བོད་ཡིག

e-texts produced with BDRC’s OCR application

rgya gar skad du/ shrI e ka b+hI ra sa d+ha naM na ma/ bod skad du/ dpal dpa' bo gcig pa zhes bya ba'i sgrub pa'i thabs// kye rdo rje la phyag 'tshalo// snying rje shes rab gnyis med bdag/ he ru ka dang bdag med dang // rdo rje slob dpon zhabs pad+ma// phyag 'tshal dpa' bo gcig par bri// bya mang rgan po blo dman pas// dngos grub thob phyir rab tu bsdus// dang po kho nar rnal 'byor pas// rdo rje slob dpon yang dag pa la kye rdo rje las gsungs pa'i rim pas sems legs par sbyangs pas ji skad gsungs pa'i gsungs nyams dga' bar legs par sbyangs pa'i shes rab dang / 'dod pa'i longs spyod kyis bde bar gnas par bya'o// de nas phyi nang gi khrus dang mchod pa dang gtor ma tshogs pa dang / rang gi snying gar nyi ma la hUM dkor po 'od zer lnga dang ldan pa'i 'od kyi snang bas na mkha' la bla ma dang sangs rgyas yang dag par gsal ba la/ lha mo brgyad kyi phyag na bdud rtsi lnga dang / ro'i bcud dang / cang te'u dang / 'khyud pas mchod pa dang / de'i mdun na sdig pa bshags pa dang / byed pa sdom pa dang / rje su yi rang ba dang / bsngo ba dang / dkon mchog gsum la skyabasu 'gro ba dang / sems bskyed pa dang / tshangs pa'i gnas bzhi bsgom par bya'o// de nas snod bcud thams cad snying ga'i 'od zer gyis bsregs la/ oM shrI n+ya tA dz+nyA na badz+ra swa b+hA ba At+ma ko haM/ zhes brjod pas mi dmigs par bsgom// de nos sngon gyi smon lam gyi stobs kyis na mkha' pad+ma dang nyi ma'i dkyil 'khor gyi dbus su hUM yongasu gyur pa las sna tshogs rdo rjer gyur/ de nas 'od 'phros 'dus pa las rdo rje ra ba dang / gur dang / sa gzhi la sogs pa rgyas par bsgom/ de'i dbus su shes rab e'i dbyibs 'dra ba bsgomo// der yaM/ raM/ baMgaM laM/ rnams las/ rlung dang / me dang / chu dang / sa'i dkyil 'khor zla kham dang / gru gsum dang / zlum po dang / gru bzhi rnams dang / bdag nyid gcig tu gyur pa las/ gzhal yas khang gru bzhi rta babs bzhi pa/ ka ba brgyud pa/ dra ba dra phyed dang / nyi zla dang sna tshogs pa'i ngar dang / me tog la sogs pa 'dod pa'i yon tan lngas brgyan pa ngur khrod brgyad kyi dbus su bsgom mo// de'i dbus su pad+ma dmar po dang / nyi ma'i dbusu tshangs pa dang dbang po khyab 'jug dang / drag po'i snying gar dbyangs dang / gsal byed gnyis yongasu gyur pa las/ zla ba dang nyi ma/ de'i dbus su aM dang hUM las gri gug dang thong pa/ aM hUM gis mtshan pa spro ba dang / bsdu ba'i mtshan nyid can pas mo// thams cad cig tu gyur pa las/ bdag nyid dpal kye rdo rje bdag med ma dang bde ba sdom pa/ zhal brgyad pa/ phyag bcu drug pa zhabs bzhi pa/ sku mdog zla ba dang shel lta bu dang / rtsa ba'i zhal sku lta bu/ g.yas ston po g.yon dmar po gzhan bung ba lta bu gtsigs pa/ phyag g.yas pa'i thod pa brgyad na/ rim par glang po dang / rta dang / bung bu dang / glang dang / rnga mo dang / mi dang / seng ge dang / byi la bsnams pa/ de bzhin du/ g.yon pa brgyad na/ sa dang / chu dang / rlung dang me dang / zla ba dang / nyi ma dang / gshin rje dang / gnod sbyin bsnams pa/ thod pa'i dbu rgyan dang / do shal dang / phyag rgya lnga dang / stag lpags kyi sham thabs dang / thal ba dang / tshangs sku dang ldan pa/ sgra ser gyen du 'bar ba la/ sna tshogs rdo rjes mtshan pa/ spyan nyi shu rtsa bzhis phyug pa/ phyed krung bcas pas bdud kyi steng na rol pa/ bdag med ma nag mo zhal cig phyag gnyis ma/ skra ser po gyen du 'bar ba/ 'khor lo dang / rna cha dang / mgul rgyan dang / lag gdub dang / ska rags kyis brgyan pa/ stag lpags kyi sham thabs can/ gri gug dang thod pa 'dzin pa'i phyag gis gtso bo'i mgul nas 'khyud pa/ gnyisu med pa'i man ngag gis gnas par bya'o// de nas snying ga'i sa bon las/ 'od zer lcags kyu gzugs kyi ye shes sems dpa' spyan drangs la/ mchod pa dang / bstod pa byas la/ gnyisu med par bstim par bya'o// oM hUM trAM hri khaM hU~M/ mig dang rna ba dang / sna dang / lce dang / lus dang / yid dang / gti mug rdo rje la sogs pa/ dkar po/ sngon po/ ser po/ dmar po/ ljang gu nag po dang / gri gug dang / thod pa dang / kha T+wAM ga bsnams par bsgom par bya'o// de nas thugs ka'i 'od zer gyi lcags kyus de bzhin gshegs pa spyan drangs la mchod pa bya ste/ a b+hi Shiny+tsa tu maM sarba ta thA ga ta zhes gsol ba btab pas/ de dag he ru ka'i gzugasu gyur pas/ bdud rtsi'i bum pas dbang bskur bas/ rigs kyi ba dag pos spyi bor gnas par bsam mo// de nas gtum mo'i rnal 'byor bla ma'i man ngag gis bsgoms pas/ brtags pa'i mtshan ma la sogs pa'i rim pas dngos grub thob bo// bskyed pa'i rim la dga' ba yis// rtsa sogs gsang sngags btu bzlas nas// 'byung po che la gtor ma byin// dkyil 'khor la sogs las rnams bya// ko la ri glu blang 'dod longs spyod // dka' thub mi spyad bde bas bsgrub// bdud rtsi lnga po rtag tu bza'// zhal brgyad rnam par thar pa brgyad// bcu drug phyag ni stong pa ste// zhabs bzhi bsdu ba'i dngos po bzhi// spyan gsum po ni sku gsum yin// snying rje can ni dmar po ste// yan lag nag po byams pa'i sems// gug kyed rnam dag sangs rgyas lnga// khro bo gdug pa 'dul ba po// phung po lnga ni mdor bsdus na// rdo rje ma sogs lha mo lnga// khams bzhi dag pas lha mo bzhi// mig sogs gti mug rdo rje sogs// yul sogs dag pa lha mo drug/ yang dag par ni rang bzhin med// dag pas dug med byas nas ni// bsten bya 'di dag bsten par bya// skyed lam bdag ni ci spyang dang // rtag tu de nyid dran byas na// 'grub 'gyur 'di la the tshom med// shes rab rgyud kyi snying po kye rdo rje rgya mtsho las// de nyid bsdus pa dpa' bo gcig pa'i sgrub thabs// gsal bar byas pa'i dge ba gang yin des// 'gro ba ma lus dngos grub thob par shog/ dpal dpa' bo gcig pa zhes bya ba'i sgrub pa'i thabs/ slob dpon rdo rje dril bus mdzad pa rdzogs so// / rgya gar gyi mkhan po ga ya d+hA ra dang / dge slong shAkya ye shes kyis bsgyur cing gtan la phab pa'o// rgya gar skad du/ shrI he badz+ra nA ma sA d+ha nAM/