<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1274: 'phags pa gdan bzhi pa'i rnam par bshad pa<br><table><tr><td>
<input type="button" onclick="location.href='tcompletep.php?id=N1274&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1274&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1274&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rgya gar skad du/ /Arya tsa turbisti TI kA/ bod skad du/ 'phags pa gdan bzhi pa'i rnam par bshad pa/
 mkha' 'gro ma thams cad la phyag 'tshal lo/ /zla ba gzhon pa'i steng na nyid byed thig le 'dzin pa'i sangs rgyas kyis brgyan
 pa/ /mdzes pa'i gzugs can byams pa'i mgo ste sku mchog 'jam pa'i lus la yang/ /dbyig pa'i gzugs
 ni pad+ma las byung 'gugs pa'i sku ni 'jigs pa'i nga ro rdo rje can/ /rnam shes ye shes kyi gzugs srid pa'i 'jigs pa 'joms
 byed lnga yi sbyi gtsug la phyag 'tshal/ /dpal ldan gdan bzhi'i rgyud chen la/ /gsang ba'i mdud pa
 'grol byed pa/ /rnam bshad de yis 'di bris te/ /de yi go chas zhus phyir ro/ /'di skad bshad pa zhes pa dang por brtsams
 nas mngon par bstod do/ /zhes pa'i tshig ji snyed kyi bar rnam par 'byed pa dang mtshan ma dang tshig dang/ mdor bsdus pa la sogs
 pa dang/ lci ba dang/ yang ba dang/ tshegs dang yig 'bru la sogs pa'i don nye bar ston pa'i dbang las ji ltar 'byor pa bzhin
 du sbyar bar bya'o/ /'di skad bshad pa'i thams cad mkhyen ces pa la sogs pas ni don bzhi bstan te/ ston pa po dang/ bstan pa'i rnam pa dang/
 bstan bya'i don dang/ gnas so/ /de la thams cad mkhyen pa zhes pa ni ston po'o/ /'di skad ces bstan pa'i rnam pa'o/ /ye shes zhes pa
 ni bstan bya'i don no/ /gnas gtsang ma la zhes pa ni gnas so/ /de la tshig gi don ni drang srong rnams zhes pa ste/ sangs rgyas rnams kyi zhes
 pa'i don to/ /drang srong rnams kyi zhes pa ni kha cig la yang don de kho na'o/ /rnal 'byor ma'i dra mchog bde zhes pa la/ de la rnal 'byor ma ni
 shes rab kyi pha rol tu phyin ma la sogs pa'o/ /dra ba ni 'dus pa'o/ /mchog tu bde ba ni longs spyod do zhes pa'o/ /'khor gang la yin zhen
 gsungs pa/ sbyangs pa'i yon tan can dang/ zhes pa la sogs pa ste/ sbyangs pa'i yon tan can dang/ zhes pa ni tshig gnyis ga la yang byams
 pa'o/ /'jigs par mdzad pa po dang zhes pa ni phyag na rdo rje'o/ /'phyang ba dang zhes pa ni kun tu bzang po'o/ /mgrin pa gsum pa can dang zhes pa ni nam mkha' i mdzod
 do/ /ri rab pa dang/ zhes pa ni sgrib pa thams cad rnam par sel ba'o/ /ri rab gtsug tor can dang zhes pa ni sa'i snying po'o/ /pad+ma can dang zhes pa ni 'jig rten dbang
 phyug go /pad+ma ma 'chang ba po dang zhes pa ni shes rab rnon po'o/ /de dag la sogs pa lha dang me la sogs pa ji snyed dang bcas pa'o/ /gsang bar sbyor ba zhes pa ni
 gsang ba'i dus so/ /sa zhes pa ni sa'o/ /'byung du 'jug pa'i dbugs dag ni zhes pa ni yar 'ong ba'i rlung dang/ mar 'gro ba'i rlung ngo/ /yul dang lus sogs
 lha rnams dag ces pa ni phung po lnga dang dbang po lnga dang/ de'i yul khams dang/ skye mched rnams gzung bar bya'o/ /ye shes rnam par shes pa'i yul zhes pa la de la ye shes zhes pa ni skyes bu'i gzugs te thabs so/ /rnaM par
 shes pa zhes pa ni lha mo'i gzugs te shes rab ma'o/ /ye shes dbang zhes pa ni de dag gi dbang phyug pa ji snyed pa'o/ /sems can gyi gzhi thabs su gyur pa rtsa ba'i 'khor lo dang po kho nar ston 'dod pas nyon cig ces de
 gnyis gcig tu gyur pa'i dbugs rnam pa'i cha gsungs pa/ /nyi khri dang ni zhes pa la sogs pa gsungs te/ de la khri ni stong phrag bcu'o/ /nyi khri zhes pa ni khri phrag gnyis so/ /chig stong zhes pa ni stong phrag gcig go /drug
 brgya ni zhes pa ni brgya phrag drug go /chu tshod drug cu'i dbugs rnams ni zhes pa ni chu tshod drug cu'o/ /de gnyis nyin mtshan du ji snyed yod pa'i dbugs kyi don shes ba'o/ /'byung zhes pa ni yar 'khyud pa'i dbugs so/ /'jug
 ces pa ni mar 'jug pa'i dbugs so/ /phyi rol brtsi bar gzhag bya ba/ /bcu gnyis sa la de bzhin te/ zhes pa la de sa'i 'khor lo'o/ /bcu gnyis ni re'u mig bcu gnyis so/ /phyi rol zhes pa ni phyi rol tu bri ba'o/ /brtsi bar
 bzhag bya ba zhes pa ni rtsis kyi yi ge bzhag par bya'o/ /zhes pa ji snyed pa'o/ /ji ltar tshes grangs brtsib bzhin zhes pa ni phyogs dang mtshams la rim pas phyi rol tu ming 'dzags pa la sogs pa rnam pa bcu gnyis
 re'u mig la bzhag par bya'o/ /zhes ji snyed pa'o/ /de yang tshes kyi rim pa gang las brtsams te bzhag par bya zhe na gsungs pa/ shar nas dgun zla 'bring sogs bzhag ces pa la sogs pa gsungs te/
 dgun zla 'bring po zhes ji/ dgun zla 'bring po'o/ /de nas brtsams nas ji snyed dgun zla ra ba'i bar du zhes pa'i don to/ /'jigs pa la sogs pa dang po nas 'dod pa mthar thug pa re'u mig bcu gnyis khung bu la bzhag
 par bya'o/ /zhes ji snyed pa'o/ /ma rig pa la sogs bcu gnyis yan lag rnams ni 'dzags pa la sogs pa rnams rnam grangs gzhan du gsungs pa bla ma'i man ngag go /ro hi ta dus lha la mchod/ /de bzhin lo ni bcu
 bdun thub ces pa ni rtsa ba rnam par bzlog par bshad par bya'o/ /rab 'byor sa ni thog rgas shing/ /rnal 'byor sa ni 'byung ba'i bar/ zhes pa ni rang bzhin 'jug pa dang/ log pa gnyis sbyor ba cha la skyes bzhes pa ste/ de'i lus rnams
 kyi mtshan nyid ni kun la shes par bya'o/ /ra can pre sha pa la 'grub ces pa ni/ de lar can ni 'dzag pa dang/ chu srin dang/ sbom po dang/ sdig pa rnams te/ rgya gar gyi tshig la yi ge yod pa'i phyir ro/ /de bzhin du khyu
 mchog la gang byed pa'i don te 'grub bo zhes pa'i don to/ /mkhas pas snga dro brtsi bar bya zhes pa ni tho rangs kyi dus las brtsams nas dbugs la sogs pa rtsis bya'o/ /zhes pa ji snyed pa'o/ /nor rgyas bu zhig
 'dzags pa ste zhes pa la sogs pas ni/ /dug phog pa'i dus na sos gzung ba brtags pa la 'dzag pa la sogs pa'i zhing la ni/ nor rgyas kyi bul sbyar bar bya'o zhes ji snyed pa'o/ /'di la dug gi rims sbyar ba/ /bye brag tu ni shes par bya zhes pa ni 'di la dug
 ces pa ni gong du klu'i 'khor lo'o/ /rims sbyar ba zhes ni/ sos pa dang mi sos pa'i rim pa bye brag tu ni shes par bya'o zhes ji snyed pa'o/ /ra can khyu mchog rnams la grub/ /bdud rtsi skye bar mi 'gyur ro zhes ni/ de la yang 'grub 'jigs pa dang/ chu srin dang/
 sbom po dang/ sdig pa rnams te/ rgya gar gyi tshig la ra yig yod pa'i phyir ro/ /ra can pa'i sgra ni mi dge ba'i rnam grangs so/ /don ni 'di lta ste/ ra can bzhi dang khyu mchog la/ sos btab zin ni ma 'tsho'o zhes ji snyed pa'o/ /de kho na'i phyir bdud rtsi skye bar mi 'gyur ro zhes
 bste/ nag pos zos par 'gyur zhes ji snyed pa'o/ /dug bsdu ba yi sbyor ba ni/ /gzhan gyi cho ga kun sbyar nas zhes pa ni/ khyu mchog dang/ ra can bzhi las gang gi tshad la gal te zos par gyur na de tshe dpyad par bya ba'i don to/ /rim gyis dgun zla 'bring
 sogs par/ /dus kyis bgrod pa byang gi phyogs zhes pa ni/ dgun zla 'bring po dang po nas gzung ste/ rim par nyi ma'i spyod pa'i dbang la bgrod pa ste/ lho ru bgrod pa dang/ byang du bgrod pa'o byang gi phyogs zhes pa ni/ byang du bgrod pa'o zhes pa'o/ /lho
 na bgrod pa ni nyin mo mngon du bskyed pa dang/ byang du bgrod pa la ni mtshan mo mngon du bskyed pa'o zhes ji snyed pa'o/ /de ni dgun zla 'bring po la sogs pa zla ba bcu gnyis kyi mtshan mo dang nyin mo'i rnam pa'i chu tshod bcu drug las phri ba dang/ bskyed pa
 gsungs pa/ bcu gnyis gun dang bzhi dag ni zhes pa la sogs pa ste/ chu tshod sum cu rtsa drug ces pa'i don to/ /ji ltar nyin dang nyin bya ba zhes pa ni/ ji snyed zla ba rdzogs pa la zhes pa ste/ de snyed kho na nyin re dang/ mtshan re la chu tshod kyi rnam pa cher
 shes par bya'o/ /re'u mig gi ni bcu gnyis pa yis zhes pa ni dgun zla tha chung ngo/ /bcu gnyis 'gyur dang drung dang ni/ /zhes pa ni nyin mo la chu tshod nyi shu rtsa drug go /bcu gsum bun 'gyur bzhi dag ni zhes pa ni/ de kho na'i mtshan mo la chu tshod
 sum cu rtsa bzhi'o/ /bcu gnyis bsgyur ba'i brgyad dag ni/ zhes pa ni dpyid zla ra ba'i nyin mo'i chu tshod nyi shu rtsa brgyad do/ /bcu gsum bun 'gyur gnyis ngag ni zhes pa ni/ mtshan mo la chu tshod sum cu rtsa gnyis so/ /b+hi shu'i bar du gnyis sbyar ba zhes pa ni/
 dpyid zla 'bring po'i chu tshod sum cus brtags po yin zhes te/ bcu gsuM dang ni gnyis dag go zhes pa ni dpyid zla tha chung kyi zla ba la nyin mo'i chu tshod sum cu rtsa gnyis so/ /bcu gnyis gyur dang brgyad dag ni zhes pa ni/ de kho na'i mtshan mo la chu tshod nyi shu rtsa brgyad do/ /
 bcu gsum rnam par bzhag pa dang/ bzhi po dag ni ldan par bya zhes pa ni/ dbyar zla ra pa'i nyin mo'i chu tshod sum cu rtsa bzhi'o/ /bcu gnyis bsgyur dang drug rnams ni zhes pa ni de kho na'i mtshan mo la chu tshod nyi shu rtsa drug go /bcu gsum bsgyur ba'i gnyis
 dang yang zhes pa ni/ ston zla ra ba'i zla ba'i nyin mo la chu tshod sum cu rtsa gnyis so/ /bcu gnyis bun dang bzhi yis ni zhes pa ni/ de kho na'i mtshan mo la chu tshod nyi shu rtsa bzhir 'gyur ro zhes pa'i don to/ /de ltar nyin mo mdon du bskyed pa'i rgyur gyur pa'i lto'i
 bgrod pa zhes bya ba de dag tsam gyis yongs su rdzogs so zhes gsungs pa/ lho phyogs su ni bgrong ston pa'o zhes pa la sogs pa'o/ /yang mtshan mo mngon du bskyed pa'i rgyur gyur pa/ byang gi bgrod pa brjod 'dod pas gsungs pa/ bcu gsum bsgyur ba la
 sogs pa ste/ de la zhes pa ni/ dbyar zla tha chung zla ba'i nyin mo chu tshod sum cu rtsa bzhi'o/ /bcu gnyis bun bsgyur drug dang ni zhes pa ni/ de kho na'i mtshan mol chu tshod nyi shu rtsa drug go /bcu gsum bsgyur ba'i gnyis dang yang zhes pa ni ston zla ra ba
 zla ba'i nyin mol chu tshod sum cu rtsa gnyis so/ /bcu gnyis bsgyur dang brgyad kyis ni zhes pa ni/ de kho na'i mtshan mo la chu tshod nyi shu rtsa brgyad do/ /bcu gsum gyur du bstan pa yis zhes pa ni/ ston zla 'bring po'i b+hi shu zhes bya ba nyin mo dang/ mtshan mo la chu
 tshod sum cu sum cu zhes ji snyed pa'o/ /bcu gnyis gyur dang brgyad kyis ni zhes pa ni/ ston zla tha chungs kyi zla ba'i nyin mo la chu tshod nyi shu rtsa brgyad do/ /bcu gsum gyur pa'i gnyis dang ni zhes pa ni/ de kho na'i mtshan mo la chu tshod sum cu rtsa gnyis so/ /
 bcu gnyis bsgyur ba drug dang ni zhes pa ni dgun zla ra ba'i zla ba'i nyin mo la chu tshod nyi shu rtsa drug go/ bcu gsum bsgyur ba'i bzhi dang ni zhes pa ni de kho na'i mtshan mo la chu tshod sum cu rtsa bzhi yin no zhes pa'i don to/ /yang bgrod pas zla ba dang mtshan mo
 dang nyin mo'i cha rnam par phye ba rnams kyi chu tshod gcig la dbugs su zhes dbyang pa gsungs pa sum brgya de bzhin drug cu la zhes pa la sogs pa ste/ de'i don ni 'di lta ste/ nyin mtshan gyi de'i chu tshod drug cu'i grangs la chu tshod re re kho na la sum brgya
 drug cu dbugs yin no zhes pa'o/ /zla ba gong mas ji lta bar zhes pa ni dpyar zla 'bring bo la sogs pa'i chu tshod rnams de bzhin du dbugs rnams so/ /chu tshod dbugs ni kun rdzogs dang/ /rim par 'khor ba chad pa ni zhes pa ni/ de la dpying zla 'bring po
 dang ston zla 'bring po gnyis la b+hi shur 'gyur te/ de gnyis kyi nyin mo dang mtshan mo la mnyam par 'khor ro/ /lhag ma rnams zla ba la ni chad pa zhes phri ba dang/ bskyed par 'khor ro/ /bgrong pa dang zla ba'i rnam pa'i cha'i dbugs dang/ chu tshod phye
 ba mngon par brjod nas da ni lo gcig gi tshes grangs rnam pa'i cha dbye bar 'dod pas gsungs pa/ kha sogs zhes pa la sogs pa ste/ de la kha sogs zhes pa ni nyi shu rtsa bzhi'i yi ge kha dang por gzung nas yi ge bar ma'i bar du bya ste/
 bya ka ra Na'i a ka ra sha ma ti ka la/ ya wa ra la zhes brjod pa'i phyir ro/ /dus zhes ni drug kho na bya'o zhes so/ /de dag thams cad 'du bar byas te/ bgrod pa gnyis kyi brtsi ba la zhes pa ste/ bgrod pa gnyis las rnam par
 shes pa gnyis bya'o zhes pa'i don to/ /bsam pa ni 'di lta ste/ sum cu rtsa drug gi grangs 'dus nas cha mnyam por bya'o zhes pa'o/ /de ltar zin ma thag tu cha gcig la brtsis bco brgyad du 'gyur ro/ /gnyis ni bcu 'gyur bya ba yis zhes ni cha gnyis
 so sor re rer bcu bun du byas te/ de gnyis 'dus pa'i ji snyed kyi grangs snyad pa de snyed grangs yongs su brtsis pa ni/ de ltar lo'i chu tshod do zhes pa ste chu tshod dbugs rnams ni bsgyur zhes pa'i don to/ /nyin dang mtshan gyi dbugs dag ni/ /de yi
 tshad kyis spyar bar bya zhes pa de'i tshad ces chu tshod kyi blo dang dbugs kyi mthar thug pa chad gsol zhes de shes bar bya'o zhes ji snyed pa'o/ /de ltar rtsa ba'i 'khor lo gyur pa lo dang zla ba dang/ nyin mtshan gyi chu tshod dang/ dbugs kyi tshad mngon par brjod
 nas phyi'i dkyil 'khor byas nas bcu gnyis la bzhag pa'i sgra yig gi khyad par gyi dbang las dge dang mi dge ba'i mtshan ma rtag pa'i don du rnal 'byor lo ston 'dod pas gsungs pa/ gang gis dbang phyug kun gzung nas zhes pa la sogs
 pa ste/ de la man ngag ni 'di lnga ste/ ba lang gi lci bas lam lhung bas byugs pa'i gsang ba'i phyogs la tsan dan dang gur gum la sogs pa rnam par bgrong pa'i dkyil 'khor la mkha' 'gro ma lnga'i sa bon gyis sngags btab pa'i rdo rgyus kyis re'u
 mig bcu gnyis pa 'khor lo mngon par bris te/ de la shar gyi ri'u mig nas brtsams nas/ yi ge a la sogs pa yi ge a'i mthar thug pa rnams ma ning gi yi ge ri ri'i dang li lI spangs bri bar byas te/ bdag kyang yi dam gyi lha yid la byed pa byas
 pa des 'dris pa po'i ngag gi dbang phyug tshang gzung nas de'i grangs su gsungs pa dang/ 'khor lo'i yi ge yang gzung nas de'i grangs de yang sum 'gyur du byas te/ rtsis de yang drug 'gyur du byas nas/ de kho na la drug cu rtsa lngas bsres te/ de las bcu gnyis
 su phri nas lus pa'i rtsis gyi tshad gang de'i yon tan bltas nas dge dang mi dge ba bstan par bya'o/ /ma ning gnyis ni mngon spangs te/ zhes ni ri rI dang li lI spangs pa'i sgra yig ces pa'i don to/ /a zhes bya bar rim ldan na zhes pa dang po nas gzung ste/
 ji ltar dang po a zhes pas/ de bzhin mdza' ma gzung bar bya zhes ji snyed kyi bar mtshan ma'i yon tan gsungs so/ /nga ni ngag gi dbang phyugs kun gzung na zhes pa de la man ngag ston pa ni/ bcom ldan 'das nyid kho nas gsung bar mdzad pas gsungs pa/
 gong du sim 'gyur bya ba dang/ zhes pa la sogs pa ste/ de la gong du sum 'gyur bya ba dang zhes pa ni/ 'dri mkhan gyi dag gi dbang phyug rnams ni dang po sum 'gyur du byas nas phyi nas drug 'gyur byas nas phyi nas drug 'gyur bya'o/ /zhes don gsungs pa/ drug 'gyur du ni brtsi ba bzhag?
