<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
GT3871: khams rab tu dbye ba'i sgo nas sems gnas par bya ba'i thabs<br><table><tr><td>
<input type="button" onclick="location.href='tcompletep.php?id=GT3871&coll=TG&volcur=0';" value="show page break" />
<td width=150><td>
<input type="button" onclick="location.href='tcompletel.php?id=GT3871&coll=TG&volcur=0';" value="show line break" />

<td width=150><td>
<a href="tcompleteu.php?coll=TG&id=GT3871&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">gzhan la 'di zhes ston 'dra bas// mkhas pa rnams la bzod par gsol// rten cing 'brel par 'byung ba bgrang ba'i sgo nas sems gnas par bya ba'i thabs cung zad bris pa rdzogs so// // gang gis nga rgyal
 po gtan spangs nas// skye bo khengs pa'i don du khams dbye ba'i// bdud rtsi gsum pa de la phyag 'tshal te// nga rgyal shas che'i don du des gsungs bshad// sdom ni/ rtags dang par yon shes bya dang // tshogs dang bsgom pa
 gzung dang // skye rim gnas tshad brtan pa'i thabs// lhag mthong bskyed dang bcu yin no// de la rtags ni gang zag nga rgyal shas che ba'i rtags gzung ste/ de la gang zags gang / 'di
 zag nga rgyal spyad pa ni// khengs par 'gyur ba dang mthun pa'i dngos po chung ngu dag la yang nga rgyal gyi kun nas dkris pa stug po dang mang po skyed par byed na 'bring dang chen po dag la lta smos kyang ci dgos te/ nga rgyal gyi kun nas
 dkris pa de yang yun ring du sems kyi rgyud la gnas par byed cing / nga rgyal gyi kun nas dkris pa de yang yun ring du rjes su 'brel par 'gyur ba dang / de khengs par 'gyur ba dang mthun pa'i chos rnams zil gyis non par 'gyur
 zhing // khengs par 'gyur ba dang / mthun pa'i chos rnams zil gyis non par mi nus pa dang / dbang rgod pa dang / dbang po 'dam pa ltar mtho ba dang // dbang po khengs pa dang / lus cher brgyan pa la sbyor ba'i rjes su brtson pa dang /
 brtsan dag du smra zhing mi 'dud pa dang / pha ma dang nye du dang bla ma lta bu dag la dus dus su rkyen du bab pa'i mchod par mi byed pa dang khengs pa dang / lus mi 'dud pa dang / gsong por smra ba dang / phyag 'tshal ba dang / mngon du ldang ba
 dang / thal mo sbyar ba dang / 'dud par byed pa'i ngang tshul can ma yin pa dang / bdag nyid kun tu 'dzin pa dang / bdag la bstod pa dang / gzhan la smod pa dang / rnyed pa 'dod pa dang / bkur sti 'dod pa dang / gragis
 pa'i sgra'i tshogs 'dod pa dang / thal thom gyi snod du gyur pa dang / 'bral bar dka' ba dang / yid dbyung bar dka' ba dang / rgya chen po la mos pa dang / snying rje chung ba dang / bdag dang sems can dang / srog dang gso ba dang / gang
 zag du lta bu'i shAs che ba dang / khro gtum che ba dang / 'khrug pa dang ldan pa yin te/ de lta bu dang mthun pa dag ni gang zag nga rgyal spyad pa'i rtag rnams yin par rig par bya'o// zhes gsungs so//
 de la phan yon ni nga rgyal spong ba la zhugs na rigs dang lus phun sum tshogs pa dang / bla ma rnams kyi gdams ngag kyang tshogs med par 'thob ste/ des na tshogs rnams myur du rdzogs nas thams cad mkhyen pa'i ye shes kyang
 myur du thob par 'gyur ro// de skad du/ 'phags pa blo gros rgya mtshos zhus pa'i mdo las/ de'i lus yongs su dag pa yin te/ lus mtshan gyis legs par brgyan pa dang / lag pa dang rkang pa 'jam zhing mnyen pa dang /
 ba song nams kyi rgyu mthun pa'i lus shin tu rnam par che ba dang / dbang po ma tshang ba med pa dang / yan lag dang nying lag thams cad shin tu rdzogs pa yin yang gzugs kyi rgya gas shing dregs pa med pa yin te/ lus che
