<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1087: de kho na nyid ye shes yang dag par grub pa'i rgya cher 'grel pa de kho na nyid bshad pa zhes bya ba<br><table><tr><td>
<input type="button" onclick="location.href='tcompletep.php?id=N1087&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1087&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1087&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">ye shes yang dag par grub pa'i rgya cher 'grel pa de kho na nyid bshad pa zhes bya ba bzhugs so/ / */ /rgya gar skad du/ marma ki li kA nA ma hwa dz+nyA na saM sid+d+hi pany+dzi kA/ bod skad du/ de kho na nyid ye shes yang dag par grub pa'i rgya cher 'grel pa de kho na nyid bshad pa
 zhes bya ba/ rdo rje phag mo la phyag 'tshal lo/ /gtum mo'i byed ba rol bskyed gnas las rtogs gyen du rol ba rang 'byung gi /gzugs brnyan 'byung ba bde ba chen por 'phro ba rang gi khong du chud phyir rol/ /chu skyes mchog tu gshegs shing myang 'das rtogs pa
 thob pa'ang myur zhing myur bar ste/ /rtogs pa gnyis med mchog tu lhan cig skyes ba kun tu dga' ba la bdag cag 'dud/ /chu gter grub pa'i gru ltar mi 'khrugs 'dir ni mnga' bdag mkha' tsam rnyed la tshogs/ /'gro ltar des bcings thun gnyis rol
 te rdo rje rol ma'i rtogs pa'i yan lag las/ /de rnams slob la kun tu dang po thabs kyi rig pa mchod/ /rdo rje lha mo zab don zab pa kun tu dga' ba 'khyil/ /rgya cher 'grel pa'i tshig tsam bshes gnyen gyis ni rtogs pas bya/ /mi shes pa shes
 gnyen nyid kyis rab tu gsal bar byed/ /don dam zab mo'i rnam bshad mi mtshungs bla na med pa 'di/ /gal te 'di ni dgrol bar bya yi gus pa tsam yang mdzod/ /de la bde mchog sdom pa rgya mtsho mngon par mi snang ba las byung ba'i bcom ldan
 'das ma rdo rje dgyes pa'i rol mas slob dpon ting nge 'dzin rdo rje rjes su bzung nas de kyang bla ma dam pa'i pad+ma las gdams pa blangs pa/ rgyu 'bras gnyis kyi rang gzugs gtum mo'i gzugs can lhan cig skyes pa'i gzugs kyi rang
 bzhin gyi dpal ldan rdo rje phag mo'i sgrub thabs mchog tu gyur ba'i yon tan bsam gyis mi khyab pas brgyan cing mdzes pa'i mdzad do// //de nas rdo rje phag mo la shis pa'i dbyangs kyi sgo nas gsungs pa ni/ /dang po'i
 tshigs su bcad pa dang 'og gi tshigs su bcad pa gnyis su phan tshun bcings nas don so sor stor pa la khyad par bcu bcus khyad par du byas nas skad cig ma bzhi'i mtshan nyid can gyi dga' ba'i rang bzhin de'i gzugs kyi rang bzhin la skyes
 pas 'gro ba thams cad kyi ma rig pa'i mun pa gsal nas lam mchog tu gyur pa skyes pa dang/ de las skyes pa'i sras rnams brtse bas skyong ba'i rnal 'byor ma ni rdo rje phag mo ste/ de'i don brjod par bya'o/ /dang po rlung gis bskyod pas zhes pa
 la sogs pa phag mo?/ yis ni khyod la bsrungs zhes pa'i 'brel la/ bA rA hI zhes pa sna tshogs 'dod pa'i bde ba nyid la bA rA byang chub kyi sems shes bya ste/ bA nyid la mig gi yi ge dang po byin pa'o/ /yang ni bA rA zhes pa byang chub sems kyis lus
 kyi ba spu'i bu ga thams cad khyab ba la bya ste/ sgra'i khams las byung ba'o/ /de yang thig le nyid he ru ka'i rnam pa bde ba chen po'i 'khor lo na gnas pa la a ti'i rnam par sprul pa'i 'khor lo nas yar la rjes su 'gro zhes pas
 na bA rI hI ste de yang reg pas gcig tu gyur ba las hI grub pas bA rA hI zhes bya'o/ /yang na bA rA zhes pa bde ba ste/ 'khor lo'i bdag po ste/ de la bka' nod par byed pas bA rA la rang gi rkyen byin pas ring po grub pas bA rA hi zhes
 bya'o/ /de la man ngag gi rim pa bris bar bya ste/ 'dir ni rlung gi khams kyis ni/ /'gro ba don la grub pas ni/ /bskul nas bzhengs pa lha mo la/ /bA rA hI zhes brjod par bya/ /de bzhin a ba d+hu tI zhabs/ /sgrubs thabs
 gsal bar gsungs pa las/ /srin po'i zhal ni cung zad bsdam/ /rab tu 'bar ba rnam par bsgom/ /bA yi sgra ni rlung nyid de/ /a ni 'og gi 'khor lor gnas/ /de la bskyod pas ra nyid de/ /rang nyid me yi gzugs can ni/ /chos kun gyi ni rang
 bzhin nyid/ /d+hu tI A yi rnam pa la/ /me yi rang bzhin ra nyid las/ /gnyis su med par bskyod pa las/ /yang ni a yi rnam par blta/ /bde ba'i dbang phyug 'phros pa las/ /A gnyis sbyar bas ra la sbyin
 bar gyi yi ge ring po 'grub/ /ha ni ? bde ba'i 'khor lo gnas/ /a yi tsha zer 'khyud pa nyid/ /de nas kun tu khyab pa la/ /sna tshogs thig le i nyid do/ /de las 'jig rten 'das pa'i sems/ /'jig rten 'das pa'i bde ba
 nyid/ /zad par mi byed dpal gyi gzhi/ /i yi rnam pa'i gzugs can no/ /lha mo yi ge bdun nyid do/ /dus gsum ye shes dag pa'o/ /khrag 'thung ma ni bA rA hI/ /dpa' o he ru ka yis gsungs/ /de la 'dir ni bcom ldan ma//
 'dis ni sna tshogs rab tu gsal/ /rno zhing brdzun par snang ba'i phyir/ /khrag 'thung gtum mo zhes bya'o/ /de nas rtsa ba'i rgyud kyi tshig le'ur byas pa las/ /gsang ba mchog gi dgyes pa na/ /thams cad bdag nyid rtag tu zhugs
 zhes pas rdo rje phag mo'i rang bzhin a'i rnam par zhugs pa'i 'khor lor gnas pa las me'i rab rang bzhin nyi ma'i 'od zer gyi rtse mo lta bu 'phros pas/ /bde chen 'khor lor gnas pa'i thig le sdom pa'i gzugs reg nas slar spyan
 drang ste/ bdud rtsi'i rgyun 'bab par bsgom pa ni bcom ldan 'das ma'i gtum mo'i rnal 'byor du bla mas bshad do/ /'di ni na ning pa'i zhabs nas rang gi bla ma dam pa'i bar du rna ba nas rna bar brgyud pas gsal lo/ /'di ni bdag nyid chen po
 rnams kyi rim pa las byung ba ste/ /skyes bu dam pa dag gis shin tu gus par gyis shig dang de lta bu gang zhe na/ rlung gis bskyod pa zhes pa la sogs pa skye/ dang por bskyod pa ni gyen du'o/ /gang nas bskyod na 'og gi 'khor lo nas
 bzhengs zhes pas/ de yid chos dang longs spyod dang bde ba chen po'i 'khor lo'i 'og na gnas pa de nyid la sprul pa'i 'khor lo zhe 'am/ 'og gi 'khor lo zhes bya'o/ /gnyis pa rlung gis zhes pa thur? sel gyi rlung gyen du song bas so//
 glog gi zer ltar zhes pas de la 'dir 'od kyi rnam pa 'am/ ye shes kyi me'i gzugs sam/ 'od gsal gyi rang bzhin nam/ chags pa'i gzugs kyis phung po dang/ khams dang/ skye mched kyi bud shing bsregs par byed par byed pas na bcom ldan
 'das ma'o/ /de lta bu gang du mthong na dpyid kyi thig le'i 'grel ba las /sprin nag 'thibs pa'i mun pa 'thug por gyur pa las/ bzhengs pa'i glog chen 'khyugs pas lhag par gyur pa yi/ /snod bcud gnyis po rab tu bsregs pa'i khrag
 'thung ma/ /sna tshogs 'gro ba'i ma khyod la ni phyag 'tshal lo/ /chu yi ? po lte ba'i 'khor lor rab tu 'khrugs pa las/ /rdo rje pad+ma mnyam par sbyor bas bzhengs pa nyid/ /rta mchog mes pas lhag par gyur pa'i bcud 'thung ma/ /bdud rtsi'i
 rgyun ni rab 'bab khyed la phyag 'tshal lo zhes so/ /rtsibs can gsum po bsregs nas zhes bya ba ni/ /rtsibs yod pa la can zhes pas de dang ldan pas la 'khor lor yongs su grub pa'o/ /bsregs nas zhes pa gang bsregs na chos dang longs
 spyod dang bde ba chen po'i 'khor lo gsum po bsregs nas rang bzhin med par ro gcig tu gyur pa'o/ /'jig rten gsum gyis mchod gyur zhes pa/ sa bla sa stengs 'og mchod pa'o/ /yang na lus dang ngag dang yid kyi bdag nyid yongs su
 rdzogs pa'i rnam pa'o/ /bdud rtsi'i rgyun 'bab ces pa bde ba chen po'i 'khor lor gnas pa'i haM gi rnam pa la bdud rtsi'i rgyun 'bab pas khyab par mdzad pa'o/ /des ni dus dang dus ma yin pa'i rnam par rtog pa thams cad rtsa ba nas spangs te/
 rgyun chad med pa lhan cig skyes pa'i bde ba las skyes pa ro gcig par gyur pa'i de nyid la dga' ba'i mchod ces bya'o/ /de la 'di skad ston to/ /bcom ldan 'das ma ye shes kyi sku can gyis nyon mongs pa
 dang shes bya'i sgribs pa spangs nas bsam gyis mi khyab pa'i gzugs yongs su rdzogs pa na rnal 'byor pas de la rab ces bya'o/ /sangs rgyas ye shes bcud dang 'dres shing zhes pa ni/ sangs rgyas ni rdo rje dang pad+ma mnyam par sbyor
 ba las nor bu'i rtsa ba dang rked pa rtse mor byang sems mchog gi thig le sleb pa de las byung ba'i ye shes ni gang gis kyang/ skyob pa med pa las sangs rgyas ye shes zhes bya'o/ /bcud dang zhes pa de yang gzhon nu mas dang pa'i bde
 ba myong ba lta bu 'am/ sngar ma myong ba'i ro la longs spyod pa lta bu 'am/ rmi lam gyi bde ba khyad par myong nas smra mi shes pa lta bu ste/ the tshom dang bral ba'i de kho na nyid gsal ba'i don mchog tu gyur ba'i don to/ /'dres
 zhes pa ni de la nges par bstan pas rgyun ma chad bar gnas pa'o/ /de la 'dir skyon bral zhes pa ni/ skyon gang zhe na 'dod chags la sogs pa'i nyon mongs pa'i nyes pa'o/ /bral zhes pa ni 'dis bde ba chen po'i dal? du
 nyes pa thams cad thim pa'o/ /de yang gang gang sems ni goms pa yi/ /de ltar shes bya la 'jug pas/ /nyes pa dag gis g.yo mi byed/ /'di ltar thams cad blta bar bya ces so/ /de bzhin du yang / de lta de ltar
 bsgoms pa na/ /sems ni zung du 'jug par byed/ /sna tshogs gzugs can nor bu ltar/ /des na de yi rang bzhin 'gyur zhes so/ /yang na skyon ni chags bral te bde ba nyams pa'o/ /yang na skyon ni sdig pa ste chags bral
 kyi mtshan nyid sdig pa'o/ /sdig pa'i rang bzhin yang 'dir? chags bral lo/ /bral ba ni de dag spangs pa'o/ /de bzhin du 'phags pa lhas kyang/ /chags dang bral bas sdig pa ste/ /bde ba 'dod pas de nyid bsrung zhes pa dang/ /de bzhin
 du yang/ /dang sa ma spangs pas bde ba nyams/ /bde ba nyams pas sdug bsngal 'byung/ /sdug bsngal gyis ni khams zad byed/ /zad pas 'chi bar 'gyur ba'o zhes so/ /kun dga' i tshogs ster zhes pa ni/ /de la kun dga' ni dga' 
 ba dang dga' bral la sogs pa nas khyud par du gyur pa'i yang dag pa'i bde ba ma lus pa bkug nas de yang rang bzhin med par byed pa'o/ /tshogs zhes pa ni de la dga' ba la sogs pa thams cad lhan cig skyes pa'i dga' bar
 ro gcig par tshogs na tshogs zhes so/ /de thob pa ni ster ba'o/ /yang na dbang po dang yul dang rnam shes kyi tshogs thams cad dga' ba de thun mong ma yin par 'char bas na kun dga' o/ /dga' ba dang dga' bral sogs pa gong
 gi tshogs pa thams cad bde bar ro gcig pas na tshogs pa'o/ /de nyid thob pas ster ba'o/ /yang na kun zhes pa phag mo'i bye brag ste /dga' zhes pa 'jig rten las 'das pa'i bde ba'o/ /tshogs zhes pa de dag gnyis kyis
 phun sum tshogs pa thams cad do/ /ster zhes pa bcom ldan 'das ma bsgoms pas 'jig rten pa'i phun sum tshogs pa lta ci smos te/ 'jig rten las 'das pa'i dngos grub de dag kyang nye bar thob pa'o/ /de'i don yang sgrub thabS
 'dir bshad pa de dag bsgrubs pa 'di ni nor ster tsam 'gyur te/ 'dis ni bde dang bcas pa'i nor ni ster bar byed ces so/ /gzhung 'di la legs par dga' ba'i tshogs ster zhes pa yang yod do/ /de dag gi dang por bsrung ba dang /
 nor bu rtsa ba dang/ rked pa dang/ rtse mor byang chub kyi sems phyin pa ni rim pa ltar rnam pa sna tshogs pa'i dang/ rnam par smin pa'i dang/ rnam par nyed pa'i dang/ mtshan nyid dang bral ba'i skad cig mas
 bdag rkyen byas nas dga' ba rnams 'byung ba ni legs par dga' ba'o/ /de ltar dga' ba thams cad legs par tshogs pas na tshogs zhes bya'o/ /'di dag ni bcom ldan 'das ma bsgoms pa las 'byung bas na ster ba'o/ //
 'dir de ltar du bcom ldan 'das ma'i drin gyis yongs su smin par byas pa las shin tu dkon pa'i skad cig ma'i shes pa rgyud la skye ba'o/ /gzhan du na ci mi brtan pas nyams par gyur pa'i thig le ni pad+ma'i ze 'bru la gnas
 kyi rang gnas su ma yin no/ /de ltar gyur pa spangs nas rang la smin par byas pas rang gi dga' ba'i tshogs ster ba zhes par yang 'gyur ro/ /dngos dang dngos med rnam par dpyod dang bral pa'i zhes pa ni/ dngos dang zhes pas rtag
 pa'i mdza' dang/ dngos med ces pas chad pa'i mdza' dang yang na dngos dang zhes kun rdzob dang/ dngos med ces pas don dam pa'o/ /rnam par dpyod dang bral zhes pa ji ltar bral na de dag la bden brdzun 'dzin pa dang bral ba'o//
 de yang grub ba'i sngags kyis btab pa ltar stong pa dang snying rje gnyis su med pa'i skad cig ma de nyid la chos thams cad ro gcig par gyur pa'i gzugs so/ /des ni rtag chad kyi gdon sgrag par byed pa'o/ /'ga' zhig tu yang rnam par
 dpyod bral zhes pa ni/ rnal 'byor pas bde ba de'i rjes su zhugs bcom ldan 'das ma'i rang bzhin du rnam par dpyod pa'o/ /bral zhes pa ni gzhan pa'i 'dod pa dang bral ba'o/ /rdzogs pa'i rim pa'i rnal 'byor gyi dbang du byas nas
 lhan cig skyes pa'i lha mo'i gzugs kyi bye brag gzhan bshad pa ni/ /rlung gis bskyod pa'i 'og gi 'khor lo nas zhes pa la sogs pa ni 'brel pa'i stobs kyis dang por phag mo yis ni khyod la bsrungs zhes pa bshad par bya'o/ /phag mo
 yis ni bA rA hI zhes pa/ de la nyon mongs pa dang shes bya'i sgribs pa la sogs ni bA rA'o/ /de dag 'joms par byed pas hI'o/ /de la 'di'i phyogs kyi gdams dag kyang b 'a rA hI'i sgra las drangs nas bshad par bya ste/ bA ni dag gi spyod yul
 min/ /chos rnams kyis ni rang bzhin rA/ /rtag tu gnas pa a nyid de/ /bde bar byed pa ha la gnas/ /shes rab 'dod pa i yin te/ /ha ni i yin mdza' can mthong/ /khog pa 'di yi byed pa'i don/ /bA rA hI zhes brjod pa'o/ /grub
 pa'i slob dpon nag po zhabs kyis dpal sdom pa'i ming can las gsung ba/ /bA ni dag gi yul min zhing/ /rA ni dbyibs kyi rnam pa spangs/ /rgyu yi rjes las thob pa hI/ /bA rA hI yi sgra zhes grags zhes so/ /de ni 'og gi 'khor lo nas
 bzhengs zhes pa la sgra'i byed pa tA la zhes pas 'og dang gshis shes bya bar yang 'gyur te/ gnyis pa ltar na tA la zhes pas gshis kyis rang gzugs sam/ 'od gsal lam /stod pa nyid ces bya'o/ /de nyid 'khor lo ste/ rnam par
 rtog pa thams cad gcod par byed pas so/ /de nyid las rgya mtsho las rlabs byung ba ltar smon lam gyi nus pa'i shugs kyis bzhengs nas byung ba de bsgom pa'o/ /rlung gi sgras de la rnal 'byor pa'i rnam shes bzhon par brjod de/ /mi yis
 rta zhon nas 'ongs pa las rtab cig byung zhes pa lta bu'o/ /rlung gi shes pa rnam shes kyi bzhon pa'i srog rlung ngo/ /de yang rta bzung bas mi snod pa lta bu'o/ /bskyod pas zhes pa de bzhes pa de bzhin du srog rlung la zhon pa'i rnam shes yongs
 su zin pas gang yang 'dzin pa med pa'i gzugs yongs su 'phros pa'o/ /gang zhig gis de ltar rlung dang rnam par shes pa dang du thim pa las shes pa sna tshogs la 'jug pa med do/ /des na 'di nyid la rgyan tu
 'grub? par bya'o/ /don de la 'dir lhan cig skyes pa'i gzugs kyi lha mo la sku mdog dang phyag mtshan ma grub kyang/ /lhan skyes de goms par byed pa la sems nyid rin po che la sngon gyi smon lam gyi stobs gyis sku yi rnam par bsgoms
 pa ni/ /pany+dzu ka'i me tog lta bu la thod pa dkar po/ /re ser po/ /gri gug nag po/ /ba dan ljang gu la sogs pa sna tshogs pas mdzes par byas par rin po che lnga dang/ kha dog lnga las 'od zer lnga 'phro ba dang bcas pa de bzhin gshegs
 pa lnga'i bdag nyid can rnal 'byor pa dang/ rnal 'byor ma'i dbus na gar gyis rnam pas byung ba ni nam mkha' i dkyil ltar dri ma med pa'i bdag nyid las sprul pa'i bcom ldan 'das ma ni dbang po'i gzhu 'am /dri za'i grong khyer ram nam mkha' i
 ri mo ltar shes par bya'o/ /de'i phyir 'di la aM gi rnam pa'i gzugs kyi lha mo dang/ u'i rnam pa'i don yod grub pa'i gzugs ni rlung ngo/ /de gnyis lhan cig 'dres pa las rdzogs pa ni baM gi yi ge'i gzugs su sprul nas lte ba'i 'khor
 lo la'o?/ /'di ni nan tan du byas nas g.yo ba med pa'i sems kyis rlung gnyis 'gog par byas pas thob par byed pa'o/ /de dag dgyes pa rdo rje las bshad pa/ /rdo rje snying po snying rje che/ /dngos po nyid kyis rnam grol zhing/ /dngos nyid
 kyis rnam grol zhi ba/ /dngos po'i 'chings bas 'ching bar 'gyur/ /de yongs shes pa grol ba yin zhes so/ /de bzhin yang dngos po'i de nyid shes pa gnyen/ /dngos po de nyid ma shes dgra/ /ma dag pas ni dug yin te/ /dag pas bdud
 rtsi'i me tog nyid do ces so/ /glog gi zer ltar bsal zhing zhes pa ni sdug bsngal thams cad 'phrog par byed pas na 'od kyi phung pos mun pa bsal ba ltar glog gi zer ram 'od lta bu'o/ /rtsibs can gsum po bsregs zhes pa ni/ rtsibs can
 gsum ni dbang po dang yul dang rnam par shes pa dmigs par byed pa'o/ /bsregs zhes pa ni rnam par shes pa'i rang bzhin de'i dmigs pa'i dgra gsum bcom ba'o/ /yang na rtsibs can gsum pa zhes pa 'dod chags zhe sdang gti mug
 gi'o/ /bsregs zhes pa de dag sa bon dang bcas spangs pa'o/ /'jig rten gsum gyis mchod gyur zhes pa ni/ 'jig rten ni rnal 'byor pa'i lus dang/ dag dang yid gsum mo/ /mchod gyur zhes pa ni bdag nyid de ltar yongs su rdzogs pas
 mchod pa'i gnas su gyur pa'o/ /lha mo'i gzugs su bdag nyid yongs su rdzogs par gyur ba 'di ni lha mo'i mchod pa yang yin no/ /bdud rtsi'i rgyun rab 'bab ces pa ni/ bdud rtsi ni bde ba chen po yin la/ rgyun rab 'bab ces pa ni bde
 ba de rgyun mi 'chad pa'o/ /sangs rgyas ye shes bcud dang 'dres shing zhes pa ni/ sangs rgyas ni de ltar dngos po don gyi rang bzhin nyid do/ /de bzhin dgyes pa rdo rje las dngos po'i rang bzhin shes pa la/ sangs rgyas zhes ni brjod pa yin zhes so//
 de nyid kho na nyid du shes pa las ye shes pa las ye shes te de'i bcud dang 'dres nas 'bad pa med par longs spyod pa'o/ /skyon bral zhes pa la skyon ni 'dod chags la sogs pa'i nyon mongs pa 'am/ rnam par rtog pa'o/ /bral zhes pa de dag
 spangs pa'o/ /kun dga' i tshogs ster zhes pa ni/ kun gyi sgra ni gong du bshad do/ /dga' i tshogs ster zhes pa/ ster ba'i ni de'i sgra las drangs pa ste /de la gsum ste /sbyin pa dang/ dag pa dang/ bcod pa'o/ /sbyin pa'i sgra ni bshad zin? to/
