བོད་ཡིག

e-texts produced with BDRC’s OCR application

rgya gar skad du/ shri kr-iSh+Na ya mA ri sA d+ha naM/ sa tsakrAr+tha bista ra bya khyA/ bod skad du/ dpal gshin rje'i gshed dgra nag po'i sgrub thabs 'khor lo'i don rgyas par bshad pa dang bcas pa/ bcom ldan 'das dpal rdo rje sems dpa' la phyag 'tshal lo// mkha' ltar spos med chos sku rnam dag ngongos// 'gro mgon 'jam dbyangs khro rgyal phyag 'tshal te/ go shin rje gshed po dpal ldan du yi ni// sgrub pa'i thabs bzang 'khor lhor bcas par bshad/ byang chub kyi sems gnyis shin tu brtan pa'i sngags pas tho rangs langs te/ lus kyi bya ba ma lus par byas la/ stan bde ba la 'dug ste/ bla ma dang dkon mchog gsum dang // dpal gshin rje 'joms pa rnams 'od kyis bskul pa la/ phyag 'tshal ba la sogs pa bdun dang / tshad med pa bzhi dang byang chub tu sems bskyed pa rnams byas la stong pa nyid du bas mo// de nas yud tsam gyis ma ha'i steng du pad+ma dang nyi ma bltas te/ de yi dbus hU~M nga laM gyi sa bon gyur pa las rdo rje'o// de gyur pa las gshin rje 'joms par bdag nyid bsam pa ni/ zhal gsum pa phyag drug pa mi bzang ba'i khro bo sku mdog mthong gzhal g.yas g.yon dkar ba dang dmar ba phyag g.yas g.yon na rdo rje dang / ral gri dang gri gug dang 'khor lo dang / pad+ma dang thod pa 'dzin pa/ g.yon brkyang ba'i gnas pa'o// de nos de'i phung po lnga ni gti mug gshin rje gshed la sogs pa lha'o// khams bzhi ni tsar tsi ka la sogs pa bzhi'o// lag pa g.yas pa'i dpung pa dang g.yon pa'i dpung pa dang kha'i pad+ma dang / gsang ba'i gnas rnams ni tho ba gshin rje gshed la sogs pa bzhi'o// zhes mos par bya'o// de nas ye shes sems dpa' bstim la// yan lag drug bsams te/ de nas sku gsung thugs byin gyis brlabs la dbang bskur te/ spyi bo la rdo rje sems dpas brgyan par bya'o// de nas snying ga'i yaM las spro ba dang bsdu ba skyo bar ma gyur gyi bar du bya'o// skyo ba na oM ya ma rA dzi sa do me ya/ ya mu do ru Ne yo da ya/ ya dra yau nA/ ra yak+She ya yAk+She yats+tsha ni rA ma ya/ oM hrIHSh+T+r-iHwi kr-i tA n+ya na hUM hUM phaT phaT swA hU~M/ zhes bzlas so/ yang na rim pas bzlas so// gal te 'khor lo bsgrub par mi 'dod na las kyi sngags 'ba' zhag bzlas so// gal te las la mi dmigs na snying po'i sngags 'ba' zhig kyang bzlas te/ oM ya mAn+ti ka hUM/ snying po'o// bzlas pa'i tshad ni re re la yang bye ba phrag gsum dang / rdorje'i sbyor bas bza' bar bya'o// gru shin rje gshed kyi sgrub thabs 'dra// byas pas dag bla gang thob pa// 'jig rten khyams ni ma lus pa// nag po'i las 'di 'da' bar shog/ gshin rje'i dgra nag po sgrub pa'i thabs slob dpon g+ho Sha badz+ras mdzad pa rdzogs so// / bal po'i mkhan po sum ti tsan+da'i zhal snga nas dang / bod kyi lo tsa ba ban+de tshogs chag chung bas bsgyur cing zhus te gtan la phab pa'o// rgya gar skad du/ shri kr-iny+dza ya mA ri sA d+ha na/ sa tsakrAr+tha bistA ra byA khyA/ bod skad du/ dpal gshin rje'i gshed dag nag po'i sgrub thabs 'khor lo'i don rgyas par bshad pa dang bcas pa/ bcom ldan 'das dpal rdo rje sems dpa' la phyag 'tshal lo// mkha' ltar spros med chos sku rnam dag dngos// 'gro mgon 'jam dbyangs khro rgyal phyag 'tshal te/ gshin rje gshed po dpal ldan de yi ni// sgrub pa'i thabs bzang 'khor lhor bcas par bshad// byang chub kyi sems