<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1021: dpal sdom pa 'byung ba'i sgrub thabs<br><table><tr><td>
<input type="button" onclick="location.href='tcompletep.php?id=N1021&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1021&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1021&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dpal sdom pa 'byung ba'i sgrub thabs bzhugs// // */ /rgya gar skad du/ sh+rI saM ba ro dA yA sA d+ha naM/ bod skad du/ dpal sdom pa 'byung ba'i sgrub thabs/ dpal sdom pa la phyag 'tshal lo/ /dag zhi mkha' mnyam
 khyab pa'o/ /rtogs dka' rnal 'byor pa spyod yul/ /mi mnyam gnyis med rgyu med pa/ /khyed rnams la bsrungs dpal sdom 'byung/ /sdom pa 'byung rgyud gsungs pa yis/ /sgrub thabs rim pa yang dag bsdus/ /bsgom pas gti mug
 'tshe ba las/ /mi rnams grol ba'i phyir bya'o/ /'dir thog mar re zhig bsgom pa'i dbang du byas te/ kha lhor bltas la mgo skyes grol bas gtor ma byin zhing dam tshig bsten pa/ /sems can gyi phung po mdza' dag bde mchog gi sku
 thob par bya ba'i phyir/ bdag dpal bde mchog go /zhes skad cig la sgom pa nyid kyis tha mal pa'i nga rgyal spangs par gyur la/ bde mchog phyag gnyis pa shes rab dang bcas pa'i rnal 'byor dang ldan pa'i sngags pa/ oM a yig
 la sogs pak+Sha yig gi mthar hUM hUM phaT ces bya ba lan gsum brjod cing yi ge'i phreng ba g.yon bskor gyis gnas pa 'od zer lnga 'phro ba'i lha tshogs bgegs kyi tshogs 'joms pa rnam par bsgoms nas gzugs kyi phung po la sogs
 pa rnams kyi rnam par dag pa rnam par snang mdzad la sogs pa lhag par mos te/ oM sum+b+ha ni sum+b+ha huM hUM phaT/ oM grih+Na grih+Na huM huM phaT/ oM grih+nA pa ya grih+nA pa ya huM huM phaT/ oM A na ya ho b+ha ga bAna? bidya rA dza huM huM phaT/ sngags bzhi
 rjes su brjod cing/ nag po dang ljang gu dang dmar po dang ser po dang tshangs pa'i sgo nga dang sa 'og gi bar du khyab par 'bar ba'i sku chen po rnams shar dang byang dang nub dang lho'i phyogs rnams su rim pas bzhag par bya'o/ /de'i 'di zer rnams
 gyis de'i kha dog gi rab bzhi po rnams dang/ /de dang dus mnyam pa kho nar hUM las skyes shing des byin gyis brlabs pa'i sna tshogs rdo rje'i rang bzhin gyis gzhi sa 'og gi mthar thug pa rnams so/ /rdo rje'i 'od zer rnams kyis rdo rje rtse
 lnga pa'i ra ba dang steng du ma da'i dra ba'o/ /de'i 'og tu rdo rje'i gur ro/ /de'i 'og tu rdo rje'i bla re yang bsam par bya'o/ /de nas sum+b+ha la sogs pa'i sngags bzhi po brjod cing phyogs rnams su se gol brdabs pas gdug pa bdun rnamS
 bsgrad de rnams thams cad du 'gro pa bgegs dang bral bar lhag par mos par bya'o/ /de nas rang gi snying gar oM las skyes pa'i zla ba la gnas pa'i hUM yi ge sngon po blta zhing/ de las 'phros pa'i phyogs bcu khyab par yongs su
 'phro ba'i 'od zer gyi lcags kyu rnams kyis mdun gyi nam mkhar yang dag par bkug ste/ 'chad par 'gyur ba'i dkyil 'khor gyi 'khor lo la/ rang gi snying ga'i sa bon las 'thon? pa'i
