བོད་ཡིག

e-texts based on the ACIP/ALL Input

pa'o// //'di la rgya gar gyi shlo ka stong sum brgya yod/ /phyag dpe gnyis la gtugs so// //sems kyi sgrib pa rnam par sbyong ba zhes bya ba slob dpon chen po 'phags pa lhas mdzad pa bzhugs so/ /*/ /rgya gar skad du / tsit+tA ba ra bi sho d+ha nA ma bra kA ra NaM/ bod skad du/ sems kyi sgrib pa rnam par sbyong ba zhes bya ba'i rab tu byed pa/ bla ma dam pa'i zhabs la phyag 'tshal lo/ /'jam dpal gzhon nur gyur pa la phyag 'tshal lo/ /thog ma mthA ma med zhi ba/ /dngos dang dngos med rnam par spangs/ /rnam par rtog med dmigs dang bral/ /gnas pa med pa gnyis med pa/ /'gro ba med pa dpe med pa/ /rjod du med pa bltar med pa/ /gnas pa med pa gnas med pa/ /'gyur ba med pas 'dus ma byas/ /sangs rgyas thams cad kyi ni gnas/ /sku ni snying rje'i rang bzhin nyid/ /sems can mos pa sna tshogs la/ /thabs rnams sna tshogs rab ston pa'o/ /'dod chags chen po tshul phyag 'tshal/ /pad+ma gar dbang khyod phyag 'tshal/ /rang gi sems ni rtogs bya'i phyir/ /cung zhig tsam zhig brjod par bya/ /rnal 'byor spyod pa'i tshogs kyi ni/ /thams cad nyid du rab nges pa/ brjod bar bya ba 'di dag nyid/ /de phyir 'di dag spyad par bya/ /las drag gang gi 'gro ba rnams/ /gang dang gang du 'ching 'gyur ba/ /thabs dang bcas na de nyid kyis/ /srid pa'i 'ching las grol bar 'gyur/ /sems tsam rnam par dag pa'i phyir/ /'bras bu rnam par dag par 'gyur/ /'di dag shin tu rgyas par ni/ /theg pa chen por gsal bar bstan/ /chos dang gang zag dbyer med pa/ /ye shes tsam du thub pas gsungs/ /de lta na yang 'di ltar 'byung/ /rigs pa dang yang rab tu mthun/ /dngos 'dzin gdon gyis zin pa yis/ /zhen pa rab tu gsal bya'i phyir/ /lung las kyang ni gsal po ru// rgyas par snying rje'i bdag nyid gsungs/ /chos rnams sngon du 'gro ba'i yid/ /yid gtso yid ni mgyogs pa ste/ /yid gnyis kyis ni 'bad pa yang/ /smra ba'am ni byed pa'o/ /dge slong rang gi pha rgan gyis/ /myur gyis zhes ni bskul gyur nas/ /bskul bas de nyid shi gyur kyang/ /mtshams med sbyor pa ma yin no/ /shin tu na ba'i dgra bcom pas/ /dge slong nad g.yog byed pa la/ /nga yis mgrin pa sdoms zhes bstan/ /de ni shi yang skyon med bstan/ /'du shes gzhan gyis gzhan dag ni/ /shi yang nyes te mi spyod par/ /'di 'dra lung las gsal por bstan/ /de phyir sems dge nyes pa med/ /de 'dus byas pa'i blo yis ni/ /mchod rten bshig kyang nyes med de/ /nye ba'i mtshams med byas pas kyang/ /bsod nams phung po 'ba' zhig go / bsam pa bzang pos mchil lham gnyis/ /thub pa'i dbul bzhag pa dang/ /de nyid gzhan gyis bsal byas pa/ /gnyis kas rgyal srid thob par 'gyur/ /de phyir bsam pa'i rtsa ba las/ /bsod nams sdig pa rnam par gnas/ /lung las 'di ltar gsungs ba'i phyir/ /sems dge ba las nyes pa med/ /rang lhar sbyor ba'i bdag nyid kyis/ /'gro ba'i don ni byed brtson