<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1545: gsang ba 'dus pa'i dbang bskur ba'i cho ga mdor bsdus pa<br><table><tr><td>
<input type="button" onclick="location.href='tcompletep.php?id=N1545&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1545&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1545&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bdag btsan po/ rtse lnge btsan gyi bka' lung gis/ rgya gar gyi mkhan po mkhas pa chen po dpal mar me mdzad dang/ bod kyi lo tsa ba dge slong ba ris bsgyur pa'o// // */ /'dus pa'i dbang bskur ba'i cho ga mdor bsdus pa paN+Dita chen po
 ngag gi dbang phyug grags pa'i zhal snga nas mdzed pa'o// // */ /rgya gar skad du/ saM k+ShiptA b+hi She ka bi d+hi sa mA ji ka /bod skad du/ 'dus pa'i dbang bskur ba mdor bsdus pa/ byang chub sems dpa' 'phags pa spyan ras gzigs
 dbang phyug la phyag 'tshal lo/ /dpal rdo rje sems dpa' la phyag 'tshal lo/ /chu dang cod pan rdo rje dril bu ming/ /rigs gsum dam tshig skal ldan slob dpon gsang ba mchog /dbang bskur dam pa dgu po gang zhig bsod nams dpag
 med kyis/ /srid pa dag par skyed mdzad sgrol ma de la phyag 'tshal lo/ /rtsod pa'i dus dang phrad pas yid gzhungs rnams zhan cing/ /'gro ba shin tu bsdus par 'dod cing nan tan med/ /des na dbang rim rgyas pa spangs pa'i dbang bskur mdor
 bsdus 'di/ /ngag gi dbang phyug grags pa yis ni brjod par bya/ /mu stegs la min rmongs la min/ /rtog ge skam po dag la min/ /nyan thos la min ma ning dang/ rgan po byis pa la yang min/ /rgyal po la min bu la min/ /dad pa
 med pa la min pa'i/ /bdun dang brgyad pa la sbyin pa/ /bstan la phan pa dogs pa nyid/ /de la re zhig ji lta ba bzhin du dbang bskur zhing rjes su gnang ba rig sngags bzlas pa'i sngags pas/ /sngon la slob ma'i snong brtag ste/ /dad pa
 dang thos pa la sogs pa yongs su sbyangs pa don du gnyer zhing legs par brtags pa'i skal ba dang ldan pa'i slob ma dag la/ dbang bskur ba la sogs pas gzung bar 'dod pas/ dkyil 'khor la sogs pa'i gnas ni rgyal po
 dang chom rkun la sogs pa nye bar 'tsho ba thams cad dang bral ba'i dkyil 'khor gyi khang pa la sogs pa/ cho ga ji lta ba bzhin du bris pa'i/ rdul tshon gyi dkyil 'khor ram/ mtshan nyid dang ldan pa'i ras ris la sogs pa'i dkyil 'khor
 ram/ mngon sum du byas pa'i dkyil 'khor du me tog dang/ bdug spos dang/ lha ba shos la sogs pa rnams kyis mchod par rang gi lha'i rnal 'byor sngon du 'gro bas rang nyid slob ma 'jug pa'i rim pas zhugs la/ yol
 ba'i phyi rol tu yon dbul ba dbang bskur ba'i skal ba can gcig gis slob ma rnam par snang mdzad kyi gzugs su dmigs la/ A khaM bI ra hUM/ zhes pa 'dis me tog gi phreng ba bzung la gdong g.yogs cing ste/ bgegs mthar byed kyi
 sngags bzlas pa'i bum pa'i chus bsangs gtor byas la/ dkyil 'khor du gzhug pa'i don du kye bde ba dga' ba khyod su yin zhes dri bar bya'o/ /des kyang bde chen bdag ni bskal ba bzang ngo las brjod
 par bya'o/ /de ma thag tu oM sarbba yo ga tsit+taM ta yA mi zhes pa 'dis byang chub tu sems bskyed par bya'o/ /de nas rdo rje dang bcas pa'i rdo rje oM su ra ste sa ma ya stwaM ho sid+d+hi badzra ya thA su khaM zhes pa 'dis snying gar bzhag par bya'o/ /de nas