gnyis shin tu brtan pa'i sngags pas tho rangs langs te/ lus kyi bya ba ma lus par byos la/ stan bde ba la 'dug ste/ bla ma dang dkon mchog gsum dang // dpal gshin rje 'joms pa rnams 'od kyis bskul pa la/ phyag 'tshal ba la sogs pa bdun dang / tshad med pa bzhi dang byang chub tu sems bskyed pa rnams byas la stong pa nyid du bas mo// de nas yud tsam gyis ma ha'i steng du pad+ma dang nyi ma bltas te/ de yi dbus hU~M nga laM ni gnas brtan la dbab pa'o// / der yang bdag cig pus brtsam pa dang / yang na grogs po gsang thub pa/ dam tshig bsrung ba/ 'jigs shing bag tshu ba med pa/ lag bzo ba/ sgrub pa po la snying nye ba/ stobs che ba/ blo dang ldan pa bzhi man chad dang brtsams te/ 'di ni zla grogs gtan la dbab pa'o// / gnas der sha chen po dang tshil chen po la sogs pa/ gtor ma dang lha bshos su bya ba dang mime tog nag po'am sngon po dang / bdud rtsi lnga dang / khrag chen po dang / rnga dang gling bu dang / dung la sogs pa'i mchod pa'i yo byad dang / gshin rje'i gzugs kyi rgyud dang / ling ga'i rgyu dang / snag tsha dang sbu gu dang / dur khrod kyi ras dang / thod pa dang skud pa nag po la sogs pa yo byad thams cad dang ldan par byas te/ 'di ni rdzas btan la dbab pa'o// / de nas 'kho r+ya lo bri bar bya ste/ gtor ma byin la mchod pa 'jigs su 'i tshogs kyang dbul te/ maN+Dal rab tu 'thas pa lci bas byugs pa byas la/ sngags pa kha lhor bltas te/ bdag khro bor gsal bas rtsa ba'i sngags zlos shang thong la kor gyis 'khor lo bri bar bya ste/ gnas skabs 'dir yang 'khor lo bri ba dang / ling ga bca' ba dang / ga'ur gzhug pa dang / ge'u bsro ba dang / gshin rje la gtad pa dang / nang gi rnal 'byor dang / 'khor lo bca' ba dang / rjes kyi rnal 'byor dang / slar dbyung ba'i cho ga bya ste/ rnam pa dgus bsgrub par bya'o// de la 'khor lo bri ba ni/ ri mo lnga bskor ba lnga snam bu bzhi dang / lte ba ste lngar bya'o// lte ba le'u tshe dgu pa'o// snam bu dang po le'u tshe bcu gnyis pa/ gnyis pa bcu drug pa/ gsum pa dang bzhi pa phyal ba 'am/ sum cu rtsa gnyis pa'o// de la lnga dang bcu gnyis la rtsa bri'i sngags dgod/ bzhi mtshams la skul tshig/ bcu drug la yang skul tshig/ phyal ba nang ngos la A lI/ phyi dros la kA li/ yang re'u mig dang 'dra bar yig sum cu rtsa gnyis gnyis te/ I li nyis 'gyur dang ka li la nge nya spang bar bya ba so// yi ge ngag ri mo lA ma reg por bya'o// 'di gshin rje'i lto bar bri'o// de nas phyi'i 'khor lo la dpe byas te/ nang gi 'khor lo ro rasA la dkar rtsis byugasu la/ dug dang khrag bsres pa'i snag cha bya rnyog gi sgro smug gis blangs shing rtsa ba'i sngags zlos pas kha lhor bltas pas bris te/ gcig g.yas bskor ro// gcig g.yon du bskor ro// zin pa dang phyi'i 'khor lo nang gi 'khor lo la thim par bsams la dobyi'o// 'di ni 'khor lo bri ba'o// de nas rjes kyi sa dang / chu 'gram gyi sa dang / dug dang khrag dang dgral bshang ci byas pa'i sa dang / spra tshil rnams bsres la ling ga sor bzhi par bya/ de'i snying gar las kyi sngags kyi mjug la ming rus mA ra ya dang bcas par gzhug go// 'di ni ling ga bca' ba'o// de nas rabs chad kyi thod pa 'am/ chu 'gram gyi sa dang / dug dang khrag dang / dgra'i bshang gci byas pa'i sa dang / spra tshal rnams bsras la ling gsor bzhi par bya/ ga pur gnyis la gong