བོད་ཡིག

e-texts based on the ACIP/ALL Input

nges par mchod pa dang/ bsgom par bya'o/ /rgyal po in+d+ra bo d+hi'i gzhung rdo rje rnal 'byor ma dkar mo'i sgrub thabs rdzogs so/ bla ma bo ro tsa nas bsgyur// //rdo rje rnal 'byor ma'i sgrub thabs bzhugs so// */ /rgya gar skad du/ sh+rI? badzra yi ge ? swAhA d+ha naM/ bod skad du/ dpal rdo rje rnal 'byor ma'i sgrub thabs/ dpal rdo rje rnal 'byor ma la phyag 'tshal lo/ /stong nyid snying rje'i bdag nyid can/ /khams gsum pa yi ngo bo nyid/ /bskal pa'i me ltar 'bar ba'i 'od/ /rdo rje rnal 'byor ma dpal 'dud/ /bla ma brgyud pa'i rim pa ni/ /rtogs pa gcig gi spyod yul te/ /rdo rje rnal 'byor ma'i sgrub thabs/ /mdor bsdus bdag gis bshad par bya/ /sngags pas thog mar re zhig bla ma dang sangs rgyas rnams mngon par gus pa'i yid kyis/ byang chub kyi sems brtan por bzung ste/ dbang bskur ba yang dag par thod nas/ chos thams cad ngo bo nyid kyis 'od gsal ba'i rang bzhin yin yang/ rang dang gzhan gyi don phun sum tshogs pa la mngon du phyogs par bya ste/ dur khrod la sogs pa yid dang rjes su mthun pa'i dben pa'i gnas su stan 'jam po la rnal 'byor gyi rol pas rab tu bsngags pa'i gnas su bltas te 'dug par bya'o/ /de'i rjes la lus dang ngag dang sems yongs su dag par bya ba ni/ rgun 'brum mam/ bu ram shing dam/ 'bras las byas pa'i btung pa bzang po ji ltar snyed pa'i dam tshig lnga dang ldan par byas la mchod sbyin gyi snod du bzhag ste/ yi ge gsum gyi sngags kyis mngon par bsngags nas/ chu de nyid kyis lag pa g.yon pa nas brtsams nas yan lag dang nyid lag thams cad sngags kyi chus khrus bya zhing/ de nyid kyis mchod pa'i rdzas kyang bsang gtor bya'o/ /de'i rjes la oM baM/ haM yoM/ h+ri moM h+reM h+riM hUM hUM phaT phaT ces bya ba'i sngags kyis yi ge sa lag pa g.yon pa'i sor mo rnams la sbyar te/ dag pa gsum brjod par bya'o/ /oM swa b+hA ba shud+d+ha(rgyud 'grel dag pa'i gzhal yas khang du brtag ste/ skad cig tsam gyis lte ba'i dkyil 'khor du rdo rje rnal 'byor ma phyag gnyis na gri gug dang thod pa bsnams pa/ skra grol ba thur du 'phyang ba/ gcer bu spyan gsum pa/ gzugs dang lang tsho phun sum tshogs pa/ phyag rgya lnga yis rnam par brgyan/ /sangs rgyas lnga yi dbu rgyan can/ /zla ba nyi ma me dkyil du/ /skyil krung phyed pas gnod mdzad cing/ /dza ba sind+hu ra dang mtshungs/ /de lta'i gzugs can lha mo ni/ /rnal 'byor pa yis rtag tu bsgom/ /de yi g.yas ni phag gdong ste/ /de bzhin g.yon pa khro mo nyid/ /kun rdzob don dam rang bzhin gyis/ /zhal gnyis su ni rab tu grags/ /bla ma'i man ngag lam gyis ni/ /rim pa rgyas par rtogs par bya/ /de yi pad+ma'i nang du ni/ /don kun sgrub byed 'khor lo bsgom/ /rim pa gsum gyis mtshan nas su/ /kha