Wylie

e-texts based on the ACIP/ALL Input

བྲམ་ཟེ་རིན་ཆེན་རྡོ་རྗེ་མཛད་པ་རྫོགས་སོ།། །།མཧཱ་ཛ་ན་དང། མར་པ་ཆོས་ཀྱི་དབང་ཕྱུག་གི་བསྒྱུར། །།རྒྱ་གར་སྐད་དུ། ཤཱི་ཙཀྲ་སམྦ་ར་སྟོ་ཏྲཾ། བོད་སྐད་དུ་དཔལ་འཁོར་ལོ་སྡོམ་པ་ལ་བསྟོད་པ། བཅོམ་ལྡན་འདས་འཁོར་ལོ་སྡོམ་པ་ལ ་ཕྱག་འཚལ་ལོ། །ཀུན་རྟོག་སྤོས་བྲལ་དྲི་མ་རྣམ་དག་ཅིང། །མཚོ་ལྟར་བདེ་བ་ཆེན་པོར་རོ་གཅིག་པ། །ནམ་མཁའ་ཨི་དང་དུ་སྤྲིན?་དཀར་དག་པ་བཞིན། །རང་བཞིན་རྣམ་དག་ཆོས་རྣམས་མངོན་གྱུར་ཏེ། །ཇི་ལྟར་མཁའ་ལ་འཇའའཚོན་ཤར་བ་བཞིན། །གཉིས་མེད་བདེ་ཆེན ་ལོངས་སྤྱོད་རྫོགས་པའི་སྐུ། །ཡིད་བཞིན་ནོར་བུ་རྟོག་མེད་ཇི་བཞིན་དུ། །གདུལ་བྱ་མཆོག་ལ་སྤྲུལ་སྐུ་ཁྲོ་བོའི་ཚུལ། །དཔའ་བོ་འཇིགས་བྱེད་གང་དགུའི་ཉམས་དང་ལྡན། །སྐུ་ཡི་རང་བཞིན་མཚན་དང་དཔེ་བྱད་ནི། །སྒེག་དང་དཔའ་དང་འཇིགས་སུ་རུང་བའི་ཚུལ། །གསུང ་གི་རང་བཞིན་ཡན་ལག་དྲུག་ཅུ་ནི། །བཞད་དང་གཤེ་དང་རྔམ་པའི་ཚུལ་དུ་བསྟན། །ཐུགས་ཀྱི་རང་བཞིན་གཟུགས་དང་ཏིང་ངེ་འཛིན། །ཞི་བ་སེམས་དཔའ་རྨད་དུ་བྱུང་བའི་ཚུལ། །དབང་ཕྱུག་ཆེན་པོའི་སྒེག་པའི་ཉམས་བཅོམ་ནས། །གཉིས་མེད་ཡུམ་ལ ་འཁྱུད་ནས་འགྱིང་པག་བཞུགས། །བཞོན་ནུ་གདོང་དྲུག་དཔའ་བའ་ཨི་ཉམས་བཅོམ་ནས། །འཇིགས་བྱེད་དུས་མཚན་གཡས་བརྐྱང་ཞབས་ཀྱིས་མནན། །ཁྱབ་འཇུག་ཞལ་གསུམ་འཇིགས་པའི་ཉམས་བཅོམ་ནས། །ཞལ་བཞི་མངའ་ཞིང་བཅུ་གཉིས་ཕྱག ་དང་ལྡན། །ལྷ་ཆེན་ཚངས་པ་རྒོད་བའི། ཉམས་བཅོམ་ནས། །གཡས་པ་སེར་པོ་གཞད་པའི་ཚུལ་དུ་བསྟན། །ཚོགས་ཀྱི་བདག་པོའི་གཤེ་བའི་ཉམས་བཅོམ་ནས། །གླང་ཆེན་པགས་པས་བརྒྱན་བྱས་མཆེ་བ་གཙིགས། །སྒྲ་གཅན་ལྷ་མིན་ཉི་ཟླ་ཁར་བཅུག་ནས། །རྔམ་པའི ་ཉམས་བཅོམ་ཚངས་པའི་མགོ་བོ་བསྣམས། །བརྒྱ་བྱིན་སྤྱན་མངས་ཞི་བའི་ཉམས་བཅོམ་ནས། །སྐུ་ལ་སྤྱན་གསུམ་གཟི་བརྗིད་ལྡན་པ་བོ། །མེ་ལྷ་ཚངས་པ་ཞི་བའི་ཉམས་བཅོམ་ནས། །ཐལ་བའི་ཚོམ་བུས་སྐུ་ལ་བརྒྱན་པ་པོ། །ཀླུ་ཚན་སོ?་ཤ ་རྨད་བྱུང་ཉམས་བཅོམ་ནས། །མི་མགོ་ལྔ་བཅུ་ཅིག་གི་དོ་ཤལ་བྱས། །སྐུ་གསུང་ཐུགས་ལ་སྡུག་བསྔལ་གསུམ་ནུབ་པས། །ཐམས་ཅད་བདེ་བ་ཆེན་པོར་ཐུགས་སུ་ཆུད། །ཡང་དག་ཏིང་འཛིན་རང་བཞིན་བཅོམ་ལྡན་འདས། །འཁོར་ལོའི་དབུས་ན ་གཡས་བརྐྱང་སྦྱོར་བར་བཞུགས། །ཆོས་ཉིད་མི་འགྱུར་སྐུ་མདོག་མཐིང་ཀར་བསྟན། །ཐབས་ཀྱི་ཚུལ་གྱིས་འགྲོ་བའི་དོན་མཛད་པ། །ཐུགས་རྗེ་མཆོག་གྱུར་དེ་ལ་ཕྱག་འཚལ་ལོ། །དེ་ཡི་ཡུམ་གྱུར་རྡོ་རྗེ་ཕག་མོ་ནི། །སྐུ་མདོག་དམར་མོ་ཞལ་གཅིག ་ཕྱག་གཉིས་མ། །བདུད་བཞི་བཅོམ་ནས་བདེ་ཆེན་ཐུགས་ཆུད་མ། །གཉིས་མེད་ཡུམ་གྱུར་དེ་ལ་ཕྱག་འཚལ་ལོ། །ཞི་སོགས་ལས་མཛད་ཡེ་ཤེས་བཞི་ཡི་སྐུ། །ཚད་མེད་བཞི་དང་ཕྱག་རྒྱ་བཞི་ལྡན་མ། །ཕྱོགས་བཞི་པདྨའི་དབུས་ན་བཞུགས ་པ་ཡི། །མཁའ་འགྲོ་ཡུམ་བཞི་མོ་ལ་ཕྱག་འཚལ་ལོ། །རྟག་པ་ལ་སོགས་དེ་བཞིན་གཤེགས་པ་བཞི་།བུམ་པ་བཞི་དང་བདུད་རྩིས་གང་པའི་སྣོད། །མཚམས་བཞིར་མཆོད་པའི་གཟུགས་ཀྱིས་གནས་པ་ཡི། །ཐབས་ཤེས་དབྱེར ་མེད་དེ་ལ་ཕྱག་འཚལ་ལོ། །སེམས་ནི་སྐྱེ་བ་མེད་པར་ཐུགས་ཆུད་ཅིང། །མི་བསྐྱོད་རིགས་སུ་སྐུ་མདོག་མཐིང་གར་བསྟན། །རྣམ་ཐར་བརྒྱད་རྩིབས་ཐུགས་རྟགས་རྡོ་རྗེས་བརྒྱན། མཁའ་སྤྱོད་ཡབ་ཡུམ་རྣམས་ལ་ཕྱག་འཚལ་ལོ། །གསུང་གི་སྒྲ ་སྙན་ལྟ་བུར་ཐུགས་ཆུད་ཅིང། །འོད་དཔག་མེད་རིགས་སྐུ་མདོག་དམར་པོར་བསྟན། །རྣམ་ཐར་བརྒྱད་རྩིབས་གསུང་རྟགས་པདྨས་བརྒྱན། །ས་སྤྱོད་ཡབ་ཡུམ་རྣམས་ལ་ཕྱག་འཚལ་ལོ། །སྐུ་ནི་སྒྱུ་མ་ལྟ་བུར་ཐུགས་ཆུད ་ཅིང། །རྣམ་དག་རིགས་སུ་སྐུ་མདོག་དཀར་པོར་བསྟན། །རྣམ་ཐར་བརྒྱད་རྩིབས་སྐུ་རྟགས་འཁོར་ལོས་བརྒྱན། །ས་འོག་ཡབ་ཡུམ་རྣམས་ལ་ཕྱག་འཚལ་ལོ། །གཤིན་རྗེ་བརྟན་སོགས་ཁྲོ་མོ་ཆེན་མོ་བརྒྱད། །མི་འམ་ཅི་སོགས་གདུལ་ཕྱིར་ཐ་དད ་བཞུགས། །ཁྭ་གདོང་ལ་སོགས་ལྷ་མོ་བརྒྱད་པ་རྣམས། །དམ་ཚིག་འཁོར་ལོར་བཞུགས་ལ་ཕྱག་འཚལ་ལོ། །རིན་ཆེན་ལས་གྲུབ་དཔག་མེད་གཞལ་ཡས་ཁང། །བྱང་ཆུབ་མཆོག་གི་ཆོས་རྣམས་ཡོངས་རྫོགས་པ། །གཙོ་བོ་བདེ་ཆེན ་ཐུགས་ཀྱི་སྣང་བ་ནི། །སྣ་ཚོགས་བརྒྱན་དང་ལྷ་མོའི་ཚོགས་ཀྱིས་མཛེས། །ཆོས་རྣམས་ཚད་མེད་དུར་ཁྲོད་བརྒྱད་ཀྱིས་བསྐོར། །རྣམ་པར་གཟིགས་ཤིང་ཐ་དད་གདོང་དུ་བསྟན། །ཉན་ཐོས་རང་རྒྱལ་འཁོར་ལོ་སྒྱུར་སོགས་བརྒྱད། །ཕྱོགས ་རྣམས་སྐྱོང་ཞིང་ཀླུ་དང་སྲིན་པོའི་གཟུགས། །ཐུགས་རྗེས་ཉོན་མོངས་བསྲེགས་མཛད་འབར་བའི་ཕྲེང། །རྣམ་སྣང་རང་བཞིན་ཐར་པའི་གྲོང་ཁྱེར་མཆོག་།བདེ་ཆེན་བཞུགས་གནས་དེ་ལ་ཕྱག་འཚལ་ལོ། །བཅོམ་ལྡན་འདས་དཔལ་འཁོར་ལོ ་སྡོམ་པ་ལ་བསྟོད་པ། ཁ་ཆེའི་པཎྜི་ཏ་ཆེན་པོ་བྲམ་ཟེ་རིན་ཆེན་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་མཧཱ་ཛཱ་ན་དང། བོད་ཀྱི་ལོཙྪ་བ་མར་པ་ཆོས་ཀྱི་དབང་ཕྱུག་གིས་སྒྱུར་བའོ།། །། ་