 me tog ma dang/ bdug pa ma dang/ mar me ma dang/ dri ma dang/ pi wang ma dang/ gling bu ma dang/ rnga zlum ma dang/ rdza rnga ma dang/ bzhad ma dang/ sgeg ma dang/ glu ma dang/ gar ma dang me long ma dang/ ro ma dang/
 reg bya ma dang/ tshes? ma rnams te/ lha mo bcu drug po rnams kyis mchod par bya'o/ /de'i rjes la rkang pa brgyad pa'i sngags rnams kyis bstod de/ sdig pa bshags pa la sogs pa ji srid btang snyoms kyi bar rnams
 bsgrubs nas/ oM swa b+ha ba shud+d+ha(rgyud 'grel la rim pas nA da'i mthar bsgoms la oM shU n+ya tA dz+nyA na badzra swa b+ha ba At+ma ko haM/ zhes pa 'di'i don nang du brjod pas gsal bar bya zhing nA da tsam gyis rnam par rtog pa yang yongs su dor par bya'o/ /sngon gyi smon lam la
 sogs pa'i mthus rang rang gi sa bon lhag par gnas pa'i rang gi sems nA da'i gzugs kyiS nam mkhar bzhag ste/ yaM las skyes pa'i rlung sngon po gzhu lta bu rgyal mtshan dang bcas pa'o/ /raM las skyes pa'i me dmar po
 zur gsum du me lce bdun pa dang bcas pa'o/ /baM las skyes pa'i chu dkar po zlum po bum pa dang bcas so/ /laM las skyes pa'i sa'i dkyil 'khor ser po gru bzhi pa zur du rdo rje phyed pa dang bcas pa'i steng du sum las
 byung ba'i ri rab rin po che sna tshogs pa'i rang bzhin gyi steng du paM las skyes pa'i sna tshogs chu skyes kyi ze 'brur gnas ba'i hUM la? skyes pa'i sna tshogs rdo rje'i lte ba la g.yon dang cig shos su bskor ba'i A li kA li nyis 'gyur las
 skyes pa'i gzugs brnyan lta bu'i zla ba'i dkyil 'khor cig la sngar bzhag pa'i nA da las rim gyis rdzogs pa'i 'od zer spro ba dang/ bsdu bas lha'i 'khor lo rdo rje sems dpa' ring bzhin hUM yig rnam par bsgoms par bya'o/ /zla
 ba dang sa bon de yongs su gyur pa las/ dur khrod brgyad dang gzhal yas khang dang dkyil 'khor gyi lha rnams dang lhan cig pa'i bcom ldan 'das g.yas brkyang ba'i zhabs gnyis kyis sna tshogs chu skyes dang nyi ma dang 'jigs
 byed dang dus mtshan mo rnams mnan pa/ rtsa ba dang g.yas pa dang cig shos kyi zhal nag po dang dkar po dang dmar po dang/ zhal so so la spyan gsum pa/ stag gi pags pa'i shams thabs can/ phyag drug pa rdo rje dril bu dang
 bcas pa'i phyag zung gis rdo rje rnam snang mdzad ma la 'khyud la/? gnyis po phyag dag gis glang po che'i pags pa dkar po khrag dang bcas pa rgyab tu brgyangs nas 'dzin pa/ gsum pa'i phyag g.yas pa dang g.yon pa dag gis Da ma ru
 dang kha TwI ga dang thod pa yang 'dzin pa'o/ /mi mgo rlon ba dang bcas pa lnga bcu'i phred ba mgul pa la 'phyang ba/ mgul rgyan dang rna rgyan dang lag gdub dang/ spyi bo la 'khor lo dang/ ska rags dang/ me'i rus pa'i rang bzhin gyi
 thal pa ste/ phyag rgya drug dang/ mi'i rgyus pa'i mchod phyir thogs pa dbral ba'i steng du thod pa lnga'i phred bas brgyan pa/ nor bu'i g.yon phyogs su zla ba chos pa dang/ ral pa'i cod pan sna tshogs rdo rjes mnan pa/ rnam par 'gyur ba'i