dog dmar po'i 'od zer can/ /sngags kyi yi ges yongs rdzogs nas/ /rdza mkhan 'khor lo bzhin du 'khor/ /srin po'i zhal ni cung zhig bsdam/ /rab tu 'bar ba'i rnam par bsgom/ /phag gdong gyen du nye bar blta/ /g.yung drung 'khyil pa myur du 'khor/ /phyag rgya gnyis po'i rnal 'byor gyis/ /khams gsum po yang 'grub par 'gyur/ /rnal 'byor bdag nyid skad cig gis/ /'grub 'gyur rnal 'byor pas gzhan min/ /de nas gzhan yang bshad bya ba/ /sngags btu ba yi cho ga mchog /gru gsum dkyil 'khor nyams dga' ba/ /rdo rje rol pa las byung ba'i/ /chos kyi 'byung gnas zhes bshad pa/ /btsun mo'i b+ha ga nyid kyang de/ /A li kA la'i dbye bas der/ /sde mtshan brgyad kyis rim pa ni/ /gzugs med mnga' dang thub pa dang/ /bu ga drag po 'dod pa nyid/ /'khor lo rnams ni rims bzhin du/ /man ngag gis ni dgod par bya/ /dang po a nas brtsams nas su/ /yi ge ha yig mthar thug par/ /bskor ba'i tshul gyis sbyor ba yis/ /bde mchog rgya mtsho gsung bzhin bri/ /da yi thog ma sum 'gyur bya/ /thig le nA das rnam par brgyan/ /b+ha thog tsha thog yi ge nyid/ /Ta yi thog mas mgo bor brgyan/ /tsa sa'i bar gnas gzung byas te/ /DA yi 'og ma'og tu sbyar/ /sha thog Sha thog 'brel pa ni/ /de bzhin sbyor bar shes par bya/ /li yig mgo gyur yi ge la/ /nya yi 'og nas gnas pas brgyan/ /pa thog Ta yig 'og mar ldan/ /pha thog tha yi 'og mas bcings/ /ha Ta'i bar gnas yi ge la/ / Na yi thog na gnas pas brgyan/ /Sha yi 'og na gnas pas gzung/ /b+ha 'og gi stan Na 'og sbyar/ /ha yi steng nas yi ge nyid/ /ra yig gong ma nyis brtseg ldan/ /Ta yis gong ma sbyar bya ste/ /mgo bo du ni yongs su bsgrags/ /pha yig ga na gnas pa la/ /Tha? yi thog na gnas pas brgyan/ /nya thog Na thog gis brgyan pa/ /man ngag bzhin du shes par bya/ /tsa sa'i bar na gnas pa blang/ /b+ha 'og gi stan Na 'og sbyar/ /de bzhin tsha yi gong ma bzung/ /de bzhin ta yis steng mas brgyan/ /tha yi steng mas Na 'og brgyan/ /pha yi 'og gnas yi ge blang/ /d+ha pa bar gnas yi ge las/ /tha yi 'og mas brgyan pa nyid/ /yi ge nya la'i bar gnas pa/ /Na yi gong mas brgyan par bya/ /sa ya'i bar gnas yi ge la/ /rI yi 'og ma gdags par bya/ /thig le nA da mnyam ldan pa/ /sum 'gyur du ni dbye ba nyid/ /na 'og ra yi 'og ma ni/ /snga ma bzhin du sum 'gyur bya/ /sha 'og Sha yi mgo mas brgyan/ /nya yi 'og na gnas pa sbyar/ /ma wa bar na gnas pa gzung/ /dz+nya yig gdong mas rnam par brgyan/ /bla ma'i man ngag lam gyis ni/ /sngags btu ba ni shes par bya/ /glegs bam klog pa'i sngags pa yis/ /ji lta'i rim pa spang ba yis/ /gang des bskal pa bye bar bya/ /dngos grub go 'phang mi thob po/ /gzhan yang rab tu bshad bya ba/ /rdo rje can gyi mchod pa ni/ /tshes bcu yi dus su khyad par du/ /mchod pa