| བོད་ཡིག | e-texts produced with BDRC’s OCR application |
bcom ldan 'das ye shes mkha' 'gro mA la phyag 'tshal lo// chu yi sbyin sreg rim pa zhig/ 'gro ba sems can don tu ni// cung zhig bstan par bya ba yang // khyad par bsgrub pa'i don du bshad// mu yi sbyin sreg ji ltar 'gyur// sgrub pa po ni the tshom skye// mes kyang sdig sreg sdig pa sbyong // chus kyang de bzhin 'dra bas na// des na sbyin sreg ces bya'o// sa gzhi la sogs mtshan ldan par// shin tu yangs shing gru bzhi la// kun tu dris byug miN+Dal steng // bla re la sogs rgyan rnams bri// dbus su chu yi snod sogs la// dri ni dkar pos byugs nas ni// bum pa skyon bral yon tan ldan// dbyibs ni gru bzhi'am zlum bo la// thabs khung lta bu'i dbyibs can de// bcu bzhi kha tshang sum gnyis zabs// chu dang 'o mar bsres pa yis// dri zhim chu yis dkang bar bya// kha ni shing lo sar pas brgyan// yang na bum pa brgyad sogs kyi// gzhung gi don du 'dod par shes// 'dir ni blo dman don grub gcig/ bdag nyid ye shes mkha' 'gro ru// skad cig gis ni bskyed nas kyang // mchod pa la sogs bya ba'o// de nas stong pa'i ngang las kyang // cho ga gsum 'am skad cig mas// ye shes mkha' 'gro zhal gsum ni// bzhad dang khro ba sgeg dang bcas// phyag gnyis rdo rje dbyug pas mtshan// sems dpa'i skyil krung rgyan gyis klubs// kha dog dkar po'i na bza' gsol// byin brlabs la sogs rdzogs byas la// chu skyon la sogs med pa yi// lag gnyis thal mo sbyar nas su// pad+ma'i tshul du cung zad dbye// oM ka ma la be ha swAhA/ pad+ma'i sngags dang phyag rgya'o// zla ba'i dkyil 'khor brgyan pa yi// pad+ma chu yi nang bkod la// gdugs dkar po yis g.yogs pa yi// sa bon dbus su bsgom par bya// rang gi dbugs las byung ba yi// sa bon las ni gzugs su bskyed// sku mdog la sogs gong dang mthun// sngags dang phyag rgyas spyan drangs bstim// lag gnyis phan tshun khu tshur bcings// mdzub mo gnyis ni brkyang nas su// mdzub mo gnyis ni mdud par bya// dam tshig phyag rgya rab tu grags// oM sa ma ya tiSh+Tha hUM phaT/ dam tshig sngags dang phyog rgya'o// me tog bdug spos dri la sogs// mkhas pa yis ni mchod par bya// rdo rje khu tshur gnyis bcings la// g.yon pa snying gar bzhag nas su// g.yas pa steng nas dbub par bya// rtsa ba'i phyag rgyar rab tu grags// oM dzuM hUM swA hU~M/ rtsa ba'i sngags dang phyag rgya'o// kun da la sogs kyu mdog dkar// rtse lo dUr ba btsugs nas su// lha mo'i dbu steng rdo rje yi// cod pan la ni gtor bar bya// gsang sngags lan re bzlas nas su// lan re sbyor bas dbul bar bya// lan grangs khri yi las kyis ni// thams cad rig cing tshe 'phel 'gyur// ka ra bi ra'i me tog dmar// duR+Ya dang ni ldan pa yi// las ni khri phrag byas pas ni// khyim rnams zhi bar rab tu grags// na ga puSh+pa'i yom shing ni// 'o mas spangs te dbul bar bya// las 'di khri phrag byas pa yis// grong ni zhi bar byed par 'gyur// pad+ma yi ni yam shing rnams// khri phrag tu ni bzlas nas su// las rnams kun la sbyar byas nas// yul phyogs zhi bar byed par 'gyur// pri yang ku dang bi lA dang // de bzhin ut+pal ku mu da// rgyal po las lo sogs sbyar nas// pha rol yul 'khor 'joms par 'gyur// sngags pas rtag tu skyer chu gtor// borgya rtsa brgyad du gtor byas pas// bye brag tu na rgyas par 'gyur// bcom ldan ste shes mkha' 'gram// sems dpa'i skyil krung phyug gnyis ldan// rgyan rnams kun gyis rnam par klubs// phyag gnyis rdo rje byug te bsnams// kha dog dkar po'i shin tu mdzes// bzhad cing khro la sgeg dang bcas// shin tu mdzes pa'i na bza' gsol// ye shos mkha' 'gro ma la phyag 'tshal lo// 'phrin las bcol ba byas nas ni// yi ge brgya pas bshags pa bya// badz+ra muMHyis gshegs su gsel// snying gar sbyor ba'i man ngag nI// mchod rdzas la sogs phul bas su// lha rnams mnyos par gyur nas ni// lha yi sku gsung thugs kyi 'od zer gyis// bdag dang slob ma gnyis ka yi// lus ngag yid gsum sgrib pa sbyang // mau dang 'dra bar chu yis kyang // sdig pa 'dag pa kho nar gsungs// bdag gis 'di byas dge ba yis// sems can ma lus thams cad kyang // sdug bsngal ma lus byang nas kyang / thams cad ma lus byang chub thob par shog// slob dpon b+ha ba'i man ngag rdzogs so// rtsa ba tshul khrims gzhon nus bsgyur cing gtan la phab pa ste// / mang+ga lam//