བོད་ཡིག

e-texts produced with BDRC’s OCR application

rgya gar skad du/ nI bud+d+ha kA pA la maN+Da la kra ma pa d+yo ta na nA ma bi d+hi/ bod skad du/ dpal sangs rgyas thod pa zhes bya ba'i dkyil 'khor gyi cho ga'i rim pa gsal ba/ dpal sangs rgyas thod pa la phyag 'tshal lo// dpal ldan khrag 'thung rgyal po che// nyi shu rtsa bzhi dra ba'i sdom// dngos kun rang bzhin 'gro ba skyob// sna tshogs ste la phyag 'tshal te// sangs rgyas thod pa'i dkyil 'khor mchog/ ji ltar rgyud gzhan cho ga mthong // bla ma brgyad rim las 'ongs pa/ bdag gi gsal bar bshad par bya// bla ma mtshan nyid bzang ldan pa// brtan zhing dul la blo gros ldan// bzod ldan drang la g.yo rgyu med// sngags dang rgyud kyi sbyor shes pas// legs par brtags pa'i slob ma'o phyir// dkyil 'khor bri ba'i las bya'o// de yang slob ma blo chen po// shin tu dad pa'i sems dang ldan// 'dod med dbang po dul ba dang // chags dang chags bral rnam par spangs// sems can don la shin sbyor ba// gti mug zhe sdang phrag dog spangs// sangs rgyas kun gyi byin gyis brlabs// de rnams la ni de nyid bshad// slob ma de ni yongasu gzung // da ni dngos grub ma lus pa'i// sgrub byed cho ga bshad par bya// lha rnams mgu bar ma byas na// bdag nyid nges par sun 'byin 'gyur// dur khrod la sogs gnas dag tu// dpal ldan khrag 'thung sogs 'khor lo// rab tu mnyes par bya ba'i phyir// mdzes pa'i maN+Dal legs byas te// chu la sogs pa'i rnam lnga dang // ba byung mar sogs legs par byugs// 'byor pa'o yo byad tshogs gyur pas// rgyud las gsungs pa'i tshul bzhin du// bskyed pa'i tshul gnas bla ma yi// dkyil 'khor bdag po bzlas pa ni// bsod nams che 'bring chung ba dag/ bye ma 'bum dang khris 'grub 'gyur// 'khor rnams gtso bo'i yan lag phyir// tha dad par ni bzlas mi bya// gal te mtshan ma mthong gyur nA~M// bzlas pa'i 'phro yang bshol bas 'grub// lha mi byin brlabs ldan gyur pas// dkyil 'khor mchog ni bri ba'i phyir// ri dang phrug dang tshing tshing ngam// yang na dur khrod dag gi ni// gdod nas grub pa'i gnas 'am 'on te rgya mtsho'i 'gram dag d+ha/ phyi'i dkyil 'khor legs bri'i phyir// yid 'ong gnas dang legs pa'i sa // bcos ma'i maN+Dal legs par brtsig// dri dang pa sogs bdud rtsis bran// grangs mnyam lha yI gnas dkod de// der ni yid 'ad me tog dgram// khrag 'thung 'khor lo rdzogs bskyed cing // skyo sogs nus pa ye shes lha// dgug sogs byas te dbang bskur nas// mchod bstod mthar ni gsol ba gdab// sangs rgyas thams cad bdag la dgongs// khyed rnams mchod pa'i phyir dang ni// slob ma rnams la phan pa yi// sangs rgyas thod pa zhes bya ba'i// dkyil 'khor bzang po bri bar 'tshal// bdag la byin brlabs gnang bar mdzod// de ltar gsol ba gdab byas nas// mchod dang gtor ma nyer ldan pas// lha mo mdzes dga' bskul ba'i phyir// sngon byung sangs rgyas tshul dri bzhin// log pa sa la brab byas pas// sa 'og 'thon pa'i lha mo ni// gser mdog zhi ba'i rang bzhin can// rin chen mdzes pa'i rgyan cha can// gser gyi bum 'dzin ci bgyi zhes// de la mchod yon rkang bkru sogs// mchod dang gtor mas mnyes par bya// gzi brjid can gyis 'di skad smra// skyo ba sangs rgyas thams cad kyis// spyod pa'i tshul dang khyad par gyi// sa dang pha rol phyin pa la// lha mo khyod ni dbang du gyur// shAkya seng+ge skyob pa yis// ji ltar bdud kyi sde bcom pa// de bzhin bdag gi bdud sde las// rgyal bar byas te dkyil 'khor bri// de skad lan gsum brjod nas ni// dga' ba'i mdangs kyi lha mo yang // khyod ni slob dpon yin pas ni// dkyil 'khor mchog gi las gyis shig/ zer nas sa la thim par mdzad// de nas phyogs skyong rnam dgra la// tshul bzhin gtor ma byin nas ni// sa phyogs gnas pa'i lha dang klu// gnod sbyin dri za lha ma yin// gang dag rdzu 'phrul che ldan pa// rdo rje spyan dang snyan mnga' ba// bdag ming che ge zhes bya bas// bde gshegs rnams la mchod pa dang // sems can kun la phan pa'i phyir// dge ba'i sa phyogs 'di nyid du// dkyil 'khor dam pa cher 'byung ba// sangs rgyas thod pa rgyud rgyal gyi// dkyil 'khor chen po'i las byed pas// khyod kyis bar chad ma byed par// dge ba'i grogs po nyid du mdzod// lan gsum gsol ba 'debs pa ni// sa blang cho ga mdzes pa yin// de'i 'og mgul rgyan rna cha sogs// thal ba'i gos dang rgyan char ldan// dpal ldan khrag 'thung rgyal chen po// sa gzhi'i dbusu 'dug nas ni// rnal 'byor go rims rdzogs par bya// de tshe mkha'agro ma bzhi yi// gnas la gnas pa'i rnal 'byor pas// mchod cing stong pas mnyes byas nas// dkyil 'khor kun gyi gtso bo ni// sdig pa ma lus zad byed pa'i// sangs rgyas thod pa'i dkyil 'khor ni// mgon po chen pos bshad du gsol// gsol ba'i tshig de mkhyen na su// snying rje 'gro la bltas nas ni// bgegs ni bskrad pa'i cho ga bya// khrag 'thung nga rgyal ldan pa yi// mig du ma dang Ta las ni// nyi ma zla ba gsal bsgom la// mig 'bras hUM las gyur pa yi// rdo rje mthing nag bsgom par bya// rkang pa gnyi su a las ni// sna tshogs rdo rje 'bar bas bsam// rdo rje lta ba'i mig 'bras las// khro tshogs spros pas bgegs gsal zhing // rkang 'gros rdo rje ra ba sprul// rdo rje gsor zhing dril bu dkrol// dbang ldan mtsham su song nas ni// nyon cig bgegs tshogs ma lus kun// lha dang lha min gsang ba pa// gnod par gyur pa'i bgegs tshogs rnams// sangs rgyas thod pa'i rnal 'byor gtse// bde chen ye shes las byung ba// de ni he'u ka dpal dngos// bka'i 'khor lo rab sbyor byed// gal te bka' las 'das gyur na// rdo rje rab tu 'bar ba yi// mgo ni tshal pa rgyar 'gas shing // 'jigs par 'gyur ba gdon mi za// de bas gzhan du 'gro bar gyis// zhes brjod bgegs la bka' sgos nas// dbang ldan phyogs nas brtsamos nas ni// g.yas skor ldan gsum bgrod bya ba// bskal pa'i me bzhin 'od zer can// rkang pa'i 'og nas byung nas// gdug pa rnams ni sregs gyur pas// phan tshun 'byer bar gyur par bsam// g.yas dang g.yon du bskor ba dang // 'khyud dang ku tsa pa yi dang // b+ha ra ti dang sa ti ki/ pr-i te ka shi kyo la sogs// chags bcas tshul gyis sbyor bas ni// rol pas rab tu 'phyang ba dang / rol pa'i gom stabs bcas pa 'am// gom pa brgyad pas gar bya'o// rkang pa bskyod dang lag pa bskyod// smin ma 'degs dang rab dag 'brang // cung zad ngo tsha'i zla mig dang // brla rgyas lta na 'dud pa dang // mig yangs gar ni byed 'gyur zhing kha yi pad+ma'i 'dzum dang bcas// cung zad dmar ba'i mche ba 'chang // kun da ltar dkar so'i phreng // dpal