བོད་ཡིག

e-texts based on the ACIP/ALL Input

rin po che rgyan gyi sgrub la bzhugs so/ /rgya gar skad du / ratnA laM kA ra sid+d+hi / bod skad du / rin po che rgyan gyi sgrub pa / dpal rdo rje mkha' 'gro la phyag 'tshal lo/ /stong nyid snying rje dbyer med cing/ /zab dang rgya cher bdag nyid can/ /rnam thar sgo gsum rang bzhin gyis/ /rdo rje rnal 'byor ma la 'dud/ /oDyaN yul nas byung ba yi/ /brgyud pa'i rim bzhin ma chad pa'i/ /rnal 'byor ma ni 'dod de gzhung/ /rin chen rgyan gyi grub pa bshad/ /de la rnal 'byor pa dbang bskur ba thams cad rdzogs pas/ u las oDyaN du bsam la / stan bde pa la 'dug ste/ rnal 'byor ma'i tshogs mnyes par bya'o/ /de nas dag pa gsum la sogs pa brjod nas/ stong pa nyid kyi rang bzhin du bsam la/ de la sngon gyi bla ma'i man ngag gis / dbang bskur ba'i rim pas don du dmigs la/ rdo rje rnal 'byor mar bsam par bya'o/ /de nas rdo rje 'dzin pas byin gyis brlab te / khrus bya'o de nas bsrung ba la sogs pa rim bzhin byas te mchod par bya'o/ /de la mchod pa'i rten me plong la sogs pa'i snod gtsang mar/ sind+hu ra dang khu ba dang khrag dang til dang dri chus ri mo gru gsum rtseg mar bya'o/ /de'i dbus su mi shigs pa dang skye ba med pa'i tshul gyis dgod par bya'o/ /de la rnal 'byor ma'i sngags kyis bskor bar bya'o/ /'dab ma'i nang du rnal 'byor ma'i sngags bris par bya'o/ /de'i phyi ram du go cha'i sngags gzhag par bya'o/ /de rdo rje 'dzin pa'i steng du bzhag nas bsgom pa'i rim pas tshogs pa sog par bya'o/ /de nas bdag gi g.yon du rdo rje rnal 'byor ma bzhag la/ de la rang bzhin gyi rnal 'byor ma spyan drang te dgug pa dang gzhug pa dang bcing ba dang dbang du bya'o/ / de nas dza(rgyud 'grel btsal ba dang bstod de/ sdig pa bshags pa la sogs par bya'o/ /de dag ni tshogs bsag pa'o/ /de nas lus gzhal yas khang du bsams la de'i lte bar baM las sam zhu ba dang/ bde ba las sam / stong pa'i brda 'od kyi ri mo las bcom ldan 'das ma phag mo zhal gnyis pa phyag gnyis pa phag gdong khro mo zhal gnyis la rdo rje phreng pas thod byas pa/ sna tshogs rdo rje g.yung drung 'khyil pas brgyan pa/ smin ma rdo rjes g.yengs pa/ phyag g.yas na gri gug/ g.yon pa thong pa bsnam pa/ sku mdog dmar nag 'od zer 'phro pa / thod pa'i rgyan can / lus bde pas rgyas pa bsam par bya'o/ /de'i don yid la byas pas de'i lus gzhal yas khang du gyur te/ de'i lte ba'i gnas steng pa las rdo rje rnal 'byor ma bskyed par bya'o/ /de las dbus lte ba las dal gyis drangs la/ slar de ru bcug pas stong pa nyid du bsgyur te / de las zhal cig phyag gnyis pa'i rdo rje rnal 'byor ma bsams la/ de'i rigs las zhal gcig phyag gnyis pa'i dpal he ru ka /g.yas pa na rdo rje g.yon pa na thod pa bsnams ba bsams te/ gyur te gnyis med du bsam mo/ /de'i lte bar gru gsum dkar dmar pa'i rgyan can/ de'i dbus su rtog pa mdza' dag 'byung ba'i rgyu skur? lan bzhir 'khor bar bsam par bya'o/ /de ltar cung zad gzhag la rjes su mthun pa'i btsun mo gang rnam pa rang bzhin gyis bsgom par bya'o/ /de dang lhan cig gnas la rlung ma dang/ gnyid ma rtse sprad tsaN+Da li drag la yun thud ba 'am/ ngal la yun ring ba sbar bar bya'o/ /lte ba'i 'khor lo 'khor bas 'od kyi ri mo las me byung bas / snying ga'i 'khor lo/ /de'i spyi bor 'khor lo la 'khor bas 'od kyi me 'byung bas/ haM zhu bas lus thams cad khu pas rgyas par bsam par bya'o/ /de nas lus thams cad kyi bde ba / phyogs gcig tu dmigs la bsgom par bya'o/ /bde ba'i rol chags par 'gyur na dpral ba'i gru gsum gyi rnam pa nam mkha' i dmigs pa'i sbyor bas mi rtog pa bsam par bya'o/ /de nas bdag gi snying gar ro la gnas pa'i phag mo'i shes pas mar me ltar gsal ba bsgoms / mar me yang mar me'i rtse mo la rim gyis stong par bcug la de las he ru ka bskyed la / de rang snang ba'i rig mar bcas pa zhal bzhi phyag bcu gnyis par bsgoms te/ rlung ma dad gnyid ma rtse sprad rim gyis byang chub kyi sems phab nas gsang ba rdo rje'i sbu gur phyin pa dang/ dpe'i lhan cig skyes pa'i tshul gyis mthar phyin pa dang/ lus bshig ste gyur pa'i bskyed pa'i rim pas gnas te/ hUM dal gyi brjod pa dang rlung lha cig tu drangs pas lte bar gnas te/ dga' ba'i rang bzhin du bsgom mo/ /de bzhin du mgrin pa dang / snying gar oM bcug la bsam par bya'o/ /de yang bde ba rang bzhin med par byas te / rnam pa'i tshul gyis drangs te sbyar? par bya'o/ /de dang lhan cig 'od du zhugs pa las rdo rje 'dzin pa chen po'i rang bzhin du 'gyur ro/ /slob ma gzung bar 'dod na/ slob mas lan mang bar gsol ba 'debs pa de bzung bar bya'o/ /de yang bsrung bar bya ste / sngags phog nas snod kyi rim pas lhar bskyed pa bzlas par bya'o/ /de nas ches bcu la mchod pa bya ste/ maN+Dal sngon du song bas yin? phul la /slob ma mdun du bzhag pa/ bdag la gnyis su phye nas slob ma'i spyi bor gnas te/ de 'od du zhu ba las bcud du gyur te/ slob ma las snga ma bzhin du g.yon pa'i 'khor lo bsgom par bya'o/ /de nas dril bu dkrol nas mi rtog pa la gnas par bya'o/ /mthar bslang lte phyag byas te/ dpa' pos kyang bcud du gyur par bya'o/ /des dril bus kyang skye pa med pa'i brda bya'o/ /cing bde bar gnas par bya'o/ / man ngag las ni thob pa bzhin/ /brgyud pa'i rim pa bris pa yin/ /dge ba de yi 'gro ba kun/ /rnal 'byor go 'phang thob par shog /mkhas pa chen po dI paM kar sh+rI dz+nyA nas mdzad pa rdzogs so// //