 ces pa ste/ don ni 'di lta ste/ 'dri mkhan gyi ngag gi dbang phyug sum 'gyur du byas pa kho na ji snyed gyi sgra yig de snyeng tshang kho na yang drug 'gyur du bzhag par bya'o zhes pa'o/ /yang gsungs pa drug cu rtsa lngas bsres nas ni zhes pa ni drug 'gyur du byas
 pa'i tshang kho na la drug cu rtsa lngas bsres nas gcig tu byas te/ sa yis de ni bcad nas su zhes pa ste/ /bcu gnyis bcu gnyis su bcad nas phri par byas pa'o/ /yi ge lhag ma gzung byas te/ zhes pa ni bcu gnyis su phri ba las lhag pa'i yi ge rtses kyi yi ge
 grangs kyis bgrangs pa'i yi ge'i yon tan dge mi dge lung du bstan par bya'o zhes ji snyed pa'o yang na ri mo kyag kyog ris zhes pa la sogs pas ni yang dang yang du dge ba dang mi dge ba'i mtshan ma rnam pa gzhan gsungs pa ste/ 'di las kyag kyog
 ces pa ni/ glang gi gcin bzhin du 'dren par byed pa'i ri mo'o/ /de 'dra'i ri mo sngon gsungs pa'i 'du byed kyis gtsang bar byas par 'gyur ba'i sa la gang mkha' 'gro ma'i sngags btab pa rdo rgyus kyis mnyam por tshur 'dren nas bris te/
 de'i steng gi spyi bo la skra yig bcu gnyis rnams bkod nas brtsis pa la tha mar gyur pa'i sgra yig gi yon tan brjod par bya'o zhes ji snyed pa'o/ /yang na me tog mar gtang ste zhes pa la sogs pas ni/ gzhan yang mtshan ma brjod pa sbyor ba kho na gsungs te/ de la man
 dag ni 'di lta ste/ gong gi ri'u mig bcu gnyis pa'i 'khor lo ni gong nas gsungs pa'i rim pas mngon du bris te/ de la yang ma ning gi yi ge spangs pa'i sgra yig bcu gnyis bkod nas rang gi yi dam gyi sems sngon du byas te/ me tog mar btang bar bya'o/ /re'u
 mig la me tog lhung ba re'u mig de la bzhag pa'i sgra yig gi yon tan 'dri mkhan de la dge mi dge lung du bstan par bya'o/ /de dag ni dpal ldan gdan bzhi pa las le'u dang po'i rnam par bshad pa'o// //da ni dus ma yin par 'chi ba'i
 mtshan ma 'byung ba des mtshan ma'i skyes bu bsrung ba'i sbyor ba dang/ 'dri mkhan gyi gnas dang/ dbugs kyi rnam pa'i cha dang/ 'tsho ba dang/ mi 'tsho ba dang/ char pa dbab pa'i sbyor ba dang/ pho nya'i mtshan ma rnams ston 'dod pas/ ye shes de nyid bye brag dag ces pa la
 sogs pas ni le'u gnyis pa brtsams so/ /de la ji ltar lus kyi mtshan ma dang zhes pa ni skyes bu rnams kyi lus la rnam par gnas pa'i dus ma yin par 'chi ba'i mtshan ma ci 'drag la gnas shes pa'o/ /nyon cig rgyal po rdo rje che zhes pa la sogs pas ni
 bcom ldan 'das kyis de kho na slar gsungs pa'o/ /dbugs ni rnam par dgod pa yis/ /lus can zla ba drug na 'chi zhes pa ni 'jug pa dang 'byung ba'i dbugs kyi mtshan nyid rnams ji ltar gsungs pa'i grangs las phyin ci log la phri ba dang bskyed par
 'jug pa'o/ /lus kyis kyang bskyed pa dang phri bar 'byung ba dang/ lus can rnams kyi lus ni shi ba zhes shi 'pho ba'o/ /de bzhin 'jigs pa chung mthong na zhes pa la sogs pas ni gzhan yang dus ma yin par 'chi ba'i mtshan ma gsungs so/ /don ni 'di lta ste/ 'jigs
 pa chung zhes pa ni dus ma yin par shi ba mthong nas 'jiT pa'o zhes pa'o/ /'graM pa'i tshogs ni g.yo bar 'gyur zhes pa ni/ gal te dus la bab 'gyur na/ dbugs ni chad cing 'chad par 'gyur/ zhes pa ni dus la bab 'gyur zhes pa ni/ blo bur dus 'chi ba'i sa
 la gal te rtsis kyis brtsis na/ dbugs kyi tshad la chad cing/ chang 'gyur zhes bskyed pa dang phri pa yin no/ /de tshe chad pa ni shi pa'o/ /de la yang chad pa'i rim pa yongs su shes pa ni bla ma'i man ngag ste/ re'u mig bcu gnyis pa la mu khyud bcu gnyis pa dang ldan
 par bya ba dang/ dbus kyi re'u mig sngon du bri ba'o/ /de la phyi'i tshad ni shar gyi re'u mig la tshad lnga'o/ /rtsis yig lnga'o/ /re'u mig gnyis pa la yang bco lnga'o/ /re'u mig gsum pa la bco lnga'o/ /re'u mig bzhi pa la nyi shu'o/ /re'u mig lnga pa la nyi shu rtsa lnga'o/ /
 re'u mig drug pa la nyi shu rtsa drug go /re'u mig brgyad pa la nyi shu rtsa brgyad do/ /re'u mig dgu pa la nyi shu rtsa dgu'o/ /re'u mig bcu pa la sum cu tham pa'o/ /re'u mig bcu gcig pa la ni sum cu rtsa gcig go /re'u mig bcu gnyis pa la sum cu rtsa gnyis so/ /
 re'u mig dbus ma la sum cu rtsa gsum mo/ /de dag dbus kyi rim pa shes par bya'o/ /yang bar kyi mu khyung la shar gyi re'u mig la lo gsum mo/ /gnyis pa la lo gnyis so/ /gsum pa la lo gcig go/ /bzhi pa la zla ba drug go /lnga pa la zla ba gsum mo/ /drug pa la
 zla ba gnyis so/ /bdun pa la zla ba gcig go /brgyad pa la zla ba phyed do/ /dgu pa la tshes bcu'o/ /bcu pa la chos lnga'o/ /bcu gcig pa la tshes gsum mo/ /bcu gnyis pa la tshes gnyis/ /dbu ma la tshes gcig go /de ltar 'tsho ba'i tshes grangs so/ /de ltar yang smras pa/
 de ltar dbugs chad pa dang/ bskyed pa rnal 'byor pas dus gang la yongs su brtag par bya zhe na gsungs pa/ snga dro 'dzags pa'i dus la ni/ /de la mtshan ma brtag par bya zhes pa ste/ bsam pa ni 'di lta ste/ tho rangs 'dzags pa'i yan
 lag gi gnas skabs las yongs su brtag par bya'o zhes pa'o/ /da ni yan lag brgyad la gnas pa chad par gyur na/ 'tsho ba'i tshes grangs kyi tshad gsungs pa/ sna'i nang ka chad na/ nyi ma bdun gyis gdon mi za zhes pa la sogs pa'o/ /don ni 'di lta ste/
 sna'i rtse mo zhom ma thag tu tshes bdun gyis 'chi'o zhes pa'o/ /mig gi AM ba ra chad na/ tro ta de bzhin nyi ma lnga zhes pa ni mig gi rtsal tro ta zhes bya ba chad na/ mi 'phar bas na tshes lngas 'chi'o/ /de'i yang sna rgyud kyi phyogs kyi mig rtsa'i mdza' na 'phar
 ba brtag par bya'o/ /'gram pa'i bar sha chad gyur na zhes pa ni 'gram spu'i glo na rtsa gang yin pa der chad par gyur na zhag gcig gis 'chi'o/ /rna ba'i u dum rnams chad na zhes pa ni rna ba'i phung bu'i phyi rol de dang 'byor pa'i rtsa bang de chad par gyur na chu
 tshod lnga las mi thub bo/ /'di la lce ni thig nag zhes pa ni/ lce la blo bur du skud pa 'dra ba'i ri mo nag po mthong ma thag tu zhag gnyis kyis 'chi'o/ /steng 'og so ni mthams 'gyur na zhes pa ni/ so so 'thams ma thag tu zhag gsum kho nas
 'chi'o/ /mgrin pa glo 'am phyi rol rtsa zhes pa ni mgrin pa'i phyi rol gyi/ rtse'u chung zhes pa de chad na zla ba phyed na 'chi'o/ /brang gi lhe'u ni zhom 'gyur na zhes pa ni blo bur du brang snying mang zhom na zla ba phyed kho na'o/ /sen mo bkrag ni med 'gyur na zhes pa ni
 blo bur du rkang lag gi sen mo rnams mar po'i dngos po med zin ma thag tu tshes drug na 'chi'o/ /de ltar gsungs pa'i mtshan nyid dus ma yin par 'chi ba'i mtshan ma nye bar brtags pa'i skyes bu bsrung ba'i cho ga gsungs pa/ sna'i na sa chang na zhes
 pa la sogs pa ste/ de thams cad la man ngag ni 'di lta ste/ gnas gang gi rtsa chad par gyur pa gnas de kho na la ji ltar gsung pa'i sa bon nam nges bskyed pa'i lha rnams bsgom mo zhes pa'o/ /de nyid kyi phyir na gsungs pa/ ye shes sa bon gyis byas
 zhes pa ste/ ye shes kyi sa bon ni yi ge hUM ngo/ /rdo rje'i sa bon yi ge sum ngo/ /drag po'i sa bon ni yaM k+ShuMO/ /ro langs ma'i sa bon ni yi ge yuM ngo/ /gdol pa mo'i sa bon ni yi ge hUM ngo/ /seng ge ma'i sa bon ni yi ge smyuM ngo/ /stag mo'i sa bon ni h+dmyuM ngo/ /
 ce spyang gi sa bon ni ymryu ngo/ /'ug pa ma'i sa bon ni k+Sh+mryuM ngo/ /yang de kho na'i srung ba'i don phyi'i 'khor la bzhag pa'i cho ga gsungs pa/ gzhan yang bsrung ba bshad par bya zhes pa la sogs pa ste/ de la sreg snod gnyis gzung ste zhes pa ni bsre gas
 pa'i gyo mo'i snod gnyis blangs te/ gur guM go ro tsa nas bri zhes pa ste/ gi wang dam gur gum byis bri bar bya'o zhes pas rtog go /da ni thab bri ba'i rnam pa gsungs pa/ gzhan yang bshad par bya/ re'u mig dgu sogs cha dag dang zhes pa ste/
 man ngag ni 'di lta ste/ 'og ma'i gyo mo'i snod la ma khyud gcig gis bskor ba re'u mig dgu pa'i 'khor lo bri bar bya'o zhes ba'o/ /steng ma cha dag bcu gnyis ni zhes pa ni seng ge'i snod la yang mu khyud gcig gis bskor pa re'u mig bcu gnyis pa'i
 'khor lo bri ba'o/ /da ni nang du dgod pa'i sngags sten 'dod pas gsungs pa/ dbus su ming ni bris su zhes pa la sogs pa ste gyo mo'i snod gnyi ga la yang dbus su bsgrub bya'i ming bri bar bya'o/ /ji ltar bri zhen gsungs pa/ sa bon gyis ni de bzhin du bskor
 zhes pa ste/ sngags kyi yi ge'i bar du bri bar bya'o zhes pa'i don to/ /de kho na gsal bar byed 'dod pas gsungs pa/ phyag 'tshal skra ni sngon du ste zhes pa la sogs pa'o/ /phyag 'tshal sgra ni yi ge o'o/ /de ni bsgrub bya'i ming gi 'og na bri bar bya'o?
 zhes pa'o/ /bsrung ba'i ngag gi gong du bzhag ces pa ni rak+Sha rak+Sha ces pa ngag gi gong du bsgrub bya'i ming bri bar bya'o zhes pa'o/ /mdza' ru zhag pa'i sa bon ni zhes pa ni gong du gsungs pa de'i mdza' na/ sangs rgyas lnga yis mdon
 par brgyan ces pa ste/ yi ge hUM dri ba'o/ /bsreg pa'i yi ge mthar bzhag ste zhes pa ni sangs rgyas lnga yis mngon par brgyan pa'i mdza' na bsreg pa'i yi ge swA hA bkod par bya'o/ /de ltar dbus su yi ge bkod nas/ mu khyud 'khor ba la bkod pa
 gsungs pa sgra yig steng sogs mu khyud la zhes pa ste/ steng gi mu khyud 'khor ba la gyo mo'i snod gnyis pa lam ning spangs pa'i sgra yig bcu gnyis bkod par bya'o/ /zhes ji snyed pa'o/ /da ni 'og gi gyo mo'i snod re'u mig dgu la bzhag pa'i sa bon
 gsum ste/ ka pha gnyis 'gyur sa bon dang zhes pa la/ de la ka zhes pa ni sa ste de'i sa bon yi ge hUM ngo/ /pha zhes pa ni rlung ste/ de'i sa bon yi ge yuM ngo/ /gnyis 'gyur sa bon dang zhes pa ni yi ge k+ShuM ste/ ka dang sha brtsegs pa'i phyir ro/ /rngo ma'i
 lha chos mtshan zhes pa ni yi suM ngo/ /lnga ldan ma'i sa bon ni yi hUM de kho na thaM cad du bskyi re'u mig la bkod pa'i rim pa kho nas sngags bkod pa bshad 'dod pas gsungs pa/ phyag 'tshal bsregs pa mdza' ma ru zhes pa ste/ sbyor ba ni 'di lta ste/ oM cheg mo rak+Sha rak+Sha
 sruM sruM zhes de ltar bkod par bya'o/ /de ltar yi ge k+ShuM la sogs pa rnams la yang sbyar bar bya'o/ /sangs rgyas lnga'i mngon par brgyun ces pas lnga ldan ma'i sa bon zhes gsungs pas de bshad 'dod pa gsungs pa/ dbyug pa 'jig rten dbang phyug po/
 zhes pa la sogs pa ste/ tshag bshad de yis yi ge hUM kho na rnam par bshad pa'o/ /de yang dbyug pa ni yi ge ha'i 'og na ri mo drang po ste/ de ni 'jig rten dbang phyug go /brtan pa phyin phyogs rdo rje'i phyag /zhes pa ni yi ge hUM gi zhabs bskyed de/ de ni phyag
 na rdo rje'o/ /lus ni zhes pa ni ha'i khog pa ste de ni 'jam pa'i mgon no/ /dril bu'i mchog ces pa ni shes rab kyi pha rol tu phyin ma ste de gnyis kyi rang bzhin gcig nyid kyi phyir ro/ /yi ge ha ni 'jam pa'i dpal gyi rang bzhin yang yin la/ shes rab kyi pha
 rol tu phyin pa'i rang bzhin yang yin no zhes rnam par rtog go /de bzhin mgo ni byams pa dang zhes pa ni yi ge hUM gi gang mgo'i ri mo ste nge ni byams pa ste/ ma zhes bya ba steng 'bar ba ces pa ni de la ma zhes bya ba steng 'bar ba zhes pa ni zla ba phyed 'dra ba'i ri
 mo'o/ /steng 'bang zhes pa ni de ni de'i dkyil 'khor gyi thig le'o/ /rnam snang 'khor ba sgrol bar mdzad ces pa ni de gnyis rnam par snang mdzad nge gong du gsungs pa rnams kho na'o/ /de ni kha pha la sogs pa'i sa bon rnams/ re'u mig gi go rims kyi dbang gis
 gsungs pa/ shar gyi phyogs su bzhag pa ni zhes pa la sogs pa ste/ de la shar gyi re'u mig la sum/ rdo rje mkha' 'gro ma'o/ /byang du k+ShuM drag po'i mkha' 'gro ma'o/ /nub tu yum ro langs ma'i sa bon no/ /lho ru hUM gdol pa'i mkha' 'gro ma'o/ /de ltar phyogs kyi
 bkod pa byas nas/ da ni mtshams la bkod pa gsungs pa/ dbang ldan phyogs su seng ge ma zhes pa la sogs te/ dbang ldan re'u mig la smraM seng ge ma'o/ /me'i re'u mig la hmryuM stag mo'o/ /yer na bral gyi re'u mig la ymryuM ces sprung ma'o/ /rlung ki re'u mig la klmryuM? 'ug
 pa ma rnams bkod pa'o/ /gra'i de dag kho na'i sa bon rnams kyi ngo bo rnams kyi ngo bo rnams bshad 'dod pas gsungs pa bzhi pa'i yi ge drug la zhes pa ste/ don ni 'di lta ste/ sa dang k+Sha dang ya ngang ha rnams ni yi ge bzhi rnams rnam par
 bzhag ste/ de rnams kyi 'og na yi ge ma'o/ /de'i 'og na yi ge ra'o/ /de'i 'og na yang yaM gi ya'o/ /de'i 'og na yang yi ge u zhabs bskyed do/ /de dag gi steng du thams cad la zla ba phyed dang thig le'o/ /de ltar zin ma thag tu yi ge sa la sogs pa
 bzhi so sor re re la brtag pa'i yi ge drug dang ldan par 'gyur ro zhes pa'o/ /ji snyed ni 'og gi gyo mo'i kham phor u 'jug nas dri na de'i rtsa la 'jug na teng gyi gyo ma mog
 dang kham phor gyi 'khor lo la sa bon bkod pa nye bar ston 'dod pas gsungs pa/ steng gi bcus? gan de la zhes pa la sogs pa ste/ don ni 'di lta ste/ gong du gsungs pa'i re'u mig bcu gnyis pa'i 'khor lo'i phyogs su sgra'i sa bon bzhag par bya'o/ /phyag 'tshal bsreg pa mthar bzhag ste zhes pa ni gong ma
 bzhin du dang por yi ge oM mdza' ma ni yi ge swAhA dang ldan pa ni ma ning gi yi ge bzhag par bya'o zhes pa'o/ /ma ning gi yi ge ni ri rI dang li lI zhes sgra yig bzhag pa'o/ /ma ning gi yi ge de dag kho mkha' 'gro ma la sogs pa'i rang bzhin zhes bya ba
 gsungs pa/ 'bar byed ma dang 'jig byed ma dang zhes pa la sogs pa'o/ /de la 'bar byed ma ni yi ge ri'o/ /'jib byed ma ni yi ge li'o/ /'phrog byed ma ni yi ge lI'o/ /mkha' 'gro ma ni yi ge rI'o/ /da ni yi ge de dag gi rim par bkod pa gsungs pa/
 shar du nam mkha' 'gro ma'i gnas zhes pa la sogs pa ste/ shar gyi re'u mig la ri ni nam mkha' 'gro ma'o/ /byang gi rI ni 'bar byed ma'o/ /nub kyi li ni 'jib ma'o/ /lho'i lI ni 'phrog byed ma bkod do/ /grwa la yang bla ma'i man ngag gis bkod pa gsungs
 la dbang ldan gyi grwa'i re'u mig gnyis la i a'i'o/ /me'i grwa'i re'u mig gnyis la u a'u'o/ /bden bral gyi re'u mig gnyis la e dang e'o/ /rlung gi grwa'i re'u mig gnyis o dang aau'o/ /dbus su ming ni bri ba ste zhes pas ni/ 'og ga 'ag?
 'khor lo bzhin du dbus kyi re'u mig la bkong pa dang byi'i mu khyung 'khor ba la sgra yi ge bkod pa dran par byed pa'o/ /de ltar bris pI bsrung ba'i 'khor lo ji ltar bsgom par bya zhe na gsungs pa/ mkha' 'gro lnga yis byin brlabs pa zhes pa mdon?
 ni 'di lta ste/ mkha' 'gro lnga yis phyin gyis brlab par bya ste/ dkyil 'khor de kho na bsgom par bya'o/ /rdo rje slob dpon gyi kyang rang bzhin gang bsgom par bya zhe na gsungs pa/ bdag nyid rdo rje can sbyor bas zhes pa ste/ de la yang man ngag nye bar ston pa ni
 'di lta ste/ dkyil 'khor gyi no po ki las gsungs pa'i ram bas rdo rje sems dpa' sbyor ba bya'o/ /rdo rje seMs dpa' bdag ces brjod ces pa ni/ oM badzra satwa a haM zhes nga rgyal byas nas bsgom par bya'o zhes pa'i don to/ /rdo rje lag gi lag rtse yis zhes pa
 ni gsungs pa'i rim pas rdo rje sems dpa' i sbyor ba byas nas/ lag rtser rang gi lag pa'i mthil rdo rje rtse lnga par bsgoms nas lag pa des gyo mo'i kham phor la reg par bya'o/ /dbus su brtan pa'i sa bon ni zhes pa ni yi ge hUMO/ /brgya dang brgyad du bzla bar bya
 zhes pa ni dri la sogs pas mchod nas 'gyung pa'i gtor ma yang dbul te/ bsgrub bya'i mgo phyogs na bzhag nas sngags btab pa'o/ /de dag ni phyi rol bsrung ba'i cho ga'o/ /da ni mtshan ma 'dri ba po'i gnas dang bdag nyid mnyam pa nyid dang/ mi mnyam
 pa nyid kyi sa dge ba dang mi dge bstan 'dod pas gsungs pa/ gzhan yang dbugs kyi bdag nyid ni zhes pa la sogs pa'o/ /dbugs dang mnyam par gnas pa yis thams cad grub par bshad pa yin zhes pa ni/ de la mnyam pa'i dbus ni/ mtshan ma
 'dri ba po te bar 'ongs nas rdo rje slob dpon gyi g.yas kyi blo nas 'dri na de'i tshe g.yas kyi rtsar 'jug na dge bar brtag par bya'o/ /gal te g.yon du 'jug nas dri na de'i rtsa la 'jug na dge'o/ /de kho na gsal bar byed 'dod pas gsungs pa/ grams?
