བོད་ཡིག

e-texts based on the ACIP/ALL Input

te/ slad kyis kyang bcos nas gtan la phab pa'o// //*/ /dkyil 'khor bri ba'i cho ga slob dpon bsod snyoms pas mdzad pa'o// //*/ /rgya gar skad du/ maN+Da la bi d+hi/ bod skad du/ dkyil 'khor gyi cho ga / bcom ldan 'das 'jam pa'i rdo rje la phyag 'tshal lo/ /mi shes mun pa'i bgegs sel cing/ /'gro ba'i phun tshogs mchog gyur pa/ /'jam mchog bla ma la btud de/ /dkyil 'khor bri ba gsal bshad bya/ /ngo tsha yang ni rnams spangs te/ /slob ma blo dman la brtse bas/ /phan phyir cho ga 'di brtsams gyis/ /skye bo dam pa bzod mdzad rigs/ /thog mar re zhig sngags pa grags pa dang ma grags pa dang/ rnyed pa dang/ ma rnyed pa dang/ bde ba dang/ sdug bsngal ba dang/ kha stod pa dang/ smad pa zhes bya ba'i 'jig rten gyi chos brgyad kyis sems ma 'phrogs pa/ 'jig pa med pa/ g.yo dang bral ba/ lus dang srog la bltos pa med pa/ zhes bya ba la sogs pa'i mtshan nyid dang ldan pa dang/ gtong ba la sogs pa'i yon tan dang ldan bas/ thun bzhis dang po'i sbyor ba dang/ dkyil 'khor gyi rgyal po mchog dang las kyi rgyal po mchog ste/ ting nge 'dzin gsum bsgom pa la mngon par dga' bas sngon du bsnyen pa bya'o/ /de la thugs kyi dkyil 'khor yin na ni 'khor lo'i gtso bo mi bskyod pa'i sngags bzlas brjod 'bum bya'o/ /gsung dang sku'i dkyil 'khor la ni/ 'khor lo'i gtso bo 'od dpag tu med pa dang/ rnam par snang mdzad kyi sngags de bzhin du bzlas par bya'o/ /rang gi lhag pa'i lha'i sngags 'bum dang/ dkyil 'khor pa'i sngags de re zhing khri khri bzla'o/ /yang na 'khor lo can gyi bka' thob na dkyil 'khor bri bar bya'o/ /sngon du bsnyen pa'i rim pa'o/ /de nas dkyil 'khor gyi khang par zhugs la bdud rtsi thab sbyor gyi sngags bzlas pa'i chus bsang zhing byug pa byas la/ sa'i lha mo la yang dam tshig gis gsol ba gdab bo/ /de nas 'khor lo rtsibs bcu pa bsgoms te bgegs rnams bskrad nas/ 'byor pa ci yod pas mchod pa dang/ gtor ma dang/ sbyin bsreg byas la sa'i lha mo blos nam mkha' la bzhag ste/ bus mo tsam brkos nas/ gyo mo la sogs pa bsal te/ sa de nyid kyi khung bu dgang bar bya'o/ /yang gsang ba'i de kho na nyid kyi rgyud las/ pus mo nub tsam brkos nas ni/ /sa de nyid kyis dgang bar bya/ /gal te lhag par gyur na ni/ /de tshe dngos grub yod par bshad/ / ces gsungs pa yin no/ /khung bu dgang pa'i dus su yang mchod pa dang/ sbyin sreg dang gtor ma bya'o/ /phyi'i sa sbyang ba'o/ /yang slob dpon rang gi slob ma dang bcas pas dkyil 'khor gyi khang par mchod pa dang/ sa sbyang ba byas la 'khor lo rtsibs bcu pa'i sbyor ba dang ldan pa 'am/ rang gi 'dod pa'i lha'i sbyor ba dang ldan pas/ oM b+hu khaM/ zhes bya ba'i sngags 'dis sa nam mkha' i rang bzhin du bsgoms la/ hUM laM hUM/ zhes bya ba 'dis rdo rje'i rang bzhin du bsams la/ oM me di ni badzri b+ha ba badzra band+ha hUM/ zhes bya ba 'dis sa byin gyis brlab par bya'o/ /nang gi bdag nyid can gyi sa sbyang ba'i rim pa'o/ /de nas rdo rje slob dpon dkyil 'khor gyi sa'i dbus su ting nge 'dzin gsum gyi sbyor ba dang ldan pas/ rdo rje dang dril bu 'chang ba la/ rnam pa snang mdzad la sogs pa'i sbyor ba dang ldan pa'i slob ma bzhi po rdo rje dang dril bu 'dzin cing phyogs bzhir gnas pas tshigs su bcad pa bzhis gsol ba gdab bo/ /de bzhin gshegs pa kun zhi ba/ /de bzhin gshegs pa kun gyi gnas/ /chos 'bun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs pa/ /kun tu bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung/ /ye shes spyod pa rnam sbyong ba/ /kun tu bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pas dri ma med/ /kun bzang thugs mchog kha lo sgyur/ / dkyil 'khor dam pa bshad du gsol/ /dkyil 'khor bri ba'i phyir gsol ba gdab pa'o/ /gsol ba btab pa'i rjes thogs la/ sems can gyi khams rnams nyon mongs pas khyab pa la bltas la/ nyon mongs pa la khros pas bdud rtsi thab sbyor gyi sbyor ba'i bdag nyid can du bsgoms te/ hUM badzra tsakra tishThA zhes bya bas dkyil 'khor gyi 'khor lo nam mkhar bteg nas/ yi ge maM gis mig g.yon par zla ba'i dkyil 'khor/ Ta zhes bya bas mig g.yas par nyi ma'i dkyil 'khor bsams nas/ phyogs bcu'i 'phro ba dus gsum du gtogs pa rnams la bltas te/ langs nas rkang pa'i 'og tu rdo rje 'bar ba dang bcas pa rnam par bsgoms la/ yi ge hUM zlos shing dbang ldan gyi phyogs nas brtsams te/ rdo rje 'gros kyis gar byed pas dkyil 'khor gyi sa gzhi bskor la/ dkyil 'khor gyi sa gzhi la gnas pa'i lha la sogs pa'i bgegs rnams bskrad par bya'o/ /sku gsung thugs la gnas pa yi/ /bgegs kyi tshogs rnams thams cad nyon/ /nga ni dpal ldan rdo rje 'dzin/ /bka' yi 'khor lo rab sbyor pa/ /gal te bdag sgo las 'das na/ /rdo rje 'bar ba'i gzugs ldan pa/ /sku gsum 'byung bas dag byas te/ /'jig 'gyur 'dir ni gdon mi za/ /zhes bya ba'i tshig 'dis bskrad par bya'o/ /sa yongs su bzung ba'o/ /de nas yang dgegs/? zhi bar bya ba'i phyir/ dkyil 'khor gyi sa'i dbus su bdud rtsi thab sbyor sku smad rtse gcig pa 'dra ba la/ sku stod khro bo'i sku'i rnam pa phyogs bcur bsams la/ /oM g+ha g+ha g+hA ta ya g+hA ta ya sarbba du Sh+Ta na phaT/ kI la yA kI la yA/ sarbba pA baM phaT/ hUM hUM hUM badzra kI la yA badzra d+ha ra A dz+nyA pA ya taM/ kA ya bA gatsit+ta badzra kI la ya hUM phaT/ ces bya ba'i phur bu'i sngags kyis phur bus gdab par bya'o/ /de nas sa gzhi bgegs dang bral ba/ /'bar ba'i phreng ba'i 'od zer gyis khyab par bsams la/ phur bu'i phyi rol tu rdo rje'i ra ba'i 'od zer dang bcas pa bsam mo/ /de'i phyi rol tu rdo rje ra ba/ de'i phyi rol tu dbang chen gyi dkyil 'khor kha dog ser po zur bzhi pas phyogs bcing ngo/ /de nas me'i dkyil 'khor dmar po gru gsum bas mtshams bcing bar bsaM par bya'o/ /de'i rjes la sa'i lha mo me tog la sogs pas yang