བོད་ཡིག

e-texts produced with BDRC’s OCR application

rgya gar skad du/ sarba bud+d+ha sa many+dzu pany+tsi kA/ bod skad du/ sangs rgyas thams cad dang mnyam par sbyor ba'i bka' 'grel/ rnal 'byor gyi dbang phyug dam pa/ bcom ldan 'das rdo rje rnon po la phyag 'tshal lo// sangs rgyas kun dang mnyam sbyor ba// mkha' 'gro sgyu ma bde ba'i mchog/ sems can kun gyi bde bskyed pa// dngos kun bdag nyid phyag 'tshal lo// ma rmongs blos kyang rtogs dka' ba'i// rgyud kyi mchog ces bya ba ste/ tshul bzhin gzhan gyis gsol bskol bas// ji bzhin gsal bar rnam par dbye// 'dir kha cig na re ci'i phyir rgyud 'dir mgo la sdud par byed pas 'di skad bdag gis thos pa zhes bya ba la sogs pa gleng gzhi ma bstan zhes rgol bar byed pa la/ la la ngag gis bshad pa/ bcom ldan 'das yongasu mya ngan las 'das pa na/ rigs kyi bu dag yongasu mya ngan las 'das nas/ khyed rnams kyis dam pa'i chos rnams bsdu bar bya ste/ thams cad kyis dang por 'di skad bdag gis thos pa'i dus gcig na/ zhes bya ba byos shig ces gsungs la/ bcom ldan 'das ni mi gnas pa'i mya ngan las 'das pa'o zhes rab tu bstan pa'i phyir te/ de bas ni rtag tu bzhugs zhes bya ba'i rim pa 'di nyid kyis mngon no// gzhan dag na re 'khor lo sgyur ba chen po mngon sum du ston par gyur pas rgyud sh+lo ka khri gnyis stong pa gsungs pa las stong nyis brgya pa 'di ni rgyud phyi ma yin pa/ de bas na dang rtsom pa na gleng gzhi grags zin pas 'dir yang ma smras so zhes 'dod do// de la chos kyi rje su 'brel pa'i gang zag ni brjod par bya ba dang / 'brel pa dang dgos pa dang / dgos pa'i yang dgos pa dag yod na/ 'jug par 'gyur bas 'dir de dag bstan par bya ste/ 'di la bcom ldan 'das rdo rje sems dpa' sangs rgyas thams cad mnyam par sbyor ba mkha' 'gro ma'i sgyu ma'i bde ba'i mchog/ dngos po thams cad kyi bdag nyid ni brjod par bya ba yin la/ de ston pa'i tshig rgyud 'di ni brjod pa'o// de bas na brjod par bya ba dang / brjod pa'i mtshan nyid du 'brel pa ni 'brel pa'o// der yang bcom ldan 'das kyis gdul bya'i 'gro ba rnams dga' bar bya ba ni dgos pa'o// dkyil 'khor du 'jug pa la sogs pa sgrub pa dang / bsgrub par bya ba ma tshang ba med po'i rim pas mthar phyin par nus shing / rang gi ngo bo nyid mngon sum du byed pa'i mtshan nyid ni dgos pa'i yang dgos pa nyid yin par shes par bya'o// da ni rgyud 'di'i rtog pa bcu'i bdag nyid las dang po de kho na nyid snang ba dam pa'i yul la 'jug pa ye shos kyi phyag rgya rtag pa'i ngo bo nyid sdud par byed pa bcom ldan 'das phyag na rdo rjes dang por gnas phun sum tshogs pa bstan pa la 'jug pa'i phyir/ sems dpa' zhes bya ba la sogs pa gsungs so// sems dpa' sangs rgyas kun gyi dngos// zhes bya ba la sogs pa sems can rnams kyi don la shin tu chags pas na sems dpa'o// lha thams cad kyi ngo bo nyid du gyur pas na sangs rgyas kun gyi dngos po mi phyed pas ye shes kyi ngo bo nyid pas na rdo rje sems dpa'o// mchog tu yang bde ba dang yid bde ba'i ngo bo nyid pas bde ba'i mchog go// bde ba'i mchog la sogs pa dang / mang du yang 'dus pa mdzad par gyur pa 'am/ nyan thos la sogs pa la sba bar bya ba yin pas na gsang ba'o// thams cad kyi rab tu gyur pas na mchog go// nyes pa ma lus dang bral ba 'am/ rdo rje lha mo dang mnyam par sbyor ba'i dgyes pa'i gnas skabs nyid kyis na/ dgyes pa na'o// de bzhin gshegs pa thams cad kyi ngo bo nyid du gyur pa'am/ na mkha'i khams su gtogs pa thams cad mnyam pas na/ thams cad bdag nyid de dpal rdo rje sems dpa'i gzhal yas khang du bcom ldan 'das rdo rje sems dpa' rtag tu bzhugaso zhes bya bar sbyar ro// bzhi po de dag kyang rim pa bzhin du bstan pa'i phyir/ 'di ni zhes bya ba la sogs pa gsungs te/ 'di ni zhes bya ba ni rdo rje sems dpa'o// bdag nyid rdzogs pa'i sangs rgyas la sogs par bsgoms pa las byung bso na rang byung ste/ de nyid kyis na sangs rgyas thams cad kyi rang bzhin no// bla na med pa'i dbang phyug dang ldan pas bcom ldan 'das te/ de nyid kyis na sems dpa'o// gnyis pa med pas na gcig pu'o// de nyid kyis na rdo rje sems dpa' ni che ba'i lha ste gtso bor gyur pa'o// mo bskyod pa la sogs pa ni sangs rgyas thams cad bde ba'i mchog la sogs pa rdo rje lha mor yongasu gyur nas de rnam kyis yang dag par ram/ kun nas sbyor ba dang / rje su sbyor ba dang / shin tu sbyor bas sems snyoms par zhugs shing gnyi su med par bsgoms pas phan tshun dgyes shing dngos po thams cad kyi bdag nyid kyi mtshan nyid sbyor bas na/ de'i phyir sangs rgyas thams cad mnyam par sbyor bar ston to// na mkha' la spyod pa'i dngos grub thams cad ni mkha' 'gro'o// de nyid ni sgyu ma'i gzugs can pas sgyu ma ste/ des bla na med pa'i bde ba dang yid bde ba po de'i ngo bo nyid ni bcom ldan 'das so// de bas na sangs rgyas thams cad mnyam sbyor ba/ mkha' 'gro sgyu ma bde ba'i mchog/ ces bya ste de nyid bde ba'i mchog tu bshad pa yin no// gal te de ltar lha mo'i tshogs kyi nang du zhugs na kun nas nyon mongs pa can du 'gyur ro// snyam pa la chags pa med ces bya ba la sogs pa gsungs te/ chags pa med ces bya ba ni tshogs pa dang bral ba ni nyan thos kyi byang chub la sogs pa'o// dbu mar zhes bya ba ni bsgrub pa'i thabs gnyisu med pa'i ye shes te de dag thams cad kyang / mi dmigs don dam par rang bzhin med pa'i phyir ro// lha mo rnams kyi kun nas nyon mongs pa med pa'i lan bstan pa'i phyir/ bud med kun gyi zhes bya ba la sogs pa gsung te/ bud med thams cad kyi sgyu ma ni/ rjesu zhugs pa yang yin pas na 'di ni shes rab kyi pha rol tu phyin pa'i phyag rgya yin no// de nyid gsal bar bya ba'i phyir 'di ni gnyis med ces bya ba la sogs pa gsungs te/ gnyis ni gzung ba dang 'dzin pa ste/ de med pas na gnyisu med pa'o// 'di gnyis kyis 'gro zhing phyin pas na theg pa ste/ byang chub sems dpa' chen po sangs rgyas kyi sa'i 'bras bu dang bcas pa'o// nyan thos la sogs pa'i theg pa las phul du byung bas na mchog go/ rnam par snang mdzad la sogs pa'i lha mo dang bcas pa'i yang yod dam med ces bya ba la sogs pa rang gi shes rab kyi pha rol tu phyin pas don yod pa yin par shes par bya'o// yang na bud med thams cad kyi sgyu ma'i phyag rgya ni bde ba'i mchog la sogs pa'i phyag rgya chen po la sogs pa yin pa las rigs kyiso tshogs gcig par byaso// gnyis su med pa zhes bya ba la sogs pas ni don dam pas 'di yi ngo bo nyid ston pa ste/ 'dis ni bcom ldan 'das don dam par gnyisu med pa'i ye shos kyi ngo bo nyid du bstan pa yin no// kun rdzob tu ni gdul bya'i dbang du 'di ni sgyu ma'i phyag rgyar sprul te/ rnam pa 'di gnyis kyang sangs rgyas thams cad dang mnyam par sbyor ba yang dag par bstan pa yin no// gang zhig 'di ston na ci thabs gzhan dag gis sems can gyi don bya ba med dam zhe na/ de'i phyir rgyu ma dag ni zhes bya ba la sogs pa gsungs te/ sgyu ma dag ni thams cad pas zhes bya ba las sprul pa thams cad kyi nang na bud med kyi sgyu ma ste/ bde ba'i mchog la sogs pa'i phyag rgya ni rab tu khyad par che ste/ des gdul bar bya ba rnams la rim gyis gong ma'i 'bras bu stor cing / bla na med pa'i bde ba dang yid bde ba'i ngo bo rdo rje sems dpa'i go 'phang thob par byed pas shin tu khyad par du 'phags par gyur te/ de bas na de nyid nye bar bstan te/ bcom ldan 'das rdo rje sems dpa' ni gnyis su med pa'i ye shes kyang tha bya ba thams cad dang bral ba la rgyu gang gis na/ 'di ltar khyad par du gyur ce na/ ngo bo nyid kyis zhes bya ba la sogs pa gsungs te/ de ci'i phyir zhe na/ ngo bo nyid kyis lhun gyis grub cing grub zin pa'o// rgyu gang gis she na/ mthu dag gis te bsod nams dang ye shes kyi tshogs kyi tsho ba'i bdag nyid rang nyid kyis bsam zhing 'dod pa ste/ des bdag nyid kyi smon lam la brten pa'i bar gyis so// de ltar 'di'i rgyu yi che ba'i bdag nyid dag bstan nas 'bras bu che ba'i bdag nyid nye bar bstan pa'i phyir/ 'jig rten gsum zhes bya ba la sogs pa gsungs te/ 'jig rten gsum ni sa 'og sa steng sa bla'i mtshan nyid can no// bud med 'dis zhes bya ba ni bde ba'i mchog la sogs pa sgrub par brtson pa'i bud med do// 'dis zhes bya ba ni shes rab kyi pha rol tu phyin pa yongasu rdzogs pa'am sgyu ma'i phyag rgya'o// gus par byed pa zhes bya ba ni che ba'i bdag nyid can du byed pa'o// ci dka' ba spyod pa rnams 'grub par 'gyur r+ya mya myi 'gyur zhe na/ rnyed dang zhes bya ba la sogs pa gsungs te/ rnyed pa la sogs pa la mngon par spyod bzhin du yang 'grub par 'gyur na rnyed pa la sogs pa yongasu spong ba la lta ci smos te/ gang gi phyir ngan par spyod pa ste/ sgrub pa'i spyod pa ma tshang ba rnams kyang 'grub par 'gyur te/ des na dngos grub mngon du byed pa'i phyir ro// zhes bya bar sbyar ro// mkha' 'gro ma'i don bstan par bya ba'i phyir rang gi ngo bo zhes bya ba la sogs pa gsungs te/ rang gi ngo bo yongasu bsgyur na zhes pa ni rang gi gnas yongasu gyur pa'i sngon du bya ba ste/ bde ba'i mchog la sogs pa ni dngos po'i gnas skabasu grub pa yongasu rdzogs pa'o// bud med kun gyi sgyu ma ni bud med thams cad kyi sbyor ba bsgoms pas so// grub pa ni rdzogs par gyur pa 'di ni/ ngo bo mtshan sgyu ma'i phyag rgya 'di zhes bya ste/ bcom ldan 'das kyi ngo mtshar sna tshogs pa ste/ bde ba'i mchog la sogs pa'i phyag rgya ni mkha' 'gro ma zhes bya'o// zhes bya ba ni tshig gi lhag ma'o// skad gang gis she na brdar bstan to zhes pa ste/ sangs rgyas thams cad kyi brda'i tshig tu'o// sgra'i nges pa'i tshig nyid bstan par bya ba'i phyir/ DA ni na mkhar 'gro ma zhes bya ba la sogs po gsungs tau/ DA zhes bya ba'i yi ge'i khams las ni mkha' 'gro ma zhes bya'o// de bas na na mkha' kun tu spyod grub pas/ mkha' 'gro ma zhes rab tu grags zhes bya ste/ rab tu grags par nye bar 'gro ba'o// thung du ma lus pa'i phyag rgya ni rdo sem phyag rgya yin la de yang thams cad du ma lus pa'i bde ba'i mchog yin te/ na mkha' kun tu 'gro bas na mnyam par sbyor bas thams cad ni/ mkha' 'gro ma zhes rab tu grag so// de yang 'di skad ston par 'gyur to// gang yid bcom ldan rdo rje sems dpa' thams cad du 'gro ba grub pa'i phyag rgya chen po ni nam mkha' kun tu 'gro ba zhes bya ba nyid yin no// sangs rgyas khams zhes pa ni sangs rgyas la sogs pa'i khams ni sangs rgyas kyi khams te/ de ni mkha' 'gro ma zhes bya ba'i don ni/ rnam par snang mdzod la sogs pa 'khor dang bcas pa'i yang khams kyi sgra 'di nyid kyis bstan to// de bas na de rnams kyi kun tu 'gro bar grub pa de ni/ sangs rgyas kun gyi bdag nyid kyi mkha' 'gro ma zhes rab tu gragaso zhes bya bar sbyar ro// 'dir yang sgom pa bstan pa'i blos dang po snying dang spel ba'i yi ge de las byung ba'i rlung gi dkyil 'khor la gnas pa'i rdo rje na mkha' lding gis rnam par bskyod bzhin pa'i rang gi lha'i bdag nyid ji lta ba bzhin du bsgoms na/ na mkhar 'gyur ro zhes man ngag las bshad do// bshad ces bya ba ni rab tu grag so// sangs rgyas kun gyi zhes bya ba ni rdo rje sems dpa'i dngos grub las thob pa ste/ bde ba chen po zhes bshad pa yang de nyid yin no// sgyu ma thams cad rab 'byor pa zhes bya ba ni dkyil 'khor ma lus par sprul pa la rab tu 'jug pa las gang zhig skyes pI bde bI daM pa de ni bde 'i mchog ce bshad pa ste/ de bas na de'i ngo bo nyid du gyur pas bcom ldan 'das sangs rgyas thams cad mnyam par sbyor ba mkha' 'gro sgyu ma'i bde ba'i mchog ces bya bar grag so// nga ni sgyu ma thams cad kyi rab tu sbyor ba ma lus par bstan pa'i phyir/ kun tu zhes bya ba la sogs pa gsungs te/ yul kun tu dang dngos po kun nas dang / dngos po thams cad dang kun te dus kun tu dang rnam pa kun te/ rnam pa thams cad du bdag nyid kho nar 'gyur ro zhes bya ba ni lhag ma'o// ci'i phyir zhe na/ 'di ltar spangs rgyas zhes bya ba la sogs pa gsungs te/ de ltar 'dis ni bcom ldan 'das de dngos po thams cad kyi ngo bo nyid du bstan cing / mnyam par bzhag pa'i sgom pa'i sbyor ba ston to// de bas na dngos po thams cad kyi bdag nyid de nyid rgyas par bstan pa'i phyir/ sangs rgyas brtan g.yo zhes bya ba la sogs pa gsung so// sems ni kun nas nyon mongs pa thams cad kyi gnas su gyur pas na/ sems ni kun gzhi rnam par shes pa'o// de nyid stong pa nyid bstan par bsgoms pas gzung ba dang 'dzin pa las rnam par dben par gyur pa zla ba'i dkyil 'khor gyi rnam pa ni sems dpa' zhes brjod do// chos thams cad dngos po med pa'i ngo bo nyid du dmigs pa la sems rtse gcig tu sbyor ba ni ting nge 'dzin to// zla ba'i dkyil 'kho yongasu rdzogs par bsgom pa ni byang chub tu sems bskyed pa yin la/ de nyid byang chub kyi don du spyod pa yin pas byang chub spyod pa'o// de'i steng du rdo rje bsgom pa'i nga rgyal bskyed la/ de bzhin gshegs pa rje su zhugs pa las rang gi lha'i ngo bor bsgom pa nas/ ji srid mchod pa'i mthar thug pa'i bar gyi lha'i sbyor ba bshad pa ni/ gdul bya'i sbyor bas rnam pa tha dad par gyur pa ni sna tshogs nyid do// gzhan dag na re byang chub kyi spyod pa ni rgyal bar byed pa dang / sbrang rtsir byed pa'i gzugs kyis sems can gyi don byed pa yin la/ de kho na nyid ni rnam pa tha dad pas sna tshogs pa nyid de/ snying stobs rdul dang mun gyis kyang / gang phyir sems can don 'gyur bas// des na bdag ni kun bzang ste/ byang chub spyod pas ji bzhin 'gro zhes gsungs pas so// zhes zer ro// 'di ltar rnam pa sna tshogs pa de nyid bstan pa'i phyir de bzhin bdud dang zhes bya ba la sogs pa gsungs te/ lam log par 'jug pa'i sems can sems gsod pas nyon pas na/ bdud de rdo rje sems dpa'o// de nyid bdud bzhi las rgyal bar gyur pas na bdud las rgyal ba'o// rang gi sems so sor rtogs pa ni byang chub yin la de nyid sangs rgyas te/ rnam par snang mdzad do// ye shes lnga'i bdag nyid can/ rtse lnga pa'i khro bo'i rdo rje ni rdo rje'o// rdo rje 'dzin par mdzad pas/ rdo rje 'dzin nyid do// so sor rtog pa'i ye shes kyi bdag nyid can rang bzhin gyis rnam par dag pa'i nyid ngo bo ni pad+ma'o// pad+mo 'dzin par mdzad pas na pad+mo 'chang ste/ pad+mo gar gyi dbang phyug go// mnyam pa nyid kyi ye shes kyi ngo bo nyid rin po che zur brgyad pa ni nor bu'o// de 'dzin pas na rdo rje nyi ma'o// rta mchog ni drag po'i tshul kun gyi ngo bo nyid la gnas pa yin pas na bshad do// de dag gi yang zhes bya ba ni rdo rje sems dpa' zhes bya ba la sogs pa bdud la sogs par bstan pa'i rigs ni 'khor yi no// thugs rje'i bdag nyid can du gyur pas na/ 'dod chag so// nyan thos dang rang sangs rgyas kyi thar pa'i bdag nyid can du gyur pas 'dod chags dang bral bas na 'dod chags dang bral lo// dngos grub thams cad la rje su dgyes pas na 'dod pa'o// dngos grub thams cad myi 'gyur ba'i bde ba can yin pas na grol ba ste/ de yang bcom ldan 'das 'dod pa dang thar pa ci lta bu lags/ 'dod chags chen po bcom ldan 'das// dngos grub kun la rje su dgyes// dngos grub thams cad mi 'gyur ba// bde ba chen po shes par bya zhes gsungs pas so// 'das pa la sogs pa'i ngo bo nyid du gyur pas na dus gsum mo// 'dod pa dang gzugs dang gzugs med pa'i srid pa'i ngo bo nyid pas na srid gsum mo// theg pa gsum gyi bdag nyid can bas na mchog gsum mo// rgyal bar byed pa la sogs pa spun gsum gyi ngo bo nyid pas na 'jig rten gsum mo// 'dod pa la sogs pa'i khams can pas na khams gsumo// rnam pa tha dad pas rnam pa sna tshogs pas so// rI la stsogs pa ni gnas pa'o// mi la sogs pa ni 'gro ba'o// kun tu khyab pas na thams cad du'o// mtha' yas mchog ni thog ma dang mtha' thug pa med pa'o// chos kyi dbyangs mnyam par stong pa nyid dang mtshungs pa'o// nam mkha'i dbyings dang 'dra ba ni mur thug pa med pa ste/ chos kyi dbyings dang na mkha'i dbyings nges pa'i tshig gnyis smos pa ni 'jig rten las 'das pa dang / 'jig rten pa la grags pa yin par blta bar bya'o// dngos po thams cad ni chos thams cad de/ de dag gis ni rang byung nyid du gyur par ston to// nam mkha' kun gyi skabs na dpal zhes bya ba ni na mkha' rnams cad du go skabs yod pa'i dpal gang la yod pa de la de skad ces bya ste/ na mkha' thams cad kyi skabs can gyi dpal gang la yod pa zhes sbyaro// 'dis ni bcom ldan 'das zhes bya bar ston to// rdo rje sems dpa' de bzhin gshegs zhes bya ba 'dis ni gcig pu rab tu che ba'i lha zhes bya ba stan to// da ni thob par byed pa'i thabs kyi sbyor ngo bo nyid kyi phyag rgya bstan par bya ba'i phyir bskal pa bye ba zhes bya ba la sogs pa gsungs te/ sangs rgyas thams cad ni rdo rje sems dpa' la sogs pa'o// sangs rgyas kun de dag gis ni bde ba'i mchog la sogs pa'i mtshan nyid can gyis te/ bde ba'i mchog ni bde bde ba'i dam pa rgyu dang 'bras bur bcas pa'o// bdag nyid bsgrubs pa ni lha'i gzugasu rang yongasu gyur pa'o// shin tu ni phul du byung bar ro// sangs rgyas kun bdag bde mchog go// zhes pa ni rdo rje sems dpa' la sogs pa'i ngo bo nyid kyi bla na med pa'i bde ba dang / yid bde ba nyamasu myong ba'o// bdag nyid bsgoms pa'i mtshan nyid can gyi bsam pa dang / dgongs pa can ni yang dag pa'i sems dang ldan pa ste/ yang dag pa'i sems kyis de kho na nyid la dmigs pa'i sems dang sbyor bar gyur pa ni yang dag pa'i sems la sbyor ba'o// gzhan dag gi rnal 'byor yang dag pa ma yin pa'i sems de dang mi ldan pa des ni de'i gzugs brnyan gyi rang bzhin te/ gzugs brnyan gyi dri grol dmigs pa las skyes pa ni yang dag pa ni ma yin no// du las bzlog pa rdo lta bu zhe na/ yang dag mchog sems zhes bya ba la sogs pa gsung so// radu na l+h+wa bdag nyidang du bsgoms pa nyi ni rang gi mchog go// rang gi sems kyi mtshan nyid du sbyor ba ni bdag sbyor ba ste na rnams kyi sems gang yin/ zhes byaM byA la sogs pa gsungs pa'o// mi 'gyur ba ni rnam byar mi g.yo ba'o// gzugs brnyan ni gzugs byas pa'o// lugs ma ni sku gdung gi yongasu bkang ste byas pa la sogs pa'o// sogs pa'i sgra ni ri mor bris pa la sogs pa'o// gang gi phyir 'di ltar byang chub sems la rab tu brtson pa ste/ byang chub kyi sems bsgoms pa'i rim gyis rnal 'byor pa ste/ sngags pa rgyu des na bdag nyid lta 'gyur ro zhes bya ba ni lhag ma'o// byang chub kyi sems ni stong pa nyid du bsgoms pa'i rim gyis zla ba'i dkyil 'khor yongasu rdzogs par gyur pa'i bdag nyid 'di ci skad du sngar bshad pa yin no// rdo rje ni der rang gi mtshan mar bstan pa'i bdag nyid do// sangs rgyas kun gyi ni ji ltar bdag nyid kyi lha'i gzugasu gyur pa'i bdag rang gi yin gyis phyi rol gyi lugs ma la sobs pa ni ma yin no// de lta bas na tshul 'ang ltar rang gi dam tshig la sbyor ba ni thams cad bdag sbyor ba ste/ ye shes sems dpa' dang gnyi su med pa'i ngo bos sangs rgyas thams cad thob ste/ bsgoms pa'i stobs kyis ji ltar rnal 'byor pa rang nyid lha'i ge 'phang mngon sum du byed pa'o// bdag ces bya ba ni rang gi sems so// nyid kyi sgra ni nges par gzung ba'o// sangs rgyas thams cad na nga bzhin gshegs pa thams cad do// dpa' bo thams cad ni mdo sde'i tshul las nges par skyes pa'i byang chub sems dpa' nyid do// rdo rje 'dzin thams cad ni sngags kyi tshul las mngon par grub pa'i byang chub sems dpa' nyid du gyur pa ste/ bsgom pa'i stobs kyis tshe 'di nyid la 'thob par 'gyuraro// zhes bya bar sbyar ro// bcom ldan 'das zhes bya ba la sogs pa ni sdud par byed pa'i rang bzo yongasu dgag pa'o// de kho na nyid dam pa ni thams cad mkhyen pa'i ye shes rnam pa lnga ste de nyid snang ba'o// de kho na nyid ni yul te de la 'jug pa ni ji ltar ye shes kyi bdag nyid can gyi rang gi lha'i phyag rgya gang yin pa ste/ de ni de kho na nyid snang ba dam pa'i yul la 'jug pa'i ye shes kyi phyag rgya zhes bya'o// de gzhung gang gi brtag pa de la ni de skad ces bya'o// btag pa dang po brel pa'o// / de ltar mngon par byang chub pa lnga'i sgo nas rdo rje sems dpa' sbyor ba'i rang gi ngo bor bshad pa yin te/ ye shes tsam gyi snyoms par 'jug/ sbyor ba zhes byar shes par bya zhes gsungs pas so// der rnal 'byor pa nges pa dang ldan pa rje su gzung ba'i phyir/ ye shes sems dpa' nang du bstim pa sngon du song bas/ bcom ldan 'das rjesu sbyor ba'i ngo bo nyid kyis bzhugs par bstan par bya ba'i phyir/ 'di ni rnal 'byor bcom ldan 'das zhes bya ba la sogs pa gsungs te/ 'di ni zhes pa ni 'das ma thag pa'i rnal 'byor gyi bdag nyid can te/ rdo rje sems dpar bdag sbyor bas/ rab tu 'grub po zhes bya bar rdo rje sems dpar bdag sbyor ba/ zhes bya ba ni mdun na bzhugs pa de dang gnyis su med par gyur nas bdag nyid thams cad du lha'i gsung dang / sku dang thugs su snang bas thams cad 'bebs pa'o// sangs rgyas thams cad mnyam sbyor ba zhes bya ba'i don ni bshad zin to// rnal 'byor ni de la bsgom pa goms par byed pa'o// de'i dbang phyug sgrib pa thams cad dang bral ba la dbang thob pa ste/ thams cad las mchog tu gyur pa'i dbang phyug chen po'i byar du'o// de las gang bla na med pa'i bde ba ste/ de ni sangs rgyas thams cad dang mnyam par sbyor ba rnal 'byor gyi dbang phyug gi bde ba chen po yin la de yang rab tu 'grub par 'gyur ro zhes rgyu dang 'bras bu nye bar bzhag pa'o// de nyid rgyur bstan par bya ba'i phyir/ de bas zhes bya ba la sogs pa gsungs te/ de bas zhes pa ni rje su sbyor ba'o// sangs rgyas bde ba kun zhes pa ni lha thams cad kyi rang bzhin te/ bde ba de ni bde ba nyid kyis 'thob par 'gyur ba'o// bde ba de nyid rjesu bstan par bya ba'i phyir sangs rgyas thams cad ces bya ba la sogs pa gsungs so// bde ba nyid kyis zhes dang gsungs pa de bstan par bya ba'i phyir/ 'di la zhes bya ba la sogs pa gsungs te/ de la ni rje su sbyor ba la'o// khrus ni gtsang sbra la sogs pa'o// de mi dgos pas ci ltar 'dod pa bzhin spyod pa'o// bsdam pa ni lan tshe la sogs pa yong su spong ba ste/ de mi dgos pas thams cad bza' ba'o// dka' thub ni yul thams cad las ldog pa ste/ de mi dgos pas na thams cad spyod pa'o// dka' ba spyad pa ni rig pa'i brtul zhugs te/ de mi dgos pas 'dod pa'i dga' ba la ci dgar spyod pa'o// spyod pa ci dgar 'dod pa byed ces pa ni ci dgar 'dug cing nyal ba'o// de ltar rjesu sbyor ba'i che ba'i bdag nyid bstan nas rjesu sbyor ba de bstan par bya ba'i phyir/ bskal ba zhes bya ba la sogs pa gsungs te/ sangs rgyas dam po thams cad ni rang gi ngo bo ji bzhin pa'o// phyag rgya'i cho ga zhes pa ni lha'i sku mdun du bzhag pas so// bsgrubs nas zhes pa ni 'dir nang du bsgom pa'o// bdag nyid ces bya ba ni sngar bshad 'i sbyor bri bdag nyid can gyi phyag rgya chen po'i gzugs su'o// sgrub pa ni rje su sbyor ba'i bar du byin gyis brlabs pa'o// brtag par bya zhes pa ni sngar bshad pa bya zhes pa'o// byin gyis brlabs par de nyid gsal bar bya ba'i phyir sangs rgyas thams cad byin gyis rlob ces bya ba gsungs te/ de nas yang gcig nas gcig tu brgyad pas sangs rgyas thams cad rab tu 'grub pa'o// ldan pa zhes pa ni de nyid de dang lhan cig tu gnyi su med par gyur pa'o// sangs rgyas thams cad @##mam### zhes bya ba ni rang gi lha'i sbyor ba ji bzhin pa'o// bde ba dag kyang mthong zhes pa ni dam tshig thob pa'o// rnal 'byor thams cad mnyam par sbyor bas zhes bya ba ni 'khor gyi gzugs kyis gnas pa'o// 'di dang sangs rgyas thams cad la rje su sbyor ba byas pa'i sngags 'di yi'o// bud med dag kyang zhes pa la kyang gi sgra ni skyes pa'ang grol bar 'gyur ba ste/ skyes pa'i gzugs spangs nas lha mo'i ngo bor yongasu gyur pa'o// de yis zhes pa ni ji skad du/ bshad pa'i rjesu sbyor ba byas pa'o// 'di ni zhes pa ni sngags pa'o// bdag nyid kun gnas pos ni zhes pa ni phyogs thams cad na gnas pa'o// mchod pa thams cad ni phyi rol gyi dkyil 'khor ba'i sna tshogs kyi yo byad kyi ngo ste/ de nyid kyi sprin chen po la sogs pa grangs mang pos khyab pa ste nges mchod pa'o// de bzhin gshegs pa thams cad kyis mchod pa byas pa ni/ bdag nyid thams cad kyis mchod par 'os pa ste/ dpal rdo rje sems dpa' nyid dam/ bdag nyid thams cad kyi lha nyid ji lta ba bzhin du 'grub par 'gyur ro zhes bya bar sbyar ro// thams cad bdag nyid ces pa ni thams cad kyis yongasu bskor ba'i dngos po thams cad bdag nyid yong su bsgom pa yin la/ de'i bdag nyid yin pas na/ bcom ldan 'das rdo rje sems dpa' ni rnal 'byor thams cad do// de'i nye bar sbyor ba ni de'i nga rgyal gyis nye bar sbyar ba'o// des dpal ni gzhir gyur zhes pa ste/ rdo rje sems dpa'i sku tshe dang lang tsho dang nad med pa dang bde ba dam pa'o// rnal 'byor thams cad kyi nye bar sbyor ba bstan pa'i phyir/ rnal 'byor kun ni zhes bya ba la sogs pa gsungs te/ khams gsum zhes pa ni/ gzugs la sogs pa'i yul te/ de rnams rnal 'byor kun gyi longs spyod kyis bsten cing nyamasu myong bzhin du bdog nyid kyi rang gi lho'i sku'i nga rgyal dang ldan pa la mchod do// bsten pa 'ba' zhig tu yang ma zad de/ rnal 'byor kun gyi bde ba dag/ bdag nyid kun tu myang byed na/ zhes bya ba ste/ rang nyid sngor bshad pa'i rjesu sbyor bas mchod cing lhag par sbyor bas 'grub par 'gyur ba'o// shin tu zhes pa ni bde ba'i rab tu dga' ba ste/ lha mo thams cad dang yang dag par sbyor ba'i mtshan nyid can lhag pa'i sbyor ba'i bar yang 'thob par 'gyur ba'o// sangs rgyas kun gyi bdag nyid ni rang gi lha'i ngo bo ji lta ba bzhin no// des mchod pas bcud kyis len pa bzhin du bde ba'o// sangs rgyas thams cad kyi bdag nyid ra sa ya ni bde ba des rdo rje sems dpar yang dag par sbyor ba ni ye shes sems dpar yang dag par sbyor ba'o// de rtogs par byed pas na dpal rdo rje sems dpar kun tu sbyor ba'i brtag pa'o// brtag pa gnyis 'i 'grel pa'o// // de ltar bcom ldan 'das kyis dpal rdo rje sems dpa'i kun tu sbyor ba'i ngo bo nyid bstan nas/ de la brtan par gyur pa'i rnal 'byor pas/ shin tu sbyor ba la rab tu 'jug par bya'o zhes ma ma bstan par bya ba'i phyir/ 'di ni zhes bya ba la sogs pa gsungs te/ tshigasu bcad pa dang po 'di gnyis ni sngar bshad pa'i rtogs pa gnyis dang / 'di'i lhan cig pa'i 'brel pa bstan pa yin no// dpal rdo rje sems dpa' sbyor ba'i mthu nyid kyis ni zhes bya ba la sogs pa ni shin tu sbyor ba bstan te/ dpal rdo rje sems dpa'i sbyor ba dang / rje su sbyor ba byas pa'i rnal 'byor pas shin tu sbyor ba ni dpal rdo rje sems dpa' kun tu sbyor ba'o// de yi mo thu ni brtan par byas pa'o// des na bde ba chen po ste/ rdo rje soms dpa'i ngo bo nyid du gyur pa'i rgyas btab pas na phyag rgya bde ba chen po'o// rnal 'byor pa bde ba mos pa kun/ zhes bya ba ni kye ma'o bde ba dang 'dus pa nyid kyi bde ba phul du byung ba'o// de ltar dngos 'grub thams cad bde ba mos pa'i dbang phyug dag kyang lha mo gnyis dang yang dag par 'dus pa'i rig pa'i bde ba phul du byung ba yin no zhes khong du chud par bya'o// bud med mchog rnams zhes bya ba ni dkyil 'khor gyi lha mo lhag ma thams cad do// skye bar 'gyur zhes bya ba so sor rjesu 'grub pa ste/ de dag thams cad ni shin tu sbyor ba'i 'bras bu bstan pa yin no// de yi zhes bya ba ni rdo rje sems dpa'o// de zhes pa ni bde ba'i mchog la sogs pa ste/ de ltar lhag par sbyor ba byas pa'i rnal 'byor pa la gdon mi za bar mngon du 'gyur bar shes por ba'o// de lta ba'i ngam tshig gang yin pa ni gzhang lugs te/ de las byung ba ni skyes pa'o// de bas nga nyid ni sdug pa ste/ mngon par 'dod par bya ba'o// dam tshig bdag rjes su 'brang zhes bya ba ni bdag gi sngags dang phyag rgya la sogs pa'i gzhung lugs kyi 'gro ba'o// shin tu sbyor ba ni lha mo dang tha mi dad par gyur pa'o// de nyid ni sbyor ba chen po dang / shin tu sbyor ba'i bar yin no// dngos po thams cad kyi ngo bo nyid bas na thams cad bdag nyid de rdo rje sems dpa'o// de'i dam tshig mchog ni 'da' bar mo bya ba ste/ tshig snga ma dang ni gsum pa de'i skyes bu'o mtshams sbyar ba'o// gcig bzhin zhes bya ba ni rdo rje sems dpa' ste/ rdo rje sems dpa' gcig pu'i spyod pa gcig pu'i bgrod pa'i ngang tshul can gang yin pa de ni gcig pu spyod do// lhan cig spyod pa ni lhan cig spyod pa ste/ lha mo'i gtso mo bzhi po dag