ldan khrag 'thung rnal 'byor che// sems can grol ba rmad du byung // de la sogs pa'i gar gyis ni// bgegs kun ma lus bskrad par bya// hUM bzhi la sogs gsang sngags kyis// phur bu bskyed pa'i cho ga bya// oM badz+ra kI li kI la ya// byin gyis brlab pa bzlas rdzogs nas// g+hA g+ha la sogs sngags kyis gang ba// de rjes ra ba dra ba sprul// dkyil 'khor gyis ni sa yi cha// mnyes dang yang dag ldan gyur pa// bgegs rnams gsal ba'i cho ga'o// sangs rgyas thod pa'i rnal 'byor gyis// lag pa sa la phab byas te// hUM khaM zhes ni brjod pa yis// rnam dag na mkha' bsams nas ni// hU~M lam sngags kyi gser gyi ni// sa gzhi rdo rjer ldan par bsam// oM me di ni badz+rI b+ha ba ban+d+ha trAM/ rnyed pa'i sa phyogs de nyid du// zhi dang drag po me yi las// yang dag sel por byas nas ni// rnal gyi khyad par mkhas pa yi// lho phye'i rim pa shes byas la// g.yas skor lto nas brko bar bya// gseg ma mgal dum gyo mo dang // phug ma rus pa ro rnams gsal// sa de mi 'chi bcu phyed dang // dri zhim chu la hUM bzlas dgang // tshad ljon 'thad par bcags stengasu// chu sogs pa langs las byung dang // bdud rtsi lnga yis snyoms par byug// mkha 'gro ma rnams na tu na/ na can smra/ sa byung sa/ sa / sa / mas 'gyur ba bskyed// ji skad bshad pa'i shar mtho bas// myur du rig rnams zad par byed// dbus dma' ba'i rang bzhin gang // sgrub pa po ni 'joms dang ldan// mtshan nyid gsal bar shes par dpyad// de ltar 'dus byas sa de la// sangs rgyas thod pa'i rnal 'byor gyis// bdud rtsi lnga yi chus bran zhing // oM hUM d+hI hUM khaM hUM tiSh+Tha tiSh+Tha badz+ra sa ma ya a d+hiSh+Tha ya de/ zhes brjod pa de stong par bsgom// sa spyad dus su 'byung chen la// gtor ma rab tu sbyin par bya// oM he ru ka badz+ra sa ma ya d+hi/ sarba duSh+TA nas ma ya mu dro/ pa b+hUT+Taka dz+hi ru lu ru lu dz+yo d+hU hU~M phaT/ de nas logs sbyang dri zhem nu// bdud rtsi lnga ldan byugs pa'i sar// thig le dri zhim me tog dgod// lhag 'thung rgyal po la sogs pa// nyi shu rtsa lnga'i 'khor lo bskyed// maM tse la sogs go brogo zhing / gnas gsum byin gyis brlabs rje su// ye shes 'khor los byin brlabs nas// dbang bskur rgyas gdab rim bya ba// mchod dang bdud rtsis tshim bya zhing // bstod pas mgon po mnyes byas la// btud de gsol ba gdab par bya// gnyis med ye shes las byung ba'i// khyab bdag dngos kun bdag cag nyid// ston pa'i gtso bo khrag 'thung dpal// sna tshogs sdo mar yang dag ldan// phyogs mtshams rnams kyi mkha'agro ma// rig pa'i lha mo rdzu 'phrul can// byang chub sems dpa' la sogs kun/ ma lus bdag la dgongasu gsol// slob ma rnams la phan pa dang // khyed rnams la yang mchod pa'i phyir// rdo rje can bdag 'di zhes pa// nang par dkyil 'khor 'bri bar 'tshal// rje su brtse bar nyer dgongs te// kun gyi byin gyis brlab tu gsol// lan gsum gsol ba gdab rje su// dri zhim me tog phreng ldan dang // thod pa bdud rtsi lnga ldan pas// dpal ldan khrag 'thung la sogs kun// bdug spos la sogs legs phul nas// de 'og rang gi dbugs dbyung ba// cho gas brtul zhugs kun bya'o// lha la gsol ba gdab cho ga'o// de'i 'og gser dngul la sogs rin chen las byung ba'i// zhabs phra lto che mgrin ring mchu phra nyi shu drug/ dri zhim dkar rtsis byugs shing nag nog ra ri med// pad+ma'i lte bar rang rang mtshan ma rnams kyis mtshan// ras dkar zung res bum pa'i mgul du bcing bar bya// chu ni 'o ma bsres pa chang dang bcas pa dang // rin chen rnam pa lnga bzhug cing // bum pa kun nas 'bru lnga dang // sman dang bdud rtsi sha lngar bcas// rnam par rgyal ba'i nang bcug ste// a mra'i lcug mas dgab par bya// bdugs bskrad bum pa byin brlabs nas// de rjes slob dpon blo chen gyis// sangs rgyas thod pa'i sbyor dang ldan// bum pa'i nang du bsgom bya ba// pad+ma'i steng du nyi ma ste// de steng ro yis yang dag mnan// de steng ye shes lnga las byung // gtso bo yab yum bsgom par bya// de nas bum pa gzhan dag/ yud tsam gyis ni lha mo rnams// rab tu gsal bar bskyod par bya// las kun byed pa'i bum pa la// sna tshogs rdo rjes mtshan byas nas// cho ga gsum gyi bdud rtsi 'khyil// bskyed pa'i cho ga rdzogs par bya// dkyil 'khor tshul du bkod byas la// go cha bgos dang gnas gsum brlab// dbug sogs dbang bskur legs zin nas// thod pa'i mchod yon sngon 'gro bas// spos sogs lha bshos dag gi bar// lha yi bru dang mnyam par 'bul// nang dang gsang bar bcas pas kyang // bum pa'i lha rnams mnyes par bya// de bzhin sngar gsungs lha tshogs la'ang // mchod pa'i cho ga rab tu bya// de 'og bzlas pa dbul bya ba// rnam par rgyal ba'i bum pa la// snying po ngag gis mnyes par bya// de las gzhan pa rnams la ni// nye ba'i snying po rab tu sbyar// las kun byed pa rang sngagaso// gsol gdab gzhan dang mtshungs par bya// de ltar cho ga'i tshul dag ni// bum pa lhag par gnas pa'o// de nas slob ma'i gtso bo sogs// lhag gnas mchod par bya ba'i phyir// sngar bshad mtshan nyid dang ldan sogs// lus gtsang gos gtsang gyon pa dang // me tog snyim par rab bkang nas// mdzes pa'i maN+Dal phul rjesu// 'dod pa'i gsol gdab gus par brjod// dge' chen khyod bdag ston pa po// slob dpon khyod ni dgongasu gsol// byang chub sems dpa'i tshul brtan pa// mgon po chen po bdag 'tshalo// dam tshig de nyid bdag la gsol// byang chub sems kyang bdag la gsol// sangs rgyas chos dang dge 'dun te/ skyabs gsum dag kyang bdag la gsol// thar pa chen po'i grong mchog tu// mgon po bdag ni 'jug par 'tshal// de ltar gsol 'debs slob ma rnams// rang snying 'od kyi bur bas la// rna lam 'di skad bsgrag par bya// du tshur theg pa chen po la// khyod ni tshul chen snod yin te// gsang sngags spyod pa'i cho ga ni// khyod la yang dag bshad par bya// rdzogs pa'i sangs rgyas gang 'das dang // de bzhin gang dag ma byon pa// da ltar byung ba'i rdzogs sangs rgyas// 'gro la phan phyir bzhugs pa kun// de dag kun gyi gsang sngags kyi// cho ga bzang po 'di mkhyen nas// dpa' bo byang chub shing drung du// thams cad mkhyen pa tshad med brnyes// gsang sngags spyod pa mnyam med de// skyob pa dpal ldan he ru kas// bdud sde shin tu mi bzang ba// dpung chen dag kyang de yi bcom// de bas kun mkhyen thob bya'i phyir// bu yi blo gros 'di gyis shig/ gong nas gong gi sdom pa ni// bu khyod kyis ni bsrung bya ste// grol ba'i rgyu ni de las gzhan// thabs ni gang yang yod ma yin// mkha 'gro'i yan lag las/ byung ba'i// bshags pa