<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1068: keng rus tA ra Na'i sgrub thabs kyi 'grel pa gzhan la phan pa zhes bya ba<br><table><tr><td>
<input type="button" onclick="location.href='tcompletep.php?id=N1068&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1068&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1068&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">so// / /tA ra na'i sgrub thabs kyi 'grel pa bzhugs so// //rgya gar skad du /kaM ka la tA ra na sA d+ha naM TI kA pa ra hi ha nA ma/ bod skad du/ keng rus tra na'i sgrub thabs kyi 'grel pa gzhan la phan pa zhes
 bya ba/ dpal rdo rje rnal 'byor ma la phyag 'tshal lo/ /bla ma rdo rje phag mo yi/ /zhabs la spyi bos phyag 'tshal te/ /blo dman rnams kyis rtogs bya'i phyir/ /de'i grub thabs bdag gis bshad/ /rdo rje'i khrus ni byas nas ni/ zhes
 pa la sogs pa'i don ni sngags pas dben zhing yid du 'ong ba'i gnas su stan bde ba la 'dug nas/ /sems can rnams byang chub la dgod par bsam/ /bla ma rnams spyi bor blta/ dag pas sum brjod pas bdag nyid lha mo'i nga rgyal du bya//
 gdong bzhi pas srung 'khor bya/ rnam par sbyangs pa'i bdud rtsis khrus byas la go bgo /de'i 'og tu sems rtse gcig gi yi ge brgyad kyi rdo rje rnal 'byor ma'i rang bzhin bsgom par bya ste/ de la 'khor lo 'di ni nam mkha' 'dra zhes pa ni phyogs
 snod kyi 'jig rten ni nam mkha' dang 'dra ste mdza' med pa'o/ /bde ba chen pos rab tu gang zhes pa ni de nyid gdod ma nas ma skyes pa'i phyir rang bzhin gyis stong pa nyid yin no/ /thub pa bo/ mtshams med par bzhugs/ zhes pa ni nang bcud kyis
 sems can rnams ngo bo nyid kyi rang bzhin yin pas so/ /de yang brtag pa gnyis pa las/ /sems can rnams ni sangs rgyas te/ /'on kyang blo bur dri mas bsgribs/ /de nyid bsal na sangs rgyas nyid/ /ces bya ba dang/ rang dang rang gi rtog pa
 las/ sangs rgyas ma yin sems can ni/ /gcig kyang yod pa ma yin no zhes gsungs pas so/ /thub pa ni sgrib pa gnyis thub pa'o/ /go mtshams med pa ni snod kyis khyab chad du bcud kyis khyab na go mtshams med pas so/ /bde ba dag gis
 brjod mi nus/ /zhes pa ni gnyis ka bde ba chen po'i ye shes yin pas brjod du med pa'o/ /yang na 'khor lo 'di ni nam mkha' ba ni/ lus ni nam mkha' dang 'dra sde rang bzhin med pas so/ /bde ba chen pos rab tu gang/ zhes pa ni lus kyi rtsa dang
 thig le la brten nas bde ba chen po skye bas so/ /thub pa go mtshams med par bzhugs/ /zhes pa ni phung po dang khams dang skye mched rnams lha dang lha mo'i rang bzhin yin pas so/ /de ba dag gi brjod mi nus ni/ /ye shes chen po de brjod
 pa'i yul las 'das pa'o/ /yang na 'khor lo 'di ni don dam gyi bden pa'o/ /nam mkha' dra ni spros pa med cing mdza' dbus dang bral ba'o/ /bde ba chen pos rab tu gang na ye shes de mi rtog cing mi 'gyur pas so/ /thub pa go mtshams med par
 bzhugs ni/ dus gsum gyi sangs rgyas rnams te/ ye shes de'i bdag nyid yin pa'i phyir ro/ /bde ba dag gi brjod mi nus ni/ don dam gyi bden bde ni shes brjod thams cad las 'das pa'o/ /de dag ni yi ge na'i don bshad pa'o//
 nam mkha' gnyis ni kha sbyor las/ /zhes ba ni nam mkha' dang sa gzhi gnyis kha sbyor gyi rnam pa'o/ /dbang phyug rgyur smra ba rnams na re/ nam mkha' la ni dbang phyug chen po'o/ /sa gzhi ni lha mo u ma'o zhes bya ste/ khams
 gsum brtan g.yo rnams de las byung ba'o/ /nam mkha skab phye sa gzhis brten byas pa'i phyir ro/ /de bas na thams cad kyi byed pa po dbang phyug yin no zhes zer ro/ /des na thabs dang shes rab las ma 'das pa'o/ /'khor lo drug po 'od zer
 rdzogs ni/ de gnyis la brten nas rigs drug gnas pa'o/ /'gro drug rgyu ni med par byed ni/ rang bzhin gyis stong pa'o/ /yang na nam mkha' gnyis ni kha sbyor las ni lus dang sems so/ /de gnyis la 'gro ba rigs drug grub nas dbang po drug
 rdzogs par byung ba'o/ /de gnyis kyi rgyu las dang nyon mongs pa yin la/ gnyis su med pa'i ye shes kyis de spong bar byed pa'o/ /de ni ye shes chen po'i gnas ni chos kyi sku'i ye shes de ni bde ba chen po'i rang bzhin no/ /yang na nam mkha' gnyis
 ni kha sbyor las ni/ thabs dang shes rab bo/ /'khor lo drug gi 'od zer rdzogs ni/ zung 'jug gi ye shes las sangs rgyas drug 'byung ba'o/ /'gro drug rgyu ni med par byed ni/ sangs rgyas drug po de nyid la yang rang bzhin med de/ chos kyi
 sku yin pa'i phyir ro/ /de ni ye shes chen po'i gnas ni/ chos kyi sku de nyid ye shes lnga'i rang bzhin yin pa'i phyir ro/ /yi ge ma'i bshad pa'o/ /sh+rI yis 'khor lo skyed par byed ni/ 'khor lo ni dmar po A li kA li'i snying bo can no/ /
 'dab ma gsum ldan ni gsum pa'o/ /skud pa can ni re'u mig bzhi bcu zhe dgu so sor 'byed pa'i re khA'o/ /de nyid gsum gyi rang bzhin ldan ni/ lus ngag yid gsum gyi ngo bo yang na sku gsum gyi rang bzhin no/ /gsum po lam du
 bshad pa yin na/ lus ngag yid gsum gyi mi dge ba rnams spong zhing dge ba rnams spyod pa ni gsum po lam du bshad pa'o/ /yang na rlung 'byung 'jug gnas pa gsum ngo bo nyid kyis yi ge gsum lha gsum gyi bdag nyid du gnas pa dang/ bsgoms pas
 sku gsum po thob pa ni gsum po lam du bshad pa'o/ /yi ge sh+rI'i bshad pa'o/ /ba las skyes pa rgyal mtshan te/ ces pa ni kha TwAM ga la 'phyang ba'i bdan no/ /de nyid phyag rgya bzhi yis brgyan ni/ /las kyi phyag rgya dang/ dam tshig gis phyag rgya dang/ chos
 kyi phyag rgya dang rgya chen po ste de'i bzhi'i bdag nyid do/ /yang na phyag rgya bzhi'i rgyan ni 'dus byas thams cad mi rtag pa dang/ chos thams cad bdag med pa dang/ zag ba dang bcas pa rnams sdug bsngal ba dang/ mya ngan las 'das pa ni zhi pas te
 bzhi dang ldan pas mtshon pa'o/ /bsam gtan bzhi dang ldan pa'i mchog ni bsam gtan bzhi'i rang bzhin yin pas de 'thob par gyur pa'o/ /rnam thar bzhi yang de las 'grub ni/ stong pa nyid dang mtshan ma med pa dang smon pa med pa dang/
