བོད་ཡིག

e-texts based on the ACIP/ALL Input

sangs rgyas grags kyis bstod pa rdzogs so// //'di dag bra kri ta'i skad du yod pa las se lo tsa bas bos skad du bsgyur pa'o/ /rgya gar skad du/ sh+rI ma hA kA la di bi sto tra aSh+Ta nA ma:/ bos skad du/ dpal lha mo nag mo chen mo la bstod pa brgyad pa zhes bya ba/ dpal phyag na rdo rje la phyag 'tshal lo/ /til mar gyis bskus lan bu gcig pha ro nye'i rne chas sgeg cing cha lugs ma lus 'chang/ /rgyan du rkang sgrogs lcags las byas pa gcig gis rang gi rkang pa mdzes par byas pa de/ /gcer bu bong bu zhon zhing 'gro ba 'di na rgyu ba de ni lha mo khyod nyid kyis/ /bdag nyid mdzes par shes kyis gzhan ltas khyod kyi spyod pa'i mtsho chen don dag su yis shes/ /'khor ba 'jig pa'i tshe na mi lus dag las khrag dang zhag 'dzag dud pa 'thul ba na/ /lha mo mche ba mi bzad khyod kyis zhal du 'gro kun skad cig tsam gyis zhugs par 'gyur/ /nag mo mi thod thogs pa khyod ni rnal 'byor grub pa'i rnal 'byor can te dur khrod dgyes/ /khyod ni g.yo byed mnan cing nad chen 'chi ba'i 'jigs pa gsal zhing zhi la mi bzang dril yang sgrogs/ /dpa' bo dag ni mgo bo'i cod pan gyis ni legs spras g.yul du mtshon gyis bcad pa yi/ /'phreng ba thogs shing gar byed lag pa mnyen brkyang rkub tshos che la klu dbang bshibs pa yi/ /ska raD 'ching zhing lag na mdung dang ral gri thogs la khrag gi chang gis myos par 'gyur/ /mi rtsa dmar po gyur cing mtshan mo dur khrod 'gro ba 'byung po phal chen rnams kyi mthong/ /ko rlon chen po dral te brgyangs pa'i gos kyis mnabs shing phyed g.yogs phyed ni re ldes dkris/ /mi yi rgyu ma gsar pa'i sbubs kyis zhal gyi zla ba brgyan cing dril bu 'gran par 'khrol/ /lus ni snum kyis gsar du byugs shing khrag dang zhag la sogs pa'i thig les tshom bur bris/ /mi yi sha la so yis chem chem gcod byed thod pa can ni bdag la bskyong gyur cig /drag po drag mo mi bzad mi sha kha na thogs pa sngan chad ma byung khyod mthong nas/ /ma mo rnams kyang skrag cing rtabs la rngam pa mthon cing mig rtsa rig rig khyod la 'dud/ /nag mo bzang mo lus mdog gnag cing bzod par dka' ba khyod la brgya byin la sogs kyang/ /nyin gcig bzhin du bstod pa byed de bshin rje nyid kyang rtag tu 'dur zhing 'dud par byed/ /mi rnams dang ni 'gro ba ma lus pa dgra 'jug btul ba ni rna ba ya gcig la/ /brang gis 'gro ba mgo bo'i gdong ka stong dang ldan pa rgyab nas ban dus byas nas gnas/ /ya gcig la ni seng+ge mtshungs med thogs shing rgya mtshos bskor ba'i sa gzhi ma lus gnon/ /steng na rgyu ba'i nyi ma 'od zer stong ldan khyod kyi lte ba'i thad ka'i phyogs su gzhag /rgya mtsho'i klong nas me 'bar khyod/ /chu rnams skems par nus pa ste/ /bud med thams cad zhi bya'i phyir/ /lha chen sku yi phyed du gzhugs/ /rdzong dang dka' zlog nag mo che/ /lha dang lha min phyag byas pa/ /mi nad gang yin khyod ming shes/ /de ni 'jigs pa med par mdzod/ /gshin rje'i lcam mo bdud kyi yum 'dod kha myas dbang phyug ma nad ngo cog gi bdag mo dpal nag mo chen mo la stod pa brgyad pa brgyad pa zhes bya ba ma bram ze mcho sred kyi mdzad pa rdzogs so// //*/ /dpal nag po chen po'i bstod ba bzhugs so/ /*/ /rgya gar skad du/