརཤ་ཡ་ཧཱུཾ་ཕཊ་ཕཊ་ཕཊ་ཅེས་ཉི་ཤུ་རྩ་གཅིག་གམ་བརྒྱ་རྩ་བརྒྱད་དུ་བརྗོད་པས་གྲོལ་བར ་འགྱུར་རོ། །གཅིག་པའི་བུད་མེད་དང་གཅིག་པའི་སྐྱེས་པའི་ཐོད་པ་དུར་ཁྲོད་ཀྱི་ཐལ་བས་བྱུགས་ལ་ཤིང་གི་ལོ་མ་ལ་བསྒྲུབ་བྱའི་གཟུགས་དུའི་མ་དང་མིའི་ཚིལ་བུ་བསྲེས་པས་བྲིས་ཏེ་འཇིགས་བྱེད་ཀྱི་བསླུད་བུར་བཅུག་ལ་ཏིང་ངེ་འཛིན་གྱིས་དགུག་ཅིང ་བསྟིམ་པའི་སྦྱོར་བ་བྱ་སྟེ། གདུག་པའི་རྫས་ཀྱིས་གང་ལྟར་བསྟད་ལ་དུད་པས་བདུག་པ་ཡང་བྱའོ། །དེ་ནས་སྦྲུལ་བའི་ཁྲོ་བའི་འོད་ཟེར་དུ་བ་ལྟར་རབ་ཏུ་འཁྲུག་ཅིང་གདུད་བདག་གིས་གསད་པའི་ལམ་ན་ཡང་ཞུགས་པས ་སེམས་མར་མེ་ལྟ་བུར་མོག་མོག་པོར་བྱས་ཤིང་སྐྱོབ་པའི་ལྷ་དང་ཡང་འབྲེལ་ཏེ། མདག་ཐལ་ཀྱང་གྱུར་ཅིང་སྒྲ་སྒྲོལ་བར་བསམ་མོ། དེ་ནས་དུག་དང་ཚ་དང་སྐེ་ཚེལ་སོགས་པའི་བྱུག་པས་གཟུགས་བརྙན་ཐོང་བ་གཉིས་ཀྱི་བར་དུ་བཅུག་ནས་ནམ ་ཕྱེད་ན་དུར་ཁྲོད་ཀྱིན་ཀྱིལ་དུ་མནན་ཏེ་དུར་ཁྲོད་ཀྱི་གཡམ་པས་ཁ་བཀབ་ལ། ཁྲོ་བ་དང་བཅས་པའི་སྒོ་ནས་གཤིན་རྗེ་གཤེད་ཆེན་པོ་རྣམས་ཆེ་གེ་མོ་འདི་བཟུང་ལ་བདག་ཉིད་ཀྱི་བསྒྲུབ་པ་རྫོགས་པར་གྱིས་ཞེས་བསྒུལ་བའི་ཚིག་ནི་གདགས་པར ་བྱའོ། གློ་བུར་བ་རྣམས་ལ་ནི་ལག་པ་གཉིས་རབ་ཏུ་ཁྲོ་བའི་མཚོན་ཆས་གཡས་གཡོན་དུ་མཉེ་བར་བྱས་ཤིང་གོང་གི་སྔགས་བཟླས་སོ། །ལས་ཀྱི་སྦྱོར་བ་ནི་མར་པོའི་བརྒྱད་ཀྱང་རུང་ངོ། །བདག་ཉིད་ནི་དཔའ་བོ་རྣམས་ཀྱིས་ཁྱབ་པར་བྱའོ། །སྔོན ་དུ་བསྙེན་པ་སོང་བདག་གིས་འགྲུབ་པར་འགྱུར་བ་ནི་བཤད་ཟིན་ཏོ། །བསྒྲུབ་པའི་གཏོར་ཡའི་ཆོ་ག་གསུངས་པ། ཉིན་རེའམ་ནི་ཟླ་རེ་ལམ། །དེ་བཞིན་ལོ་ནི་རེ་རེ་ལ། །གཏོར་མ་དྲུག་ཅུ་རྩ་བཞིར་སྦྱིན། །དབྱུག་གུ་དྲུག་ཅུ་རྩ་བཞིར་ཤེས། །ཞེས་པ་ལ ་ཉ་ནི་རོ་འམ་ཞེས་པ་རྟག་ཏུའོ། །ཟླ་རེའམ་ཞེས་བྱ་བ་ནི་ཟླ་བ་དེའི་བཅུ་བཞི་ལའོ། །དེ་བཞིན་ལོ་ནི་རེ་རེ་ཞེས་བྱ་བ་ནི་གཅིག་གི་དུས་ཆེན་པོ་ཉི་མ་གཅིག་ལའོ། །གཏོར་མ་ནི་གཏོར་མ་ཆེན་པོའི། །དྲུག་ཅུ་རྩ་བཞི་སྦྱིན་ཞེས་བྱ་བ་ནི་གཏོར་མའི་གྲངས ་ཏེ་སྦྱིན་པ་ནི་མགྲོན་ཉེ་བར་མཆོད་པའོ། །དུས་ནམ་ཞེ་ན། དབྱུག་གུ་ཞེས་བྱ་བ་དང་དུས་མཉམ་པའི་ཕྱེད་ནི་ཐུན་བཞིའོ། །དེ་ལྟར་ཞག་གཅིག་ལ་ཐུན་བརྒྱད་དོ། །ཐུན་གྱི་བརྒྱད་ཆ་བརྒྱད་ནི་དབྱུག་གུའོ། །དེའི་ཁྱད་པར་ཡང་རླུང་གིས་གཟུང་བར་བྱ་སྟེ། ་དཀར་པོ་ནི་ཚེས་གཅིག་ལ་གཡོན་པའི་སྣ་བུག་ནས་ཟླ་བ་ཞེས་བྱའི་རླུང་བྱུང་བས་ཐུན་དང་པོའི་ཕྱེད་ཁྱབ་པར་གནས་སོ། །དེ་ནས་འཕོས་ཏེ་ཐུན་བདུན་གྱི་ཆེད་ཀྱི་ཆ་ནི་སྔར་བཞིན་ནོ། །འཕོ་བ་ནི་ཇི་སྲིད་པའི་ཕྱེད་ཕྱེད་ནུབ་པར་འགྱུར་རོ། །ཉིན་མོ་ཇི་ལྟ་བ་བཞིན ་དུ་མཚན་མོ་ཡང་དེ་བཞིན་ཏེ། དེ་དག་ནི་འཕོ་བ་བཅུ་དྲུག་གོ་།དེའི་ཕྱེད་ནི་ཆུ་ཚོད་དོ། ཆུ་ཚོད་དངལ་དབང་ཆེན་གྱི་སྐད་ཅིག་གཉིས་གཉིས་སོ། །སྐད་ཅིག་རེ་ལ་དབྱུག་གུ་ཞེས་བྱ་སྟེ་གང་གི་ཆོ་སྟེང་དུ་རྒྱུ་བ་ནི་མ་ཡིན་ནོ། །ལོགས་གཉིས་སུ་འབྱུང ་བ་ནི་རླུང་ཡིན་ན། །ཐུར་ལ་འབྱུང་བ་ནི་ཆུ་ཡིན་ནོ། །དབུས་ནས་འབྱུང་བ་ནི་དབང་ཆེན་ཡིན་ནོ། །དེ་ཡང་བཤད་པའི་རྒྱུད་ལས། དེ་ལ་གང་ཚེ་དབུས་གནས་སྟེང། །གང་ཚེ་གང་གི་བླ་གཉིས་ནས། །གང་ཚེ་འོག་ཆར་ཁྱབ་པ་ནི། །སྐད་ཅིག་སྐད་ཅིག ་རླུང་འབྱུང་བ། །འཕོ་བ་བཞི་ནི་ཤེས་བྱས་ལ། །དབྱུག་གུ་བཞི་ལ་བལྟ་བར་བྱ། །ཇི་ལྟར་དབྱིག་གུ་དབྱུག་གུ་བཞིན། །རང་སྦྱོར་བདག་ཉིད་གཏོར་མ་སྦྱིན། །དེ་བཞིན་དུ་མར་དེའི་ཆོས་གཅིག་ལ་ཉི་མ་ཞེས་བྱ་བའི་རླུང་སྣ་བུག་གཡས་པ་ནས་འབྱུང་སྟེ། ་དེ་ལྟར་ཆོས་གཉིས་དང་གསུམ་གྱི་བར་དུའོ། །བཞི་ལ་ཉི་མ་ནས་ཟླ་བར་འཕོ། །དེ་ལྔ་པ་དང་དྲུག་པའི་བར་དུ་འབྱུང་ངོ། །དེ་ནས་ཡང་ཉི་མ་འཕོ་སྟེ། བདུན་དང་བརྒྱད་དང་དགུའི་བར་དུ་འབྱུང་ངོ། །དེ་ནས་ཡང་ཟླ་བར་འཕོ་སྟེ་བཅུ་པ་དང། བཅུ་པ་ཅིག་པ ་དང། བཅུ་གཉིས་ཀྱི་བར་དུ་འབྱུང་ངོ། །དེ་ནས་ཡང་ཉི་མར་འཕོ་སྟེ་བཅུ་གསུམ་པ་དང། བཅུ་བཞི་དང། བཅོ་ལྔའི་བར་དུ་འབྱུང། ཟླ་བ་ཕྱེད་གང་ལས་དང་པོར་འབྱུང་བ་དེར་ཐ་མར་ནུབ་པར་འགྱུར་རོ། ཉིན་མོ་ཇི་ལྟ་བ་བཞིན་དུ་མཚན་མོ་ཡང་ངོ། །འདི ་ཡང་མཚན་མོའི་སྦྱོར་བ་ལ་བརྩམ་པར་བྱ་སྟེ། ས་དང་ཆུ་ལ་དགེ་བའི་ལས། །མེ་དང་རླུང་ལ་བསད་པའི་ལས། །ཟླ་བ་ཡང་དག་ཉིད་ཤེས་བྱ། །ཉི་མ་ལ་ནི་འབྲེང་པོ་ཡིན། །མི་དགེ་གལ་ཏེ་ཉི་མར་བྱ། །ད་ནི་ངེས་པར་འཆི་བ་སྟེ། །དེ་ཉིད་ཟླ་བར་འབྱུང་བ ་སྟེ། ཤིན་ཏུ་སྡུག་བསྔལ་སྟེར་བ་མིན། །ཞེས་བཤད་པའི་རྒྱུད་ལས་སོ། །ད་ནི་རྣལ་འབྱོར་པས་ཐུན་མོང་གི་དངོས་གྲུབ་ཀྱི་བྱ་བ་གསུངས་པ། རྟག་ཏུ་ཅུང་ཟད་ཅི་ཟད་ད། །དེ་བཞིན་ཅུང་ཟད་འཐུང་བ་དང། གཞན ་ཡང་བཟའ་བ་ཐམས་ཅད་ཀྱི། །ཕུད་ནི་གཤིན་རྗེ་གཤེད་ལ་དབུལ། །ཞེས་བྱ་བ་ལ་རྟག་ཏུ་ནི་ཇི་སྲིད་འཚོའི་བར་དུའོ། །ཅུང་ཟད་ནི་ཐ་མ་སྟེ་ཆེན་པོ་ཅི་ཟ་བ་ལ་ལྟ་སྨོས་ཀྱང་ཅི་དགོས་ཏེ། དེ་བཞིན་དུ་ཅུང་ཟད་ཅི་འཐུང་བ་ནི་དུས་ཀྱིའོ།། ་གཞན་ཡང་བཟའ་བ་ཐམས་ཅད་ཀྱི་ཞེས་བྱ་བ་ནི་དུས་མེད་ཅིང་རིགས་སུ་མ་ཆད་པའི་ལོངས་སྤྱོད་དོ། །ཕུད་ནི་ལོངས་སྤྱོད་ཀྱིས་ཏེ་ཕྱི་དང་ནང་གི་གཤིན་རྗེ་གཤེད་མཉེས་པར་བྱ་བའི་ཕྱིར་དབུལ་བའོ། །དེ་ལས་གཞན་པ་ནི་འཁོར་བའི་ཡོ ་བྱད་ཀྱང་བསྡུ་བར་བྱ་སྟེ། རང་གི་ཡེ་ཤེས་ཁྱད་པར་དུ་འགྲོ་བའི་དོན་གྱིས་སོ། །ད་ནི་མཆོག་གི་དངོས་གྲུབ་བླ་མ་མཉེས་པ་ལས་དངོས་གྲུབ་ཆེན་པོ་འགྲུབ་པའི་ཕྱིར་བསྒྲུབ་པར་བྱ་སྟེ། དེ་ནས་ཡང་དག་བཤད་བྱའོ། །བླ་མ་ལ་ནི་ཡོན ་དབུལ་བའོ། །ལས་ནི་ཐམས་ཅད་བསྒྲུབ་པ་དང། །བདག་ཉིད་ཞི་བར་བྱ་བའི་ཕྱིར་ཞེས་པ་ལ། བླ་མ་ནི་ཡོན་ཏན་འབྱུང་བའི་གཞི་ཡིན་པས་སོ། །ཡོན་དབུལ་བ་ནི་ཐུགས་མཉེས་པར་བྱེད་པའི་རྩ་བའི། །ལས་ནི་འཁྲུལ་འཁོར་ལ་སོགས་པ་བསྒྲུབ ་པ་དང། བདག་ཉིད་ཉེ་བར་ཞི་བ་མི་གནས་པའི་མྱ་ངན་ལས་འདའ་བ་ཐོབ་པར་བྱ་བའི་ཕྱིར་འབད་པས་ཉེ་བར་སྟེན་པ་ནི་དགོས་པའོ། །བསྙེན་བཀུར་གྱི་ལས་ནི་བདག་ཉིད་ཀྱང་ནི་དབུལ་བ་དང་ཞེས་བྱ་བ་ལ་སོགས་པ་ནི་གོ་སླའོ། །བརྟུལ་ཞུགས ་ཅན་ན་བཤད་པའི་རྒྱུད་ལས། འདི་དང་དོན་ཉེ་བར་གཞག་སྟེ། མ་འོངས་གཞན་དོན་སེམས་དཔའ་ནི། །བློ་ལྡན་གཏོད་པ་མཐུ་ཡིས་བརྒྱན། །དཔའ་བོ་སེམས་ཀྱི་བརྟུལ་ཞུགས་འཆད། །ཞེས་པ་ཉིད་དོ། །དེ་ཡིས་བླ་མ་ལ་ཡོན་དབུལ་བར ་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ན་བཤད་ཟིན་ཏོ། །ཉེ་བར་འཁོ་བ་ནི་རྣལ་འབྱོར་པའི་ལོངས་སྤྱོད་ཀྱི་བདག་ཉིད་དུ་འཚམ་པའོ། །ལས་ཀྱི་ཁྱད་པར་ནི་བསྙེན་པ་དང་གཏོར་མའོ། །ཐམས ་ཅད་པ་ཞེས་བྱ་བ་ནི་དམ་པ་བསྙེན་བཀུར་བའོ། །རིམ་པར་ཕྱེ་བ་ནི་རེ་རེའི་ཁྱད་པར་རོ། །བཅུ་གཉིས་པ་ནི་བཅུ་གཅིག་པས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བཅུ་གཉིས་པ་རྒྱ་ཆེར་གསལ་བར་བྱས་པའོ།། །། ་ད་ནི་སེམས་ཅན་མི་ཤེས་པ་རྨོངས་པ་དག་ལ་ཕྱག་མཚན་གྱི་རྣམ་པར་དག་པ་གསུངས་པ། དེ་ནས་སེམས་ཅན་ཐམས་ཅད་ཀྱི། །སྡིག་པའི་ལས་རྣམས་ཇི་སྙེད་པ། །དེ་དག་གཅོད་པས་གྲི་གུག་སྟེ། །ཞེ་སྡང་གཅོད་པས་ཤུགས་ཅན་ནོ། །ཞེས ་བྱ་བ་ལ། གཞན་དག་ནི་འདིར་མི་རིགས་ཏེ་སེམས་ཅན་བསོད་པའི་དང་ཚུལ་ཅན་ཡིན་ཏེ། དེ་དག་གིས་ཐར་བའི་ས་བོན་མ་རུངས་པར་བྱེད་པའོ་ཞེ་ན་མ་ཡིན་ཏེ། སེམས་ཅན་རྣམས་ཀྱི་སྡིག་པ་ནི་ཉོན་མོངས་པས་ཀུན་ནས་བསླར་ཞིང་བསྐྱེད་པའི་ཕྱིར ་སྒོ་གསུམ་དུ་བཅུ་སྐྱེས་པ་ནི་ལས་སོ། །ཇི་སྙེད་པ་ཞེས་བྱ་བ་ནི་མ་ལུས་པའི་དོན་ཏེ་དེ་དག་གཅོད་ཅིང་མ་ལུས་པར་བྱེད་པས་ན་གྲི་གུག་གོ་།ཞེ་སྡང་ནི་མཚོན་བ་ཙམ་དུ་ཟད་དེ་ལྔའོ། །དེ་གཅོད་ཅིང་གཤོག་པར་ཟད་པར་བྱེད་པས་ན་ཤུགས་ཅན་ཞེས་བྱ ་བ་སྟ་རལ་གྲིའོ། །ད་ནི་འབད་པ་མེད་པར་གཞན་དང་གཞན་གྱི་ཤེས་རབ་ཀྱི་མཐུ་བདག་གིས་ཐོས་ཤིང་ཁོང་དུ་ཆུད་པར་བྱ་བ་བསྒྲུབ་པའི་ཕྱིར་གསུངས་པ། དེ་ནས་ཡང་དག་བཤད་བྱ་བ། །རིང་པོའི་ཐོས་པ་བསྒྲུབ་པའི་ཕྱིར། །ཞེས་བྱ་བའི་དོན་ནི་དགོས་པ་སྟེ ་རིང་པོ་ནི་ཉེ་བར་མཚུངས་པའི་གནས་མ་ཡིན་པར་གཞན་ནོ། །ཐོས་པ་ནི་བདག་གི་ཡུལ་དུ་བྱའོ། །བསྒྲུབ་པ་ནི་དེའི་ལུས་ལ་སྐྱེས་པར་བྱེད་པའི་ཆོ་ག་འདི་ཉིད་དོ། །ཕྱིར་ནི་དེ་ལ་འདི་དགོས་པའི་དོན་གྱིས་ནའོ། །དེ་ནས་རྡོ་རྗེ་མཁའ་འགྲོ་མའི་བསྒྲུབ་པ་གསུངས ་པ། ནམ་མཁའ་ཨི་ཁམས་ཀྱི་དབུས་རྟོགས་པར། །ཉི་མའི་དཀྱིལ་འཁོར་མཆོག་བསམ་བྱ། །གནས་དེར་རྩ་ལྔ་པ་ཡང་བསྒོམ། །ཞེས་བྱ་བ་ལ། རྡོ་རྗེ་ནི་ཡེ་ཤེས་སོ། །མཁའ་འགྲོ་མ་ནི་མཁའ་དང་ལྡན་པའི་བཅོམ ་ལྡན་འདས་མའོ། །འདིར་ཡང་ཚོགས་བསགས་པ་སྔོན་དུ་འགྲོ་བའི་ཚངས་པའི་གནས་བཞིས་སྦྱངས་པ་སྟོང་པ་ཉིད་དུའོ། །ནམ་མཁའ་ཨི་ཁམས་ཀྱི་ཞེས་བྱ་བ་ནི་ཟླ་བ་རྡོ་རྗེའི་སྦྱོར་བ་ཡིས་ཆོས་ཀྱི་འབྱུང་གནས་དཀར་པོ་རྣམ་ཐར་གྱི་བདག་ཉིད ་ཅན་ནོ། །དབུས་ནི་དེའི་དབུས་ཏེ། གཏོགས་པར་ནི་འཁོར་ཡུག་སྟེ་ཉེ་བར་བསྡུས་པར་ཟླ་བར་འཁོར་ལོའི་སྦྱོར་བས་གཞལ་ཡས་ཁང་ངོ། །དེའི་དཀྱིལ་དུ་རེ་ཕ་ལས་ཉི་མའི་དཀྱིལ་འཁོར་འོད་ཟེར་རྣོ་བ་དང་བཅས་པའི་མཆོག་བསམ་པར ་བྱའོ། །གནས་དེར་ཞེས་བྱ་བ་ནི་དཀྱིལ་དུའོ། །དེས་ས་བོན་གྱི་ཡི་གེ་ལས་རྡོ་རྗེ་རྩེ་ལྔ་པ་ནི་ནོར་བུའི་མདངས་ལ་རབ་ཏུ་འཁྲུག་པའི་འོད་ཟེར་ཅན་རབ་ཏུ་བསྒོམ་པར་བྱའོ། །དེའི་སྟེང་དུ་ཞེས་བྱ་བ་ནི་ལྟེ་བ་ལ་སྟེ་གནས་ནི་ཉི་མའོ། །དགོས་པ་ནི་མདོག ་ནག་པོ་ལས་འཕྲོས་ཤིང་འདུས་པ་ལས་ཤིན་ཏུ་འཇིགས་སུ་རུང་བའི་སྐུ་ཞལ་གསུམ་པ་གཡས་དང་གཡོན་ནི་དཀར་བ་དང་དམར་བ། ཕྱག་དྲུག་པའི་དང་པོའི་ཕྱག་ཏུ་རྡོ་རྗེ་རྩེ་ལྔ་པ་རྣམ་པར་བསྒོམ་པར་བྱའོ། །གཞན་ནི་ཞེས་བྱ་བ་ནི་རལ་གྲི་དང ་གྲི་གུག་དང་འཁོར་ལོ་དང་པདྨ་དང་ཐོད་པའི་མཚན་མ་སྟེ་ཕྱག་གཞན་དག་ལ་ཞེས་བྱ་སྟེ་ལྔ་ཡོངས་སུ་གང་བར་དགོད་དོ། །ཤར་དུ་ཞེས་བྱ་བ་ནི་གོ་སླའོ། །སྦྱོར་བ་ནི་ཟླ་བ་སྟེ་དེའི་དཀྱིལ་དུ་སངས་རྒྱས་མཁའ་འགྲོ་མའོ། །དཀྱིལ་རིམ་པ་ཞེས་བྱ་བ་ནི ་མཁའ་འགྲོ་མ་ལྔ་པོ་དཀྱིལ་འཁོར་གྱི་དབུས་སུ་ཏེ། འདིས་ནི་དཀྱིལ་འཁོར་རིམ་པ་གཉིས་སུ་ཤེས་པར་བྱའོ། །དཀྱིལ་འཁོར་ནི་རྩ་བའི་དཀྱིལ་འཁོར་ལ་སྣ་ཚོགས་རྡོ་རྗེ་རྒྱ་གྲམ་མེད་པར་བྱས་པ་ཀ་བ་བརྒྱད་ཀྱི་ཁྱད་པར་ཅན་ནོ། །དེ་ཡང་བཤད ་པའི་རྒྱུད་ལས་མཁའ་འགྲོ་མ་ཡི་དཀྱིལ་འཁོར་མཆོག་།ཀ་བ་བརྒྱད་ཀྱི་མཛེས་བྱས་པ། །རྡོ་རྗེ་རིན་ཆེན་པདྨ་དང། རལ་གྲི་རང་བཞིན་ཀ་ཆེན་པོ། །ཞེས་འབྱུང་བ་བཞིན་ནོ། །མེ་ལ་སོགས་པ་ནི་བདེན་བྲལ་དང། རླུང་ལྷ་དང་དབང་ལྡན་གྱི་མཚམས ་བཞི་རུའོ། །ལྷ་མོ་ནི་ལཱ་སྱ་མ་དཀར་མོ་སྒེག་པའི་ཚུལ་དང། ཕྲེང་བས་སེར་མོ་ཕྲེང་བ་འཛིན་པའི་ཚུལ་དང། གླུ་དབྱངས་མ་དམར་མོ་བི་ཝང་འདྲེན་པའི་ཚུལ་དང། གར་མ་སྔོ་བསངས་གར་བྱེད་པའི་ཚུལ་དེ་བསྒོམ་པར་བྱ་བ་ཡང་ཕྱག ་གཉིས་པ་ཞལ་གཅིག་པ་གཡས་བསྐུམ་ཞིང་གཡོན་བརྐྱང་པ། རིན་པོ་ཆེའི་འཕྲེང་བ་དོ་ཤལ་འཛིན་པ། །ཅུང་ཞིག་ཁྲོས་པའི་ཚུལ་ཅན་ནོ། །ལས་ཀྱི་ཆོ་ག་ནི་བསྙེན་པ་དང་བསྒྲུབ་པ་སྟེ། མཐོང་བ་ནི་མཁས་ཤིང་ངེས་པར་སྦྱངས་པ་དེས་སོ། ་དར་ནི་ཞེས་བྱ་བ་དཀྱིལ་འཁོར་གྱི་ཤར་ལ་སོགས་པ་རྣམས་སུའོ། སྒོ་སྐྱོང་ནི་ལས་བྱེད་ཅིང་བགེགས་བསྲུང་བར་བྱེད་པས་སོ། །དེ་ཡང་ཐོས་པ་ལ་སོགས་ཏེ་སྔར་བཞིན་ནོ། །དེ་དག་ལ་བྱིན་གྱིས་བརླབས་པ་དང་དགུག་ཅིང་གཞུག་པར ་བྱས་ལ་མཆོད་པ་དང་བསྟོད་པ་དང་བདུད་རྩི་མྱང་བ་ཡང་བྱའོ། །དེ་ནས་སྤྲས་པ་དང་སྔོན་དུ་འགྲོ་བས་བཟླས་པ་བྱ་སྟེ། ཨོཾ་བཛྲ་ཌཱ་ཀི་ནི་ཞེས་བྱ་བ་ནི་བཅོམ་ལྡན་འདས་རྡོ་རྗེ་མཁའ་འགྲོ་མའི་སྔགས་སོ། ཨོཾ་ཀརྨ་ཌཱ་ཀི་ནི་ཞེས་བྱ་བ་ནི་བཅོམ ་ལྡན་འདས་ལས་ཀྱི་མཁའ་འགྲོ་མའི་སྔགས་སོ། །ོཾ་དྷརྨ་ཌཱ་ཀི་ནི་ཞེས་བྱ་བ་ནི་བཅོམ་ལྡན་འདས་པདྨའི་མཁའ་འགྲོ་མའི་སྔགས་སོ། །ོཾ་བུདྡྷ་ཌཱ་ཀི་ནི་ཞེས་བྱ་བ་ནི་བཅོམ་ལྡན་འདས་སངས་རྒྱས་མཁའ་འགྲོ་མའི་སྔགས་སོ། །ོཾ་རཏན་ཌཱ ་ཀི་ནི་ཞེས་བྱ་བ་ནི་བཅོམ་ལྡན་འདས་རིན་ཆེན་མཁའ་འགྲོ་མའི་སྔགས་སོ། །ལཾ་མཾ་ནཾ་གཾ་ཞེས་བྱ་བ་ནི་མཚམས་ཀྱི་ལཱ་སྱེ་ལ་སོགས་པའི་སྔགས་སོ། །ོཾ་མུད་ག་རཱ་ཛཱ། ཨོཾ་དྷ་ན་ཌཧ་ཧཱུཾ། ཨོཾ་པདྨ་བཾ། ཨོཾ་ཁཌག་ཧོ་ཞེས་པ་ནི་ཐོ་བ ་ལ་སོགས་པ་བཞིའི་སྔགས་སོ། །འདི་དག་ནི་སྔོན་དུ་བསྙེན་པའི་ཆོ་ག་སྟེ། བཅུ་གཉིས་པ་ལས་རྒྱ་ཆེར་ཤེས་པར་བྱའོ། །དོན་བསྒྲུབ་པ་བརྩམ་པར་བྱའོ། །དགོས་པ་ནི་སྔར་དང་རྗེས་སུ་མཐུན་པ་ཉིད་ལ་གསུངས་པ། དེ་ནི ་གསང་སྔགས་ཀྱི་དངོས་གྲུབ་འབྱུང་བར་འབྱུང་ཏེ་ཞེས་བྱ་བ་ལ། གསང་སྔགས་ནི་སྙིང་པོ་ཉེ་བར་ལེན་པའོ། །དངོས་གྲུབ་ནི་ཤེས་རབ་ཀྱི་མཐུ་ཐོས་པའོ། །དེ་དག་གི་སྦྱོར་བ་ཐོགས་པ་མེད་པར་བྱེད་པ་འདི་དག་སྟེ། ཨོཾ་ཨཱ་ཀརཥ་ཙ་ར་ཏ་ཀི་ནི་སྭཱཧཱ། ཞེས ་ཁྲི་དང་ལྡན་པ་དག་གིས་འགྲུབ་པར་འགྱུར་རོ། །དེའི་ཉེ་བར་ལེན་པ་སྒྲུབ་པའི་ལས་ཀྱང་གུར་གུམ་དང། ཛཱ་ཏི་པ་ལ་དང། བྱང་ཆུབ་ཀྱི་ཤིང་གི་མེ་ཏོག་རྣམས་ལ་མངོན་པར་སྔགས་ཏེ། མཆོད་པ་དང་བཏུང་བ་དང་བྱུང་བ་བྱའོ། །བྱང་ཆུབ་སེམས ་དཔའ་ཕྱག་ན་རྡོ་རྗེ་སྣང་བ་རབ་ཏུ་བྱིན་གྱིས་བརླབས་ཏེ་ཨུཏཔ་ལ་སྔོན་པོའི་དབྱིབས་སུ་ལྟ་བར་བྱའོ། །དེ་ཡིས་གང་དང་ཐོས་པ་དེ་དག་ཐམས་ཅད་ཀྱང་ཚིག་གི་བཟུང་དང། དོན་གྱི་གཟུངས་དང། མི་བརྗེད་པའི་བཟུངས་དང་ལྡན་པར་འགྱུར་རོ།། ་ད་ནི་རྡོ་རྗེས་འོག་གི་དངོས་གྲུབ་བསྒྲུབ་པའི་ཕྱིར་གསུངས་པ། ས་འོག་རྣམ་པར་བསྒྲུབ་དོན་དུ། གནོད་མཛེས་རྣམ་པར་བསྒོམ་པར་བྱ། ཞེས་བྱ་བ་ལ། རྡོ་རྗེ་ནི་ནུས་པ་ཡོངས་སུ་གནས་པའོ། །ས་འོག་ནི་ས་འོག་གི་གཉེར་རོ། །དེ་མཐོང ་ཞིང་ཐོབ་པར་བྱ་བའི་བསྒྲུབ་པར་བྱ་བའི་དོན་དུ་རབ་ཏུ་འགྲུབ་པའི་འཁོར་ལོ་རྡོ་རྗེ་གནོད་མཛེས་ལ་སོགས་པ་བསྒོམ་པར་བྱའོ། །དེ་ཡང་སྔོན་དུ་སོགས་བསགས་པ་དང་སྟོང་པ་ཉིད་དང་བསྲུང་བ་མཚམས་ཀྱི་འཁོར་ལོའི་རྗེས་ལ་དེའི་ནང་དུ་བཞལ་ཡས ་ཁང་ཉི་མ་དང་གནས་པ་སྤྲུལ་ཏེ། དེའི་དཀྱིལ་དུ་ཏྲཱི(རྒྱུད་འགྲེལ་རལ་གྲི་དང་འཁོར་ལོ་དང། ཆུ་སྐྱེས་དང་གྲི་གུག་དང་ཐོད་བ་དགོད་པར་བྱའོ། །དཀྱིལ་འཁོར་གྱི་ནི་ཞེས་བྱ་བ་ནི་ཀ་བ་བརྒྱད་ཀྱིས་ཉེ་བར་མཛེས་མ་སྔ་མ་བཞིན་ནོ། །དཀྱིལ་དུ་ཞེས་བྱ་བ་ནི་དཀྱིལ་ནི་ཉི་མ་ལའོ། །འདི་ནི་རབ་ཏུ་དགོང་བར་བྱ་ཞེས་བྱ་བ་ནི་གནོག ་མཛེས་སོ། །ཕྱོགས་བཞི་སྔགས་ཀྱི་ས་བོན་གྱི་ཡི་གེ་ལས། ཤར་དུ་སྤྱན་མ་དགོད་པར་བྱ། །དེ་བཞིན་ལོ་རུ་ཌཱ་ཀི་མ། །ནུབ་ཏུ་ལྷ་མོ་གོས་དཀར་མོ། །སྒྲོལ་མ་བྱང་གི་ཕྱོགས་སུ་དགོད། ཅེས་བྱ་བ་ལ། ཤར་ནི་ཤར་གྱི་ཟླ་བ་ལའོ། །སྤྱན་མིན་ཞལ ་གསུམ་ཕྱག་དྲུག་པ་མདོག་དཀར་བ་དགོད་པར་བྱ་སྟེ། ཞལ་གཡས་པ་དང་གཡོན་པ་ནི་སྔོ་བ་དང་དམར་བ་དང། ཕྱག་མཚན་ནི་རལ་གྲི་དང་རིན་པོ་ཆེ་དང་པདྨ་འཛིན་པའོ། །དེ་བཞིན་ལྷོ་རུ་ཌཱ་ཀི་མ་ཞལ་གསུམ་ཕྱག་དྲུག་པ་མདོག་སྔོ་བ་སྟེ། ཞལ་གཡས་པ ་དང་གཡོན་པ་དཀར་བ་དང་དམར་བ། ཕྱག་མཚན་ནི་རྡོ་རྗེ་དང་རལ་གྲི་དང་རིན་པོ་ཆེ་དང་པདྨ་བསྣམས་པའོ། །ནུབ་ཏུ་ལྷ་མོ་གོས་དཀར་མ་ཞལ་གསུམ་ཕྱག་དྲུག་པ་དམར་བ་གཡས་པ་དང་གཡོན་པ་སྔོ་བ་དང་དཀར་བ། ཕྱག་མཚན་ནི་པདྨ་དང་རལ་གྲི་དང ་འཁོར་ལོ་དང་ནོར་བུ་བསྣམས་པའོ། །སྒྲོལ་མ་ནི་བྱང་གི་ཕྱོགས་སུ་དགོད་པར་བྱ་སྟེ། ཞལ་གསུམ་ཕྱག་དྲུག་ལ་མདོག་སྔོ་བསངས་ཞལ་གཡས་པ་དང་གཡོན་པ་དམར་བ་དང་དཀར་བ། ཕྱག་མཚན་ནི་རལ་གྲི་དང་འཁོར་ལོ་དང་ནོར་བུ་དང་པདྨ ་བསྣམས་བའོ། །རྩ་བའི་ཕྱག་གྲི་གུག་དང་ཐོད་བས་ཐུགས་ལ་རབ་ཏུ་འཁྱུད་པའི་ཚུལ་ལོ། །དེ་དག་ཐམས་ཅད་ཀྱི་ཞབས་ཀྱང་གཡས་བསྐུམ་ཞིང་གཡོན་བརྐྱང་བ། ཁྲོ་བ་དང་བཅས་པའི་ཁྲོ་བོའི་རྒྱན་གྱིས་རབ་ཏུ་སྦྲས་པ་སྤྱན་དགུ་རྣམ་པར་བཟློག་ཅིང ་བལྟ་བ། མཆེ་བ་བཅུ་གཉིས་ཀྱི་ཕྲེང་བ་རབ་ཏུ་གཅིགས་བའོ། །མེ་ཏོག་དང་སྤོས་དང་དྲི་དང་མར་མེ་མ་བཞི་ནི་མེ་ལ་སོགས་ཞེས་བྱ་སྟེ་བདེན་བྲལ་དང་རླུང་དང་དབང་ལྡན་མཚམས་སུ་དགོད་དོ། །དེ་ཡང་སྔར་གྱི་ས་བོན་ལས་བསྐྱེད་པའི་ལྷ་མོ་ཞལ་བཅིང ་ཕྱག་གཉིས་པ་མདོག་དཀར་བ་དང་དམར་བ་དང་ལྗང་གུའི་མདོག་ཅན་ནོ། །མེ་ཏོག་དཀར་པོའི་འཕྲེང་བ་དང་སྤོས་ཀྱི་སྣོད་དང། མར་མེ་དང། དྲིའི་དུང་ཕོར་ལག་ན་ཐོགས་པ་གཙོ་བོ་ལ་མངོན་པར་ཕྱོགས་? ་ཐོ་བ་ལ་སོགས་བྱ་བ་ནི་དབྱུག་པ་དང་པདྨ་དང་རལ་གྲི་གཤིན་རྗེ་གཤེད་བཞི་སྒོ་བཞི་རུ་དགོད་པར་བྱ་སྟེ། ཞལ་གསུམ་ཕྱག་དྲུག་པའི་ཁྲོ་བོ་སྤྲུལ་གྱི་རྒྱན་དང་སྐ་རགས་བྱས་པ་ཡ་ཙ་ནི་ར་བཞི་ལས་བསྐྱེད་པའི་སྐུ་ནི་ལས་ཀྱི་ཆོ་ག་མཐོང་ནས ་དཀྱིལ་འཁོར་གྱི་འཁོར་ལོ་འདི་ལྟར་བསྒོམ་པར་བྱའོ། །སྔགས་འོག་ནས་འབྱུང་བ་ཉིད་ཀྱིས་བསྙེན་པ་འབུམ་བྱས་ནས་རྡོ་རྗེ་ལས་འོག་གི་སྦྱོར་བ་རྣམ་པ་དེ་དག་ལ་དྲེས་པར་ལྡན་པས་བཅོམ་ལྡན་འདས་ཀྱིས་རྨི་ལམ་གྱི་མཚན་མར་ས་འོག་གི་གཏེར ་དང་བསྒྲུབ་པའི་ལམ་མཐོང་བར་འགྱུར་རོ། །རྨི་ལམ་དང་རྗེས་སུ་མཐུན་པར་རྡོ་རྗེས་འོག་གི་རྣལ་འབྱོར་པ་དེར་འཇུག་པའི་ཕྱིར་རོ། །དེ་ནི་མཁའ་སྤྱོད་ཀྱི་དངོས་གྲུབ་བསྒྲུབ་པ་གསུངས་པ། དེ་ནས་ཡང་དག་བཤད་བྱ་བ། །བདུན་པའི་རྒྱལ་པོའི ་དཀྱིལ་འཁོར་ཏེ། །མཁའ་སྤྱོད་ཉིད་ནི་རབ་བསྒྲུབ་ཕྱིར། །རྟ་ཡི་མཆོག་ནི་རབ་ཏུ་བསྒྲུབ། །ཅེས་པ་ལ་བདུན་པ་ནི་རྟ་སྟེ། དེས་འདུལ་བའི་གདུལ་བྱ་རྣམས་ཀྱི་རྒྱུད་ལ་རྒྱལ་པོ་ལྟ་བུར་གནས་པས་ན་རྒྱལ་པོའོ། །དཀྱིལ་འཁོར་ཞེས་བྱ་བ་ནི ་རྟེན་གྱི་དཀྱིལ་འཁོར་ཏེ་སྔོན་དུ་འགྲོ་བ་དང་བཅས་པ་སྔ་མ་བཞིན་ནོ། །དེ་ལ་རྟེན་པའི་ཁྱད་པར་བསྒོམ་པ་ནི་དགོངས་པའི་མཁའ་སྤྱོད་ཅེས་བྱ་སྟེ། ཁམས་གསུམ་གྱི་ནམ་མཁའ་ལ་རྒྱུ་ཞིང་ཇི་ལྟར་འདོད་པ་དག་ཏུ་བྱེད་དོ། །དེ་ཉིད་རབ་ཏུ་བསྒྲུབ ་པའི་ཕྱིར་ས་རྟའི་མཆོག་རབ་ཏུ་བསྒྲུབ་པར་བྱ་སྟེ། དེའི་ཁྱད་པར་ཡང་ཉི་མའི་སྟེང་དུ་ཧྲི(རྒྱུད་འགྲེལ་མའི་སྟེང་དུ་གནས་པ་རྟའི་གདོང་བ་རྡོག་མ་སེར་པོས་རབ་ཏུ་མཛེས་པ། གཡས་པ་ན་མོན་སྲན་པྲེའུ་རྩ་བ་དང་བཅས་པ་ཁུ་ཚུར་དང་བཅས་པ། ཕྱག་གཡོན་ན་ཐོད་པ་ཐོགས་པའོ། །སྔགས་ནི་ཨོཾ་ལ་སོགས་པའི་འབྲུ་བདུན་པ་དག་ལས་ཧཱུཾ་ཕཊ་སྭཱཧཱ?