བོད་ཡིག

e-texts produced with BDRC’s OCR application

rgya gar skad du/ shrI sarba durga ti pa ri sho d+ha na tan+na ta uDa D+heM t+ya lo tsa nA yA durga ti sho d+ha na bi d+hi/ bod skad du/ dpal ngan song thams cad yongasu sbyong ba'i rgyud las phyung ba spyan ma'i ngan song sbyong ba'i cho ga bcom ldan 'das ma 'phags pa dpal ldan spyan ma la phyag 'tshal lo// lha mo spyan me zhes bya gzhan don la// dgyes pa shi ba sos byed la btud nas// shi ba 'tsho bar byed pa'i sbyor ba las// shi ba mtho ris sbyar ba bshad par bya// shi ba'i bdag nyid rab dben par// dal 'byor nyer spyod kun ldan pa// me tog dkar po'i dbu rgyan 'chang // dri yang dkar pos byugs shing zhi// gos dang rgyan yang dkar ba dang // dang por yod na der mos pas// rdo rje rdo dril bzung ste// 'jom zhing mtho ba'i stan 'dug la// tsan+dan dkar sogs dri dang ni// bdud rtsi lnga ni chur ldan pas// kun tu dkyil 'khor nyer byugs la// me tog dkar pos mdzes par bya// yon chab sogs sngags swA hA mtha'// yang dag skul byed bzla bar byed// snying gA'i zla bar sa bon ni// gnyug ma bltas nas gnas sogs bsrung // de la gnas dang bdag dang rnal 'byor srung ba'i sngags ni// oM AHbag+h+nAM ta kr-ita hUM zhes pa'o// yang na/ na maHsa man+ta zhes bya ba la sogs pa'o// rnal 'byor cho ga rigs pas cho ga bzhin// spyan ma'i rnal 'byor rab tu byas nas ni// snying ga'i sa bon gnyug ma de las ni// grub pa yang ni yang dag spyo bar bya// de yis 'jig rten pha rol song ba yi// shes pa dang zhing chags pa dgug par bya// yang na chos kyi sgo yi rnam pa ni// mar me rlung gis g.yo ba med pa bzhin// bkug nas de yis shes pa'i ro yis ni// spyi bo nas ni snying gar gzhug par bya// de rjes 'dug pa langs nas ni// de ni shes pa ldan par blta// de yi 'od phreng 'bar ba yis// de snying gti mug dga' ma gzhug/ de lus stong par byas nas ni// rnam par shes pa lhag mar blta// de rjes mo ha ra ti brjod// de ni spyan ma'i rnam par bsgom// de yi mig sogs lus sogs la/ rnam pa kun tu byin brlabs bya// snying ga'i ye shes lha yi ni// snying gar zla gnas rtsa sngags rgyal// lha sprin bdud rtsi'i 'od zer gyis// lag pa dang bcas bkru bar bya// rang gi lus las spros pas na mkha'i dkyil 'khor ma lus pa khyab pa'i 'od spros pas sdus nas 'od kyi gong bu lta bus lus spyan ma'i sbyin dang de'i sngags bzlas pa'i chus gang ba dang dbang skur ba'i tshul gyis bkrus nas kyang de bzhin du dbang bskur ba bya ste// mgo la dgu rgyan byin// lag pa gnyis la rdo rje dang dril bu'o// de'i rjes la sngags pas ku sha'i rtse mo rdo rje rtse gcig pa rnon por bsgoms la/ ngor bcug pa lta bur rdo rje'i bug par bcug nas de'i rjes la sems mnyam par bzhag pas de'i snying gar bkod pa'i shes pa rnam par gsal ba yang dag par skul zhing rdo rje'i 'od zer rlung gis phyung ba 'bar ba 'od zer snying ga nas phyung bas reg pas dngul chu lta bur gyur par bsam mo// steng gi lam nas byung ste sangs rgyas kyi zhing rnam par dag par grol ba'o// gal te shes pa lam gzhan du 'gro na 'khor ba'i rgya mtshor ltung ngo // de yi phyir steng gi lam du de 'pho bar bya'o// mgo bo las ni gzugs med du 'gro'o// mdzod spu nas gzugs khams shes bya bar ro// mig gnyis las ni mi nyid du'o// rna ba gnyis las ni grub pa'i lha'i 'gro bar ro// sna bug gnyis nas ni gnod sbyin nyid du'o// khe las ni dri zar 