dag par mchod nas skyob pa sangs rgyas thams cad kyi/ spyod pa'i tshul gyi khyad par dang/ /sa dang pha rol phyin pa la/ /lha mo khyod ni dpang du gyur/ /shA kya seng+ge skyob pa yis/ / ji ltar bdud kyi sde bcom pa/ /de bzhin bdag gis bdud kyi sde/ /pham par byas de dkyil 'khor bri/ zhes bya bas lhag par gnas par bya'o/ /de'i rjes la dkyil 'khor gyi sa dri zhim pos byugs la/ der me tog sil ma yang bkram la/ sa gzhi de la bdud rtsi lnga po legs par sbyangs ba dang bcas pa'i dris dkyil 'khor bcu dgu byas nas/ /nam mkha' la bzhugs pa'i dkyil 'khor gyi 'khor lo blos bkug ste/ dri zhim po'i dkyil 'khor du ji lta ba bzhin du bcug nas/ /yang mtshams dang phyogs gcing ba byas la/ 'byor ba ci yod pas phyi dang yid kyis mchod pa byas la/ mi bskyod rdo rje ye shes che/ /zhes bya ba la sogs pas bstod pa dang/ bdud rtsi myang ba'i cho ga bya'o/ /de nas bum pa lhag par gnas par bya ba ni/ rnam par rgyal ba'i bum pa/ mgrin pa ring ba/ chu 'phyang ba gsus pa che ba la/ nas dang/ gro dang/ ma sha dang/ 'bras so ba dang/ til te 'bru lnga dang/ 'bri ha ti dang/ kan da ka ri dang/ gi ri kar ni dkar po dang/ sa ha dang/ sa ha de ba ste sman lnga dang/ gser dang/ byu ru dang mu tig dang dung dang nor bu ste/ rin po che sna lnga dang ldan pa/ spos chus gang ba mgrin pa gos sar pas dkris pa/ yal ga dri zhim pos kha brgyan pa lhag par gnas par bya'o/ /de'i rim pa ni 'di yin te/ rnam par rgyal pa'i bum pa la dkyil 'khor 'khor lo'i gtso bo bsams te/ gsang ba dang/ mchod yon la sogs pa phul la/ me tog dang/ spos dang/ mar me dang/ dris mchod cing bstod pa yang byas nas/ me tog gi phreng bas dkris pa'i rdo rje rnam par rgyal pa'i bum pa'i khar bzhag la/ bdag po'i sngags yi ge gsum dang spel ba de la bzla bar bya'o/ /de las gzhan pa'i dkyil 'khor pa'i bum pa bco brgyad kyang spos chus bkang la/ a mra la sogs pa'i yal ga dang ldan pa/ mgul pa ras sna tshogs kyis bkris pa la/ /dkyil 'khor pa'i sngags yi ge gsum dang spel ba thun gsum du mngon par bzlas par bya'o/ /yang bum pa gzhan sems can thams cad la bsang gtor bya ba'i phyir/ bdud rtsi thab sbyor gyi sngags oM A(rgyud 'grel ba mngon par bzla'o/ /gtor ma yang sbyin no/ /bum ba lhag par gnas pa'i rim pa'o/ /de nas spos snod thogs la/ bus mo g.yas pa'i lhang nga sa la btsugs te/ /sangs rgyas la sogs pa'i 'khor lo'i gtso bo lhag par gnas par bya'o/ / bcom ldan 'jam pa'i rdo rje mchog /rig sngags rgyal la phyag 'tshal lo/ /slob ma rnams la brtse ba dang/ /khyed rnams la yang mchod pa'i phyir/ /thugs rje'i bdag nyid can rnams kyi/ /dkyil 'khor bdag ni 'dri bar 'tshal/ /bcom ldan bdag ni gus pa la/ /de ni gnang bar mdzad pa'i rigs/ /sangs rgyas 'gro 'khor bya don stsol/ /byang chub sems dpa' 'bras gnas dang/ /gang yang gsang sngags lha rnams dang/ /'jig rten skyong pa'i lha rnams dang/ /gang yang 'byung po mthu can dang/ /gang yang lha yi spyan mnga' ba/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yis/ /dkyil 'khor che ge 'byung ba 'di/ /'gro ba dag par bya ba'i phyir/ /yo byad ci 'byor pas 'drin/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /lha lhag par gnas pa'i cho ga'o/ /de nas bzlas brjod kyang ni ci nus bya'o/ /de'i rjes la slob ma re re zhing yang me tog gi phreng ba thogs la/ /yid gzhung spro ba che ba dang/ /byas pa gzo zhing nga rgyal med/ /rigs mtho yon tan ldan zhing dang/ /gzugs dang kha dog lang tshor ldan/ /bde bar gshegs pa'i gsang sngags ni/ /sgrub la don gnyer mngon brtson na/ /zhes bya ba ni slob ma'i mtshan nyid do/ /gzugs dan yon tan med pa 'am/ dman pa 'am lhag par gnas par bya/ /zhes bya ba ni slob ma phal ba rnams so/ /dkyil 'khor gyi ni cho ga las/ /'khor bzhi char yang rjes su gnang/ /rang gi bslab dang shin tu ldan/ /theg chen la dga' bdag nyid can/ /la la gsang sngags sgrub don gnyer/ /'di na dkyil 'khor 'jug par byed/ /bsod nams 'dod pa de las gzhan/ /gzhan dag 'jig rten gzhan don gnyer/ /'jig rten pha rol don gnyer ba'i/ /dad pa mang du byed pa yis/ /blo ldan dkyil 'khor 'jug bya yi/ /tshe 'di 'bras bu 'dod ma bya/ /tshe 'di 'dod par gyur pa la/ /'jig rten pha rol don mi 'grub/ /'jig rten pha rol don gnyer skyes/ /'jig rten 'di yis 'bras bu rgyas/ /ces brjod la/ slob ma de blos rang gi nang du bcug ste/ /rang gi rdo rje las phyung nas/ /rang gi sor snang si rig pa'i pad+mar gnas pa la/ /de bzhin gshegs pa rnams zhu ba'i tshul du gyur pas dbang bskur bar bsams la/ /dkyil 'khor gyi khang pa'i sgor 'dug nas gsol ba 'debs par bya'o/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /byang chub sems ni bdag la gsol/ /sangs rgyas chos dang dge 'dun te/ /skyabs gsum dag ni bdag gsol lo/ /thang pa chen po'i grong mchog tu/ /mgon po bdag ni 'jug par 'tshal/ /zhes bya bas gsol ba btab pa dang/ slob dpon gyis slob pa'i gtso bo gcig la dmigs te/ bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs pa dag /de dag kun gyis gsang sngags kyi/ /cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shA kya seng+ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /ces brjod la/ dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang/ /sangs rgyas byang chub yid kyis bzung/ /zhes bya ba'i gsum la skyabs su 'gro ba'i tshigs su bcad pa lan gsum zlos su gzhug go /de nas bdud rtsi thob sbyor gyi sngags kyis/ mngon par bsrungs la de rnams kyi snying ga dang lkog ma dang spyi bor rdo rje dang pad+ma dang/ 'khor lo bsams la/ mtshan ma de rnams nyid kyi lte ba'i dbus su hUM A(rgyud 'grel slob ma'i spyi bor me tog dang/ mdun du spos dang/ mar me dang/ snying gar du sbyin par bya'o/ /de'i rjes la a shwat+tha la sogs pa'i so shing sor bcu gnyis pa/ yon