<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1419: dpal nag po chen po'i rgyud drag po'i brtag pa dur khrod chen po zhes bya ba'i 'grel pa<br><table><tr><td>
<input type="button" onclick="location.href='tcompletep.php?id=N1419&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1419&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1419&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dge slong rin chen grub kyi bsgyur cing zhugs te gtan la phab pa'o// // */ /dpal nag po chen po'i rgyud 'grel bzhugs so// // */ /rgya gar skad du/ /sh+rI ma hA kA la tanTA ru twa ka lpa ma hA sma shA na mE ma T'kA/ bod skad du/
 dpal nag po chen po'i rgyud drag po'i brtag pa dur khrod chen po zhes bya ba'i 'grel pa/ /dpal rdo rje mkha' 'gro la phyag 'tshal lo/ /phun sum tshogs pa mdza' dag 'dzin 'gyur de bzhin nyid kyi sku/ /rnam thar brgyud kyi zhal dngos stong pa bcu drug phyag /bdud 'dul
 dbang phyug zhabs bzhi tshangs pa'i gnas bzhis brgyan/ /'gro ba skyob mdzad dkyil 'khor lha mo brgyad kyi gtso/ /gnod sbyin drag po 'dul mdzad 'jigs pa chen po'i sku/ /phyag gi yal gas spyi bo brgyan mdzad nag po khyod la phyag 'tshal nas/ /ma 'ongs
 khyad par 'jig pa'i dus bsnyen nas/ /rgyal pa'i bstan pa khyad par 'dzin mdzad dang/ /'khor ba'i sdug bsngal nub pa 'tshoms mdzad pa'i/ /rdo rje snying po la sogs he ru ka'i yung/ /gnang ba thob pa'i mthu stobs dang/ /bla ma dam pa'i mthu yis ni/ /bdag gi cung
 zad tsam du yang/ /rdo rje chi gtu bstan pa yis/ /da yi 'grel pa brtsam par bya/ /nam mkha' dang mnyam zhes bya ba la sogs pa ni 'dir ma bstan te skabs su bstan no/ /rdo rje 'tshig smras pa/ 'di skad bdag gis thos pa'i dus gcig na/ zhes bya ba sogs pa la/ de
 la rab tu dbye ba ni thos pa'i 'grel pas rnam par dbye ba yongs su bsgyur ba'i phyir lnga po don ldan pas gsungs so/ /de yang ston pa ni rdo rje 'dzin pa las 'jigs byed chen po'i sku sbrul te zhes bya ba la sogs par bstan to/ /de yang rang bzhin sprul pa'i gnas dur khrod chen po
 zhes bya bar bzhugs so/ /de'i tshe zhes bya ba ni 'khro yongs su bsdu bar gsungs pa'o/ /bcom ldan 'das gnyis su med par snang ba zhes bya ba'i ting nge 'dzin gyi byin gyis brlabs kyis chos yongs su bstan te/ de yang gnon sbyin gyi gdug pa bsal nas sdud pa po yis rdo
 rjes tshigs yongs su bstus pa ni dus nges par gzungs pa'o/ /de lta bu lnga'i don tshogs pa'i stobs kyis 'di skad ces bya ba ni rdo rje'i phrad 'brel ba'i stobs kyis ma nor bar bzung ba ste/ /de yang 'khor la bshad pa'o/ /bdag gis zhes bya ba ni sdud pa po tshad dang ldan
 pa'i don to/ /gis zhes bya ba ni des yongs su bsdus te bshad pa'o/ /thos zhes pa ni ston pa'i tshig las 'brel pa'i stobs kyi rang bzhin gyis chos ma nor bar bsdus pa ni thos pa'o/ /dus zhes pa ni rdo rje'i tshig gi 'khor lo 'byung ba'i dus so/ /gcig
 na zhes bya ba ni thun mongs ma yin par bstan pa'o/ /yang 'di skad bdag gis thos pa dus gcig na zhes bya ba ni e baM mA ya'i 'bru bzhir rab tu bsgrub par ji ltar 'gyur ba de ltar bcom ldan 'das bzhugs pa'o zhes bya bar 'brel to/ /don ni 'di lta ste/ e baM mA ya'i
 rang bzhin ngo bo de la bcom ldan 'das gnas so/ /de yang e baM mA ya'i yig 'bru rnams kyis rang gi ngo bo gang zhe na/ /e ni sa'i khams rnam par dag pa dang/ sku'i rang bzhin dang/ byams pa chen po'i thabs kyi gnas te/ sna tshogs pa'i gzugs las grol ba'o/ /
 baM ni chu'i khams rnam par dag pa dang gsung gi rang bzhin te/ snying rje dang smon lam gyi tshul gyis gdug pa 'dul pa'i tshul 'dzin pa'o/ /mU ni me'i khams rnam par dag pa dang/ /thugs kyi rang bzhin dga' ba stobs kyis sbyin pas gdug pa 'dul ba'i ting nge 'dzin
 las chos 'byung ba'o/ /ya ni rlung gi khams rnam par dag pa dang gnyis su med pa'i rdo rje'i rang bzhin te/ bdud thams cad 'joms pa'i ting nge 'dzin gyis btang snyoms dang ye shes kyi sbyor bas 'khor yongs su gzung ba'o/ /dus ni sdud pa pos chos yongs su bsdus te
 bshad pa'o/ /yang na e ni gnas so/ /baM ni ston pa'o/ /mA ni 'khor yongs su bzung ba'o/ /ya ni chos khyad par gyis bsdus pa'o/ /yang bye brag du bstan pa ni/ /e ni chos kyi 'byung gnas te gnas dang gzhi'o/ /paM ni der lha'i sku rdzogs pa'o/ /mA ni nye bar
 bsgrub pa'i bsnyen pa dang ldan pa'o/ /ya ni phrin las rdzogs par byed pa ste/ de lta bu'i khyad par ni gleng gzhi'i don mdor bstan pa'o/ /bcom ldan 'das zhes bya ba ni ston pa dpal rdo rje 'dzin pa ste/ de yang b+ha ga'i sgra'i sbyor bas rnam pa gnyis te/ dbang
 phyug la sogs pa'i yon tan drug gi don dang/ /nag po drag po chen po la sogs pa 'khor gyi tshogs yongs su bzung nas gdug pa bcom pa'o/ /sku dang gsung dang thugs rdo rje zhes bya ba ni sa'i khams la sogs pa'i dbyebs gnas pa dang/ yang na sku zhes bya ba
 ni phung po lnga rnam par dag pa'i bdag nyid dang rnam par snang mdzad la sogs pa rigs lnga'i rang bzhin gyi gnas so/ /de rnams kyi thugs ni rigs drug pa rdo rje 'dzin pa'o/ /de yang sku ni sa'i khams dang byams pa'i rang bzhin te/ buk+ka si'i btsun mo la
 gnas so/ /gsung ni chu'i khams dang snying rje'i rang bzhin gyis sa bA rI'i btsun mo la gnas so/ /thugs ni me'i khams dang dga' ba'i rang bzhin gyis tsaN+Da lI'i btsun ma la gnas so/ /rdo rje ni rlung gi khams dang/ btang snyoms kyi rang bzhin gyis DoM bi na'i btsun mo
 la gnas so/ /de lta bu'i bcom ldan 'das sku dang gsung dang thugs rdo rje'i dkyil 'khor gyis bzhugs so/ /de yang gnod sbyin drag po 'dul ba'i don du nag po drag por sprul nas zhes bya ba ni bcom ldan 'das gnyis su med pa'i ting nge 'dzin la zhugs nas mngon par
 byang chub pa lngas mngon par rdzogs par sangs rgyas pa ni/ nag po chen por sku sprul zhes bya ba'i don to/ /'jigs byed chen po'i sku mdzad de zhes bya ba ni nag po drag po dang cha byang mthun par bstan pa'o/ /nag po drag po zhes bya ba ni gnod sbyin no/ /shin tu yang zhe bya ba ni gnod sbyin no/ /
 shin tu yang zhes bya ba ni bdug pa che ba'o/ /shin tu mi bzad pa zhes bya ba ni de'i gnyen por sku bzhengs pa'o/ /mdzad de zhes bya ba ni gdug pa gzhom par mdzad pa'o/ /dur khrod ces bya ba ni phyi'i dur khrod nye ba'i tshal la sogs pa'o/ /gnas mchog ces bya ba ni rang bzhin/
 gyi gnas de yang gri gug gi gur khang ngo/ /gnas mchog ces bya ba ni rang bzhin gyi gnas te chos kyi 'byung gnas so/ /bzhugs so zhes bya ba ni sprul pa'i skur bzhugs pa'o/ /de'i ho zhes bya ba gnod sbyin nag po 'dug pa 'joms par mdzad pa'i che'o/ /
 thugs rdo rje las sbrul pa'i mkha' 'gro ma zhes bya ba ni de'i don ni gnyis te/ bka' dngos kyi nye ba'i 'khor du gyur pa ni phyi rol ba'i gau ri la sogs pa'i lha mo brgyad kyi bdag nyid do/ /de yang bcom ldan 'das kyi 'khor lo'i lha mo gau rI la
 sogs pa rnams kyis phyi rol pa'i gau rI la sogs pa gdan du byas pas dam tshig gi stobs kyis bka' la brtags pa'o/ /de'i phyir thugs rdo rje las sprul pa'i mkha' 'gro ma zhes bya'o/ /dam tshig gi mkha' 'gro ma zhes bya ba ni gtso bo'i dam tshig
 las mi 'da' zhing dam tshig gi 'khor lor rgyun du gnas shing dam tshig las mi 'da' ba' o/ /de yang 'di rnams te gsod byed ma la sogs pa brgyad ni shar phyogs na gnas pa ste sku mdog dkar mo/ /gsong byed ma dang thod pa'i dum bu ma dang/ rab
 tu gtum mo dang/ keng rus chen mo dang/ gtum mo'i mig cA ma dang/ lang ka'i dbang phyug ma dang/ 'od ldan ma dang/ mche ba rnam par gtsigs ma'o/ /lho phyogs nas 'gugs byed ma la sogs pa ste sku mdog ser mo/ /de lang 'gugs byed ma
 dang sna chen ma dang/ chang 'thung ma dang/ brtan pa'i blo can dang/ 'od byed ma dang/ rdo rje'i pho nya mo dang/ lang ga'i srin mo'o/ /rmongs byed ma la sogs pa ni/ /nub phyogs na gnas pa ste sku mdog dmar mo'o/ /de yang rmongs byed ma dang/ pad+ma'i sku dang/
 rlung gi shugs can ma dang/ rdo rje hUM mdzad ma dang/ khrag 'thung ma dang/ rab tu bzang mo dang/ lha mo sngo bsangs ma dang/ rdo rje khro gnyer ma dang/ shin tu bzang mo dang/ de dag thams cad kyang zhal gcig phyag gnyis pa/ spyan gsum pa/ gri
 gug dang thod a lag na 'dzin pa'i gar gyi gnas pa dam tshig gi 'khor lo la gnas shing/ dam tshig mi sphang pas na/ dam tshig gi mkha' 'gro zhes bya'o/ /las las grub pa zhes bya ba ni gnas rnams su las las skyes shing 'khor lo'i bdag po la sogs
 pa/ bka' bsgo ba nyan cing las byed las na yas kyi mkha' 'gro ma zhes bya'o/ /de yang gnas 'di rnams su sku gsung thugs kyi tshul du gnas pa ste/ gnas re re na mkha' 'gro ma gsum gsum gnas so/ /de yang gnas ni pul+li ra ma la ya dang/ dzA lanb+ha?  ra dang/ u
 rgyan dang/ a rbu da dang/ go da ba ri dang/ ra mi tha ri dang/ de ri ko Ti dang/ mA la wa dang/ kA ma rU pa dang/ o dre dang/ tri sha ku dang/ ko sa la dang/ ka langka dang/ lam+b+ha ka dang/ ka ny+tsi dang/ hi mA la dang/ bre ta pu ri dang/ gra hi de ba dang/ sau raSh+Ta dang/ su war? Ni
 dwi pa dang/ nA ga ra dang/ sinhu dang/ ma ro tha li dang/ ku lu ta dang/ gnas de dag ni khyad par gyi gnas nyi shu rtsa bzhi ste/ de re re nam mkha' 'gro ma las las skyes pa mkha' 'gro ma gsum gsum gnas so/ /de yang khrag 'thung ma dang/ shin tu dpa' mo
 dang/ 'jigs byed chen po ste de gsum gyis khrag skyag par byed pa'i las byed pa'o/ /dzA lam d+ha ra na klu'i dbang mo dang/ myur 'gro ma dang/ sgrub kyi chun 'phyangs ma ste de gsum klu la dbang byed pa glu'i las byed pa'o/ /u rgyan du ni rdo rje khra mo dang/ dkar mo dang/
 stobs chen mo ste de gsum gyis ni dbye ba'i las myur du 'grub po/ /a ra bu dar ni sgeg mo dang/ 'khor lo'i shugs can ma dang/ rlung gi dbang mo ste de gsum gyis ni myur du skrad pa'i las byed pa'o/ /go da ba ri re ni lto 'phyangs ma dang/ pad+ma'i phreng ba ma dang/
 rmongs byed ma ste/ gsum gyis ni rmongs pa'i las byed pa'o/ /ra me shwa rir 'od dpag med dang/ rta rnam dang/ 'gugs byed ma ste de gsum gyis ni myur du 'gugs pa'i las byed pa'o/ /de wi ko Tar ni rdo rje 'od 'bar ma dar/ /rdo rje pho nya mo dang/ rdo rje dba' phyer ma'o/ /
 de gsum gyis ni dbang du byed pa'i las grub par byed pa'o/ /ma la bar ni rdo rje sku zhes bya'i mkha' 'gro ma dang/ /ri rab skul byed ma dang/ stobs kyi dbang mo ste gsum gyis rengs par byed pa'i las sgrub pa'o/ /kA ma rlu bar ni/ rno ba'i gzugs
 ma dag phrag gzugs ma dang/ rdo rje go cha ma ste de gsum gyis ni thams cad du/ yungs kar gyi gzugs kyi pho nya'i las sgrub par byed pa'o/ /o drer ni 'khor lo sgyur byed ma dang/ rdo rje ral pa mi bzad ma dang/ gtum pa'i khro gnyer ma'o/ /de gsum gyis ni sna
 tshogs pa'i las sgrub par byed pa'o/ /ti sha ku ner ni yid 'phrogs ma dang/ gzugs gnyis ma dang/ kun tu rgyu byed ma'o/ /'di gsum gyis ni las thams cad sngon du 'gro ba ste rgyu ba'i las smin par byed pa'o/ /kos lar ni zhing skyong ma dang/ hUM mdzad ma dang
 bsrog 'thung ma'o/ /'di? gsum gyis ni thams cad du thig le gzhom pa'i las myur du grub par byed pa'o/ /ka lir? kar? ni rab tu 'jigs ma dang/ nam mkha' i lus can ma dang/ drag mo tshan mo ste/ 'di gsum gyis ni kha sbyar gyi las myur du rdzogs par byed pa'o/ /
 lam bkar ni tshendo ha'i bdag mo dang/ 'khor los sgyur byed ma dang/ rdo rje shugs can ma ste de gsum gyis ni 'khor los sgyur byed kyi las myur du sgrub par byed do/ /kany+tsir ni 'khor lo'i go cha ma dang/ /gzugs can ma dang/ /kun tu 'bebs byed ma
 ste de gsum gyis tshar gyi rgyun 'bebs pa'i las byed pa'o/ /hi ma lar ni mig mi bzang ma dang/ khwa gzugs ma dang/ rdo rje gsus chen mo dang/ de gsum gyis ni thams cad du mi srun pa'i rdo rje ser ba 'bebs pa'i las byed do/ /pre ta pu rir ni stobs kyi dbang
 phyug ma dag 'khor lo'i go cha ma dang/ nam mkha' i snying po ste de gsum gyis ni thams cad du rdo rje'i ser bsrung ba'i las byed do/ /gri ha de ba tar ni dpal gyi dbang mo dang/ nor 'dzin ma dang/ /khaN+Da ro ha ma ste de gsum gyis ni nor gyi dbang phyug sgrub pa'i las
 byed do/ /si raSh+Ta ra ni shin tu 'joms ma dang/ gshin rje'i pho nya mo dang/ brtan pa'i dbang mo ste 'di gsum gyis ni gnas pa'i las rdzogs byed pa'o/ /su warna dwi par ni nam mkha' i 'khor lo ma dang mtshon cha'i gzugs can ma dang/ 'jigs byed ma'o/ /'di gsum
 gyis ni la du'i las rdzogs par byed do/ /nA ga ra/ ni me gzugs ma dang/ skems byed ma dang/ rlung gi 'khor lo ma ste 'di gsum gyis ni spos kyi sgrub pa rdzogs par byed pa'o/ /sind+hu ra ni skem ma dang/ las ma dang/ tsa nu ti te 'di gsum gyis ni gsang ba'i sbyin sreg
 gi las rdzogs par byed pa'o/ /ma re tha lir pad+ma gar gyi dbang phyug ma dang/ stobs kyi dbang phyug dang/ dur khrod kyi bdag mo ste/ de gsum gyis ni thun mong gi sbyin sreg gi las rdzogs par byed pas so/ /ku lu tar ni rdo rje sems dpa' ma dang/ brtson 'grus chen mo
 dang/ gtum pa'i 'khor lo ma ste 'di gsum gyis ni thams cad du rnal 'byor ba'i rgyud srung ba'i las byed pa'o/ /mkha' 'gro ma 'di dag thams cad kyang 'jig rten gyi khams na gnas pa ste/ de yang bcom ldan 'das kyis bka' i 'khor lor byin gyis brlabs nas
 las thams cad byed par bka' bsgos pas las kyi mkha' 'gro ma zhes bya'o/ /'jigs byed ma las byed ma la sogs pa zhes bya ba ni de la 'jigs byed ces bya ba ni dur khrod chen po brgyad na gnas pa'i gnod sbyin chen po brgyad de/ drag tu gtum pa na bdag
 po drag po gnas so/ /'jigs su rung ba na rdo rjeg tu mo gnas so/ /'ur 'ur 'bar bas khyab a na rdo rje ro langs gnas so/ /tshang ching 'khrigs pa na rdo rje g+ha las gnas so/ /de dag ni shar la sogs pa'i go rim byis phyogs bzhir gnas so/ /gzhan yang ha ha ra rgod pa na
 tshogs kyi bdag po gnas/ nags tshal phun sum sogs pa na gnod sbyin ru ru gnas so/ /mun pa mi bzad pa nag gnod sbyin gar mkhan mchog gnas so/ /ki li ki li'i sgra sgrogs pa na gnod sbyin lcags kyi rme bcan gnas so/ /de dag dbang ldan la sogs pa'i
 mtshams rnams su legs par gnas so/ /gzhan yang 'jigs byed ma zhes bya ba ni khwa gdong ma dang/ phag gdong ma dang/ khyi'i gdong can ma de nga/ 'ug ba'i gdong can ma la sogs pa rnams ni shar la sogs pa'i phyogs kyi dur khrod
 na 'jigs pa'i gzugs kyis gnas so/ /gshin rje'i pho nya mo dang/ gshin rje brtan pa'i bla can ma dang/ gshin rje mche gtsigs ma dang/ gshin rje 'joms ma ste 'di rnams kyang dbang ldan la sogs pa'i mtshams rnams su legs par gnas so/ /yang
 'jigs bye ces bya ba'i don ni de rnams kyis gtso bo'i bka' sdod cing 'jigs pa chen po'i stobs kyis las rnams thogs pa med par grub pas na 'jigs byed dang 'jigs byed ma zhes bya'o/ /tshogs zhes bya ba ni de rnams 'dus pa'o/ /yongs su bskor zhes
 bya ba ni 'di dag byin gyis brlabs nas 'khor du yongs su bzung ba'o/ /de'i tshe zhes bya ba ni 'khor de dag kyang nag po'i 'khor yin pa'i cho zhes bya ba'i phyir ro/ /bcom ldan 'das zhes bya ba ni gong du smos pa'i 'khor lo'i bdag nyid de/ de yang bcom ldan 'das bya ba'i
 don ni nag po drag po la sogs pa'i 'dug pa bcom zhes bya ba'i don to/ /gnyis su med par snang ba zhes bya ba ni gdug pa bcom pa'i phyir 'khor lo'i gtso bo la bsdus pa zhes bya ba'i don to/ /ting nge 'dzin zhes bya ba ni gtso bo yang stong pa nyid du gyur pa'o/ /las
 zhes bya ba ni stong pa nyid las so/ /nag po chen por spya lte zhes bya ba ni gong du bstan pa bzhin du cho ga lngas sku rdzogs pa'o/ /bcom ldan zhes bya ba ni gtso bo nag po chen po nyid do/ /thugs ka zhes bya ba ni gri gug dang hUM gi rnam pa'o/ /'od zer zhes bya ba ni gri gug
 dang hUM gi rang bzhin du spros te zhes bya ba'i don te/ /phyogs dang mtshams zhes bya ba ni shar la sogs pa'i 'khor gyi bye brag go /thams cad ces bya ba ni 'khor thams cad do/ /khyab gnas zhes bya ba ni thams cad kyi snying kar 'od zer zhugs nas khyab ba'o
 gnod sbyin gdug pa bsal nas zhes bya ba ni gnod sbyin ni nag po drag po la sogs pa'i 'khor rnams so/ /gdug pa ni phyin ci log gi rnam par rtog pa ste/ bsal zhes bya ba ni 'od zer des gdug pa bsal nas rgyu'i 'khor du bzung ba'o/ /gur dang ra ba dang dra bar gyur te zhes bya
 ba ni 'khor rnams sku dang gsung dang thugs kyi dam tshig la gnas par bya zhes bya ba'i don to/ /yang na bsrung ba'i 'khor lo'i bdag nyid du shes par bya'o/ /gnas pa'i che zhes bya ba ni rgyu'i 'khor du yongs su rdzogs pa'i tshe'o/ /mkha' 'gro ma dang nag po chen po'i tshogs
 kyis phyag 'tshal zhes bya ba'i nam mkha' dang mnyam pa'i tshig gis bstod/ /gtso bo'i dam tshig las mi 'da' 'o zhes bya ba'i don to/ /bcom ldan 'das la gsol pa zhes bya ba ni rdo rje 'dzin pa las sprul pa'i gtso bo la'o/ /nag bos ci zhig bshad ces bya ba ni
 'khor gyi gleng gzhi rgyas par zhus pa'o/ /bcom ldan 'das kyis bka' stsal pa zhes bya ba gtso bor gyur pa'i nag po drag po'i stobs kyis ting nge 'dzin la gnas te/ /ting nge 'dzin de'i stobs kyis sdud pa pos yongs su bsdu te zhes bya ba'i don to/ /'di ni nag po drag
 po'i rgyud ces bya ba ni 'di skad bdag gis zhes bya ba nas nge skad ces bka' stsal nas zhes bya ba'i mthar thug pa'i rgyud las brnyes pa'i don brjod pa ni rgyud ces bya'o/ /dur khrod chen po zhes bya ba ni phyi'i dur khrod de nag po chen po'i gnas so/ /chen po ni gtso bo'i gnas dang
 bzhi'o/ /gnas na zhes bya ba ni gnas gnyis ta/ ri rab kyi gnas dang 'dzam bu'i gling gi gnas so/ /'jam du'i gling gi rnal 'byor par bya zhes bya ba ni rnal 'byor pa gnod sbyin 'od zer can zhes bya ba ni rab kyi gnas nas 'dzam pa'i gling du nye ba'i rigs dang 'dra la ba'i
 stobs sad pas dpar phyug chen po'i rnal 'byor ba gcig tu gyur te/ thun mong gi dngos grub brgyad thong ba'i stobs dang ldan no/ /de yang gnod sbyin gyi 'brel pa'i stobs kyis sha khrag la dga' bas srog dang dbugs la dbang byed do/ /ri rab lha'i grong khyer na
 gnod sbyin nag po chen po gnas so/ de yang sngon 'byung gi dbye ba 'di lta ste/ de bzhin gshegs pa gtsug gtor can gyi bstan pa la ri mo mkhan gyi rigs las dge slong bde ba'i 'khor lo zhes bya ba byung ste/ de yang kha dog gnag
 cing yid gtum pa can te/ bden pa bzhi'i brlab pa'i gnas nas de bzhin gshegs pa'i nye ba'i 'khor du gyur te/ dge slong de yang skad cig ma sum cu rtsa gnyis kyis 'bras bur nye bar gyur te/ mngon par shes pa dang ldan pas de bzhin gshegs pa'i spyan
 snga na bdag ni mdon par shes pa dang ldan no snyam nas mngon pa'i nga rgyal byed do/ /de bzhin gshegs pas dge slong khyod log pa'i nga rgyal lnga te/ dper na 'dod khams kyi dbang phyug chen po des lha thams cad las bdag stobs che'o snyam pa'i
 nga rgyal gyis ri rab klang la bskor ba dang/ rgya mtsho chen po yang dbugs kyis rngub pa dang/ dga' bo dang nyer dga' la sogs pa'i klu chen po rnams kyis brgyan du byas pa'o/ /nyi zla thod du bcings/ lha bram zas su za ba lta bu'i stobs dang ldan te/ /nges
 kyang bdag ni 'jig rten 'di na stebs chen po yin snyam pa las de bzhin gshegs pa'i stobs nam mkha' i mdza' dang mnyam pa la de yi stobs ni rtsa rdul gyi rdul tsam yang mi phod do/ /dge slong khyod kyang de dang? 'dra bas nga rgyal ma byed ces smras pa la
 dge slong de'i sems shin tu dman par gyur nas bdag ni de bzhin gshegs pa'i 'khor du gyur pa la dgos pa ci zhig yod snyam nas lho phyogs kyi nags tshal zhig tu song nas gnas pa de'i nags tshal de na bdag phyug chen po'i rten cig
 gnas pa la dge slong des zhag nyi shu rtsa gcig tu mchod pa dang bskor ba la sogs pa byas nas gsol ba btab pa'i tshe/ dbang phyug chen pos rmi lam dud ge slong khyod bdag gi sras su bur gyur te/ 'jig rten 'di na khyod stobs che ba'i dngos grub
 spyin no zhes rmi lam du lung bstan to/ /de nas de bzhin gshegs pa nges dge slong dbang phyug chen po la skyabs su song bar dgongs nas de bzhin gshegs pa dge slong zhig tu mdzad nas nags tshal du dge slong de'i gam du song nas dge slong khyod mi zhig ces
 bka' bsgo ba las dge slong des bdag ni de bzhin gshegs pa'i 'khor du ma chung nas dbang phyug chen po la skyabs su song zhig yin zhes smras pa la/ de bzhin gshegs pa des/ dge slong yang dag lam ni rnyed gyur nas/ /'khrul pa'i lam la 'jug
 byed pa/ /dper na gsal ba'i mig thob nas/ /rab rib skyon gyis bsgom pa bzhin/ dge slong khyod ni de lta bu zhig ces bka' stsal pa dang/ de nas dge slong de lhag pa'i bsam pa dang ldan nas bdag gis ci zhig bgyi zhes gsol ba dang/ de bzhin gshegs par dge
 slong des dge slong khyod de bzhin gshegs pa la sogs pa gso sbyong bya bar gnang ngo zhes bka' stsal nas de nyid du mi snang bar gyur to/ /de nas dge slong de nags tshal nas song ste de bzhin gshegs pa'i zhabs drung du phyin nas gso sbyong mang bo byas te
 de bzhin gshegs pa la gsol ba bdag ni tshe'i mthar phyin pas bdag la bstan gsol/ /de bzhin gshegs pa des khyod ni rton log pa'i mthus skye ba mang du brgyud nas dbang phyug chen po'i bu nag po drag po zhas bya bar skye ba blangs nas de yang
 dag pa'i rten las log pas na nag po yin la dbang phyug chen po'i stobs rnying pas dran po zhes bya'o/ /chen po ni srid pa gsum la dbang byed pas so/ /de'i mthar de bzhin gshegs pa phun sum tshogs pa mdza' dag 'dzin pa zhes bya ba'i bstan pa la khyod
 dus gsum gyi de bzhin gshegs pa thams cad kyi bstan pa srung par sems bskyed pa sngon du song pas na mngon par byang chub par sa bcu'i byang chub sems dpa' nag po zhes bya bar byung nas de bzhin gshegs pa'i bstan pa bsrungs nas chogs
 rdzogs te/ rdo rjes brgyan ba zhes bya ba'i zhing khams su sangs rgyas bcom ldan 'das thal ba can zhes bya ba mngon par rdzogs par sangs rgyas par 'gyur ro/ /de bzhin gshegs pa des de ltar lung bstan nas dge slong de skye ba dpag
 tu med pa brgyud nas de bzhin gshegs bas lung bstan pa dang/ dbang phyug chen po'i rjes su gnang ba'i stobs kyis dbang phyug chen po'i sras nag po drag po zhes bya bar skye ba blangs te de yang ri rab kyi steng na gnas so/ /grong khyer sum rtsegs ces bya ba ni lha dang
 klu dang/ lha ma yin la dbang byed pas na'o/ /gnod sbyin zhes bya ba ni srid pa gsum la gnod pa sbyin pa'o/ /rnal 'byor lus la gzi byin bskyed ces pa ni rgyu mthun pa'i 'brel pa'i stobs kyis gong du bstan pa'i rnal 'byor gyi rgyud la nag po zhugs
 ba'o rta nag po'i gzugs 'chang gdug pa can zhes bya ba ni nag po'i kha dog nag po'o/ /gzugs 'chang zhes bya ba ni gnod sbyin gyi gzugs 'chang ba'o/ /gdug pa can zhes bya ba ni srog dang dbugs la dbang byed pa'o/ /nya ba'i gri dang thod
 pa 'dzin ces bya ba ni phyag mtshan no/ /dug gi la du rtag tu za zhes bya ba ni gnyen po las mthun pa'i dam rdzas su gyur pa'o/ /dus gsum grong khyer sum brtseg dkrug ces bya ba ni dus gsum zhes bya ba nyin mtshan dus drug tu'o/ /grong khyer sum
 brtse zhes bya ba ni ri rab kyi grong khyer dang 'dra bar 'dzam bu'i gling gi grong khyer ro/ /dkrug ces bya ba ni de na gnas pa'i mi rnams kyi srog 'phrog par byed pa'o/ /sha chen zhes bya ba nas khrag ces/ ba ni sngon du rgyun du zhugs pa'i kha zas te/
 de yang sha lnga dang bdud rtsi lnga'i bdag nyid du shes par bya'o/ /khrag 'thung zhes bya ba ni 'gro ba'i dbugs 'phrog par byed pa'o/ /yang na ma rig pa la sogs pa'i nyon mongs pa 'joms pa nyid do/ /kha nas khrag ces bya ba ni sems can rnams
 la nad kyi rgyun 'bebs pa dang/ sangs rgyas bstan pa srung ba la sogs pa dang/ 'khor ba'i 'dod chags spong ba'i don gyi kha nas khrag 'dzag ces bya ba'o/ /ro bsregs sman dang zhes bya ba ni mar nag chen po'i mar me la sogs pa'i khyad
 bar gyis mchod pa'o/ /gsung chen zhes bya ba ni gnod sbyin gyi gdug pa bsal ba'i rdzas dang/ de yang dur khrod du sbyor ba'i spos so/ /dur khrod la gnas dri yi mchog ces bya ba ni skyes bu mtshan dang ldan pa'i zhid do/ /la gnas tri zhes bya ba ni de
 las byung pa'i dra'i/ /ma cheg ces bya ba ni dung khrod du bsgrub ba'i bdud rtsi'o/ /dus gsum du ni bsnams byed cing zhes bya ba ni rdzas de dag mthun pa'i dam rdzas sog 'dzin pa yin pas na rtag tu yang mi 'bral lo zhes bya ba'i don to/ /dgug pa zhes bya
 nga ni nag po dag po'o/ /sprul pa zhes bya ba ni de'i 'khor du gtogs pa'o/ /'khor de dag kyang gtso bo dang nas pa mnyam pas na sprul zhes bya'o/ /sna tshogs 'byed ces bya ba ni sangs rgyas kyi bstan pa la zhe sdang ba rnams kyi srog gi gnyen po
 'byed pa'i phyir dang/ /gzugs sna tshogs kyis bstan pa srung ba'i phyir ro/ /de ni nag po drag por bshad ces bya ba ni nag po drag po'i rgyud kyi gleng gzhi bstan pa'o/ //de nas nag po chen po gsol ba zhes bya ba ni sdug pa pos 'bras bu'i
 'khor rgyas par zhus pa'o/ /bcom ldan 'das zhes zhus pa ni gtso bo la'o/ /nag po drag po zhes bya ba nas ji ltar lags zhes bya ba'i bar du 'bras bu'i 'khor du ji ltar 'gyur zhes bya ba dang/ gong du bstan pa'i don rgyas par zhus pa'o/ /
 bcom ldan 'das kyis bka' stsal pa zhes bya ba ni bcom ldan 'das sku gsung thubs kyi ting nge 'dzin zhugs pa'i byin gyis brlabs kyis 'gro ba 'dul pa'i don du sdud pa pos yongs su bsdus te bshad pa'o/ /sku gsungs thugs kyi rdo rje ni/ /lha yi lhar ni
 rnam par dag /ces bya ba ni de la sku ni zhal brgyad phyag bcu drug la sogs pa'o/ /gsung ni de bskyed pa yi sa bon no/ /thugs ni phyag mtshan du gyur pa'o/ /rdo rje ni sku yongs su rdzogs pa'o/ /lha ni de'i 'khor du gtogs pa'i mo'o/ /
 sku ni rten gyi dkyil 'khor ro/ /rnam par dag pa ni chu zla dang 'dra bar phyir ro/ /yang sku ni zhal gcig phyag gnyis pa'o/ /gsung ni phyag bzhi pa'o/ /thugs ni phyag drug pa'o/ /rdo rje ni phyag bcu drug pa'o/ /lha ni yum dang bcas pa'o/ /sku ni dkyil
 'khor 'khor lo'i bdag nyid do/ /rnam par dag pa ni rang gi ngo bo rnam par dag pa ste/ nag po drag po'i rgyud dag par byed pa nas rnam par dag ces bya'o/ /gnyis su med par snang ba zhes bya ba'i? dkyil 'khor 'khor lo bdag nyid gtso bo'i thugs kar
 'dus pa'o/ /ting nge 'dzin la snyoms par zhugs zhes pa ni gtso bo yang stong pa nyid du gyur pa'i phyir zhugs zhis bya'o/ /de nas zhes bya ba ni stong pa nas so/ /nag po chen po zhes bya ba ni gnod sbyin nag po drag po'o/ /cha byang mthun zhes bya ba'i sku mdog
 dang phyag mtshan mthun pa'i phyir ro/ /sprul mdzad ces bya ba ni me long lta bu dang/ mnyam pa nyid dang/ so sor rtog pa dang/ bya ba grub pa dang/ chos kyi dbyings kyi ye shes kyi thu rdzogs pa'i phyir sprul mdzad ces bya'o/ /bdag gi thugs kir 'od zer
 zhes bya ba nas dra bar gyur cig ces bya ba ni rgyu'i 'khor bstan pa ste gong du bstan pa'o/ /da ni 'bras bu'i 'khor yongs su rdzogs par bya ba'i phyir gtso bo'i thugs ka nas 'od zer gnyis byung ste/ nag po drag po la sogs pa'i 'khor rnams kyi
 snying gar zhugs nas 'od zer gyis bskul nas gtso bo rjes su dran par gyur te/ 'od kyi song bur zhu nas nag po drag po na gtso bo'i thugs kar zhugs so/ /'khor gzhan rnams ni sa bon gyi rang bzhin du gyur te gnas so/ /gnyis med gyur ces
 bya ba ni hUM dang gnyis su med ces bya ba'i don to/ /bdag gi thugs ka nas zhes bya ba ni thugs ka'i yi ge hUM las si/ /spros zhes bya ba ni bar ma'i skye ba ste/ de yang zhal gcig phyag gnyis pa 'od kyi gong bu'i nang nas sku mtho gang gi tshad gyur te/ bdag gi zhal nas
 byung nas mdun dbyung ba'o/ /de la gtso bos bka' bsgo ba/ /gsang ba gsum las byung ba yi/ /khyod ni nag po chen po yin/ /rdo rje gsum gyi bdag nyid khyod/ /de ni 'jigs byed chen po bshad ces bya ba ni/ /de yang gsang ni thun mong ma yin pa ste gtso bo'i
 rgyud kyis bsdus pa'o/ /gsum ni bye brag ste sku dang gsung dang thugs nyid la bya'o/ /byung zhes bya ba ni gtso bo dang tha mi dad par bsgrubs nas hUM las byung ba'o/ /khyod ni nag bo chen po yin zhes bya ba ni bar ma'i skye bo bsgrubs pa'o/ /rdo rje gsum gyi bdag nyid
 khyod ces bya ba ni sku rdo rje dang gsung rdo rje rang thugs rdo rje'i bdag nyid do/ /de ni 'jigs byed chen por bshad/ /ces bya ba ni rgyu'i 'khor las 'bras bu'i 'khor du bzhengs pa'i bar ma'i bsam gtan te/ de yang 'jigs byed ces bya ba ni gdug pa 'joms pa'i mthu dang
 lan pa'o/ /chen po zhes bya ba ni gtso bo'i stabs dang tha mi dad pa'o/ /khyod kyi rgyud ni rab bshad bya zhes bya ba ni 'khor gyi gleng gzhi'i rgyud bshad par bya zhes bya ba'i don to/ /de nas zhes bya ba la sogs pa gong du bstan zin to/ /rdo rje 'dzin pa'i 'od zer gyis
 zhes bya ba ni rdo rje 'dzin pa ni gtso bo'o/ /'od zer gyis zhes bya ba ni thugs ka'i hUM gi 'od zer gyis nag pa chen po la sogs pa'i 'khor rnams la phog pa'i/ /brgyal nas zhes bya ba ni 'khor rnams yig 'bru gsum gyi bdag nyid du gyur to/ /ting nge 'dzin
 la snyoms par zhes bya ba ni yi ge gsum yang go rims bzhin du zhugs so/ /stong pa nyid du gyur pa'i phyir zhugs zhes bya'o/ /de'i tshe zhes bya ba ni 'khor rnams kyi 'bras bu nyams su myong ba'o/ /bcom ldan 'das nag po chen pos zhes bya ba ni gtso bo ste de yang
 'khor rnams sang par byed pa'i phyir ting nge 'dzin la zhugs pa'o/ /ting nge 'dzin ni gri gug lcags kyu'i tshul du bzung nas zhes bya ba ste/ de yang gri gug ni gtso bo'i thugs ka na gnas pa'i gri gug go /lcags kyu ni nyi ma dang hUM gi rang bzhin no/ /
 'khor gyi thugs sad par byed pa'i phyir lcags kgyu zhes bya'o /tshul du bzung nas zhes bya ba ni gtso bo ste hUM la oM la sogs pa'i sngags kyis bskor bas/ /lcags kyu 'od zer dang bcas zhes bya ba ni hUM dang sngags kyi 'od zer ro/ /brjod par bya ba ni zhal nas
 spros pas chog go /sad par gyur nas zhes bya ba ni 'dir 'chang ngo/ /'od zer des bskul nas zhes bya ba ni 'khor rnams cho ga gsum gyi sku bzhengs pa'o/ /de nas nag po chen po zhes bya pa ni dam tshig sems dpa' i sku'o/ /dga' bar gyur te thal mo
 sbyar zhes bya ba ni 'bras bu'i 'khor du gtogs pa dang ngo mtshar che zhes bya ba'i don to/ /'khor de rnams kyi gtso bo rjes su yi rang pa ni bcom ldan 'das zhes bya ba la sogs pa'o/ /bdag ni zhes bya ba ni bar ma'i bsam gtan la gnas pa'i tshe'o/ /gtso bo zhes
 bya ba ni rdo rje 'dzin pa'i thugs ka'i 'od zer gyis so/ /phog nas zhes bya ba ni yi ge gsum du gyur pa'o/ /shin tu bde bar gyur zhes bya ba na stong pa nyid du gyur pa'o/ /gtso bo bcom ldan 'das nag po chen po zhes bya ba ni gtso bo'i 'od zer gyis bskul ba'o/ /
 bdag ni bde ba chen por gnas zhes bya ba ni cho ga gsum gyis sku rdzogs pa'o/ /bcom ldan 'das kyis bka' stsal pa/ zhes bya ba ni dam tshig chen po'i stobs kyis ting nge 'dzin la zhugs zhes bya ba'i don to/ /khyod ni gsang ba gsum gyi bdag ces bya
 ba ni 'khor de la gsang ba gsum gyi dam tshig bsgo ba'o/ /de yang 'di lta ste/ dus gsum sangs rgyas thams cad kyi/ /bstan pa bsrung bar byin gyis brlabs zhes bya ba la byin gyis brlabs pa ni gtso bo'i sku gsung thugs su byin gyis brlabs pa dang
 de bzhin gshegs pas lung bstan pa'i phyir khyod ni dpal nag po che zhes bya'o/ bstan pa bsrung bar khas blangs pa zhes bya ba ni/ /bstan pa ni dus gsum gyi'o/ /bsrung ba ni gdug pa dang ma rig pa la sogs pa'i nyon mongs pa 'joms pa'o/ /'bras
 bu'i 'khor du rdzogs pa dang/ /gtso bo'i dam tshig las mi 'da' ba' i zhes bya ba'i don to/ /shAkya seng+ge'i bstan pa la zhes bya ba ni khyad par du gdug dka' ba 'byung ba'i dus yin pa'i phyir ro/ /dam tshig chen po gnas par gyis zhes bya ba ni 'khor thams cad
 kyang 'khor gyi gtso bo'i dam tshig las mi 'da' o zhes bya ba'i don to zhes bka' stsal ba zhes bya ba ni dam tshig stobs kyi ting nge 'dzin las dam tshig 'khor lo'i ting nge 'dzin la zhugs pa'i phyir bka' stsal ces bya'o/ /dpal ldan nag po zhes bya ba nas 'jigs byed
 ma la sogs pa'i zhes bya ba'i bar du'o/ /de rnams ni 'khor gyi rnam gangs te gong du bstan to/ /de rnams kyang gtso bo'i dam tshig 'khor lo'i ting nge 'dzin la zhugs pa'i stobs kyis shin tu yang gnad la bab par gyur te/ shin tu yang 'dar ba zhes bya ba la sogs
 pa 'byung ste/ de yang 'dar ba dang zhes bya ba ni 'khor de rnams 'bras bu'i 'khor gyi tshad du ma phyin pa dang/ sku'i stobs ma rdzogs pas na 'dar ba zhes bya'o/ /gsung gi stobs ma rdzogs pas na skrag pa zhes bya'o/ /shin tu yang mi bzang par dran pa nyams par
 'gyur zhes bya ba ni thugs kyi stobs ma rdzogs pa'o/ /de lta bu'i stobs ma rdzogs pas ni sangs rgyas kyi bstan pa bsrung bar mi nus te/ de nas bcom ldan 'das zhes bya ba ni gtso bo ste/ de yang sku gsung thugs kyi stobs rdzogs pa zhes bya ba'i ting nge