 mngon par 'dus ma byas pa ste/ de rnams kyang thob par 'gyur zhes pa'i don to/ /yi ge ba'i bshad pa'o/ /dza las bkra shis 'byung ba yis zhes pa ni/ g.yung drung 'khyil pa'o/ /shin tu myur bar 'khor ba las zhes pa/ steng du g.yung
 drung 'khyil pa/ de'i 'og tu 'khor lo/ /de gnyis drug tu 'khor bas so/ /dga' ba mchog dga' i rang bzhin can ni/ haM las thig le bsam pa las dga' ba gsum po rims kyis skye bo'o/ /lhan cig skyes pa ster bar byed ces pa ni thig
 le las aM la sleb pa'i dus na lhan cig skyes pa'i ye shes skyes te/ mi rtog pa'i rang bzhin du 'gyur ro/ /yi ge dza'i bshad pa'o/ /dzo las byung ba'i don mchog ni/ zhes pa ni de'i don bshad par bya zhes ba'i don to/ /snyoms 'jug rdzogs pa'i
 ngo bor 'dod/ ces pa ni thabs dang zung du 'jug pa ste/ las kyi phyag rgya mal brten pa 'am/ rtsa dang thig le la brten pas so/ /gnyis med ye shes mthong bar byed/ ces pa ni snyoms 'jug mdza' thug pa las lhan
 cig skyes pa'i ye shes ngos bzung ba'o/ /phyag rgya chen po ster bar mdzad ces pa ni ye shes de nyid la rgyun mi 'chad par goms par byas pas sangs rgyas thob bar byed do zhes pa'i don to/ /gzhan yang gi las byung ba ni/ nyi ma'i gzugs dang
 zla ba rgyas zhes gsungs te/ g.yas dang g.yon du rgyu ba'i rlung gnyis dbu mar mdzad pa'o/ /de ni gar yang gnas pa med ces pa ni/ rlung dbu mar tshud pa na gar yang mi gnas pa ste/ ma rtog par 'gyur ba'o/ /chos kyis sku yi gnas kyang
 ster ces pa ni stong? pa nyid kyi ye shes las chos kyi sku thob pas na rgyu yin no/ /yi ge'i don bshad pa'o/ /ni las byung ba'i don 'gog ni/ /bla ma dam pa'i man ngag gis zhes gsungs te/ bla ma dam pa ni gsang sngags kyi theg pa ston pa'i
 slob dpon rnams so/ /man ngag gis ni rim pa gnyis kyi rnal 'byor ro/ /brtan g.yo thams cad stong par shes ni khams gsum snod dang bcud du bcas pa rang bzhin med par khong du chud pa'o/ /de yis sangs rgyas myur du thob ni/ de lta bu'i rtsal
 'byor pas ring po mi thogs par sangs rgyas thob par 'gyur ro zhes bya ba'i don to/ /ye shes ni bshad pa'o/ /yi ge de brgyad dkyil 'khor ni zhes pa ni yi ge de brgyad kyi don ni rdo rje rnal 'byor ma'i rang bzhin no/ /dkyil 'khor ni 'khor lo
 ste/ /dmar po gru gsum pa A li kA li'i snying po can no/ /dngos grub 'dod pas bri bar bya ni/ mchog dang thun mong gi dngos grub thob par bya ba'i phyir 'khor lo bris la phyi rol gyi mchod pa bya'o zhes pa'i don to/ /'khor lo de ci yis bri bar
 bya zhe na/ bdud rtsi lnga la sogs pa'i khu ba'i rnam pa ci yod pas so/ /gdams pas gzabs te bri bar bya ni bla ma'i man ngag bzhin du ma 'khrul bar bri bar bya'o/ /de dag gis ni gug po bri ni chos 'byung la dang/ A li ka li'i snying po can g.yung
 drung 'khyil pa bzhi dang bcas pa bris la/ ye shes sems dpa' bkug la bstim mchod pa dang bstod pa nas gshegs su gsol bar du de kho na nyid ye shes grung pa'i sgrub thabs nas bshad pa bzhin du bya'o/ /de ni phyi rol gyi mchod pa bstan