'gro'o// lte ba las ni 'dod pa'i ltar ro// khu ba'i rtsa las ni yi dgas kyi 'gro bar ro// gci ba las ni lha ma yin nam byol song gi skyes gnas so// bshad yaM las ni dmyal ba'i 'gro bar ro// yes dman pas 'gro bA na nga'i phyir lam la dga' bas spang bar bya'o// de'i phyir dri thar pa'i grong khyer du bzhag par bya ba'i phyir zhi ba'i sbyin sreg gsungs pa'i cho ga yongasu rdzogs pas sam/ rdzas gcig bsreg pa'i phyogs su gsungs pa'i cho gas mchod sbyin pas sbyin pa thams cad rdo rje slob dpon gyis nye bar 'kho bas rdo rje slob dpon gyis ye shes kyi me la zhi ba'i sbyin sreg bya'o// yang de'i tshe shes rab kyi pha rol tu phyin pa la sogs pa theg pa chen po'i mang lnga klog par bya'o// de'i rjes la thams cad bsdus nas mchod sbyin byed pa la yon bslang ngo // mchod sbyin byed pas kyang rang gi 'byor pa dang rje su 'tshams pa'i gos dang rgyan dang mal sten dang khyim dang zhing dang khol po dang khol mo la sogs pa'i yon slob dpon la gus pa dang bcas pas dbul lo// de nas shi ba 'du byed pa'i skye bo rnams kyis yi ge gsum brjod cing mchod phyir thogs bcing ngo // de nas ro khyer ba rnams 'jig rten skyong rnams su mos te/ gdugs 'dzin pa ni lha'i rgyal po dang / rta yab 'dzin pa ni tshangs pa dang / ral gri 'dzin pa ni khyab 'jug dang / stod pa 'don pa bang byed dang / dbu rgyan 'dzin par bya ba byed pa gshin rdza du/ bum pa 'dzin la chu lha dang / dgang gzar dang blugs gzar 'dzin pa me lha dang / bza' ba dang ston mo 'dzin pa bden bral dang / ba dan 'dzin pa rlung lha dang / gzhan rnams ni lha dang lha ma yin la sogs par mos pa bya'o// de nas yi gi brgya pa lan bdun brjod nas rang gi dge ba bla na med pa yang dag par rdzogs pa'i byang chub tu bsngos la ldang bar bya'o// langs nas kyang rdo rje slong dpon rdo rje 'chang gi rang bzhin sangs rgyas thams cad skyed par mdzad pas spyan ma'i sngags sam/ ngan song yongs su sbyong ba'i rgyud las gsungs pa'i ngan song thams cad yongs su sbyong ba'i sngags bzla zhing mdun nas 'gro'o// ro yang 'jig rten skyong ba rnams kyis drang por khyer bzhin pas nye bar dga' bas bstod pa byeng bzhin pa dang lha dang mi rnams kyis mchod par blta'o// brdung dkrol sna tshogs pa'i sgra dang bkra shis kyi tshigasu bcad pa rnams dang / rdo rje'i glu la sogs pa dril bu dang 'khar Ta dang ting ting shag dang / gling bu dang pi wang gi sgra rje suM 'brang bas nye bar spyod pa lnga'i mchod pa dang / ba dan gos na mkhar lding ba dang / kun tu bgo ba meng ldan pa// dal gyis pa yi gnas thob bya// der ni bud shing 'o can skam// dge ba'i sems kyis bkod nas ni// de steng legs par bzhag nas ni dbum pa 'dzin pas bkru bar bya// de nas cho ga dang ldan pas// me yis yongs su gsal bar bya// ci srid thal bar 'gyur bar du// de sbyin byed pas mnyam gzhag pas// theg pa chen po cher 'byung ba'i// mdo ni sngon bzhin legs par klag/ mkhar bsil Da ru'i rjes 'gro ba'i// rdo rje'i glu ni len du gzhug/ yang na skye bo 'ga' zhig gis gro ba'i lam ma yin pa la sbyar bas mi dge ba phyi dang cig shos stobs dang ldan pas lam ngan par 'gro bar 'gyur ro// de'i phyir rang yang lam log par 'gro ba spangs la// nyi ma de nas brtsams te nyi ma brgyad la ngan song yongasu sbyong ba'i rgyud las gsungs pa'i cho gas ngan song sbyong ba la sogs pa'i bya ba'i rim pas bya'o// dar ji srid de'i