 ba'i tshul dang ldan pa yin no// de chos 'dzin pa nye bar gzung nas sems can ji tsam du dman pa/ gzugs ma tshang ba rnams la yang 'dud do// rab tu 'dud do zhes 'byung ngo // yang gsungs pa/ bcom ldan 'das 'di lta ste/
 dper na gang gi tshe rgya mtsho chen po mchis par gyur pa de'i tshe gzhol ba'i phyogs na mchis par 'gyur ro// de gzhol ba'i slad du chu klung thams cad dang chab mig dang / 'bab chu thams cad tshegs chung ngu der 'bab bo// bcom
 ldan 'das de bzhin du byang chub sems dpa' nga rgyal ma mchis par/ bla ma dang / sbyin gnas la gus pa la yang tshegs chung ngus chos zab mo'i sgo rnams rna ba'i dbang po la grags par 'gyur ro// de dran pa la yang
 gnas par 'gyur ro zhes gsungs so// de la shes par bya ba ni mdor bsdu na gnyis te grangs dang / ngo bo'o// de la grangs ni drug ste/ sa'i khams dang / chu'i khams dang / me'i khams dang / rlung gi khams dang / na mkha'i
 khams dang / rnam par shes pa'i khams so// nang gi sa'i khams gang zhe na/ gang ci yang rung ste/ lus 'di la nang gi khong na sra ba dang / mkhrang ba'i rnam pa dang / nye bar gyur pa dang zin pa'o// de yang gang zhe na/ 'di
 lta ste/ sgra dang spu dang sen mo dang zhes bya ba la sogs pa'o// nang gi chu'i khams gang zhe na gang ci yang rung ste/ lus 'di la nang gi khong na chu dang chu'i rnam pa dang / chu nyid dang / brlan pa dang / brlan pa'i rnam pa dang /
 brlan pa nyid dang / gsher ba nyid dang / nye bar gyur pa dang zin pa'o// de yang gang zhe na/ 'di lta ste/ mchi ma dang rdul dang / mchil ma dang / snabs dang chu ser dang / tshil dang mkhris pa dang / ngar snabs dang / rnag dang /
 khrag dang / 'o ma dang gcin dang / gzhan yang gang lus 'di la nang gi khong nang chu dang / chu'i rnam pa dang / chu nyid dang / brlan pa dang / brlan pa'i rnam pa dang / brlan pa nyid dang / gsher ba nyid dang / nye bar gyur pa
 dang / zin pa 'di ni/ nang gi chu'i khams zhes bya'o// nang gi me'i khams gang zhe na/ gang ci yang rung ste/ lus 'di la me dang me'i rnam pa dang / me nyid dang dro ba dang / dro ba'i rnam pa dang / nye bar gyur
 pa dang zin pa'o// de yang gang zhe na/ gang gi lus 'di la gdung ba dang / kun tu gdung ba dang / yongs su gdung ba dang / gang gis zos pa dang / 'thungs pa dang / 'chos pa dang myangs pa rnams bde zhing legs par zhu
 bar 'gyur ba dang / ngag gi shas chen rims so rims so zhes bya ba'i grangs su 'gro ba dang zhes bya ba la sogs pa'o// de la nang gi rlung gi khams gang zhe na/ gang lus 'di la rlung dang / rlung gi rnam pa dang / yang ba nyid dang /
 g.yo ba nyid dang / nye bar gyur pa dang / zin pa'o// de yang gang zhen 'di lta ste/ gyen du 'gro ba'i rlung dang / zur du 'gro ba dang / thad kar 'gro ba dang / rgyab tu 'gro ba dang / rgyub na gnas pa dang / lha ni gnas pa dang / rgyud
 par byed pa dang / 'gags par byed pa dang / gzer ba dang / 'drar thu sbrang dang rlung sran dang / dbugs 'byung ba dang / rngub pa dang ldan pa dang / yan lag dang nying lag la gnas pa'i rlung dag la zhes bya ba la sogs
 pa'o// nang gi na mkha' gang zhe no/ gang ci yang rung ste/ lus 'di la nang gi khong na nye bar gyur pa dang / zin pa dang / na mkha' dang / na mkha'i rnam pa nang zhes bya ba'i grangs su 'gro ba'am/ gang pags pa dang sha dang / khrag
 gis dgang bar bya ba ma yin pa'o// de dag gang zhe na/ lus 'di la mig gi nang zhe 'am/ rna ba'am/ sna'i nang zhe 'am/ kha zhe'am kha'i nang zhe 'am/ khwa'i sgo zhe 'am/ mid pa zhe 'am/ gang nas mid pa dang / gang du gnas
 pa dang / gang gis zod pa dang / 'thungs pa dang / 'chos pa dang / myangs pa rnams thur du rgyu bar byed pa dang / gzhan yang lus 'di la nang khong na nye bar gyur pa dang / zin pa'am/ phung por gyur pa 'am/ khams