 kyi g.yas gnyid kyi gnas zhes pa la sogs ba ste/ g.yas pa'i dbugs g.yas su gnas na dge'o/ /g.yon gyi dbugs la/ g.yon du gnas na dge'o/ /zhes ji snyed pa'o/ /de phyin ci log nas yang mi dge ba gsungs pa/ dbugs dang mi mthun pa'i tshim
 ces pa ni/ mi mthun pa zhes pa ni phyin ci log par 'jug pa ste/ de la nges pa g.yas kyi dbugs la 'jug pa na g.yon du gnas pa dang g.yon du dbugs 'jug pa na g.yas su gnas na mi dge'o/ /dbugs dang mnyam du gnas na yang 'byung dang
 'jug pa'i rnam pa'i cha yis 'dod pa dang mi 'dod pa'i khyad par ston 'dod pas gsungs pa/ 'byung dang 'jug pa'i sbyor ba yis zhes pa la sogs pa ste/ de la 'jug pa ni dbugs 'jug pa'o/ /'byung ba ni dbugs su 'byung ba'o/ /dbugs dang gnas gnyis
 gcig tu dri ba zin na yang gal te 'jug pa na 'dri na de'i tshe dge'o/ /gal te 'byung ba na 'drin de las gzhan mi dge'o/ /de kho na gsal bar gsungs pa zhugs pa thams cad bya ba ni rgyas par yongs su grags pa yin zhes pa ni/ rgyas pa zhes don thams cad
 grub po zhes bsam pa'o/ /da ni zos pa'i bsrung ba dang/ dug sbyor ba'i thabs kyi sbyor ba ston 'dod pas gsungs pa/ dug sems kyis ni zos pa la sogs pa ste/ de la gso dpyad bya bar bya zhes pa ni gso dpyad bya'o/ /gzhan yang ni dus bzhi la sogs zos pa'i
 zhes pa la sogs pa ni dus bzhi ni yi ge ra can bzhi'o/ /de dag la zos pa rnams gso dpyad mi bya'o zhes pa'o/ /de la gzhan ni zos pa rnams gso dpyad bya'o zhes pa dang 'brel to/ /de kho na gsal bar bya ba ni/ gso dpyad gzhan ni thams cad la zhes pa la sogs
 pa'o/ de ltar zos pa'i 'dus pa yongs su gcod pa mngon par brjod nas gzung ba'i bsrung ba mngon du byas nas gso dpyad bshad 'dod pas dang po bsrung ba mngon par bshad de/ yi ge rnam bkod bkod byas nas zhes pa la sogs pa'o/ /de la yi ge brgyad
 kyi sngags dag ni/ yan lag brgyad la bkod par bya zhes brjod pa'i don ni 'di lta ste/ yi ge brgyad sngags su gyur pa rnams ni yi su la sogs pa mkha' 'gro ma brgyad kyi sa bon no/ /yan lag brgyad la bkod par bya zhes pa ni spyi bor yi ge g+hUM ser po dang mig
 gnyis la yi ge hUM sngon po dang/ rna ba gnyis dang sna'i bu ga gnyis la yi ge yum dmar po dang/ lce la yi ge sruM dkar po dang/ mgrin pa la yi ge smryuM ser dkar dang/ dpung pa gnyis la yi ge hmarM dkar nag dang/ thod ka la yAM nag dmar dang/ lte ba la kmraM nag dmar ser
 rnams rang gi mdog dang ldan pa kha nas gnas go rims bzhin du dang po bkod nas dug 'phrog pa'i rnam par phye ba la yang thams cad kho na dkar yu bor gyur nas/ bsgom pa zhes pa the yu tshom med pa'o/ /de kho na yu gsungs pa/ kha dog dkar yu bo kun
 bsams nas snying pos dug ni 'phrog bar zhes pa'o/ /de ltar yan lag yongs su bsrungs nas rnam par shes pa yang dag par bsrung ba gsungs ba/ dkyil 'khor dbus su bzhag nas su/ /shes dang rnam shes kyis 'gag ste/ /zhes pa ste/ dkyil
 'khor dbus su bzhag pa ni/ snying gar nam mkha' i phyogs la/ oM ka ma la be swAhA zhes sngags de dang sbyin sreg las gsungs pa'i mtshan nyid pad+ma'i phyag rgyas yongs su bskyed par 'gyur ba 'dab brgyad snying la bsams nas de'i steng du yi ge a las
 bskyed pa zla ba'i dkyil 'khor de'i steng na 'di skar dang 'dra bI kun gzhi rnam par shes pa dang ni ye shes te yi ge hUM ngo/ /rnam shes kyang de'i phyir na don ni 'di lta ste/ thabs dang
 shes rab gnyis su gyur pa yi ge hUM gi 'od dmar por gyur pa rnam par shes pa'i glo na gnas pas dkar por gyur pa rnam par shes pa ste/ kha na gnon par bya'o zhes man ngag go/ da ni gso dpal gsungs pa/ lus bsrungs thag tu ni zhes
 pa la sogs pa'o/ /de la yang man ngag ni 'di lta ste/ byo mo'i snod dam thangs ma'i gzhong pa 'o ma dad chus gang ba yongs su bzung nas zos pa'i rkang pa'i rtsa na bdag gi mdun du bzhag nas/ de'i dbus su gong nas gsungs pa'i sngags dang
 phyag rgya bkod pa/ 'dab brgyad dmigs te/ de'i steng na yi ge a las zla ba'i dkyil 'khor de'i steng du yang yi ge sum las bskyed pa/ rdo rje de'i bum pa la yi ge sum/ de'i 'od zer gyi ngo las mkha' 'gro ma thams cad kyi
 'khor lo 'gros nas yang 'du bar bya ste/ oM badzra shud d+ha(rgyud 'grel sbrul gyi rgyan gyis brgyan pa/ gos dkar pos stod g.yogs smad g.yog pa/ gdugs dkar pos steng nas bkab pa/ g.yas kyis kha TwAM ga dang d+ha 'dzin ma/ 'dab ma brgyad la gnas pa/ nor rgyas kyi bu la sogs pa klu brgyad kyi
 mgo bsdu bar byas nas gdan byed par bsgom par bya'o/ /de la klu rnams bkod pa ni/ shar gyi 'dab ma la nor rgyas kyi bu dang/ phyed gi 'dab ma la 'jog po dang/ nub kyi 'dab ma la stobs kyi rgyu dang/ lho'i 'dab ma la pad+ma dang/
 dbang ldan gyi mtshams na pad+ma chen po dang/ me'i mtshams na dud skyong dang/ bden bral gyi mtshams na rigs ldan dang/ rlung gi mtshams su linda ka zhes dgod par bya'o/ /de dag kyang gong du gsungs pa'i zos pa'i yan lag la
 bkod pa'i sa bon brgyad dpa 'dra ba'i mdog go/ de kho na gsungs pa/ snod la chu yig bkad nas su shes pa la sogs pa'o/ /sngon du rdo rje sems dpa' i sbyor ba byas pa rdo rje slob dpon kho nas de kun brtsam par bya'o zhes ston pa/ bdag
 gis lus ni rdo rje ste/ rdo rje sems dpa' bsam par bya zhes pa ste/ de la yang man ngag ni 'di lta ste/ rgyas pa'i sgrub thabs las gsungs pa'i rim pa dang/ yang na yud tsam gyi tshul gyis rdo rje sems dpa' bdag bsgom par bya'o/ /
 de la yud tsam gyi tshul zhes pas ni rang gi snying gar zla ba la gnas pa'i yi ge a las bskyed pa rdo rje de gnas gyur nas phyag rgya chen por dmigs pa'o/ /yang na yud tsam ni phyag rgya chen po'i phyag rgya dmigs pa tsam mo/ /de ltar lha yid la byed
 la byas pa'i rnal 'byor pas gang gis dug 'phrog par bya zhe na gsungs pa/ rma bya yi ni mdongs kyis su zhes pa la sogs pa ste/ de la rim pa ni 'di lta ste/ rang gi lag pas gzung bI rma bya'i mdongs ye shes mkha' 'gro ma'i phyag gis bsnams
 pa kho na bsgrub bya'i dpral ba la sogs pa nas ji snyed rkang mthil gyi bar yan lag thams cad la dug drangs nas 'og tu yang chu'i dkyil 'khor du gtor ma ye shes mkha' 'gro ma bsam par bya'o zhes ji snyed pa'o/ /de kun yang rig pa bzlas pa kho
 na'i rdo rje slob dpon gyis bya'o zhes pa ste/ bzlas pa'i sngags gsungs pa/ oM h+ri da da ndA ra hUM phaT ces pa ni nor rgyas kyi bu la sogs pa klu'i rgyal po brgyad po 'di dag gi snying po ste/ zlos pa'i dus na ming bcug pa med pa de tsam bzla bar
 bya'o zhes pa'i don to/ /snying po de yang sbyor ba gang gi tshad du bzla zhe na gsungs pa/ rdo rje sems dpa' mngon sbyor ba'i zhes pa la sogs pa ste/ don ni 'di lta ste/ sngon du bsnyen pa'i dus ni rdo rje sems dpa' i sbyor ba byas pas 'bum
 phrag gcig bzlas par byas pa'o/ /yang sngags de kho na ming bcug pa gsal bar byas pas gsungs pa/ a ba su kri h+ri dang md+ha ra swAhA zhes pa la sogs pa ste/ oM h+raM da dand+ha ra hUM hUM hUM phaT che ge mo dug med par gyis shig hUM phaT
 swAhA/ de ltar nor rgyas kyi bu la sogs pa la yang sbyor ro/ /yungs kar dkar po'i me tog dang/ /tsan dan gyis ni bsregs pa yis zhes pa ni/ de la dkar po'i sgra ni so sor re re la mngon du sbyar bar bya'o/ /snying ni g.yos ma
 thag tu ni/ /rnam shes de ni bsdams te gzung/ /gong nas gsungs pas snying gar brdeg ma thag tu mgul ba'i srog gi dbang po ji ltar gsungs pa'i sa bon gyis bsdams nas gzung bar bya'o zhes pa'o/ /dbugs ni
 rgod ma thag tu ni/ /rang gi dbugs kyis brtse bar bya zhes pa ni/ rang gi dbugs kyis bsgrub bya'i dbugs slong bar bya'o zhes pa'o bsam pa ni 'di lta ste/ bsgrub bya'i srog gi dbang po rlung gi sa bon gyis gtse bar bya'o zhes ji snyed pa'o/ /rkang
 lag thams cad g.yos pa dang/ bdag nyid dbyangs ni blang bar bya zhes pa ni/ yi ge hUM gi dbyangs kyis bsgrub bya'i ye shes dbab pa ni bya'o zhes mngon no/ /dus pa klu'i gnas su ni/ 'o ma de ru blug par bya/ zhes pa ni 'o ma la sogs pa nye
 bar spyod pa rnams klu'i gnas sam gtsang po chen po la bor bar bya'o zhes pa'o/ /zos pa yongs su rtags pa la gso dpyad mi bya ba'i rnam pa'i cha gsungs pa/ gdod dang thig le ming dang ni zhes pa la sogs pa'o/ /gzhan gyi don gyis bcing ba'i
 thugs kyis phyag na rdo rje'i sems la bsam pa yongs su rtog nas mkhyen te/ bcom ldan 'das nyid kho nas bshad 'dod pas gsungs pa/ char dbab pa'i cho ga'i mchog/ nyin gcig de nyid rgyal po che zhes pa la sogs pa ste/ chu'i 'gram
 dang nye ba yi/ /yid du 'ong ba'i sa phyogs su zhes pa ni chu dang nye ba kho na la byin brjod pa'i char pa dbab pa'i dkyil 'khor bri bar byed kyi gzhan du ni ma yin no zhes ji snyed pa'o/ /gru bzhi pa la sgo bzhi pa/ /glu brgyad kyis ni klubs
 brgyan te/ zhes pa ni rdul tshon lnga yis nor gyi bu la sogs pa klu brgyad rnam par bkod par bya'o zhes mngon no/ /mgo gnyis kyis ni sgro byas nas/ zhes pa ni klu gnyis 'phags pa kho nas mgo sgrol bkod par bya'o zhes so/ /
 ?? grwa ru dkri bar bya zhes pa ni/ mjug mi gnyis dkris pa yis grwal rnam par dgod par bya'o zhes so klu brgyad kyis ni rab ste zhes pa ni/ rgyal ba bzang po la sogs pa klu brgyad kyi ra ba la sogs pa bya'o/ /phyogs su rigs ni brgyad
 pa yin zhes pa la sogs pas ni de dbus su rnam par bkod pa gsungs te/ de la yang nye bar ston pa ni 'di lta ste/ dkyil 'khor gyi dbus su pad+ma 'dab brgyad pa bris te/ de la shar gyi 'dab ma nor rgyas kyi bu ste mdog dkar po'o/ /byang du 'jog
 po ste ser po'o/ /nub na stobs kyi rgyu dmar po'o/ /lho na padmo nag po/ dbang ldan pad+ma chen po ste mdog dkar ser/ me'i grwa la dung skyong dkar nag bden bral ni rigs skyong dmar nag go/ hu lind+da ka ser dmar ro/ de ltar ra ba la sogs pa la yang rigs kyi rim pas
 mdog gi khyad par shes par bya'o/ /sprin gyi dbang phyug rgyal chen po/ phyogs brgyad nas ni dgug par bya zhes pa ni klu'i phyogs brgyad nas sprin gyi lha chen po rnams dgug par bya'o zhes pa'i don to/ /a ba/ tsar can dang nga ro tsan/ /drag po can
 dang dkrigs pa can/ /sra ba can dang gtum po can/ /char 'bebs can dang rab gang can zhes pa ni sprin gyi rgyal po de rnams go rims bzhin phyi rol gyi dkyil 'khor du shes par bya'o/ /de kho na gsal bar byed 'dod pas gsungs pa/ ji ltar
 sogs bzhag pa ni/ phyogs kyi mdog du shes par bya zhes pa ste/ de kun rdo rje mkha' 'gro ma'i nga rgyal byed pa'i rnal 'byor pas bya'o zhes gsungs pa/ dbus su rdo rje mkha' 'gro ma/ /pad+ma'i stan gyi steng du bzhugs zhes pa la sogs pa ste/ sprul gyis pad+ma
 bskor ba yi/ /sprul gyi gdan du sbyor ba yis zhes pa ni/ sprul gyis dkris pa pad+ma'i gdan la bzhugs pa/ rdo rje mkha' 'gro ma'i bka' yis klu brgyad kyi rgyal po chen po la bka' stsal par byed pa mngon par bya'o zhes ji snyed pa'o/ /de kho na gsal bar byas
 pa ni/ /rnal 'byor ye shes gsal byas la/ /ye shes mkha' 'gro'i bdag nyid do zhes so/ /oM b+hu rta(rgyud 'grel bya'o/ /oM gi li gi li ba ri sha ba ri sha pa ya hUM hUM ho ho ho tha tha tha swA hA/ zhes pa ni sprin gyi rgyal po brgyad kyi sngags so/ /oM badzra ta kri ni barsha hUM b+hu rta swAhA zhes pa ni bzlas pa'i rtsa ba'i sngags so/ /de dag nor rgyas kyi bu la sogs pa'i sngags so/ /de kun yang
 mtshan ma thob pa'i rnal 'byor pa kho nas bya'o zhes gsungs ba'o/ /gzhan yang pho nya'i mtshan ma bstan par bya'o/ /zhes pa la sogs pa la sogs pa ni de la'o/ /mig g.yon ni mig bag tsam yo ba'o/ /ji ltar bdag gi pho nya yi/ /gnyi ga'i rgyu ni brtag par bya/ zhes
 pho nya bzhin du/ bdag kyang yongs su brtag par bya'o zhes pa'i don to/ /de dag ni dpa ldan gdan bzhi pa'i rnam par bshad pa'i le'u gnyis pa'o// //byang chub kyi sems ma skyes na sngags la sogs pa'i dngos grub du mi 'gyur zhes dgongs pa bcoM
 ldan 'das kyi rnal 'byor brtson pa'i bye brag nyid/ gang gis sngags 'tshal bgyi zhing zhes pa la sogs pas byang chub sems kyi le'u gsum pa brtsams so/ /de nga por stong pa bsam byas te zhes pa la sogs pas ni chos tham cad rang bzhin med pa gsung ba'o/ /
 gzugs stong la sogs dang po nas/ /ji snyed bco brgyad yis kyi bar zhes pa ni yid kyi khams dang/ chos kyi khams dang/ yid kyi rnam par shes pa'i khams so de ltar mig la soD pa rnams la yang sbyar bar bya'o/ /gzugs kyi khams nyid sdod pa zhus
 pa ni gzugs ni rang bzhin gyis stong pa nyid zhes pa'i don to/ /de zhin bzhi spra yang zhes pa ni sgra la sogs pa rnams yang shes par bya'o zhes ji snyed pa'o/ /yid ni nam khar thim bsam na zhes pa ni/ yid ni nam kha''dra bar bsgom par bya'o/ zhes bya ba'i don te/
 gsungs pa nam mkha' i dbus bdag med cing/ bdag dbus la yang nam mkha' bgyis/ de gnyis dbyer med shes pa ni/ gang gis mthong bde grol lo/ /khams gsum zhes pa ni 'dod pa dang/ gzugs dang/ gzugs med pa rnams so/ /de yi dbus su mthong ba ni zhes pa ni/ de la
 de'i zhes pa ni stong pa nyid ces pa'o/ /de la yongs su brtag pa'i rtags pa'i rgyu zhes pa ni/ 'dod pa dang mi 'dod pa gsungs pa'i mtshan ma yongs su brtag par bya'o/ /zhes pa'i don to/ /'bar ba yis ni zhi ba dang/ zhes pa la sogs pas ni/ zhi ba la
 gsungs pa'i mtshan ma gsungs so/ /tshag tshig khrigs pas rgyas pa ste zhes pa ni de la tshag tshig zhes pa ni rdul phra rab po/ /phyin sbyor ba 'byung ba ni/ myu gu la sogs pa'i sems shes pa la sogs pas ni/ mtshan ma'i 'bras bu la long spyod pa gsungs so/ /shes
 bya'i 'gro ba brtag par bya zhes pa ni/ bla ma'i man ngag las shes par bya'o/ /rab tu byed pa 'di la de bzhin nyid kho na gsal bar byed 'dod pas gsungs pa/ pha dang ma ni gsad pa dang zhes pa la sogs pa ste/ de la pha ni gti mug ma ni sred pa'o/ /gyal po ni nga rgyal
 lo/ bram ze gtsang sbra can ni rna pa'i dbang po la sogs pa'o/ /yul phyogs ni phung po lnga'o/ /rgyu ba ni rnam par rtog pa'i rnam par shes pa'o/ /bsad pa ni shes rab kyi ral gri kho nas de dag bsad par bya'o zhes ji snyed pa'o/ /de dag ni dpal ldan gdan bzhi pa las bdag gi gdan le'u
 gsum pa'i rnam par bshad pa rdzogs so// //de ltar de bzhin nyid cher dmigs pa'i rnal 'byor pa'i lha'i nga rgyal med par las kyi dngos grub mi 'gyur bas lha'i sbyor ba dang/ rmug pa dang gsod ba la soD pa'i las brjod 'dod pas/ gsungs pa nyon cig ji
 ltar de nyid laM zhes pa la soD pas ni/ le'u bzhi ba brtsams so/ /gnyis dang gnyis min rab spangs pa zhes pa ni gcig dang du ma nyid spangs pa nyid spangs pa nyid do zhes mngo no/ /chu bo'i sgra yis zhes pa ni chaD pa la soT pa'o/ /'khor ba'i rgya mtsho la bying ba rnams drang ba'i thabs gsungs pa/ mtshan
 bya mchon pa'i mtshan nyid can zhes pa ni/ mtshan bya ni gang zag go/ mtshon pa ni thabs so/ /mtshan nyid ni mngon par mtshan zhes pa'i don to/ /rnam shes ye shes kyis bsam bya zhes pa ni de la rnam par shes pa la ye shes
 bzhag nas gsungs pa'i mtshon bya'i ye shes mtshon pas sems la las 'du ba'o/ /de ltar 'phags pa lang kar gshegs pa las gsungs te/ las ni sems kyis 'du bar byed/ ye shes skyi ni rnam par rtog/ rnam shes kyis ni rnam par shes
 zhes pa'o/ /dkyil du bying ba'i lus can rnams/ /grol ba mtshan ma zhes bya'o zhes pa ni/ gong ma'i thabs kyis grol bar bya'o zhes pa'i tha tshig go/ de kho na gsal bar byed 'dod pas gsungs pa/ ye shes kyis ni shes bya brtag/ shes
 bya'i 'gro ba brtag par bya/ /zhes pa la sogs pa'o/ /tshe rab lnga pas rtogs chub pa/ /rnal 'byor pa ni gtong la dga' zhes pa ni/ de la tshe rabs lnga pa rtogs chub pa zhes pa ni/ de bzhin gshegs pa'i lam gsungs so/ /bsam pa ni 'di lta ste/
 rnal 'byor pa stong phrag brgya'i nang na 'ga' zhig kyang 'gro ba 'am mi 'gro zhes pa ji snyed pa'o/ /stong pa nyid bsgom pa yis 'dod chags la sogs pa med par byas pa'i lus kyi 'og nas 'byung ba'i sa bon gdab par bya'o zhes gsungs pa/
 stong pa'i zhing la sogs lus la/ blo dang ldan pas sa bon btab ces pa'o/ /de kho na rgyas par byed 'dod pas gsungs pa/ dper na gdol ba'i khang pa mes bsregs nas zhes pa la sogs pa ste de la lha la sogs pa'i che ru gnas byas la
 zhes pa ni/ che ru zhes pa mang par bya'o/ /don ni 'di lta ste/ ji ltar gdol ba'i khyim bsregs nas mchog lha la sogs pa'i khyim byas pa bzhin du/ de ltar 'dod chags la sogs pas byin gyis brlabs pa'i lus ye shes kyi mes bsregs
 nye/ sems can gyi don rgyur gyur ba'i snying rje zhes byin gyis brlab pa'i lus bskyed par bya ba'i don kho nas chos kyi dbyings kyi sa bon btab par bya'o zhes pa'o/ /dge dang rigs can mkhas pa kun tu gnas zhes pa ni de la dge dang rigs can zhes pa ni snying rje can rnams
 son mkhas pa zhes pa ni rnal 'byor pa'o/ /de la rnal 'byor pas snying rje la sogs pa bskyed par bya'o zhes mngon to/ /dgod bya ye rnams dgod pa zhes pa la soD pas ni sa bon rnam par bkod par bya'o bar gsungs pa/ spyi bor me ni brtag bya ste zhes pa ni spyi gtsug na
 yi ge k+ShuM bkod pa'o/ /sa gnyis dag gis sa bon gyis/ mig tu de yis sbyor bar bya zhes pa ni yi ge hUM mig gnyis la bkod pa'o/ /stong pa rlung gi sa bon gyis/ /sna dang rna bdag la bsam zhes pa ni rna ba dang sna gnyis la yi ge yum bsam par bya'o/ /
 zhes bya'o bdud rtsi chu yi sa bon gyis/ lce yi dbang po dbang phyug gtso zhes pa ni/ lce la yi ge hUM dkod pa'o/ /gang dag zhes pa ni smraM la sogs pa ste/ de dag kho na ni brtsegs pa'i gzugs kyis gzung bar bya'o zhes pa ji snyed pa'o/ /gnas bzhi dag tu sbyar
 bar bya zhes pa ni mgrin pa la smryuM/ dpung pa gnyis la hmryuM thong ka la ymryuM/ lte ba la k+Sh+mryuM ngo/ yan lag brgyad la bkod par bya zhes pa yu ni de lta bu yi rnam pas so/ /sa bon dang ldan lus kyi ni zhes pa ni/ de dag gi sa bon rnam par bkod pa'o/ /bdag nyid yais
