བོད་ཡིག

e-texts produced with BDRC’s OCR application

rgya gar skad du/ ma hA rA dza ka ni ka le kha/ bod skad du/ rgyal po chen po ka ni ka la springs pa'i 'phrin yig/ de bzhin gshegs pa thams cad la phyag 'tshal lo// bgrod par bgyi 'os khyod lags na// bkug kyang ma mchis gang lags de// ma gus ma lags brnyas ma lags// rga dang nad kyi bar chad bgyis// bdag ni sems can thams cad dang // 'dra bar khyod la brtse mod kyi// khyod kyi yon tan gyis khyod la// lhag par nye mgon khyad par bgyid// gdams kyi phal cher mchis mod kyi// thams cad gdams par su rngo thogs// khyod kyi yon tan gang lags des// bdag ni spyi brdol skyes bar 'gyur// zlogs pa med pa'i yon tan gyis// phyogs rnams kun tu bsgos pas ni// mi mchog rnams kyang thugs thub par// mdza' bshes bzhin du 'dzem pa med// de ltas snyan gtod nyid kyi ched// bad gi gsol ba 'di gson te/ bsgrub dang btang ba yid gnyis las// gang rigs de ni nyam su bzhes// dga' bar bgyid pa'i yul rnams dang // rgyags par bgyid pa'i lang tsho dang // bdag nyid rang dgar spyod pa dang // kun tu don med bgyid pa'i sgo// phung bar byed pa de gsum spang // mkhas pas dam pa bsten pa dang // dbang po gdul dang shes rab kyi// stobs mthus nyams ni smad nas spyad// khyod kyis nyes pa'i gzhir gyur pa'i// cha ni gsum po de dag rnams// chos lugs dag dang 'dul ba yis// bcos nas yon tan nyid du mdzod// ci ste rgyal po blon po dag/ dkyil tshe snying rje'i bdag nyid ni// rtag tu nyon mongs med pa yi// las kyi rgyal srid bya bar rung // 'jig rten 'di na blo gros kyi// nyam chung gyur dang mgon med pa// bya ba ma yin byed pa la// gdon mi za bar 'jug par 'gyur// de bas ji srid sa de la// myur du ma skal par du ni// blo mthu bskyed phyir mkhas pa dag/ bsdu bar dgyes pa'i nan tan mdzod// chos kyi bstan bcos gdon bgyi zhing // de yi don gyi tshul gson la// gsan pa'i chos rnams rnam dpyad de// dpyad pa la ni mkhas par mdzod// mya ngan gyis ni ma gdungs shing // na gzhon nad med longs pa yi// dngos po da ltar byung ba yis// blo gros la ni mi nus med// 'dir ni skyes bu dam pa las// dus dus su yang nyung zad gson// nyung ngu bsags na'ang nges par ni// ring por mi thogs mang por 'gyur// rtag tu chu thigs re re'i rgyun// bar chad med par 'bab pa yis// gang zhig gang bar mi 'gyur ba'i// snod de ji lta bu zhog mchis// de ltar dpe gsal de lta bu// rgyal po tshad mar mdzad nas ni// dam pa'i chos ni gsan pa la// rtag tu dges pa nyid du mdzod// yon tan nor ni gnyer la gnyen// mkhas shing snying rje'i bdag nyid can// byas gzo bongs chos mi bgyid pa// bzang po khyod kyis slad du zhog/ khyod kyis blun dang 'phongs chos can// brkam zhing byas pa mi gzo dang // kha gsag gtum po mi bzang ba// yul na'ang gnas su ma stsal cig/ rtag tu so so'i skye bo yis// khyad par mkhyen par mdzod cig drang // de yi khyad par mkhyen tsam la// phun sum tshogs pa rag las so// mi gang dka' ba spyod byed dang // dor bar bya dka' dor ba dang // bzod par dka' ba bzod byed dang // bkur dka' nyams su len pa dang // gnas min las ni zlog byed dang // gnas su 'jog par brtson pa dang // de yi bsam pa mthun gus dang // bde bar 'dod cing 'o byams pa// de dag rnams ni