བོད་ཡིག

e-texts produced with BDRC’s OCR application

rgya gar skad du/ tsir+N+Na pa ra bi sho d+ha nA ma dra kA ra NaM/ bod skad du/ sems kyi sgrib pa rnam par sbyong ba zhes bya ba'i rab tu byed pa/ bla ma dam pa'i zhabs la phyag 'tsha lo// 'jam dpal gzhon gyur pa la phyag 'tshalo// thog ma mtha' ma med zhi ba// dngos dang dngos med rnam par spangs// rnam par rtog med dmigs dang bral// gnas pa med pa gnyis med po// 'gro ba med pa dpe med pa// brjod med pa bltar med pa// gnas pa med pa gnos med pa// 'gyur ba med pas 'dus ma byas// sangs rgyas thams cad kyi ni gnas// sku ni snying rje'i rang bzhin nyid// sems can mos pa sna tshogs la// thabs rnams sna tshogs rab ston pa'o// 'dod chags chen po tshul phyag 'tshal pad+ma gar drang du khyod phyag 'tshal// rang gi sems ni rtogs bya'i phyir// cung zhig tsam zhig brjod par bya// rnal 'byor spyod pa'i tshogs kyi ni// thams cad nyid du rab nges pa// brjod par bya ba 'di dag nyid// de phyir 'di dag spyod por bya// las drag gang gi 'gro ba rnams// gang dang gang du 'ching 'gyur ro// thabs dang bcas na de nyid kyis// srid pa'i 'ching las grol bar 'gyur// sems tsam rnam par dag pa'i phyir// 'bras bu rnam par dag par 'gyur// 'di dgra shin tu rgyas par ni// theg pa chen por gsal bar bstan// chos dang gang zag dbyer med pa// ye shes tsam du thub pas gsungs// de lta na yang 'di ltar 'byung // rig pa dang yang rab tu mthun// dngos 'dzin gdon gyis zin pa yis// zhen pa rab tu gsal bya'i phyir// lung las kyang ni gsal po ru// rgyas par snying rje'i bdag nyid gsungs// chos rnams sngon du 'gro ba'i yid// yid gtso yid ni mgyogs pa ste// yid gnyis kyis ni 'byud pa yang // smra ba 'am ni byed pa'o// dge slong rang gi pha rgan gyis// myur gyis zhes ni bskul gyur nas// bskul bas de nyid sha gyur kyang // mtshams med sbyor ba ma yin no// shin tu na ba'i dgra bcom pas// dge slong nad g.yogs byed nga yis mgrin pa sdoms zhes bstan// de ni shi yang skyon med bstan// 'du shes gzhan gyis gzhan dag ni// shi yang nyes te mi spyod par// 'di 'dra lung las gsal por bstan// de phyir sems dge nyes pa med// de 'das byas pa'i blo yis ni// mchod rten bla shig kyang nyes med de// nye ba'i mtshams med byas pas kyang // bstod nams phung po 'ba' zhig go// bsam pa bzang pos mchil lham gnyis// thub pa'i dbu la bzhag pa dang // de nyid gzhan gyis bsal byas pa// gnyis kas rgyal srid thob par 'gyur// de phyir bsam pa'i rtsa ba las// bsod nams sdig pa rnam par gnas// lung las 'di ltar gsungs pa'i phyir// sems dge ba las nyes pa med// rang lhar sbyor ba'i bdag nyid kyis// 'gro ba'i don ni byed brtson pas// rnal 'byor 'dod yul longs spyad kyang // grol 'gyur gos par mi 'gyu ro// ji ltar dug gi de nyid shes// dug la spyad nas za bar byed// 'di ni brgyal bar mi 'gyur zhing // nad las thar pa 'ga' zhig 'gyur// sgyu ma smig rgyu dri za yi// grong dang rmi lam ji bzhin du// 'gro ba thams cad rnam bltas la// ci zhig ji ltar su zhig spyod// byis pa rnams ni gzugs la chags// 'bring po rnams ni chags bral 'gyur// gzugs sogs ngo bo nyid shre nas// blo mchog rnams ni grol bar 'gyur// dam tshig thams cad rnam bsam la// lha la mchod pa'i cho ga yis// the tshomo med par bzang por blta// sngags kyis