བོད་ཡིག

e-texts based on the ACIP/ALL Input

gtor ma chen po'i cho ga slob dpon chen po bi ta pA ngas mdzad pa bzhugs so// // */ /rgya gar skad du/ /mahA sa laM bi d+hi/ /bod skad du/ /gtor ma chen po'i cho ga /thams cad mkhyen pa la phyag 'tshal lo/ /gang zhig shes bya'i sgrib sogs rab spangs nas/ /me long la sogs ye shes yang dag ldan/ /gsum gyi 'khor lo don byed rab mchog gtso/ /'jam dbyangs de la 'dud cing bla ma la'ang/ /rnal 'byor rnams kyi bar chad zhi byas nas/ /mngon par don ni rab bsgrub phyir/ /sangs rgyas ye shes zhal snga'i rim 'ongs pa/ /ma lus bstan pa'i gtor ma bshad par bya/ /mchod sbyin rnams ni thams cad kyi/ /gtso bo gtor ma'i las yin te/ /rnal 'byor rnams ni de bsgrub 'dod/ /cho ga 'di la 'bad par bya/ /gang phyir gzhan don gnyer ba 'am/ /dngos grub sgrub pa'i las byed na/ /bzlas dang sbyin sreg gnyis ka pas/ /gtor ma'i las 'di mchog tu gsungs/ /de yi las ni 'di lta ste/ /bdag nyid bsgyur dang de mgron dang/ /de yi yo byad bsngo ba dang/ /gsol gdab gshegs su gsol ba'o/ /dang por bdag nyid yi dam lhar/ /sku dang mkhyen pa bya ba dbang/ /rim pas thams cad rdzogs bsgoms nas/ zhe phyir don grub gtor ma btad/ /'khor lo la sogs khang pa yi/ /phyogs bzhi mtshams bzhir stegs bu brgyad/ /brgya byin dbang ldan bar du gcig /chu dang bden bral bar du gcig /dam pa'i dri yis bcu po byug /mdzes pa'i me tog rnams kyis brgyan/ /glu dang gar dang gdugs sogs pas/ /nus pa ji snyed kyis brgyan bya/ /de nas rang nyid rnal 'byor bas/ /dngos grub myur du mi 'thob phyir/ /'khor lor bcas pa 'am yang na ni/ /khros pas thams cad nag por bsgyur/ /de yi ye shes sems dpa' las/ /'od zer lcags kyu nag 'phros pas/ /phyogs skyong rang rang phyogs gnas pa/ /chung ma 'khor bcas dgug par bya/ /brgya byin ser po spyan stod pa/ /rdo rje 'dzin pa sha cing bcas/ /glang chen rab tu brtan pa la/ /chibs pa shar gyis stegs dbus/ /dgug bya de g.yon mkha' lding la/ /zhon pa'i khyab 'jug nag po ste/ /g.yas pa rtse gsum 'khor lo 'dzin/ /g.yon du dung dang nor bu 'dzin/ /de steng dgug bya shar lho yi/ /stegs steng ra zhon me lha ni/ /ral ba'i dbu rgyan dmar mdog can/ /skyabs sbyin phreng 'dzin g.yon du ni/ /dbyug pa gu re'u 'dzin pa dgug /de bzhin lho yi stegs steng du/ /dgug bya ma he tha? zhon ba/ /gshin rje nag po brkyang bskum tshul/ /rgyan 'bar phyag na dbyug pa dang/ /sdigs 'dzub 'dzin pa gnas par bya/ /lho nub stegs steng la dgug pa/ /mi ro la zhon brkyang bskum tshul/ /gcer bu mche gtsigs skra bzhin gnag /bden bral gri dang ka pA la 'dzin/ /nub kyi stegs bu'i steng dgug pa/ /mkha' 'gro lho 'phye zhon pa yi/ /chu lha dkar po klu zhags 'dzin/ /klu mgo bdun pa zhabs klu gcig /de bzhin nub byang steng dgug pa/ /dgo ba ser zhon rlung lha ljang/ /phyag gnyis rlung gi gos 'dzin cing/ /nam mkha' i khams su brkyang ba'o/ /byang gi stegs bu la