བོད་ཡིག

e-texts based on the ACIP/ALL Input

bsgyur cing zhus ste gtan la phab pa'o// //de kho na nyid drug rnam par bzhag pa bzhugs so/ /*/ /rgya gar skad du/ Sha Ta ta TA bya ba s+tha na/ bod skad du/ /de kho nyi drug rnam par gzhag pa/ dpal rdo rje sems dpa' la phyag 'tshal lo dpal ldan khyab bdag lnga yi dngos/ /ye shes mkha' gro ma btug de/ /bla ma'i bka' bzhin nyer brten te/ /de nyid drug 'di bdag gis byas/ /gsang rgyud 'phags pa gdan bzhi las/ /btus te slob ma blo zhan la/ /phan phyir dad pas 'di byas kyang/ mkhas pas dpyad cing bzod par gsol/ /rdo rje dril bu bgrang phreng dang/ /ye shes dang ni rnam bzhi la/ /bdud rtsi 'od dang mchod brten gnyis/ /bsnan te drug tu shes par bya/ /dang po rdo rje brdams pa ni/ /bkral te/ lag pa gnyis brkyang nas/ /pad+ma'i lag sgor lnga byas te/ /pus mo g.yas g.yon steng du bzhag /lag mthil gnyis la bsgom pa ni/ /g.yas su nyi ma'i dkyil 'khor dang/ /g.yon du zla ba'i dkyil 'khor dag /ma dang a las bskyed/ par bya/ /de steng rdo rje dril bzhag nas/ /hUM dang a las bskyed par bya/ /A li kA yi sbyor ba yis/ /thabs dang shes rab dngos su ni/ /rtogs te de nyid bsgom par bya'o/ /de nas rdo rje 'di nyid ni/ /bsgom pa'i man ngag 'di lha ?? rdo rje steng gi rtse lnga la/ /rigs lnga'i lha dang sbyar bar bya/ /dkyil gyi rtse mor rnaM dang snang mdzad/ /shar gyi rtse mor mi bskyod ma/ /lho rtser rin chen 'byung ldan te/ /snang ba mdza' yas nub tu dgod/ /byang du don yod grub pa bsgom/ /de 'og pad+ma 'dab brgyud la/ /byang chub sems brgyad shes bya ste/ /pad+ma'i phyag dang byams pa dang/ /nam kha'i mdzad dang kun tu bzang/ /phyag na rdo rje 'jam dpal dang/ /grib sel dang ni sa snying po/ /lha rnams brgyad po 'di dag ni/ /ji bzhin phyogs su bsgom pa yin/ /dbus kyi sgong lta bu la/ /ye shes lnga ni bsgom par bya/ /de yi phyi rol phyogs bzhin/ /lcags kyu la sogs rnam bzhi bsgom/ /de 'og 'dab brgyad pad mar yang/ /sgeg mo la sogs brgyad bsgom pa/ / rgyud las sbas nas ma gsungs kyang/ /man ngag don gyis shes par bya/ /'og gi rtse mo rnam lnga yang/ /bcom ldan 'das mkha' 'gro ma lnga ste/ /dbus kyi ye shes mkha' gro ma/ /shar du rdo rje mkha' gro ma/ /de bzhin drag mo byang phyogs te/ / ro langs ma ni nub kyi rtser/ /lho ru gdol pa'i mkha' 'gro ma/ /rdo rje de nyid lha mod pa sgom/ /de ltar gsum cu rtsa gcig star/ /rtogs te rdo rjer bsgoms nas ni/ /hUM gi dbyangs 'di blangs byas te/ /sangs rgyas thams cad mnyes par bya/ /hUM mdzes pa'i rdo rje gsor nas su/ /sems can thar pa la ni dgod/ /rnam par thar pa chos kyi don/ /rdo rje snying po 'dzin par bya/ /hUM hUM hUM/ ho ho ho des ni 'khor ba bcod 'gyur te/ /nyon mongs mun pa bsal byas nas/ /bla med byang chub thob pa dang/ / ye shes snang ba 'grub par 'gyur/ /rdo rje'i da nyi de mi shes na/ /byang chub dngos grub ring du spangs/ /rdo rje dag par ma gyur na/ /brgya byin mtshon cha do rje 'dra/ /de nas dril bu'i de nyid ni/ /nang gi nam kha'i khams la ni/ /byang chub snying po gnas pa yin/ /mtshen nyid med par spangs pa ni/ /bum pa shes rab bdud rtsi'o/ /de steng 'dab brgyad pad ma la/ /sa bon brgyad las lha mo brgyad/ /shar du lha mo sgrol ma ste/ /na bza' dkar mo byang gi phyogs/ /nub tu ma ma ki zhes bya/ /de bzhin lho ru sangs rgyas spyan/ me yi mtshams su skul byed ma/ /rdo rje lu gu rgyud dbang ldan/ /khro gnyer ma ni rlung mtshams su/ /bden bral mtshams su rin chen sgron/ /lha mo de brgyad dbus su yang/ /shes rab pha rol phyi ma ma ste/ /pad+ma rgyas pa'i spyan mnga' i ?