go// rjes su spyod pa de las gzhan pa ste/ de dag thams cad sdud pa'o// thams cad dga' ba ma lus pa'i zhes bya ba ni lhag par spyod pa bsgoms pas phyag rgya thams cad de/ dkyil 'khor thams cad kyi lha mo'i phyag rgya ma lus pa'o// thams cad lha mo 'dus pas ni zhes pa ni sngar bshad pa'o// de nyid kyis ni ma lus skal pa bzang po kun te bdag nyid bsgrubs pa'o// rnam pa thams cad skal pa bzang po dang ldan pa'i sbyor ba'i bde bas so sor rje su 'byung bar 'gyur ba ste/ lha mo dang 'dus pa'i bde ba rab tu thob par 'gyur ba'o// phyag rgya 'dis zhes pa ni ji ltar rang nyid lha mo thams cad kyi phyag rgya'i rgyas btab pas na tha mi dad par 'gyur ba'o// rdo rje sems dpa' gang yin pa de nyid ni che ba'i lha yin pas de ni rdo rje sems dpa' che ba'i lha'o// thams cad rnal 'byor bde bas mos/ zhes bya ba ni rnal 'byor thams cad las skyes pa'i bde ba la zhugs pa'o// sdig med ni nyes par spyod pa med pa'o// stobs kyis ni stobs dang bcas pas so// ngo 'thon du ni mngon sum du'o// phan tshun du ni rab dga' bas zhes pa ni gcig la gcig reg par dga' zhing dga' ba rnams skyes pas so// skyes bu'i tshul gyis zhes pa ni/ bdag nyid kyi 'am skyes bu bzhin du spyod pa'o// dbang po kun las byung ba yi/ zhes pa ni ba spu'i bu ga thams cad nas byung ba'o// rnal 'byor bde ba thams cad kyis zhes bya ba ni rnal 'byor thoms cad las byung ba'i bde ba 'bab pas so// kye ma'o bde ba las byung ba zhes pa ni b+ha ga dang ling ga las nges par byung ba la// rin chen tshogs rnams thams cad kyis zhes bya ba ni/ byang chub kyi yan lag la sogs pa'i rin po che mthon po dang sil snyan rnams kyis so// rab tu rmongs pas zhes pa ni zhugs pa ste/ lha mo thams cad kyi longs spyod de rnams la brten par byed pa'o// bdag gi che ba'i lhar sbyor ba ni rang gi lhar bdag nyid bsgom pa ste/ rje su sbyor ba de nang du zhugs pa'o// rnal 'byor thams cad las byung ba'i bde ba ni rnal 'byor thams cad kyi bde ba ste/ myong bar byed pas ni nyamasu myong ba'o// tshe dang lang tsho dang dang med pa dang bde ba mchog ces bya ba 'dis ni bde ba'i mchog la sogs pa'i lha mo bzhi rim bzhi ni ston te// sangs rgyas kun gyi sku chen dang zhes bya ba la sogs pa ni/ sangs rgyas kyi byang chub la sogs pa bzhi po dag po// sangs rgyas kun gyi rgyal po che zhes pa ni rnam par snang mdzad do// rdo rje 'dzin pa kun gyi bdag ces bya ba la sogs pa ni he ruH la sogs pa gsum ston to// de dag dang ni zhes bya ba ni/ rang gi lha mo rnams ji lta bas so// de zhes pa ni lha gzhan dag gis sbyor ba'o// 'khor los sgyur ba rab tu 'grub ces pa ni dkyil 'khor drug la dbang sgyur bar skyes pa la/ rgya chen ni yon tan che ba'o// mchog ni 'jig rten thams cad las 'das pa'o// dngos grung kun gyi bde mos pa/ zhes pa ni na mkhar 'gro ba la sogs pa'i dngos grub kyi bde ba phul du byung ba ste/ bde ba'i dbang phyug kun ni rdo rje sems dpa' dang rnam par snang mdzad la sogs pa'i ngo bo nyid de de nyid mos pa'o// mkha' 'gro ma sgyu ma bde ba'i mchog ces pa ni na mkha' la spyod pa la sogs pa'i dngos grub kyi bde bas phul du byung ba dang lhan cig tu sngar bshad pa'i lha mo rnams dang lhan cig mnyam par sbyor bas skal pa bzang ste/ lha mo thams cad yang dag par 'dus pa rdo rje sems dpa' ni skal ba bzang po cano// de nyid dpal te lha mo rnams kyi'o// 'da' bar mi bya bstan dam tshig go// nga tshig gis rtog pas na 'di la du skud ces bya'o// rtag pa gsum pa'i 'grel pal// de ltar bcom ldan 'das stor ba dang rjes sbyor ba dang / shin tu sbyor ba'i bdag nyid du brtag gsum gyis bstan nas thams cad du nyams pa med pa'i ye shes grub pa'i phyir/ sbyor ba thams cad bsgom pa'i mtshan nyid can/ sna tshogs thams cad kyi skal ba bzang po mchog gi dngos grub ces bya ba dpal dam tshig gi rtog pa'i ngo bo bstan par bya ba'i phyir/ 'di ni zhes bya ba la sogs pa gsungs te// tshigasu bcad pa 'dis ni rab tu 'jug pa'i brtag pa dang / rjesu 'brel pa'i sgo nas brtag pa gzhan gnyis dang rjesu 'grel par blta bar bya'o// lha mo thams cad dang mnyam par sbyor ba zhes bya ba ni/ lha mo thams cad dang yongasu spyod pa ste/ des na bdag nyid bsgrub shing lha mo dang lhan cig mnyam par sbyor bas na skal pa bzang po ste/ de nyid kyis na/ 'di ltar bud med kyi rol pa'i nang du zhugs pas mchog 'dod pa'o// lha mo yang dag par 'dus pa'i bde ba phul du byung ba'i nyam su myong ba'i kun tu sbyor ba gang yin pa de ni yang dag sbyor ba'i bde ba myong ba'o// phul du byung ba'i rjesu chags pas lha mo thams cad la yid chags pas 'dod chags te/ sbyor ba thams cad kyis rnal 'byor pa grub pa'o// dbyangs ni 'dir sgra lo bya'o// reg bya ni bde ba'i reg pas reg pa yin par shes par bya'o// de ngag rang gi spyad pa spyod pa ni bde ba'i bzung bas nye bar longs spyod pa'o// de ltar rdo rje sems dpa'i 'bras bu'i nye bar longs spyod pa bstan nas/ rnam par snang mdzad la sogs pa'i 'bras bu la nye bar spyod pa bstan pa'i phyir sangs rgyaso zhes bya ba la sogs pa gsungs te/ byang chub pa'i pha rol tu phyin pa dang / rin po che'i pha rol tu phyin pa dang / chos kyi pha rol tu phyin pa dang / las kyi pha rol tu phyin pa dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang / thob pa'i pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa ste/ pha rol tu phyin pa de dag thams cad dang / kun tu bzang po la sogs pa'i gzugs rnams dang / skye ba med pa'i byang chub kyi sa dang / rab tu dga' ba dang / dri ma med pa dang / 'od byed pa dang / 'od 'phro ba dang / spyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang / kun tu 'ong ngo / bcu gnyis po de dag go// bdud rnams kyi zil gyis gnon pa dang bral ba'o// dngos 'grub ces pa ni rab tu grub pa'o// dka' ba dang / zhes pa ni sems can dman pa dag gis bskal pa grangs med gsum gyi bar du brtson 'grus phul du byung bas bsgrub par bya ba yin pas so// bde ba chen po ni dngos grub thams cad mi 'gyur ba'i bde ba'i ngo bo nyid pa'i phyir ro// skal pa bzang po bde myong ba/ zhes pa ni shin tu phul du byung ba'i bde ba myong ba'i phyir skal pa bzang po ste/ byang chub pa'i phyir bdag nyid kyis rnal 'byor thams cad phyin ci ma log par bsgoms pas 'grub par 'gyur ba'o zhes bya bar sbyar ro// dngos grub thams cad ni na mkha' la spyod pa la sogs pa'i dngos grub ste/ de rnams rim gyis rdzogs pa ni byung ba'o// sangs rgyas zhes bya ba ni rnam par snang mdzad do// phrogs nas zhes bya ba ni bsgom pa'i stobs kyis rang gi dbang du byas pas so// nye bar spyad por bya zhes pa ni nyam su myong ba'o// sangs rgyas rgyal srid chen po kun ni rdo rje nyi ma'i go 'phang ngo // sangs rgyas kun gyi grub chen po// mchog gi dbang phyug dam pa dag/ zhes bya ba ni rta mchog gi go 'phang ngo // bdag gi phun sum tshogs pa bstan nas gzhan gyi don phun sum tshogs pa bstan pa'i phyir/ mthu zhes bya ba la sogs pa gsung so// grub dang zhes pa ni dka' thung zlog ma'o// dran pa ni 'dod pa'i lha'o// sangs rgyas don kun zhes pa la sangs rgyas kyi don kun sbyin pa dang / sangs rgyas kyi bya ba thams cad byed do zhes bya bar sbyor ro// sde rnams thams cad rab tu 'joms pa ni bdud kyi sde thams cad rab tu 'joms pa'o// 'khor los sgyur ba ni chos kyi 'khor lo rab tu bskor ba'o// rdzu 'phrul gyis rnam par 'phrul pa ni rdzu 'phrul gyis rnam par rol pa'o// de nyid rgya cher bstan pa'i phyir la lar zhes bya ba la sogs pa gsungs te/ byang chub kyi sems chen po ni bla na med pa yang dag par rdzogs pa'i byang chub kyi sems so// spyod pa ni sbyin pa la sogs pa'i mtshan nyid do// mthun par 'gro ba ni ji ltar rjesu 'tsham pa'o// na tu 'pho ba ni skye ba yong su 'dzin pa'o// byang chub chen por gshegs pa ni/ byang chub pa'i phyir gshegs pa ste/ byang chub kyi snying poro nye bar gshegs zhes bya ba'i bar du 'am/ yang na byang chub chen po nyid ni dga' ston chen po ste/ dga' zhing mos pa chen po yin pos na/ byang chub chen por gshegs pa'o// 'khor lo bskor ba ni chos kyi 'khor lo bskor ba la rab tu 'jug pa'o// nges pa'i gar zhes pa ni rnam par rol pa'o// ma lus par phyag rgyas btab pa ni/ byang chub tu sems bskyed pa'o// sna tshogs pa ni rnam pa du ma'o// thams cad ni rigs rnam pa lnga po skal pa bzang po dang / mchog kyang yin pa gang grub pa de stonA pas na tshogs thams cad kyi skal pa bzang po mchog gi dngos grub ces bya'o// dpa ni lha mo rnams so// dam tshig ni 'da' bar mi bya ba ste/ rdo rje sems dpa'o// de ston pas na dpal dam tshig gi rtog pa'o// brtag pa bzhi pa'i 'grel pa'o// // de ltar bcom ldan 'das sbyor ba la sogs pa'i bdag nyid du bstan nas dkyil 'khor gyi cho ga la sogs pa'i sbyor ba bstan par bya ba'i phyir/ ji skad du bshad pa'i sbyor ba bzhi po dang ldan pa'i rnal 'byor pas ni sngar bstan pa'i dngos grub rnams kyi gtam dang / phyag mtshan gyi phyag rgya dang sna tshogs pa'i phyag rgyas dgos pa 'grub par 'gyur pas/ bcom ldan 'das gtam gyi phyag rgya'i ye shes kyi ngo bo nyid du bstan par bya ba'i phyir/ 'di ni zhes bya ba la sogs pa gsungs te/ tshigasu bcad pa 'dis ni rtog pa snga ma dang rje su 'brel pa ston to// rnal 'byor zhes pa ni ji skad bshad pa'i rnal 'byor gyi ngo bo nyid yin pas so// ji ltar sems can rnams 'dul ba'i tshul gyi gnas skabs kyis gshegs pa'i phyir de bzhin gshegs pa'o// yang dag grub pa gcig pu nyid// ces pa ni don dam pa nyid du'o// ji ltar 'dod pa bzhin du sbyar zhes pa ni/ 'dod chags la spyod pa la sogs pa'i sems can rnams gdul ba'i phyir rim pa ji lta/ ba ste/ bsam pa ji lta ba bzhin du sbyor ba ni rdo rje sems dpa' nyid rnam par snang mdzad la sogs pa'i skur bsgom pa'o// rtog pa'i cho ga thams cad la zhes pa ni cho ga 'di rnams nyid la'o// mchog gi ni 'jig rten pa'i dngos grub rnams kyi dam par gyur pas so// mchog ni de las kyang lhag par gyur pa'i dngos po med pa ste/ grub pa de'i ngo bo nyid du gyur pa'o// 'di 'jig rten pa'i dngos grub 'ba' zhig tu yang ma zad pa de nyid bstan par bya ba'i phyir/ sna tshogs zhes bya ba la sogs pa gsungs te/ sna tshogs las kyi sbyor ba yas// zhes pa ni rdo rje sems dpa' dang rnam par snang mdzad la sogs pa'i sku sprul pas so// cho ga sna tshogs 'dod pa zhes pa ni/ 'dod chags kyi bde ba dang zhe sdang dang / gti mug dang / nor la srid pa dang / 'gyod po la sogs pa la spyod pa'o// 'dul ba dang zhes pa ni 'dod chags la sogs pa rab tu spongs pa'i phyir ro// sangs rgyas thams cad rnam 'phrul pas/ zhes pa ni rdo rje sems dpa' dang rnam par snang mdzad la sogs pa'i rol pas so// ji ltar 'grub par zhe na/ nyin re 'am zhes pa la sogs pa gsungs so// ji bzhin byin gyis brlabs nas ni/ zhes bya ba ji ltar bdag nyid srid pa gsum gyi skyed mos tshal du gnas pas so// sangs rgyas bde mchog bya ba ni rdo rje sems dpa' la sogs pa'i tshogs kyi dkyil 'khor gyi sbyor bas so// ji ltar zhe na/ khams kyi zhes bya ba la sogs pa gsungs te/ khams kyi ngo bo thams cad ni gser dngul la sogs pa'i rang bzhin no// spogs dang ba la sogs pa'i rang bzhin las byas pa'o// rtsa ba las byung ba ni shing gi rang bzhin las byas pa'o// dkyil 'khor gang dang gang zhes pa ni rdo rje sems dpa' la sogs pa'i dkyil 'khor gang dang gang ngo // bsten pa zhes pa ni bsgom pa'o// de dang der zhes bya ba ni dkyil 'khor mchod pa byas nas zhes pa ni mchod pa'o// de las gzhan yang zhes bya ba ni de'i 'og tu skye so so'i gtam ston pa'o// rtog pa kun gyi zhes bya ba ni/ rdo rje sems dpa' la sogs pa'i dbugs dbyung ba'o// ci rigs par ni sbrul byas pa'i zhes bya ba ni ci rigs par rol pa'o// 'di skad ston par 'gyur te/ ltar rang gi tshogs kyi dkyil 'khor du rang gi lhar sbyor ba'i slob ma dang lhan cig tu rang gi phyag mtshan dang / phyag rgyar ldan pas ji ltar bdag nyid dbugs dbyung bar smras pa bzhin du slob ma rnams la yang smra bar bya ste/ de rnams kyis rang gi lha'i sbyor bas rang gi mngon par dad pa phun sum tshogs pa rdzogs par bya ba'i phyir smra ba bzhin du bsgrub par bya'o// 'dod chags la spyod pa'i sems can rnams kyi dbang du mdzad nas/ bcom ldan 'das rdo rje sems da dbugs 'byung ba bstan pa'i phyir/ sems dpa' zhes bya ba la sogs pa gsungs te/ mi gnas pa'i mya ngan las 'das pa la bzhugs pas na/ da ltar byung ba bzhin no// mi 'gyur ba'i ngo bo nyid pas na 'da' bar dka' ba ste/ chos kyi sku la bya bar dgongs so// 'dul ba'i phyir zhes pas ni de rnams kyis sems can rnams 'dul ba'o// byas pa yin zhe na/ bya ba ni kun rdzob tu'o// dpal rdo rje sems dpa'i dbugs dbyung ba'o// zhes bya ba ni dpal rdo rje sem dpas dbugro dbyung ba ste/ 'dis 'dod chags la sogs pa la spyod pa'i sems can rnams dbugs dbyung ba'o// de ltar ngo bo nyid kyi sku'i bdag nyid can nyid kun rdzob tu 'dod chags la spyod pa gdul bar bya ba'i phyir/ bcom ldan 'das dngos po thams cad kyi ngo bo nyid du bstan nas/ zhi ba la spyod pa'i sems can rnams gdul bar bya ba'i phyir/ chos kyi dbyings rnam par dag pa la bzhugs pas thams cad kyi ngo bo nyid kyi tshul bstan par bya ba'i phyir/ 'das pa'i dus na zhes bya ba la sogs pa gsungs te/ stong pa nyid la shin tu brtson pa ni lhag ma dang bcas pa dang / lhag ma med pa'i mya ngan las 'das pa la brtson pa dang ldan pa'o// 'gog pa'i chos nyid la sbyor bas zhes bya ba ni/ ji skad du bshad pa'i mya ngan las 'das pa gnyis dang 'brel pa'o// 'gags shing zhes pa ni lhag ma dang bcas pa'o// yongasu mya ngan las 'das zhes bya ba ni lhag ma med pa'o// grol ba thams cad ni nyon thos la sogs pa'i yongasu mya ngan las 'das pa'o// de'i rnam par byang ba ni gnyis su med pa'i rang bzhin gyi chos khong du chud nas thugs rje chen po bskyed pa'o// bskyed ces bya ba ni byas pa'o// stong pa ma yin zhes bya ba ni bden pa ste/ yongasu brtags pa las byung ba de yod pa'o// mi stong min zhes bya ba ni yongasu brtags pa nyid med pa'o// dbu mar ni de gnyi ga med par 'dzin pa'i ye shes te/ dbu ma rab tu bsgrub pa'i bar de yang rnam par rtog pa'i spyod yul yin pas na mi dmigs te/ de nyid ni shes rab kyi pha rol tu phyin pa'i sbyor ba zhes brjod do// snying rje chen pos yongasu bzung bas snying rje'i bdag nyid 'gro ba'i don byed pa'i phyir/ sangs rgyas rnams kyi thabs yin no zhes bya ba ni lhag ma'o// de ni zhes pa ni rdo rje sems dpa' ste/ chos kyi tshig rnam par snang mdzad du 'gyur ro zhes bya bar sbyar ro// rnam par 'phrul pa bstan pa'i phyir/ snying rje zhes bya ba la sogs pa gsungs te/ gang la snying rje nyid dang thabs yod cing shes rab kyi pha rol tu phyin pa ni dri ma med pas de skad ces bya'o// rtog pa med pa'i chos rnams la zhes bya ba ni/ rtog pa thams cad dang bral yang gdul bya'i dbang gis dkyil 'khor dang phyag rgya la sogs pa thams cad du rtogs cing yongasu gyur pa'o// rnam par mi rtog pa'i zhes bya ba ni gnyis su med pa'i ngo bo ste/ sems can gyi don la rtog par byed pa'i kun rdzob bo// don dam par ni brag cha'i sgra dang 'dra ste/ sgra brnyan dang mtshungs pa nyid do// chos ni dam tshig gsum mo// de ston pa'i tshig gang yin pa de ni chos kyi tshig go// de las bya ba ni chos kyi tshig tu gyur pa'i 'og tu'o// theg pa chen po ni dmigs pa dang sgrub pa dang ye shes dang / brtson 'grus dang / thabs kun dang las chen po dang ldan pa ste/ byang chub sems dpa'i lam 'bras bu dang bcas pa dang / shes rab kyi pha rol tu phyin pa la sogs pa'i mdo sde rnams kyi ngo bo nyid do// tshe 'di nyid la sangs rgyas la sogs pa'i nges par bskyed pas che ba'i phyir/ theg pa chen po'i chen po ste/ rdo rje'i theg pa'o// de las gang yang dag par byung ba'i yon tan rgyas pa ni sku gsum gyis bsdus pa ston te/ mnyam med ces bya ba la sogs pa'o// glu ni bstod pa'o// dus gsum ni dus rnam pa gsum mo// dam tshig gsum ni sku gsum gyi bdag nyid do// ci lta bu zhe na/ mnyam meng ces bya ba la sogs pa gsu mi g.yo ba zhes bya ba 'dis ni chos kyi sku ston to// mnyam pa nyid ni de bzhin nyid de/ de nyid mchog gi choso// mnyam pa nyid de gang la yod pa de ni mnyam pa nyid mchog gi chos nyid can te/ 'di nyid kyis ni longs spyod rdzogs pa'i sku ston to// thugs rje'i bdag nyid 'gro ba'i sdug bsngal sel zhes bya ba 'dis ni/ sprul pa'i sku'i sgo nas gzhan gyi don mdzad par ston te/ de dag gsum par yang mnyam pa med pa'o// sdug bsngal sel ba ni snang ba dang mi snang ba'i sdug bsngal rnams 'jig par mdzad pa'o// yon tan mtha' yas pa ni mthar thug pa med pa'o// dngos grub thams cad sbyin par mdzad pa ni 'jig rten dang 'jig rten las 'das pa'i dngos grub thams cad stsol ba'i ngang tshul can gang yin pa de la ni de skad ces bya'o// ci'i phyir de sdug bsngal rnams sel zhing yon tan gyi dngos grub stsol bar mdzad ce na/ thugs rje'i bdag nyid ces gsungs pa'i phyir ro// gal te thugs rje'i bdag nyid can yin yang gang gis 'di ltar spyod pa yin no zhe na/ dri med ces bya ba la sogs pa gsungs te/ sgrib pa thams cad dang bral bas dri ma med pa'o// mu stegs can gzhan rnams kyis mi bskyod pas na mi g.yo ba'o// rim gyis nyan thos dang rang sangs rgyas dang byang chub sems dpa' rnams dang / thun mong ma yin pas mnyam pa med pa'i mchog gi stobs dang / mi 'jigs pa la sogs pa ste/ de gang dag la yod pa de ni dam pa'i mchog chos can no// mnyam pa med pa zhes gang gsungs pa de gsal bar bstan pa'i phyir yon tan zhes bya ba la sogs pa gsungs te/ gang gis mi mnyam zhe na/ yon tan shin tu phra ba ste rab dang 'bring dang tha ma'i dbye ba phye ba'i yon tan no// tshad med pa ni ma med pa'o// gang dang mi mnyam zhe na/ dpe ni na mkha' zhes po ste/ gang gi phyir dper bya ba ni nam mkha' ltar tshad med pa dang yang snyun du yod pa ma yin na dpe dman pas lta smos kyang ci dgos/ yon tan med pa de rnams ni sems can khams la zhes bya ba la sogs pa gsungs te/ sems can gyi khams rnams la sangs rgyas kyi dngos grub mchog nges par stsal ba'o// de dag nyid gang gis byung zhe na/ rtag tu zhes bya ba la sogs pa gsungs te/ gang gi phyir de rnams ni thugs rje chen po'i dbang gis kun nas bslang bas rtag tu dri ma med pa ste/ kun nas nyon mongs pa med pa'o// smon lam grub pa ni mi gnas pa'i mya ngan las 'das pa'o// dgag pa med pa'i chos nyid can ni 'gag pa med pa'i ngo bo nyid do// mtha' yas pa ni khyab par gyur pa'o// thugs rje chen po'i bdag nyid ni sangs rgyas so// rtag tu ni mtha' med pa'o// rnam par snang ba ni gsal bar gyur pa'o// gang zhig gis she na/ med med ces bya ba la sogasapa gsungs te/ tshad med pa ni nyan thos dang rang sangs rgyas dang byang chub sems dpa' rnams te/ de rnams pas kyang dpag tu med pa'o// shin tu rdzogs pa ni 'bras bu mthar thug pa'o// bde bar gshegs pa'i go 'phang ni yong su mya ngan las 'das pa ste/ bde gshegs par ston kyang ngo // de dag kyang yin zhe na/ 'gag par yang mi 'gyur zhes bya ba gsungs te/ gang gi phyir de'i snying rje chen po'i rgyus mya ngan las 'das pa'i chos can du mi 'gyur te/ de bas na mi 'gag pa'i chos can nyid do// de nyid kyis na e ma'o// shin tu bzang ba'i chos nyid ces bya ba la sogs pa 'dis mngon par gsol ba 'debs pa bstan to// dam tshig gsum ni sku gsum gyi bdag nyid de/ de'i rgyur gyur pa'i dngos grub kyi bdag nyid dang ldan pas/ mchog sbyin dngos grub rab mchog stsol bas bdag la stsol cig pa'o// mchog sbyin rnams kyi nang na go 'phang dam pa mchog brnyes pa ni sbyin pa'i mchog gi ga gyur pa'o// rtag tu ni lus la med pa'o// dus gsum ni dus rnam pa gsum gyi mthar thug pa'o// sgrib pa med pa ni sgrib pa thams cad dang bral ba'o// 'di ni zhes bya ba la sogs pa ni nye bar sdud pa'i sngon du 'gro bas bstong pa'i che ba'i bdag nyid bstan to// lan cig tsam brjod kyang sangs rgya su 'grub par 'gyur ba ni/ bag chags kyi stobs bskyod cing brtson pa rnams la nges par 'gyur por dgong so// sangs rgyas kun ni rdo rje sems dpa' dang / rnam par snang ma sogs pa'o// de rnams dang bdag nyid sbyor ba ni de dang gnyi su med pa'o// dam tshig gsum gyis ni sku gsum gyis so// sku ni blta bas mi ngoms pa/ zhes bya ba ni sku mthong na mi mthun pa med pa'o// mchog rnams kun sbyin pa ni rang nyid bstan pa grub pa'o// de nas dri'i zhes bya ba ni bstod pa'i rgyal po'o// bsgrub pa dang zhes bya ba ni gang gis bsgrubs pa'o// shin tu brtag pa yi zhes bya ba ni mchog tu rjesu 'brel pa ste/ gang gis sku gsum dag nyid kyi 'bras bu thob pa gang yin pa 'di nyid grub pa'o// dngos grub ni shin tu mthar phyin pa'o// rdo rje se gol gtogs pa yis/ zhes pa ni lag pa g.yas kyis rdo rje se gol dang g.yon gyi se gol dang / gnyi ga'i se gol dang / thal mo lan gsum zhes pa ni g.yas dang g.yon gnyi ga'i ste/ ji lta ba'i se gol gsum mo// dbang po gang dang gang lam 'gyur zhes bya ba ni mthong ba la sogs pa'i spyod yul la 'jug pa'o// de dang de'i ngo bo zhes bya ba ni de dang de'i bdag nyid kyi rang bzhin du'o// sangs rgyas kun dang mnyam sbyor zhing zhes bya ba ni rang gi lha'i nga rgyal du bsgom pa'o// chags pa zhes bya ba ni Sha da dzaM ko ha la sogs pa'i glu'o// Sha da pa la sogs pa zhes bya ba ni/ tso kA pany+tsa ma la sogs pa'i glu blang ba'o// bzlas par bya zhes bya ba ni gdon po'o// 'di skad ston par 'gyur te/ go rims snga mas rang gi lha'i sbyor ba dang ldan pas/ dkyil 'khor gyi lha rnams rang gi lus kyi nang du ji lta ba bzhin du bsgoms la mnyam par bzhag pa'i sbyor ba dang ldan pas spyod lam thams cad du dngas pa thams cad bdag nyid kyi gzugasu lhag par mos la/ 'angad pa la sogs pa'i glu rnams dang / bstong pa'i rgyal na 'grub par 'gyur ro// thams cad bdag nyid ni rnam par snang mdzad do// dam tshig gsum la sogs pa ni rnam par snang mdzad la sogs pa'o// rtog pa thams cad ni sangs 'gro ba'i lam gyis so// zhe sdang la sogs pa'i sems can rnams 'dul ba'i phyir/ bcom ldan 'das kyis sprul pa'i sku'i ngo bo nyid du bstan pa'i don du he ru ka'i dbugs dbyung ba nye bar bstan pa'i phyir 'das pa'i dus nas bya ba la sogs pa gsungs te/ khro ba zhes bya ba ni bsam pa'o// gtum pa zhes bya ba ni sbyor ba'o// gdug pa shin tu rno bar gyur pa'o// bag chags kyi mtshams sbyor bas zhes bya ba ni/ rgya mthun pa'i 'bras bu yongasu gyur pa// shes rab thabs kyis shes pa ni shes rab dang snying rje'i rgyu dang ldan pa'o// khro bo ni khro bo nyid du'o// de ni 'di skad ston par 'gyur te/ chos rnams sgyu ma dang 'dra bas thugasu chud pas sems can gdug pa rnams la/ thugs rje nye bar bzhag ste/ de rnams gdul bar bya ba'i phyir bcos ma'i khro bo he ru ka'i skur de bzhin gshegs pa thams cad mdzad par gyur pa ste/ ji skad du rdo rje chen po he ru ka/ 'bare bas thal bar rab tu 'jig/ sangs rgyas kun gyi khro bo che// zhes gsungs pas so// gang gis na 'di khro bos chad pas gcod par spyod can/ khra za'i tshul 'chang zhes bya ba la sogs pa gsungs te/ khros pa ma drang stong rnams kyi'o// ji lta bu zhe na/ zla za'i tshul na gnas pa ste/ tshul la gnas pas na tshul 'chang ste/ tshul tsam la gnas pa'i khro bos kyang 'jig rten gsum dag bsreg par nus na/ gzhan du nyes pa thams cad dang bral zhing yon tan gyi phun sum tshangs pa thams cad la dbang sgyur ba'i sangs rgyas rnams kyis lta smos kyi dgos bya bar dgongs so// rnam pa gang gis khro bo yang dag par 'byin par mdzad ce na/ de nas zhes bya ba la sogs pa gsungs te/ sna'i dbus ring po dro ba dang bcas pa ni ye shes te/ de dbugs byung ba dang bcas pa'i sbyor ba'o// phyog rgya'i sbyor ba zhes bya ba ni khro bo'i snyoms par 'jug pa'o// de nyid ces pa ni rdo rje sems dpa'o// phyung ba zhes bya ba ni nges par bskyed pa'o// khro bo la sogs pa'i tshul dang ldan pa zhes bya ba ni khro bo dang / dpa' bo dang sgeg pa dang / 'dzeg su rung po'i ngang tshul dang ldan pa'o// des rnam pa sna tshogs pa ste/ zhal bzhi dang ldan pas rnam par bsgyur ba'o// des phab nas zhes pa ni dbang du byas pa'o// grib ma zhes bya ba ni mkha' 'gro ma'o// thams cad rdo rje mnyam sbyor ba zhes bya ba ni khro bo thams cad du mnyam par sbyor ba'o// des mkha' 'pho ba'i dkyil 'khor 'bar ba'o// des ci zhig mdzad ce na/ shin tu gdug cing ces bya ba la sogs pa gsungs// rdo rje 'dong khro ba zhes bya ba na shes rab dang thabs kyi khro ba la// rtag pa bla mad thams cad kyis/ ces bya ba na khu ba'i sprul pa thams cad kyis so// ngan bcom ldan 'das mnyam pa nyid kyi ye shes ra ba nyid du rgya/ pa longs spyod rdzogs pa'i sku'i bdag nyid du bstan cing gti mug la spyod pa'i sems can rnams gdul bar bya ba'i don du pad+ma gar gyi dbang phyug gi dbugs dbyung ba bstan pa'i phyir/ 'das pa'i dus na sa bya ba la sogs pa gsungs te/ logs par lta ba la gnas pa ni med par lta ba la mngon par zhugs pa'o// de nyid ces bya ba ni rdo rje sems dpa'o// byang chub sems ni rnam sbyang phyir// zhes pa ni log par lta ba rab tu spang ba sngon du 'gro bas sems can rnams kyi yang dag pa'i ye shes bskyed pa'i phyir ro// pad+mo chags par sbyor bas ni/ zhes pas ni thugs rje chen po'i ngo bo nyid du gyur pa'o// rdo rje chosu gnas par gyur ces pa ni/ 'dod chags rnam par dag pas bzhugs pa'o// de nyid bstan pa'i phyir/ ji ltar pad+ma zhes bya ba la sogs pa gsung so// rdo rje chos su gnas par gyur zhes bya ba la/ la la ngag ni rdo rje chos kyi gzugasu yongasu gyur nas/ de nas pad+ma gar gyi dbang phyug tu skyes pa yin no zhes zer ro// 'dod chags thams cad dag pas na zhes bya ba ni thugs rje'i 'dod chags rnam par dag pa ste/ de nyid kyis na bcom ldan 'das 'di'i sku mdog kyang pad+ma lta bu'o// gdul ba'i thabs ni sna tshogs kyis zhes pa ni sgeg mo la sogs pa'i gar thabs dang ldan pas zhal sna tshogs su rnam par bsgyur ba'o// sna tshogs pa ni gdul bar mos zhes pa ni rnam par gzigs pa la sogs pa'i sprul pa dang / 'dul bar mdzad pas na 'dul ba ste/ lta ba la spyod pa'i gdul bya rnam pa sna tshogs 'dul bas na/ sna tshogs pa 'dul bar mos pa'i rgyur gyur pa'o// kun tu spyan ras gzigs pa ni/ 'dod chags rnam par dag pa'i so sor rtog pa'i ye shes kyi spyan ras kyis gzigs pa'o// dbang phyug ni de la dbang thob pa'o// pad+mo sgra mi mnyam sbyor ba'i zhes pa ni/ pad+ma'i rigs kyi dkyil 'khor gyi ngo bos gnas nas/ des na mkha' la spyod pa 'grub pa ste/ pad+ma'i sgra ma'i mnyam 'byor pa'i mkha' 'gro ma rnamaso// de nyid ni sgyu ma 'am/ sprul pa ste nges bde ba'i ngom pa thob par gyur pa'o// des kyang ci zhig mdzad ce na/ dpal pad+mo gar dbang la sogs pa gsungaso// rtog pa bla na med ces bya ba ni/ 'jig rten dbang phyug gi sprul pa'o// rnam par sbyangs pa ni lta ba dang bral bar mdzad pa'o// bcom ldan 'das rnam par smin pa'i sku'i ngo bo nyid du bstan nas skyed pa la spyod pa'i sems can rnams rjesu gzung bar bya ba'i don du rdo rje nyi ma'i dbugs dbyung ba bstan pa'i phyir/ 'das pa'i dus na zhes bya ba la sogs pa gsungaso// yi dgas rnams kyi zhes bya ba ni yi dag su gtogs pa rnams kyi'o// de nyid ces bya ba ni rdo rje sems dpa'o// pad+mo'i don gyi zhes pa ni/ 'jig rten thams cad kyi don la yang dag par 'das pa'o// nor chen po ni sngon gyi 'phen shugs kyi dbang gis sems can rnams kyi bsam pa yongasu rdzogs par mdzad pa'o// rdo rje nyi ma byung bar 'gyur zhes pa ni rdo rje nyi ma nyid du yongasu gyur pa'o// na mkha'i snying po thams cad phyogs zhes bya ba la sogs pa la na mkha'i snying po'i dbang bskur ba'i ngo bo nyid dang / gter thams cad kyi rang bzhin gyis kun gyi re ba yongasu rdzogs par mdzad pa dang / rgyal mtshan mchog gi gzugs can yin pas so// bud med la sogs pa rin po che mchog thams cad 'bebs pa ni/ mchod pa chen po'i ngo bo nyid bas so// shes rab dang snying rje'i bdag nyid de nyi ma lta bu bas nyi ma'o// ci'i phyir zhe na/ gang gi phyir rab tu gdung ba zhes gsungs pas so// bya ba dang ni zhes pa ni 'phangs pa ste/ mnga' la sogs pas 'thob pa'o// bzlog pa dang zhes pa ni lag pas 'phang ba 'khor lo la sogs pa rnams kyis so// 'phrog pas zhes pa ni 'phangs nas slar bzung ba ste/ zhags pa la sogs pa rnams kyis so// sdud par byed ces pa ni 'jig rten gsum po ser sna byed pa las rgyal zhing nor che ba nyid du mdzad ces bya ba'i don to// 'jig rten gsum rgyal ni rdo rje nyi ma ste/ de la sogs pa'o// rtog pa thams cad ni rin po che'i tshogs rnams sprul pas na/ rab tu bskangs zhes bya ba'i don te skyed pa rnam par sbyangs nas rdo rje nyi ma'i go 'phang thob par mdzad pa'o// lce lo can gyi sems can rnams rjesu gzung ba'i don du rtswa mchog tu nye bar bstan pa'i phyir/ 'das pa'i dus na zhes bya ba la sogs pa gsum brtson 'grus shin tu chung ba ni shin tu yang le lo che ba'o// drag shul gyi sbyor ba ni pha rol gnon pa'i rtsal lo// de rnam par dag pa ni le lo bsal nas/ brtson 'grus la rab tu 'jog pa'o// de'i phyir drag shul gyi sbyor ba rnam par dag pa'i tshul tu rta mchog tu byung bar gyur pa ste/ rta mgrin nyid du gyur po'o// thams cad yang dag par mos pa yin zhes bya ba ni le lo spong ba sngon du 'gro bas brtson 'grus bskyed par 'dod pas so// ngo 'thon ni mngon sum du'o// pha rol gnon pa'i rtsal dag gis zhes pa ni nus mthu'o// bi ba zhes pa ni gzhan gyi chung ma la nye bar 'gro ba'o// chom po yis zhes pa ni mngon sum gyis 'phrog pa'o// brid pa zhes bya ba ni dor thabs so// sgyu drag ces pa ni mig 'phrul gyis so// dgra cha lnga ni 'khrul 'khor gyis 'phangs pa la sogs pa ste 'og nas 'chad do// de rnams kyis 'thab pas na/ dgu cha lha'i rgal ba'o// lha mo b+hi ma zhes bya ba ni dka' thung zlog ma'o// mi'i dbang phyug ma zhes bya ba ni sred pa dang dbang phyug ma zhes bya'o// rdo rje 'dzin zhes bya ba ni rdo rje sems dpa'o// byang chub kyi sems ni byang chub kyi rang bzhin can no// sgrub par byed ces bya ba ni sems can rnams kyi rgyud la bskyed pa'o// sangs rgyas byang chub ni zhi ba'i chos nyid thugs su chud pa'i ngo bo nyid do// de las bskyed pa ni rnam par snang mdzad yin te/ de rab tu bcom pa ni drug po'i sbyor bas sems can rnams rnam par gnon pa ste/ rang gi rnal 'byor ni drag po'i sbyor ba'i bdag nyid do// rgyas 'debs pa ni brtson 'grus kyis sbyor po'o// rtog pa bla na med pa thams cad ni rigs thams cad kyi'o// gtam gyi sbyor bas ni phyag rgya zhes pa'i rtog pa'i 'grel pa ste/ rtog pa lnga pa'i 'grel pa'o// / da ni ji skad bshad pa bzhin bsgom pas dkyil 'khor du dam tshig gsum thob par gyur na/ 'grub par bstan pa'i phyag mtshan dang / phyag rgya la sogs pa'i cho gas 'dir bsgrub par bya ba yin pas/ bcom ldan 'das rdo rje sems dpa' tshogs kyi dkyil 'khor gyi tshul gyis bzhugaso// zhes bstan pa'i phyir de nas gzhan yang zhes bya ba la sogs pa gsungaso// rnam kun sna tshogs ni kun tu sna tshogs pa'i gzugs kyi lha mos nye bar mtshon pa'o// de nyid dam pas na mchog tu gyur pa ste/ bla na med pa'i bde ba dang / yid bde ba'i ngo bo nyid rdo rje sems dpa'i rgyur gyur pas so// sangs rgyas thams cad mnyam sbyor ba// mkha' 'gro sgyu ma bde ba'i mchog/ gsang ba la sogs pa khyad par du 'phags pa'i srid pa gsum du rtag tu gnas nas bsgrub par bya'o// zhes bya bar sbyar ro// dpal ni dpal lha mo'i rnal 'byor can ni bud med rnams te/ de yod pas na dpal ldan te/ kun+da nas yongasu bskor zhes bya ba'i don to// sangs rgyas kun gyi dngos ni sangs rgyas thams cad kyi rang bzhin te/ de'i ngo bo nyid du gyur pa zhes bya ba'i bar du'o// rdo rje sems dpa' 'byung ba ni/ rdo rje sems dpa'i ting nge 'dzin dang ldan pa'o// bde ba zhes bya ba ni bya ba'i khyad par ro// de bzhin gshegs pa'i bdag nyid can ni rig pa'i rgyal po la sogs pa ste/ de sbas pa'o// dri ni byug pa'o// srid pa gsum zhes pa ni khang pa gsum rtseg go/ skyed mos tshal ni 'og nas 'byung ba'i rang gi skyed mos tshal lo// 'jam zhing zhes pa ni shin tu mnyam pa ste/ stan nang tshangs can la bya'o// zhes man dag las bshado// sna tshogs pad+mo ni ras gang la pad+ma rnam pa sna tshogs pa bris pa gang yin pa'o// g.yogs pa ni des dgab pa'o// thams cad dag pa'i gdan zhes pa ni bdag po'i gdan no// sangs rgyas thams cad mnyam sbyor ba zhes bya ba ni/ sbyor ba'i dkyil 'khor la sbyor ba'o// de la dbang thob pas na dbang phyug ste/ des rnam par 'phrul pas so// rdo rje sems dpa' la sogs pa'i lha ni rdo rje sems dpa'i lha ste/ lha zhes bya ba ni gsal rol pas na lha ste/ bde bo'i mchog la sogs pa'o// de na zhes pa ni gangan no// rnam par 'phrul par mdzad ces pa ni gar byed cing bdag gi 'byung ba stan gang la ston pa'o// stan de dag ni zhes pa ni thams cad dag pa'i gdan no// thams la zhes pa ni kun la'o// ji ltar gnas pa zhes pa ni gnas gang dang gang yin pa dang / phyogs gang ba gang yin par bzhag pa ni ji ltar gnas pa bzhin te/ de la ji lta ba bzhin gnas pa ni ji ltar bdag nyid gnas phyogs dang phyogs mtshams kyi mtshan nyid de/ ji ltar zhes pa ni bdag pa'i stan ji lta ba'o// dgod pa ni der bzhag pa ste/ sna tshogs pad+ma'i ras kyis g.yogs pa de bzhin du dkyil 'khor thad du lha mo thams cad la yA chung ba'i stan bya ba yin no// gzhan yang sna tshogs pad+ma'i gsang ba las byung ba ste/ 'dab ma brgyad yod pas na sna tshogs pa yin la/ de nyid las kyis g.yogs pa yang yin te/ byang chub kyi sems kyi rang bzhin zla ba'i dkyil 'khor gyis g.yogs pas so// 'di lta bu ni thams cad dag pa'i gdan te/ gang du bdag po rnams lha mo rnams dang rnam par rol pa na phyi rol tu 'di ltar rtog pa yin te/ de rnams kyi de yang rtog pa tsam ste/ lha mo rnams dang gnyis kyi bar gyi mchog dpal rdo rje sems dpa' la sogs pa'i ming yin pa'i phyir ro// gru bzhi pa zhes bya ba la sogs pa ni phyi rol gyi dkyil 'khor gyi bye brag yin no// nang gi yang kun tu sna tshogs skal bzang po zhes bya ba la sogs pa 'chad do// sgo srungs dang ni ldan par bya zhes bya ba ni rdo rje lcags kyu la sogs pas byin gyis brlab pa'i sgo'o// de nyid kyis na rta gdong la sogs pa'i sgo srungs bzhi dgod pa yin no// rang gi lha dang ldan pa'i thes ni lugs ma la sogs pa'i rang gi lha'i cod pan la sogs pas brgyan pa'o// bud med dag ni legs par grub ces bya ba ni bud med la rang gi rgyan gyis brgyan pa'o// 'di skad ston par 'gyur te/ dkyil 'khor ji lta ba bzhin du bris la/ nang gi dkyil 'khor gyi dbus su rdo rje sems dpa'i rnal 'byor dang ldan pa ste/ lag pa g.yas pa na rdo rje gtod nge 'dzin pa/ g.yon 'gying brag gis dril bu 'dzin pa/ yang g.yas dang g.yon dag na mnga' gzhu 'dren par bdag nyid lhag par mos par gnas par bya'o// stan de de nyid kyi shar phyogs kyi 'dab ma la bde ba'i mchog gi rnal 'byor can gyi bud med g.yon 'gying bag gis gzhu 'dzin pa/ g.yas kyis mnga' 'dren pa'o// lho phyogs kyi 'dab ma la a ho su kha'i rnal 'byor can g.yas kyis bdag po la 'khyud pas gnas pa/ g.yon 'gying bas b+ha ga dang ling ga 'dzin pa'o// nub phyogs kyi 'dab ma la sgron ma'i rnal 'byor dang ldan pa g.yas kyis sna tshogs rdo rje 'dzin pa/ g.yon 'gyong bas se ral kha'i tshul du bsten pas rdo rje kha T+wAM ga dang bcas pa'i ka pA la thogs pa'o// byang gi phyogs kyi 'dab ma la sha shi'i rnal 'byor dang ldan pa lag pa g.yas pa na bdag po la dga' bas 'khyud pa/ g.yon pa 'gying pas ka pA la sangs rgyas kyi sku gzugs 'dzin pa/ mdog dkar po 'chang ba'o// nang gi dkyil 'khor gyi shar la sogs pa'i re'u cha rnams la sangs rgyas rnams kyi byang chub dang chos kyi 'khor lo bskor ba dang / khams gsum las rgyal ba dang / 'dod pa thams cad kyi lcug ma'i gzugs can rnams rim bzhin du g.yon na rang gi phyug mtshan 'dzin pa'o// de bzhin du shar lho la sogs pa'i re chal rta gdong la sogs pa'i gzugs can bzhi pa'o// de'i phyi rol gyi ri mo rdo rje thig nang gi mtshams rnam su gling bu la sogs pa'i gzugs rnams kyang de bzhin no// de bzhin du phyi rol gyi dkyil 'khor gyi mtsho rnams tog ma la sog pa'i rnal 'byor pa ma gtogs so// shwar la sogs pa'i sgo rnamasu lcags kyu dang / zhags pa dang / lcags sgrog dang / dril bu 'dzin pa rnams dgod do// bde mchog la sogs pa bzhi'i gdan ni sna tshogs pad+ma bya'o// rnam par snang mdzad kyi dkyil 'khor gyi dbus su chos kyi dkyil 'khor lo'i phyag rgyas rnam par snang mjed kyi sku dang ldan par dkod do// gdan de nyid kyi shar la sogs pa'i 'dab ma rnams la lhung bzed dang chos gos dang khar gsil dang / dam pa'i chos kyi glegs bam gyi phyag rgya rnams rim pas dgod do// shar la sogs pa'i re'u cha rnams la sangs rgyas kun brjod ma la sogs pa bzhi po 'og nas 'chad pa'i rang gi phyag mtshan rnams 'gying ba dang bcas par 'dzin cing khu tshur g.yon pa log pa g.yas pas bkab nas gnas pa'o// me la sogs pa'i mtsham su sangs rgyas thams cad kyi byang chub la sogs pa bzhi po'o// de bzhin du lhag ma rnams kyang da rdo rje sems dpa'i dkyil 'khor du bshad pa'i lha rnams kyi sku dgod par bya ste/ rdo rje sems dpa'i cho ga yis/ rtog pa thams cad rab tu bsgrub ces gsungs pas so// lha de dag thams cad kyang gdan ni sna tshogs pad+ma bya'o// de bzhin du he ru ka la sogs pa'i dkyil 'khor la yang gdan gyi nges pa rnams shes par bya'o// he ru ka'i dkyil 'khor du yang nang gi dkyil 'khor gyi dbus su he ru ka'i sku zhal bzhi pa/ phyag rgya gnyis pa phrag pa g.yon par rdo rje kha T+wAM ga dril bu dang bcas pa se ral kha'i tshul du 'dzin/ kha T+wAM ga bsten pa'i phyag g.yon gyis ma hA rak+ta sa bkang ba'i ka pA la'i bum pa thogs pa g.yas kyi ba dan gsum pa'i tshul gyis rdo rje rtse lnga pa 'bar ba'i phreng ba can 'dzin pa/ gos chen po bla gos su gyon par dgong ngo / shar la sogs pa'i 'dab ma rnams la rdo rje 'bar ba dang / rdo rje kha DaM dang / ma hA rak+Shas bkang ba'i ka pA la'i kham phor dang / ma hA maM sa zhes bya ba drag pos rnyed pa rnams dgod do// bsgrub pa'i yang rdo rje 'bar ba thogs par bya'o// lcug ma rnams ni ji ltar mos pa bzhin du bsgrub bo// bcom ldan 'das kyi shwar gyi re'u cha la dkar mo gdong bzhi pa tshangs pa'i mgo bo 'dab bzhi btsugs pa thogs nas g.yon brkyang nas 'dug pa'o// lhor chu byed ma g.yon khro bo'i khu tshur gyis snying gar lcags kyi 'dzin pa/ g.yas kyi gung mo rtser 'khor lo rtsibs brgyad pa 'dzin pa/ khams gsum gnon pa'i phyir rkang pa g.yon pa 'das pas gnas pa'o// rgyab tu rab rmongs ma phag gi mgo can chang snod thogs pas bzlog pa'i phyir g.yon brkyang bas gnas pa'o// g.yon du ro langs ma bdud rtsi'i bum pa dkar pos dbang bskur zhing gnas pa'o// shar lhor spos byed ma lag na lcug ma thogs pa dur khrod na gar byed pa gnas pa'o// lho nub tu gtum mo lag na ba dan thogs pa rlung gi dkyil 'khor la zhon pas gnas pa'o// nub byang du sme ba lag na me thab 'bar ba thogs pa g.yas brkyang bas gnas pa'o// thal ba rab tu 'jig pa la sogs pa ni rdo rje sems dpa'i dkyil 'khor du bshad du bshad pa las 'dir yang de rnams shin tu gdug pa'i gnas pas de rnams nyid kyi gnas bzhag par bya'o// pad+ma'i dbang phyug gi dkyil 'khor la yang sna tshogs pa dang / dmar po dang / ljang gu dang / dkar po dang / sngon po dang / ser po dang / leb rgan gyi pad+ma la pad+mas mtshan ma'i rdo rje la sogs pa yang phyag gi rtse mor thogs nas lag pa rgya snyed 'khor lor byas pas gar mdzad pa/ g.yon dkur bsten pas sna tshogs pad+ma 'dzin pa phyag g.yas pas snying gar kha 'byed pa shel gyi mdog can 'bar ba sna tshogs pa/ 'khrug pa'i 'od kyi dkyil 'khor can du dgod do// sgrub pa po yang g.yon dkur bsten pas pad+ma 'dzin la/ g.yas kyis snying ga 'byed pa'o// lhag ma rnams ni ji ltar mos pa bzhin du bsgrub par bya'o// lha phyogs kyi re'u cha la rnam par gzigs ma/ pad+ma dmar po kha dbye ba bskor ba'i tshul gyis 'dzin pa'o// lho phyogs kyi re'u cha la sgrol ma lag pa g.yon pas pad+ma ljang gu 'dzin cing / lag pa g.yas par khu tshur snying gar gto 'jog pa'o// nub phyogs kyi re'u cha la rgyan can ma g.yon gyis pad+ma dkar po 'dzin pa/ lag pa g.yas kyis 'khor lo rtsibs brgyad pa gtong nge 'dzin pa'o// byang gi re'u cha la khro gnyer ma g.yon na ut+pa la sngon po 'dzin pa g.yas na ba don gsum pas gar byed cing mdung thogs pa'o// shar lho'i re'u cha la pad+mo gnas pa la g.yon na pad+ma dkar po 'dzin pa/ g.yas kyi gar byed pa'i tshul gyis chu srin gyi rgyal mtshan 'dzin pa'o// lho nub kyi re'u cha la rdo rje pad+ma'i dbang phyug ma gau yon na pad+ma leb rgan thogs pa g.yas na snying gar rdo rje rtse lnga bstod nas 'dzin pa'o// nub byang du pad+ma gtum mo'i dbang phyug ma na g.yon bgyid pas pad+ma 'dzin/ yas kyis rtse gsum gar byed pas 'dzin pa'o// byang shar du sna tshogs pad+ma g.yon 'gying bas sna tshogs pad+ma 'dzin/ g.yas kyis 'khor lo rtsibs bar+Na 'dzin pa'o// de dag thams cad kyang g.yon pa 'gying bag dang bcas pas rang gi pad+ma ji lta ba bzhin du 'dzin pa bya'o// lhag ma ni rdo rje sems dpa'i dkyil 'khor du bshad pa las 'dir phyag mtshan pad+mas mtshan pas par bya'o// rdo rje nyi ma'i dkyil 'khor du yang dbus su bcom ldan 'das sku mdog dmar po la g.yon na gzhu 'dzin/ g.yas na mnga' gsor ba/ yang g.yon na dkyil 'khor/ g.yas na ral gri bsnams par dgod do// sgrub pa po yang nyi ma'i dkyil 'khor thogs pa'o lcug ma rnams kyang ji ltar mos pa bzhin du bsgrub par bya'o// shar la sogs pa re'u cha rnams la dbang bskur ma la sogs pa rin po che'i cod pan dang / gter gyi bum pa dang / rgyal mtshan dang / me tog la sogs pas bkang ba'i mchod pa'i snod rnams lag na thogs pa'o// shar lho la sogs pa'i mtshams kyi re'u cha rnamasu yang phyag mtshan de dag nyid do// lhag ma ni de dag sngar bshad pa las 'dir rin po ches mtshan pa phyag mtshan 'dzin par bya'o/ de dag nyid dang dkyil 'khor gzhan dag gi dbus su ni dpal rta mchog gi sku phyag bzhi pa zhabs bzhi pa ste/ de yang g.yon gyi khu tshur gyis sna tshogs pad+ma 'dzin pa/ g.yas kyi ba dan gsum pa'i tshul gyis sna tshogs rdo rje brtag nas 'dzin pa'o// yang gnyis kyis rdo rje sems dpa' la sogs pa'i phyag mtshan dag las ci 'dod pa thogs par dgod par bya'o// sgrub pa po yang sna tshogs rdo rje thogs par bya'o// lhag ma rnams ni ji ltar mos pa bzhin bsgrub par bya'o// de dag ni rang gi phyag rgyas mtshan pa'o// des skal pa bzang po dang ldan pas skal pa bzang ngo // tshogs kyi dkyil 'khor zhes bya ba ni 'dza' ba'i 'dus pa'o// brtag par bya ba ni bskyed par bya'o// grub pa zhes bya ba ni sngag kyis drangs pa'o// yi ge hUM las byung ba'i rdo rje'i rnam pa'i cha shas kyi rang bzhin gyi chu'o// de yang rdo rje dang bcas pa ni rdo rje byin gyis brlab pa'o// mtshams chen po ni khrag chen po'o// bsgrubs pa ni sngags kyis ji lta ba bzhin du mngon par bsngags te/ zhes bya ba'i bar du'o// mthu yis shes pa ni che ba'i bdag nyid du grub pa'o// rab tu bsgrub pa ni snga ma bas kyang mchog tu gyur pa ste/ stobs dang ldan pas ni dang po blang ngo // stobs med pas ni gzhan dag go// pad+ma'i snod ces bya ba ni thod pa'o// de nyid rab tu grub pa nyid du bstan pa'i phyir chags pa chen po zhes bya ba la sogs pa gsungs te/ rdo rje thugs zhes bya ba ni stong pa nyid kyi ye shes so// de'i ni stong pa nyid kyi ye shes ngo bo nyid kyi rgyu mthun pa rdo rje sems dpa'i ste/ de'i khu ba rdo rje sems dpa'i ngo bo ni khrag go/ de bas de'i sngags la sogs pas mngon par 'dus byas par gyur pa ni/ mtshal chen po ni sgrub pa dag ces bya ba 'am/ gang 'di sngags kyi yi ger byas la nang du bstim pa sngon du song bas shes rab dang thabs las byung ba ji lta bar nges par 'byin pa 'di ni mtshal chen po nyid du bsgrubs pa'o// de nyid rim pa snga mas mngon par 'dus byas pa/ rdo rje mchu yis zhes bya ba dmar chen po ga pur dang tsan dan dang bcas par sbyar la gang gi tshe/ tshogs kyi dkyil 'khor du bzhag pa de'i tshe ni ra sa ya na kun slong ba zhes bya'o// zhi ba'i gtung ba bzhin zhes bya ba ni ji ltar zhi ba'i sbyor ba rnams kyis lan gsum du byas la myang bar byed pa de bzhin du'o// sangs rgyas kun gyi bdag nyid kyi/ ra sa ya'i bde ba zhes bya ba ni rdo rje sems dpa'i ngo bo nyid kyi ra sa ya na'i bde bas so// 'dis zhes bya ba ni bshad ma thab pa ste'o// rdo sems dpa'i tshe la sogs pa ni lha mo bzhi'i bdag nyid kyi dngos grub po// 'dus pa ni dkyil 'khor ro// der sbyor bas zhugs pa ni 'dus pa der ni zhugs pa dag ces bya'o// tshogs kyi dkyil 'khor brtag par bya zhes gsungs pa de bstan par bya ba'i phyir/ de nas khrus byas zhes bya ba la sogs pa gsungaso// slong bas zhes bya ba ni stong pa shin tu rnal 'byor yod med mthus zhes bya ba la sogs pa'i glu yis so// ngal gyis su zhes bya ba ni rim gyiso// gos dgab pa'i sbyor ba yis zhes bya ba ni gos kyis g.yogs pa'i tshul gyis so// bdag gi 'byung ba bskul bar bya ba ni bdag nyid kyi lha'i skur thams cad 'byung ba'i sbyor bas bsgom pa'o// des ni 'di skad ston par 'gyur/ te/ rang gi stan lo skyil mo krung gis rdo rje dang dril bur ldan par 'dug ste/ rang gi snying gar zla ba'i dkyil 'khor lo yi ge hUM dgod la/ stong pa nyid du rnal 'byor zhes bya ba la sogs pa'i glus bskul nas/ bdag nyid nam mkha' dang 'dra bar bltas la/ de nyid zla ba'i dkyil 'khor 'dra bar byas nas/ snying po brjod pa sngon du 'gro bas rdo rje sems dpa'i nga rgyal gyis rdo rje sems dpar gyur nas ma hA sa ma ya satwa haM zhes brjod/ rang gi dam tshig gi phyag rgyas kyang sa ma yo haM/ zhes brjod de/ de nyid la sa ma ya satwa a d+hi tiSh+Tha mAM/ zhes bya ba'i snying po la sogs pas byin gyis brlabs la/ rdo rje sems dpa' bde ba zhes bya ba la sogs pa'i rang gi glu dang gar sngon du 'gro bas phyag rgya chen po bcing bar bya ba 'di ni bdag 'byung ba rnam pa gcig go/ yang dkyil 'khor du bcom ldan 'das gsang ba'i lcags kyu yi ge hUM dang ldan pas spyan drongs la/ ji lta ba bzhin du byin gyis brlabs pa dang / dbang skur ba byas la gsang ba'i mchod pa sngon du 'gro ba'i de kho na nyid la sogs pa byas pa'i rdo rje gzung ba byas nas na mkha' la 'dug ste/ 'jig rten gyi khams thams cad stong pa nyid du byas la 'og tu yi ge hUM las rdo rjer bsams la de las na mkha'i khams kyi mthas klas pa'i rdo rje byung la/ de yongasu rdzogs pa las yang sna tshogs pa rnam par bsams la/ snying po gdon pas rdo rje kha 'brur du bltas pas sa la bzhag na na mkha' thams cad kyi gnas la rab tu gnas par gyur pa rnams/ a nu rA ga ya hUM zhes brjod cing de ltar mos pas sna tshogs pa'i pad+ma'i gdan bskyed la/ dngos po'i sbyor ba la sogs pa'i go rims ji lta bas rtag par gyur nas yang bdag nyid kyi gtam gyi phyag rgya rjesu mthun pas 'dod chags la spyod pa'i sems can rnams la bltas nas de rje su gzung por bya ba'i phyir rang gi snying ga'i rdo rje sems dpa' bsams dpal rdo rje sems dpa'i bde ba zhes bya ba la sogs pa'i glus yang dag par bskul na rdo rje sems dpar 'gyur ro// de ltar dang po'i sbyor ba dang ldan pa la stong pa shin tu rnal 'byor zhes bya ba la sogs pa'i glus bskul ba'i phyir rang gi snying po brjod pas bdag nyid kyi snying ga las lha mo'i tshogs rnamasu phyung ste/ rang gi bdag po'i glu'i rjesu 'gro ba'i phyag rgya chen po rnams kyis rang gi gnasu nges par 'jog pa 'di ni rnam pa gnyis so// yang la la ngag ni yi ge ho dmar po 'bar ba'i bar du bcug pa'i yi ge hUM gi bdag nyid can rang gi sems tsam gyi sbyor ba'i bdag nyid kyi phyag rgya nyid bkug nas zla ba'i dkyil 'khor zhu bar gyur pa'i 'khor los sgyur ba chen po las rang gi sngags kyi rang gi lcags kyus bkug nas zhugs nas phyogs bcu thams cad kyi stobs bcu dang ldan pa'ang zhugs par byas la de rnams bde ba'i mchog la sogs pa'i gzugs sum+b+har te/ slong ba dang yang dag par bskul ba la sogs pa mngon par 'gro bas rang gi lha mo bzhi rnams kyis ji lta bar bskul bas bdag 'byung bar gyur po la lha rnams 'byin pa yang snying ga'i rdo rje lte bar gnas 'i rang gi rig pa dang gnyi su med par gyur pa'i bdag po'i mthar thug pa'i byang chub kyi sems gos dang 'dra ba las 'byung bar blta bar bya'o// zhes zer ro// rdzogs pa'i sangs rgyas ni rdo rje sems dpa' la sogs pa'o// de nyid 'char bar byed pas na nyi zla'o// nges pa'i lam ni glu'i cha ma tra phyed tsam pa'i cha ste/ ci rigs par rings pa dang bar ma dang bsngal bas nges par 'jug pa ni rnam par 'das pa'o// brtan zhing grub pa slong byed pa zhes bya ba ni dang po rab tu rtsom par byed pa dang / rab tu sgrub par byed pa la sogs pa brtan pa sar pa slong bar byed pa ni brtan pa zhes bya ste/ glu bzang ba gang dang gang rtsom par byed pa la bya'o// de skad du brtan pa la sogs pa'i glu blang bar bya'o zhes bshad pas so// de nyid bstan par bya ba'i phyir stong pa zhes bya ba la sogs pa gsungs te/ lha mo thams cad dang stong pa nyid kyi ro nges par sbyor ba gang la yod pa de la de skad ces bya ste/ kye nyid la nges par sbyor ba can sems can gyi yongasu brtags pa'i gzung ba dang / 'dzin pa gang yin pa de rnams med pas stong pa'o// mthu ni de la dmigs pa'i zag pa med pa'i ye shes kyi bye brag ste/ de rnams kyis nam mkha' nyid du nye gnas pa ste/ thabs dang shes rab gnyis su med par gyur pas byang chub kyi sems ji lta ba bzhin du 'thob pa'o zhes la la dag 'dod do// de la dam tshig ni de nyid ni 'da' bar mi bya ba yin pas so// de ltar gyur pa'i bde bar gshegs pa ni rdo rje sems dpa'o// bde bar gshegs pa zhes pa ni rtag pa la sogs pa'o// bzhengasu gsol zhes pa ni/ rnal 'byor dang rjesu mthun pa'i tshul du 'jug pa'o// rdo rje sems dpa' zhes pa la kyed pa rdo rje sems dpa' bdag nyid bsgrubs pa skal pa bzang po khyod gang yin pa de ni bdag yin no// zhes mdor bsdus pas rang gi 'byung ba ston to// shin tu mya ngan yongs 'das pa zhes pa ni lhag ma med pa'i mya dran las 'das pa'o// yang srid ces pa ni 'khor ba'o// lam bzhi ni bstan pa dang / sna tshogs dang 'gyur ba dang / g.yas pa zhes bya ba ni glu'i yan lag bzhi ste/ ma tra phyed dang / gnyis dang bzhi dang / brgyad kyi chas rim bzhin shes par bya'o// sna tshogs 'brang ba zhes pa ni sna tshogs kun tu brkyang zhing mngon du byas pa ste/ gnas 'dis ni sna tshogs par 'brangs pa'o// 'jig rten gsum gyis phyag byas pa ni/ rnam par snang mdzad kyi ngo bo nyid bas so// 'jig rten gsum gyi ston pa po ni he ru ka'i bdag nyid byas so// 'jig rten gsum la sgyid sbyin pa ni rdo rje nyi ma'i ngo bo nyid pas so// 'jig rten gsum po bdug la bsgrubs pa zhes bya ba pad+ma gar gyi dbang phyug nyid du mdzod cig pa'o// de dag 'byin pa'i 'bras bu bstan pa'i phyir/ rdo rje sems dpa' zhes bya ba la sogs pa gsungs te/ lha mo thams cad dang lhan cig rdo rje sems dpa' kun tu sbyor ba ni thams cad sbyor ba'o// de nyid thams cad du sna tshogs pa'i skal ba bzang po'o// a ral+li kun ni rdo rje sems dpa'o// 'grub par 'gyur ba ni mngon sum du 'gyur ba ste/ de nyid dam rnal 'byor pa lha mo thams cad dang / ldan pa'i a ra l+li kun ni rdo rje sems dpa'o// grub par 'gyur ba ni skye ba'o// bdag gi don phun sum tshogs pa sngon du 'gro ba bstan nas lan cig ces bya ba la sogs pa bskul ba'i tshig gnyis kyi gzhan gyi don phun sum tshogs pa bstan pa yin te/ gzhan yang 'dis ni shin tu sbyor ba'i sgrub pa nyid kyang bstan pa'i phyir/ bstan zhing zhes bya ba la sogs pa gsungaso// sna tshogs 'brang ba zhes bya bas ni shin tu sbyor bas so// de nas zhes bya ba ni bskul ba byas pa'i sgom pa'i dus su tshogs kyi dkyil 'khor gyi dbus su 'dug pa'i lha mo rnams kyis rdo rje sems dpa'i bdag nyid la rjes su chags pa zhes bya ba la sogs pa'i dam pa de kho na nyid kyis bskul bar bya'o// rje su tshogs pa ni so sor rig pas rje su chags pa ste/ bde mchog go// dga' ba ni 'khyud pa'i bde ba dang ldan pa ste/ e ma bde ba'o// pad+ma rnam par dag pa ni nyon mongs pa'i dri ma thams cad dang bral ba ste sgrol ma'o// mchod pa ni dbang phyug chen po thams cad rab tu thob pa ste shi shi'o// de dag ni rnam pa zhi zhing sna tshogs pa rnam pa du ma yin pas na rje su chags pa'i rnam mang dga' ba'i pad+mo rnam par dag pa'i mchod pa'o// zhes pa'i tshig rnam par sbyar te/ de lta bu'i rje su chags pa'i rnam pa mang po'i dga' ba'i pad+mo rnam par dag pa'i mchod pa de rnams kyis khyed la gsal zhing mngon pas rje su mchod pa byas pa'o// ngo bo nyid ji lta bu zhe na/ mchog tu rtag pa'i rnal 'byor te/ mchog tu phul tu byung zhing rgyan mi 'chad par sbyor ba'i bdag nyid rnams kyis bde ba'o zhes bya ba ni khyad par ro// de bas grub par mdzod cig ces bya ba ni gsol ba 'debs pa'o// mchog tu bde ba'i ngo bo nyid ni bde ba chen po'i rang bzhin no// dam tshig ni 'da' bar mi bya'o// mchog tu bde ba'i shin tu rnal 'byor ni mchog tu bde ba'i rgyur gyur pa ste/ des bdag nyid bsgrub shing mchog tu bde ba mngon par 'byor pas na skal bzang ngo // thams cad las phul du byung bas na mchog ste/ shin tu yang bstod cing don thams cad dga' bas na dgyes pa'o// rol cig pa ni gsol ba 'debs pa'o// yang rol cig pa ni shin tu yid du 'ong ba'o// ho ni rje su chags pas so// gang dang rol ce na/ rang gi dam tshig ces bya ba la sogs pa gsungs te/ rang gi dam tshig ces bya ba ni bde ba'i mchog go// skyon med ces pa ni e ma'o bde ba'o// rtag pa ni sgron ma'o// dam tshig de nyid ni shrI shi'i dbang du mdzad nas gsungs pa'o// mchog tu gsang ba'i zhes bya ba ni sbyor ba'i mtshan nyid do// bdag po ni rab tu gsang ba de la dbang ba'o// mchog ni phul du byung ba ste/ rab tu gsang zhing mchog tu gyur pa'i khyod kyi lha mo 'di rnams dang rol cig ces bya bar sbyar ro// 'gro ba'i rgyu ni zhes bya ba la sogs pa ni don dam pa'i phun sum tshogs pas bskul ba yin te/ 'gro ba ni sems can no// rgyud ni sprul pa rnams so// rnam pa sna tshogs pa ni tha dad pa du mar ngo mtshar du gyur pa ste/ de lta bu'i rnam pa sna tshogs pa'i rgyud rnams kyis gdug pa ni sems can rnams kyi don gyi thabs so// gsal ni mngon sum du snang ba'o// mkhyen pa ni de la mkhas pa ste/ 'gro ba rnams gdul ba la mkhas shing 'dul bar gsal bar mkhyen pa zhes de la bod pa'o// brtan pa ni ri la sogs pa'o// g.yo ba ni mi la sogs pa ste gang dngos po thams cad ngo bo nyid du gyur pa la kye dngos po brtan g.yo kun gyi ngo bor gyur ces bod pa ste/ ngo bo nyid du gyur pa'i don gyis na dam tshig thams cad kyi dngos po ste rgyur gyur pa'o// rgyal ba kun gyi bdag nyid rnal 'byor bde ba zhes bya ba ni sangs rgyas thams cad dang mnyam par sbyor ba mkha' 'gro sgyu mi bde ba'i mchog/ kye ma zhes pa ni ngo mtshar du gyur pa'o// dam pa rtag pa'i dngos grub chen po zhes pa ni shin tu mchog tu gyur cing rgyun mi 'chad pa'i dngos grub kyi dga' ba'o// ston ces pa ni dga' bar mdzod ces pa'o// dzaM zhes bya ba la sogs pa ni spyan drang bar bya ba'i phyir lha mo bzhi'i sgo nas bskul ba'i tshig ste/ bde ba'i mchog gi sgo nas so sor rig par mdzod cig pa'o// e ma'o bde bas rnam par 'phrul zhing skyon mas gar mdzod cig pa'o// hUM ni 'gro ba'i don du khro bo mngon du mdzod cig pa'o// a la la ho zhes pa ni ngo mtshar ro// slob ma gzhug du gsol zhes bya ba ni tshe rab tu spel cig pa'o// bde ba'i mchog la sogs pa lha mo bzhi'i rim pa'i glu dang sbyor ba bstan to// de ltar bcom ldan 'das la lha mo rnams kyis gsol ba btang nas/ gzhan yang ji ltar rang nyid kyi de kho na nyid kyi glus gsol ba 'debs pa yin te/ de yang rnam pa mang zhes pa la sogs pa la rnam pa mang po'i 'dod chags kyi rgyun yod pa gang yin pa 'jig rten gyi khams ma lus par gtogs pa'i sems can lus pa med pa de rnams ni/ rnam pa mang ba'i 'dod chags rgyud kyi sems can ma lus lus pa med pa ste/ 'dod chags la spyod pa'i sems 'dul ba ni 'dod chags kyis 'dod chags spong ba'o// de la mkhas pa ni mkhyen pa'o// de bzhin gshegs pa thams cad bud med dang skyes pa'i mtshan nyid kyis 'jig rten gyi khams ma lus pa'i khongasu gtogs pa'i sems