 nas/ nang lha'i rnal 'byor bsgom pa bstan par bya ste/ de la keng rus tA ra na zhes pa ni keng rus sum cu rtsa gnyis kyis phyogs bzhir bskor ba bcu drug gis gdugs byas pa'i dbus na lha mo bsgom pa'o/ /dam chos bdud rtsi de nyid yin
 zhes pa ni rim pa gnyis rnal 'byor bya ba ste/ chos rgyas pa'i de kho na nyid ye shes grub pa nas bshad pa bzhin no/ /sgo'i man ngag de nyid yin zhes pa ni phyogs gsum gyi keng rus rnams ni sku gsung thugs kyi lha tshogs so/ /phyogs
 gcig gi keng rus rnams ni bde ba chen po'i 'khor lo'i lha mo bzhi dang thod pa bzhi/ gdugs kyi bcu drug la brgyad ni dam tshig gi 'khor lo'i lha mo brgyad pa'o/ /brgyad ni dur khrod brgyad do/ /de rnams kyi bskor ba'i dbus na lha mo
 gzhugs pa'o/ /g.yon gyi kha TwAM ga ni dpal bde mchog go /de ltar na 'di ltar bsgoms pas dpal bde mchog gi dkyil 'khor yongs su rdzogs par bsgoms par 'gyur pa'o/ /des ni lha mo bsgom pa bstan to/ /da ni yab yum
 mnyam par sbyor ba'i rnal 'byor bstan par bya ste/ de'i dbus na mkha' 'gro'i gtso/ /yi ge ni las byung ba ni/ /zhes pa ni bdag nyid lha mor bsgoms pa'i thugs kar nyi ma'i dkyil 'khor gyi steng du ni las byung ba'i dpal 'khor lo
 sdom pa zhal gcig phyag gnyis par gyur pa'o/ /rdo rje rnal 'byor ma dang bcas/ /de ni ma las byung zhes brjod ces pa ni yi ge de gnyis las yab yum gnyis dus gcig las byung ba'o/ /bdag nyid yin par
 rtogs kyis la ni stong ba nyid dang snying rje gnyis ro gcig par bsgom pa'o/ /lhan skyes ye shes sgrub par bya ni/ yab yum gnyis snyoms 'jug byas pa las bde ba chen po'i ye shes bskyed pa'o/ /tshogs gnyis bsags pas ye shes
 skye ni thabs dang shes rab gnyis zung du 'jug pa gnyis su med pa'i ye shes skye ba'o/ /de nyid de'i thabs su bshad ni/ sngags kyi theg pa 'dir thabs dang shes rab kyi snyoms 'jug las mi rtog pa skye ba 'di nyid thabs su gsungs
 pa'o/ /rab dga' la sogs sa bcu po/ /sangs rgyas rnams kyi lam du gsungs zhes pa ni pha rol tu phyin pa'i theg pa las ni lam lnga dang/ pha rol tu phyin pa drug dang/ sa bcu po sangs rgyas kyi lam du gsungs so/ /snyoms 'jug
 yongs su rdzogs pa las ni yab yum srub pa'i sbyor ba byas pas so/ /thig le gnyis po ni kun rdzob byang chub kyi sems dang don dam byang chub kyi sems so/ /'od zer 'phro ba ni dga' ba bzhi rim gyis skye ba'o/ /thig le la ni thig
 le thim ni lhan skyes gyi dga' ba ste gnyis med kyi ye shes so/ /mkhas pa yis ni bsgom bar bya ni bla ma'i man ngag khong du chud pa'i rnal 'byor pas bsgom pa bya zhes pa'i don to/ /'di rnams bsgom pa byas pa yis/ /mtshan dang dpe
 byad thob par 'gyur zhes pa ni gnyis su med pa'i ye shes bsgom pa las mtshan sum cu rtsa gnyis dang/ dpe byang bzang po brgyad cu ldan pa'i sangs rgyas thob par 'gyur ro zhes pa'i don to/ /yang rnal 'byor ma'i 'dra ba gzhan ston te/
 'di las skyes pa'i rnal 'byor ma ni/ thabs dang shes rab las byung ba'i zung 'jug gi ye shes so/ /rdo rje rnal 'byor ma ru gyur ni bde ba chen po'i ye shes de las rdo rje rnal 'byor ma'i sku ru gyur pa'o/ /lte ba'i nang sogs pad+ma blta ni/ sprul pa'i
