<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1337: dkyil 'khor thams cad kyi rjes su 'jug pa'i cho ga lnga pa zhes bya ba<br><table><tr><td>
<input type="button" onclick="location.href='tcompletep.php?id=N1337&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1337&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1337&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">mdzad pa rdzogs so// //rgya gar gyi mkhan po bidyA ka ra sid+ha dang/ zhu chen gyi lo tsa ba lha rin po ches bsgyur cing zhus te gtan la phab pa'o// //dkyil 'khor thams cad kyi rjes su 'jug pa'i cho ga bzhugs so/ */ /rgya gar skad du/
 sarba maN+Da lA nutpi ta ra sha sra pany+tsa bi d+hi nA ma/ bod skad du/ dkyil 'khor thams cad kyi rjes su 'jug pa'i cho ga lnga pa zhes bya ba/ dpal rdo rje sems dpa' la phyag 'tshal lo/ /gang zhig thog mdza' kun gzigs shing/ /thams cad don 'byung gsang
 ba'i tshul/ /phyag rgya'i bdag nyid ma 'dres stobs/ /rigs kun 'khor lo'i gnas rdzogs shog /rang bzhin dpa' bo kun tu snang/ /'joms byed chos kun ma 'dres pa/ /yon tan tshogs bdag rol pa'i sku/ /rigs kyi lha mo tshogs rgyal shog /
 dngos med gsang ba'i phyag rgya che/ /de dag ma lus mdza' sel mdzad/ /kun 'byung kun gyi bdag nyid don/ /thabs mang cho ga rdzogs par gsal/ /der 'jug de yi gnas ldan pa/ /sgra yi rgyun gyis don tshogs bskyed/ /mngon 'byung gnas kun 'grub
 byed pa'i/ /dkyil 'khor thabs rnams 'jug par bshad/ /dkyil 'khor thams cad rjes bstan pa'i/ /'jug thabs cho ga lnga pa'i don/ /ston pa'i lung las gsal bshad pa/ /gzhung 'di bsdu bar 'os pa yin/ /don kun 'dod pa'i rnal 'byor
 bdag /thabs kyi cho ga mang po yis/ /der 'jug lam kun rdzogs byed pas/ /dri med dag pa'i rgyud gzung mdzod/ /ji ltar gsang sngags legs sbyar bas/ /dngos grub tshul mang thob 'gyur ba/ /don dam bya ba mthar phyin pas
 gzhan dag don tshogs rnam par dag /myur bar phyag rgya sngags tshogs 'jug /bla med dngos grub don kun rtogs/ /bstan pa'i tshul gyis gdams pa'i rgyun/ /ji ltar bya ba'i sgo ston byed/ /shin tu sbyar dka' i las rnams dag /rang sngags rten
 'brel mthu yis 'grub/ /tshul rnams mnyes dus mtshungs 'jig /gnas dang gnas pa'i tshogs rnams rgyas/ /rgyas par 'di dag kun bstan phyir/ /thabs mang tshul gyis theg pa kun/ /ngo po byang chub sems gnas skyong/ /rang bzhin bskyed du
 med pa'i chos/ /gzhan dag theg chen mchog zhugs pas/ /sngags tshul 'dus pa'i cho ga shes/ /byin brlabs brda don yon tan gnas/ /dbang bskur byang chub rjes su slob/ /rang sems rnam dag dri ma med/ /gsang sngags cho ga rdzogs par
 'gyur/ /des ni dngos grub kun thob cing/ /phrin las bya ba 'gag pa med/ /dang por bdag gzhan srung 'dod pas/ /bsod nams ye shes tshogs gnas bya/ /de dag 'grub byed yan lag gzhan/ /dngos kun gsang ba bstan pa'i sgo/ /thog
 mar skyabs su 'gro ba yis/ /rten gnyis dag par sbyang bya ba/ /de dag thun mong khyad par gyis/ /mngon par 'gyur ba'i don chen 'grub/ /sangs rgyas chos dang dge 'dun la/ /dus kun skyabs su 'gro byas na/ /gzhan gyi phyogs rnams 'jig
 byed cing/ /bag med 'khrugs pa'i nang kun zhi/ /rgyal ba'i 'khor du gyur pa'i phyir/ /rang gi sdom pa dam tshig gzung/ /de yang rgya che blo dmigs te/ /ma lus khams rnams kun tu spyad/ /ji srid rtog pa'i rgyun gnas pa/ /de srid rtog
 pas nyes par 'gyur/ /'di dag slob dpon la brten te/ /dam pa'i rjes su gzhol par bya/ /rkang gnyis rnams kyi gtso bo mchog /sangs rgyas mchog la bdag skyabs mchi/ /zhi tshogs 'dod chags sogs 'joms pa'i/ /theg chen chos la skyabs
 su mchi/ /thugs rjes don mi gtong ba yi/ /spyod bcas dge 'dun la skyabs gsol/ /dus 'di dag nas gzung byas te/ /ji srid snying po byang chub par/ /dad brtson gus pas de dag kun/ /mya ngan 'das pa'i don du gzung/ /srog gcod pa yi sems
 can dang/ /gzhan gyi nor la 'phrog pa dang/ /'dod pa log par g.yem pa dag /sems can dmyal bar myur du 'gro/ /dbyen byed pa dang tshig rtsub dang/ /brdzun du smra zhing mi sdom dang/ /byis pa khyal ba smra ba rnams/ /so so skye bo slu bas bcings/
 gzhan gyi spyod la brnab sems dang/ /gnod sems dag ni mang ba dang/ /mi gang lta ba log zhugs la/ /ngan 'gro dag tu 'gro bar 'gyur/ /des na lus kyi sdig gsum dang/ /ngag gi sdig pa rnam pa bzhi/ /yid kyi gsum po ma lus rnams//
 sdig pa'i las kun zad byed par/ /des ni ngan 'gror ltung bas na/ /bag med las kun bshags par bgyi/ /gzhan la 'ang gdams par mi byed de/ /dus kun ma 'dres rgya chen blos/ /nyin mtshan drag por bshags par bya/ /khyad par so
 sor thar pa'i tshul/ /rtsa ba dang bzhi yan lag tshogs/ /rnam bzhi 'khor tshogs bcas sdom gang/ /ci nus bdag gis blang bya zhing/ /ston pa slob dpon la sogs mdun/ /bsgo ba'i bka' don sdom pa gzung/ /ci nas 'gro kun bsgral ba'i
 phyir/ /dkon mchog gsum la skyabs 'gro'i don/ /yun ring mang du spel ba'i yid/ /phyogs rnams kun tu rgyas par gzung/ /stong gsum 'jig rten ma lus kyi/ /'gro drug sems can thams cad la/ /byams pa'i sems ni sngon 'gro bas/ /
 sdug bsngal gsum dang brgyad sogs kyis/ /gdungs pa rnams la blta byas la/ /bde dang sdug bsngal brje byas te/ /kun gyi bde ba thob 'gyur na/ /bdag nyid sdug bsngal gyur na bla/ /'gro don bsgrub par bya ba'i phyir/ /thabs
 mang rnam pa sna tshogs kyis/ /ji lta ji ltar 'dul 'gyur ba/ /de lta de ltar 'gro ba rnams/ /sdug bsngal rgyu dang de nyid las/ /grol zhing thar par byas nas ni/ /bde dang ldan par bya ba dang/ /bla med 'bras bu thob bya'i phyir/ /dang po bdag nyid
 bsgral byas nas/ /mi ldog sems kyis dam bcas te/ /smon pas rdzu 'phrul dpag med dang/ /zhi gnas lhag mthong mngon shes sogs/ /thogs pa med par 'byung ba yis/ /myur du mthu stobs rtas gyur nas/ /g.yeng med 'gro don stsol
 byed cing/ /dbugs dbyung theg chen lam la dgod/ /dus gsum gzhugs pa'i bla ma dang/ /dbyer med slob dpon mnyes byas la/ /yang dang yang du phyag 'tshal zhing/ /gsol btab lam la gnas par bya/ /phyogs bcur bzhugs pa'i rgyal
 sras kun/ /ma lus phyogs nas dgongs su gsol/ /bdag gis me tog phreng sogs kun/ /khyed la legs par dbul bar bgyi/ /maN+Dal bzang bcas mchod pa'i tshogs/ /gnas 'dir rgyas par bkod byas pas/ /de dag 'khor tshogs mnyes
 gyur cig /sdom pa'i man ngag sbyin par bsam/ /dus de nyid nas de srid par/ /zhag gcig par yang lan gsum sogs/ /'gro don dmigs pa rgya chen gyis/ /byang chub sems mchog bskyed par bya/ /bris sku la sogs rtse gcig tu/ /
 thal sbyar gus pas 'dug byas te/ /bla med byang chub 'dod pa yis/ /sems nyid rgya cher nges par bskyed/ /phyogs bcu dag na bzhugs pa yi/ /sangs rgyas byang chub sems dpa' rnams/ /gzhan du dbye ba med pa'i thugs/ /dus 'dir bdag
