<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1447: gsang ba thams cad kyi sgron ma'i rgya cher 'grel pa<br><table><tr><td>
<input type="button" onclick="location.href='tcompletep.php?id=N1447&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1447&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1447&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">lo tsA ba dge slong rin chen bzang pos bsgyur cing bcos te gtan la phab pa'o// // */ /gsang ba thams cad kyi sgrol ma'i 'grel pa bzhugs so// //rgya gar skad du/ sarbba gu hya bra ta TIka/ bod skad du/ gsang
 ba thams cad kyi sgron ma'i rgya cher 'grel pa/ dpal rdo rje rnon po la phyag 'tshal lo/ /stong pa shin tu stong pa dang/ /chen po stong pa thams cad stong/ /zung 'jug rdo rje sems dpa' la/ /btud de phyi ma'i rgyud bshad bya/ /de bzhin gshegs
 pa'i sku dang gsung dang thugs kyi gsang ba 'dus pa'i rgyud kyi/ rgyud phyi ma 'dis gong du le'u bcu bdun po rtsa ba'i rgyud kyi don thams cad gsal par ston pa dang/ don ma tshang ba rnams kyang rgyas par byed pa dang/ le'u so so'i nges pa'i dbye
 ba ston pa dang/ rgyud kyi rgyal po 'di'i don gyi gtso bo bsnyen sgrub bzhi yin par ston pa'i phyir/ de nas zhes bya ba la sogs pa gsungs te/ le'u bco brgyad po 'di'i don kyang bstod pa bstan pa dang/ rgyud phyi ma'i don zhus pa po bstan pa'o/ /
 bstod pa bstan pa yang gsum ste/ rtsa ba'i rgyud rdzogs pa dang/ rten dang brten pa dbyer med pa la bstod pa dang/ the tshom thams cad tshad nas de bzhin gshegs pa la bstod pa dang/ rgyud kyi don thams cad bsdus pa'i sgo nas bstod pa'o/ /de la
 de nas zhes bya ba la/ /artha zhes bya ba'i sgra don ni bkra shis pa'i tshig yin te/ rtsa ba'i rgyud rdzogs nas phyi ma'i rgyud 'chad pa'i skabs sbyor ba ste yi ge'i don to/ /artha zhes bya ba ni a kA ro mu kha sarbba d+harma nI zhes bya ba ni/ chos thams cad rang
 bzhin med pa ye shes kyi tshogs so/ /tha ni bsod nams kyi tshogs te/ /tshogs gnyis ston par byed pa'i rgyud/ /ces bya te spyi'i don to/ /a ni shes rab kyi pad+ma chos kyi dbyings skyed par byed pa'o/ /tha ni thabs kyi rdo rje ste sbas pa'i don to/ /a
 ni skye ba med pa rnam par dag pa'i shes rab bo/ /tha ni dmigs pa med pa'i snying rje ste mthar thug par bshad pa'o/ /byams pa la sogs shes pa la/ byams pa ni skye ba gcig gi thogs pa'i byang chub sems dpa' 
 ste/ des ma 'ongs pa'i 'gro ba'i don tu rgyur zhus pa yin te drang ba'i don to/ /byams pa ni rdo rje 'chang chen po nyid kyis sems can rnams la byams pa chen po'i sgro nas rtsa ba'i rgyud gsal bar bya ba'i phyir 'khor du sprul nas zhus pa yin te
 nges pa'i don to/ /byang chub sems dpa' zhes pa ni 'og nas ston to/ /de bzhin gshegs pa zhes bya ba la/ de bzhin nyid du gshegs pas na de bzhin gshegs pa ste/ spyi'i don to/ /de bzhin gshegs pa zhes bya ba ni ji ltar
 skyed pa'i tshe 'ongs pa rnam par 'jig pa na/ de bzhin du 'gro ba nas de bzhin gshegs pa ste/ sbas pa'i don to/ /de bzhin gshegs pa zhes pa ni ye shes phun sum tshogs pa mnga' ba'i phyir de bzhin gshegs pa ste/ mthar
 thug par bshad pa'o/ /dbang bskur ba la sogs pa yang 'og nas bshad par bya'o/ /dngos po thams cad ces bya ba ni rang gi ye shes mdza' dag gi rtogs pas chos nyid kyi don ji lta ba dang/ mnor bar ji bzhin du mnyan pa'i sgo nas mthong
 mthong zhing/ bsam pa'i sgo nas thos la/ sgom pa'i sgo nas khong du chud par gyur to zhes pa'i don to/ /ches ni phung po la sogs pa'o/ /gzigs pa zhes pa ni thams cad stong par ro/ /de dag thams cad ces
 pa ni phyogs bcu'i sangs rgyas thams cad kyi rang bzhin/ bsdus pa rdo rje 'chang chen po yin pas de skad ces bya'o/ /da ni bstod pa gsum las/ dang po rtsa ba'i rgyud rdzogs par gyur pa la bstod pa'i phyir/ e ma'o zhes pa la sogs pa
 gsungs te/ e ma'o zhes pa ni gsang ba 'dus pa'i rtsa ba'i rgyud bshad pa la ngo mtshar du gyur pa'o/ /gang la ngo mtshar na kun tu bzang po zhes bya ba ni rnam par rtog pa'i spros pa thams cad bral ba'i rdo rje 'chang chen po la bya ste/ de'i sku
 dang gsung dang/ thugs dang ni/ rnam par snang mdzad dang/ snang ba mdza' yas dang/ mi bskyod pa'o/ /de gsum nges pa'i rdo rje gsum gyis shes pa ni/ de gsum nges pa'i rdo rje gsum shes shes pa ni/ de gsum gyi sku gsung thugs rdo rje
 gsum la kun tu bzhugs zhes pa ni/ de bzhin gshegs pa thams cad kyi sku gsung thugs mnyam pa nyid sgyu ma lta bu la dmigs nas cang mi gsung bar gyur pa la bya'o/ /sems can thams cad dus gsum gyi/ /rdo rje'i ngo bo yang dag
 par zhes pa ni/ sems can thams cad kyi lus dang rnam par snang mdzad ni rten dang brten pa nyid du med cing de bzhin nyid du rdzogs pa dang/ ma rdzogs pa'i lus ngag dbyer med par bstan pa dang/ de bzhin du khams gsum pa'i ngag dang
 yid gang yin pa de ni snang ba mdza' yas dang mi bskyod pa gcig par bstan to/ /'di skad ston par 'gyur te/ rigs lnga dang ldan pa'i sprul pa'i sku dpag tu med cing mdza' yas pa'i sangs rgyas dang/ byang chub sems dpa' rnams dang/
 khro bo'i rgyal po la sogs pa thams cad rnam par snang mdzad dang 'od dpag med dang/ mi bskyod pa nyid thob par gyur to zhes bya'o/ /sangs rgyas thams cad rdzu 'phrul che zhes pa ni sangs rgyas thams cad rigs gsum du gyur pas so/ /byang chub rdo
 rje'i gnas thob ces pa ni/ khams gsum gyi sems can thams cad kyang rigs gsum dang rten dang brten par dbyer med pa'i gnas thob par gyur pa'o/ /e ma'o(rgyud 'grel thams cad rigs gsum du 'dus pa dang 'od gsal gyi rang bzhin can 'dus shing/ 'od gsal gyi rang bzhin can du cang mi gsung bar gyur pas dbang po spyod yul las 'das pa ni zhi ba ste/ 'di la rab tu che zhing dgongs pa'o/ /e ma 'khor ba dag
 gi rgyun zhes pa ni khams gsum gyi sems can thams cad kyi lus dang ngag dang sems kyi rgyun rigs gsum du mchog tu mya ngan las 'das pa la ngo mtshar ba'o/ /de yang le'u bcu bdun pa las/ de nas de bzhin gshegs pa sku rdo rje rnam
 par snang mdzad khams gsum thams cad kyi lus la gnas shing de bzhin gshegs pa thams cad kyi sku mnyam pa nyid la dmigs nas cang mi gsung bar gyur to zhes bya ba la bstod pa yin no/ /rdo rje 'chang chen po zhes bstod pa la dgyes nas
 snang ba gsungs ba/ de nas zhes pa la sogs pa ste/ de de bzhin no zhes pa ni sangs rgyas su gyur pa'o/ /de de bzhin te zhes pa ni khams gsum thams cad kyang rigs gsum du snang ba'o/ /de ltar bstod pa bstan nas/ de ni rgyud phyi ma'i don zhus
 pa bstan pa ni/ de nas byang chub sems dpa' zhes pa la sogs pa bstan te/ byang chub sems dpa' 'dus par zhes pa ni byams pa la sogs pa brjod kyis mi lang ba rnams so/ /gsang ba'i mchod pa zhes pa la sogs pa ni zhu ba'i phyir sbyor ba
 bstan pa ste/ gsang ba ni rdo rje dang pad+ma'i mchod pa'o/ /mchod pa ni 'dod pa lnga dang/ mchod pa lnga dang/ rin po che sna bdun la sogs pa'o/ /phyag byas te zhes pa ni lus kyi yan lag lnga gtugs pa ste drang ba'i don to/ /rang
 gi sems kyi chos nyid ye shes kyi rig par 'gyur ba/ /de phyag yin te nges pa'i don to/ /rgyud phyi ma'i don spyir zhus pa bstan pa'i phyir/ e ma'o zhes pa la sogs pa gsungs te/ shin tu rnyed dka' ba zhes pa ni/ dang po 'phel bar bya ba'i phyir
 rgyud rnyed par dka' ba bstan pa yin te/ de yang sangs rgyas mar me mdzad kyis kyang ma gsungs la/ de bzhin gshegs pa 'od srungs mya ngan las 'das nas yang ma byung bar bstan pa yin no/ /de ci'i phyir zhe na/ dus de srid kyi
 bar du ni sems can dman pa la lhag par mos shing sbyin pa dang/ tshul khrims la sogs pa 'dod chags dang bral ba'i chos kyis 'dul ba zab mo bstan pas skrag pa'i yid dang ldan pa yin te/ de bas na skal pa med pas de'i tshe
 gsang ba chen po'i don bshad pa ma gsungs la/ dus 'dir ni sems can 'dod chags la spyod cing snyigs ma lnga bdo ba'i sems can rnams kyis mos pa mkhyen nas byon te/ rdo rje 'chang 'ba' zhig gis gsungs pa yin pa'i phyir/
 shin tu rnyed dka' ba'i byang chub sgrub pa'i thabs 'di yin zhes pa ni/ gi gA'i klung gi bye ma snyed dpag tu med pa snyad kyis bskal par byang chub sems dpa' rnams kyi 'bad cing bstsal kyang byang chub thob par mi 'gyur
 ba gang yin pa gsang ba 'dus pa la dga' ba'i byang chub sems dpa' nang gi mngon par byang chub pa'i rim pas don dam pa'i bden pa la zhugs nas rnyog pa'i dri ma thams cad bkrus te/ skad cig thang cig dang/ mig btsum
 pa tsam gyis bdag la byin gyis brlab pa'i rim pa langs nas thams cad mkhyen pa'i phun sum tshogs pa dang ldan par gyur pas na'o/ /rgyud ni mchog gi mtsho gyur zhes pa ni rgyud thams cad kyi rtsa ba'i rgyud ni de kho na nyid bsdus pa yin la/ /
 de'i rgyud phyi ma ni gsang ba 'dus pa yin no/ /de'i yang rgyud phyi mar gyur pa ni le'u bco brgyad po 'di yin no/ /sbas pa zhes pa ni gter sbas pa dang 'dra bar 'dod chags kyi chos la sogs pa rtsa ba'i rgyud du tshig don mi gsal bar gsungs
 pa de ni rtogs par bya ba'i phyir rgyud phyi ma zhus zhes pa'o/ /de ltar bdag gis don zhus nas gzhan gyi phyir zhus pa ni/ sems can rnams la zhes pa'o/ /gang bshad ces pa ni gong du rtsa ba'i rgyud do/ /rdo rje 'chang gis snang ba gsungs
 pa'i phyir/ de nas zhes pa la sogs pa gsungs te/ legs so zhes pa ni sems can thams cad kyi don du zhus pa'i phyir ro/ /rgyud phyi ma'i the tshom rnams zhu ba bstan pa'i phyir/ de nas byang chub sems dpa' kun/ rab tu dag pas
 mig ces pa la sogs pa gsungs te/ yang dang yang du zhes pa don chen po ni zhu pa mang pos 'thob par byed pa'i phyir ro/ /rgyud 'di yi ming ci yin zhe na dpal gsang ba 'dus pa rnal 'byor gyi rgyud ces ston te/ gsang ba dang/ 'dus pa dang/
 dpal gyi don 'brel ba dang/ rgyud dang/ rnal 'byor zhes the tshom bzhi zhus te/ rgyud kyi don thams cad mdor bsdus te zhes zhus pa yin no/ /le'u dang po la rigs lngar bstan du zhus pa ni/ de nyid rnam pa du ru bshad ces pa'i/ /sku gsung
 thugs kyi tshul du bstan pa'i phyir/ de bzhin gsang ba rnam pa du zhes pa'o/ /rdo rje 'chang chen po'i gcig pu'i don zhus pa ni/ gsang chen yang ni gang la bgyi zhes pa'o/ /lus rnam par dben pa rgyas par zhus pa ni/ dam pa rnam pa du zhes pa'o
 le'u gnyis pa las/ byang chub sems bstan pa'i don zhus pa ni/ byang chub sems zhes gang la gyi zhes pa'o/ /le'u dang po las/ rigs pa'i skyes bu chen po'i gzugs bstan pa'i don zhus pa ni/ rig
 pa'i skyes bu zhes pa'o/ /le'u dang po las/ lha bcu gsum gyi sngags bstan pa'i don la the tshom bcu drug zhus pa ni/ badzra d+hika ces pa nas/ de bzhin big+hAn+ta krita ces pa'i bar gyis bstan to/ /le'u drug pa las byang chub sems dpa' i
 spyod pa dang/ de bzhin gshegs pa'i spyod pa bstan pa'i don zhus pa ni/ kun tu spyod pa gang zhig lags zhes pa'o/ /le'u lnga pa bdun pa las/ sngags kyi spyod pa bstan pa'i don zhus pa ni/ de bzhin sngags kyi spyod pa gang
 zhes pa ste/ rnal 'byor gyi spyod pa'o/ /le'u gsum pa las/ bzlas brjod gsungs pa'i don zhus pa ni/ bzlas pa gang zhig lags ces pa'o/ /le'u bco lnga pa las/ lha dbang bskur ba'i don zhus pa ni/ rgyas gdab pa zhes
 gang la bshad ces pa'o/ /le'u bcu gsum pa las/ khro bo bcu'i bsam gtan gsung pa la zhus pa ni/ chos kyi 'byung gnas ces pa'o/ /le'u bcu bdun po thams cad kyi bsdus pa'i sdom zhus ni/ /sdom pa ji lta bu zhes pa'o//
 le'u dgu pa las gsungs pa'i nyon mongs pa dbang du byed pa'i don zhus pa ni/ sems can don mdzad ji lta bu zhes pa'o/ /le'u bzhi pa dang bcu drug pa las gsungs pa'i dkyil 'khor gyi don zhus pa ni/ dkyil 'khor zhes pa ni gang la
 gyi zhes pa'o/ /le'u de dag nyid kyi don zhus pa ni/ phyag rgya dgod pa lta bu zhes pa'o/ /le'u brgyad pa las gsungs pa'i don zhus pa ni/ me tog ces pa dang/ mchod rten zhes pa'o/ /le'u bcu gsum pa gsungs pa'i don zhus pa ni/
 ye shes dkyil 'khor zhes pa dang/ 'dir ni gnas zhes gang la bshad ces pa'o/ /le'u bcu drug pa'i mngag gzhug pa gsungs pa'i don zhus pa ni/ mgon po bskul ba dang/ gdong pa dang/ spyan drang ba dang/ bcing ba'o/ /le'u brgyad
 pa dang bcu drug pa'i don zhus pa ni/ dbang bskur ba ni ji ltar zhes pa'o/ /le'u bcu drug pa las gsungs pa'i don zhus pa ni/ rig pa'i brtul zhugs shes pa'o/ /le'u bzhi pa dang lnga pa dang drug pa dang brgyad pa dang/ bcu gnyis
 pa dang bco lnga pa dang bcu drug pa dang bcu bdun pa rnams las gsungs pa'i don zhus pa ni/ bdud rtsi lnga rnams zhes pa dang/ dbang po lnga zhes pa'o/ /le'u bcu gcig pa dang bcu bdun pa'i don gsungs pa ni/ dngos grub tha ma mchog
 ji lta bu zhes pa'o/ /rgyud dbu zhabs kyi don zhus pa ni/ de la thabs ni rnam pa du zhes pa dang/ de bzhin thabs 'byung ji lta bu zhes pa'o/ /le'u bcu gsum pa dang/ bcu bzhi pa dang/ bco lnga pa'i don la bka' ni ji ltar bsgo
 zhes zhus pa dang/ rdo rje 'chang chen po gnang bar bstan pa'i phyir/ 'od gsal la bzhugs de cang mi gsung bar bstan pa'i phyir/ de nas de bzhin gshegs pa de dag thams cad ces pa la sogs pa gsungs te/ rdo rje 'dzin pa la
 dmigs ces pa ni gnyis su med pa'i ye shes so/ /de nas rdo rje 'chang 'od gsal la zhugs pa las yang dang yang du bskul ba bstan pa'i phyir/ de nas byang chub sems dpa' che zhes pa la sogs pa ste/ snying rje'i bdag nyid ces
 pa ni/ byang chub sems dpa' rnams snying rjes gzhan gyis dbang du gyur pa'o/ /khyad par gyi chos bshad na mnyam bzhag dgos pa bstan pa'i phyir/ de nas de bzhin gshegs pa zhes pa la sogs pa gsungs te/ sku gsung thugs ni rdo rje
 la zhes pa ni le'u gnyis pa las ston te/ sems lus lta bu sku rdo rje lta bu dang/ lus sems lta bu thugs rdo rje lta bu dang/ sems tshig tu brjod pa lta bu gsung rdo rje lta bur bskyed cig ces pa ste/ rdo rje
 gsum mi phyed pa'i ngo bo nyid kyis byang chub bskyed cig pa'o/ /sku gsung thugs ni rdo rje la kha zhag nas ces pa ni sku gsung thugs nas nam mkha' lta bu stong pa nyid kyi ngo bo nyid du yang dag par sbyar zhing gcig tu gyis la byang chub sems dpa' i dbang po rnams la zhus pa la rgya cher
 mnyan par gyis shig pas te/ drang ba'i don to/ /sku gsung thugs ni rdo rjer gyis zhes pa ni/ yid kyi rang bzhin gyis lus skyed cig pa ste/ sems lus lta bu sems gsum po khams phra ba dang lhan cig tu longs spyod rdzogs pa'i sku lta bur
 lus gang bskyed pa dang/ lus sems nyid las gzhan na ci yang med pa dang/ sems tshig tu brjod pa lta bu ste tshig tu brjod pa gang yin pa de dang/ /de'i ngo bor sems nyid skyed cig pa'o/ /sku gsung thugs ni rdo rje las/ /gzhag nas byang
 chub sems dpa' dbang po zhes pa ni/ byang chub sems dpa' i dbang po khyed rnams sku gsung thugs nam mkha' i ngo bo nyid 'od gsal bar yang dag par sbyar zhing gcig tu byas nas rdo rje 'chang chen por bdag nyid bskyed par gyis shig
 pa'o/ /don de nyid bstan pa'i phyir/ de nas zhes bya ba gsungs te/ bka' spyi bor rab tu mnos te/ zhes pa ni mgu bar gyur nas/ legs par gsol te/ gdams pa bzhin du ting nge 'dzin la mnyam par bzhag pa'o/ /byang chub sems
 dpa' rnams kyis zhus pa'i don bstan pa ni/ de nas zhes bya ba la sogs pa gsungs te/ rang gi thugs rje chen po la dmigs pa ni/ sangs rgyas dang/ byang chub sems dpa' thams cad rdo rje 'chang gi don la gnas nas zhus pa'i don/
 gsung gcig gis bka' stsal pa'o/ /'di skad ston te/ phyogs bcu'i sangs rgyas thams cad gzhal yas khang chen por 'dus te/ til gyi gang bu bzhin gyur nas/ dgongs pa gcig gis de kho na nyid kyis don gcig po gsung gcig gi ston
 pa yin no/ /da ni rgyud kyi mtshan bstan pa'i phyir/ sku gsung thugs ni rnam pa gsum/ /gsang ba zhes su bstan pa yin/ zhes bya ba la/ dam tshig dang sdom pa la sogs pa ste rigs gsum du yongs su gyur pa ni/ yi ge'i don bshad pa'o
 gsang ba ni/ oM A(rgyud 'grel 'dus pa zhes bya ba bstan pa'i phyir/ sangs rgyas thams cad ces bya ba la/ tshogs pa 'dus pa yin par bshad ces bya ba la/ sangs rgyas thams cad tshogs pa ni gnyis gcig tu gyur pa ni 'dus pa ste/ yi ge'i don to/ /sangs
 rgyas thams cad ces bya ba ni rdo rje 'chang yab yum yin la/ /de'i rdo rje dang pad+ma yang dag par sbyor ba ni tshogs shing 'dus pa ste spyi'i don to/ /sangs rgyas thams cad ces bya ba ni thabs dang shes rab la bya ste/ de gnyis tshogs shing
 yang dag par sbyor ba ni 'dus pa ste spas pa'o/ /sangs rgyas thams cad ces pa ni kun rdzob dang don dam pa'i bsten pa ste/ de dag gnyis 'dus shing tshogs pa ni/ gnyis su med pa'i ye shes kyi bdag nyid can rdo rje 'chang chen po zhes
 bya ba ni 'dus pa ste mthar thug pa'i don to/ /'di skad ston to/ /de bzhin gshegs pa dang/ pad+ma dang/ rdo rje gsum du sku gsung thugs snang ba de nyid sangs rgyas dang/ pad+ma dang rdo rje 'chang gcig tu gyur pa ni/ yi ge'i don gyi gsang ba 'dus pa'o
 yi ge gsum las/ rdo rje 'chang chen po'i skur gyur nas/ rig ma dang rdo rje pad+ma 'dus par gyur pa ni/ /spyi don gyi gsang ba 'dus pa zhes bya'o/ /rnam pa gsum gyi rlung gi bzhon pa dang ldan pa de nyid thabs dang shes rab
 kyi bdag nyid sgyu ma lta bu'i skur gyur pa ni/ spas pa'i don gyi gsang ba 'dus pa'o/ /bden pa rnam pa zung du 'jug pa gnyis su med par gyur pa ni/ mthar thug pa'i gsang ba 'dus pa zhes bya'o/ /des ni rgyud kyi don thams cad ston pa
 yin/ rgyud kyi 'brel ba ni/ don thams cad phun sum tshogs pa dpal gyi sgrar bstan pa yin no/ /spyir lnga pa dgu pa nyid dang yang zhes bya ba la sogs pa gsungs te/ le'u lnga pa las ni rnal 'byor gyi spyod pa gsungs so//
 bcu bdun pa dang bcu gsum pa zhes bya ba la/ le'u bcu bdun pa las ni dam tshig dang sdom pa rab tu ston pa yin no/ /le'u bcu gsum pa las ni nang la mchog tu gzhol ba'i las kyi tshogs gsungs so/ /sangs rgyas zhes pa ni/
