<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1293: sgyu 'phrul chen mo zhes bya ba'i sgrub pa'i thabs<br><table><tr><td>
<input type="button" onclick="location.href='tcompletep.php?id=N1293&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1293&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1293&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">ba'i dka' 'grel/ slob dpon mkhas pa chen po dpal rgyan gyi zhal snga nas mdzad pa rdzogs so// //sgyu 'phrul chen mo'i sgrub thabs bzhugs/ /rgya gar skad du/ /ma hA mA yA sA d+ha naM nA mA/ bod skad du/ sgyu 'phrul
 chen mo zhes bya ba'i sgrub pa'i thabs/ dpal rdo rje mkha' 'gro dang/ mkha' 'gro ma'i tshogs thams cad la phyag 'tshal lo/ /dang por snga bar langs la snying rje dang ldan pa'i rnal 'byor pas rang gi snying khar pad+ma'i steng du thig le'i dpa' 
 po bltas la/ de'i 'od zer gyis bla ma dang/ dpa' bo dang/ rnal 'byor ma rnams yang dag par bskul nas/ bar snang la dmigs par byas la mchod pa gsum gyis mchod pa byas te/ de rnams kyi mdun du dkon mchog gsum
 la skyabs su 'gro ba'i tshigs bcad dag brjod par bya ba ni 'di'o/ /oM dpal ldan bla ma'i zhabs lham rnams la phyag 'tshal lo/ /oM dpal ldan rdo rje sems dpa' la yang phyag 'tshal lo/ /oM dpal ldan rdo rje mkha' 'gro ma rnams
 la phyag 'tshal lo/ /zhes pa 'di dag brjod nas cho ga bzhin du/ sdig pa bshags pa dang/ bsod nams kyi rjes su yid rang ba dang/ bsod nams yongs su bsngo ba dang/ dkaug gsuM la skyabs su 'gro ba dang byang chub tu sems bskyed pa dang lam bsten pa dang/
 bdag gi dngos po dbul bar bya'o/ /de nas tshangs pa'i gnas bzhi sngon du bsgom pas/ stong pa nyid bsgom par bya ba ni/ oM shU n+ya tA dzA na badzra swa b+ha ba At+ma konya haM/ zhes pa ste/ 'di'i de ma thag du/ yi ge raM las byung ba'i nyi ma'i
 steng du yi ge hUM gnas pa bsam par bya'o/ /de'i 'od zer gyi khyad par dang/ de dag thams cad/ yongs su zhu ba las sa gzhi rdo rje'i rang bzhin dang/ rdo rje'i rtsig pa dang/ rdo rje ra ba dang/ dur khrod brgyad kyi dbus su pad+ma dmar po
 'dab ma bzhi pa la rdo rje nag po'i phreng bas mdza' ma yongs su bskor bar bsam par bya'o/ /yang na klu lhag ma can gyi rim pas so/ /pad+ma'i lte ba'i dbus su dbyangs yig /a la sogs pa nyis 'gyur du byas te/ zla ba'i dkyil
 'khor du bsgom par bya'o/ /de'i steng du yi ge drug po mnan pa'i yi ge /ka la sogs pa nyis 'gyur du byas te nyi ma'i dkyil 'khor du bsgom par bya'o/ /me long lta bu zla bar yang dag bshad/ /mnyam pa nyid ni nyi mar rab tu grags/
 'di dag dbus su thig le'i rgyal po ste/ /'di la spro bsdu 'gre ba'i don byed pa/ /so sor rtog bas bya ba nan tan no/ /rdzogs pa shin tu rnam dag chos kyi dbyings/ /ye shes lnga yi bdag nyid 'khor lo bsgom/ /de nas snying rje'i
 bdag nyid bcom ldan 'das/ /rdo rje mkha' 'gro ni sngon po ste/ sngon po dang/ ser po dang/ dkar dmar dang/ ljang khu'i zhal bzhi pa dang ldan pa/ phyag bzhi pa thod pa dang/ mda' dang/ g.yon na kha TwAM ga dang/ gzhu 'dzin pa'o/ /dbu
 skra dmar ser gyen du 'bar pa thod bas bcings pa dang/ stag gi smad g.yogs dang/ 'khor lo/ rna cha /mgul rgyan/ gdu bu/ mchod phyir thogs dang thal ba ste/ phyag rgya drug dang ldan pa/ mi mgo brgya
 phyed kyi phreng ba dang/ mi'i rus pa'i rkang gdub dang/ ske rags dang/ phyag gdub dang/ dpung rgyan rnams kyi rgyan can/ skyil krung phyed ba'i gar gyis bzhugs shing/ mche bas 'jigs par byed pa/ kha dog lnga'i 'od zer gyi phreng ba
