<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1064: rnal 'byor gyi rjes su 'brang ba zhes bya ba rdo rje rnal 'byor ma'i 'grel pa<br><table><tr><td>
<input type="button" onclick="location.href='tcompletep.php?id=N1064&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1064&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1064&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ rnal? 'byor gyi rjes su 'brang ba zhes bya ba bzhugs so// //*/ /rgya gar skad du/ yo gA nu par NI nI ma badzra yo gi nI nI kA/ bod skad du/ rnal 'byor gyis rjes su 'brang ba zhes bya ba/ rdo rje rnal 'byor ma'i 'grel pa rdo rje rnal 'byor ma la phyag
 'tshal lo/ /de bzhin nyid gyi rang bzhin gyis/ /gang zhig lus mchog 'dzin gyur pa/ /rtag tu rdo rje phag mo des/ /byed la phun tshogs byed par shog /rdo rje phag mo la btud nas/ /de yi sgrub thabs bde rtogs par/ /rnal 'byor rjes su 'brang ba yi/ /bdag gi
 'grel pa bri bar bya/ /'dir ni ma rig pa la sogs pa'i dbyar gyi nyi ma'i gung lta bu la gnas pa'i 'gro ba ris drug gis spros bsdus pa'i 'khor ba'i skem sa chen po las thar par byed pa'i thabs kyi mchog gsang pa'i rgyal po'i gtam byed pa dang bral?
 rtsod dus la chags pa'i sems dang ldan pa/ sbyin pa la sogs pa bsod nams kyi lam rgyags dang/ ting nge 'dzin la blo btang pa ltung ba can/ dge ba'i shing gi shing thog thob par mi 'gyur ba rnams yul gyi dgra yis dge ba'i bag chags phrogs pa dang
 ldan pa'i phyin ci log pa dang bcas pa'i gza' chen po babs par gyur pa/ mya ngan las 'das pa'i lam ma shes pas yang dang yang du de kho nar 'khor bar gyur pa'i srid pa'i bde ba 'dod pa'i sha zas bslu bar byas pa dang/ de nyid ma yin pa'i chags
 zhen mang po la gnas pa dang/ res 'ga' gnas skabs kyi bde pa bag tsam yang thob par 'gyur pa'i srid pa gsum la gnas par 'gyur ba'i 'jig rten rnams/ sdug bsngal tsha ba kho nar zhugs pa de dag la byams pa'i snying rje'i grogs mo'i stobs kyis
 pad 'gror yongs su gzung ba'i kun rdzob kyis skye ba yongs su 'dzin pa dang yon tan dpag tu med pa'i gzhis gzhi 'dzin pa dang/ mya ngan las 'das pa'i lam bla na med pa nye bar ston pa dang/ bskal pa dpag tu med par gzhan
 don byed pa'i snying rje'i brtul zhugs chen po 'dzin pa bcom ldan 'das rdo rje 'chad dpal 'khor lo sdom pa zhes bya ba he ru ka'i rgyal pos/ /ji ltar snod du rung ba'i skye bo 'dul bar bya pa'i thabs bstan par 'dod pas/ dbang po rno ba'i dbang gis rnal
 'byor gyi lam kho nar shin tu sla bas rnal 'byor ma'i tshul gyis rjes su 'brang bas g.yon pa'i spyod pas mdzes par 'gyur ba'i rnal 'byor ma thams cad kyi gsang ba mkha' 'gro ma dra ba sdom pa'i rgyud ston pas gsungs pa'o/ /rnyed par sla pa'i
 babs kyi man ngag rnyed par dka' ba thob par 'gyur zhes pas chos thams cad rang bzhin med pa de bzhin nyid kyi rdo rje phag mo'i lus can ma shes rab kyi rang bzhin nyid bcom ldan 'das kyis nye bar bstan to/ /de'i gdul
 bya'i bsam pas phrin? las kyi dbye ba rnam pa dpag tu med pa mthong par gyur kyang 'dir ni rnam pa de dag gtsor bstan par mi bya'o/ /'on te zhal gnyis phyag gnyis rdo rje lha mo gcig pu'i sgrub thabs mngon par brjod do/ /de ni rgyud mang
 po la nye bar bstan pa'i de nyid ma lus pa so sor thob par 'gyur ba'i thabs kyi cho ga mkhyen pa'i phyag rgya chen po'i dngos grub sgrub pa'i thabs kyis rgyal po chen po in+d+ra po d+hi zhabs kyis rang gi rtogs par gyur pa'i lam gyi mtshan nyid kyi mkha' 
 'gro ma'i gsang ba mngon par brjod pas dang po don chen po'i dngos grub kyi rgyud yin pas/ 'gro ba 'dul bar byed pa'i thabs rdo rje rnal 'byor ma'i sgrub thabs dang/ de'i sngags kyi btu ba dang/ bzlas pa'i cho ga dang/ 'khor lo ma mchod pa'i lam
 rnams dang/ lhag mas spyod pa'i mtshan nyid kyang brjod par bya'o/ /de'i phyir dang por 'dir rnal 'byor ma yi dam lha yis bar chad thams cad rab tu zhi bar byed pa'i don chen po tshogs par byed pa'i phyag 'tshal pa gsungs pa ni/ bdud ces pa la sogs
 pas rdo rje'i spros pa dang bral ba'i ye shes kyi rang bzhin kyang yin la sbyor pa yang yin no/ /thabs shes rab kyi snyoms par 'jug pa yang yin no/ /de yang dpal gsang ba 'dus pa'i rgyud phyi ma las/ thabs dang shes rab snyoms 'jug pa/ /rnal 'byor zhes ni
 mngon par brjod/ /gang zhig dngos med shes rab dang/ /thabs ni dngos? po'i mtshan nyid do/ /zhes gsungs so/ de 'di la yod pas rdo rje rnal 'byor ma'o/ /yang na rnal 'byor bde 'dis snyoms par 'jug bI phyir rnal 'byor ni gnyis su med pa'i ye shes so/ /de 'di la
 rang bzhin gyis yod pas rnal 'byor ma ni rdo rje phag mo'o/ /yang na rnal 'byor par bya ba ni rten par bya bas rnal 'byor ni pad+ma'o/ /de 'di la yod pas rnal 'byor ma'o/ /bye brag gi rten pa'i rnam par gcod pa'i don du rdo rjes gong bzhin du khyad par ro/ rA dang gzhan gyiS
 don phun phun sum tshogs pa bla na med pa sbyor ba'i phyir dang tshogs gnyis sbyor ba'i phyir dang/ gnyis su med pa'i ye shes sbyor ba'i phyir dpal yang de /rdo rje rnal 'byor ma yang de yin pas dpal rdo rje rnal 'byor ma'o/ /de ji lta bu yin zhe na/ stong pa nyid ni chos thaM cad spros pa dang bral ba nyid togS pI
 bdag nyid can shes rab go snying rje dmigs pa med pa'i 'gro ba ma lus pa'i don byed pa lan cig skyes pa'i bde ba chen po'i de'i? thabs so/ /de yang stong nyid snying rje thabs dang shes rab gnyis su med pa gang gi bdag nyid de de bzhin/ /yang ji lta bu zhe na/ khams gsum ni 'dod khams gzugS
 khams gzugs? med kyi khams ni sku gsung thugs kyi rdo rje de gang gi bdag nyid de de bzhin no/ /sku gsum dbyer med pa'i rang bzhin yin pa'i phyir ro/ /yang ji lta bu zhe na /'bar ba ni gsal ba bskal pa'i me 'od ltar gang gis 'od de de bzhin no/ /mi shes pa'i mun pa sel bar byed