 mkha' gro ma zhes pa ni yes kyi mkha 'gro ma'i yu rang bzhin bdag nyid/ bsgom/ par bya'o/ A li kA li rab sbyor pa zhes pa ni/ de la a li ni yi ge a la sogs pa'o/ /kA li ni yi ge ka la sogs pa'o/ /smin mar thigs pa gnas dag tu zhes pa ni/ de la thig
 le'i gnas ni yi ge hUM ste/ smin ma'i bar du bsgom mo zhes pa'i don to/ /sangs rgyas lnga yis mngon par brgyan zhes pa ni de kho na'o/ /de kho na'i ngo bo bshad 'dod pas gsungs pa/ me dang rlung gyi bdun don la zhes pa ni/ de la me ni yi ge ra'o/ /rlung ni yi ge
 ya'o/ /de gnyis gcig tu gyur pa ni me dang rlung zhes so/ /de las bdun pa'i don ni yi ge ha'o/ /rdo rje sa bon ni zhabs skyed u ste/ 'gug pa phyin phyogs rdo rje'i phyag ces pa'i lung gi phyir ro/ /thig dang 'dren las yang dag ldan zhes pa
 ni/ zla tshes kyi tshul gyi dkyil na thig le'i ri mos yang dag bzhon pa zhes steng na bkod pa'o/ /bdud rtsi'i char rgyun bshad pa yin zhes pa ni bdud rtsi 'dzag pa'i rang bzhin nyid kyi phyir ro/ /las brgyad la sogs sngon du ni zhes pa ni de la las brgyad ni
 zhi ba dang/ rgyas pa dang/ dbang dang/ mngon spyod dang/ dgang ba dang/ rmugs pa dang bskul ba dang/ dbab pa la sogs gzung bar bya'o/ /sogs pa'i sgra yis kyang ral gri dang/ sa 'og dang/ ro langs dang/ mi snang bar bya ba'i mig sman dang/ gi waM bsgrub pa'i
 don dang/ skar ma dang/ brtsag dang snam bu dang/ gzhan yang ba'i 'dod pa rnams so/ /sngon du bsnyen pa la sogs bya zhes pa ni sngon du bsnyen pa zhes pa ni bzlas pa dang bsgom pa'o/ /'dir yang sogs pa'i sgra ni brtul zhugs pa dang dam bcas pa dang
 zas spags pa la sogs pa rnams so/ /nyon cig rdo rje de kho na zhes pa la sogs pas ni sdigs spas phyung ba gsungs so/ /dang po rdo rje ngag dang ni zhes pa ni/ de la rdo rje ngag ni badzra'i sgra'o/ /dang po'i sgra ni gang ma'i tshig go /sde tshan gong ma'i yi ge
 dang zhes pa ni yi ge ka'o/ /ji ltar sde tshan bzhi pa'i zhes pa ni/ ka'i sde tshan dang por gzung nas sde tshan bzhi pa ni ta'i sde tshan no/ /dang po'i yi ge zhes pa ni/ yi ge ta gzung bar bya'o zhes so/ /gnyis 'gyur ra yig steng du dang zhes pa ni de la gnyis
 'gyur ni yi ge ta de kho na gnyis brtsegs pa'o/ /ra yig steng du dang zhes pa ni yi ge te de kho na'i mgo na yi ge ra byin pa'o/ /i zhes pa dang ra yig sbyar zhes pa ni gu gu dang ldan pa'i phyir ro/ /ji ltar sde tshan gnyis pa yi/ /yi ge gnyis bzung
 thigs pa la/ zhes pa ni steng na thig le can yi ge tsha'o/ /lcags kyu yis ni brtse byas te zhes pa ni/ tsha kho na la gu gu i sbyin par bya'o zhes pa'i don to/ /bzhi pa'i yi ge gsum pa'i zhes pa ni yi ge da'o/ /gnyis ka gnyis bun bsgyur bar bya zhes
 pa ni/ tshin dang de gnyis lan gnyis brjod par bya'o/ /lnga pa dag ni sbyin pa dang zhes pa ni/ lnga pa can yi ge hUM gis sbyor bar ldan par bya'o zhes ji snyed pa'o/ /gong du phyag 'tshal yi ge dang zhes pa ni/ sa dang por yi ge oM bkod par bya'o zhes mngon
 to/ yi ge drag po tha mar bzhag ces pa ni mjug du yi ge phaT bkod par bya'o bkod pa'o/ /de ltar sbyor ba ni/ oM badzra karta ri ts+tshinda ts+tsh+nda hUM phaT zhes pa'o/ /lag pa gnyis ga bsdam bya zhing zhes pa ni/ rdo rje bcing ba bcings nas/ de nyid kha la sbyar
 byas te zhes pa ni kha'i drung kho nar bzhag par bya'o zhes pa'o/ /khro bo dbu ma rkyang pa'o zhes pa ni mdzub me dang gung mo brkyang ba'o/ /gnyis ka reg cing reg par bya zhes pa ni/ chan pa'i tshul du lan du ma ru gcod par bya'o zhes pa'o/ /de
 nas char gcod bshad par bya zhes pa la sogs pa ni char pa la sogs pa gcod pa gsungs so/ /de la yang sngags sbas phyung ba ste/ ji ltar sde tshan tha ma yi/ /yi ge gsum pa gzung bya ste/ /zhes pa ni yi ge pa'o/ /de ltar sde tshan gsum
 pa yi/ /de bzhin yi ge gsum pa la/ zhes pa ni yi ge Da'o/ /gong gi sa bon gsum gyi cha/ /yi ge e dang ldan par bya zhes pa ni/ gong ma'i yi ge ba la e dang ldan pa'i 'greng bu bya'o/ /gang zhig lnga pa'i dang po la/ /lcags kyu yis
 ni brtse byas te/ zhes pa ni/ yi ge i gu gu dang ldan pa'i yi ge ba'o/ /gsum pa'i chu yi sa bon dang/ tsheg drag pa yi bar dag tu zhes pa ni/ yi ge ba la gro thig le bzhag pa'o/ /rdo rje sa bon tha ma yi zhes pa ni rdo rje mkha' 'gro ma'i sa bon
 yi ge sa ste/ de'i mdza' ma yi ge ha la shes par bya'o/ /ra yag lcags kyu zhags pa dang zhes pa ni/ yi ge ha de'i 'og na yi ge ra btags/ mgo na i gu gus glo na phyin phyogs su 'dren pa'o/ /'joms pa'i yi ge
 mthar bzhag ste zhes pa ni/ 'jug tu yi ge phaT dgong par bya'o/ /phyag 'tshal gong du bzhag bya ste zhes pa ni gong du yi ge oM bkod par bya'o zhes pa'o/ /de dag sbyor ba ni/ oM ba Da pe bi(rgyud 'grel lta ste/ 'phags pa rta mchog gi nga rgyal rnal 'byor pas brtsam par bya'o/ /rgyud gzhan gyi bi bA bi bA zhes lan gnyis shes par bya'o/ /lag gnyis thal mo sbyar byas te zhes pa ni/ lag pa gnyis rdo rje thal mo byas pa'o/ /srin lag gzhan dang
 gzhan du bya/ /khro bo yis ni kun mnon te zhes pa'o/ /srin lag gnyis kyis zhes pa ni/ /srin lag la gnyis kyis gung ma gnyis cho rol tu dkri bar bya'o zhes pa'o/ /de nyid du ni mthe bo sbyor/ /rta rgod ma yi phyag rgya'o/ /zhes pa ni gung mo
 gnyis dang mthe bo gnyis ka sbyar ba byas pa yis/ /rta rgod ma'i kha'i phyag rgya yin no/ /'bar ba'i phreng ba mnyam pa'i 'od/ /phyogs bcu'i gnas su 'bar byed pa/ /sprin lha sogs pa bsreg par 'gyur/ zhes pa ni 'od zer phreng ba lang long
 gi 'od kyis dpal rta mchog gi nga rgyal gyis phyogs bcu na gnas pa'i sprin gyi lha rnams zos pa mthong bar bya'o zhes pa'o/ /rdo rje slob dpon dge ba'i go chas mdzad pa dpal ldan gdan bzhi pa rnam par bshad pa las/ bdag gis gdan
 rdzogs so// //da ni gzugs brnyan rnams bskyen pa dang/ zhi ba la sogs pa'i sbyin sreg dang/ gtor ma'i ngo bo nyid dang/ slob ma yongs su gzung ba ji ltar yin/ shes 'dod pas phyag na rdo rjes zhus pa/ gzugs dang ni ci
 'dra dang zhes pa la sogs pas/ gzhan gyis gdan brtsams pa la cher gnas so/ /hoM khung gi rim par phye ba la/ khru gang tsam las brtsams nas su/ /ci snyed khru stong bar du'o zhes pa'o/ /las kyi rim pa yis sor brgyad nas brtsams nas/
 ji snyed sor nyi shu'i bar du 'phel bar bya'o/ /'di la mu khyud zhes pa ni hoM khung gi spyi la zhes pa'o/ /tshad gyi cha ni gsum las ni/ /cha gnyis su ni brko bar bya zhes pa ni/ ji ltar gsungs pa'i hoM khung gi tshad gsum du bya ste/ cha gnyis su 'og brko
 bar bya'o/ /brkos pa las kyang brgyad kyi cha/ /khung gi kha ran du yang bya zhes pa ni hoM khung brko ba'i tshad cha brgyad du byas te/ cha gcig gi tshad ni hoM khung gi kha ran bya'o zhes pa'o/ /kha ran las kyang phyed kyi char/ /phyi rol tu yang mu khyud bya zhes pa
 ni kha ran gyi phyed kyi cha yis phyi rol du mu khyud brko bar bya'o zhes pa'o/ /mu khyud brgyad du ldan byas pa'i/ /pad+ma 'dab ma brgyad pa ste/ zhes pa ni mu khyud 'khor ba'i tshad cha brgyad du bskyed pa pad+ma'i 'dab ma'i tshad bya ba'o/ /pad+ma dag gi phyi rol tu/
 sor gcig pa yi ra ba bya zhes pa ni/ pad+ma'i phyi rol na ra ba sor gcig byas pa'o/ /khung gi dbus su rdo rje ni/ /pad+ma'i nang du bzhag par bya zhes pa ni/ hoM khung gi dbus su ji ltar mdzes pa dang/ pad+ma'i steng na rdo rje bkod par bya'o zhes pa'o/ /mu khyung
 gsum ni mngon spyod de/ zhes pa mngon par spyod pa'i las la hoM khung zur gsum mo/ /zhi ba la ni gru bzhi pa zhes pa ni/ zhi ba'i las la hoM khung zur bzhi byas pa'o/ /yongs su gang ba dbang du ldan/ /rgyas pa la yang de bzhin no/ /zhes pa ni dbang dang
 rgyas pa la hoM khung zlum po zla gam dag ni bskrad pa dang zhes pa ni/ bskrad pa la sogs pa'i las la hoM khung gzhu'i tshul lo/ /zur brgyad 'gug dang rmongs pa'i las la hoM khung zur brgyad pa yin no/ /go rims rim par sbyar bar bya/ /zhi brgyas pa
 dbang la sogs pa zhes pa ni/ ji ltar gsungs pa de kho na zhi la sogs pa rnams bya ste/ gzhan du ni ma yin no/ zhes pa'o sangs rgyas lnga yi rtag dag gi/ ji ltar phyogs dang phyogs su dgong zhes pa ni/ g.yon du 'khor nas rdo
 rje sems ma la sogs pa phyogs la dgod par bya ste/ shar gyi phyogs na sems ma rdo rje ma'o/ /byang na rin chen rdo rje ma'o/ /nub na chos kyi rdo rje ma'o/ /lho na las kyi rdo rje ma'o/ /phyag mtshan de dag khar na la bzhag par bya'i gzhan du ma yin no
 zhes gsungs pa gnas rnam bzhi yi kha ran du/ sangs rgyas rtags kyis mngon par brgyan zhes pa'o/ /zla gam rdo rje rab mdzes rnams/ /grwa dang grwa ru bzhag par bya zhes pa ni/ ji ltar mdzes par zla ba rdo rjes grwa dang grwa la bzhag bar bya'o/ /ci riD
 stan gyi gnas su ni/ /mthe bo bcu gnyis tshad dag gis/ /skyes bu phyed du ldan pa dang/ /ti si gang ri brtsegs te dge zhes pa ni/ rang gi stan gyi mdun du mu khyud gyi bar na/ ti si gangs ri bzhag par bya ste skyes bu byed du zhes pa ni/ skyes bu'i
 khru gang gi tshad de'i phyed mtho gang ste/ yang mthe bong bcu gnyis kyi tshad dang lhan cig tu bsregs ma thag tu sor nyi shu rtsa bzhir bsgyur te/ de'i tshad kyis ti se gangs ri'i tshad yin no zhes ji snyed pa'o/ 'dab ma brgyad la sogs pa'i gnas/
 rims bzhin lha ni bzhugs su gsol zhes pa ni/ 'dab brgyad ji ltar go rims kyis rdo rje mkha' 'gro ma la sogs pa bzhag par bya'o/ /tshad kyi tshad ma ni gdon mi za bar bya'o zhes gsungs pa/ rnal 'byor pa yis de ched khyad par du yang sbyar
 bar bya zhes pa'o/ /de dag ni dpal ldan gdan bzhi pa 'jigs pa las gdan las rnam par bshad pa'i le'u dang po'o// //chu'i sbyin sogs ji ltar lags/ /chu'i sbyin sogs de la yang/ /zhes pa la sogs gsungs so
 pas ni/ chu'i sbyin sregs la sogs pa nyan 'dod pa phyag na rdo rjes gzhan gyi gdan le'u gnyis pa yongs su zhus so/ /chu'i sbyin srgces pa ni/ chu'i sbyin sreg pas na chu'i sri sreg go/ 'di la sogs pa'i sgra ni/ gtor ma dang/ nye bar mchod rdzas la sogs
 pa rnams gzung bar bya'o/ /mtshan nyid ji ltar mtshon par bgyi zhes pa ni chu'i sbyin sreg gi ngo bo ji ltar yin zhes pa'i don to/ /dbus su chu'i snod la sogs zhes pa ni 'og nas gsungs pa'i bum pa brgyad la gzhan/ pad+ma'i tshul du gser la sogs pa
 las byas pa'i chu'i snod ces pa'o/ /dkar po rdzas kyis bsku bar bya zhes pa ni dkar po dri zhim po la sogs pas bsku bar bya'o/ /de nas phyi rol gnas pa ni/ chu'i las la sogs zhes pa ni/ yud tsam gyis rdo rje mkha' 'gro ma'i bdag nyid bsgoms te/
 phyin bdag gi dbugs kyis gong nas gsungs pa'i bkod pa'i rim pas phyung nas phyi rol gyi gnas la chu'i dbus su ye shes mkha' 'gro ma las kyi rim pas sku mdog dang phyag mtshan la sogs pa dang ldan par bskyed nas zhi ba la sogs pa'i sbyin
 sreg bya'o/ /so sor rtags ni brtan pa ni/ rang gi gzugs kyis kha dog ldan/ dam tshig kun gyi phyag rgya ni/ /sngags dang phyag rgya la sogs bstan zhes pa ni/ ye shes mkha' 'gro ma'i dam tshig gi phyag rgya bzhin du rdo rje mkha' 'gro ma la sogs pa rnams
 la ston par bya'o zhes so/ /sngags pas rtag tu chu gtor na/ /byad par dag ni rgyas par 'gyur zhes pa ni/ mdun na bsgom pa'i rdo rje mkha' 'gro ma la sogs pa rnams kyi dbu rgyan gyi rdo rje rtse mor nyin re bzhin du chu gtor nas phul pas rgyas pa chen pa'i
 skye ba'o zhes pa'o/ /de dag ni dpal ldan gang na bzhi pa'i rnam par bshad pas las gzhan gyi gdan gyi le'u gnyis pa'o// //'di ltar bsgom pa'i rnal 'byor pa'i dkyil 'khor bri ba med par mchag gi dngos grub mi 'gyur pas 'kher
 pa las mtshan nyid dag /nyon cig rgyal po rdo rje che/ /zhes pa la sogs pas dkyil 'khor gyi le'u brtsams mo/ /phung po lnga la sogs pa rnams rang bzhin med pa ni stong pa nyid kyi le'u bshad zin pas na 'dir ma bkrol lo/ /ji ltar
 mnyam par blta ba dang zhes pa la sogs pa ni go sla'o/ /gnyis med ye shes mtshan nyid dag /nyon cig rdo rje de kho na/ zhes pa la sogs pa'i dngos po rnam par dag pa gsungs so/ /bla med nyid du bya ba'i phyir/ /thal sbyar 'di gsum brjod par bya/ zhes pa ni byang
 chub sems bskyed nas bla na med pa'i sangs rgyas kyi mchod pa bya'o zhes pa'i don to/ /hUM zhes bya ba la sbyor ba/ phyag 'tshal 'dzems pa mthar bzhag ste zhes pa ni/ de la hUM zhes bya ba rab sbyor ba zhes pa ni/ phyag 'tshal dang 'joms pa gnyis kyi bar du yi ge
 hUM sbyor bar bya'o zhes pa ji snyed pa'o/ /de ltar zin ma thag tu/ oM hUM phaT ces pa'i sngags su 'gyur ro/ /sngags des rang gi lag pa rdo rjer bsams nas de bzhin gshegs pa lnga'i gnas su brtag par byas nas sa sbyang bar 'gyur ro zhes pa'o/ /de nas shin tu dri zhim
 pa'i dris gru bzhi'i dkyil 'khor byas te/ rdul tshon lnga yis pad+ma 'dab ma brgyad bris te/ de'i dbus su dngos grub thams cad kyi bum pa dang/ shar gyi 'dab ma la tshon sna lnga'i thig le dang/ lho'i 'dab ma la rdo rje dang/ byang gi 'dab ma la dril bu/ nub kyi
 'dab? ma la bdud rtsis gang ba'i dung chen po la sogs pa'i snod rnams kyi dkyil 'khor bris te/ skud pa dam pos de'i glor kun yongs su dkris nas bzhag par bya'o/ /de'i 'og tu rdo rje slob dpon gyis ye shes mkha' 'gro ma'i nga rgyal gyis me tog dang
 dri dang/ spos me dang/ me tog gi phreng ba dang/ lha bshos dang/ gtor ma dang/ nye bar spyod pa la sogs pas mchod pa rnams bya'o/ /de'i 'og tu yang lag pa gnyis kyi rdo rje khu tshur bcings te/ sna'i rtse la phyin ci log nas bzhag ste/ phyogs su brkyang nas bgeT
 rnams sngags 'dis gzhom par bya'o/ /re zhig gang dang gang zhig khyed cag bdag rnams lha dang/ klu dang/ gnod sbyin dang/ dri za dang/ 'byung po dang/ 'byung mo dang/ mkha' 'gro ma la sogs pa rnams sems can gyi don du 'dir dkyil 'khor rtsom gyis myur ba
 kho nar song zhig/ hUM phaT phaT swAhA zhes pa ni bgegs bskrad pa'i sngags dang phyag rgya'o/ /de nas sgeg mo'i sngags dang phyag rgya bcings nas/ oM pra sA dA ku ru padme ti sund+ha rI da ya tsi ta taM hUM dzuM dzuM dzuM swAhA/ de ni sa'i lha mo la gsol ba gdab pa'i sngags
 dang phyag rgya'o/ /de'i 'og tu rdo rje de bzhin nyid kyis gzung/ /dril bu chos kyi dkrol bar bya'o/ /de nas pad+ma'i dbus na gnas pa'i bum pa ye shes mkha' 'gro ma sku mdog dkar ba/ rdo rje dang dril bu bsnams pa dmigs te 'og tu mchod par bya'o/ /
 rdo rje bcing ba bcings nas su mdzub mo gnyis brkyang ste bkug nas rtse dang rtse mor sbyar te snying gar bzhag par bya'o/ /oM A(rgyud 'grel de nas sangs rgyas lnga'i bdag nyid kyi sa bon/ oM hUM h+rI swAhA/ zhes tshon lnga la mngon par bsngags btab par bya'o/ /seng ge ma'i sa bon oM smraM swAhA zhes pas rdul tshon lnga la bzla bar bya'o/ /de nas 'byung bo'i gtor ma byin nas gzung ba'i don du ji snyed
 pa'i nye bar sbyang pa lngas mchod par bya ste/ dpung pa la sogs pa g.yas kyi mtshams la bzhag par bya'o/ /dkyil 'khor bri ba'i las la yu sogs pa bcol ba rnams dge ba bcu'i las kyi lam la sbyor te/ yang dri zhim po'i chus bskus te thig
 gdab par bya'o/ /de dag ni sa bsrung ba'i cho ga'o/ /de nas thig gdab par bya ba ni/ de ltar nye bar sbyor ba'i skud pa rgyud lnga byas te chon ngas btso bar bya'o/ /de'i 'og tu dkyil 'khor gyi sa'i dbus su phyogs mtshams brgyad la thig le byas nas
 ye shes mkha' 'gro ma'i nga rgyal bskyed de/ thal mo'i phyag gnyis kyis tshon lnga'i thig rnams gzung nas mkha' 'gro ma yi lnga'i sa bon gyis sngags gdab par bya'o/ /sngags ni oM a a a oM AM(rgyud 'grel gcig la gzung ste/ slob ma sna phar sna gzung nas thig gdab par bya'o/ /de la rim pa 'di lta ste/ bden bral gyi mtshams na slob dpon bzhugs la slob ma dbang ldan gyi mtshams na gnas par bya'o/ /yang slob dpon g.yas su bskor nas 'ong ba rlung gi
 mtshams na bzhugs na/ de kho na bzhin slob mas me'i mtshams su'o/ /slob dpon nub phyogs su gnas na slob ma shar phyogs su'o/ /de nas slob dpon lho phyogs su gnas na slob ma yang de kho na bzhin du byang phyogs su'o/ /phyi ma phyogs kyi thig gdab par
 bya'o/ de nas dkyil 'khor gru bzhi pa cha lnga bya ste// //dbus kyi re'u mig nas re'u mig gsum gyi phyed cha yis bkri bar bya'o/ /dkyil 'khor snying po re'u mig dgu ba la rdo rje ka bas brgyan par bya'o/ /grwa dang grwa
 thams cad la rdo rje rgya gram kho nas brgyan par bya'o/ /'khor rnams kyi cha yis sgo rnams te grwa bzhi'o/ /de'i phyed kyi cha de kho nas brang ngo/ /brang gi phyed kyis mu khyud do/ /mu khyud kyi phyed kyis tshon lnga'i sa'o/ /nang gi shar dang/ byang dang/ nub dang/ lho'i re'u
 mig la dkar po dang/ ser po dang/ dmar po dang/ ljang gu rnams rdul tshon gdab par bya'o/ /dbus su ni sngon po rdo rje phreng ba'i phyi rol tu phyi'i rnal 'byor ma'i gdan la dmar po chen bo'i mdog go /lha mo puk+ka sa la sogs pa'i phyi rol tu ra ba lngas bskor bar
 bya'o/ /de'i phyi rol gyi tshon nag po'i gnas nam mkha' sngon po bzhin no/ /lha'i snam bu la ni gser btso ma'i mdog gdab par bya'o/ /phyi rol na twa ra na bzhi dang bcas pa'o/ /de ltar gsungs pa gru bzhi dang ni sgo bzhi dang/ twa ra na bzhis brgyan pa ste/ dril bu
 dra 'phyad 'bar ba phreng/ /dra ba dra phyed la sogs dkris/ /grwa yi cha ni thams cad dang/ /sgro yi khyams dang mtshams dag la/ /rdo rje rin chen bkod pa ni/ /phyi yi dkyil 'khor brtag pa yin zhes so/ /sgo bzhi glo ru bum pa'i steng na/ shar dang byang dang/ nub
 dang/ lho ru/ rdul tshon gyis seng ge dang/ rma bya dang dang pa dang/ chu srin gyis mtshon pa'i rgyal mtshan bkod pa'o/ /de kho na'i rtsan bum pa brgyad bzhag pa'o/ /grwa bzhi la yang bum pa bzhi dgod par bya'o/ /de 'dra'i dkyil 'khor khru gang nas brtsams