 sangs rgyas dang byang chub sems dpa' rnams kyi sgrub pa chen po'i spyod pa ni le'u 'di rnams kyis bstan pa yin no/ /'di skad ston te/ lnga pa'i rnal 'byor gyi spyod pa gsum spros pa dang/ spros pa med pa dang/ shin tu spros pa med
 pa gsum la spyod pa nyams 'og tu chud nas/ le'u dgu pa'i nyon mongs pa lnga'i spyod pa rmad du byung brtsom par byed la/ de sngon du gyur nas 'jig rten dang 'jig rten las 'das pa'i spyod pa thams cad la bcu bdun pa'i sgo nas spyod par byed do/ /de ltar byang chub sems dpa' i
 spyod la rnal 'byor gyi spos pa gsum na rtogs nas/ de bzhin gshegs pa'i spyod pa rmad du byung ba dang dam tshig dang sdom pa spyod pas bdag gi don rdzogs par byas nas/ gzhan gyi don du nang la mchog tu gzhol ba las le'u bcu gsum
 pa'i las gyi tshogs rnams spyod par 'gyur ro zhes ston to/ /bzhi ba dang ni bcu drug pa/ /brgyad pa de bzhin bcu gnyis pa/ /zhes bya ba la/ le'u bzhi pa las ni dbang bskur ba'i dkyil 'khor gsungs so/ /le'u bcu drug pa las ni bzhi pa'i rdul tshon gyi dkyil 'khor spros te rgyas par gsungs so/ /de yang bzhi pa ni slob ma'i dkyil 'khor yin la/ bcu drug pa ni dngos grub kyi dkyil 'khor yin no/ /le'u brgyad pa las ni dbang bskur ba gsungs so/ /le'u bcu
 gnyis pa las ni phyag rgya chen po yongs su gyur pa gsungs so/ /slob dpon spyi'i las dang ni zhes pa ni/ /slob dpon thams cad kyi phrin las thams cad ni/ dkyil 'khor bris te bum pa dang/ gsang ba dang shes rab ye shes kyi dbang bskur ba yin/ /dngos grub brtul zhugs ? pa yin zhes pa ni dkyil 'khor
 bris te rig brtul zhugs sngon du song bas/ rigs brtul zhugs kyi phyag rgya'i sgo nas dngos grub rnams gnyis sgrub par byed pa'o/ 'di skad ston par 'gyur te/ bdag gi don du dkyil 'khor bris ti rig pa brtul zhugs kyi spyod pas dngos grub bsgrub par bya zhing/ gzhan gyi don du dkyil
 'khor bris te slob ma gzhug pa'i cho gas bcug la/ dbang rnam pa bzhi bskur bar byed ba ni sgrub pa yin no/ /zhes ston par 'gyur ro/ /drug pa dang ni gnyis pa dang/ /bcu pa dang ni bcu bzhi pa/ zhes bya ba la/ le'u drug la las
 ni sku gsung thugs byin gyis brlab pa gsungs so/ /le'u bzhi pa las ni rdzogs pa'i rim pa 'ba' zhig ston to/ /le'u bcu pa las ni mngon par 'dod pa'i dngos grub mngon du bya ba'i phyir/ /phyi dang nang gi bdag nyid can gyi
 snying po bskul? ba gsungs so/ /le'u bcu bzhi pa las ni sngags la mchog tu gnol ba'i las kyi tshogs gsungs so/ /drag spyod rjes su chags pa dang/ nye bar sgrub pa'i sdom pa'o zhes pa ni/ le'u bcu pa dang bcu bzhi pa/
 drag por spyod pa yin la/ le'u drug pa las ni thabs dang shes rab kyis rjes su chags gsungs pa de dag ni rang gi lha nye bar bsgrub pa'i sdom pa'o/ /'di skad ston par 'gyur te/ le'u drug pa ni bskyed pa'i rim pa
 dang/ le'u gnyis pa rdzogs pa'i rim pa dang ldan pa'i rnal 'byor pas ma grub na rang gi lha skul bcu pa ltar byas te/ bdag gi don rdzogs nas gzhan gyi don la sngags la mchog tu gzhol ba'i sgo nas/ bcu bzhi pa'i sgo nas mdzad par 'gyur ro
 zhes ston to/ /bdun pa dang ni gsum pa dang/ bcu gcig pa dang bco lnga pa zhes bya ba la/ le'u bdun pa las ni rnal 'byor gyi spyod pa spros pa gsum gsungs so/ /le'u gsum pa las ni yongs su brtan pa dang/ yongs su ma dag pa'i lha'i rnal
 'byor gsungs so/ /le'u bcu gcig pa las ni bskyed pa'i rim pa'i sku dang/ rdzogs pa'i rim pa'i ye shes kyi sku bskyed pa ston to/ /le'u bco lnga pa las ni/ las kyi tshogs dngos grub thams cad rmi lam gyi ltas dang/ sgyu ma lta bu'i
 ting nge 'dzin gsungs so/ /dngos grub bzhi zhes pa ni/ le'u bco lnga pa'i las kyi tshogs dang/ le'u bcu gcig pa'i thun mong pa'i dngos grub yin no/ /ltas shes pa ni le'u bco lnga pa'i rmi lam gyi ltas dang/ sgyu ma lta bu'i ltas ston
 te/ de dag ni bsnyen pa'i sdom pa yin no/ /'di skad ston te/ bdag gi don gsum pa dang bcu gcig pa las 'byung ba'i rim pa gnyis kyi sgo nas bsgrub cing/ /bdun pa'i rnal 'byor gyi spyod pas grogs bya ste rdzogs par byas la
 gzhan gyi don du le'u bco lnga pa'i las kyi tshogs kyis sgrub par byed do/ /zhes ston to/ /bsdus pa'i don ni bsnyen pa'i dngos grub kyi ltas byung ba dang/ nye bar sgrub pas gzhan don du lha bskul ba la zhugs te/ bdag gi don
 rdzogs par gyur pa des bsgrubs pas gzhan don du dkyil 'khor dang/ bdag don du thun mong gi dngos grub sgrub par byed la/ phyag rgya chen po mchog gi dngos grub ni/ sgrub pa chen po'i sgo nas sgrub par byed ces pa ni/ le'u so so'i 'brel pa
 dang/ rgyud kyi gzhung gi sdus pa'i don yin no/ /le'u dang po dang ni bcu gcig pa zhes bya ba la/ bcu zhes bya ba mi mngon par byas pa'i nang du 'dus te/ bsnyen sgrub bzhi'i mdor bstan pa'i le'u yin te/ le'u de las ni rjod pa dang rjod
 par byed pa'i bdag nyid rdo rje 'chang chen po'i sprul pa'i dkyil 'khor du nyan pa'i skal pa dang ldan pa rnams la rig pa'i dbang bskur ba byin nas/ drang ba dang nges pa'i don gyi bye brag gis brtag pa dang/ rdzogs pa'i rim pa'i sgrub thabs so sor
 ston cing 'og nas 'byung ba'i le'u bcu drug po kun gi don mdor bsdus te bstan pa yin par rig par bya'o/ /da ni le'u de dag gi don ji lta bu yin pa gsal bar bstan pa'i phyir/ de bzhin gshegs pa kun gyi las/ tshar gcod phan
 'dogs byed pa dag ces pa ni/ nye bar sgrub pa'i le'u bzhi pa las ni de bzhin gshegs pa thams cad kyi sems can 'dul ba la zhi ba la phan 'dogs pa'i spyod pas sangs rgyas kyi bstan pa la 'jug par byed pa dang/ sems can gdul
 dka' ba rnams ni tshar gcod pa'i spyod pas/ 'jug par byed pas ni/ dul dang gdul dka' zhi ba yi/ /sems can rnams kyi gzhug pa'o zhes bya'o/ /bskyed pa'i rim pa dang 'brel ba'i/ /bsnyen pa rdo rje cho ga bzhi zhes pa ni/ bsnyen
 pa'i le'u bzhi pa las ni/ bskyed pa'i rim pa dang rdzogs pa'i rim pa rdo rje cho ga bzhi bstan pas/ thun mong gi dngos grub sgrub par byed pa'i phyir/ thun mong dngos grub 'brel pa yi/ /mchog tu gyur pa'i gzhung nyid do/ /zhes gsungs so/ /dkyil
 'khor brtul zhugs 'brel pa yis/ /zhes pa na/ sgrub pa'i le'u bzhi pa las ni/ dkyil 'khor dang dngos grub bsgrub pa'i tshe/ rig pa brtul zhugs dang 'brel la/ dkyil 'khor dang slob dpon las kyi tshe slob ma
 yongs su smin pa dang 'brel to/ /de yang bla ma sngags kyi lam gyis ni zhes ston to/ /brtul zhugs bzang dang zhes pa ni/ sgrub pa chen po'i le'u bzhi ston te/ /dbang bskur bas rang gi slob mar gyur pa des rnal 'byor gyi spyod pa'i brtul
 zhugs bzang po la spros pa'i spyod pa dang/ bdag nyid chen po'i sangs rgyas dang/ byang chub sems dpa' i spyod pa dang/ rmad du byung ba dang dam tshig dang sdom pa'i spyod pa bstan pa'i sgor zhugs pas rang sems yongs su grol te/ 'od
 gsal ba thob par 'gyur ro zhes ston to/ /de ltar rgyud kyi mtshan la dpal gsang ba 'dus pa zhes bya ba bshad nas/ da ni rnal 'byor gyi rgyud ces bya ba bstan pa'i phyir/ rnal 'byor zhes ni gang la bgyi/ zhes pa'i lan du/ thabs dang shes
 rab snyoms 'jug pa ces pa la sogs pas ston to/ /shes rab ces pa ni snang ba dang don dam pa'i mtshan nyid chos thams cad dngos po med pa'i shes rab la bya'o/ /thabs zhes bya ba ni snang ba mched pa dang shin tu ston pa dang thabs
 dang kun rdzob kyi mtshan nyid chos thams cad sgyu ma lta bu'i dngos po'i mtshan nyid kyi thabs la bya'o/ /snyoms par 'jug pa zhes pa ni snang ba thob pa dang/ stong pa chen po dang/ nye bar thob pa gnyis su med pa'i rnal 'byor sgyu ma lta bu ste
 sbas pa'i don to/ /shes rab ces bya ba ni don dam pa'i bden pa chos thams cad dngos po med pa'i shes rab ste/ de skad du yang/ gang zhig dmigs pa thams cad kyi/ gnas dang tshig tu ma gyur pa/ /'jug ste thugs kyi rdo rje yis/
 shes rab ces su rnam par bshad/ ces pa'o/ /thabs ni snang ba gsum kun rdzob kyi dngos po'i mtshan nyid la bya'o/ /de yang slob dpon klu sgrub kyis/ snang ba gsum por bstan pa ni/ /kun rdzob ces su grags zhes bshad pas so/ /snyoms par
 'jug pa zhes pa ni/ kun rdzob don dam pa'i rnal 'byor pas rgyu ba dang mi rgyu ba'i chos thams cad phyag rgya chen po'i gzugs kyis gcig tu byas nas zung du 'jug pa'i bdag nyid rdo rje 'chang chen po'i gzugs ni rnal 'byor zhes bya ste/ don
 gyi rgyud mthar thug pa'i rgyud ces pa'i don bstan pa'i phyir/ rgyud ni rgyun zhes bya bar grags zhes ba ni/ rgyud kyi nges pa'i tshig bstan pa yin te/ tan tra zhes pa'i sgras bsnyen sgrub bzhi'i don le'u 'khrugs par snang yang don du 'brel
 par gyur pa la rgyud ces bya'o/ /yang 'og nas 'byung ba'i rgyud kyi rang gi ngo bo gsum/ /rgyun du 'brel par gyur pa la/ /rgyud dam rgyun zhes par bshad do/ /da ni rgyud kyi dbye bas rgyud kyi rang gi ngo bo bshad pa'i phyir/ rgyud de rnam pa gsum
 'gyur te/ /bzhi dang de bzhin rang bzhin dang/ /mi 'phrogs pa yi rab phye ba/ /zhes pa la sogs pa gsungs te/ rgyu'i rgyud dang/ rang bzhin thabs kyi rgyud dang/ 'bras bu'i rgyud mi 'phrogs pa gsum du rab tu phye ba'o/ /de yang rgyu dang
 'bras bu gnyis su dbye ba ni/ bzhi dang rang bzhin rgyu yin te/ de bzhin mi 'phrogs 'bras bu'o/ /zhes bya'o/ /bzhi gang yin pa bstan pa'i phyir/ bzhi ni thabs zhes bya ba ste/ zhes pa ni bsnyen sgrub yan lag bzhi ni rgyud 'di'i thabs
 kyi rgyud yin te/ de yang 'di nyid las thabs ni rnam pa bzhi po dag /byang chub rdo rje can gyis gsungs/ /rnal 'byor rgyud ni thams cad du/ /rnal 'byor pa yi brtag par bsngags/ /bsnyen pa'i cho ga dang po ste/ /nye bar sgrub pa gnyis pa yin/ /
 sgrub pa yang ni gsum pa yin/ /sgrub pa chen po bzhi pa yin/ zhes 'byung ba yin no/ /de bas na rgyu'i rgyud sgrub pa po rin po che lta bu'i gang zag gi rang bzhin dang/ thabs kyi rgyud bsnyen sgrub yan lag bzhi dang/
 'bras bu'i rgyud mi gnas pa'i mya ngan las 'das pa rdo rje 'chang zung 'jug gi sku gang yin pa gzhan gyis 'phrog par mi nus pa dang/ gsum ni rgyud kyi rang gi ngo bo ste/ de'i phyir gsum gyis rgyud kyi don bsdus pa'o/ /zhes pa'o/ /da ni rigs
 dbye ba bstan pa'i phyir/ rigs ni lnga dang gsum dag ces pa la sogs pa gsungs te/ rigs ni lnga zhes pa mdor bstan pa gsal bar phye ba ni/ de nyid rnam pa lnga ru bshad/ /ces bya ba yin te/ khams bzhi po de dag las lus
 kyi phung po mngon par 'grub par 'gyur te/ khams rnams tshogs las 'byung zhing skye ste/ de bas na gang/ gang gzugs kyi phung po la sogs pa 'byung ba las gyur pa ni/ de bzhin gshegs pa'i rigs can te/ de ni sa'i khams
 bsdud pas nye bar 'gro'o/ /de bzhin du rin po che'i rigs can rnams ni chu'i khams so/ /pad+ma'i rigs can rnams kyi me'i khams so/ /las kyi rigs can rnams ni rlung gi khams so/ /rdo rje'i rigs can rnams ni rnam par shes pa'i
 khams bsdus par gyur pa yin te/ tshul 'di ni rang gi lus kyi dkyil 'khor 'byung ba dang 'byung ba las gyur pa'i dbye bas phung po rnams gsang ba lnga'i rang bzhin du 'byung ba chen po lnga'i de kho na nyid du 'gyur ro/ /rtsa ba'i rgyud
 las kyang/ mdor na phung po lnga rnams ni/ /sangs rgyas ldan ni rab tu grags/ ces gsungs so/ /gsum dag ces pa mdor bstan pa gsal bar bshad pa ni/ gsang ba rnam pa gsum du bshad ces bya ba yin te/ de bzhin gshegs pa
 lnga po las gsum du bsdu bar bya ste/ de yang rin chen 'byung ldan sku rdo rje dang lhan cig /gnyis su med par gyur pa'o/ /don yod grub pa ni/ gsung rdo rje dang gnyis su med par gyur pa'o/ /mi bskyod pa ni drug pa rdo rje 'chang dang lhan cig
 tu gnyis su med par gyur pa'o/ /de ltar na sangs rgyas dang byang chub sems dpa' thams cad ni rang gi lus dang ngag dang yid kyis bsdus par gyur pa'i phyir gsum du bshad do/ /zla gsang thig le las kyang/ /lus ngag yid kyis
 sbyor ba yis/ /gsum du yang ni 'gyur ba yin zhes gsungs so/ /ngo bo nyid mdor bstan pa gsal bar bshad pa ni/ lhag pa'i lha ni gsang chen te/ zhes bya ba te/ rdo rje gsum mi phyed pa'i mtshan nyid rdo rje 'chang chen por lhag par mos par
 bya ba ni byin gyis brlab pa'i rnal 'byor te/ rdzogs pa'i rim pa'i skur gyur byung ba dang po de la de skad bya ba 'am/ yang na phyogs bcu'i sangs rgyas thams cad kyi bsdus pa'i sku ni rdo rje 'chang chen po yin la/ 'jig rten dang 'jig
 las 'das pa'i lha thams cad kyi ngo bo nyid du snang ba'i sku/ zung du 'jug pa'i ye shes kyi sku de la lhag pa'i lha zhes bya/ de ni sku gsung thugs kyi gsang ba 'dus pa ste/ shin tu rdzogs pa chen por gyur pas de la de skad
 ces bya'o/ /bde mchog las kyang/ 'di ni rang 'byung bcom ldan 'das/ gcig pu rab tu che ba'i lha/ /zhes gsungs so/ /rigs brgya zhes mdor bstan pa gsal bar bshad pa ni/ dam pa'i rigs ni rnam pa brgya zhes bya ba yin te
 phung po lnga dang 'byung bzhi ni/ dbang po lnga dang/ yul lnga re re las rigs lnga lnga'i dbang du byas pas rigs brgyur 'gyur te/ de yang gang zhe na/ rnam par snang mdzad kyi dbang du byas te/ bshad pa'i gzugs kyi phung po la de bzhin
 gshegs pa lngas byin gyis brlab pa'i rigs lnga dang/ rin chen 'byung ldan gyi ting nge 'dzin gyi dbang du byas te bshad pa'i tshor ba'i phung po la de bzhin gshegs pa lhas byin gyis brlabs pa'i rigs lnga dang/ snang ba
 mdza' yas kyi ting nge 'dzin gyi dbang du byas te bshad pa'i/ /'du shes kyi phung po de bzhin gshegs pa lngas byin gyis brlabs pa'i rigs lnga dang/ don yod grub pa'i ting nge 'dzin gyi dbang du byas te bshad pa'i 'du byed kyi phung
 po la de bzhin gshegs pa lngas byin gyis brlabs pa'i rigs lnga dang/ mi bskyod pa'i ting nge 'dzin gyi dbang du byas te bshad pa'i/ rnam par shes pa'i phung po la de bzhin gshegs pa lngas byin gyis brlabs pa'i rigs lnga ste/
 spyir phung po lnga'i dbang du byas pa'i dam pa'i rigs ni nyi shu rtsa lnga'o/ /sa'i khams la sang rgyas spyan gyi ting nge 'dzin gyi dbang du byas te bshad na/ phyi dang nang gi sa'i khams la de bzhin gshegs pa lngas byin gyis brlabs pas
 bcur 'gyur yang rigs lngar bgrang ba dang/ mA ma kI'i ting nge 'dzin gyi dbang du byas te bshad pa'i/ phyi nang gi chu'i khams la de bzhin gshegs pa lngas byin gyis brlabs pas bcur 'gyur yang rigs lngar bgrang ba dang/ gos
 dkar mo'i ting nge 'dzin gyi dbang du byas te bshad pa'i/ /phyi nang gi me'i khams la de bzhin gshegs pa lngas byin gyis brlabs pas phyi nang gi dbang gis bcur 'gyur yang lngar bgrangs pa dang/ sgrol ma'i ting nge 'dzin gyi dbang du
 byas te/ bshad pa'i phyi nang gi rlung gi khams la de bzhin gshegs pa lngas byin gyis brlabs pas phyi nang gis dbang gis bcur 'gyur yang rlung du gcig pas rigs lngar bgrangs te/ spyir dam pa'i rigs nyi shu'o/ /byang chub
 sems dpa' rnams kyi ting nge 'dzin gyi dbang du byas te bshad pa las/ rigs lnga bcur 'gyur ba ni 'di yin te/ sa'i snying po'i ting nge 'dzin gyi dbang du byas pas mig gi skye mched la de bzhin gshegs pa lngas byin gyis brlabs pa'i rigs lnga
 dang/ phyag na rdo rje'i ting nge 'dzin gyi dbang du byas pa'i bshad pa/ rna ba'i skye mched la de bzhin gshegs pa lngas byin gyis brlabs pa'i rigs lnga dang/ nam mkha' snying po'i ting nge 'dzin gyi dbang du byas pa'i sna'i skye mched la de bzhin gshegs
 pa lngas byin gyis brlabs pa'i rigs lnga dang/ 'jig rten dbang phyug gi ting nge 'dzin gyi dbang du byas te bshad pa'i lce'i skye mched la/ de bzhin gshegs pa lngas byin gyis brlabs pa'i rigs lnga dang/ sgrib pa rnam par sel ba'i ting
 nge 'dzin gyi dbang du byas pa'i bshad pa/ lus kyi skye mched la de bzhin gshegs pa lngas byin gyis brlabs pa'i rigs lnga dang/ spyir dam pa rigs brgya nyi shu rtsa lnga'o/ /yul rnams lha mi'i ting nge 'dzin gyi dbang du byas te/ bshad pa'i
 rigs lnga bcur 'gyur ba ni 'di yin te/ gzugs rdo rje ma'i ting nge 'dzin gyi dbang du byas te bshad pa'i gzugs rnams de bzhin gshegs pa lngas byin gyis brlabs pa'i de bzhin gshegs pa rigs lnga dang/ sgra rdo rje ma'i ting nge
 'dzin gyi dbang du byas te bshad pa'i sgra rnams de bzhin gshegs pa lngas byin gyis brlabs pa'i rigs lnga dang/ /dri rdo rje ma'i ting nge 'dzin gyi dbang du byas pa'i de rnams de bzhin gshegs pa lngas byin gyis brlabs pa'i rigs
 zlnga dang/ ro rdo rje ma'i ting nge 'dzin gyi dbang du byas te bshad pa'i ro rnams de bzhin gshegs pa lngas byin gyis brlabs pa'i rigs lnga dang/ reg rdo rje ma'i ting nge 'dzin gyi dbang du byas pa'i reg bya thams cad de bzhin gshegs pa 
 lngas byin gyis brlabs pa'i rigs lnga dang/ spyir dam pa rigs brgya nyi shu rtsa lnga'o/ /rim pa lnga po nyid la 'jug pa'i ye shes lnga dang/ spyir dam pa'i rigs ni brgya yin te/ zla gsang thig le las rigs ni rnam
 pa brgyar bshad pa/ mdo ru bsdu na rnam pa lnga/ zhes 'byung ba yin no/ /yid kyi rnam par shes pa'i dbang po la gsum ste/ dbang po thams cad kyi bdag po ste/ phyi'i yul ni med kyi/ /so so rang rig pas chos kyi dbyings yul du byas
 nas/ rdo rje 'chang chen po'i sgyu ma lta bu'i ting nge 'dzin zhes bya ste/ rigs brgya po kun la khyab par byed pa zhes bshad do/ /byang chub rdo rje bcas zhes gsungs pa zhes pa ni/ rdo rje 'chang chen po ni 'dir ming gzhan byang chub sems
 rdo rje zhes bya ste/ de dang bcas pa ni rigs lnga nas brgya'i bar du snang ba ste/ de dag thams cad kyang rtsa ba'i rgyud chen po las ma gsungs shing/ phyi ma'i rgyud 'dir bshad cing bstan pa'i phyir rgyud phyi ma zhes bya'o/ /de ltar rgyud kyi mtshan
 bstan nas/ da ni rgyud kyi don ston pa'i mtshan bstan pa'i phyir/ byang chub sems rig pa'i skyes bu rdo rje 'chang zhes bya ba ni/ thog ma tha ma med zhi ba/ /dngos dang dngos med mi bzad gtso/ /zhes bya ba ni/ byang chub ces pa la thog
 ma nas snang ba ste/ zla ba'i dkyil 'khor lta bu'o/ /med ces pa ni da lta bu'i kun rdzob kyi bden pa snang ba gsum stong par thim zhing/ zhi ba la de skad ces bya'o/ /dngos dang ces pa ni kun rdzob kyi bden pa snang ba gsum ?
