| བོད་ཡིག | e-texts produced with BDRC’s OCR application |
mo de la bdag phyag 'tshal// dbang gi rim pa mdor bsdus pa/ slob dpon chen po dpal shes rab gsang bas mdzad pa rdzogs so// / rgya gar skad du/ pany+tsa kra ma nA ma/ bod skad du/ rim pa lnga pa the bya ba/ dpal dgyes pa'i rdo rje la phyag 'tshalo// rnal 'byor pas thog mar bskyed pa'i rim pa rdzogs nas/ rim pa lnga pa'i don la 'jug par bya dgos te/ de yang dang por lus la rang bzhin gyi gnas pa'i rtsa dang / 'khor lo la sogs pa'i mtshan nyid ji ltar yin pa shes par bya'o// de ni rgyud kyi rim pa'o// de'i 'og tu phung po dang / khams dang skye mched la sogs pa'i rnam par rtog pa thams cad gtum mo sbar la bsreg par bya'o// de ltar bsregs pas 'dar ba la sogs pa'i rtags brgyad 'byung ste// de yang phyi nang gi dngos po la bltas kyang 'dar ba la sogs pa'i rtags brgyad byung na/ gtum mo 'phro bcang la sems kyis mnan par bya'o// de ni sngags kyi rim pa'o// / de ltar mnan pas lus kyi bde ba rgyas par 'gyur te/ de ltar bde ba la yang nas yang du bsgoms pas spyi bo nas rkang mthil yan chad du bde ba skye bar 'gyur ro// de ltar skyes pa'i tshe phyi'i rtswa shing la sogs pa la dmigs kyang nang gi bde ba skye skye'i bar du de bsgom par bya'o// de ni ye shes kyi rim pa'o// de ltar gang ltar dmigs kyang bde ba skye ba'i tshe bde ba de nyid kyang skad cig ma snga ma la ni 'gags/ gyi ma ni ma 'ongs/ da ltar ni skad cig ma gnyis par mi sdod cing mi gnas pas bde ba la rang bzhin med de/ bde ba mi dmigs par bsgom par bya'o// de ni gsang ba'i rim pa'o// de ltar mi dmigs par bsgoms pas rat+na gI lus mi dmigs par 'gyur te/ de la phyi nang gi dngos po la bltas kyang lus mi dmigs na phyi nang gi chos thams cad bde ba chen po dang // tha mi dad par gcig tu shes par bya ste/ de mi dmigs par bsgom par bya'o// de ltar yong nas yang du bsgoms pas phyi nang gi chos thams cad dang bde ba chen po tha mi dad par mngon sum du shes par 'gyur ro// de ni gnyis su med pa'i rim pa'o// de ltar rim pa lnga la 'jug cing slob pa'i tshe dbang po mi dgag cing yin par btang / dbang po'i spyod yul thams cad bde ba dang gcig tu shes par byas la/ mi dmigs par bya'o// 'gro nyal 'dug sdong spyod lam thams cad du 'gying bag dang ldan par byas la/ bde ba chen po dang mo 'bral bar bya'o// kha zas la sogs pa'i btungang ba'i bye brag thams cad bde ba chen po dang gcig tu shes par byas la bza'o// bgo ba'i bye brag thams cad bde ba chen po dang tha mi dad par shes par byas lnga bgo'o// de ltar byas nas bsgom pa'i tshe lus mo 'gul zhing brtan par gyur na sems zin pa'i rtagaso yin te bzang / lus 'khor zhing g.yo na rlung zin pa'i rtags yin te bzang / sems dran pa meng+ga di myos par gyur na/ bang ba'i ros myos pa yin te bzang / rang dbang med par rgod cing dbyangs dang grwar la sogs pa 'byung na bde ba chen po rgyas pa'i rtags yan te bzang / lus sbrid cing bar bar byed na bang ba phan tshun bskyod pa'i rtags yin te bzang / 'od zer lnga kha dog la sogs pa mngon sum du mthong na ya shes lnga skye ba'i rtags yin te bzang / bud med kyi gzugs su byas nas dbyangs dang gar la sogs pa mdun du byed cing mthong na mkha 'gro ma 'du ba'i rtags yin te bzang / khyi dang phag la sogs pa byung na dam tshig nyams pa yin te ngan gnod sbyin srin po la sogs pa'i gzugs su byung na saM ma d+hi thang lhod shor ba yin te ngan/ rtags dang mtshan mu tsi byung yang bzang ba la dga' bar mi bya zhing mi dmigs par bya/ ngan pa la mi dgo' ba mi dmigs par bya/ mdor na gsang thub par bya zhing byung tshor ci byung ba thams cad bde ba'i na por shes par byas la/ de mi dmigs par bya'o// rnal 'byor pa'i 'jug pa'i rim pa lnga po'i don rtags dong mtshan ma dang bcas pa las 'phro dang skal bar ldan pa dag gos rnyed pa 'dis gzhan yang de ltar shog cig rnal 'bar gyi dbang phyug chen po dpol shes rang gsang ba'i 'al snga nas mdzad pa rdzogs so//