<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1531: dpal gsang ba 'dus pa'i dkyil 'khor gyi sgrub pa'i thabs rnam par bshad pa<br><table><tr><td>
<input type="button" onclick="location.href='tcompletep.php?id=N1531&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1531&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1531&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ (/dpal gsang ba 'dus pa'i dkyil 'khor gyi sgrub thabs 'jig rten snang byed ces bya ba'i 'grel pa slob dpon chen po bi ta pA tas mdzad pa bzhugs so/) / */ /rgya gar skad du/ sh+rI gu hya sa mA dza maN+Da la no pi ka TI kA/ bod skad du dpal gsang ba 'dus pa'i dkyil
 'khor gyi sgrub pa'i thabs rnam par bshad pa/ dpal rdo rje sems dpa' la phyag 'tshal lo/ /rnam rtog dra ba gtan bcom nas/ /zab cing legs par gsal ba'i sku/ /kun tu phrod pa'i brtson 'grus ldan/ /'jam dbyangs dkyil 'khor la
 btud de/ /dpal ldan gsang ba 'dus pa yi/ /dkyil 'khor gyi ni cho ga mchog /'jig rten sgron ma zhes bya ba/ /bla ma brgyud rim bzhin du bshad/ /de la rab tu byed pa rtsom par 'dod pa'i rje btsun 'dis/ 'dod pa'i lha mchod pas
 bsod nams 'phel zhing bgegs kyi bar chod mi 'ong bar bsam pa rdzogs par bya ba'i ched du de nyid byas nas/ yang dag pa'i shes rab dang ldan pa rnams 'jug pa'i rgyu gsungs so/ /de la shes bya'i sgrib pa la sogs zhes bya ba
 nas btud de zhes pa'i bar gyis mchod pa dang bstod pa dang phyag 'tshal pa'o/ /gang gi phyir go rim bzhin du mnyes shing yang dag pa'i yon tan brjod pa dang lus ngag gis btud pa'i dngos po la shes par bya'o/ /shes bya'i
 sgrib sogs nges par grol zhes pa ni shes bya'i sgrib pa la sogs pa las dbang bskur ba la sogs pa'i rim pas 'od gsal bar zhugs nas nges par grol ba zab mo'i ngo bo ste spangs pa'o/ /me long ye shes la sogs ldan zhes
 pa ni de'i dus na kun gzhi la sogs pa me long lta bu'i ye shes la sogs par gnas gyur cing skur gsal ba ste ye shes des ni rang gi don phun sum tshogs pa gsungs so/ /gzhan gyi don phun sum tshogs pa gsungs pa/ 'jam
 dpal gsang ba'i 'khor lo mchog ces pa ni gang 'jam dpal las byung ba'i sku dang gsung dang thugs kyi dkyil 'khor ni 'khor lo mchog ste/ sku gsum gyis 'phro ba'i don byed pa yin no/ /zhes gsungs pa'i
 pa'i phyir ro/ /btud ces pa ni zab mo gsal bar dgongs pa'i phyir yid kyis btud pa yin la/ lus dang ngag ni de'i rjes su 'brang ba'i phyir de gnyis kyi dag kyang mthong bar bya'o/ /rang dran phyir de nyid ces pa ni blo gros can
 gyis 'jug pa'i yan lag dgos pa la sogs pa ston to/ /de la bdag gis sam gzhan gyis dran pa gang de dgos pa'o/ /'jam dpal gyi dkyil 'khor gyi rang bzhin nam rgyud las yang dag par bstan pa ni brjod par bya'o//
 rab tu byed pa dang/ dgos pa gnyis thabs dang thabs las byung ba'i mtshan nyid kyis 'brel par gnas so/ /dgos pa bstan pa'i stobs kyis phyag rgya chen po la sogs pa mngon par 'du byed pa'i dgos pa'i dgos pa'o//
 de rnams dang ldan pa ni chos yang dag pa'o/ zhes gsungs pa'i phyir ro// //da ni sgrub pa po dang sgrub pa'i gnas dang/ bsgrub par bya ba phun sum tshogs pa gsung bar rigs pa la/ 'bras bu mngon du byed pa la sgrub pa po ni
 rgyu yin pa 'am gtso bo yin pa'i phyir de'i phun sum tshogs pa dang por gsungs pa/ dpal ldan zhes la sogs pa'o/ /de la dpal ldan 'dus pa zhes bya ba ni rnal 'byor chen po'i rgyud gsang ba 'dus pa'o/ /de'i tshul zhes pa ni gzhung
 ste/ gzhung lugs kyis bla ma dam pa bsnyen bskur ba las byung ba'i phyir ro/ /dkyil 'khor zhes pa ni yid kyis sam rdul tshon gyis so/ /man ngag rim pa 'di yis zhes pa ni 'og nas 'byung ba'i rim pas bla ma rnams las
 gang yang rung ba gcig mnyes par bya ste cho ga ma tshang ba med pa'i dkyil 'khor gnyis gang rung du 'og nas 'byung ba'i rim pas zhugs nas shes pa'i don to/ /chu la sogs pa ces pa ni chu'i dbang dang por byas pa'i cod pan dang rdo
 rje dang bdag po dang ming rdo rje slob dpon dang btul zhugs dang lung bstan pa dang dbugs 'byung ba dang rjes su gnang ba mdza' bskur zhes pa'o/ bla mas de la zhes pa ni rgyud las gsungs pa'i ma nor ba'i lam du rten pa pos bum pa'i dbang rnams
 bskur zhes sbyar ro/ /gsang ba'i dkyil 'khor zhes pa ni gong du bstan pa'i dkyil 'khor de nyid du'o/ /de nyid thob ces pa ni 'og nas bstan pa rnams thob pa'o/ /dngos gang zhes na/ gsang dang shes rab dbang bskur bas zhes pa ni
 gong du smos pa de dag dang bcas par gsang ba dang shes rab ye shes kyi dbang thob pa ces pa'i don to/ /gsang shes zhes pa ni bla ma brgyud pa las 'ongs pa'i gsang ba dang mchog tu gsang ba rdo rje'i tshig tu gtogs pa
 bla mas shes pa'o/ /rnal 'byor de nyid ces pa ni zhi ba la sogs pa'i las kyi bye brag bsam gtan la brtan pa rnams rtogs pa'o/ /theg gsum sa mtshams de nyid shes zhes pa ni nyan thos dang rang sangs rgyas dang theg pa chen
 po'o/ /bsam pa tha dad pa'i dbye ba so sor bstan pa'o/ /'on kyang theg pa mang po rnams ni sems tha dad pa'o/ /ji skad du langkar gshegs pa las/ lha dang tshangs pa'i theg pa ni/ /nyan thos rnams kyi de bzhin dang/ /rang rgyal de bzhin
 gshegs pa dang/ /theg pa che dag bdag gis bstan/ /sems ni ji srid yod kyi bar/ /theg pa'i mdza' la thug pa med ces gsungs pa'i phyir ro/ /'dir 'jig rten las 'das pa'i theg pa gsum gyis sa mtshams kyi de kho na nyid rig pa'o//
 rig pa ces pa ni phreng ba'i sngags la sogs pa la las kyi bye brag gis bskul ba dang bcas pa'i rig pa'o/ /snying po zhes pa ni hUM la sogs pa'i sa bon no/ /sngags zhes pa ni dbyung ba dang bskul ba'o/ /phyag rgya zhes pa/
 ni phyag rgya chen po la sogs pa'o/ /ting 'dzin rim pa gsum dag dang zhes pa ni dang po la sogs pa yan lag dang bcos pa rtogs pa'o/ /thun mong zhes pa rig pa 'dzin la sogs pa ste/ sa'i dbang phyug dang 'phags pa nyan thos/
 dang/ 'jig rten pa'i lha chen po dang rnal 'byor rgyud kyi la sogs pa dang thun mong du gyur pa'o/ /cig shos dngos grub ces pa ni phyag rgya chen po'i dngos grub ste/ rgyud tshul gyis rnam dbye shes zhes pa ni rgyud 'di'i rim pas
 sgrub pa'i thabs la sogs pa'i rnam pa'i dbye ba shes pa'o/ /dam ldan rtsa ba'i ltung byed bcu bzhi ni spang bar bya ba'o/ /gsod pa la sogs pa dang bdud rtsi la sogs pa ni bsrung bar bya ba'o/ /sdom pa la gnas pa zhes pa ni/ spom po'i
 ltung byed ni bsrung bar bya ba'o/ /spyod yul rdo rje 'chang chen po la sogs par blta ba ni bsrung bar bya'o/ /shes rab rnal 'byor la brtson pa ces pa ni 'di'i gzhung lugs kyis mngon par byang chub pa'i snying po yin pas na de dang po
 sbyor ba la brtson zhing de'i rnal 'byor la gnas pa'o/ /sngags rgyud sbyor ba rab shes pa zhis pa ni le'u bzhi pa las gsungs pa'i sngags dang 'brel ba sbyor bzhi pa la sogs pa'i dbye ba dang bum pa rnams sta gon du gnas pa la
 sogs pa shes pa'o/ /sngags dang bsam gtan dang rdzas rnams 'brel ba'i phyir ro/ /sems can don bsgrub 'os pa yin zhes pa ni las de rnams kyi sgo nas so/ /'o na bla ma chen po'i zhal nas gsungs pa'i sgrub pa po'i mtshan nyid
 las gzhan pa ci yin no snyam pa bsal ba'i phyir gtong ba zhes pa la sogs pa'o/ /gtong ba zhes pa ni sbyin pa'o/ /brtan pa ces pa ni bsam gtan no/ /de dang por byas pa'i tshul khrims la sogs pa rtogs par bya'o/ /de'i yon tan 'di
 mchog yin zhes pa ni 'di'i gzhung lugs kyi rjes su spyod pa ni yon tan du gsungs so/ /de ma yin par gyur na log par snang bar 'gyur ba'i phyir ro/ /brjod pa'i yon tan mi ldan zhes pa ni gong du smos pa'i yon tan rnams dang mi ldan
 na sems can gyi don mang pas sgrub pa po ma yin no/ /de ltar thun mong gi sgrub pa'i mtshan nyid gsungs nas/ khyad par du bri ba'i mtshan nyid gsungs pa brtser ldan zhes pa la sogs pa'o/ /brtser ldan zhes pa ni snying rje dang ldan pa'o/ brtul
 zhugs zhes pa ni byang chub kyi sems mi gtong ba la sogs pa'i chos su gsungs pa'o/ /bzlas ldan zhes pa ni rang gi lha'i bzlas pa byas pas bsten pa 'am/ grub pa'i mtshan ma mthong ba'am/ ma thob pa ces pa'i don to/ /dad ldan zhes pa ni
 dad pa dang ldan pas dmigs pa la mi 'khrul pa'i phyir ro/ /zab mo'i de nyid shes pa ni bsam gyis mi khyab pa'i dngos po thams cad kyi de bzhin nyid rtogs pa'o/ /rang gi 'khor gnas sngon bsnyen pa byas nas shes pa ni rang gi dkyil
 'khor gyi 'khor lo la gnas nas dang po'i las can gyi thun mtshams bzhir 'og nas 'byung ba'i rim pas dang po'i rnal 'byor la sogs pa yan lag dang bcas pas sngon du bsnyen pa bya zhing dkyil 'khor bri bar bya zhes pa ni slob ma
 rnams dbang bskur ba'i dkyil 'khor bri bar bya ba'i don to/ /de bzhin du cung zad ye shes la dbang thob pa dang ye shes la dbang thob pas kyang rang gi 'khor lo la gnas nas nye ba'i sgrub pa la sogs pa yan lag dang bcas pa dang/ 
 yi ge gsum gyi mtshan nyid bzlas pa can gyis thun mtshams bzhir ram/ nyin mtshan du bsnyen pa byas ci rigs par slob ma rnams dbang bskur ba dang rang nyid dngos grub bsgrub pa'i dkyil 'khor bri bar bya'o zhes
 pa'i don to// //gnas phun sum tshogs pa gsungs pa gang zhig ces pa la sogs pa ni gang yang rung ba zhes pa'i don to/ /yid 'ong gnas su ni zhes pa ni me tog la sogs pas yid dga' ba'i yul thams cad yin ni
 zhes pa'i don to/ /yang na gang yang rung ba'i gnas su sngon du bsnyen pa byas nas/ yid du 'ong ba'i gnas su dkyil 'khor bri'o/ /zhes gzhan dag kyang bshad do/ /gong du gsungs pa'i gnas de phyi'i tshul gyis dag par bya ba
 gsungs pa tsan dan mchog la sogs pas byug ces pa ni der stegs bu gru bzhir byas pa rnam par snang mdzad la sogs pa'i ngo bo tsan dan la sogs pas byug cing dri zhim po'i me tog kha dog dang dbyibs sna tshogs pa yang
 kun tu dgram par bya'o zhes pa'i don to// //da ni sngon du bsnyen pa byas nas su snyen pa'i byas pa'i rang bzhin la dang po rnal 'byor gsungs pa nang zhes pa la sogs pa'o/ /nang par zhes pa ni sgrub pa po phal cher de'i dus
 su g.yeng ba dang bral ba'i phyir ro/ /yang na byams pas bskal ba'i rnal 'byor pa khyad par du dal ba'i dus yin no/ /yang na thun mtshams kyi dang po yin pa'i phyir yang gsungs so/ /shar ltas 'dug nas ni zhes pa ni rang gi lha
 dang mthun par bya ba'i phyir bde ba'i stan la rdo rje skyil mo krung gis 'dug nas ni zhes pa'o/ /rnam par thar pa'i sgo dag ces pa ni stong pa nyid la sogs pas snying po'i sa bon la sogs pas dag ba'i phyir ro/ /de ci'i phyir zab mo dang
 gsal ba'i ngang gis sems dag par 'gyur ba'i don du stong nyid la sogs pa ni thams cad du rtogs par bya'o/ /rang snying zla bar 'od 'bar mam zhes pa ni smon lam gyi dbang gis tshad med bzhi'i sku yin par bka' gsal lo/ /dge ba 'phel
 phyir zhes pa ni ras shin tu dkar po tshon 'dzin pa dang 'dra bar dge ba 'phel bas dkyil 'khor gyi 'khor lor 'jug por 'gyur ba'i don to/ /gshegs pa la sogs rab tu bya zhes pa ni 'og nas 'byung ba'i rim gyis rab tu bya'o zhes pa'i don
 to/ /ji ltar bya zhe na rten gsungs pa'i phyogs bcu zhes pa la sogs pa'o/ /cho ga bzhin du zhes pa ni mchod pa po dang mchod pa dang mchod pa'i gnas gsum yang rmi lam bzhin du don med par mnyam pa nyid du rdzogs pa'o/ /rang gi log rtogs
 zhes bya ba ni bzung ba dang 'dzin pa'i rnam par rtog pa'o/ /de las byung ba ni nyes byas shes te mtshams med pa lnga la sogs pa dus gsum du byas pa rnams shes pa gong du smos pa'i rtogs pas srid pa'i rgyun la sogs pa rnams so/ /rmi lam
 rmi lam sogs shes pa ni rmi lam dang por byas pa'i sgyu ma la sogs pa bzhin du don med par bya'o zhes pa'i don to/ /lan gsum zhes pa ni gshegs pa po dang gshegs bya dang gshegs pa gsum mnyam pa nyid du rtogs pa'o/ /rdzogs
 sangs zhes pa ni rtag pa la sogs pa'o/ /sras mchog ces bya ba ni sa'i snying po la sogs pa'o/ /'phags pa ces pa ni bdud rtsi 'khyil ba la sogs pa'o/ /gzhan zhes pa ni badzra hi ru ka la sogs pa'o/ /dge ba dam pa gang zhes pa
 ni ngan pa bsnyil bar byed pa ste/ zab mo dang gsal bar spyod pa'o/ /de ma lus par bdag gis yi rang zhing bdag gis bya ba'o/ /rdzogs byang chub tu rjes bsngo bgyi zhes pa ni dge ba'i rtsa ba de dag kyang gsang sngags kyi byang chub tu
 bsngo bar bya'o/ /sems can gyi dbugs 'byin pa ces pa ni g.yang sa'i lam las sgrol bar byed pa ces pa'o/ /sangs rgyas kun la zhes pa ni mdun na bzhugs pa la'o/ /gsol ba btab par bya ste/ ji ltar gdab par
 bya zhen nam mkhas kun tu khyab pa ltar bstan pas kyang 'jig rten gyi khams kun tu rgyas par mdzod cing ? pa'i don to/ /kun tu rtogs pa ma lus dag 'gyur cing zhes pa zab mo'i ngo bo'o/ /rang rig dga' ba thugs chud la zhes pa ni yang  
 dag par gsal ba'o/ /de'i las gsungs pa bdag gzhan don gyi 'bras rtsol zhes pa'o/ /sems mchog ma lus zhes pa ni byang chub sems dpa' rnams so/ /lung zhes pa ni gzings dang 'dra ba'i chos so/ /rtags pa yin shes pa ni bsam
 gyis mi khyab pa'i rang bzhin no/ /dam pa'i phun sum tshogs pa'i rten zhes pa ni byang chub sems dpa' rnams kyis chos kyi de kho na nyid bsgoms pa las de bzhin gshegs pa'i phun sum tshogs pa de las 'byung ba'i phyir ro/ /mi ldog
 dbugs 'byin thob 'gyur cing zhes pa ni gang gsang pa'i dbang bskur ba la sogs pas chos dang bral zhing 'brog dgon pa las dbugs 'byin pa thob pa ste/ rgyu mthun la sogs 'bras bur ldan zhes pa ni longs spyod pa bzhi dang
 rtog pa nyid du ldan pa'o/ /thub dbang sras kyi lam gyi mchog ces pa ni/ /pha rol tu phyin pa bcu'o/ /mdza' yas mchog gi spyod ces pa'i zhes pa ni de nyid sangs rgyas kun gyi bdag nyid dkyil 'khor 'khor lo'i rang bzhin gyi blo shes shing
 de la brten pa yin no/ /bla ma chen po'i zhal snga nas byang chub tu sems bskyed pa gud du gsungs so/ /rje btsun gyis 'di na dgongs pa ni smon pa nyid lam gyis 'grub pas gud du ma phyung ste 'di nyid du 'dus par gsungs pa'o/ /de ltar
 bsod nams kyi tshogs rdzogs par byas nas ye shes kyi tshogs kyi don du 'jug pa byang chub sems gsungs pa sgrib pa thams cad ces pa la sogs pa'o/ /sgrib pa thams cad pa yang dag sel zhes pa ni shes bya'i sgrib pa la sogs pa'i?
 bag chags dang bcas pa bsal te spangs pa'o/ /ye shes mdza' yas bdud rtsi'i gnas zhes pa kun gzhi la sogs pa gnas gyur cing me long la sogs pa bdud rtsi thob par byed pa ye shes rang gi don to/ /gzhan gyi don ni 'khrul pa'i bya
 ba rab rtogs phyir zhes pa ni srid pa gsum du yongs su bying ba'i sems can rnams lus dam par lta ba la sogs pas zin par rtogs nas shes pa'i don to/ /byang chub la yid bkod par bya zhes pa ni snying rje bskyed pa'o/ /de'i don ni sgrib
 pa rnams bsal ye shes bdud rtsi lta bu mngon du byas nas sems can sdug bsngal dang sdug bsngal gyi rgyu las sgrol bar bya'o/ /snyam pa'i snying rje chen po skyed pa'i bsam pas 'og nas 'byung ba'i don dam pa byang chub kyi sems bsgom
 par bya'o zhes bya ba'i don to/ /byang chub sems las sangs rgyas nyid ces pa ni rgyu dang 'bras bu'i tshul lo/ /rgyu dang 'bras bur ma chags nyid ces pa ni gzhan gyis btags pa'i dbang phyug la sogs pa'i rgyu la ma chags pa ste mtshan ma med
 pa? ? 'bras du ni rgyal rigs la sogs pa de dang phyug pa la sogs pa de'i ngo bo ma chags pa ste/ smon pa med pa'o/ /so so rang nyid chos nyid phyir zhes pa ni chos thams cad gzung 'dzin gyi rang bzhin dang bral ba'i chos nyid yin pa'i
 phyir stong pa nyid de da'i bdag nyid ni bdag yin no zhes bsgoms par byas nas sngags 'dis brtan par bya'o/ /oM zhes pa ni bsam gyis mi khyab pa'i lha'i sku'i bdag nyid do/ /shU n+ya tA nyid dz+nyA na'o// de nyid badzra ste swa b+hA ba/ de at+ma ko
 haM zhes so/ /sngags des bdag dang sems can thams cad kyi rang bzhin don dam par gcig tu byas nas kun tu de kho na nyid gsum gyi yi ge ho gnyis kyi bar du gnas pa zla ba'i steng du gnas par bsam zhes pa ni brgyud pa
 las 'ongs pa'o/ /de ltar tshogs rdzogs par byas nas bgegs kyi tshogs dgag pa'i don du bsrung ba'i 'khor lo'i gtso bo'i nges pa gsungs pa/ hUM mdzad la ces pa sogs pa'o/ /hUM mdzad ni khams gsum rnam par rgyal ba'o//
 gtsug tor dag ces pa ni 'khor lo sgyur ba la sogs pa mdun gang yang rung ba'o/ /rtogs pa la sogs pa ces pa ni bde bar gshegs pa drug go /khro bo 'khor lo gnas bsrung ba'i phyir zhes pa ni rtsibs bcu la gshin rje gshed
 la sogs pa rdzogs pa'i ting nge 'dzin gyis bsgoms nas theg pa chung ngu rnam las byang chub bsrung bar bya ba'i phyir ro/ /zhes pa'i don to/ /de'i don ni 'di lta ste/ rang gi mdun du nyi ma la gnas pa'i hUM las byung ba'i rdo rje 'od 'bar bar
 phyogs bcing ba dang mtshams bcad dang zer ba yin pa dang rdo rjes khyab par byas pa'i sa gzhi bsgoms nas/ de'i dbus su ji skad du gsungs pa'i bsrung ba'i bya ba'i don du bsgom par bya'o zhes bya ba'i don to/ /de nas chos kyi dbyings bsam
 te ces pa ni bsrung ba'i 'khor lo'i gtso bo rdo rje 'chang chen por gnas gyur nas/ de las gyur pa'i chos kyi 'byung gnas kyi phyag rgya bsgom par bya'o zhes bya ba'i don to/ /dbyangs yig mtshan dang yang dag ldan zhes pa la sogs
 pas ni 'di ston par byed do/ /yi ge gsum nang du bzhugs pa la sngon rdzogs par byed pa'i ched du de bzhin gshegs pa rnams mngon dgar gshegs par byas nas/ ji skad gsungs pa'i yi ge phreng ba gnyis su gyur nas de
 nas byin par bya ste/ yi ge gsum drangs pa la sogs pa'i rim pas dbu ma'i zla ba'i gdan la zla ba gnyis su gyur pa ni brgyud pa'o/ /ye shes zla ba gnyis gcig tu gyur pa mnyam pa nyid kyi ye shes kyi zla ba bsgom par bya'o zhes bya ba'i don to/ /
 sprul pas 'gro ba'i don byas nas zhes pa ni sa bon gyi 'od zer las 'phros pa'i bde bar gshegs pa rnams kyi sems can rnams sangs rgyas par byas nas sa bon la thim ste/ bdag nyid de'i nga rgyal ldan zhes pa ni ji ltar de bzhin gshegs pa
 de dag de ltar bdag gis rang bzhin zhes pa'i don to/ /sku dang zhal mchog ces zla 'dra zhes pa la sogs pa ni ston par byed de/ sa bon gyi 'od kyi de bzhin gshegs pa rnams rdo rje sems dpar byas nas sa bon la bcug ste gnas pa las rnam pa'i  
 mchog thams cad dang ldan pa'i rdo rje sems dpar bsgom mo zhes pa'i don to/ /de nas 'dod chags chen po yis shes pa la sogs pa 'gro ba rnams dkyil 'khor gyi 'khor lo'i snod du rung bar bya ba ston to/ /de la 'dod chags chen po yis//
 'dul ba'i 'jig rten zhes pa ni gang na gnyis kyis gnyis sprod pa'i 'dod chags so/ /'gro ba dbugs dbyung phyir ni zhes pa snod du rung bar bya ba'i phyir ro/ /zhes dgongs pa'o/ /dbugs 'byin 'gro ba de mthong zhes pa ni dbang
 bskur bas de rnams snod du rung zhing zla bar zhu ba de mthong nas shes pa'o/ /de'i dngos 'byung sa bon gyis/ /sems can thams cad bskyed nas zhes pa la sogs pa ni rang gi rang bzhin las byung ba dang/ chos kyi rang bzhin las byung ba ste/ de yang
 rnam par dbye ba'i dbang du byas nas mig la sogs pa rnams bskyed pa dang rnam par dag pa'i dbang du byas nas zla ba zhu ba las sa bon las phyag 'tshan sa bon gyis mtshan pa de las sa'i snying po la sogs pa kun 'dus par byas
 nas blo yi phyi rol du sems can thams cad spros nas dbyung bar bya'o zhes so/ /sa bon gyi dbyung bar bya'o zhes pa ni skabs mi shes pa'o/ /'jug pa'i blo yin pa'i phyir man ngag gzhan ji skad bshad pa'i phyir
 ro/ /bla ma chen po'i zhal snga nas kyang bskyed par byed pa'i don du gsungs kyi spro bar byed pa ni ma yin no/ /de ltar ma yin na sa bon mdza' yas par thug pa med pa'i phyir ro/ /phyi gnas pa'i zhes pa ni skye mched kyi dbang du byas
 pa'o/ /phyi nang bdag nyid ces pa rgyud kyi dbang du byas pa'o/ /'gro ba'i chos bdag nyid ces pa ni sa la sogs pa dag de bzhin nyid dang 'dres pa'o/ /oM A(rgyud 'grel mthun pa'i 'bras bu gsungs so/ /rgyu mthun chung ngu dag phyir ro zhes pa ni zhu ba la sogs pa rim pas lha'i skur snang bar byed pa'i phyir ro/ /'bar ba'i 'dod chags me des ni zhes pa ni 'dod chags chen po dang ldan pa'i
 phyir rig pa sku mdog dmar por 'gyur ba'i stobs kyi chu skyes kyi nang du chung ba'i yi ge lnga 'od du zhu ba las de'i 'od dmar po 'phros pas sku gnyis te yab yum yang 'od du zhu nas byang chub sems su gnas pa ces
 pa'i don to/ /bshes gnyen mchog ltar snang phyogs lha mo zhes pa ni dge ba'i bshes gnyen gyi ngo bo rten 'brel gyis tshul du lha mo rnams kyis glu yis gsol ba 'debs par bskul zhes so/ /sa bon sgom pa'i rjes la byams
 pa la sogs bsgoms pas 'dir shi bar mi 'gyur te chos kyi dbyings snang bar 'gyur ro/ /de yang zhu ba las 'byung ba'i mA ma kI la sogs pas bskul nas de nyid du thim par bya'o zhes pa ni man ngag go /gsol ba btab pas
 bslang ba ste zhes pa glus bslang ba'o/ /zhu ba rgyud pa ltar mthong nas shes pa ni sems can gyi don byed pa dang bral ba'i phyir ro/ /dngos rnams sgyu ma lta bur rig nas zhes pa ni rgyu rkyen las brten te 'byung ba'i phyir sgyu ma lta bur rig par byas
 nas shes so/ /rang sngags don du slar yang 'gyur zhes pa ni bcu pa las sa bon du gyur pa la sogs pa'i rim pas rnam pa'i mchog thams cad dang ldan pa'i byang chub sems dpa' 'jam pa'i dbyangs kyi gzugs su bsgom mo
 zhes pa'i don to/ /srid par chags pa ces pa ni kun rdzob kho nar zhes pas srid pa mdza' yas zhes gsungs so/ /zhi bar chags na zhes pa ni rnam pa thams cad dang bral ba'i snang ba med pa'o/ /bkra shis min zhes pa ni 'gro ba'i don byed pa dang
 bral ba'o/ /'o na ji lta bu zhe na/ sgyu mas bsnyen pa yang dag bya zhes pa ni gong ma'i rim pas bsnyen pa byas nas/ chos dbyings bdag nyid can du 'gyur zhes te zab mo dang gsal ba'i skur gyur to zhes pa'i don to/ /bshes gnyen dam pas rgyu
 mthun byas zhes pa ni sa bon gyi 'od zer gyis de bzhin gshegs pa rnams 'jam dbyangs kyi skur gyur pa ni bshes gnyen te/ des rgyu mthun pa zhes bya'o/ /rnam smin las ni zhes bya ba la sogs pas ni chung ngu rnam par smin pa'i 'bras bu
 ston to/ /rnam par smin pa zhes pa ni dmigs pa la sogs pa las bskyed pa'i phyir sa'i snying po la sogs pa ste de bsgoms pa las shes pa'i don to/ /kun mkhyen bsgrub ces pa ni mig la sogs pa bzhin du yul so sor nges pa ma
 yin te/ sa'i snying po la sogs pas bsam gyis mi khyab pa yongs su shes pa'i phyir ro mig la sogs pa'i byin brlabs zhes pa ni sa bon la sogs pa'i rim pas bskyed nas shes pa'i don to/ /nye bar sgrub pa ces pa ni sgrub 
 pa phyis 'byung ba dang nye ba'i phyir ro/ /skyes bu zhes pa la sogs pa ni chung ngu'i skyes bu byed pa'i 'bras bu gsungs so/ /skyes bu byed pa'i zhes pa ni chos kyi sku la sogs pa'i skyes bu 'gro ba rnams smin cing grol