 la/ dgongs su gsol/ /bdag ming 'di zhes bgyi ba yi/ /skye ba 'di dang gzhan dag tu/ /sbyin pa las byung bsod nams dang/ /tshul khrims las byung bsod nams dang/ /bsgom pa las byung bsod nams kyis/ /dge rtsa bdag gis bgyis pa dang/ /bgyid
 du stsal ba nyid dang ni/ /gzhan yang rjes su yi rang ba'i/ /dge ba'i rtsa ba de dag gis/ /ji ltar sngon gyi de bzhin gshegs/ /rgyal ba sras dang bcas pa rnams/ /bla na med pa'i byang chub tu/ /thugs mchog rin chen bskyed pa ltar/ /bdag ming 'di zhes bgyi bas
 kyang/ /dus 'di nas ni gzung byas te/ /bla med yang dag rdzogs pa yis/ /byang chub chen por sems bskyed de/ /rgyal ba rnams kyis rjes su slob/ /sngon tshe 'phags pa 'jam dpal gyis/ /ji ltar byang chub sems rgya chen/ /grong khyer rgyal ba'i rgyal bor
 gyur/ /rdzogs pa'i byang chub sems bskyed cing/ /'gro ba thams cad don du gnyer/ /de dag 'khor ba las bsgral lo/ /gnod sems dus min khro ba dang/ /ser sna dang ni phrag dog nyid/ /de nas gzung ste byang chub dag /thob 'gyur don gzhan dag kyang spang//
 dge ba bcu sogs spyang bya zhing/ /sdig dang 'dong pa spang bar bya/ /tshul khrims sdom pa la dga' bas/ /sangs rgyas rjes su brlab par bya/ /bdag nyid myur ba'i tshul gyis ni/ /byang chub thob par mi spro zhing/ /sems can gcig gi rgyu yis ni/ /phyi ma'i
 mu mthar gnas par bgyi/ /tshad med bsam gyis mi khyab pa/ /zhing khams rnam par sbyang bar bya/ /ming las gzung ba byas pa dag /phyogs bcu dag tu rnam mang thos/ /bdag gi lus dang ngag gi las/ /ci nus su ni dag par bya/ /yid kyi las
 kyang dag bya zhing/ /mi dge ba rnams mi bya'o/ /ma brgal ba rnams bsgral ba dang/ /ma grol ba rnams grol bya zhing/ /dbugs ma phyin pa dbugs phyung nas/ /sems can mya ngan 'das la dgod/ /sangs rgyas chos dang tshogs rnams la/ /byang
 chub bar du skyabs su mchi/ /bdag gis sbyin sogs 'di dag gis/ /'gro la phan phyir sangs rgyas shog /byang chub smon pa'i sems dang ni/ /'jug pa'i sems dag ci nus pas/ /yul ngan gnod pa ci byung yang/ /de
 las bzlog ste yang dag bzung/ /snying stobs che zhing dpa' ba yis/ /las gzhan rnam par spang bya ste/ /bsam pa rtse gcig gnas pa dang/ /dang brtson dge ba'i las kun gyis/ /mi mthun phyogs rnams kun spangs shing/ /shes rab rnam gsum
 bskyed byas nas/ /log sel ri bo thams cad 'joms/ /dran dang shes bzhin bskyed byas pas/ /rtag tu 'gro don brtson par byed/ /grogs 'dis bdag gzhan grol bar byed/ /byang sems 'phel bar byed pa ni/ /rnam pa bzhir ni shes bya ste/ /
 srog gi phyir yang bsam bzhin du/ /brdzun tshig smra bar mi byed dang/ /lhug pa'i bsam pa rnam dag pas/ /dus kun tu ni gnas bya zhing/ /sems can rnam pa thams cad la/ /g.yo rgyu bslu bar mi bya dang/ /sems bskyed byang chub sems dpa' la/ /ston
 pa'i 'du shes bskyed bya zhing/ /yang dag par ni yon tan dag /phyogs bcu'i zhing khams brjod par byed/ /sems can gang zhig dge ba dang/ /bkod bya de dang nyan thos sogs/ /theg pa dman par mi sbyor zhing/ /yang dag byang chub sems dpa' tshe/ /byang
 sems 'grib par byed pa yang/ /rnam pa bzhir ni shes bya ste/ /dam pa'i dkon mchog bla ma sogs/ /mchod par 'os pa bslus pa dang/ /'gyod pa'i gnas pa yin pa la/ /gzhan dag nye bar sbyor ba dang/ /sems bskyed byang chub sems
 dpa' che/ /zhe sdang tshig gis tshar gcod cing/ /sems can rnam pa thams cad la/ /g.yo dang sgyu yis sbyor byed pa'o/ /byang chub sems kyi bsod nams gang/ /de la gal te gzugs mchis na/ /nam mkha' i khams ni kun bkang nas/ /de ni de
 las lhag par 'gyur/ /gang+gA'i bye ma grangs snyed kyis/ /sangs rgyas zhing khams mi gang gis/ /rin chen rdzas kyis kun bkang ste/ /ston pa mchog la phul byas pas/ /gang gis thal mo nyer sbyar nas/ /byang chub mchog tu sems bskyed nas/ /mchod pa
 mchog 'di khyad par 'phags/ /de la mthar thugs ma mchis so/ /'khor lo dpag tshad bcu gnyis pa/ /lcags las byas pa mgo la 'khor/ /byang chub sems ni bskyed pa yis/ /gsal bar gyur zhes rab tu grags/ /byang chub sems mchog ma bskyed par/ /
 dge gzhan gang gis grol mi 'gyur/ /'o mas dug ni sel lo zhes/ /'jig rten pa la rab tu grags/ /de nyid sprul gyis 'thungs pa ni/ /shin tu dug ni 'phel bar byed/ /mar dang bur ma sman kyi mchog /byis pas bza' nyes dug tu 'gyur/ /'bru mar
 sdong bu'i phung pos kyang/ /me med par du gsal bar 'gyur/ /shel gong dag par gyur pa yang/ /tshon gzhan dag gis bsgyur ba yin/ /long ba dmigs bu med pa dang/ /brgya stong grong gzhan rgyu mi zhu/ /rlung dang bral ba'i me nyid kyis/ /nags tshal
 bsreg par ga la nus/ /gsher bral rdul gyi phung po'i tshogs/ /'du bar mi 'gyur rlung gis mthor/ /chu rnams bsags pa'i lteng ka dag /gnyen bas mod la 'joms par byed/ /sems nyid rab tu dang ba yis/ /dge ba'i bshes la brten bya ste/ /bsnyen
 bkur cho ga bzang po'i tshogs/ /bya ba'i khyad par gnas kun 'phags/ /mngon 'dod the tshom med pa'i yul/ /don kun gsang ba ston byed pa/ /rab tu smin pa 'di nas 'jug /bla ma'i byin rlabs mthu yis grol/ /lan grangs mang por gsol gdab cing/ /
 phun sum tshogs pas mthu bskyed nas/ /mos pa'i dkyil 'khor gsang ba'i skor/ /rang rgyud dag pas sdom gnas 'dod/ /dbang bskur cho ga rdzogs pa yis/ /las kun rim bzhin mngon gnyer zhing/ /phyag rgya'i bsam gtan mthu bcas pas/ / 
 las kun gsang ba'i sngags rgyun 'jug /thun mong khyad par dam tshig gis/ /nyes bskyed rten gnas dag par bya/ /thams cad sdom pas rjes gzung zhing/ /bdag gzhan bya ba mthar phyin brtsam/ /byang chub chen po'i gnas sbyong
 pa/ /der 'jug de nyid lam chen sgom/ /don kun ngo bo gsal byed pas/ /sgo gsum bya rgyu rtag tu brtag /'gro gnas sems can rgya chen tshogs/ /theg chen gsang bas gzung bya ste/ /mthar thug cig tsam don gyi phyir/ /rgyal ba'i bka' don gus
 pas bzung/ /rdo rje bla ma sangs rgyas mchog /dus gsum thugs rje gtser ldan pas/ /phyogs bcu'i sangs rgyas thams cad kyi/ /phyag 'tshal mchod pa'i gnas nyid yin/ /mi mkhas phrag dog nyams pa'i gzhi/ /de rgyud gtan du nyams par
 'gyur/ /thog mar don kun sgo 'jug pas/ /bcas pa'i dam tshig sdom la gzung/ /thabs rnams kun gyis bstan pa'i sgo/ /mtshan med mtshan ma sna tshogs kun/ /ma nor de bzhin ston byed pa/ /rdo rje theg pa'i sngags lam rgyud/ /phyag rgya kun las mi
 'da' zhing/ /mchod bstod tshogs kyi bya ba shes/ /sems can don spyod 'tshe ba spang/ /der 'jug thugs rjes rnam par gzung/ /rtag tu rang gi lha nyid dang/ /rang gi sngags dang phyag rgya'i tshogs/ /stobs ldan rnams kyis spyong byed pa/ /de dag kun gyi