mdzub shes te// gnyen 'dun grogs po'ang de dag lags// rang don tsam phyir 'brang ba'i mi// gzhan dag skye bo na phan pa bas// grogs po phan par 'dod pa'i tshig/ mi snyan yang ni phan pa dang // 'dzum dang bde ba lags pa dag/ thugs la bzhag par mdzad du gsol// tshig snyan phan pa ma lags dang // 'jam dbyangs bden pa ma lags pa// dam pa ma yin rnams kyi tshig/ khyod kyi thugs la ma bzung zhig/ phan par smra ba khro yang ni// khyod kyis gnang tshan dag tu mdzod// mi phan smra ba bstod bgyid kyang // dgyes pa dag tu ma mdzod cig/ rab dang mtsho ya ngang pa yi// rgyal po dang ni chus 'jigs bzhin// dam pa rnams kyis bsnyen bla dang // dam pa min pas bsnyen dka' mdzod// khyod kyis mkhas rnams tshim bgyis pas// 'byor pa don du gnyer mi bgyid// yon tan dgyes phyir khyod kyis ni// yon tan rnams kyis mi ngoms mdzod// longs spyod byed dam bde ba dang // sdug bsngal phrad pa'am spyod pa 'am// spyod lam kun tu spyod pa ni// khyod kyis dam pa bsten pa dang // dran pa'i grogs kyis bskor ba na// bag yod par ni gnas 'gyur te// sA la'i shing la 'khri shing bzhin// bzang po dpal gyis 'khyud par 'gyur// khyod kyis bzhom pa bden pa dang // khyad par zhing la sbyin pa dang // dran dang bral bas 'dod pa dbye// chad pas gang du'ang gcad mi bgyi// log pas 'thab btsugs byed pa dang // bkren la dman par lta ba dang // tshul khrims ldan rnams mi dga' dang // dka' thub sdom pa 'khrul byed pa// bzhi po 'di dag 'dod min te// rtsa ba 'joms par bgyid pa lag rang brtson khyod kyi yul na ni// de dag gtan ma mchis par mdzod// stobs dang ldan pa stobs chung ba// gnang chen gyis ni mi gnang dang // mchod 'os rnams kyis mi mchod dang // smos 'dris kyis ni mi shes pa// gang yang rung ba gang gis kyang / brnyas pa med par khyod kyis mdzod// tha snyad rnams ni dag pa yis// kun la 'dri bar gzigasu gsol// kun gyis rang gi chos thob cing // chos kyis thams cad 'tsho bar mdzod// mi sdug kyang ni nyes med na// thams cad bde bar mdzad du gsol// pha yi bu la ji lta bar// khyod kyis 'khor la byams bgyis na// bu yis pha la ji lta bar// khyod la zha 'bring dga' bar bgyi// phal rnams rang bzhin bzang na ni// khyod kyis dgongs pa bzhin du 'gyur// phal rnams rang bzhin ngan na ni// khyod kyis dgongs pa bzhin mi 'gyur// gal te gzhung lugs bzang zhe na// gong nas gong du 'phang bar 'gyur// ci ste ngan pas spyod mdzad na// 'og nas 'og tu ltung bar 'gyur// dam pa'i las la gnas nas ni// khyu mchog/ dang ni khyu lta bu// rjesu 'tsho ba'i skyes ngu'i tshogs// 'di kun rjesu 'byang bar 'gyur// khyod kyi gya gyu la zhugs na// g+hu gyu kho na'i rjes 'brangs pas// skye dgu khyod mdzad rjes 'brang ba'i// skye dgu de ni nyams par 'gyur// de bas bdag gzhan bsrung slad du// thugs kyis rab tu bsgrims nas ni// gna' rgyal drang srong rnams kyi lugs// nyams pa sar par bcos su gsol// gna' yi rgyal po'i spyod pa las// gang dag bzang ba de mdzod la// mi rigs pa ni gang lags de// smad par mdzod la spang du gsol// sngon gyi bka' khrims skyon chags pa// gna' nas mchis kyang rgyun chod la// rgyal po ka ni kasu mtshan pa'i// khrims su bca' ba gsar pa mdzod// lha khyod yon tan don gnyer bas// yon tan lha