dgug pa/ /mi zhon gnod sbyin ser bo ste/ /pi dza pu ra sa bon gang/ /ne'u le btsir nas 'dzin pa'o/ /de steng byi ba la zhon pa/ /log 'dren dpon po glang chen mgo /dkar po la phug phreng ba dang/ /mngar bsres dbyug 'dzin dgug pa'o/ /byang shar stegs bu la dgug pa/ /glang la zhon pa'i dbang phyug dkar/ /ral can rus pa'i phreng ba can/ /kha TwAM rde'u chud 'dzin pa'o/ /brgya byin dbang ldan par dgug pa/ /rta bdun shing rta la zhon pa/ /nyi ma dmar po zer bcas pa/ /phyag mtshan pad+ma dmar po 'dzin/ /de g.yon utpa la gnas pa/ /zla ba dkar po la gnas pa/ /phreng ba 'dzin pa 'khor /dang bcas/ /bkug nas de ru gnas pa'o/ / de nyid dbus su de steng dgug /dang pa zhon pa tshangs pa che/ /thung du zhal bzhi tshangs skud can/ /tshon po phreng ba dbyug pa 'dzin/ /klu dang cig shos gnyis par steng/ /shing rta la zhon thang bzang gnag /dgug bya ral gri 'dzin pa'o/ /lha ma ni tshogs dang bcas pa'o/ /de yi g.yon du de steng du/ /pad+ma la zhugs dgug bya ba/ /sa yi lha mo ser mo ste/ /bum pa 'dzin pa bsam par bya/ /'di rnams rin chen dbu brgyan can/ /rin chen rnam pa sna tshogs kyis/ /rab tu spras pa'i rgyan gyis brgyan/ /phyogs skyong shin tu che ba rnams/ /rang 'dra ba yi tshogs bskor ba/ /rnam smin 'od dang sku mdog gis/ /mun pa thams cad sel byed pa/ /rang gi lha yis dgug byas dgod/ /de ltar rab tu bkug byas nas/ /cho ga'i rim pa 'di yis ni/ /shes bya'i sgrib pa mun bsal nas/ /de rnams rab tu sbyar bar bya/ /thugs kyi 'od zer las byung ba/ /gshin? rje gshed sogs khro bo bcu/ /sku stod zhal gsum phyag drug bltam/ /smad ni gsal shing gzugs gnas pa/ /g.yas pas mgul ma brtan byas nas/ /ri rab las grub tho ba yis/ /g.yon pas brdab cing gong ma rnams/ /rim pa bzhin du gdab par bya/ /oM A(rgyud 'grel ti sa pa ri wa ra Na kI la ya hUM phaT/ oM A(rgyud 'grel A(rgyud 'grel byas nas/ /gdab bya gang ba byed gdab pa rnams/ /sgrib pa mnyam nyid shis pa yis/ /brtsal phyir rims bzhin phur bas gdab/ /de dag lus 'di phung btab nas/ /thal ba nyid 'gyur brlag byas nas/ /rnam par shes pa mar me ltar/ /gnas? pa sa bon gyis bkug ltar/ /zhal bzhugs byang chub sems gyur nas/ /rdo rje'i lam byung mtsho skyes nang/ /babs pa bsam pa'i gnod sems rnams/ /bsal phyir sngags 'dis byin gyis brlab/ /oM A(rgyud 'grel sa ma ya mu dra pra ban tsakra e shaM a shad+ho shaM a pa na ya hUM phaT/ rdo rje he ru ka yis ni/ /sngags kyis shes bya'i sgrib mun bsal/ /de nas bdud rtsi 'khyil pa yi/ /phreng ba bzlas pas nyon mongs bsal/ /na ma(rgyud 'grel mo badzra daMSh+To Ta ka Ta b+hai ra ba ya a si mu sa la pa ra shu pA sha ha sta ya/ oM amrita kuN+Da li/ /kha kha khA hi khA hi/ tiSh+Tha tiSh+Tha/ band+ha band+ha/ ha na ha na/ de ha da ha/ /gardza gardza/ pi spho Ta ya bi spo Ta ya/ sarba bag+h+nin na ya kA nAM/ /ma hA ga na pa ti dzI bi tA na ta ka rA ya/ / sarba ShuM a