bskul la longs spyad bya// yi ge gsum gyi sbyor ba yis// sbyang dang rtogs dang de bzhin spar// srin lag mthe bong rtse mo yi// de bzhin gshegs rnams tshim par bya// byis pa rnams la 'di bden pa// de ni rnal 'byor pa la brdzun// de tsam zhig tu longs spyad pa// bcings pa med tsong grol ba med// 'khor ba mya ngan dras pa zhes// de nyid ma mthong ba yi sems// 'khor med mya ngan 'das med ces// de nyid mtho sa rnams kyi sems rnam par rtog pa gdon chen po// 'khor ba'i rgya mtshor ltung byed yin// rnam par mi rtog bdag nyid ches// srid pa'i mching las grol bar 'gyur// the tshom dug gis gnod pa ni// skye bo dug gis gnod pa bzhin// de nyid rtse ba nas bton la// snying rje'i bdag nyid can gyis spyad// dper na shel sgong dag pa ni// kha dog gzhan gyis bsgyur bar byed// de bzhin rin chen sems 'di yang // rtog pa'i tshon gyis bsgyur ba nyod// tha mal rtog pa'i tshon gyis ni// rin chen sems ni dben 'gyur na// thog ma nas dag ma skyes pa// gnyug ma'i rang bzhin dri med gang // byis pas gang dang gang smad pa// / de dang de la 'bad pas spros// rang gi lha yi sbyor ba yis// sems ni dri med bya ba'i phyir// rnal 'byor dge ba'i sems kyis ni// chags med dug gisu rmongs pa yis// 'dod can ma la 'dod spyad pas// 'dod pas thar pa thob par 'gyur// daM bI ra na bdag nyid mkho' lding du// bsgoms nas dug kun 'thung byed pa// bsgrubo bya'i dug kyang med par byed// dug gis zil gyis mi non no// 'khor lo dpag tshad bcu gnyis pa/ lcags byas mgo la 'khor ba yang // byang chub sems ni bskyed ma thag/ med par gyur zhes thos pa yin// byang chub sems ni yang dag bskyed// rdzogs pa'i byang chub sems byas pa// de yis mi bya gang yang med// 'gro ba bcu ba'i bsam pa yis// thog ma nA dag ma skyes pa// dngos po med po dri med pa// 'gro ba bsam pas yang dag mthong // bcings pa med cing grol ba med// hU~M yA yon tAn rgyas por ni// rnal 'byor cho ga bzhin bsamaso nas// chags pa'i sems kyis chags pa'am// chags pa spyad nas grol por 'gyur// tsi bya gad+ha la dmigs shes na// dngos po nus pA sna tshogs pa// dzI ltar dug gis zin pa 'ga'// dug nyid kyis nI dog med byed// rna ba'i tshu la chu nyid dang // tshor ma zug la tsher ma ltar// de bzhin chags la chags nyid kyis// mkhas pa rnams kyis 'dzin par byed// dper na khrus mkhan dri mi yis// gos kyi dri ma med par byed// ji ltar rdul gyi me long gi/ dri ma 'dag par 'gyur ba bzhin// de bzhin mkhas pas nyes pa dag/ nyes pa sbyangs phyir bsten par bya// lcags kyi gong bu chu nang du// ji ltar gting du 'gro bar 'gyur// de nyid snod du byas pas su// bdag drang gzhan yang sgrol bar byed// de bzhin snod du byas pa'i sems// shes rab thabs kyi cho ga yis// 'dod pas spyod bzhin grol por 'gyur// gzhan dag kyang ni grol bar byed// rnam shes ngan pas bsten byas ni// 'dod pa 'ching ba nyid du 'gyur// de nyid mkhas pas bsten byas nas// 'dod pas thar par rab tu sgrub// 'o mas dug ni zhig 'gyur ba// 'jig rten kun la rab tu grags// de nyid sbrul gyis 'thungs nas ni// dug ni shin tu 'phel bar byed// ji ltar dang pas 'o ma ni// chu las 'thung bar byed par ltar// de bzhin mkhas pas dug bcas yul// spangs nas smad pas grol bar 'gyur// ji ltar cho ga bzhin spyad na// dug kyang bdud rtsir 'gyur ba