po ma yin pa/ rtse mo'i cha me tog gi phreng bas bkris pa la bdud rtsi thab sbyor gyi sngags bzlas pa slob ma rnams la sbyin par bya'o/ /slob ma de rnams kyang shar ram nub tu kha bltas te/ so shing de bcas la ba lang gi ko ba tsam gyi sa'i cha ba'i lci bas byugs la/ /so shing bltos pa med par dor bar bya'o/ / gal te so shing gi rtse mo shar la sogs pa'i phyogs su bltas na/ /zhib la sogs pa'i dngos grub yod par ston to/ /de nas skyor chu gsum sbyin par bya ste/ oM h+rI bi shud+d+ha d+harmmA sa rbba pA paM ni tsa saM sho d+ha ya/ sarbba bi ka la pa a pa na ya hUM/ zhes bya ba'i sngags bzlas pa'i chu des kha bkru bar bya'o/ /yang de 'dug pa la bdud rtsi thab sbyor gyi sngags bzlas pa'i ku sha sngas dang stan gyi phyir byin la/ bdud rtsi thab sbyar gyi sngags bzlas pa'i bsrung skud kyis slob ma rnams bsrung ba'i phyir dpung pa g.yas par bcing bar bya'o/ /de yang sgyu 'phrul dra ba'i rgyud las/ /srad bus g.yas par bcing bya zhing/ /ku sha dag ni lag par ro/ /zhes gsungs pa yin no/ /de nas/ 'jig rten du ni kun mkhyen rnams/ /u dum pa ra'i me tog bzhin brgya laM na ni res 'ga' zhig /'byung 'gyur yang ni ma 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sdig pa bgyis par gyur pa gang/ /de kun dkyil 'khor 'di 'dra ba/ /mthong bas 'byang bar 'gyur lags na/ /grags pa mdza' yas sngags spyod pa'i/ /tshul la gnas pa smos ci 'tshal/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad/ /bdag nyid chen po khyed rnams kyis/ /rnyed pa mnyam med de ding rnyed?/ /gang phyir rgyal ba sras bcas pa/ /bdag nyid chen po kun gyi ni/ /bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams 'dir ni dod bas ni/ /rang 'byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /zhes chos bshad pa bsgrag par bya'o/ /slob dpon nyid don du gnyer ba'i slob ma ni/ /bdud rtsi thab sbyor gyi sngags kyis bsrungs te bzhag pa/ khyad par gyi sdom pa 'dzin du gzhug go /mi ldog 'khor lo'i dbang bskur ba/ /stsal ba'i mgon po bdag la gsungs/ /'khor lo lha yi de nyid dang/ /slob dpon gyi ni las rnams dang/ /sangs rgyas kun gyi dam tshig dang/ /sdom dang gsang pa dam tshig gsum/ /sems can kun gyi don bgyid phyir/ /bdag ni rtag tu slob dpon gyur/ /gsol ba btab pa dang/ slob ma de ku sha'i stan la nyal du gzhug go /slob ma lhag par gnas pa'i cho ga'i/ /yang slob dpon dkyil 'khor gyi khang par zhugs la/ bsrung bar bya ba'i phyir/ bdud rtsi thab sbyor gyi sngags yang dang yang du bzlas par bya'o/ /yang nang par gyi dus su phyir byung la slob ma bos te/ de rnams la rmi lam dge mi dge dri bar bya'o/ /mi dge ba mthong na bdud rtsi thab sbyor gyi sngags kyis bsrung bar bya'o/ /de nas yang nang par dkyil 'khor mchod pa dang/ bstod pa dang bdud rtsi myang ba la sogs pa byas la/ dri'i dkyil 'khor la bzhugs pa'i dkyil 'khor gyi 'khor lo gshegs gar bya pa'i don du blos bteg la nam mkhar bzhag par bya'o/ /de nas dkyil 'khor zung bzhi pa la sogs pa phyi'i srad bus thig gdab bo/ /de'i rim pa ni 'di yin te/ /de la sngags pas re zhig dang bor changs pa'i thig gnyis pa mi yo ba dang/ de'i rjes la khru gang la sogs pa'i tshad kyi zur bzhi pa'i thig mi g.yo ba dang/ de'i 'og tu mtshams kyi thig gnyis pa gdab bo/ /'khor lo zur bzhi pa'i brgyad cha'i tshad ni sgo'i sa'i cha'i thig gdab bo/ /de nas tshon sna lnga'i sa la sogs pa'i tshad la ji skad bshad pa bzhin du thig gdab par bya'o/ /lha'i snam bu'i sa'i thig gdab bo/ /de'i nang gi zur bzhi'i nang du snying po'i dkyil 'khor dri'o/ /zur bzhi'i sgo'i tshad tsam ni tshon sna lnga'i sa'i tshad do/ /ka ba ni rdo rje dang/ rin po che la sogs pas mtshan pa dang ldan pa la/ /rdo rje phreng bas bskor ba bris 'drir gzhug go /phyi rol tu rta babs sgo'i cha'i sum 'gyur du byas la/ de'i phyir rol tu dkyil 'khor dang rjes su mthun pa'i tshad kyi lcags ri ji ltar mdzes par bri'o/ /sa'i thig gdab pa'i rim pa'o/ /de nas ye shes kyi thig gi tsho na sna lnga'i brang bu ye shes lnga dang ldan pa la rdzi ma bskyed cing g.yo ba'i 'bar ba'i lta bas rnam par snang mdzad la sogs pa'i thugs ka nas drangs pa'i ye shes kyi srang bus byin gyis rlob pa'o/ /de yang de kho na nyid bsdus pa las/ rab tu myur bar mig bsgul zhing/ mig gi rdzi ma 'gugs byed pa/ /lta ba gzi can yin par bshad/ /'gro ba thams cad 'grugs byed pa'o/ /zhes bshad pa dang yi ge dza las zla ba dang nyi ma'i mig sngags pas bsgom par bya'o/ /ye shes kyi thig de mchung ni dkyil 'khor gyi nyis 'gyur la/ /sboms su sgo'i nyi shu cha'i tshad kyi srad bu de zlum por bya zhing/ dri dang bdud rtsi lngas byugs la/ yi ge gsum dang spel ba'i bdud rtsi thab sbyor gyi sngags kyis bsrungs nas/ b+ha ga ban pra yats+tsha sha shwad tam su traM swa tsakra su tra na ya/ zhes bya ba la sogs pa'i tshul 'das rnam par snang mdzad la sogs pa nas mi bskyod pa'i bar gyi de bzhin gshegs pa rnams la gsol ba gdab po/ /de nas a n+yo? n+ya a nu ga ta sarbba d+ha rmma? pa ra spa ra sarbba d+harmma/ a tya na ta a nu pra biSh+Ta sarbba d+harmma/ zhes bya bas thig 'dzin pa'i slob ma bdud rtsi thab sbyor gyi sbyor ba dang ldan pas lhan cig bsgril bar bya/ /de'i rjes la slob dpon nub sgor 'dug ste/ bdag nyid dza dza dza zhes bya ba bzlos shing khu tshur g.yon mas thig bzung la lte bar bzhag ste/ slob mas shar phyogs kyi sgong gnas pa la dza gsum gyis de'i lag tu btang la/ oM badzra sa ma ya su tra mA ti kra ma hUM/ nam mkha' gang pa'i bde gshegs rnams/ /byed kyi 'gro don mdzod dus lags/ /thig gi sgra yis bskul nas ni/ /de rnams 'dir ni gshegs su gsol/ /zhes bya ba'i sngags brjod de nam mkhar thig gdab la/ thig gi sgra des de bzhin gshegs pa rnams bskul nas byon par bsam par bya'o/ /de'i rjes la bskor