བོད་ཡིག

e-texts produced with BDRC’s OCR application

rgya gar skad du/ sa man+ta b+ha dra nA ma sA d+ha naM/ bod skad du/ kun+da bzang po zhes bya ba'i sgrub pa'i thabs/ bcom ldan 'das 'jam pa'i rdo rje la phyag 'tshalo// dpal ldan mi shes kun spangs dri med gzi brjid ldan// dpag med rigs kyi sprul pa rnams kyis rab brgyan cing // shes rab yan lag 'dus pas 'bar zhing rnam mdzes pa// 'jam dpal gang de mchod phyir de la phyag 'tshalo// dpal ldan 'dus pa'i gzhung lugs bshes gnyen ni// dam pa yi ni bskul phyir sgro byas te// 'gro ba ma lus don ni phun tshogs pa'i// rgyur gyur cho ga bdag gis bshad par bya// dal 'byor 'di ni shin tu g.yo ba dang // 'jig rten skye bo dam pa phrad rnyed dka'// de bas shes rab thabs la gzhol ba yi/ yid la byed pa'i mchog de bsgrub par bya// de la sngags pa snying rje'o stobs kyis ni// byang chub mchog tu sems ni bskyed pa dang // gtong ba la sogs yon tan rnams kyis brgyan// zab mo'i tshul dag la ni lhag par mos// dpal ldan 'dus pa'i dkyil 'khor cho ga yis// rang gi dbang bskur phun sum tshigs ldan zhing // cho ga bzhin du rjes gnang thob pa yi// blo dang ldan pas rang sngags mnyes par bya// la la dri med chu ni phun tshogs shing // shing mchog mdzes pas rnam par brgyan pa yi// ri bo'i phyogs gcig tu ni bcom ldan 'das// 'jam dbyangs zhes bya de ltar rab bsgrub bya// dang por nang par snying ga'i zla dbus su// dri med 'od zer rab tu 'phro ba'i me// de nyid ces bya rnams bkod brtse ldan pas// sgo la sogs pa yang dag dag par bya// tsan ngan bzang po la sogs kyis byugs shing // dri zhim me tog gcal bkram mchog gi cha// bsam gtan gnas su bde ba'i stan la ni// gnas nas dus gsum bzhugs pa'i sangs rgyas rnams// dmigs te sna tshogs mchod pa'i sprin rnams ni// dang por spro sogs blo ldan gyis bya zhing // dge ba rnams ni 'phel bar bya ba'i phyir// sdig pa dag ni bshags pa la sogs bya// gang zhig thog med srid pa'i chuklung du// ma lus kun rtog gis bsags rnyog pa rnams// thugs rje cho ldan spyan sngar de dag ni// cho ga bzhin du thams cad bshags par bgyi// rdzogs sangs rgyas dang byang chub sems dpa' dang // 'phags pa gzhan gyis dge ba gang mdzad go/ de dag kun la yang dag yi rang zhing // byang chub tu ni yongasu bsngo bar bgyi// yid kyi rol pa dri med zla 'dras bsgrub// snying rje dam pa mtha' yas pa yi thabs// rang gi yid la gnas par gyur pa yi// bde gshegs rnams la rtag tu skyabs su mchi// rtog pa ma lus pa las nges grol zhing // sems dpa' dam pa kun gyi phun tshogs gzhi// dngos po thams cad ro gcig ngo bo nyid// dam pa'i chos la rtag par skya ba su mchi// 'ching ba rnams las yang dag grol gyur cig/ snying rje mchog gis bskrun pa'i dpal dang ldan// rab tu dga' sogs sa la rab zhugs pa// brtul zhugs dbang po'i tshogs la skyabasu mchi// bsam dang rnam par smin po dag gyur pas// sgrib pa kun gyi bag chag yang dag 'byin// lhag par mos pas rnam par brgyan pa yi// sems ni byang chub dam pa bskyed par bgyi// bde gshegs sras bcas rnams kyi lam gcig pu// sbyin sogs rnam bcu dkar po'i yon tan tshul// rdzogs sangs rgyas dag ma lus ngo bo'i blos// / yang dag nyid du da ni gnas par bgyi// snying rjes 'jig rten 'di ni mo lus pa// lta ba'i dra bas bcings la dmigs nas ni// yang dag byang chub sems ni mnyam med pa// sngags pas cho gas de ltar bsgom par bya// ngo bo nyid dang bral phyir stong pa ste// rang bzhin rgyu dang bral bas mtshan ma med// rtog pa rnams dang bral phyir dngos po ni// mu lus smyon pa las ni nges par grol// oM shU n+ya tA dz+nyA na badz+ra swa b+hA ba At+ma ko he// de 'og hUM gis rdo rjer byas pa'i sar// kun tu bzang las byung bar bsam pa ni// ston ka'i zla ba lta bur rab dkar ba// mtha' yas phyogs gnas sna tshogs 'od dang ldan// gru gsum gyen du gnas pa'i nang gi nI// na