བོད་ཡིག

e-texts produced with BDRC’s OCR application

rgya gar skad du/ shrI bud+d+ha ka pA li sA d+ha naM nA ma/ bod skad du/ dpal sangs rgyas thod pa'i sgrub thabs zhes bya ba/ dpal sangs rgyas thod pa la phyag 'tshalo// khrag 'thung yon tan zab mnga' ba// dngos po kun gyi rang bzhin mchog/ sen kun la phan dgyes dang // sna tshogs sde la rtag tu 'dud// ji ltar bla mas bstan pa yi// bla ma brgyud rim las 'ongs pa// sems can gang gis shes 'gyur ba// de ltar bdag gi sgrub thabs bshad// // dang po re zhig rnal 'byor pas bde ba'i stan la 'dug ste/ rang gi snying gar dbyangs yig dang po las skyes pa'i zla ba'i dkyil 'khor ro// de'i steng du yi ge hUM 'od zer lnga dang ldan pa de bzhin gshegs pa lnga'i bdag nyid bsam par bya'o// de nas hUM des 'od zer las byung pabapa gshin rje che ba ma la sogs pa mchod pa'i lha mo rnams spros te/ phreng bzang ma la sogs pa'i rnal 'byor ma nyi shu rtsa bzhis bskor ba sna tshogs sde ma la 'khyud pa'i he ru ka bdud rtsi lnga'i mchod pas mchod par bya'o// mchod pa thams cad kyis yang dag par mchod nas de'i mdun du dkon mchog gsum la sogs pa dran pa dang / sdig pa bshags pa la sogs pa bya'o// // rnal 'byor gyi rgyud du ni snying rje dang por bsgom pa yin la/ rnal 'byor ma'i rgyud 'dir ni byams pa dang por bsgom par bya'o// de nas snying rje de'i rjes la dga' ba thams cad kyi tha mar btang snyomaso// de nas rang gri snying gar nyi ma la gnas pa'i hU~M bsam par bya'o// de nas 'og gi rlung gi dkyil 'khor gyi sbyar bas hUM las 'od zer 'phros pas lus mtha' dag yang dag par bsregs te/ thams cad stong pa nyid du bsam par bya'o// de nas yi ger ma gyur pa las nyi ma nyi ma'i steng du yi ge hUM de dag yongasu gyur pa las sna tshogs rdo rje sna tshogs rdo rje'i dbusu hUM kho na bsam par bya'o// 'di las rdo rje nag pa'i 'od zer 'phros pas ra ba dung 'dra ba'i mtshams bcing bar bya'o// rdo rje gyur pa las sna tshogs rdo rje'i sa gzhi bsgom par bya'o// rdo rje sa gzhi'i dbus su chud par e grwa gsum byad chos kyi 'byung gnas bsgom par bya'o// de nas de'i dbus 'byung ba chen po bzhi bsam par bya ste/ yaM gyur pa las rlung gi dkyil 'khor gzhu'i rnam pa lta bu ba dan gnyis kyis mtshan pa bsam par bya'o// de yang rtsa rnams bskyod pa'i gzugs can 'khor lo thams cad thim bzhin pa de'i dbusu rnal 'byor pa gnas par bya'o// 'dis ni rlung gi dag pa gsungaso// raM gyur pa las me'i dkyil 'khor dmar po gru gsum 'bar ba bdun gyi mtshan pa bltas te/ rtsa bco brgyad kyi gnas nas 'dzag bzhin par byed pa bsam par bya'o// baM gyur pa las chu'i dkyil 'khor dkar po zlum po bum pas mtshan pa bsdam par bya ste/ rtsa'i 'khor lo thams cad chu'i dkyil 'khor la thim par gyur pa bsam par bya'o// laM gyur pa las sa'i dkyil 'khor gru bzhi ser po rdo rjes mtshan po bsam par bya'o// de ltar 'byung ba chen po bzhi'i dkyil 'khor la yi ge bzhis byin gyis brlabs pa bsgom par bya'o// de nas 'byung ba chen po bzhi gyur pa las khang pa brtsegs pa gru bzhi pa sgo bzhi rta babs bzhis brgyan pa dra ba dang dra ba phyed pas brgyan pa g.yer ka'i dra bas mdzes shing ka ba brgyad kyi nye bar spras pa bsam par bya'o// 'di'i dbusu pad+ma 'dab ma brgyad pas spras pa bsam par bya'o// de'i dbus chos