 pa'i 'od kyi rang bzhin yin pa'i phyir ro/ /de lta bu'i rnal 'byor ma de la phyag 'tshal lo zhes shes par bya'o/ /yang na spros pa med pa'i ye shes kyi rang bzhin stong pa nyid dang snying rje zung du 'jug pa'i rdo rje rnal 'byor ma'o/ /thabs dang shes rab kyi
 rang bzhin mi zad pa bde ba mchog gi rang bzhin yin pas lhan cig skyes pa'i sku'i rang bzhin no/ /stong nyid snying rje'i bdag zhes pa ni yang don de ni don gzhan rten pas bzlas par bya ba'i rig pas zab pa dang rgya che ba'i rang bzhin gyis sems rnam par dag pa'i
 ngo bo nyid kyi chos kyi sku'i rang bzhin no/ /sems can gyi don du khams gsum la thun mong ma yin pa'i ngo bo nyid kyi chos kyi rtag par byed pas khams gsum pa'i ngo bo nyid ni longs spyod rdzogs pa'i sku'i rang bzhin no/ /bag chags dang bcas pa'i sgrib pa nyid
 dang bral bas khams gsum la sku'i 'od zer gyis rab tu gsal ba'i phyir bskal pa'i me ltar 'bar ba'i 'od ni sprul pa'i sku'i rang bzhin no/ de lta bu'i sku bzhi'i rang bzhin yang bcom ldan 'das ma dpal rdo rje phag mos bshad ces gsungs so/ /yang na lte ba'i
 mtsho skyes ni kha thur du bltas pa e'i rnam pa zur gsum pa/ shes rab kyi ngo bor lhag par mos pa'o/ /snying ga'i mtsho skyes ni kha 'og tu lta ba dang/ /mgrin pa'i mtsho skyes ni kha gyen du gdengs pa'i baM yig gi rnam pa can zlum po thabs kyi rang bzhin no/ /de
 bzhin du kha sbyor gyi rgyud las kyang/ spyi bo lter gnas 'khor lo ni/ /e'i rnam can yang dag gnas/ /snying dang mgrin par gnas la yi/ baM gi rnam pa lta bur shes/ /shes gsungs pas lte ba dang/ snying ga'i pad+ma dang/ spyi bo dang mgrin pa'i pad+ma gnyis gnyis
 la gtum mo'i 'gro ba dang 'od pas bde ba chen po ro gcig pa nyid kyis snyoms par 'jug pa'i rnal 'byor ro/ /de lta bu'i e'i yi ge thabs dang shes rab ki rang bzhin no/ /baM gi yi ge yang de bzhin no/ /rdo rje ni byang chub sems kyi rang bzhin no/ /de'i rang bzhin
 rnal 'byor ma 'di la yod pas rdo rje rnal 'byor ma so/ khrag gi ngo bo gtum mo'i rang bzhin ni dpal gnyis su med pa'i rang bzhin yang yin la/ de nyid rdo rje rnal 'byor ma'i rang bzhin yang yin pas dpal rdo rje rnal 'byor ma'o/ /ji lta bu zhes na/ stong nyid snying
 rje'i bdag nyid can gyi don ni sngar bshad pa'o/ /yang ji lta bu zhe na/ khams ni sku gsum la spro ba dang bsdu ba'i bye brag gis so/ /ngo bo nyid ni skye ba la yod pa de la de skad ces bya'o/ /ci'i phyir zhe na/ gyen du 'gro bas snying ga dang/ mgrin pa dang dpral ba'i
 'khor lo rnams bsregs nas haM yig zhu nas thur du song bas 'khor lo gsum yang sos par 'gyur pa'i phyir ro/ /de ltar yang dgyes pa rdo rje las/ lte bar gtum mo 'bar ba yis/ /de bzhin gshegs pa lnga bsregs te/ /spyan la sogs pa yang bsriD bas
 bsreD paS ram ? haM 'dzag ltar zhes pa'o/ /yang ji lta bu zhe na/ bskal pa'i me ltar 'bar ba'i 'od ni ji ltar bskal pa'i mes khams bsregs par 'gyur pas me 'bar bas gsal bar 'gyur ba ltar de bzin du las kyi gtum mo la sogs pa'i sbyor bas 'bar
 par 'gyur pa'i gtum mo lte ba las gyen du 'gro bas chos dang longs spyod dang/ bde ba chen po'i 'khor lo rnams bsregs shing rang 'od kyis 'bar ro/ /'di la don 'di yin te/ bcom ldan 'das ma khrag gi ngo bo gtum mo'i rang bzhin dpal rdo rje rnal
 'byor ma gyen la 'gro bas 'bar ba nges par byung ba'i phra mo'i 'od zer dpag tu med pa'i tshogs kyi ba spu'i? bu ga'i mtshams rnams khyab cing/ de dag la spros nas rtsa dbu ma'i lam du gyen la 'gro bas/ chos dang longs spyod dang sprul pa'i 'khor lo bsregs
 pas bde ba chen po'i 'khor lo zhu nas de'i khu ba dang ro gcig pa 'og tu 'dzag par 'gyur bas/ phung po dang khams dang skye mched gso bar byed pa/ phung po la sogs pa sgro btags pa zil gyis gnon cing thabs dang shes rab ro gcig pa bde ba chen po rjes su
 myong ba'i ngo bo nyid lte bar gnas pa bsgom par bya'o/ /yang na 'chad par 'gyur pa'i sgom gyi go bar byed pa'i tshigs su bcad pa ni de la dang por bsod nams kyi tshogs ni dpal rdo rje rnal 'byor ma'i mchod pa'o/ /mchod pa sngon du
 'gro bas bsod nams bsdus pa'i phyir ro/ /ye shes kyi tshogs bsags pa ni stong pa nyid bsgom pa'o/ /de bsan stong nyid snying rje'i bdag nyid do/ /de nas khams gsuM rnaM par dag pa'i chos 'byung zur gsum dbyer med pa'i bdag nyid yin pa'i
 phyir ro/ /de la brten pa'i lha'i bsgom pa ni bskal ba'i me ltar 'bab? ba'i 'od ni drag po dang bcas pa'i sbeg pa la sogs pa'i ro dang ldan pa'i lus 'bar ba'i phreng ba'i rang bzhin yin pa'i phyir ro/ /zhes don rnam pa bzhi dang ldan pa'i tshigs su bcad pa'o/ /phyag
 'tshal ba'i rjes la blo can gyi 'jug pa'i yan lag gi brjod par bya ba la sogs pa brjod nas man dag dang bcas pa'i sgrub thabs bstan pa nye bar gsungs pa ni bla ma zhes pa la sogs pa'o/ /de la sgrub thabs zhes pa ni brjod par bya ba'i nye bar bstan pa'o//
 gzhung gi tshogs ni brjod pa'o/ /bla ma zhes pa la sogs pa ni khong du chud pa'i dgos pa'o/ /rdo rje rnal 'byor ma mngon du byed pa ni dgos pa'i dgos pa'o/ /'brel pa ni bshad par bya ba dang bshad par byed pa'i mtshan can nam/ /thos pa dang thos par byed pa'i mtshan nyi shu
 la bshad pa'o/ /bcad ces pa ni bsdus pa'i don to/ /yan lag gi don brjod pa ni bshad pa zhes 'brel to/ /sgrub thabs ni rdo rje rnal 'byor ma'i phyag rgya chen po'i grub thob par byed pa'i mtshan nyid kyi lam mo/ /rang nyid kyis ni rdzogs pa yang phyi'i de nyid kyi rab tu gsal
 par bya ba'i phyir bshad par bya ba zhes ma 'ongs pa bstan pa'o/ /sgrub pa'i thabs ji lta bu zhe na/ bla ma rdo rje slob dpon rnams kyi brgyud pa'i rim pa de las byung ba'i man ngag gam/ de'i grub mdza' de kho na gang gi sbyong? yul de lang skad ces bya'o/ /de ni bla ma dam pa'i brgyud pa la nye
 par bstan pa'i brda'i don gyi rang bzhin gyi don to/ /yang de ji lta bu zhe na /mchog ni sgrub thabs thams cad kyi snying po don gyi na cho ga yin pa'i phyir ro/ /gang gi sgrub thabs zhe na/ rdo rje rnal 'byor ma'i'o/ /de'i don bshad zin to/ /'on te bde mchog sdom pa rgya mtsho la sogs pa'i rgyud