phyogs su song ste/ lho phyogs su song la der 'dug ste/ slob ma byang phyogs su 'dug pa dang lhan cig thig gdab bo/ /'og tu thig gdab pa la yang rim pa de nyid yin no/ /de nas me'i phyogs su song ste/ /de bzhin du 'dug ste/ byang phyogs su bltas la/ slob ma dbang ldan gyi phyogs su 'dug ste/ lho phyogs su bltas pa dang lhan cig shar gyi cha'i thig gdab par bya'o/ /de nas rlung gi phyogs su song la lho phyogs su bltas te/ slob ma bden bral gyi phyogs su gnas pa dang/ lhan cig nub kyi cha'i thig gdab bo/ /yang skor phyogs su song ste/ rlung gi phyogs su 'dug la/ slob ma dbang ldan gyi phyogs su 'dug pa dang/ lhan cig byang gi chir thig gdab bo/ /de'i rjes la de bzhin du me'i phyogs su song ste/ de nyid du 'dug la slob ma bden bral gyi phyogs su 'dug pa dang/ lhan cig lha'i cha'i thig gdab pa/ /de nyid du 'dug la slob ma rlung gi phyogs su 'dug pa dang/ lhan cig mtshams kyi thig gdab bo/ /de nas bden bral gyi phyogs su song la/ /slob ma dbang ldan gyi phyogs su song ba dang/ lhan cig byang gi mtshams kyi thig gdab bo/ /thig de nyis ba ltab du byas la slob dpon dkyil 'khor gyi dbus su 'dug pas bzung la/ blob mas thig gi phyogs gcig nas gzung ste/ dbang ldan gyi phyogs nas brtse nam g.yas phyogs nas bskor te de dang lhan cig rdo rje lta bu'i phyi'i thig gdab bo/ /srang bu de nyid yang nyis bltab du byas la slob dpon rang nyid kyis dbang ldan gyi phyogs nas brtsams te/ skor phyogs su nang gi 'khor lo'i thig gdab po/ / de ltar thig btab nas/ khro gnyer gnyer ma rab bsdus pa/ /khro ba'i mig ni btsum pa ste/ zhes bya ba'i khro bo'i lta ba dang/ mnyam par bzhag pa'i sa h+ri zhes brjod de sgo bzhi dbye bar bya'o/ /de nas de kho na nyid bsdus pa las/ de nas dbus su 'dug nas ni/ /rdo rje slob dpon mnyam gzhag bas/ /rdo rje'i sgo ni rnam bzhi po/ /yid kyis su ni dbye bas bya/ /zhes gsungs pa yin no/ /de nas tshon sna lnga pa'i srad bu de yi ge mu(rgyud 'grel par bya'o/ /ye shes kyi thig gi cho ga'i rim pa'o/ /de nas rnam par snang mdzad la sogs pa'i de bzhin gshegs pa lnga'i kha dog can gyi chon du mu tig gi phye ma la sogs pa 'am/ de ma 'byor na 'bras sA lu'i phye ma legs par btags shing/ legs par brdungs pa ci rnyed pa'i snod du bzhag ste/ 'di dag la yang snga ma bzhin du bltas te/ rnam par snang mdzad la sogs pa'i de bzhin gshegs pa'i tshon gyi mdog can ji lta bar bcug ste/ oM badzra tsi tra sa ma ya hUM/ zhes bya ba 'di bzla bar bya'o/ /de'i rjes la dkyil 'khor na gnas pa'i yi shes kyi thig yid kyis bteg ste/ badzra be ga zhes bya ba'i sngags brjod la nang du zhugs te/ 'di ni chos dbyings dag pa ste/ /sems can khams ni dgrol byed pa/ /rnams snang rgyal po rang nyid ni/ /de bzhin gshegs pa kun gyi gnas/ /zhes brjod la/ /tshon de re re zhing g.yon pa'i khu tshur gyis blangs la/ dbang ldan gyis phyogs nas brtsams te/ phyi rol nas dkar po dang/ ser po dang/ dmar po dang/ ljang gu dang/ nag po phan tshun ma reg ma yo bar slob dpon gyis dgye bar bya'o/ /de yang gsang ba'i tshogs mthon po las/ /dkar po rdo rje rtse rang bzhin/ /gzhan dag gser la dmigs pa ste/ /pad+ma rA ga'i rang bzhin rtse/ /de bzhin gzhan dag mrgad do/ /nag po nang du shes byas te/ /'di ni tshon gyi rim par bshad/ /ces gsungs pa yin no/ /de nas dam tshig las nyams pa rnams spangs par bya ba'i phyir/ ri mo blos nam mkhar bteg ste/ /slar yang badzra be ga zhes bya ba'i sngags brjod la slob dpon phyir 'byung bar bya'o/ /de yang de kho na nyid bsdus ba las/ yid kyis ri mo bteg nas ni/ /rdo rje srad bu 'am gzhan yang rung/ /phyir byung nang du zhugs kyang ni/ /dam tshig 'gal bar mi 'gyur ro/ /zhes gsungs pa yin no/ /de'i 'og tu slob mas kyang slob dpon 'jug pa dang 'byung ba'i rim bas dgye par bya'o/ /mtshon dgye pa'i cho ga'i rim pa'o/ /mi bskyod pa bdag por gyur pa'i dus su ni/ shar phyogs kyi sa'i cha ni dkar po'o/ /lho phyogs kyi sa'i cha ni ser po'o/ /nub phyogs kyi sa'i cha ni dmar po'o/ /byang phyogs kyi sa'i cha ni ljang bu'o/ /rdo rje'i thig gi mthar thug pa'i nang snying po'i dkyil 'khor dbus ma ni sngon po'o/ /der dbus ma ni sna tshogs pad+ma dang nyi ma'i dkyil 'khor la gnas pa'i rdo rje kha gyes pa sngon po 'bar ba dang bcas pa bri bar bya'o/ /shar phyogs kyi char ni sna tshogs pad+ma'i zla ba'i dkyil 'khor la gnas pa'i 'khor lo'o/ /lho dang nub dang byang gi phyogs su sna tshogs pad+ma la gnas pa'i nyi ma'i dkyil 'khor gyi steng du/ rin po che cha dgu pa sngon po dang/ pad+ma dmar po dang/ ral gri ste mtshan ma 'di dag bri bar bya'o/ /me dang bden bral dang/ rlung dang dbang ldan gyi mtshams rnams su/ sna tshogs pad+ma la gnas pa'i zla ba'i dkyil 'khor la mig 'bras sngo ba'i spyan dang/ rdo rje sngon po dang/ pad+ma dmar po ni kha bye ba sdong bu dang bcas pa dang/ utpal sngon 'dra 'am 'drir gzhug go /phyi'i dkyil 'khor gyi me la sogs pa'i mtshams rnams dang/ shar sgo'i ngos gnyis su sna tshogs pad+ma la gnas pa'i zla ba'i dkyil 'khor gyi steng du me long dang/ pi wang dang/ dung chos dang/ pad+ma'i snod dang/ ras sna tshogs dang/ chos 'byung ba'i phyag rgya bri'o/ /shar sgor sna tshogs pad+ma la gnas pa'i nyi mi'i dkyil 'khor la thob/ de bzhin du lto sgor dbyug pa/ nub sgor pad+ma dmar po'o/ /byang sgor rdo rje bri bar bya'o/ /tshon dgye zin pa dang/ khrus byas la gos gtsang ma gon te/ yang phyi dro'i dus su dkyil 'khor gyi khang par gzhug la/ tshon lhag ma de rnams de kho na nyid gsum yi ge mu'i mdza' dang bcas pas gshegs su gsol lo/ /tshon gyi snod skye bo med pa'i sa phyogs su bzhag nas/ dkyil 'khor gyi phyir mi ba'i lci bas byugs la spos chu dri zhim pos kyang byugs te/ de nyid du me tog sil ma dgram bar bya'o/ /de'i rjes la