བོད་ཡིག

e-texts based on the ACIP/ALL Input

dpal mkha' 'gro rgya mtsho'i chog bzhugs// //*/ /bcom ldan 'das dpal mkha' 'gro rgya mtsho la phyag 'tshal lo/ /yod med mdza' sogs rnam par spangs/ /blo yi spyod yul ma yin kyang/ /'gro la brtse bas sna tshogs gzugs/ / mkha' 'gro rgya mtsho la phyag 'tshal/ /gang zhig blo yi mun sel cing/ /bde ba ma lus 'byung ba'i gnas/ /rdo rje sems dpa' i ngo bo nyid/ /bla ma rnams la phyag 'tshal lo/ /dpal ldan mkha' 'gro rgya mtsho yi/ /lha rnams mnyes par byed pa'i thabs// rgyud 'di nas ni phal che ba'i/ /bla ma'i man ngag sbyin sreg bshad/ /sbyin sreg rnam pa gnyis yin te/ /phyi dang nang du 'dir bzhed do/ /phyi yi rnam pa dgu yin te/ /nang gi gtum mo'i rnal 'byor ro// //de la sngon du bsnyen pa byas pa'i sgrub pa pos// dkyil 'khor gyi cho gar bshad pa'i sa'i cho ga yongs su rdzogs par byas te thab khung mngon par 'du bya ba'o/ /de ltar thog mar sbyin sreg gi khang pa gru bzhi pa ri mo gsum dang ldan pa rang gi kha blta ba'i rgyab na sgo gcig yod pa byas te/ de'i dbus su zhi ba'i thab gzhi dkar po la zlum po khru gang ba de'i phyed thur du brkos pa/ de'i dbus su sor bcu drug pa'i pad+ma'i steng du 'khor lo sor brgyad pa dpangs su sor gcig yod pa la rdo rjes mtshan pa'o/ /thab kyi steng du sor bzhi dor bar dpangs dang rgyar sor bzhi pa'i kha khyer cung zad gyed par bya'o/ /kha khyer gyi steng du dbus kyi mtshan mas bskor bar bya zhing/ phyi rol ni thams cad la grub zhir byas te/ grwa bzhir yang de nyid kyis mtshan pa'o/ /kha khyer gyi 'og gi gyed pa la pad+ma 'dab ma bcu drug bri bar bya'o/ /thab la ni sa dkar ba dang phyi rol kun nas khru? phyed tsam lcibs byug par byas la de gnyis ni sa dkar po dang ldan pa dang dri dkar pos nye bar byug ba dang thab ma skams kyi bar du thun gsum du me tog dkar po'i sil ma gtor bar bya'o/ /rgyas pa la ni sa gzhi ser po'i steng du thad kar khru do pa thung du khru gang pa la gru bzhi pa'o/ /de'i dbus su rin po che sor brgyad pa la rdo rjes mtshan pa'o/ /kha khyer thams cad ni bzhi cha'i rim pas dang/ de la dbus kyi mtshan mas bskor ba dang pad+ma 'dab ma bcu drug bri ba ni thun mong du go bar bya'o/ /de'i phyi rol khru phyed 'khor ba'i lci bas nye bar byugs la de gnyis sa ser po dang ldan pa dang/ dri ser bos byugs te me tog ser po dgram par bya'o/ /dbang gi thab ni sa gzhi dmar ba 'am/ zhan par gru gsum pa khru phyed pa'o/ /dbus pad+ma la gnas pa'i pad+ma la rdo rjes mtshan pa'o/ /sa dmar po dang bdud rtsi dang bcas pa'i dris nye bar byugs pa me tog dmar po gtor bar bya'o/ /phyi rol lci bas byugs pa yang kun la shes par bya'o/ /mngon spyod ni gas? pa dang/ ba tshwa can dang/ rtsub pa dang/ nam mkha' ltar gnas pa'i sa gzhi la zur drug pa sor brgyad pa'o/ /dbus su pad+ma la rdo rjes mtshan pa'o/ /yang na zhi pa la khru gnyis pa'o/ /rgyas pa la khru gsum pa'o/ /dbang la khru bzhi pa'o/ /mngon spyod la khru lnga pa'o/ de'i kha khyer la sogs dang dbus kyi pad+ma'i mtshan ma la sogs gong gi rim pas dpyad par bya'o/ /drag po'i thab de la bdud rtsi dang ldan pa'i sa nag po dang ro bsregs pa'i thal pa dang bor bu dang/ rnga mo la sogs pa'i sbang? ji ltar rnyed ba byugs la/ dri mi zhim pa'am/ dri med pa'i sngo'am/ dmar pa'i me tog gam 'bru'i shun pa la sogs pas gtor ba 'bar bas bskor ba drag po mi'i snum la sogs pa'i mar me dang ldan par bya'o/ /lhag ma las thams cad pa ma gtogs pa'i sa gzhi la sogs pa mngon spyod dang 'dra'o/ /bskrad pa'i thab ni zur bdun la khru drug pa ste dbus su mda' la rdo rjes mtshan pa'o/ /sdang bar bya la khru brgyad pa ste khru bdun pa la dbus su gri gug la rdo rjes mtshan pa'o/ /rengs pa la ni zur dgu pa ste khru brgyad pa la dbus su gzhu la rdo rjes mtshan pa'o/ /bsad pa la ni zur lnga pa ste khru dgu pa la dbus su ral gri la rdo rjes mtshan pa'o/ /las thams cad pa'i thab na las dang rjes su mthun pa'i sa gzhi la zur bcu pa khru bcu pa'i dbus su sna tshogs rdo rje'i lte bar rdo rjes mtshan pa'o/ /de la dkyil 'khor gyi khang pa'i shar phyogs su zhi bar byed pa'i thab bo/ /lho phyogs su rgyas pa'i 'o/ /nub phyogs su dbang dang dbang dgug gi thab bo/ /byang du drag po'i las rnams kyi thab bo/ /dpal kha sbyor gyi rgyud kyi ni shar du zhi ba'o/ /lhor mngon spyod do/ /nub tu dbang