བོད་ཡིག

e-texts based on the ACIP/ALL Input

dpal rnal 'byor ma'i zhi ba'i sbyin sreg gi cho ga bzhugs so// // */ /dpal rdo rje rnal 'byor ma la phyag 'tshal lo/ /bla ma rdo rje 'dzin pa la/ /kun nas dang bas phyag byas te/ /dang po'i las can rnal 'byor pa/ rjes su bzung phyir sbyin sreg brtsam/ /'jig rten 'di dad pha rol gyi //'dod pa'i don kun sbyin sreg gis/ /thogs pa med par 'grub pas na/ /phan gdags cher bcad thams cad la/ /thog mar 'gro ba las gyi mchog /bdag dang gzhan las don gyi phyir/ /bla ma'i rim pa ji lta bar/ /mkhas pa rnams kyis rjes 'brangs bris/ /srod dam snga dro shar phyogs su/ /khru gang song bcu gnyis zabs thabs/ /zlum po ba byung dkar rtsis thug /kha khyer sor bzhi pas bskor ba'i/ /dbus su pad+ma 'dab brgyad pa'i/ /steng du rdo rje rtse lnga pa/ /mtshams su rdo rje rtse gsum dgod/ /ku sha'i rtse mo phyir bstan pas/ /bkram ste thab tu shing brtsigs la/ /dri dkar po yis chus bkang ba'i/ /mchod yon 'bru dang me tog bcas/ /g.yas su bzhag ste byin gyis brlag /mchod pa lnga yang dkar por bshams/ /de bzhin gnod sbyin bum pa bya/ /nas 'bras yes til yungs kar zho/ /'o thug 'bras chan 'bras yos dang/ /mngar gsum la sogs g.yon bzhag ste/ /rtse mo'i cha las byung ba'i shing/ /'o ma can mdzes mtho gang tshad/ /dris byug mar dang sbrang rtsis sbags/ /bud shing srog chags med ma rul/ /yang na ba lang lci ba yis/ /thab bcas cung zad rab tu brtsig /yang na bdud rtsi lngas byugs pa'i/ /maN+Dal steng du zlum por byugs/ /de nas slob dpon slob mar bcas/ /khrus byas dris byug gos dang brgyan/ /chas te der 'dug zhi sems kyis/ /khyab pa'i snying rje mngon byas te/ /bsrung ba sngon du 'gro ba yis/ /rang gi rnal 'byor rdzogs pa dang/ gnyis su med pa'i mchod byas nas/ /nam mkha' la ni bzhugs su gsol/ /dang po tsham ngag sngags kyis thab/ /rdzas dang sngags bdag bcas pa gsang/ /rdo rje se gol ces? nas ni/ /mtshams bcad yan lag byin brlabs nas/ /thab de brum las gzhal yas khang/ /dag pa bsngon 'gro chos 'byung du/ /oM raM las skyes pad nyi ma/ /hUM las me lha dmar ser bskyed/ /zhal gcig phyag bzhi thor tshugs can/ /dbyug pa dang ni skyabs sbyin dang/ /ril pa bgrang phreng 'dzin bltas la/ /grub pa'i lha dang gnyis med bya/ /dra ba'i phyag rgya bcas nas su/ /hUM dad? pa dang ni dam tshig gis/ /tshur gshegs tshur gshegs 'byung po che/ /sreg blugs zhal zas bzhes slad du/ /'di nyid du ni bzhugs su gsol/ /dza:hUM baM ho:agnA ye a karSha ya dza(rgyud 'grel lce la rdo rje dkar po bsams la/ aM badzra dzra la hUM phaT/ snying gar a las rdo rje bsgoms te/ gar ldan phyag rgya che/ snying gar zla ba hUM rdo rje/ sngar bzhin rdo rje 'dzin pa yis/ /dbang bskur ba ni bsam par bya/ /hUM rdo rje 'di ni rdo rje che/ /sangs rgyas kun gyis byin gyis brlabs/ /dam tshig 'di las 'das na ni/ /rigs rnams myur du thal bar byed/ /oM sa ma ya hUM phaT/ badzra band+ha hUM/ bdag gi las 'di bsgrubs zhes bsgom/ /de nas me sbar te/ oM dzwa la raM dzwa la raM/ dgon pa 'am rgyun zhags byams sems/ me rlung yab kyis sbar mchod ba dbul/ me tog dbu la'o/ /spos shangs la'o/ /mar me mdun du'o/ /dri thugs kar ro/ /lha ba zhol zhal du'o/ zhabs bsil dang/ mchod yon ji ltar rig pas dbul lo/ /de nas rdzas rnams bus par du/ /byang chub mchog gi phyag rgya yis/ gzar bu bzung ste sreg rdzas dbul/ /oM agna ye ha bya di bya de ba ye shAn+tiM ku ru swAhA/ dang por zhun mar lan gsum dbul/ /de nas sreg rdzas rim pa bzhin/ /phul te gnyis su med par bya/ /oM badzra a na lArka ma hA duSh+Ta dzwa la ya/ sarba b+hasmi ku ru/ tri ta h+rI:dza:hUM baM ho:mthar yang mar gyi dgang blugs dbul/ /'thor 'thungs zhabs bsil phul nas kyang/ /bstod de bzod par gsol pa bdag /gnang par bstod pa bya ba yin/ /oM tshangs pa'i 'jig rten mgon gyi sras/ /me lha'i rgyal po drang srong mchog /'byung po kun gyi mgon gyur pa/ /dge ba dri med phyag 'tshal bstod/ /gzi brjid chen po me yi lha/ /'dod pa thams cad rab ster mdzad/ /bdag dang gzhan don bsgrubs la bzhugs// 'dzin byed me lha nyid la'o/ /me lha'i lha? drang srong chen po la phrin las su gsol ba ni/ /bdag dang yon bdag ming 'di zhes bya ba la sogs pa'i tshe 'di dang phyi ma'i legs pa'i bar du gcod pa'i sdig pa dang bgegs rnams zhi bar gyur cig /thab tu me tog gtor nas ni/ /me? yi lha la las bcol te/ /'bar ba'i rnam pa nyid du blta/ /de nas bsang gtor byas kyang/ /dag pa gsum gyi ngang las der/ /chos kyi 'byung gnas yangs ba blta/ /der ni 'byung po'i ro steng du/ /rang snying sa bon las spros pa'i/ /'od zer lnga ldan hUM spros te/ /de las 'khor lo gsum gyi lhas/ /dngos po thams cad ro gcig par/ /bsgrubs te slar zhugs dkyil 'khor bsgom/ /ye shes 'khor lo spyan drangs te/ /bgegs bsal mchod yon phul nas su/ /hUM thugs rje chen po rgyun gyis grub pa'i rnal 'byor ma/ /sems can thams cad rjes bzung phyir/ /'bar ba'i nang du bzhugs gsol ba/ /'thor 'thung byas te mchod pa dang/ /gang ba'i sbyin sreg byas pa la/ /mchod cing sna tshogs mched byas nas/ /rim pa bzhin du sreg blugs dbul/ /sgrub pa mo yi sngags gzhug ste/ /sarba bA paM sarba big+hAM/ sarba byA d+hi sarba ?/ sarba du rni mi ti/ sarba pre te/ sarba dzwa re/ sarba u pa dra ba/ sarbA kA la mri tyu/ shAn+ti ku ru swAhA/ sbyin sreg brgya stong byas nas su/ /mchod pa kun gyis mnyes par bya/ /bstod cing bzod gsol gsol pa gdab/ /de nas gang ba'i sreg blugs kyi/ /gzi brjid 'bar ba'i rdo rje'i zhal/ /rab tu 'bar ba drag po ste/ /yo byad gcig tu bsres pa dang gnyis su med pa'i sbyin par bya/ /ci nus pa dang ci 'byor pas/ /shin tu rnam par dag par bya/ /mi 'chi lnga bcas dpa' bo yis/ /shin tu tshim par mchod byas la/ /de nas tsA ru la 'bad pas/ /spun dang sring mo dga' ston byas/ /de nas gzhan yang nod par bya/ /yi ge brgya ba sngon 'gro ba'i/ /tshigs bcad gsum gyis bzod pa gsol/ /ye shes sems dpa' gshegs su gsol/ /man ngag bzhin du dkyil 'khor bsdu/ /dpal rnal 'byor ma'i zhi ba'i sbyin sreg gi cho ga rdzogs so// // */ /rdo rje phag mo'i sgrub thabs bzhugs so// //*/ /rgya gar skad du/ sh+rI badzra bA rA hI sA d+ha naM/ bod skad du/ dpal rdo rje phag mo'i sgrub thabs/ dpal rdo rje phag mo la phyag 'tshal lo/