mkha' rang gi ngo bo rdo rje 'dzin// chos 'byung zhes bya phyag rgya'i dbus gnas pa// pad+ma sna tshogs rdo rje mdzes pa der// bruM gyi 'khor lo las byung rig bcas pa'i// rnam snang mdzad yan lag las yang dag byung // thub dbang 'od kyi dkyil 'khor sna tshogs pa'i// zer gyis phyogs tshogs mo lus kun/ tu khyab// mi mnyam pa dag med phyir zur bzhi mnyam// dran dang dbang po'i mchog gi sgo rnams yin// bsam gtan bzhi po dag gi rta babs dang // ting 'dzin kha khyer gyis ni kun tu bskor// kha khyer de la brten pa'i mchod pa ni// dam pa 'dzin pa gzungs kyi tshogs rnams yin// sna tshogs rgyan rnams kun gyis rnam spras pa// gang phyir 'gro ba'i bsam kun rdzogs mdzad pa'i// rlung gis bskyod pa'i ba dan phreng ba dang // dril bu sgra sgrogs phyogs sgo kun khyab pa// gang phyir dam chos gsung rab yan lag dgu/ gdul bya thams cad la ni bskyod pa po// me long 'dra ba dra phyed me tog gi/ phreng ba sna tshogs kyis brgyan mnyam pa med// ye shes me long dri med byang chub kyi// yan lag dri ni me tog phun su tshogs// kab bzang po brgyad kyis nyer mdzes pa// rnam thar brgyad po rnam par dag pa yin// rdo rje'i thig dang yang dag ldan pa ni// rdo rje theg chos 'khor lo rab bskor ba'o// bla med mtha' yas 'dod pa'i yon tan lnga// gzugs sogs yul rnams rnam par dag pa yin// mchod pa lnga yis rnam par brgyan pa ni// chos dbyings rnam par dag pa'i rgyu mthun yin// sna tshogs pad+ma'i 'dab mar legs gnas pa'i// nyi zla mgon bcas lha yi gnas rnams dang // rin chen ma lus pa yis rnam spras pa gzhal yas khang pa dar ni bsam par bya// bcu drug cha dang tshogs las byung ba yi// zla ba'i dkyil 'khor dag ni dbus nyid du// 'od zer dpag tu med pa'i tshogs ldan pa// dbus pa'i gdan la cho ga bzhin du bsam// dpal mchog dang po'i snying po las byung ba'i// rdo rje bzang 'dir nor bu dmar 'dral// dpag med thub pa'i 'od tshogs rnams 'phro ba// phyogs sgo mtha' yas khyad par rab bsgrub pa// dang po'i snying po mchog bcas bsgoms nas ni// nga rgyal de ltar mtha' yas sprul pa/ yis// 'gro ba mchog gi don rnams byas gyur cing // thub mchog phra rab las bsgrubs mtshungs med pa// zla ba brgyad 'drar dkar ba'i mdangs ldan zhing // g.yas dang g.yon pa'i zhal ni sngo dang dmar// sna tshog rgyan rnams 'bar ba'i phyag gnyis gyis// rig ma dam par 'khyud par mdzad pa'o// lhag ma'i phyag gis rdo rje ral gri dang // pad+ma rin chen bsnams pas zung gnyis mdzes// khams gsum khong ni rnam par brgyan pa yis// thub pa'i 'od tshogs du ma rnam par 'gyeng // rnam par thar pa'i sgo gsum rnam dag pas// shes rab thabs kyi bdag nyid snying rje mchog/ ma lus 'gro ba'i de nyid gcig pu nyid// rgyal ba skyed byed nyid kyi sku ru bsam// mchog tu rjes chags phun tshogs dpag med kyis// 'dul ba'i 'jig rten thams cad dmigs nas ni// dga' ba'i sgyu ma'i sgra yis de rnams dang // rgyal ba'i tshogs rnams ma lus gzhug par bya// de ni spyan la sogs pa'i lha mo dang // gzugs sogs ma lus yul gyi rang bzhin du// phyung nas rigs ma de dag thams cad ni// rang gi rig mo'i nang du chud par bya// de yi pad+ma'i lte ba'i nang du ni// dkyil 'khor dri maud zla zer las byung bar// bsams nas blo yis 'gro ba'i tshogs rnams ni// ma lus de ni rab tu gzhug par bya// gsang ba'i rdo rje dam pa'i dbus su ni// rnam snang la sogs rgyal ba'i tshogs gzhug ste// zla ba zhu ba'i gzugasu gyur pa dang // des ni de rnams de 'og dbang bskur bya// sa yi snying po phyag na rdo rje dang // mkha' snying 'jig rten dbang phyug sgrib sel bcas// dpal ldan kun tu bzang po zhes bya bas// de dag mig la sogs pa grangs bzhin no// gzugs dang sgra dang dri dang ro dag dang // reg bya dang ni chos dbyings rdo rje dang // sa dang chu dang me dang rlung rnams kyi// ngo bo nyid gyur spyan la sogs par grags// gzugs dang tshor ba de