la sogs slob ma la// byang chub thob pa'i don gyi phyir// cho ga thams cad tshogs par spyad// bdag gi sdig pa bgyis pa dang // bgyid du stsal dang yi rang dang // sangs rgyas spyan sngar mchis nas ni// ma lus so sor bshags par bgyi// sangs rgyas byang chub sems dpa' dang // rang rgyal dgra bcom 'gro rnams kyi// bsgom dang bzlas brjod bsod nams rnams// tshogs dag la ni yi rang ngo // sangs rgyas chos dang dge 'dun la// rtag tu bdag ni skyabasu mchi// sangs rgyas thod pa mkha' 'gro ma// 'khor lo gsum gyi bdag nyid can// kun la rtag tu skyabasu mchi// dpa' bo dpa' mo dbang lha mo// byang chub sems dpa'i bdag nyid che// khyad par du yang slob dpon la// rtag tu bdag ni skyabasu mchi// dpal ldan khrag 'thung dpa' bo dang // rnal 'byor ma dang snang mdzad sogs// byang chub sems dpa' dpag med sogs// thams cad bdag la dgongasu gsol// che go dus 'di nas bzung nas// ji srid gnyis meng la gnas par// de yi tshangs spyod gnyis med pa// byang chub mchog sems bskyed par bgyi// bdag gi dge ba'i las rnams kyi// sangs rgyas myur du bsgrub byas te// sems can 'khor ba'i rgya mtsho las// bla med gnasu bsgral bar bgyi// yud tsam slob ma ltar byas nas// gnas gsum thig le bkod pa'i sar// rdo rjes mtshon pa'i 'bru gsum bsgom// sku gsung thugs kyi mchen mar gyur// de dkyil 'bru gsum nus mchog gis// bkug bstims lha ru gsal byas la// spyi bor me tog mdun du spos// dri dang mar me snying gar te// lha bshos zhal du stan la sgra'o// u dum+ba ra a shwata sogs// ser bcu gnyis kyi tshad tsam la// skyon bral me tog cer bcings sbyin// shar ram byang du kha~M ltas te// mi smra bar ni so shing bca'// bko tsam lci byugs pa'i sar// so shing mdun ni drang por dor// de tshe rang la blta ba dang // rtse mo gyen du 'greng gyur na// dngos grub mchog tu de bshad do// mtshams dang byang du bltas pa na// 'jig rten pa yi dngos grub thob// de bzhin gzhan du kha bltas na// dngos grub 'bring po nyid du 'gyur// so shing bor ba brgya zhig la// gal te thur du kha bltas na// de ni nges par sa 'og gi/ dngos grub dag la the tshom med// oM hriHla sogs gsang sngags kyis// sbyor mo bsdams pa'i chu blung bya// 'jig rten du ni kun mkhyen kyang // su dum+ba rab me tog lngar// baN+Da la ma nA nir 'ga' zhig/ 'byung 'gyur yang ni mi 'byung // gsung sngags spyad pa'i rdul 'di ni// de bas kyang ni rnyed dkar ste// glang gis sems can mnyam med don// bla na med par byed nus pa// gnyis med zab mo'i spyod tshul 'dis// sems can sangs rgyas thob byed pa'o// dang po bskal pa grangs med nas// bsags pa'i sdig pa gang dang gang // de kun zad par gyur pa ni// zab mo'i dkyil 'khor mthong bas so// de rjes 'bru gsum sngags mchog gis// ku sha byin gyis brlab byas te// sngas dang stan du gding bar byas// gtso bo'i snying pos rab bzlas pa'i// srang bu dmar la mdud pa gsum// byas te dpung pa g.yon par bcing // seng+ge'i nyal stangs bstan byas te// ku sha'i stan la khyod nyol la// nang par bzhin bzangs rnams longs shig/ sang gi nang par khyod rnams kyis// dpal ldan sangs rgyas thod pa yi// grong khyer chen po mthong zhes brjod// de nas rang snying sa bon las// sngags zhugs mdun du lha rnams sprul// phyi nang bdag nyid can gyis kyang // dpal ldan khrag 'thung la sogs pa'i// 'khor lo rnams ni rab tu mchod// 'byung po rnams kyang mgu bar bya// nang par gyi ni dus dag tu// rmi lam mtshan ma dri bar bya// des kyang mtshan ma gang mthong rnams// 'dzem pa med par smra bar bya// gal te bzang na dngos grub bstan// ngan na bgegs rnams bzlog par bya// slob ma lhag gnas cho ga'o// de ltar lhag par gnas byas nas// shes rab can gyi nang par dus// thig dag gdab par bya ba'i phyir// slob dpon mtshan nyid sngar gsungs pas// thod pa las byas spyi bor 'chang // yan lag thal bas rnam par byugs// lus la phyag rgya drug la sogs// kha T+wAM ga ni lag na thogs// brgya phyed phreng bas rnam par brgyan// he ru ka dpal rang byas te// 'khor la bltas pas snying gar dgod bdag nyid gsal bar go gyon cing // sngags dang phyag rgyas brgyan nas ni// dngos grub mchog gi stsol ba yi// dkyil 'khor 'jigs pa bri bar bya// ga mi ta ka la sogs pas// ma ra ru d+hi ras spangs pas// rab shes dkyil 'khor nyis 'gyur sogs// tshad ldan srad bu bkal byas nas// khrag 'thung grong khyer nyams dga' ba// ji srid mtho lnga nas brtsams nas// bcu gnyis bcu drug mthar thug par// rnal 'byor dbang phyug dam pa yi// shes rab can gyi thig gdab ste// srang bu kha dog sna lnga ru// rnam par phye ste bcos nas ni// thod pa'i snod bzhag ngag mos pas// sa bon las byung rigs lngar bskyed// dpal ldan khrag 'thung la sogs kun// spyan drangs nas ni de ru bzhug/ sangs rgyas kun gyi mkha' 'gro ma/ gtso bo'i sngags dang gnyis med pas// pad+ma'i snod la legs bzhag cing // rang byung me tog ngag gis mchod// ye shes srud byed byas nas su// mkhas pas thig ni gdab bya ba// sngon chad cho ga mthong ba yis// ye shes thig skud gdab bya'i phyir// bla mas khu tshur gyis bzung zhing // gcig ni mtha' ru shi sha yis// dbugs 'byin 'gro bar bsam na su// thig gnyis ngag ni legs par bsgril// gnyisu med pa'i gsang sngags kyis// bsgril nas thig ni der bya'o// dz+nyA NAM zhes pas leg btang zhing // blo ldan rgyab nas 'greng bar bya// dang po byang dang lho yi ni// sgo dbus ji bzhin gnas nas su// lho ru mngon par phyogs nas su// de bzhin na mkha'i thig gdab po// nub dang shar nas gnyis pa gdab// oM badz+ra sa ma ya sU tra mA ti kra ma hUM/ dwe rjes g.yon pa'i khu tshur gyis// lte ba'i phyogasu bzung nas kyang // shar du bltas nas 'gro mgon gyis// sa la tshangs pa'i thig gnyis gdab// thig skud ngag ni 'debs pa'i tshe// 'jig rten khams ni ma lus pa'i// sangs rgyas la sogs 'gro ba'i don// khyed kyi dus ni yon zhes bskul// bla ma nyid dam grogs mchog gis// g.yon nas bskor ba shin tu brtson// rlung dang dbang ldan phyogs gnas dang // me dang bden bral khar gnas te// bla mas mtsham su thig gnyis gdab// byang nas mngon par bltas nas ni// bden bral du ni srad bu bsgreng // me yi phyogasu gnas pa dang // dbang ldan phyogasu gnas pa yis// shar gyi thig ni gang yin pa// brtul zhugs can gyis cho gas gdab// phyogs skor la sogs dbye shes pas// kun gyi thig ni thams cad kyang // bla ma'i man ngag rim thob pas// bla ma mkhas pas thig gdab bo// bla ma mer gnas bden bral dang // bla ma rlung dang