 zhal cung zad bye zhing mche ba gtsigs pa/ sgeg pa dang/ dpa' ba dang/ mi sdug pa dang/ drag po dang/ bzhad pa dang/ 'jigs su rung pa dang/ snying rje dang/ ngo mtshar dang/ zhi ba dang/ gar gyi nyamS
 dgu dang ldan par bdag nyid bsgom par bya'o/ /bcom ldan 'das ma rnam par snang mdzad ma ni dmar mo spyan gsum ma zhal gcig ma/ skra sil bu grol ba/ gcer bu thod pa'i dum bu'i phreng pas brgyan pa/ phyag g.yon pa
 thod pa g.yon par 'dzin pas 'khyud pa/ zla mtshan dang ldan bas gtso bo la stob pa/ g.yas sdig mdzub dang bcas pa'i rdo rje steng du brkyang bas bdug pa rnams la kun tu bsdigs pa/ khrag dang bral ba nyid kyis mi mgo skam po'i
 phreng ba can nyi ma'i dkyil 'khor 'od can phyag rgya lnga dang ldan pa/ dga' ba'i spu long dang ldan pa byin pa gnyis la dkris te bcug pas 'khyud nas bzhugs pa'o/ /de nas phyogs kyi mdab ma rnams la mkha' 'gro ma dang/
 lnga ma dang/ khaN+Da ro ha dang/ rU pi Ni rnams/ nag mo dang/ ljang gu dang/ dmar po dang/ sen mo'i mdog can spyan gsum zhal gcig ma skra grol pa phyag gnyis ma g.yon pas kha TwAM ga dang thod pa/ g.yas pas rdo
 rje gri gug 'dzin pa gcer bu g.yas brkyang bas gnas pa rnams so/ /phyogs bral gyi 'dab ma rnams la bdud rtsi lngas gang ba'i pad+ma'i snod rnams so/ /sgo rnams su khwa gdong ma dang/ 'ug gdong ma dang/ khyi gdong ma dang
 phag gdong ma dang rnams mkha' 'gro ma la sogs pa bzhi te/ zhal gzhan ming gi rjes su 'gro ba rnams so/ /zur rnams su ya ma dA d+hI dang/ ya ma d+hu tI dang/ ya ma d+hiSh+Ta? dang/ ya ma mA thA nI rnams mi'i zhal can te/ phyed
 gzugs ma'o/ /brgyad po 'di rnams ni ro'i gdan la'o/ /mkha' 'gro ma la sogs pa'i lha mo thams cad kyang mi mgo brgyus pa'i phreng ba mgul phan 'phyang? ba/ dpral ba rdo rje phreng bas mtshan pa/ phyag rgya lnga dang ldan pa/ skye
 rags la sgra dang bcas pa'i dril bu chung gis rnam par brgyan pa /dpral ba dang mgrin pa dang snying ga rnams su yi ge gsum gyis byin gyis brlabs pa'i bcom ldan 'das kyis thugs kar nyi ma la gnas pa'i hUM yig sngon po
 ting nge 'dzin sems dpa' 'o/ /de'i thugs kar thig le nA da dang bcas pa bde ba chen po'i bdud rtsi'i rang bzhin bsams par bya'o/ /oM A hUM oM sarba bI ra yo gi nI nAM kA ya bA kA ya bAk+tsit+ta swa b+hA ba At+ma ko haM/ oM badzra shud+d+ha:sarba
 d+harmA badzra shud+d+ho haM/ zhes brjod par bya'o/ /de'i rjes la oM? ha na ma hi swAhA hu/ bau ShaTa he/ hUM hUM ho phaT haM zhes pa 'dis/ de bzhin gshegs pa drug gi snying po dang/ spyi po dang/ spyi gtsug dang/ phrag pa gnyis dang/ mig
 gnyis dang/ yan lag thams cad la bsrung bar bya'o/ /oM baM haM yaM h+ri moM/ h+re h+ri hUM hUM phaT phaT/ ces pa 'dis dpa' mo drug gi snying bos lte ba dang/ snying ka dang/ kha dang spyi bo dang/ spyi gtsug dang/ yan lag rnams thams
 cad la yang go cha bya'o/ /de'i rjes la rdo rje dang pad+ma rnam par sbyangs te/ lha mo'i snying po dang nye ba'i snying po'i sngags dag gis lte ba dang/ snying ga dang/ rang gi snying po dang nye ba'i snying po dag gis mgrin pa dang dpral bar yang