 'khor lo'i steng du'o/ /nyon mongs thams cad byang bar byed ni/ de ltar bsgoms pas sgrib pa gnyis spong ba'o/ /yi ge drug gi lha mo'i gnas drug tu go bgo ba ni go sla'o/ /phyag 'tshal yi ge thams cad las ni yi ge brgyad pa'o/ /lha
 mchog tu ni byin gyis brlab ni yi ge de brgyad las yab yum gnyis dang go cha'i lha mo drug bskyed pa'i sa bon yin no zhes pa'i don to/ /bde ba chen po las skyes pa ni zung 'jug lhan skyes kyi ye shes las lha mo de byung bas so/ /zab mor byung
 ba'i man ngag go ni/ rnal 'byor 'di rtogs par dka' ba ste/ man ngag 'di shin tu yang khong du chud par dka' ba'o/ /zhes pa'i don to/ /de don yang ni bshad par bya ni/ zab mo'i don gyi rnal 'byor mi 'dra ba gzhan yang bstan par bya'o zhes
 pa'i don to/ /bsrub pa'i sbyor ba'i nang du ni zhes pa'i rdo rje dang padmo gnyis bsrub pa las thig le byung ba'o/ /na las 'khor lo sdom pa byung ni/ thabs kyi theg le na ru gyur pa las 'khor lo sdom pa byung ba'o/ /ma las rdo rje rnal 'byor ma ni
 shes rab kyi thig le ma ru? gyur pa las rdo rje rnal 'byor ma byung ba'o/ /pad+mar yi ge b+ha ga las ni yum gyi b+ha ga'i nang du yi ge de gnyis las yab yum gnyis byung ba'o/ /bde ba chen po las skyes pa ni/ lhan cig skyes pa'i ye shes
 las byung ba'o/ /de nyid rnal 'byor ma ru shes ni/ shes rab kyi rang bzhin yin pas rnal 'byor ma'o/ /rdo rje gnyis kyi dbus gnas pa'i ni rdo rje pad+ma'i dbus na yod pa'o/ /dam pa de ni shin tu bstan ni/ /'di ni phra mo'i rnal 'byor
 yin pas gsal por bstan par bya'o/ /rtsa bar 'khor lo yod pa la ni/ 'dir 'khor lo gsum pad+ma dang bzhi rtseg tu bsgom pa'o/ /rtsibs brgyad 'od dang bcas pa'o/ /dkar po phyi rol 'khor los bskor/ /
 stobs dang ldan pa la sogs brgyad/ /g.yon phyogs su ni rab bskor zhi/ /dbus na ye shes rgya mtsho'o/ /zhes pa ni sku'i 'khor lo'o/ /'khor lo'i shar phyogs kyi rtsibs la stobs po che/ byang du rin chen rdo rje/ nub tu rta mgrin/
 lho ru nam mkha' i snying po/ shar lhor dpal he ru ka/ byang shar du rdo rje sems dpa' / nub byang du rnam par snang mdzad/ lho nub tu pad+ma gar gyi dbang phyug go /dbus na ye shes rgya mtsho ste sku rdo rje'o/ /'khor lo dmar po rtsibs
 brgyad pa/ /pad+ma'i phreng bas bskor ba'o/ /'jigs byed la sogs brgyad po ni/ /'khor lo'i rtsibs brgyad la gnas shing/ /g.yas phyogs su ni rab tu bskor/ /chos kyi zhal ni dbus gnas pa'o/ /zhes ba ni gsung
 gi 'khor lo'o/ /shar gyi rtsibs la 'jigs byed yang na aM ku ri'o/ /lho phyogs su rdo rje hUM mdzad/ nub phyogs su dpa' bo chen po/ /byang du rdo rje ral can/ shar lhor rab tu bzang po /lho nub tu rdo rje bzang po/ nub
 byang du 'jigs byed chen po/ byang shar mig mi bzang ngo/ /dbus su chos kyi zhal te gsung rdo rje'o/ /rdo rje rin chen 'khor lo dbus/ /rtsibs brgyad 'od dang bcas pa'o/ /rdo rje nag po'i phreng bas bskor/ /thod pa'i dum bu la