bzhin 'du shes dang // 'du byed dang ni rnam par shes bshad pa// rnam par snang mdzad la sogs bde gshegs te// de rjes sa bon gyis ni dbyung bar bya// k+ShiM dzaM khaM gaM Sh+kaM saM zhes bshad pa// 'di ngag mig la sogs pa rnams kyi mig/ dza hUM baM ho khaM raM zhes bshad pa// de dag gzugs kyi rdo rje la sogs pa// lAM baM baM taM zhes bya bzhir bshad pa// de dag spyan la sogs pa rnams kyi yin// bru~M AM dz+r-IM khaM hUM zhes bya ba 'di// rim pa ji bzhin brtag pa la sogs pa'i'o// oM AHhUM zhes bya ba'i sems nyid ni// 'od ldan ho dang spel ba tshe ga bzhin// pad+ma'i nang du zhugs pa mnyam med pa// shes rab chags pas zhu bar bya b.rarwa bsam// de yi 'od kyi mthu yis gnyis ka yang // zla ba zhu bar byas par mthong ba dang // spyan la sogs pa'i lha mo rnams kyis ni// glu yi sgra yis bskul bar byas par bsam// sems can khams na gnas kyi dbang phyug khyod ni rdo rje'i thugs// dga' ba yid 'ong don chen 'dod pas bdag li skyabs tu gsol// mgon po gal te de ring bdag gis gson par mchi bzhad ni// sems can yab chen mnyen mchog bdag la dgyes par mdzad du gsol// rdo rje'i sku khyed bka' yi 'khor lo sems can kun la ben// sangs rgyas don du byang chub don dam rab tu phan par gzigs// mgon po gal te de ring bdag ni gson par mchis bzhed na// 'dod chags dam tshig chags pas bdag la dgyes par mdzad du gsol// khyod ni rdo rje'i gsung ste kun la phan zhing thugs brtse ba// 'jig rten dag gi don dang dgos pa mdzad la rab tu brtson// mgon po gal te de ring bdag ni gson par mchis bzhed na// dga' ba'i spyod pa kun tu bzang po bdag la dgyes par mdzad du gsol// khyod ni rdo rje 'dod pa dam tshig mchog gi phan ngon che// yang dag rdzogs sangs rgyas kyi gdung mchog mnyam nyid thugs brtse ba// mgon po gal te de ring bdag ni gson par mchis bzhed na// yon tan rin chen mang po'i gter gyur bdag la dgyes par mdzod// de lta'i glu yi ngo ru byas pas na// chos kun sgyu ma lta bur yang dag rig/ snang ba'i 'od zer gyi ni dkyil 'khor can// rang gi sngags kyi lus su rang nyid gyur// de yi 'od zer ma lus pa rnams kyis// rang lha dang mtshungs sprul pa'i thub dbang pos// dpag tu// med pa'i yid kyis bcug pa las// dpal ldan 'jam pa'i rdo rje zhes byar gyur// gur gum bzang po'i mdog ltar dmar ba la// g.yas dang g.yon pa'i zhal ni sngo dang dkar// sna tshogs rgyan gyis rnam par brgyan pa yi// phyag gnyis shes rab dam pa 'khyud pa dang // mdangs ldan ral gri dang ni mda' nyid dang // ut+pal sngon gzhu mtha' yas 'od ldan bsnams// ma lus rigs rnams 'phro bas rnam brgyan cing // skyob pa na mkha' ma lus dkyil 'khor yin// dngos rnams thams cad gzung dang 'dzin pa dang // bral bas dngos po med pa nyid du shes// rnam par byang la mngon par zhen pa ni// med pas byin gyis brlabs pa 'di nyid bya// oM d+har+m+ma d+hA tu swa b+hA ba At+ma ko ti// de 'og rang sgyings bon 'od rnams kyis// rang gi mig sogs sa snying la sogs pas// ji bzhin bkang nas dri med rab zla yis// rdo rje lte ba'i dbus gnas yi ge hUM// thugs kyi rdo rje'i de bzhin kha dang ni// mgo bor pad+mo 'khor lo la gnas pa'i// a dang oM ni gsung gi rdo rje dang // sku yi rdo rje nyid du bsam par bya// de yi thugs kha'i 'od kyi tshogs rnams dang // shes rab dam par gnas pa'i 'od rnams kyis// kun nas rgyal ba'i dbang po mchod nas ni// thugs kyi rdo rje la sogs byin gyis brlab// dpal ldan rdo rje thugs 'chang ba// rdo rje mi phyed gsum bsgoms pas// deng bdag byin gyis brlab nas su// rdo rje thugs kyis mdzad du gsol// phyogs bcur bzhugs pa'i sangs rgyas rnams// rdo rje mi phyed gsum bsgoms pas// deng bdag byin gyi brlab nas su// rdo rje thugs kyis mdzad du gsol// oM sarba ta thA ga ta tsit+ta badz+rA swa b+hA ba At+ma ko ha~M/ chos kyi gsung lam dpal dang ldan// rdo rje mi phyed po gsum bsgoms pas// deng