yin// byis pa rnams kyi mar khrims sogs// bza' ma legs pa dug tu 'gyur// de ltar sems ni 'di nyid kyang // gtan tshigs bzang pos sbyangs byas/ no// rnam par mi rtogs dmigs med pa// rong bzhin dri med rab tu snang // ji ltar me ni chung ngu yang // mar dang snying sogs 'dus byas pas// snang ba dri med mi g.yo ba// bstan pa'i mun pa rnam 'jig 'gyur// ji ltar phra ba'i sdong po ltos// ji ltar lo ma 'bras bu yis// brgyan pa'i shing chen 'byung bar 'gyur// yung dang rdo thal sbyar ba las// kha dog gzhan zhig 'byung por 'gyur// shes rab thabs kyi cho ga yis// chos dbyings mkhas pa de ltar shes// mar dang sbrang rtsi mnyam ldan pas// dug nyid du mi 'gyur ba yin// de nyid cho ga bzhin spyad na// bcud kyi len gyi mchog tu 'gyur// dngul chus reg pa'i zangs ma ni// ji ltar skyon med gser du 'gyur// de bzhin yang drag ye// shes ni// sbyangs byas nyon mong bzang por byed// theg pa dman la zhon pa rnams// skad ciso skad cig 'ching bar byed// g.yul las rgyal bar bya ba'i sems// ring pa nyid du rnam par gnas// theg pa chen la zhon nas ni// snying rje'i go tshe bgo byas nas// shes rab rgyud bcas mda' dang gzhus// 'gro ba gzung ba'i bsam pa yis// sems dpa' che dang thabs che ba// brtan pa'i blo ni gnyid sangs nas// brgal dka' g.yul las rgyal byas nas// gzhan dag kyang ni sgrol bar byed// rang don tsam la gzhol bas ni// byol song rnams kyang nyon mongs byed// 'gro ba'i don ni byed pa po// 'gro ba de gtor pad+mA na// grang dang rlung sogs sdug bsngal rnams// rang don zhugs las kyang bzod na/ 'gro ba'i don la zhugs rnams lta// de mi bzod pa ji lta bu// dmyal ba la sogs pa sdug bsngal yang // snying rje can gyi bzod bya na// grang dang rlung sogs sdug bsngal dag/ da ltar gyi la bsam ci dgos// dka' thub brtag pa mi bya zhing // bsnyung ba yang ni bya ba med// 'dir ni khrus dang gtsang sbra med// grong ba'i chos ni spang bar bya// sen mo rkang dang rus pa se// pa yi khu ba'i rgyu las skye saM// sha dang khrig dang sgra la sogs// ma yi khrag las yang dag byung // 'di ltar mi gtsang las byung zhing // mi gtsang ba spu gang ril po gang // de lta bu yi lus 'di nyid// gang gAr dkyus kyang ji ltar 'dag/ mi gtsang phur ma chu dag gis// yang yang dkyus kyang dag mi 'gyur// de bzhin mi gtsang bas gang ba'i// phur ma 'di yang 'dag mi 'gyur// gang+gA'i klung la khyi dag gis// rkyal zhing 'phyo yang dag mi 'gyur// de phyir chos 'dod skyes bu dag/ 'bab stegs khrus byed 'bras bu med// khrus kyi gal te dag 'gyur na// nya pa rnams kyang don byas 'gyur// nyan dang mtshan du gnas pa yi// nya la sogs pa smos ci dgos// khrus kyi sdig pa zad pa yang // dris par yod pa mo yin te// ji ltar 'bab stegs bsten pa la// 'dod chags la sogs 'phel bar mthong // 'dod chags zhe sdang gti mug dang // nga rgyal lta ba the tshom rnams// sdig pa'i rtsa bar rab tu grags// 'di dag sbyang bya khrus kyis min// bdag drang bdag grir 'dzin pa las// srog chags rnams las byung ba yin// de yang ma rig rtsu ba las// ma rig de yang khrul par 'dod// de ltar nya byis la dngul blo// nya phyis mthong bas ldog par 'gyur// bdog ming mthong bas de yang ni// rtsa ba nyid nas med par 'gyur// dper ni thag pa sbrul-I gyi blo// thag par shes na ldog par 'gyur// de