བོད་ཡིག

e-texts produced with BDRC’s OCR application

gtan la phyab pa'o// / dpal he ru ka'i sgrub thabs bzhug so// // rgya gar skad du/ shrI he ru ka nA ma no pi ka/ bod skad du/ dpal he ru ka zhes bya ba'i sgrub thabs/ dkon mchog gsum la phyag 'tshalo// dngos dang dngos med rtog bral zhing // thugs rje mdzad pa sna chog snang // thabs mkhas khro ston rgyal ba'i sku// ma lus 'jigs la phyag 'tshal te// mkha' gro sgyu ma'i rjes 'gro ba// de nyid sgrub thabs cho ga ro bcas rnal 'byor 'dod pa'i bde skyed do// cung zad 'jug pa'i don phyir bshad// theg chen bla ma bzang los byung // yon tan stobs sogs kun nas mdzes// rab tu sbyangs pa'i rnal 'byor mchog/ 'dod pa'i lha la dang mos 'dud// tshul khrims brtul zhugs la sogs kyi// thabs mkhas yan lag rnam spyad pas// de gnas goms byed las rdzogs te// kun tu 'khor lo mthar phyin 'gyur// byams sogs ched med gzhi rnams kyis// 'gro rnams thams cad nye bar gzung // shin tu dag pa'i gnas nyid du// bde ba'i stan la legs par gnas// yang dag dkyil 'khor bzang po dang // yang dag khrus kyi cho ga dang // yang dag mchod rgyan gtor mar bcas// yang dag phyag rgya sngags sogs ldan// thams cad yul kun rnam dag pa'i// byang chub sems nyid brtan pa las// thugs rje nyi ma'i mtha' yas zer// thams cad yul kun khyab par gsal// yi ge hUM gi 'phro 'du las// bsrung ba'i 'khor lo rgya chen po// 'khor lo me 'od mtshon cha'i phreng // khro tshogs sbrul bcas tsham rngam tshogs// phyogs bcur bstan par bya ba'i phyir// hUM bzhi'i phyag rgya sngogs kyis bsrung // rigs kyi yi ge mtshan mar bcas// phra mo'i skur gsal 'phro 'du yis// sangs rgyas thams cad bsdu byas te// gtum rngam khros pa'i cha lugs can// thams cad gcig tu sbyor ba'i mthu ste// dam tshig rgyal po he ru ka3 gcig phyag gnyis mthing ka'i mdangs// 'od 'bar dur khrod rgyan gyis brjid// khro rtags mtshan ma kun rdzogs shing // nyams dgu'i rngam brjid tshul dang bcas// spyan dmar mche gtsigs khro gnyer can// g.yas rdo rje rtse lnga gdengs// g.yon par snod bcung kha T+wAM bcas// klu rgyal brgyad kyis nyes mdzes shing // spu rnams rdo rje 'od 'bar ba// khro bo'i dkyil 'khor phyogs bcur spro// rdo rje phreng ba phyag rgya lnga// rdo rje phrang ba phyag rgya/ rigs kyi dbu rgyan sems dpar bcas// gnas gsum 'od gsal drug byed pa'i// dkyil 'khor la gnas sku gsung thugs// phyogs bcur spro zhing bsdus pa'i mthus// byin brlabs gnas gsum brtan par 'gyur// snying ga'i 'od zer rgya chen pos// rigs kyi khro bo kun bsdus te// rang gi gnas su brtan byas nas// 'dod pa'i dngos grub gsol ba gdab// phyi nang mchod pa sna tshogs kun// rgya cher spro zhing dag par dbul// tshad med bzhi yi phyag rgya yis// sku gsung thugasu sbyor bar bya// ting 'dzin sems dpa'i mtshan ma la// sngags kyi 'khor lo spro zhing bsdu// oM shrI he ru kA hriM swA hU~M// mar me phreng ba 'khor ba'i tshul// yan lag rdzogs pa'i ting 'dzin gyis// dngos grub mtshan ma kun sbyin cing // yang dag byang chub bstan par 'gyur// thams cad na mkha'i mtshan nyid de// na mkha' la yang mtshan nyid med// khams gsum dag ni ma lus pa// thams cad sgyu ma lta bu ste// ji ltar sgyu ma thams cad du// mthong ba dang ni reg par 'gyur// dmog su yod pa ma yin te// de bzhin 'gro ba kun gyi tshul// bud med la sogs rin chen mchog/ mkha' las dngos grub thams cad spyod// dngos po med par ba ga sbyor bas dan mkha' kun dang mnyam par spyod// mkha' 'gro sgyu ma bde ba'i mchog/ shin tu bstan pas 'grub par 'gyur// spyod lam kun tu ma nyams par// rnal 'byor yang dag ting 'dzin gnas// rnam pa mang po yul bcas kun// thabs dang shes rab rol mo'i tshogs// bza' btung dag pa'i ting 'dzin gyis// dkyil 'khor thams cad tshim 'gyur cing // bsod nams ye shes tshogs chen la// 'gro rnams dag par nye bar sbyor// kun tu cha lubs chu zla bzhin// mgos chags pa med pa'i rgyal// thams cad chos rnams blang der med// bya ba'i lam rdzogs mthar phyin 'gyur// tshe 'dir yon tan chos kun dang // rigs 'dzin go 'phang mngon par brnyes// thams cad sbyar ba'i rgyud chen po// de nyid nges par bstan pa'i don// phyag rgya gcig pa'i sgrub thabs mchog/ yang dag rdzogs pa'i tshul gyis 'jug/ legs par bsdus pa'i bsod nams kyis// khams gsum thams cad bcom ldan 'angs// stobs mchog dang ldan he ru kar// yang dag nyid du grol gyur cing // dpal he ru ka zhes bya ba'i sgrub thabs slob dpon chen po thu bo ra dza hastis mdzad pa rdzog s+ho// oM su pra tISh+Tha badz+ra ye swA hA/ dkra shis/