kyi dbyings kyi bdag nyid kyi ro bsam par bya'o// der a la sogs pa'i dbyangs yig bcu drug nyis skor du byas pa'i yi ge sum cu rtsa gnyis gyur pa las dkyil 'khor ro// de ni me long lta bu'i ye shes rnam par dag pa'o// de la ka la sogs pa sum cu rtsa bzhi la ya rA la wa Da d+ha drug bstan pas bzhi bcur gyur te/ de yang nyis 'gyur du byas pa'i yi ge brgyad cu gyur pa las nyi ma'i dkyil 'khor ro// de ni mnyam pa nyid kyi ye shes kyi rang bzhin no// 'di dag ni dbus su yi ge hUM shes rab dang thabs kyis bsam par bya'o// de ni so sor rtogs pa'i ye shes kyi rang bzhin no// hUM gyur pa las rdo rje'i lte ba la yang hUM bsam par bya'o// de ni bya ba grub pa'i ye shes kyi rang bzhi no// 'di dag yongasu gyur pa las sna tshogs sde mas 'khyud pa'i sangs rgyas thod pa he ru ka bsgom par bya ste/ kun da dkar po dang zla ba 'dra ba'i 'od mtshungs pa zla ba ltar 'tshar zhing nor bu'i 'od ltar 'phro ba zhal gcig pa phyag bzhi pa/ g.yas na gri gug dang thod pa g.yon na kha T+wAM ga dang rdo rje man ngag las bsgom par khong du chud par bya'o// 'di ye shes rab ma sna tshogs snga ma ni zhal gcig ma phyag gnyis ma sgra sgrol ma he ru ka la 'khyud de gnas pa/ gcer bu mgo'i phreng ba dang bral ba/ mchod phyir thogs pa/ bde ba thams cad rig cing gzugs mdzes ma/ g.yas na cang te'u steng na gri gug/ g.yon na kha T+wAM ga 'phyar zhing phyag na thod pa bsnams pa/ bcom ldan 'das kyi gzugs can ma bsgom par bya'o// shar gyi 'dab ma la phreng bzang ma mdog dkar mo'o// byang gi 'dab ma la 'dod can ma mdog ser mo'o// nub kyi 'dab ma la 'jigs ma mdog dmar mo'o// lho'i 'dab ma la thub dka' ma mdog nag mo ste/ 'di dag nyi ma la gnas shing skyil krung phyed pa'i gar gyis bzhugs pa zhal cig phyag gnyis ma gri gug dang thod pa phyag na bsnams pa bsam par bya'o// mtshams kyi 'dab ma bzhi la bdud rtsis gang ba'i thod pa bzhi'o// dbus kyi 'dab ma ni rdo rje phreng bas brgyan pa'o// rim pa gnyis pa'i rtsibs brgyad pa la/ pad+ma'i phreng bas brgyan pa ste/ de'i shar gyi rtsibs la dge ba'i ske rags ma'o// byang gi rtsibs la gzugs can ma'o// nub kyi rtsibs la rnam rgyal ma'o// lho'i rtsibs la byed ma'o// dbang ldan gyi rtsibs la thod can ma'o// me'i rtsibs la mtshon chen ma'o// bden bral gyi rtsibs la rgyud byed ma'o// rlung gi rtsibs la bdud byed ma ste/ rnal 'byor ma 'di dag ni mdog dmar mo nyi ma'i gdan la gnas pa/ zhal gcig mo phyag gnyis ma skyil krung phyed pa'i gar gyis gnas shing phyag na gri gug dang thod pa bsnams pa'o// rim pa gsum pa'i rtsibs brgyad pa la rdo rje phreng bas brgyan pa ste/ de'i shar phyogs kyi rtsibs la sgrol byed ma'o// byang gi rtsibs la 'jigs ma'o// nub kyi rtsibs l-i lA ma'o// lho'i rtsibs la mi 'pham ma'o// dbang ldan gyi rtsibs la dge ma'o// me'i rtsibs la 'jur byed ma'o// bden bral gyi rtsibs la dus mtshan ma'o// rlung gi rtsibs la grags chen ma'o// rnal 'byor ma 'di dag ni mdog dkar mo nyi ma'i stan la gnas pa zhal cig phyag gnyis ma gri gug dang thod pa bsnams pa'o// shar gyi sgor mdzes ma mdog dkar ma'o// byad kyi sgor nor 'dzin ma mdog ser ma'o// nub kyi sgor sbrul bzangs ma mdog dmar mo'o// lhor skor grags mthong ma mdog nag mo'o// rnal 'byor ma 'di dag ni ro dang nyi ma