 dngos? med ces la ni thams cad stong pa don dam pa'i bden pa'i dang? du snang ba gsum gyi dngos po med cing dmigs pa la byang chub ces bya ste/ mngon par byang chub pa'i rgyud las kyang/ byang chub nam mkha' i mtshan nyid do/ kun?
 rtog pa thams cad spangs/ /gang zhig der rtogs 'dod pa ste/ /byang chub sems dpa' zhes bya'o/ /gsang ba'i bdag po de la byang chub gang zhe na/ /rang rang sems yang dag pa ji lta ba bzhin du rtogs pa ste/ /de yang bla na med pa yang dag par
 rdzogs pa'i byang chub bo zhes 'byung ngo/ /mi bzad gtso zhes pa ni/ /zung 'jug gi sku la mi bzad pa 'am gtso bo zhes bya ste/ slob dpon klu sgrub kyis kyang/ /gtso bo bde ba kun rang bzhin/ sems dpa' chen po 'gro dang 'dug/
 gnas dang zas dang gos la sogs/ /mkha' las skad cig dag gis rnyed/ /ye shes rang bzhin mi'i seng ge dag /mi bzad lus thob ma lus 'gro ba'i rgyu/ /zhes gsungs so/ /stong nyid snying rje mi phye ba/ /byang chub sems zhes bya
 ba yin/ /zhes ni/ gtso bo zung 'jug de nyid 'od gsal ba dang/ /snying rje chen po la khyab pa tha mi dad cing dbyer med pa la de skad ces bya ste/ /de skad du yang/ slob dpon klu sgrub kyi zhal snga nas/ shes rab snying rjes gcig par ni/
 shes nas zung du 'jug gyur pa/ zung 'jug ces byar bshad pa yin/ /rim 'di sangs rgyas spyod yul lo zhes gsungs so/ /da ni rig pa'i skyes bu zhes bya ba'i don bshad pa'i phyir/ /sku gsung thugs kyi rdo rje yis/ mi phyed pa dang zhes
 pa ni/ sku gsung zhugs ni snang ba rnam pa gsum kyi// /bdag nyid la skyes bu zhes bya ba yin la/ rdo rje yis shes pa ni/ /rig pa ste don dam pa'i bden pa'o/ /mi phyed pa zhes pa ni/ de dag las skyes bu rnam pa
 thams cad kyi mchog dang ldan pa la sogs pa dang bcas pa'i rig pa'i skyes bus te nges pa'o/ /sku gsung thugs kyi rdo rje yis/ /mi phyed phyed pa'i dngos po nyid/ /ces pa la/ sku gsung thugs ni yi ge gsum mo/ /rdo rje ye shes pa ni zla
 ba dang nyi ma dang pad+ma dang/ yi ge las tha mar rdo rjer gyur pa ste/ de dag so sor phye ba'i dngos po las skyes bu'i gzugs bskyed pa ste/ yi ge gsum gyi rig pa las skyes bu bskyed ces bya ba'i
 don to/ /'di skad ston te/ drang don du sgrub thabs bzhin du rnal 'byor bzhi'i rim gyi sngags thams cad kyi gzugs kyi sku rdo rje 'chang du bskyed pa dang/ nges pa'i don du bden pa gnyis su las zung 'jug gi skur bzhengs par ston pa yin//
 rgyud kyi ston pa'i mtshan byang chub kyi sems rig pa'i skyes bu rdo rje 'chang zhes bya la/ da ni rdo rje 'chang zhes bya ba'i don bstan pa'i phyir rgyu lnga dang ni 'bras bu lnga/ /rdo rje zhes ni bshad pa yin/ zhes bya ba la/ rgyu lnga ni rnam par shes pa lnga/ 'bras
 bu lnga ni ye shes lnga ste/ de nyid kyi mngon par byang chub pa lnga yang dag par ston pa'i rdo rje 'dzin par mdzad pas na rdo rje 'chang ste/ drang ba'i don to/ rgyu lnga ni/ kun rdzob kyi bden pa'o/ /'bras bu lnga ni don dam pa'i bden pa'o/ /rnam shes yid
 kyi snang ba gsum yin la/ rdo rje zhes pa ni don dam pa'i bden pa'i 'bras bu bstan pa'o/ /'chang ba 'dzin zhes grags pa ste/ zhes pa ni/ bden pa gnyis kyi bdag nyid can gyi rdo rje'i ye shes 'dzin par mdzad pas rdo rje
 'chang ste/ nges pa'i don to/ /slob dpon klu sgrub kyi zhal snga nas kyang/ bdag byin brlab pa'i ting nge 'dzin/ /de dag 'od gsal ba'i gnas/ /rgyu dang 'bras bu'i khyad par gyis/ /bden pa gnyis su bstan pa yin/ /zhes gsungs so
 yang na phyogs gzhan bstan pa'i phyir/ rgyu rnams lnga ni 'bras bu lnga/ /rdo rje zhes su bstan pa yin/ /zhes bya ba ni/ /phyi dang nang gis bdag nyid can gyi rgyu dang 'bras bu snang pa'i yul dang dbang po lnga po 'di rnams ni rang bzhin gyis 'od
 gsal ba'i phyir/ /dngos po med pa ste/ de bas na chos rnams kyang med cing de rnams kyi chos nyid kyang yod pa ma yin te/ chos rnams med pa'i phyir ro/ /de bas na 'di ltar nam mkha' lta bu bdag nyid can rnam par shes pa'i yid 'ong 'od gsal
 'di ni rdo rje zhes bya ba yin te/ de 'dzin pas na 'chang zhes bya'o/ /rnam par snang mdzad kyi byang chub kyi sems bstan pa'i phyir/ yod dang med dang dbus las 'das/ 'byung dang 'byung las gyur las byung// sems can kun gyis lus
 yin te/ /skye las zhes pa ni snod du gyur pa'i dngos po thams cad dang bral ba dang/ 'byung dang 'byung las gyur las byung/ /sems can kun gyi lus yin te/ zhes pa ni/ yang phung po de/ khams dang skye mched kyi bdag nyid can gyi
 gzung ba dang/ rnam par 'dzin pa rnam par spangs pa'o/ /yod dang med dang dbus las 'das zhes pa ni/ rang bzhin gyi 'od gsal ba'i chos bdag med pa mnyam pa nyid gnyis su med pa de ni yod pa ste/ rtag pa ma yin zhing med pa te
 chad pa ma yin zhing de nyid kyi dbus las 'das pa'i chos mnyam pa nyid yin no/ /skye las rgyal ba zhes pa ni/ rang gi sems ye nas ma skyes ba rdo rje gsum mi phyed pa'i lus stong pa nyid kyi ngo bo mig gi spyod yul tsam yin pa'i phyir ro//
 dzin dzik ces pa ni/ rgyal ba'i ngang tshul can yin pas na rgyal ba ste/ rtsibs bcu gnyis pa'i chos kyi 'khor los bdud rnams las rgyal bas na rgyal ba ste drang ba'i don to/ /rdo rje lta bu'i ting nge 'dzin gyis bdud bzhi zil gyis
 gnon pas na rgyal ba ste/ /nges pa'i don to/ /rin chen 'byung ldan gyi byang chub kyi sems bstan pa'i phyir/ tshor ba yis ni nges par bas zhes pa la/ tshor ba ni zag pa dang bcas pa dang zag pa med pa rnams so/ /nges par tshor ba dngos
 po med cing mtshan ma med pa'i phyir/ chos kyi mtshan nyid ma grub pas nges par tshor ba zhes bya'o/ /'o na lha'i sku ji ltar bskyed ce na/ don thams cad 'byung bas na/ sems ni rin po che zhes
 bya/ zhes bya ba ni/ bdag med pa'i chos don dam pa'i bden pa de las rang la byin gyis brlabs pa'i rim gyis kun tu 'byung ba ste/ sngon gyi 'phen pa'i shugs kyis nor bu rin po che ltar 'byung ngo/ /ratna d+h+rik ces pa ni bsam
 pa thams cad yongs su rdzogs par byed pa'i rin po che 'dzin par mdzad pas na/ rin chen 'chang ste/ drang ba'i don to/ /yang dag pa'i mdza' rin po che 'dzin par mdzad pas na rin chen 'chang ste/ nges pa'i don to/ /'od dpag tu med
 pa'i byang chub kyi sems bstan pa'i phyir/ mtshan gzhi mtshan nyid dngos po yis shes pa la/ mtshan gzhi ni 'dus byas dang 'dus ma byas rnams so/ /mtshan nyid ces pa ni chos rnams kyi chos nyid ma grub na de rnams kyi mtshan
 nyid gang la yod de/ mo gsham bu'i kha dog ljang ba dang dkar ba la sogs pa dang 'dra'o/ /kun la zhes pa ni bsgom par bya ba med pa'o/ /kun gyis zhes pa ni bsgom pa med pa'o/ /thams cad du zhes pa ni sgom pa dang sgom pa'i rang
 bzhin med pa'i phyir ro/ /'o na lha'i rnal 'byor du ji ltar 'gyur zhe na/ dga' ba'i mtshan nyid mtshan gzhi zhes bya ba ni/ dga' ba'i mtshan nyid du 'du shes kyi dga' bas te kun rdzob kyi bden pa'o/ /mtshan gzhi ni don dam par 'dus byas dang
 'dus ma byas kyi chos rnams rang bzhin med pa'o/ /de gnyis gcig tu sbyor ba las lha'i sku 'byung ngo/ /a ro lika ces pa ni/ a ni ma lus pa'o/ /ro ni 'khor ba'o/ /lika ni de las 'das pas na/ a ro lo ka ste drang ba'i don
 to/ /a ni ma lus pa'o/ /ro ni ye shes gsum mo/ /de bas na don dam pa'i bden par bgrod par 'gyur ba ste/ nges pa'i don to/ /don yod grub pa'i byang chub kyi sems bstan pa'i phyir/ rnam shes ces pa ni kun rdzob kyi bden pa'o//
 rab mthar 'byin byed ces pa ni/ don dam pa'i bden pa ste/ phyi nang gi dngos po rnams ni bden pa gnyis kyi ngo bo nyid gcig tu 'du shes pa gang yin pa de ni shes rab ste/ 'du byed sems dpa' 'dzin pa na zhes pa ni/ mngon par
 rtogs pa'i rgyud dang/ 'bras bu'i ngo bo nyid byang chub gnyis rgyu dang 'bras bu dbyer mi phyed par yid 'du byed sems dpa' rtogs par byed cing 'dzin par byed de/ rgyu dang 'bras bu mi phyed par yongs su shes pa nyid ni shes rab 'dzin zhes
 bya'o/ /pradz+nyA d+h+rika chos rab tu 'dzin par byed pa'i mtshan nyid de 'dzin par byed pas na shes rab 'dzin te/ drang ba'i don to/ /shes rab ni zla ba snang ba ste/ de khams phra ba 'dzin par mdzad pas na shes rab 'dzin pa ste/ nges pa'i don to//
 da ni zhe sdang gi rigs pa sogs pa'i don bstan pa la/ dang po rigs thams cad kyi gzhi bstan pa'i phyir/ rigs ni rgyud ces bya bar bshad/ rgyud ni thog ma zhes brjod do zhes pa la/ rigs ni nang gi sems kyi rgyud ces bya ba yin
 te/ rang gi sems kyi rang bzhin de ni thog ma med pa'i dus nas yang dag pa'i kun rdzob tu ye shes sgyu ma snang ba de la thog ma med pa zhes bya ba dang/ rigs dang rgyun dang rgyud ces bya'o/ /de nyid sems rnam par dag pa yang dag par rtogs
 pa'i dus na/ yang dag pa'i rigs zhes bya ba yin no/ /mi 'jig skye ba med gang yin zhes pa la/ don dam pa sems kyi rgyun de skye ba med pa gang yin pa de/ kun rdzob tu ni sems kyi rgyud de sgyu ma lta bur snang bas mi 'jig pa zhes bya'o/ /
 de bas na mi 'jig skye ba med pa'i sems de ni gtso bo 'am mgon po 'am brten nam rgyu 'am thog ma zhes bya'o/ /'di skad ston te/ rang gi sems kyi rgyun sgyu ma lta bur snang ba de/ /don dam pa skye 'jig med
 bar rtogs pa de las ye shes lnga'i tshul du rigs thams cad 'byung bar 'gyur ro/ /zhes ston to/ /da ni zhe sdang gi rigs zhes bya ba bstan pa'i phyir/ /rgyu 'bras gnyis la shes pa ni rgyu rnam par shes pa las 'bras bu zhe sdang
 skye ste/ de gnyis kyi chos kyi dbyings ye shes kyi skye ba med par snang bas na rnam par shes pa nyid dag pa zhe sdang zhes bya'o/ /'di skad ston te/ thugs rje chen po'i thabs kyi khro bo ni zhe sdang yin la/ de'i rigs ni zhe sdang gi rigs
 gti mug bstan pa'i phyir/ bems po bzangs pa'i rang bzhin can zhes pa ni/ rang gi sems kyi rgyun stong pa nyid las me long lta bu'i ye shes kyi gzugs kyi skur snang ba ni/ gzung 'dzin gyi rtog pa bems po dang bral bsang
 de'i rang bzhin de la gti mug ces bya ste/ zhi ba ngang tshul de la gzugs dang gti mug ces bya'o/ /'di skad ston te/ sems rmongs pa rnams spyad pa'i phyir zhi ba'i ngang tshul can gang yin pas na gti mug ste de'i rigs so/ /nga rgyal bstan pa'i phyir/ bdag tu slob pa'i ngo bo yis/ tshor ba grags pa yin par bshad
 ces pa la rang gis ? gyi rgyun skye 'jig med pa de nyid bdag dang chos thams cad mnyam pa nyid kyi ye shes su slob ma'i ngo bo chen pos nges par dregs pa'o/ /'di skad ston te/ bsam pa thams cad rdzogs par byed pas na/ yang dag pa'i
 tshor ba ni yid bzhin gyi nor bu ste de'i rigs zhes bya'o/ /'dod chags rnam par dag pa bstan pa'i phyir/ dngos la chags pa'i mtshan nyid can/ /'du shes yang dag chags bdag nyid/ ces bya ba la/ rang gi sems kyi rgyun gnyis su
 med pa de nyid so sor rtog pa'i ye shes su snang bas dngos po thams cad thugs rjes chags pa dang/ yang dag pa'i ye shes kyis 'du shes kyis yang dag pa'i mdza' la chags pa'i bdag nyid de skad ces bya'o/ /'di skad ston te/ so sor rtog pa'i
 ye shes la kun tu chags pa ni 'dod chags te/ de ni rigs so zhes pa'o/ /phra dog bstan pa'i phyir/ rkyen gyis drang ba'i bdag nyid can/ /'du shes rtag tu phrag dog yin zhes pa ni/ sems kyi rgyun gnyis su med pa de nyid bya ba nan tan gyi ye
 shes su snang bas snying rje chen po'i dam tshig gi rkyen gyis drangs te sems can rnams 'don pa'i bdag nyid can gyi yang dag 'du byed dang/ gzhan gyi 'gro ba'i don byed pa'i skabs mi 'byed pa'i phrag dog la de skad ces bya'o/ /de nyid la dam tshig gi
 rigs shes bya'o/ /da ni de ltar bstan pa'i don bsdu ba'i phyir/ srid pa kun 'byung thams cad du/ byang chub sems kyi ngo bo nyid ces pa ni/ sems kyi 'dod pa las 'dod chags la sogs pa'i srid pa'i mtshan nyid thams cad 'byung ba ltar
 snang yang don dam par byang chub sems kyi mtshan nyid skye med du bshad pa'o/ /des ni rigs lnga'i 'jug gi don bsdus pa'o/ /da ni mo ha ra ti la sogs pa'i yum bzhi bstan pa'i phyir/ dam tshig sna tshogs 'dra ba zhes pa la sogs
 pa gsungs te/ mo ha ra ti zhes pa ni gti mug rnam par snang mdzad do/ /de la dga' bas na gti mug dga' ste/ drang ba'i don to/ /gnyis med ye shes tshogs rnams la/ /nga rgyal byed pa zhes bya ba la gnyis su med pa'i ye shes gti mug
 rnam par dag pa la yang dag pa'i nga rgyal byed pa rmongs pa ste/ de ni gti mug dga' ba ste/ nges pa'i don to/ /de la phan tshun mdzod pa ni ?zhes sdang zhes bya ba ste zhe sdang ni mi bskyod pa'o/ /de la dga' bas na zhe sdang dga' ste/ drang pa'i don to// 
 nyon mongs pa zhe sdang rnam par dag pa'i ngang du phan tshun 'tsher ba la dga' bas na/ zhe sdang dga' ba ste/ nges pa'i don to/ /mtshan nyid 'dod chags zhen pa yin zhes bya ba ni/ 'dod chags ni 'od dpag tu med
 pa'o/ /de la zhen cing rjes su chags par byed pa'i mtshan nyid ni gos dkar mo ste/ drang ba'i don to/ /'dod chags kyi mtshan nyid rnam par dag par zhen pa ni 'dod chags dga' ba ste/ nges pa'i don to/ /ye shes thabs ni rdo rje bshad//
 ces pa ni/ rdo rje ni don yod par grub pa/ de la ye shes kyi thabs kyis dga' bas na rdo rje dga' ste/ drang ba'i don to/ /rdo rje ye shes la thabs kyi dga' bas na rdo rje dga' ba ste/ nges pa'i don to/ /phun sum tshogs pa'i don gyi yum
 gyis nye bar sdud pa'i tshig bstan pa'i phyir/ dga' ba rdzogs pa'i longs spyod mchog ces pa ni/ dga' ba ste lha mo 'di dag lhan cig spyod pas/ de bzhin gshegs pa thams cad kyi bden pa'i longs spyod kyi mchog sgrub par byed pa'o
 bud med bde mdog phun sum tshogs pa zhes pa ni/ 'dod pa'i dbang phyug khyad par yin pas btsun mo'i mchog dam tshig phun sum tshogs pa'i yon tan sgrub par byed pa'o/ /gti mug ces pa la sogs pa gong du bstan pa rnams so/ /