 bar byed par ni skyes bu byed pa ste/ de nyid 'bras bu'o/ /de grub zhes so/ /de nyid gsungs pa chos dang longs spyod sprul pa 'gro ba'i don du mngon gyur ces so/ /bsgrub pa'i don du zhes pa ni sku la sogs pa skyes bu sku gsum
 sgrub par byed pas na sgrub pa ste de'i don du'o/ /blo yis bskyed ces pa ni sa bon la sogs pa'i rim pas bskyed pa'i don to/ /'dir smras pa slob dpon chen po srung ba'i zhabs la sogs
 pas sangs rgyas rnams kyi sku ni gang zhes pa la sogs pa'i tshigs su bshad pa gsang ba 'dus pa'i sgrub thabs las gsungs na/ 'dir gang gi phyir/ de rnams ma gsungs she na/ de'i phyir rjes dran bcu drug ces pa la sogs
 so/ /rjes dran bcu drug ces pa ni bcu drug rnams kyi nang na sku dang gsung thugs rjes su dran pa'o/ /dag don du zhes pa ni brtan pa'i mtshan ma thob pa'i 'og tu sngon du mthong ba'i don rtogs par bya ba'i phyir smon pa ni dag par
 byed pa ste de'i don du'o/ /de dag rnams ni bya dgos so zhes pa ni sangs rgyas rnams kyi sku ni gang zhes pa la sogs pa de dag bya dgos so zhes pa'o/ /thugs sogs byin gyis brlab pa la zhes pa ni thugs sogs byin gyis
 brlab pa'i skabs 'dir 'brel pa med pas ma brjod do zhes sbyar ro/ /ci'i phyir zhes na/ skabs min phyir ni zhes gsungs te/ gang gi phyir thugs la sogs pa byin gyis brlabs pa'i gsol ba 'debs pa ni chung ngu'i sgrub pa kho na ste/
 de'i phyir mtshan ma thob pa'i 'og tu de dang spro ba la sogs pa las grub pa'i rjes su dran pa ste/ de nyid skabs 'brel pa med pa'i phyir ro/ /mi 'brel yang gzhan dag gis 'khrul pa'i rgyu ni thugs la sogs pa'i byin gyis brlab pa'i tshigs
 su bcad pa dang 'dra bar mthong ba'i phyir ro/ /shes rab sgyu ma'i zhes pa la sogs pas ni chung ngu'i 'brel pa'i 'bras bu gsungs so/ /shes rab sgyu ma zhes pa ni gnas sgyu ma ltar snang ba'i rig ma ste/ de'i lus 'khyud ces pa'o/ /dngos gang zhe na/
 gsang ba'i mtshan nyid gsum zhes te thugs rdo rje la sogs pa'o/ /de mthong nas zhes pa ni gnas gsum du dmigs nas te/ rigs kyi dbang phyug dbu rgyan mchog ces bya bar sbyar ro/ /chung ngu zhes pa ni ye shes ma byang zhing g.yeng ba ma lus
 pa gsal bar mi nus pa'i phyir ro/ /bral ba'i 'bras bu zhes pa ni dbang bskur ba'i chus dri ma dag par byas pa'i 'bras bu rigs kyi bdag po snang ba'i phyir ro/ /sgrub pa chen por zhes pa ni sku gsum du bsgrub pa ni sgrub pa ste/ sgrub pa yin yang khams
 gsum gyi chos kyi rgyal po'i dbang ma thob na dam pa yang dag par rdzogs pa'i sangs rgyas ma yin pas na dbang bskur ba ni sgrub pa las khyad par du 'phags pa'i phyir chen po'o/ /de bzhin 'bring la zhes pa la sogs pas 'bring
 po'i 'bras bu bzhi bsdus so/ /de bzhin zhes pa ni 'jam pa'i dbyangs bzhin du shes so/ /'bring la zhes pa ni chung ngu'i dang chen po gnyis kyi bar na gnas pas na 'bring po'i sgrar gsungs so/ /rang 'od kyi rig ma dmigs pa tsam 'bring
 po'i bsnyen pa'o/ /zhes brjod pa ni skabs mi shes pa'o/ /chung ngu'i dus su de nyid mthong ba'i phyir ro/ /de lta na ni mi mthun pa'i phyogs 'bring po rtag pa nyid du 'gyur pa'i phyir ro/ /bla ma chen po'i zhal snga nas kyang/ gud du bskyed par gsungs kyi mthong ba ni
 ma yin no zhes gsungs so/ /de bas na 'di na yang zla ba gnyis pa 'grub pa la sogs pa 'gro ba'i dbang bskur ba ma gtogs pa rgyu mthun pa la 'bras bu la sogs pa rnams bskyed par byas nas de'i rjes la zhes pa ni de ma thag
 tu zhes pa'i don to/ /so sor ni zhes pa ni spyi bo la sogs par ro/ /sangs rgyas lnga'i bkang byas te zhes pa ni sangs rgyas kyi ngo bo nyid cha shas te/ /yi ge dang mtshan ma sku rnams gang yang rung ba'o/ /hUM A(rgyud 'grel par byas nas/ de nas gdong rang 'od rig ma dag par byas shes te/ phyi rol gyi bud med ni bde mchog gi rkyen ma yin pa'i phyir rang rang gi sa bon gyi 'od kyis gnas skabs lnga dang ldan par gyur pa bskul nas rang gi rig ma la thim pas dag par
 bya zhes so/ /'gro ba'i shes pa dag pa phyir zhes pa ni phyin ci log gi zhe sdang la sogs pa rnams zhe sdang chen po la sogs par dag par byed pa'i phyir ro/ /tha dad rim gyis shes pa ni rim nas dbyung bar bya'o zhes so/ /cig car ni ma yin no/ /dngos po
 kun zhes pa ni phyag mtshan la sogs pa kun no/ /gzhon nu zhal 'dra zhes pa ni g.yas g.yon 'jam pa'i rdo rje lta bu zhes pa'i don to/ /mkhas bskyed ces pa la mkhas pa ni rnal 'byor pa'o/ /des bskyed pa'o/ /snying rje thabs kyis don sbyin ma zhes pa
 ni khyad par gyi las de de dang 'brel pa la de gsol ba zhes pa'i don to/ /rol pa zhes pa ni thabs kyis dgyes pa spyod pa ste de la rab tu brjod pa'i sems su gnas pa'o/ /bsam dag pa ces pa yongs su dag pa'i bsam pa sems can rnams
 la ston pa'o/ /yid dga' ma zhes pa ni brtson pa la dga' ba'o/ /phyag mtshan lhag ma rang dga' 'dra zhes pa mA ma kI dang sgrol ma'i 'o/ /gzhan ni thams cad do/ /gzhan dag gi sgrol ma'i g.yas gnyis pa ni 'khor lo zhes so/ /'joms pa ni rim
 la sogs pa'o/ /mi bzad ces pa ni zhal rgod pa la sogs pa'o/ /rang bdag lta dang nyon mongs pa rnams ni bdag tu lta ba sngon du 'gro bas de bcom pa zhes pa'o/ /bgegs 'joms pa ces pa ni rim gyi gnod pa la sogs pa 'jig rten dang 'jig rten las
 'das pa'i spyod yul de'i bcom pa po yin no/ /mi bzad sbrul gyis brgyan pa'i sku zhes pa ni khong khro ba la sog pa rnam par dag pa mdza' yas la sogs pas brgyan pa'o/ /rang 'od rig ma zhes pa ni bag bzhad khyad par mdzad pas sma ra med pa'o//
 thams cad kyi ni dngos po yis zhes pa ni mdog la sogs pa'i sgo nas so/ /sa bon snying po lcags kyu yis zhes pa ni brgyud pa ste gshin rje gshed la sogs pa bskul ba'i dbang gis shes pa'i don to/ /bskrad nas zhes pa ni 'phros pa'i khro bo rnams kyis de
 dang lhan du 'grogs pa rnams bskrad nas bsrung bya ste zhes pa ni nang du chud pa'i dus su khro bo rnams kyis gzeb la sogs pa mdzad pa'o/ /de nas dung phor la sog pa'i bya bas mchod yon phul nas dkyil 'khor gyi 'khor lo la thim ste/ zhes pa ni shes
 rab mthar phyin gyi 'od zer gyis gzhug pa'o/ /de bzhin du bcing ba dang dbang du bya ba yang rtogs par bya'o/ /dbang bskur gong ma bsgoms pas zhes pa ni gung du ston te/ yan lag gnyis ni mos pas bya bar gsungs te dbang bskur ba ni chung ngu bzhin
 du bya'o zhes pa'i don to// //de ltar dkyil 'khor gyi lha rnams bskyed cing phyung nas da ni de rnams mnyes pa'i sbyor ba gsungs so/ /rang gi snying po'i 'od zer gyis gzugs la sogs pa bkug nas byang chub sems su zhu ba zhes tshig lhag ma'o/
 shes rab pad+ma dkyil du ni zhes bya ba byang chub sems las sa bon du gyur pa'i gnas so/ /gzugs la sogs pa thim bya ste/ zhes pa ni sa bon gyi 'od zer gyi de rnams sa bon la bstim pa'o/ /don dam par na thugs kyi rigs so/ /de nyid spros
 pa las sku la sogs pa rigs gsum mo/ /de nyid de bzhin gshegs pa lnga'i gzugs kyi rigs lnga'o/ /rigs lnga re re lnga lngar byas pa las sku la sogs par phye bas rgya rnams so/ /de ni nye bar mtshon pa tsam ste rnam pa
 de lta bu'i rigs mdza' yas pa'o/ /ye shes lnga zhes pa ni rtag pa la sogs pa'o/ /phyag rgya zhes pa ni spang ma la sogs pa'o/ /sangs rgyas rang bzhin gzugs zhes pa ni me long lta bu'i ye shes la sogs pa'i rang bzhin gyis phyir gshin rje
 gshed la sogs pa'o/ /chos thams cad kyi dkyil 'khor bstod ces pa ni gzugs la sogs pa chos thams cad rnam par dag pa'i sgo nas 'og nas 'byung bas sgra brnyan ltar shes par byas nas bstod par bya zhes so/ /ye shes bdud rtsi blang
 bsgoms na zhes pa ni sa bon gyis pad+ma bcu dgu spros te blang bar bsgoms na zhes pa'i don to/ /kun tu rtog pa yongs su spangs te zhes pa ni de spangs pas sangs rgyas ces pa'o/ /de yang snying la zhugs bsams nas zhes pa ni/
 thig le'i 'od zer gyis ral gri la sogs bas gsal bar byas nas 'od zer de nyid du bzhag ste/ sems de snying la zhes pa thig le zhugs pa bsams nas shes so/ /des cir 'gyur zhe na/ de ni zhes pa ni zhugs pa'i sems de nyid do/ /ye
 shes bdud rtsi'i rgyun zhes pa ni ye shes kyi rang bzhin shi ba la sogs pa dang bral bar byed pa byang chub sems dpa' 'jam pa'i dbyangs kyi dkyil 'khor chos 'byung ba nas brtsams nas thig la'i rnal 'byor yan chad du mos
 par byas te bsgoms pa la de skad ces bya'o/ /de nas lus nang kun gsal te zhes pa ni thig le phra mo las gong ma'i rim pas 'phros nas zhes pa'i don to/ /so sor ba spu 'od zer zhes pa ni gong gi nang gi lus su bzhag pa de
 nyid la spu'i bu ga nas spros pa zhes pa'i don to/ /rang rig ces pa ni dbyer med pas so/ /rig ma'i sna rtser zhes pa ni ze'u 'bru bum pa'i nang du sems bying bar song na rang gi rdo rjes phyung ste/ der gnas par byas nas phra mo'i ting nge 'dzin gsum
 pas spro bsdu bya zhes bya ba'i don to/ /brtan pa'i mtshan ma zhes pa ni btang zhing bzung bas sems brtan par gyur pa'i mtshan ma lnga po mthong ba'o/ /sku gsung thugs kyi rdo rje dang/ /spro ba lnga'i ye shes ba ni lha rnams phyag rgya bzhis rgyas
 btab pa gang du spro ba lnga zhes pa ni ye shes kyi 'od zer las de bzhin gshegs pa la sogs pa spro ba'o/ /dus gcig ces pa ni sku'i sa bon las sku gsung thugs kyi de bzhin du sku gsung thugs kyang shes par bya'o/ yang na rim par bya
 zhes pa ni sku gsung las thugs las thugs spro ba'o/ /de gnyis sku gsung thugs kyi dbang du byas pa ste/ ye shes sems dpa' ni lhan cig kho na 'o/ /'on kyang de rnams ni sku blas pa ni sku gsung gi sa bon gyi til la ye shes sems
 dpa' i sa bon gzhug pa'o/ /yang de rnams kyi gang na bla ma rgyud pa las 'ongs pa gsungs pa rdo rje gsal chos shes pa la sogs te ma bshad do/ /ye shes sku 'phros zhes pa ni sems can gyi sku zhes pa'i don to/ /gang gi dbang du bya
 zhe na/ dbugs dbyung zhes pa la sogs pa'o/ /rim bzhin rim bzhin zhes pa ni rim gyis cig car zhes pa'o/ /sngon bzhin zhes pa ni ting nge 'dzin gnyis pa bzhin du ye shes sems dpa' las dngos po thams cad kyi 'od
 'phros pas gzugs la sogs pa bkug nas zla bar zhu ba pad+ma'i nang du sa bon du gyur pa las dbugs dbyung pa'i dus su lha mo spro na nges mchod pa ste/ gsung ba'i rig mas 'khyud pa ste zhes pa so so'i rig ma nang du
 thim pas shes pa'i don to/ /thig le la sogs pa gsum la rgyu gsang ba'i rigs mas 'khyud pa ste zhes pa so so'i rig ma la nang thim pas shes pa'i don to/ /thig le la sog pa gsum la/ rgyu mthun pa'i
 'bras bu la sogs pa rdzogs pa yis zhes mos pa yis bsgom zhes so/ /de bzhin mes pa yis/ chung ngu la sogs dbye ba'i sa shes pa ni gtso bo ni rig ma dang lha rnams la zhes so/ /sbyor ba zhes pa ni rnal 'byor la sogs pa yang
 mos pa yis shes so/ /rang snying de mchod rtogs ces pa ni rang gi sngags kyi don shin tu rtogs pa'o/ /des ngal zhing sems kyi spyod bzhad par gyur na zhes pa'i don to/ /dam pa'i sems kyi chu rgyun zhes pa ni spyi bor bdud rtsi lnga
 zhu ba la oM gyis brlan par bya ba'i chu zhes shes pa'i don to/ /ci'i phyir sangs rgyas thams cad sku gsung thugs gsum dang 'brel pa de'i phyir lha rnams sku gsung thugs gsum gyi sa bon la thim pa ste/ sems tsam
 yin pa'i phyir thogs pa spangs nas bsdu bar bya zhes te sa bon gsum brjod pas so/ /de bsdu zhes pa ni gong du gsungs pa'i dkyil 'khor ste de dang bral ba mthong nas shes so/ /rang rang dag nas shes pa ni/ gzugs kyi rdo
 rje ma la sogs pa'i ngo bor zhes pa'i don to/ /so so rang rig ces pa ni sku gsal ba ste thabs so/ /phyi stong pa nyid shes rab po/ /sems dag pa ni gzung ba dang 'dzin pa dag ces so/ /rtag tu bsgom pa'i rnal 'byor pa'i
 dkyil 'khor mchod pa mchog 'di'o/ zhes pa ni spyod yul rnams sems dag pa dang ldan pas gong du gsungs pa lta bur bltas na gsang ba chen po'i mchod pa ste yid dga' bar byed pa'i phyir ro/ /gzhi'i snying po yis
 bsgyur ba'i zhes pa ni snying gar sa bon dang dbyung bas so/ /rang snying de bzhin zhes bdud rtsi steng du bruM la sogs pa'i rim pa'o/ /phyi'i sbyin sreg ni thab la sog pa ste le'u bcu drug pa la dpags te shes par bya'o/ /sems ni sems de yin shes
 pa ni kha zas sbyang pa 'di'o/ /ye shes me zhes pa ni gong du gsungs pa'i zab pa dang rgya che ba'i rnal 'byor ro/ /des phung po la sogs pa'i blun pa rnams bsreg pa ste de ni bla na med pa'o/ /bdag gzhan mchod ces cis pa ni gzugs la rnam gsum
 zhes pa la sogs pa'i rim pas so/ /lus ngag dngos po la thal ba dang khyad par can no/ /de mnyam par bzhag pas brtsams na phyag rgya dang sngags bdag nyid ste de nyid mchod pa ste chen po'o/ /chos can gcig la zhes pa ni dngos po gcig la
 ste bud med lta bu rtogs pa ni sna tshogs rnam par snang ba ste zhes pa ni ro dang 'dod pa can dang bza' la sogs par snang ba ste rtog pa des las ma lus pa bsags pa'o/ /de bzhin du bcom ldan 'das kho na la smad pa dang bstod pa des bstan
 pa'i lam la brten pas sdug bsngal ba la sogs pa grol bar 'gyur ro/ /de'i phyir las sna tshogs pa ni rtog pa las byung la rnal 'byor pa 'di ni kun rtogs pa thams cad las nges par grel bas na/ des lus ngag gi las khyad par can
 mnyam par bzhag pas brtsams nas mi dge ba ga la 'gyur/ /zhe sdang dang 'dod pa med pa'i phyir ro/ /brjed pa la sogs pa'i dbang gi dam tshig nyams pa bskang ba'i cho ga gsungs pa don yod ces pa la sogs pa'o/ /kun dag ces pa
 ni kun dag pa'i bsams pas so/ /khyad par du bsgang pa'i cho ga gsungs pa bla ma zhes pa la sogs pa'o/ /rang gi dkyil 'khor zhes pa ni cung zad khyad par mdzad pa ste yi dam gyi lha'o/ /srong mtshams zhes pa ni mdza' ma ste/ de ni nyi ma'i ?
 du zad de nyi ma'i gung dang phyi dro'i dus su yang rtogs par bya'o/ /tha mar khyad par du bya ba gang zhe na yi ge gsum gyi mdza' la ma bzhag pas gshegs su gsol ba dang yi ge gsum gyis dam tshig gi dkyil 'khor ye shes
 sems dpa' i dkyil 'khor la thim ste nyal bar bya'o zhes so/ /tho rangs langs zhes pa ni mos pa yang na zhes so/ /sngon bzhin du zhes pa ni gong du gsungs pa kho na bzhin du yan lag dang bcas pa'i spyod pa dus bzhir bya zhes so/ /las dang po la
 ces pa ni 'di las rnal 'byor pa'i bye brag gis las bzhir ston pa ni las dang po pa'i las dang ldan pa'i phyir ro/ /de la yang bsam gtan dang bya ba bas skal ba ste rang rang gi las kyi sa bstan pa'i mtshan ma mthong zhing rnyed pa'o/ /de
 las de ma thag pa'i rkyen gyis bsgyur ba ni cung zad ye shes dbang du gyur pa'i rnal 'byor te/ brtul zhugs zhes pa la sogs pa'o/ /brtul zhugs zhes pa ni chos brgyad la sogs pa dang ldan pa'o/ /tshul khrims zhes pa ni rang gi
 rjes su mthun pa'i dam tshig dang bzlas brjod dang phan gdags pa'i bya ba'o/ /sngags shes pa ni lha'i skur gyur pa'i ye shes te oM d+harmma d+hA tu swa b+hA ba At+ma ko haM zhes pa dang ldan pa'o/ /rang gi las gsungs pa mig ces pa
 la sogs pa ste/ chen po mig la sogs pa byin gyis brlab pa la sogs pa ces pa ni don to/ /de gang gis she na/ cung zad ye shes dbang gyur pas shes te 'bebs pa thob pa ces pa'i don to/ /dus bzhi zhes pa ni las dang po
 pa bzhin du'o/ /'khrul med ces pa ni brtan pa ma yin pas thig le dang phra mo nan tan du bya ba ma yin no/ /bzlas brjod bya zhes pa ni grub pa'i mtshan ma thob par bya ba'i don to/ /dkyil 'khor dang ni las rgyal mchog /rnam pa kun gyis rdzogs byas te/
 zhes pa ni slob ma gzhug pa dang bsgrub pa'i don du khyad par mdzad pa'o/ rang gi las gsungs pa spro ba bsdu ba byed ba ces te yi ge gsum gyi spro ba dang bsdu ba'i sgo nas nyin mtshan du dkyil 'khor gyi sbyor ba la brten pas bzhi par 'gyur pa'i
 mtshan ma ci skad gsungs pa rnams 'byung ba'o ye shes dbang du gyur pa ni rang dang gzhan gyis dkyil 'khor mthong bar mdzad pa'o/ /de las de ma thag pa'i rkyen gyis bsgyur ba ni bzhi ste yang dag ces pa la sogs pa'o/ /yang dag ye shes zhes pa ni
 me long lta bu la sogs pa ste/ de thob pa ni phyag rgya chen po mngon du mdzad pa ces so/ /de'i las gsungs pa gzugs brnyan zhes pa la sogs pa ste/ de ni bzhin gyi don la goms pas khams kun gyi nang du 'od gsal pa langs nas gzugs
 brnyan lta bu'i dam pa'i 'khor lo gsum gyis srid pa ji srid yod pa de srid kyi bar du ro myang ba'i mtshan nyid brgya dang ldan par bzhugs nas 'gro ba'i don chen po mdzad pa'o/ /de ltar rang gi 'khor gnas sngon bsten pa byas nas zhes bya ba'i sgra'i don
 bstan nas nga ni dkyil 'khor kun tu bri bar bya zhes bstan pa'i phyir ro/ /grub pa'i mtshan ma'i rnal 'byor pas shes pa gsungs te/ de la grub pa'i mtshan ma zhes pa ni rmi lam la sogs pa'o/ rnal 'byor pas shes pa ni cung zad ye shes
 dbang du gyur nas shes pa'i don to/ /lan grangs mang du zhes pa ni yid la byed pa'i bag chags kyi mtshan ma dgar pa'o/ de ltar ma yin na yang dag par ni yang dang yang du 'byung ba'i phyir ro/ /de gsum gyi cho ga bzhin byas nas shes pa ni mtshan ma
 thob pa des dkyil 'khor bri ba'i don du bzlas brjod bya'o zhes bstan pa'o/ /dkyil 'khor bri bar bya zhes pa ni cung zad ye shes dbang du gyur pa'i rnal 'byor pas mthun mong gi ched du bri ba dang/ ye shes dbang du gyur pa'i rnal 'byor pas khyad par med
 par thun mong dang mchog gi ched du bri ba'o zhes sgrub pa po kho na'i dbang du gsungs pa'o/ /da ni slob dpon dang sgrub pa po thun mong gi dbang du gsungs pa/ 'khor gnas shes pa la sogs pa'o/ /de la 'khor gnas cho ga bzhin
 bzlas te zhes pa ni ci rigs par rnal 'byor pa gang yang rung bas cho ga bzhin du bzlas brjod byas te bri'o zhes pa'o/ /gang gi don du bri zhe na/ bdag gis zhes pa ni dngos grub kyi ste rnal 'byor pa bar ma'i dpa' du byas pa'o/ /zhus pas
 zhes pa ni snod du rung zhing mos pa dang ldan pas zhus pa dang glegs bam la sogs pa brko bar 'dod pas zhus pa dang/ sdig pa'i dbang gis mtshan ma ngan pa mthong bas zhus pa'o/ /gzhan don byed par 'dod na yang zhes pa ni ngang tshul bzang
 po dang ldan bzhin snod du rung ba rnams ni zhus pa ma yin kyang/ de'i don dmigs nas bsod nams 'phel ba'i don du de btsud de bri zhes pa'i don to/ /de bas na rnam par snang mdzad mngon par byang chub pa'i rgyud las/ mos pa bstan pa dad pa
 can/ /gzhan la phan dga' mthong nas ni/ /shes nas slob dpon bdag nyid kyis/ /ma gsol bar ni de bas te/ /phan 'dod phyir ni 'di skad smra zhes pa la sogs pa gsungs so/ /de bas de rnams kyi don du rnal 'byor pa khyad par med par
 dbang bskur ba'i dkyil 'khor bri'o zhes so/ /ye shes dbang du gyur pas ni bsam gtan tsam gyis rdzogs par byed pa yang chad do/ /mtshan ma thob nas zhes pa ni sgrub pa pos grub pa'i mtshan ma thob nas so/ /slob dpon ni brtan pa'i mtshan
 ma thob nas bri ba ste las dang po la sogs pa'o/ /de bzhin las dang po pa des mtshan ma ma thob kyang don mi 'dor ba'i phyir dbang bskur ba'i dkyil 'khor bri'o/ /zhes slob dpon dza ba ri pa yis bshad do/ /'khor gnas cho ga bzhin bzlas
 te zhes gsungs pa/ 'khor ba dang sngags ni 'bum bzlas te zhes pa la sogs pa'o/ /de'i don ni 'di lta ste/ gong du smos pa rnams kyis zhu bar gsal ba dang/ yul rnams la chags dang bral ba'i bdag nyid chen po des de la sogs te/ sems can rnams 'khor pa las
 bsgral bar bya'o zhes te bri bar bya'o/ /khyed kyi yo byad rnams tshogs sam zhes smras nas/ des kyang kha cig tshogs kha cig ma tshogs zhes smras nas gnas ji lta ba bzhin du 'dug ste/ ji skad du gsungs pa'i 'jab brtan pa yin pas du ma bzlas pa'am/ brten pa'i
 mtshan ma mthong bas 'dzab 'bum la sogs pa'i bzlas pa byas pas lhas gnang bar bsam pa 'am dngos su thob nas bri bar bya'o/ /zhes so/ /gsal te mtshan ma mi bzang ba'i slob ma zhus par gyur na/ /khyad par du de'i khro zhing khro bo gang yang rung ba'i rnal 'byor
 ram/ yang na rang gi lha'i rnal 'byor dang ldan pas mdun du slob ma nyi ma'i dkyil 'khor gyi steng du bzhag la bdag gi sa bon spros pa'i 'od zer gyis de'i steng la gnas pa kaM las bskyed pa'i 'dre kha dog nag po 'jigs su rung ba'i sdig pa bskul
 nas sna khug nas phyung ste/ yang sa bon las bdud rtsi thab sbyor kha bye ba'i rdo rje dang ldan pas phyung nas/ na ma(rgyud 'grel bus btab nas/ bsam pas kun tu bzang por bskyod nas de'i spyi bor bsam te/ slob ma bcos nas 'dzab bzlas pa bya zhes khyad par ro/ /da ni bzlas brjod kyi skabs su snying po la sogs pa'i dbye ba gsungs pa/ de nyid gsum zhes bya ba la sogs pa'o/ /de nyid gsum
 zhes pa ni yi ge gsum mo/ /khar bcug ces pa ni sku gsum gyi mjug tu dang po'i snying po sa bon ste/ maM la sogs pa'o/ /bcug nas hUM gis ston pas bzlas par bya zhes so/ /sa bon de ji lta bu zhe na/ thig le la sogs pa dang ldan pa'o/ /gzhan yang de nyid gsum gyi bar du
 mtshan gyis sngags rnam pa bcug nas bzlas brjod 'byung par bya zhes so/ /don gnyis ni bzlas brjod 'byung bar bya zhes so/ /de gnyis ni bzlas brjod thun mong ngo/ /phyag rgya zhes pa de nyid gsungs/ gsang ba'i sku gsung zhes pa la sogs pa'o/ /snying
 po zhes pa de nyid gsungs pa/ sa bon snying po zhes bya ste/ yi ge gcig pa ces pa'i don to/ /rig pa ces pa'i de'i sgo nas bsgrub pa'i bzlas brjod gsungs gzhi ba la sogs bskul nas ni zhes pa ni shan+ti ku ru zhes pa la sogs pa las bye brag gis so//
 las byed pas ni bskul pa de dang de'i las byed pa'o/ /de'i phyir rig pa ces de lha rnams so/ /de la bskul bar byed pa la yang de skad ces bya'o/ /sngags shes pa ni bdud rtsi 'khyil pa'i sngags la sogs pa'o/ /rigs gsum ste zhes pa ni/ las kyi bye brag gis
 bskul nas shes pa'o/ /de thams cad khams las ci rigs par bzlas pa bya'o/ /zhes so ji ltar rnal 'byor gnas bzlas te zhes pa ni ji skad gsungs pa'i ting nge 'dzin la gnas nas/ bzla zhes pa'o/ /des rang lha'i bka' 'am/ 'khor bdag gi
 bka' thob nas/ shes pa ni bsam pa 'am dngos su gnas nas bri bar bya zhes bya bar sbyar ro/ /de yang gang gi dbang gis thob zhes na mdun du rnal 'byor pas/ 'gog pa'i 'khor lo zhes pa ni phyin ci log 'gog pa ste dkyil 'khor gyi 'khor
 lo'o de mos nas su zhes pa ni bstan pa'i sems kyis gsal por bsam nas shes so/ /rang sems dag pas na dam tshig nyams pa med pa'o/ /de'i don ni 'di lta ste/ bsrung pa la sogs pa'i dam tshig dang ldan pa'i sgo nas dus bzhir ting nge
 'dzin gsum rdzogs pa'i mjug tu smon lam btab pa dang/ de'i yan la gzhan yang sdom pa dang/ kha zas sbyar ba dang/ las gnyis kyi sangs rgyas mchod par byas nas bdag gung du bsams te/ bdag pos dbang bskur ba la sogs pas dam tshig
 nyams pa la sogs pa sems dag par byas pas shes pa'i don to/ /de ltar ri mo bri ba'i sngon du bzlas brjod kyi cho ga bstan nas da ni las dang po pa'i rnal 'byor pas dkyil 'khor bri ba'i cho ga la dang pos dag par bya ba'i cho ga gsungs pa ? ?
