བོད་ཡིག

e-texts based on the ACIP/ALL Input

zhes bya ba/ /dkyil 'khor chen po'i slob dpon sangs rgyas dpal ye shes zhabs kyis mdzad pa rdzogs so// //rgya gar gyi mkhan po smri te dz+nyA na kirtis bsgyur pa'o/ //*/ /rgya gar skad du/ sh+rA he ru ka sA d+ha naM/ bod skad du/ dpal he ru ka'i sgrub pa'i thabs/ dpal ldan he ru 'gro ba'i mgon/ /bsgyur nas don kun phun sum tshogs/ /'gro la phan par bya ba'i phyir/ /dang po 'di ltar bsgom par bya/ /zur gsum chos kyi dbyings gnas pa/ /gzhal yas khang gi dkyil 'khor la/ /sna tshogs pad+ma zla ba la/ /rdo rje lte bar zla ba'i 'od/ /dbus zhal sku ni shel 'dra ba/ /g.yas g.yon gnag dang dmar ba'o/ /rang 'od shes rab nyid kyis 'khyud/ /rdo rje ral gri rin chen par/ /rdo rje sems dpa' bsgom nas kyang/ /rang sems yi ge gsum du bya/ /rdo rje de las pad+mar babs/ /'dod chags me yis thams cad zhu/ /spyan la sogs pas rang dbyangs kyis/ /bzhengs pa'i don du bskul bar bya/ /'jig pa'i me dang 'bar mnyam pa/ /h+ri las skyes pa'i rdo rje'o/ /de bskyed snying rje'i khro ba ni/ /'jigs byed chen po thod phreng thogs/ /khro gnyer skra smin gyen duAng 'bar/ /nag po che ba gtsigs pa'i zhal g.yas ni dkar po g.yon dmar te/ /dur khrod thabs bskus pa'i sku/ /drag po la sogs dug dang ldan/ /rang gi rig ma nyid kyis 'khyud/ /rdo rje nag po ral gri dang kha TwAM rin chen rgyal mtshan 'dzin/ /keng rus gsum phreng dbu la bcings/ /yang dag rgyan dang na bzar ldan/ /g.yas kyi 'og na bzhin gnon pa/ /g.yon gyi brla yis nu mar gzir/ /khro bo'i skyil krung legs gnas pa/ /bdag nyid he ru kar bsgoms te/ /sangs rgyas kun gyi dbang drug bsgom// sku gsung thugs kyang yi ge gsum/ /thugs kar ye shes sems dpa' dang/ /mi bskyod dbu rgyan 'bras bu mchog /dam pa'i dga' ba bde ba myangs/ /'phro dang 'du ba'i gzugs byas can/ /ye shes sems dpa' bsgoms nas ni/ / rnal 'byor sbyor ba thob par 'gyur/ /dpa' bo lnga dang bdud rtsi lnga/ /pad+ma banda la bzhag ste/ /skra bshig thal bas lus bskus nas/ /rtag tu bsgoms nas bza' bar bya/ /de bzhin gshegs pa mchod pa dang/ /'gro ba kun gyi don byed dang/ /shes rab snying rje bsgom pa dang/ /rdo rje dbyangs blang thod rgyan dang/ /cang ti'u kha TwAM gzur ba dang/ /bsgom nas snying po bzlas pa dang/ /gsang nas rnal 'byor dus rtag tu/ /de ltar brtul zhugs gnas dgu la/ /mtshan mo bsgrub par bsnyen par bya/ /he ru ka yi sgrub pa'i thabs/ /slob dpon sangs rgyas ye shes kyis mdzad pa rdzogs so// (//dpal gsang ba 'dus pa'i rim par phye ba he ru ka'i sgrub thabs kyi 'grel ba bzhugs so//) //*/ /rgya gar skad du/ shI he ru ka