sha ya dro shaM a pa na ya hUM phaT/ de yis sgrib mun bsal nas su/ /mtsho skyes nang gnas khu ba las/ /cho ga gsum gyi legs bsgrubs pa'i/ /sku rnams phyogs su dgod par bya/ /badzra hUM ruM kaM muM baM yaM 'um a b+he ma maM laM/ bya ba'i sa bon rnams su gyur/ /de las rdo rje 'khor lo gu De'u dang/ /dbyug pa gri dang klu zhags dang/ /rlung gos bi dza bu ra dang/ /pad+ma rtse gsum pad+ma dang/ /utpal pad+ma ral gri dang/ /pad+ma mtshan ma rnams kyi nang/ /rang rang sa bon mtshan par bsam/ / sa bon phyag mtshan de nyid las/ /brgya byin rdo rje mtshan du gyur/ /ser po zhal gsum phyag drug pa/ /rdo rje ral gri phyag g.yas la/ /'khor lo pad+ma g.yon du 'dzin/ /thugs rigs zla ba'i steng du dgod/ /khyab 'jug sgyu ma rdo rje gyur/ /nag po zhal gsum phyag drug pa/ /'khor lo ral gri phyag g.yas la/ /dung dang pad+ma g.yon du 'dzin/ /'di yang thugs rigs nyi mar dgod/ /drang srod rdo rje me ru gyur/ /dmar ser zhal gsum phyag drug pa/ /skyabs sbyin dang ni phreng ba g.yas/ gu De dbyug pa g.yon du 'dzin/ /'di yang thugs rigs zur gsum dang/ /nyi ma'i gdan la dgong pa'o/ /gshin rje rdo rje tshe zang gyur/ /nag po skra 'greng zhal gsum pa/ /phyag drug dbyug pa ral gri dang/ nor bu sar 'dzin brkyang bskum tshul/ /thugs rigs nyi ma'i gdan la dgod/ /bden gral rdo rje gtun tu gyur/ /bung 'dra zhal gsum phyag drug pa/ /gri gug ral gri phyag g.yas pa/ /ka pA la rin chen g.yon du 'dzin/ /thugs rigs nyi ma'i gdan la dgod/ /de rnams dbu rgyan mi bskyod pas/ /cod pan la ni mtshan pa'o/ /chu lha klu yi rdo rjer gyur/ /zhal gsum dkar po klu gdod dang/ /klu yi zhabs can phyag drug pa/ /klu zhags ral gri phyag g.yas la/ /rin chen pad+ma g.yon du 'dzin/ / gsung rigs zla ba'i gdan la dgong/ /tshe dpag med gyis dbu rgyan pa'o/ /rlung lha rdo rje rlung du gyur/ /mar gang ltar ljang zhal gsum pa/ /phyag drug rlung gos ral gri g.yas/ /nor bu pad+ma g.yon du 'dzin/ /las kyi rigs te zla bar dgod/ /ja sgra yis ni dbu brgyan pa'o/ /lus ngan rdo rje'i 'jigs byed gyur/ /gser 'dra zhal gsum phyag drug pa/ /pi dza pu dra ral gri g.yas/ /pad+ma dung ni g.yon du 'dzin/ /gsung rigs nyi ma la dgod bya/ /log 'dren dro rje mchu dngis gyur/ /dkar po zhal gsum phyag drug pa/ /rdo rje mchu can la phug dang/ /ngal gri g.yas su 'dzin pa'o/ /rin chen pad+ma g.yon du 'dzin/ /'di yang gsung rigs nyi mar dgong/ dbang ldan rdo rje khro bor gyur/ /dkar po zhal gsum phyag drug pa/ /rtse gsum ral gri g.yas na 'dzin/ /g.yon du rin chen pad+ma 'dzin/ /gsung rigs zla ba la bkod sde/ /tshe dpag med kyis gsum po brgyan/ /nyi ma rdo rje 'khyil par gur/ /dam po zhal gsum phyag drug pa/ /pad+ma ral gri phyag g.yas la/ /g.yon du 'khor lo rin po che/ /rin chen rigs te nyi mar dgod/ /rin chen 'byung ldan gyis brgyan pa'o/ /zla ba rdo rje 'od du gyur/ /zhal gsum phyag drug dkar po'i mdog /utpal ral gri phyag g.yas la/ /rin chen pad+ma g.yon du 'dzin/ /sku yi rigs de zla bar dgod/ /tshangs pa thub pa'i rdo rjer gyur/ /ser po zhal gsum phyag drug pa'o/ /pad+ma ral gri phyag g.yas pa/ /nor bu 'khor lo g.yon du 'dzin/ /sku rigs 'di yang zla bar dgod/ /lha min rdo rje thag bzang gyur/ /nag po zhal gsum phyag drug pa/ /g.yas su ral gri 'khor lo 'dzin/ /g.yon du rin chen chu skyes 'dzin/ /sku yi rigs te nyi mar dgod/ /sa gnas rdo rje sar gyur te/ /ser po zhal gsum phyag drug pa/ /pad+ma ral gri phyag g.yas la/ /g.yon du rin chen chu skyes te/ /sku rigs 'di yang zla bar dgod/ /bzhi po rtag pas brgyan pa'o/ /sgyu ma rdo rje byin phra? dang/ /ma bdag sha rlon za ba dang/ /lus ngan log par 'dron pa dang/ /lha dmag zlog par byed pa rnams/ /nyi ma yi? 'od kyi 'khor/ / rten pa'i rgya ba na gnas pa'o/ /lhag ma zla ba'i rgyab brten can/ /dang po rang 'od reg ma 'khyud/ /rdo rje skyil mo krung gnas pa/ /zab mo yang dag gsal ba'i sku/ /rin chen sna tshogs rgyan ldan pa/ /mtshan dang dpe byad kyis 'od gsal/ / rang rang phyogs kyi nam mkha' gang/ /rang dang dang 'dra 'khor tshogs rnams/ /zhal gsum phyag drug rig mang ldan/ /yang dag bskyed nas nyer? bsgrub sogs/ /yid 'od gsal ba 'dus pa yi/ /gzhung gis byin brlabs sbyar bar bya/ /de bzhin nam mkha' mnyam pa yi/ /'gro ba ma lus sa bon gyis/ /bkug nas zhal zhugs zhu bar gyur/ /rdo rje'i lam 'byung mtsho skyes nang/ /ye shes rim pa lnga las byung/ /rdo rje sems dpa' i mos pa yis/ /zhu gyur pad+ma'i nang gnas pa/ / spyan sogs lha mo glu dbyangs kyis/ /skul bas k+ShiM la sogs pa yi/ /sa bon nyi shu gcig tu gyur/ /de las mtshan ma sa bon mtshan/ /sa bon phyag mtshan las byung ba/ /sa snying la sogs gzugs bskyes? nas/ /sku mdog zhal dang phyag mtshan rnams/ /sgrub pa'i thabs gsungs grags pa rnams/ /nam mkha' i khams kun sgros pas gang/ /de ltar mgron rnams kun sbyangs nas/ /yo byad rnams ni sto gan gnas/ /gser dang dngul dang zangs/ / ma'i snod/ /lcags dang nya phyis la sogs pa'i/ /snod mchog nang du khur ba dang/ /zan dang sdig med sha khrag dang/ /mdzes pa'i lha bshos nya sha dang/ /mon sran gre'u 'o mdang/ /chu dang mar me dri me tog /lngag rgyu btung rgyu bzab rgyu sogs rgyas pa mdun du mthong bya ste/ /glu dang gar dang ral mo dang/ /gdugs dang rgyal mtshan ba dan dang/ /bla re la sogs mchod pa'i tshogs/ /de bzhin phyi rol kun bskor bkod/ /med na kham phor la sogs la/ /mon sran gre'u chu zan dang/ /gzhan ma dag kyang rnyed pa bzhin/ /cho ga bzhin du dbul bar bya/ /'khor lo snga ma bzhin bsgrubs nas/ /pad+ma sa bon bcu po las/ /ba spu'i bu ga las byung ba'i/ /gzugs sogs lha mo spros pa yis/ /nam mkha' khams kun rab bkang nas/ /mgron rnams so so 'khyud byas te/ /de bzhin me tog la sogs pa/ /sa bon gyis bskul so sor thengs/ /mchod pa mnyam nyid bye ba'i phyir/ /sngags kyis