བོད་ཡིག

e-texts based on the ACIP/ALL Input

rgya gar skad du/ bi dyA bard+ha ni/ bod skad du/ rig pa bskyed pa/ rig byed sgrol ma la phyag 'tshal lo/ /gang zhig rmongs pas blo ldongs pa/ rig byed sgrol ma rig pa'i mchog /rgyal po khyim bdag mgu byed pa/ /blang phyir bdag gis bri bar bya/ / gzhan yang sgrol ma'i rig pa mchog blang pa'i slad du bsnyen pa'i grangs tshad du son zhing sgrub thabs kyi cho ga blo 'dris pa'i rten gyi gang zag gis byams pa dang snying rje sngon du bskyang la skad cig gis rig byed sgrol ma sku mdog tshos chen po lta bu zhal gcig phyag bzhi pa/ g.yas kyi dang po mi 'jigs pa'i phyag dang/ gnyis pas mda' dang/ g.yon gyis rin po che'i gzhu dang/ g.yon gnyis pas utpal dmar po 'dzin pa/ rgyan sna tshogs kyis spras pa/ /pad+ma dang zla ba'i gdan la skyil krung gis bzhugs pa/ de'i thugs kang paM las pad+ma/ a las zla ba'i steng du tAM dmar po byu ru'i mdog lta bu las/ phyogs bcur 'od 'phros tshur bsdus nas bdag gi kun tu rmongs pa'i tshogs thams cad zhi bar bsam zhing sems gtad la bsgom par bya'o/ /de nas skyo bar gyur na gang sngags rgyun mgal me'i 'khor lo lta bus sems sbyang snas yang ngo'i tshis brgyad kyi nyin par nas 'tshal dang gur gum dang 'gi bi rnams spyar la pad+ma 'dab ma bcu drug pa gnyis bris la/ oM tA re tu t+tA re tu re a ni b+hi pradz+nyAM pra sA d+ha na/ a b+hi pra dz+nya pra sU d+ha swAhA/ zhes bzla zhing bdag dang 'khor lo phan tshun thim zhing snying po dang gzungs dgod/ 'khor lo gcig la dbyangs dang gsal byed bri bar bya'o/ /de nas bcwo lnga'i mtshan phyed la zla ba la mngon du phyogs bas mchod pa rnam pa lnga dang sbyin sreg dang gtor ma rnams phul la me long g.ya' yongs su dag pa bu ga med pa la sin d+hu ra dmar po gdal la gser ram zangs kyi thur mas 'khor lo ji lta ba bzhin du phyi nang du gnyis bris la snying po dang gzungs dang/ phyi ma la dbyangs dang gsal byed bkod de cung zhig bzlas pa bya zhing mchod pa rnam pa lngas yang dag par mchod la 'khor la gnyis dril te mgul du gdags par bya/ /sin du ra legs par bsdus te dug lang ka wa ti'i sbu gur blugs la mchan khung g.yon par btags te thig le dmar po skra mtshan su bya zhing/ bsod snyoms kyi phyir grong khyer du zhugs na rgyal po dang khyim bdag dad cing 'dun par 'gyur ro/ /sgra dang bstan bcos mang po dang/ /rol mo rgyu rtsal ji snyed dang/ /lha dang gnod sbyin bu mo sogs/ /rig byed mthu yis 'dun par byed/ /rig pa bskyed pa rdzogs so// // */ /rgya gar skad du/ mri tyu ThA ki pa/ bod skad du/ 'chi ba bsu pa/ dpal sgrol ma chen mo la phyag 'tshal lo/ /sgrol ma ljangs ser cho ga yis/ /'chi bdag chad pa