<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1576: dpal gshin rje'i dgra nag po'i rgyud kyi rgyal po chen po'i dka' 'grel rin po che'i sgron ma zhes bya ba<br><table><tr><td>
<input type="button" onclick="location.href='tcompletep.php?id=N1576&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1576&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1576&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">drin gyi nye bar 'tsho ba d+ha rmA kIrti d+ha dras lan gnyis su zhus so// (//dgra nag gi rgyud kyi dka' 'grel rin chen sgron ma zhes bya ba ratna ka ra shAn+tis mdzad pa bzhugs so//) rgya gar skad du/ sh+rI kriSh+Na ya mA ri ma hA tan+t+ra rA dzA pany+tsi ka
 ratna pra dI pa nA ma/ bod skad du/ dpal gshin rje'i dgra nag po'i rgyud kyi rgyal po chen po'i dka' 'grel rin po che'i sgron ma zhes bya ba/ dpal rdo rje sems dpa' la phyag 'tshal lo/ /rab 'jigs bsnyen par dka' zhing bdud kyi rtsa lag mang po
 'khrugs pa tshar gcod la/ rang gi mthu yi khyad par 'jig rten gsum las khyad 'phags bdud dgra rab tu dpa' / /'di 'dra'i dpal ldan gshin rje la sdang de ni deng 'dir bdag la bsrung gyur cig /des bsrungs gyur pas de ston rgyud 'di cung
 zad bdag byed 'di la mkhas bzod mdzod/ /'dir 'di skad bdag gis thos ba dus gcig na zhes bya ba nas brtsams te le'u bco brgyad pa'i zhabs nas bdud zhi bar bya ba'i phyir de skad ces gsungs so zhes bya ba'i bar du/ rgyud 'di'i gzhung gis ci
 zhig ston ce na/ de ni bcom ldan 'das 'di'i rang gi ngo bo dang/ de'i phrin las dang/ de 'thob pa'i rgyu rnams ston te/ de yang 'di ltar bcom ldan 'das de bzhin gshegs pa thams cad kyi bdag po zhes bya ba la sogs pa ji ltar rigs la
 rnams kyis ni 'di'i rang gi ngo bo bstan to/ /ji ltar sems can rab 'jug pa/ /las kyi dbye ba rab 'byed pa zhes bya ba la sogs pa/ ji ltar rig pa rnams kyis ni/ /'di'i 'phrin las bstan to/ /slob dpon la ni brnyas mi bya/ /zhes bya ba la
 sogs pa ji rigs pa rnams kyis na/ bcom ldan 'das 'di'i go 'phang thob pa'i rgyu phul du byung ba bstan to/ /de ltar na rgyud 'dis ni bcom ldan 'das gshin rje gshed po'i nyid kyi don phun sum tshogs pa dang/ gzhan gyi don phun sum tshogs pa dag
 bstan cing/ skal ba dang ldan pa gang zhig rgyud 'dir slob pa de yang rang dang gzhan gyi don phun sum tshogs pa rims kyis 'gyur ba ni ji ltar dpal 'khor lo bde mchog las/ mi mchog gang zhig kun spyod pa/ /sdig kun rnam dag bdag nyid
 can/ /de bzhin gshegs pa'i sa 'thob cing/ /skye dang skye bar bde gshegs kyi/ /rigs 'gyur chos ldan rgyal por 'gyur/ zhes gsungs pa lta bu'o/ /de bas na rgyud 'di ni rjod par byed pa yin la 'di don ni brjod par bya ba'o/ /de yang thabs dang
 de las byung bar 'brel cing 'brel ba dang bcas pas don phyin ci ma log pa khong du chud cing/ ji ltar khong du chud pa ltar gus pas bsgrubs pas mi gnas pa'i mya ngan las 'das pa'i bar du yang dag par 'thob pas na/ bdag dang gzhan gyi don
 phun sum tshogs pa de yang dgos pa la sogs pa'i yan lag 'di dag gis 'grub par rtogs pa dang ldan pa rnams kyis shes so/ /de'i phyir nges par 'di la 'jug pa rnams ni don med par nam yang rigs pas kyang mi 'gyur la gzhan yang yang
 dag par rdzogs pa'i sangs rgyas rab tu yang thugs rje che pa ni gzhan la don med pa'i tshig gsung mi srid pas na/ lung rnam par dag pa 'ba' zhig la gus pas kyang 'di la 'jug par mi rigs te/ ji skad du/ lung ni yid ches tshig yin te/ /
 nyes zad lung du shes par bya/ /nyes pa zad phyir brdzun gyi tshig /gsung bar mi rigs rgyu med phyir/ zhes tshigs su bcad pas so/ /gal te sbyin pa la sogs pa bdag dang gzhan la phan pa'i thabs rgyud 'di nas ston pa lta na bden grang na/ rgyud
 'di nas na gsang ba la sogs pa ston cing/ de ni gzhan la phan pa yang ma yin la/ yang bud med dbang du bya ba la sogs pa'i bya ba yang ston cing de ni drag shul spyod sngags mi byed bud med sbyor sngags min zhes rgyal ba'i
 yum las bkag cing/ rigs pas kyang 'thad pa'i lam du ma grub pas/ de mi rung zhing/ srin po ltar ma rungs pa'i lus su gnas pa dang 'dod pa'i lha me tog gi mda' can ltar/ gzhan ze slong ba'i lus su gnas pa yang/ sdang
 ba 'am chags pa'i rkyen du gyur la/ de yang rab tu mi 'dod de/ /nyan thos nyon mongs med pa'i lta/ /mi yi nyon mongs yongs spong nyid/ /rgyal ba'i grong sogs de dag gis/ /nyon mongs rgyud gcod nyon mongs med/ ces gsungs na/
 'di ni nyan thos dag pas dman par gyur pas/ rgyud 'dir rgyu dang de las byung ba gnyi ga blang bar bya ba ma yin no/ /de bas na lung rnam par dag pa yang 'di ma yin pas su zhig 'di la 'jug /de bas na 'di'i 'bras bu mchog rgyu dang
 bcas te 'dod par bya ba ma yin te/ 'dam bu khrus byas pa'i cho ga 'grub par lta na yang de khrus ma yin pas/ ma grub pa dang bye brag med pa 'am/ ches smad pa lta bu'o zhe na/ de ltar rtag pa ni ma yin te/ rgyud 'dir bsad
 pa la sogs pa'i bya ba gzhan la gnod pa ltar snang ba yang/ bde ba ma yin yang phan pa nyid yin te/ sman tsha ba la brten pa lta bu'o/ /de ni byang chub sems dpa' i bya ba yin te/ ma byas na slar nyes pa nyid yin par /
 nyon mongs bcas kyang mchos mi byed ces bshad pas so/ /de'i phyir snying rje las byung ba'i bsad pa la sogs pa mdo sde dang rgyud du ma las gsal por snang bas rgyal ba'i yum las ni rang gi sngags rgyur gyur pas drag shul
 spyad pa bkag par zad? de/ de bas na 'phags pa de kho na 'dus pas kyang/ sdig pa'i sems can phan don du/ /sdig can sdig spyod log pa dang/ /sangs rgyas bka' ni bsgrub pa'i phyir/ /bsad pa byas na 'grub par 'gyur/ zhes pa dang/ yang sdig
 pa dag pa'i rgyu yi phyir/ /mtshams med byed pa mi bzlog na/ /bsad pa'i las la dad na yang/ /des ni dngos grub 'gyur ro zhes/ /bcom ldan 'das rdo rje sems dpas gsungs zhes gsungs la/ 'phags pa gsang chen thabs la mkhas pa'i mdo
 las kyang/ tshong dpon byang chub sems dpas tshong pa g.yon can mdung thung gis bsad pas/ tshul khrims kyi pha rol tu phyin pa rdzogs par gsungs pa na/ bsad pa'i bya ba ston pas ni rgyud 'di smad par mi bya'o/ /bud med dbang du bya ba ston pas
 kyang/ 'di smad par mi bya ste/ sman lam grub pa'i bud med byang chub sems dpa' i gnas thob pa dag yod cing de dag dbang du bya ba'i phyir/ sngags dang bsam gtan la rab tu 'bad pa nyid kyis/ bsgrub pa de'i sgrib pa'i dra ba sel cing sgrib pa srab
 mor gyur pa na de dang 'du ba'i skal ba can du 'gyur zhing/ de dang 'dus pa de'i 'dod chags la sogs pa zad par 'gyur te/ ji ltar 'phags pa sdong po bkod pa las/ smad 'tshong ma bcom pa mo lha'i bshes gnyen gyi rnam par thar pa bstan
 pa las kyang/ rigs kyi bu kho mos ni byang chub sems dpa' i rnam par thar pa 'dod chags dang bral ba'i mthar phyin pa zhes bya ba thob ste/ rigs kyi bu de ltar kho mo ni lha rnams la lha mo'i gzugs dang/ kha dog dang dbyibs dang/ chu zheng las kyang
 lhag par kha dog gsal ba dang/ rnam par dag pas ci la mos pa bzhin du snang bar byed do/ /de bzhin du klu dang gnod sbyin dang/ dri za dang lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa rnams la
 yang bud med kyi gzugs dang kha dog dang dbyibs dang chu zheng las lhag par 'od gsal zhing rnam par dag pas ci la smos pa bzhin du snang bar byed do/ /sems can gang dag 'dod chags kyis kun nas 'khor ba'i sems dang ldan ba
 dag /kho mo'i drung du 'ong na yang/ de dag thams cad la kho mo ni 'dod chags dang bral bar 'gyur ba'i chos ston te/ de dag gis chos de thos nas kyang/ 'dod chags dang bral ba thob par 'gyur ro/ /byang chub sems dpa' i ting nge 'dzin chags pa
 med pa zhes bya ba yang rab tu 'thob bo/ /la la ni kho mo mthong ma thag tu 'dod chags dang bral bar 'gyur te/ byang chub sems dpa' i ting nge 'dzin dga' ba dang ldan pa zhes bya ba yang rab tu 'thob po/ /la la ni gtam byas pa tsam gyis 'dod chags
 dang bral ba 'thob par 'gyur te/ byang chub sems dpa' i ting nge 'dzin chags pa med pa'i dbyangs zhes bya ba yang rab tu 'thob bo/ /la la ni lag nas bzung ba tsam gyis 'dod chags dang bral ba thob par 'gyur te/ byang chub sems dpa' i
 ting nge 'dzin sangs rgyas kyi zhing thams cad du rjes su 'gro zhing gnas pa zhes bya ba yang rab tu 'thob bo/ /la la ni gna gcig tu 'grogs pa tsam gyis 'dod chags dang bral ba 'thob par 'gyur te/ byang chub sems dpa' i ting nge
 'dzin dang bral bas snang ba zhes bya ba yang rab tu 'thob bo/ /la la ni bltas pa tsam gyis 'dod chags dang bral bar thob par 'gyur te/ byang chub sems dpa' i ting nge 'dzin rab tu zhi ba'i rnam pa'i rgyan ces bya ba yang rab tu 'thob bo/ /la
 la ni glal ba tsam gyis 'dod chags dang bral ba 'thob par 'gyur te/ byang chub sems dpa' i ting nge 'dzin gyi phas kyi rgol ba rnam par 'thor ba zhes bya ba yang rab tu 'thob bo/ /la la ni mig btsum pa tsam gyis 'dod chags dang bral ba 'thob
 par 'gyur te/ byang chub sems dpa' i ting nge 'dzin sangs rgyas kyi yul snang ba zhes bya ba yang rab tu 'thob bo/ /la la ni pang du 'khyud pa tsam gyis 'dod chags dang bral ba 'thob par 'gyur te/ byang chub sems dpa' i ting nge 'dzin 'gro ba thams cad yongs
 su sdud cing mi gtong ba'i snying po zhes bya ba yang rab tu 'thob bo/ /la la ni 'o byas pa tsam gyis 'dod chags dang bral ba 'thob par 'gyur te/ byang chub sems dpa' i ting nge 'dzin 'gro ba thams cad bsod nams kyi mdzod la reg par byed pa zhes bya ba
 yang rab tu 'thob bo/ /de ltar kho mo ni sems can gang ji snyed cig kho mo'i drung du 'ongs te/ de dag thams cad kyang byang chub sems dpa' i rnam par thar pa'i 'dod chags dang bral ba mthar phyin pa thams cad mkhyen pa'i sa chags pa med pa la mngon du
 gyur pa 'di nyid la rab tu 'god do zhes gsungs la yang de nyid la/ rgyal po rin chen mang po zhes bya ba'i bu mo dag ni rnam par thar ba bstan pa/ 'khor lo sgyur ba'i rgyal po rin chen mang po de la bu mo rgya mtsho kun kyang/ byang chub sems dpa' kun tu
 bzang po 'jig rten gyi khams rgya mtsho bcu'i rdul shin tu phra ba ji snyed kyis sbrul pa'i bud med rin po che dang 'dra ba/ yid kyi lus 'jig rten gyi khams rgya mtsho bcu'i rdul shin tu phra ba snyed dang ldan pa srid pa'i lam gyi rgyun gyi 'khor lo sna tshogs
 rgya mtsho 'jig rten gyi khams rgya mtsho bcu'i rdul shin tu phra pa snyed dang ldan pa/ byang chub kyi sems bla na med pa rgya 'mtsho bcu'i rdul shin tu phra ba snyed kyi mgo dang ldan pa/ chos kyi dbyings nam mkha' rgya mtsho 'jig rten gyi khams rgya mtsho bcu'i rdul shin
 tu phra ba snyed kyi dbral ba dang ldan pa/ bsam pa dang lhag pa'i bsam pa 'jig rten gyi khams rgya mtsho bcu'i rdul shin tu phra ba snyed kyi smin tshugs can/ shes rab dang ye shes yangs pa rgya mtsho 'jig rten gyi khams rgya mtsho bcu'i rdul shin tu phra ba
 snyed kyi mig dang ldan pa/ de bzhin gshegs pa thams cad la thos pa 'dzin pa/ 'jig rten gyi khams rgya mtsho bcu'i rdul shin tu phra ba snyed kyi rna ba yid du 'ong ba dang ldan pa/ sdom pa chen po yang dag par blang pa
 rgya mtsho 'jig rten gyi khams rgya mtsho bcu'i rdul shin tu phra ba snyed kyi sna legs pa dang ldan pa'i chos rgya mtsho rab tu sgrogs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa/ chos kyi dbyings mdza' 
 gnyis yongs su spangs pas 'dzum par rgod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byams pa chen po dang/ snying rje chen po 'jig rten gyi khams rgya mtsho bcu'i rdul shin tu phra ba snyed kyi
 lag pa dang ldan pa dang/ sems can thams cad kyi don yongs su rdzogs pa bsgrub pas mi ngoms ba rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa/ bsod nams dang ye shes kyi tshogs rgya
 mtsho 'jig rten gyi khams rgya mtsho bcu'i rdul shin tu phra ba snyed kyi nu ma legs pa dang ldan pa/ chos zab mo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi lte ba dang ldan pa/ dmigs pa thams
 cad yongs su bsil ba'i mthar thugs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi rtogs pa dang ldan pa/ rdo rje lta bu'i ting nge 'dzin yangs shing mi shigs pa/ brtan pa rgya mtsho 'jig rten gyi khams rgya
 mtsho'i rdul shin tu phra ba snyed kyi sta zur dang ldan pa/ 'jig rten pa dang 'jig rten las 'das pa thams cad rim gyis legs par 'brel ba rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa/
 byang chub kyi yan lag gi me tog sna tshogs kyi dra ba phreng ba rgya mtsho 'jig rten gyi khams rgya mtsho bcu'i rdul shin tu phra ba snyed mdzes par thogs pa dang/ sangs rgyas dang byang chub sems dpa' dang nyan thos dang rang sangs rgyas kyi rnam par thar ba'i go rgya
 mtsho 'jig rten gyi khams rgya mtsho bcu'i rdul shin tu phra ba snyed shin tu bzang bar gyon pa/ sangs rgyas thams cad kyi chos kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis legs par brgyan pa/ de bzhin gshegs
 pa tshul khrims dri zhim rgya mtsho 'jig rten gyi khams rgya mtsho bcu'i rdul shin tu phra ba snyed kyi spos kyi lus shin tu byugs pa/ dga' ba'i rgyan dang thabs mkhas pa rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu
 phyin pa'i mchog thob pa 'jig rten gyi khams rgya mtsho bcu'i rdul shin tu phra ba snyed yod de/ de dag gi kha nas ye shes kyi rjes su 'brang ba'i chos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo/ /de dag
 gi lus kyi ba spu'i bu ga thams cad nas kyang snying rje'i rjes su 'brang ba'i tsan dan gyi spos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo/ /spos rgya mtsho'i dag gi dri zhim pos kyang 'jig rten gyi khams rgya mtsho
 bcu'i rdul shin tu phra ba snyed kyi 'jig rten gyi khams rgya mtsho mang po yongs su rgyas par 'gengs te/ de dag gi dga' ba'i rgyan dang thabs mkhas pa rgya mtshos 'dul ba'i sems can rgya mtsho gang ji snyed yod pas dri zhim po rgya mtsho de dag
 tshor bar gyur pa de dag thams cad kyang de bzhin gshegs pa'i tshul khrims dri zhim po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /sems can dag dga' ba'i rgyan dang thabs mkhas pa rgya mtshos 'dul ba de
 dag gis gzugs kyi yon tan rnam par phye ba rgya mtsho de dag mthong ba de dag thams cad kyang/ de bzhin gshegs pa'i shes rab dang ye shes kyi sku rnam par dag pa yongs su ston pa rgya mtsho 'jig rten gyi khams rgya mtsho
 bcu'i rdul shin tu phra ba snyed rab tu 'thob bo/ /gang gi dbyangs rgya mtsho thos par gyur pa de dag thams cad kyang/ de bzhin gshegs pa thams cad las thos pa yongs su 'dzin pa rgya mtsho 'jig rten gyi khams rgya mtsho bcu'i rdul shin tu phra ba
 snyed rab tu 'thob bo/ /gang gis lag nas bzung ba de dag thams cad kyang byams pa chen po dang/ snying rje chen po dang rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis mthong la reg pa de dag thams
 cad nyid bsod nams ye shes sna tshogs kyi rgya mtsho 'jig rten gyi khams rgya mtsho'i rdul shin tu phra ba snyed rab tu 'thob bo/ /gang dag bsten gcig la lhan cig 'khod pa de dag thams cad kyang snying po byang chub kyi seng ge'i khri rgya mtsho 'jig rten gyi
 khams rgya mtsho bcu'i rdul shin tu phra ba snyed la rab tu gnas par 'gyur ro/ /gang gis kha dang khar phrad par byas pa de dag thams cad kyang rnam par thar pa'i sgo rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob pa'o//
 gang gis pad du 'khyud pa de dag thams cad kyang/ de bzhin gshegs pa'i chos kyi sku mnyam pa nyid rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang dang chos kyi dbyings brten par gyur pa de dag thams
 cad kyang 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na sems can gyi khams rgya mtsho gang ji snyed yod pa de dag thams cad kyi bsam pa yongs su dag pa rgya mtsho la de bzhin gshegs pa'i
 byin gyi brlabs 'jig rten gyi khams rgya mtsho bcu'i rdul shin tu phra ba snyed rab tu 'thob pa dang/ yongs su dag pa dang/ yongs su rdzogs par 'gyur bar sa bon rgya mtsho rab tu 'bebs so/ zhes gsungs te/ 'dir chos kyi dbyings su brten par gyur pa zhes
 bya ba gnyis kyi gnyis snyoms par 'jug pa ste/ gtsug lag gi tshig tshogs par dbyung ba ma yin pa/ sbas pa'i phyir gzhan du bsgyur ba ste/ sa bon zhes bya ba yang rang gi rdzas nyid de/ de dang 'dra'o/ /de bas na 'di lta bu'i bud med dbang du
 bya bar 'dod pa tsam yang bsod nams dang ldan te/ sangs rgyas rje btsun nyid bud med du gyur pas na/ 'phags pa de kho na 'dus pa las kyang/ e ma'o gang phyir byang chub sems/ /sems can kun la phan bzhed pa/ /'dul ba'i dbang gis
 dpa' bo gang/ /bud med gzugs su mdzad par gyur ces gsungs so/ /gzhan yang thugs rje'i dbang gis gang dag bud med la lhag par chags pas tshul bzhin ma yin pa rab tu mang po yid la byed cing/ gzhan gyi bud med 'phrog par sems
 shing sbyor ba dag gis de rgyun bcad pas nyes pa bsrab par bya ba'i phyir dbang du bya ba gsungs te/ de ltar na gsang sngags rgyal po mi rnams kyis thos nas/ /sangs rgyas bye ba du ma'i bde 'thob cing/ /khu ba zag cing sra ba la reg dang/ /'khor
 lor lta zhing nges par rtogs byed la/ /sa la 'gyel zhing rkang pa 'khyal ba dang/ /khu ba 'byung zhing chags stobs ldan gyur pa/ /mdzes pa mdzes ma rnams kyis 'di gzigs la/ /ku ru ku la'i gsang sngags 'gro ba rnams/ /dbang du byed pa'i sngags
 kyis bsgrub pa dang/ /bris sku bri ba yi ni dam tshig rnams/ /mgon po gsung bzangs kyis ni bshad du gsol/ ces gsungs la/ yang gzhan las/ gzhan gyi chung mar yid la gzhag nas su/ /gang zhig de la 'dod gdungs bsten byed pa/ /mi shes
 yid kyis gzhan gyi chung ma la/ /'dod pa spyad pas sdig pa mang du 'thob/ /rgyal ba la dang gzhan phan brtson pa yi/ /lha klu lha min gnod sbyin dri za dang/ /grub par bcas pas sngags bshad gang yin pa/ /de dag rgyal ba'i
 nyan thos rang sangs rgyas/ /de bzhin gshegs dang byang chub sems dpa' yis/ /ma 'ongs sems can mgon skyabs med rnams la/ /rab tu gzigs nas byin gyis brlab pa mdzad ces gsungs te/ de bas na lam 'di bud med dbang du bya
 ba'i sbyor ba ston pas/ spang par bya ba ni rab tu yang ma yin te/ 'phags pa gsang chen thabs la mkhas pa la sogs pa'i gzhung yang dor bar bya bar 'gyur pas so/ /gzhan yang srin po ltar rab tu mi sdug pa'i sku 'dzin pa 'di ni/
 gdul bya zhi bas rab tu mi 'dul ba dag la de nyid thabs dam pa ste/ de bas na 'phags pa de kho na 'dus pa las kyang/ e ma'o thabs kyis 'dul ba yi/ /thabs chen ldan pa bdag yin te/ /gang phyir sems can 'dul thabs bzhin//
 dri ma med pa'i khro bor 'gyur zhes gsungs la/ 'phags pa sdong po bkod pa las/ lha lha chen po'i rnam par thar pa bstan pa las kyang/ rigs kyi gzhan yang kho bo ni sems can 'dod pa'i dga' bas myong ba/ yul gyi longs spyod
 la yongs su chags pa rnams la/ yul de dag mi sdug par byin gyis rlob bo khro bas non pa dang/ nga rgyal can dang/ rgyags shing dregs pa dang/ rlom pa tshar bcad pas 'dul ba rnams la ni/ gtum zhing srin po ltar mi sdug
 la 'jigs pa'i sha za zhing khrag 'thung ba'i tshul dang ldan par bstan te/ rlom pa dang snyems pas 'khrug pa de dag thams cad zhi bar byed do/ /le lo can brtson 'grus por ba'i sems can rnams la ni/ me dang chu dang rgyal po dang/
 rkun po dang gnod pa'i 'jigs pa yongs su bstan cing skyo bar byas te brtson 'grus rtsom pa la dgod par byed de/ de ltar thabs de dang de dag gis pha rol tu phyin pa thams cad kyi phyogs dang mi mthun pa rab tu gzhom pa dang/ pha rol tu phyin pa
 thams cad kyis tshogs bsags pa dang/ sgrib pa'i re'i g.yang sa thams cad las yang dag par 'da' ba dang/ sgrib pa med pa'i chos la gzung pa'i phyir mi dge thams cad las rnam par bzlog ste/ dge ba thams cad phun sum tshogs pa la gang
 dag par dgod par byed do zhes gsungs la/ gzhan las kyang shin tu gdug cing gtum pa la/ /zhi bas phan par mi 'gyur te/ rdo rje can gyis de gzigs nas/ /rang nyid dgyes pa'i rdo rjer gyur ces gsungs te/ de bas khro bo'i sku la yang smad
 par mi brjod do/ /de bzhin du gzhan rab tu chags par byed pa'i sku yan lag med pa'i rdo rje la sogs pa la yang smad par mi bya ste/ kha cig sku yid du 'ong ba ma yin pa ci la yang mi 'dud pa dag gi phyir de nyid dam pa yin te/ de bas na gang
 zhig rang bzhin chags sdang dang bral ba/ /'dul ba'i don phyir khro la khro ba dang/ /'dod chags can la chags can ltar ston pa/ /byang chub mchog gnas de la phyag 'tshal lo/ /gang zhig las dang rnam smin mkhyen pa yis/ /'gro ba kun dang ji ltar
 mthun pa yi/ /gsang sngags gzugs kyi rjes su chags mdzad pa/ /sngags kyi rnam 'dren de la phyag tshal lo/ zhes gsungs te/ de'i phyir bsad pa'i bya ba ston pa dang/ bud med dbang du bya ba brjod pa dang/ 'jigs pa'i sku 'dzin pa dang/
 chags par byed pa'i sku 'dzin pa rnams rigs pa dang lung gis 'thad par byas la/ rgyud kyi rgyal po 'di la gus par 'jug par bya zhing 'jug par 'dod pa de dag gis kyang/ rgyud 'di'i tshul ni 'di ltar shes par bya ste/ 'di skad bdag
 gis zhes bya ba nas thabs gcig go zhes bya ba'i bar gyis ni gleng bzhi bstan to/ /de nas phyag na rdo rje la bcom ldan 'das de bzhin gshegs pa thams cad kyi bdag po rdo rje sems dpa' i sa bon nas zhes bya ba dang/ le'u bco
 brgyad pa bsti stang du byas so zhes bya ba'i bar gyis ni gleng bslangs pa bstan to/ /de nas bcom ldan 'das de bzhin gshegs pa thams cad kyi bdag pos zhes bya ba nas/ le'u bcu bdun pa rdzogs pa'i bar gyis ni rgyud dngos bstan to/ /gsang
 ba'i bdag po rdo rje'i rigs khyad par can gyis bdud kyi sde zhi bar bya ba'i phyir de skad ces gsungs so zhes bya bas ni/ rgyud 'di sus bshad pa dang/ ci'i phyir bshad pa bstan to/ /de la 'jug par bya ba rgyud kyi dngos po bstan pa'i skabs su
 yang le'u dang pos ni sgrub pa po'i lam mngon par rtogs pa bstan to/ /le'u gnyis pas ni bstod pa dang/ yan lag drug byin gyis brlab pa dang/ rdul tshon gyi dkyil 'khor dag ston to/ /le'u gsum pa las ni dkyil 'khor bri ba'i phyir
 gsol ba gdab pa dang/ bdud rtsi myang ba dang/ ye shes kyi 'khor lo dgug pa la sogs pa dang/ lha rnams kyi gdan nges pa dang/ las bzhi lha'i rnal 'byor dang/ las kyi sbyor ba rnams bstan to/ /le'u bzhi pa dang lnga pas ni 'khrul 'khor
 gyi bya ba bstan to/ /le'u drug pa las ni/ phyag rgya nges pa dang/ dam tshig dang/ dbang dang gtor ma dang/ 'khrul 'khor gyi bya ba bstan to/ /le'u bdun pa las ni lha mo bzhi'i las kyi bye brag dang/ dbang bskur bstan to/ /le'u brgyad pa las
 ni bka' i bsrung ba'i 'khor lo dang/ slob ma gzhug pa dang/ stong pa nyid du byin gyis brlab pa dang/ mchod pa byin gyis brlab pa dang/ 'bras bu'i sku byin gyis brlab pa dang/ sbyin sreg gi bya ba bstan to/ le'u dgu pa las ni char
 dbab pa la sogs pa'i las kyi tshogs bstan to/ /le'u bcu pa las ni ro langs kyi sbyor ba dang/ bu mo dgug pa dang/ sgo skyong gi nges pa dang/ gsang ba'i dkyil 'khor dbyung ba'i ting nge 'dzin dang/ sgo skyong dang/ lha mo rnams kyi gdan nges par
 bstan to/ /le'u bcu gcig pa las ni lha'i de kho na nyid dang/ gsang ba'i dkyil 'khor bskyed pa'i bya ba dang/ spyod pa dang/ phyag rgya'i sgrub thabs dang/ gshin rje'i dgra be con gyi sgrub pa'i thabs dang/ dam tshig gi rdzas dang/ byug pa'i bya
 ba dang/ bdud rtsi bsten pa rnams bstan to/ /le'u bcu gnyis pa las ni/ bstod pa'i glu dang/ bzlas pa'i tshul dang/ bgrang phreng dang/ gdon tshar bcad pa dang/ bzlas pa'i tshang dang/ gtor ma'i bya ba dang/ lha bshos dbul ba dang/
 yon dbul ba'i bya ba rnams bstan to/ /le'u bcu gsum pa las ni rdo rje mkha' 'gro ma'i sgrub thabs dang/ rdo rje sa 'og gi sgrub pa'i thabs dang/ rdo rje rta mgrin gyi sgrub pa'i thabs rnams bstan to/ /le'u bcu bzhi pa las ni thig gi bya ba
 nges pa dang/ slob ma gzhug pa dang/ yang thig gi bya ba dang/ gsol ba gdab pa dang/ sa'i bya ba dang/ sa'i cha la thig gi cha dbye ba dang/ dkyil 'khor bsgrub pa dang/ rdul tshon dgye ba dang/ dgang gzar dang/ blugs gzar gyi tshad
 dang/ rgyud kyi che ba dang/ dbab pa'i bya ba dang/ lder so dang/ ri mo'i bya ba dang/ ral pa gcig ma'i sgrub pa'i thabs dang/ pu ka si'i sgrub pa'i thabs dang/ 'jam pa'i rdo rje'i sgrub pa'i thabs rnams bstan to/ /le'u bco lnga pa las ni/ 'phags ma dug sel gyi sgrub
 pa'i thabs dang/ ku ru ku l+le'i sgrub thabs dang/ rdo rje yan lag med pa'i sgrub pa'i thabs rnams bstan to/ /le'u bcu drug pa las ni dpal khrag 'thung gi sgrub pa'i thabs 'ba' zhig bstan to/ /le'u bcu bdun pa las ni/ bdag po bsgoms
 dang/ dkyil 'khor ba lhag ma bsgom pa dang/ bdag po blang ba'i glu dang/ ldang ba'i tshul dang/ rnal 'byor bsdu bas bstan pa dang/ dam tshig gi tshul dang/ rgyud kyi che ba bstan pa dang/ don dam pa'i bden pa rdzogs