bzhin kho nar mdzod// lha khyod skyon rnams mkhyen pa yis// lha bzhin nyes med kho nar mdzod// zla ba me ra gyi ngo bzhin du// nyes pa'i tshogs rnams 'grib pa dang // zla ba yar gyi ngo bzhin du// rtag tu yon tan gyis brgyan mdzod// yab sems bzhin du bdag nyid kyis// chos kyis sa stengs bskyang ba dang // yab mes bzhin du lha gang gI/ dus ston 'phel bar mdzad du gsol// khyod kyis mtho ris byad grol gyis// tham skus mi mnyam mnyam pa'i phyir// bsod nams las byung bzo rig tshe// rtag tu lha khang dag tu sogs// rga dang 'chi bas bsnyengs mdzod de// chos bzhin rgyal srid dpal dpyad nas// bgres kar dgon par gshegs su gsol// dam chos ston pa'i 'bras mchis mdzod// rang byung rnams kyi rjesu bsgrub// ku sha'i rigasu 'khrungs khyod kyis// yab mes 'phags rigs nyi ma yi// gdung rgyud chos lugs ma nyams mdzod// skye ba can la nges par ni// rgas dang 'chi dang na mchis nA// ma bgres ma bsnyungs ma grangs zhes// legs smon gsol yang ci la sman// srid pa dag ni gang yang rung // de nyid rgas dang 'chi ba lags// yongasu bsgyur bas rga ba ste// skad cig 'jigs pas 'chi ba yi// ma rgas ma na mi 'chi zhes// smra ba dag ni/ smra ba na// de ltar 'jig rten kun 'bar na// yang srid myed lngas gzhan ci yod// gang na mi mthun yod ma yin// gang du 'du byed 'jig mi 'gyur// gang na gcig tu bde bar gnas// gang du song na 'chi med 'gyur// srid pa kun nas nyon mongs dang // sdug bsngal 'gyur ba cir mi mkho// de slad nges pa srid pa rnams// med par bsgom pa rgyas par mdzod// 'dir ni bgyi ba 'di nyid de// de las gzhan pa'i bgyi mi 'tshal// bgyi ba de ni bgyis pa yis// mi bgyi ba yi tsher phyin to// baglang 'briphreng bzhin du 'khor ba ru// len mang yongs su 'khor ba ni// lan brgya 'am yang na stong dag du// 'jig rten dag tu ci ma bgyis// 'di ma bgyis smas byis pa yis// yang dang yang du bgyi 'tshal bas// thog ma med pa'i dus can 'dis// da dung bar du ma log go// 'chi bdag su dang mi shes bya// glo bur dag tu 'bab 'gyur bas// sang dag bya zhes ma bzhes par// dam pa'i chos la sbyar te mdzod// 'di sangs dang 'di mi bya zhes// bya ba myi la bzang po min// nam zhig khyod ni med 'gyur ba'i// sang de gdon mi za bar 'ong // 'chi bdag brtse ba med pa can// skyes rtsal don med gsod 'gyur ba// gsod pa mngon du 'ongs bzhin du// mkhas pa su zhig bag skyong spyod// de slad dpag tshan bzod med des// mda' ni mi bzad 'tshor med pa// de ni ji srid ma 'phangs pa// de srid rang gi don la 'bod// rnam smin 'byin pa sngon las kyis// khyod ni yongasu btang gyur pa// sar pa'i las dang rjes 'brel cing // 'chi bdag gis ni drangs pa na// dag dang sdig pa ma gtogs par// 'gro ba thams cad phyir log nas// 'ga' yang khyod rjes mi 'brang bar// mkhyen par mdzod la legs par spyod// bdag ni snying rjes zil non cing // yid mi dga' ba'i rlan gyis ni// shin tu brlan pa'i smre sngags 'di// re zhig gsan par mdzad du gsol// 'gro ba sman pa log ltung ba// mgon med nyes med phal checher ni// rtswa dang chu dang 'bros bu ni// phal pas 'tsho ba sgrub bgyis pa// bya dang ri dgas phyugs dag la// rgyal pos gsod dam gsod 'jug pa// cig rigs snam mi rigs pa// bde la gnas pa khyod nyid gsungs// khyod ni chen