 sngar smras pa'i yi ge lnga pos yol ba'i nang du bcug la 'di skad rjod par bya'o/ /dang khyod de bzhin gshegs pa thams cad kyi rigs su zhugs kyis ngas khyod rdo rje'i ye shes 'di bskyed par bya yis/ ye shes gang gis khyod de bzhin gshegs
 pa'i ye shes kyang 'thob par 'gyur na/ dngos grub gzhan lta ci smos/ khyod kyis 'di dkyil 'khor ma mthong ba'i mdun du smra bar ma byed cig/ smras na khyod dam tshig nyams par 'gyur ta re/ de nas rdo rje spyi bor bzhag nas/ 'di skad brjod
 par bya'o/ /'di khyod kyis dam tshig gi rdo rje ste/ gal te khyod kyis 'di 'ga' zhig la smras na spyi bo 'gems par 'gyur ro/ /rdo rje sems rang deng khyod kyi/ /snying la yang dag zhugs par mdzad/ /gal te tshul 'di smras na ni/ /de ma
 thag tu dral te gshegs/ /zhes pa 'dis mna' bsgags la/ /tsan dan dang gur gum la sogs pa bsres pa'i chu la/ oM badzra a mri ta u da ka Tha zhes pa'i sngags lan bdun bzlas te/ 'di ni khyod kyi dmyal ba'i chu/ /dam
 tshig nyams na bsreg par byed/ /dam tshig bsrungs na dngos grub ster/ /rdo rje bdud rtsi'i chu 'thung zhig /ces brjod cing blud par bya/ /de nas 'di dag brjod par bya ste/ /deng nas brtsams te khyod kyi phyag na rdo rje ?? yin gyis/ /
 ngas 'di gyis shig bsgo ba gang yin pa de khyod kyis bya dgos so/ /khyod kyis nga la brnyas par ma byed cig /yang ba ma spangs par khyod dus byas nas sems can dmyal bar ltung bar 'gyur ta re/ de dag ni dam tshig gi chu sbyin pa'o/ /de nas
 dkyil 'khor gyi cho ga la sogs par gsungs pa'i dbab pa'i cho gas dbab par bya'o/ /de nas bden pa'i byin brlabs da ltar dkyil 'khor du/ slob ma 'di ni legs bcug nas/ /bsod nams ji lta de bzhin shog /lha rnams rigs kyi
 rim pa dag /'di yis dngos grub ji 'drar 'gyur/ /rigs gang gis ni snod 'gyur dang/ /bsod nams mthu dag ci 'dra ba/ /de 'dra dkyil 'khor 'di ru shog /zhes de ltar byas nas/ /khyod kyis mig gis ci 'dra ba dag snang/ /zhes dri bar
 bya'o/ /de nas de brjod pa'i dkar po dang ser po dang dmar po dang nag por snang ba rnams kyis/ zhi ba dang rgyas pa dang dbang du bya ba dang drag shul spyod pa'i dngos grub kyi skal pa rnams su go rim ji lta ba bzhin du brjod par bya'o/ /de nas des
 gzung ba'i me tog gi phreng ba de dkyil 'khor du pra tIts+tsha badzra ho/ zhes bya ba 'dis dor bar bya'o/ /de nas me tog dor ba las dman pa dang mchog la sogs pa'i dngos grub mtshon par bya'o/ /de la gal te sangs rgyas rnams kyi dbu 'am mdzod
 pu 'am/ gtsug tor la ltung na phyag rgya chen po'i dngos grub 'grub po/ /gal te spyan nas zhal la ltung na sngags kyi dngos grub tu 'gyur ro/ /yan lag mchog la ni mchog go /yan lag bar pa la ni 'bring ngo/ /smad kyi cha la ni tha ma'o/ /
 gzugs las ring na shin tu yun ring ba'o/ /nye ba la ni myur du dngos grub bo/ /lha rnams kyi rang gi gnas kyi le tshe la sogs par bcas par shes par bya'o/ /lha gnyis kyi bar du lhung na de'i >tshe me tog gang la nye ba de'i rigs yin no/ dkyil
 'khor gyi phyi rol tu lhung na ni dngos grub phran tshegs su 'gyur ro/ /gal te ri mo la lhung na de tshe slar yang dor bar bya ste/ lan gsum byas kyang de nyid du lhung na dngos grub med do/ /snying po la lhung na ni phran tshogs so/ /
 de dag ni me tog dor ba'o/ /de nas dor ba'i phreng ba de slar yang blangs nas slob ma'i sbyi bor bcings nas pri ta grih+Na twa mi maM satwa mahA ba la zhes brjod do/ /oM badzra stwa ya tarya tsa k+ShU ta gtaTa tata spha ra Na u da g+haT a ti sarbba kO/ badzra ??