pas/ /rnal 'byor 'dod yul longs spyod kyang/ /grol 'gyur gos par mi 'gyur ro/ /ji ltar dug gi de nyid shes/ /dug pa spyad nas za bar byed/ /'di ni brgyal bar mi 'gyur zhing/ /nad las thar pa 'ga' zhig 'gyur/ /sgyu ma smig rgyu dri za yi/ /grong dang rmi lam ji bzhin du/ /'gro ba thams cad rnam bltas la/ /ci zhig ji ltar su zhig spyod/ /byis pa rnams ni gzugs la chags/ /'bring po rnams ni chags bral 'gyur/ /gzugs sogs ngo bo nyid shes nas/ /blo mchog rnams ni grol bar 'gyur/ / dam tshig thams cad rnam bsam la/ lha la mchod pa'i chog yis/ /the tshom med par bzang por blta/ /sngags kyis bskul la longs spyod bya/ /yi ge gsum gyi sbyor ba yis/ /sbyang dang rtogs dang de bzhin spang/ /srid lag mthe bong rtse mo yi/ /de bzhin gshegs rnams chim bar bya/ /byis pa rnams la 'di bden pa/ /de ni rnal 'byor ba la brdzun/ /de tsam zhig tu longs spyod pa/ /bcings pa med cing grol ba med/ /'khor ba mya ngan 'das pa zhes/ /de nyid ma mthong ba yi sems/ /'khor med mya ngan /'das med des/ /de nyid mthong ba rnams kyis sems/ /rnam par rtog pa gdon chen po/ /'khor ba'i rgya mtshor ltung byed yin/ /rnam par mi rtog bdag nyid ches/ /srid pa'i mching las grol bar 'gyur/ / the tshom dug gis gnod pa ni/ /skye ? dug gis gnod pa bzhin/ /de nyid rtsa ba nas bton la/ /snying rje'i bdag nyid can gyis spyad/ /dper na shel sgong dag pa ni/ /kha dog gzhan gyis bsgyur bar byed/ /de bzhin rin chen sems 'di yang/ /rtog pa'i chen gyis bsgyur ba nyid/ /tha mal rtog pa'i tshon gyis ni/ /rin chen sems ni dben 'gyur na/ /thog ma nas dag ma skyes pa/ /gnyug ma'i rang bzhin dri med gang/ /byis pas gang dang gang smad pa/ /de dang de la 'bad pas spyos/ /rang gi lha yi sbyor ba yis/ /sems ni dri med bya ba'i phyir/ /rnal 'byor dge ba'i sems kyis ni/ /chags med dug gis rmongs pa yis/ /'dod can ma la 'dod spyad pas/ /'dod pas thar pa thob par 'gyur/ /dper na bdag nyid mkha' lding du/ /bsgoms nas dug kun 'thung byed pa/ /bsgrub bya'i dug gkyang med par byed/ /dug gis zil gyis mi non no/ /'khor lo dpag tshad bcu gnyis pa/ /lcags byas mgol 'khor ba yang/ /byang chub sems ni bskyed ma thag /med par gyur zhes thos pa yin/ /byang chub sems ni yang dag bskyed/ /rdzogs pa'i byang chub sems byas pa/ /de yis mi bya gang yang med/ /'gro ba bzung ba'i bsam pa yis/ /thog ma nas dag ma skyes pa/ /dngos po med pa dri med pa/ /'gro ba bsam pas yang dag mthong/ /bcings pa med cing grol ba med/ /lha yi yon tan rgyas par ni/ /rnal 'byor chog bzhin bsams nas/ /chags pa'i sems kyis chags pa'am/ /chags pa spyad nas grol bar 'gyur/ /ci bya gang la dmigs shes na/ /dngos po nus pa sna tshogs pa/ /ji ltar dug gis zin pa 'ga' / /dug nyid kyis ni dug med byed/ /rna ba'i chu la chu nyid dang/ /tsher ma zug la tsher ma ltar/ /de bzhin chags la chags nyid