 sgor 'jug brtsam/ /rtag tu dkon mchog mchod bya zhing/ /rtag tu rang gi dam tshig bsrung/ /mchod rten gtsug lag khang bzang po/ /yid dag gus pa'i sems kyis gnas/ /lha gzhan dag la phyag byed dang/ /ngan pa'i spyod yul kun ston pa'i/ /
 theg dman rgyun gzhan stan pa'i phyir/ /don kun tsha ba'i gnas nyams 'gyur/ /dran tshogs shes bzhin blo gros mthus/ /dad brtson ting 'dzin bskyed byas te/ /sdom bcas sdom min gnas dag las/ /mchod brtson mthu yis rnam par grol/ /
 dkyil 'khor kun tu ma zhugs shing/ /dam tshig rnams ni spangs pa dang/ /gsang ba yang dag mi shes pas/ /sgrub pa ci yang grub mi 'gyur/ /bdag nyid chos nyid dang ldan pas/ /dam tshig la sdang skal ba ngan/ /srog chags bsad par mi bya zhing/ /
 dkon mchog gsum ni yong mi spang/ /byang chub sems kyang mi btang ste/ /skal bzang slob dpon spang mi bya/ /srid pa shin tu sgrub byed pa'i/ /mgon gyur rnams la bdag skyabs mchi/ /thog mar bslab par bya ba'i tshul gyis smin par bya ba'i cho ga ste dang
 po'o// //rten gyi dkyil 'khor sgrub pa pos/ /mngon par bsgrub bya'i gnas gang dag /rgyud las mngon par bsngags pa'i gzhi/ /phun sum tshogs pas don kun spyad/ /gnas mal phyag dar legs pa'i sar/ /rgyan tshogs bkod pa
 legs dgram zhing/ /'phags pa'i gnas mchog mthu ldan pa'i/ /rten gyi bya bas don kun rdzogs/ /sa chu lci ba sbyin pa'i rdzas/ /legs snyoms byugs pa tshul khrims mchog /grog sbur skyon bsal bzod pa nyid/ /kun tu spro ba'i brtson 'grus dang/ /
 mi g.yeng brtan ba'i bsam gtan dang/ /legs par ri mo shes rab rdzogs/ /pha rol phyin drug dkyil 'khor 'di/ /rtse gcig sangs rgyas rnams la dbul/ /gser mdog nang rnams kun zhi zhing/ /zla ba'i bzhin rgyas lha yis mchod/ /khyad
 par bla ma lhag pa'i lha/ /thun mong dkon mchog la dmigs pas/ /dus bzhin maN+Dal bzhi dag la/ /me tog sngags su bcas pas dgram/ /oM badzra re khe hUM/ oM badzra tsakrA maN+Da la hUM b+huM/ dkyil 'khor bzang po gnas de nyid/ /don gyi byin rlabs mthu
 ldan pas/ /stan bzang legs par bshams pa la/ /khrus kyi dag byas bde bar gnas/ /rgyud dang po yi dbye ba nyid/ /brtan pas nyin rer gsum zhi ba/ /bya ba thun mong bye brag gis/ /las kun yongs su dag par brtsam/ /tho rangs mal nas legs langs
 te/ /bgegs kyi sbyor ba sel byed pa'i/ /sngags kyi rgyal pos bsrungs byas nas/ /pha rol phyin tshogs mdza' yas spyad/ /'gro ba rgya che la dmigs te/ /tshad med bzhi nas kun tu khyab/ /bag med mtshan mo'i nyes dmigs kun/ /
 dran pa bskyed cing bshags par bya/ /de bzhin 'bad pas dgongs mo'i dus/ /rang rgyud dmigs pas rnam par sbyad/ /rgyan rnams kun gyis legs mdzes brgyan/ /kun tu bzengs stod dga' ba'i yid/ /lhag pa'i lha yid rgyal ldan/ /phyag
 rgya sngags kyis bsrung byas pa'o/ /me tog la sogs gcal bkram zhing/ /mchod tshogs gtor ma rgyas byas nas/ ras ris la sogs glegs bam la/ /yang dag mos pa dad pa skyes/ /snying ga'i sngags kyi 'od zer gyis/ /phyogs bcur khyab pa'i
 zla ba bsam/ /sbyor ba'i rgyal po'i phyag rgya sngags/ /gnas kun dkyil 'khor legs par bskyed/ /rnam pa kun mkhyen sangs rgyas gtso/ /rigs kyi dkyil 'khor tshogs rnams kun/ /sku rgyan cha lugs byin rlabs rdzogs/ /rigs kyi 'od zer sprul par
 bcas/ /thams cad rgyud kun rnam dag pas/ /pho brang dkyil 'khor sgo bzhir ldan/ /oM badzra tsakra maN+Da la hUM b+huM/ dri chab sngags kyi byin brlabs pas/ /phyogs rnams kun tu bsang gtor bya/ /me tog mar me mdza' rgyas pas/ /bkra shis
 gzi mdangs rgya cher bskyed/ /gnod byed khro bo'i sngags kyi tshogs/ /phyogs bcu khro bo'i phyag rgyas gnas/ /bgegs kyi dngos po bsreg byas te/ /bsrung ba'i 'khor lo rgya chen tshogs/ /dga' chen dpal gyi rdo rje las/ /rdo rje se gol rnam pa gnyis
 rang gi sngags bcas mthu ldan pas/ /lhag pa'i lhar bcas dkyil 'khor bskul/ /oM badzra sa mA ya dzA hUM/ oM dam tshig chen po'i dkyil 'khor nyid/ /sna tshogs lhag pa'i bsam pa can/ /ma lus sems can don mdzad pa/ /ye shes che gnas
 byin gyis brlabs/ /dza(rgyud 'grel sbyon/ /oM badzra maN+Da la sa pa ri bA ra hUM/ /'gro ba rnams kyi don slad du/ /phyag dang zhabs ni bsil mdzad cing/ /dam tshig dkyil 'khor gnas 'dir bzhugs/ /oM badzra sa ma ya/ pad+ma maN+Da la hUM/ pra na rA ga swA hA/ /gang dag bzhugs pa'i sangs rgyas spyan//
 sku mchog gsum mnga' dus gsum nyid/ /rab mchog theg chen bla na med/ /byang chub dge tshogs thugs ldan pa/ /rig pa gsang sngags tshogs su bcas/ /phyag rgya'i dkyil 'khor mthar phyin pa/ /bsam 'das brjod par dka' ba'i tshogs/ /gnyis
 med sbyor bas bstod pa'i gnas/ /thams cad don kun ston mdzad pa'i/ /dkyil 'khor kun la bdag cag 'tshal/ /oM na ma(rgyud 'grel nyon mongs rgyu dang yan lag gis/ /rmongs pa'i tshogs 'phel 'khrul pa bskyed/ /sgo gsum mi dge sdig pa las/ /dus kun rgyun gyis bshags pa bya/ /thun mong khyad par dkon mchog gi /bstan la mngon par ma dang cing/ /dge bshes dam pa ston pa'i
 mchog /khyad par zhing du gyur kun la/ /mi dge las kun gang bgyis la/ /thog med 'khor ba'i kha brgyud nas/ /rang bzhin bcas pa'i sdig pa kun/ /bdag gzhan rgyud las gang byung ba/ /dus 'dir bshags shing bsdam par bya/ /gang dag phyogs bcu'i
 sangs rgyas dang/ /'phags pa rnams kyis byang bar mdzod/ /oM sarba pA ri spho Ta da ha na badzra bA paM swA hA/ /gnyis med ye shes 'dag pa'i phyir/ /mi 'gyur kun tu dag pa'i bdag /bkod pa che snang sna tshogs bzhi/ /don kun phyag rgya 'byung ba'i tshul/
 sprul pa phyogs bcur ma 'gags pa'i/ /dbyer med pas ni las mdzad pa/ /thams cad don kun bskyed pa'i mchog /dus 'dir skyabs su gsol ba 'debs/ /oM bud+d+ha bo d+hi satwa/ sha ra NaM gats+tsha mi/ badzra d+harmA h+ri(rgyud 'grel par dag pa'i sgo/ /rdul phran grangs med bsam 'das pa/ /bzhi 'byung ma lus lhag pa'i tshogs/ /bde gshegs kun la dbul bar bgyi/ /oM sarba ta thA ga ta pu dza pra brta na ya At+ma nAM ni rya tA yA mi/ sarba ta thA ga tA sha a d+hi tri shtha naM/ sarba
 ta thA ga tA dz+nyA na maM a b+hi Shiny+tsan tu swAhA/ /skye rga na 'chi rba glong gi /chu bo kun las sgrol byed shog /mi shes log rtog nges bcom dag /thugs rjes mgon la skyabs su mchi/ /'gro rnams kun la skyab slad du/ /sems mchog rin chen bdag gis
 sbyar/ /dus kun srog chags rnams kyi bdag /skyabs rnams dpung gnyen skyob gyur cig /oM bo d+hi tsit+ta utpla da ya ni/ sarba pA paM bi ka ta ka na tya traT tA sa ma ya bo d+he tsit+ta hUM swA hA/ /phyogs bcu'i rgyal ba sras bcas kyi/ /bsod nams sna
 tshogs mkhas pa'i mchog /'phags dang lha mi dge spyod pa'i/ /brtul zhugs bzang po bla med pa/ /bya ba rgya chen gnas kun tshogs/ /der gzhol de nyid slob byed pa'i/ /bsod nams tshogs 'gyur gang yin pa/ /de dag kun la rjes yid rang//