bdag byin gyis brlab nas su// rdo rje gsungs gos mdzad du gsol// phyogs bcur bzhugs pa'i sangs rgyas rnams// rdo rje mi phyed gsum bsgoms pas// dang bdag byin gyis brlab nas su// rdo rje gsung gis mdzad du gsol// oM sarba ta thA ga ta bA ka badz+ra swa b+hA ba At+ma ko haM/ dpal ldan rdo rje sku 'chang gA/ rdo rje mi phyed gsum bsgoms pas// deng bdag byin gyis brlab nas su// rdo rje skus ni mdzad du gsol// phyogs bcur bzhugs pa'i sangs rgyas rnams// rdo rje mi phyed gsum bsgoms pa// deng bdag byin gyis brla nus su// rdo rje skus ni mdzad du gsol// oM sarba ta thA gA tA kA ya badz+ra swa b+hA ba At+ma ko haM/ nu mkha' lta bur ngo bor rdo rje gsum// mtshan nyid dag dang bral bar dmyigs nas ni// phyogs bcur kun bzhugs pa yi thub pa'i tshogs// snying po'i la zer rnams kyis yang dag bskul// thub pa'i mchog gi 'od zer la byung ba'i// rigs pa'i tshogs rnams phyag na bum pa bsnams te// ye shes chu yis mngon par dbang bskur bas// rang gi rigs kyi gtsos brgyan cod pan gyur// de bzhin rang gi lha 'dra rang snying pos// sprul pa'i rig pa nyid ni yang dag lta// mig la sogs pa dgang zhing yi ge gsum// rnam par bkod pas lus ni 'od dang ldan// de nyid shes pas mgo dang snying ga dang // lte ba gsang ba de bzhin brla gnyis / sogs// oM hUM swA AHhA zhes grags pa rnams// de ni sku thugs rdo rje bzang rigs sogs// lnga po rnams kyis yan lag byin brlabs te// 'od kyi phreng ba dam pas 'gro gsum khyab// a yis sna tshogs pad+ma'i lte bu bya// hUM gis 'dab ma brgyad pa rnam par sprul// shes rab dam pa'i rgyu mthun ngo bo nyid// thabs dang bcas par 'byung ba'i rang gi lus// de yis bde gshegs rjes su mnyes byas zhes// sngags pas dga' ba kun tu brtsam par bya// oM sarba ta thA ga ta a nu rA ga Na badz+ra swa b+hA ba At+ma ko haM/ thugs ka'i zla ba'i sngags kyi 'od rnams kyis// ma lus sangs rgyas tshogs rnams bcug nas ni// hUM gi rdo rje las byung dri ma med pa yi// yid tshul dam pa'i tshul skyes la gnas pa// rang gi snying po las byung ma lus pa'i// rang gi dkyil 'khor pa yi gzugs bsams la// cho ga 'di yis sems ni brtan po dang // 'jig rten rnams la phan phyir yang dag dbyung // badz+ra d+h+r-ika ces bya dang thugs rdo rje// skye bo dam pa'i don maH yang dag bskul// nor bu sngon po'i 'od 'drar yang dag 'bar// g.yas dang g.yon pa'i zhal ni dkar dang dmar// dam pa dang po lta bu'i phyag dang ldan// kha dog dpag tu med pa'i 'od tshogs mnga'// blo dang ldan pas legs bsdus bdag nyid kyi// dngos po thams cad kyis ni zhugs par bya// dzi na dzi ka ces bya ba sku rdo rje// rdo rje 'dzin dang 'dra ba'i sku mdog zhal gyis mdzes// 'khor lo la sogs phyag mtshan rnams de bzhin// shar gyi pad+mar zla ba'i dbus su bsam// rit+na d+h+r-ika ces bya ba 'di yis ni// nor bu rin chen 'byung zhal gzhon nu 'dra// btso mo'i gser gyi mdangs dang 'dra ba la// phyag drug margad rin chen la sogs bsnams// A ro li ka 'od dpag med pad+ma ni// rA ga ltar dmar zhal gnyis de dang 'dra// 'od zer 'bar zhing phyag na pad+ma sogs// mtshan ma bsnams pa nub tu bsam par bya// pradz+nyA d+h+r-ika ces bya dang don yod grub// rin chen margad lta bu'i mdog ldan zhing // snga ma lta bu'i zhal sogs phun sum tshogs mnga' ba// ral gri la so/ bsnams pa byang du bsam// ral bcod pan mdzes dang sna tshogs pa'i// rin chen mchog gi 'od zer 'bar bas brgyan// rig pa mgon dang rab tu bcas pa'i sku// thams cad nyi ma'i dkyil 'khor dag la bsam// mo ha ra ti zhes pas lha mo spyan// zla ba dkyil 'khor rdzogs pa la gnas pa// mchog tu sred cing sku yi rdo rje 'dra// me yi phyogs nyid du ni bsam par bya// dwe la ra ti zhes pa dga' ba che// dga' chen mchog 'dod mA ma ki zhes pa// zhal mdzes phyag rnams thugs kyi gtso 'dra/ ba// rnam par sgeg pa bden bral mtshamasu bsam// rA ga ts+tshi zhes