 dag pa ni dang po dga' ba la sogs pa gsum po lhan cig skyes pa'i dang du ro gcig par dag pa'o/ /gcod pa'i sgra ni rang gi dga' ba'i tshogs ster ba ces pa'i phyogs la/ de yang swa zhes pa rang la 'gro ste/ bdag
 tu lta ba'i 'dzin pa'i yul la mngon par zhen pa'o/ /cho ga shes pas rgyun mi 'chad par 'khor ba'o/ /de dag ma lus par gcod pas na gcod pa'i sgra la 'jug pa'o/ /de la 'dir dngos med rnam par gcod dang bral ba'i zhes pas dngos
 dang zhes pas dmigs pa gsum dang/ dngos med ces pas med pas 'dzin pa dang/ rnam par gcod pa zhes pa de dag la 'dzin pa'i sems so/ /de dag spangs pa ni bral ba'o/ /de la bcom ldan 'das ma zhes brjod par bya'o/ /sems
 ni yod pa 'am med pa'i dngos po gang du yang grub pa med pa'o zhes rgyal ba'i yum las gsungs so/ /tshigs su bcad pa 'dis ni don gyi khyad par gzhan yang gsungs pa/ ka sogs yi ge shes pa la sogs pa la 'brel pa'i dbang gis
 phag mo khyod kyis sems la gsal gyur cig ces pa drangs la bshad do/ /de yang bya ba ni gsal ba dang/ byed pa ni phag mo las ni sems la /'brel pa ni khyod kyi zhes pa'o/ /bA rA hI'i don ni sngar bshad par shes par bya'o/ /ci'i
 phyir lha mo zhe na gsal gyur cig ces pa de las skyes pa'o/ /sprul pa'i rtsibs can nyin dbang dkyil 'khor la bzhugs shing zhes pa ni/ dang por sprul pa'i 'khor lo'i dbus su nyi ma'i dkyil 'khor la baM gi rnam par gnas pa'o/ /
 de nas 'og gi 'khor lo nas bzhengs zhes pa ni sems kyis bsgoms pa po'i dbang po rno ba'i stobs kyis de nyid nas gyen du bskyod pa'o/ /ka sogs yi ges bkor nas zhes pa ni/ ka dang por byas pa'i kA la sogs pa'i kA li'i rnam pa
 dang/ a yis dang por byas pa'i A li rnams so/ /de la 'dir Sha dang ka sdom pas k+Sha yongs su grub pas de'i phyir k+Sha spangs pa'i yi ge bzhi bcu zhe dgu yin la/ des ni 'jig rten tu grags pa'i rlung bzhi bcu zhe dgu'i rang bzhin rnams dag
 pa'o/ /de la A li dang kA li'i sgras g.yon pa dang g.yas par rgyu ba'i rlung gnyis 'dir gzung bar go bar bya'o/ /dang po rlung gnyis rgyu ba de dang po'i lam spangs nas gnas su bskor ba'o/ /de bas 'dir brjod pas bsgom par gdams
 pa'o/ /rlung gis bskyod pas shes pa ni thur sel gyi rlung gis bskyod nas dbu mar 'jug pa'o/ /de yang kun rdzob cing? du A li kA li'i phreng ba gnyis g.yon dang g.yas su bskor nas mgo gyen la bstan te/ nyin par gyi dbang phyug gi dkyil 'khor
 la gnas pa'o/ /'bar ba'i me ltar rab tu 'bar zhes pa ni/ dang por sprul pa'i 'khor lo baM gi gzugs can du yod pa de bcom ldan 'das ma'i rnam pa me'i phung po 'bar ba lta bu las ches 'bar pa'o/ /de nas gong gi glog gi zer ltar zhes
 pa ni de ltar 'bar ba de ltas glog gi zer lta bu gyen du song ba'o/ /bdud rtsi rab 'dzag ces pa ni/ gang las zer phog cing bskyed pa de la bdud rtsi'i rgyun tu 'dzag pa ste/ bde ba chen po'i 'khor lo nas bcom ldan 'das ma bsgom pa'i dbang giS
 so/ /de la 'dir rtsibs can gsum po bsregs nas zhes pas bde ba chen po nas babs te/ 'khor lo gsum yang rang bzhin med par byas pa'o/ /padmo'i skud pa ltar phra zhes pa ni/ a ba d+hu tI'i rang bzhin yang mi dmigs pa'i bzhin byas nas/
 shin tu phra ba las 'bab pa'o/ /'jig rten gsum gyis mchod gyur zhes pa ni/ rnal 'byor pa'i lus ngag yid gsum po lha mo'i sku'i bdag nyid du yongs su rdzogs nas thams cad kyi rnam par rtog pa nA da tsam la/ dmigs pa yang zhi nas zung
 du 'jug pa bsgoms pa 'am/ thog pa na mchod pa ste 'di nyid la mchod pa zhes bya'o/ /rig pa zhes pa 'di la bidya zhes pa'i sgra yang zhes pa ni gang ba ste lha mi 'di bidya ces pas ye shes kyi lus can no/ /bdud rtsi'i rgyun
 rab 'bab ces pa ni/ ye shes kyi sku can gyi lha mo thams cad la khrus byas so zhes bya ba'i don to/ /yang na bdud rtsi'i rgyun ni bde ba chen po'i rang bzhin la rgyun ma chad pa'o/ /sangs rgyas tshogs rnams bsregs cing zhes pa ni/ sangs rgyas tshogs
 ni de bzhin gshegs pa lnga'i bdag nyid las gzhan du so sor go ba 'am/ snang ba tsam bsregs nas rang bzhin med par byed pa'o/ /sangs rgyas lnga'i rang bzhin ma gtogs pa dmigs pa rnam pa gzhan med pa nyid do/ /bcom ldan
 'das kyis kyang zla ba gsang bar gsungs pa/ 'gro ba 'di dag thams cad ni/ /de bzhin gshegs pa lnga'i bdag ces pa dang/ sgra'i 'jug pa las/ phung po lnga po 'di nyid ni rdzogs pa'i sangs rgyas nyid de 'di'i dmigs pa'i don las sna tshogS
 pa'i dmigs pa med pa'o/ /bcom ldan 'das dang bcom ldan 'das ma gnyis su med pas de bzhin du lha mo spyan ma la sogs pa yang 'dzin pa'o/ /sangs rgyas ye shes shes pa'i sgra sangs rgyas ma yin pa'i sems can du 'dod cing 'dzin pa
 med pa'o/ /de nas 'dir sangs rgyas ye shes bcud dang 'dres shing zhes pas/ ji ltar na thams cad kyi rang bzhin ni rnam par dag pa'o/ /rig ma sangs rgyas tshogs rnams bsreg cing zhes pa yod de de la sgra las bde zhes pas ye shes so/ /de
 la ya'i rkyen byin pas ya'i 'gro ba'i don thob pa'o/ /des na rig pa zhes pas spyan ma la sogs pa sangs rgyas kyi ye shes so/ /de la phyogs gcig ltar na pad+ma'i skud pa ltar dang/ phra ba'i dmigs pa zhes pa gnyis su brjod par bya ste/ de las
 phra ba ni mi dmigs pa'i ye shes so/ /pad+ma'i skud pa ltar ni 'khor lo gsum po 'byed pa gang yin ba ces pas/ debzhin du pad+ma'i skud pa lta bu des 'khor lo gsum gyi rang bzhin 'bigs pa'o/ /de yang bcom ldan 'das kyi nor bu'i rtse mo nas bcom
 ldan 'das ma'i pad+ma'i snying po la gnas pa'i byang sems bkug nas slar 'khor lo gsum po brtol nas 'gro la/ yang bde chen nas rgyun phra ba babs nas bskul ba'o/ /de la 'di ni skyon bral zhes pas nyon mongs pa la sogs pa dang bral nas bde
 ba chen po kho nar 'char ba nyid do/ /de bzhin du kun dga' dang bcas zhes pas/ dga' ba ni thig le nyid la rgyu dang 'bras bur brjod pa'o/ /kun ni ma lus pa'o/ /dga' ba ni thob pa'o/ /bcas pa ni de dag ste rgyu dang 'bras bu'o/ /yang na de lta
 bu'i bde ba dang ldan pa la rang gi dga' ba'i tshogs sam legs par dga' ba'i tshogs zhes bya'o/ /ster zhes pas rang la nus pa de ldan pas gzhan rjes su 'dzin pa'i mthu yang pas ster ba'o/ /rol pa gyen? gshegs zhes pas rol pa nyid ni
 chags pa chen po rdzas su bcings nas bzung ba'o/ /dbu ma la bskyod nas gshegs pas gyen gshegs so/ /yang na rol pa zhes bya ba gnyis su med pa'i chags pa chen po las byung ba ste/ gyen gshegs pa gang du gshegs na bde
 chen 'khor lor gshegs so/ /de la 'di nyid du dngos dang dngos med rnam par dpyod dang bral ba'i zhes pas bshad do/ /chags pa chen po'i rang bzhin gyi rjes su bcings pa la rnam par dpyod pa gzhan med do/ /rnam par dpyod pa ni rnam par g.yang
 ba'o/ /ci'i phyir zhe na/ rnam par dpyod pa dang chags pa chen po la 'brel ba med do/ /bcom ldan 'das kyis gsungs pa de ba de'i rgya mtsho g.yo ba med pa la rnam par rtog pa'i chu bur mi 'byung ba'o/ /bshad par bya ba gzhan yang gsungs pa/
 sprul pa'i rtsibs can zhes pas sprul pa'i zhes pa ni 'dir skyed par byed pa yin la /rtsibs zhes pa la a ra'i sgras 'khor lo zhes pa dang dgra la yang 'gro ba ste/ dgra ni gsum ste/ de spangs pa 'am de 'joms
 pas de 'di gsal ba ni de'i gdan ni bdag med pa'i rnam par dag pa'o/ /de'i steng na gnas pa'i nyin par gyi dbang phyug ni shin tu rnam par dag pa'i ye shes kyi 'di kyi dkyil 'khor gyis yongs su shes nas gshegs pa'o/ /ga ta zhes
 pa gshegs pa 'am/ song ba la 'gro ba'o/ /ka sogs yi ges bskor nas zhes pas/ A li kA li ni shes rab kyi gzugs te/ chos thams cad kyi rang bzhin nyid yin no/ /yang na ka dang a ni karya di zhes pa'i sgras kA li dang A
 li ste/ de dag gi dang po'i yi ge ni ka dang a la sogs pa grub pa'o/ /yang na ka la sogs pa sde tshan bdun gyi dang po la ka tsa Da ta pa ya sha'i rang bzhin las drangs so/ /thog mar a bzhag pa'i yi ge bcu drug ni a yis grub
 la de nyid kho na chos thams cad kyi rang bzhin a yin pa'o/ /dgyes pa rdo rje las kyang/ /lus kyi dkyil 'khor gnas rnal 'byor ma/ /a ni sdom pa'i tshul gyis zhugs/ /de bzhin phyi rol nang de bzhin/ /'di nyid sdom pas
 gsal ba nyid ces so/ /shes rab kyi pha rol tu phyin pa shin tu rnam par dag pa chos kyi dbyings kyi gzugs de nyid yi ge gcig gis thob par byed do/ /'bar ba'i me ltar rab 'bar zhes pas sna tshogs pa'i 'od 'bar bas khyab
 pa'i lus so/ /bdud rtsi zhes pa ni thar ba'o/ /rab 'dzag ces pa ni 'di nyid kho na gzhan la ster pa 'am bskyed pa'o/ /pad+ma'i skud pa ltar phra ba ces pa ni/ /gzugs mi dmigs pa shin tu phra ba'o/ /rig pa zhes pa ni shes rab
 kyi don lhan cig skyes pa'i gzugs can no/ /yang na rig ma ni lha mo ste/ 'dus ma byas pa'i ye shes kyi rang bzhin gyi don to/ /sangs rgyas tshogs rnams bsregs zhes pa ni bud+d+ha ka dam pa zhes pa'i sgras/ bud+d+ha zhes pas sangs rgyas te nyan thos
 dang rang sangs rgyas kyi sangs rgyas so/ /ka damku? dri Sh+Ti zhes pa lte ba ngan pa la 'gro ste/ bdag nyid gcig pu grol ba dang thar par byed pa la sogs pa'o/ /bsregs pa zhes pa ni de ltar sems can gyi don la brtson pas de dag med par byas pa/
 'am nyams par byas pa'i don to/ /yang na sangs rgyas tshogs rnams shes pa yul dang yul can du 'dzin pa'o/ /bsregs pa ni mi dmigs pa'i rang bzhin du byas pa'o/ /'khor lo gsum po 'byed pa gang yin pa zhes pas 'khor lo gsum
 ni lus dag yid gsum gyi rang bzhin no/ /de gsum so sor gyur nas yang dag pa'i lta ba gcod par byed pa ste/ de'i rang bzhin ni nyams pa 'am gcod pa'i don no/ /kun dga' dang bcas zhes pa ni lhan cig skyes pa'i dga' rang bzhin no/ /
 rol pa zhes pa chags pa chen po ste/ gong na med pa'i don gyi spyod yul lo/ /gyen gshegs zhes pas de dag gi rang don thob par byed pa'i don no/ /phag mo khyod kyis zhes pa la sogs pa ni bshad par zad do/ /phyag 'tshal pa'i sgo nas brjod bya'i
 don bshad par bya ste /rdo rje yis ni rnal 'byor mas zhes pa la sogs pa la 'brel pa'i stobs kyi bdag gis de nyid shes sgrub rjod ces pa dang por bshad par bya ste/ de kho na nyid ye shes grub pa zhes bya ba'i rgyu la 'bras bu'i ming nye bar
 btags pa'i phyir ro/ /ma gos zhes pa spyi bos so/ /bdag ni rtsom pa po yin pa'o/ /de kho na nyid ces pa ni rang bzhin gyi rnam par rtog pa ma lus par spangs pa dag gi yul ma yin pa'i bde ba dam pa'i rang bzhin no/ /ye shes zhes pas
 de nyid la bya ste/ rang gi rig pa'i ye shes so/ /de bzhin du dgyes pa rdo rje las gsungs pa /de bzhin bde ba dam pa nyid ces so/ /sgrub ces pa de'i thabs so/ /brjod ces pa dgongs pa'o/ /rdo rje yis ni rnal 'byor ma
 zhes pa ni/ rdo rje zhes pas mi zad pa'i thig le 'am bde ba chen bo'o/ /rnal 'byor zhes pas bde ba chen po dang zung du chud pa'o/ /rdo rje sngon song zhes pa ni mi phyed pa'o/ /sngon song ni ye shes so/ /phag mo ni bshad zin pa'o/ /de la ci bya zhe
 na mgos zhes pa spyi bos so/ /phyag 'tshal nas zhes pa ni de ltar bzhengs pa'i gtum mo'i gzugs dang lhan cig skyes pa'i rang bzhin gyi gzugs phyag byed pa'o/ /rang dran phyir zhes pa ni bdag nyid khengs bskyungs bar bya ba'o/ /bsgoM
 pa'i gnas gsungs pa/ yid dang rjes su zhes pa la sogs pa la 'grel pa'i dbang gis kun nas dag pa rnam par bsgom zhes pa ston te /kun nas dag pa zhes pa stong pa nyid do/ /de bsgoms pas rlom pa la sogs pa'i nga rgyal sel
 ba'o/ /yang na blo mchog tu gyur pas stong pa nyid kyis gzhan bsrung bar gsungs pas/ dbang por stong pa nyid bsgom par bya'o/ /de gsungs pa/ bgegs ni sems kyi sprul pa ste /chos rnams kun gyi rang bzhin du/ /de nyid rnam par dag ba
 shes/ /don dam pa yi gsungs pa yi/ /yid dang rjes su mthun pa'i dben gnas su zhes pa ni/ /yid la rjes su mthun pa zhes pas /yid la dga' ba'i drin ster ba'o/ /dben gnas zhes pas skye bos dben pa'o/ /mgon pos mgo mtshan zhes pas
 mgon po ni rdo rje bla ma'o/ /mgo mtshan ni de'i rnam pas spyi bor bsgom pa'o/ /blo ldan zhugs nas ni/ blo ldan ni sud+d+hI zhes pa'i sgras legs pa'i blo ldan du yang 'gyur te/ skyon gyi dri ma med pa'i blo can no/ /de la dbang po rnon po'i spyod yul gyis shes
 rab kyi shig pa bcom ldan 'das mgo bar zad do/ /de la bla ma ji ltar gsung ba'i khyad par rnams bri bar bya'o/ /legs pa'i blo ni sems nyid dri ma med pa bsgom pa'i don bskyed pa ste / dge pa rnam par bsgom
 zhes bka' 'brel lo/ /yang na legs pa'i blo ni phyi'i shes rab dang nang gi shes rab yongs su dag pa ni legs pa'i shes rab kyi don to/ /der ni zhes pa dben pa der? ro/ /shin tu 'jam pa ni reg na bde ba skye ba'o/ /stan zhes pas de'i steng du'o/ /de nyid du
 bcom ldan 'das ma ni rab tu rtogs pas shes rab kyi blo'i sangs rgyas nyid zhes dbyes pa rdo rjer gsungs so/ /gang du sdod ce na stan la zhugs te gang na gyi sgras rdo rje 'am/ /sprul pa'i dkyil 'khor nyid do/ /de'i bstan ni chos 'byung ngo/ /de ltar dgyes pa rdo rje laS
 gsungs pa/ /a yi cha byad bzang po gang/ /dbus su baM gis rnam par brgyan/ /sangs rgyas rin chen za ma tog /a yi dkyil 'khor nyid du gnas zhes so/ /de dag yang gsungs pa/ de nas 'jam pa'i zhes pa gsungs pas yid 'phrog cing reg
 na bde ba'i rang bzhin ji snyed pa'o/ /de dag la chos kyi 'byung gnas zhes bya'o/ /ji ltar rnam par dag pa bsgoms zhes na /dben pa'i gnas su zhugs nas zhes pas/ de yang s+tha? zhes pa'i sgras gnas te /'di ni chos thams cad kyi gnas bde ba
 chen po'i don la yid brtan par byed pa'i don to/ /dben pa ni dus thams cad du skye ba'i rnam par rtog pa de med pa'o/ /de ltar rdo rje mkha' 'gro las gsungs pa/ dben pa ni bdag dang sems can gyi rnam par rtog pa spangs pa'o zhes pa'o/ /yang na rdo rje'i
 rigs la sogs pa'i bu mo las skyes pa de dben pa'o/ /de bzhin du yang gsungs pa/ de la de bzhin gshegs pa thams cad kyis bsdags pa'i bu mo mchog las skyes pa'i bde ba ni dben pa ste/ de la 'di ni yid dang rjes su mthun pa'i gnas zhes bya'o/ /'di ltar du
 byas pa dang ma byas pa la sogs pa'i rnam par rtog pas bsgos pa'i sems la dus thams cad sdug bsngal dang bcas pa ste/ sna tshogs pa'i dngos po 'di ni dug yin pa'o/ /rnam par rtog pa med pa'i sems ni dus thaMs cad du bde ba thob
 par byed pa ste/ de yang bcom ldan 'das kyis gsungs pa/ yid bde ba las ting 'dzin skye/ /de ltar skyes pas rab mchog thob ces so/ /ji ltar 'byung zhe na gsungs pa/ mgon pos mgo mtshan zhes pas/ nA tha zhes pa'i sgras mgon pa la de ni thig le yin te/
 de yang nA thaM? ka zhes pa'i sgras/ aM zhes par 'gro bas nges mtshon pa'o/ /ka zhes pas mgo 'am bde ba la 'gro ste /de la thig les mtshan pa'i bde ba dang gnyis su med par shes pa'o don to/ /de'i phyir thig les spangs pas bde ba spangs pa la de spangs pa ni sdug bsngal
 gyi rang bzhin no/ /yang mgon po zhes ba rdo rje slob dpon te/ des rang gi mgo la mtshan pas na ka'i don bde bar thob par byed pa'i don to/ /de cis te zhe na/ bla mas shes rab ye shes kyi dbang la sogs pa bskur nas bde ba ngo sprad nas bstan pa'o/ /de ltar rdo rje dang
 pad+ma snyoms par zhugs nas chags pa chen po las skyes pa'i dag pas stong pa nyid kyi don la nges par byed pa'i gnas so/ /de ltar dgyes pa rdo rjes las gsungs pa/ mchog dgar bsgom pa med cing sgom pa po yang med/ /lus kyang med cing gzung ba
 med la 'dzin pa med/ /sha dang khrag kyang med cing bshad dang gci ba med/ /sku brO? rmongs byed gtsang spra mchod phyir thogs med dang zhes pa la sogs pa'o/ /rdo rje chos kyi sgrub thabs las gsungs pa/ rdo rje pad+mar zhugs pa las rnam par gsal bar skye'o//
 de ltar sems gnas par byas pa las rnam par rtog pa'i gzugs kyi bde ba chen po 'byung bar 'gyur ro/ /de la sngags 'di brjod par bya ste /ye shu n+ya tA dz+nyA na badzra swa b+hAt+ma ko haM/ de la 'dir chags pa chen po'i rang bzhin du bzhed pa las stong pa nyid du
 sgom par bya'o zhes marma? ngag gi don to/ /brjod par bya ba gzhan yang gsungs pa /de rjes yi ge zhes pa la sogs pas/ /rgyal ba rdor 'dzin snying po ming med kyis/ /bris nas me tog dmar pos mchod par bya zhes pa dang 'brel lo/ /rdo rje ni mi phyed pa'i de nyid la lhan cig skyes
 pa'i dga' ba'o/ /de 'dzin pa ni rdo rje zhes pa ste gang 'dzin na thig le ste/ de bzhin du thig le dang bde ba 'dres pa la mthong ba nyid do/ /de ltar dgyes pa rdo rje las gsungs pa/ /khu ba'i rnam pa bcom ldan 'das/ /de yi bde ba 'dod mar?  brjod ces so/ /de'i rdo rje 'dzin pa'i
 snying po ni nges par chos brgyud du bzhugs pas so/ /de la me tog dmmar pos mchod par bya ba ni/ /am la na dang ka ra bI ra dang pany+dzuka la sogs pas dang por mchod par bya'o/ /legs par sbyar ba las/ /ta ta nu tsa zhes pas de'i rjes la zhes pa 'am/ de'i rjes dang
 zhes par yang 'gyur te/ tsa'i sgras la'am dang brjod pa ni khyad par gzhan yang ston pa ste/ mchod par 'gyur ba'i tshigs su bcad pa gnyis la dang por khrus byas nas nye bar reg par bya ste/ de nas chos 'byung la mchod par bya'o zhes pa 'am yang na gdamS
 ngag tu shes par byas nas gnyis su gsungs pa de yang go bar bya'o/ /de'i phyogs kyis tsa'i sgra la 'am dang la 'dir de ltar 'brel ba'o/ /de ji ltar byas nas she na /bris nas zhes pas yang dag par bris pa de gsal zhing ma 'dres par sor gsum pa'i chos
 'byung gi nang du'o/ /gang 'phrin rgyal ba drug pa zhes pa ste mi bskyod pa'o/ /mi bskyod pa gang zhe na /khu ba'i rang bzhin nam nag po'i rang bzhin te/ de ltar 'khor lo sdom pa las mi bskyod pa ni de bzhin gshegs pa drug pa rnam par bzhag pa'o/ /de bzhin du
 lU yi pa'i mngon par rtogs pa las kyang rnam par shes pa'i phung po la rdo rje sems dpa' de bzhin gshegs pa thams cad kyi bdag nyid ni dpal he ru ka'o zhes so/ /yi ge gsum gyi sngags bzlas zhes pa ni oM A:hUM lan gsum gyis byin gyis brlab
 par bya'o gang gis 'brin ming med kyis te/ gang gi ming med na g.yon gyi lag pa'i ming med do/ /de yang bde mchog gi rnal 'byor la ni g.yon pas bya ba thams cad byed pa'o/ /de bzhin du dpal sdom pa las gsungs pa/ dus
 kun rnal 'byor g.yon pas spyod/ /rkang pa g.yon pa sngon du bskyod ces so/ /bshad par bya ba bzhin ni rdor 'dzin snying po zhes pa ni chos 'byung la me tog dmar po zhes pa ni rang 'byung gi khrag ste /mchod ces pa ni/ de gnyis 'dres pas 'tsho zhing gsal
 ba'am 'phen zhing skyod par byed pa'o/ /de la mchod pa zhes ci'i phyir zhen/ 'di ni chags pa chen po'i theg pa bya ste/ de la 'dir 'jig rten pa'i sna tshogs pa'i chags pas ni der gnas pa dang skyed par byed du zad do/ /'di nyid kyis ni grub pa chen
 po'i don thob ste/ de yang shin tu rnam par dag pa'i chags pa la dmigs nas mchog gi 'bras bu thob par byed pa 'di ni byang sems kyi phyag rgya la sems brtan par byas pa'i rgyus nges so sor thob pa zhes slob dpon gsung ngo/ /de bzhin du dgyes pa rdo
 las /ji ltar 'tshed pas 'chig pa yang/ /me nyid kyis ni gdung bar bya/ /de bzhin 'dod chags mes tshig pa/ /'dod chags me yis gdung bar bya/ /dug gi dum bu gang nyid kyis/ /skye ba thams cad 'chi 'gyur ba/ /dug gi de nyid shes pa des//
 dug gis dug ni 'bigs par byed/ /ji ltar rlung gis zin pa la/ /mon sran gre'u yi bza' ba sbyin/ /bzlog pa'i sman ni btags pa las/ /rlung gis rlung la bsnun par byed ces so/ /yang na rdor 'dzin snying po zhes pa ni /nang gi bdag nyid kyi chos 'byung
 yin la/ me tog dmar po ni chags pa dang bcas pa'o/ /mchod pa ni rang gis bde ba ni rang gi bde ba'i sems la rtogs pa'i khyad par du ni dbul pa'o/ /las kyi phyag rgya med pa'i rnal 'byor pas kyang bla ma dam pa'i zhabs kyi drin gyis de bzhin du mchog
 tu gyur pa'i sems skye'o/ /de bzhin du Da u ri pa'i zhabs kyis kyang/ rnal 'byor rdo rje'i go 'phang skad cig nyid du byed pa shes rab med kyang ni/ /byang sems zil pa de nyid 'byor pas dam pa'i don la mngon byang byed pa nyid/ /ma rungs pa ltar myur
 bar yid ni 'od kyis 'phrog par byed pa ste/ /byin gyis brlabs zhes de ni bla ma dam pa'i yin gyi gzhan ni ma yin no/ /de ltar du bde ba'i sems rgyun tu yod pa de ni grub pa thob par nges pa yin no/ /rdo rje mkha' 'gro las/ sdug bsngal gyis
 gdungs dka' thub kyis /lus ni ngal bas bskam pa ste/ /sdug bsngal gyi ni rnam g.yeng sems/ /g.yeng bas dngos grub gzhan du 'gyur zhes so/ /yang na 'di nyid bcud len chen po ste/ legs par spyod pa snar blugs pa 'am/ zos pas
 kyang gang 'dod skyed par byed do/ /de bzhin du gsungs pa /khrag chen po dang ga pur bcas/ /bcud len kun gyi mchog tu gyur/ /dus la bab pas bskyed pa ste/ /khrag chen me tog dngos po nyid ces so/ /bris te zhes pa ni li kha zhes pa'i sgras
 yi ge 'bri 'am /mi 'gyur ba la 'gro ste/ de ni mi 'gyur ba'i gzugs kyis 'dul bar byed pa'i don no/ /ji ltar zhe na/ ming med kyis zhes pas de yang a nA mi ka zhes pa'i sgras ming med ces pa 'am 'chi med ces par yang 'gyur te/ de'i phyir
 langs pa 'am bsgreng ba'i gyi phyir de skad ces bya'o/ /de ltar cis mtshon zhen rgyal ba drug pa zhes pas/ nag po'i myos byed kyi mtshan ma nyid de/ de yang de nyid btung ba'i dngos po'o/ /yi ge gsum bzlas zhes pas gsum ni lus ngag yid gsum
 mi 'gyur ba ste/ mi g.yo ba'i rang bzhin no/ /bzlas pa ni 'dzin pa ste de bzhin nyid du ro gcig tu nges pa'o/ /de bzhin du gsungs pa/ nags nas nags su gnas pa yi/ /lam nas lam du zhugs nas ni/ /'khor du la du ro yis grangs/ /ji ltar brtul
 pa'i glang po ltar/ /de bzhin sems nyid glang po yang/ /len 'dod lhan skyes rab gnas/ /rnal 'byor yo byad myos byed stobs/ /stobs med ma yang de ltar bsten/ /bu ram 'bras la sogs pas ni/ /sems kyi glang po btags pa na//
 'jig pa rnams ni nyams par byed/ /mchog gi rtse mo rnyed la gnas/ /bsgrub bya de nyid bsgrub pa'i don/ /bsgrub bya min yang bsgrub par bya/ /de yi sgo nas de bzhin sems/ /bya min bsgrub pa 'ang bsgrub pa nyid ces so/ /rdo dgyes pa gsang pa'i sgrubs thabs las
 kyang/ /nag dang myos byed byung ba na/ /de ni rigs pas bzla bar bya/ /de bzhin nyid ni ma mnyams par/ /ngan pa tsam du bya ba nyid/ /ji ltar sman chen gang zhig gis/ /legs pa'i ro dang nad sel ltar/ /thabs dang shes rab bde ba nyid/ /'bad pa med par nyaung? sel
 kun tu mdzes pa'i bu mo la/ /chags dang chags pa dag pa yis/ /gcig ni zhaD? lwa ske nas 'ching/ /gzhan ni 'ching ba gcod pI mtshan zhes so/ /yang na ci'i phyir ming med ce na gsungs pa /de ni rgyal ba drug pa zhes pa ste /de'i don ni bcas pa'o/ /gang na
 bcas na rgyal ba drug pa ni byang sems dang 'dres pa'o/ /de nyid la gnas pa'i don ni bzhengs pa ste/ /yang dag par yongs su gang ba'i byang chub kyi sems dang 'dres pa'i don to/ /yi ge gsum bzlas zhes pa ni /yi ge gsum ni lus ngag yid gsuM
 gyi bzlas pa ste /gcig tu thim pas de ltar rab tu goms pas byang sems mi 'pho ba'o/ /de yang dgyes pa rdo rje las gsungs pa/ A li kA li'i rab btags pas/ brjod pa bzlas par yang dag bcad ces so/ /byed pa gzhan yang gsungs pa/ de nas
 dang po? mchog gi snod du ni zhes pa la sogs pas/ /rdo rje dang po nas zhes pa nas rdo rje'i khrus bya'o/ /zhes par 'brel lo/ /rdo rje ni stong pa nyid de/ /de la mngon par phyogs par byed pa'i rgyus/ /rdo rje'i sgra la nag po'i btud ba 'am rnal 'byor pa'i rdzas zhes
 brjod pa ste/ de na rgyu la 'bras bu nye bar btogs pa/ nyid de nyid de des khrus bya'o/ /ji ltar byed ce na/ pad+ma'i lag pa bcug nas ni zhes pas/ de yang g.yas pa las gzhan zhes pas g.yon pa'i lag pa'o/ /gang du gzhug na dang po mchog gi snod du'o//
 de'i rgyus myos byed ni dang por sprad chang la sogs pa la brjod pa'o/ /de la snod ni ji ltar gdams dag gi rim pa ltar te/ lag pa gnyis lus la res pas so/ /de la gdams ngag ni dang por myos byed kyi thigs pa tsam bzung nas lha mo'i sngags
 sam /yi ge gsum bzlas nas de nas lag pa g.yon pa dang g.yas pa gnyis mngon par khyud pa'i stangs kyis mgo bo nas brtsams te /rkang pa'i sor mo'i bar du myos byed kyi khu bas lag pa la bsgos shing de nyid kyis lus la rig nas
 khrus bya'o/ /yang na lag pa g.yon pa'i mthil du pad+ma dmar po 'dab ma lnga pa la gnas pa'i rnal 'byor ma drug gi sngags ni rnal 'byor ma drug rang bzhin yin la/ de la lag pa g.yas pa'i rgan po dang mi med kyis rdzas kyi khu ba la reg naS
 yang lus la reg pa yang man ngag go /bshad par bya ba yang gsungs pa/ rdo rje zhes pa ni bde ba chen po ste/ bdag nyid bde ba chen po'i rang bzhin du brjod pas de'i khrus kyi blo dag par byed pa'i don to/ /yang na rdo rje ni po la yin la de khrus byed
 pa ste /goms pas byang chub kyi sems gzungs la gal te ltung na yang des khrus bya'o/ /gang du 'khru zhen dang po mchog gi snod du ste / mchog ni brjod bu med pa'i gzugs yin la de'i phyir dang po'i snod do/ /de bzhin gshegs pa thaMs cad kyi
 gnas su gyur pa'i chos ki 'byung gnas su bde ba chen po 'dzin pa dang/ der lhan cig skyes pa'o /bde ba bskyed cing gnas pa'i don to/ /de'i thabs shes pas 'khor ba'i 'ching ba gcod pa ste/ de bzhin du dgyes pa rdo rje las/ gang dang gang gis 
 'jig rten 'ching gyur ba/ /thabs dang bcas na de nyid kyis/ /srid pa'i 'ching ba las grol 'gyur zhes so/ /gal te de ltar na lhan cig skyes pa'i bde ba dang de ltar skye ba gnyis 'brel pa med pa nyid de/ skyes pa la rtags pa'i dngos por grub pa ?
 pa'o zhen de nyid mi mnyam kyang de nyid la 'jig rten pa'i bde bar 'jig la/ dngos po'i ming tsam la brten te/ de bzhin du dpe bde ba tsam bstan pa la skyon? med do/ /ji ltar med ce na dkar po tsam du gcig par gyur pa la/ dang pa lta bu'i dper ni brjod pa
 ltar/ /de bzhin 'jig rten bde bar steng ba yang/ /dpe las lhan cig skyes pa'i yid ches bzhin /gang zhig mcho skyes las ni spyod pa'i dpal/ /bde ba chen po bla ma gsungs pa ni/ /'gro bas mi gtogs 'gro bar 'dod pa de/ /de la dpe tsam gyis ni brjod pa'o/
 leD par sbyar ba'i gsung ni mig go dang/ /skad gzhan mchog ni mi shes rgod pa ste/ /ri la gnas pa'i grong gi skyes bu ltar/ /btaD pa'i rang gi ngag gi sgrub byed go zhes so/ /de bzhin du 'phags pa lha'i zhabs kyis kyang gsungs pa/ ji ltar kla klos gzhan gyi skad//
 'dzin dang bden par mi byed ltar/ /'jig rten pa ni 'jig rten 'das/ /de bzhin 'dzin dang bden mi byed ces so/ /bud med gang zhig la rmi lam du bu skyes pa dang/ gnas pa dang/ shi ba'i bde sdug gi rgyu rjes su skye bar 'gyur ba la/ gnyid sad pa dang thaMs cad kyang brdzun pa ltar/ de
 bzhin du rig pa 'dis thaMs cad la goms pa'i dus su lhan cig skyes pa dang por shes nas thaMs cad du 'di nyid du 'jug pa'o/ /de yang dper na bshog? pa ma rgyas pa'i bya ni sa la ltung bar mi 'dod par nam mkha' la 'gro bar sems kyang ltung ba ste/ bshog pa'i rtsal gcig
 nas gcig tu rim pa ltar rdzogs nas nam mkha' la long spyod pa'o/ /de bzhin du bdag nyid rnal 'byor pa yang de dang rjes su spyod par rang gi sa nas ltung bar mi bya bar phan pa'i sems kyis gzung bar bya'o/ /de yang dgyes pa rdo rje las/ /ji ltar dbye bar mi 'gyur
 bar goms pa yis ni 'bad par bya zhes so/ /de la dbye ba gang zhen /lus ngag yid so sor gyur pa la thig le gcig tu goms par bya'o/ /ce yis bya zhen pad+ma'i lag pa bcug nas zhas pas /lag pa g.yon pa'i rgan mo dang mdzub mo gnyis pad+ma'i phyogs gnyis nas
 phye dang btsums par bya brtsom pa'o/ /de ltar du rdo rje dgyes par rol pa gsum ba'i sgrub thabs las/ lag pa'i sor mo gnyis kyis ni/ /pad+ma'i? phyogs gnyis gzung ba yas/ /phye dang btsum par byed pa ste/ /rta yi mchan ma ltar gsal zhing zhes so/ /yang na mchog
 ? snod ni/ mtshan nyid dang gral ba'i skad cig ma'i byang chub kyi sems las byung ba ni mchog go /des na dang po'i snod ni nor bu ste/ /pad+ma'i lag par bcug pa'o/ /ci'i phyir pad+ma'i lag pa zhen/ /lag pa'i mthil ltar ? med pa la sogs pa'i yon tan
 gyis yongs su rdzogs pa'i shes rab ma'i pad+ma la spyod par gyis shig pa'i don to/ /dpal sdom pa las lag pa'i mthil ltar pad+ma la zhes so/ /rdo rje rol mang? dgyes ma gsang pa'i sgrub thabs las /pad+ma'i lag pa'i mthil ltar bya/ /lag gnyis
 rtsa ba'i spu yang bregs/ /rang nyid pad+ma'i gdan la bzhugs/ /bdag mos par nas 'khyud pa bsgom zhes so/ /phyi'i phyag rgya med pa la lag pa dang pad+ma'i rnam pa yis lag pas gso bar bya'o/ /de tsam du ma zad g.yas pa las gzhan zhes pa g.yas pa dang/
 g.yon pa rgyu ba'i rlung gnyis nang du bcug nas thim par byed pa'o/ /gang du tha min bde ba chen po'i dang du'o/ /gal te bskyod pa'i bde ba chen po ni sman chen pos bsdams pa'i thig le dang ma dag pa'i chags pa la yang srid pas/ des na rgyun chad med pa'i
 bde ba chen po'i rang bzhin gsungs pa ni ci las kyi phyag rgya la mi skye ste/ ci'i phyir zhe na/ gang gang ba gsum gnas pa'i bde ba ni/ /skyes pa phyogs cig tu ni bzhag pa dang/ /lhan cig skyes las dus gcig rnyed pa yi/ /bde ba phye ba'i char yang
 mi yod do/ /de yang rgyu las byung dang chub ba nyid/ /skad cig gis zad sdug bsngal byed/ /gang na yod pa de bsgrub pa/ /dam pa'i bde ba ji ltar 'gyur zhes so/ /'dir der yang mi mtshungs par 'gyur ba ste/ de yang man ngag bzhin
 bu lag reg par bya zhes pa ste/ sha yam zhes pa'i sgras lag pa'am lus sam gnyid la yang 'gro ste/ gnyid ni rnam par shes pa dang dbang po 'gog pa'o/ /'gog pa'i don ni gzhan du 'gro ba med par gcig tu nges par 'gyur bas na de'i reg
 bya la mngon par phyogs par byed pa'o/ yang na sha yaM zhes pas gnyid de/ gnyid dang mtshungs pa'i don gyis shi bces brjod do/ /shi ba ni rlung dang rnam par shes pa dang dbang po 'gog pa ste/ bsam gtan gyi rang gzugs so/ /de'i reg
 pa la mngon bar phyogs pa'o/ /dgyes pa rdo rje las gsungs pa/ gang du 'chi ba bde ba ste/ /bde ba dam pa bsam gtan brjod ces so/ /gzhan du 'chi ba ni brdzun pa ste/ de bzhin du dpal sdom pa las 'cha ba cas pa rnam rtog ste/ mkha' 
 spyod gnas su khrid par byed ces so/ /de'i gdams ngag brjod par bya ste/ rlung g.yo zhing bskyod pas bde ba chen po 'das nas 'joms pas na/ de nyid kyi sgo nas mchog gi bde bas slar 'joms pa la rab tu 'bad par bya'o/ /sngon du gom
 dbang? lta ba'o/ /mngon par bde ba phun sum tshogs/ /yid ni nang du bzhugs pas na/ /'dod pa bsgrub par bsgom par gyis zhes so/ /dpal dgyes pa rdo rje las kyang/ /gang phyir yid kyis mi bsgom par/ 'gro ba thams cad bsgom
 par bya/ /thams cad chos ni yongs shes nas/ /bsgom pa nyid ni bsgom pa yin/ /de rnams dam pa gcig yod min/ /rang rig bde ba chen po nyid/ /rang rig nas ni byang chub 'gyur/ /rang rig phyir ni bsgom pa nyid ces so/ /de bzhin du
 yang/ zab bde chen nyal pa yang/ /rnam shes dang ni dbang po 'gog/ bstod smad grags dang rnyed pa dang/ /rtog pa 'ang 'chag pa'i rdzas ltar gyis/ /b+hus? su ? ba'i spyod pa bzhin/ /gang gi sems kyis byed pa ni/ /de la yid kyi? mya ba na/ /de bas rab tu
 zhi bar byed/ /'du shes gsum pa'i zhabs kyis ni/ /brtse bas rab tu gsungs pa la/ /nyal dang 'dug dang gang du yang/ /'grub par 'gyur bar rab tu rtogs zhes so/ /bya ba gzhan yang gsungs pa/ /mthe bos zhes pa la sogs pa ste/ /des na yang
 du ldan par bshad bkod byed zhes par 'brel bas /ji ltar zhen dpa' mo yis ni dbang phyug drug po zhes pa la dpa' mo'i dbang phyug ni phag mo dang gshin rje ma dang/ rmongs byed ma dang/ skyed byed ma dang/ skrag byed ma dang/ g.yung mo zhes brjod
 pa'o/ /rnal 'byor ma drug gi sngags drug de la bkod pa ni/ oM baM lte bar/ haM yoM snying gar /h+riM? moM mgrin par/ h+reM h+riM kha la/ hUM hUM mgo la/ phaT phaT yan lag thams cad bla kod par bya'o/ /lag par bkod byas nas zhes pas de dang por lag
 pa la bkod pa ste/ mthe bo chen po dang ni sor mo rnams zhes pa la/ lag pa g.yon pa'i mthe bo las mthe chung gi bar du dgod par bya ba'i don te /de'i rim pa ni oM baM mthe bod la/ haM yaM mdzub mo gud mo la/ h+riM moM gung mo la/ heM h+riM srin
 lag la/ hUM hUM mthe chung la/ phaT phaT ni sor mo thams cad kyi rtse mo la ste gzhan ni sor mo'i rtse mo la dgod pa man ngag go /bshad par bya ba gzhan ni man ngag la dgod par bya ba zhes pa dang 'brel pas/ de'i yan lag ni thur du sel ba'i
 rlung ste/ ci'i phyir zhe na/ dpa' bo'i dbang phyug gam sngags la dpa' bo ni bde ba chen po'i 'khaur? gnas pa'i dpal he ru ka'i ngo bo ha'i rnam pa la/ de'i dbang phyug ma ni spul pa'i 'khor lor gnas pa'i bcom ldan 'das ma gtum mo'i
 gzugs so/ /sngags rnams kyis zhes pa ni/ de la man tra mas pa'i sgras/ ma ma na na yid tra tra ya skyob par byed pa ste/ de'i gzugs so/ /drug po zhes pa ni sbyor ba drug ste/ so so sdud pa la sogs pa drug bo/ /de
 bzhin du yang gsungs pa/ so sor sdud dang bas ma gtan dang/ srog rtsol ba dang 'dzin pa dang/ /rjes su dran dang ting nge 'dzin// sbyor ba'i yan lag drug tu 'dod ces so/ /de bzhin cu dus kyi 'khor lo las so sor sdud pa la sogs
 rgyal dbang rnam bcur 'gyur zhing bsam gtan mi bskyod pa nyid do/ /srog rtsol la yang ral gri slar yang rnam pa bcu gnyis 'dzin pa phyag na rin po che/ /gdol pa pad+ma 'dzin ni rjes su dran yin ting 'dzin 'khor lo can/ /re re lnga
 po'i dbye bas slar yang de nas a dang ka la sogs pas 'byed par byed/ so sor sdud pa yul dang yul can rnam pa bcu po log pas lus la'o/ /shes rab rtog dang dpyod pa dga' ba dang mi g.yo'i bde ba gcig pa'i sems
 ni bsam gtan no/ /srog rtsol ba ni lam gnyis mi 'bab 'gyur te dbu ma me ru zhugs pa'o/ /thig ler srog zhugs pa ni gnyis 'gro bcom zhing sems ni gcig tu 'dzin pa ste/ lus la gtum mo snang ba gang zhig 'gyur
 ba nam mkha' i rjes su dran pa yis/ /shes rab thabs kyi bdag nyid mi 'gyur ba yi bde ba'i dbang gis ye shes gzugs brnyan ting nge 'dzin/ /de dag dbang po rtul po'i dbye bas sna tshogs gtso bor sgrub pa rnam pa gsum du
 'gyur/ /phyag rgya gsum dang gnas skabs gsum po rnam gsum 'gro ba'i dbang gis kun rtog lha zhes so/ /de yang ji ltar zhe na/ lag par bkod byas nas zhes pas/ de yang kar zhes pa'i sgras/ /ka ni bde ba chen po'i
 'khor lo yang zhes pa len par byed pa ste/ de ltar kar zhes pas srog rlung ngo/ /bkod ces pa ni rtsol pas dbu ma rab tu 'jug par byed pa'i don to/ /de ltar du yang dus 'khor las/ nus pa gang zhig lte ba nas 'gags dri med glog 'dra dbyug
 pa'i tshul gyis langs nas ni/ /'khor lo'i las ni 'khor lo'i las kyi mdza' ru mnan pa'i rol las bgrod cing dbu ma'i rtsa nas g.yo/ /ji srid gtsug tor phug pa'i stobs kyis phyi yi phugs par khaM gyi tshul du reg /de dug 'jug
 ga'i rlung ni mchog gi stobs kyi stong pa'i lam du 'jug par bya/ /gtsug tor phug nas pho brang gzhan du zung gi rlung ni bkag nas 'gro bar byed/ /de ltar rdo rje'i mthu yis yul dang ldan pa'i yid ni mkha' spyod nyid du 'gro/ /gzhan
 yang mngon shes lnga yi rang bzhin rnal 'byor pas ni sna tshogs pa yi yul 'dir 'gyur zhes so/ /ji ltar gang du byed ce na mthe bong chen po dang ni sor mo rnam shes pas mthe bong chen po ni rdo rje longs pa yin la de yang oM ?