 'dzin la zhugs te/ /de'i don ni 'khor rnams sku gsung thugs kyi stobs rdzogs par bya ba dang/ khyad par gyi dam tshig mi spong ba'i phyir gtso bo'i thugs ka na gnas pa'i hUM la stobs dang do tshig gi sngags kyis yongs su bskyong ba ste/ de yang oM zhes bya ba la
 sogs pa'i sngags las 'od zer 'phros te/ de yang zhal nas spros pas brjod ces bya'o/ /de nas zhes bya ba la sogs pa ni 'od zer de 'khor thams cad kyi thugs ka khyab ces bya ba'i don to/ /dran pa rnyed par gyur zhes bya ba ni 'khor
 de rnams kyang sku gsung thugs kyi stobs rnyed par gyur pa dang/ gtso bo'i dam tshig las mi 'da' zhes bya ba'i don to/ /bcom ldan 'das zhes bya ba ni nag po chen po'i bsnyen pa'i 'khor lo'i ting nge 'dzin la zhugs te/ ting nge 'dzin de'i stobs dang 'khor
 rnams stobs dang ldan par gyur pas rang gi srog gi snying po phul zhes bya'o/ /de yang rang gi zhes bya ba ni bka' sdod kyi nag po chen po la sogs pa'i 'khor thams cad kyi sku gsung thugs kyi rang bzhin no/ /srog gi zhes bya ba ni srog dang 'dra ba'i phyir dang
 srog lta bu nye bar sgrub pa yin pa'i phyir 'o/ /snying bo zhe bya ba ni gdug pa bcom nas yid skyob pa'i snying po len pas snying po'o/ /phul zhes bya ba ni 'khor thams cad kyis btso bo la'o/ /de yang oM gyi thog ma dang hUM gi mdza' can gyi sngags phul ba'o/ /
 de yang 'di sta ste/ 'di yi sngags kyi rgyal po ni/ /ma byung 'byus bar mi 'gyur ro/ /dgos pa thams cad sgrub byed pa'o zhes 'byung ba'o/ /de nas bcom ldan 'das kyis bka' stsal pa zhes bya ba ni gtso bos la bar rnams la mdzes pa'i tig brjod
 ba 'ong 'khor gyi dbang phyug ces bya ba ni thugs rdo rje las sprul pa'i mkha' 'gro ma la sogs pa'i 'khor thams cad la'o/ /legs so legs so zhes bya ba ni 'khor gyis legs par bzung zhing zhes bya ba'i don dang/ bsnyen pa dang nye pa'i bsnyen pa'i
 bdag nyid do/ /nag po chen po zhes bya ba ni 'khor gyis gtso bo la'o/ /legs so legs so zhes bya ba ni khyod kyi legs par bsdus la 'khor gyi tshogs la legs par shod cig ces bya ba'i don to/ /yang na thun mong gi las sbyor sgrub pa dang/ khyad par
 gyis las sbyor sgrub pa chen po'o/ /khyod la zhes bya ba ni sdud pa po la'o/ /nag po chen po'i zhes bya ba ni gleng bzhin phun sum tshogs pa'i bdag nyid do/ /rgyud ces bya ba ni phun sum tshogs las brnyes pa'i rgyud ngo/ /dur khrod chen po zhes bya ba ni 'di'i rgyud du dur
 khrod chen por brnyes pas na dur khrod chen po'o/ /bshad par bya zhes bya ba nas bka' stsal to zhes bya ba ni rgyus kyi don legs par sdus shig ces bya ba'i don to/ /de nas zhes bya ba nas 'khor gyi tshogs kyis gsol ba zhes bya ba ni 'khor gyi gtso bos rdo rje
 'dzin pa la zhu ba byas pa'i tshig go /bcom ldan 'das zhes bya ba nas ji ltar lags zhes bya ba ni dud pa pos gtso bo la rgyud 'byung ba'i dgos pa ji ltar lags zhes zhus pa'i don to/ /bcom ldan 'das kyis bka' stsal pa zhes bya ba ni gtso bo 'gro ba
 skyob pa'i ting nge 'dzin la zhugs te/ ting nge 'dzin gyi stobs kyis rgyud 'byung ba'i dgos pa bsdus pa'o/ /srid pa gsum zhes bya ba la sogs pa'o/ /de yang srid ba gsum zhes bya ba ni 'jig rten gsum pa'o/ /log pa'i phyogs 'dzin pa zhes bya ba ni dus
 gsum du bstan pa'i bgegs su gyur pa'o/ /bdud ces bya ba ni spyi'i bdud bzhi dang/ bla ma la rtag par sdar ba'o/ /mu stegs zhes bya ba ni sangs rgyas kyi bstan pa 'jig pa dang/ theg pa chen po le laN? Tra'i? phyir ro/ /srin po zhes bya ba ni theg pa chen po la
 mi 'jug cing byang chub sems spong ba'o/ /lha ma yin zhes bya ba ni rang gi lhag pa'i lha don nas 'jig rten pa'i lha la skyabs su 'gro ba dang/ dam tshig gsum spong ba'o/ /gnod sbyin zhes bya ba ni dngos grub gnyis kyi bar du gcong pa dang/ sems
 can thams cad la 'tshe bar byed pa'o/ /yang na srid gsum zhes bya ba ni ma rig pa nyid do/ /log pa'i zhes bya ba ni do las byung ba'o/ /phyogs zhes bya ba ni bzung ba'o/ /'dzin pa zhes bya ba ni de las byung ba'i 'jig pa nyid do/ /bdud chas bya ba ni
 gti mug go /mu stegs zhes bya ba ni nga rgyal gyi bdag nyid do/ /srin po ni 'dod chags kyi srin po'o/ /lha ma yin ni phrag dog gi rang bzhin no/ /gnod sbyin ni zhe sdang gi bdag nyid do/ /tshogs zhes bya ba ni de dag bcom pa'o/ /shAkya
 seng+ge'i bstan pa la zhes bya ba ni bstan pa'i tha ma ste/ de yang phyag rgya chen po'i dngos grub bsgrub pa la bar du gcod pas na gcod cing 'jig ces bya ba la sogs pa'o/ /de dag 'joms par bye ces byas ni bsnyen pa dang nye ba'i bsnyen pa nyid myur du bsgrub pa'i
 las dang sbyor ka chen pos 'joms pa'i phyir cho ga 'di dag bshad ces bya ba'o/ /rgyud kyi dang po zhes bya ba ni phun sum tshogs pa lnga'i bdag nyid de/ gleng gzhi zhes bya'o/ /de yang rgyud 'byung ba'i phyir gleng gzhi zhes bya'o/ /gnyis pa sngags kyi sbyor ba dang/
 zhes bya ba ni lha'i rnal 'byor te bsnyen pa'o/ /sngags zhes bya ba ni rnal 'byor gyi sgo nas sngags bzlas ba nye ba'i bsnyen pa'o/ /sbyor ka zhes pa ni bsang pa dang bskrad pa la sogs te/ sbyor ka chen po'i bdag nyid do/ /gsum pa lha zhes bya ba ni sngags
 bskyed pa'i rim pa dang ldan pa'i phyir ro/ /bzhi pa dkyil 'khor zhes bya ba ni lha'i rten dang ldan par bya ba'i don te/ sgrub pa po dkyil 'khor du smin par byas pa dang/ rten tshad dang ldan par bya ba'i phyir rab gnas zhes bya ba'o/ /par pu la sogs pa'i cho
 gang bshad ces bya ba ni khyad par gyi cho ga ste/ skabs su bstan par bya'o/ /bcu yi bdag nyid ces bya ba nas bka' stsol to zhes bya ba ni go sla'o/ /nag po chen po'i rgyud ces bya ba ni nag po chen po'i sgrub pa'i rgyud do/ /dur khrod chen po zhes bya ba ni bka' 
 sdod la sogs pa'i 'khor dur khrod na gnas shing dur khrod kyi bdag po yin pas na dur khrod chen po zhes bya'o/ /gleng gzhi'i le'u dang po zhes bya ba ni gleng gzhi ni gnod sbyin nag po la sogs pa 'khor 'bras bu'i 'khor du yongs su rdzogs pa ste gleng
 gzhi'o/ /le'u ni phun sum tshogs pa lnga'i bdag nyid rgyas par bshad pa'i le'u yin bas na le'u'o/ /dang po ni rgyud kyi dang po yin pa'i phyir dang po'o/ /dpal nag po chen po'i rgyud kyi gleng gzhi'i bshad pa ste dang bo'o// //gleng gzhi
 las yang dag par byung ba'i don mchog dang thun mong sgrub par byed pa'i thabs 'byung bas na de nas zhes bya'o/ /dpal nag po zhes bya ba ni sdud pa po la sogs pa'i 'khor rnams kyis so/ /bcom ldan 'das la gsol pa zhes bya ba ni rdo rje 'dzin pa
 la zhus pa'o/ /dang po rgyud don sgrub pa zhes bya ba la dang po rgyud ces bya ba ni rgyud ni gtso bo nag po chen po ste/ de yang sku gsung thugs kyi bdag nyid rgyud do/ /don zhes bya ba ni sngags b+he nges par na brtse ba dang snying po dang nang gi snying pos sku gsung
 thugs kyi dngos grub bsgrub pa'i phyir bsgrub ces bya'o/ /las kyi cho ga sna tshogs dang zhes bya ba ni thun mong gi las sbyor rnams so/ /des sgrub thabs dang ldan par ni zhes bya ba ni rgyud kyi sbyor ka chen po rnams so/ /bsgrub pa cho ga ji ltar lags zhes bya ba la/ de
 yang bsgrub pa ni bsnyen pa dang/ /nye ba'i bsnyen pa rnams so/ /cho ga ni sbyor ka dang sbyar ka chen po'o/ /ji ltar lags zhes bya ba ni mdor bsdus te zhus pa'o/ /bcom ldan 'das zhes bya ba ni ston pa'o/ /'jigs byed chen por mdzad ces bya ba ni 'dzigs byed
 chen po'i 'khor lo ting nge 'dzin la zhugs zhes bya ba'i don to/ /de nas gtso bos ting nge 'dzin gyi don bsdus pa bka' stsal pa zhes bya'o/ /rgyud 'di sgrub par byed 'dod pas zhes bya ba ni rgyud kyi 'khor lo'i bdag po bsgrub ces bya ba ni don to/ /sngags zhes
 bya ba'i 'dod ni ? pa'i sngags la sogs pa'o/ /cho ga zhes bya ba nas nges par bshad bya ba ni gtso bo dang 'khor gyi bskyed pa'i rim pa dang ldan pa'o/ /bsam gtan zhes bya ba ni lha'i thugs ka'i gri gug dang/ hUM gaM bdag nyid de do/ /don kyi mchog bya ba dang
 sngags zhes bya ba'i thugs ka'i hUM la rtsa ba'i sngags kyis bskor zhes bya ba'i don to/ /dngos grub bsgrub par 'gyur zhes bya ba ni sngags de nyid dngos grub kyi rang bzhin yin la/ de myur du grub par byed pas na 'grub ces bya'o/ /dpal
 ldan nag po'i rgyud kyi mchog ces bya ba ni mchog gi don thams cad sngags kyis 'grub pas na mchog ces bya'o/ /de yang sngags kyi rgyud kyi mchog yin pa'i phyir ro/ /sngags kyi rtsa ba 'di dag ces bya ba la sngags kyi thugs ka'i hUM ngo/ /rtsa ba 'di dag ces
 bya ba ni hUM la yongs su bskor ba'o/ /bshad ces bya ba ni zhal nas zhal du thugs ka nas thugs kar rgyun mi 'chad par ro/ /de yang oM la sogs so/ /'di ni rtsa ba'i don dang ldan zhes bya ba ni sku gsung thugs sgrub pa'i rtsa ba'i sngags yin pas na rtsa ba'i
 sngags zhes bya ba'o/ /las zhes bya ba nas bshad ces bya ba'i bar du ni las thams cad 'grub par bshad pa'i phyir ro/ /de yang e dam zhes bya ba la sogs pa'o/ /i dam na skabs kyi stobs kyis sgyur byed kyi tshig tu bshes par bya'o/ /'di ni zhes bya ba nas
 bka' stsal to zhes bya ba nas sngags kyi khyad par du sdud pa pos yongs su zhes bya ba'i don to/ /de nas dpal nag po chen po zhes bya ba ni 'khor gyi tshogs dang bcas pa'o/ /gzi brjid dang ldan gyur zhes bya ba ni 'khor rnams kyis sngags kyi don rtogs nas don mthu dang ldan pa'o/ /bcom ldan 'das la sogs pa zhes bya ba nas bshad du gsol zhes bya ba ni bsnyen pa'i don mdor bsdus te zhus pa'o/ /de nas gtso bos 'khor gyi tshogs la gzigs nas zhes pa ni bsnyen pa'i 'khor lo'i
 ting nge 'dzin la zhugs zhes bya ba'i don to/ /'di skad ces bka' stsal to zhes bya ba ni 'di skad bsdus pa'i phyir ro/ /de yang gang zhe na/ bsgrub par 'dod pas zhes pa ste/ de yang nag po chen po'i dkyil 'khor du dbang bskur ba'i dpa' bos bla ma la
 gnang ba nod cing 'dod pa bsgrub ces bya'o/ /de la dngos grub kyi rang bzhin 'dod pas dur khrod chen po zhes bya ba la sogs pa'i gnas su song la/ bdud rtsi lnga'i maN+Dal byas te gnas der dkyil 'khor dam thang ka la sogs pa'i rten dang ldan par byas te
 bdud rtsi lngas lus byug zhes bya ba ni spyi bo dang mgrin pa dang snying ga dang/ lte ba dang gsang ba'i gnas su bdud rtsi'i thig le byas te/ thig le'i gnas su nyi ma la ma dang hA dang kA dang la dang ya gnas par byas te/ oM gyi thog ma dang ko haM gi mdza' can gyis bdag
 skad cig gis lha'i nga rgyal du byas te de las lha'i 'khor lo rdzogs par bya ba ni lha'i le'ur shes par byas te/ de ltar rdzogs pa'i dkyil 'khor la khyad par gyi mchod pas mchod par bya ba ni/ /u pa k+She'i me tog ces bya ba la sogs pas mchod do/ /
 bsam gtan zhes bya ba ni yi ge gsum gyis sku gsung thugs kyi dam tshig du byin gyis brlab po/ /sngags zhes bya ba ni rtsa ba'i sngags te sgyer byed kyi tshig gi khyad par gyi mchod pa ste/ bsnyen par bya ba ni gtso bo dang mkha' 'gro ma'i sngags bzlas par
 bya ste/ de yang nang gi srog gi snying po ste gtso bo dang bka' sdod zhal nas thugs kar 'khor ba yin la/ 'khor gzhan rnams kyi ni so so'i thugs ka na gnas so/ /de ltar bsnyen pa byas na bsnyen par 'gyur ro/ /zhes bya'o/ /de yang sku gsung thugs kyi mtshan
 brnyed pa'o/ /de nas lam la sbyar ba bya ste mtshan ma ma thob pas ni ma yin no/ /dum bu drug ba zhes bya ba ni khrag gi nad kyis shi ba 'am rab chad dam/ de lta bu'i thod pa nag po'i dus su bslang bar bya ste/ de nas ni ma pa la sogs pa'i rdzas rnams thod pa'i nang
 su ni dug gi maN+Dal gyi stang du gzhag la/ bdag kyang bsgrub bya'i phyogs su mngon par phyogs te/ lha'i 'khor lo rdzogs par bya ste rdzas de la gang la dmigs pa de dgug gzhug gi sbyor ba dang ldan par bya ste/ de nas 'ug pa'i khrag gis thod pa'i nang du
 ne'i dkyil 'khor ra bas yongs su bskor bar bya'o/ /de'i dbus su gong gi rdzas kyis bsgrub bya'i gzugs 'ug pa'i sgros smyug gus bris zhes bya'o/ /de yang spyi bo la sogs pa'i gnas ldar me'i sa bon dang ldan par bya'o/ /de
 nas shing gcig gis rtsa bar bsgrub par ste de yang dur khrod kyi sa la dkyil 'khor zur gsum par byas te/ ra'i khrag gis me'i dkyil 'khor gyi dbyibs su bya ste/ der me'i sa bon gyis mtshan ma'i sgyed bu btsugs te/ de'i steng du thod pa gzhag
 par bya'o/ /de nas bdag dang bka' sdod kyi lha'i 'khor lo rdzogs par bskyed la mchod pa dang gtor ma la sogs pa bya ste/ nang gi snying po dang mkha' 'gro ma'i sngags kyi nye bar bsgrub pa'i bsnyen pa bya'o/ /de nas bdag dang bka' sdod kyi thugs
 ka'i 'od zer gyis thod pa rang bzhin med par byas la/ de nyid du khams las sna tshogs rdo rje'i brag bsam par bya'o/ /de'i dbus su raM las me'i dkyil 'khor bsam par bya ste/ der paM las sna tshogs pad+ma bsam par bya'o/ /bu li ri'i zur gsum du
 yang pad+ma dang nyi ma bsam par bya ste/ de'i steng du bsgrub bya'i snying khar lha'i 'khor lo cho ga gsum gyis bskyed par bya'o/ /gtso bo kha dog nag po zhal gcig phyag gnyis pa gri gug dang thod pa lag na 'dzin pa'o/ /khrag 'thung ma la sogs
 pa'i lha mo gsum po ni sku mdog nag mo cher 'jigs ma/ ral gri dang thod pa lag na 'dzin pa dpa' mo'i gzugs can spyan gsum pa'o/ /de ltar rdzogs par bskyed la thugs ka'i 'od kyis rang bzhin gyi dkyil 'khor bstim pa dang/ dbang
 bskur bar bya'o/ /de nas gtso bo'i lto bar me'i dkyil 'khor dbus su bsgrub bya'i gzugs ma'i sa bon gyis gsal bar dmigs la/ de nas bdag dang bka' sdod kyi thugs ka nas phyi'i srog gi snying pos gtso dang mkha' 'gro ma'i thugs
 khar khyab par byas la/ de la mchod pa dang gtor ma la sogs pa byas la dam tshig gi sngags kyis khyab par bya'o/ /de nas nang gi snying po dang mkha' 'gro ma'i sngags kyis so so'i thugs kar bsnyen pa bskyal lo/ /de nas dgug gzhug gi sbyor ba dang ldan par bya ste/
 de yang mkha' 'gro ma gsum las sprul pa'i mkha' 'gro ma lcags kyu dang zhags pa dang/ lcags sgrog can gsum gyi bsgrub bya de gtso bo'i lto bar me'i dkyil 'khor gyi dbus su myur bar dgug gzhug bcing bar bya'o/ /de nas bsad par bya ste/ thod pa'i
 'og tu dur khrod kyi mgal pa'i me spar la/ mkha' 'gro ma'i sngags kyis thod ba'i gzugs la bsnan par bya'o/ /de'i tshe mkha' 'gro ma gsum las kyang sprul pa'i mkha' 'gro ma phyung ste gtso bo'i lto ba na gnas pa'i bsgrub pa de'i spyi bo dang mgrin pa dang snying
 gar zhugs nas glad pa za ba dang/ dbugs 'phrog pa dang/ khrag 'thung ba'i bdag nyid du shes par bya'o/ /de ltar zhag gsum du sbyor ba dang ldan par byas la/ de nas shing car mnan pa bya'o/ /de ma thag tu khrag tu skyug ces bya ba ni sbyor ka de rdzogs ma
 thag tu bsgrub bya de de ma thag tu khrag tu skyug ces bya ba'i don to/ /gang zhig ma he rwa 'am phyag tshan gu ba zhes bya ba ni mnan pa'i rdzas mdor bstan pa'o/ /lus gur kum gyis byug ces bya ba ni dang por bdag nyid bsrung bar bya ste/ thod pha ras gnas
 byas pa'i nang du gung kum dang bdud rtsi rnam pa lnga blugs la/ bdud rtsi rnam pa lnga'i maN+Dal gyi steng du gzhag ste/ bdag dang bka' sdod kyi lha'i 'khor lo rdzogs par byas la/ thugs ka'i 'od zer gyi thod pa dang gur ku ma rang bzhin med par byas te/ der
 cho ga lngas nag po chen po gyogs par bskyed la/ de'i thugs kar zla ba dang nyi ma kha spyor bar du gur kum dang bdud rtsi'i rang bzhin nyi ma'i hUM las bsrung ba'i sngags kyis bskor bar gnas so/ /de la ye shes kyi lha bstim pa dang/ dbang bskur ba bya
 ste nge la phye'i snying po brjod la mchod pa dang gtor ma bya ste/ de nas nang gi snying po bsrung ba'i sngags dang bcas pa nag po chen po'i thugs kar bstim par bya'o/ /de ltar bzlas ba stong phrag gcig tshar ba'i mthar 'od du zhu nas
 gur kum gyi rang bzhin gyi rjes su gyur par bya'o/ /dpral bar thig le zhes bya ba ni dpral ba la sogs pa gnas lngar thig le bya'o/ /de yang thig le'i gnas su nyi ma'i dkyil 'khor gyi steng du hUM bsam par bya ste/ thams cad ces bya ba ni bsrung ba'i
 sngags kyis hUM yongs su bskor te/ /de'i 'od zer gyis lus thams cad khyab pa'i phyir ro/ /bsrung bar 'gyur zhes bya ba ni lus kyi ba spu'i bu ga thams cad du rdo rje rtse gsum pa dang hUM gi bdag nyid du gnas te klu'i gdug pa bsal ba'i cho gar gyur pa'i phyir ro/
 de nas bdud rtsi la maN+Dal byas la bdag nub phyogs su mngon du phyogs lar dkar mo zhes bya ba la sogs pa'o/ /rdzas kyi dur khrod kyi ras la zhes bya ba ni klu nad kyis shi ba'i zhing ras la bya'o/ /'ug pa'i smyu 'gu zhes bya ba mas hUM phyin phyogs su zhes bya ba'i
 bar phyi'o na ni go sla'o/ /de yang bri ba ni nyi ma phyed na'o/ /byi la nag mo'i pags pa zhes bya ba nas dur khrod kyi snag tsha zhes bya ba ni tshe gar bya ste/ nam byed na bdag kha shar phyogs sam bsgrub bya'i phyogs su bltas te dug sna tshogs pa la maN+Dal byas la/ de'i steng
 du gong gi rdzas tshogs par byas te/ bdag dang bka' sdod kyi 'khor lo rdzogs par byas la/ rdzas de dag la bsgrub bya dgug gzhug gi sbyor ba dang ldan par byas la bya rog gi sgyu myu? gus braM zhes bya ba ni/ nam phyed ni bsgrub bya'i gzugs sor brgyad pa
 bri'o/ /dpral bar zhes bya ba la sogs pa ni go sla'o/ /de ltar ji? zhes bya ba ni lte ba la sogs pa'i gnas lngar dza bri'o/ /klu rigs bzhi zhes bya ba ni bskrub bya'i lag g.yas pa la rgyal rigs dkar po/ /g.yon pa na bram ze'i rig ser po/ rkang pa g.yas pa la
 rje rig dmar po/ /g.yon pa la dmar rigs ljang gu'o/ /snying gar zhes bya ba ni go sla'o/ /de ltar bris te dug gi maN+Dal gyi steng du gzhag la bdag dang bka' sdod kyi lha'i 'khor lo rdzogs par byas la thun drug tu dgug gzhug gi sbyor ba dang ldan par bya ste/ de nas
 bsgrub bya'i phyogs su mngon par phyogs la/ zangs ma la sogs pa'i dbyig dug gis klu'i gzugs dang/ bsgrub bya'i bar du bcug la gcig tu bya'o/ /mdun du gzhag ces bya ba ni dug gi maN+Dal gyi steng bzhag/ /de nas bdag dang bka' sdod kyi 'khor lo
 rdzogs par bya ste/ thugs ka'i 'od zer gyis bsgrub bya dang klu rang bzhin med par byas la/ de nas khaM las rdo rje'i brag bsam par bya'o/ /de'i steng du baM las chu'i dkyil 'khor sbrul gyi chun 'phyang gis brgyan pa bsam par bya ste/ de'i nang du pad+ma dang nyi ma steng
 du klu'i dbang mo la sogs pa mkha' 'gro ma gsum dang nag po chen po'i chog gsum gyis bskyed par bya'o/ /mkha' 'gro ma de dag kyang sku mdog dmar mo cher 'jigs ma zhal gcig ma phyag gnyis ba smrul gyi zhags pa dang thod pa lag na 'dzin pa/
 yan lag thams cad gdug pa sbrul gyis brgyan pa dang/ nag po chen po'i mdun du bsgrub bya'i snying gar du nag po bsams te/ de yongs su gyur pa las klu nag po gdengs ka gsum pa bskyed le/ klu'i lag pa g.yas pa na sgrul gyi zhags pa/ g.yon pa na
 dbyig dug gi rkyal pa 'dzin pa de'i lto bar bsgrub bya mgo mjug bzlog nas gnas bar bsams la/ bsgrub bya de'i snying dang yan lag dang snying gar phu las gong du bstan pa'i klu'i rigs bye brag rdzogs par bskyed la/ klu de dag gi yan lag
 'khyud cing dbang po'i sgor 'jug par bas mo/ /de nas thugs kyi 'od zer gyis de lta bu'i rang bzhin kyi dkyil 'khor bstim pa dang dbang bskur bar bya'o/ /de nas bdag dang bka' sdod kyi thugs kar phyi'i srog gi snying pos kun la khyab par byas te
 mchod pa dang gtor ma yang bya'o/ /dam tshig sngags kyang brjod par byas la/ nang gi snying po la mkha' 'gro ma klu'i sngags dang bcas pa so so'i sngags kyi bsgrub pa'i bsnyen pa bskyal bar bya'o/ /de nas bdag dang bka' sdong kyis
 bskul nas gtso bo dang 'khor gyi mkha' 'gro ma rnams kyis sgrul zhags pas bsgrub bya bkug nas klu'i lto pa na gnas pa'i gzugs la bstim par bya'o/ /de nas bsad par bya ste ni la su ra'i phur bu la sngags to gdab par bya zhes bya ba la phur dang cho gar byas
 pa'i yungs kar dang dbyig dug gis bsgrub bya'i dbang po rnams kyi sgor dmigs la gdab par bya'o/ /de ltar zhag gsum du cho gar bya'o/ /de nas gong du smos pa'i rdzas gang yang rung la bcug la klu gnas pa'i sar bzhag ces pa ni klu nag po gnas pa'i
 sar bsgrub par bya ba'i phyir dang/ gzhan yang de nyid du gnas sar bya'o/ /a rdza ka'i dog pa ltar zhes bya ba ni bsgrub bya de rnam par 'jig par bya ba'i phyir las 'grub na klu de nyid 'jig par 'gyur ro/ /klu dang mkha' 'gro ma'i sngags ni oM gyi thog ma dang
 hUM phaT kyi mdza' can du shes par bya'o/ /thams cad bsrung ba ni oM gyi dang po dang hUM hUM phaT phaT swA hA'i mdza' can du shes par bya'o/ /de nas gzhan yang zhes bya ba nas gsol zhes bya ba ni 'khro gyi gtso bo la sogs pa'i 'khor rnams kyis bcom ldan
 'das la thun mong gi sbyor ka zhus pa'o/ /gang zhig phyi rol pa zhes bya ba la sogs pa ni gdul bar bya ba dang las sbyor ka'i dgos pa'o/ /bcom ldan 'das kyis bka' stsal pa zhes bya ni gtso bo lta stang drug gi ting nge 'dzin gyis 'khor lo la
 zhugs zhes bya ba'i don to/ /nyon gcig ces bya ba ni lta stangs drug bsdus zhes bya ba'i don to/ /stobs zhes bya ba ni bsgrub bya skyob pa'i lha'o/ /myur du dpye ba'i cho ga bshad ces bya ba ni spyod ka thams cad kyi sngon du 'gro ba yin pas na myur
 du zhes bya'o/ /dbye ba dang ldan pas sbyor ba thams cad myur du grub pa'i phyir ro/ /dbye ba dang bskrad ces bya ba la sogs pa ni mdor bsdus te bshad pa'o/ /dang por dbye ba'i cho ga bshad ces bya ba ni dbye ba'i cho ga la 'jug par bya ba'i phyir ro/ /bsgrub bya'i rkang pa
 g.yon pa'i sa zhes bya ba la sogs pa'i rdzas la cho gar bya ste/ de yang bsgrub bya'i phyogs su mngon par phyogs te/ dug gi maN+Dal gyi steng du thod pa'i nang du rdzas rnams gzhag la bdag bsda? sdod kyi lha'i 'khor lo rdzogs par bya ste/ bdag gi thugs kar me'i
 dkyil 'khor gyi dbus su hUM las skyes pa'i rdo rje khro mo la sogs pa mkha' 'gro ma gsum bsam par bya'o/ /de yang sku mdog ser mo zhal gcig phyag gnyis ma spyan gsum pa/ khro gnyer gyi gzugs can ma/ phyag g.yas pa na lcags kyu/ g.yon pa na
 dgra sta 'dzin pa'i lha mo de'i thugs ka nas de lta bu'i lha mo gsum spros te bsgrub bya'i lus til mar gyi byugs pa lta bu'i snying gar zhugs la/ de'i srog skyob pa'i lha kha dog dang dbyibs bsgrub bya lta bur gnas pa'i yi ge gsum dang ldan phyi dpyur
 nas bdag gi thugs kar thim par bya'o/ /de nas sreg skyob pa'i lha bral ba'i bsgrub bya yang nas yang du dgug cing ling ga'i rgyu la bstim par bya'o/ /de ltar thun drug rdzogs pa dang so brgyud pa zhes bya ba'o/ /de la mi'i ltag rta bskyor bskon zhes bya ba
 la shing lo la bris pa'i sngags ltag rtsa bskor la bris la bskon par bya'o/ /de nyid kyi 'ded pa'i lha zhes bya ba ni gzugs kyi rgyu tshags par bya ba la gong du bstan pa'i mkha' 'gro ma gsum gyis 'dod pa'i lha'i gzugs 'bye rgyud? la yi ge gsum dang
 bcas pa dgug gzhug bya'o/ /de nas gzugs tshad dang ldan par byas ste de'i snying gar snying po 'am ming gi yi ge gzhug ces bya ba ni yi ge nyi shu rtsa gcig pa'i sngags dang/ snying po 'am ming spel bar bya ste snying gar gzhug par bya'o/ /bar
 du zhes bya ba ni rgyab sprong du byas pa'i bar du'o/ /de yang oM gyi dang bo dang swAhA 'i mdza' can gyi dbus bsgrub bya'i ming dang lha'i snying po dang/ de ba bi de sha ya dang ldan par bar snang gi shing lo la bris te gzhug par bya'o/ /de yang yugs
 sa mo'i rang 'byung dang spang ti glang pas bri bar bya'o/ /de nas sna tshogs pa'i dug la maN+Dal bya ste/ /der cho gar bya ba ni/ de nas zhes bya ba la sogs pa ste go sla'o/ /de'i mgo bsreg par bya ste/ zhes bya ba ni de yang cho gar bya ste/ bkra mi shis pa'i thod par
 rdzas rnams tshogs par byas la de nas nag po chen po'i sbyor ba la gnas te/ bdag dang bka' sngon kyi thugs ka'i 'od zer gyis rdzas rang bzhin med par byas la de nas nyi ma'i dkyil 'khor gyi steng du hUM bskyed la de la dbye ba'i sngags kyis bskor bar bya'o/ /
 de nas thugs ka'i 'od zer gyis dur khrod kyi nag po chen po spyan drangs la nam mkha' la bzhugs su gsol la/ de la phyi'i bzlas pa dang/ mchod pa byas dang gtor ma dang/ /nang gi bzlas pa rdzogs byas te/ /hUM dang sngags la bstim bar bya'o/ /de nas
 bdag dang bka' sdor kyi thugs ka nas nang gi snying po dang dbye ba'i sngags mdun gyi hUM dang sngags la stong phrag gcig bstim par bya'o/ /de nas 'od du zhu ba dang rjes? su gyur pa'o/ /rdzas nus pa dang ldan pa'i phyir cho ga zhes bya'o/ /de nas ske tshe dang zhes bya
 pa la sogs pa ni rdeg pa'i rdzas te go sla'o/ /bsam gtan dang ldan par bya zhes pa ni bdag nag po chen po lha'i 'khor lo dang ldan par byas la mdun du 'khro gyi dkyil 'khor bskyed par bya ste/ de yang rdo rje brag gi steng du me'i dkyil 'khor gyi
 dbus su pad+ma nyi ma'i steng du nag pa chen po dang rdo rje khro bo ma la sogs pa'i 'khor cho ga gsum gyis bskyed par bya ste/ sku mdog dang phyag mtshan ni gong du bstan pa bzhin no/ /de la rang bzhan gyi dkyil 'khor bstim pa dang dbang bskur ba la? sogs
 pa bya ste/ de nas phyi'i snying pos khyab par byas la mchod pa dang gtor ma yang bya'o/ /de nas dam tshig gi sngags kyis rjes su dran par bya ste de la nang gi snying po dang dbye ba'i sngags kyis stong phrag gcig bsnyen pa bya'o/ /de nas dgug gzhug gi sbyor ba dang ldan
 par bya ste/ thugs ka'i rdo rje khro mo la sogs pa rnams kyis 'dod pa'i lha gong ma dang 'dra bar bkug la bstim par bya'o/ /de nas mdun gyi dkyil 'khor gyi gtso bo'i thugs ka nas mkha' 'gro ma sprul ba'i mkha' 'gro ma spros te/ khog stong du gnas
 pa'i bsgrub bya bkug nas bsgrub bya'i gzugs la bsti mo/ /de ltar dgug gzhug stong phrag gcig tu byas te 'e nas nag po chen po la sogs pa'i mkha' 'gro ma'i thugs ka nas sprul pa'i gzugs rta dang ma he dang/ bya rog dang 'ug pa dang/ sbrul dang ne'u la
 sogs pa'i mi mthun pa'i gzugs spros te bsgrub bya dang srog skyob pa'i lha'i snying gar zhugs pas/ bsgrub bya dang srog skyob pa'i lha yang da lta bu'i gzugs mang du gyur te yun ring du shin tu 'thab par bsam mo/ /sngags bzlas zhes bya ba ni nang gi snying po dangs
 dbye ba'i sngags bzlas par bya'o/ /de yang thugs ka nas sngags kyi 'od zer mi mthun pa'i sems can gyi gzugs su sgyos te bsgrub bya la zhugs shing shin tu 'thab par bas mo/ /bye mas brdeg ces bya ba ni gong du tshe ga byas pa'i rdzas kyis bdug par bya ba dang/
 ska tshe la sogs pa'i rdzas kyis brdeg par bya'o/ /oM zhes bya ba la sogs pa nas swAhA'i mdza' can gyi bar du dbye ba'i khyad par shes par bya'o/ /'dod pa'i lha ni mnan par bya zhes bya ba ni mchod rten rab gnas byas pa'i 'og tu mnan par bya'o/ /de
 yang stobs dang ldan pa'i lha yin la mnan pa'i cho ga dang ldan par bya'o/ /bsgrub bya ni sbyin sreg tu bya zhes bya ba ni skyob pa dang bral ba'i bsgrub bya bsad par bya ba'i phyir sbyin sreg tu bya ba'o/ /dbye ba'i stobs zhes bya ba ni the tshom med par 'gyur zhes bya ba'i
 don to/ /de nas gzhan zhes bya ba ni bskrad par bya ba'i las la 'jug pa'o/ /de yang thod pa dum bu gsum pa zhes bya ba ni 'khor lo'i gzhi'o/ /de nyid bsgrub byar bya ba'i phyir ro/ /rdzas ni nag po'i khrag ces bya ba la sogs
 pa'o/ de yang bsgrub par bya ba ni zla ba gzas zin pa'i dus te/ bsam gtan dang ldan pas na snag tsha zhes bya ba ni bdag rnal 'byor dang ldan par byas la mdun du 'khor lo'i tshogs par byas te thugs ka'i 'od zer gyis mi dmigs par byas te/ de
 nas rdo rje'i brag gi steng du yaM yongs su gyur pa las rlung gi dkyil 'khor de'i dbus su pad+ma dang nyi ma'i steng du nag po chen po dang sgeg mo la sogs mkha' 'gro ma rnams bskyed la/ mkha' 'gro ma de dag kyang sku mdog sngon mo zhal gcig phyag gnyis
 ma ste g.yas pa na rlung gi ras/ g.yon pa na thod pa khrag gi bkang ba 'dzin pa/ spyan gsum pa shin tu 'jigs pa'i gzugs kyis gnas so/ /de ltar bskyed pa dang rang bzhin gyi dkyil 'khor dgug pa dang dbang bskur bar bya ste/ de nas phya'i
 snying po la sogs pa'i yan lag gi cho ga yang rdzogs par byas la gtso bo de'i thugs kar yaM las rlung gi dkyil 'khor bsam par bya ste de'i dbus su a las byung ba'i thod pa'i nang du 'khor lo'i rdzas gsal bar dmigs la bdag dang mkha' 'gro
 ma'i thugs ka nas nang gi snying po dang bskrad pa'i sngags dang bcas pa spros te/ ji snyed zla ba gzas ma btang gi bar du 'khor lo rdzogs pa bstim par bya'o/ /de nas gtso bo dang mkha' 'gro ma rnams 'od du zhu nas rdzas la thim par
 bsam mo/ /de ltar snag tsha cho ga dang ldan par byas na thams cad du thogs pa med par 'grub par 'gyur ro/ /de nas gtso bo'i rnal 'byor dang ldan pas 'khor la bri pa brtsam par bya ste/ de yang byis pa lo bcu gnyis pa zhes bya ba la sogs pa ni
 go sla'o/ /de'i cho ga zhes bya ba ni sngon du bsnyen pa dang ldan par bya ste/ sna tshogs pa'i dug gi maN+Dal byas la/ de'i steng du dur khrod kyi sol bas rlung gi dkyil 'khor yaM gis mtshan pa ste/ de nas lus bdud rtsis byugs byas la 'khor
 lo maN+Dal gyi steng du gzhag ces bya ba ni dur khrod ras la bsgrub bya'i gzugs yi ge yaM gi dbus su chung par byas la/ bsgrub bya'i gnas lngar ming dang rung kyi yi ge u ts+tsha Ta ya dang ldan par hUM gnyis kyi bar du chud par bya'o/ /gzugs de'i
 steng du 'khor lo kha spub tu gzhag ces bya ba'i don to/ /spre'u khong gi thi ba zhes bya ba ni gong du bstan pa'i rdzas kyi dur khrod kyi ras la bskrad pa'i 'khor lo bris te/ thos pa'i nang du gzhug par bya'o/ /rje bar gyi phur pa ?sa bya ba ni rab gnas su byas
 pa'i phur bu'o/ /de bzhin du zhes bya ba ni gong du bstan pa'i lha'i 'khor lo de bzhin du bskyed par bya'o zhes bya ba'i don to/ /dpal nag po chen po'i spyor bas zhes bya ba ni bdag nyid lha'i rnal 'byor dang ldan par byas te de nas mdun gyi dkyil 'khor
 la thugs ka'i 'od zer bya'i rang bzhin med par byas la/ /kha las byung ba'i rdo rje brag gi steng du yaM las g.yo ba'i rang bzhin rlung gi dkyil 'khor bsam par bya'o/ /de'i steng du gong du bstan pa'i lha'i 'khor lo rdzogs par byas la/ rang
 bzhin gyi dkyil 'khor pa'i mang la sogs pa ste/ de nas nang gi snying po dang/ bskrad pa'i sngags kyis so so'i thugs kar bsnyen par bsgya'o/ /de nas dkyil 'khor gyi gtso lo'i mdun du yaM las rlung gi dkyil 'khor gyi steng du sdeg mo la sags
 pa'i mkha' 'gro ma rnams kyi thugs ka nas rlung gi rnga mo kha dog sngon mo rgyab na drung gi dkyil 'khor gyi steng du bsgrub bya dgug gzhug bya'o/ /bsgrub bya de'i snying gar bskrad pa'i 'khor lo rlung gi dkyil 'khor gyi dbus na gnas par bsam mo/ /
 de nas gtso bo dang mkha' 'gro ma rnams kyis thugs ka nas sprul pa'i mkha' 'gro ma phur bu dang thod pa 'dzin pa sprul te rnga mo'i rgyab tu gnas nas bsgrub bya kha lho phyogs su bstan te/ de nas phur bus gdab cing thobs brdud
 bar bya'o/ /zhes bya ba ni mkha' 'gro ma de dag gis bsgrub bya de dag dang rnga mo la phur bus btab cing tho bas brdung ba bsam par bya'o/ /dus gsum zhes bya ba ni dus gsum du lha'i 'khor lo dang ldan par bya ste cho gar bya'o zhes bya ba'i don to/ /de nas
 bdag 'khor gyi gtso bo la sogs pa'i thugs ka na 'od zer byung bas rnga mo'i zhabs kyi rlung gi dkyil 'khar la phog pas rlung bskyod pas mkha' 'gro ma rnams kyi rnga mo dang bsgrub bya rnams lho phyogs su khyer nas sang ste shin tu ring bar song bar bas mo/ /
 rmad du spa zhes bya ba ni cho ga byas pa'i 'khor lo de bsgrub bya'i mgo lho phyogs su bstan te 'khor lo des mnan par bya'o/ /bskrad par 'gyur zhes bya ba ni thaM tshom spangs pa'i phyir ro/ /de nas rmongs pa'i spyor ba la 'jug par bya ste/ de tshul tshun dar zhes bya'o/ /
 dur khrod kyi snag che zhes bya ba ni dur khrod du cho gar byas pa'i snag tsha'o/ /'khor lo bri zhes bya ba ni tshu tshun da'i bags pa la 'khor lo me'i dbyibs su bri bar bya ste/ de yang dbus su le tshe gsum par byas te le tshe gsum gang 'khor lo'i sngags bri bar bya'o/ /
 dbus bsgrub bya'i ming dang dus yi ge hUM gi bar ldan par bya'o/ /bsgrub bya'i dri ma'i sa zhes bya ba ni bsgrub bya'i rnam par snang mdzad dang mi bskyod pa'i sa bslangs la ri sho ma'i khu mas brdus? zhes bya ba ni kun? tshogs pa'i dug gis sbu ba'o/ /bsgrang? bya
 zhes bya ba ni sngon du ling+ga'i rgyul dgug gzhug gi sbyor ba dang ldan par bya'o/ /gzugs zhes bya ba ni sor drug gi tshad du bya'o/ /mi gi yi ge zhes bya ba ni dur khod ras la gong du bstan pa'i 'khor lo sngags dang ldan par bris la/ 'khor lo nges?