bya yum mchog ni// gos dkar yon tan rin chen mtha' yas pa// dri med sku ni gsung gi dbang phyug 'dra// rlung gi phyogasu rnam par bsam par bya// badz+ra ra tis rab bsku sgrol ma ni// dri med rin chen 'od kyi phreng ba yis// phyogs kyi tshogs khebs rang gi ngo bo ni// rin chen dbang 'dra dbang ldan phyogasu bsam// lha mo 'di rnams nges pa'i phyag mtshan ni// 'khor lo bzang dang ut+pal dmar pa dang // pad+ma ut+pal gser mdog rim bzhin bsam// lhag ma rnams ni bdag po ji bzhin 'dong // de nyid gsum gyis gzugs kyi rdo rje sogs// lha mo rnam ni sku la so/ dra bA kyai rdzi ni mtshams gyur bzhi po dang // rtsa ba'i sgo yi ngos gnyis dag tu bsam// ya mAn+ta kr-ita ces byas gshin rje gshed// mtha' yas 'jigs 'od phyogs kun khyab dang ldan// dus mtha' mi zad sprin gyi dkyil 'khor mdog/ thugs kyi rgyal po dag dang sku mtshungs pa// drag po'i rigs 'od dpag med b+h+ya/ rnams 'bru sa// gshin rje mthang mdzad shin tu 'dug pa yi// sbrul khyim lus kyi yan lag rnam brgyan pa// dpal ldan shar gyi skyon bsam par bya// brardzun pata ces byas bla med 'ong // drag tsang phyag sogs su yi rdo rje 'dra// gzhan gyis mi thub ces bya gtum po ni// lho phyogs kyi ni sgo ru bsam par bya// pad+man+ta kr-ita ces byas phyogs rnams kyis// 'khor los 'od kyis mngon par khebs byed pa// 'od mdangs 'jig dus med 'drar 'jigs par ldan// phyag la sogs par gsung gi rdo rje 'dra// dug pa du ma rnams gnon 'jigs pa'i zhal// thub dbang ha ha zhes ni bzhad pa yi// ri bor bcas pa skyel bas skrag mdzad pa// rta mgrin de bzhin nub kyi phyogasu bsam// big+h+nAM ta kr-ita ces byas dpa' bo ni// dus mtha'i me ltar drag po bdud rtsi 'khyil// 'phags pa'i zhabs sogs mi bskyod dang mtshungs pa// de bzhin byang gi sgo ru bsam par bya// rnam par snang mdzad thugs gtso 'od dpag med// thugs kyi dbang po rim bzhin cod pan yin// tho bar dbyug pa de bzhin pad+ma dang // rdo rje sogs 'di phyag ni kun la bsam// de ltar yongasu rdzogs pa'i dkyil 'khor la// dngos po thams cad kyis ni bltas nas kyang // snying po'i sngags kyi 'od zer lcags kyu yi// drangs nas bde bar gshegs rnams bsgom par bya// shes rab thabs kyi rang bzhin dri med pa'o// ting 'dzin las byung dam pa'i bdes gang bar// 'khor lo bsams nas de nas gshin rje ni// mthar byed la sogs bshad pas bsrung bar bya// rang gi snying pos mngon bzlas mchod yon ni// tsan ngan bzung sobs me tog gis mdzes dbul// rang las byas pa lta bur dbang bskur zhing // cho ga yis ni mngon par mchod par bya// pad nang rang gi sa bon 'di rnams kyis// gzugs la sogs pa thams cad drangs nas ni// yang dag byang chub yid kyi ngo bo yi// 'od kyi dkyil 'khor dag tu bsgom par bya// shes rab pa spu re las byung ba yi// 'od zer rnam pa sna tshogs rgya chen tshogs// ma lus na mkha'i gtos ni kun tu khyab// de la blo dang ldan pas rab tu spro// 'od kyi la sgo las nges par byung ba yi// yan lag dri med rgyan kun gyis legs brgyan// me long pi wang dri dang ro yi snod // gos dang chos 'byung ba la sogs pa yi// mtshan mas rim gyis rnam par sgeg bcas shing // rol pa'i lag pa dam pa rnams dang ni// 'od kyi snang bas sprul pa sna tshogs pa'i// mchod pa'i sprin gyi dra bas khyab pa dang // dngos rnams sgyu ma la sogs so/ sor ni// yang dag rig cing 'jig rten lta mkhas pa// rtog pa ma lus kun las nges grol zhing // mchog tu bde ba bskyed pa'i rgyur gyur pa// gzugs la sogs pa'i lha mo rnams dang ni// de bzhin phyi yi dri sogs thams cad kyis// / rgyal ba'i dbang po rnams ni legs mchod cing // de ltar tha dad rtog la nges grol bya// oM sarba ta thA ga ta pU dza badz+ra swa b+hA ba At+ma ke ha~M/ sgra yi yul rnams ma lus pa rnams ni// brag ca'i sgra 'drar nges brtag der rjes la// yang yid ldag pa'i lha ru gnas pa la// chos rnams bstod pa'i sgra ni byed par