 las bcom ldan 'das kyis sgrub thabs 'dis rgyas par bshad pa ma yin nam/ des na sgrub thabs gzhan gyis ci zhig bya zhe na/ mdor bsdus zhes pa ni snying po'i don bsdus pas 'di ni gang mas ngag dang bcas pa dang/ nyung ba dang/ snying po'i don dang ldan pa dang bsdus
 pa'i don to/ /da ni sgrub pa po'i mtshan nyid dang sgrub thabs dang /rim pa ji lta bar nye bar brjod pa ni dang por zhes pa la sogs pa re zhig sngags pas gnas dang bdag dang rnal 'byor gyi bsrung ba'i sngags dang ldan pas stong nyid snying rje dbyer med pa'i ye shes kyi bdag nyid can gyi sgrub
 pa po sngags kyi khrus kyi dag pa ni ma nga nas khrus bya'o/ /yang ji ltar zhe na/ bla ma'i rdo slob dpon/ /sangs rgyas ni spang bya dang/ blangs bya'i don thams cad kyi de nyid rtogs pa'o/ /de dag la thun mong ma yin pa'i mos pa dang ldan pa'i yid kyis so/ /slob dpon la dad pa can gyis
 dngos grub thog par 'gyur pa'i phyir ro/ /de skad du yang/ badzra a ral+li las rgyud dang rgyud las bdag gis brjod/ dngos grub rnams ni mchog zhal ma /bla ma dgyes nas thob 'gyur phyir/ /rtag tu bla ma mnyes par bya zhes dang/ gzhung gzhan dag las kyang/ bla ma sangs rgyas bla ma chos zhes
 pa la sogs pa'o/ /yang ji ltar zhe na/ brtan pa ni mi ldog pa gzung ba ni blangs ba byang chub ni stong nyid snying rje'i rang bzhin bde ba chen po'i ngo bo nyid yin la sems ni yid yin no/ /byang chub la sems skyes pas ni lam bde bas rtog par 'gyur ro/ /yang de ji lta bu zhe na/ dbang la sogs pas
 ni sku gsung thugs kyi las kyi dri ma dkrus pas rdzogs pa'i dbang bskur thob pa'i don to/ /de kho na nyid kyi rnal 'byor ma'i rgyud bla na med pa las dbang ba'i phyir ro/ /'dis sgrub pa po'i mtshan nyid gsungs so/ /gzhung gzhan las kyang dang por dad pa mkhas pa yis/ /rnal 'byor dbang phyug ma nyid la
 sngags la grub pa mkhas gyur pas/ /'jig rten phan pa spro ba'i dbang gyur cing/ /bla ma mchog ni zhabs kyi rjes 'brangs pa/ /gti mug bying? dang le lo bral/ /dam tshig gsum don sgrub byed pa/ /ngag ldan yid kyi mdza' can gyi/ /chags zhen rtog pa
 rnam spangs/ 'khor ba'i bag chags thabs kyis rab zhi ba/ /bden pa gnyis kyi yongs su spyod goms pa'i/ /las su rung ba'i yid can blo dang ldan/ /thos pa can dang slob dpon dpag med pa/ /rtog bral mkha' 'gro ma la rab tu 'dud/ /mchod pa'i las la goms pa yis/ /bla ma
 rgyal po rdo rje lha mos can/ /khyad par cho ga mang po yi/ /man ngag cho ga ma lus rig pa can/ /bla ma dam pa brten la mkhas gyur pa/ /rjes gnang thob cing yan lag dul ba'i sngags pa ni zhes so/ /'di lta bu'i sngags pas gang dang gang byas nas 'chad par 'gyur ba'i las
 byed ce na/ swa b+hA wa ces pa ni rang bzhin gyis 'od gsal ba dngos po med pa'i bdag nyid de gang rnams kyi ngo bo yin pa de la de skad ces bya'o/ /sarbba d+harmA:ni chos rnams so/ /de dag kyang gang zhe na /nga la 'jig rten gyi chos rnams ni phung po lnga dang/ skye mched bcu gnyis dang/ khams bco brgyad
 rnams so/ /lam gyi chos rnams nye bar bstan pa ni dran pa nye bar gzhag pa bzhi dang/ yang dag bar spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs rnams so/ /'jig rten las 'das pa'i chos rnams ni byang chub kyi yan lag bdun dang 'phags pa'i lam brgyad
 pa rnams so/ /sangs rgyas kyi chos rnams ni stobs bcu dang/ mi 'jigs pa rnams so/ /? ji ltar zhe na/ dur khrod la sogs pa ni ros bya ba byed pas dur khrod de/ mgo med pa dang/ gyen du bcings pa dang/ nyal ba dang/ rtse gcig pa la btags pa rnams kyi rim pa bzhin du 'gro ba dang /gnas pa dang/ nyal
 ba dang bstan pas dur khrod la sogs pas ri'i rtse mo dang/ brag phug dang/ shing gi rtsa ba dang chu'i 'gram dang/ chu bo gnyis phrad sa dang dbang phyug chen po'i gnas dang/ khang stong dang skyed mos tshal dang/ 'khrug pa chen po byung ba'i sdod sa la sogs pa'o/ /de la dben pa'i gnas su 'jam pa'i gdan ro la sogs
 pa la/ rnal 'byor gyi rol pa ni stong nyid dang snying rje zung du 'jug pa/ rdo rje skyil krung gis gnas pa/ sgal tshigs drang po dang /ting nge 'dzin gyi phyag rgya sna rtse la blta pa dang /smra ba bcad pa dang/ sems rtse gcig pa'i rol pas bsngad? pa'o/ /ji ltar ne ma rab tu bsngags pa zhes pa ni gnas?
 dang nye ba'i gnas la sogs pa'i nang nas gnas rnams bzhi ste/ dza land+ha ra dang /oDyaN dang /pur+Na gi ri dang/ kA ma ru pa dang/ de la aau Di ya na'i dang po'i yi ge ni zla ba phyed dang thig le dang bcas pas oM gyi yi ge ni rab tu bsngags pa'i don to/ /sa bon 'dis mtshon pas gnas oM Di
 a na'o/ /de la zhal mngon par phyogs pas bde bar 'gyur ba'i don to/ /ci'i nub phyogs su zhal blta zhe na/ odyaN rdo rje rnal 'byor ma'i zhal nas sgrub thabs 'di byung ba'i phyir dang/ de la de yod pa dang/ de la dad par byed pa rung ba'i phyir ro/ /ci'i phyir 'dug par bya zhe na/
 rang dang gzhan zhes pa la sogs pa ni rang gi phun sum tshogs pa de sgrib pa dang bcas pa'i bag chags gnyis spangs nas phyag rgya chen po'i dngos grub thob pa'o/ /gzhan gyi phun sum tshogs pa ni rtsol ba med pas sems can thams cad smin pa dang grol ba la sogs
 pa'i las so/ /yang na rang dang gzhan gyis phun sum tshogs pa ni 'jig rten dang 'jig rten las 'das pa'i yon tan gyi tshogs/ /de dag mngon par mchod pa'i ched du'o/ /yang gang zhe na/ de'i rjes su zhes pa smos pa ni 'dug pa'i rjes la sku gsung thugs kyi kun nas rtog
 pa spangs pa'i phyir/ /rgun 'brum dang/ bu dam dang /'bras 'dab/ las byung ba'i med na rnam pa gsum ste/ bdud rtsi rnam pa lnga dang bcas pa/ pad+ma'i snod la blugs nas mngon par bsngags pa ni oM A:hUM gi yi ge gsum gyis byin gyis brlab par byas nas chu de nyid na lha'i
 chus lag pa g.yon nas brtsams na lag ni khus thams cad nyid lag ci lte ba dang/ snying ba dang/ mgrin pa dang/ mgo bo rnams so/ /yan lag dang nyid lag ste thams cad la sngags kyis chus khrus bya'o/ /lha'i rdzas de nyid kyis mchod pa'i rdzas ni mchod pa'i ched du rdzas