 nu t+ta raM/ zhes brjod cing gdong g.yogs dkrol bar bya'o/ /de nas dkyil 'khor gyi lha so so'i ming di brjod la/ sngon du 'gro bas sgo skyod nas brtsams nas bdag po'i mthar thug bstan par bya'o/ /de dag ni dkyil 'khor du gzhug pa'i cho
 ga'o/ /de nas byang chub rdo rje sangs rgyas la/ /mchod chen ji ltar gsal ba ltar/ /bdag kyang bskyab pa'i don slad du/ /mkha' 'gro rdo rje deng bdag stsol/ /zhes bya bas gsol ba btab la/ bum pa bzung ba'i spyan ma la sogs
 pa rnams kyis dbang bskur bar bya ste/ dbang bskur ba ni rdo rje che/ /khams gsum pa yis phyag byas pa/ /gsang ba gsum gyi gnas las byung/ /sangs rgyas kun gyi sbyin par bya/ /zhes brjod nas bdud rtsi 'khyil pa bzlas pa'i
 bum ba nas rdo rje khu tshur gyis chu blangs la/ oM badzra a b+hi Shiny+tsa mi/ zhes brjod la gdong bkru/ slob ma 'khor lo sgyur ba bzhin du dbang bskur bar bya'o/ /de dag ni chu'i dbang bskur ba'i cho ga'o/ /de nas rang gi lha dang lhan cig pa'i gser
 dang ras la sogs pa la byas ba'i cod pan slob ma'i mgo bor sngar smras pa'i rim pas legs par bzhag la/ nam mkha' i dkyil na bzhugs pa'i de bzhin gshegs pa thams cad rdo rje'i gzugs kyis cod pan la bzhugs par bsam?
 par bya'o/ /de dag ni cod pan gyi dbang bskur ba'i cho ga'o/ /de nas rdo rje blangs la sangs rgyas rnams kyi rdo rje'i dbang/ /de ring khyod la bskur bar bya/ /'di de sangs rgyas thams cad nyid/ /rab tu grub phyir rdo rje bzung/ /zhes gdon cing rdo rje
 snying ga la sogs par rag nas lag pa g.yas su sbyin par bya'o/ /de dag ni rdo rje'i dbang bskur ba'i cho ga'o/ /de nas lag pa g.yon par dril bu byin rdo rje dang dril bu ldan pa'i slob ma lag pa gnyis kyis 'khyud pa'i tshul du byed du bcug la/
 oM badzra a d+hi pa ti twaM a b+hi Shi ny+tsa mi taSh+Thi badzra sa ma ya stwaM/ zhes gdon par bya'o/ /dril bu'i dbang bskur ba ni bdag po'i dbang bskur ba zhes brjod do/ /de dag ni dril bu'i dbang bskur ba'i cho ga'o/ /de'i rjes la rdo rje dang dril bu slar ma'i
 lte bar bzung la/ oM badzra satwa a b+hi Shiny+tsa mi badzra na ma a b+hi She ka ta/ kye dpal che ge mo rdo rje zhes rigs dang mthun pa'i ming dag gdags so/ /dbang bskur ba de dag gis ni sngags dang rgyud nyan pa dang 'chad pa dang sngags sgrub pa la dbang
 du byung bar 'gyur ro/ /dbang bskur ba lnga po de nyid ni rig pa'i dbang bskur ba zhes brjod de/ thams cad du sbyan ma la sogs pa'i bya ba yod pa'i phyir ro/ /de dag ni ming gi dbang bskur ba'i cho ga'o/ /de'i rjes la rig pa'i dbang bskur blangs
 shi?/ /slob dpon gyi sdom pa blangs pa la/ rdo rje slob dpon dbang bskur ba gang gis khyod kyi din gyis bdag /bdag dang gzhan don nus gyur pa/ /kha rtse ba'i gter kye bdag la stsol/ /zhes gsol pa btab par gyur pa'i slob ma la bsam