 sogs brgyad/ /dbus ma snyoms 'jug rang bzhin bstan/ zhes pa ni thugs kyi 'khor lo'o/ /shar gyi rtsibs la khaN+Da ka pA la/ byang du mahA kaM ka la /nub tu kaM ka la/ lho ru mche ba rnam par brtsigs pa/ shar lho ru su ra pI? ri/ lho nub tu
 'od dpag med/ /nub byang du rdo rje'i 'od/ /byang shar du rdo rje'i sku'o/ /dbus na snyoms 'jug gi rang bzhin te thugs rdo rje/ bskal pa 'jigs pa'i me lta bu ni/ ji ltar bskal pa 'jigs pa'i mes snod kyi 'jig rten ma lus par bsreg
 pa bzhin du 'khor lo 'di rnams kyi 'od kyis kyang sgrib pa gnyis ma lus par sreg par byed pa'o/ /skur can pad+ma rdor dril dbus ni/ sna tshogs pad+ma 'dab ma bzhi pa'o/ /mkhas pa yis ni bsgoms par bya ni/ 'khor lo'i steng du pad+ma de la/
 dpa' bo drug gi go cha'i sngags dgod par bya ba ste go sla'o/ /'khor lo rnams kyi rim pa yang/ /sku'i 'khor lo'i steng du gsung gi 'khor lo'o/ /de'i steng du thugs kyi 'khor lo'o/ /me ltar 'bar ba'i 'od mnga' ba ni/ /'khor lo de rnams
 la med pung 'bar 'od 'phro bas phyi nang gi bar chad rnams bsreg pa'o/ /sngar bshad pa'i 'khor lo ni gong du bstan pa'i 'khor lo gsum dang pad+ma'o/ /ka ko la'i bar du 'o ni lha mo'i pad+ma'i nang du'o/ /rdo rje'i rtse mo dang pad+ma'i phug gi bar du bzhi rtseg
 tu bsgom pa'o/ /rgyun mi 'chad par 'khor bar blta ni/ 'khor lo de rnams g.yon skor du 'khor bar blta'o/ /sgom pa 'di ltar bsgom par bya ni 'khor lo rnams rgyun mi 'chad par 'khor ba la sems gtad pas aM las me langs
 pas 'khor lo gsum po bsreg pa'o/ /gtor ma drug cu rtsa bzhi sbyin ni/ spyi gtsug bde ba chen po'i 'khor lo la gnas pa'i haM bzhu nas bdud rtsi'i rgyun mar babs te/ lte ba sprul pa'i 'khor lo 'dab ma drug cu rtsa bzhi pa
 la gnas pa'i aM la babs pas/ bde ba chen po'i ye shes skyes pas rtog pa mdza' dag 'gag pa'o/ /nyon mongs rnams ni byang gyur zhing// zhes ba ni de ltar bsgoms na sgrib pa gnyis ma lus par zad par 'gyur ro/
 phan yon mnyam med thob par 'gyur ni/ 'bras bu bla na med pa'i byang chub thob par 'gyur ro zhes pa'i don to/ /zab mor gyur pa'i rim pa'o ni de rnams shin tu zab pa'i rnal 'byor rim pa bzhin du bshad pa'o/ /yang rnal 'byor mi 'dra ba
 gzhan ston to/ /na las nA da'i gzugs kyis so ni/ snying gar yi ge na gyur pa las bdag nyid kyi lus nA da shin tu phra bar gyur bar bsam mo/ /thabs dang brtse ba dri ma med ni/ de nyid thabs yin te dmigs pa dang bcas pas so/ /brtse ba ni snying rje ste nA da de kun rdzob yin pas so/ /dri ma
 med ni rigs par 'dzin pa'i shes pa med pas stong pa nyid kyi ye shes kyi dngos kyi rgyu yin pas so/ /dngos po'i rang bzhin spyod pas ni nA da de yang dpyad na gang gi ngo bor yang ma grub pa'o/ /bde ba skye ba sbyin par byed ni chos kyi sku'i ye shes skye ba'i thogs pa med pa'i byed pas so//
 ma ni stong ba'i ngo bo la ni/ nA da de yang ma dmigs par byas nas 'od gsal gyi ye shes su gyur pa'o/ /shes rab nges pa'i rang bzhin ni/ /ye shes de la sangs rgyas shes bya ste/ chos kyi sku'i ye shes yin pas so/ /bde ba chen pos rab tu gang ni ye shes te/ mi rtog