 te/ me tog dmar po la sogs pa la bsang gtor bya'o/ /de'i rjes la zhes bya ba ni bsang gtor gyi rjes la lag pa g.yon pa'i sor mo rnams dang/ lag pa'i mthil du yang go bar bya'o/ /de la lag pa g.yon pa'i dbus dang/ mthe'u
 chung dang/ sran lag dang/ gung mo dang/ sdigs mdzub dang/ mthe bo rnams la rim pa ji lta bar phag mo dang/ gshin rje ma dang/ rmongs byed ma dang/ skyong byed ma dang/ sdig byed ma dang/ gtum mo'i rang bzhin gyis dmar mo dang/ sngon mo
 dang/ dkar mo dang/ ser mo dang/ ljang gu dang/ du ba'i mdog can no/ /oM baM haM yoM/ h+riM moM h+reM h+raM hUM hUM phaT phaT ces pa'i yi ge 'di rnams kyis sbyangs te/ rnal 'byor ma drug gi tshig gdags par byas te/ rnal 'byor ma drug gi yi ge 'di dag
 gi sngags dang lha dbyer med pa'i phyir sngags 'di rnams kho na rnal 'byor ma drug tu lhag par mos nas yang dag par bya zhing mchod pa la sogs pa bya'o zhes gdags pas bya'o/ /yi ge gsum gyis byin gyis brlabs
 pa'i sngags kyi chus bkrus pa kho na lus ngag yid gsum yongs su dag pa'o/ /'dir ni 'di kho na bsod nams kyi tshogs yongs su bsag pa'o/ /'ga' zhig ni gzhung gi rim pa spangs nas 'di skad du/ lha'i chu byin gyis brlabs pa'i
 rjes su g.yon pa'i sor mo rnams la rnal 'byor ma drug gi sngags kyi yi ge rnams bsgoms shing lha'i chus mchod nas de kho nas lte ba la sogs pa'i yan lag dang nyid lag rnams la bsang gtor bya'o/ /de nas lha'i chu de kho nas me tog
 la sogs pa la bsang gtor bya zhing lha'i chu de nyid kyis g.yon pa'i srin lag gi chos 'byung bris la de'i dbus su dpal rdo rje rnal 'byor ma skad cig gi rnam pas bsgoms te/ me tog la sogs pas mchod cing phyag 'tshal ba la sogs pa
 nas btang snyoms kyi bar du bya'o/ /'di ni skyabs su 'gro ba la sogs pa mi dgos te/ gang zag dbang po rab kyi yin pa'i phyir ro zhes zer ro/ /'dir ni 'di nyid rang kho na dge ba'i tshogs so// //da ni bsod nams kyi tshogs kyi rjes la ye shes kyi
 tshogs bsags pa'i ched du stong pa nyid kyi don du bsgom pa ni dag pa gsum zhes pa la sogs pa'o/ /de la 'dir stong pa nyid ji ltar bsgom pa ni chos thams cad dngos po med par bsgoms pa nyid kyis thog ma med pa nas bsags pa'i skye bo'i rgyu las byung
 ba'i dri ma dag pas so so skye bo'i phung por 'dzin pa yongs su spong ba sngon du 'gro bas bskyed rdzogs gnyis ki lha bsgom par bya'o/ /'dir gang gi phyir stong nyid bsgom pa ni rigs pa skabs kyis chos thams cad kyi gzung 'dzin gyis dben pa'i sems gcig pu'i ngo
 bo rnams la rang bzhin med pa ni stong pa nyid do/ /'di ltar sngon po la sogs pa phyi rol thams cad dang nang gi mig la sogs pa rnams kyi sgro btags pa'o/ /gang gi phyir sems las gzhan bems po rnams tha dad med do/ /de med pas 'dzin pa'ang med do//
 sems gcig pu ngo bo gnyis mi 'thad pa'i phyir ro/ /'on te sems tsam bden par gyur na de ma yin te/ chos thams cad kyi nang du 'dus pas de la yang dngos po med par khong du chud pa'i phyir ro/ /gang gi phyir chos rnams dngos po med pa ste/ de'i phyir ma
 skyes pa'o/ /de nyid kyis rang bzhin gyis sgro btags pa thams cad kyi mun pa dang bral bas 'od gsal ba'o/ /gang phyir dang po ma skyes pa'i phyir ro/ /dang po skyes nas phyi mar gang la yang rnam par 'jig pa de ma yin no/ /de'i phyir chos rnams gzhan sgyu ma la
 sogs pa bzhin du dang por ma skyes pa nyid kyis don dam pa'i dngos pos stong pa de bzhin du sems yang ngo/ /rigs pas mtshungs pa'i phyir ro/ /'dir ni de lta bar bstan nas 'das pa dang ma 'ongs pa gnyis la yang spyir stong pa nyid bstan pas stong pa nyid la sogs pa'i ?
 rnam par thar pa'i sgo gsum bstan to/ /de bas na dag pa gsum brjod par bya'o zhes pa ni oM gsum gyi rang bzhin dang rdo rje dang rnal 'byor rnam pa gsum gyis yongs su dag pa'i sngags gsum brjod par bya'o/ /de la rang
 bzhin stong pa nyid kyis dngos po dang dngos med dang/ /gzung 'dzin sgro btags dang bral bas dri ma med pa'o/ /phung po la sogs pa thams cad dang bdag kyang de bzhin no/ /chos thams cad kyi nang du chud pa'i phyir ro/ /rdo rje ni stong nyid de stong nyid rdo rjer brjod
 par bya zhes gsungs pa'i phyir ro/ /de bas na mtshan ma med pa ma lus pa sgro btags pa dang bral bas dag pa'o/ /rnal 'byor ni byang chub kyi sems te/ smon pa dang bral bas dag pa'o/ /bdag 'dzin spangs dka' ba'i phyir te/ bdag rang bzhin gyis dag la
 sogs pa zhes gsungs pa'i phyir ro/ /sngags gsum gyis stong ba nyid dang mtshan ma med pa dang smon pa med pa rnam par thar pa'i sgo rnam pa gsum bshad do/ /rang bzhin gyis yongs su dag kyang 'di dag gis blo bur du dri ma spangs pa'i phyir ro/ /de'i rjes
 su smon pa sngon du 'gro bas snying rje chen pos stong pa nyid las rab tu sang nas lha'i rnam pas sgom skabs su byed gsungs pa ni de las zhes bya ba la sogs pa ni de las stong pa nyid kyi rjes la rang gi lus khams gsum ste lus dag yid rnam pa gsum
 nges yongs su dag par gyur pa'i gzhal yas khang dkyil 'khor gyi pho brang kyang de yin pas khams gsum gyis rnam par dag pa'i gzhal yas khang ngo /khams gsum kyang gzhal yas khang gis rnam par dag go /de nas rang gi lus khams
 gsum 'di dag gzhal yas khang las tha dad pa ma yin srog can rnams 'di rgyal ba yin te/ 'khor lo 'di'i dbang phyug bdag yin mi min yul dang dbang po la sogs min/ /gzugs sogs chos nyid bdag nyid kyis min dkyil 'khor
 las byung 'di rnams yin/ /sna tshogs dkyil 'khor kun nas shes shing ma bcos dkyil 'khor bor nas btags pa'i dkyil 'khor ci sta sgom zhes dus kyi 'khor lo las bshad do/ /khams gsum rnam par dag pa'i gzhal yas khang du lhag par mos pa ste//
 skad cig tsam gyis sa bon dang phyag mtshan la mi bltos par lte ba'i dkyil 'khor la dpal rdo rje rnal 'byor ma rnal 'byor pa yis rtag tu bsgom zhes 'brel to/ /de ji lta bu zhe na/ phyag gnyis pa/ g.yas pas gri gug /g.yan pas thod pa 'dzin pa/ dbu skra?