kyis/ /mkhas pa rnams kyis 'dzin par byed/ /dper na khrus mkhan dri ma yis/ /gos kyi dri ma med par byed/ /ji ltar rdul gyi me long gi / dri ma bdag par 'gyur ba bzhin/ /de bzhin mkhas pas nyes pa dag /nyes pa sbyangs phyir bsten par bya/ /lcags kyi gong bu chu nang du/ /ji ltar gting du 'gro bar 'gyur/ /?? nyi bsnod du byas bas su/ /bdag dang gzhan yang sgrol bar byed/ /de bzhin snod du byas pa'i sems/ /shes rab thabs kyi chog yis/ /'dod pas spyod bzhin grol bar 'gyur/ /gzhan dag kyang ni grol bar byed/ /rnam shes ngan pas bsten byas na/ /'dod pa 'ching ba nyid du 'gyur/ /de nyid mkhas pas bsten byas nas/ /'dod pas thar par rab tu sgrub/ /'o mas dug ni zhig 'gyur ba/ /'jig rten kun la rab tu grags/ /de nyid sprul gyis 'thungs nas ni/ /dug ni shin tu 'phel bar byed/ /ji ltar dang bas 'o ma ni/ /chu las 'thung bar byed par ltar/ /de bzhin mkhas pas dug bcas yul/ /sbyangs nas spyad pas grol bar 'gyur/ /ji ltar cho ga bzhin spyad na/ /dug kyang bdud rtsir 'gyur ba yin/ /byis pa rnams kyis mar kham sogs/ /bza' ma legs pa dug tu 'gyur/ /de ltar sems ni 'di nyid kyang/ /gtan tshigs bzang pos sbyangs byas na/ /rnam par mi rtog dmigs med pa/ /rang bzhin dri med rab tu snang/ /ji ltar me ni chung du yang/ /mar dang snying sogs 'dus byas pas/ /snang ba dri med mi g.yo ba/ /bstan pa'i mun pa rnam 'jig 'gyur/ /ji ltar phra ba'i sdong po las/ /ji ltar lo ma 'bras bu yis/ /brgyan pa'i shing chen 'byung bar 'gyur/ /yung dang rdo rje sbyar ba las/ / kha dog gzhan zhig 'byung bar 'gyur/ /shes rab thabs kyi cho ga yis/ /chos dbyings mkhas pa de ltar shes/ /mar dang sgrang rtsi mnyam ldan pas/ /dug nyid du mi 'gyur ba yin/ /de nyid cho ga bzhin spyad na/ /bcud kyi len gyi mchog tu 'gyur/ /dngul chus reg pa'i zangs ma ni/ /ji ltar skyon med gser du 'gyur/ /de bzhin yang dag ye shes ni/ /sbyangs pas nyon mongs bzang por byed/ /theg pa dman la zhon pa rnams/ /skad cig skad cig 'ching bar byed/ /g.yul las rgyal bar bya ba'i sems/ /ring pa nyid du rnam par gnas/ /theg pa chen la zhon nas ni/ /snying rje'i go cha bgo byas nas/ /shes rab rgyud bcas mnga' dang gzhus/ /'gro ba gzung ba'i bsam pa yis/ /sems dpa' che dang thabs che ba/ /brtan pa'i blo ni gnyid sangs nas/ /brgal dka' g.yul las rgyal byas nas/ /gzhan dag kyang ni sgrol bar byed/ /rang don tsam la gzhol bas ni/ /byol sod rnams kyang nyon mongs byed/ /'gro ba'i don ni byed ba po/ / 'gro ba de gtor gang+gA na/ /grang dang rlung sogs sdug bsngal rnams/ /rang don zhugs las kyang bzod na/ /'gro ba'i don la zhugs rnams lta/ /de mi bzod pa ji lta bu/ /dmyal ba la sogs sdug bsngal yang/ /snying rje can gyi bzod bya na/ /grang dang rlung sogs sdug bsngal dag /da ltar gyi la bsam ci dgos/ /dka' thub brtag pa mi bya zhing/ /bsnyung ba yang ni bya ba med/ /'dir