lngas sbrul gyi blo yi bar// ba de las yang mi 'byung // de bzhin 'di la bden pa'i blo// ye shes rdo rje ldog par 'gyur// de ni 'byung bar mi 'gyur// sa bon bsregs pa'i myu gu bzhin// bdag nyid mi gtsang 'dus pa yis// gong bu sa yi rang bzhin nyid// de 'dus pa yi chos 'gyur bar// byis pa dga' bar rnam rtags pas// zla ba 'phel dang 'grib pa// bltas nas che grangs brtags pa la// nyi ma 'phel dang 'grib pas kyang // nyin dang mtshan mor rnam par brtag/ shar s+ya sogs pa'i tha snyad kyang // rtags la bltos nas byas pa yin// gza' dang rgyu slar khyim la sogs// 'jig kun gyi rnam par brtags// grang dang tsha dang char 'bab pa// bltos nas de bzhin dus rnams brtags// rang gi las kyis 'bras spyod pa// bzang dang ngan pa'i gzar bstan to// ma rig 'dam gyis gtums pa ya// sems kyi yid bzhin nor bu nyid// skyes bu mkhas pas bkru byas nas// ma rig gang gis yang dag bskyed// gza' dang rgyu skar tshe grangs dang // yul drang dus la bltos med par// rtog pa med par spyad par bya// 'tshom med the tshom med par ni// rtog tu med par spyad par bya// dbang po lamo dkur gang dang gang // de ni dr-i yi ngo bo nyid// mnyam par ma bzhag sbyor ba yis// thams cad sangs rgyas rang bzhin bya// mig ni rnam par snang mdzad gtso// rno ba rdo rje nyi ma'o// sna ni rta mchog nyid yin no// kha ni pad+ma gar dbang phyug/ dpal ldan he ru ka rgyal lus// yid ni rdo rje sems dpa' ste// de ltar yang dag sbyor ba yis// snying rje'i bdag nyid can gyis spyad// mkhas pas sems ni brtag gyur nas// mo rtog pa 'dis 'grub par 'gyur// ji ltar 'dod pas bya ba yos// kun bzang kun byed de bzhin no// las dang bye ba kun byed na// ji ltar 'dod pa'i bya ba yis// langs dang 'dug par byed pa dang // ji ltar 'chag na'ang de de bzhin// rgod dang smra bar byed pa dang // ji ltar de ltar gang de bzhin// dkyil 'khor du ni ma zhugs pa// sgrib pa kun dang ldan pas kyang // rang gi lha sbyor bdag nyid kyis// bsod nams chung yang 'grub par 'gyur// 'dis ni sangs rgyas thams cad dang // dpa' bo dag ni thams cad nyid// tshe 'di nyid la yang 'di rig/ thob 'gyur 'di la the tshom med// ji ltar 'jug rten phal pa las// rnal 'byor pa yi ting 'dzin rgyal// gong ma gong ma'i blo khyad kyis// rnal 'byor pa yang rgyal bar 'gyur// shes rab che dang thabs che dang // brtse ba che dang mos pa nyid// theg pa chen por yang dag bstan// sems can chen po'i spyod yul yin// gang zhig bskol pa grangs med ni// mang pos mi 'thob par 'dod pa'i// sangs rgyas tshe 'di nyid kyis ni// thob pa 'di la the tshom med// theg pa chen po bdag nyid tshe// bsod nams ye shes tshogs kyis ni// kun khyen po 'phang nyams dga' ba// tshe 'di nyid la thob par 'gyur// lung laswa mnyam par gsungs pa gang // theg pa che lha mi rigs te/ bsam pa lhag bsam bye brag gis// theg pa'i khyad par rab tu bstan// gzhan nyid du ni mos pa dang // byang chub spyod pa de bzhin gzhan// sems kyi rnam dag gzhan nyid kyis// 'dir ni 'bras bu gzhan mthong medu// ji ltar me long dri med la// / dri ma med pa'i mig gis gzugs// dang ba'i rang bzhin dri med la// shin tu gsal bar snang ba ltar// de bzhin rnal 'byor ye shes kyang // dri med ye shes me long la// rtog pa'i dra ba rnams sbyangs pa'i// sems dge ba la rnam par gsal// ji