 pa'i sgras aM ga na khams te gu li na de la thim bar byed pa'i dangs ma'o/ /de gnyis sbyor bas gtan nas mi 'pho ba'o/ /de la dpa' bo'i dbang phyug gi gdams ngag brjod par bya ste/ de la bi re shwa ra zhes pa'i sgras/ /dbu yi rnam pa
 steng du bgrod par byed/ /i yi rnam pa rlung gis bskyod pa ste/ /re pha dag ni me yi bsnun pa la/ /a'i shwa ra ni bde ba kun dngos so/ /'di nyid la dmigs pa ni rgyu'i gtum mo'i gzugs kyis ye shes kyi sku can gyi phyag rgya las skyes pa'i bde
 ba ster ba'o/ /thig le las bzhengs nas byung bar mtshon pa ni bdag gi bla ma gsungs so/ /de dag blta bar 'dod nas dpe'i sgo nas brjod par bya ste/ mnyam pa'i snod du btung ba bzhag/ dbus su sgron me sbar bar bya/ /bum pas steng
 nas spubs pas ni/ /'og gi chu rnams 'dren par byed ces so/ /de'i rang bzhin la 'bad par byas pas mi 'gyur ba'i bde ba ster bas lhan cig skyes pa'i rang bzhin la rnal 'byor pas goms par bya'o/ /de gang du
 gsungs na/ sbyor drug las byang sems 'gyur nas 'gro ba ni dman pa'o/ /mi nyams par 'bab cing 'gro ba 'bring/ /sin tu mi nyams par 'gro bar ba ste /'dir lam gyi phyag rgyas 'gyur ba'i bde ba ster ba dang/ ye shes ki phyag
 rgyas mi 'gyur ba'i bde ba ster pa dang/ phyag rgya chen pos shin tu dag pa'i bde ba ster pa'o/ /de ltar gsungs pa/ ji ltar sdig pa'i phru gu dang/ /chu shing sdong po'i 'bras bu ltar /'bras bu las byung nus pa yig/ /rgyu yi gzugS
 nyid 'joms par byed/ /bde ba chen pos dgyes ma dang ka gtum mo yi ni gdams ngag gis/ /de ni bdag med lha mo ste/ /rdo rje rnam snang ma zhes brjod ces so/ /de nas gtum mo ma yin pa'i sgras gzhan yang brjod par bya ste/ sngags
 rnams kyis ni lus la dgod par bya zhes pa'i 'grel gyis/ de la aM ga ces pa'i sgras lus sam yan lag la 'gro ba ste /aM zhes pa ni aM gi rnam pa sprul pa'i 'khor lo gnas pa'i lha mo'i gzugs so/ /zhes pa ni 'gro ba
 ste/ thung du sel ba'i rlung ngo/ /dgod ces pa ni de steng du skyod par byed pa'o/ /de yang ci byed ce na/ lag pa bkod byas nas zhes pas lag pa ni gnyis te lag pa gnyis sgras rgyu ba'i rlung gnyis so/ /dgod pa ni de gnyis 'gog par
 byed? pa'i don to/ /de bzhin du dgyes pa rdo rje las/ rkang pa'i rjes ni dkyil 'khor yin/ /nyid phyir dkyil 'khor brjod par bya/ /lag pa bsgyur ba phyag rgya ste/ /sor mo nyes pa'ang de nyid ces so/ /gzhan du thur sel gyi rlung glod pa las skye
 g.yang yod do/ /gzhung 'dir sngon du bshad pa rnams 'dir rgyud gi rgya ba spangs nas bde ba chen po la 'jug par byed pa ste/ rlung bstan pas ni don thams cad grub pa'o zhes brjod do/ /de bzhin du dpal dus kyi 'khor lo las/ dbus su srog
 zhugs nyi ma dang bcas ri bong la gnas g.yas dang g.yon pa bcings te gnas/ /sems la phyag rgya rab sbyar mchog gi bder gnas rdo rje slang ba dag dang ni/ /pad+mar rdo rje'i sgra 'am chu skyes dag tu rang lag gis gsor te don te/ /sa bon gtong
 bde bas 'chi ba'i 'jigs 'joms dpal ldan bla ma'i zhal nyid do/ /de bzhin du yang/ rlung gi che la thig les lus/ /nges par mi bskyod sems kyis grol/ /gsum po gcig tu sbyor ba na/ /gsum gyis gdan sa par rab tu grags
 zhes so/ /gang du byed par 'gyur zhen/ mthe bong chen po dang ni sor mo rnams zhes pas mthe bong a buShtha zhes pa ste/ ma gces pas lus /Sha tha na de la gnas pa ste lus la gnas pa'i rdo rje'o/ /chen po zhes pa ni de langs pa'o/ /ser
 mo rnams dang zhes pa ni dangs ma'i rnam pa'o/ /ldan pa zhes pa ni de gnyis sbyor bas mi 'gyur bar brtan pa'i don to/ /de yang gsungs pa/ gang zhig shes rab la spyod pa/ /bsil zer lhung la bde ba med/ /dpyid dus me tog lhung ba? la/ /dus kyi
 'bras bug la srid ces pa dang/ de bzhin dus las rgyal ba las sbyor kun dang ni/ /gang gi pad+mar lhung ba de/ /phan 'dod me tog bcag nas ni/ /rmongs pas 'bras bu 'dod pa bzhin zhes so/ /rdo rje dgyes par rol ma gsang ba'i sgrub
 thabs las/ /pad+ma'i rgya mtsho bsrub pa las/ /lhan ces bdud rtsi 'dod pa yis/ /bral ba'i dus kyi dug nag po/ /gang zhig ma byung de bzhin bya zhes so/ /drug ces pa ni mig la sogs drug gi shes pa yang nang du zhugs ?
 ldan pa'o/ /ji ltar ldan pa dpa' mo yi ni dbang phyug gi sngags kyis te/ dpa' bo ni bcom ldan 'das yin la/ de'i dbang phyug ma ni stong pa nyid do/ /de gnyis kyi sngags ni yid skyo ba'i thabs su byas pa'o/ /
 yang na dpa' bo'i dbang phyug ni stong pa nyid la de'i thabs ni sngags so/ /de'i thabs su gyur pa la stong pa nyid skye ba'i don to/ /brjod byas gzhan yang gsungs pa/ de rjes la yang zhes pa dang/ snod snyoms pa zhes par 'brel
 pas /de ltar tshon bzang las skyes zhes pas/ de yang tshen zhes pa ni bsha' rtse ste/ bzang zhes pa ni zangs yin la/ /sbyar zhes pa ni de gnyis gcig tu bsres pa'o/ /las skyes zhes pa ni de las byung ba'i 'khor ba'o/ /
 snod ni me long gi dngos po yin pa la snyoms shes bas nag tsog dang 'bar 'bur spangs pa'o/ /de la cis byug ce na/ zha nye las skyes phye ma so ma dag ces pas/ zha nye las skyes pa ni sind+hu ra'o/ /phye ma ni dngos po de'o/ /so ma
 dag ni gzhan dang ma 'dres pa'o/ /de yang seng ras zhes pa ni ras phra zhing thags ngan par btags pa'o/ /ngal bus gtsags la dgram zhes pa ni myur ba ma yin pa'o/ /de yang ras dmar po la rdo rje li yi rnam pa byas la de nyid du
 sin d+hu ra blug te de la ser mo cung zad bskyod pa'i rim pa zhes so de gang du bya zhe na /rdo rje 'chang stengs su zhes pas/ rdo rje ni myos byed la de 'dzin pa ni rdo rje 'chang zhes so/ /steng du zhes pa ni gang na myos byed yod pa de'i steng du'o/ /
 bshad par bya ba gzhan yang gsungs pa/ de rjes la yang zhes pa nas snod? snyoms la zhes bar 'brel pas de la snod ces pa ni a ma tra zhes pa'i sgra ste/ de ltar a ni nad de rlung mkhris bad kan 'dus pa'i nad kyis sdug bsngal
 ba'o/ /tra ya zhes pa de las skyob pa ste/ a ma tra bde ba chen po'o/ /yang na khyad par gyi gnas su gyur pa nyid de/ a ma tra zhes pas bde ba chen po'i rang bzhin gyis snod de de rjes la sbyor ba'o/ /snyoms pa zhes pa ni thams cad kyi rang
 bzhin nyid de/ /tshon bzang sbyor ba las zhes pa ni legs par sbyar ba'i sgra las raM ga a ru Na zhes pa ste /de la raM ga zhes pa zha nye dkar po nyid la/ yang na raM ga zhes pa 'dod chags dang bcas pa'i byang chub kyi sems so/ /a ru na zhes pa
 dang bzang zhes pa ni dmar po 'od dpag med kyi rang bzhin gyi khrag gi gzugs so/ /de gnyis las skyes pa'i don ni bde ba chen po'o/ /gang du de brjod pa yin zhe na/ rdo rje 'chang stengs su zhes pas/ de la badzra d+ha ? u pa ri zhes pa'i sgras te/
 badzra ni rdo rje yin la d+ha ra ni 'dzin pa 'am ri bo ste/ der kun gyis bgrod bya ma yin pa dang/ de nyid thob par byed pa'i gnas yin te/ u pa ri zhes pa steng du ste rtse mor bde chen po 'char pa'o/ /phye ma zhes pa la gang gi phyi ma zhe na/ zha nye
 las skyes zhes pas de yang b+hu dza ga b+ha ba zhes pa'i sgra ste/ b+hu dza ga ni klu ste de las skyes pa'i dug go/ des na yul ni dug yin la de'i rgyu mnar ba'o/ /de bzhin du dpal dgyes pa rdo rje las/ de ltar 'khor bar 'dod pa yis/ /yon
 tan lnga ldan rin chen nyid/ /ma dag pas ni dug tu 'gro /dag pas bdud rtsi lta bur 'gyur zhes pa dang/ de nyid las kyang dag pas dug med byas nas ni/ /brten bya 'di dag brten pa nyid ces so/ /de ji ltar yin zhe na/ dag pa
 zhes pa legs par dag pa ste/ 'di ni yul gyi rang bzhin bde ba chen po'i gzugs can nyid do/ 'on kyang ma rig pas dug ltar gyur pa de ltar gyur pa de lhan cig skyes pa'i gzugs kyis sbyong ba'o/ /seng ras zhes pa ni don la 
 ras kyi blugs pa ste/ legs par mi g.yo ba'i don la dal bus zhes pa ni mkhas pa'i ngang du bstan pa'o/ /yang na b+hu dzwa ga zhes pa sgeg? pa ste/ de las skyes pa'i 'dod chags yan la de dang lhan cig skyes pa'i don
 to 'jig rten pa'i chags pa spangs pa bde ba chen por sbyor bar byed pa'o/ /yang na zha nyi las skyes zhes pas sind+hu ra lta bu ste 'dod chags dang bcas pa'i chags pa chen po'i rol phye ma zhes pa'i don to/ /bya ba gzhan gsungs pa/
 dor ni zhes pa la sogs pa nas sngags kyi phreng ba bri zhes pa'i bar te bcom ldan 'das ma'i sngags kyi phreng ba bri bar don gyis 'brel ba'o/ /ji ltar bya ste 'bri zhe na/ 'khor lo bris nas zhes pas/ de yang rgyal ba'i snying po'i
 yang snying po zhes pa ste /rgyal ba ces pa ni rnam par snang mdzad la sogs pa de bzhin gshegs pa bzhi'i snying por gyur pa ni mi bskyod pa'i gzugs nyid de de nyid ni bcom ldan 'das dpal he ru ka'o/ /de'i yang snying por gyur pa'i
 chos 'byung la de'i rang bzhin ni 'khor lo'o/ /gtsug phung can gyi ni zung ldan zhes pa ni gtsug phung? ni me 'bar ba'o/ /de yod pa ni can te me yin la me ni gsum ste nges na zur gsum pa'i 'khor lo'o/ /gtsug pur can ni zur
 ldan la ni shi khi go Ti zhes pa'i sgras te/ shi khiM na 'bar ba can te/ me yin la de nyid gsum ste/ 'di ko Ti ni zur ram rtse mo ste don la 'khor lo zur gsum pa'o/ /der ni zhes pas me long la sin d+hu ra'i phye ma bkram la sngags
 kyi phreng ba pri bar bya'o/ /de'i snying por zhes pas me long gi mthil la bris pa'i chos 'byung gi snying po de nyid la'o/ /cis 'bri zhe na/ gser las byas pa'i thur ma yis zhes pas gser gyi thur ma lag pa g.yon pas gzung
 ? 'bri bar bya ba ste/ gong gi tshigs su bcad pas sam yang na gang bas ngag tu go bar bya'o/ /de'i man ngag brjod pas bya ste/ dang po chos 'byung gi ? ba la zla tshes dang thig? le? dang nA dar bcas pa'i bcom ldan 'das ma'i gzugs ba gi rnam par
 bre bar bya'o/ /de nas chos 'byung gi dbus su sku gsung thugs kyi rnam par dug? pa la 'dod pa dang drag po rang thub pa'i grangs kyis phreng? ba gsum la sngags btu ba las byung ba ltar bcom ldan 'das ma'i sngags gyi rgyal po bri par bya'o/ /de
 yang bzhengs pa'i 'khor lor gsungs pa ste/ bcom ldan 'das dang bcom ldan 'das ma'i rang bzhin gyi ha dang/ a gnyis po yongs su gyur pa nas gnyis su med pa'i rnam par dag pa'i phreng gi 'og pa gi steng du mdza' ma'i yi ge
 ha yi gzugs bri bar bya'o/ /yang na chos 'byung gi re Sha'i? rim pa ltar de'i rtsa ba na phar sngags phreng gsum bris la dbus su paM bri ba yang man ngag gi lugs so/ /bshad par bya ba gzhan ni de'i snying por sngags kyi phreng ba dri zhes pas
 de la chos 'byung gi gnas su sngags kyi phreng ba dbu mas bri ba ste/ mi 'gyur ba'i gzugs kyi khyab par byed pa'i don te/ /de yang thig le dang rlung gnyis lhan cig tu gyur pas yid skyobs par byed pas na sngags so/ /de'i bde ba chen por 'gro
 ba'i sngags kyi don la phrang? zhes pa 'am lam zhes pa ste/ sngags kyi phreng ba'i sgras dbu ma zhes brjod pa'o/ /de la cis 'bri zhe na/ gser las byas pa'i thur ma yis zhes pas de yang gi? ge ya sha la koM zhes pa'i sgras/ ga zhes pas gzhi ste/
 chos 'byung yin la gA ces pa der 'gro bar byed pa ste/ gaM gA ni rab kyi rtse nas bab pas na bdud rtsi'i rgyun no/ /de ltar gaM gA zhes pas de las byung ba'i thig le'o/ /de la babs pas na nor bu'i rtser de bskyed pa ste/ de la 'dir thig le ni dbu
 ma'i lam nas 'gro bas thur ma lta bu ste/ thur ma zhes pas dbu ma'i bug pa nas khyab par 'gro ba nyid do/ /de la ji ltar byas rte 'bri zhe na/ 'khor lo zhes pas de yang rgyal ba'i snying po zhes pa ste/ rgyal ba ni dpal
 he ru ka de'i snying po ni ha'i rnam pa de'i snying po ni bde ba chen po 'khor lo'i ming ste/ de nyid ni dus thams cad du gnas pa'o/ de la 'bri bar bya zhes pa ni der des khyab par byed pa'i don to/ /gtsug phung can gyi zur ldan zhes pas de yang
 shi li ko Ti ki? zhes pa'i sgra ste/ de la shi khi ni gtum mo'i me la ko Ti ni de'i rtse mo ste/ kaM zhes pa mgo bo yin la de ni ha'i mgo blau?/ /ha'i rnam pa mgo thur du bstan pa bsgom pa'o/ /de'i snying po ni bde ba chen po'i 'khor lo'i
 dbus na de yod pa'i don to?/ /yang na sngags kyi phreng ba bri zhes pa ni thig le'i rgyun de bde ba chen por skyel ba'o/ /cis skyes zhe na gser gyi thur ma zhes pas de yang gaM ge ya sha la kaM zhes pa'i sgras de la gaM gA zhes pas thig le
 ste de ru 'gro bar byed pa'i don gyis na thur ma lta bu ste/ skyel bas na dbu mar bri ba'o/ /ji ltar bya zhe na rgyal ba'i snying po'i yang snying po bris nas zhes pas rgyal ba ni dpal he ru ka la de'i snying po ni mi 'gyur ba'i byang chub
 kyi sems so/ /de'i yang snying po ni bde ba chen po'i sems kyis yang dag par byed pa'i don/ 'khor lo zhes pa rnam par rtog pa thams cad gcod par byed pa nyid do/ /gtsug phung can gyi zur ldan zhes pa ni gtsug phung can
 ni me yin la/ de bzhin du zur ldan ni me'i rtse mo lta bu'i me'o/ /des mi shes pa'i bud shing thams cad sreg par byed pa'o/ /yang na shin tu rno ba ste 'bugs pa'o/ /khyad par gzhan yang gsungs pa/ 'khor lo'i zhes pa
 la sogs pa nas bkra shis dam pa'i zhes pa ste/ bkra shis dam pa ni bzang po'i g.yung drung 'khyil ba 'bri ba ste/ gang du 'bri zhe na/ 'khor lo'i phyi rol zhes pas chos 'byung gi phyi rol gyi cha la'o/ /de nas yang gnas mang du
 yod pas nges par gang du bri zhe na/ shar gyi cha dang byang dang nub dang gzi ldan sras phyogs su zhes pas/ de yang gzi ldan ni nyi ma yin la de'i sras ni gshin rje ste/ de'i phyogs ni lho 'o?/ /rim pa bzhin zhes pa ni shar nas byang
 la sogs pa'i rim pa'o/ /lag pa g.yon pa yis ni mngon par bri zhes pa ni go bar zad do/ /bshad par bya ba gzhan ni bkra shis dam pa rnams dang zhes pas de yang satwa swa ti gaM zhes pa'i sgras/ de la sat zhes pa dam pa'am yod
 pa ste/ swasti kaM zhes pas g.yung drung ngaM bde ba la 'gro bas ba su ni legs pa ste/ asti ni yod pa yin la/ kaM ni bde pa'o/ /de ltar legs pa'i bde ba yod pas ni theg le'o/ /bri zhes pa ni ngos bkod pa 'am 'di khyab par byed par
 'brel ba'o/ /gang du dgod ces na 'khor lo'i phyi rol tu zhes pas bde ba chen po'i 'khor lo'i phyi rol gyi cha la'o/ /de yang gang du zhe na/ shar dang byang dang nub dang gzi ldan sras phyogs su zhes pas ba spu'i bu ga rnams te/ lus
 thams cad la khyab par byed pa'i don to/ /de gang gis mtshon zhe na/ lag pa ste/ de nyid rlung la bya'o/ /sor mo lnga yod pa nyid la lag pa ste lnga po des mtshon nas lus la gnas pa'i rlung lnga bzung ba'o/ /ji ltar zhen g.yon
 pa ste/ bA ma zhes pa'i sgras g.yon pa 'am yid 'phrog pa ste/ gzhan gyis bskyod pa'i don to/ /ji ltar bri zhe na rim pa bzhin zhes pas rim gyis brtan pa 'am mi 'pho bar ba spu'i khung bu thams cad khyab pa'o/ /brjod par bya ba
 gzhan yang gsungs pa dza:hUM baM ho:zhes pa la sogs pa des rdo rje lha mo bkug nas shes par 'brel pa'o/ /de yang ji ltar zhe na/ bkug nas zhes bas myos byed kyis bris pa'i lha mo'i sngags kyi phreng ba las 'od zer
 lcags kyu'i rnam pas 'og min gyi gnas nas dza(rgyud 'grel pa sngags kyi yi ge rnams la baM gis rab tu bsdam par bya ba nyid do/ /ji ltar bkug pa la sogs pa zhe na/ dza:hUM baM ho:zhes ni rab brjod pas zhes pas/ 'dis ni dgug pa dang gzhug pa dang bcing pa dang dgyes par byed pa'i
 sngags te/ de re re la yang so sor bsgom pa sngon du 'gro bas bya ba nyid kyi don to/ /rab brjod nas zhes pa la sogs pa ni/ 'bar ba'i phyag rgya la sogs pa yang shes par bya'o/ /de yang rkang pa mnan cing gyen du blta/ steng
 du pheM gi sgra sgrogs pas zhes pa yang man ngag gi lugs so/ /bshad par bya ba gzhan ni rdo rje lha mo'o zhes pa ni/ gtum mos lus gang bar byas pas mnyes pa'i don to/ /bkug nas zhes pas steng du song nas lhung bar
 gyur ba'i bdud rtsi'i rgyun 'bebs par byed pa'i don te/ /sngags kyi yi ge la ni rab bcug nas zhes pas/ sngags ni byang sems yin la/ de la bde ba chen po'i ye shes rnams mi 'gyur bar thim par byas nas/ de'i gzugs
 su bskyod pa'i don to/ /des na yongs su rdzogs pa'i 'bras bu rnyed nas/ de la rgyu'i gzugs su gnas pa mi rigs pa nyid de/ 'di ni lhan cig skyes pa'i gtum mo nyid de/ de ltar rigs par shes par bya'o/ /bsngams
 pa dang zhes pa ni bde ba chen por legs par rab tu bsdams par byas pa'o/ /cho ga zhes pa ni ji ltar man ngag bzhin du ste/ des go bar bya ba'o/ /de ltar dza(rgyud 'grel las dran par bya ba'i don to/ /mchod pa gsungs pa de rjes sngags kyis zhes pa la sogs pas de'i rjes su de la mchod par bya'o zhes pa dang 'brel lo/ /gang la zhe na sngags kyi rang bzhin de la zhes pas ye shes pa dang gnyis su
 med pa'i chu dang 'o ma 'dres pa lta bu'i sngags kyi rang bzhin de la'o/ /mchod pa sna tshogs pa dag ces pas/ des na bza' ba dang zhes pas /khu ba la sogs pa'o/ /bca' ba dang zhes pas 'bras chan la sogs pa'o/ /bldag
 dang zhes pas sbrang rtsi la sogs pa'o/ /btung dang zhes pas/ dpa' byed la sogs pa'o/ /bzhi pa bya zhes bas a 'bras la sogs pa'o/ /'dod yon lnga dang bcas pa rnams kyi zhes pas/ 'dod pa'i yon tan lnga'i longs spyod do/ /
 bshad par bya ba gzhan yang gsungs pa sngags kyi rang bzhin de la zhes pas bde ba chen po'i rang bzhin te/ lha mo'i mchod pa de la yid rgyun tu goms pa'i sems rtse gcig tu bya ba'o/ /rgyu cis bya zhe na/ bza' dang zhes pa la sogs
 pas/ de la stobs 'phel ba'i phyir 'dir brten pas stobs las bde ba skye ba nyid do/ /'dod yon lnga dang bcas rnams zhes pas 'dod pa'i yon tan lnga nges par sbyar nas longs spyod pa'i don to/ yang na 'dod pa ni bcu gsum nyid
 yin la yon tan gsum ste/ 'dod pa yon tan gyi sgra rlung gi 'pho bcu drug tu brjod do/ /dus rtag par 'dir bsgoms pas rlung gi rim pa las rnyed pa 'di'i dngos po bde ba chen po la thim par byed pa'o/ /'o na de nyid rkyang bar ram zhe
