Wylie

e-texts based on the ACIP/ALL Input

རིན་པོ་ཆེ་རྒྱན་གྱི་སྒྲུབ་ལ་བཞུགས་སོ། །རྒྱ་གར་སྐད་དུ་། རཏནཱ་ལཾ་ཀཱ་ར་སིདྡྷི་། བོད་སྐད་དུ་། རིན་པོ་ཆེ་རྒྱན་གྱི་སྒྲུབ་པ་། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །སྟོང་ཉིད་སྙིང་རྗེ་དབྱེར་མེད་ཅིང། །ཟབ་དང་རྒྱ་ཆེར ་བདག་ཉིད་ཅན། །རྣམ་ཐར་སྒོ་གསུམ་རང་བཞིན་གྱིས། །རྡོ་རྗེ་རྣལ་འབྱོར་མ་ལ་འདུད། །ོཌཡཎ་ཡུལ་ནས་བྱུང་བ་ཡི། །བརྒྱུད་པའི་རིམ་བཞིན་མ་ཆད་པའི། །རྣལ་འབྱོར་མ་ནི་འདོད་དེ་གཞུང། །རིན་ཆེན་རྒྱན་གྱི་གྲུབ་པ་བཤད། །དེ་ལ ་རྣལ་འབྱོར་པ་དབང་བསྐུར་བ་ཐམས་ཅད་རྫོགས་པས། ཨུ་ལས་ཨོཌཡཎ་དུ་བསམ་ལ་། སྟན་བདེ་པ་ལ་འདུག་སྟེ། རྣལ་འབྱོར་མའི་ཚོགས་མཉེས་པར་བྱའོ། །དེ་ནས་དག་པ་གསུམ་ལ་སོགས་པ་བརྗོད་ནས། སྟོང་པ་ཉིད་ཀྱི་རང ་བཞིན་དུ་བསམ་ལ། དེ་ལ་སྔོན་གྱི་བླ་མའི་མན་ངག་གིས་། དབང་བསྐུར་བའི་རིམ་པས་དོན་དུ་དམིགས་ལ། རྡོ་རྗེ་རྣལ་འབྱོར་མར་བསམ་པར་བྱའོ། །དེ་ནས་རྡོ་རྗེ་འཛིན་པས་བྱིན་གྱིས་བརླབ་ཏེ་། ཁྲུས་བྱའོ་དེ་ནས་བསྲུང ་བ་ལ་སོགས་པ་རིམ་བཞིན་བྱས་ཏེ་མཆོད་པར་བྱའོ། །དེ་ལ་མཆོད་པའི་རྟེན་མེ་པལོང་ལ་སོགས་པའི་སྣོད་གཙང་མར། སིནདྷུ་ར་དང་ཁུ་བ་དང་ཁྲག་དང་ཏིལ་དང་དྲི་ཆུས་རི་མོ་གྲུ་གསུམ་རྩེག་མར་བྱའོ། །དེའི་དབུས་སུ་མི་ཤིགས ་པ་དང་སྐྱེ་བ་མེད་པའི་ཚུལ་གྱིས་དགོད་པར་བྱའོ། །དེ་ལ་རྣལ་འབྱོར་མའི་སྔགས་ཀྱིས་བསྐོར་བར་བྱའོ། །འདབ་མའི་ནང་དུ་རྣལ་འབྱོར་མའི་སྔགས་བྲིས་པར་བྱའོ། །དེའི་ཕྱི་རམ་དུ་གོ་ཆའི་སྔགས་གཞག་པར་བྱའོ། །དེ་རྡོ་རྗེ་འཛིན ་པའི་སྟེང་དུ་བཞག་ནས་བསྒོམ་པའི་རིམ་པས་ཚོགས་པ་སོག་པར་བྱའོ། །དེ་ནས་བདག་གི་གཡོན་དུ་རྡོ་རྗེ་རྣལ་འབྱོར་མ་བཞག་ལ། དེ་ལ་རང་བཞིན་གྱི་རྣལ་འབྱོར་མ་སྤྱན་དྲང་ཏེ་དགུག་པ་དང་གཞུག་པ་དང་བཅིང་བ་དང་དབང་དུ་བྱའོ། ། ་དེ་ནས་ཛ(རྒྱུད་འགྲེལ་བཙལ་བ་དང་བསྟོད་དེ། སྡིག་པ་བཤགས་པ་ལ་སོགས་པར་བྱའོ། །དེ་དག་ནི་ཚོགས་བསག་པའོ། །དེ་ནས་ལུས་གཞལ་ཡས་ཁང་དུ་བསམས་ལ་དེའི་ལྟེ་བར་བཾ་ལས་སམ་ཞུ་བ་དང། བདེ་བ་ལས་སམ་། སྟོང་པའི་བརྡ་འོད་ཀྱི་རི་མོ ་ལས་བཅོམ་ལྡན་འདས་མ་ཕག་མོ་ཞལ་གཉིས་པ་ཕྱག་གཉིས་པ་ཕག་གདོང་ཁྲོ་མོ་ཞལ་གཉིས་ལ་རྡོ་རྗེ་ཕྲེང་པས་ཐོད་བྱས་པ། སྣ་ཚོགས་རྡོ་རྗེ་གཡུང་དྲུང་འཁྱིལ་པས་བརྒྱན་པ། སྨིན་མ་རྡོ་རྗེས་གཡེངས་པ། ཕྱག་གཡས་ན་གྲི་གུག། ་གཡོན་པ་ཐོང་པ་བསྣམ་པ། སྐུ་མདོག་དམར་ནག་འོད་ཟེར་འཕྲོ་པ་། ཐོད་པའི་རྒྱན་ཅན་། ལུས་བདེ་པས་རྒྱས་པ་བསམ་པར་བྱའོ། །དེའི་དོན་ཡིད་ལ་བྱས་པས་དེའི་ལུས་གཞལ་ཡས་ཁང་དུ་གྱུར་ཏེ། ་དེའི་ལྟེ་བའི་གནས་སྟེང་པ་ལས་རྡོ་རྗེ་རྣལ་འབྱོར་མ་བསྐྱེད་པར་བྱའོ། །དེ་ལས་དབུས་ལྟེ་བ་ལས་དལ་གྱིས་དྲངས་ལ། སླར་དེ་རུ་བཅུག་པས་སྟོང་པ་ཉིད་དུ་བསྒྱུར་ཏེ་། དེ་ལས་ཞལ་ཅིག་ཕྱག་གཉིས་པའི་རྡོ་རྗེ་རྣལ་འབྱོར་མ་བསམས ་ལ། དེའི་རིགས་ལས་ཞལ་གཅིག་ཕྱག་གཉིས་པའི་དཔལ་ཧེ་རུ་ཀ་།གཡས་པ་ན་རྡོ་རྗེ་གཡོན་པ་ན་ཐོད་པ་བསྣམས་བ་བསམས་ཏེ། གྱུར་ཏེ་གཉིས་མེད་དུ་བསམ་མོ། །དེའི་ལྟེ་བར་གྲུ་གསུམ་དཀར་དམར་པའི་རྒྱན་ཅན། དེའི་དབུས ་སུ་རྟོག་པ་མཛའ་དག་འབྱུང་བའི་རྒྱུ་སྐུར?་ལན་བཞིར་འཁོར་བར་བསམ་པར་བྱའོ། །དེ་ལྟར་ཅུང་ཟད་གཞག་ལ་རྗེས་སུ་མཐུན་པའི་བཙུན་མོ་གང་རྣམ་པ་རང་བཞིན་གྱིས་བསྒོམ་པར་བྱའོ། །དེ་དང་ལྷན་ཅིག་གནས་ལ་རླུང་མ་དང། གཉིད ་མ་རྩེ་སྤྲད་ཙཎྜ་ལི་དྲག་ལ་ཡུན་ཐུད་བ་འམ། ངལ་ལ་ཡུན་རིང་བ་སྦར་བར་བྱའོ། །ལྟེ་བའི་འཁོར་ལོ་འཁོར་བས་འོད་ཀྱི་རི་མོ་ལས་མེ་བྱུང་བས་། སྙིང་གའི་འཁོར་ལོ། །དེའི་སྤྱི་བོར་འཁོར་ལོ་ལ་འཁོར་བས་འོད་ཀྱི་མེ་འབྱུང ་བས། ཧཾ་ཞུ་བས་ལུས་ཐམས་ཅད་ཁུ་པས་རྒྱས་པར་བསམ་པར་བྱའོ། །དེ་ནས་ལུས་ཐམས་ཅད་ཀྱི་བདེ་བ་། ཕྱོགས་གཅིག་ཏུ་དམིགས་ལ་བསྒོམ་པར་བྱའོ། །བདེ་བའི་རོལ་ཆགས་པར་འགྱུར་ན་དཔྲལ་བའི་གྲུ་གསུམ་གྱི ་རྣམ་པ་ནམ་མཁའ་ཨི་དམིགས་པའི་སྦྱོར་བས་མི་རྟོག་པ་བསམ་པར་བྱའོ། །དེ་ནས་བདག་གི་སྙིང་གར་རོ་ལ་གནས་པའི་ཕག་མོའི་ཤེས་པས་མར་མེ་ལྟར་གསལ་བ་བསྒོམས་། མར་མེ་ཡང་མར་མེའི་རྩེ་མོ་ལ་རིམ་གྱིས་སྟོང ་པར་བཅུག་ལ་དེ་ལས་ཧེ་རུ་ཀ་བསྐྱེད་ལ་། དེ་རང་སྣང་བའི་རིག་མར་བཅས་པ་ཞལ་བཞི་ཕྱག་བཅུ་གཉིས་པར་བསྒོམས་ཏེ། རླུང་མ་དད་གཉིད་མ་རྩེ་སྤྲད་རིམ་གྱིས་བྱང་ཆུབ་ཀྱི་སེམས་ཕབ་ནས་གསང་བ་རྡོ་རྗེའི་སྦུ་གུར ་ཕྱིན་པ་དང། དཔེའི་ལྷན་ཅིག་སྐྱེས་པའི་ཚུལ་གྱིས་མཐར་ཕྱིན་པ་དང། ལུས་བཤིག་སྟེ་གྱུར་པའི་བསྐྱེད་པའི་རིམ་པས་གནས་ཏེ། ཧཱུཾ་དལ་གྱི་བརྗོད་པ་དང་རླུང་ལྷ་ཅིག་ཏུ་དྲངས་པས་ལྟེ་བར་གནས་ཏེ། དགའ་བའི ་རང་བཞིན་དུ་བསྒོམ་མོ། །དེ་བཞིན་དུ་མགྲིན་པ་དང་། སྙིང་གར་ཨོཾ་བཅུག་ལ་བསམ་པར་བྱའོ། །དེ་ཡང་བདེ་བ་རང་བཞིན་མེད་པར་བྱས་ཏེ་། རྣམ་པའི་ཚུལ་གྱིས་དྲངས་ཏེ་སྦྱར?་པར་བྱའོ། །དེ་དང་ལྷན་ཅིག་འོད་དུ་ཞུགས་པ་ལས་རྡོ་རྗེ ་འཛིན་པ་ཆེན་པོའི་རང་བཞིན་དུ་འགྱུར་རོ། །སློབ་མ་གཟུང་བར་འདོད་ན། སློབ་མས་ལན་མང་བར་གསོལ་བ་འདེབས་པ་དེ་བཟུང་བར་བྱའོ། །དེ་ཡང་བསྲུང་བར་བྱ་སྟེ་། སྔགས་ཕོག་ནས་སྣོད་ཀྱི་རིམ་པས་ལྷར་བསྐྱེད་པ་བཟླས་པར་བྱའོ། །དེ ་ནས་ཆེས་བཅུ་ལ་མཆོད་པ་བྱ་སྟེ། མཎྜལ་སྔོན་དུ་སོང་བས་ཡིན?་ཕུལ་ལ་།སློབ་མ་མདུན་དུ་བཞག་པ། བདག་ལ་གཉིས་སུ་ཕྱེ་ནས་སློབ་མའི་སྤྱི་བོར་གནས་ཏེ། དེ་འོད་དུ་ཞུ་བ་ལས་བཅུད་དུ་གྱུར་ཏེ། སློབ་མ་ལས་སྔ་མ་བཞིན་དུ་གཡོན་པའི་འཁོར་ལོ ་བསྒོམ་པར་བྱའོ། །དེ་ནས་དྲིལ་བུ་དཀྲོལ་ནས་མི་རྟོག་པ་ལ་གནས་པར་བྱའོ། །མཐར་བསླང་ལྟེ་ཕྱག་བྱས་ཏེ། དཔའ་པོས་ཀྱང་བཅུད་དུ་གྱུར་པར་བྱའོ། །དེས་དྲིལ་བུས་ཀྱང་སྐྱེ་པ་མེད་པའི་བརྡ་བྱའོ། །ཅིང་བདེ་བར་གནས་པར་བྱའོ། ། ་མན་ངག་ལས་ནི་ཐོབ་པ་བཞིན། །བརྒྱུད་པའི་རིམ་པ་བྲིས་པ་ཡིན། །དགེ་བ་དེ་ཡི་འགྲོ་བ་ཀུན། །རྣལ་འབྱོར་གོ་འཕང་ཐོབ་པར་ཤོག་།མཁས་པ་ཆེན་པོ་དཱི་པཾ་ཀར་ཤྲཱི་ཛྙཱ་ནས་མཛད་པ་རྫོགས་སོ།། །། ་