 gtan gyis sbyon la sogs pa rnams kyis dbang bskur nas/ dam tshig gsum 'dzin du gzhug go /de la dam tshig gsum ni 'di yin te/ hUM gis yi ge rdo rjer bsams nas/ thog mdza' med ba'i sems dpa' ni/ /rdo rje sems
 dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /bcom ldan 'das dam pa dang po'i skyes bu'o/ /zhes bya ba de kho na nyid rdo rje bzung ngo/ /de dag ni rdo rje'i dam tshig go/ /
 de ma thag tu yi ge a las skyes pa'i dril bu la/ 'di de sangs rgyas thams cad kyi/ /ye shes dbyangs kyi rjes 'gror bshed/ /khyod kyis kyang ni rtag tu zung/ /byang chub mchog tu rgyal ba bzhed/ /ces pa 'dis slob ma'i lag tu
 sbyin no/ /srid pa rang bzhin gyis ni dag /ngo bo nyid kyis srid bral byas/ /rang bzhin dag ba'i sems dpa' mchog /srid pa mchog ni byed par 'gyur/ /zhes bya ba 'dis slob mas kyang dkrol bar bya'o/ /de dag ni dril bu'i dam tshig go/
 de'i rjes la yid kyis lus ni bstan bya'i phyir/ /phyag rgya dam tshig zhes byar gsungs/ /gang gis lus kun brtags pas na/ /des na phyag rgya rab tu bsgrags/ /ces bya ba 'dis rang gi 'dod pa'i lha'i lus kyi bdag nyid phyag rgya chen
 por byin gyis brlab par bya'o/ /de dag ni phyag rgya'i dam tshig go /de nas dkyil 'khor gyi de kho na nyid ni dkyil 'khor gyi rnam par dag pa'i mtshan nyid dang/ lha'i de kho nas ni lta'i rnam par dag pa'i mtshan nyid dang/ slob dpon gyi las ni dkyil
 'khor gyi sgrub pa sngon du 'gro ba ste/ der slob dpon gyi 'jug pa'i bya ba'i mtshan nyid do/ /zhes sems shing 'di gsum bstan par bya'o/ /de nas rnam par snang mdzad la sogs pa'i gzugs su dmigs pa'i slob ma la rjes su gnang ba sbyin
 bar bya ste/ sems can kun la phan don du/ /'jig rten kun la thams cad du/ /ji ltar 'dul ba sna tshogs pa/ /chos kyi 'khor lo rab tu bskor/ /zhes chos kyi rjes su rdo rje dang rin po che dang pad+ma dang las kyi sgra bcug rim pa
 bzhin du tshigs su bcad pa ldas bya ste/ de dag ni rjes su gnang ba'i sbyin pa'o/ /de nas 'di de sangs rgyas thams cad nyid/ /rdo rje sems dpa' i phyag na gnas/ /khyod kyis kyang ni rtag tu bzung/ /phyag na rdo rjes brtul zhugs
 brtan/ /zhes pas rdo rje sbyin te/ sarbba ta thA ga ta sid+d+hi badzra sa ma ya taSh+Thi e Sha hUM d+hA ra ya mi badzra satwa hi hi hi he hUM/ zhes brjod du gzhug cing slob ma rdo rje brtul zhugs 'dzin du gzhug go /de dag ni sbyin pa'o/ /de'i rjes la sangs rgyas
 gzugs su bdag nyid bsams nas/ snying gar khu tshur g.yon pas chos gos kyi gra nas 'dzin pa'i tshul du byas la/ g.yas pa mchog sbyin pas/ oM 'dir ni ngas khyod lung bstan yin/ /rdo rje sems dpa' de bzhin gshegs/ /
 srid pa shin tu grub pa'i phyir/ /srid pa'i ngan 'gro rnams las bton/ /kye che ge mo zhes bya ba de bzhin gshegs pa'i/ /sid+d+hi sa ma ya stwi b+hur b+hu ba swa(rgyud 'grel bzhin gshegs pa thams cad byang chub sems dpa' i 'khor gyi dkyil 'khor rnams kyis mgrin gcig tu bla na med pa yang dag par rdzogs pa'i byang chub tu lung ston par mdzad de/ 'phags pa phyag rgya chen po 'di'i mthu dang gsang sngags