། ་ལེགས་པར་རྟགས་ཏེ་མན་ངག་མཁས་པས་བཟླས་ན་རྟ་མཆོག་གི་རྒྱལ་པོར་གྲགས་ཤིང་ཉི་མ་ལྟར་ནམ་མཁའ་ལ་དབང་བར་འགྱུར་རོ། །སྔགས་འདི་ཡིས་ནི་བྱ་བ་ཧྲི(རྒྱུད་འགྲེལ་གསོལ་ཞེས་བྱ་བ་ནི་བཅོམ་ལྡན་འདས་ཀྱི་ཐུགས་ཀ་ནས་ཕྱུང་བ་སྟེ་འཁོར་རྣམས་རང་གི་ཐུགས་ཀ་ནས་སྤྲུལ་ཞེས་བྱ་བར་རབ་ཏུ་གྲགས་སོ། །དེ་ཡང་གོང་གི་སྔགས་ཀྱིས་རབ་ཏུ་བསྐུལ་བའི་རྗེས་ལ་སྨྱུག་མའི་གླིང་བུ་བུག་པ་བདུན་པ་ཉིད་དོ། ་པི་ཝང་གི་གཞུ་རྒྱུད་དང་བཅས་པའོ་རྔ་ཟླུམ་ནི་ཁོག་པ་གཅིག་གི་སྟེང་འོག་ཡོངས་སུ་དྲིལ་བའོ། །རྔ་ཟླུམ་ནི་པ་ཏྲ་ཧ་ཆེན་པོ་སྟེ་རྔ་བོ་ཆེའི་དབྱིབས་ཅན་ལ་རྐྱེད་པ་ཅུང་ཟད་ཕྲ་བ་རྡ་མའི་སྐུད་པས་སྦྲེལ་བ་ལས་ཀྱི་གཡོན་ཕྱོགས་སུ་འཕྱང་སྟེ་སྟེང་ནས ་བརྡུང་བ་དེ་དག་གོ། མཚམས་ཤེས་བྱ་བ་དེ་མེ་ལ་སོགས་པ་བཞིར་ཡིད་གྱིས་གཞག་པའོ། །བ་ལང་སྣ་དང་གླང་པོ་ཆེའི་སྣ་ཞེས་བྱ་བ་ནི་དེ་ཉིད་ཀྱི་གདོང་པ་ཅན་ནོ། །དེ་བཞིན་མདོག་བཟང་ཞེས་བྱ་བ་ནི་རབ་ཏུ་ཞི་བའི་མདངས་རབ་ཏུ་རྒྱས་པའི ་ཞལ་ལའོ། །མདོག་ནི་ཁྲོས་པའི་བཞིན་རབ་ཏུ་བསྡུས་པའོ། །གཡས་ཀྱི་ཕྱག་རྣམས་སུ་གཏུན་ཤིང་དང་སྟ་རེ་དང་ལྕགས་ཀྱུ་དང་ཞགས་པའོ། །གར་ལ་སོགས་པ་ནི་གཡས་བསྐུམ་ཞིང་གཡོན་བརྐྱང་བའོ། །རྣལ་འབྱོར་གྱི་ཞེས་བྱ་བ་ནི་རྣལ་འབྱོར་གྱི་བློའི ་ཡུལ་གྱིས་སོ། །གནས་ནི་སྒོ་བཞི་དུའོ། །རྟག་ཏུ་བསྒོམ་པ་ཞེས་བྱ་བ་ནི་བསྒྲུབ་བྱ་ཡོངས་སུ་མ་ཐོབ་པའི་བར་དེ་སྲིད་དུའོ། །མོན་སྲན་གྲེའུ་སྔོ་བ་སངས་ཕྱག་གཡོན་པར་བསྒོམ་པར་བྱའོ། །རང་གི་ཕྱག་མཚན་གོང་དུ་བཤད་པ་དེ་བཞིན་དུ་གཡས ་སུའོ། བསྒྲུབ་པ་དེ་དག་གི་ཁྱད་པར་གྱི་འབྲས་བུ་ཅི་ཞེ་ན། ཇི་ལྟར་རྟ་མཆོག་སྔགས་ཀྱིས་ནི། །རྡོ་རྗེ་ས་འོག་གི་ཡང་སྟེ། རྟ་མཆོག་རྣལ་འབྱོར་ཉིད་ཀྱིས་ནི། །ཁམས་གསུམ་ནམ་མཁའ་ཨི་ཁམས་སུ་རྒྱུ་ཞེས་བྱས ་ལ། རྟ་མཆོག་གི་སྔགས་ནི་བསྐྱེད་པ་དང་བཟླས་པའི་སྔགས་སོ། །བསྐྱེད་པ་ནི་ས་འོག་གི་དཀྱིལ་འཁོར་དང། རིང་པོའི་ཐོས་པ་བསྒྲུབ་པ་དག་ཀྱང་ཧྲིའི་ས་བོན་ལས་སྤྲུལ་པ་དང། ཡང་ན་ས་འོག་དང་མཁའ་སྤྱོད་གཉིས་ཀྱི་ཡི་གེ་བདུན་པའི་སྔགས ་ཀྱིས་བསྒྲུབ་པའོ། །རྟ་མཆོག་ནི་བསྒྲུབ་པར་བྱ་སྟེ་རྣལ་འབྱོར་ནི་བསྒྲུབ་པར་བྱེད་པ་རྩེ་གཅིག་པའི་ཡིད་ཀྱིས་སོ། །ཁམས་གསུམ་ནི་འདོད་པ་དང་གཟུགས་དང་གཟུགས་མེད་པའོ། །ནམ་མཁའ་ནི་སྲིད་པའི་རྩེ་མོ་མཐར་ཐུག་པའི་བར་རོ། །ཁམས ་གསུམ་རྒྱུ་བ་ནི་ཐོགས་པ་མེད་པ་དབང་དུ་བྱས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་བཤད་ཟིན་ཏོ། །བཤད་པའི་ཐུན་མོང་གི་དངོས་གྲུབ་སྟེ། ངེས་པར་བསྟན་པ་ནི་ལས་ཀྱི་ཆོ་ག་མ ་ལུས་པར་བསྟན་པས་སླུ་བ་མེད་པའི་དོན་ཏོ། །བཅུ་གསུམ་པ་ནི་བཅུ་གཉིས་པས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བཅུ་གསུམ་པ་རྒྱ་ཆེར་གསལ་བར་བྱས་པའོ།། །།ད་ནི་སྔོན་དུ་བསྙེན་པ་རྫོགས་པ་དག? ་གིས་སའི་ཆོ་ག་དང་སྟ་གོན་དུ་གནས་པ་ཡོངས་སུ་རྫོགས་པའི་རྗེས་ལ། སྲར་བུས་མངོན་པར་སྔགས་པའི་སྔགས་གསུངས་པ། དེ་ལ་དེའི་སྲང་བུ་བརྐྱང་བའི་དམ་ཚིག་གི་མཆོག་སྟེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཱཾ་ཨདྱ་ནུདྤན་ན་དྭཱད་ཅེས་བྱ་བ ་ལ། སྲང་བུ་ནི་ཡེ་ཤེས་ཀྱི་སྲང་བུ་སྟེ་ཉི་ཤུ་རྩ་ལྔའི་བྱེ་བྲག་ལྔ་ལྔར་བསྒྲིལ་བར་ལྔའོ། །དེ་ལྟར་དབྱེ་བ་བྱས་པའི་འདོག་པ་ལྔ་བསང་བར་བྱས་པའི་རྗེས་ལ། ས་བོན་བྱིན་གྱིས་བརླབ་པ་སྟེ། ཡེ་ཤེས་ཀྱི་སྒྲ་ལྔ་སྤྱན་དྲངས་ནས་གཉིས་སུ་མེད་པར་གྱུར་པ་རྡོ ་རྗེའི་ཐིག་སྟེ། ཕུན་སུམ་ཚོགས་པ་དེ་དག་བྱིན་གྱིས་རླབས་ཀྱི་ནུས་པས་སེམས་ཅན་བསྡུ་ཞིང་རྒྱུད་སྨིན་པར་བྱས་པ་ལས་མི་འདའ་བར་བྱ་བའི་ཕྱིར་དམ་ཚིག་གི་མཆོག་སྟེ། རྡོ་རྗེ་ལས་ལ་བཞེས་བསྐུལ་བ་དང་རང་བར་བྱའོ། །སྔགས་འདི་ནི་ལུས་བྱིན ་གྱིས་བརླབས་པའི་དཀྱིལ་འཁོར་དང། མ་རིག་པ་གསལ་བའི་དཀྱིལ་འཁོར་དང། བྱང་ཆུབ་ཀྱི་སེམས་ཀྱི་དཀྱིལ་འཁོར་གསུམ་གྱི་སྤེལ་བ་ཡིན་པར་ཤེས་པར་བྱའོ། །དེ་ཡང་ཨ་ནི་སྐྱེ་བ་མེད་པ་སྟེ། ཨ་ཀཱ་རོ་མུ་ཁཾ་ནི་དེ་ལས་སྐྱེས་པའི་ཞལ་དང ་མདོག་ཅན་ནོ། །སརྦ་ནི་ཐམས་ཅད་དོ། །དྷརྨཱ་ནི་ཆོས་སོ། །ཎཱཾ་ནི་གནས་ཏེ་འབྱུང་གནས་སུ་ཤེས་པར་བྱའོ། །དྱཱ་ནི་འཕགས་པ་སྟེ། ནུད་པན་ནི་རྟོགས་པའི་གནས་ལུགས་སོ། །ན་ནི་ནང་ན་རང་སྟེ་ཉམས་སུ་མྱོང་བའོ། །ཏྭཱད་ནི་དེ་ཁོ་ན་ཉིད་ཀྱི ་བྱང་ཆུབ་ཀྱི་སེམས་ཏེ་དེ་ལྟར་སྐུའི་དེ་ཁོ་ན་ཉིད་དང། གསུང་གི་དེ་ཁོ་ན་ཉིད་དང། ཐུགས་ཀྱི་དེ་ཁོ་ན་ཉིད་ཀྱི་ནུས་པ་བཅོམ་ལྡན་འདས་ཀྱིས་དེ་ཁོ་ན་ཉིད་ཀྱིས་བྱིན་གྱིས་བརླབས་པའོ། །སློབ་དོན་དང་སློབ་མའི་རྗེས་སུ་མཐུན་པའི་ཏིང་ངེ་འཛིན ་ཡང། དཔལ་ལྡན་གཤིན་རྗེ་གཤེད་བསྒོམས་པས། སློབ་མ་རྣམ་སྣང་མཛད་དུ་བསྒོམ། །ཡེ་ཤེས་ཐིག་མཆོག་རྩེ་མོའི་རྩེ། །ཤིན་ཏུ་མཉམ་པར་བཞག་པས་གདབ། ཅེས་བྱ་བ་ལ། གཤིན་རྗེ་གཤེད་ཀྱི་སློབ་དཔོན་གྱིས་བསྒོམ ་ནི་ཡེ་ཤེས་ཀྱི་ཐིག་སྟེ་རྩེ་ཞེས་བྱ་བ་ནི་ཡེ་ཤེས་ཀྱི་འཁོར་ལོས་བྱིན་གྱིས་བརླབས་ནས་སོ། །ཤིན་ཏུ་མཉམ་པར་བཞག་ན་ཞེས་བྱ་བ་ནི་ཕྱོགས་དང་ས་ལ་མཁས་པས་འདེབས་པའི་དུས་སུ་ཕྱོགས་དང་ས་ཐམས་ཅད་མཉམ་པར་བྱའོ། ་གདབ་པ་ནི་ཐིག་གི་བྱེ་བྲག་གིས་ནམ་མཁའ་དང་ས་ལ་གབ་པར་བྱའོ། །དེ་ལ་འདི་ནི་དཀྱིལ་འཁོར་དུ་འཇུག་པའི་དམ་ཚིག་གོ་།ོཾ་ཨཱ(རྒྱུད་འགྲེལ་ཡོངས་སུ་རྫོགས་ནས་སོ། །འདི་ནི་ཞེས་བྱ་བ་ནི་འོག་ནས་འབྱུང་བའི་བྱ་བ་རྣམས་སོ། །དཀྱིལ་འཁོར་ཆེན་པོ་ནི་རྩ་བའི་དཀྱིལ་འཁོར་རོ། །འཇུག་པ་ནི་སློབ་མ་སྟེ་ལུས་ངག་ཡིད་གསུམ་བག་མེད་པས་འདའ་བར་མི་བྱ་བས་ན་དམ་ཚིག་གོ ་དེ་ཉིད་བག་དང་ལྡན་པའི་བརྡའི་དོན་དུ་ཨོཾ་ནི་ལུས་ཚད་ལས་མི་འདའ་བ་དང་ལུས་བྱིན་གྱིས་བརླབས་པའི་དེ་ཉིད་དོ། །ཱ་ནི་ངག་ཚད་ལས་མི་འདའ་བ་དང་ངག་གི་དམ་ཚིག་གོ་།ཧཱུཾ་ནི་ཡིད་ཚད་ལ་མི་འདའ་ཞིང་ཡིད་བྱིན་གྱིས་བརླབས་པའི་དེ་ཉིད ་དོ། དེ་ལྟར་ཡི་གེ་གསུམ་པ་དག་སློབ་མ་དཀྱིལ་དུ་འཇུག་པ་དང། དཀྱིལ་འཁོར་བྲི་བའི་དུས་གཉིས་ཀར་བཟླས་པ་བྱ་སྟེ། འདི་དག་གིས་བྱིན་གྱིས་བརླབས་པའི་རེ་ཁཱ་དང་ཐིག་ལ་ནང་དུ་འཇུག་པ་དང། ཕྱིར་འབྱུང་བས་འགོད་པའི་ཉེས་པ་ཟད ་པར་བྱས་སོ། །ད་ནི་ཐིག་སྐུད་ཀྱི་ཁྱད་པར་གསུངས་པ། དཀྱིལ་འཁོར་ཉིས་འགྱུར་རིང་བར་བྱ། །དེར་ནི་སྒོ་ཡི་ཉི་ཤུ་ཚང། །བ་ཡི་རྣམ་ལྔས་མཉམ་བྱུགས་པའི། །སྐུད་པ་སངས་རྒྱས་ཀྱིས་རབ་བརྟགས་སོ། །ཤེས་བྱ་བ་ལ། ཐིག་སྐུད་དཀྱིལ ་འཁོར་གྱི་ཉིས་འགྱུར་དུ་རིང་བའི་བརྡ་ནི་ཕྱི་དང་གནང་གི་དཀྱིལ་འཁོར་ལ་ཉེ་བར་དགོངས་པ་ཡིན་ནོ། །སྤོམ་ཕྲ་སྒོའི་ཉིས་འགྱུར་ཚད་དུ་བྱ་བ་ནི་ཚོན་རྣམ་པ་ལྔ་ལ་ཉེ་བར་དགོངས་པ་ཡིན་ནོ། །པའི་རྣམ་པ་ལྔའི་ལྕི་བ་དང་གཅིན་དང་འོ་མ་དང་ཞོ་དང ་མར་སྟེ། སྙོམས་པར་བྱུགས་ཤིང་སྐྱར་ནུལ་བྱས་པའི་ས་གཞི་ལ་གདབ་པར་སངས་རྒྱས་བཅོམ་ལྡན་འདས་ཀྱི་ཐབས་དང་ཤེས་རབ་གསང་བའི་རྒྱུད་ཐམས་ཅད་དུ་རབ་ཏུ་སྔགས་སོ། །ད་ནི་གསང་བ་དང་ཤེས་རབ་ཡེ་ཤེས་ཀྱི་དབང་གི་ཕྱིར ་སློབ་མས་གསོལ་བ་གདབ་པ་གསུངས་པ། དེ་ལ་འདི་ནི་རྡོ་རྗེ་ཆེན་པོས་གསོལ་བ་གདབ་པའི་དམ་ཚིག་གོ་།ེ་མའོ་ཆོས་དང་ཚོགས་ཀྱི་གཙོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ ་གསོལ། ཅེས་བྱ་བ་ལ། དེ་ལ་ཞེས་བྱ་བ་ནི་དཀྱིལ་འཁོར་གྱི་འཁོར་ལོ་དང་ཅས་པའི་སློབ་དཔོན་ནོ། །འདི་ནི་ཞེས་བྱ་བ་ནི་འོག་ནས་འབྱུང་བའི་ཚིག་གོ་།རྡོ་རྗེ་ནི་སངས་རྒྱས་ཡེ་ཤེས་ཏེ་ཆེན་པོ་ནི་ཆོས་ཐམས་ཅད་དེའི་བདག་ཉིད་དུ་བྱེད་པའི་བྱང་ཆུབ་ཀྱི ་སེམས་སོ། །དེའི་རྩ་བ་ནི་རྡོ་རྗེ་སློབ་དཔོན་ཡིན་པའི་ཕྱིར་གསོལ་བ་གདབ་པ་སྟེ། དད་དང་གུས་པས་འབྲས་བུ་ལ་དམིགས་པ་དང་རྩེ་བ་ཡོངས་སུ་མི་གཏོང་བ་འདི་ནི་དམ་ཚིག་གོ། ཨེ་མའོ་ཞེས་བྱ་བ་ནི་ངོ་མཚར་བའི་འབྱུང་བ་སྟེ། གདོལ་བ་མོ་ལས་འཁོར་ལོ་སྒྱུར་བའི་རྒྱལ ་པོ་སྐྱེས་པ་བཞིན་ནོ། །སངས་རྒྱས་ནི་བྱིན་གྱིས་བརླབས་པའི་རང་བཞིན་ཉེ་བར་རྟོགས་པ་དང། སྨོན་ལམ་ཆེན་པོའི་རྒྱུན་གྱིས་འབྱུང་བ་སྟེ་རྡོ་རྗེ་སློབ་དཔོན་དེའི་ངོ་བོ་ཉིད་ཡིན་པས་ཆེ་བའོ། །ཆོས་ནི་ཞི་བ་མྱ་ངན་ལས་འདས་པ་དང། ཚོགས་ནི་བྱང་ཆུབ་སེམས་དཔའ་ཨི ་དགེ་འདུན་ཏེ་དེའི་རང་བཞིན་ཡིན་པའི་ཕྱིར་གཙོ་བོ་ཞེས་བྱའོ། །དམ་ཚིག་ནི་སངས་རྒྱས་དང་ཆོས་དང་དགེ་འདུན་གྱི་དམ་ཚིག་སྟེ། ཤེས་རབ་ཡེ་ཤེས་དང་གསང་བ་དང་བུམ་པ་རྣམས་སྦྱར་བར་བྱའོ། །དེ་ཡང་སྐད་ཅིག་ཡེ་ཤེས་བདེ་ཡེ་ཤེས། །ེ་བཾ་ལ ་ནི་རབ་ཏུ་གནས། །ཞེས་བ་དང་སངས་རྒྱས་ཀུན་གྱི་སྡོམ་པ་ནི། །ེ་བཾ་ལ་ནི་རབ་ཏུ་ཞུགས། ཞེས་བྱ་བ་དང། གང་ལ་དེ་གཤེགས་བཞུག་པ་དང། འཆགས་པ་དང་ནི་བཞེངས་པ་དང། །སེང་གེ་ལྟ་བུར་གཟིམས་བརྟགས་བའི། །གནས་དེ་ལ་ནི་བདག ་ཕྱག་འཚལ། །ཞེས་བྱ་བས་ཤེས་རབ་ཡེ་ཤེས་ནི་སང་རྒྱས་ཀྱི་དམ་ཚིག་གོ་།རྗེ་བཙུན་དང་ནི་རྗེ་བཙུན་མ། །སྦྱར་ལས་བཏུང་བར་བྱང་ཆུབ་སེམས། །བསྒྲོད་དང་བསྒྲོད་མིན་སྤངས་བ་ནི། །འདི་ཉི་གཉིས་བྲལ་ཆོས་ཀྱི་མཆོག་།ཅེས་བྱ་བས་གསང ་བ་ནི་ཆོས་ཀྱི་དམ་ཚིག་གོ་།བསྒྲུབ་པ་བོས་རིག་པའི་དབང་བསྐུར་བླངས་ནས། སློབ་དཔོན་དབང་གིས་གཞན་མིན་བྱེད། །ནུས་པ་བུམ་པའི་དབང་ཐོབ་པ། །སྐྱེས་བུ་འདི་ནི་ཚོགས་ཀྱི་མཆོག་།ཅེས་བྱ་བས་བུམ ་བའི་དབང་ནི་དགེ་འདུན་གྱི་དམ་ཚིག་གོ་།དེ་ཉིད་ཅེས་བྱ་བ་ནི་གྲོལ་བར་བྱ་བའི་གོ་རིམས་ཏེ་བསྐྱེད་པའི་རིམ་པ་དང། བདག་བྱིན་གྱིས་བརླབ་པ་དང། རྫོགས་པའི་རྣལ་འབྱོར་རོ། །དེ་ལྟ་བུའི་སྨིན་པ་དང་གྲོལ་བ་བདག་ལ་སྩོལ་ཅེས་བྱའོ། །བྱང་ཆུབ ་ཀྱི་སེམས་ཞེས་བྱ་བ་ནི་བཞི་པ་སྟེ། ཀྱང་ནི་ཉེ་བར་བསྡུ་བ་སྔ་མ་ལས་ཕྱོགས་པའོ། །དེ་ལྟ་བུའི་བཞི་པ་དམ་ཚིག་དང་བཅས་པས་བདག་ལ་སྩོལ་ཅེས་བྱའོ། །དེ་ལས་བསྲུང་བ་ཡན་ཆད་བྱས་པའི་རྗེས་ལས་བཟུང་བ་གསུངས་པ། དེ་ལ་འདི་ནི་ས ་ཆེན་པོ། །ཡོངས་སུ་བཟུང་བའི་ཆོ་ག་རྡོ་རྗེ་སའི་ལྷ་མོ་བཀུག་ལ། ལྷ་མོ་ཁྱོད་ནི་དབང་དུ་གྱུར། །སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པ་ཡི་ནི་ཁྱད་པར་དང། །ས་དང་ཕ་རོལ་ཕྱིན་པ་ལའོ། །ཞེས་བྱ་བ་ལ། ས་ཆེན་པོ་ནི་བྱིན་གྱིས་བརླབས ་པའི་སའོ། །ཡོངས་སུ་བཟུང་བས་ནི་སའི་བདག་པོས་ཡོངས་སུ་བཟུང་བའོ། །ཆོ་ག་ནི་དཀྱིལ་འཁོར་གྱི་ནུབ་ཕྱོགས་སུ་དཀྱིལ་འཁོར་དང་ཉེ་བར་གནས་པའི་མཆོད་པའོ། །རྡོ་རྗེ་ས་མ་ནི་སའི་ལྷ་མོ་སྟེ་རབ་ཏུ་མཛེས་ཤིང་རྒྱས་པ་གསེར་གྱི་མདོག་ཅན་ནོ། ་བཀུག་ལ་ཞེས་བྱ་བ་ནི་ལུས་ཀྱི་ཕྱེད་ཕྱུང་དུ་གནས་པས་བརྟོལ་ནས་གནས་ཞེས་བྱ་བའི་དོན་ཏོ། །དེ་ལྟ་བུའི་སའི་ལྷ་མོ་ཁྱོད་ནི་ཐར་པའི་གྲོང་མཆོག་འདིར་སྐྱེས་བུ་དམ་པ་འཇུག་པའི་དབང་དུ་འགྱུར་བའོ། །དེ་དག་ཀྱང་གང་ཞེ་ན། སྐྱོབ་པ་སྟེ་སེམས་ཅན ་ཐམས་ཅད་ཀྱི་ཡིད་སངས་རྒྱས་ཐམས་ཅད་ནི་མར་མེ་མཛད་ལ་སོགས་པའོ། །སྤྱོད་པའི་ཁྱད་པར་ནི་མཛད་པ་བཅུ་གཉིས་སོ། །ས་ནི་བཅུ་གཅིག་གོ་།ཕ་རོལ་ཏུ་ཕྱིན་པ་ནི་བཅུ་ལྟ་བུ་སྟེ། དེ་ལྟ་བུས་དཀའ་བ་མཛད་པའི་དབང་པོ་ཡིན་པ་བཞིན་དུ་བདག་རྡོ་རྗེ ་སློབ་དཔོན་མིང་འདི་ཞེས་བྱ་བས་སློབ་མ་འདིའི་ཕྱེད་དུ་དཀྱིལ་འཁོར་ཆེན་པོ་འདི་བྲི་ཞིང་འདི་ཉིད་དུ་དབང་བསྐུར་བའི་དཔང་གྱིས་ཤིག་པའོ། །དེ་ནས་དཀྱིལ་འཁོར་གྱི་མཚན་ཉིད་གསུངས་པ། སྒོ་ནི། དཀྱིལ་འཁོར་ཐམས་ཅད་བརྒྱད་ཆ་སྟེ། །ཁྱམས ་ཆེན་དག་ནི་བོར་བ་ལས། །བདག་ཉིད་ཆེན་པོས་ཤེས་པར་བྱ། །ཡིད་དུ་འོང་ཞིང་ལེགས་སྤྲས་པས། །སྒོ་ཡི་ཁྱུད་ཙམ་ཤེས་པར་བྱ། །ལྷའི་སྣམ་བུ་འང་དེ་ཙམ་མོ། །རྡོ་རྗེ་ལྷ་མོ་ལྡན་པ་ཡིས། །གླུ་དང་རོལ་མོ་གར་ཡང་དགོད། །མཆོད་རྣམས་སྒོ་ཡི ་ཕྱེད་ཡིན་ཏེ། །འགྲམ་དང་འཁྱུད་ཀྱང་དེ་ཙམ་མོ། །དོ་ཤལ་སེན་མོ་དོ་དང་ནི། །ཉི་མ་ཟླ་བ་མེ་ཏོག་ཕྲེང། །དེ་ལ་གོས་དང་འཕན་དག་གོ་།རྩ་བའི་ལྷ་ཡི་ཐིག་རྒྱབ་ཏུ། །ཚོན་རྩི་སྣམ་བུ་དེ་ཡི་ཕྱེད། །ཅེས་བྱ་བ་ལ། སྒོ་ནི་ཞེས་བྱ་བ་ལ་སྒོ་བཞིའོ། །དཀྱིལ ་འཁོར་ཞེས་བྱ་བ་ནི་ཁོར་ཡུག་ཐམས་ཅད་ཉེ་བར་བསྡུ་བའོ། །མཉམ་པའི་ཆ་ཆེན་པོ་བཅུ་དྲུག་གོ་།ཚངས་པའི་ཐིག་ནས་ཉེ་བར་བཟུང་སྟེ་ཕྱེད་ལ་ནི་ཆ་བརྒྱད་དོ། །དེའི་ཆ་གཅིག་ནི་སྒོ་སྟེ་ནུབ་ནས་ཤར་གྱི་སྒོར་ཡང་ཆ་བརྒྱད་ངེས་པར་བཟུང་ངོ། །དེ་ལྟར ་བརྒྱད་ཆ་དང་ཆ་བརྒྱད་པ་ལས་ངེས་པར་རྙེད་པའི་སྒོ་ནི་མཉམ་པ་སྟེ། ཤར་དང་ལྷོའི་བྱེ་བྲག་གིས་ཆ་བཞི་བཞི་བརྒྱད་དུ་ཡང་ཤེས་པར་བྱའོ། །ཁྱམས་ནི་གང་གི་ཁྱམས་དང་གཙོ་བོའི་དཀྱིལ་འཁོར་གྱི་ཕྱིའི་ཁྱམས་སོ། །དེ་ཡང་གཤིན་རྗེ་གཤེད ་ཀྱི་བདག་ཉིད་ཀྱི་རྣལ་འབྱོར་པས་འདི་ལྟར་ཤེས་པར་བྱ་སྟེ། གཙོ་བོའི་དཀྱིལ་འཁོར་ནི་ནང་དང་ཕྱི་ཐམས་ཅད་ཡིད་དུ་འོང་ཞིང་ལེགས་པར་སྤྲས་པའི་མཚན་ཉིད་ཅན་ཡིན་ལ། ཕྱི་རོལ་གྱི་ཁྱམས་ནི་གཞལ་ཡས་ཁང་གི་གྲིབ་མ་མ་བྱུང་ཞིང་རྟེན་ཁྱད ་པར་ཅན་དག་མི་ལྡན་པས་ཁྱད་པར་དུ་རྒྱན་གྱིས་སྤྲས་ཤིང་མི་མཛེས་པ་དང་བྲལ་བ་ཡིན་ནོ། །ནང་གི་ཁྱམས་ནི་བརྟེན་པའི་ལྷ་དང་མི་ལྡན་པས་བོར་ཞེས་བྱའོ། །སྒོ་ཁྱུད་ནི་སྒོའི་ཚང་དང་མཉམ་པས་སྒོ་ཙམ་ཤེས་པར་བྱ་ཞེས་བྱའོ། །ལྷའི་སྣམ་བུ་ནི་སྒོ་སྐྱོང ་གནས་པའི་འཁོར་ཡུག་སྟེ། སྒོའི་ཚད་ཙམ་ཡང་དེ་ཙམ་མོ། །གཞན་དག་ནི་ཁྱམས་ཆེན་པོར་ཞེས་བྱ་བ་ནི་ནང་དུ་སྟོང་པར་བོར་བ་སྟེ་དེའི་ཚང་སྒོ་དང་མཉམ་ཞེས་ཟེར་རོ། །རྡོ་རྗེ་ལྷ་མོའི་གཟུགས ་རྡོ་རྗེ་མ་ལ་སོགས་པ་སྟེ། ལྡན་པའི་ས་ཞེས་བྱ་བ་ནི་གླུ་དང་རོལ་མོ་སྟེ། མེ་ལོང་དང་པི་ཝང་དང། སྤོག་ཕོར་དང། ལྷུང་བཟེད་ཞོས་བཀང་བ་དང། ལྷའི་ན་བཟའ་པཉྩ་ལི་ཀ་རྣམས་ཏེ་གར་དང་ལྡན་པ་རྣམས་ཀྱིས་ཐོགས་པ་དགོད་དོ། །དེ་འོག་ན ་ཀྱང་ཅི་ཞེ་ན། མཆོད་རྣམ་ཞེས་བྱ་བ་ནི་ཁ་ཁྱེར་རོ། །འགྲམ་ནི་ཡ་ཕུབས་ཀྱི་གཡས་དང་གཡོན་ནོ། །ཁྱུད་ཀྱང་ཞེས་བྱ་བ་ནི་སྒོ་ཁྱུད་ཀྱི་ཕྱི་རོལ་གྱི་ཁྱུད་སྟེ་མཆོད་སྣམ་ཀྱི་ཁུངས་སོ། །དེ་ཙམ་མོ་ཞེས་བྱ་བ་ནི་ཆ་ཆུང་གཉིས་སོ། །དོ་ཤལ་ནི་ཕྲེང ་བའི་ཕྱི་རིམ་པ། སེ་མོ་ངོ་ནི་ནང་གི་རིམ་པའོ། །ཉི་མ་དང་ཟླ་བ་ནི་མཆོག་གི་གཞིའོ། །མེ་ཏོག་གི་ཕྲེང་བ་ནི་དེ་འཕྱང་བའི་རྩ་བའོ། །དེ་ལ་ནི་རྟ་བབས་ཏེ་གོས་ཀྱི་རྟ་བབས་ཀྱི་གཡས་གཡོན་དུ་བ་དན་དུ་འབར་རོ། །འཕན་ནི་རྟ་བབས་ལ་བརྒྱན་པ ་གཉིས་གཉིས་སོ། །རྩ་བའི་ས་ནི་ཆ་གསུམ་གྱི་ཐ་མ་རྡོ་རྗེ་ར་བ་ཕྱི་མའོ། །དེའི་ཐོག་གི་རྒྱབ་ཏུ་ཚོན་རྩིའི་སྣམ་བུ་ནི་པན་ཙར་གི་གཞི་སྟེ། དེའི་ཕྱེད་ཅེས་བྱ་བ་ནི་ཁ་ཁྱེར་ཕྱེད་དོ། །དེ་ནས་དཀྱིལ་འཁོར་བསྒྲུབ་པ་གསུངས་པ། དེ་ལ་སྙིང་པོ་ཆེན ་པོ་འདིས། །བདག་ཉིད་འཁོར་ལོ་རྣམ་པར་གཅོད། །དེར་ནི་རང་གི་ཕྱག་རྒྱ་འང་བསྟེན། །དམ་ཚིག་ཡི་གེ་གཞུག་པ་སྟེ། །དེ་ལྟར་དཀྱིལ་འཁོར་བསྒྲུབ་པར་བྱ། །ཞེས་བྱ་བ་ལ། དེ་ལ་ཞེས་བྱ་བ་ནི་ཕྱི་རོལ་གྱི་རྟེན་གྱི་དཀྱིལ་འཁོར་རོ། ། ་སྙིང་བོ་ནི་སྔགས་ཀྱིས་ཏི་ཆེན་པོ་ནི་ལྷ་སོ་སོའི་རྩ་བའི་སྔགས་སོ། །འདི་ཞེས་བྱ་བ་ནི་དེའི་མཐུས་སོ། །བདག་ཉིད་ནི་དཀྱིལ་འཁོར་གྱི་བདག་པོ་སྟེ། འཁོར་ལོ་ནི་གཏི་མུག་ལ་སོགས་པའོ། །རྣམ་པར་དགོད་ཅེས་བྱ་བ་ནི་ནང་ནས་འབྱུང་ཞིང་ཕྱི ་རོལ་དུ་དགོད་དོ། །ནང་གི་དེ་དག་ཇི་ལྟར་རྫོགས་ཤེ་ན། དེར་ནི་ཞེས་བྱ་བ་སྟེ། རྣལ་འབྱོར་གཉིས་མངོན་དུ་སོང་ནས་སོ། །རང་གི་ཕྱག་རྒྱ་ནི་རང་སྣང་བའི་ཡུལ་རྡོ་རྗེ་ཕག་མོའི་ཆུ་སྐྱེས་སོ། །རྟེན་ཞེས་བྱ་བ་ནི་ཁང་བུ་བརྩེགས་མའི་གནས་སུ་དཀྱིལ ་འཁོར་གྱི་འཁོར་ལོ་རྣམ་པར་སྤྲུལ་ལོ། །དེ་སྐྱེད་པའི་རྒྱུ་ཡང་ཅི་ཞེ་ན། དམ་ཚིག་ཡི་གེ་ཞེས་བྱ་བ་སྟེ། ཡེ་ཤེས་སེམས་དཔའ་ཨི་ཐུགས་ཀའི་ས་བོན་ནི་དེ་ཡི་གེ་ཡའོ། །བཞུགས་ཏེ་ཞེས་བྱ་བ་ནི་འཕྲོས་ཤིང་བསྡུས་ནས་ཞུ་བར་གྱུར་པའོ། །དེ་དག་ཀྱང ་གང་ལ་བྱུང་ཞེ་ན། ཡབ་ཡུམ་གྱི་བརྡས་དབྱིབས་ཀྱི་ཨེ་བཾ་བྱིན་གྱིས་བརླབས་པས་འབྱུང་བ་སྟེ། དེས་མཚོན་པའི་དོན་གྱི་ཨེ་བཾ་ལྷན་ཅིག་སྐྱེས་པའི་ཡེ་ཤེས་དེ་ཉིད་ལ་སྐྱེས་པ་སྟེ། དེ་ཉིད་ལས་སྐྱེས་པ་གནས་པ་ནི་བྱང་ཆུབ་ཀྱི་སེམས་དཀྱིལ ་འཁོར་རོ། །དེ་ལྟར་ཤེས་བྱ་བ་ནི་རྣལ་འབྱོར་རྣམ་པ་བཞིས་དཀྱིལ་འཁོར་བསྒྲུབ་པའོ། །དེ་བཞིན་དུ་དཔལ་གསང་བ་འདུས་པ་ལས་ཀྱང། དཀྱིལ་འཁོར་རྣམ་པ་གསུམ་དུ་བརྟག་ཅེས་གསུངས་པ་ནི། བྷ་ག་རིག་པའི་དཀྱིལ་འཁོར་དང། བྱང་ཆུབ ་སེམས་དཔའ་ཨི་དཀྱིལ་འཁོར་དང། ལུས་ཀྱི་དཀྱིལ་འཁོར་གསུམ་དུ་ཤེས་པར་བྱའོ། །དཀྱིལ་འཁོར་གྱི་མདོག་གསུངས་པ། ཤར་དུ་དཀར་པོ་ཞེས་བྱ་བ་ལ་སོགས་པས་ནི་ཞི་བ་དང་རྒྱས་པ་དང་དབང་དང་དྲག་པོ་དང་རང་བཞིན་མི་འགྱུར་བ་མཚོན ་པ་ཉིད་དོ། །དེ་ནས་མཚམས་གདབ་པར་བྱ་སྟེ། དེ་ལ་ཕྱག་རྒྱ་དགོད་པར་བྱ། །ལས་ཀྱི་ཆོ་ག་མཐོང་ནས་ནི། །རྟག་ཏུ་ཕྱག་རྒྱ་མཉམ་བཞག་པ། །ཕྱག་རྒྱ་དེ་ཉིད་རྟག་ཏུ་བྲི། །ཞེས་བྱ་བ་ལ། །དེ་ལ་ནི་དག་པར་བྲི་བའི་དཀྱིལ་འཁོར་རོ། །ཕྱག ་རྒྱ་ནི་ལྷའི་མཚན་མའོ། །དགོད་པ་ནི་ཇི་ལྟ་བར་འོས་པའོ། །ལས་ཀྱི་ཆོ་ག་ནི་བསྙེན་པ་དང་བསྒྲུབ་པའི་ཆོ་ག་མཐོང་ནས་སོ། །རྟག་ཏུ་ཕྱག་རྒྱ་ཆེན་པོའི་རྣལ་འབྱོར་ནམ་མཁའ་དང་མཉམ་པའི་འཁོར་ལོ་བསྒོམ་བདག་གིས་ཕྱག་རྒྱ་དེ་ཉིད་མཚན་མ་བྱིན ་གྱིས་བརླབ་པ་སྟེ། རྟག་ཏུ་བྲི་ཞེས་བྱ་བ་ནི་དཀྱིལ་འཁོར་བྲི་བ་དེ་སྲིད་དུའོ། །དེའི་བྱེ་བྲག་གསུངས་པ། དེའི་དཀྱིལ་དུ་རྡོ་རྗེ་བྲི་ཞེས་བྱ་བ་ནི་སོར་བཅུ་པའོ། །ཤར་དུ་འཁོར་ལོ་ནི་ཆོས་ཀྱི་འཁོར་ལོའོ།? ་དེ་ལྟ་བུ་ལ་སོགས་པ་ནི་རིན་པོ་ཆེ་ཆ་དགུ་པ་དང། པདྨ་འདབ་མ་བརྒྱད་པ་དང། རལ་གྲི་འབར་བ་རྣམས་སོར་དྲུག་པའི་ཚད་དེ་ཤར་ལ་སོགས་པའི་རྡོ་རྗེའི་རྩིབས་རྣམས་ལའོ། །གཞན་ཡང་འཁོར་ལོ་དང་རྡོ་རྗེ་དང་པདྨ་དང་རལ་གྲི་རྣམས་ནི་མེ ་ལ་སོགས་པའི་མཚམས་བཞིར་རོ། །ཐོབ་དང་དབྱུག་པ་དང་པདྨ་དང་རལ་གྲི་རྣམས་ནི་ཤར་ལ་སོགས་པའི་སྒོ་བཞི་རུའོ། །སྐྱེ་མཆེད་དང་ལྡན་པའི་ཐོད་པ་བྱང་ཆུབ་སེམས་ཀྱིས་གང་བ་བཞི་ནི་དཀྱིལ་འཁོར་གྱི་ཕྱིའི་མཚམས་བཞི་རུའོ། ་ཕྱག་མཚན་ཀུན་ཏུ་ཞལ་དང་མཚུངས་ཤེས་བྱ་བ་ནི་རྩ་བའི་ཞལ་དང་ཕྱག་མཚན་གྱི་མདོག་མཚུངས་པའོ། །དེ་ནས་དགང་གཟར་དང་བླུགས་གཟར་གྱི་ཚད་གསུངས་པ། དེ་ལ་འདིར་ནི་དགང་གཟར་ནི། དེ་ཡི་ཡུ་བའི་ཚད་དུ་བྱ། །ཁྲུ་གང ་དང་ནི་ལྡན་པར་བྱ། །དེ་ཡི་རྩེ་མོའི་དཀྱིལ་འཁོར་ནི། །སོར་བཞི་པ་ལ་ཟླུམ་པོར་བྱ། །གཏིང་དུ་སོར་གཉིས་ཟབ་པ་ལ། །དེ་ལ་སོར་ཕྱེད་མཚུར་བཅས་པའོ། ཞེས་བྱ་བ་ལ། འདིར་ནི་ཞེས་བྱ་བ་ནི་འདི་རུའོ། །དགང་གཟར་ནི་དེ་བཞིན་གཤེགས ་པ་ཐམས་ཅད་མཉེས་བར་བྱེད་པའི་ཟས་ཀྱི་མཆོག་བྱིན་གྱིས་བརླབ་པ་བདུན་ནམ་ཉི་ཤུ་རྩ་གཅིག་གིས་དགང་བར་བྱ་བ་ཡིན་པས་སོ། །གཟར་ཞེས་བྱ་བ་ནི་ཐབ་ལ་ཕྱོགས་པ་ཡིན་པས་ཡོངས་སུ་ཡུ་བའི་ཚད་དུ་བྱ་བ་ནི་ཁྲུ་གང་སྟེ་སོར་ཉི ་ཤུ་རྩ་བཞིའོ། །དེའི་རྩེ་མོ་ཞེས་བྱ་བ་ནི་དེ་ལས་ལྷག་པའོ། །དཀྱིལ་འཁོར་ནི་ཟླུམ་པོའི་གཞི་གྲུ་བཞི་པ་དང་བཅས་པའོ། །སོར་བཞི་པ་ལས་ཟླུམ་པོར་བྱ་བ་ནི་ནང་གི་ཚད་དོ། །གཏིང་དུ་སོར་གཉིས་ཟབས་དང་ལྡན་པ་ལ་རྡོ་རྗེ་ཧཱུཾ་གིས ་མཚན་པའི་བྲིའོ། །དེ་ལ་སོར་ཕྱེད་ཀྱི་བུ་ག་དང་བཅས་པ་ནི་སོར་བཞི་པ་རྡོ་རྗེ་རྩེ་གསུམ་པའི་དབྱིབས་ཅན་ནོ། །དེ་ལྟ་བུའི་དགང་གཟར་གྱི་ཚད་དོ། །གཞན་ཡང་བླུགས་གཟར་པདྨའི་འདབ་འདྲ་བ། །ཁ་ནི་མཐེ་བོ་ལྟོས་གང་ལ། །དེ་ལ་སོར་ནི་གཅིག་ཟག ་པ། རྒྱུད་འདི་རུ་ནི་རབ་ཏུ་བསྔགས། ཞེས་བྱ་བ་ལ། བླུགས་གཟར་ནི་བླུགས་པར་བྱེད་པའོ། །པདྨའི་འདབ་འདྲ་བ་ནི་དབྱིབས་སོ། །མཐེ་བོང་ནི་ལྟོ་གང་ནི་སོར་གཉིས་ཀྱི་ཚད་དོ། །དེ་ལ་སོར་གཅིག་ཙམ་ཟབ་པ་ལ་རྡོ་རྗེ་ཧཱུཾ་གིས་མཚན་པ་བྲིས་ནི་བླུགས་གཟར ་རོ། རྒྱུད་འདི་སྙིང་པོའི་རྒྱུད་འདི་ཉིད་རབ་ཏུ་སྔགས་སོ། །དེ་ནས་རྒྱུད་ཀྱི་ཕྱེ་བ་བསྟན་པར་བྱ་སྟེ། དཀྱིལ་འཁོར་དུ་ནི་མ་ཞུགས་དང། །མཚམས་མེད་ལྔ་ནི་བྱས་པ་དང། །སེམས་ཅན་སྲོག་ནི་གཅོད་པ་དང། །ཉ་དང་ཤ་ནི་མངོན་ཟ་དང། །ཆད་ལ ་མངོན་པར་དད་པ་དང། །ཆད་ལྟའི་བརྟུལ་ཞུགས་འཛིན་པ་དང། །མངོན་པར་དབང་ནི་མ་བསྐུར་དང། །ཀུན་ཏུ་འཁྱམ་ཞིང་ལྡོམ་པ་དང། །གྲོང་གི་གླ་མི་བྱེད་པས་ཀྱང། །གཤིན་རྗེ་གཤེད་རྒྱུད་མངོན་གཞོལ་ན། །ནག་པོའི་ཚིག་ནི་ཇི་ལྟ་བར ་འགྲུབ་པར་འདི་ལ་ཐེ་ཚོམ་མེད། ཅེས་བྱ་བ་ལ། གལ་ཏེ་དཀྱིལ་འཁོར་དུ་མ་ཞུགས་པ་ནི་རྒྱུད་སྨིན་པར་མ་བྱས་པ་སྟེ་འདིར་ཞུགས་ཀྱང་གྲོལ་བར་མི་འགྱུར་རོ། །གལ་ཏེ་གྲོལ་ན་དེ་བཞིན་གཤེགས་པ་ཐམས་ཅད་བསླུས་པའོ་ཞེ་ན་མ་ཡིན་ཏེ། ་རྒྱུད་འདི་ཉིད་ཀྱིས་སྨིན་པར་མ་བྱས་ཀྱང་མན་ངག་འདི་ཉིད་ཀྱིས་རབ་ཏུ་གྲོལ་བར་འགྱུར་བ་དང་རྒྱུད་མ་ལུས་པ་གཞན་ཐམས་ཅད་ཀྱི་དབང་བསྐུར་བ་འདི་དག་འདིར་མ་བསྐུར་ཀྱང་དེ་ལ་དགོངས་པའོ། །མཚམས་མེད་ལྔ་ནི་ཕ་དང་མ་དང་དགེ་སློང ་དགྲ་བཅོམ་པ་བསོད་པ་དང། དེ་བཞིན་གཤེགས་པ་ལ་ངན་སེམས་ཀྱི་ཁྲག་ཕྱུང་བ་དང། དགེ་སློང་མ་སུན་ཕྱུང་བའི་ལས་བྱས་པས་ཀྱང་འགྲུབ་པར་འགྱུར་ཏེ་རབ་ཏུ་ཟབ་པའི་དོན་གྱིས་སོ། །སེམས་ཅན་གྱི་སྲོག་གཅོད་པ་ནི་རྩ་བའི་ལྟུང་བ་སྟེ ་དེ་དག་གིས་མི་སྒྲིབ་པ་ཅི་ཞེ་ན། ཞེ་སྡང་ལ་སོགས་པ་ཉོན་མོངས་པ་ལམ་དུ་བྱེད་པའི་ཕྱིར་རོ། །ཉ་ཤ་མངོན་པར་ཟ་བ་དང་ཆང་ལ་མངོན་པར་དང་པ་ནི་འདོད་པ་ལ་འདུན་པའི་བདུད་ཀྱིས་ཀུན་ས? ་བསླུས་པའོ་ཞེ་ན། མ་ཡིན་ཏེ་འདོད་ཆགས་ལམ་དུ་བྱེད་པའི་ཕྱིར་གྲོལ་བར་འགྱུར་རོ། །ཆད་པར་ལྟ་བའི་བརྟུལ་ཞུགས་འཛིན་པ་ནི་རང་གི་གྲུབ་པའི་མཛའ་བོར་ཏེ་འདི་ཉིད་ལ་གཞོལ་ལོ། ཀུན་ཏུ་འཁྱམ་ཞིང་ལྡོམ་པ་ལ།། ་གྲོང་གི་གླ་མི་བྱེད་པ་རྣམས་སྤྲོས་པ་དང་ནི་བྲལ་བྱ་བས་གཡེང་བ་སྟེ་སྤྱོད་པའི་དུས་སུ་ཤིན་ཏུ་འཚམ་མོ། །མངོན་པར་དབང་ནི་མི་བསྐུར་དང་ཞེས་བྱ་བ་ནི་གོང་དུ་བསྡུའོ། །གཤིན་རྗེ་གཤེད་ནི་ཚིག་གི་རྒྱུད་པ། དོན་གྱི་རྒྱུད་དོ།། ་མངོན་གཞོལ་ན་ཞེས་བྱ་བ་ནི་ཚིག་གི་རྒྱུད་ལ་ཞུགས་པས་གཞོལ་ཞིང་དོན་གྱི་རྒྱུད་གོམས་པར་བྱ་བའི་ཕྱིར་ལམ་ཉིད་དུ་གཞོལ་ན་ནག་པོའི་ཚིག་ཇི་ལྟ་བར་ཞེས་གསུངས་པ་ཁོ་ན་བཞིན་དུ་ཕྱག་རྒྱ་ཆེན་པོའི་དངོས་གྲུབ་འགྲུབ་པར་ཐེ ་ཚོམ་མེད་དེ། །དེ་ཡང་གོང་གི་བྱ་བ་མ་ལུས་པ་བཏང་བ་ལས་འབྱུང་ངོ། །དེ་ནས་ངོ་མཚར་བའི་ཚད་དུ་བརྗོད་པ་གསུངས་པ། དེ་ནས་བྱམས་པ་ལ་སོགས་ཀྱིས། །རྡོ་རྗེ་ངེས་པ་འདི་ཐོས་ནས། །རྡོ་རྗེ་བྱང་ཆུབ་སེམས་དཔའ་ཀུན།། ་མི་སྨྲ་བར་ནི་སྟོར་ནས་གྱུར། །དེ་ནས་ཤེས་བྱ་བ་ནི་རྒྱུད་ཀྱི་ཁྱད་པར་བརྗོད་མ་ཐག་ཏུའོ། །བྱམས་པ་ནི་བྱང་ཆུབ་སེམས་དཔའ་བྱམས་པ་སྟེ། ལ་སོགས་པ་ནི་སའི་སྙིང་པོ་དང། ཕྱག་ན་རྡོ་རྗེ་དང། ནམ་མཁའ་ཨི་སྙིང་པོ་དང། འཇིག་རྟེན ་དབང་ཕྱུག་དང། སྒྲིབ་པ་ཐམས་ཅད་རྣམ་པར་སེལ་བ་དང། ཀུན་ཏུ་བཟང་པོ་དང། དཔའ་བར་འགྲོ་བ་དང། རྡོ་རྗེ་ངེས་པ་ནི་དབྱེར་མི་ཕྱེད་བའི་བདེ་བ་ཆེན་པོའི་ཡེ་ཤེས་རྣམ་པ་ལྔའི་བདག་ཉིད་གནས་ལུགས་ཀྱི་ངེས་པ་ཉིད་ནི ་ཐོས་ནས་རྡོ་རྗེའི་བྱང་ཆུབ་སེམས་ལ་ཀུན་ཅང་མི་སྨྲ་བར་སྡོད་པར་གྱུར་པ་ནི་བརྡ་སྟེ། ཕྱི་ནང་གི་རྟོག་པ་མ་ལུས་པ་ཐམས་ཅད་དེ་ཁོ་ན་ཉིད་དུ་ཐིམ་པར་གྱུར་ནས་ངག་གི་སྤྱོད་ཡུལ་ལས་འདས་པའི་དེ་བཞིན་ཉིད་མངོན་སུམ་དུ་བྱས་པའི་དོན ་ཏོ། ད་ནི་དཀྱིལ་འཁོར་དུ་སློབ་མ་ཡིད་ཆེས་པ་དང་ངོ་མཚར་དུ་ཞུགས་པའི་ཕྱིར་རྡོ་རྗེའི་དབབ་པ་གསུངས་པ། འབྱུང་བ་བཞིའི་ས་བོན་ཆེན་པོ་ཡིས། །འཁོར་ལོ་བཞི་ནི་རབ་བསྒྲུབ་བྱ། །གནས་གཞིས་རབ་ཏུ་སྦྱོར་བ་བསམ་ཞེས་བྱ་བ་ནི་མདོར ་བསྟན་པ་སྟེ། འབྱུང་བ་བཞི་ནི་རླུང་དང་མེ་དང་ས་དང་ཆུའོ། །ས་བོན་ཆེན་པོ་ནི་ཡཾ་རཾ་ལཾ་བཾ་ངོ། །དཀྱིལ་འཁོར་བཞི་ནི་རླུང་གི་དཀྱིལ་འཁོར་ཟླ་གམ་བ་དན་བྱེ་བས་མཚན་པ། མེའི་དཀྱིལ་འཁོར་གྲུ་གསུམ་བ་ཡི་གེ་རེ་ཕས་མཚན་པ་དང། ་སའི་དཀྱིལ་འཁོར་གྲུ་གཞི་བ་རྡོ་རྗེ་རྩེ་གསུམ་གྱིས་མཚན་པ་དང། ཆུའི་དཀྱིལ་འཁོར་ཟླུམ་པོ་བུམ་པས་མཚན་པ་བཞི་ནི་སློབ་མའི་ལུས་ལ་རབ་ཏུ་བསྒྲུབ་པར་བྱའོ་གནས་བཞིར་ཞེས་བྱ་བ་ནི་གསང་བ་དང་ལྟེ་བ་དང། སྙིང་ག་དང་མགོ་བོའོ། ་སྦྱོར་བ་བསམ་ཞེས་བྱ་བ་ནི་ས་བོན་ལས་བྱུང་བའི་མཚན་མ་མཚོན་པ་ནམ་མཁའ་ལ་གཡོ་བར་བྱེད་ཅེས་པ་ནི་རླུང་གིས་སོ། །རྒྱས་པར་བཤད་པ་ནི་གོ་སླའོ། །ཆེད་དུ་དབབ་པའི་སྦྱོར་བ་ནི། །རྒྱ་མཚོ་དུ་མ་ཆུས་བཀང་བའི། །གངས་ཀྱི་རི་བོ་ལྟར ་བསིལ་བ། །གནས་བཞི་རུ་ནི་སྦྱོར་བས་ན། །ཞེས་བྱ་བ་ལ། རླུང་གི་སྟེང་ན་ཛཾ་དྲག་ཅིང་བཟོད་པར་དཀའ་བའི་འོད་ཀྱིས་རྒྱ་མཚོ་དུ་མ་ཆུས་བཀང་བ་ལྟ་བུ་རབ་ཏུ་ཆེ་ཞིང་ཡངས་པ་གངས་ཀྱི་རི་བོ་ལྟར་བསིལ་བ་ལ་རེག་པས་བྱང་ཆུབ་སེམས་ཀྱི ་རྒྱུན་གནས་བཞི་རུ་རབ་ཏུ་གང་བའི་སྦྱོར་བས་ཕབ་པར་བསམས་ལ། རབ་ཏུ་སྔགས་པའི་སྤོས་སྦྱིན་ཞིང་སིན་དྷུ་རས་བྲིས་པའི་སྔགས་དང་ལྡན་པའི་སྒྲ་དཀྲོལ་བར་བྱའོ། །དེ་ནས་ལུས་ངག་ཡིད་གསུམ་ཕེབས་པའི་རྟགས་བྱུང་བ་དང་དྲི་བའི་ཆོ་ག ་གསུངས་པ། །བར་ནི་སྣང་བ་མཛའ་ཡས་ཏེ། །སློབ་མ་རྡོ་རྗེ་བསྒོམ་པར་བྱ། །མྱུར་བ་རུ་ནི་འབེབས་པར་བྱེད། །ཅེས་བྱ་བ་ལ། སློབ་མ་འདོད་ཆགས་གཤིན་རྗེ་གཤེད་དུ་དམིགས་ཏེ། དེའི་ཁར་ཨ་ལ ་སྣང་བ་མཛའ་ཡས་ཏེ་དེ་ཡོངས་སུ་གྱུར་པ་ལས་སློབ་མ་དེའི་མགྲིན་པ་རྡོ་རྗེས་རབ་ཏུ་བརྒྱན་པའི་པདྨ་འདབ་མ་བཅུ་དྲུག་པ་བསྒོམ་པར་བྱའོ། །དེ་ནས་སྔགས་བརྗོད་པ་ཙམ་གྱིས་མྱུར་བ་ནི་དེ་མ་ཐག་ཏུ་སྟེ་འབེབས་པར་བྱེད་དོ། །དེ་ནས་སློབ ་དཔོན་གྱིས་འདོད་ཆགས་རྡོ་རྗེར་བྱིན་གྱིས་བརླབས་པའི་རྡོ་རྗེ་སློབ་མའི་ལྕེ་ལ་གཞག་ལ། རྡོ་རྗེ་ཆོས་ནི་ཞེས་བྱ་བ་ལ་སོགས་པའི་དམ་ཚིག་བརྗོད་དོ། །དེ་ནས་བར་ཆད་དུ་མི་འགྱུར་བའི་བྱ་བ་གསུངས་པ། ཁྲུ་གང་ནས་ཞེས་བྱ་བ་ལ་སོགས ་བ་སྟེ། གལ་ཏེ་རིང་དུ་འགྲོ་ན་ལཾ་ལས་བྱུང་བའི་དབང་ཆེན་གྱི་དཀྱིལ་འཁོར་གྱི་སྟེང་དུ་ཧཱུཾ་ལས་བྱུང་བའི་སྣ་ཚོགས་རྡོ་རྗེ་དང་ཧཱུཾ་ལས་སྐྱེས་པའི་རི་རབ་ཀྱིས་མནན་པར་བྱའོ། །དེ་ནས་གནོད་སྦྱིན་ཕོ་མོའི་སྒྲུབ་ཐབས་གསུངས་པ། འཇིགས ་གཟུགས་རི་མོའི་མཚན་ཉིད་ནི། །དེ་ནས་ཡང་དག་བཤད་པར་བྱ། །ས་ནི་འཇམ་པོ་བླངས་བྱས་ལ། །བརྟུལ་ཞུགས་ཅན་གྱིས་བཟླས་པ་བྱ། ཞེས་བྱ་བ་ལ། འཇིགས་པའི་གཟུགས་ཀྱི་ལྡེར་སོ་དང། བྲིས་པའི་གཟུགས་ཀྱི་རི་མོ་དང ་དཀྱིལ་འཁོར་དུ་བྱ་བའི་མཚན་ཉིད་ནི་ཆུ་ཀླུང་གིས་ས་འཇམ་པོས་བླངས་ལ། རྣལ་འབྱོར་པ་གཤིན་རྗེ་གཤེད་ཀྱི་བརྟུལ་ཞུགས་ཅན་གྱིས་འོག་ནས་འབྱུང་བའི་རྗེས་དང་བསྲེས་ལ་ལྡེར་སོ་བརྩིགས་པ་དང་རི་མོའི་རས་གདུལ་བ་འམ་དཀྱིལ ་འཁོར་བཅའ་བ་བྱའོ། །དེ་ནས་ཡང་སྲན་གྲེའུ་དང་བའི་འོ་མ་དང་སྲན་མ་ཤ་དང་བུ་རམ་དང་ཏིན་ཏི་ནིམ་པའི་རྣམ་པ་ལྔ་དང་ལ་སོགས་པའི་བྱེ་མའི་ས་དང་ཏིལ་གྱི་སྣུམ་དང། ཤིང་ནིམ་པའི་ལོ་མ་དང། ན་ཏེ་སྟེ་ལྕགས་ཀྱི་ཕྱེ་མ་དང། ་ཛེ་གེ་ས་ཏེ་དུར་ཁྲོད་ཀྱི་ཕྱེ་མ་ལ་བྱའོ། །ས་མཚོན་གྱི་སྦྱོར་བ་གསུངས་པ། དང་པོ་དཀར་པོར་བྲི་བར་བྱ། ཞེས་བྱ་བ་ནི་གཞིའི་ཚོན་ནོ། །ཁ་དོག་གཞན་གྱི་དེ་ནས་སྒོ་ཞེས་བྱ་བ་ནི་གོ་སླའོ། །དེ་ལ་འཛིན་བྱེད་དུ་བིལ་བའི་སྙིང་པོ་གཞུག་པར་བྱའོ ་གཟུགས་ཀྱི་མཚན་ཉིད་གསུངས་པ། གཟུགས་ནི་ཁྲོ་དང་ཞི་བ་མི། །མཚན་ཉིད་དག་ནི་བཤད་པར་བྱ། །རོལ་པ་ཞི་བར་གསུངས་པ་སྟེ། ཁྲོ་བོ་སྦོམ་ལ་ཐུང་བར་བཤད། །ཅེས་བྱ་བ་ལ། རོལ་པ་ནི་རིང་ཞིང་ལྕུག་པའི་གཟུགས་སོ། ་གཞན་ནི་གསུངས་བར་ཟད་དོ། །ད་ནི་ལྡེར་སོ་བརྩིག་པ་དང་སྐུ་བྲི་བའི་ཚད་གསུངས་པ། སྣ་ནི་རང་གི་སོར་བཞིའོ། །དབྲལ་བ་དང་ཀོསྐོ་མཆུ་དང་བཅས་པ་ཡང་དེ་བཞིན་ནོ། །འགྲམ་པ་ལ་ཡང་སོར་བཞི་སྟེ། །སྣ་མཆན་གཡས་གཡོན ་དུ་སོར་གཉིས་གཉིས་སོ། །མཚན་མ་ལ་སོར་བཞིའོ། །ལག་པའི་གྲུ་མོ་དང་གུང་མོའི་བར་དུ་སོར་ཉི་ཤུ་རྩ་བཞིའོ། །དཔུང་པ་ནས་གྲུ་མོའི་བར་དུ་སོར་ཉི་ཤུའོ། །ལག་མཐིལ་རྐང་མཐིལ་ནི་གདོང་པའི་ཚད་དོ། །མིག་མཐེ་བོང་གང་ཙམ ་སྟེ་སོར་གསུམ་པའོ། །མིག་གི་འབྲས་བུ་ལ་སུམ་ཆ་སྟེ། ཁུགས་ལ་ངེས་པ་མེད་དོ། །རྣ་བའི་བུག་པའི་ཁྱིམ་ལ་སོར་གཉིས་སོ། །རྣ་མཆོག་དང་སྙན་ཤལ་ལ་ངེས་པ་མེད་དོ། །འབྲས་བུ་ནི་ནུ་མ་སྟེ་སོར་བཞི་བཞིའོ། །མཆུ ་གཉིས་སྡོམ་པ་སོར་གཉིས་སོ། །ལྟེ་བའི་ཏིང་དུ་སོར་གཅིག་ཟབ་པས་སོ། །གདོང་པའི་སུམ་འགྱུར་ལུས་ལ་དགོད། །བརླ་ལ་གདོང་ངོའོ། །དར་གདོང་ལ་དེ་དང་མཚུངས་སོ། །ཆུ་སོ་དང་པུས་མོ་དང་ལོང་མོ་ནས་མཚམས་སུ་སོར་བཞིའོ། ་མི་ཐུང་ལ་ནི་ཆུ་སོ་གསུམ་གྱིས་པུས་མོ་ཡན་ཆད་ཁྱབ་པར་གནས་སོ། །རོལ་པ་ལ་ནི་ལུས་གདོང་ངོའི་ཚད་དོ། །རལ་པ་དང་ཅོད་པན་ལ་ནི་སོར་དྲུག་སྟེ་གདོང་གང་གི་ཚད་དོ། །དེ་ནས་གནོད་སྦྱིན་པོ་བསྒྲུབ་པར་འདོད་པས་རལ་བ ་གཅིག་མའི་བསྒྲུབ་པ་གསུངས་པ། རལ་པ་གཅིག་མ་རབ་བསྒྲུབ་ཐབས། །དེ་ནས་ཡང་དག་བཤད་བྱ་བ། །གནོད་སྦྱིན་མོ་ནི་སྒྲུབ་འདོད་པས། །རལ་པ་གཅིག་མ་རབ་བསྒྲུབ་བྱ། །ཞེས་བྱ་བའི ་བྲན་དང་ཇོ་མོའི་ཚུལ་དང་ཕན་བཏགས་པ་ལ་ལན་ལྡོན་པའི་ཚུལ་ལྟ་བུ་ཡོད་པས། དེ་ཡང་ཚོགས་བསགས་པ་དང། སྟོང་པ་དང་བསྲུང་བའི་འཁོར་ལོ་དང་གཞལ་ཡས་ཁང་སྔ་མ་ཁོ་ན་བཞིན་དུ་བསྐྱེད་པའི་དཀྱིལ་དུ་ཧཱུཾ་ལས་སྐྱེས ་པའི་གྲི་གུག་ཡོངས་སུ་གྱུར་བ་ལས་རལ་པ་གཅིག་མ་ཕྱག་གཉིས་པ་ལ་ཞལ་གཅིག་སྟེ། ཕྱག་གཉིས་ན་གྲི་གུག་རྡོ་རྗེའི་ཡུ་བ་ཅན་དང་གཡོན་ན་ཐོད་པ་བསྣམས་པ། ཤིན་ཏུ་སྦོམ་ལ་མདོག་སྔོ་བ་དཀྱིལ་འཁོར་གྱི་དབུས་སུ་བསྒོམ ་པར་བྱའོ། །དེ་ནས་ས་བོན་གྱི་ཡི་གེ་ལས་ལྷ་བཅུ་གཉིས་པོ་གོ་རིམས་ཀྱི་ཚུལ་གྱིས་ཕྱུང་ལ་དགོད་པར་བྱའོ། །དེའི་མདོག་དང་ཕྱག་མཚན་གསལ་བར་གསུངས་པ། འཁོར་ལོ་སྔ་མ་མཐོང་བ་བཞིན། །དེ་བཞིན་མདོག་ནི་རབ་སྦྱར་བྱ། །ཕྱག་མཚན ་བདག་པོ་ལྟར་འཛིན་པ། །ཞེས་བྱ་བས་གསལ་ལོ། །དཀྱིལ་འཁོར་དེ་དག་ཐམས་ཅད་ལ་ཡང་བྱིན་གྱིས་བརླབ་ཅིང་དབང་བསྐུར་ལ་བཀུག་ཅིང་བསྟིམས་ཏེ་མཆོད་པ་ལ་སོགས་པས་མཉེས་པར་བྱེད་པ་ནི་སྔ་མ་ཁོ་ན་བཞིན་ནོ། །དེ་ནས ་བསྙེན་པོ་བྱ་སྟེ་རྣལ་འབྱོར་པ་བློ་གྲོས་དང་ལྡན་པ་ལ་མཁས་པས་བྱའོ། །ཕྱི་ནང་གི་ལྷ་སྐྱེད་པའི་བྱེ་བྲག་གོ་།སྔགས་བཟླས་ཏེ་ཞེས་བྱ་བ་ནི་ཨོཾ་ལ་སོགས་པ་འདི་ཉིད་དོ། །དེ་ནས་འབུམ་དུ་བཟླས་ཏེ། རལ་གཅིག་མའི་རྣལ་འབྱོར་དང་ལྡན ་པས་བུ་མོ་གཞོན་ནུ་རྡོ་རྗེའི་མདས་མ་ཕོག་པ་ལོ་བཅུ་གཉིས་ཀྱི་ཚད་ཙམ་པ་སོ་ཤིང་བཏུས་ནས་བརྡུང་དུ་བཅུག་པའི་བལ་རམས་ཀྱིས་ཚོས་སུ་བཙོས་ཏེ། མཁལ་ཤིང་མཐག་ཏུ་བཅུག་པའི་སྣམ་བུ་ལ་སྔར་གྱི་རྫས་གྱིས་བྱུགས་ཏེ། རི་མོ ་མཁན་རིགས་དན་གྱི་བུ་འམ་བུ་མོ་དང་ལྷན་ཅིག་ཏུ་གནས་པ་དག་གིས་རྩཝ་དུ་རྦ་ལ་བྲི་བར་བྱ་སྟེ། གནོད་སྦྱིན་མོའི་གཟུགས་རྒྱན་རྣམས་ཀྱིས་བརྒྱན་པ་ལོ་བཅུ་དྲུག་ལོན་པའི་ཚད་ཙམ་སྒེག་པའི་མདངས་ཀྱིས་རབ་ཏུ་བརྒྱན་པ་ཨ་རུ་རའི་ཤིང་ལ། ་ལག་པ་གཡོན་པ་བརྟེན་པ། ལག་པ་གཡས་པ་པདྨའི་མདངས་རབ་ཏུ་རྒྱས་པས་མཆོག་སྦྱིན་པདྨ་དང་ཟླ་བའི་གདན་དང་ལྡན་པ་མདངས་རབ་ཏུ་འཕྲོ་བ་བྲིས་ལ། བདག་གི་ས་བོན་གྱི་འོད་ཀྱིས་བྱང་གི་ཕྱོགས་དུར་ཁྲོད་ཀྱི་གནས་ནས་བཀུག་པའི་གནོད ་སྦྱིན་མོ་བསྟིམ་པར་བྱའོ། །དེ་ནས་དེའི་མདུན་དུ་མཆོད་པའི་ཡོ་བྱད་སྣ་ཚོགས་པས་མཆོད་ལ། གོང་གི་སྔགས་ལ་ཡཀྵ་ནི་ཨཾ་གུ་ཤ་ཛ་ཛཱ་ཞེས་རང་རྣལ་འབྱོར་དང་ལྡན་པས་ཉི་མ་ནུབ་ནས་སྐྱ་རེངས་མ་ཤར་གྱི་བར་དུ་བཟླས་ན་མཚན་མོ་བདུན་གྱིས་འོང ་བར་འགྱུར་རོ། །བྱུག་པ་དང་མེ་ཏོག་ལ་སོགས་པས་མཆོད་དེ། སྒྲོན་མ་དང་ལེགས་པར་སྦྱར་བའི་ཆད་ལ་བདུད་རྩི་མྱང་བའི་ཚོགས་བྱིན་གྱིས་བརླབས་ཏེ། ཨེ་མ་དམ་ཚིག་ཆེན་པོའི་ཆུ་འདི་དག་འཐུང་ལ་ཇི་ལྟར་འོས་པའི་དངོས་གྲུབ་ཁྱོད་ཀྱིས་བདག ་ལ་བླང་ཞིང། དེ་ཡང་མ་དང་སྲིང་མོ་དང་ཆུང་མའི་ཚུལ་གྱིས་བྱུང་ན་འདོད་པའི་གཏམ་ངེས་པར་གླེང་བ་དང་ཤིན་ཏུ་ཁྲོས་པས་ལས་བཅོལ་དང། རྩེད་མོ་བྱས་པ་ལ་ལས་བཅོལ་བའི་བྱེ་བྲག་ཤེས་པར་བྱའོ། །ཤིན་ཏུ་འཇིགས་པ་སྟོན་ན་ཡིད ་འཇིགས་པར་མི་བྱའོ། །དག་སྨྲ་བར་མི་བྱའོ། །འདོད་པའི་རྩེད་མོ་བྱས་ན་གང་འདོད་པའི་དངོས་གྲུབ་སྟེར་རོ། །ད་ནི་གདུག་པ་ཅན་ཆེར་གཅོད་པའི་ཕྱིར་སྦོམ་མོས་བསྒྲུབ་ཐབས་གསུངས་པ། པུཀྐ་སི་ནི་རབ་སྒྲུབ་ཐབས། །དེ་ནས་ཡང་དག་བཤད ་པར་བྱ། །ཞེས་པ་ལ། པུ་ནི་པུའི་ས་བོན་ལས་སྐྱེད་བའོ། །ཀ་སི་ནི་སྤོས་པར་བྱེད་པ་མ་སྟེ་འཇིག་རྟེན་གསུམ་ལ་གནོད་ནུས་པའི་པུཀྐ་སིའོ། །དེ་ཡང་སྔོན་དུ་ཚོགས་བསགས་པ་དང། སྟོང་པ་དང་བསྲུང་བའི་འཁོར་ལོའི་ནང་དུ་པདྨའི་ལྟེ་བ་ལ་ཉི་མའི ་དཀྱིལ་འཁོར་གྱི་སྟེང་དུ་པུ་ཡོངས་སུ་གྱུར་པ་ལས་ཞགས་པ། དེ་ལས་སྐྱེས་པའི་པུཀྐ་སི་སྐུ་མདོག་སེར་མོ་ཞལ་བཞི་པ་ཕྱག་བཞི་དང་ལྡན་པ་པོར་བུ་ལ་ཆིབས་པ། ཞལ་གཡས་པ་དང་གཡོན་པ ་དཀར་བ་དང་དམར་བ་ནམ་མཁའ་ཨོ་ཞལ་སྔོ་བ། ཕྱག་གཡས་ཀྱི་དང་པོ་དང་གཡོན་གྱི་དང་པོ་ཞགས་པ་དང་ཐོ་བ་བསྣམས་པ། འོག་མ་གཉིས་ན་མདའ་དང་གཞུ་བསྣམས་པ་བསྒོམས་སོ། །སྙིང་གའི་བུའི་ས་བོན་ལས་འཕྲོས་པས་ལྟོ་ཕྱོགས ་ཀྱི་དུར་ཁྲོད་ནས་བཀུག་ཅིང་བསྟིམས་ཏེ། ཨོཾ་པུཀྐ་སི་ཨོ་ཞེས་འབུམ་དུ་བརྗོད་དོ། །དེའི་ལས་ནི་འདི་ཡིན་ཏེ་ཡི་གེ་གྷཱཾ་ལས་ལྕེ་པདྨ་ལྕགས་ཀྱུས་མཚན་པར་བསམས་ལ། དེའི་ལྟེ་བ་ལ་གནས་པའི་ཛ་དམར་པོའི་འོད་ཀྱིས་བསྒྲུབ ་བྱའི་གཟུགས་སྦྱིན་སྲེག་གི་ཐལ་བས་བྲིས་པ་ལ་བཀུག་ཅིང་བསྟིམ་སྟེ། དེ་ལ་ཡང་འོད་ཟེར་སྣ་ཚོགས་འཕྲོས་པས་སྙིང་ཕུག་སྟེ་ནད་ཁོང་སྟོང་དུ་བྱས་པའི་ནང་དུ་ཡི་གེ་བཾ་དཀར་པོ་ལས་སེམས་ཀྱི་འོད་དམར་པོ་ལྟ་བུ་འཕོ་བ་བསམས་ཏེ ་ཡང་ལྕེའི་འོད་ཀྱིས་དྲངས་པ་ཁ་ནས་ལྟོ་བར་བཞུག་བར་བྱའོ། །དེས་ནི་བསྒྲུབ་བྱ་ཐམས་ཅད་འཚེ་བར་བྱེད་དོ། །ད་ནི་མི་སྨད་བའི་དོན་དུ་འཇམ་པའི་རྡོ་རྗེའི་སྒྲུབ་ཐབས་གསུངས་པ། འཇམ་པའི་རྡོ་རྗེའི་དཀྱིལ་འཁོར་འདི། །དེ་ནས ་ཡང་དག་བཤད་པར་བྱ། །དེའི་མོད་ལས་མི་སྣང་བར། །འཇམ་པའི་རྡོ་རྗེ་གྲགས་འགྱུར་པ། ཞེས་བྱ་བ་འཇམ་པའི་རྡོ་རྗེ་ནི་གཙོ་བོ་སྟེ་དཀྱིལ་འཁོར་རོ། །འཁོར་ལོ་ནི་མཛེས་བ་ལ་སོགས་པའོ། །སྒོམ་པ་རབ་ཀྱི་མཐར་ཕྱིན་པའི ་ཁྱད་པར་ནི་དེའི་མོད་ལ་མི་སྣང་བར་ནུས་སོ། །དེ་ལ་འཇིག་རྟེན་དུ་བྱང་ཆུབ་སེམས་དཔའ་འཇམ་པའི་རྡོ་རྗེ་ཞེས་གྲགས་པར་འགྱུར་རོ། །དེ་ཡང་སྔོན་དུ་གསུངས་པའི་གཞལ་ཡས་ཁང་གི་ནང་དུ་ཡི་གེ་མཾ་ཡོངས་སུ་གྱུར་པ་ལས། ཨུཏཔ་ལ ་སྔོན་པོ་རལ་གྲིས་མཚན་པ་ཅན་ལས་སྐྱེས་པའི་འབར་བ་ནི་གསེར་བཙོ་མ་སྟེ་དེའི་འོད་དང་འདྲ་བའི་སེར་པོ་ཞལ་གསུམ་གྱི་གཡས་དང་གཡོན་སྔོན་པོ་དང་དཀར་པོ། །ཕྱག་དྲུག་པའི་རྩ་བ་གྲི་གུག་དང་ཐོད་པ། ལྷག་མ་རྣམས་ན་རལ་གྲི་དང་མདའ་དང ་ཨུཏཔ་ལ་སྔོན་པོ་དང་གཞུ་བསྣམས་པ། གཞོན་ནུ་ལོ་བརྒྱད་པ་འཛིན་པའི་གཟུགས་མགོན་པོ་འཇམ་པའི་རྡོ་རྗེ་མི་མཐོང་བར་བྱ་བའི་དོན་དུ་བསྒོམ་པའོ། །རང་གི་སྙིང་གའི་ས་བོན་མུཾ་ལས་བྱུང་སྟེ། ཤར་ལ་སོགས་པའི་ཕྱོགས་སུ་བཞག ་པ་ནི། མཛེས་མ་ལ་སོགས་པ་བཞི་སྟེ། གཏི་མུག་རྡོ་རྗེ་ལ་སོགས་པ་བཞི་དང་མཚུངས་པ་སྟེ། དེའི་ཕྱིར་ཐམས་ཅད་ལག་ན་རལ་གྲི་དང་འཁོར་ལོ་ལ་སོགས་པ་གཞན་ལ་དགོད་ཅེས་གསུངས་སོ། །གཞན་ཞེས་བྱ་བ་ནི་ཕྲག་དོག་རྡོ་རྗེ ་དང་མཚུངས་པའི་ཉེ་བའི་སྒྲ་ཅན་མ་སྔོན་དུ་སྨོས་པར་ཟད་དོ། །འདིའི་ཁྱད་པར་གསུངས་པ། ས་བོན་ཡི་གེ་མཾ་ལས་བྱུང་ཞེས་བྱ་སྟེ། གཙོ་བོ་ནི་མཾ་ལས་སྐྱེད་པ་ཡིན་ལ། གཞན་རྣམས་ནི་མཾ་ལས་ཕྱུང་པའོ། །དཀྱིལ་འཁོར་དབུས་ནས་བཞུགས ་པ་ནི་ལྔ་སྟེ། ཐམས་ཅད་ཀྱི་དབུས་ན་བཞུགས་པ་ནི་འཇམ་པའི་རྡོ་རྗེའོ། །ཕྱིའི་དཀྱིལ་འཁོར་དགོད་པ་གསུངས་པ། འོད་ཟེར་ཅན་མ་ལ་སོགས་པའི་ལྷ་མོ་བཞི་སྟེ། སྡུད་པ་དགོད་བྱས་སྙིང་པོ་ལ། ཞེས་བྱ་བ་ནི། ཕྱི་ནང་གི་ལྷ་མོ་ཀུན་གྱི་བདག་ཉིད་ ་ཡིན་པར་བསྡུས་པ་དགོད་བྱ་ཞེས་བྱའོ། །སྙིང་པོ་ཞེས་བྱ་བ་ནི་གཙོ་བོའི་དཀྱིལ་འཁོར་དུའོ། །ལྷ་མོ་བཞིའི་ཕྱག་མཚན་གྱི་གཙོ་བོ་གསུངས་པ། མྱ་ངན་མེད་དང་ཡལ་འདབ་དང། །འབྲས་ཀྱི་སྙེ་མ་དབྱུག་པའོ་ཞེས་བྱ་བ་ལ་མྱ་ངན་མེད་ནི ་བྱང་ཆུབ་ཀྱི་ཤིང་ངོ། །ཡལ་འདབ་ནི་ལྗོན་པའི་ཤིང་ངོ། །འབྲས་ཀྱི་སྙེ་མ་ནི་ཡུ་བའོ། །དབྱིག་པ་དཀར་པོ་གཏུན་ཤིང་ངོ་།ཕྱག་མཚན་གཞན་རྣམས་ནི་ཙར་ཙི་ཀ་ལ་སོགས་པའི་ལྷ་མོ་བཞི་དང་རྗེས་སུ་མཐུན་པའོ། །སྐུ་མདོག་གི་ཁྱད་པར་ནི ་སེར་བ་དང་ཞེས་བྱ་བ་ལ་སོགས་པའོ། །མཚན་ཉིད་ཀུན་ཀྱང་ཞལ་གསུམ་ཞེས་བྱ་བ་ལ་སོགས་པའོ། །ཐོ་བ་ལ་སོགས་པ་བཞི་ཞེས་བྱ་བ་ནི་སྒོ་སྐྱོང་སྟེ་རྩ་བའི་དཀྱིལ་འཁོར་དང་མཚུངས་པའོ།། ་བསྒོམས་ནས་ཞེས་བྱ་བ་ནི་སྐྱེ་མཆེད་དང་ལུས་ལ་སོགས་པ་བྱིན་གྱིས་བརླབ་ཅིང་དབང་དང་དགུག་པ་དང་སྟིམ་པ་དང་མཆོད་བ་དང་བསྟོད་པས་མཉེས་པར་བྱས་ལ། །ོཾ་ཝཱ་གི་ཤྭ་རི་མུཾ་ཞེས་འབུམ་དུ་བཟླས་པར་བྱའོ། །དེ་ནས ་རྣལ་འབྱོར་པས་སེམས་བརྟན་པ་དང་བདག་ཉིད་འཇམ་པའི་རྡོ་རྗེ་གནས་པའི་ལུས་ཀྱི་བ་སྤུའི་བུ་གའི་ནང་དུ་ཡི་གེ་ལཾ་བཀོད་ནས་མཐོང་བར་མི་འགྱུར་རོ། །དེ་དག་གི་དུས་སུ་ཉེ་བར་མཚུངས་པའི་སྦྱོར་བ་ནི་སྦྱར་བའི་ཙན་དན་དང། ་ག་བུར་དང་སྦྲང་རྩིའི་ཆུས་བྱུག་པར་ཡང་བྱའོ། །གདུལ་བྱ་བསམ་པ་ཁྱད་པར་ཅན་དང་ལྡན་པ་རྣམས་ཀྱིས་མཐོང་ཞིང་རེ་བ་ལྟར་སྤྱོད་པར་ཡང་འགྱུར་རོ། །གཞན་གྱིས་ནི་མ་ཡིན་ཏེ་ཐུན་མོང་མ་ཡིན་པའི་ཕྱིར་རོ། །དེ་བཞིན་གཤེགས ་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །འཇམ་པའི་རྡོ་རྗེའི་སྒྲུབ་ཐབས་ནི་རྒྱུད་དང་རྗེས་སུ་མཐུན་པའི་ཞི་བའི་སྒྲུབ་ཐབས་དེ་ཉིད་ཀྱི་ཕྱིར་གཙོ་བོའོ། །རིམ་པར་ཕྱེ་བ་ནི་བཅུ་བཞི་པའི་ཚོགས ་ཇི་སྙེད་པ་གསལ་བར་བྱས་པའོ། །བཅུ་བཞི་པ་ནི་བཅུ་གསུམ་པས་གཞག་པའོ། །ནག་པོ་ཞབས་ཀྱིས་བཤེད་པའི་ལེའུ་བཅུ་བཞི་པ་གསལ་བར་བྱས་པའོ།། །།དེ་ནས་སེམས་ཅན་རྗེས་སུ་མོས་ཤིང་གུས་པ ་བསྐྱེད་པའི་ཕྱིར་ཆུ་རེངས་པའི་སྦྱོར་བ་གསུངས་པ། འཕགས་མ་ཛཧ་གུ་ལིའི་སྒྲུབ་པའི་ཐབས། དེ་ནས་ཡང་དག་བཤད་བྱ་བ། །གང་ཞིག་བསྒོམས་པ་ཙམ་གྱིས་ནི། །ཆུ་ཡི་སྟེང་དུ་འགྲོ་འགྱུར་བ་ཞེས་བྱ་བ་ལ། འཕགས་མ་ཞེས ་བྱ་བ་ནི་བཅོམ་ལྡན་འདས་མའོ། །ཛཧ་གྷ་ལི་ནི་འགྲོ་བ་མོས་པས་བྱེད་པའོ། །བསྒྲུབ་པར་བྱ་བ་ནི་འདིའི་རྣལ་འབྱོར་ཏེ་ཐབས་ནི་འོག་ནས་འབྱུང་བར་ཟད་དོ། །དེའི་བསྒོམ་པ་རབ་ཀྱི་མཐར་ཕྱིན་པ་ནི་བཅོམ་ལྡན་འདས་མ་གང་ཞིག་བསྒོམ་པ་དང་བཟླས ་པའོ། ཙམ་གྱིས་ནི་འབུམ་ལས་ལྷག་མི་དགོས་པ་སྟེ་ཆོག་པའོ། །ཆུ་ནི་ཟབ་ཅིང་རྒྱ་ཆེ་བའི་སྟེང་དུ་ཚོགས་མེད་པར་འགྲོ་བར་འགྱུར་རོ། །འདིར་ཡང་ཚོགས་བསགས་ལ་སོགས་པ་སྔར་བཞིན་ཏེ་གཞལ་ཡས་ཁང་གི་དབུས་སུ་ཉི་མའི་སྟེང་དུ་ཟླ་བས? ་གནས་པའི་ཧྲཱི(རྒྱུད་འགྲེལ་པར་བྱུང་བ་སྐུ་ཆེན་པོའི་ཕྱག་གཉིས་པའི་དང་པོ་ན་སྦྲུལ་ཞགས་བསྣམས་པ་རྨ་བྱ་ལ་ཞོན་ནས་རབ་ཏུ་དགྱེས་པའི་གད་མོ་རྒོད་པར་བསམ་པར་བྱའོ། །ཤར་ལ་སོགས་པའི་ཕྱོགས་བཞི་རུ་རྨ་བྱ་ལ་སོགས་པ་དགོད་དོ། །དེའི་ཕྱག་མཚན་གྱི་ཁྱད ་པར་གསུངས་པ། རྨ་བྱའི་སྒྲོ་ཞེས་བྱ་བ་ལ་སོགས་པ་སྟེ་ལོ་མ་ནི་ཡལ་ག་དང་བཅས་པའི་འདབ་མའོ། །ལྕགས་སྒྲོག་ནི་རྡོ་རྗེའི་ལྕགས་སྒྲོག་གོ་།ཁ་དོག་གི་དབྱེ་བ་གསུངས་པ། སེར་དང་ཞེས་བྱ་བ་ལ་སོགས་པའོ། མཁས་པ་ཞེས་བྱ་བ་ན་སྦྱོར་བ ་འདི་ཉིད་ལ་རབ་ཏུ་མཁས་པའི་རྣལ་འབྱོར་པའོ། །འདི་ལྟར་བསྒོམ་པར་བྱ་ཞེས་བྱ་བ་ནི་ལྷ་བཅུ་གསུམ་པའི་འཁོར་ལོའི་ཚོགས་སོ། །དེ་བཞིན་སྔགས་འདི་དག་ཀྱང་ཞེས་བྱ་བ་ནི་རྣལ་འབྱོར་དང་ལྡན་པས་སྔགས་འདི་དག་རྡོ་རྗེའི་བཟླས་པ་བཟླ་བར ་བྱའོ། །ོཾ་ཕུ་ཛ་ཐོ་བ་ལ་སོགས་སྒོ་རུ་དགོད། །མེ་ཏོག་ལ་སོགས་མཚམས་སུ་དགོད། ཅེས་བྱ་བ་ལ་སྔར་བཤད་པ་བཞོན་ནོ། །དེ་དག་ཐམས་ཅད་ཞལ་གསུམ་ཕྱག་དྲུག་པའོ། །རྨ་བྱ་ལ་སོགས་པ་བཞི་ནི་གཏི་མུག་ལ་སོགས་པ་བཞི་དང་ ་མཚུངས་པ་སྟེ་རང་གི་ཕྱག་མཚན་གྱི་ཁྱད་པར་གྱི་བྱས་པའོ། །མེ་ཏོག་ལ་སོགས་པ་བཞི་ནི་རྡོ་རྗེ་སེམས་མ་ལ་སོགས་པ་དང་རྗེས་སུ་མཚུངས་པ་སྟེ་རང་གི་ཕྱག་མཚན་གྱི་ཁྱད་པར་བྱས་པའོ། ་བདག་ཉིད་ཛཧ་གྷུ་ལིའི་རྣལ་འབྱོར་གྱིས་སྔགས་བཟླས་ཤིང་ཆུའི་དཀྱིལ་འཁོར་ཐམས་ཅད་ཡི་གེ་མཾ་ལས་གསེར་གྱི་ས་གཞི་རབ་ཏུ་བརྟན་པར་བསམས་ལ་ཆུའི་སྟེང་ནས་བཅག་ཅིང་རྟག་ཏུ་འགྲོ་བར་བྱའོ། །དེ་ནས་དགུག་པའི་སྦྱོར་བ་གསུངས ་པ། ཀུ་རུ་ཀུལླེ་རབ་སྒྲུབ་ཐབས། །དེ་ནས་ཡང་དག་བཤད་བྱ་བ། །གང་ཞིག་བསྒོམས་པ་ཙམ་གྱིས་ནི། །ཀླུའི་བུ་མོ་རབ་འགུགས་པ། །ཞེས་བྱ་བ་ལ། ཀུ་རུ་ནི་གདུག་པ་སྟེ། ཀུལླེ་ནི་རབ་ཏུ་འཇིགས་པར་མཛད་པའོ། །རབ་སྒྲུབ་ཅན་ནི ་གདུག་པ་ཚར་གཅོད་པའི་ཐབས་སོ། །བསྒོམ་པ་རབ་ཀྱི་མཐར་ཕྱིན་ཙམ་ན་རྣལ་འབྱོར་པ་གང་གིས་བསྒོམས་པ་ཙམ་གྱིས་ཀུའི་བུ་མོ་རབ་ཏུ་འགུགས་པར་ནུས་སོ། །འདིར་ཚོགས་བསགས་པ་ལ་སོགས་པ་སྔོན་བཞིན་ཏེ། གཞལ་ཡས་ཁང་གི ་དཀྱིལ་དུ་ཟླ་བ་ལ་གནས་པའི་ཧྲཱི(རྒྱུད་འགྲེལ་པ་ལ་ཀླུའི་རྒྱལ་པོ་བརྒྱད་དགོད་དོ། །ཀླུའི་རྒྱལ་པོ་མཛའ་ཡས་དང། ཏཀྵ་ཀ་དཀར་པོ་དང། རིགས་ལྡན་སྣ་ཚོགས་པའི་མདོག་ཅན་དང། དུང་སྐྱོང་སེར་པོ་དག་ནི་གཡས་ནའོ། །པདྨ་དཀར་པོ་དང། ཀརྐོ་ཊ་ལྗང་གུ་དང། ནོར་རྒྱས་ཀྱི་བུ་ན་རོས་དང་པདྨ་ཆེན ་པོ་པདྨའི་རྩ་བ་ལྟར་དཀར་དམར་དུ་གནས་པ་གཡོན་དུ་དགོད་དོ། །ལུས་ཐམས་ཅད་སྦྲུལ་ཐམས་ཅད་ཀྱིས་རབ་ཏུ་བརྒྱན་པ་སྐྱེད་ལ་རྫོགས་པ་དང་བྱིན་གྱིས་བརླབ་ཅིང་དབང་བསྐུར་ལ་དགུག་ཅིང་བསྟིམས་ཏེ་མཆོད་བསྟོད་ཀྱིས་མཉེས་པར་བྱས་ལ། ་སྙིང་གར་ཉི་མ་ལ་གནས་པའི་ཧྲཱི(རྒྱུད་འགྲེལ་གཅིག་པའི་ཡིད་ཀྱིས་རབ་ཏུ་འཁྲུགས་པའི་བཟླས་པ་བྱ་སྟེ། ཁྲི་དང་བཅུའི་ཆ་ཉིད་ཐུན་ཅིག་གིས་ཡོངས་སུ་རྫོགས་པར་བྱའོ། །དེ་ནས་ལྷན་ཅིག་སྐྱེས་པའི་སྟོབས་རབ་ཏུ་ངོ་མཚར་བ་འཕེལ་བར་བྱ་བའི་དོན་དུ་རྡོ་རྗེ་ལུས་མེད་ཀྱི་ལྷའི་བུ་མོ་དགུག་པ་གསུངས་པ། དེ་ནས ་གསང་བ་བཤད་བྱ་བ། །བསྡུས་ནས་ཡིན་གྱིས་རྒྱས་པ་མིན། །གང་གིས་ཤེས་པ་ཙམ་གྱིས་ནི། །ལྷའི་བུ་མོ་འགུགས་བྱེད་པ། །ཞེས་བྱ་བ་ལ། གསང་བ་ནི་སངས་རྒྱས་ཀུན་གྱི་ཐུགས་ཏེ་དབྱེར་མི་ཕྱེད་པའི་ཡེ་ཤེས་དེ་ཉིད་ཀྱི་ཆོས་ཐམས་ཅད་དེའི་བདག་ཉིད་དུ ་བྱེད་ཅིང་དེ་ཉིད་ནི་རིག་པ་མཆོག་ལ་རག་ལས་པས་དེའི་བདག་ཉིད་མཚན་དང་ལྡན་པའི་རིག་མས་སྒྲུབ་སྟེ། ཉན་ཐོས་ལ་སོགས་པའི་ཡུལ་མ་ཡིན་པའི་ཕྱིར་གསང་བའོ། །བསྡུས་ནས་ཡིན་གྱིས་ཤེས་བྱ་བ་ནི་སྒྲུབ་པ་པོའི་བདག་ཉིད་དུ་བྱས་པའོ། །རྒྱས་པ ་མིན་པ་ནི་སྤྲོས་པ་ཞི་བའི་སྒྲུབ་ཐབས་ཏེ། ན་ཏ་ཀུ་བའི་རྒྱུད་འབུམ་པ་ལས་དགུག་པའི་སྦྱོར་བ་སྟོབས་ཆེན་ལ་སོགས་པ་ཡིན་པས་སོ། །གང་ཞིག་ནི་སྒྲུབ་པར་བྱ་བའི་བདག་ཉིད་དེ། གང་གིས་ཤེས་བྱ་བ་དང་ཡང་སྦྱར་རོ། །ཤེས་པས་ནི་གུས་པའི་སྟོབས ་ཅན་གྱིས་བསྒོམ་པའོ། །ཙམ་ཞེས་བྱ་བ་ནི་ལྷག་མི་དགོས་པ་སྟེ་ཡོངས་སུ་དག་པའི་སྦྱོར་བ་འདི་ཉིད་ཀྱིས་སོ། །ལྷ་ནི་བདེ་བའི་ཡུལ་ལ་ལོངས་སྤྱོད་པ་སྟེ། བུ་མོ་ནི་རིགས་གསུམ་དུ་བསྡུའོ། །དེ་ཡང་ལྷན་ཅིག་སྐྱེས་པའི་བདེ་བ་སྟོབས་ཆེ་བ་དང། ལོངས་སྤྱོད་ཀྱི་མཐུ ་ཐོགས་པ་མེད་པར་ཡོད་པ་དང། སྤྱོད་ལམ་རབ་ཏུ་སྦྱངས་པ་དག་གིས་ཕན་འདོགས་བའོ། །དེ་ཡང་རྟགས་འདི་དག་གིས་ཤེས་པར་བྱ་སྟེ་སྔོ་བསངས་མེ་ཏོག་གིས་རབ་ཏུ་སྤྲས་པ་དང། དབྱངས་དང་ལྡན་པའི་རིན་པོ་ཆེས་རབ་ཏུ་སྤྲས་ཤིང་དམར ་སེར་དུ་གནས་པ་དང། རྒྱན་དང་བྲལ་བ་རང་བཞིན་གྱིས་བརྒྱན་གྱིས་སྤྲས་ཤིང་དཀར་ཤམ་གྱི་མདོག་ཅན་ནོ། །འགུགས་པར་བྱེད་པའི་སྦྱོར་བ་ནི་གསུམ་སྟེ། བཤད་པའི་རྒྱུད་ལས། རྣལ་འབྱོར་སྤྱོད་པའི ་ཏིང་ངེ་འཛིན། །འགུགས་པར་གུར་གུམ་གྱིས་གཟིགས་ཏེ། །འགུགས་པ་ཡང་ནི་གཙོ་ཞེས་བྱ་བ་ནི་མན་ངག་གོ་།འདི་ཡང་སྔོན་དུ་འགྲོ་བའི་བྱ་བ་ཡོངས་སུ་རྫོགས་ནས་གཞལ་ཡས་ཁང་གི་དཀྱིལ་དུ་ཟླ་བ་ལ་གནས་པའི་ཧྲཱི(རྒྱུད་འགྲེལ་འབྱུང་བའི་སྐུ་ཕྱག་གཉིས་པ་ལས་ཞལ་གཅིག་པ་སྟེ། ཕྱག་གཡས་པ་ན་མུ་ཏིག་གི་མདོག་ཅན་གྱི་མདའ་དང། གསེར་གྱི་མདོག་ཅན་གྱིས་གཞུ་གཡས་གཡོན་ན་བསྣམས་པའོ། །ལུས་སེར་པོ་དང། དཔག་ཚད་བརྒྱད་ཁྲིའི་ཚད་ཙམ་དུ་ཁྱད ་པར་དུ་ཆེ་བ་རྡོ་རྗེ་ལུས་མེད་ཅེས་བྱ་སྟེ། འཇིག་རྟེན་གྱི་ལུས་ལས་ཁྱད་པར་དུ་གྱུར་པའི་ཕྱིར་རོ། །ཤར་ལ་སོགས་པའི་ཕྱོགས་སུ་མངའ་ལ་སོགས་པ་བཞི་དགོད་པར་བྱའོ། །འདོད་པའི་ལྷ་མོ་ཞེས་བྱ་བ་གཙོ་བོ་ལ་རབ་ཏུ་ཕྱོགས་ཤིང་གུས་པ་རྙེད་པའོ། ་ཐམས་ཅད་ཀྱི་ཕྱག་ཏུ་མངའ་དང་གཞུ་བསྒོམ་ཞེས་བྱ་བ་ནི་གཙོ་མོ་དང་རབ་ཏུ་མཚུངས་པར་རོ། །ཁྱད་པར་གྱི་ཁ་དོག་གསུངས་པ། གསེར་དང་ཞེས་བྱ་བ་ལ་སོགས་པའོ། །མཚམས་རྣམས་ཞེས་བྱ་བ་ནི་མེ་ལ་སོགས་པའི་མཚམས་བཞིའོ། ་རྟ་དགོད་ཅེས་བྱ་བ་ནི་གཙོ་བོ་ཇི་སྲིད་གནས་བ་དེ་སྲིད་དུའོ། །མི་འགག་ཅེས་བྱ་བ་ལ་སོགས་པ་ནི་མེ་ཏོག་ལ་སོགས་པ་བཞིན་ནོ། །འདོད་པས་འགྱིང་བ་ལ་སོགས་པ་ནི་སྒོ་བཞི་སྟེ་ཐོ་བ་ལ་སོགས་པ་བཞིན་ནོ། །དབང་བསྐུར་བའི་དུས་དྲན་ལ་འབྲེལ་པ་ནི། ་ལྷ་རྣམས་དེ་དག་ཐམས་ཅད་ཀྱི། །དབུ་ལ་གཤིན་རྗེ་གཤེད་བོ་བསྒོམ་ཞེས་བྱ་བ་ལས་མི་བསྐྱོད་པའི་དཀྱིལ་འཁོར་ཆེན་པོ་ལས་འོངས་པའི་ལྷ་མོ་བཞི་ཡིས་དབང་བསྐུར་བ་ནི་བསྲེགས་ཤིང་སྦྱངས་པའི་རྗེས་ལ་བསྒྲུབ་པའི་དཀྱིལ་འཁོར་གྱི ་ལྷ་ཐམས་ཅད་ཀྱི་དབུ་ལ་མཚུངས་པར་གཤིན་རྗེ་གཤེད་པོ་བསྒོམ་མོ། །དབང་བསྐུར་བའི་དཀྱིལ་འཁོར་གྱི་གཙོ་བོ་ལ་ནི་མ་ཡིན་ནོ། །བསྒྲུབ་པ་དགུག་པའི་དུས་སུ་སྦྱོར་བ་གསུངས་པ། བུད་མེད་ཀྱི་ནི་པདྨ་དུ། །རྡོ་རྗེ་ལུས་མེད་བསྒོམ་པར་བྱ། །ཞེས་བྱ་བ་ལ ་བུད་མེད་ནི་མངོན་པར་རོ་འདོད་པའི་ལྷ་མོའི་པདྨར་རོ། །རྡོ་རྗེ་ལུས་མེད་ནི་ལུས་མེད་པ་སྟེ་ཡི་གེ་འབྲུ་དང་ཐ་མི་དད་པས་སིདྡྷི་བསྒོམ་པར་བྱའོ། །དེ་ནས་བདག་གི་སྦྱོར་བ་རབ་ཏུ་རྒྱས་པར་བཀང་བའི་མདའའཕངས་པས་རབ་ཏུ་འཚེར་ཞིང་དང་བའི་ཁ་དོག་ལྔའི ་མདངས་རིམ་གྱིས་མགོ་བོ་དང་མགྲིན་པ་དང་ལྟེ་བ་དང་གསང་བ་རྣམས་སུ་ཕུག་པར་གྱུར་པས་མྱོས་པ་དང་རྨོངས་པ་དང་འདར་བ་དང་ལྷུང་བ་དང་རྒྱས་པར་བསམ་མོ། །དེ་ནས་འཕྲོས་པའི་འོད་ཟེར་གྱིས་བཀུག་ཅིང་བསྟིམས་ཏེ་རྐང་པའི་དྲུང་དུ་ལྷུང་བར་བསམ་མོ། ་དེའི་ཕྱིར་བདག་གིས་བསྐྱེད་པའི་ཡི་གེ་ཡཾ་སིདྡྷི་ལས་ཡང་དག་པར་བྱུང་བའོ། །ཀུན་ཏུ་འཁོར་བ་རྣམ་པར་འཕྲོ་བ་ནི་འོད་ཟེར་རོ། །བསྲུབས་པ་ནི་རང་གི་འདོད་པར་བྱའོ། །གཡེངས་པ་ནི་རང་རྒྱུད་མྱོས་པའོ། །མྱོས་པས་བདེ་བའི་ཡིད་འདོད་ཀྱི། ཞེས་བྱ་བ་ནི་གང་ལ ་འདོད་ཆགས་ཀྱི་རོས་མྱོས་ཤིང་བདེ་བ་ཞེན་ཅིང་འདོད་པའི་ཡིད་ཀྱིས་སོ། །གོས་དམར་པོ་ཡོངས་སུ་དཀྲིས་ཤིང་རྐང་པའི་དྲུང་དུ་ལྷུང་བར་ཡང་འགྱུར་ཏེ་བསམ་པར་ཡང་བྱའོ། །དེ་ནས་ཡང་སྔོན་དུ་བསྙེན་པ་འབུམ་དང་ལས་ཀྱི་སྦྱོར་བའི་དུས་སུ་ཁྲི་བཟླས་པར་བྱ་སྟེ ་ཡི་གེ་ཨོཾ་ནི་རིང་པོར་དང། ཡི་གེ་སྭཱཧཱ་ཐ་མར་སྦྱིན། །ཡི་གེ་སིདྡྷི་སྔགས་བཟླས་བྱ། །ཆེ་གེ་མོ་ཞིག་བདག་དབང་འགྱུར། ཞེས་བྱ་བ་ནི་ཨོཾ་སིདྡྷི་སྭཱཧཱ། བ་ཤཾ་ཀུ་རུ་ཧོ་ཧོ་ཧོ་ཞེས་བྱ་བའི་བཟླས་པ་དང་འབྲེལ་པ་ངག་གིས་ཆེ་གེ་མོ་ནི་ལྷའི་བུ་སྟེ། ཞིག་ནི་བྱེ་བྲག ་གར་འདོད་པ་བདག་གི་དབང་དུ་འགྱུར་རོ། །འདིའི་ཁྱད་པར་གསུངས་པ། ཐམས་ཅད་དུ་ནི་བསྒོམ་བྱས་ན། །ནག་པོའི་ཚིག་ནི་ཇི་བཞིན་གྱིས། །རྣལ་འབྱོར་འདོད་པ་དེས་ཐོབ་འགྱུར། ཞེས་བྱ་བ་ལ། ཐམས་ཅད་དུ་རྟག་ཏུའོ། །བསྒོམས་བྱས་ན་ཞེས་བྱ་བ་ནི ་ཏིང་ངེ་འཛིན་དང་བཟླས་པའོ། །ནག་པོའི་ཚིག་ནི་ཇི་བཞིན་གྱིས་ཤེས་བྱ་བ་ནི་བསྒྲུབ་པའི་དུས་སུ་ཞག་བདུན་དུའོ། །དེས་ཅིར་འགྱུར་ཞེ་ན། རྣལ་འབྱོར་འདོད་དེས་ཐོབ་འགྱུར་ཞེས་བྱ་སྟེ། དང་པོར་བདག་གི་དོན་དུ་ལོང ་སྤྱད་པར་བྱ་ཞིང་དེ་ནས་ཐུན་མོང་གི་དངོས་གྲུབ་ཀྱི་ལས་བཅོལ་ཏེ་གཞན་གྱི་དོན་ཕུན་སུམ་ཚོགས་པར་རོ། །བཅོམ་ལྡན་འདས་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །ལུས་མེད་རྡོ་རྗེའི་ཚད་ནི་ཤིན་ཏུ་ཆེན་པོ་ཉིད་དང་ཡིག་འབྲུའི་གཟུགས ་ཏེ་བསྙེན་པ་བསྒྲུབ་པའི་དུས་སུ་བསྒོམ་པ་ཉིད་ལ་བྱའོ། །རིམ་པར་ཕྱེ་བ་ནི་ཛྙ་གྷུ་ལིའི་བསྒྲུབ་པ་ལ་སོགས་པ་གཞན་རྣམས་ཀྱང། གསལ་བར་བྱས་པའི་བཅོ་ལྔ་པ་ནི་བཅུ་བཞི་པས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བཅོ་ལྔ ་པ་རྒྱ་ཆེར་གསལ་བར་བྱས་པའོ།། །།ད་ནི་ཧེ་རུ་ཀའི་སྒྲུབ་ཐབས་གསུངས་པ། ཧེ་རུ་ཀ་ཆེན་པོ་སྒྲུབ་པའི་ཐབས། དེ་ནས་ཡང་དག་བཤད་པར་བྱ། །རྣལ་འབྱོར་འཁོར་བར་བཅིངས་པ་ལ། །གང་ཞིག་ཤེས་པ་མྱུར་གྲོལ ་བ། ཞེས་པ་ལ། ཧེ་ནི་ཧེ་ཧེ་བ་ར་ཞེས་བྱ་བ་སྟེ། ཕྱི་ནང་གི་ཆོས་ཐམས་ཅད་བྱེད་རྒྱུ་དང་བྲལ་བའོ། །དེ་ཅིའི་ཕྱིར་ཞེ་ན། ཧ་བ་ར་ཤྞི་ཞེས་བྱ་བ་སྟེ། ཆོས་ཐམས་ཅད་ཀྱི་རང་བཞིན་ལ་མི་མཉམ་ཞིང་མཉམ་པའི་ཆོས་འགའ་ཡང་མེད་དོ ་ཨེ་ནི་ཡི་གེ་ར་ན་ཏེ་ཆོས་ཐམས་ཅད་དམིགས་སུ་མེད་པའི་ཕྱིར་རྩོལ་བ་དང་བྲལ་བའོ། །རུ་ནི་རུ་རུ་བ་སྟེ་ཕྱི་ནང་གི་ཆོས་ཐམས་ཅད་རང་གི་རང་བཞིན་དང་བྲལ་བའི་ཕྱིར་སྒྲ་བརྙན་ལྟ་བུའོ། །ར་ནི་ར་ག་པ་ལ་ཞེས་བྱ་སྟེ། ཆོས་ཐམས་ཅད་རང ་གི་རང་བཞིན་དུ་མྱོང་ཞིང་ཆགས་པ་ཆེན་པོའི་བདེ་བ་དང་ལྡན་པའོ། །ུ་ནི་ཨུཥྞི་ན་ཞེས་བྱ་བ་སྟེ། ཆོས་ཐམས་ཅད་གདོངས་མ་ནས་གྲོལ་ཞིང་རྣམ་པར་རྟོག་པའི་ཚོགས་དང་བྲལ་བའོ། །ཀ་ནི་ཀ་ཞེས་བྱ་སྟེ་ཆོས་ཐམས་ཅད་དོགས་པ་མེད ་པའི་བདེ་བ་ཆེན་པོ་དང་ལྡན་པའོ། ། ནི་ཨརྟ་རྨ་ཞེས་བྱ་སྟེ་ཆོས་ཐམས་ཅད་རང་བཞིན་གྱིས་སྐྱེ་བ་མེད་པའོ། །འདིས་ནི་བརྟན་པ་དང་གཡོ་བའི་དངོས་པོ་ཐམས་ཅད་ཀྱི་རང་བཞིན་གཉིས་སུ་མེད་པའི་བདག་ཉིད་གཞན་གྱིས་དབེན་པ་དང་རང་ལ་གནས ་པའི་ཡེ་ཤེས་རང་གི་རང་བཞིན་དུ་མཐོང་བའི་ངོ་བོ་ཉིད་མི་མཉམ་པ་མེད་པས་མཉམ་པའི་ཞིང་ཆེན་པོའི་བདག་གི་དོན་དང་གཞན་གྱི་དོན་ཕུན་སུམ་ཚོགས་པ་ལ་ཞུགས་པའི་རྒྱུན་ཆེན་པོ་འདི་ནི་བཅོམ་ལྡན་འདས་ཧེ་རུ་ཀ་སྟེ་ངོ་བོ་ཉིད་ཀྱི་སྐུའོ། །དེ ་ལས་བྱུང་བའི་གཟུགས་ཀྱི་སྐུ་གཉིས་ཀྱིས་སེམས་ཅན་གྱི་དོན་བྱེད་པ་ནི་ཆེན་པོའོ། །བསྒྲུབ་བར་བྱ་བའི་དོན་ནི་སྔར་བཤད་པ་དག་སྟེ་དེ་སྒྲུབ་པའི་ཐབས་ནི་སྐྱེད་པའི་རིམ་པ་འདི་དག་གིས་སོ། །དེའི་ཁྱད་པར་ཅི་ཞེ་ན། རྣ་འབྱོར་ཞེས་བྱ་སྟེ་ཐབས་དང ་ཤེས་རབ་གཉིས་སུ་མེད་པའི་སྦྱོར་བ་སྟེ་གང་ལ་ཡོད་ཅིང་ཉམས་སུ་མྱོང་བ་དག་གིས་སོ། །འཁོར་བ་ཞེས་བྱ་བ་ནི་འགྲོ་བ་དྲུག་ཏུ་ཤིང་རྟའི་འཁོར་ལོ་བཞིན་དུ་བཅིངས་པ་ལ་ཞེས་བྱ་བ་ནི་ཕྱི་ནང་གི་རླུང་རབ་ཏུ་གཡོ་བ་མང་པོ་དག་གིས་མ་རིག་པའི་ནང ་ན་གནས་པའི་ཡིད་རྣམ་པར་རྟོག་པའི་འོགས་ཀྱི་ནང་དུ་བག་ཆགས་རབ་ཏུ་མཐུག་པའི་ཆུས་སྤངས་ཤིང་བསྐྱེད་བར་བཀྱིགས་པའི་ཤིང་ནི་འདོད་པ་དང་གཟུགས་དང་གཟུགས་མེད་པ་སྟེ། དེ་ལ་ཡང་རླུང་དབང་པོ་ལ་རབ་ཏུ་འཕྲོ་བ་དག་གི་ཡུལ་ལ། ་མངོན་པར་ཞེན་པའི་བག་ཆགས་ཆུང་ངུ་དག་གིས་རབ་ཏུ་མནན་པས་མི་གནས་པའི་མྱ་ངན་ལས་འདས་པའི་གནས་ཤེས་རབ་དང་སྙིང་རྗེ་གཉིས་སུ་མེད་བདག་ངེས་པར་བཅིངས་ནས་གནས་པའོ། །དེ་ལྟ་བུ་དག་ལ་གང་ཞིག་ཤེས་པས་ཞེས་བྱ་སྟེ་གང ་ཞིག་ནི་རིམ་པ་གཉིས་སོ། །ཤེས་པ་ནི་བསྒྲུབ་ཅིང་ཉམས་སུ་ལེན་པའོ། །མྱུར་གྲོལ་ཞེས་བྱ་བ་ནི་སྐྱེ་བ་འདི་ཉིད་ཀྱིས་བཅོམ་ལྡན་ཐོབ་པའོ། །དེའི་རིམ་པ་ཕྱེ་བ་གསུངས་པ་ནི་ཚོགས་བསགས་པ་དང་སྟོང་པ་ཉིད་དང་མཚམས་ཀྱི་འཁོར་ལོ་དང་ཆོས་ཀྱི་འབྱུང ་གནས་དང་གཞལ་ཡས་ཁང་བསྐྱེད་པ་ནི་རྩ་བའི་དཀྱིལ་འཁོར་བཞིན་ནོ། །དེ་ལ་ཡང་ཡི་དགས་ཀྱི་ལྟེ་བ་ལ་ཉི་མ་ལ་གནས་པའི་སྟེང་དུ་ཧཱུཾ་ལས་སྐྱེས་པའི་རྡོ་རྗེ་སྔོན་པོ་ཡོངས་སུ་གྱུར་པ་ལས་ཧེ་རུ་ཀ་ཕྱག་གཉིས་པ ་ལ་ཞལ་གཅིག་པ་སྟེ་སྐྱིལ་ཀྲུང་ཕྱེ་པའི་གར་གྱིས་བཞུགས་པ་སྟེ། དེའི་རྡོ་རྗེ་ཕྱག་གཡས་སུ་བསྒོམ་པར་བྱའོ། །དེ་ལས་གཞན་པ་ནི་གཡོན་པ་སྟེ་ཐོད་པ་བསྒོམ་པར་བྱའོ། །སྤྱན་གསུམ་ནི་སྔར་མིག་ཏུ་རབ་ཏུ་བཟློག་ཅིང་ལྟ་བའོ། །དབུ་སྐྲ་གྱེན་དུ་འགྲེང ་བ་ནི་མདོག་སེར་ལ་རབ་ཏུ་མཛེས་པའོ། །ཕྱག་རྒྱ་ལྔ་ཡིས་ཤེས་བྱ་བ་ནི་འཁོར་ལོ་དང་རྣ་རྒྱན་དང་མགུལ་རྒྱན་དང་ལག་རྡུབ་དང་སྐེ་རགས་སོ། །རྣམ་པར་རྒྱན་ཞེས་བྱ་བ་ནི་དགྱེས་པའི་རྡོ་རྗེ་ལས་འཁོར་ལོའི་གཟུགས་ཀྱིས་མི་བསྐྱོད་པ། རྣ་པའི ་བདག་ཉིད་འོད་དཔག་མེད། །མགྲིན་དབུང་ལ་ནི་རིན་ཆེན་ཕྲེང། །སྐ་རགས་རྣམ་པར་སྣང་མཛད་དེ། །ལག་རྡུབ་ལ་ནི་དོན་ཡོད་གྲུབ། །ཅེས་བྱའོ། །གལ་ཏེ་འོག་ནས་འབྱུང་བའི་ཐོད་པ་ལྔ་ལ་དགོས་པ་མེད་དོ་ཞེ་ན། དེ་དག་ནི་རིག་པའི་དབང་རྗེས ་སུ་འཛིན་པ་ཉིད་ཀྱི་ཕྱིར་ཡིན་གྱི་འདི་ནི་རྒྱན་བྱིན་གྱིས་བརླབ་པ་དང། མེ་ལོང་ལྟ་བུ་དང། མཉམ་པ་ཉིད་དང། སོ་སོར་རྟོག་པ་དང། བྱ་བ་ནན་ཏན་དང། ཆོས་ཀྱི་དབྱིངས་ཀྱི་ཡེ་ཤེས་ཀྱི་བདག་ཉིད་ཀྱི་ཕྱིར་རོ། །ཁ་ཊཝཱཾ་ག་ནི་ཞེས་བྱ་བ་ནི ་ལྷའི་སྐུ་སྟེ། གཡོན་གྱི་ཕྱོགས་སུ་གྲུ་མོ་ལ་གཟར་བའོ། །ཕྲེང་བའི་རྐང་གདུབ་ཚར་གསུམ་བྱས་པ་དག་གིས་བརྒྱན་པར་བྱའོ། །དེ་ཡང་བཤད་པའི་རྒྱུད་ལས། ཁ་ཊཝཱཾ་ག་ནི་ལྷ་ཡི་སྐུ། །སྐུ་གསུང་ཐུགས་ཀྱི་རྡོ་རྗེ་དྲན། །ཐོད་པ་སྐྱེ་མཆེད་རྣམ ་དག་པས། །རྐང་པ་གཅིག་པའི་ལམ་བསྒོམས་ཏེ། །གཡོན་གྱི་ཕྱོགས་སུ་གནས་པ་ཡིས། །ཆོས་རྣམས་ཀུན་ལ་ཕྱག་རྒྱ་གདབ། །རྐང་པ་གདུབ་བུ་བརྒྱན་པ་ཡིས། །འདུན་པས་འགྲོ་བར་མི་བྱ་ཞིང། རང་གི་ཏིང་འཛིན་ཇི་སྙེད་པ། །ཇི་སྲིད་སྤྱོད་པ ་བཙལ་བར་བྱ། ཞེས་པ་རྣམ་དག་ཏུ་ཤེས་པར་བྱའོ། །དེ་དག་གིས་བསྐྱེད་པའི་ས་བོན་དང་གདན་ཇི་ལྟ་བུ་ཞེ་ན། ས་བོན་ཧཱུཾ་ལས་ཡང་དག་བྱུང། །ཡི་དགས་ལ་གནས་ཞེས་བྱ་བའི་དོན་ནི་རོའི་སྙིང་གར་གནས་པ་སྟེ་གོང་དུ་བཤད་ཟིན་ཏོ། །རྟག་ཏུ་དགོད ་ཅེས་བྱ་བ་ནི་དཔའ་བོའི་གད་མོ་བརྒྱད་དེ་དེ་ཡང་དམ་པ་དང་པོའི་རྒྱུད་ལས། ཧ་ཧ་སྡིག་པའི་གད་མོ་དང། ཧེ་ཧེ་རབ་ཏུ་དགྱེས་པ་སྟེ། །ཧི་ཧི་བདེ་ག་རབ་སྒེག་ཉིད། །ཧོ་ཧོ་ཟིལ་གྱིས་མནོན་པའོ། །ཞེས་བྱའོ། སངས་རྒྱས་ལྔ་ནི་མི་བསྐྱོད་པ་ལ་སོགས་པ་ལྔའོ།། ་རབ་ཏུ་སྦྱོར་ཞེས་བྱ་བ་ནི་སངས་རྒྱས་ལྔ་ནི་ཐོད་པའི་གཟུགས་སུ་སྦྱོར་བའོ། །ཐོད་པ་ནི་ཀཾ་ཞེས་བྱ་བ་སྟེ་བདེ་བའོ། །དེའི་རང་བཞིན་ནི་བྱང་ཆུབ་ཀྱི་སེམས་དང། མ་ཆགས་པའི་དེ་བཞིན་ཉིད་དང། སྦྱིན་པའི་ཕ་རོལ་ཏུ་ཕྱིན་པ་དང། བརྩོན་འགྲུས་དོག་པ་མེད ་པ་དང། བཟོད་པ་ཆེན་པོ་སྟེ་དེ་སྐྱོང་བར་བྱེད་པས་སོ། །ཅོད་པན་ལ་ནི་ཞེས་བྱ་བ་ནི་དབུ་སྐྲ་མཛེས་པའི་རྩེ་མོ་ལའོ། །མི་བསྐྱོད་བསྡོམ་ཞེས་བྱ་བ་ནི་བྱིན་གྱིས་བརླབས་ཏེ་རིག་པ་དག་གིས་དབང་བསྐུར་བའི་རྟགས་སུ་གཙོ་བོ་ལ་མི་བསྐྱོད་པ་བསྒོམ་པར ་བྱའོ། །བཅོམ་ལྡན་འདས་རྡོ་རྗེ་འཆང་ངོ། །དེ་དག་མ་ལུས་པའི་རྣམ་པར་རྟོག་པས་མི་འཁྲུག་པའི་ཕྱིར་མི་བསྐྱོད་པ་ཞེས་བྱའོ། །ཧེ་རུ་ཀར་གྲགས་པ་ནི་རྒྱུའི་ཧེ་རུ་ཀ་སྟེ། གྲགས་པ་ཐ་སྙད་ལ་ཡིད་འཇུག་པའི་ཕྱིར་བློའི་ཡུལ་དུ་བསྒོམ་པར་བྱའོ། ་ཤར་ལ་སོགས་པའི་ཕྱོགས་བཞིར་རོ། །ཆོས་ཀྱི་འཁོར་ལོ་མ་ལ་སོགས་པ་བཞིའོ། །ཞལ་དང་ཕྱག་ནི་ཧེ་རུ་ཀ་ཉིད་དང་འདྲའོ། །ཕྱག་རྒྱ་ལྔ་ལ་སོགས་པའི་རྒྱན་ཀུན་གྱིས་བརྒྱན་པ་ཡང་རྗེས་སུ་མཐུན་ནོ། །ཁ་དོག་སྣ་ཚོགས་ཞེས་བྱ་བའི་ལྷ་མོ་རྣམས ་ཀྱི་མདོག་གམ་ཡང་ན་རིགས་ཀྱི་ཕྱག་རྒྱ་སྟེ་ལྷ་མོ་ནི་གཙོ་བོ་ཉིད་དང་མཚུངས་པའོ། །དེ་དག་ཀྱང་གཟུགས་མཛེས་ཤིང་ལྕུག་སྟེ་ཡི་དགས་ཀྱི་སྙིང་གར་ཉི་མ་ལ་བཞུགས་པའོ། །གཏི་མུག་ཐམས་ཅད་ཅེས་བྱ་བ་ནི་གཙོ་བོ་སྨོས་པ་སྟེ་ང་རྒྱལ་ལ་སོགས ་པ་ཉེ་བར་འཇོམས་པར་བྱེད་པའོ། །ཆོས་ཀྱི་འཁོར་ལོ་རྩིབས་བརྒྱད་པ་དཀར་པོ་དང། ཨ་ཤྭད་ཐ་ནི་བྱང་ཆུབ་ཀྱི་ཤིང་སྟེ་ལོ་མ་དང། བཅས་པ་དང། ཡིད་བཞིན་ནོར་བུ་ནི་དཔག་བསམ་གྱི་ཤིང་དང་།ལྷ ་མོ་རྣམས་ཀྱི་ཕྱག་གཡས་སུ། རྡོ་རྗེ་ཡང་ནི་བསྒོམ་པར་བྱ། ཞེས་བྱ་བ་ནི་རྡོ་རྗེ་རྩེ་ལྔ་པའོ། །ཐོད་པའི་སྣོད་དང་ཁ་ཊཝཱཾ་ག་ནི་གཡོན་ཕྱོགས་སུ་སྟེ་ཐམས་ཅད་ཀྱང་སྐྱིལ་ཀྲུང་ཕྱེད་པའི་གར་གྱིས་བཞུགས་པའོ། །སྤྱན་མ་ལ་སོགས་པ་བཞི་ནི་མེ་ལ་སོག ་པའི་མཚམས་བཞིར་རོ། །དེ་ཡང་མདོག་སེར་བ་དང་སྔོ་བ་དབ་ལྗང་བ་དང་དཀར་པོ་སྟེ་ཕྱག་གཡས་པའི་མཚན་མའི་བྱེ་བྲག་ནི་སྣ་ཚོགས་རྡོ་རྗེ་རྒྱ་གྲམ་དང་རིན་པོ་ཆེ་ཆ་དགུ་པ་དང་པདྨ་འདབ་མ་བཅུ་དྲུག་པའོ། །འཁོར་ལོའི་ཕྱི་རོལ་ཅེས་བྱ་བ་ནི་གཤིན་རྗེ ་གཤེད་ལ་སོགས་པ་བཞི་སྟེ་སྐུ་མདོག་ནི་གནག་པ་དང་སེར་བ་དང་དམར་བ་དང་ལྗང་གུའོ། །དེ་དག་མཚན་མའི་བྱེ་བྲག་ཀྱང་གཏུན་ཤིང་དང། དབྱུག་པ་དང། །རལ་གྲིའོ། །དེ་དག་ཐམས་ཅད་ཀྱང་གཙོ་བོའི་ཕྱག་རྒྱ་དང་རྗེས་སུ་མཚུངས་པ་སྐྱིལ ་ཀྲུང་ཕྱེད་པའི་གར་གྱིས་བཞུགས་པ། ཡི་དགས་ཀྱིས་ཉི་མའི་སྙིང་ག་ན་གནས་པ། གཡོན་པ་ན་ཐོད་པ་དང་ཁ་ཊཝཱཾ་ག་ཡོངས་སུ་འཛིན་པའོ། །ཆོ་གའི་ལས་ནི་བསྙེན་པ་དང་བསྒྲུབ་པ་སྟེ། དེ་ཡང་རྣལ་འབྱོར་རྣམ་པ་བཞིའི་གོ་རིམས་ཀྱིས་ཡོངས་སུ ་རྫོགས་པར་འགྱུར་བའི་བྱ་བ་ནི་རྩ་བའི་དཀྱིལ་འཁོར་བཞིན་ནོ། །འདིར་ཡང་བསྒྲུབ་པའི་དཀྱིལ་འཁོར་ཐམས་ཅད་ནི། རྫུས་ཏེ་སྐྱེ་བ་དང་ངེས་པར་སྦྱར་བ་སྟེ་སྙིང་གའི་ས་བོན་ལས་སྐད་ཅིག་གིས་འཕྲུལ་བར་བྱའོ། །དེ་ཡང་བཤད་པའི་རྒྱུད་ལས་སྐུ་གསུང ་ཐུགས་ཀྱི་རྡོ་རྗེ་ཅན། རྩ་བའི་དཀྱིལ་འཁོར་བསྙེན་བྱས་ནས། བསྒྲུབ་པའི་དཀྱིལ་འཁོར་ཐམས་ཅད་ནི། །ཁྲི་དང་ལྡན་པའི་སྦྱོར་པས་འགྲུབ། །འདིར་ཡང་ཡེ་ཤེས་གང་སྐྱེས་པ། །བསྙེན་དང་བསྒྲུབ་པའི་ཁྱད་པར་གྱིས། །ཤེས་འབྱུང་བའི་ཕྱིར་བསྒྲུབས ་འདི་ཉིད་དུ་རིགས་པ་ནི། ཨོཾ་ཧེ་རུ་ཀ་ཧཱུཾ་ཧཱུཾ་ཕཊ་སྭཱཧཱ། ཞེས་བཟླས་པ་དང་ལྡན་པའི་སྒྲུབ་ཐབས་ནི་རྩ་བའི་དཀྱིལ་འཁོར་ཉིད་དང་རྗེས་སུ་མཚུངས་པའི་འཁོར་ལོའོ། །འདིར་ནི་མཁས་པ་དག་གིས་རྩ་བའི་དཀྱིལ་འཁོར་སྤངས་པའི་བསྙེན་པའི་བསྒྲུབ་པ་ཡང་ཤེས ་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་བཤད་ཟིན་ཏོ། །ཧེ་རུ་ཀ་སྒྲུབ་ཐབས་ནི་མཆོག་གི་དངོས་གྲུབ་ཀྱི་དོན་དུའོ། །རིམ་པར་ཕྱེ་བ་ནི་རིམ་པ་གཉིས་ཡོངས་སུ་རྫོགས་པར་བྱ་བའི་དོན་ཏོ། །བཅུ་དྲུག་པ་ནི་བཅོ ་ལྔ་པས་གཞག་པས་སོ། །ནག་པོ་ཞབས་ཀྱིས་བཤད་པའི་ལེའུ་བཅུ་དྲུག་པ་རྒྱ་ཆེར་གསལ་བར་བྱས་པའོ།། །།ད་ནི་གཟུགས་བརྙན་གྱི་རྒྱུད་དང་རྒྱུད་རང་གི་མཚན་ཉིད་བསྒྲུབ་པའི་ཕྱིར་གོ་རིམས་ལ་ཐེ་ཚོམ་མེད་པར་བྱ་བ་དང། སྤྲོ་བསྡུ་ལ་སོགས ་རབ་འབྱམ་གྱིས་བསྡུས་ནས་ཕྱི་ནང་གི་རྣམ་པར་རྟོག་པ་གསལ་བར་བྱ་བ་དང། བྱང་ཆུབ་ཀྱི་སེམས་བདེ་བ་ཆེན་པོ་མིང་དག་པར་སྟོན་པའི་དྲིན་ལན་དང་བཅས་པ་གསུངས་པ། རྣམ་པ་ལྔ་ནི་བསྒོམ་བྱས་ལ། །སངས་རྒྱས་གཟུགས་ནི་བསྒོམ་པར་བྱ། །སངས་རྒྱས ་གཟུགས་ནི་བསྒོམས་པ་ཡིས། མཁས་པས་འཁོར་ལོ་བསྒོམ་པར་བྱ། །ཞེས་བྱ་བ་ལ། རྣམ་པ་ལྔ་ནི་ཆོ་གའི་བྱེ་བྲག་ལྔས་རྫོགས་པའི་རྡོ་རྗེ་འཆང་ངོ། །དེ་ཡང་ཨ་དང་རེ་ཕ་ལས་གྱུར་པའི་ཟླ་བ་དང་ཉི་མ་ལ་དབྱངས་ཡིག་དང་གསལ་ཡིག་སྤེལ་བ་དང་བཅས་པ་ཉིས ་འགྱུར་དུ་བྱས་པ་ནི་དང་པོའོ། །འཁྲུག་ཅིང་རེ་མཉེས་པ་ནི་གཉིས་པའོ་དེ་ལས་སྐྱེས་པའི་ཡོངས་སུ་རྫོགས་པའི་ཧཱུཾ་དཀར་པོ་ནི་གསུམ་པའོ། །དེ་གྱུར་པ་ལས་སྐྱེས་པའི་རྡོ་རྗེ་ནོར་བུའི་མདོག་དུ་གནས་པ་ནི་བཞི་པའོ། །དེ་ལས་བྱུང་བའི་རྡོ་རྗེ་འཆང་ནི་རྒྱུའི་གཤིན་རྗེ་གཤེད ་ཅེས་བྱ་སྟེ། དཀར་བའི་མདངས་དང་ལྡན་པས་ཁྱད་པར་བྱས་པ་ནི་ལྔ་པའོ། །དེ་ཡང་མེ་ལོང་ལྟ་བུ་དང། མཉམ་པ་ཉིད་དང། སོ་སོར་རྟོག་པ་དང། བྱ་བ་ནན་ཏན་དང། ཆོས་ཀྱི་དབྱིངས་ཀྱི་ཡེ་ཤེས་སོ། །དེ་ཡང་རྒྱུ་མཚན་དུ་སྦྱར་བར་བྱ་སྟེ། ཐུན ་མོང་དང་ཐུན་མོང་མ་ཡིན་པའི་མཚན་དང། དཔེ་བྱད་རབ་ཏུ་དང་ཞིང་གསལ་བར་རྒྱས་ཤིང་གང་བ་དང། ཟུང་དུ་འཇུག་པ་ཉིད་དུ་ཐམས་ཅད་རོ་མཉམ་པ་དང། དེ་ཉིད་ལས་རིགས་ལྔ་ལ་སོགས་པ་ཉིད་དེ ་སྐྱེས་པས་སོ་སོར་རྟོགས་པ་དང། དེ་དག་ཐམས་ཅད་ཀྱི་སེམས་ཅན་གྱི་དོན་གྱིས་འཕྲིན་ལས་ཀྱི་བྱ་བ་ལ་ནན་ཏན་དུ་མཛད་པ་དང། བཞི་ཡོངས་སུ་རྫོགས་པས་གཅིག་ཏུ་གྱུར་པ་ནི་ཆོས་ཀྱི་དབྱིངས་ཀྱི་དེ་རྟོགས་སོ། །དེའི་དོན་ནི་དབྱེར་མི་ཕྱེད་པའི ་ཡེ་ཤེས་ལ་རྡོ་རྗེ་ཞེས་བྱ་སྟེ། དེ་གང་ལ་མངའ་བ་རྡོ་རྗེ་འཆང་ཞེས་བྱའོ། །དེ་ཡང་གཏི་མུག་རྡོ་རྗེ་དང། ཕྲ་མ་རྡོ་རྗེ་དང། འདོད་ཆགས་རྡོ་རྗེ་དང། ཕྲག་དོག་རྡོ་རྗེ་དང། ཞེ་སྡང་རྡོ་རྗེ་ལ་སོགས་པའི་བདག་ཉིད་སྤྲོས་ཤིང་བསྡུས་པ་འམ་གོ་རིམས་ཀྱི ་རྣལ་འབྱོར་དུ་བྱས་པ་ནི་འབྲས་བུ་ལམ་དུ་ཁྱེར་བའི་ཐབས་ཕུན་སུམ་ཚོགས་པ་སྟེ་གོང་དང་མཚུངས་པར་རོ། །དོན་དེ་ཡང་བདག་དང་གཞན་གྱི་དོན་ཕུན་སུམ་ཚོགས་པར་སྦྱར་བར་བྱ་སྟེ། དང་པོར་ཆོས་ཐམས་ཅད་ཐབས་དང་ཤེས་རབ་ཀྱི་རང ་བཞིན་དུ་བརྟགས་པས་འགྲོ་བ་སྒོམ་པར་བྱ་སྟེ་དེ་ནས་ཟུང་དུ་འཇུག་པའི་རོ་མཉམ་པའི་བདེ་བ་ཆེན་པོའི་རང་བཞིན་གྱིས་འོད་གསལ་བ་བསྒོམ་པར་བྱའོ། །དེ་ནས་བརྟན་པ་དང་གཡོ་བ་ཐམས་ཅད་ཡེ་ཤེས་སྣང་བའི་འོད་ཟེར་ལས་འཕྲོས་ཏེ་ཤེས་རབ་ཀྱི ་ཐབས་ལ་རྒྱས་གདབ་པར་བྱ་སྟེ་འདི་ནི་རང་གི་དོན་ཏོ། །དེ་ཡང་ཆད་པ་དང་བེམ་པོའི་བདག་ཉིད་བྲལ་བས་བདེ་བ་ཆེན་པོའི་ཉམས་སུ་མྱོང་བ་རྒྱུན་མ་ཆད་པ་ཉིད་ཀྱིས་ལོངས་སྤྱོད་རྫོགས་པ་དང་སྤྲུལ་པའི་སྐུའི་བྱེ་བྲག་གདུལ་བྱ་ལ་འབྱུང་བ་ནི་གཞན ་གྱི་དོན་ཏོ། །དེ་ཡང་ཨོཾ་དྷརྨཱ་དྷཱ་ཏུ་ཞེས་བྱ་བ་ལ་སོགས་པ་ནི་རང་བཞིན་ཡེ་ཤེས་བཞི་དབྱེར་མི་ཕྱེད་པའི་ཆོས་ཀྱི་དབྱིངས་ཀྱི་རང་བཞིན་བདག་ཉིད་ལ་གདོད་མ་ནས་གནས་པར་རྟོགས་པ་ནི་ཟུང་དུ་འཇུག་པ་ནི་ཕུན་སུམ་ཚོགས་པའོ། །དེ་ལྟར་ ་བདག་ཉིད་བསྒོམ་པར་བྱས་ལ་དེའི་རྗེས་སངས་རྒྱས་ནི་སྤངས་པ་དང་ཡེ་ཤེས་ཕུན་སུམ་ཚོགས་པའོ། །གཟུགས་ནི་བཅོམ་ལྡན་འདས་གཤིན་རྗེ་གཤེད་ནག་པོ་སྟེ་འབྲས་བུའོ། །བསྒོམ་པར་བྱ་ཞེས་བྱ་བ་ནི་མདོག་དང་མཚན་མ་སྟེ་བཤད་ཟིན་ཏོ། ། ་དེ་ལྟར་སངས་རྒྱས་ཀྱི་གཟུགས་བསྒོམས་པ་ཡིས་ཅི་བྱེད་ཅེ་ན་མཁས་པས་ཤེས་བྱ་སྟེ། ཐབས་དང་བདག་ཉིད་བསྒོམས་པའི་ལྷའི་འཁོར་ལོའི་ཚོགས་རྣམས་ལ་བསྒོམས་པའི་མངོན་པར་ཞེན་པའི་སྤྲོས་པ་མེད་པའོ། །འཁོར་ལོ་ནི་གཏི་མུག་རྡོ་རྗེ་ལ ་སོགས་པའོ། །དེ་བསྒོམས་པར་བྱ་བ་ནི་གཙོ་བོ་འོད་དར་བཅས་པའི་རྣམ་པར་འཕྲུལ་པ་ལས་སོ། །ཇི་ལྟར་དཀྱིལ་འཁོར་པས་བཅོམ་ལྡན་འདས་ཁུ་བའི་རྣམ་པ་ནམ་མཁའ་ཁྱབ་པའི་ཏིང་ངེ་འཛིན་སློང་བར་བྱེད་ཅེ་ན་གསུངས་པ། གར་དང་གླུ་ཡི་སྦྱོར་བ ་ཡིས། །འཁོར་ལོ་བསྐྱོད་པར་བྱ་བ་སྟེ། །ཙར་ཏསྩི་ཀ་སོགས་གླུ་དང་ནི། །དྲུག་ལས་སྐྱེས་སོགས་ལེན་པར་བྱེད། །ཅེས་བྱ་བ་ནི་གར་གྱི་རྒྱུ་དང་འབྲས་བུའི་དུས་ཀྱི་ཁྱད་པར་འདི་ཉིད་ཀྱི་སེམས་ཅན་ཐམས་ཅད་ཀྱི་དོན་བྱེད་དོ། །གླུ་ནི་གར་སྔོན་དུ་སོང་བའི་རྗེས ་ལ་ཚིག་ཐུན་མོང་མ་ཡིན་པ་དང་ལྡན་པ་དག་གིས་འགྲོ་བ་གཞན་གྱིས་ཡིད་འཕྲོག་ཅིང་རང་གི་ཡེ་ཤེས་སྤངས་ནས་རབ་ཏུ་གསལ་བའི་མན་ངག་གོ་།བཞི་ནི་ལྷ་མོ་བཞིའོ། །སྦྱོར་བ་ཡིས་ཞེས་བྱ་བ་ནི་བསྐུལ་བའི་ཚིག་དང་སྦྱར་པའོ། །འཁོར་ལོ་བསྐྱེད ་པར་བྱ་བ་སྟེ་ཞེས་བྱ་བ་ནི་གླུ་འདི་ཡིས་བསྐུལ་བ་ཉིད་ཀྱིས་འཁོར་ལོ་བསྐྱེད་པའི་རྐྱེན་དུ་གྱུར་པའོ། །ཙར་ཏསྩི་ཀ་སོགས་ཞེས་བྱ་བ་ནི་ཕག་མོ་དང། དབྱངས་ཅན་མ་དང། གཽ་རཱི་མཱའོ། །གླུ་ནི་དབྱངས་དང་ལྡན་པའི་བརྡའོ། །དྲུག་ལས་སྐྱེས་སོགས་ནི་གླུའི་ཁྱད ་པར་ཏེ་གོང་དུ་བཤད་ཟིན་ཏོ། །དེའི་ཁྱད་པར་ཕྱོགས་གཅིག་ཏུ་གསུངས་པ། སྙིང་རྗེས་ཁྲོས་པའི་དད་སྒྲོལ་བཞེངས། ཁམས་གསུམ་གྱི་ནི་གཏི་མུག་སོལ། །དད་སྒྲོལ་རྩོལ་བས་མ་བཞུགས་བཞེངས། །བདུད་འདི་དག་ལས་རྒྱལ་པར་མཛོད། །འཇིག་རྟེན ་མགོན་པོ་སྟོང་ཉིད་ཇི་སྟེ་བཞུགས། །དང་སྒྲོལ་འཇིག་རྟེན་གྱིས་བཞུགས་ཤིང། །བྱང་ཆུབ་འདོད་པའི་འཇིག་རྟེན་མགོན་པོ་ནས། །ཁྱོད་ནི་སྟོང་པ་ཉིད་ལ་སེམས་པར་བྱེད། ཅེས་བྱ་བ་ལ། སྙིང་རྗེ་ཁྲོས་པས་ནི་སྙིང་རྗེའི ་དབང་གིས་ཁྲོ་བོ་གཤིན་རྗེ་གཤེད་ཀྱི་གཟུགས་བཟུང་ལ་ཞེས་བྱ་བའི་དོན་ཏོ། །དད་པ་ནི་ཁྱོད་ཀྱི་སྐུལ་བ་ལྟས་པས་ཆོ་ག་མི་ཤེས་པའོ། །སྒྲོལ་བ་ནི་སེམས་ཅན་ཐམས་ཅད་འཁོར་བའི་རྒྱ་མཚོ་ལས་སྒྲོལ་བའི་མཐུ་མངའ་བས་ཁྱོད་ཉིད་དོ། །བཞིངས ་ཞེས་བྱ་བ་ནི་སྟོང་པ་ཉིད་ཐོད་མཛོད་ལ་ཞེས་བྱའོ། །ཁམས་གསུམ་ནི་འདོད་པ་དང་གཟུགས་དང་གཟུགས་མེད་པའོ། །ཀུན་ནི་ཐམས་ཅད་དེ་ལྷག་མ་ལུས་པའི་དོན་ཏོ། །གཏི་མུག་ནི་རྨོངས་པ་སྟེ་མ་རིག་པའི་རྒྱ་མཚོ་ཆེན་པོ་སོལ་ཞེས་བྱ་བ་ནི་དག་པར ་མཛོད་ཅིག་པ་སྟེ་རྡོ་རྗེ་ཙར་ཏསྩི་ཀའི་གླུའོ། །རྩོལ་བས་ནི་སེམས་ཅན་གྱི་དོན་དང་བྲལ་བའི་མྱ་ངན་ལས་འདས་པའི་ཞི་བའི་བདེ་བ་ཉིད་དེ། དེ་ལ་མ་ཞུགས་པར་རྒྱལ་བའི་སྐུར་བཞེངས་ཞེས་བྱ་བའི་དོན་ཏོ། །བཞེངས་ནས་ཇི་ལྟར་ཞེ་ན་བདུད་ནི་རྨོངས་པ་དང ་འཆི་བདག་དང་རྒྱལ་བྱེད་དང་རྣམ་པར་གཡེང་བྱེད་ལྟ་བུ་སྟེ་དེ་ལས་རྒྱལ་བར་མཛོད་ཅིག་པ་ནི་ཕག་མོའི་གླུའོ། །འཇིག་རྟེན་གྱི་མགྲོན་བོས་པ་ནི་འགྲོ་བ་རིགས་དྲུག་གི་སེམས་ཅན་ཏེ། ཁྱོད་དང་པོ་བྱང་ཆུབ་ཏུ་ཐུགས་བསྐྱེད་པའི་དུས་སུ་སེམས་ཅན་མ ་གྲོལ་བ་རྣམས་གྲོལ་བ་དང། མ་བསྒྲལ་བ་རྣམས་བསྒྲལ་བ་དང། དབུགས་མ་ཕྱིན་པ་རྣམས་དབུགས་དབྱུང་བ་དང། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བོ་ཞེས་མགྲོན་དུ་ངོས་པའོ། །སྟོང་པ་ཉིད་ཀྱིས་ནམ་མཁའ་ཁྱབ ་པའི་ཏིང་ངེ་འཛིན་ཏེ་དེ་ལ་ཇི་སྟེ་བཞུགས་སོ། །དེ་ཅིའི་ཕྱིར་ཞེ་ན། དད་སྒྲོལ་ཁྱོད་འཇིག་རྟེན་པ་ཐམས་ཅད་ཀྱི་བསོད་ནམས་བསག་པའི་རྒྱུ་ཉིད་དུ་བཞུགས་ཤིག་པ་ནི་དབྱངས་ཅན་མའི་གླུའོ། །བྱང་ཆུབ་ནི་ནམ་མཁའ་ཨི་མཚན་ཉིད་དེ་ཀུན་ཏུ་རྟོག་པ་མ་?