ni khrus dang gtsang sbra med/ /grong ba'i chos ni spang bar bya/ /sen mo rkang dang rus pa so/ /pha yi khu ba'i rgyu las skyes/ / sha dang khrag dang skra la sogs/ /ma yi khrag las yang dag byung/ /'di ltar mi gtsang las byung zhing/ /mi gtsang bas gang ril po gang/ /de lta bu yi lus 'di nyid/ /gang gAr bkrus kyang ji ltar 'dag/ /mi gtsang phur mchu dag gis/ /yang yang bkrus kyang dag mi 'gyur/ /de bzhin mi gtsang bas gang ba'i/ /phur ma 'di yang bdag mi 'gyur/ /gang gA'i klung la khyi dag gis/ /rkyal zhing 'phyo yang dag mi 'gyur/ /de phyir chos 'dod skyes bu dag /'bab stegs khrus byed 'bras bu med/ /khrus kyi gal te dag 'gyur na/ /nya pa rnams kyang don byas 'gyur/ /nyin dang mtshan du gnas pa yi/ /nya la sogs pa smos ci dgos/ /khrus kyis sdig? pa zad pa yang/ /nges par yod pa ma yin te/ /ji ltar 'bab stegs bsten pa la/ /'dod chags la sogs 'phel bar mthong/ /'dod chags zhe sdang gti mug dang/ /nga rgyal lta ba the tshom rnams/ /sdig pa'i rtsa bar rab tu grags/ /'di dag sbyang bya khrus kyis min/ /bdag dang bdag gir 'dzin pa las/ /srog chags rnams las byung ba yin/ /de yang ma rig rtsa ba las/ /ma rig de yang ? 'khrul par 'dod/ /de ltar nya phyis la dngul blo/ /nya phyis mthong bas ldog par 'gyur/ /bdag med mthong bas de yang ni/ /rtsa ba nyid nas med par 'gyur/ /dper na thag pa sbrul gyi blo/ /thag par shes na ldog par 'gyur/ /de las sprul gyi blo yi bar/ /skye bde las yang mi 'byung/ /de bzhin 'di la bden pa'i blo/ /ye shes rdo rje ldog par 'gyur/ /de ni 'byung bar mi 'gyur ro/ /sa bon bsregs pa'i myu gu bzhin/ /bdag nyid mi gtsang 'dus pa yis/ /gong bus yi rang bzhin nyid/ /de 'dus pa yi chos 'gyur bar/ /byis pa dga' bar rnam brtags pas/ /zla ba 'phel dang 'grib pa la/ /bltas nas tshe grangs brtags pa la/ /nyi ma 'phel dang 'grib pas kyang/ /nyin dang mtshan mor rnam par brtag /shar la sogs pa'i tha snyad kyang/ /rtags la bltos nas byas pa yin/ /gza' dang rgyu skar khyim la sogs/ /'jig rten kun gyi rnam par brtags/ /grang dang tsha dang char 'bab pa/ /bltos nas de bzhin dus rnams brtags/ /rang gi las kyis 'bras spyod pa/ bzang dang ngan pa'i gzar bstan to/ /ma rig 'dam gyis gtums pa yi/ /sems kyi yid bzhin nor bu nyid/ /skyes bu mkhas pas bkru byas nas/ /ma rig gang gis yang dag bskyed/ /gza' dang rgyu skad tshe grangs dang/ /yul dang dus la bltos med par/ /rtog pa med par spyad par bya/ /'tshom med the tshom med par ni/ /rtog pa med par spyad par bya/ /dbang po lam dgur gang dang gang/ /de ni de yi ngo bo nyid/ /mnyam par ma bzhag sbyor ba yis/ /thams cad sangs rgyas rang bzhin bya/ /mig ni rnam par snang mdzad gtso/ /rna ba rdo rje nyi ma'o/ /sna ni rta mchog nyid yin no/ /kha ni pad+ma gar dbang phyug /dpal ldan he ru ka rgyal lus/ /yid ni rdo rje sems dpa' ste/ /de ltar