 rmongs par byed pas na snying gar gzhug ces bya'o de nas rang gi mdun du me'i dkyil 'khor gyi steng du gzhag la srog skyob pa dang myur du dbye bar bya'o/ /de nas dgug pa'i sbyor ba rdzogs par byas la 'khor lo'i nang du gzhug ces bya'o/ /spre'u'i rgyus pas zhes bya
 bzhi sri yong gi rgyus pa dang gnyis kyis so/ /rang gi mdun du zhes bya ba ni dang por bdag nyid lha'i rnal 'byor rdzogs par byas la mdun du sna tshogs ba'i dug la maN+Dal bya'o/ /kham phor zhes bya ba ni 'chad pa'i sa dang bdud rtsi las byas pa'o/ /de yang ra'i bdud rtsis phyi
 rol phyug? cing bya ba ni spal ba'i khrag gis nang byung bar bya/ kham phor dbus su me'i sa bon ra dang ldan par bya ste de'i steng 'khor lo bzhag ces bya'o/ /de nas bdag gi thugs ka'i 'od zer gyis 'khor lo la sogs pa mi dmigs par byas te/ der khaM las byung
 ba'i rdo rje'i brag bsam par bya ste/ de'i steng du me'i dkyil 'khor 'bar ba bsam la/ de'i dbus su pad+ma dang nyi ma'i steng du rol snying gnas hUM las byung ba'i nag po chen po dang/ lto 'byangs ma la sogs pa'i mkha' 'gro ma gsum bskyed la/ de dag kyang sku mdog gnang/
 po cher 'jigs ma zhal gcig ma la phyag gnyis ma sbyan gsum pa/ rtse gsum dang thod rlon 'dzin pa me 'bar ba'i dbus na gzhug par bskyed do/ /de nas rang gi dkyil 'khor la bstim pa dang dbang bskur bar bya ste/ de nas phyi'i snying pos so so'i thugs
 kar khyab par byas la mchod pa dang gtor ma la sogs pa yang bya ste/ dam tshig rjes su dran pa dang/ nang gi snying po dang 'khor lo'i sngags kyas so so'i thugs kar bsnyen par bya'o/ /de nas 'khor gyi gtso bo'i mdun du me'i dkyil 'khor bsam par
 bya steng da'i dbus su bsgrub bya de kha dog nyams shing bzhin nyams bar dmigs la/ de nas 'khor lo'i thugs ka nas sprul pa'i gzugs mang du spras te bdag gi thugs ka'i 'od zer gyis bsgrub bya yang yang du stong phrag gcig tu dgug par bya'o/ /
 de nas thal chen dang nyungs kar gyis gsad pa'i las bya ste/ de yang 'khor lo gtso bo la sogs pa mkha' 'gro ma rnams kyis thugs ka nas sprul pa gzugs gri gug dang thod pa 'dzin pa nang du spros te/ de dag gis 'khor lo'i
 sngags brjod cing gri gug gis gtub cing za bar byed do/ /de dag gi thugs ka nas kyang khra dang bya rog dang dom dang dred la sogs sprul pa'i gzugs can mang du spros te/ bskrub bya'i sha za pa dang khrag 'thung pa dang rgyu ma 'dren pa la sogs pa phung po zad
 par byed pa'o/ /sngags bzlas zhes bya ba ni oM la sogs pa ste 'jigs pa'i gzugs dang ldan pa'o/ /de su pra ti'i mthar mgo dang ba ri re'u tri dang ldan par bya'o/ /de yang hUM hUM phaT phaT swAhA mdza' ru shes par bya ste/ de bzhin du zhes bya ba ni gong du
 bstan pa'i cho ga bzhin no/ /nyams 'am pha mes kyi rung bar mnan par bya ste/ de yang sprul pa'i gzugs rnams ni 'khor lo la bstim par bya ste mnan par bya'o/ /de nas zhes bya ba ni dgug pa'i las la 'jug par bya ste/ gzhan yang zhes bya ba la sogs
 pa'o/ utpa la'i me tog ces bya ba ni me tog gi nang du'o/ /can dan dmar po zhes bya ba ni 'byung gi me tog go /a pa ci ta ni reng gi byang chub sems so/ /sna tsha zhes bya ba ni tshes bco lnga'o/ /rab mo me tog nang du sbyar bya zhes bya ba'i don to/ /de yang
 nag? po chen po'i sbyar ba la gnas pas stong phrag gcig tu bzlas pa bya'o/ /me tog dmar po zhes bya ba ni go sla'o/ /bsam gang na dang ldan par bya zhes bya ba ni bdag nub phyogs su mngon par phyogs la/ mdun du bdud rtsi lnga'i maN+Dal zla ba phyed pa lta bud
 rgyas la der gong gi bri rdzas kyis bsgrub bya'i gzugs sor brgyad pa'i tshad du byas te gnas lnga dang yan lag bzhing dza ring po bri bar bya'o/ /de nas gzugs kyi snying khar me tog sngags dang ldan pa gzhan la/ de nas bdag rnal 'byor dang ldan pa?
 byas te thugs kyi 'od zer gyis maN+Dal la sogs pa rang bzhin med par byas la/ der rdo rje brag tu sna tshogs pad+ma dang nyi ma'i steng du bsgrub bya kha dog dmar por gyur pa bkod pa'i yi ge gsal bar dmigs te/ bsgrub bya'i snying kha'i dbus su e'i rnam pa lta
 bu'i chos 'byung bsam par bya'o/ /de'i dbus su hUM las skyes pa'i gtso bo dang 'od dpag med la sogs pa bskyed par bya'o/ /mkha' 'gro ma de dag kyang zhal gcig ma la phyag gnyis ma/ sku mdog dmar ser ma spyan gsum pa'i bdag nyid can no/ /
 phyag g.yas pa na lcags kyu/ me tog gi phrang ba 'chin pa/ g.yon pa na bdud rtsis bkang ba'i thod pa 'dzin pa'o/ /de lta bu'i 'khor lo la rang bzhin gyi dkyil 'khor bstim par bya'o/ /de nas dbang bskur ba dang/ phyi'i snying po dang gtor ma dang/ dam
 tshig cho ga byas te de nas bdag gis thugs ka na nang gi snying po dang 'gugs pa'i sngags dang bcas pa'i 'od zer dmar ser dang ldan pa spros te/ gtso po dang 'od dpag med ma la sogs pa'i snying gar thaM pa'i phyir mngon par sngags zhes bya'o/ /de
 ltar bzlas pa stong phrag gcig tu byas te de'i mthar 'khor yo dang bsgrub bya yang me tog gi rang bzhin du gyur par bya'o/ /de'i bsgrub bya de'i sems shin tu g.yar bar gyur nas myur du bod pa'o/ /skyes pa 'am zhes bya ba la sogs pa go sla'o/ /
 de nas zhis bya ba ni dpang du bya ba'i las la 'jug par bya ste/ gzhan zhes bya ba la sogs pa ni go sla'o/ /me tog dmar po zhes bya ba ni pad+ma'i rtsa ba'o/ /rgyal po 'am zhes bya ba ni dbang du bya ba'i gzugs sam/ grong khyer thod pa la bris ba na bstan
 zhes bya'o/ /bsam gtan dang ldan zhes bya ba ni dang por bdag nyid rnal 'byor rdzogs par byas la/ thugs ka nas thugs kar 'og nas 'byung ba'i 'khor lo gsal bar dmigs te bsgrub bya'i snying gar 'khor lo bri ber btsam par bya'o/ /'khor la sogs
 pa go sla'o/ /h+rI(rgyud 'grel pa dang mthun pa'i dkyil 'khor bya ste/ dkyil 'khor gyi steng du smad 'tshong ma'i rang 'byung gi me tog gis chos 'byung gi me tog gi gzugs byas la/ der lo dang me tog gzhag la/ de nas bdag gi thugs ka'i 'od zer gyis de dag rang bzhin med par bya
 ste zla pa phyed pa lta bu'i rdo rje'i brag khaM las byung ba'i steng du chos kyi 'byung gnas kha dog dmar po e las byung ba'i dbus su pad+ma dang nyi ma'i steng du lha'i 'kho lo rdzogs par bskyed la/ de yang rdo rje 'od 'bar ma la sogs pa'i mkha' 'gro ma'i sku mdog
 dmar mo zhal gcig phyag gnyis ma spyan gsum pa'o/ /phyag g.yas pa na chos 'byung bsnams pa/ g.yon pa na rang 'byung gi me tog gi dgad pa'i thod pa 'dzin pa'o/ /de nas rang bzhin gyi dkyil 'khor bstim pa la sogs pa dam tshig gi cho
 ga'i bar du bya'o/ /de nas 'khor lo'i thugs kar h+ri las byung ba'i bsgrub bya 'am bsgrub bya'i grong khyer bsal bar dmigs la/ bsgrub bya'i snying ga 'am grong khyer gyi dbus su gong du bris pa'i 'khor lo la dog dmar po bsam par bya'o/ /de nas me
 tog dmar pos thod pa dgang zhes bya ba ni me tog la sngags te thod pa dgang bar bya'o/ /de yang mngon par sngags zhes bya ba 'byung ste/ mngon bar zhes bya ba ni bdag dang mkha' 'gro ma'i thugs ka nas nang gi snying bo dang dbang du gyur pa'i
 sngags dang ldan par spros te/ gtso bo'i zhal du zhugs nas thugs kar gnas pa'i bsgrub bya'i snying gar sngags thim par bya'o/ /de yang ji srid rtags ma mthong gi par du'o/ de yang dri dang g.yo zhes bya ba ni rtags so/ /de'i che zhes bya ba ni rtaT
 thob pa'i tshe'o/ /de yang gtso bo'i thugs kar gnas pa'i bsgrub bya ni bdag gi thugs kar gzhug par bya'o/ /gtso bo la sogs pa'i 'khor lo ni me tog gi rang bzhin du gyur te/ me tog de lag tu phyin pa tsam gyis zhes bya ba ni go sla'o/ /de nas
 zhes bya ba ni las thams cad kyi cho ga la 'jug par bya ste/ de yang las rnams zhes bya ba nas brtson par bya zhes bya ba ni mdor bstan no/ /so so skye po rmongs par bya ba'i phyir go rims bzlog pa'o/ /de nyid rig pa rnams kyis ni rim pas bsdu bar bya
 ste/ de yang bsam gtan gyis bgegs bskrad ces bya ba ni bdag nyid lha'i rnal 'byor rdzogs par byas la/ bdag gi thugs kar lha'i 'khor lo gtso bo dang rno ba'i gzugs can ma la sogs 'og nas 'byung ba bzhin du gsal bar
 dmigs la/ de nas gtso bo'i thugs kar hUM badzra ka tsa ba la sogs pa'i sngags dang thugs ka'i 'od zer gyis bgegs bskrad/ de nas srung ba'i 'khor lor byas te thod a la bris zhes bya ba ni thod pa bdud rtsis bkrus la/ thod pa
 la 'khor lo yid tshe dgu ba bri bar bya'o/ /lang cho thams cad du oM gyis dang po dang hUM hUM hUM phaT phaT phaT swAhA'i tha' can du dur khrod sna tshas bri bar bya'o/ /de nas thod pa der dur khrod nas sa bslangs zhes bya'o/ /chos 'byung gi gzugs
 su bya zhes bya ba ni sa gzhi chos 'byung gzugs su bya ste/ de ni chos 'byung nang du lha'i 'khor lo bskyed pa'i phyir ro/ /de yang gnas da nyid du phur bu'i nyil yungs kar gzugs te de nas lha'i 'khor lo bskyed par bya ste/ de yang thugs ka'i
 'od zer gyis chos 'byung dang yungs kar rtsi? tshogs rang bzhin med par thus te khaM las rdo rje'i brag pi/ steng du pad+ma dang nyi ma'i steng du hUM 'od zer sna tshogs dang ldan pa bsam par bya ste/ hUM gi 'od zer gyis gri gug gi dra ba dang gur la
 sogs pa bya ste/ de'i dbus su chos kyi 'byung gnas bsam par bya'o/ /de nas yungs kar gyi grangs tsam gyi sna tshogs pad+ma dang nyi ma'i steng du hUM la skyes pa gtso bo dang mkha' 'gro ma dang bcas pa bskyed par bya te/ mkha' 'gro ma ni rno
 pa'i gzugs can ma la sogs pa gsum bskyed par bya ste/ de yang zhal gcig phyag gnyis ma sku mdog nag mo spyan gsum ma/ 'jigs pa'i gzugs can lag na thod pa dang gri gug 'dzin pa/ ro'i steng na 'gying ba'o/ /de ltar rdzogs par ba skyed la/
 de nas thugs ka'i 'od zer gyis rang bzhin gyi dkyil 'khor bstim pa dang/ dbang bskur ba la sogs pa'i yan lag rdzogs par bya ste/ thugs ka'i sa bon las zhes bya ba ni bdag gi thugs ka'i hUM las so/ /'od zer zhes bya ba ni nang gi snying po dang/
 ud ka ta'i sngags 'od zer dang bcas pa'o/ /yungs kar la zhes bya ba ni yungs kar las bskyed pa'i gtso bo dang mkha' 'gro ma rnams so/ /bstim par bya zhes bya ba ni de rnams so so'i thugs kar hUM la thim pa'o/ /bdun nam zhes bya ba la sogs pa go
 sla'o zhag bdun bdun gyis de ltar bya zhes pa ni dus de nyid nas bzung ste/ zhag bdun bdun zhing bdag gi thugs ka'i 'od zer gyis bgegs bskrad cing bsrung ba'i 'khor lo bya ste/ de nas yungs kar la gong du bskyed pa'i lha'i 'khor lo
 gsal bar dmigs la rang bzhin gyis 'khor lo bstim pa la sogs pa'i yan lag gi cho ga rdzogs par byas la bzlas pa ni gong du bstan pa bzhin du bya'o/ /smin pa'i du su zhes bya ba ni ma smin bar du gong du bstan pa'i cho ga bzhin du bya'o
 zhes bya ba'i don to/ /bsam gtan dang ldan zhes bya ba na bdag lha'i rnal 'byor rdzogs par byas te tshogs kyi 'khor lo dang ldan par bya'o/ /de nas zhes bya ba ni yungs kar bslang bar bya'o/ de yang yungs kar blangs pa ni lha'i 'khor lo yungs kar
 las bskyed pa de mkha' 'gro ma rnams gtso bo'i thugs kar bsdus te/ gtso bo yang yung skar gyi rang bzhin du gyur par bya'o/ de nas yung skar bsgrub pa brtsam par bya ste/ dur khrod žkyi gnas zhes bya ba ni go sla'o/ /zhag gsum du bsnyen
 pa bya ba ni bag nyid lha'i 'khor lo rdzogs par byas la/ de nas thugs ka'i 'od zer gyis yungs kar dang thod pa rang bzhin med par byas te/ de nas gong du bstan pa'i bzhin rdo rje brag la sogs pa chos kyi 'byung gnas kyi bar du bskyed par
 bya'o/ /de'i steng du pad+ma dang nyi ma'i dbus su gtso bo dang mkha' 'gro ma bskyed par bya ste/ de yang mkha' 'gro ma rdo rje ku mu la sogs pa'o/ /de dag ni sna tshogs pa'i mdog can zhal gcig spyan gsum pa khro gnyer gyi gzugs can phyag
 g.yas pa na sna tshogs rdo rje/ g.yon pa na thod rlon 'dzin pa gsal bar bya ste/ de nas rang bzhin gyi dkyil 'khor bstim pa la sogs pa dang/ dam tshig gi cho ga'i bar du bya'o/ /de nas gtso bo'i thugs kar e'i rnam pa chos kyi 'byung gnas
 lta bu bsam par byas te/ de'i dbus su pad+ma dang nyi ma'i steng du/ hUM las nag po'i sku mtshon gang gi tshad tsam du gyur pa yungs kar gyi grangs tsam du bskyed par bya'o/ /de nas bdag dab mkha' 'gro ma'i thugs ka nas nang gi snying po 'khong la'i
 gtso bo'i thugs kar nag po chen po la thim par bya'o/ /de ltar bsnyen pa rdzogs pa dang mkha' 'gro ma rnams gtso bo'i thugs kar 'dus so/ /gtso bo yang yungs kar gyi nag po chen po la thim par bsam par bya'o/ /thams cad 'grub par
 'gyur zhes bya ba ni las thams cad 'grub par 'gyur ba yin la/ khyad pa rdu yang 'og nas 'byung ba'i las rnams 'grub pa'i phyir ro/ /de nas nag po chen po zhes bya ba ni 'khor lo'i gtso bos so/ /bcom ldan 'das zhes bya ba ni rdo rje
 'dzin pa nyid la bya'o/ /las thams cad ces bya ba dang/ ji ltar lags zhes bya ba ni tshig gi phrad ni las kyi tshogs mdor bstan te zhus pa'o/ /bcom ldan 'das kyis 'khor gyi tshogs la gzigs nas zhes bya ba ni
 dpa' bo chen po ting nge 'dzin la zhugs pa'o/ /bka' stsal pa zhes bya ba ni sdus pa pos yongs su bsdus te bstan pa'o/ /pha rol dmag gi dpung rnams zhes bya ba ni go sla'o/ /dang por cho gar gyur pa ni oM zhes bya ba la sogs pa ni hUM hUM phaT phaT
 swAhA'i mdza' can no/ /de'i cho ga zhes bya ba ni dmag gi dpung rengs par bya ba'i phyir rdo rje'i brag gi steng du suM las ri rab zur brgyad pa gcig de'i steng du bdag nyid lha'i 'khor lo rdzogs par bskyed la/ bdag gi thugs kar chos kyi 'byung gnas kyi
 dbus su pad+ma nyi ma'i dbus gtso bo dang rdo rje ku mu la sogs pa 'khor lo bskyed par bya ste/ sku mdog dang phyag mtshan la sogs pa ni gong du bstan pa bzhin no/ /de nas dmag gi dpung la rdo rje lta bas bltas pas rengs par 'gyur ba ni dmag
 gi gnas su las ri rab kyi khong par dmag gi gzugs da dag reng ba'i gzugs kyis gnas par bas mo/ /de nas thugs gtso bo dang mkha' 'gro ma las sprul ba'i mkha' 'gro ma yungs kar gnyis su med par spros te/ dmag gi tshogs
 kyi sna bug gi lam nas zhugs te 'byung ba dang 'jug ba'i rlung 'gags nas rlung gcig tu rengs par 'gyur ro/ /de nas gzhan yang oM gyi dang po dang hUM hUM phaT phaT swAhA'i sngags kyi mdza' can te/ de'i cho gas seng+g? la sogs pa'i tshogs
 'jig par 'gyur zhes bya ba ni/ de'i cho ga ni seng+ge la sogs pa gang yang rung ba la dmigs te yungs kar brgyab pa'i tshe gtso bo dang mkha' 'gro ma'i thugs ka nas ji ltar gar na zan gyi gzugs de ltar mgo brnyan gyi sprul pa mkha' 
 'gro ma'i tshogs mang du spros te/ gcan zan gyi tshogs de dag shin tu ring bar bskrad par bsam mo/ /gzhan yang cho gar gyur pa ni/ oM gyi dang po dang hUM hUM phaT phaT swAhA'i mdza' can gyis bgegs kyi tshogs 'jigs par byed pa ste/ de'i cho ga ni bgegs
 kyi tshogs phyogs su gsal bar dmigs te/ mdun du me'i dkyil 'khor gyi dbus su gzhag la/ bdag gi thugs ka nas gtso bo dang mkha' 'gro ma'i sprul ba'i gzugs phur bu dang tho ba thogs pa mang du spros pa te de yang yungs kar dang tha mi dad pa
 nyid du gnas nas/ bgegs de phur bus gdab cing tho pas brdung bar byed pa'o/ /de lta bu'i sbyor bas yungs kar yang nas yang du bsnun na bgegs kyi tshogs 'jig par 'gyur zhes bya'o/ /de nas gzhan yang zhes bya ba ni yungs kar 'ba' zhig gi
 sbyor ba rdzogs nas gzhan gyi sbyor ba la 'jug pa'i phyir de yang byi la nag mo la sogs pa ne go sla'o/ /de rnams bsres la zhes bya ba la sogs pa ni cho gar bya ba ste/ bkra mi shes pa'i thod par rdzas rnams blugs la gzhag par bya ste/ de nas bdag nyid?
 lha'i rnal 'byor rdzogs par bya ste/ bdag gi thugs kar gtso bo dang 'khor lo bsgyur byed ma la sogs pa bskyed par bya ste/ mkha' 'gro ma de dag kyang zhal gcig phyag gnyis ma spyan gsum ma sku mdog nag mo phyag na gri gug dang thod pa 'dzin pa'o/ /
 de nas rang bzhin gyi dkyil 'khor bstim pa dang dbang bskur ba la sogs pa bye ste/ de nas thugs ka'i 'od zer gyi gri gug gi 'phreng ba lta bur spros te/ mdun gyis rdzas la bstim par bya'o/ /de yang nas yang du spros pa ni nang gi snying bo dang/ pa ta
 ya la sogs pa'i sngags kyis gri gug gi rang bzhin du spros te rdzas la stong phrag gcig tu bstim par bya'o/ /rdzas de dgon gyis nyin pa'i mdun du bsreg par bya'o nga rgyal du bya bzhes bya ba ni gong du bstan pa'i lha'i 'khor lo bskyed pa'i phyir ro/ /mdun gyi?