 na/ sna tshogs stobs ni zhes pa la sogs pa ste/ sna tshogs zhes pa rnam pa mang po'o/ /stobs zhes pa sha'o/ /yang na sna tshogs zhes pas ba lang dang khyi dang glang chen dang rta dang mi'i sha'i don to/ /myos byed
 dang bcas zhes pas btung ba dang ldan pa'o/ /shin tu khyad 'phags zhes pas mchog tu gyur pa'i rdzas so/ /mchod pa zhes pa ni bsnyen bkur ro/ /rnam lnga zhes pas gzugs la sogs pa'o/ /glu dang zhes pas/ rdo rje
 glu dang gzhan yang legs par rol par dgyes pa'i glu'o/ /rol mo dang zhes pas pi wang dang zhes pas pi wang dang gling bu la sogs pa las byung ba'i glu'o/ /gar dang zhes pas rdo rje rkang pa'i gar ro/ /bskor ba brten de la
 bskor bya'o/ /phyag dang bstod pa yang de bzhin no/ /bshad par bya ba gzhan yang gsungs pa/ sna tshogs stobs dang zhes pas/ ba lang dang/ khyi dang glang po che dang/ rta dang mi'i sha'i rang bzhin gyi phung po rnam pa lnga'i
 bdag nyid rnam par snang mdzad dang/ rin chen 'byung ldan dang 'od dpag med dang/ don yongs su grub pa dang/ mi bskyod pa ste/ de dag kyang bde chen du thim par byed pa'o/ /myos byed dang bcas zhes pas/ myos byed
 ni nga rgyal gyi rnam pa ste/ de'i rang bzhin can no/ /shin tu khyad 'phags zhes pa ni/ 'dod chags la sogs pa'o/ /mchod pa zhes pa ni sgra'i gnas la bsnyen bkur du 'gro ba ste/ yul sna tshogs kyi bsnyen bkur
 gyis bde ba chen por ro gcig byed pa'o/ /rnam pa lnga dang zhes pa ni mig gi rnam par shes pa la sogs pa lnga'o/ /glu dang zhes pas/ bde ba chen po las byung ba'i rang byung gi sgra'o/ /rol mo dang zhes pas rdo rje'i
 sgra'o/ /gar dang zhes pas snyoms 'jug gi rnal 'byor ro/ /bskor ba ces pa rdo rje la pad+mas bskyod cing rnam 'gyur gyis bskor ba'o/ /phyag 'tshal zhes pas ting nge 'dzin nyid du ngas par blta ba'o/ /bstod pa zhes pas ha dang hi la sogs
 pas rgod pa'o/ /yang na de'i phyogs su thams cad kyang mnyam pa'i rang bzhin nyid du shes nas 'dir thams cad kyis bde ba chen po'i don la goms par byed pa'i don te/ de ltar nam byed ce na/ nyin re bzhin nam zhes pa la sogs
 pa nas ji skad bshad bzhin mchod pa'i cho ga bya zhes par 'brel bas 'di la bya zhes pas sngags kyi rang bzhin gyi lha mo de la'o/ /nyin re bzhin nam zhes pas rtag tu'o/ /zla phyed so so la zhes par mar ngo dang par ngo'i tshes bcu'o/ /zla re
 bzhin nam zhes pas ni nag po'i tshes bcu la'o/ /nag po'i phyogs kyi tshes bcu la rnal 'byor ma rnams 'du bar 'gyur bas so/ /tshes ni bcu pa la zhes pas bcu ni lha mo'i chos yin pa'i don to/ /dngos grub 'dod pas zhes pas
 'jig rten dang 'jig rten las 'das pa'i dngos grub mngon par 'dod pas so/ /dam pa zhes pas mkhas pa'i dang tshul/ /bshad par bya ba gzhan yang gsungs pa/ de nas bde ba chen po'i rang bzhin gyis lha mo'i gzugs de la ji ltar
 bshad pa ltar mchod pa'i cho ga bya ba ste/ de yang nyin re bzhin nam zhes pas nyin re la dmigs pa'i rang bzhin nyid du dmigs pa de la ji lta ji ltar dmigs pa de ltar de ltar bde ba chen po gzhug par bya ba'i don to/ /zla phyed so so 'am
 zhes pa ni/ dngos bo'i phyogs dngos med kyi phyogs so/ /zla re bzhin nam zhes pas/ phyogs gnyis kyang gcig tu gyur pa ste/ de gnyis las byung ba nyid kyang bde ba chen po'i dang du sbyor bar byed pa'i don to/ /bcom ldan 'das kyis gsungS
 pa/ don la rtog par bya yis sgra la rton par mi bya'o zhes so dngos grub 'dod pas zhes pa ni/ gang 'dod na bcu pa la zhes pas/ tshos bcus mtshon nas bcu pa'i dbang phyug 'dod pa'i don no/ /chos zhes pa mos? pa nu? ste 'di
 ni lha mo'i tshes te dus tham cad du nye ba nyid do/ /dpal ldan bi kra ma de ba zhes bya ba'i gtsug lag khang chen po'i dge slong paN+Di ta bIrya sh+rI mi tras rnam par phye ba de kho na nyid bshad pa zhes bya ba'i 'grel pa las phyi rol mchod pa'i cho ga'o/ /de nas
 zhes pa la sogs pa ste/ des na zhes pa nas sngar brjod lha mo zhes par 'brel bas/ de yang sngar brjod lha mo zhes pa ni/ sngon du brjod pa lar gyis lus nyid lhan cig skyes pa'i rang bzhin gyi lha mo 'am/ yang na dpal sdom pa rgya mtsho las
 sngon du bcom ldan 'das kyis gsungs pa ltar gyi lha mo'o/ /brtse chen zhes pas sems can la snying rtse ba chen po dang ldan pa'o/ /phyi rol bshad pa'i tshul byas nas zhes pas/ phyi rol tu me long gi mthil la bris nas ji ltar mchod pa bzhin
 du'o/ lha mo gang du bsam zhe na/ sprul pa'i rtsibs can ma dang dbus su zhes pas/ sprul pa'i 'khor lo la pad+ma'i dbus su'o/ /dbugs bral snying ga'i tshe zer can gzugs la zhes pas/ dbugs bral ni srog med pa ste rnam shes dang bral/
 ba'o/ snying ga'i zhes pa/ ro de'i snying ga'o/ /tsha zer zhes pas drod kyi yon tan dang ldan pa ste nyi ma'o/ /can gzugs zhes pa ni de'i dkyil 'khor ro/ /ro'i snying gar nyi ma'i dkyil 'khor la bsgom pa'i don no/ /bshad bar bya ba gzhan yang
 gsungs pa/ lha mo zhes pas de bi zhes pa'i sgras chags pa chen po'i rol longs spyod cing rol pas de bi zhes bya'o/ /de ni sngar bshad pas 'dir bshad par mi bya'o/ /brtse chen zhes pa ni u ru kA ru Na'i sgra ste/ kA ma bod pa yin la ru
 de 'dzin pa ste/ kA ru Na byang chub kyi sems so/ /u ru ni chen po ste/ mi 'gyur ba'i byang chub kyi sems chen po'o/ /phyi rol gcod? pa'i tshul byas nas zhes pa ni/ de la bA hya zhes pa'i sgras/ khA hya na 'jig par byed pa ste u cha'o/ /yang na phyi rol
 zhes pas shes rab ma nyid de las kyi phyag rgya'o/ /tshul byas nas zhes pas de bzhin du dbu ma'i sgo'am phyag rgya'i sgo nas bde ba skyed par byed pa'i tshul lo/ /de gang du bsam zhe na/ sprul pa'i rtsibs can pad+ma dbus su zhes pas/ 'od gsal
 gyi ngang las yid kyis sprul pa'i rtsibs gsum pa'i 'khor lo ni sprul pa'i rtsibs te/ chos 'byung la de'i dbus kyi pad+ma la'o/ /dbugs bral snying gar ? ? can gzugs la zhes pas ngo'i snying gar nyi ma'i dkyil 'khor la shin ru rnam par
 dag pas chos kyi dbyings las byung ba'i ye shes kyis gsal bar byed pa'i don no/ /rnam par dag pas nges par sems ni chos kyi dbyings/ nyal ba'i ro ni bdag med rnam dag gzhal med khang/ /mdza' bzhi dang bral shin tu dag pa'i
 rang bzhin la/ /chos kyi snying por yid ches nges na ro snying gar/ /shin tu rnam par dag pa'i ye shes dam pa nyid/ /shes rab snang bas nyi ma'i dkyil 'khor gzi brjid rtse?/ /shin tu rnam dag chos kyi dbyings kyi rang bzhin la/ /de las
 bzhes bya ba gcig tu 'gro ba'i gzugs can nyid ces so/ /bsgoms pa gsungs pa/ lha mo bsgom zhes bya ba'i tshig dang 'brel bas/ rgod? thun dmar thag mdog can zhes pa rgong? thun ni nub ka'i nyi ma'i ste sind+ha ba'i mdog la dmar
 ? tu go ? bya sto/ ? tu rnam par dag pa'i 'dod chags kyi dang bzhin nyid do/ /'od sbubs tshogs zhes pa la/ 'od ni 'od zer te gzhan gyi 'od thams cad mig mog por byed pa'o/ /sbubs zhes pa ashin tu rno ba'i bye brag go/ tshogs?
 ni mang ba ste kun tu khyab pa'o/ /bdun gyi gzi bcom zhing zhes pa ni/ lha mos nyi ma bdun gyi gzi brjid thams cad bcom pa'o/ /de ci lta bu zhe na/ nyam thag kun gcod pas thams cad kyi sdug bsngal ma lus par
 gcod pa'o/ /gang gis she na gri gug g.yas kyis 'dzin zhes pas gri gug gi bye brag gsungs pa/ dpag med 'od 'phro zhes pas de las dpag tu med pa mdza' yas mu med pa'i 'od chen po byung bas sems can gyi nyon mongs pa ma
 lus pa gcod pa'o/ /g.yas kyis 'dzin zhes pa ni phyag g.yas pas so/ /gzhan ji ltar zhe na/ rgyal mtshan dang bcas zhes pas g.yon pa'i phyogs su 'dzin pa'i kha TwAM ga'o/ /dang bcas zhes pas gzhan yang 'dzin pa ste/ g.yon
 pas zhes pas phyag g.yon pa'o/ /pad snod ces pas thod pa'i snod yin no/ /shin tu dkar ba zhes pas dri ma med pa'o/ /khrag gis bkang 'dzin zhes pas/ bdud bzhi'i khrag gis bkang nas g.yon pas 'dzin pa'o/ /dbug
 bcings zhes pa ste/ gang gis bcings she na rdo rje la sogs pa'i phreng bas bcings pa ste /de yang ka lya zhes pa'i sgras nag po yang yin la/ yang na kaM ni mgo bo yin la A li ni phreng ba ste/ bye brag tu rdo rje'i phreng ba nag pas
 bcings pa'o/ /der gdams ngag gi thod pa lnga'i phreng ba yang go bar byed pa'o/ /yang na ka ni mgo la A li ni phreng ba ste de lan mgo bo'i phreng bas bcings mug+ha? mugtha? ha sta zhes sgras/ muk+ta zhes pa grol ba murd+ha ni gyen du ha sta ni lag
 pa'o/ ji ltar grol ba'i lag pa gyen du song ba nyid do/ /yang na muk+ta grol ba yin la/ murd+ha zhes mgo skyes hasta la lag pa ste skra grol ba dang nye bar lag pa grol ba yang yod pa'o/ /khyad par gzhan yang gsungs pa/ mgo bo'i
 phreng bas sku brgyan zhes pa ni sku la mi mgo'i phreng brgyan pa'o/ /khrag gis zhal bkang zhes pa ni zhal ni pad+ma'i zhal te/ de bzhin du de la khrag 'dzag pa'i rgyun dang ldan pa'o/ /yang na bdud bzhi'i khrag zhal du gsol nas de'i rgyun pad+mar
 zags pa'o/ /re'i spyan ldan zhes pas bro zhes par bro ba ste/ zas kyi ro drug go/ 'dir drug gis mtshon nas/ /spyan ldan zhes spyan yang rnam pa drug go/ de ni zhal rnam pa re re la yang spyan gsum gsum nyid du brjod do/ /grol ba'i
 gdangs zhes pa ni grol ba bde ba chen po yin la/ gdangs ni de dang ldan pa'o/ /sa rlog ces pa phag pa'i zhal/ /gyen du blta zhing zhes pas cung zad gyen du bskyod pa'i khyad par ro/ /rtsa ba'i zhal ni zhes pa sprul pa ma yin pa de'o/ /
 cung zad khro ni rol pa'i khro mo'o/ /skal ldan zhes pa la bar su b+ha gaM ma nA kro d+ha mU la A nan+taM zhes pa'i skras/ ngar na mchog tu gyur pa 'am bzang po la/ su b+ha gaM zhes pa yid 'phrog par byed pa ste ma nA kro da ni cung zad khro ba'o/ /A na zhes
 pas zhal gzhan te/ phag pa'i zhal la/ na na zhes pa zhal nyid do/ /de bzhin du zhal gnyis po la yang de ltar skal ldan gyi sgra dang ldan pa'o/ /tam zhes pas de bsgom par bya'o zhes pa'i don to/ /kun dga' dang bcas zhes pas lhan
 cig skyes pa'i dga' ba chen po'i rang bzhin no/ /rjes su chags shing zhes pas chags pa chen po'i rang bzhin nyid do/ /sna tshogs nyams can zhes pas thams cad gyi nyon mongs pa ma lus par 'byin pa/ byed pas sgeg pa la sogs pa'i
 gang kyi nyams dgu dang ldan pa'o/ /spyi klud phyed pa'i gar zhes pas des ni sangs rgyas kyis phrin las ma lus pa byed pas gar gyi rnam pa nyid do/ /phyag rgya yis ni rgyas btab ces pa ni/ de la phyag rgya ni mgul rgyan dang phyag gdub dang
 rna rgyan dang/ spyi gtsug nor bu dang/ tshangs skud de rang gi lus la phyag rgya lngas btab pa zhes dpal sdom pa las bshad do/ /de bzhin du rang gi lus dang yan lag la rgyas btab pa ste/ phyag rgya nyid kyis so/ /de bzhin du dpal
 sdom pa las/ mgul rgyan lag gdub rna cha dang/ spyi gtsug nor bus brgyan pa ste/ /mchod phyir thogs dang thal ba nyid/ /phyag rgya drug tu rab tu grags zhes so/ /'dir ni lha mo la thal ba med pas phyag rgya lngas brgyan pa'o/ /de bzhin du dpal
 sha ba ris mdzad pa'i sgrub thabs las/ phyag rgya lnga yis brgyan pa'o zhes so/ /'khor lo dang rked rgyan la sogs pa ni nye ba'i phyag rgya yin te/ des kyang rgyan pa'o/ /na bza' dang bral zhes pa ni sgrib pa gnyis spangs pa nyid kyi phyir gcer
 bu'o/ bcu drug lo chod ces pas bcu drug gi dus kyis yongs su gang ba'i zla ba'i rang bzhin nyid kyi'o/ /yang na dga' ba bcu drug gis yongs su gang ba'i dus so/ /de ltar dpal dus kyi 'khor lo las gsungs pa /gang zhig spyi bor
 'khor lo 'chang ba shes rab 'dzin pa 'di ni khu ba bde bral ba/ gtsug tor tshangs pa'i bug par mi 'gyur ba bde ba'i mchog ni bcu drug dga' bas yongs su gang zhes so/ /sku mchog can zhes ni thams cad 'jam zhing bde ba la sogs
 pa'i dgyes pa'i sbyor ba'i yon tan dang ldan pa nyid do/ /bya ba gzhan yang gsungs pa/ ye shes bkug sogs zhes pa la sogs pa ste/ sngags pas ye shes bkug nas g.yung drung 'khyil ba bsgom zhes par 'brel lo/ /ye shes pa
 bkug sogs ni ye shes sems dpa' dgug pa la sogs pa ste/ de yang snga ma bzhin du zhes pas sin d+hu ra la mchod pa'i dus su ji ltar byas pa ltar byed ba'i don no/ /gzhan yang bshad pa/ 'gro ba gnyis su med pa'i ye shes kyi
 rang bzhin du byed pa ni ye shes sems dpa' dgug pa'i don no/ /cho ga'i rim pa zhes pa ni man ngag gis go bar bya'o /sngags pas byas nas zhes pas byed pa po'i tshig ste/ gong du 'brel bshad do/ /bkra shis zhes pa ni g.yung drung ngo/ /de la
 swa sti ka zhes pa'i sgras/ su na legs pa a sti na yod pa ka na bde ba ste/ des nas legs pa'i bde ba yod pa ste/ de ni thig le'o/ /de nyid kyang gtum mo'i sbyor bas 'khor ba 'am g.yos pa ste/ thig le'i rnam par dag pa 'dod pa gdams ngag
 go de bzhin du a ba d+hu tI bas mdzad pa'i sgrub thabs las phag gdong gyen du rnam par lta/ g.yung drung 'khyil ba myur du 'khor zhes so/ /g.yung drung ni nan ti brta zhes pa'i sgras/ nan+ti zhes pa thig la la brta ya zhes pa 'khor ba'o/ /bde
 ba'i rang bzhin gyis lha mis lhan cig skyes pa'i dga' ba la dgyes par rol pas na thig le yin te/ de la gtum mo'i sbyor bas g.yas pa ni 'khor ba'i don nyid do/ /dpral ba yi ni mngon phyogs la zhes pas phag zhal gyi dpral ba'i
 mngon phyogs la'o/ /myur bar zhes pa ni shin tu mgyogs par te 'khor ba'i sbyor ba'o/ /'khor ba zhes pa ni rgyun chad med pa ste/ rdza mkhan gyi 'khor lo lta bur 'khor ba'o/ /gcig ni zhes pa gnyis med pa'i ste/ gcig bu nges par
 byas pa'o/ /ji ltar zhe na/ bsgom par bya zhes pa/ gong du 'brel pa'i tshig gis bstan pa de bya ba'o/ /khyad par du bya ba gsungs pa/ de'i rjes la zhes pa la sogs pa'o/ /de'i rjes su 'khor lo bsgom par bya zhes pa dang 'brel lo/ /gang du bsgom
 par bya zhe na lam khams su ni zhes pas/ bya lam ni nam mkha' yin la de ni stong pa ste/ de ltar lha mo'i pad+ma'i bug pa la bya lam mo/ /khams zhes pa de'i rang bzhin to/ /nam mkha' i khams sam sa'i khams lta bu'o/ /des ni lha mo'i pad+ma'i snying
 po la bsgom pa'i don no/ /gru gsum ri bo yi ni sul nang du zhes pas/ zur gsum yod pas na gru gsum mo/ /ri bo zhes pa ni phal gyis mi bgrod pa dang/ 'ga' zhig gis bgrod kyang ltung ba'i phyir ro zhes brjod pa'o/ /su la nang
 du ni de nang du ste/ lha mo'i pad+ma'i snying po la yang chos 'byung bsgom pa'o/ 'khor lo zhes pa ni ji ltar sind+hu ra'i dbus su gtsug phud can gyi zur ldan zhes pa'i 'khor lo bris pa ltar byed pa'i don te/ 'og nas sngar bshad pa'i zhes pas kyang go
 bar bya'o/ /dmar po zhes pa bandu ka'i me tog lta bu'o/ /rab tu 'bar ba ni zhes pa me 'bar ba lta bu'o/ /myur bar shes pas legs par dpe med pa'i bde ba la sbyor bar byed pa'o/ /sngar bshad pa lta bu'i 'khor bar bsgom zhes pa 'di
 yang gong gi g.yung drung lta bur byed pa'o/ /de'i khyad par gsungs pa lhag pa'i zhes pa la sogs pa ste/ de yang 'khor lo ni lhag pa'i shugs kyis zhes pas drag po'i shugs kyis/ /brtan pa ltar gnas shing zhes pas brtan pa'i ched
 mi g.yo bar 'dug pa ltar bsgom pa'o/ /de la gdams ngag ni 'og tshigs su bcad pa yod pa de la/ phyi nas shes pa dang blta bar bya ba'i tshig? ste/ 'khor lo bsgom pa'i rjes la gtum mo bsgom pa'i rang bzhin te/ de ltar du yang rlung med mi
 g.yo mar me ltar gsal te zhes pas de ltar gtum mo bsgom pa'o/ /blta bar bya zhes pa des de ltar go bar bya'o/ /'dir rlung med par me mi g.yo ltar gsal te zhes pa la sogs pa ni bye brag tu ma rtogs pa'i sgo nas 'khor lo bsgoM
 pa'i man ngag yin no zhe na rab tu 'bar ba dang mar me ltar gsal ba gnyis don gcig la sgra gnyis zlos pa'i skyon du gyur pas/ des ni 'dis ni gtum mo bsgom par bshad pa nyid do/ /yang bshad pa gnyis pa 'di ni bcom ldan 'das
 ma'i gtum mo bsgom pa'i khyad par te/ 'di ni man ngag gi lugs so/ /'di gnyis ni man ngag dman pa'i ste /bshad par bya ba'i spang bar bya ba nyid do/ /gzhan du kun sdob? tsam gyi phyogs nas gtum mo'i rnal 'byor bsgom pa la 'dir ma bshad
 pa nyid do/ /yang na 'di la 'khor lo nyid gtum mo'i rang bzhin du bshad pa'ang yod do/ /de ltar thams cad 'khor lor song nas gzhan du 'di'i phyogs nas gtum rnal 'byor med pas des na 'di spangs na gtum mo 'chad do/ /gtum mo'i rang
 bzhin gang yin zhe na/ gzhu byas nas zhes pa dang/ rlung med mi g.yo zhes pas/ gtum mo nyid kyis/ /gang gzhu zhe na bde ba chen po zhes pas bde chen 'khor lo nas zhu bar byas pa'o/ /bdud rtsi'i thig le zags pas khrus bya zhing zhes pas
 bde ba chen po'i 'khor lo nas bdud rtsi'i rgyun du byung bas khyab pa'i khrus bya'o/ /sku gsung zhes pas chos dang longs spyod dang sprul pa'i sku'i rang bzhin no/ /ngo bo zhes pas de dag kyang rang bzhin gcig pa nyid do/ /mchog tu zhes pa thun mod ma
 yin pa'i bdag nyid do/ /lhan cig tu skyes pa'i bdag nyid ces pa bde ba chen pos yongs su gang ba nyid do/ /'gre ba khyab byed cing zhes pa mtshan nyid bral ba ste/ de las gzhan ma yin pas khyab pa'o/ /yang na 'gro ba ni bde ba yin la khyab
 pa ni des khyab pa ste/ 'gro ba yang lhan cig skyes pa'i rang bzhin gyis khyab par byas pa'o/ /bde ba dpag tu med pa'i rgyur 'phro ba zhes pa ni lhan cig skyes pa'i dga' ba dpag med ni mu mdza' med pa/ rgyur zhes pa ni rgyun mi 'chad 'phro ba ni
 gzhan pa ? pa'i/ rdzu ? ? nas zhes pas lha mo bsgom pa'i dus su nub tu mngon par blta ba ni bya ba'i lugs so/ /phyin nas zhes pa sprul pa'i 'khor lor rgyur 'khor lor baM gi rnam pa'i gzugs can la zla tshes thig la nA da'i tshul gyis