 de rnams ni sangs rgyas rnams kyi thabs rdo rje theg pa ste/ gnyis su med pa'i theg pa zhes kyang bya'o/ /da ni khro bo chen po bzhi'i sngags bstan pa'i phyir/ mi 'jigs chos rnams bdag nyid ni zhes pa la sogs pa gsungs te/ mi 'jig
 chos rnams bdag nyid ces pa ni/ kun rdzob tu lus kyis chos thams cad sgyu ma lta bu yin pas mi 'jigs zhes bya'o/ /ma skyes pa'i do za nyid/ ces pa ni/ don dam par na de rnams ma skyes shing skye ba med pa ste/ de ltar bdag
 ? gnyis su snang ba las dngos po rnams mi 'da' bas/ /dngos po kun gyi dam tshig pas/ de nyid rtag pa dang chad pa'i gshin rje las thar bas na ya mAn+ta krita ces bya'o/ /gzhan gyis mi thub pa'i sngags bstan pa'i phyir/ rnam shes mig bdag
 chos rnams ni zhes rnam par shes pa'i sems kyi chos rnams de nyid yang dag pa ma yin te/ don dam par ni chos nyid du mi 'gyur zhing/ gzung 'dzin gyi dag pa de ni sems kyi dam tshig de las mi 'da' ba las shes rab ste/ sems yang dag pa'i
 mdza' gang pa zhes bya'o/ /rta mgrin gyi sngags bstan pa'i phyir/ brjod med bdag nyid chos rnams ni zhes bya ba la/ ngag gis brjod pa'i ming dang/ gzugs kyi blo'i rtog pa rnams brjod du med par don dam par rdzogs pa ni chos rnams
 kyi dam tshig mi 'da' ba yin pas na ngag yang dag pa'i mthar phyin pa'o/ /bdud rtsi 'khyil ba'i don bstan pa'i phyir/ mi rtogs bdag nyid chos rnams ni zhes bya ba la lus ngag yid gsum gyi chos rnams stong pa zhi bar rtogs pa ni/
 rdo rje kun zhes pa ni sangs rgyas kun gyi mi 'da' ba' i dam tshig yin zhes bya'o/ /mi 'jigs ces pa la sogs pa ni rab tu byed pa'i tshig sdud pa'o/ /de ltar khro bo bzhi'i nges pa'i don bstan nas/ nga ni drang ba ngad des pa'i don gnyis
 kyis khro bo bzhi bstan pa'i phyir/ /gti mug ces pa ni rmongs pa'i mun pa ste ma rig pa'o/ /gti mug longs spyod pas zhes pa ni yang dag pa'i gti mug don dam pa'i bden pa ste/ de mthar thug par mdzad cing 'jig par mdzad pas
 gshin rje gshed do/ /drang ba'i don to/ /gshin rje gshed ces pa ni/ gshin rje ni dmyal ba ste/ de bcom ldan 'das kyi khro bo chen po'i ting nge 'dzin gyis mthar thug par mdzad cing 'jig par mdzad pa ste/ des na lus ngan song du mi
 'gro bas lus mthar byed cing/ /rgyu des nas ma rig pa dag pas shes bya'i sgrib pa dag cing mthar byed par 'gyur te nges pa'i don to/ /nyes pa zad pa longs spyod pas zhes pa ni/ shes rab kyi nyon mongs pa'i
 nyes pa 'jig par mdzad pas nyes pa de zad par byed pas shes rab mthar byed de/ drang ba'i don to/ /rnam par rtog pa'i bdag nyid ni/ shes rab te nyes pa'o/ /de 'od gsal pa'i nyes pas longs spyod pa'i nyes pa zad phyir/ shes rab
 mthar byed pa des na sems rnam par dag par byed pas/ nyon mongs pa'i sgrib pa mthar byed par 'gyur te/ nges pa'i don to/ /'dod chags 'dod pa longs spyod pas ces pa ni/ 'dod chags kyi ting nge 'dzin gyis pad+ma chus ma gos bzhin
 du/ nyon mongs pa rnams kyis gos par ma ?? phyin ci log la longs spyod pa de nyid 'jigs par mdzad pas na pad+ma mthar byed pa ste/ drang ba'i don to/ /pad+ma ma ni skye gnas so/ /mdza' ni nang ste der 'dod chags dbang po gnyis snyoms
 par 'jug pa'i phyir bde ba'i thabs kyi mchog tu dga' ba'i bde ba skyed par mdzad pas phyin ci log gi 'dod chags mthar byed dang/ des na chags pa mthar byed do/ de bzhin snyoms 'jug ni 'dod chags yin la/ de mthar byed
 par 'gyur te/ nges pa'i don to/ /nyon mongs kun zad gang yin dang zhes pa ni/ bdud rtsi 'khyil ba'i ting nge 'dzin ston te/ nyon mongs pa ni/ gti mug dang/ nyes pa dang/ 'dod chags so/ /de dag kun zad pa gang yin pa dang/ de bzhin
 du lus dang ngag dang yid kyi las ni gang yin pa/ zad pa'i ye shes dang shes bya'i sgrib pa dang/ nyon mongs pa'i sgrib pa dang/ snyoms par 'jug pa'i sgrib pa'i rtog pa thams cad zad pa'i ye shes la de skad ces bya'o/ /de ltar
 nyon mongs pa dang sgrib pa dang/ las thams cad rnam par dag pas ye shes chen po'i 'bras bu la bdud rtsi 'khyil pa zhes bya'o/ /bgegs mthar byed ces pa ni gdon stong phrag mang po rnams mthar mdzad cing 'jig par mdzad pas na bgegs
 mthar byed pa ste/ drang ba'i don te/ /bgegs bzhi po ste/ de dag 'phel ba dang 'grib pas lus gzir pas na bgegs so/ /de rnams thabs kyi ye shes shar bas rnam par mdzad pas na bgegs mthar byed do/ /nges pa'i don to/ /khro bo
 chen po bzhi'i zhar la khro bo drug bstan pa'i phyir/ gzung dang chags pa nyid dang ni zhes pa la sogs pa smos te/ khro bo drug gang yin pa gsal bar bya ba'i phyir/ 'dod pa'i rgyal po la sogs pa drug ces bstan te/ 'og nas 'dod rgyal
 'byung ston/ mi g.yo/ steng du 'khor lo/ /'og tu gnod mdzes zhes pa rim pa bzhin du sbyar ro/ /drug las thugs ni kun tu 'byung zhes pa ni/ khro bo drug gi rnam par shes pa la sogs pa la/ rnam par shes pa drug rim pa bzhin du sbyar ro
 de ltar gleng gzhi'i lha gsum dang khro bo drug bstan nas/ da ni dkyil 'khor gzhan rnams zhar la 'byung ba bstan pa'i phyir/ dam tshig rdo rje zhes pa ni sgrib pa rnam par sel ba'o/ /sogs pas ni sku rdo rje ni sa'i snying po'o/ /gsung rdo rje ni
 'jig rten dbang phyug go /thugs rdo rje ni phyag na rdo rje'o/ /ting nge 'dzin rdo rje ni nam mkha' i snying po'o/ /rgyal ba rdo rje ni byams pa ste drug go /sa ni sangs rgyas spyan no/ /sogs pas ni chu mA ma kI'o/ /me ni gos dkar mo'o/ /rlung ni dam tshig sgrol
 ma'o/ /nam mkha' ni 'jam dpal lo/ /'byung zhes pa ni yum bzhi'o/ /'byung las gyur ni dbang po drug ste/ byang chub sems dpa' 'o/ /reg pa ni lha mo'o/ /rgyal ba ni byang chub sems dpa' o/ /gzugs kyi rdo rje la sogs gang zhes pa ni sgra rdo rje
 dang/ dri rdo rje dang ro rdo rje dang reg rdo rje dang chos kyi dbyings kyi rdo rje dang kun tu bzang po drug ste/ de yan chad du dkyil 'khor tshang bar rdzogs par bstan nas/ de rnams kyis bdag po ni/ rdo rje 'chang yin pa'i phyir/ rdo rje'i
 bdag po zhes bshad ces bya'o/ /de bas na rtsa ba'i rgyud du lha bcu gsum bstan pa las/ rgyud phyi ma las lha sum cu rtsa gnyis kha bskang ba yin no/ /de lta bu'i lha rnams rdo rje 'chang chen po las sprul par bstan cing yi ge gsum
 las 'byung bar bstan pa'i phyir/ sku gsung thugs kyi rdo rje las/ bdag nyid chen pos lha sum cu rtsa gnyis kun tu 'byung bar bstan pa yin no/ /zhes bya'o/ /da ni rnal 'byor pa'i spyod pa bstan pa'i phyir/ thabs dang shes rab las byung
 ba'i/ /zhes bya ba la sogs pa gsungs te/ rnal 'byor gyi spyod pa'i thabs dang/ shes rab kyi spyod pas spros pa dang bcas pa dang/ spros pa med pa dang/ shin tu spros pa med pa las byung ba'i spyod pa dang ldan pas/ phung po zhes pa lha sum
 cu rtsa gnyis/ rdzogs pa'i rim pa'i sbyor ba yis/ sbyor ba nges byas shes pa snang ba gsum du nges pa de nyid/ thams cad dag pa shes pa 'od gsal du mos pa byas la/ rmad du byung ba'i spyod pa bstan pa'i phyir/ 'jigs pa thams
 cad spangs nas su zhes pa ni gdon dang lha la sogs pa'i bdud do/ /dogs pa med pa'i zhes pa ni ngan song la sogs pa'o/ /seng ge zhes pa ni seng ge lta bu'i spyod pa spyad par bya ba ni/ chos thams cad sgyu ma lta bur rtogs shing
 snying rje chen pos 'gro ba'i don rdzogs par byed pa'o/ /seng ge lta bu de nyid rgyas par bstan pa ni/ 'di la mi bya cung zad med ces pa la sogs pa'o/ /mnyam par ma bzhag sbyor zhes pa ni/ chos thams cad sgyu ma lta bur rtogs pas?
 mnyam par gzhag pa dang/ ma gzhag pa'i rtog pa med pa ni kun tu smyon pa lta bur rgyu bas na kun tu spyod pa zhes bya'o/ /spyod pa de la yang gnyis te/ byang chub sems dpa' i spyod pa ni 'jig rten pa dang 'gal na yang rung/ mi 'gal/
 na yang rung/ rnam pa gang dang gang gis sems can gyi don rdzogs par 'gyur pa'i rnam pa de dang des sngags pa rnams ni nus pa rab tu 'jug pa'o/ /de bzhin gshegs pa'i spyod pa ni/ slob dpon gang dag gis de kho na nyid 'don cing/
 zlos pa'i rin po che lta bu'i gang zag de rnams kyi spyod pa ni/ rdzogs pa'i go rim btags nas/ gang dag mnyam bar bzhag pa'i sbyor bas spyod pa de nyid ni/ tshe 'di nyid la rang gi ngo bo nyid yongs su brje ba yin pa'i phyir ro/ /de ni sngags gyi
 rim pa'i tshig bstan pa'i phyir/ dbang po dang ni yul rnams kyis zhes pa ni/ mig la sogs pa'i dbang po lnga dang/ gzugs la sogs pa'i yul lnga'i rkyen gyis sems dang sems las byung ba dang/ ma rig pa'i yid de la/ man zhes bya
 bar brjod ces pa'o/ /tra ni sgrub par byed pa'i don zhes pa ni/ de ltar sems las byung ba dang/ ma rig pa dang gsum/ snang ba dang/ snang ba mched pa dang/ snang ba thob dang/ shes rab dang/ nye bar thob pa dang/ stong pa nyid dang/ shin tu stong pa dang/
 stong pa chen po gsum du kun rdzob tu shes par byas nas/ thams cad stong pa don dam pa'i bden par rtogs pa'i dus su rang bzhin brgya drug cu'i yid skyob par gyur pas na sngags zhes bya'o/ /sngags kyi spyod pa bstan pa'i phyir/ 'jig rten
 spyod las rnam grol bar zhes pa ni/ spyod pa de don ldan nas 'jig rten pa'i spyod pa sna tshogs pa rnam par grol bar byed do/ /de yang gang yin zhe na/ sngar bshad dam tshig sdom pa zhes pa ni/ sdang rtsa ba'i rgyud le'u bcu bdun pa las/ lha dang klu dang/
 lha ma yin dang/ srin po dang/ sha za dang/ mkha' 'gro ma la sogs pa'i dam tshig dang/ sdom pa bstan pa de rnams rnal 'byor pas spyod cing bsrung ba ni/ sngags kyi spyod pa zhes bya'o/ /da ni bzlas brjod bstan
 pa'i phyir/ rang rang gi ngo bo nyid ces pa la sogs pa gsungs te/ rang rang ces pa ni sku dang gsung dang thugs dang rin po che dang/ thogs med do/ /ngo bo nyid ni rdo rje 'dzin pa gcig bu'i mthar phyin pa'o/ /snying po yid kyi rnam bsams te zhes pa
 ni/ oM A(rgyud 'grel zhes pa ni/ so so tha dad par spro zhing/ rang gi lus kyi dkyil 'khor las 'byin pa'i bya ba byed pa'o/ /zung du sbyar ba bstan pa'i phyir/ /sangs rgyas sna tshogs rdo rje'i bdag /ye shes sa bon dag gis bsdu zhes pa ni/ sprul pa'i
 lha'i sku brjod pa ste/ gnas nas spyod nas spro ba ste/ phung po la sogs pa'i rang bzhin gyis bdag nyid du bzhag par bya ba dang/ zung du sbyar ba'i gnas skabs su rab tu bsdu ba ste/ ting nge 'dzin gyi sems par bzhag par bya'o/ /byang chub bdag med sa bon gyis/
 brtul zhugs can gyis bdag med gzur zhes pa ni/ lus ngag yid gsum dngos po med cing bdag med pa'i byang chub ste/ brtul zhugs zhes pa so sor rtog pa'i bdag nyid can gyi ye shes kyi khyad par can bdag med par gzung zhing sgra zhing
 gsal bar bya'o/ /sna tshogs de bzhin sna tshogs spo zhes pa ni/ sku gsung thugs kyi dbye bas rang gi lus kyi dkyil 'khor las gong ma bzhin du 'byin cing spro ba'o/ /dus gsum sa bon dag gis bzla zhes pa ni/ sku rdo rje'i sa bon
 oM ni gzung ba'i dngos po dang 'dzin pa'i dngos po med par spyad pa ni sku'i bzlas pa'o/ /gsung rdo rje'i sa bon A(rgyud 'grel byang chub pas chol ba ni thugs kyi bzlas pa'o/ /de ltar yid kyi bzlas pa bshad nas/ nga ni dag gi bzlas pa bstan pa'i phyir bzlas pa sma bar grags pa yin zhes pa ni/ khro bo gshin rje gshed la sogs pa'i dam
 tshig las bsgrang pa la sogs pa'i dus su rang gi lces sgra bsgrags shing smra ba ste/ rang dam gzhan gyis thos par ro/ /dag kun bzlas pa ces pa ni sprul zhes pa la sogs pa'i sngags kyi tshig go /sngags ni 'bod pa
 zhes pa ni/ lces sgra bsgrangs shing skad du 'don pa'o/ /de nyid bskul bar smra ba'i zhes pa ni/ rang gi 'khor bskul ba'o/ /rgyas 'debs pa'i don bstan pa'i phyir/ ji ltar thugs sogs byin brlabs te zhes pa ni/
 sku gsung thugs byin gyis brlabs nas/ ye shes sems dpa' bskyed pa dang/ ting nge 'dzin sems dpa' yang de bzhin du rigs par bya'o/ /de ltar phyag rgya bzhis rgyas btab nas/ dbu brgyan ji ltar bya ba bstan pa'i
 phyir/ de rnams spyi bor dbang zhes pa ni/ lha so so la spyi bor lha bzhag pa'o/ /de bzhin kun tu mchod pa'o zhes pa ni/ dbang bskur ba'i lha mo mchod nas gsol ba gdab ste/ dbang bskur ba'o/ /rdo rje 'chang ba gang yin pa'i
 dag pa yod pa'i sbyor ba dang/ bdag byin brlab sogs de bzhin te/ zhes pa ni/ dkyil 'khor pa'i lha rnams la rtsa ba'i rgyud ky le'u bco lnga pa las bstan pa bzhin te/ rdo rje chang ba'i dbu la dpal rdo rje sems 
 dpas dbang bskur ba'o/ /rig pa spyan ma la sogs pa so so la rnam par snang mdzad la sogs pas dbang bskur ro/ /de bzhin du rdo rje'i rigs la mi bskyod pas dbang bskur ro/ /de bzhin gshegs
 pa'i rigs la/ sku rdo rjes dbang bskur ro/ /pad ma'i rigs la gsung rdo rjes dbang bskur ro/ /rin po che'i rigs la rin chen 'byung ldan gyi dbang bskur ro/ /las kyi rigs la don yod grub pas dbang bskur ro/ /de bas bdag la
 dbu rgyan gyis byin gyis brlabs pa bzhin du shes par bya'o/ /de bzhin longs spyod bzhir shes bya/ zhes pa ni phyag rgya'o/ /de ltar dkyil 'khor pa'i dbu rgyan bstan nas/ da ni dpa' bo gcig pa'i dbu rgyan bstan pa'i
 phyir/ dpa' bo rdo rje gcig pu yi zhes pa la sogs pa'o/ /dbu rgyan gyi tshul yang gsum ste/ snying po zhes pa ni/ oM a(rgyud 'grel ces pa ni bshad zin to/ 'bras bu zhes pa ni mi bskyod pa la sogs pa'o/ rgyu ces pa ni rdo rje 'chang ba'o/ chos 'byung bstan pa'i phyir/ longs spyod bzhi dang yang dag ldan zhes pa la sogs pa ste/ longs spyod bzhi zhes pa ni/ sku rdo rje dang gsung rdo rje dang zhugs rdo rje dang ye shes sems
 dpa' o/ /yang dag ldan la sogs pa'o/ /rig pa'i skyes bu zhes pa ni rdo rje 'chang ba chen po'o/ /gru gsum zhes pa ni/ sku gsung thugs kyi dbye ba chos kyi 'byung gnas gru gsum du bsgoms la de'i phyi rol tu bka' i 'khor