 kyi stobs kyis so/ /zhes dad par bya'o/ /de dag ni lung bstan pa'o/ /de nas gsang ba brjod par bya ste/ 'dod chags bral ba lta bu'i sdig/ khams gsum na ni gzhan med de/ /de bas 'dod la chags bral bar/ /khyod kyis nam yang ma
 byed cig /ma hA sa ma ya hA na hUM phaT/ de nas mchog gsang dkyil 'khor dam pa ni/ /? dang ni zhugs pa yis/ /sdig ba kun las nges grol bar/ /khyod ni de nyid legs par gnas/ /bde chen theg pa 'di la ni/ /phyin chad
 'chi ba yod min te/ /srid pa shin tu dag bya'i phyir/ /srid pa'i sdug bsngal rnams las 'das/ /byang chub sems ni btang mi bya/ /rdo rje zhes bya'i phyag rgya gang/ /gang zhig bskyed pa tsam gyis ni/ /sangs
 rgyas nyid du dogs med pa'o/ /dam pa'i chos ni mi smad cing/ /nam yang spang par mi bya ste/ /mi shes pa 'am rmongs pa yis/ /de ni bstan par mi bya'o/ /rdo rje dril bu phyag rgya yang/ /nam yang spang bar mi bya'o/ /slob dpon brnyas
 par mi bya ste/ /de ni sangs rgyas kun dang mtshungs/ /rang gi bdag nyid yongs spangs nas/ /dka' thub kyis ni gdung mi bya/ /ji ltar bde bar bde ba gzung/ /'di ni ma byan rdzogs sangs rgyas/ /de ring dkyil 'khor slob dpon te/
 sdags dang rgyud ni 'dzin pa khyed/ /sangs rgyas byang chub sems rnams dang/ lha rnams kyis ni bzhed pa yin/ /sems can rnams la snying brtse'i phyir/ /khyod kyis dkyil 'khor cho ga bzhin/ /'bad pa yis ni bri bya zhing/ /sgrub pa po
 rnams rgyud la sbyor/ /de dag ni dbugs dbyung ba'o/ /rjes su gnang ba la sogs pa bzhi po 'di dag rnams ni/ /dbang bskur ba lnga'i de ma thag tu 'am/ /dbang bzhi pa'i dbang bskur ba'i de ma thag tu brjod par bya'o/ /slob dpon
 gyi dbang bskur ba nyid la ni/ mi ldog pa'i dbang bskur ba/ zhes brjod do/ /dbang bskur ba lnga dang slob dpon gyis dbang bskur ba ni bum pa'i dbang yin te/ thams cad du bum pa'i byed pa yod pas so/ /dbang bskur ba drug po bya ba ni
 rgyud thams cad du yang 'gal ba med de/ 'jam dpal gyi rgyud la sogs pa rnams su bstan pa'i phyir ro/ /de dag ni slob dpon gyi dbang bskur ba'i cho ga'o/ /de nas yol ba la sogs pa dben bar byas pa'i phyogs su slob mas rang gi
 sems dang 'thad pa'i gzugs la sogs pa'i yon tan dang ldan pa dam tshig dang sngom pa dang ting nge 'dzin gsum la mkhas pa rgyan thams cad kyis brgyan pa shin tu dang pa snying rje'i bdag nyid can gyi shes rab gser ba'i dbang bskur ba'i
 don du bla ma la phul la/ byang chub rdo rjes zhes pa la sogs pas gsol ba gdab par bya'o/ /bla mas kyang ting nge 'dzin gsum mngon sum du byas shing de bzhin nyid kyi pad+ma'i nang du sbyor bas bskyod pa'i rdo rje nor bu'i nang du chud pa
 rang gis rig par byas nas/ sems kyang nam mkha' i khams su ma lhung ba nyid du mtsho skyes nas rdo rje bton nas srin lag dang mthe bo dag gis slob ma'i mig dang lag pa'i spyod yul ma yin par de kha'i na chu skyes kyi nam mkhar sbyin par bya'o/ /