yang dag sbyor ba yis/ /snying rje'i bdag nyid can gyis spyad/ /mkhas pas sems ni brtag gyur nas/ /mi rtog pa 'dis 'grub par 'gyur/ /ji ltar 'dod pas bya ba yis/ /kun bzang kun byed de bzhin no/ /las dang bya ba kun byed na/ /ji ltar 'dod pa'i bya ba yis/ / langs dang 'dug par byed pa dang/ /ji ltar 'chag na 'ang de bzhin no/ /rgod dang smra bar byed pa dang/ /ji ltar de ltar gang de bzhin/ /dkyil 'khor du ni ma zhugs pa/ /sgrib pa kun dang ldan pas kyang/ /rang gi lha sbyor bdag nyid kyis/ /bsod nams chung yang 'grub par 'gyur/ /'dis ni sangs rgyas thams cad dang/ /dpa' bo dag ni thams cad nyid/ /tshe 'di nyid la yang 'di rig /thob 'gyur 'di la the tshom med/ /ji ltar 'jig rten phal pa las/ /rnal 'byor pa yi ting 'dzin rgyal/ /gong ma gong ma'i blo khyad kyis/ /rnal 'byor pa yang rgyal bar 'gyur/ /shes rab che dang thabs che dang/ /brtse ba che dang mos pa nyid/ /theg pa chen por yang dag bstan/ /sems can chen po'i spyod yul yin/ /gang zhig bskal pa grangs med ni/ /mang pos mi 'thob par 'dod pa'i/ /sangs rgyas tshe 'di nyid kyis ni/ /thob pa 'di la the tshom med/ /theg pa chen po bdag nyid che/ /bsod nams ye shes tshogs kyis ni/ /kun khyen go 'phang nyams dga' ba/ /tshe 'di nyid la thob par 'gyur/ /lung las mnyam par gsungs pa gang/ /theg pa che la mi rigs te/ /bsam pa lhag bsam bye brag gis/ /theg pa'i khyad par rab tu bstan/ /gzhan nyid du ni? mos pa dang/ /byang chub spyod pa de bzhin gzhan/ /sems kyi rnams dag gzhan nyid kyis/ /'dir ni 'bras bu gzhan mthong med/ /ji ltar me long dri med la/ /dri ma med pa'i mig gis gzugs/ /dang ba'i rang bzhin dri med la/ /shin tu gsal bar snang ba ltar/ /de bzhin rnal 'byor ye shes kyang/ /dri med ye shes me long la/ /rtog pa'i dra ba rnams sbyangs pa'i/ /sems dge ba la rnam par gsal/ /ji ltar nor bu me shel la/ /nyi ma'i 'od kyis kun reg pas/ /de ma thag tu me 'bar bas/ /rang gi don ni 'grub par nus/ /rtog pa'i dra bas rnam spangs pa'i// nor bu me shel 'dra ba'i yid/ /shes rab nyi ma'i 'od phog pas/ /rnal 'byor de bzhin 'bar bar 'gyur/ /shing gnyis drag tu brud pa las/ /ji ltar me ni 'bar 'gyur ba/ /thog ma bar dang mdza' dag la/ /dngos po ma lus rab snang byed/ /shes rab thabs su sbyor ba las/ /rnal 'byor pa yis de bzhin shes/ /dper na mar me gcig nyid la/ /snying po gzhan dag la brten nas/ /ji bzhin gnas su rang don gzhan/ /mthon po'i gnas nas snang bar byed/ /shes rab thabs bdag rnam bsgomS shing/ /dpag tu med pa'i lus spros nas/ /sems can mos pa sna tshogs la/ /mdzad pa ji bzhin nyams su blangs/ /ji ltar cho ga shes pa 'gas/ /nyes pa med pa'i bsil nyams dga' / /nad rnams thams cad gang byed pa'o/ /bdud rtsi 'o ma dag las blang/ /shes rab 'o ma thabs chen pos/ /cho ga bzhin du bsgrub las skyes/ /chos dbyings shin tu rnam dag pas/ /bde ba