བོད་ཡིག

e-texts based on the ACIP/ALL Input

spyod dur khrod kyi rtog pa zhes bya ba/ slob dpon bir ba pas mdzad pa las btus pa/ rnal 'byor pa pradz+nyA sh+rI dz+nyA na kI rtis rang 'gyur mdzad pa'o// //dpal rdo rje mkha' 'gro la phyag 'tshal lo/ /'khrul pa mya nga ma thang chen la/ /nyon mongs nyi mas rab gdungs pa'i/ /'gro ba 'tsho ba'i klung gyur pa/ /srog 'dzin mgon le nyer btung nas/ /gang gis nyon mongs zhi byed pa/ /rtogs dka' thabs mang rgya mtsho las/ /mchog gyur mgon pos gsungs pa'i don/ /bla ma'i gsung las blangs pa brjod/ /'di na gang dag nyon mongs spong gnyon mongs 'gyur/ /ji ltar bkres pas kha zas dang/ /sgom pa chu la rgyab phyogs bzhin/ /dper na me yi bud shing dang/ /ma phrang sdud cing mi gsal zhing/ /'chi 'gyur de ltar 'gro ba'i sems/ /'dod pa spangs na ma dud 'gyur/ /yul la shin tu chags pa'i sems/ /'od pa spangs pas zlog byed pa/ /de ltar mi 'gyur thabs dman phyir/ /nyon mongs 'phel ba kho nar zang/ /gang dag shin tu bcings pa'i mi/ /'dug nang gzhan du 'gro ba yi/ /bsam pa rtag tu bsten byed cing/ /lus sems bde bar mi 'gyur bzhin/ /sems mi bde ba don gnyer bas/ /de rnyed par ni ma gyur par/ /kun tu rtog pa rgyas 'gyur zhing/ /gnyug ma'i yid gnas mi 'gyur ba/ /dper na glang chen ma rungs pa/ /gang tshe char gis rab myos pa/ /dad kyis dul 'gyur de yi tshe/ /mkhas pa rnams kyi longs spyod 'gyur/ /de ltar sems kyi glang po yang/ /yul gyi chang gi rab myos na/ /dmu rgong rtog pa dul 'gyur zhing/ /gnyug ma rnal 'byor pa yis len/ /gang dag spros pas ma spros pa'i/ /gnyug ma'i sems yid ma rnyed na/ /rtog pa'i dra bas 'chad min te/ /rtog las 'khor ba sna tshogs 'byung/ /de phyir yang dag gzhug pa'i yid/ /mthong bar 'dong pas lus dang sems/ kun rtog rlung rnams zhi bya'i phyir/ /nam yang gdung bar mi bya'o/ /de ltar gdung ba spangs pa las/ /sems ni bde ba'i ngo bor 'gyur/ /'khrul pa'i sprin sdug 'gag 'gyur zhing/ /'ong gsal dri med nam mkha' mthong/ /bde de 'dod pa kun las 'byung/ /yang dag bla ma'i man ngag bzhin/ /thabs dang bcas pa'i rnal 'byor pas/ /rtag tu 'dod pa'i yon tan bsten/ /gti mug 'khrul pa las kyi sprul/ /sdug bsngal rba klong cher 'khrugs pa'i/ /'khor ba'i chu bor bying ba yi/ /'gro la brtse ba chen po bskyed/ /'dir ni 'di don 'dis mi nus/ /yang dag ye shes snang ldan pa'i/ yi dam rgyal po'i gzugs kyis ni/ /sems can skyabs la brtson par bya/ /rang gi bskyed pa yi ge'i gzugs/ /de nyid snying gi dkyil du gzhog/ /'od kyi sdig pa zang byas te/ 'gro mang sdug bsngal zhi par bya/ /btus pa'i sbyor bas lha gang gi / gnas la dang pas de nyid bsam/ /byin gyis brlab dang dbang bskur ba/ /gzhug dang mchod sogs thams cad bya/ /de nas bzhin bzangs mig yangs ma/ /lang tsho rgyags shing skye gnas dang/ /nu ma mkhrang zhing sha rgyas pa'i/ /bu mo yid 'ong mdun du gzhag /gtsug tu mangs dang rong ldan dang/ /bu ga 'phen dang bskyod pa dang/ /mtshams su mdzes par gyur pa yis/ /mdzad pa mdzes par bya ba dang/ /rnal 'byor la ni rtag gus shing/ /lhag par zab mo'i tshes la dang/ /khro med rnam rtog spangs pa'i bdag /yongs su smin byas byin gyis brlab/ /gtso nyid gang gi rig ma rung/ /cho ga mkhas pas bsgoms nas kyang/ /de ru ye shes 'khor lo gzhug /mtshan ma gnyis kyang sngags kyis sbyang/ /ling kha brtan por gyur pa ni/ /skye gnas dbus su gzhag par bya/ /dam por 'khyud