por mi khro zhing // gnod pa bgyid pa'ang bzod ces gda'// khyod kyi thugs rjes dud 'gro ba// kye ma su zhig dgag par bgyi// gnod pa bgyid la bzod mdzad pa// gnod mi bgyid pa 'gums mdzad pas// khyod la brtse dang mi brtsa bas// rgyu mthun pa ni gnyis ka gda'// sngon chad bgyis pa'i sug las kyis// 'di ltar 'ben du gyur pa la// khyod nyid gnod pa mdzod na go// su la skyabasu 'gro ba gsungs// gzhan gyis gnod pa bgyis na yang ka/ nyid kyis phyag gis bshugs 'tshal na// khyod bzhengs mngon du mnod mdzod na// phyogs kun mun par ma gyur gtam// kun la srog ni phangs pa ste// kun la gson pa sdug pa lags// thams cad 'chi ba'i chos can te// thams cad sdug bsngal rnams kyis gdung // 'di ltar gang zhig mi 'tshal ba// de nyid kyis ni sdug bsngal te// mkhas pa su zhig dga' ba ltar// tshig pa la ni yang sreg bzhin// khyod ni srog gcod mi dgyes shing // srog gcod dgyes las phyir log na// rgyal srid nyams par 'gyur ram ci// lugs 'di ci zhig lags pa gsungs// mtshon cha'i thabs la mkhas khyod kyis// g.yul ngor srol btong mthong lags na// gzhan du khyod la ri dgas la// ci slad gnod pa'i las rnams mdzad// ri dgas gzhon nu'i spyan lam khyod// spyan dang 'dra ba'i ri dgas rnams// rtabs nas rig rig lta ba la// ci yi slad du thugs mi D+h+we// khyod kyi spyan dang mig 'dra'i phyir// khyod la dga' ba gang lags te// ri dgas la yang dga' bgyid na// khyod ni ji ltar dgyes mi mdzad// log par lhung dang spyan 'dra dang // mgon med yul na gnas pa nyid// re re yang ni ri dgas dag/ mi 'gums pa yi rgyur rung ngo // mi rnams la ni mdzad pa bas// sdug bsngal lhag par brtags pa yi// dud 'gro rnams la ches lhag par// khyod kyis thugs rjes mdzad du gsol// khyod nyid srung ba'i don 'di la// bdag gis thal mo sbyar mi 'tshal// rgyud gzhan gsol bas gus bgyis par// legs par thugs tshod mang lags grang // tse nas bzung ste bslab sbyang ba// dam pa rnams kyi lugs su grags// de ltar lags pas rgyal po la// bu sdug bzhin du gsol ba logs// gal te bdag gis mi phan pa// gsol na bdag la chad pas khru ga// ci skye gcig tu phan gsol na// bdag gos bsol ba bzhin du mdzod// gal b+h+ya/ mi dgyes mdzad par ma gyur na// bdag gis yad dang yang du gsol bar 'tshal// ci ste bdag tshig khyad du 'gams mdzad na// bka' mchid 'di ni nges par gtang bar bgyi// dgyes par gyur na slar dgyes mi 'gums te/ mi dgyes gyur na dog sa gzung bar 'tshal// gnod bgyid nyi ma ltar rdo mi thogs pas// sa bdag zla ba zla ba bzhin du mdzod// sa bdag tshar ma'i shing la sbrang rtsi ltar// dgra bo las kyang legs par smras pa gzung // gser gyi ri las dug rgyun ji bzhin du// yid 'ong skye bo'i tshig ngan spang 'tshal lo// mi mchog gal te legs par mdzad pa'i sbyor bas bsgrubs gyur te// pha rol gnod pa sel ba'i dpal 'di yon tan rgyan rnams kyis// phyug par bgyis na legs spyad brgyal chags phyir g.yo ba'i snying // mi brtan pa yang rang dbang med par yun ring khyod la chags// slob dpon mA tri tsi tras rgyal po chen po ka ni ka la springs pa'i 'phrin yig rdzogs so// rgya gar gyi mkhan po bid+yA ka ra pra b+hA dang / zhu chen gyi lo tsA ba ban+de rin chen mchog gis bsgyur/ a tsar+ya dpal rtsegs kyis zhus te gtan la phab pa//