 oM sarba ta thA ga tA bu dza dz+nyA na a nu mo da na pU dza me g+ha sa mu dra sphar Na sa ma ye hUM/ /theg chen gsang ba bla na med/ /rdo rje lta bu yon tan brjod/ /rnal 'byor theg pa'i lam gyur pa'i/ /rin chen sgrol mas gsal bar mdzod/ /dngos rtogs rigs kun
 sel byed pa'i/ /ye shes nyi ma'i thugs rje bdag /dus kun rnam par grol ba yi/ /chos kyi 'khor lo bskor bar mdzod/ /oM sarba ta thA ga ta a d+hiSh+Tha na pU dza me g+ha sa mu dra spha ra Na sa ma ye hUM/ /dus kun rdzogs par grol byed pa'i/ /skyob pa
 rnams kyi gsang ba'i sngags/ /nyi ma'i snying po dri med pas/ /rgya chen phyogs rnams khyab byed pa'i/ /nyes pa'i skyon tshogs rab tu zhi/ /de dag de las der mtshungs ston/ /ston pa 'jig rten sgron ma'i tshogs/ /dus kun mi 'gyur brtan par mdzod//
 oM sarba ta thA ga ta ga naM a tye shA ya me/ sarba ta thA ga tA e ta ra tA ya/ d+harmA tra thA/ sti thir b+ha ba ye swA hA/ /'gro rnams kun la phan pa'i phyir/ /dge ba rgya chen gang bsags pa/ /'khor ba'i chu bo 'joms byed pa'i/ /mya ngan 'das las grol bar
 shog /ma lus 'di dag gcig pa'i blos/ /rnam par sbyor ba gang dang gang/ /mthar thug dngos po'i zhi byed pa/ /don kun gsal ba gnyis med mchog /oM na ma(rgyud 'grel pa ku sha'i tshogs/ /gnas kun dri sbyangs dag par byed/ /so so'i sngags dang phyag rgya yis/ /de dag byin gyis brlab cing dbul/ /dkon mchog gsum nyid gtsor gyur pa/ /lhag pa'i yon tan mdza' yas tshogs/ /sangs rgyas la sogs
 rjes su gzungs/ /rnam grol mdza' yas brjod cing bstod/ /rtse gcig 'dur pa'i rgyun kun tu/ /'khor los gnas kun 'khor lor sbyor/ /dga' dang gus pa'i tshogs kun gyis/ /bsod nams rgya chen mdza' yas ba'o/ /oM na mo b+ha ga ba ti
 ratna ke tu rA dzA ya/ sarba ta thA ga ta a ra ha te samyaka saM bud+d+ha ya/ tadya rtA/? oM ratno ratno ta b+ha ba/ ratna de re ye swA hA/ /lus sam yang na sems kyang rung/ /ci tsam nus par bskor ba bya/ /rgya cher 'gro ba la gnas te/ /smon lam mdza' yas gdab
 par bya?/ /rten? pa? rten gnas tshogs rnams kun/ /thams cad bdag la rnam btud cing/ /'gro ba thams cad 'gron du gnyer/ /de dag byang chub la bzhugs phyir/ /rnam grangs mdza' yas 'jug pa'i sgo/ /khyad par brten gnas skyabs 'os gzung/
 bla ma dam chos sangs rgyas dang/ /byang chub sems dpa' rnams la yang/ /dus kun btung de skabs gsol zhing/ /mchod 'os rnams la 'dud par bgyi/ /'di dag sdig las zlog bgyid cing/ /bsod nams tshogs kun
 yongs su gzung/ /lus can rnams la bsod nams dag /de dag kun la rjes yi rang/ /lus btud thal mo sbyar byas te/ /gsang ba'i theg chen bshad pa dang/ /'gro rnams rab tu gzhug slad du/ /rdzogs pa'i sangs rgyas rnams la gsol/ /
 'di dag gis bgyis bsod nams dang/ /bdag gis bgyis dang ma bgyis dang/ /de gang sems can thams cad kyi/ /bla med byang chub sems bskyed shog /chos kun rnam dag dri med dbang/ /yongs rdzogs mi khom kun spangs nas/ /spyod pa rang
 dbang yod pa dang/ /'tsho ba bzang po rgyu ldan shog /lus can dag ni thams cad kyang/ /lag na rin chen nyid ldan zhing/ /yo byad tshogs rnams mdza' yas la/ /'khor 'das srid dus gnas par shog /bud med thams cad dus kun tu/ /skyes
 mchog byang chub sems ldan zhing/ /lus can thams cad rig pa dang/ /rkang par ldan pa nyid du shog /'gro rnams kha dog ldan pa rnams/ /gzugs bzang gzi brjid che ba dang/ /blta na sdug cing nad med par/ /stobs chen tshe ring brtan par
 shog /thams cad thabs las mkhas gyur te/ /sdug bsngal tshogs rnams las grol zhing/ /dkon mchog gsum la gzhol byed par/ /sangs rgyas theg pa'i rgyan ldan shog /byams sogs snying rje dga' ba dang/ /btang snyoms kun gyi gzhir
 gyur cig /sbyin rnams tshul khrims bzod brtson 'grus/ /bsam gtan shes rab kyis brgyan cing/ /tshogs rnams thams cad yongs rdzogs shing/ /mtshan dang dpe byad gsal bar bya/ /bsam gyis mi khyab sa bcu dang/ /rgyun mi 'chad
 bar 'gro byed shog /bdag gis yon tan de dag dang/ /gzhan tshogs rnam par brgyan pa'i stobs/ /nyes pa kun las grol byed cing/ /sems can kun mchog byams pa'i gtso/ /sems can kun yid re ba bzhin/ /dge ba thams cad rdzogs bgyid cing/
 rtag tu lus can thams cad kyi/ /sdug bsngal rtog pa'i rgyun sel shog /khams gsum kun gyi skye ba gang/ /gang dag sdug bsngal nyen pa'i tshogs/ /bdag gis ming tsam thos pa'i dus/ /shin tu 'jigs pa med gyur cig /bdag nyid mthong zhing dran
 pa dang/ /ming tsam grag pos gzhan dag kun/ /rab tu 'khrug med rnal ma'i yid/ /rdzogs pa'i byang chub des gzhol zhing/ /tshe rabs kun tu rjes 'breng ba'i/ /mngon shes lnga po thob par shog /sems can kun la rnam kun tu/ /rtag tu phan par bgyid
 gyur cig /'jig rten kun la skye bo gang/ /sdig pa'i rgyun zhugs 'dod gyur dag /de dag thams cad gnod med par/ /rtag tu cig car zlog gyur cig /sa chu me rlung 'gyur tshogs dang/ /sman dang dgon pa shing bzhin du/ /rtag tu sems can thams
 cad kyi/ /rang dgar 'gag med spyod par shog /sems can rnams ni srog bzhin phangs/ /de dag la bdag cher phangs shing/ /bdag la de dag sdig smin cing/ /bdag dge ma lus der smin cig /ji srid sems can dga' zhig kyang/ /gang
 du ma grol de srid du/ /de phyir bla na med pa yi/ /byang chub thob kyang gnas gyur cig /gang du sa gzhi legs pa'i gnas/ /der nam rten gyi las byas te/ /bar chad rkyen kun gsal nas ni/ /rigs kyi ting 'dzin bsgom par bya/ /sa gzhi 'jam
 zhing sbyin bdag /gtsang ma'i gnas nas blang bya ste/ /dri zhim sngags kyi chus brlan nas/ /skyon med pha rol phyin drug sbyar/ /oM na ma(rgyud 'grel garb+he swA hA/ legs par snum bsku phyag rgya gzhug /gdab pas sku gsum gsal gyur pa'o/ /maN+Dal mchod pa rgyan dang bcas/ /rol cha kun gyis mngon par bstod/ /dam tshig dkyil 'khor rim bzhin gsal/ /ye shes
 dkyil 'khor spyan drangs gzhug /mchod pa'i tshogs mang legs bsngos nas/ /lha gnas dbang bskur byin brlab cing/ /gtor mas mgron tshogs tshim par bya/ /oM badzra aM ku sha dza(rgyud 'grel b+ha badzra ya swA hA/ oM na mo b+ha ga ba te badzra sarba pra b+ha rA dzA ya/ ta thA ga ta ya a ra ha te/ saM myaka saM bud+d+ha ya/ ta dya ya/ suk+Sha me suk+Sha me/ sa ma ye sa ma ye/ shAn+te shAn+te/ sa ma ro bA/ a na ya/ a baM pe/ a paM be ya/ sho pa ti/ mahA te dza
 ni ra ku le ra pA ni ra bA bu traM/ a d+hiShpA na a d+hiShpI te swA hA/ oM sarba ta thA ga ta ni sha ti ta ba de dza la dza la d+harmA d+ha tu ganhe swA hA/ mdza' mar bzod pa'i gsol bya ste/ /byin rlabs brtan par mnga' gsol zhing/ /bkra shis rgya cher brjod byas pas//