 pa'i rim pa rnams bstan te/ 'di ni bsdus pa'i don to/ /de dag kyang thams cad du 'gro ba dam tshig gi bya ba dang/ dam tshig la brten pa dbang bskur ba'i bya ba dang/ dbang thob pa bsnyen pa bya ba'i phyir bsnyen pa'i bya ba dang/ bsnyen
 pa nye bar bsgrub pa'i bya ba dang/ bsgrub pa grub pa 'bras bu gnas pa yin pas 'bras bu'i tshul dang/ 'bras bu thob pa gzhan gyi don byed pa yin pas spros pa ste/ gang zag mchog gi dbang du ni drug po 'dir nges pa/ dman pa
 dag la ni dam tshig dang dbang dang/ bsnyen pa dang/ las kyi spros ba ste/ bzhir nges pa ni des dngos grub mchog bsgrub par mi nus pas so/ /gzhan yang rgyud kyi rgyal po 'di ni rab tu yang 'khrugs pa ste/ de'i phyir bla ma'i gdam
 ngag dag gis bsnyen pa'i bya ba la sogs pa re re la ci rigs su 'brel bar bya ste/ de yang dang po ni dam tshig bya ba ston pa rnams gcig tu bsre'o/ /de nas ni dbang bskur ba'i bya ba ston pa rnams so/ /de nas ni bsnyen pa dang bsgrub pa'i
 bya ba ston pa rnams so/ /de nas ni 'bras bu'i bya ba ston pa rnams so/ /de nas ni las rab 'byams rnams so/ /de ltar bsdus pa'i don kun bstan nas nga ni gzhung dbye bar bya ba'i phyir 'jug ste/ e baM zhes bya ba la e ni rtsol ba
 dang bral bar bya ba'i phyir shes rab kyi pha rol tu phyin pa ste/ spros pa med pa 'am rang gi yul ji lta bar bye brag 'byed cing 'tshol ba'o/ /de ltar yang/ snang ba med cing bye brag la/ /shes rab yang dag rab tu 'jug ces
 gsungs so/ /de yang shin tu stong pa ma yin te/ snying rje'i snying po can du ston pa ni yi ge baM ste/ mchog gi thabs kyis 'gro ba yang mi 'dor la/ bdag gi bde ba yang mi gtong bas so de bas na yi ge e ni shes rab bzang po yin la/
 yi ge baM ni thabs dam pa ste/ yi ge e 'dra mdzes gang gis/ /dbus su baM gyis rnam par brgyan/ zhes gsungs la/ de nyid sangs rgyas bde ba chen po rnams kyi gnas yin pas na/ sangs rgyas rin chen za ma tog /bde ba ma lus pa
 yi gzhi/ zhes gsungs so/ /shes rab dang thabs de nyid bde ba chen po yin pa'i phyir yi ge ma ste/ thabs dang shes rab gnyis su med pa/ 'gro ba'i don gang dang gang yin pa byed pa ni yi ge ya'o/ /des 'gro ba rnams kyi zag pa zad
 par byed pa ni shu'i yi ge ste/ zag pa zad nas de kho na nyid la dgod pa yang yi ge ta'o/ /de bas na dus gcig na zhes bya ba ni thabs dang shes rab gnyis su med pas bde ba chen po 'gro ba'i don mdzad pa'i dus gcig na'o/ /bcom
 ldan 'das zhes bya ba ni e baM ma ya ste sngar bstan pa'o/ /de bzhin gshegs pa thams cad ces bya ba ni gti mug gshin rje gshed la sogs pa'o/ /de rnams kyi sku dang gsung dang thugs kyang mi phyed pa e baM ma ya yin pas na/ rdo rje
 ste mi phyed rdo rje brjod de zhes gsungs pas so/ /de nyid sangs rgyas bskyed pa'i phyir btsun mo ste/ gzhan don la dga' ba'i bdag nyid can/ /dpa' bo dang ni kun gyi yang/ /gso mdzad skyed par mdzad ma ste/ /byams pa yi ni yum
 lags so/ /zhes bstan pas so/ /de ltar shes rab kyi pha rol tu phyin pa de nyid b+ha ga ste/ nyon mongs pa'i bdud 'joms pas/ b+ha ga 'joms par byed par gsungs/ /shes rab nyon mongs 'joms pas kyang/ /de phyir shes
 rab b+ha gar gsungs zhes bstan pas so/ bzhugs te zhes bya ba ni shes rab kyi pha rol tu phyin pa dang/ gshin rje'i dgra de bzhin gshegs pa rnams dbyer med par gnas pa ste/ 'phags ma yon tan phyug khyod
 dang/ /sangs rgyas 'gro ba'i bla ma dag /khyad par yod par ma mthong ste/ /zla ba dang ni zla ldan bzhin zhes bstan pas so/ /de ltar shes rab kyi pha rol tu phyin pa bstan nas/ /de'i byin gyi brlabs kyis snang ba sangs rgyas dang chos dang dge 'dun
 ni gshin rje'i dgra gti mug rdo rje dang/ zhes bya ba la sogs pa gsungs te/ tshig gi don ni 'chad par byed pa dang 'dra'o/ /rgyud kyi gleng gzhi sku gnyis kyi dbang du byas pa'o/ /da ni bshad pa gzhan brjod do/ /'di skad bdag gis thos pa
 dus gcig na zhes bya ba ni yang dag par sdud pa po phun sum tshogs par bstan te/ 'di ltar 'di skad ces bya ba ni dris pa'i lan te/ sangs rgyas kyi gsung rab yang dag par sdud pa na/ byang chub sems dpa' chen po rnams
 kyis phyag na rdo rje la khyod kyis bcom ldan 'das la ji ltar thos pa ltar smros shig ces dris pa dang/ phyag na rdo rjes bdag gis ni 'di skad thos so zhes 'chad par byed pa rnams la bsams te bsnyad pas so/ /bdag gis zhes
 bya bas so/ /bdag nyid kyis mngon sum du thos kyis gzhan du brgyud pas ni ma yin no/ /zhes bya ba'i don to/ /thos pa zhes bya ba ni rnam par shes pas bzung ba ste/ mngon du ni ma byas zhes bya ba'o/ /dus gcig na zhes bya ba
 ni/ dus gcig na 'di thos la dus gzhan du ni gzhan thos zhes bdag nyid mang du thos par khas blangs pa'o/ /de ltar na gzhan gyis zhu bar byas pa'i 'os yin pa dang/ mngon sum gyi slob ma'i phyir dang/ thos pa tsam
 khas len pas nga rgyal bcom pa dang/ mang du thos pa bdag gis sdud pa po bzang po brjod pa'o/ /dus gcig na zhes bya bas ni bsten pa rnyed par dka' ba yid kyang bstan te/ dus gcig na 'di thos kyi yang dang yang du thos par ma gyur to/ zhes bsams
 pa ste 'dis ni shin tu yang rnyed par dka' bas bstan pa phun sum tshogs pa nyid bstan to/ /yang dus gcig ni 'di 'byung ba'i dus te mchog nyid kyi phyir dus gcig na zhes bya bas dus phun sum tshogs pa yang bstan to/ /su zhig las she na/
 bcom ldan 'das zhes smos te/ bdud rnam pa bzhi bcom pa'i sten pa las 'di skad ces pa'o/ /yang na yon tan mdza' yas pa'i ston pa las 'di skad thos te/ ji skad du yon tan ldan pa'i sangs rgyas ni/ /bcom ldan 'das zhes
 bshad pa ste/ /yon tan drug dang ldan gsungs pa/ /dbang sogs yon tan thams cad do/ zhes gsungs so/ /'di ston pa phun sum tshogs pa bstan to/ /gang du thos she na/ de'i phyir de bzhin gshegs pa thams cad kyi sku dang gsung dang thugs
 rdo rje btsun mo'i b+ha ga la zhes gsungs te/ sems can gyi don la ji ltar 'dul ba de bzhin gshegs pa'i sku gnyis ni 'dir de bzhin gshegs pa'o/ /de rnams thams cad mtshungs par b+ha ga la gnas pa thams cad kyi zhes bya ba ste/ 'ga' 
 zhig ni ma yin no/ /des na thams cad kyi sku gsung thugs nyid 'dod chags can rnams rjes su bzung ba'i phyir bud med kyi gzugs su gyur pas na sku dang gsung dang thugs rdo rje btsun mo zhes bya ba'o/ /b+ha gar zhes bya ba ni/ rdo rje btsun
 mo'i b+ha ga ltar gnas pa'i gzhi ste/ ji ltar btsun mo'i b+ha ga zhes bya ba la/ gsang ba'i dkyil 'khor bzhug pa ltar chos 'byung ba'i phyag rgya gru gsum spyi 'greng du gnas pa kha dog dkar po nam mkha' khyab pa de'i dbus na bcom ldan 'das
 'khor dang bcas pa bzhugs zhes pa'o/ /de yang de'i dbus na gru bzhi la sogs pa'i yon tan dang ldan pa'i khang pa brtsegs ma de la bzhugs pa ste/ de'i phyir b+ha ga la bzhugs zhes pa ste/ b+ha ga'i dbus kyi
 khang pa brtsegs ma na bzhugs par dgongs pa'o/ /'di skad du b+ha ga'i dpes bstan pa nam mkha' i khams thams cad khyab pa'i nang du byung ba'i gzhal yas khang du bzhugs pa la thos zhes pa ste/ 'dis ni gnas phun sum tshogs
 pa bstan to/ /bzhugs te zhes bya ba ni spyod lam gsum gyis bzhugs pa 'am/ sku gsum gyis bzhugs pa'o/ /ji lta bu'i 'khor dang zhe na/ gshin rje'i dgra gti mug rdo rje dang zhes bya ba la sogs pa smos te/ dngos po dang
 dngos po med pa la mya ngan las 'das par 'dzin pa ni nye bar gnod pas na gshin rje ste/ lta ba de gang gis 'joms pa de ni dgra'o/ /chos rnams kyi dngos po la log par mi shes pa ni gti mug ste/ de nyid me long lta bu'i ye shes
 kyi phyir dngos po dang dngos po med pa'i lta ba 'jig pas rdo rje'o/ /de dang thabs gcig go zhes bya bar sbyar te/ de bzhin du 'chad par 'gyur ba gzhan la yang ngo/ /mi mthun pa'i mya ngan las 'das pa ni gshin rje ste de mthar byed
 pa nyid dgra'o/ /gang dag gis bya ba la sems can thams cad yongs su mi gtong bar kun tu 'dzin pa ni ser sna ste/ de yang snying rje ba med par 'joms ba dang/ mnyam pa nyid kyi ye shes kyis thams cad bdag gir byed
 pas rdo rje'o/ /glegs bam la la las gshin rje'i phra ma rdo rje dang zhes 'don te/ der ni 'di ltar bshad de/ gang phyi rol gyi don yod par smra ba sun 'byin pa sla ba'i lung dang rigs pa smra ba ni phra ma zhes bya la/ de dag
 sun phyung nas rang gi grub pa'i mdza' las byung ba mnyam pa nyid kyi ye shes la 'jog cing sde pa ngan pa 'joms pas na rdo rje'o/ /mi mthun pa'i mya ngan las 'das pa ni gshin rje ste/ de 'joms pas na/ de nyid dgra zhes bya'o/ /sems can gyi
 don la chags pa ni 'dod chags te/ de yang so sor rtog pa'i ye shes kyi ngo bo nyid yin pas tha mal pa'i dngos po las grol zhing tha mal pa'i rtog pa 'jig pas rdo rje'o/ /shin tu zhi ba las chags pa'i mya ngan las 'das pa ni gshin
 rje ste/ de mthar byed pas na dgra zhes pa'o/ /bdag gi bde ba don du gnyer ba la 'khrul zhing/ gzhan gyi don la sred pa ni phrag dog ste/ de nyid bya ba bsgrub pa'i ye shes so/ /de yang rang gi don la gzhol ba 'jig pas na rdo rje'o/ /gzung
 pa dang 'dzin pa la sogs pa la sdang bas na zhe sdang ste/ de yang dngos por 'dzin pa 'jigs pas na rdo rje zhes smos pa'o/ /snying rje spangs pa'i mya ngan las 'das pa ni gshin rje ste/ de dpyis 'byin pa'i phyir zhe sdang rdo rje'i bdag nyid shin tu
 rnam par dag pa'i chos kyi dbyings kyi ye shes de nyid la dgra zhes gsungs pa'o/ /phung po'i bdud ni gshin rje ste de 'joms pas de ni dgra'o/ /de yang 'jig tshogs la lta ba dang/ shes bya'i sgrib pa 'joms pa'i phyir tho ba 'dzin pas na
 tho ba ste/ mi phyed pas na rdo rje yang de nyid do/ /mthar 'dzin pa'i lta ba dang/ nyon mongs pa'i sgrib pa 'joms pa'i phyir be con 'dzin bas na be con te de nyid gzhan gyis mi shigs pas na rdo rje'o/ /nyon mongs pa'i bdud ni gshin rje'o//
 de 'joms pa de nyid dgra zhes bya'o/ /log par lta ba dang/ skye ba'i sgrib pas ma gos par chos ston pas na pad+ma ste/ de nyid mi shigs pas rdo rje'o/ /'chi bdag gi bdud ni gshin rje ste/ de 'joms pa de nyid dgra zhes bya'o/ /lta
 ba mchog tu 'dzin pa dang/ las kyi sgrib pa gcod pa'i phyir ral gri ste/ de yang mi choms pas rdo rje'o/ /lha'i bu'i bdud ni gshin rje ste/ de mthar byed pa ni dgra zhes gsungs so/ /mi mthun pa'i phyogs kyis me
 shigs pa'i phyir byams pa chen po ni rdo rje'o/ /de nyid gdul bya ma lus pa la sku mdza' yas par 'phro bas na 'phro byed ma'o/ /glegs bam la la las ni rdo rje sems ma dang/ zhes 'don te der ni gdul bya'i don la thogs ba med
 par sems pa'i phyir rdo rje sems ma dang zhes bya'o/ /de ni gti mug bdag nyid bcom ldan 'das nyid der snang ba'o/ /mi phyed pa'i ye shes ni rdo rje ste/ de nyid rnam par dag pa'i ye shes su skyes pas na phag mo'o/ de yang bcom
 ldan 'das rdo rje 'dzin pa nyid der snang ba'o/ /mi phyed pa'i ye shes ni rdo rje ste/ de yang gdul bya rnams kyi mos pa dang 'tshams par chos kyi dbyangs brjod pas na dbyangs can ma'o/ /de yang bcom ldan 'das 'dod chags
 kyi bdag nyid de nyid de ltar snang ba'o/ /mi shigs pa'i ye shes ni rdo rje ste/ de yang sems can gyi don du mgo la sogs pa'i dbang po b+ha ri bas ni gau ri'o/ /de yang bcom ldan 'das phrag dog gshin rje'i dgra nyid der snang ba'o/ /
 glegs bam la la las ni rdo rje ral gri ma dang zhes 'don te der ni rgyal ba rnams kyi sku dang gsung dang thugs kyi dgra gcod pa'i gsang pa'i ral gri 'dzin pa na ral gri ma ste/ sku gsung gsang ba'i bdag nyid ces bya ba'i don to/ /de
 ltar na dkyil 'khor gyi lha dang/ chos nyan pa'i lha dang/ rjes su 'thun pa'i lha zhes bya ba rnam pa gsum las dkyil 'khor gyi lha rnams nyid chos nyan pa'i lhar bstan nas/ chos nyan pa'i lha gzhan la sogs pa 'khor
 lhag ma 'dus par bstan pa'i phyir de dag la sogs pa zhes bya ba la sogs pa smos te/ sngar bshad pa'i lha bcu gsum ni gtso bo tsam brjod pa ste/ gtso bo de dag la sogs pa mdza' yas pa'i 'jig rten dang 'jig rten las 'das pa'i 'khor
 rnams kyang chos mnyan pa'i phyir 'dus so zhes bya ba'i tha tshig go /de dag de'i che tshul ji ltar gnas she na/ de'i phyir gshin rje'i dgra chen po'i dge 'dun rnams dang zhes gsungs te/ kha cig ni 'dod chags gshin rje'i dgra'i gzugs can
 zhes bya ba nas/ de bzhin du kha cig phrag dog gshin rje'i dgra'i gzugs can zhes bya ba'i bar gyis thams cad kyang gshin rje'i dgra'i gzugs dang mi ldan pa med de zhes bya ba'o/ /de dag kyang mi phyed pa 'am gshin rje yang dag par 'joms
 pa'i phyir dge 'dun rnams dang zhes smos so/ /thabs cig go zhes bya ba ni btsun mo'i b+ha ga la gnas par lhan cig pa'i zhes pa'o/ /'dis ni 'khor phun sum tshogs pa'o/ /de ltar na sngar grwar te zhes bya ba'i tshig byung ba gang yin pa yang chos
 nyan pa'i lha phal pa ste/ grwa bzhin gshin rje gshed mtshams bsrung ba bzhi gnas te/ de dag ni thod pa gshin rje'i dgra bzhi'o zhes slob dpon la 'chad de/ de ni rigs pa ma yin te/ de lta na dkyil 'khor gyi lha bcu bdun du
 'gyur ba'i phyir ro/ /de ci'i phyir zhe na/ der ni dkyil 'khor gyi lha 'ba' zhig smos pa'i phyir dang/ dkyil 'khor gyi lha ni bcu gsum las med par slob dpon rgan po rnams kyis bshad pa'i phyir ro/ /gang yang grwa bzhi la ni mi thod
 yin pas rgyud 'chad pa yang de dag lha min par ni ma gsungs so/ /de bas na grwar te zhes bya ba ni rdo rje tsar tsi ka la sogs pa bzhi'i gnas lha'i snam bu'i grwa 'am/ nang gi grwa nyid gzung bar rigs so/ /rgyud kyi gleng gzhi ni zab pa dbyibs ltar
 bshad pa'o/ /o baM longs spyod rdzogs pa sku/ /bdag gis phyag bcas sems kyis te/ /thos pa ston te dus gcig na/ /gnyis med chos te bcom ldan 'das/ /rang rdzas thigs pa de yis ni/ /de bzhin gshegs pa
 kun nyid dang/ /sku dang gsung thugs rdo rje zhes/ /btsun mo pad+ma b+ha ga la/ /bzhugs te chos sku'i ngo bo nyid/ /rdo rje gshin rje'i dgra rmongs sogs/ /sprul pa'i sku yis nyan par gzhol/ /der ni longs spyod rdzogs sku las/ /chos tshig sprul
 pa'i sku yis thos/ /'di ni gleng gzhi zab pa sngags ltar bshad pa'o/ /de ltar gleng gzhi bshad nas/ da ni gleng bslang ba stan pa'i phyir/ de nas zhes bya ba la sogs pa smos te/ de la de nas zhes bya ba ni/ bkra shis par gyur cig
 ces bya ba 'am/ bdud btul ma thag tu 'am/ gleng gzhi bkod ma thag tu'o/ /kha cig na re rgyud 'di ni rtsa ba'i rgyud 'bum nyi khri lnga stong pa'i don mdor bsdus pa yin pa'i phyir de nas zhes bya ba ni mdor bsdus pa'i dbang du byas
 pa'o/ zhes ston pa'o zhes zer te/ 'di ni mi 'thad de/ dang po nyid du de nas zhes bya ba'i sgra 'di la dbang du bya ba ston pa'i nyi tshe ba nye ba'i grogs smos par bya ba yin na/ de yang 'di la med pas de mthu yang med cing/ rgyud 'bum
 nyi khri lnga stong pa ni 'di nyid kyi gzhung yin yang 'dis de las bsdus par ston pa ma yin te/ 'dir gleng gzhi dang por smos pa'i phyir yang de mi rung ngo/ /de bas na de nas zhes bya ba'i sgra ni nges par snga ma ltar drang bar bya'o/ /kha cig na re
 de nas shes bya ba ni don gyis na bzhugs ma thag tu'o zhes zer te/ de lta na bod pa dang sgo ba dang/ de'i sngon du bdud tshar bcad pa ji ltar dang/ de bas na de ni mi rung ngo/ /kha cig na re de nas zhes bya ba ni smon lam yang ma yin te dang
 por ma smos pas so/ /gleng gzhi bkod ma thag tu yang ma yin te/ 'dir don la brten pas so/ /mdor bsdus pa'i dbang du byas pa yang ma yin te/ nus pa med pas so/ /de'i phyir 'di ni phyag na rdo rje'i dbang du byas te gsungs par ston pa'o zhes
 zer ro/ /phyag na rdo rje la zhes bya ba ni 'di gnod sbyin lag na rdo rje'i rigs su byung bas na 'am/ 'di la lag tu rdo rje byin te ming gis dbang bskur bas rdo rje phyag na ste/ ma 'ongs pa'i dus na bcom ldan 'das rdo rje rab tu 'joms pa zhes bya bar
 lung bstan pas/ sa bcu pa'i dbang phyug tu bstan pa'o/ /de nyid rnal 'byor gyi rgyud 'dir na rnam par snang mdzad chen po'i rnam par 'phrul pa byang chub kyi sems kun tu bzang po ste/ 'dir rdo rje ye shes chen po'o/ /de ltar yang gsungs
 pa/ bskal pa du mar rab tu bslabs pa yi/ /rgyud dang rigs pa'i tshul dang sa la mkhas/ /gang gis 'dus byas grong khyer rnam 'jig pa/ /ye shes rdo rje brtan te 'phags dag stsol zhes so/ /de ltar na rdo rje ye shes de'i rang
 bzhin gyi phyag la sogs pa'i sku mnga' ba de ni phyag na rdo rje ste/ sprul pa'i sangs rgyas zhes bya'o/ /de bas na bcom ldan 'das 'di nyid kyis gzhan du e ma'o bdag ni rang byung ba/ /kun tu bzang po sems dpa' brtan/ /de ni bstan
 phyir lus med kyang/ /sems dpa' i lus su gyur pa yin zhes ched du brjod do/ /de bas na sprul pa'i sku yis sprul pa'i sku gsungs pa'o/ /bcom ldan 'das ni shAkya thub pa ste/ de nyid de bzhin gshegs pa thams cad kyi
 bdag po yang yin te/ sangs rgyas rnams gcig nyid sna tshogs su snang ba bskyed par spyod pas so/ /de ltar yang gsungs pa/ yang dag sangs rgyas sku gcig ste/ /'dren pa thams cad don gcig kyang/ /tshad med gzhan dang gzhan
 dag tu/ /phyogs bcu kun nas rab tu snang zhes so/ /de'i phyir bcom ldan 'das de bzhin gshegs pa rnams ni thams cad kyang bdag po nyid yin te/ gcig la gcig gi dbang gis so/ /de bas na sngar btsun mo'i b+ha
 ga rnams la zhes bdun pa mang po'i tshig can du bstan to/ /rdo rje sems dpas zhes bya ba ni/ gnyis su med pa'i ye shes rdo rje ste/ de nyid mi 'gyur bar rab tu grub pas na/ /sems dpa' zhes bya'o/ /de ltar yang gsungs pa/
 brtan pa'i phyir na sems dpar brjod ces so/ /de bas na bcom ldan 'das de bzhin gshegs pa thams cad kyi bdag po rdo rje sems dpa' zhes bya ba ni bcom ldan 'das shAkya thub pa nyid do/ /des bos nas zhes bya ba ni kye phyag na rdo rje stobs
 po che/ zhes ngag gi brdas go bar mdzad pa'o/ /bos nas de la ci zhig gsungs she na/ de'i phyir le'u bco brgyad pa/ de nas gtam gyi man ngag bshad pa zhes bya ba 'dir drang ste/ bla ma rgyud pa las shes par bya ba'i bdag nyid kyi gzhung
 gis lugs nges pa ni man ngag ste/ de nyid ni gtam mo/ /ci'i 'di nyid ga las shes she na/ rgyud chen po 'bum nyi khri lnga stong pa las so/ /de nyid gang na gnas she na/ sa'i 'og na klu rnams kyis bdag gir byas nas gnas te/ bstan
 pa rab tu rgyas pa rnams ni mi rnams rab tu snod du ma gyur pas rab tu bsdus pa tsam zhig 'dzam bu'i gling na spyod kyi/ phal cher ni de na gnas pa ni/ bstan pa rin chen mchog ltar bzang la phan med pa/ /rnam par dag tshul gang yin
 klu mgo gdengs ka can/ /chen po rnams kyis gtsug gi rgyan bzhin gus mnos nas/ /sa'i gting na gnas pa'i rab rib sel bar mdzad ces gsungs so/ /'o na mi rnams ji ltar rab tu snod du ma gyur ce na/ ji skad du gsungs pa/ bcom ldan
 'das ji ltar na spros pa las bsdus pa lags/ bka' stsal pa/ bskal pa bzang po dI la byang chub sems dpa' rnams dang so so'i skye bo rnams tshe thung bar 'gyur te/ ji ltar de rnams kyis 'dzin nus par 'gyur/ ji ltar na de rnams
 thos pa byed par 'gyur/ ji ltar na kun chub par byed par 'gyur/ gsol pa/ bcom ldan 'das ci'i phyir skye dgu rnams tshe thung bar gyur pa lags/ rdo rje 'dzin pas bka' stsal pa/ gang rnams slob dpon du gyur pa de srid du/ de
 rnams rtsa ba'i ltung ba dang ldan par 'gyur ba dang/ gang rnams 'jug par 'gyur ba slob ma de rnams ni/ mi dge bcu'i las kyi lam la 'jug par 'gyur ba dang/ gang rnams so so skye bo de rnams kyang srog gcod pa can du 'gyur te/
 ji ltar 'dzin nus par 'gyur/ de lta bur gang dag bud med kyi tshogs rnams 'dod pa la gcig tu mngon par zhen cing/ kun tu zhen par 'gyur te/ de'i phyir rgyud rnams thams cad kyis rgya cher bstan pa ma yin no zhes te/ de bas na
 bsam gtan gyi bdud rtsi'i ro ma myangs pas/ thos pa dang bsam pa'i shes rab tsam la chags bzhin du 'chi ba'i dus byed par ma gyur cig snyam du dgongs pas/ ched du gzhung rgyas mi snang bar byin gyis brlabs pa/ kha cig na re
 gzhung rab tu rgyas pa ni rig pa 'dzin pa'i gnas na nam mkha' 'gro ma rnams kyis gus par bzung nas gnas so// 'di zhes zer te bdag gis ni 'di lta bu'i lung ma mthong ngo/ /gal te 'di lta bu'i gzungs rgyas pa yod pa ni bdag
 cag gis ji ltar yang mi shes pas su zhig yid ces/ 'di la yod par bsgrub pa'i tshad ma yang gang zhig yod ce na/ 'di la ji ltar bstan pa'i bla ma'i man ngag la yid ches pa ni don rab tu 'thob pa yin te/ ji skad du byang
 chub sems dpa' gang zhig rjes su bstan dang mthun byed cing/ /dran pa nye bar gzhag ste bla ma'i ngag bcog mi byed na/ /de'i phyir de'i don rnams thams cad mthun par 'grub par 'gyur/ /mthun pa'i sangs rgyas ye
 shes byang chub drung du 'tshang yang rgya zhes gsungs te/ rgya cher ni bram zer rgyal ba'i drod kyi skye mched kyi gtam la sbyar ro/ /de lta na sgrub pa'i tshad ma yang de nyid yin te/ ji ltar 'phags pa nor bzangs me'i nang du zhugs pas
 don rab tu grub pa yin no/ /de bas na mngon sum la sogs pa'i rtog ges ci zhig bya/ dpal 'khor lo bde mchog las kyang/ sngags rnams kun la thun mong du/ /gtan tshigs bdag gis gzhom mi bya/ /mig dang lag pas ma
 yin te/ /dang ba nyid kyi blang bar bya zhes gsungs so/ /de ltar na dge slong dag gam mkhas rnams kyis/ /bsregs bcad bdar pa'i gser bzhin du/ /yongs su brtags na'i da yi bka' / /blang bar bya yis gus phyir min/ zhes gsungs
 pa ji ltar drang zhe na/ yang dag pa'i bshes gnyen dang ma phrad pa/ 'jig rten rgyad pan la sogs pa'i lung la yang yang dag par 'dzin pa srid pa dgag pa'i phyir/ 'di yang rigs la yang dag pa'i bshes gnyen dang ma phrad pa na /
 des ji ltar bstan pa nyid tshad ma yin te/ de bas na 'di la gnod pa med do/ /bcom ldan 'das zhes bya ba ni shAkya'i skyes mchog go /mngon par rdzogs par sangs rgyas pa na zhes bya ba ni rdo rje lta bu'i ting nge 'dzin bskyed pa na ste/
 de'i phyir byang chub mngon par rdzogs par 'tshang rgya bar bzhed pa na zhes rnam par sbyar ro/ /bdud ni 'dod pa'i lha sdig can te/ de'i dpung ni dpung gi tshogs yan lag bzhi po rta pa dang rkang thang pa dang/ shing rta pa dang/ gling po
 che zhon pa rnams so/ /cher 'jigs su rung zhing zhes bya ba ni bden pa ma mthong ba dag snying 'gas pa srid de/ de ltar yang 'phags pa rgya che rol pa las/ gal te bcom ldan 'das kyis byin gyis ma brlabs na bdud kyi dmag dis dzam+bu'i gling
 pa rnams snying 'gas par 'gyur bar gsungs te/ bdud kyi dpung bkod pa yang de las rgya cher bstan to/ /'jigs par byed pa/ zhes bya ba ni bcom ldan 'das la bskrag pa bskyed pa nye bar gnas pa'o/ /du ma 'dus te zhes bya ba ni/
 'dzam+bu'i gling 'dir stong gsum gyi stong chen po bya ba phrag brgya'i bdud ma lus pa dmag gi phyir 'dus so zhes 'phags pa rgya che rol pa las gsungs pa de snyed du mang ba'o/ /log pa'i stobs kyis zhes bya ba ni ri 'phen pa la sogs pa
 byis pa'i spyod pas rtsal du log pa'i nga rgyal byed pas so/ /bcom ldan 'das ni sngon bzhin no/ /bdud kyi dpung chen po thub pas na thub pa chen po ste/ de'i byang chub rang gi sems so sor rtog pa 'jigs par byed do zhes bya ba sku la
 gnod par byas pas de'i bgegs byed par gnas pa'o/ /de'i tshe zhes bya ba ni de ltar 'gyur ba'i dus na'o/ /bdud chen po zhes bya ba ni lha'i bu'i bdud dmag gi dpung rab tu rgya chen po'o/ /de las rgyal ba zhes bya ba ni rgyal bar byed pa'i
 rgyur gyur pas so/ /de skad ces bya ba'i ting nge 'dzin ni sgyu ma lta bu'i ting nge 'dzin te/ ji skad du/ shAkya'i sras po chos rnams rten 'byung ba/ /dngos po med pa'i ngo bo nyid du rtogs/ /nam mkha' lta bu'i sems dang rab ldan pas/ /
 dpung bcas g.yo rgyu mthong yang 'jigs pa med/ ces gsungs pa'o/ /ting nge 'dzin de la snyoms par zhugs nas zhes bya ba ni mngon sum du mdzad pa ste/ rgyud la bskyed ces bya ba'i don to/ /bcom ldan 'das shAkya'i mgon po
 nyid kyi sku dang gsung dang thugs rang bzhin gcig tu gyur cing mi phyed pa'i phyir rdo rje ltar gyur pa ni gcig yin yang/ byis pa rnams la grags pa dang rjes su mi mthun par drug pa mang po'i tshigs can du rnams zhes
 gsungs la/ de rnams las kyang lus las byung ba'i 'od zer ltar khro bo chen po gshin rje'i dgra nges par phyung ngo/ /kha cig na re 'dir sku dang gsung dang thugs rnams la zhes mang po'i tshig can du byas pa ni/ sku las ni khro bo'i
 sku phyung la/ gsung las kyang rab tu ma rungs pa'i nga ro drag por sgrogs par phyung zhing/ thugs las kyang dngos pos rab tu dben zhing rnam par rtog pa med par byung ste/ de bas na mang po'i tshig can 'di ni 'dod pa'o zhes zer ro//
 kha cig na de/ sku dang gsung dang thugs rdo rje zhes gsungs pas/ rdo rje ni zung du 'jug pa nyid yin pas na yang dag par na mngon par byang chub pa brnyes pa las/ gdul bya'i dbang du bdud gtul ba ston cing khro bo chen po yang