ma la me 'bar ba bri/ dbus su phaT che ge mo mA ra ya phaT ces pa bri'o// 'og mu la rlung gi dkyil 'khor gyi dbus su sngags snga ma ltar bri/ ga'u steng ma'i rgyab tu ri rab la dbang chen gyi dbus su rdo rje rgyo gram ser po bri/ de nas ga'u gong ma la bu ga smug ma 'bring po shong pa cig gdong ngo // de nas 'khor lo g.yon du bskor ba 'og/ g.yas su bskor ba steng / de'i dbus su ling ga bcug la legs par dril nas skud pa nag pos bcings te ga'u kha sbyar du bcug la ga'u skud pa nag pos dkris te/ ga'u'i bu gnas dug sna tshogs pa'i phye ma dang / khrag bsres pa blugs pas gang bar bya'o// 'di ni ga'ur gzhug par bya'o// de nas rdo ba zur rngom pa zur gsum du 'dug pa'i skyed bu gsum gyi khar ga'u bzhag la dug gi me tog 'og nas spor la dros pa tsam du sros shig/ 'di ni ga'u bsro ba'o// de nas chu 'gram gyi sa 'am sgra tshal las gshin rje'i rgyal po gzugs khru gang ba/ rab tu sbom pu ma'u thung 'dra ba gsus pa che ba// mtsha ba 'tshang ba mdog gnag pa/ mche ba bzhi pa/ khro gnyer can/ skra kham pa 'dzings shing yegs la 'phyar ba/ lag pa g.yas na dbyug pa lcags las byas pa thogs pa/ g.yon na bsdigs pa'i mdzub mo bsgreng bA la zhags pa bkal ba zhig byas la/ de'i lto bar gla'u de bcug la sba ste/ 'di ni gshin rje la gtang ba'o// da ni nang gi rnal 'byor bya ste/ gzugs de kha lhor bstan rnal 'byor pa kha lhor bltas te/ rus sbrul gyi 'dug stangs su gnas pos/ ling gi dri de nyid du bsam/ 'khor lo gA shin rje'i grong khyer du'o// de la rnam shes bkug cing bstims la/ bcings te ye shes kyi lha dang dpral bA dang / khe'i nyes pa brtsi ba dang / rang gi dge ba'i ljongs brtsi ba byas la/ de nas rang gi ba spu'i bu ga nas/ khro bo srin po 'dra ba grangs med pa byung ba dang / de dag gis sprul cing bskul ba'i bya rgod dang khyi dang spyang ki dang / ya ma pu ru Sha rnams kyis de gsod cing pags pa ba shu ba dang / rgya ma 'dren pa dang / lus 'thub pa dang / mig+na 'bru ba dang / glu pa 'thogs pa la sogs pa tin tra nAs 'byung ba lhor bsam zhing / gsang sdug mA ra ya dung bcas par bzlas pa bya ste/ de yang rang gi sems tshod dang rtags dang / bsnyen pa'i tshul las nyi ma gcig nas bdun gyi bar du bsgrims te bya/ khyad par du ni nyin glang mtshan gung la bya ste/ 'di ni nang gi rnal 'byor ro// de nas 'khor lo sgra ste/ gnas der rang nyid kha lhor bltas la/ dong zur gsum pa zab rings rab la rgyur khru gang pa cig brus la/ der gshin rje'i gzugs de kha sbub la mgo lhor bstan te bzhag go// de nas 'byung po thams cad la de nyid du drag po'i ba liM byin la las bcol dbang gzugs so// de nas de ma thag tu bsgrub bya ya ma'i grong khyer na yu ma rnams kyis bzung ste gsod par bsams la/ ya ma rA dza la bskul ba bya ste/ bdag shin tu khros shing lhar gsal bas 'di skad skul lo// 'di nas lho yi phyogs rol na// dpag tshad brgyad khri'i pha rol na// thod pa lcags kyi grong khyer na/ yi dgas kun gyi sde dpon po// ma mo kun gyi tshogs rje bo// gson gshin kun gyi zam kha ba// gson po bskol la 'debs pa po// shi bu rnams kyi gshin bu rje/ dge bu can gyi stangs 'dzin pa// sdig pa can gyi chad pa mkhan// nyes legs chos bzhin gcod pa po// chos rgyal gshin rje zhes bya ba// mngon shes rdzu 'phrul mthu rlabs can// 'khor bcas dang 'dir bdag la dgongs// bdag