/ /gzugs rdzogs 'ong dang ldan par bsgom/ /steng gi pad+ma 'dab brgyad la/ /sdon bzhin sgeg mo la sogs brgyad/ /rtse ldar mkha' gro ma lnga bsgom/ /dbus kyi lce ni ye shes te/ /thams cad 'du dang 'bro bar byed/ /nyi shu rtsa gnyis lhar sbyor ka/ rnam par dag pa'i dril bu 'di/ /sngags 'di dag ni bzlas nas su/ /phyogs brgyad dag tu lan gsum dkrol/ /oM badzra dar me ra ne ta bra ra ne te sarba bud+d+ha pra za li ti pradz+nyA pa ra mi te/ na tra saM b+hA be/ hUM hUM/ hUM/ ho ho ho a swAhA/ shes rab chos kyi dril bu 'di/ /sangs rgyas thams cad slar byas nas/ /mi shes 'dam la bying ba yi/ /sems can sangs rgyas don du bkrol/ /de nyid sbyor ba dman na ni/ /dngos grub ring du mtshon pa ste/ /de nyid med pa'i rnal 'byor pa'i/ /glang chen dril bu bkrol ??pra/ /de nas bgrang phreng de nyid kyi/ /yang dag cho ga shes par bya'o/ /shel dang nya phyis mu tig dang/ /dkar po la sogs gzhan yang rung/ /zhi ba'i las la khyad par gsungs/ /gser dang dngul dang zangs ma dang/ /pad ma'i snying po rgyas pa yin/ /gur kum la sogs dri yis ni/ /byugs pa'i ri lu dbang la smos/ /ru rag sha dang lung thang dang/ /mi rus mngon spyod zhes su gsungs/ /zhi rgyas dbang dang mngon spyod la/ kho de ces i las kun byed/ de yi grangs ni 'di lta ste/ /sngags grub pa la lnga bcu dang/ /nga rang la de nyid nyi shu lnga/ /shi ba la ni brgya phrag ste/ /brgya rtsa brgyad ni rgyas pa'i yin/ /mngon spyod la ni drug cu'o/ /phreng thag dgu sgril byas pa la/ /mdo 'dzin nyis rtsegs shes par bya/ /g.yas pa'i lab /mthil nyi ma la/ /a yig dmar po bsgom par bya/ /g.yon gyi lag mthil zla ba la/ /hUM yig dmar po bsgoms nas su/ /sa bon de gnyis las bskyed pa/ /g.yas sor rdo rje rtse lnga pa/ /g.yon ni pad+ma 'dab lngar bsgom/ /phreng ba gang yin dkyil bzhag ste/ /rdo rje pad+ma snyim par sbyar/ /ri lu dgra bcom bsgoms nas su/ /phreng thag lha dgur byin gyis rlabs/ /mdo 'dzin 'og ma mchod rten te/ /gong mchos kyi sku ru bsgom/ /bgrang phreng de nyid bsgoms nas su/ /sngags 'di yis ni byin gyis brlabs/ /oM ya te ya ma tA dz+nyA na sarba bud+d+ha ma hA b+ha be ta/ hUM hUM hUM/ ho ho ho/ a swAhA/ chos kyi sku dang mchod rten la/ /dgra bcom bskor ba byed bsams te/ /mchod rten grib ma'ang mi 'god phyir/ /bsgyur log nas nas phreng ba bgrang/ /phreng ba de rnams bgrang ba yang/ /so so'i khyad par gyis shes te/ /zhi ba'i phreng ba 'dzub la bzhag /de bzhin rgyas pa gung mo ste/ /srin lag la ni dbang du bshad/ /mngon spyod mthe chung shes par bya sgrub pa'i lha gang dgug bsams te/ /mthe bo lcags kyus bkug pa bsgom/ /de yang lha mo g.yon pas 'dren pa yin/ /de yang lha mo g.yon pas 'dren/ /g.yas pas lha rnams 'dren pa yin/ /de ltar dag pa'i bsgrang phreng gis/ /gang 'dod dngos grub 'grub par byed/ /de nyid med pa'i phreng ba ni/ /bud med rgyan gyis do shal 'dra/ /de nas ye shes de nyid la/ /'di ltar yang dag shes par bya/ /chos kun ye shes gcig pa la/ /khyad par ring thung gyur nas gnas/ /lha dang klu dang gnod sbyin dang/ dri zad dang ni lha min dang/ /nam mkha' lding dang mi'am ci/ /rgyal chen dang ni gang ba bzang/ /lho 'phye dang ni grul bum dang/ /mi dang mi min mkha' gro ma/ /byol song dang ni yaM dags dang/ /dmyal bar bcas pa'i sems can dang/ /byol song gzugs kyi byang par dang/ /phra mo sgrong 'dzin sogs pa'i/ /de rnams g.yo ba thams cad dang/ /mi g.yo ba yi rnam pa yang/ /sa chu ma dang rlung gi khams/ /phra mo rtswa dang lo ma dang/ /rdo dang bo dang rtse mo sogs/ /thams cad ye shes snang ba yin/ /de yin sems dang wan pa dang/ /sems pa med pa gnyis su 'dod/ /sems dpa' dang ldan khyad par ni/ /ye shes bye brag 'di lta ste/ /rgyal chen sum cu rtsa gsum dang/ /'thab bral dang ni dga' ldan dang/ /'phrul dga' gzhan 'phrul dbang byed dang/ tshang ris tshangs pa'i mdun 'don/ /tshangs chen dang ni 'od chung dang/ /dpag med 'od dang 'od gsal dang/ /dge chung dge rgyas tshad med dge/ sprin med dang ni bsod nams skyes/ /'bras bu che dang mi che ba/ /mi gdung ba dang gya nom snang/ /shin tu mthong dang 'og min te/ /nyi shu rtsa gsum lha rnams ni/ /ye shes rags shing zab ba ni/ /nyis gyur nyis 'gyur bshes par bya/ /de yang rgyal chen ris bzhi nas/ /gzhan 'phrul dbang byed bar du ni/ /'dod pa lnga yi ye shes dag /gong nas gong du bzab pa yin/ /lha min ye shes khro ba ste/ /yi dags ye shes smre ba yin/ /gti mug ye shes byol song gi/ dmyal ba'i 'jigs pas du ba yin/ /mi yi ye shes rnam lnga ste/ /glen pa dang ni 'on pa dang lkugs pa dang ni byis pa dang/ /ye shes can dang rnam pa lnga/ /bye drag tu ni shes par bya/ /gzhan yang gnod sbyin la sogs pa'i/ /rtsa ba'i rgyud las ma gsungs kyang/ /don gyi ye shes khyad par ni/ /rnal 'byor pas ni shes par bya/ / de 'dra'i ye shes de nyid ni/ /rnal 'byor gang gis rtogs gyur pa/ /de ni tshe rabs sa ya stong/ /sangs rgyas shes pas bskul ba'o/ /rnal 'byor gtsug lag las byung ba'i/ /ye shes de nyid mi shes te/ /phyi yi gtsug lag shes na yang/ / gar mkhan cha lugs dang 'dra'o/ /de nas bdud rtsi 'ong de nyid/ /man ngag 'di ltar shes par bya/ /ban da 'am nya phyis la sogs pa/ /bdud rtsi lnga dang bsres pa'i yi/ /bdud rtsi'i 'od kyis bkar byas la/ /sngags dang phyag rgya dag par bya/ /g.yas pa zla dkyil bsams pa la/ /bdud rtsi'i 'od kyi snod bzhag ste/ /g.yon pa rtse gsum phyag rgya yas/ /snod la regs nas sngags 'di brjod/ /oM ha ho h+ri swAhA/ ha yis kha dog 'phrog pa dang/ /ho yis byi yi dri ma gsal/ /h+ri yis mthu yang 'joms byed pa/ /rim pa de ni shes par bya/ /de ltar log pa bsal nas su/ /'di ltar yang dag sbyor ba bsgom/ /gzugs ni pad+ma'i dbang phyug ste/ /rnam par snang mdzad di chu dngos/ /ro ni rdo rje dbang phyug ste/ /sku gsung thugs kyi ngo bor bsam/ /de 'og phyag rgya sngags kyis yang/ /bsrubs na bdud rtsi 'od du 'grub/ /sa bon sum las bskyed ba yi/ /g.yon pa'i mthol du zla ba bsgom/ /de dkyil bdud rtsi sa bon sum/ /bsgoms nas srin lag 'thab rtser sbyar/ /bdud rtsi'i dkyil du phyag rgya de/ /bzhag nas rim pa 'di ltar bsgom/ /hUM las