gdugs dang rgyal mtshan dang ba dan la sogs pa'i yo byang bre ba dang/ bum pa dgod par byas te/ rnam par rgyal ba'i bum pa ni dkyil 'khor gyi phyi rol gtso bo'i g.yas kyi char bzhag go /bum pa gzhan rnams ni 'bar ba'i phreng ba'i phyi rol gyi grwa bzhir bzhag go /yang bum pa gzhan zhig la bdud rtsi thab sbyor gyi sngags bzlas la ku sha'i khres chung dang bcas pa ni bsang gtor bya ba'i phyir dkyil 'khor gyi sgo logs su bzhag bar bya'o/ /bum pa de rnams las chu nyung zad nyung zad blangs te/ mchod yon gyi snod du blugs la/ mchod yon gyi snod de yang bdag dang slob ma dbang bskur bar bya ba'i don du rnam par rgyal ba'i bum pa'i khar bzhag go /de nas mchod pa rgya chen po byas la phyogs mtshams bzhir mar me brgyad bzhag pa dang/ de las lhag pa'i spos snod spos dri zhim pa dang bcas par bzhag par bya'o/ /de nas slob dpon cho ga bzhin du rgyan thams cad kyis brgyan pa/ dkyil 'khor gyi shar gyi sgor stan nang tshangs can la lta la mngon bang phyogs pas 'dug ste/ dkyil 'khor bsgrub pa brtsam par bya ba/ /de'i rim pa ni 'di yin no/ /rgyud las ji skad bshad pa lta bu'i phyi'i rig pa dang lhan cig dkyil 'khor bsgrub par bya'o/ /de med na yid kyis bsgom par bya'o/ /de yang dgu? por re zhig slob dpon gyi ting 'dzin gsuM gyi sbyor ba dang ldan pas rang gi rdo rje dang/ chu skyes yang dag par sbyor ba'i sgras nam mkha' la bzhugs pa'i de bzhin gshegs pa rnams blos rang gi nang du bcug nas slar yang dkyil 'khor gyi 'khor lo lta bur rang gi lus las byung nas nam mkha' la khyab par spro bar bya'o/ /de nas slar yang bkug la dkyil 'khor gyi ngos su bzhag par bya'o/ /de nas gshin rje gshed la sogs pas bgegs bskrad la/ rdo rje rab la sogs pa rnam par bsgom nas/ de'i rjes la dkyil 'khor gyi ngos la bzhugs pa yi ge dzas dgug pa dang/ hUM gis dkyil 'khor gyi dbus su rang rang gi mtshan mar gzhug pa dang/ de bzhin du baM gis brtan par bya ba dang/ hos mnyes par byas nas nye bar sgrub pa la sogs pas byin gyis brlab par bsam par bya'o/ /de'i rjes la mchod yon dang me tog la sogs pa'i mchod pa yi ge gsum gyi mngon par bzlas pa dang/ ras zung re de bzhin du mngon par bzlas pa lta re re zhing dbul ba dang/ nang gis mchod pa yang byas nas/ rdo rje dril bu dkrol zhing bstod pa bya ste/ mi bskyod rdo rje ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje dbyings la phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje khyed phyag 'tshal/ /rin chen rgyal po rab tu zab/ /rdo rje nam mkha' dri ma med/ /rang bzhin dag pa gos pa med/ /rdo rje sku la phyag 'tshal lo/ /rdo rje mi 'chi rgyal po che/ /me tog nam mkha' rdo rje 'dzin/ /'dod chags pha rol phyin pa brnyes/ /rdo rje gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pa nyid las byung/ /rdo rje sems dpa' phyag 'tshal lo/ /de ltar bstod pa byas nas dkyil 'khor gyi 'khor lo dang bdag nyid bdud rtsi myang bar bya'o/ /de nas sgrub ba'i grogs mchog dkyil 'khor du bzhag la phyir byung ste/ bza' ba dang bca' ba sna tshogs nya dang sha la sogs pa dang bcas pa'i gtor ma rgya chen po rang rang gi phyogs kyi gtor ma'i sngags mngon par bzlas la phyogs skyong rnams la phul nas/ yang dkyil 'khor gyi khang par gzhug ste/ rdo rje hUM mdzad kyi sbyor ba dang ldan pa/ dkyil 'khor la phyag byas la/ rdo rje dril bu dkrol zhing slob ma dang lhan cig bskor ba lan gsum bya'o/ /yang phyir byung la nang par gyi dus su rgyas pa'i sbyin sreg bya ste/ de bzhin nang par rgyas par bya/ zhes bshad pa'i phyir ro/ /slar yang zhugs te 'og nas bshad pa'i cho gas rjes su gnang ba'i dbang bskur ba'i mdza' thugs pa'i 'jug pa'i cho ga bcom ldan 'das bdag po las thab par blos bsam par bya'o/ /'dod chags che las byung de nyid/ / 'khor lo gzugs brnyan lta bur ni/ /shes par byas la dkyil 'khor du/ /slob ma gzhug par bya ba'i phyir/ bcom ldan 'das la bdag por gsol ba gdab par bya'o/ /nam mkha' las byung mtshan ldan phyir/ /thog ma tha med pa yi mchog rdo rje sems dpa' ched de bzhin/ /rdo rje sems dpa' deng grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi ?? chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog/ gdod nas grol ba de bzhin gshegs/ /kun tu bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug chen po'i phyag rgya mchog /grub pa'i rdo rje che la bstod pa/ /rdo rje snyems bdag bdag mdzod cig /sems can kun gyi yid khyab cig /sems can kun gyi snying la bzhugs/ /sems can kun gyi yab gyur nyid/ /'dod chags dam tshig mchog gyur pa'o/ /bden pa gang gis ye shes mchog /shes rab thabs bdag dkyil 'khor yin/ /bden pa de yis mgon bdag la/ /khyod kyi 'dod pa rab rdzogs shog /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /de bzhin nyid las des par skyes/ /bden pa 'di yis dkyil 'khor du/ /gzu brnyan gsal ba slob ma ni/ /kun gyis dri ma med mthong shig /ces bden pa sgrags par bya'o/ /slob ma re re zhing yang rgyan thams cad kyis brgyan la gos dmar po bskon pa dang/ /yi ge gsum gyis byin gyis brlabs pa'i dang? ?? pos gdod g.yogs shing/ /mgo la me tog gi phreng ba dkris pa lag na me tog gi phreng ba thogs pa yol ba'i bar du bzhag la/ dkyil 'khor gyi khang pa'i sgor bzhag pa'i bum pa'i chus bsang gtor byas nas/ slob ma la sdugs/ khyod su yin zhes dri bar bya'o/ /slob mas kyang sdug pa bdag ni bskal pa bzang po'o zhes brjod par bya'o/ /de nas slob ma de'i snying gar rdo rje bzhag nas 'og nas bshad pa'i rnal 'byor gyi sems bskyed par bya ste/ oM sarbba yo ga tsit+ta utpA da yA mi su ra te sa ma ya staM ho/ sid+d+hi badzra ya ta su khaM/ deng khyod de bzhin gshegs pa thams cad kyis byin gyis brlabs kyis de bzhin gshegs pa thams cad kyi mchog tu gsang ba 'di/ khyed kyis dkyil 'khor du ma zhugs