ltar nor bu me shel la// nyi ma'i 'od kyis kun reg pas// dri ma thag tu me 'bar bas// rang gi don ni 'grub par nus// rtog pa'i dru bas rnam spangs pa'i// nor bu me shel 'dra ba'i yid// shes rab nyi ma'i 'od phog pas// rnal 'byor de bzhin 'bar bar 'gyur// shing gnyis drag tu brud pa lngas// ji ltar mu na 'bar 'gyur ba// thog ma bar dang mtha' dgra la// dngos po ma lus rab snang byed// shes rab thabs sbyor ba las// rnal 'byor pa yis de bzhin shre dper na ma ra mau gcig nyid la// snying po gzhan dag la brten nas/ ji bzhin gnasu rang don gzhan// mthon po'i gnas nas snang bar byed// shes rab thabs bdag rnam bsgoms shing // dpag tu med pa'i lus spros nas// sems can smos pa sna tshogs la// mdzad pa ji bzhin nyams blangs// ji ltar cho ga shes pa 'gas// nyes pa med pa'i bsil nyams dga'// nang rnams thams cad zad byed pa'o// bdud rtsi 'o ma dag las blang // shes rab po mo thabs chen pos// cho ga bzhin du bsgrub las skyes// chos dbyings shin tu rnam dag pas// bde ba dam pas sdug bsngal 'jig/ me tog 'bras bu ldan pa yi// 'khyil shing kun tu 'byung ba ltar// de bzhin tshogs gnyis dang ldan pa'i// skad cig cig gis mngon byang chub// dbang dang sdang dang 'gro bo rangs// char dbab dgu pa la sogs pa// sha tshang dga' ba'i rnal 'byor pas// byas par gyur kyang mthong bar 'gyur// lag pa'i gdu bu lta bu la// me long dag ni dgos sam ci// theg pa chen po de rgyas yang // sngags kyi nus pa bstan pa yin// pha ma bu mo 'brel pa ni// 'dir ni de nyid med par brtags// lcags kyi ring bu bshig pa ltar// 'gro ba de bzhin bde gshegs gsungs// 'byung lnga'i bdag nyid khu ba dang // khrag kyang de dang 'dra ba dang // de yi rang bzhin glong bu lta// zlum ze gang yin mthar skyes gang // dge sbyong drug gisna lus 'di ni// thams cad phung po lnga bdag nyid// mi rtag sdug bsngal stong pa lnga// rigs meng rig smra dang ldan pa gang // nya ba'i mangs du skye ba gang // khwa cig gdol pa'i skye ldan pas// dka' thub spyad pa bram ze skyes// de phyir rigs ni sgyu ma yin// ma dang sring mo bu mo dang // sgyug mo dang ni tshe mo dang // bram+ba ze rgyal rigs rje rigs mo// cho ge shes pa dmangs rigs mo// yon lag gcig ni nyams pa dang // dman drang skrod dang mthar skyes kyis// btsun mo rtag tu mchod par bya// rdo rje ye shes rnam bsgoms pas// sngags pas spyan ni rgyas gyur na// zhal ni rab tu bzhad gyur cing // rdzogs pa'i byang chub sems bskyed nas// rang gi lha yi yid kyis ni// bston pas skad cig mthong dang blta// thos dong nyan par byed pa yang // myong zhing bde la spyod par ldan// gsal ba'i ngag kyang smra bar bya// khrus dang bsku mnyi gos la so bza' btung la sogs 'bad pa nyid// rang 'dod lha yi bdag nyid du// bsam la cho gas mchod par bya// glu dang brdung ba de bzhin gar// thams cad brtul zhugs can gyis spyad// 'dir ni dngos po thams cad la// lhag par chags par mi bya'o// rang gi bdag nyid yongs spangs nas// dka' thub kyi ni gdung mi bya// ji ltar bde bas bde ba bzung // 'di ni ma 'ongs rdzogs sangs rgyas// rnal 'byor thams cad longs spyod cing // gang la'ang 'dzin med rol mo bya// sdig pa mod kyis khyod ma 'jigs// dam tshig shin tu 'da' bar dka'// sngags kyis skyabs na shing la sogs// bems po rmongs bcas rab