 cing mi 'gyur bas so/ /phyag rgya chen po de nyid yin ni/ /ye shes de gang gis mngon du byas pa de ni phyag rgya chen po'i dngos grub thob pa yin te/ mngon par rdzogs par sangs rgyas pa'o/ /gnyis po gcig tu gyur pa yin ni/ /nA da stong bar thim nas 'od gsal
 gyi dang du gyur pa'o/ /rtog pa med cing dri ma bral ni/ /nam mkha' ltar rtog pa dang bral bas gzung 'dzin gyi dri ma rnams ma lus par zad pa'o/ /rang byung ye shes mnyam pa med ni/ /'jig rten na 'gran zla med cing dpe brjod las 'das pa'o/ /'jig rten gsum
 gyi gtso bo yin ni/ /khams gsum gyi bla ma yin te/ thams cad kyis phyag byas pa dang/ mchod pa'i 'os su gyur pa'o/ /sems la sems 'byung blta bar bya ni/ gong gi ye shes de nyid rgyun mi chad par snga phyi tha mi dad par bsgom pa'o/ /sems kyi dbus su
 bzhag pa yin ni/ /sems blo'i nang du btsud nas yul la mi 'phro bar rtse gcig tu byed pa'o/ /de nyid 'dres pas dang pa gnyis ni/ sems dang blo gnys ro gcig tu gyur pas so/ /dang pa gnyis ni g.yas g.yon nas 'byung ba'i rlung gnyis po'o/ /mi 'byung ba ni brtan yin ni//
 rlung 'byung ba dang 'jug pa gnyis 'gags nas sems mi g.yo bar brtan por gnas pa'o/ /'di sgrub rdo rje ting 'dzin gyis ni 'di sgrub ni sku bzhi'o /rdo rje ting gyis ni stong pa nyid kyi ye shes ni rdo rje lta bu yin te/ sgrib pa gnyis ma lus par 'jom ba'o/ /skad cig gis ni bde brgyas ni sgrib gnyis
 srangs ba'i skad cig las 'tshang rgyab ste sku bzhi mngon du byed do zhes pa'i don to/ /lhan skyes dri med thig le gnyis ni ji lta ba mkhyen pa'i ye shes dang/ /ji snyed pa mkhyen pa'i ye shes gnyis thob pa yin no zhes pa'i don to/ /dri med ldan pas dei med spro ni chos kyi sku las gzugs
 sku rnam pa gnyis byung nas gzhan gyi don nam lus par mdzad pa'o/ /skye ba dang ni 'gags pa'i gzugs ni/ kun rdzob kyi bden pa dang/ don dam pa'i bden pa'o/ /de nyid rtogs pas dri ma bral ni/ bden pa gnyis kyi don tha mi dang du rtogs pas sgrib pa gnyis zad?
 pa'o 'jig rten shes pa me tog dkar ni/ 'jig rten shes pa ni dngos po'i gnas lugs ji lta ba bzhin du khong du chud pa ste/ thams cad mkhyen pa'i ye shes so/ /de nyid me tog dkar po dang 'dra bas dri mas mgos shing rang 'byung ba'o/ /'jig rten
 bla ma bde chen gzugs ni/ sangs rgyas bcom ldan 'das rnams ni 'jig rten gsum gyi gtso bo yin zhing bla mar gyur pa ste/ ye shes 'ba' zhig gi sku yin no zhes pa'i don to/ /tshig nyung don zab ston pa yi/ /keng rus pho brang bshad pa las/ /bsod
 nams bdag gis gang bsags pa/ /'gro kun gnyis med thob par shog/ keng rus tA ra na'i rim pa rdo rje rnal 'byor ma'i sgrub thabs bdag byin gyis brlab pa'i 'grel pa gzhan la phan pa zhes bya ba mang du thos pa'i slob dpon ku mA ? b+ho d+his mdzad pa
 rdzogs so// //*/ /rdo rje rnal 'byor ma'i sgrub thabs bzhugs so// //*/ /rgya gar skad du/ badzra yo gi ni sA d+ha naM nA ma/ bod skad du/ rdo rje rnal 'byor ma'i sgrub thabs zhes bya ba/ rje btsun