་པ། ་མཛའ་དག་སྤངས་པའོ། །དེ་འདོད་པའི་འཇིག་རྟེན་པ་རྣམས་ཁྱོད་ཉིད་མངོན་སྒྲུབ་པར་བྱ་བའི་ཕྱིར་རམ་དེའི་ཕུན་སུམ་ཚོགས་པ་རྙེད་ནས་གཞན་གྲོལ་བར་བྱ་བའི་དོན་དུ་འཇིག་རྟེན་པ་མགྲོན་དུ་བོས་ནས་སོ། །ད་ཁྱོད་སྟོང་པ་ཉིད་ལ་སེམས་པར་བྱེད་རྒྱ? ་ཐམས་ཅད་ཀུན་ཏུ་སླུས་པ་ཉིད་དུ་གྱུར་པའོ། །དེའི་ཕྱིར་བཞེངས་ཤིག་ཅེས་བོས་པ་ནི་གོ་རཱི་མའི་གླུའོ། །དེའི་རྗེས་ལ་བསྡུ་བ་གསུངས་པ། ཇི་ལྟར་སྐར་མངའ་འཕྲོ་བ་བཞིན། །བྱང་ཆུབ་སེམས་ལ་ཞུགས་པར་འགྱུར། །རྡོ་རྗེ་འཆང་རང་ངོ་བོ་ཉིད་དོ། །སྙིང་རྗེ་དང ་ནི་འདོད་ཆགས་སེམས། ཞེས་བྱ་བ་ལ། དེ་བཞིན་གཤེགས་པ་ཐམས་ཅད་ཀྱི་ཡབ་ཡུམ་དུ་གྱུར་པའི་རྡོ་རྗེ་འཆང་གི་སྐུ་སྲིད་པའི་བར་མ་དོ་རྣམ་པར་དག་པའི་སེམས་བདེ་བ་ཆེན་པོའི་རང་བཞིན་རྙོག་པ་མཛའ་དག་གིས་དབེན་པ། ཐབས་དང་ཤེས་རབ་ཀྱི ་རང་བཞིན་ཉི་མ་དང་ཟླ་བའི་དབུས་ན་ཡེ་ཤེས་ཀྱི་ཐིག་ལེ་ཧོ་གཉིས་ཀྱིས་བརྟེན་བ་དེ་དག་སྐུ་དང་གསུང་དང་ཐུགས་ཉིད་ཀྱི་ཕྱིར་ཨོཾ་ཨཱ(རྒྱུད་འགྲེལ་འགྱུར་རོ། །དེ་ལས་ཅིར་འགྱུར་ཞེ་ན། དབྱེར་མི་ཕྱེད་པའི་ཡེ་ཤེས་ཏེ་ཆོས་ཐམས་ཅད་ཀྱི་དེ་བཞིན་ཉིད་མཚོན་པའི་རྟགས་སུ་རོ་གཅིག་ཏུ་གྱུར་པ་ཡིན། གལ་ཏེ་ཀུན་རྫོབ་བྱང་ཆུབ་སེམས་སུ་རོ་གཅིག་པ་ཙམ་ཉིད་ཀྱིས་དེ་བཞིན་ཉིད་དུ་མི་འགྱུར་རོ ་ཞེ་ན། ཀུན་རྫོབ་ལ་སོགས་དབྱེ་བ་ཡིས། །སེན་ད་པའི་སྒྲ་བཞིན་ནོ། །ཞེས་གསུངས་ཕྱིར་ཚིག་ཉུང་ཡང་དོན་རྒྱས་བར་མཚོན་ནུས་ཏེ། དཔེར་ན་ཡོན་ཏན་དང་ལྡན་པའི་ཤིང་ཞེས་བརྗོད་པ་ལྟ་བུའོ། །ཚིག་རྒྱས་ཀྱང་དོན་རྒྱས་པ་ལྟ་བུ་མ་ཡིན་ཏེ། དཔེར་ན ་རྩ་བ་ལ་སྡོང་པོ་དང་ཡལ་ག་དང་ལོ་མ་དང་མེ་ཏོག་དང། འབྲས་བུ་དང་ཤུན་པ་སྐྱེ་བ་དང་ལྡན་པ་ནི་ཤིང་ངོ་ཞེས་བརྗོད་པ་ལྟ་བུའོ། །ཚིག་རྒྱས་ཀྱང་དོན་མ་རྒྱས་པ་ནི་རྒྱལ་པོའི་གནས་སྐབས་ཀྱིས་རྟ་དང་ཆུ་དང་ལན་ཚྭ་དང་རལ་གྲི་སེན་ད་པ་འོན་ཅིག་བརྗོད་པས ་གཅིག་གིས་མང་པོའི་དོན་བྱེད་དོ། །དེ་བས་ན་འདིར་ཡང་བྱང་ཆུབ་ཀྱི་སེམས་ཀྱི་སྨོན་པ་དང་འཇུག་པ་དང་ཀུན་རྫོབ་ཀུན་དེ་ལྟ་བུ་དང། དོན་དམ་པ་བྱང་ཆུབ་ཀྱི་སེམས་དང། བདེ་བ་ཆེན་པོ་བྱང་ཆུབ་ཀྱི་སེམས ་བསྟན་པ་སྟེ་གང་ཟག་གི་བསམ་པའི་ཁྱད་པར་གྱིས་ཆོས་ཐམས་ཅད་བྱང་ཆུབ་ཀྱི་སེམས་ཆེན་པོར་རོ་གཅིག་པར་གྱུར་པས་ན་བྱང་ཆུབ་སེམས་ལ་ཞུགས་པར་གྱུར་ཅེས་པའོ། །གལ་ཏེ་གང་ཟག་མཆོག་རྣམས་ལ་འདི་ནི་བདེ་བ་ཆེན་པོའི་བྱང ་ཆུབ་ཀྱི་སེམས་སུ་ཇི་ལྟར་འགྱུར་ཞེ་ན། རྡོ་རྗེ་འཆང་རང་ངོ་བོ་ཉིད་ཅེས་བྱ་སྟེ་ཡེ་ཤེས་ལྔ་རོ་གཅིག་པའི་ངོ་བོ་ཉིད་ནི་རང་རིག་པ་སྟེ། དེ་ཉིད་ཤེས་རབ་ཡེ་ཤེས་ཀྱི་དུས་སུ་རིག་པ་དང་ལམ་དུ་གོམས་པར་སྦྱངས་པས་རླུང་གནས་སུ་འཇུག་པར ་འགྱུར་ཏེ། དེ་བས་ན་རང་རིག་དག་པའི་བདག་ཉིད་དེ། དག་པ་གཞན་གྱི་གྲོལ་མི་འགྱུར། ཞེས་གསུངས་པའི་ཕྱིར་རོ། །འདིར་རིག་པ་རྣམས་ཀྱིས་བསྐུལ་བའི་དགོངས་པ་གང་ཞེ་ན། ཁམས་གསུམ་གྱི་སེམས་ཅན་ཐམས་ཅད་ལ་སྙིང ་རྗེ་བ་དང། ཉིད་ཀྱི་དོན་དང། གཞན་གྱི་དོན་ཕུན་སུམ་ཚོགས་པའི་ཡོན་ཏན་མངའ་བའི་ཕྱིར་བསྐུལ་བའོ། །དེ་བས་ན་བཅོམ་ལྡན་འདས་ཀྱིས་ཁུ་བའི་གནས་སྐབས་ནས་ཀྱང་ཡེ་ཤེས་ལྔ་དང་སྙིང་རྗེ་ཟུང་དུ་འཇུག་པ་ཡིན་ནོ་ཞེས་པ་ཡང ་གདུལ་བྱ་ལ་དགོངས་པས་ལོངས་སྤྱོད་རྫོགས་པའི་གཟུགས་སུ་སྣང་བའོ། །རྣལ་འབྱོར་བཞིའི་གོ་རིམས་བསྟན་པའི་ཕྱིར། དང་པོ་བསྒོམ་པ་རྣལ་འབྱོར་ཏེ། །གཉིས་པ་རྗེས་ཀྱི་རྣལ་འབྱོར་ཡིན། །གསུམ་པ་ཤིན་ཏུ་རྣལ་འབྱོར་ཏེ། བཞི་པ ་རྣལ་འབྱོར་ཆེན་པོའོ། །ཞེས་བྱ་བ་སྨོས་ཏེ། དང་པོ་ནི་དང་པོ་སྟེ་ལྷའི་རྣལ་འབྱོར་གྱི་དང་པོའོ། །བསྒོམ་པ་ནི་རང་གི་རྣམ་པར་འཕྲུལ་ལོ། །རྣལ་འབྱོར་ནི་མངོན་པར་བྱང་ཆུབ་པ་རྣམ་པ་ལྔར་སེམས་བསྐྱེད་པའོ། །ཏེ་ཞེས་བྱ་བ་ནི་རང་གཞན ་ཕུན་སུམ་ཚོགས་པ་འོག་མ་ལ་ལྟོས་པའོ། །གཉིས་པ་ལ་སོགས་པ་ནི་གོ་སླའོ། །རྗེས་ནི་སེམས་བསྐྱེད་པའི་རྗེས་ཐོགས་སུའོ། །རྣལ་འབྱོར་ནི་དོན་དམ་དང་ཀུན་རྫོབ་ཟུང་དུ་འཇུག་པའོ། །ཡིན་ཞེས་པ་ནི་འདིས་རང་གི་དོན་ཕུན་སུམ་ཚོགས་པའོ། །ཤིན ་ཏུ་ནི་གཞན་གྱི་དོན་ལ་ནན་ཏན་དུ་བྱ་བའི་ཐ་ཚིག་གོ་།རྣལ་འབྱོར་ནི་གསང་བ་བྱང་ཆུབ་སེམས་ཀྱི་དཀྱིལ་འཁོར་དང། བཀོད་པ་ལོངས་སྤྱོད་རྫོགས་པའི་དཀྱིལ་འཁོར་ཟུང་དུ་འཇུག་པའོ། །དེ་ནི་དེའི་ནུས་པ་འོག་མ་ལ་ལྟོས་པའོ། །རྣལ་འབྱོར་ནི་དེ་མ ་ཚིག་དང་ཡེ་ཤེས་ཟུང་དུ་འཇུག་པའོ། །ཆེན་པོ་ནི་ཐུབ་པའི་འོད་ཟེར་དཔག་ཏུ་མེད་པ་འཕྲོས་པས་སེམས་ཅན་ཐམས་ཅད་ཀྱི་དོན་མཛད་པ་ཡིན་ནོ། །ཡང་དེ་ཉིད་རྒྱས་པར་བསྟན་པའི་ཕྱིར། རྡོ་རྗེ་སེམས་པ་རྫོགས་པ་ནི་རྣལ་འབྱོར་ཡིན་པར་འདི་ལྟར ་འདོད། །དེ་ནི་རྒྱུ་མཐུན་ལྷ་ཡི་སྐུ། །རྗེས་ཀྱི་རྣལ་འབྱོར་ཡིན་པར་གྲགས། །འཁོར་ལོ་ཐམས་ཅད་ཡོངས་རྫོགས་པ། །ཤིན་ཏུ་རྣལ་འབྱོར་ཡིན་པར་འདོད། །སྐུ་དང་གསུང་དང་ཐུགས་རྣམས་དང། །ལྷ་ཡི་མིག་སོགས་བྱིན་བརླབས་དང། །ཡེ་ཤེས ་འཁོར་ལོ་གཞུག་པ་དང། །བདུད་རྩི་མྱང་བ་དག་དང་ནི། །མཆོད་དང་བསྟོད་པ་ཆེན་པོ་ནི། །རྣལ་འབྱོར་ཆེན་པོ་ཞེས་བྱ་བ་སྨོས་ཏེ། རྡོ་རྗེ་ནི་སྙིང་པོ་བསྟན་ཞིང་ཁོང་སྟོང་མེད། །མི་ཆོད་མི་ཤིགས་མཚན་ཉིད་ཅན། །མི་ཤིགས་པ་དང་མི ་ཉམས་པས། །སྟོང་ཉིད་རྡོ་རྗེ་ཞེས་བཤད་དོ། ཞེས་གསུངས་པའི་ཕྱིར་ཐོག་མ་དང་ཐ་མ་དང་དབུས་མི་དམིགས་པའི་ཤེས་རབ་སྟོང་པ་ཉིད་དོ། །སེམས་དཔའ་ནི། སྣ་ཚོགས་སྤངས་པའི་སྐད་ཅིག་ལ། །མཆོག་ཏུ་དགའ་བ་ཡང་དག་རྙོད། །སྟོན་པས་བཀའ་ ་སྩལ་སེམས་དཔའ་ཆེ། །བདེ་བ་ཆེན་པོ་ཡང་དག་བཟུང། །ཞེས་གསུངས་པའི་ཕྱིར་ཐུན་མོང་མ་ཡིན་པའི་སྙིང་རྗེ་བདེ་བ་ཆེན་པོ་བྱང་ཆུབ་ཀྱི་སེམས་སོ། །དེ་ཉིད་ཟུང་དུ་འཇུག་པ་བསྒྲུབ་པའི་ཕྱིར་མེ་ལོང་ལྟ་བུ་ལ་སོགས་པར་སེམས་བསྐྱེད་པར་རྫོགས་པ་ནི་རྣལ་འབྱོར་རོ་ ་རྒྱུ་མཐུན་ནི་རྒྱུ་དང་འབྲས་བུ་རྗེས་སུ་མཐུན་པ་སྟེ་སཱ་ལུ་དང་སཱ་ལུ་བཞིན་ནོ། །གལ་ཏེ་གཞན་དག་འདྲ་བས་རྒྱུ་མཐུན་པའོ། །ཞེ་ན་མ་ཡིན་ཏེ། གངས་རི་ལ་གནས་པའི་སེང་གེ་དང། རྩིག་པ་ལ་བྲིས་པའི་སེང་གེ་གཉིས ་ཡོན་ཏན་གྱི་ཁྱད་པར་བརྗོད་པ་ཙམ་དུ་གཅིག་གིས་ཀྱང་ཡོན་ཏན་ཉིད་དང་མི་ལྡན་པའི་ཕྱིར་རྒྱུ་མཐུན་པ་མ་ཡིན་ཏེ། བྲིས་པའི་སེང་གེའི་བརྡས་སེང་གེ་དངོས་ཀྱི་རྣམ་པ་སྐྱེ་སྲིད་ཀྱི་ཡོན་ཏན་དང་ལྡན་པ་དེ་ཉིད་མི་སྐྱེ་བའི་ཕྱིར་དོན་སྤྱིའི་རྣམ་པའོ། ་གལ་ཏེ་དོན་སྤྱིའི་སྐྱེས་པ་ནི་རྒྱུ་མཐུན་པའོ་ཞེ་ན། བྲིས་པའི་སེང་གེས་མིག་གི་རྣམ་པར་ཤེས་པ་སྐྱེ་ནུས་ཀྱི། ཡིད་ཀྱི་རྣམ་པར་ཤེས་པ་ཡུལ་གཞན་ལ་སྤྱོད་པར་བྱེད་ནུས་པས་རང་གི་མཚན་ཉིད་དོ། །གལ་ཏེ་སྤྱིའི་རྣམ་པ་སེང་གེ་དེ་ཉིད་རང ་གི་མཚན་ཉིད་དོ་ཞེ་ན། གང་མར་མེའི་ཡོན་ཏན་བརྗོད་པས་མུན་པ་སེལ་བར་ནུས་པར་ཐལ་བར་འགྱུར་རོ། །དེ་བས་ན་སེམས་བསྐྱེད་པ་ནི་ཐམས་ཅད་མཁྱེན་པའི་རྒྱུའི་གཙོ་བོ་སྟེ། དེ་ལས་འབྲས་བུ་ཟུང་དུ་འཇུག་པ་རྟགས་དང་རྗེས་སུ་མཐུན ་པར་འབྱུང་བ་ནི་རྒྱུ་མཐུན་ལྷའི་སྐུ་ཞེས་བྱའོ། །གལ་ཏེ་རྟགས་དང་རྗེས་སུ་མཐུན་པ་ཡིན་ན་རྡོ་རྗེ་སེམས་དཔའ་ཨི་མདོག་དང། དཀྱིལ་འཁོར་གྱི་བདག་པོའི་མདོག་གཉིས་གཅིག་པར་འགྱུར་བ་འམ། ཁྱད་པར་ཡོད་ན་ཡེ་ཤེས་མི་རྟག་པར་འགྱུར་རོ་ཞེ ་ན། མ་ཡིན་ཏེ། འདི་དག་ལ་ནི་ཆོས་སྐྱོན་མེད་པའོ། །རྒྱུ་དང་འབྲས་བུ་གཉིས་ནི་མཚན་ཉིད་མཐུན་པར་སྟོན་ཏེ། ཞལ་གསུམ་དང་ཕྱག་དྲུག་དང་ཞབས་གཉིས་དང་རིག་མ་དང་རབ་ཏུ་འཁྱུད་ཅིང་མཚོན་ཆ་དྲུག་རབ་ཏུ་འབར་བ་རྒྱན་དུ ་མ་དང་ལྡན་པ་ཉིད་དུ་གཅིག་པའོ། །སྐུ་མདོག་ནི་ཆུ་ཤེལ་གྱི་ནོར་བུ་ལྟ་བུར་རྐྱེན་གྱིས་རབ་ཏུ་སྣང་བ་ཡིན་ཏེ། སྔར་རྡོ་རྗེ་སེམས་དཔའ་ཨི་དུས་སུ་ནི་ཟླ་བའི་རྒྱབ་ཡོལ་གྱིས་སོ། །དེ་ཡང་མེ་ལོང་ལྟ་བུའི་ཡེ་ཤེས་དང་སེམས་བསྐྱེད་པའི་བརྡར ་ཡང་བསྟན་ཏོ། །དཀྱིལ་འཁོར་གྱི་བདག་པོའི་དུས་སུ་གཞལ་ཡས་ཁང་གི་དཀྱིལ་ཨིནྡྲ་ནཱི་ལ་ལྟར་གནས་པ་དང། རིགས་ཀྱི་ཁྱད་པར་ལ་དགོངས་པ་དང། འགྲོ་བ་ཐམས་ཅད་ཀྱི་དྲི་མ་སྡུད་པ་ལ་སོགས་པའི་ཡོན་ཏན་གྱི་ཁྱད་པར་རོ། །གཉིས་སུ་བཞག་པ ་ལ་དགོས་པ་ཡོད་དོ། །གཅིག་ནི་བསྒོམ་པའི་ལམ་དང་རྗེས་སུ་མཐུན་པ་ཡིན་ལ། གཉིས་པ་ནི་མི་སློབ་པའི་ལམ་དང་རྗེས་སུ་མཐུན་པའོ། །དེ་ཡང་འཕགས་པ་ཀླུ་སྒྲུབ་ཀྱི་ཞལ་སྔ་ནས། བསྐྱེད་པའི་རིམ་པ་ལེགས་གནས་ཤིང། །རྫོགས་པའི་རིམ་པ་འདོད ་རྣམས་ལ། །ཐབས་ནི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་བཞིན་དུ་གསུངས། །ཤེས་གསུངས་པའི་ཕྱིར་རོ། །དེ་ལྟར་སྐྱེད་པའི་རིམ་པ་མ་ཡིན་ནོ་ཞེ་ན། སྔར་བཞིན་རང་རིག་པས་གང་ཟག་མཆོག་རྣམས་ལ་རྫོགས་པའི་རིམ་པར་འགྱུར་ལ། ་དམན་པ་ལ་ནི་བསྐྱེད་པའི་རིམ་པའོ། །གལ་ཏེ་རྫོགས་པའི་རིམ་པ་ཡིན་ན་ཞལ་ཕྱག་ལ་སོགས་པ་འབྱུང་བར་མི་རིགས་སོ་ཞེ་ན། ཉེས་པ་མེད་དོ། །སྤྲོས་པ་མེད་པའི་རང་བཞིན་ལས། །སྔགས་དང་ལྷ་ནི་ཡང་དག་གནས། །ཤེས་གསུངས་པའི་ཕྱིར་མེ་ལོང ་དང་མེ་ལོང་གི་གཟུགས་བརྙན་བཞིན་ཡེ་ཤེས་རྟོག་པ་དང་བྲལ་བ་དེ་ཉིད་གཟུགས་བརྙན་གྱི་རྣམ་པར་སྣང་བའོ། །གལ་ཏེ་ཤེས་པར་ཉིད་ཆ་གཉིས་སུ་ཐལ་ལོ་ཞེ་ན། འཁོར་བ་ཡོངས་སུ་དག་པ་ནི། མྱ་ངན་འདས་ཤེས་དེ་ལ་བྱ་ཞེས་གསུངས་པའི་ཕྱིར ་མི་རྟོག་པ་ལས་བརྟོག་པ་གཞན་ཡིན་ཏེ། དབྱེར་མེད་པའོ། །གལ་ཏེ་རིགས་མཐུན་པ་མཉེན་པོ་མི་འཐད་དོ་ཞེ་ན། ཐབས་ཆེན་རྣམས་དང་ལྡན་པ་ལ། །ཉོན་མོངས་བྱང་ཆུབ་ཡན་ལག་འགྱུར། །སྔགས་ཀྱིས་བསད་པའི་དུག་བཞིན་དུ། །འཁོར་བཞི་པའི་བདག ་ཉིད་དོ། །ཞེས་གསུངས་པའི་ཕྱིར་རྒྱུད་པའི་གཞུང་ལུགས་དང་ལྡན་པའི་རྣལ་འབྱོར་ལ་བསྐྱེད་རྫོགས་གཉིས་བྱང་ཆུབ་ཀྱི་སེམས་སུ་རོ་གཅིག་པས་དངོས་པོས་དངོས་པོ་དག་པར་བྱེད་པ་ལ་དངོས་མེད་ཅེས་ཕྲ་བ་དག་པར་བྱེད་གལ་འཕལ་བ་མེད་དོ། །ཡང་ན ་བདེ་བ་ཆེན་པོར་རིགས་གཅིག་ཀྱང་དེ་ཉིད་ལ་བློས་གཉིས་སུ་བརྟགས་པ་ཡིན་པས་དངོས་པོའི་ཆད་པ་སེལ་བ་དང། དངོས་མེད་ཀྱིས་རྟག་པ་སེལ་བ་དེ་བཞིན་ནོ། །འདིར་ནི་ཆོས་ཐམས་ཅད་ཀྱི་ངོ་བོ་མ་སྐྱེས་ལ ་རྐྱེན་གྱིས་སྐྱེས་ཏེ་དེ་ཉིད་ཐ་མི་དད་པའི་དུས་ན་འཛིན་པ་དང་བྲལ་བ་ནི་བདེ་བ་ཆེན་པོའོ། །རྒྱུ་ཟུར་དུ་འཇུག་པ་དང་འབྲས་བུ་ཟུང་དུ་འཇུག་པ་གཉིས་གཅིག་པ་མ་ཡིན་ཏེ། ཚེས་གཅིག་པའི་ཟླ་བ་དང་ཉ་གང་པ་བཞིན་ནོ། །ཐ་དད་པ་མ་ཡིན་ཏེ་ཚེས་གཅིག ་པའི་ཟླ་བ་དེ་སྤངས་པ་ལས་ཉ་གང་བའི་ཟླ་བ་དེ་རྙེད་པ་མ་ཡིན་པ་བཞིན་ནོ། །དགོས་པ་མེད་པ་མ་ཡིན་ཏེ་བྱང་ཆུབ་ཀྱི་སེམས་མ་རྟོགས་པ་རྟོགས་པར་བྱེད་པའི་ཕྱིར་ནི་མ་ཡིན་ཏེ་རྟོགས་པ་བརྟན་པར་བྱེད་པའི་ཕྱིར་རོ། །ཡེ་ཤེས་ནི་མི་རྟག་པར་འབྱུང ་བ་མ་ཡིན་ཏེ། རང་གི་ངོ་བོ་ལ་འཕེལ་འགྲིབ་མེད་ཀྱང་ཡེ་ཤེས་ཀྱི་ས་ལས་ཡེ་ཤེས་ཀྱི་འབྲས་བུར་འགྱུར་བ་ནི་མ་རིག་པ་བག་ཆགས་རྩ་བ་དང་བཅས་པ་རྐྱེན་གྱི་སྟོབས་ཀྱིས་དེ་ཉིད་ཀྱི་ནུས་པ་འཕེལ་ཞིང་རྒྱས་པར་མངོན་ཏེ། དཔེར་ན་ཟླ་བ་རང་གི ་ངོ་བོ་ལ་འཕེལ་འགྲིབ་མེད་ཀྱང་ཉི་མ་དང་ཉེ་བའི་དུས་ན་ཟླ་བ་འགྲིབ་པ་ཉིད་ཀྱིས་འགྲིབ་པར་མངོན་ཏེ། ཉི་མ་དང་རིང་བ་ན་ཟླ་བ་འཕེལ་ཞིང་རྒྱས་པ་བཞིན་ནོ། །དེ་བས་ན་རྒྱུ་མཐུན་པ་ནི་བཏགས་པ་ཙམ་མ་ཡིན་ཏེ་རང་གི་མཚན་ཉིད་ལའོ། །རྗེས་ཀྱི་རྣལ ་འབྱོར་ལ་སོགས་པ་ནི་གོ་སླའོ། །འཁོར་ལོ་ནི་སྙིང་པོ་ལེན་པའི་གནས་སོ། །ཐམས་ཅད་ནི་དཀྱིལ་འཁོར་གྱི་འཁོར་ལོའོ། །ཡོངས་རྫོགས་ནི་རྡོ་རྗེ་ཕག་མོའི་ཆོས་ཀྱི་འབྱུང་གནས་སུ་སྔོན་སངས་རྒྱས་པའི་འཁོར་ལོ་ཞུ་བའི་ངོ་བོར་བྱས་པ་ལས་ཐིག ་ལེ་དང་ཡི་གེ་དང་མཚན་མ་ལ་སོགས་པའི་བསྐྱེད་པའི་སྐུ་སོ་སོའི་སྔགས་ཀྱིས་ནམ་མཁའ་ལ་བཏོན་ཏེ་དེའི་བ་སྤུའི་བུ་ག་ལས་བྱུང་བའི་ཁྲོ་བོའི་ཚོགས་ཀྱིས་རང་གི་རིགས་དང་མཐུན་པའི་སེམས་ཅན་གྱི་དོན་བྱས་ནས་རང་རང་གི་གནས་སུ་བཞུགས ་པའོ། སྐུ་དང་གསུང་ཞེས་བྱ་བ་ལ་སོགས་པ་ནི་སྔར་བཤད་པ་བཞིན་ཏེ། དེ་ཡང་བཤད་པའི་རྒྱུད་ཆེན་པོ་ལས། ཡན་ལག་དྲུག་ཅེས་གསུངས་ཏེ་སྡོམ་པ་གསུམ་ནི་རྣལ་འབྱོར་རོ། །དྲུག་ལ?་གཉིས་ལྡན་རྣམ་ཤེས་ཉིད། །མཆོག་གནས ་པ་ནི་རབ་གནས་སོ། །ཆོས་དང་བསྟོད་པ་ཆེན་པོས་ནི། །དམ་པ་རྣམས་ནི་མཉེས་བྱས་སོ། །ཐམས་ཅད་བདག་བྱིན་བརླབས་ནས་ཀྱང། །མྱང་བ་དངོས་གྲུབ་ཡན་ལག་ཡིན་ཞེས་གསུངས་སོ། །ད་ནི་ཕྱི་ནང་གི་ལས་རབ་འབྱམ་མ་ལུས་པ་ཐམས ་ཅད་ཀྱི་རྩ་བར་གྱུར་པ་དམ་ཚིག་སྟེ། བསྲུང་བར་བྱ་དང་ཉམས་ན་བསོ་བའི་ཆོ་ག་ལ་མ་མཁས་ན་རྡོ་རྗེ་དམྱལ་བ་ལ་སོགས་པ་འགྱུར་བའི་ཕྱིར་བཤད་པར་བྱ་སྟེ། སློབ་དཔོན་ལ་ནི་བརྙས་མི་བྱ་ཞེས་བྱ་བ་ནི་སློབ་དཔོན་ནི་སློབ་པ་ཐམས་ཅད་ཀྱི ་དཔོན་དུ་གྱུར་པའི་གཞུང་ལུགས་དང་ལྡན་པའོ། །རྒྱུད་བཤད་པ་དང་མན་ངག་སྟོན་པ་དང། དབང་བསྐུར་བ་གསུམ་གཅིག་དང་ལྡན་པ་དང། གཉིས་དང་ལྡན་པ་དང། བྱེ་བྲག་ཏུ་ལྡན་པའོ། །དེ་ཡང་དམ་ཆོས་ཀློག་དང་སྦྱིན་པ་དང། །འཆད་བྱེད ་མན་ངག་སྟོན་པ་དང། །དབང་བསྐུར་བ་དང་དཀྱིལ་འཁོར་ལས། །འདི་རྣམས་སློབ་དཔོན་ཡིན་པར་བཤད། ཅེས་གསུངས་སོ། །དེ་བས་ན་རྙས་པར་མི་བྱ་སྟེ་དང་པོ་སེམས་བསྐྱེད་པ་ནས་བདེ་བ་ཆེན་པོའི་བར་དུ་ལུས་དང་ངག་དང་ཡིད་དང་ལོངས ་སྤྱོད་ཀྱིས་བསྙེན་བཀུར?་ཞིང་རང་གི་འཚོ་བས་ཀྱང་ཆེས་ལྷག་པར་བྱ་ཞིང་བསྟོད་དོ། །བདེ་གཤེགས་བཀའ་ལས་འདའ་མི་བྱ་ཞེས་པ་ནི་བདེ་བ་ཆེན་པོ་ནི་བདེ་བ་ཆེན་པོ་སྟེ་དོགས་པ་དང་བྲལ་བའི་དེ་བཞིན་ཉིད་ཐུགས་སུ་ཆུད་པའོ། །དེ་ལས་ཀྱང ་ཐུགས་རྗེ་ཆེན་པོ་དང་སྨོན་ལམ་གྱི་རྒྱུད་ཀྱིས་སེམས་ཅན་གྱི་སྣང་བ་དག་པ་ལ་སོགས་པ་དང་མཐུན་པར་ལོངས་སྤྱོད་རྫོགས་པའི་གཟུགས་ཀྱིས་འགྲོ་བ་ཐམས་ཅད་ཀྱི་དོན་མཛད་པ་ལ་གཤེགས་ཞེས་བྱའོ། །དེའི་བཀའ་ནི་དྲི་མ་མེད་པ་སྟེ ་ཉན་ཐོས་དང་རང་སངས་རྒྱས་དང་ཐེག་པ་ཆེན་པོའོ། །དེ་ལས་འདའ་བར་མི་བྱ་བ་ནི་ཉན་ཐོས་ཀྱི་ཐེག་པ་ལ་གནས་པའི་དུས་སུ་སྤང་བར་བྱ་བ་བདུན་ལས། དེའི་ཡན་ལག་གིས་ཁྱད་པར་གྱིས་ཕམ་པ་དང། ་ལྟུང་བ་དང། ལྷག་མ་དང། ཉེས་བྱས་དང། ཕྲ་མོ་ལ་སོགས་པ་ལ་ཕྱིར་བཅོས་པ་དང། བཤགས་པར་བྱ་བ་དང། སྡོམ་པ་ལ་སོགས་པའི་བྱེ་བྲག་ལ་གནས་པར་བྱ་ཞིང་གཙོ་བོ་ལ་གང་ལ་ཆགས་པའི་དངོས་པོར་སྤོང་བའོ། །རང་སངས་རྒྱས ་ཀྱི་ཐེག་པ་ནི་སྤྱོད་ལམ་ཉན་ཐོས་དང་རྗེས་སུ་མཐུན་ལ། འཁོར་བ་ཐམས་ཅད་ནི་བག་མེད་པར་མཐོང་སྟེ། བག་དང་ལྡན་པས་འདུ་བྱེད་ལ་ཡིད་མི་འཇུག་གོ་།ཐེག་པ་ཆེན་པོ་ནི་སྟོང་པ་ཉིད་སྙིང་རྗེའི་སྙིང་པོ་ཅན་གྱི་སྦྱོར་བས་སྨོན་པ་དང་ལྡན ་པའི་འཇུག་པ་དང་དགེ་བ་དང་སྒྲིབ་པ་གཉིས་མཐར་བྱེད་པའི་ཚོགས་གཉིས་བསགས་ཏེ་མི་དགེ་བ་བཅུ་ལ་མ་ཞུགས་མི་འཇུག་འཇུག་པར་མི་འགྱུར་ཞིང་འཁོར་གསུམ་ཡོངས་སུ་དག་པའི་སྔོ་བ་བདག་གི་ཕྱེད་བའི་རེ་བ་ཡོངས་སུ་གཏོང་བའོ། །ཡང ་བྱང་ཆུབ་སེམས་དཔའ་ཨི་ཐེག་པ་ཆེན་པོ་ནི་གསང་སྔགས་ཀྱི་ཐེག་པ་ཆེན་པོ་སྟེ་དབང་གིས་སྨིན་པར་བྱས་ཞིང་དེའི་ཡེ་ཤེས་རིམ་པ་གཉིས་ཀྱི་ཁྱད་པར་གྱི་རང་དང་གཞན་གྱི་དོན་ཕུན་སུམ་ཚོགས་པའི་རྩ་བར་བསྲུང་བ་དང་སྤྱད་པ་དང་ཤེས་པར ་བྱ་བ་དང་སྤྱོད་པའི་དམ་ཚིག་རྣམས་དང་ཏིང་ངེ་འཛིན་གྱིས་རྟགས་བགྲོད་ཅིང་འབྲས་བུ་ལམ་དུ་ཁྱེར་བ་དོའོ། །དེ་ཡང་ཐོས་པ་ཆུང་ངུ་གཉིས་ཀྱི་དུས་སུ་སྡོམ་པ་སེམས་ཀྱིས་ཐོབ་པས་ཤེས་པ་དུས་གསུམ་རྫས་སུ་གནས་པ་ལ་སྡོམ་པའི་རྫས ་གནས་པ་རྩིག་པ་ལ་རི་མོ་བྲིས་པ་བཞིན་ཏེ། རྟེན་གང་གི་མཐུ་ཉམས་པས་རྟེན་པ་འཇིག་པར་འགྱུར་བའོ། །དེ་ཡང་དགེ་བའི་བཤེས་གཉེན་གྱི་སྟོབས་ཀྱིས་ཐེག་པ་གཉིས་པའི་སེམས་བསྐྱེད་ནས་སྡོམ་པ་དེ་ཉིད་ངོ་བོ་ཐེག་པ་ཆེན་པོར ་འགྱུར་ཏེ། དཔེར་ན་གསེར་འགྱུར་གྱི་རྩེའི་སྟོབས་ཀྱིས་ལྕགས་གསེར་དུ་འགྱུར་བ་བཞིན་ནོ། །ཡང་དུས་ཁས་འཆེ་བ་གཅིག་གིས་ནི་སྟོང་སྟེ། དེ་བཞིན་གཤེགས་པའི་བཀའ་མི་སླུ་བའི་ཕྱིར་དང། དང་པོར་དུས་ད་རྙེད་ཀྱི་བསམ་པས་ཐོབ་པའི་ཕྱིར ་ཏེ། དཔེར་ན་སྐྱེས་བུ་ཞིག་གིས་ཁྲུས་བྱས་པས་ལུས་ཀྱི་དྲི་མ་ཐམས་ཅད་དག་པར་འགྱུར་ཏེ། ཟླ་མདོག་ཏུ་སྣང་བ་བཞིན་ནོ། །དེ་བས་སོ་སོར་ཐར་དང་བྱང་ཆུབ་སེམས། །རིག་འཛིན་རང་གི་སྡོམ་པའོ། །སྡོམ་པ་གསུམ་ལ་གནས་ནས་ནི། །གསང ་སྔགས་རྒྱལ་པོ་བསྒྲུབ་པར་བྱ་ཞེས་གསུངས་ཏེ། འདི་ཉིད་ཀྱི་དམ་ཚིག་དང་ལྡན་པས་ཐམས་ཅད་བསྲུངས་པར་གྱུར་པས་སོ། །གལ་ཏེ་མཚན་ཉིད་མི་མཐུན་པས་རིགས་ཅིག་ཏུ་བསྡུར་མི་རུང་སྟེ་རྟ་དང་བ་ལང་བཞིན་ནོ། །ཞེ་ན་མ་ཡིན་ཏེ། སྡོམ་པ ་ཐམས་ཅད་ནི་ཤེས་པའི་ཁྱད་པར་གྱིས་བཤད་པ་ཡིན་ལ། ཁྱད་པར་དེ་ཉིད་རྣམ་པར་རྟོག་པ་སྟེ་རྟོག་མེད་ཏིང་ངེ་ཛིན་ཞིང་རྙེད་པ་ན་རྣམ་པར་རྟོག་པ་རྟེན་མེད་པས་ཞི་ལ་དེ་བཞིན་གཤེགས་པ་ཉིད་དེར་ཐམས་ཅད་རིགས་གཅིག་པ་ཡིན་ནོ ་གལ་ཏེ་མི་གཅིག་ན་སྡོམ་སངས་རྒྱས་པ་རྣམས་ཀྱང་མི་རིགས་སོ། །དེ་ལྟ་བས་ན། ཐེག་པ་གསུམ་གྱི་དེས་འབྱུང་ལ། ཐེག་པ་གཅིག་གི་འབྲས་བུར་གནས་ཞེས་གསུངས་པའི་ཕྱིར་ངེས་པར་འབྱུང་བའི་སྒོ་ནི་བསམ་པའི་ཁྱད་པར་ལ་བདེན ་པས?