dga' ba// lha nyid du ni 'gyur ba yin// shes dang ldan pa'i lus ci smos// tha mal pa yi nga rgyal nyid// mnyam par bzhag pas yongs gtang // shes rab thabs kyi sbyor ba yis// thams cad mnyam par spyad par bya// dper na pad+ma 'dam skyes kyang // 'dam gyi skyon gyis gos pa med// de bzhin bag chugs sna tshogs kyi// skyon gyis rnal 'byor pa mi dgos// dpe rA na chu yi zla ba la// chu yis mngon par gos pa med// sna tshogs gzugs brnyan 'dra ba ni// mthong ba'i skyon gyis gos mi 'gyur// thogs med bag chags 'dam gyi ni// rin chen sems ni rab tu gos// shes rab thabs kyi chu nyid kyis// bkrus na rab tu gsal bar 'gyur// rlung gi lha yi rnal 'byor gyis// blo ldan sems ni brtan 'gyur na// lha ngan sbyin las grol bar 'gyur// sems kyi nyi ma gsal bar 'gyur// don dam nges par byas nas ni// shes rab mtshon gyis kun gtubs la// ma rig sbubs kyis bkab pa yiso// chos kyi dbyings ni blang bar bya// brtags pa'i bum pa skad cig gis// shes rab tho bas bcag nas ni// rang bzhin dri med gsal 'gyur ba// ye shes sgron ma rab tu gsal// rab tu gsal ba'i 'byung ba rnams// sa dang chu dang me dang rlung // sngags kyi sbyor ba nus pa yis// gzhan nyid du ni 'byung bar byed// brjod pa thams cad yongs spongs la// sngags kyi brjod pa yang dag spyod// bde ba'i dngos grub sbyin pa yi// sngags kyi nus pa 'di la ltos// dkon mchog gsum ni mi spang zhing // de bzhin bla ma byang chub sems// srog chags rnams kyang bsad mi bya// dam tshig dag kyang byin gyis brlab ste// rin chen dang ni gya pur bcu s+ya// tsin don dmar po deng sbyar ba// thub pa rdo rje chu zhes bya// lnga po dag kyang byin gyis brlab// lha yi dam tshig gzhan dag kyang // sems ni spro bar byed pa can// drang me ni zhi bya'i phyir// sems kyi rdo rje tshim par bya// 'tshom byed the tshom med par ni// rnal 'byor rnam rtog med brtson pas// sems ni mnyam por sbyor ba yis// sngags pas thams cad mnyam par spyod// sbrang mi'i rkang pa tsam gyi ni// dug gis zil gyis non par 'gyur// 'tshom dang the tshom chung ngus kyang // de la sdug bsngal bskyed par byed// mkhas pas legs par 'thab pa'am// yang na legs par 'bros par bya// bar ma di yi dngos po ni// don med pa ru ltung bar 'gyur// bla ma'i bka' dang phyag rgya dang // grib ma yang ni 'gom mi bya// de yi yon tan gzung bar bya// skyon ni nam yang ma yin no// slob dpon lha yi mchog yin te// 'bad pas mchod par bya ba yin// de nyid rdo rje 'dzin rtul po// mngon sum gzugs kyu rnam par gnas// ji ltar nor bu chu dang gas// rnyog ma thams cad dngas byed pa// de bzhin dang ba nor bu yas// sams kyi na chen rnam par byung // shes rab mig dang bAl gyur na// dad pa'i bdag nyid can rmongs 'gyur// de phyir lung rtogs bdag nyid can// shes rab nye bar skyed par bya// dad ldan thos mang shes rab ldan// rang bzhin snying rje'i bdag nyid can// 'gro po'i sdug bsngal bstsal ba'i phyir// de yi bde ba'i thabs shes bya// sems rnam dag pa 'di byas pas// bdag gis dge ba gang lags pa// rnam par dag pa'i sems thob nas// des ni 'gro ba bde thob shog/ sems kyi sgrib pa rnam par sbyong ba zhes bya ba'i rab tu byed pa slob dpon Ar+ya de bas mdzad pa rdzogs s+ho// / A tsar+ya dz+nyA n+do ka ra dang / lo tsA ba tshul khrims rgyal bas bsgyur ba// bkra shis/