Wylie

e-texts based on the ACIP/ALL Input

ངེས་པར་མཆོད་པ་དང། བསྒོམ་པར་བྱའོ། །རྒྱལ་པོ་ཨིནྡྲ་བོ་དྷིའི་གཞུང་རྡོ་རྗེ་རྣལ་འབྱོར་མ་དཀར་མོའི་སྒྲུབ་ཐབས་རྫོགས་སོ། བླ་མ་བོ་རོ་ཙ་ནས་བསྒྱུར།། །།རྡོ་རྗེ་རྣལ་འབྱོར་མའི་སྒྲུབ་ཐབས་བཞུགས་སོ།། *། །རྒྱ་གར་སྐད་དུ། ཤྲཱི?་བཛྲ་ཡི་གེ་?་སྭཱཧཱ ་དྷ་ནཾ། བོད་སྐད་དུ། དཔལ་རྡོ་རྗེ་རྣལ་འབྱོར་མའི་སྒྲུབ་ཐབས། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །སྟོང་ཉིད་སྙིང་རྗེའི་བདག་ཉིད་ཅན། །ཁམས་གསུམ་པ་ཡི་ངོ་བོ་ཉིད། །བསྐལ་པའི་མེ་ལྟར་འབར་བའི་འོད། །རྡོ་རྗེ་རྣལ་འབྱོར་མ་དཔལ་འདུད། །བླ་མ ་བརྒྱུད་པའི་རིམ་པ་ནི། །རྟོགས་པ་གཅིག་གི་སྤྱོད་ཡུལ་ཏེ། །རྡོ་རྗེ་རྣལ་འབྱོར་མའི་སྒྲུབ་ཐབས། །མདོར་བསྡུས་བདག་གིས་བཤད་པར་བྱ། །སྔགས་པས་ཐོག་མར་རེ་ཞིག་བླ་མ་དང་སངས་རྒྱས་རྣམས་མངོན་པར་གུས་པའི་ཡིད་ཀྱིས། བྱང་ཆུབ་ཀྱི་སེམས ་བརྟན་པོར་བཟུང་སྟེ། དབང་བསྐུར་བ་ཡང་དག་པར་ཐོད་ནས། ཆོས་ཐམས་ཅད་ངོ་བོ་ཉིད་ཀྱིས་འོད་གསལ་བའི་རང་བཞིན་ཡིན་ཡང། རང་དང་གཞན་གྱི་དོན་ཕུན་སུམ་ཚོགས་པ་ལ་མངོན་དུ་ཕྱོགས་པར་བྱ་སྟེ། དུར་ཁྲོད་ལ་སོགས་པ་ཡིད་དང་རྗེས ་སུ་མཐུན་པའི་དབེན་པའི་གནས་སུ་སྟན་འཇམ་པོ་ལ་རྣལ་འབྱོར་གྱི་རོལ་པས་རབ་ཏུ་བསྔགས་པའི་གནས་སུ་བལྟས་ཏེ་འདུག་པར་བྱའོ། །དེའི་རྗེས་ལ་ལུས་དང་ངག་དང་སེམས་ཡོངས་སུ་དག་པར་བྱ་བ་ནི། རྒུན ་འབྲུམ་མམ། བུ་རམ་ཤིང་དམ། འབྲས་ལས་བྱས་པའི་བཏུང་པ་བཟང་པོ་ཇི་ལྟར་སྙེད་པའི་དམ་ཚིག་ལྔ་དང་ལྡན་པར་བྱས་ལ་མཆོད་སྦྱིན་གྱི་སྣོད་དུ་བཞག་སྟེ། ཡི་གེ་གསུམ་གྱི་སྔགས་ཀྱིས་མངོན་པར་བསྔགས་ནས། ཆུ་དེ་ཉིད་ཀྱིས་ལག་པ ་གཡོན་པ་ནས་བརྩམས་ནས་ཡན་ལག་དང་ཉིད་ལག་ཐམས་ཅད་སྔགས་ཀྱི་ཆུས་ཁྲུས་བྱ་ཞིང། དེ་ཉིད་ཀྱིས་མཆོད་པའི་རྫས་ཀྱང་བསང་གཏོར་བྱའོ། །དེའི་རྗེས་ལ་ཨོཾ་བཾ། ཧཾ་ཡོཾ། ཧྲི་མོཾ་ཧྲེཾ་ཧྲིཾ་ཧཱུཾ་ཧཱུཾ་ཕཊ་ཕཊ་ཅེས་བྱ་བའི་སྔགས་ཀྱིས་ཡི་གེ་ས་ལག་པ་གཡོན ་པའི་སོར་མོ་རྣམས་ལ་སྦྱར་ཏེ། དག་པ་གསུམ་བརྗོད་པར་བྱའོ། །ོཾ་སྭ་བྷཱ་བ་ཤུདྡྷ(རྒྱུད་འགྲེལ་དག་པའི་གཞལ་ཡས་ཁང་དུ་བརྟག་སྟེ། སྐད་ཅིག་ཙམ་གྱིས་ལྟེ་བའི་དཀྱིལ་འཁོར་དུ་རྡོ་རྗེ་རྣལ་འབྱོར་མ་ཕྱག་གཉིས་ན་གྲི་གུག་དང་ཐོད་པ་བསྣམས་པ། སྐྲ་གྲོལ་བ་ཐུར་དུ་འཕྱང་བ། གཅེར་བུ་སྤྱན་གསུམ་པ། གཟུགས་དང་ལང་ཚོ་ཕུན་སུམ་ཚོགས ་པ། ཕྱག་རྒྱ་ལྔ་ཡིས་རྣམ་པར་བརྒྱན། །སངས་རྒྱས་ལྔ་ཡི་དབུ་རྒྱན་ཅན། །ཟླ་བ་ཉི་མ་མེ་དཀྱིལ་དུ། །སྐྱིལ་ཀྲུང་ཕྱེད་པས་གནོད་མཛད་ཅིང། །ཛ་བ་སིནདྷུ་ར་དང་མཚུངས། །དེ་ལྟའི་གཟུགས་ཅན་ལྷ་མོ་ནི། །རྣལ་འབྱོར་པ་ཡིས་རྟག་ཏུ་བསྒོམ། །དེ་ཡི ་གཡས་ནི་ཕག་གདོང་སྟེ། །དེ་བཞིན་གཡོན་པ་ཁྲོ་མོ་ཉིད། །ཀུན་རྫོབ་དོན་དམ་རང་བཞིན་གྱིས། །ཞལ་གཉིས་སུ་ནི་རབ་ཏུ་གྲགས། །བླ་མའི་མན་ངག་ལམ་གྱིས་ནི། །རིམ་པ་རྒྱས་པར་རྟོགས་པར་བྱ། །དེ་ཡི་པདྨའི་ནང་དུ་ནི། །དོན་ཀུན་སྒྲུབ་བྱེད ་འཁོར་ལོ་བསྒོམ། །རིམ་པ་གསུམ་གྱིས་མཚན་ནས་སུ། །ཁ་དོག་དམར་པོའི་འོད་ཟེར་ཅན། །སྔགས་ཀྱི་ཡི་གེས་ཡོངས་རྫོགས་ནས། །རྫ་མཁན་འཁོར་ལོ་བཞིན་དུ་འཁོར། །སྲིན་པོའི་ཞལ་ནི་ཅུང་ཞིག་བསྡམ། །རབ་ཏུ་འབར་བའི་རྣམ་པར་བསྒོམ། །ཕག ་གདོང་གྱེན་དུ་ཉེ་བར་བལྟ། །གཡུང་དྲུང་འཁྱིལ་པ་མྱུར་དུ་འཁོར། །ཕྱག་རྒྱ་གཉིས་པོའི་རྣལ་འབྱོར་གྱིས། །ཁམས་གསུམ་པོ་ཡང་འགྲུབ་པར་འགྱུར། །རྣལ་འབྱོར་བདག་ཉིད་སྐད་ཅིག་གིས། །འགྲུབ་འགྱུར་རྣལ་འབྱོར་པས་གཞན་མིན། །དེ་ནས་གཞན ་ཡང་བཤད་བྱ་བ། །སྔགས་བཏུ་བ་ཡི་ཆོ་ག་མཆོག་།གྲུ་གསུམ་དཀྱིལ་འཁོར་ཉམས་དགའ་བ། །རྡོ་རྗེ་རོལ་པ་ལས་བྱུང་བའི། །ཆོས་ཀྱི་འབྱུང་གནས་ཞེས་བཤད་པ། །བཙུན་མོའི་བྷ་ག་ཉིད་ཀྱང་དེ། །ཱ་ལི་ཀཱ་ལའི་དབྱེ་བས་དེར། །སྡེ་མཚན་བརྒྱད ་ཀྱིས་རིམ་པ་ནི། །གཟུགས་མེད་མངའ་དང་ཐུབ་པ་དང། །བུ་ག་དྲག་པོ་འདོད་པ་ཉིད། །འཁོར་ལོ་རྣམས་ནི་རིམས་བཞིན་དུ། །མན་ངག་གིས་ནི་དགོད་པར་བྱ། །དང་པོ་ཨ་ནས་བརྩམས་ནས་སུ། །ཡི་གེ་ཧ་ཡིག་མཐར་ཐུག་པར། །བསྐོར་བའི་ཚུལ ་གྱིས་སྦྱོར་བ་ཡིས། །བདེ་མཆོག་རྒྱ་མཚོ་གསུང་བཞིན་བྲི། །ད་ཡི་ཐོག་མ་སུམ་འགྱུར་བྱ། །ཐིག་ལེ་ནཱ་དས་རྣམ་པར་བརྒྱན། །བྷ་ཐོག་ཚ་ཐོག་ཡི་གེ་ཉིད། །ཊ་ཡི་ཐོག་མས་མགོ་བོར་བརྒྱན། །ཙ་སའི་བར་གནས་གཟུང་བྱས་ཏེ། །ཌཱ་ཡི་འོག་མའོག ་ཏུ་སྦྱར། །ཤ་ཐོག་ཥ་ཐོག་འབྲེལ་པ་ནི། །དེ་བཞིན་སྦྱོར་བར་ཤེས་པར་བྱ། །ལི་ཡིག་མགོ་གྱུར་ཡི་གེ་ལ། །ཉ་ཡི་འོག་ནས་གནས་པས་བརྒྱན། །པ་ཐོག་ཊ་ཡིག་འོག་མར་ལྡན། །ཕ་ཐོག་ཐ་ཡི་འོག་མས་བཅིངས། །ཧ་ཊའི་བར་གནས་ཡི་གེ་ལ། ། ་ཎ་ཡི་ཐོག་ན་གནས་པས་བརྒྱན། །ཥ་ཡི་འོག་ན་གནས་པས་གཟུང། །བྷ་འོག་གི་སྟན་ཎ་འོག་སྦྱར། །ཧ་ཡི་སྟེང་ནས་ཡི་གེ་ཉིད། །ར་ཡིག་གོང་མ་ཉིས་བརྩེག་ལྡན། །ཊ་ཡིས་གོང་མ་སྦྱར་བྱ་སྟེ། །མགོ་བོ་དུ་ནི་ཡོངས་སུ་བསྒྲགས། །ཕ་ཡིག་ག་ན་ ་གནས་པ་ལ། །ཋ?་ཡི་ཐོག་ན་གནས་པས་བརྒྱན། །ཉ་ཐོག་ཎ་ཐོག་གིས་བརྒྱན་པ། །མན་ངག་བཞིན་དུ་ཤེས་པར་བྱ། །ཙ་སའི་བར་ན་གནས་པ་བླང། །བྷ་འོག་གི་སྟན་ཎ་འོག་སྦྱར། །དེ་བཞིན་ཚ་ཡི་གོང་མ་བཟུང། །དེ་བཞིན ་ཏ་ཡིས་སྟེང་མས་བརྒྱན། །ཐ་ཡི་སྟེང་མས་ཎ་འོག་བརྒྱན། །ཕ་ཡི་འོག་གནས་ཡི་གེ་བླང། །དྷ་པ་བར་གནས་ཡི་གེ་ལས། །ཐ་ཡི་འོག་མས་བརྒྱན་པ་ཉིད། །ཡི་གེ་ཉ་ལའི་བར་གནས་པ། །ཎ་ཡི་གོང་མས་བརྒྱན་པར་བྱ། །ས་ཡའི་བར་གནས ་ཡི་གེ་ལ། །རཱི་ཡི་འོག་མ་གདགས་པར་བྱ། །ཐིག་ལེ་ནཱ་ད་མཉམ་ལྡན་པ། །སུམ་འགྱུར་དུ་ནི་དབྱེ་བ་ཉིད། །ན་འོག་ར་ཡི་འོག་མ་ནི། །སྔ་མ་བཞིན་དུ་སུམ་འགྱུར་བྱ། །ཤ་འོག་ཥ་ཡི་མགོ་མས་བརྒྱན། །ཉ་ཡི་འོག་ན་གནས་པ་སྦྱར། །མ་ཝ་བར་ན ་གནས་པ་གཟུང། །ཛྙ་ཡིག་གདོང་མས་རྣམ་པར་བརྒྱན། །བླ་མའི་མན་ངག་ལམ་གྱིས་ནི། །སྔགས་བཏུ་བ་ནི་ཤེས་པར་བྱ། །གླེགས་བམ་ཀློག་པའི་སྔགས་པ་ཡིས། །ཇི་ལྟའི་རིམ་པ་སྤང་བ་ཡིས། །གང་དེས་བསྐལ་པ་བྱེ་བར་བྱ། །དངོས་གྲུབ་གོ་འཕང ་མི་ཐོབ་པོ། །གཞན་ཡང་རབ་ཏུ་བཤད་བྱ་བ། །རྡོ་རྗེ་ཅན་གྱི་མཆོད་པ་ནི། །ཚེས་བཅུ་ཡི་དུས་སུ་ཁྱད་པར་དུ། །མཆོད་པ་ལྔ་དང་ལྡན་གྱུར་ཅིང། །བཟའ་སྟོན་དེ་བཞིན་བཏུང་བ་དང། །ཕྱི་དང་གསང་བར་བཅས་པར་ལྡན། །སྣོད་ནི་དྲི་མེད་སྦྱངས་པ་རུ། །གུར་གུམ ་ལ་སོགས་སྦྱར་བར་བྱ། །ཆུ་བཟང་པོ་དང་ལྡན་པ་ལ། །སིནདྷུ་རའི་ཕྱེ་མ་བཙག་།གསེར་གྱི་སྨྱུ་གུའི་སྦྱོར་བ་ཡིས། །བློ་དང་ལྡན་པས་ཨེ་དབྱིབས་བྲི། །དབུས་སུ་སྔགས་ཀྱི་རྒྱལ་པོ་ནི། །རིམ་པ་བཞིན་དུ་བྲི་བར་བྱ། །གཡུང་དྲུང་འཁྱིལ་པའི་ཕྱག་རྒྱ་ནི། །དགེ ་བའི་འཁོར་ལོའི་ལོགས་ལ་དགོད། །མེ་ཏོག་རྣམ་པ་སྣ་ཚོགས་ཉིད། །ཆུ་ལ་སྐྱེས་དང་ཐང་ལས་སྐྱེས། །མར་མེ་ཙཱ་རུ་དམ་ཚིག་ཆེ། །དེ་བཞིན་གཞོན་ནུ་མ་ཡང་མཆོད། །མཆོད་པའི་ཁྱད་པར་འདི་དག་ནི། །ངེས་པ་ཉིད་དུ་བྱ་བ་ཡིན། །སྒྲ?་གྲོལ་གཅེར་བུར ་བྱས་ནས་ནི། །སྔར་བཤད་ཕྱོགས་བཅུ་བལྟས་ནས་ནི། །སྔར་བཤད་ཕྱོགས་བཅུ་བལྟས་ནས་ཀྱང། །ཤིན་ཏུ་གསང་བར་བྱ་བ་ཉིད། །མཆོད་པའི་དུས་སུ་མཉམ་པར་བཞག་།མ་བསང་བགེགས་ནི་སྐྱེ་འགྱུར་ཏེ། །དངོས་གྲུབ་དེ་བཞིན་ཉམས་པར་འགྱུར། །དམ ་ཚིག་ཉམས་པར་གྱུར་པ་ན། །ནད་རྣམས་སྣ་ཚོགས་འབྱུང་བར་འགྱུར། །སྲོག་ནི་གཏོང་བར་གྱུར་པ་ཡིས། །འཆི་བའི་དུས་ལ་བབ་ཀྱང་བླའི། །གལ་ཏེ་དངོས་གྲུབ་མཆོག་འདོད་ན། །དམ་ཚིག་རྟག་ཏུ་བསྲུང་བར་བྱ། །ཁམས་གསུམ་བརྟན་དང་གཡོ་བ་ཡིས། །འགྲོ་བ ་ཐམས་ཅད་གཡོན་ནས་འབྱུང། །གཡོན་པ་སྔོན་དུ་བསྐྱོང་བྱ་སྟེ། །རྣལ་འབྱོར་རྟག་ཏུ་གཡོན་པ་སྤྱད། །མཆོད་པ་ལག་པ་གཡོན་པས་ཏེ། །བཟའ་བཏུང་གཡོན་པས་བྱ་བ་ཉིད། །རིགས་ལྔ་ལ་ནི་ཀུན་སྤྱོད་པ། །རིགས་གཅིག་ཏུ་ནི་བརྟག་པར་བྱ། །བཟའ་དང་བཟའ་ ་མིན་དེ་བཞིན་བཏུང། །སྨེ་གཙང་ངོ་ཚ་རྣམ་པར་སྤངས། །རྟོགས་པ་ཀུན་ནས་ངེས་པར་གྲོལ། །རྩོད་པ་ཐམས་ཅད་རྣམ་པར་སྤངས། །མཁའ་འགྲོ་མ་ཡི་དྲ་བ་སྔོམ། །དཔའ་བོ་སེང་གེ་བཞིན་དུ་སྤྱོད། །སྔགས་ནི་རྣལ་འབྱོར་མའི་རང་བཞིན། །རྣལ་འབྱོར་མ་ནི་སྔགས ་གྱི་གཟུགས། །གལ་ཏེ་གོ་འཕང་མཆོག་འདོད་ན། །དེ་དག་ཐ་དད་པར་མི་བྱ། །མི་ཡིས་གང་དང་གང་བསྒོམ་པ། །ཡིད་དང་ཡང་དག་ལྡན་བྱས་ནས། །དེས་ན་དེ་ཡི་བདག་ཉིད་འགྱུར། །སྣ་ཚོགས་ནོར་བུ་ཇི་བཞིན་ནོ། །སེམས་དང་རྗེས་མཐུན་རྣལ་འབྱོར་གྱིས། ། ་གང་ཞིག་ཤིན་ཏུ་གོམས་བྱེད་ན། །མི་གང་བསོད་ནམས་དམན་པ་ཡང། །དེ་ནི་གྲུབ་གྱུར?་ཐེ་ཚོམ་མེད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་ཅན། །འདིར་ནི་བླ་མ་མེད་པའོ། །སངས་རྒྱས་འབྲས་བུ་འདོད་པ་ཡིས།། ་དེ་ཕྱིར་བླ་མ་བསྙེན་བཀུར་བྱ། །དཔལ་དང་ལྡན་པའི་རབ་ཏུ་བསྔགས་པའི་གནས་ཨོཌཡཎ?་ནས་བྱུང་བའི་དགོངས་བའི་བླ་ན་མེད་པ་དཔལ་རྡོ་རྗེ་རྣལ་འབྱོར་མའི་གསང་ཆེན་རྣ་བ་རུ་ཞལ་དུ་བརྒྱུད་པའི་རིམ་པ་རྫོགས་སོ།། །།རྒྱ་གར་གྱི་མཁན་པོ་བསོད་ནམས ་འབྱུང་གནས་བཟང་པོའི་ཞལ་སྔ་ནས་དང་བོད་ཀྱི་ལོཙྪ་བ་སྨ་བན་ཆོས་འབར་གྱིས་བསྒྱུར་བའོ།། (།།དཔལ་དེ་ཁོ་ན་ཉིད་ཡེ་ཤེས་གྲུབ་པ་བཞུགས་སོ། །)་*། །རྒྱ་གར་སྐད་དུ། ཤྲཱི་ཏཏདྭ?་ཛྙཱ་ན་སིདྡྷི། བོད་སྐད་དུ། དཔལ་དེ་ཁོ་ན ་