bsam// mi bskyod rdo rje ye shes che// rdo rje dbyings ni mkha' chen po// rdo rje gsum mchog dkyil 'khor gsum// rdo rje dbyangs la phyag 'tshal lo// rnam bar snang mdzad dag pa che// rdo rje zhi ba dga' chen po/ rang bzhin 'od gsal mchog gi mchog/ ston pa rdo rje phyag 'tshalo// rin chen rgyal po rab tu zab// rdo rje na mkha' dri med mkha'// rang bzhin dag pa gos pa med// rdo rje'i sku la phyag 'tshalo// rdo rje mi 'chi rgyal po che// mi rtog na mkha' rdo rje 'dzin// 'dod chags pha rol phyin pa brnyes// rdo rje'i gsung la phyag 'tshal lo// don yod rdo rje rdzogs sangs rgyas// bsam pa thams cad rdzogs mdzad pa// rang bzhin dag pa nyid las byung // rdo rje sems dpa' phyag 'tsha lo// 'bar ba'i rlung gis byin brlabs rlung dang me'i// dkyil 'khor la gnas rab sbar bdud rtsi lnga// de nas yi gi gsum bzlas dpag med pa'i// thub pa'i dbang po'i rlung du chud par bya// ye shes bdud rtsi'i ngo bor bsams nas ni// hUM dgod rdo rje'i lce ni bzang po dang // snying ga'i zla ba'i dbus su ma lus pa'i// rgyal ba'i 'khor lho des ni tshim par bya// snying po'i 'od zer dpag med kyis sprul pa'i// thub pas mi shes kun tu nges gsal nas// 'gro ba ma lus rdzogs sangs rgyas byas te// rang gi gsang sngags nang du chud par bya// gzugs la sogs pa'i rnams pa dang bral bas// 'dzin pa de ni mngon sum mthong mi nus// gzung ba rnams kyang cung zad yong min la// gzhan pa'i 'brel pa yis kyang mthong ba med// bde sogs de ni yongasu 'dzin pa ni// bya ba 'ga' yang yod par ma mthong ste// cig car shes pa'i phyir na gzugs sogs bzhin// 'di dag 'dzin pa por ni yod ma yin// dkar po la sogs gang zhig mthong ba rnams// de nyid dus gzhan dag tu mthong mi 'gyur// 'di nyid rtag tu gcig la gcig 'gal ba// yin phyir bde ba la sogs ngag dang mtshungs// thog mtha' la sogs bye brag snang bas na// gzugs la sogs/ pa 'di dag gcig ma yin// phra rab rnams kyang mthong ba ma yin pas// du ma'i gzugasu min pa'ang de dang 'dra// rdul phran cha shas med pa nyid kyang ni// phra rab du ma 'dus pa yod min pas// sa yi dkyil 'khor la sogs rang bzhin / te// bsags pa 'ga' yang 'dir ni med par 'gyur// de bas 'dzin po la sogs dang bral bas// rang rgyud gzugs sogs brtags pa'i ngo bo nyid// rgyu dang mi rgyu dngos po ma lus pa// dri za'i grong khyer dag dang mtshungs pa yin// bdag dang bdag gi rnam rtog rgyun gyi ni// ngo bo dag gis der ni 'khor ba ste// drag pa phyin ci log de med pa yi// ngo bo tsam gyis rnam par shes par bya// 'dir ni zhi dang srid pa'i ngo bo dag/ chos nyid kyis ni dbye ba 'ga' yang med// gang phyir gzung/ ba la sogs rnam pa dang // bral bar thams cad du ni rtag tu grub// de ni snang ba'i rang bzhin kun rtog las// thams cad ci yang yod pa ma yin te// sems las gzhan pa dag ces bya ba ni// yod pa ma yin de phyir de bdag nyid// gang zhig gzugs la sa sor thugs gyur ba// de'i bdag nying gang yin de nyid gzugs// de bas thams cad khyab par med par brtag/ snang bar gyur pa'i yul rnams gang yin pa/ gang zhig rtog pa'i gnasu gyur pa rnams/ de de gnyis sbyor ba dang bral bas// des na rnam par dbye ba thams cad min// dang dang brtson 'grus rnam par dag pa dang // de bzhin dran dang bsam gtan rnam dge pa'ang // sgo bzang srung bar byed pa'i ngo bo nyid// shes rab rnam dag ma lus yul du sna mtshan ma med pa'i dga' ba rnam dag pa// ma lus lha mo'i tshogs kyi ngo bo nyid// sems can don dang bdag dang rnam rtog dang // 'jug pa'i rnam shes rnam par dag pa yang // me long sogs yid dri med ngo bo bas// sangs rgyas tham cid kyi yang rang bzhin te// de bzhin nyid ni rnam dag sbyor ba yis// 'khor lo'i gtso bo 'di ni rnam par bzhugs// gzugs la sogs pa'i 'khrul pa rnam bral bas// dri med phung po la sogs ngo bor grub// ser sna la sogs ldog par gyur pa ni// pha rol phyin pa dkar