dbang ldan du// gnas byas lho byang thig gdab po// ra ba me ri bor byas pa'o// cha ldan bcu drug rab dbye bya// dbang po drug ni nang dor nas// gnyis gsum bdun pa bzhi bzhir dbye// bzhi pa de bzhin lnga dang brgyad// dbus ma dor ba'i cho ga bya// gtso bo'i pho brang cha chen gcig/ lte ba ze'u 'bru ldan par gdab// pad+ma rim gsum 'dab ma brgyad// cha chen gsum gyi sa yin te// cha phran gsum gsum pad+ma ste// cha phran re re rdo rje phreng // sgo ni 'khor lo'i brgyad cha ste// khyams ni de yi phyed du bya// sgo khyud dag ni sgo yi tshad// tshon sna lnga yang de yi phyed// rin chen pha gu tshon gyi tshad// nyis 'gyur dra ba dra phyed yin// sgo yi sum gyur rta babs te// ba dan dril bu 'od zer gyis// brgyan par thams cad thig gdab cing // gdugs dang 'khor lo ri dgas bcas// phyogasu rdo rje rgya gram mdzes// phyi rgya ra ba mi ri ste// brgyad du ma gtogs cha chen gcig/ rim gnyis thig ni gdab par bya// dang po dkar rtsi thig sogs las// rim bzhin thig gdab nges par bya// de steng ye shes thig btab pas// kun nas yongasu brkyang bar bya// rdul tshon sngon po ro bsregs pa'i// sol ba nag pos bya ba yin// rdul tshon dmar po dur khrod kyi// so phog las ni bya bar bshad// de bzhin rdul tshon ljang khu ni// nim pa'i 'dab ma dag las so// rdul tshon dkar po'i rgyu dag ni// mai rus phyed ma dag la so// rdul tshon ser po'i rgyud dag ni// yung ba'i phye ma ngag las bya'o// de ltar rdul tshon lnga rnams kyis// mkhas pas dkyil 'khor bri bar bya// de ltar dur khrod sa rnams ni// dbang phyug chen po'i rgyan yin phyir// lnga po lngar ni rab sprul bya// ye shes thig gi cho ga bzhin// bskyed pa'i lha sogs rgyas par bya// sems dag nang par langs nas ni// dkyil 'khor las ni rab tu brtsam// 'od ni chos dbyings dag pa ste// sems can khams ni rab grol byed// sangs rgyas thod pa rgyal chen po// de bzhin gshegs pa kun gyi gnas// nyes pa ma lus rang na pa'o// chen gyi las la yang dag 'jug/ slab dpon gyi sman dang par ni// g.yon pa'i khu tshur sar bzhag ste// dbang ldan mtshams nas brtsams nas// mo lnga pa d+ha d+ha g+h+ra/ tshon dang 'bri ba'i las byung pa// dam tshig sdom bya b+hA/ par sbyin// the'u chu dang mthe bo spangs// drangs te mtho bar yang dag bri// g.ya su bskor zhing rgyun mi bcad// sngon zhing dkar ba ser ba dang // pad+ma rA ga man ta bzhin// rab tu bsgrims te bri bar bya// phyi nas kun tu slob mas so// gal te ri mo che mnyam zhing // mo zhing dum 'dang chad pa yang // ri mo dma' bas mi 'grub cing // g.yon pos gdung ba skyed par byed// chad pas slob dpon slob ma dag/ gnyis ka 'chi bar shes par bya// dpyir mtshan ldan ri ma ni// mtshan nyid kun gyis legs par mtshan// pho brang rim gsum zlum po la// rdo rje gsum gyi yongasu bskor// phyi rol gru bzhi lham pa la// sgo bzhir rta babs rnams kyis brgyan// ba dan rnam pa bzhi yis rgyun// dri ba dra ba phyed pas spras// phyi rol kha khyer dag pa dang // rin chen pha gur yang dag ldan// pad+ma nyi shu rtsa lnga yis// gdan rnams kyis ni shin tu mdzes// de la rim pa dang pi ni// 'dab brgyad sna tshogs lte bar bcas// pad+ma'i lte ba sngon po bri// dkar ser dmar zhing gnag pa ste// shar dang byang sogs phyogs kyi rdul// mtshams bzhir mdzes pa'i kha dog can// bdud rtsis gang ba'i thod pas mdzes// rdo rje phreng ba'i sngon pos brgyan// de 'og rim pa gnyis pa ni// 'khor lo rtsibs brgyad dmar po la// rtsibs mtshan ljang gus yang ngag b+hI// pad+ma dmar po'i phreng bas brgyan// rim gsum pa yi 'khor lo na// rtsibs brgyad kha dog dkar po las// rtsibs mtshan kha dog nag po bri// de yang rdo rje ra bas brgyan// dkar ba'i tshon gyis legs pa'o// sgo bzhir rigs kyi rim ji bzhin// sgo ma bzhi ni nges par gnas// pho brang dbus kyi lte ba la// ro steng rdo rje nag po dang // gri gug dmar po legs par dgod// pad 'dab 'khor lo rnams kyi steng // nyi ma'i dkyil 'khor la gnas pa'i// gri gug lha mo'i mdog bzhin bri// sgo bzhi rnam su 'ang de bzhin// de dag tshon gyi cho ga'o// de ltar yid 'ong sna tshogs pa'i// lha rnams gzhal yas khang mdzes pa// de skad gsungs pa rdzogs par bya// sna tshogs gos dang rgyal mtshan dang // bla re la sogs bri ba dang // spos dang ma tog la sogs pa'i// mchod pa'i rgyan gyi rnam par brgyan// rgyan chu che ldan bla ma yis// rang gi rnal 'byor rdzogs byas la// bde ba chen po skyer byed pa'i// khrag 'thung rgyal po'i dkyil 'khor mchog/ rnga tshon bris pa'i khang pa la// mtshan nyid ldan pa bskyed par bya// pad+ma nyi ma nyi shu lnga// gdan rnams shin tu mdzes pa la// de yi dbus chung sa bon ni// yi ge hUM gi rang bzhin sngo// skad cig tsam gyis he ru ka/ sku mdog sngon po grags chen po// g.yas gri gug cang te'u 'dzin// g.yon na thod pa kha T+wAM ga/ skyil krung phyed pa'i 'jigs chen po// zhal gyi mche ba cung zad bcigs// ral po'i cod pan gyis brgyan cing // sangs rgyas thod pa'i cod pan can// dbu la sna tshogs rdo rjes mtshan// zla ba phyed pas 'dzin pa'i lha// sku la thal bya'i rdul gyis byugs// dpa' bo phyag bzhi phyag mtshan 'chang // shin tu hUM sgrogs 'jigs byed pa// gar gyi stabs kyis rnam par bzhugs// mgo bo rlon pa'i phreng ba can// mchod phyir thogs pa'i phreng ba 'chang // thod pa gti mug rnam dag pa'i// phreng babargyus pas brgyan pa'i lha// mgul ngo dang ni 'khor lo dang // rkang gdub dang ni dpung rgyan dang // gdub bu skyed pa'i ske rags dang // dpa' bo rna cha mchog gis brgyan// 'di 'dra'i gzugs can gtso bo ni// hUM zhes bzlas pa byed par bsgom// de las byung ba'i rnal 'byor ma// nyi shu rtsa bzhi bdag nyid rnams// sku mdog sna tshogs grags chen mo// shin tu 'jigs pa'i gtsigs can ma// zhal gcig phyag ni thod pa 'chang // g.yas pa na ni gri gug 'dzin// so so yi ni ming ji bzhin// rab tu gsal bar bshad par bya// rim pa dang po'i phyogs bzhi ni// phreng bzang ma dang 'dod can ma// 'jigs ma dang ni thub dka' ma// mtsham su thod pas yang dag brgyan// rim gnyis gsung gi 'khor lo la// bde ba'i ske rags can dang ni// gzugs can 'byung gnas rnam rgyal ma// shar sogs phyogs bzhir g.yon rim gnas// thod can ma dang mtshon chen ma// rgyud byed ma dang gsong byed ma// dbang ldan mtshams sogs g.yas rim bzhugs// rim gsum sku yi 'khor lo la// sgrol byed ma dang 'jigs ma dang // lha mo mi pham ma bzhi ni// shar phyogs lugs 'jug phyogs bzhir ro// dge ma 'dzur byed ma dang ni// dus mtshan