lnga dang ldan gyur cing/ /bza' ston de bzhin btung ba dang/ /phyi dang gsang bar bcas par ldan/ /snod ni dri med sbyangs pa ru/ /gur gum la sogs sbyar bar bya/ /chu bzang po dang ldan pa la/ /sind+hu ra'i phye ma btsag /gser gyi smyu gu'i sbyor ba yis/ /blo dang ldan pas e dbyibs bri/ /dbus su sngags kyi rgyal po ni/ /rim pa bzhin du bri bar bya/ /g.yung drung 'khyil pa'i phyag rgya ni/ /dge ba'i 'khor lo'i logs la dgod/ /me tog rnam pa sna tshogs nyid/ /chu la skyes dang thang las skyes/ /mar me tsA ru dam tshig che/ /de bzhin gzhon nu ma yang mchod/ /mchod pa'i khyad par 'di dag ni/ /nges pa nyid du bya ba yin/ /sgra? grol gcer bur byas nas ni/ /sngar bshad phyogs bcu bltas nas ni/ /sngar bshad phyogs bcu bltas nas kyang/ /shin tu gsang bar bya ba nyid/ /mchod pa'i dus su mnyam par bzhag /ma bsang bgegs ni skye 'gyur te/ /dngos grub de bzhin nyams par 'gyur/ /dam tshig nyams par gyur pa na/ /nad rnams sna tshogs 'byung bar 'gyur/ /srog ni gtong bar gyur pa yis/ /'chi ba'i dus la bab kyang bla'i/ /gal te dngos grub mchog 'dod na/ /dam tshig rtag tu bsrung bar bya/ /khams gsum brtan dang g.yo ba yis/ /'gro ba thams cad g.yon nas 'byung/ /g.yon pa sngon du bskyong bya ste/ /rnal 'byor rtag tu g.yon pa spyad/ /mchod pa lag pa g.yon pas te/ /bza' btung g.yon pas bya ba nyid/ /rigs lnga la ni kun spyod pa/ /rigs gcig tu ni brtag par bya/ /bza' dang bza' min de bzhin btung/ /sme gtsang ngo tsha rnam par spangs/ /rtogs pa kun nas nges par grol/ /rtsod pa thams cad rnam par spangs/ /mkha' 'gro ma yi dra ba sngom/ /dpa' bo seng ge bzhin du spyod/ /sngags ni rnal 'byor ma'i rang bzhin/ /rnal 'byor ma ni sngags gyi gzugs/ /gal te go 'phang mchog 'dod na/ /de dag tha dad par mi bya/ /mi yis gang dang gang bsgom pa/ /yid dang yang dag ldan byas nas/ /des na de yi bdag nyid 'gyur/ /sna tshogs nor bu ji bzhin no/ /sems dang rjes mthun rnal 'byor gyis/ / gang zhig shin tu goms byed na/ /mi gang bsod nams dman pa yang/ /de ni grub gyur? the tshom med/ /bla ma sangs rgyas bla ma chos/ /de bzhin bla ma dge 'dun te/ /bla ma dpal ldan rdo rje can/ /'dir ni bla ma med pa'o/ /sangs rgyas 'bras bu 'dod pa yis// de phyir bla ma bsnyen bkur bya/ /dpal dang ldan pa'i rab tu bsngags pa'i gnas oDyaN? nas byung ba'i dgongs ba'i bla na med pa dpal rdo rje rnal 'byor ma'i gsang chen rna ba ru zhal du brgyud pa'i rim pa rdzogs so// //rgya gar gyi mkhan po bsod nams 'byung gnas bzang po'i zhal snga nas dang bod kyi lots+tsha ba sma ban chos 'bar gyis bsgyur ba'o// (//dpal de kho na nyid ye shes grub pa bzhugs so/ /) */ /rgya gar skad du/ sh+rI tatdwa? dz+nyA na sid+d+hi/ bod skad du/ dpal de kho na