 zung du 'jug pa las sprul pas na mang po'i chig can ni don dang mi mthun no zhes zer ro/ /de la khro bo zhes zer ro/ /de la khro bo zhes bya ba ni sgyu ma lta bu'i rnam par rtsen pas gdul bya 'dul ba'i thabs kyis nor yod pas na rnam par
 rtsen pa'i nor can ni khro bo'o/ /de nyid bdud kyi ris kyi khro bo rnams las rnam par gnon pa che bas na chen po ste/ yang na lus kyi bong tshod che ba'o/ /gshin rje'i sgra zhes bya ba la gshin rje rnams kyi sgra ni gshin rje'i sgra ste/
 gshin rje rab tu 'joms pa'o/ /de ni de ltar na gshin rje zhes bya ba 'di nyid ci zhig ce na/ lus can rnams la lhan cig skyes pa'i lha ltar rjes su 'grang zhing gsod par brtson pa ni gshin rje ste/ ming gi rnams grangs 'chi
 bdag ces bya'o/ /de ltar na ni 'di ni deng bya 'di ni thang cig 'og tu bya/ /'di ni de'u ru bya zhes skye bo sems pa na/ /gshin rje be con lag thogs zur gyis lta ba yis/ /mig rtsa dmar khros ma rangs gad mos re snyam 'debs shes brjod la/ /
 'phags pa mtshan mo bzang po'i mdo las kyang/ /sang tsam 'chi yang sus shes kyis/ /de ring nyid du btun te bya/ /'chi bdag bde chen 'di dang ni/ /bdag tu bshes pa ma yin no/ /zhes gsungs so/ /de dag ni yi dags kyi 'gro ba mthu
 rab tu che bas khyad zhugs pa sdig spyod pa rnams dus ma yin par gsod pa ste/ ji skad du/ gnas kyi gshis su 'jebs pas gzir na ni/ /shin tu mi bzad mun rum 'jug pa ltar/ /yid 'ongs 'dris pa rnam par 'dor bar 'gyur/
 gshin rje'i zhags pas dam du btsangs pa la/ /co to 'bal zhing cho des 'debs byed kyang/ /de yis klongs pa nye du'i skye bo yis/ /rang gi bdud dgras gzir ba bzhin mi thos/ /zhes bshad pas so/ /de bzhin du de dag ni srid pa
 bar ma'i dus na yang/ /dri za'i sems can de rab tu gzir bar byed de/ 'gro dka' chu dang pha bong thag thug 'dom pa'i bar/ /tsher ma rnon pos 'dzings pa nyam nga ba'i lam dag tu/ /dus kyi zhags pas skye nas btags te gshin
 rje'i mi/ /gtum po rnams kyis dbyug pas btags shing khrid par 'gyur/ zhes bshad pas so/ /de bzhin du de dag ni sems can dmyal ba'i sems can de dag rab tu yang 'joms pa ste/ dmyal ba'i bsrung mas dbyug pas brdeg
 cing mchi ma chog? bzhin du/ lcags zhun khu ba me stag 'bar ba'i phreng ba 'khrigs pa lud ces bshad de/ dmyal ba'i bsrung ma ni gshin rje'i skyes bu yin te/ de nas sems can dmyal ba pa de dag la gshin rje'i skyes bu de dag gis smras 
 pa/ khyed ci 'dod ces bya ba la sogs pa mdo las gsungs pas so/ /'di ltar rab tu mi bzad pa'i 'gro bar skye ba'i rgyu yang/ ji skad du/ shin tu khro zhing gtum pa dang/ /g.yo med rdzun du smra ba dang/ /gzhan la
 gnod byed dga' ba ni/ /gshin rje srin por skye bar 'gyur/ zhes gsungs pa'o/ /de'i phyir 'di dag ni gsod cing khrid pa dang cher gzir bas na/ gshin rje zhes bya'o/ /de ltar na sngar lha rnams rnam par bshad pa'i dus su gshin rje zhes
 bya ba'i ming gi don 'di ltar ma brjod pa ji lta bu zhe na/ yu gam zhes ma drangs pas na gnyis su gyur pa'i don 'di gyur pas na/ don mchog ston pa na de ltar gnod pa med cing bshad pa 'di yang don gyi gleng gzhir yang shes
 par 'dir bshad pa nyid kyis 'gyur bas der ma bkod pa'o/ /sngar bshad pa'i lugs kyis zhi bas mi 'dul ba de dag mthong ba tsam gyis tshar gcod pa'i khro bo de ni dgra'o/ /nges par phyung ngo zhes bya ba la nges par zhes pa
 ni tshar bcad pa'i phyir ro/ /phyung ngo zhes bya ba ni mngon par 'thon pa'o/ /de ltar na 'di rab tu yang dman te/ rnam par snang mdzad chen po'i sprul pa ni rnam par snang mdzad yin la/ de'i yang rnam par 'phrul pa ni
 sangs rgyas rje btsun shAkya thub pa yin te/ 'og min gnas ni nyams dga' bar/ /gtsang ma'i gnas kyi steng du ni/ /yang dag sangs rgyas der sangs rgyas/ /sprul pa rnams ni 'dir 'tshang rgya/ zhes gsungs pas so/ /sprul
 pa de yis yang sprul pa ni 'di yin pas so zhe na/ 'di ni ma yin te/ ji snyed du brgyud pa 'dra ba'i sprul pa dag kyang rnam par snang mdzad chen po kho na snang ba skyes pa'i phyir ro/ /sngar sangs rgyas rnams gcig nyid du bstan
 cing/ gzhan yang sprul pa zhes bya ba ye shes kyis rab tu rnam par dben pa yang ma yin te/ ye shes nyid snang ba thob pa'o/ /de bas ni slob dpon sangs rgyas dpal gyi zhal snga nas kyis kyang/ ji skad bshad pa'i rim pas shes rab dang thabs
 kyi bdag nyid can gyi rang gi ngo bo mngon sum du byas nas/ ji srid du sprul pa rnams la de dbang du gyur pa de srid du/ bdag nyid kyi ngo bo dang tha mi dad pa'i ngo bo mngon du bya ba yin te/ phyin ci ma log pa'i rang gi ngo bo bskyed par rung ba nyid
 dang/ shes rab dang thabs kyi bdag nyid dang mtshan nyid gcig pa'i phyir dang/ rgyu tha mi dad pa'i rang bzhin yin pa'i phyir ro/ /kun tu rtog pa snga ma snga ma las byung ba'i rnam par rtog pa'i rgyun ni rgyud yin te/ sprul pa zhes bya ba gzhan
 nyid kyang ma yin te/ gzhan du de ni kun tu rtog pa tsam yin pa'i phyir ro/ /rigs pa tha dad pas sna tshogs pa'i rang bzhin nyid yin pas ci ltar gcig ces bya zhe na/ de ltar na ni 'ga' zhig kyang gcig nyid du mi 'gyur te/ lha'i sku gcig
 nyid la yang cha shas du ma'i rang bzhin nyid kyis sna tshogs pa'i bdag nyid yin pa'i phyir la/ cha shas med pa yang dmigs par ma gyur pa'i phyir ro/ /ji ltar gcig pa nyid du rnam par gzhag pa ni kun rdzob tu gcig nyid yin pa de ltar tshul
 gzhan pa'i sna tshogs pa'i rang bzhin nyid pa yang de'i ngo bor zhen pa la ltos nas thams cad bdag nyid yin no zhes tha mi dad pa'i zhen pas yid la byed pa la 'jug pa'i phyir ro/ /de dag gis ni dngos po thams cad mnyam pa nyid du lhag par
 mos par bshad pa yin te/ 'dzin pa la sogs pa'i rnam pa dang bral bar thams cad du mtshungs pa nyid kyi phyir ro/ /gzhan du de'i snang ba'i yul las tha snyad kyi gzhir gyur pa'i thams cad ces bya ba gzhan la yang yod pa ma yin te/ de
 rnams kyang cig car rtogs pa'i rang bzhin yin pas tha dad par byed mi nus pa nyid kyi phyir/ gcig gis mtshan nyid gzhan yod pa yang ma bstan zhes pa yin te/ de bas na yang dag pa ji lta ba rang gi ngo bo so sor
 rtogs pa la gzhol ba ni kun rdzob 'ba' zhig pa 'di la thams cad bdag nyid yin no zhes shes pa 'jug par 'gyur gyis/ dngos po gang zhig la cung zad kyang tha dad pa ma yin par yul du byed par mi nus te/ shes pa thams cad ni rang
 gi ngo bo tsam la son pa nyid kyis gzhan gyi ngo bo yongs su 'dzin pa med pa'i phyir ro/ /rnal 'byor pa'i rang gi sems las byung ba re re yang mi mthun pa'i phyogs ma lus pa ldog pa'i ngo bo nyid kyis dkyil 'khor ba'i lha ma lus pa nyid
 kyi rang bzhin du so sor brtags par bya ba yin te/ 'di ltar rang gi ting nge 'dzin rnams ni phyin ci log de dang de mi dmigs par ston par byed pa nyid yin pa'i phyir ro zhes bshad do/ /de'i phyir yang dag sangs rgyas der sangs rgyas/
 zhes bya ba la sogs pa ni byis pa gang dag sems khyad par du sbyor ba la gzhug par bya ba de dag gi ngo bor gsungs kyi/ rigs par na rnam par snang mdzad dang shAkya thub pa la sogs pa ni ye shes gcig nyid la tha dad par mthong
 zhing ming du mar btags pa ste/ de bas dpal mkha' 'gro ma rdo rje gur las/ rgyal ba rnams kyi mtshan gyi rnam grangs ni/ /rtag dang rdo rje gti mug dang/ /sna tshogs gyur dang rnam snang mdzad/ /oM yig sgyu 'phrul dra ba dang/ /sku yi
 rdo rje rab tu grags/ /sa snying dang ni gti mug che/ /tho ba'i dbang phyug gshin rje gshed/ /de bzhin gshegs dang shAkya thub/ /sangs rgyas zhes byas mtshan du grags/ /zhes bcom ldan 'das rnam par snang mdzad kyi mtshan gyi rnam grangs
 bstan te/ de'i phyir na mtshan mi 'dra ba 'am sprul par snang ba tha dad pas ni 'di dman par ga la 'gyur/ de ni de ltar bden mod kyi dri ba gzhan gnas te/ sgyu 'phrul dra ba las/ hUM gis ye shes las grub pa/ /gze brjid ldan pa 'jam dbyangs
 kyis/ /gshin rje'i dgra zhes rnam grags pa/ /bskal pa me ltar 'bar ba ste/ zhes gsungs la/ 'jig rten gsum las rnam par rgyal ba'i cho ga zhib mo las kyang/ de nas 'jam pa'i dbyangs kyi ni/ /khro bo'i ming ni gshin rje bshed/ /
 drag la mthu rtsal drag ldan pa/ /mtshon cha me lce 'bar bas 'khrigs/ zhes gsungs pas/ gshin rje'i dgra 'di ni 'jam pa'i dbyangs kyi khro bor gsungs na/ rgyud 'di ji ltar bcom ldan 'das shAkya thub pa'i khro bor 'di bsrungs she na/
 rgyud de dag las 'jam dpal ma yin pa la ni gshin rje gshed ces bya ba'i khro bo med do zhes bkag pa ni med la de nyid kyis na bcom ldan 'di la gshin rje'i gshed du rnam par bzhag pa la su zhig 'gog par byed na rtsod pa 'di
 smra pa de bas na/ de dag gis 'di la gnod pa ci yod/ gzhan yang 'jam dpal zhes bya ba nyid dpyad de bskal pa mdza' yas pa'i gong du de bzhin gshegs pa 'brug sgra dbyangs kyi rgyal po zhes bya ba las 'khor lo sgyur ba'i rgyal po
 nam mkha' zhes bya bar gyur pas/ byang chub tu sems bskyed pa dge slong rgyal ba'i blo gros zhes bya bar gyur pa na/ chos smra ba spyod pa rnam par dag pa zhes bya bas bskul bas blo gros mchog thob pa/ de yang sa bcu'i dbang phyug tu gyur cing/
 bskal pa brjod kyis mi lang ba la/ de bzhin gshegs pa kun tu gzigs pa zhes bya bar lung bstan pa 'di ni pha rol tu phyin pa'i 'jam dpal gzhon nur gyur pa'o/ /gsang sngags kyi tshul chen por 'di ni/ rnam par snang mdzad kyi thugs ka'i
 rdo rje sems dpa' rnam par snang mdzad chen po'i phyag rgya las byung ba'i byang chub sems dpa' rdo rje rnon po ni 'jam pa'i dbyangs te de kho na 'dus pa las kyang/ de nas yang bcom ldan 'das kyis byang chub sems
 dpa' chen po 'jam dpal gyi dam tshig las byung ba chos kyi byin gyis brlabs rdo rje zhes bya ba'i ting nge 'dzin la snyoms par zhugs nas/ de nas de bzhin gshegs pa thams cad kyi shes rab ye shes chen po'i dam tshig ces bya ba de
 bzhin gshegs pa thams cad kyi rang gi snying po 'di thugs ka nas phyung ngo/ /badzra tIk+Sha/ de bzhin gshegs pa thams cad thugs las byung ma thag pa 'di ni/ bcom ldan 'das rdo rje 'dzin pa de nyid de shes rab kyi ral grir gyur te byung
 nas bcom ldan 'das rnam par snang mdzad kyi thugs su zhugs te/ gcig tu 'dres par gyur nas rdo rje ral gri'i dbyibs su gyur te/ bcom ldan 'das kyi phyag gnyis su gnas so/ /de nas rdo rje ral gri'i dbyibs de las 'jig rten gyi
 khams thams cad rdul gyi shin tu phra mo dang mnyam pa'i de bzhin gshegs pa'i sku rnams byung nas de bzhin gshegs pa thams cad kyi shes rab kyi ye shes la sogs pa dang/ sangs rgyas thams cad kyi rdzu 'phrul dang cho 'phrul
 rnams byas te/ rdo rje sems dpa' i ting nge 'dzin ni shin tu 'jam pa'i dpal yin pa dang/ shin tu brtan pa yin pa'i phyir gcig tu 'dres par gyur na byang chub sems dpa' 'jam dpal gzhon nu'i skur gyur te/ bcom ldan
 'das rnam par snang mdzad kyi thugs la gnas nas ched du brjod pa 'di ched du brjod do/ /e ma'o sangs rgyas thams cad kyi/ /'jam dbyangs bdag ni yin par dgongs/ /gang phyir shes rab gzugs med kyang/ /dbyangs nyid du ni dmigs
 pa yin/ zhes gsungs te/ de phyir 'jam dpal ni bcom ldan 'das shAkya'i tog nyid de/ rnam par snang mdzad chen po nyid 'jam dpal du snang ba'i phyir ro/ /de bas na 'jam dpal gyi khro bo gshin rje gshed du gsungs pas rgyud 'dir rtsod pa
 ni/ rtsod pa la rab tu mi bzo bar zad do/ /da ni mtshams sbyar ba dran par bya ste/ de ltar phyung ba'i gshin rje gshed po des bdud kyi dpung tshar bcad nas bcom ldan 'das kyi zung du 'jug pa'i gnas brnyes te/ khro bo chen po de gdul
 bya 'byung bar 'gyur ba'i don du phyag na rdo rje rtag tu phyi bzhin 'grang ba la gtad par dgongs pas phyung nas phyag na rdo rje la bcom ldan 'das de bzhin gshegs pa thams cad kyi bdag po rdo rje sems dpa' bos nas/ bcom ldan 'das
 thub pa chen pos phyag na rdo rje la bka' stsal pa/ kye lag na rdo rje khyod kyis khro bo chen po gshin rje gshed po'i sku ni zung la/ bdud dang klu dang gnod sbyin dang lha rnams skrag par gyis shig /'jigs par gyis shig /sod cig ces gsungs so/ /
 de'i tshe bcom ldan 'das kyi drung du ji ltar thos pa ltar de ma thag tu bzung ngo/ /bcings so/ /kun chub par byas so/ /bsti stang du byas so zhes tshig rnam par sbyar ro/ /de la sku 'di zung la zhes bya ba ni ji ltar nga la khyod gus shing rtag tu 'brang
 ba ltar khro bo chen po 'di la yang khyod kyis gus pa de ltar byos shig ces pa'o/ /yang na sku 'di zung la zhes bya ba ni khyod 'di'i lus su byos la/ 'di dang gnyis su med par byos shig ces pa ste/ de bas na 'di 'chad pa po yang lag na rdo rje
 yin par 'chad cing 'khor phun sum tshogs pa'i dus su yang zhe sdang gshin rje'i dgra dang zhes rje btsun shAkya thub pa las ltos te 'khor du bstan pa yang yin la/ phyag na rdo rje dang/ khro bo chen po 'di gnyis su med pa'i nyid ston pa
 yang yin te /rgyud 'di'i 'chad pa po ni 'di nyid yin la/ ston pa bzang po ni bcom ldan 'das shAkya tog nyid do/ /gdung dang zhes bya ba ni gzhan 'phrul dbang byed kyi lha nag po'i rtsa lag rnams so/ /klu dang zhes bya ba
 ni gang dag lha ma yin dang bdud la dga' ba'i klu'i rigs rnam pa lnga dag go /gnod sbyin dang zhes bya ba ni lag na rdo rje dang/ gos sngon po 'dzin pa dang/ gsang ba pa bdud kyi ris pa rnams so/ /lha rnams zhes bya ba ni rgyal chen ris bzhi
 la sogs pa gang dang gang bdud la mngon par dga' ba rnams so/ /de yang yang dag par rdzogs pa'i sangs rgyas kyi chos kyi 'khor lo la bskor ba'i dus na ni/ lha la sogs phal cher gzhan la 'tshe ba ma btang zhing bdud kyis ris pa nyid
 du bgrang ba yin te/ de ltar ni gsang ba zla ba'i thig le las/ de nas bcom ldan 'das bde ba chen po kun tu bzang pos dpal rdo rje 'chang bde ba chen pos brgyan pa'i dpal yang dag par ldan pa zhes bya ba'i ting nge 'dzin la snyoms
 par zhugs te/ bzhengs nas phyogs bcu'i mdza' yas 'byam klas pa'i 'jig rten gyi khams kun tu gzigs nas ngo mtshar du gyur to/ /kyi hud 'jig rten gyi khams 'di ni stongs so/ /de bzhin gshegs pa thams cad kyi phyag rgya
 chen po rnams dang bral pas gdug pa thams cad kyis 'di nye bar gtsos te/ gnod sbyin dang/ srin po thams cad dang/ nad dang/ 'tshe ba dang/ gdon chen po dang/ nyon mongs pa dang/ nye ba'i nyon mongs pa thams cad kyis yang
 dag par gros shes dgongs pa ni zhes bya ba la sogs pa gsungs la yang de nyid las/ de nas bcom ldan 'das de bzhin gshegs pa thams cad yang 'du ba mdzad nas/ yang nas yang bcom ldan 'das la gzigs te/ bde ba
 chen pa shin tu dgyes pa gnyis su byed pa longs spyod pa'i dpal zhes bya ba'i ting nge 'dzin la snyoms par zhugs te bskul nas/ bcom ldan 'das kyi thugs kar zhugs nas/ byang chub kyi sems chen po la yang dag par thim par gyur pa na/
 khams gsum 'dir dam pa'i chos ston pa dang/ 'jug par byed pa dang/ bstan pa la gnas par byed pa 'ga' yang med cing/ sangs rgyas dang/ chos dang dge 'dun 'jug par byed pa yang med/ khros pa dang/ gtum po dang/ rngam
 pa chen po dang/ rab tu gdug pa chen pos sems dpa' dang/ 'dod chags dang/ zhe sdang dang/ gti mug gi mun pas bsgribs pa dang/ gtum 'khrugs chen po dang/ gzhan gyi srog 'phrog pa dang/ gzhan gyi sems 'phrog pa dang/
 gzhan gyi bud med kyis mtshungs pa dang/ brdzun dang/ phra ma dang/ tshig rtsub mo la sogs pa'i nyon mongs pa dang/ nye ba'i nyon mongs pas gzhan la gtsos pa dang/ gcig gis sha gcig gis za ba dang/ thabs med pa'i las la
 gnas pa rnams kyis kyi hud 'jig rten gsum po 'di rlag zhes sngon gyi smon lam gyi stobs la gnas pa'i de bzhin gshegs pa rnams kyis gzigs so zhes gsungs te/ de bas na sangs rgyas 'byung ba 'jig rten dang/ 'jig rten las
 'das pa'i bden pa ma lus pa brten bas na/ sangs rgyas rnams ni 'byung ba bde/ /chos bstan pa yang bde ba yin/ zhes tshigs su bcad do/ /da ni rab tu ma rungs pa de dag gdul ba'i thabs gzhan med pa skrag pa gyis shig
 ces gsungs te/ gdul sla ba rnams so/ /gdul ba bar ma rnams ni cher 'jigs par gyis shig ces gsungs so/ /rab tu gdul dka' ba dag ni sod cig ces gsungs so/ /de yang ji ltar 'phags pa de kho na 'dus pa las bcom ldan /
 'das phyag na rdo rjes 'jig rten gsum gyi 'khor lo btul ba lta bu ste/ 'dir ni gzhung rab tu bsdus pas ma gsungs par zad do/ kha cig na re tshig 'di dag gis ni bcom ldan 'das kyis khro ba phyung ste/
 btad pa mdzad nas de nas bdud char bcad de srung ba'i 'khor lo 'chad pa ltar bsgrubs nas/ de'i 'bras bu zla ba rdo rje rab sbyor bas/ /gshin rje gshed po bsam par bya/ zhes bya ba la sogs pa'i rim pas bcom ldan
 'das 'di gshin rje gshed kyi skur mngon par sangs rgyas so zhes zer ro/ /de ni ma yin te/ sku yang dag par gtang ba'i don med pa'i phyir dang/ yang dag par tha mi dad du zin yang/ bcom ldan 'das 'di'i byang chub
 gzhan la rag las pa ni byis pa dag mi 'dod pa'i phyir ro/ /gshin rje zhes bya ba ni 'chi bdag gi bdud do/ /zhes sngar smras pa ma yin nam/ 'dir ni lha'i bu'i bdud btul bar gyur bas 'di ni lha'i bu'i bdud kyi dgra
 yin gyi gshin rje'i dgra ma yin no/ /zhen de ni bden mod kyi 'on kyang lha'i bu'i bdud ni nye bar na me tog gi mnga' 'phen pa 'am/ bud med kyi sgyu 'phrul gyi lam gyi bar chad byed pa la brjod la/ 'dir ni mtshon cha'i char rab
 tu bab pa dang/ me'i char 'bebs pa la sogs pa'i thub pa chen po 'grongs par sbyor bas 'chi bdag nyid yin te/ ji skad du/ bdud kyi dbang phyug gis smras pa yang/ dge sbyong myur longs ba'i bsams pa bzhin du
 song/ 'od ma'i myu gu ldon ltar ngo bong btubs sa re zhes so/ /gzhan yang rags pa'i gzugs rnams tho ba la sog pas bcom pa na/ 'jigs pa rags pa tho ba pa la sogs pas bum pa la sogs pa bcom par snang
 yang nges par ni 'jig par rab tu phra ba skad cig re re la 'jig pa nyid kyis de zhig pa yin pa ltar/ gang dag 'chi bar byed pa rags pa de dag ma lus pa la yang dngos su ni bsod pa po gshin rje yin la/ tho ba la sogs pa rags pa 'jig par
 byed pa med na skad cig re re la 'jig pa'i 'jig pa ni ma zhig pa dang khyad med pa ltar 'chi bar byed pa rags pa dag bzlog na rtag tu glags lta ba'i 'chi bdag gis gnas mi thob pa na/ 'dir bcom ldan 'das des gshin rje rgyu dang bcas rkyen
 dang bcas par bcom pa yin no/ /gzhan yang rigs par na bdud bzhi char rdo rje lta bu'i ting nge 'dzin la snyoms par zhugs pa'i dus nyid du bcom par shes par bya'o/ /de'i tshe zhes bya ba yang bka' lung bstsal ba'i che'o/ /bcom ldan
 'das kyi drung du ji ltar thos pa ltar zhes bya ba ni ston pa la gus pa dang yid ches pas bsgo ba sna la gsan pa'i phyir ro/ /de ma thag tu bzung ngo zhes bya ba ni bka' i lung stsal ma thag tu bdag nyid gshin rje dgra dang gnyis su med par gyur
 nas/ de'i rang bzhin bzung ngo zhes bya ba ste/ sangs rgyas rnams ni gcig tu ma gyur zhing/ du yang gcig tu 'gyur ba la thogs pa med de/ bskal pa du mar tshad med pa'i thabs mkhas pa la bslabs pas so/ /ci'i phyir 'dir 'dra bar byed ce
 na/ rab tu mthu dang ldan pa'i lha gnyis gcig tu gyur pa ni mthu'i khyad par rab tu phul du byung ba ston pa ste/ de bas na rgyud 'di ni rab tu 'grub pa 'bras bu phral du 'byin pa'o/ /zhes deng sang bla ma rnams bkur nas gsung ngo/ /gzhan
 yang sangs rgyas kyi rol mo bstan pa rgya chen po la 'jug 'dod pa'i phyir te/ ji ltar 'phags pa de kho na 'dus pa'i rgyud du/ de bzhin gshegs pa thams cad bcom ldan 'das rnam par snang mdzad kyi thugs su zhugs pa dang/ bcom
 ldan 'das rnam par snang mdzad kyis phyag na rdo rje la bka' stsal pa/ rigs kyi bu khyod kyang nga'i thugs su zhugs shig ces gsungs pa lta bu'o/ /bcang so zhes bya ba la/ de'i bdag nyid bzung ba de nyid ma btad par gnas pa'o//
 kun chub par byas so zhes bya ba ni de'i bdag nyid 'dzin pa la rjes su dga' ba bskyed pa'o/ /bsti stang du byas so zhes bya ba ni rgyud 'di'i don yang bcom ldan 'das de la gus pa'i phyir bshad do zhes bya ba'o/ /kha cig ni 'dir sku yang dag par btang ba'i bshad pa
 dang po la gus pas tshig 'di dag kyang gzhung yang dag par gnos pas 'chad la/ rgyud yongs su rdzogs pa na byed do/ /gleng bslad ba rgya cher bshad pa rdzogs so// //da ni yongs su shes par bya ba rgyud kyi gzhung nyid bstan te/ de nas
 zhes bya ba ni sku yang dag bar gtad pa dag tu'o/ /bcom ldan 'das de bzhin gshegs pa thams cad kyi bdag po zhes bya ba ni phyag na rdo rje'i dgra ste/ ji skad du 'phags pa de kho na 'dus pa las/ de nas bcom ldan 'das rnam par snang mdzad de
 bzhin gshegs pas 'di skad ces bka' stsal te/ kye ma lha rnams 'di ni de bzhin gshegs pa thams cad kyi bdag po/ de bzhin gshegs pa thams cad kyi yab/ de bzhin gshegs pa thams cad kyi bka' bzhin byed pa/ de bzhin gshegs
 pa thams cad kyi sas thu'o/ /bcom ldan 'das byang chub sems dpa' kun tu bzang po ste/ sems can thams cad gdul ba'i don bya ba'i phyir/ khro bo'i rgyal po chen po dbang bskur ru zhes gsungs pas so/ /bdud thams cad ces bya ba ni lha'i
 bu'i dang 'dri bdag gi bdud do/ /sel bar byed pa zhes bya ba ni yang dag par spong zhing de dag las bsrung ba'o zhes bya ba ni tshig gis mtshams sbyar ba dang/ ming gi mdza' i phrad do/ /ting nge 'dzin ces bya ba ni sems rtse gcig pa'o/ /'dis zhes bya ba ni 'od
 zer lnga po ni 'khrug pa'i rdo rje sgom byas te/ zhes bya ba la sogs pa'o/ /de ma thag tu zhes bya ba ni don gyi dbang gis na ting nge 'dzin de la snyoms par zhugs ma thag tu zhes bya ba ste/ de nyid kyi phyir nyid kyi sku dang gsung dang thugs rdo rje las phyung ngo/ zhes gsungs te
 nyid kyi zhes bya ba ni gshin rje'i dgra'o/ /sku dang gsung dang thugs rnams chos kyi dbyings su bsgoms bas de nyid bdag nyid las mi phyed pas gyur pa ni rdo rje'o/ /de nyid las bsrung ba la sog pa'i man ngag rnams phyung ngo/ /de bas na 'di ni chos kyi dbyings
 las byung ba yin gyi/ de bzhin gshegs pa sngon chad med pa zhig sbyar ba ni ma yin te/ ji skad du/ 'jig rten 'das pa'i snags rnams gyi thog ma'i byed pa med pa'o zhes gsungs pa/ yang gsungs pa/ gsang ba'i bdag po gzhan yang gsang
 sngags rnams kyi mtshan nyid ni sangs rgyas thams cad kyis ma byas/ byed du ma bcug/ rjes su yi rang ba ma yin no/ /de ci'i phyir zhe na/ 'di ni chos rnams ni chos nyid de/ 'di ltar de bzhin gshegs pa rnams byung yang rung ma byung yang rung mos rnams kyi
 chos nyid de ni ye shes gnas ba ste/ de yang 'di ltar gsang sngags rnams kyi gsang snags kyi chos nyid do/ /gsang ba'i bdag po de la gang gi tshe yang dag par rdzogs pa'i sang rgyas thams cad mkhyen pa/ thams cad gzigs pa/ 'jig
 rten du byung ba de'i tshe chos nyid tshul sna tshogs dang/ dgongs pa sna tshogs kyis sems can bsdam pa sna tshogs pa rnams la tshig sna tshogs dang yig 'khru sna tshogs dang/ yul gyi nges pa'i tshig tu brjod pa sna tshogs dang/ dbyangs sna tshogs su
 go ba rnams su byin gyis brlabs te/ gsang sngags kyi tshul 'chang ngo zhes gsungs so/ /de las byung ba de nyid gang zhe na/ zla ba rdo rje rab sbyor bas/ /gshin rje gshed po bsam par bya zhes bya ba gsungs te dang por stong pa nyid du gyur pa las a
 las byung ba'i zla ba la hUM gi yi ge las byung ba'i rdo rje rtse mo lnga pa bsam pa'i 'od zer 'phro ba dang 'du ba'i bar du sbyor bas de dag yongs su gyur pa'i 'od kyi gong bu las zhe sdang gshin rje gshed por bdag nyid bsam par bya'o/
 'di'i don yang zhib tu ni ku mu ta kha phye bar bsal bar byas pas der lta'o/ /ci bsrung ba ma bsgoms par ram zhe na/ ma yin te/ bdud rnams med pa'i don du ni/ /phyogs bcing don ni rab bstan pa/ /bsgom zhes bya ba ni tshig lhag
 ma'o/ ji lta bu zhig bsgom zhe na/ bsrung ba'i don la pad+ma'i zla ba la hUM las byung ba'i rdo rje bsgom par bya ste/ de yang sngon po dang/ ser po dang/ dmar po dang/ ljang gu dang/ dkar po'i 'od zer kha dog lnga po rab tu 'khrug par ro/ /des ji
 zhig byed ce na/ 'od zer kha dog lnga po 'khrug pa de dag rdo rje rab tu phra ba nas 'bras tsam du gyur cing de dag 'og tu rab tu 'thabs pa ni 'og ma lus pa'am/ bcud gyi ngos la thug par rdo rje'i rang bzhin gyi sa gzhir gyur cing/ stong gsum
 gyi stong chen po'i tshad tsam du kun nas gru bzhi lham par mkhor yug chen por ro/ /phyogs su ni 'od zer de dag rdo rje'i rang bzhin gyi lcags ri'i ra bar gyur to/ /yang 'od zer de dag phyogs su khor yug chung ngu'i rnam ba ltar kun nas zlum po'i rdo rje'i
 brtsig pa nyid du gyur to/ /yang 'od zer de dag steng gi phyogs su rdo rje'i rang bzhin gyi gar dag tu gyur bar ji ltar gsungs pa de bzhin du bsam par bya ste/ de bas na gang zhig dpal gshin rje'i dgra'i go 'phang 'dod na des dang por bsrung bar
 bgyis la/ /de nas der bdag nyid sgoms shig ces gsungs pa'o/ /de la kha cig na re bsrung ba la sogs pa ni rnal 'byor yang bdag nyid lha'i skur gnas bar bya bar rigs la/ rgyud las kyang dang por lha'i rnal 'byor gsungs pas re shig dang
