Wylie

e-texts produced with BDRC’s OCR application

རྒྱ་གར་སྐད་དུ། སརྦ་བུདྡྷ་ས་མཉྫུ་པཉྩི་ཀཱ། བོད་སྐད་དུ། སངས་རྒྱས་ཐམས་ཅད་དང་མཉམ་པར་སྦྱོར་བའི་བཀའ་འགྲེལ། རྣལ་འབྱོར་གྱི་དབང་ཕྱུག་དམ་པ། བཅོམ་ལྡན་འདས་རྡོ་རྗེ་རྣོན་པོ་ལ་ཕྱག ་འཚལ་ལོ།། སངས་རྒྱས་ཀུན་དང་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། སེམས་ཅན་ཀུན་གྱི་བདེ་བསྐྱེད་པ།། དངོས་ཀུན་བདག་ཉིད་ཕྱག་འཚལ་ལོ།། མ་རྨོངས་བློས་ཀྱང་རྟོགས་དཀའ་བའི།། རྒྱུད་ཀྱི་མཆོག་ཅེས་བྱ ་བ་སྟེ། ཚུལ་བཞིན་གཞན་གྱིས་གསོལ་བསྐོལ་བས།། ཇི་བཞིན་གསལ་བར་རྣམ་པར་དབྱེ།། འདིར་ཁ་ཅིག་ན་རེ་ཅིའི་ཕྱིར་རྒྱུད་འདིར་མགོ་ལ་སྡུད་པར་བྱེད་པས་འདི་སྐད་བདག་གིས་ཐོས་པ་ཞེས་བྱ་བ་ལ་སོགས་པ་གླེང་གཞི་མ ་བསྟན་ཞེས་རྒོལ་བར་བྱེད་པ་ལ། ལ་ལ་ངག་གིས་བཤད་པ། བཅོམ་ལྡན་འདས་ཡོངསུ་མྱ་ངན་ལས་འདས་པ་ན། རིགས་ཀྱི་བུ་དག་ཡོངསུ་མྱ་ངན་ལས་འདས་ནས། ཁྱེད་རྣམས་ཀྱིས་དམ་པའི་ཆོས་རྣམས་བསྡུ་བར་བྱ་སྟེ། ཐམས ་ཅད་ཀྱིས་དང་པོར་འདི་སྐད་བདག་གིས་ཐོས་པའི་དུས་གཅིག་ན། ཞེས་བྱ་བ་བྱོས་ཤིག་ཅེས་གསུངས་ལ། བཅོམ་ལྡན་འདས་ནི་མི་གནས་པའི་མྱ་ངན་ལས་འདས་པའོ་ཞེས་རབ་ཏུ་བསྟན་པའི་ཕྱིར་ཏེ། དེ་བས་ནི་རྟག་ཏུ་བཞུགས ་ཞེས་བྱ་བའི་རིམ་པ་འདི་ཉིད་ཀྱིས་མངོན་ནོ།། གཞན་དག་ན་རེ་འཁོར་ལོ་སྒྱུར་བ་ཆེན་པོ་མངོན་སུམ་དུ་སྟོན་པར་གྱུར་པས་རྒྱུད་ཤློ་ཀ་ཁྲི་གཉིས་སྟོང་པ་གསུངས་པ་ལས་སྟོང་ཉིས་བརྒྱ་པ་འདི་ནི་རྒྱུད་ཕྱི་མ་ཡིན་པ། དེ་བས་ན་དང ་རྩོམ་པ་ན་གླེང་གཞི་གྲགས་ཟིན་པས་འདིར་ཡང་མ་སྨྲས་སོ་ཞེས་འདོད་དོ།། དེ་ལ་ཆོས་ཀྱི་རྗེ་སུ་འབྲེལ་པའི་གང་ཟག་ནི་བརྗོད་པར་བྱ་བ་དང་། འབྲེལ་པ་དང་དགོས་པ་དང་། དགོས་པའི་ཡང་དགོས་པ་དག་ཡོད་ན། འཇུག ་པར་འགྱུར་བས་འདིར་དེ་དག་བསྟན་པར་བྱ་སྟེ། འདི་ལ་བཅོམ་ལྡན་འདས་རྡོ་རྗེ་སེམས་དཔའ་སངས་རྒྱས་ཐམས་ཅད་མཉམ་པར་སྦྱོར་བ་མཁའ་འགྲོ་མའི་སྒྱུ་མའི་བདེ་བའི་མཆོག། དངོས་པོ་ཐམས་ཅད་ཀྱི་བདག་ཉིད་ནི་བརྗོད་པར་བྱ་བ ་ཡིན་ལ། དེ་སྟོན་པའི་ཚིག་རྒྱུད་འདི་ནི་བརྗོད་པའོ།། དེ་བས་ན་བརྗོད་པར་བྱ་བ་དང་། བརྗོད་པའི་མཚན་ཉིད་དུ་འབྲེལ་པ་ནི་འབྲེལ་པའོ།། དེར་ཡང་བཅོམ་ལྡན་འདས་ཀྱིས་གདུལ་བྱའི་འགྲོ་བ་རྣམས་དགའ་བར་བྱ་བ་ནི་དགོས་པའོ།། དཀྱིལ་འཁོར ་དུ་འཇུག་པ་ལ་སོགས་པ་སྒྲུབ་པ་དང་། བསྒྲུབ་པར་བྱ་བ་མ་ཚང་བ་མེད་པོའི་རིམ་པས་མཐར་ཕྱིན་པར་ནུས་ཤིང་། རང་གི་ངོ་བོ་ཉིད་མངོན་སུམ་དུ་བྱེད་པའི་མཚན་ཉིད་ནི་དགོས་པའི་ཡང་དགོས་པ་ཉིད་ཡིན་པར་ཤེས་པར་བྱའོ།། ད་ནི་རྒྱུད ་འདིའི་རྟོག་པ་བཅུའི་བདག་ཉིད་ལས་དང་པོ་དེ་ཁོ་ན་ཉིད་སྣང་བ་དམ་པའི་ཡུལ་ལ་འཇུག་པ་ཡེ་ཤོས་ཀྱི་ཕྱག་རྒྱ་རྟག་པའི་ངོ་བོ་ཉིད་སྡུད་པར་བྱེད་པ་བཅོམ་ལྡན་འདས་ཕྱག་ན་རྡོ་རྗེས་དང་པོར་གནས་ཕུན་སུམ་ཚོགས་པ་བསྟན་པ་ལ་འཇུག ་པའི་ཕྱིར། སེམས་དཔའ་ཞེས་བྱ་བ་ལ་སོགས་པ་གསུངས་སོ།། སེམས་དཔའ་སངས་རྒྱས་ཀུན་གྱི་དངོས།། ཞེས་བྱ་བ་ལ་སོགས་པ་སེམས་ཅན་རྣམས་ཀྱི་དོན་ལ་ཤིན་ཏུ་ཆགས་པས་ན་སེམས་དཔའོ།། ལྷ་ཐམས་ཅད་ཀྱི་ངོ་བོ་ཉིད་དུ ་གྱུར་པས་ན་སངས་རྒྱས་ཀུན་གྱི་དངོས་པོ་མི་ཕྱེད་པས་ཡེ་ཤེས་ཀྱི་ངོ་བོ་ཉིད་པས་ན་རྡོ་རྗེ་སེམས་དཔའོ།། མཆོག་ཏུ་ཡང་བདེ་བ་དང་ཡིད་བདེ་བའི་ངོ་བོ་ཉིད་པས་བདེ་བའི་མཆོག་གོ།། བདེ་བའི་མཆོག་ལ་སོགས་པ་དང་། མང་དུ་ཡང ་འདུས་པ་མཛད་པར་གྱུར་པ་འམ། ཉན་ཐོས་ལ་སོགས་པ་ལ་སྦ་བར་བྱ་བ་ཡིན་པས་ན་གསང་བའོ།། ཐམས་ཅད་ཀྱི་རབ་ཏུ་གྱུར་པས་ན་མཆོག་གོ།། ཉེས་པ་མ་ལུས་དང་བྲལ་བ་འམ། རྡོ་རྗེ་ལྷ་མོ་དང་མཉམ་པར་སྦྱོར་བའི་དགྱེས་པའི ་གནས་སྐབས་ཉིད་ཀྱིས་ན། དགྱེས་པ་ནའོ།། དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དུ་གྱུར་པའམ། ན་མཁའི་ཁམས་སུ་གཏོགས་པ་ཐམས་ཅད་མཉམ་པས་ན། ཐམས་ཅད་བདག་ཉིད་དེ་དཔལ་རྡོ་རྗེ་སེམས་དཔའི་གཞལ་ཡས ་ཁང་དུ་བཅོམ་ལྡན་འདས་རྡོ་རྗེ་སེམས་དཔའ་རྟག་ཏུ་བཞུགསོ་ཞེས་བྱ་བར་སྦྱར་རོ།། བཞི་པོ་དེ་དག་ཀྱང་རིམ་པ་བཞིན་དུ་བསྟན་པའི་ཕྱིར། འདི་ནི་ཞེས་བྱ་བ་ལ་སོགས་པ་གསུངས་ཏེ། འདི་ནི་ཞེས་བྱ་བ་ནི་རྡོ་རྗེ་སེམས་དཔའོ།། བདག ་ཉིད་རྫོགས་པའི་སངས་རྒྱས་ལ་སོགས་པར་བསྒོམས་པ་ལས་བྱུང་བསོ་ན་རང་བྱུང་སྟེ། དེ་ཉིད་ཀྱིས་ན་སངས་རྒྱས་ཐམས་ཅད་ཀྱི་རང་བཞིན་ནོ།། བླ་ན་མེད་པའི་དབང་ཕྱུག་དང་ལྡན་པས་བཅོམ་ལྡན་འདས་ཏེ། དེ་ཉིད་ཀྱིས་ན་སེམས ་དཔའོ།། གཉིས་པ་མེད་པས་ན་གཅིག་པུའོ།། དེ་ཉིད་ཀྱིས་ན་རྡོ་རྗེ་སེམས་དཔའ་ནི་ཆེ་བའི་ལྷ་སྟེ་གཙོ་བོར་གྱུར་པའོ།། མོ་བསྐྱོད་པ་ལ་སོགས་པ་ནི་སངས་རྒྱས་ཐམས་ཅད་བདེ་བའི་མཆོག་ལ་སོགས་པ་རྡོ་རྗེ་ལྷ་མོར་ཡོངསུ་གྱུར་ནས་དེ་རྣམ ་ཀྱིས་ཡང་དག་པར་རམ། ཀུན་ནས་སྦྱོར་བ་དང་། རྗེ་སུ་སྦྱོར་བ་དང་། ཤིན་ཏུ་སྦྱོར་བས་སེམས་སྙོམས་པར་ཞུགས་ཤིང་གཉི་སུ་མེད་པར་བསྒོམས་པས་ཕན་ཚུན་དགྱེས་ཤིང་དངོས་པོ་ཐམས་ཅད་ཀྱི་བདག་ཉིད་ཀྱི་མཚན་ཉིད ་སྦྱོར་བས་ན། དེའི་ཕྱིར་སངས་རྒྱས་ཐམས་ཅད་མཉམ་པར་སྦྱོར་བར་སྟོན་ཏོ།། ན་མཁའ་ལ་སྤྱོད་པའི་དངོས་གྲུབ་ཐམས་ཅད་ནི་མཁའ་འགྲོའོ།། དེ་ཉིད་ནི་སྒྱུ་མའི་གཟུགས་ཅན་པས་སྒྱུ་མ་སྟེ། དེས་བླ་ན་མེད་པའི་བདེ་བ་དང་ཡིད་བདེ་བ ་པོ་དེའི་ངོ་བོ་ཉིད་ནི་བཅོམ་ལྡན་འདས་སོ།། དེ་བས་ན་སངས་རྒྱས་ཐམས་ཅད་མཉམ་སྦྱོར་བ། མཁའ་འགྲོ་སྒྱུ་མ་བདེ་བའི་མཆོག། ཅེས་བྱ་སྟེ་དེ་ཉིད་བདེ་བའི་མཆོག་ཏུ་བཤད་པ་ཡིན་ནོ།། གལ་ཏེ་དེ་ལྟར་ལྷ་མོའི་ཚོགས་ཀྱི་ནང་དུ་ཞུགས ་ན་ཀུན་ནས་ཉོན་མོངས་པ་ཅན་དུ་འགྱུར་རོ།། སྙམ་པ་ལ་ཆགས་པ་མེད་ཅེས་བྱ་བ་ལ་སོགས་པ་གསུངས་ཏེ། ཆགས་པ་མེད་ཅེས་བྱ་བ་ནི་ཚོགས་པ་དང་བྲལ་བ་ནི་ཉན་ཐོས་ཀྱི་བྱང་ཆུབ་ལ་སོགས་པའོ།། དབུ་མར་ཞེས་བྱ་བ་ནི་བསྒྲུབ་པའི ་ཐབས་གཉིསུ་མེད་པའི་ཡེ་ཤེས་ཏེ་དེ་དག་ཐམས་ཅད་ཀྱང་། མི་དམིགས་དོན་དམ་པར་རང་བཞིན་མེད་པའི་ཕྱིར་རོ།། ལྷ་མོ་རྣམས་ཀྱི་ཀུན་ནས་ཉོན་མོངས་པ་མེད་པའི་ལན་བསྟན་པའི་ཕྱིར། བུད་མེད་ཀུན་གྱི་ཞེས་བྱ་བ་ལ་སོགས་པ་གསུང ་ཏེ། བུད་མེད་ཐམས་ཅད་ཀྱི་སྒྱུ་མ་ནི། རྗེསུ་ཞུགས་པ་ཡང་ཡིན་པས་ན་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱ་ཡིན་ནོ།། དེ་ཉིད་གསལ་བར་བྱ་བའི་ཕྱིར་འདི་ནི་གཉིས་མེད་ཅེས་བྱ་བ་ལ་སོགས་པ་གསུངས་ཏེ། གཉིས་ནི་གཟུང ་བ་དང་འཛིན་པ་སྟེ། དེ་མེད་པས་ན་གཉིསུ་མེད་པའོ།། འདི་གཉིས་ཀྱིས་འགྲོ་ཞིང་ཕྱིན་པས་ན་ཐེག་པ་སྟེ། བྱང་ཆུབ་སེམས་དཔའ་ཆེན་པོ་སངས་རྒྱས་ཀྱི་སའི་འབྲས་བུ་དང་བཅས་པའོ།། ཉན་ཐོས་ལ་སོགས་པའི་ཐེག་པ་ལས་ཕུལ་དུ་བྱུང ་བས་ན་མཆོག་གོ། རྣམ་པར་སྣང་མཛད་ལ་སོགས་པའི་ལྷ་མོ་དང་བཅས་པའི་ཡང་ཡོད་དམ་མེད་ཅེས་བྱ་བ་ལ་སོགས་པ་རང་གི་ཤེས་རབ་ཀྱི་ཕ་རོལ་ཏུ་ཕྱིན་པས་དོན་ཡོད་པ་ཡིན་པར་ཤེས་པར་བྱའོ།། ཡང་ན་བུད་མེད་ཐམས་ཅད་ཀྱི ་སྒྱུ་མའི་ཕྱག་རྒྱ་ནི་བདེ་བའི་མཆོག་ལ་སོགས་པའི་ཕྱག་རྒྱ་ཆེན་པོ་ལ་སོགས་པ་ཡིན་པ་ལས་རིགས་ཀྱིསོ་ཚོགས་གཅིག་པར་བྱསོ།། གཉིས་སུ་མེད་པ་ཞེས་བྱ་བ་ལ་སོགས་པས་ནི་དོན་དམ་པས་འདི་ཡི་ངོ་བོ་ཉིད་སྟོན་པ་སྟེ། འདིས་ནི ་བཅོམ་ལྡན་འདས་དོན་དམ་པར་གཉིསུ་མེད་པའི་ཡེ་ཤོས་ཀྱི་ངོ་བོ་ཉིད་དུ་བསྟན་པ་ཡིན་ནོ།། ཀུན་རྫོབ་ཏུ་ནི་གདུལ་བྱའི་དབང་དུ་འདི་ནི་སྒྱུ་མའི་ཕྱག་རྒྱར་སྤྲུལ་ཏེ། རྣམ་པ་འདི་གཉིས་ཀྱང་སངས་རྒྱས་ཐམས་ཅད་དང་མཉམ་པར་སྦྱོར ་བ་ཡང་དག་པར་བསྟན་པ་ཡིན་ནོ།། གང་ཞིག་འདི་སྟོན་ན་ཅི་ཐབས་གཞན་དག་གིས་སེམས་ཅན་གྱི་དོན་བྱ་བ་མེད་དམ་ཞེ་ན། དེའི་ཕྱིར་རྒྱུ་མ་དག་ནི་ཞེས་བྱ་བ་ལ་སོགས་པ་གསུངས་ཏེ། སྒྱུ་མ་དག་ནི་ཐམས་ཅད་པས་ཞེས་བྱ་བ་ལས ་སྤྲུལ་པ་ཐམས་ཅད་ཀྱི་ནང་ན་བུད་མེད་ཀྱི་སྒྱུ་མ་སྟེ། བདེ་བའི་མཆོག་ལ་སོགས་པའི་ཕྱག་རྒྱ་ནི་རབ་ཏུ་ཁྱད་པར་ཆེ་སྟེ། དེས་གདུལ་བར་བྱ་བ་རྣམས་ལ་རིམ་གྱིས་གོང་མའི་འབྲས་བུ་སྟོར་ཅིང་། བླ་ན་མེད་པའི་བདེ་བ་དང་ཡིད་བདེ་བའི ་ངོ་བོ་རྡོ་རྗེ་སེམས་དཔའི་གོ་འཕང་ཐོབ་པར་བྱེད་པས་ཤིན་ཏུ་ཁྱད་པར་དུ་འཕགས་པར་གྱུར་ཏེ། དེ་བས་ན་དེ་ཉིད་ཉེ་བར་བསྟན་ཏེ། བཅོམ་ལྡན་འདས་རྡོ་རྗེ་སེམས་དཔའ་ནི་གཉིས་སུ་མེད་པའི་ཡེ་ཤེས་ཀྱང་ཐ ་བྱ་བ་ཐམས་ཅད་དང་བྲལ་བ་ལ་རྒྱུ་གང་གིས་ན། འདི་ལྟར་ཁྱད་པར་དུ་གྱུར་ཅེ་ན། ངོ་བོ་ཉིད་ཀྱིས་ཞེས་བྱ་བ་ལ་སོགས་པ་གསུངས་ཏེ། དེ་ཅིའི་ཕྱིར་ཞེ་ན། ངོ་བོ་ཉིད་ཀྱིས་ལྷུན་གྱིས་གྲུབ་ཅིང་གྲུབ་ཟིན་པའོ།། རྒྱུ་གང་གིས་ཤེ་ན། ་མཐུ་དག་གིས་ཏེ་བསོད་ནམས་དང་ཡེ་ཤེས་ཀྱི་ཚོགས་ཀྱི་ཚོ་བའི་བདག་ཉིད་རང་ཉིད་ཀྱིས་བསམ་ཞིང་འདོད་པ་སྟེ། དེས་བདག་ཉིད་ཀྱི་སྨོན་ལམ་ལ་བརྟེན་པའི་བར་གྱིས་སོ།། དེ་ལྟར་འདིའི་རྒྱུ་ཡི་ཆེ་བའི་བདག་ཉིད་དག་བསྟན་ནས་འབྲས ་བུ་ཆེ་བའི་བདག་ཉིད་ཉེ་བར་བསྟན་པའི་ཕྱིར། འཇིག་རྟེན་གསུམ་ཞེས་བྱ་བ་ལ་སོགས་པ་གསུངས་ཏེ། འཇིག་རྟེན་གསུམ་ནི་ས་འོག་ས་སྟེང་ས་བླའི་མཚན་ཉིད་ཅན་ནོ།། བུད་མེད་འདིས་ཞེས་བྱ་བ་ནི་བདེ་བའི་མཆོག་ལ་སོགས་པ་སྒྲུབ ་པར་བརྩོན་པའི་བུད་མེད་དོ།། འདིས་ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངསུ་རྫོགས་པའམ་སྒྱུ་མའི་ཕྱག་རྒྱའོ།། གུས་པར་བྱེད་པ་ཞེས་བྱ་བ་ནི་ཆེ་བའི་བདག་ཉིད་ཅན་དུ་བྱེད་པའོ།། ཅི་དཀའ་བ་སྤྱོད་པ་རྣམས་འགྲུབ་པར་འགྱུར ་རྱ་མྱ་མྱི་འགྱུར་ཞེ་ན། རྙེད་དང་ཞེས་བྱ་བ་ལ་སོགས་པ་གསུངས་ཏེ། རྙེད་པ་ལ་སོགས་པ་ལ་མངོན་པར་སྤྱོད་བཞིན་དུ་ཡང་འགྲུབ་པར་འགྱུར་ན་རྙེད་པ་ལ་སོགས་པ་ཡོངསུ་སྤོང་བ་ལ་ལྟ་ཅི་སྨོས་ཏེ། གང་གི་ཕྱིར་ངན་པར་སྤྱོད་པ་སྟེ། ་སྒྲུབ་པའི་སྤྱོད་པ་མ་ཚང་བ་རྣམས་ཀྱང་འགྲུབ་པར་འགྱུར་ཏེ། དེས་ན་དངོས་གྲུབ་མངོན་དུ་བྱེད་པའི་ཕྱིར་རོ།། ཞེས་བྱ་བར་སྦྱར་རོ།། མཁའ་འགྲོ་མའི་དོན་བསྟན་པར་བྱ་བའི་ཕྱིར་རང་གི་ངོ་བོ་ཞེས་བྱ་བ་ལ་སོགས་པ་གསུངས་ཏེ། རང ་གི་ངོ་བོ་ཡོངསུ་བསྒྱུར་ན་ཞེས་པ་ནི་རང་གི་གནས་ཡོངསུ་གྱུར་པའི་སྔོན་དུ་བྱ་བ་སྟེ། བདེ་བའི་མཆོག་ལ་སོགས་པ་ནི་དངོས་པོའི་གནས་སྐབསུ་གྲུབ་པ་ཡོངསུ་རྫོགས་པའོ།། བུད་མེད་ཀུན་གྱི་སྒྱུ་མ་ནི་བུད་མེད་ཐམས་ཅད་ཀྱི་སྦྱོར་བ ་བསྒོམས་པས་སོ།། གྲུབ་པ་ནི་རྫོགས་པར་གྱུར་པ་འདི་ནི། ངོ་བོ་མཚན་སྒྱུ་མའི་ཕྱག་རྒྱ་འདི་ཞེས་བྱ་སྟེ། བཅོམ་ལྡན་འདས་ཀྱི་ངོ་མཚར་སྣ་ཚོགས་པ་སྟེ། བདེ་བའི་མཆོག་ལ་སོགས་པའི་ཕྱག་རྒྱ་ནི་མཁའ་འགྲོ་མ་ཞེས་བྱའོ།། ཞེས ་བྱ་བ་ནི་ཚིག་གི་ལྷག་མའོ།། སྐད་གང་གིས་ཤེ་ན་བརྡར་བསྟན་ཏོ་ཞེས་པ་སྟེ། སངས་རྒྱས་ཐམས་ཅད་ཀྱི་བརྡའི་ཚིག་ཏུའོ།། སྒྲའི་ངེས་པའི་ཚིག་ཉིད་བསྟན་པར་བྱ་བའི་ཕྱིར། ཌཱ་ནི་ན་མཁར་འགྲོ་མ་ཞེས་བྱ་བ་ལ་སོགས་པོ་གསུངས ་ཏཽ། ཌཱ་ཞེས་བྱ་བའི་ཡི་གེའི་ཁམས་ལས་ནི་མཁའ་འགྲོ་མ་ཞེས་བྱའོ།། དེ་བས་ན་ན་མཁའ་ཀུན་ཏུ་སྤྱོད་གྲུབ་པས། མཁའ་འགྲོ་མ་ཞེས་རབ་ཏུ་གྲགས་ཞེས་བྱ་སྟེ། རབ་ཏུ་གྲགས་པར་ཉེ་བར་འགྲོ་བའོ།། ཐུང་དུ་མ་ལུས་པའི་ཕྱག་རྒྱ་ནི་རྡོ་སེམ ་ཕྱག་རྒྱ་ཡིན་ལ་དེ་ཡང་ཐམས་ཅད་དུ་མ་ལུས་པའི་བདེ་བའི་མཆོག་ཡིན་ཏེ། ན་མཁའ་ཀུན་ཏུ་འགྲོ་བས་ན་མཉམ་པར་སྦྱོར་བས་ཐམས་ཅད་ནི། མཁའ་འགྲོ་མ་ཞེས་རབ་ཏུ་གྲག་སོ།། དེ་ཡང་འདི་སྐད་སྟོན་པར་འགྱུར་ཏོ།། གང་ཡིད ་བཅོམ་ལྡན་རྡོ་རྗེ་སེམས་དཔའ་ཐམས་ཅད་དུ་འགྲོ་བ་གྲུབ་པའི་ཕྱག་རྒྱ་ཆེན་པོ་ནི་ནམ་མཁའ་ཀུན་ཏུ་འགྲོ་བ་ཞེས་བྱ་བ་ཉིད་ཡིན་ནོ།། སངས་རྒྱས་ཁམས་ཞེས་པ་ནི་སངས་རྒྱས་ལ་སོགས་པའི་ཁམས་ནི་སངས་རྒྱས ་ཀྱི་ཁམས་ཏེ། དེ་ནི་མཁའ་འགྲོ་མ་ཞེས་བྱ་བའི་དོན་ནི། རྣམ་པར་སྣང་མཛོད་ལ་སོགས་པ་འཁོར་དང་བཅས་པའི་ཡང་ཁམས་ཀྱི་སྒྲ་འདི་ཉིད་ཀྱིས་བསྟན་ཏོ།། དེ་བས་ན་དེ་རྣམས་ཀྱི་ཀུན་ཏུ་འགྲོ་བར་གྲུབ་པ་དེ་ནི། སངས་རྒྱས་ཀུན ་གྱི་བདག་ཉིད་ཀྱི་མཁའ་འགྲོ་མ་ཞེས་རབ་ཏུ་གྲགསོ་ཞེས་བྱ་བར་སྦྱར་རོ།། འདིར་ཡང་སྒོམ་པ་བསྟན་པའི་བློས་དང་པོ་སྙིང་དང་སྤེལ་བའི་ཡི་གེ་དེ་ལས་བྱུང་བའི་རླུང་གི་དཀྱིལ་འཁོར་ལ་གནས་པའི་རྡོ་རྗེ་ན་མཁའ་ལྡིང་གིས་རྣམ་པར་བསྐྱོད ་བཞིན་པའི་རང་གི་ལྷའི་བདག་ཉིད་ཇི་ལྟ་བ་བཞིན་དུ་བསྒོམས་ན། ན་མཁར་འགྱུར་རོ་ཞེས་མན་ངག་ལས་བཤད་དོ།། བཤད་ཅེས་བྱ་བ་ནི་རབ་ཏུ་གྲག་སོ།། སངས་རྒྱས་ཀུན་གྱི་ཞེས་བྱ་བ་ནི་རྡོ་རྗེ་སེམས་དཔའི་དངོས་གྲུབ་ལས་ཐོབ་པ་སྟེ། ་བདེ་བ་ཆེན་པོ་ཞེས་བཤད་པ་ཡང་དེ་ཉིད་ཡིན་ནོ།། སྒྱུ་མ་ཐམས་ཅད་རབ་འབྱོར་པ་ཞེས་བྱ་བ་ནི་དཀྱིལ་འཁོར་མ་ལུས་པར་སྤྲུལ་པ་ལ་རབ་ཏུ་འཇུག་པ་ལས་གང་ཞིག་སྐྱེས་པཱི་བདེ་བཱི་དཾ་པ་དེ་ནི་བདེ་འི་མཆོག་ཅེ་བཤད་པ་སྟེ། དེ་བས་ན་དེའི་ངོ་བོ ་ཉིད་དུ་གྱུར་པས་བཅོམ་ལྡན་འདས་སངས་རྒྱས་ཐམས་ཅད་མཉམ་པར་སྦྱོར་བ་མཁའ་འགྲོ་སྒྱུ་མའི་བདེ་བའི་མཆོག་ཅེས་བྱ་བར་གྲག་སོ།། ང་ནི་སྒྱུ་མ་ཐམས་ཅད་ཀྱི་རབ་ཏུ་སྦྱོར་བ་མ་ལུས་པར་བསྟན་པའི་ཕྱིར། ཀུན་ཏུ་ཞེས་བྱ་བ་ལ ་སོགས་པ་གསུངས་ཏེ། ཡུལ་ཀུན་ཏུ་དང་དངོས་པོ་ཀུན་ནས་དང་། དངོས་པོ་ཐམས་ཅད་དང་ཀུན་ཏེ་དུས་ཀུན་ཏུ་དང་རྣམ་པ་ཀུན་ཏེ། རྣམ་པ་ཐམས་ཅད་དུ་བདག་ཉིད་ཁོ་ནར་འགྱུར་རོ་ཞེས་བྱ་བ་ནི་ལྷག་མའོ།། ཅིའི་ཕྱིར་ཞེ་ན། འདི་ལྟར་སྤངས ་རྒྱས་ཞེས་བྱ་བ་ལ་སོགས་པ་གསུངས་ཏེ། དེ་ལྟར་འདིས་ནི་བཅོམ་ལྡན་འདས་དེ་དངོས་པོ་ཐམས་ཅད་ཀྱི་ངོ་བོ་ཉིད་དུ་བསྟན་ཅིང་། མཉམ་པར་བཞག་པའི་སྒོམ་པའི་སྦྱོར་བ་སྟོན་ཏོ།། དེ་བས་ན་དངོས་པོ་ཐམས་ཅད་ཀྱི་བདག་ཉིད་དེ་ཉིད ་རྒྱས་པར་བསྟན་པའི་ཕྱིར། སངས་རྒྱས་བརྟན་གཡོ་ཞེས་བྱ་བ་ལ་སོགས་པ་གསུང་སོ།། སེམས་ནི་ཀུན་ནས་ཉོན་མོངས་པ་ཐམས་ཅད་ཀྱི་གནས་སུ་གྱུར་པས་ན། སེམས་ནི་ཀུན་གཞི་རྣམ་པར་ཤེས་པའོ།། དེ་ཉིད་སྟོང་པ་ཉིད་བསྟན་པར ་བསྒོམས་པས་གཟུང་བ་དང་འཛིན་པ་ལས་རྣམ་པར་དབེན་པར་གྱུར་པ་ཟླ་བའི་དཀྱིལ་འཁོར་གྱི་རྣམ་པ་ནི་སེམས་དཔའ་ཞེས་བརྗོད་དོ།། ཆོས་ཐམས་ཅད་དངོས་པོ་མེད་པའི་ངོ་བོ་ཉིད་དུ་དམིགས་པ་ལ་སེམས་རྩེ་གཅིག་ཏུ་སྦྱོར་བ་ནི་ཏིང་ངེ ་འཛིན་ཏོ།། ཟླ་བའི་དཀྱིལ་འཁོ་ཡོངསུ་རྫོགས་པར་བསྒོམ་པ་ནི་བྱང་ཆུབ་ཏུ་སེམས་བསྐྱེད་པ་ཡིན་ལ། དེ་ཉིད་བྱང་ཆུབ་ཀྱི་དོན་དུ་སྤྱོད་པ་ཡིན་པས་བྱང་ཆུབ་སྤྱོད་པའོ།། དེའི་སྟེང་དུ་རྡོ་རྗེ་བསྒོམ་པའི་ང་རྒྱལ་བསྐྱེད་ལ། དེ་བཞིན་གཤེགས ་པ་རྗེ་སུ་ཞུགས་པ་ལས་རང་གི་ལྷའི་ངོ་བོར་བསྒོམ་པ་ནས། ཇི་སྲིད་མཆོད་པའི་མཐར་ཐུག་པའི་བར་གྱི་ལྷའི་སྦྱོར་བ་བཤད་པ་ནི། གདུལ་བྱའི་སྦྱོར་བས་རྣམ་པ་ཐ་དད་པར་གྱུར་པ་ནི་སྣ་ཚོགས་ཉིད་དོ།། གཞན་དག་ན་རེ་བྱང་ཆུབ་ཀྱི་སྤྱོད་པ ་ནི་རྒྱལ་བར་བྱེད་པ་དང་། སྦྲང་རྩིར་བྱེད་པའི་གཟུགས་ཀྱིས་སེམས་ཅན་གྱི་དོན་བྱེད་པ་ཡིན་ལ། དེ་ཁོ་ན་ཉིད་ནི་རྣམ་པ་ཐ་དད་པས་སྣ་ཚོགས་པ་ཉིད་དེ། སྙིང་སྟོབས་རྡུལ་དང་མུན་གྱིས་ཀྱང་། གང་ཕྱིར་སེམས་ཅན་དོན ་འགྱུར་བས།། དེས་ན་བདག་ནི་ཀུན་བཟང་སྟེ། བྱང་ཆུབ་སྤྱོད་པས་ཇི་བཞིན་འགྲོ་ཞེས་གསུངས་པས་སོ།། ཞེས་ཟེར་རོ།། འདི་ལྟར་རྣམ་པ་སྣ་ཚོགས་པ་དེ་ཉིད་བསྟན་པའི་ཕྱིར་དེ་བཞིན་བདུད་དང་ཞེས་བྱ་བ་ལ་སོགས་པ་གསུངས་ཏེ། ལམ ་ལོག་པར་འཇུག་པའི་སེམས་ཅན་སེམས་གསོད་པས་ཉོན་པས་ན། བདུད་དེ་རྡོ་རྗེ་སེམས་དཔའོ།། དེ་ཉིད་བདུད་བཞི་ལས་རྒྱལ་བར་གྱུར་པས་ན་བདུད་ལས་རྒྱལ་བའོ།། རང་གི་སེམས་སོ་སོར་རྟོགས་པ་ནི་བྱང་ཆུབ་ཡིན་ལ་དེ་ཉིད་སངས ་རྒྱས་ཏེ། རྣམ་པར་སྣང་མཛད་དོ།། ཡེ་ཤེས་ལྔའི་བདག་ཉིད་ཅན། རྩེ་ལྔ་པའི་ཁྲོ་བོའི་རྡོ་རྗེ་ནི་རྡོ་རྗེའོ།། རྡོ་རྗེ་འཛིན་པར་མཛད་པས། རྡོ་རྗེ་འཛིན་ཉིད་དོ།། སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་རང་བཞིན་གྱིས་རྣམ་པར་དག་པའི ་ཉིད་ངོ་བོ་ནི་པདྨའོ།། པདྨོ་འཛིན་པར་མཛད་པས་ན་པདྨོ་འཆང་སྟེ། པདྨོ་གར་གྱི་དབང་ཕྱུག་གོ།། མཉམ་པ་ཉིད་ཀྱི་ཡེ་ཤེས་ཀྱི་ངོ་བོ་ཉིད་རིན་པོ་ཆེ་ཟུར་བརྒྱད་པ་ནི་ནོར་བུའོ།། དེ་འཛིན་པས་ན་རྡོ་རྗེ་ཉི་མའོ།། རྟ་མཆོག་ནི་དྲག་པོའི་ཚུལ་ཀུན་གྱི ་ངོ་བོ་ཉིད་ལ་གནས་པ་ཡིན་པས་ན་བཤད་དོ།། དེ་དག་གི་ཡང་ཞེས་བྱ་བ་ནི་རྡོ་རྗེ་སེམས་དཔའ་ཞེས་བྱ་བ་ལ་སོགས་པ་བདུད་ལ་སོགས་པར་བསྟན་པའི་རིགས་ནི་འཁོར་ཡི་ནོ།། ཐུགས་རྗེའི་བདག་ཉིད་ཅན་དུ་གྱུར་པས་ན། འདོད་ཆག་སོ།། ་ཉན་ཐོས་དང་རང་སངས་རྒྱས་ཀྱི་ཐར་པའི་བདག་ཉིད་ཅན་དུ་གྱུར་པས་འདོད་ཆགས་དང་བྲལ་བས་ན་འདོད་ཆགས་དང་བྲལ་ལོ།། དངོས་གྲུབ་ཐམས་ཅད་ལ་རྗེ་སུ་དགྱེས་པས་ན་འདོད་པའོ།། དངོས་གྲུབ་ཐམས་ཅད་མྱི་འགྱུར་བའི་བདེ་བ་ཅན་ཡིན ་པས་ན་གྲོལ་བ་སྟེ། དེ་ཡང་བཅོམ་ལྡན་འདས་འདོད་པ་དང་ཐར་པ་ཅི་ལྟ་བུ་ལགས། འདོད་ཆགས་ཆེན་པོ་བཅོམ་ལྡན་འདས།། དངོས་གྲུབ་ཀུན་ལ་རྗེ་སུ་དགྱེས།། དངོས་གྲུབ་ཐམས་ཅད་མི་འགྱུར་བ།། བདེ་བ་ཆེན་པོ་ཤེས་པར་བྱ་ཞེས་གསུངས ་པས་སོ།། འདས་པ་ལ་སོགས་པའི་ངོ་བོ་ཉིད་དུ་གྱུར་པས་ན་དུས་གསུམ་མོ།། འདོད་པ་དང་གཟུགས་དང་གཟུགས་མེད་པའི་སྲིད་པའི་ངོ་བོ་ཉིད་པས་ན་སྲིད་གསུམ་མོ།། ཐེག་པ་གསུམ་གྱི་བདག་ཉིད་ཅན་བས་ན་མཆོག་གསུམ་མོ།། རྒྱལ ་བར་བྱེད་པ་ལ་སོགས་པ་སྤུན་གསུམ་གྱི་ངོ་བོ་ཉིད་པས་ན་འཇིག་རྟེན་གསུམ་མོ།། འདོད་པ་ལ་སོགས་པའི་ཁམས་ཅན་པས་ན་ཁམས་གསུམོ།། རྣམ་པ་ཐ་དད་པས་རྣམ་པ་སྣ་ཚོགས་པས་སོ།། རཱི་ལ་སྩོགས་པ་ནི་གནས་པའོ།། མི ་ལ་སོགས་པ་ནི་འགྲོ་བའོ།། ཀུན་ཏུ་ཁྱབ་པས་ན་ཐམས་ཅད་དུའོ།། མཐའ་ཡས་མཆོག་ནི་ཐོག་མ་དང་མཐའ་ཐུག་པ་མེད་པའོ།། ཆོས་ཀྱི་དབྱངས་མཉམ་པར་སྟོང་པ་ཉིད་དང་མཚུངས་པའོ།། ནམ་མཁའི་དབྱིངས་དང་འདྲ་བ་ནི་མུར་ཐུག ་པ་མེད་པ་སྟེ། ཆོས་ཀྱི་དབྱིངས་དང་ན་མཁའི་དབྱིངས་ངེས་པའི་ཚིག་གཉིས་སྨོས་པ་ནི་འཇིག་རྟེན་ལས་འདས་པ་དང་། འཇིག་རྟེན་པ་ལ་གྲགས་པ་ཡིན་པར་བལྟ་བར་བྱའོ།། དངོས་པོ་ཐམས་ཅད་ནི་ཆོས་ཐམས་ཅད་དེ། དེ་དག་གིས་ནི ་རང་བྱུང་ཉིད་དུ་གྱུར་པར་སྟོན་ཏོ།། ནམ་མཁའ་ཀུན་གྱི་སྐབས་ན་དཔལ་ཞེས་བྱ་བ་ནི་ན་མཁའ་རྣམས་ཅད་དུ་གོ་སྐབས་ཡོད་པའི་དཔལ་གང་ལ་ཡོད་པ་དེ་ལ་དེ་སྐད་ཅེས་བྱ་སྟེ། ན་མཁའ་ཐམས་ཅད་ཀྱི་སྐབས་ཅན་གྱི ་དཔལ་གང་ལ་ཡོད་པ་ཞེས་སྦྱརོ།། འདིས་ནི་བཅོམ་ལྡན་འདས་ཞེས་བྱ་བར་སྟོན་ཏོ།། རྡོ་རྗེ་སེམས་དཔའ་དེ་བཞིན་གཤེགས་ཞེས་བྱ་བ་འདིས་ནི་གཅིག་པུ་རབ་ཏུ་ཆེ་བའི་ལྷ་ཞེས་བྱ་བ་སྟན་ཏོ།། ད་ནི་ཐོབ་པར་བྱེད་པའི་ཐབས་ཀྱི་སྦྱོར ་ངོ་བོ་ཉིད་ཀྱི་ཕྱག་རྒྱ་བསྟན་པར་བྱ་བའི་ཕྱིར་བསྐལ་པ་བྱེ་བ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཐམས་ཅད་ནི་རྡོ་རྗེ་སེམས་དཔའ་ལ་སོགས་པའོ།། སངས་རྒྱས་ཀུན་དེ་དག་གིས་ནི་བདེ་བའི་མཆོག་ལ་སོགས་པའི་མཚན ་ཉིད་ཅན་གྱིས་ཏེ། བདེ་བའི་མཆོག་ནི་བདེ་བདེ་བའི་དམ་པ་རྒྱུ་དང་འབྲས་བུར་བཅས་པའོ།། བདག་ཉིད་བསྒྲུབས་པ་ནི་ལྷའི་གཟུགསུ་རང་ཡོངསུ་གྱུར་པའོ།། ཤིན་ཏུ་ནི་ཕུལ་དུ་བྱུང་བར་རོ།། སངས་རྒྱས་ཀུན་བདག་བདེ་མཆོག་གོ།། ཞེས ་པ་ནི་རྡོ་རྗེ་སེམས་དཔའ་ལ་སོགས་པའི་ངོ་བོ་ཉིད་ཀྱི་བླ་ན་མེད་པའི་བདེ་བ་དང་། ཡིད་བདེ་བ་ཉམསུ་མྱོང་བའོ།། བདག་ཉིད་བསྒོམས་པའི་མཚན་ཉིད་ཅན་གྱི་བསམ་པ་དང་། དགོངས་པ་ཅན་ནི་ཡང་དག་པའི་སེམས་དང་ལྡན་པ་སྟེ། ཡང ་དག་པའི་སེམས་ཀྱིས་དེ་ཁོ་ན་ཉིད་ལ་དམིགས་པའི་སེམས་དང་སྦྱོར་བར་གྱུར་པ་ནི་ཡང་དག་པའི་སེམས་ལ་སྦྱོར་བའོ།། གཞན་དག་གི་རྣལ་འབྱོར་ཡང་དག་པ་མ་ཡིན་པའི་སེམས་དེ་དང་མི་ལྡན་པ་དེས་ནི་དེའི་གཟུགས་བརྙན་གྱི་རང ་བཞིན་ཏེ། གཟུགས་བརྙན་གྱི་དྲི་གྲོལ་དམིགས་པ་ལས་སྐྱེས་པ་ནི་ཡང་དག་པ་ནི་མ་ཡིན་ནོ།། དུ་ལས་བཟློག་པ་རྡོ་ལྟ་བུ་ཞེ་ན། ཡང་དག་མཆོག་སེམས་ཞེས་བྱ་བ་ལ་སོགས་པ་གསུང་སོ།། རདུ་ན་ལྷྭ་བདག་ཉིདང་དུ་བསྒོམས་པ ་ཉི་ནི་རང་གི་མཆོག་གོ།། རང་གི་སེམས་ཀྱི་མཚན་ཉིད་དུ་སྦྱོར་བ་ནི་བདག་སྦྱོར་བ་སྟེ་ན་རྣམས་ཀྱི་སེམས་གང་ཡིན། ཞེས་བྱཾ་བྱཱ་ལ་སོགས་པ་གསུངས་པའོ།། མི་འགྱུར་བ་ནི་རྣམ་བྱར་མི་གཡོ་བའོ།། གཟུགས་བརྙན་ནི་གཟུགས་བྱས ་པའོ།། ལུགས་མ་ནི་སྐུ་གདུང་གི་ཡོངསུ་བཀང་སྟེ་བྱས་པ་ལ་སོགས་པའོ།། སོགས་པའི་སྒྲ་ནི་རི་མོར་བྲིས་པ་ལ་སོགས་པའོ།། གང་གི་ཕྱིར་འདི་ལྟར་བྱང་ཆུབ་སེམས་ལ་རབ་ཏུ་བརྩོན་པ་སྟེ། བྱང་ཆུབ་ཀྱི་སེམས་བསྒོམས་པའི་རིམ་གྱིས ་རྣལ་འབྱོར་པ་སྟེ། སྔགས་པ་རྒྱུ་དེས་ན་བདག་ཉིད་ལྟ་འགྱུར་རོ་ཞེས་བྱ་བ་ནི་ལྷག་མའོ།། བྱང་ཆུབ་ཀྱི་སེམས་ནི་སྟོང་པ་ཉིད་དུ་བསྒོམས་པའི་རིམ་གྱིས་ཟླ་བའི་དཀྱིལ་འཁོར་ཡོངསུ་རྫོགས་པར་གྱུར་པའི་བདག་ཉིད་འདི་ཅི་སྐད་དུ་སྔར་བཤད ་པ་ཡིན་ནོ།། རྡོ་རྗེ་ནི་དེར་རང་གི་མཚན་མར་བསྟན་པའི་བདག་ཉིད་དོ།། སངས་རྒྱས་ཀུན་གྱི་ནི་ཇི་ལྟར་བདག་ཉིད་ཀྱི་ལྷའི་གཟུགསུ་གྱུར་པའི་བདག་རང་གི་ཡིན་གྱིས་ཕྱི་རོལ་གྱི་ལུགས་མ་ལ་སོབས་པ་ནི་མ་ཡིན་ནོ།། དེ་ལྟ་བས་ན་ཚུལ་འང ་ལྟར་རང་གི་དམ་ཚིག་ལ་སྦྱོར་བ་ནི་ཐམས་ཅད་བདག་སྦྱོར་བ་སྟེ། ཡེ་ཤེས་སེམས་དཔའ་དང་གཉི་སུ་མེད་པའི་ངོ་བོས་སངས་རྒྱས་ཐམས་ཅད་ཐོབ་སྟེ། བསྒོམས་པའི་སྟོབས་ཀྱིས་ཇི་ལྟར་རྣལ་འབྱོར་པ་རང་ཉིད་ལྷའི་གེ་འཕང་མངོན་སུམ་དུ ་བྱེད་པའོ།། བདག་ཅེས་བྱ་བ་ནི་རང་གི་སེམས་སོ།། ཉིད་ཀྱི་སྒྲ་ནི་ངེས་པར་གཟུང་བའོ།། སངས་རྒྱས་ཐམས་ཅད་ན་ང་བཞིན་གཤེགས་པ་ཐམས་ཅད་དོ།། དཔའ་བོ་ཐམས་ཅད་ནི་མདོ་སྡེའི་ཚུལ་ལས་ངེས ་པར་སྐྱེས་པའི་བྱང་ཆུབ་སེམས་དཔའ་ཉིད་དོ།། རྡོ་རྗེ་འཛིན་ཐམས་ཅད་ནི་སྔགས་ཀྱི་ཚུལ་ལས་མངོན་པར་གྲུབ་པའི་བྱང་ཆུབ་སེམས་དཔའ་ཉིད་དུ་གྱུར་པ་སྟེ། བསྒོམ་པའི་སྟོབས་ཀྱིས་ཚེ་འདི་ཉིད་ལ་འཐོབ་པར་འགྱུརརོ།། ་ཞེས་བྱ་བར་སྦྱར་རོ།། བཅོམ་ལྡན་འདས་ཞེས་བྱ་བ་ལ་སོགས་པ་ནི་སྡུད་པར་བྱེད་པའི་རང་བཟོ་ཡོངསུ་དགག་པའོ།། དེ་ཁོ་ན་ཉིད་དམ་པ་ནི་ཐམས་ཅད་མཁྱེན་པའི་ཡེ་ཤེས་རྣམ་པ་ལྔ་སྟེ་དེ་ཉིད་སྣང་བའོ།། དེ་ཁོ་ན་ཉིད་ནི ་ཡུལ་ཏེ་དེ་ལ་འཇུག་པ་ནི་ཇི་ལྟར་ཡེ་ཤེས་ཀྱི་བདག་ཉིད་ཅན་གྱི་རང་གི་ལྷའི་ཕྱག་རྒྱ་གང་ཡིན་པ་སྟེ། དེ་ནི་དེ་ཁོ་ན་ཉིད་སྣང་བ་དམ་པའི་ཡུལ་ལ་འཇུག་པའི་ཡེ་ཤེས་ཀྱི་ཕྱག་རྒྱ་ཞེས་བྱའོ།། དེ་གཞུང་གང་གི་བརྟག་པ་དེ་ལ ་ནི་དེ་སྐད་ཅེས་བྱའོ།། བཏག་པ་དང་པོ་བྲེལ་པའོ།། ། དེ་ལྟར་མངོན་པར་བྱང་ཆུབ་པ་ལྔའི་སྒོ་ནས་རྡོ་རྗེ་སེམས་དཔའ་སྦྱོར་བའི་རང་གི་ངོ་བོར་བཤད་པ་ཡིན་ཏེ། ཡེ་ཤེས་ཙམ་གྱི་སྙོམས་པར་འཇུག། སྦྱོར་བ་ཞེས་བྱར་ཤེས་པར ་བྱ་ཞེས་གསུངས་པས་སོ།། དེར་རྣལ་འབྱོར་པ་ངེས་པ་དང་ལྡན་པ་རྗེ་སུ་གཟུང་བའི་ཕྱིར། ཡེ་ཤེས་སེམས་དཔའ་ནང་དུ་བསྟིམ་པ་སྔོན་དུ་སོང་བས། བཅོམ་ལྡན་འདས་རྗེསུ་སྦྱོར་བའི་ངོ་བོ་ཉིད་ཀྱིས་བཞུགས་པར་བསྟན ་པར་བྱ་བའི་ཕྱིར། འདི་ནི་རྣལ་འབྱོར་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། འདི་ནི་ཞེས་པ་ནི་འདས་མ་ཐག་པའི་རྣལ་འབྱོར་གྱི་བདག་ཉིད་ཅན་ཏེ། རྡོ་རྗེ་སེམས་དཔར་བདག་སྦྱོར་བས། རབ་ཏུ་འགྲུབ་པོ་ཞེས་བྱ་བར ་རྡོ་རྗེ་སེམས་དཔར་བདག་སྦྱོར་བ། ཞེས་བྱ་བ་ནི་མདུན་ན་བཞུགས་པ་དེ་དང་གཉིས་སུ་མེད་པར་གྱུར་ནས་བདག་ཉིད་ཐམས་ཅད་དུ་ལྷའི་གསུང་དང་། སྐུ་དང་ཐུགས་སུ་སྣང་བས་ཐམས་ཅད་འབེབས་པའོ།། སངས་རྒྱས་ཐམས ་ཅད་མཉམ་སྦྱོར་བ་ཞེས་བྱ་བའི་དོན་ནི་བཤད་ཟིན་ཏོ།། རྣལ་འབྱོར་ནི་དེ་ལ་བསྒོམ་པ་གོམས་པར་བྱེད་པའོ།། དེའི་དབང་ཕྱུག་སྒྲིབ་པ་ཐམས་ཅད་དང་བྲལ་བ་ལ་དབང་ཐོབ་པ་སྟེ། ཐམས་ཅད་ལས་མཆོག་ཏུ་གྱུར་པའི་དབང་ཕྱུག ་ཆེན་པོའི་བྱར་དུའོ།། དེ་ལས་གང་བླ་ན་མེད་པའི་བདེ་བ་སྟེ། དེ་ནི་སངས་རྒྱས་ཐམས་ཅད་དང་མཉམ་པར་སྦྱོར་བ་རྣལ་འབྱོར་གྱི་དབང་ཕྱུག་གི་བདེ་བ་ཆེན་པོ་ཡིན་ལ་དེ་ཡང་རབ་ཏུ་འགྲུབ་པར་འགྱུར་རོ་ཞེས་རྒྱུ་དང་འབྲས་བུ་ཉེ་བར ་བཞག་པའོ།། དེ་ཉིད་རྒྱུར་བསྟན་པར་བྱ་བའི་ཕྱིར། དེ་བས་ཞེས་བྱ་བ་ལ་སོགས་པ་གསུངས་ཏེ། དེ་བས་ཞེས་པ་ནི་རྗེ་སུ་སྦྱོར་བའོ།། སངས་རྒྱས་བདེ་བ་ཀུན་ཞེས་པ་ནི་ལྷ་ཐམས་ཅད་ཀྱི་རང་བཞིན་ཏེ། བདེ་བ་དེ་ནི་བདེ་བ་ཉིད་ཀྱིས ་འཐོབ་པར་འགྱུར་བའོ།། བདེ་བ་དེ་ཉིད་རྗེསུ་བསྟན་པར་བྱ་བའི་ཕྱིར་སངས་རྒྱས་ཐམས་ཅད་ཅེས་བྱ་བ་ལ་སོགས་པ་གསུངས་སོ།། བདེ་བ་ཉིད་ཀྱིས་ཞེས་དང་གསུངས་པ་དེ་བསྟན་པར་བྱ་བའི་ཕྱིར། འདི་ལ་ཞེས་བྱ་བ་ལ་སོགས་པ ་གསུངས་ཏེ། དེ་ལ་ནི་རྗེ་སུ་སྦྱོར་བ་ལའོ།། ཁྲུས་ནི་གཙང་སྦྲ་ལ་སོགས་པའོ།། དེ་མི་དགོས་པས་ཅི་ལྟར་འདོད་པ་བཞིན་སྤྱོད་པའོ།། བསྡམ་པ་ནི་ལན་ཚེ་ལ་སོགས་པ་ཡོང་སུ་སྤོང་བ་སྟེ། དེ་མི་དགོས་པས ་ཐམས་ཅད་བཟའ་བའོ།། དཀའ་ཐུབ་ནི་ཡུལ་ཐམས་ཅད་ལས་ལྡོག་པ་སྟེ། དེ་མི་དགོས་པས་ན་ཐམས་ཅད་སྤྱོད་པའོ།། དཀའ་བ་སྤྱད་པ་ནི་རིག་པའི་བརྟུལ་ཞུགས་ཏེ། དེ་མི་དགོས་པས་འདོད་པའི་དགའ་བ་ལ་ཅི་དགར་སྤྱོད་པའོ།། ་སྤྱོད་པ་ཅི་དགར་འདོད་པ་བྱེད་ཅེས་པ་ནི་ཅི་དགར་འདུག་ཅིང་ཉལ་བའོ།། དེ་ལྟར་རྗེསུ་སྦྱོར་བའི་ཆེ་བའི་བདག་ཉིད་བསྟན་ནས་རྗེསུ་སྦྱོར་བ་དེ་བསྟན་པར་བྱ་བའི་ཕྱིར། བསྐལ་བ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་དམ ་པོ་ཐམས་ཅད་ནི་རང་གི་ངོ་བོ་ཇི་བཞིན་པའོ།། ཕྱག་རྒྱའི་ཆོ་ག་ཞེས་པ་ནི་ལྷའི་སྐུ་མདུན་དུ་བཞག་པས་སོ།། བསྒྲུབས་ནས་ཞེས་པ་ནི་འདིར་ནང་དུ་བསྒོམ་པའོ།། བདག་ཉིད་ཅེས་བྱ་བ་ནི་སྔར་བཤད་འི་སྦྱོར་བྲི་བདག་ཉིད་ཅན་གྱི་ཕྱག་རྒྱ ་ཆེན་པོའི་གཟུགས་སུའོ།། སྒྲུབ་པ་ནི་རྗེ་སུ་སྦྱོར་བའི་བར་དུ་བྱིན་གྱིས་བརླབས་པའོ།། བརྟག་པར་བྱ་ཞེས་པ་ནི་སྔར་བཤད་པ་བྱ་ཞེས་པའོ།། བྱིན་གྱིས་བརླབས་པར་དེ་ཉིད་གསལ་བར་བྱ་བའི་ཕྱིར་སངས་རྒྱས་ཐམས་ཅད་བྱིན ་གྱིས་རློབ་ཅེས་བྱ་བ་གསུངས་ཏེ། དེ་ནས་ཡང་གཅིག་ནས་གཅིག་ཏུ་བརྒྱད་པས་སངས་རྒྱས་ཐམས་ཅད་རབ་ཏུ་འགྲུབ་པའོ།། ལྡན་པ་ཞེས་པ་ནི་དེ་ཉིད་དེ་དང་ལྷན་ཅིག་ཏུ་གཉི་སུ་མེད་པར་གྱུར་པའོ།། སངས་རྒྱས་ཐམས་ཅད ་@##མམ### ་ཞེས་བྱ་བ་ནི་རང་གི་ལྷའི་སྦྱོར་བ་ཇི་བཞིན་པའོ།། བདེ་བ་དག་ཀྱང་མཐོང་ཞེས་པ་ནི་དམ་ཚིག་ཐོབ་པའོ།། རྣལ་འབྱོར་ཐམས་ཅད་མཉམ་པར་སྦྱོར་བས་ཞེས་བྱ་བ་ནི་འཁོར་གྱི་གཟུགས་ཀྱིས་གནས་པའོ།། འདི་དང་སངས་རྒྱས་ཐམས ་ཅད་ལ་རྗེ་སུ་སྦྱོར་བ་བྱས་པའི་སྔགས་འདི་ཡིའོ།། བུད་མེད་དག་ཀྱང་ཞེས་པ་ལ་ཀྱང་གི་སྒྲ་ནི་སྐྱེས་པའང་གྲོལ་བར་འགྱུར་བ་སྟེ། སྐྱེས་པའི་གཟུགས་སྤངས་ནས་ལྷ་མོའི་ངོ་བོར་ཡོངསུ་གྱུར་པའོ།། དེ་ཡིས་ཞེས་པ་ནི་ཇི་སྐད་དུ། ་བཤད་པའི་རྗེསུ་སྦྱོར་བ་བྱས་པའོ།། འདི་ནི་ཞེས་པ་ནི་སྔགས་པའོ།། བདག་ཉིད་ཀུན་གནས་པོས་ནི་ཞེས་པ་ནི་ཕྱོགས་ཐམས་ཅད་ན་གནས་པའོ།། མཆོད་པ་ཐམས་ཅད་ནི་ཕྱི་རོལ་གྱི་དཀྱིལ་འཁོར་བའི་སྣ་ཚོགས་ཀྱི་ཡོ་བྱད་ཀྱི་ངོ ་སྟེ། དེ་ཉིད་ཀྱི་སྤྲིན་ཆེན་པོ་ལ་སོགས་པ་གྲངས་མང་པོས་ཁྱབ་པ་སྟེ་ངེས་མཆོད་པའོ།། དེ་བཞིན་གཤེགས་པ་ཐམས་ཅད་ཀྱིས་མཆོད་པ་བྱས་པ་ནི། བདག་ཉིད་ཐམས་ཅད་ཀྱིས་མཆོད་པར་འོས་པ་སྟེ། དཔལ་རྡོ་རྗེ་སེམས་དཔའ ་ཉིད་དམ། བདག་ཉིད་ཐམས་ཅད་ཀྱི་ལྷ་ཉིད་ཇི་ལྟ་བ་བཞིན་དུ་འགྲུབ་པར་འགྱུར་རོ་ཞེས་བྱ་བར་སྦྱར་རོ།། ཐམས་ཅད་བདག་ཉིད་ཅེས་པ་ནི་ཐམས་ཅད་ཀྱིས་ཡོངསུ་བསྐོར་བའི་དངོས་པོ་ཐམས་ཅད་བདག་ཉིད་ཡོང་སུ་བསྒོམ་པ ་ཡིན་ལ། དེའི་བདག་ཉིད་ཡིན་པས་ན། བཅོམ་ལྡན་འདས་རྡོ་རྗེ་སེམས་དཔའ་ནི་རྣལ་འབྱོར་ཐམས་ཅད་དོ།། དེའི་ཉེ་བར་སྦྱོར་བ་ནི་དེའི་ང་རྒྱལ་གྱིས་ཉེ་བར་སྦྱར་བའོ།། དེས་དཔལ་ནི་གཞིར་གྱུར་ཞེས་པ་སྟེ། རྡོ་རྗེ་སེམས་དཔའི་སྐུ ་ཚེ་དང་ལང་ཚོ་དང་ནད་མེད་པ་དང་བདེ་བ་དམ་པའོ།། རྣལ་འབྱོར་ཐམས་ཅད་ཀྱི་ཉེ་བར་སྦྱོར་བ་བསྟན་པའི་ཕྱིར། རྣལ་འབྱོར་ཀུན་ནི་ཞེས་བྱ་བ་ལ་སོགས་པ་གསུངས་ཏེ། ཁམས་གསུམ་ཞེས་པ་ནི། གཟུགས ་ལ་སོགས་པའི་ཡུལ་ཏེ། དེ་རྣམས་རྣལ་འབྱོར་ཀུན་གྱི་ལོངས་སྤྱོད་ཀྱིས་བསྟེན་ཅིང་ཉམསུ་མྱོང་བཞིན་དུ་བདོག་ཉིད་ཀྱི་རང་གི་ལྷོའི་སྐུའི་ང་རྒྱལ་དང་ལྡན་པ་ལ་མཆོད་དོ།། བསྟེན་པ་འབའ་ཞིག་ཏུ་ཡང་མ་ཟད་དེ། རྣལ་འབྱོར་ཀུན་གྱི ་བདེ་བ་དག། བདག་ཉིད་ཀུན་ཏུ་མྱང་བྱེད་ན། ཞེས་བྱ་བ་སྟེ། རང་ཉིད་སྔོར་བཤད་པའི་རྗེསུ་སྦྱོར་བས་མཆོད་ཅིང་ལྷག་པར་སྦྱོར་བས་འགྲུབ་པར་འགྱུར་བའོ།། ཤིན་ཏུ་ཞེས་པ་ནི་བདེ་བའི་རབ་ཏུ་དགའ་བ་སྟེ། ལྷ་མོ་ཐམས་ཅད་དང་ཡང་དག ་པར་སྦྱོར་བའི་མཚན་ཉིད་ཅན་ལྷག་པའི་སྦྱོར་བའི་བར་ཡང་འཐོབ་པར་འགྱུར་བའོ།། སངས་རྒྱས་ཀུན་གྱི་བདག་ཉིད་ནི་རང་གི་ལྷའི་ངོ་བོ་ཇི་ལྟ་བ་བཞིན་ནོ།། དེས་མཆོད་པས་བཅུད་ཀྱིས་ལེན་པ་བཞིན་དུ་བདེ་བའོ།། སངས་རྒྱས་ཐམས་ཅད ་ཀྱི་བདག་ཉིད་ར་ས་ཡ་ནི་བདེ་བ་དེས་རྡོ་རྗེ་སེམས་དཔར་ཡང་དག་པར་སྦྱོར་བ་ནི་ཡེ་ཤེས་སེམས་དཔར་ཡང་དག་པར་སྦྱོར་བའོ།། དེ་རྟོགས་པར་བྱེད་པས་ན་དཔལ་རྡོ་རྗེ་སེམས་དཔར་ཀུན་ཏུ་སྦྱོར་བའི་བརྟག་པའོ།། བརྟག་པ་གཉིས ་འི་འགྲེལ་པའོ།། །། དེ་ལྟར་བཅོམ་ལྡན་འདས་ཀྱིས་དཔལ་རྡོ་རྗེ་སེམས་དཔའི་ཀུན་ཏུ་སྦྱོར་བའི་ངོ་བོ་ཉིད་བསྟན་ནས། དེ་ལ་བརྟན་པར་གྱུར་པའི་རྣལ་འབྱོར་པས། ཤིན་ཏུ་སྦྱོར་བ་ལ་རབ་ཏུ་འཇུག་པར་བྱའོ་ཞེས ་མ་མ ་བསྟན་པར་བྱ་བའི་ཕྱིར། འདི་ནི་ཞེས་བྱ་བ་ལ་སོགས་པ་གསུངས་ཏེ། ཚིགསུ་བཅད་པ་དང་པོ་འདི་གཉིས་ནི་སྔར་བཤད་པའི་རྟོགས་པ་གཉིས་དང་། འདིའི་ལྷན་ཅིག་པའི་འབྲེལ་པ་བསྟན་པ་ཡིན་ནོ།། དཔལ་རྡོ་རྗེ་སེམས་དཔའ ་སྦྱོར་བའི་མཐུ་ཉིད་ཀྱིས་ནི་ཞེས་བྱ་བ་ལ་སོགས་པ་ནི་ཤིན་ཏུ་སྦྱོར་བ་བསྟན་ཏེ། དཔལ་རྡོ་རྗེ་སེམས་དཔའི་སྦྱོར་བ་དང་། རྗེ་སུ་སྦྱོར་བ་བྱས་པའི་རྣལ་འབྱོར་པས་ཤིན་ཏུ་སྦྱོར་བ་ནི་དཔལ་རྡོ་རྗེ་སེམས་དཔའ་ཀུན་ཏུ་སྦྱོར་བའོ།། དེ་ཡི ་མོ་ཐུ་ནི་བརྟན་པར་བྱས་པའོ།། དེས་ན་བདེ་བ་ཆེན་པོ་སྟེ། རྡོ་རྗེ་སོམས་དཔའི་ངོ་བོ་ཉིད་དུ་གྱུར་པའི་རྒྱས་བཏབ་པས་ན་ཕྱག་རྒྱ་བདེ་བ་ཆེན་པོའོ།། རྣལ་འབྱོར་པ་བདེ་བ་མོས་པ་ཀུན། ཞེས་བྱ་བ་ནི་ཀྱེ་མའོ་བདེ་བ་དང་འདུས་པ་ཉིད ་ཀྱི་བདེ་བ་ཕུལ་དུ་བྱུང་བའོ།། དེ་ལྟར་དངོས་འགྲུབ་ཐམས་ཅད་བདེ་བ་མོས་པའི་དབང་ཕྱུག་དག་ཀྱང་ལྷ་མོ་གཉིས་དང་ཡང་དག་པར་འདུས་པའི་རིག་པའི་བདེ་བ་ཕུལ་དུ་བྱུང་བ་ཡིན་ནོ་ཞེས་ཁོང་དུ་ཆུད་པར་བྱའོ།། བུད་མེད་མཆོག ་རྣམས་ཞེས་བྱ་བ་ནི་དཀྱིལ་འཁོར་གྱི་ལྷ་མོ་ལྷག་མ་ཐམས་ཅད་དོ།། སྐྱེ་བར་འགྱུར་ཞེས་བྱ་བ་སོ་སོར་རྗེསུ་འགྲུབ་པ་སྟེ། དེ་དག་ཐམས་ཅད་ནི་ཤིན་ཏུ་སྦྱོར་བའི་འབྲས་བུ་བསྟན་པ་ཡིན་ནོ།། དེ་ཡི་ཞེས་བྱ་བ་ནི་རྡོ་རྗེ་སེམས ་དཔའོ།། དེ་ཞེས་པ་ནི་བདེ་བའི་མཆོག་ལ་སོགས་པ་སྟེ། དེ་ལྟར་ལྷག་པར་སྦྱོར་བ་བྱས་པའི་རྣལ་འབྱོར་པ་ལ་གདོན་མི་ཟ་བར་མངོན་དུ་འགྱུར་བར་ཤེས་པོར་བའོ།། དེ་ལྟ་བའི་ངམ་ཚིག་གང་ཡིན་པ་ནི་གཞང་ལུགས་ཏེ། ་དེ་ལས་བྱུང་བ་ནི་སྐྱེས་པའོ།། དེ་བས་ང་ཉིད་ནི་སྡུག་པ་སྟེ། མངོན་པར་འདོད་པར་བྱ་བའོ།། དམ་ཚིག་བདག་རྗེས་སུ་འབྲང་ཞེས་བྱ་བ་ནི་བདག་གི་སྔགས་དང་ཕྱག་རྒྱ་ལ་སོགས་པའི་གཞུང་ལུགས་ཀྱི ་འགྲོ་བའོ།། ཤིན་ཏུ་སྦྱོར་བ་ནི་ལྷ་མོ་དང་ཐ་མི་དད་པར་གྱུར་པའོ།། དེ་ཉིད་ནི་སྦྱོར་བ་ཆེན་པོ་དང་། ཤིན་ཏུ་སྦྱོར་བའི་བར་ཡིན་ནོ།། དངོས་པོ་ཐམས་ཅད་ཀྱི་ངོ་བོ་ཉིད་བས་ན་ཐམས་ཅད་བདག་ཉིད་དེ་རྡོ་རྗེ་སེམས་དཔའོ།། དེའི་དམ་ཚིག ་མཆོག་ནི་འདའ་བར་མོ་བྱ་བ་སྟེ། ཚིག་སྔ་མ་དང་ནི་གསུམ་པ་དེའི་སྐྱེས་བུའོ་མཚམས་སྦྱར་བའོ།། གཅིག་བཞིན་ཞེས་བྱ་བ་ནི་རྡོ་རྗེ་སེམས་དཔའ་སྟེ། རྡོ་རྗེ་སེམས་དཔའ་གཅིག་པུའི་སྤྱོད་པ་གཅིག་པུའི་བགྲོད་པའི་ངང་ཚུལ་ཅན་གང ་ཡིན་པ་དེ་ནི་གཅིག་པུ་སྤྱོད་དོ།། ལྷན་ཅིག་སྤྱོད་པ་ནི་ལྷན་ཅིག་སྤྱོད་པ་སྟེ། ལྷ་མོའི་གཙོ་མོ་བཞི་པོ་དག་གོ།། རྗེས་སུ་སྤྱོད་པ་དེ་ལས་གཞན་པ་སྟེ། དེ་དག་ཐམས་ཅད་སྡུད་པའོ།། ཐམས་ཅད་དགའ་བ་མ་ལུས་པའི་ཞེས་བྱ་བ་ནི ་ལྷག་པར་སྤྱོད་པ་བསྒོམས་པས་ཕྱག་རྒྱ་ཐམས་ཅད་དེ། དཀྱིལ་འཁོར་ཐམས་ཅད་ཀྱི་ལྷ་མོའི་ཕྱག་རྒྱ་མ་ལུས་པའོ།། ཐམས་ཅད་ལྷ་མོ་འདུས་པས་ནི་ཞེས་པ་ནི་སྔར་བཤད་པའོ།། དེ་ཉིད་ཀྱིས་ནི་མ་ལུས་སྐལ་པ་བཟང་པོ་ཀུན ་ཏེ་བདག་ཉིད་བསྒྲུབས་པའོ།། རྣམ་པ་ཐམས་ཅད་སྐལ་པ་བཟང་པོ་དང་ལྡན་པའི་སྦྱོར་བའི་བདེ་བས་སོ་སོར་རྗེ་སུ་འབྱུང་བར་འགྱུར་བ་སྟེ། ལྷ་མོ་དང་འདུས་པའི་བདེ་བ་རབ་ཏུ་ཐོབ་པར་འགྱུར་བའོ།། ཕྱག་རྒྱ་འདིས་ཞེས་པ་ནི ་ཇི་ལྟར་རང་ཉིད་ལྷ་མོ་ཐམས་ཅད་ཀྱི་ཕྱག་རྒྱའི་རྒྱས་བཏབ་པས་ན་ཐ་མི་དད་པར་འགྱུར་བའོ།། རྡོ་རྗེ་སེམས་དཔའ་གང་ཡིན་པ་དེ་ཉིད་ནི་ཆེ་བའི་ལྷ་ཡིན་པས་དེ་ནི་རྡོ་རྗེ་སེམས་དཔའ་ཆེ་བའི་ལྷའོ།། ཐམས་ཅད་རྣལ་འབྱོར་བདེ ་བས་མོས། ཞེས་བྱ་བ་ནི་རྣལ་འབྱོར་ཐམས་ཅད་ལས་སྐྱེས་པའི་བདེ་བ་ལ་ཞུགས་པའོ།། སྡིག་མེད་ནི་ཉེས་པར་སྤྱོད་པ་མེད་པའོ།། སྟོབས་ཀྱིས་ནི་སྟོབས་དང་བཅས་པས་སོ།། ངོ་འཐོན་དུ་ནི་མངོན་སུམ་དུའོ།། ཕན་ཚུན་དུ་ནི་རབ ་དགའ་བས་ཞེས་པ་ནི་གཅིག་ལ་གཅིག་རེག་པར་དགའ་ཞིང་དགའ་བ་རྣམས་སྐྱེས་པས་སོ།། སྐྱེས་བུའི་ཚུལ་གྱིས་ཞེས་པ་ནི། བདག་ཉིད་ཀྱི་འམ་སྐྱེས་བུ་བཞིན་དུ་སྤྱོད་པའོ།། དབང་པོ་ཀུན་ལས་བྱུང་བ་ཡི། ཞེས་པ་ནི་བ་སྤུའི ་བུ་ག་ཐམས་ཅད་ནས་བྱུང་བའོ།། རྣལ་འབྱོར་བདེ་བ་ཐམས་ཅད་ཀྱིས་ཞེས་བྱ་བ་ནི་རྣལ་འབྱོར་ཐོམས་ཅད་ལས་བྱུང་བའི་བདེ་བ་འབབ་པས་སོ།། ཀྱེ་མའོ་བདེ་བ་ལས་བྱུང་བ་ཞེས་པ་ནི་བྷ་ག་དང་ལིང་ག་ལས་ངེས་པར་བྱུང་བ་ལ།། ་རིན་ཆེན་ཚོགས་རྣམས་ཐམས་ཅད་ཀྱིས་ཞེས་བྱ་བ་ནི། བྱང་ཆུབ་ཀྱི་ཡན་ལག་ལ་སོགས་པའི་རིན་པོ་ཆེ་མཐོན་པོ་དང་སིལ་སྙན་རྣམས་ཀྱིས་སོ།། རབ་ཏུ་རྨོངས་པས་ཞེས་པ་ནི་ཞུགས་པ་སྟེ། ལྷ་མོ་ཐམས་ཅད་ཀྱི་ལོངས ་སྤྱོད་དེ་རྣམས་ལ་བརྟེན་པར་བྱེད་པའོ།། བདག་གི་ཆེ་བའི་ལྷར་སྦྱོར་བ་ནི་རང་གི་ལྷར་བདག་ཉིད་བསྒོམ་པ་སྟེ། རྗེ་སུ་སྦྱོར་བ་དེ་ནང་དུ་ཞུགས་པའོ།། རྣལ་འབྱོར་ཐམས་ཅད་ལས་བྱུང་བའི་བདེ་བ་ནི་རྣལ་འབྱོར་ཐམས་ཅད་ཀྱི ་བདེ་བ་སྟེ། མྱོང་བར་བྱེད་པས་ནི་ཉམསུ་མྱོང་བའོ།། ཚེ་དང་ལང་ཚོ་དང་དང་མེད་པ་དང་བདེ་བ་མཆོག་ཅེས་བྱ་བ་འདིས་ནི་བདེ་བའི་མཆོག་ལ་སོགས་པའི་ལྷ་མོ་བཞི་རིམ་བཞི་ནི་སྟོན་ཏེ།། སངས་རྒྱས་ཀུན་གྱི ་སྐུ་ཆེན་དང་ཞེས་བྱ་བ་ལ་སོགས་པ་ནི། སངས་རྒྱས་ཀྱི་བྱང་ཆུབ་ལ་སོགས་པ་བཞི་པོ་དག་པོ།། སངས་རྒྱས་ཀུན་གྱི་རྒྱལ་པོ་ཆེ་ཞེས་པ་ནི་རྣམ་པར་སྣང་མཛད་དོ།། རྡོ་རྗེ་འཛིན་པ་ཀུན་གྱི་བདག་ཅེས་བྱ་བ་ལ་སོགས་པ་ནི་ཧེ་རུཿ ་ལ་སོགས་པ་གསུམ་སྟོན་ཏོ།། དེ་དག་དང་ནི་ཞེས་བྱ་བ་ནི། རང་གི་ལྷ་མོ་རྣམས་ཇི་ལྟ་བས་སོ།། དེ་ཞེས་པ་ནི་ལྷ་གཞན་དག་གིས་སྦྱོར་བའོ།། འཁོར་ལོས་སྒྱུར་བ་རབ་ཏུ་འགྲུབ་ཅེས་པ་ནི་དཀྱིལ་འཁོར་དྲུག་ལ་དབང་སྒྱུར་བར་སྐྱེས་པ་ལ། ་རྒྱ་ཆེན་ནི་ཡོན་ཏན་ཆེ་བའོ།། མཆོག་ནི་འཇིག་རྟེན་ཐམས་ཅད་ལས་འདས་པའོ།། དངོས་གྲུང་ཀུན་གྱི་བདེ་མོས་པ། ཞེས་པ་ནི་ན་མཁར་འགྲོ་བ་ལ་སོགས་པའི་དངོས་གྲུབ་ཀྱི་བདེ་བ་ཕུལ་དུ་བྱུང་བ་སྟེ། བདེ་བའི་དབང་ཕྱུག་ཀུན་ནི ་རྡོ་རྗེ་སེམས་དཔའ་དང་རྣམ་པར་སྣང་མཛད་ལ་སོགས་པའི་ངོ་བོ་ཉིད་དེ་དེ་ཉིད་མོས་པའོ།། མཁའ་འགྲོ་མ་སྒྱུ་མ་བདེ་བའི་མཆོག་ཅེས་པ་ནི་ན་མཁའ་ལ་སྤྱོད་པ་ལ་སོགས་པའི་དངོས་གྲུབ་ཀྱི་བདེ་བས་ཕུལ་དུ་བྱུང་བ་དང་ལྷན་ཅིག ་ཏུ་སྔར་བཤད་པའི་ལྷ་མོ་རྣམས་དང་ལྷན་ཅིག་མཉམ་པར་སྦྱོར་བས་སྐལ་པ་བཟང་སྟེ། ལྷ་མོ་ཐམས་ཅད་ཡང་དག་པར་འདུས་པ་རྡོ་རྗེ་སེམས་དཔའ་ནི་སྐལ་བ་བཟང་པོ་ཅནོ།། དེ་ཉིད་དཔལ་ཏེ་ལྷ་མོ་རྣམས་ཀྱིའོ།། འདའ་བར ་མི་བྱ་བསྟན་དམ་ཚིག་གོ།། ང་ཚིག་གིས་རྟོག་པས་ན་འདི་ལ་དུ་སྐུད་ཅེས་བྱའོ།། རྟག་པ་གསུམ་པའི་འགྲེལ་པལ།། དེ་ལྟར་བཅོམ་ལྡན་འདས་སྟོར་བ་དང་རྗེས་སྦྱོར་བ་དང་། ཤིན་ཏུ་སྦྱོར་བའི་བདག་ཉིད་དུ་བརྟག ་གསུམ་གྱིས་བསྟན་ནས་ཐམས་ཅད་དུ་ཉམས་པ་མེད་པའི་ཡེ་ཤེས་གྲུབ་པའི་ཕྱིར། སྦྱོར་བ་ཐམས་ཅད་བསྒོམ་པའི་མཚན་ཉིད་ཅན། སྣ་ཚོགས་ཐམས་ཅད་ཀྱི་སྐལ་བ་བཟང་པོ་མཆོག་གི་དངོས་གྲུབ་ཅེས་བྱ་བ་དཔལ་དམ ་ཚིག་གི་རྟོག་པའི་ངོ་བོ་བསྟན་པར་བྱ་བའི་ཕྱིར། འདི་ནི་ཞེས་བྱ་བ་ལ་སོགས་པ་གསུངས་ཏེ།། ཚིགསུ་བཅད་པ་འདིས་ནི་རབ་ཏུ་འཇུག་པའི་བརྟག་པ་དང་། རྗེསུ་འབྲེལ་པའི་སྒོ་ནས་བརྟག་པ་གཞན་གཉིས་དང་རྗེསུ་འགྲེལ་པར་བལྟ ་བར་བྱའོ།། ལྷ་མོ་ཐམས་ཅད་དང་མཉམ་པར་སྦྱོར་བ་ཞེས་བྱ་བ་ནི། ལྷ་མོ་ཐམས་ཅད་དང་ཡོངསུ་སྤྱོད་པ་སྟེ། དེས་ན་བདག་ཉིད་བསྒྲུབ་ཤིང་ལྷ་མོ་དང་ལྷན་ཅིག་མཉམ་པར་སྦྱོར་བས་ན་སྐལ་པ་བཟང་པོ་སྟེ། དེ་ཉིད་ཀྱིས་ན། ་འདི་ལྟར་བུད་མེད་ཀྱི་རོལ་པའི་ནང་དུ་ཞུགས་པས་མཆོག་འདོད་པའོ།། ལྷ་མོ་ཡང་དག་པར་འདུས་པའི་བདེ་བ་ཕུལ་དུ་བྱུང་བའི་ཉམ་སུ་མྱོང་བའི་ཀུན་ཏུ་སྦྱོར་བ་གང་ཡིན་པ་དེ་ནི་ཡང་དག་སྦྱོར་བའི་བདེ་བ་མྱོང་བའོ།། ཕུལ་དུ་བྱུང ་བའི་རྗེསུ་ཆགས་པས་ལྷ་མོ་ཐམས་ཅད་ལ་ཡིད་ཆགས་པས་འདོད་ཆགས་ཏེ། སྦྱོར་བ་ཐམས་ཅད་ཀྱིས་རྣལ་འབྱོར་པ་གྲུབ་པའོ།། དབྱངས་ནི་འདིར་སྒྲ་ལོ་བྱའོ།། རེག་བྱ་ནི་བདེ་བའི་རེག་པས་རེག་པ་ཡིན་པར་ཤེས་པར་བྱའོ།། དེ ་ངག་རང་གི་སྤྱད་པ་སྤྱོད་པ་ནི་བདེ་བའི་བཟུང་བས་ཉེ་བར་ལོངས་སྤྱོད་པའོ།། དེ་ལྟར་རྡོ་རྗེ་སེམས་དཔའི་འབྲས་བུའི་ཉེ་བར་ལོངས་སྤྱོད་པ་བསྟན་ནས། རྣམ་པར་སྣང་མཛད་ལ་སོགས་པའི་འབྲས་བུ་ལ་ཉེ་བར ་སྤྱོད་པ་བསྟན་པའི་ཕྱིར་སངས་རྒྱསོ་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་པའི་ཕ་རོལ་ཏུ་ཕྱིན་པ་དང་། རིན་པོ་ཆེའི་ཕ་རོལ་ཏུ་ཕྱིན་པ་དང་། ཆོས་ཀྱི་ཕ་རོལ་ཏུ་ཕྱིན་པ་དང་། ལས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ཀྱི་ཕ་རོལ་ཏུ་ཕྱིན་པ ་དང་། སྨོན་ལམ་གྱི་ཕ་རོལ་ཏུ་ཕྱིན་པ་དང་། ཐོབ་པའི་ཕ་རོལ་ཏུ་ཕྱིན་པ་དང་། སྟོབས་ཀྱི་ཕ་རོལ་ཏུ་ཕྱིན་པ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་སྟེ། ཕ་རོལ་ཏུ་ཕྱིན་པ་དེ་དག་ཐམས་ཅད་དང་། ཀུན་ཏུ་བཟང་པོ་ལ་སོགས་པའི་གཟུགས ་རྣམས་དང་། སྐྱེ་བ་མེད་པའི་བྱང་ཆུབ་ཀྱི་ས་དང་། རབ་ཏུ་དགའ་བ་དང་། དྲི་མ་མེད་པ་དང་། འོད་བྱེད་པ་དང་། འོད་འཕྲོ་བ་དང་། སྤྱང་དཀའ་བ་དང་། མངོན་དུ་གྱུར་པ་དང་། རིང་དུ་སོང་བ་དང་། མི་གཡོ་བ་དང་། ལེགས་པའི་བློ་གྲོས་དང་། ་ཆོས་ཀྱི་སྤྲིན་དང་། ཀུན་ཏུ་འོང་ངོ་། བཅུ་གཉིས་པོ་དེ་དག་གོ།། བདུད་རྣམས་ཀྱི་ཟིལ་གྱིས་གནོན་པ་དང་བྲལ་བའོ།། དངོས་འགྲུབ་ཅེས་པ་ནི་རབ་ཏུ་གྲུབ་པའོ།། དཀའ་བ་དང་། ཞེས་པ་ནི་སེམས་ཅན་དམན་པ་དག་གིས་བསྐལ་པ་གྲངས ་མེད་གསུམ་གྱི་བར་དུ་བརྩོན་འགྲུས་ཕུལ་དུ་བྱུང་བས་བསྒྲུབ་པར་བྱ་བ་ཡིན་པས་སོ།། བདེ་བ་ཆེན་པོ་ནི་དངོས་གྲུབ་ཐམས་ཅད་མི་འགྱུར་བའི་བདེ་བའི་ངོ་བོ་ཉིད་པའི་ཕྱིར་རོ།། སྐལ་པ་བཟང་པོ་བདེ་མྱོང་བ། ཞེས་པ་ནི་ཤིན་ཏུ ་ཕུལ་དུ་བྱུང་བའི་བདེ་བ་མྱོང་བའི་ཕྱིར་སྐལ་པ་བཟང་པོ་སྟེ། བྱང་ཆུབ་པའི་ཕྱིར་བདག་ཉིད་ཀྱིས་རྣལ་འབྱོར་ཐམས་ཅད་ཕྱིན་ཅི་མ་ལོག་པར་བསྒོམས་པས་འགྲུབ་པར་འགྱུར་བའོ་ཞེས་བྱ་བར་སྦྱར་རོ།། དངོས་གྲུབ་ཐམས་ཅད ་ནི་ན་མཁའ་ལ་སྤྱོད་པ་ལ་སོགས་པའི་དངོས་གྲུབ་སྟེ། དེ་རྣམས་རིམ་གྱིས་རྫོགས་པ་ནི་བྱུང་བའོ།། སངས་རྒྱས་ཞེས་བྱ་བ་ནི་རྣམ་པར་སྣང་མཛད་དོ།། ཕྲོགས་ནས་ཞེས་བྱ་བ་ནི་བསྒོམ་པའི་སྟོབས་ཀྱིས་རང་གི་དབང་དུ་བྱས་པས ་སོ།། ཉེ་བར་སྤྱད་པོར་བྱ་ཞེས་པ་ནི་ཉམ་སུ་མྱོང་བའོ།། སངས་རྒྱས་རྒྱལ་སྲིད་ཆེན་པོ་ཀུན་ནི་རྡོ་རྗེ་ཉི་མའི་གོ་འཕང་ངོ་།། སངས་རྒྱས་ཀུན་གྱི་གྲུབ་ཆེན་པོ།། མཆོག་གི་དབང་ཕྱུག་དམ་པ་དག། ཞེས་བྱ་བ་ནི་རྟ་མཆོག་གི་གོ་འཕང་ངོ་།། ་བདག་གི་ཕུན་སུམ་ཚོགས་པ་བསྟན་ནས་གཞན་གྱི་དོན་ཕུན་སུམ་ཚོགས་པ་བསྟན་པའི་ཕྱིར། མཐུ་ཞེས་བྱ་བ་ལ་སོགས་པ་གསུང་སོ།། གྲུབ་དང་ཞེས་པ་ནི་དཀའ་ཐུང་ཟློག་མའོ།། དྲན་པ་ནི་འདོད་པའི་ལྷའོ།། སངས་རྒྱས་དོན ་ཀུན་ཞེས་པ་ལ་སངས་རྒྱས་ཀྱི་དོན་ཀུན་སྦྱིན་པ་དང་། སངས་རྒྱས་ཀྱི་བྱ་བ་ཐམས་ཅད་བྱེད་དོ་ཞེས་བྱ་བར་སྦྱོར་རོ།། སྡེ་རྣམས་ཐམས་ཅད་རབ་ཏུ་འཇོམས་པ་ནི་བདུད་ཀྱི་སྡེ་ཐམས་ཅད་རབ་ཏུ་འཇོམས་པའོ།། འཁོར་ལོས་སྒྱུར་བ ་ནི་ཆོས་ཀྱི་འཁོར་ལོ་རབ་ཏུ་བསྐོར་བའོ།། རྫུ་འཕྲུལ་གྱིས་རྣམ་པར་འཕྲུལ་པ་ནི་རྫུ་འཕྲུལ་གྱིས་རྣམ་པར་རོལ་པའོ།། དེ་ཉིད་རྒྱ་ཆེར་བསྟན་པའི་ཕྱིར་ལ་ལར་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ ་ཀྱི་སེམས་ཆེན་པོ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་སོ།། སྤྱོད་པ་ནི་སྦྱིན་པ་ལ་སོགས་པའི་མཚན་ཉིད་དོ།། མཐུན་པར་འགྲོ་བ་ནི་ཇི་ལྟར་རྗེསུ་འཚམ་པའོ།། ན་ཏུ་འཕོ་བ་ནི་སྐྱེ་བ་ཡོང་སུ་འཛིན་པའོ།། ་བྱང་ཆུབ་ཆེན་པོར་གཤེགས་པ་ནི། བྱང་ཆུབ་པའི་ཕྱིར་གཤེགས་པ་སྟེ། བྱང་ཆུབ་ཀྱི་སྙིང་པོརོ་ཉེ་བར་གཤེགས་ཞེས་བྱ་བའི་བར་དུ་འམ། ཡང་ན་བྱང་ཆུབ་ཆེན་པོ་ཉིད་ནི་དགའ་སྟོན་ཆེན་པོ་སྟེ། དགའ་ཞིང་མོས་པ་ཆེན་པོ་ཡིན ་པོས་ན། བྱང་ཆུབ་ཆེན་པོར་གཤེགས་པའོ།། འཁོར་ལོ་བསྐོར་བ་ནི་ཆོས་ཀྱི་འཁོར་ལོ་བསྐོར་བ་ལ་རབ་ཏུ་འཇུག་པའོ།། ངེས་པའི་གར་ཞེས་པ་ནི་རྣམ་པར་རོལ་པའོ།། མ་ལུས་པར་ཕྱག་རྒྱས་བཏབ་པ་ནི། བྱང་ཆུབ་ཏུ་སེམས་བསྐྱེད ་པའོ།། སྣ་ཚོགས་པ་ནི་རྣམ་པ་དུ་མའོ།། ཐམས་ཅད་ནི་རིགས་རྣམ་པ་ལྔ་པོ་སྐལ་པ་བཟང་པོ་དང་། མཆོག་ཀྱང་ཡིན་པ་གང་གྲུབ་པ་དེ་སྟོནཱ་པས་ན་ཚོགས་ཐམས་ཅད་ཀྱི་སྐལ་པ་བཟང་པོ་མཆོག་གི་དངོས་གྲུབ་ཅེས་བྱའོ།། དཔ ་ནི་ལྷ་མོ་རྣམས་སོ།། དམ་ཚིག་ནི་འདའ་བར་མི་བྱ་བ་སྟེ། རྡོ་རྗེ་སེམས་དཔའོ།། དེ་སྟོན་པས་ན་དཔལ་དམ་ཚིག་གི་རྟོག་པའོ།། བརྟག་པ་བཞི་པའི་འགྲེལ་པའོ།། །། དེ་ལྟར་བཅོམ་ལྡན་འདས་སྦྱོར་བ་ལ་སོགས་པའི ་བདག་ཉིད་དུ་བསྟན་ནས་དཀྱིལ་འཁོར་གྱི་ཆོ་ག་ལ་སོགས་པའི་སྦྱོར་བ་བསྟན་པར་བྱ་བའི་ཕྱིར། ཇི་སྐད་དུ་བཤད་པའི་སྦྱོར་བ་བཞི་པོ་དང་ལྡན་པའི་རྣལ་འབྱོར་པས་ནི་སྔར་བསྟན་པའི་དངོས་གྲུབ་རྣམས་ཀྱི་གཏམ་དང་། ཕྱག ་མཚན་གྱི་ཕྱག་རྒྱ་དང་སྣ་ཚོགས་པའི་ཕྱག་རྒྱས་དགོས་པ་འགྲུབ་པར་འགྱུར་པས། བཅོམ་ལྡན་འདས་གཏམ་གྱི་ཕྱག་རྒྱའི་ཡེ་ཤེས་ཀྱི་ངོ་བོ་ཉིད་དུ་བསྟན་པར་བྱ་བའི་ཕྱིར། འདི་ནི་ཞེས་བྱ་བ་ལ་སོགས་པ་གསུངས་ཏེ། ཚིགསུ ་བཅད་པ་འདིས་ནི་རྟོག་པ་སྔ་མ་དང་རྗེ་སུ་འབྲེལ་པ་སྟོན་ཏོ།། རྣལ་འབྱོར་ཞེས་པ་ནི་ཇི་སྐད་བཤད་པའི་རྣལ་འབྱོར་གྱི་ངོ་བོ་ཉིད་ཡིན་པས་སོ།། ཇི་ལྟར་སེམས་ཅན་རྣམས་འདུལ་བའི་ཚུལ་གྱི་གནས་སྐབས་ཀྱིས་གཤེགས་པའི་ཕྱིར ་དེ་བཞིན་གཤེགས་པའོ།། ཡང་དག་གྲུབ་པ་གཅིག་པུ་ཉིད།། ཅེས་པ་ནི་དོན་དམ་པ་ཉིད་དུའོ།། ཇི་ལྟར་འདོད་པ་བཞིན་དུ་སྦྱར་ཞེས་པ་ནི། འདོད་ཆགས་ལ་སྤྱོད་པ་ལ་སོགས་པའི་སེམས་ཅན་རྣམས་གདུལ་བའི་ཕྱིར་རིམ་པ་ཇི་ལྟ། ་བ་སྟེ། བསམ་པ་ཇི་ལྟ་བ་བཞིན་དུ་སྦྱོར་བ་ནི་རྡོ་རྗེ་སེམས་དཔའ་ཉིད་རྣམ་པར་སྣང་མཛད་ལ་སོགས་པའི་སྐུར་བསྒོམ་པའོ།། རྟོག་པའི་ཆོ་ག་ཐམས་ཅད་ལ་ཞེས་པ་ནི་ཆོ་ག་འདི་རྣམས་ཉིད་ལའོ།། མཆོག་གི་ནི་འཇིག་རྟེན་པའི་དངོས ་གྲུབ་རྣམས་ཀྱི་དམ་པར་གྱུར་པས་སོ།། མཆོག་ནི་དེ་ལས་ཀྱང་ལྷག་པར་གྱུར་པའི་དངོས་པོ་མེད་པ་སྟེ། གྲུབ་པ་དེའི་ངོ་བོ་ཉིད་དུ་གྱུར་པའོ།། འདི་འཇིག་རྟེན་པའི་དངོས་གྲུབ་འབའ་ཞིག་ཏུ་ཡང་མ་ཟད་པ་དེ་ཉིད་བསྟན་པར་བྱ་བའི ་ཕྱིར། སྣ་ཚོགས་ཞེས་བྱ་བ་ལ་སོགས་པ་གསུངས་ཏེ། སྣ་ཚོགས་ལས་ཀྱི་སྦྱོར་བ་ཡས།། ཞེས་པ་ནི་རྡོ་རྗེ་སེམས་དཔའ་དང་རྣམ་པར་སྣང་མཛད་ལ་སོགས་པའི་སྐུ་སྤྲུལ་པས་སོ།། ཆོ་ག་སྣ་ཚོགས་འདོད་པ ་ཞེས་པ་ནི། འདོད་ཆགས་ཀྱི་བདེ་བ་དང་ཞེ་སྡང་དང་། གཏི་མུག་དང་། ནོར་ལ་སྲིད་པ་དང་། འགྱོད་པོ་ལ་སོགས་པ་ལ་སྤྱོད་པའོ།། འདུལ་བ་དང་ཞེས་པ་ནི་འདོད་ཆགས་ལ་སོགས་པ་རབ་ཏུ་སྤོངས་པའི་ཕྱིར་རོ།། སངས་རྒྱས་ཐམས་ཅད ་རྣམ་འཕྲུལ་པས། ཞེས་པ་ནི་རྡོ་རྗེ་སེམས་དཔའ་དང་རྣམ་པར་སྣང་མཛད་ལ་སོགས་པའི་རོལ་པས་སོ།། ཇི་ལྟར་འགྲུབ་པར་ཞེ་ན། ཉིན་རེ་འམ་ཞེས་པ་ལ་སོགས་པ་གསུངས་སོ།། ཇི་བཞིན་བྱིན་གྱིས་བརླབས་ནས་ནི། ཞེས་བྱ ་བ་ཇི་ལྟར་བདག་ཉིད་སྲིད་པ་གསུམ་གྱི་སྐྱེད་མོས་ཚལ་དུ་གནས་པས་སོ།། སངས་རྒྱས་བདེ་མཆོག་བྱ་བ་ནི་རྡོ་རྗེ་སེམས་དཔའ་ལ་སོགས་པའི་ཚོགས་ཀྱི་དཀྱིལ་འཁོར་གྱི་སྦྱོར་བས་སོ།། ཇི་ལྟར་ཞེ་ན། ཁམས་ཀྱི་ཞེས་བྱ་བ་ལ ་སོགས་པ་གསུངས་ཏེ། ཁམས་ཀྱི་ངོ་བོ་ཐམས་ཅད་ནི་གསེར་དངུལ་ལ་སོགས་པའི་རང་བཞིན་ནོ།། སྤོགས་དང་བ་ལ་སོགས་པའི་རང་བཞིན་ལས་བྱས་པའོ།། རྩ་བ་ལས་བྱུང་བ་ནི་ཤིང་གི་རང་བཞིན་ལས་བྱས་པའོ།། དཀྱིལ་འཁོར་གང ་དང་གང་ཞེས་པ་ནི་རྡོ་རྗེ་སེམས་དཔའ་ལ་སོགས་པའི་དཀྱིལ་འཁོར་གང་དང་གང་ངོ་།། བསྟེན་པ་ཞེས་པ་ནི་བསྒོམ་པའོ།། དེ་དང་དེར་ཞེས་བྱ་བ་ནི་དཀྱིལ་འཁོར་མཆོད་པ་བྱས་ནས་ཞེས་པ་ནི་མཆོད་པའོ།། དེ་ལས་གཞན་ཡང་ཞེས་བྱ་བ་ནི་དེའི ་འོག་ཏུ་སྐྱེ་སོ་སོའི་གཏམ་སྟོན་པའོ།། རྟོག་པ་ཀུན་གྱི་ཞེས་བྱ་བ་ནི། རྡོ་རྗེ་སེམས་དཔའ་ལ་སོགས་པའི་དབུགས་དབྱུང་བའོ།། ཅི་རིགས་པར་ནི་སྦྲུལ་བྱས་པའི་ཞེས་བྱ་བ་ནི་ཅི་རིགས་པར་རོལ་པའོ།། འདི་སྐད་སྟོན་པར་འགྱུར་ཏེ། ་ལྟར་རང་གི་ཚོགས་ཀྱི་དཀྱིལ་འཁོར་དུ་རང་གི་ལྷར་སྦྱོར་བའི་སློབ་མ་དང་ལྷན་ཅིག་ཏུ་རང་གི་ཕྱག་མཚན་དང་། ཕྱག་རྒྱར་ལྡན་པས་ཇི་ལྟར་བདག་ཉིད་དབུགས་དབྱུང་བར་སྨྲས་པ་བཞིན་དུ་སློབ་མ་རྣམས་ལ་ཡང་སྨྲ་བར་བྱ་སྟེ། དེ་རྣམས ་ཀྱིས་རང་གི་ལྷའི་སྦྱོར་བས་རང་གི་མངོན་པར་དད་པ་ཕུན་སུམ་ཚོགས་པ་རྫོགས་པར་བྱ་བའི་ཕྱིར་སྨྲ་བ་བཞིན་དུ་བསྒྲུབ་པར་བྱའོ།། འདོད་ཆགས་ལ་སྤྱོད་པའི་སེམས་ཅན་རྣམས་ཀྱི་དབང་དུ་མཛད་ནས། བཅོམ་ལྡན་འདས་རྡོ་རྗེ་སེམས་ད ་དབུགས་འབྱུང་བ་བསྟན་པའི་ཕྱིར། སེམས་དཔའ་ཞེས་བྱ་བ་ལ་སོགས་པ་གསུངས་ཏེ། མི་གནས་པའི་མྱ་ངན་ལས་འདས་པ་ལ་བཞུགས་པས་ན། ད་ལྟར་བྱུང་བ་བཞིན་ནོ།། མི་འགྱུར་བའི་ངོ་བོ་ཉིད་པས་ན་འདའ་བར་དཀའ་བ་སྟེ། ་ཆོས་ཀྱི་སྐུ་ལ་བྱ་བར་དགོངས་སོ།། འདུལ་བའི་ཕྱིར་ཞེས་པས་ནི་དེ་རྣམས་ཀྱིས་སེམས་ཅན་རྣམས་འདུལ་བའོ།། བྱས་པ་ཡིན་ཞེ་ན། བྱ་བ་ནི་ཀུན་རྫོབ་ཏུའོ།། དཔལ་རྡོ་རྗེ་སེམས་དཔའི་དབུགས་དབྱུང་བའོ།། ཞེས་བྱ་བ་ནི་དཔལ་རྡོ་རྗེ ་སེམ་དཔས་དབུགྲོ་དབྱུང་བ་སྟེ། འདིས་འདོད་ཆགས་ལ་སོགས་པ་ལ་སྤྱོད་པའི་སེམས་ཅན་རྣམས་དབུགས་དབྱུང་བའོ།། དེ་ལྟར་ངོ་བོ་ཉིད་ཀྱི་སྐུའི་བདག་ཉིད་ཅན་ཉིད་ཀུན་རྫོབ་ཏུ་འདོད་ཆགས་ལ་སྤྱོད་པ་གདུལ་བར་བྱ་བའི་ཕྱིར། བཅོམ་ལྡན ་འདས་དངོས་པོ་ཐམས་ཅད་ཀྱི་ངོ་བོ་ཉིད་དུ་བསྟན་ནས། ཞི་བ་ལ་སྤྱོད་པའི་སེམས་ཅན་རྣམས་གདུལ་བར་བྱ་བའི་ཕྱིར། ཆོས་ཀྱི་དབྱིངས་རྣམ་པར་དག་པ་ལ་བཞུགས་པས་ཐམས་ཅད་ཀྱི་ངོ་བོ་ཉིད་ཀྱི ་ཚུལ་བསྟན་པར་བྱ་བའི་ཕྱིར། འདས་པའི་དུས་ན་ཞེས་བྱ་བ་ལ་སོགས་པ་གསུངས་ཏེ། སྟོང་པ་ཉིད་ལ་ཤིན་ཏུ་བརྩོན་པ་ནི་ལྷག་མ་དང་བཅས་པ་དང་། ལྷག་མ་མེད་པའི་མྱ་ངན་ལས་འདས་པ་ལ་བརྩོན་པ་དང་ལྡན་པའོ།། འགོག་པའི ་ཆོས་ཉིད་ལ་སྦྱོར་བས་ཞེས་བྱ་བ་ནི། ཇི་སྐད་དུ་བཤད་པའི་མྱ་ངན་ལས་འདས་པ་གཉིས་དང་འབྲེལ་པའོ།། འགགས་ཤིང་ཞེས་པ་ནི་ལྷག་མ་དང་བཅས་པའོ།། ཡོངསུ་མྱ་ངན་ལས་འདས་ཞེས་བྱ་བ་ནི་ལྷག་མ་མེད་པའོ།། གྲོལ་བ ་ཐམས་ཅད་ནི་ཉོན་ཐོས་ལ་སོགས་པའི་ཡོངསུ་མྱ་ངན་ལས་འདས་པའོ།། དེའི་རྣམ་པར་བྱང་བ་ནི་གཉིས་སུ་མེད་པའི་རང་བཞིན་གྱི་ཆོས་ཁོང་དུ་ཆུད་ནས་ཐུགས་རྗེ་ཆེན་པོ་བསྐྱེད་པའོ།། བསྐྱེད་ཅེས་བྱ་བ་ནི་བྱས་པའོ།། སྟོང་པ་མ་ཡིན ་ཞེས་བྱ་བ་ནི་བདེན་པ་སྟེ། ཡོངསུ་བརྟགས་པ་ལས་བྱུང་བ་དེ་ཡོད་པའོ།། མི་སྟོང་མིན་ཞེས་བྱ་བ་ནི་ཡོངསུ་བརྟགས་པ་ཉིད་མེད་པའོ།། དབུ་མར་ནི་དེ་གཉི་ག་མེད་པར་འཛིན་པའི་ཡེ་ཤེས་ཏེ། དབུ་མ་རབ་ཏུ་བསྒྲུབ་པའི་བར་དེ་ཡང་རྣམ ་པར་རྟོག་པའི་སྤྱོད་ཡུལ་ཡིན་པས་ན་མི་དམིགས་ཏེ། དེ་ཉིད་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྦྱོར་བ་ཞེས་བརྗོད་དོ།། སྙིང་རྗེ་ཆེན་པོས་ཡོངསུ་བཟུང་བས་སྙིང་རྗེའི་བདག་ཉིད་འགྲོ་བའི་དོན་བྱེད་པའི་ཕྱིར། སངས་རྒྱས་རྣམས་ཀྱི་ཐབས ་ཡིན་ནོ་ཞེས་བྱ་བ་ནི་ལྷག་མའོ།། དེ་ནི་ཞེས་པ་ནི་རྡོ་རྗེ་སེམས་དཔའ་སྟེ། ཆོས་ཀྱི་ཚིག་རྣམ་པར་སྣང་མཛད་དུ་འགྱུར་རོ་ཞེས་བྱ་བར་སྦྱར་རོ།། རྣམ་པར་འཕྲུལ་པ་བསྟན་པའི་ཕྱིར། སྙིང་རྗེ་ཞེས་བྱ་བ་ལ་སོགས་པ་གསུངས་ཏེ། ་གང་ལ་སྙིང་རྗེ་ཉིད་དང་ཐབས་ཡོད་ཅིང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དྲི་མ་མེད་པས་དེ་སྐད་ཅེས་བྱའོ།། རྟོག་པ་མེད་པའི་ཆོས་རྣམས་ལ་ཞེས་བྱ་བ་ནི། རྟོག་པ་ཐམས་ཅད་དང་བྲལ་ཡང་གདུལ་བྱའི་དབང་གིས་དཀྱིལ་འཁོར ་དང་ཕྱག་རྒྱ་ལ་སོགས་པ་ཐམས་ཅད་དུ་རྟོགས་ཅིང་ཡོངསུ་གྱུར་པའོ།། རྣམ་པར་མི་རྟོག་པའི་ཞེས་བྱ་བ་ནི་གཉིས་སུ་མེད་པའི་ངོ་བོ་སྟེ། སེམས་ཅན་གྱི་དོན་ལ་རྟོག་པར་བྱེད་པའི་ཀུན་རྫོབ་བོ།། དོན་དམ་པར་ནི་བྲག་ཆའི་སྒྲ་དང ་འདྲ་སྟེ། སྒྲ་བརྙན་དང་མཚུངས་པ་ཉིད་དོ།། ཆོས་ནི་དམ་ཚིག་གསུམ་མོ།། དེ་སྟོན་པའི་ཚིག་གང་ཡིན་པ་དེ་ནི་ཆོས་ཀྱི་ཚིག་གོ།། དེ་ལས་བྱ་བ་ནི་ཆོས་ཀྱི་ཚིག་ཏུ་གྱུར་པའི་འོག་ཏུའོ།། ཐེག་པ་ཆེན་པོ་ནི་དམིགས་པ་དང་སྒྲུབ་པ་དང ་ཡེ་ཤེས་དང་། བརྩོན་འགྲུས་དང་། ཐབས་ཀུན་དང་ལས་ཆེན་པོ་དང་ལྡན་པ་སྟེ། བྱང་ཆུབ་སེམས་དཔའི་ལམ་འབྲས་བུ་དང་བཅས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པའི་མདོ་སྡེ་རྣམས་ཀྱི་ངོ་བོ་ཉིད་དོ།། ཚེ་འདི ་ཉིད་ལ་སངས་རྒྱས་ལ་སོགས་པའི་ངེས་པར་བསྐྱེད་པས་ཆེ་བའི་ཕྱིར། ཐེག་པ་ཆེན་པོའི་ཆེན་པོ་སྟེ། རྡོ་རྗེའི་ཐེག་པའོ།། དེ་ལས་གང་ཡང་དག་པར་བྱུང་བའི་ཡོན་ཏན་རྒྱས་པ་ནི་སྐུ་གསུམ་གྱིས་བསྡུས་པ་སྟོན་ཏེ། མཉམ་མེད ་ཅེས་བྱ་བ་ལ་སོགས་པའོ།། གླུ་ནི་བསྟོད་པའོ།། དུས་གསུམ་ནི་དུས་རྣམ་པ་གསུམ་མོ།། དམ་ཚིག་གསུམ་ནི་སྐུ་གསུམ་གྱི་བདག་ཉིད་དོ།། ཅི་ལྟ་བུ་ཞེ་ན། མཉམ་མེང་ཅེས་བྱ་བ་ལ་སོགས་པ་གསུ ་མི་གཡོ་བ་ཞེས་བྱ་བ་འདིས་ནི་ཆོས་ཀྱི་སྐུ་སྟོན་ཏོ།། མཉམ་པ་ཉིད་ནི་དེ་བཞིན་ཉིད་དེ། དེ་ཉིད་མཆོག་གི་ཆོསོ།། མཉམ་པ་ཉིད་དེ་གང་ལ་ཡོད་པ་དེ་ནི་མཉམ་པ་ཉིད་མཆོག་གི་ཆོས་ཉིད་ཅན་ཏེ། འདི་ཉིད་ཀྱིས་ནི་ལོངས་སྤྱོད་རྫོགས ་པའི་སྐུ་སྟོན་ཏོ།། ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་ཞེས་བྱ་བ་འདིས་ནི། སྤྲུལ་པའི་སྐུའི་སྒོ་ནས་གཞན་གྱི་དོན་མཛད་པར་སྟོན་ཏེ། དེ་དག་གསུམ་པར་ཡང་མཉམ་པ་མེད་པའོ།། སྡུག་བསྔལ་སེལ་བ་ནི་སྣང་བ་དང་མི ་སྣང་བའི་སྡུག་བསྔལ་རྣམས་འཇིག་པར་མཛད་པའོ།། ཡོན་ཏན་མཐའ་ཡས་པ་ནི་མཐར་ཐུག་པ་མེད་པའོ།། དངོས་གྲུབ་ཐམས་ཅད་སྦྱིན་པར་མཛད་པ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་སྩོལ ་བའི་ངང་ཚུལ་ཅན་གང་ཡིན་པ་དེ་ལ་ནི་དེ་སྐད་ཅེས་བྱའོ།། ཅིའི་ཕྱིར་དེ་སྡུག་བསྔལ་རྣམས་སེལ་ཞིང་ཡོན་ཏན་གྱི་དངོས་གྲུབ་སྩོལ་བར་མཛད་ཅེ་ན། ཐུགས་རྗེའི་བདག་ཉིད་ཅེས་གསུངས་པའི་ཕྱིར་རོ།། གལ་ཏེ་ཐུགས་རྗེའི་བདག་ཉིད ་ཅན་ཡིན་ཡང་གང་གིས་འདི་ལྟར་སྤྱོད་པ་ཡིན་ནོ་ཞེ་ན། དྲི་མེད་ཅེས་བྱ་བ་ལ་སོགས་པ་གསུངས་ཏེ། སྒྲིབ་པ་ཐམས་ཅད་དང་བྲལ་བས་དྲི་མ་མེད་པའོ།། མུ་སྟེགས་ཅན་གཞན་རྣམས་ཀྱིས་མི་བསྐྱོད་པས་ན་མི་གཡོ་བའོ།། རིམ་གྱིས ་ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའ་རྣམས་དང་། ཐུན་མོང་མ་ཡིན་པས་མཉམ་པ་མེད་པའི་མཆོག་གི་སྟོབས་དང་། མི་འཇིགས་པ་ལ་སོགས་པ་སྟེ། དེ་གང་དག་ལ་ཡོད་པ་དེ་ནི་དམ་པའི་མཆོག་ཆོས་ཅན་ནོ།། མཉམ ་པ་མེད་པ་ཞེས་གང་གསུངས་པ་དེ་གསལ་བར་བསྟན་པའི་ཕྱིར་ཡོན་ཏན་ཞེས་བྱ་བ་ལ་སོགས་པ་གསུངས་ཏེ། གང་གིས་མི་མཉམ་ཞེ་ན། ཡོན་ཏན་ཤིན་ཏུ་ཕྲ་བ་སྟེ་རབ་དང་འབྲིང་དང་ཐ་མའི་དབྱེ་བ་ཕྱེ་བའི་ཡོན་ཏན་ནོ།། ཚད་མེད་པ་ནི་མ ་མེད་པའོ།། གང་དང་མི་མཉམ་ཞེ་ན། དཔེ་ནི་ན་མཁའ་ཞེས་པོ་སྟེ། གང་གི་ཕྱིར་དཔེར་བྱ་བ་ནི་ནམ་མཁའ་ལྟར་ཚད་མེད་པ་དང་ཡང་སྙུན་དུ་ཡོད་པ་མ་ཡིན་ན་དཔེ་དམན་པས་ལྟ་སྨོས་ཀྱང་ཅི་དགོས། ཡོན་ཏན་མེད་པ་དེ་རྣམས་ནི་སེམས་ཅན ་ཁམས་ལ་ཞེས་བྱ་བ་ལ་སོགས་པ་གསུངས་ཏེ། སེམས་ཅན་གྱི་ཁམས་རྣམས་ལ་སངས་རྒྱས་ཀྱི་དངོས་གྲུབ་མཆོག་ངེས་པར་སྩལ་བའོ།། དེ་དག་ཉིད་གང་གིས་བྱུང་ཞེ་ན། རྟག་ཏུ་ཞེས་བྱ་བ་ལ་སོགས་པ་གསུངས་ཏེ། གང་གི་ཕྱིར་དེ་རྣམས ་ནི་ཐུགས་རྗེ་ཆེན་པོའི་དབང་གིས་ཀུན་ནས་བསླང་བས་རྟག་ཏུ་དྲི་མ་མེད་པ་སྟེ། ཀུན་ནས་ཉོན་མོངས་པ་མེད་པའོ།། སྨོན་ལམ་གྲུབ་པ་ནི་མི་གནས་པའི་མྱ་ངན་ལས་འདས་པའོ།། དགག་པ་མེད་པའི་ཆོས་ཉིད་ཅན་ནི་འགག་པ་མེད་པའི ་ངོ་བོ་ཉིད་དོ།། མཐའ་ཡས་པ་ནི་ཁྱབ་པར་གྱུར་པའོ།། ཐུགས་རྗེ་ཆེན་པོའི་བདག་ཉིད་ནི་སངས་རྒྱས་སོ།། རྟག་ཏུ་ནི་མཐའ་མེད་པའོ།། རྣམ་པར་སྣང་བ་ནི་གསལ་བར་གྱུར་པའོ།། གང་ཞིག་གིས་ཤེ་ན། མེད་མེད་ཅེས་བྱ་བ་ལ་སོགསཔ ་གསུངས་ཏེ། ཚད་མེད་པ་ནི་ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའ་རྣམས་ཏེ། དེ་རྣམས་པས་ཀྱང་དཔག་ཏུ་མེད་པའོ།། ཤིན་ཏུ་རྫོགས་པ་ནི་འབྲས་བུ་མཐར་ཐུག་པའོ།། བདེ་བར་གཤེགས ་པའི་གོ་འཕང་ནི་ཡོང་སུ་མྱ་ངན་ལས་འདས་པ་སྟེ། བདེ་གཤེགས་པར་སྟོན་ཀྱང་ངོ་།། དེ་དག་ཀྱང་ཡིན་ཞེ་ན། འགག་པར་ཡང་མི་འགྱུར་ཞེས་བྱ་བ་གསུངས་ཏེ། གང་གི་ཕྱིར་དེའི་སྙིང་རྗེ་ཆེན་པོའི་རྒྱུས་མྱ་ངན་ལས་འདས་པའི་ཆོས་ཅན ་དུ་མི་འགྱུར་ཏེ། དེ་བས་ན་མི་འགག་པའི་ཆོས་ཅན་ཉིད་དོ།། དེ་ཉིད་ཀྱིས་ན་ཨེ་མའོ།། ཤིན་ཏུ་བཟང་བའི་ཆོས་ཉིད་ཅེས་བྱ་བ་ལ་སོགས་པ་འདིས་མངོན་པར་གསོལ་བ་འདེབས་པ་བསྟན་ཏོ།། དམ་ཚིག་གསུམ་ནི་སྐུ་གསུམ་གྱི་བདག ་ཉིད་དེ། དེའི་རྒྱུར་གྱུར་པའི་དངོས་གྲུབ་ཀྱི་བདག་ཉིད་དང་ལྡན་པས། མཆོག་སྦྱིན་དངོས་གྲུབ་རབ་མཆོག་སྩོལ་བས་བདག་ལ་སྩོལ་ཅིག་པའོ།། མཆོག་སྦྱིན་རྣམས་ཀྱི་ནང་ན་གོ་འཕང་དམ་པ་མཆོག་བརྙེས་པ་ནི་སྦྱིན་པའི་མཆོག་གི་ག ་གྱུར་པའོ།། རྟག་ཏུ་ནི་ལུས་ལ་མེད་པའོ།། དུས་གསུམ་ནི་དུས་རྣམ་པ་གསུམ་གྱི་མཐར་ཐུག་པའོ།། སྒྲིབ་པ་མེད་པ་ནི་སྒྲིབ་པ་ཐམས་ཅད་དང་བྲལ་བའོ།། འདི་ནི་ཞེས་བྱ་བ་ལ་སོགས་པ་ནི་ཉེ་བར་སྡུད་པའི་སྔོན་དུ་འགྲོ་བས་བསྟོང ་པའི་ཆེ་བའི་བདག་ཉིད་བསྟན་ཏོ།། ལན་ཅིག་ཙམ་བརྗོད་ཀྱང་སངས་རྒྱ་སུ་འགྲུབ་པར་འགྱུར་བ་ནི། བག་ཆགས་ཀྱི་སྟོབས་བསྐྱོད་ཅིང་བརྩོན་པ་རྣམས་ལ་ངེས་པར་འགྱུར་པོར་དགོང་སོ།། སངས་རྒྱས་ཀུན་ནི་རྡོ་རྗེ་སེམས་དཔའ་དང་། རྣམ ་པར་སྣང་མ་སོགས་པའོ།། དེ་རྣམས་དང་བདག་ཉིད་སྦྱོར་བ་ནི་དེ་དང་གཉི་སུ་མེད་པའོ།། དམ་ཚིག་གསུམ་གྱིས་ནི་སྐུ་གསུམ་གྱིས་སོ།། སྐུ་ནི་བལྟ་བས་མི་ངོམས་པ། ཞེས་བྱ་བ་ནི་སྐུ་མཐོང་ན་མི་མཐུན་པ་མེད་པའོ།། མཆོག་རྣམས ་ཀུན་སྦྱིན་པ་ནི་རང་ཉིད་བསྟན་པ་གྲུབ་པའོ།། དེ་ནས་དྲིའི་ཞེས་བྱ་བ་ནི་བསྟོད་པའི་རྒྱལ་པོའོ།། བསྒྲུབ་པ་དང་ཞེས་བྱ་བ་ནི་གང་གིས་བསྒྲུབས་པའོ།། ཤིན་ཏུ་བརྟག་པ་ཡི་ཞེས་བྱ་བ་ནི་མཆོག་ཏུ་རྗེསུ་འབྲེལ་པ་སྟེ། གང་གིས་སྐུ་གསུམ ་དག་ཉིད་ཀྱི་འབྲས་བུ་ཐོབ་པ་གང་ཡིན་པ་འདི་ཉིད་གྲུབ་པའོ།། དངོས་གྲུབ་ནི་ཤིན་ཏུ་མཐར་ཕྱིན་པའོ།། རྡོ་རྗེ་སེ་གོལ་གཏོགས་པ་ཡིས། ཞེས་པ་ནི་ལག་པ་གཡས་ཀྱིས་རྡོ་རྗེ་སེ་གོལ་དང་གཡོན་གྱི་སེ་གོལ་དང་། གཉི་གའི་སེ་གོལ ་དང་། ཐལ་མོ་ལན་གསུམ་ཞེས་པ་ནི་གཡས་དང་གཡོན་གཉི་གའི་སྟེ། ཇི་ལྟ་བའི་སེ་གོལ་གསུམ་མོ།། དབང་པོ་གང་དང་གང་ལམ་འགྱུར་ཞེས་བྱ་བ་ནི་མཐོང་བ་ལ་སོགས་པའི་སྤྱོད་ཡུལ་ལ་འཇུག་པའོ།། དེ་དང་དེའི་ངོ་བོ་ཞེས་བྱ་བ་ནི་དེ་དང ་དེའི་བདག་ཉིད་ཀྱི་རང་བཞིན་དུའོ།། སངས་རྒྱས་ཀུན་དང་མཉམ་སྦྱོར་ཞིང་ཞེས་བྱ་བ་ནི་རང་གི་ལྷའི་ང་རྒྱལ་དུ་བསྒོམ་པའོ།། ཆགས་པ་ཞེས་བྱ་བ་ནི་ཥ་ད་ཛཾ་ཀོ་ཧ་ལ་སོགས་པའི་གླུའོ།། ཥ་ད་པ་ལ་སོགས་པ་ཞེས་བྱ་བ་ནི། ཙོ་ཀཱ་པཉྩ་མ ་ལ་སོགས་པའི་གླུ་བླང་བའོ།། བཟླས་པར་བྱ་ཞེས་བྱ་བ་ནི་གདོན་པོའོ།། འདི་སྐད་སྟོན་པར་འགྱུར་ཏེ། གོ་རིམས་སྔ་མས་རང་གི་ལྷའི་སྦྱོར་བ་དང་ལྡན་པས། དཀྱིལ་འཁོར་གྱི་ལྷ་རྣམས་རང་གི་ལུས་ཀྱི་ནང་དུ་ཇི་ལྟ་བ་བཞིན་དུ་བསྒོམས་ལ ་མཉམ་པར་བཞག་པའི་སྦྱོར་བ་དང་ལྡན་པས་སྤྱོད་ལམ་ཐམས་ཅད་དུ་དངས་པ་ཐམས་ཅད་བདག་ཉིད་ཀྱི་གཟུགསུ་ལྷག་པར་མོས་ལ། འངད་པ་ལ་སོགས་པའི་གླུ་རྣམས་དང་། བསྟོང་པའི་རྒྱལ ་ན་འགྲུབ་པར་འགྱུར་རོ།། ཐམས་ཅད་བདག་ཉིད་ནི་རྣམ་པར་སྣང་མཛད་དོ།། དམ་ཚིག་གསུམ་ལ་སོགས་པ་ནི་རྣམ་པར་སྣང་མཛད་ལ་སོགས་པའོ།། རྟོག་པ་ཐམས་ཅད་ནི་སངས་འགྲོ་བའི་ལམ་གྱིས་སོ།། ཞེ་སྡང་ལ་སོགས ་པའི་སེམས་ཅན་རྣམས་འདུལ་བའི་ཕྱིར། བཅོམ་ལྡན་འདས་ཀྱིས་སྤྲུལ་པའི་སྐུའི་ངོ་བོ་ཉིད་དུ་བསྟན་པའི་དོན་དུ་ཧེ་རུ་ཀའི་དབུགས་དབྱུང་བ་ཉེ་བར་བསྟན་པའི་ཕྱིར་འདས་པའི་དུས་ནས་བྱ་བ་ལ་སོགས་པ་གསུངས་ཏེ། ཁྲོ་བ་ཞེས ་བྱ་བ་ནི་བསམ་པའོ།། གཏུམ་པ་ཞེས་བྱ་བ་ནི་སྦྱོར་བའོ།། གདུག་པ་ཤིན་ཏུ་རྣོ་བར་གྱུར་པའོ།། བག་ཆགས་ཀྱི་མཚམས་སྦྱོར་བས་ཞེས་བྱ་བ་ནི། རྒྱ་མཐུན་པའི་འབྲས་བུ་ཡོངསུ་གྱུར་པ།། ཤེས་རབ་ཐབས་ཀྱིས་ཤེས་པ་ནི་ཤེས་རབ་དང ་སྙིང་རྗེའི་རྒྱུ་དང་ལྡན་པའོ།། ཁྲོ་བོ་ནི་ཁྲོ་བོ་ཉིད་དུའོ།། དེ་ནི་འདི་སྐད་སྟོན་པར་འགྱུར་ཏེ། ཆོས་རྣམས་སྒྱུ་མ་དང་འདྲ་བས་ཐུགསུ་ཆུད་པས་སེམས་ཅན་གདུག་པ་རྣམས་ལ། ཐུགས་རྗེ་ཉེ་བར་བཞག་སྟེ། དེ་རྣམས་གདུལ་བར་བྱ་བའི་ཕྱིར ་བཅོས་མའི་ཁྲོ་བོ་ཧེ་རུ་ཀའི་སྐུར་དེ་བཞིན་གཤེགས་པ་ཐམས་ཅད་མཛད་པར་གྱུར་པ་སྟེ། ཇི་སྐད་དུ་རྡོ་རྗེ་ཆེན་པོ་ཧེ་རུ་ཀ། འབརེ་བས་ཐལ་བར་རབ་ཏུ་འཇིག། སངས་རྒྱས་ཀུན་གྱི་ཁྲོ་བོ་ཆེ།། ཞེས་གསུངས་པས་སོ།། གང་གིས་ན ་འདི་ཁྲོ་བོས་ཆད་པས་གཅོད་པར་སྤྱོད་ཅན། ཁྲ་ཟའི་ཚུལ་འཆང་ཞེས་བྱ་བ་ལ་སོགས་པ་གསུངས་ཏེ། ཁྲོས་པ་མ་དྲང་སྟོང་རྣམས་ཀྱིའོ།། ཇི་ལྟ་བུ་ཞེ་ན། ཟླ་ཟའི་ཚུལ་ན་གནས་པ་སྟེ། ཚུལ་ལ་གནས་པས་ན་ཚུལ་འཆང་སྟེ། ཚུལ ་ཙམ་ལ་གནས་པའི་ཁྲོ་བོས་ཀྱང་འཇིག་རྟེན་གསུམ་དག་བསྲེག་པར་ནུས་ན། གཞན་དུ་ཉེས་པ་ཐམས་ཅད་དང་བྲལ་ཞིང་ཡོན་ཏན་གྱི་ཕུན་སུམ་ཚངས་པ་ཐམས་ཅད་ལ་དབང་སྒྱུར་བའི་སངས་རྒྱས་རྣམས་ཀྱིས་ལྟ་སྨོས་ཀྱི ་དགོས་བྱ་བར་དགོངས་སོ།། རྣམ་པ་གང་གིས་ཁྲོ་བོ་ཡང་དག་པར་འབྱིན་པར་མཛད་ཅེ་ན། དེ་ནས་ཞེས་བྱ་བ་ལ་སོགས་པ་གསུངས་ཏེ། སྣའི་དབུས་རིང་པོ་དྲོ་བ་དང་བཅས་པ་ནི་ཡེ་ཤེས་ཏེ། དེ་དབུགས་བྱུང་བ་དང་བཅས་པའི་སྦྱོར ་བའོ།། ཕྱོག་རྒྱའི་སྦྱོར་བ་ཞེས་བྱ་བ་ནི་ཁྲོ་བོའི་སྙོམས་པར་འཇུག་པའོ།། དེ་ཉིད་ཅེས་པ་ནི་རྡོ་རྗེ་སེམས་དཔའོ།། ཕྱུང་བ་ཞེས་བྱ་བ་ནི་ངེས་པར་བསྐྱེད་པའོ།། ཁྲོ་བོ་ལ་སོགས་པའི་ཚུལ་དང་ལྡན་པ་ཞེས་བྱ་བ་ནི་ཁྲོ་བོ་དང་། དཔའ་བོ་དང ་སྒེག་པ་དང་། འཛེག་སུ་རུང་པོའི་ངང་ཚུལ་དང་ལྡན་པའོ།། དེས་རྣམ་པ་སྣ་ཚོགས་པ་སྟེ། ཞལ་བཞི་དང་ལྡན་པས་རྣམ་པར་བསྒྱུར་བའོ།། དེས་ཕབ་ནས་ཞེས་པ་ནི་དབང་དུ་བྱས་པའོ།། གྲིབ་མ་ཞེས་བྱ་བ་ནི་མཁའ་འགྲོ་མའོ།། ཐམས ་ཅད་རྡོ་རྗེ་མཉམ་སྦྱོར་བ་ཞེས་བྱ་བ་ནི་ཁྲོ་བོ་ཐམས་ཅད་དུ་མཉམ་པར་སྦྱོར་བའོ།། དེས་མཁའ་འཕོ་བའི་དཀྱིལ་འཁོར་འབར་བའོ།། དེས་ཅི་ཞིག་མཛད་ཅེ་ན། ཤིན་ཏུ་གདུག་ཅིང་ཅེས་བྱ་བ་ལ་སོགས་པ་གསུངས།། རྡོ་རྗེ་འདོང་ཁྲོ་བ ་ཞེས་བྱ་བ་ན་ཤེས་རབ་དང་ཐབས་ཀྱི་ཁྲོ་བ་ལ།། རྟག་པ་བླ་མད་ཐམས་ཅད་ཀྱིས། ཅེས་བྱ་བ་ན་ཁུ་བའི་སྤྲུལ་པ་ཐམས་ཅད་ཀྱིས་སོ།། ངན་བཅོམ་ལྡན་འདས་མཉམ་པ་ཉིད་ཀྱི་ཡེ་ཤེས་ར་བ་ཉིད་དུ་རྒྱ། ་པ་ལོངས་སྤྱོད་རྫོགས་པའི་སྐུའི་བདག་ཉིད་དུ་བསྟན་ཅིང་གཏི་མུག་ལ་སྤྱོད་པའི་སེམས་ཅན་རྣམས་གདུལ་བར་བྱ་བའི་དོན་དུ་པདྨ་གར་གྱི་དབང་ཕྱུག་གི་དབུགས་དབྱུང་བ་བསྟན་པའི་ཕྱིར། འདས་པའི་དུས་ན་ས་བྱ་བ་ལ་སོགས ་པ་གསུངས་ཏེ། ལོགས་པར་ལྟ་བ་ལ་གནས་པ་ནི་མེད་པར་ལྟ་བ་ལ་མངོན་པར་ཞུགས་པའོ།། དེ་ཉིད་ཅེས་བྱ་བ་ནི་རྡོ་རྗེ་སེམས་དཔའོ།། བྱང་ཆུབ་སེམས་ནི་རྣམ་སྦྱང་ཕྱིར།། ཞེས་པ་ནི་ལོག་པར་ལྟ་བ་རབ་ཏུ་སྤང་བ་སྔོན་དུ་འགྲོ་བས ་སེམས་ཅན་རྣམས་ཀྱི་ཡང་དག་པའི་ཡེ་ཤེས་བསྐྱེད་པའི་ཕྱིར་རོ།། པདྨོ་ཆགས་པར་སྦྱོར་བས་ནི། ཞེས་པས་ནི་ཐུགས་རྗེ་ཆེན་པོའི་ངོ་བོ་ཉིད་དུ་གྱུར་པའོ།། རྡོ་རྗེ་ཆོསུ་གནས་པར་གྱུར་ཅེས་པ་ནི། འདོད་ཆགས་རྣམ་པར་དག་པས ་བཞུགས་པའོ།། དེ་ཉིད་བསྟན་པའི་ཕྱིར། ཇི་ལྟར་པདྨ་ཞེས་བྱ་བ་ལ་སོགས་པ་གསུང་སོ།། རྡོ་རྗེ་ཆོས་སུ་གནས་པར་གྱུར་ཞེས་བྱ་བ་ལ། ལ་ལ་ངག་ནི་རྡོ་རྗེ་ཆོས་ཀྱི་གཟུགསུ་ཡོངསུ་གྱུར་ནས། དེ་ནས་པདྨ་གར་གྱི་དབང་ཕྱུག་ཏུ ་སྐྱེས་པ་ཡིན་ནོ་ཞེས་ཟེར་རོ།། འདོད་ཆགས་ཐམས་ཅད་དག་པས་ན་ཞེས་བྱ་བ་ནི་ཐུགས་རྗེའི་འདོད་ཆགས་རྣམ་པར་དག་པ་སྟེ། དེ་ཉིད་ཀྱིས་ན་བཅོམ་ལྡན་འདས་འདིའི་སྐུ་མདོག་ཀྱང་པདྨ་ལྟ་བུའོ།། གདུལ་བའི་ཐབས་ནི་སྣ་ཚོགས ་ཀྱིས་ཞེས་པ་ནི་སྒེག་མོ་ལ་སོགས་པའི་གར་ཐབས་དང་ལྡན་པས་ཞལ་སྣ་ཚོགས་སུ་རྣམ་པར་བསྒྱུར་བའོ།། སྣ་ཚོགས་པ་ནི་གདུལ་བར་མོས་ཞེས་པ་ནི་རྣམ་པར་གཟིགས་པ་ལ་སོགས་པའི་སྤྲུལ་པ་དང་། འདུལ་བར་མཛད ་པས་ན་འདུལ་བ་སྟེ། ལྟ་བ་ལ་སྤྱོད་པའི་གདུལ་བྱ་རྣམ་པ་སྣ་ཚོགས་འདུལ་བས་ན། སྣ་ཚོགས་པ་འདུལ་བར་མོས་པའི་རྒྱུར་གྱུར་པའོ།། ཀུན་ཏུ་སྤྱན་རས་གཟིགས་པ་ནི། འདོད་ཆགས་རྣམ་པར་དག་པའི་སོ་སོར་རྟོག་པའི་ཡེ ་ཤེས་ཀྱི་སྤྱན་རས་ཀྱིས་གཟིགས་པའོ།། དབང་ཕྱུག་ནི་དེ་ལ་དབང་ཐོབ་པའོ།། པདྨོ་སྒྲ་མི་མཉམ་སྦྱོར་བའི་ཞེས་པ་ནི། པདྨའི་རིགས་ཀྱི་དཀྱིལ་འཁོར་གྱི་ངོ་བོས་གནས་ནས། དེས་ན་མཁའ་ལ་སྤྱོད་པ་འགྲུབ་པ་སྟེ། པདྨའི་སྒྲ ་མའི་མཉམ་འབྱོར་པའི་མཁའ་འགྲོ་མ་རྣམསོ།། དེ་ཉིད་ནི་སྒྱུ་མ་འམ། སྤྲུལ་པ་སྟེ་ངེས་བདེ་བའི་ངོམ་པ་ཐོབ་པར་གྱུར་པའོ།། དེས་ཀྱང་ཅི་ཞིག་མཛད་ཅེ་ན། དཔལ་པདྨོ་གར་དབང་ལ་སོགས་པ་གསུངསོ།། རྟོག་པ་བླ་ན་མེད་ཅེས ་བྱ་བ་ནི། འཇིག་རྟེན་དབང་ཕྱུག་གི་སྤྲུལ་པའོ།། རྣམ་པར་སྦྱངས་པ་ནི་ལྟ་བ་དང་བྲལ་བར་མཛད་པའོ།། བཅོམ་ལྡན་འདས་རྣམ་པར་སྨིན་པའི་སྐུའི་ངོ་བོ་ཉིད་དུ་བསྟན་ནས་སྐྱེད་པ་ལ་སྤྱོད་པའི་སེམས་ཅན་རྣམས་རྗེསུ་གཟུང ་བར་བྱ་བའི་དོན་དུ་རྡོ་རྗེ་ཉི་མའི་དབུགས་དབྱུང་བ་བསྟན་པའི་ཕྱིར། འདས་པའི་དུས་ན་ཞེས་བྱ་བ་ལ་སོགས་པ་གསུངསོ།། ཡི་དགས་རྣམས་ཀྱི་ཞེས་བྱ་བ་ནི་ཡི་དག་སུ་གཏོགས་པ་རྣམས་ཀྱིའོ།། དེ་ཉིད་ཅེས་བྱ་བ་ནི་རྡོ་རྗེ་སེམས ་དཔའོ།། པདྨོའི་དོན་གྱི་ཞེས་པ་ནི། འཇིག་རྟེན་ཐམས་ཅད་ཀྱི་དོན་ལ་ཡང་དག་པར་འདས་པའོ།། ནོར་ཆེན་པོ་ནི་སྔོན་གྱི་འཕེན་ཤུགས་ཀྱི་དབང་གིས་སེམས་ཅན་རྣམས་ཀྱི་བསམ་པ་ཡོངསུ་རྫོགས་པར ་མཛད་པའོ།། རྡོ་རྗེ་ཉི་མ་བྱུང་བར་འགྱུར་ཞེས་པ་ནི་རྡོ་རྗེ་ཉི་མ་ཉིད་དུ་ཡོངསུ་གྱུར་པའོ།། ན་མཁའི་སྙིང་པོ་ཐམས་ཅད་ཕྱོགས་ཞེས་བྱ་བ་ལ་སོགས་པ་ལ་ན་མཁའི་སྙིང་པོའི་དབང་བསྐུར་བའི་ངོ་བོ་ཉིད་དང་། གཏེར་ཐམས་ཅད་ཀྱི་རང ་བཞིན་གྱིས་ཀུན་གྱི་རེ་བ་ཡོངསུ་རྫོགས་པར་མཛད་པ་དང་། རྒྱལ་མཚན་མཆོག་གི་གཟུགས་ཅན་ཡིན་པས་སོ།། བུད་མེད་ལ་སོགས་པ་རིན་པོ་ཆེ་མཆོག་ཐམས་ཅད་འབེབས་པ་ནི། མཆོད་པ་ཆེན་པོའི་ངོ་བོ་ཉིད་བས་སོ།། ་ཤེས་རབ་དང་སྙིང་རྗེའི་བདག་ཉིད་དེ་ཉི་མ་ལྟ་བུ་བས་ཉི་མའོ།། ཅིའི་ཕྱིར་ཞེ་ན། གང་གི་ཕྱིར་རབ་ཏུ་གདུང་བ་ཞེས་གསུངས་པས་སོ།། བྱ་བ་དང་ནི་ཞེས་པ་ནི་འཕངས་པ་སྟེ། མངའ་ལ་སོགས་པས་འཐོབ་པའོ།། བཟློག་པ་དང་ཞེས ་པ་ནི་ལག་པས་འཕང་བ་འཁོར་ལོ་ལ་སོགས་པ་རྣམས་ཀྱིས་སོ།། འཕྲོག་པས་ཞེས་པ་ནི་འཕངས་ནས་སླར་བཟུང་བ་སྟེ། ཞགས་པ་ལ་སོགས་པ་རྣམས་ཀྱིས་སོ།། སྡུད་པར་བྱེད་ཅེས་པ་ནི་འཇིག་རྟེན་གསུམ་པོ་སེར་སྣ ་བྱེད་པ་ལས་རྒྱལ་ཞིང་ནོར་ཆེ་བ་ཉིད་དུ་མཛད་ཅེས་བྱ་བའི་དོན་ཏོ།། འཇིག་རྟེན་གསུམ་རྒྱལ་ནི་རྡོ་རྗེ་ཉི་མ་སྟེ། དེ་ལ་སོགས་པའོ།། རྟོག་པ་ཐམས་ཅད་ནི་རིན་པོ་ཆེའི་ཚོགས་རྣམས་སྤྲུལ་པས་ན། རབ་ཏུ་བསྐངས་ཞེས་བྱ་བའི་དོན་ཏེ ་སྐྱེད་པ་རྣམ་པར་སྦྱངས་ནས་རྡོ་རྗེ་ཉི་མའི་གོ་འཕང་ཐོབ་པར་མཛད་པའོ།། ལྕེ་ལོ་ཅན་གྱི་སེམས་ཅན་རྣམས་རྗེསུ་གཟུང་བའི་དོན་དུ་རྩཝ་མཆོག་ཏུ་ཉེ་བར་བསྟན་པའི་ཕྱིར། འདས་པའི་དུས་ན་ཞེས་བྱ་བ་ལ་སོགས་པ་གསུམ ་བརྩོན་འགྲུས་ཤིན་ཏུ་ཆུང་བ་ནི་ཤིན་ཏུ་ཡང་ལེ་ལོ་ཆེ་བའོ།། དྲག་ཤུལ་གྱི་སྦྱོར་བ་ནི་ཕ་རོལ་གནོན་པའི་རྩལ་ལོ།། དེ་རྣམ་པར་དག་པ་ནི་ལེ་ལོ་བསལ་ནས། བརྩོན་འགྲུས་ལ་རབ་ཏུ་འཇོག་པའོ།། དེའི་ཕྱིར་དྲག་ཤུལ་གྱི་སྦྱོར་བ་རྣམ ་པར་དག་པའི་ཚུལ་ཏུ་རྟ་མཆོག་ཏུ་བྱུང་བར་གྱུར་པ་སྟེ། རྟ་མགྲིན་ཉིད་དུ་གྱུར་པོའོ།། ཐམས་ཅད་ཡང་དག་པར་མོས་པ་ཡིན་ཞེས་བྱ་བ་ནི་ལེ་ལོ་སྤོང་བ་སྔོན་དུ་འགྲོ་བས་བརྩོན་འགྲུས་བསྐྱེད་པར་འདོད་པས་སོ།། ངོ་འཐོན་ནི་མངོན ་སུམ་དུའོ།། ཕ་རོལ་གནོན་པའི་རྩལ་དག་གིས་ཞེས་པ་ནི་ནུས་མཐུའོ།། བི་བ་ཞེས་པ་ནི་གཞན་གྱི་ཆུང་མ་ལ་ཉེ་བར་འགྲོ་བའོ།། ཆོམ་པོ་ཡིས་ཞེས་པ་ནི་མངོན་སུམ་གྱིས་འཕྲོག་པའོ།། བྲིད་པ་ཞེས་བྱ་བ་ནི་དོར་ཐབས་སོ།། སྒྱུ ་དྲག་ཅེས་པ་ནི་མིག་འཕྲུལ་གྱིས་སོ།། དགྲ་ཆ་ལྔ་ནི་འཁྲུལ་འཁོར་གྱིས་འཕངས་པ་ལ་སོགས་པ་སྟེ་འོག་ནས་འཆད་དོ།། དེ་རྣམས་ཀྱིས་འཐབ་པས་ན། དགུ་ཆ་ལྷའི་རྒལ་བའོ།། ལྷ་མོ་བྷི་མ་ཞེས་བྱ་བ་ནི་དཀའ་ཐུང་ཟློག་མའོ།། ་མིའི་དབང་ཕྱུག་མ་ཞེས་བྱ་བ་ནི་སྲེད་པ་དང་དབང་ཕྱུག་མ་ཞེས་བྱའོ།། རྡོ་རྗེ་འཛིན་ཞེས་བྱ་བ་ནི་རྡོ་རྗེ་སེམས་དཔའོ།། བྱང་ཆུབ་ཀྱི་སེམས་ནི་བྱང་ཆུབ་ཀྱི་རང་བཞིན་ཅན་ནོ།། སྒྲུབ་པར་བྱེད་ཅེས་བྱ་བ་ནི་སེམས་ཅན་རྣམས་ཀྱི་རྒྱུད ་ལ་བསྐྱེད་པའོ།། སངས་རྒྱས་བྱང་ཆུབ་ནི་ཞི་བའི་ཆོས་ཉིད་ཐུགས་སུ་ཆུད་པའི་ངོ་བོ་ཉིད་དོ།། དེ་ལས་བསྐྱེད་པ་ནི་རྣམ་པར་སྣང་མཛད་ཡིན་ཏེ། དེ་རབ་ཏུ་བཅོམ་པ་ནི་དྲུག་པོའི་སྦྱོར་བས་སེམས་ཅན་རྣམས ་རྣམ་པར་གནོན་པ་སྟེ། རང་གི་རྣལ་འབྱོར་ནི་དྲག་པོའི་སྦྱོར་བའི་བདག་ཉིད་དོ།། རྒྱས་འདེབས་པ་ནི་བརྩོན་འགྲུས་ཀྱིས་སྦྱོར་པོའོ།། རྟོག་པ་བླ་ན་མེད་པ་ཐམས་ཅད་ནི་རིགས་ཐམས་ཅད་ཀྱིའོ།། གཏམ་གྱི་སྦྱོར་བས་ནི་ཕྱག་རྒྱ་ཞེས ་པའི་རྟོག་པའི་འགྲེལ་པ་སྟེ། རྟོག་པ་ལྔ་པའི་འགྲེལ་པའོ།། ། ད་ནི་ཇི་སྐད་བཤད་པ་བཞིན་བསྒོམ་པས་དཀྱིལ་འཁོར་དུ་དམ་ཚིག་གསུམ་ཐོབ་པར་གྱུར་ན། འགྲུབ་པར་བསྟན་པའི་ཕྱག་མཚན་དང་། ཕྱག་རྒྱ་ལ་སོགས ་པའི་ཆོ་གས་འདིར་བསྒྲུབ་པར་བྱ་བ་ཡིན་པས། བཅོམ་ལྡན་འདས་རྡོ་རྗེ་སེམས་དཔའ་ཚོགས་ཀྱི་དཀྱིལ་འཁོར་གྱི་ཚུལ་གྱིས་བཞུགསོ།། ཞེས་བསྟན་པའི་ཕྱིར་དེ་ནས་གཞན་ཡང་ཞེས་བྱ་བ་ལ་སོགས་པ་གསུངསོ།། རྣམ་ཀུན་སྣ ་ཚོགས་ནི་ཀུན་ཏུ་སྣ་ཚོགས་པའི་གཟུགས་ཀྱི་ལྷ་མོས་ཉེ་བར་མཚོན་པའོ།། དེ་ཉིད་དམ་པས་ན་མཆོག་ཏུ་གྱུར་པ་སྟེ། བླ་ན་མེད་པའི་བདེ་བ་དང་། ཡིད་བདེ་བའི་ངོ་བོ་ཉིད་རྡོ་རྗེ་སེམས་དཔའི་རྒྱུར་གྱུར་པས་སོ།། སངས་རྒྱས་ཐམས་ཅད ་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། གསང་བ་ལ་སོགས་པ་ཁྱད་པར་དུ་འཕགས་པའི་སྲིད་པ་གསུམ་དུ་རྟག་ཏུ་གནས་ནས་བསྒྲུབ་པར་བྱའོ།། ཞེས་བྱ་བར་སྦྱར་རོ།། དཔལ་ནི་དཔལ་ལྷ་མོའི་རྣལ་འབྱོར་ཅན་ནི ་བུད་མེད་རྣམས་ཏེ། དེ་ཡོད་པས་ན་དཔལ་ལྡན་ཏེ། ཀུནྡ་ནས་ཡོངསུ་བསྐོར་ཞེས་བྱ་བའི་དོན་ཏོ།། སངས་རྒྱས་ཀུན་གྱི་དངོས་ནི་སངས་རྒྱས་ཐམས་ཅད་ཀྱི་རང་བཞིན་ཏེ། དེའི་ངོ་བོ་ཉིད་དུ་གྱུར་པ་ཞེས་བྱ་བའི་བར་དུའོ།། རྡོ་རྗེ ་སེམས་དཔའ་འབྱུང་བ་ནི། རྡོ་རྗེ་སེམས་དཔའི་ཏིང་ངེ་འཛིན་དང་ལྡན་པའོ།། བདེ་བ་ཞེས་བྱ་བ་ནི་བྱ་བའི་ཁྱད་པར་རོ།། དེ་བཞིན་གཤེགས་པའི་བདག་ཉིད་ཅན་ནི་རིག་པའི་རྒྱལ་པོ་ལ་སོགས་པ་སྟེ། དེ་སྦས་པའོ།། དྲི་ནི་བྱུག་པའོ།། ་སྲིད་པ་གསུམ་ཞེས་པ་ནི་ཁང་པ་གསུམ་རྩེག་གོ། སྐྱེད་མོས་ཚལ་ནི་འོག་ནས་འབྱུང་བའི་རང་གི་སྐྱེད་མོས་ཚལ་ལོ།། འཇམ་ཞིང་ཞེས་པ་ནི་ཤིན་ཏུ་མཉམ་པ་སྟེ། སྟན་ནང་ཚངས་ཅན་ལ་བྱའོ།། ཞེས་མན་དག་ལས་བཤདོ།། ་སྣ་ཚོགས་པདྨོ་ནི་རས་གང་ལ་པདྨ་རྣམ་པ་སྣ་ཚོགས་པ་བྲིས་པ་གང་ཡིན་པའོ།། གཡོགས་པ་ནི་དེས་དགབ་པའོ།། ཐམས་ཅད་དག་པའི་གདན་ཞེས་པ་ནི་བདག་པོའི་གདན་ནོ།། སངས་རྒྱས་ཐམས་ཅད་མཉམ་སྦྱོར་བ་ཞེས་བྱ་བ ་ནི། སྦྱོར་བའི་དཀྱིལ་འཁོར་ལ་སྦྱོར་བའོ།། དེ་ལ་དབང་ཐོབ་པས་ན་དབང་ཕྱུག་སྟེ། དེས་རྣམ་པར་འཕྲུལ་པས་སོ།། རྡོ་རྗེ་སེམས་དཔའ་ལ་སོགས་པའི་ལྷ་ནི་རྡོ་རྗེ་སེམས་དཔའི་ལྷ་སྟེ། ལྷ་ཞེས་བྱ་བ་ནི་གསལ་རོལ་པས་ན་ལྷ་སྟེ། ་བདེ་བོའི་མཆོག་ལ་སོགས་པའོ།། དེ་ན་ཞེས་པ་ནི་གངན་ནོ།། རྣམ་པར་འཕྲུལ་པར་མཛད་ཅེས་པ་ནི་གར་བྱེད་ཅིང་བདག་གི་འབྱུང་བ་སྟན་གང་ལ་སྟོན་པའོ།། སྟན་དེ་དག་ནི་ཞེས་པ་ནི་ཐམས་ཅད་དག་པའི་གདན་ནོ།། ཐམས ་ལ་ཞེས་པ་ནི་ཀུན་ལའོ།། ཇི་ལྟར་གནས་པ་ཞེས་པ་ནི་གནས་གང་དང་གང་ཡིན་པ་དང་། ཕྱོགས་གང་བ་གང་ཡིན་པར་བཞག་པ་ནི་ཇི་ལྟར་གནས་པ་བཞིན་ཏེ། དེ་ལ་ཇི་ལྟ་བ་བཞིན་གནས་པ་ནི་ཇི་ལྟར་བདག ་ཉིད་གནས་ཕྱོགས་དང་ཕྱོགས་མཚམས་ཀྱི་མཚན་ཉིད་དེ། ཇི་ལྟར་ཞེས་པ་ནི་བདག་པའི་སྟན་ཇི་ལྟ་བའོ།། དགོད་པ་ནི་དེར་བཞག་པ་སྟེ། སྣ་ཚོགས་པདྨའི་རས་ཀྱིས་གཡོགས་པ་དེ་བཞིན་དུ་དཀྱིལ་འཁོར་ཐད་དུ་ལྷ་མོ་ཐམས་ཅད་ལ་ཡཱ ་ཆུང་བའི་སྟན་བྱ་བ་ཡིན་ནོ།། གཞན་ཡང་སྣ་ཚོགས་པདྨའི་གསང་བ་ལས་བྱུང་བ་སྟེ། འདབ་མ་བརྒྱད་ཡོད་པས་ན་སྣ་ཚོགས་པ་ཡིན་ལ། དེ་ཉིད་ལས་ཀྱིས་གཡོགས་པ་ཡང་ཡིན་ཏེ། བྱང་ཆུབ་ཀྱི་སེམས་ཀྱི་རང་བཞིན་ཟླ་བའི་དཀྱིལ ་འཁོར་གྱིས་གཡོགས་པས་སོ།། འདི་ལྟ་བུ་ནི་ཐམས་ཅད་དག་པའི་གདན་ཏེ། གང་དུ་བདག་པོ་རྣམས་ལྷ་མོ་རྣམས་དང་རྣམ་པར་རོལ་པ་ན་ཕྱི་རོལ་ཏུ་འདི་ལྟར་རྟོག་པ་ཡིན་ཏེ། དེ་རྣམས་ཀྱི་དེ་ཡང་རྟོག་པ་ཙམ་སྟེ། ལྷ་མོ་རྣམས་དང་གཉིས ་ཀྱི་བར་གྱི་མཆོག་དཔལ་རྡོ་རྗེ་སེམས་དཔའ་ལ་སོགས་པའི་མིང་ཡིན་པའི་ཕྱིར་རོ།། གྲུ་བཞི་པ་ཞེས་བྱ་བ་ལ་སོགས་པ་ནི་ཕྱི་རོལ་གྱི་དཀྱིལ་འཁོར་གྱི་བྱེ་བྲག་ཡིན་ནོ།། ནང་གི་ཡང་ཀུན་ཏུ་སྣ་ཚོགས་སྐལ་བཟང་པོ་ཞེས ་བྱ་བ་ལ་སོགས་པ་འཆད་དོ།། སྒོ་སྲུངས་དང་ནི་ལྡན་པར་བྱ་ཞེས་བྱ་བ་ནི་རྡོ་རྗེ་ལྕགས་ཀྱུ་ལ་སོགས་པས་བྱིན་གྱིས་བརླབ་པའི་སྒོའོ།། དེ་ཉིད་ཀྱིས་ན་རྟ་གདོང་ལ་སོགས་པའི་སྒོ་སྲུངས་བཞི་དགོད་པ་ཡིན་ནོ།། རང་གི་ལྷ་དང་ལྡན་པའི་ཐེས ་ནི་ལུགས་མ་ལ་སོགས་པའི་རང་གི་ལྷའི་ཅོད་པན་ལ་སོགས་པས་བརྒྱན་པའོ།། བུད་མེད་དག་ནི་ལེགས་པར་གྲུབ་ཅེས་བྱ་བ་ནི་བུད་མེད་ལ་རང་གི་རྒྱན་གྱིས་བརྒྱན་པའོ།། འདི་སྐད་སྟོན་པར་འགྱུར་ཏེ། དཀྱིལ་འཁོར་ཇི་ལྟ་བ་བཞིན་དུ ་བྲིས་ལ། ནང་གི་དཀྱིལ་འཁོར་གྱི་དབུས་སུ་རྡོ་རྗེ་སེམས་དཔའི་རྣལ་འབྱོར་དང་ལྡན་པ་སྟེ། ལག་པ་གཡས་པ་ན་རྡོ་རྗེ་གཏོད་ངེ་འཛིན་པ། གཡོན་འགྱིང་བྲག་གིས་དྲིལ་བུ་འཛིན་པ། ཡང་གཡས་དང་གཡོན་དག་ན་མངའ་གཞུ་འདྲེན་པར ་བདག་ཉིད་ལྷག་པར་མོས་པར་གནས་པར་བྱའོ།། སྟན་དེ་དེ་ཉིད་ཀྱི་ཤར་ཕྱོགས་ཀྱི་འདབ་མ་ལ་བདེ་བའི་མཆོག་གི་རྣལ་འབྱོར་ཅན་གྱི་བུད་མེད་གཡོན་འགྱིང་བག་གིས་གཞུ་འཛིན་པ། གཡས་ཀྱིས་མངའ་འདྲེན་པའོ།། ལྷོ་ཕྱོགས་ཀྱི ་འདབ་མ་ལ་ཨ་ཧོ་སུ་ཁའི་རྣལ་འབྱོར་ཅན་གཡས་ཀྱིས་བདག་པོ་ལ་འཁྱུད་པས་གནས་པ། གཡོན་འགྱིང་བས་བྷ་ག་དང་ལིང་ག་འཛིན་པའོ།། ནུབ་ཕྱོགས་ཀྱི་འདབ་མ་ལ་སྒྲོན་མའི་རྣལ་འབྱོར་དང་ལྡན་པ་གཡས་ཀྱིས་སྣ་ཚོགས་རྡོ་རྗེ ་འཛིན་པ། གཡོན་འགྱོང་བས་སེ་རལ་ཁའི་ཚུལ་དུ་བསྟེན་པས་རྡོ་རྗེ་ཁ་ཊྭཱཾ་ག་དང་བཅས་པའི་ཀ་པཱ་ལ་ཐོགས་པའོ།། བྱང་གི་ཕྱོགས་ཀྱི་འདབ་མ་ལ་ཤ་ཤིའི་རྣལ་འབྱོར་དང་ལྡན་པ་ལག་པ་གཡས་པ་ན་བདག་པོ་ལ་དགའ་བས་འཁྱུད་པ། ་གཡོན་པ་འགྱིང་པས་ཀ་པཱ་ལ་སངས་རྒྱས་ཀྱི་སྐུ་གཟུགས་འཛིན་པ། མདོག་དཀར་པོ་འཆང་བའོ།། ནང་གི་དཀྱིལ་འཁོར་གྱི་ཤར་ལ་སོགས་པའི་རེའུ་ཆ་རྣམས་ལ་སངས་རྒྱས་རྣམས་ཀྱི་བྱང་ཆུབ་དང་ཆོས་ཀྱི་འཁོར་ལོ་བསྐོར་བ ་དང་། ཁམས་གསུམ་ལས་རྒྱལ་བ་དང་། འདོད་པ་ཐམས་ཅད་ཀྱི་ལྕུག་མའི་གཟུགས་ཅན་རྣམས་རིམ་བཞིན་དུ་གཡོན་ན་རང་གི་ཕྱུག་མཚན་འཛིན་པའོ།། དེ་བཞིན་དུ་ཤར་ལྷོ་ལ་སོགས་པའི་རེ་ཆལ ་རྟ་གདོང་ལ་སོགས་པའི་གཟུགས་ཅན་བཞི་པའོ།། དེའི་ཕྱི་རོལ་གྱི་རི་མོ་རྡོ་རྗེ་ཐིག་ནང་གི་མཚམས་རྣམ་སུ་གླིང་བུ་ལ་སོགས་པའི་གཟུགས་རྣམས་ཀྱང་དེ་བཞིན་ནོ།། དེ་བཞིན་དུ་ཕྱི་རོལ་གྱི་དཀྱིལ་འཁོར་གྱི་མཚོ་རྣམས་ཏོག་མ་ལ་སོག ་པའི་རྣལ་འབྱོར་པ་མ་གཏོགས་སོ།། ཤྭར་ལ་སོགས་པའི་སྒོ་རྣམསུ་ལྕགས་ཀྱུ་དང་། ཞགས་པ་དང་། ལྕགས་སྒྲོག་དང་། དྲིལ་བུ་འཛིན་པ་རྣམས་དགོད་དོ།། བདེ་མཆོག་ལ་སོགས་པ་བཞིའི་གདན་ནི་སྣ་ཚོགས་པདྨ་བྱའོ།། ་རྣམ་པར་སྣང་མཛད་ཀྱི་དཀྱིལ་འཁོར་གྱི་དབུས་སུ་ཆོས་ཀྱི་དཀྱིལ་འཁོར་ལོའི་ཕྱག་རྒྱས་རྣམ་པར་སྣང་མཇེད་ཀྱི་སྐུ་དང་ལྡན་པར་དཀོད་དོ།། གདན་དེ་ཉིད་ཀྱི་ཤར་ལ་སོགས་པའི་འདབ་མ་རྣམས་ལ་ལྷུང་བཟེད་དང་ཆོས་གོས་དང ་ཁར་གསིལ་དང་། དམ་པའི་ཆོས་ཀྱི་གླེགས་བམ་གྱི་ཕྱག་རྒྱ་རྣམས་རིམ་པས་དགོད་དོ།། ཤར་ལ་སོགས་པའི་རེའུ་ཆ་རྣམས་ལ་སངས་རྒྱས་ཀུན་བརྗོད་མ་ལ་སོགས་པ་བཞི་པོ་འོག་ནས་འཆད་པའི་རང་གི་ཕྱག་མཚན་རྣམས ་འགྱིང་བ་དང་བཅས་པར་འཛིན་ཅིང་ཁུ་ཚུར་གཡོན་པ་ལོག་པ་གཡས་པས་བཀབ་ནས་གནས་པའོ།། མེ་ལ་སོགས་པའི་མཚམ་སུ་སངས་རྒྱས་ཐམས་ཅད་ཀྱི་བྱང་ཆུབ་ལ་སོགས་པ་བཞི་པོའོ།། དེ་བཞིན་དུ་ལྷག་མ་རྣམས་ཀྱང་ད ་རྡོ་རྗེ་སེམས་དཔའི་དཀྱིལ་འཁོར་དུ་བཤད་པའི་ལྷ་རྣམས་ཀྱི་སྐུ་དགོད་པར་བྱ་སྟེ། རྡོ་རྗེ་སེམས་དཔའི་ཆོ་ག་ཡིས། རྟོག་པ་ཐམས་ཅད་རབ་ཏུ་བསྒྲུབ་ཅེས་གསུངས་པས་སོ།། ལྷ་དེ་དག་ཐམས་ཅད་ཀྱང་གདན་ནི་སྣ་ཚོགས་པདྨ་བྱའོ།། ་དེ་བཞིན་དུ་ཧེ་རུ་ཀ་ལ་སོགས་པའི་དཀྱིལ་འཁོར་ལ་ཡང་གདན་གྱི་ངེས་པ་རྣམས་ཤེས་པར་བྱའོ།། ཧེ་རུ་ཀའི་དཀྱིལ་འཁོར་དུ་ཡང་ནང་གི་དཀྱིལ་འཁོར་གྱི་དབུས་སུ་ཧེ་རུ་ཀའི་སྐུ་ཞལ་བཞི་པ། ཕྱག་རྒྱ་གཉིས་པ་ཕྲག་པ་གཡོན་པར ་རྡོ་རྗེ་ཁ་ཊྭཱཾ་ག་དྲིལ་བུ་དང་བཅས་པ་སེ་རལ་ཁའི་ཚུལ་དུ་འཛིན། ཁ་ཊྭཱཾ་ག་བསྟེན་པའི་ཕྱག་གཡོན་གྱིས་མ་ཧཱ་རཀྟ་ས་བཀང་བའི་ཀ་པཱ་ལའི་བུམ་པ་ཐོགས་པ་གཡས་ཀྱི་བ་དན་གསུམ་པའི་ཚུལ་གྱིས་རྡོ་རྗེ་རྩེ་ལྔ་པ་འབར་བའི་ཕྲེང་བ་ཅན ་འཛིན་པ། གོས་ཆེན་པོ་བླ་གོས་སུ་གྱོན་པར་དགོང་ངོ་། ཤར་ལ་སོགས་པའི་འདབ་མ་རྣམས་ལ་རྡོ་རྗེ་འབར་བ་དང་། རྡོ་རྗེ་ཁ་ཌཾ་དང་། མ་ཧཱ་རཀྵས་བཀང་བའི་ཀ་པཱ་ལའི་ཁམ་ཕོར་དང་། མ་ཧཱ་མཾ་ས་ཞེས་བྱ་བ་དྲག་པོས་རྙེད་པ་རྣམས ་དགོད་དོ།། བསྒྲུབ་པའི་ཡང་རྡོ་རྗེ་འབར་བ་ཐོགས་པར་བྱའོ།། ལྕུག་མ་རྣམས་ནི་ཇི་ལྟར་མོས་པ་བཞིན་དུ་བསྒྲུབ་བོ།། བཅོམ་ལྡན་འདས་ཀྱི་ཤྭར་གྱི་རེའུ་ཆ་ལ་དཀར་མོ་གདོང་བཞི་པ་ཚངས་པའི་མགོ་བོ་འདབ་བཞི་བཙུགས་པ་ཐོགས ་ནས་གཡོན་བརྐྱང་ནས་འདུག་པའོ།། ལྷོར་ཆུ་བྱེད་མ་གཡོན་ཁྲོ་བོའི་ཁུ་ཚུར་གྱིས་སྙིང་གར་ལྕགས་ཀྱི་འཛིན་པ། གཡས་ཀྱི་གུང་མོ་རྩེར་འཁོར་ལོ་རྩིབས་བརྒྱད་པ་འཛིན་པ། ཁམས་གསུམ་གནོན་པའི་ཕྱིར་རྐང་པ་གཡོན་པ་འདས ་པས་གནས་པའོ།། རྒྱབ་ཏུ་རབ་རྨོངས་མ་ཕག་གི་མགོ་ཅན་ཆང་སྣོད་ཐོགས་པས་བཟློག་པའི་ཕྱིར་གཡོན་བརྐྱང་བས་གནས་པའོ།། གཡོན་དུ་རོ་ལངས་མ་བདུད་རྩིའི་བུམ་པ་དཀར་པོས་དབང་བསྐུར་ཞིང ་གནས་པའོ།། ཤར་ལྷོར་སྤོས་བྱེད་མ་ལག་ན་ལྕུག་མ་ཐོགས་པ་དུར་ཁྲོད་ན་གར་བྱེད་པ་གནས་པའོ།། ལྷོ་ནུབ་ཏུ་གཏུམ་མོ་ལག་ན་བ་དན་ཐོགས་པ་རླུང་གི་དཀྱིལ་འཁོར་ལ་ཞོན་པས་གནས་པའོ།། ནུབ་བྱང་དུ་སྨེ་བ་ལག་ན་མེ ་ཐབ་འབར་བ་ཐོགས་པ་གཡས་བརྐྱང་བས་གནས་པའོ།། ཐལ་བ་རབ་ཏུ་འཇིག་པ་ལ་སོགས་པ་ནི་རྡོ་རྗེ་སེམས་དཔའི་དཀྱིལ་འཁོར་དུ་བཤད་དུ་བཤད་པ་ལས་འདིར་ཡང་དེ་རྣམས་ཤིན་ཏུ་གདུག་པའི་གནས་པས་དེ ་རྣམས་ཉིད་ཀྱི་གནས་བཞག་པར་བྱའོ།། པདྨའི་དབང་ཕྱུག་གི་དཀྱིལ་འཁོར་ལ་ཡང་སྣ་ཚོགས་པ་དང་། དམར་པོ་དང་། ལྗང་གུ་དང་། དཀར་པོ་དང་། སྔོན་པོ་དང་། སེར་པོ་དང་། ལེབ་རྒན་གྱི་པདྨ་ལ་པདྨས་མཚན་མའི་རྡོ་རྗེ་ལ ་སོགས་པ་ཡང་ཕྱག་གི་རྩེ་མོར་ཐོགས་ནས་ལག་པ་རྒྱ་སྙེད་འཁོར་ལོར་བྱས་པས་གར་མཛད་པ། གཡོན་དཀུར་བསྟེན་པས་སྣ་ཚོགས་པདྨ་འཛིན་པ་ཕྱག་གཡས་པས་སྙིང་གར་ཁ་འབྱེད་པ་ཤེལ་གྱི་མདོག་ཅན་འབར་བ་སྣ ་ཚོགས་པ། འཁྲུག་པའི་འོད་ཀྱི་དཀྱིལ་འཁོར་ཅན་དུ་དགོད་དོ།། སྒྲུབ་པ་པོ་ཡང་གཡོན་དཀུར་བསྟེན་པས་པདྨ་འཛིན་ལ། གཡས་ཀྱིས་སྙིང་ག་འབྱེད་པའོ།། ལྷག་མ་རྣམས་ནི་ཇི་ལྟར་མོས་པ་བཞིན་དུ་བསྒྲུབ་པར་བྱའོ།། ལྷ ་ཕྱོགས་ཀྱི་རེའུ་ཆ་ལ་རྣམ་པར་གཟིགས་མ། པདྨ་དམར་པོ་ཁ་དབྱེ་བ་བསྐོར་བའི་ཚུལ་གྱིས་འཛིན་པའོ།། ལྷོ་ཕྱོགས་ཀྱི་རེའུ་ཆ་ལ་སྒྲོལ་མ་ལག་པ་གཡོན་པས་པདྨ་ལྗང་གུ་འཛིན་ཅིང་། ལག་པ་གཡས་པར་ཁུ་ཚུར་སྙིང་གར་གཏོ ་འཇོག་པའོ།། ནུབ་ཕྱོགས་ཀྱི་རེའུ་ཆ་ལ་རྒྱན་ཅན་མ་གཡོན་གྱིས་པདྨ་དཀར་པོ་འཛིན་པ། ལག་པ་གཡས་ཀྱིས་འཁོར་ལོ་རྩིབས་བརྒྱད་པ་གཏོང་ངེ་འཛིན་པའོ།། བྱང་གི་རེའུ་ཆ་ལ་ཁྲོ་གཉེར་མ་གཡོན་ན་ཨུཏྤ་ལ་སྔོན་པོ་འཛིན ་པ་གཡས་ན་བ་དོན་གསུམ་པས་གར་བྱེད་ཅིང་མདུང་ཐོགས་པའོ།། ཤར་ལྷོའི་རེའུ་ཆ་ལ་པདྨོ་གནས་པ་ལ་གཡོན་ན་པདྨ་དཀར་པོ་འཛིན་པ། གཡས་ཀྱི་གར་བྱེད་པའི་ཚུལ་གྱིས་ཆུ་སྲིན་གྱི་རྒྱལ་མཚན་འཛིན་པའོ།། ལྷོ་ནུབ ་ཀྱི་རེའུ་ཆ་ལ་རྡོ་རྗེ་པདྨའི་དབང་ཕྱུག་མ་གཽ་ཡོན་ན་པདྨ་ལེབ་རྒན་ཐོགས་པ་གཡས་ན་སྙིང་གར་རྡོ་རྗེ་རྩེ་ལྔ་བསྟོད་ནས་འཛིན་པའོ།། ནུབ་བྱང་དུ་པདྨ་གཏུམ་མོའི་དབང་ཕྱུག་མ་ན་གཡོན་བགྱིད་པས་པདྨ་འཛིན། ཡས་ཀྱིས་རྩེ་གསུམ ་གར་བྱེད་པས་འཛིན་པའོ།། བྱང་ཤར་དུ་སྣ་ཚོགས་པདྨ་གཡོན་འགྱིང་བས་སྣ་ཚོགས་པདྨ་འཛིན། གཡས་ཀྱིས་འཁོར་ལོ་རྩིབས་བརྞ་འཛིན་པའོ།། དེ་དག་ཐམས་ཅད་ཀྱང་གཡོན་པ་འགྱིང་བག་དང་བཅས་པས་རང་གི་པདྨ ་ཇི་ལྟ་བ་བཞིན་དུ་འཛིན་པ་བྱའོ།། ལྷག་མ་ནི་རྡོ་རྗེ་སེམས་དཔའི་དཀྱིལ་འཁོར་དུ་བཤད་པ་ལས་འདིར་ཕྱག་མཚན་པདྨས་མཚན་པས་པར་བྱའོ།། རྡོ་རྗེ་ཉི་མའི་དཀྱིལ་འཁོར་དུ་ཡང་དབུས་སུ་བཅོམ་ལྡན་འདས ་སྐུ་མདོག་དམར་པོ་ལ་གཡོན་ན་གཞུ་འཛིན། གཡས་ན་མངའ་གསོར་བ། ཡང་གཡོན་ན་དཀྱིལ་འཁོར། གཡས་ན་རལ་གྲི་བསྣམས་པར་དགོད་དོ།། སྒྲུབ་པ་པོ་ཡང་ཉི་མའི་དཀྱིལ་འཁོར་ཐོགས་པའོ ་ལྕུག་མ་རྣམས་ཀྱང་ཇི་ལྟར་མོས་པ་བཞིན་དུ་བསྒྲུབ་པར་བྱའོ།། ཤར་ལ་སོགས་པ་རེའུ་ཆ་རྣམས་ལ་དབང་བསྐུར་མ་ལ་སོགས་པ་རིན་པོ་ཆེའི་ཅོད་པན་དང་། གཏེར་གྱི་བུམ་པ་དང་། རྒྱལ་མཚན་དང་། མེ་ཏོག་ལ་སོགས་པས་བཀང ་བའི་མཆོད་པའི་སྣོད་རྣམས་ལག་ན་ཐོགས་པའོ།། ཤར་ལྷོ་ལ་སོགས་པའི་མཚམས་ཀྱི་རེའུ་ཆ་རྣམསུ་ཡང་ཕྱག་མཚན་དེ་དག་ཉིད་དོ།། ལྷག་མ་ནི་དེ་དག་སྔར་བཤད་པ་ལས་འདིར་རིན་པོ་ཆེས་མཚན་པ་ཕྱག་མཚན་འཛིན་པར་བྱའོ། ་དེ་དག་ཉིད་དང་དཀྱིལ་འཁོར་གཞན་དག་གི་དབུས་སུ་ནི་དཔལ་རྟ་མཆོག་གི་སྐུ་ཕྱག་བཞི་པ་ཞབས་བཞི་པ་སྟེ། དེ་ཡང་གཡོན་གྱི་ཁུ་ཚུར་གྱིས་སྣ་ཚོགས་པདྨ་འཛིན་པ། གཡས་ཀྱི་བ་དན་གསུམ་པའི་ཚུལ་གྱིས་སྣ་ཚོགས་རྡོ་རྗེ་བརྟག ་ནས་འཛིན་པའོ།། ཡང་གཉིས་ཀྱིས་རྡོ་རྗེ་སེམས་དཔའ་ལ་སོགས་པའི་ཕྱག་མཚན་དག་ལས་ཅི་འདོད་པ་ཐོགས་པར་དགོད་པར་བྱའོ།། སྒྲུབ་པ་པོ་ཡང་སྣ་ཚོགས་རྡོ་རྗེ་ཐོགས་པར་བྱའོ།། ལྷག་མ་རྣམས་ནི་ཇི་ལྟར་མོས་པ་བཞིན་བསྒྲུབ ་པར་བྱའོ།། དེ་དག་ནི་རང་གི་ཕྱག་རྒྱས་མཚན་པའོ།། དེས་སྐལ་པ་བཟང་པོ་དང་ལྡན་པས་སྐལ་པ་བཟང་ངོ་།། ཚོགས་ཀྱི་དཀྱིལ་འཁོར་ཞེས་བྱ་བ་ནི་འཛའ་བའི་འདུས་པའོ།། བརྟག་པར་བྱ་བ་ནི་བསྐྱེད་པར་བྱའོ།། གྲུབ་པ་ཞེས་བྱ་བ་ནི་སྔག ་ཀྱིས་དྲངས་པའོ།། ཡི་གེ་ཧཱུཾ་ལས་བྱུང་བའི་རྡོ་རྗེའི་རྣམ་པའི་ཆ་ཤས་ཀྱི་རང་བཞིན་གྱི་ཆུའོ།། དེ་ཡང་རྡོ་རྗེ་དང་བཅས་པ་ནི་རྡོ་རྗེ་བྱིན་གྱིས་བརླབ་པའོ།། མཚམས་ཆེན་པོ་ནི་ཁྲག་ཆེན་པོའོ།། བསྒྲུབས་པ་ནི་སྔགས་ཀྱིས་ཇི་ལྟ་བ་བཞིན་དུ་མངོན ་པར་བསྔགས་ཏེ། ཞེས་བྱ་བའི་བར་དུའོ།། མཐུ་ཡིས་ཤེས་པ་ནི་ཆེ་བའི་བདག་ཉིད་དུ་གྲུབ་པའོ།། རབ་ཏུ་བསྒྲུབ་པ་ནི་སྔ་མ་བས་ཀྱང་མཆོག་ཏུ་གྱུར་པ་སྟེ། སྟོབས་དང་ལྡན་པས་ནི་དང་པོ་བླང་ངོ་།། སྟོབས་མེད་པས་ནི་གཞན་དག་གོ།། པདྨའི ་སྣོད་ཅེས་བྱ་བ་ནི་ཐོད་པའོ།། དེ་ཉིད་རབ་ཏུ་གྲུབ་པ་ཉིད་དུ་བསྟན་པའི་ཕྱིར་ཆགས་པ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཐུགས་ཞེས་བྱ་བ་ནི་སྟོང་པ་ཉིད་ཀྱི་ཡེ་ཤེས་སོ།། དེའི་ནི་སྟོང་པ་ཉིད་ཀྱི་ཡེ་ཤེས་ངོ་བོ་ཉིད་ཀྱི་རྒྱུ་མཐུན ་པ་རྡོ་རྗེ་སེམས་དཔའི་སྟེ། དེའི་ཁུ་བ་རྡོ་རྗེ་སེམས་དཔའི་ངོ་བོ་ནི་ཁྲག་གོ། དེ་བས་དེའི་སྔགས་ལ་སོགས་པས་མངོན་པར་འདུས་བྱས་པར་གྱུར་པ་ནི། མཚལ་ཆེན་པོ་ནི་སྒྲུབ་པ་དག་ཅེས་བྱ་བ་འམ། གང་འདི་སྔགས་ཀྱི་ཡི་གེར་བྱས་ལ ་ནང་དུ་བསྟིམ་པ་སྔོན་དུ་སོང་བས་ཤེས་རབ་དང་ཐབས་ལས་བྱུང་བ་ཇི་ལྟ་བར་ངེས་པར་འབྱིན་པ་འདི་ནི་མཚལ་ཆེན་པོ་ཉིད་དུ་བསྒྲུབས་པའོ།། དེ་ཉིད་རིམ་པ་སྔ་མས་མངོན་པར་འདུས་བྱས་པ། རྡོ་རྗེ་མཆུ་ཡིས་ཞེས་བྱ་བ་དམར་ཆེན་པོ ་ག་པུར་དང་ཙན་དན་དང་བཅས་པར་སྦྱར་ལ་གང་གི་ཚེ། ཚོགས་ཀྱི་དཀྱིལ་འཁོར་དུ་བཞག་པ་དེའི་ཚེ་ནི་ར་ས་ཡ་ན་ཀུན་སློང་བ་ཞེས་བྱའོ།། ཞི་བའི་གཏུང་བ་བཞིན་ཞེས་བྱ་བ་ནི་ཇི་ལྟར་ཞི་བའི་སྦྱོར་བ་རྣམས་ཀྱིས་ལན་གསུམ་དུ་བྱས་ལ ་མྱང་བར་བྱེད་པ་དེ་བཞིན་དུའོ།། སངས་རྒྱས་ཀུན་གྱི་བདག་ཉིད་ཀྱི། ར་ས་ཡའི་བདེ་བ་ཞེས་བྱ་བ་ནི་རྡོ་རྗེ་སེམས་དཔའི་ངོ་བོ་ཉིད་ཀྱི་ར་ས་ཡ་ནའི་བདེ་བས་སོ།། འདིས་ཞེས་བྱ་བ་ནི་བཤད་མ་ཐབ་པ་སྟེའོ།། རྡོ ་སེམས་དཔའི་ཚེ་ལ་སོགས་པ་ནི་ལྷ་མོ་བཞིའི་བདག་ཉིད་ཀྱི་དངོས་གྲུབ་པོ།། འདུས་པ་ནི་དཀྱིལ་འཁོར་རོ།། དེར་སྦྱོར་བས་ཞུགས་པ་ནི་འདུས་པ་དེར་ནི་ཞུགས་པ་དག་ཅེས་བྱའོ།། ཚོགས་ཀྱི་དཀྱིལ་འཁོར་བརྟག་པར་བྱ་ཞེས་གསུངས ་པ་དེ་བསྟན་པར་བྱ་བའི་ཕྱིར། དེ་ནས་ཁྲུས་བྱས་ཞེས་བྱ་བ་ལ་སོགས་པ་གསུངསོ།། སློང་བས་ཞེས་བྱ་བ་ནི་སྟོང་པ་ཤིན་ཏུ་རྣལ་འབྱོར་ཡོད་མེད་མཐུས་ཞེས་བྱ་བ་ལ་སོགས་པའི་གླུ་ཡིས་སོ།། ངལ་གྱིས་སུ་ཞེས་བྱ་བ་ནི་རིམ་གྱིསོ།། ་གོས་དགབ་པའི་སྦྱོར་བ་ཡིས་ཞེས་བྱ་བ་ནི་གོས་ཀྱིས་གཡོགས་པའི་ཚུལ་གྱིས་སོ།། བདག་གི་འབྱུང་བ་བསྐུལ་བར་བྱ་བ་ནི་བདག་ཉིད་ཀྱི་ལྷའི་སྐུར་ཐམས་ཅད་འབྱུང་བའི་སྦྱོར་བས་བསྒོམ་པའོ།། དེས་ནི་འདི་སྐད་སྟོན་པར་འགྱུར། ་ཏེ། རང་གི་སྟན་ལོ་སྐྱིལ་མོ་ཀྲུང་གིས་རྡོ་རྗེ་དང་དྲིལ་བུར་ལྡན་པར་འདུག་སྟེ། རང་གི་སྙིང་གར་ཟླ་བའི་དཀྱིལ་འཁོར་ལོ་ཡི་གེ་ཧཱུཾ་དགོད་ལ། སྟོང་པ་ཉིད་དུ་རྣལ་འབྱོར་ཞེས་བྱ་བ་ལ་སོགས་པའི་གླུས་བསྐུལ་ནས། བདག་ཉིད་ནམ ་མཁའ་དང་འདྲ་བར་བལྟས་ལ། དེ་ཉིད་ཟླ་བའི་དཀྱིལ་འཁོར་འདྲ་བར་བྱས་ནས། སྙིང་པོ་བརྗོད་པ་སྔོན་དུ་འགྲོ་བས་རྡོ་རྗེ་སེམས་དཔའི་ང་རྒྱལ་གྱིས་རྡོ་རྗེ་སེམས་དཔར་གྱུར་ནས་མ་ཧཱ་ས་མ་ཡ་སཏྭ་ཧཾ་ཞེས་བརྗོད། རང་གི་དམ་ཚིག་གི ་ཕྱག་རྒྱས་ཀྱང་ས་མ་ཡོ་ཧཾ། ཞེས་བརྗོད་དེ། དེ་ཉིད་ལ་ས་མ་ཡ་སཏྭ་ཨ་དྷི་ཏིཥྛ་མཱཾ། ཞེས་བྱ་བའི་སྙིང་པོ་ལ་སོགས་པས་བྱིན་གྱིས་བརླབས་ལ། རྡོ་རྗེ་སེམས་དཔའ་བདེ་བ་ཞེས་བྱ་བ་ལ་སོགས་པའི་རང་གི་གླུ་དང་གར་སྔོན ་དུ་འགྲོ་བས་ཕྱག་རྒྱ་ཆེན་པོ་བཅིང་བར་བྱ་བ་འདི་ནི་བདག་འབྱུང་བ་རྣམ་པ་གཅིག་གོ། ཡང་དཀྱིལ་འཁོར་དུ་བཅོམ་ལྡན་འདས་གསང་བའི་ལྕགས་ཀྱུ་ཡི་གེ་ཧཱུཾ་དང་ལྡན་པས་སྤྱན་དྲོངས་ལ། ཇི་ལྟ་བ་བཞིན་དུ་བྱིན་གྱིས་བརླབས ་པ་དང་། དབང་སྐུར་བ་བྱས་ལ་གསང་བའི་མཆོད་པ་སྔོན་དུ་འགྲོ་བའི་དེ་ཁོ་ན་ཉིད་ལ་སོགས་པ་བྱས་པའི་རྡོ་རྗེ་གཟུང་བ་བྱས་ནས་ན་མཁའ་ལ་འདུག་སྟེ། འཇིག་རྟེན་གྱི་ཁམས་ཐམས་ཅད་སྟོང་པ་ཉིད་དུ་བྱས་ལ་འོག་ཏུ་ཡི་གེ ་ཧཱུཾ་ལས་རྡོ་རྗེར་བསམས་ལ་དེ་ལས་ན་མཁའི་ཁམས་ཀྱི་མཐས་ཀླས་པའི་རྡོ་རྗེ་བྱུང་ལ། དེ་ཡོངསུ་རྫོགས་པ་ལས་ཡང་སྣ་ཚོགས་པ་རྣམ་པར་བསམས་ལ། སྙིང་པོ་གདོན་པས་རྡོ་རྗེ་ཁ་འབྲུར་དུ་བལྟས་པས་ས་ལ་བཞག་ན ་ན་མཁའ་ཐམས་ཅད་ཀྱི་གནས་ལ་རབ་ཏུ་གནས་པར་གྱུར་པ་རྣམས། ཨ་ནུ་རཱ་ག་ཡ་ཧཱུཾ་ཞེས་བརྗོད་ཅིང་དེ་ལྟར་མོས་པས་སྣ་ཚོགས་པའི་པདྨའི་གདན་བསྐྱེད་ལ། དངོས་པོའི་སྦྱོར་བ་ལ་སོགས་པའི་གོ་རིམས་ཇི་ལྟ་བས ་རྟག་པར་གྱུར་ནས་ཡང་བདག་ཉིད་ཀྱི་གཏམ་གྱི་ཕྱག་རྒྱ་རྗེསུ་མཐུན་པས་འདོད་ཆགས་ལ་སྤྱོད་པའི་སེམས་ཅན་རྣམས་ལ་བལྟས་ནས་དེ་རྗེ་སུ་གཟུང་པོར་བྱ་བའི་ཕྱིར་རང་གི་སྙིང་གའི་རྡོ་རྗེ་སེམས་དཔའ་བསམས ་དཔལ་རྡོ་རྗེ་སེམས་དཔའི་བདེ་བ་ཞེས་བྱ་བ་ལ་སོགས་པའི་གླུས་ཡང་དག་པར་བསྐུལ་ན་རྡོ་རྗེ་སེམས་དཔར་འགྱུར་རོ།། དེ་ལྟར་དང་པོའི་སྦྱོར་བ་དང་ལྡན་པ་ལ་སྟོང་པ་ཤིན་ཏུ་རྣལ་འབྱོར་ཞེས་བྱ་བ་ལ ་སོགས་པའི་གླུས་བསྐུལ་བའི་ཕྱིར་རང་གི་སྙིང་པོ་བརྗོད་པས་བདག་ཉིད་ཀྱི་སྙིང་ག་ལས་ལྷ་མོའི་ཚོགས་རྣམསུ་ཕྱུང་སྟེ། རང་གི་བདག་པོའི་གླུའི་རྗེསུ་འགྲོ་བའི་ཕྱག་རྒྱ་ཆེན་པོ་རྣམས་ཀྱིས་རང་གི་གནསུ་ངེས་པར་འཇོག་པ་འདི་ནི ་རྣམ་པ་གཉིས་སོ།། ཡང་ལ་ལ་ངག་ནི་ཡི་གེ་ཧོ་དམར་པོ་འབར་བའི་བར་དུ་བཅུག་པའི་ཡི་གེ་ཧཱུཾ་གི་བདག་ཉིད་ཅན་རང་གི་སེམས་ཙམ་གྱི་སྦྱོར་བའི་བདག་ཉིད་ཀྱི་ཕྱག་རྒྱ་ཉིད་བཀུག་ནས་ཟླ་བའི་དཀྱིལ་འཁོར་ཞུ་བར་གྱུར་པའི ་འཁོར་ལོས་སྒྱུར་བ་ཆེན་པོ་ལས་རང་གི་སྔགས་ཀྱི་རང་གི་ལྕགས་ཀྱུས་བཀུག་ནས་ཞུགས་ནས་ཕྱོགས་བཅུ་ཐམས་ཅད་ཀྱི་སྟོབས་བཅུ་དང་ལྡན་པའང་ཞུགས་པར་བྱས་ལ་དེ་རྣམས་བདེ་བའི་མཆོག་ལ་སོགས་པའི་གཟུགས ་སུམྦྷར་ཏེ། སློང་བ་དང་ཡང་དག་པར་བསྐུལ་བ་ལ་སོགས་པ་མངོན་པར་འགྲོ་བས་རང་གི་ལྷ་མོ་བཞི་རྣམས་ཀྱིས་ཇི་ལྟ་བར་བསྐུལ་བས་བདག་འབྱུང་བར་གྱུར་པོ་ལ་ལྷ་རྣམས་འབྱིན་པ་ཡང་སྙིང་གའི་རྡོ་རྗེ་ལྟེ་བར་གནས ་འི་རང་གི་རིག་པ་དང་གཉི་སུ་མེད་པར་གྱུར་པའི་བདག་པོའི་མཐར་ཐུག་པའི་བྱང་ཆུབ་ཀྱི་སེམས་གོས་དང་འདྲ་བ་ལས་འབྱུང་བར་བལྟ་བར་བྱའོ།། ཞེས་ཟེར་རོ།། རྫོགས་པའི་སངས་རྒྱས་ནི་རྡོ་རྗེ་སེམས་དཔའ་ལ་སོགས ་པའོ།། དེ་ཉིད་འཆར་བར་བྱེད་པས་ན་ཉི་ཟླའོ།། ངེས་པའི་ལམ་ནི་གླུའི་ཆ་མ་ཏྲ་ཕྱེད་ཙམ་པའི་ཆ་སྟེ། ཅི་རིགས་པར་རིངས་པ་དང་བར་མ་དང་བསྔལ་བས་ངེས་པར་འཇུག་པ་ནི་རྣམ་པར་འདས་པའོ།། བརྟན་ཞིང་གྲུབ་པ་སློང་བྱེད་པ ་ཞེས་བྱ་བ་ནི་དང་པོ་རབ་ཏུ་རྩོམ་པར་བྱེད་པ་དང་། རབ་ཏུ་སྒྲུབ་པར་བྱེད་པ་ལ་སོགས་པ་བརྟན་པ་སར་པ་སློང་བར་བྱེད་པ་ནི་བརྟན་པ་ཞེས་བྱ་སྟེ། གླུ་བཟང་བ་གང་དང་གང་རྩོམ་པར་བྱེད་པ་ལ་བྱའོ།། དེ་སྐད་དུ་བརྟན་པ་ལ་སོགས་པའི ་གླུ་བླང་བར་བྱའོ་ཞེས་བཤད་པས་སོ།། དེ་ཉིད་བསྟན་པར་བྱ་བའི་ཕྱིར་སྟོང་པ་ཞེས་བྱ་བ་ལ་སོགས་པ་གསུངས་ཏེ། ལྷ་མོ་ཐམས་ཅད་དང་སྟོང་པ་ཉིད་ཀྱི་རོ་ངེས་པར་སྦྱོར་བ་གང་ལ་ཡོད་པ་དེ་ལ་དེ་སྐད་ཅེས་བྱ་སྟེ། ཀྱེ་ཉིད་ལ་ངེས ་པར་སྦྱོར་བ་ཅན་སེམས་ཅན་གྱི་ཡོངསུ་བརྟགས་པའི་གཟུང་བ་དང་། འཛིན་པ་གང་ཡིན་པ་དེ་རྣམས་མེད་པས་སྟོང་པའོ།། མཐུ་ནི་དེ་ལ་དམིགས་པའི་ཟག་པ་མེད་པའི་ཡེ་ཤེས་ཀྱི་བྱེ་བྲག་སྟེ། དེ་རྣམས་ཀྱིས་ནམ་མཁའ་ཉིད་དུ་ཉེ ་གནས་པ་སྟེ། ཐབས་དང་ཤེས་རབ་གཉིས་སུ་མེད་པར་གྱུར་པས་བྱང་ཆུབ་ཀྱི་སེམས་ཇི་ལྟ་བ་བཞིན་དུ་འཐོབ་པའོ་ཞེས་ལ་ལ་དག་འདོད་དོ།། དེ་ལ་དམ་ཚིག་ནི་དེ་ཉིད་ནི་འདའ་བར་མི་བྱ་བ་ཡིན་པས་སོ།། དེ་ལྟར་གྱུར་པའི ་བདེ་བར་གཤེགས་པ་ནི་རྡོ་རྗེ་སེམས་དཔའོ།། བདེ་བར་གཤེགས་པ་ཞེས་པ་ནི་རྟག་པ་ལ་སོགས་པའོ།། བཞེངསུ་གསོལ་ཞེས་པ་ནི། རྣལ་འབྱོར་དང་རྗེསུ་མཐུན་པའི་ཚུལ་དུ་འཇུག་པའོ།། རྡོ་རྗེ་སེམས་དཔའ་ཞེས་པ་ལ་ཀྱེད་པ ་རྡོ་རྗེ་སེམས་དཔའ་བདག་ཉིད་བསྒྲུབས་པ་སྐལ་པ་བཟང་པོ་ཁྱོད་གང་ཡིན་པ་དེ་ནི་བདག་ཡིན་ནོ།། ཞེས་མདོར་བསྡུས་པས་རང་གི་འབྱུང་བ་སྟོན་ཏོ།། ཤིན་ཏུ་མྱ་ངན་ཡོངས་འདས་པ་ཞེས་པ་ནི ་ལྷག་མ་མེད་པའི་མྱ་དྲན་ལས་འདས་པའོ།། ཡང་སྲིད་ཅེས་པ་ནི་འཁོར་བའོ།། ལམ་བཞི་ནི་བསྟན་པ་དང་། སྣ་ཚོགས་དང་འགྱུར་བ་དང་། གཡས་པ་ཞེས་བྱ་བ་ནི་གླུའི་ཡན་ལག་བཞི་སྟེ། མ་ཏྲ་ཕྱེད་དང་། གཉིས་དང་བཞི ་དང་། བརྒྱད་ཀྱི་ཆས་རིམ་བཞིན་ཤེས་པར་བྱའོ།། སྣ་ཚོགས་འབྲང་བ་ཞེས་པ་ནི་སྣ་ཚོགས་ཀུན་ཏུ་བརྐྱང་ཞིང་མངོན་དུ་བྱས་པ་སྟེ། གནས་འདིས་ནི་སྣ་ཚོགས་པར་འབྲངས་པའོ།། འཇིག་རྟེན་གསུམ་གྱིས་ཕྱག་བྱས་པ་ནི། ་རྣམ་པར་སྣང་མཛད་ཀྱི་ངོ་བོ་ཉིད་བས་སོ།། འཇིག་རྟེན་གསུམ་གྱི་སྟོན་པ་པོ་ནི་ཧེ་རུ་ཀའི་བདག་ཉིད་བྱས་སོ།། འཇིག་རྟེན་གསུམ་ལ་སྒྱིད་སྦྱིན་པ་ནི་རྡོ་རྗེ་ཉི་མའི་ངོ་བོ་ཉིད་པས་སོ།། འཇིག་རྟེན་གསུམ་པོ་བདུག་ལ་བསྒྲུབས་པ ་ཞེས་བྱ་བ་པདྨ་གར་གྱི་དབང་ཕྱུག་ཉིད་དུ་མཛོད་ཅིག་པའོ།། དེ་དག་འབྱིན་པའི་འབྲས་བུ་བསྟན་པའི་ཕྱིར། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། ལྷ་མོ་ཐམས་ཅད་དང་ལྷན་ཅིག་རྡོ་རྗེ་སེམས་དཔའ་ཀུན ་ཏུ་སྦྱོར་བ་ནི་ཐམས་ཅད་སྦྱོར་བའོ།། དེ་ཉིད་ཐམས་ཅད་དུ་སྣ་ཚོགས་པའི་སྐལ་བ་བཟང་པོའོ།། ཨ་རལླི་ཀུན་ནི་རྡོ་རྗེ་སེམས་དཔའོ།། འགྲུབ་པར་འགྱུར་བ་ནི་མངོན་སུམ་དུ་འགྱུར་བ་སྟེ། དེ་ཉིད་དམ་རྣལ་འབྱོར་པ་ལྷ ་མོ་ཐམས་ཅད་དང་། ལྡན་པའི་ཨ་ར་ལླི་ཀུན་ནི་རྡོ་རྗེ་སེམས་དཔའོ།། གྲུབ་པར་འགྱུར་བ་ནི་སྐྱེ་བའོ།། བདག་གི་དོན་ཕུན་སུམ་ཚོགས་པ་སྔོན་དུ་འགྲོ་བ་བསྟན་ནས་ལན་ཅིག་ཅེས་བྱ་བ་ལ་སོགས་པ་བསྐུལ་བའི་ཚིག་གཉིས་ཀྱི ་གཞན་གྱི་དོན་ཕུན་སུམ་ཚོགས་པ་བསྟན་པ་ཡིན་ཏེ། གཞན་ཡང་འདིས་ནི་ཤིན་ཏུ་སྦྱོར་བའི་སྒྲུབ་པ་ཉིད་ཀྱང་བསྟན་པའི་ཕྱིར། བསྟན་ཞིང་ཞེས་བྱ་བ་ལ་སོགས་པ་གསུངསོ།། སྣ་ཚོགས་འབྲང་བ་ཞེས་བྱ་བས་ནི་ཤིན་ཏུ་སྦྱོར ་བས་སོ།། དེ་ནས་ཞེས་བྱ་བ་ནི་བསྐུལ་བ་བྱས་པའི་སྒོམ་པའི་དུས་སུ་ཚོགས་ཀྱི་དཀྱིལ་འཁོར་གྱི་དབུས་སུ་འདུག་པའི་ལྷ་མོ་རྣམས་ཀྱིས་རྡོ་རྗེ་སེམས་དཔའི་བདག་ཉིད་ལ་རྗེས་སུ་ཆགས་པ་ཞེས་བྱ་བ་ལ་སོགས་པའི་དམ་པ་དེ ་ཁོ་ན་ཉིད་ཀྱིས་བསྐུལ་བར་བྱའོ།། རྗེ་སུ་ཚོགས་པ་ནི་སོ་སོར་རིག་པས་རྗེ་སུ་ཆགས་པ་སྟེ། བདེ་མཆོག་གོ།། དགའ་བ་ནི་འཁྱུད་པའི་བདེ་བ་དང་ལྡན་པ་སྟེ། ཨེ་མ་བདེ་བའོ།། པདྨ་རྣམ་པར་དག་པ་ནི་ཉོན་མོངས་པའི་དྲི་མ་ཐམས ་ཅད་དང་བྲལ་བ་སྟེ་སྒྲོལ་མའོ།། མཆོད་པ་ནི་དབང་ཕྱུག་ཆེན་པོ་ཐམས་ཅད་རབ་ཏུ་ཐོབ་པ་སྟེ་ཤི་ཤིའོ།། དེ་དག་ནི་རྣམ་པ་ཞི་ཞིང་སྣ་ཚོགས་པ་རྣམ་པ་དུ་མ་ཡིན་པས་ན་རྗེ་སུ་ཆགས་པའི་རྣམ་མང་དགའ་བའི་པདྨོ་རྣམ་པར་དག ་པའི་མཆོད་པའོ།། ཞེས་པའི་ཚིག་རྣམ་པར་སྦྱར་ཏེ། དེ་ལྟ་བུའི་རྗེ་སུ་ཆགས་པའི་རྣམ་པ་མང་པོའི་དགའ་བའི་པདྨོ་རྣམ་པར་དག་པའི་མཆོད་པ་དེ་རྣམས་ཀྱིས་ཁྱེད་ལ་གསལ་ཞིང་མངོན་པས་རྗེ་སུ་མཆོད་པ་བྱས་པའོ།། ངོ་བོ་ཉིད ་ཇི་ལྟ་བུ་ཞེ་ན། མཆོག་ཏུ་རྟག་པའི་རྣལ་འབྱོར་ཏེ། མཆོག་ཏུ་ཕུལ་ཏུ་བྱུང་ཞིང་རྒྱན་མི་འཆད་པར་སྦྱོར་བའི་བདག་ཉིད་རྣམས་ཀྱིས་བདེ་བའོ་ཞེས་བྱ་བ་ནི་ཁྱད་པར་རོ།། དེ་བས་གྲུབ་པར་མཛོད་ཅིག་ཅེས ་བྱ་བ་ནི་གསོལ་བ་འདེབས་པའོ།། མཆོག་ཏུ་བདེ་བའི་ངོ་བོ་ཉིད་ནི་བདེ་བ་ཆེན་པོའི་རང་བཞིན་ནོ།། དམ་ཚིག་ནི་འདའ་བར་མི་བྱའོ།། མཆོག་ཏུ་བདེ་བའི་ཤིན་ཏུ་རྣལ་འབྱོར་ནི་མཆོག་ཏུ་བདེ་བའི་རྒྱུར་གྱུར་པ་སྟེ། དེས་བདག་ཉིད་བསྒྲུབ ་ཤིང་མཆོག་ཏུ་བདེ་བ་མངོན་པར་འབྱོར་པས་ན་སྐལ་བཟང་ངོ་།། ཐམས་ཅད་ལས་ཕུལ་དུ་བྱུང་བས་ན་མཆོག་སྟེ། ཤིན་ཏུ་ཡང་བསྟོད་ཅིང་དོན་ཐམས་ཅད་དགའ་བས་ན་དགྱེས་པའོ།། རོལ་ཅིག་པ་ནི་གསོལ་བ་འདེབས་པའོ།། ཡང ་རོལ་ཅིག་པ་ནི་ཤིན་ཏུ་ཡིད་དུ་འོང་བའོ།། ཧོ་ནི་རྗེ་སུ་ཆགས་པས་སོ།། གང་དང་རོལ་ཅེ་ན། རང་གི་དམ་ཚིག་ཅེས་བྱ་བ་ལ་སོགས་པ་གསུངས་ཏེ། རང་གི་དམ་ཚིག་ཅེས་བྱ་བ་ནི་བདེ་བའི་མཆོག་གོ།། སྐྱོན་མེད་ཅེས་པ་ནི་ཨེ ་མའོ་བདེ་བའོ།། རྟག་པ་ནི་སྒྲོན་མའོ།། དམ་ཚིག་དེ་ཉིད་ནི་ཤྲཱི་ཤིའི་དབང་དུ་མཛད་ནས་གསུངས་པའོ།། མཆོག་ཏུ་གསང་བའི་ཞེས་བྱ་བ་ནི་སྦྱོར་བའི་མཚན་ཉིད་དོ།། བདག་པོ་ནི་རབ་ཏུ་གསང་བ་དེ་ལ་དབང་བའོ།། མཆོག་ནི་ཕུལ ་དུ་བྱུང་བ་སྟེ། རབ་ཏུ་གསང་ཞིང་མཆོག་ཏུ་གྱུར་པའི་ཁྱོད་ཀྱི་ལྷ་མོ་འདི་རྣམས་དང་རོལ་ཅིག་ཅེས་བྱ་བར་སྦྱར་རོ།། འགྲོ་བའི་རྒྱུ་ནི་ཞེས་བྱ་བ་ལ་སོགས་པ་ནི་དོན་དམ་པའི་ཕུན་སུམ་ཚོགས་པས་བསྐུལ་བ་ཡིན་ཏེ། འགྲོ་བ་ནི ་སེམས་ཅན་ནོ།། རྒྱུད་ནི་སྤྲུལ་པ་རྣམས་སོ།། རྣམ་པ་སྣ་ཚོགས་པ་ནི་ཐ་དད་པ་དུ་མར་ངོ་མཚར་དུ་གྱུར་པ་སྟེ། དེ་ལྟ་བུའི་རྣམ་པ་སྣ་ཚོགས་པའི་རྒྱུད་རྣམས་ཀྱིས་གདུག་པ་ནི་སེམས་ཅན་རྣམས་ཀྱི་དོན་གྱི་ཐབས་སོ།། གསལ ་ནི་མངོན་སུམ་དུ་སྣང་བའོ།། མཁྱེན་པ་ནི་དེ་ལ་མཁས་པ་སྟེ། འགྲོ་བ་རྣམས་གདུལ་བ་ལ་མཁས་ཤིང་འདུལ་བར་གསལ་བར་མཁྱེན་པ་ཞེས་དེ་ལ་བོད་པའོ།། བརྟན་པ་ནི་རི་ལ་སོགས་པའོ།། གཡོ་བ་ནི་མི་ལ་སོགས་པ་སྟེ་གང ་དངོས་པོ་ཐམས་ཅད་ངོ་བོ་ཉིད་དུ་གྱུར་པ་ལ་ཀྱེ་དངོས་པོ་བརྟན་གཡོ་ཀུན་གྱི་ངོ་བོར་གྱུར་ཅེས་བོད་པ་སྟེ། ངོ་བོ་ཉིད་དུ་གྱུར་པའི་དོན་གྱིས་ན་དམ་ཚིག་ཐམས་ཅད་ཀྱི་དངོས་པོ་སྟེ་རྒྱུར་གྱུར་པའོ།། རྒྱལ་བ་ཀུན་གྱི་བདག་ཉིད་རྣལ་འབྱོར ་བདེ་བ་ཞེས་བྱ་བ་ནི་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མི་བདེ་བའི་མཆོག། ཀྱེ་མ་ཞེས་པ་ནི་ངོ་མཚར་དུ་གྱུར་པའོ།། དམ་པ་རྟག་པའི་དངོས་གྲུབ་ཆེན་པོ་ཞེས་པ་ནི་ཤིན་ཏུ་མཆོག་ཏུ་གྱུར་ཅིང་རྒྱུན་མི་འཆད ་པའི་དངོས་གྲུབ་ཀྱི་དགའ་བའོ།། སྟོན་ཅེས་པ་ནི་དགའ་བར་མཛོད་ཅེས་པའོ།། ཛཾ་ཞེས་བྱ་བ་ལ་སོགས་པ་ནི་སྤྱན་དྲང་བར་བྱ་བའི་ཕྱིར་ལྷ་མོ་བཞིའི་སྒོ་ནས་བསྐུལ་བའི་ཚིག་སྟེ། བདེ་བའི་མཆོག་གི་སྒོ་ནས་སོ་སོར་རིག་པར་མཛོད ་ཅིག་པའོ།། ཨེ་མའོ་བདེ་བས་རྣམ་པར་འཕྲུལ་ཞིང་སྐྱོན་མས་གར་མཛོད་ཅིག་པའོ།། ཧཱུཾ་ནི་འགྲོ་བའི་དོན་དུ་ཁྲོ་བོ་མངོན་དུ་མཛོད་ཅིག་པའོ།། ཨ་ལ་ལ་ཧོ་ཞེས་པ་ནི་ངོ་མཚར་རོ།། སློབ་མ་གཞུག་དུ་གསོལ་ཞེས་བྱ་བ་ནི་ཚེ་རབ་ཏུ ་སྤེལ་ཅིག་པའོ།། བདེ་བའི་མཆོག་ལ་སོགས་པ་ལྷ་མོ་བཞིའི་རིམ་པའི་གླུ་དང་སྦྱོར་བ་བསྟན་ཏོ།། དེ་ལྟར་བཅོམ་ལྡན་འདས་ལ་ལྷ་མོ་རྣམས་ཀྱིས་གསོལ་བ་བཏང་ནས། གཞན་ཡང་ཇི་ལྟར་རང་ཉིད་ཀྱི་དེ་ཁོ་ན་ཉིད་ཀྱི ་གླུས་གསོལ་བ་འདེབས་པ་ཡིན་ཏེ། དེ་ཡང་རྣམ་པ་མང་ཞེས་པ་ལ་སོགས་པ་ལ་རྣམ་པ་མང་པོའི་འདོད་ཆགས་ཀྱི་རྒྱུན་ཡོད་པ་གང་ཡིན་པ་འཇིག་རྟེན་གྱི་ཁམས་མ་ལུས་པར་གཏོགས་པའི་སེམས་ཅན་ལུས་པ་མེད་པ་དེ་རྣམས་ནི། རྣམ་པ ་མང་བའི་འདོད་ཆགས་རྒྱུད་ཀྱི་སེམས་ཅན་མ་ལུས་ལུས་པ་མེད་པ་སྟེ། འདོད་ཆགས་ལ་སྤྱོད་པའི་སེམས་འདུལ་བ་ནི་འདོད་ཆགས་ཀྱིས་འདོད་ཆགས་སྤོང་བའོ།། དེ་ལ་མཁས་པ་ནི་མཁྱེན་པའོ།། དེ་བཞིན་གཤེགས་པ་ཐམས་ཅད་བུད་མེད་དང ་སྐྱེས་པའི་མཚན་ཉིད་ཀྱིས་འཇིག་རྟེན་གྱི་ཁམས་མ་ལུས་པའི་ཁོངསུ་གཏོགས་པའི་སེམས་ཅན་ལུས་པ་མེད་པ་སྟེ། དེ་རྣམས་འདུལ་བ་ནི་རྡོ་རྗེ་སེམས་དཔའི་རེག་པའི་བདེ་བ་དང་ཡིད་བདེ་བ་བསྐྱེད་པའོ།། དེ་ལ་མཁས་པ་ཞེས་བྱ་བ་ནི་སྔ་མ ་བཞིན་ནོ།། རྣམ་པ་མང་པོའི་ཁྲོ་བོའི་རྒྱུད་ཅེས་པ་ནི་སྲོག་གཅོད་པར་བྱེད་པའི་སེམས་ཅན་མ་ལུས་པ་ལུས་པ་མེད་པ་དེ་རྣམས་ཀྱང་དེ་བཞིན་དུ་ཤེས་པར་བྱ་སྟེ། དེ་རྣམས་བསྡུ་བ་ནི་སྲོག་ཉེ་བར་བསྡུ་བས་བདེ་བར་བྱེད་པ་སྟེ། དེ་ལ་མཁས་པ་ཞེས ་བྱ་བ་ནི་སྔ་མ་བཞིན་ནོ།། རྟེན་ཕྲ་རྟེན་ཕྲེཾ་ཧཱུཾ་ཞེས་བྱ་བ་ལ་སོགས་པ་ནི་བསྐུལ་བའི་དམ་ཚིག་ཡིན་པར་ཤེས་པར་བྱའོ།། དེ་རྣམས་ཉིད་ཀྱིས་ནི་ཤིན་ཏུ་སྦྱོར་བ་ཇི་ལྟ་བ་བཞིན་དུ་གནས་པའི་རིམ་པས་རྗེ་སུ་ཆགས་པ་ལ་སོགས་པ་ལས་རྣམས ་ཡིན་པར་ཤེས་པར་བྱའོ།། གྲུབ་པའི་དབང་ཕྱུག་ན་དངས་གྲུབ་ལ་དདུང་ཐོབ་པའོ།། རབ་ཏུ་གྲུབ་པ་ནི་སྦྱོར་ཟླ་མཐར་གྱུར་པའོ།། གྲུབ་པར་འགྱུར་ཞེས་པ་ནི་རྣམས་ཀྱིས་ཤེས་པར་འགྱུར་བའོ།། ཀླུ་འང་དག་ན་ནས་པན་ཇི་སྐད་དུ་བཤད ་བའི་ཀླུ་དང་ཕྱག་རྒྱ་རྣམས་ཀྱིས་སོ།། སྟོན་པའོ་ཞེས་པ་ནི་ལྷ་རྣམས་སོ།། ཕྱག་རྒྱ་བབ་པ་ནི་ཕྱག་རྒྱས་བྱིན་གྱིས་བརླབས་པས་འགྲུབ་པའོ།། དེ་འབའ་ཞིག་ཏུ་མ་ཟད་། བདེ་བའི་མཆོག་ལ་སོགས་པའི་བུད་མེད་བསྒོམ་པ་ལས་བཅོམ ་པས་ཀྱང་འགྲུབ་པའོ།། ཅིའི་ཕྱིར་ཞེ་ན། བུད་མེད་མ་ཡིན་པ་སྟེ། སྐྱེས་པོ་དག་ཀྱང་ཕྱག་རྒྱང་འབྲོབས་ནའོ།། རྡོ་བཅས་པའི་མཚན་མ་འཛིན་པའི་རྣལ་འབྱོར་མ་རང་གི་ལྷག་པའི་ལྷ་རྣམས་འདྲ་བར་བྱིན་གྱིས་བརླབས་པ་ནི་འབེབས ་སྟེ། ངེས་ཉེ་བར་མཛེས་པར་གྱུར་པའོ།། སྔོན་མྱེད་རོལ་མོ་སིལ་སྙནཱ་གར། རྣམ་པར་འཕྲུལ་པས་ཞེས་བྱ་བ་ནི་གླིང་བུ་ལ་སོགས་པ་རྣམས་ཀྱིས་སོ།། འགྲུབ་པར་འགྱུར་བ་ནི་ངེས་པར་རོ།། ལྷའི་གཟུགས་ལ་སོགས་པ་ནི་སྤྲུལ་པས་སོ།། ་རང་གི་ལྷ་ནི་གནས་ཀྱི་བདག་པོར་བདག་ཉིད་མཐོང་བའོ།། མཆོད་དེ་ནཱི་ལྷའི་མཆོད་པ་མེ་ཏོག་ལ་སོགས་པ་རྣམས་ཏེ། དེ་རྣམས་ཀྱིས་མཉམ་པར་སྦྱོར་དུ་ནི་མཆོད་པའོ།། དེས་ན་སྤྲུལ་བ་བཟང་པོ་སྟེ་དེ་ཉིད་ཀྱིས་ནམ་ཚིག་གི་འདོད ་ཆགས་ཅན་ནོ།། རྣམ་པ་ཀུན་གྱི་སྐལ་པ་བཟང་པོ་ནི་རྡོ་རྗེ་སེམས་དཔའི་སྦྱོར་བ་དང་ལྡན་པའོ།། སྐྱོན་མེད་པ་ནི་བདེ་བ་འོདི་ཉིད་ཡང་དག་པར་སྒྲུབ་པར་བྱེད་པ་ནི་ཡོངསུ་སྤྱོད་པའོ།། དཔལ་རྡོ་རྗེ་སེམས་པཔའི་དངོས་གྲུབ་ནི་དེ་ལ་སྦྱོར་བ་ངེས ་དང་ལྷན་ཅིག་སྦྱོར་བ་དེ་ལས་དངོས་གྲུབ་ཐམས་ཅད་ཀྱི་བདེ་བའི་དཀྱིལ་འཁོར་རྗེས་སུ་མྱོང་བར་འགྱུར་རོ།། ཅིའི་ཕྱིར་ཞེ་ན། སངས་རྒྱས་སྒྱུ་མས་བྱིན་བརླབས་པས་ཞེས་པ་སྟེ། བདེ་བའི་མཆོག་ལ་སོབ ་པ་ནི་སངས་རྒྱས་ཀྱི་སྒྱུ་མོའི་ནུས་པ་སྦྱང་པས་སོ།། དེ་ལྟར་གླུ་ཡིས་བསྐུལ་བའི་ཆེ་བའི་བདཔ་ཉིད་བསྟན་ནས། རྒྱལ་མཚན་ཉེ་བར་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་བསྒྲལ ་བའི་འོག་ཏུའོ།། བུད་མདེ་དག་ན་བཞི་རྣམས་དང་ཞེས་པ་ནི་མེ་ཏོག་ལ་སོགས་པ་མཆོད་པའི་རྣལ་འབྱོར་མ་རྣམས་ཀྱིས་སོ།། གར་གྱི་ཕྱག་རྒྱའི་མཆོད་པ་ཡིས་ཞེས་པ་ནི་དང་པོ་གར་བྱ་བ་སྟེ། འདི་ཉིད་ཀྱི་འོག་ནས་གྱེན་དུ་འདེགས ་པ་ལ་སོགས་པའི་མཆོད་པའི་ཕྱག་རྒྱ་བཅིང་བས་སོ།། མཆོད་པ་ཐམས་ཅད་ཅེས་པ་ནི་ཇི་ལྟར་བདག་ཉིད་ལྷ་མོ་ཐམས་ཅད་དང་འདུས་པའི་མེ་ཏོག་ལ་སོགས་པའི་མཆོད་པའོ།། དེ་ནི་འདི་སྐད་སྟོན་པར་འགྱུར་ཏེ། གོ་རིམས་སྔ་མས ་དཀྱིལ་འཁོར་གྱི་ཏིང་ངེ་འཛིན་བྱས་ལ། གླུ་རྣམས་ཀྱི་བདག་ཉིད་ཇི་ལྟ་བུ་བཞིན་དུ་བསྐྱེད་ལ་འདུས་པ་བྱ་ཞིང་དབང་བསྐུར་བ་ཐོབ་ནས་ལྕགས་ཀྱུ་ལ་སོགས་པས་སྤྱན་དྲངས་པ་ལ་སོགས་པ་ལ་སོགས་པ་བྱས་ཏེ། མཆོད་པ ་ཕུལ་ནས་ལས་ཀྱི་ཕྱག་རྒྱ་རྣམས་ཀྱིས་རང་གི་ལྷའི་ཕྱག་རྒྱས་མཆོད་པ་ལ་སོགས་པ་བྱའོ།། དེ་ལྟར་ལས་ཀྱི་རྒྱལ་པོ་མཆོག་གི་ཏིང་ངེ་འཛིན་རྫོགས་པར་བྱས་ནས་དཔལ་བདེ་བ་ཆེན་པོའི་ཕྱག་རྒྱ་དང་། ཡི་གཽ་ཧཱུཾ་གིས་འཁོར་ལོ ་བཏེག་ལ་དེ་བཞིན་དུ་བདག་ཉིད་བྱིན་གྱི་བརླབ་ནས་ཡོངསུ་བསྐོར་བ་ནས་བརྩམས་ཏེ། དཀྱིལ་འཁོར་ཇི་ལྟ་བ་བཞིན་དུ་བྲིས་ལ་ཤིན་ཏུ་བསྒྲུབ་པར་བྱ་བའི་བུད་མེད་ལ་གསང་བའི་ལྕགས་ཀྱུས་ཧཱུཾ་དང་བཅས་པའི་འཁོར་ལོ་འཁོར ་ལོ་བསྟིམ་ཞིང་འདུས་པ་བྱས་ལ་བསྟོད་ནས་སྤྱན་དྲངས་པ་ལ་སོགས་པ་བྱ་སྟེ། མཆོད་ཡོན་ཕུལ་ནས་ཕྱག་བརྒྱ་བཞིས་ཕྱག་རྒྱ་བཏབ་སྟེ། དབང་བསྐུར་ནས་བུམ་པ་ལྔ་ལ་སོགས་པའི་ཆོ་ག་རྗེསུ་བསྒྲུབས་ལ། བཅོམ་ལྡན ་འདས་འཁོར་དང་བཅས་པ་རྣམས་རང་གི་གསོང་བའི་དེ་ཁོ་ན་ཉིད་འདི་ཉིད་ཀྱི་མེ་ཏོག་ལ་སོགས་པའི་མཆོད་པ་རྣམས་ཀྱིས་མཆོད་པར་བྱའོ།། རབ་ཏུ་དགའ་བའི་བདག་ལ་ཕྱག་འཚལོ་ཞེས་བྱ་བ་ནི་རྡོ་རྗེ་སེམས་དཔའ་སྟེ། བདག ་ལ་དམ་ཚིག་མཆོག་གྲུབ་པར་མཛོད་ཅིག་ཅེས་བྱ་བར་སྦྱར་རོ།། དེ་བཞིན་གཤེགས་པའི་དམ་པར་གྲུབ་པར་མཛོད། ཨོཾ་ཧཱུཾ་ཞེས་བྱ་བ་ནི་མོ་ལོང་ལྟ་བུའི་ཡེ་ཤེས་ཀྱི་ངོ་བོ་ཉིད་དུ་གྱུར་པ། མེ་ཏོག་གི་དེ་ཁོ་ན་ཉིད་དོ།། དམ་ཚིག་དམ ་པ་ཞེས་བྱ་བ་ནི་མཉམ་པ་ཉིད་ཀྱི་ཡེ་ཤེས་ཀྱི་ངོ་བོ་ཉིད་དུ་གྱུར་པ་འདུག་པས་སོ།། མཆོད་པ་ཆེན་པོ་ཐམས་ཅད་གྲུབ་པར་མཛད། ཨོཾ་ཧཱུཾ་ཞེས་བྱ་བ་ནི། སོ་སོར་རྟོག་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པ་མར་མེས་སོ།། ཡང ་མཆོད་པོ་ཆེན་པོ་ཞེས་བྱ་བ་ལ་སོགས་པ་ནི་བྱ་བ་སྒྲུབ་པའི་ཡེ་ཤེས་ཀྱི་ངོ་བོ་ཉིད་དུ་གྱུར་པ་བྱུག་པ་ཡིན་པར་ཤེས་པར་བྱའོ།། ཕྱག་རྒྱ་འདི་ཞེས་པ་ནི་གསང་བའི་རྒྱུད་ཀྱི་ཕྱག་རྒྱས་སོ།། མཆོད་པ་ཐམས་ཅད་ནི་མེ་ཏོག་ལ་སོགས་པའི ་མཆོད་པའོ།། འདི་དག་དང་ཞེས་བྱ་བ་ནི་བཤད་མ་ཐག་པའི་རང་གི་གསང་བའི་དེ་ཁོ་ན་ཉིད་དང་སྟེ། མེ་ཏོག་ལ་སོགས་པའི་ལྷ་མོ་རྣམས་དང་རང་གི་ཕྱག་རྒྱ་ཇི་ལྟ་བ་མཆོད་པ་བྱའོ།། མེད་ན་བདག་ཉིད་ཀྱིས་བྱའོ།། ་དེ་ནས་སློབ་མ་ཐམས་ཅད་བཟུང་བར་བྱའོ།། དེ་ལ་གོ་རིམས་ནི་འདི་ཡིན་ཏེ། དཀྱིལ་འཁོར་ཇི་ལྟ་བ་བཞིན་ལ་གོ་རིམས་སྔ་མས་མཆོད་པའི་མཐར་ཐུག་པའི་བར་དུ་རྫོགས་པར་བྱས་ལ་ཕྱག་ལ་སོགས་པ་བྱ་སྟེ། བདག་ཉིད ་ཞུགས་ནས་བདག་ཐམས་ཅད་ཀྱི་སློབ་དཔོན་དུ་དབང་བསྐུར་ཞིང་སྣ་ཚོགས་འབྱུང་བའི་བཅོམ་ལྡན་འདས་འཁོར་དང་བཅས་པ་མངོན་པར་ཕྱོགས་པར་བསྒོམས་ལ། བདག་ཉིད་རྡོ་རྗེ་བདག་ཉིད་དང་། ངོ་བོ་ཉིད་ཀྱིས་དག་པ་དང་། ་བདག་མེད་པས་མཉམ་པ་ཉིད་ཀྱིས་ལྷ་ཐམས་ཅད་དང་། གཅིག་ཏུ་གྱུར་པར་རམ་བཞིན་དུ། ཨོཾ་བཛྲ་ཨཱཏྨ་ཀོ་ཧཾ། ཨོཾ་སྭ་བྷཱ་བ་ཤུདྡྷེ་ཧཾ། ཨོཾ་སརྦ་ས་མ་ཡོ་ཧཾ། ཞེས་བརྗོད་ལ་བདག་ཉིད་ལྷག་པར་མོས་པས་དེར་དབུས་སུ ་འདུག་སྟེ། བདག་ཉིད་ཀྱིས་རོལ་མོའི་རྗེས་སུ་འགྲོ་བའི་གླུ་འདོན་བཞིན་དུ་གཏམ་དང་། ཕྱག་མཚན་དང་། ཕྱག་རྒྱ་ལ་སོགས་པ་ཤིན་ཏུ་མཉམ་པར་བཞག་ནས་བསྒྲུབ་པར་བྱའོ།། གང་གི་ཚེ་རྗེ་སུ་བསྒྲུབ་པར་འདོད་པ་དེའི་ཚེ ་བདག་ལ་དབང་བསྐུར་བའི་མཐར་ཐུག་པའི་བར་དུ་རྫོགས་པར་བྱ་བ་ལ་སོགས་པ་བྱས་ལ། སློབ་མ་གཞུག་པའི་ཕྱིར་གསོལ་བ་བཏབ་སྟེ། བདག་བྱིན་གྱིས་བརླབ་པ་ལ་སོགས་པ་བྱས་ནས། དཀྱིལ་འཁོར་གྱི་བདག་པོའི ་སྦྱོར་བར་སློབ་མ་བྱས་ཏེ། ཤི་རི་སུ་ཁ་བཛྲ་སཏྭ་སུ་བྷ་ག་སྟཾ་མ་ཧཾ་ཞེས་བརྗོད་ལ། གར་སྔོན་དུ་འགྲོ་བའི་ཐལ་མོ་སྦྱར་ལ་སྤྱི་བོར་བཞག་སྟེ། མེ་ཏོག་གི་ཕྲེང་བ་དང་བཅས་པའི་ལམ་གླུ་དབུལ་བར་བྱ་སྟེ། རྡོ་རྗེ་བདག་པོའི་སྙིང་པོ་བརྗོད་པས ་གཞུག་པར་བྱའོ།། ཆོ་གའི་བྱ་བ་ཐམས་ཅད་ཀྱང་བརྗོད་པར་བྱའོ།། དེ་བཞིན་དུ་རྣམ་པར་སྣང་མཛད་ལ་སོགས་པའི་དཀྱིལ་འཁོར་ལ་ཡང་སྟོང་པར་ཤིན་ཏུ་སྦྱོར་བ་ཞེས་བྱ་བ་ལ་སོགས་པའི་གླུ་དང་བཅས་པས་བསྐུལ་བ་སྔོན་དུ་འགྲོ་བ་དང་། ་ཡང་རིམ་པ་དེ་ཉིད་ཀྱིས་རྡོ་རྗེ་སེམས་དཔའ་ལྟར་བསྐྱེད་ལ། དེ་ནས་བདག་གི་བདག་པོ་ཇི་ལྟ་བའི་མཚན་མ་མངོན་སུམ་དུ་བྱས་ལ་སྦྱོར་བ་ཇི་ལྟ་བས་དཀྱིལ་འཁོར་གྱི་རྒྱལ་པོའི་མཆོག་ཇི་ལྟ་བ་བཞིན་དུ་བཞག་ལ་བདག་ཉིད་འབྱུང་བའི ་གླུས་བསྐུལ་བའི་བར་དུ་རྫོགས་པར་བྱས་ལ་གཞུག་པར་བྱ་སྟེ། གསང་བ་འདུས་པ་ལ་སོགས་པའི་ཆོ་གས་སློབ་མ་གཞུག་པ་ལ་སོགས་པ་ཐམས་ཅད་ཀྱང་འདིར་བལྟ་བར་བྱའོ།། སངས་རྒྱས་ཉིད་རིན་པོ་ཆེ་བས་ན་སངས་རྒྱས་རིན་ཆེན ་ནོ།། ཇི་ལྟ་བར་ནི་ཞེས་གསུངས་པ་ནི། ཕྲེང་བ་ལ་སོགས་པའི་དབང་བསྐུར་བ་ཡང་འདིར་ཤེས་པར་བྱའོ།། དམར་ཆེན་པོ་མྱང་བ་ནི་གཞུག་པའི་འོག་ཏུ་བལྟ་བར་བྱའོ།། མཁའ་འགྲོ་སྒྱུ་མའི་ཚོགས་ཀྱིས་ཀྱང་ཞེས་བྱ་བ་ནི། རྒྱས་འདེབས་མ ་དང་། རྨོངས་བྱེད་མ་དང་གནོད་བྱེད་མ་རིམ་གྱིས་སོ།། དེ་ནས་ཞེས་བྱ་བ་ནི་དབང་བསྐུར་བའི་འོག་ཏུའོ།། མི་འགོག་ཆོས་ཉིད་སྦྱོར་བ་ཡིས། ཞེས་བྱ་བ་ནི་མི་གནས་པའི་མྱ་ངན་ལས་འདས་པའི་རྒྱུ་ཡིས་སོ།། བདག་གི་ངོ་བོ་ཡང་སྤངས ་ཤིང་ཞེས་བྱ་ལ་ནི་བདག་ཉིད་ནི་ཤིན་ཏུ་མ་གཡོགས་པར་གྱུར་པའོ།། ཞེས་བདག་ཉིད་ཀྱི་ཁྱད་པར་ཏེ། ཕུང་པོ་ཐམས་ཅད་ལ་སོགས་པ་དང་། གཟུགས་ལ་སོགས་པ་ནི་བཏགས་པ་ཙམ་ཡིན་པར་ཤེས་པར་བྱས ་ནས་ཡོངསུ་སྤངས་པ་ནི་འདིར་བལྟོས་པ་མེད་པ་ཡིན་ཏེ། བསྒོམ་པའི་རྗེསུ་མཐུན་པའི་གཟུགས་ལ་སོགས་པའི་ཡུལ་རྣམས་ལ་ཉེ་བར་ལོངས་སྤྱོད་པའི་སྒོ་ནས་བདེ་བར་བྱ་བའི་ཚུལ་གཞན་ལ་བཤད་པའི་སྤྱོད་པས་བདག་མི་གཟིར ་ནི་དཀའ་ཐུབ་ཀྱིས་མི་གཟིར་བའོ།། ཙཾ་བདེ་བར་ནི་བདེ་བར་སྤྱད་ཅེས་པ་ནི། བསམ་གཏན་དང་རྗེས་སུ་མཐུན་པའི་གཟུགས་ལ་སོགས་པའི་ལོངས་སྤྱོད་རྣམས་ལ་ཉེ་བར་ལོངས་སྤྱོད་ཅིག་པས་རྩེ་གཅིག་པར་གྱིས་ཤིག་པའོ།། རྣལ་འབྱོར་ལོངས ་སྤྱོད་ཐམས་ཅད་ལ་ཅེས་པ་ནི་བདག་ཉིད་ལྷའི་ང་རྒྱལ་དང་ཇི་ལྟ་བ་བཞིན་དུ་ལྡན་པའི་ལོངས་སྤྱོད་ངོ་།། དྲི་ནས་ཀྱང་མི་འཇིགས་པ་ནི་གང་ལས་འཇིགས་པ་མེད་པའོ།། དགའ་བར་གྱིས་ཅེས་པ་ནི་རྣམ་པར་རོལ་ཅིག་པའོ།། ཡུལ་ལ་ཉེ་བར་སྤྱོད ་པོ་འཆི་བའི་འོག་ཏུ་ངན་སོང་གི་འཇིགས་པ་ཡོད་དོ་ཞེས་རྟོགས་པ་ལ་སྡིག་པ་མེད་ཀྱིས་ཞེས་བྱ་བ་ལ་སོགས་པ་གསུང་སོ།། ཅིའི་ཕྱིར་ཞེ་ན། དམ་ཚིག་ཅེས་བྱ་བ་ལ་སོགས་པས་གང་གསུངས་པ་སྟེ། དམ་ཚིག་ནི་ལྷ་དང་གཉི་སུ་མེད་པར་གྱུར ་པའོ།། འདའ་བར་དཀའ་བ་ནི་སྡིག་པ་ཐམས་ཅད་བསོད་ནམས་ཀྱི་རང་བཞིན་དུ་གྱུར་པས་ན་བསྒྲུབ་པར་དཀའ་བས་སོ།། གྲུབ་པ་ནི་སངས་རྒྱས་ཀྱི་བྱང་ཆུང་སྟེ། བདེ་བའི་མཆོག་ལ་སོགས་པའི་གཟུགས་ཀྱིས་ཡོངསུ་རྫོགས་པའོ།། ལྷན་ཅིག ་སྤྱོད་པ་ནི་བདེ་བའི་མཆོག་ལ་སོགས་པའི་ལྷ་མོའི་གཙོ་མོ་རྣམས་སོ།། སྡུག་པ་ནི་ཡིད་དུ་འོང་བ་དེ་རྣམ་སོ།། ཡང་དག་ཉིད་ཀྱིས་ཞེས་པ་ནི་རང་གི་ལྷའི་ང་རྒྱལ་གྱིས་སོ།། རྣལ་འབྱོར་བཅས་དང་ཞེས་བྱ་བ་ནི་རྣལ་འབྱོར་བཞི་དང་ལྡན་པའོ།། ་གསང་བཅས་པའི་ཞེས་པ་ནི་གསང་བའི་ཕྱག་རྒྱའི་ཡེ་ཤེས་དེ་ཉིད་དང་ལྡན་པའོ།། རྒྱུ་ཞེས་བྱ་བ་ནི་ཕྱག་རྒྱ་དང་འདྲ་བའོ།། དེ་ནས་ཞེས་བྱ་བ་ནི་ཕྱག་རྒྱ་ལ་སོགས་པ་བྱིན་པའི་འོག་ཏུའོ།། ཀུན་གྱི་སློབ་དཔོན་རབ་གནས་པ་ཞེས་བྱ་བ་ནི། རྡོ་རྗེ་སེམས ་དཔའ་རྣམ་པར་སྣང་མཛད་ལ་སོགས་པའི་དཀྱིལ་འཁོར་གྱི་སློབ་དཔོན་ཉིད་དུ་གནས་པའོ།། ཆོས་ནི་ཞེས་བྱ་བ་ནི་ཆོས་དང་མི་འགལ་བའི་ཚུལ་གྱིས་སོ།། རྡོ་རྗེ་སེམས་དཔའི་དཔལ་གྱི་ཚུལ་ཞེས་པ་ནི་རྡོ་རྗེ་སེམས་དཔའི་དཀྱིལ་འཁོར་གྱི ་རིམ་པའོ།། རྟོག་པ་ཐམས་ཅད་རབ་ཏུ་སྒྲུབ་ཅིང་ཞེས་པ་ནི་སངས་རྒྱས་རྡོ་རྗེ་འཆང་ལ་སོགས་པ་དཀྱིལ་འཁོར་གྱི་དངོས་གྲུབ་སྩོལ་བའོ།། རྟོག་པ་ཀུན་ལ་རབ་སྦྱོར་བའི་ཞེས་བྱ་བ་འདིས་ནི་ཐུན་མོང་གི་ཆོ་ག་ཉིད་དུ་སྟོན་ཏོ།། ངོ་བོ་ཉིད་ཕྱིར ་ཞེས་བྱ་བ་ནི་དམ་པའི་དེ་ཁོ་ན་ཉིད་ཆེན་པོའི་མཆོག་གི་ཚུལ་གྱིས་སོ།། གང་འདི་ལྟར་སངས་རྒྱས་ལ་སོགས་པའི་དཀྱིལ་འཁོར་དང་རྟོག་པ་ཞེས་པ་ནི་དོན་མོད་པར་འགྱུར་རོ་ཞེ་ན། སྣ་ཚོགས་ལས་ཀྱི་སྦྱོར་བ་དང་ཞེས་བྱ་བ་ལ་སོགས ་པ་གསུངས་ཏེ། རྣལ་འབྱོར་དེ་ཉིད་ཅེས་བྱ་བ་ལ་སོགས་པས་ནི་རྣམ་པར་སྣང་མཛད་ལ་སོགས་པའི་ཐབས་སྟོན་ཏོ།། གཟུགས་བརྙན་ངོ་བོར་སྦྱོར་བ་ཡི་ཞེས་བྱ་བ་ནི་གཟུགས་བརྙན་གྱི་ངོ་བོ་ཉིད་དོ།། ཕྱག་རྒྱའི་སྦྱོར་བ་ཞེས་བྱ ་བཱ་ནི་ལྷའི་ཕྱག་རྒྱ་འཆང་བས་སོ།། གར་བྱའོ།། དམ་ཚིག་རྣམ་པ་སྣ་ཚོགས་ཀྱིས་ཞེས་པ་ནི་ལྷག་མའི་ལུས་ཀུན་གྱིས་སོ།། དེ་ལྟར་ཞེས་བྱ་བ་ནི་བཤང་མ་ཐག་པའི་ཚོགས་སོ།། སངས་རྒྱས་ཀྱི་ཞིང་ནི་ཞེས ་ལ་སོགས་པ་འདིས་ནི། བདག་པོ་ལྔའི་ཆེ་བ་ཉིད་སྟོན་ཏོ།། དེ་ལ་སོགས་པའི་ཞེས་བྱ་བ་འདིས་ནི་ཚད་མེད་པ་ཉིད་དུ་བསྟན་ཏོ།། ཡང་དེ་ལ་སོགས་པ་ཞེས་བྱ་བ་ལ་སོགས་པ་ནི་ཉེ་བར་སྡུད་པའོ།། སངྱས་ཛད་དང་མཉམ་པར་སྦྱོར་བས་མཁའ ་འགྲོ་སྒྱུ་མའི་དཀྱིལ་འཁོར་གྱི་རྟོག་པ་སྟེ། རྟོག་པ་དྲུག་པའི་འགྲེལ་པའོ།། ། དཀྱིལ་འཁོར་དང་རྟོག་པ་འདིས་ནི་དཀྱིལ་འཁོར་ཐམས་ཅད་དང་ཕྱག་རྒྱའི་ཡེ་ཤེས་དང་ལྡན་པའི་དབང་དུ་མཛད་ནས། བཅོམ་ལྡན་འདས ་དཀྱིལ་འཁོར་ཐམས་ཅད་དང་། ཕྱག་རྒྱའི་ཡེ་ཤེས་ཀྱི་རྟོག་པའི་ངོ་བོ་ཉིད་དུ་བསྟན་པའི་ཕྱིར། དེ་ནས་གཞན་ཡང་ཞེས་བྱ་བ་ལ་སོགས་པ་གསུང་སོ།། རྡོ་རྗེ་སེམས་དཔའ་དཔལ་གྱི་ལྷ་མོ་ཞེས་བྱ་བ་ནི་སངས་རྒྱས་ཐམས་ཅད་ཀྱིའོ།། འཁོར ་ལོ་ཐམས་ཅད་རབ་སྤྲུལ་པའོ་ཞེས་པ་ནི་དཀྱིལ་འཁོར་རྟོག་པ་ཐམས་ཅད་དེ། ལ་ལ་ལས་ནི་ཕུག་གི་སྣ་ཚོགས་པ་དག་ཏུ་ཞེས་ཟེར་ཏེ། དེར་ནི་བརྟུལ་ཞུགས་ཀྱི་གནས་རྣམ་པ་སྣ་ཚོགས་པའི་བར་ལ་བྱའོ།། མ་ལུགས་རྣམ་པ་སྣ་ཚོགས་པ ་ཞེས་པ་ནི་ཆ་ལུགས་རྣམ་པ་ཐ་དད་པའོ།། སྒྲུབ་པ་སྣ་ཚོགས་པའི་ཞེས་པ་ནི། ཡོ་བྱད་རྣམ་པ་སྣ་ཚོགས་པས་སོ།། པདྨོ་དམར་ནི་པདྨ་བཞིན་དུ་དམར་བའོ།། གནས་ཇི་ལྟ་བ་ནི་སྐྱེད་མོས་ཚལ་ལ་སོགས་པའོ།། འཁོར་ལོ་རྣམས་ཅི་འདྲ་བ་ནི ་གྲུ་བཞི་ལ་སོགས་པའོ།། བཀོད་པ་ཇི་འདྲ་བ་ནི་སྒོ་ཁྱུད་ལ་སོགས་པའི་བཀོད་པ་ཅི་འདྲ་བའོ།། འགྲོ་བ་ཅི་འདྲ་བ་ཞེས་བྱ་བ་ནི་གདུལ་བྱ་ཇོ་འདྲ་བའོ།། འཁོར་རྣམས་བཀོད་པ་ཅི་འདྲ་བ་ནི། ལྷ་རྣམས་ཅི་འདྲ་བར་བཀོད་པ་དེ་དང་འདྲ་བའི་ཆོ་ག ་ཡོངསུ་རྫོགས་པས་དཀྱིལ་འཁོར་ལ་མཆོག་རྒྱལ་བས་མཛད་ཅིང་སྤྲུལ་པར་གྱུར་པ་སྟེ། དཀྱིལ་འཁོར་དེ་མཐོང་བ་དེའི་བསོད་ནམས་ཅི་འདྲ་བ་ད་ལྟར་བྲིས་པའི་ཡང་དེ་བཞིན་ནོ།། ཕྱོགས་ཀུན་མཉམ་པ་ཉིད་བསྒྲུབ་ཅིང་ཞེས་པ་ནི་ཤིས ་པ་དང་མི་ཤིས་པའི་ཕྱོགས་ལ་མངོན་པར་མ་ཞེན་པར་མ་བྱེད་ཅིག་པའོ།། ཤར་ཞེས་བྱ་བ་ནི་ཤར་ཕྱོགས་ལ་སོགས་པར་སངས་རྒྱས་རྣམས་དགོད་པའོ།། དོན་དམ་པར་ནི་དཀྱིལ་འཁོར་རྣམས་བརྟག་པར་མི་ནུས་པ་ཡིན་ན། ཇི ་ལྟར་ན་འདིར་ཡང་བསོད་ནམ་སུ་འགྱུར་ཞེས་པ་ལ། དཀྱིལ་འཁོར་ཞེས་པ་ལ་སོགས་པ་གསུངསོ།། རང་གི་ལྷའི་རང་བཞིན་ཞེས་པ་ནི་རང་གི་ལྷའི་གཟུགས་ཀྱིས་སོ།། གྲུབ་པ་ནི་རྫོགས་པའོ།། ཀུན་ཏུ་སྣ་ཚོགས་སྐལ་བཟང་པོ་ཞེས་བྱ ་བ་ནི་ཀུན་ནས་ལྷ་མོ་ཐམས་ཅད་དང་ཡང་དག་པར་ལྡན་པའོ།། ཀུན་ཏུ་སྣ་ཚོགས་འཁོར་ལོ་ཅན་ནི་ཐམས་ཅད་དུ་སྣ་ཚོགས་ཤིང་མ་ལུས་པའི་འཁོར་དང་ལྡན་ལ་སྟེ། རྡོ་རྗེ་སེམས་དཔའོ།། ཀུན་ཏུ་སྣ་ཚོགས་གྲུབ་པའི་ཕྱིར་ཞེས ་པ་ནི་སྔར་བཤད་པའི་དཀྱིལ་འཁོར་བཞིན་དུ་འདིའི་ཡང་ནང་དུ་ཟུར་བཞི་ལ་སོགས་པ་ཀུན་ནས་རྣམ་པ་ཐམས་ཅད་དུ་ཡོངསུ་རྫོགས་པའོ།། དེ་ནི་འདི་སྐད་སྟོན་པར་འགྱུར་ཏེ། དཀྱིལ་འཁོར་ཐམས་ཅད་དང་འདྲ་བ་ལས། ནང་དུ ་ཡང་ཟུར་བཞི་ཉིད་ལ་སོགས་པ་དང་ལྡན་པར་བྱས་ལ་ཀ་བ་བརྒྱད་ཀྱིས་ཉེ་བར་མཛེས་པའི་བྱ་བའི་རྡོ་རྗེ་ཐིག་གདབ་པར་བྱའོ།། དེའི་ཕྱི་རོལ་ཏུ་ཟུར་བཞི་པ་གཉིས་པ་སྒོ་དང་བཅས་པ་སྣ་གཅིག་གིས་བྲིས ་པ་ནི་དཀྱིལ་འཁོར་ཀུན་ཏུ་སྣ་ཚོགས་པ་སྟེ། རྡོ་རྗེ་སེམས་དཔའི་དཀྱིལ་འཁོར་རོ།། དེ་དག་ཐམས་ཅད་ཀྱི་ཕྱི་རོལ་ཏུ་དཀྱིལ་འཁོར་གྱི་ཕྱེད་ཀྱི་ཚད་ལ་ཀ་བ་བརྒྱད་ཀྱིས་ཉེ་བར་མཛེས་པར་བྱས་པའི་རྡོ་རྗེའི་དཀྱིལ་འཁོར་ཅིག་ཤློ་ལ ་ནི་རང་གི་ཚོན་སྣ་གཅིག་གིས་བྲིས་པར་བལྟ་བར་བྱའོ།། དཀྱིལ་འཁོར་གྱི་ནང་ཡང་དེ་བཞིན་དུ་བསྟན་ཏེ། ཕྱི་རོལ་ཐམས་ཅད་དུ་ཡང་སྔ་མ་བཞིན་དུ་ཟུར་བཞིར་བྱའོ།། དཀྱིལ་འཁོར་ཞེས་བྱ་བ་ནི་ཟླུམ་པོ་འདི་དག་ཏུ་ཡང་རྡོ་རྗེའི ་ཐིག་སྐུང་བཏབ་ལ་ཕྱི་རོལ་ཏུ་ནི་རི་མོ་ཟུར་བཞི་བྱའོ།། རྡོ་རྗེ་ཅན་གྱི་ཞེས་བྱ་བ་ནི་ཧེ་རུ་ཀ་ཡིའོ།། ཟླ་གམ་བཞིན་ཞེས་བྱ་བ་ནི་རླུང་གི་དཀྱིལ་འཁོར་ཏེ། རྡོ་རྗེ་རླ་བས་བསྐོར་བའི་ཕྱི་རོལ་ཏུ་ནི་རི་མོ་ཟུར་བཞིས་བསྐོར་བའོ།། པདྨའི་དབྱིངས ་ཞེས་བྱ་བས་ནི། པདྨ་འདབ་མ་བརྒྱད་པ་འདྲ་བ་ལ་པདྨའི་ཕྲེང་བས་བསྐོར་བའོ།། ཕྱི་རོལ་ཏུ་རི་མོ་ཟུར་བཞིས་བསྐོར་བའོ།། རིན་ཆེན་དབྱིངས་ཞེས་བྱ་བ་ནི་རིན་པོ་ཆེ་ཟུར་བརྒྱད་པ་འདྲ་བ་ལ། རིན་པོ་ཆེའི་ལྕུག་མས་ཡོངསུ་བསྐོར ་བ་ཕྱི་རོལ་ཏུ་ནི་རི་མོ་ཟུར་བཞིས་བསྐོར་བའོ།། ཇི་ལྟར་འདོད་པ་ནི་ཇི་ལྟར་དགའ་བའོ།། ཅི་འབྱོར་པ་ནི་ཅི་རྙེད་པས་སོ།། དཀྱིལ་འཁོར་ལྔ་པོ་འདི་དག་ལས་འདིའི་དཀྱིལ་འཁོར་ན་ངེས་པ་མེད་པས་འདིའི་གནས་དཔལ་རྟ་མཆོག་བཞག ་པར་བྱའོ།། དེ་ཉིད་དེའི་དཀྱིལ་འཁོར་དུ་འགྱུར་རོ་ཞེས་བྱ་བའི་བར་དུའོ།། ཅི་ལྟ་ཅི་ལྟར་འདོད་དང་ཞེས་བྱ་བ་ནི་མངོན་སྤྱོད་དང་དབང་དུ་བྱ་བ་ལ་སོགས་པ་དང་། རྒྱས་པའི་ལས་རྣམས་ལ་ཅི་འདོད་པ་ཐམས་ཅད་དོ།། ཇི་ལྟའི་དུས་དང ་ནི་སྔ་དྲོ་དང་། མཚན་མོ་དང་། ཉི་མ་ཕྱེད་དང་། ཕྱི་དྲོ་རྣམསུ་རིམ་བཞིན་དུ་རྡོ་རྗེ་སེམས་དཔའ་ལ་སོགས་པའི་དཀྱིལ་འཁོར་དུ་རིམ་བཞིན་དུ་འཇུག་པའོ།། ཅི་བདེ་བར་ནི་སློབ་མ་དབང་བསྐུར་བ་ལ་སོགས་པ་ཆུ་དང་བསྡམ་པ་ལ་སོག ་པ་མེད་པར་རོ།། རྡོ་རྗེ་ནི་རྡོ་རྗེ་རྒྱ་གྲམ་མོ།། ཕྱག་ན་བསྣམས་པས་དཔལ་རྟ་མཆོག་ཀྱང་དེ་སྐད་ཅེས་བྱའོ།། དཀྱིལ་འཁོར་ཀུན་ཏུ་མ་ཞུགས་ཤིང་ཞེས་པ་ནི་དཀྱིལ་འཁོར་རྣམསུ་འཇུག་མ་མྱོང་བའོ།། དམ་ཚིག་རྣམས་ནི་སྤངས་པ་དང་། ་ཞེས་པ་ནི་དམ་ཚིག་རྣམས་མི་སྲུང་བའོ།། གསང་བ་ཡང་དག་ཅེས་བྱ་བ་ནི་འོག་ནས་བཤད་པའི་སྐལ་པ་ཉིད་ཀྱིས་སློབ་དཔོན་སྐལ་པ་བཟང་པོའོ།། ཅིའི་ཕྱིར་ཞེ་ན། གང་གིས་ན་བརྟན་ཞིང་ཐོག་མ་དང་། ཐ་མ་མེད་པའི་རྣལ་འབྱོར་པ ་དམིགས་པ་སྟེ། དེ་མི་སྤང་ངོ་ཞེས་བྱ་བར་སྦྱར་རོ།། ཀུན་ཏུ་སྣ་ཚོགས་སྐལ་བ་བཟང་པོར་ཞེས་བྱ་བ་ནི་རྡོ་རྗེ་སེམས་དཔའ་སྟེ། དེ་ནི་བདག་ཉིད་བསྒྲུབ་པས་སྐལ་པ་བཟང་པོའོ།། བདག་མེད་ཆོས་ཉིད་དང་ལྡན་པ་ནི་ཆོས་ཐམས་ཅད ་སྟོང་པ་ཉིད་དུ་མངོན་པར་ཞེན་པའོ།། དེའི་ཁྱད་པར་ཇི་ལྟ་བུ་ཞེ་ན། དམ་ཚིག་ལ་སྡང་བ་སྟེ། དེ་རྗེསུ་སྤྱོད་པ་ལ་སྡང་བ་གང་ཡིན་པའོ།། དེ་ཉིད་ཀྱིས་ན་སྐལ་པ་ངན་པའོ།། སངས་རྒྱས་ནི་རྣམ་པར་སྣང་མཛད་དེ། དེ་ནི་སྲིད་པ་ཤིན་ཏུ ་བཅས་པའི་རིན་པོ་ཆེའོ།། སངས་རྒྱས་རིན་ཆེན་ཞེས་པ་ནི་སངས་རྒྱས་རིན་པོ་ཆེ་ནི་སངས་རྒྱས་རིན་ཆེན་ཏེ། རྡོ་རྗེ་སེམས་དཔའ་དང་། རྣམ་པར་སྣང་མཛད་གཉིས་ཀྱི་ཅོད་པན་གཉིས་སོ།། པདྨོ་ཞེས་བྱ་བ་ནི ་འོད་དཔག་མེད་ཀྱི་དབང་བསྐུར་བའོ།། རྡོ་རྗེ་ཞེས་པ་ནི་ཧེ་རུ་ཀའི་དབང་བསྐུར་བའོ།། ཡིད་བཞིན་ནོར་བུ་ཞེས་པ་ནི་རྡོ་རྗེ་ཉི་མའི་དབང་བསྐུར་བའོ།། ཐམས་ཅད་མཆོག་ནི་རྟ་མཆོག་ལ་ཞེས་བྱ་བ་ནི་རྟ་མཆོག་གྱི་སློབ་དཔོན་གྱིའོ།། མཚན་མའི་ཕྱག ་རྒྱ་ཞེས་པ་ནི་རྡོ་རྗེ་ལ་སོགས་པའོ།། དེ་ཉིད་ཀྱི་དབྱེ་བ་བསྟན་པའི་ཕྱིར། ཀུན་ཏུ་ཞེས་བྱ་བ་ལ་སོགས་པ་གསུངས་ཏེ། ཀུན་ཏུ་སྣ་ཚོགས་པའི་རྣམ་པ་དང་བཅས་པ་ནི་བསྐལ་པ་བཟང་པོ་ནི། ཀུན་ཏུ་སྣ་ཚོགས་པ་སྐལ་པ་བཟང་པོའོ།། རང ་བྱང་རྣམས་ཀྱི་ནི་རྡོ་རྗེ་སེམས་དཔའི་སྟེ། འདིར་དམ་ཚིག་གསུམ་བསྟན་པ་ནི་རྡོ་རྗེ་དང་དྲིལ་བུའི་ཕྱག་རྒྱ་དང་། སྤྱན་གྱི་ཕྱག་རྒྱ་དང་། གཞུ་དང་མངའི་ཕྱག་རྒྱ་ཡིན་པར་ཤེས་པར་བྱའོ།། ཅེ་དེ་དག་ཁོ་ན་ཞེ་འམ་ན་མཁའ་ཞེས་བྱ་བ་ལ་སོགས ་པ་གསུངས་ཏེ། ན་མཁའི་དབྱིངས་བཞིན་དུ་མཐར་ཐུག་པ་མེད་པ་བ་བའི་མཆོག་ལ་སོགས་པ་ལྷ་མོ་རྣམས་ཀྱི་ངོ་བོ་ཉིད་གཞུ་དང་མངའི་གཟུགས་ཀྱིས་གནས་པ་ནི། བཅོམ་ལྡན་འདས་ཉིད་ཀྱི་མཚན་མའི་ཕྱག་རྒྱའོ།། མཆོག ་ཅེས་བྱ་བའང་དེ་ཉིད་ཡིན་པར་ཤེས་པར་བྱའོ།། ཇི་ཉིད་བསྟན་པར་བྱ་བའི་ཕྱིར་གཞུ་དང་མངའ་དང་ཞེས་བྱེ་བ་ལ་སོགས་ཏེ། མངའ་དང་བཅས་པའི་གཞུ་ནི་བ་བ་མཆོག་གོ།། སྐལ་ལྡན་ནི་སྐྱེས་པའི་མཚན་ནོ།། སྐལ་པ་བཟང་ནི ་གའི་ཕྱག་རྒྱ་སྟེ། དེའི་སྟེང་དུ་སྐལ་ལྡན་བཞག་པ་ནི་ཨེ་མ་བང་བའོ།། ཐོད་པ་དང་ཁ་ཊྭཱཾ་གཱ་དང་། སྣ་ཚོགས་རྡོ་རྗེ་ནི་སྒྲོལ་མ་ཡིའོ།། ཐོད་པ་ཁམ་པོར་དང་སྣ་ཚོགས་རྡོ་རྗེ་ལ་འོད་དཔག་མྱེད་ཀྱི་སྐུ་བཞག་པ་ནཱ་ནཱ་ཤའོ།། མངས་ཕུག ་པའི་འོག་གཞི་དང་། གཞུ་ནི་སངས་རྒྱས་ཀྱི་བྱང་ཆུབ་བོ།། འཁོར་ལོ་རྩིབས་བརྒྱད་པ་ནི་ཆོས་ཉིད་ཀྱི་འཁོར་ལོ་མ་ཡེའོ།། རྡོ་རྗེ་རྩེ་ལྔ་པ་ནི་འཇིག་རྟེན་གསུམ་ལས་རྣམ་པར་རྒྱལ་མ་ཡིའོ།། དཔག་བསམ་གྱི་ཤིང་ལྕུག་མས་དཀྲིས ་ནི། འདོད་པ་ཐམས་ཅད་ཀྱི་ལྕུག་མ་ཡོའོ།། པདྨའི་སྟེང་དུ་མགོས་བསྟོད་ནས། རྟ་སྐད་འཚེར་བའི་རྟ་མགོ་ལྗང་གུ་ནི་རྟ་གདོང་མ་ཡིའོ།། ཕག་གི་མཆེ་བ་ནི་རྡོ་རྗེ་གདོང་གིའོ།། ཟླ་བ་དང་ཉི་མའི་དཀྱིལ་འཁོར་རྡོ་རྗེ་སྤྱན་གྱིའོ།། ཐོད་པའི ་དབུས་སུ་སྣ་ཚོགས་རྡོ་རྗེ་ལྔ་སངས་རྒྱས་ཀྱི་སྐུ་བཞག་པ་ནི་ཐལ་བྱས་རབ་ཏུ་འཇུག་པའི་རོ་ལངས་མྱ་ཡིའོ།། རྡོ་རྗེ་གླིང་བུ་ནི་རྒྱུད་གཅིག་མ་ཡཱིའོ།། སྣ་ཚོགས་རྡོ་རྗེས་མཚན་པའི་པི་བང་ནི་རྒྱུད་མངས་མ་ཡིའོ།། ཀུ་མུན་ད་ནི་སྡུག་མ ་ཡིའོ།། རྫ་རྔ་ནི་རྫ་རྔ་མ་ཡིའོ།། མེ་ཏོག་གི་ཟ་མ་ཏོག་དང་། སྤོས་ཁང་གང་བ་དང་། མར་མེའི་སྡོང་བུ་དང་། དྲི་ཡི་ཕོར་བུ་ནི་གོ་རིམས་བཞིན་དུ་མེ་ཏོག་མ་དང་། བདུག་པ་མ་དང་། མར་མེ་མ་དང་། དྲི་ཆབ་མྱ་ཡིའོ།། ཆོས་གོས་དང་། ་ལྷུང་བཟེད་དང་། ཁར་སིལ་དང་། དམ་པའི་ཆོས་ཀྱི་གླེགས་བམ་གྱི་ཕྱག་རྒྱ་ནི་བཅོམ་ལྡན་འདས་རྣམ་པར་སྣང་མཛད་ཀྱིའོ།། ལྕེའི་ཕྱག་རྒྱ་དང་། ཆ་ལང་ཆུང་ངུ་དང་། རྡོ་རྗེ་རྩེ་ལྔ་པ་དང་། རིན་པོ་ཆེའི་ཟ་མ་ཏོག་ནི་རིམ་བཞིན་དུ་སངས ་བསྒྲུབས་པ་སྟེ། མི་གནས་པའི་མྱ་ངན་ལས་འདས་པ་རྫོགས་པས་སྐུལ་པ་བཟང་པོ།། ཤིན་ཏུ་ཡོངསུ་མྱ་ངན་ལྔས་འདས་པ་ནི་ལྷག་མ་མེད་པའི་མྱ་ངན་ལས་འདས་པ་ཐོབ་པའོ།། དཔལ་ཕྱག་ན་རྡོ་རྗེ་ནི་ཧཱུ ་ཀའོ།། དམ་པའི་ནོར་མཆོག་སྡུད་པའི་ཕྱིར་ཞེས་བྱ་བ་ནི། རང་གི་ཏིང་ངེ་འཛིན་གྱི་སྟོབས་ཀྱིས་ནོར་ཆེན་པོ་སྡུད་པར་སྟོན་པའོ།། དཀའ་ཐུབ་ནི་ལུས་ཡོངསུ་གདུང་བའོ།། རྒྱལ་སྲོང་མཆོག་རྣམས་ཀུན་བསྡུས་པས་ཞེས་བྱ་བ་ནི་དྲུག་པོའི་སྤྱ་། ་དབང་ཕྱུག་གོ།། ཐུབ་པ་ནི་ཡ་མཚན་ཅན་རྣམསོ།། ཀུན་གྱི་སློབ་དཔོན་ནི་རྡོ་རྗེ་སེམས་དཔའི་རྣལ་འབྱོར་པ་སྟེ། ཇི་སྐད་དུ་དཔལ་རྡོ་རྗེ་སེམས་དཔར་སྦྱོར་བས། སངས་རྒྱས་ཀུན་གྱི་བདག་ཉིད་སྦྱོར།། སངས་རྒྱས་ཕྱག་རྒྱའི་བརྡ་ཡིས་ནི།། སློབ་དཔོན ་ཐམས་ཅད་ཅེས་བརྗོད་དོ་ཞེས་པས་སོ།། བདེ་བ་ཐམས་ཅད་ནི་རྡོ་རྗེ་སེམས་དཔའོ།། དེའི་བདག་ཉིད་ཀྱི་ངོ་བོ་ཉིད་དེ་སྒྲུབ་པའོ།། སློབ་མ་ལ་སོགས་པའི་ཞེས་པའི་སྒྲས་ནི་འདིར་བུ་ལ་སོགས་པ་རྣམསོ།། འཇུག་པས་ཞེས་པ་ནི་སློབ་མས་སོ།། ་གཡས་པ་ཡིས་ནི་ཞེས་བྱ་བ་ནི་ཡོན་ཐོགས་པས་སོ།། གསང་བའི་དེ་ཁོ་ན་ཉིད་བཤད་ནས་གཞུག་པར་བྱའོ།། ཀུན་ཏུ་སྣ་ཚོགས་བླ་མ་ལ་ཞེས་པའི་སྒྲས་ནི་དཀྱིལ་འཁོར་གྱི་རྡོ་རྗེ་སློབ་དཔོན་ནོ།། དེ་ནི་ཞེས་བྱ་བ་ནི་གཏང་དཀའ་བ་ལ་སོགས ་པའོ།། འདོད་གྱུར་པ་ནི་མངོན་པར་དགའ་བའོ།། སངས་རྒྱས་བྱང་ཆུབ་མཆོག་གི་ཡོན་ཞེས་པ་ནི་དཔལ་རྡོ་རྗེ་འཛིན་པའི་ཧེ་རུ་ཀའི་སྦྱོར་བ་གང་ཡིན་པ་དེའི་གོ་འཕང་ཐོབ་པ་སྟེ། ཡོན་གང་ཞིག་དཔལ་རྡོ་རྗེ་འཛིན་པ་ལ་སྦྱོར་བའི་ཡོན་དེས་སོ།། ་པདྨོ་ཅན་པདྨོའི་རིགས་ཀྱི་སློབ་པཔན་རྒྱལ།། ཤིན་ཏུ་བརྒྱན་པ་ཞེས་བྱ་བ་ནི་གླིང་མཆོག་རྒྱས་རྣམས་དང་ལྡན་པའོ།། ཅིའི་རྒྱལ་པོ་ཞེས་བྱ་བ་ནིཿམགྲིན་གྱི་དཀྱིལ་འཁོར་གྱི་སྒྲུབ་དཔོན་གྱུའོ།། སངས་རྒྱས་རིན་རྒྱུན་དབང་བསྐུར་བ་ཞེས་ན ་སངས་རྒྱས་ཉིད་རིན་པོ་ཆེ་སྟེ། དེས་དབང་བསྐུར་བའོ།། དེ་ཉིད་བསྟན་པའི་ཕྱིར། སྤྱི་བོ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ལྷའི་དབུ་རྒྱན་དང་། ཀ་པཱ་ལའི་ཕྲེང་བའི་དབུ་རྒྱན་གྱིས་ཐ~ཾད་ཀྱི་སློབ་དཔོན་དུ་དབང་བསྐུར་བྲི་ཕྱིར། ཐོབ ་པ་ཉིད་རིན་པོ་ཆེའམ། སངས་རྒྱས་ཉིད་དབུ་རྒྱུན་ནོ།། ཞེས་ཚིག་གིས་མཚམས་སྦྱོར་བར་བྱ་སྟེ། སྤྱི་བོར་དབུ་རྒྱན་འདི་ཉིད་འཆང་བའི་དབྱེ་བ་ནི་འདི་ཉིད་ཡིན་པར་ལྟ་བར་བྱའོ།། རིན་པོ་ཆེ་གཅིག་ལས་བྱས་པ་ནི་སངས་རྒྱས་གཅིག་གིས ་མཚན་པ་དང་། ཐོད་པ་གཅིག་གིས་མཚན་པའོ།། དེ་བཞིན་སྣ་ཚོགས་རྒྱན་གྱིས་སྤྲོས་ཞེས་པ་ནི་ཐམས་ཅད་དུ་ལོ་མ་དང་། ལྕུག་མ་སྣ་ཚོགས་པས་སྤེལ་བའོ།། དེ་ཉིད་གསལ་བར་བྱ་བའི་ཕྱིར་སངས་རྒྱས་ཞེས་བྱ་བ་ལ་སོགས་པ་གསུམ ་ཏེ། སངས་རྒྱས་ཀྱི་དབང་བསྐུར་བ་ནི་ཅོད་པན་ལ་སངས་རྒྱས་ཀྱིས་མཚོན་པའོ།། པདྨས་དབང་བསྐུར་བ་ནི་ཐེང་པྲཅོད་པན་ལེ་མཚན་པ་སྟེ། དེ་དག་གི་སློབ་མ་ཐམས་ཅད་ཀྱི་བདེ་བའི་མཆོག་ལ་སོགས་པའི་རྣལ་འབྱོར་མ་ཐམས་ཅད ་ཀྱི་དབང་བསྐུར་བའོ།། རིན་ཆེན་རྡོ་རྗེ་ཞེས་བྱ་བ་ནི་རིན་པོ་ཆེས་སྤྲས་པའི་རྡོ་རྗེའོ།། རྡོ་རྗེ་ཡིན་ཞེས་བྱ་བ་ནི་རྡོ་རྗེ་འབར་བས་མཚན་པའོ།། སངས་རྒྱས་སྐུ་ཞེས་བྱ་བ་ནི་འོད་དཔལ་མེད་ཀྱི་སྐུ་མཚན་པའོ།། ནེར་བུ་ཡིན་ཞེས་བྱ་བ་ནི་རྡོ་རྗེ་དང ་རྒྱུས་ཀུན་བརྗོད་མ་དང་། རྒྱན་ཅན་མ་དང་། ཀུན་ཏུ་བཟང་མོ་དང་། མེ་བཟང་བའི་ཟ་མཱ་ཏོག་མ་ཡའོ།། སངས་རྒྱས་ཀྱི་སྒྲ་གཟུགས་དང་། མ་ལོང་དང་། སྤྲིན་དང་བཅས་པའི་རྡོ་རྗེ་སྟེར་བ་དང་། མིག་གི་བྱུ ་རྒྱ་ནི་རིམ་བཞིན་དུ་སངས་རྒྱས་ཐམས་ཅད་ཡན་ལག་དང་ལྡན་མ་དང་། གཟུགས་མ་ཞལ་བཟང་མ་དང་། སྤྲིན་ཆེན་མོ་དང་། ན་མཁའི་སྤྱན་རྣམས་ཀྱིའོ།། རྡོ་རྗེ་འབར་བ་དང་། ཁ་ཊྭཱཾ་ག་དང་བཅས་པའི་ཐོད་པ་དང་། དམར་ཆེན་པོས ་ཁམ་ཕོར་བཀང་བ་ཡིན་པར་ཤེས་པར་བྱའོ།། སྙིང་རྗེ་ཆེན་པོ་ནི། སྙིང་གི་པདྨ་སྟེ། དེ་ཉིད་ནི་ཤ་ཆེན་མོ།། ཕྱག་རྒྱ་དེ་དག་ནི་དཔལ་ཧེ་རུ་ཀཽ་ཡཱིའོ།། མདའ་རྣོན་པོ་དང་། ལྕགས་ཀྱུ་དང་། ཆང་དང་ཆུ་རྣམས་ནི་རིམ་བཞིན་དུ་དཀར ་མོ་དང་། རྐུ་བྱེད་མ་དང་། རབ་རྨོངས་མ་དང་། རོ་ལངས་མ་ཡིའོ།། རླུང་གི་སྐྱོང་མའི་ལྕུག་མ་དང་། རས་དང་། འབར་བའི་མེ་རྣམས་ནི་རིམ་བཞིན་དུ་སྤོས་བྱེད་མ་དང་། གཏུམ་མོ་དང་། སྨེ་མ་ཡིའོ།། བཅོམ་ལྡན་འདས་པདྨ་གར ་གྱི་དབང་ཕྱུག་གི་ནི་སྣ་ཚོགས་པ་སྟེ། དམར་མོ་དང་ལྗང་གུ་དང་། དཀར་པོ་དང་། སེར་པོ་དང་ལེ་བརྒན་གྱི་པདྨའོ།། རྣམ་པར་ལྷ་མ་དང་། སྒྲོལ་མ་དང་། རྒྱ་ཅན་མ་དང་། ཁྲོ་གཉེར་མ་དང་། པད་མོ་ལ་གནས་མ་དང་། སྣ་ཚོགས ་པདྨའི་དབང་ཕྱུག་མ་རྣམས་ཀྱི་རིམ་བཞིན་དུ་པདྨའི་ཁར་ནི་ཀ་དང་ཁུ་ཚུར་དང་འཁོར་ལོས་རྩིབས་བརྒྱད་པ་དང་། མདུང་རྩེ་གསུམ་པ་དང་། ཆུ་སྲིན་གྱི་རྒྱལ་མཚན་དང་། རྡོ་རྗེ་རྩེ་ལྔ་པ་རྣམས་ཀྱིའོ།། བཅོམ་ལྡན་འདས་རྡོ་རྗེ་ཉི་མ ་ནི་གཞུ་དང་། མདའ་དང་། རལ་གྲི་དང་། ཉི་མའི་དཀྱིལ་འཁོར་རྣམས་སོ།། ལྷ་མོ་དབང་བསྐུར་མ་དང་། རིན་པོ་ཆེའི་གཏེར་དང་། རྒྱལ་མཚན་གྱི་མཆོག་དང་། མཆོད་པ་ཆེན་པོ་རྣམས་ནི་རིམ་བཞིན་དུ་རིན་པོ་ཆེ་ཅོད་པན་དང་། གཏེར ་གྱི་བུམ་པ་དང་། རྒྱལ་མཚན་དང་། ཆུན་འཕྱང་ལ་སོགས་པ་རྒྱན་ཐམས་ཅད་ཀྱི་བཀང་བའི་སྣོད་རྣམས་ཐོན་པར་ཤེ་ས་བྱའོ།། དཔལ་རྟ་མཆོག་གི་ནི་སྣ་ཚོགས་པདྨ་དང་། སྣ་ཚོགས་རྡོ་རྗེ་སྟེ། ཕྱག་རྒྱ་རྣམ་པ་གཉིས་སོ།། དཀྱིལ ་འཁོར་ཐམས་ཅད་ཀྱི་ཕྱག་རྒྱ་ཤེས་པའི་རྟོག་པ་སྟེ། རྟོག་པ་བདུན་པའི་འགྲེལ་པའོ།། །། མཆོད་པ་མེད་པར་དངོས་གྲུབ་མི་འབྱུང་བས་བཅོམ་ལྡན་འདས་མཆོད་པ་ཐམས་ཅད་མཉམ་པར་སྦྱོར་བ། དཔལ ་སྐུལ་བ་བཟང་པོ་དམོ་ཚིག་གི་རྟོག་པའི་ངོ་བོ་ཉིད་དུ་བསྟན་པར་བྱ་བའི་ཕྱིར། དེ་ནས་གཞན་ཡང་ཞེས་བྱ་བ་ལ་སོགས་པ་གསུངས་ཏེ། དེ་ནས་གཞན་ཡང་ཞེས་བྱ་བ་ནི་དཀྱིལ་འཁོར་གྱི་ཕྱག་རྒྱ་ཤེས་པའི་འོག་ཏུའོ།། རྡོ་རྗེ ་སེམས་དཔའ་དཔལ་གྱི་ལྷ་ནི་རྣམ་པར་སྣང་མཛད་ལ་སོགས་པ་ཡིན་པས། དཔལ་རྡོ་རྗེ་སེམས་དཔའ་དང་ལྷ་ནི་རྡོ་རྗེ་སེམས་དཔའ་དཔལ་གྱི་ལྷ་སྟེ། དེ་རྣམས་ཀྱི་རྣམ་པ་ཐམས་ཅད་དུ་ཀུན་ནས་སྣ་ཚོགས་ཤིང་མ་ལུས་པ་མཆོག ་ཏུ་གྱུར་པས་ན། རྣམ་པ་ཀུན་ཏུ་སྣ་ཚོགས་མཆོག་གོ།། མཆོད་པ་ཐམས་ཅད་རྣམ་སྤྲུལ་པའོ།། ཞེས་བྱ་བ་ནི་མཆོད་པ་ཐམས་ཅད་མངོན་པར་སྤྲུལ་པའོ།། དེ་ནི་འདི་སྐད་སྟོན་པར་འགྱུར་ཏེ། དཀྱིལ་འཁོར་དུ་འདུས་པ་ལ་སོགས་པའི ་ཡོ་བྱད་དང་། གཞན་དག་གིས་མཆོད་པའི་བར་དུ་རྫོགས་པར་བྱས་ལ། ཕྱག་བྱ་བའི་ཕྱག་རྒྱ་རྣམས་ཀྱིས་བྱ་བའོ།། དེའི་རིམ་པ་ཡང་འདི་ཡིན་ཏེ། དཔལ་བདེ་བའི་རྡོ་རྗེ་སེམས་དཔའ་ཞེས་བྱ་བའི་གླུ་དང་། རྡོ ་རྗེ་གར་བྱས་ལ་གཡོན་པའི་རྡོ་རྗེ་ཁུ་ཚུར་འགྱིང་བག་དང་བཅས་པས་རྡོ་རྗེ་དྲིལ་བུ་བཟུང་ལ། གཡས་པ་བ་ངན་གསུམ་པར་བྱས་ཏེ། གནས་ལ་སྲིང་ཞུར་བཅས་ཤིང་། གདེག་པའི་མཆོག་གིས་མིག་འགུལ་བ་དང་བཅས་པའི ་མགོ་གཡོན་དུ་བཏུང་ལ། ཨོཾ་ཨཱ་དི་བྷྲཱུཾ་ཧཱུཾ། ཞེས་བརྗོད་ལ་བསམ་པ་གཡོས་པས་བདག་ཉིད་ཀྱི་རྡོ་རྗེ་སེམས་དཔའ་ལ་ཕྱག་བྱའོ།། ཁེངས་པ་གཞན་དག་ཉིད་བསྟན་པར་བྱ་བའི་ཕྱིར། དྲག་པོ་ཞེས་བྱ་བ་ལ་སོགས་པ་གསུངས་ཏེ། ་ཉེ་དབང་བཅས་ཞེས་བྱ་བ་ནི་ཁྱབ་འཇུག་དང་བཅས་པའོ།། ཚུངས་པར་བཅུས་ཞེས་བྱ་བ་ནི་སྐྱེ་དགུའི་བདག་པོ་དང་བཅས་པའོ།། ལོགས་བྱས་ནས་ཞེས་བྱ་བ་ནི་བྱས་པའོ།། མཆོག་ཏུ་གསལ་བའི་ཆ་ཤས་གྲངས་ཀྱི་ཞེས་བྱ་བ་ལ ་སོགས་པའི་གླུ་དང་གར་བྱས་ལ་རྡོ་རྗེ་ཐལ་མོ་བསྐོར་ཏེ། ཨོཾ་ཨཱ་དི་བྷུ་ཨོཾ་ཞེས་བརྗོད་ལ་བསམ་པ་གཡོས་པས་ཕྱག་བྱའོ།། རྣམ་པ་སྣ་ཚོགས་ཞེས་བྱ་བ་ནི་གླུ་དང་རྡོ་རྗེ་གར་བྱས་ལ་ཧེ་རུ་ཀའི་ཁུ་ཚུར་ལས་མཐེའུ་ཆུང་མཆེ་བ་དང་དྲ ་བར་ཁར་བཞག་ལ། ཨོཾ་ཨཱ་དི་བྷུ་ཧ་ཧ་ཧ་ཧ་ཧ་རུ་ལུ་རུ་ལུ་ཧཱུཾ་ཞེས་བརྗོད་ལ་སྨིན་མ་གཡོས་པ་བཏེགས་པའི་ཚུལ་གྱི་རབ་ཏུ་རྒོད་པས་ཕྱག་བྱའོ།། ཐལ་མོ་པདྨོ་ཁ་དབུས་བཞིན་ཞེས་བྱ་བ་ནི་ཐལ་མོ་སྟོང་པར་བྱས་པས་པདྨོར ་བྱ་བའོ།། རང་གི་སྦྱོར་ལྡན་ཞེས་བྱ་བ་ནི་རང་གི་ལྷའི་སྦྱོར་བའོ།། པདྨ་དེ་ཉིད་བསྟན་པར་བྱ་བའི་ཕྱིར་མཐེ་བོང་མཐེ་ཆུང་ཞེས་བྱ་བ་ལ་སོགས་པ་གསུངས་ཏེ། མཐེ་བོང་མཐེ་ཆུང་འདབ་མ་བཞི་པའི་ཁ་གྱེན་པ་ལྟ་བུར་བྱས་པ་ནས་དེས་འདུས ་པ་སྟེ། མཐེ་བོང་མཐེ་ཆུང་འང་བོ་མ་བཞི་པ་བྱས་པ་འདུས་པར་བྱའོ།། དེས་ནི་འདི་སྐད་སྟོན་པར་འགྱུར་ཏེ། དེ་བཞིན་གཤེགས་པ་ཐམས་ཅད་ལ་སོགས་པ་ལ། རྣམ་པ་སྣ་ཚོགས་པ་ཞེས་བྱ་བ་ལ་སོགས་པ་ནི་གླུ་དང་རྡོ་རྗེ་གར་བྱས་ལ ་པདྨ་ཁ་འདུས་པའི་ཐལ་མོ་སྦྱར་ཏེ། མཐེ་བོང་གཉིས་དང་མཐེའུ་ཆུང་པདྨ་འདབ་མ་བཞི་པའི་ཕྱག་རྒྱ་སྙིང་གར་བཞག་ལ། ཨོཾ་ཨཱ་དྷི་བྷུ་ཨོཾ་ཞེས་བརྗོད་ལ་པདྨ་གར་གྱི་དབང་ཕྱུག་ལ་ཕྱག་བྱའོ།། སྲིད་གསུམ་རྒྱལ་སྲིད་ཀུན་གྱི་ཞེས ་བྱ་བ་ལ་སོགས་པའི་གླུས་རྡོ་རྗེ་གར་བྱས་ལ་པདྨ་ཁ་འབུས་པའི་ཐལ་མོ་སྦྱར་ཏེ། མཐེ་བོ་གཉིས་དང་མཐེའུ་ཆུང་པདྨ་འདབ་མ་བཞི་པའི་ཕྱག་རྒྱ་སྙིང་གར་གཞག་ལ། ཨོཾ་ཨཱ་དྷི་བྷྲཱུཾ་ཧྲཱིཿཞེས་བརྗོད་ལ་ཕྱག་བྱའོ།། དྲེགས་པ་སྟོང་གི་ཞེས ་བྱེ་བ་ལ་སོགས་པའི་གླུ་གར་བྱས་ལ། རྡོ་རྗེ་འགྱིང་ཐབས་འཛིན་པས། ཨོཾ་ཨཱ་དྷི་བྷུ་ཞེས་བྱ་བ་ལ་སོགས་པ་དང་། གཞན་དག་བརྗོད་ནས་མིགླ་བཙུམ་པ་དང་བཅས་པས་རྟ་མཆོག་ལ་ཕྱག་བྱའོ།། མཆོད་པའི་ཕྱག་རྒྱར་བསྟན་པར ་བའི་ཕྱིར། བར་གྱི་རྒྱུ་རྣམས་ཞེས་བྱ་བ་ལ་སོགས་པ་གསུངས་ཏེ། བྱ་བའི་ཞེས་བྱ་བ་ནི་བི་སྐམ་བྷི་ལ་སོགས་པའོ།། ཚུལ་སྟོན་ཅེས་པ་ནི་ཡན་ལག་ཅན་དང་། ཚིག་ཅན་དང་། ངོ་ཤལ་དང་། སེམས་དཔའ་ཞེས་བྱ་བ་བཞི་པོའོ།། ་འགྱེང་དང་བཅས་པ་ཞེས་བྱ་བ་ནི་སྟོང་པ་དང་བཅས་པའོ།། ཇི་ལྟའི་ཚུལ་བཞིན་གར་བྱེད་ཅིང་ཞེས་བྱ་བ་ནི་རྗེ་སུ་མཐུན་པའི་ལས་ལ་རབ་ཏུ་འཇུག་པའོ།། བསྐོར་བའི་བར་རྣམས་སྣ་ཚོགས་ཀྱིས་ཞེས་བྱ་བ་ནི ་སློབ་མ་ཐམས་ཅད་ཚོགས་པའི་གར་གྱིས་སོ།། མཆོད་པ་ཐམས་ཅད་ཅེས་བྱ་བ་ནི་དཀྱིལ་འཁོར་ཐམས་ཅད་ཀྱི་མཆོད་པ་ཆེན་པོའོ།། དེ་ཉིད་བསྟན་པར་བྱ་བའི་ཕྱིར་ལག་པ་གཡས་གཡོན་ཞེས་བྱ་བ་ལ་སོགས་པ་གསུངས་ཏེ། ་མཛེས་བསྒྱུར་ཏེ་ཞེས་བྱ་བ་ནི་འགྱིང་བག་དང་བཅས་པའི་མཆོག་གི་གར་རོ།། འདི་ཡིས་ཞེས་བྱ་བ་ནི་བཤད་མ་ཐག་པའོ།། ཕྱག་རྒྱས་བཏབ་ནས་ཞེས་བྱ་བ་ནི་དཔལ་བདེ་བ་ཆེན་པོ་རྡོ་རྗེ་སེམས་དཔའ་ཞེས་བྱ་བ་ལ་སོགས་པའི ་གླུ་དང་གར་སྔོན་དུ་བྱས་པས་གཡོན་པའི་མཛུབ་མོ་ཁུ་ཚུར་བཅངས་ལ། གཡས་པས་བ་དྲན་གསུམ་པར་བྱས་པའམ། དཔལ་རྡོ་རྗེ་སེམས་དཔའི་ཕྱག་རྒྱ་ཆེན་པོ་དང་། ཡི་གེ་ཧཱུཾ་གིས་གླུས་ཡང་དག་པར་མཆོད་ལ་འདེག ་པར་བྱའོ།། ད་ནི་བདེ་བའི་མཆོག་ལ་སོགས་པའི་སྦྱོར་བས་མཆོད་པ་སྟེ། དེ་ཡི་ཞེས་བྱ་བ་ནི་བླང་བའི་ཕྱག་རྒྱས་སོ།། བཏེག་ནས་སུ་ཞེས་པ་ནི་ངེས་པར་བཅིང་བའི་སྦྱོར་བས་སོ།། སྤྱི་བོའི་མཚམ་སུ་ཞེས་བྱ་བ་ནི་སྙིང ་ཁར་གྱེན་དུ་བལྟ་བར་བཞག་པར་བྱའོ།། གཞག་པོར་བྱ་བ་ཞེས་བྱ་བ་ནི་ཐལ་མོ་སྦྱར་བ་བརྟན་པར་བྱས་ཏེའོ།། འགྲམ་པའི་ཕྱོགསུ་ཡོངས་བསྒྱུར་ན་ཞེས་བྱ་བ་ནི་གར་སྔོན་དུ་འགྲོ་བས་འགྲམོ་པ་གཉིས་ཀྱི་ཕྱོགསུ་བསྐོར་བའོ།། ་ཐམས་ཅད་འབེབས་པའི་གར་བྱེད་པ་ཞེས་བྱ་བ་ནི། ཇི་ལྟར་རང་ཉིད་བདེ་བའི་མཆོག་ལ་སོགས་པའི་ལྷ་མོ་ཐམས་ཅད་ཀྱི་ཕྱག་རྒྱ་ཆེན་པོ་དང་རབ་ཏུ་ལྡན་པར་གར་བྱེད་པའོ།། དེ་ནས་ཞེས་བྱ་བ་ནི་གོང་མ་དང་འབྲེལ་པའོ།། མཆོ ་པ་ཐམས་ཅད་ཅེས་བྱ་བ་ནི་བདེ་བའི་མཆོག་ལ་སོགས་པའི་ལྷ་མོ་རྣམས་ཀྱི་ཕྱག་རྒྱ་ཆེན་པོའི་མཆོད་པའོ།། དབུལ་བར་བྱ་ཞེས་བྱ་བ་ནི་བརྟན་པར་བྱའོ།། རྣམ་པར་སྣང་མཛད་ཀྱི་མཆོད་པ་བསྟན་པར་བྱ་བའི་ཕྱིར་ལག་པ ་གཡས་གཡོན་ཞེས་བྱ་བ་ལ་སོགས་པ་གསུངས་ཏེ། འཇིག་རྟེན་ཁམས་སམ་རྡུལ་ཕྲན་གྲངས་སྙེད་ཞེས་བྱ་བ་ལ་སོགས་པའི་གླུ་དང་། རྡོ་རྗེ་གོར་བྱས་ཏེ། རྡོ་རྗེ་ཐལ་མོ་གཡོན་ནས་བསྐོར་བ་ལེགས་པར་བྱས་ལ་ཡི་གེ ་ཨོཾ་གྱི་གླུ་དང་། བཅོམ་ལྡན་འདས་རྣམ་པར་སྣང་མཛད་སངས་རྒྱས་ཀུན་བརྗོད་མ་ལ་སོགས་པའི་ཕྱག་རྒྱ་ཆེན་པོ་རྣམས་ཀྱིས་མཆོད་དེ། ཧེ་རུ་ཀའི་མཆོད་པ་བསྟན་པར་བྱ་བའི་ཕྱིར། ལག་པ་གཡས་གཡོན་ཞེས་བྱ་བ ་ལ་སོགས་པ་གསུངས་ཏེ། རྣམ་པ་སྣ་ཚོགས་ཞེས་བྱ་བ་ལ་སོགས་པའི་གླུ་དང་། དཀར་མོ་ལ་སོགས་པོ་དང་ཡང་རོམ་བཞིན་དུ་གར་བྱ་སྟེ། རྡོ་རྗེ་ཐལ་མོ་གྱེན་དུ་བཀྲོལ་པོ་བཅིང་བ་སྔོན་དུ་འགྲོ་བས་ཧེ་རུ་ཀ་དཀར་མོ་ལྀ ་སོགས་པའི་ཕྱག་རྒྱ་ཆེན་པོ་རྣམས་དང་། ཧ་ཧ་ཧ་ཧ། རུ་ལུ་རུ་ལུ་ཧཱུཾ་ཞེས་བྱ་བའི་རྡོ་རྗེ་གང་རྒྱངས་བྱེད་ཅིང་མཆོད་པ་བྱའོ།། པདྨ་གར་གྱི་དབང་ཕྱུག་ནི། དེ་བཞིན་གཤེགས་པ་ཀུན་ཅེས་བྱ་བ་ལ་སོགས་པ་རྣམ་པར་ལྟ་བའི་གླུ་དང ་གཱར་སྔོན་དུ་འགྲོ་བས་ཡི་གེ་དེའི་གླུས་གཡས་དང་གཡོན་གྱི་ཐལ་མོ་བརྡེབས་ཤིང་། པདྨོ་གར་གི་དབང་ཕྱུག་ལ་རྣམ་པར་ལྷ་མོ་སོགས་པའི་ཕྱག་རྒྱ་ཆེན་པོ་རྣམས་ཀྱིས་མཆོད་དོ།། རྡོ་རྗེ་ཉི་མ་ནི་ཁམས ་གསུམ་ཀུན་གྱི་རྒྱལ་སྲིད་ཅེས་བྱ་བ་ལ་སོགས་པའི་གླུ་དང་། དབང་བསྐུར་བ་ལ་སོགས་པའི་སྔོན་དུ་འགྲོ་བས་ཐལ་མོ་སྦྱར་ལ། མཐེབ་མོ་དང་མཛུབ་མོ་བཀུག་པའི་སྦྱོར་བས། རིན་པོ་ཆེའི་ཐལ་མོ་སྦྱར་བ་བཅིངས་ལ། ཡི ་གྲེ་དྷཱི་ཡི་གླུས་རྡོ་རྗེ་ཉི་མའི་དབང་བཀུར་བ་ལ་སོགས་པའི་ཕྱག་རྒྱ་ཆེན་པོ་རྣམས་ཀྱིས་རྡོ་རྗེ་ཉི་མ་མཆོད་དོ།། རྟ་མཆོག་ཀྱང་མོས་བྱེད་སྟོང་པ་ཞེས་བྱ་བ་ལ་སོགས་པ་རང་གི་ལྷ་མོའི་གླུ་དང་རིམ་བཞིན་དུ་གར་བྱས་ལ་བདག ་ཉིད་ཇི་ལྟ་བར་དཀྱིལ་འཁོར་གྱི་མཆོད་པའི་ཕྱག་རྒྱ་བཅིངས་ལ། ཇི་ལྟར་འདོད་པར་སྙིང་པོ་གཞན་གང་ཡང་རུང་བས་རྟ་མཆོག་ལ་སོགས་པའི་ཕྱག་རྒྱ་ཆེན་པོ་རྣམས་ཀྱི་མཆོད་པར་བྱའོ།། ཇི་སྐད་མེ་ཏོག་ལ་སོགས་པའི་མཆོད ་པ་བྱས་ཏེ། ཞེས་བཤད་པའི་མེ་ཏོག་ལ་སོགས་པའི་མཆོད་པ་དེའི་ཕྱག་རྒྱ་བསྟན་པའི་ཕྱིར་གྱེན་དུ་འཐོར་ཞིང་ཞེས་བྱ་བ་ལ་སོགས་པ་གསུངས་སོ།། དེ་ནི་འདི་སྐད་སྟོན་པར་འགྱུར་ཏེ། བདག་ཉིད་ཇི་ལྟར་སྔར་བཤད་པའི ་མཆོད་པའི་ཕྱག་རྒྱས་གྱེན་དུ་འཐོར་བ་ལ་སོགས་པར་སྦྱར་བར་བྱའོ།། གོང་མཾ་ཞེས་བྱ་བ་ནི་མེ་ཏོག་ལ་སོགས་པའི་ཡོ་བྱད་དང་ལྡན་པའོ།། སྟོང་པ་ནི་དེ་མེད་པའོ།། ཡང་ན་ཅི་འབྱོར་པ་ནི། དེ་རྣམས་ལས་སྤྱིར་གང་ཡང ་རུང་བ་སྐྱེད་པའོ།། དམ་ཚིག་མཉམ་པ་ནི་ལྡན་པའོ།། སྒྲུབ་པ་ནི་ལྷ་བསྒྲུབ་པ་སྟེ། སྙིང་པོ་རྣམས་དང་ཕྱག་རྒྱ་དང་སྒོམ་པ་སྔོན་དུ་འགྲོ་བས་སོ།། མཆོད་པའི་མཆོག་ཐམས་ཅད་ཀྱི་མཆོད་པ་བྱས་པའོ།། མཉམ་པར་སྦྱོར་བ་ནི་ཡང་དག ་པར་འབྱོར་པའོ།། དེ་བདག་ཉིད་བསྒྲུབས་པས་ན། སྐལ་པ་བཟང་པོ་སྟེ་རྡོ་རྗེ་སེམས་དཔའོ།། དམ་ཚིག་ནི་རྗེ་སུ་མི་འདའ་བ་ཉིད་དོ།། དེ་སྟོན་པའི་ཚིག་དེ་ནི་རྟོག་པ་ཞེས་བྱའོ།། མཆོད་ཐམས་ཅད་མཉམ་པར་སྦྱོར་བ་དཔོལ་སྐལ་པ་བཟང ་པོའི་རྟོག་པ་སྟེ། རྟོག་པ་བརྒྱད་པའི་འགྲེལ་པའོ།། ། རྣལ་འབྱོར་པ་རྣམས་ཀྱི་དཀྱིལ་འཁོར་ལ་སོགས་པ་བསྒྲུབས་པས་བདག་དང་གཞན་གྱི་དོན་རྫོགས་པར་གྱུར་པ་ཡང་རོལ་མོ་དང་བཅས་པའི་ཕྱག་རྒྱ་ཤེས་པ་དང་ལྡན ་དགོས་པས། བཅོམ་ལྡན་འདས་ཀུན་ཏུ་སྣ་ཚོགས་ཀྱི་དམ་ཚིག་གི་བདག་ཉིད་དུ་བསྟན་པར་བྱ་བའི་ཕྱིར། དེ་ནས་གཞན་ཡང་ཞེས་བྱ་བ་ལ་སོགས་པ་གསུངས་ཏེ། དེ་ལ་ཆོས་ཀྱི་དཀྱིལ་འཁོར་ལ་སོགས་པར་བདག་ཉིད་བསྒྲུབས་པས ་སོ་སོའི་ཁ་དོག་དང་འདུག་ཐབས་དང་། ཕྱག་མཚན་དང་། ཕྱག་རྒྱ་ཇི་ལྟ་བ་དང་ལྡན་པས། རྡོ་རྗེ་སེམས་དཔའ་ལ་སོགས་པའི་ཕྱག་རྒྱ་ཆེན་པོ་བཞག་ལ་བསྒོམ་པར་བྱའོ།། ཐམས་ཅད་འབྱུང་བ་ཕྱག་རྒྱ་ཞེས་པའི་བར་དུ་བསྟན་པ་འདི་ཡིན། ་ཏེ། བདེ་བ་ཀུན་ལ་ནི་བདེ་བ་དང་ཡིད་བདེ་བ་བླ་ན་མེད་པའོ།། ངེས་ཞེས་ཞེན་པ་ནི་དམར་བའོ།། དེ་བས་ན་དངོས་གྲུབ་ཐམས་ཅད་རྣམ་པར་དག་པའི་ཕྱིར་ཏེ། བྱང་ཆུབ་ཀྱི་སེམས་རྣམ་པར་དག་པའོ།། རྒྱུ་དེ་གཉིས་ཀྱིས་ན་ཟླ་བ་ཡོངསསུ་རྫོགས་པ ་ལ་འུ་དང་། སྐུ་རྩ་དམར་བའོ།། གདུལ་བྱ་ཐམས་ཅད་ལ་ཆགས་པ་ནི། འདོད་ཆགས་ཀུན་ཏེ། ཐུགས་རྗེ་ཆེན་པོའི་དེས་རྗེ་སུ་ཆགས་ཤི་དགའ་བར་བྱེད་ལ། རྒྱུ་དེས་ན་དམར་པོ་སྣ་ཚོགས་འབར་བའི་འོད་སྟེ། ཁ་དོག ་དམར་བའི་རི་མོ་དུ་མ་མ་པ་སྣ་ཚོགསུ་འབར་བའི་འོད་གང་ལ་ཡོད་པའི་ཚིག་གིས་མཚམས་སྦྱར་ཏེ། དམར་པོ་དང་། ལྗང་གུ་དང་། སྔོན་པོ་དང་། སེར་པོ་དང་། དཀར་པོ་རྣམས་ནང་དུ་རྡུལ་ཕྲན་བཞིན་དུ་མཆོག་ཏུ་འབར་བར་གྱུར་པའི་འོད ་ཀྱི་དཀྱིལ་འཁ་ངམ་ས་བྱ་བའི་བར་དུའོ།། སངས་རྒྱས་རིན་ཆེནྡ་ནི་ཐམས་ཅད་ཀྱི་མཆོག་ཏུ་གྱུར་པའི་སངས་རྒྱས་ལྔའི་ཅོད་པན་དང་ལྡན་པའོ།། གཞན་གྱི་ནོར་མིན་ཞེས་པ་ནི་གཞན་ལ་མེད་པའོ།། ལྷ་ཡཱི་ཆུ་ནི་སྟོང་པ་ཉིད་ཀྱི་ཡེ་ཤེས་ཏེ། ་དེས་དགའ་བའོ།། ས་བྱ་བ་ནི་བསོད་ནམས་དང་ཡེ་ཤེས་ཀྱི་ཆེ་བའི་བདག་ཉིད་ཀྱིས་སོ།། ངོ་བོ་དག་ནི་རང་གི་ལྷག་པའི་བསམ་པའི་བདག་ཉིད་ཀྱི་སྨོན་ལམ་གྱི་བར་གྱིས་སོ།། རང་བཞིན་གྱིས་ནི་དེ་གྲུབ་པའོ།། ཞེས་བྱ་བ་ནི་ལྷུན ་གྱིས་ཡོངས་ས་ནི། ཐོས་པའི་ཕྲེང་བའི་དབུ་རྒྱན་དང་། སངས་རྒྱས་ཀྱི་གཙུག་གི་ནོར་བུ་དང་། ཁ་ཊྭཱཾ་ག་ཡང་སེམས་ཅན་རྣམས་གདུལ་བ་ལ་དབང་བས་ཀུན་ནས་ཉོན་མོངས་འཇིག་རྟེན་དབང་ཕྱུག་སྟེ། ཀུན་ནས་ཉོན་མོངས ་བ་ཅན་གྱི་འཇིག་ན་མས་དབང་དུ་བྱེད་པ་གྲུབ་པ་མོས་དཔལ་རྡོ་རྗེ་སེམས་དཔའ་དང་ཡང་དག་པར་སྦྱོར་བ་གང་ཡིན་པ་དེ་ནི་རྡོ་རྗེ་སེམས་དཔའ་དཔལ་སྦྱོར་བ་སྟེ། སྦྱོར་བ་དང་རྗེསུ་སྦྱོར་བས་གནས་པའོ།། ལྷ་མོ་ཀུན་དང་འདུས་པ་ཡིད ་ཞེས་པ་ནི་ཤིན་ཏུ་སྦྱོར་བ་བསྟན་པར་གྱུར་པ་སྟེ། དེ་ཉིད་ཀྱིས་ན་ཀུན་ཏུ་སྣ་ཚོགས་སྐལ་བཟང་པོའོ།། མཁའ་འགྲོ་མ་ནི་ཐམས་ཅད་གྲུབ་ཅེས་པ་ནི། རྣལ་འབྱོར་ཐམས་ཅད་ཀྱི་བདག་ཉིད་རྡོ་རྗེ་སེམས་དཔའ་རབ་ཏུ་གྲུབ་པའོ།། རྒྱས་བཏབ ་པ་ནི་རྒྱས་འདེབས་མོའོ།། རྨོངས་པར་བྱས་པ་ནི་རྨོངས་བྱེད་མས་སོ།། བསླང་བ་ནི་ཚེ་འཕེལ་མས་སོ།། ཕྱག་རྒྱ་འདི་ཡིས་ཞེས་པ་ནི་རྡོ་རྗེ་སེམས་དཔའི་ཕྱག་རྒྱས་སོ།། རབ་ཏུ་དགའ་བ་ལ་རབ་ཏུ་སྦྱོར་བ་ནི་སྦྱོར་བ་དང་རྗེསུ་སྦྱོར་བའི་མཚན་ཉིད ་ཀྱིས་ཤིན་ཏུ་སྦྱོར་བས་མཆོག་ཏུ་དགོའ་བ་ལ་རྗེསུ་སྦྱོར་བའོ།། དེས་བདག་ཉིད་བསྒྲུབས་པས་སྐུལ་པ་བཟང་པོར་གྱུར་པ་དཔལ་རྡོ་རྗེ་སེམས་དཔའི་ངོ་བོ་ཉིད་གང་ཡིན་པ་དང་བདེ་བའི་མཆོག་གང་ཡིན་པ་དང་། བདེ་བའི་མཆོག་གང་ཡིན ་པའི་མཐར་ཐུག་པར་གྱུར་པ་ནི་རོལ་པ་རྫོགས་པའོ།། གཡས་དང་གཡོན་གྱི་སྦྱོར་བ་ཡིས་ཞེས་པ་ནི་རྐང་པ་གཡས་པ་གཡོན་པ་མནན་པའི་སྦྱོར་བ་དེ། དེས་བདེ་བ་ལུགས་དེ་ཅི་ལྟར་བདེ་བར་རོ།། ད་ནི་བདེ་བའི་མཆོག་ལ་སོགས་པའི ་ཕྱག་རྒྱ་ཆེན་པོ་རྣམས་བསྟན་པར་བྱ་བའི་ཕྱིར། ཟླ་བའི་ཁ་དོག་ཅེས་བྱ་བ་ལ་སོགས་པ་གསུངས་ཏེ། ཟླ་བའི་ཁ་དོག་འཛུམ་པ་ནི་གང་གི་ཞལ་ཟླ་བོའི་དཀྱིལ་འཁོར་ལྟ་བུ་ཡོད་པ་ནི་ཟླ་བའི་ཁ་དོག་འཛུམ་པའི་ཞལ་ལོ།། དངོས་གྲུབ ་གྲུབ་ཐམས་ཅད་དག་པ་དང་ཞེས་བྱ་བ་ནི། བྱང་ཆུབ་ཀྱི་སེམས་རྣམ་པར་དག་པའོ།། ཐུག་རྗེ་ཆེན་པོ་རྣམ་པར་དག་པས་ཀྱང་བརླའི་དབུས་ན་དམར་ལ་དཀར་བའོ།། ཕྱག་མཆོག་ལོ་མ་སྔོན་པོ་འདྲ་ཞེས་པ་ནི་ཕྱག་དང་མཆོག་ཡིན་ལ།། ལོ་མ ་དང་སྔོན་པོ་ནི་ལོ་མ་སྟོན་པོ་སྟེ། རིམ་བཞིན་དུ་ཕྱག་དང་མཆག་ལོ་མ་དང་སྔོན་པོ་འདྲ་བ་དེ་ལ་དེ་སྐད་ཅེས་བྱ་སྟེ། ཕྱག་གི་མདོག་ནི་སྔོ་ལ་རྩེ་མོ་ནི་ལོ་མའི་མདོག་ཅན་ནོ།། ཞེས་བྱ་བའི་བར་དུའོ།། ཅིའི་ཕྱིར་ཞེ་ན། ་བཞིན་བདེ་བའི་དབང་ཕྱུག་ཞེས་བྱ་བ་སྟེ། རྡོ་རྗེ་སེམས་དཔའ་བདེ་བའི་དབང་ཕྱུག་ལ་དབང་ཐོབ་པའོ།། དེ་ཉིད་ཀྱི་བདེ་བ་བསྐྱེད་པའི་རེག་པ་ནི་བདེ་བའི་རེག་པ་སྟེ། འདི་ལ་དབང་ཐོབ་པའོ།། དཀར་ཞིང་སེར་བའི་བརླ་དང་། ཞེས་པ་ནི་འོག་ཏུ ་མདོག་ད། བ་ཉིད་དོ།། དེ་ཉིད་ནི་ལྷ་རྫས་སྣ་ཚོགས་ཁ་དོག་སྟེ་ཁ་དོག་ལྔ་པའོ།། ཁ་དོག་དཀར་པོ་ལ་སོགས་པ་ཇི་ལྟར་བསྟོན་པ་རྣམས་ལྷ་མོ་བཞི་པོ་དེ་རྣམས་ཀྱི་སོ་སོ་ཡིན་པར་ཤེས་པར་བྱ་བ་འམ་ཞེ་ན། དེ་དག་ནི་སྤྱིར་ཡན་ལག་ཐ ་ཅད་ཀྱི་སྒོ་ནས་ཁ་དོག་ལ་སོགས་པ་བསྟན་པ་ཡིན་ནོ།། འབར་བ་སྣ་ཚོགས་འབར་བའི་འོད་ཅེས་པ་ནི་འབར་བ་སྣ་ཚོགས་པ་རྣམས་ཀྱིས་ཀུན་ཏུ་ཁྲུགས་པའི་འོད་དང་ལྡན་པ་གང་ཡིན་པ་དེ་སྐད་ཅེས་བྱའོ།། པདྨོ་སྣ་ཚོགས་ལ་གནས ་པས་ཞེས་པ་ནི་སྟན་གང་ཡིན་པ་དེ་ནི་སྣ་ཚོགས་པདྨ་ལ་གནས་པའི་ཐམས་ཅད་དག་པར་རབ་ཏུ་གནས་ཞེས་པ་ནི། ཆོས་ཐམས་ཅད་རང་བཞིན་གྱིས་རྣམ་པར་དག་པ་ལ་དམིགས་པའི་ཡེ་ཤེས་ཐམས་ཅད་དག་པ་སྟེ། དོན་དམ་པར ་དེའི་ངོ་བོ་ཉིད་དུ་གྱུར་པས་ན་ཐམས་ཅད་དག་པ་ལ་རབ་ཏུ་གནས་པའོ།། ཡང་ན་ཐམས་ཅད་དག་པ་ནི་རྡོ་རྗེ་སེམས་དཔའ་སྟེ། དེ་རབ་ཏུ་གནས་པ་ནི་དེ་དང་འབྲེལ་པའོ།། སངས་རྒྱས་ཏེ་ཞེས་བྱ་བ་ནི་སངས་རྒྱས་གཅིག་གིས་དབང ་བསྐུར་བའོ།། པདྨ་ཞེས་བྱ་བ་ནི་ཐོད་པ་གཅིག་གིས་དབང་བསྐུར་བའོ།། དེ་ལ་སོགས་པའི་རིན་པོ་ཆེ་མཆོག་ལ་སོགས་པའི་གང་ཡིན་པ་དེ་རྣམས་ལ་དེ་སྐད་ཅེས་བྱ་བ་སྟེ། སངས་རྒྱས་དང་པདྨ་ལ་སོགས་པའི་རིན་པོ་ཆེ་མཆོག་རྣམ ་སྣ་ཚོགས་པའི་རྒྱན་དང་། གོས་ཡོག་པ་གང་ཡིན་པ་དེ་ནི་སངས་རྒྱས་པདྨ་ལ་སོགས་མཆོག། རིན་ཆེན་པདྨ་རྒྱན་དང་གོས་ཞེས་བྱའོ།། སངས་རྒྱས་ཐམས་ཅད་འདུས་པ་ཡི་ཞེས་པ་ནི། སངས་རྒྱས་ཐམས་ཅད་ཡིན་པ་ངན་སངས ་པདྨ་ལ་སོགས་མཚང་།། རན་ཆེན་པདྨ་རྒྱུན་དང་གས་ཞེས་བྱའོ།། སངས་རྒྱས་ཐམས་ཅད་འདུས་པ་ཡ་ཞེས་པ་ན། སངས་རྒྱས་ཐམས་ཅད་འདུས་པར་གྱུར་པ་སྟེ། དེས་མི་མཇེད་ལ་སོགས་པ་ཀུན་ནས་ཉོན་མོངས་པ་ཅན་གྱི ་འཇིག་རྟེན་གྱི་ཁམས་རྒྱན་བཞིན་དུ་གྱུར་པའོ།། བྱ་བ་དང་ནི་ཞེས་པོ་ནི་འདིར་ལྷོད་པར་འཛིན་པར་གྱུར་པའོ།། ཟློག་པ་ནི་རང་གི་སྙིང་གང་གཏོད་པའི་ཚུལ་གྱིས་གཞུང་བཟུང་ནས་བདེ་བ་དང་ཡིད་བདེ་བ་ལ་སོགས་པས་མཉམ་པ་དང་མི་མཐུན ་པའི་ཕྱོགས་བཟློག་པའོ།། འཕྲོག་མ་ནི་ལག་པ་གཡས་པ་བརྐྱང་ཞིང་གཡོན་པ་བསྐུམ་པ་ལ་སོགས་པའོ།། བདག་ལ་འཁྱིད་པའི་ཕྱག་རྒྱ་ཡིས་ཞེས་པ་ནི་གཡོན་འགྱིང་བས་སོ།། ཡན་ལག་ཐམས་ཅད་འཕྲོག་པ་ནི། ཡན་ལག ་ཐམས་ཅད་ཀྱི་བྱ་བའོ།། གྲུབ་པ་ནི་རབ་ཏུ་གྲུབ་པ་སྟེ། མཁས་པའི་བར་དུའོ།། འདི་སྐད་སྟོན་པར་འགྱུར་ཏེ། བྱ་བ་ལ་སོགས་པ་ལ་མཁས་པར་སྤྱོད་པས་གཡོན་པ་འགྱིང་བས་གཞུ་བཟུང་ལ། ལག་པ་གཡས་པས་མདའ་འདྲེན་པའི ་ཚུལ་གྱིས་གནས་པའོ།། མཆོག་ཏུ་དགའ་བ་ལ་རབ་ཏུ་སྦྱོར་བས་སྐལ་པ་བཟང་པོ་དཔལ་རྡོ་རྗེ་སེམས་དཔའ་ལ་བདེ་བའི་མཆོག་གི་མངའ་དང་གཞུས་བདེ་བའི་མཆོག་གིས་མཐར་ཐུག་པར་བྱས་པ་ནི་རོལ་པ ་ཞེས་བྱ་བའོ།། ཨེ་མའོ་བདེ་བའི་ཕྱག་རྒྱ་ཆེན་པོ་བསྟན་པའི་ཕྱིར། རྣམ་པ་སྣ་ཚོགོས་ཞེས་བྱ་བ་ལ་སོགས་པ་གསུངས་ཏེ། རྣམ་པ་སྣ་ཚོགས་པའི་དམ་ཚིག་ནི་སྤྲུལ་པ་སྣ་ཚོགས་པས་མཚན་པ་གང་ཡིན་པ་རྡོ་རྗེ་སེམས་དཔའ་དེ་ལྟ་དེ ་སྐད་ཅེས་བྱ་སྟེ། རྣམ་པ་སྣ་ཚོགས་པའི་དམ་ཚིག་ལ་ཞེན་པོས་ཆགས་པར་གྱུར་པའོ།། བདེ་བ་དེས་ན་དེ་ལ་འབབ་ཅོང་གཞན་གྱི་རྒྱུད་དེ་ལ་རབ་ཏུ་འཇུག་པའོ།། བདག་ལ་འཁྱུད་པའི་ཕྱག་རྒྱ་ནི་གཡོན་འགྱིང་བ་སྟེ། དེ་ཉིད་མཆོག་ཡིན ་པས་གང་གི་དབུས་ཀྱི་ལྷ་མཆོག་ཆེན་པོ་དེ་ལ་འཁྱུད་ནས་གནས་པ་ནི། དབུས་ཀྱི་ལྷ་མཆོག་ཆེན་པོ་སྟེ། ཚིག་སྔ་མའི་ཁྱད་པར་གྱིས་ན་དེའི་སྐྱེས་བུའི་མཚམས་སྦྱར་བ་སྟེ། གཡོན་པས་ནི་བགྱིང་བག་གིས་བྷ་ག་དང་ལིང་ག་འཛིན་ལ ་གཡས་ཀྱིས་ནི་བདག་པོ་ལ་དགའ་བས་འཁྱུད་པའི་བར་དང་། གདན་གཅིག་ན་འདུག་པའོ།། བདེ་ཆེན་དབང་ཕྱུག་ནི་བདེ་བ་ཆེན་པོ་ལ་དབང་བྱེད་པ་སྟེ། རྡོ་རྗེ་སེམས་པའོ།། མཆོག་ཏུ་དགའ་བ་ནི་ཤིན་ཏུ་སྦྱོར་བའི་ངོ་བོ་ཉིད་བཅོམ་ལྡན་འདས ་རྡོ་རྗེ་སེམས་དཔའ་ལ་དམ་ཚིག་གིས་འཁྱུད་པ་ཡིན་ལ། དེས་ན་བདེ་བའི་མཆོག་སྟེ། བདེ་བ་དེའི་མཐར་ཐུག་པ་ནི་རོལ་པ་ཞེས་བྱའོ།། སྒྲོན་མའི་ཕྱག་རྒྱ་ཆེན་པོ་བསྟན་པར་བྱ་བའི་ཕྱིར། སེ་རལ་ཁ་ཞེས་བྱ་བ་ལ་སོགས་པ་གསུངས་ཏེ། ་སེ་རལ་ཁའི་ཚུལ་དག་ཏུ་ཞེས་པ་ནི་ཚངས་པའི་སྐུད་པ་ཐོགས་པའི་ཚུལ་གྱིས་སོ།། རྡོ་རྗེ་རྩེ་གསུམ་པས་རྩེ་མོར་མཚན་པའི་ཁ་ཊྭཱཾ་གའི་རྡོ་རྗེ་ཁ་ཊྭཱཾ་ག་ཏེ། དེའི་ལག་པ་གཡོན་པས་ཐོད་པ་དང་བཅས་པར་འཛིན་པའོ།། པདྨ་ཁྲོ་བོ་ལ ་སྣ་ཚོགས་རྡོ་རྗེ་ཞེས་པ་ནི་རྡོ་རྗེ་རྩེ་བཅུ་གཉིས་པ་དང་བཅས་པར་འཇོག་པས་ན་པད་བཅས་རྡོ་རྗེ་རྒྱ་གྲམ་མཆོག་གོ།། དེ་ཉིད་ནི་བདག་ལ་འཁྱུད་པའི་ཕྱག་རྒྱ་སྟེ། གཡས་བསྙེམས་པ་དང་། པདྨ་དང་བཅས་པའི་རྡོ་རྗེ་རྒྱ་གྲམ་དང་། བདག ་ལ་འཁྱུད་པའི་ཕྱག་རྒྱ་ཡིས་ཞེས་མཚམས་སྦྱོར་བ་སྟེ། ཕྱག་གཡས་འགྱིང་བ་དང་བཅས་པས་སྣ་ཚོགས་རྡོ་རྗེ་འཛིན་ཅིང་ཕྱག་གཡོན་གྱིས་སེ་རོལ་ཁའི་ཚུལ་དུ་རྡོ་རྗེ་ཁ་ཊྭཱཾ་ག་བཟུང་སྟེ། གཞུགས་པའི་བར་དུའོ།། མཆོག་ཏུ་དགའ ་བ་ལ་རབ་ཏུ་སྦྱོར་བ། སྐལ་བ་བཟང་པོ་དཔལ་རྡོ་རྗེ་ནི་ཁ་ཊྭཱཾ་གའི་གཟུགས་ཅན་རྡོ་རྗེ་སེམས་དཔའ་སྟེ། དེ་དང་ལྡན་པས་ན་དེ་ཡང་དག་པར་བསྒྲེང་བའོ།། དེས་ན་བདེ་བའི་མཚིག་རོལ་པ་ཞེས་བྱའོ།། ཤྲཱི་ཤིའི་ཕྱག་རྒྱ་ཆེན་པོ་བསྟན ་པར་བྱ་བའི་ཕྱིར། རྫོགས་སངས་རྒྱས་ཀྱི་ཞེས་པ་ལ་སོགས་པ་གསུངས་ཏེ། རྫོགས་པའི་སངས་རྒྱས་ནི་ཚེ་དཔག་ཏུ་མེད་པའོ།། གྲུབ་པ་ནི་བཞུགས་པ་སྟེ། བམ་པོར་ཞེས་པ་ནི་ཀཱ་པཱ་ལ་གོང་ལ་རྫོགས་པའི་སངས་རྒྱས་བཞུགས ་པའོ།། བདག་ལ་འཁྱུད་པའི་ཕྱག་རྒྱ་ནི་གཡོན་བསྙེམས་པས་སོ།། དབུས་ཀྱི་ལྷ་མཆོག་ཆེན་པོ་ཞེས་བྱ་བ་ནི། དེ་བཞིན་དུ་གཡོན་དཀུར་བསྟན་པས་ཁམ་ཕོ་ར་ཀ་པཱ་ལ་སྣ་ཚོགས་རྡོ་རྗེའི་སྟེང་ན་སངས་རྒྱས་ཀྱི་སྐུ་གཟུགས་བཞུས ་ཐོགས་གཡས་ཀྱི་གཙོ་བོ་བསྟོད་ནས་འཁྱུད་པའི་བར་དུའོ།། མཆོག་ཏུ་དགའ་བ་ལ་རབ་ཏུ་སྦྱོར་བསྐལ་པ་བཟང་པོ་རྡོ་རྗེའི་ཚེ་ནི། རྫོགས་པའི་སངས་རྒྱས་ཀྱི་ཁམ་པོར་གྲུབ་སྟེ། དེས་ན་བདེ་བའི་མཆོག་དེ ་དང་ཡང་རོལ་པའོ།། རྩ་བ་ནི་གཙོ་བོ་སྟེ་དབུས་ཀྱི་རེའུ་ཆའོ།། ཕྱག་རྒྱའི་ཚོགས་ནི་དེ་ན་ཡོད་པའི་ཕྱག་རྒྱའི་ཚོ་གས་རྣམས་སོ།། སངས་རྒྱས་ཀྱི་བྱང་ཆུབ་མའི་ཕྱག་རྒྱ་ཆེན་པོ་བསྟན་པའི་ཕྱིར། གཙུག་ལག་ཇི་ལྟའི་ཞེས་བྱ་བ ་ལ་སོགས་པ་གསུངས་ཏེ། གཙུག་ལག་ཅི་ལྟའི་རྗེས་མཐུན་པ་ཞེས་བྱ་བ་ནི། འཕོང་གི་དཔྱད་ཀྱི་རྗེ་སུ་མཐུན་པར་རོ།། དཔལ་རྫོགས་པ་ནི་བདེ་བླག་ཅན་གྱི་སྦྱོར་བ་སྟེ་དེས་གར་བྱེད་པའོ།། མངའ་བཞི་ཡོངསུ་འཕངས་ན་ནི། ཞེས་པ་ནི། ་སྟོང་པ་ཉིད་ལ་སོགས་པ་རྣམ་པར་ཐར་པ་སྒོ་བཞིའི་ངོ་བོ་ཉིད་ཀྱི་མངའ་བཞི་ཡོང་སུ་འཕེན་པ་སྟེ། ཉོན་མོངས་པའི་བདུད་ལ་སོགས་པ་བཞིའི་རང་བཞིན་ཚངས་པ་ཆེན་པོ་མགོ་བཞི་པ་ལས་རྒྱལ་བར་གྱུར་པས་ན། བདུད་བཞི་དག ་ལས་རྒྱལ་བར་གྱུར་ཅིག། མངའ་བཞིས་ཚངས་པའི་གདོད་པ་བཞི་པའི་མགོ་ཕུག་ནས་གནས་པ་ཡིན་པར་ཤེས་པར་བྱའོ།། དེ་བས་ན་ཚངས་པ་ཆེན་པོའི་མགོ་འབིགས་པའི་དཔལ་རྡོ་རྗེ་སེམས་དཔའ་གང་ཡིན་པ་དེ་ལ་དེ་སྐད་ཅེས ་བྱའོ།། ཆོས་ཀྱི་འཁོར་ལོ་མའི་ཕྱག་རྒྱ་ཆེན་པོ་བསྟན་པའི་ཕྱིར་རྐང་པ་འདེག་ཅིང་ཞེས་བྱ་བ་ལ་སོགས་པ་གསུངས་ཏེ། རྐང་པ་བཏེགས་པ་ནི་རྐང་པའི་ཕྱི་རོལ་ཏུ་བཏེག་པའོ།། པག་པ་ནི་གཡོན་པ་ཡང་དེ་བཞིན་དུ་བྱ་བའོ།། གཤིག་པ་ནི ་གཉི་ག་ནང་དུ་འདུད་པའོ།། མཆོད་བ་ནི་གཡས་པ་སྟེང་དུ་འཇོག་པ་སྟེ་དེས་སྟབས་ཕྱེད་པའོ།། འཁོར་ལོའི་ཕྱག་རྒྱ་བསྟོད་ནཱ་ནི་ཞེས་བྱ་བ་ནི་ལག་པ་གཡས་པའི་གུང་མོ་སོར་མོའི་རྩེ་མོ་ལ་ལྟེ་བར་བཞག་སྟེ། སྟེང་དུ་འཛིན་པར་བྱས ་ནས་རྐང་པ་འདེག་པ་ལ་སོགས་པ་སྦྱོར་བས་རྐང་པ་གཡས་པ་བཏེག་ལ་ཇི་ལྟ་བ་བཞིན་དུ་འཁོར་ལོ་བསྟོད་ནས་འཛིན་པ་ཡིན་པར་ཤེས་པར་བྱའོ།། ལ་ལ་དག་ནི་རྐང་པ་བཏེག་པ་ལ་སོགས་པ་དག་ནི་རིམ་བཞིན་དུ་གཡས་བརྐྱང ་བ་དང་། གཡོན་བརྐྱང་པ་དང་། ཟླུམོ་པོའི་འདུག་སྟང་དང་། ས་གའི་འདུག་སྟངས་ཏེ། རྐང་སྟབས་བཞི་པོ་ཡིན་ནོ།། ཞེས་རྟོག་གོ།། ཁམས་གསུམ་ལས་རྣམ་པར་རྒྱལ་བའི་ཕྱག་རྒྱ་ཆེན་པོ་བསྟན་པར་བྱ་བའི་ཕྱིར། བྱ་བ་དང་ནི ་ཞེས་བྱ་བ་ལ་སོགས་པ་གསུངས་ཏེ། བྱ་བ་དང་ནི་ཞེས་བྱ་བ་ལ་སོགས་པ་ནི་འདིར་གར་གྱི་བསྟན་བཅོས་ནས་བཤད་པ་རྣམསོ།། སྣ་ཚོགས་ཀྱི་ཕྱག་རྒྱ་ཞེས་བྱ་བ་ནི་རང་གི་ཕྱག་མཚན་གྱི་ཕྱག་རྒྱས་སོ།། འདི་སྐད་སྟོན་པོར་འགྱུར་ཏེ། ་བྱ་བ་ལ་སོགས་པའི་རིམ་པས་རྡོ་རྗེ་མཚོན་པའི་མདུང་རྩེ་གསུམ་པའི་ཕྱག་རྒྱ་འཛིན་པས་གུར་བྱེད་པའོ།། འདོད་པའི་དབང་མའི་ཕྱག་རྒྱ་ཆེན་པོ་བསྟན་པར་བྱ་བའི་ཕྱིར། ལྕུག་མ་ཞེས་བྱ་བ་ལ་སོགས་པ་གསུངས་ཏེ། ལྕུག་མ་གང ་ཡང་རུང་བ་ནི། ཨ་མྲ་ལ་སོགས་པའི་ལྕུག་མ་གང་ཡང་རུང་བ་གཡས་པས་གཟུང་ལ་གཡོན་པ་འགྱིང་བ་དང་བཅས་པས་འདོད་པ་ཐམས་ཅད་ཀྱི་ལྕུག་མ་གནས་པ་ཡིན་པར་ཤེས་བྱའོ།། རྟ་གདོང་གི་ཕྱག་རྒྱ་ཆེན་པོ་བསྟན་པར ་བྱ་བའི་ཕྱིར། མྱང་བ་ཞེས་བྱ་བ་ལ་སོགས་པ་གསུངས་ཏེ། མྱང་བ་རྔུབ་ལྟར་བྱས་ཞེས་བྱ་བ་ནི་མྱ་མུ་སྔོན་དུ་སོང་བས་ཧཱུཾ་ཞེས་བརྗོད་པས་སོ།། རྡོ་རྗེའི་གདོང་ཡང་སྣ་ལ་ཧཱུཾ་ཞེས་བྱ་བ་ལ་སོགས་པ་རྔུབ་ཅིང་མྱ ་བའི་ཚུལ་སྔོན་དུ་འགྲོ་བས་གནས་པར་བྱེད་པའོ།། མིག་ཚུགས་ཞེན་པར་ལྟ་བ་ནི། ཀུན་ནས་མྱང་བའི་ཚུལ་དུ་བལྟ་བས་ཟླ་བ་དང་ཉི་མའི་དཀྱིལ་འཁོར་ཐོགས་ནས་རྡོ་རྗེ་སྒྲོན་མ་གནས་པའོ།། ཐམས་ཅད་བདག་ཉིད་མྱང་བ ་ཡིས་ཞེས་བྱ་བ་ནི་ཐམས་ཅད་བདག་ཉིད་དེ། དངོས་པོ་ཐམས་ཅད་ཀྱིས་མྱང་བའོ།། འདི་སྐད་སྟོན་པར་འགྱུར་ཏེ། རོ་ལངས་མ་ཁམ་པོར་ཀ་པཱ་ལ་དང་། སྣ་ཚོགས་རྡོ་རྗེའི་སྟེང་དུ་སངས་རྒྱས་ཀྱི་སྐུ་བཞག་པ་འཛིན་ཏེ་གནས་པའོ།། ་ལྷག་མ་རྣམས་ཀྱི་ཕྱག་རྒྱ་ཆེན་པོ་ནི་འདིར་སྔར་བཤད་ཟིན་པ་དང་། གཞུང་ཉིད་གསལ་བས་རྣམ་པར་མ་བཀྲོལ་ལོ།། དེ་ནས་ཕྱག་རྒྱ་ཡེ་ཤེས་འདི་ཞེས་བྱ་བ་ནི་བཤད་མ་ཐག་པའི་ཕྱག་རྒྱ་ཆེན་པོའི་ཡེ་ཤེས་སོ།། གླུ་ཞེས་བྱ ་བ་ནི་འོག་ནས་འཆད་པ་རྣམས་སོ།། སྲིད་པ་ཤིན་ཏུ་བསྒྲུབས་པས་ནི་ཞེས་བྱ་བ་ནི་མི་གནས་པའི་མྱ་ངན་ལས་འདས་པ་ཐོབ་པ་སྟེ། འདིས་ནི་རོལ་པ་དང་བཅས་པས་གར་བྱས་ལ་རྡོ་རྗེ་སེམས་དཔའི་དཀྱིལ་འཁོར་དུ་བདག་ཉིད ་ཕྱག་རྒྱ་ཆེན་པོ་ཇི་ལྟ་བ་བཅིང་བར་བྱའོ།། གླུ་བསྟན་པར་བྱ་བའི་ཕྱིར། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། ཀྱེ་རྒྱུན་མི་འཆད་པའི་བདེ་བ་དང་། ཡིད་བདེ་བའི་ངོ་བོ་ཉིད་དུ་གྱུར་པའི་དཔལ་རྡོ་རྗེ་སེམས་དཔའ་ཁྱོད ་དང་བདག་ནི་གཉིས་སུ་མེད་པའི་ངོ་བོ་ཉིད་ལས་གྱུར་པས་བདག་གི་ཕྱིར་མངོན་དུ་གྱུར་པར་བསྒྲུབས་ལ་རྟོགས་ཤིང་ཁོང་དུ་ཆུད་པར་མཛད་དུ་གསོལ་ཞེས་པའོ།། མཁའ་འགྲོ་སྒྱུ་མ་སྣ་ཚོགས་པ་ནི་སྤྲུལ་པ་སྣ་ཚོགས་པ་སྟེ། ངེས ་འགྲོ་བའི་རྒྱུད་རྣམས་རྣམ་པ་སྣ་ཚོགས་འདུལ་བའི་མཆོག། གྲུབ་པ་བདག་ལ་གྲུབ་པར་མཛད་དུ་གསོལ་ཞེས་པ་ནི་བདེ་བ་མཆོག་གི་ངོ་བོས་སོ།། མངོན་དུ་མཛོད་ཅིག་ཅེས་བྱ་བ་ནི། ཀྱི་བདེ་བདེ་བའི་ངོ་བོ་ཉིད་ཀྱིས་སོ།། དེ་བཞིན ་གཤེགས་པ་ཀུན་གྱི་ངོ་བོ་ཉིད་ཀྱི་བདེ་བ་ནི་བྱང་ཆུབ་ཀུན་གྱི་བདེ་བ་ཆེན་པོའོ།། དེའི་བདག་ཉིད་ཀྱི་མཁའ་འགྲོ་སྒྱུ་མ་ནི་སྒྲོལ་མའི་སྤྲུལ་པའོ།། དེ་ཉིད་སྣ་ཚོགས་བདེ་བའི་མཆོག་སྟེ། སྒྲོལ་མའི་ངོ་བོ་ཉིད་ཀྱི་དོན་རྣམས་གྲུབ་བྱར ་མཛོད་ཅིང་ཅེས་བྱ་བའི་དོན་ནོ།། ཨ་ལ་ལ་ལྀ་ལ་ཧོ་ཞེས་བྱ་བ་ལ་སོགས་པ་རྣམ་པ་སྣ་ཚོགས་པའི་དེ་བཞིན་གཤེགས་པའི་གར་རྣམས་མཛ་དུ་གསོལ་ཞེས་པ་སྟེ། ཤི་ཤིའི་སྤྲུལ་པར་རབ་ཏུ་སྟོན་ཅིག་ཅེས་བྱ་བར་སྦྱར་རོ།། ་ཧཱུཾ་བཾ་ཧོཿཞེས་བྱ་བ་ནི། རིམ་བཞིན་དུ་བདེ་མཆོག་དང་སྒྲོལ་མོ་ལ་སོགས་པ་རྣམས་ཀྱི་ཉེ་བར་བསྐུལ་བ་སྟེ། ཟུང་ལ་རྣམ་པར་སྤྲུལ་ཞེས་པས་ཀྱང་བདེ་མཆོག་དང་། ཀྱེ་མ་བདེ་བ་མཆོག་གི་རིམ་བཞིན་དུ་བསྐུལ་བའོ།། ཧཱུཾ་སྭཱ ་བར་མཇེད་དུ་གསོལ་ཞེས་བྱ་བ་ནི་སྒྲོལ་མའི་ཡིའོ།། སློབ་མ་བཟུང་དུ་གསོལ།། ཞེས་པ་ནི་ཤི་ཤི་ཡེའོ།། དེ་བཞིན་གཤེགས་ཀུན་སྣ་ཚོགས་མཁའ་འགྲོ་སྒྱུ་མ་ཞེས་བྱ་བ་ནི་ལྷ་མོ་ལྷག་མ་རྣམས་ཀྱིས་སོ།། རྣམ་པར་སྣང་མཛད་ཀྱི ་བྱུང་བ་བསྟན་པའི་ཕྱིར། རྣལ་འབྱོར་དེ་ཉིད་ཅེས་བྱ་བ་ལ་སོགས་པ་གསུངས་ཏེ། དེ་ཉིད་ཅེས་བྱ་བ་ནི་རྡོ་རྗེ་སེམས་དཔའོ།། ཐར་པ་ཐ~ཾད་ནི་འཇི་སྟེན་དང་འཇིག་རྟེན་ལས་འདས་པ་སྟེ། སྲིད་པ་ལས་ངེས་པར ་འབྱུང་བའི་མཚན་ཉིད་དོ།། དེ་རྣམ་པར་དག་པ་ནི་གང་ཟག་དང་ཆོས་ལ་བདོག་མེད་པར་ཁོང་དུ་ཆུད་པའོ།། དེ་རྫོགས་པ་ནི་སངས་རྒྱས་ཀྱི་ཕྱག་རྒྱ་ལ་རབ་ཏུ་གནས་པའོ།། དོན་དམ་པ་ནི་ཆོས་ཀྱི་དབྱིངས་ཏེ། དེ་ནི་རྣམ་པར་དག་པའི ་ཕྱིར་རོ།། ཆགས་མེད་ནི་ཉེ་བར་དམིགས་པ་ཐམས་ཅད་ཀྱི་ཕྱིར་ཕྱོགས་པའོ།། སོགས་པའི་སྒྲ་ནི་ཞེ་སྡང་དང་བྲལ་བ་དང་། ཁོང་ཁྲོ་བས་མ་བཅོས་པ་དང་དངོས་པོ་རྣམས་ལ་རྗེ་སུ་ཆགས་པ་མི་དམིགས་པ་དང་། གཏི་མུག་དང་བྲལ ་བོ་སྟེ། བདག་ལ་སོགས་པའི་རྣམ་པར་རྟོག་པ་སྤངས་པའོ།། གང་ཆགས་པ་མེད་པ་ལ་པ་དང་། ཆགས་པ་ཆེན་པོ་དང་ལྡན་པ་དེ་དག་ནི། ཆགས་མེད་ལ་སོགས་ཆགས་ཆེན་ཕྱིར་ཏེ། དེ་དག་གིས་ནི་ཆགས་པ་མེད་པ ་ལ་སོགས་པས་ནི་དཀར་བ་ཡིན་ལ། ཆགས་པ་ཆེན་པོ་སྟེ། ཐུགས་རྗེ་ཆེན་པོ་དང་ལྡན་པས་ན་སྣ་ཚོགས་གསལ་བའི་མདངས་ཅན་ནོ།། རིན་ཆེན་ཆོས་ནི་ཆོས་ཀྱི་བདག་ཉིད་ཅན་གྱི་རིན་པོ་ཆེའོ།། དེ་ལས་ལྷག་པ་ནི་གཞན ་པའོ།། བྱང་ཆུབ་ཀྱི་སེམས་ནི་བྱང་ཆུབ་ཀྱི་བདག་ཉིད་ཅན་གྱི་སེམས་ཏེ། བྱང་ཆུབ་ལ་འཇུག་པའི་སེམསོ།། དེའི་དོན་ཐེག་པ་ཆེན་པོ་སྟོན་པའི་བདག་ཉིད་ཅན་གྱི་ཆོས་ཏེ། དེ་ཉིད་ནི་རྡོ་རྗེ་རིན་ཆེན་ནོ།། དེ་འདི་ལ་ཡོད་པས་ན། དེ ་བས་ཐེག་ཆེན་བྱང་ཆུབ་སེམས། རྒྱལ་བ་རྡོ་རྗེ་རིན་ཆེན་ཅན་ཞེས་བྱའོ།། བཅོམ་ལྡན་འདས་ཀྱི་ཕྱག་རྒྱ་ཆེན་པོ་ནི་གཡོན་པའི་ཁུ་ཚུར་བཅངས་པས་གཡས་པའི་ཐེ་བོང་དང་། མཛུབ་མོ་གཉིས་ཀྱི་སོར་མོ་ཐམས་ཅད་ལ་རེག་པའོ།། ཤེས ་རབ་ཕྱིན་གསལ་ཞིང་ཞེས་པ་འདིས་ནི་དེ་ཉིད་སྟོན་ཏེ། ཕྱག་རྒྱ་འདིས་ནི་དེ་ཉིད་སྟོན་ཏེ། ཕྱག་རྒྱ་འདིས་ནི་ཕུང་པོ་ལྔ་དང་། རིགས་ལྔ་མ་ལུས་པར་བདག་མེད་པར་སྟོན་པ་ཡིན་ནོ།། གཡས་པའི་ཡན་ལག་ཅེས་བྱ་བ་ལ་སོགས་པའི་སྒྲས ་ནི་སྐྱིལ་མོ་ཀྲུང་བཅས་པའི་ཚུལ་བསྟན་པ་ཡིན་ནོ།། རྡོ་རྗེ་ཁུ་ཚུར་བཅངས་ནས་ནི། ཞེས་བྱ་བ་ནི། སངས་རྒྱས་ཀུན་བརྗོད་མའི་ཕྱག་རྒྱ་ཆེན་པོ་ཡིན་ཏེ། ལག་པ་གཡས་པའི་མཐེ་བོང་ནང་དུ་བཅུག་སྟེ། སྲིན་ལག་གི་རྩར་མཐེ་བོང ་གི་ལྟོས་རྩེ་མོ་མནན་པའི་རྡོ་རྗེ་ཁུ་ཚུར་བཅངས་ལ། ལག་པ་གཡོན་པས་སྟེང་ནས་གཡོག་ཅིང་དགབ་པའོ།། གཞན་དག་ན་རེ་སངས་རྒྱས་ཀུན་བརྗོད་མ་ལ་སོགས་པ་ནི། རྡོ་རྗེ་ཁུ་ཚུར་གོས་དྲི་མ་མེད་པས་བཀབ་སྟེ། ཕྱག་རྒྱ་བཅིངས ་ལ་བཟུང་ངོ་ཞེས་ཟེར་རོ།། རྡོ་རྗེ་ཁུ་ཚུར་དེ་ཉིད་ལས་མཐེའུ་ཆུང་བརྐྱང་པ་ནི་ཧེ་རུ་ཀའི་ཕྱག་རྒྱ་སྟེ། དེ་ལ་ལག་པ་གཡས་པས་བྱས་ལ་གཡོག་པར་བྱའོ།། དེ་བཞིན་ཞེས་བྱ་བ་ནི་ལག་པ་གཡོན་པ་དེ་ལྟར་བྱས་པ་ནི་ཤིན་ཏུ་རྒྱལ་མོ ་ཡིའོ།། པདྨའི་བུད་མེད་ཁུ་ཚུར་ནི།། ཞེས་བྱ་བ་ནི་ཁུ་ཚུར་བཅངས་པ་ལ་གུང་མོ་དང་། མཛུབ་མོ་དང་། མཐེ་བོའི་རྩེ་མོ་སྦྱར་བ་བྱས་པ་ནི་པདྨའི་ཁུ་ཚུར་ཏེ། ལག་པ་གཡས་པས་བྱས་ལ་གཡོན་པས་དགབ་པ་ནི་ཀུན་ཏུ་བཟང་པོལ ་ཕྱག་རྒྱའོ།། རིན་ཆེན་འཛིན་པའི་ཁུ་ཚུར་ཡང་ཞེས་བྱ་བ་ནི། ཁུ་ཚུར་བྱས་ལ་རྩེ་མོ་སྦྱར་བར་བྱས་པ་ནི། རིན་པོ་ཆེའི་ཁུ་ཚུར་ཏེ། ལག་པ་གཡས་པས་བཅིངས་ལ་ལག་པ་གཡོན་པས་དགབ་པ་ནི་མི་ཟད ་པའི་ཟ་མ་ཏོག་གི་ཕྱག་རྒྱའོ།། སངས་རྒྱས་ཁུ་ཚུར་བཅིངས་ནས་སུ་ཞེས་བྱ་བ་ནི། མཐེ་བོའི་སྟོང་དུ་སོར་མོ་ཐམས་ཅད་ཀྱི་རྩེ་མོ་བཞག་ལ་ལག་པ་གཡས་པས་བྱས་ལ། གཡོན་པས་དགབ་པ་ནི་སངས་རྒྱས་ཐམས་ཅད་ཀྱི་ཡན ་ལག་དང་ལྡན་མའི་འོ།། གཞན་དག་ན་རེ་འདིར་སྙིང་གར་སངས་རྒྱས་བཞག་པ་དང་། དཔུང་པ་གཉིས་སུ་རྫོགས་པའི་སངས་རྒྱས་ཀྱི་དཔུང་རྒྱན་ཅན། མགྲིན་པར་སངས་རྒྱས་གཙོ་བོ་འཇོག་པ་མགུལ་རྒྱན་དང་། དོ་ཤལ་དང་། མགོ ་ཐམས་ཅད་དུ་སངས་རྒྱས་ཀྱི་སྐུ་གཟུགས་ཡོད་པ། ལག་པ་གཡས་པས་སངས་རྒྱས་འཛིན་པས་བྱིན་གྱིས་བརླབས་པས་ན། སངས་རྒྱས་ཐམས་ཅད་ཀྱི་ཡན་ལག་དང་ལྡན་མ་ཞེས་བྱའོ་ཞེས་མན་ངག་ལས་བཤད་དོ།། བུད ་མེད་ཕྱག་རྒྱ་བཅིངས་ནས་སུ་ཞེས་བྱ་བ་ནི། ལག་པ་གཡས་པའི་ཁུ་ཚུར་བཅིངས་ལ་ལག་པ་གཡོན་པོས་དགབ་པ་ནི་ཞལ་བཟང་མའི་ཕྱག་རྒྱའོ།། ལ་ལ་ན་རེ་ལག་པ་གཡོན་པའི་ཁུ་ཚུར་རང་གི་སྙིང་གར་གཏོང་པའི་ཚུལ་གྱིས ་བུད་མཽད་ཀྱི་ཕྱག་རྒྱ་སྟེ། དེ་འཛིན་པ་ལ་ལག་པ་གཡོན་པས་མེ་ལོང་བཟུང་སྟེ། དགའ་བས་རང་བཞིན་གྱི་གཟུགས་བསྙེན་བལྟ་བས་གནས་པའོ།། དེ་བས་ན་ཞལ་བཟང་མ་ཞེས་ཟེར་རོ།། སོར་མོ་ཐམས་ཅད་ཀྱིས་མཐེ་བོ་བསྡུས་པ ་ནིརྟ་མཆོག་གི་ཁུ་ཚུར་ཏེ་དེ་ལག་པ་གཡོན་པས་བཀབ་པ་ནི། སྤྲིན་ཆེན་མོའི་ཕྱག་རྒྱའོ།། ཁུ་ཚུར་བཅངས་ནས་མཛུབ་མོ་དང་མཐེ་བོང་གཉིས་མིག་གི་རྣམ་པར་བྱས་པ་ནི་གྲུབ་པའི་སྤྱན་གྱི་ཁུ་ཚུར་ཏེ། ལག་པ་གཡས་པས ་བཅིངས་ལ་གཡོན་པས་བཀབ་པ་ནི་ན་མཁའི་སྤྱན་གྱི་ཕྱག་རྒྱའོ།། ཁུ་ཚུར་དེ་དག་ཐམས་ཅད་ཀྱང་རང་གི་མཚན་མ་ནང་དུ་འཛིན་པར་བལྟ་བར་བྱའོ།། དེ་དག་གི་སྐུ་མདོག་ནི་གོ་རིམས་བཞིན་དུ་ཤེལ་དང་གསེར་དང་། པདྨ་དམར ་པོ་དང་། སྣ་ཚོགས་པ་དང་། གུར་གུམ་དང་། མེ་ལོང་གི་མདོག་དང་། བཻ་ཌཱུརྱ་དང་། སེར་པོ་རྣམས་སོ།། གླིང་བུ་ལ་སོགས་པའི་ཕྱག་རྒྱ་ཆེན་པོ་ནི་རྡོ་རྗེ་སེམས་དཔའི་དཀྱིལ་འཁོར་དུ་བཤད་པས། འདི་དང་དཀྱིལ་འཁོར་གཞན་དག་ཏུ ་ཡང་རང་གི་ལྷ་ལྷག་མ་ཇི་ལྟ་བ་བཞིན་དུ་དེར་ཡང་དེ་ཉིད་ཀྱི་ཕྱག་རྒྱ་ཆེན་པོ་རྣམས་ཀྱང་བལྟ་བར་བྱའོ།། ཕྱག་རྒྱ་ཞེས་པ་ནི་བཤད་མ་ཐག་པའི་ཕྱག་རྒྱ་ཆེན་པོ་ཤེས་པའོ།། སངས་རྒྱས་སྤྲུལ་པའི་གླུ་མཆོག་ནི་ཞེས་བྱ་བ་ནི་དེ་བཞིན ་གཤེགས་པ་འབྱུང་བའི་གླུའོ།། གླུ་འདི་དག་ཉིད་རིམ་བཞིན་དུ་བསྟན་པའི་ཕྱིར། སློང་བར་བྱེད་པ་ཞེས་བྱ་བ་ལ་སོགས་པ་གསུངས་ཏེ། སློང་བར་བྱེད་པ་དང་སྣ་ཚོགས་འབྲང་བ་དག་ནི། སྔར་བསྟན་པས་བཤད་པ་ཡིན་ནོ།། དེ་ནི་འདི ་སྐད་སྟོན་པར་འགྱུར་ཏེ། ཤརྫའི་དབྱངས་ཀྱིས་གླུ་གཉིས་པའི་གླུ་བླང་བ་དང་དེ་བ་ཏའི་དབྱངས་ཀྱིས་གླུ་བླངས་ལ་འདི་དང་སྦྱར་བ་ཡིན་ཏེ། འདིར་དང་པོ་འགྱིང་བ་དང་བཅས་པའི་རྗེ་སུ་གར་བྱས་པ་སྔོན་དུ་འགྲོ་བས་ཕྱག་རྒྱ་ཆེན་པོ་དེ ་ངག་ཐམས་ཅད་བཅིངས་པར་བྱའོ།། འཇིག་རྟེན་གྱི་ཁམས་མང་ཞེས་བྱ་བ་ལ་སོགས་པ་ནི་འཇིག་རྟེན་གྱི་ཁམས་རྡུལ་ཕྲ་རབ་ཀྱི་གྲངས་སྙེད་ཁྱབ་པའི་སྐུའི་ཚོགས་དང་ལྡན་པ་གང་ཡིན་པ་དེ་ལན་དེ་སྐ ་བྱ་བ། དེ་རྣམས་ཀྱི་རྒྱལ་བའི་དོན་ཐམས་ཅད་ལ་རབ་ཏུ་འཇུག་ཅིང་། རབ་ཏུ་ཕྲ་བའི་རྡུལ་གྱི་གྲངས་སྙེད་ཀྱི་རྒྱལ་བའི་དོན་ཐམས་ཅད་ལ་གསལ་བར་འཇུག་པས་རྒྱལ་བའི་དོན་རྣམས་རབ་ཏུ་ཕྲ་བའི་རྡུལ་གྱི་གྲངས་སྙེད་དེ། དེ་རྣམ ་ཀྱི་རྣམ་པར་མཛོད་ཅིག་ཅེས་སྦྱར་ཏེ། རྡུལ་ཕྲན་གྱི་གྲངས་སྙེད་དུ་ཡོངསུ་སྤྲུལ་པའི་སྐུའི་ཚོགས་ཀྱི་འཇིག་རྟེན་གྱི་ཁམས་ཐམས་ཅད་དུ་ཁྱབ་ཅིང་སོ་སོར་ཞུགས་པ་གང་ཡིན་པ་དེས་གསལ་ཞིང་མངོན་གསུམ་དུ་རྡུལ་ཕྲན་གྱི་གྲངས ་སྣོད་ཀྱིས་གང་དུ་རྣམ་པར་རོལ་པ་དེ་ལ་དེ་སྐད་ཅེས་བྱ་སྟེ། བྱེད་པའི་ཚིག་མེད་པར་བསྟན་པ་ཡིན་ནོ།། སྲིད་པ་ནི་མི་གནས་པའི་མྱ་ངན་ལས་འདས་པ་སྟེ། དེ་ཉིད་ནི་བདེ་བ་ཆེན་པོའོ།། དེ་ལ་བོད་པ་ནི་དེ་བཞིན་གཤེགས་ཀུན་རྣམ ་སྤྲུལ་སྣ་ཚོགས་ཀྱིས་ཞེས་པ་སྟེ། རྣམ་པར་སྣང་མཛོད་ལ་སོགས་པའི་སྤྲུལ་པ་རྣམས་སོ།། རྣམ་པར་འཕྲུལ་པར་མཛོད་ཅིག་ཅེས་བྱ་བ་ནི་མཛེས་པར་གར་མཛོད་ཅིག་པའོ།། ཧོ་ཞེས་བྱ་བ་ནི་དགྱེས་པར་བྱ། དཔལ་རྣམ་པར་སྣང ་མཛད་སྦྱོར་བ་པ་ཞེས་པ་ཡང་བོད་པའི་ཚིག་སྟེ། དེ་རིང་ཁྱེད་བདག་རབ་ཏུ་གྲུབ་པར་མཛོད་ཅིག་པ་ནི་ཚིག་གི་ལྷག་མའོ།། དེ་ནས་བུད་མེད་ཅེས་བྱ་བ་ལ་སོགས་པ་ནི་སྔར་བཤད་ཟིན་ཏོ།། དཔལ་ཧེ་རུ་ཀའི་འབྱུང་བ་བསྟན་པའི། དེ་དག་ཉིད ་ཅེས་བྱ་བ་ལ་སོགས་པ་གསུངས་སྟེ། དེ་ཉིད་ཅེས་བྱ་བ་ནི་རྡོ་རྗེ་སེམས་དཔའོ།། དམ་ཚིག་ལ་སྡང་བ་ཞེས་པ་ནི་མི་བདེན་ལ་གདུག་ཅིང་གཏུམ་པ་རྣམསོ།། ཕྱག་རྒྱ་ཆེན་པོ་ནི་འདིར་བཅོམ་ལྡན་འདས་ཏེ་སྔར་བསྟན་པའོ།། གོས ་ཆེན་པོ་ནི་ཕྱུགས་ཆེན་པོའི་པགས་པའོ།། བླུགས་པ་ཆེན་པོ་ཞེས་བྱ་བ་ནི་ཐོད་པའི་ཅོད་པན་གཅིག་སྟེ། རྡོ་རྗེ་ཀུན་ནས་འབར་བས་མཚན་པ་དེའི་ཐོད་པའི་ཕྲེང་བ་ཅན་གྱི་ཅོད་པན་ནོ།། ལ་ལ་ངག་ནི་ཚོགས་ཀྱི་དཀྱིལ་འཁོར་གཞན་དག་ཏུ ་བླུགས་པ་ཞེས་པ་ནི། རྡོ་རྗེ་ཕྱག་རྒྱ་ཡིན་པར་ཡོངསུ་རྟོག་ལ་གོས་ཆེན་པོ་ཡང་དུར་ཁྲོད་ཀྱི་ཐལ་བར་འཛིན་པར་བསྟན་ཏོ།། ཕྱག་མཚན་དང་ཕྱག་རྣམས་ཀྱི་ནི་འདི་ལྟར་ཕྱག་བརྒྱད་པར་རྟོག་སྟེ། གཉིས་ཀྱིས་ནི་བ་དན་གྱི་ཚུལ་དུ་མའི ་པགས་པ་འཛིན་ལ། གཉིས་ཀྱིས་ནི་དབང་བསྐུར་བའི་ཚུལ་གྱིས་རྡོ་རྗེའི་ཕྱག་རྒྱ་འཛིན་ལ་ཡང་གཡས་ཀྱིས་ནི་རྡོ་རྗེ་རྩེ་ལྔ་པ་འབར་བ་གསོར། གཡོན་གྱིས་ནི་རྡོ་རྗེ་ཁ་ཊྭཱཾ་ག་འཛིན། ཡང་གཡས་ཀྱིས་མ་ཧཱ་རཀྟས་བཀང་བའི་ཁམ ་ཕོར་འཛིན། ཡང་གཡོན་གྱིས་ནི་མ་ཧཱ་མཾ་སསཾ་བཀང་བའི་ཀ་པཱ་ལ་འཛིན་པའོ་ཞེས་ཟེར་རོ།། གཞན་དག་ན་རེ་ཕྱག་བཞི་པ་ལ་གཉིས་ནི་མིའི་པགས་པའི་གོས་འཛིན་ལ། གཉིས་ནི་སྔ་མ་བཞིན་ནོ་ཞེས་ཟེར་རོ།། རྡོ་རྗེ་ཁ་ཊྭཱཾ་ཞེས་བྱ་བ ་ནི་རྡོ་རྗེ་གསུམ་པས་མཚན་པའི་ཁ་ཊྭཱཾ་དེ་ལ་དྲིལ་བུ་བཏབས་ལ། དེའི་སྒྲ་སིལ་སིལ་འཁྲོལ་བ་ནི་རྡོ་རྗེ་ཁ་ཊྭཱཾ་ག་རྡོ་རྗེ་དང་བཅས་པ་ལ་དྲིལ་དུ་འཁྲོལ་བའི་སྒྲ་དང་ལྡན་པའོ་ཞེས་པ་གཉིས་པའི་མཚམས་སྦྱར་བའོ།། དེ་དག་དང་ལྡན་པས་ན ་རྡོ་རྗེ་ཁ་ཊྭཱཾ་རྡོ་རྗེ་བཅས། དྲིལ་བུ་འཁྲོལ་བའི་སྒྲར་བཅས་པ་ཞེས་བྱའོ།། ཕྱག་རྒྱ་སྣ་ཚོགས་རྣམ་འཕྲུལ་བ་ཞེས་བྱ་བ་ནི་བགུ་རྒྱ་ཆེན་པོའི་གྲཝར་བྱེད་པ་ལ་རབ་ཏུ་འཇུག་པས་སོ།། སེ་རལ་ཁ་ཚུལ་དུ་དཔུང་པ་གས། ་པ་ལ་ཁ་ཊྭཱཾ་ག་ཡན་ལག་ལ་བརྟན་པའི་ཚུལ་དང་ལྡན་པའི་ཕྱག་རྒྱ་ཆེན་པོ་དེ་ཇི་ལྟ་བུ་ཞེ་ནུ། སྤྲེ་རལ་ཁེའི་ཞེས་བྱ་བ་ལ་སོགས་པ་གསུངས་ཏེ། དོ་ནི་འདི་སྐད་སྟོན་པ་ཡིན་ཏེ། མ་ཧཱ་རཀྵས་བཀང་བའི་ཀ་པཱ་ལ་འཛིན་པའི་ལག་པས་རྡོ ་རྗེ་ཁ་ཊྭཱཾ་ག་ལ་རྒྱབ་རྟེན་བྱས་ཏེ། གཡས་པ་བ་དན་གསུམ་པས་འབར་བའི་ཕྲེང་བ་ཅན་གྱི་རྡོ་རྗེ་རྩེ་ལྔ་པ་བསྣམས་པའོ།། གཡས་དང་གཡོན་གྱི་སྦྱོར་བ་ཡིས། ཞེས་བྱ་བ་ནི་བརླ་གཡོན་པ་ལ་རྐང་པ་གཡས་པ་བཞག་པས་སོ།། བདེ་བར ་འབབ་པའི་གར་བྱེད་པས་ཞེས་བྱ་བ་ནི་གནས་པ་འདིས་འདུག་པས་སོ།། སྐྱིལ་མོ་ཀྲུང་ནི་ཕྱེད་བཅས་ལ་ཞེས་བྱ་བ་ནི་རྐང་པ་གཡོན་པས་ས་ལ་བཞག་པས་སོ།། རྐང་པ་རང་གི་བརླས་ཞེས་བྱ་བ་ནི་བརླ་གཡོན་པ་དང་སྦྱར་བསོ།། བསྡམ ་ནས་ཞེས་བྱ་བ་ནི་ཡང་རྐང་པ་གཡས་པ་གཡོན་པའི་སྟེང་དུ་བཞག་སྟེ། བརླའི་བར་དུ་བཅུག་ནས་བཙིར་བྱའོ།། དེ་ཉིད་ཀྱིས་ནི་ཞེས་བྱ་བ་ནི་སྐྱིལ་མོ་ཀྲུང་ངོ་།། དེ་ནས་བདེ་བར་བདྨ་བསྡམས་ནས་ཞེས་བྱ་བ་ནི། དེའི་ནང་དུ་གནས་པའི ་བསྒྲུབས་པར་བྱ་བའི་རྐང་པ་གཡས་པས་རྐང་པ་གཡོན་པ་བདེ་བར་བསྡམས་ནས། ཇི་ལྟར་མངོན་པར་འདོད་པ་བཞིན་དུ་ཕྱིར་བཏབས་པ་ལ་སོགས་པ་བྱེད་དོ།། སྒྱུ་མ་ཞེས་པ་ནི་དགེའ་བའི་དོར་ཐབས་སོ།། དེ་དག་ཅེས་བྱ་བ་ནི་སྐྱི ་མོ་ཀྲུང་གི་ཕྱག་རྒྱའོ།། དེ་ནས་བརླ་གྲག་བསྐྱོད་པ་ཡིད་ཞེས་བྱ་བ་ནི་དེའི་ནང་དུ་བསྒོམས་པའི་བུད་མེད་ཀྱི་རྐང་པ་གཡས་པས་བཱརླ་གཡོན་པ་བསྐྱོད་ཅིང་བསྐུལ་བས། དཔལ་ཧེ་རུ་ཀའི་འབབ་པ་སྟེ། དེའི་སྦྱོར་བས་སངས་རྒྱས་ཀྱི ་མཁའ་འགྲོ་གང་ཡིན་པ་དེ་ལ་དེ་སྐད་ཅེས་བྱའོ།། དཀྱིལ་འཁོར་འདིར་ཞི་བའི་གདོང་ཅན་ནི་དཀར་མོའོ།། རྨོངས་པའི་གདོང་ཅན་ནི་རབ་རྨོངས་མའོ།། ཤིན་ཏུ་དགའ་བའི་གདོང་ཅན་ནི་སྤོས་བྱེད་མ་ཡིའོ།། རྣམ་པར་འགྱུར་བའི་གདོང ་ཅན་ནི་གཏུམ་མོ།། ཤི་བ་ལྡང་བའི་ཚུལ་གྱི་གདོང་ཅན་ནི་སྨེ་ཤ་ཅན་ཏེ། ལས་རྣམས་ཀྱང་ཞི་བ་དང་། དྲག་པོ་དང་། རྨོངས་པ་དང་། འཆི་བ་སློང་བ་དང་། འཆི་བ་ལྡང་བ་དང་། ལྟ་བ་རྣམས་ནི་རིམ་བཞིན་ཤེས་པར་བྱའོ།། དེ་བཞིན་དུ ་མེ་ཏོག་དང་། གདུག་པ་དང་། ཆང་དང་ཆུ་དང་། ལྕུག་མ་དང་། རུས་དང་། མེ་མར་རྣམས་ཀྱང་བསྒྲུབ་པར་བྱ་བ་གང་ཡིན་པ་དེ་ལ་རིས་སྦྱིན་ན་དེས་རྒྱས་འདེབས་སོ།། རྩེ་གཅིག་མཉམ་པར་སྦྱོར་བ་ཡིས།། ཞེས་བྱ་བ་ནི་དཀར་མོའི་སྦྱོར ་བ་དང་ལྡན་པའི་བསམ་གཏན་གྱིས་ཀྱང་ཕྱག་རྒྱས་འདེབས་པའོ།། གཉེར་བའི་ཚུལ་ནི་རྐུ་བྱེད་མོའི་སྦྱོར་བ་དང་ལྡན་པས་སྙིང་འདྲེན་པའོ།། བདེ་བ་བཞིན་པའི་ཚུལ་གྱིས་ནི་རབ་མྱོས་པའི་སྦྱོར་བ་དང་ལྡན་པས་རྨོངས་པར་བྱེད་པའོ།། ་རོ་ལངས་མའི་སྦྱོར་བ་དང་ལྡན་པས་ནི་ཤི་བ་ལ་ཆུས་མངོན་པར་འཐོར་ཞིང་སློང་བའོ།། སཾ་གོལ་བརྡབ་པ་དང་ལྡན་པ་ན་སྤོས་བྱེད་མའི་སྦྱོར་བ་དང་ལྡན་པས་ནི་གར་བྱེད་པའོ།། དལ་བུས་གྱེན་དུ་རབ་འབྱིན་པས་གཏུམ་མོ་སྦྱོར་བ ་དང་ལྡན་པས་གསོད་པར་བྱེད་པའོ།། དབུགས་འབྱིན་པའི་ཚུལ་གྱིས་སྟེ་ཤཱ་མའི་རྣལ་འབྱོར་གྱིས་ཟ་བར་བྱེད་པའོ།། གཞན་ཡང་གཡོན་དུ་བལྟ་བས་ལྟ་ཞིང་། དཀར་མོའི་སྦྱོར་བ་དང་ལྡན་པས་རྒྱས་འ ་སོ། བསྒྲུབ་པར་བྱ་བའི་སྙིང་གར་བློ་བཅུག་ལ་ཡི་གེ་ཧོ་ཞེས་པ་དང་། ལོག་པས་དྲང་བའི་རྐུ་བྱེད་མའི་སྦྱོར་བས་སྙིང་འབྱིན་པའོ།། མངོན་དུ་ཟ་བ་འམ་བསྒྲུབ་པར་བྱ་བ་ལ་འོ་བྱེད་པ་ནི་རས་བྱེད་པ་ནི་རབ་རྨོངས་མའི་སྦྱོར་བས་རྨོངས ་པར་བྱེད་དེ།། མངོན་དུ་ཡིས་ཀྱིས་འཁྱུད་པའི་རོ་ལངས་མའི་སྦྱོར་བས་འཆི་བ་སློང་བར་བྱེད།། བསྒྲུབ་པར་བྱ་བ་དང་གཉིས་སུ་མེད་པར་གྱུར་ནས་གར་བྱེད་པའི་སྤོས་བྱེད་མའི་སྦྱོར་བས་གསོད་པར་བྱེད་དོ།། བསྒྲུབ་པར་བྱ་བ་དང ་གཅིག་ཏུ་གྱུར་པ་བདེ་བའི་རབ་ཏུ་རྨོངས་པས་རྣམ་པར་མྱོས་པའི་གཏུམ་པའི་སྦྱར་བས་རྒྱས་པར་བྱེད་དོ།། ཟོ་བའི་ཚུལ་ཅན་སྨེ་ཤ་མའི་སྦྱོར་བས་ཟླ་བར་བྱེད་དོ།། མདའ་བཞི་བཙུགས་པའི་ཚུལ་གྱིས་ཚངས་པ་གདོང་བཞི་པའི ་མགོ་བོ་ལྷུང་བར་བྱེད་པའི་རྒྱས་འདེབས་སོ།། འཇིག་རྟེན་གསུམ་ལས་བརྒལ་བའི་ཚུལ་ཅན་རྐུ་བྱེད་མའི་སྦྱོར་བས་ལྕགས་ཀྱིས་འདྲེན་ཅིང་སྙིང་འབྱིན་ཏོ།། ས་ལ་འདྲེན་པའི་ཚུལ་ཅན་རབ་རྨོངས་མའི་སྦྱོར་བས་རྨོངས་པར་བྱེད ་དོ། བདུད་རྩིའི་བུམོ་པས་དབང་བསྐུར་བའི་ཚུལ་ཅན་ནི་རོ་ལངས་མའི་འོ།། རང་གི་ཕྱག་རྒྱའི་ཚུལ་བསྟན་པ་ནི་རོ་ལངས་མའི་སྦྱོར་བ་སྟེ། དེ་དང་ལྡན་པས་འཆི་བ་སློང་བར་བྱེད་དོ།། བསྒྲུབ་པར་བྱ་བ་དང་ལྷན་ཅིག་གཉིསུ་མེད ་པར་གྱུར་པས་དུར་ཁྲོད་དུ་མཆོག་ཏུ་སྦྱོར་བ་ཐམས་ཅད་ལས་མངོན་པར་འདོད་པའི་དབང་གིས་རྫོགས་པར་གྱུར་པར་ལྟ་བར་བྱའོ།། བདུན་པ་ལས་ཀྱི་ཕྱག་རྒྱ་ཡིན་ཞེས་བྱ་བ་ནི་དེ་དག་ཉིད་ནི་ལས་ཀྱི་དོན་གྱི་ཕྱག་རྒྱའོ།། ་མདོག་ནི་དཀར་བ་དང་། དམར་བ་དང་། ནག་པོ་དང་། དཀར་པོ་དང་། ལྗང་གུ་དང་། སྔོན་པོ་དང་། ནག་པོའོ།། ཕྱག་རྒྱའི་ལན་ཞེས་བྱ་བ་ནི་གཞན་དག་གིས་ལེགས་པར་རྒྱས་འདེབས་པ་དེའི་དོན་དུ་མི་ཚུགས་པར་བྱ་བའི་ཕྱིར་རབ ་ཏུ་སྦྱོར་བ་བྱ་བ་གང་ཡིན་པ་དེ་ནི་ཕྱག་རྒྱའི་ལན་ཏེ། དཔལ་ལྡན་གཡོན་པ་དཀུར་བསྟན་ལ། དཔལ་ལྡན་ལག་པ་གཡས་པས་པདྨའི་ཁུ་ཚུར་བཅིངས་ལ། མིག་རབ་ཏུ་བལྟས་པའི་རྡོ་རྗེ་པདྨོའི་སླེད་བ་འོདི་དང་། རྡོ་རྗེ་གླུ་དང་། གར ་དང་ལྗོན་པའི་ཕྱག་རྒྱས་སོ།། གང་ཞིག་འཇོམས་པར་བྱེད་ཅེས་ན། དེ་ནས་ཞེས་པ་སྟེ། ཧེ་རུ་ཀ་ལ་སོགས་པའི་ཕྱག་རྒྱ་ཞེས་པའོ།། དཔལ་ལྡན་རྡོ་རྗེའི་སྦྱོར་བ་ནི་ཧེ་རུ་ཀའོ།། དེའི་གླུ་བླང་བ་ནི། གང་གིས་གར་བྱེད་པ་སྔོན་དུ་འགྲོ ་བས་ཕྱག་རྒྱ་ཆེན་པོ་བཅིངས་པའོ།། གཟིགས་པ་རྣམ་པ་སྣ་ཚོགས་འགྱུར་བའི་ཕྱག་རྒྱས་ཐོབ་ལ་ཞེས་བྱ་བས་ནི་ཞལ་དྲག་པོ་སྟོན་ཏོ།། འོ་བྱེད་འཁྱུད་པས་རྨོངས་མཛད་དེ་ཞེས་བྱ་བ་ནི་ཞལ་གཉིས་པ་རབ་ཏུ་རྨོངས་པའོ།། བདེ ་བའི་མཆོག་སྟོན་ཀུན་གསོལ་ཞེས་བྱ་བ་ནི་ཞལ་གསུམ་པ་ཟ་བྱེད་ཀྱི་རང་བཞིན་ནོ།། བདེ་མཆོག་ངོ་མཚར་བསྟན་ཏུ་གསོལ་ཞེས་བྱ་བ་ནི་ཞལ་བཞི་པ་སྒེག་པའོ།། རྒྱས་བཏབས་ཅེས་བྱ་བ་ལ་སོགས་པས་ནི་ཞལ་བཞི་སྒོ་ནས ་རིམ་པ་བཞིན་དུ་བསྐུལ་བའོ།། ཧཱུཾ་ཨ་ལ་ལཱ་ལ་ཧོ་སྣང་བར་མཛོད་ཅེས་པ་ནི་སྣང་བ་བསྐུལ་བའོ།། ལྷག་མ་རྣམས་ནི་སྔ་མ་བཞིན་ནོ།། དཀར་མོ་ལ་སོགས་པའི་གླུ་བསྟན་པའི་ཕྱིར་དམ་ཚིག་དག་ལ ་ཞེས་བྱ་བ་ལ་སོགས་ཏེ། དམ་ཚིག་ལ་གཞུག་ཏུ་གསོལ་ཞེས་པ་ནི་འདའ་བར་མུ་མཛད་ཅིག་པའོ།། ཉོན་མོངས་ཀུན་ལས་རྒྱལ་བར་མཛོད་ཅེས་པ་ནི་ཉོན་མོངས་པ་ཐམས་ཅད་ལས་རྒྱལ་བ་སྟེ་ཧེ་རུ་ཀའོ།། མ་ལུས་པ ་ངག་བསྣམསུ་གསོལ་ཞེས་པ་ནི་གང་གིས་སེམས་ཅན་ཐམས་ཅད་ལ་ལོངས་སྤྱོད་པའོ་ཞེས་བྱ་བར་སྦྱར་རོ།། པདྨ་གར་གྱི་དབང་ཕྱུག་གི་འབྱུང་བ་བསྟན་པའི་ཕྱིར། རྣལ་འབྱོར་དེ་ཉིད་ཅེས་བྱ་བ་ལ་སོགས་པ་གསུངས ་ཏེ། དེ་ཉིད་ཅེས་བྱ་བ་ནི་རྡོ་རྗེ་སེམས་དཔའོ།། འདོད་ཆགས་ཐམས་ཅད་ནི་བདག་ལ་སོགས་པར་ཞེན་པའོ།། དེའི་རྣམ་པར་དག་པ་ནི། གང་ཟག་དང་ཆོས་ལ་བདག་མེད་པར་བསྒོམས་པས་རྣམ་པར་རྟོག་པ་དང་བྲལ་བའོ།། པདྨའི ་ཕྱག་རྒྱ་དཔལ་དུ་གནས་ཞེས་བྱ་བ་ནི། འདོད་ཆགས་རྣམ་པར་དག་པ་སྟོན་པའི་ཕྱག་རྒྱ་ཆེན་པོ་སྐུ་མདོག་དཀར་པོ། མི་འགྱུར་བ་ནི་འདོད་ཆགས་ཐམས་ཅད་སྟོང་པ་ཉིད་དོ།། དེའི་གྲུབ་པ་ནི་ཐུགསུ་ཆུད་པའོ།། ཤེལ་གོང་ཤིན ་ཏུ་དག་པ་འདྲ་ཞེས་བྱ་བ་ནི། ཤེལ་གྱི་མདོག་ཅན་ནོ།། འདོད་ཆགས་ཐམས་ཅད་ནི་གདུལ་བའི་དབང་གིས་དུ་མ་ཉིད་དུ་གནས་པའི་ཐུགས་རྗེ་ཆེན་པོའོ།། ངེས་གསལ་བའི་ཕྱིར་འབར་བ་སྣ་ཚོགས་འཁྲིགས་པའི་འོད་དེ། ཁ་དོག ་རྣམ་པ་སྣ་ཚོགས་པས་འབར་ཞིང་འཁྲིགས་པའི་འོད་ཀྱི་དཀྱིལ་འཁོར་ཅན་ནོ།། སངས་རྒྱས་ཚེའི་ཞེས་བྱ་བ་ནི། ཚེ་དཔག་མེད་དོ།། དེ་ཉིད་རིན་པོ་ཆེ་སྟེ་དེས་སྦས་པ་ནི། དབང་བསྐུར་ཞིང་བརྒྱན་པས་ན། སངས་རྒྱས་ཚེའི ་རིན་པོ་ཆེས་སྤྲས་པའི་ཕྱིར་འདི་ནི་རྒྱན་རྣམ་པ་སྣ་ཚོགས་དང་ལྡན་པའོ།། ཞེས་མཚམས་སྦྱར་བའོ།། སངས་རྒྱས་ཐམས་ཅད་འདུས་པ་ཡིས་ཞེས་བྱ་བ་ནི། དེ་བཞིན་གཤེགས་པ་འདུས་པ་མཛད་པས་སོ།། བདེ་བ་ཅན་བཞིན ་དམ་པར་འགྱུར་རོ་ཞེས་པ་ནི། འཇིག་རྟེན་གྱི་ཁམས་བདེ་བ་ཅན་དང་འདྲའོ།། གར་ཐབས་རྣམ་པ་སྣ་ཚོགས་ཀྱིས་ཞེས་བྱ་བ་ནི་རྣམ་པ་སྣ་ཚོགས་པའི་གར་ཐབས་ཀྱིས་ཡོངསུ་བསྒྱུར་ཞིང་རབ་ཏུ་འབྱུང་བ་སྟེ། ངེས་པདྨ་དང ་སྣ་ཚོགས་པདྨ་ལ་སོགས་པ་པད་མས་མཚམས་པ་དང་། རྡོ་རྗེ་དང་། དུང་དང་། རལ་གྲི་དང་། འཁོར་ལོ་དང་། དབྱུག་པ་དང་། གཏུན་ཤིང་ལ་སོགས་པ་ནི་པདྨ་དང་བཅས་པར་གནས་པ་ནི་པད་མར་བཅས་པའོ།། པདྨའི ་མཆོག་པདྨར་བཅས་པ་དེས་ཕྱག་རྒྱ་རྣམས་འཁོར་ལོར་བསྐོར་ཞེས་བྱ་བར་སྦྱར་རོ།། པདྨའི་སྒྱུ་མས་རྣམ་སྦྱངས་ནས་ཞེས་བྱ་བ་ནི་པདྨའི་མཁའ་འགྲོ་རྣམས་ཀྱིས་སོ།། རྐང་པ་གཡས་པ་ས་ལ་བཞག་སྟེ། པདྨའི་གདན ་གྱིས་རྐང་པ་གཡོན་པ་སྐྱིལ་མོ་ཀྲུང་གི་ཚུལ་དུ་བཞག་པ་ནི་སྐྱིལ་མོ་ཀྲུང་ཕྱེད་པོའོ།། བུད་མེད་ཕྱག་རྒྱ་ཞེས་པ་ནི། ཁུ་ཚུར་གྱི་ཕྱག་རྒྱའོ།། བཅིང་བར་བྱ་ཞེས་པ་ནི་བཅིངས་པ་སྟེ་འཇོག་པའོ།། སྙིང་གར་ཞེས་བྱ་བ་ནི་ལྷག་མ་སྟེ། ་ལག་པ་གཡོན་པས་གཟུང་བར་བྱའོ།། ཆུ་སྤྲིན་ཚུལ་དུ་བསྒྲེང་བར་བྱ་ཞེས་པ་ནི་མཆོད་རྟེན་གྱི་རྒྱལ་མཚན་འཛིན་པ་སྟེ། རྣམ་པར་བལྟ་མའོ།། དེ་ལྟར་གྲུབ་པ་ནི་རྣམ་དག་དཔལ་དུ་འགྱུར་རོ།། དེ་བཞིན་དུ་སྒྲོལ ་མ་ལཱ་སོགས་པ་ནི་བྱ་ངོ་ཆུབ་མཆོ་ག་ལ་སོགས་པ་སྟེ། དེ་དག་ཀྱང་རིམ་བཞིན་བསྟན་པའི་མདོག་ནི་པདྨ་དང་། ལྗང་གུ་དང་། སྔོན་པོ་དང་། དཀར་པོ་དང་། གསེར་མདོག་དང་། དམར་པོའོ།། དེ་ནས་ཞེས་བྱ་བ་ནི་བཤད་མ་ཐག་པའོ།། ་ཕྱག་རྒྱུ་ཞེས་པ་ནི་ལས་ཐམས་ཅད་ནི་ཕྱག་རྒྱའོ།། རབ་ཏུ་བསྒྲུབ་ཅེས་པ་ནི་རྣམ་པར་དག་པ་བུད་མེད་ལ་སོགས་པ་ཐོབ་པ་སྟེ། གང་གིས་གར་སྔོན་དུ་སོང་བས་ཕྱག་རྒྱ་ཆེན་པོ་བཅིང་བ་བྱས་ནས། ཀྱེ་སེམས་དཔའ་པདྨོ་དག་མཆོག ་སྒྱུ་མོའི་དགའ་བ་བསྟན་དུ་གསོལ་ཞེས་བརྗོད་པར་སྦྱར་རོ།། དེ་བཞིན་གཤེགས་པ་ཀུན་ལ་སོགས་པ་ཞེས་བྱ་བ་ལ་སོགས་པའི་སྒྲས་རྡོ་རྗེ་འཛིན་པ་ཚངས་པ་ལ་སོགས་པའི་གཟུགས་འཛིན་པ་ཡིན་པར་ཤེས་པར་བྱའོ།། སེམས ་ཙོན་རྣམ་པ་སྣ་ཚོགས་འདུལ་བ་ནི་གཏི་མུག་རབ་ཏུ་སྤོང་བའི་མཚན་ཉིད་ཅན་ཡིན་པས་ན། སེམས་ཅན་རྣམ་པ་སྣ་ཚོགས་འདུལ་བ་དང་། མཆོག་གི་དངོས་གྲུབ་མངའ་བའོ།། ཞེས་པ་གཉིས་པའི་མཚམས་སྦྱར་བའོ།། དེ་ལ་སེམས ་དཔའ་པདྨ་དགའ་མཆོག་སྒྱུ་མའི་དགའ་བ་ཞེས་པ་ནི། པདྨའི་མཁའ་འགྲོའི་དགའ་བའོ།། ཀྱེ་གར་དབང་མཐར་དགའ་བའི་གར་མཛོད་ཅིག། ཅེས་པ་ནི་ཐར་པ་ལ་དགྱེས་པས། སེམས་ཅན་ཐམས་ཅད་ཀྱི་གཏི་མུག་རབ་ཏུ་སྤོང་བར ་སྤྱོད་པ་ཡིའོ།། དེ་བཞིན་གཤེགས་པ་ཀུན་ལ་སོགས་པའི་གཟུགས་མཆོག་སྣ་ཚོགས་འཛིན་ཞེས་བྱ་བ་དེ་ཉིད་གསལ་བར་བསྟན་པའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། པདྨོ་སྒྱུ་མ་ཞེས་པ་ནི་པདྨའི ་དགའ་བའི་སྒྱུ་མའི་དགའ་བའི་དཔལ་ལོ།། རྣམ་པ་སྣ་ཚོགས་ཞེས་བྱ་བ་ལ་སོགས་པས་ནི་ལྷ་མོ་རྣམས་ཀྱི་གླུ་བསྟན་པ་ཡིན་ཏེ། རྣམ་པ་སྣ་ཚོགས་པ་ནི་རྣམ་པ་ཐ་དད་པའི་ཚུལ་གྱིས་སེམས་ཅན་རྣམས་འདུལ་བར་མཛད་པའི ་ཕྱིར། བྱ་བ་སྣ་ཚོགས་པའི་གར་གྱི་རྣམ་པ་སྟེ། དེས་གར་མཇེད་པའོ།། དེས་དག་པ་ནི་པདྨོ་དམ་ཚིག་དབང་ཕྱུག་སངས་རྒྱས་གར་རྣམས་མཛད་དུ་གསོལ་ཞེས་པ་སྟེ། ཀྱེ་གྲོགས་པོ་རྣམས་ཞེས་པའོ།། པདྨོ་འཛིན་པའི་གར་གྱིས ་མཆོག་ཇི་ལྟ་བུ་ཞེ་ན། འདོད་ཆགས་སད་པར་མཛད་པ་ཡིན་ཏེ། ཇི་ལྟར་པདྨ་རབ་དམར་ཡང་། ཞེས་བྱ་བ་ལ་སོགས་པ་དེ་ལ་སྤྱན་རས་གཟིགས་དབང་ཕྱུག་གིས་ཐུགས་རྗེ་ཆེན་པོ་རབ་ཏུ་འཕེལ་བར་མཛད་པའི་སེམས་ཅན་ཐམས ་ཅད་རྣམ་པར་སྦྱོང་ཞིང་གར་མཛད་པའོ།། རྡོ་རྗེ་ཉི་མ་གླེང་གཞི་བསྟན་པར་བྱ་བའི་ཕྱིར། རྣལ་འབྱོར་དེ་ཉིད་ཅེས་བྱ་བ་ལ་སོགས་པོ་གསུངས་ཏེ། དེ་ཉིད་ཅེས་བྱ་བ་ནི་རྡོ་རྗེ་སེམས་དཔའ་སྟེ། སེར་སྣ་ཅན་རྣམས་སེར་སྣ་རབ་ཏུ་སྤངས་ཏེ། ་འཁོར་གསུམ་ཡོངསུ་དག་པའི་སྦྱིན་པ་ལ་འཇོག་པ་ནི་ནོར་མཆོག་རབ་ཏུ་སྦྱང་པོ་སྟེ། དེའི་ཕྱིར་ཉི་མ་ལྟ་བུའི་གཟུགས་དང་། སྤྱོད་ལམ་དང་ཚུལ་དང་། གཟི་བརྗིད་ཆེན་པོ་གང་ལ་ཡོད་པ་དེ་ལ་དེ་སྐད་ཅེས་བྱའོ།། ཕྱག་གཡས་པས་ནི ་མངའ་དེ་འཛིན། གཡེནྟ་བྱཱསྠཱ་ནཱཾ་གཞུ་འཛིན། ཡང་གཡས་པས་ནཱ་རམྦྷ་གྲྀ་བསྣམས།། གཡོན་ན་ན་རྡོ་རྗེ་ཉི་མའི་དཀྱིལ་འཁོར་བསྣམས་ལ། སྒེག་པ་དང་ལྡན་ཞིང་འཛུམ་པ་དང་བཅད་པའི་གཡོན་པ ་འབྱེད་ཅིང་གྱེན་དུ་འདེགས་པའོ།། རྡོ་རྗེ་པུས་མོ་གཉིས་བཅིངས་ཏེ་ཞེས་བྱ་བ་ནི། པུས་མོ་གཡོན་པའི་སྟེང་དུ་པུས་མོ་གཡས་པའི་ལྷ་ང་བཞག་པའོ།། བདག་གི་སྟན་ལ་འདུག་ནས་ནི་ཞེས་བྱ་བས་ནི། རྐང་པ་གཡོན་པས་སྐྱིལ་མོ་ཀྲུང ་ཕྱེད་ཀྱི་ཚུལ་གྱིས་ཡང་དག་པར་མནན་པ་ནི་བདག་གི་སྟན་ཏེ། རྐང་པ་གཡས་པ་རྐང་པ་གཡོན་པའི་འོག་ཏུ་གཞུག་པར་བྱའོ།། ཇི་ལྟའི་ཚུལ་དག་སྟོན་པ་དག་ཅེས་བྱ་བ་ནི། ཇི་ལྟར་ཅོད་པན་ཕྱེད་ལ་སོགས་པར་སྟོན་པས་སོ།། འོད ་དག་གི་སྐུ་མདོག་ནི་རིམ་བཞིན་དུ་པདྨ་དམར་པོ་དང་། ལྕེ་བརྒན་དང་། བཻ་ཌཱུརྱ་དང་། གསེར་གྱི་མདོག་ཅན་ནོ།། ལ་ལ་ན་རེ་རྣམ་པར་སྣང་མཛད་ལ་སོགས་པའི་ལྷ་མོ་རྣམས་ནི་རང་རང་གི་བདག་པོའི་སྐུ་མདོག་དང་མཐུན་པའོ།། ཞེས ་ཟེར་མོད་ཀྱི་དེ་ནི་མ་ཡིན་ཏེ། ཁ་དོག་མ་ཚང་བ་ཉིད་ཀྱི་ཕྱིར་དང་། མཉམ་པར་ཐལ་བའི་ཕྱིར་དང་། ཆོ་གའི་ནང་ནས་དེ་སྐད་མི་སྨོས་པའི་ཕྱིར་རོ།། ལས་རྣམས་ཐམས་ཅད་རབ་བསྒྲུབ་པ་ཞེས་བྱ་བ་ནི་དྲག་པོ་ལ་སོགས་པ་ཁམས ་གསུམ་ན་གནས་པ་རྣམས་བཏུལ་བའོ།། རྒྱལ་པོ་རྒྱུ་མ་མཆོག་ག་གླུ་ཞེས་བྱ་བ་ནི་རྡོ་རྗེ་ཉི་མོ་འབྱུང་བའི་གླུ་སྟེ། གང་གིས་གར་སྔོན་དུ་འགྲོ་བའི་ཕྱག་རྒྱ་ཆེན་པོ་བཅིངས་པའོ།། ཁམས་གསུམ་ནི་འཇིག་རྟེན་གསུམ་མོ།། ཀུན་གྱི་རྒྱལ ་སྲིད་ནི་དེར་དབང་བསྐུར་བའི་སྤྲུལ་པ་སྟེ། དེས་ན་གདུལ་བྱ་རྣམས་ཀྱི་སེར་སྣ་སྦྱོང་བའི་ཕྱིར། དབང་སྐུར་བ་ལ་སོགས་པ་ནི་མཆོག་གིས་ནོར་དང་ལྡན་པའོ།། འདི་ནི་དབང་བསྐུར་བའི་སྒོ་ནས་བསྐུལ་བའོ།། འཇལ་དུམ་གཡུལ ་འགྱེད་རྣམ་མང་ཁྱད་པར་སངས་རྒྱས་ཀྱི་འདུལ་བ་ཞེས་བྱ་བ་ནི། སྡུམས་དང་གདུལ་བ་དང་ཆད་པ་ཕུལ་དུ་བྱུང་བས་སོ།། དེ་ནས་གཡུལ་འགྱེད་པས་རྒྱལ་བ་ནི། སེར་སྣ་རབ་ཏུ་སྤོང་བར་མཛད་ནས་སེམས་ཅན་ཕུན་སུམ་ཚོགས ་པ་རྣམ་པ་མང་པོ་ཐོབ་པར་མཛད་པ་གང་ཡིན་པ་དེ་ལ་དེ་སྐད་ཅེས་བྱའོ།། དེ་ནི་རྒྱལ་པོ་བདེ་མཆོག་སྒྱུ་མ་སྟེ། གཏེར་གྱི་སྒོ་ནས་བསྐུལ་བའོ།། རྣམ་པ་སྣ་ཚོགས་འཇལ་དུ་མ་རྣམ་པར་རྒྱལ་བ་ནི་སེམས་ཅན་རྣམས་ཀྱི་རྒྱུད་ལ ་ཡོད་པའི་སེར་སྣ་རྣམས་སྤང་བའོ།། དེའི་དོན་དུ་རྒྱལ་མཚན་མཆོག་གི་སྦྲུལ་པ་གང་ལ་ཡོད་པ་དེ་ལ་དེ་སྐད་ཅེས་བྱ་སྟེ། འདི་ནི་རྒྱལ་མཚན་མཆོག་གི་སྒོ་ནས་བསྐུལ་བའོ།། རྒྱལ་པོ་ནི་རྡོ་རྗེ་ཉི་མ་སྟེ། དེ་ཡི་ངོ་བོ་ཉིད་དུ་གྱུར། ་པ་བདེ་བའི་མཆོག་ནི་བདེ་བའི་དམ་པའོ།། དེ་ཐོབ་པའི་ཕྱིར་སེམས་ཅན་རྣམས་ཀྱི་མཆོད་པ་ཆེན་པོ་སྤྲུལ་པའི་སྒྱུ་མའོ།། དེ་ཉིད་ནི་ཚུལ་ལྡན་ཏེ་ཚུལ་ཞེས་པ་ནི་སྤྲུལ་པ་བཞིན་དུ་བལྟ་བར་བྱ་སྟེ། འདི་ཡང་མཆོད་པ་ཆེན་པོའི ་སྒོ་ནས་བསྐུལ་བའོ།། གཞན་ཡང་སེམས་ཅན་སྤྲིན་ལོ་བྱང་ཆུབ་ཅེས་བྱ་བ་ནི་དབང་བསྐུར་བའི་སྒོ་ནས་སོ།། མ་ཆོད་སྦྱིན་སྣ་ཚོགས་ཞེས་བྱ་བ་ལ་སོགས་པ་ནི། གཏེར་གྱི་སྒོ་ནས་སོ།། བདག་གི་རེ་བ་ཀུན་བསྒྲུབས་མྱུར་དུ ་སྟོན་ཞེས་བྱ་བ་ནི། རྒྱལ་མཆོག་མཆོག་ནས་སོ།། ཨ་ལ་ལ་ཞེས་བྱ་བ་ལ་སོགས་པས་ནི། མཆོད་པ་ཆེན་པོའི་སྒོ་ནས་ལྷ་མོ་རྣམས་ཀྱི་གླུ་བསྟན་པར་བྱ་བའི་ཕྱིར། མི་ཟད་གཏེར་གྱི་ཞེས་བྱ་བ ་ལ་སོགས་པ་གསུངས་ཏེ། མི་ཟད་གཏེར་གྱི་དབང་སྐུར་བའི་ཞེས་བྱ་བ་ནི། མི་ཟད་པ་དང་། དབང་བསྐུར་བ་དང་། རྣམ་པར་རྒྱལ་བ་དང་། རྒྱལ་མཚན་དང་མཆོད་པ་སྟེ། མ་ལུས་པོ་ཞེས་བྱ་བ་ནི་ཐམས་ཅད་དུ་ཁྱད་པར ་འདི་དག་ཐམས་ཅད་ཀྱང་དབང་བསྐུར་བ་ལ་སོགས་པའོ་སྤྲུལ་པ་རྣམས་ཀྱིས་སོ།། དེ་དག་ཐམས་ཅད་ཀྱང་བུད་མེད་རིན་པོ་ཆེ་རྣམས་ཀྱི་ཕྱིར་ཏེ། སེམས་ཅན་རྣམས་ཀྱི་དབང་བསྐུར་བ་ལ་སོགས་པའི་དོན་དུ་རྣམ་པར་དག ་པའི་བུད་མྱེད་ཐོབ་པའི་རྒྱུ་ཉིད་དོ།། རིན་ཆེན་སྣ་ཚོགས་ཀུན་ནང་ན། བུད་མེད་རིན་ཆེན་གཅིག་པུ་མཆོག་ཅེས་པ་སྟེ། རིན་པོ་ཆེ་བསགས་པ་ཐམས་ཅད་ཀྱི་ནང་ནི། བུད་མེད་རིན་པོ་ཆེ་གཅིག་པུ་ནི་མཆོག་སྟེ། དམ་པར་གྱུར་པ ་ཉིད་ཡིན་ནོ།། ཇི་ལྟ་བུ་ཞེ་ན། བུད་མེད་རིན་ཆེནི་དག་པ་དམ་པ་ནི་དབང་བསྐུར་བ་ལ་སོགས་པའི་ངོ་བོ་ཉིད་དང་། ཉེས་པ་ཐམས་ཅད་དང་བྲལ་བ་ཡིན་པས་ན་བུད་མེད་རིན་པོ་ཆེ་གང་ཡིན་པ་དེ་ནི་དབང་བསྐུར་བ་ལ་སོགས་པ ་དང་། ཏིང་ངེ་འཛིན་དང་བསྒོམ་པ་ལ་སོགས་པ་ཐམས་ཅད་ཀྱི་རྩ་བའོ།། དེ་བས་ན་དེ་ལས་ཐོབ་པ་ནི་རྒྱལ་སྲིད་ཐམས་ཅད་མཉམ་སྦྱོར་བ་སྟེ། རྡོ་རྗེ་ཉི་མའི་སྦྱོར་བའོ།། དཔལ་རྟ་མཆོག་གི་སྦྱོར་བ་བསྟན་པའི་ཕྱིར། རྣལ་འབྱོར་དེ ་ཉིད་ཅེས་བྱ་བ་ལ་སོགས་པ་གསུངས་ཏེ། ཐམས་ཅད་དག་པར་མོས་པ་ཡིན་ཞེས་བྱ་བ་ནི་ལེ་ལོ་སྤོང་བ་སྔོན་དུ་བྱས་པས་སེམས་ཅན་རྣམས་བརྩོན་འགྲུས་བསྐྱེད་པར་དགོངས་པས་སོ།། འཇིག་རྟེན་ཐམས་ཅད་ཅེས་བྱ་བ་ནི། ་དབང་ཕྱུག་དམ་པ་ལ་སོགས་པའོ།། རབ་ཏུ་འཇོམས་ཞེས་བྱ་བ་ནི། གནོན་པ་སྟེ་ཕྱག་གི་རྣམ་པ་གྱེན་དུ་འབྱུང་བའི་ཆུ་བྱེ་བྲག་ལ་སོགས་པའོ།། ཕྱག་བཞི་པ་ཞེས་བྱ་བ་ནི་སོ་སོར་བསྟན་པ་སྟེ། གཡོན་ན་ཁུ་ཚུར་གྱིས་སྣ ་ཚོགས་པདྨ་བསྣམས། གཡས་པ་བ་དན་གསུམ་པ་བསྒྲེང་བའི་ཚུལ་གྱིས་སྣ་ཚོགས་རྡོ་རྗེ་བསྣམས་པའོ།། ཕྱག་གཉིས་མ་ནི་རྡོ་རྗེ་སེམས་དཔའ་ལ་སོགས་པའི་ཕྱག་མཚན་ལས་ཅི་དགའ་བར་བསྣམས་པའོ།། གཞནི་དག ་ན་རེ་ཕྱག་ནི་རྣམ་པ་བཞི་བཞི་ཞེས་ཟེར་ཏེ། རྒྱུད་གཞན་དང་རྗེས་སུ་མཐུན་པ་སྟེ། གཡས་ཀྱི་བཞི་ལ་བ་ངན་གསུམ་པ་བསྒྲེང་བའི་ཚུལ་ཅན་དང་། སྣ་ཚོགས་རྡོ་རྗེ་བསྣམས་པ་དང་། རལ་གྲི་དང་མདའ་བསྣམས་པ་སྟེ་བཞིའོ།། ་གཡོན་གྱི་ལ་ཁུ་ཚུར་གྱིས་སྣ་ཚོགས་པདྨ་འཛིན་པ་དང་། མདུང་དང་། དབྱུག་པ་དང་། གཞུ་བསྣམས་པ་སྟེ། ཕྱག་བརྒྱད་པའོ་ཞེས་ཟེར་རོ།། ཞབས་བཞི་པ་ཞེས་བྱ་བ་གཡས་བརྐྱང་བ་དང་། གཡས་ཀྱི་གསུམ་གྲུབ་མ ་དང་དཔལ་མོ་གནོན་པ་གཡོན་གྱིས་མིག་གསུམ་པ་དང་། ཁྱབ་འཇུག་གཡོན་པ་ཡང་། གཡས་གཡོན་གཉིས་ཀྱིས་གྲོལ་མ་དང་། དགའ་བ་དང་། ཚངས་པ་དང་། ལྷའི་དབང་ཕྱུག་རིམས་བཞིན་གནོན་པས་བཞུགས་ནས ་སྔ་མ་བཞིན་དུ་གྲཝར་སྔོན་དུ་འགྲོ་བས་ཕྱག་རྒྱ་ཆེན་པོ་བཅིང་བའོ།། གླུ་བསྟན་པའི་ཕྱིར། མྱོས་བྱེད་སྟོང་པས་ལྷག་པའི་ཞེས་བྱ་བ་ལ་སོགས་པ་གསུངས་ཏེ། མྱོས་བྱེད་ནི་འདོད་པའི་ལྷ་སྟེ། དེ་སྟོང་པས་ལྷག་པ ་བདེ་བས་འདོད་པའི་གཟུགས་སྟོན་པ་སྟེ། ཡིད་འཕྲོག་པའི་སྐུར་སྤྲུལ་པ་མཇེད་པས་སོ།། འདིས་ནི་ཞལ་དང་པོ་སྒེག་པར་བསྟན་ཏོ།། གདུལ་བའི་དབང་གིས་ཞེས་བྱ་བ་ལ་སོགས་པས་ནི། ཞལ་དྲག་པོ་བསྟན་ཏོ།། གཞན་ཡང ་ཞི་བའི་སྐུར་ཡང་ཞེས་བྱ་བ་ལ་སོགས་པས་ནི་གསུམ་པ་ཞི་བ་སྟེ། ཚངས་པའི་ཞལ་ལོ།། ཐམས་ཅད་དག་པས་ཞེས་བྱ་བ་ལ་སོགས་པས་ནི་བཞི་པ་རྟ་གདོང་ངོ་།། ཧི་ཧི་ཧི་ཧི། ཞེས་བྱ་བ་ནི་ཕ་རོལ་གནོན་པས་རབ་ཏུ་འཇོམས ་པའོ།། ཧུ་ལུ་ཧུ་ལུ། ཞེས་བྱ་བ་ནི་བཞུགས་ཤིག་པའོ།། རུ་ཊ་མ་ཊ་ཞེས་བྱ་བ་ནི་དགའ་བ་དང་བྲལ་བའོ།། སྨ་ར་ར་ཏི་མངོན་པར་དྲན་པ་སྟེ། ཞི་བའི་མཉམ་དང་ལྡན་པ་མངོན་སུམ་དུ་མཛོད་ཙོག་པའི་བར་དུའོ།། ཨ་ལ་ལ་ལ་ལ་ཧོ་ཞེས་བྱ་བ ་ནི་ངོ་མཚར་དུ་གྱུར་པའོ།། སུཾ་བྷཱ་ཞེས་བྱ་བ་ནི་ལྷུང་བྱར་མཛོད་ཅིག་པའོ།། ནི་སུ་བྷཱ་ནི་ཞེས་བྱ་བ་ནི་བརྒྱལ་བར་རོ།། ཧཱུཾ་ཞེས་བྱ་བ་ནི་གསོད་པས་སོ།། ཕཊ་ཕཊ་ཞེས་བྱ་བ་ནི་གདུལ་བ་སྟེ། དེ་དག་ནི་བསྐུལ་བའི་ཚིག་གོ།། ལྷ་མོ་རྣམས་ཀྱི ་གླུ་བསྟན་པའི་ཕྱིར། མཛའ་བོ་མི་ལ་ཞེས་བྱ་བ་ལ་སོགས་པ་གསུངས་ཏེ། འདི་ལྟར་བྱ་བ་འམ་མི་བྱ་བ་ཡོངསུ་རྟོགས་པའི་དགའ་བ་གང་ཡིན་པའི་མིར་སྐྱེ་བོ་ནི་མཛའ་བ་དེ་ཡང་བཅོས་མ་སྟེ། དེ་ལ་མཛའ་བོ་ཡིན་ཞེས་མཛའ ་བར་སུ་ཞིག་སྨྲ། ཡང་རྒོལ་བར་བརྩོམ་པ་གང་དུ་བྱ་བ་འམ་མི་བྱ་ཞེས་ཡོངས་སུ་རྟོག་པ་སྐྱེས་པ་དེ་ཡང་རྒོལ་བ་བཅོས་མ་སྟེ། དེ་ལ་དཔའ་བ་ཡིན། ཞེས་སུ་ཞིག་ཟེར་བར་འགྱུར། སྣ་ཚོགས་པདྨ་ལ་སོགས་པ་ལྷ་མ ་གཉིས་ནི་གླུ་འདི་ཉིད་ལས་རྗེ་སུ་དཔག་པ་ཡིན་ནོ།། ཞེས་ལ་ལ་ཟེར་རོ།། དཀྱིལ་འཁོར་དུ་ལྷ་རྣམས་ཀྱི་དམ་ཚིག་གིས་བཞུགས་པར་བྱ་བ་དང་། རྣལ་འབྱོར་པ་རྣམས་ཀྱི་ཡང་བདག་ཉིད་ཀྱི་བསྒྲུབས་པས་རང་གི་དམ་ཚིག་རྣམ ་ཀྱིས་བྱིན་གྱིས་བརླབས་པའི་དམ་ཚིག་གི་ཕྱག་རྒྱ་རྣམས་བསྟན་པའི་ཕྱིར། མཛུབ་མོ་ཞེས་བྱ་བ་ལ་སོགས་པ་གསུངས་ཏེ། མཛུབ་མོས་མཐེ་བོང་མནན་ནས་ནི་ཞེས་བྱ་བ་ནི་ཐལ་མོ་སྦྱར་བ་བྱས་ལ། མཛུབ་མོ་གཉིས་བཀུག་སྟེ། ་དེའི་རྩེ་མོ་རང་གི་མཐེ་བོའི་རྩེ་མོས་མནན་པའོ།། རླུང་གི་མཐེ་བོས་མཛུབ་མོ་མནན་ཞེས་བྱ་བ་ནི། མཛུབ་མོ་དེ་དག་ཉིད་དང་མཐེ་བོ་སྦྱར་ནས་རིམ་གྱིས་བཞུགས་པ་ནི། དཔལ་གྲུབ་སྦྱིན་ནོ།། རྡོ་རྗེ་ཐལ་མོ་སྦྱར་བ་བཅིངས་ལ་རིམ་པ ་དེ་ཉིད་ཀྱི་རྡོ་རྗེ་སྤྱན་གཉིས་བྱས་ཏེ། རྡོ་རྗེ་སྤྱན་གཉིས་ལས་མཛུབ་མོ་གཉིས་བཀུག་སྟེ། མིག་གི་རྣམ་པ་ལྟ་བུར་སྦྱར་ནས་བཅིངས་པ་ནི་དཔལ་རྡོ་རྗེ་སྤྱན་ནོ་གྲུབ་པ་ནི་རྫོགས་པའོ།། འདིས་ནི་ཞེས་བྱ་བ་ནི་རྡོ་རྗེ་སྨན་གྱི་སངས་རྒྱས ་ཐམས་ཅད་ལ་སོགས་པ་ཉིད་དུ་འགྲུབ་པར་འགྱུར་བའོ།། རྡོ་རྗེ་འཛིན་པ་ཐམས་ཅད་ནི་རྡོ་རྗེ་སེམས་དཔའ་དང་། བདེ་བའི་མཆོག་ལ་སོགས་པ་སྟེ། དེ་རྣམས་དབང་དུ་བྱེད་པའོ།། དེས་ན་དེ་དག་ཀུན་གྱི་ཕྱག་རྒྱ་འདི་དག་ཡིན་ནོ།། རྡོ་རྗེ ་ཅན་གྱི་ཕྱག་རྒྱ་ནི་རྡོ་རྗེ་སེམས་དཔའ་དེ་ཉིད་ཀྱི་ཡང་ཡིན་ནོ།། རྡོ་རྗེ་ཐལ་མོ་སྦྱར་ལ་མཛུབ་མོ་གཉིས་བཀུག་སྟེ། མཐེ་བོང་གཉིས་བར་དུ་བཅུག་པ་ནི། གཙུག་ཏོར་ཐམས་ཅད་དང་རྣམ་པར་སྣང་མཛད་འཁོར་དང ་བཅས་པ་ཡིའོ།། གྱེན་དུ་དབྱེ་ནི་ཞེས་བྱ་བ་རྡོ་རྗེ་ཐལ་མོ་སྦྱར་ནས་བཞག་པ་ལས་དེ་ཉིད་ཀྱི་སོར་རྣམས་གྱེན་དུ་བྱང་ནས་མཛུབ་མོ་གཉིས་བཀུག་ལ་མཐེ་བོང་གཉིས་མཆེ་བ་འདྲ་བར་འཇོག་པ་སྟེ། འདི་ནི་ཧེ་རུ་ཀ་དང་དེའི་ལྷ་མོ་རྣམས་ཀྱིའོ།། ་རྨོངས་པར་བྱེད་པ་ཞེས་བྱ་བ་ནི་བརྒྱལ་བར་བྱེད་པའོ།། རྡོ་རྗེ་ཐལ་མོ་མཉམ་པར་སྦྱར་ནས། གུང་མོ་གཉིས་མཉམ་པར་བྱས་ལ་མཐེ་བོང་དང་མཐེའུ་ཆུང་ཁ་བྱེ་བ་ནི་པདྨའི་རྒྱལ་པོ་འཁོར་དང་བཅས་པ་ཡིའོ།། མཛུབ་མོ་མཉམ་པར་ཕྱིར ་བཀུག་སྟེ། ཞེས་བྱ་བ་ནི་མཛུབ་མོ་གཉིས་མཉམ་པར་བྱས་ཏེ། ཕྱི་རོལ་ནས་བཀུག་པའོ།། མཐེ་བོ་རྡོ་རྗེ་གཡོགས་པ་ནི་ཞེས་བྱ་བ་ནི་མཐེ་བོ་གཉིས་རྡོ་རྗེར་བྱས་ལ་དེའི་རྩེ་མོ་གཉིས་རྩེ་སྦྱར་ནས་རྗེསུ་བཅིངས་པ་སྟེ། འདི་ནི་རྡོ་རྗེ་ཉི་མ་ལྷ་མོ ་དང་བཅས་པ་ཡིའོ།། མཐེའུ་ཆུང་སྲིན་ལག་མཉམ་པར་སྦྱར་ཞེས་བྱ་བ་ནི་མཐེའུ་ཆུང་སྲིན་ལག་དང་བཅས་པ་བརྐྱང་བ་ནི་རྐང་པ་བཞི་ཡིའོ།། མཛུབ་མོ་རྩེ་མཉམ་བཀུག་པ་ནི་ཞེས་བྱ་བ་ནི། མཛུབ་མོ་གཉིས་མཉམ་པོར་སྦྱར་ལ་མགྲིན ་པར་ལྟར་ཕྱི་རོལ་བཀུག་པའོ།། རྡོ་རྗེ་དྲིལ་བུ་ལ་སོགས་པ་རང་གི་ཕྱག་མཚན་དང་། ཕྱག་རྒྱ་འཛིན་པ་མངོན་དུ་འགྲོ་བས་ཕྱག་རྒྱ་ཆེན་པོ་བཅིང་བར་བྱའོ།། ཞེས་པའི་དམ་ཚིག་ཆེན་པོའི་ཕྱག་རྒྱ་ཞེས་པ་བསྟན་པར་བྱ་བའི་ཕྱིར། ལུས་དང་ངག ་སེམས་ཞེས་བྱ་བ་ལ་སོགས་པ་གསུངས་ཏེ། ལུས་དང་ངག་དང་། སེམས་ཉིད་རྡོ་རྗེ་སྟེ་དེ་རྣམས་ལྷ་དང་རྗེ་སུ་འབྲེལ་པས་སོ།། ཐམས་ཅད་འབྱུང་བའི་སྦྱོར་བ་ཡིས། ཞེས་བྱ་བ་ནི་ཐམས་ཅད་འབྱུང་བའི་ཚུལ་གྱིས་སོ།། བདག་གི་ལྷར་ནི ་ཞེས་པ་ནི་བདག་གི་ལྷག་པའི་ལྷར་བདག་ཉིད་གྱུར་པ་དེ་བཞིན་དུ་སེམས་དཔའ་ཆེན་པོ་སྤྱན་དྲངས་པ་ལ་སོགསྤ་ནས་བྱིན་གྱིས་བརླབ་པ་དང་། དབང་བསྐུར་བ་ལ་སོགས་པའི་རིམ་པ་རྫོགས་པར་བྱས་ནས་དེའི་ང་རྒྱལ་དང་ལྡན་པས ་ང་རྒྱལ་དང་ལྡན་པས་བསྒོམ་པ་ལ་སོགས་བྱའོ།། སྦྱོར་བ་དང་། རྗེ་སུ་སྦྱོར་བའི་བདག་ཉིད་ཅན་གྱི་རྣལ་འབྱོར་གྱི་ཕྱག་རྒྱ་ཞེས་པ་བསྟན་པའི་ཕྱིར། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། དཔལ་རྡོ་རྗེ་སེམས་དཔའ་ཀུན་ཏུ ་སྦྱོར་བ་ནི་ཐམས་ཅད་འབྱུང་བའི་སྦྱོར་བ་སྟེ། དེས་གཟུགས་དང་དབྱིབས་ཇི་ལྟ་བ་དང་ལྡན་པའི་སྐུ་དང་གསུང་ཐུགས་རྡོ་རྗེ་སེམས་ཀྱི་ཕྱག་རྒྱ་དང་ལྡན་པ་ནི་རང་གི་ལྷར་གྱུར་པའི་སྦྱོར་བ་ཅན་ནོ།། ཀུན་གྱི་བདག་ཉིད་ནི་རྗེསས་འོ། རྒྱུ་གྱི ་ཞུགས་པར་བྱ་བ་ནི་རྗེ་སུ་སྦྱོར་བའོ།། ཆགས་པ་མེད་ཅིང་ཞེས་བྱ་བ་ལ་སོགས་པས་ནི། བདག་ཤིན་ཏུ་སྦྱོར་བ་ཇི་ལྟ་བ་དང་ལྡན་པའོ།། དེ་ནི་འདི་སྐད་སྟོན་པར་འགྱུར་ཏེ། ཇི་སྐད་གསུངས་པའི་རིམ་པས་སྦྱར་བ་དང་། རྗེསུ་སྦྱོར་བ་རྫོགས ་པས་ཆགས་པ་དང་། མ་ཆགས་པ་ལ་སོགས་པ་སྟོང་པ་ཉིད་དུ་བསྒོམས་ནས་ལྷ་མེ་རྣམས་དང་ལྷན་ཅིག་ཏུ་བདག་ཉིད་བསྒོམ་པར་བྱའོ།། དེ་བཞིན་དུ་རྣམ་པར་སྣང་མཛད་ཀྱི་རྣལ་འབྱོར་པས་ཀྱང་ཡོད་པ་མ་ཡིན་མེད་པ་མིན་ཞེས་བྱ་བ ་ལ་སོགས་པས་དེ་ཁོ་ན་ཉིད་བསྒོམ་པར་བྱའོ།། དེ་བཞིན་དུ་དཔལ་ཧེ་རུ་ཀའི་རྣལ་འབྱོར་པས་ནི་ཐམས་ཅད་ན་མཁའི་མཚན་ཉིད་དེ། ཞེས་བྱ་བ་ལ་སོགས་པས་དེ་ཁོ་ན་ཉིད་བསྒོམས་པར་བྱའོ།། དེ་བཞིན་དུ་པདྨ ་གར་གྱི་དབང་ཕྱུག་གི་རྣལ་འབྱོར་པས་ནི། ཇི་ལྟར་པདྨ་དམར་པོ་འདི་ཞེས་བྱ་བ་ལ་སོགས་པས་དེ་ཁོ་ན་ཉིད་བསྒོམ་པའོ།། དེ་བཞིན་དུ་རྡོ་རྗེ་ཉི་མའི་རྣལ་འབྱོར་པས་ནི་ཤིན་ཏུ་གདུག་ཅིང་དྲག་པོ་ལ་ཞེས་བྱ་བ་ལ་སོགས་པས་དེ་ཁོ་ན་ཉིད ་བསྒོམ་པར་བྱའོ།། དེ་བཞིན་དུ་རྟ་མཆོག་གི་རྣལ་འབྱོར་པས་ནི་ཐམས་ཅད་དག་པར་མོས་པ་ཡིས་ཞེས་བྱ་བ་ལ་སོགས་པས་དེ་ཁོ་ན་ཉིད་བསྒོམ་པར་བྱའོ།། སྦྱོར་བ་ལ་སོགས་པ་དང་ལྡན་པའི་རྣལ་འབྱོར་པ་ཐམས་ཅད་བསྟན་པའི་ཕྱིར། ་སྦྱོར་བ་ཇི་སྙེད་པ་ལ་སོགས་པ་གསུངས་ཏེ། སྦྱོར་བ་ཇི་སྙེད་ཅེས་བྱ་བ་ནི་གར་དང་གླུའི་བསྟན་བཅོས་ལས་སོ།། ཀུན་ཞེས་བྱ་བ་ནི་གར་ལ་སོགས་པའི་བསྟན་བཅོས་ལས་བཤད་པ་རྣམས་ཀྱིས་སོ།། བྱ་བ་དང་ནི་ཞེས་བྱ་བ་ལ་སོགས་པ ་ནི་བདེ་མཆོག་གི་ཕྱག་རྒྱའོ།། འོ་བྱེད་ཅེས་བྱ་བ་ལ་སོགས་པ་ནཱི། ཨོཾ་མ་བདེ་བའི་ཕྱག་རྒྱའོ།། སྦྱོར་བའི་ལོངས་སྤྱོད་ཅེས་བྱ་བོ་ལ་སོགས་པ་ནི་སྒྲོན་མའི་ཕྱག་རྒྱའོ།། སྦྱོར་བ་ཀུན་གྱི་ཞེས་བྱ་བ་ལ་སོགས་པ་ནི་ཤི་ཤིའི་ཕྱག་རྒྱའོ།། རྣམ་པར ་སྣང་མཛད་ལ་སོགས་པའི་ཕྱག་རྒྱ་ཉེ་བར་བསྟན་པ་ཡང་དེ་བཞིན་དུ་བལྟ་བར་བྱའོ།། དཀྱིལ་འཁོར་དུ་རང་གི་བདོག་ཉིད་བསྒྲུབས་པས་ལྷ་རྣམས་ཀྱི་ཞལ་གྱི་ཕྱག་རྒྱ་ལ་སོགས་པས་རྒྱས་བཏབ་པ་དེ་ཉིད་བྱའོ།། ཞེས་པ་ནི་ཞལ་གྱི་ཕྱག ་རྒྱ་ཇི་སྙེད་པའི་བསྟན་པའི་ཕྱིར། ལྷ་མོ་ཀུན་གྱི་ཞེས་བྱ་བ་ལ་སོགས་པ་གསུངས་ཏེ། ལྷ་མོ་ཀུན་ནི་བདེ་བའི་མཆོག་ལ་སོགས་པའོ།། བདེ་བ་ཆེན་པོ་ནི་དེ་དང་འདུས་པར་གྱུར་པའོ།། དེ་ལས་བྱུང་བ་ནི་མཛེས་པའི་ཞལ་རྣམ་པར ་བསྒྱུར་བ་སྟེ། དེས་རྡོ་རྗེ་སེམས་དཔའ་ཐལ་བར་འགྱུར་བ་དང་། འཚོ་བར་བྱེད་ཅེས་བྱ་བར་སྦྱར་ཏེ། ལྷ་མོ་དེ་རྣམས་ཉིད་དང་འདུས་པའི་བདེ་བ་མྱོང་ནས་སྦྱོར་བར་མཛེས་པར་ལྟ་བས་གར་བྱེད་ཅིང་མིག་རྣམ་པར་འདེག་པ་གང་ཡིན། ་པ་དང་། ཞལ་རྣམ་པར་བསྒྱུར་བ་དེ་ལ་དེ་སྐད་ཅེས་བྱའོ།། བདེ་བའི་མཆོག་ལ་སོགས་པ་དེ་རྣམས་ཀྱི་ཞལ་གྱི་ཕྱག་རྒྱ་བསྟན་པའི་ཕྱིར། བུད་མེད་མཁས་པ་ཞེས་བྱ་བ་ལ་སོགས་པ་གསུངས་ཏེ། བུད་མེད་མཁས་པ་ནི་སྒྱུ་རྩལ ་ལ་བྱང་བའོ།། དེ་རྣམས་ཀྱིས་སྒྱུ་མ་ཆེན་པོ་ནི། དེ་རྣམས་ཀྱིས་མཛེས་པའི་ཞལ་རྣམ་པར་བསྒྱུར་བའི་རྣམ་པར་སྒེག་པས་རྣམ་པར་བསྒྱུར་བའོ།། རི་མོར་བཅས་ཤིང་བཏེག་པའི་མཆོག་ནི་མཛེས་པྲི་རྣ་ལྟ་བས་གར་བྱེད་ཅིང་ཞལ ་གྱི་མདངས་དང་ལྡན་པ་གང་ཡིན་པ་སྟེ། སྔ་མ་བཞིན་ནོ།། སངས་རྒྱས་བྱང་ཆུབ་ཅེས་བྱ་བ་ལ་སོགས་པས་ནི། བཅོམ་ལྡན་འདས་རྣམ་པར་སྣང་མཛད་འཁོར་དང་བཅས་པའི་ཞལ་གྱི་ཕྱག་རྒྱ་བསྟན་ཏེ། སངས་རྒྱས་ཀྱི་བྱང་ཆུབ ་ནི་སངས་རྒྱས་ཀུན་བརྗོད་མ་ལ་སོགས་པའོ།། དེ་དང་འདུས་པ་ནི་མཉམ་པར་སྦྱོར་བའོ།། དེ་ལས་རབ་ཏུ་དགའ་བར་བྱེད་ཅིང་དེ་རྣམས་ལས་གཟིགས་ཤིང་འཛུམ་པ་གང་ཡིན་པ་དེ་སྐད་ཅེས་བྱ་སྟེ། སངས་རྒྱས་བྱང་ཆུབ་ལེན་པའི ་རབ་ཏུ་དཔའ་ཞིང་ལྟ་བ་དང་མཛུབ་མོ་ཞེས་མཚམས་སྦྱོར་རོ།། ཤིན་ཏུ་སྲིད་པ་ཡང་དག་བསྒྲུབས། ཞེས་པ་ནི་མི་གནས་པའི་མྱ་ངན་ལྔས་འདས་པ་ཡོངསུ་རྫོགས་ཏེ། དེའི་དོན་དུའོ།། གསང་བ་བལྟ ་བ་ལ་གནས་ནས་ཞེས་པ་སྟེ། ཞི་བའི་ལྟ་བས་གནས་པ་གང་ཡིན་པ་དེ་ལ་དེ་སྐད་ཅེས་བྱའོ།། དཔལ་ཧེ་རུ་ཀའི་ཞལ་གྱི་ཕྱག་རྒྱ་དང་། རང་གི་དབུགས་དབྱུང་བ་ནི་དེའི་འཁོར་གྱི་ཡང་བདག་གི་འབྱུང་བ་བཞིན་དུ་ཤེས་པར་བྱའོ།། ་སྟེགས་ལ་སོགས་པས་ནི་པདྨ་གར་གྱི་དབང་ཕྱུག་འཁོར་དང་བཅས་པའི་ཞལ་གྱི་ཕྱག་རྒྱ་སྟོན་ཏོ།། འཛུམ་པའི་ཕྱག་རྒྱ་བསྟན་པའི་ཕྱིར། ལྷ་མོ་ཀུན་གྱི་ཞེས་བྱ་བ་ལ་སོགས་པ་གསུངས་ཏེ། ལྷ་མོ་ཐམས་ཅད་དང་ཡང་དག་པར ་འདུས་པ་མཛད་པའི་བདེ་བ་ཆེན་པོ་ནི་ལྷ་མོ་ཀུན་གྱི་བདེ་བ་ཆེན་པོའོ།། དེ་དང་མཛེས་པོའི་མ་མཆུས་སོ།། མནན་པོ་ནི་དཔལ་རྡོ་རྗེ་སེམས་དཔའ་ཡིའོ།། འདོད་ཆགས་ཐམས་ཅད་ཅེས་བྱ་བ་ནས་ཐལ་བར་འགྱུར་བ་ཡང་འཚོ་བར་བྱེད ་ཅེས་བྱ་བའི་བར་གྱིས་ནི་རིམ་བཞོན་དུ། བདེ་བའི་མཆོག་ལ་སོགས་པའི་འཁོར་དང་བཅས་པ་ཡཽའོ།། རྣམ་པར་སྣང་མཛད་འཁོར་དང་བཅས་པའི་རབ་ཏུ་དགའ་བར་བྱ་བའི་ཕྱིར་བསྟན་པ་ཡིན་ནོ།། དཔལ་ཧེ་རུ་ཀ་འཁོར་དང་བཅས ་པ་ནི་རྡོ་རྗེ་ཧ་ཞེས་བཤད་པའོ།། པདྨ་གར་གྱི་དབང་ཕྱུག་འཁོར་དང་བཅས་པ་ཡི་ནི་བཏེག་པ་ལ་སོགས་པའི་དབྱིངས་དང་ལྡན་པའི་རྗེསུ་འགྲོ་བའི་འཛུམ་པའོ།། རྡོ་རྗེ་ཉི་མོ་འཁོར་དང་བཅས་པ་ཡི་ནི་ཁྲོ་བ་དང་བཅས་པའི་ཞལ་འཛུམ ་པའོ།། རྟ་མཆོག་གི་ནི་རབ་ཏུ་དགའ་བའི་ཚོགས་ཀྱིས་འཛུམ་པ་སྟེ། སྔར་བཤད་པ་བཞིན་ནོ།། ལྟ་བའི་ཕྱག་རྒྱ་ཞེས་པར་བསྟན་པའི་ཕྱིར། བདེ་བ་མྱོང་བར་འགྱུར་བ་ལ་སོགས་པ་གསུངས་ཏེ། བདེ་བ་མྱོང་བ་ནི་ལྷ་མོ་རྣམས་དང་ལྷན ་ཅིག་ཤིན་ཏུ་སྦྱོར་བས་སྦྱོར་བ་ནི་བདེ་བ་མྱོང་བས་རབ་སྦྱོར་བའོ།། དེས་ཟམ་ཟིམ་དུ་བལྟ་ཞིང་རྣམ་པར་འགྱུར་བ་དེ་རྣམས་ཀྱིས་ཏེ། འདི་ནི་རྡོ་རྗེ་སེམས་དཔའ་ཡིའོ།། བུད་མེད་མཁས་པ་ཞེས་བྱ་བ་ལ་སོགས་པས་ནི། བདེ་བ ་མཆོག་ལ་སོགས་པ་ཡིའོ།། སངས་རྒྱས་བསང་བ་ཡིས་ཞེས་བྱ་བ་ལ་སོགས་པ་ནི་རྣམ་པར་སྣང་མཛད་འཁོར་དང་བཅས་པ་ཡིའོ།། སྨིན་མཚམས་ཁྲོ་གཉེར་འགྱུར་བཅས་དང་ཞེས་བྱ་བ་ལ་སོགས་པ་ནི། དཔལ་ཧེ་རུ་ཀ་དང་། ་དེའི་འཁོར་དང་བཅས་པའི་སྟེ། རང་གི་འབྱུང་བ་བཞིན་དུ་བལྟ་བར་བྱའོ།། ཁྲོ་ཞིང་འགྱུར་དང་བཅས་པས་འཛུམ་ཞེས་བྱ་བ་ལ་སོགས་པ་ནི་ཉི་མ་འཁོར་དང་བཅས་པ་ཡིའོ།། སྟེགས་ལ་སོགས་པའི་རོ་དང་ལྡན་ཞེས་བྱ་བ་ལ ་སོགས་པ་ནི། པདྨ་གར་གྱི་དབང་ཕྱུག་འཁོར་དང་བཅས་པ་ཡིའོ།། ཆོས་ཀྱི་ཕྱག་རྒྱ་བསྟན་པའི་ཕྱིར། ན་མོ་སྟུ་ཞེས་བྱ་བ་ལ་སོགས་པ་གསུངས་ཏེ། ལྕེ་ལ་རྡོ་རྗེ་བཟང་པོ་བསྒོམ་པ་མངོན་དུ་བྱས་ནས། སྙིང་གར་ཟླ་བོའི་དཀྱིལ ་འཁོར་ལ་དགོད་པ་ནི། རྡོ་རྗེ་སེམས་དཔའ་འཁོར་དང་བཅས་པའི་ཆོས་ཀྱི་ཕྱག་རྒྱའོ།། ཨོཾ་རུ་རུ་ཞེས་བྱ་བ་ལ་སོགས་པ་ནི་རྣམ་པར་སྣང་མཛད་འརྗོད་བཅས་པའི་ཆོས་ཀྱི་ཕྱག་རྒྱ་ཉིད་ཀུན་ཏུ་བསྟན་པ་ཡིན་ནོ།། བརྡར་བསྟན་པའི ་ཡན་ལག་གི་སྒོ་ནས་ལྷ་མོ་བཞི་དབུས་སུ་བྷ་ག་ཞེས་བྱ་བ་སོགས་པ་ནི། ཧེ་རུ་ཀྲ་འཁོར་དང་བཅས་པ་ཡིའོ།། བདག་པོའི་སྙིང་པོ་ཟླ་བའི་ཚུལ་དུ་བསྟན་པའི་ཕྱིར། སྐད་ཀྱི་གསངས་ནི་ཞེས་བྱ་བ་ལ་སོགས ་པ་གསུངས་ཏེ། སྐད་ཀྱི་གསང་མཐོན་པོ་ལ་སོགས་པ་ནི་ཤིང་གི་རྒྱུད་རྣམས་ལ་བརྡབས་པའི་བྱེ་བྲག་སྟེ། ལུས་ཀྱང་དེའི་རྗེས་སུ་འགྲོ་བར་བྱའོ།། གཞན་དག་ན་རེ་དབྱངས་ཀྱི་མཐའི་བྱེ་བྲག་ཉིད་ཀྱི་མ་ཏྲ་ཡིན་པར་འདོད་དོ་ཞེས་ཟེར ་རོ།། སྐད་ཀྱི་གསང་མཐོན་པོ་ནི་དབྱངས་ཀྱི་བར་དུ་བཅས་པའོ།། དམ་པ་ནི་དབྱངས་ཀྱི་བར་དུ་དབྱེ་བའོ།། གྲེ་འགྱུར་ནི་དབྱངས་ཀྱི་བར་ན་འཕོ་བའོ།། བཟླས་པ་ནི་ཆུང་ངུ་ལ་སོགས་པའི་རིམ་པས་བཟླས་པའོ།། ཤིན་ཏུ་ཞི་བ་ནི་མི་གཏུམ་པའོ།། ་མཆོག་རྣམས་ཀྱི་རོལ་མོའོ།། གསུམ་པོ་དེ་དག་གིས་སོ།། ཚིག་རྣམས་ཀུན་གྱི་ཞེས་བྱ་བ་ནི་ཤིན་ཏུ་དགའ་བའི་རྡོ་རྗེའི་ཚིག་ལ་སོགས་པ་རྣམས་ཀྱིས་སྷོ།། ཙ་འདོད་པ་ཞེས་བྱ་བ་ནི་ཇི་ལྟར་དགའ་བའོ།། གླུ་ཀུན་གྱི་ཞེས་པ་ནི་ཤ་ཏ་པ་ལ ་སོགས་པ་རྣམས་ཀྱིས་སོ།། ཡི་གེ་ཧཱུཾ་ནི་རྡོ་རྗེ་སེམས་དཔའི་བཟླས་པ་སྟེ། ལྷ་མོ་ཐམས་ཅད་ཀྱི་ཡང་དེ་ཉིད་དེ། བདག་པོ་རྡོ་རྗེ་སེམས་དཔའི་ངོ་བོ་ཉིད་ཡིན་པའི་ཕྱིར་རོ།། དེ་རྣམས་ཀྱི་རང་གི་སྙིང་པོ་ནི་ཇི་ལྟར་འོག་ནས་བཤད་པ་རྣམས ་ཀྱིས་སོ།། ཀཱ་ཀ་ལི། ཞེས་བྱ་བ་ནི་དེ་ལ་ནི་ཤ་ཏ་ལན་གཉིས་སྒྲོགས་པའོ།། ཡི་གི་ཨོཾ་ནི་རྣམ་པར་སྣང་མཛད་ཀྱིས་བཟླས་པའོ།། ཚངས་པའི་དབྱངས་ཀྱིས་ཞེས་བྱ་བ་ནི་རིག་བྱེད་སྨྲ་བའི་དབྱངས་ཀྱིས་སོ།། རྡོ་རྗེ་དྲག་པོ་གང་མོ་ཆེ་ཞེས་བྱ ་བ་ནི། དཔལ་ཧེ་རུ་ཀའི་ཧ་ཧ་ཞེས་བྱ་བའི་གང་རྒྱངས་སོ།། འབྲུག་གི་སྒྲ་ལྟར་ཟབ་ནི་ཡི་གེ་ཧཱུཾ་སྤྲོ་བའི་གླུ་གང་ལ་རུ་ལུ་རུ་ལུ་ཞེས་བྱ་བ་གང་ཡིན་པ་དེ་ལ་དེ་སྐད་ཅེས་བྱ་སྟེ། འབྱུག་གི་སྒྲ་ལྟར་ཟབ་པའི་ཡི་གེ་ཧཱུཾ་གཱི་སྒྲ་ཟབ་མོ་དང་། ་རུ་ལུ་རུ་ལུའི་སྒྲ་ཕྱུང་བ་གང་ཡིན་པའོ།། དེ་ནི་དེ་སྐད་བསྟན་པར་འགྱུར་ཏེ། ཧ་ཧ་ཧ་ཧ་རུ་ལུ་རུ་ལུ་ཞེས་བྱ་བ་ནི་དཔལ་ཧེ་རུ་ཀའི་བཟླས་པ་ཡིན་ནོ།། པདྨ་གར་གྱི་དབང་ཕྱུག་གི་ནཽ་སྟི་ཞེས་བྱ་བ་ལ་སོགས་པའོ།། ཧི་ཞེས་བྱ་བ་ལ་སོགས ་པ་ནི་རྡོ་རྗེ་ཉི་མ་ཡོའོ།། དེའི་འཁོར་རྣམས་ཀྱི་འོག་ནས་འཆད་དོ།། འཇོམས་པ་ཐམས་ཅད་བསྒྲུབ་པའོ།། ཞེས་བྱ་བ་ནི། རྡོ་རྗེ་སེམས་དཔའ་ལ་སོགས་པ་ཐམས་ཅད་ཀྱི་སྙིང་པོ་རྣམས་འཇོམས་པ་སྟེ། དྲག་པོའི་སྦྱོར་བ་བསྒྲུབ ་ཅིང་གཟུང་བ་ཡིན་པས་འཇོམས་པ་ཐམས་ཅད་རབ་ཏུ་བསྒྲུབས་པའོ་ཞེས་མཚམས་སྦྱར་རོ།། རྡོ་རྗེ་སེམས་དཔའ་ལ་སོགས་པ་དེ་དག་ཉིད་ཀྱི་སྙིང་པོ་རྣམས་ལས་གང་ལ་དགའ་བ་དང་། ཀཱ་ཧ་ལ་སོགས་པ་དང་ལྡན་པའི ་བར་ནི་རྟ་མཆོག་གི་བཟླས་པར་བྱས་པ་ཡིན་ནོ།། ལ་ལ་ན་རཾ་རྒྱུད་ཀྱི་ནང་ནས་འབྱུང་བ་དོང་། རྗེས་སུ་མཐུན་པར་ཧི་ཧི་ཧི་ཧི་ཧི་ཞེས་བྱ་བ་ནི་རྟ་མཆོག་གི་བཟླས་པ་ཡིན་ནོ།། ཨོཾ་མ་ཧཱ་སུ་ཁ་བཛྲ་སཏྭ་ཞེས་བྱ་བ་ལ་སོགས་པ་རྟོག ་པའི་ནང་ནས་གསུངས་པའི་བདག་པོའི་སྔགས་ནི་དཀྱིལ་འཁོར་ཐམས་ཅད་ཀྱི་སྙིང་པོའི་ནང་ནས་ལྷ་མོ་ཐམས་ཅད་ཀྱི་ཡོད་པས་ན་དེ་རྣམས་ནི་གཞན་དག་ཏུ་མ་བཤད་དེ། འདི་དག་ཉིད་ཀྱིས་ཕུན་སུམ་ཚོགས་པ་ཐམས་ཅད ་འཐོབ་པར་འགྱུར་བའི་ཕྱིར་རོ།། གླུའི་ཕྱག་རྒྱ་ན་ཅི་བྱ་བ་ནི་བཟླས་པའི་ཕྱག་རྒྱ་ཞེས་པའོ།། རོལ་མའི་ཕྱག་རྒྱ་ཞེས་པ་ཉེ་བར་བསྟན་པའི་ཕྱིར། གླིང་བུ་དང་ནི་ཞེས་བྱ་བ་ལ་སོགས་པ་གསུངས་ཏེ། རྨ ་བུ་ནི་ཁོང་སྟོང་གི་རོལ་མོའོ།། རྒྱུད་གཅིག་པ་ནི་པི་པང་ངོ་།། རྒྱུད་མངས་ནི་ཀུ་མུ་ངའོ།། རྒྱུད་སྟུག་ནི་རྫ་རྔའོ།། སིལ་སྙན་ནི་དེ་ལ་བརྡུང་བའི་རོལ་མོའི་ཕྱག་རྒྱ་དེ་རྣམས་སོ།། བརྡུངས་པ་དཔལ་ནི་བཞིར་གྱུར་གྲུབ་ཅེས་བྱ་བ་ནི ་ལྷ་མོ་བཞི་པའི་དངོས་གྲུབ་རྣམ་པ་བཞི་སྟེ། ཕྱག་རྒྱ་ཆེན་པོ་ལ་སོགས་པ་རྣམ་པ་བཞི་བཅིངས་པ་དང་རྗེ་སུ་འབྲེལ་པས་ཡི་གེ་ཧཱུཾ་ལ་སོགས་པ་ཅི་རིགས་པར་སྤྱོད་པའི་སྙིང་པོ་ལ་སོགས་པས་དེ་རྣམས་དང་ལྷན་ཅིག་ཏུ། ་བྱཱ་བ་སྣ་ཚོགས་པ་འགྲུབ་པའོ།། དེས་ཀྱང་རྣམ་པར་སེལ་བ་དང་ཁྱུ་མཆོག་གི་རོལ་པ་བྷཱ་ཊ་ན་ལ་སོགས་པ་བྱ་དེ་དག་ཉིད་ནི་རོལ་མོའི་ཕྱག་རྒྱ་སྟེ། དངོས་གྲུབ་ཐམས་ཅད་རབ་ཏུ་བསྒྲུབ་པའོ།། ཛཿཧཱུཾ་བཾ་ཧོཿཞེས་བྱ་བ་ནི་རིམ ་བཞིན་བདེ་བ་མཆོག་ལ་སོགས་པ་བཞི་པོའི་སྙིང་པོའོ།། རུཊ་མ་ཊ་ཞེས་བྱ་བ་ནི་སངས་རྒྱས་བྱང་ཆུབ་ཀྱིའོ།། སྨ་ར་རཊ་ཞེས་བྱ་བ་ནི་ཆོས་ཀྱི་འཁོར་ལོ་ཡིའོ།། རུ་ལུ་རུ་ལུ་ཞེས་བྱ་བ་ནི་འཇིག་རྟེན་གསུམ་ལས་རྣམ་པར་རྒྱལ ་མ་ཡིའོ།། བླ་སྲིད་རྒྱ་ཛཾ་ཞེས་བྱ་བ་ནི་འདོད་པ་ཐམས་ཅད་ཀྱི་ལྕུག་མ་ཡིའོ།། ཊཀྐི་ཧཱུཾ་ཛཾ་ཞེས་བྱ་བ་ནི་རྟ་གདོང་མ་ཡིའོ།། ཧུ་ལུ་ཧུ་ལུ་ཞེས་བྱ་བ་ནི་རྡོ་རྗེ་གཙོ་མོ་ཡིའོ།། ཨ་ལ་ལ་ཧོ་ཞེས་བྱ་བ་ནི་སྒྲོལ་མ་ཡིའོ།། ཤུདྡྷ་སིདྡྷ ་ད་ཪྴ་ཡ་སརྦཾ། ཞེས་བྱ་བ་ནི་ཐལ་བ་རབ་ཏུ་འཇིག་པརོ་ལངས་མ་ཡེའོ།། ཀ་ནི་ཞེས་བྱ་བ་ནི་གླིང་བུ་མའི་འོ།། གུ་ནཱི་ཞེས་བྱ་བ་ནི་རྒྱུད་གཅིག་མ་ཡིའོ།། ཧཱུཾ་ཞེས་བྱ་བ་ནི་རྒྱུད་མངས་ཀྱིའོ།། ཧཱུཾ་ཞེས་བྱ་བ་ནི་རྒྱུད་སྟུག་གིའོ།། ཏ་ཀེ ་ཞེས་བྱ་བ་ལ་སོགས་པ་ནི་རོལ་མོའི་ཚིག་ཏུ་བརྗོད་པའོ།། དེ་བཞིན་དུ་རྣམ་པར་སྣང་མཛད་ལ་སོགས་པའི་རོལ་མོ་རྣམས་ལ་ཡང་ཅི་རིགས་པར་ལྷ་མོ་རྣམས་ཀྱི་རོལ་མོ་དང་། སྙིང་པོ་དང་རོལ་མོའི་ཚིག་དུ་བརྗོད་པ་དང་། ་ཡི་གེ་རྣམས་རྗེསུ་དཔག་པར་བྱའོ།། ཐུལ་མོ་བརྡབས་པ་བསྟན་པ་ཞེས་བྱ་བ་ནི། རྟག་པ་ཞེས་བྱ་བའི་ལམ་གྱིས་ཐལ་མོ་བརྡབ་པ་སྟེ། རོལ་མོ་འདི་ནི་རྡོ་རྗེ་སེམས་དཔའིའོ།། རྒྱུད་ཀྱི་རྔ་བོ་ཆེ་ཞེས་བྱ་བ་ནི། རྣམ་པར་མ ་ཆད་པའི་རོལ་མོ་ཡིན་པར་ཤེས་པར་བྱའོ།། དེ་དག་ནི་བདེ་མཆོག་ལ་སོགས་པ་ཡིའོ།། ཨོཾ་ཞེས་བྱ་བ་ལ་སོགས་པ་ནི་རྣམ་པར་སྣང་མཛད་འཁོར་དང་བཅས་པ་ཡིའོ།། ཀོ་ཀོ་ཞེས་བྱ་བ་ལ་སོགས་པ་ནི་དཔལ་ཧེ་རུ་ཀ་འཁོར ་དང་བཅས་པ་ཡིའོ།། པདྨ་པདྨ་ཞེས་བྱ་བ་ལ་སོགས་པ་ནི་པདྨའི་དབང་ཕྱུག་མ་འཁོར་དང་བཅས་པ་ཡཱིའོ།། ཏྲཾ་ཞེས་བྱ་བ་ལ་སོགས་པ་ནི་རྡོ་རྗེ་ཉི་མ་འཁོར་དང་བཅས་པ་ཡིའོ།། ཊ་ཀེ་ཧཱུཾ་ཞེས་བྱ་བ་ལ་སོགས་པ་ནི་དཔལ ་རྟ་མཆོག་གིའོ།། བསྙེམས་པའི་འགྲོས་སོ་ཞེས་བྱ་བ་ལ་སོགས་པ་བཞི་ནི་ཞལ་བཞི་ཉམས་དང་ལྡན་པའི་རྗེ་སུ་འབྲེལ་པ་ཡིན་པར་ཤེས་པར་བྱའོ།། རྡོ་རྗེ་སེ་གོལ་གཏོགས་པ་ཡིས། སངས་རྒྱས་ཐམས་ཅད་བསྡུ་བར་བྱ་ཞེས ་བྱ་བ་གསུངས་པའི་གར་གྱི་ཕྱག་རྒྱ་ཞེས་པའི་གནས་སྐབས་བསྟན་པའི་ཕྱིར། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། གཡོན་པའི་སེ་གོལ་བརྡེབས་པ་ནི་གཡོན་པའི་ཐལ་མོའོ།། ་ཐལ་མོ་དལ་བུས་བརྡབས་པ་ཞེས་བྱ་བ་ལ་སོགས་པོ་ནི་གཡས་དང་གཡོན་གཉིས་དུས་གཅིག་སོ་གྲོལ་བརླབས་པ་ནི་འདུས་བྱ་སྟེ། དེ་ཉིད་ནི་བསྡུ་བ་ཞེས་བྱའོ།། དེ་ལམ་གྱི་ཚུལ་བཞིན་འབྲང་བ་ཞེས་བྱ་བ་ནི། ཇི་ལྟར་རྟག ་ལ་སོགས་པའི་ལམ་བཞི་དང་རྗེས་སུ་མཐུན་པའོ།། རྡོ་རྗེ་དྲག་པོ་ནི་དཔལ་ཧེ་རུ་ཀའོ།། ཤཱཀྱ་ཐུབ་པ་ནི་དེ་བཞིན་གཤེགས་པའོ།། ཨ་ར་ཝི་ཐམས་ཅད་ནི་རྡོ་རྗེ་སེམས་དཔའོ།། རྟག་པ་ནི་རྣམ་པར་སྣང་མཛད་དོ།། དངོས་པོ ་ཀུན་གྱི་རང་བཞིན་གྱིས་ཞེས་པ་ནི། མངོན་པར་བརྩོན་པ་ལ་སོགས་ཏེ། རྣམ་པར་རྒྱུ་བ་དང་། བསྟན་པ་དང་། དགའ་བ་ལ་སོགས་པ་ཅི་རིགས་པ་ཅི་རིགས་པའི་ཚུལ་གྱིས་གནས་པའི་ཁྱད་པར་འདི་དག་གི་ཉམས་དང་ལྡན ་པས་ཉེ་བར་གནས་ཤིང་བྱིན་གྱིས་རློབ་སྟེ། དེ་དང་འདྲ་བ་དང་། དངོས་པོ་ཐམས་ཅད་ཀྱི་དཔལ་རྡོ་རྗེ་སེམས་དཔའ་ལ་སོགས་པ་རྣམས་ལ། རང་གི་མཆོད་པ་ཞེས་བྱ་བ་ལ་སོགས་པའི་ཚིག་གིས་བསྐུལ་བས་ནི། འདིར་ཡེ ་དཀྱིལ་འཁོར་བསྡུས་པ་ཡིན་པར་རྗེས་སུ་དཔག་པར་བྱའོ།། ངན་འདི་སྐད་བསྟན་པར་འགྱུར་ཏེ། དཔལ་རྡོ་རྗེ་སེམས་དཔའི་དཀྱིལ་འཁོར་སྔ་མ་བཞིན་དུ་བྲིས་ལ། དབུས་ཀྱི་རེའུ་མ་ལ་རྡོ་རྗེ་སེམས་དཔའི་དཀྱིལ་འཁོར་གྱི། ་ཤུར་ལ་སོགས་པའི་རིའུ་ཆུ་རྣམས་སུ་རྣམ་པར་སྣང་མཛད་ལ་སོགས་པ་བཞི་པོ་ཡིའོ།། ཤར་ལྷོ་མཚམས་ཀྱི་རེའུ་ཆུ་ལ་དཔལ་རྟ་མཆོག་གིའོ།། ལྷོ་ནུབ་ལ་སོགས་པའི་རེའུ་ཆ་རྣམས་ལ། རྡོ་རྗེ་གཙོ་བོ་ལ་སོགས་པ་རྣམས ་དགོད་དོ།། ཕྱི་རོལ་གྱི་རི་མོ་ནི་ནང་གི་ཤར་ལྷོ་ལ་སོགས་པའི་མཚམས་རྣམསུ་ནི་གླིང་བུ་ལ་སྩོགས་པའོ།། དེ་བཞིན་དུ་ཕྱི་མཚམསུ་ནི་མེ་ཏོག་ལ་སོགས་པའོ།། ཤར་ཕྱོགས་ལ་སོགས་པའི་སྒོ་རྣམསུ་ནི་ལྕགས་ཀྱུ་མ་ལ ་སོགས་པ་དགོང་ངོ་།། དེ་ནས་བསྡུ་བ་ལ་སོགས་པ་བྱ་སྟེ། འཇུག་པ་ལ་སོགས་པའི་ཆོ་ག་མངོན་པར་རྫོགས་ནས་ཉམས་དང་ལྡན་པས་ཕྱག་རྒྱ་དང་། ལན་གྱི་ཕྱག་རྒྱ་དང་བཅས་པར་གར་གྱི་མཆོད་པ་བྱའོ།། ཕྱག་རྒྱ་དང་གར ་གྱ་མ་ཆད་པ་བྱའོ།། ཕྱག་རྒྱ་དང་གར་གྱི་མཆོད་པ་བསྟན་པའི་ཕྱིར། ཕྱག་རྒྱའི་སྦྱོར་བ་ལ་སོགས་པ་གསུངས་ཏེ། འདི་དག་གི་ཞེས་བྱ་བ་ནི་འོག་ནས་བཤད་པའོ།། རང་གི་མཆོད་པ་ཞེས་བྱ་བ་ནི་རང་གི་ཕྱག་རྒྱ་ཆེན་པོའི ་མཆོད་པའོ།། ཕྱག་རྒྱ་ཕྱག་རྒྱའི་ལན་རྣམས་དང་ཞེས་བྱ་བ་ལ་སོགས་པ་ནི། རྒོལ་བ་དང་སླར་རྒོལ་བ་ལ་སོགས་པ་དང་འབྲེལ་པའི་ཕྱག་རྒྱ་ཆེན་པོ་རྣམས་ཀྱིས་སོ།། ཇི་ལྟར་རབ་ཏུ་སྦྱར་ཞེ་ན། ཀུན་ཏུ་ཞེས་བྱ་བ་ལ་སོགས ་པ་གསུངས་ཏེ། ཀུན་གྱི་སློབ་དཔོན་ནི་དཀྱིལ་འཁོར་ཐམས་ཅད་ཀྱི་སློབ་དཔོན་ནོ།། ཀུན་འབྱུང་ལ་སོགས་སྦྱོར་བ་ཡིས་ཞེས་པ་ནི་སྔར་བཤད་ཟིན་ཏོ།། གར་བྱས་ཏེ་གར་རྩོམ་པར་བྱེད་པས་བདག་ཉིད་ཇི་སྲིད་ཀུན་ཏུ་སྣ་ཚོགས ་སྐལ་པ་བཟང་པོ་སྟེ། རྡོ་རྗེ་སེམས་དཔའི་ཕྱག་རྒྱ་དང་འདྲ་བར་འགྱུར་བའོ།། རྒོལ་བ་ནི་སློབ་དཔོན་གྱི་ལུས་ལས་བྱུང་བ་སྟེ། དེ་སངས་རྒྱས་ཐམས་ཅད་འབྱུང་བ་སྟེ། དེ་སངས་རྒྱས་ཐམས་ཅད་འབྱུང ་བར་འགྱུར་བ་ནི། རྣམ་པར་སྣང་མཛད་ཕྱག་རྒྱ་ཆེན་པོར་རབ་ཏུ་བསྟན་པའོ།། སླར་རྒོལ་བ་ནི་སློབ་དཔོན་ཏེ། རྡོ་རྗེ་འཛིན་པ་ཆེན་པོར་སྒྱུར་ཞེས་པ་འམ། དཔལ་ཧེ་རུ་ཀའི་ཕྱག་རྒྱ་ཆེན་པོར་རོ།། རང་གི་འབྱུང་བ་ཞེས་བྱ་བ་ནི་རྡོ་རྗེ་སེམས ་དཔའི་ཕྱག་རྒྱ་ཆེན་པོའོ།། དེ་བཞིན་དུ་ལྷ་མོ་ཐམས་ཅད་ཀྱི་སྦྱོར་བ་ལ་ཅི་རིགས་པར་བྱའོ།། རྡོ་རྗེ་སེམས་དཔའ་ལ་སོགས་པའི་གླུའོ།། ལ་ལར་དྲི་མེད་ཅེས་བྱ་བ་ལ་སོགས་པ་ནི། རྡོ་རྗེ་སེམས་དཔའི་སྒོ་ནས་བསྐུལ་བའོ།། ལ་ལར ་རབ་ཏུ་འཇིགས་པའི་ཞེས་བྱ་བ་ལ་སོགས་པས་ནི། དཔལ་ཧོ་རུ་ཀའི་སྒོ་ནས་སོ།། ལ་ལར་མདངས་བཟང་ཞེས་བྱ་བ་ལ་སོགས་པས་ནི་རྣམ་པར་སྣང་མཛད་ཀྱི་སྒོ་ནས་སོ།། ལ་ལར་འགྲོ་བ་ཐམས་ཅད་ཅེས་བྱ་བ་ལ་སོགས་པས ་ནི་པདྨ་གར་གྱི་དབང་ཕྱུག་གི་སྒོ་ནས་སོ།། གསུང་མཆོག་ཏུ་ལྡན་པར་སྟོན་ཞེས་བྱ་བ་འདི་དག་ནི། རྡོ་རྗེ་ཉི་མའི་སྒོ་ནས་སོ།། རྡོ་རྗེ་སེམས་དཔའ་བསྒྲུབ་པའི་ཕྱིར། ཞེས་བྱ་བ་ལ་སོགས་པ་ནི། རྟ་མཆོག་གི་སྒོ་ནས་སོ།། ལྷ་མོ ་རྣམས་ཀྱི་གླུ་བསྟན་པའི་ཕྱིར། རྣམ་པ་མང་པོ་ཞེས་བྱ་བ་ལ་སོགས་པ་གསུངས་ཏེ། སེམས་ཅན་རྣམ་པ་མང་པོ་གདུལ་བའི་ཕྱིར། གང་གི་ཚུལ་རྣམས་ནི་རྣམ་པ་མང་པོ་གདུལ་བར་མཛད་པའི་ཚུལ་ཏེ། རྣམ་པར་སེལ་བ་ལ ་སོགས་པའི་བྱ་བ་ལ་རབ་ཏུ་སྦྱོར་བ་ངེས་གར་མཛད་པའོ།། དེ་ལ་དག་པའི་གར་ནི་པདྨའི་དམ་ཚིག་སྟེ། གར་གྱི་དབང་ཕྱུག་སངས་རྒྱས་ཁྱེད་རྣམས་གུར་མཁན་ཡིན་པས་གར་མཛོད་ཅིག་པའོ།། རྣམ་པ་མང་པོའི་བདེ་བའི་མཆོག་གི་རབ ་ཏུ་གར་མཛད་པས་དེ་ལས་ཐར་པ་རྣམས་ཉོན་མོངས་པ་མེད་པ་ཐོབ་པར་འགྱུར་བས་སོ།། རྡོ་རྗེ་སེམས་དཔའ་ལ་སོགས་པའི་དཀྱིལ་འཁོར་དུ་སོ་སོའི་རྡོ་རྗེའི་གླུའི་མཆོད་པའི་ཕྱག་རྒྱ་ཞེས་པ་བསྟན་པའི་ཕྱིར། རབ་ཏུ་དགའ་བ་ཞེས་བྱ ་བ་ལ་སོགས་པ་གསུངས་ཏེ། རབ་ཏུ་དགའ་བ་ནི་རྡོ་རྗེ་སེམས་དཔའོ།། རྗེ་སུ་ཆགས་པ་ནི་དེ་ལ་དགའ་བའོ།། དེ་ཉིད་ནི་མདའ་དང་གཞུ་ཡིན་ལ་རབ་ཏུ་ཕྲ་བའི་ཕྱིར་ཕྱག་རྒྱ་དེ་གཉིས་ཀྱི་ཕྲ་བའི་རྒྱས་བཏབ་པ་སྟེ། དེ་ནི་བདེ་བའི་མཆོག་གི་ངོ་བོས ་སོ།། རབ་ཏུ་དགའ་བས་སྦྱོར་བ་ཡི་ཞེས་བྱ་བ་ནི་ཡང་དག་པར་སྦྱོར་བ་སྟེ། དེས་བདེ་བས་ན་དེས་མྱོས་པར་འགྱུར་བའི་ཕྱིར། རབ་ཏུ་དགའ་བར་སྦྱོར་བའི་བདེ་བས་མྱོས་པའི་ཞེས་བྱ་བ་སྟེ། ཨེ་མ་བདེ་བའི་སྒོ་ནས་དེ་ལ་བོད་པའོ།། རབ ་ཏུ་བདེ་མཆོག་ཅེས་པ་ལོ་རབ་ཏུ་བདེ་བའི་མཆོག་གི་རྣམ་པ་སྣ་ཚོགས་པས་རྣམ་པར་རྒྱལ་བས་ན། དེའི་ཕྱིར་རྒྱལ་མཚན་བསྒྲེང་བའི་ཏོག་ཅན་གང་ཡིན་པ་སྟེ། སྒྲོལ་མའི་སྤྲུལ་པ་དེ་ནི་རབ་ཏུ་བདེ་བའི་མཆོག་རྣམ་པ་སྣ་ཚོགས ་རྣམ་པར་རྒྱལ་བའི་རྒྱལ་མཚན་བསྒྲེང་བ་སྟེ། དེའི་ཉེ་བར་ལོངས་སྤྱོད་པའོ།། རབ་ཏུ་དགའ་བའི་ཞེས་བྱ་བ་ལ་སོགས་པ་ནི། ཤི་ཤི་སྒོ་ནས་བསྐུལ་བ་སྟེ། རབ་ཏུ་དགའ་བའི་ཞེས་བྱ་བ་ལ་སོགས་པ་ནི་སྔར་བཤད་ཟིན་ཏོ།། ཀྱེ་ཞེས་བྱ ་ལ་སོགས་པ་ནི། བདེ་བའི་མཆོག་ལ་སོགས་པའི་བདེ་བས་ཀྱི་བདེ་བའི་མཆོག་གྲུབ་པར་མཛོད་ཅིག་པའོ།། ཀྱེ་མའོ་བདེ་བ་ཞེས་པ་ནི་བྷ་ག་དང་ལིང་བའི་ཕྱག་རྒྱའི་བདག་ཉིད་དོ།། ཨེ་མའོ་བདེ་བའོ་ཞེས་བྱ་བ་ནི་ལྷ ་མོས་བདེ་བ་སྩོལ་ཅིག་པ་དང་། སྒྲོལ་མས་སྣང་བར་མཇེད་ལ་བདག་ལ་བདེ་བ་སྩོལ་ཅིག་པ་ནི་ལྷག་མའོ།། ཨེ་མའོ་ཤི་ཤི་ཞུགས་ཤིག་ཞུགས་ཤིག་པ་ནི་ཤིན་ཏུ་མྱུར་བའི་མཁའ་འགྲོ་མ་བདེ་བའི་མཆོག་ཏུ་ཞུགས་པའོ།། རྡོ་རྗེ་སེམས་ད ་ཞེས་བྱ་བ་ལ་སོགས་པ་ནི་རྣམ་པར་སྣང་མཇིང་འཁོར་དང་བཅས་པ་ཡིའོ།། དེ་བཞིན་དུ་ཧཱུཾ་རྡོ་རྗེ་ལས་ཀྱི་མངའ་ཞེས་བྱ་བ་ལ་སོགས་པ་ནི། དཔལ་ཧེ་རུ་ཀ་འཁོར་དང་བཅས་པ་ཡིའོ།། ཞལ་བཞིའི་སྒོ་ནས་བསྒྲལ་བའི་གླུ་ལ་རབ་ཏུ་དྲག་ཅིང ་ཞེས་བྱ་བ་ལ་སོགས་པ་ནི་ཞལ་དྲག་པོའི་སྒོ་ནས་ཏེ། པདྨ་གར་གྱི་དབང་ཕྱུག་འཁོར་དང་བཅས་པ་ཡིའོ།། འགྲོ་བ་མཐའ་ཡས་ཞེས་བྱ་བ་ལ་སོགས་པ་ནི་རྒྱབ་ཀྱི་དཔའ་བོའི་ཞལ་གྱི་སྒོ་ནས།། ལ་ལར་རབ་ཏུ་ངེས་ཤིང་ཞེས་བྱ་བ་ལ་སོགས་པ་ནི ་གཡོན་གྱི་ཞི་བའི་ཞལ་གྱི་སྒོ་ནས་སོ།། ལ་ལྔར་རབ་ཏུ་འབར་བའོ་ཞེས་བྱ་བ་ལ་སོགས་པ་ནི། དང་པོའི་སྒེག་པའི་ཞལ་གྱི་སྒོ་ནས་སོ།། ཐམས་ཅད་དབང་བསྐུར་ཞེས་བྱ་བ་ལ་སོགས་པ་ནི། བདུད་ཐམས་ཅད་ལས་རྣམ་པར་རྒྱལ་བའི་ལྷ་མོ ་བཞིའི་སྒོ་ནས་བསྐུལ་བའི་གླུ་སྟེ། རྡོ་རྗེ་ཉི་མ་ཡིའོ།། ལ་ལར་མཁས་པའི་ཞེས་བྱ་བ་ལ་སོགས་པ་ནི། རྟ་མཆོག་ཞལ་བཞིའི་སྒོ་ནས་བསྐུལ་བའོ།། མཆོད་པ་ཐམས་ཅད་ཀྱི་ཕྱག་རྒྱ་ཞེས་པ་ཉེ་བར་བསྟན་པའི་ཕྱིར། མེ་ཏོག་དཀར་དང་ཞེས ་བ་ལ་སོགས་པ་གསུངས་ཏེ། ལྗང་གུ་ཞེས་བྱ་བ་ནི་ཁ་དོག་ལྡང་བའོ།། སྔ་མ་བཞིན་ཞེས་བྱ་བ་ནི་བཅོས་མ་མ་ཡིན་པའི་ཁ་དོག་ཅན་གྱི་མེ་ཏོག་དང་འདྲའོ།། རིམ་པ་འདི་ཉིད་ཀྱིས་ཚོན་དགྱེ་བའི་གོ་རིམས་ལ་ཡང་བལྟ་བར་བྱའོ།། ཁམ ་ལས་བྱུང་བ་ནི་ཁམས་བྱུང་རྣམས་ཀྱང་མེ་ཏོག་པི་རང་བཞིན་དྲི་ཞིམ་པར་བྱས་པའོ།། སྔ་མ་བཞིན་ཞེས་བྱ་བས་ནི་བཅོས་མ་མཱ་ཡིན་པ་དང་འདྲའོ།། ཙནྡན་གཉིས་ནི་དཀར་པོ་དང་དམར་པོའི་བདག་ཉིད་དོ།། གནྡ་ནི་གནྡ་ར་སའོ།། རོ་དྷི་ནི་རྡོ ་དྲག་གོ། སརྫ་ནི་ར་སའོ།། སེང་ལྡེང་བུ་རམ་ཞེས་བྱ་བ་ནི། སེང་ལྡེང་དང་བསྐོལ་ཏེ་རི་ལུ་བྱས་པའོ།། ཀ་པི་ཙཱ་བཅས་ཞེས་བྱ་བ་ནི་ཙནྡན་དང་དུ་རུ་ཀར་བཅས་པའོ།། རྡོ་རྗེ་ཅན་ལ་ཞེས་བྱ་བ་ནི་རྟ་མཆོག་ཅན་ནོ།། གཏོར་མའི་ཕྱག་རྒྱ་ཞེས་པ ་བསྟན་པའི་ཕྱིར། སྒེག་མོ་དང་ནི་ཞེས་བྱ་བ་ལ་སོགས་པ་གསུངས་ཏེ། སྒེག་མོ་ནི་འབྲུ་ཆང་ངོ་།། ན་ཆུང་ནི་སྦྲང་རྩིའི་ཆང་ངོ་།། མྱོས་དང་ནི་བུ་རམ་ཆང་ངོ་།། བདུད་རྩི་ནི་རྒུན་ཆད་ངོ་།། གཅིག་པུ་དཔའ་བ་ནི་རྒུན་ཆུའི་བཏུང་བའོ།། འདོད ་ཆགས་སུ་ནི་ཆེའོ།། གཡོན་ཙནྡ་ནི་སྐྱུར་པོ་དུས་རིང་དུ་ལོན་པའོ།། བྲན་པོ་ནི་སྐྱུར་པོ་ཡུན་ཐུང་ངུ་ལོན་པའོ།། ཕྱུགས་ཆེན་པོ་ནི་སྐྱེས་བུ་ཕྱུགས་ཆེན་ནོ།། རྡོ་རྗེ་ལས་ནཾ་ཧེ་རུ་ཀའོ།། ཐད་པ་ཞེས་བྱ་བ་ནི་ཐང་གིས་ཕྱོགས་ནས་བྱུང་བའོ།། ་ཤའི་མཆོག་ཅེས་བྱ་བ་ནི། ཤའི་མ་ཚིག་དག་གོ།། ཕྱག་རྒྱས་དབང་བསྐུར་བའི་ཕྱག་རྒྱ་ཞེས་པ་དག་ཉེ་བར་བསྟན་པའི་ཕྱིར། མཐེ་བོ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཐལ་མོ་སྦྱར་ལ་མཐེ་བོང་གཡོན་པ་གཡས ་པས་སེམས་དཔའི་སྐྱིལ་མོ་ཀྲུང་གི་ཚུལ་དུ་མནན་ལ་མཛུབ་མོ་གཉིས་བཀུག་སྟེ་གུང་མོ་གཉིས་མཉམ་པར་སྦྱར་ལ་ཚོགས་གཉིས་པར་ལྕགས་ཀྱུའི་ཚུལ་དུ་བཞག་སོར་མོ་ལྷག་མ་རྡོ་རྗེ་ཐལ་མོའི ་ཚུལ་དུ་བཞག་གོ།། སངས་རྒྱས་རིན་ཆེན་ཕྱག་རྒྱ་འདི་ནི་སྤྱི་བོར་ནི་རྣམ་པར་སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། དཔྲལ་བའི་སྟེང་དུ་མི་བསྐྱོད་པ། སྐུ་མདོག་དཀར་པོས་གནོན་གྱི་ཕྱག་རྒྱ་ཅན་གྱིས་བརྒྱན ་པ་གཡས་སུ་རིན་ཆེན་འབྱུང་ལྡན་བཻ་ཌཱུརྱ་མདོག་ཅན་མཆོག་སྦྱིན་གྱི་ཕྱག་རྒྱ་དང་ལྡན་པ། རྒྱབ་ཏུ་འོང་དཔོག་མེང་གསེར་བཙོ་མའི་མདོག་ཅན་ཆོས་ཀྱི་འཁོར་ལོའི་ཕྱག་རྒྱ་དང་ལྡན་པ། གཡོན་དུ་དོན་ཡོད་གྲུབ་པ་སྐུ་མདོག་ལྗང་གུ ་མི་འཇིགས་པ་རབ་ཏུ་སྩོལ་པ་བསྐྱེད་ལ། ཨོཾ་ཨ་བྷི་ཥིཉྩ་མཱཾ་ཞེས་བརྗོད་ལ་དབང་བསྐུར་ཏེ། ངར་དཔྱངས་ཀྱི་མཐའ་མ་ཡང་བ་ལྟར་བྱས་པ་སྔོན་དུ་གྲོ་བས་འགྱིང་ཞིང་མཐའ་ནས་དགྲོལ་བ་བྱས་ལ་ཐལ་མོས་བརྟན་པར་བྱའོ།། ་སེར་མོ་ཐམས་ཅད་ནང་དུ་བསྣོལ་ཞེས་བྱ་བ་ནི་རྡོ་རྗེ་བཅིང་བ་ནང་དུ་བྱས་ལ་སོར་མོ་ཐམས་ཅད་ནང་དུ་བསྣོལ་བའོ།། སོར་མོའི་རྩེ་མོ་ཀུན་ཡང་ནས་ཞེས་བྱ་བ་ནི་སོར་མོ་ཐམས་ཅད་ཀྱི་རྩེ་མོ་ཕན་ཚུན་བསྣོལ་བའི་ངོས་སྦྱར་བའོ།། མཐེ ་བོང་རྡོ་རྗེ་མནན་པ་ནི་ཞེས་བྱ་བ་ནི་རྡོ་རྗེར་བྱས་པའི་མཐེ་བོས་སྟེང་ནས་མནན་པའོ།། སྣ་དང་མིག་སྦུབས་ལྟ་བུ་སྟེ། ཞེས་བྱ་བ་ནི་སྣ་དང་མིག་གི་སྐབས་ཀྱི་བུ་བ་འདྲ་བའོ།། འདི་ལ་ཡང་ཙཱ་ཨ་བྷི་ཥིཉྩ་མཱཾ། ཞེས་བྱ་བས་དབང་བསྐུར་ལ ་ཐལ་མོའི་མཐར་ཐུག་གི་བར་དུའོ།། ཕྱག་རྒྱ་གཉིས་པོ་དེ་དག་ནི་རྡོ་རྗེ་སེམས་དཔའ་འཁོར་དང་བཅས་པ་ཡིའོ།། རྡོ་རྗེ་ཐལ་མོ་བཅིངས་ནས་རྡོ་རྗེ་རིན་པོ་ཆེ་བྱ་བ་ནི་དཔལ་རྣམ་པར་སྣང་མཛད་འཁོར་དང་བཅས་པ་ཡིས་ཏེ། ཨ ་བྷི་ཥིཉྩ་མཾ། ཞེས་བྱ་བ་དང་སྦྱར་རོ།། དཔལ་ཧེ་རུ་ཀ་འཁོར་དང་བཅས་པ་ཡི་ནཱི་ཧེ་རུ་ཀའི་རྡོ་རྗེ་རང་གི་སྙིང་གར་བྱ་བ་སྔོན་དུ་འགྲོ་བ་སྟེ། ཨ་བྷི་ཥིཉྩ་མཱཾ་ཞེས་བྱ་བས་དབང་བསྐུར་རོ།། གཉིས་པ་ཡང་ཐོད་པའི་ཕྲེང་བཅོད་པན་གྱི ་ཕྱག་རྒྱ་རྡོ་རྗེ་སེམས་དཔའ་དང་འབྲེལ་པ་སྟེ། དཔལ་རྡོ་རྗེ་སེམས་དཔའ་པདྨོའི་ནོར་བུ་རིན་པོ་ཆེའི་དབུ་རྒྱན་ཞེས་བྱ་བ་འདིའི་མིང་གི་རྣམ་པའོ།། རང་གི་སྙིང་པོ་ལ་ཨ་བྷི་ཥིཉྩ་མཱཾ། ཞེས་བྱ་བས་དབང་བསྐུར་རོ།། མཐེ་བོང་དཔའ ་བོའི་སྒྲོལ་མོ་ཀྲུང་ཞེས་བྱ་བ་ནི་རྡོ་རྗེ་ཐལ་མོ་སྦྱར་བ་བྱས་ལ་མཐེ་བོང་བཅིང་བ་བྱས་ཏེ། ལྷག་མ་རྣམས་ནི་སྔ་མ་བཞིན་བཞག་གོ།། འདི་ཞེས་པ་ནི། ཨ་བྷི་ཥཱིཉྩ་མཱཾ་ཞེས་པདྨའི་དབང་ཕྱུག་འཁོར་དང་བཅས་པ་དབང་བསྐུར་རོ།། ་རྡོ་རྗེ་ཐོལ་མོ་མཉམ་པར་སྦྱར་ལ་མཐེ་བོང་གཉིས་མཉམ་པར་བྱས་པ་བརྐྱང་ལ། མཛུབ་མོ་བསྙམས་ཏེ་རྩེ་མོ་བཀུག་ལ་མཐེ་བོང་གི་རྩེ་མོ་དང་སྦྱར་ཏེ། རིན་པོ་ཆེར་བྱས་པ་ནི་དཔལ་རྡོ་རྗེ་ནོར་བུའི་ཕྱག་རྒྱ་བྱ་སྟེ། རྡོ་རྗེ་ཉི་མ ་འཁོར་དང་བཅས་པ་སྟེ། འདི་དང་ཧི་ཨ་བྷི་ཥིཉྩ་མཱཾ་ཞེས་བྱ་བ་དང་། དབང་བསྐུར་རོ།། སངས་རྒྱས་རིན་ཆེན་ཞེས་བྱ་བ་ནི་ཅོད་པན་ལྔ་པ་རྡོ་རྗེ་སེམས་དཔའ་དང་འབྲེལ་པོའོ།། རྣམ་པར་སྣང་མཛད་ཀྱི་ཡང་རྡོ་རྗེ་རིན་པོ་ཆེའི་ཕྱག ་རྒྱུ་སྟེ། སངས་རྒྱས་ཀྱི་རིན་པོ་ཆེར་བྱས་པའོ།། རྡོ་རྗེ་རིན་པོ་ཆེ་ཞེས་བྱ་བ་ནི་དཔལ་ཧེ་རུ་ཀའི་རྡོ་རྗེའི་ཕྱག་རྒྱའོ།། པདྨ་དམར་པོ་ཞེས་བྱ་བ་ནི་པདྨ་གར་གྱི་དབང་ཕྱུག་གི་ཕྱག་རྒྱའོ།། རྡོ་རྗེ་རིན་ཆེན་ཆེན་པོ་ཞེས ་བྱ་ནི། རྡོ་རྗེ་ཉི་མའི་ཕྱག་རྒྱའོ།། ཕྱག་རྒྱ་དེ་དག་ཐམས་ཅད་ལ་ཡང་རྟ་མཆོག་གི་སྙིང་པོས་དབོང་བསྐུར་རོ།། ད་ནི་སྙིང་གའི་ཟླ་བོ་ལ་གནས་པའི་རྡོ་རྗེ་ལ་སོགས་པ་སེམས་ཀྱི་གསང་བ་བསྐུལ་བའི་རྡོ་རྗེ་ཕྱག་རྒྱ་བསྟན་པའི་ཕྱིརརོ།། ་སོར་མོ་ཕན་ཚུན་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་བསྡམས་པ་ཞེས་བྱ་བའི་གཡོན་པ་མཛུབ་མོ་དང་མཐེ་བོང་གཉིས་མངལ་དུ་བྱས་ལ། དེར་གཡས་པའི་མཐེ་བོང་མཚན་བཅུག་ལ་བསྡམས་པ་འདི་ནི་རྡོ་རྗེ ་མས་དཔའ་འཁོར་དང་བཅས་པའི་སྐུའི་གསང་བ་སྐུལ་བར་བྱེད་པའོ།། དགའ་བའི་རྡོ་རྗེ་ཞེས་བྱ་བ་ནི། བཤད་མ་ཐག་པའི་དགའ་ཆེན་དཔལ་གྱི་རྡོ་རྗེ་ཉིད་།། གུང་མོ་བཅིངས་པའི་ནང་དུ་གཞུག་ཅེས་བྱ་བ་ནི། རྡོ་རྗེ་བཅིངས ་པའི་ནང་དུ་ཕན་ཚུན་བསྒྱེལ་ནས་བཞག་པའི་ནང་དུའོ།། མཐེ་བོང་མཐེ་ཆུང་རྩེ་མོ་ཅན་ཞེས་བྱ་བ་ནི་མཐེའུ་ཆུང་དང་མཐེ་བོང་གཉིས་སྦྱར་བ་བྱས་པའོ།། འདི་ནི་རྡོ་རྗེ་ཕྱག་རྒྱ་སྟེ། རྡོ་རྗེ་སེམས་དཔའ་འཁོར་དང་བཅས་པའི་སེམས ་ཀྱི་གསང་བ་བསྐུལ་བར་བྱེད་པའོ།། དེ་ལས་ཞེས་བྱ་བ་ནི་དགའ་བ་ཆེན་པོ་བདེ་བའི་རྡོ་རྗེ་ལས་སོ།། དེ་ལས་གུང་མོ་གཉིས་ལྕགས་ཀྱུར་བྱོས་ལ། སྙིང་གར་གཏོད་པ་ནི་ཡང་བཅོམ་ལྡན་འདས་དེ་ཉིད་འཁོར་དང་བཅས་པ་ཡིའོ།། ། ་གསང་བའི་དམ་ཚིག་རྡོ་རྗེའི་འཁོར་ལོ་རྣམས་ནི་རྣམ་པར་སྣང་མཛད་འཁོར་དང་བཅས་པ་ཡིའོ།། རྡོ་རྗེའི་ཕྱག་རྒྱ་ཞེས་བྱ་བ་ནི་བཤད་མ་ཐག་པ་དེ་ཉིད་དོ།། ཡང་དག་པར་བྱས་པ་ནི་གཅིག་ལ་གཅིག་མཐིལ་སྤྱད་པ་སྟེ། ཡི་གེ ་བརྗོད་ལ་བསྐྱོད་པ་འདི་ནི་གཞུག་པའི་ཕྱག་རྒྱའོ།། རྡོ་རྗེ་ཁུ་ཚུར་ཞེས་བྱ་བ་ནི་སྔར་བཤང་མ་ཐག་པའོ།། གུང་མོ་དེ་བཞིན་བཀུག་ནས་ནི་ཞེས་བྱ་བ་ནི། གུང་མོ་ན་མཁའ་རྡོ་རྗེ་མཆོག་ཅེས་བྱ་བ་ནི། གུང་མོ་དེ་བཞིན་དུ་བཀུག་པ ་བྱས་ལ་རབ་ཏུ་ནོ་མཁའ་ཇི་ལྟ་བར་འགྱུར་རོ།། མཐེ་བོའི་རྩེ་མོ་དེ་བཞིན་མཉམ་པ་ནི་མཐེ་བོ་གཉིས་ཕན་ཚུན་བཅེར་ནས་སྦྱར་བའོ།། མཛུབ་མོ་གཉིས་ཀྱི་རྩེ་མོ་དགུག་ཅེས་བྱ་བ་ནི། པདྨ་འདྲ་བར་མཛུབ་མོ་བཀུག་པ་སྟེ། འདི་ནི ་པདྨ་གར་གྱི་དབང་ཕྱུག་འཁོར་དང་བཅས་པ་ཡིའོ།། རྡོ་རྗེ་པདྨ་མོ་ཞེས་བྱ་བ་ནི་བཤད་པ་ཐག་པའོ།། མཐེའུ་ཆུང་བསྙམས་པའི་རྩེ་མོ་མདེའུ་ཞེས་བྱ་བ་ནི། མཐེའུ་ཆུང་གཉིས་ལེགས་པར་སྦྱར་བའོ།། རྡོ་རྗེ་མངའ་ནི་ཡོངསུ ་འཕང་ཞེས་བྱ་བ་ནི་མངའ་འཕེན་པའི་ཚུལ་དུ་བྱས་པ་སྟེ། འདི་ནི་རྡོ་རྗེ་ཉི་མ་འཁོར་དང་བཅས་པ་ཡིའོ།། རྡོ་རྗེའི་ཕྱག་རྒྱ་ཞེས་བྱ་བ་ནི། རྣམ་པར་སྣང་མཛད་ཀྱི་ཕྱག་རྒྱའོ།། གུང་མོ་བཅིངས་པའི་ཕྱི་རོལ་བཞག་ཅེས་བྱ་དཱ་ནི། གུང་མོ ་གཉིས་ཕྱི་རོལ་ཏུ་ལེགས་པར་སྦྱར་ནི་རྟ་མཆོག་གི་ཕྱག་རྒྱའོ།། སྟོང་པ་དང་བཅས་པའི་མིང་གི་ཕྱག་རྒྱ་ཞེས་པ་བསྟན་པའི་ཕྱིར། ཨཱ་ལི་ཀཱ་ལི་ཞེས་བྱ་བ་ལ་སོགས་པ་གསུངས་ཏེ། ཨཱ་ལི་ཀཱ་ལི་ཞེས་བྱ་བ་ནི་ཡི་གེའི་ཕྲེང་ངོ་།། ་མཉམ་པ་ནི་མཚུངས་པའོ།། ཁའི་ཐུངད་ཀར་མདུད་པར་བྱ་ཞེས་བྱ་བཱ་ནི། ཇི་ལྟར་རང་གི་ཡི་གེ་རྣམས་རྣམ་པ་སྣ་ཚོགས་པ་རྟོག་པ་བཞིན་དུ། དེའི་ཁ་དེར་ཡི་གེ་ཧྲཱིདྡྷ་ལ་སོགས་པའི་ཡི་གེ་ཐམས་ཅད་དགོད ་ཅིང་བྲི་བར་བྱའོ།། གུག་སྐྱེད་ཐམས་ཅད་ནི་ལྕུག་མའི་ལོ་འདབ་ཀྱི་རྣམ་པར་བྱའོ།། ཡི་གེ་ཡང་གང་དུ་དྲིས་པར་གྱུར་པར་ཡི་གེ་ར་ནི་མྱུ་གུར་བྱའོ།། གླད་ཀོར་དུ་གནས་པའི་སྙིང་པོ་ནི་ཉི་ཟླའོ།། ཚག་དྲག་གཉིས་ནི་ཟླ་བ་གཉིས ་ཏེ། ཡི་གེ་བྲི་བ་འདིས་རྡོ་རྗེ་སེམས་དཔའི་དཔལ་སྦྱོར་བ་ཞེས་བྱ་བ་ལ་སོགས་པ་མིང་ཙམ་བྲིས་པས་ཀྱང་སྡིག་པ་ཀུན་ལས་ཐར་བར་འགྱུར་ཞིང་། བདེ་བ་ཐམས་ཅད་ལས་སྦྱོར་བར་འགྱུར་རོ།། ལ་ལ་ན་རེ་ཨཱ་ལི་ཀཱ་ལི ་ཞེས་བྱ་བ་ནི། ཨ་ལ་སོགས་པའི་ཡི་གེའི་ཕྲེང་སྟེ། རིང་པོ་དང་ཐུང་ངུ་ལ་སོགས་པའི་བྱེ་བྲག་གིས་མཉམ་པོ་གཉིསུ་བྱས་ལ་ཡི་ཨ་ལ་ཡི་ཨའི་ཊིཿ་ཀར་རི་མོས་མདུད་པར་བྱས་ནས། འོག་གི་ཨ་ལ་སོགས་པ་རིང་པོ་དང་ཐུང་ངུ་ལ ་པ་རང་པ་དང་ཐུང་ངུ་ལ་སོགས་པའི་རིམ་པས་ཕྱིསྟཱ་རི་མོ་རྣམས་ཀྱིས་ཡོངསུ་མདུད་པར་བྱའོ།། ཡི་གེ་ཐམས་ཅད་དགོད་པར་བྱ་ཞེས་བྱ་བ་ནི། ཀ་ལ་སོགས་པའི་ཡི་གེ་རྣམས་ཀྱང་བཀུག་ནས་འོད་ཟེར་གྱི་རྣམ་པ་ལྟ་བུས་སྤྲོས་པ ་ལས་ཟླ་བའི་དཀྱིལ་འཁོར་གྱི་རྣམ་པར་བྱང་ཆུབ་ཀྱི་སེམས་བསྒོམ་པར་བྱའོ།། གུག་སྐྱེད་དག་གིས་ལྕུག་མ་ལ་བྱ་ཞེས་བྱ་བ་ནི་གུབ་སྐྱོང་ནི་ཤེས་རབ་ལྕུག་མ་ནི་སྙིང་རྗེ་སྟེ། ཟླ་བ་ཕྱེད་དང་བཅས་པ་ནི་ཀླད་ཀོར་དང་བཅས་པའི་ར་ནི། ་འདིར་ཆོས་ཀྱི་དབྱིངས་ཀྱི་ངོ་བོ་ཉིད་དུ་བསམ་མོ་ཞེས་རྟོག་པར་བྱེད་དེ། གང་ཡང་ཤེས་རབ་དང་ཐབས་ཀྱི་བདག་ཉིད་ཀྱི་ཡི་གེ་རའི་མེས་ཞུ་བར་གྱུར་ནས་སྣ་ཚོགས་པདྨ་ལ་གནས་པའི་དཀྱིལ་འཁོར་རྫོགས་པར་བྱས་ལ་ཀ་ལ་སོག ་པའི་འོད་ཟེར་དང་བཅས་པ་འདིར་བཞག་པས་སྣ་ཚོགས་པ་བསྐྱེད་ཅིང་སྤྲོ་བ་དང་བསྡུ་བ་ལ་སོགས་པ་ཅི་ལྟ་བ་བཞིན་དུ་བྱའོ།། དེ་ལྟར་བཤད་པ་ལ་སོགས་པ་དེ་དག་ཀྱང་རྣམ་པར་རྟོག་པ་ཙམ་སྟེ། ནང་དུ་ཡི་གེ་བྲི་བོའི་གནས་སྐབས ་ནི་མ་ཡིན་ཏེ། བསྟོད་པ་དང་བཅས་པའི་མིང་གི་དབང་དུ་བྱས་པའི་དོན་དང་འབྲེལ་པ་མ་ཡིན་ནོ།། རྡོ་རྗེ་སེམས་དཔའ་དཔལ་གྱི་ལྷ་ཞེས་བྱ་བ་ལ་སོགས་པ་ནི་བསྟན་པའོ།། རྡོ་རྗེ་སེམས་དཔའ་དཔལ་སྦྱོར་ཞེས་བྱ་བ་ནི་རིམ་གྱིས་བཤད་པ། ་རབ་ཏུ་ཆགས་པ་ཞེས་བྱ་བ་ནི་ཆགས་པའི་སྒྲས་མཚན་པའོ།། མཚན་བྲིས་ན་ནི་ཞེས་བྱ་བས་ནི་མཚན་གྱི་མཆོག་ཇི་ལྟ་བ་བཞིན་དུ་དེ་རྣམས་ཀྱི་བྲིས་པ་དང་། དེ་བཞིན་དུ་བརྗོད་པ་དང་། བསྒྲུབ་པའི་བར་གྱི་བསོད་ནམས་ཀྱང་ངོ་།། བྲི་བ ་དང་གདོན་པར་བྱེད་པ་འབའ་ཞིག་ཏུ་ཡང་མ་ཟད་དེ། དཀྱིལ་འཁོར་དུ་མིང་གོས་དབང་བསྐོར་བའི་ཚེ་ཡང་དཔལ་གྱི་སྒྲས་མཚན་པར་བྱའོ།། ཞེས་བསྟན་པའི་ཕྱིར་ལྷག་པའོ་ལྷ་ནི་ཞེས་བྱ་བ་ལ་སོགས་པ་གསུངས། ལྷག་པའི་ལྷ་ཞེས་བྱ ་བ་ནི་རྡོ་རྗེ་སེམས་དཔའ་ལ་སོགས་པའོ།། དེའི་མཚན་ཞེས་བྱ་བ་ནི། རྡོ་རྗེ་སེམས་དཔའ་ལ་སོགས་པ་ཐམས་ཅད་དཔལ་གྱི་སྒྲས་མཚན་པར་བྱས་ཏེ། རྡོ་རྗེ་མིང་གིས་དབང་བསྐུར་བར་བྱའོ་ཞེས་པའོ།། དཔལ་རྡོ་རྗེ་སེམས་དཔའ་ཞེས ་བྱ་བ་ལ་སོགས་པའི་མིང་རྣམས་དང་ཡོན་ལེན་པ་སྔོན་དུ་འགྲོ་བས་བདག་ཉིད་ཇི་ལྟ་བ་བཞིན་དུ་དབང་བསྐུར་བའི་ཕྱག་རྒྱ་བཅིངས་ལ། ཨོཾ་འདི་ལྟར་ང་ཡིས་ལུང་བསྟན་ཏེ། རྡོ་རྗེ་སེམས་དཔའ་དེ་བཞིན་ག ་འགྲོ་རྣམས་ལས་ཡོངས་བཟླས་ལ། ཤིན་ཏུ་སྲིད་པ་སྒྲུབ་པ་པོ།། ཀྱེ་ཆེ་གེ་མོ་ཞེས་བྱ་བ་ནི་རྡོ་རྗེ་དེ་བཞིན་གཤེགས་པ་སིདྡྷ་ས་མ་ཡ་ཏྲཾ་བྷུར་བྷུ་བ་སྭཿཞེས་བརྗོད་པར་བྱའོ།། མཾ་སྨྲ་བ་ལས་མོས་པ་རྣམས་ཀྱིས་དེ་བཟླས་བརྗོད་ཀྱི ་དུས་སུ་བརྡའི་ཐ་སྙད་བྱ་བའི་དོན་དུ་བརྡའི་ཕྱག་རྒྱ་ཞེས་པ་ཉེ་བར་བསྟན་པའི་ཕྱིར།། སྤྱི་བོར་ཉུག་པ་ཞེས་བྱ་བ་ལ་སོགས་པ་གསུངས་ཏེ། སྨན་མ་གཡས་པ་བསྐུལ་བ་ནི་ན་མཁར་འགྲོ་བ་གྲུབ་པོ་ཞེས་སྟོན་པ་ཡིན་ནོ།། གཡོན་པས ་རྣམ་པར་རྒྱལ་བའི་མཆོག་ནི་དངོས་གྲུབ་རབ་ཏུ་གྲུབ་པར་རོ།། ཡང་མིག་གཡོན་པ་བསྐུལ་བ་ནི་བུད་མེད་བཟང་མོ་ཡིན་ནོ།། ཞེས་པ་དང་། གཡས་པས་ནི་སྐྱེས་པ་བཟང་པོའོ་ཞེས་སྟོན་ཏོ།། རྣ་བ་གཡས་པ་ལ་རེག་པས་ནི་ཤ་ཞེས་ཟེར ་བ་ཡིན་ལ། གཡོན་པས་ནི་ཆང་ཞེས་ཟེར་བ་ཡིན་ནོ།། མ་མཆུ་གཡོན་པ་གནོན་པ་ནི་བདེ་བ་ལ་རེག་པ་ཞེས་པའོ།། ལྐོག་མ་ལ་རེག་པ་ནི་རྟོག་པ་ཐམས་ཅད་སྤྲོ་བའི་མཆོག་སྟེ། རྟོག་པ་ཐམས་ཅད་སྨྲ་ཞིང་ཐེག་པ་ཆེན་པོ་བླ་ན་མེད་པ་ཞེས ་བྱ་བ་སྟོན་པ་ཡིན་ནོ།། སྙིང་གར་གྱེན་དུ་འདྲེན་པ་ནི་རྡོ་རྗེ་ཐམས་ཅད་གྱེན་དུ་འདྲེན་པའོ།། འཁོར་བ་ཤིན་ཏུ་སྡུད་པ་ནི་མི་གནས་པའི་མྱ་ངན་ལས་འདས་པ་ཡོངསུ་འཛིན་པ་ཉིད་དུ་སྨྲ་བ་ཡིན་ནོ།། ལྟེ་བ་ལ་རེག་པས་ནི་དབུ་མའི་ལམ་ལ་ནན ་ཏན་དུ་བསྒྲུབས་པས་ཆོས་ཀྱི་འཁོར་ལོ་ཆེན་པོའི་དཀྱིལ་འཁོར་ཡིན་ནོ།། རང་གི་དབང་པོ་ཞེས་བྱ་བ་ནི་སྐྱེས་པའི་བསྒྲེང་བར་བྱེད་པ་ནི་བདེ་ཞིང་བདེ་བས་སངས་རྒྱས་ཀྱི་བྱང་ཆུབ་ཐམས་ཅད་ཐོབ་པར་འགྱུར་རོ།། ཞེས་བསྟན་པ་ཡིན ་ནོ། གཡས་པ་ནི་བསྟོད་པ་དང་དགུག་པའོ།། གཡོན་པ་ནི་སླར་གཏོང་བའོ།། དཔུང་པ་གཡས་པས་ཡོངསུ་འཁྱུད་པ་ནི་ཐམས་ཅད་གྲུབ་པ་ཡིན་ཞེས་སྨྲ་བ་ཡིན་ལ། གཡོན་པས་ནི་དབང་ཕྱུག་ཐམས་ཅད་གྲུབ་པ་ཡིན་ནོ།། ཞེས ་བ་ཡིན་ནོ།། ལག་པ་གཡས་པའི་ཁུ་ཚུར་བཅངས་པ་ནི་རྒྱས་ཐོབ་ཤིག་པའི་ཚུལ་ལོ།། གཡོན་པ་བཀྲོལ་བ་ནི་ཐོང་ཞིག་པའོ།། བརླ་གཡོན་པ་རབ་ཏུ་བརྡབས་པས་ནི་འདོད་པ་ཆེན་པོ་ལ་ཤིན་ཏུ་བརྩོན་པ་ཡིན་ལ་གཡས་པས ་ནི་ཆོས་ལ་བརྩོན་པར་སྟོན་པ་ཡིན་ནོ།། པུས་མོའི་ལྷ་ང་གཡོན་པ་ལ་བརྡབ་པ་ནི་མདུད་པ་ཡིན་ལ། གཡས་པས་ནི་ཕྱག་འཚལ་བ་སྟོན་པ་ཡིན་ནོ།། དབྱུག་པ་གཡས་པ་རབ་ཏུ་བརྡབ་པ་ནི་རྒྱས་འདེབས་པའོ།། གཡོན་པས་ནི ་གྲོལ་ཞིག་པར་སྟོན་པ་ཡིན་ནོ།། རྐང་པ་གཡོན་པས་ས་གནོན་པའི་ནོན་ཅིག་པའོ།། གཡས་པ་ནི་རབ་ཏུ་ཆོམས་ཤིག་པར་སྟོན་པ་ཡིན་ནོ།། བརྡའི་ཕྱག་རྒྱ་འདི་རྣམས་ཀྱིས་ནི་རྡོ་རྗེ་སེམས་དཔའ་ལ་སོགས་པའི་སྦྱོར་བ་དང་ལྡན་པས་ཇི ་ལྟར་རང་གི་བརྡས་བཏགས་པ་ན་མཁར་འགྲོ་བ་ལ་སོགས་པ་འགྲུབ་ཅིང་རྫོགས་པར་འགྱུར་ཏེ། ཕྱག་རྒྱའི་སྦྱོར་བ་དེ་རྣམས་ཀྱི་ཐ་སྙད་དུ་བྱེད་བཞིན་པ་དེ་ཡིས་ནི་མི་འགྲུབ་ཅིང་མངོན་དུ་མི་འགྱུར་བ་གང་ཡང་མེད་དོ།། དངོས་གྲུབ་བསླང ་བ་ལ་སོགས་པའི་ལུས་ཀྱི་ཕྱག་རྒྱ་འདེབས་པ་དང་། སངས་རྒྱས་ཀྱི་བྱང་ཆུབ་ཐམས་ཅད་ལ་སོགས་པའི་འདྲེ་བ་ཅི་ཡོད་པ་དང་། རང་གི་དོན་གྱི་ལྔས་དེ་དག་ལ་སྲོགས་པ་དེ་རབ་ཏུ་འགྲུབ་ཅིང་། དེ ་རྣམས་རྫོགས་པ་ཁོ་ནར་འགྱུར་རོ།། རྒྱུད་ཀྱི་དོན་རྣམ་པར་དབྱེ་བའི་ཕྱིར་དང་། དཀྱིལ་འཁོར་ལ་སོགས་པ་ལ་ཡང་གས་བའི་སྐད་དུ་སྨྲ་བའི་དོན་དུ་སྒྲའི་རྣམ་གྲངས་ཀྱི་བརྡའི་མིང་བསྟན་པའི་ཕྱིར། ཨོཾ་ཨཱ་དྷི་བྷུ་ཞེས་བྱ་བ་ལ ་སོགས་པ་གསུངས་ཏེ། ཨོཾ་ཨཱ་དྷི་བྷྲཱུཾ་ཞེས་བྱ་བ་ལ་ཕྱག་འཚལ་བའི་ཕྱིར་རོ།། དེ་ལ་ལན་གྱི་སྒྲ་ནི་སླར་སྨྲ་བ་སྟེ། ལན་དུ་ཕྱག་འཚལ་བའི་ཚིག་བརྗོད་པའོ།། སེམས་དཔའ་མངོན་དང་མཐའ་མེད་པ་ཞེས་བྱ་བ་ལ་སོགས་པས ་ནི་རྡོ་རྗེ་སེམས་དཔའི་རྣམ་གྲངས་གསུངས་པ་སྟེ། སྔོན་དང་མཐའ་མེད་པ་ཞེས་བྱ་བ་ནི། ཡད་བཞིན་དང་པོ་སྐྱེ་བ་ཉིད་མེད་པ་སྟེ། ལྕུག་མ་མེད་པའི་མྱ་ངན་ལས་འདས་པ་ཉིད་དོ།། རྣམ་པར་རྟོག་པ་དང་བཅས་པ་རྣམས་དང་བྲལ ་བས་ན་རྡོ་རྗེ་སེམས་དཔའོ།། ཟག་པ་མེད་པའི་བདེ་བ་རྒྱན་མི་འཆད་པའི་བདག་ཉིད་དུ་གྱུར་པས་མཆོག་ཏུ་བདེ་བས་ན། འདི་ནི་ཨེ་མའོ་བདེ་བ་ཞེས་བྱའོ།། སངས་རྒྱས་རྣམས་འདུས་པའི་ཕྱག་རྒྱ་ཡིན་པས་ན་སངས་རྒྱས་ཀྱི་ཕྱག ་རྒྱའོ།། ལྷ་མོ་རྣམས་ཀྱི་རྣམ་གྲངས་བསྟན་པའི་ཕྱིར། བདེ་མཆོག་ཅེས་བྱ་བ་ལ་སོགས་པ་གསུངས་ཏེ། བདེ་མཆོག་དང་། ཨེ་མ་བདེ་བ་དང་། སྒྲོལ་མ་དང་། ཤི་ཤིའི་ཕྱག་རྒྱ་ལ་སོགས་པ་ནི་ལས་ཀྱི་རྒྱུས་རྒྱས་འདེབས་མ ་དང་། རྨོངས་བྱེད་མ་དང་། ཟ་བ་མོ་དང་། ཚེ་འཕེལ་མ་ཞེས་བྱ་བ་རིམ་བཞིན་བསྟན་ཏོ།། ལྷ་མོ་གཞན་རྣམས་ནི་སངས་རྒྱས་བྱང་ཆུབ་ཅེས་བྱ་བ་ལ་སོགས་པ་མིང་གི་རྣམ་གྲངས་རེ་རེ་ཉིད་དོ།། གླིང་བུ་ལ་སོགས་པ་ནས་རྫ་རྔའི་བར་གྱི ་རྣམ་གྲངས་གླིང་བུ་དང་རྒྱུད་གཅིག་པ་ལ་སོགས་པའི་རྣམ་གྲངས།། མེ་ཏོག་ལ་སོགས་པའི་མཆོད་པ་རྣམས་ནི་གླ་རྩི་དང་ལོངས་སྤྱོད་ཅེས་བྱ་བ་ལ་སོགས་པའོ།། ལྷ་མོ་བཞིའི་ཕྱག་མཚན་གྱིས་མཚན་གྱི་ཕྱག་རྒྱའི་བྱ་བ་བཤད་པའི ་ཕྱིར། སྨིན་མ་བསྐྱོད་པ་ལ་སོགས་པ་གསུངས་ཏེ། བདེ་བ་མཆོག་གི་མངའ་གཞུ་སྟེ། བརྡེག་པའི་ལྟ་བའི་བདག་ཉིད་པས་སྨིན་མི་བསྐྱོད་པ་ཞེས་གསུང་སོ།། ཨེ་མ་བདེ་བྷི་ནི་བྷ་ག་དང་ལིང་ག་ཞེས་བྱ་བ་མངལ་གྱི་ཕྱག་རྒྱ་དང་སྐྱེས་བུའི ་མཚན་གྱིས་མཚོན་པ་སྟེ། དེ་བས་ན་ཨེ་མའོ་བདེ་བའི་ཞེས་གསུངསོ།། སྒྲོལ་མེའི་ཐོད་པ་པདྨ་ཡིན་པར་བཤྱང་། ཁ་ཊྭཱཾ་ག་ཡང་རྒྱལ་མཚན་ཞེས་གསུངསོ།། ཤི་ཤིའི་སངས་རྒྱས་ཕྱག་རྒྱ་པདྨོར་གནས། བོང་བ་ཀུན་གྱི་རོ་ས་ཡ ་ན་ཞེས་གསུངསོ།། སངས་རྒྱས་ཀུན་ནི་ཤི་ཤིའི་ཚིག་གི་སྒྲས་བཤད་དོ།། འཁོར་ལོ་ནི་ངམ་ཚིག་གོ།། སྐྱེ་བོ་དམ་ཅན་ཀུན་ཚོགས་པ་ཞེས་བྱ་བ་ནི་དཀྱིལ་འཁོར་གྱི་རྣམ་གྲངས་སོ།། ཚོགས་ཀྱི་དཀྱིལ་འཁོར་དུ་མཛའ་བ་ཐམས ་ཅང་ཚོགས་པས་ན་མཛའ་བ་འདུས་པ་ཞེས་བྱའོ།། དེ་བས་ན་ཤེས་པར་བྱའོ།། ཚེགས་ཀྱི་དཀྱིལ་འཁོར་ལས་གཞན་དུ་ཡང་མཛའ་བའི་ཚུལ་དག་གི་དཀྱིལ་འཁོར་ནི་འདི་ལ་ཡོད་དོ།། རྡོ་རྗེ་སེམས་དཔའ་དང་སྦྱོར་བ་གཉིསུ་མེད་པར ་གྱུར་པ་ནི་དཀྱིལ་འཁོར་ཞེས་བྱའོ།། ལྷ་མེ་ཐམས་ཅད་དང་ཀུན་ནས་འདུས་པ་ནི་ཤིན་ཏུ་སྦྱོར་བའི་མཚན་ཉིད་དེ། ཐམས་ཅད་དུ་སྣ་ཚོགས་པའི་སྐལ་པ་བཟང་པོ་ཞེས་འདོད་དོ།། རྡོ་རྗེ་སེམས་དཔའ་ལ ་སྦྱོར་བ་ཞེས་བྱ་བ་ནི། དེའི་བདག་ཉིད་དུ་བསྒོམ་པའོ།། དེ་ནི་སངས་རྒྱས་ཀུན་ཏུ་བདག་སྦྱོར་བས་ཞེས་བྱ་བ་སྟེ། སྔར་བཤད་པ་ནི་རྗེ་སུ་སྦྱོར་བའི་མཚན་ཉིད་ཡེ་ཤེས་སེམས་དཔའ་ནང་དུ་བསྟིམ་པའོ།། རྣམ་པ་ཀུན་མཁྱེན ་ཤོས་པའི་ཕྱིར་ཞེས་བྱ་བ་ནི། རྣམ་པ་ཐམས་ཅད་ཀྱི་མཆོག་དང་ལྡན་པ་སྟེ། དེ་དང་གཉིས་སུ་མེད་པའི་ང་རྒྱལ་དང་ལྡན་པ་དེ་ནི་ཀུན་གྱི་སློབ་དཔོན་ཡིན་ཞེས་གསུང་སོ།། གང་གི་ཚེ་ཡང་ལྷ་མོ་ཐམས་ཅད་དང་ཡང་དག་པར ་འདུས་པའི་བདག་ཉིད་ཀྱི་སྦྱོར་བ་མངོན་དུ་བྱེད་པ་དེའི་ཚེ། ཀུན་གྱི་སློབ་དཔོན་དུ་རབ་ཏུ་གནས་པ་སྟེ། ཀུན་ཏུ་སྣ་ཚོགས་བསྐལ་བཟང་པོར་ཡང་ཤེས་པར་བྱའོ།། ཀུན་གྱི་སློབ་དཔོན་རབ་ཏུ་གནས་པ་དེའི་སྒྲུབ་པ་ནི་རྗེ་སུ་སྒྲུབ་པའོ།། ། ་གྲུབ་པ་ནི་དཔལ་རྡོ་རྗེ་སེམས་དཔའི་དབང་བསྐུར་བས་དབང་བསྐུར་བ་ནི་རྗེ་སུ་སྒྲུབ་པ་སྟེ། རྒྱལ་མཚན་ཡིན་པར་རྣམ་པར་བཤད་དོ།། མཆོག་ནི་ཀུན་གྱི་སློབ་དཔོན་ལ་སོགས་པ་སློབ་མའི་སྒྲུབ་པའི་གྲོགས་མཆོག་གོ། མཐའ ་མ་ནི་དཀྱིལ་འཁོར་དུ་འཇུག་པའི་སྐལ་བ་ཅན་ནོ།། འབྲིང་ནི་དེ་བཞིན་གཤེགས་པའི་སྤྱོད་པར་དབང་བསྐུར་བའོ།། སངས་རྒྱས་ཐམས་ཅད་ཀྱི་རིན་པོ་ཆེ་མཆོག་གི་དབུ་རྒྱན་ནི་སངས་རྒྱས་ལྔའི་དབུ་རྒྱན་ནོ།། དེ་ནི་སངས་རྒྱས་ཐམས ་ཅད་ཀྱི་རྒྱལ་པོ་ཡིན་ནོ་ཞེས་གསུངསོ།། གཉིས་པ་པ་ནི་ཐོད་པའི་ཕྲེང་བའི་དབུ་རྒྱན་ཏེ། དེ་ནི་དཔལ་གྱི་པདྨོའི་ཚུལ་དུ་བཤད་དོ།། སངས་རྒྱས་རང་བཞིན་གྲུབ་གཅིག་དང་ཞེས་བྱ་བ་ནི་སངས་རྒྱས་གཅིག་གིས་མཚན་པའོ།། གྲུབ་པ་ནི ་ཏུ་གྲགས་པའོ།། པདྨའི་རང་བཞིན་གཅིག་ཅེས་བྱ་བ་ནི། ཐོད་པ་གཅིག་གིས་མཚན་པའོ།། དེ་གཉིས་ནི་རིམ་བཞིན་དུ་སངས་རྒྱས་དབང་བསྐུར་བ་དང་། དབང་བསྐུར་བ་ཆེན་པོ་ཡིན་ཞེས་དོན་ཐམས་ཅད་གྲུབ་པས་གསུངས ་སོ། ཡོན་གྱི་དམ་པ་ནི་ནོར་གྱི་དབྱིག་ཐམས་ཅད་དང་། སྙིང་ཐམས་ཅད་ཡོན་ནོ་ཞེས་ཟེར་རོ།། ཙན་དན་དམར་པོ་ག་པུར་དང་བསྲེས་པ་ནི་ཁྲག་ཆེན་པོ་ཡིན་པར་ཤེས་པར་བྱའོ།། གཞན་དག་ན་རེ་ནི་ཁྲག་ནག་པོར་བརྗོད་པ་ནི ་རྡོ་རྗེ་འཛིན་གྱིའོ།། ལ་ལ་ནི་ག་བུར་དང་ལྡན་པར་འདོད་དོ།། དེ་ཉིད་ཀྱི་དཀྱིལ་འཁོར་གྱི་དབུས་སུ་བཞག་པ་ནི་དཔལ་ཐམས་ཅད་དང་ལྡན་པའི་རས་ཡ་ན་ཞེས་བྱའོ།། དཔལ་ཧཱ་རུ་ཀཱའི་གཏོར་མའི་ཆོ་ག་ལ་ཕྱུགས་ཆེན་པོ་ཞེས་གང ་གསུངས་པ་དེ་ལ་ཡང་བག་ཟན་ལས་བྱས་པའི་རང་བཞིན་ལ་ཙན་ངན་དམར་པོས་བསྐུས་པའི་མིའི་གཟུགས་བརྙན་ཡིན་པར་ཤེས་པར་བྱའི་ཡང་དག་པ་ཉིད་ནི་མ་ཡིན་ནོ།། གང་ཡང་རྟ་མཆོག་གི་གཏོར་མའི་ཆོ་ག་ལ་ཤ ་སྨོས་པ་དེ་ཡང་བག་ཟན་ལ་བྱས་པ་ཁོ་ནར་ཤེས་པར་བྱའོ།། གང་ཡང་རྒྱལ་པོའི་ཟས་ཤ་དང་ཆང་དང་ལྡན་པ་རྡོ་རྗེ་ཉི་མའི་གཏོར་མའི་གསུངས་པ་དེ་ཡང་བག་ཕྱེའི་ཟན་ལས་བྱས་པ་ཁོ་ན་ཡིན་པར་ཤེས་པར་བྱའོ།། ་ལ་ལ་ན་རེ་དེ་མེད་ན་བྱ་བ་ཡིན་ཏེ། འབྲས་བུ་བཅོས་མ་ལ་སོགས་པ་བཞིན་ནོ་ཞེས་ཟེར་རོ།། མནའ་དང་དམ་ཚིག་ཅེས་པ་ནི་རྣམ་གྲངས་སོ།། སྡོམ་པ་དང་བདེ་མཆོག་ནི་རྣམ་གྲངས་ཏེ། སངས་རྒྱས་ཐམས ་ཅད་ཅེས་གང་གསུངས་པ་དེ་ཡང་དམ་ཚིག་སྟེ། བདེ་མཆོག་གི་ངོ་བོ་ཉིད་དང་། ཨེ་མའོ་བདེ་བའི་ངོ་བོ་ཉིད་དོ།། སྒྲོལ་མ་ཞེས་བྱ་བ་ནི་རབ་ཏུ་གསལ་བར་རྣམ་པར་བཞག་གོ།། ཤི་ཤི་ནི་ཡང་སྲིད་པ་སྟེ། ཕྱག་རྒྱ་དེ་དག་ཐམས ་ཅད་ཀྱང་ངམ་ཚིག་ཅེས་བྱ་བར་བརྗོད་དོ།། གང་གིས་ཤ་ན་འདའ་བར་བྱ་བ་མ་ཡིན་པའི་ཕྱིར་རོ།། ཕྱག་རྒྱའི་སྦྱོར་བ་ཡིན་པར་བཤད་ཅེས་པའོ།། ཕྱག་རྒྱའི་སྦྱོར་བ་ཡིན་པར་གསུངས་ལ། དེ་བཞིན་དུ་སྦྱོར་བ་ཡང་ཕྱག་རྒྱ་ཡིན་པར ་བཤད་དོ།། རྡོ་རྗེ་སེམས་དཔའ་དཔལ་སྦྱོར་བ་ཞེས་བྱ་བ་ནི། དངོས་པོ་ཐམས་ཅད་ཀྱི་བདག་པོ་ཉིད་དུ་བསྒོམ་པ་ལ་སྦྱོར་བ་སྟེ། དེ་ནི་སྦྱོར་བ་ཐམས་ཅད་ཅེས་བཤད་དོ།། ཅིའི་ཕྱིར་ཞེ་ན། ང་ནི་ཞེས་བྱ་བ་ལ་སོགས་པ་གསུངས་ཏེ། གང་གི ་ཕྱིར་སྣ་ཚོགས་པའི་དམ་ཚིག་ཐམས་ཅད་ཀྱི་འབྱུང་གནས་ཡིན་ཞིང་ཤིན་ཏུ་ཕུལ་དུ་བྱུང་བའི་བདེ་བ་དང་། ཡིད་བདེ་བའི་ངོ་བོ་ཉིད་རྡོ་རྗེའི་དགའ་བ་སེམས་ཀྱི་གསང་བའི་བདག་ཉིད་ཅན་ཏེ། ངོ་བས་ན་སྦྱོར་བ་ཐམས་ཅད་ཅེས་བྱའོ།། ། ་དེའི་སྦྱོར་བ་ཐམས་ཅད་ཀྱི་བདག་ཉིད་དེའི་ཉེ་བར་ལོངས་སྤྱོད་པ་ནི་གཟུགས་ལ་སོགས་པའི་ཁམས་གསུམ་མོ།། དེ་གསལ་བར་བསྟན་པའི་ཕྱིར། དེའི་ཞེས་བྱ་བ་ལ་སོགས་པ་གསུངས་ཏེ། གཟུགས་ནི་རི་མོ་ཞེས་བཤད་དོ།། སྨན ་གླུ་ཡིན་ཞེས་བྱ་བ་ནི་གླུ་བླངས་པའོ།། དྲི་དང་རབ་ཏུ་ཚིམ་པར་བྱེད་པ་ནི་རྣམ་གྲངས་སོ།། རོའི་མིང་ནི་ར་ས་ཡ་ན་ཞེས་བྱའོ།། རིག་པ་བདེ་བ་ནི་རེག་པ་གང་ལས་བདེ་བ་སྐྱེད་པར་བྱེད་པ་སྟེ། དེ་ནི་བདེ་བའི་རེག་པའོ།། ཆོས་ནི་ཆོས་ཀྱི་སྐྱེད ་མཆེད་དེ། སྦྱོར་བ་ཡིན་པར་བཤད་དེ། དེ་ལྟ་བུ་ཉིད་ནི་སྦྱོར་བ་ཐམས་ཅད་ཀྱི་ཉེ་བར་ལོངས་སྤྱོད་པ་ཐམས་ཅད་ཀྱིས་བདག་གི་ལྷའི་སྦྱོར་བ་དང་ལྡན་པས་གང་ལ་ཇི་ལྟར་བདེ་བར་ལོངས་སྤྱོད་པ་དེ་ནི་རང་གི་མཆོད་པའི་དམ་ཚིག ་ཡིན་པར་ཤེས་པར་བྱའོ།། རྗེས་སུ་སྦྱོར་བས་མཆོད་ན་ནི་ཞེས་བྱ་བ་ནི། ཡེ་ཤེས་སེམས་དཔའ་ཡང་གཉིསུ་མེད་པར་གྱུར་པས་གཟུགས་ལ་སོགས་པ་ལ་ཉེ་བར་ལོངས་སྤྱོད་པར་བྱེད་པའོ།། སྦྱོར་བ་ཀུན་གྱི་བདེ་བ་ནི་གཟུགས་ལ ་སོག་པ་ལ་ཉེ་བར་ལོངས་སྤྱོད་པ་ལས་བདེ་བ་གང་སྐྱེས་པ་དེ་ནི། བདེ་བ་ཆེན་པོ་ཡིན་ནོ་ཞེས་བཤད་དོ།། རང་གི་ལྷའི་བདག་ཉིད་དུ་བསྒོམས་པ་ནི་ཡེ་ཤེས་ཙམ་ལ་སྙོམས་པ་རོ་འཇུག་པ་སྟེ། དེ་ནི་རྣལ་འབྱོར་ཅེས་བཤད་པ་ཡིན་ནོ།། ། ་ཏིང་ངེ་འཛིན་དང་སྦྱོར་བ་ནི་མིང་གི་རྣམ་གྲངས་སོ།། ལྷ་མོ་ཐམས་ཅད་མཉམ་པར་སྦྱོར་བ་ཤིན་ཏུ་སྦྱོར་བའི་མཚན་ཉིད་གང་ཡིན་པ་དེ་ནི་སངས་རྒྱས་ཐམས་ཅད་འདུས་པ་ཡིན་ནོ་ཞེས་བཤད་དོ།། གང་གི་ཚེ་ཐམས་ཅད་དང་མཉམ ་སྦྱོར་བ་ལ་སོགས་པས་གནས་པ་ནི་སངས་རྒྱས་ཀུན་གྱིས་བྱིན་གྱིས་བརླབས་པ་སྟེ། དེ་ལ་སངས་རྒྱས་ཐམས་ཅད་མཉམ་པར་སྦྱོར་བ་ཞེས་བྱ་བ་འཐོབ་པོ།། བསླབ་པ་ནི་དགའ་བར་སྤྱོད་པ་ཞེས་བྱའོ།། རྗེསུ་སྦྱོར་བ་ནི་སྔར ་བཤད་པའི་ཡོན་ཏན་བསྒྲུབ་པ་ཞེས་བྱའོ།། ལྷ་མེ་རྣམས་ཀྱིས་སྐྱེས་པ་ལྟར་བྱེད་པས་དགའ་བ་སྤྱོད་པ་ནི་སླར་རྗེས་སུ་བསྒྲུབ་པ་ཡིན་ནོ་ཞེས་བཤད་དོ།། བདེ་བའི་མཆོད་ལ་སོགས་པའི་ལྷ་མོ་རྣམས་དང་འདུས ་བའི་ཤིན་ཏུ་སྦྱོར་བའི་མཚན་ཉིད་ཀྱི་བདེ་བ་གང་ཡིན་པ་དེ་ནི། ལུགས་པ་ཞེས་བྱ་སྟེ། རྒྱུན་ལ་རབ་ཏུ་འཇུག་པའོ།། དོན་སྦྱོར་བ་ཀུན་ལས་མོས་པ་སྟེ། སངས་རྒྱས་ཐམས་ཅད་ཀྱི་མངའ་ནི་བདེ་བ་ཡིན་ནོ་ཞེས་བཤད་དོ།། དངོས་གྲུབ ་ཐམས་ཅད་ལྡང་བའི་སྒྲའི་ཚིག་ཅན་ཏེ། ཐམས་ཅད་དུ་གྲུབ་པ་གང་ཡིན་པ་དེ་ནི་ལྡང་བ་ཀུན་ཏུ་འགྲོ་བ་དངོས་གྲུབ་ཆེན་པོ་སྟེ། ལྡང་བ་ཆེན་པོའོ།། དངོས་གྲུབ་ཆེན་པོ་ཀུན་གྱི་མཆོག་རྡོ་རྗེ་འཆང་ཆེན་པོ་ཉིད་དང་། དབང་ཕྱུག་ཆེན་པོ་བླ་ན ་མེད་པ་ནི། བླ་ན་མེད་པའི་དབང་ཕྱུག་ཡིན་ནོ་ཞེས་བཤད་དོ།། ཁམས་གསུམ་པའི་སྒྲིབ་པ་ཐམས་ཅད་དང་བྲལ་བས་རང་གི་རྒྱུད་དང་དངོས་གྲུབ་ཆེན་པོ་ཐམས་ཅད་ཀྱི་མཆོག་དབང་ཕྱུག་ཆེན་པོར་གྱུར་པས་བླ་ན་མེད་པའི་བདེ་བ་ནི ་དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོའི་བདེ་བའི་མཆོག་སྟེ། དེ་ནི་སངས་རྒྱས་ཐམས་ཅད་མཉམ་པར་སྦྱོར་བ། སྦྱོར་བའི་དབང་ཕྱུག་བདེ་ཅན་ནོ་ཞེས་བཤད་དོ།། མེ་ཏོག་ནི་ཁྲག་ཅེས་བཤད་དོ།། བདུག་པ་ནི་མདངས ་ཀྱི་ཚིག་ཅན་ནོ།། མར་མ་ནི་ཤ་ཆེན་པོ་ཞེས་བྱའོ།། དྲི་དང་སྤོས་ཐམས་ཅད་ཀྱི་རྣམ་གྲངས་ནི་བཤད་ཟིན་ཏོ།། འོ་མར་གྱུར་པ་ལས་བྱུང་བ་ནི་ཕྲུམ་སྟེ། དེ་ནི་ཟླ་བ་ཉ་བ་ཞེས་བྱའོ།། ཤའི་མིང་ནི་སྨན་ཞེས་བྱའོ།། ཆང་ནི་བཅུད་ཀྱིས་ལེན ་ཞེས་བྱའོ།། ཟས་ནི་ཚེ་ཞེས་བྱའོ།། ཤཱ་དང་ཆང་དུ་ལྡན་པའི་བཟའ་བ་སྣ་ཚོགས་ནི་དགའ་བའི་ལོངས་སྤྱོད་སྐལ་བ་བཟང་པོའི་ཚེའི་དམ་པ་ཡིན་ནོ་ཞེས་བཤད་པ་ཡིན་ནོ།། ཨ་མྲའི་འབྲས་བུ་སྨིན་པ་ལ་སོགས་པ་ནི་བདུད་རྩིའི ་འབྲས་བུའོ་ཞེས་བཤད་དོ།། སྒྲོལ་བ་ནི་བདེ་བ་མྱང་བ་དང་། བདེ་བས་རིབ་ཏུ་རྨོངས་པ་ཡིན་ནོ།། ཞེས་བཤད་དོ།། སྦྱོར་བ་དང་ཏིང་ངེ་འཛིན་ནི་རྣམ་གྲངས་ཏེ། གང་ལྷ་མོ་ཐམས་ཅད་དང་ཡང་དག་པར་འདུས་པའི་ལྷ་མོའི་སྦྱོར་བའི ་མཚན་ཉིད་ནི། སངས་རྒྱས་ཐམས་ཅད་འདུས་པ་ཞེས་བཤད་དོ།། ཨ་མྲ་དང་སྨིན་པ་ལ་སོགས་པ་མིང་གི་རྣམ་གྲངསོ།། དཔལ་རྡོ་རྗེ་སེམས་དཔའི་སྦྱོར་བའི་གླུ་དང་། སིལ་སྙན་དང་། གར་བྱེད་པ་ནི་སངས་རྒྱས་ཐམས་ཅད་ཀྱི ་རྣམ་པར་སྤྲུལ་པ་ཞེས་བྱའོ།། རབ་ཏུ་ཞི་བའི་སིལ་སྙན་དང་གླུ་དང་གར་ཞེས་བྱ་བ་ནི་སངས་རྒྱས་ཀྱི་གླུ་སྟེ། དེ་ནི་ཤིན་ཏུ་རྣམ་པར་འཕྲུལ་པ་ཞེས་བྱའོ།། དུར་ཁྲོད་ཀྱི་གླུ་དང་སིལ་སྙན་དང་གར་བྱེད་པ་ནི་དཔལ་ཧེ་རུ་ཀའི་ཡིན་ཏེ། ་དེ་ནི་རབ་ཏུ་སྤྲུལ་པ་ཞེས་བྱའོ།། ཆགས་པ་དང་བཅས་པའི་གླུ་དང་སིལ་སྙན་དང་། གར་ནི་པདྨ་གར་གྱི་དབང་ཕྱུག་གི་སྟེ། དེ་ཡང་དཔལ་རྣམ་པར་སྤྲུལ་པ་ཞེས་བཤད་དོ།། མིའི་དབང་པོའི་གླུ་དང་། སིལ་སྙན་དང་། གར་ནི་རྡོ་རྗེ ་ཉི་མ་དང་འབྲེལ་པ་སྟེ། དེ་ཡང་ཤིན་ཏུ་རྣམ་པར་སྤྲུལ་པ་ཞེས་བྱའོ།། རབ་ཏུ་དགའ་བའི་གླུ་དང་། སིལ་སྙན་དང་། གར་ནི་རྟ་མཆོག་དང་འབྲེལ་པ་སྟེ། དེ་ནི་རྟ་མཆོག་རྣམ་པར་སྤྲུལ་པ་ཞེས་བྱའོ།། བདེ་ཞེས་གང་གསུངས་པ་དེ ་རབ་ཏུ་བསྟན་པའི་ཕྱིར། དེ་ཞེས་བྱ་བ་ལ་མཁའ་འགྲོ་མ་ཞེས་བྱ་བ་ལ་སོགས་པ་གསུངས་ཏེ། ཀུན་ཏུ་སྣ་ཚོགས་པའི་ཕྱག་རྒྱ་འདི་ནི་རྡོ་རྗེ་སེམས་དཔའི་ཕྱག་རྒྱ་ཆེན་པོ་སྟེ། དེ་ནི་ནམ་མཁའ་ཐམས་ཅད་དུ་འགྲོ ་བས་ན། སངས་རྒྱས་ཐམས་ཅད་དང་མཉམ་པར་སྦྱོར་བའི་མཁའ་འགྲོ་མ་ཞེས་བཤད་དོ།། སྒྱུ་མའི་གར་གྱི་དབང་ཕྱུག་ནི་དཔལ་ཧ་རུ་ཀ་དེ་ནི། ཨ་རལླི་ཞེས་མིང་འདོགས་སོ།། སངས་རྒྱས་ཐམས་ཅད་ཅེས་བྱ་བ་ལ་སོགས་པ་ནི་རྡོ ་རྗེ་སེམས་དཔའི་རྣམ་གྲངས་སོ།། ཊཀྐི་འདོད་པ་ཡིན་ཞེས་བཤད་ཅེས་བྱ་བ་ལ་སོགས་པ་ནི། དཀྱིལ་འཁོར་ལ་སྦྱོར་བའི་མཚན་སྟོན་པ་ཡིན་ཏེ། དེ་ཉིད་ནི་བདེ་མཆོག་ལ་སོགས་པ་ལྷ་མོ་བཞིའི་ངོ་བོ་ཉིད་ཀྱིས་ན་ཊཀྐི་ལ་སོགས་པར་བརྗོད ་པ་ཡིན་ནོ།། རྡོ་རྗེ་ཞེས་བྱ་བ་ལ་སོགས་པ་ནི་དེའི་ཕྱག་རྒྱ་སྟེ། དམ་ཚིག་གསུམ་གྱི་རིམ་པ་ཞེས་བྱ་བར་བརྗོད་པར་བྱའོ།། གདུག་པ་ལ་སོགས་པ་རིམ་བཞིན་བསྟན་པའི་ཕྱིར། ཇེ་ཞེས་བྱ་བ་ལ་སོགས་པ་གསུངས་པ་ནི། བདེ་མཆོག་ལ ་སོགས་པའི་སྙིང་པོ་སྟེ། འདི་དག་ནི་རྡོ་རྗེ་ལྕག་སོ་ཀྱུ་ལ་སོགས་པ་ཡིན་པར་ཤེས་པར་བྱའོ།། ཏིཥྛ་ཧཱུཾ་ཞེས་པ་ནི་དྲོངས་ཤིག་པའོ།། ཁ་ཁ་ཁཱ་ཧི་ཨ་པི་ཙེ་ཨ་པི་ཙ་ད་ར་ད་ར་དཱ་ར། རུ་ཊ་མཊ། ཧུ་ལུ་ཧུ་ལུ། ཨ་ར་ར་ཨ་ཧོ། ཨ ་ལ་ལ་ཧོ་ཞེས་བྱ་བ་འདི་དག་དང་། གཞན་ཡང་ཧི་ཞེས་བྱ་བ་ལ་སོགས་པའི་དོན་ཡང་སངས་རྒྱས་ཀྱི་བྱང་ཆུབ་ནས་རྫ་རྔའི་བར་གྱིས་ཏེ། མན་ངག་དང་འགལ་བའི་ཕྱིར་སྙིང་པོ་འདི་དག་ལ་དོན་བཤད་པ་ནི་མེད་དོ།། འོ་ན་ཅི་ཞིག་ཅེས་ན།། ་རོལ་མོའི་ཕྱག་རྒྱ་ཞེས་པའི་སྙིང་པོ་ཉིད་ཡིན་པས་ན་དོན་དང་ལྡན་པ་མ་ཡིན་ནོ།། གལ་ཏེ་ཡང་རྟོག་པ་གཙོ་བོར་བྱ་ན་ནི་སྒྲུབ་ཐབས་སུ་བྱས་པས་ཐམས་ཅད་ཀྱི་གནས་སྐབསུ་འགྱུར་རོ།། མེ་ཏོག་ལ་སོགས་པ་ཡང་ཡི་གེ་ཧཱུཾ་ལ ་སོགས་པའི་གླུ་དང་། བཟླས་པས་མཆོད་པ་ཐམས་ཅང་དབུལ་བར་བཤད་པས། ཇི་ལྟར་རང་གི་དཀྱིལ་འཁོར་དུ་བདག་པོའི་སྙིང་པོ་དེ་ཉིད་དང་། བདེ་མཆོག་ལ་སོགས་པ་ནི་ཕྱག་རྒྱས་འདེབས་པ་ལ་སོགས་པའི་ལས་བྱེད་པས ་ན། རྒྱས་འདེབས་མ་ལ་སོགས་པའི་རྣམ་གྲངས་སུ་བརྗོད་དོ།། སངས་རྒྱས་ལ་སོགས་པ་ཡི་ནི་ཀུན་ཏུ་བསྟན་པ་ལ་སོགས་པའི་བཤད་པ་རྣམས་འདི་སྐད་བསྟན་པ་ཡིན་ཏེ། སངས་རྒྱས་ལ་སོགས་པ་ནི་ཀུན་ཏུ་བསྟན་པ་ལ ་སོགས་ཚིག་ནི་རྡོ་རྗེ་སེམས་དཔའ་ཡིན་པར་བཤད་དེ། རིམྦྷ་བཞིན་དུ་ཤིན་ཏུ་བསྟན་པ་ལ་སོགས་པའི་རྣམ་གྲང་སོ།། རྣམ་པར་སྣང་མཛད་ཀྱི་དཀྱིལ་འཁོར་གྱི་མིང་བསྟན་པའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུ ་ཏྲེ། སངས་རྒྱས་ལ་སོགས་པའི་དོན་དང་རིམ་བཞིན་ནོ།། ཨོཾ་ཞེས་བྱ་བ་ལ་སོགས་པ་ནི། སངས་རྒྱས་ཀུན་བརྗོད་མ་ལ་སོགས་པ་བཞི་པོའི་སྙིང་པོའོ།། ཐམས་ཅད་མཁྱེན་པ་དང་བདེ་བར་མཁྱེན་པ་གཉིས་ཀྱི་རྒྱུའི་སྙིང་པོ ་ནི། ཡི་གེ་ཨོཾ་དང་། སརྦ་བིད་ནི་རྣམ་གྲངསོ།། ཨོཾ་རུ་རུ་ཏིཥྛ་སིདྡྷ་ལོ་ཙ་ནེ་སརྦྦ་དྷ་སཱ་དྷ་ནི་སྭཱ་ཧཱ། ཞེས་བྱ་བ་ནི་སངས་རྒྱས་ཐམས་ཅད་ཀྱི་ཡན་ལག་ལྡན་པའི་བཞི་པོའི་སྙིང་པོ་ཡིན་ནོ།། དེ་དག་ཉིད་ཀྱི་དོན་བསྟན་པའི་ཕྱིར། འཁོར ་བའི་དངོས་པོ་ཞེས་བྱ་བ་ལ་སོགས་པ་གསུངས་ཏེ། འཁོར་བའི་ཞེས་པ་ནཾ། འཁོར་བའི་དངོས་གྲུབ་མཁྱེན་པ་སྟེ། ཨོཾ་རུ་རུ་འཁོར་བར་བཞུགས་ཤཾག་སིདྡྷ་ལོ་ཙ་ནི་དངོས་གྲུབ་མཁྱེན་པས་ཟག་པ་མེད ་པའི་མཚན་ཉིད་ཅན་གྱི་གདན་ལ་བཞུགས་ཏེ། སེམས་ཅན་གྱི་དོན་ཐམས་ཅད་འདི་མཆོག་ཏུ་མཛོད་ཅིག་ཅེས་པ་ནི། དོན་དམ་པར་མི་གནས་པའི་མྱ་ངན་ལས་འདས་པའོ།། ཉེ་བར་ཞི་བ་ནི་ཉོན་མོངས་པ་ད་ཤེས་བྱའི་སྒྲིབ་པ་དྲང ་བྲལ་བ་སྟེ། དོན་དམ་པ་དང་ཉེ་བར་ཞི་བ་ནི། དོན་དམ་པ་དང་ཉེ་བར་ཞི་བ་སྟེ། དོན་ཐམས་ཅད་བསྒྲུབས་ལ་དོན་དམ་པས་བཞུགས་ཤིག། སྭཱ་ཧཱས་ཉེ་བར་ཞི་བས་བཞུགས་ཤིག་ཅེས་བྱ་བར་སྦྱར་རོ།། སངས་རྒྱས་ལ་སོགས་པའི ་རྣམ་གྲངས་ཀྱིས་ནི་བདག་པོའི་ངོ་བོ་ཉིད་ཀྱིས་བཅོམ་ལྡན་འདས་དེ་ཉིད་བསྟན་པ་ཡིན་ནོ།། རྡོ་རྗེ་སེམས་དཔའ་ཡང་སྐལ་པ་བཟང་པོ་ཞེས་བྱ་བའི་ཚིག་གིས་བསྟན་ཏེ་སངས་རྒྱས་ལ་སོགས་པའི་ངོ་བོ་ཉིད་ཡིན་པའི་ཕྱིར་རོ།། ་དཔལ་ཧེ་རུ་ཀའི་དཀྱིལ་འཁོར་གྱི་རྣམ་གྲངས་བསྟན་པའི་ཕྱིར། ཀོ་ཏཀྵ་ཞེས་བྱ་བ་ལ་སོགས་པ་གསུངས་ཏེ། མིང་བཅུ་པོ་འདི་དག་ནི། སྐྱེ་མཆིད་བཅུའི་སྒོ་ནས་དེ་ཉིད་རབ་ཏུ་བསྟན་པའི་ཕྱིར། མིང་དང་ཞེས་བྱ་བ་ལ་སོགས་པ ་གསུང་སོ།། རྡོ་རྗེ་མཚོན་ཆ་བ་ཏི་དང་ཞེས་བྱ་བ་ནི། རྡོ་རྗེ་འབར་བ་དེ་ཉིད་ཀྱི་མིང་སྟེ། བཅོམ་ལྡན་འདས་དེ་ཉིད་ནི་གདོན་སྦྱིན་ཅེས་ཀྱང་བྱའོ།། དཔལ་ཧེ་རུ་ཀའི་རྡོ་རྗེ་ཆེན་པོ་ཐལ་བར་རབ་ཏུ་འཇིག་པ་ཞེས་བྱ་བ་ནི། རྡོ་རྗེ་འབར་བས་རབ་ཏུ ་འཇིགས་པར་བྱེད་པར་བསྟན་པའི་ཕྱིར། དེ་ཉིད་ནི་སངས་རྒྱས་ཀུན་གྱི་ཁྲོ་བོ་ཆེ་ཞེས་པ་སྟེ། དེའི་འབར་བའི་རྡོ་རྗེའི་འཇིགས་པ་ཆེན་པོ་ཞེས་བྱའོ།། ཁ་ཊྭཱཾ་གའི་ནི་རྒྱལ་མཚན་ཆེན་པོ་ཞེས་བྱའོ།། ཐོད་པ་ཁམ་ཕོར་ནི་པདྨ་ཞེས་བཤད། ་ཁྲག་ཆེན་པོ་སྦྲང་རྩི་ཆེན་པོ་ཞེས་བརྗོད་དོ།། ཧཱུཾ་ཧཱུཾ་ཧཱུཾ་ཧཱུཾ་ཞེས་བྱ་བ་རྣམས་ནི་རིམ་བཞིན་དུ་བསྲུངས་ཤིག་པ་དང་མྱུར་ཅིག་པའི་དོན་ཏེ། དཀར་མོ་ལ་སོགས་པ་བཞིའི་སྙིང་པོའོ།། མ་ཊ་རུ་ཊ་སྥོ་ར་རཊ་ཞེས་བྱ་བ་འདི་རྣམས་ནི་རོལ་ཅིག ་དགོངས་ཤིག་ཅེས་བྱ་བ་ལ་སོགས་པའི་དོན་ཏེ། སྤོསོ་མོ་ལ་སོགས་པའི་སྙིང་པོའོ།། བཅོམ་ལྡན་འདས་འདི་ཉིད་ནི་རྡོ་རྗེ་འཛིན་པའི་རྒྱལ་པོ་ཆེན་པོ་དབང་ཕྱུག་ཆེན་པོའི་དམ་པ་སྟེ། དེ་ནི་སྐལ་པ་བཟང་པོ་ཞེས་བཤད་དོ།། ་སངས་རྒྱས་ཉི་མ་འཇིག་རྟེན་གྱི་དབང་ཕྱུག་དང་། རྟ་མཆོག་ནི་རྡོ་རྗེ་སེམས་དཔའི་ངོ་བོ་ཉིད་ཡིན་པའི་ཕྱིར། རྒྱལ་པོ་སྤྱན་རས་གཟིགས་ཞེས་བྱ་བ་ལ་སོགས་པས་ནི་པདྨ་གར་གྱི་དབང་ཕྱུག་གི་དཀྱིལ་འཁོར་གྱི་མིང་བསྟན་པ་ཡིན ་ཏེ། རྣམ་པར་ལྟ་བ་ལ་སོགས་པ་ལྷ་མོ་བཞིའི་ངོ་བོ་ཉིད་དུ་གྱུར་པས། བཅོམ་ལྡན་འདས་སྤྱན་རས་གཟིགས་ཀྱི་དབང་པོ་ཞེས་བྱ་བ་ལ་སོགས་པའོ།། ཤུདྡྷ་ཞེས་བྱ་བ་ལ་སོགས་པ་ནི། རྣམ་པར་ལྟ་བ་ལ་སྩོགས་པ་དྲུག་གི། ་སྙིང་པོ་ཡིན་ནོ།། ན་མཁའི་སྙིང་པོ་ཞེས་བྱ་བ་ལ་སོགས་པ་ནི་རྡོ་རྗེ་ཉི་མའི་དཀྱིལ་འཁོར་དུ་གཏོགས་པའི་མིང་བསྟན་པ་ཡིན་ཏེ། དྲུག་པའི་བདག་པོའི་ངོ་བོ་ཉིད་ཡིན་པས་ན། ན་མཁའི་སྙིང་པོ་ལ་སོགས་པ་ནི་མིང་གི་རྣམ་གྲངས ་ཅན་ནི་བཅོམ་ལྡན་འདས་ཉིད་ཡིན་པར་པར་བྱའོ།། དབང་བསྐུར་བ་ཡི་ནི་སྐམ་ཞེས་བྱ་བའི་བཏེར་གྱི་ནཻ་པ་པའོ།། རྒྱལ་མཚན་གྱི་རྩེ་མོ་ཡི་ནི་ཏ་ཏའོ།། མཆོད་པ་ཆེན་པོ་ནི་ཏ་ཊ་ཏྲཱཌཏྲཊ་ཅེས་བྱ་བ ་སྙིང་པོའོ།། སངས་རྒྱས་བྱང་ཆུབ་ལ་སོགས་པའི་དཀྱིལ་འཁོར་གྱི་བར་ལ་ཡང་རྡོ་རྗེ་སེམས་དཔའ་ལ་སོགས་པའི་སྙིང་པོ་དེ་ཉིད་ཡིན་ནོ།། ལ་ལ་ངག་ནི་ལྷ་མོ་རྡོ་རྗེའི་གཙོ་མོའི་གང་ཡིན་པ་དེ་དག་ཉིད་དོ།། ཐམས་ཅད་ཀྱི ་ཡང་བདེ་བའི་མཆོག་ལ་སོགས་པའི་ལྷ་མོ་རྣམས་ཀྱི་ནི་རང་གི་བདག་པོའི་སྙིང་པོ་དེ་ཉིད་ཡིན་ནོ།། ཞེས་ཡོངསུ་རྟོག་གོ།། སྣ་ཚོགས་པདྨོ་ཞེས་བྱ་བ་ལ་སོགས་པ་ནི་རྟ་མཆོག་གི་དཀྱིལ་འཁོར་གྱི་མིང་སྟོན་པ་ཡིན་ཏེ། ་འཇིག་རྟེན་ཐམས་ཅད་དང་སྣ་ཚོགས་པདྨོ་ཞེས་པ་ནི་མིང་གི་རྣམ་གྲངསོ།། བྱང་ཆུབ་ཀྱི་སེམས་ཆེན་པོ་ནི་ཚོགས་རྡོ་རྗེ་ཞེས་བྱའོ།། ཐམས་ཅད་དག་པར་མོས་པ་ཡིས། ཞེས་བྱ་བ་ནི་ལེ་ལོ་ཐམས་ཅད་བསལ་བར་དགོངས ་པའོ།། གྲོགས་པོ་ཞེས་བྱ་བ་ནི་གྲོགས་པོ་རྣམས་ཀྱིསོ།། བཟླས་པའི་དོན་ལ་ལྷག་པར་མོས་པ་རྣམས་ཀྱིས་ཀྱང་ཡི་གེ་ཧཱུཾ་ལ་སོགས་པ་བཟླས་ན་འགྲུབ་པར་འགྱུར་བས། ཡེ་ཤེས་ཀྱི་ཕྱག་རྒྱ་ཞེས་པ་བསྟན་པའི་ཕྱིར། ་རྗེསུ་ཆགས་པ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སེམས་དཔའི་བཟླས་པ་ནི་ཡི་གེ་ཧཱུཾ་སྟེ། དེ་ནི་འདི་ཡིན་ཏེ་རྗེ་སུཾ་ཆགས་པར་བྱའོ་ཞེས་པ་སྟེ། ཁྱེད་ཀྱི་བདག་ང་དུ་མངོན་སུམ་དུ་བྱས་སོ་ཞེས་པའོ།། ཡི་གེ་ཨོཾ་ན ་རྣམ་པར་སྣང་མཛད་ཀྱི་བཟླས་པར་བྱ་བ་སྟེ། འདིའི་དོན་རྗེས་ཆུད་པར་བྱའོ་ཞེས་པ་སྟེ། ཁྱེད་ཀྱི་བདག་ཉིད་བྱང་ཆུབ་མངོན་སུམ་དུ་བྱའོ་ཞེས་པའོ།། དཔལ་ཧེ་རུ་ཀའི་བཟླས་པ་ནི་སྔར་བཤད་པའི་རྡོ་རྗེ་ཧ་ཧ་བཞད་པའོ།། དེའི་རྗེསུ ་བས་བྱའོ་ཞེས་པ་སྟེ། ཁྱེད་ཀྱི་བདག་ཉིད་ཆེན་པོ་དང་གཅག་པུར་གྱུར་པར་བསྐྱེད་པར་བྱའོ།། ཞེས་པའོ།། པདྨ་གར་གྱི་དབང་ཕྱུག་གི་བཟླས་པ་ནི་ཡི་གེ་ཨོཾ་སྟེ། དེའི་དོན་རྗེསུ་སྦྱོར་བར་བྱའོ་ཞེས་པ་སྟེ། ཁྱེད་ཀྱི་བདག་ཉིད་རང ་བཞིན་གྱིས་དག་པའི་ཆོས་ཉིད་མངོན་སུམ་དུ་བྱས་པའོ་ཞེས་པའོ།། རྡོ་རྗེ་ཉི་མའི་བཟླས་པ་ནི་ཡི་གེ་ཧི་སྟེ། དེའི་དོན་ལ་རྗེ་སུ་ཡི་རོང་བར་བྱའོ་ཞེས་པ་སྟེ། ཁྱེད་ཀྱི་བླ་ན་མེད་པའི་དོན་གྱི་ཕུན་སུམ་ཚོགས་པ་ལ་རབ་ཏུ་དགའ་བའི ་བདག་ཉིད་ཀྱིས་འཇུག་པར་བྱའོ་ཞེས་པའོ།། རྟ་མཆོག་གི་བཟླས་པ་ནི་ཡི་གེ་ཧཱུཾ་ལ་སོགས་པ་གང་ཡང་རུང་བའོ།། དེའི་རྗེསུ་བསྟན་པར་བྱའོ་ཞེས་པ་སྟེ། ཁྱོད་དང་གཉིས་སུ་མེད་པར་གྱུར་པས་ན་ལྷ་དང་འདྲེས་པར་གྱུར་པའོ།། དངོས ་གྲུབ་ལ་སོགས་པ་གྲུབ་པ་དང་མ་གྲུབ་པ་ལ་སོགས་པ་ཤེས་པར་བྱ་བའི་དོན་དུ་རྣམ་པར་ཤེས་པའི་ཕྱག་རྒྱ་ཉེ་བར་བསྟན་པའི་ཕྱིར། རྡོ་རྗེ་སེམས་དཔའ་དཔལ་སྦྱོར་བ་ཞེས་བྱ་བ་ལ་སོགས་པ་གསུངས་ཏེ། དཔལ་རྡོ་རྗེ ་སེམས་དཔའི་སྦྱོར་བ་ནི་དང་པོ་ཡི་གེ་ཧཱུཾ་ཞེས་རྡོ་རྗེ་སེམས་དཔའ་རྣམ་པར་བསམས་ལ། ཕྱི་རོལ་ཏུ་མཆོད་པ་ལ་སོགས་པ་བྱ་བ་བྱས་ཏེ། ཁྱེའུ་འམ་བུ་མོ་ལ་ཕྱག་རྒྱ་ཆེན་པོས་སྤྱན་དྲང་བ་ལ་སོགས་པའི་རིམ་པ་བྱས་ལ་རྡོ་རྗེ ་སེམས་དཔར་བྱིན་གྱིས་བརླབ་པ།། དེའི་མྱིག་ཏུ་རྡོ་རྗེ་ཧཱུཾ་ལས་བྱུང་བ་རྣམ་པར་བསམས་ལ། བཟླས་བརྗོད་བརྒྱ་རྩ་བརྒྱད་བྱ་སྟེ། ཆོས་རྣམས་གཟུགས་བརྙན་ལྟ་བུ་སྟེ། གདོད་ནས་དག་ཅིང་དྲི་མ་མ་བཅས ་བྱ་བའི་བདེན་པ་གང་ཡིན་པ་དེས་ན། ཕྱིན་ཅི་མ་ལོག་པར་མཐོང་བར་གྱུར་ཅིག་ཅེས་བདེན་པའི་བྱིན་གྱིས་བརླབས་སྔོན་དུ་བྱ་བ་བསྟན་ཏོ།། དེ་བཞིན་དུ་རྣ་བ་ཡང་ཐམས་ཅད་ཅེས་བྱ་བ་སྟེ། བདེན་པ་གང་གིས་ཆོས་རྣམས་སྒྲ ་བརྙན་ལྟ་བུ་ཡིན་པའི་བདེན་པ་དེས་ཕྱིན་ཅི་མ་ལོག་པར་ཐོས་པར་གྱུར་ཅིག་ཅེས་བདེན་པའི་བྱིན་གྱིས་བརླབས་བྱས་ལ། སྒྲ་རྣམས་དང་པོར་བསྒོའོ།། དེ་བཞོན་དུ་རྣམ་པར་སྣང་མཛད་ཀྱི་རྣལ་འབྱོར་པ་ནི། ལས་ལ་སོགས་པ་ལའོ།། ། ་དེ་བཞིན་དུ་དཔལ་ཧེ་རུ་ཀའི་རྣལ་འབྱོར་པ་ནི། གཟུགས་ལ་སོགས་པའི་འདོད་པའི་ཡོན་ཏན་ཐམས་ཅད་ལའོ།། དེ་བཞིན་དུ་འཇིག་རྟེན་དབང་ཕྱུག་གི་རྣལ་འབྱོར་པ་ནི། སྣ་ཚོགས་པདྨ་ཁ་འབྱེད་པའི་ཚུལ་གྱིས་པདྨ་དེ་ཉིད་ལའོ།། དེ་བཞིན ་དུ་རྡོ་རྗེ་ཉི་མའི་རྣལ་འབྱོར་པ་ནི་མེ་ཏོག་ལ་སོགས་པ་ལའོ།། དེ་བཞིན་དུ་རྟ་མཆོག་གི་རྣལ་འབྱོར་པ་ནི་རེག་པ་དང་མ་རེག་པས་རྡོ་རྗེ་རྒྱལ་པོ་ལ་སོགས་པ་དང་། ཤྲཱིང་ལ་སོགས་པ་ལ་སྟེ། རྡོ་རྗེ་ལ་སོགས་པ་ལ་རེག་པ་དང་མ་རེག་པ་ནི་ལག ་རིག་པ་དང་མ་རེག་པ་ཡིན་པར་ཤེས་པར་བྱའོ།། བྱ་བ་དང་བྱ་བ་མ་ཡིན་པ་ལ་སོགས་པ་ཐམས་ཅད་དུ་ཡང་དང་པོའི་སྦྱོར་བ་ཡང་ཐུན་མོང་ཡིན་ནོ།། བསྲུང་བའི་ཕྱག་རྒྱ་ཉེ་བར་བསྟན་པའི་ཕྱིར། རྡོ་རྗེ་སེམས་དཔའ་དཔལ་གྱི་སྦྱོར་བ ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སེམས་དཔའི་རྣལ་འབྱོར་པས་དུར་ཁྲོད་ལ་སོགས་པའི་ཐལ་བ་ལ་ཡི་གེ་ཧཱུཾ་གིས་རྡོ་རྗེ་བྱས་ལ་དེ་ཐིག་ལེར་བྱས་པ་བདག་དང་གཞན་བསྲུང་ངོ་།། དེ་བཞིན་དུ་རྒྱ་མཚོར་འབབ་པའི་ཆུ་ལ་སོགས ་པས་གཏོར་མ་ལ་སོགས་པ་ཡང་སྔ་མ་ཡིན་ནོ།། མི་ཡི་ཐོད་པའི་ནང་དུ་བསྐྱེད་པའི་ཡུངས་ཀར་ལ་སོགས་པ་ཡང་དེ་བཞིན་ནོ།། དེ་བཞིན་མ་མཆུ་སོས་མནན་ནས་གཡོན་དུ་འགྱི་བས་མདུད་ལ། དྲིལ་བུ་བཟུང་ལ་གཡས་བས ་རྡོ་རྗེ་བཟུང་སྟེ། འཇིག་པས་ཕྱོགས་བཅིང་བ་ལ་སོགས་པ་བྱའོ།། ལྷ་མོ་ཀུན་གྱི་བདེ་བའི་མཆོག་ལ་སོགས་པ་སྟེ། དེ་རྣམས་སམ་གཞན་དག་གཉི་སུ་མེད་པར་གྱུར་པས་བདག་ཉིད་བྱིན་གྱིས་བརླབ་པ་ལ་སོགས་པ་རྫོགས ་པར་བྱའོ།། རྣམ་པར་སྣང་མཛོད་ཀྱི་རྣལ་འབྱེར་པས་ནི་ལག་པ་གཡས་པའི་རྡོ་རྗེས་མཚམས་བཅིང་བར་བྱའོ།། དཔལ་ཧེ་རུ་ཀའི་རྣལ་འབྱོར་པས་ནི་དེའི་གླུ་དང་། གར་གྱི་སྦྱོར་བས། ཐམས་ཅད་བསྲུངས་ན་རིམས་ལ་སོགས་པ ་འཇིག་པར་འགྱུར་རོ།། པདྨ་གར་གྱི་དབང་ཕྱུག་གི་རྣལ་འབྱོར་པས། རང་བཞིན་གྱིས་རྣམ་པར་དག་པ་ལ་མོས་པས་སྣ་ཚོགས་པདྨ་ཁོ་འབྱེད་པས་སྒྲིབ་པ་དང་བྲལ་བ་ལ་སོགས་པ་རྫོགས་པར་བྱའོ།། རྡོ་རྗེ་ཉི་མའི་རྣལ་འབྱོར ་པས་ནི། རང་གི་ལུས་རྡོ་རྗེ་འབར་བར་བསྒྲུབས་པས་བསྲུང་བར་བྱའོ།། དཔལ་རྟ་མཆོག་གི་རྣལ་འབྱོར་པས་ནི་རྡོ་རྗེ་ཁུ་ཚུར་གཉིས་བཅིངས་པ་ལ་གོ་མ་གྱོན་པ་ནས་ཐལ་མོ་བརྡབས་པའི་བར་དུ་རྫོགས་པར་བྱས་པས་བདག་ཉིད ་བསྲུང་ངོ་།། གཞན་ནི་བདག་གི་ནང་དུ་བཅུག་ལ་གོ་ཆ་ལ་སོགས་པས་བསྲུང་ངོ་།། སྦྱར་བ་ཐམས་ཅད་ལ་ཡང་རང་གི་སྙིང་པོ་རྣམས་བརྗེད་པར་བྱའོ།། རིམས་ལ་སོགས་པ་གནོད་པ་དང་བྲལ་བར་བྱ ་དོན་དུ་ཚེའི་རླིག་བྱེད་ཅེས་པ་བསྟན་པའི་ཕྱིར། ཆོས་སེམས་དཔའི་ཞེས་བྱ་བ་ལ་སོགས་པ་གསུངས་ཏེ་དཔལ་རྡོ་རྗེ་སེམས་དཔའི་རྣལ་འབྱོར་པས། རྡོ་རྗེ་ཁུ་ཚུར་གཉིས་བཅིངས་ནས་མིག་ཕྱེ་ལ་ཞི་བའི་ལྟ་བས་བལྟས་ལ། ་རིམས་ལ་སོགས་པས་བཏབ་པ་ལ་སྤྱི་བོ་ནས་རྐང་པ་ལ་ཐུག་པ་ལ་བྱབས་ཤིང་། བཅོམ་ལྡན་འདས་ཟླ་བའི་མདོག་ལྟ་བུས་བསྒྲུབ་པར་བྱ་བའི་ལུས་ལ་གང་བར་བསམ་མོ།། གྲང་བའི་རིམས་ལ་ནི་སྐུ་མདོག་དམར་པོ་བསམ ་ཏེ། ངས་ན་ཐམས་ཅད་སེལ་བར་འགྱུར་རོ།། དེ་བཞིན་དུ་རྡོ་རྗེ་ཁུ་ཚུརོ་གཉིས་བཅིངས་ལ། མུཐེའུ་ཆུང་ལྕགས་ཀྱུ་བཅིང་བྱེས་མྦྷ་ར་ཏེ། མཛུབ་མོ་གཉིས་སྦྱར་ལ་རིམས་ལ་སོགས་བ་ནང་དུ་བསེམས་ལ་བསེར་བར ་ཉིད་བདེ་བླག་གི་སྦྱོར་བས་ཡོངསུ་བསྒྱུར་ཏེ་འཕྲལ་ལ་བཞག་ན་དྲིས་སྡུག་བསྔལ་བ་ལྟ་སོགས་པོ་སེལ་བར་འགྱུར་རོ།། མཛུབ་མོ་ཕན་ཚུན་སྔོན་ཕྱོགས་པ་ཞེས་བྱ་བ་ནི་མཛུབ་མོ་ཕན་ཚུན་སྦྱར་ཏེ། བཟུང་ལ། ཟུབ་ཎྱ ་འབྱིན་པར་ལྟར་བྱས་ནོ་དེ་ཕྱིན་པར་འགྱུར།། གཞན་ཡང་སྦྱོར་བ་འདི་ཉིད་ལ་སོགས་པས་བཙིར་བའི་ཚུལ་དུ་བྱས་ན། ནང་ཐམས་ཅད་སེལ་བར་འགྱུར་རོ།། གྲུབ་པའི་སྐྱོན་གྱིས་བྱས་པ་ནི་ལོ་རྡོ་རྗེ་ལྟ་བ་དང་བཅས་པ ་འདོད་ཆགས་ལ་སོགས་པའི་བགེགས་རྣམས་ནི་ཞུ་བའི་དོན་དུ་དཔལ་རྡོ་རྗེ་ལས་ཀྱི་ཕྱག་རྒྱ་ཞེས་པ་ཉེ་བར་བསྟན་པའི་ཕྱིར། རྐང་པ་བརྐྱང་བ་དང་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སེམས་དཔའི་རྣལ་འབྱོར་པས ་རྐང་པ་བརྐྱང་དང་ཞེས་བྱ་བ་ལ་སོགས་པའི་རབ་ཏུ་སྦྱོར་བ་བྱས་ཏེ། དེས་ཀྱང་གཡས་དང་གཡོན་པའི་སྦྱོར་བ་ཡིས། ཞེས་བྱ་བ་ལ་རྐང་པ་གཡས་པ་དང་། གཡོན་པ་གཉིས་ཀྱིས་རིམ་བཞིན་དུ་སྐྱེས་པ་དང་བུད་མེད་ཀྱི་གཟུགས ་མནན་པར་གྱུར་ན། དེ་ལྟར་བྱས་པས་འཇིག་རྟེན་དང་འཇིག་རྟེན་ལས་འདས་པ་ལ་སོགས་པ་ཐམས་ཅད་དབང་དུ་འགྱུར་རོ།། རྣལ་འབྱོར་བདག་གི་བྱ་བ་ནི་རྡོ་རྗེ་སེམས་དཔའི་རྣལ་འབྱོར་པ་དང་ལྡན་པའོ།། དེ་ལྟར་བྱ་བ་ཐམས ་ཅད་བྱས་ཤིང་བགེགས་རྣམས་ཉེ་བར་ཞི་བའི་རྣལ་འབྱོར་པས་རྡོ་རྗེ་སེམས་དཔའ་ལ་སོགས་པའི་ཕྱག་རྒྱ་ལེགས་པར་སློབ་ཅིང་། རབ་ཏུ་དམིགས་པའི་དོན་དུ་དངོས་གྲུབ་ཐམས་ཅད་ཀྱི་ཕྱག་རྒྱ་ཞེས་པ་བསྟོན་པའི་ཕྱིར། ་ཁུ་ཚུར་སྙིང་གར་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སེམས་དཔའི་རྣལ་འབྱོར་པས་ཚོགས་ཀྱི་དཀྱིལ་འཁོར་ལ་སོགས་པ་སྙིང་གར་ཁུ་ཚུར་གྱིས་བདག་ཉིད་ཅན་གྱི་བུད་མེད་ཀྱི་ཕྱག་རྒྱ་བཅིངས་ན། དངོས་པོ་ཐམས ་ཅད་འགྲུབ་པར་འགྱུ་རོ།། ཞེས་བྱ་བར་དགོངས་སོ།། བུད་མེད་ཀྱི་སྦྱོར་བ་མ་ལུས་པ་ཞེས་བྱ་བ་ནི་བདེ་བའི་མཆོག་ལ་སོགས་པའི་ལྷ་མོའི་ཚོགས་རྣམས་ཀྱིའོ།། གཡོན་པ་འགྱིང་བའི་ཚུལ་དུ་བྱ་ཞེས་བྱ་བ་ནི་གཡོན་པ ་འགྱིང་བའི་ཚུལ་གྱིས་དྲིལ་བུ་འཛིན་པའོ།། ལག་གཡས་རང་གི་སྙིང་གར་ནི་ཞེས་བྱ་བ་ནི་བུད་མེད་ཀྱི་ཕྱག་རྒྱ་སྙིང་གར་གཏོང་བའི་ཚུལ་གྱིས་རྡོ་རྗེ་རྩེ་ལྔ་པ་འཛིན་པའོ།། བུད་མེད་ཐམས་ཅད་ཅེས་བྱ ་ནི་བདེ་བའི་མཆོག་ལ་སོགས་པའི་གཙོ་བོ་སྔོན་དུ་འགྲོ་བ་བུད་མེད་ཀྱི་ཕྱག་རྒྱ་སྟེ། འདི་ནི་རྡོ་རྗེ་འགྱིང་བ་ལ་རབ་ཏུ་སྦྱར་བར་བྱ་བ་ཡིན་པར་ཤེས་པར་བྱའོ།། བཅོམ་ལྡན་འདས་རྣམ་པར་སྣང་མཛད་ཀྱི་རྣལ་འབྱོར་པས་ནི། གཡོན་པ ་ཁུ་ཚུར་གྱིས་སྣ་ཚོགས་པདྨ་འཛིན་པ་གཡས་པ་ལྡང་བའི་ཚུལ་གྱིས་དབང་ཕྱུག་ཐམས་ཅད་བསྒྲུབ་པར་བྱའོ།། དཔལ་ཧེ་རུ་ཀའི་རྣལ་འབྱོར་པས། གཡོན་གྱི་དྲིལ་བུ་འཁྲོལ་ལ། གཡས་པས་རྡོ་རྗེ་རྩེ་ལྔ་པ་འབར་བ་ཡོངསུ ་བསྐོར་བས། སྒྱུ་མ་ཐམས་ཅད་འབྱུང་བར་བྱའོ།། དཔལ་པདྨ་གར་གྱི་དབང་ཕྱུག་གི་རྣལ་འབྱོར་པས། ལག་པ་གཡོན་པས་སྣ་ཚོགས་པདྨ་བཟུང་སྟེ། ལག་པ་དེ་བརླ་གཡོན་པར་བཞག་ལ་ལག་པ་གཡས་པ། གཡས་པའི ་བརླའི་སྟེང་དུ་བཞག་སྟེ། དེའི་མཛུབ་མོ་སེམས་དཔའ་ལ་ཞུགས་པའི་ཚུལ་དུ་ཁར་བཞག་ན། དེས་མི་དགའ་བ་ཐམས་ཅད་སེལ་བར་འགྱུར་རོ།། རྡོ་རྗེ་ཉི་མའི་རྣལ་འབྱོར་པས་ནི་གཡོན་གྱིས་རང་གི་སྙིང་གར་གཏོང་བཱི་ཚུལ ་དུ་ཡིད་བཞིན་གྱི་ནོར་བུ་རིན་པོ་ཆེ་འཛིན་ལ། གཡས་ཀྱིས་ནི་བུད་མེད་ལ་སོགས་པ་རིན་པོ་ཆེ་མཆོག་འཛིན་པས་མཆོག་སྦྱིན་པ་ནི་བསམ་པ་ཐམས་ཅད་ཡོངསུ་རྫོགས་པར་འགྱུར་རོ།། རྟ་མཆོག་གི་རྣལ་འབྱོར་པས་ནི ་གཡོན་གྱིས་རང་གི་སྙིང་གར་གཏོང་པའི་ཚུལ་དུ་སྣ་ཚོགས་རྡོ་རྗེ་འཛིན། གཡས་རྡོ་རྗེ་འགྱིང་བས་དབང་ཕྱུག་དམ་པ་ཐོབ་པར་འགྱུར་རོ།། ཀུན་ཏུ་སྣ་ཚོགས་ཀྱི་དམ་ཚིག་གི་རྟོག་པ་སྟེ། རྟོག་པ་དགུ་པའི་འགྲེལ་པའོ།། ་ད་ནི་ཕྱག་རྒྱ་ཉི་ཤུ་རྩ་བདུན་ཇི་ལྟར་བསྒྲུབས་པ་བསྟན་པའི་འོག་ཏུ། ཀུན་ཏུ་སྣ་ཚོགས་སྐལ་བ་བཟང་པོ་དཔལ་དམ་ཚིག་གི་རྟོག་པ་ཉེ་བར་བསྟན་པའི་ཕྱིར། དེ་ནས་ཀུན་ཏུ་ཞེས་བྱ་བ་ལ་སོགས་པ་གསུངས་ཏེ། ཀུན་ཏུ་སྣ་ཚོགས ་ཀྱི་ཕྱག་རྒྱ་ཤེས་པ་ཞེས་བྱ་བ་ནི། ཕྱག་རྒྱ་ཉི་ཤུ་རྩ་བདུན་ཤེས་པའོ།། འདི་ཞེས་བྱ་བ་ནི་བཤད་མ་ཐག་པའོ།། ཀུན་ཏུ་སྣ་ཚོགས་སྦྱོར་བ་ཡིས་ཞེས་བྱ་བ་ནི་བདག་གི་ལྷར་སྦྱོར་བའི་བདག་ཉིད་བསྒྲུབ་པའོ།། དེ་ཉིད་གསིལ་བར ་བསྟན་པའི་ཕྱིར། སྨིན་མ་མིག་དང་ཞེས་བྱ་བ་ལ་སོགས་པ་གསུངས་ཏེ། སྨིན་མ་ཡིནི་ལ་སོགས་པ་གསུངས་པའི་རིམ་གྱིས། ཆུ་ལུགས་ཇི་ལྟ་བ་བཞིན་དུ་གར་བྱེད་པ་སྟེ། ཇི་ལྟར་མཐུན་པར་གོར་བྱེད་པས་སོ།། ཕྱག་རྒྱ ་ཐམས་ཅད་ཅེས་བྱ་བ་ནི་ཕྱག་རྒྱ་ཆེན་པོའོ།། ཡོངསུ་དགྲོལ་ཞེས་པ་ནི་བཅིང་བའོ།། འདི་སྐད་སྟོན་པར་འགྱུར་ཏེ། བདག་ཉིད་ཀྱི་ལྷའི་བདག་ཉིད་ཇི་ལྟ་བ་ལ་སོགས་པའི་སྨིན་མ་དང་། མིག་ལ་སོགས་པས་བྱས་པ་མེད ་ན་ནི་བདག་ཉིད་ཀྱིས་ཇི་ལྟ་བ་བཞིན་དུ་གར་བྱེད་པ་སྔོན་དུ་འགྲོ་བས། ཕྱག་རྒྱ་ཆེན་པོ་ཐམས་ཅད་བཅིང་བར་བྱའོ།། ཞེས་པ་སྟེ། སྔར་བཤད་པའི་རྒྱུད་ཀྱི་ཚོགས་ཇི་ལྟ་བ་བཞིན་དུ་བསྒྲུབ་པར་བྱའོ།། ཞེས་པའོ།། ང་ནི་འཇིག ་ཛྙཱན་དང་། ཇིག་རྟེན་ལས་འདས་པ་ཐམས་ཅད་ཀྱི་ཕྱག་རྒྱ་འཇིག་པའི་ལན་གྱི་ཕྱག་རྒྱ་བསྟན་པའི་ཕྱར། དཔལ་གཡེན་པ་ཞེས་བྱ་བ་ལ་སོགས་པ་གསུངས་ཏེ། གཡན་པ་འབྱུང་བ་དང་བཅས་ཞེས ་བྱ་བ་ནི། གཡོན་པ་འགྱིང་བ་དང་བཅས་པས་དྲིལ་བུ་འཛིན་ལ། ལག་པོ་གཡས་པས་ནི་པདྨའི་ཁུ་ཚུར་བཅངས་ནས་དཔྲལ་བར་བཞག་ལ་ཁྲོས་པས་བྱིན་དུ་ལྟ་བའི་ཚུལ་དུ་བྱས་པ་ནི། དངོས་གྲུབ་ཀྱི་མཆོག་ཐམས་ཅད ་ལ་སོགས་པ་སྒྲུབ་པར་བྱེད་དོ།། ཀུན་ཏུ་སྣ་ཚོགས་པ་ནི་སྐལ་པ་བཟང་པོ།། དཔལ་རྡོ་རྗེ་སེམས་དཔེའི་རྟོག་པ་སྟེ། རྟོག་པ་བཅུ་པའི་འགྲེལ་པའོ།། ། སངས་རྒྱས་ཐམས་ཅད་ཅེས་བྱ་བ་ལ་སོགས་པས ་ནི། རྡོ་རྗེ་ཅན་འདིའི་ཆེ་བ་ཉིད་བསྟན་པ་ཡིན་ནོ།། རྒྱུད་ཀྱི་རྒྱལ་པོ་ཡོན་ཏན་མང་ལྡན་མཁས་པའི་སྤྱོད་ཡུལ་པ།། དོན་རྒྱས་དོན་ལྡན་ཚོགས་ནི་ཤིན་ཏུ་འབྲེལ་སྦས་པའི།། འདིར་ནི་བདག་གིས་ལོ་འདབ་རྩེ་ཙ་མོ་བླངས་ནས་རྣམ ་ཕྱེ་ཡི།། མཆོག་ཏུ་མཁས་པའི་རྗེས་འབྲང་དམ་པ་རྣམས་ནི་ཚད་མ་ཡིན།། དཀའ་འགྲེལ་འདི་ནི་སྦྱ་བ་ཡི།། བདག་གི་དགེ་བ་གང་ཡིན་དེས།། རབ་ཞི་བ་ཤེས་གཉེན་བཅས་པ་ཡི།། འཇིག་རྟེན་རྡོ་རྗེ་འཛིན་པར་ཤོག། སངས ་རྒྱས་ཐམས་ཅད་རང་མཉམ་པར་སྦྱར་བའི་དཀའ་འགྲེལ་སློབ་དཔོན་རབ་ཏུ་ཞི་བའི་བཤེས་གཉེན་གྱིས་མཛད་པ་རྫོགསོ།། ། རྒྱ་གར་གྱི་མཁན་པོ། ཨ་ཙཨཱརྱ་ཤྲདྡྷ་ཀ་ར་བརླ་དང་། ་དྷརྨྨ་ཤཱ~ཾ་བྷདྲ་དང་། འུ་ན་ཀྱིལ་ཅབ་དགེ་སློང་རིན་ཆེན་བཟུང་པོས་བསྒྱུར་སྣ་ནུས་ཏེ་ཏཱན་ལ་ཕབ་པ།། ། ས། རྒྱུ་གར་སྤྱད་དུ། ་