 bcom ldan 'das dang bcom ldan 'das ma dang/ bcom ldan 'das kyi snying po dang nye ba'i snying po dag gis/ mgrin pa dang dpral ba dag du'o byas te/ yi ge gsum gyis dga' ba brtsam par bya'o/ /de nas rang gi snying
 ga'i sa bon gyi 'od zer dang 'bar ba'i phyag rgya dang/ pheM yig gis kyang ye shes kyi 'khor lo bkug ste/ lha mo bcu drug po rnams kyis mchod nas ji ltar rig par bdag nyid kyi lha
 rnams la rab tu bcug la oM yo ga shud+d+ha:sarba d+harmA yo ga shud+d+ho:haM/ zhes brjod cing pad skor dang 'khyud pa'i stangs ka yang bya'o/ /oM A:hUM zhes pa la sogs pa'i sngags gsum gyis byin gyis brlab par bya'o//
 de nas ye shes kyi 'khor los lhan cig byon pa'i rdo rje rnal 'byor ma ye shes kyi bdud rtsis gang ba'i thod pa dang Da ma ru 'dzin pa rnams dang/ snying ga'i sa bon las spros pa'i gling bu la sogs pa'i mchod pa'i lha mo
 rnams kyis ji ltar bltams pa tsam nyid ni/ de bzhin gshegs kun khrus gsol ba/ /lha yi chu ni dag pa yis/ /de bzhin bdag gis khrus bgyi'o/ /zhes brjod cing phyag g.yon pa na ye shes kyi bdud rtsis gang
 ba'i thod pa cung zad yo ba 'dzin pa rnams kyi bdag la dbang bskur te bde ba chen po'i rang bzhin du rnam par bsgom par bya'o/ /chu'i lhag ma las grub pa'i de bzhin gshegs pa rnams rang dang lha rnams kyi spyi bor yang
 ngo/ /oM sarba ta thA ga ta a b+hi She ka sa ma ya sh+ri ye hUM hUM phaT ces pa brjod par bya'o/ /de la bcom ldan 'das kyi sna tshogs rdo rjer gnas pa'i mi bskyod pa'o/ /bcom ldan 'das ma'i rnam par snang mdzad do/ /mkha' 
 'gro ma la sogs pa rnams kyi rin chen dbang po'o/ /khwa gdong ma la sogs pa rnams kyi don yod grub pa'o/ /de nas rang gi snying ga'i sa bon las spros pa'i lha mo rnams kyi dam tshig la sogs pa rnams kyis dkyil
 'khor dang bcas pa'i dkyil 'khor gyi gtso bo la mchod pa byas nas/ ro mar brjod pas drang zhing bdud rtsi myangs te/ rkang pa brgyad pa'i sngags rnams dang/ spros pa'i lha mo rnams kyis bcom ldan 'das dang/ bcom ldan
 'das ma la bstod par bya'o/ /gsungs pa 'di thams cad khams gsum mdza' dag kyang stong pa nyid dang snying rje ro gcig pa nyid rab tu rtogs pa'i ched du rab tu zhugs te/ dbugs kyi 'od zer gyis yang dag par bkug pa'i
 'gro ba dur khrod dang khwa gdong ma la sogs pa dang/ bde ba chen po'i 'khor lo'i mkha' 'gro ma la sogs pa dang/ bcom ldan 'das ma dang/ bcom ldan 'das dang/ nyi ma dang/ hUM dang/ a'u dang/ ha dang mgo dang/ zla ba
 phyed pa dang/ thig le dang/ nA da rnams me long la dbugs kyi rlangs pa phog pa lta bu'i dbye ba'i rim pas 'od gsal la rab tu gzhug par bya'o/ /de nas skad cig la langs te/ don dam pa stong pa nyid dang/ snying rje gnyis
 med pa'i rang bzhin lha'i 'khor lor mdza' dag kyang blta bar bya'o/ /de nas skyo na sngags bzlas par bya ste/ lte ba'i pad+ma dang zla bar nA da dkar dmar la lha'i 'khor lo rnams dang lhan cig pa'i rlung gis 'jug pa dang/ gnas