 po zla ba dang/ rdo rje tsam las lha'i sku mngon du byas la des bsrung bar bya ste/ de'i dbus su mchod pa la sogs pa lha'i rnal 'byor rgyas pa/ yan lag dang bcas par bya'o zhes zer ro/ /de nas zhes bya ba ni bsrung ba bstan pa thag tu'o/ /bcom
 ldan 'das zhes bya ba ni zhe sdang gshin rje gshed nyid du gti mug gshin rje gshed la sogs pa dkyil 'khor pa'i de bzhin gshegs pa thams cad kyi byang chub kyi sems las bskyed pa'o zhes bya ba'o/ /de bdud thams cad skrag bar byed
 pa zhes bya ba'i ting nge 'dzin la snyoms pa zhugs nas zhes bya ba ni 'bras bu'i gshin rje gshed du gyur nas so/ /gshin rje'i dgra gti mug rdo rje bya ba la sogs pa ni go sla'o/ /nam mkha' i rdo rje dbus su ni zhes bya ba las nam mkha' rdo rje zhes bya ba ni rdo rje 'chang
 yongs su gyur pa las byung ba'i chos kyi 'byung gnas nam mkha' thams cad khyab pa'i tshad la chos 'byung gi rdo rje dang dbyer med par glo bur gyi sgrib pa dang bral bas kha dog dkar ba 'dod pa'i khams su khyab pas rtse mo gcig thur du
 bltas pa khams gong ma gnyis la khyab par rtse mo gnyis steng na gnas pa'o/ /de'i dbus su zhes bya ba nang du poM las byung ba'i pad+ma sna tshogs 'dab kyi lte ba la hUM las byung ba'i nyi mar yi ge khaM las byung ba'i sna tshogs rdo rje 'od zer
 bskal pa'i me 'bar ba lta bus bdud kyi dpung chen po sregs pas 'jigs pa bsam par bya zhing de'i dbus su yang rnam par snang mdzad la sogs pa sbyor bas gzhal yas khang pa brtsegs ma bsam ste/ khang pa rtsegs
 ma de'i dbus su ji ltar gsungs pa'i gdan la bsam par bya ba ni de'i dbus su zhes bya ba la sogs pa smos pa go sla'o/ /sna tshogs ma rdo rje'i gla gzhi la/ /mi'i mgo bo de bzhin bzhi zhes bya ba la/ sna tshogs rdo rje'i grwa zhes bya ba
 ni/ sna tshogs rdo rje la brten pa'i khang pa brtsegs ma'i grwa'i re'u cha bzhi pa pad+ma'i zla ba bdud rtsis bkang ba'i mi'i mgo bo bzhi de bzhin du bsgom par bya'o/ /zhes tshig rnam par sbyar ro/ /kha cig na re ni dbus su pad+ma 'dab
 brgyad bsgom zhing de'i mtshams kyi 'dab ma bzhi la'o zhes zer ba ni mi 'thad do/ /'dir grwa zhes bya ba yang/ nang gi rdo rje ra ba 'am/ lha'i snam bu'i grwa gang la yang rung ba'o/ /de nas zhes bya ba la sogs pa ni gsang ba'i dkyil 'khor dbyung ba'i sngags
 te go sla'o/ /de nas bcom ldan 'das zhes bya ba la sogs pas ni sku gsung thugs byin gyis rlabs pa ste/ 'dir don ni sngon du bya ba'i yan lag rnams byas la/ de nas re shig rang gi tshogs mar yi ge a las byung ba'i zla ba'i dkyil 'khor gyi
 steng du/ yi ge oM kha dog dkar po las byung ba'i 'khor lo rtsibs brgyad pa bsams la/ de yongs su gyur pa las rnam par snang mdzad dkar po/ rtsa ba'i zhal dkar po/ zhal g.yas g.yon gnag pa dang dmar ba/ phyag g.yas pa gnyis
 na 'khor lo dang ral gri 'dzin pa/ g.yon pa gnyis na nor bu dang pad+ma 'dzin pa/ g.yas g.yon dang po gnyis na gri gug dang thod pa 'dzin pas rang dang 'dra ba'i btsun mo la 'khyud pa/ rdo rje skyil krung du gnas pa bsams te/ yang de'i thugs ka
 na gnas pa'i yi ge oM gyi 'od zer gyi tshogs kyis nam mkha' i gtos khyab pa'i sangs rgyas dpag tu med pa bsdus te/ mkha' la gnas pa la yang dag par mchod de/ dpal ldan sangs rgyas sku 'chang ba/ /rdo rje mi phyed gsum bsgoms pas/ /deng
 bdag byin gyis brlabs nas su rdo rje skus ni mdzad du gsol/ phyogs bcur bzhugs pa'i sangs rgyas rnams la/ /rdo rje mi phyed gsum bsgoms bas/ /deng bdag byin gyis brlabs nas su/ /rdo rje skus ni mdzad du gsol/ sangs rgyas kun gyi sku gang
 yin/ /phung po lnga yis rab bkang ba/ /sangs rgyas sku'i ngo bo nyid/ /bdag kyang de dang 'dra bar shog /ces gsol ba btab pas/ sangs rgyas thams cad sku rdo rje la zhugs par bsams te/ oM sarba ta thA ga ta ka ya badzra swa b+hA ba At+ma konyahaM/
 zhes bzlas pas byin gyis brlab bo/ /de nas yang mgrin pa'i phyogs su a'i yi ge las byung ba'i zla ba la/ yi ge a dmar po bsams te de las byung ba'i pad+ma dmar po dang/ de las byung ba'i bcom ldan 'das tshe mdza' yas pa sku mdog pad+ma rA ga
 'dra ba/ zhal gsum la rtsa ba'i zhal dmar ba/ zhal g.yas dang g.yon gnag pa dang dkar ba/ phyag drug la/ g.yas na pad+ma dmar po dang nor bu margad 'dzin pa/ g.yon na nor bu bai DUrya dang 'khor lo 'dzin pa/ g.yas g.yon dang po gnyis na
 gri gug dang thod pas brel bas rang snang ba'i btsun mo la 'khyud par bsams te/ de'i thugs ka'i yi ge a'i 'od zer gyis sangs rgyas nam mkha' khyab pa bkug la yang dag par mchod de/ chos kyi gsung lam dpal dang ldan/ /rdo rje mi phyed 
 gsum bsgoms pas/ deng bdag byin gyis brlabs nas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas so/ /rdo rje gsung gis
 mdzad du gsol/ /rdo rje chos kyi gsung gang yin/ nges pa'i tshig ni phun sum tshogs/ /bdag gi tshig kyang de 'dra zhing/ chos 'dzin pa dang 'dra bar shog/ ces gsol ba btab pas/ sangs rgyas thams cad gsung rdo rje la rab tu bzhugs bar bsam mo
 de nas oM sarba ta thA ga ta badzra swa b+hA ba At+ma konyahaM zhes bzlas pas byin gyis brlab bo/ /de'i 'og tu snying gar yi ge a las byung ba'i zla ba la yi ge hUM las byung ba'i rdo rje las bcom ldan 'das mi g.yo ba sku mdog nag po zhal gsum pa la phyag
 drug pa/ zhal dang po gnag pa g.yas dang g.yon dkar ba dang dmar ba/ phyag g.yas pa na rdo rje dang ral gri/ g.yon pa dag na nor bu dang pad+ma/ phyag dang po gnyis na gri gug dang thod pa 'chang bas rang lta bu'i shes rab
 ma la 'khyud par bsams te/ de'i thugs ka na gnas pa'i yi ge hUM gi 'od zer gyis bskul ba'i sangs rgyas nam mkha' gang ba la yang dag par mchod de/ dpal ldan rdo rje thugs 'chang ba/ /rdo rje mi phyed gsum bsgoms pas/ /der bdag byin gyis brlabs
 nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /kun tu bzang po'i thugs gang yin/ /
 gsang ba'i bdag po blo ldan pa/ /bdag kyang de dang 'drar gyur cig /rdo rje 'dzin dang mtshungs par shog /ces gsol ba btab pas/ sangs rgyas thams cad rdo rje la zhugs par bsams te/ oM sarba ta thA ga ta tsit+ta badzra swa b+hA ba At+ma konyahaM zhes bzlas
 pas byin gyis brlabs te/ 'di dag la sogs pa byin gyis brlabs pa'i sngags ni/ gang du yang lan gsum mam/ bdun nam/ yang na de'i don la mos pa nges par gyur gyi bar du bzlas so/ /de nas bcom ldan 'das zhes bya ba la sogs pas ni gtso
 bo rang bzhin bshad pa de/ de'i lhag ma ni le'u bcu pa las 'chad par byed/ /tshig gi don 'di go sla bsam phye'o/ /mngon par rtog pa zhes bya ba ni rang gi sems so sor rtogs pa la sogs pa'i lam ste/ de gsal bar byed pa'i le'u zhes bya'o/ /le'u
 dang po'i bshad pa rdzogs so// //de ltar mngon par rtogs pa bsgom pa'i dus su bstod pa la sogs pa bya dgos pas na/ de nas bstod pa la sogs pa ba'i le'u gnyis pa bstan to/ /dkyil 'khor chen po bri ba yang/ /slob mas
 gsol ba gdab dgos pas/ gsol ba gdab pa la sogs pa le'u gsum pa bstan to/ /bdag gi don du dngos grub thob nas gzhan rjes su gzung ba dang/ phan gdags par rigs te/ de ltar ni 'phags pa dpung bzang gis zhus pa las kyang/
 'di na yul rnams spangs shing chos bsgrub pas/ /tshe ring ba nyid legs par thob gyur na/ /skyo ba med pa'i sems kyis 'gro ba yi/ /bsam pa rnams ni rtag tu rdzogs par bya/ zhes gsungs so/ /de bas na de bzhin gyi don le'u bzhi pa gsungs so/ /de nas
 kha cig ni zhi ba la sogs pa'i las kyis mi 'dul gyi/ dbye ba dang bskrad pas 'dul bar byed pas na le'u lnga pa gsungs so/ /de ltar rab 'byams byed pa na rang gi lha rjes su dran zhing byed la/ las de yang lha la dbul bar rigs te/ ji skad du 'phags pa de
 kho na 'dus pa las/ dge ba 'am yang na mi dge ba/ /gang gi las rnams byas pa ni/ /rgyal ba la ni phul gyur na/ /skad cig gis ni gzi can 'gyur zhes gsungs so/ /de bas na las dbul ba'i yul du gyur pa spyi gtsug tu bzhag pa'i lha rgyas gdab pa la
 sogs pa ston pa'i le'u drug pa gsungs so/ /de ltar 'khrul 'khor bstan kyang ting nge 'dzin thob pa rnams ni phyi rol gyi bya ba la mi ltos kyi/ dgos pa thams cad nang gi rnal 'byor gyis byed bas na/ lha mo bzhi nang gi rnal 'byor ston pa la sogs pa le'u
 bdun pa gsungs so/ /de ltar dbang bskur ba ni dkyil 'khor la rag las la/ dkyil 'khor bri ba na yang bka' i bsrung ba'i 'khor lo bkrag par rig pas na/ bka' i bsrung ba'i 'khor lo la sogs pa bstan pa/ le'u brgyad pa gsungs so/ /de ltar sbyin sreg
 bstan nas kyang gnas skabs 'ga' zhig tu las gzhan nges par dgos pas na/ sbyin sreg las las gzhan pa char dbab pa la sogs pa'i las ston pa'i le'u dgu pa bstan to/ /las de dag ni phra ba yin pas sgrub pa po stobs che ba dag la ni/ des yid mgu
 bar byed mi nus pas na dngos grub chen po ro langs kyi bsgrub pa la sogs pa'i le'u bcu pa bstan to/ /de ltar bstan pa'i lha de rnam par dag pa gang zhe na/ zhes ston pa dag gi phyir ni/ lha'i rnam par
 dag pa la sogs pa'i le'u bcu gcig pa bstan to/ /ji ltar lha tshim par bya ba'i phyir bdud rtsi za ba de bzhin du lha rnams dgyes par bya ba'i phyir glu'i mchod pa yang bya ste/ ji skad du/ gsang ba zla ba'i thig le las/ pi wang gling bu ya mtshan sgra
 brnyan gyi/ /glu dbyangs dngos grub rgya chen thob par byed/ /ji snyed yid du 'ong ba'i glu dag ni/ /'jig rten grags pa'i bde ba bde ba dag /bde ba'i sgra yis bskyed pa rnam bsgyur ba/ /de dang mthun pa'i dbyangs 'dis 'grub par byed/ /ces gsungs te/
 glu'i mchod pa bstan pa la sogs pa le'u bcu gnyis pa bstan to/ /de ltar yon chen po phul bas bla ma mnyes par byas pa'i sngags pa ni/ dngos grub ma lus pa'i zhing yin pas/ nam mkha' la spyod pa'i sngags kyi mthus/ lha'i rna ba la sogs
 pa'i dngos grub bsgrub pa bstan pa'i le'u bcu gsum pa bstan to/ /nam mkha' la 'gro ba la sogs pa'i dngos grub de dag kyang dkyil 'khor du dbang thob pa la rag lus la dkyil 'khor yang thig gis bsgrub par rigs te/ dkyil 'khor kun
 la mkhas pa yis/ /thig ni cho gas bri bar bya/ /zhes gsungs pas so/ /de bas na thig gdab pa la sogs pa'i bya ba bstan pa le'u bcu bzhi pa bstan to/ /kha cig mi snang ba'i dngos grub mi 'dod kyi/ chu la mi byid ba la sogs pa'i dngos grub
 'dod pa srid pa'i phyir/ 'phags pa dug sel la sogs pa'i bsgrub pa'i thabs bston pa'i le'u bco lnga pa gsungs so/ /kha cig dngos grub de dag mi 'dod kyi/ dpal he ru ka mnyes pa yis mchog grub pa 'dod pa yod pas/ de dag gi phyir ni de nas de bsgrub
 pa'i thabs le'u bcu drug pa gsungs so/ /de ltar bskyed pa'i rim pa mang por bstan pa de dag thams cad kyang phal cher mngon par byang chub pa'i rim pa cho ga lngas bdag po rnams bskyed par bya ba yin pas na/ cho ga lnga la sogs pa ston pa'i le'u bcu
 bdun pa gsungs so/ /de ltar bstan pa la kha cig 'di snyam du rgyud 'di dang po ni ci'i phyir gsungs/ sus gsungs zhes rtog pa'i phyir gleng gzhi dang 'dra ba'i le'u bco brgyad pa gsungs so/ /re zhig rgyud 'di'i le'u rnams kyi rim pa nges pa dang/ mtshams sbyar ba
 ni re zhig ni 'di tsam du shes par bya'o/ /kha cig na re rgyud chen po 'bum nyi khri lnga stong las/ cung zad cung zad phyung ba yin pas mtshams sbyar ba dang/ go rims nges par bya ba mi nus so zhes zer ro/ /de nas bcom ldan 'das zhes bya ba la sogs pas
 ni bstod pa ston te tshig gi don ni de nas bya ba'i le'u dang po bstan ma thag tu'o/ /bcom ldan 'das zhes bya ba ni gshin rje mthar byed rnams te/ tshig gi don sngon bzhin no/ /de bzhin gshegs pa zhes bya ba ni de bzhin gshegs pa de dag thams cad
 ces bya ba ma lus pa rnams kyis gshin rje mthar byed bcom ldan 'das rdo rje sems dpa' chen po la 'chad par 'gyur ba'i tshig 'di dag gis bstod pa ste/ gcam bu'i dag min gyi/ yang dag pa'i yon tan ji lta bar bsnyad pa'o/ /ji skad ce na/ gti
 mug rdo rje'i rang bzhin khyod ces bya ba la sogs pa ste/ gti mug ces bya ba ni sngar bstan pa de bzhin te de nyid mi phyed pas rdo rje'i rang bzhin te de yang zhe sdang gshin rje'i dgra khyod der snang ba'o/ /shin tu mi zad ces bya ba ni rab tu drag pos gdul ba'o//
 gshin rje'i dgra zhes bya ba ni sngon bzhin no/ /ston pa zhes bya ba ni gshin rje rab tu zhi bar byed pas na 'am/ chos kyi ngo bo nyid las mi g.yo bas so/ /sangs rgyas kun gyi dngos zhes bya ba ni sngar bshad pa'i tshul gyis so/ /rdo rje zhes bya ba ni sku byin gyis brlab?
 pas rdo rje ltar mi phyed pa'o/ /phyag 'tshal bstod ces bya ba ni lus dang ngag gis so/ /phra ma rdo rje zhes bya ba la sogs pa sngar bshad pa'i tshogs las drang bar bya'o/ /thugs kyi rdo rje zhes bya ba ni mi bskyod pa thugs byin
 gyis rlob cing rdo rje ltar mi phyed pa'o/ /rab snang ba zhes bya ba la rab tu snang ba ni mchog tu 'dra ba'o/ /ji ltar zhe na rigs 'di ni rdo rje'i rigs tha dad par snang ba tsam yin pas na rigs kyi btsun mo yang bdag nyid ma 'am/ rdo rje phag mo gang yang rung
 bas gnyis ka'i bya ste/ rigs gcig las gsum dang/ gsum las lngar 'gyur te/ 'di ni thugs las rin po cher 'gyur te/ sems de nyid 'jig rten dang 'jig rten las 'das pa'i 'byor pa 'byung bas rin po cher bzhag gi /lus dang ngag ni
 de lta ma yin te/ de'i khyad par tsam snang bar zad pas so/ /rin chen zhes bya ba ni nyid kyi thugs rin po che ltar 'dod pa 'byin pa'i phyag rgya nor bu mar ka ta cha dgu pas mtshan pa ni/ 'dir rtags la bya ste/ ra ci'i phyag rgya zhes bya ba lta bu'o/ /rdo rje ltar mi
 phyed pa la snga ma ltar phyag 'tshal bstod ces gsungs so/ /'dod chags rdo rje zhes bya ba la sogs pa ni sngon bzhin no/ /mnga' bdag ces bya ba ni bdag po'o/ /'dod chags ni sems can la chags pa ste/ de nyid theg pa chen po 'dir chos te/ mkhas pa dag gis
 gzung bar bya bas na'o/ /de yang khyod las byung ba ste 'di ni 'dod chags nyid mchog tu ston pa/ sangs rgyas kun gyi 'dod chags kyi/ /de nyid kho na rtogs pa 'di/ /bdag ste bdag gi lag tu sbyin/ /chos la chos ni gnas par 'gyur/ /ces ji ltar gsungs
 pa lta bu'o/ /de bas na gsung rnams te smra ba'i phyi rol bstan pa kun gyi mchog dang/ nyan thos dang/ sangs rgyas kyi smra ba dag gi yang dam pa dang/ gang du 'dod chags kyi tshul smad pa dag gis dag pas kyang 'di mchog go /de nyid kyi dag rdo rje grub bar 'dod
 pas gsung gi gnas su rdo rje 'dod chags bsgom par bya ba khyod la sngon bzhin du phyag 'tshal bstod ces gsungs so/ /phrag dog ces bya ba la sogs pa ni sngon bzhin no/ /sku'i rdo rje zhes bya ba ni rnam par snang mdzad de/ tshig gi don ni sngon bzhin no/ /rab tu snang
 ba'i mchog tu 'dra ba ste/ ji lta zhe na/ 'di ni las thams cad pa yin la/ las rab 'byams yang lus kyis byed par tshu rol mthong ba dag la mngon sum du grub pas de'i phyir sku'i rigs nyid las 'phrin las kyi rigs 'di phye bas na/ las kun
 mdzad ces gsungs so/ /de nyid kyi phyag brgyar ni phyag na ral gri 'dzin pa ste/ de la sngon bzhin du phyag btsal bstod ces gsungs so/ /sangs rgyas rnams ni zhes bya ba ni dkyil 'khor ro/ /? sdud pa zhes bya ba ni nyid kyi byang chub kyi sems su'o/ /de dag 'byin
 pa po yang yin te/ de bas na sangs rgyas kun ces bya ba ni/ dkyil 'khor gzhan pa'i lha ste/ de dag pas mchog ni gti mug gshin rje gshed la sogs pa'o/ /de dag gi yang dam pa ni zhe sdang gshin rje gshed kyi sku ste/ 'byin pa dang sdud
 pa po'i phyir ro/ /de nyid kyang byang chub kyi sems snang ba'i phyir de ni mchog go /de bas na byang chub kyi sems de nyid dkyil 'khor gyi rje ste/ dbang phyug go /de la phyag 'tshal bstod ces sngon bzhin sbyar ba gsungs so/ /de bas na bdag po kho na la bstod
 pas lha thams cad la bstod pa kho na'o/ /rdo rje mig ces bya ba la sogs pas ni yan lag drug bsgom pa'i cho ga ston te/ 'dir don ni sngar bya ba rnams byas te/ de nas mig rnams su yi ge a las byung ba'i zla ba'i dkyil 'khor yi ge k+ShiM dkar po las
 byung ba'i 'khor lo yongs su gyur pa las byung ba'i sa'i snying po sku mdog dkar ba/ zhal gsum phyag drug pa/ /rtsa ba'i zhal dkar ba/ zhal g.yas g.yon gnag pa dang dmar ba/ phyag g.yas gnyis na 'khor lo dang ras gri 'dzin pa/ g.yon pa dag na nor bu dang
 pad+ma 'dzin pa/ phyag dang po gnyis rang dang 'dra ba'i shes rab la 'khyud cing ral gri dang thod pa dang/ rdo rje dang dril bu g.yas dang g.yon na 'dzin pa bsam mo/ /'dir zla ba dang phyag dang po gnyis dang/ rang snang ba'i btsun mi
 dang/ thams cad la pad+ma'i gdan dang ldan par shes par bya ba ni thun mong bar shes par bya'o/ /de bzhin rna ba rnams su yi ge dzi nag po las byung pa'i rdo rje yongs su gyur pa las phyag na rdo rje zhal gsum phyag drug pa/ rtsa ba'i zhal gnag cing sku
 mdog gnag pa/ zhal g.yas pa dang g.yon pa dkar ba dang dmar ba/ phyag g.yas pa dag na rdo rje dang ral gri 'dzin pa/ g.yon dag na nor bu dang pad+ma 'dzin pa'o/ /sna'i bu ga rnams su yi ge khaM ser po las byung ba'i rin po che yongs su gyur pa las
 byung ba'i nam mkha' i snying po sku mdog ser po zhal gsum phyag drug pa/ rtsa pa'i zhal ser ba/ zhal g.yas g.yon sngo ba dang dkar ba/ phyag g.yas pa dag na nor bu dang ral gri 'dzin pa/ g.yon pa dag na 'khor lo dang pad+ma 'dzin pa'o/ /lce'i dbus su ni yi
 ge raM dmar po las byung ba'i pad+ma yongs su gyur pa las/ rje btsun spyan ras gzigs dbang phyug sku mdog dmar po/ rtse ba'i zhal byu ru'i mdog 'dra ba/ zhal g.yas dang g.yon gnag pa dang dkar ba phyag drug pa g.yas dag na pad+ma dang nor bu 'dzin gi g.yon
 dag na nor bu dang 'khor lo 'dzin pa'o/ /dpral bar ni yi ge gi ljang gu las byung ba'i ral gri yongs su gyur pa las/ sgrib pa thams cad rnam par sel ba sku mdog ljang gu zhal gsum pa/ rtsa ba'i zhal ljang gu /zhal g.yas g.yon sngo ba dang dkar ba/
 phyag drug pa/ g.yas dag na ral gri dang 'khor lo 'dzin pa/ g.yon dag na nor bu dang pad+ma 'dzin pa'o/ /lte bar yi ge saM dkar po las byung ba'i rdo rje yongs su gyur pa las/ kun tu bzang po sku mdog dkar po zhal gsum pa/ rtsa ba'i zhal dkar po
 zhal g.yas g.yon gnag pa dang dmar ba phyag drug pa g.yas dag na rdo rje dang ral gri 'dzin pa'o/ /g.yon pa dag na nor bu dang pad+ma 'dzin pa'o/ /'di dag kyang 'od zer rab tu spros pa bsdus pa'i rim pa gnyis las byung ba'i sems dpa' i rgyan gyis
 rab tu brgyan pa/ sems dpa' i skyil mo krung gis 'khod pa'o/ /kha cig na re rgyud 'dir btsun mo rnams ma gsungs pas/ lha ci snyed pa ji ltar bstan pa tsam mo zhes zer te gal te btsun mo med na btsun mo'i b+ha ga rnams la bzhugs te zhes bya ba ci
 zhig yin/ rigs kyi btsun mo med na byang chub kyi sems kyi dbang la sogs pa yang ji ltar sbyin/ de bas na rgyud 'di ni dpal gsang ba 'dus pa dang/ rjes su mthun pa'i rgyud yin pas/ rgyud de nas mA ma kI rdo rje dang rin po che'i rigs su bzhag pa ltar
 'dir yang rdo rje phag mo ni rigs te gnyis ka'i btsun mor bzhag cing/ lha'i tshogs ma lus par yang rang snang ba'i btsun mo dang bcas pa'o/ /de nas yang zhes bya ba la sogs pa thig gi bya bston te go sla'o/ /de ru las kyi rdo rje bri zhes bya ba ni dkyil
 'khor de ru rta babs kyi phyogs gsum du rtse mo gnas pa'i rigs thams cad kyi las grub par byed pa'i rdo rje kun tu rtse gnas par bri bar bya'o/ /'di yang kha cig na re 'jigs tshogs la lta ba 'joms pas rtse mo lnga po'i zhes zer ro/ /kha cig na re rten
 cing 'brel par 'khyud ba yan lag bcu gnyis rnam par dag pa ston pa/ rtse mo bcu gnyis par bri'o zhes zer ro/ /gzhan yang kha cig na re dkyil 'khor 'dir nang gi rdo rje'i phreng ba'i nang du rdo rje rtse mo nyi shu pa kha phyogs thams cad du ltas pa bri bar bya'o
 zhes zer te/ de dag gis ni 'di'i don ci yin pa brjod dgos te/ bdag gis ni 'di'i don shes pa med do/ /kha cig na re las kyi rdo rje zhes smos pa las/ lha'i re yang rang rang gi las grub par mdzad pa'i mtshan ma lha thams cad kyi gdan du/ sna tshogs
 rdo rje re re yod do zhes zer te/ de ltar na der mang po'i tshig can du ci'i phyir ming bstan/ gzhan yang lugs 'di lta bu ni rgyud 'di 'am gzhan las zur gyis kyang ma bstan pa'i phyir mi rung ngo/ /kun tu rigs ni lnga nyid de/
 zhes bya ba la sogs pa ni phyag rgya dgong pa ste go sla'o/ /dkyil 'khor rdzogs pa bsams nas ni zhes bya ba ni dkyil 'khor bstim pa'i bar du byas nas so/ /mchod pa'i bye phrag ces bya ba la sogs pa ni go sla'o/ /le'u gnyis pa'i bshad
 pa'o// //de nas bcom ldan 'das zhes bya ba la sogs pas ni sa yongs su gzung ba'i dus su rnam par snang mdzad la sogs pa'i gzugs 'dzin pa'i slob ma bzhis phyogs bzhi nas dkyil 'khor bri ba'i phyir gsol ba btab pa
 bstan pa ste/ dkyil 'khor kun gyi rtsa ba ste zhes bya ba ni dkyil 'khor 'dir dbang bskur na/ dkyil 'khor thams cad du dbang bskur bar 'gyur ba'i phyir ro/ /ji ltar zhe na/ gdul bya'i dbang las bya ba'i rgyud dag tu ni yan lag gi smad las byung
 bas rdo rje'i rigs ni rigs rnams kyi tha ma yin pas na/ der dbang thob pas ni rigs gzhan rgyal ba gtsug tor las byung ba dang pad+ma rigs su dbang thob pa ma yin zhing/ de dag gi dngos grub mi thob par bstan la rnal 'byor gyi rgyud 'dir ni rnam
 par snang mdzad chen po ni mi phyed pas rdo rje yin zhing lha thams cad de las byung bas na/ lha thams cad kyang rdo rje'i rigs yin la yan lag gi cha ni gtso bor mi 'dod pas na rigs gcig ce 'am/ gzhan yang rdo rje'i rigs ni sems yin te/
 rdo rje ni grub pa'i mdza' las sems la 'dod de/ ji skad du/ sems can kun gyi sems gang yin/ /rdo rje zhes ni bshad pa yin zhes gsungs pas so/ /sems de yang 'jig rten dang 'jig rten las 'das pa'i yon tan thams cad bskyed pas chos
 thams cad kyi rgyal po lta bu yin la de nyid kyis na de'i bdag nyid kyi rigs de yang rigs thams cad kyi mchog tu 'dod de/ de bas na rigs mchog de'i mtshan ma rdo rje yang mtshan ma gzhan pas mchog tu bstan to/ /de'i phyir rdo rje'i rigs kyi
 dkyil 'khor 'dir dbang bskur na/ dkyil 'khor thams cad du dbang bskur bar 'gyur ro/ /'o na ni de ltar 'phags pa lha'i zhal snga nas bdag gi gtsug lag lung gi mtshan gyis/ slob ma bkra shis thog mar 'dir brtags nas/ de nas rig pa
 'dzin pas bdag rgyud la/ /de dag yongs su bzung bar rab tu bya/ /grub phyir yongs su gzung phyir de bshad pa/ /sngags grub cho ga shes pas byas pa'o/ /yang na de bzhin bdag rigs dbang bskur gzhan/ /slob dpon dag tu tshul bzhin byas pa'o/ /'di ni spyi'i
 yin par gzhan gyis bshad/ /dngos grub 'bras bu thob par de mi rung/ /khyad par can du de ltar bstan pa nyid/ /de la dbang bskur rab tu shis par bshad/ /khyad par can yang 'dir ni cho ga bzhin/ bdag gi dkyil 'khor snying po dbang bskur ba'o zhes
 gsungs pa'i bka' lung 'di ji ltar zhe na/ ci tsam du thams cad rdo rje'i rigs gcig tu dbyer med par ma shes pas rigs tha dad pa la spyod pa'i bar du ni/ rang gi rtog pa nyid kyis de ltar bden par nges so/ /de bas na des 'dir mi gnod do/ /lhag ma ni go sla'o/ /
 de nas bcom ldan 'das zhes bya ba la sogs pas ni bdud rtsi myang ba bstan te/ 'dir ni thod pa dum bu gcig pa rab tu dga' ba'i nang du bi mu ma ra shu zhes bya ba rnams shar dang dbus dang byang dang lho dang nub tu bkod la de bzhin du go ku ta ha na rnams
 re re dang bzhag ste/ re re la yang b+h+ruM hUM khaM aM hI zhes bkod pa byas la/ 'og tu yaM las byung ba'i rlung gi dkyil 'khor gzhu lta bu mchog ma gnyis rgyal mtshan tog dang bcas pas mtshan pa'i dbus su/ yi ge raM las byung ba'i me 'bar ba'i phung po gru
 gsum sum mdo'i ris kyi mtshan pa can bsams la/ de'i steng du thod pa gnas par bsams te/ me rab tu 'bar bas bdud rtsi rdzas rnams yi ge dang bcas par gcig tu gzhu zhing/ de'i rlangs pa'i yi ge oM du gyur pa
 las de dag kyang lcags kyu'i rnam pa spu gu can du gyur te/ phyogs bcu na gnas pa'i bdud rtsi bdus te thod par bzhag cing/ steng gi yi ge a las byung ba zla ba lhung bas zhu ste/ rab tu bsil zhing dangs par byas la/ de oM A(rgyud 'grel lan du mar bsngags te/ de bzhin gshegs pa thams cad kyi sku dang gsung dang thugs tshim par gyur cig ces mos pas rang gi snying ga'i sa bon gyi 'od kyis rdo rje 'dzin kun dgyes par bya ba'i phyir spyan drangs la/ rang gi snying ga'i ye shes
 sems dpa' i sku la rdzogs pa'i sangs rgyas thams cad gzhug cing/ de nas rang gi lce'i yi ge hUM las byung ba'i rdo rje dkar po nas 'bras tsam gyis gang ba'i bar du sbyor bas/ oM sarba ta thA ga tA ga tA mri tA sA ta na badzrA t+ma konyrahaM zhes brjod de/ mthe bo dang
 srin lag gis zhi ba'i btung ba gzhin myangs na zhes bya ba la sogs pa'i tshul gyis bza' bar bya'o/ /ye shes rnam pa'i zhes bya ba la sogs pas ni ye shes sems dpa' gzhug pa'i cho ga bstan te/ 'dir don ni sngar bya ba rnams byas la/ oM mud+ga? rA?