 su gyur pa'am/ skye mched du gyur pa dag gi nam mkha' dang / na mkha'i rnam pa dang / me gang po dang / pags pa dang / sha dang khrag gi dgang bar bya ba yin pa nang gi grangs su 'gro ba khong stong dang bu ga zhes bya ba dag ste/
 de dag ni rlung gi na mkha' zhes bya'o// rnam par shes pa'i khams gang zhe ni/ myig gi dbang po ni bdag po/ gzugs ni dmigs pa/ gzugs so sor rnam par rig pa ste/ sngon po rnam par rig pa 'am/ ser po dang /
 dmar po dang / khra bo rnam par rig pa'am/ ring po dang / thung dru dang / sbom po dang / phra mo rnam par rig pa ste/ gang ci yang rung / kha dog dang dbyibs rnam pAr rig pa 'di ni mig gI rnam par shes pa'i khams zhes bya
 de bzhin du gang ci yang rung / rna ba'i dbang po ni bdag po nas yid kyi dbang po ni bdag po/ chos ni dmigs pa ste/ sgra rnam par rig pa'am/ dri rnam par rig pa'am/ ro rnam par rig pa 'am/ reg bya rnam par rig
 pa'am/ chos rnam par rig pa 'di ni rna ba'i rnam par shes pa'i khams nas yid kyi rnam par shes pa'i bar gyi khams te/ de ltar dbang po drug ni bdag po/ yul drug ni dmigs pa yin la yul
 rnam par rig pa 'di ni rnam par shes pa'i khams zhes bya'o// zhes gsungs so// de la tshogs ni tshul khrims rnam par dag pa la sogs pa gzhan du blta'o// 'dir bye brag cung zad tsam zhig bsam par bya'o// 'di
 snyam du 'phags pa'i lam gyis gegs su 'gyur ba'i ngo rgyal 'di ma spangs na rtag tu ngan song dang mi khom par skye zhing / brgya la mir skyes na yang rigs dma' ba dang / long ba dang / mdog ngan cing / mthu tshong ba'i 'gro
 bi 'dzin na bla na med pa'i byang chub lta ga la 'thob/ de skad dru/ 'phags pa yul 'khor skyong gi zhus pa'i mdo las/ rmongs nas nga rgyal dbang gi ngan songs// mi khom 'gro ba rnams dang dbul po dang // dmya' ba'i rigs
 skye dang long pa dang // mdog ngan pa dang mthu chung de dag 'dzin// ces gsungs so// de bas na bdag gis ci nas kyang khengs pa 'di dus thams cad du spang bar bya'o// snyam du bsam par bya'o// de la bsgom pa gang zhe
 no/ thog mar bya ba thams cad yongs su rdzogs par byas la/ stan bde ba'i steng du skyil mo krung bcas la lus drang por bsrangs la yud tsam zhig bsdad do// de nas phyi rol gyi khams lnga po dag mtshan ma bzung nas
 nang gi khams ltar rtogs pa la myos par byed do// thos pa dang bsam pa la brten nas rnam par shes pa'i khams la mos par byed do// 'di ltar mig gi khams 'di ni 'byung ba chen po bzhi dang pa ste/ sra ba dang / gsher
 ba dang / tsha ba dang / yang zhing g.yo ba'o zhes shes pa rab tu bsgrims la bzhir ci gsal tu brtag go// de ltar gzugs can gyi dngos po dbang po lnga la so sor phyi zhing brtag go/ khong stong dang / sbubs dang / ma gang ba
 la ni na mkha'i khams su brtag go/ thos pa dang bsam pa la brtan nas rnam par shes pa'i khams la 'di ltar dbang po dang / yul dang yid la byed pa la sogs pa la brten nas rnam par shes pa'i khams drug skye ste/
 rnam pa sna tshogs la dmigs so// snyam du de dag so sor phye ba la dmigs so// de la khams kyi tshad gzung ba gang zhe na/ spyir khams rab 'bring dang tha mu gsum yod kyang dgu sbyar gzhan la rab tu 'jug par snang
 la sgom pa na ha cang mi nus pa yang snang bas khams rab kyis kyang thun thung ngu nas bslab par bya'o// de bas na gsum gas kyang re zhig slob lugs gcig par bya ste/ mtshan mo btang snyoms su bzhag la gnyid ji
 tsam log pa de tsam gyi khams brtas la de tsam log la gdal lo// nyan par zhar la tshong gzung zhing bsgom mo// 'di ltar dang po nyin par snga dro thun gcig gom pa pha mal pas mda' rgyang phyed du phyin pa'i yul tsam