 grol ba/ thur du 'phyang ba/ gcer bu ba/ zhal gnyis pa/ spyan gsum pa/ lang tsho zhes pa ni lo bcu gnyis lon pa lta bu yid du 'ong ba'o/ /phyag rgya lnga ni 'khor lo dang/ snyan cha dang/ mgul brgyan dang/ lag gdub dang/ ske rags rnams kyis brgyan pa'o/ sangs
 rgyas lnga zhes pa ni thod pa lngas dbu la brgyan pa'o/ /skyil krung phyed ba zhes pa ni brla g.yon pa'i thad kar g.yas pa'i zhabs kyi rtse bzhag pa'o/ /zla ba ni brda'i skad kyis ro'o/ /de'i steng du nyi ma'i dkyil 'khor ro/ /me zhes pa ni chos 'byung gru gsum ste/ /steng du rgyas pa
 'og tu phra mo'o/ /dkyil 'khor zhes pa ni zla ba dang nyi ma dang me'i dkyil du gnas pa'o/ /dza ba sind+hu ra dang mtshungs zhes pa ni aau Da'i me tog dang/ sind+hu ra nyid dmar po dang 'dra ba'o/ /lha mo zhes pa ni rang gi phun sum tshogs pa la rtse bar 'gyur pas lha mo'o
 zhal gnyis zhes bya ba ni g.yas phag gdong ngo/ /g.yon pa kho ba'i ro dang ldan pas khro mo'o/ /zhal gnyis kyis rnam par dag pa ni kun rdzob ces pa la sogs pa ni bden pa gnyis kyi rnam par dag pas zhal gnyis so/ /gnas skabs kyi dag pa gzhan
 brjod par bya ba ni rdo rje phag mo ni rdo rje sems dpa' rnam par dag pa'am/ rnam par snang mdzad kyis so/ /de bzhin nyid kyis rnam par dag pas rdo rje phag mo'o/ /bden pa gnyis kyis rnam par dag pas zhabs gnyis dang phyag gnyis so/ /khams gsum la mi dmigs
 par bstan pa'i don du rnam par dag pas rdo rje'i skyil krung phyed pa'o/ /thams cad sgro ma btags pa'i snying rje chen po la chags pa'i rnam par dag pas gdan la mthe bong cung zad reg pa'o/ /mngon par shes pa drug gi rnam par dag pas spyan
 drug go /log par lta ba mngon par spong pas khro mo'i zhal lo/ /gti mug rnam par dag pas phag zhal lo/ /dbang gi las dang snying rje'i rnam par dag pas dmar ba'o/ /gnyis su med pa'i de nyid kyi chos kyi phung po brgyad khri'i spro ba'i rnam par dag pas dbu skra grol
 ba'o/ /me long lta bu la sogs pa'i ye shes lnga'i rnam par dag pas dpral bar rdo rje'i phreng ba'o/ /rigs lnga'i rnam par rtog pa dag pas thod pa lnga'o/ /de bzhin gshegs pa lnga'i rnam par dag pas 'khor lo la sogs pa'i phyag rgya lnga'o/ /rdo rje sems dpa' i rnam par dag pas
 thal ba'o/ /A li kA li'i rnam par dag pas mi mgo lnga bcu'i do shal lo/ /dngos po dang dngos po med pa'i rnam par dag pas gri gug go /byang chub kyi sems kyi rnam par dag pas kha TwAM ga'o/ /bde ba chen po'i snying rje'i re rnam par dag pas sam bdud bzhi bcom pa'i rnam
 par dag pas thod pa khrag gis bkang ba'o/ /de bzin gshegs pa'i de bzhin nyid dang 'gro ba ma lus pa'i de bzhin nyid dbyer med par bstan pa'i phyir 'khor bar gnas pa'i nyes pas mgos pa'i rnam par dag pas chu skyes kyi gdan no/ /zhi ba la sogs pa'i phrin
 las thams cad kyi rnam par dag pas sna tshogs pad+ma'o/ /sems can ma lus pa'i rgyud kyis ma rig pa'i mun pa rnam par 'joms par byed pa dang/ mi dge ba'i 'dam skems par byed pa dang byang chub kyi sems kyi myu gu rnam par smin par byed pa'i shes rab kyi
 rnam par dag pas nyi ma'i 'khor lor gdan no/ /dngos po med cing gnyis su med de nyid la nyes pa bsal ba'i rnam par dag pas ro'i gdan no zhes rten dang brten pa'i rnam par dag pa'o// //da ni dam tshig sems dpa' i lha rdzogs pa'i rjes su ji ltar
 bya zhe na/ bla ma'i man ngag ces pa la sogs pa gsungs pa ni/ bla ma'i man ngag kho na lam mo/ /des dngos grub rjes su 'brang ba'i phyir ro/ /rim pa zhes pa ni bsgom mo/ /rgyas pa ni mang ba'o/ /de yang 'di lta ste/ lte ba'i chu skyes dang nyi ma la gnas pa'i 'od zer
 dmar po rab tu 'bar ba'i baM gi yi ge las 'phros pa'i 'od zer dmar po lcags kyu lta bus ye shes kyi rnal 'byor ma dgug cing drang ba'i phyag rgya dang pheM brjod pas dgug cing bdag nyid la rab tu gzhug go /lho? ba la sogs par oM baM zhes pa la sogs pa'i sngags
 kyi yi ge bskyed cing yi ge gsum gyis byin gyis brlabs te/ ye shes kyi lha mo dang lhan cig tu 'ongs pa'i rdo rje rnal 'byor ma rnams ye shes kyi bdud rtsis bkang ba'i thod pa dang Da ma ru 'dzin pa rnams kyis ji ltar bltam pa tsam gyis ni zhes pa la sogs pa'i tshigs
 su bcad pa brjod cing phyag g.yon na gnas pa'i thod pa cung zad dmad pas ye shes kyi bdud rtsi'i rgyun gyis dbang bskur zhing bde ba chen po'i rang bzhin du bdag nyid rnam par bsgoms la/ chu lhag ma las yongs su rdzogs pa'i rang gi spyi bor rdo rje sems dpa' 
 'am rnam par ? mdzad bsgom par bya'o/ /oM sarbA ta thA ga ta a b+hi She ka sa ma ya sh+ri ye hUM hUM phaT ces brjod par bya'o/ /de nas mchod pa'i lha mo rnams kyis mchod cing rkang pa brgyad pa'i sngags kyis bstod de/ 'od zer gyis bskul ba'i sems can rnams kyis phyag
 bya ba dang/ bstod pa bya ba dang/ gsol ba gdab par bdag nyid lhag par mos te/ de nas cho ga ji lta bar byas pas bdud rtsi sbyangs la hUM dkar po las byung ba'i rdo rje rtse gcig tu gyur pa'i ljags kyi 'od zer 'jag ma'i bu ga lta bu can gyis sam/ yid
 kyis bkug nas chags pa med pa de? bzhin gshegs pa thams cad kyi bdag nyid du gyur pa'i dpa' bo dang dpa' mo dbang phyug ma'i gzugs su bdag nyid lhag par mos shing bdud rtsi myang bar bya'o/ /des bde ba can gyi sems ting nge 'dzin la gnas par 
 'gyur bar rigs pa yin pa'i phyir ro/ /gdan la sogs pa yang dkyil 'khor gyi de nyid bden pa gnyis kyis brtag par bya'o// //de'i rjes su dngos grub thams cad myur du rdzogs par bya ba'i phyir sems brtan par 'dod
 pa'i rnal 'byor pa'i bsgom gsungs pa ni de'i pad+ma'i nang du ni zhes pa la sogs pa ni rdo rje rnal 'byor ma de'i pad+ma'i nang du gnas pa'i 'khor lo zur gsum pa chos 'byung bsgom par bya'o/ /zhes lhag par bshad par bya'o/ /'khor lo de ji lta bu zhe na/ don kun ni
 'jig rten dang 'jig rten las 'das pa'i mngon par 'dod pa'o/ /de dag gi sgrub byed ni yongs su rdzogs par sbyin par byed pa'i phyir ro/ /den? kun sgrub sbyin ni 'dod pa'i don ma lus par rdzogs par byed pa'i gnas zhes bya ba'i don to/ /yang ji lta bu zhe na/ yon
 tan gsum brgyan mtshan gnas su zhes pa ni la la nA dang/ ra sa nA dang a ba d+hu ti'i rtsa rnams ni snying stobs dang rdul dang mun pa'i rang bzhin no/ /rang bzhin de dag gis rnam par brgyan pa'i don to/ /yang ji lta bu zhe na/ mchan gnas su zhes pa ni phyag rgya chen
 po'i bdag nyid chos thams cad bskyed pa'i gnas su gyur pa'i rkyen yin pa'i phyir ro/ /yang ji lta bu zhe na/ kha dog dmar po zhes pa ni dza ba'i me tog las kyang shin tu dmar ba'o/ /de'i phyir 'od chen lhan ne 'bar zhing shin tu gsal ba'o/ /yang 'khor lo ni
 ji lta bu zhe na/ sngags kyis yi ge yongs su rdzogs zhes pa ni man ngag gis baM dbus su yod pa la go bar bya'o/ /rdo rje rnal 'byor ma'i rtsa sngags kyis ji ltar yongs su gang ba'i dbus su gyen du langs pa'i sngags kyi phreng bas yongs su gang ces bya ba'i don to/ /