 dza zhes bskul bas shar phyogs kyi sgo srung ba lta bu'o/ /bdag gi sa bon las 'thon pas lha rnams khang pa brtsegs ma'i nang du gshegs par bskul te/ der slar bsdu'o/ /de nas oM dan+ta hUM zhes brjod pas rang gi gnas snga ma nas lho phyogs kyi sgo bsrung
 blta bu byung bas/ lha rnams rang dang 'dra ba'i grogs po la zhugs pas gsol ba btab ste/ de ni slar bsdu'o/ /de nas yang/ oM pad+ma baM zhes brjod pas gnas snga ma nyid nas nub phyogs kyi sgo bsrungs lta bu 'thon te/ lha rnams ji srid du bya ba ma rdzogs
 par de srid du khyed rnams pad+ma'i dam tshig gis bcing bar bgyi pas nye bar gnas par mdzod cig ces bsgrags te/ sngar rang gi gnas su thim par gyur to/ /de nas oM khaDga ho zhes brjod pas snying ga'i sa bon las byang phyogs kyi sgo bsrung ba lta bu'i rdo
 rje ral gri byung ste/ lha rnams la ji srid du khyed phrin las rab 'byam la bdag brtson pa khyed thugs las phyung bas gnos shig ces dgyes par byas nas slar rang gi gnas su gzhug go /gzhan dag ni gzhug pa la sogs pa 'di dag sgo skyong ba rnams
 kyis bya bar 'dod do/ /cho ga spyad pa de nyid ye shes sems dpa' yang dag par byin gyis brlabs par bsam par bya'o/ /ma he rdo rje zhes bya ba ni yi ge ya las byung ba 'am/ de ltar mos pa yis so/ /lhag ma ni go sla'o/ /zhi ba rdo rje gti mug ste zhes bya
 ba la sogs pa ni las bzhi'i lha'i rnal 'byor ba stan pa'o/ /mi'i mar khu zhes bya ba la sogs pas ni las rab 'byam ston te/ 'dir cung zad tsam ston pas rgyas par shes 'dod pa dag gis ni rgyud gang las rab 'byam mang du ston pa der shes par
 gyis shig mi'i skra zhes pa ni/ shing arga'i shing bal dang bsres pa dang/ las kyi rdo rje zhes bya ba ni phrag dog gshin rje gshed do/ /las kyi zlas pa zhes bya/ oM h+ri(rgyud 'grel na re ra dza swa la'i ra dza'o zhes zer ro/ /khrag ces bya ba ni rang gi srin lag gtar ba'i khrag go /rkang pa byug ces bya ba ni rkang mthil lam long bu'i bar du'o/ /lcags gsum zhes bya ba ni gser dang dngul dang zangs so/ /le'u gsum pa'i 'grel pa'o// //
 de nas zhes bya ba ni go sla'o/ /ye shes rgya mtsho zhes bya ba ni gshin rje'i dgra nag po ste kye zhes bod pa'o/ /de nas zhes bya ba la sogs pa ni gsung par 'gyur ba la dgongs pas so/ /thugs rdo rje zhes bya ba ni byang chub kyi sems te de rab tu bsgom pa
 nyid mchod pa byas pa'o/ /dbang gi sngags ni rim pa ma yin pas mtshon pa'o/ /khaM phor zhes bya ba ni thod pa 'am khaM phor nyid do/ /gal te zhes bya ba la sogs pa ni nan tur gyis bsgrub pa'o/ /lhag ma'i tshig gi don go sla'o/
 le'u bzhi par bshad pa'o// //de nas 'khor lo gnyis zhes bya ba la sogs pa yang go sla'o/ /zhi ba la ni zhes bya ba la sogs pa ni ji skad bstan par 'gyur te gal te bsnyen nye bar gyur pa'i rnal 'byor pas/ slob ma la bsten pa la
 sogs pa'i ched du 'khrul 'khor sa la sogs pa las bris pa las don ma grub pas re zhig nyin zhag 'ga' zhig slar mi mchi bar lta na/ 'khrul 'khor gyi re'u mig gi mdza' i yi ge ya gnyis dbyi zhing/ yi ge ni gnyis kyang dbyi la/ dbus kyi ya yang
 dbyi ste/ yi ge lhag ma rnams gzhag go /dgos pa grub ma thag tu ma lus par dbyi ste/ 'di ni gzhan du byas na ni/ /'khor lo 'di ni 'jig pa che/ /bris pa gang du bstan gnas pa'i/ /khyim du rtag tu 'thab mo ni/ /yi ge bris pas 'byung ngo zhes bya ba'i  
 nye bar gyur pas so/ /kha cig na re ya dang ni'i yi ge byi ba ni mtshon pa ste/ yi ge gang yang rung bas dbye bas nus pa smad pa'o zhes zer te/ 'di ni rab tu yang dpa' bo yin te/ bde gshegs bka' las 'da' mi bya/ /zhes gsungs pa ma yin nam
 'dir yi ge ni dang ya dbyi ba ci'i phyir zhes bya ba ni bcom ldan 'das kho nas mkhyen drang na/ ji ltar gzhan du byed ji skad du/ yid ches lung dang mi ldan par/ /chos rnams ston par byed pa ni/ /mtshan nyid rnam par rtog pa yis/ /bdag kyang
 chung gson gzhan chung gson/ /zhes kyang ma gsungs sam/ de bas na rab tu zab pa'i lung gi tshul chen po'i rgya mtsho rab tu dang ba/ rang gi rnam par rtog pa ngan pa'i rus sbal gyi stobs kyis brnyog par byas na/ des par bdag nyid 'phud par 'gyur
 ta re/ 'phags pa nA gA rdzu na'i zhal snga nas/ legs sam nyes pa ma spyad par/ /mun sprul btun pa dpa' bo min/ /don med dpag tshad brgya ba yi/ /g.yang sar lhung ba ci cha yod/ /ces gsungs la/ rtog ge ngan pa'i 'jug pa lung gis bdag gis
 dang por bkag zin pas/ bdag la phan par 'dod pa dag gis/ bla ma dam pa'i bka' la gus par gyis shig /khri bzlas pas zhes bya ba ni sngags pa bsod nams byas pa la dgongs pa ste/ rnam pa gzhan du bya ba la sogs par 'chad par ?
 'thab mo 'byung ba'i zhes bya ba ni/ kha cig na re rab tu bsgrub pas yi ge bri ba tsam gyis so zhes zer te/ de lta na/ 'khor lo 'di ni 'jigs pa che/ /zhes gsungs pa mi rigs so/ /le'u lnga pa'i bshad pa'o// //spyi bor gshin rje  
 gshed bsam ya zhes bya ba ni lha thams cad kyi spyi bor zhe sdang gshin rje gshed bsam zhing/ de la ni rdo rje sems dpa' i 'am mi g.yo ba'o/ /kha cig na re gti mug gshin rje gshed la sogs pa la ni/ zhe sdang gshin rje gshed kyis rgyas gdab
 cing/ tho ba dad tsar ts+tshi ka la sogs pa ni/ gti mug gshin rje gshed la sogs pas rgyas gdab la/ bdag po la ni mi g.yo ba 'am/ gti mug gis so zhes zer ro/ /gang ba'i sbyin sreg ces bya ba ni nang gi sbyin sreg ste/ bdud rtsi myang bar ji skad gsungs
 pa lta bus so/ /dam tshig ces bya ba ni 'og nas 'chad ba rnams so/ /sdom pa zhes bya ba ni thun mong dang khyad par ro/ /dang po dbu rgyan dang zhes bya ba ni/ slob dpon dang slob ma'i sdug pa'i lha'i dbang dang gzhan yang chu dang/ dbu rgyan dang rdo rje dang/ dril bu dang ming dag
 bsdus pa'o/ /gnyis pa la ni ral gri zhes bya ba ni rdo rje brtul zhugs sbyin pa'o/ /rdo rje dril bu zhes bya ba ni lung bstan pa dang/ slob dpon gyi dbang bskur ba'o/ /bzhi pa zhes bya ba ni gsang ba'i dbang ngo/ /kha cig na re dbu rgyan la sogs pa 'di dag ni lhag pa'i
 dbang yin pas chu la sogs pa byin nas de'i 'og tu sbyin zhing/ rgyud 'dir shes rab ye shes kyi dbang ni mi 'dod do zhes zer ro/ /shes rab ye shes ni 'dod de/ zhib tu ni dbang 'di dag dkyil 'khor gyi cho gas?
 ltos shig /de nas zhes bya ba la sogs pas ni gtor ma 'chad de/ 'dir las byang du gzhug pa'i gtor ma dang/ ma rungs pa phur bus gdab pa'i gtor ma dag tshim par bya ba'i gtor ma dag las dang po gnyis ni slob dpon ba su dza na b+ha dra'i zhal
 snga nas sbyar ba'i bsgrub pa'i thabs su ltos shig /tshim par bya ba'i gtor ma ni/ oM swa b+hA ba shud+d+ha sarba d+harmma swa b+hA ba shud+d+honyrahaM/ zhes pas 'di skad cig gis chos thams cad rang bzhin gyis 'od gsal bar blta'o/ /oM shu n+yA ta dz+nyA na badzra swA b+hA ba at+ma
 konyrahaM/ 'dis stong pa nyid du yud tsam bsams te/ de nas de ma thag tu rang gi lhag pa'i lha'i gzugs su byas la gtor ma sha dang nya dang chang dang zan dron la sogs pa dri zhim po dang/ me tog dang mar me dang ldan pa lhag par gnas pas
 rang gi snying ga'i yi ge yaM gyi sa bon las byung ba'i 'od zer gyis dbang po la sogs pa 'jig rten gsum na gnas pa ma lus pa bkug ste bsams la de dag sbyangs shing sngon gyi bza' ba yang bdud rtsi sbyangs pa'i rim pas sbyangs te/ lan bdun
 sngags 'di brjod pas sbyin to/ oM in+d+ra ya h+ri/ sa ma yaSh+TI/ ba ru na ya wi/ ku be ra ya kri/ a'i sha na ya tA/ a ka n+ye a/ ni ri ti na/ ba ya be na/ tsan+d+ra ya hUM/ A ka ra ya hUM/ b+ha ma ha ne phaT/ ba su da ra ye phaT/ be ma tsi
 tri ni swa/ sarba b+hU te b+hyo ha/ hi hi hi hUM he he he swAhA/ de nas thams cad tshim par bltas te/ oM badzra puShpaM A(rgyud 'grel de rjes su snang ba byin la/ rdo rje sems dpa' i snying po yi ge brgya pa brjod par bya'o/ /oM badzra satwa a/ ma nu pA la ya/ badzra satwa twe no pa tiSh+Tha/ bri Dho me b+hA ba/ su to Sh+yo me b+ha ba/ a nu rak+to me b+hA ba/ su bo Sh+yo me b+hA ba/ sarba sid+d+hi me pra yats+tsha sarbba karmma su tsa me/
 tsit+taM sh+rI yaM ku ru hUM/ ha ha ha ha ho/ b+ha ga bAn sarbba ta thA ga ta/ badzra mA me muny+tsa/ badzri b+hA ba ma hA sa ma ya satwa a/ zhes ji ltar dga' bas bzlas pa oM A(rgyud 'grel tsandan zhes bya ba la sogs pas ni 'khrul 'khor bri ba'i dam tshig bstan te/ rab tu dben pa'i gnas su ji skad gsungs pa'i dri'i chus maN+Dal gru bzhi pa'i dbus su gru gsum pas mtshan pa byas la/ der dpa' bo'i bza' ston bya ste/ gshin rje gshed kyi bris sku yang dag par
 mchod la/ ha ha/ he he/ ho ho/ hUM hUM/ zhes bya bas rang gi khro bo'i sku rab tu gsal bar dmigs te/ lha rnams kyi spyan sngar zlum por bskor ba gsum bya ba zhes bya ba la sogs pa'i tshul gyis 'khrul 'khor bri bar bya'o/ /ya ma rA dzA zhes bya ba la sogs pa'i
 sngags ni 'khrul 'khor la 'god pa ste/ dang po bsnyan pa ci rigs nyid du 'di la bya ste/ de'i rjes la las kyi bzlas pa la bsnyen pa bya'o/ /kha cig ni 'di gnyis phreng bar byas te/ om h+rI(rgyud 'grel de 'khrul 'khor ma yin pa'i las ni/ las kyi sngags 'ba' zhig gis bya'o/ /'khrul 'khor ni bsnyen pa byas pas bris te/ de nas las kyi bzlas pa kha nas bya'o/ /tshig gi don rnams ni go sla'o/ /kha cig ni ya ma rA dzA zhes bya ba la sogs pa'i gsang
 sngags kyi phreng ba 'di la sngags kyi ming dang don las dang dbye ba rnams rtog cing/ ya la sogs pa bsdus pa dang/ phye ba'i don 'chad de/ rgyud 'di la ni bshad pa'i rgyud kyang ma mthong la bdag gi bla ma glo chen po dag kyang 'di'i don mi 'chad cing 'gro bzang
 snying po la sogs pa'i slob dpon rgan po la la dag gis kyang 'di'i don rnam bar ma phye bas/ bdag ni 'di'i don byed pa la yid spro ba med cing/ gzhan gyis phye ba la bar mngon par yid ches pa dang/ rjes su dga' ba med de
 sngar rtog ge 'gags pas so/ /gal te rang gi rang gi rtog ge'i mthu la brten pa na ni sngags 'di'i don yang rab tu mang po zhig tu drang bar nus par 'gyur na/ skyes bu dam pa dag la ngo tsha ba'i gnas yin pas ga la zhig dbye/ oM h+rI(rgyud 'grel sogs pa'i sngags kyi don to/ /'phags pa nA gArdzu na'i lugs kyis nye bar bstan pa can slob dpon zla grags kyis mdza' drug bar gsal bar bya ba nyid 'dir yang sbyar zhing/ gtor ma sbyin pa na yi ge re re zhig phye ba ni yi ge de dag gi rgyud tshim
 par byed pa'i mthu can du byin gyis brlabs pa'o/ /kha cig ni de'i 'jig rten pa'i snying por bstan ces zer ro/ /de ni rtog ge'i lung ngo/ /lhag ma ni go sla'o/ /le'u drug pa'i bshad pa'o// //de nas zhes bya ba la sogs pa ni lha mo
 bzhi'i ting nge 'dzin gyi las ston te/ /brag dgug pa la ni lce las 'od sbu gu'i rnam pa byung bas snying ga nas khrag drang ba'i ting nge 'dzin bya'o/ /chang dgug pa la ni de bzhin te cung zad mdun gyi snod ji skad bstan par ro/ /khu ba dgug pa la yang de bzhin
 te/ skyes pa'i rdo rje'i lam dang/ bud med kyi byang chub kyi lam nas a ba d+hu tI'i rtsa'i khu ba drang ngo/ /rim pa bzhin du byas pa blo 'phel ba la ni/ rang gi lte bar yi ge a dkar po las byung ba'i zla ba'i dkyil 'khor dbus su pad+ma rA ga'i mdog 'dra ba'i yi
 ge a las dbyangs dang gsal byed kyi phreng ba dmar po mang po byung ste/ 'bro ba re re'i snying gar thim pas shes rab rgyas par byas te slar bsdu'o/ /bsnyen pa nye bar gyur nas bsgrub ba zla ba phyed du bya ba'i phyir/ tshes gcig nas ni zhes bya ba la sogs
 ba gsungs so de nas zhes bya ba la sogs pas ni dbang bskur ba'i tshul te/ dkyil 'khor gyi cha las shes par bya'o/ /le'u bdun pa'i bshad pa'o// //de nas zhes bya ba la sogs pas ni bka' srung ba'i 'khor lo ston te/ lus gsum
 las ni byung ba zhes bya ba ni 'jigs pa dang 'dod pa dang nor gyi lus las byung ba'i bgegs so/ /yang na chos dang longs spyod dang sprul pa'i lus gsum du dbyer med par byung bas shes tshig rnam par sbyar ro/ /gzhan dag ni bgegs ni lus las byung
 ba ste/ bgegs ni de bzhin dag las byung/ /bgegs ni de bzhin sems las byung/ zhes bya ba la sogs pa'i tshul gyis na lus la sogs pa gsum las ni byung ba bcad ces mchad do/ /khyod ni zhes bya ba la sogs pa ni sa'i lha la sogs gsol ba
 gdab pa ston te/ lha mo 'di ni bskal pa bzang po'i sangs rgyas thams cad mngon par byang chub pa'i dpang po yin pas bdag gi yang dpang por bzhag go /dkyil 'khor pho brang zhes bya ba la sogs pa ni/ slob ma 'jug pa'i cho ga ste/ dkyil 'khor
 gyi cho gar blta'o/ /de nas zhe bya ba la sogs pa'i don ni ku mu ta phye bar gyis shig /de nas sbyin sreg ces bya ba la sogs pa'i don ni dkyil 'khor gyi cho gar shes par sla'o/ /le'u brgyad pa'i bshad pa'o// //de nas zhes bya ba la
 sogs pas ni char dbab pa ston te/ rgya mtsho chen po bzhi 'am/ phyi'i rgya mtsho chen po'i sa blangs la/ de na lte ba yan chad skyes pa'i cha byad rgyan ma lus pas brgyan pa/ gdengs ka bdun pa mdog dkar ba lte ba man chad sprul du 'dug pa /lag pa
 g.yas pa mchog sbyin pa/ g.yon pa utpal 'dzin pa 'am/ yang na lag pa bzhi pa/ g.yon pa bdud rtsi lnga po 'o ma dang/ zho dang/ mar dang/ sbrang rtsi dang/ kha ras bkang ba'i thod pa dang pad+ma 'dzin pa/ g.yas pas shing 'bras dang rin po che 'dzin pa
 zhig byas la de'i snying gar gur gum gyis/ oM phu(rgyud 'grel la dza naM dza zhes bya ba'i sngags kyis/ snying ga'i sa bon las rdo rje lcags kyu spros pas klu'i rgyal po mdza' yas bkug ste/ gzugs de la bstim ste klu'i dga' ba'i gtor ma dang/ mchod pa oM phu(rgyud 'grel rA dzA ba ri sha ya phu(rgyud 'grel par bya ba'i sbyin sreg gis so/ /lha rnams mthong zhes bya ba ni gshin rje gshed po la sogs pa gang 'dod pa ste/ sbyin sreg gis lha rnams rab tu tshim na/ gang 'dod pa'i mchog sbyin pa'i phyir ma'i dbus la sogs par mngon sum du mthong
 bar 'gyur ro/ /'di ni lha chen po la sogs pa'i 'jig rten pa'i lha rnams las yang yin mod kyi/ 'on kyang 'dir ni mi sbyar ro/ /mig sman zhes bya ba ni sro tsa any+dza na'o/ /nyal ba zhes bya ba ni sprul gyis zin te brgyal ba'o/ /bzlas pa'i zhes bya ba ni
 bzlas te brab ces bya'o/ /lag pa yi ni zhes bya ba ni yang na zhes bya'o/ /gtor ma nyi ma gcig bzhin dbul/ zhes bya ba ni de la rab gnas byas pa'o/ /shing rtser gdangs zhes bya ba ni mi'i rus pa de ste kha cig na re 'khrul 'khor yang bris te
 de dang lhan cig gdags shes zer ro/ /'khyam par 'gyur zhes bya ba ni smos par 'gyur bas so/ /slar phog ste chur bskyus pas ni bde bar gnas par 'gyur ro/ /le'u dgu pa'i bshad pa'o// //de nas gzhan yang zhes bya ba la
 sogs pas ni ro langs kyi sgrub pa'i thabs rab tu yang bsdus pa ston te/ 'dir 'di'i cha dang mthun pa'i lung ni/ rang gi sems stobs mchog dang ldan pa des 'di ni shin tu 'jigs pa'i las kyang bya/ sems stobs chung ba'i mi la sha za yis/ /glags mthong
 nas ni phung bar byed par 'gyur/ dpa' bo'i go bgos mtshon cha'i thabs mkhas pas/ chas pa'i glang chen mchog bzhon gzhu thogs nas/ /mda''phen mthu dang ldan pa gcig pos kyang/ /dgra bo'i tshogs kun las ni rgyal bar nus/ /de bzhin sems
 stobs chen po'i tshul khrims kyis/ /go bgos legs bsrungs glang chen zhon nas su/ /gsang sngags gzhu thogs bzlas brjod mda''phen pas/ /'byung po la sogs mtshan mo rgyu las rgyal/ /sgur po yan lag lhag chad thung ngu dang/ /de bzhin ring po 'am
 yang na sgom po 'am/ smad pa'i mngal nas skyes pa 'am ma ning ngam/ rnam pa de 'dra'i ro ni spang bar bya/ /ma zhu ba dang rims drag tshad pa dang/ /'khru skyug bcings dang chu dang gsol shing dang/ /sprul gyis bsang dang dug gis shi pa 'am/ /bad kan rlung
 sogs thod mis bsad pa la/ yan lag tshang zhing kha bzhin ma smad pa/ /lus la smad med skyes pa'i ro mthong nas/ /ral gri be con lag na thogs pa yis/ /nyin par thog thag tu ni bsrung bar bya/ /dur khrod khang stong dang ni shing gcig dang/ bzhi mod
 'bab chu dar ni chu klung ngam/ /mtsho 'am rgya mtsho 'am ni ri bo las/ /skad cig gis kyang ro langs 'grub par 'gyur/ /gang yang rung ba'i gnas gcig brtags nas ni/ /sa dang lci ba bsres pas byug par bya/ /gtsang ma der ni dkar nag dmar po 'am/ /mtshon rtsi sna
 tshogs rnams kyis dam tshig bri/ /gong du smos pa'i dkyil 'khor de rnams la/ /bsams nas 'dod pa gang yang rung ba gcig /dad pa chen pos rigs kyi yum gyi mchog/ bzlog cing rab tu bsgrims te bri bar bya/ /'jigs pa med pa'i g.yog gis de ?
 nas/ khyer te 'ongs nas ku sha'i steng bzhag ste/ /skra dang kha spu rnams kyang bregs nas su/ /de yi mod la 'bru mar dag gis sku/ /de nas bum pa zhabs mi gnas pa bzhi/ gtsang ma'i chus ba gang ? rtsi ba
 sbyar bas bkru/ /de nas gos dkar phrug cig bskon nas su/ /de nas dkyil 'khor dbus su rtswa stan dang/ /ma nyams me tog steng du ro bzhag cing/ /ro ni mgo bo shar ram byang du bstan/ /dri lis byug cing bdug pas bdug par bya/ /phreng ba gdags
 shing me tog sil mas gtor/ sha dang nya sha bal khur til bsres pa'i/ /bur bal sogs ji snyed bungs bskyed de/ /'byung po klu dang sha za gnod sbyin dang/ /'dre la bla 'og phyogs su byin par bya/ /grogs po mchog ldan bdag nyid bsrung byas te/
 rtse gcig sems kyis gsang sngags bzlas brjod bya/ /ro ni ldang du nye ba'i tshe na ni/ /'jigs pa'i gzugs can bgegs ni sna tshogs 'byung/ /gtsug tor rgyal po'i sngags kyis thal ba 'am/ /ma grugs yungs kar la sogs bsngags nas ni//  
 gtor nas phyogs bcu dag nas 'ongs pa'i bgegs/ /gsang sngags mthu yis de dag 'jigs par 'gyur/ /de dag zhi bar bya phyir khro ba ni/ /bdud rtsi 'khyil pa drag shul las can sbyar/ /bgegs rnams bcom nas de nas ro de yang/ /bsang
 sngags mthu yis myur du ldang bar 'gyur/ /gang zhig sngags kyi cho ga zhib mo las/ /mthong ba de ni bgegs med nges par 'brub/ /gal te ro de ldang bar 'gyur ba las/ /de yi gsang sngags cho ga mi shes na/ /sngags gzhan dag tu cho ga bstan pa yis
 langs pa de la rang gi dngos grub blang/ /gter gyi phyogs dang phug tu 'gro ba dang/ /ral gri any+dzan bzhon pa mdag bzhug dang/ 'byung khungs gser 'gyur rtsi dang bcud kyis len/ /mkha' la 'gro ba'i dngos grub rab tu gter/ /bsrung ba'i stobs
 med sngags kyi stobs med dang/ /dka' thub stobs med sams stobs med pa yi/ /blo gzhan gang zhig ro langs dngos grub tshol/ /de nas mtshan mo rgyu ba rnams kyis bsad ces gsungs te/ /cung zad du na ro'i mgo ni 'dir lhor bstan to/ /kha cig na re 'dir
 lhor bstan no/ /kha cig na re 'dir ro la nag po bstim mo zhes zer ba ni mi 'thad de/ de ltar dang po gnas nyid de'i gnas smos pa'i rigs so/ /'dir ni lha 'am gshin rje la sogs pa ro langs kyi dngos grub sbyin par nus pa gang su yang rung ba zhig /bcom
 ldan 'das gshin rje rab tu 'joms pa'i mthus/ 'di la zhugs nas dngos grub sbyin par zad pas/ 'di la nges pa'i lha ci yang mi dgug go /yang gzhan las shar phyogs sgor ni nan tan du/ /rma med pa yi ro bzhag ste/ /snying gar ro langs phyag rgya
 bzhag /de la rab tu bskor ba bya/ /de nas khros pa chen po yis/ /shin tu gus shing legs pa rgyan/ /dri dang me tog mar sngon gyis/ /legs pa dag tu mchod nas kyang/ /mkhas pas ro langs phyag rgya yis/ /thog mar bdag nyid bsrung bar bya/ /gshin
 rje gshed byed yan lag lnga/ /de bzhin lus la sbyar ba bya/ /dpa' bo mthu chen bdag nyid kyis/ /ral gri lag pas blangs nas ni/ /dpa' bo'i rkang pa g.yon pa yis/ /de'i snying gar mnan nas ni/ /khro bo yi ni gtso bo yis/ /yi ge bcu bdun sngags bzlas so/
 zhes pa dang/ de'i sngags dag pos skul ba dang/ /yi dags de ni g.yo bar 'gyur/ /ha har gyur pa'i 'khrugs pa dang/ /de bzhin ha ha'i sgra yang 'byin/ /de las langs nas bdag gis ni/ /de la mchod yon dbul bya ba/ /mtshon ni rnon po 'bar ba yis/ /bsad
 pa'i sha dang khrag bcas pa'o/ /rig pa 'dzin pa de yi ni/ /sems kyi drod ni nges shes nas/ /mchod yon blangs te dkyil 'khor ni/ /ha har gyur pas 'jigs par byed/ /de nas bdag nyid chen po de'i/ /'jigs rung ba yi gzugs mthong nas/ /gshin rje
 gshed po dpa' bo yi/ /ro langs phyag rgya bstan par bya/ /de nas gshin rje gshed po dpa' bo yi/ /ro langs phyag rgya bstan par bya/ /de nas gshin rje gshed bo ni/ /yi dags lus la gnas pa des/ /ro langs phyag na mthong nas  
 su/ rig pa 'dzin pa de yi ni/ /sems drod rig nas 'dod pa'i mchog /sbyin par byed par gdon mi za/ /khro bo'i rgyal bo slar gshegs nas/ /mi ro sa la 'gyel bar 'gyur/ /de yi lus ni de nyid kyang/ /gser du 'gyur bar gdon mi za/ /ngo tsha grogs
 po rnams dang yang/ /sems can rnams la ci bder sbyin/ /bdag nyid chen po dpa' bo yi/ /bsgrub pa bshad pa 'di yin te/ /sems dpa' rab tu dpa' bas bya'o/ /ngan song rnams kyis yongs mi bya/ /sems zhan pa yi bsgrub pa pos/ /khro bo'i
 rgyal po de bsgrub na/ /de ni langs na sa myur bar ni/ /grogs dang bcas nas gsod par 'gyur/ /ro langs phyag rgya mi shes na/ /sems ni ji ltar drag gyur kyang/ /khro bo'i rgyal po de yis ni/ /sgrub pa po de bsad par 'gyur/ /rigs 'dzin mchog gis//
 gang dag tu/ /de bzhin gshegs pa'i dam tshig gis/ /brgyan cing 'khor lo bskor ba yis/ /ro langs phyag rgya bcings pa der/ /gdon mi za bar khro bos ni/ /legs par byin gyis rlobs par 'gyur/ /myur du mchog kyang stsol bar mdzad de/ /'gro bar 'gyur
 ba'ang gdon mi za/ /oM na mo bud+d+ha d+harmma saM gi bya kro d+ha ka ya mAn+ta ka ha na ma tha bany+dza hUM be d+ha li rak+Sha rak+Sha maM/ ta thA ga ta badz+nyA pa ya ti swAhA/ de bzhin gshegs pa'i bkas brgyan pa/ /ro langs kyi khro bo'i phyag rgya'i sngags so zhes pa dang/ de nas lag pa
 gnyi ga yi/ /sor mo phan tshun bsnol wa yi/ /mdzub mo gnyis kyis esrin lag gnyis/ /legs par bzung nas dgug par bya/ /gung mo'i sor mo bsgrengs te phyar/ /mthe chung gnyis kyang nang du gzhug /de bzhin du ni mthe bo gnyis/ /phan tshun bsnos par
 brkyang ste sbyar/ /shes rab can gyis ro langs 'di/ /rtag tu tshul bzhin khro bor bstan/ /zhes bya ba la sogs pa gsungs te/ de dag las 'dir ji ltar rigs par sbyar ba ni/ /gang zhig tu ni rang nyid kyis/ /las kyi cho ga rnams med pas/ /der ni spyi
 gtsug las grags pa'i/ /cho ga mkhas pas shes par bya/ /zhes gsungs pas so/ /gshin rje'i dgra zhes bya ba ni/ /bsad pa'i 'khrul 'khor gyi skabs su gsungs pa lta bus byas te de spyan phye la'o/ /phyag drug ces bya ba la sogs pa ni go sla'o/ /b+ha gar ling
 zhes bya ba la sogs pas ni snyoms par zhugs te byang chub kyi sems las gsang ba'i dkyil 'khor sngags mngon du bstan pas 'byin pa na/ 'gro ba'i don la nye bar dmigs pa'i ting 'dzin te lha lhag ma rnams kyang de dag gi char ji ltar rigs bar
 bsdu ba'am sngar gleng gzhi bshad pa ltar drang bar bya zhing/ thod pa bzhis ni sems can thams cad nyon mongs pa dang bral nas dbang bskur ro/ /ba spu rtse las zhes bya ba ni btsun mo'i ba spu'i rtse las te/ de yang dpag tu med par 'phro bas na sprin zhes
 gsungs so/ /nyi ma'i zhes bya ba la sogs pa ni go sla'o/ /le'u bcu pa'i bshad pa'o// //'gro ba khong khros non gzigs nas zhes bya ba la sogs pa ni/ kha cig bdag po gcig pus chog pa ma yin nam/ ji ltar na lha 'di snyed
 cig bstan ces rtog pa bzlog pa'i phyir/ lha so so'i rnam par dag pa gsungs pa'o/ /rang snying sa bon zhes bya ba la sogs pas ni gsang ba'i dkyil 'khor bskyed pa'i phyir phyogs bcu'i sangs rgyas thams cad rang gi snying ga'i sa bon gyi yi ge 'bru
 las byung ba'i 'od zer gyis bkug la/ bdag gi lus la bstim ste/ de dag zhu ba las byung ba'i byang chub kyi sems kyi rgyun las byung ba'i dkyil 'khor rdzogs par byas nas/ sngon bzhin du ting nge 'dzin dang sngags kyis spros te bslar bsdus nas/
 phyi rol gyi dkyil 'khor bsgrub pa'i rnal 'byor 'grub par the tshom med pa'o/ /de nas zhes bya ba la sogs pa ni spyod pa ston te/ drod ces bya ba ni 'chad par 'gyur ba'i ye shes cung zad bab pa ste/ char dang rlung dang 'phrang? ba
 dang/ gnas dang zas la sogs pa la/ /ci mi snyan par nam gyur pa/ /de tshe las kyi 'bras bu des zhes gsungs pa'o/ /gar zhes bya ba ni lha nyid kyi rnal 'byor te/ gar ni bsgom par bya'o zhes gsungs pas so/ /glu zhes bya ba ni sngags kyi zlas pa ste/
 sngags dag par ni glug nas te zhes gsungs so/ /rgyal mtshan zhes bya ba ni rdo rje ste sbas pa zhes bya ba pad+ma'o/ /de nas zhes ba ba ni thabs dang shes rab 'du ba'i tshe dbang du byas pa'o/ /lha zhes bya ba ni pad+ma dang rdo rje byin gyis brlab pa'o/ /de la zhes bya ba de'i
 tshe'o/ /'o ma zhes bya ba ni me tog kun da lta bu'i byang chub kyi sems bde ba dang bcas pa ste/ bde ba med na de med cing/ de med na yang bde ba med ces gsungs pas so/ phyag rgya chen po zhes bya ba ni sa rab tu dga' ba rnyed pa'i rig pa 'dzin pa sangs rgyas kyi gzugs
 'dzin pa'o/ /de ni 'dod pa 'byor cing 'jigs pa spangs pa yin pas na/ /phag mo'i zhes bya ba la sogs pa gsungs so/ /de yang gang la brten nas 'o ma grub ce na/ phag mo'i gzugs ni bzung nas ni/ /btsun mo thams cad blang bar bya zhes gsungs te/
 rigs kyi phyag rgya 'di yin pas so/ /ji ltar na phag mo'i gzugs bzung ba yin zhe na/ ji skad du gsungs pa/ gang gis lag pa 'am dpral ba ni/ /'khor lo snang 'gyur spral ltags 'chang/ /sprin sngon gyi ni mdog 'dra ba/ /bskal bzang chen mo'i phun
 sum tshogs/ /mchog tu bde ba gang yin dang/ /khyim du 'khor lo bri byed cing/ /rtag tu de la mchod byed pa/ /rdo rje phag mo'i rigs byung ba'i/ /stobs kyi dregs pa'i mkha' 'gro ma'o/ /gang zhig mig sman gnag 'dra zhing/ /so ni dkar zhing lto ba dang/ /rtag tu
 sdug par gyur pa dang/ /sems stobs ldan par gyur pa dang/ /khrus la rtag par dga' ba dang/ /mang du smra bar mi byed cing/ /khyim du rdo rje bri ba dang/ /rtag tu dge bas mchod byed pa/ /rdo rje phag mo'i rigs byung ba/ /stong phrag bco lnga ldan yin zhes
 pas te/ /de yi bu mo grub pa po/ /gal te de ma rnyed na ni/ /yi dam lha yi rigs kyis bya/ /yang na gzhan gyi rigs kyang rung/ zhes gsungs pa sbyar ro/ /'di ni myur du phyag rgya chen po 'grub par byed pa'i bud med sngon du bstan pa'i mthu can no/ /dpa' bo? seng
 ge lta bur spyod ces bya ba ni 'du 'dzi spangs te gnas pas na/ /seng ge lta bur spyod pa ste/ /ji skad du/ sa la seng ge khyus 'khor sngon ma byung/ /lta ba'i gdug pa dag kyang 'khyus mi 'khod/ /gzi ldan bde ba pha rol gnon pa'o/ /skyes bu khyu mchog rnams
 kyang khyus mi 'khod ces gsungs la/ yang 'jig rten dag na nyi zla dpung ma mchis/ /'khor los sgyur dang seng ge dpung ma mchis/ /byang chub sems dpa' 'di ni dpung ma mchis/ /'on kyang gcig pus bdud ni gzhom par spyod/ /ces gsungs
 la/ yang 'jig rten dag na da ltar gcig pus na dpa' ba' o/ /gzhan dag na re/ 'di na 'dres par spyod par ma bkag ste/ sngar rol dang bcas pas grong khyer 'jug ces gsungs pas so/ /'on kyang lha'i bu'i bdud dang bdud kyi ris su gtogs
 pa'i 'chi bas mi tshugs pas na/ dpa' bo seng ge lta bur spyod ces gsungs te/ ji skad du/ brtul zhugs drag po 'dzin pa yi/ /sgrub pa po las bdud kyi ris/ /lha mo 'dod gzugs can dag dang/ /gzhan gyi lus kyis de bzhin du/ /dbang po bsdams