 nag po chen po zhes bya ba ni thugs ka'i gtso bo dang mkha' 'gro ma'i bdag nyid do/ /'od zer zhes bya ba ni thugs ka nas lcags kyu lta bu'i 'od 'phros pa'o/ /phar la 'phros zhes bya ba ni bgegs dgug pa'i phyir ro/ /thog du
 gri gug gzhag ces bya ba ni rab gnas bya ba'i gri gug bdud sgro gzhag pa'o/ /yungs kar zhes bya ba la sogs pa ni go sla'o/ /skud par byed zhes bya ba ni thugs ka nas 'od zer me'i 'khor lo lta bus 'phros pas nad pa'i lus las bgegs
 phyung ste shin tu ring bar bskrad nas 'od zer gur la sogs par gyur par bsam mo/ /de nas badzra ka ba tsa'i sngags brjod pas bsrung bya'i gnas lngar sna chogs rdo rje'i go char gyur pa'i phyir bskrad ces bya'o/ /de nas oM gyi dang po dang hUM gi mdza' can gyi dbus su
 yang zhes bya ba ni ming gi bdag nyid do/ /me tog dgug ces bya ba ni rig ma dgug pa ste/ me tog gis dgug pa'i phyir me tog dgug ces bya'o/ /de yang smad 'tshong ma'i mgo la bcings pa'i me tog dang/ nyi mas phog pa'i me tog dmar po dang gzhan
 yang rang gi mig g.yas pa'i dri ma dang/ lce'i dreg pa dang mthe bong g.yas pa'i dri ma zhang ba dang/ g.yon pa'i srin lag gi khrag dang/ rang gi byang chub kyi sems dang de rnams kyi me tog gnyis ka bskus te gong du lha'i sbyor bas me tog la mngon par
 bsngags la/ /smad 'tshod ma'i me tog gang zhig 'gugs par 'dod pa'i lus sam lag tu byin nas me tog gcig rang gi gnas su gzhag na de ma thag tu 'gugs par 'gyur ro/ /de'i sbyor ba ni skar ma dra nye'i nyin par bya'o/ /de nas gzhan yang oM gyi
 dang po dang swA hA'i mdza' can gyis bdud rtsir gyur pa'i sngas te/ de yang bcud len zhes bya ba ni bdud rtsi la sogs pa'i rdzas so/ /byin gyis brlab ces bya ba ni gong du bstan pa'i lha'i nag po chen po'i 'khor lo dang ldan par byas te/ thugs ka'i 'od zer gyis
 ye shes kyis brlab par bya'o/ /sngags zhes bya ba ni de'i spags so/ /oM gyi dang po dang hUM hUM phaT phaT swAhA'i mdza' can de ni spros sbyor gyi cho ga ste/ 'dir ma bstan skabs su shes par bya'o/ /de nas gzhan yang oM gyi thog ma dang hUM hUM phaT phaT swAhA'i mdza' can te
 de ni chang 'gugs pa'i cho ga ste/ de yang chang 'tshong ma'i khyim nas chang 'tshong ma'i rang byung dang de'i khyim gyi chang la snag cha byas la/ chang gi bum pa'i zhabs su 'khor lo'i kha ti gas bum pa lta bu'i 'khor lo dbus su mu khyud dang bcas par bya'o/ /de nas
 gong gi snag tshas 'khor lo dbus su baM bri bar bya'o/ /de'i dbus A kar Sha ya na dza dza gnyis kyis bar du chud par bri bar bya'o/ /de'i mu khyud la oM la sogs pa'i sngags bri bar bya/ /de nas bdud rtsi lnga'i maN+Dal byas te de'i steng du 'ba' tra'i chun po la
 bum pa gzhag par bya'o/ /bum pa'i nang du chang gi rgyu dang ldan par byas te/ de nas 'gro phyogs su mngon par phyogs la/ gong gi lha'i 'khor lo bsam te/ thugs ka'i gtso bo 'khor lo sgyur byed ma la sogs pa'i thugs ka nas sprul pa'i mkha' 'gro
 ma spros te gang zhig chang gnas pa'i grong khyed de bkug nas mdun gyi nam mkha' la dmigs te/ nam mkha' i chang gi bum pa'i nang du 'dir bris pa lta bu'i 'khor lo bskyed par bya'o/ /de nas bdag gi sngags kyi bzlas pa byas pa'i stobs kyis nam mkha' i
 chang gi bum pa'i chang gi 'khor lo las chang rgyun bab pas mdun gyi dum pa la chang rgyun mi 'chad par 'bab par 'gyur ro/ /de nas gzhan yang oM gyi dang po dang hUM hUM phaT swAhA'i mdza' can gyis dug zhi bar bya'o/ /sbrul dug gsal zhes bya ba
 ni gong du bstan pa'i lha'i 'khor lo gsal bar byas la bdag dang thugs ka'i spyi bor yi ge haM dkar po las 'od zer dkar po byung ba dang sngags kyis dug zhi bar bsams par bya'i/ /de skad ces bka' stsal pa zhes bya ba ni sngags kyi le'u thun mong
 gi spyor ka bstan zhes bya ba'i don to/ /sngags kyi le'u bshad pa ste gnyis pa'o// //de nas bya ba ni lha'i 'khor lo la 'jug par bya ste/ de la dang po'i tshig zhus pa ni nag po chen po zhes bya ba nas gsol to
 zhes bya'o/ /gar zhig sngags kyi sbyor ba rnams zhes bya ba ni thun mong dang sbyor ba chen po yin pa'i phyir ro/ /stobs dang ldan par 'gyur zhes bya ba ni bskyed pa'i rim pa dang ldan pa'i phyir ro/ /bshad du gsal zhes bya ba ni de'i don du zhus pa'o/ /bcom ldan
 'das kyis bka' stsal pa zhes bya ba ni rdo rje 'dzin pa dang ba dang lha'i 'khor lo'i ting nge 'dzin la zhugs zhes bya ba'o/ /dang po'i lha'i rnal 'byor gyis zhas bya ba nas bka' stsal to zhes bya ba ni sngags kyi don sbyor ka rnams kyang lta bskyed pa dang lan dgos
 pas de yang bskyed pa'i rim pa dang ldan par bsgrub pa'i phyir de'i dgos pa mdor bstan to/ /de nas zhes bya ba nas ji ltar lags zhes bya ba'i bar du ni de'i don rgyas par zhus pa'o/ /bcom ldan 'das kyis bka' stsal pa zhes bya ba nas/ rdzogs par
 bskyed ces bya ba ni bskyed pa'i rim pa mdor bstan pa'o/ /bka' stsal to zhes bya ba ni rgyas par bshad pa'o/ /dur khrod la sogs zhes bya ba ni dur khrod dang shing gcig dang khang stong dang rgya mtsho'i gling dang mtshan ma gcig pa dang drag po'i chu
 'gram dang/ 'thab ma'i gnas de dag tu bsgrub ces bya ba'o/ /lus bdud? rtsi? lngas? byug ces bya ba ni gnas lngar bdud rtsi lngas thig le bya ste/ gong du bstan pa'i yi ge lngas bdag skad cig ma gcig gis lha'i nga rgyal du bya'o/ /bde ba'i
 bstan la 'dug ces bya ba ni dpa' bo'i sems kyi ro'i gdan la 'dug pa'o/ /oM gyi dang po dang hUM hUM phaT phaT swAhA'i mdza' can gyis ni rdo rje'i go cha'i bdag nyid do/ /lan gsum du ni bsrung bar bya zhes bya ba ni bdag dang zhes la sogs pa'i
 don to/ /de ma thag tu zhes bya ba ni lus bdud rtsis byugs nas bde ba'i stan la 'dug pa zhes bya ba ni dri ma thag tu'o/ /snying kar zhes bya ba ni pad+ma dang nyi ma'i dkyil 'khor ro/ /hUM ni hUM 'od zer lnga dang ldan pa ste/ gdug pa bsal nas zhes bya ba
 ni sems can thams cad 'od zer gyis nag po chen po'i rang bzhin du byas pa'o/ /bla ma dang zhes bya ba la sogs pa go sla'o/ /tshogs bsag pa'i phyir mchod par bya'o/ /de yang u k+She pa'i me tog la sogs pas so/ /de yang de nyid gsum
 gyis byin gyis brlabs la i daM gyi sngags kyis mchod par bya'o/ /sdig pa bshags zhes bya ba ni sdig pa bral ba nyid tshogs kyis mchog yin pas na sdig pa bshags pa'o/ /bsags zhes bya ba ni bshags pa dang mi byed pa'i sdom pa dang/
 rnges su yi rang ba dang/ skyabs su 'gro ba dang byang chub mchog tu sems bskyed pa dang/ dge ba'i rtsa ba bsngo ba'o/ /de dag kyang gdug pa 'dul ba dang/ sangs rgyas kyi bstan pa yun ring po gnas par bya ba'i phyir bsod nams su 'gyur ba'o/ /nag po
 chen po'i stobs kyis zhes bya ba ni tshogs bsags pa'i dkyil 'khor bdag la bstim par bya'o/ /byams pa la sogs pa zhes bya ba ni bde ba thob par 'dod pa'i byams pa dang/ sdug bsngal las skyob par 'dod pa'i snying rje dang/ bde ba bcan pa
 dang drod thob pa'i dga' ba ste/ brtags pa'i dngos po la mnyam par blta bas ?? snyoms so/ /de nas dngos po thams cad gyi po kho na nyid la blta bar bya zhes bya ba ni dngos po thams cad de gdod ma nas ma skyes pas te/ de yang shU n+ya tAs bsal bar byed
 pas na bsal ba'i rang zhes bya'o/ /de yang thugs ka'i 'od zer gyis dngos po ??/ srpul pa bsal nas shU n+ya tA'i sngags kyis stong pa bsal bar bya ste/ gzhag ces bya ba ni ma bces pa'i ngang la gzhag pa'o/ /'di bskyed pa'i rdzogs pa ste
 spros bar ma byas pa'o/ /stong dang mi stong zhes bya ba ni rdzogs pa'i rdzogs pa ste 'bras bu chen po'i skabs su bstan to/ /stong pa nyid las yi ge poM zhes bya ba ni srung ba'i 'khor lo ste/ gzung ba rnam par dag pa'o/ /dbus su chos kyi
 'byung gnas bsam zhes bya ba ni chos kyi dbyings kyi rang bzhin 'dzin pa rnam par dag pa ste/ ro'i gdan zhes bya ba ni dngos po thams cad ma skyes pa'o/ /zla ba dang zhes bya ba nas bzhengs zhes bya ba ni ye shes lnga'i bdag nyid de mngon par
 byang chub pas sku rdzogs pa'o/ /zhal gcig pa zhes bya ba ni chos kyi dbyings las ma g.yos pa'i phyir ro/ /phyag gnyis pa zhes bya ba ni rtag pa dang chad pa'i mdza' spong ba'o/ /gri gug gces bya ba ni ma rig pa la sogs pa'i nyon mongs pa yongs su
 gcod cing gdug pa 'dul ba'i phyir ro/ /thod pa 'dzin pa zhes bya ba ni snying rje chen po'i ros gang ba'i bdud kyi khrag 'thung bar byed pa'o/ /spyan gsum zhes bya ba ni dus gsum gyi bstan pa bsrung bar byed pa'o/ /me mdag gi phung po zhes bya ba ni
 bgegs bsregs pa'o/ /dbu skra gyen du 'khyil zhes bya ba ni khams gsum gyi bdud las rgyal ba'o/ /kha nas khrag 'dzag ces bya ba ni gdug pa la chags shing rnal 'byor pa'i rgyud srung pa la chags shing mi spong ba'o/ /stag gi sham thabs
 zhes bya ba ni gdug pa sna tshogs pa 'dul ba'i phyir/ /klu chen po brgyan gyis yan lag brgyan zhes bya ba ni cod pan la nor rgyas so/ /mgyur tshul 'jog po'o/ /rna ba g.yas pa la stobs kyi rgyu/ g.yon pa la pad+ma'o/ /phyag gdub g.yas
 pa la pad+ma chen po/ g.yon pa la tu lu to?/ /zhabs gdung ?? phal ri zlas ldan no/ /g.yon pa la ?? skyo ?? de dag ni dbang phyug bdag gi bdag nyid dang dngos grub chen po brgyad sbyin pa'i phyir/ brgya phyed thod pa'i phreng bas zhes
 bya ba ni yi ge lnga bcu'i sngags kyi bdag nyid de/ de ltar rdzogs par bskyed ces bya ba ni dam tshig sems dpa' rdzogs par bskyed pa'o/ /rang gi snying gar zhes bya ba nas/ dza(rgyud 'grel gzhug bya ba ste go sla'o/ /thugs ka'i 'od zer zhes bya ba ni thugs ka'i 'od zer lcags kyu lta bu spros te/ de bzhin gshegs pa dang rig pa'i lha mo dang/ byang chub sems dpa' dang/ khro bo'i rgyal po la sogs pa bkug la mchod par bya ste
 gsol gdab pa dang dbang bskur bar dmigs te bde ba chen por bum pa'o/ /mgrin par gsad ba'o/ /snying gar shes rab ye shes so/ /lte bar bzhi pa mthar thug par bslang bar bya'o/ /de yang stong min zhes bya ba 'bras bu chen por bstan pa'o
 tshig gi don shes par bya'o/ /de'i mdza' 'khor rnams mi bskyod pa la 'dus la/ mi bskyod pa dbu rgyan du zhugs so/ /de nas 'dir so so skye bo rmongs par bya ba'i phyir/ mdun bskyed ring du spang ba ste/ de yang shin tu spang bar bya ba'i phyir ro/ /de nyid
 rigs rnams kyis ni 'dir bskyed par shes par bya'o/ /dur khrod kyi mgal pa zhes bya ba ni lha'i rten te rab gnas byas pa'o/ /sku mtho gang zhes bya ba ni gsang ba'i sku yin pa'i phyir ro/ /dur khrod kyis zhes bya ba nas bstim par bya zhes bya ba ni
 go sla'o/ /dre nas zhes bya ba ni tshogs ?? pa la 'jug pa ste/ de yang gtso bo'i dam tshig las mi 'gal ba dang/ 'khor gyi tshogs thob par bya ba'i phyir gtso bo las sprul pa'i nag po chen po las mchod pa dang sdig pa bshags pa la
 sogs pa bya'o/ /de'i bye brag tu dbye ba ni gor du bstan pa bzhin no/ /bsam gtan gcig par 'gyur zhes bya ba ni gong du sprul pa'i nag po de yan lag bdun pa tshang ba dang/ mdun gyi nag po chen po la thim nas bsam gtan gcig tu
 'gyur zhes bya'o/ /tshangs pa'i gnas bzhi zhes bya ba ni de'i rgyud kyis bsgom par bya ste gong du bstan pa bzhin no/ /de ma thag tu zhes bya ba ni tshangs pa'i gnas bzhi bsgoms pa'i de ma thag tu rgyu ba'i 'khor lo sgyur du bzung ba'i
 phyir ro/ /de yang gtso bo'i thugs ka'i 'od zer gyis phog pas nag po chen po tshur bsdus te/ zhal du zhugs nas gtso bo'i thugs ka'i hUM la zhugs pa'o/ /de nas thugs ka nas rgyu ba'i bka' sdod kyi 'od kyi gong bu'i nang du sku mtho gang
 tshad du gyur pa byung ste/ de nas 'bras bu'i 'khor du bsgrub pa'i phyir stong pa nyid du bsam zhes bya'o/ /de yang gtso bo'i thugs ka'i 'od zer gyi rgyu'i bka' sdod la phog pas 'od du zhu nas yi ge gsum gyi bdag nyid du gyur te/ yi ge gsum yang rang
 bzhin med pa'i phyir stong pa nyid ces bya'o/ /stong pa nyid las zhe bya ba ni ?? bo'i dam tshig las mi 'da' ba dang/ sems bskyed pa'i stos kyis stong pa nyid las sku bzhengs pa'i phyir ro/ /de yang rdo rje brag la sogs pa ste go sla'o/ /sku rdzogs pa
 zhes bya ba ni dam tshig sems pa'i sku rdzogs pa ste/ thugs ka'i 'od zer zhes bya ba ni de yang dbang bskur la/ gtso bo dang de nyid kyi'o/ /spyan drang zhes bya ba ni phyag rgya bzhis so/ /dur khrod kyi nag po chen po zhes bya ba ni dam tshig sems dpa' o/ /
 nag po dang gnyis su med par zhes bya ba ni rang bzhin gyi nag po gong gi phyag rgya bzhis bstim pa'o/ /dmigs par byas la zhes bya ba ni de yang dbang bskur la/ phyi'i snying po thugs ka nas thugs kar brgya phrag gcig bstim par bya'o/ /mchod
 pa dang gtor ma zhes bya ba ni rtsa ba'i sngags kyis 'bul lo/ /bka' sdod kyi nag po chen po zhes bya ba ni su smi ti'i sngags thugs ka nas thugs kar brgya phrag gcig bstim pa'i phyir ro/ /sngags kyi bzlas pa byas nas zhes bya ba ni nang gi srog gi snying
 pos bsnyen pa bskyal lo/ /dus gsum du zhes bya ba ni go sla'o/ /de ltar bsnyen pa'i mtshan ma thob pa dang/ las la sbyar bar byas te/ mtshan ma ma thob pas ni ma yin no/ /'jig rten pas 'phya bar 'gyur ba'i phyir ro/ /bcom ldan 'das kyis bka' stsal to
 zhes bya ba ni lha'i 'khor lo rdzogs pas zhes bya ba'i don to/ /gsol ba zhes bya ba ni gtso bo las te/ de yang lha'i cho ga rdzogs par byas nas zhes bya ba ni mtshan ma nyed nas zhes bya ba'i don to/ /las kyi sbyor ba ji ltar lags zhes bya ba ni las sbyor
 gyi khyad par zhus pa'o/ /bcom ldan 'das kyis bka' stsal pa zhes bya ba ni gtso bo'i las kyi 'khor lo'i ting nge 'dzin la zhugs zhes bya ba'i don to/ /las kyi cho ga rnams zhes bya ba nas thams cad 'grub par 'gyur zhes bya ba ni mdor bstan pa sde
 go sla'o/ /de nas nag po chen pos gsol pa zhes bya ba ni las kyi cho ga nye bar zhus pa'o/ /de yang gang zhe na/ gnas dang ling ga bcas pa dang/ dus dang bsad pa'i sbyor ba zhes bya'o/ /de'i khyad par ni 'di lta ste/ chu 'gram gyi dur khrod cas
 bya ba ni chu gsum 'dus pa'i mdo na gnas pa'o/ /shing gcig ces bya ba ni shing gnyis med pa'o/ /ro bsreg pa'i dur khrod ces bya ba ni ro bsregs pa'i sa gzhi 'am me thab 'dra pa'i khang stong yin pa'i phyir ro/ /mkha' 'gro ma'i khang stong zhes
 bya ba ni tshangs ma la sogs pa'i ma mo brgyad gnas pa'i khang stong ngo/ /rgya mtsho'i gling zhes bya ba ni gling na gnas pa'i dur khrod do/ /ri'i rtse mo zhes bya ba ni ri gzhan pas mtho zhing zur gsum pa gnas pa'i rtse mo'o/ /mahA de ba gnas pa'i
 ling la zhes bya ba ni mahA de ba la sogs pa'i rol pa'i lha rten yod pa'o/ /gsal zhing gi nags tshal zhes bya ba ni gsal shing la bsogs pa'i chor ma yod pa'i dur khrod do/ /gnas de dag ces bya ba ni khyad par gyi gnas te myur du 'grub
 pa'i phyir ro/ /'grub par bya zhes pa ni gong du bstan pa'i sbyor ka de dag kyang gnas de dag tu bsgrub par bya'o/ /de nas zhes bya ba ni gnas de dag tu sbyor ka la 'jug pa'i phyir de nas de zhes bya'o/ /de yang dang po'i ling
 ga'i rgyu sta gon la gnas par bya ste/ ling ga'i rgyu ni tsha ba gsum zhes bya ba nas/ bag zan zhes bya bar du'o/ /brtsigs pa zhes bya ba ni bsgrub bya'i rnam par snang mdzad dang/ khwa ta dang mche pa stobs can gyis zos pa'i 'phro dad/ bdud
 rtsi lnga dang/ phyi'i che ba gsum dang/ de dag bkra mi shis pa'i thod par blugs la/ sna tshogs pa'i dug la maN+Dal byas la bka' sdod kyi mdun du gzhag par bya'o/ /de nas bdag nyid lha'i 'khor le rdzogs par bskyed la/ de nas bka' 
 sngod kyi 'khor lo bskyed par bya ste/ de yang thugs ka'i 'od zer gyis ling ga'i rgyu rang bzhin med par byas la/ khaM las byung ba'i rdo rje'i brag gi steng du pad+ma dang nyi ma'i dbus su hUM las byung ba'i nag po chen po la sogs pa'i mkha' 
 'gro ma gsum bskyod par bya ste/ de yang mkha' 'gro ma ni yid 'phrog ma la sogs pa gsum ste/ zhal gcig ma phyag gnyis ma la sogs pa sku mdog dkar ser/ spyan gsum pa 'jigs pa'i gzugs can/ phyag na lcags
 kyu dang zhags pa 'jin pa'o/ /de nas thugs ka'i 'od zer gyis rang bzhin gyi 'khor lo bstim pa dang/ dbang bskur ba la sogs pa bya ste/ de nas phyi'i srog gi snying po so so'i thugs kar khyab par bya'o/ /de nas mchod pa dang
 gtor ma yang byas te dam tshig gi cho ga byas la nang gi srog gi snying po bsnyen pa bskyal bar bya'o/ /de nas bka' sngod kyi mdun du me'i dkyil 'khor gyi dbus su lang ga'i rgyu gsal bar dmigs la/ bdag dang mkha' 'gro ma'i thugs ka
 nas sprul pa'i gzugs lcags kyu dang zhags pa can mang du spros te/ bsgrub bya dgug gzhug gi skyor? ba dang ldan par bya ste/ de lta phu'i cho ga ni ling ga'i rgyu'i cho ga ste thams cad du sngon du 'gro ba'o/ /yi ge dang ldan par bya ba zhes bya ba ni ming dang rus
 kyi yi ge gsang ba'i sngags dang hUM gnyis kyi bar du gzhug go/ /de ltar ling ga'i cho ga rdzogs pa dang de nas thig le gzhom par bya ste/ de'i tshe zhes bya'o/ /de'i yang nag po'i phyogs gnyis la sngon du 'gro bar bya ste/ thig le shar ba'i tshes gcig nas
 'jug par bya ste/ de yang dang por bdag nyid lha'i 'khor lo rdzogs par byas la/ gtso bo'i mdun du bka' sdong kyi 'khor lo bskyed par bya ste/ rdo rje brag la sogs pa ni gong du bstan pa bzhin no/ /de nas bka' slod? kyi 'khor lo ni dud skyong la ??
 pa'i 'khor sku mdog nag mo zhal gcig phyag gnyis mche ba gtsigs ma/ kha nas khrag 'dzag ma'o/ /g.yas pa na thod pa 'dzin pa/ g.yan pa na phur bu 'dzin pa'o/ /de nas thugs ka'i 'od zer gyis lha'i 'khor lo bstim pa nas bsnyen pa'i
 bar du gong du bstan pa bzhin no/ /'dir ma bstan te zlos pa'i skyon du 'gyur ba'i phyir ro/ /de nas gtso bo dang mkha' 'gro ma thugs ka nas sprul pa'i mkha' 'gro ma lcags kyu dang zhags pa 'dzin pa mang du spros te bsgrub bya dgug gzhug gi sbyor ba dang
 brgya phrag gcig tu bya ste de nas bsad pa'i sbyor ba bya ba ni gtso bo dang mkha' 'gro ma'i thugs ka nas sprul pa'i gzugs phur bu dang tho ba la sogs pa mang du spros te thig le'i gnas su de dag gi gsad pa'i sngags brjod cing phur bus 'debs
 shing thobs brdungs pa'i bsam pa rang ldan par bya'o/ /brgya phrag gcig tu gsad par bya'o/ /shig gsum cu rtsa gnyis zhes bya ba ni thig le ni srog rgyu ba'i rtsa ste/ byang chub sems kyi rang bzhin/ /de yang bde ba chen po'i gnas nas rtsa sum cu rtsa gnyis kyi
 bdag nyid de sum cu? rtsa gnyis zhes bya ba ni 'phel ba dang 'grib pa'i khyad par gyis g.yas g.yon du gnas so/ /de yang g.yon pa'i mthe bong dang/ bol gong dang long bu dang byin snying dang/ sgyid khung dang/ gnyan gong dang brla'i rtsa dang/ mtshan
 ma dang lhe ba dang/ mchan khung dang snying ga dang/ rtse chung dang/ kha sna dang rna ba dang/ mig g.yon pa dang/ mdzod sbu dang/ de dag bcu drug ni 'phel ba'i thig le te dkar po'i tshes gcig nas so/ /tshangs pa'i bu ga la sogs te/ g.yas pa'i mthe bong
 gi bar du gnas bcu drug ni gong ma dang 'dra ste 'grib pa'i theg le yin pa'i phyir nag po chos gcig nas bcu gcig gi bar du'o/ /gnas de dag tu bsnyen pa dang/ las sbyor thun mong du bya ba ni thig le re re zhing tshes grangs kyi bye brag gis zhag re re
 gsang par bya'o/ /gsal shing gi tsher ma zhes bya ba nas btsan dug gi bsnun par bya zhes bya ba ni bsad pa'i khyad par gyis rdzas te go sla'o/ /bsam gtan dang zhes bya ba ni gtso bo dang mkha' 'gro ma'i thugs ka nas sprul pa'i tshogs kyis
 bsad ba'i las rgyan mi 'chad par byed pa'i phyir ro/ /sngags kyis zhes bya ba ni gsang ba'i sngags kyis so/ /dus zhes bya ba ni thun mong dang thun mong ma yin pa'o/ /bdun nam zhes bya ba ni thun mong ma yin pa'i dus so/ /zhag bdun gyis las sbyor rdzogs
 pa'o/ /de yang thun re re'i thig le'i gnas sum cu rtsa? gnyis kar bsad ba'i las sbyor rdzogs par bya ste/ thun drug gi khar gsad pa'i sbyin sreg gis kha bskang bar bya'o/ /sum cu rtsa gnyis zhes bya ba ni bsnyen pa dang las sbyor thun mo ste bsnyen pa ?? yon la ?? sbyor
 yin pa'i phyir ro/ /de nas gzhan yang zhes bya ba ni nye bar bsgrub pa la 'jug par bya ste mthun pa'i dam rdzas bka' sdod kyi 'khor lo myur du 'grub pa'i phyir/ dpal nag po chen po'i bsam gtan skad cig gi bya ste/ zhes bya ba ni dang po sna tshogs
 pa'i dug dang bdud rtsi lnga dang sha lnga dang chang gi yongs su sbyar te ri lu bya'o/ /de nas thod pa rab gnas byas pa'i nang du gzhag ste dur khrod kyi ras kyis kha bkab la bdud rtsi lnga'i maN+Dal legs par byas pa'i steng du gzhag la bdag lha'i 'khor lo rdzogs par bya ste/ de nas
 bdag gis thugs ka'i 'od zer gyis thod pa dang la du rang bzhin med par dmigs la/ der khaM las byung ba'i rdo rje'i brag bsam par bya ste/ brag gi steng du a'i rnam pa lta bu'i chos kyi 'byung gnas bsam par bya ste/ de'i dbus su pad+ma dang nyi ma bsam par bya ste/ de'i
 steng du hUM las skyes pa'i lha'i 'khor lo bskyed par bya ste/ de yang nam mkha' i 'khor lo ma la sogs pa gsum bskyed par bya ste/ zhal gcig ma dang phyag gnyis ma/ sku mdog nam mkha' i mdog can ma spyan gsum ma/ phyag na rdo rje dang thod khrag 'dzin pa te/ de nas
 thugs ka'i 'od zer gyis rang bzhin gyi 'khor lo bstim pa la sogs te dam tshig gi bar du bya'o/ /de nas 'khor lo'i thugs kar zla ba dang nyi ma'i steng du re pha las la du'i grangs kyi nyi ma'i dkyil 'khor bsam par bya ste/ nyi ma'i dkyil 'khor gyi steng du hUM
 yongs su gyur pa las 'od kyi gong bu gyur te/ 'od kyi gong bu'i dbus su hUM las nang gi snying po dang/ la du'i grangs kyis bskor bar dmigs te/ de nas bdag dang mkha' 'gro ma'i thugs ka nas nang gi snying po dang la du'i sngags spros te/ gtso bo'i zhal du zhugs
 nas nyi ma'i dbus kyi 'od kyi gong du'i sngags la thim par bsam par bya'o/ /de ltar zhag gsum gyi bar du bsnyen pa byas nas 'grub par 'gyur re/ /skad gcig ma zhes bya ba ni myur du 'grub ces bya ba'i don to/ /de'i ci'i phyir zhe na/ 'khor gyi gtso bo'i
 thugs kyi srog skrub? pa yin pa'i phyir myur du 'grub par 'gyur ro/ /la du'i gtor ma zhes bya ba ni de ltar bsnyen pa rdzogs pa'i dus su mkha' 'gro ma rnams gtso bo la 'dus te/ gtso bo 'od du sku nas la du'i bzhin du gyur par bsam par bya'o/ /la du de gtor ma
 byas pa ni mchog gi gtor ma zhes bya'o/ /sngags ni oM gyi thog ma dang hUM hUM phaT phaT swAhA'i mdza' can no/ /de nas gzhan zhes bya ba ni dam rdzas kyis spos bsgrub par bya ba la 'jug par bya ste/ de yang thun mong du bsgrub pa dang khyad par
 mchog tu bsgrub pa'o/ /de yang dang po bdud rtsi lnga la maN+Dal byas la de'i steng du thod pa gsum gyi sgyid bu btsugs te/ thong ba'i steng du dur khrod kyi ras kyi mar me'i snying po mtho gang gi tshad du byas la/ mar nag chen po'i mar me gzugs par bya'o/ /
 de yang snying po'i dbus su dur khrod gyi snag tshas srog gi snying po bri bar bya'o/ /de nas me sbar ba la maN+Dal gyi steng du mar me'i 'od kyis khyab par byas la/ shar du yungs kar/ lhor sgog pa nub tu rang 'byung/ byang du btsan dug/ byang shar du sha chen/ shar ltor
 gu gul chen po/ lho nub tu 'od zer can? byang nub tu lu to/ /de rnams cha bsnyams maN+Dal la dgra ma/ /de nas bdag lha'i 'khor lo rdzogs par byas la/ thugs ka'i 'od zer gyis mar me mi dmigs par byas te/ de nas de nyid du bka' sdod kyi nag po chen po mog?
 gsum gyis bskyed la rang bzhin gyi 'bor la bstim pa la sogs yan lag gi cho ga rdzogs par bya ste/ yungs kar la sogs pa'i rdzas rnams la A li la sogs pa'i zla ba dang nyi ma'i dbus su bsam par bya'o/ /de nas bdag dang bka' sdod kyi thugs
 ka nas nang gi snying po spos sbyor gyi sngags dang bcas pa spros te/ yungs kar la sogs pa nyi shu rtsa gcig bstim par bya'o/ /de nas gcig tu bsdus te phye mar byas la mar nag chen pos bsres la zhes bya'o/ /de yang mchog tu bsgrub par bya ste/
 rab gnas byas pa'i thed par blugs te maN+Dal gyi dbus su bzhag la de'i steng du mar me gzhag la de nas bdag lha'i 'khor lo rdzogs par byas te/ de nas thugs ka'i 'od zer gyis spos la sogs pa rang bzhin med par bya ste/ de nas lha'i 'khor lo
 bskyed par bya ste/ de yang khaM las byung ba'i rdo rje'i brag gi steng du srung ba'i 'khor lo'i dbus su chos kyi 'byung gnas bsam par bya'o/ /de'i dbus su pad+ma dang nyi ma'i steng du hUM las bskyed pa'i lha'i 'khor lo rdzogs par bskyed la/ de yang me'i gzugs la sogs pa
 mkha' 'gro ma sku mdog dmar ser zhal gcig ma phyag gnyis ma spyan gsum ma khro gnyer gyi gzugs can gyi gri gug dang/ thod pa lag na 'dzin pa de ltar rdzogs par bskyed la/ de nas rang bzhin gyi dkyil 'khor bstim pa la sogs pa bya ste/ 'khor
 lo'i gtso bo'i thugs kar A li dang kA li las bskyed pa'i zla ba dang nyi ma'i dbus su a las grub pa'i pad+ma'i snod/ de'i dbus su hUM las gyur pa'i spos kyi rang bzhin 'od zer lnga'i bdag nyid de/ de'i dbus su hUM gi snying po gsal bar bya ste/ de nas nang gi snying
 po dang spos kyi sngags kyis bskor gar bsam mo/ /de nas bdag dang mkha' 'gro ma'i thugs ka nas nang gi snying po dang spos sbyor gyi sngags 'od zer lnga'i bdag nyid du spros te/ gtso bo'i thugs kar sbros la thim par bsam mo/ /de ltar sgra dang ta te 'od la
 sogs pa rtags byung gi bar du bsnyen pa bya'o/ /bsnyen pa rdzogs pa dang gtso bo dang mkha' 'gro ma spos kyi rang bzhin du gyur par bya'o/ /mdun du zhes bya ba ni bka' sdod kyi mdun du'o/ /zhag lngar zhes bya ba ni spos bsregs nas bsgrubs par 'gyur zhes
 bya ba'i don to/ /dus gsum mchod pa dang gtor ma la ni go sla'o/ /rnal 'byor pa de don thams cad ldan par 'gyur zhes bya ba ni thun mong dang mchog gi dngos grub thob par 'gyur zhes bya'o/ /bka' stsal pa zhes bya ba ni sdud pa pos lha'i don bsdus te
 'khor la bshad pa'o/ /lha'i le'u zhes bya ba ni lha'i bskyed pa'i cho ga'i le'u'o/ /lha'i le'u bshad pa ste gsum pa'o// //de nas zhes bya ba ni lha bskyed pa la bsnyen pa la bsnyen pa bya ba'i phyir lha la dbang bskur ba dang/ sgrub pa po smin par bya ba'i
 phyir dang/ bsnyen pa'i rten khyad par bya ba'i phyir de bas na zhus pa ste/ dpal nag po chen po zhes bya ba ni 'khor gyi gtso bo la sogs pa 'khor rnams kyis so/ /bcom ldan 'das la gsol ba zhes bya ba ni rdo rje 'dzin pa la zhus te/
 rgyu don zhes bya ba ni rgyud kyi don bsnyen pa dang/ las sbyor yin pa'i phyir ro/ /cho ga'i khyad par zhes bya ba ni khyad par gyi dkyil 'khor yin zhes bya ba'i don to/ /bka' stsal pa zhes bya ba ni mdor bstan pa go sla'o/ /de nas gzhan zhes bya ba ni dkyil 'khor bri
 gar brtsam par bya ste/ de yang slob dpon mtshan nyid dang ldan pa ni sngon du bsnyen pa rdzogs pa dang/ lha yi mtshan mthob pa des/ /rnal 'byor dngos grub thob pa dang/ /slob ma la smin par bya ba'i phyir/ /yang dag pa yi slob ma brtag /brtan zhing dul
 la blo gros ldan/ /dpa' bo mtshan nyid thams cad rdzogs/ /sngags kyi dngos grub 'dod cing brten/ /bla ma la gus sems can brtse/ /de lta'i mgon la bsam bcas nas/ /slob ma yongs su bzung bar bya/ /de lta bu'i slob ma de/ /bla mas dkyil 'khor
 gzhug pa'i phyir/ /bdud rtsi dang bcas maN+Dal dbul/ /me tog dang bcas thal mo sbyar/ /de nas gsol ba gdab par bya/ /ye shes chen po'i bdag nyid khyod/ /ston pa'i gtso bo kye'i rdo rje/ /sku gsung thugs kyi rdo rje yi/ /dpa' bo dam tshig bdag
 la gsol/ /dpal ldan nag po chen po ti/ /dam tshig chen po bdag la stsol/ /gtso bo nag po chen po dang/ /thugs dang dam tshig las rnams kyis/ /dkyil 'khor dam pa gzhug du gsol/ /de ltar la na gsum gsol btab nas/ /de
 nas rdo rje slob dpon gyis/ /slob ma yongs su bzung thugs kar gzhug /hUM las lha yi gzugs su byung/ /gnas gsum bsrung bar byas nas ni/ /yi ge bcu la bzlas par sbyin/ /de nas rdo rje slob dpon rtsis/ /bdag nyid cho ga bsgo ba dang/ /
 slob ma sgrib pa sbyang ba'i phyir/ /'og nas 'byung ba bzhin du ni/ /dkyil 'khor bris nas bsnyen pa bya/ /slob dpon bsnyen pa rdzogs pa dang/ /dkyil 'khor bri pa brtsam par bya/ /der yang dur khrod kha dog nag po zhes bya ba ni dur khrod la sogs pa mi bsrun pa'i
 sa phyogs te mi ma yin pa 'du bas na nag po'o/ /de yang dur khrod dang shing gcig la sogs pa gang du bstan pa'i gnas rnams so/ /khang stong zhes bya ba ni sngon du dkyil 'khor bris pa'i sa'o/ /gnas de dag tu dkyil 'khor brtsam par bya ste/ sa gzhi
 shin tu mi srun cing 'jigs pa'i dbus su bdud rtsi lnga'i chag chag btab la/ u k+She pa'i me tog gcal du bkram la/ de'i dbus su bdag nyid rnal 'byor pa/ 'dug te lha yi 'khor lo ni/ 'og nas 'byung ba ltar bskyed/ /mchod pa gtor ma tshogs byas
 nas/ /bdag nyid thugs ka'i 'od zer gyis/ /bgegs bskrad gri gug dra gur gyur/ thugs kyi 'od zer lcags kyu yis/ /sa la gnas pa'i lha mo ni/ /bkug ste mdun du tshul bzhin bzhag/ /gser mdog gzho nu'i rgyan cha can/ /phyag na bum pa 'dzin
 pa ste/ de la mchod pa gtor ma dbul/ /me tog sil ma gtor nas ni/ /'dod pa'i gsol pa gdab par bya/ /skyob pa sangs rgyas thams cad kyi/ /srod pa'i tshul dang khyad par dang/ /sa dang pha rol phyin pa la/ /lha mo khyod ni dpang du gyur/ /dpal
 lan nag po chen po yis/ /gnod sbyin bdud la sogs bcom bzhin/ /de bzhin bdag gis bdud las ni/ /rgyal bar bya phyir dkyil 'khor bri/ /lan gsum gsol ba btab nas ni/ /sa yi lha mo dga' mdangs kyis/ /gnang ba byin nas sa la
 thim/ /de nas rnal 'byor dbang phyug gis/ /las kyi rdo rje phyin gyis brlabs/ /de yang rnal 'byor mi gzugs su/ /'dug la khrus byas la zhes bya ba ni/ /gzugs bzang rtog pa med pa dang/ /dpa' bo'i sems kyi brtul zhugs ldan/ /de lta bu la