 de dag bsdu zhing gshegs su gsol/ oM A ka sha garb+he swA hA/ ye d+harmA he du pra b+ha bA he tun+te ShAM ta thA ga te hya ba da ta/ te ShAM tsa yo ni ro d+ha e baM bA dI mahA sh+ra ma Na:/ oM swa b+hA ba bi shud+d+he/ ha ra ha ra/ a ka dzwa la/ a ka dzwa la/ d+harmA d+hA tu
 garb+he swA hA/ /bya ba'i las kun brtan 'gyur bas/ /phrin las bzhi bcas dngos grub tshogs/ /'byung ba lnga yi khams rnams la/ /rang gi sngags dang phyag rgyas gdab/ /bar skabs khrus kyi dus rtag tu/ /dri bcas chu rgyun byin brlabs pas/ /
 bdag dang 'gro la sogs pa yi/ /phyi nang gsum gyis gnas gsum sbyang/ /oM na ma(rgyud 'grel khrus gsol zug rngu sel bar byed/ /oM dzaM b+ha la dza len+twa ye swAhA/ /slar yang zas kyi dus dag tu/ /thog mar byin brlabs dkon mchog mchod/ /srung ma rgya chen mnyes byas nas/ /lhag mas 'byung po tshim par bya/ /oM a kA ro mu khaM sarba d+harmA hUM//
 Adya nu tA nA datya/ oM A(rgyud 'grel rnams kun tu longs spyod bya/ /rtag tu bsam gtan la gnas pas/ /zab mo rgya mtsho'i mdo gdon cing/ /sems can kun gyi don gyur pa'i/ /phyogs rnams mthun par 'gro bar sgro/ /lus ngag sems kyi bya ba kun/ /rnam grol theg pa
 bsod nams tshogs/ /phyogs thams cad nas bslab par bya ba'i cho ga ste gnyis pa'o// //dga' chen dpal gyi rdo rje las/ /rdo rje sems dpa' i sbyor gnyis bcing/ /ting 'dzin sngags kyis bskul ba'i mthus/ /phyogs
 bcu'i sangs rgyas kun gshegs 'gyur/ /phyi nang phyogs kun snang ba yi/ /gdug pa thams cad zhi byed pa/ /rang bzhin sku gsung thugs kyi bdag /byin brlabs gsal bas bstan par 'gyur/ /sangs rgyas thams cad tshogs pa yi/ /gang na
 'dzom bka' bgros dgra mdzad cing/ /bar chad bgegs kun bzhom pa'i tshogs/ /rang gi gnas nas rnam par spro/ /rdo rje 'khor lo ral gri dang/ /be con rtse gsum la sogs kyi/ /phyag rgya sngags la rnam 'phrul bas/ /thams cad 'jig cing 'thor bar byed//
 rang gi gnas gzung brtan pa'i phyir/ /rang nyid rdo rje he ru ka'i/ /gnas kun mtshan ma bzang pos brgyan/ /shin tu 'phro ba'i sems kun gyis/ /phyogs bcu sprul pa'i 'khor lo brjod/ /'dod pa'i rgyal po khro bo chas/ phyogs kun bgegs rnams
 gzir byas te/ phyag rgya bzhis btab gnas su dgod/ /nyi ma la gnas khro tshogs bsgom/ /grangs med sprul pa'i tshogs ldan pas/ /phyogs bcu'i mdza' rnams gtams byas te/ /mi ri 'bar ba'i mtshon char bcas/ /phyogs
 rnams byams pa'i lta ba yis/ /snying rje chen po'i gnas kun gsal/ /'di las lhag pa'i bsrung ba'i mchog /gnyis med stong pa'i rang bzhin las/ /ye shes lnga yi 'od 'bar ba/ /zab mo'i sngags kyis mtshams byas pa'o/ /phyogs gzhan
 khro tshogs bsrung ba'i phyir/ /rdo rje la sogs mtshon cha dang/ /nyungs kar thal ba dri yi chu/ /legs sbyangs byin brlabs rigs kyi lha/ /khro bo'i dkyil 'khor rab 'bar bas/ /de dag mthar phyin sel bar byed/ /dbyings dang ye shes gnyis
 med pa'i/ /don kun mchog tu gsang ba'i gnas/ /rang nyid ngo bo ma bcos dbyings/ /chos kyi rgyun kyi ting 'dzin gsal/ /phyogs rnams sprul pa'i dkyil 'khor la/ /dngos byung rdo rje sems dpa' che/ /ma chags g.yo ba'i dkyil 'khor gyi/ /
 gnas kyi mtshan ma kun las 'phags/ /dkar dmar zhal phyag bzhi bzhis mdzes/ /g.yas sngo g.yon dmar rgyab ser po'o/ /dang po ba dang gsum pa yi/ /phyag rgya rdo rje rtse lnga 'dzin/ /gnyis pa rin chen mda' gsor zhing/ /g.yon
 gyi dang po kha TwAM nyid/ /rgya gram ba dang dril bu'i sgra/ /gnyis pa rin chen sna lnga'i gzhu/ /mtshan dpe phyag rgya lnga yis mdzes/ /las bzhir gzigs pa'i spyan ldan pa/ /'od gsal rin chen sna lnga'i mdangs/ /rin chen phreng bas rgya rnams spras/ /sku
 stong dang dkar gser ris la/ /sku smad tshig gu'i na bza' nyid/ /spyi bor zla dkyil skur ldan par/ /sku yi dkyil 'khor de nyid sngags/ /mgrin pa'i pad+ma gsung ldan par/ /gsung gi dkyil 'khor de nyid sngags/ /thugs ka'i nyi ma'i thugs
 ldan par/ /ye shes dkyil 'khor rten gsal ba'i/ /sngags kyi dkyil 'khor phreng ba'i tshul/ /'od kyi dkyil 'khor sangs rgyas rnams/ /rang gi gnas kun gzhug par bya/ /byin brlabs shes pas ye shes lha/ /rang rig tshul bzhin spyan drangs
 te/ /mdun gyi dkyil 'khor la bzhag nas/ /phyag 'tshal mchod pas mnyes par bya/ /de rjes phyag rgya rnam par bzhis/ /rang gi gnas kun brtan byas la/ /byin brlabs 'dod don gsol gdab cing/ /mchod bstod mnyes pa'i rol mos mchod
 dam tshig gsum gyi phyag rgya yis/ /mdun nas sems dpa' i dkyil 'khor la/ /sngags kyi phreng ba 'khor lo'i tshul/ /'phro 'du gsal ba'i ngo bor brtag /spyod lam kun tu ma nyams blos/ /dkyil 'khor gnyis med tshul bsgom zhing/ /
 byas pa'i tshogs gnyis rgyur shes pas/ /rang gi byin rlabs brtan par bya/ /ji srid kha zas dus kun dang/ /bya ba'i tshul gzhan de bzhin nyid/ /'dri klog kha don la sogs pa'i/ /don kun sngo ba rgya chen tshogs/ /rang gi dbang po gnas las
 byung/ /de dag rol pa'i tshul rgyun bcas/ /ma nyams dus kun snang byed pas/ /de mdza' i chags pa grol bar 'gyur/ /de ltar dkyil 'khor rgya chen po'i/ /tshul rnams gang dag bshad pa yang/ /las su bya bas 'jug pa te/ /mi gnas gsal
 bar goms pa nyid/ /gdul bya'i rgyud rnams sbyang ba'i phyir/ /sngon 'byung sprul pa'i dkyil 'khor bzhin/ /rigs kyi 'khor lo gang nas 'jug /de dag bsdus dang rgya chen tshogs/ /byin brlabs gsal bas brtan byas pa'i/ /sbyor ba'i don kun
 rdzogs par gnas/ /bsnyen sgrub yan lag rjes mthun pa'i/ /phyag rgya'i rigs kyi dkyil 'khor dag /de dag mtshan ma med pa'i gnas/ /rol pa'i byin rlabs che las 'byung/ /ji srid de nyid snang ba yi/ /tshul bya mi de rgyud gsal bar byed/
 don 'byung gsang ba'i kun ston pas/ /dkyil 'khor kun gyi ngo bo nyid/ /'di dag nang gi mtshan nyid de/ /thams cad spyi yis chos nyid don/ /nam zhig stong par 'dod pa'i dus/ /de dag dngos kun las grol ba/ /dkyil 'khor
 gnyis med sbyor byed cing/ /byin brlabs mchog kun rnam par rol/ /nang gi ting 'dzin gsal ba las/ /thig le phra mo la sogs sbyor/ /dam tshig kun gyi gnas rgyas pas/ /brtan pa'i tshogs kun mthar phyin 'gyur/ /rgya chen dkyil 'khor
 rnam dag dang/ /lha yi rnam dag gsal pa'i mthus/ /byang chub sems su sgyu ma'i dngos/ /chos rnams kun gyi mdza' bral ba'o/ /spyod pa yongs su dag pa rnal 'byor pas bar chad bsal ba'i cho ga ste gsum pa'o// //de nas
 bdag gzhan bsrung 'dod pas/ /dben pa'i gnas su tshogs bsags cing/ /rdo rje sems dpa' i ting 'dzin sbyor/ /bsnyen pa'i cho gas brtan par bya/ /dur khrod lha yi gnas rnams dang/ /ma mo gnas kyi thal ba mchog /thod pa mtshan ldan
 sbyar mar bzhag /rigs kyi sngags dang phyag rgyas bsrung/ /snying po nye ba'i snying po dang/ /rtsa sngags lha rnams kun gyis sbyin/ /ting 'dzin 'phro 'du gsal rdzogs pa'i/ /brgya stong khri yi bzlas brjod bya/ /gang dag bsrung bar 'dod pa la/