dang dgug pa'i thab bo/ /byang du rgyas ba'o/ /ma 'byor na rdul tshan gyis bris pa yang rung ste 'di ni thab kyi rab tu byed pa'o// //pa lA sha u dum+ba ra a shwa t+tha/ /gam pa ri a mu kA dam pa ka rnams/ /sa mi balk+Sha ba Da la sogs kyang/ /'dab ma gnyis la 'o ma 'dzag shing rnams/ /rlon pa mnyam par bcad pa sor bcu gnyis pa rtse mo'i char skyes pa/ /mthe'u chung gi sgoms can rnams sbrang rtsi dang 'o ma dang/ mar gyis mgo dang mjug ma btags pa bdud rtsi dang dri'i chu gtor ba'i yams shing rnams ming med dang/ mthe bong bzung ste rtse mo lo ma zung dang bcas pa rtse mo lha la bstan nas bsregs par bya'o/ /de rnams dang ku sha dang/ a mu'i lo ma dang/ dU ra ba mang gnyis gnyis bsdoms pa'o/ /rings pa dang lci ba dang phra ba dang 'khyog pa dang ring ba dang thung ba dang lo ma med pa dang/ srin bu la sogs pas zos pa dang/ dman pa dang pags pa med pa dang/ brun gyis gos pa dang/ rtse mo'i cha gnyis pa dang/ sbom pa rnams spang bar bya'o/ brnyings pas ni 'chi'o/ /'khyog pas skal pa ngan par bya'o/ /thung bas rig pa rgyun tu mi 'jug go /lo ma med pas nad byed do/ /sbom pas phun sum tshogs pa thams cad 'joms so/ /bskams pa la sogs pas kyang mi 'dod pa 'byung bar shes par bya'o/ /sbyin sreg gi zas brjod par bya ste/ til mar la btags ku sha sA lu'i zan/ /'o ma nas dang til dang zho/ /pri yang ku dang tsan dan du rA dang/ /ro bcud dang ni dri bzang po rnams dang/ /me tog 'bras yos a mra'i lo ma ni/ /rtse mo gnyis ni sbrang dang/ mar btags la/ /bsregs par bya'o ji ltar rnyed pa ste/ /zhi bar byed pa'i mthar ni bdud rtsi'o/ /la la ni phyi'i bdud rtsi lnga zhes zer ro/ /yam shing ni de rnams te 'di ltar dbus kyi char skyes pa tshad chag gang ba/ khru gang tsam dang ldan pa rnams bdud rtsi dang dri zhim po dang bcas pa'i chus gtor ma zho dang 'o ma dang mar dang btags pa dang/ mngar gsum dang btags pa'i bza' ba mchog dang/ zho dang sbrang rtsi dang mar dang ldan pa'i til nag po dang zho'i bza' ba mar dang ldan pa dang/ go snyod dang/ bil ba'i 'bras bu dang/ 'bras sA lu dang/ pad+ma dang/ nA ga ge sar dang/ kar+Ni ka ra'i 'bru ni rgyas pa'i'o/ /zhi ba la bshad pa'i yon tan dang skyon med pa rnams sor lnga dang ldan pa rnams dang/ pri yang ku dang tsam pa pun nA ga /nA ga ge sar ker sa ra dang ni/ /la ku tsa dang mya ngan med yam shing/ /de bzhin du ni nags na che pa'i dngos/ /'bras bu dang ni me tog skyar? po dang/ /mngar ba dang ni gzhan noms rang rang gi/ rtog ? gsungs pa dang ni gzhan pa ni/ /shes par bya ba dbang gi las kyi'o/ /de rnams dang ni 'di ltar lcags kyu yi/ /rnam pa'i tsher ma yang ni sngon bzhin no/ /dbang dgug gi'o/ /nim pa dang/ seng ldeng dang/ ko bi dA ra dang/ b+hI la'o Ta ka dang myos byed rnams sam de las gzhan pa'i ro tsha ba dang tsher ma can dang/ kha ba'i shing rnams sam/ ro bsregs pa'i sdong dum dang/ gas pa sor bzhi pa 'am/ sor bcu pa rtsa ba'i char skyes pa/ rtse mo rnon po gnyis dug dang/ khrag la btags pa'i yam shing ngo/ /yungs mar dang mar nag tshan de dang/ /khrag dang lan tsha dang ske che dang nim pa'i lo ma dang/ ro bsregs pa'i thal ba dang/ rkang rjes kyi rdul dang bong bu dang rnga mo la soD pa'i spangs dang/ ska dang/ khyim bya'i tshil dang/ bya rog la sogs pa'i spro dang/ dri chen dang dri chu dang ru tsher ma dang rus pa'i phye ma dang/ sha chen po la sogs pa ji ltar rnyed pa gcig gam/ rdzas la dug dang lan tsha dang khag dang btags pa'i rdzas 'di rnams dang/ thal ba dang/ sol ba dang/ /rtsun pa la sogs pa'ang rung ba las dgra'i gzugs brnyan dug la btags rkang pa g.yon pa'i mthe'u chung nas brtsams la mtshon cha rnon pos bcang cing bsreg pa ni mngon spyod bsang pa'o/ /bskrad pa la sogs pa ni gzugs brnyan mi dgos so/ /pa lA sha dang/ pA kA dang /u dum+ba? ra? dang seng ldeng dang/ arka dang/ n+ya gro d+ha dang/ bai kaM ka dang/ a mra dang/ sa mi dang/ g+haM pa ri dang/ a pa mArga dang a shwatwa? dang/ gsar bu mngon par byung ba mdzub mo tsam drang ba bdud rtsi dang/ dri zhim po dang bcas pa'i chus gtor ba las rjes su mthun pas rtse mo gnyis mthun pa la sogs pas btags pa'i yam shing dang zhi ba la sogs par bshad pa'i nas dang 'o ma la sogs pa yang bsreg par bya ba ni las thams cad pa'i lo/ gcung zad zhi ba dang rgyas pa'i rdzas gang dang