ni rnal 'byor sgrub pa po// 'jam dpal gzhon nu'i thugs kyi sras// gshin rje gshed kyi rnal 'byor pa// rdzogs pa'i byang chub bsgrub pa'i phyir// bsam pa byang chub sems kyis brlan// rgyar ni ye shes rdo rje 'chang // gri zo byin sku gsung thugs kyis bskyed// don ni 'gro ba yongs kyi don// las ni sangs rgyas kun gyi las// bka' ni dkon mchog gsum gyi bka'// rgyal po 'khor dang bcas pa la// drag po'i las 'di gtad par 'dod// cho go zhes bya'i gdug pa 'di// gson na 'gro ba yongs lnga gnod// dkon mchog gsum la rnam par 'tshe// dmigs kyis rnal 'byor yongs la snang // 'di dag myur du bsgral ba'i phyir// rgyal po 'khor bcas spyan 'dren na// dam tshig dbang gis gshegs su gsol// oM hrIHSh+T+rIHwi kr-i tA na na hUM hUM phaT ya ma rA dza sa pa ri bA ra u kaR+Sha ya dzaHzhes brjod pas rang gi snying ga nas 'od zer lcags kyi 'dra ba byung bas/ ya ma rA dza 'khor dang bcas pa gnas der 'ongs par bsam/ de'i tshe phyag rgya sbyar ba ni lag pa g.yas pa khu tshur bcangs te/ mthe bong nang du bcug nas mdzub mo chung zad bkyed de/ gdengs thabs su 'phangs bstod pa ni be con gyi phyag rgya ste de sbyar ro// ya ma rA dza ni dzi ltar gzugs su byas pa de 'dra ba laM ma he zhon pa de dus mtshan dang bcas pa/ 'khor ma mo dang ya mo'i skyes bu mang pos bskor ba'o// de nas phyag rgya bstan la/ oM hrIHny+dzaHwi kr-i tA na na hU~M phaT ya ma rA dza sa pa rI bA ra sa mu yi s+t+waM zhes brjod pas/ de dag gis bdag la glags tshol mi nus par bsams te/ phyag rgya rdo rje bsdoms pa las srin lag gnyis brkyang nas go shibs te bsgreng ba'i// de nas dong gi yi ma'i gzugs la me tog nag po gtor la/ ya ma rA dza 'khor bcas pa/ dam tshig dbang gis 'dir brtan bzhugs/ mchod pa tshul bzhin bzhes nas kyang // 'phrin las mdzad phyir ji srid du// las grub par du bzhugs su gsol// ya ma rA dza sa ma ya s+t+waM/ zhes brjod do// de nas lag pa g.yas pas be con gyi mu dra bcing / g.yon pas rak+ta dang chang bsres pas bkang ba'i ban+d+ha thogs lo ar+d+he dbul te/ ya ma rA dza 'khor dang bcas pa la/ ar+g+haM gsol bas dmar gyi ar+thA zhag gi me tog rgya mtsho ltar mi zad pa 'byung bar gyur cig/ oM dz+nyAHSh+T+r-iHwikr-i tA na na hUM phaT ya ma~M rA dza sa pa ri bA ra ats+tsha pya tits+tsha ho zhes pas so// phyag rgya de nyid le gnas pas/ g.yon gyi me tog blangs te/ ya ma rA dza 'khor dang bcas pa la me tog phul bas me tog gi khang pa brtsegs pa tog dang / khwa bang du ldan pa ka ba brgyad zug pa/ me tog gi bla ra dang gdugs dang / phreng bas brgyan pa/ rin po che'i rang bzhin can 'byung bar gyur cig/ oM hrIHSh+T+rIHwi kr-i tA nA nA hUM phaT badz+ra puSh+pa pu dza sa mA ye hUM zhes pas so// phyag rgya de nyid la gnas pas/ g.yon gyis bdug pa blangs la/ ya mA rA dza 'khor dang bcas pa la bdug pa sna tshogs phul bas gzhal yas khang gi mgul du bdug pa'i sprin baiDUR+Ya'i mdog lta bu rin chen brtsegs pa 'dri ba 'byung bar gyur cig// oM d+hISh+T+rIHkr-i tA nan hUM phaT dz+ra d+hU ba bu dza sa ma g+hedz+nyAn+de bsngo/ de bzhin du g.yon pas mar me blangs la/ ya ma rA dza 'khor dang bcas pa la mar me phul bas/ gzhal yas khang gi phyogs mtshamos su mun pa 'joms pa nor bu'i 'od la sogs pa'i snang ba 'byung bar gyur cig/ oM hrIHSh+T+rIHwi kr-i tA na na hUM phaT badz+ra dI pa pU dza