 des kyang a ho ma hA su kha zhes brjod de drangs nas long spyod cing long spyod kyi sbu gur gzhug par bya'o/ /de nyid kyis kyang langs la rang gi khyad par gyi nang nas khyad par du 'phegs pa me tog gi bcud kyi thigs pa gos dang bral zhing sgog pa dang bcas
 pas de'i nam mkhar gzhug par bya'o/ /de ni shes rab dang thabs kyi gsang ba ngag gis dbang bskur ba'i cho ga'o/ /de nas de bzhin nyid gcig tu 'dod na de nyid kyis so/ /tha dad par 'dod na gzhan gyis te/ rang rig pa'i ye shes sngon sum
 du byed pa'i gnas skabs su sngar smras pa'i tshigs su bcad pas gsol ba btab par gyur ba'i slob ma de'i lag pa bzhag la/ nyams dga' gzungs 'di khyod kyis ni/ /bstan byar sangs rgyas rnams kyis bsngags/ /'khor ba'i rim pa'i
 sbyor ba yis/ /bde ba dam pa myang bar gyis/ /thabs gzhan gyis ni sangs rgyas min/ /'di ni 'gro ba gsum na dag /de bas 'di dang bral bar ni/ /khyod kyis nam yang ma byed cig /'di de sangs rgyas thams cad kyi/ /rig ba'i brtul
 zhugs bla na med/ /blon po 'ga' zhig 'da' byed na/ /de la dngos grub mchog ni med/ /ces brjod de gtang bar bya'o/ /de yang tsan dan dang gur gum la sogs pa byugs pa shin tu dri zhim
 pa la sogs pa'i me tog gi phreng bas steng du brgyan par gos med par chu skyes mdzes pa gsal bar ston par byed cing slob ma la 'di skad smra bar bya ste/ bu khyod bden par spro 'am ci/ /bshad bci la sogs 'bral ba dang/ /
 khrag dang khu ba de bzhin sha /de bzhin mchog tu bud med gus/ /b+ha gar pad+ma 'o byed pa/ /bu yis ji ltar bde bar smos zhes brjod do/ /des kyang khrag dang khu ba la sogs za ba dang/ rtag tu bud med gus bya dang/ /b+ha ga
 nyid la 'o bgyid par/ /lha mo ci ste bdag mi spro/ /zhes smra bar bgyi'o/ /de dga' zhid byams pa dang ldan pas sgrub pa po la bdag po bzhin du rnam par blta zhing/ tsog tsog por chu skyes bstan nas 'di skad ces smra bar bya'o/ /e
 ma'o nga yi pad+ma 'di/ /bde ba kun dang yang dag ldan/ /gang zhig cho gas bsten byed pa/ /de yi mdun du nga gnas so/ /rdzogs sangs mnyes par bya la sogs/ /ji lta'i bya ba pad+mar gyis/ /bde chen rgyal po rang nyid ni/ /'di nyid
 du ni rab? tu gnas/ /yud phu la la b+ha ma ji dzwa la sogs pas byed pa legs par gdeg pas/ /ji srid rnal 'byor byang chub sems/ /gdod pa ru ni mi byed pas/ /de srid rgyun mi 'chad ba yi/ /dga' skyes bde ba ci yang thob/ /
 dngos grub kun gyi gter gyur ba'i/ /byang chub sems ni lhung gyur na/ /phung po rnam shes rgyal ba la/ /ma smad dngos grub ga la yod/ /mkha' dbyings rdo rje mnyam sbyor dang/ /reg las rmad byung chen po yi/ /bde ba skye ba?
 gang yin pa/ /mchog tu dga' ba byed pa'o/ /dga' bral dga' ba bdag dbus su/ /mtshon ci rtags la bstan par gyis/ /pad+ma'i nam mkhar rdo rje dang/ /lte ba dag ni gnon nas su/ /rdo rje skyil mo krung la sems/ /nor bu nang ?