pas gnas nas ni/ /yang dang yang du tsum pa bya/ /sen mos cung zad drud pa dang/ /ma mchu so yi gtsir bar bya/ /mig ni rab tu bsgyur bya zhing/ /lce yeng lce yis bskyod par bya/ /mgrin par dngos dgang ba dang/ /gshub pa 'am yang na gsal pa ru/ /chags pa'i tshig gis sbyor ba yis/ /kha sbyor bde ba dang po bsgom/ /sum cu rtsa gnyis 'dab ldan pa'i/ /rlung gi rang bzhin pad+ma las/ /mgrin par 'bar ba'i ye shes ni/ /bya ba grub pa nyon mongs 'joms/ /de ru rdo rje nub gyur nas/ /rkang pa skyod pa spangs nas ni/ /lus ngag sbyor dang ldan pa yis/ /dgam zhing bsdu ba dag tu bya/ /mig ni sna rtser phab nas su/ /gzugs sogs yul la ma zhen par/ /de dag las skyes bde ba mchog /yang dag ye shes gnyis pa bsgom/ /brgyad gnyis 'dab mar bcas pa yi/ /chu yi ngo bo pad+ma las/ /snying gar 'bab pa'i ye shes ni/ /so sor kun tu rtog par brjod/ /sgyu rtsa la mkhas pas bskyod bya zhing/ /bu mos kyang ni rked pa bskor/ /dbugs kyang cung zad cung zad bsdam/ /ngal gyis sgyu rtsal thams cad spyad/ /mig ni mi 'dzums par gyur pas/ /reg la rtog cing ma zhen par/ /bde ba'i ye shes gsum pa ni/ /rnal 'byor mkhas pas rtog par bya/ /bcu drug phye kyi 'dab mar bcas/ /chu yi rang bzhin pad+ma las/ /lte bar 'bab pa'i ye shes ni/ /me long lta bur lang dag brjod/ /rigs kyi mtshan mas sa bon bcas/ /nor bur chud par bsam bya zhing/ /rlung dang yid ni mi rgyu bar/ /byas te mkhas pas 'dod pa gzung/ /gos med rtog pa nyer zhi ba/ / mig gnyis rab tu gdangs pa yis/ /rang byung gzhom med mkha' mnyam pa'i/ /ye shes bzhi pa gsal por bsgom/ /drug cu rtsa bzhi'i 'dab ldan pa'i/ /'dab skyes sa yi rang bzhin las/ /de 'dab de ru zin gyur pa'i/ /ye shes mnyam pa nyid du brjod/ /gal te nger ni ma zin na/ /bde ba chen po mi gsal zhing/ /phung po skye mched nyams pa dang/ /gnyis med ye shes rtogs mi 'gyur/ /dar bas las byas skud pa drug /sor bcu drug gis rked pa bsdams/ /bu mo'i khrag gis bsgos pa dang/ / sgrul gyis shun par yang dag ldan/ /sor bcu gnyis ldan shing bu la/ /mdza' ru song gnyis dor ba dang/ /dkyil du srang bus bcings nas ni/ /sor drug rdo rje'i mdud pa byas/ /sor gnyis mthar du sbrel byas nas/ /mkhas pas rang gi rked par bcing/ /mdun gyi shing bus 'phra bkod de/ /lte ba'i phyogs su gzhag par bya/ /bu mo'i byin pa g.yon pa ni/ /skyes bu'i drug khug g.yas pas blang/ /dbugs bsdams pa dang ldan pa yis/ /rtag thur sel brkyed par bya/ /glang po'i sna yi sbyor ba ni/ lag pa glang po'i sna lta bu/ /sna lnga sbyar bar byas pa yis/ /de ru sems 'gag the tshom med/ /spru yi rtsa ba brdungs pa ni/ /lcags kyi snod du yun rings btsos/ /rtsigs ma phud de kar dang/ /til dang sbyar ba mkhas pas gza'/ /'di ni zos pa tsam gyis kyang/ /stobs 'phel mdangs dang ldan pa dang/ /thig la 'dzin pa'i thabs kyi mchog /sman gyi sbyor ba dam pa'o/ ba 'am ri yi 'o ma ru/ /ka ra ha sa de bar sbyar/ /'di ni bcud len mchog tu bshad/ /thig le 'dzin pa nyid yin no/ / bya yi brun dang mi khyi yi/ /rus pa bzhibs pa'i lde gu yis/ /rdo rje rtag par bsku byed pa'i/ /sa bon 'byung bar mi 'gyur ro/ /khyim bya'i tshil bu til mar dang/ /byi'u yi sha rnams yang dag spyang/ /de yis pad+ma la bskus na/ /che ba'ang zum nas thig le 'dzin/ /lcum gyi rtsa ba brdungs pa yis/ /pad+mar bskus na de 'dzin to/ /sa bon mi 'byung thabs kyi mchog /khyad par rdzas kyi sbyor ba'o/ /sna