 lha mor gnas pa las nA da'i gzugs su chad pa'i ri mo'i steng du 'gro ba ste/ ji ltar gong du gsungs pa'i khyad par rnams/ 'dir bsgom par bshad pa'i man ngag gi lugs so/ /de yang na da'i gzugs gyis bcom ldan 'das ma steng
 gi 'khor lo gnyis phug nas/ de gnyis bde ba chen po'i rang bzhin du gyur pas nges ni bde ba chen po'i rang bzhin gyi bkra shis la phog nas slar log de yang bde chen 'khor lor song nas de'i 'bar ba chen po des dper na bug pa can gyis bum pa
 mar gyis bkang ba bzhu ba ltar/ /zhu ba'i byang sems kyi rgyun gyis nA da'i bdag nyid la yang khrus byas pas gsal bar gyur pa'i dus su lha mo yang bsam du med pa'i bde bar bsgom pa ni khyad par ro/ /bshad pa gzhan ni gtum mo dang por
 bshad pa nyid do/ /'khor lo'i khyad par yin te/ dang por 'khor lo'i khyad par bshad pa rnams ne mchog tu bsam par bya'o/ /des na 'khor lo nyid bde ba chen po ste/ de zhu ba'i bde ba de'i rang bzhin la gzhug pa'o/ /'dir da res spyi bo bde ba
 chen po'i 'khor lo las ni ma yin no/ /bdud rtsi thig le zags pa zhes pa gang du sbyor zhe na/ de las des 'og tu gnas pa'i gtum mo 'bar ba nyid la khrus byas pa nyid do/ /gtum mo'i rnal 'byor gyi nus pa las skyes pa'i sbyor bas mchog tu gyur
 pa'i chags pa skyes pa ste/ de yang dper na go la la sogs pa'i nus pa bsdus pa las dmar ba'i mdog lta bu dang bur shid la sogs pa rnams btsir ba'i nus pa phul du phyin pa'i ro bro ba 'byung ba dang/ shing la sogs pa rnams bsrubs pa las
 skyes pa'i nus pas ni mi 'byung ba dang/ gnyis mthun gyi sbyor ba las skyes pa'i nus pas ni bu la sogs pa 'byung ba dang/ 'o ma la sogs pa rnams drag ? zhes pa las skyes pa'i nus pas mang 'byung ba dang/ mar la sogs pa rnams ni 'bar
 bas bskyed pa las skyes pa'i nus pa ni/ dngas ma dang snyigs ma ste/ 'og tu gyur pa dang/ sa la sogs pa rnams bskor zhing brdungs pa las skyes pa'i nus pas ni de la 'od 'byung ba dang/ rgun 'brum la sogs pa sman gyis bsgyur ba'i nus pa las skyes
 pas myos byed du 'gyur ba dang/ sngags la sogs pa rnams las skyes pa'i nus pas ni dgug pa dang bcing ba la sogs pa byed pa ltar du/ de ltar bsgoms pas ni thams cad kyi dpe don rgyud la skye la/ ma bsgoms na ni nyin thos kyi theg pa dang/ theg
 pa chen po gnyis la khyad par med de/ 'dir gdams ngag gi rtsa ba dang bcas pa yang thams cad rtsa ba med pa ltar 'gyur ro/ /de bzhin du gsungs pa/ rdo rje pad+ma yang dag sbyor/ /de yi pad+ma brtsir bar bya/ /rim gyis bsrubs par gyur pa las/ /mthun par
 bde ba bskyed pa nyid/ /rgyun tu 'bab pa ri bo ste/ /'bar ba'i nus pa paM las byung/ /bskol ba'i nus pa 'bar ba ste/ /bud med chags pa chen po'i sman/ /'gug pa'i nus pa rlung gis ni/ ci phyir bde ba che mi skye/ /ma bsgoms pa yi skyon gyis ni/ rgyu ni
 nyams par 'gyur pa'o/ /de nas sems can thams cad gdon par bya ba'i don du/ bcom ldan 'das bdag nyid kyi rnam par dag pa 'di gsungs so/ /de bzhin du mi pham pa zhes bya ba'i sgrub thabs las bdag gi bla mas sin d+hu ra la sogs pa'i
 dag pa gsungs pa/ me long sind+hu ra yis ni/ /phag pa'i zhal ni mnyes par byed/ /nang gi lha mo'i gzugs la ni/ /de bzhin mchod pa gtso bo ste/ myos byed 'dzin pa chu skyes la/ /rdo rje mi phyed ye shes so/ /de la rdor 'dzin sgra zhes brjod/ /steng gi sgras ni de
 nyid brten/ me long mthil ni dri med sems/ /chags pa'i rnam dag zha nye skyes/ /bkod cing byug pa phyi rol la/ /yang na nang gi chos 'byung la'o /sa bon mi 'gyur sngags bri ba/ /sngags phreng yid ni skyob pa'o/ / gser gyi thur pas bri ba ni/ /gsal
 ba'i dbu ma legs par rgyas/ /skyon bral de las skyes pa'i ye shes ni/ /shin tu rnam par dag pa'i gzugs can ma'o/ /bag chags thams cad spangs pa'i bdag nyid la/ /de yis dgyes par bya'o rnal 'byor la/ /? lag mi
 dgos brgyan pa 'di yis ni/ /A li kA li rnam par dag 'gog pa'o/ /bde ba chen po'i rang bzhin gyis/ /khrag dang ldan pa nyid du brjod/ /yang na zhal gyi khrag 'dzag pa/ /bdud rtsi khrag ni 'thung ba nyid/ /rtsa ba'i zhal ni don dam ste/ /phag pa'i zhal ni kun
 rdzob bo/ /rtsa ba'i zhal gyi ldan gsum po/ /dus gsum mi 'gyur rnam par dag/ phag zhal gyi yang spyan gsum mo/ /bden gnyis rnam par mkhyen pa nyid/ /thig le steng du dgrod pa yis/ /'di ni gyen du grol ba'i sgra/ /sil bu lus khyab bde? ba dang ste/ /nag
 bo nam mkha' i khams nyid dag? /gdams pa grol nas grol ba ltar/ /bag chags spangs pas de bzhin du/ /lha mo cung zad khro ba'i zhal/ /skal ldan zhes pa bde ba bstan/ /dngos dang dngos med rnam rtog rnams/ /gcod par byed pas gri gug go/ shin
 tu rno bas g.yas kyis 'dzin/ /mchog gi 'ong ni rno ba nyid/ /rnam par dag pa'i byang chub sems/ /thod pa khrag gi gang pa ni/ /shin tu rnam dag chags pa yis/ /yongs su sbyor ba rab tu sbyor/ /yang na bde ba chen po dang/ /brtse chen po gcig me yi thod/ /khrag
 gis gang ba g.yon pas 'dzin/ /thig le g.yon nas 'bab pa nyid/ /kha ni rtsal TwAM gi ni thig ler brjod/ /de la gsungs pa'i rgyal mtshan ni/ /rnal 'byor ma yi mtshan ma'o/ /bcom ldan 'das ni lnga yi bdag/ thig le lnga nyid rgyas pa yis/ /bde chen
 'khor lo dkris pa ste/ /dbu la gnas pa'i thod pa'o/ /bde ba mi phyed byed pa'i phyir/ /bde ba'i 'khor lor de bzhin gshegs/ /rdo rje phreng ba 'di yis ni/ /rgyan gyis spyi bor gnas pa'o/ /dri med thig le steng bskyod pas/ /ma rig rtsa ba 'byin pa'i phyir/ /kun
 rdzob thig le'i rang bzhin gyis/ /kun rdzob tu ni phag pa'i zhal/ /de las byung ba'i chags chen gyis/ /bde chen ro dang 'dres pa na/ /de ni don dam pa nyid de/ /rtsa ba'i zhal nidmar ba'o/ /mig btsum nas nibltas pa na/ /nam mkha' dag ni dmar por snang/ /de ltar lta
 mo dmar mo yin/ /de bzhin bla ma gzhan gsungs so/ /chos 'byung las ni byung ba'i gzugs/ /nyon mongs mi mnga' sa bon gnas/ /de nyid 'khor lor gsungs pa na/ /rtog pa'i tshogs ni nyams par byed/ /de dag kyang nam bsgom zhe na/ nyi ma re re zhes pa la
 sogs pa ste/ nyin re ni rgyun ma chad par bsgom pa'o/ /thun re zhes pa ni thun bzhi ru byas nas bsgom pa'o/ /ji ltar khom zhing zhes pas skabs dang ldan pa'o/ /ji srid dngos grub ma mthong ba de srid du zhes pas/ mtshan ma rnams ma skyes kyi bar du nan tan du
 gsungs pa'o/ /bsgom bya de yang gsal por brjod par bya zhes pas rnal 'byor pas bskyed rim gyi rtags gang zhig yod pa rnam brjod pa'o/ /rtags rnams gang zhe na/ 'bad med ces pa nas de tshe grub par nye bar gnas pa yin zhes pa dang 'brel bas/
 des na grub pa nye bar gnas pa ni ring por mi thogs par myur bar thob pa'o/ /nges par nam yin zhe na/ gang tshe rnam par bsgom pa 'di ni gsal 'gyur zhing zhes pas gang tshen dus so/ /rnam par bsgom pas shes pa byed pa pos so/ /gsal 'gyur zhing zhes pas
 rang rgyud pa'o/ /ji tsam na 'bad med ces pas rtsol ba med par rang gi dang gis 'jug pa'o/ /de yang ji ltar zhe na skyes pas dga' ba zhes pas de dang mthun pa'i bde ba chen pos so/ /shug ni de la dga' ba'i shugs kyis rjes su bcings ba'o/ /rjes 'brel zhes dus
 mtshungs pa'o/ /de tsam na 'byung zhe na/ lcag gis bzhu ba la sogs zhes pas lcags 'bras sam thal mos brgyab pas so/ /sogs pa'i sgras rkang pa la sogs pas kyang bsnun pa'o/ /gnod mi tshor ba de tsam lus la bsnun yang rang lus la zug ? mi tsher
 ba'o/ /de tsho grub par nye bar gnas pa ste/ /dngos grub thob pa la ba'i don to/ /rtags gnyis pa gsungs pa rnga bo che sogs zhes pa nas byang chub mchog thob pa'i 'brel pas/ de dag nam 'byung zhes na/ rnga po che la
 sogs zhes pas rnga bo che nyid dang/ rnga zlum dang/ rdza rnga dang/ rol mo'i rnam pa'o/ /rab tu brdungs pa'i sgra grag par bsgrags pa'o/ /rnam kyi sgra zhes pa ni de dag las byung ba'i sgra'o/ /gsal po nyan pa'i spyod yul du ni mi 'gyur zhing zhes pas
 rna ba'i dbang po'i yul du ma gyur pa'o/ /gang tshe zhes pa dus de tsam na'o/ /rmi lam du ni zhes pas sgra gzhan yang de ltar rmi lam du byung ba dang/ de ltar bsgoms pas rnal 'byor pa la gnyid kyis log pa'i rmi lam na yang lha mo'i
 rjes su gzung pa'i dngos grub 'byung ba dang/ gzhan yang rnal 'byor pas bcom ldan 'das ma bsgoms pas rdo rje dgyes ma rol mas yid 'phrog par byed cing/ gnyid bde ba chen po'i ting nge 'dzin du thim pa'i dus so/ /yang na rmi lam
 mi gsal ba'i rtags 'char ba dang/ dngos grub de nyid 'byung ba'i don to/ /bla med ces ba ni gong na med pa'i don to/ /byang chub mchog ces bya ba lhan cig skyes pa'i bde ba'i rang bzhin thams cad kyi gong mar gyur pa nyid do/ /thob nas zhes
 ba ni mtshan ma rnams so/ /ring po mi thogs bsam gtan pas mchog ces pa ni/ gang zag des so/ /grub pa'i mtshan ma mthong nas ni bshad zin to/ /gnas kyi khyad par bsrungs pa/ 'dre gnas zhes pa la sogs pa ste/ 'dir blo bzang
 gi gnas nas rgyun mi 'chad bar bya'o zhes pa dang 'brel bas/ blo bzang zhes pa ni mkhas pa'i dang tshul can no/ /gnas nas zhes pa mnyam gzhag gi sems kyis gnas pa ste/ shes rab dang bcas pas bskyed pa'i rim pa'i sbyor
 ba byas nas rdzogs pa'i rim pa'i rnal 'byor bya'o zhes pas nang gi rnal 'byor la goms par byed ces pa dang 'brel ba'o/ /ji ltar bya zhes na grub ba'i mtshan ma mthong nas zhes pos/ /grub pa'i mtshan ma rnams zhes nas bya ba nyid do/ /gnas gang
 du zhes na/ 'dre gnas la sogs pa ste/ 'dre gnas ni dur khrod do/ /ri ljongs zhes pas ni ra'i? nags sam ri bo'i khrod do/ /ljon pa'i rtsa ba zhes bas shing gcig pa'o/ /sogs pa'i sgras ri sul dang bas mdza' la sogs pa yang shes par
 bya'o dang? phyogs gzhan yang 'dre gnas zhes pa la/ /pa dyi bA na zhes pa'i sgras/ pi ta zhes rdo rje 'dzin pa ste/ thig le la bA na zhes pa skye bo med pa'i ste 'dod chags kyi nags tshal te/ bde ba chen po'i rang bzhin no/ /yang pa dya'i? bA yan zhes pa'i
 sgras dur khrod du yang 'gro ste/ rnam par shes pa'i tshogs brgyang? kyis mtshan nyid stong zhing bdag med par gnas pa'i don to/ /ring zhes pas bgrod bya ma yin pa'i gnas te/ pad+ma'i lte ba'o/ /ljong zhes pa lpags pas g.yogs pa
 de'i snying po de la'o/ /ljon pa zhes pas ljon pa ni chu 'bebs ba 'am/ 'bab ste/ de yang byang sems 'bab ba 'am/ 'bebs pas na de 'dzin pa rdo rje'o/ /yang na dbu ma'i rdo rje'o/ /yang na dbu ma'i don to/ /rtsa ba zhes pas de'i rtse bas sems rtse gcig
 tu byas? nas sgom pa'o/ /sogs pa'i smras nor bu'i rked pa dang/ rtse mor yang 'dzin pa'o/ /rgyun mi 'chad par bya zhes pa bar skabs med par byed pa ste/ bsgom pa'i don yin no/ /de skad du bstan pa'i yon tan gsungs pa grub nas zhes pa la
 sogs bas/ 'di'i sbyor ba grub nas so/ /nor 'dzin la sogs zhes pas sa la sogs pa'i 'byung ba chen po yang gcig la gcig thim par 'byung ste/ rim pa yis zhes pa dang gong nas gong du rab tu thim gyur zhing zhes pa ni/ 'byung ba
 lnga po yang gong nas gong du rim pa ltar thim nas 'gro ba'i don to/ /de bzhin du gsungs pa/ sa yi khams ni chu la zhugs/ /chu yang me la thim pa ste/ /me ni phra ba'i khams la'o/ /rlung ni sems la rab tu thim/ /sems kyang se?
 pa nyid la zhuD/ /sems 'byung ma rig pa la ste/ /de yang 'od gsal dag la 'gro/ 'gog pa 'di niS gsum la'o/ /de ltar du yang/ sa yi phra ba chu yi gsher ba ste/ /me yi dro ba dag ni 'dor ba nyid/ /rlung gis bskyod pa dag kyang spangs nas su/ /byang chub
 nas ni byang chub dag tu 'gyur/ /de bzhin du dpal dgyes pa rdo rje las gsungs pa/ /sa dang chu dang rlung dang ni/ /me dang nam mkha' nyid dag kyang/ /bzhin rig pa'i tshor ba yis/ /kun gyis skad cig mi gnod do/ /ces so/ /yang na g.yon pa dang/ /g.yas
 ba'i rgyu ba'i rlung gi rang bzhin ni las la sogs pa'i dkyil 'khor gyi rang bzhin la'o/ /sa'i dkyor? kyang chu dkyor la zhugs nas 'di dag gi rim pas ni ji ltar mi 'gyur ba'i bde ba'i rang bzhin gyi ye shes kyis 'khor gyi bar du zhugs pa'o/ /de ltar dpal
 dus kyi 'khor lo las gsungs pa/ sa ni chur 'jug chu yang me ste me ni rlung rnams dag la 'jug bar 'gyur/ /rlung ni stong pa las te stong pa'i rtags ni mtshan ma rnam pa bcu ru 'gyur/ /mi 'gyur mchog gi bde ba dus kun ye shes skul rnam
 kun rab tu 'gro/ /mi rnams skye ba 'di la ye shes las ni rdzu 'phrul dngos grub 'gyur te mi yi bdag po kye zhes bya'o/ /de la rnal 'byor pa'i rab gsal la ji ltar 'gyur zhe na/ de tshe nam mkha' i lta bur snang ba ces pas ston ka'i nam mkha' i sprin med pa
 lta bu rab? tu bsal ba'o/ /'od gsal ba'i zhes pas skyon gyi dri ma gos pa'i sems so/ /de yang me long gi ngos la has btab pa yal ba ltar/ dri ma med pa'i sems kyis rang bzhin du sna tshogs pa'i snang ba rnams rim pa ltar thim nas 'gro ba'i don to//
 ye shes tsam du 'gyur zhes pas/ rmi lam gyi shes pa lta bur shes bya'i bya ba med par rang gsal ba tsam mo/ /'gyur zhes rgyun chad med pa'i rang bzhin no/ /ye shes kyi rnam pa gsungs pa/ de dag ces pa la sogs pa mtshan ma yang zhes pa dang/ rtogs
 par bya zhes pa dang 'brel pas/ mtshan mar shes bya zhes pa ni 'byung ba'i rtags rnams so/ /mtshan ma yang zhes bya ba ni dngos su gsungs pa'o/ /rnam pa lngar ni zhes pas rab tu byed pa lnga'o/ /des zhes pas rnal 'byor pa des shes par bya'o/ /rig bya
 zhes pa des na mtshan ma skyes pa de dag go /de nyid kyi phyir na zhes pas stong pa nyid kyi ting nge 'dzin las so/ /de dag ces pas de las skyes pas so/ /rnal 'byor pas shes pa de kho na nyid kyi mtshan nyid shes pas so/ /mnyam par bzhag
 pa'i zhes pas mi g.yo ba'i sems so/ /sems kyis rtog par bya ba zhes pas mchog gi sems te/ gzhan du rnam par shes pa'i yul med pa'i bsam gtan no/ /rtags gang zhig ces na dang po zhes pa la sogs
 pa la ste /de yang ri dags sred bzhin zhes pa dang po'i mtshan ma la smig rgyu'i snang ba'o/ /de ltar bshad gdams ngag gi du ba'i rnam pa dang po'i mtshan ma la go bar bya'o/ /smig rgyu gnyis shes par bya'o/ /dang por nam mkha' lta bu la nges par 
 sems zhen pas/ rnal 'byor pa'i sems kyi snang ba la dang por du ba'o/ /de nas smig rgyu la sogs pa snang ba'o/ /de yang dpal dus kyi 'khor lo las gsungs pa/ nam mkhar kun tu zhen pa'i sems kyis mig mi 'dzugs pas rdo rje lam nas zhugs
 rnams kyis/ /stong pa las ni du ba? smig rgyu mkha' gsal dri med dang me khyer mar me nyid/ /'bar ba dang ni nyi zla rdo rje yin te mchog gi cha dang gang zhig gzugs brnyan blta/ /de dbus sangs rgyas gzugs brnyan yul dang du ma longs spyod
 rdzogs pa'i sku zhes so/ /sbyor ba'i yan lag drug las kyang/ de la rnal 'byor pa bla ma'i man ngag gis ni nam mkha' la sems zhen pas dang po du ba lta bu 'byung ngo/ /dang por smig rgyu mi mthong ste rang gis shes par 'gyur
 ro/ /gnyis pa la de nas smig rgyu mthong bar 'gyur ro/ /de nas de la yang du ba la sogs pa'i rtogs pa spangs nas rab tu bsnyen pa nyid do/ /de ltar dpal rdo rje gur las gsungs pa/ rmi lam skad cig skad cig 'gyur/ /de nas sgyu
 ma lta bu ste/ /'di ni thams cad mkhyen pa'i rgyu/ /dngos grub nye bar rab tu 'khor zhes so/ /yang na ri dags sred bzhin zhes pas sna tshogs par snang ba 'di dag rnal 'byor pa la smig rgyu'i rnam par snang ste/ brdzun pa lta bur go
 pa'i don to/ /de nyid 'khrul pa'i shes pa de ni ma yin te/ de ltar snang ba'i rnam par go ba'o/ /mtshan ma gnyis pa rud? ka'i rnam pa can zhes pa ni/ nam mkha' la nges par zhen pa'i shes pas du ba'i nyams skye'o/ /yang na gnas
 skabs su chos thams cad rten cing 'brel par 'byung ba las mthar thug rang bzhin med pa ni/ skyes bu'i lag pa'i rtsol bas gtsub shing las me bskyed nas/ de la yang shing rlon pa dang ldan pa la du ba bskyed pa dang/ me long gi nang gi
 gzugs brnyan 'char ba lta bur rten cing 'brel par 'byung ba la yang rang bzhin med de/ 'di ni sna tshogs snang ba rten 'brel tsam du shes pas du ba lta bu la sogs par brjod pa'i don to/ /gsum pa zhes pa rtags gsum pa'i mtshan
 ma'o/ /me khyer zhes pas ji ltar me khyer ni nam mkha' la yud tsam yud tsam gsal ba sta de ltar du stong pa nyid las gsal zhing gsal bas ye shes kyi snang ba skye ba'o/ /bzhi pa zhes pa ni rtags kyi rim pa'o/ /sgron me 'bar ba lta
 bur gsal ba yin zhes pas /de lta bu'i mtshan ma 'byung ba'o/ /yang na sgron me 'bar ba lta bu ni gzugs la sogs pa rab tu gsal ba ste / yun ring du gnas pa nyid la/ de'i rkyen tshogs pa spangs na ni de yang med nas 'gro ba nyid de/ de ni mi
 dge ba'i bshes gnyen gyis zin pas rab tu nyams pa'o/ /mtshan ma lnga pa gsungs pa/ /mtshan ma lnga pa zhes pa la sogs pa ste/ ston ka'i nam mkha' i sprin med pa'i dkyil lta bur gsal bar snang ba yin te/ ye shes kyi rang bzhin nyid do/ /
 rnam par ma brtags par shes pa rtogs pa gnyis pa spangs ba ste/ rtog pa lnga pa skye ba'o/ /de lta bu'i zhes pa rim pa de'o/ /mtshan ma thob nas ni zhes pas rtags lnga po rnams so/ /phyag rgya chen po zhes pas mahA mu dra zhes pa ste/ mu
 zhes pa dga' ba yin la /dra zhes pa de 'dzin pa ste/ mahA zhes pa chen po ste / thob par bya ba'i gnas so/ /thob par 'gyur ba yin zhes pa yin zhes pa ni tshe 'di nyid la 'byung ba'o/ bya ba gzhan gsungs pa/ ldang bar 'dod na zhes pa
 la sogs pa ste/ ldang bar 'dod na dang/ bya ba bsgrub bya dang/ gnas zhes pa dang 'brel ba'o/ /ldang bar 'dod na zhes pa ni/ rnal 'byor pa de nyid do/ /rnal 'byor ma dang zhes pas lha mo la phyag byed pa'o/ /mgor gnas pa'i zhes pa ni spyi
 bor gnas pa ste/ bla ma'o/ /mgon la btud nas zhes pas bla ma dang lha la phyag 'tshal lo/ /yi ge mu:ni rab brjod pas mu:I rnam pa'i sngags brjod nas gshegs te/ gshegs gsol ma byas par bya ba gzhan mi byed?