byin gyis brlab par bya/ /oM sarba ta thA ga ta pu dza badzra swa b+hA ba At+ma kro haM/ de nas rdo rje dril bu ni/ /gsor gsil bskor ba'i bde bas kyang/ /lha rnams thams cad dges bya'i phyir/ /chos thams cad kyis bstod par bya/ /rdo rje mi bskyed ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje sgrogs la phyag 'tshal lo/ /rnam par snang mdzad dag chen po/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje phyag 'tshal lo/ /rin che na rgyal po rab tu zab/ / rdo rje nam mkha' dri ma med/ /rang bzhin dag pas gos pa med/ /rdo rje sku la phyag 'tshal lo/ /rdo rje dpag med 'dod chags che/ /mi rtog nam mkha' i rdo rje 'dzin/ /'dod chags pha rol phyin pa thob/ /'od gsal rdo rje phyag 'tshal lo/ /dngos grub rdo rje rdzogs sangs rgyas/ /bsam pa thams cad yongs rdzogs pa/ /rang bzhin dag pa rdo rje sems/ /rdo rje sems dpa' phyag 'tshal lo/ /de nas yaM byung gzhu 'dra dang/ /raM byung gru gsum me dkyil du/ /ya byung pad+ma 'dab brgyad la/ /rdzas rnams mi 'chi lnga du dmigs/ /de steng zla ba nyi ma la/ /bru sogs bsams nas de'i 'od kyis/ /rigs lnga'i sangs rgyas bkug byas te/ /sa bon las ni thim gyur stobs/ /rlung gi me bus pad nang gi /bdu rtsi khol bas gcig gyur te/ /rlangs pa hUM byung rdo rje dkar/ /lte bar hUM bsams zhu gyur pas/ /pad nang bdud rtsi la babs te/ /zla ba shel ltar dag bsams nas/ /steng du oM bsams zhu gyur bas/ /nang du thim byas gsal byas te/ /'od zer lnga ni rab 'bar bsam/ /de nyid gsum gyis? gsang sngags nyid/ /rab tu bzlas pas byin brlabs te/ /de ltar spyang byas gtor ma rnams/ /sa bon gyis bskul pad+ma yis/ /nam mkha' i khams kun bkang byas te/ /lha rnams ji snyed phyag g.yon bteg /thengs par byas nas so so yi/ / lce ni hUM las rdo rje yi/ /bum par hUM bsam de 'od kyis/ /lce lus chu ni 'thungs bzhin du/ /bdud rtsi 'thungs pas zad med de/ /de yi stobs kyis gnyis med kyi/ /ye shes yongs su myong bar bsam/ /de nas tshigs bcad 'di rnams kyis/ /rab thu brjod de dbul bar bya/ /oM phyogs bcu'i 'jig rten khams gnas pa/ /dus gsum las ni byung ba kun/ /mkha' dang rgya mtsho sprin gyi tshogs/ /shin tu rgya che phra rab kyi/ /rdul gyi dkyil 'khor so so yi/ /nang? du gnas pa'i tshogs chen po/ /nam mkha' i dbyings dang mnyam pa yi/ /chos kyi dbyings kyi rang bzhin can/ /phyogs bcu skyong ba thams cad dang/ /sems can khams rnams ma lus pa'i/ /so so sbyor ba'i tshul gnas pa/ /de dag kyang ni 'di lta ste/ / rdo rje mtshon cha sgyu ma rdo rje dang/ /rdo rje me dang rdo rje zad dus dang/ /rdo rje gtun dang klu yi rdo rje dang/ /rdo rje rlung dang rdo rje 'jigs byad dang/ /rdo rje mchu rings rdo rje khro bo dang/ /rdo rje 'khyil pa rdo rje 'od chen dang/ /thub pa'i rdo rje rdo rje thag bzang dang/ /sa yi rdo rje 'khor rang so sor bcas/ /sa snying phyag na rdo rje nam snying dang/ /'jig rten dbang dang sgrib