 can/ rang nyid lta bu'i shes rab la 'khyud pa can du bdag nyid rdo rje'i mkha' 'gro'i gzugs su rnam par bsgom pa'o/ /shes rab kyang bdag nyid dang 'dra bar blta bar bya'o/ /'on kyang gcer bu mgo'i phreng ba dang bral ba'o/ /shar
 gyi 'dab ma la/ rdo rje mkha' 'gro ma/ kha dog sngon mo/ sngon po dang/ ser po dang/ dkar dmar dang/ ljang khu'i zhal bzhi pa/ phyag bzhi dang ldan pa ste/ rdo rje dang/ thod pa dang/ dril bu dang/ kha TwAM ga 'dzin pa'o/ /lho'i 'dab
 ma la/ rin chen mkha' 'gro ma ser mo ste/ ser po dang/ sngon po dang dkar dmar dang/ ljang khu'i zhal bzhi pa/ phyag bzhi ba ste/ rin po che dang/ rtse gsum pa dang/ dar dpyangs dang/ lce spyang phyag na bsnams pa'o/ /nub
 kyi 'dab ma la pad+ma mkha' 'gro ma/ kha dog dmar te/ dkar dmar dang/ ser po dang/ sngon po dang/ ljang khu'i zhal bzhi pa phyag bzhi dang ldan pa ste/ sna tshogs pad+ma dang/ mda' dang/ gzhu dang/ thod pa rnams phyag na bsnams
 pa'o/ /byang gi 'dab ma la sna tshogs mkha' 'gro ma kha dog ljang khu dang/ ser po dang/ dkar dmar dang/ sngon po'i zhal bzhi pa/ phyag bzhi dang ldan pa ste/ ral gri dang/ Da ma ru dang/ zhags pa dang/ ka pA la rnams phyag na bsnams
 pa'o/ /de lta bu'i rnam par bsgoms pa'i snying khar man ngag ji lta ba las thig le'i rgyal po bsgom par bya'o/ /de nas phung po dang/ khams dang/ skye mched kyi rang gi ngo bo/ khams gsum pa ni sgyu ma dang/ smig rgyu dang/ rmi lam
 dang/ dri za'i grong khyer lta bur rang gi sems dang tha mi dang pa/ rang bzhin gyi 'od gsal bar/ phyi nang gi gzugs la/ rnal 'byor bas bsams mo/ /de nas de ma thag tu ye shes kyi dkyil 'kher bkug ste/ dam tshig gi
 'khor lor bcug la/ oM d+ha rmA b+hA tu swa b+hwa ba A t+ma ko haM/ zhes nga rgyal bya'o/ /de nas a dmar po yongs su gyur pa las/ pad+ma la rdzogs pa dang/ oM aM hUM b+huM traM tri(rgyud 'grel rnam par snang mdzad la sogs pa'i kha dog /dgod par bya'o/ /yi ge hUM gis rdo rje rdzogs bar byas la/ glu 'di dag gis bskul bar bya'o/ /kye grogs mo mchog ni bdag cag gi /pad+ma'i kha yi rnam dbye bar/ /'od gsal ba
 yi rdo rje yis/ bde ba nyid mdzod a la la la la ho/ /glu 'di dag gis de ma thag du/ rjes su chags bas mchod cing byin gyis brlab bo/ /de'i rjes su bdud rtsi myang bar bya ba ni thod pa lag tu gzhag bar bi dang/ ra dang/ su dang/
 ma dang/ mu dang/ da dang/ go dang/ ha dang/ na dang/ ku dang sde/ A li kA li 'di dag gis byin gyis brlab cing/ phyin ci log gi yi ge gsum gyis kyang byin gyis brlabs pas yi ge de rnams las mi bskyod pa la sogs pa
 de bzhin gshegs pa rnams 'thon te/ phyogs bcu na gnas pa'i bdud rtsi rnams phyag tu blangs nas yi ge rnams nyid la zhugs pas bdud rtsi dang lhan cig tu ro gcig par gyur par bsam te/ yi ge gsum pos rim pa dang/
 rim ba ma yin pas/ spro zhing bsdu ba ni sku gsung thugs kyi rang bzhin gyi mdog tu'o/ /oM A hUM/ zhes bya ba 'di dag ji lta ba'i man ngag gis bzla'i/ /ji ltar nus par bzlas brjed byas nas/ de nyid
 gsum dang yi ge mu(rgyud 'grel ni/ de nyid gsum pa brjod pas sngar gyi de bzhin du ye shes kyi 'khor lo spyan drangs te gcig tu byas la/ rjes su chags pa la sogs pa dag kyang bya'o/ /sgyu 'phrul chen mo zhes bya ba'i sgrub thabs bcom ldan 'das yum rdo rje
 mkha' 'gro ma nyid u rgyan yul du byon nas gsungs pa rdzogs so// //rgya gar gyi mkhan po a ba d+hU tI pa'i zhal snga nas dang/ bod kyi lo tsa ba dge slong shAkya brtson na 'grus kyis zhus te bsgyur ba'o// //