 pa'i don to/ /bya ba byed pa'i dus su ji ltar bsgom zhe na/ langs nas zhes pa mnyam pa de las so/ /de nyid blo yis zhes pas de kho na nyid kyi don la shes rab kyis nges par 'byed pa'i don no/ /bya ba bsgrub bya zhing zhes thun mtshams
 kun tu spyod pa'o/ /rnal 'byor rig pas shes de'i sbyor ba shes pas so/ /rtag tu zhes pas dus thams cad du'o/ /rnal 'byor ldan pas gnas bshad pa la gang zhig bcom ldan 'das ma'i chos 'byung gi nang du
 chos 'byung gi 'khor lo la baM? yi ge la A li dang kA lis bskor ba de yang 'bar ba'i gzugs can dang po bltas nas de nas baM gi nA de'i 'od pad+ma'i skud pa ltar phra bas sprul pa dang/ chos dang longs spyod kyi rang bzhin gyis 'khor lo gsum phug nas
 'gro ba yis bsil ba'i rgyun gyis sgo la bde ba chen po mngon du phyogs par byas nas de'i rnal 'byor la dmigs par brjod pa'o/ /rnal 'byor ldan pas zhes pa la yo ga yu ga zhes pa'i sgra ste/ de ni rnal 'byor ldan pa 'am gnyis pa
 la 'gro ba'o/ /de ltar ldan ni bshad pa ste/ de la rnal 'byor gcig tu brjod pas so/ /bdag gi bla ma dam ba'i lugs ni de ltar ma yin no/ /a ba d+hU ti pa'i sgrub thabs/ dang yang 'gal te/ phyag rgya gnyis pa'i rnal 'byor gyis/ khams
 gsum kun yang 'grub par 'gyur zhes so/ /des na rnal 'byor ldan pas gnas zhes pa ni/ phyag rgya gnyis rab tu sbyor ba de ltar dus kun tu gnas shing rten pa'o/ /de ltar 'khor lo dang bcas pa'i lha mo dang/ gtum mo
 bsgom par bya ba'i don no/ /yang na rgyu 'bras kyi rnam par dag pas 'dir gtum mo'i rnal 'byor gnyis bya ba nyid de de ltar de mthong ba las bsgom par bya'o/ /de kho na nyid bshad pa zhes bya ba de kho na nyid ye shes yang dag pa'i 'grub pa'i
 'grel pa las bsgom pa'i cho ga'o// //slob ma rjes su gzung ba gsungs pa/ slob mas zhes pa la sogs pa nas/ /sngags pas rjes su bzung bar bya zhes pa dang/ 'brel pas slob mas maN+Dal zhes pas
 byed pa pos maN+Dal byas nas bla ma la dbul lo/ /zhabs pad la zhes pas zhabs 'og na yod pa'i pad+ma la gtugs pa'o/ /'dod pas zhes pas dad pa dang ldan pa de'o/ /gsol ba btab ces pas bla ma la zhus pa'o/ /mang du btab
 gyur pa'i zhes pas lan gsum la sogs pa'o/ /sngags pa yis ni zhes pas bla ma'o/ /dus ni tshes bcu pa dag las zhes pas nag po'i phyogs kyi bcu? ba ste/ gzhan du de'i dus ma yin pa'i dbang du byas pa'o/ /rnal 'byor ma la
 dmigs pa'i rang bzhin byas nag po'i phyogs 'dir bsngags par gsungs pa'o/ /de dag rnams ni slob ma rnams so/ /gzung ba ni bla mas so/ /bla mas ci bya zhe na/ rnal 'byor byas nas zhes pa la sogs pa nas kun tu blangs te zhes pa dang
 'brel pas rnal 'byor byas pas zhes pas/ phyi 'am nang gi bdag nyid kyi shes rab ma'i sbyor ba dang ldan pa'i/ dang por myos byed cung zad btung bar byas te/ des sems pa dpa' bar byas nas rnal 'byor rtog pa'i thams cad ring du song
 ba'i stong pa nyid kyi don gsal pa'i shes rab dang sbyor ba las skyes dga' pa'i mchog tu byas pa ni man ngag gi lugs so/ /sngags kyi rang bzhin zhes pas sngags btub las 'byung ba'i rang bzhin de'o/ /lha mo'i 'khor lo zhes pa san d+hu ra dang
 bcas ba'i me long gi mthil la bris pa'i zur gsum pa'i 'khor lor gnas pa de'o/ /de bzhin du gsungs pa/ pad+ma 'dab ma gsum pa'i dbus su ni rdul bral phye ma sin d+hu ra byugs te/ sngags kyi rang bzhin mngon du phyogs pa la/ mchod bcas
 de yang bla ma byon nas ni/ /'di ni bdag gi bla ma dam? pa'i gsungs/ /sgrub pa'i thabs ni mi 'jom pa las so/ /bdag nyid ces pa sngags de nyid la'o/ /mchod cing zhes pa lha mo la mchod pa'o/ /bzlas pa byas pa zhes pas yi ge gsum gyis
 byin gyis brlab pa'o/ /dang po mchog ces pa myos byed kyis slob ma mnyes par bya ba'i don du rang gi snod de nyid bzung nas phyi rol tu byung nas byed pa'i don to/ /kun tu blangs te zhes pa lag pa bzung nas so/ /de nas zhes pa maN+Dal lnga
 byed pa man ngag gi lugs so/ /gzhan du brgyud pa 'ga' zhig na maN+Dal lnga de bzhin gshegs pa lngar blta zhing de la mchod pa byas nas slob ma gzhan du 'jog pa'o/ /yon phul nas ni 'bru dang gser dang bran po dang bran mo dang/ rang gi lus kyang
 dbul ba ste/ de nas bdag tu mi 'dzin pa'o/ /mdun du 'greng 'gyur zhes pa slob ma la sogs pa'o/ /me tog phreng 'dzin zhes pa lag pa gnyis thal mo sbyar nas cung zad kha phye bas me tog gi phreng ba 'dzin pa'o/ /slob ma'i mgo bo ni go bar zad do//
 mgon po bsgoms nas zhes pas de bzhin bsam pa'i slob ma'i spyi bor bla ma bsgom pa'o/ /bla mas bltas par bya zhes pa ye shes 'bebs pa la sogs pa bya ba'i don du'o/ /bya ba gzhan yang gsungs pa/ de'i rjes la zhes pa nas myos byed slob
 ma la bla mas sbyor bar bya zhes pas 'brel bas/ ji skad brjod pa'i lha mo dang zhes pas sngar bstan pa ltar ro/ /'od zer 'bar ba zhes pa bsgom par bya ba nyid do/ /'khor lo zhes pas sin d+hu ra'i dus kyi 'khor lo zur gsum pa de'o/ /shugs ldan pa zhes
 pas drag tu 'khor ba'o/ /nye bar gnas pa'i lus la zhes pa slob ma'i lus so/ /bsam nas ni zhes pas bsgom par bya ba nyid do/ /slob ma'i lte ba'i 'og gi chos 'byung la bsam pa gdams ngag tu shes par bya'o/ /lha mo dang zhes pa dang
 'khor lo zhes pa'i tshigs bcad ni bla ma mi gsungs bas mi bi la 'khor lo la sogs pa'i gdam ngag bri bar bya ste/ dang po me tog dmar pos mchod par bya ba ni/ /'khor lo ming med kyis ni bri bar gsungs pa ste/ de ltar zur gsum du ni
 brjod par bya ba nyid/ /baM bcas sor gsum tshad du 'bar ba'i rnam pa'o/ /sin d+hu ra yi dus su par 'dab gsum pa ste/ sngags kyis gang ba'i grangs ni mda' dang me nyid do/ /lte bar bam gi rnam pa ldan pa de yin no/ /phyogs bzhi rnams su bkra shis
 bri bar bya/ /dpal ldan rdo rje lha mo'i pad+ma'i nang nyid du/ chos kyi 'byung gnas nang du sngags kyi 'khor lo ni/ ji ltar gsungs pa de yang zur gsum nyid yin te/ /rab tu 'khor bas mi shes pa rnams 'dzems/ /'bebs pa'i cho ga slob
 ma'i pad+ma yang/ /de ni bla mas lte ba'i 'og tu bsgom/ /gang zhig sngags kyis gang ba de yang zur gsum la/ zur drug la sgom pa'i lugs 'di shin tu dman pa'o/ /gang du lha mo gcig tu yod pa 'brin? yang/ thang sku mtsho skyes 'dab ma gsum
 pa'i dbus su bya/ yang na lha mo drug gis brgyan par gyur pa na/ /zur gsum 'di yang yin te gnyis pa mthong bas so/ /yang nas la dkyil 'khor byed pa'i dus su yang/ /brgyud pa gsungs pas zur drug chu skyes la/ /zur drug
 tu ni lha mo rnams la mchod pa'o/ /shar la sogs pa'i phyogs su bkra shis dkyil dgod ces so/ /ye shes 'bebs pa'i mtshan nyid gsungs pa/ mthar gyis zhes pa la sogs pa nas slob ma de ltar babs pa de la ni/ lha
 mo'i byin brlabs 'byung bar 'gyur zhes pa dang 'brel lo/ /mthar gyis ni zhes pa ni zin pa'i de ma thag tu'o/ /de ltar babs pa de la zhes pas slob ma de la'o/ /mtshan nyid rang gang zhe na/ spu ldang ba dang zhes pa la sogs pa ste/
 spu ldang ba ni ba spu gyen la langs pa'o/ /rab tu 'dar zhes pa lus la rang dbang med pas 'dar ba'o/ /mchi ma 'byung ba dang ni zhes pas rang babs su byung ba'o/ /dgyel ba zhes pas g.yas g.yon la sogs pa'o/ /ye shes
 skyes pa'i rang bzhin zhes pas 'dis ma 'ongs da ltar shes pa thob pa'o/ /'byung bar 'gyur ba zhes pas slob ma'o/ /thams cad kyi gtam dri ma pa la sogs pa btub pa 'byung ba'o/ /yang mthar gyis zhes pas de ltar
 phebs par slob ma la byang chub kyi rang bzhin 'byung bas phebs pas de la ye shes skye ba'i don to/ /slob ma rjes su bzung ba ye shes ma phebs par mi bya ba'o/ /bya ba gzhan gsungs pas/ de rjes zhes la sogs pas slob ma brtag
 pa dang/ bla ma'i ting nge 'dzin dang 'drel lo/ /dang ldan zhes pas dkon mchog gsum dang/ las rgyu 'bras la yid ches pas sangs rgyas la sogs pa dang/ sdig pa dang bsod nams la sogs ba bden par 'dod pa'i bag chags
 mchog tu gyur pa'i don to/ /yon tan dang bcas zhes pas gzhan yang yon tan du ma dang ldan pa'o/ /bla ma sangs rgyas gnyis med gus pa las zhes yang dag par bla ma dang sangs rgyas gnyis su med par gus par byed pa'o/ /de bzhin
 du gsungs pa/ bla ma sangs rgyas bla ma chos/ /de bzhin bla ma dge 'dun te/ /kun gyis byed pa bla ma te/ /bla ma rdo rje 'chang dbyer med /ces so/ /'dir yang mgon pos mgo mtshan zhes gsungs pas/ /rnam par snang mdzad kyi
 gnas su bla ma sgom pa'o/ /rdo rje yis ni rnal 'byor ma rnams kyi zhes pas 'di'i sgor zhugs nas so/ /ting nge 'dzin mchod dang sngags rnams brjod par bya zhes pas/ /bsgom bya dang mchod pa'i rim pa sngags kyang mnyas par byed
 pa'i phyir slob dpon gyis brjod par bya'o/ /dgag par bya ba gsungs pa/ dad pa dang ni zhes pa la sogs pa nas 'di ni brjod par mi bya'o zhes pa dang 'brel lo/ /de dag gsal bar mi brjod pa'i don to/ /gang mi brjod ces na/ dad pa dang
 ni rnam par bral ba'i zhes pas bla ma la sogs pa la ma dad pa'o/ /gus pa rnam par nyams pa'i slob ma la zhes pas /bla ma dang sangs rgyas la gus par mi byed pa'i mi de la'o/ /yid ches 'phral bskyed pa da lta nyid du yon tan 'byung ba'o/ /
 shin tu rnam dag ces pas yang dag pa'i don to/ /rnal 'byor 'di ni zhes pa rim pa 'di nyid do/ /brjod par mi bya ste gong ma dang 'brel pa'o/ /phan yon gsungs pa/ gang zhig ces pa nas 'jigs pa rnams dang zhes pa dang/ 'jig par
 'gyur zhes pa dang 'brel lo/ /dang por 'jigs rnams nyams pa'i rgyu gsungs pa ni/ gang zhig sngags dang bcas bar gyur pa'i zhes pas lha'i sngags rnal 'byor ma drug gi sngags dang bcas pa'o/ /yang na sngon du gsungs pa'i sin
 rgyur? dang bcas pa'i sngags kyis yongs su gang ba'i 'khor lo zur gsum pa la mchod pa'o/ /lha mo'i 'khor lo yang de nyid do/ /rnal 'byor pa gang zhig gis bcom ldan 'das ma'i lha mo drug gi 'khor lo la mched pa byed pa'i don no//
 'jigs pa gang zhe na/ de la zhes pas rnal 'byor de la'o/ 'jigs pa chen po brgyad po rnams dang ni zhes pas/ seng+ge dang glang po che dang/ me la sogs pa'i 'jigs pa rnams so/ /sdigs pa chen po rnams dang zhes pas mtshams
 med pa lnga yang spong ba'o/ /skal ngan dang zhes pas 'jig rten pa rnams dang mi mthun pa'o/ /phan yon gzhan yang gsungs pa/ dbul ba dang zhes pa nor med pa'o/ /nad dang zhes pas mdze la sogs pa'o/ /rgas pa dang zhas pa skra dang
 gnyer mas gtugs pa'o/ /sdug bsngal zhas pas lus la gnod pa'o/ /yid mi bde ba rnams dang zhes pas sems las byung ba'i sdug bsngal rnams so/ /'khrul pa dang zhes pas chos ma yin pa la chos ma yin pa'i blo'o/ /ji ltar mu
 stegs pas sems can bsad pas mtho ris thob ces pa'o/ /'thab rtsod ces pa phan tshun 'gyed pa'o/ /nyes skyon zhes pa sdig pa'i dri ma'o/ /yang na snyigs ma'i dus kyi skyon rnams so/ /nyon mongs zhes pa'i 'dod chags
 la sogs pa'o/ /gdung ba sna tshogs zhes pa'i sna tshogs pa'i 'byung po dang/ yi dags la sogs pa'i gnod pa'o/ /'jig par 'gyur zhes pa sngon po gsungs pa'i tshigs bcad yang 'brel ba ste/ de dag mi 'byung ba'o/ /phan yon gzhan
 yang gsungs pa/ gang zhig ces pa nas dngos grub brgyad pa'o zhes pa dang thob par 'gyur zhes pa dang 'brel lo/ /gang zhig ni rnal 'byor pas so/ /yid la zhes pa snying po'i yid kyis byed pa'o/ /'khor lo'i gsang sngags zhes pa
 gong du bstan pa lta bu'o/ /bsgoms nas zhes pa rim pa ltar ro/ /'gog pa'i chig ces pas ngag tu brjod pa spangs pas so/ /zlos byed ces pas snying po yid la bzlas pa ste/ 'khor lo dang bcas par bsgoms nas so/ /dngos
 grub brgyad po rnams dang zhes pas mig sman dang ril bu la sogs pa'o/ /mngon shes lnga zhes pas lha'i mig dang/ lha'i rna ba dang/ nam mkha' i rdzu 'phrul dang gzhan gyis sems shes pa dang sngon gyi gnas rjes su dran pa'o/ /de bzhin
 yon tan zhes pas stobs bcu dang mi 'jigs pa la sogs pa'o/ /yang na chos 'phrul te mu stegs kyi yon tan brgyad po lta bu'o/ /'thob par 'gyur ba ste/ sgrub pa pos so/ /gzhan yang phan yon gsungs pa/ nyin re
 bzhin zhes pa la sogs pas slob byed pa'i zhal ni bsgom pa zhes pa dang 'chi ba las rgyal bar 'gyur zhes pas so/ /de la nyin re zhes pas dus rtag tu byed pa'o/ /thun rer zhes pas snga dro nyin phyed na yang byed pa'o//
 'bad nas zhes pas mchod pa la sogs pa rgyun ma chad par ro/ /seng ge ni khyab 'jug go/ 'phrog byed ni dbang phyug chen po'o/ /dbyig gi snying po ni tshangs pa'o/ /'chi ba zhes pa ni khyab 'jug la sogs pas kyang thub par dka' ba'i
 'chi ba las rgyal bar 'gyur ba'o/ /thub par dka' pa'i zhes pa go bar zad do/ /gzhan yang gsungs pa/ 'khor lo dang bcas pa zhes pa la sogs pa nas rdo rje phag zhal can 'di gang zhig sgom byed pa de la
 bud med rnams dang zhes pa dang/ bsgrub bya rnams kyang 'byung zhes par 'brel ba'o/ /'khor lo dang bcas zhes pas chos 'byung gi dbus su sngags kyis gang ba'i 'khor lo bsgom pa de la'o/ /de la bud
 med rnams dang zhes pas yid du 'ongs pa'i gzhon nu ma la sogs pa'o/ /rig pa zhes pas lha'i yang 'dod pa'i yul lta bu'o/ /sna tshogs zhes pas sgeg pa dang glu dang rol mo la sogs pa'i 'du byed
 la mkhas pa rnams so/ /gos dang zhes pas khyad par gyi na bza' rnams so/ /bza' zhes pas zan la sogs pa'o/ /btung zhes pas sbyar chang la sogs pa'o/ /nor ni rin po che la sogs pa'o//
 'bru ni 'bras so ba dang nas la sogs pa'o/ /sa gzhi ni mchog tu skye ba'i nor gyi rgyun 'byung ba'i sa'o/ /khang bzang zhes pa rin po che'i gzhal yas khang la sogs pa'o/ /lha rdzas zhes pas lha'i
 yang 'dod yon la sogs pa'o/ /mal cha zhes pa mchog tu gyur pa'i rin po ches spros pa'i khri'u la sogs pa'o/ /stan zhes pas seng+ge la sogs pa'i gdan yin pa'o/ /sgrub byed rnams zhes
 pas rta dang glang la sogs pa mkho ba'i yo byed? rnams so/ /de kho na bshad pa zhes bya ba de kho na nyid ye shes yang dag pa'i grub pa'i 'grel pa las slob ma rjes su gzung ba'i cho ga'o/ /de nas
 sngags ba tu? ba la sogs pa ni de nas zhes pa nas sngags ba tu ba 'di brjod par bya zhes pa dang 'brel bas/ de nas ye shes phab pa'i rjes thogs la'o/ /rdo rje rnal 'byor ma'i zhes pa lha mo yi'o/ /de'i sngags de phag mo'i
 snying po'i sngags mngon du byas pa'i don to/ /thugs lta bu yin pas ni snying po zhes bya'o/ /mchog tu gyur zhes pa gtso bo'o/ /rim pa bzhin zhes pa mthar gyis 'byung pa'i don to/ /rna nas rna dang zhes pas rna ba
 gcig nas rna ba gcig tu 'ongs pa'i don to/ /dngos bor bris pa yang med pa'o/ /de bzhin du zhes pas lugs ma yin pa zhes gzhan du gyur pa bkag pa'o/ /zhal nas zhal du zhes pas mar me gcig nas mar me
 gcig chad ba ltar/ /bla ma gcig gi zhal du brgyud pa'o/ /'khor lo gsungs pa sngar brjod lta bu zhes pa la sogs pa nas A li zhes pas a dang por byas pa'i dbyangs kyi yi ge bcu drug go /kA li zhes pa ka dang por
 byas pa'i ha'i bar gsal byed sum su rtsa gsum mo/ /de bri bar bya zhes pa dang 'brel lo/ /ji ltar byas te zhe na/ sngar brjod lta bur 'khor lo lha'i zhes pas sngar brjod pa'i 'khor lo ni chos 'byung gi rnam pa bris pa'i dbus su 'di nyid ?
 nyid kyi don to/ /lta bu zhes pa'i sgras chos 'byung gi rnam pa tsam du go bar byas pa las sngar gyi 'khor lo lha mo'i sngags dang bcas pa ni ma yin no/ /lha'i zhes pas rlung gi bdag nyid do/ /tshogs kyi zhen pas rlung bzhi
 bcu? rtsa dgu'o/ /gnas zhes pas grangs te re'u mig go /ldan pa bri zhes pa ni yi ge dang bcas pa ste/ re'u mig bzhi bcu rtsa dgu yang chos 'byung gi rnam par bri'o/ /de ltar dpal sdom pa las gsungs pa/ /sna? tshogs? thams cad chos
 'byung la zhes pa /gcig ma tshang zhes pa k+Sha med pa ste /de yang Sha dang ka yig gnyis log pa las 'di grub pas des 'di nyid ma gsungs pa'o/ /rim bzhin du zhes pa mdza' ma nas rim pa ltar ro/ /gdams ngag las byung ba'i 'khor
 lo'i rim pa yang bri bar bya ste/ zla ba me dang mda' dang thub pa nyid/ /bug pa drag po 'dod pa'i rim pa yis/ /re'u mig rnams kyis chos kyi 'byung gnas kyi/ /rnam par byas la man ngag gis dgod do/ /chos 'byung dag kyang bri ba'i rnam pa yang/ /thog mar ri mo gsum
 gyi rang bzhin la/ /gang ltar yod bzhin ri mo'i dbus su ni/ /de bzhin du yang ri mo drug drug go /'di ni bdun gyis bdun bsgyur las/ /khyim ni g.yas skor gyis ni bri/ dang po rtsa bar a yig ste/ /yi ge ha ni dbus su 'gyur/ /'di gsum rnam dag yon
 tan gsum/ /rlung ni rnam dag yi ge la/ /mdor na chos kyi 'byung gnas su/ /rlung ni thim par 'dod bas so/ /a yig rang bzhin lha mo la/ /rtsa ba'i gnas su rnam par bzhag /ha yi rang bzhin bcom ldan 'das/ /he ru ka ni dbus su bzhugs zhes so//
 sngags tu ba gsungs pa/ dzhA 'og ces pa la sogs pa nas dang por nyid du gsum bri bya ces pa dang 'brel ba'o/ /ces? te zhe na/ dzha 'og Da 'og gnas sbyar ba zhes pas dzha'i 'og na gnas pa a'o/ /Da'i 'og na u yig go /ha 'og brten pas
 rnam par brgyan zhes pa ha'i 'og na gnas pas de spyi bor brgyan pa'o/ /de nyid gsal byed ces pas a dang u gnyis sbyar bas o yig go /ma'i yi ge thig le'i gnas su bzhag la/ zla tshes ni man ngag gis go bar bya /dang po
 nyid du zhes pa oM gyi yi ge bri ba'i don to/ /gsum gsum zhes pas oM oM oM zhes so/ /yig mchog ces par thun mong ma yin pa'i don go bar byed pa'o/ /zla tshes dang thig le yang dag par sbyar bas u'i rnam ba
 rlung gi rang bzhin yang a stong pa nyid du thim par byed pa'i don to/ /'di ni oM gyi sgra don te man ngag gi lugs so/ /gsum du brjod pa nyid ni lus ngag yid gsum gyi rang bzhin gcig tu byed pa'i don to/ /de la 'dir gsal byed ces
 pas de kho na nyid du rab tu gsal bar byed pa'i don te/ /gzhan gsungs pa b+ha steng brten dang tsha steng gnas pa ni zhes pa la sogs pa la /b+ha yi steng nas yig ste/ tsha steng gnas pa Ta ste/ gnas dang sbrel zhes pas tsha'i steng nas?