 nas ji snyed du stong gi bar du bri bar bya'o/ /dkyil 'khor la yang hoM khung bzhin du tshad dam bcas pa gdon mi za bar bya'o/ /de nas 'phen pa'i cho ga gsungs te/ rdo rje mkha' 'gro ma'i nga rgyal gyis hUM sgra dang ldan par byas te/ rdo rje dang dril bur
 bcas pas bgegs rnams bskrad bar bya'o/ /bskor ba'i thabs dang/ 'phen pa'i thabs bya ba dang/ mnyam pa'i thabs dang/ dbye ba'i thabs dang/ rkang gcig pa dang/ g.yon gcod pa rnams kyis shar gyi sgor gnas te/ rdo rje mkha' 'gro ma bdag
 ces brjod nas sngags 'dis bgegs rnams gzhom par bya'o/ /oM hUM ha na mA ra ya duSh+TaM g+hA ta ya g+hA ta ya a a h+rI(rgyud 'grel bzhag ste/ g.yas brkyang ba dang/ g.yon brkyang ba dang/ sa ga dang/ zlum pa'i stabs kyis gnas nas bgegs rnams sngags 'dis gzhom par bya'o/ /oM hUM(rgyud 'grel ba g.yon gyi rkang ba bzhag nas 'khor ba'i seng ge'i stabs kyi gnas pas bgegs rnams sngags 'dis gzhom par bya'o/ /oM hUM a phaT ces so/ /de'i 'og tu lho ru gdol pa mo'i nga rgyal gyis rdo rje bcings pa spyi bor bzhag sto pus mo'i stabs
 dang/ cog bu'i stabs dang/ bskor ba'i thabs dang/ bzlog ba'i thabs kyis gnas nas sngags 'dis bgegs gzhom par bya'o/ /oM hUM(rgyud 'grel dpa' i phyag rgya chen po bcings nas/ g.yas brkyang ba dang/ 'dug pa dang/ 'dus pa dang/ gnas pas rnam pa du mar yi ge hUM brjod par bya'o/ /de nas sa sbyang ba'i sngags dang phyag rgya kho nas phur bu gdab par bya'o/ /spyi bor rdo rje thal mo phye nas rdo rje dra ba'i sngags 'di gdab
 par bya'o/ /oM hUM phaT ces so/ /rdo rje bcings pa bcings nas mthe'u chung dang mthe bong bsgreng ste/ phyogs su bskor nas sngags 'dis ra ba smin par bya'o/ /oM dza ba ni hUM phaT ces so/ /sngon gyi bum pa ji ltar brgyan bzhag ste/ g.yon gyi lag pa mthe'u gis mthe bo mnan par reg ste/
 bum pa la brgyad sngags 'dis bzla bar bya'o/ /oM tapte tapte mahA tapte swAhA zhes so/ /rol mcho'i chus dgang ba'i sngags dang phyag rgya'o/ /phyag rgya de kho na dang sngags 'og nas 'byung ba kho nas bdud rtsi lngar bcug ste/ lan cig ji ltar gsungs pa bzhin du sngags 'di bzla bar
 bya'o/ oM suM k+ShuM hUM phaT swAhA zhes so/ /de dag ni bum pa sa bon la gnas pa'i sngags so/ /de nas ji ltar gsungs pa'i gos dang rgyan gyis brgyan te/ byams pa la sogs pa dang ldan nas go cha kho nas bskor bar byas so/ /lag pa gnyis ni rab bye ste/ /mthe bo gnyis kyang bkris
 byas nas/ ngang ba'i gshog pa'i tshul byas te/ /phyir bzlog nas ni snying khar gzhag /phyag rgya de bcings nas sngags 'dis go bskon par bya'o/ /oM hUM ho(rgyud 'grel me tog dang/ spos dang/ mar me dang dri dang/ me tog phreng ba dang/ nye bar sbyong ba lngas mchod nas sku gsum gyi bdag nyid sngags 'dis bya'o/ /oM badzra kA ya ho oM badzra bka a(rgyud 'grel shud+d+ho haM/ yo ga shud+d+ha(rgyud 'grel gi snying ga'i dkyil 'khor la bkug nas bcud de bcings nas dbang du byas nas bsgrub par bya'o/ /de la sngags ni 'di lta ste/ oM badzra aM ku shadza(rgyud 'grel par mdung pa mdzub gnyis ni/ gdu bu rgyab sbyor gzir bar bya zhes gsungs so/ /dgug pa'i sngags dang phyag rgya'o/ /de dag ni nye bar bstan pa'i sbyor ba dang po'o/ /de dag ma lus par bskyed nas/ lha'i nga rgyal can rnal 'byor pas ri rab kyi rtse mon rnam par bsgom mo
 zhes gsungs pa/ phyag rgya kun gyi thog ma ru/ dam tshig phyag rgya bcing bar bya/ zhes pa la sogs pa ste/ rdo rje khu tshur gnyis bcings te/ g.yon pa snying gar bzhag nas su/ /g.yas pa'i khu tshur g.yon gyi mchan khud du bcug pa de ni dam tshig gi phyag rgya'o/ /
 ji ltar sa bon rdo rje dngos zhes pa ni yi ge hUM ngo/ /phyag 'tshal bsregs pa mthar bzhag pa'i zhes pa ni go sla'o/ /oM hUM swAhA zhes pa ni dam tshig gi sngags dang phyag rgya'o/ /nang gi dkyil 'khor re'u mig lnga la seng ge'i gdan yongs su brtag par bya'o zhes
 gsungs pa/ seng ge'i gdan ni lnga dag gis/ /gdan lnga ru ni sbyor bar bya zhes so/ /gdug? dkar po yis brgyan pa yis/ /nyi mi'i dkyil 'khor bsam par bya zhes pa ni/ de lta bu la sogs pas mngon par brgyan par bya'o zhes ji snyed pa'o/ /bdag gis dbugs las
 byung nas ni/ dbus su ye shes mkha' 'gro ma zhes pa ni/ rang gi sa bon las bskyed pa sna nas phyung ste/ gdan la ye shes mkha' 'gro ma bzhag par bya'o zhes pa'i don to/ /zhal gsum phyag ni drug pa la zhes pa'i don ni gsal lo/ /da ltar kun tu yang shes par bya'o
 bdag gi chu las byung ba zhes pa ni chu'i rtsa las shes pa'o/ /bdag gi rlung las byung ba zhes pa ni rlung gi rtsa las shes pa'o/ /rang gi sa las byung bya ba zhes pa ni/ sa'i rtsa las shes pa'o/ /de'i phyi rol bzhi pa ni zhes pa ni phyi rol gyi mkha' 'gro ma la
 sogs pa bzhi yang nang bzhin sgo bzhi la bzhag par bya'o zhes pa'i don to/ /de dag gzugs sogs mdun na ni/ /dam tshig kyang ni bstan par bya zhes pa ni/ ye shes mkha' 'gro ma la sogs pa'i mdun du dam tshig bstan par bya'o/ zhes pa ste/ ye shes mkha' 'gro ma'i mdun du
 de'i dam tshig bstan par bya'o zhes pa'o/ /oM hUM swAhA zhes so/ /sa bon de nyid la ldan pa zhes pa ni/ dang po kun la yang gong nas gsungs pa kho nas gzung bar bya'o/ /dbyug pa glo ru gzhag nas su zhes pa ni gug kyed gsum pa'o/ /des sbyor ba ni 'di lta ste/ oM a swAhA/ oM
 A swAhA/ oM a swAhA/ oM AM swAhA zhes so/ /grwa yi lha mo bzhi yi ni/ oM ri swAhA/ oM rI swAhA/ oM li swAhA/ oM lI swAhA/ zhes so/ nang gi sgo srungs ma lha mo rnams kyis ni/ oM phuM swAhA/ oM pheM swAhA/ oM proM swAhA/ oM phriM swAhA/ zhes so/ bdud rtsi thig ler yi ge zhes pa ni yi ge sruM do
 dgu tha ma'i sa bon gzung nas ni zhes pa ni/ yi ge ya dang po gzung nas dgu tha ma ni yi ge k+Sha'o/ /dang po'i tshan las gsum pa dang/ nga ro'i thigs pa sbyar ba yi zhes pa ni/ yi ge guM ngo/ gnyis min gtor ma gang ba yis/ /de de nyid kyis mchod par bya zhes pa ni/ 'og nas 'byung
 ba gsungs te/ bdud rtsi lnga dang/ lcags kyu lnga dang/ bza' btung la sogs pa dang/ ldan pa 'byung ba'i gtor ma sbyin par bya'o/ /padmo bskor bas bskor bya zhing/ /g.yas su pad+ma bsam par bya/ /g.yon pa rdo rje bsgreng nas ni/ /phyag rgya chen po bstan par bya zhes pa ni/ lag pa g.yas
 pa la pad+ma'i band+ha bsams te/ g.yon pas rdo rje bsgoms nas lan gsum gyi phyag rgya bcings ste/ oM ha ho h+rI(rgyud 'grel btags pa yin/ zhes gsungs te/ don de ltar 'gyur bar gsungs te/ shin tu rnam par bzlas pa'i mchod pa rnams 'os pa nyid kyi phyir na/ 'jig rten las 'das ba'i lha mo dgod par bya ste/ de'i de ma thag tu kho na yang 'jig rten la sogs pa'i lha mo rnams phyi'i dkyil 'khor
 la bkod bar bya'o zhes pa'o/ /de la bkod pa'i rim pa ni 'di lta ste/ nang gi dkyil 'khor gyi rdo rje phreng ba'i phyi rol shar phyogs su puk+ka si dang/ khro gnyer ma dang/ gtum mo rnams bdud rtsi'i chu'i snong phyag gis 'dzin pa dmar po dang/ ser po dang/ nag po'i sku mdog du dgod
 do/ byang na drag mo dang/ khrag 'thung ma dang/ sha za ma rnam pa gsum lcags kyu lnga la sogs pas gang ba'i snod phyag gis 'dzin pa ser po dang/ dkar po dang/ dmar po'i sku mdog go/ nub tu khro mo dang/ 'bar ma dang/ 'jigs byed ma ma rnams gtor ma'i snong phyag gis
 'dzin pa dmar po dang/ ser po dang nag po'i mdog go/ lhor thong phreng ma dang rdo rje ma dang/ bum pa rnams bza' ba dang/ btung ba la sogs pa'i snong 'dzin ba/ nag po dang dmar po dang/ dkar po'i sku mdog go/ dbang ldan na sgeg mo dang dri chab ma ste dkar po dang/ ser
 po'i mdog go/ me'i mtshams na pi wang ma 'khruT shing 'bar ba/ skra sil bur btang ba/ sbrul gyi rgyan gyis brgyan ba sna tshogs kyi na bza' dang/ rgyan gyis klubs ba/ dbang po'i skyil mo krung gi gnas pa'o/ /de'i phyir du 'khor ba'i sa la phyin 'byung po'i gtor ma'i sngags kyi rim
 pas phyogs brgyad la yongs su brtags pa'i dur khrod brgyad la nag po drag po la sogs pa'i dur khrod kyi bdag po rnams dgod par bya'o/ /de la rim pa ni 'di lta ste/ shar du nag po drag po'o/ /byang du drag chen po'o/ /nub tu lha byin no/ /lhor nag po'o/ /
 dbang ldan na gtsigs byed do/ /me'i mtshams na 'jigs byed do/ /bden bral na dga' ba las 'das so/ /rlung gi mtshams na bgegs kyi rgyal po'o/ /de dag thams cad kyang mig gsum pa lag pa bzhi pa/ ji ltar gsungs pa'i lag cha dang/ gos dang rgyan gyis
 brgyan ba nag po dang/ ser po dang dkar po dang dmar po'i gzugs kyi mdog go/ dbang ldan la sogs pa'i grwa bzhi la gnas ba ni/ dkar ser dang/ dkar nag dang/ dmar nag dang/ ser dmar gyi gzugs kyi mdog go/ de dag gi 'khor gsungs ba/ rgan byad
 ma dang drag mo dang/ 'jigs byed ma dang/ u mas bstong ces pa ste/ nag po drag po'i mdun du rgan byang ma dang/ g.yon du drag mo dang/ rgyab tu 'jig byed ma dang/ g.yas su u ma'o/ /bstod ces pa ni/ lha mo de dag mkha' 'gro ma la sogs pa'i mdog ste/ nye bar sbyad pa lnga la sogs
 bas lag pa brel ba/ nye bar sbyad pa lnga yis yang dag par mchod pa'o// //de bzhin du byang du yang rgyal mo rnam par rgyal mo dang/ thub med gzhan gyis mi thub ma zhes pa ste/ drag chen po'i 'khor rnams mar me la sogs
 pa'i sku mdog dang mthun no/ /de bzhin du nub tu yang nag mo bzang mo nag chen mo/ /nag drag mo dang rnal 'byor ma zhes pa ste lha byin gyi byan mo bzhi pa ni 'jig byed ma la sogs pa'i mdog go/ de bzhin du lho na yang dbang byed ma dang zla ba mo/ drag mo sdang ba lam ba ni/ zhes bste
 nag mo'i lha mo ste/ 'phrog byed ma la sogs ba'i mdog go/ dbang ldan na ni 'phrog byed ma dang me mar ma/ 'jigs byed g.yul gnas rnal 'byor ma zhes pa ste/ gtsigs byed kyi mkha' 'gro ma rnams te rgan byed ma la sogs pa'i mdog go /me mtshams na drag mo'i gzugs
 dang gzugs chen po/ mche ba gtsigs ma thod can ma/ zhes pa ste/ 'jigs byed kyi rnal 'byor ma ste/ dbang byed ma la sogs pa'i mdog go /bden bral na thong phreng phreng ba kha TwAM ma/ sprul chen zhes pa ste/ dga' ba la 'das kyi byan mo ste/ nag po bzang po la sogs
 ba'i mdog go/ rlung gi mtshams na ral gri skra can dang/ rdo rje de bzhin gzhu lag dang zhes bste/ bgegs rgyal gyi byan mo rnams te/ rgyal mo la sogs pa'i mdog go/ de nas shar gyi sgo na khyab 'jug ste/ dbyug tho 'dzin pa'o/ /byad na tshangs pa ste sgrang yab 'dzin pa'o
 nub? na 'dzin pa ste/ mtshan nyid kyi sgra brjod ba la brtson pa'o/ /lho na brgya byin te gdugs 'dzin pa'o/ /de bzhin du lho'i snam bu'i grwa la dbang ldan gyi mtshams nang bang ldan no/ /me mtshams na nor lha ku be ra'o/ /bden bral na 'byung po'i bdag po/ rlung gi mtshams na rlung
 ga bdag po zhes pa'o/ /de dag kyang bu dang bud med 'khor dang bcas pa/ mdog dang lag cha dang ldan rim par bri'o zhes shes par bya'o/ /de'i tshom bu'i glo la shar phyogs na ked rus 'jigs byed dang/ khwa dang srin po dang tshogs kyi dbang phyug dang/ dril sna'o/ /de dag
 mkha' 'gro ma la sogs pa'i mdog go /de bzhin du byang phyogs na gtum mo dbang phyug dang/ bdun pa'i lha dang/ tsha ba'i dbang phyug dang/ hUM sgra 'jigs byed do/ /de dag ni mar me la sogs pa'i mdog go/ de bzhin du nub phyogs na 'dod pa'i drag po dang tha de'i dbang
 phyug dang/ cang te'u phyi bzhag dang/ rnga chen 'jigs byed do/ /de dag ni 'jigs byed ma la sogs ba'i mdog go/ de bzhin du lho phyogs na pi wang dbang phyug dang/ da ro chen po dang/ mche ba gtsigs pa dang/ gzhu 'dzin pa'o/ /de dag ni 'phrog byed ma la segs
 pa'i mdog go/ de dar/ kyang phyag bzhi ba kha Twa'M ga dang ban d+ha dang/ lha mo 'khyud ba dang/ tri shU 'dzin pa dang/ spyan gsum pa/ stag lpags kyis smad g.yogs pa/ rgyan thams cad kyis brgyan ba/ thong phreng gi bcings pa rnams so/ /de'i phyi rol nang gi mu khyud kyis
 la 'byung po dang/ sha za la sogs pa rol cing rol bar byed pa de'i 'khor rnams shes par bya'o zhes pa'o/ /drag po nag po dang/ keng rus 'jigs byed la sogs pa'i rang rang gi ming gi dang po yig 'bru kho na chos kyi yi ge'o/ /rdo rje khu tshur gnyis bcings te/
 sdigs mdzub dbu ma brkyang bar bya/ dbu ma'i tshigs gsum la sdigs 'dzub lcags kyu'i tshul gyis sbyor/ oM A karSha yahUM phaT ces so/ /'jig pa'i lha rnams dgug pa'i phyag rgya dang sngags so/ /gong nas gsungs ba'i bdud rtsi 'od zer gyi phyag rgya dang/ sngags kho na
 buk+ka sI la sogs pa'i dam tshig gi phyag rgya dang sngags so/ /snyim pa'i thal mo byas nas de kho na g.yas su g.yo bar 'dzin pa'o/ /oM g+h+ri swAhA zhes pa drag mo la sogs pa'o/ /lag pa gnyis ni brkyang nas su/ rgyab dang rgyab gnyis sbyar bar bya/ so sor re re ni sor
 mo'i rtse mo dkri bar bya'o/ /oM bt+te lI hUM zhes pa ni drag mo la sogs pa rnams kyi'o/ /rdo rje khu tshur gnyis bcings te/ sta zur gnyis su gzhag par bya/ oM hUM swAhA/ sgeg mo yi'o/ g.yon pa'i lag pa phye nas su/ mthe bo srin lag bsgreng bar bya/ g.yas ba yis ni gzung nas su
 dung gi phyag rgya dri sbyin no/ /oM d+hU pra pri gand+he hUM/ dri chab ma'i 'o/ /pi bang gis ni pi bang ste/ oM hUM ho swAhA/ pi bang ma'i 'o/ /snying pa gnyis kyi thal mo ni/ bskor zhing gyen du gtor bar bya/ oM swAM swAhA/ gtor ma'i 'o/ /rdo rje khu chur gnyis bcings te/ /mdzub mo bsgrengs nas kha la
 bsgul/ oM hUM hUM hUM swAhA/ dbyangs mkhan ma'i 'o/ /rdo rje khu tshur dam bcings te/ /mkhrig ma g.yon pas gzung bar bya'o/ /oM i swAhA/ spos ma'i 'o/ /g.yas kyi sta zur gyi phyogs su lag pa 'gying bag gis btang nas g.yas pa dpung pa la yang bgrengs nas/ oM su nri
 tye swAhA/ gar mkhas ma'o/ /thal mo sbyar nas spyi bor bzhag ste/ oM k+ShuM swAhA/ mar me ma'i 'o/ /rdo rje khu tshur g.yas bcings te/ /sdig mdzub dbu ma bsgrengs nas su/ /dpral ba la ni reg par bya/ /oM mu mu hUM swAhA/ dbang ldan gyi'o rdo rje bcings nas sdig mdzub gnyis bsgrengs
 la rin chen gyi tshul du sbyar par bya'o/ /oM da na g+haM hUM swAhA nor gyi lha'i 'o/ /g.yas pa rdo rje khu tshur bcings nas sdig mdzub bsgreng bar bya'o/ /oM khra te ni hUM phaT swAhA/ 'byung po'i bdag po'i 'o/ /g.yas pa khu tshur bcings nas sdigs mdzub shin tu brkyang bar bya'o/ /oM b+hur
 b+hu ba swAhA/ klu'i rgyal po'i 'o/ /rdo rje khu tshur yar /grangs med sna tshogs mdzes pa'i gzugs/ sang gi'o/ /g.yas pa 'phan gsum gyi phyag rgya yar bsgrengs nas/ oM hUM swAhA/ drag po'i 'o/ /g.yas pa rdo rje khu tshur snying gar bskul bar bya ste/ oM oM swAhA/ tshang pa'o/ lag pa
 g.yas pa phye nas kha mar sbub par bya ste/ g.yon pa'i khu tshur las khro bo sor mo bsgrengs nas gdugs gyi tshul gyis dkyil du reg par bya'o/ /oM aM mu mu swAhA/ brgya byin gyi'o/ /lag pa kri shul dam tshig gi phyag rgya'i sngags kho na nag po drag po la sogs
 pa dang/ keng rus 'jigs byed la sogs pa rnams kyi spyi'i dam tshig gi phyag rgya yin no/ /lha rnams bkod pa'i de ma thag tu mchod pa nyid shu pas rdo rje mkha' 'gro ma la sogs pa rnal 'byor ma mchod par bya'o zhes gsungs pa'o/ /de nas mchod pa nyi shu
 pas ?? mkhas pa yis ni mchod par bya zhes pa la sogs pa ste/ sgeg mo'i phyag rgya bcings nas yi ge hUM gi dbyangs blangs pas/ yi ge hUM gi sgras gang ste/ mnyes pa chen po 'dis bya'o/ /hUM hUM hUM g+huM/ hUM hUM hUM/ oM g+hoM oM go/ oM g+ho hUM/ ga truM ga truM/
 ga truM hUM swA zhes so/ /de nas rdo rje de bzhin nyid kyis gzung nas/ dril bu'i chos kyis de rnams brjod par bya'o/ /rdo rje khu tshur gnyis bcings te/ rgyab dang rgyab du sbyar bar bya/ /mthe'u chung gnyis ni dkros byas nas/ bag tsam 'gul bar byed pa yis/ /oM
 badzra g+haN+Da ho/ /oM badzra ta ra me/ oM badzra g+haN+De ra ni/ ta pra ra Ni te sarba bud d+ha bra tsa li te pra dz+nyA pA ra mi tA swa b+ha be badzra sarba h+ri da yA ba to Sha ni hUM hUM hUMswA hA zhes so/ / / /rdo rje dang dril bu'i de kho na nyid do/ /de nas dpal mchog dang po'i rgyud las gsungs pa/
 sems dpa' chen po dang po'i mchog ces pa la sogs pa mtshan brgya rtsa brgyad kyis bstod par bya'o/ /de'i 'og tu yang hUM hUM hUM 'khor ba las bsgral sku 'jin pa/ phan tshun 'khyud pa'i sbyor 'chang ba/ /kye rdo rje khyod hUM la la hUM hUM la la lo
 gcig hUM/ lha mis phyag 'tshal zhabs kyis mchog /dri med me tog dga' 'chang ba/ /kye rdo rje khyod la la la hUM la la la hUM la la lo gcig hUM/ dngos po dang bral bsnyen mdzad pa/ /gsang ba las gsang chen po 'di/ /rol cig rol cig
 rdo rje khyod/ /gsang bar gzir khyod kyi don/ /bdud rtsi mdza' yas gsol mdzad pa hUM/ sems can rnam par bsam mdzad 'di/ /'khor ba 'di las rnam brkal ba/ /mchog 'gyur gang de phyag 'tshal lo/ /klu dbang mchog gis dbu brgyan pa/ /ri bong 'dzin dkar
 brgyan pa'i sku/ /grangs med sna tshogs mdzes pa'i gzugs/ /sangs rgyas rdo rje ma phyag 'tshal/ /gser gyis mdog chen sku yi mchog/ shin tu drag po'i sbrul gyis brgyan/ /thod pa gsar par khrag 'thung pa/ /rgyal cing byang gi lha mo'i zhabs/ /ma rA gtar dmar zhing mdzes/ /sgra sogs
 hUM mdzad nga ro 'jigs/ /drag po'i dbyug pa thod pa 'dzin/ /nub kyi lha mo zhabs phyag 'tshal/ /mdzes pa'i sngon pa'i rnam bkod mdzod/ /lha chen khyab 'jug mgo bla'i zhabs/ /bdud rnams 'joms pa'i khro 'dzin pa/ /phyag 'tshal hUM mdzad lha chen mo/ /de dag la sogs pa
 rnam pa sna tshogs rdo rje dbyangs kyis bstong pa mdzad nas dril bu dkrol bar bya'o/ /de nas rdo rje thal mo snying khar gzhag nas/ /oM shud+d+ha ra me hUM/ a a a a swAhA zhes so/ /lha'i nga rgyal byed pa brtan por byas nas/ phyi'i gtor ma sbyin par bya'o/ /de la re zhig brgya byin la sogs
 pa'i 'khor la gtor ma sbyin pa ni/ ji ltar gsungs pa'i gos dang rgyan gyis brgyan nas/ rdo rje dril bu dang ldan pas rkang pa g.yas pa sems dpa' i skyil mo krung/ g.yon pa rab tu brkyang nas rol pa'i skyil mo krung la gan ste/ 'di'i dkyil 'khor grwa bzhi ba byas te/ me tog dkar po la