ma dang grags chen ma// dbang ldan mtshams sogs lugs las bzlog/ mdzes sdug ma dang nor 'dzin ma// bskal bzang ma dang grags mthong ma// shar sogs sgo bzhir yang dag gnas// 'di lta bu yis dkyil 'khor mchog/ kha dog rnam pa lnga yis brgyan// de yi dbus gnas lha mo ni// he ru ka la bde ster ma// skyil krung phyed pa'i gar byed ma// mi yis rus pa'i phreng bas brgyan// lha mo 'od zer dpag dka' zhing // skra ser gyen du 'bar ba ste// hUM gi bdag nyid las skyes 'jigs// zhal nas khrag gi 'thor byed ma// dkar mo nag mo ljang gum// thams cad khu ba ldan gyur ma'o// lha yi dkyil 'khor bskyed pa ni// nyi shu rtsa lnga'i bdag nyid bsrungs// mdog dang phyag mtshan cha lugs gdan// sgrub pa'i thabs bzhin bsgom par bya// sngar gsungs sta gon lha rnams ni// snying ga nyid nas rab sprul nas// dkyil 'khor la ni byin gyis brlabs// yang ni snying ga'i sa bon gyis// ye shes lha rnams bkug byas te// dkyil 'khor lha rnams byin gyis brlabs// oM bud+d+ha ka pA lI ni aHkhaM gr-i puM shrI aHaHaHhUM hUM hUM phaT/ rtsa yi 'khor lo 'jigs tshul gyis// dbang bskur rgyas gdab phun sum tshogs// ma lus pa ni 'dir bya'o// de nas me tog spos la sogs// lha yi grangs dang mnyam par dbul// de bzhin gos ni zung res mchod// rang byung me tog la sogs pa'i// bdud rtsi lngas kyang de bzhin mchog/ thong pa bdud rtsi lngas bkang ba// he ru ka yis btung bar bya// de yis 'thungs pa tsam gyis ni// 'gro ba'i bla ma bdag nyid che// gtso bo las gzhan tha dad gzugs// rnal 'byor ma kun de dang 'dra// 'dod pa'i yon tan sna tshogs dang // tshogs kyi sbyor ba che ldan zhing // na mkha' ca tse'i sgras bkang nas// bkra shis glu yis bstod bya zhing // bzlas pa yis kyang mgu bar bya// lto ba'i gnasu sbyin sreg bya// pad+ma'i 'dab ma brgyad ldan du// khrag 'thung mkha 'gro nyi shu lnga// ge sar pad+ma'i lte ba la// bdag nyid lha yi dngos byas nas// sbyin sreg cho ga ldan byas na// lngapa mi dgos par dngos grub 'gyur// bza' dang bca' btung myang ba dang // btul zhugs can gyi ci spyod pa// ye shes bdud rtsi lnga nyid du// bsgrubs te thams cad spyad par bya// bdag nyid lha ni lha yi mchog/ bdag nyid lha ni lha dam pa// rang gi gzugs la ma chags pas// gzugs brnyan la sogs bzhin du shes// bdag nyid sangs rgyas ma lus dang // mkha'agro ma kun gnas yin te// de phyir rtsol ba ma lus kyis// bdag nyid he ru ka dpal mchod// bra khur la sogs bza' ba dang // zan dron shA dang nya shaM dang // bdud rtsi lnga sogs ci 'byor pa// thod pa'i nang du legs bzhag ste// sbrang sogs rim gyis byin brlabs nas// zhing sbyong rnams la gtor ma sbyin// mchod pa'i bya ba rdzogs gyur nas// slob ma gzhug pa'i cho ga yis// dang po nyid du slob dpon gzhug/ mtshan nyid ldan pa'i slob ma'i tshogs// khrus byas mdzes pa'i gos gyon te// bu sdug de dag rnams kyi ni// gdod pa dar gyi g.yogs byas nas// gsol ba 'debs pa sngon du 'gro/ sangs rgyas kun gyi rang bzhin sku// slob dpon la ni skyabasu mchi// dpa' bo rnal 'byor ma 'khor lo// rnal 'byor gnas la bdag phyag 'tshal// thar pa chen po'i grong mchog tu// mgon po bdag ni gzhug tu gsol// don dam smra ba'i seng ge rnal 'byor zhes bya ba// nyon mongs spyod pa'i don la shin tu mkhas gyur pa// srid pa'i nyes brgya bskyed pa'i nyon mongs gcod mdzad pa// rnal 'byor don dam rgyal po de nyid grub par mdzod// lan gsum du ni gsol ba gdab// de nas slob dpon gyis kye khyod su zhes smra'o// slob mas bdag ni rgyal ba'i sras zhes smra'o// de bzhin gshegs pa kun gyi gnas// he ru ka dpal grong khyer mchog/ snying po'i dkyil 'khor 'di ru ni// bdag gi slob ma bzhug par bgyi// de nas lho sgor mngon phyogs nas// dkyil 'khor mkha' 'gro tshogs dag la// sgo gsum dang bas phyag btsal ba// oM na mo ste hUM/ na ma mi hUM/ na mo na maHhUM swA hA/ zhes brjod sku gsung thugs kyi ni// sgo nas lan gsum sngon 'gro phyag/ oM sarba bI ra yo gi nI pU dze pas+tha nA ya At+ma nA/ nIr+ya ta ya mi sarba ta tha ga ta bI ra yo gi ni/ At+ma ma le A d+hi tiSh+Tha sA maM/ zhes brjod lus ni thams cad kyi// gus pas rab tu phyag 'tshalo// de nas shar gyi sgor gnas la// snying ga'i g.yon du thal mo sbyar// oM sarba bI ra yo gi ni pu dze pas+tha nA ya/ a b+hiShe ka ya At+ma nAM/ nir+yA tA ya mi sarba ta tha ga ta bI ra yo gi ni/ At+ma ka ma d+ha a b+hi Shiny+tsa tu mA/ de rjes byang gi sgor phyogs shing // thal mo de nyid bral bar gzhag/ oM sarba bA ra yo gi ni// pU dza pra brta nA ya/ At+ma nAM/ nir+yA tA ya mi sarba ta thA ga ta bi ra yo gi ni At+ma mau ma pra b+ha d+hi na maM/ de nas nub kyi sgor 'dug la// thal mo de nyid mgor bzhag ste// oM sarba bI ra yo gi ni/ pu dza karma At+ma mAM nir+yA tA ya mi sarba ta thA ga ta bI ra yo gi ni/ At+ma Ar+ya kar+Na ku ru mAM/ byin gyis brlab phyir phyag bzhi btsal// de nas lho sgor 'dug nas kyang // las ni bum pa'i chu yis gtor// slob ma'i lag pa bzung byas la// sangs rgyas thod pa'i sdom pa mchog/ brjod de thams cad sbyin par bya// sangs rgyas chos dang dge 'dun te// dkon mchog gsum la skyabasu gdong // 'di ni sangs rgyas rigs yin te// sdom pa rtag par gyur pa'o// rdo rje dril bu phyag rgya ni// blo chen khyod kyi gzung bar bgyi// byang chub sems gang de rdo rje// shes rab dril bu shes rab grags// slob dpon khyod kyis gzung bar bya// bla ma spangs rgyas kun dang mnyam// 'di ni rdo rje rigs dag pa'i// dam tshig sdom pa yin par bshad// rin chen rigs la rtag tu ni// nyin re bzhin nam lan drug tu// chos dang zang zing mi 'jigs byams// sbyin pa rnam bzhi rab tu sbyin// phyi dang gsang ba'i theg pa gsum// dam pa'i chos kyang ma lus gzung // 'di ni pad+ma'i rigs dag pa'i// dam tshig yid du 'ong ba'o// las kyi rigs mchog chen po la// sdom pa thams cad ldan par ni// yang dag nyid du gzung bar bgyi// mchod pa'i las kyang ci nus kyi// de ltar sdom pa bzung nas ni// me tog phreng dang bcas pa yis// snying gar rdo rje rab gzhag la// oM badz+ra yo ga tsit+ta ut+pA tA ya mi/ oM su ra ste se ma ya s+t+wa~M ho sid+d+hi badz+ra ya tha su khaM/ rnal 'byor du ni sems bskyed do// yongasu sbyangs pa'i bu sdug de// las kun byed pa'i chus gtor la// dkyil 'khor du ni gzhug par bya// oM A khaM bI ra hUM/ deng khyod dpa' bo dang rnal 'byor ma thams cad kyi rigasu zhugs kyis/ ngas khyod la dpal he ru ka'i ye shes bskyed par bya ste/ ye shes gang gis khyod de bzhin gshegs pa thams cad