bdag nyid kyi ston mo dang de thams cad la mar kyis btags pa dang/ gu gul dang sa rdzar sa yang rung so so'i sngags kyis phye pa'i bsreg par bya'o/ /dri dang me tog la sogs pa'i nye bar spyod pa yang las dang rjes su mthun pa'i sa ji lta bar rang gi sngags kyis bzlas par bya'o/ /rdzas kyi rab tu byed pa'o// 2 //mchod sbyin can gyi bud shing la srin bu med pa thab pas tshad cung zad dma' ba dang lci ba skam po yang rung ba ni zhi ba'i 'o/ /nags kyi lci ba spangs pa'i ji ltar bshad pa'i bud shing 'bras bu dang bcas pa ni rgyas pa'i'o/ /nim pa dang skyur ba'i shing dang bud shing gzhan me tog dang bcas pa ni dbang du bya ba'i 'o/ /tshed ma dang bcas pa ni dgug pa'i 'o/ /tsha ba dang tshed ma can dang kha ba dang dri mi zhim pa dang dri med pa'i shing rnams dur khrod du skyes pa rnams sam/ bong bu dang rnga mo'i spangs dang bud shing skam po ni mngon spyod la sogs pa'i'o/ /las dang rjes su mthun pa ni las thams cad pa'i bud shing ngo/ /bud shing gi rab tu byed pa'o// 3 //gser ram zangs kyi rang bzhin nam mchog sbyin bya ba'i shing gi rang bzhin las dgang gzar bya ste/ de'i yu ba ni skyes bu tshang ma'i sor nyi shu rtsa bzhi la/ thog mar rdo rje dang bcas pa chad paS bzung bar 'os pa'o/ /yu ba'i steng du rgyar sor bzhi pa gru bzhi pa'i dbus su pad+ma la sor gnyis pa'i rdo rje lnga pas mtshan pa/ der sor gnyis kyis dma' bar brkos pa gru bzhi pa'i steng du rgyar sor gcig la rdo rje'i phreng ba'o/ /gru bzhi pa'i steng du pad+ma'i 'dab ma'i rnam pas sor bzhi pa mthe'u chung gi tshad brkos pa la rdo rje sor bzhi pas mtshan pa'o/ /blugs gzar kyang de nyid kyi rgyu las yu ba'i rnam pa dang/ tshad ni sngar bzhin no/ /yu ba'i steng du rgyar sor gnyis pa pad+ma'i rnam pa/ kha la sor gcig brkos pa dbus su rdo rje rtse mo lnga pas mtshan pa'o/ /gnyis ka la yu ba'i 'og tu rdo rje dang rin po che ji ltar mdzes par bya'o/ /dgang gzar blugs gzar gyi rab tu byed pa'o// 4 //de nas khrus byas pa dri zhim pos lus la byugs pa brtse ba dang byams pa dang ldan pa gos dkar po 'dzin pa las dang rjes su mthun par byas te 'dod pa'i lha'i rnal 'byor dang bsrung ba'i cho ga dang bzlas pa dang smra ba bcad ngas shin tu 'jam pa'i stan la pad+ma'i 'dug stabs kyis bsdad de srong la kha shar du phyogs pa'i blo dang ldan pas bsgrub bya la dmigs te dkar po'i tshes gcig nas brtsams nas zhi ba'i yid kyis zhi ba bya'o/ /'di ltar ser po dang gzhan rjes su byugs pa rgyun dang rnam par bkra ba'i gos bgos pa/ bzang po'i 'dug stabs kyis gnas te/ spro ba'i yid kyis nye nas brtsams te kha byang du phyogs pas tho rang ni rgyas pa'i 'o/ /chags pa'i sems kyis shin tu dmar ba la sogs pa'i rgyan dang/ kha nub tu phyogs pas/ mtho zhing bde ba'i stan la rdo rje'i skyil mo krung gi gnas te mtshan phyed dam srod la dbang du bya ba'o/ /'di ltar dbang dgug la ni 'on kyang kha steng du phyogs pas lha mnyes par bya ba dang/ yang na nub tu phyogs pa'o/ /khros pas gos dang rgyan sngon po bgos pa 'am khrag gis rlan pa'i gos bgos pa sra ba'i stan la kha gshin rjer bltas pas gnas te bsgrub bya'i gzugs brnyan gyis brang la gnon pa 'am cog pu dang stan med par rkang pas rkang pa mnan cing/ so yis so bcer bas mig bsrungs pas khro gnyer gyi gdong gis snying rjes dkon mchog gsum la gnod pa med par bya ba'i don du nag po bcu bzhi 'am brgyad la nyi ma phyed ngam phyed na khro bo'i skyil mo krung dang ldan pas rnal 'byor kyang khro bo'i bsgrub bya gang yin pa de'i bsrung ba snying gI pad+ma'i nang du son pa de hUM las byung ba'i rdo rje lcags kyus bcad cing bkug ste bdag nyid kyi nang du bsgom pa 'am rang gi shes rab kyi chu skyes su rang gi rdo rje'i phur bu yis yongs su phur bus btab la bsgrub bya dang lha thams cad de yis gsal bar sgoms la/ de la sdig pa mi 'jug par bya bar 'dod pa'i brtse bas yongs su dag pa'i sangs rgyas kyi zhing ngam phan pa dang/ bde ba'i bsam pas rigs bzang por skye bar bya ba ni mngon spyod dang bsad pa'o/ /sdang ba'i yang ngo/ /dbang ldan du kha phyogs pas de bzhin du rdo rje'i skyil mo krung ni rengs pa'i'o/ /pau ShaT he yi sngags kyis/ thab kyang gru bzhi'ang rung ba ste/ ser dang dkar ba rnam rgyan ldan/ /rgyas pa'i cho ga bzhin yongs gnas/ /de bzhin me phyogs kha bltas pas/ /bskrad pa rnga mo sogs blun? blugs/ /dug gis bris pa'i nag po ni/ /dkar pos brgyan pa bsreg pa yin/ /bya rog la sogs gshog bsdus la/ /rab tu bsgrub bya'i ming spel ba'o/ /'dir bya rog la sogs pa'i gshog pa la che ge mo'i uts+tsha Da'i sngags kyi mdza' can bris pa dang ldan pa'o/ /kha bden bral du phyogs pas de bzhin du sdang bar bya ba la mar nag tshan de dang dug la sogs pas bris la rkang pa dag phyin ci log pas ser ba dang gnag pas rnam par rgyan pa'o/ /las thams cad pa la gang phyogs mtshams su kha bltas pa dang de dreng? po ni mchog ste phyogs dang mtshams su gnas pa 'am/ don dam par gdod ma nas zhi ba'i rgyud nyid pas ji ltar de bzhin du gnas pas yid ma zhum pa'i nga rgyal gyis blo mnyom pa'i de bzhin du thams cad dang bcas pa bya'o/ /bsgrub pa po'i rab tu byed pa'o// //gser dang dngul dang rngo dang zangs/ /shing dang sa dang mu tig dang/ /dud rang lo ma'i skyong bu ni/ /mchod yon bsang gtor la sogs snod nas dang 'o ma dang me tog dkar po dang til dang ku sha dang 'bras yos dang ldan pa bdud rtsi dang bcas pa dri ser po'i chu la rnam par rgyal ba'i bum pa la gnas pa'i sa gtor ba bdug spos kyis bdugs par rang gi lha'i sngags sam las thams cad pa la swAhA'i mdza' can brgya bzlas pa ni zhi ba'i 'o/ / 'di ltar til dang zho ser po'i me tog dang dri la sogs pa dang bcas pa'i chu la phyag 'tshal gyi mdza' can rgyas pa'i 'o/ /dmar po'i dri la sogs pa'i chu la ho(rgyud 'grel tsog par song ba'i kham por gyi dum bu la sogs pa'i snod khrag dang ko tra ba dang lci ba dang/ ba'i gcin dang/ gnag pa dri mi zhim pa dang dri med pa'i me tog la sogs pa dang bcas pa'i tshul phaT kyi yi ge mdza' can ni bsad pa la sogs pa'i 'o/ /dri dang me tog dang til dang ku sha dang 'bras yos dang chu ste ji ltar rnyed pa'i las dang rjes su mthun pa bzhag par bya'o/ /thams cad du rgyas pa la sogs pa'i las thams cad pa'o/ /'di ni mchod yon gyi rab tu byed pa'o// 6 //zhi ba dang rgyas pa dang dbang gi las la bdud rtsi 'khyil ba'i sngags sam/ hUM gi yi ge bzlas pa'i las thams cad pa'i chu'i snod dang mchod yon la sogs pa'i snod gsum g.yon gyi ngos su'o/ /de'i mdun du bzhes par byed pa'i snod gsum kyang khri'u la sogs pa la bzhag la sngags gong ma gnyis gang rung zlos bzhin pa'i chu lag pa g.yas par gnas par ku sha'i rtse mo bzung ba'i bud shing la sogs pa thams cad la gtor te rdzas ni g.yas ngos su dgod par bya'o/ /bdag nyid dang dgang gzar dang blugs gzar la yang gtor bar bya'o/ /rnam par rgyal ba dang las thams cad pa'i bum pa lhag par gnas pa ni dkyil 'khor gyi cho gar bshad pa bzhin du'o/ /cho ga bsdus pa la ni bum pa med pa 'am gcig tsam mo/ /bsang pa dang bskrad pa'i las dang sdang ba la sogs pa la lag pa g.yon pas bsang gtor bya ba dang/ g.yas ngos su las thams cad pa'i snod dang mchod yon gyi snod dang/ g.yon ngos su rdzas dgod do/ /'di ni dgod pa'i rab tu byed pa'o// 7 //zhi ba la ni 'o ma can gyi shing las dang/ 'brog dgon par skyes pa'i mi dang/ sbyin sreg gi 'gram du 'theb tu bzhag pa dang sbyin sreg gi me yang ngo/ /rgyas pa la ni rgyal po dang rgyal rigs kyi khyim du skyes pa dang/ nags las skyes dang/ nor bu las blangs pa 'am/ dge 'dun gyi 'am/ rgyun zhag gi me'o/ /smad 'tshod ma dang/ dmangs rigs las blangs pa ni dbang gi'o/ /gar mkhan dang 'gron po'i dang/ glu gar mkhan gyis byas pa ni dbang dgug gi'o/ /me'i rus pa'i dang/ ro bsregs pa'i dang/ rdo rje'i dang/ ba lang gsod pa'i khyim du skyes pa la sogs pa ni mngon spyod la sogs pa'i mer bzung bar bya'o/ /rang rang gi ji lta ba ni las thams cad pa ste 'di ni me'i rab tu byed pa'o// 8 //de nas rdo rje gsor ba dang dril bu'i sgra byas te/ gtor ma byin la bsrung ba dang ldan pas yi ge gsum gyis me snod du bzhag la/ de nas bdud rtsi 'khyil ba'i sngags kyis mar gyis rab tu 'bar ba'i me sbar bar bya'o/ /de bzlas pa'i chu ku sha'i rtse mos bzung bas g.yas su bskor ba dang bsad pa la sogs pa'i las la g.yon du lan gsum bskor zhing bsang gtor byas la thab tu gtsang zhing skam pa'i rtswa'i tshom bu dang bcas pa la du ba med par ro/ /bsad pa dang bcas pa la du ba dang bcas pa'o/ /dzwa la dzwa la hUM zhes bya ba 'di 'am hUM gi yi ges rlung yab kyis me spar te gtso bor snying po bzlas pa'i lcags gzar la gnas pa'i mar gyis 'bar bar byas te/ bsad pa la sogs pa la ni thog mar