po'i chos rang bzhino// rnam rtog med par bdag gzhan don 'byung ba'i// rgyu nyid kyis na de yang go rims bzhin// zab pa dang ni rgya che ba yis na// shes rab thabs kyis bdag nyid can sems yin/ drim pa'i don du ci yong gzhan dag las// dbye med dbye ba ming min mi 'dod ste// gzhan du 'dzin pa las ni bzlog phyir dang // de bzhin bye brag la sogs tog bral yin// de ltar brtags nas rang snying dri med pa// zla ba la gnas mtshan mar bsgom par bya// gsang sngags dam pa thig le'i gzugasu ni// rang yid 'od dang ldan par yongasu bsgom// sems de'i 'od zer dri med pas sad pa'i// sku gsung rdo rje'i lus ni mchog gyur pa'i// slar yang 'di nyid du ni nges bzhugs shing // ye shes bdud rtsi 'beb par bsam par bya// nang gI lus drung de bzhin thams cad kyang // de yis kun tu mthar ni snang byas nas// ba spu re re'i khongs las byung ba yi// tshogs kyis sna tshogs kun tu dgang bar bya// yang na rang gi mtshan ma phra mo ni// 'od ldan sna rtser gnas par thub pa yi// 'khor nang du chud byas snying rje yis// nang gi shes rab dam pa nyin mtshan bsgom// mtshan ma brtan po mthong na spro ba ni// 'od zer de yis sprul pa'i thub dbang dang / rnam pa sna tshogs pa yi phyag mtshan rnams// blo dang ldan pas yang dang yang du spro// yang na bzlas la rtse gcig sems nyid ni// dngos kun bdag nyid rang gi sems dbang po// rang gi sngags ni sna tshogs 'od ldan par// byas pas blo dang ldan pas bsgom par bya// srog drang rtsolnga ba shin tu ma bsdams par// gsang sngags rgyal po gsal bar brjod bya zhing // sku sogs rim pa bzhin du yang na ni// cig car spro ba dag ni legs par bya// nam mkha' gtos dang mnyam pa sku sogs pa'o// 'od kyi sku yi snang bas yang dge dgang // de nas snga ma bzhin du sna tshogs pa'i// mchod pa'i sprin gyis bkod pa kun tu spro// yongasu sbas pa'i rig pa mchog rnams ni// bde tshon babs pas gzhan gyis dbang thob nas// rnam par sgeg pa'i thub dbang tshogs rnams ni// mthar ni rang gi lus la gzhug par bya// rang gi snying po'i de nyid nges rtogs pa'i// skyo bas sems kyi spyod pa zhum gyur na// rig pa'i tshogs kyis yang dag glur blangs pas// rab tu bskul nas yongasu mchod par bya// sems bzang po yi chu rgyun srog dang ni// stsol ba'i 'od kyi lcags kyus drangs nas ni// cho ga ji bzhin sku rdo rje sogs la// nges par dbang bas skyo ba bsal bar bya// de ltar thangs cig ngal gso byas nas ni// sngar bshad cho ga yi ni de nyid shes// gsang sngags dam pa rgyun tu bzla ba ni// sngags pa'ang kun tu chags pa med par bya// bstod dang mchod sogs gshegasu gsol ba dang // sngags pas rab tu 'bad de rnams bya zhing // oM la sogs par 'khor lo bsdus nas ni// sku la sogs pa brtag pa dag tu bya// de ltar de nyid mthong bas rnam grol ba// sems can khams rnams kun tu dmigs nas ni// snying rjes 'gro ba rnams la phan don du// smon lam rnams ni mngon sum nyid du bya// langs nas dag pa'i sems dpa' rang gi lha'i// rnam pa'i nga rgyal yid la byas nas ni// kun tu snang bar gnas pa'i yul rnams ni// snga ma bzhin du yul du yongasu bsgom// rang rang gi ni ngo bo rnams dag pa// rim bzhin sku la sogs pa'i rdo rjer gyur// dpal ldan rdo rje 'dzin pa lta bur ni// chos nyid kyis na phan tshun khyad par med// phyin ci log pa rtog pa spangs pa yis// bya ba ma lus pa ni rdzogs par bya// de yi thub pa'i 'khor lo ma lus pa// mchod pa 'di ni kun tu mchog yin no// bza' za'i tshe na snying ga'i zla ba la// 'khor lo'i gtso bo rang gi gsang sngags kyis// kun tu dmigs te byang chub sems kyi ni// ngo bo nyid gyur 'od dang ldan par bsam// rang gi zas la de nyid gsum bzlas te// thams cad mnyam pa nyid kyis rnam dag pa// de yis sku yis rdo rje la sogs pa// lha rnams kun tu tshim pa nyid du bya// phyi yi sbyin sreg cho gas bsgre bya zhing // yid kyi 'ang yid nyid kyis ni bya