 lo bsgom pa'i phyir/ kun nas ser po'i 'khor lo ni/ dbus su chos 'byung bsgoms la/ de'i dbus su rig pa'i skyes bu rdo rje 'chang bsgom pa'o/ /rtsibs kun la ni khro bo bcu zhes pa ni/ rtsibs bcu la khro bo bshin rje
 gshed la sogs pa bsam gtan gyi dkyil 'khor du bsgoms la/ bka' bsgo pas dbang po la sogs pa'i phyogs skyong la bgegs byed pa rnams bsrung zhing bzlog par bya ba dang/ sgrub pa po rnams kyi sems rnam par g.yeng
 ba bsrung ba'i phyir ro/ /'gog pa'i rdo rje ces pa ni/ rtse gcig pas gnas pa ni/ mi g.yo ba dang mtshungs pa ni 'khor zhes pa ni/ lha rnams mi g.yo bar 'khor lo 'khor zhes pa'o/ /sangs rgyas zhes pa ni sangs rgyas kyi ye shes so
 da ni rgyud kyi sdom pa bstan pa'i phyir/ rdo rje 'chang gi chos bstan pa zhes pa ni/ rdo rje 'chang bar mdzad pas/ rdo rje 'dzin pa ste yi ge'i don to/ /me long lta bu la sogs pa'i ye shes lnga po de'i rang bzhin gyis rdo rje 'chang bar mdzad pas
 na rdo rje 'dzin pa ste spyi'i don to/ /yid kyi rang bzhin gyis sku lus 'dzin par mdzad pas na rdo rje 'dzin pa ste sbas pa'i don to/ /rdo rje ni gnyis su med pa'i ye shes te/ de'i ngo bo nyid kyis 'chang bar mdzad pas na rdo rje 'dzin pa ste
 mthar thug pa'o/ /bskyed pa yi ni rim pa zhes pa ni/ thog mar gnas kyi nges pa dang/ snying rje chen po la dmigs pa dang/ bka' i 'khor lo dang/ bsrung ba'i 'khor lo la dmigs pa dang/ stong pa nyid la dmigs pa dang/ sa'i cha
 gzhal yas khang bskyed pa dang/ lhag par mos pas lha bskyed pa dang/ don dam pa'i dkyil 'khor la bzhag pa dang/ slar nyi ma la dmigs pa dang/ mthar zla ba'i dkyil 'khor la dmigs pa dang/ rdo rje 'chang chen po bskyed pa
 dang/ sngags kyis byin gyis brlab pa dang/ phung po la sogs pa dag pa dang/ sku gsung thugs byin gyis brlab pa dang/ sems dpa' sum brtsegs bsgom pa dang/ rdo rje pad+ma 'dus byas te/ byin gyis brlabs pa dang/ rjes su chags pas
 mchod pa'i sngags dang/ nang gi dkyil 'khor dang/ phyung ba'i dkyil 'khor dang/ dag gi bzlas pa dang/ rdo rje'i bzlas pa dang/ don dam la zhugs pa dang/ bskul ba dang/ bstod pa dang/ nye bar bsdu ba dang/ sngags
 la mchog tu gzhol ba'i las dang/ nang la mchog tu gzhol ba'i las dang/ kha zas kyi bsam gtan dang/ thun mong gi dngos grub brgyad bsgrub pa rnams ni bskyed pa'i rim pa'o/ /de bzhin rdzogs pa'i rim pa'o zhes pa ni
 sngags kyi de kho na nyid dang/ phyag rgya'i de kho na nyid dang/ /bdag gi de kho na nyid dang/ ye shes kyi de kho na nyid do/ /sgrub pa yin zhes pa ni/ dkyil 'khor bris pa las kyi tshogs dang/ grub pa brgyad dang sangs rgyas nyid sgrub
 pa'o/ /nan tan zhes pa ni mngon par 'dod pa'i dngos grub mngon du bya ba'i phyir/ phyi nang gi bdag nyid can gyi rang gi lha la snying po bskul ba'o/ /de bzhin zhes pa ni/ rtsa ba'i rgyud le'u lnga pa dang/ bdun pa dang/ dgu pa dang/ bcu bdun
 pa'o/ /dam tshig sdom pa ni/ rnal 'byor gyi spyod pa dang/ rmad du byung ba'i spyod pa dang/ dam tshig dang sdom pa rnams/ /sngar ni de kun rgyas par ni/ /rim pa'i dbye bas phye ba yin/ /zhes pa ni/ sngar rtsa ba'i le'u de dag tu gsal bar
 bshad pa'o/ /'di skad ston te/ rgyud kyi sdom ni/ bskyed pa'i rim pa dang/ rdzogs pa'i rim pa dang/ dkyil 'khor du sgrub pa dang/ nan tan gyi snying po bskul ba dang/ rnal 'byor gyi spyod pa dang/ rmad du byung ba'i spyod pa dang/
 dam tshig dang/ sdom pa rnams kyi rim pa'i dbye bas phye ba de rnams sngar rtsa ba'i rgyud du bstan pa yin no/ /zhes pa ni/ rgyud kyi don bsdus pa'i sdom yin no/ /'dod chags zhe sdang gti mug gsum gyi bsam gtan bstan pa'i phyir/
 gzugs dang sgra sogs 'dod pa ni/ zhes pa la sogs pa gsungs te/ bde ba ni 'dod chags so/ /sdug bsngal ni zhe sdang ngo/ /'dod pa de rnams dam tshig mtshungs zhes pa ni/ thams cad stong pa 'od gsal bar dam tshig gsungs zhes
 pa'o/ /da ni rnam pa bden pa dang/ rnam pa brdzun pa dang/ gnyis bstan pa'i phyir/ /rnam bcas ni rnam pa med ces pa'o/ /yi ge gsum ni oM A(rgyud 'grel rigs gsum mo/ /de ltar gsung gis ting nge 'dzin mdor bstan nas/ da ni de dag nyid rgyas par bshad pa'i phyir/ zhe sdang sbyor bas rnal 'byor pa zhes bya ba la/ rdo rje 'chang chen po'i yongs su gyur pa las mi bskyod pa bskyed
 nas/ rdo rje la sogs pa phyag tu bsgoms nas/ dkyil 'khor ba rnams bskyed de/ phyag gi rdo rje las 'od zer 'phro ba bsgoms te/ des dus gsum du byung ba'i de bzhin gshegs pa dmigs te/ nges phye mar brlags shing
 'jigs par 'gyur ba ste/ de lta bu'i spro ba dang bsdu ba des ni las kyi tshogs drag po nus par 'gyur zhing/ sems kyi dbang phyug 'thob par 'gyur ro/ /gti mug sbyor bas rnal 'byor pas/ gti mug 'khor lo bskyed nas ni/ zhes pa
 rnam par snang mdzad dkyil 'khor gyi gtso bor bsgoms la/ mi bskyod pa la sogs pa'i 'khor rnams spro ste/ rgyan rin po che la sogs pa gang dang gang de bzhin gshegs pa gang dang gang mdog mthun pa de dang de gdon zhing bskul
 bar bya'o/ /de ltar de bzhin gshegs pa thams cad yang dag gtang nas sgrub pa po 'od zer dkar po la sogs pa'i zhags pas mngon par 'dod pa'i rin po che'i rigs bcings la mi g.yo bar bya'o/ /de nas rang gi lce'i
 pad+ma las byung ba'i yi ge h+rI'i(rgyud 'grel /gti mug sems kyi rgya mtsho bsgom ces pa'o/ /sbyin pa'i char ni rab tu 'bebs zhes pa ni/ de nas phongs pa rnams la sbyin pa'i char dbab cing sbyin par bya'o/ /'dod
 chags 'khor lo bskyed nas ni/ zhes pa ni rdo rje yongs su gyur ba las 'od dpag med bskyed la/ dkyil 'khor ba'i lha rnams kyis gzhal yas khang gi nang thams cad du dag cing spros pa'o/ /lha mo thams cad phrogs
 nas su zhes pa ni/ dkyil 'khor gyi lha yab yum rnams rjes su mnyes pa la sogs pa sngon du 'gro ba'i/ /rdo rje dang pad+ma mnyam par sbyar la dga' ba spyad cing bdag nyid rol bar bya ba dag gis skad cig nye bar sbyad par bya'o
 de'i yon tan bstan pa yi khams gsum dag tu 'byung ba yis/ zhes pa la sogs pas bstan to/ /da ni spyod pa de spyod pa'i dgos pa bstan pa'i phyir/ dkyil 'khor dang ni zhes pa ni/ bskyed pa'i rim pa phyung ba'i dkyil 'khor dang/
 rdzogs pa'i rim pa spros pa'i zung 'jug gi sku gsung thugs kyi dkyil 'khor ro/ /dbang bskur dang zhes pa ni/ /gsang ba dang/ shes rab ye shes dang/ bzhi pa'o/ /lam mchog gi ni tshogs rnams zhes pa ni/ nang la mchog tu
 gzhol ba'i tshogs so/ /grub pa'i bgrod pa zhes pa ni/ de rnams phyag rgya la brten nas grub par 'gyur to/ /drang ba'i don to/ /nges pa'i don ni dgongs pa lung ston gyi le'u dgu pa las bshad do/ /'di skad ston par 'gyur te/ zhe
 sdang gi dam tshig ni ma rig pa 'od gsal bar 'gyur te/ ye shes kyi rang bzhin gyi skur gyur pa'o/ /gti mug gi dam tshig ni rdzogs pa'i byang chub sgrub par byed pa'o/ /'dod chags kyi dam tshig ni stong pa bzhi dang mnyam par sbyar
 nas/ bden pa gnyis kyi dbang po zung 'jug du sbyar nas sbyor ba'i zhes ston to/ /rdo rje dra ba rin chen 'byung zhes pa ni/ rdo rje 'chang chen po yongs su gyur pa las/ dkon mchog dpal bsgoms la/ gzhal yas khang gi nang du dkyil
 'khor pas gang bar spro ste/ brtse ba med pa'i rtsub pa'i ngag gis bsdus pa'i don thams cad 'byung ba'i phyir smra bar bya ste/ drang ba'i don to/ /phung po la sogs med ston tshig /yang dag don gyi brdzun ngag sogs/ brlabs na byang
 chub 'thob par 'gyur/ zhes bya ba ste/ de bzhin gshegs pa'i don to/ rin chen bzhin du dam tshig ces shes pa ni/ rdo rje 'chang chen po yongs su gyur pa las don yod grub pa bsgoms la/ de'i 'og tu dkyil 'khor ba thams
 cad bsgom par bya'o/ /de nas sems can thams cad kyang/ de nyid du gnas par bsgom zhing/ de rnams la chos thams cad sgyu ma lta bu yin pas/ chos thams cad brdzun pa'o zhes rdo rje'i tshig don la gnas pa ste /
 de bzhin gshegs pa thams cad la dang sems can thams cad la bslu ba po lta bu'i ngo bo nyid kyis tshig brjod par bsgom pa ni/ drang ba'i don to/ /gang zhig phyi nang bdag nyid che/ 'di dag thams cad brdzun par 'dod//
 rnam rtog 'chang las grol byang chub/ /'di ni don yod dam tshig go /ces pa ste/ nges pa'i don to/ /dkyil 'khor gyi don bstan pa'i phyir/ b+ha ga dkyil 'khor zhes grags dang/ zhes pa ni/ nang du gnas pa dang/ phyir phyung ba'i dkyil
 'khor ro/ /byang chub sems kyi dkyil 'khor zhes pa ni don dam pa'i dkyil 'khor ro/ /lus kyi dkyil 'khor zhes bya dang/ zhes pa ni sku'i dkyil 'khor te rdo rje 'chang gi sku la lha sum cu rtsa
 gnyis bkod pa'o/ /phyag rgya dgod pa'i don bstan pa'i phyir/ phung po khams dang skye mched rnams shes pa ni/ gong sga lus kyi dkyil 'khor rgyas pa bstan pa'i phyir/ lus la lha dgod pa de nyid/ phyag rgya dgod ces kyang bya'o//
 da ni gong du dkyil 'khor gyi lha bstan pa de rnams dkyil 'khor du dgong ba'i phyir/ phyag rgya brten dgos pa'o/ /lha bcu gsum ni le'u bzhi par bstan la/ de'i lhag ma rnams kyi phyag rgya bstan pa'i phyir/ lcags kyu dbyug to zhes
 pa la sogs pa khro bo drug dang/ byang chub sems dpa' brgyad dang/ lha mo lnga dang/ yum bzhi rnams kyi phyag rgya bstan pa yin no/ /me tog ces pa'i don bstan pa'i phyir/ lha mo dgu dang zhes pa ni/ srog ces pa'i rlung dang/ thur du
 sel ba'i rlung dang/ me dang mnyam pa'i rlung dang/ gyen du rgyu ba'i rlung dang/ rgyu ba dang/ yang dag par rgyu ba dang/ rab tu rgyu ba dang/ nges par rgyu ba dang/ kun tu rgyu ba'o/ /nam mkha' i khams zhes pa ni khyab byed kyi rlung ngo/ /sku gsung
 thugs zhes pa ni/ 'jug pa dang/ gnas pa dang ldang ba'i mtshan nyid kyi rlung ngo/ /rigs kyi rim pa zhes pa ni/ de nyid yi ge gsum du shes par bya zhing rigs gsum gyi sngags ston par rig par bya'o/ /mchod rten zhes pa ni
 don bstan pa'i phyir/ rin chen sna bzhi'i bdag nyid can gyi dkyil 'khor gyi gzhal yas khang ni mchod rten dang 'dra bas nas de nyid la/ mchod rten sangs rgyas thams cad kyi/ /bzhugs nas pho brang yin par bshad ces bya'o//
 ye shes 'khor lo'i don bstan pa'i phyir/ ye shes sems dpa' gang reg pa zhes pa ni/ de bzhin gshegs pa thams cad kyi 'khor lo thugs ka'i sa bon gyi 'od zer gyis ye shes dkyil 'khor la reg par byed pa'o/ /de nyid sa bon gang
 yin pa bstan pa'i phyir/ mi 'gyur rdo rje gsum yi ge zhes pa ni/ oM A(rgyud 'grel gsol ba gdab cing bskul bar bya ste/ gshin rje gshed kyis so/ /phyogs bcu'i 'jig rten khams rnams su zhes pa ni/ dam tshig de nyid kyis dam pa rnams la sbyar zhing dam tshig don sgrub pa ni/ bdud rtsi 'khyil pa dang dam tshig stong pa rdo rje  
 can kun spyan 'dren pa/ zhes pa na dam tshig pod pa ste/ dam tshig de las bod cing/ ming dang sbyar nas gzhan gyis mi thub pas dam tshig du byed pa'o/ /rdo rje can gyi gnas de'i zhes pa ni/ dam tshig 'ching ba ste rta mgrin gyis de la 'chir
 drag pos nges par sbyor te bcings pa'o/ /dbang bskur ba'i don bstan pa'i phyir/ sku gsung/ thugs kyi rdo rje zhes/ /sku gsung thugs kyi dkyil 'khor du zhes pa ni/ rnam par snang mdzad dang/ snang ba mdza' yas dang/ mi bskyod pa'i
 dkyil 'khor ro/ /dbang bskur dbye ba rnams gsum mo/ /rgyu dang mi rgyu 'di la rab tu brtag ces pa ni bsdus pa'o/ /bum pa'i dbang bskur dang po ste/ zhes pa ni rig pa'i dbang bskur byin
 nas slob dpon gyis dbang bskur bar bya ste/ de yang bla ma'i man ngag gis/ slob ma'i cho ga sngon du 'gro ba dang bcas pa'i lha de nyid kyi mgol bcing ba dang/ gdong g.yogs dkrol ba ste dkyil 'khor bstan pa dang/ bum pa la mi
 bskyod par gyur pas khrus bya ba dang/ dbu rgyan la rin chen 'byung ldan bsgoms pas dbang bskur ba dang/ /rdo rje 'od dpag med du bsgoms pas dbang bskur ba dang/ dril bu la don yod grub par bsgoms
 pas dbang bskur ba dang/ me long bstan pa dang/ spyi bor rnam par snang mdzad bsgoms la dbang bskur ba dang/ rigs lnga'i dam tshig sbyin pa dang/ /slob dpon gyi dbang bskur ba byas nas/ slob ma de la dkyil 'khor dang/ lha'i
 de kho na nyid bstan te/ brtul zhugs dang/ shAkya thub par lung bstan pa dang/ rdo rje 'dzin pas dbugs dbyung ba dang/ /rjes su snang ba la sogs te dbang dgu pa rdo rje 'chang chen por sprul pa'i dkyil 'khor du rig pa'i dbang bskur ba ni
 bum pa'i dbang gi cho ga yin no/ /gnyis pa la ni gsang ba'i dbang zhes rgyas par bstan pa'i phyir/ mig yangs sngags kyi snod du rung zhes pa la sogs pas bstan te/ sngags kyi snod du rung bas phyag rgya mo gnyis su med pa'i
 mig yangs pa'o/ /me tog ces pa ni rang byung ba'o/ /sa bon zhes pa ni khu ba'o/ /gsang pa'i dbang zhes pa ni thabs dang shes rab kyi snyoms par 'jug pa'i mtshan nyid kyi cho ga 'di ni de kho na nyid gsang ba'i mchod pa zhes bya ste/ phyi'i
 mchod pa bltos te 'di 'dod chags dang/ 'dod chags dang bral bar dang/ 'dod chags bar ma'i rims kyis nyon mongs pa'i gnas rnam par dag pa mngon sum du byed pa'i phyir ro/ /sngags pa ni slob dpon no/ /slob ma dag la sbyin zhes pa ni/
 ?? nas 'byung ba bzhin du'o/ /nam mkha' i dbyings zhes pa ni/ slob dpon yab yum rdo rje dang pad+ma'i nam mkha' i khams su phrad pa las/ dri chu dang mi rkang ste sa bon dang/ yang dag par ldan zhes pa/ /bdud rtsi phyi ma rnams sbyar ba'i
 'di skad ston te/ slob mas bstabs pa'i cho ga bzhin/ mdzes pa'i lus la gnas pa ji lta ba bzhin du/ oM la sogs pa'i sa bon rnams la/ rnam par snang mdzad la sogs pa'i rigs lngar byin gyis brlab pa byas la/ snyoms par
 'jug pa'i cho gas byang chub sems dur phor la sogs par bzhag la/ dri chu dang bsres te/ bkra shis kyi tshigs su bcad pa la sogs pa sngon du 'gro bas slob ma dbang bskur bar bya ste/ byang chub sems ni rin chen 'bar phyung ba/ ma lus
 rgyal ba rnams kyis lus skams la/ /rnam dag rdo rje las byung ye shes chu/ /dri med rin chen spyi dbab dbang bskur ro/ /slob mas kyang byang chub las mi g.yo ba'i bsam pas bza' ba dang/ rang gi lus la gnas pa'i de bzhin
 gshegs pa rnams tshim par bya'o zhes bsams nas bza' zhes spyang par bya ste myang ngo/ /bla mas kyang sangs rgyas thams cad man ngag bla ma brgyud pa las 'ongs pa sgyu ma'i dpe bcu gnyis nye bar mtshon pa kun rdzob kyi man ngag ji lta
 ba bzhin du bstan to/ /de ltar gsang ba'i dbang bskur ba bstan nas/ da ni mchog tu gsang ba'i dbang bskur ba bstan pa'i phyir/ rdo rje pad+ma sbyar ba yis/ rdo rje can kun yang bdag bsdu/ /zhes pa ni rdo rje hUM las bskyed pa dang/ pad+ma
 a las bskyed nas/ rdo rje pad+ma'i mtshams su 'od zer spros te/ phyogs bcu'i sangs rgyas thams cad 'dus pa lha sum cu rtsa gnyis rang gi sku bzhi'i dkyil 'khor la gnas pa rnams rang gi snying gar bsdus te/ sa bon gyi gzugs su
 rdo rje'i lam nas phyung? la slob ma'i khar dbab par bya'o/ /dbang bskur pa'i go 'phang mchog ces pa ni/ mchog tuAng gsang ba'i dbang bskur ba'i cho ga 'di yin te/ 'di'i yon tan ni las rgyal mchog ces pa la sogs pas ston te/ de
 yang zla gsang thig le las/ rdo rje padmo las drangs pa/ sbom po dang ni dbang gi bla/ /rdo rje rkan du bzhag bya ste/ rtag pa dga' ba bde ba che/ /kye ma dam tshig 'di brjod cing/ /kye ma rdo rje blang bar bya/ /da ni gsang ba
 zhes bya ste/ /dbang bskur ba yi thabs mchog go /rdo rje slob dpon bdag nyid che/ /rang gi khar ni rdo rje bzhag /sems dpa' chen pos drangs byas na/ /sems kyi byang chub bde ba thob/ /'di ni mchog tu gsang ba ste/ /dbang bskur ba yi bde ba'o/
 slob ma mi shes pa rnams la/ /'di dag thams cad bsgrags mi bya/ /rdo rje slob dpon gyis bya ba/ /yang nas yang du brtags te bya/ /'di yis dbang ni bskur ma thag /slob ma tshogs kyi bdag por 'gyur/ /sangs rgyas rdo rje 'dzin
 pa yis/ /slob dpon nyid du bde bar 'gyur/ /gzungs ma rnams kyi dag pa'i bdag /sangs rgyas rnams kyi rdo rjer bshad/ /mkha' la 'gro ba'i spyod 'gyur te/ /ri dang 'gro ba kun gyi bdag /des na
 shes rab ye shes dbang/ /slob ma mchog la sbyin par bya'o zhes 'byung ngo/ /de ltar gsang ba'i dbang bskur nas/ /da ni shes rab ye shes kyi dbang bskur ba'i phyir/ mchog tu dad cing shes rab che zhes pa la sogs pas ston
 te/ shes rab kyi mtshan nyid dad pa che ba dang/ shes rab che ba dang/ gzugs bzang ba dang/ sgrub pa po la mos pa dang/ rnal 'byor la goms pa dang/ dam tshig ldan pa ste bla ma la dbul ste/ bla mas 'og nas 'byung ba'i
 bzhin byin gyis brlabs te/ sgrub pa po la 'og nas 'byung ba'i cho gas sbyin par bya'o/ /byin gyis brlabs pa'i thabs rgyas par bstan pa ni/ rmongs pas bdag nyid gti mug sbyar zhes pa ni/ rnal 'byor pas gti mug rnam 
 par snang mdzad du bsgom la/ rig ma gti mug dga' mar byin gyis brlabs la/ rnam par snang mdzad kyi ye shes kyi rgyun la gnas pa'i dbang bskur na rnam par snang mdzad du 'gyur ro/ /rig pa'i brtul zhugs bstan pa'i phyir/ slob
 ma la shes rab sbyin pa'i cho ga bstan pa ni/ rig pa'i lha mo de nyid ni/ zhes pa ni/ gong du byin gyis brlabs pa'i yum gang yang rung ba de nyid do/ /lag par zhes pa ni/ slob ma'i lag par rig ma'i lag pa bzhag la/
 slob dpon gyi lag pa slob ma'i mgor bzhag la/ slob mal bsgo pa'i tshigs su bcad pa ni/ thabs gzhan gyis ni sangs mi rgya/ /zhes pa la sogs pa bstan to/ /de'i don ni 'di skad de/ slob mas phyi'i mngon byang dang/ nang
 gi mngon par byang chub pa'i rim gyis 'dod chags dang/ chags bral dang/ 'dod chags bar ma'i rim gyis 'od gsal ba'i ye shes mngon du byas la phyag rgya chen po bsgrub par bya ba ni/ shes rab ye shes kyi dbang thob par
 bya'o/ /bzhi pa ni bdag gis ma bshad do/ /da ni bdud rtsi za ba'i thabs bstan pa'i phyir/ tha mal lus kyis chos la ni zhes pa la/ rang las byung ba'i rdzas/ bshad pa dang/ gci pa dang/ sa bon dang/ khrag dang/ mchil ma lnga
 po rnams ye shes lngar byin gyis brlabs la bza' par bya'o/ /sbar dang de bzhin bsreg ces pa ni/ yaM las rlung gi dkyil 'khor gyi steng du/ raM las me'i dkyil 'khor bsams te/ a las pad+ma ma ka pA la bsgom mo
 de nas rlung gis me sbar/ mes bdud rtsi bskol bas bdud rtsi'i gzugs su bya'o/ /rdo rje hUM las byung ba zhes pa/ bar snang du nyi ma'i steng du hUM las rdo rje rtse lnga pa hUM gis mtshan pa dang/ bdud rtsi nyid yi ge oM gyis mtshan par
 bsgoms la/ oM gyi 'od zer gyis bsdus pa dang/ hUM gi 'od zer gyis bdud rtsir gyur pa'o/ /bdag yab yum gyi sbyor mtshams las kyang 'od zer dang mtshungs pa spros pas phyogs bcu
 ye shes kyi bdud rtsi lcags kyus drangs nas bdud rtsir bab pa la bza' bar bya'o/ /bza' ba'i sbyor bas bza' bar bya/ zhes pa ni/ rang gi lha'i rnal 'byor dang ldan pas lkog ma dang mgrin pa sbyang ba byas la/ dpa' bo
 lnga bstan pa'i phyir/ bsgrub bya'i dngos grub cho ga yis zhes pa ni/ bdud rtsi lnga'i cho ga gong du bstan/ chog gas dpa' bo lnga ste/ sha lnga oM A(rgyud 'grel bstan pa'i phyir/ mi snang ba la sogs pa'i dngos grub ni zhes pa la/ mi snang ba dang/ mngon par shes pa dang/ rigs 'dzin mngag gzhug pa dang/ /las kyi chags rnams ni tha mal pa'i dngos grub ste/ lha dang gnod sbyin
 la sogs pa dang thun mong du gyur pa'o/ /bshad pa'i rgyud lha mo bzhis zhus pa las/ ril bu mig sman dngos grub dang/ sa 'og ral gri'i dngos grub dang/ nam mkhar 'phur dang mig sman dang/ 'chi ba med dang nad 'dzems dang
 grub pa brgyad ces grags pa yin zhes bshad do/ /dngos grub mchog bstan pa'i phyir/ sangs rgyas nyid 'grub ces pa ni/ phyag rgya chen po'i dngos grub gnyis su med pa'i ye shes zung du 'jug pa'i mtshan nyid yan
 lag nyi shu rtsa gcig dang ldan pa de ni/ sangs rgyas rnams kyi dngos grub mchog ces bya ba 'am/ 'bras bu'i rgyud mi 'phrog pa zhes bya bar gsungs so zhes bshad do/ /rgyud gsang ba 'dus pa la thabs kyi
 rgyud? du yod/ ces bya bar grags pa'i phyir/ thabs ni bzhi po dag ces bya ba la/ rnal 'byor rgyud ni thams cad du zhes bya ba ni/ gnyis su med pa ston pa'i rgyud thams cad do/ /bsnyen pa'i cho ga dang po ste/ zhes pa la sogs
 pa ni/ bskyed pa'i rim pa dang/ rdzogs pa'i rim pa gnyis kyi rnal 'byor bsnyen sgrub bzhir 'dus par byang sems rdo rje can gyis gsungs so/ /rim pa gnyis kyi tshul du bsnyen sgrub bzhi rgyas par bshad pa'i phyir/ thun mong mchog gi
 bye brag gis/ /bsnyen pa rnam pa gnyis su gsungs/ /shes pa la/ sbyor ba bzhi'i rim gyis/ rdo rje sems dpa' mnyes par bya ba bskyed pas thun mong gi dngos grub sgrub par byed pa dang/ yan lag drug gi rim gyis rdo rje 'chang
 chen po rdzogs pa'i rim pa skyed pas mchog gis dngos grub sgrub par byed pas gnyis su 'gyur zhes bya'o/ /de la bskyed pa'i rim pa bsnyen sgrub bzhi dang/ rdzogs pa'i rim pa bsnyen sgrub bzhir rgyud 'di las ston pa la/ dang
 por rdzogs pa'i rim pa'i bsnyen sgrub bstan to/ /dang por bsnyen pa la gnyis te/ thun mong gi bsnyen pa rdo rje 'chang gi bzhi dang/ mchog gi bsnyen pa ye shes bdud rtsi mchog ston pa'o/ /rdo rje bzhi bstan pa'i phyir/ dang po
 stong nyid byang chub sems tu so sor gzhig pas de bzhin nyid du dmigs pas 'chi bar 'gyur ba ji ltar gzhan gyi rgyud du gnas pa 'jig 'uM snang ba de bzhin du bdag gi rgyud du gnas pa'ang gsang bar bstan pas ni don dam pa la
 dmigs pa nyid bstan pa yin te/ gsang ba'i cho ga 'di ni rdzogs pa'i rim pa la gnas pa rnams kyi yin te/ 'di ni rdo rje 'chang chen po'i bka' o/ /khro bo chen po dam tshig ni rdo rje 'chang chen po'o/ /de las byung nas de dang gcig tu gyur
 pa zhe sdang rdo rje ni rdo rje khro bo/ de skad ces bka' stsal to zhes bya ba ni bsdud par byed pa'i tshig go /de nas zhes bya ba la sogs pa la/ /rgyal po ni 'bar bar gyur pa'o/ /rdo rje 'dzin ni zhe sdang rdo rje'o/ /thams cad
 nam mkha' ni thams cad stong pa'i bdag nyid de/ de nyid kyis ni thub pa chen po'o/ /thams cad dbang bskur ni zad cing 'jig pa'o/ /rdzogs pa'i sangs rgyas ni de zhes pa'o/ /ye shes rdo rje ni yid bzhin gyi nor bu rin po che dang 'dra bar  
 'dod pa'i 'bras bu rab tu ster ba'i mi 'jigs pa'i ngo bo nyid 'og nas bshad pa'i ched du brjod pa'i tshigs su bcad pas bka' stsal cing gsal bar mdzad pa'o/ /e ma'o zhes bya ba ni ngo mtshar du gyur pa'o/ /ngo bo nyid kyis bdag
 ces pa ni rnam par rtog pa thams cad dang bral ba'i phyir ro/ /rdo rje theg pa bla na med pa ni ngo bo nyid dang bral ba'i 'od gsal ba bla na med pa ste/ gang zhig bsgoms pas ma skyes pa'i chos rnams la te rgyu dang bral ba'i phyir skye ba med
 pa'i chos rnams zin pa dang/ mgrin? par gyur pa rnams la dus gsum du gyur ba'i rgyal ba rnams kyis zhi ba la sogs pa'i las kyi tshogs rnams kyi skye bas 'byung ba gtan cing gsungs so/ /de la zhes bya ba la sogs pa la/ chos
 bdag med pa la gnas pa la 'og nas bshad pa 'di ni phran tshegs te/ yo byad nyung zad tsam gyis bsgrub par bya ba yin pas na las phran tshegs so/ /'on kyang snying por gyur pas na rdo rje'o/ /de nyid kyis na sba bar bya ba yin pas na
 gsang ba'o/ /sprul ni zhes bya ba la sogs pa la/ sprul gdengs ka gcig pa 'am/ gdengs ka gsum la sogs pa dang ldan pa mi sdug cing gzugs ngan pa dang/ 'jigs par byed pa rnam par 'gyur ba 'od nag po 'bar ba 'khrug cing
 khro la lce gnyis kun tu bskyod pa kha re re zhing mche ba'i phreng bas gtams pa rdo rgyas sam/ sol ba 'am/ gang yang rung ba'i tshon gyis bri zhing bsams la/ de la te der 'di ni ste/ 'og nas bshad pa'i klu khro bo bskul ba'i snying po ste/ sa bon
 bsam par bya'o/ /khaM klu'i kha nang du khaM nag po bkod la de yongs su gyur pa las byung ba'i dug ha la ha la dang 'dra bar gnag pa me ltar bsreg pa bzod par dka' ba bsgoms la/ nor rgyas la sogs pa gang yang rung ba'i rnam par
 shes sa h+ri las byung dug ces bya ba ni rgyu ba dang mi rgyu bas byung ba'i bdag nyid can no/ /khams gsum na ni gnas pa kun zhes pa ni mchog dang/ 'bring dang tha ma'i snod na gnas pa ma lus pa kun h+ri de yis/ khyed zhing drangs par bsgoms
 la/ nor rgyas la sogs pa gang yang rung ba'i rnam par shes pa h+ri las byung ba'i lcags kyus drangs la bcug pas sbrul rnam par g.yo ba bsgoms na/ 'gul par gdon zhes ba la/ dang po med par bsgom pa la sogs pa'i stong
 pa nyid du bsgom pa dang/ yi ga gsum bkod pa la sogs pa'i yi ge bkod pa phyag rgya chen po'i gzugs bskyed nas/ skye mched la yi ge bkod pa dang/ sku gsung thugs kyi yi ge dang/ ting nge 'dzin sems dpa' dang/ rig ma'i
 lus dang/ rdo rje pad+ma'i yi ge dang/ 'byin pa'i yi ge la sogs pas lha rnams bskyed pa ste/ drang ba'i don to/ /mchog gi sgrub pa la gnas rnams kyis kyang/ rdo rje rnam pa bzhi ni stong pa nyid rnam pa bzhi yin te/ des bsnyen pa bya zhing rdo rje
 'chang chen po'i go 'phang thob par bya ba'i phyir 'bad par bya'o/ /ye shes bdud rtsi mchog bstan pa'i phyir/ mchog gi ye shes bdud rtsi nyid ces pa la sogs pas bstan to/ mchog gi ye shes ni 'od gsal ba'i ye shes so/ /bdud
 rtsi nyid ces pa ni sa bon gyi thig les bsgrub pa'o/ /de'i thabs ni sbyor ba yan lag drug gis 'grub par 'gyur gyis/ /gzhan gyis mi 'grub ces ston to/ /sbyor ba'i yan lag drug bstan pa'i phyir so sor
 sdud dang zhes pa sogs ni mdor bstan pa'o/ /rgyas par dbye ba bstan pa'i phyir/ dbang po bcu po rnams zhes bya ba ni/ dbang po lnga dang dbang po'i yul te/ gnyis ka la dbang bo zhes bya'o/ /rang gi 'jug gnas zhes bya ba ni /
 dbang po bcu'i yul dang yul can rnams kyis gzung ba dang 'dzin pa'i rang bzhin gyis 'jug pa'o/ /der 'jug pas na rang gi 'jug gnas so/ /thams cad ces pa ni dman pa dang bar ma dag mchog gi bye brag gis so/ /'dod pas shes
 pa ni 'dod cing chags par bya ba yin pas na 'dod pas te gzugs la sogs pa'o/ /so sor sdud pa ni zhes pa la/ de rnams la dbang bo rnams kyis yang dang yang du sdud cing len pas na so sor sdud pa zhes bya ste/ yan lag dang
 bo'i bshad pa'o/ /so sor sdud pa rnam par sbyar ba'i ched du yan lag gnyis pa bstan pa'i phyir/ 'dod pa lnga pa zhes bya ba gsungs te/ 'dod po lnga po dbang po lnga'i yul du gyur pa/ gzugs la sogs pa'o/ /mdor bsdus
 na zhes pa ni dbang po lnga dang gcig tu gyur nas so/ /sangs rgyas lnga ru sbyor ba yis shes ba ni mig la sogs pa ste/ de rnams kyi sbyor ba ni yang dag par rdzogs? pas/ sangs rgyas lnga ru sbyor ba yin te/ de bas na gzugs la sogs pa rnams kyang
 sangs rgyas yin no/ /brtag pa bsam gtan zhes bshad de zhes pa ni/ de ltar gyur pa'i yongs su dag pa'i bsam gtan zhes bshad do/ /de yang rtog pa la sogs pa'i dbye bas rnam pa lnga ru 'gyur te/ /rtog dang zhes pa la sogs pa mdor
 bstan pa'o/ /rgyas par dbye ba bstan pa'i phyir/ gsang ba gsum byung brtag pa ste zhes pa la/ gsang ba gsum ni/ dbang po lnga dang/ yul dang dbang po'i shes pa ni gsang ba gsum mo/ /brtag pa ni dbang po lnga dang/ dbang po'i shes pa dang
 de ni yul rnams ni/ de bzhin gshegs pa lnga'i bdag nyid yin no zhes gang brtag pa'o/ /de'i longs spyod pa yi zhes pa ni/ de nyid rnam par spyod pa ni gnas pa la spyod pa'o/ /de ltar spyad nas de kho na nyid la 'jug pa la mngon par
 phyogs pa gang yin pa bde pa'i mtshan nyid can gang yin pa de ni rang 'dra ba'o/ /de kho na nyid la mngon par zhugs pas lus yongs su dag pa la sogs pa'i mtshan nyid can gyi bde ba gang thob de ni bde bas bsdus pa'o/ /de ltar sbyangs
 pa las rab kyi mthar son pa'i phyir/ shes dang shes bya byung zad pa zhes pa la/ shes pa ni/ mig la sogs drug gi 'jug pa'i rnam par shes dang/ shes bya ste/ gzugs la sogs pa nas/ chos kyi khams kyi bar du byung ba'i ??