 pa dang/ ldang ba rnams kyis/ oM A:hUM zhes pa nang du bzlas brjod pa ni rdo rje'i bzlas pa'o/ /de kho na ltar de nyid las nA da las brjod cing lha'i tshogs spro ba dang bsdu ba sngon du 'gro ba'i snying po dang nye ba'i snying po'i
 sngags bzlas par bya ste/ lha so so re re'i sngags brjod pa na yongs su rdzogs pa na so sor spro ba dang bsdu ba'o zhes pa dam tshig gi bzlas pa goms par bya'o/ /chos thams cad mnyam pa nyid kyi rnam par mos nas
 sngags kyi phreng ba rang gi zhal du zhugs te/ rdo rje'i lam nas pad+mar song nas a ba d+hU? ti'i lam nas langs te bcom ldan 'das ma'i zhal nas 'thon te/ rang gi zhal gyi sgo nas rab tu zhugS
 pa de kho na ltar 'khor ba bsgom zhing phreng ba'i sngags bzlas par bya'o/ /de la oM sh+rI badzra he he ru ru kaM huM hUM phaT/ DA ki nI dzA la sam+ba ra swAhA snying po'o/ /oM h+rI:haM haM hUM hUM phaT/ nye ba'i snying po ste bcom ldan 'das kyi'o//
 bcom ldan 'das ma'i ni/ oM badzra bai ro tsa nI ye huM hUM phaT swAhA snying po'o/ /oM sarba bud+d+ha DA ki nI ye badzra bar+N+Na nI ye huM hUM phaT swAhA/ nye ba'i snying po'o/ /bcom ldan 'das ma'i phreng ba'i sngags gzhan hUM du bzung bar bya'o/ /oM DA
 ki nI hUM hUM phaT/ oM khaN+Da ro he huM hUM phaT/ oM ru pi nI ye huM hUM phaT/ oM lA me huM hUM phaT/ oM kA kA sya huM hUM phaT/ oM u lU kA sya huM hUM phaT/ oM shwa nA sya huM hUM phaT/ oM shU ka rA sya huM hUM phaT/ oM ya ma dA DhI huM hUM phaT/ oM
 ya ma dU tI huM hUM phaT/ oM ya ma daMSh+Ta? NI ye hUM hUM phaT/ oM ya ma ma thA nAM ye hUM hUM phaT/ dpa' mo'i sngags rnams so/ /de nas mdun du yaM las skyes pa'i rlung gi steng du raM las skyes pa'i me la mi mgo gsum gyi skyed? bu
 la gnas pa'i a yig dkar po las skyes pa'i pad+ma'i snod do/ /de'i dbus su zan la sogs oM A(rgyud 'grel g.yos pas me sbar te bsros pas sa bon la sogs pa zhu nas/ nyi ma 'char ka'i mdog dang khu ba'i gzugs su blta bar bya'o/ /de'i steng du dngul chu lta bu'i hUM yig las byung ba'i kha TwAM ga bdud rtsi'i rang bzhin 'og
 tu kha bltas pa snod du zhu ba rnam par blta zhing ro mnyam du gyur pa bsgom par bya'o/ /A li kA li las skyes pa'i oM A :hUM gi yi ge steng nas steng du gnas pa rnams rnam par bsgom ste/ de rnams las dkyil 'khor gyi
 'khor lo'i rnams spros te/ 'gro ba'i don byas nas snyoms par 'jug pa sngon du 'gro bas zhu bar gyur pa ji lta ba de rnams dang yi ge gsum po rnams la bcug la de rnams kyang rim gyis bdud rtsir zhu bar bltas te/ de rnams
 nyid kyis de srid 'dod pa byon? gyis brlab par bya'o/ /de'i rjes la rkang pa g.yon pas rkang pa g.yas pa mnan te/ g.yon pa gtor ma'i steng du blta zhing lag pa dag gi kha 'og tu byas te/ mthe ngong? gi rtse mo phan tshun
 sprad pa'i steng du mdzub mo gnyis kyi rtse mor lcags sgrog bcings la gung mo la rtse mor byas nas ming med dang mthe'u chung brkyang ba dphral ba'i steng du g.yon dang cig shos su bskor ba dag gis bskor bar bya'o/ /zhes pa 'dad?