pa rnams la smra bar ma byed cig /dad pa dang mi ldan pa rnams yang ma yin no/ /zhes brjod par bya'o/ /dza(rgyud 'grel bya ba'i phyir slob ma de dkyil 'khor gyi shar sgo'i mdun du bzhag la/ /deng khyod de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad kyi dngos grub kyang thob na/ dngos? grubs zhan lta smos kyang ci dgos te/ /de lta bu'i ye shes bskyed par bya yis/ /khyod kyis dkyil 'khor chen po ma mthong ba rnams la ma smra zhig /dam tshig nyams par gyur ta re zhes brjod la slob ma'i snying gar rdo rje bzhag la/ oM rdo rje sems dpa' deng khyod kyi/ / snying la yang dag bzhugs par gyur/ /gal te tshul 'di smras na ni/ /de ma thag tu dral nas gshegs/ /zhes brjod nas bdud rtsi lnga pad+ma'i snod du bzhag ste/ /yi ge gsum gyis byin gyis brlabs la ji lta ba bzhin du bsgoms te/ 'di ni khyod kyi dmyal ba'i chu/ /dam tshig 'das na bsreg par 'gyur/ /dam tshig bsrungs na dngos grub ste/ /rdo rje bdud rtsi'i chu 'thung zhig /oM badzra u da ka Tha Tha Tha zhes brjod de/ slob ma 'thung du gzhug go /slob dpon gyis slob ma la dam bca' ba brtan par gyur ba'i phyir/ /'og nas bshad pa 'di yang brjod do/ /deng phyin chad khyod kyis phyag na rdo rje nga yin gyis/ ngas 'di byos shig ces bsgo ba gang yin pa de yang bya dgos so/ /khyod kyis nga la brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re zhes smras la/ /de nas slob ma la 'di skad du/ /de bzhin gshegs pa thams cad kyis byin gyis rlobs la rdo rje sems dpa' 'bab par gyur cig ces smros shig ces bsgo la/ slob ma'i snying gar laM las byung ba'i dbang chen gyi dkyil 'khor zur bzhi pa kha dog ser po rdo rje rtse gsum pas mtshan pa dbus su yi ge hUM gnas pa sgom mo/ /lkog mar yang baM las byung ba'i chu'i dkyil 'khor zlum po kha dog dkar po bum pas mtshan pa la/ dbus na yi ge a gnas pa bsgom mo/ /spyi bor yi ge yaM las byung ba'i rlung gis dkyil 'khor gzhu'i dbyibs can kha dog sngon po ba dan gyis mtshan pa la dbus su yi ge ha gnas par bsam mo/ /slob ma'i rkang pa'i 'og tu yang yi ge dzhai 'od zer 'bar ba dang bcas pa bsams la/ de'i yang 'og tu rlung gi dkyil 'khor gyi steng na re las byung ba'i me'i dkyil 'khor gru gsum kha dog dmar po bsams nas/ /dril bu dkrol zhing/ A be sha ya staM b+ha ya/ ra ra ra ra/ hUM la ya/ tsA la ya/ hUM ha a dzhaiM zhes brjod par bya'o/ /slob ma de'i lce la yi ge h+ri(rgyud 'grel rdo rje bde gnas pa la/ rdo rje dge ba dang mi dge ba smros shig /ces dris nas/ e taSh+Ti badzra zhes bya ba 'dis slob ma de brtan par bya'o/ /de nas pra tIts+tsha badzra ho(rgyud 'grel pa la/ zhes bya ba 'dis slob ma'i mgo po la bcings nas/ de'i mig gnyis su yi ge oM 'od zer dang bcas ba bsams la/ rdo rje sems dpa' dang khyod kyi/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /ces bya ba'i tshigs su bcad pa brjod la/ gdod g.yogs dkrol nas dkyil 'khor gyi bdag po nas bdud rtsi thab sbyor kyi bar du bstan par bya'o/ /de la lha rnams kyi mtshan ma'am/ /mtshan ma dang nye bar me tog gi phred ba gang du bab pas de'i rnal 'byor sbyin par bya'o/ /yang na slob ma gang la dad pa de'i sbyor ba sbyin par bya'o/ /slob ma gzhug pa'i tshe ga'o/ /da ni dbang bskur ba yin te/ /de'i rim pa ni 'di yin no/ /sngar bshad pa'i rnam par rgyal ba'i bum pa ?? bzhag pa'i snod la gnas pa'i chus slob ma rnam par snang mdzad du bsgoms pa'i spyi por/ /oM badzra i b+ha Shiny+tsa zhes zlos shing dbang bskur ba ni chu'i dbang bskur ba'o/ /gser la sogs pa khams kyi rang bzhin las byas pa 'am/ /'bur ?? brkos pa 'am/ ri mo bris pa'i cod pan nam/ de ma 'byor na ras las byas pa de'i spyi bor bzhag la/ lag pas 'dzin du bcu gnas spyi bo de mi bskyod pa dum par snams pa bsam zhing/ rig pa du mas kyang slob ma la dbang bskur ba bsam pa'i bya ba ni cod pan gyi dbang bskur ba'o/ /de'i snying gar rdo rje bzhag la de yang lag pas 'dzin du bcug nas de'i spyi bor mi bskyod pa bum pa bsnams pa bsams nas/ sangs rgyas kun gyi rdo rje dbang/ /de ring khyod la bskur bar gyur/ /sangs rgyas kun tu rab grub phyir/ /rdo rje 'di ni khyod kyi long/ /zhes brjod/ /ni rdo rje'i dbang bskur ba'o/ /de'i rang gi gdod ma'i lha'i rnal 'byor byin la slob ma rdo rje dang dril bu dag 'khyud pa'i tshul gyis 'dzin du bcug la/ oM badzra a d+hi pa ti twaM a b+hi Shinyu? mi tiTh+Sha badzra sa ma ya staM zhes brjod par bya ste/ 'di ni bdag po'i dbang bskur ba'o/ /de'i spyi bor lag pa bzhag la/ oM badzra satwa twaM a d+hi Shiny+tsa mi badzra na ma(rgyud 'grel gang snang/ /gtso bo da ni rnam rgyal rang/ /rang bzhin gyis ni chos dag pas/ /sangs rgyas ye shes gang yin de'o/ /zhes slob ma la bsgo bar bya ba ni ming gi dbang bskur ba'o/ /rig pa'i dbang bskur ba'i rnam par dag pa ni 'di lta ste/ chu'i dbang bskur ba ni/ me long lta bu'i ye shes kyi bdag nyid can/ mi bskyod pa'i rnam par dag pa'o/ /cod pan gyi dbang bskur ba ni mnyam pa nyid kyi ye shes kyi bdag nyid can rin chen 'byung ldan gyi'o/ /rdo rje'i dbang bskur ba ni so sor rtog pa'i ye shes kyi bdag nyid can 'od dpag tu med pa'i 'o/ /bdag po'i dbang bskur ba ni bya ba bsgrub pa'i ye shes kyi bdag nyid can don yod par grub pa'i 'o/ /ming gi dbang bskur ba ni/ ma rig pa 'gags nas rig pa'i khams dang/ rigs rnam par dag pa chos kyi dbyings kyi ye shes kyi bdag nyid can rnam par snang mdzad kyi rnam par dag pa yin no/ /de'i rjes la gal te phyir mi ldog pa'o dbang bskur bar mi byed na/ rig lnga'i dbang bskur ba la yang rdo rje'i brtul zhugs dang/ lung bstan pa dang/ dbugs dbyung ba sbyin par bya'o/ /yang na rig pa'i dbang bskur btsam byed na/ de'i tshe de'i rjes la rdo rje'i brtul zhugs kho na tsam sbyin par bya ba la phyir mi ldog pa'i dbang bskur ba'i dus su ni 