mar nag tshan des bya'o/ /de nas ku sha rnams la oM badzra satwa A(rgyud 'grel pa'i ku sha gnyis gnyis/ rtse mo phyogs gcig pa dri med pa ljang khu gshibs pa 'dab ma dum bu ma yin pa shin tu ring ba ma yin pa/ thog mar sgrub pa po'i g.yon gyi kha khyer gyi phyi rol nas kha shar du phyogs pa dang/ de ltar gshin rjer kha phyogs pa dang/ kha nub tu phyogs pa dang/ byang du rtse mo bstan pa'o/ /de nas thab la rtse mo mdun du bstan pas g.yog par bya'o/ /ku sha rnams ni ba lang rna ba tsam ste shin tu ring ba ma yin no/ /rgyas pa dang dbang dang mngon spyod kyi thab la rim pa bzhin/ byang dang nub dang lhor rtse mo bstan pa'i ku sha gnyis g.yon gyi kha khyer gyi phyir thog mar de bzhin du rtse mo'o/ /de nas lha'i bdag nyid can gyis las dang rjes su mthun pa'i kha dog can gyi hUM las thab rdzogs par byas la me rab tu 'bar bar rig pa 'di nyid de'i dbus bdag med par dmigs la raM las byung pa'i me gru gsum gyi dkyil 'khor la pad+ma dang nyi ma la gnas pa'i raM gyi yi ge las byung ba 'am skad cig gis rdzogs pa ste/ las dang rjes su mthun pa can gyi drang srong phyag bzhi pa g.yas par dbyug pa dang me'i thab 'dzin pa g.yon pas spyi blugs dang bgrang phreng 'dzin pa sma ra dang ral pa'i cho gas can gsus pa 'phyang ba/ lus la gon pa las dang rjes su mthun pa'i rgyan dang gos dang 'od kyi phreng ba dang rnam par shes pa dang/ rigs kyis rgyas gdab pa dang ldan pa'i snying gar raM gyis byin gyis brlabs dang bcas pa'i ma rnam par bsgoms la dam tshig sems dpa' i sa bon gyi 'od zer gyi lcags kyu yi nam mkha' i ye shes sems dpa' dam tshig sems dpa' dang 'dra ba'i me lha drang srong gis yongs su bskor ba me'i phyogs su byon par bltas te/ g.yas pa mi 'jigs pa'i mthe bong bskyod pa yis dang sngags 'dis spyan drang ngo/ /oM e hye hi agna ya raM sarba sid+d+hi me pra yats+tsha dzwa la dzwa la ho(rgyud 'grel sU dzI? asmi san+ni hi ho b+hA wa hUM zhes bya bas spyan drangs te/ de dang lhan cig tu 'ongs pa'i bgegs rang gi snying ga'i sa bon las spros pa'i kha gdong ma la sogs pa gsal te/ 'di ltar dza:hUM baM ho(rgyud 'grel dgug pa dang gzhug pa dang/ bcing ba dang/ mnyes par bya'o/ /de nas oM A:pA dyaM hUM tA sa na ye grih+Na hUM zhes bya bas zhabs bsil dbul lo/ /oM baM any+tsa ma naM ri Sha ye pra yats+tsha hUM zhes bya bas zhal bsil dbul bar bya'o// oM hUM DA ka DA ki nI sa ma Arg+haM da dA mi hUM hUM raM raM swAhA zhes bya bas mchod yon dbul bar bya'o/ /de nas las dang rjes su mthun pa'i me tog la sogs pa rnams dang pi wang ma la sogs pa'i gsang ba'i mchod pa rnams kyis kyang mchod par bya'o/ / ji ltar bdag gi bla ma rnams kyi sbyor ba'i khyad par ni/ ku sha'i dkor bzhag dang snod kyis/ /gsum pa'i thog mar bsang gtor te/ /thams cad byed pa bzlas pa'i chus/ /de bzhin du ni zhal bsil blugs/ /khu tshur kha spub byas pa yis// mdzub mos me tog yongs bzung ste/ /mthe'u chung dang ni ming med dang/ /gung mdzub rim gyis phye bas dor/ /gnyis pa'i dung gi arg+ha ni/ /bzhes bzer snod ni gnyis par ro/ /rdo rje thal mo rab phye bas/ /gsum pa ru ni zhabs bsil sbyin// mthe bo mdzub mo btsir ba yis/ /me tog bzung ba'i khu tshur gyis/ /sangs rgyas rnams la mngon sum du/ /lan gsum bskor ba mjug rim gyis/ /dbye ba mdzub mo gung mo dang/ /ming med dang ni mthe'u chung ngo/ /zhes bya ba ni rgyud pa'i gdams pa'o// //de'i rjes su lag pa g.yon pas byang chub mchog gi khu tshur brkyang bas mar gyis gang ba'i dgang gzar gzung la lag pa g.yas pa kha 'og tu bstan pas blugs gzar mar gyis gdab brkyang ste dgab pa'o// byung ba'i las la ni dug dang bcas pa'i mar nag tshan nges gang sngon la phyin ci log tu gzung ste gzar bu gnyis kyi kha yi ge gsum gyi nang du chud pa'i hUM gi yi ge las dang rjes su mthun pa'i kha dog can 'od zer 'bar ba'o/ /me lha'i zhal la raM bkod la/ dgang gzar gyi khar blugs gzar gyi kha byas pa'i lag pa dag ni pus mo'i nang du'o/ /sdang pa la ni phyi rol tu bya'o/ /oM de ba ri Shi par ma sau ga ta kA ru Ni ya dza(rgyud 'grel zhes bya ba dgang blugs gsum mam bdun dbul bar bya'o/ /rgyas pa la oM dang/ dbang la ho:dang/ dgug pa la dza(rgyud 'grel dgang gzar gyis g.yas nas bskor bar bya ste/ khro ba la g.yon du bskor nas dbul pa'o/ /de nas bgegs med pa 'am bgegs dang bcas pa'i me'i mtshan ma'i mtshan nyid