་མི་འགེགས་ལ། རྣམ་པར་དག་པ་ནི་རང་གི་ངོ་བོ་ཉིད་ཡིན་པའི་ཕྱིར་རིགས་སོ། །མི་རིགས་ན་སེམས་ཅན་བག་དང་ལྡན་པ་ལ་དགོད་པའི་ཕྱིར། སངས་རྒྱས་བཅོམ་ལྡན་འདས་ཀྱིས། །ལས་དྲག་གང་གིས་སྐྱེ་བོ་རྣམས། །གང་དང་གང ་གིས་འཆིང་འགྱུར་བ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་བ་ལས་གྲོལ་འགྱུར། ཞེས་གསུངས་པ་ཡང་མི་རིགས་སོ། །དེ་བས་ན་མི་བདེན་པ་ཐམས་ཅད་ནི་འཁྲུལ་པ་ཞིག་བ་ཙམ་གྱིས་བདེན་པར་རོ་གཅིག་པར་འགྱུར་རོ། ། ་དེ་བཞིན་སྤུན་ལ་ཁྲོ་བ་དང་ཉེས་པ་བསྒྲགས་པར་མི་བྱའོ། ཞེས་པ་ནི་དམ་ཚིག་ཏུ་རིགས་མཐུན་པར་བསྡུས་ནས་དེ་བཞིན་ནོ། །སྐྱེ་གནས་གཅིག་པས་ན་སྤུན་ནོ། །དེ་ཡང་ཤེས་རབ་མཆོག་གི་མངལ་ན་གནས ་པ་རྣམས་སྤུན་ཏེ་ཁྱད་པར་གྱི་རྡོ་རྗེ་སྤུན་དང་བྱེ་བྲག་དང་ཉེ་བའི་སྤུན་ནོ། །དེ་ལ་དཀྱིལ་འཁོར་དང་སློབ་དཔོན་དང་རིག་པ་གཅིག་ལས་དམ་ཚིག་ཐོས་པ་ནི་ཁྱད་པར་གྱི་རྡོ་རྗེ་སྤུན་ནོ། །བྱེ་བྲག་ཏུ་ཐོས་པ་ནི་བྱེ་བྲག་གི་རྡོ་རྗེ་སྤུན་ནོ། །ཐེག་པ་ཆེན་པོ་ལ ་ཞུགས་པ་ཐམས་ཅད་ནི་ཉེ་བའི་སྤུན་ནོ། །དེ་ཡང་གཉིས་ག་ལ་ནི་ལྟུང་བ་བཞག་ལ། གཞན་ལ་ནི་ཆ་མཐུན་པའོ། །ཁྲོ་བ་ནི་ཡིད་འཁྲུགས་པའོ། །ཉེས་པ་བསྒྲགས་པ་ནི་ཚང་འབྲུ་བ་ལ་སོགས་པ་མི་བྱའོ། །བྱང་ཆུབ་སེམས་ཀྱང་བཏང་མི་བྱ། ་ཞེས་པ་ལ་བྱང་ཆུབ་སེམས་ནི་སྔར་བཤད་ཟིན་ཏོ། །ཀྱང་ནི་འདུད་པར་བྱེད་པའོ། །གཏང་བར་མི་བྱ་བ་ནི་དང་པོ་དམ་བཅས་པ་ལ་ཉམས་པར་མི་བྱ་བའི་དོན་ཏོ། །བདག་གཞན་ཆོས་ལ་སྨད་མི་བྱ་ཞེས་པ་ལ། བདག་ནི་སངས་རྒྱས་པའོ། །གཞན ་ནི་མུ་སྟེགས་ཅན་ནོ། །ཆོས་ནི་མངོན་པར་མཐོ་བའི་ལམ་དུ་མཐོང་བའོ། །སྨད་པར་མི་བྱ་བ་ཡང་ཐེག་པའི་རིམ་པས་ཉེས་པ་ཡང་དེ་བཞིན་དུ་འགྱུར་ཏེ། མུ་སྟེགས་ཅན་ལ་སྨད་བྱས་ན། །རྣམ་པར་སྣང་མཛད་རིང་བའི་རྒྱུ་ཞེས་པ་དང། ཕྱི་རོལ ་པ་ཡང་ལམ་ཚོལ་ཞུགས། །དེའི་ཕྱིར་དེ་ལ་སྨད་མི་བྱ། ཞེས་གསུངས་པའི་ཕྱིར་གཞན་ལ་ལྟ་སྨོས་ཀྱང་ཅི་དགོས། སྨོད་པ་ནི་ང་རྒྱལ་གྱིས་ཀུན་ནས་བསླང་བ་སྟེ་གཞན་གྱི་ཡོན་ཏན་ལ་ཕྲག་དོག་པ་ཡང་རྩ་བ་ང་རྒྱལ་ཉིད་དེ། རང་ཉིད་ལ་མཆོག ་ཏུ་མཐོང་བས་བག་ཆགས་ཐམས་ཅད་ཀྱི་མཐུ་བརྟན་པར་བྱེད་ཅིང་གཞན་ཁྱད་པར་དུ་གསོད་པས་ཕ་རོལ་པོའི་སེམས་འཕྲོག་པར་འགྱུར་ཏེ། བྱང་ཆུབ་སེམས་དཔའ་གཞན་གྱི་དོན་དུ་མི་འགྱུར་ཞིང་རང་གི་དོན་དུ་ཡང་ཆེར་མི་འགྱུར་རོ། །སེམས་ཅན་ལ་ནི་བྱམས ་པ་དང། །ནམ་ཡང་གཏང་བར་མི་བྱའོ། །ཞེས་པ་ནི་ཐེག་པ་ཆེན་པོ་པས་སེམས་ཅན་ཐམས་ཅད་ལ་བུ་གཅིག་པ་བཞིན། བསམ་པར་བྱ་ཞིང་དུས་ཐམས་ཅད་དུ་གཏང་བར་མི་བྱའོ། །སེམས་ཅན་གྱི་ཞིང་དང་བྲལ་བའི་ཐེག་པ་ཆེན་པོ་ནི་མིང་ཙམ་སྟེ། སྲིན ་པོ་མེ་ཁྱེར་ཉི་མའི་འོད་ལྡན་པ། །ཞེས་མིང་དུ་བཏགས་པ་ལྟ་བུའོ། །གལ་ཏེ་སྔར་གྱི་བྱང་ཆུབ་ཀྱི་སེམས་དང་ཁྱད་པར་མེད་དོ་ཞེ་ན། བྱང་ཆུབ་ཀྱི་སེམས་ནི་དངོས་གཞི་ཡིན་ལ། འདི་ནི་བྱ་བ་ཐམས་ཅད་ཀྱི་སྔོན་དུ་འགྲོ་བའི་ཕྱིར་རོ། །ཡོངས་སུ་མ་སྨིན ་སེམས་ཅན་ལ། །གསང་བ་དག་ནི་བསྟན་མི་བྱ། ཞེས་བྱ་བ་ལ། ཡོངས་སུ་མ་སྨིན་པའི་སེམས་ཅན་ནི་ལྔ་སྟེ་སྣོད་ཀྱིས་མ་སྨིན་པ་ནི་ལོག་སྲེད་ཅན་ནོ། །ཆོ་གས་མ་སྨིན་པ་ནི་བུམ་པའི་དབང་མ་ཐོབ་པའོ། །ཆོ་ག་མ་རྫོགས་པས་མ་སྨིན་པ་ནི་གསང་བ ་དང་ཤེས་རབ་ཡེ་ཤེས་མ་ཐོབ་པའོ། །ཉམས་པས་མ་སྨིན་པ་ནི་རྩ་བའི་ལྟུང་བ་ལ་སོགས་པ་བྱུང་ནས་ཕྱིར་མ་གསོས་པས་སོ། །ཟབ་པས་འཇིགས་པའི་མ་སྨིན་པ་ནི་བཞི་པའི་དེ་བཞིན་ནི་མ་ཐོབ་པའོ། །གསང་བ་ནི་དཀྱིལ་འཁོར་དང་དམ་ཚིག་གི ་ཕྱག་རྒྱ་གཅིག་ཙམ་དང། བརྡའ་དང་གསང་བའི་དམ་ཚིག་དང། །ཚོགས་ཀྱི་འཁོར་ལོ་ལ་སོགས་པ་འདུས་པ་གཅིག་པ་དང་ཟུང་དུ་འཇུག་པའི་ཡེ་ཤེས་བསྟན་པར་མི་བྱ་སྟེ་བསྟན་ན་སང་སྔགས་དང་ཉམས་པར་འགྱུར་བ་དང་མཁའ་འགྲོ་མ ་རྣམས་ཀྱིས་འཚེ་བ་དང། རྒྱུད་པའི་གཞུང་ལུགས་ཀྱི་བྱིན་གྱིས་བརླབས་ཉམས་པར་འགྱུར་བ་དང་ཟབ་མོ་ལ་བཀུར་བ་བཏབ་པས་བསྐལ་པ་སྟོང་དུ་ཆོས་ཀྱི་སྒྲ་མི་གྲག་ཅིང་སྡུག་བསྔལ་བར་འགྱུར་བའི་ཉེས་པ་ནི་ཕལ་ཆེར་སློབ་དཔོན་ལ ་འབྱུང་བ་སྟེ་འདོད་པའི་ཀུན་ནས་བླང་བའི་ཉེས་པ་ནི་ཐམས་ཅད་དུ་སྤང་བར་བྱའོ། །བདག་གི་ཕུང་པོ་བརྙས་མི་བྱ་ཞེས་པ་ལ་བདག་ནི་བདག་ཏུ་བཅས་པའོ། །ཕུང་པོ་ནི་གཟུགས་ལ་སོགས་པའོ། །དེ་ཉིད་རང་བཞིན་གནས ་པ་དང། བྱིན་གྱིས་བརླབས་པའི་མཐུས་རྣམ་པར་སྣང་མཛད་ལ་སོགས་པ་སྟེ་ནང་གི་སྦྱིན་སྲེག་གིས་མཆོད་བར་བྱ་ཞིང་བདེ་བས་བདེ་བ་བསྒྲུབ་པར་བྱའོ། །བརྙས་བ་ནི་འགེགས་པ་དང། གཡང་སར་འཕྱོད ་བ་དང། དམན་བའི་བརྟུལ་ཞུགས་དང། རྣམ་སྨིན་གྱི་བཟོད་པ་དང། ཡན་ལག་དང་ཉིང་ལག་གཅོད་པ་དང། སྨྱུང་བར་གནས་པ་དང། དཀའ་ཐུབ་དང་དཀའ་སྤྱད་ལ་སོགས་པ་སྟེ་རྒྱུ་སྡུག་བསྔལ་བས་འབྲས་བུ་བདེ་བ་ཆེན་པོར་མི་འགྱུར་བའི ་ཕྱིར་སྤངས་ཏེ་མི་བྱའོ། །གྲོད་པའི་ཆོས་ནི་སུན་མི་གདོན་ཞེས་པ་ནི། སོ་སོའི་སྐྱེ་བོ་གྲུབ་པའི་མཐས། བློ་མ་བཅོས་པ་རྣམས་དྲང་དོན་འདོད་པ་ལས། དེས་དོན་སྟོན་པ་དང། དོན་མ་གོ་བ་ལ་སྤྱོད་པ་སྟོན་པ་དང། སེམས་འཇུངས་པ་ལ་ཁྱད་པར ་གྱི་ལོངས་སྤྱོད་སྟོན་པ་དང། དགེ་བ་བྱས་པས་འགྱོད་པ་སྐྱེས་པ་དང། ཆོས་འདོད་པ་ལ་འཇིག་རྟེན་པའི་བསྟན་བཅོས་ལ་སྦྱར་བ་དང། ཅོ་དགྲི་པ་དང། ཁམ་ལངས་བྱས་པའི་ཉེས་པ་ནི་བྱང་ཆུབ་སེམས་དཔའ་ལ་ལྟུང་བར་འགྱུར་ཏེ་སེམས་སུན ་བྱུང་བས་ནི་ཕྱིས་མི་འཇུག་ཅིང་ཞུགས་པ་ལ་སྐུར་པ་འདེབས་པ་དང། གཞན་འཇུག་ཏུ་མི་གཏེར་ན་མི་བྱའོ། །གདུག་ལ་རྟག་ཏུ་བྱམས་པ་བཏར་ཞེས་ནི་བླ་མ་དང་དཀོན་མཆོག་ལ་སྡང་བ་ནི་གདུག་པ་ཅན་ནོ། །དེ་དག་ལ་ལུས་དང་ངག་དང་མཐུ་དང ་ལོངས་སྤྱོད་ཀྱིས་ཕན་འདོགས་པར་བྱེད་པ་ནི་བྱམས་པ་སྟེ། བླ་མ་དང་དཀོན་མཆོག་ཁོ་ན་སྨད་པར་ཟད་དོ། །བླ་མ་དང་དཀོན་མཆོག་སྨད་པ་ནི་འཁོར་བའི་སྡུག་བསྔལ་མ་ལུས་བ་ཐམས་ཅད་སྐྱེད་པས་ན་མཐར་པའི་འགེགས་སུ་གསུངས་སོ། ། ་བླ་མ་དང་དཀོན་མཆོག་མཆོད་པ་ལས་སངས་རྒྱས་ཀྱི་ཡོན་ཏན་མ་ལུས་པ་ཐམས་ཅད་འབྱུང་སྟེ། དེ་ཡང་བླ་མ་མཆོད་ལ་བསྙེན་བཀུར་བས། མཆོག་གསུམ་ཡོན་ཏན་རིག་བར་འགྱུར། །བདུད་རྩི་ཡིད་འོང་འཁོར་ལས་རྒལ། །འབྲས་བུ་ངེས་པར ་ལེགས་པ་འཐོབ། །དེ་ཕྱིར་དམ་པའི་ཞལ་ལས་ནི། །གསུངས་པའི་བྱ་བ་སྡིག་ཀྱང་བྱ། །དམ་བའི་ཞལ་ལས་མ་གསུངས་པའི། །དགེ་བའང་མཁས་པས་སྤང་བར་བྱ་ཞེས་གསུངས་པའི་ཕྱིར་རོ། །ཆོས་ལ་ཚང་གཞལ་མར་མི་བྱ་ཞེས་པ་ནི། ཆོས་ནི ་རྣམ་བ་གཉིས་ཏེ། ལུང་དང་རྟོགས་པའི་ཆོས་སོ། །ལུང་ནི་རིག་པ་བཞི་སྟེ་སྒྲ་དང། བཟོ་དང། སྨན་དང། བསྟན་བཅོས་དང། རིག་པའོ། །རྟོགས་པ་ནི་དོན་རྟོགས་པ་སྟེ་དེ་ཡང་དོན་སྤྱིའི་རྣམ་པར་རིག་པ་དང། དོན་རང་གི་མཚན་ཉིད་རིག་པའོ། །ད་ནི ་མིང་དང་ཚིག་དང་ཡི་གེ་དང། བརྡའ་དང་བརྗོད་པ་ཐམས་ཅད་དང་བྲལ་བའི་ཡེ་ཤེས་ཏེ། དེ་ཡང་ཡིན་མིན་རྩོད་པ་དང། ཡོད་མེད་དུ་རྟོགས་པ་ནི་ལྟུང་བའོ། །གཞན་ཡང་ལུང་གཞན་ཡང། རིགས་པས་བློ་བྲིད་པའི་སྟོབས་ཀྱིས་ཐེ་ཚོམ་ཟ་བ་ནི་ལྟུང ་བའོ། དོན་དེ་ཉག་ཅིག་སྒྲུབ་པར་བྱེད་པ་ལ་སྒྲོ་འདོགས་ཕྱོགས་སྣ་ཚོགས་ནས་གཅོད་ཅིང་དོན་དང་ཐབས་སྣ་ཚོགས་ཀྱིས་ཕྲད་པ་བྱེད་པའི་ཕྱིར་ཆོས་ཐམས་ཅད་ལ་ཚད་གཞལ་བར་མི་བྱ་སྟེ། ཐོས་ཤིང་བསམས་ལ་བསྒོམས་པ་ཡང་བྱའོ། །སེམས ་ཅན་དད་པ་ཅན་གྱིས་བསླུ་ཞེས་པ་ནི་ཁ་བསག་དང་གཞོག་སློངས་དང་ཐོབ་ཀྱིས་འཇལ་བ་དང། རྙེད་པས་རྙེད་པ་ཚོལ་བ་དང། སྲང་ལ་སོགས་པ་ལ་གཡོ་བྱེད་པ་ནི་ཟང་ཟིང་གིས་སླུ་བའོ། །གོང་མར་སྟོན་པ་ནི་རིག་བྱེད་འཆད་བ་དང། འཇིག་རྟེན་པའི ་བསྟན་བཅོས་འཆད་པ་དང། བདུད་རྒྱུད་སྟོན་པ་དང། སྒྱུ་མ་སྟོན་པ་དང། འཁྲུལ་འཁོར་གྱི་སྦྱོར་བས་སེམས་ཅན་བསླུ་བའོ། །གནས་ངན་གྱི་སྦྱོར་བས་བསླུ་བ་ནི་རྟེན་ངན་པ་ལ་སྐྱབས་སུ་འགྲོར་འཇུག་པ་དང། དམན་པའི་དཀའ་ཐུབ་སྲུང་དུ་འཇུག ་པ་དང། བདག་བསྒོམ་པ་ལ་སོགས་པ་ལ་སྦྱོར་བ་དང། ཡོངས་སུ་གཅོད་པའི་བློ་ལ་སློབ་པ་ནི་དོན་བསླུ་བ་སྟེ་དེ་བས་ན་དེ་དག་མི་བྱའོ། །གལ་ཏེ་སྔར་བཤད་པ་དང་ཁྱད་པར་མེད་དོ་ཞེ་ན་མ་ཡིན་ཏེ། སྔར་ནི་འདོད་པས་ཀུན་ནས ་བསློད་བར་བྱེད་ལ། འདིར་ནི་ཡོད་དེ་གཅིག་གིས་སུན་འབྱིན་པ་ཡིན་ལ་འདིར་ནི་བསླུ་བའོ། །རྟག་ཏུ་དམ་ཚིག་བརྟེན་པར་བྱ་ཞེས་པ་ལ་རྟག་ཏུ་ནི་དོགས་པ་མེད་པའི་སའི་བར་དུའོ། །དམ་ཚིག་གི་རྒྱུད་འདིར་བཤད ་པ་དང། རྒྱུད་གཞན་དུ་བཤད་པར་འགྱུར་བའི་རྩ་བ་དང་ཡན་ལག་ལ་སོགས་པའོ། །མ་རྟེན་པ་ནི་གཉིས་ཏེ་མཁས་པ་དང་བླུན་པོའོ། །དེ་དག་གིས་ཇི་ལྟར་བརྟེན་པར་བྱ་ཞེ་ན། མཁས་པས་སྡིག་པ་བྱས་བ་ཡང། །རང་བཞིན་བླུན་པ་ཉིད ་ཀྱིས་སོ། །ཞེས་གསུངས་པའི་ཕྱིར་མཁས་པ་རྣམས་ཀྱིས་དམ་ཚིག་ཁྱད་དུ་བསད་པར་མི་བྱ་སྟེ་བསྟན་པར་བྱའོ། །བླུན་པོ་རྣམས་སྤང་བའི་ཕྱིར་བག་མེད་པར་བྱའོ་ཞེ་ན། མ་ཡིན་ཏེ། མཁས་བས་སྡིག་བྱས་པ་ནི་འཕྲལ་ཞིང་སྤྱད་མི ་མཁས་སྡིག་པ་ཐུར་དུ་འགྲོ་།ལྕགས་ཀྱི་གོང་པུ་ཆུང་ཡང་གཏིང་དུ་འགྲོ། དེ་ཉིད་སྣོད་དུ་བྱས་ན་ཕྱེ་ཡང་ཁ་ན་འཕྱོ། ཞེས་གསུངས་པའི་ཕྱིར་བླུན་པ་དག་གིས་ཀྱང་དམ་ཚིག་ལ་བརྟེན་པར་བྱའོ། །བུད་མེད་ཤེས་རབ་རང་བཞིན་ལ། །སྨོད་པའི་ངེས ་པ་དེ་བཞིན་ནོ། ཞེས་པ་ལ། བུད་མེད་ནི་ཤེས་རབ་ཀྱི་ཕ་རོལ་ཏུ་ཕྱིན་མ་སྟེ། རྡོ་རྗེ་མཁའ་འགྲོ་མ་ཐམས་ཅད་ཀྱི་སྤྲུལ་པའི་གཟུགས་སོ། །དེ་ཉིད་སངས་རྒྱས་བཅོམ་ལྡན་འདས་ཀྱིས་ཀྱང་རྣལ་འབྱོར་པ་ལ་བདེ་བ་ཆེན་པོའི་ཡེ་ཤེས་ཀྱིས ་བྱེད་པ་པོར་གསུངས་པ་སྟེ། དེའི་རང་བཞིན་ལ་ཡང་རིང་བ་དང་ཉེ་བའོ། །ཉེ་བ་ནི་རྗེ་བཙུན་མ་དང་རིག་བྱེད་མ་དང་ཕྱག་རྒྱ་མོའོ། །དེའི་ཤན་འདྲ་བ་ནི་བུད་མེད་ཐམས་ཅད་ལ་སྦྱར་བར་བྱ་སྟེ། སེམས་མངོན་པར་འཁྲུག་པ་ལ་སོགས་པས ་སྨོད་པའི་ཉེས་པ་ནི་ལྟུང་བ་ལ་སོགས་པ་འབྱུང་བས་ན་སྤང་བར་བྱའོ། །བླ་མའི་བཀའ་གནང་བ་དང་སེམས་ཅན་གྱི་དོན་དུ་འགྱུར་བ་དང། བྱང་ཆུབ་ཀྱི་རྒྱུར་འགྱུར་བ་དང། ཉོན་མོངས་པའི་གཉེན་པོར་འགྱུར་བ་ནི་དངོས་པོ་བཞི་ལ་སྤང་ངོ། །དེ་ལ ་བཟློག་པ་ནི་སྤངས་ཡང་དངོས་བོ་ནི་ལྕིའོ། །ལྕི་ཡང་གི་ཁྱད་པར་གྱིས་ཉེས་པའི་བྱེ་བྲག་ཀྱང་ཤེས་པར་བྱའོ། །ད་ནི་རྟོག་བ་གསལ་བར་བྱ་བའི་ཕྱིར། རྣལ་འབྱོར་སྤོངས་མོས་རྒྱུ་མི་བྱ། རྣལ་འབྱོར་སྤང་བར་མི་བྱ་སྟེ། རྟག་པར་རྒྱུན་ཏུ་གསང ་སྔགས་བཟླས། །རྟག་ཏུ་དམ་ཚིག་ལ་སོགས་བསྟེན། ཞེས་བྱ་བ་སྨོས་ཏེ། སློངས་མོ་ནི་འདོད་པ་དང་བཅས་པའི་ཡིད་ཀྱིས་གྲོང་དུ་འཇུག་པའོ། །དེས་རྣལ་འབྱོར་དུ་མི་འགྱུར་ཞིང་རང་རྒྱུད་ཀྱི་དྲི་མ་དང་བཅས་པས་ན་རྒྱུ་པར་མི་བྱའོ། །ཇི་ལྟར་བྱ་ཞེ་ན ་རྣལ་འབྱོར་ནི་སྙོམས་པར་འཇུག་པ་སྟེ་ཟུང་དུ་འཇུག་པའི་ཉམས་སྤང་བར་མི་བྱའོ། །གལ་ཏེ་རོལ་ཅིང་གྲོང་དུ་འཇུག་པའི་བྱ་བ་དང་འགལ་ལོ་ཞེ་ན་མ་ཡིན་ཏེ། འདི་ནི་ནུས་པ་མ་སྐྱེས་པའི་དུས་དང་པོ་ཡིན་ལ། གོམས་པའི་དུས་ནི་ནུས་པ་ཅུང ་ཟད་སྐྱེས་པ་ན་ཞེས་གསུངས་ཏེ། ཆོས་ཐམས་ཅད་ལ་རོལ་ཅིང་གྲོང་དུ་ཞུགས་ན་ཞེན་པ་རང་རྒྱུད་ཀྱི་དྲི་མས་མི་གོས་ཏེ་འདམ་གྱི་པདྨ་བཞིན་ནོ། །རྟག་པ་ནི་རྒྱུན་ཏུ་སྟེ། ཀུན་ནི་ཕྱི་ནང་ངོ། །ཕྱི་ནི་སྔགས་ཀྱི་མཚན་མའི་རྣལ་འབྱོར་དུ་བཟླས་པ་དང ་ནང་གི་རྡོ་རྗེའི་བཟླས་པ་དང། །ཕྲ་མོའི་དང། ཐིག་ལེའི་རྣལ་འབྱོར་བྱ་བའོ། །གསང་སྔགས་ནི་ཀུན་གྱི་སྤྱོད་ཡུལ་མ་ཡིན་པ་དང། ཡོན་ཏན་གྱི་སྐྱེ་གནས་སུ་བསྟན་པའོ། །བཟླས་པ་ནི་གསལ་བའོ། །རྟག་ཏུ་ནི་ཡུལ་དང་དུས་དང ་གནས་སྟབས་ལ་རག་མ་ལུས་པར་དམ་ཚིག་བསྟེན་པའོ། །ལ་སོགས་ནི་སྤྱོད་ལམ་རྒྱུན་གྱི་རྣལ་འབྱོར་ཏེ། དབང་པོའི་ཁྱད་པར་གྱིས་བདག་གཞན་མཉམ་པ་དང། ཐ་མི་དད་པ་དང་རོ་གཅིག་བསྟེན་པར་བྱའོ། །གལ་ཏེ་དགག་པར ་མ་ནུས་པའི་ཉེས་པ་བྱུང་ན་བཤགས་པར་བྱ་སྟེ། གལ་ཏེ་བག་མེད་བྱུང་གྱུར་པས། །བླ་མའི་དམ་ཚིག་ལ་གནོད་ན། །དེས་ནི་དཀྱིལ་འཁོར་བྲིས་བྱས་ལ། །བདེ་གཤེགས་རྣམས་ལ་ཉེས་པ་བཤགས། །ཞེས་སྨོས་ཏེ། གལ་ཏེ་ཞེས་པ་ནི ་ཉེས་པ་བྱུང་ན་གལ་ཏེ་འབྱུང་དཀའ་བའོ། །བག་མེད་བྱུང་གྱུར་ན་ཞེས་པ་ནི་དགག་པར་མི་ནུས་པའི་ལྟུང་བ་ལ་སོགས་པའོ། །དེ་ཅི་ཞེ་ན། བླ་མ་ནི་དངོས་གྲུབ་ཐམས་ཅད་ཀྱི་རྩ་བ་སྟེ་དང་པོར་གསུངས ་པའོ། དམ་ཚིག་ནི་བདེ་བར་གཤེགས་པའི་དཀའ་བ་ལ་སོགས་པ་སྟེ་དེ་ལ་གནོད་པ་ནི་ལྟུང་བ་བྱུང་བ་ན་རྣལ་འབྱོར་པ་དེས་བླ་མ་འམ་རྡོ་རྗེ་སྤུན་ནམ་རང་ཉིད་ནུས་པས་དཀྱིལ་འཁོར་བྲི་བར་བྱས་ལ། ཅི་འབྱོར་པའི་ཡོ་བྱད་ཀྱིས་ཚོགས་ཀྱི་འཁོར ་ལོ་བསྐོར་ཏེ། བླ་མ་དང་བདེ་བར་གཤེགས་པ་ལ་སོགས་པ་རྣམས་ལ་ཉེས་པ་མངོན་དུ་ཕྱུང་སྟེ་བཤགས་པར་བྱའོ། །དེ་བས་ན་དུས་ཐམས་ཅད་ཀྱི་བྱ་བ་བསྟན་པ་ནི་རྡོ་རྗེ་ཅན་གྱིས་མི་རྟག་པར། དད་པས་བླ་མའི་དམ་ཚིག ་བསྲུང་ཞེས་སྨོས་ཏེ། རྡོ་རྗེ་ཅན་ནི་དམ་ཚིག་དང་ལྡན་པའི་རྣལ་འབྱོར་པའོ། །མི་རྟག་པ་ནི་འཁོར་བའི་ཆར་འགྱུར་བ་ཐམས་ཅད་ལ་བརྟག་པར་མི་བྱའོ། །དད་པ་ནི་ཡིད་ཆེས་པ་སྟེ་ཀུན་གྱི་གཞིར་གྱུར་པས་སོ། །དེ་དང་ལྡན་པས་བླ ་མ་དང་དམ་ཚིག་ལ་གཅེས་སྡུས་སུ་ཞེས་བསྲུང་བའོ། །དེས་དངོས་གྲུབ་ཏུ་ཇི་ལྟར་འགྱུར་ཞེ་ན། ཉེས་པ་མ་ལུས་པ་རྣམས་སེམས་ཀྱིས་ནི། །བསམ་གཏན་ལ་སོགས་བཟླས་པ་མཆོག་གཞོལ་བས། བྱས་ལ་རྟག་ཏུ་བླ་མ་ལ་ནི་བླ་མར ་བྱ། ཞེས་སྨོས་ཏེ། ཉེས་བ་ནི་མི་མཐུན་པའི་ཕྱོགས་མ་ལུས་པའོ། །རྣམ་སྤང་སེམས་ནི་སྡོམ་པ་རང་གི་ངོ་བོ་དང། མི་མཐུན་པའི་ཕྱོགས་དང་ངོ་བོ་ཉེས་པ་ཕྱིར་བཅོས་པའོ། །དེ་རྣམས་ལ་བརྟན་པའི་ཡིད་ཀྱིས་བསམ་གཏན་རྣལ་འབྱོར་བཞི་དང ་ལ་སོགས་ནི་ཕྲ་མོའི་ཐིག་ལེའི་སྒྲོ་སྡུའོ། །བཟླས་པ་ནི་གོང་དུ་བཤད་ཟིན་ཏོ། །མཆོག་ནི་རྫོགས་པའི་རིམ་པ་ལ་སོགས་ནས་འབྱུང་བ་ལ་གཞོལ་བར་བྱ་ལ། རྟག་ཏུ་བླ་མ་ལ་བླ་མར་བྱའོ། །མཆོད་བར་བྱའོ། རི་མོར་བྱའོ། །རྣལ་འབྱོར་དུ ་བྱའོ། བླ་མའི་ངག་གིས་ཇི་ལྟ་བུའི་སློབ་མ་བཟུང་ཞེ་ན། བརྟན་ཞིང་དུལ་བ་སྙིང་རྗེ་གཅིག་ཏུ་སེམས། །དད་དང་ལྷག་པའི་བསམ་པ་བཟོད་པ་འཛིན། ཞེས་སྨོས་ཏེ། བསྟན་པ་ནི་རྟོག་པ་ལ་སེམས་བརྟན་པའོ། །དུལ་བ་ནི་ལུས་ངག་ཡིད་གསུམ ་མོ། །སྙིང་རྗེ་ནི་སེམས་ཅན་ཐམས་ཅད་སྡུག་བསྔལ་དང་བྲལ་བར་འདོད་པའོ། །གཅིག་ཏུ་སེམས་པ་ནི་རྩེ་གཅིག་པའོ། །དད་པས་བཟོད་པ་འཛིན་པ་ནི་གནོད་པ་བྱེད་པ་ལ་ཇི་མི་སྙམ་པ་དང་སྡུག་བསྔལ་དང་དུ་ལེན་པའི་བཟོད་པའོ། །ལྷག་པའི་བསམ ་པས་བཟོད་པ་འཛིན་པ་ནི་ཆོས་ཉིད་སྐྱེ་བ་མེད་པ་ལ་བཟོད་པའོ། །དེ་ལྟ་བུའི་བླ་མས་སློབ་མ་ལ་ནི་གུས་པ་དང། གཤིན་རྗེ་གཤེད་ལ་གུས་པ་ལ། བརྟུལ་ཞུགས་ལྡན་པས་དེ་ཉིད་ཡོངས་སྦྱིན་བྱ། ཞེས་གསུངས་ཏེ། སློབ་མ་ལ་ཡང་གོང་གི་ཡོན་ཏན ་གྱི་སྟེང་དུ་དངོས་གྲུབ་ཀྱི་གནས་བ་གཉིས་ལ་གུས་པ་སྟེ། དེ་ལ་བརྟུལ་ཞུགས་དང་ལྡན་པའི་བླ་མ་ནི་གོང་གི་གསུམ་དང་ལྡན་བས་སྒྲོ་འདོགས་གཅོད་པ་དང། ཕྱིར་མི་ལྡོག་པ་དང། ཉམས་སུ་མྱོང་བ་དང། ཐེ་ཚོམ་ཟ་བ་དང། འགྱུར་བ་དང། སྤྱིའི ་རྣམ་པ་གསུམ་ལྡོག་པར་འགྱུར་ཏེ། དེ་ལྟ་བུའི་གཞུང་ལུགས་དང་ལྡན་པ་ཡོངས་སུ་སྦྱིན་པར་བྱའོ། །ད་ནི་ཆོས་ཐམས་ཅད་ཀྱི་དེ་ཁོ་ན་ཉིད་བདེ་བ་ཆེན་པོའི་ངོ་བོའི་བྱང་ཆུབ་སེམས་རྫོགས་པའི་རིམ་པར་བཤད་པར་བྱ་སྟེ། དེ་ནས་བཅོམ་ལྡན ་འདས་དེ་བཞིན་གཤེགས་པ་ཐམས་ཅད་ཀྱིས་མཆོག་ཏུ་དགའ་བའི་ངོ་བོ་རྡོ་རྗེ་འཚང་གི་གསུང་ངེས་པར་ཐོས་ནས་ཅད་མི་སྨྲ་བར་གྱུར་ཏོ། ཞེས་སྨོས་ཏེ། ཐམས་ཅད་ནི་གཏི་མུག་རྡོ་རྗེ་ལ་སོགས་པའོ། །ཀྱིས་ཤེས་པ་ནི་ཐུགས་ལྷན་ཅིག་སྐྱེས ་པའི་??