 sogs pas mchod nas/ dri zhim po sA lu 'bras can dang/ zho dang/ 'dab bu kha ra dang/ sbrang rtsi dang/ mar dang ldan pa shar gyi sgo ru gtor ma'i zas phul te/ 'dor ba'i rgyal po'i phyag rgya bcings nas lha rnams sngags 'dis dgug par bya'o/ /oM bata li mahA bata li hUM hUM
 hUM dza(rgyud 'grel u ba gal/ /lha min lha yi rgyal po rnams/ /buk+ka sri dang pus kis che/ /hUM he ho A karSha ya A karSha ya sa ma ya de bi hUM hUM hUM phaT dza(rgyud 'grel b+hak+Sha sam tiSh+Tha rdzuM hUM phaT swAhA zhes so/ /tshig par byed par sngags dang phyag rgya'o/ /se gol gsum brdabs nas btang bar bya'o/ /de dag ni lha yi gtor ma'i cho ga'o/ /gong ma gsungs pa'i rim pa kho nas rnam par bkod ba'i dkyil 'khor la/ 'o ma la sogs pas
 lha bshos byas te dbul byar bya'o/ /mngar gsum dang/ khrag gis bsres pa'i 'o ma dang/ 'o mas bkang ba'i gser gyi snod la sogs pa bzhag par bya'o/ /gong ma'i sngags dang phyag rgya de kho nas dgug ste/ klu'i rgyal po mthA yas dang ni nor rgyas bu/ /'jog bo dang
 ni stobs kyi rgyu/ /pad+ma pad+ma chen po dang/ /dud skyod dang ni rigs ldan rnams/ /lha mo lha mo chen po dang/ /zla ba'i spyi gtsug be con dang/ /be con chen po hu lun d+ha/ /dga' bo dang ni nye dga' bo/ /rgya mtsho rgya mtsho chen po dang/ /chab che ba chen po dang/ /dpal gyi 'od dang 'od
 chen po/ /rjes su 'dod dang mdzes ba dang/ /mdzes chen po dang sbrul bzang dang/ /stobs po che dang tshil li dang/ /tshi li chen po rnam dag ni/ /oM A gats+tsha A gats+tsha mahA nA gA d+hi pa ti sarbe b+hur b+hu ba(rgyud 'grel mthe bong mthe'u chung bsgreng bar bya/ /lag pa yas ni rab phye ste/ /sbyor gyis gdugs kyi tshul du sbyor/ /zhes pa'i phyag rgya de dang/ /oM bak+Sha ya bak+Sha ya sa ma ya taSh+Thi dzuM hUM phaT swAhA/ bya ba'i sngags kyis klu rnams dga' bar bya ste/ gong ma bzhin du gtor bar
 bya'o/ de dag ni klu gtor ma'i cho ga'o/ /de nas nub tu kha bltas nas zluM bo'i stang thabs la gnas te/ tsan ngan dmar po la sogs pas dkyil 'khor zur gsum byas nas/ me tog dmar po la sogs pas nye bar brgyan nas/ gong ma bzhi du zho dang sbrang rtsi
 dang ldan pa'i sA lu can bdud rtsi lnga dang ldan pa byas te/ mdun du snod bzhag nas gong ma bzhin du Tak+ki rA dza'i phyag rgya dang sngags 'dis dgug par bya'o/ /oM ma Ni b+ha drA ya swAhA/ oM pu r+Na b+ha drA ya swAhA/ oM dA na da ya swAhA/ oM bai sh+ra ba Na ya swAhA/ oM dzi bi kuN+Da li ni
 swAhA/ oM mu khen+ta ye swAhA/ oM tsa len+d+ra ya swAhA/ nor bu bzang dang gang ba bzang/ nor sbyin bdag dang rnam thos sras/ /rgyal ba bzang po rol pa'i phreng/ /bzhin gyi dbang po 'gro ba'i dbang/ /de dag la sogs 'khor dang bcas/ oM he ho A karSha yas ma ya di ba hUM hUM phaT swAhA zhes de rnams
 dgug par bya ba'i sngags dang phyag rgya'o/ /rdo rje bcing ba bcings te/ bskor nas snying gar bzhag par bya ba'i phyag rgya de dang sngags 'dis oM da ni di ba bta li hUM swAhA zhes pas mnyes par byas te/ gong kho na bzhin du btang bar bya'o/ /de dag ni gnod sbyin gyi gtor ma'i cho ga'o/ /yang
 de kho na lho ru kha bltas te/ rdo rje'i stobs kyis gnas te/ tsan dan dmar la sogs pas phyi rol gyi dkyil 'khor zur gsum pa byas te/ me tog dmar po cher bkram ste/ lha bshos la sogs pas 'dren nas/ nya sha skam po dang/ sha skam po dang/ sgog pa byi sku khrag gi snor
 rnams tal gyi tsha mig dang khu ba rnams dang/ khyad par du bdud rtsi rnam pa lnga dang/ rnam pa sna tshogs bthar pa'i zas dang/ sran ma lnga dang ldan pa/ sran ma bcos pa dang/ gang ba'i snod mdun du bzhag ste/ gong ma'i sngags pa ta li la sogs pa dang/ Tak+ki ra ja'i phyag rgya gnyis
 kyis dgug par bya ste/ snod la g.yon pas reg nas sngags 'di bzla'o/ /oM shing gcig dang ni dur khrod dang/ /ri dang brag dang phug gis/ /yul gyi 'dab dang lam dang zhing/ /khyad par du ni khyim stong la/ /snod dang thad dang sa steng dang/ /khyad par gdol pa'i khyim gnas
 pa/ nag po drag po drag chen po/ /lhas byin mnyam du bsten pa dang/ /nag po gtsigs byed 'jigs byed pa/ /dga' ba las 'das bgegs rgyal po/ /rgan byad ma dang drag mo dang/ /'jigs byed ma dang u mas bstod/ /rgyal mo rnam par rgyal mo dang/ /thub med
 gzhan gyis mi thub pa/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag mo sdang ba lam pa ki/ 'phrog byed ma dang me mar ma/ /'jig byed yul gnas rnal 'byor ma/ /drag mo'i gzuD dang gzuD che ma/ mche pa gtsigs ma thong chen
 ma/ thong phreng phreng ma kha TwAM ma/ /sgrul chen rab kyi dgra sta can/ /rdo rje de bzhin gzhu lag dang/ /lha yi dbang phyugs ma rnams dang/ /mkha' 'gro lnga yi de nyid dang/ /las kun rjes sgrub byed pa yi/ /sbyor ba ri dkyil 'khor rgyal chen mo/ /de bzhin rdo rje dbang phyag gtso/ /de
 bzhin gshegs pa'i sku chen mo/ /rdul med sbyor ba skye med ma/ /rdo rje dbang phyug ma'i bka' yis/ /thams cad thams cad 'gugs 'gyur te/ oM kak+ka d+ha na/ ba bband+ha na/ /kha kh+khA nga na/ sarba du Sh+Ta na/ ha na ha na/ ka ta ya che ge mo hUM hUM hUM phaT phaT phaT ja(rgyud 'grel rnam par rgyal ba'i phyag rgya bcings te/ mdzub mo gnyis lu gu rgyud du byas pa'i phyag rgya de dang/ oM tiShtha hUM b+hak+Sha bak+Sha phaT/ dzja(rgyud 'grel dag ni 'byung po'i gtor ma'i cho ga'o/ /rnga la sogs pa brdung ba dang ldan pa dang/ dril bu'i sgras yongs su gang bas 'byung po'i gtor ma nye bar spyod pa'i sngags dang phyag rgya kho nas byin nas dkyil 'khor byed pa'i sa dgang/ de'i phyi rol tu nye ba na/ slob ma rnam par brtab
 pa'i don du oM a dzi hwa saM brta ni hUM phaT zhes pa'i sngags des lan bdun mngon par bsngags gdab ste/ so shing dang chu sbyin nas dam tshig gi sdom pa sbyin par bya'o/ /de la re zhig slob mas zhus pa'i tshig ni/ bdag la dgongs shig thams cad kyi rtag pa dang mi
 bskyod pa dang/ rin chen zhes bya ba dang/ 'jig rten dbang phyug dang/ don yong grub pa la sogs pa rnams dang/ byang chub sems dpa' thams cad kyis bdag che ge mo zhes bya bas dus 'di gnas nye bar bzung na su ji snyed byang chub la gnas pa'i bar du blan med pa'i
 byang chub kyi sems mchog bskyed par bya'o/ /ji ltar dus gsum mgon po yis/ /byang chub nyid du des byas te/ /tshul khrims rnams gsum bslab pa dang/ /dge ba'i chos ni bsdu ba dang/ sems can don bya'i tshul khrims te/ /so
 sor bdag gis brtan por gzung/ /sangs rgyas chos dang dge 'dun te/ /bla med dkon mchog gsum gyi mchog/ sdom pa sangs rgyas sbyor skyes pa/ /dang por re shig gzung bar bgyi/ /rdo rje dril bu phyag rgya dang/ /so sor de bzhin nyid du gzung/ /rdo rje
 chen po'i rigs mchog la/ /slob dpon nyid du gzung bar bgyi/ /dam tshig nyid du dag pa yi/ /rin chen 'byung ba'i rigs mchog la/ /nyin re dus drug byas nas su/ /sbyin pa rnam bzhi sbyin par bya/ /byang chub chen po 'byung ba yi/ /pad+ma chen po'i rigs
 dag la/ /phyi nang gsang ba'i theg pa gsum/ /dam chos so sor gzung bar bgyi/ /sdom pa thams cad dang ldan pa/ /ji ltar nus pa mchod pa'i las/ /las kyi rigs mchog chen po las/ /de bzhin nyid du so sor gzung/ /bla na med pa'i byang chub
 sems/ /mchog tu bskyed par byas nas su/ /sems can thams cad don byed phyir/ /sdom pa ma lus gzung bar bgyi/ /ma bsgral ba rnams bdag gis bsgral/ /ma bgrol ba rnams bdag gis dgrol/ /dpugs ma phyin rnams dbugs dbyung ste/
 mya ngan 'das la sems can dgod par bgyi/ /zhes so/ slob mas zhus pa'i tshig go slob dpon gyis lan btab pa/ /theg pa chen po'i 'bras 'byung ba'i/ /dpal ldan mchog gi lam 'di yin/ /gang gis khyod rnams 'gro 'gyur ba/ /de bzhin
 gshegs par 'gyur ba yin zhes pa'o/ /lan btab nas/ shes rab kyi pha rol tu phyin pa la sogs pa zab mo'i chos bstan par byas te/ phyi nas dkyil 'khor du bzhag par bya'o/ /de dag ni slob ma sta gon la gnas pa'i cho ga'o/ /de nas
 dkyil 'khor la gnas pa'i rdo rje slob dpon gyis/ mchod pa nyi shu ba bdun du byas nas dril bu dkrol te/ rdo rje'i dbyangs 'dis bstod par bya'o/ /lha chen mgo yi mgo brgyan cod pan nor bu'i 'od kyis phog pa'i zhabs gnyis pa/ rtag par gdan
 la shin tu brtan par bzhugs par mgul par 'khyud pa'i sku 'chang ba'i/ /'od zer 'phro ba'i dra ba bskyod par mdzad pa gsang ba las 'byung sku 'dzin pa/ /dbang phyug dam pa go 'phang mchog 'gyur rdo rje sems la bdag gis phyag 'tshal lo/ /de nas
 gong du gsungs pa'i rim pas sbyin sreg bya ste/ rdo rje dang dril bu blangs la dkyil 'khor gyi khang par bzhugs te/ mchod pa nyi shu pa la sogs pas sngon du mchod nas/ mtshan brgya rtsa brgyad dang/ sna tshogs pa'i rdo rje'i dbyangs blangs nas bstong
 de/ de nas dam tshig la sogs pa sbyin par bya'o/ /zhes gsungs pa/ bdud rtsi lnga ni bsres nas su/ /nya phyi la sogs bsgom par bya/ /zhes pa ni/ don ni 'di lta ste/ bdud rtsi lnga dang/ lcags kyu lnga dang bsres pa'i bdud rtsi'i 'od nas gsungs pa'i
 rnam pas yang dag par sbyang ste/ dam tshig yongs su brtag par bya'o/ /zhes so/ /de gsal bar byas pas gsungs pa/ ha zhes pa yis kha dog 'phrog ho zhes pas ni dri med cing/ /h+rI(rgyud 'grel bdud rtsi 'od sbyang bar bya ba gsal bar byas pa'o/ /rnam gsum lan gsum brjod pa ni/ zhes pa ni/ lan gsum brjod par bya'o/ zhes pa'o/ /bsam pa ni 'di lta ste/ rang bzhin gsum gyis sngags bzlas te/ 'og nas 'byung ba'i sa bon gyis
 bskyed pa ri rab kyis lan gsum bsrungs te/ lhag par sngags btab zin ma thag tu bdud rtsi'i 'od kyang rang bzhin gsum kho nar bsgom par 'gyur ro zhes pa'o/ /gzugs dang mdzes pa'i mdog ni pad+ma'i dbang phyug ste zhes pa ni snang ba mdza' yas
 sno/ /dri chu'i ngo bo shin tu mdzes pa snang mdzad dang/ zhes pa ni rnam par snang mdzad do/ /dri ni rdo rje'i dbang phyug rdo rje'i phyag ces pa ni mi bskyod pa'o/ /lha dag gsung gi rnams kyis ni/ /cho ga gsum gyis shes par bya zhes pa ni lha gsuM
 gyi rang bzhin gyis bdud rtsi'i 'od ni bsgom par bya'o/ /zhes pa'i don to/ /g.yon pa zla ba'i lag pa la/ /zla ba'i dbus su yi ge ni/ /zhes pa ni g.yon pa'i lag pa'i mthil bdud rtsi'i yi ges bskyed pa'i zla ba'i dkyil 'khor gyi steng na yang bdud rtsi'i yi
 ge rnam par bkod pa'o/ /bdud rtsi kun rig ri mo can zhes pa ni/ de la kun rig ni rnam par snang mdzad do/ /de'i ri mo ni yi ge oMO/ /des bdud rtsi yi ge la btags nas/ yi ge oM du 'gyur ro/ /yi ge oM de kho na zla ba'i dkyil 'khor gyi dbus su bsgom par
 bya'o/ zhes pa'i tha tshig go/ /de bzhin mthe bos dang ni zhes pa ni yi ge hUM gis g.yon pa'i mthe bo bsgom par bya'o zhes pa'o/ /srin lag gis kyang ri rab ste/ /bdud rtsi bsrubs pa'i stobs dag ni/ zhes pa ni g.yon pa'i srin lag bdud rtsi'i rang bzhin ri
 rab tu bsgoms te/ de'i steng du yi ge gsum bkod pa nas bsrung bar bya'o/ /zhes pa'o/ /chu ni rnam gsum shes par bya zhes pa ni/ de la chu ni bdud rtsi'i 'od do/ /rnam gsum shes par bya zhes pa ni bsrubs ma thag tu gsuM gyi tshul gyis bsam par bya'o/ /zhes
 pa'o/ /rnal 'byor ma kun so so ru/ /mthe bos thig gtor dbul bar bya/ /zhes pa ni so sor rnal 'byor ma thams cad la mthe bong dang srin lag gis 'thor nas bdud rtsi'i thigs pa dbul bar bya'o zhes pa'o/ /de nas bdag gis ngo bo yis/ /rang sen
 kyi ni bya ba ni/ zhes pa ni/ phyis ni rang gi lus la byin gyis brlabs par bya'o zhes pa'o/ /sgrogs pa lnga yis mchod rten la/ /rnam pa gsum gyis bkru bar bya/ zhes pa ni rang gi phung po'i gre bar yi ge h+ri las yongs su bskyed pa'i pad+ma'i steng na/ yi ge hUM gis
 bskyed pa'i ye shes mkha' 'gro ma mchod rten gyis tshul du sgrib pa lnga'i gnas su bsgoms te/ nyon mongs pa bkru bar 'dong pa'i phyir bdud rtsi'i thig le phab pas lan gsum bkru bar bya'o/ /lce'i rtser thigs pa de rnams kyis/ /blo dang ldan par gnas
 gsum pa'o/ /zhes pa ni lce dang dpral ba dang/ spyi gtsug dang/ de kho nar bdud rtsi'i thigs pa dbul bar bya'o/ /de nas sta gon la gnas zin pa'i slob ma rnams la dbyangs tshig 'dis ri tshig sbyin par bya ste/ gzigs shig mdzes pa dam pa'i chos/ /'di la the tshom byar
 mi rung/ /bram ze khyi dang gdol pa dang/ /rang bzhin gcig tu dgongs nas gsol zhes pa'o/ /slob ma rnams kyis kyang phyag rgyas pad+ma bskor ba mdun du byas pa'i lan gsum gyis phyag rgya bcings te/ dbyangs tshig 'dis blang bar bya'o/ /bde bar gshegs
 shing chos kyi mchog /'dod chags dri ma med pa 'di/ /gzung 'dzin rnam par grol ba yi/ /de bzhin nyid ni bdag phyag 'tshal/ /zhes pa'o/ /de nas slob ma gzhug pa rnams ni dri chus mngon du bsang gtor byas te/ me tog gis thal mo yang dag par 'ching du
 bcug nas dar gyis gdong g.yogs te dkyil 'khor gyi spor bzhag nas sdom pa byin par bya'o/ /de la re zhig slob mas zhus ba/ dkon mchog gsum la skyabs su mchi/ /sdig pa thams cad so sor bshags/ /'khor ba'i bsod nams yi rang
 ste/ sangs rgyas byang chub yid la bkod ces pa'o/ /de nas gong du gsungs pa'i swAhA ba shud+d+ha(rgyud 'grel 'tshal ba gsum bya ste oM pany+tsa DA ki ni pu dzaM pas+tha nA ya A t+ma nA ni rya ta yA mi/ oM a tsarya pU dzo pa s+tha nI yi A tpa nAM nirya yA mi/ oM sa ka la satwa pa ri tra nA ya/ A t+ma no nirya ta yA mi zhas brjod nas/ phyag 'tshal ba gsum bya ba'o/ /slob
 dpon gyis ni sdom pa byin nas sa ma ya stwaM sa ma ya ho zhes lan gsum brjod nas/ lus kyi rdo rje gsum gyis byin gyis brlabs pa 'di bya'o/ /A(rgyud 'grel byas nas/ snying gar rdo rje byin gyis brlabs/ /ye shes 'dren pa'i oM gyis ni/ /lus kyang rdo rje byin gyis brlabs zhes pa dang/ oM hi hi man gur+Ni ta badzra tsa le yuM yuM swAhA/ /ye shes can gyis ye shes 'di/ /di ring bdud rtsir myang bar bgyis/ zhes pa brjod nas/
 oM a swA hA zhes pa'i sngags kyis lan gsum sngags btab ste/ bdud rtsi lnga dang lcags kyu lnga bsngags pa'i bdud rtsi'i 'od kha la sbyin par bya'o/ zhes pa'o/ /de nas slob ma dbab par bya ba ni slob ma'i snying gar yi ge yum las gyur pa rlung gi dkyil
 'khor de'i steng du/ yi ge yuM kho na bsam te/ de bzhin du rkang mthil gnyis la yang bkod nas slob dpon gyis ye shes mkha' 'gro ma'i nga rgyal gyis rdo rje dril bu dang/ nga ros 'jigs par byed de/ de bzhin du rang gi snying gnas gtum mo chen po
 rlung byung nas sngags 'dis 'gul bar bya'o/ /oM le le hUM a swAhA zhes pa'o/ /gal te 'dis 'gul bar ma gyur na/ de'i tshe gong du gsungs pa'i rim pas yang dag par bya'o/ /dbab zin ma thag tu sna tshogs rdo rje'i dbyangs sgras dkar ste/ de'i 'og
 tu dbab pa de zhi bar bya bar sngags 'dis bya'o/ /oM tiSh+Tha badzra sa ma ya pra ti ba le te/ hUM hUM hUM ho ho ho swAhA zhes so/ /de nas me tog gtor du bcug ste/ gar lhung ba'i lha'i dngos grub thob pa yin pa'o/ /de nas dz+nyA tsakra hUM zhes pa'i sngags kyis gdong g.yogs
 bshu bar byas te/ lha'i de kho na nyid bstan nas so so ru keng rus 'jigs byed dang po gzung nas ye shes mkha' 'gro ma'i mthar thug pa'i bar bstan par bya'o/ /de nas bla ma'i zhabs drung du mgos gtugs yon dbul te/ ci 'dod pa'i dngos grub
 zhu bar bya'o/ /gong ma bzhin du snying khar thal mo bzhag pa'i slob mas/ oM badzra maN+Da la pra be so a haM/ oM gu hya mngDal mahA maN+Dal driSh+Ti hi a haM/ sa ma ya ho zhes lan gsum brjod du bcug nas/ gong ma bzhin du yan
 lag brgyad pa bkod par bya'o/ /de nas sa ma ya a haM/ hUM badzra a haM/ oM hud+ga to a hoM/ a a(rgyud 'grel lho'i sgo'i bum pa'i ni slob ma dbang bskur ba'o/ /nub kyis ni sngags kyis dbang bskur ba'o/ /byang gis ni rgyud kyi dbang bskur ba'o/ /'khor los sgyur ba'i 'gyid bag gis shar phyogs su kha bstan nas gdan la gnas pas slob ma byang chub kyi sems bskyed
 par byas pa las/ oM ye shes chu yi bum pa yis/ /rdo rje lcags kyu'i rgyun gyis ni/ /dbang bskur nas ni byang chub thob/ /di ring 'khor ba las grol lo/ /oM a(rgyud 'grel rdo rje sgrog gi phyag rgya bcings nas/ oM badzra kA ya hUM a(rgyud 'grel rdo rje ma'i phyag rgya bcings nas/ mdzub mo gnyis bkug nas kha sprad par bya ste/ oM hUM a swAhA zhes pas/ sangs rgyas lnga'i dbu rgyan gyis dbang bskur bar bya'o/ /de nas lung ston pa sbyin par bya ste/ de nas shar du gom pa bdun song nas gos gyon te/ de
 kho na las phyir log nas/ theg pa gsum mchog tu gyur ba ston par bya ste/ byin brlabs kyi rim pa yang bstan par bya'o/ /de ltar rim pas gzhan yang gzhug par bya'o/ /de nas slob ma'i gang gtong dka' ba'i rdzas de dang/ 'dod chags ba'i rdzas de ni
 bla ma la yon du dbul bar bya'o/ /de ltar yang gsungs pa/ gang dag yongs su gtong dka' i rdzas/ /yang na shin tu khyad par can/ /de dang de ni bla ma la/ /de nyid mi bzad 'dod pas dbul zhes so/ /de nas dpa' bo'i 'khor lo'i mchod pa brtsams
 pa'o/ de la rim pa 'di lta ste/ dkyil 'khor gyi phyogs brgyad kyi cha ru bor nas/ sna tshogs rnam par dkod pa'i gdan bting ste/ de la lha mo dang bcas pa'i tshogs kyis 'khor lor gnas pas sna tshogs kyi me tog dang/ spos dang/ dri dang/ me tog gi
 phreng ba dang/ bkrus pa dang/ sna tshogs kyi zas dang/ btung ba dang/ gos dang/ rgyan la sogs pa rnams ji ltar 'byor bzhin du 'du bar bya'o/ /de la dang po ni dpa' bo'i 'khor lo nye bar spyod pa lnga la sogs pas mchod ma/ rdzas bcu dang ldan pa'i bdud rtsi'i
 'od gong du gsungs pa'i rim pas sbyangs te/ sngags btab nas phyag rgya de kho nas dam tshig so sor re re dbyangs tshig 'dis dbul bar bya'o/ /gzigs shig mdzes pa dam pa'i chos zhes pa la sogs pas so/ /gzhan rnams kyis kyang/ bde bar gshegs
 shig chos kyi mchog ces pa la sogs pa blang bar bya ste/ dbyangs tshig brjod nas phyag 'tshal ba dang/ lag bskor sngon du byas te/ lan gsum gyis phyag rgya dang ldan pa'i dbyangs tshig gis shin tu mnyam gzhag dag pa'i sems kyis sngags rgyud la m??