shes par bya ste/ dpal be'u rnga yab gdugs rgyal mtshan// chu skyes bum pa'i rnam pa dang/ /rtse gsum ral ri nya dang ni/ /idra go ba swasti 'dra/ /rdo rje dung sogs rab tu bsngags/ /mar bsregs pa yis blugs gzar dbyibs/ /'od dang de ldan mi dge ste/ /dkar dang dbang po'i gzhu mnyam dang// g.yas su 'khyil dang shin tu snum/ /byu ru'i kha dog dang 'dra dang/ /ku suM b+ha rdul baiDUr yang/ /dri med 'bar ba'i nyi ma mnyam/ /bud med dri zhim gling bu dang/ /mri ting ga'i sgra bla na med/ /zhil kha dog dkar lta bu/ /rgyas pa la ni ser por mnyam/ /rtse mo dmar po dbang la dge /sdo? dang gnag la mngon spyod la'o/ /zhi sogs la ni gser lta bu/ /rtse mo gcig pa dge dran bya/ /rtse gsum sprin 'dra dman pa'o/ /dud pa mi dge 'jug pa gzhan/ /rtse mo chad pa mi dge'o/ /rtsub nag pa la sha 'dra dang/ /rtse mo ba lang mgo mnyam dang/ /tsha tsha 'phro dang bong bu'i skad/ /rul ba dang ni ro yi dri/ /khro ba'i las la dge ba yin/ /mtshan ma mi dge ba rnams la bgegs mthar byed kyis 'di ltar bsang gtor dang bsrung ba dang las thams cad pa'i sngags kyis mar gyi sbyin sreg bdun kyang bya'o/ /de nas me'i sngags kyis slar yang bsang gtor dang gang ba'i sregs blugs gsum mam gcig dang ji ltar tshogs pa yang me'i sngags kyis bsregs te blugs gzer la sogs pa rnams kyis sregs blugs gsum mam bdun nam gcig gam ji ltar tshogs par bya'o/ /de gsungs pa blugs gsar gyis ni mar bsregs cing/ /'bru rnams de yis de bzhin dbul zhes so/ /thog mar yab shing la sogs pa sbyang bar bya ste/ de la oM A(rgyud 'grel swAhA/ 'bru sbyang ba'i sngags so/ /oM ku ru ku ru swAhA/ rdzas lhag ma rnams sbyang ba'i sngags so/ /rim pa 'dis ni yam shing bsreg/ yam shing me la mar dang til/ /dU rba 'bras dang zho'i bza' ba/ /ku sha sogs dang sreg par bya/ /'chad par 'gyur ba rang rang gi sngags kyi yam shing dang du rba dang/ /ku sha yang ming med dang mthe bos so/ /thams cad du zhu pa'i rdzas ni/ zhal du yam shing dang/ mi'i rus pa la sogs pa yang 'od kyi dkyil 'khor la'o/ /zho'i bza' ba dang/ zas sna tshogs dang zhal bsil dang til la sogs pa ni phyag tu'o/ /dri ni thugs kar ro/ /me tog dbu la'o/ /bdug spos ni 'bar ba la'o/ /zhabs bsil ni zhabs dag la'o/ /mdun du mar me dang mchod yon kyang do/ /mchod yon gyi chu ni phyi rol gyi snod du blugs so/ /rdzas rnams dbul ba'i dus su lha'i sngags dang las kyi sngags dang gsum spel bar bya'o/ /de'i rjes su zhabs bsil la sogs pa dang bsang gtor yang byas te las dang rjes su mthun pa'i me bar ba'i rnam par bya ba 'am thugs kar paM yongs su gyur pa las sna tshogs pad+ma 'dab ma bzhi bcu rtsa brgyad pa'i steng du raM yongs su gyur pa las nyi ma'i dkyil 'khor la hUM ljang sngon de yongs su gyur pa las rdo rje sngon po rtse lnga pa lte ba la nyi ma la gnas pa'i hUM gis byin gyis brlabs pa de las 'od zer kha dog sna tshogs pa 'phros te 'gro ba thams cad dag par byas te mkha' 'gro rgya mtsho'i dkyil 'khor du sems bcan re rer yang byas nas/ /de rnams bgdod ma nas grub pa bems po ma yin pa'i sems can las 'das pa thams cad bkug ste/ de nyid du zhugs pa yongs su gyur pa las dpal mkha' 'gro rgya mtsho'i rten dang rten pa'i dkyil 'khor thams cad dus gcig tu rdzogs par byas la/ oM A(rgyud 'grel bya'o/ /de nas go cha bya ba dang dbang bskur zhing rigs kyi bdag pos rgyas gdab pa dang/ slob dpon gyi snying gnas spros pa'i mchod pa'i lha mo rnams kyis mchod pa dang de rnams kyi sngags rnams brjod pas bstong pa dang gzhan yang mchod pa rnams kyis mchod pa dang/ gtso bo dang dkyil 'khor ba bsgo ba'i glu blangs pa'i mthar thug par mngon par rtogs pa nas 'byung ba bzhin bya'o/ /'on kyang dbang bskur ba'i dus su glu dang rol mo dang bkra shis kyi tshigs su bcad pa dang bcas pas dngos su rnam par rgyal ba'i bum pas me long las dbang bskur bar bya'o/ /de nas sku mdog ni mngon par rtogs pa las 'gyur ba med de phrin las ni las kyi dbye ba so sor bya ba yang/ de rnams spros pa'i 'od zer las sprul pa'i mkha' 'gro ma la sogs pa nor bu zla 'od kyi bum pa byang chub kyi sems kyis gang ba las bdud rtsi'i rgyun gyis dbang bskur bas bsgrub par bya ba'i rims la sogs pa bsal bar bsam par bya'o/ /rgyas pa la ni rangs shing dgyes pa'i thugs kyis sngon bzhin gyi bum pa'i mgrin pa nas bdud rtsi 'am rin po che'i char bsgrub bya