dang dpa' bo dang rnal 'byor ma rnams kyi dngos grub kyang thob par 'gyur na/ dngos grub gzhan lta ci smos/ khyod kyis dkyil 'khor ma mthong ba'i// mdun du smra bar mau bya ste// dam tshig nyams par gyur ta re// he ru ka dpal deng khyod kyi// snying la yang dag bzhugs pa ni// gal te tshul 'di smras na ni// de ma thag tu dral te gshegs// rje su mna' chu blud pa ni// tsan+dan dang ni ga bur bcas// bde 'byung me tog chu dang ldan// blo gros brtan pa'i slob ma la// mtshan ldan thod par blugs nas ni// gzi brjid can gyi 'di skad smra// 'di ni khyod kyi dmyal ba'i chu// dam tshig 'das na sreg par byed// dam tshig bsrungs na dngos grub 'gyur// oM pany+tsa a mr-i ta ud ka Tha Na rdza hUM/ deng nas brtsams te khyod kyi dpal he ru ka nga yin gyi ngas gang 'di byos shig bsgo ba de khyod kyis bya'o// khyod kyis nga la brnyas par ma byed cig/ khyod mi bde ba ma spangs par dus byas nas dmyal bar gyur ta re/ de rjes slob ma'i gtso bo yis// dpa' bo dang ni rnal 'byor ma// thams cad kyis ni byin rlobs la// he ru ka dpal rnal 'byor ma// bdag la ye shes dbab tu gsol// sngar gsungs rgyan ldan bla ma yis// gzi ldan bsgyings bcas slob ma la// mi 'chi bcu phyed ro ras dang // byi brun gu gul nag po dang // grir shi glang khrag tshil chen bcas// rang skra dang bcas zhib mor brdungs// pad+ma'i snod du rab gzhag nas// dur khrod yi dgas mes gdungs la// gnyis med sngags kyis gtsun par bya// dril bu'i sgra ni rab bsgrags nas// rang nyid 'od kyis mkha' gro gzhug/ gal te 'bab par ma gyur na// slob ma'i snying gar nyi ma la// sangs rgyas thod pa yum bcas shing // yungs kar tsam gyi skur bsams la/ de yi gsang dang mkha' spyod pas// 'od zer dmar pos lus kun yang // ros gang gcig gyur sngags bzlas shing // bdug dang bsam gtan cho ga yis// skad cig nyid la dpa' bo dang // mkha'agro 'khor bcas snying la 'jug/ oM tiSh+Tha ma hA kr-i d+ha a be sha hUM/ oM shrI he ruM kA ya/ bid+ma he bir+ya rA dzA ya d+ha mi he swA hA/ mkha 'gro bskul bas nges par 'bab// lce la a ni dmar bsams nas// gsungs shig rdo rje dge mi dge/ sku gsung thugs la phebs gyur nas// brtan pa'i gsang sngags brjod par bya// 'dir ni bsod nams ji lta bu// lha rnams rigs kyi rim ji bzhin// 'di ni dngos grub gang yin pa// dkyil 'khor 'dir ni de bzhin shog/ pra tIts+tsha dang badz+ra ho// dkyil 'khor du ni me tog dor// gang rnyed de yi rigs yin te// dbukra sogs mtshan ma shes byas la// slar yang slob ma'i mgo la bcing // sha mig dag pa'i ltas kyi phyir// ci mthong dri ba'i cho ga bya// de nas lag pa nas bzung ste// mig phyed dkyil 'khor bstan par bya// he ru ka dpal deng khyod kyi// mig 'byed par ni brtson par mdzad// phye bas thams cad mthong 'gyur te// rdo rje'i mig ni bla na med// oM badz+ra nai tra ya a pa ha ra pa Ta laM hrI/ dkyil 'khor bzang po 'di la ltos// da ni dad pa rab tu bskyed// khyod ni rnal 'byor ma rigs skyes// sngags dang phyag rgyas byin gyis brlabs// 'gro don phun smram tshogs kun dang // dngos grub kun mkhyen sngon du 'gyur// dam tshig thams cad bskyang ba dang // gsang sngags la yang brtson par gyis// de nas dkyil 'khor 'khor li yi// lha mi sku mdog ji bzhin dang // mtshan ma la sogs de bzhin du// slob ma rnams la bstan par bya// sna tshogs pad+ma'i dkyil stengs nas// gnyisu med par legs 'khyud pa'i// dngos po kun gyi rang bzhin can// dngos grub ma lus stsol ba po// khrag 'thung che la bu khyod ltos// sna tshogs sde mas gtsor mdzad pa'i// phreng bzang ma sogs lha oM lnga// thod pa bzhi por bcas pa yi// rab zab thugs kyi 'khor lo dang // dge ba'i ske rags can la sogs// gsung gi rnam dag 'khor lo dang // sgrol byed mkha' gro ma la sogs// rnam dag sku yi 'khor lo ste// rab dang 'bring dang tha ma can// mdzes sdug la sogs lha mo bzhi// gzugs sogs dag pa'i bdag nyid 'gyur// lha rnams de nyid mtshan ma yin// de nas slob ma blo ldan gyis// bla ma'i zhabs la phyag 'tshal te// yon gyi mchog chen phul nas// dbang skur don du gsol ba gdag// he ru ka dpal dbang sgrub pa// 'gro ba skyob cing gzi brjid can// de ltar yon tan 'byung gnas sogs// de bzhin bdag la deng gsol cig/ dpa' bo chen pos mi ldog pa'i// dbang bskur ba ni bdag la gsol// sems can kun gyi don gyi phyir// bdag ni rtag tu slob dpon bgyid// 'jug sgo lho yi phyogasu ni// bdag nyid he ru ka dpal sems// pad+ma 'dab brgyad bris stengasu// seng+ge'i khri ni bsham bya ste// sna tshogs mdzes pa'i stan bting la// gnyis med blo ldan der bzhag skye// he ru ka dpal sprul par bya// gdug dkar stengs du phub nas kyang // dpa' bo rnal 'byor ma tshogs kyis// bkra shis sgra yis legs gang ba// rol mo snyan drang glu dbyangs rnams// na mkha' ca co yis bkang ste// dbang bskur bar ni 'dod pa yin// de la bar chod zhi ba'i phyir// yungs kar rnal 'byor pa yis kyang // bzlas brjod cho ga bzhin byas la// gsang sngags brjod nas brdegs par bya// de 'og lag gnyis 'dab rtse yis// bum pa rnams bteg sngags pa yis// lus nang rtogs gyur dkyil 'khor la// cho ga'i tshul gyis dbang bskur bya// rnam rgyal la sogs bum pa'i chu// lhag ma med par bsdu byas la// glu blang dril bu la sogs brdung // dpa' bo rnal 'byor ma lus kun// bsgom la thams cad dbang bskuro// dbang bskur rdo rje chen po ni// khams gsum pa yi gnas las byung // khams gsum kun gyis phyag 'tshal ba// chu yis dbang bskur sbyin par bya// oM badz+ra a b+hi Shiny+tsa zhes// brjod de rang snying 'od las byung // rig pa'i lha mo rdzu 'phrul can// bdud rtsi chu yi bkru bar bya// dbu rgyan rin chen rgyu las byung // dar bcangs bcings pa dbang bskur te// thor tshugs cad pan gyis brgyan pa// sangs rgyas kun gyis bsngags pa yis// rin chen dam pa'i dbu rgyan dang // dar dpyangs dbang bskur sbyin par bya// oM badz+ra pa taM ka badz+ra a ra li ho// rdo rje chen po rtse dgu pa// de nyid ldan pa byin brlabs nas// sang+yas rdo rje'i dbang bskur bas// de ring khyod la dbang bskur bya// 'di ni sangs rgyas thams cad nyid// shin tu grub phyir rdo rje zung // oM badz+ra a d+hi pa ti s+t+waM a b+hi Shiny+tsa mi/ lag tu byin la dbang bskur bya// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje snyems tshul bdag po bdag/ 'di ni rnal 'byor ma kun gyi// shes rab dbyangs kyi rjer 'gror bshad// khyod kyi kyang ni rtag tu bcang // byang chub mchog tu rgyal ba bzhed// de dus dril bu'i sgra bsgrags la// srid pa