 byin brlabs bya/ /gnas lngar thig le byas nas kyang/ /bdud rtsi'i maN+Dal steng bzhag nas/ /'od kyis rang bzhin med bsgrubs la/ /hUMlas rnal 'byor ma bskyed de/ /gnas lngar nyi ma'i dkyil 'khor la/ /hUM yig g.yas par
 bsams nas ni/ /rnal 'byor ma ni thams cad kyis/ /byin gyis brlabs zhes bya ba ni/ /thugs dam las kyi mkha' 'gro ma/ /'jigs byed 'jigs byed ma rnams ni/ /mdun du gsal bar dgug byas la/ /mchod pa gtor ma phul nas su/ /
 gnas lngar go rim bzhin du bstim/ /de nas dbang bskur rgyas btab la/ /mchod gtor rtsa ba'i sngags kyis sbyin/ /bdag gi thugs kyi las byung ba'i/ /snying po sngags dang bcas pa ni/ /gnas lngar gsal bar bstim par bya/ /sngags
 ni oM gyi dang po dang/ hUM hUM phaT phaT swAhA'i mdza' can na/ /de nas zhes bya ba ni las kyi rdo rjes sa dang chu blang byas nas/ /gnas de'i sa dang bsres nas ni/ /bdud rtsi chu dang sngags kyis ni/ /sa yi nyes pa sbyar bar bya ??/ /sngags
 kyi oM gyi dang po dang/ /hUM hUM phaT phaT swAhA'i mdza' can no/ /de nas dkyil 'khor bya ba ni/ /dkyil 'khor dam pa gru bzhi ni/ /mnyam par mthas par bcag par bya/ /bdud rtsi ba yi rnam lnga yis/ /dkyil 'khor legs par
 byugs par bya/ /de nas rnal 'byor dbang phyug ni/ /dkyil 'khor dbus su legs 'dug nas/ /lha yi rnal 'byor rdzogs par bya/ /de nas lha yi rnal 'byor las/ /sprul pa'i nag po mang spros te/ /kun kyang zhal gcig phyag gnyis pa/ /sku mdog gnag po
 'jigs pa'i gzugs/ /tho ba phur bu'i 'dzin pa ste/ /de dag phyogs bcur rab sprul te/ /der ni bdag gis bgegs bskrad bsam/ /de nas rnal 'byor dbang phyug gis/ /gri gug thad pa thogs nas ni/ /mchog rnams kyis ni legs 'khyud la/ /
 rnal 'bor dbang phyug bdag gis ni/ /sangs rgyas bstan pa bsrung phyir dang/ /nam mkha' lta bu dri med pa'i/ /sa gzhi bzang pe 'di nyid la/ /gtso bo dgyes pa'i rdo rje yi/ /sku gsung thugs las byung ba yi/ /dpal ldan nag po chen po yi/ /dkyil 'khor dam pa ngas
 bzhengs kyis/ /lha dang klu dang gnod sbyin dang/ /dri za lha me yin dang ni/ /nam mkha' lding dang mi 'am ci/ /lho 'phye la sogs pa yi bdag/ de dag myur du dengs par gyi/ rtsa ba'i sngags sogs brjod cing bskrad/ /gong du sbrul ba'i khro bo yis/ /sa der
 gnas pa'i bgegs rnams la/ /phur bus gdab cing tho bas brdungs/ /de ltar bgegs rnams legs bskrad la/ /khro bo legs par 'od zhu nas/ /gri gug gur dang dra bar gyur/ /bsrung ba'i 'khor lo rdzogs pa dang/ /de nas dkyil 'khor dbus gnas te/ /
 lha yi 'khor lo bsam byas la/ /mdun du hUM las skyes pa yi/ /lha mo zhal gcig phyag gnyis ma/ /spyan gsum phyag rgya lnga dang ldan/ /gri gug thod pa 'dzin pa ste/ /de la mchod pa gtor ma dbul/ /de nas gsol ba gdab phang bya/ /rang bzhin
 dag pa'i tshig brjod la/ /gtso bo rdo rje 'dzin pa dang/ /dpal ldan nag po chen po yi/ /dam pa'i dkyil 'khor ngas bzhengs kyi/ /lha mo khyod ni dbang du gyur/ /sku gsung thugs kyi rdo rje ni/ /byin gyis brlab pa mdzad du gsol/ /de nas lha mo 'od zhu nas
 chos 'gyung nyid du gyur par bsam/ /dkyil 'khor sa gzhi gzung ba pyi/ /lha yi 'khor lo bskyed pa'i phyir/ /dang po sta gon gnas par bya/ /dkyil 'khor bzang po'i steng du ni/ /bdud rtsi lnga yi thig le bya/ /dbus kyi le rgyas par bya/ /thugs kyi
 mkha' 'gro ma la sogs/ /lha rnams kun gyi thig le bya/ /de nas me tog sil bkram nas/ /gtso bo cho ga lngas bskyed la/ /'khor rnams mtshog gsum gyis bskye/ /dkyil 'khor 'og nas 'byung ba bzhin/ /mtshan nyid thams cad rdzogs
 par bskyed/ /de nas thugs ka'i 'od zer gyis/ /phyag rgya bzhi yi sbyor ba yis/ /ye shes dkyil 'khor spyan drangs bstim/ /bde gshegs spyan drangs dbang bskur nas/ /so so'i spyi bor rgyas btab bya/ /de nas rnal 'byor thugs ka nas/ /
 byi yi snying po rab spros te/ /so so'i lha rnams thugs kar thim/ /de nas mchod ba gtor ma ni/ /kun la rgyas par sbyin par bya/ /thugs ka nas byin dam tshig ni/ /sngags kyi kun la khyab par bya/ /de nas nang gi snying po yis/ /bsnyen pa cung zad bskyal bar bya/
 de nas gsol ba gdab pa ni/ /ye shes chen po'i bdag nyid khyod/ /ston pa'i gtso bo kye'i rdo rje/ /dkyil 'khor chen po bdag nyid gtso/ /dpal ldan nag po chen po dang/ /thugs kyi mkha' 'gro brgyad rnams dang/ /dam tshig gsum la gnas pa yi/ /rig pa'i
 lha me rdzu 'phrul can/ /las kyi mkha' 'gro ma la sogs pa/ /dkyil 'khor bdag nyid thams cad kun/ /ma lus bdag la dgongs su gsol/ /bdag rdo rje 'dzin pa 'di zhes bya bas/ /khyed rnams la ni mchod pa dang/ /slob ma smin par bya ba'i phyir/ /bdag
 dang bleb? mang bcas pa yi/ /tshogs pa thams cad dkyil 'khor du/ /byin gyis brlab pa mdzad du gsol/ /de nas tshogs kyi 'khor lo bya/ /de ltar lha rnams thams cad ni/ /sta gon gnas par gyur byas pa/ /dbang bskur rab gnas bya ba'i phyir/
 bum pa'i cho ga bya ba yi/ /bdud rtsi maN+Dal byas nas ni/ /lha yi rnal 'byor gsal byas nas/ /dpal ldan nag bo chen po yi/ /spos kyi bum pha bdug byas la/ /skra yi lcug gu'i steng bzhag nas/ /thugs ka'i 'od kyis dge byas te/ /paM las byung ba'i
 bum pa ni/ /dkar po gnas shing nag po ming/ /lta nga tshe zhing mgrin pa mtho/ /chu 'phyang zhabs stags med pa nyid/ /de lcang ba'i sngags kyis ni/ /bsngags te rdzas rnams gzhug par bya/ /dbus su gri gug thod pa ni/ /dur khrod snag tshas bri bar bya/ /
 smad dang 'bru dang rin po che/ /bdud rtsi lnga la sogs pa blugs/ /dur khrod ras kyis mgul chings byas/ /kha rgyan lcang lo can gyi bya/ /de ltar bum pa bskyed pa ni/ /lha yi grangs so bcu yan chad/ /bsgrub pa'i bum pa gnyis su bshad/ /de ltar bum ba rdzogs pa dang/ /de
 lta'i bum pa re re la/ /mchod dang gtor ma bsham par bya/ /de nas bdag nyid rnal 'byor pas/ /lha yi 'khor lo rdzogs par bskyed/ /de nas bum pa'i nang du ni/ /lha yi 'khor lo bskyed par bya/ /lha yi gangs kyi bum pa ni/ /gtso bor bum par 'khor lo ni/ /
 thams cad rdzogs par bskyed par bya/ /khoM? byung brag steng pad nyil/ /hUM las skyes pa'i lha rnams ni/ /phyag dang phyag mtshan sku mdog kyang/ /'og nas 'byung ba bzhin du bsam/ /de nas thugs ka'i 'od zer gyis/ /rang bzhin dkyil 'khor spyan drangs nas/ /phyag
 rgya bzhi yi sbyor bas bstim/ /bde gshegs spyan drangs dbang bskur mthar/ /mi bskyod pa yi dbu brgyan bsam/ /de nas phyi yi snying po yis/ /so so'i thugs kar thim par bya/ /mchod dang gtor ma byas nas ni/ /de nas dam tshig cho ga bya/ /de nas nang gi snying
 po yis/ /bum pa'i lha rnams thams cad kyi/ /thugs kar bsnyen pa stong phrag bskyal/ /de ltar bum pa thams cad la/ /sta gon gyis ni gnas de nyid/ /yol bas bres te bzhag par bya/ /de nas dkyil 'khor shar phyogs su/ /gong du bstan pa'i slor ma'i
 mchog /sta gon la gnas brtsam par bya/ /de nas rdo rje slob dpon gyis/ /lha yi 'khor lo rdzogs par bya/ /slob ma mdun du bkug byas nas/ /de lta bu yi slob ma ngas/ /bla ma'i mdun du maN+Da la dbul/ /de nas gsol ba gdab phar bya/ /chos dbyings ye shes
 las byung ba'i/ /dpa' chen khyod la skyabs su mchi/ /sku dang gsung dang thugs rdo rje/ /dpal ldan nag po chen po yi/ /dam tshig chen po bdag la gsol/ /dpal ldan nag po chen po dang/ /thugs kyi rdo rje brgyan rnams dang/ /dam tshig skyong ba'i mkha' 'gro dang
 'phrin las rdzogs pa'i bdag nyid sogs/ /gsang ba'i phro brang dam pa ni/ /de bzhin bdag ni gzhug tu gsol/ /de yi lha rnams thams cad kyi/ /gsang ba'i dam tshig bdag la gsol/ /dam tshig yon ni phul na skyang/ /de ltar gsol ba
 lan gsum gdab/ de nas rdo rje slob dpon gyis/ /rtsa ba'i sngags kyis bsang gtor bya/ /sems ni bzengs bstong bya ba'i phyir/ /bu tshur theg pa chen po las/ /de las sogs pa'i tshigs bcad brjod/ /de nas gzhan yang brjod pa ni/ /dpal ldan nag po chen po
 yi/ dur khrod chen po'i pho brang du/ /gnod sbyin bdud dang srin po'i tshogs/ /de dag 'joms par mdzad pa ni/ /drag po chen po'i sku bzhengs nas/ /gdug pa thams cad gzhom mdzad pa'i/ /bu yis blo gros 'di gyis shig /de nas slob ma'i mchog la ni
 sdom pa bzung bar bya ba'i phyir/ /cho ga gzhan yang 'byung ba yis/ /skyabs 'gro sems bskyeng byas nas ni/ /'di dag gis kyang sdom pa bzung/ /gtso bo dgyes pa'i rdo rje dang/ /nag po chen po'i dkyil 'khor du/ /bdag gi ming ni 'di zhes pa dus
 gsum sangs rgyas thams cad kyi/ /bstan pa rin chen bsrung ba'i phyir/ /gdug pa ma lus gzhom par gyis/ /byang chub sems mchog rin po che/ /dam pa bdag gis bskyed par bgyi/ /bdag gis sdom pa legs par gzung/ /bdag dang gzhan gyi don
 gyi phyir/ /gdug pa thams cad 'dul bar bgyi/ /sems can rnams kyi don gyi phyir/ /rnal 'byor brgyad ni bsrung bar bgyi/ /de ltar sdom pa bzung nas ni/ /dkyil 'khor chen po'i shar phyogs nas/ /bdud rtsi ba yi rnam lnga yi/ /maN+Dal? grub bzhi byas
 nas ni/ /dbus su pad+ma 'dab brgyad bri/ /de nas so shing cho ga bya/ /ma yo ma gas 'bus ma zos/ /sor ni bcu gnyis tshad du bya/ /bdud rtsi'i dri yis byugs pa yis/ /gnas gsum me tog bcing par bya/ /yi ge gsum gyis byin brlabs te
 rtsa ba'i sngags kyis slob ma sbyin/ /slob ma maN+Dal steng bzhag nas/ /shar gyi phyogs su kha bltas te/ /dkyil 'khor lha la sems dmigs te/ /yi ge bcu ba brjod nas ni/ /so shing drang por dor bar bya/ /so shing dngos grub mtshan bltas te/ /dkyil 'khor cho
 ga gzhan shes bya/ /de nas slob ma mdun bkug nas/ /rtsa ba'i sngags kyi ming bsngags te/ /gnas gsum du ni bsrung bdag gyi/ /de nas mdun gyi slob ma la/ /thod par bdud rtsi blugs nas ni/ /slob ma la ni 'thor mthur sbyin/ /oM baM sho d+ha ya sarba pA paM tsa
 sa sha sho d+ha ya/ /bi ka la sha a ba na ya hUm das ni lan gsum sbyin par bya/ /de nas skud pa dmar po la/ /ka ba tsa yi sngags kyis ni/ /mdung pa gsum dang ldan par bya/ /srung skud dpung pa g.yas par gdags/ /rtsa ba'i sngags kyis bsdugs pa yi/ /ku sha
 gsum ni sbyin par bya/ /de nas slob ma'i sems ni gzeng bsteng phyir/ /u dum ba ra'i dpe yis ni/ /chos ni legs par bshad par bya/ /de nas slob ma'i mchog gis ni/ /sems bskyed sngon du song ba yi/ /yi ge bcu pa bzlas par sbyin/ /de nas dga' 
 ba'i sems kyis ni/ /nam mkha' i mthar ni rmi lam brtag /de ltar sta gon byas nas ni/ /de ltar rdo rje slob dpon gyis/ /sta gon byas pa'i dkyil 'khor la/ /mchod pa gtor ma dbul bar bya/ /mi'i skra'i skud pa'i thig gdab ces bya ba ni/ /de nas rdo rje sdong
 dbon gyis/ /thig mchog brtsam bar bya/ /gong du phyin brlabs rnal 'byor mas/ /dur khrod ras dang skra bsres te/ /thig skud legs par bkal bar bya/ /dur khrod tshon gyis kha sgyur la/ /spod pa lnga yi nang de ni/ /bzhag nas dkyil 'khor dbus su bkod/ /de
 nas rdo rje slob dpon spyis?/ /ro yi gdan ya zhugs nas ni/ /lha yi 'khor lo rdzogs par bskyed/ /de nas thugs ka ri 'ong zer gyis/ /thig skad gnas su phog nas ni/ /rang bzhin mid par dmigs pa la/ /A li knya? li las byung ba'i/ /zla ba'i ma'i dbus su ni/ /
 yi ge lngar ni dmigs par bya/ /de nas thugs ka'i 'od zer gyis/ /bde gshegs spyan drangs nam mkhar bzhag /rang bzhin med par dmigs pa la/ /A li kA li las byung ba'i/ /zla ba nyi ma'i dbus su ni/ /yi ge lngar ni dmigs
 par bya/ /de nas thugs ka'i 'od zer gyis/ /bde gshegs spyan drangs nam mkhar bzhag /de nas mchod pa byas nas ni/ /bde gshegs lnga yi bdag gnyid du/ /thig skud la ni bstim par bya/ /oM sa ma ya sU tra ma ti kra ma hUM/ nang gi snyig po dang ldan
 te/ thugs ka nas spros sngags kyis ni/ /zla ba nyi ma'i dbus gnas par/ /thig skud la ni bstim par bya/ /de nas thig skud gcig tu bsgril/ /dkyil 'khor dbus su bzhag nas ni/ /thig skud yongs su gyur pa la/ /dpal ldan nag po chen por
 bskyed/ /ye shes 'khor lo spyan drangs bstim/ /dbang bskur phyi yi bzlas ba bya/ /mchod bstod dam tshig bzlas pa bya/ /de nas nang gi snying pho la thugs ka nas thugs kar 'khor ba'o/ /bzlas pa stong phrag gcig tu bya/ /de nas 'ong du zhu nas ni/ /ye
 shes skud par gyur par bsam/ /de nas bdag dang bka' sdod kyi/ /dkyil 'khor thig gdab brtsam bar bya/ /de nas thig gis bskul ba yis/ /ye shes 'khor lo spyan drangs te/ /nam mkha' la ni bzhugs su gsol/ /de'i dam tshig bskul ba ni/ /
 'jig rten khams rnams thams cad kyi/ /bdud sde ma lus 'dul pa'i phyir/ /sangs rgyas la sogs 'gro don du/ /khyed kyi don ni yin zhes bskul/ /de nas tshangs thig gdab par bya/ /tshangs thig gi ni ngos re la/ /sra ba'i shing gis bar bzhal te/
 thig skud? nyi shu nyi shu gdag /rta babs spyir mthun gzhan shes bya/ /de ltar thig rnams gdab pa dang/ /nam mkhar spyan drangs dkyil 'khor de/ /mchod pas mchod la bstim/ /de nas chon gyi cho ga brtsam/ /drug khrod kyi pha gu la sogs pa
 dur khrod kyi tshon zhes bya ba ni de las dur khrod las byung ba'i tshon gyis so/ /dur khrod pha gu dmar po dang/ /ldong ros kyis ni ser po dang/ /rkun ma'i lo mas ljang gu dang/ /dpa' bo'i rus pa'i dkar po dang/ /dur khrod sol ba'i nag po'o/ /yang na tshon gyi
 khyad par ni/ /dpa' bo rus pa'i phye ma la/ /bdud rtsi lnga yis bsred nas su/ /phyi yi tshon gyi kha dog bsgyur/ /de nas thod pa blugs nas ni/ /dkyil 'khor dbus nas rim par bzhag /de nas bdag nyid rnal 'byor pa/ /lha yi 'khor lo rdzogs par bya/ /de
 nas thugs kyi 'od zer gyis/ /tshon rnams rang bzhin med par bya/ /A li kA li las byung ba'i/ /zla ba nyi ma'i dbus ni/ bruM la sogs pa'i yi ge bsam/ /de nas thugs ka'i 'od zer gyis/ /dkyil 'khor spyan drangs nam mkhar bzhag /
 mchod pas mchod la tshon la bstim/ /de nas nad gi snying po gis/? brgya phrag re re'i bstim par bya/ /thugs ka'i 'od kyis bstim nas ni/ /de dag 'od du zhu bar gyur/ /dam pa'i tshon du gyur par bsam/ /de nas dkyil 'khor bri ba brtsam/ /?
 mchod pa gtor ma sngon 'gro bas/ /lha yi nga rgyal rab ldan pas/ /dkyil 'khor dam pa dri bar bya/ /dang po gtso bo'i pho brang ni/ /dbus su me yi dkyil 'khor bri/ /ma khyud zlum par bya ba ni/ /gri gug gi ni 'khor lo bya/ /phyi rol pad+ma 'dab brgyad ni/ /
 sna tshogs pa dang ldan par bya/ /de nas de yi phyi rol tu/ /gru chad bzhi ni byas pa la/ shar la sogs pa'i phyogs su ni/ /pad+ma 'dab ma brgyad brgyad bri/ /sum cu rtsa gnyis zlum po bya/ /pad+ma'i lha yi sku mdog bzhin/ /de nas phyi rol mu khyud la/ /
 'dab ma bdun cu rtsa gnyis ni/ /gru chad nyi shu rtsa bzhir bya/ /mu khyud gru chang thod rlom gri /de nas phyi rol gzhal yas ni/ /dkyil 'khor spyi dang mthun pa ste/ /de nas phyi rol dur khrod ni/ /rdo rje gri gug ra bar ni/ /bar du legs par bri bar bya/ /
 dur khrod brgyad kyi dbus su ni/ /'jigs byed 'jigs byed ma rnams kyi/ /sku ni legs par bri bar bya/ /thod pa dkar po gri gug nag po zhes bya ba ni dbus kyi gtso bo la sogs pa'i lha rnams kun gyi phyag mtshan te/ dbus kyi
 pho brang la sogs pa'i/ /pad+ma 'dab ma thams cad la/ /nyi ma'i steng na ro yi gdan/ /snying gar gri gug thod pa bri/ /de ltar dkyil 'khor bris pa dang/ /bum pa sta gon gnas pa kun/ /spyan drangs dkyil 'khor gnas su dgod/ /de nas mchod dang
 gtor ma ni/ /lha yi grangs su tshogs par byas/ /de nas rnal 'byor bdag nyid ni/ /dkyil 'khor bsgrub la 'jug par bya/ /bsam gtan dang ldan par byas la zhes bya ba ni/ /dkyil 'khor gyi ni shar phyogs su/ /de nas rdo rje slob dpon ni/ /bdud rtsi
 lnga yis lus byugs la/ /ro yi gdan la 'dug nas ni/ /lha yi 'khor lo rdzogs par bskyed/ /de nas thugs ka'i 'od zer gyis/ /mdun du dkyil 'khor dag par bya/ /de nas mdun gyi nam mkha' la/ /raM skyes nyi ma'i steng na hUM/ /hUM las gsal
 bar spro ba ni/ /khro bo nag po chen po bcu/ /spros nas phyogs bcu'i bgegs rnams bcom/ /khro bo bgegs rnams thams cad ni/ /'od du zhu nas rdo rje yi/ /ra ba gur dang sa gzhir gyur/ /dbus kyi hUM las 'od zer ni/ /'khor lo'i nang du rab spros te/ /
 gri gug ra ba bla rer gyur/ /dbus su e yi rnam pa las/ /chos kyi 'byung gnas bsam par bya/ /de dbus yi las rlung dkyil 'khor /gzhu dbyibs sngon po bdan mtshan/ /de steng raM byung mi'i dkyil 'khor/ /zur gsum dmar po re thas mtshan/ /de
 ste ba las chu'i dkyil 'khor/ /dkar po zlum po bum pas mtshan/ /de steng liM byung sa'i dkyil 'khor/ /gru bzhi ser po rdo rjes mtshan/ /de steng bruM las 'khor lo ste/ /'khor lo'i steng du hUM gyis mtshan/ /de dag yongs su gyur pa las/ /lha yi
 gzhal yas khang rdzogs te/ /gru bzhi pa la sgo bzhi pa/ /rta babs bzhi yis rnam par brgyan/ /dra ba dra byed yang dag ldan/ /ka ba brgyad kyis yang bdag brgyan/ /dur khrod rgyan gyis nye bar brgyan/ /dkyil 'khor dbus kyi phyogs dag tu/ /me yi dkyil
 'khor rab 'jigs 'bar/ /me yi dkyil 'khor phyi rol tu/ /gzhal yang khang du dus mtshungs su/ /pad+ma'i gdan rnams rdzogs par bskyed/ /de ltar gzhal yas khang rdzogs nas/ /nag po chen po dang mkha' 'gro ma'i tshogs bskyed la zhes bya ba ni/ /dkyil
 'khor gzhal yas khang du ni/ /lha yi dkyil 'khor bskyed par bya/ /me yi dkyil 'khor dbus su ni/ /sna tshogs pad steng nyi dkyil 'khor/ /de steng ro yi gdan nyid do/ /de nas lha rnams thams cad kyi/ /gdan yang de dang mtshungs par skyed/ /de nas ro yi snying
 gar ni/ /me long ye shes rang bzhin ni/ /A li las byung zla ba bsam/ /de steng nyi ma'i dkyil 'khor ni/ /kA li las byung mnyam nyid de/ /de yi dbus su gnas pa ni/ /gri gug yu ba hUM gis mtshan/ /so sor rtog pa'i rang bzhin no /thams cad gcig gyur
 bya nan tan/ /gzugs brnyan rdzogs pa chos kyi dbyings/ /zhal gcig pa la phyag gnyis pa/ /gri gug thod pa lag na 'dzin/ /'jigs pa chen po'i cha byad can/ /char sprin mdog la spyan gsum 'bar/ /de ltar gtso bo rdzogs pa yi/ /thugs kar bka' 
 sdod bskyed par bya/ /cho ga gsum gyis rdzogs pa'o/ /de nas mkha' 'gro ma rnams bskyed/ /mkha' 'gro ma yi gdan rnams ni/ /nyi ma'i ster na ro yi gdan/ /snying gar hUM las skyes pa ste/ /kun kyang zhal gcig phyag gnyis ma/ /sku mdog gong nas
 'byung ba bzhin/ /phyag mtshan gri gug thod pa 'dzin/ /spyan gsum 'jigs pa'i cha byad can/ /thugs kyi rdo rje las sprul pa'i/ /mkha' 'gro ma yi gdan rnams su/ /phyi rol lha mo brgyad mnan te/ /dkar mo chom rkun ro langs ma/ /dag mo la sogs
 lha mo bzhi/ /gau ri la sogs pa yi gdan/ /tshangs ma dbang mo nye dbang drag /tsaN+Ti ka la sogs pa bzhi/ /byang shar la sogs pa mtshams rnams su/ /buk+ka si la sogs pa'i gdan/ /dam tshig mkha' 'gro la sogs pa/ /brkyang
 bskum ro yi steng na 'gying/ /las kyi mkha' 'gro thams cad ni/ /bul+li ra la sogs pa yi/ /gnas ni nyi shu rtsa bzhi na/ /mkha' 'gro bdun cu rtsa gnyis dag /'jigs pa'i gzugs su thams cad bskyed/ /gtum drag la sogs dur khrod du/ /nag
 po drag po la sogs pa'i/ /gnod sbyin chen po brgyad rnams kyang/ /kun kyang zhal gcig phyag gnyis te/ /ro yi steng na gar gyis gnas/ /shar phyogs nag po drag po ni/ /sku mdog nag po cher 'jigs pa/ /ral gri thod pa lcags kyu 'dzin/ /
 lho phyogs rdo rje gtum po ni/ /sku mdog ser po me ltar 'bar/ /gri gug thod pa zhags pa 'dzin/ /nub phyogs rdo rje ro langs ni/ /sku mdog dmar po rab 'jigs pa/ /gri gug thod pa lcags sgrog 'dzin/ /byang phyogs rdo rje kA la ni/ /sku mdog dkar po khro gnyer can/ /phyag na
 khro gnyer can/ /gri gug thod pa khrag 'thung tshul/ /byang shar phyogs kyi bdag po ni/ /sku mdog stang zil mdog dmar gnag /phyag na rtse gsum la phug 'dzin/ /shar lho gnod sbyin ru ru ni/ /sku mdog dkar po khro gnyer can/ /phyag na e rdo rje thod khrag 'khrug /lho nub mtshams kyi dur khrod na/ /gnod sbyin gar mkhan mchog gnas te/ /sku mdog smug nag 'jigs pa'i gzugs/ /phyag na dgra sta thod pa 'dzin/ /nub byang mtshams kyi dur khrod na/ /lcags kyi sme ba can gnas
 te/ sku mdog nag po cher 'jigs pa/ /phyag na gri gug thod pa 'dzin/ /gzhan yang shar phyogs la sogs pa'i/ /kha gdong la sogs 'jigs byed ma/ /gnag dang ser dang dmar dang sto/ /de ltar sku mdog 'jigs gzugs ma/ /gri
 gug thod pa lag na 'dzin/ /byang shar mtshams sogs dur khrod na/ /gshin rje pho nya mo la sogs/ /sna tshogs mdog can khro mo'i gzugs/ /gri gug thod pa lag na 'dzin/ /gzhan yang dur khrod de rnams na/ /shing dang phyogs skyong klu rnams dang/ /sprin
 gyi bdag po bsam par bya/ /sha ri She dang tsu da dang/ /ka ko le dang a shwa ste/ /shar la sogs pa'i rim par gnas/ /'bar ra kar tsa ga ra na dang/ /'ba' dang la ti kar ti yi/ /byang shar la sogs mtshams na gnas/ /dbang po dang ni gshin rje dang/ /klu
 yi bdag po bzhin bdag dag /shar la sogs pa'i phyogs na gnas/ /dbang ldan dang ni byin za dang/ /srid po'i dbang po klu nag po/ /byang shar la sogs mtshams na gnas/ /nor rgyas dang ni pad+ma dang/ /stobs kyi rgyu dang 'jog po dang/ /shar la sogs
 pa'i rim pas gnas/ /pad+ma chen po hu lun ta/ /rigs ldan dang ni dung skyong rnams/ /byang shar la sogs mtshams na gnas/ /sgra ni drag dang 'khyil ba dang/ bdud pa can dang rmugs pa dang/ /shar la sogs pa'i rim pas gnas/ /'khrigs pa dang mi
 gang ba dang/ /'bar pa dang ni drag po ni/ /byang shar la sogs mtshams na gnas/ /'byung pe de dag thams cad kyang/ /kun kyang 'jigs pa'i gzugs can te/ /gri gug thod pa lag na 'dzin/ /gzhan yang dur khrod de dag na/ /'jigs bar gzugs pa?
 ro langs dang/ /'byung po mang po 'dus pa ste/ /ce sbyang sgra ni sgrogs pa'o/ /de ltar dur khrod thams cad kyang/ /cho gas rdzogs par bskyed nas su/ /nam mkha' las byung ba'i dkyil 'khor bstim zhes bya ba ni/ /nam mkha' las byung chos sku yin/ /dkyil 'khor
 longs spyod rdzogs par bshad/ /bston pa sbrul pas 'gro don byed/ /de yang 'di ltar bya ba ste/ /gzo bo'i thugs ka'i 'od zer ni/ /phyag brgya bzhi dang ldan pa yis/ /dkyil 'khor dgug cang dgyes par bya/ /de nas rgyud nas 'byung ba yi/ /bde
 gshegs dbang bskur rgyas gdab bya/ /mchod pa dang gtor ma zhes bya ba ni/ /mthun pa'i rdzas ni thams cad la/ /mchod pa gtor ma byas nas su/ /dkyil 'khor lha rnams thams cad la/ /rtsa ba'i sngags kyis dbul bar bya/ /khyad par
 gyis mchod pa zhes bya ba ni/ /cho ga byas pa'i la du la/ /khyad par spos kyi mchod pas mchod/ /de nas rdo rje slob dpon gyis/ /dkyil 'khor lha rnams thams cad la/ /cang te'u sgra dkrol bstod pa bya/ /hUM chos dkyil stong nyid gnyis med dang nyid las/ /
 'jig rten gdug pa 'joms pa'i tshul mi spong/ /thabs la mkhas pas nag po'i skur ston pa/ /nag po 'bar ba'i sku la phyag 'tshal bstod/ /mi thung sgeg po sprin gyi mdog lta bu/ /sku yi cha lugs za byed rnga rtags can/ /gdug pa 'dul mdzad
 mtshon cha phyag na bsnams/ /klu brgyad rgyan gyis brgyan la phyag 'tshal bstod/ /lhag par rol ba'i ye shes stobs mdzid cing/ /gsung gi nga ro 'brug stong ldir ba'i sgras/ /ma lus dbang du mdzad la phyag 'tshal bstod/ /gdug pa sprul ba'i
 sna tshogs 'gyed mdzes pa'i/ /srin po'i gzugs 'chang mi bzad drag po'i sku la phyag 'tshal bstong/ nyon mongs ma lus gtan nas 'joms mdzad pa'i/ /gnod sbyin gdug pa kha nas khrag 'dzag pa'i/ /rngaM pa'i mche ba gtsigs la phyag 'tshal
 bstod/ /dpa' bo stang stabs brkyang bskum ro yi gdan/ /bskal pa'i ye shes me dpung 'bar ba'i sku/ /stag lpags sham thabs mdzad la phyag 'tshal bstod/ /dbu skra kham ser gyen du 'khril mdzad thod pa'i dbu rgyan can/ /sngags kyi yon tan
 rdzogs mdzad drag po'i gdan/ /sbrul nag chun pos brgyan la phyag 'tshal bstod/ /nyi zla 'bar ba'i spyan gsum sdang mig gis/ /khams gsum ma lus dbang du sdud mdzad cing/ /bgegs dpung sreg mdzad khyed la phyag 'tshal bstod/ /
 gtum chen dus mdza' i me ltar gzi brjod 'bar/ /ma rig la sogs gcor phyir gri gug 'dzin/ /nag po gzi brjid 'bar la phyag 'tshal bstod/ /lha yi thod par lha min khrag 'dzin pa/ /gdug pa 'joms phyir dkrug 'thung rgyun mi 'chad/ /gsang
 sngags dngos grub sbyin mdzad phyag 'tshal bstod/ /dur khrod bdag po mnga' gsol ma mos bskor mdzad pa'i/ /dpal ldan nag po rab tu 'bar ba'i sku/ /bstan pa bsrung bar sems bskyed khyod la phyag 'tshal bstod/ /dus gsum rgyal ba thams
 cad kyis/ /bstan pa bsrung bar byin brlabs pa'i/ /lha yi dmag dpon khyod la bstod/ /gsang ba gsum las byung ba'i nag po chen po khyod/ /mkha' 'gro gtso mdzad mkha' la rgyu mdzad pa'i/ /tshogs kyi bdag po khyod la phyag 'tshal bstod/ /
 srid pa gsum gyi gdug pa 'joms mdzed pa'i/ /grong khyer sum brtsegs 'jigs mdzad nag po che/ /ma mo'i tshogs bskor khyod la phyag 'tshal bstod/ /rang gi rang bzhin chags dang rnam bral yang/ /gdug pa 'dul phyir khro dang khro mdzad pa'i
 nag po gtum po khyod la phyag 'tshal bstod/ /phyi rol tshangs ma dkar mo la sogs brgyan/ /de yi gnyen por nyid skur sprul pa yi/ /sna tshogs gzugs 'chang 'jigs pa chen po'i sku/ /gri gug thod pa drag po ste/ /thugs kyi rdo rje khyed la
 phyag 'tshal bstod/ /sku gsung thugs las byung ba yi/ /dam tshig chen po'i bdag nyid 'dzin/ /gsod byed ma la sogs pa yi/ /mkha' 'gro sum cu rtsa gnyis dag /gtso bo'i dam tshig mi spong zhing/ /gdug pa ma lus 'joms mdzad pa'i
 drag po khyod la phyag 'tshal bstod/ /gsang bar gnas pa'i pho brang ni/ /nyi shu rtsa gnyis bdag nyid de/ /dul+li ra la sogs pa yi/ /gsang ba'i gnas ni de dag na/ /'phrin las rdzogs par byed pa yi/ /kun kyang las kyi bdag mo ste/ /khrag 'thung
 ma la sogs pa yi/ /mkha' 'gro bdun cu rtsa gnyis dag /kun kyang 'jigs pa'i gzugs can gyis/ /'phrin las thams cad myur 'grub pa'i/ /mkha' 'gro khyod la phyag 'tshal bstod/ /dur khrod chen po la gnas pa'i/ /
 nag po drag po la sogs gnod sbyin brgyad/ /'jigs byed chen po'i gzugs kyi gnas pa ste/ /'gro ba ma lus sgrol mdzad khyod la phyag 'tshal bstod/ /khwa gdong la sogs 'jigs byed ma yi tshogs/ /dur khrod gnas nas mtshan mo rgyu
 pas sna tshogs sprul ba'i bdag/ 'gro ba'i srog 'phrog 'jigs pa'i gzugs 'chad khyed la phyag 'tshal bstod/ /'khor gyi tshogs su gyur pa thams cad kyis/ /gtso bo'i 'khor lo kun nas mi spong zhing/ /dam tshig chen por gnas pa khyod pa la bsto
 dur khrod chen po brgyad kyi ngo drang na/ /nyi shu rtsa bzhi drag po'i tshogs rnams kyis/ /dus gsum dur khrod gnas rnams bskor mdzad pa'o/ /nag po drag po khyod la phyag 'tshal bstod/ /rdo rje slob dpon smod myed? dang/ /theg chen bstan pa 'jig byed pa/ /
 gdug pa ma lus 'dul mdzad pa'i/ /nam mkha' i 'khor lo rab bzhugs te/ /gar mkhan khyod la phyag 'tshal bstod/ /sha gtub khrag ni 'thung mdzad pa'i/ /rang bzhin gsang sngags rdzogs mdzad pa'i/ /'jigs byed khyod la phyag 'tshal bstod
 ri rab rtse yi gtso chen po/ /lha min dmag dpung 'joms mdzad pa'i/ /dpal ldan 'khor skyong khyod phyag 'tshal/ /gtum pa'i sku tshang sha chen za byed pa/ /thod pa'i do shal sngags kyi phrang ba brgya na/ mi bzad khyod la phyag 'tshal lo/ /dpal ldan
 nag po chen po yis/ /bdag gi bstan pa bsrung bar bgyis/ /de ltar bstan na/ so so'i thugs kar dam tshig bsnyen pa bskyal te/ de nas bsnyen pa rab bskyal te/ /de rnams lha rnams thams cad kyi/ /thugs kar nang gi snying po yis/ /bsnyen
 pa 'bus phrag bskyal bar bya/ /des ni rtags ni thob pa ste/ /dus gsum du zhes bya ba nas zhal mthong bar 'gyur pa ni go sla'o/ /de ltar rdo rje slob dpon gyis/ bsnyen pa rdzogs pa'i dkyil 'khor du/ /slob ma gzhug pa brtsam par bya/ /slob ma'i mchog
 tu gyur ba des/ /yol ba'i phyi rol gnas nas ni/ /lag gnyis me tog gzung byas la/ /bla ma'i mdun du maN+Dal dbul/ /sku gsung thugs las byung ba yi/ /rdo rje chen po'i bdag nyid khyod/ /dpal ldan nag po chen po yis/ /gsang ba'i 'khor lo'i po drang
 du/ de bzhin bdag ni gzhugs su gsol/ /de nas rdo rje slob dpon gyis/ /rtsa ba'i sngags kyis bsang gtor bya/ /dur khrod nges kyi gdong g.yogs la/ /slob ma mdun du bzhag par bya/ /slob mas yon mchog phul nas ni/ /gong du gsungs pa'i
 bstod pa yis/ /slob ma dkyil 'khor lha la bstod de/ /de nas rdo rje slob dpon gyis/ /sdom pa bzung ba'i cho ga yis/ /'di ni sangs rgyas thams cad kyi/ /dam tshig 'khor lo yin pa ste/ /dus gsum bde gshegs thams cad kyi/ /bstan pa bsrung par
 sems bskyed cing/ slob ma gsol ba gdab par bya/ /sku gsung thugs las byung ba yis/ /dpal ldan nag po chen po dang/ /mkha' 'gro'i dkyil 'khor 'khor lo'i bdag /de bzhin bdag la dbab du gsong/ /de nas thugs ka'i 'od zer gyis/ /
 nag po chen po la sogs pa'i/ /dkyil 'khor 'khor lo spyan drangs nas/ /slob ma'i snying gar gzhugs par bya/ /oM sh+rI mahA krA la gA gA ga tsakra/ A darsha ya to bta ya/ da rA rA/ ba la ya tsi tA ya/ hUM ha A dzd+he/ slob ma khro gnyer bzhin gyur nas/ /drag
 bo'i sngags ni brjod pa dang/ brtul zhugs gar ni byed par 'gyur/ oM gA gA ma te te badzras brtan par bya/ /slob ma shar du gnas nas ni/ /slob dpon gyis ni gzhug par bya/ /dpal ldan nag po chen po dang/ 'khor lo'i dkyil 'khor thams cad
 gsang ba'i pho brang chen por ni/ /bdag gi slob ma bzhug par bya/ /slob mas rig pa'i me tog ni/ /dkyil 'khor dbus su gtor bar bya/ /oM ma hA kA lA ya/ /A darsha dz+nyA na a b+hi Shiny+tsa hUM/ thod rus las byung dbu brgyan la/
 rin chen bdag po bskyed par bya/ /thugs kar nag po chen po ni/ /yan lag go cha kun byas te/ /spyi bor dbang bskur sbyin par bya/ /oM mahA kA la ya/ /sa man ta dz+nyA na a b+hi Shiny+tsa traM/ rdo rje snang ba mdza' yas su/ /bskyad nas nag po chen po ni/ /thugs
 kar yang dag gnas par bya/ /de nas dbang bskur sbyin pa ni/ /oM mahA kA la ya/ pra ti b+hak+Sha sha dz+nyA na a b+hi Shiny+tsa oM/ dril bu don yod grub par ni/ /bskyed nas thugs kar rigs bdag bsam/ /yan lag cho ga kun byas te/ /de nas dbang skur?