 la 'tshe byed ba/ /rnam pa sna tshogs gzugs kyis te/ /de dang lhan cig smra mi bya/ /cung zad kyang na tshigs mi bya/ /byang chub sems dpa' rab ldan zhing/ /khro bo'i bzlas pa gzhol byed pa/ /gal te de ltar 'go ba na/ /mi zad 'jigs pa'i
 gzugs dag gam/ /shin tu ngo mtshar gzhan ma rnams/ /bde gshegs bsams pas mthong ba na/ /de dag gis ni 'jigs mi bya/ /gnod cing skrag par byed pa ni/ /kho bdag nyid ni rnam 'jigs te/ /bde
 gshegs bka' ni bsgoms phyir ro/ /bde gshegs bsam pas bsgoms pa yi/ /rtul phod pa yis dpa' bo yis/ /brtul zhugs 'di ni brten par bya/ /dpa' bos bya yis gzhan gyis min/ /dngos grub mchog ni 'dod pa yis/ /lha yi brtul
 zhugs gsungs pa 'di/ /ji skad gsungs pa'i tshul bzhin du/ /rab tu 'bad pas bsnyen pas bya zhes gsungs la/ gzhan las kyang brgya byin lta bu'i lha min gang/ /mdun du nges par 'ongs gyur kyang/ /de la 'jigs par mi bya ste/ /dpa' bo
 seng ge lta bur spyod/ ces gsungs so/ /zhes zer te legs par smras so/ /'dir ni yang dag par bsdams pas na brtul zhugs shes drang bar bya bas na/ /dbang po bsdams pa dang/ rab tu brtson 'grus su byur? ba ste/ /brtson 'grus 'ba' zhig grogs
 gyur pas/ go 'phang bla na med pa rnyed gsungs pa lta bu dang/ grub pa'i phyag rgya'i stobs dag gis 'di 'grub kyi/ /tshogs ngan par spyod cing bud med tha mal pa'i yul la lhag par chags pas ni 'grub mi srid par shes par bya'o/ /de nas zhes
 bya ba la sogs pas ni rnal 'byor rab tu gsal ba'i ting nge 'dzin gyi rnam par 'phrul pa bstan pa'i phyir/ phyag rab tu mang po ston pa ste/ sngags ni gcig po nyid gsum gyi'o/ /de nas dam rdzas zhes bya ba la sogs pa go sla'o/ /rams dang
 zhes bya ba la sogs pa ni/ bzlas pa grub pa'i byug pa'i bya ba bstan te go sla'o/ /chu chen po zhes bya ba ni rdo rje'i chu'o/ /rdo rje bdud rtsi zhes bya ba ni rang gi rdzas so/ /rang byung me tog ces bya ba ni bud med kyi nyi ma'o/ /'di dag sna bug g.yon pa las 'thungs
 pas 'chi ba 'joms pas na sbyor bas 'di dag mchog gi mchog ste/ mchog gi tshe ring po sbyin pas so/ /de'i yang mchog ni rgas pa dang rgud pa rab tu 'jigs pas so/ /le'u bcu gcig pa'i bshad pa'o// //de nas yang bcom ldan
 'das zhes bya ba la sogs pa dag gis ni mchod pa'i glu gsungs te/ tsar ts+tshi ka zhes bya ba la sogs pas ni 'byung bar 'gyur ba'i rnal 'byor pa rnams kyis/ bdag nyid lha mo bzhi'i ting nge 'dzin du byos la glu'i bstod pa gyis shig ces bstan pa'i
 phyir ro/ a kye kye kye zhes bya ba la sogs pa ni tha mal pa'i skad du bstod pa ste go sla'o/ /de nas zhes bya ba la sogs pa ni bzlas pa'i bya ba phreng ba dang bcas pa'i bya ba ston te/ ku mu ta kha phye bar cung zad bstan pas khong du chud par nus so/ yi dags tshogs stong
 bsad par bya zhes bya ba ni 'gro ba chos can la 'tshe ba'i bgegs drag po ni zhi bar ji ltar mi nus na/ sngags pas snying rje bskyed la 'khrul 'khor ram sbyin sreg gis bsad par bya ste/ ji skad gsungs pa yang nyes pa cung zad tsam gyi phyir bgegs
 rnams la ni gnod mi bya/ shin tu sdang bar rigs nas su/ /gal te bgegs la gnod bya na/ /shin tu sdang zhing drag rnams la/ /'jam des nyid kyis mi bya'o/ /gal te 'jam des nyid bya na/ /de ni mod la gnod pa byed/ /thog mar 'jam por sbyar bar
 bya/ lan gnyis tshe ni dbye bar brtson/ /gsum tshe mchod yon thogs nas su/ /me tog bsnyim par gnas byas la/ /de nas bgegs rnams mchod par bya/ /'byung kun phan gtor byin nas su/ /'di skad gyi ni tshig brjod de/ /bdag gis da ni khyed
 mchod kyis/ /song zhig bgegs chen 'gro bar gyis/ /phyin chad de ltar ma byed cig /khyed kyis stobs dang rtsal mthong na/ /khyed ni bdag la bgegs byed nus/ /khyed ni lha'i sprul pa ste/ /khyed ni bgegs byed mi nus min/ /sngon chad mchod pa ma thob pa/ /
 de ni bdag gis mchod byas te/ /mchod gyis da ni mchod khyer la/ /bgegs kyi rgyal po song zhes brjod/ /gal te 'dug kyang bgegs med na/ /de la legs par spyad par bya/ /sngags pas mchod pa byas nas kyang
 ci ste bgegs ni yang byed na/ /phyogs bcu'i sangs rgyas dpang gyur pa/ /mi mchog rnams la mkhyen par gsol/ /bgegs la chad pas bcad pa yi/ /sbyor bgyid bdag la nongs ma mchis/ /sangs rgyas rnams dang sangs rgyas sras/ /byang
 chub sems dpa' rnams kyi ni/ /bka' dang 'gal ba bdag mi bgyid/ /lha dang lha ni gnod sbyin bcas/ /gang dag klu dang dri za dang/ /gza' dang mi 'am ci dag la/ /bgegs kyis gtses par gyur pa dag /phyogs rnams kun tu bsgrags par bya//
 gal te cung zhig skyob tshe na/ /myur du yongs su skyobs shig ces/ sngags pa'i gal te mnyan byas nas/ /bgegs byed zhi bar gyur na ni/ /de nas phyogs mtshams thams cad du/ /lha rnams la ni mchod pa bya/ /gal te de ltar mi btub na/ /me tog
 thal mo mchod yon gyis/ /sangs rgyas sogs la rab bskul te/ /de la chad pas bcad bar bya/ /drag po shin tu ldan sems dpa' / /bka' lung las ni 'gal byed cing/ /mi la gnod cing srog 'phrog pa/ /sangs rgyas rnams kyang mi g.yel bar/ /de la
 phan par shes nas su/ /bskal pa bye ba du mar ni/ /sems dmyal gnas su skye ba yi/ /sdug bsngal mang por 'dir 'gyur zhes/ /ji ltar sman pas sems can gyis/ /nad rnams gso bar byed pa bzhin/ /gzir bas bdag la nyes pa med/ /mkhas
 pa rnam par spangs pa yin/ /de las sems ni mnyam bzhag cing/ /snying rje'i yid dang ldan pa yis/ /byang chub sems ni brtan byas te/ /de ltar chad pas bcad pa tsam/ /ji ltar sman pa mkhas pa dag /nyes te yal bar mi 'dor zhing/ /thabs dang
 shes rab ldan pa yang/ /mkhas na'ang mi byed nyes dang bcas/ /ji ltar sman pa mi mkhas pa/ /thabs dang shes rab bral ba yis/ /nad pa yal bar mi 'dor zhing/ /gso ba'i cho ga byed gyur pa/ /de bzhin gshegs dang bral ba yis/ /gal te
 gso bar brtson na yang/ /thabs dang shes rab bral ba la/ /sangs rgyas rnams ni sngags mi mdzad/ /nad pa dang ni nad pa la/ /sman pa ji ltar sman sbyin pa/ /kha dang tsha dang bskal ba yang/ /'jig rten smod par mi byed pa/ /de bzhin 'dul ba'i bye brag gis/
 ci rigs par ni gsol bar bya/ /sdang ba'i sems can rnams la ni/ /bya ste sangs rgyas rnams mi smod/ /'o na sngags po che khros la/ /bskal pa'i me'i 'od lta bus/ /rdo rje ral gri'i phyag rgya yis/ /bgegs rnams thams cad bcad par bya/ zhes
 gsungs so/ /gal te blo bur du bgegs bsad pa'i bya ba nye bar gnas na/ yungs kar yi ge hUM las rdo rje 'bar bar byas pas bsnun te/ lus thal byung du song bar bsam pa 'am/ yang mi srog la mi gnod par ral gri la sogs par bsams pa'i
 dbyig pa dang/ thag pa la sogs pas rab tu drags par bsnun pa 'am/ me la gdung ba 'am/ chu la sbyir bar bya'o/ /'di yang lha'i rnal 'byor gyi bya'i/ gzhan du ma yin no/ /gtor ma drug cu rtsa bzhi sbyin zhes bya ba ni/ 'byor pa mchod la sogs pa'i bye brag gis
 nyin re la sogs par ro/ /gshin rje'i dgra la dbul zhes bya ba ni/ /lha bshos kyi bya ba nges pa ste/ /rab tu 'bad pas dbul lo/ /de nas zhes bya ba la sogs pa ni go sla'o/ /le'u bcu gnyis pa'i bshad pa'o// //de nas zhes bya ba
 la sogs pa ni rdo rje mkha' 'gro ma'i dkyil 'khor ston te/ 'di nas brtsams te dkyil 'khor 'byung bar 'gyur ba dag tu gang yang nges par gsungs pa'i lha dang/ de'i sku mdog dang phyag mtshan dang/ dbyibs ni le'u dang po'i dkyil 'khor gyi
 lha rnams kyi rtsa ba'i phyag mtshan dang sku mdog la sogs pa ltar shes par bya'o zhes bya ba ni bla ma bgres po dag gi lung ngo/ /kha cig ni gzugs ni gnyis su zhes bya ba ni/ bud med dang ni skyes pa nyid/ /yang na kun
 tu thams cad kyi/ /kha dog dbyibs dang gzugs rnams te/ /bsam yas ye shes las byung bas/ /de bas de rnams bsam yas te/ /ye shes mkhyen gyi ye shes ni/ /sems can don phyir tha dad gyur ces gsungs pas/ gang du kha dog la
 sogs pa nges pa ma brjod pa der/ rang gi blo la ci dga' bar soms shig ces zer te/ de dag gis kyang legs par smras pa nyid do/ /sdig pa'i las gcod pa'i gri gug ste zhes bya ba ni sdig pa gcod pa'i rtags te/ khar sil gyi don bzhin no//
 thos pa zhes bya ba ni lha'i rna ba'o/ /mkha' dbyings zhes bya ba ni chos 'byung ba'i phyag rgya'o/ /rtse mo lnga pa zhes bya ba ni sna tshogs rdo rje ste/ nyi ma'i dkyil 'khor pad+ma la gnas pa'i dbus su sna tshogs rdo rje ste/ /de'i dbus su gnas zhes bya ba khang pa
 brtsegs ma dgong pa bya ste/ b+h+ruM las byung ba'o gzhan dag ni gnas zhes bya ba sa bon gyi yi ger 'dod do/ /Di zhes bya ba la sogs pa ni go sla'o/ /cung zad du na bla ma dgyes pas dbang bskur ba dam tshig dang ldan pas/ bskyed pa'i rim pa la gus pas/
 lha'i rna ba'i ched du bsnyen pa bye ba phrag bzhi dang/ 'bum phrag bzhi bya ste/ de nas dkyil 'khor bris pa'i dbus su bdag po'i gnas gsal bar bdag 'dug nas bden pa'i byin gyis brlabs dmigs nas mtshan thog thag tu bzlas na/ tho rangs de'i rna ba
 rnam par dag pas sgra rab tu phra ba dang/ ring po na grags pa yang thob par 'gyur ro zhes bya ba ni man ngag go /oM badzra zhes bya ba la sogs pa'i sngags kyis ni/ lha'i lus bskyed par bya'o/ /oM A ka sha zhes bya ba la sogs pa ni bzlas pa'i sngags so//
 rdo rje sa 'og ces bya ba ni gnod mdzes rgyal po'o/ /sa 'og bug pa ces bya ba ni lha ma yin gyi yul du 'gro ba'i dpal gyi sgo zhes bya ba ni bu ga ste/ ji ltar sgrub pa po ma he stor ba'i gtam ltar te/ dzam+bu'i gling phal na yod cing/ phal cher ni gser gyi
 brag ri bya skyibs lha ma yin gyi steng na yod do/ /gnod mdzes rdo rje zhes bya ba la sogs pa ni go sla'o/ /rmi lam gyis ni bug pa zhes bya ba ni/ tshul snga ma ltar bsnyen pa bya ste/ mtshan mo mchod pa rab tu rgyas par byas nas lha la gsol ba gdab ste/
 mi smra bar blo g.yas pa phab nas yid la byed pa gzhan spangs te nyal na/ rmi lam na gang na sa 'og gi sgo yod pa nges par ston te/ de nas nang par mchod pa chen po byas la/ gnas der rdo rje 'am gtun shing khyer la song ba dang/ 'ga' yang med na der
 dkyil 'khor ji lta ba bri bar bya'o/ /de lta na yang su yang med pa lta na/ rab tu khros te rdo rje 'am gtun shing gis der drag tu bsnun na nges par sa 'og na gnas pa rnams skrag pas 'thon te/ kye bsgrub pa po bdag nyid chen po khyed ci bzhed gnas
 'dir gshegs shig ces smra bar 'gyur ro/ /des gang 'dod pa smra ste de phan chad sa 'og gi rig pa 'dzin pa tshe dpag tu med pa lha'i lus dang longs spyod can du 'gyur te/ 'dod pa'i yon tan lnga la rtse bzhin du byang chub thob par 'gyur ro/ /mkha' spyod
 rab bsgrub ces bya ba ni nam mkha' la 'gro ba'i rigs 'dzin te/ snga ma lngar bya ba byas te/ bsgrub pa'i dkyil 'khor gyi dbus su 'dug nas mtshan thog thag bzlas nas/ tho rangs nam mkha' la bya khyung ltar 'gro bar 'gyur ro/ /nam mkha' i rdo rje zhes bya ba ni/
 gnam lcags me'i 'od 'phro ba ste/ glegs bam kha cig las ni/ nas kyi sog ma zhes 'dod do/ /khams gsum nam mkhar 'gro ba'o/ /zhes bya ba ni sa 'og dang sa steng dang mtho ris su gang dga' bar 'gro ba'o/ /le'u bcu gsum pa'i bshad pa'o// //
 de la de nas zhes bya ba la sogs pas ni ye shes kyi thig skur bsgril ba'i bya ba ste go sla'o/ /gzhug pa zhes bya ba ni yol ba bsal ba'o/ /nyis 'gyur zhes bya ba ni sogs pa'i go sla'o/ /dkyil 'khor ma zhugs rnams
 dang ni zhes bya ba la sogs pas ni gdul bya ma rungs pa yang thugs brtse bas/ sngar byas pa mi lta bar gzhug ste zhes ston pa ni ji ltar 'phags pa de kho na bsdus pa las/ de nas rdo rje dbyings kyi dkyil 'khor chen po 'dir rdo rje slob ma dkyil
 'khor du gzhug pa la sogs pa'i cho ga rgyas pa mchis so/ /de la dang po ni gzhug pa lags te/ sems can gyi khams ma lus shing lus pa med pa rnams yongs su bskyab pa dang/ sems can thams cad kyi phan pa dang/ bde ba'i mchog 'grub
 par bgyi ba'i slad du dkyil 'khor chen po 'dir zhugs pa la snod du gyur pa dang snod du ma gyur pa rtag ni mi 'tshal lo/ /de ci'i phyir zhe na/ bcom ldan 'das sems can kha cig ni sdig chen po bgyid pa yang mchis te/ de dag gis rdo rje dbyings kyi
 dkyil 'khor chen po 'dir zhugs te mthong na/ ngan song thams cad dang bral bar 'gyur ro/ /bcom ldan 'das nor dang bza' ba dang btung ba dang 'dod pa'i yon tan thams cad la chags pa dang dam tshig la mi dga' ba dang/ sngar bcad pa
 la sogs pa mi nus pa'i sems can dag kyang mchis te/ de dag kyang 'dir ji ltar 'tshal ba bzhin du bgyid cing zhugs pa rnams kyi bsam pa thams cad yongs su rdzogs par 'gyur ro/ /bcom ldan 'das sems can kha cig
 ni gar dang/ glu dang gad mo dang/ /kha zas dang/ spyod pa la dga' ba rnams dang/ de bzhin gshegs pa thams cad kyi theg pa chen po mngon par rtogs pa'i chos nyid khong du ma chud pas lha gzhan gyi rigs dang dkyil 'khor du 'jug go /de bzhin
 bshegs pa thams cad kyi dkyil 'khor re ba thams cad yongs su rdzogs par 'gyur ba bla na med pa'i dga' ba dang mgu ba dang/ rangs pa rnams 'byung ba der ni bslab pa'i tshig gis 'jigs shing skrag nas mi 'jug pa dag kyang mchis te/ de dag
 ngan song gi dkyil 'khor gyi lam du 'jug par kha ltas shing gnas pa rnams kyang dga' ba dang mgu ba'i dam pa thams cad 'grub cing bde ba dang yid bde ba myong bar bgyi ba dang ngan song gi rgyud du 'jug par kha ltas pa'i lam las bzlog par bgyi
 ba'i slad du/ rdo rje dbyings kyi dkyil 'khor chen po 'dir 'jug tu rung ngo/ /bcom ldan 'das chos can gyi sems can thams cad de bzhin gshegs pa thams cad kyi tshul khrims dang ting nge 'dzin dang shes rab dam pa grub pa'i thabs kyis/
 sangs rgyas rnams kyi byang chub tshol ba ni bsam gtan dang rnam par thar ba dang/ sa rnams kyi 'bad cing nyon mongs par gyur pa dag kyang mchis te/ de dag kyang rdo rje dbyings kyi dkyil 'khor chen po 'dir zhugs ma thag tu de bzhin gshegs pa
 thams cad du 'grub par yang dka' ba ma lags na/ dngos grub gzhan lta smos kyang ci 'tshal zhes gsungs te/ de bas na sngags pas gang dag srog gcod pa la rgyab kyis phyogs pa de ni yon tan gzhan bral yang gzhug cing/ gal te
 snying brtse ba med pas srog gcod pa las ma log pa lta na/ de ni btang snyoms sam nan tur gyis gzhug pa ma yin pa/ thabs gzhan ma mthong ba ste/ gdul dka' ba dang mtshungs 'dra ba/ /sangs rgyas byang chub bsnod ma yin/ de dag rtogs par
 bya ba'i phyir/ btang snyoms chen po goms par bya zhes pa dang/ sdig pa'i sems can phan don du zhes bya ba la sogs pa gsungs pa lta bu'o/ /de nas zhes bya ba la sogs pa ni go sla'o/ /de dag yang dag bshad bya ba zhes bya ba ni gal te rnal
 'byor pa ral pa gcig ma'i mthus gnod sbyin mo bsgrub par 'dod na/ sngar bstan pa ltar dang por bya ba rnams byas nas bsnyen pa rdzogs pa dang/ ba ru ra'i shing drung la sogs par song ste gang 'dod pa'i gnod sbyin
 mo de'i ming smos pa'i sngags/ oM e ka dza Ti zhes bya ba la sogs pa'i sngags bzlas te/ de nas phyi nas sngags ni spro zhing bzlas shes gsungs pas snying ga nas sa bon gyi yi ge las rdo rje lcags kyu spros te de'i snying ga nas drang bar bsams
 shing bzlas pa bya ste/ der gtor ma dang mchod pa lnga yang de la bsngo bar bya'o/ /gang gi tshe 'tsho ba na bstan par bya zhing/ bka' gus pas nod pa na bka' stsal te/ de nas bzung ste grub pa'o/ /'dir lung ni/ gnod sbyin mo yi cho ga zhib mor ni/ /
 gsang sngags mnyes byas grub pa 'di dag ster/ /ma dang sgyug mo sring mo grogs mo dang/ /bu mo chung ma mna' mar rab 'grub par/ /ma dang sring mo sgyug ma de dag rnams/ /yid bzhin rin chen bzhin du grub pa mchog /yid 'ong grogs mo bu mo
 grub pa 'bring/ /chung ma mna' ma grub pa mdza' mar grags/ /dus gsum du ni me tog phreng ba dri/ /mar ram 'bru'i mar me tsan dan dang/ a kar dri zhim bdug pa mchod pa dang/ /gtor ma sna tshogs nub mo sbyin par bya/ /gnod sbyin mo ni dga' nas
 mngon phyogs nas/ /rnyed pa rnyed cing khu bar 'byung bar byed/ /'dod chags zil gyis gnon pa'i bud med dag /gnod pa byed pa nges par gnas par 'gyur/ /gnod pa byed tshe 'gro bar mi bya zhing/ /rnyed pa mang nyung la yang 'dod mi bskyed/ /sngags
 pas mtshan mo khu ba dag byas nas/ /brtson 'grus rab tu 'bad de bsgrub par bya/ /sngags pa sems rmongs pas ni gzhan du yang/ /brtsams nas phung bar yang ni 'gyur ba nyid ces pa sbyar ro/ /yang na khu ba dgag par bya ste/ bu mos bkal ba'i
 skud pa ni/ /leb rgan rtsi 'am gur kum btsos/ /de ni bzlas brjod stong byas shing/ /mdud pa dag ni bdun por ba/ /srod la rig sngags 'di yis ni/ /bdag gi rked par gdags par bya/ /oM ha ra ha ra ba na d+ha ni shU kra d+ha ri ni sid+d+hA swA hA/ zlos pa po la/
 'di yis ni/ /rtag tu khu ba 'gag par 'gyur/ /zhes 'phags pa legs par 'grub ces bya ba las gsungs so/ /pu ka si ni rab bsgrub pa zhes bya ba ni de'i bsgrub pa'i thabs la shes par bya'o/ /de nas zhes bya ba la sogs pa ni ma snang ba bsgrub
 pa ste/ sngar bstan pa ltar dang por bya ba byas la dkyil 'khor gyi dbus su 'dug nas bzlas na de'i tho rangs de mi snang bar 'gyur te/ lhas kyang mi mthong bar 'gyur ro/ /lhag ma ni go sla'o/ /le'u bcu bzhi pa'i bshad pa'o// //
 de nas yang dag bshad bya ba zhes bya ba la sogs pa la/ /'dir yang snga ma ltar bya ba byas te/ dkyil 'khor gyi dbus su 'dug nas chu'i snod la rdo la sogs pa bor ba mi 'bying ba tho rangs grub pa na des de grub po/ /gzhan dag ni nam mkha' la 'gro ba la
 ni/ lus yang ba yang bsams te/ bdag zla ba'i stan dang bcas pa/ sor gcig nas brtsams te/ cung zad 'phags par bsgom zhing sngags bzla'o/ /mi snang ba la ni rang gi lus phra rab kyi mthar bshig cing/ de yang mi snang bar bya ba sngags
 bzlas pa bya'o/ /chu la mi 'bying bar bya ba la ni mdun du gnas pa'i chu rdul phra rab ji snyed pa yi ge lam ser por gyur pa las de dag gcig tu bsdus te/ dbang chen du gyur par bsam zhing sngags kyis byin gyis brlab bo/ /zhes 'chad la gzhan dag ni/ 'di dag
 ni rdzu 'phrul gyi rigs pa 'dzin pa'i dngos grub yin pas na/ mdo las chos bzhi po 'di dag ni rdzu 'phrul thob pa'i rgyu rnam pa ste/ bzhi gang zhe na/ lus yang ba dang/ sems yang ba dang/ chos thams cad mnyam pa nyid du mos ba dang/ khams bzhi po nam mkha' i khams su
 byin gyis rlob pa'o/ /zhes gsungs pas yan lag bzhi po 'di dang ldan pas sngags bzla'o zhes 'chad do/ /yan lag de dag med kyang 'dir sngags kyi mthus de ltar 'gyur zhing yan lag de dag ni gang 'dir bslu ba med do/ /tshig
 gi don ni go sla'o/ /ku ru kul+le'i sgrub thabs zhes bya ba la sogs pa ni sgrub pa'i thabs su shes par bya'o/ /mkha' spyod 'gugs par byed pa'o zhes bya ba la mkha' spyod ni lha'i bu mo'o/ /nam mkha' i gnas la zhes bya ba ni pad+ma'i snying po'i nang du'o/ /rdo rje yan lag
 med bsam pa/ /zhes bya ba ni de'i sngags oM a zhes bya ba la sogs pa ni yi ge kha dog dmar po 'od rab tu 'phro ba bsams la/ de la 'od zer gyis lus gang bas chags pa chen pos lus 'ju pa'i tshad tsam du bskul te/ bdag la lhag par chags
 pas drung du 'gyel bar bsam mo/ /le'u bco lnga pa'i bshad pa'o// //khrag 'thung chen po zhes bya ba la sogs pa la/ 'dir 'di'i las sngags ma bstan pa la/ kha cig na re 'di'i las ni phyag rgya chen po bsgrub pa yin te/
 bzlas pa'i sngags ni dpal dgyes pa'i rdo rje'i rab tu bsdus pa'i lha dang mdog dang lag cha mthun pas de'i sngags/ oM trai lokyAk+She pa hUM hUM phaT swAhA zhes bya'o zhes zer ro/ /kha cig ni dpal bde mchog las gsungs pa'i yi ge bdun pa'i sngags so zhes
 zer/ 'di dag ni cir yang mi sngags pas spangs te/ 'brel pa ci yod/ oM A he ru ka hUM phaT swAhA/ zhes bya ba ni bzlas sngags te/ 'dir lhag par ni mtshan yid la byed pa yin la/ de'i rjes su ni mtshan gyi bzlas pa bya ste/ de nas rab
 'byams rgyud 'di las gsungs pa 'am/ rgyud gzhan du gsungs pa'i las gang rung ba bsgrub par bya'o zhes dgongs pa yin pa las nges pa ma gsungs so/ /tshig gi don ni go sla'o/ /le'u bcu drug pa'i bshad pa'o// //
 de ltar le'u bcu drug pa bstan nas/ da ni le'u bcu bdun pa'i de nas zhes bya ba la sogs pa gsungs te/ don gyis na bsrung ba bsgoms ma thag tu'o/ /bsgom pa rnam lnga yis zhes bya ba ni zla ba nyid dang/ sa bon las byung ba'i mtshan ma dang/
 de dag 'od kyi gong bur gyur pa dang de las byung ba'i sku 'am/ yang 'dir rang gi sems so sor rtog pa dang/ zla ba dang/ zla ba gnyis dang/ rdo rje dang/ de la nga rgyal bya ba dang/ de las byung ba'i sku yongs su rdzogs ba ste/ 'phags pa de kho na 'dus
 pa las ji skad gsungs pa'i mngon par byang chub pa'i rim pa bsgom pa'o/ /sangs rgyas sku ni rnam par bsgom/ zhes bya ba ni rgyu'i rdo rje sems dpa' o/ /de nas mkhas pas dkyil 'khor bsgom par bya zhes bya ba ni/ phyi rol gyi dkyil 'khor bsgom
 par bya ba 'am/ gsang ba'i dkyil 'khor dbyung ba'o/ /de nas ji ltar skar ma 'pho ba ltar/ /byang chub sems ni blta bya ste/ /chags pa'i sems kyis ni zhes 'chad pa sbyar ro/ /de ltar zhu ba las 'bras bu'i rdo rje sems dpa' bskul ba'i phyir
 tsar tstsi ka sogs zhes bya ba la sogs pa gsungs te go sla'o/ /de ltar bskul bas snying rjes zhu ba las rdo rje 'dzin gyi dngos su gyur zhes tshig lhag ma'o/ /da ni rnal 'byor bsgom pa'i sa mtshams go sla bar bya ba'i phyir dang por zhes bya ba la sogs pa
 gsungs te/ thabs dang shes rab zung du 'jug pa ni rnal 'byor ro/ /de dang rjes su mthun pa'i lha'i sku lta bu ni rjes su rnal 'byor te/ ji ltar zhal dang phyag mtshan la sogs sras ji bzhin/ /zhes gsungs pa lta bu'o/ /lha'i 'khor lo shin tu rgya cher
 gyur pa ni shin tu rnal 'byor ro/ /byin gyis brlab pa'i bdag nyid chen po ni rnal 'byor chen po zhes bya'o/ /de yang las dang po'i rnal 'byor pas ji srid lha'i rnal 'byor rags pa snang ba tsam mngon sum du gyur gyi bar du ni thun mtshams gsum du
 rnal 'byor bzhi char bsgom ste/ snga dro'i thun la ni spyan drang zhing phye 'phred kyi thun la ni slar gshegs shing/ gung gi thun la ni dkyil 'khor dbyung ba dang/ bsdu ba tsam snying gar bya'o/ /gang gi tshe rags pa'i yan
 lag mthong nas sku rdo rje la sogs pa phra ba mngon sum bu gyur gyi bar du ni de ye shes la cung zad dbang ba de/ des ni thun mtshams bzhin bsrung ba nas brtsams te shin tu sbyor ba'i bar du yud tsam gyis bsams la rnal 'byor chen po la ni gus
 pas bsgom par bya'o/ /des sku rdo rje la sogs pa lag mthil gyi shing tog ltar rang dbang du mthong ba na/ de ye shes la dbang thob pa yin pas thun mtshams nges pa med par byas la/ 'chad par byed pa'i rdzogs pa'i rim pa bsgom par bya'o//
 de nas des stong pa nyid la nges par gnas shing langs pa na ji ltar 'dod par snang ba byin gyis brlabs par nus pa na/ de ye shes la yang dag par dbang thob pa zhes bya ste/ bya ba nges pas sgrol ba rang dbang du gyur pa grub pa'i skyes bu zhes bya
 bar gnas pa'o/ /tshig gi don ni go sla'o/ /da ni de ltar sgom pa'i rnal 'byor pa bzhi car gyis dam tshig bsrung bar bya ba yin pas na/ slob dpon la ni brnyas mi bya zhes bya ba la sogs pas dam tshig bstan te/ ji skad du rdo rje slob dpon ni
 gang gis dbang bskur ba'o/ /de la bsti stang med pa ni drod 'dzin cing brnyas thabs byed pa'o/ /zhes bshad pa lta bu de spang ngo/ 'dir de ma spangs na rtsa ba'i ltung ba yin te/ ji skad du snying nas slob dpon smod pa dag /sgrubs kyang 'grub par yong
 mi 'gyur zhes bya ba la gang gis thad nas gdams ngag la sogs blangs nas da ni gdams ngag la sogs pa thob pas 'dis ci zhig dgos zhes snying ring pa ni/ snying nas slob dpon smod pa'o zhes bshad pa lta bu'o/ /de bas na bla ma dkyil 'khor
 ston pa ni/ /spyod pa ngan par gyur na yang/ /lus sam yang na yid kyis kyang/ /shes pas nam yang smad mi bya zhes gsungs so/ /ci dbang bskur ba 'ba' zhig slob dpon yin nam zhe na/ slob dpon gang gis dbang bskur ba dang/ rgyud bstan pa dang
 gang gis thad nas las kyi man ngag mnos pa de yang slob dpon yin te/ gsum po 'di dag kyang phrag dog med cing phan par 'dod pa ni slob dpon yin te/ zhes bshad pa bzung ngo/ /de bas na gang zhig dam chos klog pa dang/ 'chad dang man ngag ston
 pa dang/ dbang bskur ba dang las byed pa/ /slob dpon zhes ni bya ba yin/ /zhes tshigs su bcar cing/ yang tshigs bcad gcig tsam mnyan pa la'ang/ /gang gis bla mar mi 'dzin pa/ /byi yi skye gnas brgyar skyes nas/ /sme sha can duAng skye bar 'gyur/
 zhes gsungs so/ /de bas na gsang ba zla ba'i thig le las/ /myur du rdo rje slob dpon las/ /sngags kyi dngos grub don 'dod pas/ /gus shing zhe sar bcas pa yis/ /shin tu lhag par phyogs par bya/ /nam yang rdo rje slob dpon gyi/ /thugs ni dkrug
 par mi bya ste/ /ci ste shes rab 'chal par byed/ /myur du dmyal bar ltung bar 'gyur/ /nang dang 'tshe ba dgra dag dang/ /gdon dang nyer 'tshe dug rnams kyi/ /slob dpon zhabs la smod byed pa/ /gti mug chen por 'chi'o/ /bla ma las ni dngos grub
 thob/ bla ma mtho ris bla ma bde/ /de bas nan tan thams cad kyis/ /bla ma'i bka' las 'da' mi bya zhes so/ /shes bzhin du de mi dgyes pas mi 'jigs pa ni 'dir rdzogs pa'o/ /bde gshegs bka' las 'da' ba min zhes bya ba ni sngar yi
 ge dbyi ba'i dus su bstan pa lta bu ste/ bka' khyad du gsod pa'o/ /spun zhes bya ba ni gang dang slob dpon gcig las dkyil 'khor gcig tu dbang thob pa ste de la phrag dog la sogs pa'i rgyus ston rnams brjod par mi bya'o/ /byams pa'i sems
 ni bla med pa'i phan pa dang bde ba bsgrub par 'dod pa ste/ de nam yang dor re bar mi bya'o/ /byang chub sems zhes bya ba ni gzhan du sdug bsngal rgyu dang bcas pa dang bral bar 'dod pa yul snying rje ste/ de nam yang
 dor bar mi bya zhes bya ba skad cig tsam yang mi spang ngo/ /bdag gzhan chos zhes bya ba ni/ /rang dang gzhan gyi grub pa'i mdza' i chos la ste/ /smad mi bya zhes bya ba ni rtsod pas sun dbyung bar mi bya ste/ 'gro ba dag ni rang rang gi 'dun ba'i theg pa
 tsam las rim gyis 'jug cing byang chub par 'gyur gyi btsan thabs su 'dun pa bzlog pa ni sdang ba 'phel ba'i rgyu tsam yin pas bzhag ste/ /de bas na 'phags pa dam pa'i chos pad+ma dkar po las kyang/ chos la brtsod par mi bya/ chos la
 brtsod par dga' bar mi bya'o/ /zhes gsungs so/ /ma sbyangs pa ni shes rab ma sbyangs pa ste/ de las gsang zhes bya ba stong pa nyid dang ldan pa'i tshig rnams smra bar mi bya'o/ /rang gi phung po ni gzugs la sogs pa ste de dag la brnyas par mi bya ba
 ni/ 'di khur gyi phyir phung po'o/ /zhes bya ba la sogs pas mi smad de/ /bdag smod ro yin skyes bu'i skyid pa 'jig par byed ces bshad pa'i phyir dang/ gsang sngags kyi tshul 'dir ni phung po lnga po 'di nyid la bla na med pa'i byang chub
 brtson 'grus kyis nges par gnas pa'o/ /dngos med chos zhes bya ba ni shes rab kyi pha rol tu phyin pa ste/ de la nam yang mi smad de/ thos nas blo chung de yis 'di ni spong byed de/ spangs nas skyabs med gyur pa de ni mnar med 'gro/ zhes
 gsungs pas so/ /sdad bzhes bya ba ni bstan pa 'jig pa ste/ de la byams pa ni bzod cing phan 'dogs pa ste/ de spang ba ni bsad pa la sogs par sbyar bas so/ /chos zhes bya ba ni/ kun rdzob kyi bden pa ji ltar gsungs pa'o/ /de la tshad mas?