lus sam khyim yongs su dgang bar byas te rdzud pa la sogs pa 'am 'phongs pa 'joms par byed du gzhug go/ dbang la ni chags pa'i thugs dang ldan pas sngon bzhin du utpa la'i dog pa'i mde'u can gyi mdas? snying gar phug nas dbang du byed du gzhug go/ dbang dgug la zhags pa dang lcags kyu dag gis bcings pa dang phugs pas dgugs su ya swAhA/ /gaM b+hI ra'i 'os/ oM badzra sh+ri kha rA ya swAhA/ a pa'a marga yi'o/ /'bras so ba la sogs pa dbyangs skyong gi sngags kyis sam/ rdzas lhag ma rnams kyang des bsreg par bya'o/ /bsreg par bya ba'i rdzas thams cad dri chen la sogs pa'i bdud rtsi lnga yis gtor bas bdud rtsi'i dngos por nye bar dmigs la sreg blugs bya'o zhes gsungs pa ni gdams dag gi rig pa shes pa yis so/ /de nas oM sh+rI badzra he he ru ru huM hUM phaT/ DA ki nI dzA la sham+ba ra swAhA zhes bya ba'i sregs blugs bdun nas nyi shu rtsa gcig gis shin tu 'bar bar bya'o/ /de nas nye ba'i snying pos gang ba'i sregs blugs phul la gtso bo'i snying po bzlas pas mchod yon dbul bar bya'o/ /de nas 'thor 'thung dang zhal bsil dang gos sar ba dang phye ma spangs pa'i tA ma bu la ste khro ba'i las la ni phye ma dang bcas pa byin la sngon bzhin du yongs su mchod pa dang/ bstod pa phyag dang arg+ha byin las/ me tog dang bcas pa'i thal mo sbyor ba snying gar sbyar te dman pa la sogs pa'i skyon bzhi bar bya ba'i don du bzod par gsol ba 'di bklag go/ bdag blo rmongs pas cung zad bri/ /gang byas nyes byas la ni slar/ /grang zhig lus can skyabs rnams kyis/ /mgon pos de nyid bzod par mdzod/ /gtso bos nus pa ma mchis dang/ /ma rnyed pa dang yongs ma shes/ /bya ba 'di ltar byas pa 'dir/ /de dag thams cad bzod par rigs zhes bya bas bzod par gsol la mngon par dga' ba'i dngos grub kyang mngon par blangs te dman pa dang shin tu lhag pa'i skyon zhi bar bya ba'i phyir thar pa'i bsam pas oM badzra satwa A(rgyud 'grel don kun mdzad/ /ji ltar rjes mthun dngos grub stsol/ /sangs rgyas yul du gshegs nas kyang/ /slar yang byon par mdzad du gsol zhes bya bas yongs su bskyod par bya ste/ rang gi snying po yi ge gsum gyi nang du bcug pa mu(rgyud 'grel mdza' can bklags pas rang gi bdag po'i dkyil 'khor blo yis rang la gzhug par bya'o/ /de nas me lha yang yongs su mchod pa dang/ mchod yon la sogs pa dang dgang blugs dang rdzas lhag ma thams cad kyis legs par bsregs te bsang gtor dang zhal bsil la sogs pa dang/ phye ma spangs pa'i tA ma bu la dang khro ba'i las la ni phye ma dang bcas pa dang gos sar pa phul la rdo rje dang dri li bu'i sgra byas pas bstod pa bya'o/ /chog 'di don gyis ni rang gi mngon par 'dod pa'i dngos grub 'jug par bya'o/ /rab gnas la sogs pa la gzhan gyi don du byed pa ste khyad par ni 'di dag yin te/ yon phul pa'i slob ma sbyin sreg gi khang pa'i nang du bos la de'i gnas pa'i mthe bong g.yon pa'i mthe'u chung gi yang dag par gzung la g.yas su bskor ba lan gsum byas te blugs gzer gyis mgo bo la lan gsum bskor nas zhugs ta sreg blugs bdun bsregs la gang sregs blugs sbyin du gzhug par bya'o/ /'khyil ba bzlas pa'i bsrungs skud/ de'i lag pa la bcings la bsang gtor bya'o/ /'byor na rnal po la sogs pa dge bar 'dod pas gang ba'i sreg blugs bya'o/ /de'i rjes su me'i thab kyi nang gi mdza' mar gser dang dngul la sogs pa'i snod du 'dras sA li dang/ 'o ma dang/ mar dang/ kha ra dang/ sbrang rtsi rnams blugs pa me tog gi phreng ba btags pa tshos pa'i tsA ru mel dbul bar bya'o/ /de'i rjes su zhabs bsil phul la bsang gtor dang yongs su mchod pa dang arg+ha phul te bzod par gsol la mngon par dga' ba'i dngos grub mngon par blang ngo/ /oM agna ye sarba son+ta la NaM ku ru me ya thA kA me sid+d+hi dA gats+tsha tu hUM hUM swAhA/ zhes bya bas gshegs su gsol lo/ /de nas tsA ru de rang yang bza' zhing slob ma rnams bla'ang bgo bar bya'o/ /de lta na'ang 'di brjod par bya'o/ /de bzhin gshegs pas gsol ba yi/ /lhag ma sdig pa rnams 'joms pa'o/ /zhes brjod la sbyin par bya'o/ /de nas dam tshig dang ldan pa 'dus pa la tshogs kyi ston mo bya'o/ /de yang gzhung 'di nyid nas gsungs pa/ gzhon nu ma mdzes gar byed dang/ /sna tshogs sil snyan rnam bkrar byas/ /sna tshogs rgyan dang ldan rnams kyis/ /skye bo chen po brtson bzhin dang/ /me tog spos sogs kyis spro bar/ /'dus pa'i dbus su bya ba'o/ /tA ma bu la kun thams cad