 kun bskrad nas zhes pa la sogs pa'o/ /de'i don ni 'di lta ste/ bzlas pa byas pas bri bar 'dod na/ de'i tshe lha khang ngam/ grong khyer ram/ mchod rten nam/ kun dga' ra ba la sogs pa'i byang shar mtshams su btsal bar bya'o/ /gzhan du brgya byin la
 lha gshin rje bden bral dang/ chu lha dang rlung lha gnod sbyin phyogs su ni go rim bzhin du gnod par 'gyur ba ste/ pham zhing mu ge'i rigs su rgyud 'chi ba dang/ mu ge blang ba 'chi yod slob ma'i chi zhes 'byung bas zhi ba la ji lta ba bzhin du kha dog tha dad pa dang/ mtho
 dman dang 'bru dang tshor ma mang po la sogs pa med par bya'o/ /shar du mtho na rigs zad 'gyur/ /byang du mtho na rang 'chi 'am/ /yang na nor ni zad par 'gyur zhes 'byung bas/ /de dag spangs nas byang shar du 'dril zhing bkra shis pa'i mtshan nyid dang ldan pa
 brtsal bar bya'o/ /de la sogs pa ni rtog pa'i rnal 'byor la gnas pa la gsungs kyi/ /rnal 'byor chen po rnams la ni nges pa med do/ /de nas dge 'dun rnams dang bcas te/ bkra shis pa'i gza' skar dang byed pa bzang po'i nyin par bcags nas
 der pus mo nub tsam brkongs nas de nyid dag par bya'o/ /gal te snga ma lhag par gyur na/ dngos grub la sogs pa'i rtags su'o/ /de bzhin du brkos nas chus brkang ste/ slob dpon gom pa brgya phyir song nas 'ongs nas mi g.yo zhing g.yas su 'khor ba ni/
 bzang po'i rtags su shes par bya'o/ /de ltar ma yin par gyur na phur bu btab nas bgegs kun bskrad ces pa ste/ bdud rtsi 'khyil pas ji skad du gsungs pa'i rim pas bgegs kun phur bur btab nas bskrad par bya'o/ /de nas sa blang bar bya ba'i
 phyir bsang gtor byas nas zhes pa ni yi ge gsum 'am/ bdud rtsi thab sbyor gyi sngags kyi bzlas chus sa gzhi de la gtor bar bya'o/ /gsol ba gdab ces pa ni phyogs skyong ba rnams rang rang gi phyogs su bskyed la rang
 bzhin gyi phyogs skyong ba kun nas nye regs la sogs pas bya ba byas na te pus mo btsugs nas gtor ma yang zas sbyar ba'i sbyor ba byin gyis brlabs te/ sngags 'dis dbul lo/ /oM in+d+ra ye swAhA/ oM ya ma ye swAhA/ oM ku be re ya swAhA/ ? ? ?  ? nI ye swAhA o? ?
 swAhA/ oM ba ya be swAhA/ oM i shA nA ya swAhA/ oM sU rya gra he swAhA oM tsan+d+ra a te bya swAhA/ oM suM b+ha ni swAhA/ zhes brjod nas/ a kA ro mu khaM sarbba d+harmmA NAM AdyA nut+tpan+na twAt ces brjod do/ /gsol ba gdab par bya'o/ /khams na bzhugs pa'i lha dang klu/ /
 gnod sbyin dri za lha ma yin/ /gang dag rdzu 'phrul cher ldan rnams/ /rdo rje spyan dang snyan mnga' ba/ 'thung la gnas pa'i 'byung po kun/ /ming 'di zhes ni bgyi ba yis/ /sangs rgyas rnams la mchod pa dang/ /sems can rnams la phan slad du/ /sa
 phyogs dge gnas 'di nyid du/ /dam pa'i dkyil 'khor cher 'byung ba/ /ji ltar bsams pa'i las byed na/ /khyod kyis bar chad ma byed pa pa dge ba'i grogs po nyid du mdzod/ /da ltar khyod la bdag gis ni/ /bzod par gsol gyis ma bslu bar//
 mtshan ma rnams ni brtan du gsol/ /zhes 'jig rten pa'i lha rnams la gsol ba lan gsum gyi bar du blang bar bya'o/ /de nas rang gi lha'i rnal 'byor dang ldan pas nyal nas rmi lam la sogs pa thob pa 'am yang na ma thob na
 mngon spyod kyi sbyin sreg gis dgra bgegs bcom par bya'o/ /de rnams 'jig rten las 'das pa rnams la blang ba ting nge 'dzin rim pa ni zhes pa ni gong du gsungs pa/ sangs rgyas la sogs zhes pa ni dkyil 'khor gyi lha la
 sogs pa ces pa'o/ nyan thos dang rang rgyal ba dang/ byang chub sems dpa' o/ /sta gon gnas zhes pa ni gnas der dmigs te zhes pa'i don to/ /yon dang zhes pa ni rtsa dur ba nyag ma gsen po zhes la sogs pa dang/ lha mo bzhi 'jam dpal dang bdud rtsi 'khyil ba'i bum
 pa la sogs pa rnams so/ /gtor ma ni gong du gsungs pa'i tshul gyis brlab pa'o/ /de rnams rtogs nas mchod pa phul ste/ gsol ba gdab par bya'o/ /dgongs shig dus gsum mgon po rnams/ /dgra bcom kun dang rang rgyal rnams/ /de bzhin byang chub
 sems dpa' rnams/ /sangs rgyas thams cad mchod pa dang/ /slob ma rnams la phan don du/ /dpal ldan 'jam dpal rdo rje yi/ /dkyil 'khor dam pa bri bar 'tshal/ /rgyal ba sras dang bcas rnams kyis/ /yon tan gtor ma bzhes nas kyang/ /bdag la
 byin gyis brlab du gsol zhes lan gsum du brjod par bya'o/ /de nas de dag zhi ba la sogs pa'i thab ci lta par sbyin sreg gis tshom bar byas te/ de dag gis kyang zhal gyis bzhes par bsams la/ khung bu brko pa'i ched du nam mkha' la dgod par bya'o/ /de ltar
 bslad ba byas nas de phyi'i tshul gyis spyad par bya ba'i phyir/ /shin tu bgegs med sa brkos te/ /zhes te de'i don ni gnas grub zhi yongs su brtags nas klu brtag par bya ste/ de yang rje'u yi rigs kyi klu zhig ston gsum dang dgun gsum ?  dpyid gsum dang/ dbyar gsum la
 go rim bzhin du mgo shar la sogs par bstan nas brla g.yon pas nyal te/ g.yas skor du gnas par shes par bya'o/ /de yang mgo logs brkos na pha sogs 'chi/ mjug tu brkos na nor zad 'gyur/ /rgyab tu brkos na rang nyid 'chi zhes 'byung bas//
 de'i mdun phyogs kho nar mchog dang rigs 'dzin phra mo gzhan dang/ gzhan gyis dbye bas go rim bzhin du mgrin pa dang lto ba dang pus mo nub tsam du bdud rtsi thab sbyor du bsgom pa'i slob mas 'dzor gyis brko bar bya'o/ /de bzhin du slob ma rnams dbang
 bskur ba yang ci rigs pa'o/ /de nas so phag dang rus pa la sogs pa bsal zhing de nyid gsum dang bdud rtsi 'khyil pa'i sngags kyi bzlas pa'i tshul bstan nas de'i cha nyal du mngon spyod kyi sbyin sreg gis bgegs bcom ste/ de
 nas dag par bya'o/ /gal te rus pa la sogs pa la bsal bar ma gyur na/ lag pas reg ste de nyid gsum dang/ bdud rtsi 'khyil pa'i sngags kyis bzlas brjod bya'o/ /de bas khung bu rim pa 'di yis dag ces pa'o/ /sngon du dus ring snyen byed pa ces pa ni/ gang
 du smos pa rnams so/ /'jam dpal rdo rje zhes pa ni nyi ma'i mtshan nyid do/ /rang gi lha'i ting 'dzin gnas pa ces pas so/ /dkyil 'khor sa sbyang bya ste zhes pa ni de'i steng du sa gzhan dag las ji ltar rigs pa'i stegs bu gru gzhi pa khru gang tsam du
 'phags pa mdzes pa de'i nang du rin po che de las 'bru la sogs pa dang ldan par byas nas dam tshigs rnams dang rab ldan par zhes te/ zla ba la sogs pas ba lang gi ko de'i tshang tsam du byugs nas me long lta bu'o/ /de nas gnas khang de dri
 chus chag chag btab nas/ rin po che'i dbu rgyan dang gdugs dang mdzes pa'i 'bras bu dngos po 'am /bcos ma dang/ bar kha dog sna tshogs pa'i yug dang/ bla re dang/ ba dan dang/ dril bu dang rnga yab dang/ pi bang dang sgrang yab la sogs pas
 brgyan par bya'o/ /brgya byin la sogs pa'i phyogs su go rim bzhin du rgyal mtshan dkar po dang/ smug po dang nag po dang dung kha dang/ dmar po dang/ sna tshogs pa dang ser po dang/ ljang gu rnams kyis mdzes par byas pa'o/ /de lta bu'i
 gnas? su nyin de bzhin du dkyil 'khor bri bar bya'o/ /bgegs sgra'i zhes bya ba la sogs pas ni nang gi rnam par dag pa'i cho ga gsungs pa de la bgegs zhes pa ni bzung ba dang 'dzin pa'o/ /de'i sgra ni ting nge 'dzin rnam par dag pa'i bdud rtsi
 'khyil pa ste/ de'i dkyil 'khor ni gtso bor byas pa'o/ /ji lta ba bzhin du bsgoms nas 'od zer bskul ba yongs su byas te bdag la rigs kyi bdag pos dbang bskur bas ni rnam par dag pa'o/ /yang na'ang gi lha'i sbyor ba'am zhes pa yis ni dam tshig
 lha'i ting nge 'dzin mngon par byas nas gong bzhin du dbang bskur ba blang bar bya ste/ bgegs rnams shes pa ni kun tu rtogs pa'o/ /de bskrad pa ni sems las mngon par gsal ba'o/ /oM b+hU khaM zhes pa la sogs pas ni sa phyin gyis brlab pa ston
 te/ mkha' la ri rab 'byung bar bya zhes pa ni oM b+hu khaM zhes brjod pas rnam par dag pa'i nam mkha' la bteg de nyid ri rab lta bur bskyed par bya'o/ /de nas hUM lam hUM zhes brjod pas de nyid rdo rje bdag nyid du bsams nas sngags 'dis byin gyis
 brlab par bya'o/ /oM me di ni badzri b+ha ba badzra bad+d+ha hUM zhes pas so/ /da ni steg bu dbus su sbyor ba shes pa dang lhan cig 'am/ yang na gcig tu bsgom pa spyod pas ting nge 'dzin bsgom par bka' stsal te/ sngon bzhin zhes pa la sogs pa gsung
 so/ /sngon bzhin zhes pa ni gong du bsnyen pa la sogs bzhin du'o/ /bgegs dgra zhes pa ni hUM mdzad la sogs pa'o/ /de'i don ni 'di lta ste/ gong ma bzhin du bsrung ba'i 'khor lo bsgoms nas/ rjes su chags pa'i mdza' la thug pas sbyor ba dang
 po byas ma ste/ zla bar zhu ba la sogs pa'i rim pas/ bdud rtsi 'khyil pa'i char du phyung nas mchod pa la sogs pa byas nas dkyil 'khor rgyal ba mchog gi bdag nyid yin pa dang/ las rgyal mchog ni dkyil 'khor gyi las sa dag
 par byas pa la sogs pa byed pa'o/ /de bas na las kyi rgyal ba mchog ni phyogs gsum ste/ thig la sogs pa'i bsnyen pa'i rus su gsungs pa dang/ ri mo'i dkyil 'khor bri ba'i las slob ma dbang bskur ba dang/ dngos grub bsgrub pa'i
 dus su gsungs pa'o/ /de bas na ting nge 'dzin gyi bdag ces pa'i don to/ /dkyil 'khor sa'i dbus su ni/ /rol pa dang 'khor lo 'byin pa dang dri ba dang bsdu ba dang/ gzhi la bzhag pa dang/ mchod pa la sogs pa dang ldan par
 oM badzra At+ma ko haM oM swa b+hA ba pi shud+d+ho haM/ oM sarbba mo haM zhes brjod pas/ sangs rgyas kun dag dang rang bzhin gyis dag pa dang/ rdo rje'i bdag nyid du mos nas nga rgyal bya'o/ /da nyid kho na rdo rje can/ /da nyid rdo rje sems dpa' bdag/ sangs
 rgyas rgyal po chen po'i bdag /rdo rje can dang stobs po che/ /dbang phyug rgyal po rnal 'byor dang/ /da ni bstan pa phyag rdo rje/ /rdo rje can chen bdag lta bdag ces brjod nas sems la don bzung bar bya'o/ /de ltar gnas pa la sogs pa'i slob ma
 pa zhes dngos su 'am sems kyis mchod nas/ /zhu ba gsol bar bya'o/ /de bzhin gshegs pa kun gyi rang bzhin yin pas na zhi ba ste/ gzung ba la sogs pa med pas de ni/ sku rdo rje'o/ /de bzhin gshegs pa de yang gang zhe na/ kun gyi gnas ni
 kun gyi bdag por gyur pa ste thugs rdo rje'o/ /phyogs kun bdag med pa ni rnam par dag pa ste gsung rdo rje'o/ /de lta bu'i dkyil 'khor dam pa bshad du gsol spyir zhus pa'o/ /de bzhin du khyad par du gru bzhi pa la sogs pa'i mtshan
 nyid thams cad yongs su rdzogs pa /gru bzhi ma yin pa la sogs pa'i mtshan nyid med pa thams cad spangs pa de yang gang zhe na/ kun tu bzang po zhes pa ni rdo rje 'chang chen po'o/ /de'i sku'i dkyil 'khor gyi mchog bshad du
 gsol zhes pa'o/ /zhi ba'i chos mchog ces pa ni/ bdag med pa'o/ /de nyid mchog ste de las yang dag par 'byung ba ni gsung gi dkyil 'khor ro/ /de nyid de bzhin gshegs pa thams cad kyi ye shes spyod yul yin pas rnal 'byor
 pa ces so/ /sems can kun kyi zhes pa ni sangs rgyas dang sems can no/ /de'i sems chen po ni thugs rdo rje'i rang bzhin no/ /de nyid rang bzhin dag pas dri ma med ces pa'o// //de ltar lan gsum du zhus
 pa des langs nas lus ngag yid gsum gyi sbyor bas bgegs bskrad gsungs pa/ 'jam rgyal zhes pa la sogs pa'o/ /'jam rgyal khro bo zhes pa ni de nyid de ma thag tu hUM mdzad kyi bdag nyid yin pa'i phyir ro/ /des ltas nas zhes so/ /gang la zhe na rang
 dang 'dres pa'i sems can khams zhes pa ste/ srid pa thams cad 'jam dpal rdo rje'i rang bzhin du 'dres shing gnas pa la glo bur du nyon mongs pa rnams kyis bsgribs te de'i phyir de las/ bgegs gshed kyi ngo bor khros zhes pa'o/ /spyan la hUM
 bkod? rdo rje bstan zhes pa ni mig g.yas par ma las nyi mar bsam g.yon par Ta las zla ba'i dkyil 'khor du bsgoms te/ de'i steng du mig 'bras hUM las 'bar ba'i rtse lnga par bsgom zhes pa'o/ /grol ba'i dkyil 'khor sprul par bya zhes
 pa ni/ rdo rje las nam mkha' i khams thams cad khro bo'o/ /dkyil 'khor gyi khyab pa sprul par bya'o/ /blo ldan zhes pa ni sbyor ba zhes pa'o/ /'gro kun ltar shes pa ni gong ma'i rim pa shes so/ /dkyil 'khor sa gzhi stangs thabs bskor zhes pa
 de g.yas brkyang ba'i rim pas so so'i tshul spyod pa'o/ /rkang mthil rdo rje 'bar bsgoms te/ zhes pa ni rkang pa gnyis su bltas la sna tshogs rdo rje 'bar ba bsgom mo/ /lags pas rdo rje zhes pas ni nye bar mtshon pa tsam gyi ste dril bu dang bcas pa'o//
 hUM mdzad pas zhes pas ni/ hUM gi nga ro sgrogs pa'o/ /lha la sogs zhes pa la sogs pa ni/ sa la gnas pa'i bgegs la sogs pa'o/ /tshig tu yang 'di skad brjod do/ /nyon cig ces pa la sogs pa'i/ /lus ngag yid gsum la gnas pa'i//
 zhes pa ni g.yas brkyang ba'i la sogs pa bgegs 'joms pa ni lus kyis so/ /bskal pa bzang ba dus kyi 'brug lta bu'i sgra sgrogs pa ni gsungs gi'o/ /dngos po thams cad zab mor dmigs pa ni thabs?
 kyi'o/ /de lta bu la gnas pa'i 'jam dpal bdag gis bsrung ba'i 'khor lo byed ces pas so/ /'dod gsum bskyed lus shes pa ni 'dod pa'i khams kho na la khams yod pa'i phyir ro/ /de lta bu'i rim pas sa la yongs su bskor bar bya ste/
 de nas bgegs med par bya ba'i phyir phur bus gdab par bya'o// ji lta bu zhe na stong dgra zhes pa la sogs pa'o/ /de yang seng ldeng la sogs pa'i phur bu dri dmar pos byug cing/ srad bu dmar po la me tog phreng ba btags la/ /stong bgegs
 dgra ste bdud rtsi 'khyil pa lta bu smad gsal shing ste/ zur gsum pa lta bur bsams nas/ dkyil 'khor gyi dbus su gdab par bya'o/ /de las 'od zer 'bar bas 'khrug cing 'bar ba'i phyogs bcu na gnas pa'i bgegs thams cad bcom
 par 'gyur ro/ /yang na mtshams dang rab dra bas phyogs bcing zhes pa ni bsrung ba'i 'khor lo'i sbyor bas rab dra ba dang sa gzhir bsgoms nas 'khor lo bsgom par bya ste/ sa bsrung ba bya'o/ /sta gon bya ba ni zhes pa ni sa bon gyi phyag rgya dkyil
 'khor gyi sa la bzhag ste/ oM Tak+ki tsuM dza zhes brjod pas sa'i lha mo sku mdog gser lta bu phyag na gser gyi bum pa bsnams pa rgyan kun gyis brgyan pa/ rnam par snang mdzad dang ldan pas sa'i lha mo dbus nas thon par bsams
 te/ me tog la sogs pas mchod nas 'di skad du sbran no/ /skyob pa sangs rgyas thams cad kyi zhes pa la sogs pa lan gsum du brjod do/ /de nas de nyid dgyes te/ zhal gyis bzhes nas de nyid du thim par bsam mo/ /sa dag par bya
 pa'i cho gas so/ /lha sta gon du gnas pa gsungs pa/ dri zhim zhes pa la sogs pa'o/ /dri zhim sogs kyis bskus zhes pa ni tsan dan dang gur gum la sogs pas sa byugs nas shes so/ /de bzhin du kha dog dang dbyibs sna tshogs pa'i me tog gis kyang?
 rab tu bkril zla ba la sogs pas shes te/ byang chub sems la sogs pa dang dri zhim po bsres pas lha'i gdan zhes pa ni lha bcu dgu'i grangs dang mthun pa'i thig le rang gi sngags lan bdun bdun bzlas pas maN+Dal rab tu byas zhes ?