 son pa lta/ /ye shes skye ba gang yin te/ /shin tu ye shes skye ba ngo bo yin/ /'dod chags ma yin chags bral min/ /dbu mar dmigs su med pa ste/ /gang tshe rnal 'byor ye shes mthong/ /bde bar 'gyur ba bde ba gnas/ /
 thun nam yang na nyi ma gcig /zla phyed zla ba 'khyud 'khor dang/ /bskal ba'aM bskal pa stong phrag tu/ /ye shes mngon par sbyor bas gnas/ /de ltar brtags la ji ltar nus bas bzung ba la btang ste/ /chu skyes lce nyid kyi rjes blangs
 te/ de kho na mthong bas byang chub kyi sems dam tshig gi ngo bo bzung bar bya'o/ /shes rab ye shes kyi dbang bskur ba'i cho ga'o/ /de'i rjes la dbang bskur ba bdun thob cing shes rab ye shes mngon sum du blangs pa nyid ma rnyed na
 yang tshig gis smras la dbang rin po che slob dpon gyi man ngag las ye shes kyi dbang sbyin de la bzhi pa mngon par brjod pa dbang bskur ba'i rin po che bla ma'i man ngag gis rtogs par bya ba'i ngo bo sbyin par bya'o/ /de ni slob ma'i mos pa yid
 kyis yongs brtags la ji skad gsungs pa'i cho gas gsang byin nas/ rgya che zab pa'i tshul la mos ba na/ /dbang bskur rin chen tshig nyid sbyin par bya/ zhes gsungs so/ /shes rab ye shes kyi dbang bskur dngos su ma thob pa la slar yang
 tshig tsam kyi dbang bskur ba sbyin bar mi bya ste/ dam tshig nyams pas 'jigs pa'i phyir ro/ /'o na gal te shes rab ye shes kyi dbang bskur dngos sum thob pa la tshig tsam gyi dbang bskur ba dkag na/ /ji ltar na dge slong rnams rjes su bzung
 bar bya zhe na/ dge slong rnams rjes su bzung bar mi bya ste/ de dag la 'dir dbang ba med ba'i phyir/ /de ltar yang gang yang dge slong dngos dga' dang/ gang yang rtog ge la dga' i mi/ /gang yang rgan pa'o
 dngos gnas pa/ /de la de nyid bstan mi bya/ /zhes gsungs so/ /'o na ji ltar na/ so sor 'brang ma chen mo la sogs par gsungs pa/ dge slong rdo rje 'jin pas bya/ /bdud la sdig pa la brtson pa/ /zhes bya ba la sogs da/ /
 ni gsungs pa nyid do zhe na/ 'on kyang dge slong 'ga' zhig gcig tu nges par drag pa'i dka' thub can nyan thos kyi theg pa lta ba gcig pa ste/ /de la sngags dagn phyag rgya la sogs dbang bskur ba dbang med pa nyid do/ /yang gang zhig nyan
 thos kyi sdom pa dang theg pa chen por sems bskyed pa dang ldan pa ste/ de la sngags dang phyag rgya la sogs pa la dbang yod de/ de gsang ba'i dbang bskur ba la sogs pa med do/ /yang gang zhig nyan thos kyi sdom pa dang sngags kyi tshul
 la yang sems bskyed pa dang ldan pa ste/ de la ni thams cad du dbang bskur ba la sogs pa'i dbang yod pa ste/ de nyid ni rdo rje 'dzin pa la bdud la sdigs pa la sogs pa bya'o/ /'o na de ltar na yang ji ltar na dge slong gi sdom pa mi nyams
 par 'gyur ram zhe na/ mi 'gyur te/ 'di ltar dge slong gi sdom pa ma btang bar/ phyi nang gsang ba'i theg pa gsum /sdom pa so sor bzung bar bgyi/ /zhes bya ba la sogs pa gang gi tshe sdom pa gzhan dang mi 'gal zhing/ lhag pa
 yang so sor 'dzin pa yin na de'i tshe ji ltar sdom pa nyams/ /ci ste mi 'gal zhid lhag pa'i sdom pa mnyams par yin du bcug na dge slong gi sdom pa la dbang po gnyis snyoms pa'i 'dug par byed ji ltar mi nyams she na/ /de ltar na yang mi nyams su
 te/ 'dul ba la sogs par bkag pa spyod pa na nyams par bstan gyi yang ma bkag par sbyor pa ma la ni ma yin no/ /khams gsum par gyur pa'i mi dang lha la sogs pa'i mdzos ma rnams la zag pa dang ba'i 'ngon par zhe na pa