can lus pa med pa ste/ de rnams 'dul ba ni rdo rje sems dpa'i reg pa'i bde ba dang yid bde ba bskyed pa'o// de la mkhas pa zhes bya ba ni snga ma bzhin no// rnam pa mang po'i khro bo'i rgyud ces pa ni srog gcod par byed pa'i sems can ma lus pa lus pa med pa de rnams kyang de bzhin du shes par bya ste/ de rnams bsdu ba ni srog nye bar bsdu bas bde bar byed pa ste/ de la mkhas pa zhes bya ba ni snga ma bzhin no// rten phra rten phreM hUM zhes bya ba la sogs pa ni bskul ba'i dam tshig yin par shes par bya'o// de rnams nyid kyis ni shin tu sbyor ba ji lta ba bzhin du gnas pa'i rim pas rje su chags pa la sogs pa las rnams yin par shes par bya'o// grub pa'i dbang phyug na dngas grub la dadung thob pa'o// rab tu grub pa ni sbyor zla mthar gyur pa'o// grub par 'gyur zhes pa ni rnams kyis shes par 'gyur ba'o// klu 'ang dag na nas pan ji skad du bshad ba'i klu dang phyag rgya rnams kyis so// ston pa'o zhes pa ni lha rnams so// phyag rgya bab pa ni phyag rgyas byin gyis brlabs pas 'grub pa'o// de 'ba' zhig tu ma zad / bde ba'i mchog la sogs pa'i bud med bsgom pa las bcom pas kyang 'grub pa'o// ci'i phyir zhe na/ bud med ma yin pa ste/ skyes po dag kyang phyag rgyang 'brobs na'o// rdo bcas pa'i mtshan ma 'dzin pa'i rnal 'byor ma rang gi lhag pa'i lha rnams 'dra bar byin gyis brlabs pa ni 'bebs ste/ nges nye bar mdzes par gyur pa'o// sngon myed rol mo sil snyanA gar/ rnam par 'phrul pas zhes bya ba ni gling bu la sogs pa rnams kyis so// 'grub par 'gyur ba ni nges par ro// lha'i gzugs la sogs pa ni sprul pas so// rang gi lha ni gnas kyi bdag por bdag nyid mthong ba'o// mchod de nI lha'i mchod pa me tog la sogs pa rnams te/ de rnams kyis mnyam par sbyor du ni mchod pa'o// des na sprul ba bzang po ste de nyid kyis nam tshig gi 'dod chags can no// rnam pa kun gyi skal pa bzang po ni rdo rje sems dpa'i sbyor ba dang ldan pa'o// skyon med pa ni bde ba 'odi nyid yang dag par sgrub par byed pa ni yongasu spyod pa'o// dpal rdo rje sems papa'i dngos grub ni de la sbyor ba nges dang lhan cig sbyor ba de las dngos grub thams cad kyi bde ba'i dkyil 'khor rjes su myong bar 'gyur ro// ci'i phyir zhe na/ sangs rgyas sgyu mas byin brlabs pas zhes pa ste/ bde ba'i mchog la sob pa ni sangs rgyas kyi sgyu mo'i nus pa sbyang pas so// de ltar glu yis bskul ba'i che ba'i bdapa nyid bstan nas/ rgyal mtshan nye bar bstan pa'i phyir/ de nas zhes bya ba la sogs pa gsungs te/ de nas zhes bya ba ni bsgral ba'i 'og tu'o// bud mde dag na bzhi rnams dang zhes pa ni me tog la sogs pa mchod pa'i rnal 'byor ma rnams kyis so// gar gyi phyag rgya'i mchod pa yis zhes pa ni dang po gar bya ba ste/ 'di nyid kyi 'og nas gyen du 'degs pa la sogs pa'i mchod pa'i phyag rgya bcing bas so// mchod pa thams cad ces pa ni ji ltar bdag nyid lha mo thams cad dang 'dus pa'i me tog la sogs pa'i mchod pa'o// de ni 'di skad ston par 'gyur te/ go rims snga mas dkyil 'khor gyi ting nge 'dzin byas la/ glu rnams kyi bdag nyid ji lta bu bzhin du bskyed la 'dus pa bya zhing dbang bskur ba thob nas lcags kyu la sogs pas spyan drangs pa la sogs pa la sogs pa byas te/ mchod pa phul nas las kyi phyag rgya rnams kyis rang gi lha'i phyag rgyas mchod pa la sogs pa bya'o// de ltar las kyi rgyal po mchog gi ting nge 'dzin rdzogs par byas nas dpal bde ba chen po'i phyag rgya dang / yi gau hUM gis 'khor lo bteg la de bzhin du bdag nyid byin gyi brlab nas yongasu bskor ba nas brtsams te/ dkyil 'khor ji lta ba bzhin du bris la shin tu bsgrub par bya ba'i bud med la gsang ba'i lcags kyus hUM dang bcas pa'i 'khor lo 'khor lo bstim zhing 'dus pa byas la bstod nas spyan drangs pa la sogs pa bya ste/ mchod yon phul nas phyag brgya bzhis phyag rgya btab ste/ dbang bskur nas bum pa lnga la sogs pa'i cho ga rjesu bsgrubs la/ bcom ldan 'das 'khor dang bcas pa rnams rang gi gsong ba'i de kho na nyid 'di nyid kyi me tog la sogs pa'i mchod pa rnams kyis mchod par bya'o// rab tu dga' ba'i bdag la phyag 'tshalo zhes bya ba ni rdo rje sems dpa' ste/ bdag la dam tshig mchog grub par mdzod cig ces bya bar sbyar ro// de bzhin gshegs pa'i dam par grub par mdzod/ oM hUM zhes bya ba ni mo long lta bu'i ye shes kyi ngo bo nyid du gyur pa/ me tog gi de kho na nyid do// dam tshig dam pa zhes bya ba ni mnyam pa nyid kyi ye shes kyi ngo bo nyid du gyur pa 'dug pas so// mchod pa chen po thams cad grub par mdzad/ oM hUM zhes bya ba ni/ so sor rtog pa'i ye shes kyi ngo bo nyid du gyur pa mar mes so// yang mchod po chen po zhes bya ba la sogs pa ni bya ba sgrub pa'i ye shes kyi ngo bo nyid du gyur pa byug pa yin par shes par bya'o// phyag rgya 'di zhes pa ni gsang ba'i rgyud kyi phyag rgyas so// mchod pa thams cad ni me tog la sogs pa'i mchod pa'o// 'di dag dang zhes bya ba ni bshad ma thag pa'i rang gi gsang ba'i de kho na nyid dang ste/ me tog la sogs pa'i lha mo rnams dang rang gi phyag rgya ji lta ba mchod pa bya'o// med na bdag nyid kyis bya'o// de nas slob ma thams cad bzung bar bya'o// de la go rims ni 'di yin te/ dkyil 'khor ji lta ba bzhin la go rims snga mas mchod pa'i mthar thug pa'i bar du rdzogs par byas la phyag la sogs pa bya ste/ bdag nyid zhugs nas bdag thams cad kyi slob dpon du dbang bskur zhing sna tshogs 'byung ba'i bcom ldan 'das 'khor dang bcas pa mngon par phyogs par bsgoms la/ bdag nyid rdo rje bdag nyid dang / ngo bo nyid kyis dag pa dang / bdag med pas mnyam pa nyid kyis lha thams cad dang / gcig tu gyur par ram bzhin du/ oM badz+ra At+ma ko haM/ oM swa b+hA ba shud+d+he haM/ oM sarba sa ma yo haM/ zhes brjod la bdag nyid lhag par mos pas der dbus su 'dug ste/ bdag nyid kyis rol mo'i rjes su 'gro ba'i glu 'don bzhin du gtam dang / phyag mtshan dang / phyag rgya la sogs pa shin tu mnyam par bzhag nas bsgrub par bya'o// gang gi tshe rje su bsgrub par 'dod pa de'i tshe bdag la dbang bskur ba'i mthar thug pa'i bar du rdzogs par bya ba la sogs pa byas la/ slob ma gzhug pa'i phyir gsol ba btab ste/ bdag byin gyis brlab pa la sogs pa byas nas/ dkyil 'khor gyi bdag po'i sbyor bar slob ma byas te/ shi ri su kha badz+ra satwa su b+ha ga staM ma haM zhes brjod la/ gar sngon du 'gro ba'i thal mo sbyar la spyi bor bzhag ste/ me tog gi phreng ba dang bcas pa'i lam glu dbul bar bya ste/ rdo rje bdag po'i snying po brjod pas gzhug par bya'o// cho ga'i bya ba thams cad kyang brjod par bya'o// de bzhin du rnam par snang mdzad la sogs pa'i dkyil 'khor la yang stong par shin tu sbyor ba zhes bya ba la sogs pa'i glu dang bcas pas bskul ba sngon du 'gro ba dang / yang rim pa de nyid kyis rdo rje sems dpa' ltar bskyed la/ de nas bdag gi bdag po ji lta ba'i mtshan ma mngon sum du byas la sbyor ba ji lta bas dkyil 'khor gyi rgyal po'i mchog ji lta ba bzhin du bzhag la bdag nyid 'byung ba'i glus bskul ba'i bar du rdzogs par byas la gzhug par bya ste/ gsang ba 'dus pa la sogs pa'i cho gas slob ma gzhug pa la sogs pa thams cad kyang 'dir blta bar bya'o// sangs rgyas nyid rin po che bas na sangs rgyas rin chen no// ji lta bar ni zhes gsungs pa ni/ phreng ba la sogs pa'i dbang bskur ba yang 'dir shes par bya'o// dmar chen po myang ba ni gzhug pa'i 'og tu blta bar bya'o// mkha' 'gro sgyu ma'i tshogs kyis kyang zhes bya ba ni/ rgyas 'debs ma dang / rmongs byed ma dang gnod byed ma rim gyis so// de nas zhes bya ba ni dbang bskur ba'i 'og tu'o// mi 'gog chos nyid sbyor ba yis/ zhes bya ba ni mi gnas pa'i mya ngan las 'das pa'i rgyu yis so// bdag gi ngo bo yang spangs shing zhes bya la ni bdag nyid ni shin tu ma g.yogs par gyur pa'o// zhes bdag nyid kyi khyad par te/ phung po thams cad la sogs pa dang / gzugs la sogs pa ni btags pa tsam yin par shes par byas nas yongasu spangs pa ni 'dir bltos pa med pa yin te/ bsgom pa'i rjesu mthun pa'i gzugs la sogs pa'i yul rnams la nye bar longs spyod pa'i sgo nas bde bar bya ba'i tshul gzhan la bshad pa'i spyod pas bdag mi gzir ni dka' thub kyis mi gzir ba'o// tsaM bde bar ni bde bar spyad ces pa ni/ bsam gtan dang rjes su mthun pa'i gzugs la sogs pa'i longs spyod rnams la nye bar longs spyod cig pas rtse gcig par gyis shig pa'o// rnal 'byor longs spyod thams cad la ces pa ni bdag nyid lha'i nga rgyal dang ji lta ba bzhin du ldan pa'i longs spyod ngo // dri nas kyang mi 'jigs pa ni gang las 'jigs pa med pa'o// dga' bar gyis ces pa ni rnam par rol cig pa'o// yul la nye bar spyod po 'chi ba'i 'og tu ngan song gi 'jigs pa yod do zhes rtogs pa la sdig pa med kyis zhes bya ba la sogs pa gsung so// ci'i phyir zhe na/ dam tshig ces bya ba la sogs pas gang gsungs pa ste/ dam tshig ni lha dang gnyi su med par gyur pa'o// 'da' bar dka' ba ni sdig pa thams cad bsod nams kyi rang bzhin du gyur pas na bsgrub par dka' bas so// grub pa ni sangs rgyas kyi byang chung ste/ bde ba'i mchog la sogs pa'i gzugs kyis yongasu rdzogs pa'o// lhan cig spyod pa ni bde ba'i mchog la sogs pa'i lha mo'i gtso mo rnams so// sdug pa ni yid du 'ong ba de rnam so// yang dag nyid kyis zhes pa ni rang gi lha'i nga rgyal gyis so// rnal 'byor bcas dang zhes bya ba ni rnal 'byor bzhi dang ldan pa'o// gsang bcas pa'i zhes pa ni gsang ba'i phyag rgya'i ye shes de nyid dang ldan pa'o// rgyu zhes bya ba ni phyag rgya dang 'dra ba'o// de nas zhes bya ba ni phyag rgya la sogs pa byin pa'i 'og tu'o// kun gyi slob dpon rab gnas pa zhes bya ba ni/ rdo rje sems dpa' rnam par snang mdzad la sogs pa'i dkyil 'khor gyi slob dpon nyid du gnas pa'o// chos ni zhes bya ba ni chos dang mi 'gal ba'i tshul gyis so// rdo rje sems dpa'i dpal gyi tshul zhes pa ni rdo rje sems dpa'i dkyil 'khor gyi rim pa'o// rtog pa thams cad rab tu sgrub cing zhes pa ni sangs rgyas rdo rje 'chang la sogs pa dkyil 'khor gyi dngos grub stsol ba'o// rtog pa kun la rab sbyor ba'i zhes bya ba 'dis ni thun mong gi cho ga nyid du ston to// ngo bo nyid phyir zhes bya ba ni dam pa'i de kho na nyid chen po'i mchog gi tshul gyis so// gang 'di ltar sangs rgyas la sogs pa'i dkyil 'khor dang rtog pa zhes pa ni don mod par 'gyur ro zhe na/ sna tshogs las kyi sbyor ba dang zhes bya ba la sogs pa gsungs te/ rnal 'byor de nyid ces bya ba la sogs pas ni rnam par snang mdzad la sogs pa'i thabs ston to// gzugs brnyan ngo bor sbyor ba yi zhes bya ba ni gzugs brnyan gyi ngo bo nyid do// phyag rgya'i sbyor ba zhes bya bA ni lha'i phyag rgya 'chang bas so// gar bya'o// dam tshig rnam pa sna tshogs kyis zhes pa ni lhag ma'i lus kun gyis so// de ltar zhes bya ba ni bshang ma thag pa'i tshogs so// sangs rgyas kyi zhing ni zhes la sogs pa 'dis ni/ bdag po lnga'i che ba nyid ston to// de la sogs pa'i zhes bya ba 'dis ni tshad med pa nyid du bstan to// yang de la sogs pa zhes bya ba la sogs pa ni nye bar sdud pa'o// sang+yas dzad dang mnyam par sbyor bas mkha' 'gro sgyu ma'i dkyil 'khor gyi rtog pa ste/ rtog pa drug pa'i 'grel pa'o// / dkyil 'khor dang rtog pa 'dis ni dkyil 'khor thams cad dang phyag rgya'i ye shes dang ldan pa'i dbang du mdzad nas/ bcom ldan 'das dkyil 'khor thams cad dang / phyag rgya'i ye shes kyi rtog pa'i ngo bo nyid du bstan pa'i phyir/ de nas gzhan yang zhes bya ba la sogs pa gsung so// rdo rje sems dpa' dpal gyi lha mo zhes bya ba ni sangs rgyas thams cad kyi'o// 'khor lo thams cad rab sprul pa'o zhes pa ni dkyil 'khor rtog pa thams cad de/ la la las ni phug gi sna tshogs pa dag tu zhes zer te/ der ni brtul zhugs kyi gnas rnam pa sna tshogs pa'i bar la bya'o// ma lugs rnam pa sna tshogs pa zhes pa ni cha lugs rnam pa tha dad pa'o// sgrub pa sna tshogs pa'i zhes pa ni/ yo byad rnam pa sna tshogs pas so// pad+mo dmar ni pad+ma bzhin du dmar ba'o// gnas ji lta ba ni skyed mos tshal la sogs pa'o// 'khor lo rnams ci 'dra ba ni gru bzhi la sogs pa'o// bkod pa ji 'dra ba ni sgo khyud la sogs pa'i bkod pa ci 'dra ba'o// 'gro ba ci 'dra ba zhes bya ba ni gdul bya jo 'dra ba'o// 'khor rnams bkod pa ci 'dra ba ni/ lha rnams ci 'dra bar bkod pa de dang 'dra ba'i cho ga yongasu rdzogs pas dkyil 'khor la mchog rgyal bas mdzad cing sprul par gyur pa ste/ dkyil 'khor de mthong ba de'i bsod nams ci 'dra ba da ltar bris pa'i yang de bzhin no// phyogs kun mnyam pa nyid bsgrub cing zhes pa ni shis pa dang mi shis pa'i phyogs la mngon par ma zhen par ma byed cig pa'o// shar zhes bya ba ni shar phyogs la sogs par sangs rgyas rnams dgod pa'o// don dam par ni dkyil 'khor rnams brtag par mi nus pa yin na/ ji ltar na 'dir yang bsod nam su 'gyur zhes pa la/ dkyil 'khor zhes pa la sogs pa gsungaso// rang gi lha'i rang bzhin zhes pa ni rang gi lha'i gzugs kyis so// grub pa ni rdzogs pa'o// kun tu sna tshogs skal bzang po zhes bya ba ni kun nas lha mo thams cad dang yang dag par ldan pa'o// kun tu sna tshogs 'khor lo can ni thams cad du sna tshogs shing ma lus pa'i 'khor dang ldan la ste/ rdo rje sems dpa'o// kun tu sna tshogs grub pa'i phyir zhes pa ni sngar bshad pa'i dkyil 'khor bzhin du 'di'i yang nang du zur bzhi la sogs pa kun nas rnam pa thams cad du yongasu rdzogs pa'o// de ni 'di skad ston par 'gyur te/ dkyil 'khor thams cad dang 'dra ba las/ nang du yang zur bzhi nyid la sogs pa dang ldan par byas la ka ba brgyad kyis nye bar mdzes pa'i bya ba'i rdo rje thig gdab par bya'o// de'i phyi rol tu zur bzhi pa gnyis pa sgo dang bcas pa sna gcig gis bris pa ni dkyil 'khor kun tu sna tshogs pa ste/ rdo rje sems dpa'i dkyil 'khor ro// de dag thams cad kyi phyi rol tu dkyil 'khor gyi phyed kyi tshad la ka ba brgyad kyis nye bar mdzes par byas pa'i rdo rje'i dkyil 'khor cig sh+lo la ni rang gi tshon sna gcig gis bris par blta bar bya'o// dkyil 'khor gyi nang yang de bzhin du bstan te/ phyi rol thams cad du yang snga ma bzhin du zur bzhir bya'o// dkyil 'khor zhes bya ba ni zlum po 'di dag tu yang rdo rje'i thig skung btab la phyi rol tu ni ri mo zur bzhi bya'o// rdo rje can gyi zhes bya ba ni he ru ka yi'o// zla gam bzhin zhes bya ba ni rlung gi dkyil 'khor te/ rdo rje rla bas bskor ba'i phyi rol tu ni ri mo zur bzhis bskor ba'o// pad+ma'i dbyings zhes bya bas ni/ pad+ma 'dab ma brgyad pa 'dra ba la pad+ma'i phreng bas bskor ba'o// phyi rol tu ri mo zur bzhis bskor ba'o// rin chen dbyings zhes bya ba ni rin po che zur brgyad pa 'dra ba la/ rin po che'i lcug mas yongasu bskor ba phyi rol tu ni ri mo zur bzhis bskor ba'o// ji ltar 'dod pa ni ji ltar dga' ba'o// ci 'byor pa ni ci rnyed pas so// dkyil 'khor lnga po 'di dag las 'di'i dkyil 'khor na nges pa med pas 'di'i gnas dpal rta mchog bzhag par bya'o// de nyid de'i dkyil 'khor du 'gyur ro zhes bya ba'i bar du'o// ci lta ci ltar 'dod dang zhes bya ba ni mngon spyod dang dbang du bya ba la sogs pa dang / rgyas pa'i las rnams la ci 'dod pa thams cad do// ji lta'i dus dang ni snga dro dang / mtshan mo dang / nyi ma phyed dang / phyi dro rnamasu rim bzhin du rdo rje sems dpa' la sogs pa'i dkyil 'khor du rim bzhin du 'jug pa'o// ci bde bar ni slob ma dbang bskur ba la sogs pa chu dang bsdam pa la sog pa med par ro// rdo rje ni rdo rje rgya gram mo// phyag na bsnams pas dpal rta mchog kyang de skad ces bya'o// dkyil 'khor kun tu ma zhugs shing zhes pa ni dkyil 'khor rnamasu 'jug ma myong ba'o// dam tshig rnams ni spangs pa dang / zhes pa ni dam tshig rnams mi srung ba'o// gsang ba yang dag ces bya ba ni 'og nas bshad pa'i skal pa nyid kyis slob dpon skal pa bzang po'o// ci'i phyir zhe na/ gang gis na brtan zhing thog ma dang / tha ma med pa'i rnal 'byor pa dmigs pa ste/ de mi spang ngo zhes bya bar sbyar ro// kun tu sna tshogs skal ba bzang por zhes bya ba ni rdo rje sems dpa' ste/ de ni bdag nyid bsgrub pas skal pa bzang po'o// bdag med chos nyid dang ldan pa ni chos thams cad stong pa nyid du mngon par zhen pa'o// de'i khyad par ji lta bu zhe na/ dam tshig la sdang ba ste/ de rjesu spyod pa la sdang ba gang yin pa'o// de nyid kyis na skal pa ngan pa'o// sangs rgyas ni rnam par snang mdzad de/ de ni srid pa shin tu bcas pa'i rin po che'o// sangs rgyas rin chen zhes pa ni sangs rgyas rin po che ni sangs rgyas rin chen te/ rdo rje sems dpa' dang / rnam par snang mdzad gnyis kyi cod pan gnyis so// pad+mo zhes bya ba ni 'od dpag med kyi dbang bskur ba'o// rdo rje zhes pa ni he ru ka'i dbang bskur ba'o// yid bzhin nor bu zhes pa ni rdo rje nyi ma'i dbang bskur ba'o// thams cad mchog ni rta mchog la zhes bya ba ni rta mchog gyi slob dpon gyi'o// mtshan ma'i phyag rgya zhes pa ni rdo rje la sogs pa'o// de nyid kyi dbye ba bstan pa'i phyir/ kun tu zhes bya ba la sogs pa gsungs te/ kun tu sna tshogs pa'i rnam pa dang bcas pa ni bskal pa bzang po ni/ kun tu sna tshogs pa skal pa bzang po'o// rang byang rnams kyi ni rdo rje sems dpa'i ste/ 'dir dam tshig gsum bstan pa ni rdo rje dang dril bu'i phyag rgya dang / spyan gyi phyag rgya dang / gzhu dang mnga'i phyag rgya yin par shes par bya'o// ce de dag kho na zhe 'am na mkha' zhes bya ba la sogs pa gsungs te/ na mkha'i dbyings bzhin du mthar thug pa med pa ba ba'i mchog la sogs pa lha mo rnams kyi ngo bo nyid gzhu dang mnga'i gzugs kyis gnas pa ni/ bcom ldan 'das nyid kyi mtshan ma'i phyag rgya'o// mchog ces bya ba'ang de nyid yin par shes par bya'o// ji nyid bstan par bya ba'i phyir gzhu dang mnga' dang zhes bye ba la sogs te/ mnga' dang bcas pa'i gzhu ni ba ba mchog go// skal ldan ni skyes pa'i mtshan no// skal pa bzang ni ga'i phyag rgya ste/ de'i steng du skal ldan bzhag pa ni e ma bang ba'o// thod pa dang kha T+wAM gA dang / sna tshogs rdo rje ni sgrol ma yi'o// thod pa kham por dang sna tshogs rdo rje la 'od dpag myed kyi sku bzhag pa nA nA sha'o// mangs phug pa'i 'og gzhi dang / gzhu ni sangs rgyas kyi byang chub bo// 'khor lo rtsibs brgyad pa ni chos nyid kyi 'khor lo ma ye'o// rdo rje rtse lnga pa ni 'jig rten gsum las rnam par rgyal ma yi'o// dpag bsam gyi shing lcug mas dkris ni/ 'dod pa thams cad kyi lcug ma yo'o// pad+ma'i steng du mgos bstod nas/ rta skad 'tsher ba'i rta mgo ljang gu ni rta gdong ma yi'o// phag gi mche ba ni rdo rje gdong gi'o// zla ba dang nyi ma'i dkyil 'khor rdo rje spyan gyi'o// thod pa'i dbus su sna tshogs rdo rje lnga sangs rgyas kyi sku bzhag pa ni thal byas rab tu 'jug pa'i ro langs mya yi'o// rdo rje gling bu ni rgyud gcig ma yI'o// sna tshogs rdo rjes mtshan pa'i pi bang ni rgyud mangs ma yi'o// ku mun da ni sdug ma yi'o// rdza rnga ni rdza rnga ma yi'o// me tog gi za ma tog dang / spos khang gang ba dang / mar me'i sdong bu dang / dri yi phor bu ni go rims bzhin du me tog ma dang / bdug pa ma dang / mar me ma dang / dri chab mya yi'o// chos gos dang / lhung bzed dang / khar sil dang / dam pa'i chos kyi glegs bam gyi phyag rgya ni bcom ldan 'das rnam par snang mdzad kyi'o// lce'i phyag rgya dang / cha lang chung ngu dang / rdo rje rtse lnga pa dang / rin po che'i za ma tog ni rim bzhin du sangs bsgrubs pa ste/ mi gnas pa'i mya ngan las 'das pa rdzogs pas skul pa bzang po// shin tu yongasu mya ngan lngas 'das pa ni lhag ma med pa'i mya ngan las 'das pa thob pa'o// dpal phyag na rdo rje ni hU ka'o// dam pa'i nor mchog sdud pa'i phyir zhes bya ba ni/ rang gi ting nge 'dzin gyi stobs kyis nor chen po sdud par ston pa'o// dka' thub ni lus yongasu gdung ba'o// rgyal srong mchog rnams kun bsdus pas zhes bya ba ni drug po'i spya / dbang phyug go// thub pa ni ya mtshan can rnamaso// kun gyi slob dpon ni rdo rje sems dpa'i rnal 'byor pa ste/ ji skad du dpal rdo rje sems dpar sbyor bas/ sangs rgyas kun gyi bdag nyid sbyor// sangs rgyas phyag rgya'i brda yis ni// slob dpon thams cad ces brjod do zhes pas so// bde ba thams cad ni rdo rje sems dpa'o// de'i bdag nyid kyi ngo bo nyid de sgrub pa'o// slob ma la sogs pa'i zhes pa'i sgras ni 'dir bu la sogs pa rnamaso// 'jug pas zhes pa ni slob mas so// g.yas pa yis ni zhes bya ba ni yon thogs pas so// gsang ba'i de kho na nyid bshad nas gzhug par bya'o// kun tu sna tshogs bla ma la zhes pa'i sgras ni dkyil 'khor gyi rdo rje slob dpon no// de ni zhes bya ba ni gtang dka' ba la sogs pa'o// 'dod gyur pa ni mngon par dga' ba'o// sangs rgyas byang chub mchog gi yon zhes pa ni dpal rdo rje 'dzin pa'i he ru ka'i sbyor ba gang yin pa de'i go 'phang thob pa ste/ yon gang zhig dpal rdo rje 'dzin pa la sbyor ba'i yon des so// pad+mo can pad+mo'i rigs kyi slob papan rgyal// shin tu brgyan pa zhes bya ba ni gling mchog rgyas rnams dang ldan pa'o// ci'i rgyal po zhes bya ba niHmgrin gyi dkyil 'khor gyi sgrub dpon gyu'o// sangs rgyas rin rgyun dbang bskur ba zhes na sangs rgyas nyid rin po che ste/ des dbang bskur ba'o// de nyid bstan pa'i phyir/ spyi bo zhes bya ba la sogs pa gsungs te/ sangs rgyas lha'i dbu rgyan dang / ka pA la'i phreng ba'i dbu rgyan gyis tha~Md kyi slob dpon du dbang bskur bri phyir/ thob pa nyid rin po che'am/ sangs rgyas nyid dbu rgyun no// zhes tshig gis mtshams sbyor bar bya ste/ spyi bor dbu rgyan 'di nyid 'chang ba'i dbye ba ni 'di nyid yin par lta bar bya'o// rin po che gcig las byas pa ni sangs rgyas gcig gis mtshan pa dang / thod pa gcig gis mtshan pa'o// de bzhin sna tshogs rgyan gyis spros zhes pa ni thams cad du lo ma dang / lcug ma sna tshogs pas spel ba'o// de nyid gsal bar bya ba'i phyir sangs rgyas zhes bya ba la sogs pa gsum te/ sangs rgyas kyi dbang bskur ba ni cod pan la sangs rgyas kyis mtshon pa'o// pad+mas dbang bskur ba ni theng pracod pan le mtshan pa ste/ de dag gi slob ma thams cad kyi bde ba'i mchog la sogs pa'i rnal 'byor ma thams cad kyi dbang bskur ba'o// rin chen rdo rje zhes bya ba ni rin po ches spras pa'i rdo rje'o// rdo rje yin zhes bya ba ni rdo rje 'bar bas mtshan pa'o// sangs rgyas sku zhes bya ba ni 'od dpal med kyi sku mtshan pa'o// ner bu yin zhes bya ba ni rdo rje dang rgyus kun brjod ma dang / rgyan can ma dang / kun tu bzang mo dang / me bzang ba'i za mA tog ma ya'o// sangs rgyas kyi sgra gzugs dang / ma long dang / sprin dang bcas pa'i rdo rje ster ba dang / mig gi byu rgya ni rim bzhin du sangs rgyas thams cad yan lag dang ldan ma dang / gzugs ma zhal bzang ma dang / sprin chen mo dang / na mkha'i spyan rnams kyi'o// rdo rje 'bar ba dang / kha T+wAM ga dang bcas pa'i thod pa dang / dmar chen pos kham phor bkang ba yin par shes par bya'o// snying rje chen po ni/ snying gi pad+ma ste/ de nyid ni sha chen mo// phyag rgya de dag ni dpal he ru kau yI'o// mda' rnon po dang / lcags kyu dang / chang dang chu rnams ni rim bzhin du dkar mo dang / rku byed ma dang / rab rmongs ma dang / ro langs ma yi'o// rlung gi skyong ma'i lcug ma dang / ras dang / 'bar ba'i me rnams ni rim bzhin du spos byed ma dang / gtum mo dang / sme ma yi'o// bcom ldan 'das pad+ma gar gyi dbang phyug gi ni sna tshogs pa ste/ dmar mo dang ljang gu dang / dkar po dang / ser po dang le brgan gyi pad+ma'o// rnam par lha ma dang / sgrol ma dang / rgya can ma dang / khro gnyer ma dang / pad mo la gnas ma dang / sna tshogs pad+ma'i dbang phyug ma rnams kyi rim bzhin du pad+ma'i khar ni ka dang khu tshur dang 'khor los rtsibs brgyad pa dang / mdung rtse gsum pa dang / chu srin gyi rgyal mtshan dang / rdo rje rtse lnga pa rnams kyi'o// bcom ldan 'das rdo rje nyi ma ni gzhu dang / mda' dang / ral gri dang / nyi ma'i dkyil 'khor rnams so// lha mo dbang bskur ma dang / rin po che'i gter dang / rgyal mtshan gyi mchog dang / mchod pa chen po rnams ni rim bzhin du rin po che cod pan dang / gter gyi bum pa dang / rgyal mtshan dang / chun 'phyang la sogs pa rgyan thams cad kyi bkang ba'i snod rnams thon par she sa bya'o// dpal rta mchog gi ni sna tshogs pad+ma dang / sna tshogs rdo rje ste/ phyag rgya rnam pa gnyis so// dkyil 'khor thams cad kyi phyag rgya shes pa'i rtog pa ste/ rtog pa bdun pa'i 'grel pa'o// // mchod pa med par dngos grub mi 'byung bas bcom ldan 'das mchod pa thams cad mnyam par sbyor ba/ dpal skul ba bzang po dmo tshig gi rtog pa'i ngo bo nyid du bstan par bya ba'i phyir/ de nas gzhan yang zhes bya ba la sogs pa gsungs te/ de nas gzhan yang zhes bya ba ni dkyil 'khor gyi phyag rgya shes pa'i 'og tu'o// rdo rje sems dpa' dpal gyi lha ni rnam par snang mdzad la sogs pa yin pas/ dpal rdo rje sems dpa' dang lha ni rdo rje sems dpa' dpal gyi lha ste/ de rnams kyi rnam pa thams cad du kun nas sna tshogs shing ma lus pa mchog tu gyur pas na/ rnam pa kun tu sna tshogs mchog go// mchod pa thams cad rnam sprul pa'o// zhes bya ba ni mchod pa thams cad mngon par sprul pa'o// de ni 'di skad ston par 'gyur te/ dkyil 'khor du 'dus pa la sogs pa'i yo byad dang / gzhan dag gis mchod pa'i bar du rdzogs par byas la/ phyag bya ba'i phyag rgya rnams kyis bya ba'o// de'i rim pa yang 'di yin te/ dpal bde ba'i rdo rje sems dpa' zhes bya ba'i glu dang / rdo rje gar byas la g.yon pa'i rdo rje khu tshur 'gying bag dang bcas pas rdo rje dril bu bzung la/ g.yas pa ba ngan gsum par byas te/ gnas la sring zhur bcas shing / gdeg pa'i mchog gis mig 'gul ba dang bcas pa'i mgo g.yon du btung la/ oM A di b+h+rUM hUM/ zhes brjod la bsam pa g.yos pas bdag nyid kyi rdo rje sems dpa' la phyag bya'o// khengs pa gzhan dag nyid bstan par bya ba'i phyir/ drag po zhes bya ba la sogs pa gsungs te/ nye dbang bcas zhes bya ba ni khyab 'jug dang bcas pa'o// tshungs par bcus zhes bya ba ni skye dgu'i bdag po dang bcas pa'o// logs byas nas zhes bya ba ni byas pa'o// mchog tu gsal ba'i cha shas grangs kyi zhes bya ba la sogs pa'i glu dang gar byas la rdo rje thal mo bskor te/ oM A di b+hu oM zhes brjod la bsam pa g.yos pas phyag bya'o// rnam pa sna tshogs zhes bya ba ni glu dang rdo rje gar byas la he ru ka'i khu tshur las mthe'u chung mche ba dang dra bar khar bzhag la/ oM A di b+hu ha ha ha ha ha ru lu ru lu hUM zhes brjod la smin ma g.yos pa btegs pa'i tshul gyi rab tu rgod pas phyag bya'o// thal mo pad+mo kha dbus bzhin zhes bya ba ni thal mo stong par byas pas pad+mor bya ba'o// rang gi sbyor ldan zhes bya ba ni rang gi lha'i sbyor ba'o// pad+ma de nyid bstan par bya ba'i phyir mthe bong mthe chung zhes bya ba la sogs pa gsungs te/ mthe bong mthe chung 'dab ma bzhi pa'i kha gyen pa lta bur byas pa nas des 'dus pa ste/ mthe bong mthe chung 'ang bo ma bzhi pa byas pa 'dus par bya'o// des ni 'di skad ston par 'gyur te/ de bzhin gshegs pa thams cad la sogs pa la/ rnam pa sna tshogs pa zhes bya ba la sogs pa ni glu dang rdo rje gar byas la pad+ma kha 'dus pa'i thal mo sbyar te/ mthe bong gnyis dang mthe'u chung pad+ma 'dab ma bzhi pa'i phyag rgya snying gar bzhag la/ oM A d+hi b+hu oM zhes brjod la pad+ma gar gyi dbang phyug la phyag bya'o// srid gsum rgyal srid kun gyi zhes bya ba la sogs pa'i glus rdo rje gar byas la pad+ma kha 'bus pa'i thal mo sbyar te/ mthe bo gnyis dang mthe'u chung pad+ma 'dab ma bzhi pa'i phyag rgya snying gar gzhag la/ oM A d+hi b+h+rUM hrIHzhes brjod la phyag bya'o// dregs pa stong gi zhes bye ba la sogs pa'i glu gar byas la/ rdo rje 'gying thabs 'dzin pas/ oM A d+hi b+hu zhes bya ba la sogs pa dang / gzhan dag brjod nas migla btsum pa dang bcas pas rta mchog la phyag bya'o// mchod pa'i phyag rgyar bstan par ba'i phyir/ bar gyi rgyu rnams zhes bya ba la sogs pa gsungs te/ bya ba'i zhes bya ba ni bi skam b+hi la sogs pa'o// tshul