 sbyin par bya/ /oM mahA kA la ya kri ta A nu Tha DA a b+haM Shiny+tsa ta khaM/ /de nas bdag gi lha yis ni/ /ming gi dbang 'di bskur bya ste/ /bum pa la sogs rdzogs tshogs nas/ /mA hA kA la ya d+ha rma d+ha tu dz+nyA na a b+hI Shiny+tsa sh+ro nA ma/ a b+hi She ka ta oM/ dpal
 dang rdo rje mdza' yas kyi/ /ming gi dbang ni bskur bar bya/ /de nas slob ma mchog gi ni/ /yon gyi mchog phul gsol ba gdang/ /nam mkha' las byung rdo rje'i sku/ /de bzhin bdag la stsal du gsol/ /dpal ldan nag po chen po dang/ /dpa' bo
 mkha' 'gro ma rnams kyi/ /sku gsung thugs kyi rdo rje'i dbang/ /dbang bskur ba ni bdag la gsol/ /gdug pa ma lus sgral ba dang/ /bde gshegs bstan pa bsrung ba'i phyir/ /bdag ni rtag par slob dpon bgyid/ /de nas slob ma'i
 snying gar na/ /hUM gi yi ge gsal bar bsam/ /de nas thugs ka'i 'od zer gyis/ /bskul nas nag po'i skur bskyed de/ /slob ma'i thugs kar sdod par bsam/ /de nas ye shes sems dpa' ni/ /phyag rgya bzhi yi sbyor bas bstim/ /
 de nas bum pa la sogs pa'i/ /dbang bskur ba ni sbyin par bya/ /de nas gri gug thod pa sbyin/ /ye shes 'bar ba'i bdag nyid de/ /nyon mongs ma lus gcod pa'i mchog /bdud khrag 'byung ba'i ka pA la/ /dpa' bo'i rtags su sbyin par bya/ /dpal ldan
 nag po chen po yis/ /cod pan la sogs phyag rgya drug /sku yi rtags su sbyin par bya/ /dur khrod snag tshas bris pa yis/ /po ti gsung gi rtags su sbyin/ /dung dang mda' gzhu sbyin par bya/ /de nas rdo rje slob dpon gyis/ /thugs ka'i hUM las rab spros te/ /rtsa
 kha'i snying po'i sngags dang ni/ /nang gi snying po rab sgros? te/ /slob ma'i snying gar bstim par bya/ sngags re stong phrag re re bstim/ /de nas sha lnga bdud rtsi lnga/ /dam tshig cho gas sbyin par gyi/ /de nas rdo rje rtse mo yis/ 'bar ba'i bsam gtan brtan
 nas ni/ /rjes su gnang ba sbyin par bya/ /dpal ldan nag po chen po yi/ /sku gsung thugs kyi 'khor lo ni/ /khyed kyi rtag tu goms par gyis/ /dngos grub thams cad khyod mngon gyur/ /gsang sngags la yang brtson par gyis/ /dam tshig thams
 cad spyod par gyis/ /bsod pa la sogs las kyi tshogs/ /gdug pa 'dul phyir grub par gyis/ /de nas dkyil 'khor shar phyogs su/ /ro yi gdan la rab 'dug ste/ /gri gug thod pa thogs nas ni/ /shar la sogs par mngon phyogs nas
 slob ma'i ming ni 'di zhes bya/ /rdo rje rigs la sogs pa yi/ /de bzhin gshegs pa thams cad dang/ /mgrin pa gcig tu yung bstan ni/ /de ltar nga yis lung bstan pa/ /dpal ldan nag po chen po dang/ /mkha' 'gro 'khor lo thams cad ni/ /
 dang po mchog tu bsgrub pa'i phyir/ /mgrin pa gcig tu lung bstan to/ /srid pa gdug pa 'dul mdzad pa'i/ /oM sh+rI ma hA kU la na ma(rgyud 'grel dpal ldan nag po'i dkyil 'khor gyi/ /khyod ni bdag por gyur pa de/ /'khor lo gsum la gnas pa yi/ mkha' 'gro ma rnams thams cad kyi/ /khyod kyis bsgoms pa'i las rnams byed/ /bsad pa la sogs las rnams
 ni/ /brtsams pa tsam gyis thogs med 'gyur/ /de ltar cho ga rdzogs pa dang/ /rgyud kyi don ni bshad par bya/ /'di yi cho ga'i khyad par ni/ /ma byung 'byung bar mi 'gyur te/ /'di ni dam pas brlang bar bya/ /de skad ces bka' stsal te zhes bya ba ni/ /dkyil
 'khor gyi don bsdus te bshad pa'i phyir ro/ /de nas gzhan yang zhes bya ba nas bka' stsal ba zhes bya ba ni dkyil 'khor la brten nas bsgrub par byas te go sla'o/ /sa la dkyil 'khor bri zhes bya ba ni gong du bstan pa'i dkyil 'khor te/ bsgrub par bya
 ba'i ched zhes pa'o/ /ro bsregs pa'i zhes bya pa ni/ /dbang bskur bya ba ste de yang/ /dur khrod gnas su song nas ni/ /bdud rtsis maN+Dal byas nas su/ /de stengs ro bsregs shing bzhag nas/ /lha yi 'khor lo rdzogs byas te/ /thugs ka'i 'od zer
 rab spros pas/ /dpal ldan nag po sbyan drangs bsdim/ /yan lag cho ga byas nas ni/ /mchod la gtor ma dbul bar bya/ /de nas nang gi snying po yis/ /bsnyen pa stong phug gcig tu bya/ /der ni sku yi tho gang tshad/ /legs par yas te
 rab gnas bya/ /chad pa'i sa dang dri rus la zhes bya ba ni lder so zhes bya ba ste cho ga ni gong ma dang mtshungs so/ /dur khrod gnas zhes bya ba'i gong du bstan pa'i gnas chen po brgyad du'o/ /bsam gtan pa zhes bya ba nas gnas par bya zhes pa ni mdor
 bstan pa go sla'o/ /dngos po 'grub ces bya ba ni rab tu gnas pa'i rtags thob pa lo/ /bka' stsal to zhes bya ba ni mdor bstan pa'i tshi go /rnal 'byor gyi dbang byug ces bya ba na ni ge po chen po'i dkyil 'khro du dbang bskur zhing bsnyen pa'i
 rtags thob pa'o/ /bsam gtan sngags dang ldan gyur na zhes bya ba ni rab tu gnas pa'i bsnyen par bya'o/ /gnyis med stobs dang ldan par gyur zhes bya ba ni bsnyen pa'i rtags thob pa'i phyir ro/ /nag po chen pos gsol ba zhes bya ba nas/ /phur bu
 rab tu gnas pa bya zhes bya ba ni sku la sogs pa'i rab gnas mdor bsdus te zhus pa'o/ /bcom ldan 'das kyis bka' stsal te zhes bya ba ni bcom ldan 'das ye shes chen po'i ting nge 'dzin la zhes bya ba'i don to/ /de nas gzhan la zhes
 bya ba ni rab tu gnas pa rgyas par bshad pa'o/ /dang po zhes bya ba ni bsnyen pa rdzogs pa ste de ma thag tu'o/ /dur khrod ces bya ba ni lho phyogs kyi dur khrod de/ nga rgyal dang ldan par zhes bya ba ni dur khrod kyi dbus su lha'i 'khor lo rdzogs par bskyed nas
 cang te'u dkrol zhing ha ha zhes sgrogs pa'o/ /dpa' bo kha dog nag po zhes bya ba ni rtse gsum ral gris bsang pa nyid de yang na gsal shing la btsugs pa'o/ bsam gtan dang sngags kyis brlang bar bya zhes bya ba ni dur khrod chen po'i dbus
 ni bdud rtsi ba yi rnam lnga yis/ /dkyil 'khor gru bzhir byas nas ni/ /u pak+She pa'i me tog gis/ /lha yi grangs kyi tshon bu bya/ /de steng ro ni bzhag par bya/ /de nas bdag nyid rnal 'byor pa/ /lta yi 'khor lo rdzogs par bya/ /de nas thugs ka'i 'od
 zer gyis/ /mdun gyi ro la phog nas ni/ /'od du zhu nas dkyil 'khor gyur/ /de nas dkyil 'khor de nyid la/ /dam tshig dkyil 'khor bskyed par bya/ /de nas thugs ka'i 'od zer gyis/ /ye shes dkyil 'khor spyan drang te/ /phyag rgya bzhi yi sbyar bas
 bstim/ /bde gshegs dbang bskur rgyas gang ba bya/ /de nas phyi yi yi ge yis/ /so so'i thugs kar khyab par bya/ /mchod pa gtor ma la sogs pa'i/ /rtsa dI sngags kyis dbul par bya/ /de nas dam tshig cho ga bya/ /nang gi snying po bzlas pa yang/ /stong
 phrag gcig tu bya ba ste/ /de nas lha rnams thams cad kyi/ /so sor 'od du zhu ba las/ /yi ge muM du gyur par bsam/ /de nas gri gug lag thogs nas/ /dur khrod ras ni bslad bar bya/ /thod pa'i nang du bzhag ces bya
 ba ni go sla'o/ /bskyed pa'i rim pa dang ldan zhes bya ba ni/ /dpa' bo rtog pa med pa dang/ rtse gcig brtson 'grus che ba yi/ /rim pa'i cho ga rdzogs pa yis/ /bskyed pa'i rim pa rdzogs par bya/ /de nas dkyil 'khor cho ga yi/ /tshon ni
 byin gyis brlab pa bzhin/ /tshon rnams sta gon gnas par bya/ /dpal ldan nag po chen po bri zhes bya ba ni/ /dur khrod chen po'i dbus su ni/ /dkyil 'khor 'khor lo bri bar bya/ /yang na rgyan gcig pa nyid bri/ /de nas zhes bya ba la sogs pa ni
 bsnyen pa bya ste go sla'o/ /dang po zhes bya ba ni gnas kyi dang po ste dkyil 'khor bri ba'i phyir maN+Dal zhes bya ba ni de yang gong du bstan pa'i dkyil 'khor de tshon gyis bri ba'am me tog gi tshon bur byas te/ de nas bskyed pa'i ram pa dang ldan par bya
 la zhes bya ba ni dkyil 'khor de nyid la chog gsum gyis lha'i 'khor lo de nyid rdzogs par bskyed la yan lag gi cho ga rdzogs par bya ste/ de nas gnas de nyid du gong du bstan pa'i bum pa sta gon la gnas pa'i cho gas bum pa sta gon la gnas
 par bya'o/ mdun gyi thang ka zhes bya ba ni thang ka sta gon la gnas pa zhes bya ba ni thang ka'i sta gon la gnas pa zhes bya ba ste de yang paM 'od du zhu ba la sogs te go sla'o/ /bsam par bya zhes bya ba ni thang ka de rang bzhin med pa las cho ga
 gsum gyis sku bzhengs te/ de nas gtso bo'i thugs ka nas phyi'i snying po stong phrag gcig tu spos te thugs kar bstim mo/ /de nas thugs ka'i 'od zer gyis bskul nas 'od du zhu ste/ gsung dang thugs kyi rang bzhin du sta gon la gnas par bya'o
 sta gon la gnas par nyi ma gnyis pa la rab tu gnas par bya ste/ de yang gong du bstan pa'i dkyil 'khor dbang bskur ba'i don gsal ba bskyed la/ /bdag nyid lha'i rnal 'byor rdzogs par skyed de/ thugs ka'i 'od zer dam tshig gis bskul ba'i phyir spro dang bsdu
 bzhes bya'o/ /rje btsun nag po chen po bzhengs te zhes bya ba la sogs pa ni go sla'o/ /de nas thugs ka'i sa bon zhes bya ba hUM ngo/ /'od zer zhes bya ba ni rdo rje las lcags kyu'i tshul lo/ /de spros nas bkug pa ni de bzhin gshegs pa ste de yang de bzhin gshegs pa
 dang/ rig pa'i lha mo dang/ byang chub sems dpa' dang/ khro bo'i rgyal po la sogs pa/ bkug ste/ mdun gyi nam mkha' la dmigs par bya'o/ /de nas mchod pa dang gtor ma la sogs pa dbul bar bya'o/ /'dir skye bo rmongs par ya ba'i dkyil 'khor du gzhug
 pa ring du spangs pa'o/ /de nyid ring pa rnams kyis ni 'dir shes par bya ste/ de yang sngon du 'gro ba ni phyi'i snying po dang dam tshig gis sngags kyis sdom pa la gnas te thugs ka'i 'od zer zhes bya ba ni rin po che'i thur ma'i dbyibs su spros te/ de nas nag po chen po'i
 spyan dbye bar byas pa'o/ /srid pa rang bzhin tshig brjod nas/ /'di ni chos dbyings dag pa ste/ /sems can khams ni sgrol ba'i phyir/ /dkyil 'khor chen por rab zhugs nas/ /ma rig mun pa 'joms pa yi/ /snying rje chags pa'i spyan gyis gzigs/ /de
 nas yol pa rang bsal te/ /oM gyi dang po dang Ata ma ko haM gi mdza' can gyis spyan dbye bar bya'o/ /de nas dkyil 'khor du gzhug pa ni thugs ka'i 'od zer gyis chur bsdus nas gtso bo'i thugs kar zhugs par bya'o/ /hUM dang gnyis su med par gyur/ /
 de nas hUM las byung ba yi/ /nag po chen po byung nas ni/ /gong gi gnas su bzhag par bya/ /de nas dbang bskur sbyin pa'i phyir/ /dbang bskur bar dmigs la zhes bya'o/ /de nas de bzhin gshegs pa yi/ /rdo rje dril bu'i phyag rgya ni/ /nag po'i spyi bor
 bzung nas ni/ /rig pa'i lha mo thams cad kyis/ /sta gon gnas pa'i bum bzung nas/ /spyi bor dbang bskur spyin par bya/ /de nas gong du bstan pa yi/ /dbu rgyan la sogs dbang rnams kyang/ /rim pa bzhin du bskur bar bya/ /
 dbang bskur dus ni thams cad du/ /byang chub sems dpa' rnams kyis kyang/ /mchod pa rgyun mi 'chad par byed/ /srid pa'i rang bzhin tshig brjod cing/ /oM gyi dang po hUM gyi mdza' can gyis dus thams cad du dbang bskur bya'o/ /de nas rang gi thugs ka'i
 zhes pa nas/ /spyan drangs pa la sogs pa ni go sla'o/ /oM gyi dang po dang hUM gi mdza' can gyis spyan drang ba ste de la zhes pa ni go sla'o/ /bstim par bya zhes bya ba ni oM gyis dang po dang hUM gi mdza' can gyi brgya phrag gcig brjod la bstim par bya'o
 de nyid du ni dbang bskur ba'i/ /dkyil 'khor gyis kyang rgyas btab bya/ /thugs ka'i 'od zer zhes bya ba naM phyi'i snying po thugs ka nas thugs ka'i bzlas pa bya ba'i phyir ro/ /mchod pa dang gtor ma zhes bya ba khyad par gyi rdzas kyi phyir ro/ /de nas zhes bya ba ni
 mchod pa'i dus so/ /tshogs kyi 'khor lo zhes bya ba ni tshogs gnyis rdzogs pa'i rgyu yin la phyin ci log gi rtog pa spangs pa'i phyir 'khor lo zhes bya ba/ /de yang mchod pa'i khyad par du zhes bya ba ni sha rnam pa lnga la sogs pa'o/ /kha zas tshogs par
 byas la/ /gong gi lha yi rnal 'byor rnams/ /shin tu gsal bar byas nas ni/ /de nas bdud rtsi zhal zas rnams/ /ye shes bdud rtsir byin brlabs la/ /lha yi 'khor lo thams cad kyi lce la hUM phyung rdo rje bsam/ /dam tshig bza' dang btung ba dang/ /
 pad+ma'i phyag rgya'i sngon du sbyin/ /de nas kha zas thams cad kyi/ /phung kyi dkyil 'khor gsol bar mchod/ /lha yi rnal 'byor ldan pa yis/ /zhal zas tshim pa bza' chan bya/ /lhag ma dur khrod gnas su sprin/ /de nas bstod par rab bstod de/ /dam pa
 rang bzhin tshig gis brjod/ /rdo rje'i klu ni blang bya zhing/ /yang dang yang du bdud rtsi ni/ /lha yi sbyor bas brlang bar bya/ /de nas tshogs kyi 'khor lo'i rdzas la ni spos bsreg ces bya ste de yang/ /spos dang dug gi la dus mchod/ /rab gnas bsnyen pa bskyal pa ni/ /thugs
 ka nas thugs zhes bya ba ste/ /de yang nang gi snying po yis/ /nam mkha' las zhes bya ba la sogs pa ni rtags kyi rim pa ste go sla'o/ /rab gnas brtan par bya pa'i phyir/ /oM gyi dang po dang hUM gi mdza' can no/ /de yang brtan par bya ba ni/ /dngos grub nye bar
 'gyur pa dang/ /rten tshad dang ldan pas myur du 'grub pa'i phyir/ /rab tu gnas pa thob ches bya/ /bcom ldan 'das kyis bka' stsal to zhes bya ba ni/ sku'i rab gnas sdud pa pos bsdus te 'khro gyis tshogs la bshad ces bya ba'i don to/ /de nas
 gzhan yang zhes bya ba ni sku'i dkyil 'khor yang thugs kyi rtags dang ldan pa'i phyir zhus pa gri gug gi rab tu gnas pa bshad du gsol zhes pa'i don to/ /bcom ldan 'das kyi bka' stsal pa zhes bya ba ni bcom ldan 'das so sor rtogs pa'i ye shes kyi
 ting nge 'dzin la zhugs so zhes bya ba'i don to/ /'gugs dang zhes bya ba nas bshad par bya ba'i bar mdor bstan pa ste go sla'o/ /dpa' bo stobs dang ldan pa lcags zhes bya ba ni phan tshun g.yul dgye bas bsad pa'i mtshon cha'o/ /sor bcu gnyis zhes bya ba ni
 rtsod par byed pa'o/ /sor bzhi zhes bya ni lcags kyu'i tshul du gnas pa ste 'gugs par byed pa'o/ /hUM zhes bya ba ni nyi ma'i dkyil 'khor gyi dbus su mtshan pa'i phyir ro/ /de nas rab gnas la 'jug par bya ste/ bdud rtsi'i maN+Dal zhes bya ba ni gru bzhi par byas
 pa la bdud rtsi thig le lha'i grangs su bya ste/ /der ni lha yi 'khor lo ste/ cho ga gsum gyis rdzogs par bskyed/ /yan lag cho ga thams cad kyi/ /sngon du 'gor ba byas nas ni/ /de nas cho ga brtsam par bya/ /gri gug bdud rtsi byugs gug gi yu ba'i
 hUM la nang gi snying pos bskor te bdud rtsis bri ba'i phyir ro/ /maN+Dal zhes bya ba ni rang gi mdun du bzhag par bya'o/ /'dir go rims bskur ba ste/ 'od zer zhes bya ba ni hUM las byung ba'i 'od zer ro/ /dag par bya zhes bya ba ni gri gug mi
 dmigs par bya ste/ pad+ma dang nyi ma la zhes bya ba ni pa dang? las bskyed pa'i thog tu zhes bya ba ni hUM bsam par ro/ /gri gug bzhag ces bya ba ni hUM yongs su gyur pa las so/ /nag po chen po'i gri gug gi rang bzhin du byas la zhes pa ni thugs ka'i
 'od zer gyis rang bzhin gyi nag po chen po spyan drangs te mchod pa la sogs bya ste/ gri gug la bstim zhes bya ba'i don to/ /yu ba'i hUM las zhes bya ba ni nyi ma'i dkyil 'khor las so/ /sngags zhis bya ba ni nang gi snying po dang ldan par bya ste bzlas
 par bya'o/ /zhes bya ba ni gtso bo'i thugs ka na yang nyi ma dang hUM la sngags 'od dang ldan pa ste/ de yang sngags 'od zer ngar bcas pa spros sta gri gug gi sngags la bstim pa'i bzlas pa stong phrag gcig tu byas te/ /de yang oM gyi dang po dang At+maM?
 ko haM gis te/ bzlas pa byas pa ni hUM hUM phaT phaT swAhA/ de nas thugs kyi rang bzhin gyi rtags yin pa li phyir dang/ nag po chen po dang tha ma dad pas mchod pa zhes bya ba na go sla'o/ /de nas gzhan yang zhes bya ba ni go sla'o/ /de nas gzhan
 yang zhes bya ba ni/ /sku'i 'khor lo las gsung gi rtags su gyur pa ste/ thod pa'i rab tu gnas pa la 'thug par bya ba'i phyir gzhan yang zhes bya ba/ A li bzhis bya ba ni sum cu rtsa gnyis pa'o/ /kA li yis zhes bya ba ni brgyad cu las phung
 pa'o dbus su zhes bya ba ni zla ba dang lti? so'i dbus su'o/ /A laM kA li zhes bya ba ni phyi dang chang brgyan pa'o/ /thugs ka'i 'od zer zhes bya ba ni go sla'o/ /bstim par bya zhes bya ba ni bstims nas thong ba'i nang du gyur pa ste/ thod pa'i dbus su nyi
 ma'i steng na a las nang gi snying po dang bcas te bskor bar bsam/ de yang oM gyi dang po dang hUM gi mdza' can no/ /bzla ba bya zhes bya ba ni thugs ka nas spros te/ /thod pa'i nang gi rdzas la thim par bya'o/ /de nas gzhan yang zhes bya ba ni sku gsung thugs
 kyi yon tan gyi sgo nas phrin las rdzogs par bya ba'i phyir phur bu'i rab tu gnas pa la 'jug par bya ste/ sngags bri zhes bya ba ni thugs ka'i 'od zer gyis mi dmigs par byas pa'o/ /thod pa nang du bzhag ces bya ba ni chos kyi 'byung gnas kyi
 dbus su phur bu'i cha byang lha'i sku bskyed pa'i phyir bzhag ces bya'o/ /thugs ka'i 'od zer gyis/ zhes bya ba la sogs pa ni go sla'o/ /bstim zhes bya ba ni gnyis su med par gyur pa'o/ /de yang thugs ka nas thugs kar nang gi snying po dang bcas par bstim par
 bya'o/ /de yang oM gyi dang po dang a'oM ta ma ko haM gi mdza' can no/ /bka' stsal to zhes bya ba ni yan lag gi rab tu gnas pa bsdud pa pos te 'khor la bshad pa'o/ /de nas zhes bya ba ni rab gnas kyi dus zhus pa ste go sla'o/ /khyad par gyi dus zhes
 bya ba ni zhing ngam dur khrod na tshogs kyi 'khor lo bskor ba'i sa der rab tu gnas par bya'o/ /thun mong gi dus ni go sla'o/ /bcom ldan 'das kyis bka' stsal to/ /zhes bya ba ni dus nges par bzung ba ste 'khor la bshad pa'o/ /dpal
 ldan nag po chen pos gsol ba zhes bya ba ni rab tu gnas pa'i dam tshig zhus pa'o/ /bcom ldan 'das kyis bka' stsal pa zhes bya ba ni dam tshig gi 'khor lo'i ting nge 'dzin la zhugs pa nyid do/ /bla ma la gus zhes bya ba ni slob
 dpon rtsa ba dang yan lag gi dam tshig spong ba'o/ /rnal 'byor brtson zhes bya ba ni bskyed pa'i rim pa dang rdzogs pa'i rim pa dang mi 'bral bar brtson pa'o/ /cho ga'i yan lag ces bya ba ni bsad pa dang bskrad pa la sogs pa'o
 rtag tu dam tshig srung zhes bya ba ni rgyun tu gsang ba'i dam tshig la gnas pa nyid do zhes bya ba bcom ldan 'das kyis bka' stsal to zhes bya ba khyad par gyi dam tshig bsdus te 'khor la bshad pa'o/ /de nas bcom ldan 'das la
 gsol pa zhes bya ba nas dngos grub nye ba'i rgyur gsungs pa zhes bya ba ni nye ba'i rgyur gsungs pa ste go sla'o/ /bcom ldan 'das kyis bka' stsal pa zhes bya ba ni gtso bo'i bdud rtsi chen po'i ting nge 'dzin la zhugs zhes bya ba'i don to/ /gsum du
 bshad zhes bya ba ni bsnyen pa dang las sbyor dang myur du bsgrub pa'o/ /de nas mdun du rab tu gnas par bya ba'i thod pa'i nang du mthun pa'i dam rdzas tshogs par byas la gzhag /rlung zhes bya ba ni yaM las bskyed pa'i gzhu'i dbyibs/ me zhes bya ba
 ni raM las skyes pa zur gsum 'bar ba'i me/ steng du zhes bya ba ni hUM skyes thod rlon skyed bu gsum ste/ gnas pa thod pa nye? she zhes bya ba la sogs pa ni go sla'o/ /sha lnga dang bdud rtsi lnga zhes bya ba ni rdzas rnams kyi rang bzhin te ming gi yi ges
 mtshan par byed pa'o/ /de yang go gud ha na ni lnga po bdag nyid do/ /mo ra mu su pa bdud rtsi lnga'i bdag nyid do/ /steng du ni nyi ma la zhes bya ba ni zla ba dang nyi ma'i bar du ni chud pa'i pas? las nyi ma'i steng gi gri gug la sogs pa ste go sla'o/ /dam
 tshig bdud rtsir gyur zhes bya ba ni byang chub sems kyi rang bzhin du gyur pa'o/ /steng gi zhes bya ba ni hUM las byung ba'o/ /'di yis byin gyis brlabs zhes bya ba ni gtso bo'i thugs ka nas nang gi snying po dang bcas te spros nas dam tshig dang ye shes
 kyi rdzas la phog nas gnyis su med par gyur pa'o/ /sngags ni oM gyi dang po dang oM A(rgyud 'grel de nas gzhan yang zhes bya ba ni las la sbyor ba la 'jug par bya ste/ de yang ling+ga rgyu tshigs par byas la ling+ga sor brgyad pa'i tshad du byas la gtor ma'i nang du ldan par byas te dgug gzhug gi sbyor pa dang ldan par bya'o/ /bsgrub bya zhes bya ba ni snying kar pad+ma 'dab
 brgyad bsam par bya'o/ /pad+ma'i 'dab ma rnams la sa bon dang lcags kyus mtshan zhes bya'o/ /gri gug hUM gis mtshan zhes bya ba ni pad+ma'i lte pan gnas pa ste/ hUM la nang gi snying pos ldan pa'o/ /stobs zhes bya ba ni gtso bo dang/ bka' sdod kyi thugs ka nas
 nang gi snying bos sgros te bsgrub bya'i steng sgo dang 'og sgo nas grangs mang du snying ga'i sngags bskul nas sngags kyi 'od zer gyis lus kyi rtsa thams cad mar me lta bur gyur te khrag 'phel pa'i phyir ro/ /zhu nas zhes bya ba ni dam tshig gi bdud rtsir gyur pa dang
 ye shes kyi bdud rtsi bkug zhes bya ba'i don to/ /sngags kyi 'od zer zhes bya ba ni thugs ka nas spros pa'i gri gug ces byas ni phyag mtshan gyis so/ /yang na zhes bya ba ni myur bar bsgrub pa'o/ /nag po'i thod pa zhes bya ba ni phyag mtshan gyi thod pa'o/ /bsgras bya
 bkug nas zhes bya ba mi gtso bo'i bka' sdod kyi thugs ka'i 'od zer gyis gal bar bkug pa'o/ /khrag bskyed la zhes bya ba ni bsgrub bya'i snying ka'i 'od zer gyis khrag bskyed pa dang phyag mtshan gyi gri gug gis gtugs nas khrag bzung ba'i phyir/ /?
 khrag 'chag ces bya ba ni gdug pa sgrol ba la chags pa'i phyir khrag 'dzag ces bya'o/ /rgyun mi 'chad ces bya ba ni ngas kyi rnal 'byor gyi du su yang de ltar bya ba'i phyir ro/ /dngos grub nyer bzhes zhes bya ba ni bsnyan pa dang las sbyor thams cad kyi sngon du 'gro
 ba'i phyir/ /bka' stsal to zhes bya ba ni gtor ma'i cho ga sdud po pos bsdus te 'khor la bshad pa'o/ /dkyil 'khor gyi le'u zhes bya ba zhes bya ba ni bzhi pa'i don te slob ma dkyil 'khor du smin par bya ba dang/ dkyil 'khor la sogs te rten sgrub pa'i don ston pa'i la'i la/
 dkyil 'khor gyi le'u yi bshad bste bzhi pa'o/ /de ltar bsnyen pa'i yan lag thams cad dang ldan pas sbyor ga chen po la 'jug pa'i phyir de nas zhes bya ba ni de yang mkha' 'gro rgya mtsho las gsungs pa/ sngags ni lha yi sa bon te/ lha
 yi bdag nyid rdzogs pa nyid/ /dkyil 'khor rab gnas bdag nyid do/ /de ltar bsnyen ba rdzogs nas ni/ /sbyor ka chen po rdzogs par 'gyur/ /bsnyen pa'i yan lag ma tshang bar/ /las la sbyor bar byed pa ni/ /dam tshig nyams shing 'jig rten 'phya zhes 'byung/ /
 dpal nag po chen po dang mkha' 'gro ma'i tshogs rnams zhes bya ba ni khyad par gyi sbyor ka yin pa dang/ tshogs kyi 'khor lo thams cad kyi las bsgrub pa'i phyir gtso bo la zhugs pa'o/ /bcom ldan 'das zhes bya ba ni zhus pa'i tshig ste go sla'o/ /bcom
 ldan 'das kyis bka' stsal to/ /zhes bya ba nas bstan pa srung bar khas blangs zhes bya ba 'khor rnams la dam tshig gi byang par gyis bka' bsgos pa ste go sla'o/ /bka' stsal to zhes bya ba ni gong du bstan pa'i don bsdus nas 'khor la bshad pa'o
 nag po chen pos gsol pa zhes bya ba ni bar bu sbyor ba gtso bo la zhus pa'o/ /bcom ldan 'das kyis bka' stsal pa zhes bya ba ni mdor bsdus te bshad pa'o/ /rnam pa bzhi'i zhes bya ba ni yan lag bzhis 'grub kyi gzhan gyis ma yin pa'i phyir ro/ /bka' stsal
 to zhes bya ba ni bzhi'i don mdor bsdus te 'khor la bshad pa'o/ /de nas gsol ba zhes bya ba ni bzhi'i don bye brag tu zhus pa'o/ /bcom ldan 'das kyis bka' stsal pa zhes bya ba ni bar pu'i gnas mdor bsdus te bstan pa'o/ /bka' stsal to zhes
 bya ba ni bsdus te 'khor la bshad pa'o/ /de nas zhes bya ba ni gnas bsgrub pa zhes pa ste/ rngam pa'i zhal dang 'jigs pa'i sku zhes bya ba ni drag po'i bzlas pa dang lha'i 'khor los gnas bsgrub pa bstan pa'o/ /bcom ldan 'das kyis bkar
 stsal pa zhes bya ba ni gnas kyi 'khor lo'i ting nge 'dzin la zhus pa'o/ /dur khrod kyi phag gu zhes bya ba ni dur khrod kyis la phag gu byas nas ro bsregs kyi mgal pas bsregs pa nyid do/ /dpa' bo'i rkeng rus zhes bya ba ni g.yul du bsad pa'i gri rus so/ /sgrub pa'i khang du
 zur gsum bya zhas bya ba ni grong khyer sum brtsegs dang mthun pa ste rtse gsum par bya'o/ /brtsags bar ma g.yul 'gyed pa'i sa ste bsgrub par bya'o/ /zur gsum ni me'i dbyibs su bya'o/ /thod pa'i nang du 'khor lo bri zhes bya ba ni 'khor lo ni dur khrod kyi snag tshas
 bri ba ste/ de yang bdud rtsi maN+Dal la byas nas ni/ /lha yi rnal 'byor rab gsal ba/ /lho phyogs su ni mngon phyogs te/ /dur khrod sol bas 'khor lo bri/ /'khor lo ma yi dkyil 'khor la/ /sna bzhi sna tshogs rdo rjes mtshan/ /dbus su nang gi snying po bri/ /re
 ba gsum gyis mtshan pa bri/ /bar khyams gsum gyis nang du yang/ /yi ge oM gyi dang po dang/ /hUM hUM phaT phaT swAhA'i mdza' can ni/ /me gnyis kyi ni nang du bri/ rdo rje'i rwa ni dbus ma la/ /hUM ni drag po bri bar bya/ /'khor lo maN+Dal ste bzhag rdzas/
 gtso bo'i thugs ka'i 'od zer gyis/ /'khor lo rang bzhin med par bya/ /me yi sa bon las skyes pa'i/ /'khor lo mi yi dkyil 'khor mtshungs/ /gtso bo'i thugs ka'i 'od zer gyis/ /lha yi 'khor lo spyan drangs te/ yan lag cho ga kun byas nas
 'khor lo la ni bstim par bya/ /khar pa'i nang gi zur du gzhug ces bya ba la sogs pa ni go sla'o/ /dus gsum du zhes bya ba ni ji srid khang pa ma tshar gyi bar du'o/ /the tshom med pa ni ngos par 'grub pa'i phyir ro/ /bka' stsal te zhes bya ba ni stud pa pos
 gnas kyi don bsdus te 'khor la bshad pa'o/ /nag po chen pos gsol pa zhes bya ba ni bar du'i cho ga las zhus pa ste go sla'o/ /bka' stsal pa zhes bya ba ni par pu'i bsgrub pa'i don bsdus taM bstan pa'o/ /gsum zhes bya ba ni bsgrub pa'i don
 gsum dang ldan na 'grub par 'gyur gyi/ mi ldan pas ni mi 'grub pa'i phyir shes par gyis zhes bya'o/ /bka' stsal to zhes bya ba ni par du'i don mdor bsdus te bstan pa'o/ /de nas bcom ldan 'das la gsol pa zhes bya ba ni gtso
 po la par bu'i don rgyas par zhus pa'o/ /bka' stsal to zhes pa ni bcom ldan 'das drag po'i ting nge 'dzin la snyoms par zhugs zhes bya ba'i don to/ /dkyil 'khor dang ni par bu'i rgyu zhes bya ba la sogs pa ni chu 'gram sa zhes bya ba ni grog mkhar
 gyi sa'o/ /steng du zhing gi bla re bkod ces bya ba ni dur khro dang sal 'khor lo bya bas te/ de yang lto phyogs su kha bstan te/ /bdud rtsi maN+Dal byas nas ni/ /der ni 'khor lo bri bar bya/ /bya rog 'ug pa'i khrag gis ni/ /'khor lo gru bzhir byas pa la/ /sna
 tshogs rdo rjes mtshan pa ste/ /phyi rol nu myung? zlum? por bya/ /dbus su nang gi snying po ni/ /phyogs bzhi rnams su legs par khri/ /shar la sogs pa'i bar khyams la/ /oM ma hA kA la ya/ phur pa 'dis pan d+haM la sogs pa yi/ /sngags ni legs par
 bri bar bya/ /rdo rje'i rwa ni dbus ma la/ /badzra baNd+ha bri ba ni/ /hUM gnyis kyi ni bar du gzhag /rdo rje rwa gzhan mtsham su ni/ /dra cha po'i hUM ni dgod par bya/ /phyi rol 'khor lo'i mu khyud la/ /rtsa ba'i sngags ni legs par bri/ /'khor lo maN+Dal steng
 bzhag la/ /gtso bo'i thugs ka'i 'od zer gyis/ /'khor lo rang bzhin med byas la/ /laM las byung ba'i 'khor lo ni/ /kha dog ser bo gru bzhi ste/ /rdo rje brag gis mtshan pa la/ /sngags ni mar me'i me ltar 'bar/ /de nas thugs ka'i 'od
 zer gyis/ /bka' yi 'khor lo spyan drangs te/ /yan lag cho ga kun byas nas/ /'khro lo yis ni bstim par bya/ /de nas gtso bo'i thugs ka nas/ /nang gi snying po rab spros te/ /'khor lo stong phrag bsti par bya/ /'khor lo zur la
 zhes bya ba ni go sla'o/ /thod pa dum bu gcig par ni zhes bya ba ni bsten pa'i bya ba'i gtor ma'o/ /nub byang dkyil 'khor zur la ni zhes bya ba ni rab gnas byas pa'i phyag mtshan no/ /thod pa khrag gis bkang zhes bya ba ni nag po gsum gyi khrag ste ming gi
 yi ge dang ldan par bya'o/ /bka' stsal to zhes bya ba ni bar bu'i dkyil 'khor gyi don bsdus te bshad pa'o/ /gzhan yang zhes bya ba ni bar du'i rgya bsgrub pa la 'jug pa'o/ /mchod pa yis zhes bya ba ni gcan gzan gyis brkos pa'i mchod pa'i sa'o/ /sgeg
 pa'i sgra ni lho phyogs su mgo bstan nas shi ba'i skra'o/ /bar bu zhes bya ba ni nag po'i chos gcig la lha'i sbyor ba dang ldan par bya'o/ /tsha zhing tsha ba'i me yis bsreg ces bya ba ni dur khrod kyi mgal dum dang ldan pas bsgrub bya'i pha mes ro bsregs pa'i sar
 bsreg par bya'o/ /'khor lo bris la zhes bya ba ni phyi rol zur gsum 'bar bar bya/ /dbus su mu khyung bzhis bskor te/ /phyi rol zur gsum dag tu ni/ /rdo rje 'bar ba bri bar bya/ /dbus su nang gi snying po ni/ /sgrub ba bya'i mang dang ldan par bri/ /phyi rol gyi ni gyu gyur