 zhig bsgom mo// phyi dro thun cig la yang de bzhin du brkom mo// de nas nyi ma bcu'i bar du thun re re bsnun zhing bsgom mo// na tsha phran tshegs byung nA zhar la zhi bar bya ste/ spyan bskyed la mi bsgom ma
 de lta bas na khams kyi tshad zhar la shes par 'gyur ro// de la sems kyi skye ba'i rim pa ni bzhi ste/ dang po ni so sor phye ba mi gsal zhing go rims kyang 'khrugs te 'gro ba yin no// gnyis pa ni so sor phye ba'i skabs su
 gsal zhing go rims mi khrugs pa yin no// gsum pa ni so sor phye ba gsal la go rims kyang mi 'khrug ste/ 'on kyang yun thung ngu las mi thub cing lus kyi bde ba dang sems kyi dga' ba med la 'jug snying bag 'dod
 pa tsam du bas so// bzhi pa ni rtsol ba du gzhan gnyis ka la so sor phye ba gsal zhing gang la gtad pa las gzhan du 'phor mi 'dod la/ lus kyi bde ba dang sems kyi dga' ba dang bcas par yun ring du gnas par nus
 pa yin no// de la gnas pa'i tshad ni 'di ltar rnal 'byor pa de khams rab tu dbye ba'i sbyor ba kun tu brten cing goms par byas lan mang du byas pa'i rgyus yang rlung gnas kyang rung khams sna tshogs dang / khams du ma'i
 lus la ril po'am rab tu 'byed pa'i 'du shes ches mong du snang la/ ril po'i 'du shes pa dang / nga rgyal gyi kun nas dkris pa dang mthun pa'i chos la sems mi 'jug pa yin no// de la brtan pa'i thabs ni sems
 gnas par shes nas sngar bsgom pa bas thun gyi grangs nyung bar bya ste/ yun cung zad ring bar bsgom mo// srong dang tho rangs la yang bsgom mo// sngar ji tsam gsal ba de tsam las lhag par rtsol ba mi bya ste/ bag glong/
 la bsgom mo// ji srid du lus ngal ba'am/ sems dub pa'am/ sgom tsam na sdang ba'am/ shugs 'byung ba 'am/ mgo bags kyi lci ba'am/ ya ma yom byed pa'am/ 'dar ba'am/ nub mo gnyid sgrub pa'am/
 zas mi zhim pa'am/ ngag gi 'khrul pa mang du 'byung ba la sogs pa khams mi bde ba'i mtshan ma cung zad byung gi bar du bsgom mo// de nas byung na ngal gso ste/ lus la sku mnye bya/ chos dang mthun pa'i zas skom
 gyis lus kyi nus pa brtas su bzhug go/ khams skor ma chud kyi bar du nyin mtshan gnyis la bsgom snying 'dod pa'i dus su thun chung re re tsamra bsgom ste/ de yang lta ba rtsam ma~M// nus par brtas nas srong dang tho
 rangs thun re nyin par thun gsum tsam bsgom zhing snying rje sngon du 'gro ba dang / smon lamA btab pa la sogs pa yang bya'o// de la lhag mthong bskyed pa gang zhe na/ dmigs pa 'di la brten nas gcig dang du ma dang
 bral ba'i rtags grub shin tu sla bar 'gyur te/ 'di ltar khams gzugs can de dag ni shin tu phra yang ma shas dang bcas par snang ste/ de la btsalo na cha shas med pa ni dmigs par mi 'gyur ro// rnam par shes pa'i
 khams sems las byung ba dang bcas pa yang skad cig ma chu shas med pa na dmigs su med do// nam mkha'i khams kyang cha shas tsam dang 'brel pa yin pa'i phyir gcig pa ga la yod/ de skad du//
 'phags pa yab dang sras 'jal ba las kyang / rgyal po chen po chos thams cad ni re re nas btsal na mi dmigs so// zhes gsungs so// de lta bas na gcig ma grub na du ma mi 'grub ste/ de ni de la bltos pa'i phyir ro/
 de la rab tu gsal na rtags rjes su dpag pa'i sgo nas grub pa yin no// de bas na gcig dang du ma dang bral ba'i phyir don dam par rang bzhin med de/ dper na gzugs brnyan bzhin no zhes gsungs pa'i/ gdams ngag
 gyi rjes su 'brang bar bya'o// las tshul bsam gyis mi khyab kyang // bdag las blo zhan mi srid do// 'on kyang don du mi gnyer bas// mkhas pa'i gdams ngag ma thos la// phan srid bsams nas bris pa legs// rab
 rib can gyi gzugs bltas nas// gzhan la 'di zhes ston 'dra bas// mkhas pa rnams la bzod par gsol// khams rab tu dbye ba'i sgo nas/ sems gnas par bya ba'i thabs cung zad bris pa rdzog so//