 pa yin te Ta'i sang+ha? na gnas par yig la sprel zhes pas de nyid sprel bO/ /de rjes bris zhes pas sa'i rjes su bri ba'o/ /Sha 'og brten pa Da 'og mar bcas pa zhes pa /Sha'i 'og na ba yig la Da'i 'og na u yig ste/ bcas zhes pa dang de
 dang ldan pa'o/ /sha ste brten pa sha ste gnas dang bcas pa zhes pa sha'i steng na da yig la bcas pa de dang ldan pas Sha'i steng na nga yig la bcas pa de dang ldan pas Sha'i steng na d+ha yig go/ bri bar bya zhes pa thams cad go bar
 bya'o/ gzhan yang gsungs pa/ la 'og gnas pa nya 'og dang/ ldan pa zhes pas /la'i 'og na gnas pa Da yig la de dang ldan pa'i nya'i 'og na A yig go /pa steng Da 'og ldan pa de rjes bri zhes pa/ pa'i steng na
 gnas pa ka? yig la de la de dang ldan pa ni Ta'i 'og i yig ste de rjes bri zhes pa'o/ /pha steng son pa tha 'og dang ldan pa zhes pas pha yi steng du na yig la de yis son pas Tha'i 'og na a'i'o/ /ha Ta bar gnas i g.yon dang
 bcas pa zhes pas/ ha dang Ta'i par gnas pa ya yig la /i'i g.yon na gnas pa e yig ste de dang ldan pa'o/ /yang gsungs pa sa tsa'i dbus gnas pa dang b+ha 'og na gnas zhes pas tsa dang sa? yi bar du ni ba yig ge /b+ha yi 'og na dza yig yod
 bas/ gnas pa dra? g.yas dang ni 'brel zhes pas na ra yig yod pas de 'brel pas zhes pas b+ha 'og gi dza dang sbrel bas de rjes la zhes pas bri ba ste /ha tha dbus son zhes pas ha dang tha'i bar na wa yi ge la ta g.yon brten zhes pas/ ta'i
 g.yon na Na yig la tha dad? pa'i dbus na gnas pa phyi nas dri zhes pa/ Tha dang la'i dbus na ra yig ste phyi nas bri zhes pas mnan pa'o/ /yang gsungs pa cha kun gyi ni mdza' dang pa bar ma zhes pas/ cha kun gyi mdza' ni A:yig la pha?
 dang a:I dbus su na yig ste/ sde gsum pa'i dang po g.yon nas 'brel zhes pas sde gsum pa'i dang po ni Da yig la de'i g.yon na a'i? ste de dang ldan pa'o/ /la'i 'og na Na steng dag dang ldan zhes pas la'i 'og na gnas pa yang yin la de
 dang ldan pa'i ni? Na steng na i yig dang ldan pa'o/ /tsha steng gnas dang zhes pas tsha yi steng na e? yig la/ b+ha 'og Tha? g.yas ldan zhes pas b+ha'i 'og na dza yig la tha'i g.yas nar yig ste bri bar bya zhes pa'o/ /yang gsungs pa Sha 'og
 gnas pa ta steng dang ldan zhes pas/ Sha'i 'og na ba yig la ta'i steng na e yig ste de dang ldan pa'o/ /Na 'og tha steng dang ldan zhes pas Na'i 'og na ra yig la tha'i steng na o yig steng na oM yig ste/ de dang ldan pa ni phyi nas yin zhes pa'o/ /pha 'og brten
 dang zhes pas pha'i 'og na tsa yig ste/ pha steng Tha 'og mar ldan zhes pas pha'i steng na gnas pa na yin la/ Tha'i 'og ma i'i yig ste de dang ldan pa'o/ /la 'og Na? steng zhes pas la'i 'og nas ya yig la Na'i steng na i yig ste /de dang
 ldan nyid do/ /yang brjod pa wa 'og gnas pa Da 'og stong pa tsan zhes pas Da'i 'og na gnas pa u yig la stong pa zhes pa thig le ste/ zla tshes dang bcas pa gdams ngag go /de gnyis dang ldan pa'i gsum po ni wa'i
 'og na gnas pa'i ha la spyin pas ha yig ni gsum du bya'o/ /u yig thung ba gsum thig le dang bcas pa ha yig la byin pa gsum mo/ /gang du dpal a ba d+hU tI pas mdzad pa'i sgrubs thabs hUM ring po'i rab tu byed pa brjod
 pa'o/ /de bzhin du 'di ni sgrub thabs logs pa nyid yin pas skyon du 'gyur ba med do/ /tsa steng ra 'og gnas bcas zhes pas tsa'i steng na gnas pa pha yig la ra'i 'og na Ta yod pas Ta yig dang/ steng bcas shes pa'o//
 gsum zhes pas phaT gcig btus pa la man ngag gi go bar bya'o/ /sha 'og gnas pa tha 'og dang ldan zhing zhes pas sha'i 'og na sa yig la tha'i 'og na wa yig ste/ ldan pa ni nya'i 'og ma dang yang ldan pa yin zhes pas nya'i
 'og ma A yod pas de dang ldan pa'o/ /yang brjod pas yi gnas zhes pas sa dang yig? bar na ha yig la dzha'i g.yon bcas zhes pas dzha'i g.yon na A yig yang pa ste de dang ldan pa nyid do/ /gsang chen yi ge'i rnam pa brjod gyur
 pa zhes pas de la gsang che ni? mi ston par rab tu spang?  pa'o/ /des ni mchog thob par byed pa'i rgyu yin pas so/ /yi ge rnam pa brjod gyur pa ni A li dang kA li'i snying po de las byung ba brjod pa'o/ /gang gi zhe na rdo rje phag mo ste rab
 bsngags ma la sogs pa'o/ /rnams kyi sngags 'di ni zhes pa lha mo de dag gi sngags so/ /ji ltar bya zhe na bri zhing zhes pas sin? d+hu ra'i snod dam rig pas bris pa'i snod la'o/ /brjod ces pas bsgoms pas ngal ba'i rjes
 la bzlas pa'o/ /bsgoms par zhes pas lha mo'i pad+mar 'khor lo bsgom pa'o/ /bya ba yin zhes pas dus thams cad du mnyam par byed pa'o/ /phan yon brjod pas yid bzhin nor bu zhes pa la sogs pa nas 'di ni sngags kyi rgyal po ste/ sgrub thabs
 na bde ba'i mchog steng? zhes pa dang 'brel lo/ /yid bzhin nor bu ni rin po che'i char 'bebs pa'i khyad par ro/ /dpag bsam shing ni 'bras bu la dgos 'dod 'byung ba'o/ /bum pa mchog ces pas bum pa bzang po ste/ zad mi shes pa'o/ /dpal ldan
 zhes dpal ni phun sum tshogs pa'o/ /'dod pa'i 'o ma'i ba yang zhes pas gang 'dod pa thams cad 'byung ba'o/ /de dag bsgrubs pas zhes pa bzhi po bsgrubs pas 'grub na tshe 'di la nor steng ba tsam du 'gyur ba'o/ /'dis ni bde ba dang bcas pa'i nor ster rnams
 steng? bar byed ces pas 'jig rten dang 'dis 'jig rten las 'das pa gnyis ka'i don thams cad grub par 'gyur zhes pa'i don to/ /de kho na nyid bshad pa zhes bya ba de kho na nyid ye shes yang dag pa grub pa'i 'grel pa la sngags btu ba'i cho
 ga'o// //mchod pa zhes pa la sogs pa nas gang zhig sngags kyi rgyal po gang gi spyi bor btags pas de la bsrung bar 'gyur zhes pa dang 'brel lo/ /mchod pa'i rgyu zhes pas sin d+hu? ral mchod pa byed pa'i don du'o/ /cho ga zhes
 pas cho ga'i rim pa mnyam pa'o/ /mkhas pa zhes pas lha mo de kho na nyid shes pa'o/ /snod la brten zhes pas snod ni me long la sogs pa'o/ /brtan pa ni sin d+hu ra bzang po'o/ /gang la zhes pa sin d+hu ra nyid bsrungs par brjod pa'o/ /yang
 na snod ni grog la sogs pa'o/ /brten pa ni bsrung ba'i don du 'khor lo bri ba'i don to/ /des ni zhes pa bris pa des so/ /ji ltar bya zhe na btags zhes pas gang bsrung ba de'i lus la'o/ /gang du gdags she na/ mgo dang mgul pa dpung pa 
 la zhes pha mgo la sogs ba rnams su gdags pa'o/ /byis pa tshul zhes pas 'chang ba po la sogs pa'o/ /tshul bzhin zhes pas mchod? lta ram byas pa'i rjes la bya'o/ /bsrung bar bya zhes pa rjes su sbyin pa'o/ /phan yon yang
 gsungs pa/ bsrung bcas byis pa mthong nas klu la sogs pa yang skrag nas 'byer zhes pa dang 'brel lo/ /lto 'phye tsam du 'byung po dang zhes pas mkha' la rgyu bas 'dzin pa'o/ /gdon dang zhes pa klu la sogs pa'o/ /mtshan mo rgyu dang zhes
 pas nyin par mi rgyu ba'i rigs so/ /sha za'i tshogs bcas zhes pas mang du 'dus pa ste/ de dag kyang byer nas 'gro ba'o/ /gzhan yang gang zhig ma rung pa'i sems can te/ byis pa 'jigs pa zhes pas byis pa la 'jigs pa skye zhing de
 dag nyam thag par byed pa'i rigs so/ /rab 'jigs zhes pa des bas gzhan 'jigs par ston pa'o/ /de dag kyang 'byer ba ste/ stobs ldan seng ges nags su sgra la mnar bzhin 'byer zhes pas /stobs dang ldan pa'i seng ge
 mthong na nags kyi stag la sogs pa yang skrag nas nags su bros nas 'gro ba ltar de dag kyang byer nas 'gro zhes pa'i don to/ /rnal 'byor pas zhes ba nas grub pa 'di ni bris te zhes par 'brel lo/ /rnal 'byor gyis ni zhes pas rgyu
 'bras kyi rang bzhin gyi lha mo'i rnal 'byor ro/ /man ngag dam pa thob cing zhes pa bla ma dam pa'i zhabs la gtugs nas gdams ngag blangs te mngon sum du byas pa'o/ /gsal ba zhes pa rab tu gsal ba'i yid do/ /dri med ni rnam par rtog pa'i dri ma spangs
 ba'o/ /ye shes ni rang rig pa'i rang bzhin no/ /yang dag grub pa zhes pas gdams ngag mchog tu gyur pa thob cing rnyed pa'o/ /'di bris te zhes pas lhan skyes kyi ye shes skye ba'i thabs 'di'o/ /ji ltar gdams ngag rnyed pa yang brjod
 par bya ste/ de nas zhes pa la sogs pa nas gdams ngag rnyed pa ste /zhabs kyi pad+ma la brten pa dang zhes pa dang 'brel bas /de thob don du zhes pas gang du mchog 'grub par byed pa'o/ /gus zhes slob ma'i byed pa'o/ /smra shes pa bla ma'i bya ba'o/ /rab tu sbyin
 pa'i zhes pas man ngag sbyin pa'i don to/ /tshul rnams dang zhes pas rnyed pa'i khyad par ro/ /lus ngal ba dang zhes pas rnam pa sna tshogs pa'i sgo nas bla ma bsten pa'o/ /rab btud rnams kyis zhes pas phyag 'tshal ba'o/ /bla ma dam pa'i zhes
 pa rang gi bla ma'o/ /slob dpon gyis smon lam gsum pa /'jig rten zhes pa nas dag pa'i byang chub snod gyur cig ces pa dang 'brel bas/ 'jig rten dag na ma bzhin phan pa zhes pas rang gi ma ltar kun la phan par byed pa'o/ /mang po skyed
 byed ces pas du ma la phan par byed pa ste dngos grub gnyis so/ /de nyid mchog ces pas gang du byang chub kyi rang bzhin ni mchog gi dngos grub ste /de kho na nyid kyis ye shes so/ /de ni gang yin pa zhes pa mchog thob pa'i rgyu'o/ /de byas zhes
 pas rang gi byas pa'i don to/ /dge ba zhes pas rgyud la bskyed bya'i chos so/ /ji ltar zhes na skyon bral zhes pas sdig pa med pa'o/ /dpe yis bstan pa zla ba'i 'od ces pa la sogs pa ste /ston ka'i zla ba nya gang ba lta bu'i 'od de/ yang
 dag gang mthong zhes pa dri ma dang bral ba'i dge ba rang gis mthong ba'o/ /des ni zhes pa dag ba des so/ /'jig rten rtsod pa'i dri bral zhes pas 'jig rten ni sa gsum la rtsod pa'i dri bral zhes pas rtsod pa'i dri mas rnam par dkrugs pa'i zhes pa
 ni 'jig rten pa'o/ /rtsod pa dang ldan pa de las skyes pa'i dri ma ni sdig pa ste des rnam par 'khrugs pa'o/ /yang na rtsod pa ni gzung 'dzin te/ 'thab mo la sogs pa'o/ /dri ma ni nyon mongs pa la sogs pa ste /de gnyis kyis rnam par
 'khrug pa ni 'jig rten no/ /bral ba zhes pa de dag spangs pa'o/ /rdzogs pa'i byang chub dag ba yis ni snod gyur cig ces pas rtsod pa la sogs dang bral nas so/ /ci bya zhe na de'i snod du byed pa ste /gang gi snod ce na
 phyag rgya chen po zhes pa/ phyag rgya zhes de thob par byed pa'o/ /chen po ni gong na med pa ste /de thob par byed pa'o/ /srid dang zhi ba mnyam gyur zhes pas 'khor ba'i sdug bsngal ma lus pa thams cad bcom pa'o/ /sems can kun gyi don byed
 pa thob par shog ces pa go bar zad do/ /rgyud las byung ba'i mchod pa'i cho ga bri bar bya ste /dang po bcom ldan 'das ma'i nga rgyal du dmigs la/ oM sum b+ha ni sum b+ha huM hUM phaT/ oM grih+na grih+na huM hUM phaT/ oM grih+nA pa ya grih+nA pa ya huM hUM phaT/ oM A
 na ya ho b+ha ga pA na badzra huM hUM phaT/ zhes pa zhal bzhi pa'i sngags 'dis phyogs bcing bar bya ste /de nas rab tu gtsang ba'i me long la sogs pa la gur gum mam tsan dan la sogs pa dri bzang la dmar ba dang bcas pa'i rdzas la yi ge gsum
 bzlas la byug go /de nas sngon du gsungs pa'i zhal bzhi pa'i sngags la shar la sogs pa'i phyogs la sngags re re zhing /brjod cing lag g.yon pas g.yon skor du maN+Dal gru bzhi par bya'o/ /mchod pa la sogs pa ming gi yi ge nyi shu rtsa bzhi dang/
 pI tha u pa pI tha? k+She tra u pak+She tra tshando ha u pa tshando ha me la pa ka me u pa la ka pi la wa u pa pi la wa shma shA na u pa shA na zhes bya bar bshad pa'i lugs so/ /de nas lag pa g.yon pa' ming med kyi rtse mos zur drug pa'i dkyil 'khor gyi dbus su dgyes par rol pa'i
 ba ma yig go/ shar la sogs pa'i phyi rim pa ltar bkra shis bzhi yang bri bar bya'o/ /de'i sngags ni /oM badzra re khe hUM swAhA/ 'di ni ri mo bya'o/ /oM su re khe sarba ta thA ga tA d+hi tiSh+Tha swA hA/ 'dis ni ri mo de byin gyis brlab pa'o/ /de nas rkang ba mnan zhing
 gyen du blta bas steng du phem gyi sgra brjod pa dang/ 'bar pa'i phyag rgya bcings la g.yon skor du bskor zhing /dza:hUM baM ho:zhes pas dgug pa la sogs pa'i sngags kyis 'og min nas spyan drangs pa'i lha mo dgug pa dang /gzhug pa dang /bcing ba dang /rab tu dgyes par bya ste /de
 la 'dir sgeg pa la sogs pa'i nyams dgu dang ldan pa/ rnal 'byor ma drug dang /phyogs kyi bdag po brgyad dang bcas pa sna tshogs pa'i rnal 'byor ma dang/ 'byung po dang yi dags dang/ sha za dang /mkha' 'gro ma rnams dang lhan cig tu shin tu rnam par dag pa'i
 dam tshig gi dkyil 'khor la dur 'khrod brgyad kyis bskor ba'i dbus na/ gar gyi rnam pa dang ldan par mngon du phyogs pa la sngags btub nas 'byung ba'i snying po'i sngags kyis me tog dmar pos mchod par bya'o/ /de nas oM baM /haM yon moM h+reM hUM hUM phaT phaT zhes pa
 'di dang yi ge gsum gyi sngags 'dres pas so sor zur drug tu lha mo drug la yang mchod par bya'o/ /oM A:nanda ga ta hUM phaT ces pa 'di g.yung drung 'khyil ba'i sngags te phyogs bzhir ru mchod par bya'o/ /lugs 'ga' zhig ni mkha' 'gro ma la
 sogs pa lha mo bzhi'i dbus na sngar bshad pa ltar bzhugs pa la mchod par byed do/ /de nas bstod pa'i mchog pa la sogs pa byas nas mu(rgyud 'grel pa 'di ni rab tu brjod pa'o/ /mchod pa'i cho ga'o// //gtor ma'i cho ga brjod par bya'o/ /thog mar pad+ma'i snod la sogs par mchog tu gyur pa'i bza' ba dang /btung ba la sogs pas bkang la /de ltar gnas pa'i 'og tu yam las
 rlung gi dkyil 'khor /de'i steng du ram las me'i dkyil 'khor la a:dkar po yongs su gyur nas mi mgo gsum sgyed bu'i steng na gnas pa'i pad+ma'i snod du bsams nas de ltar de'i nang na gnas pa'i bza' ba la sogs pa la /oM ? khaM/ hUM lAM mAM pAM
 trAM bAM las skyes pa'i bdud rtsi lnga dang sgron ma lnga'i rang bzhin du gyur pa la rlung gi dkyil 'khor bskyod pa las me 'bar nas sa bon bcus byin gyis brlabs pa'i rdzas bcu yang lhan cig tu zhu nas nyi ma sar pa'i mdog lta bu'i steng du mtho
 gang tsam la dngul chu'i mdog lta bu'i hUM las /skyes pa'i kha twAM ga thur du blta bar bsam par bya'o/ /de nas thod pa'i rdzas khol ba'i rlad kyis kha TwAM gzhu nas lhung bas /rdzas de yang dngul chu'i mdog lta bu la bsil bar bsams pa'o/ /de'i steng du A li kA li'i
 rnam par dag pa oM A:hUM gsum bltas nas de las 'od phyogs bcur 'phros pas dpa' bo dang dpa' mo'i dbang phyug gi ye shes kyi bdud rtsi bkug na de'i nang du rab tu zhugs nas bsams pa'o/ /de nas oM la sogs ba yang rim pa ltar zhu nas
 lhung bas yi ge gsum pa de yis ji lta bar byin gyis brlab bo/ /de nas 'bar ba'i phyag rgya bcings la phem brod pa sngon du 'gro bas/ bcom ldan 'das ma bkug nas byon pa la arg+haM la sogs pa sngon du 'gro bas mchod par bya'o/ /
 lag pa gnyis gyen du rdo rje thal mo kha phye ba'i tshul du byas pa la pad+ma'i snod bzhag pa 'am bsams nas gtor ma bdag gir bya ba'i phyir 'di brjod par bya'o/ /lha mo rnams ni tshad ma dam tshig tshad ma ste / oM badzra a
 tshig kyang mchog tu tshad ma la/ /bden pa 'di dag gis kyang lha mo 'di rnams kyis/ /bdag la rjes su 'dzin pa'i rgyur ni 'gyur bar shog ces so/ /de nas bdud rtsi g.yon du bskor zhing /oM badzra a
 ral+li ho:dza:hUM baM ho(rgyud 'grel mo /de nas go la sogs pa phul la /mchod pa dang bstod pa byas la mngon par 'dod pa'i dngos grub thob par zhu ba'o/ /de la srid dang zhi ba mnyam par sbyor gyur kun rtog rlabs bcom pa/ /nam mkha' bzhin du dngos po mdza' dag de nyid kho nar mkhyen
 pa rnams /shin tu phul du byung ba'i thug rje'i rgyun rgyas sems kyi chu bo mgon/ /lha tshogs rnams kyis bdag la rjes su 'dzin par mdzod ces brjod bya'o/ /de nas dur khrod brgyad la sogs pa na gnas pa rnams
 la/ oM kha kha khA hi khA hi sarba yak+Sha ra kA sab+ha ta pre shA tso nA dA pasma ra DA ki n+ya da ya i mam ba liM grih+Nan+tu sa ma ya rak+Shan+tu? ma ma sarbba pra yats+tshan+tu? ya thai baM ya theSh+Ta? b+hany+dza tha pe ba tha dzi g+he tha mA ti kra ma tha ma ma sarbba ka ra ta ya ?
 kha bi prad+hhi ye sahA yi kI b+ha ban+tu huM hUM phaT phaT swAhA /lan gnyis la sogs pa brjod pas du ma rnams la/ de dag gis bza' ba bdud rtsi'i rnam pa ljags kyis gsol bar bsam pa'o/ /de'i rjes la go
 la la sogs la phul nas mchod pa bstod pa yang byas la/ brda'i lag pas se gol gtog cing de nas yi ge brgya pa brjod par bya'o/ /de kho na nyid yang dag par grub pa'i rgya cher 'grel pa de kho na nyid bshad
 pa zhes bya ba/ dpal ldan bi ka ma ShI lha'i gtsug lag khang chen po'i dge slong paN+Di ta chen po brtson 'grus dpal bshes gnyen zhabs kyis mdzad pa rdzogs so// //bal po'i paN+Di ta many+dza sh+rI dang/ je? ta kar+Na'i? zhal
 snga nas legs par mnyan te /lo tsa ba shAkya'i dge slong nyi ma rgyal mtshan dpal bzang pos/ gtsug lag khang chen po thar pa gling du bla ma dam pa'i bkas legs par bsgyur ba'o// //sa'i steng du nyi zla ltar gyur cig /?