dam pas sdug bsngal 'jig /me tog 'bras bu ldan pa yi/ /'khril shing kun tu 'byung ba ltar/ /de bzhin tshogs gnyis dang ldan pa'i/ /skad cig cig gis mngon byang chub/ /dbang dang sdang dang 'gro ba rangs/ /char dbab dgu pa la sogs pa/ /sha chang dga' ba'i rnal 'byor pas/ /byas par gyur kyang mthong bar 'gyur// lag pa'i gdu bu lta bu la/ /me long dag ni dgos sam ci/ /theg pa chen po de rgyas yang/ /sngags kyi nus pa bstan pa yin/ /pha ma bu mo 'brel ba ni/ /'dir ni de nyid med par brtags/ /lcags kyi reng du bshig pa ltar/ /'gro bde bzhin bde gshegs gsungs/ /'byung lnga'i bdag nyid khu ba dang/ /khrag kyang de dang 'dra ba dang/ /de yi rang bzhin gong bu lnga/ /bram ze gang yin mthar skyes? gang/ /dge slong dag gi lus 'de ni/ /thams cad phung po lnga bdag nyid/ /mi rtag sdug bsngal stong pa la/ /rigs med rigs dang ldan pa gang/ /nya pa'i mngal du skye ba gang/ /kha tsig gdol pa'i skye ldan pas/ /dka' thub spyad pa bram ze skyes/ /de phyir rigs ni sgyu ma yin/ /ma dang sring mo bu mo dang/ /sgyug mo dang ni tsha mo dang/ /bram ze rgyal rigs rje rigs mo/ /cho ga shes pa dmangs rigs mo/ /yan lag gcig ni nyams pa dang/ /dman dang smod dang mthar skyes kyi/ /btsun mo rtag tu mchod par bya/ /rdo rje ye shes rnam bsgoms pas/ /sngags pas spyan ni rgyas gyur na/ / zhal ni rab tu bzhad gyur cing/ /rdzogs pa'i byang chub sems bskyed nas/ /rang gi lha yi yid kyis ni/ /bstan pas skad cig mthong dang blta/ /thos dang nyan par byed pa yang/ /myong zhing bde la spyod par ldan/ /gsal ba'i dag kyang smra bar bya/ /khrus dang bsku mnyi? gos la sogs/ /bza' btung kha sogs 'bad pa nyid/ /rang 'dod lha yi bdag nyid du/ /bsam la cho gas mchod par bya/ /glu dang brdung ba de bzhin gar/ /thams cad brtul zhugs can gyis spyad/ /'dir ni dngos bo thams cad la/ /lhag par chags par mi bya'o/ /rang gi bdag nyid yongs spangs nas/ /dka' thub kyi ni gdung mi bya/ /ji ltar bde bas bde ba bzung/ /'di ni ma 'ongs rdzogs sangs rgyas/ /rnal 'byor thams cad longs spyod cing/ / gang la'ang 'jigs med rol? mo bya/ /sdig pa med kyis khyod ma 'jigs/ /dam tshig shin tu 'nga' bar dka' / /sngags kyis sbyangs na shing la sogs/ /bems bo rmongs bcas rab dga' ba/ /lha nyid du ni 'gyur ba yin/ /shes dang ldan pa'i lus ci smos/ /tha ma la pa yi nga rgyal nyid/ /mnyam par bzhag pas yongs su btang/ /shes rab thabs kyi sbyor ba yis/ /thams cad mnyam par spyad par bya/ /dper na pad+ma 'dam skyes kyang/ /'dam gyi skyon gyis gos pa med// de bzhin bag chags sna tshogs kyi/ /skyon gyis rnal 'byor pa mi dgos/ /dper na chu yi zla ba la/ /chu yis mngon par gos pa med/ /sna tshogs gzugs brnyan 'dra ba ni/ /mthong ba'i skyon gyis gos mi 'gyur/ /thogs med bag chags 'dam gyis ni/ /rin chen sems ni rab tu gos/ /shes rab thabs kyi chu nyid kyis/ /bkrus na