 yang ji lta bu zhe na/ bskor zhes pa ni rdza mkhan gyi 'khor lo bzhin du shugs drag pa'i zhes bya ba'i don to/ /ji lta bur 'khor lo bsgom par bya zhe na/ srin po zhes bya ba la sogs pa ni srin bo ni gtum mo/ /dus kyi me'i rang bzhin gyi phung po lnga po mi dmigs
 pa'i bdag nyid bza' bar rung ba dang mtshungs pa'i phyir srin po'o/ /de'i zhal ni rtsol rung ngo/ /de'i lam ni gyen du drangs nas su zhes so/ /yang ji lta bu zhe na/ rnam 'od ces bya ba la sogs pa ni rnam 'od dbyig gnyan ni gtum mo ste me'i ngo bo yin pa'i phyir ro/ /gtum mo
 de rab tu 'bar bas so/ /'di bsdus pa'i don ni sems brtan par byed pa'i don du rnal 'byor pas lte ba dang/ snying ga dang/ mgrin pa dang/ bde ba chen po'i 'khor lor gnas pa'i mdung pa'i bug? rnams la/ oM hUM oM haM zhes pa'i yi ge rnam par bltas la/ gsang
 pa'i 'khor lo gnas pa'i rlung dang mes bskyod pa'i gtum mo'i ngo bo oM yi ge 'bar ba'i 'od zer gyis 'dzag par 'gyur pa'i haM la sogs pa'i yi ge gsum dang lhan cig tu dbyer med pa'i oM gyi yi ge lhan cig skyes pa'i dga' ba'i rang bzhin thig ler gyur pa rnam
 par bsgom zhing sgom pa yongs su smin par lhag par mos nas/ oM de kho na las 'od zer gyi re khA phra mo 'bar ba zhig tu gyur par gnas par blta'o/ /de'i mthus bdud rtsi'i gong du 'dzag par 'gyur bas khyab bdag phebs par 'gyur zhing 'od zer gyi re khA de yang
 bsil bar 'gyur te/ de nas thig le la sems rtse gcig pas blta bar bya'o/ /ji srid du rtags rnams kyis kyang brtan pa rnyed pa nye bar mtshon par bya'o/ /brtan pa rnyed nas 'od zer gyi ri mo de'i snang ba sna tshogs gsal bar 'byung bar rnam par bsams la/ sku ru ra
 lag mthil du bzhag pa bzhin du thams cad mthong bar 'gyur ro/ /ting nge 'dzin thams cad kyang myur du rdzogs par 'gyur ro zhes pa ni thig le'i rnal 'byor ro// //de'i rjes su phra ba'i rnal 'byor bsgom par byed ba'i thabs kyis mchog gsungs pa
 ni phag gdong zhes pa la sogs pa ni phag gdong las mtho gang gi steng du g.yung drung yongs su 'khor bar bltas nas 'khor lo bsgom par bya'o/ /de bzhin du 'dzag par 'gyur ba'i haM la sogs pa'i yi ge rnams ro gcig tu gyur pa'i lhan cig skyes pa'i dga' 
 ba'i rang bzhin byang chub sems kyi thig le yungs 'bru tsam skad cig mas skyes pa'i rnal 'byor ma dang bcas pa rdo rje'i nor bu 'am/ pad+ma'i ze 'bru'i rtse mo la bzhag nas dmigs par bya'o/ /ji skad bshad pa brtan par gyur na rtags
 mthong la/ rdo rje phag mo la sogs pa rnal 'byor ma'i dkyil 'khor spro bar bya'o/ /zhes pa ni phra mo'i rnal 'byor ro/ /kha cig ni rnal 'byor pa'i nyon mongs par gnod par 'gyur ba'i sems rgyun can g.yung drung bsgom par bya'o/ /de nas sems ting nge 'dzin la
 gnas pa'i gsang ba'i gnas su 'khor lo 'khor bar ba lta'o zhes zer ro/ /yang 'ga' zhig ni g.yung drung bskor par mthong nas srin po'i zhal cung zad bsdams pas rnam 'od dbyig gnyen 'bar nas 'khor lo sgom zhes zer ro/ /'di lta ste/ g.yung drung la
 sems brtan bar gyur na srog rtsol gyi rlung brtan par 'gyur ro/ /rtsol ba rlung brtan par 'gyur na des bskyod pa'i gtum mos haM la sogs pa'i yi ge las tha mi dad pa'i bdud rtse bab pas gsang ba'i 'khor lo de yang lhan cig skyes pa'i dga' ba'i rang bzhin
 thig ler gyur par bsgom par bya'o/ /de skad du yang sgrub thabs chen po las/ de'i rjes la mkhas can khams su ni/ /sgang gsum ri bo'i sul nang du/ /'khor lo dmar po rab tu 'bar ba ni/ /myur bar sngar bshad lta bur 'khor bar bsgom/ /lhag pa'i
 shugs kyis brtan par ltar gnas shing/ /rlung med mi g.yo mar me ltar gsal te/ /bde ba chen po'i 'khor lor bzhugs byas nas/ /bdud rtsi'i thig le zags pas khrus bya zhing zhes pa nas phyag rgya chen po 'thob par 'gyur ba yin zhes pa'i bar du bshad ba'o//
 'di lta bu rnam par bsgom pa'i rnal 'byor pa la ci 'grub par 'gyur zhe na/ phyag rgya zhes pa la sogs pa ni dga' ba la 'gro bas sam spros pa thams cad dang bral bas stong pa nyid yongs su dag pa'i phyir ro/ /phyag rgya gnyis ni g.yung drung dang 'khor lo'o/ /de la
 mthar thug pa'i sbyor ba gnyis su med pa'i ye shes so/ /yang na srin po'i zhal cung zad bsdams pa dang/ rnam 'od dbyig gnyen rab tu 'bar bas phyag rgya gnyis so/ /yang na bde ba chen po'i 'khor lo dang sprul pa'i 'khor lo gnyis la bde ba chen po'i ros
 phrad pa ni phyag rgya gnyis kyis rab sbyor ro/ /des khams gsum du 'grub pa ni rdzogs par 'gyur ro/ /yang gi tshig gis dngos grub phra mo smos ci dgos/ 'jig rten dang 'jig rten las 'das pa'i phun sum tshogs pa thams cad thob bar 'gyur ro zhes
 bya ba'i don to/ /'on te bskyed rim tsam la gnas bas dngos grub thob par 'gyur ro/ /zhes zer na/ skad cig gis zhes bya ba la sogs pa ni sa bon dang phyag mtshan la sogs pa med pas skad cig ni cig car ro/ /rnams ni lha'i rnam pa'o/ /de'i rnal
 'byor ni stong pa nyid dang snying rje thung? du 'jug pa'o/ /bdag nyid ni ngo bo gang yod pa de skad cig rnam pa'i rnal 'byor pa dag go /rnal 'byor pa ni gnyis su med pa'i ye shes dang ldan pas 'grub par 'gyur ba ni phyag rgya chen po'i dngos grub thob par 'gyur ro//
 rnam gzhan min zhes bya ba ni rdzogs rims zhes bya ba'i don? ho/ /'di lta ste/ rim pa gnyis ni yang dag brten/ /rdo rje can gyis chos bstan to/ /bskyed pa'i rim ba dang rdzogs pa'i rim par gnas pa'i rnal 'byor pas phyag rgya chen po'i dngos grub myur du
 thob par 'gyur ro zhes bsgom gyi cho ga'o/ /sngags btub ni go sla'o/ /de nas gtor ma bshad par bya ba ni gcer bu zhes pa la sogs pa ni gcar bu skra grol bas sngar bshad pa'i nub la sogs pa'i phyogs su blta zhing man ngag ji lta bar byin gyis
 brlab? gtor ma gtang zhes dgugs nas bshad par bya'o/ /'di ni yaM las bskyed pa'i rlung gi 'khor lo'i steng du raM las bskyed pa'i me'i dkyil 'khor/ de'i steng du kaM las byung ba'i mi mgo gsum la a las byung ba'i pad+ma'i snod kyi bdud rtsi
 lnga dang/ sgron ma lnga dang/ ha ho h+rI(rgyud 'grel baM las skyes ba kha TwAM ga mgo thur du bstan pas dgugs nas zhu zhing de'i 'og tu oM A:hUM bsgoms pa'i 'od zer gyi rgya mtsho la sogs pa'i bdud rtsi yang bkug par byas la/ grub pa'i dngul chu ltar bdud rtsi yang rab tu grub la/ yi ge gsum
 gyis 'dod pa ji lta bar byin gyis brlabs nas sngags dang phyag rgyas bkug pa'i rdo rje rnal 'byor ma la sogs pa'i tshogs mdun du bzhag cing yang dag par mchod de/ hUM dkar po las rdo rje'i ljags kyi bu ga dang ldan pa'i rdo rje mkha' 'gro ma la/
 oM badzra DA ki ni/ i maM ba li/ grih+Na grih+Na hUM phaT/ oM dza:hUM baM ho/ sa ma ya stwaM dri sh+ya ho(rgyud 'grel 'dis lan cig gam gnyis sam gsum mam bzhi 'am lngar brjod par bya'o/ /de nas dur khrod brgyad la gnas pa'i phyogs skyod rnams la dbul pa ni oM kha kha khA hi khA hi/ sarbba yak+Sha rAk+Sha sa/ b+hU ta/ pre ta pi shA tsa/ unmAd kuSh+NA Na Da/ a pasmA?