bskyed pa'i 'the bong ni/ /dbang chen sa gzhir bsgom pa dang/ /sum las bskyed pa'i srin lag ni/ /ri rab zur bzhir bsgom par bya/ /srin lag rtser yang gsum bsgom te/ /bdud rtsi snying po gsum bzlas nas/ /lan gsum bdud ni sgrub par bya/ /'khor ba bdud rtsir bsgrub dmigs nas/ /lha dang rnal 'byor mkha' gro ma/ /so sor rtogs nas mnyes par bya/ /lce dang dbral ba spyi bo la/ /bdud rtsi'i thig le bzhag nas su/ /yi dam lha yang mchod bya zhing/ /dam tshig tsam du btung bar grags/ /gang tshe rnal 'byor tshogs pa'i tshe/ /dbyangs 'di blangs nas gzhan la dbul/ /gzigs shing mdzes pa dam pa'i chis/ / 'di la the tshom byar mi rung/ /bram ze khyi dang gdo la pa dag /rang bzhin gcig tu bsgoms nas gsol/ /rnal 'byor gzhan gyis blang ba yang/ /dbyangs dang phyag rgyas shes bya ste/ /g.yas pa pad+ma'i gdan bsgom nas/ /g.yon gyi rtse gsum phyag rgyas blangs/ /bde bar gshegs shing chos kyi mchog /dri ma med pa'i nas 'di la/ /gzung dang 'dzin pa rnam grol ba/ /de bzhin nyid de phyag 'tshal lo/ /de ltar man ngag rtogs nas su/ /bdud rtse'i 'od la sten byas na/ /'khor ba'i sdug bsngal bcom nas su/ /thar pa rtsi ru 'grub pa yin/ /de nyid med pa'i rnal 'byor pa/ /mdangs dang stobs dang long spyod phyir/ /srid pa'i sgo nas thung byed no/ /sems can phal ba'i btung ba 'dra/ /de nas mchod rten de nyid kyang/ / yang dag par ni bsam par bya/ /rang bzhin nam mkha' dang 'dra bar/ /dngos kun stong pa nyid du bsgom/ /rang gi sems dang dbyer med pa'i/ /gdan bcas hUM yig 'dus par sgom/ /de yis khams gsum 'jig rten ni/ /mchod rten gnas su bsgom par bya/ /sa yi khri 'phang zung bcu gnyis/ /dgu pa'i phyogs brgyad gling yin te/ /baM rim bdun du bsam pa ni/ /gser gyi ri bdun shes par bya/ /dril bu dbyibs su bum pa ni/ /lha gnas ri rab bsgom bya ste/ /bu mo rten 'khro ba gdung bu'i dbyibs/ /klu yi rgyal po nor rgyas pa yin/ /kha khyer rim pa drug ldan pa/ /'dod rig lha gnas drug tu btags/ /dbus su sos shing yar bsgreng ba/ /bdag med chos nyid zad med bsgom/ / 'khor lo bcu bdun gyis brgyan pa/ /gzugs khams gnas bcu bdun du btags/ /chos kyi dbyig pa yar 'phag pa/ /gzugs med khams bzhing shes par bya/ /de yi steng gi sgo nga'i dbyibs/ /de rang gi sems ni sku ru bsgom/ / de la de bzhin gshegs pa dang/ /sangs rgyas byang chub sems dpa' dang/ /rang gi slob dpon yi dam lha/ /bzhugs par dmigs nas rang sems dang/ /dbyer med bsgoms nas phyag byas nas/ /mchod dang bstong dngul byas na/ / ? med pa'i go 'phang thog/ /gzhan du gung 'dzin ma spangs par/ /dngos su rtogs nas phyag byas na/ /'khor ba las bsgral mi 'grub ste/ /mu stegs phyed/ /gnas lha rten 'dra/ /de nyid drug gi rim pa 'di/ /phyi nang gang du sbyor na yang/ / 'gal ba med cing dngos grub ster/ /ston pas thun mongs bstan phyir ro/ /smi te dz+nyA na kI ra na ti yi slob mas cus pa'i dbyas pa'i/ /dge ba thob pa gang yin pa/ /de yis sems can sangs rgyas shog/ /de kho na nyid drug rnam par bzhag pa/ rgya gar gyi mkhan po smi ti dz+nyA na kI ra tis mdzad pa rdzogs so// /pa nTi ta de nyid kyi bsgyur cing gtan la phab pa'o// //dpal sgyu 'phrul chen po'i rgyud kyi 'grel pa bzhugs so/ /*/ /rgya gar skad du/ ma hA mA pA tan+ta