ba ste// phung po'i bud shing rnam par bsreg pa yi// ye shes 'bar ba bla na med par bshad// de ltar ma lus pa yi 'dod pa yis// bdag nyid dam ni gzhan dag rang rang gi/ lha yi gzugs gyur pa la yang dag mchod// dam tshig 'di ni bde gshegs rnams kyis gnang // rjes su mthun pa'i 'gro ba'i don rnams ni// ma lus bde gshegs mchod par yang dag brtag/ lus la sogs pa'i las rnams de dang de// rtag tu legs par mnya par bzhag ste bya// rnam pa de 'dra'i sems ldan lus dang ni// ngag yid las rnams ci yang rung ba dag/ phyag rgya dang ni sngags kyi rnam pa ru// rdzogs pa'i sangs rgyas kun gyis de gsungs// gang phyir dngos po gcig la'ang sna tsho pa'i kun tu rtog pas bsags pa'i rnam pa las// sdug bsngal bde dang grol ba skyed byed pa'i// las kyi khyad par mang po 'byung bar 'gyur// de bas las sogs dge dang mi dge ba'i// rnam pa'i las rnams sems kyi dbang lnga gsungs// de ltar rnyog pa ma lus spangs pa yi// sems ni nag po'i las su ga la 'gyur// dam tshig nyams la snying ga'i zla bar ni// snying pos sna tshogs rdo rje ci bzhin bsam// dpal ldan dam tshig rdo rje'i rnal 'byor pas// 'gro ba rang bzhin gyis dag rnam bsams la// sna tshogs pad+ma'i 'dab ma dbus su ni// sngar gyi rim pas dbang bskur kun tu blang // phyi rol gyi yang khrus kyi cho ga la// rim 'di khyad par du yang bsam par bya// thun mtsham su yang de bzhin mchod la soT sngon du 'gro ba'i bzlas brjod byas nas ni// snying ga'i nang du 'khor lo chung byas la// snying rje dang ni shes rab ldan par nyal// ldang ba'i dus su dam tshig lha mo yi// yang dag glu yis dpal ldan bskul bas ni// langs na thub pas bzlas brjod la sogs pa// cho ga snga ma bzhin du bya ba yin// dngos grub thob pa'i mtshan ma mthong nas ni// de nyid gsum mchod byas nas rang gi sems// sngar bshad dkyil 'khor dgra la gnas nas ni// 'dod pa'i dngos grub rab tu bsgrub par bya// bgegs rnams bdud rtsi thab sbyor 'khor lo yis// dbang bskur byas nas 'bad pa med par 'joms// gang zhig dbus su gnas par gyur pa yi// 'khor lo de yang de yi yin par 'gyur// tha mal rnam rtog rgyun las gzhan pa yi// srid pa'i sdug bsngal gzhan ci'ang yod ma yin// de dang rnam par 'gal bar 'gyur ba'i sems// 'di ni mngon sum du ni rtogs par 'gyur// zab cing rgya che ba yi bdag nyid can// gang yin der ni kun rtog snang mi 'gyur// rig pa las ni gzhan du gyur pa dag/ yod pa min par sngar ni bsgrubs pas na// gang zhig gang dang mi mthun pa dag tu// lan cig gyur pa'ang de bgrod rgyus gyur pa// mthong ba'i bslabs pa rnam par 'phel ba yis// rang gi mi mthun shin tu 'gag par byed// sbyin pa la sogs bdag med ldan pas kyang // tha mal pA yi rang gi ngo bo las// rnam par ldog par mi 'gyur gang phyir 'dir// yod kyang de ni mi mthun 'gyur ma yin// de ltar rtogs na snying rjer ldan pa dag/ ye shes bsam yas skad cig gis sgrub pa// dpal ldan kun tu bzang po'i rang gi ni// ngo bo su zhig nges par bsgom mi byed// dri med blo yi 'od zer rnams kyis ni// mun pa thams cad rnam par sel byed pa// rnam par bstan pas mdzad pa 'dis mchog gi/ bdag 'dra'i go skabs dag ni ga la yod// bla ma dam pa'i gzhung ni cung zad tsam// gzung ba gang yin de yang dang por ni// 'ching ba lhod ces bya bar grags pas na// des na 'di la shin tu 'bad pa yin// de ltar rnam par sbyar la legs byung ba'i// dge ba dri med gang des 'gro ba'i yid/ sangs rgyas ye shes mgon dang bcas pa der// gzhol bar gyur pas rtag tu bsgom par shog/ dpal gsang ba 'dus pa'i sgrub pa'i thabs kun tu bzang po zhes bya ba/ byang chub sems dpa' 'jam pa'i dbyangs kyi zhabs kyi pad+ma'i ze'u 'bru'i rdul la reg pa/ slob dpon chen po sangs rgyas ye shes kyis mdzad pa rdzogaso// // rgya gar mkhan po a tsar+ya shrad+d+ha ka ra warma dang / zhu chen lo tsa ba rin chen bzang pos bsgyur cing gtan la phab pa'o//