 de la dkyil 'khor rab tu bkugs nas zhes shes pa la de'i don ni 'di lta ste/ lhag par mos pa la sogs pas dam tshig gi 'khor lo rdzogs par bkod la mtshan yang 'di bzhin du bris pa bskyed do/ /skyes don dang ldan de ring bdag/ bdag gis gsal ba'i 'bras bu 'di/
 dam tshig lha dang bdag mnyam mo/ /bdag gi the tshom med par 'gyur/ /phyir mi ldog par bdag 'gyur ba/ /byang chub sems dpa' de dgongs shig /de bzhin gshegs pa'i rigs su ni/ /skyes par bdag ni the tshom med/ /de ring bdag gi nyi ma mtshon/ /mchod sbyin 'di ni bla na
 med/ /de ring bdag gi tshogs pa mchog ces brjod nas snyan gsan yang dbab par bya'o/ /ma lus phyogs na bzhugs pa rnams/ /sangs rgyas bdag la dgongs su gsol/ /che ge mo bdag rdo rje can/ /bdag gis dkyil 'khor bri bar 'tshal/ /sangs rgyas la sogs
 'dir byon nas/ /bdag la dngos grub stsal du gsol zhes dgug go /de nas mtshams la sogs pa bcings nas/ bcing ba dang dbang du bya ba byas nas nye bar sgrub pa la sogs mtshan nas/ mchod pa dang bstod pa dang/ bdud rtsi myang ba byas nas 'og nas
 byung ba'i tshigs su bcad pas gang lan gsum gsol ba gdab par bya'o/ /bum pa sta gon du gnas pa gsungs pa/ bum pa ces pa la sogs pa'i bum pa zhes pa ni gser la sogs pa 'am/ khams pa'i rgyu las byas pa'i bum pa lto ba che ba mgrin pa
 kha khyer dang ldan zhing mchu 'phyang ba/ zhabs brtan pa/ nag nog med pa/ rta mgrin du gnas par bya'o/ /mgul pa ras kyis yang dag par dkris zhes pa ni/ ras kha tshar ma nyams pa'i mgul bcings so/ /tsu ta yal ga la sogs ldan /zhes
 pa ni/ 'bras bu can gyi shing gis kha rgyan pa ces so/ /bum pa dkyil 'khor lha rnams kyi/ zhes pa ni/ 'chad pa'i bum pa/ lha'i grangs kyi dad mthun par byas la rang rang gi sngags kyis sta gon du gnas par bya'o/ /rdzas 'di rnams dang tshogs pas dbang
 bskur ba'i bum pa rta mgrin du gnas par bya ste/ 'bru lnga zhes pa ni gro dang nas dang til dang/ 'bras dang mon sran gre'u 'o/ /sman lnga zhes pa ni sid kri dang ha sa dang/ de ba dang/ kar ti ka'o/ /rin chen lnga zhes pa ni byu ru dang sa le sgram dang dung dang mu tig dang nor bu'o//
 de rnams ni gzhan yang rtogs par bya'o/ /'khor lo dri chu la bsdus pa la zhes pa ni bum pa gzhan las yon gyi snod re re bsdu bar bya'o/ /de'i steng du sna tshogs kyi phreng bas bcings pa'i rdo rjes brgyan par bya'o/ /de'i ming ni rnam par rgyal ba'i bum pa zhes
 bya ste/ dkyil 'khor gtso bo'i sngags kyis bzlas par bya'o/ /de bzhin du bsang byed kyi bum pa la/ bdud rtsi 'khyil pa'i skags kyis bzlas par bya'o/ /de rnams kyang tsan dan dkar pos byug cing spos bsregs nas sbyar ba'i dri zhim po'i chus bkang
 ba/ yi ge baM las bskyed pa/ h+ri las gyur pa'i pad+ma la/ a las zla ba dang/ nyi ma'i gdan la/ 'bru lnga pa la sogs pa sa bon dang phyag mtshan gyi rim pas sku rdzogs par bskyed la/ ye shes kyi 'khor lo bkug nas bstim ste/ de nas yon phul nas ni
 mchod pa byas te/ zhes pa ni bsang gtor la sogs pa'i bya ba dang mchod pa lnga la sogs pas mchod pa'o/ /me tog dkar po gtor ba dang/ zhes pa ni me tog dkar po kha cig dbang bskur ba'i bum pa'i nang du gtor ba ste/ man ngag go/
 gnas der spang spos bsregs pa'i snod la sogs pa yang bzhag par bya'o/ /nyin re yi ni mtshan gsum la zhes pa ni snga dro dang dror na dang phyi 'phred do/ /gtor ma phul nas zhes pa ni/ zas sbyor ba'i rim pas sbyar ba'i gtor ma la yang thun mtshams su dbul
 bar bya'o/ /zhes so de bzhin bza' zhes pa ni gong ma bzhin du so so'i bzlas pas bya'o/ /de nas dgod pa'i gnas gsungs pa/ de dag dkyil 'khor gyi grwa la bkod la g.yas su ste shar lho mtshams su bzhag ste/ mi g.yo ba'i ting nge 'dzin du bya'o/ /de bzhin du g.yon
 du bsang byed kyi bum pa bzhag la/ bgegs bzlog tu gsol lo zhes las bcol lo/ /de las g.yon gyi snod las chu blugs nas zhes pa ni/ dbang bskur ba'i bum pa la bya ste gong du bshad zin to/ /bdag gi slob ma thams cad la/ /chu yis dbang
 bskur byed par 'gyur zhes pa ni dus gzhan du byed par 'gyur ro/ /zhes pa'o/ /dkyil 'khor mchod pa yang bya ste/ zhes pa la sogs pa ni gong du bkug pa rnams la snyan gsan dbab par ston to/ /de kho na gong du gsungs pa'i de nyid 'dir yang shes par 
 bya'o/ /mchod pa ces pa ni nye bar mtshon pa ste/ bstod pa dang bdud rtsi myang ba yang shes par bya'o/ /lag par phog phor bsregs nas su/ bus mo btsugs shes pa ni bdag nyid dbus kyi gtso bo'i nga rgyal dang ldan pa nyid kyi thugs ka nas las
 kyi rdo rje gzugs su phyung nas so/ /des ci byed na/ dkyil 'khor gtso zhes pa ni/ bdag 'jam dpal gyi ngo bor gnas pa la'o/ /sangs rgyas zhes pa ni rtag pa la sogs pa'i ste de rnams la snyan gsan dbab par bya'o/ /bcom ldan 'das 'jam pa'i rdo rje zhes
 bya ba la sogs pa nas/ byin gyis brlab pa ni/ mdzad du gsol zhes pa lan gsum du gsol ba gdab par bya'o/ /khyab bdag ces pa ni/ dkyil 'khor gyi lha rnams kyi rang bzhin no/ /mchod la sogs zhes pa ni/ bstod pa la sogs pa'o/ /srungs nas
 zhes pa ni /phyir byung ba'i dus su dran pa la sogs pas so/ /slob ma sta gon du gnas pa gsungs pa/ rang gi slob ma rtags nas gzung zhes pa la sogs pa'o/ /ji lta bu zhe na/ blo dang ldan pa theg pa chen po la mchog tu
 dga' ba chen po dang ldan pa/ bka' drin chen po rjes su dran pa/ nga rgyal med pa rigs can zhes pa ni bram ze la sogs pa'o/ /khyad par can no/ /phyi nang gi yon tan dang ldan zhing dad pa che ba/ gzugs la sogs pa gzhon pas brkyan pa ste/ 'di rnams
 ni bstan pas mchog tu bzung bar rgyal bas gsungs so/ /de bzhin du bde bar gshegs pa sngags kyi dngos grub bsgrub pa la 'dod pa sngon la ru ldan pa ste/ lhag par mos pa yod na ngan zhing yon tan med pa dang/ rigs dman pa yin yang
 gzung bar bya ba yin no zhes pa'o/ /dkyil 'khor 'khor lo rim pa 'di zhes pa ni dkyil 'khor 'khor lo'i rim pa 'di la mos pa dang ldan na bzhi rnams la yang lung du bstan na/ zhes pa ste/ dge slong dang dge slong ma dang/ dge bsnyen dang
 dge bsnyen ma la yang ngo/ /thams cad kyang 'di rnams dang ldan na dkyil 'khor du zhugs par bya ste bslab dang zhes pa la sogs pa'o/ /de la gzhan pa'i slob ma bsod nams 'dod pa dang/ de yang tshe phyi ma'i bsod nams ni/ tshe phyi mar rigs
 rgyas pa la sogs pa'o/ /tshe 'di'i 'dir bgegs kyi 'tshe ba bzlog pa la sogs pa'o/ /tshe 'dir 'bras bu rgyas pa yin zhes pa ni shar las byung ba yin no zhes pa'o/ /de ltar gnod dang gnod ma yin pa slob ma la smras nas/ slob dpon rang
 gi khang pa'i nang du 'gro'o/ /sngon bzhin rdo rje chu skyes dag ces pa ni de'i tshe de rnams me'i dkyil 'khor gyi steng du bzhag la/ snying ga na gnas pa'i ra'i mi thal bar byas te/ rnam par shes pa yi ge gsum du gnas pa de nyid bkug ste/ zhal du zhugs
 nas rdo rje'i lam nas chu skyes kyi nang du bab ste dbang po rgyas par byas/ thabs des dag par byas nas bsdus te/ des khang ba'i sgo ru tshigs su bcad pa 'dis gsol ba lan gsum gdab par bya'o/ /de yang gang zhe na/ ston chen khyed la bdag dga' o/ /zhes pa nas
 zhugs par mdzod ces pa'i bar du'o/ /chags ldan slob ma mdzes pa'o/ /zhes pa ni zab mo'i don la chags pa dang ldan pa'o/ /slob ma'i gtso bo gcig pu ni zhes pa ni slob ma dam pa gcig gtso bor byas nas/ de la sogs
 pa rnams la tshig 'di skad du smra bar bya'o/ /bu 'dir shog cig theg chen gyi zhes pa nas thams cad mkhyen pa'i thob par gyis zhes pa'i bar brjod par bya'o/ /rnam pa gsum dang bshags sogs pa ces pa la sogs pas ni 'di ston par byed do/ /slob
 ma rnams sdigs pa bshags pa la sogs pa yang tshig 'dir gzhug go /thog ma med ldan srid rgyun la/ /rnyog pas bsags pa'i sdig kun gang/ /snying rje chen po bdun rim bzhin/ /de dag thams cad bshags par bya/ /sangs rgyas byang chub sems rnams
 dang/ 'phags pa gzhan gyi dge ba gang/ /ma lus bdag gis yid rang ste/ yang dag byang chub phyir bsngo'o/ /sangs rgyas thams cad dbugs 'byin par/ /sangs rgyas kun la gsal byas te/ /nam mkha' i dbyings la brtan du shing/ 'jig rten kun dang
 sdig med mdzod/ /zla rgyas dri med 'dra sems las/ /grub pa mdza' yas snying rjes thabs/ /rtag tu bdag yid la gnas pa'i/ /sangs rgyas kun la skyabs su mchi'o/ /rtog pa kun las nges grol ba/ /ma lus kun gyi bkris bzhi/ /dngos po kun bdag rang
 bzhin gcig /dag ni chos la skyabs su mchi/ /bcings pa yang dag spangs pa yi/ /dpal ldan snying rje mchog ldan pa/ /rab dga' la sogs sar gnas pa'i/ /'dul dbang mchog la skyabs su mchi/ /bsam dang rnam smin dag pa yi/ /sgrib kun bag chags bcom pa
 ste/ /mos pas rnam par brgyan sems kyis/ /byang chub sems ni bskyed par bgyi/ /bde gshegs sras gcig lam gcig po/ /sbyin sogs bcu po dkar po la/ /sangs rgyas kun dag rang bzhin blos/ /de ltar bdag gis
 brten par bgyi/ /bdag kyang thams cad mkhyen 'gyur te/ /dbang phyug go 'phang theb nas ni/ /'gro ba ma lus yongs su bsgral/ /sangs rgyas thob par bgyi slad du/ /'khor ba'i rgya mtsho las sgrol te/ /bdag gis stobs kyis nus pa dang//
 smon lam la yang mi chags bgyi/ /dngos grub thams cad thob bya'i phyir/ /thabs ni rtag tu byed pa'i bdag /phun sum tshogs pa'i gcor gyur cig /bdag gi smon lam 'di yis ni/ /ji snyed 'gro ba ma lus kun/ /bde 'gro'i go 'phang thob par
 shog /ces lan gsum du slob ma rnams brjod du bzhug go /de nas rdzas 'di rnams sbyin par bya ste/ thams cad byed pa gsum byas nas shes pa ni de rnams bdud rtsi 'khyil pa'i sngags kyis bsrungs byas nas shes so/ /de nas rdo rje dang pad+ma
 'khor lo de rnams snying ga dang mgrin pa dang/ spyi bor bsam par byas la/ de rnams la hUM dang A(rgyud 'grel dang mgrin pa dang mgo la sku bar bya ste/ rim pas me tog la sogs sbyin zhes pa ni de la mchod par bya'o zhes so/ /spyi bor me tog dang spos mar me dang dri snying gar ro/ /lha bshos ni ma smos kyang mdun du shes par bya'o/ /lus kun byed pas
 bzlas byas te/ so sor bsnyen nas zhes pa ni rdzas de rnams kyang bdud rtsi 'khyil pa'i sngags kho nas bzlas nas so/ /sbyin par bya zhes pa ni/ tshig 'dis sbyin par bya'o/ /deng gi nyi ma nas gzung nas/ /'khor pa'i nyes pas mgos shing/ /mchod pa kun dang
 khyod ldan te/ /dus rnams kun tu bde bar gnas zhes brjod nas bskul bar bya'o/ /de bzhin du sor mo bcu gnyis kyi tshad du phyin pa rtse mo'i phyogs su me tog btags la/ /srin bus brkos pa'i bu ga med pa/ a shwatpa 'am/ u dum ba ra ma
 sogs byas pa'i so shing drang pos dri zhim por byug cing sbyin par bya'o/ /de nas ltas blta ba'i phyir tho rangs nas kha shar phyogs su bltas te mi smra bar de 'chos nas mdun drang por bskur ro/ /gar bskur zhe na/ sa la ba lang go ba tsam byugs zhes
 pa ni/ gru bzhi 'am gsum du thug bsrab de tsam du byugs te/ zhi ba la sogs dngos grub lta zhes pa ni/ byang phyogs la sogs pa go rim bzhin du zhi ba dang rgyas pa dang mngon spyod dang dbang du bya ba 'grub par 'gyur ro/ /de bzhin du steng du
 ltas na/ rig 'dzin no/ /'og tu ltas nas 'og gi dngos grub tu 'grub par 'gyur ro/ /kha bkrus nas ni hub gsum chu zhes pa dag gi nyes pa sbyang ba'i phyir khyor bar chu mi mang ba byin nas kun btung bar bya'o/ /phyi rol 'jug par bya zhes pa ni/ de'i
 tshe bag zhang snod du yi rung ba'i phyir ro/ /de bzhin du bkra shis pa'i rmi lam mi 'khrul bar bya ba'i phyir mal dang sngas su rtswa ku sha sbyin par bya'o/ /de nas bgegs bsrung bar bya ba'i phyir/ /bdud rtsi 'khyil pa'i sngags kyis bzlos pa sum sgril mdud pa
 gsum por bas/ dpung pa la bsrung bar bya'o/ /de nas skabs 'dir sdom pa kun bzung bar bya ste/ dang po slob mas zhu ba ni phyir mi ldog dbang zhes pa la sogs pa ste/ phyir mi ldog dbang ni rdo rje slob dpon gyi dbang ngo/ /dkyil 'khor la byin nas zhes pa
 ni kha dog gcig pa'i dkyil 'khor la gnas nas shes so/ /bdag la bsrungs zhes pa ni bka' stsal zhes pa'o/ /gang zhe na dkyil 'khor gyi de kho na nyid ni gru bzhi la sogs pa'o/ /lha'i de kho na nyid ni gzugs la sogs pa rnam par dag pa'o/ /slob
 dpon gyi las ni rgyud dang sngags 'dzin cing sgrub pa po rnams rgyud la 'jug pa'o/ /sangs rgyas kun gyi dam tshig ni spyi dang khyad par du ste/ /chu la sogs pa rnams thob par byed pa'i rkyen no/ /gsang ba mchog gi sdom pa ni lus ngag
 gi las byed pa can rnams te/ de rnams bdag rdo rje slob dpon chen por gyur nas sems can gyi don byed pa'i phyir gsol ba 'debs na bka' stsol cig ces pa'o/ /'dod pa'i slob ma zhes pa ni slob dpon du 'dod pa rnams so/ /sdom pa bzung bar
 byas nas su zhes pa ni/ rig pa'i dbang gi sdom pa ste/ de la dang bor slob dpon gyis bsgo ba'i dus lung ni 'di skad du/ sangs rgyas chos dang dge 'dun gsum/ /dkon mchog gsum la skyabs su song/ /'di ni sangs rgyas rigs dag pa'i/ /sdom pa 'di ni
 bstan pa'o/ /rdo rje dril bu phyag rgya dag /blo chen gyis ni bzung byas te/ /byang chub sems gang de rdo rje/ /shes rab dril bu rjes su dran/ /slob dpon dag kyang gzung byas te/ /bla ma sangs rgyas kun dang mnyam/ /'di ni rdo rje'i rig dag pa'i/ /sdom pa dam tshig yin
 par gsungs/ /rin chen rig mchog chen po la/ /nyin dang mtshan du lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam chos shin tu bzung bar bya/ /'di ni pad+ma'i rigs dag pa'i/ /dam
 tshig sdom pa yin par gsungs/ las kyi rigs mchog chen po la/ /sdom pa thams cad ldan par ni/ /yang dag nyid du bzung bar bya/ /srog chags gsad par mi bya zhing/ /ma byin par yang mi slang ngo/ /'dod spyod dag kyang mi bya ste/ /rdzun du smra bar mi bya ste/
 nyes pa kun gyi rtsa ba yi/ /chang ni btung bar spangs par bya/ /sems can gdul bya ma gtogs pa/ /bya ba ma yin thams cad yang/ /dam pa nye bar bsten bya zhing/ /rnal 'byor pa la bsnyen bskur bya/ /lus kyi las ni rnam gsum dang/ /ngag gi rnam pa
 bzhi dag dang/ /yid kyi rnam pa gsum dang ni/ /ci nus par ni rjes su bsrung/ /sems can don la mi phyogs dang/ /theg pa dman la 'dod mi bya/ /'khor ba dag kyang spang mi bya/ /rtag tu mya ngan 'da' mi chags/ /lha dang lha min gsad ba la/ /de la brnyas par mi bya zhing/ /phyag rgya bzhin ?
 mtshon cha sogs/ /mtshan ma 'gom par mi bya ste/ /de ltar dam tshig gsungs pa ni/ /blo ldan khyod kyis bsrung bar bya zhes brjod par bya'o/ /de nas slob ma des bla mas gsungs pa'i sdom pa de bzung bar bya'o/ /ji ltar theg gsum gnas pa'i mgon/ /slab pa'i tshul khrims rnam
 pa gsum/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por so sor gzung/ /bla na med pa'i dkon mchog gsum/ /sangs rgyas rnal 'byor la skyes sdom/ /'di ni mchog tu gzung bar bya/ /rdo rje dril bu'i phyag rgya dag /yang dag
 nyid du gzung bar bya/ /rdo rje rigs mchog chen po la/ /slob dpon dag kyang bzung bar bya/ /rin chen rigs mchog chen po yi/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu bgyi/ /byang chub chen po las byung ba'i/ /pad+ma'i rigs mchog
 dam pa la/ /phyi nang gsang ba'i theg pa gsum/ /dam tshig so sor gzung bar bgyi/ /las kyi rigs mchog chen po la/ /sdom pa thams cad ldan pa ni/ /yang dag nyid du bzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis
 bskyed par bgyi/ /sems can ma lus don gyi phyir/ /bdag gis sdom pa ma lus bzung/ /ma bsgral ba dag bdag gis bsgral/ /ma grol ba dag bdag gis dgrol/ /dbugs ma phyin pa dbugs phyung ste/ /mya ngan 'das la dgod par bgyi/ /lus dang ngag dang yid dag
 gis/ /mi dge ba ni bcu po dang/ /bag med pa yi gnas 'gyur zhing/ /chang ni rnam par spang bar bgyi/ /de bzhin lha dang lha min dang/ /gsang ba la ni brnyas pa dang/ /mtshan ma la sogs 'gom pa rnams/ /dus 'di nas ni bzung nas su/ /ji srid byang chub snying 
 po'i bar/ /bdag ni rab tu ldog par bgyi/ /zhes lan gsum du brjod par bya'o/ /de ltar sdom pa gzung ba'i slob ma de la spro ba bskyed cing bde ba'i chos bshad pa ni/ thams cad mkhyen pa zhes pa nas/ /de bzhin gshegs pa rnams 'ongs 'gyur
 zhing zhes pa'i bar du brjod par bya'o/ /don bstan zhes pa ni de lta bu'i tshig gis chos kyi don bstan nas/ bsrungs nas bu zhes pa ste/ bdud rtsi 'khyil ba'i sngags kho nas so/ /de nas slob ma rnams ku sha'i mal la nyal du bcug nas khyed kyi rmi lam mthong ba
 nang par bdag la smos shig ces brjod nas nyal du gzhug go bsrung dang zhes pa ni slob pa bsrung ba yang bdud rtsi 'khyil pa'o/ /de bzhin du sbyin pa la te so shing la sogs pa'o/ /sogs kyi sgras bsdus pas bsang gtor la sogs pa'i bya ba thams cad byed pa'i sngags
 kyis bzlas pa bya'o zhes so/ /ci'i phyir zhe na rigs lnga dang/ sku la sogs pa'i dkyil 'khor gsum gyi las ni bdud rtsi 'khyil bas byed pas te/ ting nge 'dzin rnam par dag pa'i phyir ro/ /mthong ba'i rmi lam dge ba ni rang gi byang chub kyi shing la 'gro ba dang/ rang gi
 chos bshad pa dang/ skyed mos 'tshal mthong ba dang/ byang chub sems dpa' rnams kyis bskor ba dang/ rgyal srid thob pa dang/ rnal 'byor pa tshogs pa dang/ dam pa'i chos klog pa la sogs pa dang/ rigs rnams dang 'brel ba dang/ sangs rgyas kyi zhing
 mthong ba dang/ rgya mtsho las grol ba dang/ ri mthon po la 'dzegs pa dang/ brgya byin las rgyal ba dang/ rab gnas kyi cho ga la sogs pa mthong ba'o/ /mi dge ba ni spre'u dang ma he dang/ byi la dang 'thab pa dang/ mtshon 'bab pa dang/ rang 'chi ba dang/ 'bru
 mar gyis lus bskus pa la sogs pa'o/ /mi dge ba ltung byed kyi sngags kyis gzhom zhes pa ni slob dpon gyis bzlas nas shes so/ /yang na de rnams kyis bzlas pa'i phyir ro/ /slob ma bsrung ba la bdud rtsi 'khyil pa de kho nas mchog yin no zhes so//
 dkyil 'khor sbyor ba bsgom bya ste zhes pa ni gong du bsgoms pa rnams la lhag par mos pa'o/ /mchod nas zhes pa ni bstod pa dang bdud rtsi myang ba'i yang rtog par bya'o/ /nam mkha' la dgod do zhes pa ni ye shes kyi dkyil 'khor phyung nas nam mkha' i phyogs
 su bkod de/ rang dang re bas kha sbyar gyi sbyor ba srung ste bzhag go /dam tshig gi 'khor lo'i bdag gi thugs kar bsdus nas mnyam par bya'o/ /de nas langs nas gdong so shing la sogs pa'i bya ba kun bya ba'o zhes gsungs so/ /da ni thig gdab pa'i cho ga gsungs
 pa/ rtag pa ces pa la sogs gzugs 'dra ba zhes pa ni/ de bzhin gshegs pa lnga'i kha dog dang mthun pa'i rang bzhin gyi dkyil 'khor skul bar byed pa'i skud pa dang/ rdul tshon gyi dkyil 'khor bri ba'i skud pa ste/ tshon sna tshogs so sor bcos la/ /de dang
 de'i sa bon byung zhes pa ste hUM la sogs pa'i las byung par bsams la/ dbye ba nyi shu rtsa lnga zhes pa ni skud pa re re la yang ye shes lnga lnga ste/ nyi shu lnga'i bye brag tu mos par bya'o/ /rang sku 'jam pa'i rdo rje nyid du bsgoms nas/ dza yig zla ba nyi ma'i spyan zhes pa
 ni mig g.yas g.yon dza ser po las nyi ma dang zla ba'i mig tu bsams la/ bar mig lcags kyu grangs nas su zhes pa ni de nyid la rjes mtshan pa/ rdzi ma rleb rleb bos nam mkha' i de bzhin gshegs pa la lta zhing/ oM dipta driSh+Ti aM ku sha dza(rgyud 'grel las gros pa'i 'od zer gyi lcags kyus rnam par snang mdzad la sogs pa'i thugs ka nas gnas pa'i ye shes kyi skud pa la oM A(rgyud 'grel dang ldan cig ces pa ni sngon de'i ngo bor 'gyur ba'i slob mas sna gcig bzung ba la rang rang kha dog nang du thim zhes pa'o/ /cung zad ma 'brel pa ni tshigs su bcad pa'i ngor btab pa'o/ /ji snyed mi bskyod pa'i sngags/ /phan tshun rjes su 'brel pa yi
 zhes pa ni pra yats+tsha'i rjes la ratna sam b+ha ba dang/ a mi ta dang/ a mo g+ha si d+hi dang/ /ak+Sho b+hya zhes bya ba brjod nas gsol ba gdab par bya ste gzhug ces pa'o/ /de ltar so sor gnas pa kun dran pa la sogs
 gnas par bka' zhes pa ni/ oM A n+yo n+ya a nu ga ta sarba d+harma pa ra spa ra a nu pra biShta sarbba d+harmma hUM zhes brjod nas bsgril bar bya'o/ /las thams cad pa'i kha dog gcig par yang bshad do/ /de nas de dag gser la sogs pa'i snod du dri zhim po dang
 bdud rtsi rnam pa lnga yis byugs nas/ bdud rtsi 'khyil ba'i sngags kyis bsrung bar bya'o/ /yi ge gsum par bcug rnal 'byor pas/ /zhes pa ni thig skud yi ge gsum gyi bar du chud par mos nas skud pa bzung nas brdeg par bya zhes so/ /dza yi gsum
 gyis brkyang byas nas zhes pa ni de brjod shes rab ma las brjod par bya'o/ /de med na kun byed dam rnam par snang mdzad du bsgoms pa'i slob ma la gtang cing des kyang dza dza dza zhes brjod par bya'o/ /blo gros can gyis mkha' thig gdab zhes pa ni/ de
 bzhin gshegs pa rnams sems can gyi don byed pa'i dus la bab pas gnas 'dir gshegs pa'i thig skud kyi sgras bskul bar brjod cing/ oM badzra sa ma ya sU tra mA ti kra ma hUM zhes brjod nas nam mkha' ma lus par brjod par bya'o/ /de bzhin 'og kyang
 rab gdab zhes pa ni nam mkha' la btab pa ji ltar de bzhin du sa la yang gdab par bya'o zhes so/ /gnod sbyin zhes pa la sogs pa ni nam mkha' dang sa gdab pa'i g.yas bskor la sogs pa phyi rol gyi drangs pa'i thig gdab pa ston to/ /gnod sbyin zhes pa ni bla
 ma me mtshams nas gnod sbyin phyogs su bltas te shar gyi thig gdab po/ /de bzhin bla mas g.yas bskor du bskor nas rlung mtshams su gnas te/ yi dags kyi phyogs su bltas nub kyi thig gdab pa dang/ bla ma de nyid du gnas nas/ brgya byin phyogs
 su bltas nas byang phyogs su thig gdab pa dang/ de nas bskor nas me mtshams su gnas te/ klu bdag gi phyogs su bltas nas lho phyogs kyi thig gdab pas phyogs bzhi dag gi phyi rol gyi thig gdab par 'gyur ro/ /de bzhin du me mtshams su gnas
 nas rlung mtshams su bltas te grwa'i thig dang po gdab par bya'o/ /bden bral mtshams su gnas nas dbang ldan gyi mtshams su bltas te/ grwa'i thig gnyis pa gdab par bya'o/ /shar dang zhes pa la sogs pa'i phyogs rnams 'byed pa'i thig ston te/ de yang bla mas
 shar dang byang du kha bltas nas/ phyogs kyi thig ma lus pa gdab par bya'o/ /zhes re'u mig brgyad du gdab zhes pa ni dbus te/ gtso bo'i ri'u mig la gtogs pa'o/ /de ni nye ba'i mtshan nyid du zad de/ sgo la sogs pa kun gdab pa ces par bya'o/ /de ltar
 thig gdab pa'i 'og tu ci zhig bya zhe na/ de nas thig skud nyis 'gyur bya zhes pa ni nyes bltab du bkug pa'o/ /dkyil 'khor dbus su shin tu bzung zhes pa ni tsan dan la sogs pa'i phur bu la/ oM badzra kI li kI la ya baM zhes lan bdun bzlas nas/ dbus
 su gdab ste/ thig skud bzung ngo/ /de nas phyi rol zhes pa ni/ nang gi dkyil 'khor dang/ phyi'i dkyil 'khor ro/ /rdo rje skud gnyis yang bri'o/ /zhes pa ni nang gi rdo rje ra ba dang gnyis pa ni phyi rol gyi pad+ma la sogs pa'i ra ba'o/ /dbang ldan mtshams nas
 zhes pa ni bskor ba de yang dbang ldan gyi mtshams nas rang mdun bltas zhes pa ni/ gzhan du bltas na log par 'gyur ba'i phyir g.yas bskor du nam mkha' i thig dang bcas par bskor bar bya'o zhes so/ /de nas phyogs kun mnyam pa ngo bo
 du shes rab ldan pas thig gdab bya zhes so/ /mtshan ma ngan zhes pa la sogs pa ni las dang po pa mi brtan pa la gsungs pa ste/ brtan pa rnams la ni de lta bu med pa'o/ /da ni phyi'i dkyil 'khor gyi gzugs dang dbyibs ji ltar bya zhe na
 gru bzhi zhes bya ba la sogs pa gsungs te/ thig skud bzhi zhes pa ni phyogs bzhi'i tshon sna lnga'i thig la bya zhes pa'o/ /nang gi dkyil 'khor gyi tshad dang dbye ba'i thabs bstan pa ni/ de'i nang gi zhes pa la sogs pa gsungs
 te/ de'i phyir dkyil 'khor ni gru bzhi ste/ tshon sna lnga phan chad do/ /de'i phyed dbus su brko bar bya'o/ /de yang dbyibs ji lta bu zhe na/ zlum po 'khor lo la sogs pa'i ka ba dang ldan pa 'di thugs kyi dkyil 'khor yin pas mdzes pa'i rdo rje phreng bas
 bskar zhes so/ /de nas sgo la sogs pa'i tshad bstan pa'i phyir/ de nas shes pa la sogs pa'o/ /de nas mig gnyis la hi las byung ba'i nyi zlas kho bo'i lta bas bltas nas de'i 'od zer gyis bgegs bsal nas te/ sgo dbye bar bya'o zhes so/ /sngar phye ba
 rnams la yang rigs par sbyar ro/ /dkyil 'khor brgyad char rgol zhes pa ni phyi'i dkyil 'khor la cha brgyad gnas pa'i cha gcig la sgo'i dbus bya'o zhes so/ /bar khyams sgo'i chad yin te/ zhes pa ni nang gi dkyil 'khor dang/ 'dod pa'i lha mo'i snam
 bu'i bar du ste/ sgo'i dbus dang mnyam pa'o/ /lha'i snam bu zhes pa ni/ 'dod pa'i lha mo'i 'o/ /kun tu khyer zhes pa ni mchod pa'i lha mo snam bu ste/ sgo'i phyed de de bzhin du sgo'i 'gram ba ste/ kha khyer gyi phyi rol dang gshog pa ste/ ka ba'i nang logs
 sgo phyed do/ /de'i tshad kyis kha khyer gyi phyi rol tu dra ba dang dra ba phyed pa la sogs pa'i snam bu yang shes par bya'o/ /de'i phyed kyis ni tshon sna lnga'i sa dang/ dbus kyi 'khor lo la sogs pa'i ka ba dang mnyam par bya'o zhes so/ /sgo steng sum 'gyur twa ra Na
 zhes pa ni sgo'i dbus kyi tshad steng du sum 'gyur byas pa la twa ra Na brgyan dang bcas pa/ phyogs bzhir bri zhes so/ /de yang them skas la sogs pa'i gzugs can dril bu dang cod pan la sogs pas brgyan pa chos kyi 'khor lo dang ri dags gnyis kyis
 mtshan cir ba dan nyi shu rtsa gcig la sogs pas brgyan pa'o/ /gzhan dkyil 'khor gyi dbyibs dang mthun par ji ltar mdzes par bya'o zhes so/ /byang chub sems dpa' 'jam pa'i dbyangs gzhan gyis rigs su gtogs pa dgag pa'i phyir gsungs pa/ sangs
 rgyas zhes pa la sogs pa ste/ de yang 'jam dpal ni sangs rgyas thams cad kyi chos kyi ye shes kyi sku nyid yin pa de'i phyir na 'dir gsung mkhan te/ 'jam dbyangs rdo rje'i rigs su 'dod do/ /de bas na chos kyi sku rnam par dag pas dkyil 'khor zhes bya'o/ /
 rgyud las khru bcu drug la sogs pa tshad nges par gsungs pa de nyid gnyis su med pa'i sbyor ba nges par gzigs pa rnams la dmigs par bstan pa'i phyir sems can zhes pa la sogs pa'o/ /de yang sems can gyi bsam pa'i bye brag gi tshad la sogs
 gsungs shes so/ /don kun thabs dang shes rab snyoms par 'jug pa las dngos grub 'byung bas rigs la sogs pa'i nges pa ga la yod ces so/ /de bas na tshad kyang khru gang nas brtsams nas stong phrag gi bar du bya'o/ /zhes so/ /tshon gyi cho ga gsum
 de ltar zhes pa la sogs pa'o/ /'bar ba'i mig gis zhes pa ni/ dza ser po las nyi ma dang zla ba mig gis so/ /tshon rtsi rnams shes pa ni/ rin po che lnga 'am/ byung khungs kyi phye ma 'am sa lu la sogs pa'i phye ma zhib mor btags la rnam pa nyi shu rtsa
 lnga'i dbye ba mos nas so/ /snga ma'i go rim zhes pa ni/ thig skud ltar rang gi mig gis bltas nas/ oM dipta driSh+Ti aM ku sha dza zhes brjod pas de'i 'od zer gyi de bzhin gshegs pa rnams spyan drangs nas rang rang gi mdog dkar po la thig gdab
 par bya'o/ /de ltar bsams nas/ bden pa gang gis sangs rgyas rnams/ /sems can don la chags pa'o/ /bden pa'i de'i byin rlabs kyis/ tshon rtsi rnams ni 'bar gyur cig ces brjod nas tshon rtsi la bltas te gsal bar byas nas sngags
 'di brjod do/ /oM badzra tsitra ya sa ma ya hUM zhes yang dang yang du bzlas te dri zhim po'i spos dang cung zad bsres pa gser dngul la sogs pa'i snod du stsal te/ oM badzra(rgyud 'grel mkha' la bteg nas dkyil gyi nang du zhugs te 'di rnams su mos pas dgyes par bya'o zhes so/ /de dag gang zhe na/ chos kyi dbyings kyi dag pa 'di zhes pa la sogs pa'o/ /de la dang po tshon sna lnga gdab pa'i thabs ston to/ /de yang bla mas
 g.yon gyi khu tshur gyi dbang ldan mtshams la bsten te/ phyi rol tu dkar po de nas dmar po/ /de nas ljang gu kun gyi nang rol du nag po ste g.yas bskor du bar ma chad par yang sbubs kyi tshad tsam du bris nas me tog dang ldan pa'i snod
 kyis bkab nas/ de nas ci bde bar bri bar bya'o/ /g.yas skor tshul du mi 'debs na/ tshon la phur bus gdab par bya zhes pa ni phyogs mi bde ba la sogs pa'i dus su bdud rtsi 'khyil ba'i phur bus btab nas bri bzhin pa'o/ /rdo rje rtse mo'i
 tshon bstan pa'i phyir rdo rje rtse mo dkar po zhes pa la sogs pa'i phyogs kyi tshon rnam par dbye ba'i phyir shin tu dkar po shar gyi phyogs zhes pa la sogs pa'o/ /rtag tu thabs dang shes rab ldan zhes pa ni rang gi lha'i thabs dang shes rab
 kyi nga rgyal ma btang ba nyid du shin tu mnyam par bzhag nas phyogs pa'i sngags rnams kyis dges par bya'o zhes pas/ de'i 'og tu dkyil 'khor gyi 'og tu sbrul la sogs pa bum par gyur na/ de bzlog pa ni bstan pa'i phyir rdo rje
 bdud rtsi 'khyil bas ni thugs kyi dkyil 'khor yin pas de kho na'o/ /sku la sogs pa yang gshin rje gshed la sogs pa yang shes par bya'o/ /sdam pa thams cad ces pa ni rlung dang char ba yang sbrul la sogs pa gtor ba'o/ /phyag rgya
 chen po mche bar gsungs zhes pa ni gdug pa 'joms pa na mche ba ste kun byed do/ /de bsams nas sdang ba'i dgra'i sngags kyi rgyal po 'di brjod par bya'o/ /na ma(rgyud 'grel pa/ de ltar dkyil 'khor bris nas shes pa la sogs pa'o/ /phyag mtshan rnam par dag pa dang bcas par gsungs pa ste/ go sla'o/ de nas phyir byung nas rnam pa kun gyis tshon btab pas shin tu gsal bar bya ste/ nyes pas mi gos par bya ba'i phyir yi ge
 gsum gyi mthar mu bzhag pa'i sngags kyis tshon rtsi dang/ de bzhin gshegs pa la sogs pa gshegs par byas nas/ dkyil 'khor gyi phyir skor la byug pa dang/ dri zhim po'i chus gtor ba dang/ bum pa dgram pa dang/ na bza' dang me tog dang
 ba dan la sogs pa'i dri zhim po dang lha bshos dang mar me dbul ba la sogs pa'i bya ba bsham par bya'o zhes so/ /de bzhin du 'dir sgrub pa pos dngos grub bsgrub par 'dod pas sa dag par byas pa la sogs pa'i cho ga snga ma bzhin du bsgrub
 par byas te thig byin gyis brlab pa dang tshon byin gyis brlab par bya ste/ khye'u dang bu mo lo bcu gnyis lon pa khang par bcug ste/ des thig gdab cing tshon bkye nas phyag mtshan la sogs pa bkod de nas dbab pa'i lha gshegs su gsol nas/
 de gnyis rang gi gnas su btang ste/ ji lta ba bzhin du bsgrub par bya'o/ /zhes so de ltar dkyil 'khor bris nas lha gnas par bsams zhing byin gyis brlab pa'i cho ga gsungs pa shes rab lus zhes pa la sogs pa'o/ /shes rab lus sbyor snga ma
 bzhin zhes pa ni legs par rlabs pa'i phyag rgya dang lhan cig tu sna tshogs pad+ma ras kyis g.yogs pa'i gdan la 'dug ste/ rjes su chags pa'i mdza' la thug par sbyor ba dang por bya ste/ bsam ste nang gi nang du thim zhes pa ni de bzhin gshegs pa
 rnams zhal du zhugs nas zla ba zhu ba rdo rje'i lam nas pad+ma'i nang du brtag ste/ de la sa bon las lha'i skur brtags te/ badzra d+h+rika la sogs pa'i sngags kyi go rim bzhin du spros nas ji lta bzhin du gnas su dgod par bya'o zhes so/ /
 sgrub pa pos ni lha'i bka' thob nas spro bar bya ba ni man ngag go /rang gi sems ni mkha' khyab pa'i dkyil 'khor zhes pa ni rang gi sems dang 'dres pa'i phyir/ rang gi sems de ye shes kyi dkyil 'khor ro/ /de rdo rje dang pad+ma sbyor ba'i sgra
 yis bkug ste/ mdun du gnas par bya zhes par sgor phyogs par bya'o/ /de nas gshin rje gshed la sogs pa spros pas de dang lhan cig tu 'ongs ba'i bgegs bskrad par bya'o/ /mngon par bsrung byas te zhes pa ni/ dza la sogs
 pa snga ma bzhin du mdzad pa'o/ /de nas yon dang zhes pa ste/ bsang gtor la sogs pa'i bya ba byas nas/ gshin rje gshed la sogs pa'i dgug pa dang gzhug pa dang bcing ba dang/ dbang du bya ba byas te/
 oM d+harmma d+ha tu'i sngags kyis byin gyis brlabs pa ni bsnyen pa'o/ /de bzhin mig la sogs pa byin gyis brlab pa ni nye bar sgrub pa'o/ /sku la sogs pa byin gyis brlab pa ni sgrub pa'o/ /'od zer gyis bskul ba mngon du byas nas rang rang
 gi rigs kyi bdag pos dbang bskur bas ni sgrub pa chen po'o/ /de rnams mnyes par bya ba'i sbyor ba gsungs pa mchod pa ni byas pa ste phyag rgya'i gnas pa'i gnas kyi sa bon gyi 'od zer las lha mo'i gzugs kyi nam mkha' i
 khams bkod nas des thim pa la sogs pa'i dges par byas nas/ sngags kyi byin gyis brlabs pa ste/ gsang ba'i mchod pa'o/ /bstod ces pa ni rdo rje dang dril bu ldan pas mi bskyod rdo rje la sogs pa dges par bya'o/ /shin tu rim zhes pa
 ni gro la sogs pa'i cho gas dag par byas pa'i bdud rtsis so/ /shin tu skras ni me tog gis spyan la'o/ /dri dang pos shangs la'o/ /byug spos kyis sku la'o/ /mar mes thugs la'o/ /lha bshos zhal du'o/ /dril bu la sogs pa snyan du'o/ /yon chab dang zhal
 bsil dang phyag dang zhabs la dbul ba la sogs pa'i rim pa'o/ /bzlas te zhes pa ni so so'i sngags brjod pa'o/ /dges par byas zhes pa ni dges pa'i shes pa ni dges pa'i shes pa yan chad bsgom par bya zhes so/ /ngal bar byed pa ni man ngag tu
 shes par bya'o/ /de nas bsrung bar byas te/ phyi rol tu byung nas phyogs skyong ba rnams la gtor ma byin pa gsungs pa/ sngon bzhin pad+ma'i snod du yang/ ye shes bdud rtsi byas zhes pa ni snod rgya chen po'i nang du sdig med sha dang zan la sogs pa bkong
 la ting nge 'dzin gnyis pa'i skabs su gsungs pa ltar rlung la sogs pa'i rim gyis sbyangs pa'i kha zas ye shes bdud rtsi rang bzhin du bsams te/ phyogs skyong rang rang rnal 'byor gnas zhes pa ni gzhung gzhan la grags pa'i spyan la sogs pa'i
 gzugs su bskyed la/ bdag po khros pa'i snying las 'phros pa'i 'od zer rang bzhin gyi phyogs skyong ba rnams bkug ste bstim nas mchod nas zhes pa ni de rnams kyi lce la gnas pa'i rdo rje 'od zer gyis gong gi bdud rtsi drangs par
 bsams te/ tshim par bya'o/ /de gsol ba btab nas gshegs su gsol te/ dkyil 'khor nang du 'gro zhes so/ /de nas rdzas dang yo byad la sogs pa lhag pa'i bskyon thams cad dag par bya ba'i phyir khams gsum rnam par rgyal ba'i
 gzugs su gyur pa ste/ rgyan dang gos shes te/ stod g.yogs dang smad g.yogs dang thod bcing ba dang/ dpung rgyan la sogs pa dang ldan par bya'o/ /de nas rdo rje dang dril bur ldan pas nang du song ste dkyil 'khor la g.yas su bskor ba byas te/ phyag 'tshal nas
 me tog gtor te bdag gi mgo la gtso bos bcings par bsams nas/ dag par 'gyur ro zhes so/ /de nas dkyil 'khor pa rnams sbyin sreg gis tshim par byas pa'i phyir byin sreg mchod pa la sogs pas so/ /sor bzhi'i
 tshad du lhag pa ni de tsam du sa la 'phags pa'o/ /de'i tshad zhes pa ni sor bzhi tsam gyi pad+ma rab tu rgyas pa stong pa nyid dang bcu drug gi rang bzhin gyis 'dab ma bcu drug gis bskor ba ni shugs kyis rtogs par bya'o/ /kha khyer gru gang zhes pa ni go
 sla'o/ /khru phyed ces pa ni zabs su phyed do/ /'khor lo lta bus las kun byed ces pa ni gsum pa'i bye brag gis de rgyas pa la sogs pa'i las rnams kyang byed do/ /phyi rol gyi rdo rje phreng bas bskor zhes pa ni thabs kyi dbus su phyag mtshan gyi phyi rol
 du shes par bya'o/ /kun byed bzlas nas bsrung byas te zhes pa ni bdag dang yo byad la sogs pa'o zhes so/ /yon chab g.yon du zhes pa ni/ dung phor gsum la sogs pa g.yon du bzhag pa nye reg la sogs pa bya zhes pa'o/ /gzhan du bzhag ces pa ni/
 g.yas su me tog la sogs pa bzhag la g.yon gyi dung phor dang po'i chus yo byad bzhag pa rnams la dag par bya'i phyir bsang gtor byas nas shes so/ /g.yas bskor tshul du ku sha gdong zhes pa ni/ bdag dang yo byad la sogs pa'o/ /ha
 cang ring ba dang thung ba ma yin pa'i ku sha sngon po srin bus ma zos pa la badzra sa ta a zhes brjod nas gnod sbyin nas brgya byin gyi phyogs su rtse mos rtsa ba non par dgram par bya'o/ /dang po bskyed pa ces pa ni sbyin sreg gi lha dang po ste me lha'o
 de'i snying po raM mo/ /bkug nas dang po'i chos ye shes kyi me zhes pa ni sa bon gyi 'od zer gyi lcags kyus bkug nas shes so/ /bkug pa'i sngags ni oM me'i lha ni 'bar ba che/ /'dod pa'i don kun sgrub mdzad pa/ /sems can don la
 thugs rjes dgongs/ /gnas 'dir nye bar byon mdzed cig /oM tshur sbyon tshur sbyon 'byung chen po/ /lha dang drang srong bram ze bdag /bsreg par byas nas bsreg tu gsol/ /gnas 'dir myur du byon mdzod cig ces brjod nas thabs kyi kha khyer la byon pa?
 bsam mo/ /de la bsang gtor la sogs byas nas shes pa ni ku sha'i bam pos dung phor dang po'i chus gtor zhing/ oM agna ye A di bya A bi sha a bi sha ma hA sh+rI ye ha pya ka pya ba ha na ya argaM pra tIts+tsha swAhA/ zhes brjod nas bsang gtor bya'o/ /de nas dung
 phor par ma'i me tog dang ldan pa'i chu mtheb mdzub gnyis kyis tog tshul du bzung nas/ oM agna ye A di bya A di bya A bi sha A bi sha ma hA sh+rI ye ha pya ka pya ba ha na ya pra ba ra sa ta ka ra ma pra tIts+tsha swAhA zhes brjod nas nye reg sbyin no/ /de nas dung phor gsum
 ba'i bdud rtsi spos la sogs pa dang dril bu'i sgra dang bcas pa zhal du btab cing/ oM agna ye A di bya A di bya A bi sha A bi sha ma hA sh+ri ye ha pya ka pya ba ha na ya buShpaM pra tIts+tsha swAhA zhes brjod nas mchod yon dbul lo/ /de nas dung phor bar ma'i me tog
 'gying bag tu blangs te/ oM agna ye A di pya A di pya A bi sha A bi sha ma hA sh+ri ye ha pya ka pya ba ha na ya swAhA zhes brjod nas rkang pa gnyis la dbul bar bya'o/ /de la thim par bsam zhes pa ni/ kun nas thim par byas nas bcings te/ dbang du byas nas
 sngags 'di brjod do/ /oM agna ye A di pya A di pya A bi sha A bi sha ma hA sh+rI ye ha pya ka pya ba ha na ya swAhA/ zhes brjod par bya'o/ /de steng rin chen rdo rje'o/ /zhes pa ni mgul pa'i steng du rin chen rtse mo'i 'og tu rdo rje zhes so/ /rdo rje dang zhes pa ni dbus su sor
 gcig gis rdo rje bri bar bya'o/ /gzhan la sor phyed pa'i rdo rje bri bar bya'o/ /blugs gzar dgang gzar kha la 'bar/ /yi dam lha yi snying po bsams nas ni zhes pa ni/ rdzas 'dzag pa'i bu gar rdo rje'i bum par ram bsams nas mar la sor dbul bar
 bya'o/ /de'i zhal du ram bkod nas zhes pa ni me lha de'i zhal du raM bsams nas des drangs par bsams nas dbul bar bya'o zhes so/ /bkra shis bsrags zhe bsregs bya ste zhes pa la sogs pas ni rdzas dbul ba'i rim pa te/ de yang mjal sogs
 pa lta ba'i rdzas ni zhal du'o/ /yam shing dang phye ma dang spos ni 'od kyi dkyil 'khor du'o/ /zho dang 'bras la sogs pa'i zas dang til dang/ 'thor 'thung ni phyag tu'o/ /dri ni thugs kar ro/ /mchod yon dang mar me ni mdun du'o/ /me tog ni spyi rtser dbul lo/ /de bas
 na cho ga rim pa bzhin shes so/ /de ltar bsreg pa'i 'bar ba'i mtshan ma ni dran nus bas ma bshad do/ /de nyid ye shes 'bar me la zhes pa ni me thab kyi gzugs su gyur pa'i nang du zhes pa'o/ /nyi zla las byung bdag por bcas zhes pa de nyid gsum gyi sngags
 bzlas nas byung ste/ ji lta ba bzhin du bkod pa'o/ /de nas 'od zer gyi dkyil 'khor spyan drangs te mdun du bsam mo/ /sngags ni oM tshur sbyon tshur sbyon bcom ldan 'das/ /gang zag dad pa can rnams kyis/ /mchod yon la sogs dbul bar dgongs/ /gnas
 'dir myur du byon par mdzod ces brjod par bya'o/ /dza(rgyud 'grel badzra dri paM hUM swAhA/ mar me'o/ /oM badzra ne bi tye hUM swAhA/ lha bshos so/ /de nas gzhug pa dang bcing ba dang dbang du bya ba byas nas/ /oM badzra a na la ma hA b+hu ta dzwa la ya sarba duSh+Tan hUM phaT swAhA dri sh+ya ho dza hUM baM ho sa ma ya stwaM/ zhes brjod nas nye bar sgrub
 pa la sogs pa byin gyis brlabs nas sngon du phye'i mchod sogs ni phyi dang gsang ba bstod pa mdzad nas/ gong ma'i rim pas srog shing la sogs pas so so'i sngags kyis dbul lo zhes so/ /nga yang rgyas pa'i zhes pa la sogs pa'o/ /rgyas pa la oM gyi
 mdza' dang bcas pa'o/ /zhi ba la ni swAhA'i mdza' dang bcas pa'o/ /dgug pa la ni dza'i mdza' dang bcas pa'o/ /mkhon dang bskrad dang/ mngon spyod la ni hUM phaT kyi sgra dang bcas pa'o/ /de bas sngags kyi mdza' yas bskul bar gsungs zhes bya'o/ /sngon zhing yang ?
 tshim par bya zhes pa ni ting nge 'dzin gnyis pa gsungs bzhin du rlung la sogs pas dag par byas pa'i bdud rtsi rim par bya'o zhes so/ /nyi zla 'khor lo zhes pa ni de las 'gyur ba'i phyi rol dam pa'i ljags zhes pa ni hUM la sogs pa'i rdo rje bskyod pa'i rdo rje bsgoms nas
 de'i 'od kyi drangs nas shes so/ /de ltar tshim par byas nas bzod par gsol ba btab nas bsang gtor la sogs pa'i bya ba byas nas mchod bstod byas nas sngags 'dis gshegs su gsol lo/ /oM khyod kyis sems can don kun mdzad/ dngos grub stsal
 nas ci bder gshegs/ rang gi yul du gshegs nas kyang/ /yang na gnas 'dir byon mdzod cig mu(rgyud 'grel rnams gong ma'i rim pas bsreg par bya'o zhes so/ /de bzhin du gsol ba btab nas gong ma'i rim pas gshegs su gsol lo/ /sbyin sreg gi cho ga bsdus pa'o/ /de ltar dkyil 'khor mchod/ dkyil 'khor du cho ga gsungs pa/ dkyil 'khor mchod nas
 zhes pa la sogs pa'o/ /slob mar zhugs pa'i rim pa bzhin zhes pa ni byang chub tu sems bskyed pa la sogs pa nas/ me tog dor ba'i bar gyis dang po rang nyid zhugs nas/ dbang bskur yan chad bskyed byas te zhes pa bsnyen sgrub bzhi dang ldan par bya ba
 nas su'o/ /rigs bdag bka' stsal thob nas su zhes pa ni chu'i dbang nas bka' stsal ba'i dbang yan chad lhas gnang bar bsams nas shes par bya'o/ /de nas sgrub pa po rnams ni dngos grub kyi lam gyi rim pa la 'jug par shes par bya'o/ /slob dpon
 ni 'dod chags chen po las byung ba'i dkyil 'khor gzugs brnyan bzhin du snang ba de slob ma gzhug par bya ba'i don du de kho na nyid dang bden pa brjod par bya'o/ /nam mkha' las byung zhes pa la sogs pas 'jam pa'i rdo
 rje de kho na nyid ston to/ /mchog chen zhes pa la sogs pa ni rnam par snang mdzad kyi de kho na nyid ston to/ /skyon med rtag la sogs pas ni snang ba mdza' yas kyi de kho na nyid ston to/ /de la skyon med ces pa ni zab mo'o/ /brtag ces pa ni gsal?