 gzhal mi bya zhes bya ba'i don ni sngon du dpyad zin to/ /dad ldan sems can zhes bya ba ni/ bdag gi pha'i bgo skal gyi yul la rab tu dang ba ste/ de'i sems bzlog pa min zhes bya ba sun mi dbyung ba'o/ /dam rdzas zhes bya ba ni bdud rtsi lnga'o//
 bstan par bya pa ni byin gyis brlabs pas te/ de yang rtag tu zhes bya ba dus thams cad du'o/ /kha cig na re spyod pa byed pa na'o zhes zer ro/ /kha cig na re ni/ /rnam dag chos nyid shukra ste zhes bya ba la sogs pa'i rim pas bsten pa yin gyi
 gzhan du ma yin no/ /zhes zer te legs par bshad do/ /bud med ces bya ba ni rdo rje phag mo la sogs pa'i lha mo 'jig rten las 'das pa'i/ /de dag nyid srid pa skyes pas na shes rab kyi rang bzhin te/ rgyal ba skyed ma las/ sras sangs rgyas dang byang
 chub sems dpa' rnams dbyung ba dang chos mthun te/ ji skad du/ gzhan don la dga' bdag nyid can/ /dpa' bo dag ni kun gyi yang/ /gso mdzad skyed par mdzad ma de/ /byams pa yi ni yum lags so/ /zhes gsungs pa dang sbyar ro/ /bud
 med shes rab rang bzhin pas zhes bya ba ni bud med rnams ni shes rab sor gnyis pa'o zhes bya ba la sogs pa ste/ rtsod pa'i dus 'dir ni 'gro ba rnams bud med la rab tu zhen cing 'dzin de/ bud med 'dod pas 'gro 'ong med ces gsungs pa yin no//
 de bas na de rnams rab tu gdul ba'i phyir bud med du sprul pa'i lha rnams 'di nas par ga la smad do/ /dge spyong gis rab tu dbye ba las/ /bud med rnams la smad mi bya/ /bstod par yang ni de mi bya/ /zhes bshad cing 'dir 'gyur ba'i lung gzhan yang
 'phags pa 'dus pa chen po rin chen tog gi gzungs zhes bya ba theg pa chen po'i mdo las kyang/ yang de tshe tshangs pa phun sum tshogs pa'i dbang phyug ces bya ba kha dog bzang po rgyas pa mchog dang ldan pa/ lha'i las 'das pa'i gos dang spud pa dang rgyan
 dang/ me tog dang spos dang phreng ba dang byug pa rgya chen po mchog rnams kyis lus brgyan nas bud med kyi gzugs su bsgyur te/ tshangs pa chen po'i stobs kyis yul bkod pa'i byin gyis brlabs bcom ldan 'das de
 bzhin gshegs pa tshe dpag med kyi spyan snga na 'dug go/ de nas tshangs pa chen po phun sum tshogs pa'i dbang phyug stan las langs nas thal mo sbyar te phyag 'tshal nas 'di skad ces gsol to/ /sangs rgyas bcom ldan 'das rnams kyis gang/
 bdag gis sangs rgyas kyi zhing ma lus pa 'dir dbyangs kyi go bar bgyi ba la der bdag la bgegs cung zad kyang mi 'byung bar dbyangs kyi dkyil 'khor gyi tshig brjod pa rnam par gdon mi 'tshal bar bstan par bdag la byin gyis rlob du gsol
 bdag gis pa ltar chos smra ba rnams dang/ chos nyan pa rnams kyi slad du 'di 'dra ba'i gsang sngags kyi tshig bsrung ba bshad par bgyi ste/ ci nas slad ma'i dus na bdud dang bdud kyi 'khor ram/ lha 'am kluAm/ klu mo 'am/ klu rgan po 'am/
 klu'i 'khor pho 'am/ klu'i 'khor mo 'am/ klu'i bu pho 'am/ klu'i bu mo 'am/ de bzhin du rgyas par bgyi ste/ sha za 'am sha za mo 'am sha za rgan po 'am sha za rgan mo 'am/ sha za'i 'khor pho 'am/ sha za'i 'khor mo 'am/ sha za'i 'khor bu 'am
 sha za'i 'khor bu mo 'am/ mi 'am mi ma lags pa'i bar gang la la chos smra ba dang chos nyan pa rnams la glags lta 'am/ skabs tshol ba'i dgra phyir rgol bzhig mchis te tha na chos smra ba 'am chos nyan pa rnams kyis sbu'i khung bu gcig
 tsam la yang 'tshe ba dam gnod par bgyid dam 'jigs pa bgyid dam/ mdangs 'phrog gam/ lus la dbugs chen po gtor dam/ tha na skad cig gcig kyang sngar ba'i sems kyis lta na/ bdag gis bdud nas mi dang mi ma lags pa'i bar de
 dag bzlog pa dang/ chad pa bcad pa dang/ tshar bcad pa dang/ rmugs pa dang/ rengs pa dang rmongs par bgyi/ bro na ba stsol bar bgyi na sangs rgyas bcom ldan 'das rnams kyis/ gang bdag gis sangs rgyas kyi zhing ma lus pa 'di dbyangs
 kyis gang bar bgyi ba'i dbyangs kyi dkyil 'khor gyi tshig byin gyis brlab tu gsol/ 'di la su zhig bdag gi grogs su 'gyur/ de nas sangs rgyas bcom ldan 'das de dag gis cang mi gsung bar gyur par snang ba mdzad do/ /de nas brgya byin
 gtsug pud 'dzin ces bya ba dzam+bu chu bo'i gser gyis brgyan gyis lus la brgyan nas ha cang yang ma ring ba zhig na 'dug go /de nas brgya byin gtsug pud 'dzin gyis tshangs pa phun sum tshogs pa'i dbang phyug la 'di skad ces smras so/ /sring mo de bzhin
 gshegs pa tshe dpag tu med pa'i spyan sngar ma 'dug cig/ sring mo 'dir bag med par ma byed cing/ bcom ldan 'das la ma 'che zhig /de ci'i phyir zhe na/ byis pa rnams ni spros la dga' / /de bzhin gshegs pa spros ma ming la/ /de dag skye 'jig
 mtshan nyid kyi/ /'dus byas dag kyang ston par mdzad/ /de bzhin gshegs pa ni gzugs dang/ yi ge dang/ tshig rab tu dbye ba thams cad kyi de bzhin nyid kyi tshul brnyes pa ste/ sring mo de bzhin gshegs pa ni 'di lta ste/ nam mkha' dang mnyam pa
 nyid du gcig pas de bzhin nyid la 'gal bar mi mdzad do/ /nam mkha' la ni 'du byed gsum gyis 'jig pa'i mtshan nyid sgro btags pa med do/ /ji ltar 'du byed rnams la nam mkha' mi rtog cing/ rnam par mi rtog pa de bzhin du/ de bzhin
 gshegs pa yang 'dod pa'i yon tan la spros par mi mdzad do/ /mi rtog rnam par mi rtog /mi gnas mngon par mi zhen te/ de bzhin du srog la ma yin/ skye ba po? la ma yin gso ba la ma yin/ skyes bu la ma yin/ gang zag la ma yin/
 phung po dang khams dang skye mched rnams la yang spro bar mi mdzad mngon par mi zhen na/ sring mo khyod kyis ji ltar na de bzhin gshegs pa'i sku la spro bar byed/ de bzhin gshegs pa tshe dpag med kyis bka' stsal
 pa/ lha'i dbang po rtog ste/ tshig smos shig khyod la des mi sdug pa'i 'bras bur gyur lta re/ skyes bu dam pa chen po 'di ni sangs rgyas mang po la lhag par bya ba byas shing/ sangs rgyas bcom ldan 'das rnams la dge ba'i rtsa ba bskyed pa'o/
 skyes bu dam pa 'di ni de bzhin gshegs pa la mchod pa bya ba'i phyir/ legs par brgyan nas bud med kyi lus su mngon par sprul pa yin gyis/ /'di la bud med ces tshig tu ma brjod cig /de nas brgya byin gtsug pud 'dzin gyis tshangs pa
 phun sum tshogs pa'i dbang phyug la 'di skad ces smras so/ /rigs kyi bu bdag la thugs brtse dgongs te bzod par gsol lo/ /'di skad smras pas bdag 'bras bu mi sdug pa thob par ma gyur cig /de nas byang chub sems dpa' ltad mo can
 gyis gsol pa/ bcom ldan 'das gal te brgya byin gyis tshig de slar ma bshags na de'i 'bras bu rnam par smin pa ji tsam zhig tu 'gyur/ de bzhin gshegs pa tshe dpag med kyis bka' stsal /rigs kyi bu gal te slar ma bshegs
 su zin na tshe rabs brgyad khri bzhi stong du 'dod pa'i mngal smad pa bud med kyi dngos po yongs su blangs bar 'gyur ro/ /de bas na rigs kyi bu ci nas kyang dag gi las bsrung bar bya'o/ /zhes gsungs so/ /de'i phyir rtsa ba'i ltung ba bcu bzhi po 'di
 dag ni/ sngags rnams kyi gnad kyi gnas lta bur mi zad pa'i gnas yin pas rab tu yang 'bad pas bsrung ngo/ /gal te nyams pa lta na 'chad par byed pa ltar gso bar bya'o/ /gzhan du na ji ltar shing ta la ya tog skam pa ltar lhag
 ma'i rnal 'byor la sogs pas 'bras bu 'byin par mi nus so/ /'o na shin tu tshul khrims 'chol du zin kyang/ byang chub kyi sems dang ldan pas bsgrubs na 'grub par 'gyur bas yi chad pa med par bsgrub par bya'o/ /zhes gsungs pa
 ji ltar drang zhe na/ bsgrub pa nyid ltung ba las bslang ba dang/ dus dang po'i dbang ngam/ yid la re pa chad pa dag thugs rjes bzung ba nyid kyi phyir/ de skad ces gsungs par gsal lo/ /de ltar rtsa ba'i ltung ba rnam par dbye ba'i gnas skabs
 'di'i/ bdag gis gzhung nye bar dbye ba tsam las ma brjod kyis/ bdag la legs par 'dod pa dag zhal nas zhal du 'ongs pa'i bla ma'i man ngag bzang po bar 'dir gus par bla ma mnyes par gyis la zhugs shig/ de bzhin du rgyud 'di
 dang gzhan du bla ma la gus pa'i slob mas rang gi blo'i 'jug pas mi spogs pas bla ma la rag las pa yod de/ gsang sngags kyis rlom zhing glegs bam mthong bas khengs zhes bya ba la sogs pas smad pa de dag gis mi shes par byas so// //
 da ni yan lag gi ltung ba bstan te/ slong zhing 'khyam par mi bya ste zhes bya ba ni/ zas la chags pas ni slongs mo mi bya'o/ /rnal 'byor sbyor ba ni lha'i rnal 'byor pa'i ting nge 'dzin to/ /gsang sngags zhes bya ba ni/ h+rI(rgyud 'grel rdzas la sogs zhes bya ba ni/ sha lnga dang gtor ma dang lha bshos la sogs pa'o/ /bla ma brnyas par gyur pa 'am/ zhes bya ba la sogs pas ni rtsa ba'i ltung ba byung na slar dkyil 'khor du zhugs la dpang blang ba ste/ ji skad du/ rtsa ba'i ltung ba byung
 ba na/ sbyar phyir dkyil 'khor zhugs nas ni/ /bka' thob byas na thu bo yang/ /chung ngu dag tu 'gyur ba yin/ /zhes gsungs pas so/ /dad ldan zhes bya ba ni dad pa dang ldan par bya ba ste/ dad pa med pa'i mi rnams la/ /dkar po'i chos ni mi skye
 ste/ sa bon me yis tshig pa la/ /myu gu sngon po ji bzhin no/ /zhes shlo ka gsungs pas so/ /bla ma zhes bya ba ni/ de la gus par bya ba ste/ ji skad du lag na rdo rje dbang bskur ba'i rgyud las/ dper na nyi
 ma zla ba gnyis/ /'jig rten mig tu mkhas pa 'dod/ /de bzhin skye bo 'di la yang/ /slob dpon 'di ni mig 'drar 'dod/ /dper na me yi khams de ni/ /bud shing thams cad sreg par byed/ /de bzhin slob dpon zhes bya ba/ mi shes
 bud shing sreg par byed/ /dper na chu yi khams de ni/ /'jig rten gdung ba thams cad gcod/ /de bzhin du ni slob dpon yang/ /gdung ba kun gcod shes par bya/ /dper na rlung gi khams de yang/ /'jig rten thams cad rtag tu sgrub
 de bzhin slob dpon slob ma la/ /dge ba rnam par sgrub par byed/ /dper na lus can thams cad kyi/ /gnas ni sa gzhir grags pa ltar/ /de bzhin du ni chos rnams kyi/ /gnas su slob dpon grags pa yin/ /ji ltar bcom ldan rnam
 snang mdzad/ /chos rnams thams cad rtogs 'gyur ba/ /de bzhin slob dpon zhes bya ba/ /chos rnams thams cad rtogs gyur pa/ /ji ltar dpal ldan rdo rje 'dzin/ /gsang ba thams cad 'dzin pa'o/ /de bzhin 'dir yang slob dpon ni/ /
 gsang sngags rnams kyi gsang ba 'dzin/ /dkon mchog gsum gyi bsngags pa dag /de ni rtag tu smra bar byed/ /byang chub sems dpa' thams cad kyi/ /sngags pa chen po'ang de nyid smra/ /dper na sangs rgyas bcom ldan 'das/ /yang
 dag lam ston mig mdzad pa/ /de bzhin sngags pa 'jig med pa'ang/ /theg chen 'di la lam ston mig /nga dang 'dra bar sngags pa lta/ /nga dang sngags pa gzhan mi lta/ /slob dpon gyi ni yon tan bzung/ /skyon ni nam yang bzung mi bya/ /
 yon tan bzung na dngos grub tho/ /skyon rnams bzung na dngos grub min/ /de bzhin tshe yang thung pa dang/ /ngan 'gro dag tu ltung bar 'gyur/ /slob dpon smod par byed pa ni/ /nya pa la sogs rigs su skye/ /nyes pa thams cad byed 'gyur yang/ /mkhas
 pas bla ma smad mi bya/ /chos 'dod pas ni rtag pa ru/ /slob dpon rab tu mgu bar bya/ /sa gzhi gang na rgyal sras de/ /bzhugs pa'i sa de mchod rten 'gyur/ /der ni nga dang rgyal sras kun/ /gsal zhing dbye ba cung zad med/ ces gsungs so//
 kha cig ni bla ma la dad pa dang ldan par bya zhes 'don to/ /'dir bla ma'i bkur ba gsum bstan pa ni lus dang ngag dang yid gsum gyi dbang du byas pa 'am/ rab tu yang gus par bya ba'i phyir bzlas pa ste/ 'di gsum gyis dang po spangs pa la dgongs
 so/ dam tshig bsrub zhes bya ba ni/ dam tshig rab tu mi spang ba ste/ /ji skad du gsang ba zla ba'i thig le las/ sngags kyi dam tshig don 'dod pas/ /dam tshig bsrung ba brtson par bya/ /gzhan du byas na sngags mkhan gyis/ /sngags la sogs
 pa'i don mi 'grub/ /lha rnams kyang ni dam tshig nyams/ /gsol yang bzhes su mi gnang ste/ /'jig rten 'dir ni sdug bsngal che/ /'jig rten pha rol dmyal ba rnams/ /dam tshig spyod pa 'dod pa'o/ /rmongs pa'i bdag nyid des 'thob bo/ /
 slob ma de yang de bzhin du/ /blo gzhan sdug bsngal thob 'gyur te/ /de ni sngags kyi don mi smin/ /lha rnams kyi ni bde ba mmchog /dam tshig med ba'i slob ma la/ /nam yang sbyin par mi 'gyur ro/ /de bas dam tshig gtso yin te/ /thog mar byas
 nas sbyin par bya zhes gsungs so/ /brtan bar snying rje bskyed ces bya ba ste/ brtan pa'i rim pa snying rjes phye ba'i phyir te/ sngags bzlas de bzhin sbyin sreg dang/ /de nyid bsgom dang mchod pa dang/ /snying rjes sngags ni grub 'gyur te/ /gzhan du mchog
 tu nyon mongs 'gyur zhes gsungs pa'o/ /nyes pa thams cad rnam par spangs/ /zhes bya ba ni/ 'jig rten dang bstan bcos las smad pa'i bya ba mi bya ba ste/ ji skad du/ stangs dang mchod pa dang ni gar
 byed dang/ glu len rnga brdung skye bos dpya 'gyur dang/ /lhag pa'i nga rgyal 'dri dang 'dod chen dang/ /rgyan po dag ni 'dus pa lta 'dod dang/ /dus min gnyid dang mi 'grub smra ba dang/ /bstan bcos ngan dang snyan dngags klog 'don dang/ /chags
 dang 'chig dang dregs dang rgyags pa dang/ /zhe la 'dzin dang le lo g.yo sgyu spang/ /sha chang ke'u dang/ btsong dang sgong rdog dang/ 'bru mar til dang la phug su ra na/ /'byung po'i zas dang lha bshos gtor ma dang/ /gu lang mchod byas gtor
 ma mi za'o/ /ngas ni sngags pa'i kha zas dkar gsum dang/ /rtsa ba sdong bu 'bras bu tshod ma dang/ /zho dang nas ngar 'o ma mar dang ni/ /'bru mar tshigs ma dang ba 'ol kon dang/ /thug pa rnams ni bza' btung yin par gsungs/ /zhes
 bshad la/ yang gzhan du/ de nas gzhan yang bshad pa ni/ /gsang sngags zlos pa'i 'dul ba ste/ /gang la gnas na dngos grub rnams/ /zlos pas myur du thob 'gyur ba/ /gsang sngags kun dang lha kun dang/ /zlos pa mthu chen rnams
 la yang/ /sgrub pos zhe sdang mi bya'o/ /mkhas pas gsang sngags cho ga dang/ /gsang sngags rang bzor mi bya'o/ /bdag nyid ngan pa'i mi rnams la'ang/ /brnyas pa dag ni yod mi bya/ /bla ma dkyil 'khor ston pa ni/ /spyod pa ngan par gyur na
 yang/ lus sems yang na yid kyis kyang/ /shes pas nam yang mi smad do/ /rigs sngags dag la khros nas ni/ /dgug dang bcing dang bcad pa dang/ /tsher bcad mkhas pas mi bya'o/ /drag spyod de dang de mi bya/ /gzhan gyis rjes su ma gnang
 bar/ gsang sngags dag ni mi bzung ngo/ /bsnyen bkur ma byas par yang ni/ /cho ga shes pas sngags mi sbyin/ /gsang sngags cho ga phyag rgya dang/ /rgyud dang dkyil 'khor bshad pa dag /dkyil 'khor ma zhugs pa la ni/ /rgyud shes mkhas pas
 mi sbyin no/ /mtshon cha'i dra ba thams cad dang/ /sems can gzugs brnyan de bzhin te/ /phyag rgya'i gzugs ni sna tshogs pa'ang/ /bza' bar mi bya mi 'god do/ /sman rnams smad par mi bya zhing/ /mi gtsang bas kyang rag mi bya/ /sgrub pa po ni blo can
 gyis/ rkang pa dag gi mi 'gong ngo/ /theg pa chen po pa dag dang/ /shes rab can gyi rtsad mi bya/ /byang chub sems dpa' mthu chen dag /thos nas sun yang mi dbyung ngo/ /sgrub pa po dang 'gran ba dang/ /sngags kyis nam yang mi bya'o/ /khros pas nyes pa
 chung ngu la/ /drag shul spyad par mi bya'o/ /zlos pa cho ga la gnas pas/ /glu gar rtsed mo mi bya'o/ /phreng ba kha dog byug pa dag /mdzes pa'i phyir ni mi bya'o/ /'gong ba dang ni mchod mi bya/ /rgyug dang drag shul mi bya'o/ /lus las byung ba thams cad kyi/ /
 nyes pa dngos po spong bar bya/ /log pa gtum po 'gyur dang rtsub/ /dbyen gyi tshig rnams smra mi bya/ /bden pa'i chos la gnas pas ni/ /don med gtam yang mi bya zhing/ /mu stegs can dang gnas pa dang/ /rtsod pa dag kyang mi bya'o/ /gdol
 pa la sogs ma rabs dang/ /gsang sngags bzlos pas smra mi bya/ /sngags g.yog gcig pus ma gtogs par/ /gzhan dang lhan cig mi dgos bar/ /blo can bzlas brjod byed pa na/ /su dang yang ni mi smra'o/ /'bru mar dag gis lus mi bsku/
 til mang bza' bar mi bya'o/ /la phug sgog pa btsong dag dang/ /bca' sgyur rnam pa tha dad dang/ /cung bed dang ni srin ril dang/ /ma sha'i sran can de bzhin te/ /til gyi cung bed la du dag /dngos grub 'dod pas rnam par snang/ /log 'dren gyi ni zas
 kun dang/ /gtor ma'i kha zas thams cad dang/ /kris ra dang 'o thug kyang/ /gsang sngags bzlas pas rnam par spang/ /shing rta la sogs bzhon pa dang/ /pad+ma la sogs de bzhin te/ /kha zas lhag ma bor ba
 la'ang/ /rkang pa dag gis reg mi bya/ /sgegs pa'i cho ga thams cad dang/ /lham dang gdugs dag 'dzin pa dang/ /lus kyi byi dor thams cad ni/ /gsang sngags zlos pas rnam par spang/ /rkang pas rkang pa mi gnye zhing/ /lag pas lag ba'ang
 mi mnye'o/ /bshang gci dag ni chur mi 'dor/ /de dang nye bar yang mi dor/ /snyim ba 'ba' zhig tu mi bza' / /khar ba'i gnod du mi bza' o/ /lo ma'i rgyab tu 'ang mi bza' zhing/ /mkhas pas chags pa'i zas mi bza' / /khri dang btags pa'i
 khri dag dang/ /gzhan yang lhan cig mi gtsang ba/ /sgrub po blo can mi nyal lo/ /gan rgyal kha sbub mi nyal zhing/ /yang dang yang du mi bza' ste/ ha cang chung che bar mi bza' / /mi bza' bar yang mi bya zhing/ /gang dag dogs pa'ang mi bza' o
 ngo mtshar dag la dga' mi bya/ /ltar mo kun la mi lta'o/ /bud med yul ni lhug pa la/ /zhen pa'i sems kyi chags mi bya/ /lus dang ngag dang sems kyis kyang/ /de bzhin zas dang spyod pa la/ /sngags zlos cho ga la gnas par/ /ma bsdams
 par ni yod mi bya/ /sngags zlos cho ga mkhas pa yis/ /kha dog bsgyur ba'i gos mi bgo /de bzhin rnyings dang dri can dang/ /gos gcig par yang yod mi bya/ /bdag nyid smad par yod mi bya/ /bdag la mi dgar mi bya ste/ /yid 'byung ba
 yang ma gyur cing/ /nad rnams kyis kyang zhung mi bya/ /bka' lan gyil ba ma gtogs par/ /bdag gis gsang sngags mi gtong ngo/ /gti mug blos ni mi smad cing/ /sgrib pa lhod par mi bya'o/ /yid ni gzhan du ma gyur cing/ /bsam pa mang po mi
 bya'o/ /mi gtsang chags pa'i sems med pa/ /zlos pa pos ni gsang sngags gdon/ /gdon gyi las rnams mi bya zhing/ /bsrung dang slar bzlog mi bya'o/ /rang gi sngags sam gzhan dag gis/ /zlos pas dug gi las mi bya/ /bsgrub pa dgos pa
 ma gtogs par/ /sngags kyi gzhan dag mi spyad do/ /bdag gi sngags kyis mgrin par ni/ /bsad pa'i phyir yang mi bya'o/ /blo gros can gyis dus gsum bzlas/ /dus gsum du ni khrus kyang bya/ /zhes pa dang/ zlos pa cho ga shes pa yis/
 sdom pa dag ni bzung ba dang/ /dam tshig bsrung ba nan tan bya/ /bzlas brjod spyod la brtson par bya/ /dkyil 'khor yang ni rtag tu bya/ /glegs bam yang ni rtag tu bklag /mkhas pas mchod rten rtag tu bya/ /dge ba'i phyogs kyang rtag tu bya/ /dus
 gsum dag tu skyabs su 'gro/ /dus gsum dag tu sdig pa bshags/ /sgrub pa po ni blo can gyis/ /dus gsum du ni byang chub sems/ /dus gsum du yang smon lam gdab/ /rgyud mthong cho ga shes pa yis/ /cho ga bshad pa de dang de/ /ji ltar 'dod
 pa ci nus bya/ /rtag tu gtong la brtson par bya/ /snying rjer ldan zhing 'jungs dang bral/ /rtag tu brjod cing byams par ldan/ /rtag tu brtson 'grus ldan par bya/ /rjes su dran pa drug rnams kyang/ /bsam pa de bas rtag tu bsgom/ /rnam pa sna tshogs chos thos
 nas/ mos pa rnams par spyad par bya/ /gsang sngags cho ga bklag par bya/ /sngags dang phyag rgya rnams kyang mchod/ /cho ga las ni 'byung ba bzhin/ /blo dang ldan pas dkyil 'khor bri/ /byang chub sems ni brtan nas su/ /yang dag lha la nges byas rnams
 dam tshig phyag rgya bcings nas ni/ /mkhas pas dge slong la sogs pa/ /'khor bzhi po de dag bzung bar bya/ /bdag rang gis ni rgyud kyang bstan/ /mkhas pas gsang sngags lung rnams kun/ /yang dag rgyas par shes par bya/ /tshes brgyad dang ni bcu bzhi dang
 bco lnga dag la sgrub pa pos/ /cho 'phrul gyi ni zla phyed la/ /bye brag du ni mchod pa bya/ /bzlas pa sbyin sreg mchod pa dang/ /de bzhin sdom pa bzung ba dang/ /bsod nams dag las khyad par du/ /gus shing
 mngon par brtson 'grus bya zhes pa dang/ /yang bzlas dang sbyin sreg mchod pa la/ /rtag tu stod g.yogs yod pa bya/ /nyal dang khrus la nyes pa med/ /de yang mngon par sngags par bya/ /phyi rol sar ni shing gi lham/ /rtag pa nyid du bgo bar bya/
 lha dang bla ma mchod nas ni/ /gnas rnams su ni spang bar bya/ /lus dang ngag yid 'jug pa'i sa/ /rtag tu mchod gnas mchod pa bya/ /gang dag rtag tu brtson pa yi/ /zlos pa dngos grub 'dod pa'i sa/ /mchod rten mthong na phyag bya zhing/ /
 dge slong mthong na'ang phyag bya'o/ /lha dag mthong na rim gro bya/ /bla ma mthong na mchod par bya/ /zab mo'i chos ni bshad pa dag/ thos nas dad pa bskyed par bya/ /byang chub sems dpa' khyu mchog gis/ /mthu la rab tu dga' bar bya/ /sngags kyi las
 rnams sna tshogs pa/ /thos nas yid ni spro bar bya/ /sgrub po dngos grub 'dod pas ni/ /blo gros ldan pas brtson 'grus bskyed/ /'di bya 'di ni mi bya 'o zhes/ /rigs sngags 'dul ba la smod dang/ /bslab pa'i sdom pa nyid la yang/ /zlos pas
 rtag tu rnam par bsam/ /rang gi bde la chags pa dang/ /nyin mtshan du ni spang bar bya/ /'di dag byas nas 'di bya zhes/ /mi g.yel bar mi 'gyur bar bya/ /nyin par bag med nyes byas pa/ /srog la so sor bshags par bya/ /legs par
 byas la'ang mngon par dga' / /nub mo byas pa'ang nang par bshags/ /bzlas brjod sbyin sreg gtsang spra dang/ /rigs snags mchod dang sdom pa dang/ /rigs sngags 'dul ba dag la yang/ /sgrub pa pos ni nan tan gnas shes pa dang/ /yang
 de ring phan chad khyed rnams kyis/ /sangs rgyas chos dang dge 'dun dang/ /byang chub sems dpa' rnams dang ni/ /rigs snags gsang sngags tshogs la yang/ /dad pa rab tu bstan par bya/ /rtag par theg pa chen po la/ /khyad par du ni mos par bya/ /
 dam tshig can dang mdzad pa dang/ /bla ma la yang gus pa bya/ /lha rnams kun la sdang mi bya/ /dus mtshams dag tu mchod pa'ang bya/ /ston pa gzhan kyi gzhung mi bstod/ /glo bur ba la 'gron yang bya srog chags rnams la byams pa'i sems/ /
 rab tu bstan pa nye bar bzhag/ theg chen 'di la dga' rnams kyi/ /bsod nams dag la nan tan bskyed/ /bzlas brjod byed la 'bad pa yis/ /gsang sngags spyod la mngon par bya/ /gsang sngags rgyud la bstan pa yi/ /dam tshig rnams kyang
 bsrung bar bya/ /dam tshig med pa rnams la ni/ /gsang sngags phyag rgya mi sbyin no/ /gsang sngags rgyud ni legs par bsrung/ /de yang bdag gis rtogs par bya zhes gsungs te/ 'di lta bu'i bya ba la slob bo/ /dam tshig de dag ni bdag gis bya ba'i
 rgyud dag las btus pa yin gyis/ /rnal 'byor chen po'i rnal 'byor pa dag gis kyang/ /yul dang dus kyi dbang dang bsam pa'i dbang gis ji ltar rigs par srungs shig /gang dag rnal 'byor chen po'i rnal 'byor pa yin par smra ba/ /gtsang sbra dang
 gdams pa med par 'dod pa dag ni ma rungs par 'gyur te/ bsam pa la sogs pa'i dbang las ni bya ba'i rgyud dag tu yang/ /gtsang rung de ni mi gtsang rung/ /zlas ni zos rung ma zos rung/ /khrus byas de ni ma byas rung/ /bdag gis bdag nyid
 ngan par 'grub/ /ces bya ba la sogs pa bag yangs su bya ba gsungs la/ /phal cher ni rnal 'byor chen po'i rnal 'byor pas kyang/ ji skad gsungs pa'i dam tshig las 'da' bar mi bya bas so/ /gzhan yang rnal 'byor gtsor byed pa'i rnal 'byor
 pa rnams la ni/ /lus rtag par byed pa'i kha zas la sogs pa 'phags pa nyan thos 'dod pa chung zhing cho ga shes pa/ sbyangs pa'i yon tan lhur len pas grol bar 'dod pa/ gnas dpen pa bzhi la gnas
 par dam bcas bdag la yang gnang ste/ ji skad du/ de'i tshe bcom ldan 'das kyis tshe dang ldan pa cang shes gaundi n+ya la 'di skad ces bka' stsal to/ khyod dang bas mthar gnas shing ting nge 'dzin bsgom pa'i dge slong dag gnas khang
 mchog dag na gnas shing/ lam mchog dang kha zas mchog la spyod/ /dge 'dun gyi las thams cad mi byed par snang ngo/ /de ci'i phyir zhe na/ ting nge 'dzin sgom pa dag gal te 'tsho ba'i yo byad kyis brel bar gyur na/ sems can sems
 las byung ba'i chos ngan pa skye zhing/ ting nge 'dzin thams cad mi 'grub pas na/ mtshams med pa'i sems can dmyal ba'i bar du lhung zhing mi bzad pa'i sdug bsngal chen po rnams tshad med pa ji snyed myong bar 'gyur ro/ /ting nge 'dzin bsgom
 pa dag gal te 'tsho ba'i yo byad dang ldan na/ ting nge 'dzin mang po ma grub pa yang grub pa dang/ sngar grub ba dag kyang mi nyams so/ /de'i dbang gis mi dge ba'i chos thams cad mi skyes bas na/ /gzhung de bzhin du rgyas par mi dge ba'i rtog pa dang
 sbyor ba'i bar du mi skye la/ mtho ris kyi lhar skye ba nas mya ngan las 'das pa'i bar du thob par 'gyur ro/ /zhes gsungs na/ 'on kyang gang dag bcom ldan 'das kyis bka' mdo sde rin po che'i tshogs la sogs pa sde snod du gtogs
 pa'i gsung rab rgya chen po ma mthong zhing ma thos la/ de bzhin du bya ba dang rnal 'byor la sogs pa'i rgyud/ rtsa ba dang/ phyi ma dang/ phyi ma'i phyi ma dang bcas pa rab tu rgyas pa/ 'khrul pa'i gnas gtan la 'bebs ba ma thos shing ma mthong
 bar rgyud mdor bsdus pa 'ga' zhig gi tshig la ji bzhin par 'dzin pas/ pha rol tu phyin pa'i tshul dang/ bya ba'i rgyud la sog pa las dang bya ba rab tu ston pa de dag ni/ lam sdug bsngal ba kha zas la sogs pa bye brag can/ bza' ba yid
 la gang 'dod pa longs spyod du ma med pa'o/ /rnal 'byor chen po'i rgyud rgya mtsho lta bu 'di las ni ji ltar dga' bas longs spyod kyang 'ga' yang gang du yang mi nyams te ji ltar dga' ba spyod la rag go/ bud med dang chang dang sha la sogs pa ?