la gnas pa byams pa la sogs pa'i rang bzhin can g.yon brkyang ba'i zhabs kyi gnas pa gar madz+nyAd bzhin mA/ zhal cig phyag gnyis ma gri gug dang thod pa bsnams pa he ru ka la kun tu blta ba'o// sgo srungs ma gtogs pa'i rnal 'byor ma rnams ni skyil krung phyed pa'i gar gyis gnas pa/ stegs gis pags pas sked pa dkris shing rus pa'i rgyan gyis brgyan pa 'od zer rnon pos gtibs pa/ skra ser po gyen du 'bar ba/ kha nas khrag 'thor ba thams cad khu ba dang ldan pa bsgom par bya'o// bcom ldan 'das rdzogs pa'i dus su rnal 'byor ma thams cad skad cig gis rnam pas hUM lus rdzogs par 'gyur bya ste/ de ltar lha mo nyi shu rtsa bzhi dang ldan par bdag nyid bsgom par bya'o// de nas lha mo nyi shu rtsa bzhis mchod nas thod pa'i bdud rtsi lnga gsol bar mdzad do// de nas sna tshogs sde ma'i pad+ma la a he ru ka'i rdo rje la hUM bsam te/ sna tshogs sde ma dang bcom ldan 'das gnyis kyi rdo rje dang pad+ma sbyor ba mdzad nas/ yang lha mo nyi shu rtsa bzhi la 'dod pa spyad cing chags pa chen po la shin tu chags pas zhu bar gyur nas/ nyi ma'i dkyil 'khor gyi dbus su khu bas gnas// zhu ba de mthong nas byams pa la sogs pa'i rang bzhin gyis sgo srungs rnams kyi blus// bskul ba ci ste 'jig rten snyan mnan na// ci phyir khyod ni mi dgyes 'gyur// gal te khyod bdag tshig gsan na// mi dgyes gyur pa mtha' dag mthong // mdzes sdug mas bskul ba'o// stong pa'i thugs ni ma mdzad par// nyid kyi dgongs pa grags par mdzod// srid 'jigs skye bo kun slu bas// rnal 'byor ma'i grogs po bzhengs// nor 'dzin pas bskul ba'o// sngon gtso gal te tshig gsan na// bya ba yal bar ma dor gcig/ khyod mi snang na 'gro ba kun// 'gro bar ltung bas mi dgar gyur// skal bzang mas bskul ba'o// log pa'i nga rgyal ma mdzad par// grags pas stong pa'i rang bzhin mthong // dngos po mtha' dag khyod thong la// rnal 'byor ma yi rogs la spyod// grags mthong mas bskul ba'o// de ltar glus bskul ma thag tu/ khu ba'i gzugs las a dang hUM de gnyis las gri gug dang rdo rje/ gri gug dang rdo rje las he ru ka sku mdog sngon po zhal gcig phyag bzhi pa/ gtso bo hUM zhes sgrogs pa'i sngon du gsungs pa'i mtshan ma dang ldan pa skyil krung phyed pa'i gar gyis gnas pa 'jigs shing khro ba'i bdag nyid stag gi pags pa'i na bza'/ brlabs pa/ mgo bo rlon pa bzhi bcu rtsa dgu'i phreng ba 'chad pa/ mchod phyir thogs pa shin tu bzhed pa drag po chen po'i snying rje'i bdag nyid kyi gtso bo lta'o// dpung rgyan mgu do 'khor gdub dang / gcer bu rked du ska rag bcings// rkang brgyan sil sil sgra sgrogs shing // bdud kun rab tu 'joms par byed// ral pa'i cod pan yang dag ldan// sangs rgyas lnga yi dbu rgyan can// zla ba phyed pa 'dzin pa'i lha// dbul sna tshogs rdo rjes mnan// 'khor lo rna cha mgul ngo dang // gdu bu dang ni ske rags nyid// phyag rgya lnga ni 'dzin pa'i mgom// thal ba'i rdul gyis byug shing 'jigs// thod pa gti mug gi brgyan pa// dpa' bo 'khor ba sgrol ba byed// byang chub sa bon rang bzhin can// dbugs mi g.yo bar bsgom par bya'o// gtso bo'i shes rab chen mo sna tshogs sde ma rnal 'byor ma ni gcig pu mgo bo'i phreng ba dang bral ba rgyan med cing mchod phyir thogs pa dang bral ba thams cad bde ba dang ldan pa zhal cig phyag gnyis ma skra grol ma