 myong ba'i mtshan nyid 'dod chags byang bar byed pa'i de dag 'dul ba la sogs par bkag gi /yang khams gsum pa las 'das pa'i lus can rnam par rig pa tsam du ngo bo gcig pa'i 'jam pa'i rdo rje la sogs pa? snang ba'i rnams
 la ni ma yin no/ /gzhan du na rmi lam du nye bar mi dmigs pa dang rtog pa'i yul gyi rang bzhin gyi ngo bo rnams la yang nyams par 'gyur ro/ /ci ste de dag la yang bdag gis legs par byas so/ /bdag gis rab tu gyur to/ /zhes rab
 tu rjes su yi rang? bar byed pa nyen mongs pa can gyi sems la ni lhung bar gyur pa nyid do zhe na/ /ltung ba tsam du 'gyur ba ni bden na yang sdom pa nyams pa ni ma yin no/ /gal te de la smod pa'i sems su byed na de'i tshe ni ltung btsam du yang mi 'gyur
 ro/ /de yang sdig bshin tu mi bzad byas na yang/ /bdag nyid smod par byed pa yang bar 'gyur/ /zhes gsungs so/ /de ltar na ji ltar rmi lam na nye bar ma dmigs pa kun brtags pa'i bud med rnams la mos pa nyid kyis 'jug pa'i tshor
 bsred pa la yang sdom pa nyams pa med la smod pa ni ltung ba tsam du yang mi 'gyur ba de bzhin du khams gsum pa las 'das pa'i 'jam pa'i rdo rje la sogs pa'i ring gi ngo bo shes rab sems tsam gyi rang gi ngo bo rnams la yongs su dag pa mngon par
 mzhen pa'i mtshan nyid 'dod chags chen po mngon du byed pa de mi dmigs pa stong ba nyid bsgoms pas smod pa nyid la dge slong gi dngos bo nyams pa med cing ltung ba tsam du mang mi 'gyur ro/ /zhes 'dod par bya'o/ /'o na sems tsam du ngo bo
 gcig pa'i 'jam pa'i rdo rje la sogs pa'i rang gi ngo bo shes rab la rigs pa 'di yod na phyi rol gyi las kyi phyag rgya 'dul bar bkag pa la rigs pa 'di ji ltar yin zhe na/ brjod par bya ste/ ci 'dir khyed ri?s
 gzugs la sogs pa rang gi sems snang ba tsan du lus gcig pa nyid kyi grags pa tsam yang ma thos sam gang gis ni brjod par bya de rjod byed de de bzhin no/ /de ltar ni khyed 'dra ba la ni rnam par rig pa tsam gyi ngo bo de kho na go ba byed pa'i
 rdzun pa'i ngo bor snang ba tsam nyid kyi go bar byed pa dag gis gsang sngags kyi tshul la dbang yod pa ma yin no/ /gzugs la sogs pa'i dngos po thams cad kyi sems snang ba tsam du go ba la rang gi bud med du snang ba dang tha mi dad par
 'jam pa'i rdo rje la sogs pa rang snang ba'i ngo bor yongs su gyur pa'i las kyi phyag rgya ma lta bu nges rnam par sbyangs pa la dbang bskur ba kha na ma tho ba med pa thob pa las yang dge slong rnams kyi sdom zhig pa'i nyes par mi 'gyur ro/ /de dag
 ni bzhi pa'i dbang gi cho ga'o/ /dbang bskur mdor bsdus brjod pa las ni bdag las skyes pa yi/ dung zla kunda ku mu da dang chu skyem 'od mtshungs pa'i/ /bsod nams gang yin mkhar dang mtshungs pa des ni 'gro ba'i tshogs/ /
 shes rab pad+ma las byung rdo rje 'chang gi rang bzhin shag /gsang ba 'dus pa'i dbang bskur pa'i cho ga mdor bsdus pa rdzogs so// //'di ni paN+Di ta dag gi dbang phyug grags pas mdzad pa/ bal po'i
 paN+Di ta su ma ti kI rti'i zhal snga nas dang/ bod kyi lo tsa ba klog skya gzhon nu 'bar ba'i zhal snga nas dang/ mar pa chos kyi dbang phyug gis bsgyur cing zhus pa'o// //*/ /slob dpon chen po dag gi dbang phyug grags pas mdzad pa'i yang ba/