 dag ni mchod pa chen po/ mchod pa bzang po myur du 'grub par byed pa'o zhes smra ba de dag rab tu ma rungs pa yin te/ de'i phyir bcom ldan 'das dus gsum sgrib pa med par mkhyen pa'i zhal snga nas/ tshul 'di 'dra ba 'byung bar gzigs te/ da yong su mya ngan
 las 'das nas lo bdun brgya lon nas bdud sdig can gyis nga'i bstan pa phye zhing 'chad par 'gyur ro zhes gsungs shing/ de nyid do shes par bya ba'i phyir ni/ chos rtags kyi phyag rgya rnam pa gsum gyis nyid kyi rgyas btab cing/ 'dir mi rung bar mdzad
 la/ nag por bstan pa dang/ chen por bstan pa rnam par dbye ba mdzad pas/ nyid kyi bstan pa brtag pa rdo ka shi lta bu bzhag pa mdzad do/ /de'i phyir deng sang bstan pa la gzhug pa dag gis zhib pa'i blos brtag par bya ba'i rigs kyi ma rtags
 par bzhag gi tshig sdig pa can la 'jug par mi bya'o/ /de ltar na sngar rtog ge bkag pa zhe na/ 'dir ni gang lung 'bogs pa de bla mar rung ba yin nam ma yin pa ni nges par dpyad pa ma yin la/ gang rang bzhin la sogs pa'i kha na ma tho ba spong? bar ston
 pa'o/ /? la sogs pa'i phyag rgya gang yang rung bas thobs shing chen po bstan pas khyab na nges bar des bstan pa blang ngo/ /sems kyi bsam gtan zhes bya ba ni go sla'o/ /de lta'i zhes bya ba la sogs pas ni/ slob ma dam pa 'ba' zhig gzung bar bstan
 to/ de nas zhes bya ba la sogs pas ni/ nges pas de ltar bden pas 'di la bdag cag gis rtsad cing zhur med do/ /zhes yid ches pas cang mi gsung bar gyur pa'o/ /rgyud la gzhan dang? bya ba'i
 dgos pa gzigs pas/ ma dris pa ched du gsungs pa ni ched du brjod pa 'di ched du brjod do/ /zhes bya ba ni gzhan gyis dri ba skabs med par nye bar brjod pa'o/ /ji skad du zhe na gshin rje mthar byed 'khrul 'khor dang zhes bya ba la sogs pa ste/
 rgyud thams cad kyi rtse mo dpal gsang ba 'dus pa yin na/ der yang rgyud 'dir gsungs pa'i thabs mi 'byung ste/ de bas rgyud 'di ni rgyud de'i yang bla ma yin na/ gzhan rdo rje 'jigs byed la sogs pa lta ci smos zhes gsungs pa'o/ /da ni e ma'o
 mchog tu mya ngan las 'das bya ba la sogs pas/ don dam pa byang chub kyi sems ston te/ dang po ni rigs lnga'i rgyal ba rnams kyis gsungs pa'o/ /e ma'o zhes bya ba ni spro bar ston pa'o/ /mchog tu mya ngan 'das shes bya ba ni mi gnas pa'i
 mya ngan las 'das pa ni/ nyan thos la sogs pa'i mya ngan las 'das pa bas mchog tu gyur pa ste/ bdag dang gzhan gyi don phun sum tshogs pa mi zad pa'i phyir ro/ /mi gnas pa'i mya ngan las 'das pa de yang gang zhe na/ e ma'o khro bo
 'jigs par byed ces gsungs te/ dpal gshin rje'i gshed 'di'i sku nyid snang zhing ma gos las na/ mi gnas pa'i mya ngan las 'das pa yin te/ de bas na ngo mtshar che'o/ /de bas na 'khor ba'i thog ma dang tha ma med pa'i phyir rgyun chad pa
 med cing/ gzhan gyi dbang dang yongs su grub pa mdzad pa med pas na/ e ma'o 'khor ba dag gi rgyun zhes gsungs te/ mngon par byang chub ba de bzhin nyid la dmigs pa la sogs pa'i ye shes gnas yongs su dag par gyur pa rgyun mi chad pa
 nyid 'khor ba zhes bya'o/ /de ltar yang/ 'khor ba dang ni mya ngan 'das/ /'di gnyis yod pa ma yin te/ /'khor ba yongs su shes pa ni/ /mya ngan las 'das pa zhes bshad do zhes gsungs so/ /don de'i ngor byas na chos thams cad ni
 gi ngo bo ji lta ba bzhin brtsan par na/ gdod ma nas mya ngan ma 'das phra ba yang med pas/ e ma'o/ chos thams cad gdod nas shin tu mya ngan las 'das pa nyid do zhes tshig rnam par sbyar ro/ /de ltar na chos 'di dag ni rab tu skye
 zhing 'jig kyang rgyun chad pa nam yang med/ /brtags zhes bya ba brtags pa tsam/ /'khor ba la ni mdza' mi dmigs zhes gsungs pa dang/ mya ngan las 'das pa yin du zin kyang/ 'khor bar 'gyur la/ 'khor ba'i rgyur gyur
 kyang mya ngan las 'das pa ma btang ba'i phyir/ phan tshun 'gal ba byis pa'i yul ma yin pa'i bden pa gnyis po 'di ni/ e ma'o shin tu ngo mtshar 'di zhes gsungs so/ /don 'gal ba 'di mi 'gal bar shes pas ci la phan zhe na/  
 gang zhig gis shes na byis pa dag 'ching ba'i nyes pa'i skyon 'di dag /rnal 'byor pa de la yon tan du ni 'gyur ba'o/ /zhes tshig rnam bar sbyar te ji skad du/ chos gang gis ni byis pa dag /'khor ba'i gnas su 'ching 'gyur ba/ /chos
 de nyid ni rnal 'byor pa/ /'khor ba'i mthar ni 'gro ba yin zhes gsungs so/ /de ci'i phyir zhe na/ gang gis 'ching ba'i chos de ni 'ga' yang ma mthong ba'i phyir/ dngos min dngos po med pa min zhes bya ba la sogs pa gsungs te/ 'di
 dag rigs pas bltas na gnas pa'i mthu med pas na dngos po min te/ 'on kyang chos rnams kyi chos nyid kyis mngon sum go na ra gsal bar snang bas na/ dngos po med pa'ang min te/ de ltar na rtag pa dang chad pa'i thabs las
 rgal ba sgyu ma tsam du gnas te/ de shes pa la ni gnod pa gang yang mi 'byung ste/ de ni nyes pa'i tshogs kyi gnyen po yin pas na/ chos la bdag med mkhas pa ni/ /rang bzhin med pa goms byas pas
 phyin ci log las byung ba yi/ /nyon mongs sgrib pa med par spong zhes gsungs pas so/ /rang bzhin phra rab rtogs pa de yang med de/ khams min zhes bya ba mig la sogs pa 'am/ dus ni gnyid log sad par byed/ /ces bya ba la
 sems pas dus la sogs pa'i khams 'dod pa yang/ kun tu brtags pa tsam snying por gyur gyi rang bzhin med do/ /bye brag tu smra bas bzhag pa bstan du med pa'i rdzas rab tu dge ba yang mi mthad de/ 'phags pa lang kar gshegs
 pa la sogs pa'i nang du bsal bas na/ mya ngan 'das pa min zhes gsungs so/ /'o na ci zhe na/ re zhig kun gzhi rnam par shes pa rgya yongs su chad pa med pa 'di tsam zhig sna tshogs kyi bdag nyid yin par zad de/ /sa la gzugs rnams
 gang yod dang/ /lha yul gnas pa'i khyim rnams kyang/ /rnam pa sna tshogs gang snang ba/ /de dag kun gzhi snang ba yin/ /kun gzhi kun tu lag pa ste/ /kun tu kha mig mgo bo yang/ /cig car ram ni rim gyis kyang/ /sa rnams yog
 par rab tu gnas/ zhes gsungs pas na/ rnam shes nam mkha' i gzhi mnyam ste/ zhes gsungs so/ /de lta na de nyid gnod par 'gyur ro snyam na/ nam mkha' 'di ltar bdag nyid med ces gsungs te/ de gnas yongs su gyur pa na rang bzhin
 gyis 'od gsal ba'i phyir nam mkha' lta bu yin gyi yang dag pa'i ye shes la bzung ba dang 'dzin pa'i bdag ni ci yang med pas 'di la gnod pa med do/ zhes bstan pa'o/ /de nyid ni chos 'di bde ba chen po yin zhes gsungs te/ ji skad du/
 bde ba gang zhe na/ gang la kun tu rtog pa med pa de bde ba'o zhes gsungs so/ /'di don dam par yod pa nyid de/ 'di tsam yang sun 'byin pa ni bya rab tu gnon pa dang/ stag gi dpes mdo las bsal to/ /'di ni rag las pa dang bral ba'i chos rab  
 dbang du gyur pa yin pas na/ sa min me dang chu ma yin/ /rlung min de bzhin nam mkha' min zhes gsungs te/ tshul khrims dang ye shes bsam gtan gyis/ /mya ngan 'das zhi dul ba dri med pa'i/ /go 'phangs mi rga mi 'chi zad mi 'tshal/ /sa chu me
 rlung nyi zla bral thob mdzod/ /ces bshad pa lta bu'o/ /go 'phang de yang chos kyi dbyings rtog pa 'byung bar bstan pa'i phyir/ rdo rje sems dpa' i sbyor ba yi/ /skye ba 'di ni rab tu gnas shes gsungs te/ rdo rje sems dpa' zhes bya ba ni mi phyed pa dang
 sangs rgyas kyi chos sna tshogs pa'i rgyur gyur pas chos kyi dbyings te/ de la rab tu sbyar ba yis shes bya ba ni/ rab tu yang gsal bas zung du 'jug pas/ sngar bstan pa'i mi gnas pa'i mya ngan las 'das pa phyag rgya chen po zung du 'jug pa byung bas
 na/ skye ba 'di ni rab tu gnas zhes gsungs te/ ji skad du/ rgyal bas chos nyid lung med rab zhi ba/ /gnyis med rang bzhin med pa thugs chud nas/ /gzugs sku bzang po mtshan gyis brgyan pa yis/ /'gro ba ma lus bka' bzhin ston par mdzad
 ces gsungs pas so/ /de tsam zhig bden gyi gzhan du gyur pa ni/ /dngos kun dngos po zhes bya ba/ /de ni dngos po med par grags zhes pa gsungs te/ rigs pas 'jal ba rnams la zhes bya ba ni tshig gi lhag ma'o/ /ji ltar zhe na/ rnal 'byor pa'i
 sems yul khyad par can du snang ba rnal 'byor zung du 'jug pa dang bral bar gyur pa'i tshe de'i shes pa don khyad par can 'dzin pa de la rtag pa snang ba ma yin zhing/ de bzhin du chad pa yang ma yin la/ phyag dang zhal dang kha dog kyang snang ba ma yin pas
 de'i phyir grags zhes bya ba ni/ don ji ltar nyams su myong ba gcig nas gcig tu mchod pa byed pa yin pa'i phyir ro/ /'on kyang de'i yul du sngar bstan pa'i dam pa'i dga' ba'i mtshan nyid de kho na nyid tsam zhig
 gnas par zad do/ /de mtshan nyid gzhan yang srid pa kun dang phyag bral ba/ /thog ma bar dag spang ba'o zhes gsungs te/ srid pa ni 'khor ba rgyan du 'jug pa'i sems te/ 'dod chags la sogs nyon mongs tshogs ldan pa'i/ /sems ni 'khor ba
 yin par kun tu brjod/ /ces gsungs pa lta bu ste/ de rab tu spangs pa/ nyon mongs rnam grol shel dang zla 'dra ba/ /srid pa'i rgya mtsho'i mthar ni yongs su bsgrags/ zhes gsungs pa'i bdag nyid do/ /de bas na kun zhes bya ba ni srid pa'i rtse mo'i
 par gyi sems las ni ma gtogs par gyur pa'o/ /chags bral dang zhes bya ba ni/ 'phags pa nyan thos gang dag srid pas rab tu skrag pas zhi ba'i bdag nyid rnam par shes pa mar me rgyun chad pa ltar gyur pa'i bde ba med pa la bde bar 'du shes
 pa/ sku dang ye shes bsam gyis mi khyab pa la rgyab kyis phyogs pa/ zhum pa med pa'i lus kyis ni/ tshor ba sta gon gnas par bya/ /mar me 'dra ba'i rnam par thar/ /de yi sems ni mya ngan 'das zhes bya ba gang yin pa 'di ni khams  
 gsum dang mi gnas pa'i mya ngan las 'das pa la yang chags pa dang bral ba'o/ /'di ni de ltar yang ma yin te/ bskal pa grangs med pa'i bar du rgyud la nan tan byas pas 'khor ba'i mdza' med pa ltar/ 'di'i sku tshe yi mdza' med pa ste/
 nam mkha' i mdza' thug gyur pa ci tsam par/ /sems can ma lus mdza' yas de bzhin te/ /ji tsam las dang nyon mongs mthar gyur pa/ /bdag gi smon lam mdza' yang de tsam mo zhes gsungs la/ smon lam yang ji ltar smon pa'i 'bras bu 'byin pa
 ste chos rnams thams cad rkyen bzhin te/ 'dun pa'i rtsal la rab tu rten/ /gang gis smon lam ci btab pa/ /de dang 'dra ba'i 'bras bu thob ces gsungs pas so/ /thog ma bar dag spangs pa'o/ /zhes bya ba ni sngar 'khor ba'i thog ma med par bstan
 pa 'di yis thog ma spangs pa yin la/ gang la thog ma med pa de la bar yod mi srid de/ bar ni thog ma dang tha ma'i cha las ltos pa tsam yin pa'i phyir ro/ /des na bar spangs pa'o/ /de nyid kyis na 'di la tha ma med par ni rab tu yang
 gsal bas ma gsungs so/ /gal te bstan du med pa dge ba'i rdzas mya ngan las 'das pa yang 'di min la/ mar me chad pa lta bu'i mya ngan las 'das pa yang 'di min na/ de bzhin gshegs pa rnams kyi yongs su mya ngan las 'das pa
 zhes gsungs pa ji lta bu yin zhe na/ don gyi dbang bcus rgyun chad pa med cing sku gzhan du snang ba bskyed pa tsam la mya ngan las 'das par bzhag ste/ ji skad du/ 'phags pa 'jig rten las 'das pa'i le'u las/ kye rgyal ba'i sras
 dag sangs rgyas kyi 'phrin las rdzogs par mdzad zin pa'i de bzhin gshegs pa dgra bcom pa yang dag par rdzogs pa'i sangs rgyas rnams ni don bcu'i dbang gzigs nas yongs su mya ngan las 'das pa chen po ston te/ bcu gang zhe na/
 'di ltar yang dag pa ji lta ba bzhin du 'du byed mi rtag pa yongs su bstan pa dang/ 'dus byas thams cad yid brtan du mi rung bar bstan pa dang/ mya ngan las 'das pa'i phyogs bde bar 'gro pas 'jigs pa dang/ bag tsha ba thams cad
 dang bral bar yang dag par bstan pa dang/ gzugs kyi lus la zhen pa'i lha dang mi rnams la gzugs kyi lus mi rtag pa nyid du yang dag par bstan pa dang/ chos kyi sku la yang dag par sbyar ba dang/ rnam par 'gyur pa'i mthu phyir mi bzlog
 par yongs su bsten pa dang/ 'du byed thams cad mdor rgyur mi rung zhing dbang sgyur du med pa yongs su bstan pa dang/ mya ngan las 'das pa ni snying po dam pa ste/ mi 'jigs pa'i chos nyid du yang dag par bstan pa
 dang/ kun 'byung zhing 'jigs pas bral bar 'gyur ba yongs su bstan pa dang/ kye rgyal ba'i sras sangs rgyas bcom ldan 'das kyi chos nyid kyis kyang de bzhin te/ sangs rgyas kyi 'phrin las thams cad rdzogs par mdzad/ dgos
 pa thams cad yongs su rdzogs shing chos kyi 'khor lo shin tu bskor te/ gdul bya thams cad shin tu dul nas/ byang chub sems dpa' thams cad shin tu lung bstan par gyur te/ mnyam pa med pa'i go 'phang yongs su mya ngan las 'das pa
 chen por yongs su mya ngan las 'da' o/ /kye rgyal ba'i sras don bcu po de dag yang dag par gzigs nas de bzhin gshegs pa dgra bcom pa yang dag par rdzogs pa'i sangs rgyas mnyam pa med pa'i go 'phang yongs su mya ngan las 'das pa chen
 po yongs su ston to/ zhes gsungs so/ /de ltar don dam pa'i byang chub kyi sems ji skad du gsungs pa de nyid dang rjes su mthun par rnal 'byor pas mos pa yid la byed pa 'am/ de kho na yid la byed pas gnas par bya ste/ de bas na 'di ni lam dang
 de'i 'bras bu gnyis kar rnam par bzhag go /don de nyid btsun mo rnams kyis kyang gsal bar bstan pa'i phyir/ de nas zhes bya ba la sogs pa gsungs te/ go bar bla zhing sngar ji skad bshad pa tsam zhig 'dis kyang brjod par byed do/ /mya
 ngan las 'das pa chen po 'di'i mtshan nyid ni/ gzhan las ji lta mkha' phyogs rnams/ /kun la rtag par mi gnas pa/ /de bzhin chos rnams thams cad la/ /gsang sngags mgon po mi gnas so/ /ji ltar dngos rnams nam mkha' la/ /gnas shing
 rtag tu rnam snang yang/ /de ni gnas su mi 'gyur ba/ /gsang sngags mgon po'ang de bzhin no/ /nam mkha' dus gsum la sogs dang/ /ji ltar bral bar 'dod pa bzhin/ /de ltar gsang sngags mgon po yang/ /dus gsum med kyang rnam par snang
 ming tsam du ni gdags pa'i gnas/ /byed po la sogs dang bral ni/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs pa cung zad kyang/ /yod pa ma yin nam mkha' bzhin/ /de bzhin gsang sngags dbang phyug kyang
 tha snyad tsam du snang bar zad/ /me dang chu dang rlung ma yin/ /sa dang nyi ma'ang ma yin zhing/ /zla ba la sogs gza' kun min/ /nyin par dang ni mtshan mo'ang min/ /skye ba dang ni 'gag pa'ang min/ /'chi ba dang ni rgud pa min/ /skad cig ma yin yud tsam
 min/ lo la sogs pa'ang ma yin zhing/ /'jig pa dang ni 'chag pa'ang min/ /bskal pa'i grangs kyang yod ma yin/ /dge dang mi dge las byung ba'i/ /dbus su 'ang yod pa ma yin no/ /kun mkhyen go 'phangs 'dod pa yis/ /rtog pa rnam pa sna
 tshogs pa/ /de kun gang la'ang med 'gyur ba/ /de la brtag tu brtson par bya zhes gsungs so/ /byang chub ces bya ba ni rnam par mi rtog pa rang bzhin gyis 'od gsal ba ste/ /byang chub nam mkha' i mtshan nyid de/ /kun tu rtog pa thams cad spangs/ /zhes
 gsungs so/ de'i bdag nyid kyi sems ni byang chub kyi sems te/ yang shA ri'i bu sems de ni byang chub kyi rang bzhin te/ de'i phyir byang chub kyi sems zhes bya'o/ /zhes gsungs pas so/ /gleng gzhi zhes bya ba ni ma lus pa'i man ngag 'dir byin pas so/ /le'u
 zhes bya ba ni sngon bzhin pa la le'u bcu bdun pa'i bshad da'o// //da ni gzhung nye bar bsdu ba'i phyir/ gsang ba'i bdag po chen po rdo rje'i rigs khyad par can gyis zhes bya ba la sogs pa gsungs te/ gnod sbyin sngags drag po 'chad ba rnams ni  gsang ba ste/
 de dag gdul ba'i phyir de dag gi dbang phyug tu skyes pas na bdag po'o/ /gzhan yang de bzhin gshegs pa thams cad kyi gsang ba'i don 'dzin par dbang bskur bas na/ gsang ba'i bdag po'o/ /de nyid mthun khyad par
 rab tu che bas na chen po'o/ /rdo rje'i mtshan ma las byung bas na rdo rje'i rigs so/ /yang na gnod sbyin lag na rdo rje dag gi rigs su skyes pa ni rdo rje'i rigs so/ /sngar bstan pa'i yon tan dang bcas pas na khyed par can no/ /des de skad ces gsungs so/ /de ci'i
 phyir gsungs she na/ na Ta ku be ra zhes bya ba smos te/ 'di dag ni lha mo'i bud med kyi sgyu ma rab tu mang po dang/ rab tu 'jigs su rung ba'i gar byed pas na/ gang mkhan na Ta ste bdud kyi sde'o/ /des ni 'gro ba ma lus pa lam las bzlog cing
 chud gson pas na ngan pa ste ku'o/ /bdud kyi las ni ngan pa yin pas so/ /de bzlog pa'i phyir be ra te/ de skad ces gsungs so zhes sbyar ro/ /bdud kyi sde ldog pa nyid ci la dgongs she na/ brgya byin log par rnam par snang byed du gyur pa'i
 las kyi 'bras bu chung mi bza' bar bstan pa dang dgos pa bcu'i ched du ste/ de ni ji skad du/ 'phags pa 'jig rten las 'das pa'i le'u las/ kye rgyal ba'i sras don rnam pa bcu po 'di dag gi dbang yang dag par mthong nas snying po byang chub la mchog
 la 'dug pa'i byang chub sems dpa' bdud 'dul ba ston te/ bcu gang zhe na/ 'di ltar kun nas nyon mongs pa'i 'jig rten gyi khams 'byam klas pa na/ 'thab mo dang g.yul la mos pa'i sems rnams la/ byang chub sems dpa' i stobs
 kyi che ba nyid yang dag bar bstan pa'i phyir byang chub sems dpa' bdud 'dul ba ston to/ /yid gnyis dang the tsom du gyur pa'i mi dang/ lha rnams kyi yid gnyis dang/ the tsom bcad pa'i phyir bdud 'dul ba ston to/ /bdud kyi sde yongs su smin
 bar bya ba'i phyir/ bdud 'dul ba ston to/ /'thab mo dang g.yul la mos pa'i mi dang/ lha rnams kun nas bsdu ba dang/ kun nas 'dus pa'i lha dang/ mi rnams 'dul ba'i dbang gi phyir/ bdud 'dul ba ston to/ /byang chub sems dpa' i mthu la thub pa med par
 yongs su bstan pa'i phyir bdud 'dul ba ston to/ /sems can gzhan mos shing spro bar bya ba'i phyir/ bdud 'dul ba ston to/ /phyi ma'i skye bo rnams la snying brtse ba'i phyir/ bdud 'dul ba ston to/ /snying po byang chub kyi snying por bdud kyi las yongs su bstan pa dang/
 byang chub sems dpa' bdud kyi lam thams cad las 'das par yongs su bstan pa'i phyir/ bdud 'dul ba ston to/ /nyon mongs pa'i stobs kyi nyams smad cing stobs med par byas pa yongs su bstan pa dang/ dge ba'i rtsa ba brjod pa dang/ byams pa'i
 stobs yang dag par bstan pa'i phyir/ bdud 'dul ba ston to/ /kun nas nyon mongs pa'i 'jig rten gyi khams rab 'byam klas pa dag tu chos nyid rjes su 'brang bar bya ba'i phyir/ byang chub sems dpa' bdud 'dul ba ston to/ /kye rgyal ba'i sras don bcu po
 de dag gi dbang mthong bas na/ byang chub sems dpa' bdud 'dul ba ston to/ zhes gsungs so/ /gzhan dag 'di 'gro ba chags par byed pa'i gar gyi nyams dgu'o/ /sgeg dang dba' dang 'jigs su rung/ /dgod dang khro dang 'jigs par byed/ /snying rje ngo mtshar zhi
 ba ste/ 'bar ba'i gar dgu'i nyams dang ldan/ /zhes pas gar mdzad pas na/ Na Ta sku ste sku zhes bya ba ni kurban+ti ste/ byed pa 'am mkhan po'o/ /de nyid 'gro ba lam dam pa la 'god bas gar te/ mchog dam ba'o/ /de bas na 'di ni gar mkhan
 mchog yin pas na/ lag na rdo rje dbang bskur ba'i rgyud du/ tshur shog Na Ta ku be ra zhes bcom ldan 'das shAkya thub pa nyid kyis/ 'di la nyan par bos pa'o/ /zhes 'chad de mi mthad pa med do/ /des na rgyud 'dir yang gang dag don gyi dbang bcu po 'di
 mthong ba dang/ gsang sngags kyi mthu rab tu bstan ba'i phyir/ bdud btul ba mnyam pa med pa bstan zhing/ 'gro ba 'byung bar 'gyur ba rnams la yang/ go 'phang 'di lta bu bsgrub shig/ ces ston pa'o// //
 rtsod pa'i dus su snyigs ma lngas gzir bas/ blo dman bdag 'dras 'dir bsdus rnam phye bas/ bdag ni dpal ldan gshin rje la sdang ba/ gcig pu bde mchog go 'phangs thob par shog/ //dpal gshin rje dgra nag po zhes bya ba'i rgyud
 kyi rgyal po chen po'i dka' 'grel/ rin po che'i sgron ma zhes bya ba/ slob dpon mkhas pa chen po ratnA ka ra shan+tis/ nyung bar sbyar ba 'di yongs su rdzogs so// //A carya bi na a tsan+d+ra dang/ lo tsa ba dge slong chos kyi shes
 rab kyis dad pas bsgyur cing zhus te gtan la phab pa'o// /!/ /gshin rje gshed nag po'i rgyud kyi bshad pa mngon par mthong ba lam gyi sgron ma nag po pas mdzad ba bzhugs so// //rgya gar skad du/ kriSh+Na ya mA ri tan+ta rA dza bra