 pa'o/ /gtan du dag pa ces pa ni la sogs pas ni rin chen 'byung ldan gyi de kho na nyid ston to/ /dngos grub chen po zhes pa la sogs pas ni mi bskyod pa'i de kho na nyid ston to/ /sems can kun zhes pa la sogs pas ni de kho na nyid grub pa'i de kho
 na nyid ston to/ /de la yid khyag pa ni phyag rgya chen po'o/ /snying la gnas pa ni dam tshig gi phyag rgyas so/ /kun gyi pha ni las kyi phyag rgya'o/ /'dod pa'i don ni chos kyi phyag rgya'o/ /bden pa gang gis zhes pa la sogs pas ni de rnams la gsol ba gang ba
 pa'o/ /gzugs brnyan dang ni zhes bya ba la sogs pas ni/ lha rnams dang gzhal med khang la sogs pa'i de kho na nyid ston te/ gzugs brnyan dang mnyam nyid la sogs pa'i chos ni dran pa nye bar gzhag pa la sogs pa'o/ /de nyid shes pa ni
 chos de rnams so/ /de nyid rnyed pa ni zhes pa ni gzhal med khang la sogs pa'i mtshan nyid du shes pa'o/ /de lta bu'i dkyil 'khor gzugs ltar gsal ba ste/ sdig pa med pa de ni blta bar zhes sdom pa la sogs pa'i rim pas dag par byas
 pa'i slob ma zhes bya'o/ /da ni slob ma gzhug pa'i cho ga gsungs pa thun mong pa zhes la sogs pa'o/ /thun mong sdom pa zhes pa ni/ rig pa'i dbang thob par byed pa'i sdom pa sde/ byang chub sems dpa' rnal 'byor gyi rgyud la sogs pa dang ldan
 pa thun mong du gyur pa'i phyir ro/ /de dang dus sngon dus sngon du ldan par byas pa ces pa'i don to/ /sngon bzhin zhes pa ni bsnyen pa'i skabs bzhin du zhes so/ /sku sogs 'od gsal zhes pa ni rnam par snang mdzad kyi ngo bo bsnyen sgrub ba ni dang ldan par
 bsam pa'o zhes so/ /de nas dkyil 'khor chen po dang bar du yol bas bcang nas bsang byed kyi bum pa'i chu yis gtor ba'i dmar po'i sham gyis gdong g.yogs te/ zhes pa ni lha'i ye shes zhen par bya ba'i phyir des g.yogs zhes pa'o/ /de nas bla
 mas khyod ci la dga' zhes lan gsum dri bar bya'o/ /des bskal ba bzang po dga' bo zhes lan gsum smra bar bya'o/ me tog gi phreng ba lag pa yis dkyil 'khor gyi lha la sgo nas yang dag par mchod par bya ste/ de bzhin gshegs pa lha'i rnal 'byor
 ma btang ba nyid du zhes so/ /yon 'bul ba zhes pa ni bla ma la dbul ba ste/ yul mkhar khyim dang glang po rta/ /gser dang mu tig byu ru dang/ nor bu dang ni khyad par rdzas/ /bu dang chung ma bdag nyid dang/ /bu mo shin tu yid 'ong dang/ /bran po bran mo bcas
 pa? kun/ de nas brtsams te dbul bar bya/ /zhes yon gyi bye brag gi dbul lo/ /snying gar rdo rje bzhag ste zhes pa hUM gis skyed nas shes so/ /de nas so sarbba yo ga nas zhes pa nas su ra ta sa ma ya stwaM zhes pas byang chub tu sems bskyed la/ tiSh+Tha badzra ya ta
 su khaM zhes pas 'khor lo bskul bar byas nas 'di brjod do/ /'di khyod la de bzhin gshegs pa thams cad kyi zhes pa nas dad pa mi byed pa yang mi rung ngo/ /zhes pa'i bar du brjod par bya'o/ /de nas gshin rje gshed la sogs pa rang sngags kyi
 yol ba'i rgyab tu bkug nas chud par byas sam yang na yi ge lnga po brjod ces pa ni a khaM bi ra hUM zhes brjed nas gzhugs la sogs pa byas nas snga ma bzhin du sdom pa 'dzin du gzhug go /de nas 'og tu yang brjod do/ /de yang khyod de bzhin gshegs pa
 thams cad kyi rigs la zhes pa nas/ khyod ba'i tshig las 'das par mi rung ngo/ /zhes brjod par bya'o/ /de nas dam bsgrag pa'i phyir de'i snying gar rdo rje bzhag nas su/ /oM de ring rdo rje sems dpa' nyid ces pa nas de ma thag tu
 bkas nas gshegs zhes brjod do/ /yi ge gsum 'bar pad+mar gnas zhes pa ni pad+ma ban da'i nang du gnas pa'i bdud rtsi yi ge gsum gyis sbyangs pa'i bdud rtsi 'thung du gzhug ste/ 'di brjod do/ /'di ni khyod kyi dmyal ba'i chu zhes pa nas/
 oM badzra ba zhes pa'i bar du brjod par bya'o/ /de nas brtan pa'i dam bcas pa nas rdo rje dang bdud rtsi 'gyur du mi gnas pa'i phyir brtan pa'o/ /de ring phyin chad khyod kyis zhes pa nas dmyal bar lhung bar ma 'gro zhig ces brjod par bya'o/
 de nas slob dpon gyis de ltar smras pa las slob mas kyang de ltar ka gdab par bya'o/ /de bzhin gshegs pa thams cad kyis shes pa nas dbab par shog cig ces gsol ba gdab par bya'o/ /de nas de'i snying gar lam las byung
 ba'i dbang chen gyi dkyil 'khor ser po grwa la sna tshogs rdo rjes mtshan pa hUM bsam mo/ /mgrin par baM las byung ba'i chu'i dkyil 'khor zlum po bum pas mtshan pa la es mtshan pa'o/ /de bzhin du spyi bor baM las byung ba'i dkyil
 'khor gzhu 'dra ba rgyal mtshan sngon pos mtshan pa la haM bsam mo/ /de'i rkang pa'i 'og tu 'od zer 'bar ba'i dzheM bsam nas rlung rang 'byung zur gsum pa ces pa ni rlung gi steng du me gzugs gru gsum pa'i steng du dzhaiM bsam nas/
 de'i 'od bsams rkang pa'i bu ga nas zhugs nas/ rkang gi dbus tshun chad snang bar byas/ a be sha ya stwaM pa ya ra ra ra tsa la ya hUM ha A dzhaiM zhes pa dang rdo rje dril bu'i sgra dang bcas pas dbab par bya'o/ /de ma thag tu 'od dpag tu
 med par mos pas lce'i steng du thig le dmar po la a bsams nas gsungs shig ces brjod par bya'o/ /de nas tiSh+Tha badzra zhes brjod nas brtan par bya'o zhes so/ /de nas me tog gi phreng bas dkyil 'khor du gtor bar bya'o/ /pra tIts+tsha badzra?
 zhes brjod nas de nyid mgo la bcings par bya ste sngags 'di brjod do/ /oM pra ti grih+Na twaM maM ma hA ba la zhes brjod par bya'o/ /phyag mtshan nye 'am mi nye 'am zhes pa ni ri'u cha'i gnas las ni shes par bya ste/ sku dang dbu la babs
 na mchog go zhal la babs na sngags kyi dngos grub po/ /sku'i dbus su bab na mdza' mal pa brgyad do/ /smad du bab na las rnams 'grub po/ /nye na dngos grub kyang nye'o/ /ring na dngos grub kyang ring ngo/ /bar du bab na nye ba'i rigs so/ /dkyil 'khor la thal na dang ba chung ngu
 ste sman pa'i dngos grub po/ /snying po la bab na gang yang 'grub po/ /re khA la phog na yang dor ro/ /mnyam pa 'am bdag gi mdun du lhung na lan gsum dor ro/ /der ma byung na slar gtang ngo/ /zhes so/ /spyan la phyag 'tshal 'od 'bar can/ ces pa ni mig gnyis la
 'od zer 'bar ba'i oM re re bkod do/ /oM badzra satwa sa man te re tya tsak+Shu ka ta na ta pa ra pa uta ga ta ya ti sarbba ak+Sho badzra tsak+Shu a bu ta raM zhes brjod nas gdong g.yogs bkrol te khyod kyi mig gis ji ltar mthong zhes dris te/ dkar po mthong na mchog thob
 po/ /ser po mthong na rgyas pa'o/ /dmar po mthong na dre'u chags pa'o/ /nag po ni mngon spyod do/ /sna tshogs pa ni gang yang rung ba'o/ /shes bya'i rnam pa thams cad la mig phye bar bsams nas dkyil 'khor bstan par bya'o/ /ji ltar zhe na/ 'khor lo bdag po
 nas brtsams nas/ bdud rtsi 'khyil ba yan chad do/ /zhes pa ste 'jam dbyangs nas kun byed rnam par dag pa dad bcas bces so/ /kun byed nas gtso bo'i bar du bstan to zhes pa ci 'dod do/ da ni slob ma dbang bskur ba'i cho ga gsungs pa/ spyi bor zhes pa la sogs pa'o//
 de la bum pa rnams kyi chu yon gyi snod las gcig tu byas pa/ hUM dang rdo rje las mi bskyod pa bsnyen sgrub bzhi dang ldan par grub par byas ye shes sems dpa' bkug nas/ mchod nas thim par bya ste/ chu'i ngo bor bsgrub par byas
 nas spyi bor blugs nas sngags 'di brjod par bya'o/ /gsang gsum dam tshig las byung pa/ /ye shes bdud rtsi dri ma med/ /lha yi chu ni rab dag pas/ /mi bskyod rdo rjes dbang bskur ro/ /oM badzra di bi Shiny+tsa ya ma mi dri zhes brjod pas me long
 lta bu'i ye shes rab tu rgyas so/ /de bzhin dbu rgyan dbang bskur snga ma bzhin zhes pa ni lugs ma sogs pa'i dbu rgyan la dar gyi cod pan gyis mtshan pa dang/ rin chen 'byung ldan gong ma bzhin du bsgoms nas der gyur pa'i dbu rgyan
 bskon te/ 'di skad brjod do/ /sangs rgyas kun gyi rgyal srid che/ dbu rgyan rin chen dam pa ste/ /rin chen kun gyi mchog 'gro bas/ /rdzogs sangs rgyas su dbang bskur ba'o/ /oM badzra bi ra ta ka badzra raSh+mi ho zhes brjod nas de'i dbus su yi dam
 gyi lha ni byin nas shes pa ni rigs kyi bdag po bzhag par bya'o/ /mnyam pa nyid kyi ye shes rab tu rgyas so/ /snying gar rdo rje de gzung nas zhes pa ni h+ri dang pad+ma las gyur pa'i snang ba mdza' yas sngar bzhin grub par byas nas/ de yongs su gyur
 pa'i rdo rje lag pa g.yas par sbyin ste dbang bskur ro/ /sangs rgyas rnams kyi rdo rje dbang/ /de ring khyod la bskur bar bya/ /rang 'grub phyir na bzung bar bya/ /oM pra ti A ba sha dz+nyA na badzra A b+hi Shiny+tsa zhes brjod pas so sor rtog pa'i ye shes rgyas so//
 rdo rje dril bus 'khyud pa'i tshul zhes pa'i lam dang ral gri las byung ba'i don yod grub pa ni snga ma bzhin du grub par byas nas/ /de las gyur ba'i dril bu bsgom ste/ rdo rje dang 'khyud ba'i tshul gyis bzung ste/ bdag por dbang zhes pa ni phye dang
 nang gnyis kyi rnal 'byor las so/ /thabs dang shes rab ldan pa yis/ /'gro don mnyam nyid byed pa dang/ /mchod pa'i las rnams rdzogs byed phyir/ /rdo rje las kyi dbang bskur ro/ /oM badzra di ba ti ma a bi Shiny+tsa mi zhes brjod pas bya ba nan tan gyi ye shes rab tu rgyas so/ /spyi
 bor ming gi dbang bskur ste zhes pa ni rnam par snang mdzad phab ste/ de yi lus la ldan pa yis/ /'gro don mnyam nyid byed pa dang/ mchod pa'i las rnams rdzogs byed phyir/ /rdo rje las kyi dbang bskur ro/ /oM badzra di bi ti traM ka a b+hi Shiny+tsa mi zhes brjod pas bya ba nan
 tan gyi ye shes rab tu rgyas so/ /spyi bor ming gis dbang bskur te zhes pa ni rnam par snang mdzad phab ste de'i lus la stim nas spyi bor lag pa bzhag nas che ge mo rdo rje zhes pa ni bos/ /rdo rje ming gi dbang bskur bas/ /byang chub snying po'i bar du ni/ /cis kyang mi shig
 mi g.yo bar/ /rdo rje ming gis rab tu grags/ /oM badzra swAhA ta a b+hi Shiny+tsa ta zhes brjod pas rnam par dag pa'i ye shes rab tu rgyas so/ /da ni de rnams la ye shes lnga 'byung ba gsungs pa/ gang gang zhes pa la sogs pa'o/ /dkyil 'khor gyi gang dang gang snang
 ba de kun gyi rang bzhin ni/ /'jam pa'i rgyal po nyid yin te/ de'i phyir rang bzhin gyis ni chos kun dag ces pa ste/ rang bzhin gyi bsgom pa bral ba'i phyir na chos kun lha skur snang ba'o/ /de kun ye shes 'dus pa'i phyir/ /'jam pa'i dbyangs ni rang gi dkyil 'khor gyi
 gtso bo 'am gzhan las khyad par du mthong bar bya ba'i phyir mtshan gyi gong du dpal zhes pa'i sgra bzhag go zhes so/ /dbang rnam par dag pa gsungs pa/ chu dbang mi bskyod ces pa la sogs pa'o/ /ye shes rigs 'di rdo rjer 'gyur zhes pa ni ming gi dbang ni rig
 pa'i bdag nyid kyi phyir na ye shes te shin tu rnam par dag pa'o/ /da ni thun mong du gsungs pas chos kyi dbyings shes bya'o/ /de'i rgyud ni de las gyur pa ste dbang bzhi'o/ /de nas 'dir dbang bzhi bsdus pa'i na khyad par du de la rig pa'i dbang zhes bya'o/ /'di
 rnams kun gzhi la sogs pa me long lta bur gnas 'gyur pas ma rig 'joms pa'i phyir de skad brjod do/ /da ni de rnams kyi rgyu brtul zhugs la sogs pa gsum du gsungs pa/ brtul zhugs zhes bya ba la sogs pa'o/ /
 brtul zhugs zhes pa dam tshig gsum las dang po dang gnyis pa'o/ /lung bstan pa deng dbugs dbyung pa ni 'og nas ston pa ste/ thun mong du shes par bya'o/ /de rnams ni rig pa'i ye shes lnga'o/ /'dis spyod pa byed pas na/ rig par sbyor ba'o/ /de
 bas na dam tshig 'di med par rdo rje slob dpon gyi dbang bskur ba'i snod ma yin pas hUM las gyur pa'i rdo rje lag tu gtad la 'di skad du/ 'di ni sangs rgyas thams cad kyi zhes brjod nas/ hi hi hUM zhes pa nas rdo rje brtul zhugs byin te de nas rdo rje de
 kho na nyid bstan to/ /thog ma tha ma med pa sems dpa' i zhes pa nas rdo rje snying po'i gtso bo zhes pa de kho na nyid byin pa ni rdo rje'i dam tshig go/ de lta bu'i de kho na nyid gtogs pas gsung gis bstan pa'i phyir dril bu grags su gsungs pa/ de bzhin
 nyid ces pa la sogs pa gsungs so/ /a las yongs su gyur pa'i dril bu lag tu byin la/ 'di ste sangs rgyas thams cad kyi zhes pa ni/ rgyal bas byang chub mchog tu 'dod ces pas brtul zhugs byin nas de kho na nyid brjod do/ /de ni chos kyis zhes
 pa ni gzhung bzhin du dkrol par bya ste/ srid pa rang bzhin gyi dag ces pa ni/ bzung ba la sogs pas dag pa ste/ de ltar ma yin na don med par 'gyur ba la sogs pa'o/ /rang bzhin dag ces pa ni zab pa'o/ /de sems can te byang chub sems dpa' 
 rnams kyi bsgom pas dam pa'i srid pa ces te/ de bzhin gshegs pa rnams thob par byed pa'o/ /byed pa po zhes pa ni zab pa de nyid do/ /de lta bu'i rang bzhin du shes pa ni dril bu'i dam tshig go/ da ni phyag rgya'i dam tshig gis bcom ldan 'das thob
 par bya ba'i bzlas pa gsungs pa phyag rgya chen po zhes pa la sogs pa'o/ /phyag rgya chen po zhes pa ni lha'i sku la sogs pa'o/ /byin gyis brlabs te zhes ni sku la sogs pa'o/ /snying ga zhes pa ni sa bon rnams kyis so/ /bsnyen pa la sogs shes pa ni chung ngu dang/ 'bring po dang chen po'i bsnyen pa la
 sogs pas so/ /dam tshig ces pa ni rdo rje 'dzin pa'o/ /'dod pa yang yin gzugs la sogs pa yin pas de skad do/ /sngags ni dbugs su brtags nas bzlas/ zhes pa ni man ngag gi rim pas shes so/ /rang gi rang bzhin zhes pa ni zhes so/ /rang gi lha'i rang bzhin
 ste gzugs la sogs pa'o/ /de ltar shes par byas nas mchod par bya'o/ /zhes te gsang chen gyi mchod pa ste/ yid dga' bar byed ba'i phyir ro/ /mi mthun gang zhe na/ dka' thub dam bcas de dag ni zhes pa ste/ nyan thos la sogs pa'o/ /de bsnyen par byas
 nas 'grub pa med ces so/ /gang mi 'grub ce na mi snang mngon shes mkha' 'gro ste/ tha mal pa rnams kyis mi 'grub po/ /de bzhin du sku gsung thugs la 'grub pa phyag rgya chen po yang mi 'grub zhes so/ /de bas na bka' stsal ba/ de nas sangs
 rgyas zhes pa la sogs pa'o/ /'bras bu gsungs pa/ chos yig mchog ces te mi 'gyur bas na yi ge ste/ zab mo gsal ba dbyer med pa'o/ /bde sdug gnyis med bdag med ces pa ni gzugs la sogs pa re re yang gsung gi bdag nyid do//
 de 'dod chags ye shes te rdo rje 'dzin pa la sogs par shes par byas nas de kho na nyid 'grub po zhes so/ /de yang sku gsung thugs bsgom pa ni phyag rgya'i dam tshig bsgom na zhes pa ni phyag rgya'i dam tshig bsgom na rtag pa tsam gyi 'grub po
 zhes so/ /dam tshig gsum bsdus pa gsungs pa/ ji skad ces pa la sogs pa'o/ /da ni rdo rje slob dpon gyis dbang bskur ba gsungs pa/ sdom pa ces pa la sogs pa gsungs pa'o/ /zhes sdom pa gzung pa'i slob ma'i zhes pa ni phyir mi ldog
 pa'i sdom pa'o/ /de yang phyir mi ldog pa'i dbang la sogs pas slob ma bzhugs su gsol bar bya ste/ de nas bla mas sdom pa'i mchog bka' stsal pa// //pham pa 'di ni bcu bzhir grags/ /spang? zhing dor
 ba mi bya ste/ /rtsa ba'i ltung ba de ltar gsungs/ /slob dpon nyid la smod pa dang/ /bde bar gshegs pa'i skad cig dang/ /khros pas mched kyi skyon rnams brjod/ /byams pa chen po yongs bral dang/ /byang chub sems ni smad pa dang/
 theg pa gsum po smad pa dang/ /snod ma yin la gsang ba bstan/ /bdag nyid rgyal ba'i phung po smad/ /dag pa'i chos la som nyi dang/ /dam pa'i chos la dga' bral bar/ /sdug bsngal dag la chos su brtags/ /dad sems dag ni smad pa dang//
 dam tshig nyid la sprad pa dang/ /rnyed pa'i gzugs mang smad pa dang/ /de ltar rtsa ba'i ltung ba yis/ sngags pa rnams kyi dam tshig nyams/ /nyin gsum mtshan gsum lan drug tu/ /nyin re bzhin du brjod par bya/ /yan lag dam tshig ces
 bya ba/ /dam tshig dang ni mi ldan pa'i/ /rig ma brten par dga' ba dang/ /tshogs kyi dkyil 'khor smod pa dang/ /gsang ba'i chos ni ston pa dang/ /sems can dad dang ldan pa la/ /dam pa'i chos ni log par bstan/ /nyan thos dag tu rlom byad
 pa/ /nang du zhag bdun gnas pa dang/ /sbyor ba nges par ma byas dang/ /snod min gsang ba ston pa rnams/ /kha na ma tho sbom 'gyur te/ /sngags pa de yi dam tshig zad/ /zad pa grub par mi 'gyur te/ /nad dang sdug bsngal rab tu 'phel/ /thur du
 bltas te dmyal bar 'gro/ /sngags pas de dag yongs spangs te/ /bdag nyid ma 'khrul shes par bya zhes lan gsum brjod do/ /de ltar sdom pa bzung ba'i slob mas de bzhin du rjes su mthun pa'i yon phul nas phyag 'tshal nas tshigs su bcad pa
 'dis rdo rje slob dpon gyi dbang nod par bya ba'i don du gsol ba gdab par bya'o/ /byang chub rdo rje sangs rgyas la zhes pa nas/ nam mkha' rdo rje bdag la gsol zhes pa'i gsol bar bya'o/ /de nas bla mas dbang sbyin pa ni 'jug pa'i sgo zhes
 pa ni shar sgor ro/ /'dab brgyad pad+ma khri la bzhag ces pa ni kha dog gcig pa'i dkyil sa bon la sogs pas brgyan pa la/ 'dab ma brgyad pa'i 'dab ma la gnas par byas la/ /de'i steng du ras la sogs pas g.yogs pa'i seng ges mtshan pa la slob ma
 de bzhag ste/ gsol ba gdab par bya'o/ /de nas slob ma de lhag par mos pa la sogs pas ting nge 'dzin gsum gyi rnal 'byor dang ldan pas byas nas thabs 'dis rdo rje slob dpon gyi dbang bskur ro/ /phyogs bcu dus gsum gyi rdzogs pa'i sangs rgyas kyi
 dkyil 'khor ste bde bar gshegs pa lha mo'i tshogs dang bum pa gtso bor byas pa'o/ /me tog spos mar me dri lha bshos gdugs rgyal mtshan can khyad par gyi mchod pa sna tshogs pa thogs pa rnams rang snying las phyung nas zhes pa ni/ slob
 dpon dang ye shes sems dpa' i sa bon gyi 'od zer byung nas/ de bskul ba zhes so/ /rol mo dri sogs ldan byas zhes pa ni lnga la sogs pa'o/ /rol mo dang dril bu la sogs pa'i rol mo dang ldan pa rnams kyi tshigs su bcad pa'i rdo rje brjod do/ /sngon bzhin rig pa'i
 dbang bskur nas zhes pa ni de rnams kyi byas pa bsams shing slob dpon gyi tshul sogs pa bka' stsal ba'i mthar thug pa'i bar du bskul bar bya'o/ /de rnams kyi tshigs su bcad pa'i sde brjod pa 'di dag go/ dbang bskur rdo rje chen po ni zhes nas sangs
 rgyas kun gyis byin pa yin zhes pas dbang bskur bar bya'o/ /phyir mi ldog pa'i dbang zhes pa ni sa brgyad pa las so/ /de nas de thams cad ye shes ngo bo slob ma de la gzhug par bsams nas/ oM su pra tiSh+Tha ta badzra swAhA/ mi bskyod pa rin po che'i dbu rgyan
 gsal/ de nas spyi bor me tog spos dang mar me dang dri mgrin pa/ snying gar dri rgyan sna tshogs pa khyad par gyi mchod pa rnams kyis yang dag par mchod nas mi bskyod rdo rje zhes pa la sogs pa nas yang dag par bsteng nas/ de
 nas slob ma rdo rje dril bu 'dzin par byas nas bkra shis la sogs pa'i tshigs su bcad pa brjod cing mgo'i steng du gdugs bteg par byas nas g.yas skor du lan gsum byed du gzhug nas/ dkyil 'khor sgor thal mo sbyar nas gdugs dang bcas
 pas phyag byed du gzhug go /de nas de gdugs gzung nas khri la bzhag ste/ rim pa 'dis slob dpon gyis brjod par bya'o/ /de ring phyin chad bu khyod kyis/ /dkyil 'khor gyi ni slob dpon 'gyur/ /sngags dang rgyud kyang 'dzin par 'gyur/ /sangs rgyas
 byang chub sems dpa' dang/ /lha rnams kyis ni bskur bar 'gyur/ /sems can rnams la snying rtse'i phyir/ /khyod kyis dkyil 'khor cho ga bzhin/ /nan tan bskyed de bri bar gyis/ /sgrub pa pos yang rgyud la sbyor zhes slob dpon gyis las
 bstan to/ /de la tshon lnga yang dag sangs rgyas lnga zhes pas ni/ brtag pa la sogs pa ste ci'i phyir tshon ces bya na/ tshon rtsir snang ba'i ye shes kyis sangs rgyas kyi ngo bor sems can gyi sems mtshon pa'i phyir/ de bzhin du dbang po la
 sogs pa'i chos ji snyed rang rang gi tshon nyid dang bral ba'i phyir dag pas na lha rnams ste de'i bum pa'o/ /ji lta bu zhe na sems can rnams la ye shes bdud rtsi lta bu byin pas gser lta bur gnas so/ /tshogs gnyis kyis gang ba'i rtags su bum
 gang la'o/ /sems can la thugs rdo rje'i chus rlan pa'i rtags su chus gang pa zhes so/ /de bzhin u byang chub kyi yan lag gi me tog dang 'gro ba rnams yid tshim par byed pas na/ sgron ma dang dzam+bu gling gis chos bshad pa'i thams cad
 nang 'grengs pa'i bdugs pa dang/ lung sogs pa chos kyis tshim pa'i lha bshos dang/ ngo tsha shes pa dang khrel yod pas na sdom pa ste/ dam tshig gis rtags dang/ bde ba chen po 'phel bar byed pa'i glu dang gar la sogs pas kyang brgyan pa'o/ /phyin ci
 log thams cad las grol zhing khams gsum gyi chos kyi rgyal po gnas nyid kyi phyir na gzhal yas khang ngo/ /dkyil 'khor snying po 'dus pa'i phyir zhes pa ni snying po ni gsal ba dbyer med pa'i chos kyi dbyings te/ de bsdus pa ni de rtogs
 pa'i dus na rgyu ba dang rgyu ba'i chos thams cad de'i ngo bor rtogs pas na dkyil 'khor ro/ /de ltar dkyil 'khor gyi de kho na nyid bstan pa'i phyir/ da ni lha'i de kho na nyid bstan pa'i phyir/ /dad pa brtson zhes bya ba la sogs pa ste/ de la me long sogs zad
 ye shes zhes pa ni kun gzhi la sogs pa gnas 'gyur zhing bag chags dang bcas pa zad cing mthar thug pa ste/ skad cig ma'o/ /ma skyes ye shes pa ni/ de rnams kyis rnam par dag pa ste/ bcos ma ma yin pa phyin ci log pa rnam pa thams cad du
 mi 'gyur ba'o/ /gzugs la sogs 'khrug pa dag pas ni gcig dang du ma la sogs pa dag pa'o/ /phung po bzhis zhes bya ba la sogs pa ni/ rang dbang du brtags pa rnam par dag pa ste/ lha mo la sogs pa'o/ /rang gi mi mthun pa'i phyogs shes pa ni sgrib
 pa bzhi'o/ /de la logs pas na stobs bcu la sogs pa'o/ /so so rang rig ces pa ni gsal pa'o/ /chos nyid ces pa ni zab pa'o/ /de go rim bzhin du dbyer med pa'i rang bzhin du gnas pa'o/ /de bzhin du rig pa'i 'khrul pa ces bya ba ni gong du bstan pa ltar
 phyi'i don gyi 'khrul pa la sogs pa rnams log cing gzhan gyi rnam ltar 'di bltas te/ 'bras bu pha rol phyin sogs kun zhes so/ /de nyid kyi 'dir dkyil 'khor 'khor lo'i tshul du shes par bya'o/ /zhes bstan to/ /da ni de la de kho na nyid dgu pa slob