ngo bo nyid kyis dag/ ngo bo nyid kyis dngos med byas// rang bzhin dag pa'i sems dpa' rnams// srid pa'i dam pa byed par shog/ aM shrI he ru ka a d+hi pa ti s+t+waM/ a b+hi Shin tsa tiSh+Tha bI ra sa ma ya/ dril bu g.yon du sbyin par bya// rdo rje dril bu yang dag 'khyud// g.yon bsnyems pa dang spros gnon 'chang // gnyis med gnyis med rnal 'byor bdag/ phyag rgya chen por byin gyis brlabs// byin rlabs che ldan sngags kyis ni// sngags kyis dbang bskur sbyin par bya// oM shrI he ru ka a d+hi pa ti s+t+waM/ a b+hi Shiny+tsa maM/ hrI he ru kanA ma a b+hi She ka tA/ shrI yi sgra dang bcas pa yis// ming gi dbang bskur byin par bya// 'di ni sangs rgyas thams cad kyi// he ru ka dpal phyag na gnas// khyed kyis kyang ni rtag tu bcang // he ru ka dpal brtul zhugs brtan// oM sarba ta thA ga ta sid+d+h+ya badz+ra sa ma ya tiSh+Tha e Sha s+t+rai d+ha rA ya mi hUM ha ha ha ho// 'dis ni rdo rje'i brtul zhugaso// kha T+wAM Da ma ru bzangs bcas// byin gyis brlab cing dbang bskur bya// he ru ka dpal kha T+wAM ga/ rnal 'byor ma ni Da ma ru// rdo rje kha T+wAM rdo rjer bcas// dril bu sil sil sgra sgrogs shing // tshungs pa'i skud thogs rnal 'byor bdag/ kha T+wAM ga dang rnal 'byor snod// dpa' bo chen pos blang bar gyis// zhi dang rgyas dang dbang dgug dang // sdang dang dbye dang mnan la sogs// sad dang bskrad pa ma lus pa'i// las rnams de ni sgrub par gyis// ral gri mig sman sa 'og dang // mchil lham de bzhin dril bu ste// rnal 'byor ma yi dngos grub sgrub// de nas ci dgar sgrub par gyis// shAkya thub par bsgom byas la// lag g.yon gyis ni chos gos mtha'// g.yas kyi mi 'jigs phyag rgyar gnas// slob ma la ni lung bstan bya// he ru ka dpal rnal 'byor che// 'khor lo ma lus rnams gnas shing // he ru ka dpal lung bstan bzhin// mgrin gcig tu ni thams cad kyis// 'di ltar nga yis lung bstan te// he ru ka dpal de bzhin gshegs// dngos po mchog tu grub pa'i phyir// srid pa'i ngan 'gro rnams las bton// shrI he ru ka nA ma sarba tA thA ga tA tiSh+Tha sid+d+hi sa ma ya staM b+hur b+hu ba swaHde che he ru ka dpal dang // mkha' gro ma dang bla mar bcas// mgrin cig lung ston bsam par bya// de rjes dbugs dbyung sbyin pa ni// gsang chen mchog gi dkyil 'khor du// mthong ba dang ni bcug pa yis// sdig pa kun las grol 'gyur bar// khyod ni shin tu de ring gnas// dbang ni bskur ba tsam gyis kyang // slob ma yon tan bdag por 'gyur// / slob dpon nyid kyis bde ba yis// brtan dang g.yo kun dam tshig yin// sems dag tho rangs dus langs te// bza' dang bsrung ba la sogs pa'i// sdom pa'i bdag nyid can srung ngo // lus dang srog la mi lto bar// dam tshig dang ni sdom pa srudra// nyin dang mtshan mo lan gsum du// rtag tu bzlas la gzhol bar byos// gang tshe nyams na rnal 'byor pa// kha na ma tho sbom por 'gyur// dgun zla 'bring po nas brtsams te// zla ba re re bsrung ba ni// gnyisu med pa'i 'khor lor gnas// tshes bcu dus su mchod par bya// sha dang chang sogs gang ci'ang rung // dpa' bo rnal 'byor ma yi tshogs// he ru ka sogs rab tu mchod// theg pa dman la 'dod mi bya// sems can don la rgyab phyogs min// 'khor ba dag kyang yong mi spang // mya ngan 'das la dgar mi 'gro// dpa' bo rnal 'byor ma kun la// khyod kyis brnyas par mi bya'o// phyag rgya bzhon pa mtshon cha dang // mtshan ma 'gom par mi bya'o// dam tshig rab bsrungs bsod nams kyis// tshe 'di nyid la 'grub par 'gyur// bud med thams cad mthong ba na// g.yon nas lan gsum bskor byas la// spyi bos phyag ni byas nas kyang // lan gsum bar du gsol ba gdab// bdag gi ma khyod bu yin te// ji srid byang chub 'byung bar du// byang chub yan lag du ma las// byung ba'i rang gi 'o/ skongs// gnyis med ye shes spyod ldan pa'i// bslab pa blang ba sngon 'gro bas// tshangs par spyod pa shin tu bsrung // dam tshig de la rtag gnas te// de sngon 'gro ba'i gsang ba yin// spyod dang grol ba'i gnas 'dod pa'i// yid la 'dod pa kun grub 'gyur// gtso bos ji ltar bka' stsal pa// de ltar bdag gi bgyid par 'tshal// de ltar yongs smin slob ma la// gsang ba'i dbang mchog sbyin par bya// dper na bu che med pa'i khyim// shi ma thag tu spyong par 'gyur// de bzhin dbang dang bral na ni// mashes kun gyi snang pa nyid// dbang mchag zab 'dod slob ma yis// sna tshogs zas dang sna tshogs skom// sna tshogs chos mo mchog gsungs dang // tra~M zhim lnga dang me tog spos// 'di dag la sogs bla ma mchod// mchod yon zhabs bsil de bzhin khrus/ glu yi mchod pa rnam mang bas// sangs rgyas kun gyi rang bzhin no// 'di dag gis ni bla ma mchod// na chod ldan pa'i bu mo yang // mtshan nyid ldan pa dbul bar bya// de nas yang dag rab bshad pa// dbang dus cho ga ji bzhin du// slob ma dang brtan gang zhig gis// shes rab ma la gsol ba 'debs// dri zhim pa yi dngos po yis// maN+Dal rnam pa lnga byas te// sangs rgyas kun gyi brgyan byas pa// bla ma che la gsol ba 'debs// shin tu dri med sems kyis ni// de nas 'dir ni gsol ba 'debs// 'khor ba'i 'dam du bying ba dag/ dpung gnyen khyod kyis bsgral du gsol// bdag ni rtsol chung skal dman zhing // sangs rgyas chos ni rnam par spangs// kye kye ston pa bla ma che// mgon po khyod kyis brtse bar mdzod// de nas slob dpon chen ldan pas// lha yi rnal 'byor dang ldan pas// sngar gsung cho ga bzhin du ni// chu sogs dbang rnams bskur bar bya// gsang ba'i go 'phang 'di brjod bya// dam tshig phyag rgyar rab gsungs pa// yid kyi lus ni brtan phyir ro// gang gi lus kun brtan byed pa// de ni phyag rgyar rab tu grags// slob ma la ni de brjod nas// bdag nyid rig pa lhan cig tu// yid dang rjes mthun bza' dang bca'// btung ba la sogs rjes spyad cing // kha la sogs par ga bur gyis// dri zhim mchog tu bsgos pa las// yid la 'phrog pa'i bgad pa dang // sgeg dang rol sogs sngar byas te// dbang po gnyis kyi snyoms 'jug pas// bde dga' rgya mtsho byung gyur pas// zhal du bza' ba'i rdzas mchog bstab// rdzas de rnams ni gsol ba dang // yid ni tshim zhing thugs dgyes phyir// a ti su kha zhes brjod do// khams gsum thabs dang shes rab gcig/ bde chen gnyis med ye shes gsal// slob ma nus dang ldan par 'gyur// de ltar dbang mchog bskur bas pas// mgon po sa bcu dang mnyam 'gyur// de nas gsang dbang thob gyur pa'i// slob ma bzang la bla ma yis// shes rab la brten ye shes kyi// dbang bskur bzang ba sbyin pa'i phyir// dkyil 'khor bzang po'i phyi rol tu// sngar bzhin