བོད་ཡིག

e-texts based on the ACIP/ALL Input

bram ze rin chen rdo rje mdzad pa rdzogs so// //mahA dza na dang/ mar pa chos kyi dbang phyug gi bsgyur/ //rgya gar skad du/ shI tsakra sam+ba ra sto traM/ bod skad du dpal 'khor lo sdom pa la bstod pa/ bcom ldan 'das 'khor lo sdom pa la phyag 'tshal lo/ /kun rtog spos bral dri ma rnam dag cing/ /mtsho ltar bde ba chen por ro gcig pa/ /nam mkha' i dang du sprin? dkar dag pa bzhin/ /rang bzhin rnam dag chos rnams mngon gyur te/ /ji ltar mkha' la 'ja''tshon shar ba bzhin/ /gnyis med bde chen longs spyod rdzogs pa'i sku/ /yid bzhin nor bu rtog med ji bzhin du/ /gdul bya mchog la sprul sku khro bo'i tshul/ /dpa' bo 'jigs byed gang dgu'i nyams dang ldan/ /sku yi rang bzhin mtshan dang dpe byad ni/ /sgeg dang dpa' dang 'jigs su rung ba'i tshul/ /gsung gi rang bzhin yan lag drug cu ni/ /bzhad dang gshe dang rngam pa'i tshul du bstan/ /thugs kyi rang bzhin gzugs dang ting nge 'dzin/ /zhi ba sems dpa' rmad du byung ba'i tshul/ /dbang phyug chen po'i sgeg pa'i nyams bcom nas/ /gnyis med yum la 'khyud nas 'gying pag bzhugs/ /bzhon nu gdong drug dpa' ba' i nyams bcom nas/ /'jigs byed dus mtshan g.yas brkyang zhabs kyis mnan/ /khyab 'jug zhal gsum 'jigs pa'i nyams bcom nas/ /zhal bzhi mnga' zhing bcu gnyis phyag dang ldan/ /lha chen tshangs pa rgod ba'i/ nyams bcom nas/ /g.yas pa ser po gzhad pa'i tshul du bstan/ /tshogs kyi bdag po'i gshe ba'i nyams bcom nas/ /glang chen pags pas brgyan byas mche ba gtsigs/ /sgra gcan lha min nyi zla khar bcug nas/ /rngam pa'i nyams bcom tshangs pa'i mgo bo bsnams/ /brgya byin spyan mangs zhi ba'i nyams bcom nas/ /sku la spyan gsum gzi brjid ldan pa bo/ /me lha tshangs pa zhi ba'i nyams bcom nas/ /thal ba'i tshom bus sku la brgyan pa po/ /klu tshan so? sha rmad byung nyams bcom nas/ /mi mgo lnga bcu cig gi do shal byas/ /sku gsung thugs la sdug bsngal gsum nub pas/ /thams cad bde ba chen por thugs su chud/ /yang dag ting 'dzin rang bzhin bcom ldan 'das/ /'khor lo'i dbus na g.yas brkyang sbyor bar bzhugs/ /chos nyid mi 'gyur sku mdog mthing kar bstan/ /thabs kyi tshul gyis 'gro ba'i don mdzad pa/ /thugs rje mchog gyur de la phyag 'tshal lo/ /de yi yum gyur rdo rje phag mo ni/ /sku mdog dmar mo zhal gcig phyag gnyis ma/ /bdud bzhi bcom nas bde chen thugs chud ma/ /gnyis med yum gyur de la phyag 'tshal lo/ /zhi sogs las mdzad ye shes bzhi yi sku/ /tshad med bzhi dang phyag rgya bzhi ldan ma/ /phyogs bzhi pad+ma'i dbus na bzhugs pa yi/ /mkha' 'gro yum bzhi mo la phyag 'tshal lo/ /rtag pa la sogs de bzhin gshegs pa bzhi /bum pa bzhi dang bdud rtsis gang pa'i snod/ /mtshams bzhir mchod pa'i gzugs kyis gnas pa yi/ /thabs shes dbyer med de la phyag 'tshal lo/ /sems ni skye ba med par thugs chud cing/ /mi bskyod rigs su sku mdog mthing gar bstan/ /rnam thar brgyad rtsibs thugs rtags rdo rjes brgyan/ mkha' spyod yab yum rnams la phyag 'tshal lo/ /gsung gi sgra snyan lta bur thugs chud cing/ /'od dpag med rigs sku mdog dmar por bstan/ /rnam thar brgyad rtsibs gsung rtags pad+mas brgyan/ /sa spyod yab yum rnams la phyag 'tshal lo/ /sku ni sgyu ma lta bur thugs chud cing/ /rnam dag rigs su sku mdog dkar por bstan/ /rnam thar brgyad rtsibs sku rtags 'khor los brgyan/ /sa 'og yab yum rnams la phyag 'tshal lo/ /gshin rje brtan sogs khro mo chen mo brgyad/ /mi 'am ci sogs gdul phyir tha dad bzhugs/ /khwa gdong la sogs lha mo brgyad pa rnams/ /dam tshig 'khor lor bzhugs la phyag 'tshal lo/ /rin chen las grub dpag med gzhal yas khang/ /byang chub mchog gi chos rnams yongs rdzogs pa/ /gtso bo bde chen thugs kyi snang ba ni/ /sna tshogs brgyan dang lha mo'i tshogs kyis mdzes/ /chos rnams tshad med dur khrod brgyad kyis bskor/ /rnam par gzigs shing tha dad gdong du bstan/ /nyan thos rang rgyal 'khor lo sgyur sogs brgyad/ /phyogs rnams skyong zhing klu dang srin po'i gzugs/ /thugs rjes nyon mongs bsregs mdzad 'bar ba'i phreng/ /rnam snang rang bzhin thar pa'i grong khyer mchog /bde chen bzhugs gnas de la phyag 'tshal lo/ /bcom ldan 'das dpal 'khor lo sdom pa la bstod pa/ kha che'i paN+Di ta chen po bram ze rin chen rdo rjes mdzad pa rdzogs so// //rgya gar gyi mkhan po paN+Di ta mahA dzA na dang/ bod kyi lots+tsha ba mar pa chos kyi dbang phyug gis sgyur ba'o// //