sa ma ye hU zhes pas so// de bzhin du g.yon pas byug pa blangs la/ yA ma rA dza 'khor dang bcas pa la byug pa phul bas lus dang gnas kyi dri ma thams cad dag ste/ reg na bde ba'i reg bya dang dri bsnam bzod pa dang ldan pas tshim par gyur cig/ oM hrIHk+ShIHwi kr-i tA na na hUM phaT badz+ra gan+d+ha pU dza sa ma ye hUM zhes pas so// de bzhin du g.yon pas bshos bteg la/ ya ma rA dza 'khor dang bcas pa la bshos phul bas kha zas dI dang ro dang kha dog phun sum tshogs pa dang ldan pa ngape bdud rtsi ngaka re po dang / ser po dang dmar po dang sngon po dang bcas pa/ kham gyi zas la gnas pa rnams tshim par byed pa'i mthu dang ldan pa rnams 'byung bar gyur cig/ oM hrIHSh+T+rIHwi kr-i tA na na hUM phaT badz+ra ne wi d+ye pU dza sa ma ye hUM zhes pas so// de bzhin du g.yon pas pa laM btig la 'das ma thag pa'i tshig rjes la/ oM hrIHSh+T+rIHwikr-i tA na na hUM phoT ma ha bA l-i pU dze sa ma ye hUM zhes pas pa laM dbul lho// de nas sil sAn+de sna tshogs bsgrags la na mkha' mdzod kyi sngags brjod// de nas lag pa g.yas pa de bzhin du gnas pA las g.yon pa'i khu tshu re thod pa'i tshul du byas lA/ tshigasu bcad pa 'di rnams kyis bskul bar bya'o// bcom ldan gshin rje gshed pa'i bka'// chos kyi rgyal po dgongs su gsol// de ring drag po'i 'phrin las 'di // khyed kyi las su 'os pa yin// lha dang bcas pa'i 'jig rten na// legs nyes chos bzhin gcod pa khyod// gshin rje gshed kyi bka' 'khor na// bka' nyan dmo tshig bsrung ba khyod las dang rkyen gyis 'chi ba la// srog la dbang byed bdag po khyod // de phyir lalus 'di khyod la gtad // khyod kyi 'khor 'ang ma bsrun te// tha mal sems can nyes med cing // gzhan gyis bskul bar ma byas par// glo bur phyang pa 'dzin byed na// nga yis gtang pa'i las 'di rnams// 'dzam dpal gzhon nu'i bka' bzhin du// dam tshig phyag rgya mig la bstan// dam tshig snying po rnam par bsgrags// rdo rje tha tshig snying la bzhag/ dam rdzas mchod pa phul nas kyang // dam tshig phrin las gnyer du gtang // lus 'di mngon du bsgrub pa'i rigs// khyod kyis la so 'di ma bsgrubs ni// dkon mchog gsum gyi bka' yang bcug/ gshin rjegashad po'i dam yang dral// rang gi tha tshig rang gis bslus// dam tshig grogs po bdag cag gi/ ra ba'i bsam pa gting nas bcad// de bas las 'di grub par gyis// khyod kyi 'khor gyi dkyil 'khor na// ya ma dU ti zhes bya ba/ lag na lcags kyu nag po thogs// gang zhig gzung bar 'dod pa de// byugs pa tsam gyis 'dzin par byed// khyod la gnyer du gtad pa ni// tsha ge zhes bya'i yul khams na// che ge mo zhes bya ba'i ming rus ni che go mo zhes bya// 'di dag 'khor dang bcas pa kun// khyod kyis de ring gzung bar gyis// gzhan yang 'khor gyi dkyil 'khor na// kA la pI sha zhes bya ba// lag na dus kyi zhags pa thogs// gang zhig 'dzin par 'dod pa de// btab pa tsam gyis 'dzin par byed// lhag ma snga bzhin yin no// gzhan yang 'khor gyi dkyil 'khor na// ya ma daMSh+Ti zhes bya ba// lag na be con nag po thogs// gang zhig bsad par 'dod pa kun// phyar ba tsam gyis 'chi bar byed// lhag ma snga ma bzhin yin no// gzhan yang 'khor gyi dkyil 'khor na// ya ma dr-ig+ni zhes bya ba// za byed ma che ba 'bar ba can// gang zhig za bar 'dod pa de// gtsigs pa tsam gyis za ba rau byed// lhag ma snga ma bzhin yin no// gzhan yang 