བོད་ཡིག

e-texts based on the ACIP/ALL Input

rdo rje rnal 'byor ma'i sbyin sreg gi cho ga bzhugs so// //*/ /rgya gar skad du/ sh+rI badzra yi ge ni ho ma bi d+hi/ bod skad du/ dpal rdo rje rnal 'byor ma'i sbyin sreg gi cho ga /dpal rdo rje phag mo la phyag 'tshal/ /dang por re shig dpal rdo rje rnal 'byor ma'i bzhed pas 'jig rten pa dang 'jig rten las 'das pa'i las kyi tshogs dang/ dngos grub bsgrub pa'i don du sbyin sreg gi bya ba byed par 'dod pa'i sngags pas/ gru gsum pa'i rnam pa can gyi thab khung gi rgya khyon gyi phyed thur du brkos pa phyi skor dang bcas pa dmar ba la sogs pa'i mdog dang ldan pa legs par 'phyos? pa byas la/ nub la sogs par bltas pa'i tshul gyis 'dug la/ mchod gyis yo byad lngas mchod de thab khung du bsreg cing bkod nas yi ge raM gyi sa bon las skyes pa'i me lha mdog dmar po ril pa spyi blugs dang mi 'jigs pa sbyin pa dang/ dbyig pa dang bgrang phreng lag na 'dzin pa rnam par bsgom par bya'o/ /de nas ye shes sems dpa' dgug pa la sogs pa byas nas yang dag par mchod de/ de'i lce'i rtse mor ri bkod nas bdud rtsi lnga la sogs pa'i rdzas dang/ 'jig rten pa'i rdzas rnams/ oM agne de ba ta swAhA /zhes bya ba'i sngags 'dis sbyin sreg byas nas sngags de nyid kyis dgang blugs dbul par bya'o// de nas de bzhin nyid kyi ye shes kyi bdag nyid kyi sngags kyi me lha'i dkyil 'khor du dkyil 'khor gyi 'khor lo lhag par mos par byas nas mchod pa la sogs pa byas te/ bdud rtsi lnga la sogs pa'i rdzas rnams kyi lha mo 'am lha rnams la sngags kyis sbyin sreg bya'o/ /zhi la sreg rdzas dmar sogs te/ /rgyas ba la ni mngar nyid do/ /dbang la dngar dang lan tshwa nyid/ /drag po tshwa nyid kha sogs kyis/ /zhi la gzugs ni dkar po ste/ /rgyas pa la ni ser po bsgom/ /dbang la dmar po zhes byar brjod/ /drag po nag por rab tu grags/ /dngos grub sgrub pa'i dus su ni/ /kha dog dmar po rnam par bsgom/ /de ltar byas nas dkyil 'khor gyi 'khor lo rang gi lus la bcug nas/ /gtor ma btang te tshogs kyi 'khor lo'i tshul du 'jig rten las 'das pa'i mchod pa byas nas/ rang mngon par 'dod pa'i dngos grub zhu bar bya'o/ /bstan par bya min sbyin sreg 'di/ /rab tu 'bad pas sba bar bya/ /des na dngos grub skye 'gyur gyis/ gzhan du grub la brten mi 'gyur/ /yang dag dang pas rjes sbyar ba/ /yid bzhin nor bu lta bu'i sngags/ /phyag rgya chen po 'dod pa yis/ /dad ldan rnams la bstan par bya/ /dpal rdo rje rnal 'byor ma'i bzhed pa las gsang ba'i sbyin sreg gi cho ga slob dpon chen po gsod snyoms pa'i slob ma rgyal bas byin gyis tsha ba sangs rgyas byin gyis mdzad pa rdzogs so// //bal po'i paN+Di ta b+ha ren+d+ra ru tse dang/ bod ki lo tsA ba blo ldan shes rab kyis bsgyur ba'o// //'gro kun sangs rgyas thob par shog /*/ /rigs ldan ma'i de kho na nyid nges pa bzhugs so// //*/ /rgya gar skad du/ ku li ka man+tat twA nir+NA ma/ bod skad du/ rigs ldan