'di la lung bstan sbyin par bya'o/ /de la rdo rje'i brtul zhugs ni 'di yin te/ 'di de sangs rgyas thams cad nyid/ /rdo rje sems dpa' i lag na gnas/ /khyod kyis kyang ni rtag tu bcad/ /rdo rje sems dpa' i brtul zhugs brtan/ /zhes brjod la rdo rje slob ma 'dzin tu bcug la sngags 'di brjod du gzhug ste/ oM sarbba ta thA ga ta sid+d+hi badzra sa ma ya tiSh+Tha? e Sha twaM b+ha ra ya mi hi hi hi hi hi hUM /de nas thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdrag /ces brjod cing 'dis rdo rje 'dzin du gzhug go /de'i rjes la rdo rje dril bu 'dzin du bcug la/ 'di te sangs rgyas thams cad kyi shes rab sgra yi rjer bgror bshad/ /khyod kyis kyang ni rtag tu bcad/ /byang chub mchog tu rgyal ba gzhed/ /ces bya ba 'dis 'dzin tu bcug pa ste/ chos kyi tshul nyid du 'dis dkrol bar bya'o/ /srid pa ngo bo nyid kyis dag /ngo bo nyid kyis srid bral byas/ /ngo bo nyid dag sems dpa' mchog /srid pa'i mchog ni byed bar 'gyur/ /rdo rje'i brtul zhugs so/ /de la khu tshur g.yon pas chos gos kyi mdza' nas bzung ste/ snying gar bzhag la lags pa g.yas pa mchog sbyin par byas nas/ slob dpon dang de bzhin gshegs pas lung bstan par bya ste/ 'di ni ngas khyod lung bstan pa/ /rdo rje sems dpa' de bzhin gshegs/ /srid pa mchog gi sgrub pa'i phyir/ /srid pa'i ngan 'gro nyid las bton/ /kye de bzhin gshegs pa rdo rje che ge mo zhes bya ba/ sid+d+hi b+hur b+hu ba swa/ 'di yis dbang bskur gyur pa yi/ /sngags pa 'gro ba kun gyi bdag /bla na med pa'i byang chub tu/ /bde gshegs kyis kyang lung bstan mdzad/ /ces bya ba'i tshigs su bcad pa ni lung bstan pa'o/ /de nas der tshigs su bcad pa 'di dag gis dbugs dbyung ba sbyin par bya ste/ mchog gsad dkyil 'khor dam pa ni/ /mthong ba dang ni zugs gyur bas/ /sdig pa kun las nges grol ba/ /khyed rnams ded nyid legs par gnas/ /bde chen theg pa 'di las ni/ /slar khyod 'chi ba yod min te/ /mi tshugs pa dang mi song ba/ /kyis kyang mi 'jigs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /srid pa shin tu grub pa'i phyir/ /ston pa'i mchog tu gyur pa yin/ /dam tshig sdom pa grub pa 'di/ /rtag tu khyod kyis bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dog med pa'i/ /byang chub sems ni btad mi bya/ /phyag na rdo rje gang yin pa'o/ /dam pa'i chos ni mi spang zhing/ /nam yang dor bar mi bya'o/ /mi shes pa 'am rmongs pa yis/ /tshul chen bstan par mi bya'o/ /bdag nyid yongs su spangs nas su/ /dka' thub kyis ni ma dbus shing/ /ci bde bas ni bde bar bzung/ /'di ni ma byon rdzogs sangs rgyas/ /rdo rje dril bu phyag rgya rnams/ /nam yang yongs su mi dor zhing/ /slob dpon smad par mi bya ste/ /'di ni sangs rgyas kun dang 'dra/ /sangs rgyas kun mtshungs blo yis ni/ /slob dpon la ni gang smod pa/ /de ni sangs rgyas kun smad pa/ /rtag tu sdug bsngal 'thob 'gyur te/ /rims dang dug dang dbyig dug nad/ /mkha' 'gro rnams kyis gces pa dang/ /gdon dang log 'dren gtum po yis/ /bsad nas sems can dmyal bar 'gyur/ /de bas nan tan thams cad kyis/ /rdo rje slob dpon blo gros che/ /dge ba rab tu mi sbyoms pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rtag tu rang gis dam tshig bsrungs/ /rtag tu de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang 'dra/ /de byin sangs rgyas thams cad la/ /rtag tu byin pa nyid du 'gyur/ /de byin bsod nams tshogs yin te/ /chogs las dngos grub mchog tu 'gyur/ /gar phyir 'dir ni legs gnas pas/ /deng khyed skye ba 'bras bur bcas/ /dam tshig lha rnams kun mnyam par/ /deng khyod gyur par the tshoms med/ /sangs rgyas rdo rje 'dzin bcas pa/ /kun gyis deng khyod dbang bskur bas/ /khams gsum gyi ni rgyal po che/ /rgyal po'i bdag por brtan pa yin/ /der ni 'dud las rnam rgyal te/ /grong khyer mchog tu rab zhugs pa/ /khyed rnams kyi ni sangs rgyas nyid/ /de nyid thob par the tshom med/ /de ltar yid ni rab dang rdo rje nyid du gyis/ /rang gi dam tshig mi zad bde bskyed brten par gyis/ /deng ni 'gro la myur bde rdo rje sems dpa' dang/ /rab tu mnyam zhing rtag pa nyid du rtogs pa'i 'gyur/ /de nas de'i rjes la tshigs su bcad pa 'di dag gis chos bshad par bya ste/ /snying po bsnyen pa sogs bshad pas/ /phyag rgya chen por byin brlabs la/ /dam tshig 'dod pa'i gzugs sogs kyis/ /ma chags gsang sngags yang dag bzla/ /rang rig pa yi ngo bo nyid/ /phyogs bcur dus gsum bzhugs pa de/ /rang gi lha yi sbyor ba yis/ /bdag dang gzhan la mchod par bya/ /dka' thub sdom pa mi zad pa/ /brten pas 'grub par mi 'gyur gyi/ /nang gi mngon par shes pas 'grub/ /de bas sangs rgyas sems dpa' mchog/ sngags kyi spyod mchog spyod pa rnams/ /chos kyi yi ge mchog thob pa/ /'dod pa thams cad bsten pas so/ /bde dang sdug bsngal gnyis bdag can/ /'dod pa'i yon tan lta rnams bsten/ / ye shes sha gnyer 'dod chags can/ /sbyor ras bsgrubs na myur du 'grub/ /sku gsung thugs ni yang dag 'grub/ /gang gzhan sman par bshad pa ni/ /sngags kyis bzlas pas 'grub par 'gyur/ /sku gsung thugs ni bsgoms pas so/ / zhes bya ba ni chos bshad pa'o/ /de kho na nyid kyi rdo rje bzung ba dang/ /chos kyi dril bu dkrol ba la sogs pa shes par bya ba'i phyir/ /de nyid kyi ni rdo rje bzung/ /chos kyi dril bu dkrol bar bya/ /byin gyis brlabs nas snying po bzla/ /zhes bya ba de ni 'di yin no/ /rig pa'i dpar bskur ba'i cho ga'o/ /nga ni phyir mi ldog pa'i dbang bskur ba ste/ /de'i rim pa ni 'di yin no/ /slob mas phyog byas la/ /byang chub rdo rje sangs rgyas kyis/ /mchod chen ji ltar gsal ba bzhin/ /bdag kyang rab tu bskyab pa'i phyir nam mkha' rdo rje bdag la gsol/ /zhes bya ba'i tshigs su bcad pas gsol ba gdab pa'o/ /de'i 'og tu o byad 'byor na/ /gdugs dang rgyal mtshan gdags pa dang/ /'khor lo dang/ dung la sogs pa dbang? bskur ba'i rdzas