ston ces pa ni yan lag can dang / tshig can dang / ngo shal dang / sems dpa' zhes bya ba bzhi po'o// 'gyeng dang bcas pa zhes bya ba ni stong pa dang bcas pa'o// ji lta'i tshul bzhin gar byed cing zhes bya ba ni rje su mthun pa'i las la rab tu 'jug pa'o// bskor ba'i bar rnams sna tshogs kyis zhes bya ba ni slob ma thams cad tshogs pa'i gar gyis so// mchod pa thams cad ces bya ba ni dkyil 'khor thams cad kyi mchod pa chen po'o// de nyid bstan par bya ba'i phyir lag pa g.yas g.yon zhes bya ba la sogs pa gsungs te/ mdzes bsgyur te zhes bya ba ni 'gying bag dang bcas pa'i mchog gi gar ro// 'di yis zhes bya ba ni bshad ma thag pa'o// phyag rgyas btab nas zhes bya ba ni dpal bde ba chen po rdo rje sems dpa' zhes bya ba la sogs pa'i glu dang gar sngon du byas pas g.yon pa'i mdzub mo khu tshur bcangs la/ g.yas pas ba dran gsum par byas pa'am/ dpal rdo rje sems dpa'i phyag rgya chen po dang / yi ge hUM gis glus yang dag par mchod la 'deg par bya'o// da ni bde ba'i mchog la sogs pa'i sbyor bas mchod pa ste/ de yi zhes bya ba ni blang ba'i phyag rgyas so// bteg nas su zhes pa ni nges par bcing ba'i sbyor bas so// spyi bo'i mtsham su zhes bya ba ni snying khar gyen du blta bar bzhag par bya'o// gzhag por bya ba zhes bya ba ni thal mo sbyar ba brtan par byas te'o// 'gram pa'i phyogasu yongs bsgyur na zhes bya ba ni gar sngon du 'gro bas 'gramo pa gnyis kyi phyogasu bskor ba'o// thams cad 'bebs pa'i gar byed pa zhes bya ba ni/ ji ltar rang nyid bde ba'i mchog la sogs pa'i lha mo thams cad kyi phyag rgya chen po dang rab tu ldan par gar byed pa'o// de nas zhes bya ba ni gong ma dang 'brel pa'o// mcho pa thams cad ces bya ba ni bde ba'i mchog la sogs pa'i lha mo rnams kyi phyag rgya chen po'i mchod pa'o// dbul bar bya zhes bya ba ni brtan par bya'o// rnam par snang mdzad kyi mchod pa bstan par bya ba'i phyir lag pa g.yas g.yon zhes bya ba la sogs pa gsungs te/ 'jig rten khams sam rdul phran grangs snyed zhes bya ba la sogs pa'i glu dang / rdo rje gor byas te/ rdo rje thal mo g.yon nas bskor ba legs par byas la yi ge oM gyi glu dang / bcom ldan 'das rnam par snang mdzad sangs rgyas kun brjod ma la sogs pa'i phyag rgya chen po rnams kyis mchod de/ he ru ka'i mchod pa bstan par bya ba'i phyir/ lag pa g.yas g.yon zhes bya ba la sogs pa gsungs te/ rnam pa sna tshogs zhes bya ba la sogs pa'i glu dang / dkar mo la sogs po dang yang rom bzhin du gar bya ste/ rdo rje thal mo gyen du bkrol po bcing ba sngon du 'gro bas he ru ka dkar mo l-i sogs pa'i phyag rgya chen po rnams dang / ha ha ha ha/ ru lu ru lu hUM zhes bya ba'i rdo rje gang rgyangs byed cing mchod pa bya'o// pad+ma gar gyi dbang phyug ni/ de bzhin gshegs pa kun ces bya ba la sogs pa rnam par lta ba'i glu dang gAr sngon du 'gro bas yi ge de'i glus g.yas dang g.yon gyi thal mo brdebs shing / pad+mo gar gi dbang phyug la rnam par lha mo sogs pa'i phyag rgya chen po rnams kyis mchod do// rdo rje nyi ma ni khams gsum kun gyi rgyal srid ces bya ba la sogs pa'i glu dang / dbang bskur ba la sogs pa'i sngon du 'gro bas thal mo sbyar la/ mtheb mo dang mdzub mo bkug pa'i sbyor bas/ rin po che'i thal mo sbyar ba bcings la/ yi gre d+hI yi glus rdo rje nyi ma'i dbang bkur ba la sogs pa'i phyag rgya chen po rnams kyis rdo rje nyi ma mchod do// rta mchog kyang mos byed stong pa zhes bya ba la sogs pa rang gi lha mo'i glu dang rim bzhin du gar byas la bdag nyid ji lta bar dkyil 'khor gyi mchod pa'i phyag rgya bcings la/ ji ltar 'dod par snying po gzhan gang yang rung bas rta mchog la sogs pa'i phyag rgya chen po rnams kyi mchod par bya'o// ji skad me tog la sogs pa'i mchod pa byas te/ zhes bshad pa'i me tog la sogs pa'i mchod pa de'i phyag rgya bstan pa'i phyir gyen du 'thor zhing zhes bya ba la sogs pa gsungs so// de ni 'di skad ston par 'gyur te/ bdag nyid ji ltar sngar bshad pa'i mchod pa'i phyag rgyas gyen du 'thor ba la sogs par sbyar bar bya'o// gong maM zhes bya ba ni me tog la sogs pa'i yo byad dang ldan pa'o// stong pa ni de med pa'o// yang na ci 'byor pa ni/ de rnams las spyir gang yang rung ba skyed pa'o// dam tshig mnyam pa ni ldan pa'o// sgrub pa ni lha bsgrub pa ste/ snying po rnams dang phyag rgya dang sgom pa sngon du 'gro bas so// mchod pa'i mchog thams cad kyi mchod pa byas pa'o// mnyam par sbyor ba ni yang dag par 'byor pa'o// de bdag nyid bsgrubs pas na/ skal pa bzang po ste rdo rje sems dpa'o// dam tshig ni rje su mi 'da' ba nyid do// de ston pa'i tshig de ni rtog pa zhes bya'o// mchod thams cad mnyam par sbyor ba dpol skal pa bzang po'i rtog pa ste/ rtog pa brgyad pa'i 'grel pa'o// / rnal 'byor pa rnams kyi dkyil 'khor la sogs pa bsgrubs pas bdag dang gzhan gyi don rdzogs par gyur pa yang rol mo dang bcas pa'i phyag rgya shes pa dang ldan dgos pas/ bcom ldan 'das kun tu sna tshogs kyi dam tshig gi bdag nyid du bstan par bya ba'i phyir/ de nas gzhan yang zhes bya ba la sogs pa gsungs te/ de la chos kyi dkyil 'khor la sogs par bdag nyid bsgrubs pas so so'i kha dog dang 'dug thabs dang / phyag mtshan dang / phyag rgya ji lta ba dang ldan pas/ rdo rje sems dpa' la sogs pa'i phyag rgya chen po bzhag la bsgom par bya'o// thams cad 'byung ba phyag rgya zhes pa'i bar du bstan pa 'di yin/ te/ bde ba kun la ni bde ba dang yid bde ba bla na med pa'o// nges zhes zhen pa ni dmar ba'o// de bas na dngos grub thams cad rnam par dag pa'i phyir te/ byang chub kyi sems rnam par dag pa'o// rgyu de gnyis kyis na zla ba yongasasu rdzogs pa la 'u dang / sku rtsa dmar ba'o// gdul bya thams cad la chags pa ni/ 'dod chags kun te/ thugs rje chen po'i des rje su chags shi dga' bar byed la/ rgyu des na dmar po sna tshogs 'bar ba'i 'od ste/ kha dog dmar ba'i ri mo du ma ma pa sna tshogasu 'bar ba'i 'od gang la yod pa'i tshig gis mtshams sbyar te/ dmar po dang / ljang gu dang / sngon po dang / ser po dang / dkar po rnams nang du rdul phran bzhin du mchog tu 'bar bar gyur pa'i 'od kyi dkyil 'kha ngam sa bya ba'i bar du'o// sangs rgyas rin chen+da ni thams cad kyi mchog tu gyur pa'i sangs rgyas lnga'i cod pan dang ldan pa'o// gzhan gyi nor min zhes pa ni gzhan la med pa'o// lha yI chu ni stong pa nyid kyi ye shes te/ des dga' ba'o// sa bya ba ni bsod nams dang ye shes kyi che ba'i bdag nyid kyis so// ngo bo dag ni rang gi lhag pa'i bsam pa'i bdag nyid kyi smon lam gyi bar gyis so// rang bzhin gyis ni de grub pa'o// zhes bya ba ni lhun gyis yongs sa ni/ thos pa'i phreng ba'i dbu rgyan dang / sangs rgyas kyi gtsug gi nor bu dang / kha T+wAM ga yang sems can rnams gdul ba la dbang bas kun nas nyon mongs 'jig rten dbang phyug ste/ kun nas nyon mongs ba can gyi 'jig na mas dbang du byed pa grub pa mos dpal rdo rje sems dpa' dang yang dag par sbyor ba gang yin pa de ni rdo rje sems dpa' dpal sbyor ba ste/ sbyor ba dang rjesu sbyor bas gnas pa'o// lha mo kun dang 'dus pa yid zhes pa ni shin tu sbyor ba bstan par gyur pa ste/ de nyid kyis na kun tu sna tshogs skal bzang po'o// mkha' 'gro ma ni thams cad grub ces pa ni/ rnal 'byor thams cad kyi bdag nyid rdo rje sems dpa' rab tu grub pa'o// rgyas btab pa ni rgyas 'debs mo'o// rmongs par byas pa ni rmongs byed mas so// bslang ba ni tshe 'phel mas so// phyag rgya 'di yis zhes pa ni rdo rje sems dpa'i phyag rgyas so// rab tu dga' ba la rab tu sbyor ba ni sbyor ba dang rjesu sbyor ba'i mtshan nyid kyis shin tu sbyor bas mchog tu dgo' ba la rjesu sbyor ba'o// des bdag nyid bsgrubs pas skul pa bzang por gyur pa dpal rdo rje sems dpa'i ngo bo nyid gang yin pa dang bde ba'i mchog gang yin pa dang / bde ba'i mchog gang yin pa'i mthar thug par gyur pa ni rol pa rdzogs pa'o// g.yas dang g.yon gyi sbyor ba yis zhes pa ni rkang pa g.yas pa g.yon pa mnan pa'i sbyor ba de/ des bde ba lugs de ci ltar bde bar ro// da ni bde ba'i mchog la sogs pa'i phyag rgya chen po rnams bstan par bya ba'i phyir/ zla ba'i kha dog ces bya ba la sogs pa gsungs te/ zla ba'i kha dog 'dzum pa ni gang gi zhal zla bo'i dkyil 'khor lta bu yod pa ni zla ba'i kha dog 'dzum pa'i zhal lo// dngos grub grub thams cad dag pa dang zhes bya ba ni/ byang chub kyi sems rnam par dag pa'o// thug rje chen po rnam par dag pas kyang brla'i dbus na dmar la dkar ba'o// phyag mchog lo ma sngon po 'dra zhes pa ni phyag dang mchog yin la// lo ma dang sngon po ni lo ma ston po ste/ rim bzhin du phyag dang mchag lo ma dang sngon po 'dra ba de la de skad ces bya ste/ phyag gi mdog ni sngo la rtse mo ni lo ma'i mdog can no// zhes bya ba'i bar du'o// ci'i phyir zhe na/ bzhin bde ba'i dbang phyug zhes bya ba ste/ rdo rje sems dpa' bde ba'i dbang phyug la dbang thob pa'o// de nyid kyi bde ba bskyed pa'i reg pa ni bde ba'i reg pa ste/ 'di la dbang thob pa'o// dkar zhing ser ba'i brla dang / zhes pa ni 'og tu mdog da/ ba nyid do// de nyid ni lha rdzas sna tshogs kha dog ste kha dog lnga pa'o// kha dog dkar po la sogs pa ji ltar bston pa rnams lha mo bzhi po de rnams kyi so so yin par shes par bya ba 'am zhe na/ de dag ni spyir yan lag tha cad kyi sgo nas kha dog la sogs pa bstan pa yin no// 'bar ba sna tshogs 'bar ba'i 'od ces pa ni 'bar ba sna tshogs pa rnams kyis kun tu khrugs pa'i 'od dang ldan pa gang yin pa de skad ces bya'o// pad+mo sna tshogs la gnas pas zhes pa ni stan gang yin pa de ni sna tshogs pad+ma la gnas pa'i thams cad dag par rab tu gnas zhes pa ni/ chos thams cad rang bzhin gyis rnam par dag pa la dmigs pa'i ye shes thams cad dag pa ste/ don dam par de'i ngo bo nyid du gyur pas na thams cad dag pa la rab tu gnas pa'o// yang na thams cad dag pa ni rdo rje sems dpa' ste/ de rab tu gnas pa ni de dang 'brel pa'o// sangs rgyas te zhes bya ba ni sangs rgyas gcig gis dbang bskur ba'o// pad+ma zhes bya ba ni thod pa gcig gis dbang bskur ba'o// de la sogs pa'i rin po che mchog la sogs pa'i gang yin pa de rnams la de skad ces bya ba ste/ sangs rgyas dang pad+ma la sogs pa'i rin po che mchog rnam sna tshogs pa'i rgyan dang / gos yog pa gang yin pa de ni sangs rgyas pad+ma la sogs mchog/ rin chen pad+ma rgyan dang gos zhes bya'o// sangs rgyas thams cad 'dus pa yi zhes pa ni/ sangs rgyas thams cad yin pa ngan sangs pad+ma la sogs mtshang // ran chen pad+ma rgyun dang gas zhes bya'o// sangs rgyas thams cad 'dus pa ya zhes pa na/ sangs rgyas thams cad 'dus par gyur pa ste/ des mi mjed la sogs pa kun nas nyon mongs pa can gyi 'jig rten gyi khams rgyan bzhin du gyur pa'o// bya ba dang ni zhes po ni 'dir lhod par 'dzin par gyur pa'o// zlog pa ni rang gi snying gang gtod pa'i tshul gyis gzhung bzung nas bde ba dang yid bde ba la sogs pas mnyam pa dang mi mthun pa'i phyogs bzlog pa'o// 'phrog ma ni lag pa g.yas pa brkyang zhing g.yon pa bskum pa la sogs pa'o// bdag la 'khyid pa'i phyag rgya yis zhes pa ni g.yon 'gying bas so// yan lag thams cad 'phrog pa ni/ yan lag thams cad kyi bya ba'o// grub pa ni rab tu grub pa ste/ mkhas pa'i bar du'o// 'di skad ston par 'gyur te/ bya ba la sogs pa la mkhas par spyod pas g.yon pa 'gying bas gzhu bzung la/ lag pa g.yas pas mda' 'dren pa'i tshul gyis gnas pa'o// mchog tu dga' ba la rab tu sbyor bas skal pa bzang po dpal rdo rje sems dpa' la bde ba'i mchog gi mnga' dang gzhus bde ba'i mchog gis mthar thug par byas pa ni rol pa zhes bya ba'o// e ma'o bde ba'i phyag rgya chen po bstan pa'i phyir/ rnam pa sna tshogos zhes bya ba la sogs pa gsungs te/ rnam pa sna tshogs pa'i dam tshig ni sprul pa sna tshogs pas mtshan pa gang yin pa rdo rje sems dpa' de lta de skad ces bya ste/ rnam pa sna tshogs pa'i dam tshig la zhen pos chags par gyur pa'o// bde ba des na de la 'bab cong gzhan gyi rgyud de la rab tu 'jug pa'o// bdag la 'khyud pa'i phyag rgya ni g.yon 'gying ba ste/ de nyid mchog yin pas gang gi dbus kyi lha mchog chen po de la 'khyud nas gnas pa ni/ dbus kyi lha mchog chen po ste/ tshig snga ma'i khyad par gyis na de'i skyes bu'i mtshams sbyar ba ste/ g.yon pas ni bgying bag gis b+ha ga dang ling ga 'dzin la g.yas kyis ni bdag po la dga' bas 'khyud pa'i bar dang / gdan gcig na 'dug pa'o// bde chen dbang phyug ni bde ba chen po la dbang byed pa ste/ rdo rje sems pa'o// mchog tu dga' ba ni shin tu sbyor ba'i ngo bo nyid bcom ldan 'das rdo rje sems dpa' la dam tshig gis 'khyud pa yin la/ des na bde ba'i mchog ste/ bde ba de'i mthar thug pa ni rol pa zhes bya'o// sgron ma'i phyag rgya chen po bstan par bya ba'i phyir/ se ral kha zhes bya ba la sogs pa gsungs te/ se ral kha'i tshul dag tu zhes pa ni tshangs pa'i skud pa thogs pa'i tshul gyis so// rdo rje rtse gsum pas rtse mor mtshan pa'i kha T+wAM ga'i rdo rje kha T+wAM ga te/ de'i lag pa g.yon pas thod pa dang bcas par 'dzin pa'o// pad+ma khro bo la sna tshogs rdo rje zhes pa ni rdo rje rtse bcu gnyis pa dang bcas par 'jog pas na pad bcas rdo rje rgya gram mchog go// de nyid ni bdag la 'khyud pa'i phyag rgya ste/ g.yas bsnyems pa dang / pad+ma dang bcas pa'i rdo rje rgya gram dang / bdag la 'khyud pa'i phyag rgya yis zhes mtshams sbyor ba ste/ phyag g.yas 'gying ba dang bcas pas sna tshogs rdo rje 'dzin cing phyag g.yon gyis se rol kha'i tshul du rdo rje kha T+wAM ga bzung ste/ gzhugs pa'i bar du'o// mchog tu dga' ba la rab tu sbyor ba/ skal ba bzang po dpal rdo rje ni kha T+wAM ga'i gzugs can rdo rje sems dpa' ste/ de dang ldan pas na de yang dag par bsgreng ba'o// des na bde ba'i mtshig rol pa zhes bya'o// shrI shi'i phyag rgya chen po bstan par bya ba'i phyir/ rdzogs sangs rgyas kyi zhes pa la sogs pa gsungs te/ rdzogs pa'i sangs rgyas ni tshe dpag tu med pa'o// grub pa ni bzhugs pa ste/ bam por zhes pa ni kA pA la gong la rdzogs pa'i sangs rgyas bzhugs pa'o// bdag la 'khyud pa'i phyag rgya ni g.yon bsnyems pas so// dbus kyi lha mchog chen po zhes bya ba ni/ de bzhin du g.yon dkur bstan pas kham pho ra ka pA la sna tshogs rdo rje'i steng na sangs rgyas kyi sku gzugs bzhus thogs g.yas kyi gtso bo bstod nas 'khyud pa'i bar du'o// mchog tu dga' ba la rab tu sbyor bskal pa bzang po rdo rje'i tshe ni/ rdzogs pa'i sangs rgyas kyi kham por grub ste/ des na bde ba'i mchog de dang yang rol pa'o// rtsa ba ni gtso bo ste dbus kyi re'u cha'o// phyag rgya'i tshogs ni de na yod pa'i phyag rgya'i tsho gas rnams so// sangs rgyas kyi byang chub ma'i phyag rgya chen po bstan pa'i phyir/ gtsug lag ji lta'i zhes bya ba la sogs pa gsungs te/ gtsug lag ci lta'i rjes mthun pa zhes bya ba ni/ 'phong gi dpyad kyi rje su mthun par ro// dpal rdzogs pa ni bde blag can gyi sbyor ba ste des gar byed pa'o// mnga' bzhi yongasu 'phangs na ni/ zhes pa ni/ stong pa nyid la sogs pa rnam par thar pa sgo bzhi'i ngo bo nyid kyi mnga' bzhi yong su 'phen pa ste/ nyon mongs pa'i bdud la sogs pa bzhi'i rang bzhin tshangs pa chen po mgo bzhi pa las rgyal bar gyur pas na/ bdud bzhi dag las rgyal bar gyur cig/ mnga' bzhis tshangs pa'i gdod pa bzhi pa'i mgo phug nas gnas pa yin par shes par bya'o// de bas na tshangs pa chen po'i mgo 'bigs pa'i dpal rdo rje sems dpa' gang yin pa de la de skad ces bya'o// chos kyi 'khor lo ma'i phyag rgya chen po bstan pa'i phyir rkang pa 'deg cing zhes bya ba la sogs pa gsungs te/ rkang pa btegs pa ni rkang pa'i phyi rol tu bteg pa'o// pag pa ni g.yon pa yang de bzhin du bya ba'o// gshig pa ni gnyi ga nang du 'dud pa'o// mchod ba ni g.yas pa steng du 'jog pa ste des stabs phyed pa'o// 'khor lo'i phyag rgya bstod nA ni zhes bya ba ni lag pa g.yas pa'i gung mo sor mo'i rtse mo la lte bar bzhag ste/ steng du 'dzin par byas nas rkang pa 'deg pa la sogs pa sbyor bas rkang pa g.yas pa bteg la ji lta ba bzhin du 'khor lo bstod nas 'dzin pa yin par shes par bya'o// la la dag ni rkang pa bteg pa la sogs pa dag ni rim bzhin du g.yas brkyang ba dang / g.yon brkyang pa dang / zlumo po'i 'dug stang dang / sa ga'i 'dug stangs te/ rkang stabs bzhi po yin no// zhes rtog go// khams gsum las rnam par rgyal ba'i phyag rgya chen po bstan par bya ba'i phyir/ bya ba dang ni zhes bya ba la sogs pa gsungs te/ bya ba dang ni zhes bya ba la sogs pa ni 'dir gar gyi bstan bcos nas bshad pa rnamaso// sna tshogs kyi phyag rgya zhes bya ba ni rang gi phyag mtshan gyi phyag rgyas so// 'di skad ston por 'gyur te/ bya ba la sogs pa'i rim pas rdo rje mtshon pa'i mdung rtse gsum pa'i phyag rgya 'dzin pas gur byed pa'o// 'dod pa'i dbang ma'i phyag rgya chen po bstan par bya ba'i phyir/ lcug ma zhes bya ba la sogs pa gsungs te/ lcug ma gang yang rung ba ni/ a mra la sogs pa'i lcug ma gang yang rung ba g.yas pas gzung la g.yon pa 'gying ba dang bcas pas 'dod pa thams cad kyi lcug ma gnas pa yin par shes bya'o// rta gdong gi phyag rgya chen po bstan par bya ba'i phyir/ myang ba zhes bya ba la sogs pa gsungs te/ myang ba rngub ltar byas zhes bya ba ni mya mu sngon du song bas hUM zhes brjod pas so// rdo rje'i gdong yang sna la hUM zhes bya ba la sogs pa rngub cing mya ba'i tshul sngon du 'gro bas gnas par byed pa'o// mig tshugs zhen par lta ba ni/ kun nas myang ba'i tshul du blta bas zla ba dang nyi ma'i dkyil 'khor thogs nas rdo rje sgron ma gnas pa'o// thams cad bdag nyid myang ba yis zhes bya ba ni thams cad bdag nyid de/ dngos po thams cad kyis myang ba'o// 'di skad ston par 'gyur te/ ro langs ma kham por ka pA la dang / sna tshogs rdo rje'i steng du sangs rgyas kyi sku bzhag pa 'dzin te gnas pa'o// lhag ma rnams kyi phyag rgya chen po ni 'dir sngar bshad zin pa dang / gzhung nyid gsal bas rnam par ma bkrol lo// de nas phyag rgya ye shes 'di zhes bya ba ni bshad ma thag pa'i phyag rgya chen po'i ye shes so// glu zhes bya ba ni 'og nas 'chad pa rnams so// srid pa shin tu bsgrubs pas ni zhes bya ba ni mi gnas pa'i mya ngan las 'das pa thob pa ste/ 'dis ni rol pa dang bcas pas gar byas la rdo rje sems dpa'i dkyil 'khor du bdag nyid phyag rgya chen po ji lta ba bcing bar bya'o// glu bstan par bya ba'i phyir/ rdo rje sems dpa' zhes bya ba la sogs pa gsungs te/ kye rgyun mi 'chad pa'i bde ba dang / yid bde ba'i ngo bo nyid du gyur pa'i dpal rdo rje sems dpa' khyod dang bdag ni gnyis su med pa'i ngo bo nyid las gyur pas bdag gi phyir mngon du gyur par bsgrubs la rtogs shing khong du chud par mdzad du gsol zhes pa'o// mkha' 'gro sgyu ma sna tshogs pa ni sprul pa sna tshogs pa ste/ nges 'gro ba'i rgyud rnams rnam pa sna tshogs 'dul ba'i mchog/ grub pa bdag la grub par mdzad du gsol zhes pa ni bde ba mchog gi ngo bos so// mngon du mdzod cig ces bya ba ni/ kyi bde bde ba'i ngo bo nyid kyis so// de bzhin gshegs pa kun gyi ngo bo nyid kyi bde ba ni byang chub kun gyi bde ba chen po'o// de'i bdag nyid kyi mkha' 'gro sgyu ma ni sgrol ma'i sprul pa'o// de nyid sna tshogs bde ba'i mchog ste/ sgrol ma'i ngo bo nyid kyi don rnams grub byar mdzod cing ces bya ba'i don no// a la la l-i la ho zhes bya ba la sogs pa rnam pa sna tshogs pa'i de bzhin gshegs pa'i gar rnams mdza du gsol zhes pa ste/ shi shi'i sprul par rab tu ston cig ces bya bar sbyar ro// hUM baM hoHzhes bya ba ni/ rim bzhin du bde mchog dang sgrol mo la sogs pa rnams kyi nye bar bskul ba ste/ zung la rnam par sprul zhes pas kyang bde mchog dang / kye ma bde ba mchog gi rim bzhin du bskul ba'o// hUM swA bar mjed du gsol zhes bya ba ni sgrol ma'i yi'o// slob ma bzung du gsol// zhes pa ni shi shi ye'o// de bzhin gshegs kun sna tshogs mkha' 'gro sgyu ma zhes bya ba ni lha mo lhag ma rnams kyis so// rnam par snang mdzad kyi byung ba bstan pa'i phyir/ rnal 'byor de nyid ces bya ba la sogs pa gsungs te/ de nyid ces bya ba ni rdo rje sems dpa'o// thar pa tha~Md ni 'ji sten dang 'jig rten las 'das pa ste/ srid pa las nges par 'byung ba'i mtshan nyid do// de rnam par dag pa ni gang zag dang chos la bdog med par khong du chud pa'o// de rdzogs pa ni sangs rgyas kyi phyag rgya la rab tu gnas pa'o// don dam pa ni chos kyi dbyings te/ de ni rnam par dag pa'i phyir ro// chags med ni nye bar dmigs pa thams cad kyi phyir phyogs pa'o// sogs pa'i sgra ni zhe sdang dang bral ba dang / khong khro bas ma bcos pa dang dngos po rnams la rje su chags pa mi dmigs pa dang / gti mug dang bral bo ste/ bdag la sogs pa'i rnam par rtog pa spangs pa'o// gang chags pa med pa la pa dang / chags pa chen po dang ldan pa de dag ni/ chags med la sogs chags chen phyir te/ de dag gis ni chags pa med pa la sogs pas ni dkar ba yin la/ chags pa chen po ste/ thugs rje chen po dang ldan pas na sna tshogs gsal ba'i mdangs can no// rin chen chos ni chos kyi bdag nyid can gyi rin po che'o// de las lhag pa ni gzhan pa'o// byang chub kyi sems ni byang chub kyi bdag nyid can gyi sems te/ byang chub la 'jug pa'i semaso// de'i don theg pa chen po ston pa'i bdag nyid can gyi chos te/ de nyid ni rdo rje rin chen no// de 'di la yod pas na/ de bas theg chen byang chub sems/ rgyal ba rdo rje rin chen can zhes bya'o// bcom ldan 'das kyi phyag rgya chen po ni g.yon pa'i khu tshur bcangs pas g.yas pa'i the bong dang / mdzub mo gnyis kyi sor mo thams cad la reg pa'o// shes rab phyin gsal zhing zhes pa 'dis ni de nyid ston te/ phyag rgya 'dis ni de nyid ston te/ phyag rgya 'dis ni phung po lnga dang / rigs lnga ma lus par bdag med par ston pa yin no// g.yas pa'i yan lag ces bya ba la sogs pa'i sgras ni skyil mo krung bcas pa'i tshul bstan pa yin no// rdo rje khu tshur bcangs nas ni/ zhes bya ba ni/ sangs rgyas kun brjod ma'i phyag rgya chen po yin te/ lag pa g.yas pa'i mthe bong nang du bcug ste/ srin lag gi rtsar mthe bong gi ltos rtse mo mnan pa'i rdo rje khu tshur bcangs la/ lag pa g.yon pas steng nas g.yog cing dgab pa'o// gzhan dag na re sangs rgyas kun brjod ma la sogs pa ni/ rdo rje khu tshur gos dri ma med pas bkab ste/ phyag rgya bcings la bzung ngo zhes zer ro// rdo rje khu tshur de nyid las mthe'u chung brkyang pa ni he ru ka'i phyag rgya ste/ de la lag pa g.yas pas byas la g.yog par bya'o// de bzhin zhes bya ba ni lag pa g.yon pa de ltar byas pa ni shin tu rgyal mo yi'o// pad+ma'i bud med khu tshur ni// zhes bya ba ni khu tshur bcangs pa la gung mo dang / mdzub mo dang / mthe bo'i rtse mo sbyar ba byas pa ni pad+ma'i khu tshur te/ lag pa g.yas pas byas la g.yon pas dgab pa ni kun tu bzang pol phyag rgya'o// rin chen 'dzin pa'i khu tshur yang zhes bya ba ni/ khu tshur byas la rtse mo sbyar bar byas pa ni/ rin po che'i khu tshur te/ lag pa g.yas pas bcings la lag pa g.yon pas dgab pa ni mi zad pa'i za ma tog gi phyag rgya'o// sangs rgyas khu tshur bcings nas su zhes bya ba ni/ mthe bo'i stong du sor mo thams cad kyi rtse mo bzhag la lag pa g.yas pas byas la/ g.yon pas dgab pa ni sangs rgyas thams cad kyi yan lag dang ldan ma'i 'o// gzhan dag na re 'dir snying gar sangs rgyas bzhag pa dang / dpung pa gnyis su rdzogs pa'i sangs rgyas kyi dpung rgyan can/ mgrin par sangs rgyas gtso bo 'jog pa mgul rgyan dang / do shal dang / mgo thams cad du sangs rgyas kyi sku gzugs yod pa/ lag pa g.yas pas sangs rgyas 'dzin pas byin gyis brlabs pas na/ sangs rgyas thams cad kyi yan lag dang ldan ma zhes bya'o zhes man ngag las bshad do// bud med phyag rgya bcings nas su zhes bya ba ni/ lag pa g.yas pa'i khu tshur bcings la lag pa g.yon pos dgab pa ni zhal bzang ma'i phyag rgya'o// la la na re lag pa g.yon pa'i khu tshur rang gi snying gar gtong pa'i tshul gyis bud maud kyi phyag rgya ste/ de 'dzin pa la lag pa g.yon pas me long bzung ste/ dga' bas rang bzhin gyi gzugs bsnyen blta bas gnas pa'o// de bas na zhal bzang ma zhes zer ro// sor mo thams cad kyis mthe bo bsdus pa nirta mchog gi khu tshur te de lag pa g.yon pas bkab pa ni/ sprin chen mo'i phyag rgya'o// khu tshur bcangs nas mdzub mo dang mthe bong gnyis mig gi rnam par byas pa ni grub pa'i spyan gyi khu tshur te/ lag pa g.yas pas bcings la g.yon pas bkab pa ni na mkha'i spyan gyi phyag rgya'o// khu tshur de dag thams cad kyang rang gi mtshan ma nang du 'dzin par blta bar bya'o// de dag gi sku mdog ni go rims bzhin du shel dang gser dang / pad+ma dmar po dang / sna tshogs pa dang / gur gum dang / me long gi mdog dang / bai DUr+ya dang / ser po rnams so// gling bu la sogs pa'i phyag rgya chen po ni rdo rje sems dpa'i dkyil 'khor du bshad pas/ 'di dang dkyil 'khor gzhan dag tu yang rang gi lha lhag ma ji lta ba bzhin du der yang de nyid kyi phyag rgya chen po rnams kyang blta bar bya'o// phyag rgya zhes pa ni bshad ma thag pa'i phyag rgya chen po shes pa'o// sangs rgyas sprul pa'i glu mchog ni zhes bya ba ni de bzhin gshegs pa 'byung ba'i glu'o// glu 'di dag nyid rim bzhin du bstan pa'i phyir/ slong bar byed pa zhes bya ba la sogs pa gsungs te/ slong bar byed pa dang sna tshogs 'brang ba dag ni/ sngar bstan pas bshad pa yin no// de ni 'di skad ston par 'gyur te/ shardza'i dbyangs kyis glu gnyis pa'i glu blang ba dang de ba ta'i dbyangs kyis glu blangs la 'di dang sbyar ba yin te/ 'dir dang po 'gying ba dang bcas pa'i rje su gar byas pa sngon du 'gro bas phyag rgya chen po de ngag thams cad bcings par bya'o// 'jig rten gyi khams mang zhes bya ba la sogs pa ni 'jig rten gyi khams rdul phra rab kyi grangs snyed khyab pa'i sku'i tshogs dang ldan pa gang yin pa de lan de ska bya ba/ de rnams kyi rgyal ba'i don thams cad la rab tu 'jug cing / rab tu phra ba'i rdul gyi grangs snyed kyi rgyal ba'i don thams cad la gsal bar 'jug pas rgyal ba'i don rnams rab tu phra ba'i rdul gyi grangs snyed de/ de rnam kyi rnam par mdzod cig ces sbyar te/ rdul phran gyi grangs snyed du yongasu sprul pa'i sku'i tshogs kyi 'jig rten gyi khams thams cad du khyab cing so sor zhugs pa gang yin pa des gsal zhing mngon gsum du rdul phran gyi grangs snod kyis gang du rnam par rol pa de la de skad ces bya ste/ byed pa'i tshig med par bstan pa yin no// srid pa ni mi gnas pa'i mya ngan las 'das pa ste/ de nyid ni bde ba chen po'o// de la bod pa ni de bzhin gshegs kun rnam sprul sna tshogs kyis zhes pa ste/ rnam par snang mdzod la sogs pa'i sprul pa rnams so// rnam par 'phrul par mdzod cig ces bya ba ni mdzes par gar mdzod cig pa'o// ho zhes bya ba ni dgyes par bya/ dpal rnam par snang mdzad sbyor ba pa zhes pa yang bod pa'i tshig ste/ de ring khyed bdag rab tu grub par mdzod cig pa ni tshig gi lhag ma'o// de nas bud med ces bya ba la sogs pa ni sngar bshad zin to// dpal he ru ka'i 'byung ba bstan pa'i/ de dag nyid ces bya ba la sogs pa gsungs ste/ de nyid ces bya ba ni rdo rje sems dpa'o// dam tshig la sdang ba zhes pa ni mi bden la gdug cing gtum pa rnamaso// phyag rgya chen po ni 'dir bcom ldan 'das te sngar bstan pa'o// gos chen po ni phyugs chen po'i pags pa'o// blugs pa chen po zhes bya ba ni thod pa'i cod pan gcig ste/ rdo rje kun nas 'bar bas mtshan pa de'i thod pa'i phreng ba can gyi cod pan no// la la ngag ni tshogs kyi dkyil 'khor gzhan dag tu blugs pa zhes pa ni/ rdo rje phyag rgya yin par yongasu rtog la gos chen po yang dur khrod kyi thal bar 'dzin par bstan to// phyag mtshan dang phyag rnams kyi ni 'di ltar phyag brgyad par rtog ste/ gnyis kyis ni ba dan gyi tshul du ma'i pags pa 'dzin la/ gnyis kyis ni dbang bskur ba'i tshul gyis rdo rje'i phyag rgya 'dzin la yang g.yas kyis ni rdo rje rtse lnga pa 'bar ba gsor/ g.yon gyis ni rdo rje kha T+wAM ga 'dzin/ yang g.yas kyis ma hA rak+tas bkang ba'i kham phor 'dzin/ yang g.yon gyis ni ma hA maM sasaM bkang ba'i ka pA la 'dzin pa'o zhes zer ro// gzhan dag na re phyag bzhi pa la gnyis ni mi'i pags pa'i gos 'dzin la/ gnyis ni snga ma bzhin no zhes zer ro// rdo rje kha T+wAM zhes bya ba ni rdo rje gsum pas mtshan pa'i kha T+wAM de la dril bu btabs la/ de'i sgra sil sil 'khrol ba ni rdo rje kha T+wAM ga rdo rje dang bcas pa la dril du 'khrol ba'i sgra dang ldan pa'o zhes pa gnyis pa'i mtshams sbyar ba'o// de dag dang ldan pas na rdo rje kha T+wAM rdo rje bcas/ dril bu 'khrol ba'i sgrar bcas pa zhes bya'o// phyag rgya sna tshogs rnam 'phrul ba zhes bya ba ni bgu rgya chen po'i grwar byed pa la rab tu 'jug pas so// se ral kha tshul du dpung pa gas/ pa la kha T+wAM ga yan lag la brtan pa'i tshul dang ldan pa'i phyag rgya chen po de ji lta bu zhe nu/ spre ral khe'i zhes bya ba la sogs pa gsungs te/ do ni 'di skad ston pa yin te/ ma hA rak+Shas bkang ba'i ka pA la 'dzin pa'i lag pas rdo rje kha T+wAM ga la rgyab rten byas te/ g.yas pa ba dan gsum pas 'bar ba'i phreng ba can gyi rdo rje rtse lnga pa bsnams pa'o// g.yas dang g.yon gyi sbyor ba yis/ zhes bya ba ni brla g.yon pa la rkang pa g.yas pa bzhag pas so// bde bar 'bab pa'i gar byed pas zhes bya ba ni gnas pa 'dis 'dug pas so// skyil mo krung ni phyed bcas la zhes bya ba ni rkang pa g.yon pas sa la bzhag pas so// rkang pa rang gi brlas zhes bya ba ni brla g.yon pa dang sbyar bso// bsdam nas zhes bya ba ni yang rkang pa g.yas pa g.yon pa'i steng du bzhag ste/ brla'i bar du bcug nas btsir bya'o// de nyid kyis ni zhes bya ba ni skyil mo krung ngo // de nas bde bar bad+ma bsdams nas zhes bya ba ni/ de'i nang du gnas pa'i bsgrubs par bya ba'i rkang pa g.yas pas rkang pa g.yon pa bde bar bsdams nas/ ji ltar mngon par 'dod pa bzhin du phyir btabs pa la sogs pa byed do// sgyu ma zhes pa ni dge' ba'i dor thabs so// de dag ces bya ba ni skyi mo krung gi phyag rgya'o// de nas brla grag bskyod pa yid zhes bya ba ni de'i nang du bsgoms pa'i bud med kyi rkang pa g.yas pas bArla g.yon pa bskyod cing bskul bas/ dpal he ru ka'i 'bab pa ste/ de'i sbyor bas sangs rgyas kyi mkha' 'gro gang yin pa de la de skad ces bya'o// dkyil 'khor 'dir zhi ba'i gdong can ni dkar mo'o// rmongs pa'i gdong can ni rab rmongs ma'o// shin tu dga' ba'i gdong can ni spos byed ma yi'o// rnam par 'gyur ba'i gdong can ni gtum mo// shi ba ldang ba'i tshul gyi gdong can ni sme sha can te/ las rnams kyang zhi ba dang / drag po dang / rmongs pa dang / 'chi ba slong ba dang / 'chi ba ldang ba dang / lta ba rnams ni rim bzhin shes par bya'o// de bzhin du me tog dang / gdug pa dang / chang dang chu dang / lcug ma dang / rus dang / me mar rnams kyang bsgrub par bya ba gang yin pa de la ris sbyin na des rgyas 'debs so// rtse gcig mnyam par sbyor ba yis// zhes bya ba ni dkar mo'i sbyor ba dang ldan pa'i bsam gtan gyis kyang phyag rgyas 'debs pa'o// gnyer ba'i tshul ni rku byed mo'i sbyor ba dang ldan pas snying 'dren pa'o// bde ba bzhin pa'i tshul gyis ni rab myos pa'i sbyor ba dang ldan pas rmongs par byed pa'o// ro langs ma'i sbyor ba dang ldan pas ni shi ba la chus mngon par 'thor zhing slong ba'o// saM gol brdab pa dang ldan pa na spos byed ma'i sbyor ba dang ldan pas ni gar byed pa'o// dal bus gyen du rab 'byin pas gtum mo sbyor ba dang ldan pas gsod par byed pa'o// dbugs 'byin pa'i tshul gyis ste shA ma'i rnal 'byor gyis za bar byed pa'o// gzhan yang g.yon du blta bas lta zhing / dkar mo'i sbyor ba dang ldan pas rgyas 'a so/ bsgrub par bya ba'i snying gar blo bcug la yi ge ho zhes pa dang / log pas drang ba'i rku byed ma'i sbyor bas snying 'byin pa'o// mngon du za ba 'am bsgrub par bya ba la 'o byed pa ni ras byed pa ni rab rmongs ma'i sbyor bas rmongs par byed de// mngon du yis kyis 'khyud pa'i ro langs ma'i sbyor bas 'chi ba slong bar byed// bsgrub par bya ba dang gnyis su med par gyur nas gar byed pa'i spos byed ma'i sbyor bas gsod par byed do// bsgrub par bya ba dang gcig tu gyur pa bde ba'i rab tu rmongs pas rnam par myos pa'i gtum pa'i sbyar bas rgyas par byed do// zo ba'i tshul can sme sha ma'i sbyor bas zla bar byed do// mda' bzhi btsugs pa'i tshul gyis tshangs pa gdong bzhi pa'i mgo bo lhung bar byed pa'i rgyas 'debs so// 'jig rten gsum las brgal ba'i tshul can rku byed ma'i sbyor bas lcags kyis 'dren cing snying 'byin to// sa la 'dren pa'i tshul can rab rmongs ma'i sbyor bas rmongs par byed do/ bdud rtsi'i bumo pas dbang bskur ba'i tshul can ni ro langs ma'i 'o// rang gi phyag rgya'i tshul bstan pa ni ro langs ma'i sbyor ba ste/ de dang ldan pas 'chi ba slong bar byed do// bsgrub par bya ba dang lhan cig gnyisu med par gyur pas dur khrod du mchog tu sbyor ba thams cad las mngon par 'dod pa'i dbang gis rdzogs par gyur par lta bar bya'o// bdun pa las kyi phyag rgya yin zhes bya ba ni de dag nyid ni las kyi don gyi phyag rgya'o// mdog ni dkar ba dang / dmar ba dang / nag po dang / dkar po dang / ljang gu dang / sngon po dang / nag po'o// phyag rgya'i lan zhes bya ba ni gzhan dag gis legs par rgyas 'debs pa de'i don du mi tshugs par bya ba'i phyir rab tu sbyor ba bya ba gang yin pa de ni phyag rgya'i lan te/ dpal ldan g.yon pa dkur bstan la/ dpal ldan lag pa g.yas pas pad+ma'i khu tshur bcings la/ mig rab tu bltas pa'i rdo rje pad+mo'i sled ba 'odi dang / rdo rje glu dang / gar dang ljon pa'i phyag rgyas so// gang zhig 'joms par byed ces na/ de nas zhes pa ste/ he ru ka la sogs pa'i phyag rgya zhes pa'o// dpal ldan rdo rje'i sbyor ba ni he ru ka'o// de'i glu blang ba ni/ gang gis gar byed pa sngon du 'gro bas phyag rgya chen po bcings pa'o// gzigs pa rnam pa sna tshogs 'gyur ba'i phyag rgyas thob la zhes bya bas ni zhal drag po ston to// 'o byed 'khyud pas rmongs mdzad de zhes bya ba ni zhal gnyis pa rab tu rmongs pa'o// bde ba'i mchog ston kun gsol zhes bya ba ni zhal gsum pa za byed kyi rang bzhin no// bde mchog ngo mtshar bstan tu gsol zhes bya ba ni zhal bzhi pa sgeg pa'o// rgyas btabs ces bya ba la sogs pas ni zhal bzhi sgo nas rim pa bzhin du bskul ba'o// hUM a la lA la ho snang bar mdzod ces pa ni snang ba bskul ba'o// lhag ma rnams ni snga ma bzhin no// dkar mo la sogs pa'i glu bstan pa'i phyir dam tshig dag la zhes bya ba la sogs te/ dam tshig la gzhug tu gsol zhes pa ni 'da' bar mu mdzad cig pa'o// nyon mongs kun las rgyal bar mdzod ces pa ni nyon mongs pa thams cad las rgyal ba ste he ru ka'o// ma lus pa ngag bsnamasu gsol zhes pa ni gang gis sems can thams cad la longs spyod pa'o zhes bya bar sbyar ro// pad+ma gar gyi dbang phyug gi 'byung ba bstan pa'i phyir/ rnal 'byor de nyid ces bya ba la sogs pa gsungs te/ de nyid ces bya ba ni rdo rje sems dpa'o// 'dod chags thams cad ni bdag la sogs par zhen pa'o// de'i rnam par dag pa ni/ gang zag dang chos la bdag med par bsgoms pas rnam par rtog pa dang bral ba'o// pad+ma'i phyag rgya dpal du gnas zhes bya ba ni/ 'dod chags rnam par dag pa ston pa'i phyag rgya chen po sku mdog dkar po/ mi 'gyur ba ni 'dod chags thams cad stong pa nyid do// de'i grub pa ni thugasu chud pa'o// shel gong shin tu dag pa 'dra zhes bya ba ni/ shel gyi mdog can no// 'dod chags thams cad ni gdul ba'i dbang gis du ma nyid du gnas pa'i thugs rje chen po'o// nges gsal ba'i phyir 'bar ba sna tshogs 'khrigs pa'i 'od de/ kha dog rnam pa sna tshogs pas 'bar zhing 'khrigs pa'i 'od kyi dkyil 'khor can no// sangs rgyas tshe'i zhes bya ba ni/ tshe dpag med do// de nyid rin po che ste des sbas pa ni/ dbang bskur zhing brgyan pas na/ sangs rgyas tshe'i rin po ches spras pa'i phyir 'di ni rgyan rnam pa sna tshogs dang ldan pa'o// zhes mtshams sbyar ba'o// sangs rgyas thams cad 'dus pa yis zhes bya ba ni/ de bzhin gshegs pa 'dus pa mdzad pas so// bde ba can bzhin dam par 'gyur ro zhes pa ni/ 'jig rten gyi khams bde ba can dang 'dra'o// gar thabs rnam pa sna tshogs kyis zhes bya ba ni rnam pa sna tshogs pa'i gar thabs kyis yongasu bsgyur zhing rab tu 'byung ba ste/ nges pad+ma dang sna tshogs pad+ma la sogs pa pad mas mtshams pa dang / rdo rje dang / dung dang / ral gri dang / 'khor lo dang / dbyug pa dang / gtun shing la sogs pa ni pad+ma dang bcas par gnas pa ni pad mar bcas pa'o// pad+ma'i mchog pad+mar bcas pa des phyag rgya rnams 'khor lor bskor zhes bya bar sbyar ro// pad+ma'i sgyu mas rnam sbyangs nas zhes bya ba ni pad+ma'i mkha' 'gro rnams kyis so// rkang pa g.yas pa sa la bzhag ste/ pad+ma'i gdan gyis rkang pa g.yon pa skyil mo krung gi tshul du bzhag pa ni skyil mo krung phyed po'o// bud med phyag rgya zhes pa ni/ khu tshur gyi phyag rgya'o// bcing bar bya zhes pa ni bcings pa ste 'jog pa'o// snying gar zhes bya ba ni lhag ma ste/ lag pa g.yon pas gzung bar bya'o// chu sprin tshul du bsgreng bar bya zhes pa ni mchod rten gyi rgyal mtshan 'dzin pa ste/ rnam par blta ma'o// de ltar grub pa ni rnam dag dpal du 'gyur ro// de bzhin du sgrol ma lA sogs pa ni bya ngo chub mcho ga la sogs pa ste/ de dag kyang rim bzhin bstan pa'i mdog ni pad+ma dang / ljang gu dang / sngon po dang / dkar po dang / gser mdog dang / dmar po'o// de nas zhes bya ba ni bshad ma thag pa'o// phyag rgyu zhes pa ni las thams cad ni phyag rgya'o// rab tu bsgrub ces pa ni rnam par dag pa bud med la sogs pa thob pa ste/ gang gis gar sngon du song bas phyag rgya chen po bcing ba byas nas/ kye sems dpa' pad+mo dag mchog sgyu mo'i dga' ba bstan du gsol zhes brjod par sbyar ro// de bzhin gshegs pa kun la sogs pa zhes bya ba la sogs pa'i sgras rdo rje 'dzin pa tshangs pa la sogs pa'i gzugs 'dzin pa yin par shes par bya'o// sems tson rnam pa sna tshogs 'dul ba ni gti mug rab tu spong ba'i mtshan nyid can yin pas na/ sems can rnam pa sna tshogs 'dul ba dang / mchog gi dngos grub mnga' ba'o// zhes pa gnyis pa'i mtshams sbyar ba'o// de la sems dpa' pad+ma dga' mchog sgyu ma'i dga' ba zhes pa ni/ pad+ma'i mkha' 'gro'i dga' ba'o// kye gar dbang mthar dga' ba'i gar mdzod cig/ ces pa ni thar pa la dgyes pas/ sems can thams cad kyi gti mug rab tu spong bar spyod pa yi'o// de bzhin gshegs pa kun la sogs pa'i gzugs mchog sna tshogs 'dzin zhes bya ba de nyid gsal bar bstan pa'i phyir/ sangs rgyas zhes bya ba la sogs pa gsungs te/ pad+mo sgyu ma zhes pa ni pad+ma'i dga' ba'i sgyu ma'i dga' ba'i dpal lo// rnam pa sna tshogs zhes bya ba la sogs pas ni lha mo rnams kyi glu bstan pa yin te/ rnam pa sna tshogs pa ni rnam pa tha dad pa'i tshul gyis sems can rnams 'dul bar mdzad pa'i phyir/ bya ba sna tshogs pa'i gar gyi rnam pa ste/ des gar mjed pa'o// des dag pa ni pad+mo dam tshig dbang phyug sangs rgyas gar rnams mdzad du gsol zhes pa ste/ kye grogs po rnams zhes pa'o// pad+mo 'dzin pa'i gar gyis mchog ji lta bu zhe na/ 'dod chags sad par mdzad pa yin te/ ji ltar pad+ma rab dmar yang / zhes bya ba la sogs pa de la spyan ras gzigs dbang phyug gis thugs rje chen po rab tu 'phel bar mdzad pa'i sems can thams cad rnam par sbyong zhing gar mdzad pa'o// rdo rje nyi ma gleng gzhi bstan par bya ba'i phyir/ rnal 'byor de nyid ces bya ba la sogs po gsungs te/ de nyid ces bya ba ni rdo rje sems dpa' ste/ ser sna can rnams ser sna rab tu spangs te/ 'khor gsum yongasu dag pa'i sbyin pa la 'jog pa ni nor mchog rab tu sbyang po ste/ de'i phyir nyi ma lta bu'i gzugs dang / spyod lam dang tshul dang / gzi brjid chen po gang la yod pa de la de skad ces bya'o// phyag g.yas pas ni mnga' de 'dzin/ g.yen+ta byAs+thA nAM gzhu 'dzin/ yang g.yas pas nA ram+b+ha gr-i bsnams// g.yon na na rdo rje nyi ma'i dkyil 'khor bsnams la/ sgeg pa dang ldan zhing 'dzum pa dang bcad pa'i g.yon pa 'byed cing gyen du 'degs pa'o// rdo rje pus mo gnyis bcings te zhes bya ba ni/ pus mo g.yon pa'i steng du pus mo g.yas pa'i lha nga bzhag pa'o// bdag gi stan la 'dug nas ni zhes bya bas ni/ rkang pa g.yon pas skyil mo krung phyed kyi tshul gyis yang dag par mnan pa ni bdag gi stan te/ rkang pa g.yas pa rkang pa g.yon pa'i 'og tu gzhug par bya'o// ji lta'i tshul dag ston pa dag ces bya ba ni/ ji ltar cod pan phyed la sogs par ston pas so// 'od dag gi sku mdog ni rim bzhin du pad+ma dmar po dang / lce brgan dang / bai DUr+ya dang / gser gyi mdog can no// la la na re rnam par snang mdzad la sogs pa'i lha mo rnams ni rang rang gi bdag po'i sku mdog dang mthun pa'o// zhes zer mod kyi de ni ma yin te/ kha dog ma tshang ba nyid kyi phyir dang / mnyam par thal ba'i phyir dang / cho ga'i nang nas de skad mi smos pa'i phyir ro// las rnams thams cad rab bsgrub pa zhes bya ba ni drag po la sogs pa khams gsum na gnas pa rnams btul ba'o// rgyal po rgyu ma mchog ga glu zhes bya ba ni rdo rje nyi mo 'byung ba'i glu ste/ gang gis gar sngon du 'gro ba'i phyag rgya chen po bcings pa'o// khams gsum ni 'jig rten gsum mo// kun gyi rgyal srid ni der dbang bskur ba'i sprul pa ste/ des na gdul bya rnams kyi ser sna sbyong ba'i phyir/ dbang skur ba la sogs pa ni mchog gis nor dang ldan pa'o// 'di ni dbang bskur ba'i sgo nas bskul ba'o// 'jal dum g.yul 'gyed rnam mang khyad par sangs rgyas kyi 'dul ba zhes bya ba ni/ sdums dang gdul ba dang chad pa phul du byung bas so// de nas g.yul 'gyed pas rgyal ba ni/ ser sna rab tu spong bar mdzad nas sems can phun sum tshogs pa rnam pa mang po thob par mdzad pa gang yin pa de la de skad ces bya'o// de ni rgyal po bde mchog sgyu ma ste/ gter gyi sgo nas bskul ba'o// rnam pa sna tshogs 'jal du ma rnam par rgyal ba ni sems can rnams kyi rgyud la yod pa'i ser sna rnams spang ba'o// de'i don du rgyal mtshan mchog gi sbrul pa gang la yod pa de la de skad ces bya ste/ 'di ni rgyal mtshan mchog gi sgo nas bskul ba'o// rgyal po ni rdo rje nyi ma ste/ de yi ngo bo nyid du gyur/ pa bde ba'i mchog ni bde ba'i dam pa'o// de thob pa'i phyir sems can rnams kyi mchod pa chen po sprul pa'i sgyu ma'o// de nyid ni tshul ldan te tshul zhes pa ni sprul pa bzhin du blta bar bya ste/ 'di yang mchod pa chen po'i sgo nas bskul ba'o// gzhan yang sems can sprin lo byang chub ces bya ba ni dbang bskur ba'i sgo nas so// ma chod sbyin sna tshogs zhes bya ba la sogs pa ni/ gter gyi sgo nas so// bdag gi re ba kun bsgrubs myur du ston zhes bya ba ni/ rgyal mchog mchog nas so// a la la zhes bya ba la sogs pas ni/ mchod pa chen po'i sgo nas lha mo rnams kyi glu bstan par bya ba'i phyir/ mi zad gter gyi zhes bya ba la sogs pa gsungs te/ mi zad gter gyi dbang skur ba'i zhes bya ba ni/ mi zad pa dang / dbang bskur ba dang / rnam par rgyal ba dang / rgyal mtshan dang mchod pa ste/ ma lus po zhes bya ba ni thams cad du khyad par 'di dag thams cad kyang dbang bskur ba la sogs pa'o sprul pa rnams kyis so// de dag thams cad kyang bud med rin po che rnams kyi phyir te/ sems can rnams kyi dbang bskur ba la sogs pa'i don du rnam par dag pa'i bud myed thob pa'i rgyu nyid do// rin chen sna tshogs kun nang na/ bud med rin chen gcig pu mchog ces pa ste/ rin po che bsags pa thams cad kyi nang ni/ bud med rin po che gcig pu ni mchog ste/ dam par gyur pa nyid yin no// ji lta bu zhe na/ bud med rin cheni dag pa dam pa ni dbang bskur ba la sogs pa'i ngo bo nyid dang / nyes pa thams cad dang bral ba yin pas na bud med rin po che gang yin pa de ni dbang bskur ba la sogs pa dang / ting nge 'dzin dang bsgom pa la sogs pa thams cad kyi rtsa ba'o// de bas na de las thob pa ni rgyal srid thams cad mnyam sbyor ba ste/ rdo rje nyi ma'i sbyor ba'o// dpal rta mchog gi sbyor ba bstan pa'i phyir/ rnal 'byor de nyid ces bya ba la sogs pa gsungs te/ thams cad dag par mos pa yin zhes bya ba ni le lo spong ba sngon du byas pas sems can rnams brtson 'grus bskyed par dgongs pas so// 'jig rten thams cad ces bya ba ni/ dbang phyug dam pa la sogs pa'o// rab tu 'joms zhes bya ba ni/ gnon pa ste phyag gi rnam pa gyen du 'byung ba'i chu bye brag la sogs pa'o// phyag bzhi pa zhes bya ba ni so sor bstan pa ste/ g.yon na khu tshur gyis sna tshogs pad+ma bsnams/ g.yas pa ba dan gsum pa bsgreng ba'i tshul gyis sna tshogs rdo rje bsnams pa'o// phyag gnyis ma ni rdo rje sems dpa' la sogs pa'i phyag mtshan las ci dga' bar bsnams pa'o// gzhani dag na re phyag ni rnam pa bzhi bzhi zhes zer te/ rgyud gzhan dang rjes su mthun pa ste/ g.yas kyi bzhi la ba ngan gsum pa bsgreng ba'i tshul can dang / sna tshogs rdo rje bsnams pa dang / ral gri dang mda' bsnams pa ste bzhi'o// g.yon gyi la khu tshur gyis sna tshogs pad+ma 'dzin pa dang / mdung dang / dbyug pa dang / gzhu bsnams pa ste/ phyag brgyad pa'o zhes zer ro// zhabs bzhi pa zhes bya ba g.yas brkyang ba dang / g.yas kyi gsum grub ma dang dpal mo gnon pa g.yon gyis mig gsum pa dang / khyab 'jug g.yon pa yang / g.yas g.yon gnyis kyis grol ma dang / dga' ba dang / tshangs pa dang / lha'i dbang phyug rims bzhin gnon pas bzhugs nas snga ma bzhin du grwar sngon du 'gro bas phyag rgya chen po bcing ba'o// glu bstan pa'i phyir/ myos byed stong pas lhag pa'i zhes bya ba la sogs pa gsungs te/ myos byed ni 'dod pa'i lha ste/ de stong pas lhag pa bde bas 'dod pa'i gzugs ston pa ste/ yid 'phrog pa'i skur sprul pa mjed pas so// 'dis ni zhal dang po sgeg par bstan to// gdul ba'i dbang gis zhes bya ba la sogs pas ni/ zhal drag po bstan to// gzhan yang zhi ba'i skur yang zhes bya ba la sogs pas ni gsum pa zhi ba ste/ tshangs pa'i zhal lo// thams cad dag pas zhes bya ba la sogs pas ni bzhi pa rta gdong ngo // hi hi hi hi/ zhes bya ba ni pha rol gnon pas rab tu 'joms pa'o// hu lu hu lu/ zhes bya ba ni bzhugs shig pa'o// ru Ta ma Ta zhes bya ba ni dga' ba dang bral ba'o// sma ra ra ti mngon par dran pa ste/ zhi ba'i mnyam dang ldan pa mngon sum du mdzod tsog pa'i bar du'o// a la la la la ho zhes bya ba ni ngo mtshar du gyur pa'o// suM b+hA zhes bya ba ni lhung byar mdzod cig pa'o// ni su b+hA ni zhes bya ba ni brgyal bar ro// hUM zhes bya ba ni gsod pas so// phaT phaT zhes bya ba ni gdul ba ste/ de dag ni bskul ba'i tshig go// lha mo rnams kyi glu bstan pa'i phyir/ mdza' bo mi la zhes bya ba la sogs pa gsungs te/ 'di ltar bya ba 'am mi bya ba yongasu rtogs pa'i dga' ba gang yin pa'i mir skye bo ni mdza' ba de yang bcos ma ste/ de la mdza' bo yin zhes mdza' bar su zhig smra/ yang rgol bar brtsom pa gang du bya ba 'am mi bya zhes yongs su rtog pa skyes pa de yang rgol ba bcos ma ste/ de la dpa' ba yin/ zhes su zhig zer bar 'gyur/ sna tshogs pad+ma la sogs pa lha ma gnyis ni glu 'di nyid las rje su dpag pa yin no// zhes la la zer ro// dkyil 'khor du lha rnams kyi dam tshig gis bzhugs par bya ba dang / rnal 'byor pa rnams kyi yang bdag nyid kyi bsgrubs pas rang gi dam tshig rnam kyis byin gyis brlabs pa'i dam tshig gi phyag rgya rnams bstan pa'i phyir/ mdzub mo zhes bya ba la sogs pa gsungs te/ mdzub mos mthe bong mnan nas ni zhes bya ba ni thal mo sbyar ba byas la/ mdzub mo gnyis bkug ste/ de'i rtse mo rang gi mthe bo'i rtse mos mnan pa'o// rlung gi mthe bos mdzub mo mnan zhes bya ba ni/ mdzub mo de dag nyid dang mthe bo sbyar nas rim gyis bzhugs pa ni/ dpal grub sbyin no// rdo rje thal mo sbyar ba bcings la rim pa de nyid kyi rdo rje spyan gnyis byas te/ rdo rje spyan gnyis las mdzub mo gnyis bkug ste/ mig gi rnam pa lta bur sbyar nas bcings pa ni dpal rdo rje spyan no grub pa ni rdzogs pa'o// 'dis ni zhes bya ba ni rdo rje sman gyi sangs rgyas thams cad la sogs pa nyid du 'grub par 'gyur ba'o// rdo rje 'dzin pa thams cad ni rdo rje sems dpa' dang / bde ba'i mchog la sogs pa ste/ de rnams dbang du byed pa'o// des na de dag kun gyi phyag rgya 'di dag yin no// rdo rje can gyi phyag rgya ni rdo rje sems dpa' de nyid kyi yang yin no// rdo rje thal mo sbyar la mdzub mo gnyis bkug ste/ mthe bong gnyis bar du bcug pa ni/ gtsug tor thams cad dang rnam par snang mdzad 'khor dang bcas pa yi'o// gyen du dbye ni zhes bya ba rdo rje thal mo sbyar nas bzhag pa las de nyid kyi sor rnams gyen du byang nas mdzub mo gnyis bkug la mthe bong gnyis mche ba 'dra bar 'jog pa ste/ 'di ni he ru ka dang de'i lha mo rnams kyi'o// rmongs par byed pa zhes bya ba ni brgyal bar byed pa'o// rdo rje thal mo mnyam par sbyar nas/ gung mo gnyis mnyam par byas la mthe bong dang mthe'u chung kha bye ba ni pad+ma'i rgyal po 'khor dang bcas pa yi'o// mdzub mo mnyam par phyir bkug ste/ zhes bya ba ni mdzub mo gnyis mnyam par byas te/ phyi rol nas bkug pa'o// mthe bo rdo rje g.yogs pa ni zhes bya ba ni mthe bo gnyis rdo rjer byas la de'i rtse mo gnyis rtse sbyar nas rjesu bcings pa ste/ 'di ni rdo rje nyi ma lha mo dang bcas pa yi'o// mthe'u chung srin lag mnyam par sbyar zhes bya ba ni mthe'u chung srin lag dang bcas pa brkyang ba ni rkang pa bzhi yi'o// mdzub mo rtse mnyam bkug pa ni zhes bya ba ni/ mdzub mo gnyis mnyam por sbyar la mgrin par ltar phyi rol bkug pa'o// rdo rje dril bu la sogs pa rang gi phyag mtshan dang / phyag rgya 'dzin pa mngon du 'gro bas phyag rgya chen po bcing bar bya'o// zhes pa'i dam tshig chen po'i phyag rgya zhes pa bstan par bya ba'i phyir/ lus dang ngag sems zhes bya ba la sogs pa gsungs te/ lus dang ngag dang / sems nyid rdo rje ste de rnams lha dang rje su 'brel pas so// thams cad 'byung ba'i sbyor ba yis/ zhes bya ba ni thams cad 'byung ba'i tshul gyis so// bdag gi lhar ni zhes pa ni bdag gi lhag pa'i lhar bdag nyid gyur pa de bzhin du sems dpa' chen po spyan drangs pa la sogaspa nas byin gyis brlab pa dang / dbang bskur ba la sogs pa'i rim pa rdzogs par byas nas de'i nga rgyal dang ldan pas nga rgyal dang ldan pas bsgom pa la sogs bya'o// sbyor ba dang / rje su sbyor ba'i bdag nyid can gyi rnal 'byor gyi phyag rgya zhes pa bstan pa'i phyir/ rdo rje sems dpa' zhes bya ba la sogs pa gsungs te/ dpal rdo rje sems dpa' kun tu sbyor ba ni thams cad 'byung ba'i sbyor ba ste/ des gzugs dang dbyibs ji lta ba dang ldan pa'i sku dang gsung thugs rdo rje sems kyi phyag rgya dang ldan pa ni rang gi lhar gyur pa'i sbyor ba can no// kun gyi bdag nyid ni rjesas 'o/ rgyu gyi zhugs par bya ba ni rje su sbyor ba'o// chags pa med cing zhes bya ba la sogs pas ni/ bdag shin tu sbyor ba ji lta ba dang ldan pa'o// de ni 'di skad ston par 'gyur te/ ji skad gsungs pa'i rim pas sbyar ba dang / rjesu sbyor ba rdzogs pas chags pa dang / ma chags pa la sogs pa stong pa nyid du bsgoms nas lha me rnams dang lhan cig tu bdag nyid bsgom par bya'o// de bzhin du rnam par snang mdzad kyi rnal 'byor pas kyang yod pa ma yin med pa min zhes bya ba la sogs pas de kho na nyid bsgom par bya'o// de bzhin du dpal he ru ka'i rnal 'byor pas ni thams cad na mkha'i mtshan nyid de/ zhes bya ba la sogs pas de kho na nyid bsgoms par bya'o// de bzhin du pad+ma gar gyi dbang phyug gi rnal 'byor pas ni/ ji ltar pad+ma dmar po 'di zhes bya ba la sogs pas de kho na nyid bsgom pa'o// de bzhin du rdo rje nyi ma'i rnal 'byor pas ni shin tu gdug cing drag po la zhes bya ba la sogs pas de kho na nyid bsgom par bya'o// de bzhin du rta mchog gi rnal 'byor pas ni thams cad dag par mos pa yis zhes bya ba la sogs pas de kho na nyid bsgom par bya'o// sbyor ba la sogs pa dang ldan pa'i rnal 'byor pa thams cad bstan pa'i phyir/ sbyor ba ji snyed pa la sogs pa gsungs te/ sbyor ba ji snyed ces bya ba ni gar dang glu'i bstan bcos las so// kun zhes bya ba ni gar la sogs pa'i bstan bcos las bshad pa rnams kyis so// bya ba dang ni zhes bya ba la sogs pa ni bde mchog gi phyag rgya'o// 'o byed ces bya ba la sogs pa nI/ oM ma bde ba'i phyag rgya'o// sbyor ba'i longs spyod ces bya bo la sogs pa ni sgron ma'i phyag rgya'o// sbyor ba kun gyi zhes bya ba la sogs pa ni shi shi'i phyag rgya'o// rnam par snang mdzad la sogs pa'i phyag rgya nye bar bstan pa yang de bzhin du blta bar bya'o// dkyil 'khor du rang gi bdog nyid bsgrubs pas lha rnams kyi zhal gyi phyag rgya la sogs pas rgyas btab pa de nyid bya'o// zhes pa ni zhal gyi phyag rgya ji snyed pa'i bstan pa'i phyir/ lha mo kun gyi zhes bya ba la sogs pa gsungs te/ lha mo kun ni bde ba'i mchog la sogs pa'o// bde ba chen po ni de dang 'dus par gyur pa'o// de las byung ba ni mdzes pa'i zhal rnam par bsgyur ba ste/ des rdo rje sems dpa' thal bar 'gyur ba dang / 'tsho bar byed ces bya bar sbyar te/ lha mo de rnams nyid dang 'dus pa'i bde ba myong nas sbyor bar mdzes par lta bas gar byed cing mig rnam par 'deg pa gang yin/ pa dang / zhal rnam par bsgyur ba de la de skad ces bya'o// bde ba'i mchog la sogs pa de rnams kyi zhal gyi phyag rgya bstan pa'i phyir/ bud med mkhas pa zhes bya ba la sogs pa gsungs te/ bud med mkhas pa ni sgyu rtsal la byang ba'o// de rnams kyis sgyu ma chen po ni/ de rnams kyis mdzes pa'i zhal rnam par bsgyur ba'i rnam par sgeg pas rnam par bsgyur ba'o// ri mor bcas shing bteg pa'i mchog ni mdzes pri rna lta bas gar byed cing zhal gyi mdangs dang ldan pa gang yin pa ste/ snga ma bzhin no// sangs rgyas byang chub ces bya ba la sogs pas ni/ bcom ldan 'das rnam par snang mdzad 'khor dang bcas pa'i zhal gyi phyag rgya bstan te/ sangs rgyas kyi byang chub ni sangs rgyas kun brjod ma la sogs pa'o// de dang 'dus pa ni mnyam par sbyor ba'o// de las rab tu dga' bar byed cing de rnams las gzigs shing 'dzum pa gang yin pa de skad ces bya ste/ sangs rgyas byang chub len pa'i rab tu dpa' zhing lta ba dang mdzub mo zhes mtshams sbyor ro// shin tu srid pa yang dag bsgrubs/ zhes pa ni mi gnas pa'i mya ngan lngas 'das pa yongasu rdzogs te/ de'i don du'o// gsang ba blta ba la gnas nas zhes pa ste/ zhi ba'i lta bas gnas pa gang yin pa de la de skad ces bya'o// dpal he ru ka'i zhal gyi phyag rgya dang / rang gi dbugs dbyung ba ni de'i 'khor gyi yang bdag gi 'byung ba bzhin du shes par bya'o// stegs la sogs pas ni pad+ma gar gyi dbang phyug 'khor dang bcas pa'i zhal gyi phyag rgya ston to// 'dzum pa'i phyag rgya bstan pa'i phyir/ lha mo kun gyi zhes bya ba la sogs pa gsungs te/ lha mo thams cad dang yang dag par 'dus pa mdzad pa'i bde ba chen po ni lha mo kun gyi bde ba chen po'o// de dang mdzes po'i ma mchus so// mnan po ni dpal rdo rje sems dpa' yi'o// 'dod chags thams cad ces bya ba nas thal bar 'gyur ba yang 'tsho bar byed ces bya ba'i bar gyis ni rim bzhon du/ bde ba'i mchog la sogs pa'i 'khor dang bcas pa yau'o// rnam par snang mdzad 'khor dang bcas pa'i rab tu dga' bar bya ba'i phyir bstan pa yin no// dpal he ru ka 'khor dang bcas pa ni rdo rje ha zhes bshad pa'o// pad+ma gar gyi dbang phyug 'khor dang bcas pa yi ni bteg pa la sogs pa'i dbyings dang ldan pa'i rjesu 'gro ba'i 'dzum pa'o// rdo rje nyi mo 'khor dang bcas pa yi ni khro ba dang bcas pa'i zhal 'dzum pa'o// rta mchog gi ni rab tu dga' ba'i tshogs kyis 'dzum pa ste/ sngar bshad pa bzhin no// lta ba'i phyag rgya zhes par bstan pa'i phyir/ bde ba myong bar 'gyur ba la sogs pa gsungs te/ bde ba myong ba ni lha mo rnams dang lhan cig shin tu sbyor bas sbyor ba ni bde ba myong bas rab sbyor ba'o// des zam zim du blta zhing rnam par 'gyur ba de rnams kyis te/ 'di ni rdo rje sems dpa' yi'o// bud med mkhas pa zhes bya ba la sogs pas ni/ bde ba mchog la sogs pa yi'o// sangs rgyas bsang ba yis zhes bya ba la sogs pa ni rnam par snang mdzad 'khor dang bcas pa yi'o// smin mtshams khro