 bas dbang po btul nas sems can gyi khams kun la snying rje bskyed nas dam tshig gi phyag rgya'i sngags tsam par bya'o/ gzhan du ni ma yin no/ /de gsungs pa/ ji ltar de bzhin nyid spyod la/ thams cad gtsang ma'i rnal 'byor pas shes so/ /rang gi rig pa'i
 lta sbyor nas/ mthe bod srin lag kha gnyis kyis/ /bza' ba'i btung ba myang byas nas/ /rtag tu bde ba'i dngos grub thob ces pa'o/ /de kho na bcom ldan 'das kyis gsal bar mdzad pas/ ji ltar sbyor cig smra zhes pa la sogs pa'o/ /de la ji ltar bde
 bzhes pa ni rnam pa gang gis bde bar gyur pa zhes pa'i don to/ /'dir yang bde ba'i sgra yis ni chen por brjod pa'o/ /de bzhin nyid kyis dga' ba'i dngos po nyid kyi mchog /tshangs pa mya ngan 'das par grol ba yis zhes ji snyed pa'o/ /'dil ni rdo rje rab tu bsgom pas
 thob pa sems rtse gcig pa de nyid do/ de bas na bsam pa ni 'di lta ste/ rtse gcig tu gyur ba'i de kho na gzhan mi 'gyur ba de ltar brtsam par bya'o/ /kha ran grwa gsum brtsams pa yi/ /dmar ba'i dkyil 'khor phyi rol tu zhes pa ni/ 'khor lo'i phyi rol tu
 tsan dan dmar po la sogs pas gru gsum pa'i dkyil 'khor byas te/ shar gyi sgo nas dgug par bya'o/ /me tog dmar po spos med dang zhes pa la sogs pa ni dan go sla'o/ /oM shing gcig dang ni dur khrod dag/ zhes pa la sogs pas ???gsungs
 pa ri rim pas 'byung po'i gtor ma yongs su brtag par bya ste/ gang de la sogs pa brtsam pa ni zhes pa ni/ rdzas bcu dang ldan pa bdud rtsi'i 'od rang gi kha bkang bar bya ste/ ji ltar 'dod pa'i las bsam pa sngon du byas nas yi ge gru gis gtor ma'i steng du gtor
 mar bya'o/ /de nas rdo rje khu tshur gnyis bcings te/ rgyab dang rgyab tu sbyor nas su/ /srin lag gnyis kyis dkri byas nas/ /khro bo lu gu rgyud kyi tshul zhes pa dang/ oM g+ha k+Sha yakha k+Sha ya/ sa dra yo ga yo gI shwa ri hUM hUM hUM hUM swAhA/ zhes brjod nas/ zhes bya las??
 pa'i don du 'byung po'i gtor ma sbyin par bya'o zhes pa'o/ /de nas mchod pa bye brag tu/ /rtog dang mi rtog rab tu spang/ /zhes pa ni/ bza' ba dang mi bza' ba la sogs pa'i rnam par rtog pa yod pas/ /dag pa'i rang bzhin gyis khyad par
 du dam tshig gi mchod pa bya'o/ /zhes pa'o/ /lcags kyu la sogs lnga dag ni/ /de kho na sngar brtag par bya zhes pa ni/ lcags kyu lnga dang/ sogs pa'i sgra las bdud rtsi la yang 'og nas 'byung ba'i mtshan nyid kyis de bzhin nyid lngar bya'o zhes ba ste/ sangs
 rgyas lnga'i bdag nyid bsgom par bya'o zhes pa'i don to/ /lcags kyu chen po zhes bya ba zhes pa ni mi'i sha'o/ /ye shes lha'i zhes pa ni/ de'i rang bzhin nyid du 'dod pa'i don to/ /rdo rje lcags kyu mi 'khrug pa zhes pa ni glang po che'i sha'o/ /
 mi bskyod pa'i rang bzhin zhes pa'o/ /yum gyi lcags kyu rin chen ldan zhes pa ni/ khyi sha ste rin chen 'byung ldan gyi rang bzhin no/ /rgyal ba'i lcags kyu don yong pa zhes pa ni glang gi sha ste/ don yong grub pa'i rang bzhin no/ /g.yo ba'i lcags kyu 'od
 dpag med ces pa ni/ /rta'i sha ste 'od dpag med kyi rang bzhin no/ /lcags kyu lnga la sogs pa yi/ /thams cad de nyid rab tu sbyar zhes pa ni/ de la thams cad de nyid ces pa ni/ mya ngan las 'das pa ste/ de sbyor ba ni rkyen zhes pa'i don to/ /de dag
 yang rnam par snang mdzad dang mi bskyod pa dang rin chen 'byung ldan dang/ 'od dpag med dang/ don yod grub pa'i rang bzhin du gsungs pa/ gang zhig 'dod pa'i lha kun dang/ zhes pa ste/ sangs rgyas lnga'i rang bzhin nyid kyi phyir 'dod pa sgrub po/ /
 de dag thams cad kho nas ni/ /rnal 'byor ma rnams tshim par bya'o/ /gzhan ni ma yin no zhes gsungs pa/ rnal 'byor ma kun mnyes par bya/ /de bzhin 'dod dga' ma yin zhing/ /zhes pa la sogs pa'o/ /rang 'dod ces pa la sogs pa ni/ /gsal
 bar bshad zin to/ /de dbus su ni dpa' bo rnams/ /A li kA li rab tu sbyar zhes pa ni/ 'og nas 'byung ba'i A li kA li sbyar ba yis/ /shin tu yongs dag pa'i dpa' bo'i tshogs kyi 'khor lo'o/ /zim ma thag tu gnyis med pa'i snyoms par zhugs
 pa'i sbyor ba bya'o zhes mngon to/ /A li kA li rab sbyar bas/ /thams cad lta ni mnyes par bya zhes pa ni/ de la rab tu sbyar ba kho nas sangs rgyas thams cad rjes su chags pa gsang ba'i mchod pa byas te/ tshim par bya'o zhes pa'o/ /de yi dbus nas
 'byung ba yi/ /bdud rtsi'i ro kun myang bar bya zhes pa ni sbyor ba'i bdag nyid de las byung ba'i bdud rtsi'i rnal 'byor pa dang/ rnal 'byor ma thams cad kyis myangs nas tshim par bya'o zhes pa'i don to/ lhag ma'i dngos po thams cad ni zhes pa ni/ dpa' bo'i
 'khor los zos pa dang 'thungs pa'i lhag ma zhes pa ji snyed pa'o/ /phyi yi dkyil 'khor du ni sbyar/ /zhes pa ni dkyil 'khor gyi phyi rol gyi lam bzhi mdo la sogs pa dang/ lhag ma'i gtor ma bskyal bar bya'o/ /de la yang rim pa ni 'di lta ste/ rdo rje khu
 tshur gnyis bcings nas/ /mdzub mo gnyis ni bsgreng bar bya/ /rtse mo bkug nas kha ru ni/ /mche ba'i tshul du sbyar bar bya/ /zhes pa'i phyag rgya dang/ oM bya ba b+ha ta li b+ha ta li tshe/ dur khrod gnas mo dngos grub zhal/ /gtum mo 'jigs byed yi dags
 khar dam tshig srung mo khrag dag 'am/ /ki li sgra sgrogs sbyor zin ma/ /dur khrod ro yi tshal dbus su/ /tshogs dang pho nya bcas pa ru/ /gcig byed gtum mo dud sol ma/ /bzhes shig gsol cig dam tshig la/ /gnas dang dpang du mdzad gsol/ /
 oM gri h+Na gri h+Na sarba duSh+Tan pra tuSh+Tan b+hak+Sha b+hak+Sha phruM phruM phruM phaT swAhA zhes pa'i gtor ma byin gyis brlab pa'i phyag rgya dang sngags so/ /nye bar spyod pa lngas mchod nas/ /se gol gsum brdabs te gtang bar bya'o/ /de nas rdo rje dang dril bu bzung nas/ ma lus pa'i
 dpa' bo'i 'khor la bstod pa gsungs pa/ hUM zhes pa yid byang blangs te dkris sgrogs ni dga' bar bya zhes pa'o/ /rin pa ni 'di lta ste/ phan tshun 'khyud pa'i sbyor ldan pa'i/ zhes pa la sogs pa'o/ /sna tshogs pa'i rdo rje'i dbyangs kyi bstod pa brjod pas bstong
 nas dam mchod pa nyi shu pas kyang mchod par bya ste/ sems dpa' chen po'i dang po mchog ces pa la sogs pas mtshan pa rgya rtsa brgyad kyis kyang bstod nas yon dbul te/ dge ba'i rtsa ba yongs su bsngo bar bya ba gsungs pa/ bdag gis cho ga'i cho ga gang/ /bcom
 ldan 'das kyis bzod par gsol zhes pas zhus nas/ rdo rje thal mo bcings pa snying gar bzhag ste/ ma lus mi lus pa'i sems can gyi khams yongs su grol bar bya ba'i don du tshig 'dis bsrung bar bya'o/ /sems can thams
 cad nad med cing zhes pa la sogs pa'o/ /bsngo ba byas nas gshegs pa'i don du tshigs bcad 'dis bskul bar bya ste/ khyed kyis sems can kun don mdzad/ /sangs rgyas yul du gshegs nas kyang/ /slar yang 'di ru gshegs su gsol zhes so/ /rdo
 rje khu tshur dam bcings nas/ /g.yon pa snying gar bzhag nas su/ /lag pa g.yas pa brkyang byas nas/ /sa la bzhag ste gshegs su gsol/ zhes pa dang sngags 'dis btang bar bya ste/ oM At+ma tiSh+Tha hUM swAhA zhes so/ /de nas rang gi dbugs la thim par bya ba ni
 phyi nas bdag gi dbugs kha nas rang gi snying gar tshud nas thim par byas te/ 'o ma dang chu 'dres pa ltar gcig tu gyur pa'i ngo bor bya ba'i don to/ /de ltar yang gsungs pa/ 'dus pa yis sam 'dres pa yis/ /dkyil 'khor ji ltar de bzhin gshegs/ /snga
 dro phyi dro bzla byas te/ /gang dang de la cher gnas so/ /gang gang dbang po'i lam nyid ni/ /gang gang de nyid rang bzhin du/ /mnyam pa med pa'i sbyor ba yis/ /sangs rgyas thams cad mnyam par 'dren zhes so/ /yud tsam gyi ni sbyor ba yis/ /bdag nyid ngo bo mchod
 par bya zhes pa ni/ de la yud tsam yud tsam zhes pa ni/ /ye shes mkha' 'gro ma'i bdag nyid bdag la bsams te/ nye bar spyod pa la sogs par mchod nas yan lag brgyad pa bkod par bya ste/ sngon bzhin du dam tshig kyang bstan nas/ de nas phyi'i
 lha rnams kyang de kho na bzhin du mchod nas sngags 'dis btang bar bya'o/ /oM duSh+Ta pra duSh+Ta na ha na grih+Na grih+Na kha kha khA hi khI ha gats+tsha gats+tsha hUM phaT zhes se gol gsum brdabs nas btang bar bya'o/ /oM ki li ki na tya hUM/ dza(rgyud 'grel te gtsang po la dor bar bya'o/ /de nas dkyil 'khor gyi sa la dri la sogs pas byugs nas rdul tshon ser pos pad+ma 'dab brgyad bris te/ de la shes rab kyi pha rol tu phyin pa klag pa dang mchod pa la sogs pa bya'o/ /dpal ldan gdan bzhi pa gzigs pa
 las gzhan gyi gdan dkyil 'khor gyi chog le'u gsum pa'i rnam par bshad pa rdzogs so// //da ni bdud rtsi lnga dang/ lcags kyu lnga dang/ A li dang kA li dang/ bdud rtsi'i 'od dang/ phyi'i phyag rgyal sogs pa rnams khyad par gyi ngo bo
 nyid mngon du gyur 'dod pa phyag na rdo rjes bdud rtsi lnga'i bye brag dang zhes pa la sogs pas gzhan gyis gdan le'u bzhi pa brtsams so/ /thog ma bdud rtsi rdo rje chu/ /lnga ni bdag nyid 'byung ba ste/ zhes pa ni/ de la thog ma zhes pa ni/ dang po byang chub sems
 bshad par bya'o zhes pa'i don to/ /bdud rtsi rdo rje chu zhes pa ni/ byang chub sems so/ /lnga'i zhes pa ni/ ngo bo nyid lnga zhes pa'o/ /bdag nyid 'byung ba zhes pa ni/ bdag la bskyed pa zhes pa ni don ni 'di lta ste/ bdag gi sa nas 'byung ba'i byang chub sems khams
 lnga'i bdag nyid ces pa'o/ /de kho na 'grel bas gsungs pa/ reg na dro ba me yin no zhes pa ste/ dro ba nyid du reg pa'i rang bzhin ni me'i khams zhes so/ /du bar snang ba rlung yin te/ zhes pa ni/ rlung gi gzugs kyis yar grol bar mthong ste/ de bas na rtag
 par 'gro ba'i mtshan nyid do/ /gsher ba'i dngos po chu yin te zhes pa ni/ gsher ba nyid kyang yod pa de bas na chu'i khams so/ /gzugs su snang bas yin pas zhes pa ni rdul phra rab kyi rang bzhin du dmigs pa nyid kyi phyir na rtsub pa nyid kyang yod de
 de bas na sa'i khams so/ /ye shes rdo rjer byin brlab nas zhes pa ni/ stong pa nyid kyi ye shes kyi rang bzhin ro mnyam pa nyid kyi phyir na nam mkha' i khams lha nyid lnga ni bsgom par bya zhes pa ni/ khams lnga'i bdag nyid de bzhin gshegs pa lnga'i ngo
 bo nyid du bsgom par bya'o zhes pa'i den to/ /thams cad chu yi dbyings dang ni/ /zad par zhes pa ni/ de yang ma lus par gtsor ni chu'i dngos gnas te/ rten cing 'brel pa las 'byung ba nyid kyi phyir na stong pa nyid du cher dmigs
 par bya'o/ /me yang de bzhin te zhes pa ni me'i dbyings kyang rten cing 'bre par 'byung ba'i rang bzhin nyid kyi phyir na stong pa'o/ /yang zhes pa'i sgras ni/ las sogs pa rnams kyang de bzhin du nan tan gyis rang bzhin shes par bya'o/ /da ni de kho na bkod par
 bya ba'i sa bon gsungs pa/ ji ltar dag pa rlung dag dang/ zhes pa la sogs pa ste/ de la ji ltar dag pa zhes pa ni/ yi ge ya'o/ rlung ngag dang/ zhes pa ni yi ge ya'o/ /dang po'i don dang zhes pa ni yi ge sa'o/ /sa'i zhes pa ni yi ge ha'o/ /dbang zhes pa
 ni yi ge k+Sha'o/ /ye shes yi ge lnga rnams la/ /theg pa 'dren pas kun sbyar zhing/ /zhes pa ni chos kyi yi ge de dag lnga rnams la thig le steng gi thig le/ /nga ro zhabs skyed yi ge u dang yang dag par sbyang bar bya'o zhes pa'i don to/ /de yi dbus su zla ba
 la/ bdud rtsi yi ge dbus su'o/ /zhes pa ni de la de'i zhes pa ni/ de dag gi zhes pa'i don to/ /dbus su zla ba zhes pa ni/ /mgo'i dbus su gnas pa'i zla tshes so/ /bdud rtsi yi ge dbus su'o/ /zhes pa ni yi ge sa gnas gyur pa thig le zla tshes ngo'i bskya?
 su bsam par bya'o/ /zhes pa'o/ /lnga pa lnga yi bstan pa la/ /bdag nyid dag pa'i rdo rje chu/ zhes pa ni de la lnga pa zhes pa ni sangs rgyas lnga'i rang bzhin no/ /yang lnga'i zhes pa ni sa bon lnga'o/ /bstan pa zhes pa ni bzlas pa'o/ /bdag nyid dag pa zhes pa na?