sku mdog dkar mo zhal shin tu 'gyur ba mche ba cung zad gtsigs pas 'jigs pa/ g.yas na cang te'u dang gri gug g.yon na khA T+wAM gA dang thod pa bsnams pa pha rol tu phyin pa'i lha mo de ltar bsgom par bya'o// da ni bdag nyid kyi snying ga dang dpral ba dang spyi gtsug dang / dpung pa gnyis dang / mig gnyis dang / gsang ba dang lus thams cad kyi gnas bdun du/ oM hUM hau ha~M hrIM hU~M hA zhes pa'i sngags 'di rnams kyi cho ga bya'o// snying gar hUM las thugs rdo rje'o// mgrin par AHlas gsung rdo rje'o// spyi bor oM las sku rdo rje'o// sku dang gsung dang thugs byin gyis brlabs nas ye shes sems dpa' spyan drang bar bya ste/ snying glar zla ba la gnas pa'i hUM gi 'od zer lcags kyu lta bu bsgoms pa dang / oM bud+d+ha ka pA li ni aHkhaM graM druM shAM oMHaHaHhUM hUM hU~M phaT/ ces pa bsgyings pa dang bcas pas sngags bzlas pas/ ye shes sems dpa' bkug ste/ dam tshig sems dpar bcug pas/ chu dang 'o ma ltar/ thim par bsam par bya'o// de ltar dpa' bo rdzogs pa mthong nas rtsa yi 'khor lo 'jug ste/ 'dzag pa de las rnal dusbyor ma rnam pa sna tshogs pa'i snying rje chen po dang ldan pa de bzhin gshegs pa thams cad kyi byin/ gyis brlabs pa/ gos sna tshogs gyon pa gzugs gzhon pas brgyan pa/ lo bcu gnyis ma'i rnal 'byor ma brgyad bskyed de na mkha'i phyogasu gnas te/ bum pa byang chub sems kyi yongasu gang ma a 'dra'i shing los kha brgyan po brgyad thogs pa de thams cad du dang zhing bzhad pa'i zhal gyis rgyal gyur he ru ka zhes smra ba/ mgon pos mthong nas dbang bskur ba'i mchog la gsol ba gdab par bya'o// brtse ldan grags pa chen po yi// rdo rje rnal 'byor ma dbang bskur// 'khor bu'i 'dam d+ma bying ba'i bdag/ dbang bskur ba yi bdag sgrol mdzod// ji lta bu che med pa'i khyim// shim thag tu stong par 'gyur// de bzhin dbang dang bral na ni// me shes kun gyis stong par 'gyur// tshigs pa shangad 'dis lasang nga'i dang bstan to// ji ltar pi wang sbyor kun tshogs// rgyud dang bral na brdung mi rung // de ltar dbang dang bral na ni// sngags dang bsam gtan 'grub mi 'gyur// tshigs bshad 'dis ni shes rab ye shes kyi dbang bstan to// dadang med na nyes pa che bar 'gyur ba de ltar yang gsungs te/ rmongs pa gang zhig dbang med par// bdag ni dbang bskur zhes smra ba// ji srid sangs rgyas bzhugs kyi bar// slob mar bcas te dmyal bar 'gro// tshigs bcad 'dis ni dbang med pa'i nyes pa bstan b+h+yo/ de ltar mkhyen mdzod rnal 'byor ma// slar yang bdag la dbang bskur gsol// gal te dbang bskur skye med nA// he ru ka ru bdag gyur TIg/ de nas rnal 'byor ma rnams kyis rgyal gyur rgyal gyur zhes pas bcom ldan 'das la khrus gsol zhing dbang bskur ro// phyi dang gsang bar bcas pa'i dbang bskur ba tsam gyis na mkha'i ngos nas rnga'i sgra grag cing tsan dan dang me tog gi 'char 'bab par 'gyuraro// dbang bskur zin nas rnal 'byor ma rnams rtsa'i 'khor lo la thim par gyur to// dkyil 'khor ba'i 'khor lo thams cad la rang gi rigs kyis rgyas gdab par gyur to// de nas glu'i bstod pa dang / mchod pa dang bdud rtsi lngas bcom ldan 'das mchod par bya'o// de nas yaM gyur pa las rlung gi dkyil 'khor de'i steng du raM gyur pa las me'i dkyil 'khor/ de'i steng du aM gyur pa las thod pa/ thod pa'i dbus su bi mu ra su ma