བོད་ཡིག

e-texts based on the ACIP/ALL Input

srang mnga' i las/ /gu ru lhu sho ris mdzad pa'o// //rgya gar skad du/ kA ru Na tA ra sA d+ha naM/ bod skad du/ thugs rje sgrol ma'i sgrub thabs zhes bya ba/ thugs rje nye 'gyur khro mo lha mor ston/ /mtho ris thar pa'i bgegs rnams sgrol mjad ma/ /'jigs pa chen po brgyang skyob cing/ /'dod yon lnga'i gdung ba sel/ /phrin las bzhi yis 'gro don mdzad/ /rtag tu sems can mdun du zhugs/ /gsol ba btab pas mi bslu ba'i/ /sgrol ma ral gcig ma la 'dud/ / bla ma brgyung ba'i bka' drin gyis/ /snyan rgyud zhal nas lung bstan pa'i/ /sangs rgyas nyid kyi gsungs pa ni/ /gnyis po 'brel 'dod don du bri/ /gsang ba bas kyang ches gsang ba/ /zab pa bas kyang zab pa nyid/ /mchod pa bzhin du 'dod pa yis/ /theg chen rigs ldan smin pa nges/ /lha yi tshan ma dur khrod dang/ /khang stong dben la bkra shis par/ /mchod yon zhal zas ldan pa la/ /bsdam bya bsdam par byas nas kyang/ /'jam pa'i stan la 'dug nas ni/ /skad cig legs nyan bdun po gsal/ /'od kyi srid gsum gsal nas su/ /bsdus te thams cad stong sngags gsal/ /dang po pad+ma dmar po'i steng/ /sa bon pad+ma nang du hUM/ /gri gug hUM bcas byung ba ni/ /ral gcig sgrol ma rje btsun ma/ /g.yon brkyang mgo bo phreng bas brgyan/ /thung zhing gsus pa 'chang ldir 'jigs/ /pad+ma sngon po ri yi gdan/ /phyin ra gsang ba'i sku mdog 'chang/ /zhal gcig spyan gsum he he bzhad/ /klu brgyad stag gi pags pas dkris/ /bcu drug gnyis pa 'o mas brgyan/ /lngas brgyan ljags 'dril mche gtsiT 'jigs/ /rus chen phreng ba ral gri gug /rab rtags bde skyong kham ral gcig /dmar zlum me stag phung po can/ /dbu rgyan dur khrod rin chen spras/ /dgug dang gzhug dang mchod bstod nas/ /yi ge gsum ni sngags chen po/ /phaT ni mdza' rus snying kar gnas/ /'od zer lnga dang mnyam du mchungs/ /mi shes bud shing bsreg pa'o/ /rnal 'byor spyod pa'i rjes 'brangs nas/ /de yi btu ba'i cho ga bshad/ /dang po sa yi bar phyogs sbyin/ dbyangs yig bzhi pas rna par brgyan/ /ra la zhon cing 'gro ba'i 'od/ /thig le zla tshes yang dag ldan/ /de nas traM yig sbyin par bya/ /bzhi pa nyid kyi rnam par brgyan/ /ring po dag dang yang dag ldan/ /hUM yig yang ni sbyin par bya/ /phaT kyi yi ge de nas sbyin/ /yongs rdzogs grub pa'i sngags nyid do/ /spro dang bsdu ba'i sbyor ba yis/ / drug pa gsum na 'grub par 'gyur/ /gsum kha gsal zhing brtan pas so/ /mchog thugs gsum ste kha dog lnga/ /lnga spyangs lnga gsal lnga ru 'grub/ /nam mkha' 'brug sgra sprin sangs pa/ /nyi ma zla ba gsal zhing rgyas/ /shes rab dngos na gnas pa yis/ /'byung ba'i lha mo gshegs byon nas/ /rang nyid dbyings kyi rnam pa yi/ /gnyis kyi gcig tu gtubs la rol/ /lnga las lnga 'bros lnga bkug la/ /b+ha gar thim nas longs spyod bde/ /yid du 'ong ba thams cad la/ /dbyibs dang ngag ni brtan pas bya/ /rgyu ba'i bar chod mi rgod dang/ / sa dang rnal ma skye tsher dang/ /dbang po'i ting 'dzin sngags dang bcas/ /gsal na the tshom mi bya'o/ /gcig nas phyed du 'jam dbyangs bsgrub/ /chu gtsang dkar gsum sgyur rtsil/ /sngags bzlas bsgrubs te tho rangs btung/ /rigs gsum gtso bor lta bur 'gyur/ /oM pradz+nya buSh+Ting ku ru le swAhA/ phan yon bzhin du 'dod yis/ /sku gzugs spyan sngar mchod pa dbul/ /rgyu ba bzang dus gsol btabs 'grub/ /bar chod gzungs kyi zhi bar 'gyur/ /a mu ki pa sha man ya swAhA/ /tshang pa khyab 'jug nyi zlas kyang/ /drag po phyogs skyong 'dod lhas kyang/ /pa spu rtse mo gnod mi nus/ /'chi bdag las rgyal 'gro ba bzhin /skra dkar gnyen ma skad ngan nad/ /dbul ba la sogs mdor bsdus pa/ /nang sogs 'jigs pa che brgyad du/ /sdug bsngal rab tu 'joms par byed/ /bskul ba med par gos btung dang/ /khang bzang rin chen yongs dang 'du/ /ral gri dang ni mig sman dang/ /rkang pa bum pa bzang sogs 'grub/ /tshigs bcad mkhan dang snyan ngags mkhan/ /blo rno shes rab dri med 'gyur/ /gzhan yang ci 'dod dngos grub la/ /'khor lo las ni 'byung bar 'gyur/ /bdag la dri ba'i mthu med kyang/ /bka' rang abla ma'i gdams pa yis/ /ral pa gcig ma'i sgrub thabs dkod/ /'gal gzigs mkhas rnams bzod pa mdzod/ /dang po'i las can dman dang bar ma mchog dag las/ /dngos grub skal pa so sor mos pa rnams/ /dang cing mos pa thams cad mthar phyin rtse mo dgod par bya phyir bris/ /phan yon dgos pa 'di yis gang gis bsgrubs pa myur du 'grub par shog thugs rje sgrol ma'i sgrub thabs dngos grub phreng ba zhes bya ba/ slob dpon rtag ba badzra mdzad pa rdzogs so/ //rgya gar gyi mkhan po paN+Di ta don yod rdo rje dang/ bod kyi lo tsa ba mkhas pa pa ris rgya dpe pong du sbyan drangs nas/ pa spug rang gi gser khang du bsgyur zhing gtan la phab pa'o// //rje btsun ma