| Wylie | e-texts produced with BDRC’s OCR application |
རྒྱ་གར་སྤྱད་དུ། ཤོ་ཀ་བྷཱི་ནོ་དཱ་ན། བོད་སྐད་དུ། མྱ་ངན་བསལ་བ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ།། གང་ཞིག་དགའ་བྲལ་ཉམས་ཐག་ཏེ།། ་ཏུ་མྱ་ངན་མེ་འབར་བ།། བསྒྲིམས་ནས་ཤིན་ཏུ་སྤྲོ་སྙིང་ཞིང་།། རང་གི་སེམས་ཉིད་བརྗོད་པར་བྱ།། ལས་ཀྱི་ལམ་ཞུགས་ཐོབ་པ་ཡི།། སྒྲོན་མ་མེད་པར་སྐྱ་བོ་ཡང་།། ཉེས་པ་མ་བྱས་སོང་གྱུར་པ།། དེ་ལ་ཅི་ཞིག་ཡོངས་སུ་གདུང་།། ཅི་སྟེ་དེ་ཉིད་འཆི་བར ་འགྱུར།། གཞན་ནི་སུ་ཡང་མིན་ནཱ་གོ། འདི་ནི་ཟུར་ཆེན་ནོན་པ་ཞེས།། ཆོ་དེ་ཆེན་པོ་གདབ་པར་རིགས།། འདི་ལྟར་ཐམས་ཅད་སྐྱེ་བ་ཡི།། མདུན་ན་གནས་པ་འཆི་བ་སྟེ།། ཀུན་ཀྱང་འཕོ་བར་སྣང་བའི་ཕྱིར།། མྱ་ངན་བྱ་བར་འོས་པ་མིན།། མཛའ་དང་འགྲོགས ་པ་བརྐམ་པ་ཡི།། སྐྱེ་བོ་མྱ་ངན་གྱིས་གདུང་བ།། རྔ་རྩིང་དག་ལ་ཆགས་པའི་འབྲི།། རྔོན་པས་ནགས་ཀྱི་ནང་དུ་བཞིན།། གང་ཚེ་ཀུན་གྱིས་བགྲོད་བྱ་ཞིང་།། དེ་དང་དེར་ནི་འགྲོ་བ་ཡི།། སྔ་ནུས་དྲི་དེར་སོང་བ་ལ།། ཅི་ཡི་ཕྱིར་ན་མྱ་ངན་བྱེད།། མི་བཟད་འཆི་བའི ་བདག་པོ་ལ།། རབ་ཏུ་མྱོས་པའི་སྐྱེ་བོ་འདི།། ནགས་ན་གསོད་སྐྱེད་སེ་ངྒེ་ཡི།། མདུན་ནུ་རི་དགས་གནས་པ་བཞིན།། འཆི་བ་བཟློག་པར་བྱ་བ་ཡི།། གང་ཚེ་ཐབས་ཀུན་མེད་པས་ན།། སྒོ་བསྲིང་བ་དག་མི་བསྐྱེད་པར།། མུ་ལཱ་ཉ་བཞིན་ཅི་ཞིག་འགྱེ།། ས་འམ ་ཅི་སྟེ་མཐོ་རིས་ན།། སྐྱེས་ནས་ལ་ལ་མ་ཤི་བ།། འགའ་ཞིག་ཁྱོད་ཀྱི་མཐོང་བ་འམ།། ཐོས་སམ་འོན་ཏེ་ཐེ་ཙོམ་ཟ།། ཁམས་གསུམ་འདི་དག་ཐམས་ཅད་ལ།། མི་རྟག་མ་ཡིས་བསྲེག་གྱུར་པ།། དགོན་པར་མེ་ནི་འབར་བ་ཡིས།། དགོན་པའི་མེ་ཏྲྀགྲ ་བཞིན། རྟག་པར་འདུ་ཤེས་རྣམ་ལོག་ན།། སྲིད་རྩེ་ལས་ཀྱང་འགྲོ་བ་རྣམས།། འཆི་བའི་ཞགས་པས་གྲངས་གྱུར་པ།། ཞགས་པས་གླང་པོ་བཞིན་དུའོ།། བསམ་གཏན་ལས་སྐྱེས་བདེ་མྱོང་བ།། ཚངས་པས་ཚངས་པའི་གནས ་ལས་ཀྱང་།། མི་རྟག་ཕྱིར་ནི་ལྷུང་གྱུར་པ།། ཆུ་ཡིས་ཀླུང་གིས་འགྲམས་བཞིན།། བརྒྱ་བྱིན་དག་ནི་སྟོང་རྣམས་ཀྱང་།། འཁོར་ལོས་སྒྱུར་བ་བརྒྱ་དག་དང་།། དུས་ཀྱིས་འཆི་བར་འགྱུར་བ་ནི།། མར་མེ་འབར་ལ་རླུང་གིས་བཞིན།། དྲང་སྲོང་ཆེན་པོ་ལྔ་མངོན་ཤེས ་འ་ལ་རྒྱང་རིང་འགྲོ་བ་ཡང་།། གང་ན་སྤྱོད་ཡུལ་འཆི་མེད་པ།། དེར་ནི་འགྲོ་བར་ནུས་པ་མེད།། གང་དུ་ས་རྣམས་བསྲེགས་འགྱུར་ཏེ།། ལྷུན་པོའང་ཐལ་བར་འཇིག་པ་དང་།། རྒྱ་མཚོའི་ཆུ་ཡང་སྐམས་གྱུར་ན།། ལུས་ཅན་དེ་དག་ལྟ་ཅི་སྨོས།། ཅི་སྟེ་སངས ་རྒྱས་རྣམས་ཀྱི་སྐུ།། མཚན་དང་དཔེ་བྱད་ཀྱིས་བརྒྱན་པ།། རྡོ་རྗེའི་སྐུ་ཡང་མི་རྟག་ན།། ཆུ་ཤིང་སྙིང་པོའང་མེད་འདྲ་བའི།། ལུས་ཅན་གཞན་རྣམས་སྨོས་ཅི་དགོས།། གཉེན་གྱི་ཕང་དུ་བླངས་པ་ཡི།། སྐྱེ་བོ་རྣམས་ཀྱང་འཆི་བས་ཕྲོགས།། རྒྱ་མཚོའི་ནང ་ན་གནས་པ་ཡི།། ཀླུ་ལཱ་ན་མཁའ་ལྡིང་གིས་བཞིན།། ཀྱི་ཧུད་མི་སྲོག་ཀྱེ་གཉེན་ཞེས།། ཤིན་ཏུ་སྡུག་བསྔལ་དུ་འབོད་པ།། ཇི་ལྟར་སྦྲུལ་གྱིས་སྦལ་པ་བཞིན།། འགྲོ་བ་རྣམས་ནི་འཆི་བས་མིང།། རབ་ཏུ་བགྲོད་དཀའི་དོན་གྱི་མཐར།། མ་བྱིན་པར་ནི ་འཇིག་རྟེན་འདི།། རབ་ཏུ་འཆི་བའི་ཁར་བཅུག་པ།། ཆུ་སྲིན་གནས་སུ་ཆུ་འབབ་བཞིན།། གང་དུས་འཇིག་རྟེན་ཕ་རོལ་ཏུ།། འགྲོ་བའི་རྗེས་འགྲོ་འགའ་མེད་ན།། དགྲ་འམ་ཅི་སྟེ་མཛའ་སྡུག་རྣམས།། འདི་ལ་བྱེ་བྲག་མེད་པར་འགྱུར།། སྐྱེ་བོ་གཞན་ལ ་བྱམས་བྱེད་ཕྱིར།། སྐྱེ་བོ་རང་འཁོར་འདུ་ཤེས་པ།། བསམ་པའི་འདམ་དུ་བྱིང་བ་ནི།། གླང་པོ་འདམ་དུ་བྱིང་བ་བཞིན།། ཁྱོད་ཀྱི་ཇི་སྙེད་བཤེས་གཉེན་རྣམས།། འཁོར་བའི་ནང་ན་བླངས་བོར་བ།། གངྒཱའི་བྱེ་མ་རྣམས་ལ་ཡང་།། དེ་སྙེད་ཙམ་དུ ་ཡོད་མ་ཡིན།། གང་ཉིད་ཁྱོད་ཀྱིས་རབས་བསྒྲིམས་ཏེ།། བརྩེ་བའི་བུ་ཡི་འདུ་ཤེས་པ།། དེ་ཉིད་ཚེ་རབས་གཞན་དུས་ན།། རྡེག་པར་བྱེད་ཅིང་དགྲར་འདུ་ཤེས།། རང་གིས་བཤེས་པའི་མུ་མ་ཡང་། ཁྱོད་ཀྱིས་འཐུངས་པའི་སྲིད་གཞན་ནོ།། དེ་ཡིས ་ཁྲག་ཉིད་འཐུངས་བ་དང་།། རྒྱབ་ནས་ཤ་ཡང་ཟོས་པ་ཡིན།། གང་ཁྱོད་འདི་ལྟར་འཁོད་གྱུར་ཏེ།། མགོ་ལ་ལན་གྲངས་བརྒྱར་བརྗེད་པ།། དེ་ཉིད་བྲན་གྱུར་ཁྱོད་ཡིན་ཏེ།། རྟོག་པས་ལན་གྲངས་བརྒྱར་ཡང་བཏགས།། འགྲོ་བའི་རྒྱུ་ཡི་དངོས་པོ ་ཡིས།། སྔོན་ཆད་གཞན་དུ་སྣང་གྱུར་པ།། གཞན་ན་ཡོངསུ་འགྱུར་བ་སྟེ།། རྨི་བདུན་དྲང་སྲོང་བདུན་ཚོགས་བཞིན།། ཇི་ལྟར་ན་མཁའི་ཆར་ཐིགས་ནི།། ཚོགས་ཤིང་རྣམ་པར་འཇིག་པ་གྱུར་པ།། དེ་བཞིན་འཁོར་བའི་སྲོག་ཆགས་ཀྱང་།། ཚོགས་ཤིང ་རྣམ་པར་འཇིག་པར་འགྱུར།། ལྡན་པ་དང་ནི་བྲལ་བ་ཡི།། ལུས་ཅན་རྣམས་ནི་ཡུད་ཙམ་སྟེ།། འབབ་ཆུ་དབའ་ཀློང་འཁྱིལ་ཤུགས་ལ།། ཤིང་དག་ཇི་ལྟར་བཙུགས་པ་བཞིན།། ངོ་མཚར་ཆེའོ་མ་རིག་མཐུ།། གང་གིས་འགྲོ་བ་རྣམ་རྨོངས་པའི།། བྲལ ་བའི་སྡུག་བསྔལ་དྲན་ཉམས་ཤིང་།། ལྡན་པ་རྣམས་ལ་སྲེད་པར་བྱ།། གཙང་མའི་གནས་རྣམ་མ་གཏོགས་པར།། སྣ་ཚོགས་ལས་ཀྱིས་ཆས་ནས་སུ།། བྲོས་ས་གང་དུའང་མི་ལྟུང་བ།། སེམས་ཅན་འགའ་ཡང་ཡོད་མ་ཡིན།། ཡང་དང་ཡང་དུ་དམྱལ ་བ་ན། ཟངས་བཞུན་བསྐོལ་བ་གང་འཐུངས་པ།། རྒྱ་མཚོ་ནང་གི་ཆུ་ལ་ཡང་།། དེ་ཡི་ཚད་ཅིམ་ཡོད་མ་ཡིན།། ཁྱི་དང་ཕག་ཏུ་གྱུར་པ་ནི།། མི་གཙང་བ་ནི་གང་ཟོས་པ།། རི་ཡི་རྒྱལ་པོ་ལྷུན་པོ་ཡི།། ཚད་ལས་ཤིན་ཏུ ་ལྷག་པར་འགྱུར།། མཛའ་བཤེས་རབ་ཏུ་བྲལ་བ་ཡིས།། འཁོར་བའི་གནས་སུ་གང་ངུས་པ།། མིག་གི་མཆི་མའི་ཐིགས་པ་ཡི།། སྣོད་དུ་རྒྱ་མཚོ་འང་རུང་མ་ཡིན།། ཕན་ཚུན་དག་རྩོད་པའི་ཕྱིར།། མགོ་བོ་བཅད་པ་གང་ཡིན་པ།། སྤུངས་ན་དེ་ལྟར་མཐོ ་བ་ནི།། ཚངས་པའི་འཇིག་རྟེན་ལས་ཀྱང་ཐལ།། སྲིན་བུར་གྱུར་ཅིང་རབ་བཀྲེས་པ།། ས་ལུས་ཟོས་པ་གུང་ཡིན་པ།། འོ་མའི་རྒྱ་མཚོ་ཆེ་ནང་དུ།། དེ་ཡིས་བཀང་ན་ཤིན་ཏུ་འགང་།། ཡི་དགས་འཇིག་རྟེན་མི་བཟད་པར།། བཀྲེས་སྐོམ་སྡུག་བསྔལ་གང་མྱོང་བ།། ་དེ་ནི་དྲན་ཕྱིར་རང་གི་སྙིང་།། རང་གི་ཤ་ཡང་འདོད་མི་འགྱུར།། མི་ལ་དབུལ་བའི་ཉེས་པ་ཡིས།། ཐོ་བཙེམས་པ་ནི་གང་མྱོང་དེ།། བརྗོད་པ་བདག་ལ་མཐུ་མེད་པ།། རང་གི་ལྕེ་ལ་ངོ་ཚ་ཞིང་།། རི་བོའི་ངོས་ལ་ཡུན་རིངས་དུས།། ལྷ་ཡི་བདེ་བ་མྱོང ་གྱུར་པ།། ལྷ་རྫས་ཡུལ་གྱིས་མི་ངོམས་ཏེ།། ཤིང་སྐམ་པོ་ལ་མེ་བཞིན་ནོ།། དགེ་བའི་ལས་རྣམས་ཡོངས་ཟད་པས།། བདེ་འགྲོ་ལས་ཀྱང་ཤི་འཕོས་ཏེ།། ཚེ་ཟད་ས་ལ་ལྟུང་བ་ནི།། བདབ་ཆགས་བྱ་ནི་མཁའ་ལ་བཞིན།། ལས་ཀྱི་ཤུགས་ཀྱིས་འགྲོ ་བ་འདི།། གང་ཕྱིར་འཁོར་ལོ་བཞིན་དུ་འཁོར།། བདེ་བས་ཆགས་པ་ཡོངས་སྤངས་ཤིང་།། ཐར་པ་ལ་ནི་བློ་ཞེན་བྱ།། མྱ་ངན་བསལ་བ་ཞེས་བྱ་བ།། སློབ་དཔོན་རྟ་དབྱངས་ཀྱི་མཛད་པ་རྫོགས་སོ།། ་རྒྱ་གར་གྱི་མཁན་པོ་ཨ་ཛི་ཏ་ཤྲཱི་བྷ་དྲ་དང་། ཞུ་ཆེན་གྱི་ལོ་ཙཱ་བ་དགེ་སློང་ཤཱཀྱ་འོད་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ། རྒྱ་གར་སྐད་དུ། ད་ཤ་ཀུ་ཤ་ལ་ཀརྨ་པ་ཐཱ་ནིར་དེ་ཤཱ། བོད ་