gnyer 'gyur bcas dang zhes bya ba la sogs pa ni/ dpal he ru ka dang / de'i 'khor dang bcas pa'i ste/ rang gi 'byung ba bzhin du blta bar bya'o// khro zhing 'gyur dang bcas pas 'dzum zhes bya ba la sogs pa ni nyi ma 'khor dang bcas pa yi'o// stegs la sogs pa'i ro dang ldan zhes bya ba la sogs pa ni/ pad+ma gar gyi dbang phyug 'khor dang bcas pa yi'o// chos kyi phyag rgya bstan pa'i phyir/ na mo stu zhes bya ba la sogs pa gsungs te/ lce la rdo rje bzang po bsgom pa mngon du byas nas/ snying gar zla bo'i dkyil 'khor la dgod pa ni/ rdo rje sems dpa' 'khor dang bcas pa'i chos kyi phyag rgya'o// oM ru ru zhes bya ba la sogs pa ni rnam par snang mdzad 'arjod bcas pa'i chos kyi phyag rgya nyid kun tu bstan pa yin no// brdar bstan pa'i yan lag gi sgo nas lha mo bzhi dbus su b+ha ga zhes bya ba sogs pa ni/ he ru kra 'khor dang bcas pa yi'o// bdag po'i snying po zla ba'i tshul du bstan pa'i phyir/ skad kyi gsangs ni zhes bya ba la sogs pa gsungs te/ skad kyi gsang mthon po la sogs pa ni shing gi rgyud rnams la brdabs pa'i bye brag ste/ lus kyang de'i rjes su 'gro bar bya'o// gzhan dag na re dbyangs kyi mtha'i bye brag nyid kyi ma tra yin par 'dod do zhes zer ro// skad kyi gsang mthon po ni dbyangs kyi bar du bcas pa'o// dam pa ni dbyangs kyi bar du dbye ba'o// gre 'gyur ni dbyangs kyi bar na 'pho ba'o// bzlas pa ni chung ngu la sogs pa'i rim pas bzlas pa'o// shin tu zhi ba ni mi gtum pa'o// mchog rnams kyi rol mo'o// gsum po de dag gis so// tshig rnams kun gyi zhes bya ba ni shin tu dga' ba'i rdo rje'i tshig la sogs pa rnams kyis s+ho// tsa 'dod pa zhes bya ba ni ji ltar dga' ba'o// glu kun gyi zhes pa ni sha ta pa la sogs pa rnams kyis so// yi ge hUM ni rdo rje sems dpa'i bzlas pa ste/ lha mo thams cad kyi yang de nyid de/ bdag po rdo rje sems dpa'i ngo bo nyid yin pa'i phyir ro// de rnams kyi rang gi snying po ni ji ltar 'og nas bshad pa rnams kyis so// kA ka li/ zhes bya ba ni de la ni sha ta lan gnyis sgrogs pa'o// yi gi oM ni rnam par snang mdzad kyis bzlas pa'o// tshangs pa'i dbyangs kyis zhes bya ba ni rig byed smra ba'i dbyangs kyis so// rdo rje drag po gang mo che zhes bya ba ni/ dpal he ru ka'i ha ha zhes bya ba'i gang rgyangs so// 'brug gi sgra ltar zab ni yi ge hUM spro ba'i glu gang la ru lu ru lu zhes bya ba gang yin pa de la de skad ces bya ste/ 'byug gi sgra ltar zab pa'i yi ge hUM gI sgra zab mo dang / ru lu ru lu'i sgra phyung ba gang yin pa'o// de ni de skad bstan par 'gyur te/ ha ha ha ha ru lu ru lu zhes bya ba ni dpal he ru ka'i bzlas pa yin no// pad+ma gar gyi dbang phyug gi nau sti zhes bya ba la sogs pa'o// hi zhes bya ba la sogs pa ni rdo rje nyi ma yo'o// de'i 'khor rnams kyi 'og nas 'chad do// 'joms pa thams cad bsgrub pa'o// zhes bya ba ni/ rdo rje sems dpa' la sogs pa thams cad kyi snying po rnams 'joms pa ste/ drag po'i sbyor ba bsgrub cing gzung ba yin pas 'joms pa thams cad rab tu bsgrubs pa'o zhes mtshams sbyar ro// rdo rje sems dpa' la sogs pa de dag nyid kyi snying po rnams las gang la dga' ba dang / kA ha la sogs pa dang ldan pa'i bar ni rta mchog gi bzlas par byas pa yin no// la la na raM rgyud kyi nang nas 'byung ba dong / rjes su mthun par hi hi hi hi hi zhes bya ba ni rta mchog gi bzlas pa yin no// oM ma hA su kha badz+ra satwa zhes bya ba la sogs pa rtog pa'i nang nas gsungs pa'i bdag po'i sngags ni dkyil 'khor thams cad kyi snying po'i nang nas lha mo thams cad kyi yod pas na de rnams ni gzhan dag tu ma bshad de/ 'di dag nyid kyis phun sum tshogs pa thams cad 'thob par 'gyur ba'i phyir ro// glu'i phyag rgya na ci bya ba ni bzlas pa'i phyag rgya zhes pa'o// rol ma'i phyag rgya zhes pa nye bar bstan pa'i phyir/ gling bu dang ni zhes bya ba la sogs pa gsungs te/ rma bu ni khong stong gi rol mo'o// rgyud gcig pa ni pi pang ngo // rgyud mangs ni ku mu nga'o// rgyud stug ni rdza rnga'o// sil snyan ni de la brdung ba'i rol mo'i phyag rgya de rnams so// brdungs pa dpal ni bzhir gyur grub ces bya ba ni lha mo bzhi pa'i dngos grub rnam pa bzhi ste/ phyag rgya chen po la sogs pa rnam pa bzhi bcings pa dang rje su 'brel pas yi ge hUM la sogs pa ci rigs par spyod pa'i snying po la sogs pas de rnams dang lhan cig tu/ byA ba sna tshogs pa 'grub pa'o// des kyang rnam par sel ba dang khyu mchog gi rol pa b+hA Ta na la sogs pa bya de dag nyid ni rol mo'i phyag rgya ste/ dngos grub thams cad rab tu bsgrub pa'o// dzaHhUM baM hoHzhes bya ba ni rim bzhin bde ba mchog la sogs pa bzhi po'i snying po'o// ruT ma Ta zhes bya ba ni sangs rgyas byang chub kyi'o// sma ra raT zhes bya ba ni chos kyi 'khor lo yi'o// ru lu ru lu zhes bya ba ni 'jig rten gsum las rnam par rgyal ma yi'o// bla srid rgya dzaM zhes bya ba ni 'dod pa thams cad kyi lcug ma yi'o// Tak+ki hUM dzaM zhes bya ba ni rta gdong ma yi'o// hu lu hu lu zhes bya ba ni rdo rje gtso mo yi'o// a la la ho zhes bya ba ni sgrol ma yi'o// shud+d+ha sid+d+ha da R+sha ya sarbaM/ zhes bya ba ni thal ba rab tu 'jig paro langs ma ye'o// ka ni zhes bya ba ni gling bu ma'i 'o// gu nI zhes bya ba ni rgyud gcig ma yi'o// hUM zhes bya ba ni rgyud mangs kyi'o// hUM zhes bya ba ni rgyud stug gi'o// ta ke zhes bya ba la sogs pa ni rol mo'i tshig tu brjod pa'o// de bzhin du rnam par snang mdzad la sogs pa'i rol mo rnams la yang ci rigs par lha mo rnams kyi rol mo dang / snying po dang rol mo'i tshig du brjod pa dang / yi ge rnams rjesu dpag par bya'o// thul mo brdabs pa bstan pa zhes bya ba ni/ rtag pa zhes bya ba'i lam gyis thal mo brdab pa ste/ rol mo 'di ni rdo rje sems dpa'i'o// rgyud kyi rnga bo che zhes bya ba ni/ rnam par ma chad pa'i rol mo yin par shes par bya'o// de dag ni bde mchog la sogs pa yi'o// oM zhes bya ba la sogs pa ni rnam par snang mdzad 'khor dang bcas pa yi'o// ko ko zhes bya ba la sogs pa ni dpal he ru ka 'khor dang bcas pa yi'o// pad+ma pad+ma zhes bya ba la sogs pa ni pad+ma'i dbang phyug ma 'khor dang bcas pa yI'o// traM zhes bya ba la sogs pa ni rdo rje nyi ma 'khor dang bcas pa yi'o// Ta ke hUM zhes bya ba la sogs pa ni dpal rta mchog gi'o// bsnyems pa'i 'gros so zhes bya ba la sogs pa bzhi ni zhal bzhi nyams dang ldan pa'i rje su 'brel pa yin par shes par bya'o// rdo rje se gol gtogs pa yis/ sangs rgyas thams cad bsdu bar bya zhes bya ba gsungs pa'i gar gyi phyag rgya zhes pa'i gnas skabs bstan pa'i phyir/ rdo rje sems dpa' zhes bya ba la sogs pa gsungs te/ g.yon pa'i se gol brdebs pa ni g.yon pa'i thal mo'o// thal mo dal bus brdabs pa zhes bya ba la sogs po ni g.yas dang g.yon gnyis dus gcig so grol brlabs pa ni 'dus bya ste/ de nyid ni bsdu ba zhes bya'o// de lam gyi tshul bzhin 'brang ba zhes bya ba ni/ ji ltar rtag la sogs pa'i lam bzhi dang rjes su mthun pa'o// rdo rje drag po ni dpal he ru ka'o// shAkya thub pa ni de bzhin gshegs pa'o// a ra wi thams cad ni rdo rje sems dpa'o// rtag pa ni rnam par snang mdzad do// dngos po kun gyi rang bzhin gyis zhes pa ni/ mngon par brtson pa la sogs te/ rnam par rgyu ba dang / bstan pa dang / dga' ba la sogs pa ci rigs pa ci rigs pa'i tshul gyis gnas pa'i khyad par 'di dag gi nyams dang ldan pas nye bar gnas shing byin gyis rlob ste/ de dang 'dra ba dang / dngos po thams cad kyi dpal rdo rje sems dpa' la sogs pa rnams la/ rang gi mchod pa zhes bya ba la sogs pa'i tshig gis bskul bas ni/ 'dir ye dkyil 'khor bsdus pa yin par rjes su dpag par bya'o// ngan 'di skad bstan par 'gyur te/ dpal rdo rje sems dpa'i dkyil 'khor snga ma bzhin du bris la/ dbus kyi re'u ma la rdo rje sems dpa'i dkyil 'khor gyi/ shur la sogs pa'i ri'u chu rnams su rnam par snang mdzad la sogs pa bzhi po yi'o// shar lho mtshams kyi re'u chu la dpal rta mchog gi'o// lho nub la sogs pa'i re'u cha rnams la/ rdo rje gtso bo la sogs pa rnams dgod do// phyi rol gyi ri mo ni nang gi shar lho la sogs pa'i mtshams rnamasu ni gling bu la stsogs pa'o// de bzhin du phyi mtshamasu ni me tog la sogs pa'o// shar phyogs la sogs pa'i sgo rnamasu ni lcags kyu ma la sogs pa dgong ngo // de nas bsdu ba la sogs pa bya ste/ 'jug pa la sogs pa'i cho ga mngon par rdzogs nas nyams dang ldan pas phyag rgya dang / lan gyi phyag rgya dang bcas par gar gyi mchod pa bya'o// phyag rgya dang gar gya ma chad pa bya'o// phyag rgya dang gar gyi mchod pa bstan pa'i phyir/ phyag rgya'i sbyor ba la sogs pa gsungs te/ 'di dag gi zhes bya ba ni 'og nas bshad pa'o// rang gi mchod pa zhes bya ba ni rang gi phyag rgya chen po'i mchod pa'o// phyag rgya phyag rgya'i lan rnams dang zhes bya ba la sogs pa ni/ rgol ba dang slar rgol ba la sogs pa dang 'brel pa'i phyag rgya chen po rnams kyis so// ji ltar rab tu sbyar zhe na/ kun tu zhes bya ba la sogs pa gsungs te/ kun gyi slob dpon ni dkyil 'khor thams cad kyi slob dpon no// kun 'byung la sogs sbyor ba yis zhes pa ni sngar bshad zin to// gar byas te gar rtsom par byed pas bdag nyid ji srid kun tu sna tshogs skal pa bzang po ste/ rdo rje sems dpa'i phyag rgya dang 'dra bar 'gyur ba'o// rgol ba ni slob dpon gyi lus las byung ba ste/ de sangs rgyas thams cad 'byung ba ste/ de sangs rgyas thams cad 'byung bar 'gyur ba ni/ rnam par snang mdzad phyag rgya chen por rab tu bstan pa'o// slar rgol ba ni slob dpon te/ rdo rje 'dzin pa chen por sgyur zhes pa 'am/ dpal he ru ka'i phyag rgya chen por ro// rang gi 'byung ba zhes bya ba ni rdo rje sems dpa'i phyag rgya chen po'o// de bzhin du lha mo thams cad kyi sbyor ba la ci rigs par bya'o// rdo rje sems dpa' la sogs pa'i glu'o// la lar dri med ces bya ba la sogs pa ni/ rdo rje sems dpa'i sgo nas bskul ba'o// la lar rab tu 'jigs pa'i zhes bya ba la sogs pas ni/ dpal ho ru ka'i sgo nas so// la lar mdangs bzang zhes bya ba la sogs pas ni rnam par snang mdzad kyi sgo nas so// la lar 'gro ba thams cad ces bya ba la sogs pas ni pad+ma gar gyi dbang phyug gi sgo nas so// gsung mchog tu ldan par ston zhes bya ba 'di dag ni/ rdo rje nyi ma'i sgo nas so// rdo rje sems dpa' bsgrub pa'i phyir/ zhes bya ba la sogs pa ni/ rta mchog gi sgo nas so// lha mo rnams kyi glu bstan pa'i phyir/ rnam pa mang po zhes bya ba la sogs pa gsungs te/ sems can rnam pa mang po gdul ba'i phyir/ gang gi tshul rnams ni rnam pa mang po gdul bar mdzad pa'i tshul te/ rnam par sel ba la sogs pa'i bya ba la rab tu sbyor ba nges gar mdzad pa'o// de la dag pa'i gar ni pad+ma'i dam tshig ste/ gar gyi dbang phyug sangs rgyas khyed rnams gur mkhan yin pas gar mdzod cig pa'o// rnam pa mang po'i bde ba'i mchog gi rab tu gar mdzad pas de las thar pa rnams nyon mongs pa med pa thob par 'gyur bas so// rdo rje sems dpa' la sogs pa'i dkyil 'khor du so so'i rdo rje'i glu'i mchod pa'i phyag rgya zhes pa bstan pa'i phyir/ rab tu dga' ba zhes bya ba la sogs pa gsungs te/ rab tu dga' ba ni rdo rje sems dpa'o// rje su chags pa ni de la dga' ba'o// de nyid ni mda' dang gzhu yin la rab tu phra ba'i phyir phyag rgya de gnyis kyi phra ba'i rgyas btab pa ste/ de ni bde ba'i mchog gi ngo bos so// rab tu dga' bas sbyor ba yi zhes bya ba ni yang dag par sbyor ba ste/ des bde bas na des myos par 'gyur ba'i phyir/ rab tu dga' bar sbyor ba'i bde bas myos pa'i zhes bya ba ste/ e ma bde ba'i sgo nas de la bod pa'o// rab tu bde mchog ces pa lo rab tu bde ba'i mchog gi rnam pa sna tshogs pas rnam par rgyal bas na/ de'i phyir rgyal mtshan bsgreng ba'i tog can gang yin pa ste/ sgrol ma'i sprul pa de ni rab tu bde ba'i mchog rnam pa sna tshogs rnam par rgyal ba'i rgyal mtshan bsgreng ba ste/ de'i nye bar longs spyod pa'o// rab tu dga' ba'i zhes bya ba la sogs pa ni/ shi shi sgo nas bskul ba ste/ rab tu dga' ba'i zhes bya ba la sogs pa ni sngar bshad zin to// kye zhes bya la sogs pa ni/ bde ba'i mchog la sogs pa'i bde bas kyi bde ba'i mchog grub par mdzod cig pa'o// kye ma'o bde ba zhes pa ni b+ha ga dang ling ba'i phyag rgya'i bdag nyid do// e ma'o bde ba'o zhes bya ba ni lha mos bde ba stsol cig pa dang / sgrol mas snang bar mjed la bdag la bde ba stsol cig pa ni lhag ma'o// e ma'o shi shi zhugs shig zhugs shig pa ni shin tu myur ba'i mkha' 'gro ma bde ba'i mchog tu zhugs pa'o// rdo rje sems da zhes bya ba la sogs pa ni rnam par snang mjing 'khor dang bcas pa yi'o// de bzhin du hUM rdo rje las kyi mnga' zhes bya ba la sogs pa ni/ dpal he ru ka 'khor dang bcas pa yi'o// zhal bzhi'i sgo nas bsgral ba'i glu la rab tu drag cing zhes bya ba la sogs pa ni zhal drag po'i sgo nas te/ pad+ma gar gyi dbang phyug 'khor dang bcas pa yi'o// 'gro ba mtha' yas zhes bya ba la sogs pa ni rgyab kyi dpa' bo'i zhal gyi sgo nas// la lar rab tu nges shing zhes bya ba la sogs pa ni g.yon gyi zhi ba'i zhal gyi sgo nas so// la lngar rab tu 'bar ba'o zhes bya ba la sogs pa ni/ dang po'i sgeg pa'i zhal gyi sgo nas so// thams cad dbang bskur zhes bya ba la sogs pa ni/ bdud thams cad las rnam par rgyal ba'i lha mo bzhi'i sgo nas bskul ba'i glu ste/ rdo rje nyi ma yi'o// la lar mkhas pa'i zhes bya ba la sogs pa ni/ rta mchog zhal bzhi'i sgo nas bskul ba'o// mchod pa thams cad kyi phyag rgya zhes pa nye bar bstan pa'i phyir/ me tog dkar dang zhes ba la sogs pa gsungs te/ ljang gu zhes bya ba ni kha dog ldang ba'o// snga ma bzhin zhes bya ba ni bcos ma ma yin pa'i kha dog can gyi me tog dang 'dra'o// rim pa 'di nyid kyis tshon dgye ba'i go rims la yang blta bar bya'o// kham las byung ba ni khams byung rnams kyang me tog pi rang bzhin dri zhim par byas pa'o// snga ma bzhin zhes bya bas ni bcos ma mA yin pa dang 'dra'o// tsan+dan gnyis ni dkar po dang dmar po'i bdag nyid do// gan+da ni gan+da ra sa'o// ro d+hi ni rdo drag go/ sardza ni ra sa'o// seng ldeng bu ram zhes bya ba ni/ seng ldeng dang bskol te ri lu byas pa'o// ka pi tsA bcas zhes bya ba ni tsan+dan dang du ru kar bcas pa'o// rdo rje can la zhes bya ba ni rta mchog can no// gtor ma'i phyag rgya zhes pa bstan pa'i phyir/ sgeg mo dang ni zhes bya ba la sogs pa gsungs te/ sgeg mo ni 'bru chang ngo // na chung ni sbrang rtsi'i chang ngo // myos dang ni bu ram chang ngo // bdud rtsi ni rgun chad ngo // gcig pu dpa' ba ni rgun chu'i btung ba'o// 'dod chags su ni che'o// g.yon tsan+da ni skyur po dus ring du lon pa'o// bran po ni skyur po yun thung ngu lon pa'o// phyugs chen po ni skyes bu phyugs chen no// rdo rje las naM he ru ka'o// thad pa zhes bya ba ni thang gis phyogs nas byung ba'o// sha'i mchog ces bya ba ni/ sha'i ma tshig dag go// phyag rgyas dbang bskur ba'i phyag rgya zhes pa dag nye bar bstan pa'i phyir/ mthe bo sems dpa' zhes bya ba la sogs pa gsungs te/ rdo rje thal mo sbyar la mthe bong g.yon pa g.yas pas sems dpa'i skyil mo krung gi tshul du mnan la mdzub mo gnyis bkug ste gung mo gnyis mnyam par sbyar la tshogs gnyis par lcags kyu'i tshul du bzhag sor mo lhag ma rdo rje thal mo'i tshul du bzhag go// sangs rgyas rin chen phyag rgya 'di ni spyi bor ni rnam par snang mdzad sku mdog dkar po byang chub mchog gi phyag rgya can/ dpral ba'i steng du mi bskyod pa/ sku mdog dkar pos gnon gyi phyag rgya can gyis brgyan pa g.yas su rin chen 'byung ldan bai DUr+ya mdog can mchog sbyin gyi phyag rgya dang ldan pa/ rgyab tu 'ong dpog meng gser btso ma'i mdog can chos kyi 'khor lo'i phyag rgya dang ldan pa/ g.yon du don yod grub pa sku mdog ljang gu mi 'jigs pa rab tu stsol pa bskyed la/ oM a b+hi Shiny+tsa mAM zhes brjod la dbang bskur te/ ngar dpyangs kyi mtha' ma yang ba ltar byas pa sngon du gro bas 'gying zhing mtha' nas dgrol ba byas la thal mos brtan par bya'o// ser mo thams cad nang du bsnol zhes bya ba ni rdo rje bcing ba nang du byas la sor mo thams cad nang du bsnol ba'o// sor mo'i rtse mo kun yang nas zhes bya ba ni sor mo thams cad kyi rtse mo phan tshun bsnol ba'i ngos sbyar ba'o// mthe bong rdo rje mnan pa ni zhes bya ba ni rdo rjer byas pa'i mthe bos steng nas mnan pa'o// sna dang mig sbubs lta bu ste/ zhes bya ba ni sna dang mig gi skabs kyi bu ba 'dra ba'o// 'di la yang tsA a b+hi Shiny+tsa mAM/ zhes bya bas dbang bskur la thal mo'i mthar thug gi bar du'o// phyag rgya gnyis po de dag ni rdo rje sems dpa' 'khor dang bcas pa yi'o// rdo rje thal mo bcings nas rdo rje rin po che bya ba ni dpal rnam par snang mdzad 'khor dang bcas pa yis te/ a b+hi Shiny+tsa maM/ zhes bya ba dang sbyar ro// dpal he ru ka 'khor dang bcas pa yi nI he ru ka'i rdo rje rang gi snying gar bya ba sngon du 'gro ba ste/ a b+hi Shiny+tsa mAM zhes bya bas dbang bskur ro// gnyis pa yang thod pa'i phreng bcod pan gyi phyag rgya rdo rje sems dpa' dang 'brel pa ste/ dpal rdo rje sems dpa' pad+mo'i nor bu rin po che'i dbu rgyan zhes bya ba 'di'i ming gi rnam pa'o// rang gi snying po la a b+hi Shiny+tsa mAM/ zhes bya bas dbang bskur ro// mthe bong dpa' bo'i sgrol mo krung zhes bya ba ni rdo rje thal mo sbyar ba byas la mthe bong bcing ba byas te/ lhag ma rnams ni snga ma bzhin bzhag go// 'di zhes pa ni/ a b+hi ShIny+tsa mAM zhes pad+ma'i dbang phyug 'khor dang bcas pa dbang bskur ro// rdo rje thol mo mnyam par sbyar la mthe bong gnyis mnyam par byas pa brkyang la/ mdzub mo bsnyams te rtse mo bkug la mthe bong gi rtse mo dang sbyar te/ rin po cher byas pa ni dpal rdo rje nor bu'i phyag rgya bya ste/ rdo rje nyi ma 'khor dang bcas pa ste/ 'di dang hi a b+hi Shiny+tsa mAM zhes bya ba dang / dbang bskur ro// sangs rgyas rin chen zhes bya ba ni cod pan lnga pa rdo rje sems dpa' dang 'brel po'o// rnam par snang mdzad kyi yang rdo rje rin po che'i phyag rgyu ste/ sangs rgyas kyi rin po cher byas pa'o// rdo rje rin po che zhes bya ba ni dpal he ru ka'i rdo rje'i phyag rgya'o// pad+ma dmar po zhes bya ba ni pad+ma gar gyi dbang phyug gi phyag rgya'o// rdo rje rin chen chen po zhes bya ni/ rdo rje nyi ma'i phyag rgya'o// phyag rgya de dag thams cad la yang rta mchog gi snying pos dbong bskur ro// da ni snying ga'i zla bo la gnas pa'i rdo rje la sogs pa sems kyi gsang ba bskul ba'i rdo rje phyag rgya bstan pa'i phyiraro// sor mo phan tshun zhes bya ba la sogs pa gsungs te/ rdo rje bsdams pa zhes bya ba'i g.yon pa mdzub mo dang mthe bong gnyis mngal du byas la/ der g.yas pa'i mthe bong mtshan bcug la bsdams pa 'di ni rdo rje mas dpa' 'khor dang bcas pa'i sku'i gsang ba skul bar byed pa'o// dga' ba'i rdo rje zhes bya ba ni/ bshad ma thag pa'i dga' chen dpal gyi rdo rje nyid // gung mo bcings pa'i nang du gzhug ces bya ba ni/ rdo rje bcings pa'i nang du phan tshun bsgyel nas bzhag pa'i nang du'o// mthe bong mthe chung rtse mo can zhes bya ba ni mthe'u chung dang mthe bong gnyis sbyar ba byas pa'o// 'di ni rdo rje phyag rgya ste/ rdo rje sems dpa' 'khor dang bcas pa'i sems kyi gsang ba bskul bar byed pa'o// de las zhes bya ba ni dga' ba chen po bde ba'i rdo rje las so// de las gung mo gnyis lcags kyur byos la/ snying gar gtod pa ni yang bcom ldan 'das de nyid 'khor dang bcas pa yi'o// / gsang ba'i dam tshig rdo rje'i 'khor lo rnams ni rnam par snang mdzad 'khor dang bcas pa yi'o// rdo rje'i phyag rgya zhes bya ba ni bshad ma thag pa de nyid do// yang dag par byas pa ni gcig la gcig mthil spyad pa ste/ yi ge brjod la bskyod pa 'di ni gzhug pa'i phyag rgya'o// rdo rje khu tshur zhes bya ba ni sngar bshang ma thag pa'o// gung mo de bzhin bkug nas ni zhes bya ba ni/ gung mo na mkha' rdo rje mchog ces bya ba ni/ gung mo de bzhin du bkug pa byas la rab tu no mkha' ji lta bar 'gyur ro// mthe bo'i rtse mo de bzhin mnyam pa ni mthe bo gnyis phan tshun bcer nas sbyar ba'o// mdzub mo gnyis kyi rtse mo dgug ces bya ba ni/ pad+ma 'dra bar mdzub mo bkug pa ste/ 'di ni pad+ma gar gyi dbang phyug 'khor dang bcas pa yi'o// rdo rje pad+ma mo zhes bya ba ni bshad pa thag pa'o// mthe'u chung bsnyams pa'i rtse mo mde'u zhes bya ba ni/ mthe'u chung gnyis legs par sbyar ba'o// rdo rje mnga' ni yongasu 'phang zhes bya ba ni mnga' 'phen pa'i tshul du byas pa ste/ 'di ni rdo rje nyi ma 'khor dang bcas pa yi'o// rdo rje'i phyag rgya zhes bya ba ni/ rnam par snang mdzad kyi phyag rgya'o// gung mo bcings pa'i phyi rol bzhag ces bya dA ni/ gung mo gnyis phyi rol tu legs par sbyar ni rta mchog gi phyag rgya'o// stong pa dang bcas pa'i ming gi phyag rgya zhes pa bstan pa'i phyir/ A li kA li zhes bya ba la sogs pa gsungs te/ A li kA li zhes bya ba ni yi ge'i phreng ngo // mnyam pa ni mtshungs pa'o// kha'i thungad kar mdud par bya zhes bya bA ni/ ji ltar rang gi yi ge rnams rnam pa sna tshogs pa rtog pa bzhin du/ de'i kha der yi ge hrId+d+ha la sogs pa'i yi ge thams cad dgod cing bri bar bya'o// gug skyed thams cad ni lcug ma'i lo 'dab kyi rnam par bya'o// yi ge yang gang du dris par gyur par yi ge ra ni myu gur bya'o// glad kor du gnas pa'i snying po ni nyi zla'o// tshag drag gnyis ni zla ba gnyis te/ yi ge bri ba 'dis rdo rje sems dpa'i dpal sbyor ba zhes bya ba la sogs pa ming tsam bris pas kyang sdig pa kun las thar bar 'gyur zhing / bde ba thams cad las sbyor bar 'gyur ro// la la na re A li kA li zhes bya ba ni/ a la sogs pa'i yi ge'i phreng ste/ ring po dang thung ngu la sogs pa'i bye brag gis mnyam po gnyisu byas la yi a la yi a'i TiH kar ri mos mdud par byas nas/ 'og gi a la sogs pa ring po dang thung ngu la pa rang pa dang thung ngu la sogs pa'i rim pas phyistA ri mo rnams kyis yongasu mdud par bya'o// yi ge thams cad dgod par bya zhes bya ba ni/ ka la sogs pa'i yi ge rnams kyang bkug nas 'od zer gyi rnam pa lta bus spros pa las zla ba'i dkyil 'khor gyi rnam par byang chub kyi sems bsgom par bya'o// gug skyed dag gis lcug ma la bya zhes bya ba ni gub skyong ni shes rab lcug ma ni snying rje ste/ zla ba phyed dang bcas pa ni klad kor dang bcas pa'i ra ni/ 'dir chos kyi dbyings kyi ngo bo nyid du bsam mo zhes rtog par byed de/ gang yang shes rab dang thabs kyi bdag nyid kyi yi ge ra'i mes zhu bar gyur nas sna tshogs pad+ma la gnas pa'i dkyil 'khor rdzogs par byas la ka la sog pa'i 'od zer dang bcas pa 'dir bzhag pas sna tshogs pa bskyed cing spro ba dang bsdu ba la sogs pa ci lta ba bzhin du bya'o// de ltar bshad pa la sogs pa de dag kyang rnam par rtog pa tsam ste/ nang du yi ge bri bo'i gnas skabs ni ma yin te/ bstod pa dang bcas pa'i ming gi dbang du byas pa'i don dang 'brel pa ma yin no// rdo rje sems dpa' dpal gyi lha zhes bya ba la sogs pa ni bstan pa'o// rdo rje sems dpa' dpal sbyor zhes bya ba ni rim gyis bshad pa/ rab tu chags pa zhes bya ba ni chags pa'i sgras mtshan pa'o// mtshan bris na ni zhes bya bas ni mtshan gyi mchog ji lta ba bzhin du de rnams kyi bris pa dang / de bzhin du brjod pa dang / bsgrub pa'i bar gyi bsod nams kyang ngo // bri ba dang gdon par byed pa 'ba' zhig tu yang ma zad de/ dkyil 'khor du ming gos dbang bskor ba'i tshe yang dpal gyi sgras mtshan par bya'o// zhes bstan pa'i phyir lhag pa'o lha ni zhes bya ba la sogs pa gsungs/ lhag pa'i lha zhes bya ba ni rdo rje sems dpa' la sogs pa'o// de'i mtshan zhes bya ba ni/ rdo rje sems dpa' la sogs pa thams cad dpal gyi sgras mtshan par byas te/ rdo rje ming gis dbang bskur bar bya'o zhes pa'o// dpal rdo rje sems dpa' zhes bya ba la sogs pa'i ming rnams dang yon len pa sngon du 'gro bas bdag nyid ji lta ba bzhin du dbang bskur ba'i phyag rgya bcings la/ oM 'di ltar nga yis lung bstan te/ rdo rje sems dpa' de bzhin ga 'gro rnams las yongs bzlas la/ shin tu srid pa sgrub pa po// kye che ge mo zhes bya ba ni rdo rje de bzhin gshegs pa sid+d+ha sa ma ya traM b+hur b+hu ba swaHzhes brjod par bya'o// maM smra ba las mos pa rnams kyis de bzlas brjod kyi dus su brda'i tha snyad bya ba'i don du brda'i phyag rgya zhes pa nye bar bstan pa'i phyir// spyi bor nyug pa zhes bya ba la sogs pa gsungs te/ sman ma g.yas pa bskul ba ni na mkhar 'gro ba grub po zhes ston pa yin no// g.yon pas rnam par rgyal ba'i mchog ni dngos grub rab tu grub par ro// yang mig g.yon pa bskul ba ni bud med bzang mo yin no// zhes pa dang / g.yas pas ni skyes pa bzang po'o zhes ston to// rna ba g.yas pa la reg pas ni sha zhes zer ba yin la/ g.yon pas ni chang zhes zer ba yin no// ma mchu g.yon pa gnon pa ni bde ba la reg pa zhes pa'o// lkog ma la reg pa ni rtog pa thams cad spro ba'i mchog ste/ rtog pa thams cad smra zhing theg pa chen po bla na med pa zhes bya ba ston pa yin no// snying gar gyen du 'dren pa ni rdo rje thams cad gyen du 'dren pa'o// 'khor ba shin tu sdud pa ni mi gnas pa'i mya ngan las 'das pa yongasu 'dzin pa nyid du smra ba yin no// lte ba la reg pas ni dbu ma'i lam la nan tan du bsgrubs pas chos kyi 'khor lo chen po'i dkyil 'khor yin no// rang gi dbang po zhes bya ba ni skyes pa'i bsgreng bar byed pa ni bde zhing bde bas sangs rgyas kyi byang chub thams cad thob par 'gyur ro// zhes bstan pa yin no/ g.yas pa ni bstod pa dang dgug pa'o// g.yon pa ni slar gtong ba'o// dpung pa g.yas pas yongasu 'khyud pa ni thams cad grub pa yin zhes smra ba yin la/ g.yon pas ni dbang phyug thams cad grub pa yin no// zhes ba yin no// lag pa g.yas pa'i khu tshur bcangs pa ni rgyas thob shig pa'i tshul lo// g.yon pa bkrol ba ni thong zhig pa'o// brla g.yon pa rab tu brdabs pas ni 'dod pa chen po la shin tu brtson pa yin la g.yas pas ni chos la brtson par ston pa yin no// pus mo'i lha nga g.yon pa la brdab pa ni mdud pa yin la/ g.yas pas ni phyag 'tshal ba ston pa yin no// dbyug pa g.yas pa rab tu brdab pa ni rgyas 'debs pa'o// g.yon pas ni grol zhig par ston pa yin no// rkang pa g.yon pas sa gnon pa'i non cig pa'o// g.yas pa ni rab tu choms shig par ston pa yin no// brda'i phyag rgya 'di rnams kyis ni rdo rje sems dpa' la sogs pa'i sbyor ba dang ldan pas ji ltar rang gi brdas btags pa na mkhar 'gro ba la sogs pa 'grub cing rdzogs par 'gyur te/ phyag rgya'i sbyor ba de rnams kyi tha snyad du byed bzhin pa de yis ni mi 'grub cing mngon du mi 'gyur ba gang yang med do// dngos grub bslang ba la sogs pa'i lus kyi phyag rgya 'debs pa dang / sangs rgyas kyi byang chub thams cad la sogs pa'i 'dre ba ci yod pa dang / rang gi don gyi lngas de dag la srogs pa de rab tu 'grub cing / de rnams rdzogs pa kho nar 'gyur ro// rgyud kyi don rnam par dbye ba'i phyir dang / dkyil 'khor la sogs pa la yang gas ba'i skad du smra ba'i don du sgra'i rnam grangs kyi brda'i ming bstan pa'i phyir/ oM A d+hi b+hu zhes bya ba la sogs pa gsungs te/ oM A d+hi b+h+rUM zhes bya ba la phyag 'tshal ba'i phyir ro// de la lan gyi sgra ni slar smra ba ste/ lan du phyag 'tshal ba'i tshig brjod pa'o// sems dpa' mngon dang mtha' med pa zhes bya ba la sogs pas ni rdo rje sems dpa'i rnam grangs gsungs pa ste/ sngon dang mtha' med pa zhes bya ba ni/ yad bzhin dang po skye ba nyid med pa ste/ lcug ma med pa'i mya ngan las 'das pa nyid do// rnam par rtog pa dang bcas pa rnams dang bral bas na rdo rje sems dpa'o// zag pa med pa'i bde ba rgyan mi 'chad pa'i bdag nyid du gyur pas mchog tu bde bas na/ 'di ni e ma'o bde ba zhes bya'o// sangs rgyas rnams 'dus pa'i phyag rgya yin pas na sangs rgyas kyi phyag rgya'o// lha mo rnams kyi rnam grangs bstan pa'i phyir/ bde mchog ces bya ba la sogs pa gsungs te/ bde mchog dang / e ma bde ba dang / sgrol ma dang / shi shi'i phyag rgya la sogs pa ni las kyi rgyus rgyas 'debs ma dang / rmongs byed ma dang / za ba mo dang / tshe 'phel ma zhes