rnams nye bar bsags la/ snga ma bzhin du slob ma sgor seng+ge'i stan la bzhag pa'i stan nang tshangs can la 'dug tu bcug ste/ /steng nas bla re bre ba dang rgyan thams cad kyis brgyan par bya'o/ /de dag ma 'byor na sna tshogs pad+ma 'dab brgyad par khri'u dang stan bzhag la rang gi lha'i sbyor ba dang ldan par bzhag la/ ye shes sems dpa' i thugs ka nas byung ba'i 'od zer las/ dkyil 'khor gyi 'khor lo lta bu'i de bzhin gshegs pa nam mkha' khyab par byung ba rnams kyis phyag na bum pa bsnams shing/ gdugs dang rgyal mtshan dang/ ba dan la sogs pas dbang bskur bar mdzad par bsams la/ slob dpon gyis rdo rje chen po'i dbang bskur ba/ khams gsum gyis ni phyag byas pa/ /gsang ba gsum kyi gnas las byung/ /sangs rgyas kun gyis sbyin par bya/ /zhes bya ba'i tshigs su bcad pa brjod par bya'o/ /de nas dkyil 'khor gyi de kho na nyid bstan par bya ste/ dkyil 'khor zhes bya gang bshad pa/ /yid ni dkyil 'khor dam pa yin gzhal yas khang ni ye shes te/ /sems kyi brtsegs pa bsgred pa yin/ /phyi yi gru bzhi pa gang yin/ /tshad kyis mnyam nyid gyur ba yin/ /byams pa la sogs sems gang yin/ /thig bzhi zhes ni bshad pa yin/ /chos kyi sbyor ba rjes dran nyid/ /gang de rdo rje'i thig tu bshad/ /lta ba kun las rnam grol ba/ ye shes thig tu bshad pa yin/ /tshul khrims tshogs kyi dam pa ni/ /gang yin rgyun tu bshad pa yin/ /dad dbang la sogs sems gang yin/ /ra ba lngar ni yang dag byung/ /rnam par thar pa bzhi po ni/ /sgo rnams su ni yang dag bshad/ /yang dag spong ba bzhi po ni/ /rta babs rnaMs dang ka bar byung/ /dran pa nyer bzhag bzhi po ni/ /khyams rnams bzhi bor shes par bya/ /rdzu 'phrul rkang pa bzhi po ni/ /de ni sgo 'khyud rnam bzhi yin/ /byang chub yan lag bdun pa yin/ /phreng ba me tog chun brgyan pa/ /'phags lam yan lag brgyad pa ni/ /ka ba brgyad ces bya bar bshad/ /sgrib pa gnyis las rnam grol zhing/ /ting nge 'dzin ye shes kyis brtags pa/ /lam gyi ye shes khyad par rnams/ /rnga yab ces ni yang dag bshad/ /nyon mongs thams cad des gcod cing/ /nyon mongs 'phrog pas dra ba ste/ /yang dag gcod cing sbong ba nyid/ /sel ba'i spong ba la gnas pa/ /tshogs gnyis kyi na sbyor ba nyid/ /nyon mongs pa yi phyed 'phrog pa/ /dra ba phyed ces bya bar bshad/ /ces bya ba ni dkyil 'khor gyi de kho na nyid bsgrags par bya'o/ /phung po lnga ni mdor bsdus na/ /sangs rgyas ldur ni rab tu bshad/ /rdo rje skye mched nyid dag kyang/ /byang chub sems dpa' i dkyil 'khor mchog /sa ni spyan zhes bya bar bshad/ /chu yi khams ni mA ma kI/ /me ni gos dkar mo ru bshad/ /rlung ni sgrol mar rab tu bsgrags/ /gti mug gti mug longs spyod bas/ /gti mug zad phyir gshin rje gshed/ /de nas lus mthar byed pa ste/ /des na shes bya mthar byed 'gyur/ /nyes pa nyes pa longs spyod pas/ /nyes pa zad phyir shes mthar byed/ /des na sems ni mthar byed de/ /des na nyon mongs mthar byed 'gyur/ /'dod chags 'dod chags longs spyod pas/ /'dod chags zad pas pad mthar byed/ /des na chags pa mthar byed de/ /de bzhin snyoms 'jug mthar byed 'gyur/ /nyon mongs kun zad gang yin dang/ /de bzhin las ni thams cad zad/ /sgrib pa kun zad ye shes ni/ /bgegs mthar byed ces bya bar bshad/ /ces bya ba ni lha'i de kho na nyid do/ /phyir mi ldog pa'i dbang bskur ba'i rim pa'o/ /de'i 'og tu rjes su gnang ba'i dbang bskur bsbyin? n+ya na par bya ste/ /ji lta ji ltar 'dul 'gyur ba'i/ /de lta de ltar chags la sogs/ /gtsang bas sems can don bya'o/ /nyin re zhing ni thun bzhi ru/ /ting 'dzin gsum gyi sbyor ldan pas/ /gyur nas thun mong cig shos kyi/ /dngos grub thob pa sgrub par bya/ /zhes brjod par bya'o/ /de nas ji skad du bshad pa'i mtshan nyid can gyi gzungs kyi dkyil 'khor du bcug la/ de dang lhan cig gsang ba'i mchod pa byas nas/ /thub pa'i dbang tshogs rdo rje mthar/ /yang dag 'bab ste bde mchog ste/ /thu bo tha ma min par bsngam/ /snod gyur sgor ni nges par dbang?/ /brtan pa'i blo ldan snod kyis kun/ /rnam snang bdag nyid can 'thungs la/ /sna tshogs bzhin te sna tshogs 'gyur/ /kye ma shin tu bden tshig brjod/ /gzur? 'di shin tu yid 'ong ste/ /brten byar sangs rgyas rnams kyis btags/ /rdo rje 'khor lo'i rab sbyor bas/ /bdud rtsi'i bdag nyid can bde spyad/ /rdo rje skyil krung nyid dang sems/ /nor ldan khongs su gtogs par ldan/ /de ltar slob dpon gyi/ shes rab dang 'dus pa'i rgyur gyur pas de kho na nyid nye bar mtshon par bya'o/ /de yang de bzhin no/ /zhes bya ba yang bstan par bya ste/ /'di dag ni gsang ba'i dbang bskur ba dang/ shes rab kyi dbang bskur ba'o/ /de'i rjes la dkyil 'khor gyi khang pa nas phyir byung la ji skad du bshad pa'i zhi ba'i sbyin sreg byas nas/ slar yang dkyil 'khor gyi khang par zhugs nas/ shar sgor 'dug la mchod pa rgya chen po byas te/ bstod pa yang byas nas/ yi ge gsum tha ma mu dang bcas pas gshegs su gsol bar bya'o/ /tshon rtsa yid phyags nas snod gtsang mar bzhag la/ rgya mtshor 'bab pa'i chu bor dor bar bya'o/ /de nas oM a kA ro mu khaM sarbba d+ha rmA NaM A dya nu tpanan ta twA te ces bya ba'i sngags brjod cing dkyil 'khor gyis gzhi byug pa'am byug tu gzhug par bya'o/ /de'i rjes la gtor ma rgya chen po byas la/ gtor ma'i sngags kyis byin par bya'o/ /'khor lo 'dri ba'i cho ga bris pa las/ bdag gis bsod nams dri med gang bsags las/ /des ni 'gro ba ma lus 'di dag kun/ /rgyal pa'i go 'phang myur du thob par shog /de bzhin blo gras rno zhing 'gro ba rnams/ /srid pa'i rgya mtsho las ni 'don pa dang/ sngags pa ma lus gsang sngags tshul gyis ni/ /yang dag man ngag legs par thob par shog /dkyil 'khor bri ba'i chog /slob dpon bsod snyoms pa yis mdzad pa rdzogs so// //sgra bsgyur gyi lo tsa ba chen po/ dge slong rin chen bzang pos bsgyur ba dge legs 'phel// //