sel kun tu bzang/ /gzugs dang sgra dang dri yi rdo rje ma/ /ro dang reg bya chos dbyings rdo rje dang/ /spyan ma dang ni mA ma kI dang ni/ /na dza' dkar mo dam tshig sgrol ma dang/ /rnam snang mdzad dang rin chen dbang phyug dang/ /snang mdza' yas dang don yod grub pa rnams/ /mi bskyed pa yi tshogs chen thams cad la/ /bdag gis me tog dang ni spos dang ni/ /mar me dri zhim zhal zas dam pa dbul/ /rol mo la sogs dag dang ldan pa yi/ /gtor ma'i yo byang 'di ni thugs rje yis/ /bzhes shing dgongs shig bdag la rab tu dgongs/ /bdag la gser dang dngul dang mgron bu dang/ /nor phyug tshe ring ba dang bzhon pa dang/ /na tsha med dang dam tshig bde ba kun/ / 'phrog? par byed pa bgegs kyi sda dpon dang/ /gdug dang shin tu bdug pa can dag dang/ /mi dang mi ma yin pa thams cad dag /rmugs par gyis shig rab tu rmugs par gyis/ /chings shig chings shig khyed kyis yang dag chom/ /de bas ja? yi 'gron bu gser dngul dang/ /nor gyi 'byor dang tshe? ni ring ba dang/ /gzhon pa dang ni na tsha med la sogs/ /bde ba chen po rab tu 'phel bar mdzod/ /bdag ni byang chub snying po ma thob par/ /khyed rnams bdag gi grogs la rtag tu spyon/ /bdag gi nad rnams dag ni zhi ba dang/ /bdag la bgegs kyi gnod pa zhi bar gyis/ /kye bcom ldan 'das ni rdo rje 'dzin pa mchog /skyon can kun gyi phyag rgya gshig pa po/ /bdag gis gtor phul bdag la zhi ba dang/ /dus 'di nas ni srung pa mdzad du gsol/ /de ltar 'dod bzhin gsol btab nas/ /de dag rnams kyang mthun pa ru/ /bdag la dngos grub gnang bsams nas/ /mgrin gcig tu ni legs so zhes/ /gsungs pa'i ku cos khams bkang ba'i/ /sgra kun grags par dmigs nas su/ /tshigs bcad 'di yis bshags par bya/ /'jig rten 'di na 'khod pa'i mgron rnams kun/ /phyogs skyong sems can kun dang lha yi lha/ /rang bzhin gyis grub sbyor bas sbyangs pa rnams/ /bdag ni brtson dang mi ldan bkren chen te/ / mchod gzhan ci yang bdag la ma mchis na/ /gzhan don dgengs pa'i mgon po khyed rnams kyis/ /thugs dang mi 'gal rang gi mthus bzhes shig /bdag ni rnam g.yeng rmugs dang le lo yis/ /sems ma 'dus dang mi gsal la bsgrubs pa mgon po khyed rnams thugs dang 'gal ba gang/ /rang bzhin bdag gis chos gzigs bzod pa mdzod/ /de ltar brjod pas dga' 'gyur te/ /'gal ba dag ni sos par dmigs/ /yang na a yis dang por rdzogs/ /brjod pa byin brlabs gtor ma dbul/ /de nas rdo rje dril bu dang ldan pa'i/ /bde ba'i dbyings rab brjod bya ste/ /bskor nas pad+ma'i lag bskor lnga/ /byas nas sngags 'dis gshegs su gsol/ /oM sems can don kun byas nas su/ /rang gi yul du gshegs su gsol/ / yang ni byon par mdzod cig mu:/ /gshegs gsol yi ge brgya pa yis/ /las kyi skyon kun gsal bar bya/ /oM badzra satwa sa ma 'gam nu pA la ya/ badzra satwa no pa ti Sh+Tha dri Dta mi b+hab a nu rak+to me b+ha ba su to Dyo me b+ha ba su po Sh+yo pa lha sarba sid+d+hi mme pra yats+tsha/ /sarba karma