| བོད་ཡིག | e-texts produced with BDRC’s OCR application |
rgya gar skad du/ badz+ra satwa no pi ka/ bod skad du/ rdo rje sems dpa'i sgrub thabs/ dkon mchog gsum la phyag 'tshal lo// gang zhig phan bzang skyob pa'i mgon// thams cad don kun ston mdzad cing // yang dag dkyil 'khor rdzogs pa'i mchog/ rigs bdag sems dpa' la phyag 'tshal// rnal 'byor sgrub pa'i cho ga dag/ rab tu sbyangs pas grol gyur cig/ de gnas ye shes bzang po nyid// don mchog gsang ba bshad par bya// dam tshig 'khor lo rdzogs byas te// phyag rgya'i yan lag rnam sbyangs pas// dngos grub kun gyi cha shas dge/ nye bar sbyor ba'i yul tu 'gyur// sa phyogs mngon par dga' ba ru// bde ba'i stan la nyer 'dug sde// 'gro rnams kun grol bsam pa yis// khrus rnams cho ga bzhin du sbyar// dus gsuM phyogs cha'i phyi brag gis// drug gi chos rnams rang bzhin med// der snang rtog pa'i cha bral zhing // 'byung tshogs khams rnams mA skyes pa'o// 'gro ba'i rigs rnams tha dad kyang // mtshan nyid rton cing 'brel pa'i rgyun// bya dang byed tshogs yul can nyid// kun rtags ye shes chen pos non// thugs rje snang ba 'od ldan pa'i// kun 'byung rin chen phung po'i tshogs// rab tu sbyar bas khyab mdzad cing // nye bar ston pa'i bdag nyid do// thugs kyi sngags kyis gsal byas te// kun nas sro zhing bsdus pa'i mthus// rdo rje sa gzhi la brten pa'i// rU ba gur sogs mtshon char bcas/ shin tu gsal ba'i snang ba las// thabs kyi phyag rgya rdzogs pa nyid// gnyen po'i ye shes stobs dang ldan// 'gro gnas nyon mongs rnam par dag/ rigs mchog 'khor lo bzang po'i tshogs// kun nas bsdus pas brtan pa dag/ rdo rje sems dpa'i bdag nyid sku// 'od 'bar zla ba'i dkyil 'khor bzhini// zhal gcig phyag gnyis sgeg dang bcas// rin chen rgyan sogs kun gyis spras// g.yas pa rdo rje rtsi lnga 'dzin// g.yon pa kha T+wAM dril bu 'khrol// dbu rgyan rtsi phran lnga yis brgyan// byang chub sems kyi cha lugs kyis// 'od 'bar kha dog sna lnga'i mdangs// stod smad nA bzas rnam par grub// pad+ma'i dkyil 'khor la gnas pa'i// nyi zla gasngal ba'i gdan dang bcas// mtshan dang dpo byed phun sum tshogs// rigs kyi sprul bas kun don mdzad// gnas gsum yi ge'i mtshan ma las/ spro bsdus rigs kyi sems dpa' dang // rang gi cha lugs phreng sngags bcas// thugs ka'i ye shes sems dpa' nyid// ting 'dzin 'khor lo rdzogs pa'i gnas// yang dag bskul ba'i byin brlabs kyis// sangs rgyas kun gyis dbang bskur zhing // rigs lnga'i brjod pan rnam par mdzes// dam tshig phyag rgya rdzogs pa las// ye shes byin brlabs brtan par gzhug/ lha mo mchod pas mAmanyes byas te// shin tu gar bcas rol mo'i glus// rigs kyi 'khor lo sna tshogs dag/ yang dag stos cing gnas kun brgyan// thugs ka'i sngags kyi phreng ba las// sna lnga'i phyeng bA spro/ zhing bsngo// oM badz+ra sAtwa hUM swA hA/ ji srid brtan pa ra ma gyur paR+Sha// 'od 'bar 'phreng ba kun tu rgyas// stong pa ma yin mi stong min// dbu mar yang ni dmigasu med/ shes rab pha rol phyin sbyor bas// thabs kyi snying rje'i bdag nyid rnams// de bas de nyid snying rje thabs// shes rab pha rol phyin par gsal// kun tu 'gro dang 'dug pa dang // nyal dang la sogs thams cad du// lho yi ting 'dzin brtan byas te// thams cad sbyang zhing byin gyis brlabs// bza' btung thams cad bdud rtsi'i tshogs// yul kun lha mA'i dkyil 'khor nyid// bskyed la phyag rgya'i 'khor lo yis// bya ba'i phrin las sna tshogs kun// 'gro gnas 'jug pa'i don bzhin spyad// dkyil 'khor mnyes pas mchod bya ste// dga' ba'i sbyin sreg tshim pa'i mchog/ tshogs kyi 'khor lo rtul zhugs bzang // yi ge phyag rgyu mtshan ma'i sku// rnam gsum mdzad pa sgra gsung thugs// rtag tu gsang sngags sgra ldan pas// phyag rgya'i gnas kun mnyam sbyor zhing // thabs dang shes rab gnyis med pa'i/ dngos grub sna tsho gros nye bar 'grub// phyag rgya gcig pa'i bsam gtan mchog/ rigs kun yon tan 'byung ba'i gnas// rdo rje snyems gsal byed po'i// theg pa bla med dam pa'i mchog/ yang dag sbyar ba'i tshul 'di yis// ma lus mngon rdzogs sangs rgyas te// dngos grub 'khrigs pa'i phreng bas brgyan// rigs mchog phrin las mthar phyin shog/ rdo rje sems dpa'i sgrub thabs slob dpon chen po rgyal po in+d+ra pu tis mdzad pa rdzogs so//