tshogs thabs lam rmongs pas/ /nan tan byas te bzung ba de/ /myur du 'bad pas lus ngag dang/ /sems kyi rtsal gyis bzlog par bya/ /lus kyis rtsal gyis lto ba brdebs/ /de tshe ngag stobs yi ge hUM/ /lam yig phreng par rgyud mar ni/ /drangs par bsams pa sems kyi stobs/ /mnyam gnas bskyod pa'i sbyor ba ni/ /dgu po lus stobs hUM yig gi /nga ro drag pos mgrin par dgang/ /maM yig phreng ba sems kyi rtsal/ /snying gnas lus stobs sprug pa dang/ /dag gi 'dren pa yi ge A/ paM yig phreng bar bsams pa yin/ /gsung gi dbang phyug gnas su drang/ /lus kyi rtsal gyis mgrin par dgug /ngag ni oM yig 'dod la brtson/ /taM yig phreng bar bsams pa yis/ /phyag rgya chen po'i gnas su drad/ /sgo dgu dgag pa'i sbyor ba yis/ /rlung dang de bsres rtsa mig dgang/ /sdigs mdzub 'phen pa'i rtsal gyis kyang/ /yang dang yang du spro bar bya/ /de ltar sbyor ba de dag gis/ /spu yi khung bu'i gnas su yang/ /bde ba'i ye shes g.yos gyur te/ /kun rtog rdul dang bral bar 'gyur/ /de nas rnal 'byor mkhas pa yis/ /d+hU twI dkar po stong pa ru/ /snying gi lam nas sems bcug pas/ / sna tshogs rtog pa nub par bsgom/ /d+hU tI'i nang du rang gi sems/ /thig le'i gzugs kyis gnas pa ni/ /thur du phab ste nor bu yi/ /nang du yang dag gnas par bsgom/ /thams cad stong pa bde ba che/ /brjod med rang bzhin shes dka' zhing/ /rnam rtog rba rlabs nyer zhi ba/ /gsal ba'i ro ldan nyams su myong/ /ba spu gyen du log pa dang/ /lus ni drag tu 'bar pa? dang/ /'dar dang g.yo 'gyur mchi ma 'dzag /rdul bar 'gyur ba de dag rtags/ /yang na rtag par rgod pa dang/ /du ba 'am brgyal zhing 'gyel bar 'gyur/ /reg pa la sogs rkyen dag las/ /bde ba bzod dka' skye bar 'gyur/ /rtog med nyam nga rnam par sbangs/ /dga' ba rgyas shing ngo tsha med/ /glu len sgra 'byin 'dod pa'i sems/ /rang 'byung bde ba'i ros myos rtags/ /de ltar yang dag goms pa las/ /snang ba ye shes chen por 'char/ /phyag rgya ma la bltos med par/ /sgrib bral bde ba rgyas par 'gyur/ /bzang ngan bdag dang gzhan la sogs/ /yod dang med pa'i sbyor nyid dang/ /'dir ni skyon dang yon tan sogs/ /bde ba che la mi mnyam med/ /bstod grags rnyed ldan bden gyur pa/ /'dir ni smad cing ma grags dang/ /dbul po sdug 'phongs gang gyur pa/ /bye brag med brtogs pa'i gdengs/ /mdor na gang tshe rnal 'byor pas/ /rtsol dang mi rtsol nyer zhi zhing/ /blang dor med par gang spyod pa/ / byang chub spyod pa rlabs chen po/ /de ltar ma nyid bde ba che/ /mdza' bral rgyun mi 'chad pa yi/ /nyams su myong ba ma bstan par/ /sgyu 'phrul phyag rgya bzang mo brten/ /mi mo mtshan nyid rab ldan zhing/ /rigs kyi dbye bas phyed pa ni/ /rgyud las gsungs bzhin rnal 'byor pas/ /kha dog mtshan ma kun shes bya/ /'gro tshogs chags sogs nyon mongs dang/ /sdug bsngal gdung ba bsil byed pa/ /rnal 'byor mchog gi rgyud rnams las/ /rgyal bas gcig tu bka' stsal pa'o/ /dam pa'i man ngag la brten te/ gsang chen theg pa'i lam gyi tshul/ /yang dag spyar ba byas pa las/ /'jig rten 'khor ba nub par shog /paN+Di chen po don yod rdo rje'i zhal snga nas mdzad pa/ /rjes chags kyi sbyor bas de kho na'i rnal 'byor la 'jug pa'i man ngag ces bya ba rdzogs so// // */ /rgya gar skad du/ karma mu dra pa ri kU u pa de shA nA ma/ bod skad du/ las kyi phyag rgya brtag pa'i man ngag ces bya ba/ /dpal rdo rje sems dpa' la phyag 'tshal lo/ /mi mo dung gi rnam bkod dang/ /