bya ba rim bzhin bstan to// lha mo gzhan rnams ni sangs rgyas byang chub ces bya ba la sogs pa ming gi rnam grangs re re nyid do// gling bu la sogs pa nas rdza rnga'i bar gyi rnam grangs gling bu dang rgyud gcig pa la sogs pa'i rnam grangs// me tog la sogs pa'i mchod pa rnams ni gla rtsi dang longs spyod ces bya ba la sogs pa'o// lha mo bzhi'i phyag mtshan gyis mtshan gyi phyag rgya'i bya ba bshad pa'i phyir/ smin ma bskyod pa la sogs pa gsungs te/ bde ba mchog gi mnga' gzhu ste/ brdeg pa'i lta ba'i bdag nyid pas smin mi bskyod pa zhes gsung so// e ma bde b+hi ni b+ha ga dang ling ga zhes bya ba mngal gyi phyag rgya dang skyes bu'i mtshan gyis mtshon pa ste/ de bas na e ma'o bde ba'i zhes gsungaso// sgrol me'i thod pa pad+ma yin par bash+yang / kha T+wAM ga yang rgyal mtshan zhes gsungaso// shi shi'i sangs rgyas phyag rgya pad+mor gnas/ bong ba kun gyi ro sa ya na zhes gsungaso// sangs rgyas kun ni shi shi'i tshig gi sgras bshad do// 'khor lo ni ngam tshig go// skye bo dam can kun tshogs pa zhes bya ba ni dkyil 'khor gyi rnam grangs so// tshogs kyi dkyil 'khor du mdza' ba thams cang tshogs pas na mdza' ba 'dus pa zhes bya'o// de bas na shes par bya'o// tshegs kyi dkyil 'khor las gzhan du yang mdza' ba'i tshul dag gi dkyil 'khor ni 'di la yod do// rdo rje sems dpa' dang sbyor ba gnyisu med par gyur pa ni dkyil 'khor zhes bya'o// lha me thams cad dang kun nas 'dus pa ni shin tu sbyor ba'i mtshan nyid de/ thams cad du sna tshogs pa'i skal pa bzang po zhes 'dod do// rdo rje sems dpa' la sbyor ba zhes bya ba ni/ de'i bdag nyid du bsgom pa'o// de ni sangs rgyas kun tu bdag sbyor bas zhes bya ba ste/ sngar bshad pa ni rje su sbyor ba'i mtshan nyid ye shes sems dpa' nang du bstim pa'o// rnam pa kun mkhyen shos pa'i phyir zhes bya ba ni/ rnam pa thams cad kyi mchog dang ldan pa ste/ de dang gnyis su med pa'i nga rgyal dang ldan pa de ni kun gyi slob dpon yin zhes gsung so// gang gi tshe yang lha mo thams cad dang yang dag par 'dus pa'i bdag nyid kyi sbyor ba mngon du byed pa de'i tshe/ kun gyi slob dpon du rab tu gnas pa ste/ kun tu sna tshogs bskal bzang por yang shes par bya'o// kun gyi slob dpon rab tu gnas pa de'i sgrub pa ni rje su sgrub pa'o// / grub pa ni dpal rdo rje sems dpa'i dbang bskur bas dbang bskur ba ni rje su sgrub pa ste/ rgyal mtshan yin par rnam par bshad do// mchog ni kun gyi slob dpon la sogs pa slob ma'i sgrub pa'i grogs mchog go/ mtha' ma ni dkyil 'khor du 'jug pa'i skal ba can no// 'bring ni de bzhin gshegs pa'i spyod par dbang bskur ba'o// sangs rgyas thams cad kyi rin po che mchog gi dbu rgyan ni sangs rgyas lnga'i dbu rgyan no// de ni sangs rgyas thams cad kyi rgyal po yin no zhes gsungaso// gnyis pa pa ni thod pa'i phreng ba'i dbu rgyan te/ de ni dpal gyi pad+mo'i tshul du bshad do// sangs rgyas rang bzhin grub gcig dang zhes bya ba ni sangs rgyas gcig gis mtshan pa'o// grub pa ni tu grags pa'o// pad+ma'i rang bzhin gcig ces bya ba ni/ thod pa gcig gis mtshan pa'o// de gnyis ni rim bzhin du sangs rgyas dbang bskur ba dang / dbang bskur ba chen po yin zhes don thams cad grub pas gsungs so/ yon gyi dam pa ni nor gyi dbyig thams cad dang / snying thams cad yon no zhes zer ro// tsan dan dmar po ga pur dang bsres pa ni khrag chen po yin par shes par bya'o// gzhan dag na re ni khrag nag por brjod pa ni rdo rje 'dzin gyi'o// la la ni ga bur dang ldan par 'dod do// de nyid kyi dkyil 'khor gyi dbus su bzhag pa ni dpal thams cad dang ldan pa'i ras ya na zhes bya'o// dpal hA ru kA'i gtor ma'i cho ga la phyugs chen po zhes gang gsungs pa de la yang bag zan las byas pa'i rang bzhin la tsan ngan dmar pos bskus pa'i mi'i gzugs brnyan yin par shes par bya'i yang dag pa nyid ni ma yin no// gang yang rta mchog gi gtor ma'i cho ga la sha smos pa de yang bag zan la byas pa kho nar shes par bya'o// gang yang rgyal po'i zas sha dang chang dang ldan pa rdo rje nyi ma'i gtor ma'i gsungs pa de yang bag phye'i zan las byas pa kho na yin par shes par bya'o// la la na re de med na bya ba yin te/ 'bras bu bcos ma la sogs pa bzhin no zhes zer ro// mna' dang dam tshig ces pa ni rnam grangs so// sdom pa dang bde mchog ni rnam grangs te/ sangs rgyas thams cad ces gang gsungs pa de yang dam tshig ste/ bde mchog gi ngo bo nyid dang / e ma'o bde ba'i ngo bo nyid do// sgrol ma zhes bya ba ni rab tu gsal bar rnam par bzhag go// shi shi ni yang srid pa ste/ phyag rgya de dag thams cad kyang ngam tshig ces bya bar brjod do// gang gis sha na 'da' bar bya ba ma yin pa'i phyir ro// phyag rgya'i sbyor ba yin par bshad ces pa'o// phyag rgya'i sbyor ba yin par gsungs la/ de bzhin du sbyor ba yang phyag rgya yin par bshad do// rdo rje sems dpa' dpal sbyor ba zhes bya ba ni/ dngos po thams cad kyi bdag po nyid du bsgom pa la sbyor ba ste/ de ni sbyor ba thams cad ces bshad do// ci'i phyir zhe na/ nga ni zhes bya ba la sogs pa gsungs te/ gang gi phyir sna tshogs pa'i dam tshig thams cad kyi 'byung gnas yin zhing shin tu phul du byung ba'i bde ba dang / yid bde ba'i ngo bo nyid rdo rje'i dga' ba sems kyi gsang ba'i bdag nyid can te/ ngo bas na sbyor ba thams cad ces bya'o// / de'i sbyor ba thams cad kyi bdag nyid de'i nye bar longs spyod pa ni gzugs la sogs pa'i khams gsum mo// de gsal bar bstan pa'i phyir/ de'i zhes bya ba la sogs pa gsungs te/ gzugs ni ri mo zhes bshad do// sman glu yin zhes bya ba ni glu blangs pa'o// dri dang rab tu tshim par byed pa ni rnam grangs so// ro'i ming ni ra sa ya na zhes bya'o// rig pa bde ba ni reg pa gang las bde ba skyed par byed pa ste/ de ni bde ba'i reg pa'o// chos ni chos kyi skyed mched de/ sbyor ba yin par bshad de/ de lta bu nyid ni sbyor ba thams cad kyi nye bar longs spyod pa thams cad kyis bdag gi lha'i sbyor ba dang ldan pas gang la ji ltar bde bar longs spyod pa de ni rang gi mchod pa'i dam tshig yin par shes par bya'o// rjes su sbyor bas mchod na ni zhes bya ba ni/ ye shes sems dpa' yang gnyisu med par gyur pas gzugs la sogs pa la nye bar longs spyod par byed pa'o// sbyor ba kun gyi bde ba ni gzugs la sog pa la nye bar longs spyod pa las bde ba gang skyes pa de ni/ bde ba chen po yin no zhes bshad do// rang gi lha'i bdag nyid du bsgoms pa ni ye shes tsam la snyoms pa ro 'jug pa ste/ de ni rnal 'byor ces bshad pa yin no// / ting nge 'dzin dang sbyor ba ni ming gi rnam grangs so// lha mo thams cad mnyam par sbyor ba shin tu sbyor ba'i mtshan nyid gang yin pa de ni sangs rgyas thams cad 'dus pa yin no zhes bshad do// gang gi tshe thams cad dang mnyam sbyor ba la sogs pas gnas pa ni sangs rgyas kun gyis byin gyis brlabs pa ste/ de la sangs rgyas thams cad mnyam par sbyor ba zhes bya ba 'thob po// bslab pa ni dga' bar spyod pa zhes bya'o// rjesu sbyor ba ni sngar bshad pa'i yon tan bsgrub pa zhes bya'o// lha me rnams kyis skyes pa ltar byed pas dga' ba spyod pa ni slar rjes su bsgrub pa yin no zhes bshad do// bde ba'i mchod la sogs pa'i lha mo rnams dang 'dus ba'i shin tu sbyor ba'i mtshan nyid kyi bde ba gang yin pa de ni/ lugs pa zhes bya ste/ rgyun la rab tu 'jug pa'o// don sbyor ba kun las mos pa ste/ sangs rgyas thams cad kyi mnga' ni bde ba yin no zhes bshad do// dngos grub thams cad ldang ba'i sgra'i tshig can te/ thams cad du grub pa gang yin pa de ni ldang ba kun tu 'gro ba dngos grub chen po ste/ ldang ba chen po'o// dngos grub chen po kun gyi mchog rdo rje 'chang chen po nyid dang / dbang phyug chen po bla na med pa ni/ bla na med pa'i dbang phyug yin no zhes bshad do// khams gsum pa'i sgrib pa thams cad dang bral bas rang gi rgyud dang dngos grub chen po thams cad kyi mchog dbang phyug chen por gyur pas bla na med pa'i bde ba ni dngos grub chen po kun gyi mchog/ dbang phyug chen po'i bde ba'i mchog ste/ de ni sangs rgyas thams cad mnyam par sbyor ba/ sbyor ba'i dbang phyug bde can no zhes bshad do// me tog ni khrag ces bshad do// bdug pa ni mdangs kyi tshig can no// mar ma ni sha chen po zhes bya'o// dri dang spos thams cad kyi rnam grangs ni bshad zin to// 'o mar gyur pa las byung ba ni phrum ste/ de ni zla ba nya ba zhes bya'o// sha'i ming ni sman zhes bya'o// chang ni bcud kyis len zhes bya'o// zas ni tshe zhes bya'o// shA dang chang du ldan pa'i bza' ba sna tshogs ni dga' ba'i longs spyod skal ba bzang po'i tshe'i dam pa yin no zhes bshad pa yin no// a mra'i 'bras bu smin pa la sogs pa ni bdud rtsi'i 'bras bu'o zhes bshad do// sgrol ba ni bde ba myang ba dang / bde bas rib tu rmongs pa yin no// zhes bshad do// sbyor ba dang ting nge 'dzin ni rnam grangs te/ gang lha mo thams cad dang yang dag par 'dus pa'i lha mo'i sbyor ba'i mtshan nyid ni/ sangs rgyas thams cad 'dus pa zhes bshad do// a mra dang smin pa la sogs pa ming gi rnam grangaso// dpal rdo rje sems dpa'i sbyor ba'i glu dang / sil snyan dang / gar byed pa ni sangs rgyas thams cad kyi rnam par sprul pa zhes bya'o// rab tu zhi ba'i sil snyan dang glu dang gar zhes bya ba ni sangs rgyas kyi glu ste/ de ni shin tu rnam par 'phrul pa zhes bya'o// dur khrod kyi glu dang sil snyan dang gar byed pa ni dpal he ru ka'i yin te/ de ni rab tu sprul pa zhes bya'o// chags pa dang bcas pa'i glu dang sil snyan dang / gar ni pad+ma gar gyi dbang phyug gi ste/ de yang dpal rnam par sprul pa zhes bshad do// mi'i dbang po'i glu dang / sil snyan dang / gar ni rdo rje nyi ma dang 'brel pa ste/ de yang shin tu rnam par sprul pa zhes bya'o// rab tu dga' ba'i glu dang / sil snyan dang / gar ni rta mchog dang 'brel pa ste/ de ni rta mchog rnam par sprul pa zhes bya'o// bde zhes gang gsungs pa de rab tu bstan pa'i phyir/ de zhes bya ba la mkha' 'gro ma zhes bya ba la sogs pa gsungs te/ kun tu sna tshogs pa'i phyag rgya 'di ni rdo rje sems dpa'i phyag rgya chen po ste/ de ni nam mkha' thams cad du 'gro bas na/ sangs rgyas thams cad dang mnyam par sbyor ba'i mkha' 'gro ma zhes bshad do// sgyu ma'i gar gyi dbang phyug ni dpal ha ru ka de ni/ a ral+li zhes ming 'dogs so// sangs rgyas thams cad ces bya ba la sogs pa ni rdo rje sems dpa'i rnam grangs so// Tak+ki 'dod pa yin zhes bshad ces bya ba la sogs pa ni/ dkyil 'khor la sbyor ba'i mtshan ston pa yin te/ de nyid ni bde mchog la sogs pa lha mo bzhi'i ngo bo nyid kyis na Tak+ki la sogs par brjod pa yin no// rdo rje zhes bya ba la sogs pa ni de'i phyag rgya ste/ dam tshig gsum gyi rim pa zhes bya bar brjod par bya'o// gdug pa la sogs pa rim bzhin bstan pa'i phyir/ je zhes bya ba la sogs pa gsungs pa ni/ bde mchog la sogs pa'i snying po ste/ 'di dag ni rdo rje lcag so kyu la sogs pa yin par shes par bya'o// tiSh+Tha hUM zhes pa ni drongs shig pa'o// kha kha khA hi a pi tse a pi tsa da ra da ra dA ra/ ru Ta maT/ hu lu hu lu/ a ra ra a ho/ a la la ho zhes bya ba 'di dag dang / gzhan yang hi zhes bya ba la sogs pa'i don yang sangs rgyas kyi byang chub nas rdza rnga'i bar gyis te/ man ngag dang 'gal ba'i phyir snying po 'di dag la don bshad pa ni med do// 'o na ci zhig ces na// rol mo'i phyag rgya zhes pa'i snying po nyid yin pas na don dang ldan pa ma yin no// gal te yang rtog pa gtso bor bya na ni sgrub thabs su byas pas thams cad kyi gnas skabasu 'gyur ro// me tog la sogs pa yang yi ge hUM la sogs pa'i glu dang / bzlas pas mchod pa thams cang dbul bar bshad pas/ ji ltar rang gi dkyil 'khor du bdag po'i snying po de nyid dang / bde mchog la sogs pa ni phyag rgyas 'debs pa la sogs pa'i las byed pas na/ rgyas 'debs ma la sogs pa'i rnam grangs su brjod do// sangs rgyas la sogs pa yi ni kun tu bstan pa la sogs pa'i bshad pa rnams 'di skad bstan pa yin te/ sangs rgyas la sogs pa ni kun tu bstan pa la sogs tshig ni rdo rje sems dpa' yin par bshad de/ rim+b+ha bzhin du shin tu bstan pa la sogs pa'i rnam grang so// rnam par snang mdzad kyi dkyil 'khor gyi ming bstan pa'i phyir/ sangs rgyas zhes bya ba la sogs pa gsu tre/ sangs rgyas la sogs pa'i don dang rim bzhin no// oM zhes bya ba la sogs pa ni/ sangs rgyas kun brjod ma la sogs pa bzhi po'i snying po'o// thams cad mkhyen pa dang bde bar mkhyen pa gnyis kyi rgyu'i snying po ni/ yi ge oM dang / sarba bid ni rnam grangaso// oM ru ru tiSh+Tha sid+d+ha lo tsa ne sar+b+ba d+ha sA d+ha ni swA hA/ zhes bya ba ni sangs rgyas thams cad kyi yan lag ldan pa'i bzhi po'i snying po yin no// de dag nyid kyi don bstan pa'i phyir/ 'khor ba'i dngos po zhes bya ba la sogs pa gsungs te/ 'khor ba'i zhes pa naM/ 'khor ba'i dngos grub mkhyen pa ste/ oM ru ru 'khor bar bzhugs shaMg sid+d+ha lo tsa ni dngos grub mkhyen pas zag pa med pa'i mtshan nyid can gyi gdan la bzhugs te/ sems can gyi don thams cad 'di mchog tu mdzod cig ces pa ni/ don dam par mi gnas pa'i mya ngan las 'das pa'o// nye bar zhi ba ni nyon mongs pa da shes bya'i sgrib pa drang bral ba ste/ don dam pa dang nye bar zhi ba ni/ don dam pa dang nye bar zhi ba ste/ don thams cad bsgrubs la don dam pas bzhugs shig/ swA hAs nye bar zhi bas bzhugs shig ces bya bar sbyar ro// sangs rgyas la sogs pa'i rnam grangs kyis ni bdag po'i ngo bo nyid kyis bcom ldan 'das de nyid bstan pa yin no// rdo rje sems dpa' yang skal pa bzang po zhes bya ba'i tshig gis bstan te sangs rgyas la sogs pa'i ngo bo nyid yin pa'i phyir ro// dpal he ru ka'i dkyil 'khor gyi rnam grangs bstan pa'i phyir/ ko tak+Sha zhes bya ba la sogs pa gsungs te/ ming bcu po 'di dag ni/ skye mchid bcu'i sgo nas de nyid rab tu bstan pa'i phyir/ ming dang zhes bya ba la sogs pa gsung so// rdo rje mtshon cha ba ti dang zhes bya ba ni/ rdo rje 'bar ba de nyid kyi ming ste/ bcom ldan 'das de nyid ni gdon sbyin ces kyang bya'o// dpal he ru ka'i rdo rje chen po thal bar rab tu 'jig pa zhes bya ba ni/ rdo rje 'bar bas rab tu 'jigs par byed par bstan pa'i phyir/ de nyid ni sangs rgyas kun gyi khro bo che zhes pa ste/ de'i 'bar ba'i rdo rje'i 'jigs pa chen po zhes bya'o// kha T+wAM ga'i ni rgyal mtshan chen po zhes bya'o// thod pa kham phor ni pad+ma zhes bshad/ khrag chen po sbrang rtsi chen po zhes brjod do// hUM hUM hUM hUM zhes bya ba rnams ni rim bzhin du bsrungs shig pa dang myur cig pa'i don te/ dkar mo la sogs pa bzhi'i snying po'o// ma Ta ru Ta s+pho ra raT zhes bya ba 'di rnams ni rol cig dgongs shig ces bya ba la sogs pa'i don te/ sposo mo la sogs pa'i snying po'o// bcom ldan 'das 'di nyid ni rdo rje 'dzin pa'i rgyal po chen po dbang phyug chen po'i dam pa ste/ de ni skal pa bzang po zhes bshad do// sangs rgyas nyi ma 'jig rten gyi dbang phyug dang / rta mchog ni rdo rje sems dpa'i ngo bo nyid yin pa'i phyir/ rgyal po spyan ras gzigs zhes bya ba la sogs pas ni pad+ma gar gyi dbang phyug gi dkyil 'khor gyi ming bstan pa yin te/ rnam par lta ba la sogs pa lha mo bzhi'i ngo bo nyid du gyur pas/ bcom ldan 'das spyan ras gzigs kyi dbang po zhes bya ba la sogs pa'o// shud+d+ha zhes bya ba la sogs pa ni/ rnam par lta ba la stsogs pa drug gi/ snying po yin no// na mkha'i snying po zhes bya ba la sogs pa ni rdo rje nyi ma'i dkyil 'khor du gtogs pa'i ming bstan pa yin te/ drug pa'i bdag po'i ngo bo nyid yin pas na/ na mkha'i snying po la sogs pa ni ming gi rnam grangs can ni bcom ldan 'das nyid yin par par bya'o// dbang bskur ba yi ni skam zhes bya ba'i bter gyi nai pa pa'o// rgyal mtshan gyi rtse mo yi ni ta ta'o// mchod pa chen po ni ta Ta trADatraT ces bya ba snying po'o// sangs rgyas byang chub la sogs pa'i dkyil 'khor gyi bar la yang rdo rje sems dpa' la sogs pa'i snying po de nyid yin no// la la ngag ni lha mo rdo rje'i gtso mo'i gang yin pa de dag nyid do// thams cad kyi yang bde ba'i mchog la sogs pa'i lha mo rnams kyi ni rang gi bdag po'i snying po de nyid yin no// zhes yongasu rtog go// sna tshogs pad+mo zhes bya ba la sogs pa ni rta mchog gi dkyil 'khor gyi ming ston pa yin te/ 'jig rten thams cad dang sna tshogs pad+mo zhes pa ni ming gi rnam grangaso// byang chub kyi sems chen po ni tshogs rdo rje zhes bya'o// thams cad dag par mos pa yis/ zhes bya ba ni le lo thams cad bsal bar dgongs pa'o// grogs po zhes bya ba ni grogs po rnams kyiso// bzlas pa'i don la lhag par mos pa rnams kyis kyang yi ge hUM la sogs pa bzlas na 'grub par 'gyur bas/ ye shes kyi phyag rgya zhes pa bstan pa'i phyir/ rjesu chags pa zhes bya ba la sogs pa gsungs te/ rdo rje sems dpa'i bzlas pa ni yi ge hUM ste/ de ni 'di yin te rje suM chags par bya'o zhes pa ste/ khyed kyi bdag nga du mngon sum du byas so zhes pa'o// yi ge oM na rnam par snang mdzad kyi bzlas par bya ba ste/ 'di'i don rjes chud par bya'o zhes pa ste/ khyed kyi bdag nyid byang chub mngon sum du bya'o zhes pa'o// dpal he ru ka'i bzlas pa ni sngar bshad pa'i rdo rje ha ha bzhad pa'o// de'i rjesu bas bya'o zhes pa ste/ khyed kyi bdag nyid chen po dang gcag pur gyur par bskyed par bya'o// zhes pa'o// pad+ma gar gyi dbang phyug gi bzlas pa ni yi ge oM ste/ de'i don rjesu sbyor bar bya'o zhes pa ste/ khyed kyi bdag nyid rang bzhin gyis dag pa'i chos nyid mngon sum du byas pa'o zhes pa'o// rdo rje nyi ma'i bzlas pa ni yi ge hi ste/ de'i don la rje su yi rong bar bya'o zhes pa ste/ khyed kyi bla na med pa'i don gyi phun sum tshogs pa la rab tu dga' ba'i bdag nyid kyis 'jug par bya'o zhes pa'o// rta mchog gi bzlas pa ni yi ge hUM la sogs pa gang yang rung ba'o// de'i rjesu bstan par bya'o zhes pa ste/ khyod dang gnyis su med par gyur pas na lha dang 'dres par gyur pa'o// dngos grub la sogs pa grub pa dang ma grub pa la sogs pa shes par bya ba'i don du rnam par shes pa'i phyag rgya nye bar bstan pa'i phyir/ rdo rje sems dpa' dpal sbyor ba zhes bya ba la sogs pa gsungs te/ dpal rdo rje sems dpa'i sbyor ba ni dang po yi ge hUM zhes rdo rje sems dpa' rnam par bsams la/ phyi rol tu mchod pa la sogs pa bya ba byas te/ khye'u 'am bu mo la phyag rgya chen pos spyan drang ba la sogs pa'i rim pa byas la rdo rje sems dpar byin gyis brlab pa// de'i myig tu rdo rje hUM las byung ba rnam par bsams la/ bzlas brjod brgya rtsa brgyad bya ste/ chos rnams gzugs brnyan lta bu ste/ gdod nas dag cing dri ma ma bcas bya ba'i bden pa gang yin pa des na/ phyin ci ma log par mthong bar gyur cig ces bden pa'i byin gyis brlabs sngon du bya ba bstan to// de bzhin du rna ba yang thams cad ces bya ba ste/ bden pa gang gis chos rnams sgra brnyan lta bu yin pa'i bden pa des phyin ci ma log par thos par gyur cig ces bden pa'i byin gyis brlabs byas la/ sgra rnams dang por bsgo'o// de bzhon du rnam par snang mdzad kyi rnal 'byor pa ni/ las la sogs pa la'o// / de bzhin du dpal he ru ka'i rnal 'byor pa ni/ gzugs la sogs pa'i 'dod pa'i yon tan thams cad la'o// de bzhin du 'jig rten dbang phyug gi rnal 'byor pa ni/ sna tshogs pad+ma kha 'byed pa'i tshul gyis pad+ma de nyid la'o// de bzhin du rdo rje nyi ma'i rnal 'byor pa ni me tog la sogs pa la'o// de bzhin du rta mchog gi rnal 'byor pa ni reg pa dang ma reg pas rdo rje rgyal po la sogs pa dang / shrIng la sogs pa la ste/ rdo rje la sogs pa la reg pa dang ma reg pa ni lag rig pa dang ma reg pa yin par shes par bya'o// bya ba dang bya ba ma yin pa la sogs pa thams cad du yang dang po'i sbyor ba yang thun mong yin no// bsrung ba'i phyag rgya nye bar bstan pa'i phyir/ rdo rje sems dpa' dpal gyi sbyor ba zhes bya ba la sogs pa gsungs te/ rdo rje sems dpa'i rnal 'byor pas dur khrod la sogs pa'i thal ba la yi ge hUM gis rdo rje byas la de thig ler byas pa bdag dang gzhan bsrung ngo // de bzhin du rgya mtshor 'bab pa'i chu la sogs pas gtor ma la sogs pa yang snga ma yin no// mi yi thod pa'i nang du bskyed pa'i yungs kar la sogs pa yang de bzhin no// de bzhin ma mchu sos mnan nas g.yon du 'gyi bas mdud la/ dril bu bzung la g.yas bas rdo rje bzung ste/ 'jig pas phyogs bcing ba la sogs pa bya'o// lha mo kun gyi bde ba'i mchog la sogs pa ste/ de rnams sam gzhan dag gnyi su med par gyur pas bdag nyid byin gyis brlab pa la sogs pa rdzogs par bya'o// rnam par snang mdzod kyi rnal 'byer pas ni lag pa g.yas pa'i rdo rjes mtshams bcing bar bya'o// dpal he ru ka'i rnal 'byor pas ni de'i glu dang / gar gyi sbyor bas/ thams cad bsrungs na rims la sogs pa 'jig par 'gyur ro// pad+ma gar gyi dbang phyug gi rnal 'byor pas/ rang bzhin gyis rnam par dag pa la mos pas sna tshogs pad+ma kho 'byed pas sgrib pa dang bral ba la sogs pa rdzogs par bya'o// rdo rje nyi ma'i rnal 'byor pas ni/ rang gi lus rdo rje 'bar bar bsgrubs pas bsrung bar bya'o// dpal rta mchog gi rnal 'byor pas ni rdo rje khu tshur gnyis bcings pa la go ma gyon pa nas thal mo brdabs pa'i bar du rdzogs par byas pas bdag nyid bsrung ngo // gzhan ni bdag gi nang du bcug la go cha la sogs pas bsrung ngo // sbyar ba thams cad la yang rang gi snying po rnams brjed par bya'o// rims la sogs pa gnod pa dang bral bar bya don du tshe'i rlig byed ces pa bstan pa'i phyir/ chos sems dpa'i zhes bya ba la sogs pa gsungs te dpal rdo rje sems dpa'i rnal 'byor pas/ rdo rje khu tshur gnyis bcings nas mig phye la zhi ba'i lta bas bltas la/ rims la sogs pas btab pa la spyi bo nas rkang pa la thug pa la byabs shing / bcom ldan 'das zla ba'i mdog lta bus bsgrub par bya ba'i lus la gang bar bsam mo// grang ba'i rims la ni sku mdog dmar po bsam te/ ngas na thams cad sel bar 'gyur ro// de bzhin du rdo rje khu tshuro gnyis bcings la/ muthe'u chung lcags kyu bcing byes m+b+ha ra te/ mdzub mo gnyis sbyar la rims la sogs ba nang du bsems la bser bar nyid bde blag gi sbyor bas yongasu bsgyur te 'phral la bzhag na dris sdug bsngal ba lta sogs po sel bar 'gyur ro// mdzub mo phan tshun sngon phyogs pa zhes bya ba ni mdzub mo phan tshun sbyar te/ bzung la/ zub N+ya 'byin par ltar byas no de phyin par 'gyur// gzhan yang sbyor ba 'di nyid la sogs pas btsir ba'i tshul du byas na/ nang thams cad sel bar 'gyur ro// grub pa'i skyon gyis byas pa ni lo rdo rje lta ba dang bcas pa 'dod chags la sogs pa'i bgegs rnams ni zhu ba'i don du dpal rdo rje las kyi phyag rgya zhes pa nye bar bstan pa'i phyir/ rkang pa brkyang ba dang zhes bya ba la sogs pa gsungs te/ rdo rje sems dpa'i rnal 'byor pas rkang pa brkyang dang zhes bya ba la sogs pa'i rab tu sbyor ba byas te/ des kyang g.yas dang g.yon pa'i sbyor ba yis/ zhes bya ba la rkang pa g.yas pa dang / g.yon pa gnyis kyis rim bzhin du skyes pa dang bud med kyi gzugs mnan par gyur na/ de ltar byas pas 'jig rten dang 'jig rten las 'das pa la sogs pa thams cad dbang du 'gyur ro// rnal 'byor bdag gi bya ba ni rdo rje sems dpa'i rnal 'byor pa dang ldan pa'o// de ltar bya ba thams cad byas shing bgegs rnams nye bar zhi ba'i rnal 'byor pas rdo rje sems dpa' la sogs pa'i phyag rgya legs par slob cing / rab tu dmigs pa'i don du dngos grub thams cad kyi phyag rgya zhes pa bston pa'i phyir/ khu tshur snying gar zhes bya ba la sogs pa gsungs te/ rdo rje sems dpa'i rnal 'byor pas tshogs kyi dkyil 'khor la sogs pa snying gar khu tshur gyis bdag nyid can gyi bud med kyi phyag rgya bcings na/ dngos po thams cad 'grub par 'gyu ro// zhes bya bar dgongs so// bud med kyi sbyor ba ma lus pa zhes bya ba ni bde ba'i mchog la sogs pa'i lha mo'i tshogs rnams kyi'o// g.yon pa 'gying ba'i tshul du bya zhes bya ba ni g.yon pa 'gying ba'i tshul gyis dril bu 'dzin pa'o// lag g.yas rang gi snying gar ni zhes bya ba ni bud med kyi phyag rgya snying gar gtong ba'i tshul gyis rdo rje rtse lnga pa 'dzin pa'o// bud med thams cad ces bya ni bde ba'i mchog la sogs pa'i gtso bo sngon du 'gro ba bud med kyi phyag rgya ste/ 'di ni rdo rje 'gying ba la rab tu sbyar bar bya ba yin par shes par bya'o// bcom ldan 'das rnam par snang mdzad kyi rnal 'byor pas ni/ g.yon pa khu tshur gyis sna tshogs pad+ma 'dzin pa g.yas pa ldang ba'i tshul gyis dbang phyug thams cad bsgrub par bya'o// dpal he ru ka'i rnal 'byor pas/ g.yon gyi dril bu 'khrol la/ g.yas pas rdo rje rtse lnga pa 'bar ba yongasu bskor bas/ sgyu ma thams cad 'byung bar bya'o// dpal pad+ma gar gyi dbang phyug gi rnal 'byor pas/ lag pa g.yon pas sna tshogs pad+ma bzung ste/ lag pa de brla g.yon par bzhag la lag pa g.yas pa/ g.yas pa'i brla'i steng du bzhag ste/ de'i mdzub mo sems dpa' la zhugs pa'i tshul du khar bzhag na/ des mi dga' ba thams cad sel bar 'gyur ro// rdo rje nyi ma'i rnal 'byor pas ni g.yon gyis rang gi snying gar gtong bI tshul du yid bzhin gyi nor bu rin po che 'dzin la/ g.yas kyis ni bud med la sogs pa rin po che mchog 'dzin pas mchog sbyin pa ni bsam pa thams cad yongasu rdzogs par 'gyur ro// rta mchog gi rnal 'byor pas ni g.yon gyis rang gi snying gar gtong pa'i tshul du sna tshogs rdo rje 'dzin/ g.yas rdo rje 'gying bas dbang phyug dam pa thob par 'gyur ro// kun tu sna tshogs kyi dam tshig gi rtog pa ste/ rtog pa dgu pa'i 'grel pa'o// da ni phyag rgya nyi shu rtsa bdun ji ltar bsgrubs pa bstan pa'i 'og tu/ kun tu sna tshogs skal ba bzang po dpal dam tshig gi rtog pa nye bar bstan pa'i phyir/ de nas kun tu zhes bya ba la sogs pa gsungs te/ kun tu sna tshogs kyi phyag rgya shes pa zhes bya ba ni/ phyag rgya nyi shu rtsa bdun shes pa'o// 'di zhes bya ba ni bshad ma thag pa'o// kun tu sna tshogs sbyor ba yis zhes bya ba ni bdag gi lhar sbyor ba'i bdag nyid bsgrub pa'o// de nyid gsil bar bstan pa'i phyir/ smin ma mig dang zhes bya ba la sogs pa gsungs te/ smin ma yini la sogs pa gsungs pa'i rim gyis/ chu lugs ji lta ba bzhin du gar byed pa ste/ ji ltar mthun par gor byed pas so// phyag rgya thams cad ces bya ba ni phyag rgya chen po'o// yongasu dgrol zhes pa ni bcing ba'o// 'di skad ston par 'gyur te/ bdag nyid kyi lha'i bdag nyid ji lta ba la sogs pa'i smin ma dang / mig la sogs pas byas pa med na ni bdag nyid kyis ji lta ba bzhin du gar byed pa sngon du 'gro bas/ phyag rgya chen po thams cad bcing bar bya'o// zhes pa ste/ sngar bshad pa'i rgyud kyi tshogs ji lta ba bzhin du bsgrub par bya'o// zhes pa'o// nga ni 'jig dz+nyAn dang / jig rten las 'das pa thams cad kyi phyag rgya 'jig pa'i lan gyi phyag rgya bstan pa'i phyar/ dpal g.yen pa zhes bya ba la sogs pa gsungs te/ g.yan pa 'byung ba dang bcas zhes bya ba ni/ g.yon pa 'gying ba dang bcas pas dril bu 'dzin la/ lag po g.yas pas ni pad+ma'i khu tshur bcangs nas dpral bar bzhag la khros pas byin du lta ba'i tshul du byas pa ni/ dngos grub kyi mchog thams cad la sogs pa sgrub par byed do// kun tu sna tshogs pa ni skal pa bzang po// dpal rdo rje sems dpe'i rtog pa ste/ rtog pa bcu pa'i 'grel pa'o// / sangs rgyas thams cad ces bya ba la sogs pas ni/ rdo rje can 'di'i che ba nyid bstan pa yin no// rgyud kyi rgyal po yon tan mang ldan mkhas pa'i spyod yul pa// don rgyas don ldan tshogs ni shin tu 'brel sbas pa'i// 'dir ni bdag gis lo 'dab rtse tsa mo blangs nas rnam phye yi// mchog tu mkhas pa'i rjes 'brang dam pa rnams ni tshad ma yin// dka' 'grel 'di ni sbya ba yi// bdag gi dge ba gang yin des// rab zhi ba shes gnyen bcas pa yi// 'jig rten rdo rje 'dzin par shog/ sangs rgyas thams cad rang mnyam par sbyar ba'i dka' 'grel slob dpon rab tu zhi ba'i bshes gnyen gyis mdzad pa rdzogaso// / rgya gar gyi mkhan po/ a tsAr+ya shrad+d+ha ka ra brla dang / d+har+m+ma shA~M b+hadra dang / 'u na kyil cab dge slong rin chen bzung pos bsgyur sna nus te tAn la phab pa// / sa/ rgyu gar spyad du/