 rang gi lus ngag pa bya'o zhes so/ /rdo rje chu zhes pa ni byang chub sems so/ /des cir 'gyur zhe na/ khams lnga'i bdag nyid byang chub sems shes pa'o/ /phyi gsungs pa'i bdud rtsi'i rnam par snang mdzad la sogs pa'i bzhi dang/ lhan cig tu gong nas gsungs
 pa'i sa bon lnga dang/ 'dod chags la sogs pa'i byin gyis brlabs pa'i lus rnam par shes pas/ shes par bya ba nye bar sbyor ba yis 'dir yang bdud rtsi'i yi ge byang chub sems kho nas ma 'bres pa'i sbyor ba gsungs te/ bshad gci la sogs pa
 rnams bkod pa'i phyir na snying por gsungs pa'o/ /sa gsum bskyed pa'i rgyur gyur pa nyid kyi phyir na/ byang chub sems gtso bor rnams par dag pa gsungs te/ gzhan rnams ni ma yin no/ /de star yang gsungs pa/ bdud rtsi byang chub sems zhes
 gsungs te/ de las bskyed de 'gro ba gsum zhes so/ /bshad pa'i don kho nas gsal bar byed pas gsungs pa/ dngos dang dngos med nges 'brel pas/ /des na rmongs pa ring du spangs zhes pa ste/ de la dngos po'i sgra yis ni/ chos thams cad yod pa
 nyid kyis dmigs pa'o/ /dngos med ces pa'i sgra yis kyang/ /de rnams kho nas la med pa nyid kyi dmigs pa'o/ /nges bral zhes pa ni/ de gnyis yongs su spangs gnas pa ji snyed pa'o/ /de nas rmongs pa la sogs pa de dag ring du spangs par 'gyur ro
 zhes pa'i don to/ /de ltar yang gsungs pa ji ltar mi'i zas la thun mong du spyod pa bzhin du/ nyi ma ji ltar mthong ba thun mong mthong ba bzhin du/ rlung yang ji ltar dri la thun mong ba rnams bzhin/ /rnam rtog rmongs pa'i rgya mtsho ring du spang bar bya zhes
 so/ de ltar rnam par sbyang ba'i rdzas zas dang/ zas ma yin pa'i rnam par rtog pa med pa yis 'og nas byung ba'i mtshan nyid kyis/ gsungs pa'i hom khur sbyin srog bya zhes gsungs pa/ phyi'i bdud rtsi zas bzang po/ /'khrugs pa'i me yis bcos pa
 bzhin zhes pa ste/ de la phyi'i bdud rtsi zhes pa ni/ mar dang sbrang rtsi dang/ 'o ma dang 'dab bu kha ra la sogs pa'o/ /'khrugs pa zhes pa ni 'jug pa'o/ /me yis btsos pa zhes pa ni phyi'i me kho na'o zhes pa'o/ /bsam pa ni 'di lta ste/ ji ltar phyi'i mes
 min zhing bskyed par bya ba'i 'bras bu la sogs pa dang/ bu ram la sogs pa'i don lhag par dag pa'i de nyid mngon par 'dod nas khas blangs pa bzhin/ 'dir yang ye shes kyi me yis smin zhing bskyed par byas pa'i bshad
 gci la sogs pa'i don nye bar dang du blangs nas dam pa rnams kyis khas blangs pa ni 'gal ba med do/ zhes pa ste/ dngos po thams cad ma brtags pa gcig pu kho nas rung ba nyid kyi phyir ro/ /de ltar yang gsungs pa/ dngos gcig de nyid sus mthong na/ /
 dngos kun de nyid mthong ba yin/ /dngos kun rang bzhin gang yin pa/ /dngos gcig rang bzhin de yin no zhes so/ /gzhan yang gsungs pa/ thabs dang shes rab stobs kyis ni/ /mi bya ba yang 'ga' yang med ces pa'o/ /gsungs pa'i don kho na gsal
 bar gsungs pa/ lta ba la sogs ye shes mes/ zhes pa la sogs pa ste/ de la lto zhes pa ni khong pa'i nang ngo/ /sogs pa'i sgras ni mig la sogs pa'i skye mched do/ /ye shes me yis shes pa ni lto la sogs pa'i me zhes pa'o/ /bsregs pa
 zhes pa ni sbyin par byas pa'o/ /bshad pa dang gci zhes pa ni dri chen la sogs pa'o/ /des ni 'di ltar gsungs par 'gyur te/ lto la sogs pas ye shes mes yongs su smin par byas pa'i bshad gci la sogs pa shin tu khyad par can du 'gyur te/ de bas
 na bshad gci la sogs pa ni lha shos mkhas pas shin tu 'gal lo zhes rtog pa mi bya'o/ /mi gtsang ba la sogs pa'i rnam par rtog pa nyid 'joms pa'i don nyid kyi phyir ro/ /de ltar yang sgyu 'phrul dra ba las gsungs pa/ 'byung ba chen bos 'byung
 nyid phyir/ /ji ltar mi gtsang nyid du gsungs zhes so/ /me yis dbus su bcos byas pa'o/ /de yi dbus su bsreg bya ba/ zhes pa ni/ de la me yis smin pa/ zhes pa ni rnam par snang mdzad la sogs pa'o/ /me yis zhes pa ni/ ye shes kyi me'o/ /
 de'i dbus su zhes pa ni/ ye shes kyi me'i dbus su bsreg bya ba zhes pa ni/ sbyin sreg bya'o/ /don ni 'di lta ste/ ji ltar phyi ma'i lhan cig 'byung ba'i rkyen dri zhim pa'i 'bras sA lu la sogs pa bskyed par bya ba 'bras chan la sogs pa khyad par gyi rkyen khyad
 par bskyed pa shin tu khyad par gyur pa bzhin/ de bzhin 'dir yang bshad gci la sogs pa'i don yang ye shes me lhan cig 'byung ba'i rkyen gyis bskyed par bya pa 'bras sA lu la sogs pa'i chan zhes so/ /rnam par dag pa de mel sbyin sreg bya ba'o/ /
 des na ye shes kyi me la rnam par snang mdzad la sogs pa rnam par rtog pa med pa yis sbyin sreg dbul bar bya'o zhes pa'o/ /gang gi rdo rje chu sa bon/ /sa bon de bzhin bzla bar bya/ /zhes pa ni/ de la rdo rje zhes pa ni/ nang gi hom khung la bsam pa'i rdo rje zhes
 pa'i don to/ /rdo rje sa bon zhes pa ni de ltar yi ge hUM bzlas pa'o/ /sa bon de bzhin zhes pa ni rdo rje'i bum pa'i dbus su yi ge hUM bsam par bya snas/ de tshe sa bon dang bcas par 'gyur ro zhes pa ji snyed pa'o/ /de dbus 'bar ba'i nyi ma yi/ /me yi yi ge rnam par bsaM/
 zhes pa ni/ me'i yi ge k+ShuM 'bar ba'i rang bzhin du 'dug pa'i mkha' 'gro ma bsams te/ de 'bar ba'i nyi ma'i dbus su sbyin pa bya'o zhes pa'o/ /gzugs dang mdzes pa'i mdog ni padmo'i dbang phyug ste/ zhes pa la sogs pa ni bshad zin to/ /da ni byang chub sems kho
 na thabs dang/ shes rab las 'byung ba nyid kyis chos kyis/ /dbyings kyi rang bzhin gyi phyir na/ rdo rje sgras mngon par brjod do zhes gsungs pa/ A li zhes bya bud ba ste zhes pa la sogs pa ste/ de la A li ni bung ba dang/ rdo rje dang 'jigs byed ces rnam
 grangs so/ /de kho na nam mkha' mdza' thug pa bzhin du chos kyi rang bzhin gyis thams cad khyab pa nyid du gsungs pa/ A li nam mkha' mdza' klas pa/ /chos kyi dbyings kyi rang bzhin no/ /rgyu dang mi rgyu gsang 'dzin pa/ /lus rnams thams cad de las 'gyur zhes pa ste
 thams cad gsang ba'i rang bzhin gsang ba'i gzugs kyi sa 'dzin pa'i phyir gsang 'dzin no/ /bdud rtsi de yang gang la gnas shes na/ gsungs pa/ lus kyi yan lag bco brgyad la zhes pa ste/ nu ma la sogs pa'i gnas
 bco brgyad cher gnas so/ /zhes pa'i don to/ /de kho na la gsungs pa/ dbang po kun gyi bdud rtsi lnga dag ces pa ste/ dbang po thams cad la gnas pa nyid kyi phyir na de dag gi rang bzhin zhes pa'i don to/ /de ni dbus nas drangs byas te/ A li dbus su thim
 par bya/ /zhes pa ni dbang po de dag las drangs te/ /A li dbus su gsang ba'i rdo rje la gnas par bya'o zhes pa'o/ /don ni 'di lta ste/ gnas bco brgyad nas nye bar bsdus nas mtshan ma brgyad bya'o zhes pa'o/ /'jigs byed ces pa ni/ rdo rje bdud rtsi la
 brjod de/ /de'i rang bzhin yin no/ /'jigs byad ni bkang ba zhes te/ bdud rtsi'i rang bzhin sems can thams cad bkang nas shin tu rol cing thams cad ri go/ khams gsum la khyab cing gnas par gyur pas na/ 'jigs byed zhes pa'o/ /de ltar yang
 gsungs pa/ thams cad la ni bkang byas te/ /thams cad dus la rol par byed/ /thams cad du 'ang gnas byed pas/ /de bas 'jigs byed zhes su bshad/ /rdo rje nga ro yis zhes pa ni yi ge hUM ngo/ /sbyor ba'i rdzas ni 'byung bar 'gyur zhes pa ni/ yi
 ge hUM gi sgras bkang nas dbyung bar bya'o/ /rnal 'byor pa'i rdzas rig pa'i rim pas skyes ma thag tu dam pa'i tshangs pa'i ngo bo nyid skye bar 'gyur ro/ /zhes pa'o/ /de ltar yang gsungs pa/ rdo rje pad+ma mnyam sbyor bas/ /rdo rje sems dpa' bdag mnyam zhes
 so/ de nas rdo rje'i nga rol ngo bo nyid kyis bshad 'dod pas gsungs pa/ me dang rlung gi bdun pa yis zhes pa la sogs pa ste/ de'i don ni bshad zin to/ /sgra sogs gong ma'i sa bon ni/ zhes pa ni ye ge a'o/ /de'i dbus su gzung bar bya/ /zhes pa ni
 rdo rje'i dbus su yi ge a zhu ba lwa gyur pa'i zla ba'i dkyil 'khor gyi steng na yi ge hUM bsam par bya'o zhes pa'o/ /de ltar A li'i ngo bo bshad nas/ da ni kA li'i de bzhin nyid bshad par 'dod bas gsungs pa/ kA li me tog kun tu shes zhes pa ste/ de la kA li zhes pa
 ni chos kyi 'byung gnas so/ /me tog kun tu shes zhes pa ni/ de kho na me tog ces pa dang/ kun tu shes pa zhes ji snyed pa'o/ /me tog thugs pa rdo rje can zhes pa ni/ pad+ma'i rang bzhin nyid kyi phyir na de la thugs par byed pa rdo rje thug par byas nas rdo rje'o/ /de kho nas
 me tog la thug pa'i phyir bung ba'i sgra yis gong du bshad zin to/ /'khor ba las byung thams cad du/ /me tog thams cad sa yin no zhes pa ni/ 'khor ba pa la skye ba can thams cad de kho na'i skyed pa po nyid kyi phyir na ma'o/ /de kho na'i thams cad sa'i rnam shes
 pas khyad par byas te/ thams cad kho na skye ba'i gnas zhes pa'o/ /yang nas yang du khyad par gsungs pa/ ye shes chu yi rgya mtsho 'di/ /shes rab chu srin nya dag dang/ zhes pa sde/ de la ye shes chu'i rgya mtsho 'di zhes pa ste/ de la ye shes chu'i rgya mtsho 'di zhes pa
 ni/ bdud rtsi chus bskang ba'i rgya mtsho zhes pa'i don to/ /yang na rdo rje 'dzin de kho na nyid kyi rgyur gyur pa/ sna tshogs thabs dang lan pa'i byang chub sems rin chen gyi gzhi nyed phyir na rgya mtsho'o/ /shes rab chu srin nya dag dang zhes pa ni/ sems can gyi khams sum?
 'khor ba las drangs pa'i mthu gang yin pa de/ shes rab kyi pha sgra brjod do/ /de yang sna tshogs kyi gzugs su chu srin dang nya la sogs pa lta bu'o/ /gnyis med 'dam pa'i dbus dag la/ /thabs kyi myu gu dag ges ni/ zhes pa ni de la gnyis med zhes pa ni snyoms par
 sbyor ba'i pad+ma'o/ /'dam pa ni thabs kyi mtshan ma'o/ /de kho na myu gu zhes ji snyed pa'o/ /bandu ka ni rgyas pa bzhin zhes pa la sogs pas ni/ kA li de kho na'i dbus su mdog gi rnam pa'i cha gsungs so/ /sbrang rtsi bdud rtsi gnas yin te/ zhes pa ni sbrang rtsi'i ngo bo
 bdud rtsi'i gzhi zhes pa'i don to/ /kA li bdud rtsi de nyid kyi zhes pa ni/ bdud rtsi de'i rten nyid kyi phyir na/ kA li yang bdud rtsi'i rang bzhin yin no/ /zhes ji snyed pa'o/ /de ltar bsgoms pa'i pad+ma ji ltar rgyas par bya zhes gsungs pa me tog
 rgyas pa'i chu skyes pa ste/ de la me tog ces pa ni/ pad+ma'i khyab par la bya'o/ /rgyas pa zhes pa ni/ /brgyas pa'o/ /chu skyes zhes pa ni pad+ma'o/ /de bas na gsang ba'i me tog pad+ma kha rgyas par bya ba zhes bshad par 'gyur ro/ /gang gis kha rgyas par bya zhes na gsungs
 pa/ yi ge gnyis 'gyur thigs pa dang/ zhes pa la sogs pa ste/ do la yi ge gnyis 'gyur ni kA'o/ /thigs pa dang zhes pa ni/ mgon zla chos kyi tshul steng na thig le'i ri mo'o/ /rtsa bar 'dren par sbyor bar bya zhes pa ni/ 'og na zhabs skyed yi ge u
 dang sbyar bar bya'o zhes pa'o/ /don ni 'di lta ste/ pad+ma'i snying po yi ge a las gyur ba'i zla ba'i dkyil 'khor gyi steng du skye gnas kyi sa bon bkod par bya'o zhes pa'o/ /de yi yi ge sa bon dag /lha mo nyid gyi rigs kyi yum zhes pa ni/ yi ge sa bon de bkod
 pa yis drag po'i mkha' 'gro ma'i ngo bor gyur par 'gyur ro zhes ji snyed pa'o/ /rigs kyi yum zhes pa ni/ de ltar skyes ma thag tu rigs kyi yum nyid du 'gyur ro zhes pa'i don to/ /de ltar yang gsungs pa/ sgrol man bza' dkar mo dang/ /sangs rgyas spyan dang
 mA ma kI/ /shes rab pha rol phyin ma dag /lha mo de la rigs kyi yum zhes pa'o/ /zla ba'i dbus su legs bsam pa/ /bdud rtsi sa bon bsam par bya zhes pa ni/ /lha mo yis kyang chos kyi 'byung gnas la yi ge a las gyur pa'i zla ba'i dkyil 'khor gyi
 steng na yi ger rnam par bsgrom par bya'o/ zhes pa'o/ /A li zhes bya bar ba ste/ /kA li de bzhin gshegs pa yin/ zhes pa ni/ ji ltar bung ba'i sgra'i don de ltar de bzhin gshegs pa brjod par bya'o/ /me tog gi sgra dang kA li'i sgra ji ltar thun mong gi
 don de bzhin gshegs pa yang brjod par bya'o/ /gnyi ga las ni 'byung ba skye ba/ /bdud rtsi'i cho ga mchog yin no/ /zhes pa ni/ de la gnyi ga zhes pa ni thabs dang shes rab po/ /'byung skye ba ni de las 'byung ba'i las so/ /bsam pa ni 'di lta ste/ thabs dang shes rab
 'dus pa la/ /skye bar byed pa shin tu khyad par can rdo rje bdud rtsir byas pa'i don to/ /sgrar brjod par bya'o/ /de bas mdor yang thabs dang shes rab tu 'gyur ba'i pad+ma dang/ rdo rje sbyor ba las bskyed pa byang chub kyi sems gyi bdud rtsi zhes bya ba/ mya ngan las 'das pa'i rkyen nyid
 kyi phyin na bdud rtsi dgur brjod par bya ste/ rkyen la don du nye bar brtags pa'i phyir ro/ /de yang lha'i bdag nyid kyi phyir na/ chos kyi yig 'bru gsungs pa/ ji ltar sde tshan gsum pa yis/ zhes pa la sogs pa ste/ ji ltar sde tshan gsum pa yi/ /yi ge gsum pa
 gzung bya zhing/ /zhes pa ni yi ge da'o/ /glo ru dbyug pa rdo rje dang/ /zhes pa ni/ de'i glo ru yi ge ra'i dbyug pa'i ri mo sbyin par bya'o/ /lu gu rgyud kyis dkri bar bya zhes pa ni/ /de dang dbyug pa gnyis kyi bar du lu gu rgyud kyi ri mos sprol bar bya'o zhes pa'o/ /des
 na yi ge'i gzugs su 'gyur ro/ /yi ge a ni chos thams cad skye ba la rkyen du gyur pa ci'i phyir de bas na yi ge a ni rgyud thams cad la rab tu grags so/ /a kA ro mu khaM sarba d+harmA NAM A rya nutla n+na trwA ta zhes so/ /rim pa kho nar gsungs pa/ de bdud rtsi lnga'i
 de bzhin nyid zhes pa ste/ de la de zhes pa ni yi ge a'o/ /yi ge a gnas gyur nas/ bskyed pa nyid kyi phyir na byang chub sems la sogs pa bdud rtsa lnga de bzhin nyid du 'gyur ro/ /de bzhin gshegs pa lnga'i rang bzhin du bsgom pa'i phyir ro zhes mngon to/ /yang
 na yi ge a kho na bdud rtsi lnga'i de bzhin nyid zhes pa'o/ /de nyid kyi phyir na lta ba ngan pa rnams kyis bdag tu lta ba la sogs pa spang ba'i don du skal pa dang ldan no zhes gsungs pa/ /bdag nyid lus ni bshal bar bya zhes pa'o/ /bdud rtsi shar gis mngon shes na/ /
 bdud rtsi lnga'i khyad par gyis zhes pa ni/ bdud rtsi zhes bya ba byang chub sems bdud rtsi lnga'i khyad par gyi ngo bo gang dag gis shes par gyur na de dag gis ni de bzhin gshegs pa'i lam mngon par 'gyur ro zhes pa'o/ /de bas gsungs pa/
 'gro ba'i sgra ni kun bltas nas/ /gang la lus ni dag pa'o/ /zhes pa ste/ de la gang zhig dag pa'i lus byang chub kyi lus kyi snying po ka la dag pa'i lus zhes pa ste/ /sangs rgyas nyid dang rdo rje 'dzin pa nyid du thob par 'gyur ro zhes pa'i don to/ /de kho na gsal bar
 byed pas gsungs pa/ gang gis bdud rtsi bka' yis su/ /rang dgar bdud rtsi myang bar bya zhes pa ste/ rak+ta la sogs pa rnam par dag pa bya'o/ /da ni bdud rtsi rnam pa lnga dang/ lcags kyu rnam pa lnga'i khyad par bshad 'dod pas gsungs pa/ nyon cig rdo rje de kho na/ /
 bza' ba lnga yi bye brag gis/ /zhes pa ste/ rdzas bcu po de dag ni bza' ba lnga zhes ji ltar yin zhe na/ don 'di ltar te/ lnga dang lnga nyid cig tu byas nas/ nye bar sbyor ba nyid phyir na bza' ba lnga zhes gsungs so /gang gis shes pas zin 'gyur na/ /lam ni myur du
 mthong bar 'gyur zhes pa ste/ gang gis shes pa ni sgrub pa'i ngo bo nyid shes par bya'o/ /gal te sgrub pa pos lha bsgoms te brtsams par gyur na/ lam ni myur du mthong nas des bde ba chen por myur du mthong ba'o zhes pa'i don to/ /blo gros chen po zhes pa ni/ byang
 chub sems so/ /ngag dag dang zhes pa ni rak+ta'o/ /rig ldan zhes pa ni rdo rje chu'o/ /bskyed pa ni rnam par snang mdzad do/ /shel zhes ba ni 'di'i gnas skabs su snabs la sogs pa la bya'o/ /spyad par bya zhes pa ni gzung 'dzin rnam par rtag pa med par dag
 ba'i rang bzhin gyis brtsam par bya'o zhes pa'o/ /rnal 'byor pa zhes pa ni/ rnal 'byor pa rnams kyis spyod do/ /zhes pa'i don to/ /lcags kyu che zhes pa ni sha chen no/ /rnam shes sa bon bzlas pa yis/ /de yi sa bon gzung byas te zhes pa ni/ de la
 rnam par shes pa'i sa bon zhes pa ni yi ge a'o des yongs su bskyed pa bdud rtsi lnga dang/ sha chen zhes pa'o/ /de bas na bdud rtsi lnga dang/ sha chen gyi sa bon gcig pas sha chen gyi 'og tu sa bon gsungs so/ /bzlas pa yis zhes pa ni/ sngags des bkur
 nas sngags bzla bar bya'o zhes pa'i don to/ /lcags kyu lnga'i chos kyi yi ge ni gong du bshad zin to/ /da ni de ngag rnam par spyang ba'i sa bon bkod par gsungs pa/ bgegs kyi lcags kyu gcig gis ni/ de yi lam du sbyar byas pa/ zhes pa la sogs pa
 ste/ de la bgegs kyi lcags kyu ni glang po che'i sha ste/ yi ge hUM gis sbyang bar bya'o zhes pa ste/ yul gyi bdag po lcags kyu che zhes pa ni khyi sha ste/ yi ge g+hi gis sbyang bar bya'o/ /rta'i sha'i yi ge dzaM gis sbyang bar bya'o zhes gsal bar bya'o zhes gsungs
 pa/ rta'i lcags kyu byin rlabs pa zhes pa la sogs pa'o/ /ba lang gi sha yi ge sriM gis sbyang bar bya'o zhes gsungs pa/ rdo rje lcags kyus byin brlabs shes pa la sogs pa'o/ /lcags kyu chen po'i sa bon ni/ /bdud rtsi lnga'i bshad pa la gsal bar
 bshad zin to/ /bar 'dir ni ma bkral lo/ /bdud rtsi lnga dang lcags kyu lnga bsres pa'i dri zhim po la sogs pa de dag kho na'i chos kyi 'bras so sor re re mchan khung sbyor ba'i tshul gyis phyag 'tshal ba dang bsreg pa bcas par bzla ste/ du bas bsgos par
 bya ba dang/ bskus pa dang/ thul ba dang/ thig ler byas pa la sogs pa sbyor bar bya'o zhes gsungs pa/ rdzas bcu dag dang sbyar byas te/ zhes pa la sogs pa'o/ /rnal 'byor ma bzhi skab pa dang/ zhes pa de nas brtsams nas/ rnal 'byor ma rnams dbus
 su bdag me mche'o sgo dbyer gsol zhes pa'i tshigs bcad ji snyed mthar thug pa ni med mar ma la sogs pa'i sgrub pa gsungs so /gzhan yang dag gi phyag rgya'i mtshan nyid ces dang po gzung nas rnal 'byor pa dang/ rnal 'byor ma dga' nas rtse zhing
 'di dag ni/ ngag dang brda'i phyag rgya'i zhes te/ mthar thug pa'i bar ni phyag rgya'i brda bstan pa'o/ /dpal rdo rje slob dpon dge ba'i go chas mdzad pa'i dpal ldan gdan bzhi pa'i gzigs pa las gzhan gyis gdan rdzogs so// //