 dpon la sogs pa las dkyil 'khor gyi bsgrub pa la sogs su gsungs pa/ de nas byad dang zhes pa la sogs pa'o/ /de'i don ni 'di lta ste/ slob ma rnams dbang bskur ba'am/ bdag nyid kyang dngos grub sgrub pa'i don du dkyil 'khor ji lta ba bzhi na du/
 bris te phyag rgya dgod pa'i phyag rgya yan chad rdzogs par byas nas sangs rgyas mnyam sbyor las gsungs pa bzhin du bla re la sogs pa dang/ a ka ru la sogs pa'i spos dang mar dkar gyi mar me 'bum la sogs pa dang/ pi wang la sogs pa'i brgyan gyi khyab
 par sna tshogs pas rnam par bskor nas/ /cho ga 'dis dkyil 'khor bsgrub par bya'o zhes so/ /de nas byang dang zhes pa la sogs pa'o/ /de'i don ni bdag nyid phyi'i khrus byas nas gla rtsi la sogs pa byug cing rgyan sna tshogs pas rnam par brgyan pha legs pa'i
 nang tshangs can gyi bstan pa la/ rdo rje dril bu ldan pa shar phyogs su bltas te 'dug par bya'o/ /de nas byad la sogs pa dang ldan pa'i bu mo dang lhan cig tu gnas nas rjes su chags pa'i mdza' la thugs pas dang po sbyor ba bya ste/ cho ga gsum gyis gsang
 ba'i gnas su lnga bskyed nas bstan par byas te rigs pa dag snang ba thob nas sbyor bar bya'o zhes so/ /'di nyid ni las dang po dang cung zad ye shes dbang du 'gyur ba'i mtshan ma yang yin no/ /de nas rang mtshan brjod nas/ rdo rje bdag zhes pa ni/ badzra d+hika la
 sogs pa brjod nas rdo rje'i bdag nyid rnams 'byung ngo zhes so/ /'khor lo mdun du kug nas su zhes pa ni rdo rje dang pad+ma sbyor ba'i sgras gshin rje gshed bskul bas des bkug nas shar phyogs kyi sgor gnas par bsam mo/ /bgegs kun bskrad ces pa ni
 spros pa'i khro bo so sor gsungs byas te zhes pa ni/ dra ba la sogs pas so/ /de nas yon phul nas zhes pa ste dung phor gyi chu ku sha'i baM pos gtor zhing oM a maM ni wa d+ha pra tIts+tsha hUM zhes brjod nas bsang gtor bya'o/ /nye reg gi sngags kyang de'o/ /
 de bzhin du bdud rtsi chu la yang snod du phul nas/ oM a pra ba ra sa ta ga raM oM aM dza zhes brjod do/ /oM a maM arg+haM pra tIts+tsha hUM dza ba rang ya zhes brjod nas me tog sgyid pas blangs te/ zhabs la dbul bar bya'o/ /mchod byas te zhes pa ni phyi dang gsang ba'i mchod pas so/
 de la bstod nas bdud rtsi myangs pa yang rab tu byas te sgo bsrungs kyi sgo ru las bya zhes pa ni shes rab mthar byed kyi 'od zer gyis bteg ste bskor nas ji ltar bzhin du thim par bya'o/ /phyi ma'i brda phrad par zad do/ /de nas mchod pa la sogs pa byas nas phyi
 rol tu byung ste/ gong ma bzhin du phyogs skyong rnams la gtor ma dbul lo/ /de nas lhag chad kyi skyon bsal ba'i phyir rdo rje hUM mdzad du bsgyur nas nang du zhugs te gong ma bzhin du bya'o/ /de nas ji skad du gsungs pa'i sbyin sreg gi cho ga byas nas sems can
 kun gyi don gyi phyir/ /dngos grub thams cad grub par mdzod cig gsol ba gtab po/ /de la gzhan tshogs yongs su rdzogs par byed pa'i don du dkyil 'khor ji skad du gsungs pa bris phyogs bzhi'i gnas mdzes pa la shes rab kyi pha rol tu phyin pa dang/ sdod po
 brgyan dang snang ba dam pa dang/ gser 'od dam pa rnams bklags shing sangs rgyas la sogs pa la gong ma lta bu'i spos la sogs pa'i mchod pa'i yo byad dpag tu med pa bsags nas phyag rgya dgod pa yan chad rdzogs par byas skud pa dang tshen rtsi gshegs
 su gsol nas/ ba lang gi lci ba dang bsres nas te/ phyi skor la byug cing me tog la sogs pa sna tshogs pa dgram par bya'o/ /de nas khrus la sogs pa brtsams nas shar phyogs su kha bltas te rdo rje dril bu dang ldan pas ras kyis g.yogs pa'i sgrom la 'dug ste/
 dam tshig ces pa yod pa'i grogs po rnams kyang gong ma'i rim pas brgyan sna tshogs kyis brgyan nas gnas ji lta ba bzhin du bzhag par bya'o/ /de nas bla mas bstan pa'i de kho na nyid la goms par bya ba'i ched du byad la sogs pa dang ldan pa'i
 bu mo rang gi g.yon du bzhag ste/ gong du bla ma lta bu'i ting nge 'dzin la gnas nas 'khyud pa dang po bya ba la sogs pa'i rim pas ye shes 'phel bar bya'o/ /phyi ma'i snga ma bzhin du bstan pa ltar ro/ /de bzhin du rig pa 'dis
 tshogs kyi dkyil 'khor yang bsgrub par bya'o zhes so/ /da ni kho na nyid bcus glegs bam la sogs pas bskor ba'i cho ga slob dpon las gsungs pa/ dkyil 'khor zhes pa la sogs pa'o/ /dkyil 'khor sngon bzhin bra saM nas su zhes pa
 ni dad pa can gang zhig gis gzugs brnyan nas glegs bam la sogs pa yid kyi bsams nas skyes bu byang mdza' yan chad dbang zhes pa ste/ chu nas rdo rje slob dpon gyi dbang yan chad ji ltar rigs par bskur bar bya'o zhes so/ /
 bum pa la sogs pa la yi ge gsum dang lnga bzlas par bya'o zhes so/ /yang na sngon du byung ba'i sngags zhes pa ste/ badzra d+h+raM ka la sogs pa'i kyang bzla'o zhes so/ /phyi'i khrus ni byas nas su zhes pa ni skur pa'i dus su me long dang ldan pa'i spyi khrus
 byas nas shes so nang gi khrus gang zhe na dkyil 'khor zhes pa la sogs pa'o/ /de'i don ni 'di lta ste/ thabs dang shes rab kyi bdag nyid dkyil 'khor gyi gtso bo gzugs su bsnyen bsgrub dang ldan pa bskyed pa de bzhin nyid khrus de cho ga'o/ /de
 lta bu la sogs pa'i rim pa rdzogs nas dgongs zhi ba'i sbyin sreg gis tshim par bya ste/ de nas thab kyi nang du man 'ji'i steng du gser dngul gyi snong bzhag nas/ 'bras kyi grus ma gtsang ma 'o ma dang sbrang rtsi dang bu ram dang mar rgya che
 bar btab nas blug par bya'o/ /de skol zhing bdud rtsi byin gyis brlab pa'i cho gas sbyangs te yi ge gsum du mar bzlas te dngul gyi snod du blugs te/ oM dipya an+na sa mA d+hi d+hya na pra Ni ne swAhA zhes brjod nas lha rnams la dbul bar bya'o/ /rang
 yang myang yon bdag la yang sbyin gzhan dag la yang sbyin no/ /de nas 'di brjod par bya'o/ /bzod par gsol mdza' yang sangs rgyas kun/ /lha dang de yi sras kun gang/ /tshangs pa la sogs phyogs skyong kun/ /cho ga gang 'di bya ba la/ /zhi ba bkra shis kun la
 ni/ /yon bdag chen por byas nas su/ /sangs rgyas yul du gshegs su gsol/ /yang ni slar ni byon mdzod cig /lha la bzod par gsol nas su/ /'di nyid kyis ni byin gyis rlobs/ /gang gis da ltar bzhugs par 'gyur/ /bskal pa 'am bskal ba brgya lhag dang/ /ci
 snyed lha kun gsung mdzod cig /sa dang chu dang me rlung rnams/ /mos pa dga' ba byas nas su/ /legs pa'i rang gnas gshegs su gsol/ /bu dang rigs rgyud bsrungs mdzod cig /zhes brjod nas nub mo yang dag pa'i tshogs kyis mchod par bya/ /dge 'dun
 rnams la chos sten gsol/ /sa gzhi byug par bya'o/ /lha mnyes par 'dod na bla ma cis kyang mnyes par bya'o/ /yo byad ci snyed pa ma la dbul bar bya'o/ /de ltar byas pas don thams cad 'grub par 'gyur ro/ /zhes rdo rje 'dzin pas gsungs so/ /da ni dbang thams
 cad 'bras bu bzhir bsdus pa gsungs pa cha dang zhes pa la sogs pa ste/ 'bras bu'i sgo nas bla ma shes so/ /da ni gsang ba'i dbang bskur ba'i cho ga gsungs pa de nas shes pa la sogs pa'o/ /nga'i don ni 'di ltar ste/ rig pa'i dbang dang phyir mi ldog
 pa'i dbang dang/ thob pa de nyid las chu'i ye shes bskyed nas zhing dag par byas pa'i phyir sngar gyi dkyil 'khor 'di nyid dam gzhan yang rung ste me tog la sogs pas brgyan nas/ /blar lo la sogs pas bsnyen bskur byas pa'i bla ma la gser
 la sogs pa'i yon dang/ tshogs kyi mchod pa chen po byas nas pus mo g.yas pa'i lha nga sa la gtsug te gsol ba gdab pa ni kun mkhyen ye shes phung po can/ /srid pa'i 'khor lo rnams spyod pa/ /de ring bshad pa'i rin chen gyis/ /gtso bos
 bdag la sku drin stsol/ /khyod zhabs pad+ma spangs nas ni/ /rje gcig bdag la skyabs ma mchis/ /'gro ba dad pa'i thung chen pos/ /de bas blo mchog mnyes par mdzod/ /sdug bsngal kun gyi rgyur 'gyur ba/ /rje btsun gyis ni grol bar mdzad do//
 sdug bsngal thams cad grol bar mdzod/ /mgon med rnams la thugs rjes dgongs/ /zhes gsol ba gdab bo/ /de nas bla ma dpal ldan pas/ yon tan gyi chos snying rje slob ma la bskyed nas zhal gdams par byas nas/ rab tu dga' nas snga ma
 lta bu'i sdom pa bstan par bya/ de nas slob ma des gzugs la sogs pa dang ldan pa'i rig ma legs par bslabs pa lo bcu drug lon pa bla ma la phul nas bla ma chen po la gsang ba'i dbang nor du gsol ba gdab par bya'o/ /rdo rje sems
 dpa' khyod ni sangs rgyas kun gyi bde ba bsgrub pa ste/ rnam dag byang chub sems dpa' bde ba rgya chen po sras su bcas pa'i/ /yun ring stong nyid bsgoms pas bdag ni shin tu gdungs/ /dga' ba'i yid 'od don chen 'dod pas bdag la
 skyab du gsol/ /bye 'dod chags de ni dri med kun tu bzang po'i spyod pa ste/ /dag pa'i 'dod chags rdo rje dam tshig la ni phyed mdzad nas/ dka' ba rnam pa drug pa spyod pas shin tu gdugs mdzad pa'i/ /rab tu dgyes dbang 'dod pa'i
 bde ba nyid kyis 'joms par mdzad/ /rnam dag rdo rje las byung ba yi ye shes chu/ /rin chen 'bar ba byang chub sems yid rnams phyung nas/ /rgyal ba rnams kyi dbu ni skam pa las/ /dri med rin chen char gyi spyi bor dbang bskur mdzod
 mnyam dang mi mnyam 'dod chags tshul dag pas/ /pad+ma'i gnas su rdo rje mdzod gtong ba/ /sna tshogs sems dpa' sems can rlan gyur pa/ /sbyor ba gzhan yon ma rtogs bshad par gsol/ /rdo rje sems dpa' khyod dbang mchog
 bde byed pa po/ /rdo rje pad+ma che ba'i tshul gyis sbyor mdzad de/ /rgyu ba kun gyi gzugs kyi sku ni rab bstan nas/ /thams cad bde ba sgrub pa nyid kyis bdag la mnyes par mdzod ces gsol ba gdab par bya'o/ /de nas bla mas byin gyis brlabs pa yang
 byas te/ shes pa ni 'bring po'i bsten bsgrub bzhi dang ldan par bya ste/ /rdo rje dang pad+ma dag par byas nas yang dag pa'i sbyor ba bya/ /de nas thub dbang de ni rdo rje dkyil/ /yang dag thim nas shes pa ni/ /sa bon gyis bskul ba'i thub dbang zhu ba'i rdo rje 'gro
 ba rigs brtags par byas nas kyang/ slob ma'i kha ru dbab par bya zhes bla ma bstan pa ltar shes rab kyi bye brag gis dbab par bya'o/ /de nas slob ma rnam par snang mdzad gyi ngo bor gnas pas kyang de bzhin gshegs pa zhu ba'i bdag nyid du
 shes par byas nas btung bar bya'o/ /snang srid du snang ba thams cad kyang de yin par shes par bya'o/ /a ho ma hA su kha zhes brjod pas bya'o/ /de nas bla ma'i zhal nas rgyud pa'i rnal 'byor pa gsum pa'i la rdo rje bzlas pas sgyu ma lta bu'i sku'i ngo
 bor bstan par bya'o/ /slob mas kyang bstod pa sna tshogs pas bstod par bya'o/ /de kho na nyid gsum pa'o/ /da ni de kho na bzhi pa shes rab ye shes kyi dbang bskur ba gsungs pa/ /dpal ldan zhes pa la sogs pa'o/ /de'i don ni 'di lta ste de
 ltar rig pa'i dbang/ /phyir mi ldog pa'i dbang thob pa slob ma bzhi dag par byas pa de la/ rang rig chos sku gsal bar bstan pa'i phyir chos thams cad kyi 'byung gnas chos kyi dbyings kyi rdo rje mar byin gyis brlab pa brgyan pa ji skad gsungs
 pa de lag tu sbyin par bya'o/ /de nas snga ma lta bu'i sdom pa dang khyad par gyi sdom pa slob ma la bstan par byas/ de nas des kri ta mu rtsa he he ba tsa pi ta mu ha d+hi bak+Sha kha rag taM shu kra ta thA maM saM staM naM b+hakra tiSh+Tha/ pa ra rtsag ma naM par ma//
 pu hi b+ha rtsa ya thA sa ga mi ti zhes brjod pa dang des bzhad gad dang bcas par smras pa/ krin tsa pi no ta ho da ba sha kaM ka d+hi biksha naM/ kardza b+ha ga hi sa hi h+ri naM tsu? pa naM b+ha ga mo pa tso zhes lan gdab par bya'o/ /de nas yang bod pa'i gos phung
 nas pad+ma gsal bar bstan to zhes brjod do/ /e ma bdag gi pad+ma 'di/ /bde ba thams cad dang ldan pa'i/ /gang gi cho ga sbyin byed na/ /de yi mdun na rtag par gnas/ /don byed pad+ma dam pa 'di/ /sangs rgyas rnams kyis bkur ba'i gnas/ /bde chen rgyal ba'i
 rang 'byung 'di/ /de nang rtag tu bzhugs pa yin/ /b+ha ga b+hoksha ho ra ti// //de nas bla ma'i man ngag gi nang nas gnas pa'i rtsa ba'i 'khor lo bskul nas/ /sor mo la sogs pa bla ma'i man ngag gis shes par bya ste/ /sa bcu dang ldan pa de la 'khyud
 par bya'o/ /bsgrub bya sgrub po sbyar ba dag/ de ni brnyas pa ces su gsungs/ /rdo rje pad+ma sbyor ba gang/ /nye bar sgrub pa ces su 'dod/ /hUM dang phaT dang ldan par ni/ /sgrub pa sgrub par gsungs pa'o/ /rang bzhin nyid bde zhi bar ni/ /sgrub pa chen po zhes bya'o/ /zhes so//
 de bas na nyams su myong zhing bde ba de/ /rdo rje skyil mo krung nas sems/ /nor bu'i bar du mthong bar bya zhes so/ /bde ba de gnas nas 'dar ro/ /oM sarbba ta thA ga ta a nu rA ga badzra swa b+hA wa At+ma ko haM zhes brjod nas rdo rje dbyings kyi dbang phyug ma
 dang ldan par mthong nas rang gi snying gnas gti mug dga' ma la sogs pas spros nas slob ma'i snying gar gzhug par bya'o/ /des kyang pad+ma rA ga la sogs pa sna tshogs pas mchod par bya'o/ /pad+ma la gnas pa'i byang chub sems dpa' ye
 shes can gyi ces blang bar bya'o/ /oM badzra a moksho ho/ /shes rab ye shes so/ /de nas des rgyas btab nas dbang bskur ba rin po che bzhi ba bla ma'i man ngag gis mkha' gnyis kyi sbyor ba'i bshad pa sbyin par bya ste/ bsam pa bstan pa zab ci rgya che ba la
 mos pa'o/ /gzhan la ma yin no/ /de nas dkyil 'khor gyi de kho na nyid dang/ lha'i de kho na nyid dang/ slob dpon gyi phrin las bstan par byas nas gsang ba'i dbang dang/ shes rab ye shes dbang gi dam tshig dang sdom pa de nyid bstan par bya'o/ /de bas na bka' 
 stsal te zhes so/ /de ji ltar byang chub zhes pa la sogs pa'o/ /de la de las gzhan yang dam tshig gsung shes pa ni ltung byed dang spom po'i ltung byed do/ /dkon mchog ma bzhin pa'i zhes pa ni le'u dgu sogs pa'i rim pas shes so/ /rnal 'byor rgyud zhes pa ni 'di
 nyid do/ /de las gsungs pa khyad par gyi sdom pa ste/ glegs bam bklag pa la sogs pa'o/ /de dag kyang cho ga bzhin du gsung zhes so/ /de nas slob ma des pus mo btsugs thal mo sbyar nas gnas pa la de'i spyi bor g.yon pa'i phyag bzhag nas rig ma'i brtul
 zhugs sbyin par bya'o/ /bdag gis de ring yang dag bshad/ sgrub pa po la rig ma sbyin/ /byang chub chen po sgrub pa'i phyir/ /de bzhin gshegs rnams mkhyen par gsol/ /thabs gzhan gyis ni 'tshang mi rgya/ /de bas 'dir ni rig ma'i mchog /thams
 cad chos ni gnyis med de/ /snang ba gnyis kyis mtshon pa yin/ /de bas rtag tu 'khor ba ru/ khyed kyis bral bar mi bya'o/ /'di ni sangs rgyas thams cad kyi/ /rig ma'i brtul zhugs bla na med/ /blun chen gang zhig 'da' byed na/ /de la dngos grub mchog ni
 med/ /rig ma'i brtul zhugs cho ga'o/ /lung bstan pa gsungs pa/ de nas shes pa la sogs pa'o/ /de la de bzhin gshegs 'gyur nas shes pa ni bdag nyid skad cig gis yi ge a las shAkya thub pa'i skur gyur te zhes so/ /mchog sbyin tshul gyis lung bstan bya
 zhes pa ni phyag rgya de kho nas so/ /de dngos gang zhes na snying gar khu tshur g.yon gyis slob ma'i bar gyi mthar gzung ste gsang ba yis mchog sbyin pa'i phyag rgya spyi bor bzhag ste/ bla na med pa'i byang chub chen por lung bstan par bya'o/ /bde gshegs kun?
 gyi lung bstan yin zhes pa ni/ slob dpon nas rdo rje 'dzin pa la sogs pas so/ /bka' lung gnang ba'i dbang bskur ba gsungs pa ji lta ji ltar zhes pa la sogs pa'o/ /de la dag pa zhes pa ni tha mal pa'i 'dod chags la
 sogs pa dag pas sems can gyi don bya zhes so/ /rang rig bya ba gsungs pa nyin re zhes pa la sogs pa'o/ /bsgyur nas 'grub zhes pa ni/ 'grub pa'i mtshan ma rnyed nas ji skad gsungs pa bzhin du 'grub zhes so/ /'bras bu gsungs mi snang zhes pa la
 sogs pa'i ste/ de la 'gro kun rdo rje gtso bo rdo rje can zhes pa ni phyag rgya chen po ste phyogs ma chad pa'o/ /de las gzhan zhes pa ni rgya mtsho chags pa la sogs pa'o/ /de dag kyang dkyil 'khor gyi 'khor lo la rjes su chags pas 'grub pas chags pa
 la sogs so/ /de nyid gsungs pa rdo rje bdag po zhes pa ni/ gzugs rdo rje ma la sogs pa ste/ de rnams kyi yul rnams bsten par byang chub thob zhes so/ /de bas zhes bya ba la sogs pas mjug bsdus pa gsungs pa ste/ cho ga bzhin zhes pa ni man
 ngag gi rim pas shes so/ /de'i don ni 'di lta ste snga ma lta bu'i kun mkhyen zhes bya ba la sogs pas gsol ba gdab pa'i slob ma la brgyud pa dang/ nyan pa dang mchog tu thun mong sgrub pa dang/ dbang bskur ba la sogs pa rgyud som nyir gyur pa
 rnams kyang bstan to/ /thams cad snang ba'i dbang sbyin no zhes so/ /dbugs dbyung ba'i dbang gsungs pa/ ci bzhin zhugs pa'i zhes pa la sogs pa'o/ /de la sngags par 'dod pa rnams la zhes yon tan brjod par 'dod pa rnams la'o/ nas byung ba'i
 tshig gis dbugs dbyung zhes so dam tshig gsum zhes pa ni/ rdo rje la sogs pa'o/ /cho ga sbyin zhes pa ni 'dir ni man ngag gi rim pas ji lta ba bzhin du sbyin no zhes so/ /sngags pa dngos gang zhe na/ gsang ba'i mchog 'gyur zhes bya ba nas
 brtsams te khyed rnams 'gro bar shog cig ces pa'i bar gyi rdo rje 'dzin pa'i sa la dbugs dbyung bar bya'o/ /de nas shin tu kho nar gnas zhes pa ni shin rnam par dag par gnas pa'o/ /srid pa shin tu dag pa ste zhes pa ni dus nas bzung ste/ khyed kyis srid
 pa ni shin tu rnam par dag pa'o/ /zhes so/ /dam tshig rdo rje ldan pa zhes pa ni rdo rje 'dzin pa'o/ de'i khyad par gsungs pa/ rig ma zhes pa la sogs pa'o/ /rdo rje phyag rgya ni rang gi lha'o/ /dam pa'i chos ni smad mi bya zhes pa la sogs pas ni sems kyis kyang
 mi rung na gzhan lta smos dgos zhes so/ /dad pa med pas de rnams don med par bsams nas yal bar bya ba ma yin no/ /ma rig pa ces bya ba ni ma thos pa'o/ /gti mug gis zhes bya ba ni ma bsams pa'i dbang gis ma dran pa'o rang dbang zhes pa ni rdo rje
 'dzin pa dang shes rab kyi pha rol tu phyin pa dang de las byung ba'i phyag rgya dang sngags dang ye shes kyi sku'o/ /nyid las byung zhes pa ni/ gzhan la brten pa dang 'dra yang rang gi de kho na nyid rtogs pa las byung ngo zhes so/ /rdo rje dril bu'i phyag rgya rnams zhes pa
 ni gong ma'i lta bu'i dam tshig gsum mo/ /spang bar byar mi rung zhes pa ni skom pa dal ba'i dbang gis mi spong/ snod byed na zhes pa ni ma dran pa la sogs pas so/ /rjes su rig pas shes pa ni rang gis dbang gi rjes su mthun par zhes pa'o/ /rang gi dam
 tshig ces pa ni rang gi lha'i sku'o/ /dam tshig lha dang mnyam par du zhes pa ni rang gi lha dang gcig kho na ste/ som nyid mi bya'o/ /de dag kun mdzod cig ces pa ni gong du gsungs pa rnams so/ /'gro ba'i bden pa zhes pa ni/ chung ba dang mi brtan pa dang/ yun ring por
 gnas pa las de nyid bsgom pa'i stobs kyis dag pa ste/ rdo rje sems dpa' dang 'dra zhes pa ni de dang ro gcig tu gyur pa de la khyed rnams grol bar shog ces so/ /de nas sngar bstan pa'i bka' lung kun gnang ba'i dbang yang sbyin no/ /de ltar dbang thams
 cad bskur nas dam pa'i gus pa dang ldan pa'i slob ma rnams kyis bla ma chen po'i zhabs la mgo bos phyag 'tshal nas/ bka' ji ltar rjes su mthun pa'i bka' stsal pa ltar bdag cag gis kyang de ltar bya'o zhes bla ma'i
 mdun du gsol bar bya'o/ /da ni dkyil 'khor bsdus pa'i cho ga gsungs pa/ 'byor pa ces pa la sogs pa'o/ /so so re re zhes pa ni slob ma de dag 'byor pa yod na rang gi sdig pa la sogs pa zhi bar bya ba'i phyir gong nas gsungs pa lta bu'i
 sbyin sreg re re bya'o zhes so/ /yang na thabs gcig kho nar mi 'gal lo ji ltar bya ste lag pa g.yon gyi shes te bla ma'i lag pa g.yon gyis slob ma'i lag pa'i mthe'u chung bzung ste sgor zhing gong ma'i cho gas zhi bar bya'o/ zhes so/ /grangs gsungs
 pa dag lugs gsum 'am bdun nam gcig ces so/ /sa bdag dang phyogs skyong ba la sogs pa zhi bar bya ba'i sbyin sreg gsungs pa/ rgyal po zhes pa la sogs pa'o/ /de'i don ni 'di lta ste/ gong gi thab de nyid du ji skad gsungs pa'i rdzas rnams
 kyi phyogs skyong la sogs pa zhi ba'i don du sbyin sreg byas nas gsol ba gdab par bya'o/ /de gang zhe na sems can gyi don byed pa la sogs pa/ khyed kyis grogs mdzod cig ces gsol ba gdab par bya'o/ /da ni spyod lam la sogs pas
 mnyes par bya ba gsungs ba/ gang de lhag pa zhes pa la sogs pa'o/ /zas dang zhes pa ni chang la sogs pa'o/ /spyod lam zhes pa ni sdom pa mchog la sogs pa las gsungs pa'i glu dang gar la sogs pa'o/ /bdag gzhan zhes pa ni
 slob dpon dang grogs po la sogs pas shes so/ /de'i don ni 'di lta ste/ sbyin sreg byas pa'i de ma thag pa 'di bla ma yod pa la sogs pa'i mchod pa dang/ bza' btung dang glu gar la sogs pa mchod pa dang bdag dang lha'i dkyil 'khor
 sna tshogs dam pa'i mchod pas tshim par byas te bsdu bar bya zhes bya bar sbyar ro/ /skal ldan slob mas gzung nas su zhes pa ni skal ba dang ldan pa'i slob ma la gzhan smrar mi rung ba'i don mnas bsgags te bstan to/ /da nas gzhug pa
 thams cad kyis kyang bla ma chen po la phyag byas nas mngon bar bstod de phyir phyung bar bya'o/ /mdza' mar mu yi ge gsum ni sngags kyi nye bar bsdu bar bya zhes pa ni thams cad rdzogs nas mchod pa la sogs pa bya ste/ oM A(rgyud 'grel pa'i sngags kyi ye shes sems dpa' dkyil 'khor gshegs su gsol lo/ /bsdu bar bya zhes pa ni tshig gis ni oM A(rgyud 'grel kA ri la sogs pas shes pas ni chos nyid kyi bden pa brjod pa ste a kA ro mu kha sarba d+harmA NI Adya nutpan+na twat ces pas gzugs brnyan gyi dkyil 'khor nam mkha' dang 'dra ba stong pa nyid du bsgoms nas bsdu bar bya'o zhes so/ /dkyil 'khor la
 sogs pa'i nor gzhan gyis bskur mi rung bar bstan par/ khung bu gang zhes pa la sogs pa'o/ /de ltar na gong nas gsungs pa 'di las dang po'i dkyil 'khor gyi cho ga gsungs pa yin no/ /gzhan rnams kyis ma lus par 'dir ci rigs par sbyar ro
 zhes so/ /da ni cung zad ye shes dbang du gyur pa'i rnal 'byor pas dkyil 'khor bri ba'i cho ga gsungs pa/ cung zad ces pa la sogs pa'o/ /de la khye'u dang bu mo bcu gnyis pa zhes pa ni dbab pa'i snod ste/ de la nyon mongs pa rigs pa'i skyon