 shes pa las byung ba zad pa'o/ /zad pa'o zhes pa ni sems kyis gzung ba dang 'drin pa stong pa nyid de/ de bas na ye shes kyi mtshan nyid sems rtse gcig pa la ni rang sems rnam par shes par bya zhes gsungs so/ /de lta bu'i sems de ni/ sangs
 rgyas kun dngos zhi ba ni/ zhes pa la/ snang ba tsam dang/ thams cad stong par cig par mthar thug par 'gyur te/ yan lag gnyis pa'i dbye ba rnams lnga'o/ /rdo rje bzlas pa bstan pa'i phyir/ ye shes lnga yi rang bzhin dbugs/ zhes
 pa la sogs pa gsungs te/ me long lta bu la sogs pa ye shes lnga'i rang gi dbugs te/ de nyid g.yas pa me long la sogs pa yin pas na/ 'byung ba lnga'i ngo bo nyid ces gsungs so/ /gong bu'i gzugs kyis phyung zhes pa ni/ yang de nyid
 la sogs pa'i bdag nyid can rang rang gi rdo rje'i bu ga las phyung pad+ma'i sna rtsed gong bu'i gzugs kyis te/ byang chub sems thig le'i gzugs kyi bsgom par bya'o/ /rin chen kha dog sna lnga pa zhes pa ni de
 nyid gyen du 'gro ba'i dbugs ni kha dog lnga ste/ de bzhin gshegs pa lnga'i bdag nyid can no/ /de nyid kyis rin po che'i srog dang rtsol ba zhes pa ni/ rang gi snying ka'i pad+ma las/ a thung du bsams te/ srog ni thig ler gyur par bzhas
 ces pa ni/ mi shigs par rtog par bkod pa ste/ yan lag bzhi pa'o/ /rang shes pa ni rang gi gzugs la sogs pa'o/ /dbang po ni mig la sogs pa'o/ /de la dbang po gnyis bcing nges par de'i rlung thig le nas so/ /rin chen
 ngag ces pa ni/ de'i 'og tu yul dang dbang po'i rten du gyur pa'i rin po che ste/ sems kyi rin po che srog dang rtsol ba dang bcas par bkag cing nub par gyur ba'i gzung ba gang yin pa de ni 'dzin par bshad/ de gang yin zhe na/ yang
 dag pa'i mdza' ste/ de dag ni 'dzin pa zhes bya ba'i yan lag bzhi bstan pa'o/ /sems ni 'gog pa'i rdo rjer 'gyur/ /zhes pa ni/ 'gog pa'i rdo rje ni 'od gsal pa'o/ /der gyur pa ni sems der gyur pa'o/ /mtshan ma nyer 'dzin
 'byung bar 'gyur/ /zhes pa ni mtshan ma rnams ni nye bar 'dzin pa ni/ mtshan ma nye bar 'dzin te mtshan mar snang ba'o/ /'byung bar 'gyur ba ni skye bar 'byung pa'o/ /mtshan ma'i khams ni rnam pa lngar/ /byang chub rdo rjes gsungs pa
 yin/ zhes pa ni/ sa chu la thim par gyur pa las smig rgyu 'dra bar snang bar gyur pa ni mtshan ma dang po'o/ /de bzhin du chu me la thim par gyur pa las du ba lta bu ste gnyis pa'o/ /me rlung la thim par gyur pa las nam mkha' snang bar
 gyur pa lta bu ste gsum pa'o/ /khams phra ba kun tu snang ba gsum du yod pa las mar me ltar snang ba'i tshogs kyi ngo bo nyid ni bzhi pa'o/ /kun tu snang ba las thim par gyur pa las/ sprin med nam mkha' i rang bzhin rtag tu snang ba 'od gsal
 tsam du gyur pa ni lnga pa'o/ /mtshan ma lnga po de dag gis ni mya ngan las 'das pa thob par 'gyur ro/ /de skad du las kyi mdza' rnam par 'byed pa las/ sa ni dang po chu la thim/ me ni rlung la thim par gyur/ /rlung yang rnam par shes la
 'jug/ rnam shes gzung ba de nyid ni/ 'od gsal bar yang 'jug pa yin/ /zhes gsungs so/ /rjes su dran pa bstan pa'i phyir/ /brtan 'gyur zhes pa ni/ brtan par gyur cing rnam par dag par gyur nas so/ /rdo rje'i lam nas zhes pa
 ni/ /rdo rje'i lam nas 'das par mi bya ba'i mtshan ma lnga'i rim gyis 'od gsal par 'jug pas/ nam mkha' i khams su spro bar bya zhes pa ni/ 'jig rten gyi khams su spro bar bya zhing chos kyi sku'i tshul gyis khyab par bya'o/ /rjes dran gang zhig
 rnams bsgoms pa zhes pa ni/ de ltar 'od gsal bar song bar rnam par bsgom zhing mngon du byas nas zhes pa'o/ /de dang 'dra bar spro bar bya zhes pa ni/ gang sngon du rjes su dran pa smig rgyu dang 'dra ba la sogs pa'i yang dag pa'i mdza' 
 thob pa de 'dra zhing de nyid kyi rim gyis spro bar bya zhing bskyed par bya ste/ bshad ma thag pa de dag ni rjes su dran pa zhes bshad par bya zhing khong du chud par bya'o/ /de so sor snang ba de las skyes zhes pa ni/ so sor snang ba ni/ kun rdzob de la
 rjes su dran pa'i yan lag skye bar 'gyur gyi gzhan du ma yin no/ /ting nge 'dzin bstan pa'i phyir/ thabs dang shes rab ces gsungs te/ kun rdzob dang don dam pa'i sbyor bas so/ /dngos po thams cad mdor zhes pa ni rgyu ba dang mi rgyu
 bas gnas pa'o/ /gong bu'i tshul gyis zhes pa ni/ phyag rgya chen po'i gzugs kyis gcig tu byas nas rgyu ba dang mi rgyu ba de'i dbus su zung du 'jug pa'i bdag nyid can rdo rje 'chang chen po'i gzugs
 rnam par bsgom zhes par bya'o/ /rim pa 'di nyid kyis yud tsam zhes pa ni skad cig tsam gyis ye shes rdzogs byed ces pa ni ye shes kyi sku rdzogs par byed pa ni ting nge 'dzin te/ yan lag drug pa'o/ da ni sbyor ba yan lag drug gi yon tan
 bstan pa'i phyir/ so sor sdud la snyoms zhugs na/ sngags rnams thams cad byin gyis brlab/ /ces pa la sogs pa ste go sla'o/ /de ltar bsnyen pa bstan nas/ da ni nye bar sgrub pa la/ snying po de ni thugs ka ru/ /
 zhes pa la sogs pas ston te/ de la snying po zhes pa ni/ dkyil 'khor pa'i lha rnams re re'i snying ka'i dbus su chud pa'i thugs kar zla ba la/ gnas pa'i ye shes sems dpa' bsgom par bya'o/ /zla ba rdo rje'i sbyor ba
 blta zhes pa ni/ ye shes sems dpa' de rnams kyi thugs ka'i zla bar chud par rang rang gi phyag mtshan la brten par bya'o/ /sems ni sngags kyi dngos byas shes pa ni/ phyag mtshan bum pa la rang gi sems yi ge mchog tu mi
 'gyur ba'i tshig bsam mo/ /mtshon cha mchog gi drangs nas su zhes pa ni/ de nas bdag po la sogs pa sems dpa' gsum gyi bdag nyid can gyi dkyil 'khor pa rnams/ gcig tu gyur pa'i 'od zer gyi tshogs lcags kyu lta bur
 gyur pas/ bsgrub bya'i thugs ka'i sems dpa' gsum du grags pa bskul bar bya'o/ /de ltar rdo rje lcags kyus btab pas sgrub pa po la bkod par bya ba bskyed pa'i 'og tu gnod mdzes la bka' bsgo ba'i phyir/ sngags
 kyi gzugs kyi tshul gyis su zhes pa ni/ gnod mdzes rgyal po mdun du bkug ste bka' lung nod par bsam la/ byang chub tshigs bcad brjod par bya ste/ zhes pa ni/ gnod mdzes kyis 'di skad du/ de bzhin gshegs pa thams cad kyis
 sgrub pa po la byang chub kyi dngos grub khyad par can myur du rtsol te zhes/ bka' bsgo ba'i cho ga zhes pa ni gong gi cho ga'o/ /rang gi dkyil 'khor zhes pa ni/ rang gi lhag pa'i lha'o/ /sems de ye shes gzugs shes pa ni/ rdzogs pa'i rim pas
 rang gi lha bskul ba ston to/ /phung po la sogs pa rnams shes rab kyi pha rol tu phyin pas mi snang bar byas nas/ tha mar kun rdzob dang don dam pa'i bden pas gcig tu byas la zung du 'jug pa bsgom par bya ba ni nye bar sgrub pa ste
 le'u bcu po'i don ston pa yin no// //da ni sgrub pa bstan pa'i phyir/ ji srid mthong ba de srid du zhes pa la sogs pa gsungs te/ bsdus pa'i don ni 'dod pa la longs spyod pa'i ting nge 'dzin dang/ stobs
 pa'i cho ga dang/ drag shul gyi cho ga'o/ /de la 'dod pa la longs spyod pa'i ting nge 'dzin mdor bstan pa'i phyir/ ji srid mthong ba zhes pa ni/ dngos grub thun mong dang mchog go /zla ba drug ces pa ni/ 'og nas 'byung ba'i ting nge 'dzin gyis zla
 ba drug tu 'dod pa spyad par bya ste/ 'jig rten gyi khams mdza' yas shing mu med pa thams cad na/ rab dang 'bring dang tha mas phye ba'i bdud rtsi ji snyed yod par grags pa rnams gzugs rdo rje la sogs par yongs su brtags la
 sngags kyi sku dang ye shes kyi skus spros pa gsum gyi spyod pa bya'o/ /gal te zla ba drug gis ni zhes pa la zla ba drug rig pa'i brtul zhugs spyad pas dngos grub ma thob na zhes pa'o/ /spogs pa'i cho ga bstan pa'i phyir/ sdom pa lan gsum
 brtsam par bya zhes pa ni/ zla ba bco brgyad du spros pa gsum gyi spyod pa spyad par bya'o/ /des kyang bla na med pa'i byang chub ma grub na/ drag shul gyi cho ga bstan pa'i phyir/ drag shul sbyor ba bsgrub par
 bya zhes ni/ rigs kyi dbye ba'i sbyor ba yis/ rdo rje phur bus gdab ces pa bstan pa yin te/ rdo rje dang pad+ma mnyam par sbyar bas phur bus gdab par bya'o/ /'di skad ston te/ rnam par snang mdzad kyi sbyor ba dang ldan pas/ sangs rgyas
 spyan mdun du bzhag la/ lag pa phan tshun 'khyud pa dang dkri ba la sogs pa bya ba ni sku'i cho ga'o/ /snang ba mdza' yas kyi sbyor ba dang ldan pas/ gos dkar mo mdun du bzhag la/ snang ba dang/ snang ba mdzad pa dang/ snang ba thob pa gsum
 'byung ba'i pad+ma lha mo'i b+ha ga la rdo rje rtse lnga pa bsgoms la/ chos 'byung yod pa'i nang du tshud par bya'o/ /mi bskyod pa'i sbyor ba dang ldan pas mA ma kI mdun du bzhag la/ rang gi rdo rje rtse mo lnga par bsgoms la/ rang gi phyag rgyal chos 'byung
 gi nang du tshud pa'i me'i dkyil 'khor dang ldan par rang gi rdo rjes gdan gdab cing brdung na 'od gsal thob par 'gyur ro/ /'dod pa longs spyod pa'i ting nge 'dzin bstan pa'i phyir/ 'dod chags chen po'i tshul gyis shes pa ni/ 'dod
 chags kyis 'dod chags spang bar bya ba'i 'dod chags dang bral ba'i sku spangs nas/ rdo rje 'chang chen po'i skur bdag nyid sprul par mdzad pa'o/ /der yang sems can smin cing grol bar mdzad pas yul rnams la chags par mdzad pa ste
 de'i tshul dang ldan pa'i ting nge 'dzin to/ /ye shes 'khor lo can rnams bsdu zhes pa ni/ rang gis sa bon gyi 'od zer gyi lcags kyus drangs nas/ rang gi dkyil 'khor ba drangs nas nyid kyi sku las phung po dang khams la sogs pa'i ngo bo nyid
 gyis zhugs par gyur pa'o zhes pa'o/ /lha mo dgu ni spros nas su zhes pa ni/ bcom ldan 'das mchog tu dga' ba'i sgras tshim par byed pa'i phyir gnas skabs snga ma spangs te/ lha'i bu mo'i lus su mngon par sprul nas bcom ldan 'das
 kyis sku las byung bar gyur to/ /lha mo dgu ni sa'i khams ni sangs rgyas spyan lta bu dang/ chu'i khams ni mA ma kI lta bu dang/ me'i khams ni gos dkar mo lta bu dang/ rlung gi khams ni sgrol ma lta bu dang/ rnam par snang mdzad ni gzugs kyi ngo bo dang/
 rin chen 'byung ldan ni sgra'i ngo bo lta bu dang snang ba mdza' yas ni dri'i ngo bo lta bu dang/ don yod grub pa ni ro'i ngo bo lta bu dang/ mi bskyod pa ni reg bya'i ngo bo lta bur spros nas zhes bya ste drang ba'i don to/ /'dod chags chen po'i tshul gyis zhes pa ni/
 'dod chags dang/ 'dod chags dang bral ba dang/ 'dod chags par ma la sogs pa'i rim gyis rnam par dag pa mngon du 'byin pa'i thabs de'i ting nge 'dzin to/ /ye shes 'khor lo can rnams bsdu zhes pa ni/ phyi rol gyi de bzhin gshegs
 pa'i 'khor lo de dag tu dmigs pa'i mngon par zhen pa spangs nas/ des thams cad la sgrub pa'i sku ni bdag yin no zhes byin gyis brlabs pa dang ldan pa ste/ lha mo dgu ni snga ma dang 'dra ste/ nges pa'i don to/ /de ltar gzugs kyi
 dkyil 'khor drug sprul pas 'dod pa'i dbang phyug du bstan nas/ da ni rgyud 'di la sems gtso bo yin pas mi bskyod pas bsdus pa'i dkyil 'khor gyi bya ba bstan pa'i phyir/ yongs su gyur las phyag rgya bzhi zhes pas ston te/ lha mo
 rnams lus la bkod nas/ yongs su gyur pa las/ shes rab kyi gnas der phyag brgya bzhi'i dkyil 'khor gru bzhi pa rdul med pa dam tshig chen po'i dkyil 'khor byin gyis brlabs te/ sprul par mdzad pa'o/ /bdag nyid dbus su
 gnas byas zhes pa ni/ rdo rje 'chang chen po de bshad ma thag pa'i dam tshig chen po'i dkyil 'khor gyi dbus su bdag nyid bzhag par gyur to/ /'khor lo can kun bsdu bar bya/ zhes pa ni/ rig sngags bsdus pa'i
 'khor lo slar yang byang chub kyi sems rdo rje'i sku la zhugs par gyur to zhes bya'o/ /thams cad rdo rje'i dngos byas la/ /thams cad byang chub bsgom par bya/ zhes pa ni byang chub kyi sems rdo rje ste drang ba'i don to/ /phyag rgya bzhi'i dkyil 'khor
 zhes pa ni/ gzugs kyi phung po yin la/ de rnams kyis gang bstan cing bzhugs pa'i gnas su mdzad pa'i btsun mo shes rab kyi pha rol tu phyin ma'o/ /de nyid ni dkyil 'khor te/ sangs rgyas bskyed pa'i rgyur gyur pas na skyes gnas
 yin te/ dgongs pa las kyang/ sangs rgyas kun gyis gang bstan pa'i/ /sa gyur de ni bcu gsum pa de ni btsun mor yang dag bshad/ /dam chos b+ha ga zhes brjod do/ /zhes pa nges pa'i don to/ /bdag nyid dbus su gnas byas la zhes
 pa ni/ dam tshig chen po 'di la dri ma med par der bdag nyid gnas par gyur pa ni 'jog par mdzad pa'o/ /'khor lo can kun bsdu bar bya/ /zhes pa ni/ dam tshig chen po'i dkyil 'khor 'od gsal bar rab tu gyur pa'o/ /thams cad
 rdo rje dngos byas la/ /de tshe byang chub bsgom par bya/ /zhes pa ni/ de nas 'od gsal ba la zhugs pa'i 'og tu bcom ldan 'das rdo rje 'chang chen po rigs thams cad kyi bdag nyid can/ bdag nyid don dam pa'i bden pa las bzhengs nas
 srid pa dang mya ngan las 'das pa ro gcig pa'i ngo bo nyid kyis/ dam tshig chen po'i dkyil 'khor gyi dbus su 'jig rten gsum gyi bdag nyid du bzhag par gyur to/ zhes bya ba'i don to/ /de yang/ nam mkha' kun gyi skabs na dpal/ /rdo rje
 sems dpa' rab tu zhugs pa zhes bde ba mchog gi bshad do/ /de ltar de bzhin gshegs pa lnga po drug pa'i bdag nyid du gyur pa bstan nas/ nga ni rdo rje 'chang chen po la btsun mo bzhi dang cing bdun pa'i yid kyis lta bar 'dod pa'i phyir snying
 rje dang bcas pas smra ba bstan pa'i phyir/ bskul ba'i klu dbyangs bzhi yis ni/ zhes pa/ drug ldan la sogs pa'i sgeg cing snyan pa'i glu dbyangs kyis spyan la sogs pa bzhis bstod pa sngon du 'gro bas bskul bar byed do/ /de yang sems can
 khams na gnas kyi dbang phyug khyod ni rdo rje'i thugs shes pa la sogs pa'o/ /lha mos snying po bskul ba yis shes pa ni/ de ltar tshangs pa'i gnas pa bzhi'i rang bzhin dang lha mo rnams kyis yang dag par bskul bar gyur pa'o/ /dus gsum
 rdo rje'i rang bzhin sems shes pa ni/ bskul bar gyur pa dang/ sngon gyi smon lam gyi shugs kyis stong pa nyid kyi rnal 'byor bzhengs nas dpal shin tu dag pa'i bde bas 'dod chags la spyod la bstan pa yin te/ de yang gzugs la
 sogs pa'i yul rnams kyi ngo bo nyid yongs su shes pas mig la sogs pa gcig tu byas te/ kun tu dga' ba'i bde ba'i gnas skabs kyi spyan la sogs pa la rol pa mdzad nas cing mi gsung bar gyur pa'o/ /ye shes lta bur lus
 bsgom po zhes pa ni/ nyon mongs pa la sogs pa'i bya ba dang bral zhing/ ye shes phyag rgya dang lhan cig snyoms par zhugs nas bzhugs so zhes bya ba'i bar du'o/ /de nas rdzogs rims kyi sgo nas ye shes kyi phyag rgya la snyoms par
 zhugs pa'i mgo /nam mkha' i gtos 'di rdo rje 'chang ba'i ngo bo nyid rdo rje gsum dang yang dag par ldan pa rnam par snang mdzad la sogs pa/ de bzhin gshegs pa'i tshogs kyis yongs su gang zhing til gyi gang bu bzhin du bar mtshams med
 par gyur la/ mchog tu dag pa'i bum pa bzhin du gnas shing mi g.yo bar gyur to/ /de ltar bcom ldan 'das kyis snyoms par zhugs pa bstan nas/ da ni nges 'gro ba'i don mdzad pa bstan pa'i phyir/ bzhi
 yis kha dog rnam par dbye/ zhes pa ni/ khams gsum na gnas pa'i sems can rnams rdo rje 'chang chen po'i dpal gyis reg ste rdo rje'i 'od zer gyis dbang bskur nas/ des reg cing yul du byas pa thams cad kyis de bzhin gshegs
 pa nyid 'thob bo/ /de bzhin ro yis snying po ste zhes pa ni/ rdo rje 'od zer gyi dbang bskur/ rdo rje ye shes kyi spyod pa ste/ rang gis snyoms par zhugs pa'i bde ba nyams su myong ba'i sems can thams cad kyi snyoms par zhugs pa'i bde
 ba bdag gis mdzad pa'o/ /dbang bskur ba ni rang gi rgyud ces pa ni/ rdo rje 'od zer gyis dbang bskur ba nas brtsams te/ de bzhin gshegs pa thams cad kyi sku dang gsung dang thugs kyi dbang bskur bar gyur nas/ kun tu bzang po/ kun tu bzang po zhes sngon
 ma byung ba'i don gyis ming can du gyur to/ /rang gi rgyud ces pa ni/ bzhi yin te rdo rje 'od zer gyis dbang bskur bas 'bras bu kun tu bzang por gyur ba'o/ /sngags kyi chos ni dbye bar 'gyur zhes pa ni/ 'dod chags kyis spyod pa'i yi ge'i tshogs las rdo rje
 'chang chen de/ nyid rjes su chud cing 'thob pa ste/ 'dod chags la sogs dag par byed cing som nyid med par ston pa'o/ /rigs pa'ang chos kyi phyag rgya ces pa ni/ ye shes kyi phyag rgya yang ming gzhan/ chos kyi phyag rgya zhes bya bas
 bstan to/ /zhes bya ba'am/ yang na ye shes kyi phyag rgya de nyid rnam par dag pa thams cad stong par chud pas thabs mang zhes bya'o/ /khams gsum gyi sems can dbang bskur pas kun tu bzang por gyur pa'i 'bras bu de rnam par
 phye ba bstan pa'i phyir/ 'khor lo bsgyur pa'i rgyal po drug ces pa ni/ rigs lnga dang rdo rje 'chang chen po'o/ /gtsug tor ni rigs kyi bdag pos rgyas gdab pa'i phyir/ bdud rtsi bstan bde ba mi 'gyur bar gnas pa'o/ /longs sbyor bzhi zhes
 pa ni spyan la sogs pa'o/ /rdo rje bdag po zhes pa ni 'dod pa lnga'i lha mo'o/ /bsam gtan rdo rje zhes pa ni/ lha de rnams kyi ngo bo nyid kyi 'od zer gyi sems can rnams la dbang bskur ba'i cho ga des/ ye shes lus dang lhan cig ces
 bzhi ye shes kyi phyag rgya'o/ /sku gsung thugs kyi rdo rje ni zhes pa/ 'dod chags kyi spyod pas thams cad stong pa dang gnyis su med pa zung 'jug bsgrub pa ni/ sgrub pa zhes bya ba'i don to/ /nga ni sgrub pa chen po bstan pa'i phyir/ sngar
 bshad pa'i rim gyis ni/ zhes pa rtsa ba'i rgyud kyi le'u dang por bstan pa'i rim gyis/ rig pa'i skyes bu rdo rje can zhes pa ni/ rdo rje 'chang gong du bskyed pa nas/ rig pa'i skyes bu bdag dang 'dra bar dkyil 'khor bskyed ces pa ni/
 rang bzhin gyis 'od gsal ba'i ting nge 'dzin las bzhengs nas/ nyon mongs pa lngas khyab pa'i sems can gyi khams la gzigs nas nyon mongs pa'i rang bzhin yongs su shes pa nyid ni byang chub yin la/ de'i ngo bo nyid ni bdag yin
 no mkhyen nas/ gdul bya rnams kyi nyon mongs pa zhe sdang la sogs pa sbyar ba'i phyir rigs lnga dbyung ba'i phyir/ yang rnam par snang mdzad la sogs pa longs spyod kyi phyir lha mo bzhi phyung ba dang/ de bzhin du lha mo lnga dang/ byang chub
 sems dpa' brgyad dang/ khro bo bcu phyung ba'i dkyil 'khor du bskyed pa ni sgrub pa chen po zhes bya'o/ /de ltar rdzogs pa'i rim pa bsnyen sgrub pa ni bstan nas/ da ni bskyed pa'i rim pa bsnyen sgrub bzhi bstan pa'i phyir/ bsnyen pa'i dus gsum
 tor che/ zhes pa la sogs pa gsungs te/ bsnyen pa zhes pa ni/ byang chub sems la dmigs pa rtse gcig tu 'jog pa ste de bzhin de nyid yin la/ de la bsnyen cing dmigs par bya ba yin pas na bsnyen
 pa'o/ /gtsug tor che ba'i sbyor ba nyid ces pa ni yang dag par sbyor pa'o/ /de gang zhe na/ sa'i cha la sogs pa nas gtsug tor yi ge brum las gzhal yas khang bskyed pa'o/ /gzugs su dmigs zhes pa ni dkyil 'khor 'khor
 lo lhag par mos pa bskyed pa'o/ /de byas la/ oM shU n+ya tA dz+nyA na badzra swa b+hA ba At+ma konyahaM zhes bya ba'i sngags kyi don rnam par dpyad nas/ don dam pa'i byang chub kyi sems kyis mtshan can bsgom mo/ /nye bar bsgrub pa'i dus
 sum zhes pa ni stong pa nyid la dmigs nas/ nyi ma dang zla ba dang pad+ma la sogs pa rims kyis gong nas gong du bzhag la/ de'i steng du yi ge rnam par dgod de/ thams cad bsdus pa la zla ba'i dkyil 'khor bsam zhing/
 de'i steng du yang yi ge gsum bkod la/ de yongs su gyur pa las phyag mtshan phyag mtshan yongs su gyur pa las phyag rgya chen po'i gzugs bskyed pa ni/ nye bar gtad de gnad du bsgrub cing bskyed pa ni nye bar sgrub pa'o/ /bdud rtsi 'khyil ba'i ?