dkyil 'khor rdzogs bsgoms la// de yi dbus gnas bla ma ni// sangs rgyas thod pa'i rnal 'byor can// me tog la sogs mchod pa dang // chang la sogs pa'i dga' ston gyis// mchod cing bstod pas mnyes byas la// yon mchog dam pa phul nas ni// bla ma che la gsol 'debs pa// bla ma lha mo dgyes mthong nas// tshig 'di dag ni smra bar byed// rnam par rtog pa mang po yis// g.yogs pa'i bag chags rab ldan pa// 'khor ba'i 'dam du bying ba bdag/ mdzes ma khyod kyis skyob par mdzod// grags chen snying rje ldan pa yis// lha mo des ni zhi bar mdzod// gsol ba btab rjes bla ma che// rang gi rnal 'byor rdzogs byas nas// dpa' bo rdzogs par mthong nas ni// rtsa yi 'khor lo las ni 'dzag/ 'dzag pa de las rnal 'byor ma// rnam mang brtse ba cher ldan pa// bder gshegs kun gyis byin brlabs ma// sna tshogs brgyan gyis rnam par klubaso// sna tshogs pa yi na bza' mnabs// gzugs ni lang tsho gzhon pas brgyan// lo ni bcu dang gnyis lon pa// phyag g.yas byang chub sems gang ba'i// bum pa a mra'i lcug bcas rnams// zhal ni rab bzhad dang pa yis// he ru ka ni rgyal gyur cig/ rgyal bar gyur cig ces smras pas// chu sogs bum pa gsang ba dag/ dbang bskur rje su shes rab kyi// dbang ni rab tu bskur bar bya// dper na pi wang sbyor kun tshogs// rgyud dang bral na brdung mi rung // de bzhin dbang dang bral na ni// sngags dang bsam gtan 'grub mi 'gyur// lo bcu gnyis pa'i bu mo ni// tshul khrims ma nyams chags chung bas// thod dang ldan zhing grags chen mo// nad med snying rje dang ldan pa// sems can don la cig nan tanA// rgod cing pad+ma'i spyan dang ldan// zla ba'i cha 'dra gdong mdzes ma// mu cor mi smra brtan zhing dul// shes rab pad+ma'i nang dbus su// dpag tshad bye ba'i dkyil 'khor la// sum rtseg dag pa'i bdag nyid lus// 'khor ba'i 'jigs pa las skyob pa// dkyil 'khor de yi dbus gnas pa// mkhas pas slob ma zad dbang bskur// gal te byang chub bla med 'dod// phyi yi dkyil 'khor bya ba min// lha rnams gshig pa tsam gyis ni// sdig pa chen po skye bar 'gyur// de nas rdul tshon tsam gyis ni// de bzhin lha rnams dag mi 'gyur// rdo rje 'khor lo rin chen dang // de bzhin pad+ma ral gri nyid// byas nas slar yang 'chang byed pa// skyes bu tha shal dmyal bar 'gro// gang gis sangs rgyas spyan 'dren zhing // gang gis gshegasu gsol ba yin// rdo rje sems dpa' byon pa dang // de bzhin gshegs pa byon pa rnams// gang la'ang bzhugs pa ma yin te// dri ma med cing dag pa'i lus// gang gis spyan drangs gsheg su gsol// de nyid kyis na brtag med pa// de bzhin gshegs pa rnams phyag bya// mdzes pa'i phyag rgya byin brlabs nas// slob ma bzang ldan de la gtad// gang gis shes rab ma mnyes pa// sangs rgyas thams cad kyis ni mchod// 'di nyid la ni sangs rgyas bzhugs// gzhan gang dngos grub gtso bo dang // snying rje ldan pa gzhan gang zhig/ mkha' 'gro ma kun de la bzhugs// gsang ba phyi yi lnga dang ni// bdun dang bcu bzhir bshad pa dang // gnyis ka gcig tu 'dus pa'o// gsang ba'i de nyid bshad par bya// de 'og slob ma stan bzang la// thabs dang shes rab snyoms 'jug pas// dga' ba la sogs bskyed byas nas// rnal 'byor dam pa mtshon par bya// gang du dbang po 'gags gyur pa// bdag rtog rang bzhin nyams pa ste// kye de lhan cig skyes gyur pa// bla ma'i zhal snga gsal bar zhus// lhan cig skyes pa rtogs gyur pa// gsang ba'i de nyid bshad par bya// gang zhig 'char dus tshon dbang po dang // yul mnyam nus gyur de la phyag 'tshalo// mkhas pa rnams kyis snying sbas su sadra pa// phyis ni mngon dga' rgyal ba'i mdzes sku gcig/ rmongs pa gang zhig dbang med par// bdag ni dbang bskur zhes smras pa// ji srid sangs rgyas bzhugs kyi bar// slob mar bcas te dmyal bar 'gro// slob ma legs par ldan pa dang // rtse ldan sems gzhan med pA yi// gser ni 'bum phrag bcu drug dang // sa gzhi yul 'khor ldan ma dang // glang po bud med dam pa dang // ral gri 'khor lo rta dang ni// yongs 'dren skyes bu rin chen rnams// sbyor dang ldan pa'i sems kyis ni// der ni bla mar dbu bar bya// der ni rgyan rnams thams cad dang // lhab lhub rgyan rnams dngul bar bya// dad pa brtan pa'i sems kyis ni// de nas bdag nyid dbul bar bya// sna tshogs zas dang sna tshogs btung // de yi mdun du dngul bar bya// mtshams med lta ni byed pa dang / rmongs gang ma rungs las byed dang // skye ba dman 'gyur 'gro ba rnams// rdul chen mthong bas grol bar 'gyur// dkyil 'khor dag tu mngon zhugs pas// gtsang mi'i gnas skye bar 'gyur// shin tu sbyor ba'i sems kyis ni// spyi 'dir dngos grub ma thob kyang // skye gzhon srid par dngos grub 'gyur// dbang bskur yang dag sbyin ldan ni// skye dang skye bar dngos grub 'gyur// de yi skye ba bdun la ni// ma bsgrubs par ni dngos grub thob// gang yang bsgom pa dang ldan zhing // galA~M te dam tshig sdom la gnas// skye 'dir las dbang gang mya grub// re zhig dam tshig nyams pa la// dngos grub theb pa lta zhog gi/ mI yi skye ba'ang rnyed par dga'// gang yang bla ma brgyud pa yi// sgrub pa po yis 'grub snyam dgongs// rdo rje dril 'dzin slob ma'i mgor// bla mas gdugs phub bkra shis brjod// lan gsum dkyil 'khor bskor byas te// shar nas phyag byas sa la ni// bod gshegs rnal 'byor ma tshogs la// bza' btung la sogs dga' ba yis// rol pa phul la smon lam gdab/ de nas ci bder gshegasu gsol// tshon rtsi la sogs dngos po kun// tho rangs dus su bsdu byas la// gser sogs bum pa'i nang du ni// bcug nas chu bo chen por dor// bum pa thams cad bsdu nas kyang // chu bo che la bkru bar bya// de nas bdud rtsi lnga sogs dang // sbyar ba'i sa ni dbyug par bya// de nas zhi ba'i sbyin sreg ni// me yis phrin las tshul bzhin du// bdag dang slob ma'i tshogs rnams la// sdig pa zhi ba'i sbyin sreg bya// rigs mthun mdza' sdug bcas pa rnams// snod ldan skye bo 'dus pa kun// bkra shis glu dang rdo rje dril// mkha'agro mnyes phyir rol par bya// sangs rgyas thod pa'i rgyud 'di ru// bum pa'i dbang ni gsal mod kyang // gsang ba mdzod sogs rjes 'brengs nas// dkyil 'khor cho ga bdag gis byas// dge ba 'di yos 'gro ba rnams// bsgribs pa'i tshogs dag spangs byas nas// ye shes ldan pa'i sa gnasu// mi ldog par ni 'gro bar shog/ dpal sangs rgyas thod pa'i dkyil 'khor gyi cho ga'i pa gsal ba zhes bya ba dngos grub kyi mchog brnyes pa'i slob dpon sa ra ha'i zhal snga nas mdzad pa rdzogaso// / ga ya d+he ra dang / ji gyo zla ba'i 'od zer gyis bsgyur ba'o//