'khor gyi dkyil 'khor na// kA la rA tri la sogs pa'i// gsod pa mo dang nag mo dang // na gru sha ka li la sogs// bud med tshogs kyis bskor ba ni// la la las kyi me long can// la le nad kyi rkyal pa can// la la mtshon gyi gru bu can// la la bdud kyi khram bam can// la la sho rde'u dkar nag can// la la lcags kyi dre'u rta can// la la bong bu ga pa zhon// la la rlung nag tshub ma zhon// la la chu bya nag mo zhon// la la nAm gyi gung la rgyu// lnga la chu bo'i gzhung la rgyu// la la nyi ma'i zer la rgyu// kun kyang gzhan srog 'phrog pa ste// khyed la gnyar du gtad pa ni// lhag ma snga ma bzhin yin no// gzhan yang 'khor gyi dkyil 'khor na// ya ba ti dang phywa sangs dang // rmig pa ral pa dgu la sogs// la la rgyal po'i tshul du gnas// la la blon po'i tshul du gnas// kha cig dag ni sde dpon tshul// lag na be con 'khor lo dang // gsal shing la sogs mtshon cha thogs// so so'i sde dpor mngag pa dang // pho nya phyag brnyan bcas pa la// 'phrin las myur du gtad pa ni// che gre zhes bya'i yul khams na// che ge mo zhes bya ba'i ming // rus ni tshe ge mo zhes bya// 'di dag 'khor dang bcas pa kun// khyod kyis deng 'dir gzung bar gyis// zhes bskul zhing dmar gyi ar+g+haM lan gsum gsum steng zhing // gong gi ar+g+haM'i sngags brjod do// de nas mna' chu blud par bya ste/ dri chab kyi nang du bdud rtsi lnga blugs la nang du rdo rje bcug la// oM badz+ra u da ka hUM tra zhes ci ran cig bzlas nas// de nas ya ma'i gzugs kyi khwar rdo rje bzhag ste// steng nas dri chub blugs la// ya ma rA dza 'khor bcos kyi// snying khar ye shes kyi rdo rje 'od 'bar bA re rer gyur par bsams te/ 'di ni khyed kyi dmyal ba'i chu// demu tshig 'das na sreg par byed// dam tshig bsrungs na dngos grub ni// rdo rje bdud rtsi chu 'dris 'grub// gal te dam tshig 'das gyur ma// 'jam dpal rdo rje khros nas kyang // snying ga nas ni gshegs par 'gyur// oM badz+ro da ka hUM dzaHsngon gyi tha tshig dran bya'i phyir// rdo rje'i tha tshig 'di bsnan pas// mi phyed rdo rje'i dam tshig ni// khyod kyi snying la gnas par 'gyur// oM badz+ra sa ma ya tiSh+Tha zhes brjod de// rdo rje ya ma'i snying gar gtug go// de nas gzugs de sang rab tu dam par sbas la// sus kyang sbas pari mi shes pa de ltar nan tan byas la// de'i steng du khro bo tshang ngam gyi snang stabs byas la// rang gi gnas su 'gro ste// 'di ni 'khor lo sbu ba'i tshul lo// gang zhig ting 'dzin thob pa 'am// bzlas pa'i mthu khyad par can spyod pa dus ni// ga'u bsro ba dang / gshin rje la gtad pa dang / 'khor lo sba ba dag la 'bad pa de skad mi bya ste/ 'khor lo bris pa la nang gi rnal 'byor dang bzlas pa byas la/ thod par bcug pa de nyid spros pas chog gi las kyi gshin rdul tshad cher gtad pa de dag bya mi dgos so// de nas rjes kyi rnal 'byor ni// 'khor lo smras pa'i rting la rang gnas su gsang sngags rjesu bskul zhing ma mo dang ging dang / ya ma'i skyes bu rnams la yang gtor ma bzang po byin la drag tu bskul// rang gis bsten cing gnyen pa'i 'jig rten po yod na de'i las kyi sbyor ba yang bya zhing / de yang dag tu bskul te gtang bsrungs pa 'dra na byar der lha dang dpral ba yang bya ste/ 'di ni rdzas kyi rnal 'byor ro// slar dbyung ba'i cho ga ni las grub na 'khor lo slar phyung la/ ya mAn ta ka la mchod po byas la/ ya mu rA dza l+ya yang mchod pa snga ma ltar phul la/ 'khor lo 'o myas bkru zhing sangs rgyas spyan gyi sngags bzlas te/ lha rnams la bzod par gsol nas/ rdzas rnams chu klung ngu bkres la de nyid du dor bor bya'o// 'di ni 'khor lo'i don rnam par bshad pa las/ drag po'i 'khor lo bsten pa ste// zhi ba la sogs pa ni rtogs sla bas bdag gis ma bshad do// las kyi sngags la dmigs shing / rtsa ba'i sngags ma bsnyen pas ni 'khrul 'khor mi bya ste/ sbyin sreg dang / bzlas pa dang gtor ma dag gis las rnam pa bcu la sogs pa bsgrub par bya'o// ma mo'i gnas la sogs par mar ngo'i nyin phyed na song la/ thab khung gru gsum zabs su sor btsu pa rgyar sor nyo shu paM/ dbus na pad+ma 'dab brgyad la rdo rje rtse lnga pa sngon pos mtshan pa/ mu ran nang la yang mtshon cha/ phyi ma la yang sna tshogs pa'i mtshon cha can du drag po'i lha dang / me lha'i zhal du drag po'i sreg rdzas rnams dbul lo// sngags kyang drag po mA rA ya phaT ces pa dang ldan pas so// de yang dang por drag po'i thab khung byas la/ drag po'i bud shing bcing / ku sha dgram+b+ha/ mchod rdzas dang / sreg rdzas bkram la rang yA mAn ta kar bskyed // de nas theb khung du drag po'i me sbar la/ me sbar ma thag tu hUM zhes brjod la tsha ba'i mar khu dgang gzir bdun nam gsum dbul bas me tshar s+pha rI ro// de ma thag tu thab kyi dbus su yi ge ru nag po gyur pa las me lha mthing nag drang srong ral pa can phreng ba dang / spyi blugs dang / dbyug gu gsum dang / mi 'jigs pa sbyin pa'i lag pa can rlung gi me bsam mo// de nas oM e h+ya hi ma hA b+hU ta/ de ba ra Shi dwi dza satwa ma gri hI tA hu t+ya hA rA smin san+ni hi to d+ha ba zhis lan gsum brjod pas thab 'gram gyi mkha' la byin par bsam/ de la ar+g+haM/ dang mchod pa dbul/ oM badz+nyA nA la ma ta b+hU ta dz+wA la ya/ sarba duts+tsha b+ha smin ku ru hUM phaT dr-i sh+ya dzaHhUM baM hoHsa ma yas+t+waM a hUM zhes brjod pas thab tu bskyed pa la bstim/ de nas me lha khros shing khwa gdangs pa la dgang blugs la sogs pa sngags kyi mthar che ge mo mA ra ya phaT dang ldan pas rdzas sum cha tsam phul la/ me lha'i snying gar lha mchog bskyed de nas ye shes sems dpa' spyan drangs la bstims la mchod bstong byas nas khros pa'i zhal du rdzas phal cher bsreg go// de nas 'phrin las zhus la/ yi ge brgya pa brjod la/ de oM AHhUM muHzhes par slar gshegs nas/ dam tshig sems dpa' bo dag la bsdu/ rdzas lhag ma me lha la dbul te/ las bcol te/ bzod par gsol la slar yi ge gsum mu'i mtha' can gyis gshegastsol la/ khrag gam chu nag pos me gsang ngo // sgeg rdzas tha dad pa'i sngags dang hom gzar la sogs pa ni 'dir maM bshad de/ gzhung gzhan las gsal byas der blta'o// zhi ba la sogs pa'i yang ci rigs sbyoraro// 'di na las kyi sngags kyi bya ba mdor bstan pa'o// da ni snying po'i sngags la gnas pa'i bya ba bshad de/ sngon bzhin du lha'i sku bskyed ma thag tu/ oM d+harma d+hA tu swa b+ha At+ma ko haM zhes pas chu zla ltar bsams la/ ye shes sems dpa' bstims pa nas dbang bskur ba'i bar du byas la 'gro ba drug tu 'od zer drug spros pas rang rang la lhag par shas tsho ba'i nyon mongs pa dang / sdug bsngal bsal bar yang dang yang du byas la/ skyon gsung sngags bzlas te/ lgang ba na dge bya byang chub chen por dngos la yan lag drug gi bsrung ba byas