su ca me/ tsit+taM sh+re yaM(rgyud 'grel ma sa phyogs gtsang sar spung/ /chu gnas sems can rnams dang ni/ /me ni dbul ba rnams la sbyin/ /khyi dang bya rog la sogs la/ /nan tan gyis ni sbyin mi bya/ /de bzhin de yi rim pa yis/ /zhi ba la sogs ji bzhin dang/ /rang 'dod ma sa phyogs gtsang sar spung/ /chu gnas sems can rnams dang ni/ /me ni dbul ba rnams la sbyin/ /khyi dang bya rog la sogs la/ /nan tan gyis ni sbyin mi bya/ /de bzhin de yi rim pa yis/ /zhi ba la sogs ji bzhin dang/ /rang 'dod phyogs su kha bltas te/ /de yi kha dog 'khor lor ldan/ /sngon bzhin phyogs su skyong ba rnams/ /bkug nas bsam pa'i nyon mongs bsal/ /shes bya'i sgrib pa yang gsal nas/ /de dag stong byas sa bon las/ /bsregs nas rje dpon du gyur pa yi dam lha yi phyag mtshan sogs/ /spro dang bsdu ba byas nas su/ /snga ma'i rten ni gyur byas nas/ /thams cad kun mkhyen sku thob bya/ /'phro ba'i zer byung thugs dbang gis/ /phyogs bcu khams kun khyab par byas/ /sku dang mkhyen pa byed pa dbang/ /rgyas btab mtshan nyid shes byas nas/ /myur ba sa bon sogs tshul gyis/ /mchod byas dgos byas tshim par byas/ /gtor ma sngon bzhin byin brlabs nas/ /phul te tshim byas gnyis med kyi/ /ye shes yongs su myong bar bsam/ / yid kyis rdo rje dril bzung nas/ /mi bskyod las gos tshigs bcad kyis/ /bstod pas dgyes te lan cig gsungs/ /de nas phrin las bsgrub pa rnams/ /bsgrub bya'i don du gsol ba gdab/ /'di yis gtor ma byin brlab sngags/ /oM A(rgyud 'grel sarba duSh+Ta na sa ma ya mu draM pra b+haM dza ka ma ma shan+ti ku ru swAhA 'hUM/ de bzhin rgyas pa'i mdza' ru oM/ /puSh+Ti ku ru zhes bya'o/ /pa shaM ku ru zhes bya'o/ /mngon spyod la ni hUM dang phaT/ /mA ra ya ni zhes bya'o/ /dgug pa'i mdza' ru dza zhes bya'o/ / bskrad pa la ni phaT mthar bzhag /u tsa ta ya zhes pa'o/ /de bzhin las kyi bye brag gis/ /ji ltar 'dod pa bzhin du sbyar/ /sngon du gsungs pa'i sngags rnams brjod/ /de dag rab tu dgyes bsams nas/ /rang gi gnas su gshegs su gsor? de ltar ma lus bstan pa yi/ /gtor ma'i cho ga mchog 'di ni/ /bla ma mchog gis legs sbyangs pa'i/ /sems dul dang ldan brtson 'grus can/ /gsang shes de nyid rigs pa po/ /dkyil 'khor la sogs rtog pa'i tshogs/ /shes shing sgrub pa lhur len pa/ /de la 'di ni sbyin par bya/ /gang zhig bla ma la mi gus/ /dang med 'jungs pa rnam g.yeng ba/ /le los sems sbyong rnam spangs pa/ /blun chen de la sbyin mi bya/ /bdag gis gtor ma'i cho ga 'di byas dge ba yis/ /rnal 'byor 'di sgrub bar chad zhi zhing 'dod don grub/ /gtsug lag tshad mas rnal 'byor chen po'i lam bgrod de/ /bcu gsum dge ba rdo rje 'dzin pa'i sar 'gro shog /gtor ma chen po'i rim pa slob dpon chen po bi ta pA ngas mdzad pa rdzogs so// //rgya gar gyi mkhan po ka ma la gu ha dang/ bod kyi lo tsa ba chen po mnga' bdag lha ye shes rgyal mtshan gyis bsgyur cing zhus te gtan la phab po// //