 pa'i phyag rgya'o/ /de nas pheM yig gis phyogs bcu na bzhugs pa'i dpa' bo dang rnal 'byor ma rnams spyan drangs par bltas te/ lha de rnams g.yon dang cig shos kyi phyag dag gis sa ma ya stwaM sa ma ya ho(rgyud 'grel g.yon dang cig shos su bskor zhing bskor bas mchod bya dang mchod byed dang mchod pa rnams dbyer med par lhag par mos pa mngon du 'gro ba'i gtor mas mnyes par bya'o/ /in+d+ra ya ma/ ba ru Na/ ke be ra/ A sha
 ag ni/ raka Sha sa/ bA yu tsan+d+ra dra sUrya ?hma A di/ be ma tsa tra bi thi bi di ba tA(rgyud 'grel karyaM ku ru sid+d+hirb+ha? ba tu ya thA su khaM oM ka ra ka ra ku ru ku ru/ band+ha band+ha/ trA sa ya trA sa ya/ k+Sho b+ha ya k+Sho b+ha ya/ h+rauM h+rauM h+ra:h+ra:pheM pheM/ phaT phaT/ da ha da ha/
 pa tsa pa tsa/ b+hak+Sha b+hakA/ ba saru d+hi ra an tra mA lA ba lam ni ni grih+Na grih+Na salta pA hA la ga ta b+hu dzaM ga sar pa ma bA/ tardza ya tardza ya/ A kaD Dya A kaD Dhya treM h+reM dz+nyauM dz+nyauM/ k+Sh+msaM k+Sh+maM/ taM taM/ haM haM/
 hUM hUM/ ki li ki li/ si li si li/ hi li hi li/ d+hi li d+hi li/ hUM hUM/ phaT phaT/ /swAhA/ zhes pa 'dis lan cig brjod pas/ bcom ldan 'das shes rab dang bcas
 pa dang/ mkha' 'gro ma la sogs pa gshin rje 'joms ma'i mthar thug thug pa rnams kyis ji ltar rigs par bskor bar bya'o/ /oM badzra a ral+li ho(rgyud 'grel sh+ya ho(rgyud 'grel kha khA hi khA hi/ sarba yak+Sha rAk+Sha/ sa b+hu ta pre ta pi shA tsonmA dA pasma ra DA ka DA ki n+yA da ya i maM/ ba liM grih+nan+tu sa ma yaM rak+Shan+tu sarba did+d+ho mme pra yats+tshan+tu ya thai baM ya theSh+TaM b+huny+dza tha/ pi ba tha dzi grA? tha mA ti kra ma
 tha ma ma sarba kArta ya sat+su khaM bi shud+d+ha ye sa hA yi ka b+ha ban+tu hUM hUM phaT phaT swAhA zhes pas dbul bar bya'o/ /de nas rkang pa brgyad pa'i sngags kyis yang dag par bstod de/ mngon par 'dod pa'i dngos grub gsol
 ba btab nas/ yi ge brgya pa bzlas la tsho? ma'i lag brda byas la/ oM yo ga shud+d+ha(rgyud 'grel pa na yang 'khyud pa'i stangs ka sngon du 'gro bar ming med dang mthe'u chung gi se gol bya'o/ /oM khyed kyi sems can don kun mdzad/ /ji ltar rjes mthun dngos grub gsol/ /sangs rgyas yul du gshegs
 pa dang/ /ji ltar bde bar bzhugs par mdzod/ /oM badzra mu(rgyud 'grel dang/ mgrin pa dang/ lte ba dang/ dpral ba'i pad+ma'i ze 'bru rnams la mkha' 'gro ma la sogs pa bzhi dang/ kha dang sna bug g.yon pa dang/ bshad lam dang/ sna bug g.yas pa rnams la khwa
 gdong ma la sogs pa bzhi dang/ g.yas pa dang g.yas min gyi rna ba dang/ mig rnams la ya ma d+had+hI la sogs pa bzhi rab tu bstims te/ ngag gi sgo la sogs pa'i gzugs kyis gnas par shes par
 bya'o/ /'dir spyi bo'i 'og tu bzhugs pa'i bcom ldan 'das byang chub sems kyi rdo rje lha rnams thams cad yang dag par 'khyud pa/ gsang ba'i chu skyes las skyes ba rdo rje phag mo dang yang dag par 'khyud pa'i dga' 
 ba yid kyi bde ba chen po rang bzhin 'byung bar 'gyur ro/ /zhes pa gdams ngag las shes par bya'o/ /lus kyi dkyil 'khor yang dang yang shin tu brtan par mos shing shes rab kyi bdag nyid stong pa nyid dang/ snying rje'o
 gcig pa bde ba chen po'i rang bzhin gyi su dang mtshungs par rang nyid lhag par mos pas ji ltar mdzes par rnam par dbyad par bya'o zhes so/ /
 bde mchog sgrub thabs bsdus pa las/ /dri med bsod nams 'khrungs pa des/ /mdza' yas skye bo 'di rnams ni/ /rdo rje dbang phyug myur thob shog ces so/ /dpal sdon
 pa 'byung ba'i sgrub thabs bal po'i paN+Di ta chen po k+Shan+ti sh+rI'i zhal snga nas mdzad pa rdzogs so// //bod kyi lots+tsha ba dge slong shod blo brtan gyis bal po'i
 yu gau haM be hA rir bsgyur ba'o// //bkra shing? //