བོད་ཡིག

e-texts based on the ACIP/ALL Input

rnal 'byor ma mkha' spyod ma dmar mo'i sgrub thabs bzhugs so/ /*/ /rgya gar skad du/ khe tsar rak+ta badzra yo gi ni swAd+ha na/ bod skad du/ rdo rje rnal 'byor ma mkha' spyod ma dmar mo'i sgrub thabs/ rdo rje rnal 'byor ma la phyag 'tshal lo/ /re zhig dur khrod la sogs pa ru / zhal bzhi pa'i sngags kyis bsrung ba byas nas/ e'i chos 'byung dbus su pad+ma dang zla ba la/ ma ning gi sa bon sbum pa med pa bltas te/ sa bon de yongs su gyur pa las/ zhabs steng du bskyor cing gyen du gzigs ba/ g.yas na rdo rje kha cung zad gyis pa/ g.yon pa'i phyag gis brlal mkhyud cing thod pa me tog phreng ba dang bcas pa bskal pa'i me ltar dmar ba/ gcer bu rgyan med pa/ skra grol ba/ rig ma 'dzin ma/ seng+ge'i stang stabs kyis bzhud cing/ rdo rje mnyes byed ma ni sgom par bya/ manda ra dang/ mya ngan med pa ri dza ta ga yis yongs su 'phags pa/ rin po che'i khang ba brtsegs par bzhud cing rab tu 'jug pa lta bu/ rdo rje rnal 'byor ma dmar po zhabs steng du bskyod pa/ rang bzhin gyis ye shes sems dpa' i bdag nyid bsam par bya/ ind+hu ra dmar po'i 'od zer can slar yang sgro zhing bsdu ba sngon du song bas/ de nas lte bar chos 'gyur na/ /ye shes kyi rang bzhin nA da dang/ rim gyis skra rtse brgya dang stong gi cha ru ma dmigs te/ rnal 'byor rlung ni bcu gnyis 'gag /don chen 'grub par the tshom med/ oM sh+rI he ru ka ma hA badzra A karSha ya/ pra be sha ya/ pra pe sha ya/ ban d+ha ya ban d+ha ya/ sarba bud d+ha DA ki nI nI h+ri da yaM oM A:hUM phaT/ rdo rje'i bzlas pa dang ngag gi bzlas pa'o/ /oM sarba bud d+ha DA ki nI ye pra tIts+tsha maM ba ling oM A:hUM hUM ha ha hi(rgyud 'grel de la mkha' 'gro mas dge ba'i mtshan ma ston cing/ dbugs 'byin par 'gyur ro/ /rnal 'byor ma drug gi sngags kyi bdag nyid kyang go cha bgo zhing rnal 'byor pas bcom ldan 'das ma'i nga rgyal gyis gnas par bya'o/ /grub thob ? ba'i zhal snga nas kyi rim pa mkha' spyod ma dmar mo'i sgrub thabs rdzogs so// //bla ma rdo rje bdag pa ni ka ling ka'i ka'i zhal snga nas/ dpyal lo tsa ba chos kyi bzang po bsgyur ba'o/ /mkha' sbyong ma'i sgrub thabs 'di la ni don gsum ste/ ston du 'gro ba dang/ dngos gzhi dang/ rjes so/ /sngon 'gro la gnyis/ gnas kyi mtshan nyid dang/ bya ba sngon du 'gro ba'i bsrung ba bya'o/ /dngos gzhi la gnyis te/ lha bskyed cing mtshan nyid bstan pa dang/ phra mo'i rnal 'byor la brten nas spro bsdu'i bsgom pa'o/ /de la gsum/ bzlas pa dang/ gtor ma dang/ phan yon thun mtshams kyis rnal 'byor dang bcas pa'o// /athI?/ slob ma rjes su bzung ba'i chog bzhugs/ /*/ /rgya gar skad du/ shik+Sh+ya nu gra ha bi d+hi nA ma/ bod skad du/ slob ma rjes su gzung ba'i cho ga zhes bya ba/ rdo rje bag? mo la phyag 'tshal lo/ /de nas gsang ba bshad par bya/ /bla ma'i bka' yi rjes 'brangs nas /sna tshogs sgrubs thabs rtogs don du/ /slob ma 'bebs pa'i cho ga mchog /dang por re zhig slob dpon gyis/ /slob ma rjes su bzung don du/ /sh+rI he ru ka zhes pa'i yi ge bzhi'i don dang ldan pa'i rnal 'byor pas/ rang gi yid dang rjes su mthun pa'i gnas su 'jam pa'i stan la gnas la/ lag pa'i ser mo rnams la sngags bkod la/ bdud rtsi lnga dang yang dag par ldan pa'i bza' btung bzang po pad+ma'i snod du bzhag la cho ga ji lta ba bzhin sbyangs la/ zhu ba'i rdzas kyi bdag nyid khrus bya'o/ /de'i rjes su gnas dang bdag dang rnal 'byor bsrung ba'i don du se gol gtogs pa sngon du 'gro bas/ sum b+ha la sogs pa zhal bzhi ba'i sngags kyi sgras mtshams bcing ba dang/ go cha'i sngags drug dgod pa dang/ dag pa gsum gyi sngags brjod pa de nyid kyis sems bsrung bar bya'o/ /de'i rjes su yongs su dag pa'i sa gzhi khru gang tsam la maN+Dal byug par bya ste/ tsan dan dmar po la sogs pa zur drug pa'i