བོད་ཡིག

e-texts produced with BDRC’s OCR application

rgya gar spyad du/ sho ka b+hI no dA na/ bod skad du/ mya ngan bsal ba/ 'phags pa spyan ras gzigs dbang phyug thugs rje chen po dang ldan pa la phyag 'tshal lo// gang zhig dga' bral nyams thag te// tu mya ngan me 'bar ba// bsgrims nas shin tu spro snying zhing // rang gi sems nyid brjod par bya// las kyi lam zhugs thob pa yi// sgron ma med par skya bo yang // nyes pa ma byas song gyur pa// de la ci zhig yongs su gdung // ci ste de nyid 'chi bar 'gyur// gzhan ni su yang min nA go/ 'di ni zur chen non pa zhes// cho de chen po gdab par rigs// 'di ltar thams cad skye ba yi// mdun na gnas pa 'chi ba ste// kun kyang 'pho bar snang ba'i phyir// mya ngan bya bar 'os pa min// mdza' dang 'grogs pa brkam pa yi// skye bo mya ngan gyis gdung ba// rnga rtsing dag la chags pa'i 'bri// rngon pas nags kyi nang du bzhin// gang tshe kun gyis bgrod bya zhing // de dang der ni 'gro ba yi// snga nus dri der song ba la// ci yi phyir na mya ngan byed// mi bzad 'chi ba'i bdag po la// rab tu myos pa'i skye bo 'di// nags na gsod skyed se ng+ge yi// mdun nu ri dgas gnas pa bzhin// 'chi ba bzlog par bya ba yi// gang tshe thabs kun med pas na// sgo bsring ba dag mi bskyed par// mu lA nya bzhin ci zhig 'gye// sa 'am ci ste mtho ris na// skyes nas la la ma shi ba// 'ga' zhig khyod kyi mthong ba 'am// thos sam 'on te the tsom za// khams gsum 'di dag thams cad la// mi rtag ma yis bsreg gyur pa// dgon par me ni 'bar ba yis// dgon pa'i me tr-igra bzhin/ rtag par 'du shes rnam log na// srid rtse las kyang 'gro ba rnams// 'chi ba'i zhags pas grangs gyur pa// zhags pas glang po bzhin du'o// bsam gtan las skyes bde myong ba// tshangs pas tshangs pa'i gnas las kyang // mi rtag phyir ni lhung gyur pa// chu yis klung gis 'grams bzhin// brgya byin dag ni stong rnams kyang // 'khor los sgyur ba brgya dag dang // dus kyis 'chi bar 'gyur ba ni// mar me 'bar la rlung gis bzhin// drang srong chen po lnga mngon shes 'a la rgyang ring 'gro ba yang // gang na spyod yul 'chi med pa// der ni 'gro bar nus pa med// gang du sa rnams bsregs 'gyur te// lhun po'ang thal bar 'jig pa dang // rgya mtsho'i chu yang skams gyur na// lus can de dag lta ci smos// ci ste sangs rgyas rnams kyi sku// mtshan dang dpe byad kyis brgyan pa// rdo rje'i sku yang mi rtag na// chu shing snying po'ang med 'dra ba'i// lus can gzhan rnams smos ci dgos// gnyen gyi phang du blangs pa yi// skye bo rnams kyang 'chi bas phrogs// rgya mtsho'i nang na gnas pa yi// klu lA na mkha' lding gis bzhin// kyi hud mi srog kye gnyen zhes// shin tu sdug bsngal du 'bod pa// ji ltar sbrul gyis sbal pa bzhin// 'gro ba rnams ni 'chi bas ming// rab tu bgrod dka'i don gyi mthar// ma byin par ni 'jig rten 'di// rab tu 'chi ba'i khar bcug pa// chu srin gnas su chu 'bab bzhin// gang dus 'jig rten pha rol tu// 'gro ba'i rjes 'gro 'ga' med na// dgra 'am ci ste mdza' sdug rnams// 'di la bye brag med par 'gyur// skye bo gzhan la byams byed phyir// skye bo rang 