 thog pe 'am sor ris gsum du shis/ /phyogs mtshams nam mkha' i sa bcings na/ /bsrung ba kun gyi bla med yin/ /de bzhin snga ma'i sbyor ldan pas/ /rgya mtshor 'bab pa'i chu blangs te/ /rin chen snod bzang byin brlabs nas/ /dkyil
 'khor rkyan pa la bzhag cing/ /ku zha'i chu rgyun sngags thim par/ /lha rdzas zhi ba'i chu mchog gis/ /gtor ba dang ni blugs pa dag /khrus byas phog pas sngon bzhin 'grub/ /mi yi thod pa'i nang du ni/ /nyungs kar rgyal po sngags kyis
 bskyed/ /tshul bzhin chung nas sa gzhi la/ /yun rings goms pa'i brtul bzhugs ldan/ /phyag rgyal rigs tshogs sna tshogs pa/ /rab tu grol bas gzhan dgug cing/ /bzang po khrus kyi cho ga nyid/ /dus gsum bzlas brjod mtshams sbyar
 te/ /rigs tshogs brten gnas gdan bcas pa'i/ /rab tu sprul pa'i khro bo bskyed/ /zhi dang rgyas sogs las rnams la/ /dus bzhi rten 'brel mthun par spyad/ /de las byung ba'i rdzas rnams kyis/ /de nyid las kun byed par 'gyur/ /dpa' bo
 gcig pa'i phyag rgya nyid/ /byin brlabs tshogs kyis rnam par brgyan/ /rang rig snang ba'i dkyil 'khor kun/ /phyogs bcur spro zhing gsal bar bya/ /sku gsung thugs kyi rdo rje yis /gnas gsum mtshan ma'i tshogs 'joms shing/ /phyogs
 mtshams bla 'og thams cad kun/ /gang 'dod de nyid ngo bor 'gyur/ /gzhug dka' bdag nyid ngan pa'i rnams/ /sangs rgyas kun gyis byin gyis brlabs/ /dkyil 'khor rgyas pa la dmigs te/ /sbyor ba bzhi yis rdzogs byas pa'i/ /
 rigs kyi dkyil 'khor mnyam par sbyor/ /gnas kun phyag brgya gsol bar mdzad/ /thams cad sprul pa'i byang chub sems/ /rigs rnams phyogs bcur rnam bkod pas/ /bsgrub bya gang dag de nyid la/ /gsang ba'i gnas su sbyor bar byed
 don mthun phyag brgya 'di yis ni/ /'gro gnas thams cad bsrung bar 'gyur/ /chos dbyings ye shes phyag rgya las/ /'od 'bar 'khor lo'i gzhal yas khang/ /rdo rje sems dpa' las byung ba'i/ /rnam par snang mdzad sbyor ldan pas/ /
 phyogs bcu legs par 'khor lo'i tshul/ /bla 'og dag tu byin brlab cing/ /dkyil 'khor bsdus dang rgyas pa yis/ /thams cad bsrung ba bla na med/ /rdo rje sems dpa' i sbyor ba las/ /zhe sdang la sogs 'joms byed pa'i/ /drag po chen
 po'i sku sbyor zhing/ /bsdus dang rgyas pa'i dkyil 'khor chen/ /phyag brgya rdo rje'i tshogs spro zhing/ /rang gi sngags dang rnal 'byor pas/ /brtan g.yo thams cad bsrung bar byed/ /de bzhin tshar gcod rengs pa 'grub/ /
 sangs rgyas gar gyi rnam 'phrul pa/ /sbyor ldan rdo rje sems dpa' bzhin/ /bsdus dang rgyas pa'i dkyil 'khor gyis/ /gsang sngags phyag rgya bsam gtan las/ /sna tshogs pad+ma la brten bya/ /phyag rgya'i tshogs kun kha 'byed pas/ /sgrib pa'i
 las kun rnam grol zhing/ /thams cad dag pa'i las la sbyor/ /sems dpa' chen po'i cha lugs kyis/ /sems dang ngo bo la gnas bya/ /de bzhin nyid la snang ba yi/ /rdo rje sems dpa' i rnal 'byor ldan/ /rin chen tshogs 'bar brjod pa'i gnas/ /'bar ba'i
 lta ba'i tshul bzhugs pa/ /rdo rje rab tu drag po'i me/ /rab 'jigs 'bar ba mi bzad 'grub/ /gang dag rgyas pa'i tshul sbyor zhing/ /las rnams dngos grub skyed byed pas/ /dkyil 'khor bsdus dang rgyas pa'i tshul/ /gnas rnams kun tu 'gros pa'o/ /thams
 cad dag pa'i las la sbyar/ /mi gnyis ting 'dzin brtan pa'i mthus/ /rdo rje sems dpa' las byung ba/ /las kyi phrin las kun gyi bdag /so so'i phyag rgya sngags kyis sbyor/ /ji ltar phrin las grub pa yis/ /oM TuM rdo rje khu tshur gnyis/ /go cha bgos
 pa'i tshul du bya/ /gnas lngar rang gi sngags dang rgyas/ /nyis 'gyur dag tu bcings nas kyang/ /sangs rgyas gtsug gi nor bu dag /dar dbyangs 'gyid dang bcas pas dgrol/ /thal mo brdabs pas brtan byed pa/ /bsrung ba kun gyi bla med pa'o/ /phyi nang
 gdul dka' drag po'i tshogs/ /'di dag mthu yis 'jigs par 'gyur/ /thams cad kun gyis srung byed pa'i/ /bla na med pa'i go cha mchog /bsod nams ye shes las brgyud stobs/ /mthu yis thams cad 'jigs 'gyur ba/ /don kun gsang
 ba'i phyag rgya dang/ /gsang sngags ting 'dzin gnas las skyes/ /rdo rje sems dpa' i ting 'dzin gyis/ /chos sems rtse gcig gnas pa yi/ /rdo rje khu tshur gnyis bcings te/ /zhi ba'i lta bas bltas nas ni/ /phyogs kyi rigs kun g.yo 'gyur zhing//
 rigs dug gdon rnams sel byed 'gyur/ /'di dag bsam gtan gyis 'grub pa/ /bsam gtan goms pa'i stobs kyis ni/ /dang po las kyi sbyor byed na/ /phyag rgya sngags kyi mthu ldan pa'o/ /rdo rje khu tshur gnyis bcings nas/ /mthe chung lcags kyu rtse mos
 mnan/ /bsam gtan sngags kyi gnas rdzogs 'gyur/ /rtse gcig lha yi ting 'dzin gyi/ /phyag rgya bsgyur te dpral bar bzhag /mi mthun gnas kun lta ba'i tshul/ /rdo rje bsdam pa bstan byas pa'i/ /mdzub mo phan tshun skam pa'i tshul/ /nang
 dang zug rngu ma lus kun/ /'dren byad phyag rgya'i gtso bo mchog /rtag tu rang gi ting 'dzin gnas/ /byams dang snying rje lta bar ldan/ /grub pa dpal gyi spyan bcings nas/ /mig gsal phyag rgya'i sbyor ba yis/ /shes rab ye shes mig bskyed cing//
 long ba dag kyang mthong bar 'gyur/ /rigs kyi sbyor ba mngon ldan par/ /phyag rgya'i yan lag brtan byas pas/ /glad pa'i nang rnams kun bsdus te/ /kha phyogs dang zhing btung bar bya/ /rtse gcig brtan pas yang dang yang/ /rdo rje khu tshur dpal sbyor
 bas/ /nad kyi zug rngu na sogs kun/ /gang la dmigs pa sel bar 'gyur/ /de dag kun gyi gsang sngags 'di/ /don bzhin brtson pas rna la grags/ /oM sarba ta thA gata karma sta ma sid+d+ha ho(rgyud 'grel par 'phrul byed pas/ /lag g.yas sems dpa' i gtsug tor bcing/ /byis pa nad med bde ba'i mchog /'od 'bar pad+ma'i dkyil 'khor du/ /bdud rtsi byang chub sems dpa' ste/ /lag g.yas klu yi gdengs ka bya/ /'bar ba'i tshul ston 'bebs
 par bcas/ /mi mthun gnas rnams dug rgyas btab/ /thams cad sel ba'i las byed pa'o/ /bde gshegs sku ni rigs chen pos/ /'khor lo'i phyag rgya mngon sbyar te/ /bsrung ba sngags kyi rgyud ldan dag /dga' ba'i rgyud kyis grol bar
 'gyur/ /drag po che mchog sbyor ba yis/ /mdzes pa'i phyag rgya smin mtshams bzhag /ru lu'i sngags kyi don sbyar bas/ /mkha' 'gro'i las kun 'grub par 'gyur/ /'gro gzhan dud 'gro phra mo sogs/ /thams cad rigs kyis sbyangs byas te/ /
 rten dang sbyor ba rnam tshogs dang/ /sngags bcas bsam gtan rtse gcig mthus/ /de dag nad med bde ba dang/ /gzi byin mthu rtsal phun sum tshogs/ /me tog 'bras bu skye shing rnams/ /rten 'brel cho ga ji lta bar/ /phyag rgya sngags kyis sbyor
 byas shing/ /rigs pa'i ting nge 'dzin bskyed pa yis/ /de dag thams cad bcud rdzogs te/ /rtag tu gzi mdangs rgyas par 'gyur/ /pha rol gnon pa'i rtsal dag gis/ /'khrul 'khor mtshon cha'i phyag rgya rnams/ /mnyams rang gi mtshan nyid