 gyis mgos pa'i phyir ro/ /mchod gnas zhes pa ni gnyis gnyis par byas nas/ des dkyil 'khor bri bar gzhug ces te thig dang rdul tshon la sogs pa byed du gzhug pa'o/ /snod de la dngos gang dbab zhes thugs la zhen pa la sogs pa'o
 thugs kyi gnas skabs su mi bskyod pa khye'u bu mo la mA ma kI dbab zhes so/ /de ltar phyi ma la yang sbyar zhes so/ dbab pa de'i yon tan dang rtags gsungs pa sems can gang zhes pa la sogs pa'o/ /dbab pa'i gyis bris pa ni rmad du
 byung ba zhes te khyad par du 'phags pa ces so/ /gzhan ma ni go sla'o/ /slob ma gzhug par ces pa la sogs pa ces pa ni las dang po pa bzhin du bya'o zhes gsungs pa slob dpon slob ma'i cho ga ni sngon bzhin bsam gtan kho nas gnas zhes so//
 de'i don ni 'di lta ste/ gong du smos pa lta bus zhugs pa 'am bdag dngos grub kyi mtshan ma mnyes 'dzeb bzlas pa byas te/ sa dag par byas ba'i cho ga la sogs pa bya ste/ ji skad gsungs pa'i khye'u dang bu mo khang par bcug ste/ sgo gcad nas
 cho ga ji lta ba bzhin du babs te de gnyis slob dpon dang slob ma'i ngo bos thig gdab pa dang/ tshon dgyed pa dang phyag rgya bkod pa ji lta ba bzhin du bya ste lha gshegs su gsol nas de gnyis slar btang ste/ de nas bdag ni lha gnas pa'i
 bsam pa'i sbyor ba la sogs pa snga ma kho na bzhin du bya'o/ /de slob dpon bzhugs pa dbang bskur ba yang snga mkho na bzhin du bya'o zhes so/ /dngos grub kyi mtshan ma ma rnyed pa zhig na lhas dbang bskur ba'i cho ga yan chad kyis bdag
 bzhugs te/ rgyud las ji skad gsungs pa bzhin du thun mong gi dngos grub mtshan ma thob pa'i bye brag gis ci rigs par bsgrub par bya'o zhes so/ /da ni ye shes dbang du gyur pa'i rnal 'byor pas bsam gdan gyi dkyil 'khor gyi cho
 ga gsungs pa/ sems de nyid kho na zhes pa la sogs pa'o/ /sems nyid kho na zhes pa ni/ phyi'i bya ba la bltos pa med par kho nar zhes pa'i don to/ ye shes dbang du thob pa ces pa ni 'di lta ste/ de'i byin rlabs kyis mthong ba ste zhes so//
 btsud nas 'di na gnas pa'i mdza' zhes pa ni/ bsam gtan gyi dkyil 'khor der skal pa dang ldan pa bcud nas bka' lung mdza' snang ba'i mthar thug pa'i bar gyi dbang bskur bar bya'o zhes so/ /rmi lam ltar 'dod shin tu gsal
 zhes pa ni/ cung zad mi gsal zhes pa ni/ cung zad mi gsal ba'i dper bstan pa yin te/ de sgyu ma lta bu'i lta'i sku rang dang gzhan gyi mthong ba de yang ji lta ba bzhin du ma yin te rmi lam la sogs pa bzhin no zhes so/ /sems kyi sku gzugs bstan pa'i phyir
 zhes pa ni nang gi bzlas pa'i rim pas nyin mtshan du rang nyid zlos te/ sgyu ma lta bu'i lha'i gzugs su bstan pa'i phyir rnal 'byor pa ste/ mchog ni zhes bya'o/ /de'i don ni 'di lta ste/ gong du slob rnams la snod du rung zhing sbyor ba la rnam par gnas pa/ yul rnams
 la zhen pa dang bral ba rnams kyis zhus pa'i don du dkyil 'khor sgyu ma lta bu bsam gtan gyis rdzogs par bya ste/ khyad par can gyi slob ma de der bcug nas chu nas thams cad snang ba'i mthar thug pa'i dbang bskur bar bya'o zhes so/ /de las gzhan
 pa'i slob ma'i bya ba la mngon par zhen cing blo gros dman pa der 'jug par mi nus pa rnams la cung zad ye shes dbang du gyur pa'i rnal 'byor pa ltar gzugs brnyan du bris nas dbang bskur ba'i la sogs pa bya'o/ /zhes slob dpon sdom pa'i
 zhal snga nas bshad do/ /de la gzhan rnal 'byor pas 'dis dngos grub chen po la sogs pa'i mtshan ma rnyed nas/ snod la dbab pa'i lhas bris pa'i dkyil 'khor la gnas nas ji skad gsungs pa'i lam gyi rim pa dngos grub chen po la sogs
 pa bsgrub par bya'o zhes so/ /rnal 'byor gsum gyi snga ma bzhin zhes pa ni sku la sogs pa'i rnal 'byor pas dkyil 'khor bri ba'i cho ga ni gong ma kho nar zad do zhes so/ /phyag mtshan dgod pa khyad par gsungs pa cho ga gsung bsdu ba'i 'khor lo'o/ /de
 nas mi bskyod phyag mtshan dgod ces so/ /ci'i phyir zhe na/ sku gsung gsang ba dag phyir zhes te/ gsung rdo rje dang thugs rdo rje yang chos kyi dbyings su yang ro gcig pa'i phyir ro zhes so/ /de bzhin du khyad par gzhan yang ci rigs par rtogs par bya'o zhes so/
 da ni rnal 'byor pa rnam pa gsum char la yang sems kho na gtso bo yin par gsungs pa las dang po pas shes pa ni de nyid do/ /de las dang po pa ni de nyid do/ /cung zad tsam zhes pa ni cung zad yi dbang du gyur pa'i ye shes dbang du gyur pa'i rnal 'byor pa'o/ /de rnams
 kun kyang sems kyi chog gsungs te zhes pa ni sngags la sogs pa'i bya ba tsam gyis byed pa dgag pa'o/ /de bas na sems kyi cho ga de med na de rnams la 'grub pa med ces so/ /de nyid gsungs pa rdo rje slob dpon zhes pa la sogs pa'o/ /rdo rje slob dpon dang
 slob ma mtshungs par rgyu mthun pa'i 'bras bu la sogs pa bdag gi rtogs par 'dod na/ sems kyi cho ga mchog gsungs zhes te de la brten pa'i lo nas 'grub par 'gyur zhes so/ /ngag brjod tsam gyis ci yang med ces pa ni/ nang gi bzlas pa rtogs par sngags la sogs
 pa bzlas kyang mi 'grub ces so/ /spyod pa tsam gyis sangs mi rgyas zhes so/ /de ni ye shes kyi sku mi gtogs par bgrang ba dang/ lag pa'i phyag rgya dang skyil krung la sogs pa'i mtshan nyid kyis sangs rgyas ma yin zhes so/ /thos pha tsam las yod ma yin zhes so/ /bla ma
 dam pa bsnyen bkur ba las byung ba'i de kho na nyid kyis gsang ba'i man ngag bla ma'i zhal nas ma thob par gzhan tshigs su bcad la skyang ba la sogs pas kyang/ /phyag rgya chen po mngon sum du mi mdzad ces so/ /'o na gang gi thob zhe na ci tsam sems dpa' 
 brten byed na zhes te/ ji skad gsungs pa rnams rtogs par bya ste/ thabs gzhan gyis bde bar gsungs gsos te/ de nas dag na pa la sogs pa yid du 'ong ba'i sa phyogs su gnas te/ ji skad gsungs pa'i 'og nas byung pa'i bras bu gsal bar 'gyur zhes so//
 de nyid zlos pa'i phyir yang bka' stsal pa/ sngags pa rnams kyis bzhag par bya zhes so/ /ci'i phyir spros pa mang po bzhag ce na sems la thun mod dang mchog gi khyad par 'grub pa dang/ sems las rnam pa thams cad mkhyen pa'i byang chub 'byung ba'i phyir de kho na
 la blo rnam par bzhag ste/ gzhan spros pa mang pos ci zhig bya zhes so/ /ji skad gsungs pa ces bya ba la sogs pas ni/ sems kho nas ji lta ba bzhin du rtogs pa de nyid rnal 'byor pas zhi ba yin te/ sems de byang chub 'bras bu ste/ zhes pa ni brtul zhugs la sogs
 pa'i rim pas/ sems de kho nas thabs cig gis rtogs pa de nyid byang chub kyi 'bras bu zhes so/ /de dngos gang zhe na bla na med pa'i sangs rgyas zhes te/ sa 'og ma pa ma yin pa'i phyir ro/ /de nyid gsum pa rdo rje mas dpa' bo dngos po yi chas dang longs spyod sprul
 pa'i zhes te/ rtog pa de nyid las sku gsum gyi dkyil 'khor gyi 'khor los 'gro ba rnams kyi don mdzad pa yin no zhes so/ /de bas na gsungs pa'i dkyil 'khor gsum gyi mdza' yas khams/ 'gro ba'i phan don byed pa po zhes pa/ de nyid kyis gsal bor mdzad pa yin pa
 rnams log ma thag de las srid pa sdug bsngal gzhan yod pa ma yin zhes te de nyid srid pa'i sdug bsngal yin no zhes so/ /don 'di lta ste/ rtag pa la sogs pa la gzugs la sogs par 'khrul ba de nyid srid pa'i sdug bsngal yin no zhes so/ /thabs dang shes rab
 bdag nyid 'di zhes pa mi 'og nas 'byung ba'i zab mo gsal ba'i bdag nyid dkyil 'khor gyi 'khor lo dus dang gnas skabs thams cad du khyab pa'o/ /de'i gnyen po mngon sum du mthong zhes pa ni de nyid gong du smos pa'i sdug bsngal gyi gnyen por mngon sum
 du shes par bya'o/ /gnyen po de nyid gsungs pa/ chos kun phyogs la khyab pa'i zhes te/ rgyu ba dang mi gyu ba'i chos thams cad la rtag pa la sogs pa'i rgyun 'jug pa'i kun rdzob kyi gzugs la sogs pas dkyil 'khor gyi 'khor lo rang la snang bar byas te//
 de goms pas shes te ji skad gsungs pa'i ma la gzhol bas zin pa gnyis su dbyer med pa des dus thams cad du de la khyab par gnas te/ de gnyis gsungs pa/ thog med dam pa'i 'khor lor snang ba zhes so/ /rtog pa lo gnas snang
 byas te/ zhes sbrul bzhin du snang la/ med pa'i rtog pa de nyid log par byas nas thag pa lta bu'i rtag pa la sogs pa'i dkyil 'khor gyi 'khor lo rang la snang bar byas te/ de goms pa ces te/ ji skad gsungs pa'i ma bzhil la bas 'khor lo de goms
 par byas nas de ldog go zhes te/ gzugs la sogs pa 'khrul pa'i srid pa'i sdug bsngal de ldog go zhes so/ /gang tshod gang gis mi mthun phyogs zhes pa ni gang gi che na rnal 'byor pa gang gi rgyud las srid pa'i sdug bsngal rdzun pa ngo bo 'khrul pa ni mi
 mthun pa'i phyogs so/ /de tshe de'i de yis 'gag ces te de'i rnal 'byor ba des thogs pa med pa'i 'khor lo bsgoms pas de nyid 'gags zhes so/ /de'i don ni 'di lta ste/ rtog pa ni phyogs kun la khyab pa ste/ thog ma med pa nas brtags pa'o/ /zab mo dang gsal
 ba'i dkyil 'khor du snang ba'i yid la de snang bar mi rigs te/ bzhi rnam par rtog pa'i phyir ro/ /de bas na bde ba dang sdug bsngal dus gcig tu mi mthun pa bzhin no/ /'o na byams pa la sogs zhe sdang la sogs pa 'gag pa lta bu'i mi 'gyur ram zhe na/
 des na brtan du zlog byas te zhes te ji lta ba bzhin du zlog pa'i phyir rtogs pa rnams gtan du dag ste/ de lta bu'i snang ba skye mi rigs te/ de nyid rdzun pa yin pa'i phyir/ der rgyu mthun shin tu goms phyir ro zhes pa ni ji skad gsungs pa'i rim pas/ des de'i
 rgyu lam rnam par goms pas de nyid gsal bar snang ba'i phyir cig shos snang bar mi rigs so/ /dam pa'i 'khor lo zhes pa ni gong du smos pa'i zab mo dang gsal ba'i de nyid chos kun bdag ces pa ste/ chos thams cad la khyab bdag tu gyur pa'o//
 nang srid dag par spyod pa'i phyir zhes pa ni rgyu ba dang mi rgyu ba'i chos thams cad gzung ba dang 'dzin pa'i rnam par dag pa ste/ zab mo dang gsal ba'i 'khor lor sngags pa rtag tu spyod ba'i phyir/ srid pa'i sdug bsngal can du log par byed do zhes so/ /de bas na byams pa
 la sogs pas zhe sdang la sogs pa skad cig tsam du 'phags kyang/ yang 'byung du mi gtub pa yin pa'i phyir ro/ /de bas na 'dir byang chub mngon du 'gyur zhes so/ /de'i phyir 'di la skabs dang 'brel ba med do/ /de ltar na srid pa'i sdug bsngal ldog par 'gyur ba'i
 lam gzhan yod pas 'khor lo 'dis ci zhig bya zhe na de'i phyir lam de las tshul 'di khyad par du 'phags par gsungs pa bskal par gnas pa zhes pa la sogs pa'o/ /bskal par gnas kyang 'bras bu med ces so/ /sbyin sogs rim bzhin zab mor ni/ /sbyin
 rdzas chu la sogs rang bzhin med ces te/ sbyin pa la sogs pa'i rang bzhin med par goms par byed pa kho na'i phyir zab mo yin no/ /yang dag par gsal ba ma yin no/ /de bas na tha mal pa'i rtog pa gsal bas zlog ste/ zab mo ma yin no/ /gsal ba rnam par spyod
 pa ni bdag cag rnams kyi'o/ /de bas na khyed ni tha mal par 'gyur zhes mi gsal gsal mi 'grub zhes so/ /byang chub dus tshad med pa'i phyir zhes pa ni/ de'i gzhung gis byang chub brtsal nas bskal ba grangs med pa gsum 'dzin pa'i phyir ni rang gi don
 yul dang sa bdag ni zhes te khyed kyi sbyin pa la sogs pa'i dngos po bdag nyid rnams ni/ mkhas pa tha mal yin par bstan zhes so/ /khyod kyi yang de ltar mi 'gyur ram zhe na/ snang srid zhes pa la sogs pa'o/ /snang srid chos bdag dkyil 'khor gyis zhes pa ni
 gong du smos pa'i dkyil 'khor gyi 'khor lo ma rnal 'byor pa chen po zhig gis goms pa'i stobs kyis skad cig 'dir ni byang chub zhes te/ nyin mtshan du sbyor bas tshe 'di nyid la in+d+ra b+hU hi la sogs pa bzhin du phung po rdo rje'i lus su brje bar 'gyur ro zhes so//
 de bas na 'di ni ji lta ba bzhin du gnas pa'i lam ste skad cig gis rdzogs par byed pa'i phyir ro/ /khyad kyis tha mal pa ste/ bskal pa grangs med pa gsum na yang 'di lta bu'i don rdzogs par phyed mi nus so/ /zhes so/ /de dag gi ji
 lta bar tha mal par 'gyur zhe na/ sbyin rdzas shes pa la sogs pa'o/ /sbyin rdzas la sogs pa mi dmigs kyang zhes pa ni sbyin pa'i rdzas dang sbyin pa bo dang len pa po la sogs pa gsungs mi dmigs pas zab mo kho na yin yang
 sbyin pa la sogs pa tha mal bdag ces pa mi dmigs pa de zab mo yin yang sbyin pa la sogs pa ni tha mal pa ste/ ji ste kun rdzob tu song na 'dug pa de gang gis zlog nus/ de bas na khyed kyis ni tha mal pa'i sbyin pa las 'das pa ma
 yin pa de bdag med pas dam pa'i 'khor lo mi snang zhes te/ sbyin pa la sogs pas de'i kho na nyid bla ma'i zhal nas rnyed par bya ste/ de lta bu'i dkyil 'khor gsum gyi don rang yid gang gis bsgom mo bya ste shes te bsgom par bya ba ma yin no/ de'i don ni 'di lta ste/ gzhan
 sdug bsngal gsum gyi rang bzhin gyi bskal pa grangs med pa gsum bla na med pa'i sangs rgyas thob pa rnams kyis 'di lta bu dpal dang ldan pa kun nas bkra shis pa'i ngo bo 'di gang zag gang gis sgom par mi byed/ kho na yin zhes pa'i don to// //da ni bla ma chen po
 rnams kyis brtsams pa'i chos dbang por bzhag pas gsungs pa dam pa'i chos shes pa la sogs pa'o/ /dam pa'i chos kyi ro myangs pa zhes bya ba ni gzhung gi chos la blo rnam par 'bang ba'i sgo nas ji lta ba bzhin du gnas pa'i chos kyi ro myang ba ces pa'i don to/ /thos
 pa mang pos phun sum tshogs pa zhes pa ni bla ma nus pa mnyes par byas pa ste/ phyi nang sngags kyi rgyud la sogs pa mar me lta bur sgo nas gser lta bu'i don bla ma'i zhal nas mang du thos pa'o/ /dngos zhes na skyes bu dam pa zhes pa te/ 'phags
 pa klu sgrub la sogs pa'o/ /der 'dir tshar nas kyang zhes pa ni/ /de rnams kyis rnam par 'du ba'i chos dang 'dir bdag gis 'dis dbang po lta bur gzhan nas sgrub pa'i thabs 'di/ rang gi sems kyi brtson 'grus kyis
 brtsams nga rgyal gyis ma yin no/ /de bzhin du bdag gis kyang brtson par gsungs pa/ /bla ma'i gzhung zhes pa la sogs pa'o/ /dad pas rab tu gsal bar byas zhes pa ni/ 'dir rig pa yin te bla ma chen po'i/
 gzhung blo la rnam par bzung nas dad pa gsal bor bdag gis byas te/ gzhan ma yin zhes te dad pa la sogs zhes pa ni dad pa la sogs pa ni/ chos la 'jug pa'i rgyu yin pa'i phyir des snod du
 rung ba yod de/ de bas na snod du rung ba'i sgom par bya ba la smra bar 'os pa ma yin zhes so// /de ci'i phyir zhe na/ /dad pa rnam par brtsams pa ste/ dad pa ni chos dkar po'i chos 'phel
 rgyu yin pa'i phyir na/ de la smrar rung ba ma yin no zhes so/ /de bas na dad pa med pa'i mi rnams la/ dkar po'i chos rnams yongs mi skye/ /sa bon me yi tshig pa la/ //myu gu
 rnams ni yongs mi skye/ zhes so/ /da ni slob dpon gyi nga rgyal gzhom pa gsungs pa// /blo gros gzhan yang zhes pa la sogs pa'o/ /bdag 'dra ba'i blo gros gzhan pa la/ don rab
 tu rtogs pa yod srid ces so/ /de bzhin du dris pa'i kha nas tshig snyan pa byung srid pas/ /'dir rang gi sems kyi brtson 'grus kyis so/ /zhes so/ /ci'i phyir zhe na/ /mchog ni skyes
 bu rnams kyi gzhung zhes pa de rnams la gzhung du ma 'ga' yod snyam pa'i blo gzhan pa la te skyes bu rnams kyis gzung bar mdzod ces so/ dge ba'i rtsa ba bsngo
 ba gsungs pa/ rim pa zhes bya ba la sogs pa'o/ /de la dkyil 'khor bris dge ba de zhes pa ni go rim 'brel zhing tsha ba'i bar du dkyil 'khor gyi sgrub pa'i thabs
 bris pa'i dge ba kha ba dang/ zla ba'i 'od lta bu des 'jig rten pa rnams 'jam pa'i rdo rje'i go 'phang thob par gyur nas/ de'i stobs kyis bdag kyang 'jam dpal gyi go 'phang dam pa zab mo
 rgya che ba mi gnyis pa/ 'khor lo ba ji srid yod pa de srid kyi bar du ro myong tsha ba'i bdag nyid brgyad dang ldan pas bzhugs pa de lta bu bdag gis rgyud las de lta byung bar gyur/ gcig ces bsams pa las
 byung ba'i dge ba'i rtsa ba bsngo ba'o/ /da ni rab tu phyed pa 'di'i gzhung gi shlau ka'i tshad bstan pa'i phyir gsungs pa/ tshig bdun pa'i zhes pa la sogs pa'o/ /de la tshig bdun pa'i tshigs su bcad
 pa bzhi brgya dang lnga bcu tham pa ste/ des rab tu 'byed pa 'di bsgrubs so zhes shes par bya'o/ /de dngos gang zhe na 'jig rten sgron ma zhes bya ste/ de la 'jig rten ni sems
 can rnams te/ de la dpal gsang ba 'dus pa'i dkyil 'khor gyi lo'i don gser lta bu'i shlau ka de rnams sgron ma lta bus ston pa de'i phyir te de la de skad ces bya'o/ /dkyil 'khor
 sgrub thabs brtsams par zhes pa ni gzugs brnyan gyi dkyil 'khor gyi sgo nas thams cad de dkyil 'khor gyi 'khor lo mi snang ba de'i phyir tha mal pa'i rtogs pas brtsams pa'o ma yin no/ /de nyid zab
 mo ste/ zab mo ni phan 'dogs pa'i rgyu ma yin no/ /de'i yan lag tu gyur pa ste/ snang ba'i phyir ro/ /de yang dag par bsal ba ni tha mal pa'i rtog pa thams cad rnam par
 'joms pa yin no/ /rtog pa thams cad log pa de nyid zab mo zhes te/ dad pa ma yin pa'i phyir ro/ /de bas na yang dag par gsal ba zab mo'i dkyil 'khor de nyid bsam par byas
 nas gdong 'bras bu'i skal ba can du gyur te/ gzhan rnams kyis de lta bu grub pa ma yin no zhes so/ /de bas kun rtog bcom nas su zhes pa ni lam gyi rim pa gang gis/ yang dag
 par ma yin pa rnams bcom nas kun tu 'od zer 'phros nas ldan pa zhes te/ chos dang phyogs kun la 'od zer ltar khyab pa'i 'khor lo ji lta bu zhe na kun tu bzang po zhes te skyon gyis gdong ma nas ma gos
 pa'i phyir ro/ /de bsams na gdod byang chub skal pa dang ldan par 'gyur ro zhes so/ /thams cad de kho na'i rang bzhin pa'i phyir ro/ /de bas na dam pa rnams kyi lam yin par gsungs
 pa/ de'i phyir zhes pa la sogs pa'o/ /de'i phyir dkyil 'khor gyi 'khor lo bstan zhes pa ni thabs des kyang byang chub kyi skal par 'gyur ba de'i phyir snying rje chen po dang ldan pas/
 ji skad gsungs pa'i dkyil 'khor gyi 'khor lo bstan pa yin no zhes so/ /de nyid gsungs pa chos dang longs spyod sprul pa ni dran pa nye bar gzhag pa la sogs pa dang/ de
 bzhin nyid ni chos sku'o/ /mtshan dang dpe byad du ldan pa gtsang ma nas gnas pa ni longs spyod rdzogs pa'i sku'o/ /tshangs pa la sogs pa'i gzugs ji ltar phan par bzhugs pa ni
 sprul pa'i sku'o/ /de rnams sku gsung thugs kyi gsang ba ni sku gsum rim par dag zhes ni gsang ba 'dus pa las te/ chos kyi sku rnam par dag par thugs kyi dkyil 'khor ro/
 longs spyod rdzogs pa'i skus rnam par dag pa ni gsung gi dkyil 'khor ro/ /sprul pa'i sku'i rnam par dag pa ni sku'i dkyil 'khor zhes so/ /de bas 'di nyid sngon du gyur pas thams
 cad mdor bsdus par gsungs pa sku gsum zhes pa la sogs pa'o/ /sku gsum zhes pa na gong ma'i de nyid do/ /de'i khyad par ye shes lnga zhes pa ni me long la gzugs brnyan snang ba bzhin du snang
 ba ma lus pa cig car snang ba bzhin du bcings yongs su zhes pa ni me long lta bu'i ye shes so/ /sems can thams cad mnyam pa'i ye shes brtsam mo/ /zhes pa rnam pa gcig tu rtogs pa ni mnyam pa nyid do/
 phyi nang gi snang ba rnams so sor rnam par brtags na thams cad do/ /sangs rgyas par shes nas chos thams cad kyi cha 'di dag ces pad+ma'i 'dab ma bzhin rtog cing rtog pa med pa ni so sor rtog pa'o/ /bdag dang gzhan gyi lus ngag
 yid kyi las rdzogs par byed pa bya ba sgrub pa'o/ /lus ngag yid kyi sgrib pa dang grol te/ rnam par rtog pa'i bag chags sbyangs pa ni chos kyi dbyings te/ de rnams go rim bzhin du 'dir rtag pa la sogs pa'o/ /de rnams 'khor lo rnal 'byor gyi
 bsgrub bya zhes pa ni de dag bla ma dam pas 'bras bu thob pa'i sdom pa byin nas/ de la brten nas dkyil 'khor de bsgrub pa zhes so/ /de'i 'bras bu ni rnam pa thams cad mkhyen pa 'grub na zhes pa rdo rje 'dzin pa chen po shes bya'i rnam pa thams cad mkhyen
 pa/ de lta bu 'grub nas ma grub pa ces gang yang med ces te/ rigs 'dzin la sogs pa'o/ /sa 'og ma pa rnams kyis sangs rgyas la sogs pa yang rtsom pa med pa thob zhes gsungs pas sangs rgyas la sogs pa'o/ /sangs rgyas
 zhes pa ni sa 'og ma pa'i 'o/ /phyi rol phyin 'grub zhes pa ni sa 'og ma pa'i 'o/ /phyi rol 'grub zhes pa ni sbyin pa la sogs pa'o/ /gzungs dang zhes pa ni tshig gzungs la sogs pa'o/ /sa rnams zhes bya ba ni rab tu dga' ba
 la sogs pa ste/ /de rnams kyang bde chen theg pa 'di las ni zhes pas ni dka' thub la sogs pa slang ba'i bde ba de nyid kyis go 'phangs dam pa thob pa'i theg pa 'di las shes so/ /so so rang yid rjes las grub zhes pa ste/ 'bad pa dang rtsol ba
 med pa kho na bde ba chen po'i go kho nar rtogs pa'i stobs kyis thams cad 'grub pa la thogs pa med ces so mthar thug pa de nyid rtogs pa'i phyir ro/ /da ni de kho na la brtan por byas pa gsungs pa de ltar zhes pa la sogs pa'o/ /
 de ltar dpal dang ldan pa'i rnal 'byor pa chen pos de'i don shes par byas nas rang nyid chos ni 'phags pa lus zhes pa na rang gi gzugs la sogs pa'i chos thams cad rtag pa la sogs pa'i 'phags pa'i 'dus pa'i rang bzhin rnyed
 pa nas de'i sgrub pa'i thabs rnyed do/ /brtsams so zhes so gzhan rnams kyang ma bstan pa ma yin mod kyi de'i yan lag tu gyur pa'i phyir ro/ /sangs rgyas ye
 shes zhabs kyi gzhung lugs gsal tshig ni/ /bla ma dam pa'i bzang po'i zhabs kyis rnam par bshad/ /de zer rim pas sman pa'i zhabs la cung zad phog /de bas 'di
 ni don yod bsams nas rnam par bshad/ /de las gyur pa dge ba zla 'dra de yis ni/ /'jig rten ma lus 'di rnams ma rig bsal byas te/ /skye ba'i rgya mtsho
 las grol dkyil 'khor gyi/ /lam gyis rdo rje 'dzin pa'i sa la gnas gyur cig/ //dpal gsang ba 'dus pa'i dkyil 'khor gyi sgrub pa'i thabs/ 'jig
 rten snang byed zhes bya ba'i rnam par bshad pa/ slob dpon chen po pi tA pA das mdzad pa rdzogs so// //rgya gar gyi mkhan po ka ma la gu hya dang/
 zhu chen gyi lots+tsha ba mnga' bdag ye shes rgyal mtshan gyis bsgyur cing zhus te gtan la phab pa'o// /mang ga laM/ //