 ra/ DA ki n+ya da ya/ i maM ba liM/ grih+Na hu/ sa ma yaM rak+Shan+tu?/ ma ma sarbba sid+d+hi mme/ pra yats+tshan+tu/ ya the baM/ ya theSh+TaM/ b+huny+dza tha/ pi ba tha/ mA ti kra ma thA/ ma ma sarbba karta yastshu kha/ pi prId+d+ha ye/ sa ha yig ban+tu hUM hUM phaT phaT swAhA/ zhes pa 'di lan bdun
 brjod pas dbul lo/ /bdud rtsi myangs nas bde ba chen po thob par 'gyur ba'i rdo rje rnal 'byor ma la sogs pa'i lha rnams bsgom par bya'o/ /de nas rang gi sa bon las byung ba'i mchod pa'i lha mo rnams kyis yang dag par mchod cing rkang pa brgyad
 pa'i sngags gyis bstod de 'dod pa'i dngos grub la gsol pa btab nas lhag chad la sogs pa'i nyes pa spangs nas bzod par gsol te/ srin lag dang mthe bong gis se gol gtogs cing oM badzra mu(rgyud 'grel nyid kyi sa bon la bstim par bya'o/ /bcom ldan 'das ma'i gtor ma'o/ /dam tshig ces pa ni 'gal bar mi bya ba'i phyir dam tshig ni srog gcod pa la sogs pa kha na mtho ba'i las sdom pa'o/ /yang dam tshig ni shes rab ma bsten pa las byung pa'i dga' 
 pa bcu drug gi thig le'i bdag nyid ro gcig tu gyur nas rdo rje nor bu rab tu 'jug pa ni tshangs par spyod pa'o/ /yang dam tshig ni dga' ba bcu drug gi thig le de nyid 'dzag par mi 'gyur pa'i tshul khrims kyi rang bzhin no/ /de ji ltar zhe na/ rdo rje nor bu
 las gyen du gsang ba dang/ lte ba dang/ snying ga dang/ mgrin pa dang/ dpral ba'i ze 'brus 'den pa ni gsang ba'i dam tshig go /bza' ba ni go ku da ha na/ sgron ma la sogs pa cho ga ji lta bus bdud rtsid bsgyur ba'i bza' ba'o/ /dam tshig nyams pa la
 klad gzer dang mdze nang la sogs pa rnam pa sna tshogs 'byung bar 'gyur ro/ /dam tshig gnyis bsrungs pa kho nas dngos grub 'grub par 'gyur ro// //rdo rje phag mor phyag 'tshal nas/ /tshes bcu'i cho ga rgyas pa ru/ /sgrub pa po la phan
 pa'i phyir/ /stobs chen rab tu brjod par bya/ /nyon mongs dra bas rnam gcod pa'i/ /mar gyi tshes bcu nges pa ste/ /shAkya seng ge sngar byang chub/ /snying po byang chub thob par 'gyur/ /dang po'i sangs rgyas mdang gar/ /mar gyi tshes bcu sangs rgyas gyur/ /
 mar ngo smras pas ci zhig bya/ /de kun de bzhin gshegs las 'byung/ /lu i bi ru la sogs rnams/ /grub thob grub nyid thob par gyur/ /tshes bcu de nyid des na de/ /tshes bcu mtshungs med bsod nams can/ /de la bsam gtan bzlas brjod
 pa/ /de bzhin gtor ma sbyin sreg go /mdza' med 'bras bu bstan pa ni/ /srod la khyad par 'phags pas su/ /dpa' bo rnal 'byor ma 'khor lo/ /gzhon nu'i 'khor lo gcig pu 'am/ /grub thob rim pa'i cho ga yis/ /
 mchod na dngos grub thob par 'gyur/ /rnal 'byor rol pas rab zhugs pa'i/ /rim gyis thim pa'i rlung sems kyis/ /sems kyi spros pa tshes bcu ste/ /rang rig tshes bcur rab tu grags/ /bla ma man ngag gis gnas pa'i/ /mi shigs pa yi sgra las
 byung/ /lhan skyes tshes bcu tshig tu bshad/ /srog gi rnal 'byor tshes bcu yin/ /dbus ma'i lam du rol pa yis/ /gtum mo gyen du 'gro ba ste/ /spyi bor 'khor lo kun nas gnod/ /lus kyi tshes bcu dran pa yin/ /de nas tshes bcur
 til dang ni/ /skyu dur? dang yungs 'bru ste/ /bkrus nas sgrub bo mnyam gzhag nas/ /mchod pa'i bye brag 'grub par 'gyur/ /gsang 'dus la sogs rim pa yis/ /rang rang yi dam mchod par bya/ /khyad par du ni srong la ste/ /sgrub bos de nyid
 bsgom par bya/ /rang gi rtog par bshad pa 'am/ /grub thob la ma gsungs gtor ma dbul/ /spyi yi rim pa rab tu bshad/ /da ni khyad par brjod par bya/ /yar gyi tshes bcur mchod sbyin gnyis/ /mar ngo sbyin sreg mchod pa gnyis/ /ston zla tha
 chung tshes bcu la/ /grub thob rgyud pa'i dpa' bo rnams/ /spobs pa'i rang bzhin sems ldan la/ /chang gi mchog gi mchod par bya/ /kun da'i me tog rab brgyus pa'i/ /me tog dmar po mchod par bya/ /yid kyi bzlas par rol pa ni/ /sa 'og la ni
 dmigs gyur pa/ /mar dor til la dmar po yis/ /nan+ti ni yis khu bas spangs/ /dang po'i srod la sbyin sreg bya/ /dben pa'i gnas su bsgom gnas so/ /dgun zla ra bar snam bu 'am/ /ras bal 'byung gos dbul bar bya/ /me tog ser po rab
 brgyus pa'i/ /me tog dmar po'i phreng bas mchod/ /nyid lag rol pas bzlas pa dang/ /sa stengs 'og rjes 'brengs pa'i/ /zla ba mar do til nag gis/ /lhag par gong bzhin sbyin sreg bya/ /gong bzhin 'brid por ba mar dang/ /keM ki ra tas 'dres mchod pa/ /gong
 bzhin du ni spyad par bya/ /gsang sar tshig gis bzlas ba dang/ /mi yi 'jig rten gnas rol ni/ /zag pa kun nas rnam 'jig pa/ /de bzhin til dkar sbyin sreg ni/ /mtshan phyed dag la yang dag spyod/ /dgun zla tha chung yar tshes bcur/ /zho ni dri zhim
 dngul bar bya/ /gser gyi snyem me tog 'dres/ /mchod pa sngar bzhin spyad par bya/ /yid kyi zlas pa rol pa ni/ /smin mtshams gnas la gnas gyur pa'i/ /mar ngo yi ni tshes bcu la/ /pri yang ku ni sbyin sreg ni/ /dang po'i thun la dran pa yin/
 dbyid zlar ba'i mar ngo la/ /bu ram? bca' sga dbul bar bya/ /phaT? li'i me tog 'dres/ /me tog dmar pos mchod pa dang/ /bzlas pa'i 'og min rab gnas pa'i/ /rol pa drag po'i ro dang bcas/ /mar ngor la phug sa bon gyis/ /tho rangs thun
 la sbyin sreg bya/ /dbyid zla 'bring po'i yar tshes bcur/ /a shwa ka ni dmar po yis/ /de bzhin rnal 'byor mchod par bya/ /tshig gis bzlas dang rol pa ni/ /rab tu mi gnas gnas gyur pa/ /ka ra dang bcas ma he'i zho/ /dri ma med pa sbyin par bya/ /
 mar ngor me tog su ma ka'i/ /sbrang rtsi mar bcas sbyin sreg bya/ /dpyid zla tha chung yar ngo la/ /ka ra bI ra ma lus mchod/ /yid kyi bzlas dang rol pa ni/ /ri rab bskyod byed mchog gyur pa/ /rked dgris yongs su gyon nas su/ /g.yogs pa'i gos phra sbyin
 par bya/ /mar ngo mar dang 'dres pa yis/ /gu gul gyi ni sbyin sreg bya/ /dbyar zla ra ba'i yar ngo ru/ /mar me rlung sman btsos til mar/ /me tog dmar pos rab brgyus pa'i/ /snye ma'i me tog rnams kyis mchod/ /gsad pa'i bzlas dang rol pa ni/ /