 la/ phyi yi snying po bri par bya/ /de yi phyi rol mu khyud na/ /ling tsho brgyad du gnas pa la/ /'khar lo'i sngags su bkod pa ni/ /sde tshan brgyad du rang phye ste/ /hUM gi bar du bri bar bya/ /phyi rol mu khyud brgyad la ni/ /rtsa ba'i sngags ni dgod par bya/ /de'i phyi rol
 mu khyud la/ /las kyi sngags ni dgod par bya/ /phyi rol rdo rje snying po la/ /nang gi snying po bri bar bya/ /de nas rdo rje gzhan la drag po'i hUM ni bwi bur? bya/ /phyi rol zur gsum bar khyams la/ /gsang ba'i sngags ni dgod par bya/ /yi ge dgod ces bya ba na/ /
 lugs dang lugs min gnyis su dgod/ /gsang ba'i sngags ni praM ba ni/ /'khor lo rtsibs brgyad bri bar bya/ /lte bar me yi dkyil 'khor khyi/ /me yi dbus su nang gaM ni/ /snying po'i ming dang bcas pa dgod/ /phyi rol zla ga ma gsum la ni/ /phyi yi snying po dgod
 par bya/ /'khor lo'i rtsibs ni thams cad la/ /rtsa ba'i sngags ni dgod pa ste/ /snga tshan brgyad du dbye bar bya/ /bar du bsgrub pa'i ming yig gzhug/ /phyi rol 'khor lo'i mu khyud la/ /gsang ba'i sngags na bri bar bya/ /de
 yang g.yas skor g.yon bskor du/ /'khor lo gnyis ni bri bar bya/ /stobs kyi bar du zhes bya ni/ /phyag mtshan gnyis ni bkod pa ste/ /steng dang 'og tu yang dag gnas/ /ling+ga tshogs gzhug bar bya zhes bya ba ni yid 'phrog ma la sogs pa'i
 mkha' 'gro ma dgu sta gon la gnas par bya'o/ /lho nub tu kha bltas te zhes bya ba ni 'khor lo bri ba'i dus su'o/ /ling+ga ming gi yi ge zhes bya ba la sogs pa ni go sla'o/ /bum par 'khor lo gzhug par bya zhes bya ba ni phyir mi ldog pa'i cho ga ste bsrung
 ba'i 'khor lo'i zhes bka' stsal to zhes bya ba ni par bu bca' ba'i rim pa bsdus te bstan pa'o/ /de nas gzhan yang rab bshad pa zhes bya ba ni sku'i mchog la 'jug par bya ste/ dkyil 'khor le'ur bstan zin to/ /zhing gi star du bzhugs su
 gsol zhes bya ba ni mdun du skyid kyi cho ga rdzogs par bya'o zhes pa'i don to/ /de yang rgyun du zhugs pa'i rnal 'byor pas nye bar bsgrub bsnyan pa bskyal ba'o/ /mthun pa'i dam rdzas zhes bya ba la sogs pa go sla'o/ /sku'i cho ga zhes bya ba ni rgyud du
 gsung pa'i bar bu'i cho ga ?? rdzogs bar du cho gar byas pa'i phyir ro/ /bcom ldan 'das kyis bka' stsal to zhes bya ba ni sku'i cho ga gsungs te bshad pa'o/ /de nas gsol ba zhes bya ba ni bar pu bsgrub par bya ba'i don zhus pa'o/ /bcom ldan 'das
 kyis bka' stsal pa zhes bya ba ni sku'i nye rang bsgrub pa'i bsnyen pa rgyas par bshad pa'o/ /par bu sgrub par 'dod pa'i rnal 'byor bas zhes bya ba la sogs pa ni go sla'o/ /bsam gtan zhes bya ba ni thugs ka'i gri gug la gnas pa'i hUM las 'od zer
 gri gug lta bu spros te gur dang ra ba la sogs par gyur pa'o/ /sngags zhes bya ba ni badzra kawa tsa'i sngags kyis so/ /mtshams bshad ces bya ba ni bsrung ba'i 'khor lo bya ba'i phyir ro/ /mchod pa la sogs pa ni go sla'o/ /mdun gyi zhes bya ba la sogs pa ni
 mdun du bskyed pa'i cho ga rgyas par bshad pa'o/ /sngags kyi phreng ba zhes bya ba ni thugs ka nas thugs kar gnas pa'o/ /drag po stobs zhes bya ba ni sngags kyi 'od zer gi gug gi phreng bar spro ba'o/ /bsam gtan zhes bya ba ni gtso bo dang bka' 
 sngod kyi bar du bsgrub bya dmigs la bsgrub bya'i gnas gsum du rnam shes kyi yi ge bsam pa'o/ /sngags kyi bzlas pa zhes bya ba ni sngags kyi 'od zer gyis bsgrub bya'i rlung sgor zhugs te/ yi ge gsum tshangs pa'i bu gnas phyung nas par bu nag
 po chen po bstim zhal nas zhal du 'khor ba'i phyir bzlas pa bya zhes bya'o/ /dus gsum du zhes bya ba ni par bu'i cho ga ma rdzogs kyi rang du'o/ /mthun pa'i dam rdzas zhes bya ba ni gri gug la du las bsnyen pa'i gtor mar byas pa'o/ /rnal 'byor mtshan ma
 thob pa yis/ /zhes bya ba ni sngon du thun mong gi bsnyen pa rdzogs pa'i phyir dang/ bar bu nye bar bsgrub pa dang ldan pa'i phyir ro/ /chog brtsam par bya ba ni shin tu mthun pa bzhis sam/ yang na rnal 'byor pa gcig gis go rim gyi cho ga shes par bya'o
 bka' stsal zhes bya ba ni mdun bskyed kyi nye bar bsgrub pa rgyas pa bshad pa'o/ /nag pos gsol ba zhes bya ba ni kha sbyor gyi cho ga la 'jug par bya ba zhus pa'o/ /bcom ldan 'das kyis bka' stsal pa zhes bya ba bcom ldan 'das gdug pa/
 'dul ba'i ting nge 'dzin la snyoms par zhugs pa'o/ /bar pu nag po chen por bskyed ces bya ba ni sngon du rnal 'byor bdag nyid ni/ /lha yi 'khor lo rdzogs par bya/ /de nas thugs ka'i 'od zer gyis/ /dkyil 'khor 'khor lo spyan drangs te/ par
 bu'i gnas su dmigs nas ni/ /thugs ka nas sbrul nag po yis/ /mchod dang sdig pa bshags sogs bya/ /gtso bo'i thugs ka'i 'od zer gyis/ /bskul nas ni/ tshangs ba'i gnas bzhi ldan par bya/ /mdun gyi dkyil
 'khor gtso bo yi/ /thugs ka'i 'od ni rab spros te/ /khams gsum gdug pa 'joms mdzad de/ /tshur 'dus dkyil 'khor thams cad ni/ /gtso bo'i thugs kar zhugs pa ste/ /gtso bo 'od du zhu nas ni/ /stong pa nyid du gyur par bsam/ /
 hUM las zhes pa rdo rje'i brag /nyi ma'i steng na gnas pa ste/ /brag gi steng na hUM gnas pa/ /hUM las gsal bar spro ba ni/ /'bar ba'i tshogs su gyur pa ste/ /gri gug thod pa 'dzin pa spro/ /phyogs skyong la sogs bgegs tshogs kyi/ /mgo po'i
 steng du rab 'dug ste/ /til gyi ched du gtub byas nas/ /khro bo bgegs kyi tshogs rnams kun/ /kun ka 'od du zhu ba las/ /gri gug gur dang dra sogs gyur/ /de dbus chos 'byung bsam par bya/ /dbus su sna tshogs bad nyi la/ /steng du bsgrub bya
 gsal bar dmigs/ /bsgrub bya gnas ba'i steng du ni/ /me yi dkyil 'khor 'bar bsams te/ /dbus su cho ga lnga yis ni/ /gtso ba nag po chen por bskyed/ /rab tu 'jigs byed ma la sogs/ /zur gsum du ni bskyed par bya/ /sku mdog nag mo
 cher 'jigs ma/ /gri gug thod pa 'dzin pa ste/ /spyan gsum sdang mig mche ba gtsigs/ /de yi lta bar gnas pa ni/ /zhes bya ba ni gtso bo'i lto bar gnas pa ste/ /de yang bskyed par bya ba ste/ /bar bu kha sbyor rim pa gsum/ /zhes bya ba
 ni de yang/ par bu'i 'khor lo'i gnas dang bzhi'o/ /kha sbyor ni g.yas bskor dang g.yon bskor du gnas pa'i phyir ro/ /gsum zhes bya ba ni dbyibs dang/ gsang ba dang/ stobs kyi par bu'o/ /de yang dbyibs ni ro las skyes pa ste/ /kha dog dmar po
 me yi dbyibs/ /sngags ni mtshon cha bkod dad mtshungs/ /sku yi bar bu bshad pa'o/ /de nas gsang ba'i par bu ni/ /a las skyes pa'i bdag nyid de/ /dum bu gcig pa la sbyar gnas/ /de yi sngags kyi phreng ba ni/ 'khor lo rtsibs brgyad gnas pa'o/ /
 sngags ni mar me lta bu mtshungs/ /gsung gi par pu'i bdag nyid de/ /e yi rnam pa las skyes pa'i/ /gru gsum stobs kyi par pu bshad/ /sted dang 'og gi phyogs ngag tu/ /gri gug thogs nyid can/ /bsgrub bya myur du gsong ba yi/ /drag po
 stobs dang ldan pa'i phyir/ /thugs kyi par pu yang dag bshad/ /sku gsung thugs kyi sbyor ba yis/ /bsam pa ma lus sgrol ba'i phyir/ /par pu rim pa gsum du bshad/ /de yi dbus su bsam zhes bya ba la sogs pan pi ka'i sdod bskyed par bya ste go sla'o/ /de
 nas thugs ka'i 'od zer gyis zhes bya ba ni/ /gtso bo'i thugs ka'i hUM las ni/ /lcags kyu'i tshul du rab spros te/ /ye shes 'khor lo spyan drangs nas/ /phyag rgya bzhi yi sbyor bas bstim/ /de nas thugs ka'i 'od zer gyis/ /bde gshegs spyan drangs dbang bskur
 nas/ rigs kyi gtso bo rgyas gdab bya/ /de nas thugs ka nas sbros pa'i/ /phyi yi snying pos khyab par bya/ /de nas mchod pa gtor ma ni/ /khyad par sngags kyi dbul bar bya/ /dam tshig rjes su dran pa'i phyir/ /sngags ni thugs kar bstim par bya/ /de nas nang gi
 snying po la/ /thugs kar bsnyen pa bskyal nas ni/ /rtsa ba'i sngags dang rab ldan pas/ /khyad par sngags kyi spyod pa yis/ /mchod pa rgyun mi 'chad par bya/ /de nas thugs ka'i 'od zer gyis zhes bya ba ni/ /bdag gi thugs ka'i dkyil 'khor ni/ /rab tu
 'jigs byed ma la sogs/ /mkha' 'gro'i 'khor lo gnas pa ste/ /de yi thugs kar 'od zer ni/ /lcags kyu zhags pa'i chul du spro zhes bya'o/ /bsgrub bya gsal bar dmigs nas ni/ /gnas lnga lcags kyu zhugs nas ni/ /zhags pas yan lag
 bcings bya ste/ /bkug nas bka' sngod lto bar bstim/ /de ltar dgug pa'i sbyor ba ni/ /rnal 'byor bsam gtan gcig pas ni/ /rgyun mi 'chad par zhes bya'o/ /bla ma rdo rje 'dzin pa dang/ /zhes bya ba la sogs pa ni thams
 cad du ston du 'gro ba'i tshig ste go sla'o/ /drag po'i bsam gtan ldan gyur nas zhes bya ba ni/ de nas zhes bya ba ni/ /de nas rnal 'byor dbang phyug gi/ /thugs kar lha yi 'khor lo ni/ /me yi dbus su gnas par bsam/ /de yi thugs ka'i 'od
 zer ni/ /gri gug phreng ba ltar spros te/ /bsgrub bya'i lus ni thams cad la/ /gri gug 'khor lo 'khor ba'i phyir/ /drag po'i bsam gtan zhes bya'o/ /gri gug thod pa thogs zhes bya ba nas/ /bsam gtan sngags kyis bsad par bya ba ni/ /de yang
 bsam gtan ni par bu'i sngags las mtshon cha lta bu'i 'od spros te/ /bsgrub bya'i sha ni gcod par bsam/ /sngags zhes bya ba ni bdag gi thugs ka'i 'od zer gyis/ /gri gug phreng ba ltar spros te/ /bsgrub bya'i lus la 'khor bar bya/ /mthun pa'i
 dang ?? rdzas zhes bya ba ni bsten pa'i gtor ma ste rgyun tu sbyin pa yi/ /zhag bdun du zhes bya ba ni mdor bstan pa'i tshig go/ bka' stsal to zhes bya ba ni sdud pa pos par bu'i cho bsdus te 'khor la bshad pa'o/ /de nas zhes bya ba la sogs ni
 sngags kyi bye brag zhus pa ste go sla'o/ /dang por par bu bca' ba zhes bya ba ni/ dang por lha yi 'khor lo ni/ /bar bu nyid la bskyed pa'i phyir/ /dang po par phu bca' bar bshad/ /gnyis pa lha la bsnyen par 'gyur zhes bya ba ni/ /nyi ma gnyis pas
 ni lha'i nus pa dang ldan pa'i phyir ro/ /gsum pa bsgrub bya dgug ces bya ba ni gsum pa nyid kyis bsgrub bya dgug pa'i mthu dang ldan pa'i phyir ro/ /bzhi pa myos par byed ces bya ba ni bsgrub bya srog skyob pa'i lha dang bral ba'i phyir ro/ /lnga ba ni g.yod
 par byed ces bya ba ni nyi ma lnga bas gsod pa'i mthu dang ldan pa'i phyir ro/ /drug pas ldog pa med par byed ces bya ba ni the tshom dang bral ba'i phyir ro/ /phung po rnam shes bral byas te zhes bya ba ni/ /nyi ma bdun gyi sbyor ba yis/ /rnam shes bral ba nus pa'i phyir/ /de yi sbyor ba ldan
 par bya/ gtso bo'i thugs ka'i 'od zer ni/ /bsgrub bya'i gnas gsum la thim ste/ /bsgrub bya'i rnam shes bdag nyid ni/ /yi ge gsum du rab byung ste/ /bdag gi thugs kar gzhug par bya/ /hUM dang gnyis su med pa las/ /rtsa ba'i sngags kyi bzlas pa ni/ /hUM la 'khor bar
 bzla bar bya/ /bar ma skye ba'i bsam gcan ni/ /thugs ka'i hUM las bskyed pa ste/ /mdun gyi nam mkha' i dkyil 'khor du/ /mngon par byang chub lnga yis ni/ /lha yi 'khor lo rab skyed de/ /ye shes spyan drangs la sogs pa'i/ dbang bskur mchod bstod bdud rtsi myang/ /
 de dag thams cad byas nas ni/ /snying gi dbus gyur pad+mar ni/ /yi ge rnams kyi mchog sgyur pa/ /sku gsung thugs kyi rdo rje yis/ /ye shes chen po'i thig le bsam/ /de yang bsam gyis mi khyab ste/ /bsam gyis mi khyab de bsams na/ /des ni gzungs ni thob
 pa'i phyir/ /dga' ldan gnas su bskyal zhes bya/ /'bras bu chen po zhes bya ba ni/ /rdzogs pa chen po'i rim pa ste/ /bar pu'i lta yi bdag nyid kyis/ /rdzogs pa chen po bsgrub? par bya/ /rdo rje rtse mo 'bar ba ni/ /sems dpa' i yi ge bsam par bya/ /tshangs pa'i sgo? yi? nang
 du ni/ bde ba'i thig le bsam par bya/ /rdo rje rtse mo 'bar ba las/ /ye shes me bdun rab spros te/ /phung po khams rnams gnom par mdzad/ /bde chen haM las byung ba yi/ /byang chub sems kyi chu bos bkru/ /de ltar chu bdun rdzags pa dang/ /ye shes rlung?? gis
 rab 'jig ste/ /lha yi le'ur gsungs pa yi/ /thog ma tha ma dbus med cing/ /dpe med kun 'gro nam mkha' i ngos/ /'bras bu chen por rab tu bshad/ /dbang phyug chen po zhes bya ba la sogs pa ni par pu'i che ba'i yon tan te go bla'o/ /gsang ba zhes
 bya ba ni 'byung bar dka' ba dang thun mong ma yin pa'i phyir gsang ba'o/ /par pu'i cho ga 'ba' zhig yongs su bsdus te bshad pas na par bu'i le'u zhes bya'o/ /bar pu'i le'u'i bshad pa ste lnga pa'o// //de nas zhes bya
 ba ni sbyor ka bye brag gzhan la 'jug pa ste/ 'khor gyi tshogs rnams kyis zhus pa'o/ /gsang ba'i par bu zhes bya ba ni par bu las gzhan pa'i sbyor ka bka' i phyir de'i phyir zhes bya ba la sogs pa ni go sla'o/ /bka' stsal to zhes bya ba ni sdus pa pos
 mdor bstan pa'o/ /de nas gsol pa zhes bya ba ni bka' stsal to zhes bya bas 'khor lo'i cho ga'i don bsdus pa'o/ /de yang dang po 'khor lo bca' ba zhes bya ba nas gsang par bya'o/ /zhes bya ba ni don gsum gyis 'grub par 'gyur gyi gzhan gyis
 ni ma yin pa'i phyir ro/ /gsol ba zhes bya ba ni don gsum gyi bdag nyid rgyas par zhus pa'o/ /bcom ldan 'das kyis bka' stsal zhes bya ba ni bcom ldan 'das 'khor lo chen po'i ting nge 'dzin la zhugs zhes bya ba'o/ /dang por zhes bya ba ni 'khor lo'i cho ga'i sngon
 du 'gro ba'o/ /rnal 'byor gyi dbang phyug ces bya ba ni/ /nag po chen po'i dkyil 'khor du dbang bskur zhing rjes su gnang ba thob pa'o/ /bsam gtan dang ldan par byas nas zhes bya ba ni sngon du bsnyen pa rdzogs par gyur pa'o/ /dur khrod gnas su zhes
 bya ba ni 'khor lo yang dur khrod gnas su bsgrub pa'i phyir de ni 'khor lo bri zhes bya ba la sogs pa ni go sla'o/ /cho gas snag tsha bya zhes bya ba ni/ /bdud rtsi maN+Dal byas nas su/ /thod par snag tsha tshogs bya ste/ /gtso bo'i thugs ka'i 'od zer gyis/ /phog
 nas rang bzhin med par gyur/ /der ni nag po chen po yi/ /cho gas sku ni bskyed par bya/ /ye shes spyan drangs la sogs pa'i/ /yan lag cho ga kun byas te/ nag po chen po'i lto bar ni/ /A li kA li las byung ba'i/ /zla ba nyi ma'i dbus su ni/ /hUM
 gi bdag nyid bsam par bya/ /de nas thugs ka'i 'od zer gyis/ /rtsa ba'i snying po'i sngags spros te/ /hUM la stong phrag bstim par bya/ /de rnams 'od du zhu ba las/ /'khor lo'i snag tshar gyur par bsam/ /lho nub mtshams su kha bltas te/ /zhes bya ba ni bskyed
 pa'i rim pa dang ldan par bya'o/ /mi mthun sgro zhes bya ba ni bya rog dang 'ug pa'i sgros bya ba'o/ /'khor lo bzhi rim zhes bya ba la sogs pa ni go sla'o/ /bsgrub bya'i ming yig gzhug ces bya ba la ni hUM gnyis kyi bar du'o/ /thog ma g.yas su zhes bya ba ni nyi ma phyed
 na bri ba'o/ /steng ma g.yon du zhes bya ba ni yig log tu bri ba ste nam byed na bri ba'o/ /'khor lo'i nag po chen po zhes bya ba ni cho gar byas pa'i tshon gyis sku mtshan nyid dang ldan par bris/ zhal du bsgrub bya'i ming yig dgod ces bya ba ni 'gugs pa'i yi ge'i
 bar du ldan par bya'o/ /de nas gzhan yang zhes bya ba ni 'khor lo bri tshar nas ling ga'i cho ga la 'jug par bya ste/ /de yang tsha ba gsum zhes bya ba la sogs pa'o/ /cho gar bya ba la ni gong du bstan pa'i ling ga'i rgyu sta gon la gnas pa'i cho ga rdzogs par
 bya ba'o/ /snying gar gzhug ces bya ba ni gro ba la re ba las pa dmare 'khor lo bris te/ dbus su oM gyi dang po dang hUM hUM phaT phaT kyi mdza' can gyi sngags bris te gzhug par bya'o/ /ling ga 'khor lo'i bar du gzhag ces bya ba ni/ /sna tshogs dug la
 maN+Dal ni/ /me yi dbyibs su bri ba bya/ /de nas de yi dbyibs su ni/ /dpa' bo'i thod rus phye ma yis/ /hUM gi yi ge bri bar bya/ /de yi steng du 'khor lo ni/ /mnyam pa'i myur gus rab brten te/ /ste dang 'og tu bzhag par bya/ /de nas cho gar bya ba ni/ /gtso bo'i lha yi
 'khor lo ni/ /sngon du rdzogs par byas nas ni/ /de nas thugs ka'i 'od zer gyis/ /'khor lo rang bzhin med byas nas/ /der na hUM las skyes pa yi/ /nyi ma'i steng na rdo rje'i brag/ de yi steng na hUM gnas pa/ /hUM las gsal bar spro ba ni/ /'bar ba'i chogs
 su rab spros te/ /bgegs kyi tshogs rnams rab bcom nas/ /de nas bsrung ba'i 'khor lor gyur/ /de yi dbus su chos 'byung bsam/ /chos 'byung dbus su pad nyi la/ /de yi steng du bsgrub bya ni/ /kha dog nyams pa'i gzugs kyis
 gnas/ /de yi snying gar bskyed pa ni/ /cho ga lnga yi sbyor ba yis/ /lha yi 'khor lo bskyed par bya/ /tshando ha yi bdag mo sogs/ /lha mo gsum ni bskyed par bya/ /sku mdog sngon mo khro gnyer ma/ /zhal gcig phyag gnyis 'jigs gzugs ma/ /
 lcags kyu zhags pa 'dzin pa ste/ /brgyad bskum bsgrub bya'i steng na 'gying/ /de nas gtso bo'i lto bar ni/ /ri las me yi dkyil 'khor bsam/ /de yi dbus su bskyed pa ni/ /bka' sdod ms kyi lces hUM las rdo rje sbub ma'i lo dang bcas bskyed/ /gtso bo'i
 thugs ka'i 'od zer gyis/ /rang bzhin 'khor lo spyan drangs bstim/ /bde gshegs spyan drangs dbang bskur nas/ /rigs kyi bdag pos rgyas gdab bya/ /de nas thugs ka'i 'od zer ni/ /phyi yi snying po spros pa ste/ /so so'i thugs kar brgya
 phrag bstim/ /de nas mchod pa gtor ma ni/ /rtsa ba'i sngags kyis dbus bar bya/ /dam tshig cho ga byas nas ni/ /nang gi snying pos bsnyen pa ni/ /thun re stong phrag re re bskyal/ /de nas dgug pa'i sbyor ba ni/ /gtso bo'i thugs ka'i 'od zer gyis/ /
 mkha' 'gro rnams ni bskul nas su/ /mkha' 'gro gsum gyi thugs ka nas/ /sbrul pa'i mkha' 'gro ma sprul te/ /bsgrub bya gsal bar dmigs byas la/ /gtso bo'i lte bar gzhug par bya/ /de ltar dgug gzhug sbyor ba ni/ /thun drug tu ni dgug
 par bya/ /de nas zhes bya ba ni go sla'o/ /khyi 'am dom gyi thod pa la/ /btsan dug cha ba'i rdzas kyis byugs/ /sna tshogs rdo rje nang du bri/ /lte ba'i rdo rje snying po las/ /gsang ba'i sngags ni bri bar bya/ /thod pa der ni 'khor lo gzhug/ /skud pa dmar nag
 ces bya ba la sogs pa ni go sla'o/ /thod pa'i 'khor lo bri zhes bya ba ni/ 'khor lo rtsibs bzhi mu khyud bcas/ /dbus su me yi 'khor lo ni/ /re pha gsum gyis mtshan pa bri/ /dbus su nang gi snying po ni/ /bsad pa'i yi ge ldan par bri/ /de na 'khor lo
 rtsibs la ni/ /bsad pa'i sngags ni bri bar bya/ /de yang g.yas bskor g.yon bskor du/ /'khor lo legs par bri bar bya/ /phyi phyir rtsa ba'i rdzas kyis byug ces bya ba la sogs pa ni go sla'o/ /phur bu'i rab gnas zhes bya ba ni dkyil 'khor gyi le'ur
 shes par bya'o/ /'khor lo maN+Dal steng gzhag nas zhes bya ba ni gong du bstan pa'i maN+Dal gyi steng du 'khor lo gzhag nas/ /bskyed pa'i rim pa tshul bzhin bsgoms zhes bya ba ni/ /sngon du lha yi rnal 'byor ni/ /rnal 'byor bdag nyid ldan par bya/ /de nas
 maN+Dal 'khor lo ni/ /ji ltar gong du bstan pa bzhin/ /lha yi 'khor lo rdzogs par bskyed/ /mchod dang gtor ma zhes bya ba la sogs pa ni go sla'o/ /thugs ka'i 'od zer zhes bya ba ni dgug gzhug gi sbyor ba ste gong du bstan pa bzhin no/ /dpal ldan nag po
 kha sbyor gyis zhes bya ba ni gtso bo'i lto bar gnas pa'i bka' sdod kha sbyor 'khor lo'i dbus su me yi dkyil 'khor bsam/ /bar tu bsgrub bya gzhug par bya zhes bya ba ni me yi dkyil 'khor dbus su'o/ /bsgrub bya gsal bar zhes bya ba ni srog skyob pa'i lha dang
 bral bar bsam pa'o/ /gri gug gi hUM las so/ /'od ces bya ba ni gri gug lta bu spros te/ /lus kyi rtsa gcod pa'i phyir srog gcod pa zhes bya ba'o/ /na sa g.yas zhes bya ba ni 'byung ba dang/ 'jug pa'i rlu do/ /snying gi khrag ces bya ba ni srog
 'jig pa'i rlung snying la gnas pa'o/ /'thung zhes bya ba ni gtso bo dang 'khor gyi lha rnams kyi lces hUM las rdo rje sbub ma'i sbyor ba ni/ /bsgrub bya'i sna nas zhugs nas ni/ /snying gi dbus nas 'dren pa yi/ /lus kyi bcung rnams
 'thung bar bsam/ /'od zer zhes bya ba ni 'gugs pa'i sbyor ba ste gong du bstan to/ /lan bdun zhes bya ba ni bdun la sogs stong rtsa brgyad kyi bar du'o/ /lcags kyu'i phyag rgya zhes bya ba ni 'gugs pa'i gri gug gi phyag
 rgya'o/ sngags ni oM gyi dang po dang hUM hUM phaT phaT kyi mdza' can no/ /dgug pa'i spyor ba ldan gyur nas/ /bsang ba'i las la 'jug par bya/ /phur bu zhes bya ba ni khro bor bskyed pa nyid do/ /nyungs kar ni cho gar byas pa'o/ /gsang ba'i sngags zhes bya
 pa ni khyad par du gsang pa'o/ /'di ni sngags kyi rgyal po ste/ /ma byung 'byung bar mi 'gyur ro/ /de yang oM gyi dang po dang hUM hUM phaT phaT kyi mdza' can no/ /lus kyi thig le zhes bya ba ni lha'i le'ur bstan pa ste go sla'o/ /thod pa'i 'khor lo zhes bya ba ni go
 sla'o/ /rgya gram du ni bcing bar bya zhes bya ba ni/ /thod pa steng dang 'og tu ni/ /rdo rje rgya gram bsko ba ste/ /de ltar sngags ni bri bar bya/ /phyogs bzhi'i rwa ni dbus ma la/ /sngags ni so so bri bar bya/ /yi ge oM gyi dang po dang/ /hUM hUM phaT kyi mdza' 
 chan no/ /de dag bzlas la 'khor lo bcing zhes bya ba ni/ /gtso bo'i thugs ka'i dkyil 'khor nas/ /nang gi snying po dang bcas ste/ /spros pa thod pa'i rdo rje la/ /stong phrag gcig ni bstim par bya/ /de nas mchod rten nag po zhes bya ba la
 sogs pa ni mnan pa las kyi khang bskad pa ste go sma'o/ /de nas gtso bo'i 'khor lo yi/ /khyad par las ni yin par bshad/ /yang na zhes bya ba ni myur du bsad pa'i rim pa ni/ /bka' sdod 'khor lo bsgrub par bya ba ste/ dur khrod
 'jigs pa'i dbus su ni/ /dkyil 'khor 'khor lo'i khang pa brtsig /dur khrod 'khor ni thams cad dam/ /phyogs bzhi gnod sbyin bsgrub par bya/ /de yang mkha' 'gro rgya mtshor ni bsgrub pa'i cho ga rgyas par bshad/ /'di ni 'khor rnams
 bsgrub bya yi/ /'khor lo rtsibs brgyad mu khyud bcas/ /dbus su me yi dkyil 'khor ni/ /lte ba'i mu khyud zlum po la/ /thod rlon 'bur du bkod par bya/ /phyi rol 'khor lo'i mu khyud ni/ /rab gsum dang ldan par bya/ /shar la sogs pa'i rtsibs brgyad la/ /
 rab tu gtum pa la sogs pa'i/ /dur khrod brgyad po bri bar bya/ /shing dang phyogs skyong la sogs pa'i/ /mtshan nyid thams cad ldan par bya/ /dur khrod ras la 'khor rnams kyi/ /sku ni legs par bri bar bya/ /de yang shar la sogs pa ni/ /nag po
 drag po la sogs dang/ /khwa gdong la sogs thams cad kyang/ /dkyil 'khor le'u las gsungs ltar/ /sku mdog phyag mtshan bri bar bya/ /de nas rab gnas byas nas kyang/ /'khor lo'i rtsibs rnams su ni/ /rim pas legs par dgod par bya/ de
 nas thod pa'i nang du ni/ /mi la sogs pa'i sha lnga dang/ /char dang bdud rtsi la sogs pa'i/ /mthun pa'i rdzas kyis gtor ma ni/ /lta rnams mdun du gzhag par bya/ /de nas bdag nyid rnal 'byor pa/ /lha yi 'khor lo bskyed par bya/ /de nas thugs ka'i
 'od zer gyis/ /'khor lo dag par byas nas ni/ /nam mkha' lta bu'i dbus su yaM/ /raM las byung ba'i nyi ma la/ /de steng hUM las rdo rje'i brag /stong du hUM ni 'bar ba la/ /'od zer gur dang dra sogs gyur/ /de yi dbus su chos 'byung bsam/ /chos 'byung
 dbus su yaM la sogs/ /yi ge bzhi las byung ba yi/ /dkyil 'khor rim pas bskyed par bya/ /steng du bruM las 'khor lo ni/ /dbus su bruM gyis mtshan pa bskyed/ /de dag yongs su gyur pa las so/ /dkyil 'khor 'khor lo'i khang pa bskyed/ /dbus su me yi
 dkyil 'khor ni/ /shin tu 'bar ba'i dbyibs su gnas/ /'khor lo'i rtsibs ni brgyad po la/ /drag tu gtum pa la sogs pa'i/ /dur khrod brgyad po thams cad kyang/ /shin tu 'jigs pa'i gzugs kyis gnas/ /'khor lo'i rtsibs kyi phyi rol du/ /
 me yi dkyil 'khor bsam bar bya? de nas 'khor lo de dag tu/ /lha yi 'khor lo bspyed par bya/ /de yang dbus la sogs pa ni/ sna tshogs pad+ma nyi ma ni/ /paM dang raM las bskyed par bya/ /de yi steng du ro yi gdan/ /snying gar hUM
 las so so yi/ /phyag mtshan gsal bar bskyed par bya/ /de dag yongs su gyur pa las/ /gtso bo la sogs lha rnams bskyed/ /kun kyang zhal gcig phyag gnyis pa/ /brkyad bsnyum ro yi gdan la gnas/ /kun kyang 'jigs pa'i gzugs
 can te/ /lha rnams sku mdog phyag mtshan ni/ /lha yi le'ur shes par bya/ /de nas thugs ka'i 'od zer gyis/ /rang bzhin dkyil 'khor spyan drangs bstim/ /bde gshegs spyan drangs dbang bskur mchod/ /rigs kyi gtso bos rgyas
 gdab bya/ /de nas thugs ka'i 'od zer ni/ /phyi yi snying por rab spros te/ /so so thugs kar thim par bya/ /de nas mchod pa gtor ma ni/ /rtsa ba'i sngags las so so yi/ /snying po ldan pas dbul par bya/ /de nas dam tshig cho ga ni/ /
 so so'i thugs kar bskyal bar bya/ /de nas nang gi snying po la/ /so so'i snying po rab ldan te/ /bsnyen pa khri phrag bskyal bar bya/ /de nas rtags kyi rnam pa las/ /'jigs pa bskyed par mi bya ste/ /rang gi 'dod pa'i dngos grub ni/ /mchod nas gsol ba
 gdab na sbyin/ /de ni dngos grub thams cad la/ /thogs pa med par 'grub par 'gyur/ /de nas las sbyin brtsams par bya/ /dur khrod las byung ras la ni/ /ske tshe btsan dug bdur/ /sgrub pa'i rnam par snang mdzad kyis/ /ral la legs par byug
 par bya/ /cho ga byas pa'i snag che yis/ /'khor lo'i khang pa lta bur bri/ /dbus su me yi dkyil 'khor la/ /nang gi snying pos bskor nas ni/ /dbus su bsgrub bya'i ming yig dgod/ /'khor lo lte ba'i mu khyud la/ /bsad pa'i sngags ni bri bar bya/ /
 'khor lo shar phyogs rtsibs la ni/ /ru tra kA la yak+Sha oM pur+Na/ ka lo yaM kaM ka tra tra/ lho phyogs su ni badzra tsan+d+ra kro d+ha bi shan ru pa la/ nub phyogs su ni badzra pa ta la bi sha na ru pa la/ byang phyogs su ni badzra kA la mahA yak+Sha bang shar du badzra ga na pa ti/ ma bid ta ru pa/ shar
 lhor na ma hU ru du me ho ku ru du/ tri lu pa ba t+tri/ lho nub sung t+ta ka la/ pu ta ka la/ nub byang du ni yak+Sha nar ta kar/ shar phyogs su kA ka sye/ lho phyogs su ni su kar syai/ nub phyogs su shwan syai/ byang phyogs su u gu ka syai/ /byang shar du ya ma du ti/ shar phyogs su ya
 ma dA d+hi/ lho nub tu ya mang Sh+TraM ni/ byang nub tu ya me mta thi na/ de dag ni lha gi sting po ste/ 'khro lo dag par dgod par bya/ /yi ge oM gyis dang po dang/ /hUM hUM phaT kyi mdza' can te/ /dbus su gsang pa'i yi ge ni/ /bsgrub bya'i ming dang ldan par bya/ /mchod
 pa gtor ma dbul pa yang/ /mthar gyur sngags kyi dbul bar bya/ /'khor lo phyi rol mu khyud la/ /rtsa ba'i sngags ni bri bar bya/ /de ltar 'khor lo dris nas ni/ /rgyud du gsungs pa'i rdzas la ni/ /ling+ga sor brgyad byas nas ni/ /snying gar 'khor lo bcug nas
 ni/ rang gi dkyil 'khor dbus su bzhag /de nas bdag nyid rnal 'byor ldan byas nas/ /gang du lta yi 'khor lo ni/ /'dir ni 'khor lo rdzogs par bskyed/ /yan lag cho ga kun byas te/ /'dir ni nang gi snying po dang/ /khwa gdong la sogs lha mo bzhi dang/ /
 phyag rgya bzhi dang rab ldan nas/ /sngags na stong phrag gcig tu yang/ /bsgrub bya dgug gzhug sbyor ba bya/ /de nas bsang pa'i sbyor ba ni/ /gsang ba'i sngags la lha rnams kyi/ /snying po bsang pa'i yi ge bcas/ /thun re steng phrag re re ni/ /bsad pa'i
 spyor ba ldan par bya/ /pur bu nying kar la sngags te/ sum cu rtsa gnyis su ni gdab/ /de ltar zhag bdun byas nas ni/ /ce spyang thod par gzhug par bya/ /dur khrod gnas su gnas pa las/ /yang na 'khor lo gnas su gzhag /rang gi lus brten par bya ba ni
 gong du bstan pa'i 'khor lo de/ /thod pa kha sbyor nang du ni/ /ling+ga dang bcas bzhag par bya/ /ji srid ma grub bar du ni/ /bsad pa'i sbyor ba bya ba'i phyir/ /lus la rten zhes bya ba'o/ /bsam gtan dang ldan par bya zhes bya ba ni lha
 bcu bdun gyi rnal 'byor dang/ de'i sngags dang ldan pa'o/ /gang zhig ces bya ba la sogs pa ni go sla'o/ /oM gyi dang po dang hUM gi mdza' can ni gnad la bor ba'o/ /bka' stsal pa zhes bya ba ni gsang ba'i 'khor lo bsdus te bstan pa'o/ /de nas zhes bya
 pa ni 'khor lo'i cho ga la gzhan zhus pa'o/ /bcom ldan 'das kyis bka' stsal ba zhes bya ba ni klu 'dul pa'i ting nge 'dzin gyi 'khor la zhus pa'o/ /dur khrod kyi g.yam pa la sogs pa ni go sla'o/ /dur khrod snag tsha zhes bya ba ni dur khrod ma rungs dbus su ni/ /
 bdud rtsi maN+Dal byas nas kyang/ /thod rlon sgyed bu gzugs par bya/ /de yi steng du mar me ni/ /dur khrod ras la bdud rtsi yi/ /snying po byas nas mar me ni/ /mar nag chen pos sbar par bya/ /thod pa dum bu gcig pa la/ /pad+ma 'dab brgyad bris nas ni/ /dbus
 su nang gi snying po bkod/ /de nas pad+ma'i 'dab ma la/ /phyi yi snying po dgod par bya/ /de nas bar ma'i mu khyud la/ /rtsa ba'i sngags ni dgod par bya/ /de nas mar me'i thog tu bzhag /lha yi 'khor lo rdzogs byas la/ /de nas thugs ka'i 'od zer gyis/ /