la/ /dgyes byed sbyin par bya ba yin zhes so/ /de nas bla ma la yon dbul bar bya ste/ slob dpon mchod bya yang dag par/ /rdo rje 'chang du byas nas ni/ /mu tig gser dang rin chen rnams/ /glang rtas gzhi yul ljongs dang/ /bran pho bran mo 'khor rnams dang/ /chung ma phun sum tshogs kun dang/ /gos zung dum rnams dang ni/ /dgyes pa 'am sa la gang cung zad/ /bdag tu lta ba dang bral bas/ /gdul bya gtso bo zhi bar gyis/ /bdag nyid dngos po thams cad kyis/ /phyag byas nas ni dbul bar bya/ /me tog spos sogs thams cad rnams/ /ston pa'i mdun du dbul bar bya/ /thams cad nye bar bya ba'i phyir/ /rdo rje bla ma la dbul bya/ /de nas me bsad zhi ba la/ 'o ma yis ni rgyal bsgrub la/ /dri gser rnams kyis dbang dang khro/ /'o ma khrag tu dkar min pa'i zhes so/ /sbyin sreg gi thal ba dang sol ba ni las thams cad pa'i bum par blugs la chu klung la bskur bar bya'o/ /lha tshim par byed pa'i rab tu byed pa'o// 9 //da ni nang gi sbyin sreg bshad par bya ste/ /nang la mchog tu gzhol ba'i sgrub pa pos 'jam zhing yangs pa'i stan la 'dug ste/ sems can thams cad la brtse ba sngon du song bas skad cig gis zhal gcig phyag gnyis pa'i phag mo dang bcas pa bde mchog tu dmigs la/ rkang pa'i mthil du yi las byung ba'i rlung gi dkyil 'khor dang/ de'i steng du raM las me'i dkyil 'khor ro/ /de nas zlum po lte bar skyes pa'i thab/ /snying ga ru ni gru bzhi pa/ /nor bu'i bu gar zur drug pa/ /mgrin pa ru ni bdun pa ste/ /zur brgyang pa ni mgo la'o/ /zur dgu pa ni smin dbus su/ /gtsug tor du ni zur lnga pa'o/ /de ltar thams cad kyang rtsa thab kyi dbyibs can du bsgoms te/ thams cad kyis dbus su hUM baM sngo ba dang/ dmar pa'i mdog can kha sbyar bsams te gtsug tor nas rdo rje nor bu'i bar du rtsa dbu mas sbrel ba g.yas g.yon gyi rtsa dang bcas pa legs par gsal bar byas te/ de nas steng 'og gi ? dgag pa'i sbyor bas rkang mthil gyis rlung gis me sbar te/ lus kyi rtsa thams cad kyi byang chub kyi sems bzhu nas rtsa g.yas pa dang g.yon par drangs la de gnyis nas dbus ma'i rtse mo'i haM la bstims te/ de nas dbu ma nas babs pas 'bar bzhin pa'i thabs rnams su byang chub kyi sems kyi dgang blugs phul bas thams cad gang bar gyur te lus kyi rtsa thams cad du yang 'phros par bsam bzhing/ yang bsdu ba'i sbyor ba goms pa rgyun mi 'chad par byas nas dgos pa thams cad 'grub par 'gyur te/ 'di ni thams cad las khyad par du gyur pa man ngag dang bcas pa bla mas gsungs pa la bdag gi dpe ma khyud ma byas pa ste/ 'di ni nang gi sbyin sreg gi rab tu byed pa'o// 10 // de ltar brjod pa'i spyin sreg thabs/ /bsod nams tshogs kyi rgyu don dang/ /ye shes tshogs rdzogs bya ba'i phyir/ /bcom ldan 'das kyis rgyud du gsungs/ /de la mi gsal gang cung zad/ /bla ma'i gsung gi rjes 'bangs nas/ / gzhan la phan gyur srid snyam nas/ /bdag gis gsal bar byas pa yin/ /thos bral rtog pa dman pa yi/ /skye blun rmongs pa nga rgyal can/ /'brel med lung dang mi ldan la/ /dan rtog sna tshogs sbyor mthong nas/ /rab 'byams thos pa ma yin kyang/ /rang gi gzhung lugs du ma la/ /skye bar rgyun tu goms byas dang/ /legs sbyar skad la'ang rtog skyes dang/ /bla ma'i lung yang legs mnos pas/ /rtsom mi 'os pa bdag min snyam?/ /bdag gis legs sbyar bsod rnams 'dis/ /'gro kun nyon mongs bud shing rnams/ /gnyis med ye shes rab 'bar bas/ /bag chags bcas pa bsreg gyur cig/ /dpal mkha' 'gro rgya mtsho'i rgyud kyi sbyin sreg gi chog rin po che me shel mkhas pa dza ya se na'i gsung/ /dpal ye shes rdo rjes bsgyur ba rdzogs so// //dpal ldan mkha' 'gro rgya mtsho yi/ /rgyud rgyal yid bzhin nor bu'i gter/ /yid bzhin nor bu'i ris rnam gnyis/ /bla ma'i gsung gi gyur zhugs nas/ /bskyed pa'i rim pa'i phyogs nyid dang/ /rdzogs pa'i rim pa sna tshogs so/ /de la rdzogs pa'i rim pa'i phyogs/ /grub pa'i skyes bu mtsho skyes kyis/ rgya cher rgyud 'grel nyid du bkral/ /bskyed pa'i rim pa'i mi gsal ba/ /mngon rtog dkyil 'khor chog dang/ /sbyin sreg rab gnas tshogs 'khor dang/ /gtor ma maN+Dal chog rnams/ /blo yi snyim pa ma nyams pas/ /yid bzhin nor bu rnam pa bdun/ /legs par blangs nas 'dir gtor ma'o/ /de ltar byas pa'i dge ba 'dis/ /'di lta'i nor bral 'gro ba rnams/ /tshul bzhin bla ma gus bsten pas/ /rin chen 'di rnams spyod gyur cig/ //rgya gar skad du/ /swA d+hiSh+Tha na kra mo pa de