བོད་ཡིག

e-texts based on the ACIP/ALL Input

dge'o //*/ /rnal 'byor ma'i sgrub thabs na ro pa'i zhal gyi brgyud pa gnang ba bzhugs// */ /rgya gar skad du /badzra yo gi ni sAd+ha naM/ bod skad du /rdo rje rnal 'byor ma'i sgrub thabs/ thugs rje chen po la phyag 'tshal lo/ /dang por re zhig rnal 'byor pas sems can thams cad 'khor ba'i rgya mtsho las bsgral la rdzogs pa'i byang chub tu bde ba la dgod par bya'o/ /zhes tshad med pa'i rnal 'byor mngon du bya'o/ /de nas rang gi spyi bor bla ma bsgom par bya'o/ /de'i rjes la snying gar aM las zla ba'i dkyil 'khor bsams la/ der oM oM oM sarbba shud+d+ha DA ki nI ye badzra weN+Na? nI ye badzra bai ro tsa nI ye hUM hUM hUM phaT phaT phaT swAhA/ zhes bya ba'i sngags kyi phreng ba kha dog dmar po 'od zer sna tshogs 'phro ba'i lugs las bzlog par bsam mo/ /dbus su ni baM yig go /de'i 'od zer gyis rang bzhin gyi lus khyab pas yongs su dag pa na/ bdag nyid bcom ldan 'das rdo rje phag mo'i sku zhal gcig phyag gnyis pa sku mdog dmar mo/ /bskal pa'i me lta bu'i gzi brjid can/ phyag rgya lnga'i rgyan dang ldan pa/ sna tshogs pad+ma dang nyi ma'i gdan la 'jigs byed dang dus mtshan zhabs kyis gnon pa/ g.yas na rdo rje dang gri gug /g.yon na thod pa dang kha TwAM ga 'dzin pa'o/ /de nas slar yang yig 'bru'i tshogs kyi 'od zer gyis/ /dpa' bo dang mkha' 'gro ma'i tshogs thams cad spyan drangs te/ bdag nyid la gzhug go /yang de nyid kyi 'od zer gyis 'gro ba dag par byas nas slar log ste/ sngags kyi phreng ba'i de nyid la gzhugs pa dang/ yid dang ngag gi dbye bas bzlas pa bya'o/ /de nas baM yig gi 'od zer gyis sa gsum dang/ lus dang yi ge'i rim gyis bsam gyis mi khyab par zhugs pa sngon du 'gro bas de kho na nyid bsgom par bya'o/ /las dang po pa'i bsgom pa mdor bsdus pa dpal na ro pa'i zhal gyi brgyud pa rjes su gnang ba rdzogs so// //rgya gar gyi mkhan po dpal su ma hi kIrta'i zhal snga nas/ bod kyi lo tsa ba dge slong pradz+nyA kIrtis bsgyur ba'o// //sarba mang+ga laM// */ /gzhan don slob ma rjes su bzung ba'i cho ga gzhugs so/ /*/ /rgya gar skad du/ shi Sh+ya nu grah+Na bi d+hi /bod skad du/