 rdzogs/ /sngags dang phyag rgyas sbyangs bya ste/ /khro bo brjid pa'i stobs ldan pas/ /mi mthun gnas kun gzhom pa'i phyir/ /ji srid brtan par ma gyur pa/ /de srid bsgom bzlas rtse gcig tu/ /khro bo'i tshogs kun legs gzhug cing/ /
 'phro 'du yang yang don spyod pa/ /rigs kyi dkyil 'khor mngon sbyor mthus/ /sde dpung 'joms pa'i stobs rdzogs 'gyur/ /de dag dkyil 'khor ji lta bur/ /yang dag brtan pas sngags rnams dang/ /phyag rgya'i stobs bskyed sbyor byas nas
 mtshon cha so so'i tshul bzhin du/ /'debs shing 'phangs pa drag po'i tshogs/ /tshar bcad bsgral zhing brlag par 'gyur/ /mi gnyis ye shes che sbyor ba'i/ /zab cing rgya che dkyil 'khor nyid/ /thog mdza' i yul las 'das pa'i dngos/ /
 dpal mchog dang po'i mtshan nyid can/ /nyon mongs drag po'i gnas tshogs bskyed/ /don kun 'joms byed thams cad sku/ /cha lugs ji bzhin gsal ldan pa/ /thabs dang shes rab snyoms 'jug nas/ /rnam par spros pa'i las rnams
 kun/ /de ltar sder bcas mnan pa'i tshul/ /rkang pa brkyang dang gnon pa dang/ /bskum nas 'degs pa'i stabs dag ni/ /phrin las bzhi yi sbyor bas te/ /phyag rgya bsam gtan sngags bcas pas/ /g.yas g.yon sbyor ba'i rgya gzung zhing/
 gzugs rnams gzhom zhing mnan par bya/ /rigs kun sbyor ba'i ting 'dzin gyis/ /las kun dkyil 'khor rnam par 'phrul/ /gzugs sogs phung po lnga rnams dang/ /de rgyu nyon mongs drug lnga'i tshogs/ /yul bcas rnam par dag pa'i
 mthus/ /thams cad gnyis med sangs rgyas su/ /yon tan phrin las rol pa'i stabs/ /rigs kyi dkyil 'khor chen po rnams/ /yongs bkug dbang du bsdu bya ste/ /bsam gtan sngags dang phyag rgya mnan/ /rang bzhin gcig pa'i btsun mo
 rnams/ /dga' zhing longs spyod dgyes pas spyad/ /'di dag zag med mthu ldan pas/ /gnyis med 'bras bu chen por sbyor/ /ji snyed rgyu dang las kyi chos/ /so so'i theg pa gzhung bzhin du/ /byang chub pha rol phyin pa dang/ /grub dang gzung dang
 mdangs rnams dang/ /rigs dang phyag rgya'i khyad par kun/ /so so'i las kun spyod cing gnon/ /rgyu 'bras gnyis su med pa'i tshul/ /so so'i mthu yis sbyor byed cing/ /rnam pa'i don kun las rnams sbrel/ /bsod nams ye shes rdzogs pa'o/ /nye
 bar spyod pa lha mo'i tshogs/ /don grub gsang ba kun nas 'jug /rigs mthun gtso bzungs sbyor ba yis/ /phyag rgya 'phrul pas de non 'gyur/ /nyon mongs gnas kun rgyu rdzogs pa/ /dregs byed lha rnams dbang mdzad de/ /rigs kun dkyil
 'khor cha lugs kyis/ /byin brlabs gsang ba lha mo dag /rang gi sngags dang phyag rgya'i mthus/ /'jig rten gsum tshogs rnam bkug cing/ /mthu rtsal rdzu 'phrul 'brog bya ste/ /'da' ba med par las bzhin dgug /rigs kun
 phrin las rnam pa'i stobs/ /dregs byed sder bcas mnan byas te/ /chung ma rgyan tshogs yo byad rnams/ /mthu yis dbrog cing longs spyod do/ /de bzhin 'jig rten gsum dag gi /mthu chen sde brgyad dbang ldan sogs/ /phyogs skyong bcu po
 la sogs rnams/ /yud tsam zhig gis 'dir bkug ste/ /gang gi rten la sbyor bstims nas/ /sngags dang phyag rgyas dbang du byed/ /ma lus 'jig rten kun grags pa'i/ /zhi dang rgyas sogs las rnams kun/ /de dag rnams 'byor mthu
 sbyor bas/ /'bad pa med par 'grub par 'gyur/ /las kun dngos grub tshogs shes pas/ /bdag gzhan don kun spyad pa'i rnams/ /mi 'jigs gnas gsum theg pa dang/ /rten 'brel gsang bas kun bstan pa'o/ /de ltar dgug dang dbye ba
 dang/ /bsod dang skrod dang rings pa dang/ /rmugs pa la sogs las rnams kun/ /'di nyid mthu yis grub par 'gyur/ /so so'i ting 'dzin sngags bcas pas/ /rten cing 'brel pas spyang byas te/ /don kun gsang bas sna tshogs pa'i/ /
 tshul rnams sna tshogs brjod pa bzhin/ /bsod nams ye shes tshogs kun gyi/ /thun mong cho ga bzhin gyur pa'i/ /yi ge phreng ba'i 'khor lo dag /byin rlabs tshogs bskyed brtsam par bya/ /rang gi lha yi rnal 'byor gyis/ /bsnyen rdzogs
 sgrub pa tshul bzhin du/ /rten cing dkyil 'khor la sbyor bas/ /de dag gsang sngags brjod pa gdon/ /thog mar 'khor lo tshul bzhin du/ /rtsibs brgyad bcu drug mu khyud gnyis/ /A li kA li mnyan byas te/ /shar gyi gnas su sbyor bar bya/ /
 'khor lo mu khyud bzhi rnams la/ /yi ge gsang sngags rdzogs par dgod/ /drag dal ring thung tshul bzhin du/ /g.yas g.yon phreng ba thabs shes rgya/ /oM A(rgyud 'grel sngags phreng bas bsgyur byas pa'i/ /'khor los gnas kun dag par 'gyur/ /'di nas dam tshig dkyil 'khor rnams/ /gsal bar bskyed cing brtan byas nas/ /ye shes lha dang gnyis med par/ /phyag rgya bzhi yis rgyas btab cing/ /mchod bstod
 lhag gnas cho ga rdzogs/ /dus kun tshogs bsags dngos grub bzhi/ /'jug pa po rnams phrin las sna tshogs 'grub pa'i cho ga ste bzhi pa'o// //de nas dngos grub bzang po ni/ /bdag gzhan kun la phan phyir du//
 mnyams kun la 'jug pa'i sgo/ /don kun gsang dang spyad par bya/ /rdo rje sems dpa' dpal sbyor zhing/ /gzugs dbyibs thams cad ldan pa'i rgya/ /byin brlabs dbang bskur gnas rdzogs pas/ /sngon du bsnyen cing sgrub pa dang/ /rten gyi
 mtshan ma goms byas te/ /las kun bya ba'i sgo rnams dang/ /phyi rol pra se cho ga dang/ /rten 'brel mthu las brtag par bya/ /'byung ba lnga yi khams kun las/ /rang rig sbyor ba'i phyag rgya sngags/ /sbyang zhing byin brlabs bsrung byas pas//
 don kun lha yi ngo bo nyid/ /yang dang yang du sngags brjod cing/ /yi ge gcig las kun ston 'gyur/ /de ltar phyi nang sna tshogs bdag /rigs kyi dkyil 'khor cher rnams kyi/ /phyag rgyas brtan pa'i las byas pas/ /bden brjod mtshan ma
 sna tshogs ston/ /nang gi ye shes zag pa med/ /rigs kyi dkyil 'khor che gnas sbyor/ /de nyid thugs kyi gsang ba mchog /so so'i rten la bsgrub bya ste/ /sngags bcas bden pa brjod cing brtag /don kun gsang ba ston par 'gyur/ /de dag
 ting 'dzin goms pa las/ /bden brjod sngags kyi mthu bskyed cing/ /dus gsum chos rnams ma lus pa'i/ /rang rig tshul gyis gsal bar byed/ /rdo rje sems dpa' i ting 'dzin gnas/ /dkyil 'khor phyag rgya'i cho ga rdzogs/
 so so'i rten 'brel rdzas rnams la/ /phyag rgya sngags bcas don rnams bsgrub/ /'di dag rgyu rkyen tshogs pa'i mthus/ /rang gi ngo bo brtan par 'gyur/ /ri lu mig sman bcud kyis len/ /ral gri gser 'gyur la sogs rdzas/ /de dag dmigs
 pa'i yan lag gis/ /las kun rdzogs pa'i dngos grub 'gyur/ /dkyil 'khor chen po nyams dga' i gnas/ /cho ga tshogs rnams rdzogs pa'i gzhi/ /der ni rang gi rdzas dag las/ /don kun dngos grub skye bar 'gyur/ /so so'i rig pa
 phyag rgyar bcas/ /yun rings mdza' i las rdzogs pa/ /ji bzhin 'jug pa'i byin rlabs kyis/ /bden pa'i chos kun gsal bar ston/ /phun sum tshogs pa bzhir ldan pas/ /sngon du 'gro ba'i yan lag rdzogs/ /phyi dang nang gi khrus byas
 nas/ /sgrub pa chen po la 'jug bya/ /rigs kyi dkyil 'khor gang rung bar/ /sngon du bsnyen pa rdzogs byas te/ /bdud rtsi rnam pa lnga po dag /sha lnga'i grogs dang bcas par bsags/ /band+ha mtshan dang ldan pa rnams/ /phyogs mtshams
 dbus kyi gnas su dgod/ /rigs kyi dkyil 'khor ji bzhin pa'i/ /pho brang gdan khang pa rdzogs nas/ /yig 'bru phyag mtshan sku phra mo/ /spro dang bsdu bas yongs su rdzogs/ /sangs rgyas kun gyi dam tshig nyid/ /gnyis med bsgoms pas gsal
 par 'gyur/ /'di dag rang rang mthu bskyed pa'i/ /byin rlabs rten 'brel stobs rdzogs nas/ /ye shes dkyil 'khor spyan drangs bstims/ /dgug gzhug gnyis su med par gnas/ /rang gi lha yi sbyor ldan pas/ /srin lag dang ni mthe bong rtsas/ /zhi
 ba'i btung ba bzhin myangs na/ /rtag pa yi ni dngos grub thob/ /tshul bzhin rigs kyi dkyil 'khor che/ /'khor lo chen po gnas rgyas par/ /bdud rtsi gsang ba bsgrub bya ste/ /rang rig rgyur rkyen tshogs pas so/ /bsnyen bsgrub yan lag
 rnam bzhi yis/ /byin brlabs dkyil 'khor rdzogs byas te/ /rigs dang rigs kyi dkyil 'khor tshul/ /gnyis med thabs dang shes rab gsal/ /'od dang du ba dri sgra rgyun/ /lha mo'i gzugs dang mang du 'phel/ /yi ge dgu dang bcu gcig dang/ /
 bcu bdun nyi shu rtsa gcig sogs/ /bar skabs sngags kyis gsal byas pas/ /phyag rgya'i gnas kun rdzogs par 'gyur/ /nyi zla'i dkyil 'khor la gnas pa'i/ /dmar po h+rI(rgyud 'grel dkyil 'khor kun mnyes mdzad/ /tshogs chen yongs su rdzogs pa yi/ /dkyil 'khor gnas kun spro bsdu ba/ /ye shes 'khor lo gzhug byas te/ /bdud rtsi gsang ba chen po'i rgyun/ /rdo rje sems gtso lha mor bcas/ /bsdus dang rgyas pa'i
 'khor lo rnams/ /de dag rim gyis khyab byed pa'o/ /bdud rtsi shel gong dag pa'i gzugs/ /bsnyen sgrub yan lag rnam pa bzhi/ /cho ga'i don kun rab tu rdzogs/ /'di dag skyed dang spro ba dang/ /rgya chen spros pas kun gsal zhing/ /sangs
 rgyas rigs sogs 'gro ba'i tshogs/ /kun gyis dngos por 'di gyur cig /thams cad bsgrub pa'i bdag nyid kyi/ /ra sa ya na'i bde ba'o/ /'dis ni bsrung ba byas na dpal/ /rdo rje sems dpa' nyid du 'gyur/ /de nas tshe gnas bskyed pa'i phyir
 mkhas pa de nyid dkyil 'khor bzhin/ /cho ga rdzogs pas brtsams byas te/ /phun sum tshogs pas kun spyad rdzogs/ /mgon po tshe dpag med pa'i sku/ /cho ga shes pas bsgom par bya/ /byin brlabs rang gi ngang tshul bstan/ /lha
 mo'i tshogs rnams rdzogs par gnas/ /rtag tu bsnyen sgrub yan lag bzhi/ /sbyor ba bzhi rgyun cho ga tshogs/ /phyogs dus dkyil 'khor rten sdud cing/ /bzlas brjod gsal bas brtson pas 'grub/ thod pa mchan dang
 ldan sngags pa/ /rang gi dkyil 'khor gnas su bzhag /thabs dang shes rab 'phro 'du yis/ /phyogs kun sangs rgyas gsal bar 'gyur/ /nyi ma'i 'od zer sna tshogs pas/ /tshe gnas byin brlabs bskyed par bya/ /ye shes 'khor lo
 kun bsdus te/ /rang rig gnas kun rgyas par mdzad/ /'od 'bar g.yo ba la sogs kyi/ /dngos grub bzang po rtags rnams kun/ /yi ge bdun dang bcu gcig pa/ /bco lngas 'phro 'du rdzogs par 'gyur/ /rtag tu rang gi dam tshig ni/ /gnas
 kun rgyas par byed pa'i mchog /rigs kun dkyil 'khor gnas gsal bas/ /phrin las bzhi yi dngos grub 'grub/ /de dag dkyil 'khor rgya chen dang/ /sdus tshogs gang la mos pa bzhin/ /dmigs par bya ba'i bsgrub bya rnams/ /phyag
 rgya'i dkyil 'khor so so'i gnas/ /phrin las gsang ba 'di rgyud kyis/ /so so'i phrin las mnyam par sbyor/ /rang gi gsang sngags ji lta ba/ /rang gi ting 'dzin rtse gcig nyid/ /don kun gsang ba la dmigs te/ /phyag rgya'i gnas kun
 rdzogs par spyad/ /des ni zhi rgyas dbang drag gi /dngos grub thun mong las 'phags pa'i/ /rnam pa mang po mtshan ldan zhing/ /de dag las kun rdzogs par byed/ /don 'di gsang ba la brten nas/ /rgya chen sngags don tshul mang po/ /de nyid
 rnam kun gsal 'gyur te/ /thogs pa med par 'grub pa'o/ /rtag tu rang gi dam tshig gnas/ /des ni dngos grub kun sbyor zhing/ /'gro ba rgya chen la dmigs pas/ /mchog gi ye shes bsgrub par bya/ /bsnyen sgrub kun gyi sngon 'gro ba'i/ /cho ga rgya
 chen rdzogs gyur nas/ /rigs kyi dkyil 'khor tshul bzhin du/ /rang rigs dngos grub rnam par sbyor/ /rten gyi dbye ba rnam bzhi ste/ /dbang po yul dus bsnyen sgrub sogs/ /rang gi 'jug pa tshul bzhin du/ /cho ga rdzogs pa'i yan lag rnams/ /
 phyag rgya'i gnas kun la brten nas/ /don dam gsang ba spyad par bya/ /gcig bzhin du ni gcig spyod pa/ /lhan cig spyod pa rjes spyad sdug /go rim so so'i khyad par dag /ma 'dres gsal bas don kun rdzogs/ /nga yi dam tshig de 'byung ba/ /
 sdug pa'i dam tshig bdag rjes 'brang/ /shin tu sbyor dang sbyor chen po/ /thams cad bdag nyid dam tshig mchog /de dag tshul gyis las kun la/ /rnam par sbyor bas rdzogs par 'gyur/ /dngos grub mchog gi mchog sbyor ba/ /phyag rgya la gnas
 gsang bas 'grub/ /rnal 'byor thams cad bde ba yi/ /rjes su sbyor bas mchod byed cing/ /kun la myang bar byed pas na/ /shin tu sbyor bas rab 'grub 'gyur/ /sangs rgyas thams cad bdag nyid kyi/ /ra sa ya na'i bde ba nges/ /rdo rje sems dpa' 
 tshe 'grub pa'i/ /lang tsho dang med bde mchog 'grub/ /sangs rgyas kun gyi sku chen dang/ /sangs rgyas kun gyi gsung snyan pa/ /sangs rgyas kun gyi thugs chen po/ /sangs rgyas kun gyi mchod pa che/ /sangs rgyas kun gyi rgyal chen po/ /rdo rje
 'dzin pa kun gyi bdag /'jig rten dbang po kun gyi gtso/ /rin chen dbang phyug kun gyi bdag /de dag dang ni dga' spyad na/ /'dod pa bzhin du 'gro 'ong lding/ /lha mo kun gyi grub chen po/ /'khor lo grub pa rab tu grub/ /theg chen gsang ba
 gnyis med pa'i/ /don mchog 'bras bu'i lam ston pa/ /rgyal ba kun gyi dgongs mdzad de/ /rjes su 'jug pas spyad pa'i lam/ /'di dag don tshogs rgya chen las/ /nye bar bstan pa'i cho ga rnams/ /bdag don sgrub pa'i thabs tsam zhig /
 legs bshad gsal bar byas pa yin/ /sangs rgyas rnams kyis gang bstan pa/ /de dag byang chub sems dpa' i yul/ /mchog tu gyur pa'i rnal 'byor pas/ /de gsal sgo rnams gzung bar 'os/ /thun mong dang mchog gi
 dngos grub bstan pa'i cho ga ste lnga pa'o// //dam pa'i bka' don rgya chen po/ /rnam kun sdud par su yi nus/ /de dag don ni 'dor byed pa/ /tshul ldan gsang ba'i man ngag mchog /legs bshad dri med dge ba
 bzang/ /cho ga'i gnas kun rnams gsal bas/ /'jig rten 'di dag kun sgrol zhing/ /thams cad mkhyen nyid rdzogs gyur cig /dkyil 'khor thams cad kyi rjes su bstan pa la 'jug pa'i cho ga lnga pa zhes bya ba/ /slob dpon chen po ku
 ku rA dzas mdzad pa rdzogs so// //rgya gar gyi mkhan po sh+rI badzra ha sa dang/ sgra bsgyur gyi lo tsa ba ? rin mchog gis bsgyur cing gtan la phab pa'o// // */ /sangs rgyas thams cad mnyam par sbyor ba'i dkyil