 bar zhes pa ni/ phyag rgya chen po'i gzugs de la/ rnam par snang mdzad la sogs pa nas byang gi sgo'i bdud rtsi 'khyil pa'i bar du lha rnams kyi sngags kyi yi ge ma lus par bkod la/ gzugs kyi phung po la sogs pa'i rgyu 'bras
 yongs su shes pas bsgom par bya'o/ /sngags pa cho ga shes pa yis zhes pa ni/ mgo bo dang mgrin pa dang snying kar/ zla ba dang pad+ma dang nyi ma la/ oM A(rgyud 'grel la/ sku rdo rje dang gsung rdo rje dang thugs rdo rje spro ba dang bsdu ba dang/ bskul ba dang/ smon lam dang sngags brjod pa'i sku dang gsung dang thugs kyis byin gyis brlabs pa'i cho ga'o/ /sgrub pa rang zhes pa ni/ sgrub pa nye bar bzhag pa'i don
 du gsol pa 'debs pa'o/ /rang lha'i sbyor bas zhes pa ni/ dam tshig sems dpa' dang ting nge 'dzin sems dpas bsgrub pa'o/ /sgrub pa chen po zhes pa ni/ dkyil 'khor rgyal po mchog gi mthar thug pa ni/ gzhan gyi don chen po
 sgrub pa chen pa'o/ /gtso bo sangs rgyas bdag po'i sku zhes pa ni/ sgrub pa chen po de bskyed par byed pa'i tshe na/ rdo rje can kun zhes pa ni/ rdo rje can gyis de rang gis lhag pa'i lha'i sbyor ba dang ldan pa'i sngags pas/ rdo rje pad+ma
 mngon par 'dus byas pa sngon du 'gro ba'i snyoms par 'jug pa byas la/ badzra d+h+rika ces pa la sogs pas de las byung ba'i rdo rje can de/ de bzhin gshegs pa rnams ni rnal 'byor ma mchog gi gsang sngags chen po'o/ /de ltar ji
 phye zhes byas nas zhes pa ni/ de rnams kyi phyag rgya chen po'i gzugs rnam par phye ste so sor bsgoms nas/ dbu rgyan gyi rigs rnam par phye bar bya'o/ /de yang de bzhin gshegs pa lnga'i phyag rgya chen po'i gzugs kyis ral ba
 dang dbu rgyan la bdag po rdo rje 'chang chen po bsams la/ de'i rigs lhag ma rnams kyis dbu brgyan la ni rnam par snang mdzad la sogs pas rnam par phye bas shes par byas nas dngos grub 'grub par 'gyur gyi/ cho ga nyams
 pas na bskal ba bya ba snyed du sangs rgyas kyang mi 'grub na gzhan lta ci smos zhes pa'i don to/ /da ni 'dod chags kyis ches kyis mngon par byang chub pa'i thabs bstan pa'i phyir/ bsgrub bya sgrub pa yang dag sbyor zhes pa la sogs
 pa gsungs te/ bsgrub bya zhes pa ni gnyis su med pa'i ye shes so/ /sgrub pa zhes pa ni 'od gsal ba'o/ /yang dag par sbyor pa ni kun rdzob kyi bden pa ste/ gsum ni dmigs pa ni bsgom pa'i rnam par dag pa ste/
 bsnyen pa'o/ /rdo rje zhes pa ni thabs kyi ye shes snyoms par 'jug pa'i mtshan nyid byung bar gyur nas/ pad+ma zhes pa ni/ shes rab kyi ngo bo nyid du gyur pas nges par 'gag pas zhes pa'o/ /de ni nye bar sgrub pa'o/ /yi ge hUM dang
 phaT ldan pa'i zhes pa ni/ sngon du 'gro bas 'od gsal sgrub cing kun tu snang ba nye bar 'thob pas 'byung bar 'gyur ro/ sgrub pas bsgrub pa zhes pa ni/ ma rig pa'i skad cig ma de 'das shing spong bar gyur pa'i dus su 'grub ste /
 stong pa nyid dang/ shin tu stong pa nyid dang/ stong pa chen po nyid kyi rgyu rkyen gyis 'grub par 'gyur ro/ /de gang zhe na/ ngo bo nyid ni zhi bde ba/ sgrub pa chen po zhes pa ni 'od gsal ba mngon du byed pas phyag rgya chen po 'grub par 'gyur ba ni/
 sgrub pa chen por bshad de/ thabs las byung ba bstan pa'i phyir/ dpal ldan sangs rgyas kun gyi bdag ces pa la/ sangs rgyas kun gyi bdag ces pa ni sku'i dbang phyug go /rdo rje 'chang chen po ni thugs kyi dbang phyug go /de nyid chos
 rnams chos nyid do zhes pa ni gsung gi dbang phyug go /sangs rgyas kun gyi thabs las byung zhes pa ni/ dbang phyug brgyad 'thob par 'gyur ba ni/ thabs de'i 'bras bu thabs las byung pa ste/ rtsa ba'i rgyud kyi le'u bcu gsum pa ?
 gsungs pa/ ston pa phyag na rdo rjes de bzhin gshegs pa thams cad la 'di skad ces gsungs so/ /bcom ldan 'das de bzhin gshegs pa thams cad yi ge gsum dang ldan na/ byang chub sems dpa' de dag thams cad ?
 'di de bzhin gshegs pa thams cad kyi spyod pa'i rdo rje 'di la dad cing bsgom par 'gyur ro/ /de bzhin gshegs pa thams cad kyis gsol pa/ gsum po gang zhig lags/ rdo rje 'dzin pas bka' stsal pa/ de bzhin gshegs pa thams
 cad kyi sku'i rdo rje dang/ de bzhin gshegs pa thams cad kyi gsung rdo rje dang/ de bzhin gshegs pa thams cad kyi thugs rdo rjes te/ 'di gsum mo zhes gsungs so/ /slob dpon zla ba grags pas kyang/ ji srid ya ra la ha'i ?
 ka ba g+ha? mdza' med dza'i mdza' / /da d+ha'i mdza' dang ma mthar ubcas/ /de de'i rtsa ba yi ge gsum/ /zhes mdza' can gyi rgyud thams cad kyi thabs las byung ba sku gsung thugs rdo rje dbang phyug thob pa la bshad do/ /sku gsung thugs
 ni mtshon pa tsam ste/ ji srid rdo rje dang la mchog chen po las/ sku yi dbang phyug gsung gi dbang phyug dang/ /de bzhin du ni thugs kyi dbang phyug dang/ /rdzu 'phrul kun tu 'gro ba'i dbang phyug dang/ ci 'dod bskyed dang dbang phyug don
 brgyad do/ /zhes pa ni/ rdzu 'phrul gyi dbang phyug dang/ thams cad du son pa'i dbang phyug dang/ 'dod pa'i dbang phyug dang/ gnas kyi dbang phyug dang/ 'khor gyi dbang phyug ste de 'thob par 'gyur ro zhes pa'i
 don to/ /dkyil 'khor so so'i rnal 'byor pas las kyi tshogs byed pa'i dus su dka' ba bstan pa'i phyir/ las dang rjes mthun gang gang gi zhes pa la sogs pa gsungs te/ las dang rjes mthun zhes pa ni/ zhi ba la sogs
 pa'i bsgrub par nus pa'i lha tha dad pa'o/ /rnal 'byor zhes pa ni zhi ba la rnam par snang mdzad kyi sbyor ba dmigs pa la sogs pa'i dkyil 'khor dang bcas pa zhes pa ni zhi ba la rnam par snang mdzad bskyed na/ de bskyed ces pa ni/ spyan ma
 mdun du bskyed la/ dam tshig mi bzad ces pa ni/ oM ru ru spu ru zhes pa la sogs pa'i gsang sngags kyis bka' bsgo ste las so sor bsgrub par bya'o/ /sku gsung thugs rdo rje zhes pa ni/ rigs gsum gyi sangs
 rgyas so/ /gtsug tor dam tshig ces pa ni rdo rje 'chang chen po'o/ /de yang las zhi ba la sogs pa bsgrub pa'i dus su bka' bsgo ba dang/ bka' i 'khor los bgegs bskrad pa'i tshe bsgo ba gnyis su rig par bya'o/ /da ni las
 kyi tshogs sna tshogs ji ltar bya ba bstan pa'i phyir/ bsgrub bya'i lus gang yin pa la zhes pa ni/ dgra bo sta ri dang tho ba lag tu bzung ste/ sems khros par gyur pa yis/ nam mkha' i gtos 'di/ nyan thos dang rang sangs rgyas
 dang/ yang dag rdzogs pa'i sangs rgyas dang/ de bzhin du sangs rgyas kyi bstan pa la gnas shing tshul khrims la sogs pa'i yon tan dang ldan pa'i dge slong dang/ bslab pa lnga dang ldan pa'i dge bsnyen rnams dang /
 khams gsum gyi sems can thams cad kyis gang bar bsams pa de rnams/ dgra bos de rnams tho bas brdungs shing sta res bcad par bsams te gsod par bsgoms la/ yang dgra bo'i lus la gsang ba 'dus pa'i
 dkyil 'khor rnam par bsgoms nas/ dgra bo de'i lus la gnas pa'i dkyil 'khor ba rnams la de'i nyes pa bsgrag par bya'o/ /de nas de rnams bcom nas zhes pa ni/ dgra bo'i lus kyi lha rnams khros te/ dgra bo bcom
 bsad nas byung bar 'gyur ro/ /dngos po kun gyis shes pa ni/ rang gi lha la dgra bo'i lha drangs te/ rang gi 'khor lo la/ dgra bo lha rnams gzhug par bya'o/ /ji skad gsungs pa'i rdzas rnams kyis zhes pa ni/
 le'u bco lnga pa dang/ bcu bzhi pa las so/ /khro bas khyab ces pa ni/ rang khro bor bsgom pa'o/ /de nas bka' ma nos khro bo zhes pa ni/ le'u bco lnga pa dang/ bcu gsum pa las bstan pa bzhin du/ rang gi 'khor
 khro bo dang/ srin po dang/ lo spyang dang/ sprul la sogs pa rbad cing/ de rnams kyis bkug la gzugs dbab par bya'o/ /spyi bo mgrin pa snying ga ru zhes pa ni/ le'u bcu gsum pa dang bcu bzhi pa las gsungs bzhin
 du phur bu'i cho ga'o/ /yams dang nye bar 'tshe ba zhes pa/ le'u bcu gsum pa las 'byung ba bzhin du/ hUM las rdo rje rtse lnga pa'i phur bus gdab par bya'o/ /de nas sbyor ba thams cad ces pa ni/ 'khrul 'khor
 dang/ sngags kyi bzlas brjod dang sbyar ba'o/ /bsam gtan la sogs pa dang/ sbyin sreg dang/ mtshan mo gnod pa la sogs pa'i las kyi tshogs can zhes pa'i don to/ /las so so'i bsam pa gsungs
 pa ni/ zhi ba la zhi ba'i sems kyis kyang/ zhes pa la sogs pa ste/ go sla'o/ da ni the tshom tshed pa'i bstod pa bstan pa'i phyir/ de nas bcom ldan 'das zhes pa la sogs pa gsungs te/ rdo
 rje 'chang chen po'i 'od gsal la zhugs pa la/ bstod pa'i rgyal pos bstod do/ /sangs rgyas thams cad gsod pa zhes pa ni/ 'das ma thag tu drag po'i las gsungs pa'i the tshom zhus pa'o/ /
 de'i lan gsungs pa/ de nas de bzhin gshegs pa thams cad ces pa la sogs pa ste/ slob dpon byang chub rdo rje can zhes pa ni don dam pa'i byang chub rtogs pa'o/ /dngos rnams thams
 cad sgyu ma bzhin zhes pa ni/ zung 'jug gi sku bsgoms pas sgyu ma dang 'dra ba'o/ /de bas na sdig pas ngan song du mi 'gro la/ bsod nams kyis mtho ris su mi 'gro ste /
 'bras bu byang chub yin ces gsungs so/ /byang chub rdo rje zhes pa ni thams cad stong pa'o/ /ye shes kyis ni rgyas btab ces pa ni/ bden pa gnyis dbyer med par bsgom pa'o/ /sgrub
 pa chen po'i mthar thug par byas nas ston to/ /de'i don la byang chub sems dpa' rnams legs zhes gsol to/ /de nas byang chub sems dpa' zhes pa la sogs pa'o/ /de bzhin
 gshegs pa rnams gsang ba 'dus pa'i dbang bskur ba thob cing/ zung du 'jug pa la gnas pa ci la yang yang ba med par bstan pa ni/ de nas de bzhin gshegs pa de dag ces pa la sogs
 pa gsungs pa'o/ /de nas bstod pa gsum pa rgyud gsang ba 'dus pa'i/ don thams cad bsdus pa'i sgo nas bstod pa gsungs pa bstan pa'i phyir/ de nas byang chub sems dpa' chen
 po zhes pa la sogs pa gsungs te/ /dang po sangs rgyas dkon mchog gsang ba 'dus pa'i lha sum cu rtsa gnyis kyi sgo nas bstod pa ni/ dus gsum rdo rje'i thugs yin zhes pa ni/ rdo rje
 'chang chen po ste/ de nyid srid pa 'khor ba dang/ thar pa mya ngan las 'das pa gnyis ka zhi zhing/ sgrib pa thams cad spangs te/ nam mkha' i 'od gsal rtogs nas sangs rgyas te/
 rnam par snang mdzad la sogs pas zung 'jug gi sku dbang phyug brgyad dang ldan pa'i byang chub kyi sems rig pa'i skyes bu rdo rje 'chang yin zhes pa de la phyag 'tshal lo/ /gzugs dang tshor ba zhes pa ni
 rigs lnga'o/ /rnam par shes pa drug ni/ khro bo 'dod pa'i rgyal po la sogs pa'o/ /skye mched ni lha mo lnga'o/ /chos kyi skye mched ni kun tu bzang po'o/ /dbang po drug ni
 sa'i snying po la sogs pa drug go /sa la sogs pa ni yum bzhi'o/ /nam mkha' rdo rje ni 'jam dpal lo/ /khro bo sgo bsrung bzhi bstan pa'i phyir/ gti mug ste zhes pa
 la sogs pa'o/ /'dod pa'i rgyal po la sogs pa'i khro bo drug bstan pa'i phyir/ spro dang dga' dang rnam pa zhes pa la sogs pa'o/ /de ltar dkyil 'khor pa'i lha'i sgo nas bstod nas /
 da ni chos dkon mchog gsang ba 'dus pa pa'i rgyud kyi sgo nas bstod pa gsungs pa/ /gang zhig thog med dngos rnams dag ces pa la sogs pas ston te/ bum pa'i dbang dang/ gsang
 ba'i dbang dang/ /brtul zhugs dang ste/ shes rab ye shes dbang dang/ spros dang bral zhes pas/ dbang bzhi pa rnams la phyag 'tshal zhes pa'o/ /gang zhig dngos grub
 mchog gi zhes pa ni/ rim pa gnyis kyi bsnyen bsgrub yan lag bzhi rnams la phyag btsal ba'o/ /mi snang la sogs zhes pa ni/ mthun mong gi dngos grub rdo rje mchog bzhi'i sgo nas
 bsgrub pa dang/ phyag rgya chen po'i dngos grub ma nor par rtogs pa'i thabs dang/ thabs las byung ba de la phyag 'tshal/ da ni dge 'dun dkon mchog rnal 'byor
 pa gsang ba 'dus pa las 'jug pa rnams kyang/ 'bras bu rdo rje 'chang chen po 'dra bar bstan pa'i phyir/ gang zhig rab gsang 'dus pa'i rgyud ces pa la sogs pa'i rgyud gsungs te/ rgyud khyad
 par du gyur pa'i dkyil 'khor nyan pa dang/ bsam pa las yon tan yod par bstan pa ni/ bsgom pa la gnas pa rnams kyi yon tan bstan pa'i phyir/ gang zhig gsang ba spyod pa
 yis shes pa ni/ bsgom pa'i yon tan dang por las kyi tshogs 'khrul 'khor nus par ston pa'o/ /ci'i phyir zhe na/ de yang dang por bsgrub slab sla bas so/ /bsgom pa ni goms
 nas sgrub pa po de nyid/ rdo rje 'chang chen po dang mtshungs par yon tan yod par bstan pa'i phyir/ gang zhig gtso bo sgrub pa po/ /mtho ris zhes pa la sogs pa gsungs te/ da ni bstod
 pa de'i phan yon bstan pa'i phyir/ bstod pa'i tshig ni 'dis shes pa la sogs pa'o/ /de ltar bstod pa byas pas rgyud rdzogs par gyur pa la/ de bzhin gshegs pa rnams rjes su yi rang bar
 bstod pa'i phyir/ byang chub sems dpa' grags chen zhes pa la sogs pa'o/ /rgyud kyi rgyal po dpal gsang ba 'dus pa rdzogs par phye ba'i phyir/ 'dus pa gsang ba las byung ba zhes pa
 la sogs pa'o/ /phyi rgyud bshad pa rdzogs nas kyang/ rtsa ba'i rgyud rdzogs pa bzhin du/ sku gsung thugs mnyam pa las zhugs pa bstan pa'i phyir/ de bzhin gshegs pa de dag thams cad ces
 pa la sogs pa gsungs so/ /gsang ba thams cad ston pa/ rdo rje ye shes byin gyis brlabs pa zhes bya ba'i le'u bco brgyad pa rdzogs so// //zhes bya ba la/
 gsang ba thams cad ni rtsa ba'i rgyud kyi don gsang ba rnams 'dir ston pas de skad ces bya'o/ /rdo rje ni thams cad stong pa'o/ /ye shes ni gnyis su med pa'i ye shes te/ rdo rje 'chang chen pos
 rgyud pa 'di byin gyis brlabs pa yin no zhes bya ba'i don to/ /le'u ni gong dang 'dra bar nyon mongs pa'i 'tshe ba bzlog par byed pa'o/ /bco brgyad pa zhes pa ni/ le'u dang por rim pa gnyis kyi gzhi ston pa dang/
 le'u bcu drug pa las bsnyen sgrub bzhi'i don ston pa dang/ bco brgyad pa de thams cad kyis gsang ba'i man ngag ston pa 'di rdzogs so zhes bya'o// /dpal ldan 'dus
 pa yongs gsal ba'i/ phyi ma'i rgyud kyi don gsal 'di/ /sgron ma gsal ba'i rjes 'brangs nas/ klu sgrub man ngag bshad pa 'di/ /gsang ba thams cad ston pa'i 'grel/ /gsang ba'i
 sgron ma zhes bya ba/ /slob dpon klu sgrub 'phags pa'i lha/ /klu yi byang chub shAkya'i bshes/ /zla ba grags pa la sogs pa'i/ /man ngag rim pa la brten nas/ /bdag gis bris
 pa'i dge ba 'dis/ /'gro kun byang chub thob par shog /dpal gsang ba 'dus pa'i rgyud phyi ma'i gsang ba thams cad ston pa zhes bya ba/
 rgya cher 'grel ba/ gsang ba'i sgron ma zhes bya ba/ snyan grags bzang po'i zhal snga nas mdzad pa rdzogs so// //
 paN+Di ta smri ti dz+nyA na kIrtris rang 'gyur byas pa'o/ /kun tu bzang po/ /nam mkha' i snying po/ /snyan grags bzang po/ /na ro ba/ ye shes dngos grub/ rtsa shad pa/
 de rnams mtshan gyi rnam grangs yin no/ /rtsa shad pa/ dran pa'i ye shes/ lo gzhon tshul/ shes rab seng ge/ thams cad mkhyen pa bu ston no// //
 sarba mang+ga laM//