rab tu gsal bar 'gyur/ /rang gi lha yi rnal 'byor gyis/ /blo ldan sems ni brtan 'gyur na/ /lta ngan sprin pas grol bar 'gyur/ /sems kyi nye ma gsal bar 'gyur/ /don dam nges par byas nas ni/ /shes rab mtshon gyis kun gtubs la/ /ma rig sbubs kyis bka' pa yis/ /chos kyi dbyings ni blang par bya/ /brtags pa'i bum pa skad cig gis/ /shes rab tho bas bcag nas ni/ /rang bzhin dri med gsal 'gyur ba/ /ye shes sgron ma rab tu gsal/ /rab tu gsal ba'i 'byung ba rnams/ /sa dang chu dang me dang rlung/ /sngags kyi sbyor ba nus pa yis/ /gzhan nyid du ni 'byung bar byed/ /brjod pa thams cad yongs spongS la/ /sngags kyi brjod pa yang dag spyod/ /pra de ba'i dngos grub sbyin pa yi/ /sngags kyi nus pa 'di la ltos/ /dkon mchog gsum ni mi spang zhing/ /de bzhin bla ma byang chub sems/ /srog chags rnams kyang bsad mi bya// dam tshig dag kyang byin gyis brlabs/ /rin chen dang ni ga pur bcas/ /tsan dan dmar po dang sbyar ba/ /thub pi? rdo rje chu zhes bya/ /lnga po dag kyang byin gyis brlab/ /lha yi dam tshig gzhan dag kyang/ /sems ni spro bar byed pa can/ /rlung dang me ni zhe bya'i phyir/ /sems kyi rdo rje tshim par bya/ /'tshom byed the tshom med par ni/ /rnal 'byor rnam rtog med brtson pas/ /sems ni mnyam par sbyor ba yis/ /sngags bas thams cad mnyam par spyod/ /sprang ma'i rkang ba cam gyi ni/ /dug gis zil gyis non bar 'gyur/ /'tshom dang the tshom chung dus kyang/ /de la sdug bsgnal sky+d par byed/ /mkhas pas legs par 'thab pa'am/ /yang na legs par 'bros par bya/ /bar ma ngo yi dngos po ni/ /don med pa ru ltung bar 'gyur/ /bla ma'i bka' dang phyag rgya dang/ /grib ma yang ni 'gom mi bya/ /de yi yon tan gzung bar bya/ /skyon ni nam yang ma yin no/ /slob dpon lha yi mchog yin te/ /'bad pas mchod par bya ba yin/ /de nyid rdo rje 'dzin rgyal po/ /mngon sum gzugs kyi rnam par gnas/ /ji ltar nor bu chu dang gis/ /rnyog ma thams cad dangs byed pa/ /de bzhin dang ba'i nor bu yis/ /sems kyi rin chen rnam par byang/ /shes rab mig dang bral gyur na/ /dad pa'i bdag nyid can rmongs 'gyur/ /de phyir lung rtogs bdag nyid can/ /shes rab nye bar skyed par bya/ /dad ldan thos mang shes rab ldan/ /rang bzhin snying rje'i bdag nyid can/ /'gro ba'i sdug bsngal bsal ba'i phyir/ /de yi bde ba'i thabs shes bya/ /sems rnam dag pa 'di byas pas/ /bdag gis dge ba gang lags pa/ /rnam par dag pa'i sems thob nas/ /des ni 'gro ba 'di thob shog /sems kyi sgrib? pa rnam par sbyong ba zhes bya ba'i rab tu byed pa slob dpon Adya de bas mdzad pa rdzogs sho// // A tsarya dz+nyA nA ka ra dang/ lo tsA ba tshul khrims rgyal bas bsgyur ba// //bdag 'byin gyis brlab pa'i rim pa dang mngon par byang chub pa'i rim pa'i man ngag 'phags pa lha'i zhal snga nas mdzad pa'o/ / */ /rgya gar skad du/ swa? a d+hiSh+Tha na? kra ma pra b+he daM/ bod skad