rus pa blang ba de sridu de'i gos la de'i ming brjod pa sngon du 'gro ba'i bya bas bya'o// blangs nas ji srid nyi ma brgyad kyi bar du gos der rus pa bya'o// de yang lho'i char stegs gru bzhi pa khru gang tsi la bI lci ba sa la ma lhung bas byug pa byas pa las byung bas bangs par bya'o// der nye bar byugs nas dkyil 'khor byugs pa'i dri ma me tog la gnas par bya'o// de'i steng du bum pa mtshan nyid dang ldan pa dgod de/ sman dang yal ga dang nor bu dang dri dang 'bru lnga dang yang dag par ldan pa gdugs dang ba dan gyis brgyan pa// mgrin par gos sngon po dang ldan pa/ nye bar spyod pa lnga dang bcas pa/ legs par gdugs pa/ 'bab stegs kyi chu dang ldan pa/ ku sha 'khyil pa byas pa'i gdan la gnas pa/ rigs kyi bdag po'i rtags kyis mtshan pa rgya chen po lhag par gnas par par byas la/ yi ge gsum dang ldan pa'i rtsa ba'i sa bon gyi sngags lan brgya rtsa brgyad kyis bkru'o// de nas yang mdun du 'bras dkar btags pas lte ba dang bcas pa mu khyud legs par 'bar ba dang badz+ra 'khor lo rtsibs brgyad pa bris la me tog dkar pos dgod par byas nas/ de'i dbus su bum pa stong pa'i steng du kham phor bum pa can bzhag/ de'i rjes la kham phor der de'i rus pa ma lus pa bzhag go/ ting nge 'dzin gsum bsgoms pas phyir bzlog kyang bya'o// don grub me tog dang bcas pas rim pas rigs rnams shes pa'i tshigs brjod pa dang bcas pas de'i ming ngam rus pa la des brdeg par bya'o// de nas sngags kyi tshig rnams 'gyur ba ni// oM sarba pA pa da ha na badz+ra hUM phaT/ oM sarba pA pa bI sho d+ha na hUM phaT/ oM sarba karmA ba ra NA ni b+hasmi ku ru hUM phaT/ oM b+hu b+h+rUM bi nA shA ya A ba ra NA nI dze hUM phaT/ oM d+hU bi sho d+ha ya A ba ra NA nI hUM phaT/ oM sarba karma A bA rA NA ni hUM phaT/ oM dz+wa la dz+wa la d+ha ka d+ha ka ha na ha na A pa rA NA ni hUM phaT/ oM suM sa ra sa re pra sa ra pra sa ra A ba ra NA ni hUM phaT/ oM hUM he ra ha ra san+ni I ba ra NA ni hUM phaT/ oM hUM sarba A bA ra NI ni s+pho Ta ya hUM phaT/ oM b+hI ta b+hI ta sarba A ba ra NA ni hUM phaT/ oM tA Ta trA Ta sarba A pa ra NA ni hUM phaT/ oM tshin+da tshin+da sarba A ba rA tA ni hUM phaT/ oM da ha da ha sarba na ri ka ga ti he tuM hUM phaT/ oM pa tsa pa tsa sarba br-i ta ga ti he tuM hUM phaT/ oM ma tha ma tha sarba tir+yag ga ti he tuM hUM phaT/ zhes pa ni rusaM pa la sogs pa la me tog brdeg pa'i sngags so// de nas lhag par gnas par byas pa'i bum pa'i chus de'i rus pa sogs brjod cing bkru'o// sngags ni/ oM na mo b+ha ga bA te sarba durmA ti pa ri sho d+ha na ra dza ya ta thA ga tA ya/ ar+ha te samyak+Sha bud+d+hA ya/ tad+ya thA/ oM sho d+ha ne sho d+ha ne/ sarba pA pa bi sho d+ha ne/ shud+d+he be shud+d+he/ sarba A ba ra Na ni bi shud+d+he swA hA/ zhes bya ba'i rus pa la sogs pa bkru ba'i sngags so// de nas me tog gtor zhing sngags bzlas la lam bstan par bya'o// sngags ni/ oM rat+ne rat+ne saM b+ha be/ rat+na ki ra Ne/ rat+na mA la bi shud+d+ha/ sho d+ha ya/ sarba pA paM hUM twA Ta/ lam bstan pa'i sngags so// de nas me tog dang chu gtor zhing lam rnam par sbyang bar bya'o// sngags ni/ oM pad+me pad+ma/ pad+mod+b+ha be su khA ba t+yaM/ gats+tsha tu swA hA/ zhes bya ba ni lam rnam par sbyang ba'i sngags so// sngags kyi tshig de dang de la bskul tshig sbyar bar bya'o// lam sbyang ba'i sngags kyis me tog gi