gyur pa las bdud rtsi lnga'o// go ku da ha na gyur pa las sha lnga bsam mo// de nas rlung gi me sbar zhing mes thod pa sros pa 'di las rdo rje'i rnam pa lta bu'i rlangs pa 'byung ngo // yang bsil bar byas pa'i phyir thod pa'i steng mtho gang tsam du oM gyur pa las zla ba'i dkyil 'khor bdud rtsi'i rang bzhin oM gyis byin gyis brlabs pa de las kha ba lta bu'i bdud rtsi babs pas bsil bar 'gyur ro// de kho na nyid gsum gyis lha rnams tshim par bya'o// de nas dkyil 'khor gyi 'khor lo rtag tu rmi lam dang sgyu ma lta bur bsgom par bya'o// lte bar aHsnying gar hUM/ mgrin par oM dpral bar sgra dang thig ler ldan pa mi shigs pa'i haM ngo // sa sogs 'byung ba chen po bzhis// 'khor lo bzhi ru rab tu phye// thun mtshams bzhi ru byin gyis brlabs// pad+ma bzhi las yang dag 'byung / dga' ba bzhi yi rang bzhin gyis// sbyor ba bzhi la kun tu brten// mchog tu dga' ba'i gzugs kyis ni// bya ba byed pa po rang bzhin// rdo rje sems dpa' dpal gzugs can// ci bde ba ru 'di ru rol// rlung gi 'gro 'ong bsgoms pa yis// thim 'gyur bde chen skye bar 'gyur// rtsa brgyad phyogs kyi 'dab ma ni// 'byung chen bzhi yi rang bzhin no// mtshams kyi 'dab ma bzhi po ni// bdud rtsi lnga yis rang bzhin gyis// de ru mchod pa'i gzugs su gnas// sku gsung thugs kyi dbye ba yis// nyi shu rtsa bzhir yang dag gsungs// de nyid phyi yi dkyil 'khor ni// nyi shu rtsa bzhi'i rang bzhin no// sna tshogs sde dang ldan gcig tu// bcom ldan 'das ni dbus su bzhugs// sprul pa'i 'khor lo drug cu rtsa bzhi'i dbus su o thig le'i gzugs can ne// snying ga'i 'khor lo brgyad kyis dbus su// hUM thig le'i gzugs can no// oM gyi 'od zer steng du 'gro bzhin pa dang / hUM gi 'od zer 'og tu 'gro bzhin pa/ gnyis ka 'dus te thig le'i gzugs la thim pa de'i tshe bde ba thob ste/ de ltar na 'byung ba dang 'jug pa bsgom par bya'o// zla ba drug tu sbyor ba la goms par byas pas/ 'dir 'grub par som nyi med // bsgom pas skyo mar gyur na sngags kyis bzlas pa bya'o// oM hrI bud+d+ha d+h+r-i kA pA li ni a/ 'jug pa la oM/ 'byung ba la d+hI/ gnas pa la bud+d+ha/ bde ba la d+d+ha/ nub pa la ka pA la ni/ ltung ba la A'o// de ltar yan lag drug gr-I nang gi bdag nyid kyi sngags kyis bo zlas pa bya'o// 'od nyid la goms pa'i sbyor bas sangs rgyas su 'gyur tAM/ gzhan du ma yin no// rtsa bo'i sngags so// oM prad+d+ha ka pA ma~M ni/ oM hU~M haM hUM phaT stong po sngags/ oM ka pA la badz+ri ni hU~M hu~M dur k+She hU~M phaT/ nye bo'i snying po'i sngags so// oM mad+h+r-i kA pA la badz+re tsi tre oM la bA ne b+h+r-i na ya sarba d+h+yA taM na mU r+yAn ki la ya sarba bAn+d+ha naM/ u nA Ta~M s+ya sarba big+h+nA na bi drA me ya b+haM ga ba tI yak+sha nAN s+yA pi shwa tsa mA sho Sha ya dza Ta ya saMp+ta pA tA la gA ta na sa rA sa ra pra sa rA pra sa ra hUM hUM hUM phaT phaT phaT/ thun bzhi ru dkyil 'khor lo na bzhir spros te/ 'odir gtor ma sbyin par bya'o// 'byung po thams cad kyis gtor ma'i sngags so// sangs rgyas thod pa'i lha nyi shu rtsa lnga'i bdag nyid kyis bsgrubs thabs/ slob dpon chen po s+yA ra ha'i zhal snga nas kyis mdzad pa rdzogs so// rgya gar gyi mkhan po chen po shrI ga ya d+ha ra dang / bod kyi lo tsa ba gyi jo zla ba'i 'od zer gyis bsgyur cing zhus pa'o//