 mang me rang bzhin med byas la/ /der ni nag po chen po yi/ /cho ga lnga yis bskyed par bya/ /de yi lto bar gnas pa ni/ /bka' sdod cho ga gsum gyis bskyed/ /de nas thugs ka'i 'od zer gy9is/ /ye shes dbugs gcug la sogs pa'i/ /yan lag cho ga
 thams cad bya/ /thugs ka pad+ma hi ma la/ /gri gug yu bar hi ma la/ /hUM las nang gi snying por ni/ /bskor ste thugs ka nas spros pas/ /steng gi 'khor lor thi par bsam/ /de ltar bzlas pa stong phrag gcig /bzlas nas snag tshos bsdu
 bar bya/ /bsam gtan sngags dang ldan gyur pas zhes bya ba ni bdag nyid lnga'i 'khor lo dang ldan par bya'o/ /nag po sbrul dang ldan par bskyed ces bya ba ni gtso bo'i thugs ka'i 'od zer gyis/ /'khor lo rang bzhin med par bya/ /der ni nag po chen po dang/ /gong du
 bstan pa'i lha mo gsum/ /klu rnams cho ga gsum gyis bskyed/ /klu ni yi ge phu la so/ /de yi thugs ka'i 'od zer gyis/ /rang bzhin spyan drangs dkyil 'khor bstim/ /bde gshegs dbang bskur byas nas ni/ /de nas phyi yi snying po yis/ /kun gyi thugs
 kar thim par bya/ /mchod pa zhes bya ba ni go sla'o/ /sngags kyi bzlas pa zhes bya ba ni nang gi snying po dang bcas pa ste/ hUM hUM phaT swA hA'i mdza' can no/ /gtso bo'i thugs ka'i 'od zer gyis/ /'khor lo kun la khyab par bya/ /des ni char ni 'bebs par 'gyur
 zhes bya'o/ /gal te zhes bya ba ni ma phebs na spogs ba'i cho ga ste go sla'o/ /'khor lo bzlog ces bya ba ni klu la sogs pa bzlog pa bri'o/ /steng du sbyin sreg ces bya ba ni gsang ba'i sbyin sreg ste de yang gong gi lha mo dang/ /sku mdog phyag mtshan mthun
 par bskyed/ /sngags bzlog la zhes bya ba ni swAhA nas bya'o/ /bsgrub bya zhes bya ba ni go sla'o/ /de nas gzhan yang zhes bya ba ni ser ba srung ba'i 'khor lo bya ba''jug pa ste/ kha ti kha yis 'khor lo bri zhes bya ba ni/ /bdud cis phyi nas byugs nas sin/ /
 'khor lo dbus su gru bzhi ste/ /der ni bsrung ba'i yul ming gris/ /zur bzhi sna tshogs rdo rje ni/ /rtse mor truM dang ldan par bya/ /de yi phyi rol gru zhir dgod/ /rdo rje bzhi yi bar khyams su/ /bsrung ba'i sngags ni dri bar ya/ /phyi rol phyogs ni bzhi rnams la/
 sna tshogs rdo rje gri ba ste/ /dbus su hUM gi snying po ldan/ /phyi rol mu khyud zlum po la/ /rtsa ba'i sngags ni bri bar bya/ /'khor lo maN+Dal steng bzhag nas/ /bdag nyid lha yi rnal 'byor ni/ /dang po rdzogs par byas nas ni/ /gtso bo'i thugs ka'i 'od zer gyis/ /
 'khor lo rang bzhin med byas nas/ /der ni lha yi 'khor lo ni/ /lha mo gsum dang bcas pa ste/ /cho ga gsum gyis rdzogs par skyed/ /de nas thugs ka'i 'od zer gyis/ /ye shes 'khor lo spyan drangs bstim/ /bde
 gshegs dbang bskur la sogs pa'i/ /yan lag cho ga thams cad bya/ /de nas gtso bo'i lto bar ni/ /hUM gnyis bar du bsam bya ste/ /de yongs gyur pas rdo rje yi/ /bsrung ba'i 'khor los bsrung bar bya/ /de yi dbus su bsrung bya yi/ /yul dang
 legs par bsam par bya/ /de nas ba zlas pa bya ste/ /yul dang zhes bya ba la sogs pa'o/ /sngags ni oM gyi dang po dang/ hUM hUM phaT gyi mdza' can ni/ /phyogs bzhir bzhag par bya ba ni/ /gang zhig bsrung bya'i yul du ni/ /phyogs bzhir
 grong gi cho ga bya/ /de nas gzhan yang zhes bya ngan 'dzam bta la bsgrub pa la 'jug par bya'o/ /gsal bar bskyed ces bya ba ni/ lha mo dang bcas 'khor lo ni/ /cho ga gsum gyis rdzogs par bskyed/ /sngags ni oM gyi dang po dang/ /swAhA'i mdzad? can te
 chu sbyin dang bsnyen pa'i cho gar shes par bya'o/ /bcom ldan 'das kyis bka' stsal to zhes bya ba ni yan lag gi 'khor lo 'khor la bsdus te bshad pa'o/ /'khor lo'i le'u zhes bya ba ni bsad pa la sogs pa'i las grub par bsten pa ste de bsdus
 pa'i le'u'o/ /'khor lo'i le'u yi bshad pa ste drug pa'o// //de nas bya ba ni 'khro las kyi kha bskad par bya ba dang/ /mnan pa 'ba' zhig gis bsang ba'i phyir zhus pa ste go sla'o/ /dka' stsal to zhes bya ba ni mnan pa'i
 khyad par gsungs pa'o/ /de nas zhes bya ba ni mnan pa'i bsgrub par byas pa la 'jug bzhus pa'o/ /bcom ldan 'das kyis bka' stsal ba zhes bya ba ni stobs chen po'i ting 'dzin la zhugs zhes bya ba'i don to/ /dur khrod ces bya ba ni dur khrod la
 sogs pa'i gnas brgyad du'o/ /ting nge 'dzin dang ldan par gyur nas zhes pa ba ni sngon du bsnyen pa rdzogs pa'o/ /bsam gtan zhes bya ba ni thugs ka'i gri gug 'od zer ngo/ /sngags zhes bya ba ni badzra ka ba tsi'i sngags so/ /mA tshA mas bcad pa zhes bya ba ni bsrung pa'i
 khor sgro'o/ /krong po zhes bya ba ni yo sla'o/ /'khor lo bri zhes bya ba ni thod pa'i nang du sna tshogs rdo rje bri bar bya'o/ /rdo rje dbus kyi lte ba la nad gi snying po dri bar bya'o/ /rdo rje rwa yi dbus ma la/ /'khor ko'i sngags ni dgongs par bya/ /phyogs bzhi legs par bri bar bya/ /de
 bi? h+ri krol mu gyud la/ /bsad pa'i sngags ni dgod par bya/ /de yang thod pa gnyas la ni/ /lugs dang lugs min bri bar bya/ /ming dang yi ge ldan par bri zhes bya ba ni bsgrub bya'i gzugs bri ba ste/ /snying ga la sogs gnas lngar ni/ /bsgrub bya'i mang gi
 yi ge ni/ h+ruM? gi bar du rta na par bya/ /'khor lo'i nang du gzhug ces bya ba ni go sla'o/ /phyi rol dur khrod ras kyis gtum zhes bya ba ni dur khrod nas byung ba'i srad dus rgya gram du bcings pa'o/ /mchod pa'i sa zhes bya ba la sogs pa ni go sla'o/ /bskyed pa'i
 ?? rig pa tshul bzhin zhes bya ba ni/ /dang por bdag nyid rnal 'byar ni/ lha yi 'khor lo rdzogs par bya/ /de yi thugs ka'i 'od zer gyis/ /'khor lo gnas pa'i sku gzugs la/ /phog nas rang bzhin med par bya/ /de ni lta yi 'khor lo ni/ cho ga gsum
 gyis bskyed par bya/ /shin tu 'dzoms ma la sogs pa'i/ /mkha' 'gro gsum ni bskyed par bya/ /sku mdog nag mo cher 'jigs ma/ /gri gug thod pa 'dzin pa ste/ zhal gcig phyag gnyis spyan gsum 'jags/ /de nas su bka' i 'od zer gyis/ /ye
 shes 'khor lo ba stim pa'i phyir/ /bla ma zhes bya ba la sogs pa'i/ /bde gshegs spyan drangs dbang bskur nas/ /thugs ka'i bdag pos rgyas gdab bya/ /de nas thugs ka'i 'od zer ni/ /phyi yi snying po rab spros te/ /lha rnams so so'i thugs kar thim/ /
 de nas mchod pa zhes bya ba la sogs pa ni go sla'o/ /sngags kyi bzlas pa zhes bya ba ni dam tshig dang ldan par byas te/ /nang gi snying po la bsnyen pa bskyal ba'o/ /thugs ka'i 'od zer zhes bya ba gtso bo la sogs pa'i lha rnams kyi
 thugs ka nas spros pa'o/ /bsgrub bya gsal zhes bya ba ni srog skyob pa'i lha dang bral bar gsal ba'i phyir ro/ /sngags dang zhes bya ba ni dgug pa'i sngags so/ /gri gug thod pa thogs zhes bya ba ni bsad pa'i sbyor ba la 'jug par bya ba gsad pa'i sngags so/ /
 thun mtshams zhes bya ba la sogs pa ni go sla'o/ /dur khrod dbus su zhes bya ba ni me thab kyi dbus su brkos te tsha ba'i rdzas kyis byugs par bya'o/ /mdun gyi zhes bya ba ni de'i dbus so/ /dur khrod kyi phag bu ni 'khor lo bri zhes bya ba ni/ /dbus su sna tshogs rdo rje
 la/ phyi rol 'khor lo rtsibs brgyad la/ /sna tshogs rdo rje lte ba la/ /nad gi snying po dgod par bya/ /rdo rje rwa yi snying po la/ /phyi yi snying po bri bar bya/ /de nas 'khor lo rtsibs brgyad la/ /yi ge oM gyi dang po dang/ /hUM hUM phaT phaT swAhA'i/ /mdza' can rim par
 dgod par bya/ /de nas 'khor lo'i steng du ni/ /gong du lha yi 'khor lo bskyed/ /ye shes spyan drangs la sogs pa'i/ /yan lag cho ga rdzogs par bya/ /der ni gsad pa'i sbyin bsreg bya/ /mnan pas bsad pa zhes bya ba ni bsad pa 'ba' zhig tu gsungs
 pa'i phyir ro/ /bcom ldan 'das kyis bka' stsal pa zhes bya ba ni mnan pa'i don 'khor gyi tshogs la bshad pa'i mnan pa'i don 'ba' zhig ston pa'i le'u ste/ mnan pa'i le'u'i bshad pa ste bdun pa'o// //de nas zhes bya ba ni las
 thams cad kyi sbyor ka la 'jug pa ste spyin sreg gi las la 'jug pa zhus pa'o/ /sbyin sreg gi las zhus pa ste go sla'o/ /bcom ldan 'das kyis bka' stsal pa zhes bya ba ni sbyin sreg gi khyad par bstan pa'o/ /de nas zhes bya ba ni sbyin sreg la
 'jug par bya zhes pa'o/ /de yang gsungs pa khyad par bdun zhes pa la sogs pa ni mdor bstan pa ni go sla'o/ /de nas zhes bya ba la sogs pa ni rgyas par zhus pa'o/ /bcom ldan 'das kyis bka' stsal pa zhes bya ba ni bdag nyid chen po'i ting nge 'dzin la
 snyoms par zhugs zhes bya ba'i don to/ /dang por bdag nyid ces bya ba ni mchod pa la sogs pa ste stong pa nyid kyi bar du tshogs par bya'o/ /bsrung ba'i 'khor lo bsgom pa zhes bya ba ni stong pa nyid la ram las byung ba'i nyi ma dang/ hUM las byung ba'i rdo rje brag /de
 yi steng du hUM gnas pa/ /spro dang bsdu ba'i 'od zer gyis/ /bskrung? ba'i 'khor lo bsgom par bya/ /chos 'byung e las bskyed pa'o/ /rdo rje ni khaM las bskyed pa'o/ /pad+ma ni paM las bskyed pa'o/ /nyi ma ni raM las bskyed pa'o/ /ro ni kaM las bskyed pa'o/ /de yi steng du hUM
 gnas zhes bya ba ni cho ga lngas gtso bo bskyed pa ste go sla'o/ /mdun gyi nag po chen po yang zhes bya ba ni bka' sdod kyi la bor lo bskyed pa ste de yang cho ga gsum gyis bskyed pa'o/ /bka' sdod lha yi 'khor lo ni/ /me yi dbus su gnas pa ste/ /pad+ma'i
 dbang phyug la sogs gsum/ /sku mdog dmar mo me ltar 'bar/ /zhal gcig phyag gnyis spyan gsum pa/ /me thab thod pa gnas pa ste/ brgyab bskum ro yi steng na 'gyid/ /gtso bo'i thugs ka'i 'od zer gyis/ /ye shes 'khor lo spyan drangs
 bstim/ /bde gshegs spyan drangs dbang bskur nas/ /rigs kyis bdrag po rgyas gdab bya/ /de nas thugs ka'i 'od zer ni/ /phyi yi snying po bspros te/ /lha rnams thugs kar thim par bya/ /mchod pa gtor ma dam tshig gi /cho gaM ram pas
 byas nas kyang/ /gnyis med thugs kar zhes bya ba ni nang gi snying po la bsnyen pa bya'o/ /de nas sbyin sreg brtsam par bya zhes bya ba ni sbyin sreg gi las la brdug par bya ba ste/ de yang ring du spangs pa'i don ni skye bo rmongs par bya pa'i phyir ro/ /'dir
 shes par bya ba ni rdzas kyi cho ga ste sngon du 'gro ba'o/ /de yang rkang rjes sa zhes bya ba la soT pa tshoT bar byas la rgyu sta gon gnas pa'i cho ga la byas/ /de nas ling ga byas la bdag nyid lha'i rnal 'byor rdzogs par bya ste/ mgo lus tsha ba'i rdzas
 kyis byugs ces bya ba ni ske tshe dang nyungs kar dang btsan dug gis gnas sum cu rtsa gnyis su bsnun pa'o/ /bsgrub bya bkug la bstim zhes bya ba ni gtso bo dang bka' sngod kyi 'khor gyi thugs ka nas zhags pa dang lcags kyu'i sbyor bas bsgrub bya dgug par bya'o/ /
 dbye ba'i cho ga zhes bya ba ni/ sngags kyi le'u ru shes par bya'o/ /mgo bo nas rkang pa'i mthil gyi bar shes bya ba ni thig le'i gnas sum cu rtsa gnyis so/ /gsang sngags zhes bya ba ni gtso bo dang bka' sdod kyi thugs ka nas spros pa'o/ /tsher ma zhes bya ba ni nir su'i bur
 la sogs pa'o/ /'bum phrag ces bya ba ni sngags kyi grangs so/ /de nas zhes bya ba la sogs pa ni go sla'o/ /dgang gzar blugs gzar zhes bya ba ni nyi ma'i steng du oM dang hUM gis mtshan pa'o/ /yaM shing dug gi rigs las byung ba'i shing la che ba'i rdzas kyis byugs
 shing re phas mtshan pa'o/ /nyung dmar la sogs pa ni bdud rtsi lngas bsang gtor bya zhes rtsa ba'i sngags kyis byin kyis brlab pa'o/ /gzhan yang mchod pa dang gtor ma la sogs pa yang tshogs par bya'o/ /me thabs kyi mtshan nyid ni bye brag tu ma
 bshad de go sla ba'i phyir ro/ /de nas zhes bya ba ni me lha bskyed par bya ba la 'jug /bsam gtan sngags dang ldan gyur nas zhes bya ba ni bdag nyid lha'i rnal 'byor dang ldan par bya ba ste/ de yang thugs ka'i 'od zer gyis/ /me thab rang bzhin med byas la
 der ni raM las byung ba'o/ /'bar ba'i me ni bsam par bya/ /de nas pad nyi hUM zhes bya ba la sogs pa ni me lhar mchog gi me lha bskyed bste go sla'o/ /phyag rgya bzhi'i sbyor ba zhes bya ba ni gtso bo'i thugs ka nas lcags kyu'i phyag rgyas bstim par bya'o/ /de nyid du bde
 bar dbang bskur zhing rgyas gdab po/ /lce la hUM zhes bya ba ni hUM las byung ba'i rdo rje rtse mo gsum pa bsam par bya'o/ /lan bdun zhes bya ba ni rdzas kun la lan bdun bdun du dbul bar bya'o/ /khros zhes bya ba ni shin tu khros pa'i sems kyis so/ /dbul ba'i sngags ni oM
 gyi dang po dang phaT kyi mthar can te/ /dbus su bsgrub bya'i ming gi yi ge dang ldan pa bya'o/ /de nas sbyin sreg phul nas de la bstod pa bya ba ste/ gsang ba gsum la byung ba yi/ /drag po'i me lha rgyal po khyod/ /mdog nag gzi brjid 'bar ba yi/ /gzhom mdzad
 khyod la phyag 'tshal bstod/ /spyan gsum 'jigs byed mche ba gcigs/ /phyag na me thab bgrang phreng 'dzin/ /brkyang bskum me yi dbus na 'gyid/ /gdug pa bsreg mdzad khyod la bstod/ /thams cad khro bo yi sems kyis/ /'jigs pa chen po'i cha
 lugs can/ /'jigs pa thams cad sgrol mdzad pa'i/ /'bar ba tshe la phyag 'tshal bstod/ /me lha gzhal yas khang du bsam zhes bya ba ni/ /gtso bo'i thugs ka'i 'od zer gyis/ /me lha'i thugs kar phog nas ni/ /thugs kar chos 'byung bsam par
 bya/ /de dbus lha yi 'khor lo bskyed/ /cho ga lnga 'am gsum gyis bskyed/ /ces bya ba ni gtso bo'i cho ga lngas bskyed pa'o/ /thugs kar nyi ma'i dkyil 'khor bsam/ /de yi steng du bka' sdod ni/ /lha mo gsum dang bcas pa bskyed/ /de yang cho ga gsum
 gyis skyed/ /lha mo sku mdog phyag mtshan ni/ /gong du bstan pa bzhin du bsam/ /phyag rgya bzhi dang ldan zhes bya ni/ /lcags kyu la sogs phyag rgya bzhis/ /dgug gzhug bcing ba la sogs bya/ /de yang sngon gyi dam tshig gis/ /bskul bar bya ba'i??
 tshigs bcad brjod/ /hUM zhes bya ba la sogs pa ni go sla'o/ /de nas bde gshegs spyan drangs te/ /dbang bskur nas ni rgyas gdab bya/ /de nas 'khor lo'i lha rnams la/ /lte la hUM las rdo rje bsam/ /de nas sbyin sred dbu la bya ste/ /me ni rab tu sbar bas te/
 me lha bskyed pa'i sngon du'o/ /dgang blugs mar ni rgya rtsa brgyad/ thog ma tha mar sbyin par bya/ /de nas thugs ka'i 'od zer gyis/ /phyi yi snying po brgya phrag gcig /lha rnams thugs kar bstim par bya/ /bdud rtsi rak+ta zhes bya ba la sogs pa ni
 mchod par bya ba ste go sla'o/ /de nas ling+ga sreg rdzas rnams dbul bar bya zhes bya ba ni/ ling+ga la sogs sreg rdzas rnams/ /go rim bzhin du dbul bar bya'o/ /de yang yam shing dang/ ling+ga dang ming gi yi ge dang/ /bsgrub par byas pa'i la du dang/ chan
 dang/ sha lnga dang/ nya sha dang/ chang dang/ yungs nag dang/ la phug dang/ lcags phye dang/ de dag go rim bzhin du dbul bar bya'o/ /rtsa ba'i snying po sngags la zhas bya ba ni/ /lha mo gsum gyi snying po dang/ /bsad pa'i yi ge ldan pas dbul/ /de yang pad+ma
 barti b+hi hUM hu man+ta dang/ mahA ba la he he ka ran+ta dang/ sa ma sa na rU pa ni/ de dag snying po'i sngags la ni/ /brtags te sbyin sreg dbul bar bya/ /de nas bya ba la sogs pa ni dus kyi nges pa bstan pa ste go sla'o/ /bcom ldan 'das kyis bka' stsal pa zhes bya ba ni thun
 mong gi sbyin sreg bsdus te 'khor rnams la bshad pa'o/ /de nas zhes bya ba ni myur du bsad pa'i phyir bsad pa'i sbyin sreg brtsam par bya ste/ bcom ldan 'das kyis bka' stsal pa zhes bya ba ni bsad pa'i sbyin sreg gi 'khor lo'i ting nge 'dzin la zhus ba'o
 de yang me thab ces bya ba la sogs pa gsungs te/ der ni gsang ba'i don sbas pa'i phyir don gyi go rim 'khrugs par gnas pa'o/ /ma thab kyis bslangs pa zhes bya ni me'i phyogs nas bslangs pa'o/ /thab mtho gang gi tshad du bya zhes bya ba ni mtho gang ni
 gsad ba'i sku tshad de/ /dbyibs ni rtsings drug par bya'o/ /de'i phyi nang tsha ba'i rdzas kyis byug par bya ste/ /kha khyer la gri gug gi phreng bas btang bar bya'o/ /'og ma'i zur gsum la ni thod pa bri bar bya'o/ /de nas bdag nyid rnal 'byor ni/ /lha yi 'khor lo
 rdzogs byas la/ /ling+ga dang ni yam shing dang/ /ming gi yi ge btu ba dang/ /sha lnga dang ni bdud rtsi khrag /til mar mar chen la sogs pa/ /de dag tshogs par byas pa ni/ /zur gsum zhes bya ba nas la du zhes bya ba'i bar du bstan pa'o/ /zhing gi gdan zhes bya ba
 la sogs pa dang ldan par byas la/ /rnal 'byor thugs ka'i 'od zer gyis/ /bsgrub bya bkug la ling+ga bstim/ /de nas bsad pa'i cho ga ni/ /sngon du 'gro ba rdzogs par bya/ /de nas bka' sdod bskyed par bya/ /gtso bo'i thugs ka'i
 'od zer gyis/ /me thab rang bzhin med byas te/ /hUM las byung ba'i rdo rje'i brag /nyi ma'i steng du bsam par bya/ /de steng hUM las byung ba yi/ /'od kyi gdug pa bcam bya ste/ /gri gug gur dang sna tshogs gyur/ /de yi dbus su chos 'byung bsam/ /der ni zhes bya
 ba ni chos 'byung gi dbus su'o/ /raM las me thab bsam zhes bya ba ni me'i dkyil 'khor ro/ /nang du nag po chen po bskyed ces bya ba ni nag po chen po la sogs pa'i lha mo gsum bskyed par bya'o/ /sna tshogs pad+ma zhes bya ba la sogs pa ni cho ga gsum gyis
 bskyed pa ste go sla'o/ /mkha' 'gro ma ni skem byed la sogs pa gsum po de dag kyang sku mdog sngon po zhal gcig ma/ /phyag gnyis ma/ spyan gsum pa khro bo'i gzugs te gri gug dang thod pa 'dzin pa'o/ /de nas gtso bo'i lto bar ni/ /raM las me thab
 bsam par bya'o/ /de yi dbus su nyi ma dang/ /hUM las byung ba'i gri gug bsam/ /yu bar nyi ma yis ni mtshan/ /zhal ni sna tshogs me'i 'od ces bya ba ni zhal me thab kyi dbyib su gnas pa ste/ /thugs ka'i gri gug las sna tshogs pa'i me 'bar ba'o/ /
 gtso bo'i thugs ka'i 'od zer gyis/ /rang bzhin dkyil 'khor spyan drangs bstim/ /bde gshegs dbang bskur rgyas gdab bya/ /phyi yi snying pos khyab byas nas/ /mchod dang gtor ma la sogs bya/ /dam tshig cho ga byas nas ni/ /nang gi snying pos bsnyen
 pa bya/ de nas tsher ma'i me sbar zhes bya'o/ /de ni rtsa ba'i sngags kyis ni/ /til mar nyi shu rtsa gcig sbyin/ /rnal 'byor thugs ka'i 'od zer gyis/ /bsgrub bya bkug nas ling gar bstim/ /zhes bya ba ni brgya rtsa brgyad du bkug par
 byas ni/ /nag po chen po'i zhal du brubs zhes bya'o/ /'od zer nag po'i gzugs su spros zhes bya ba ni/ /yang na thugs ka'i 'od zer gyis/ /bsgrub bya dgug pa byas nas ni/ /dug gtor du ni sbrug par bya zhes bya'o/ /dug gtor gyi dug la sogs pa'i rdzas
 thams cad du bya'o/ /sbrug ces bya ba ni bsgrub bya'i lus kyi bcud tshangs pa'i bu ga nas bab phyir ro/ /de nas btub par bya ba ni dpal ldan zhes bya ba nas/ btub par bya ba'i par du bstan pa'o/ /rno ba'i gzugs kyis bsgrub bya dgug ces bya ba ni lcags
 kyu dang/ zhags pa'i 'od kyis bsgrub bya bkug nas me thab steng du mgo 'jug bzlog nas bzhag go /de yang bsgrub bya'i gnas gsum du rnam shes kyis bdag nyid yi ge gsum du bsam/ snying po sngags kyis dbul bar bya zhes bya ba ni snying po'i
 sngags kyi yin gyis gzhan gyis ni ma yin pa'i phyir ro/ /yang lha mo gsum dang ldan pa'i re'u tri dang/ bI sha ni dang/ tsa na ti ha ro dang/ de dag gi snying po'i sngags la hUM dang gsang ba'i yi ge dang ldan par bya ba'o/ /rdzas ni yam shing dang/ yi ge
 dang/ ming gi yi ge dang/ la du dang/ sha lnga dang/ bdud rtsi lnga dang/ khrag go /de dag gi bsgrub bya'i rlung sgo nas zhugs te gsum dang ldan pas tshangs pa'i bu ga nas byung te lha'i 'khor lo'i zhal du dbul bar bya'o/ /brgya rtsa brgyad ces bya ba ni rdzas
 re re la brgya rtsa brgyad do/ /bdun zhes bya ba ni sbyin sreg bdun du byas pa'o/ /de ma thag tu zhes bya ba ni myur ba'i khyad par ro/ /bcom ldan 'das kyis bka' stsal pa zhes bya ba ni gsang ba'i sbyin sreg bsdus te 'khor la bshad pa'o/ /sbyin
 sreg gi cho ga gsad pa'i bya ba'i le'u'o/ /sbyin sreg gi le'u'i bshad pa ste brgyad ba'o// //de nas zhes bya ba nas ji ltar las la sa zhes bya ba ni sngags kyi dbye ba ste go sla'o/ /bcom ldan 'das kyis bka' stsal pa zhes bya ba ni sngags
 kyi rgyu 'byung ba'i ting nge 'dzin la zhugs pa'o/ /sku gsung thugs kyi rdo rje zhes bya ba ni sngags kyi rgyu yang yin la sngags nyid kyis kyang yin pa'i phyir ro/ /de yang sngags ni lha'i 'khor lo dang tha mi dad pa'i phyir rgyu'i 'khor lo'i ting nge 'dzin la 'jug par bya'o/
 de yang nam mkha' i dbus su ni/ /hUM las byung ba'i rdo rje'i brag/ de steng hUM ni bsam par bya/ /hUM las byung ba'i 'od zer gyis/ /bsrung ba'i 'khor lo bsgom byas te/ /de yi dbus su chos 'byung bsam/ /yi ge rnams kyi mchog gyur pa zhes bya ba ni chos 'byung gi
 nang du A li kA li legs par bsam par bya/ /rtsa ba'i snying po'i sngags zhes bya ba ni A li kA li las rtsa ba dang snying po btu bar bya'o/ /sngags zhes bya ba ni sngags ma yin ba'i the tshom spang ba'i phyir yi ge bcu ba'o/ /bka' stsal to zhes bya ba ni
 sngags 'byung pa'i rgyu btus te 'khor la bshad pa'o/ /de nas zhes bya ba ni sngags btu ba la 'jug pa dang/ dngos po zhus pa'o/ /bcom ldan 'das kyis bka' stsal ba zhes bya ba ni yi ge btu ba'i 'khor lo'i ting nge 'dzin la zhugs zhes bya ba'o/ /dang po
 rig byed rgyal po ni o'o/ /dang po'i lnga pa ni aau ring po'o/ /gnyis pa'i lnga pa ni pa'o/ /dang po'i thig le ni a thung du'o/ /gnyis pa'i lnga pa'i lnga pa ni mO/ brgyad mdza' zhes bya ba ni ha(rgyud 'grel la'o/ gnyis pa'i drug pa'i dang po ni ya'o/ /brgyad mdza' zhes bya ba ni ha(rgyud 'grel bcas pa ni a thung ngu'o/ /gnyis ni hUM gnyis so/ /tsheg drag ni a(rgyud 'grel brgyad pa'i mdza' can ni ha'o/ /bcom ldan 'das kyis bka' stsal pa zhes bya ba ni phyi'i snying po bsdus te/ 'khor la bshad pa'o/ /de nas zhes bya ba nas yi ge btu ba'i rim pa zhes bya ba ni thugs kyi yi ge btu ba ste go sla'o/ /bcom ldan 'das kyis
 bka' stsal pa zhes bya ba ni nang gi snying po bsdus pa'i ting nge 'dzin la zhugs pa'o/ /dang po'i yi ge zhes bya ba ni a'o/ /dang po'i lnga pa ni zhes bya ba ni ring po'o/ /gnyis pa'i lnga pa zhes bya ba ni nga'o/ /dang po'i thung du ni a thung du'o/ /gnyis pa'i lnga pa
 mdza' ldan pa ni ma'o/ /nga rgyad pa'i mdza' can hi'o/ /gnyis pa'i dang po ni ka'o/ /gnyis pa'i drug pa'i gsum pa ni la'o/ /gnyis pa'i drug pa'i dang po ni ya'o/ /lnga pa'i lnga pa ni ma'o/ /brgyad pa'i mdza' can ni ha'o/ /dang po'i gsum pa ni u'o/ /tsheg drag
 ni mdza' ma'i a'o/ /gnyis pa'i bdun pa'i gnyis pa ni Sha'o/ /rigs med mdza' ni a thung du'o/ /gnyis pa'i lnga pa'i mdza' ldan ni ma'o/ /chags pa'i yi ge ra'o/ /gnyis pa'i gsum pa ga'o/ /gnyis pa'i bzhi pa'i dang po ni ha'o/ /dang po'i gsum
 pa ni i thung ngu'o/ /gnyis pa'i lnga pa'i mthar ldan pa ni ma'o/ /sde tshan brgyad pa ni ha'o/ /gnyis pa'i dang po ni ka'o/ /gnyis pa'i drug pa'i gsum pa ni la'o/ /gnyis pa drug pa'i dang po ni ya'o/ /sde tshan gnyis pa'i dbus ma ni ra 'o/ /gnyis pa'i
 gsum pa ni ga'o/ /gnyis pa'i bzhi pa'i dang po ta'o/ /dang po'i gsum pa ni u'o/ /dang po'i dang po ni a'o/ /gnyis pa'i lnga pa'i dang po ni pa'o/ /gnyi ga'i 'brel pa ni ra'o/ /gnyis pa'i lnga pa'i gsum pa ni ba'o/ /dang po'i gnyis pa ni o'o/ /
 brgyad pa'i brgyad pa ni Sha'o/ /sde tshan brgyad pa'i mdza' ldan pa ni ha'o/ /thig le ni nga'o/ /zla ba'i mig ni a thung ngu'o/ /dang po'i gsum pa ni u'o/ /'di ni sngags kyi rgyal po'o/ /ma byung 'byung bar mi 'gyur la/ /'bum phrag gsum bzlas thams cad 'grub/ /
 bcom ldan 'das kyis bka' stsal pa zhes bya ba ni 'khor thams cad kyi thugs kyi snying po bsdus te bshad pa'o/ /de nas zhes bya ba nas zhes bya ba nas ji ltar lags zhes bya ba ni rtsa ba'i sngags btu bte go sla'o/ /bcom ldan 'das kyis bka' stsal pa zhes bya ba ni sku'i 'khor lo ting nge
 'dzin la zhugs zhes bya ba'i don to/ /gnyis pa'i bzhi pa'i dang po ni ta'o/ /bzhi pa'i gsum pa ni da'o/ /gnyis pa'i drug pa'i dang po ni ya'o/ /gnyis pa'i bzhi pa'i gnyis pa ni tha'o/ /drag po ni a(rgyud 'grel po'i lnga pa ni aau ring po'o/ /gnyis pa'i lnga pa ni ma'o/ /brgyad mdza' zhes bya ba ni ha'o/ /gnyis pa'i dang po ni ka'o/ /gnyis pa'i drug pa'i gsum pa ni la nyid do/ /gnyis pa'i drug po'i dang po ni rlung gi sa bon no/ /brgyad mdza' gnyis kyi sgra ni Sha Sha'o/ /gnyis
 pa'i bzhi pa'i mthar gnas pa ni na'o/ /gnyis pa'i drug pa'i dang po ni ya'o/ /dang po'i dang po ni a thung ngu'o/ /gnyis pa'i lnga pa'i dang po ni la nyid do/ /gnyis pa'i dang po ni ka kho na'o/ /ma ning gi yi ge ni ra'o/ /dang po'i gnyis pa ni a'o/ /gnyis pa'i
 gsum pa ni mthar ldan pa zhes bya ba na'o/ /gnyis pa'i lnga pa ni nga'o/ /dang po'i bzhi ni i ring po'o/ /brgyad pa'i mdza' can dang po ni sha'o/ /gnyis pa'i lnga pa ni nga'o/ /tsheg drag ni tha ma'i a(rgyud 'grel pa'o/ brgyad pa'i gsum pa ni sa'o/ /gnyis pa'i gnyis pa'i dang po ni tsa nyid do/ /rigs byed gnyis pa ni i'o/ /lnga pa'i lnga pa ni ma'o/ /dang po'i lnga pa ni os brgyan pa'o/ /gnyis pa'i dang po ni ka'o/ /gnyis pa'i drug pa'i gsum pa ni la'o/ /dang
 po'i lnga pa ni o nyid do/ /gnyis pa'i drug pa'i dang po ni ya'o/ /gnyis pa'i lnga pa'i dang po ni pa'o/ /gnyis pa'i gsum pa'i dang po ni Ta'o/ /chags pa'i yi ge ni me'i sa bon no/ /dang po'i gnyis pa ni i'o/ /ma ning gi yi ge ni ra
 nyid do/ /gnyis pa'i bzhi pa'i gsum pa ni Da'o/ /gnyis pa'i bzhi pa'i mdza' ldan pa ni na nyid do/ /gnyis pa'i bzhi pa'i dang po ni ta nyid do/ /chags pa'i yi ge ni ra nyid do/ /gnyis pa'i drug ba'i dang po ni ya'o/ /bye brag gnyis pa ni ya gnyis te/
 gnyis pa'i drug pa'i dang po ni rlung gi sa bon no/ /tsheg drag ni tha ma'i a(rgyud 'grel dang po'i gnyis pa ni i'o/ /gnyis pa'i bzhi pa ni dzha'o/ /gnyis pa'i lnga pa ni nga'o/ /brgyad mdza' i gsum pa ni sa'o/ /gnyis pa'i lnga pa ni ma nyid do/ /chags pa'i yi ge ni ra'o/ /brgyad mdza' gsum pa ni sa'o/ /dang po'i gnyis nga ni i'o/
 gnyis pa'i bzhi pa'i ?? pa ni da gnyis so/ /dang po'i bzhi pa ni a'o/ /gnyis pa'i bzhi pa'i gsum pa ni da'o/ /gnyis pa'i lnga pa ni nga'o/ /gnyis pa'i gsum pa naM Da'o/ /dang po'i gsum pa ni u'o/ /brgyad pa'i mdza' can gnyis pa ni Sha'o
 gnyis pa'i gsum pa'i dang po ni Da'o/ /gnyis pa'i gnyis pa ni kha gnyis so/ /tsheg drag ni a drag po'o/ /sde tshan brgyad pa'i mdza' ldan pa ni ha'o/ /dang po'i gnyis pa ni i'o/ /gnyis pa'i lnga pa ni ma gnyis so/ /bar du chags pa'i yi ge ni ra
 gnyis so/ /gnyis pa'i bzhi ba ni g+ha'o/ /chags pI yi ge ni ra'o/ /dang po'i gnyis pa ni i'o/ /brgyad mdza' i gnyis pa ni Sha'o/ /gnyis pa'i gsum pa'i lnga pa ni Na'o/ /tsheg drag thams cad ni a(rgyud 'grel bzhi pa ni b+ha'o/ /gnyis pa'i bzhi pa'i lnga pa ni na'o/ /gnyis pa'i bzhi pa ni b+ha'o/ /brgyad pa'i mdza' can gnyis ni ha gnyis so/ /gnyis pa'i gsum pa'i lnga pa ni Na'o/ /gnyis pa'i gsum pa'i bzhi pa gnyis ni d+ha gnyis so/ /brgyad mdza' ni ha'o/ /gnyis pa'i lnga pa'i
 dang po ni pa gnyis so/ /gnyis pa'i dang po ni tsa gnyis so/ /gnyis pa'i bzhi pa'i gsuM pa ni da'o/ /dang po'i gnyis pa ni i'o/ /gnyis pa'i bzhi pa'i lnga pa ni na'o/ /gnyis pa'i lnga pa'i lnga pa ni ma'o/ /dang po'i bzhi pa ni e'o/ /gnyis pa'i gsum pa ni ga'o/ /
 dang po'i bzhi ba ni e'o/ /gnyis pa'i dang po'i lnga pa ni nga'o/ /brgyad pa'i mdza' can ni ha'o/ /dang po'i gsum ba ni u'o/ /zla ba mig ni a bu ngo/ /gnyis pa'i ngang po'i lnga pa nga'o/ /gnyis pa'i lnga ba'i gnyis pa ni pha'o/ /gnyis pa'i gsum pa'i dang po ni Ta'o
 brgyad mdza' i gsum pa ni sa'o/ /gnyis pa'i lnga ba'i gsum ba ni pa'o/ /brgyad mthar ldan pa ni ha'o/ /bcom ldan 'das kyis bka' stsal bzhes bya ba ni sku'i 'khor lo'i sngags btus te 'khor la bshad pa'o/ /'di ni sngags kyis rgyal po ste/ /
 'bum phrag gcig bzlas ba yis thams cad 'grub par 'gyur/ /sku gsung thugs kyi yi ge'i btu pa'i rim pa bstan pa'i le'u'o/ /yi ge bcu ba'i le'u'i bshad pa ste dgu pa'o// //de nas zhes bya ba ni dam tshig gi 'khor
 lo'i ting nge 'dzin la snyoms par zhugs pa ste go sla'o/ /de yang mkha' 'gro ma rgya mtsho las/ /dam tshig ldan pas dngos grub ni/ /thams cad 'grub par dpa' bos gsungs/ /dam tshig mi ldan thams cad ni/ /dngos grub kun la bdud kyis ni/ /las rnams
 bar du gcod par 'gyur/ /de bas dam tshig thams cad ni/ /'bar bas mang pos spyad par bya zhes gsungs so/ /bcom ldan 'das kyis bka' stsal pa zhes bya ba bcom ldan 'das dam tshig chen po'i 'khor lo'i ting nge 'dzin la zhugs pa'o/ /bla ma zhes