གཅིག་པར་གྱུར་པའོ། །དེ་གང་ཞེ་ན། མཆོག་ཏུ་དགའ་བ་ཆེན་པོའི་ངོ་བོའོ། །གཟུང་བ་དང་འཛིན་པས་སྟོང་པ་མཛའ་ལས་གྲོལ་བ་གཉིས་སུ་མེད་པ་རང་ཉིད་གསལ་བ་སེམས་ཀྱི་ཡུལ་མ་ཡིན་པ་དང་།འཁོར་བ་ལས་རིང་དུ་འགྱུར་བའོ། ། ་རྡོ་རྗེ་འཆང་ནི་རང་གི་ལུས་སོ། །གསུང་ནི་ཨེ་བཾ་མ་ཡའོ། །ངེས་པར་ཐོས་པ་ནི་མི་བསླུ་བར་རོ། །ཚིག་གམ་ཐ་སྙད་ཀྱི་ལམ་ལས་ཐོབ་པའི་ཡེ་ཤེས་ཐོབ་བ་ནི་ཅང་མི་སྨྲ་བར་འགྱུར་བའོ། །དེ་ལྟ་མོད་ཀྱིས་ཀྱང་?? ་འཇིག་རྟེན་པ་མངོན་དུ་མཛད་ནས་སྙིང་རྗེ་ཆེན་པོའི་སྟོབས་ཀྱི་དོན་ལྐོག་ཏུ་གྱུར་པའི་སེམས་ཅན་རྣམས་གཞུག་པར་བྱ་བའི་དོན་དུ་འོག་ནས་འབྱུང་བ་འདི་ལྟ་བུ་ཆེད་དུ་བརྗོད་པ་ཆེད་དུ་མཛད་དོ། །བརྟུལ་ཞུགས་མཐར་ཐུག་ཐོང་བ་ཆེན་པོ་ལྟར། ་འཁྲུལ་འཁོར་མཐར་ཐུག་གཤིན་རྗེ་གཤེད་ཀྱི་རྒྱུད། རྒྱུད་ཀྱི་མཐར་ཐུག་བ་ནི་འདུས་བ་ཆེ། །བྱུང་བར་མ་གྱུར་འབྱུང་བར་མི་འགྱུར་རོ། ཞེས་བྱ་བ་སྨོས་ཏེ། ཐོད་པ་ཆེན་པོ་ནི་གསུམ་སྟེ། ཚོགས་ཀྱི་འཁོར་ལོ་རྣལ་འབྱོར་གྱི་སྣོད་དུ་ལོངས་སྤྱོད ་པའི་ཕྱིར་དང། ཀཀྐོ་ལར་བོ་ལ་བསྲུང་བར་རིག་པའི་ཡེ་ཤེས་ཆེན་པོ་རྙེད་ཅིང་བསྟན་པར་བྱེད་པའི་ཕྱིར་དང། སྐྱེ་བ་མེད་པའི་པདྨ་ལས་སྣ་ཚོགས་པའི་ཆོས་འབྱུང་བ་ཐམས་ཅད་གསང་བ་ཆེན་པོར་སྤྱོད་པའི་ཕྱིར་བསོད་ནམས་དང་ཡེ་ཤེས་དང། ་འབྲས་བུ་མཐར་ཐུག་ཏུ་ཤེས་པར་བྱས་ལ། གསང་བ་དང་རིག་པ་དང་མགོན་པོའི་བརྟུལ་ཞུགས་སུ་སྤྱད་བར་བྱའོ། །འཁྲུལ་འཁོར་ནི་གཉིས་ཏེ། སྔགས་འཁྲུལ་ཞིང་ཞི་བ་ལ་སོགས་པའི་དངོས་གྲུབ་འཁོར་མོར་འབྱུང་བ་ནི་དབང་པོ་དམན་པའི་འོ། ་འཁྲུལ་པའི་བག་ཆགས་མ་རིག་པའི་བྱ་བ་ཐམས་ཅད་རྣམ་པར་དག་པའི་འཁོར་ལོར་སྦྱོར་བ་ནི་རྒྱུད་འདི་ཉིད་དོ། །རྒྱུད་ནི་རྒྱུན་ཏེ་རྒྱུ་དང་ཐབས་དང་འབྲས་བུ་བཤད་ཟིན་ཏོ། །འདུས་པ་ནི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས ་ཀྱི་གསང་བ་འདུས་པས་ཆེད་དུ་བརྗོད་པ་མཛད་ཅིང་སེམས་ཅན་ཐམས་ཅད་ཀྱི་ལམ་གྱི་གསང་བ་སྟོན་པར་མཛད་ཅིང་ཡི་གེ་གསུམ་འབའ་ཞིག་དོན་གྱི་གཙོ་བོར་གསུངས་པ་ན་མཐར་ཐུག་གོ་།བྱུང་བར་མ་གྱུར་པ་ནི་འདས་པ་ལའོ། །འབྱུང་བར ་མི་འགྱུར་བ་ནི་མ་འོངས་པ་ལའོ། །དེའི་ཡང་རྒྱུད་དེའི་ཁྱད་པར་ཇི་ལྟ་བུ་དང་ལྡན་ཞེ་ན། ཨེ་མའོ་ཞི་བ་ཆེན་པོའི་ཆོས། །ེ་མའོ་ཁྲོ་བོ་འཇིགས་མཛད་པ། །ེ་མའོ་མྱ་ངན་འདས་པའི་ཆོས། །ེ་མའོ་འཁོར་བཞི་བ་ཉིད། །ེ་མའོ་འདི་ནི་རབ་ཏུ ་མཚར། །ཉེས་པ་གང་དེ་ཡོན་ཏན་འགྱུར། ཞེས་སྨོས་ཏེ། འདིས་ནི་རང་དོན་དང་གཞན་དོན་དང། གཉིས་ཀ་དང་ཁྱད་པར་དང། ཡོན་ཏན་དང། ངོ་བོ་བསྟན་ཏོ། །ེ་མའོ་ནི་ངོ་མཚར་བ་སྟེ་ཅི་ཞིག་ལ་ཞེ་ན། ཞི་བ་སྟོང་པ་ཆེན་པོའི་ངོ་བོ ་དང། ཆེན་པོ་བདེ་བ་ཆེན་པོ་འོད་གསལ་བ་བདག་ཉིད་གཅིག་པར་གྱུར་པས་ཆོས་ཏེ་རྣམ་པར་རྟོག་པའི་ཟུག་རྡུ་དང་བྲལ་བས་སོ། །ེ་མའོ་ནི་སྔར?་དང་མཚུངས་སོ། །ཅི་ཞིག་ལ་ཞེ་ན། རྣམ་པར་དག་པ་དེ་ཉིད་ཆུ་ཟླའི་གཟུགས་བརྙན་ལྟ་བུའི་ཁྲོ་ཞིང་འཇིགས་ ་པར་མཛད་པ་ལ་སོགས་པས་གདུག་པ་ཅན་འདུལ་ཞིང་དེ་ཉིད་ལ་དགོད་པས་སོ། །ེ་མའོ་ནི་སྔར་དང་མཚུངས་སོ། །ཅི་ཞིག་ལ་ཞེ་ན། མྱ་ངན་ལས་འདས་པའི་མཆོག་ནི་མི་གནས་པ་སྟེ། རང་དོན་ལ་མི་གནས་པ་ནི་འཁོར་བ་དེ་བཞིན་ཉིད་དུ་འགྱུར ་བས་ལྷུན་གྱིས་གྲུབ་བ་སྟེ་རང་དོན་ནོ། །གཞན་དོན་ལ་མི་གན་པ་ནི་ཐུན་མོང་མ་ཡིན་པའི་སྙིང་རྗེ་དང་ལྡན་པས་མྱ་ངན་ལས་འདས་པ་ལ་མི་གནས་ཏེ། དམ་པ་ནི་ཤིང་རྟའི་འཁོར་ལོའི་རྒྱུན་བཞིན་དུ་འབྱུང་བའོ་ཞེ་ན། གཞན་དོན་ནོ། དེ་གཉིས ་བརྟགས་པ་མེད་པ་ནི་བདེ་བ་ཆེན་པོའོ། །ེ་མའོ་སྔར་དང་མཚུངས་སོ། །ཅི་ཞིག་ལ་ཞེ་ན། འཁོར་བ་ཉིད་ཞི་བ་ཡིན་པ་དང། ཞི་བ་ཉིད་འཁོར་བར་འགྱུར་བས་ན་རྣམ་པར་རྟོག་པ་དང་བྲལ་བའི་གཞན་དོན་འབྱུང་བས་སོ། །ེ་མའོ་སྔར་དང ་མཚུངས་སོ། །ཅི་ཞིག་ལ་ཞེ་ན། འོག་གི་ཡོན་ཏན་དང་ལྡན་པས་འདིར་ནི་རབ་ཏུ་མཚུངས་པར་རོ། །ཉེས་པ་ནི་སྒོ་གསུམ་དུ་འབྱུང་བའི་མི་དགེ་བ་བཅུ་དང། དེའི་སྐྱེད་པར་བྱེད་པ་ཉོན་མོངས་པའི་ས་བོན་དང་བཅས་པའོ། །ཡོན་ཏན་འགྱུར་ ་ཞེས་པས་ནི་བདེ་བ་ཆེན་པོ་བྱང་ཆུབ་ཀྱི་སེམས་སུ་གྱུར་པའོ། །དེ་ཞེས་བ་ནི་དུས་མཚོན་བ་སྟེ། །ལུས་ངག་ཡིད་གསུམ་གྱི་སྦྱོར་བས་ཕྱག་རྒྱ་ཆེན་པོ་མཐོང་བའོ། །ཐབས་ཀྱང་དེར་འགྱུར་བས ་ན་ཡོན་ཏན་ནོ། །ད་ནི་དེ་ལྟ་བུའི་ངོ་མཚར་བའི་ཡེ་ཤེས་དེ། རྒྱས་པར་བཤད་པའི་ཕྱིར། དངོས་པོ་མ་ཡིན་བསྒོམ་བྱ་མེད། །ཁམས་མ་ཡིན་ཞིང་རྣམ་ཤེས་མིན། །ནམ་མཁའ་ཨི་དཀྱིལ་དང་མཚུངས་པ་ཉིད། །ནམ་མཁའ་ལྟ་བུར་བདག ་མེད་པར། །ཆོས་འདི་བདེ་བ་ཆེན་པོའོ། །ས་ཡང་མ་ཡིན་ཆུ་མིན་ཏེ། །མེ་མིན་རླུང་མིན་ནམ་མཁའ་མིན། ཞེས་སྨོས་ཏེ། དངོས་པོ་འདི་ཡང་དག་ཏུ་ཡོད་དམ་ཞེ་ན། གཅིག་དང་དུ་མ་ལ་སོགས་པའི་སྦྱོར་བས་གནོད་དེ་མེད་དོ་ཞེ་ན་བརྟགས ་པ་ཞིག་པའི་ཉམས་མྱོང་བ་ལ་གེགས་བྱེད་མེད་དོ། །གཉི་ག་ལའོ་ཞེ་ན། ཕན་ཚུན་སྤངས་ཏེ་གནས་བས་སོ། །གཉིས་མེད་དོ་ཞེ་ན། རྒྱུ་ལོག་པས་སོ། །བསྒོམ་བྱ་མེད་པས་མཛའ་བཞི་ལས་གྲོལ་བར་མི་འཛིན་པའོ། །གལ་ཏེ་འགྲོ ་པ་ལ་སྣང་ཚོད་འདི་ཇི་ལྟར་གནས་ཤེ་ན། ཡུལ་བརྟེན་ནས་རྣམ་པར་ཤེས་པ་སྐྱེ་བར་འགྱུར་གྱི། ཡུལ་སྔར་བཞིན་མི་དམིགས་པས་རྣམ་པར་ཤེས་པ་ཞི་བ་ཉིད་དོ། །དེ་བས་ན་གཟུགས་ཞེས་བྱ་བ་སྟོང་པ་སྟེ། དབུས་ན་རྣམ་ཤེས་ཇི ་ལྟར་མཆིས། ཞེས་དྲི་བ་པོ་ལ། གཟུགས་མེད་མཐོང་བ་པོ་ཡང་མེད། །སྒྲ་མེད་ཉན་པ་པོ་ཡང་མེད་ཅེས་པ་ནས། ཆོས་མེད་བསམ་པར་བྱ་བ་མེད། ཅེས་གསུངས་པའི་ཕྱིར་དང། ཁམས་གསུམ་པ་དང་ཀུན་གཞི་རྣམ་པར་ཤེས ་པ་སོགས་པ་ནི་རྣམ་པར་རྟོག་པ་སྟེ་དེ་ཉིད་རླུང་ངོ། །དེ་བདེ་བ་ཆེན་པོ་ལ་ཞུགས་པས་དཔེར་ན་ནམ་མཁའ་ཨི་ཁམས་དང་མཚུངས་པ་ཉིད་དོ། །ནམ་མཁའ་ལྟ་བུ་དེ་ལ་བརྟགས་བས་སྒྱུ་མ་ཙམ་གྱིས་ཀྱང་སྟོང་ལ། བདག་ལ་སོགས་ཏེ་ལྟ་སྨོས་ཀྱང ་ཅི་དགོས་ཏེ་མེད་པའོ། །དེ་ལྟར་ཟུག་རྔུ་མེད་པའི་ཆོས་འདི་ནི་བདེ་བ་ཆེན་པོ་སྟེ་རང་འབྱུང་བའོ། །དེ་ལ་འབྱུང་བ་ལྔ་བརྟགས་པའི་སྐྱོན་གྱིས་ཀྱང་མ་གོས་པའི་ཕྱིར་ས་ཡང་མ་ཡིན་ཞེས་བྱ་བ་ལ་སོགས་པའོ། །དེ་ལྟར་སྒྲོ་འདོགས་བཅད་ནས་ཟུང་དུ་འཇུག་པ་དངོས ་བསྟན་པའི་ཕྱིར། རྡོ་རྗེ་སེམས་དཔའ་ཨི་སྦྱོར་བ་ཡིས། །བསྐྱེད་བ་ལ་ནི་རབ་གནས་ན། །དངོས་པོ་ཐམས་ཅད་དངོས་མེད་བཤད། །རྣལ་འབྱོར་སྦྱོར་བ་དང་འབྲེལ་ཕྱིར། ཆད་པ་མ་ཡིན་རྟག་བ་མིན། །ཡན་ལག་མེད་ཅིང་ཞལ་མདོག་མེད། །ཐོག་མ་བར་དང ་མཛའ་ཡས་པས། །དངོས་པོ་ཐམས་ཅད་མེད་བར་འགྱུར། །མཆོག་ཏུ་དགའ་བའི་མཚན་ཉིད་དོ། །ཞེས་སྨོས་ཏེ། རྡོ་རྗེ་སེམས་དཔའ་ཨི་སྦྱོར་བ་ནི་ལྷན་ཅིག་སྐྱེས་པ་བསྐྱེད་པ་ལ་རབ་ཏུ་གནས་པ་ནི་སྣོད་བཅུད་ཀྱིས་རྣམ་པར་དག་པ་སྟེ། དེ་བས་ཕྱིའི་དངོས ་པོ་ཐམས་ཅད་རྟེན་དང་རྟེན་པ་པོ་མེད་ལ། དེ་ཉིད་མ་སྐྱེས་པའི་ངོ་བོར་དངོས་པོ་མེད་པར་བཤད་པས་དངོས་པོ་གཏན་མེད་པ་རྡོ་རྗེའི་འཛིན་པ་ལ་མ་གྲགས་ཏེ། ཡེ་ཤེས་ཀྱི་ཡུལ་དང་ལྡན་པའི་ཕྱིར་རོ། །དེ་བས་ན་རྣལ་འབྱོར་ནི་རིམ་པ་གཉིས་ཏེ། སྦྱོར་བ་ནི་ཟུང ་དུ་འཇུག་པའོ་དང་འབྲེལ་པ་ནི་བློ་དང་དངོས་པོ་རོ་གཅིག་སྟེ་སེམས་ཀྱི་སྐལ་པར་འབྲེལ་བའི་ཕྱིར་རྟག་པ་དང་ཆད་པ་མིན་ནོ། །དེ་ཉིད་ཤེས་པའི་ཡུལ་མ་ཡིན་པས་ཡན་ལག་ལ་སོགས་པ་མེད་དོ། །རྒྱུན་མི་འཆད་པས་ཐོག་མ་ལ་སོགས་པ་སྤངས་སོ། །སྐུར་འདེབས ་དང་བྲལ་བས་དངོས་པོ་ཐམས་ཅད་མེད་པར་འགྱུར་རོ། །སྒྲོ་བཏགས་དང་བྲལ་བས་མཆོག་ཏུ་དགའ་བའི་མཚན་ཉིད་དོ། །ད་ནི་རྫོགས་པའི་རིམ་པ་མཇུག་བསྡུ་བའི་ཕྱིར་དེ་བཞིན་གཤེགས་པ་རྣམས་ཀྱིས་ཆེད་དུ་བརྗོད་པ་གསུངས་ནས། ཡང་ལྷ་མོ་རྣམས་ཀྱིས ་ཆེད་དུ་བརྗོད་པ་བསྟན་པའི་ཕྱིར། དེ་ནས་བཅོམ་ལྡན་འདས་ལ་ཙར་ཏསྩི་ཀ་ཆེན་མོ་ལ་སོགས་པས་ཆེད་དུ་བརྗོད་པ་འདི་ལྟ་བུ་ཆེད་དུ་བརྗོད་དོ། །བསོད་ནམས་སྡིག་བ་དག་དང་མ་འབྲེལ་པས། །མཆོག་ཏུ་དགའ་བ་དྲི་མེད་དག་པ་ཡིན། །མགོན་པོ་དེ་བཞིན་ཉིད་ཀྱི་གཏེར ་གཅིག་པུ། །ཀུན་ཀྱང་སྙིང་རྗེའི་སེམས་ཀྱིས་མགོན་འདི་ཡོད་ཅེས་གསུངས་ཏེ། དོན་དམ་པ་བྱང་ཆུབ་ཀྱི་སེམས་ཀྱི་ལུས་ལ་ཡང་དག་པའི་འབྲེལ་པ་ནི་མེད་དོ། །དེ་ཅིའི་ཕྱིར་ཞེ་ན། དངོས་ཀྱི་འབྲེལ་པ་ནི་ཀུན་རྫོབ་ཙམ་དུ་ཟད་ཀྱི ་དོན་དམ་པར་ནི་མ་ཡིན་ནོ། །དེ་ཡང་ཀུན་རྫོབ་སྐྱེ་བར་བྱེད་པ་ཡིན་པ་ལ་དོན་དམ་པ་སྐྱེད་བྱེད་ཡིན་ན་རྒྱུ་མི་རྟག་པ་དང། དུ་མ་དང། བཅོས་མ་དང། སྤང་བྱ་ཡིན་པ་བཞིན་འབྲས་བུ་ཡང་མི་རྟག་པ་དང། དུ་མ་དང། བཅོས་མ་དང། སྤང་བྱར་འགྱུར་རོ།། ་གལ་ཏེ་དུས་མཚུངས་ན་རྒྱུ་ཉིད་ཡིན་ན་འབྲས་བུ་ཡིན་ལ། འབྲས་བུ་མ་ཡིན་ན་རྒྱུ་མ་ཡིན་ནོ། །གལ་ཏེ་འབྲས་བུ་སྔོན་དུ་སོང་ན་རྒྱུ་འབྲས་འཆོལ་བར་འགྱུར་བས་རྒྱུ་མེད་པའི་འབྲས་བུ་འམ། རྒྱུ་ལ་དགོས་པ་མེད་པར་འགྱུར་རོ། །དཔེར་ན་ནམ་མཁའ་ལས་ནམ ་མཁའ་སྐྱེ་བ་མེད་པ་ལྟར་ཆོས་ཐམས་ཅད་ཀྱི་རང་བཞིན་གཅིག་ཉིད་ལ་བསོད་ནམས་དང་བསོད་ནམས་ཀྱི་འབྲས་བུ་ཕན་པ་མེད་དེ། འཕེལ་བ་དང་བདེ་བ་མི་དམིགས་སོ། །སྡིག་པ་དང་སྡིག་པའི་འབྲས་བུ་གནོད་པ་མེད་དེ། འགྲིབ་པ་དང་སྡུག་བསྔལ་བ ་མི་དམིགས་སོ། །ཇི་ལྟར་གནས་ན་མཆོག་ཏུ་དགའ་བའི་རང་བཞིན་བརྟགས་པའི་དྲི་མས་མ་གོས་དག་པའོ། །གལ་ཏེ་འབྲེལ་པ་མེད་པའི་ཕྱིར་འགྲོ་བའི་དོན་མི་འབྱུང་ངོ་ཞེ་ན། མགོན་པོ་དེ་བཞིན་ཉིད་ཀྱི་གཏེར་གཅིག་པུ་ནི་ཆོས་ཀྱི་སྐུའོ། །ཀུན་ནི་འགྲོ ་བའོ། །ཡང་ནི་ཆོས་ཀྱི་སྐུ་སྤྲོས་པ་མི་མངའ་བ་ལས་སྙིང་རྗེ་ཆེན་པོའི་སེམས་དང་སྨོན་ལམ་གྱི་རྒྱུན་གྱིས་གཟུགས་སྐུ་གཉིས་ལ་སོགས་པ་འདི་ཡོད་དོ། །ད་ནི་ལྷན་ཅིག་སྐྱེས་པ་རང་གི་ངོ་བོ་བསྟན་པའི་ཕྱིར། ཆོས་རྣམས་ངོ་བོ་བདེ་བ་ཆེན་པོའི་དངོས། ་མཆོག་ཏུ་དགའ་བ་འདིའི་ངོ་བོ་ནི། །དེ་ལ་གཟུགས་རྣམས་མེད་ཅིང་སྡིག་པ་མེད། །སྐྱེ་དང་འགག་པ་དག་ནི་ཡོད་མ་ཡིན། །ཞེས་སྨོས་ཏེ། ཆོས་རྣམས་ནི་ཕུང་པོ་ལ་སོགས་པའོ། །ངོ་བོ་ནི་རང་གི་ངོ་བོའོ། །བདེ་བ་ཆེན་པོ་དངོས་ནི་ཆོས་རྣམས ་ཐམས་ཅད་རང་གི་ངོ་བོར་གྲོལ་པ་སྟེ་གང་གིས་མ་བཏགས་པ་ཡེ་ཤེས་ཀྱི་རང་བཞིན་ནི་འདི་ཞེས་བརྗོད་པ་ཙམ་དང་ཡང་བྲལ་བའོ། །མཆོག་ཏུ་དགའ་བ་འདི་ཡི་ངོ་བོ་ནི་ཞེས་པ་ནི་ལྷན་ཅིག་སྐྱེས་པའི་རྒྱུན་གྱི་རྣལ་འབྱོར་དུ་འགྱུར་བའོ། །དེ་ལ་གཟུགས་མེད ་པ་ནི་དགྲ་ལ་སོགས་པ་སྤངས་ཏེ། དབང་པོ་རང་སྣང་དུ་གྱུར་པའོ། །བསོད་ནམས་མེད་ཅིང་སྡིག་པ་མེད་པ་ནི་མཉམ་གཞག་གི་སྤྱོད་པ་ཆེན་པོ་སྟེ། ཨེ་མའོ་བསང་པ་ཡང་དག་བསད་ཅེས་པ་དང་འབྲེལ་བའོ། །དེས་མཆིང་བར་མི་འགྱུར་བ་ཅིའི་ཕྱིར ་ཞེ་ན། རྒྱུ་ལས་སྐྱེ་བ་དང། རྐྱེན་གྱིས་འགགས་པ་མེད་པས་ན་ཤིགས་པ་མེད་པའི་ཡེ་ཤེས་ཐོབ་པའོ། །གལ་ཏེ་སྔར་བཤད་ཟིན་པས་ལྷག་པ་ལ་དགོས་པ་མེད་དོ། ཞེ་ན་མ་ཡིན་ཏེ། སྔར་ནི་རང་བཞིན་བསྟན་པ་ཡིན་ལ། འདིར་ནི་རྣལ་འབྱོར་པ་འབའ་ ་ཞིག་གིས་ཉམས་སུ་མྱོང་བ་བཤད་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད་ནི་བཤད་ཟིན་ཏོ། །བྱང་ཆུབ་ཀྱི་སེམས་ནི་ཀུན་རྫོབ་དང་དོན་དམ་མོ། །རིམ་པར་ཕྱེ་བ་ནི་བསྐྱེད་རྫོགས་གཉིས་སོ། ། ་བཅུ་བདུན་པ་ནི་བཅུ་དྲུག་པས་གཞག་པའོ། །ནག་པོ་ཞབས་ཀྱིས་བཤད་པའི་ལེའུ་བཅུ་བདུན་པ་རྒྱ་ཆེར་གསལ་བར་བྱས་པའོ།། །།དེ་ནས་གླེང་བསླང་བཤད་པར་བྱའོ། །གཏམ་རྒྱུད་ནི་སྔོན་བྱུང་བའི་དུས་སོ། །མངོན་པར ་བྱང་ཆུབ་པའི་དུས་ནི་ཐུན་མོང་གི་ཡེ་ཤེས་ལྔ་དང། ཐུན་མོང་མ་ཡིན་པ་ཐུགས་སུ་ཆུད་པའི་དུས་འོག་མིན་གྱི་གནས་སོ། །ཐུབ་པ་ཆེན་པོ་ནི་རྡོ་རྗེ་འཛིན་པའི་བདེ་བ་ཆེན་པོ་བརྙེས་པའོ། །ལ་ནི་གཞིའོ། །བར་དུ་བཅད་པའི་ཕྱིར་ནི་བདུད་རྣམས་ཀྱིས ་སོ། ཤིན་ཏུ་འཇིགས་སུ་རུང་བའི་འཇིགས་པ་ཆེན་པོ་སྟོན་པ་ནི་ཞོན་པ་འཇིགས་སུ་རུང་བ་དང། གཟུགས་འཇིགས་སུ་རུང་བ་དང། སྒྲ་སྐད་འཇིགས་སུ་རུང་བ་དང། མཚོན་ཆ་འཇིགས་སུ་རུང་བ་སྟོན་པའོ། །བདུད་ཀྱི་ཚོགས་ནི་ཕུང་པོ་ལ་སོགས་པ ་བཞིའོ། །དཔུང་གི་ནི་རྟ་དང་ཤིང་རྟ་དང་གླང་བོ་ཆེ་དང་རྐང་ཐང་གི་ཚོགས་སོ། །ཆེན་བོ་ནི་རྟ་གཤོག་བ་ཅན་དང། གླང་པོ་ཆེ་དང་རལ་གྲི་དང་ལྡན་པ་དང། ཤིང་རྟའི་འཁོར་ལོ་གཅན་གཟན་གདུག་པ་ཅན་རྗེས་སུ? ་འདྲེན་པ་དང། རྐང་ཐང་གི་ཚོགས་མགོ་བརྙན་དུ་གནས་སོ། །ལྷག་མ་ནི་བཅོམ་ལྡན་འདས་ཀྱི་འཁོར་ཡུག་ཏུའོ། །བདུད་ཆེན་པོ་ལས་མཆོག་ཏུ་རྒྱལ་བའི་ཏིང་ངེ་འཛིན་ནི་བསྲུང་བའི་འཁོར་ལོ་དང་ཟླ་བ་རྡོ་རྗེའི་སྦྱོར་བ་ལ་སོགས་པའོ། །སྙོམ་བར ་ཞུགས་པ་ནི་མཁའ་གསང་བྱིན་གྱིས་བརླབས་པའོ། །བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ནི་བྱང་ཆུབ་ཀྱི་སེམས་བདེ་བ་ཆེན་པོའོ། །གཤིན་རྗེ་གཤེད་ཀྱི་ཁྲོ་བོ་ངེས་པར་ཕྱུང་བ་ནི་རྩ་བའི་དཀྱིལ་འཁོར་སྔར་བསྐྱེད་ཅིང་བྱིན་གྱིས ་བརླབས་བ་ལྟར་སྟོན་ཏོ། །ཀྱང་ཞེས་བྱ་བ་ནི་སྡུད་པ་བོ་ལ་བསྒོ་བ་བྱས་པའི་ཕྱིར་བསྡུ་བའི་ཀྱང་ངོ། །ཐུབ་པ་ཆེན་པོའི་བཀའ་བཞིན་བྱེད་པ་ནི་སངས་རྒྱས་ཐམས་ཅད་ཀྱི་ཕྲིན་ལས་པར་འགྱུར་རོ། །ཕྱག་ན་རྡོ་རྗེ་ནི་གཅོད་བའོ། །འདི་ལྟ་བུའི་སྔོན་དུ་གྱུར ་བའི་འཁོར་ལོའོ། །ཁྲོ་བོའི་གཟུགས་སུ་བསྒྱུར་བ་ནི་མ་འོངས་པའི་རྣལ་འབྱོར་བཞིས་རྒྱུད་སྦྱངས་བ་ལ་དགོད་བའི་ཕྱིར་དང། ཕ་རོལ་ཏུ་ཕྱིན་བ་ནི་གསང་སྔགས་ལ་གྲགས་པའི་གཤིན་རྗེ་གཤེད་འཆིང་བར་མི་ནུས་བའི་ཕྱིར་རོ། །བདུད་ནི་བཤད་ཟིན་ཏོ ་??་ནི་མཛའ་ཡས་ལ་སོགས་པ་གདུག་པ་ཅན་ནོ། །གནོད་སྦྱིན་ནི་ནོར་བདག་ལ་སོགས་པའོ། །ལྷ་མ་ཡིན་ནི་ཟག་བཟངས་ལ་སོགས་པའོ། །ལྷ་ནི་ཚངས་པ་ལ་སོགས་པའོ། །དེ་དག་གི་ཁོངས་སུ་དྲི་ཟ་དང་མཁའ་ལྡིང་དང་མི་འམ་ཅི་དང། ལྟོ ་འཕྱེ་ཆེན་པོ་རྣམས་བསྡུས་ཏེ་ཆོངས་ཤིག་ཆོངས་ཤིག་།རྟོགས་ཤིག་ཅེས་བཀུལ་ཏེ་གཤིན་རྗེ་ཐམས་ཅད་གཤེད་ལ་དགོད་བའི་དོན་ཏོ། །དེ་ལྟར་རྒྱུད་ཕུན་སུམ་ཚོགས་པའི་བདག་ཉིད་གསུངས་བ། རྒྱུད་བསྡུས་པའི་ཕྱིར་བྱང་ཆུབ་སེམས་དཔའ་ ་ཕྱག་ན་རྡོ་རྗེ་དེ་ཇི་ལྟར་མཛད་བའི་ཚུལ་བཤད་པར་བྱ་སྟེ། དེའི་དུས་ན་ཇི་ལྟར་བདག་གིས་བཅོམ་ལྡན་འདས་ཀྱིས་གསུངས་པ་ཐོབ་བ་ནི། ཨེ་བཾ་ནས་བཟུང་སྟེ་རབ་ཏུ་ཕྱེ་བ་བཅུ་བདུན་པའི་བར་དུའོ། །སྐད་ཅིག་ལ་བཟུང་ཞིང་བཟུང་བ་ནི་སུ་ཏ་སྟེ་སྔར་བཤད་ལ། ་ཚིག་དང་དོན་གྱི་ཁྱད་བར་ཤེས་པར་བྱའོ། །གསུངས་པ་ནི་ཡབ་ཡུམ་ཨ་བི་དུས་ཏེ། གང་ན་བདེ་གཤེགས་བཞུགས་བ་དང། འཆགས་པ་དང་ནི་བཞེངས་བ་དང། །སེང་གེ་ལྟ་བུར་གཟིམས་བརྟགས་པའི། །གནས་དེ་ལ་ནི་ཕྱག་འཚལ་བསྟོད། ཅེས ་གསུངས་པས་སོ། །ལེགས་པར་ཡིད་ལ་རབ་ཏུ་བྱས་བ་ནི་ཡི་གེའི་ཚོགས་དང། ཚིག་གི་ཚོགས་དང། མིང་གི་ཚོགས་དང། དོན་གྱི་ཚོགས་ལྷག་པ་དང་ཆད་པ་མེད་པར་བྱས་པའོ། །གསང་བ་ནི་རྒྱུད་བཞི་སྟེ། ཆེན་བོ་ནི་ཡི་གེ་གསུམ་གྱི་བདག་ཉིད་དོ། །དེའི ་བདག་པོར་བཀོས་བ་ནི་ཕྱག་ན་རྡོ་རྗེའོ། །ལ་ནི་ཐུན་མོང་མ་ཡིན་པའི་ཆོ་གའོ། །ན་ཏ་ཀུ་བེ་ར་གནོད་སྦྱིན་ནོ། །དེའི་ཡབ་ནི་རྡོ་རྗེ་རིགས་ཀྱི་གཙོ་བོའོ། །གཤིན་རྗེ་གཤེད་ཀྱི་སྲས་སུ་གྱུར་བའི་ཕྱག་ན་རྡོ་རྗེས་དེ་སྐད་ཅེས་གསུངས་སོ། །ུ་རྒྱན?་གྱི་ཡུལ་ནི ་གཏུམ་དྲག་ལ་སོགས་བ་རང་བྱུང་གི་དུར་ཁྲོད་བརྒྱད་དོ། །དེ་ན་བཞུགས་བའི་རྡོ་རྗེ་མཁའ་འགྲོ་མ་རྣམས་ཏེ་དེའི་ཞལ་ནས་ཡང་དག་པར་འབྱུང་བ་ནི་མཆོག་དང་ཐུན་མོང་གི་དངོས་གྲུབ་ཐམས་ཅད་བསྐྱེད་པར་བྱའོ། །རྒྱུད་ཀྱི་རྒྱལ་པོ་འབུམ་ཕྲག་བདུན་པ ་ལས་ཕྱུང་གི་།དཔལ་གཤིན་རྗེ་གཤེད་ནག་པོའི་རྒྱུད་བྱང་ཆུབ་སེམས་ཀྱི་རྟོག་པ་དཔལ་ནག་པོ་ཞབས་ཀྱིས་རྒྱ་ཆེར་བཤད་པའོ།། །།སངས་རྒྱས་རྣམས་ཀྱི་སྐུ་གསུང་ཐུགས་གཤིན་རྗེ་གཤེད་ཀྱི་སྙིང་པོའི་རྒྱུད། རིམ་པ་གཉིས ་ཀྱིས་རབ་འབྱེད་གསང་བ་འདུས་སོགས་དང། འཁྲུལ་འཁོར་འཁོར་ལོ་བསྒྲུབ་ཐབས་ཕྲན་ཚེགས་ལ་སོགས་པ། དམ་པའི་ཞབས་པད་ལ་བཏུད་འགྲེལ་པ་འདི་བྱས་པས། །སྙན་ངག་ཚིག་གི་སྦྱོར་ལ་མཁས་པར་མ་གྱུར་ཅིང། །དོན་རྒྱས་པ་ལ་ང ་རྒྱལ་བ་རྣམས་སྡང་འགྱུར་ཅིང། །སྐྱེ་བོ་ཕལ་པོ་ཆེར་བདག་གིས་བཟོད་བ་བསྡུད་མི་མཛད། །བླ་མ་དང་བཅས་དཀྱིལ་འཁོར་རྣམས་ལ་བཟོད་པར་མཛོད། །ལྷག་པ་བྱང་ཆུབ་སེམས་ཀྱི་རང་བཞིན་གསལ?་བ་དང། ་ཀུན་རྫོབ་དག་པ་རང་བཞིན་དེ་ཁོ་ན་ཉིད་དང། །བདག་སོགས་འགྲོ་བ་རྣམས་ཀྱི་མཆོག་དགའ་ཐོབ་འགྱུར་ཏེ། ཁམས་གསུམ་པ་རྣམས་བདེ་བ་ཆེན་པོ་ཐོབ་པར་ཤོག་།དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག ་བའི་རྒྱུད་ཀྱི་རྒྱ་ཆེར་འགྲེལ་བ་མངོན་བར་མཐོང་བ་ལམ་གྱི་སྒྲོན་མ་ཞེས་བྱ་བ་།རྒྱ་གར་གྱི་མཁན་པོ་ཆེན་པོ་ཀྲིཥྞ་ཆེན་པོས་མཛད་པ་རྫོགས་སོ།། །།རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟི་ས་རང་འགྱུར ་དུ་མཛད་པའོ།། །།རྒྱ་གར་སྐད་དུ། ཀྲིཥྞ་ཡ་མཱ་རི་ཏནྟ་སྱ་པཉྩི་ཀ་རཏན་བ་ལི་ནཱ་མ། བོད་སྐད་དུ། གཤིན་རྗེ་གཤེད་ནག་པོའི་རྒྱུད་ཀྱི་དཀའ་འགྲེལ་རིན་པོ་ཆེའི་འཕྲེང་བ་ཞེས་བྱ་བ། དཔལ་རྡོ་རྗེ་སེམས ་