 stong nyid lam ni mthong byed ma/ /mar ngo 'o thug mar dang bcas/ /rtag bar des ni sbyin sreg bya/ /dbyar zla 'bring po mar ngo la/ /ka ra bI ras mchod par bya/ /tshig gis bzlas dang rol pa ni/ /nyid lag kun tu blta bar bya/ /sbrang rtsis
 bkang ba'i 'khar sder dang/ /yang na ral gu dbul bar bya'o/ /mar ngo grub pa'i rjes bcas pa'i/ /'bras yos kyis ni sbyin sreg bya/ /dbyar zla yar ngor dza ba dang/ /band+hum? ma dang yan tis mchod/ /rnal 'byor bzlas dang rol pa ni/ /sna yi rtsa bar rab gzigs pa/ /gdugs
 dang gtsug tor dkar po 'am/ /bra tshil byugs pa'i ras sbyin bya/ /mar ngos nas kyi sbyin sreg bya/ /til mar mar dkar 'dres pas so/ /ston zlar bar tsam pa ka/ nA ga gi sar chu skyes dang/ /utpal ku mu ta yis mchod/ /rang gis thos bzlas rol ba ni/ /nam mkha' i skar ma
 dmigs par bya/ /tsun tsug lham zho chu/ /rab tu grangs pa sbyin par bya/ /mar ngor du rba ma bcad pa'i/ /sbyin sreg tshes kun phan par grags/ /ston zla 'bring po'i yar tshes bcur/ /in+d+ri bar dmar pos mchod/ /dri zhim mdog bzang me tog gis/ /yi dam lha ni
 mnyes par bya/ /gsang sar bzlas pa tshig brjod byung/ /ro ma dang ni bcas pa yi/ /phyag rgya ri rab rnam 'jig pa/ /yongs su grags par shes par bya/ /rnal 'byor gos dang rnal 'byor dbyug/ rnal 'byor bsgom thag kho na nyid/ /sngon du bshad gzugs bla ma yi/ /yang
 dag ting 'dzin gnas pas dbul/ /mar dor dri zhim rdzas rnams ni/ /mar bcas a ka ? bsreg bya/ /til rnams dang ni grub pa'i rdzas/ /thams cad dag la thams cad sbyor/ /pa la sha dang arka dang/ /kasmi ri dang pa tra dang/ /u dum bar kha dir/ /pa lak+Sha dang a shut+tha/ /ka
 bed durga Sha na rnams/ /ston zla tha chungs la sogs su/ /yams shing 'di rnams rim pas sreg/ /yang na ji ltar rnyed pas su/ /grub pa'i rdzas dang bcas pa yi/ /thams cad kun la sreg par bya/ /dngos grub yid du 'ong 'dod pas/ /skyes pa'am ni bud med kyis/ /dpa' bo'i phye ma
 dang bcas pa'i/ /'khar ba'i snod du sbyin par bya/ /rnal 'byor dngos grub bsgrub pa dang/ /bdud 'dul phyir ni so rtsis dbul/ /bu 'dod phyir ni dga' ba yis/ /chad ni sbrang rtsi 'dres pa dbul/ /gang dang gang du khyad par 'dod/ /khyad par 'phags pa gang yin pa/ /mi
 zad 'bras bu 'dod pa yi/ /de der chos bcur dbul bar bya/ /der ni gsang ba'i sbyin pa ni/ /sbyin ba kun gyi mchog gi mchog /sems ni rnam rtog las byung ba/ /dga' rdzas rnam pa ji snyed pa/ /sgrub pa pos ni myong gyur pa/ /de dag dngos grub sa bon 'gyur/ /de
 phyir gsang ba'i sbyin pa ni/ /don kun sgrub byed khyad par 'gyur/ /zla mtshan myong ba dngos grub la/ /ma rgyas pa yi rnal 'byor la/ /dar mas sdig pa zad byed ma/ /sangs rgyas chos rnams 'phel 'gyur ma/ /gang la gang dag 'dod gyur pa/ /de la de ltar sbyin par
 bya/ /gang gis bla mtshan byung ba yi/ /skyes pa gang du sbyin byas pa/ /'das pa'i skye ba bcu tham par/ /khyab bdag des ni sangs rgyas 'gyur/ /skye ba dgu la lu yi pa/ /bi rU pa yang dgu las byung/ /skye ba drug la dA rig go /mang pos ci bya thams cad ni/ /grub
 thob rnams ni thob par 'gyur/ /mar ngo'i tshes btsur zla mtshan can/ /sbyin par rab tu nus pa ni/ /grub thob sgrub mdza' i phreng ba ru/ /gtam ni rgyas par brjod pa yin/ /khwa da'i skad ni mi grags par/ /tshes bcur sgrol ma'i yi ge bcu/ /bya rog ma yi phyag rgyag?
 gnas/ /ting nge 'dzin gyi sngags bzlas pas/ /'chi ba 'am bar chad nyid gyur kyang/ /rgyal bar 'gyur bar the tshom med/ /de nyid kho na'i dus tshod du/ /yi ge gsum gyi sngags brjod cing/ /chu ni snyim pa brgya phul nas/ /lo gcig nang du nor rnyed 'gyur/ /
 yid du 'ong bar 'dod byed pa'i/ /mkha' 'gro ma 'am phag mo'i 'dres/ /'dir ni mang sgra ci zhig bya/ /de tshe thams cad 'grub par 'gyur/ /dngos grub rtog pa'i phag mo yi/ /cho gas nan+tA? dang bcas/ /mtshan mor til gyi sbyin sreg gis/ /dngos grub
 mchog ni rnyed par 'gyur/ /grub thob grub mdza' i mkha' 'gro ma'i/ /sbyin sreg cho gas de tshe ru/ /sbyin sreg byed pas skye bo dkrugs/ /la sogs dngos grub thob par 'gyur/ /bsam gtan sbyin pa bya sbyin sreg /mchod pas
 'khor lo tshim par byed/ /gzhan las tshes bcur stong 'gyur ba/ /'bras bu yang dag skye bar 'gyur/ /gur gum dang sind+hu ra/ /kau sum pa gos bzang mdog /zla mtshan byung ba'i sbyin pa dag /tshes bcur khyad par 'phags par 'gyur/ /bla gab?
 med pa'i sa phyogs su/ /mkhas pas bya rog gtor ma dbul/ /phyir song nyi ma'i gung dag la/ /ku kur la gtor ma sbyin/ /nyi ma nub par 'byung po rnams/ /dga' ba'i ched du gtor ma dbul/ /mtshan mor gtor ma sbyin nas su/ /spyad ku'i tshogs
 rnams dga' bar bya/ /tshes bcur khyad par gtor ma 'di/ /dngos grub chen po 'byung bar 'gyur/ /stong phrag nyi shu rtsa bzhi las/ /snying po'i don ni bkug nas su/ /tshes bcu'i rtog pa 'di yin te/ /snying rje can gyi mkhas pas bya/ /ma thul ba yi slob ma
 rnams/ /nor bdag yin kyang sbyin mi bya/ /grub thob brgyud par gnas pa yis/ /dbang po dul ba rnams la sbyin/ /de ma yin na grub thob brgyud/ /snod dang byang chub nyams par 'gyur/ /dngos grub rgya mtsho khyad par du/ /mchod pa sbyin sreg chog ni/ /gzhung
 de bdag gis rgyas par bshad/ /de phyir mkhas pas nyams su long/ /sems can phan 'dod bdag gis ni/ /byas pa'i bsod nams gang thob des/ /rtag tu nyon mongs bral ba yi/ /sems can tshogs rnams yin par gyur/ /dpal rdo rje rnal
 'byor ma'i 'grel pa tshes bcu'i mchod pa'i rtog pa/ grub thob chen po dA ri ka pas mdzad pa rdzogs so// //rgya gar shar phyogs dza ga ta la'i paN+Di ta dpal mkhas pa chen po da na shi las bod yul gyi dbus drang srong srin
 po rid lha'i skad las bod kyi skad du 'khrul pa med du? 'gyur du mdzad pa rdzogs so// //de nas bya rog la sogs pa'i gtor ma'i sngags bri ba ni/ oM klaM klaM klaM /d+harmma ta/ A kA/ shA tsA ri Na(rgyud 'grel