'khor 'du shes pa// bsam pa'i 'dam du bying ba ni// glang po 'dam du bying ba bzhin// khyod kyi ji snyed bshes gnyen rnams// 'khor ba'i nang na blangs bor ba// gang+gA'i bye ma rnams la yang // de snyed tsam du yod ma yin// gang nyid khyod kyis rabs bsgrims te// brtse ba'i bu yi 'du shes pa// de nyid tshe rabs gzhan dus na// rdeg par byed cing dgrar 'du shes// rang gis bshes pa'i mu ma yang / khyod kyis 'thungs pa'i srid gzhan no// de yis khrag nyid 'thungs ba dang // rgyab nas sha yang zos pa yin// gang khyod 'di ltar 'khod gyur te// mgo la lan grangs brgyar brjed pa// de nyid bran gyur khyod yin te// rtog pas lan grangs brgyar yang btags// 'gro ba'i rgyu yi dngos po yis// sngon chad gzhan du snang gyur pa// gzhan na yongasu 'gyur ba ste// rmi bdun drang srong bdun tshogs bzhin// ji ltar na mkha'i char thigs ni// tshogs shing rnam par 'jig pa gyur pa// de bzhin 'khor ba'i srog chags kyang // tshogs shing rnam par 'jig par 'gyur// ldan pa dang ni bral ba yi// lus can rnams ni yud tsam ste// 'bab chu dba' klong 'khyil shugs la// shing dag ji ltar btsugs pa bzhin// ngo mtshar che'o ma rig mthu// gang gis 'gro ba rnam rmongs pa'i// bral ba'i sdug bsngal dran nyams shing // ldan pa rnams la sred par bya// gtsang ma'i gnas rnam ma gtogs par// sna tshogs las kyis chas nas su// bros sa gang du'ang mi ltung ba// sems can 'ga' yang yod ma yin// yang dang yang du dmyal ba na/ zangs bzhun bskol ba gang 'thungs pa// rgya mtsho nang gi chu la yang // de yi tshad cim yod ma yin// khyi dang phag tu gyur pa ni// mi gtsang ba ni gang zos pa// ri yi rgyal po lhun po yi// tshad las shin tu lhag par 'gyur// mdza' bshes rab tu bral ba yis// 'khor ba'i gnas su gang ngus pa// mig gi mchi ma'i thigs pa yi// snod du rgya mtsho 'ang rung ma yin// phan tshun dag rtsod pa'i phyir// mgo bo bcad pa gang yin pa// spungs na de ltar mtho ba ni// tshangs pa'i 'jig rten las kyang thal// srin bur gyur cing rab bkres pa// sa lus zos pa gung yin pa// 'o ma'i rgya mtsho che nang du// de yis bkang na shin tu 'gang // yi dgas 'jig rten mi bzad par// bkres skom sdug bsngal gang myong ba// de ni dran phyir rang gi snying // rang gi sha yang 'dod mi 'gyur// mi la dbul ba'i nyes pa yis// tho btsems pa ni gang myong de// brjod pa bdag la mthu med pa// rang gi lce la ngo tsha zhing // ri bo'i ngos la yun rings dus// lha yi bde ba myong gyur pa// lha rdzas yul gyis mi ngoms te// shing skam po la me bzhin no// dge ba'i las rnams yongs zad pas// bde 'gro las kyang shi 'phos te// tshe zad sa la ltung ba ni// bdab chags bya ni mkha' la bzhin// las kyi shugs kyis 'gro ba 'di// gang phyir 'khor lo bzhin du 'khor// bde bas chags pa yongs spangs shing // thar pa la ni blo zhen bya// mya ngan bsal ba zhes bya ba// slob dpon rta dbyangs kyi mdzad pa rdzogs so// rgya gar gyi mkhan po a dzi ta shrI b+ha dra dang / zhu chen gyi lo tsA ba dge slong shAkya 'od kyis bsgyur cing zhus te gtan la phab pa'o// / rgya gar skad du/ da sha ku sha la karma pa thA nir de shA/ bod