char dbab par bya'o// glu mkhan bkra shis tshigs bcang ni// mnyam par bzhag pas glur blang bya// thun gsum mam ni thun gcig tu// de bzhin nyin re bzhin du bya// ji skad gsungs pa'i cho ga bzhin/ mchod nas thams cad bsdu bar bya// de la bkra shrIs kyi tshigs su bcad pa ni// bkra shis gang zhig sems can kun la gcig tu phan mdzad cing sangs rgyas skyon rnams spangs pa rnam par dag pa rtogs gyur pa// shes rab yan lag la 'khyud bde ba mdzes pa'i bdag nyid can// de yis khyod la dbang bskur mchog gi bkra shis 'byung bar shog/ bkra shis gang zhig de yis gsungs pa'i dam pa chos kyi mchog/ bla na med pa lha dang lha min gyis mchod cing // 'jig rten gsum du bdag med rab tu rtogs pa 'gyur des la// de yis khyod la dbang bskur mchog gi bkra shis 'byung bar shog bkra shis gang zhig dam chos rab mchog rtag tu 'dzin mdzad pa// sa yi dam par son pa rgyal ba'i sras tshogs legs pa rnams// sems can phan par mdzad la mkhas pa shin tu bkra shis pa// de yas khyod la dbang bskur mchog gi bkra shis 'byung bar shog/ ces bya'o// bkra shis kyi tshigasu bcad pa de dag rus pa bkru ba'i dus su yang glu blang ba 'am blang du gzhug go/ de la gshegs su gsol ba'i sngags ni// oM khyed kyis sems can don kun mdzad// rjes su mthun pa'i dngos grub stsol// slar yang 'byon par mdzad slad du// sangs rgyas yul du gshegs su gsol// muHzhes pa'o// de nas mtshan mo tshogs kyi 'khor lo byas nas thams cad bsdu'o// 'byor pa ci yod pas ngan song yongs su sbyong ba'i dkyil 'khor cho ga ji lta bas bris nas ji skad gsungs pa'i cho ga rnaMs bya'o// slar yang rdo rje slob dpon gyis sbyin bdag la yon slang bar bya'o// des kyang 'byor pa dang rjes su 'tsham pa rab tu dbul lo// bkrus nas gos slob dpon la dbul lo// ji skad du/ ro la dmigs nas gnyen rnams kyis// slob dpon la ni gang byin pa// de ni mtho ris la bzhag pas// de la byin par shes par bya// nyi ma bdun nas rab bshad pa'i// de yis ci 'dod nor dbul bya// de la byin pas nges par ni// bde ba can du mchod par 'gyur// gang phyir bsam gtan bya ba kun// cho gas lus ni steng byas nas// sdig pa ma lus spangs nas ni// bde ba can du nges par gnas// de rjes de yi rus pa rnam dag pa// phye ma shin tu zhib par byas nas ni// mchod pas yang dag mchod nas 'bab chu ni// shin tu rgya cher rab tu dor bar bya// yang na sa 'dzin chen po mtho ba yi// steng gi rtse mo la ni bsdang nas su// rlung gi shugs ni yongs su rgyu ba na// de dang rjes su mthun par 'phyar bar bya// shin tu drag po'i las kyi dbang gis ni// gal te bde ster bde ba can ni ma thob kyang // 'di yis ngan song rnams ni yongs spangs te// sum cu rtsa gsum gnas su 'gro bar nges// dpal ldan bzang po'i zhabs kyi pad+ma las// thob pa'i gdams ngag shin tu 'dod pa ni// dpal ldan gsang ba 'dus pa las byung ba// shin tu yid 'ong cho ga byas pa ni// gang zhig dpal ldan gsang 'dus ma rdzogs pa// dpal ldan ngan song yod su sbyong ba yi// rgyud las gsungs pa'i las gang yod pa yis// las de yongs su rdzogs par byas pa yin// shi ba bde 'gror sbyar ba'i cho ga shin tu 'dod pa mchog tu gyur pa zhes bya ba'i ming can dpal stong nyid ting 'dzin rdo rje'i zhabs kyis mdzad pa rdzogs s+ho// / rgya gar gyi mkhan po a ba d+hU ti bai ro tsa na badz+ra'i zhal snga nas dang / bod kyi lo tsA ba khams pa ldi ri chos kyi grags pas bsgyur ba'o//