la ldang ngo // gtor ma dang yi ge brgyu pa sngon bzhin no// snang ba rnam par dag pa'i rdzogs pa'i rims dang rtog tu ldan por bya'o// nus pa lta ni de kho na yid la byed pa'i rdzogs rims la yang gnas par bya'o// da ni rnam pa gsum char deng 'brel ba'i 'chi ba'i dus su yid la bya ba'i man ngag bstan par bya ste/ des dam tshig dang 'gal ba ci byas pa rnams legs par yid la byas la rab tu 'gyod cing phyis mi bya ba'i bsam pas/ 'gro ba yul du gyur pa rnams dang 'dod pa'i lha dang / chos skyong ba rnams la bshags par bya'o// des dge ba ci byas pa rnams 'gro ba'i don du byang chub tu bsngos la shi ma thog tu sangs rgyas dngos su bzhugs pa'i zhing du rdzus te 'byung zhing / rigs dang gzugs dang grogs dang / 'khor dang / longs spyod dang / dad pa dang / shes rab dang / gnyen po dang / dran pa la sogs pa phun sum tshogs par gyur te/ 'jug pa bde ba lam bde bas tshogs rnam pa gnyis bde blag tu bsags te/ myur du byang chub par gyur cig ces bsngo bar bya'o// de nas 'di ltar gang rdo rje'i sku mnga' ba'i sangs rgyas rnams kyang sku cheng du 'jig cing / nyan thos dang rang sangs rgyas las dang nyon mongs pa dang bral ba rnams kyang ched du lus la yid byung bas spang na/ bdag gis lus rnag can mthong ba'i chos la dngos grub kyi snod du ma gyur cing / bsrung ba byas pa sha thang pa 'di la ci zhig chags su yod ces lus dang srog la chags pa sbyang bar bya'o// de nas yang don dam pa byang chub kyi sems la dmigs nas skye ba dang / gnas pa dang / 'chi ba na mkha' lta bu rga ba dang kun tu skyo ba las grol ba blo'i blang ngor dang 'jigs pa rnam par spangs shing / 'tsho ba'i 'jig rten smig rgyu tsam du shes par bya'o// de nas bdag gi lus dang gnas pa dang / longs spyod sgyu ma lta bu rnams/ bsam pa thag pa nas sems can thams cad la byin cing / de'i 'og tu rang gi lus 'dod pa'i lha'i skur rnam par bsams te phyogs bcu thams cad rnam par dag po'i zhing / lha'i rgyal po dang bsnyen bskor gyi gnas ltar yid du 'ong bar bsams la lhag pa'i lha la yang dang yong du yid gtad de// tsher ba thams cad zil gyis mnan par bya'o// de yi snang ba'i yul du 'ong ba 'am/ mi 'ong ba'i mtshan ma ci byung yeng dga' ba dang 'jigs pa mi skyed cing dri za'i grong khyer ltar bsam mo// 'di ni 'chi ba'i dus su yid la bya ba'i man ngag go// gang zhig bla ma la gus snying rjes rgyud 'jam pas chos kun stong par shes shing yul la 'dod pa spang / gnyen po'i mthu ldan blo groso dri ma rnams dang bral/ 'gro ba skyobs bying gdugs dkar lta bu de rnams dang / bdag gi yang dag rtogs pas smras pa'i gtan tshul 'di // myur du bar chad med par nyams len byed bcas phrad gyur cig/ ji srings la 'gro ba'i longs spyod rnam 'phel ma 'gags pa// de srid gtam 'di nyams pa med par 'gro don gnas par shog/ gtam tshul 'di ni gsal smras pas// 'gro ba 'jam dbyangs 'drar gyur cig/ bdag dang chos kun sgyu 'dra bar// myur rig 'jam+b+ha dpal nyid gyur cig/ dpal gshin rje'i gshed dgra nag po'i sgrub pa'i thabs 'khor lo'i don rgyas par bshad pa dang bcas po slob dpon mi bskyod pa'i rdo rje'i zhal snga nas mdzad pa 'ang yongs su rdzogs so// / rgya gar gyi mkhan po A tsAr+ya bi nA ya tsan+da dang / bod kyi lo ts+tsha ba dge slong chos kyi shes rab kyis bsgyur cing gtan la phab pa'o// kra shis/